####################################################
MUKTABODHA INDOLOGICAL RESEARCH INSTITUTE
Use of this material (e-texts) is covered by Creative Commons license BY-NC 4.0
Catalog number: M00513
Uniform title: kulānanda
Main title: kulānandatantra
Author : matyendranātha
Editor : P. C. Bagchi

Description: 
Taken from     kaulajñānanirṇaya and some minor texts of the school of Matsyendranatha pages 107-113.


Notes: 
Data-entered by the staff of Muktabodha under the supervision of Mark S. G. Dyczkowski.

Revision 0: August 14 2021.

Publisher : 
Publication year : 1934
Publication city : Calcutta
Publication country : India
####################################################




कुलानन्द(तन्त्रम्)

ओं नमो भैरवाय

	कैलासशिखरासीनं देवदेवं जगदगुरुम् |
	परिपृच्छत्युमादेवी एकान्ते ज्ञानमुत्तमम् || १ ||
	भेदनीमुत्तमभेदं यथा देहव्यवस्थितम् |
	कथयस्व पुराभेदं कुलानन्देषु चोत्तमम् || २ ||
	स्थानान्तरविशेषेण विज्ञानं कथयस्व मे |
	सद्यः प्रत्ययकारकं यथा देहे व्यवस्थितम् || ३ ||
	पाशस्तोभञ्च वेध(न)ञ्च धूननं कम्पनं 
तथा |
	खेचरं समरसञ्चैव बलीपलितनाशनम् ||
	सर्वं तत्तु सुरेश्वर कथयस्व मम प्रभो || ४ ||


भैरव उवाच 


	शृणु देवि प्रवक्ष्यामि पुरभेदं समुत्तमम् |
	एतत् कौलिकं ज्ञानं कुलानन्दे चाष्टोत्तमः || ५ ||
	ब्रह्मस्थाने यत् कमलं चतुःषष्टिदलान्वितम् |
	तत्रैव मनसा रोध्य लक्षयेद्दीपशिखान् व्रती || ६ ||
	पश्यति सर्वदेहे तु दिव्यदृष्टिर्वरानने |
	तेन लक्षितमात्रेण जायते सिद्धिरुत्तमा || ७ ||
	तस्योपरि नाभिम्नदवदा (?) विचक्षणे |
	तथा चोपरितिष्ठति देवो भैरवो जगत्प्रभुः || ८ ||

(प्. १०८)

	तस्याग्रे मनसारोप्य दृढभूतविचक्षणाः |
	जायते ध्वनिभिर्जातिं तत्र मरुद्विशेषतः || ९ ||
	एतद् विज्ञानमात्रेण आवेशं कुरुते ध्रुवम् |
	जायते परमं स्थानं नात्र कार्यविचारणात् || १० ||
	अथान्यं परमं देवि सद्यः प्रत्ययकारकम् |
	तं प्रवक्ष्यामि हे देवि शृणुष्वायतलोचने || ११ ||
	अङ्गुल्यद्वितीयं देवि यत् पूर्वं कथितं मया |
	तत्रैव स्थापयेद्वित्तं कथितं जायते ध्रुवम् || १२ ||
	अतीतानागतञ्चैव वर्तमानं तथैव च |
	तत्रैवोत्पादयेत् सृष्टिं तीव्रज्योतिःसमाकृतिः || १३ ||
	हृदिसंस्थकमलं हित्वा मूर्ध्नि यान् प्रपूरयेत् |
	पाशस्तोभं करोत्येवं यदि विश्रमते मनः || १४ ||
	अथान्यं परमं देवि दिव्यदृष्टि प्रवर्तते |
	ज्वलज्वालनमध्यस्थं द्विजग्रन्थि निरीक्षयेत् || १५ ||
	तत्रैव मनसा रोध्य चूलिकाग्रन्तु मानयेत् पुनः |
	सृष्टिं प्रवर्तन्ते देवि नात्र कार्यविचारणात् || १६ ||

देव्युवाच

	तद्वेधञ्च शुद्धसारञ्च हितं मया न प्रकाशितम् 
|
	कथयस्व विशेषेण यथा जानामि तत्क्षणात् || १७ ||


भैरव उवाच 


	शृणु देवि प्रवक्ष्यामि वेधसारं यथाक्रमम् |
	ब्रह्मस्थाने.....पद्मं चतुःषष्टिदलान्वितम् || १८ ||

(प्. १०९)

	तत्रैवोत्पादयेत् सृष्टिः दण्डाकाराग्नितेजसा |
	भेदयित्वा महाग्रन्थिं द्विचक्रञ्च तथैव च || १९ ||
	मूर्ध्नि कमलसंस्थानं ज्वलनाकारं विचिन्तयेत् |
	चलन्तं भ्रामयेत्तेन नियतं तु महीतले || २० ||
	बेधये गिरिवृक्षाणि किं पुनः क्षुद्रजन्तवः |
	अथान्यं परमं देवि विज्ञानं भद्रकं शृणु || 
२१ ||
	भ्रुवोश्चक्षुर्मध्यस्थं च कालावुना (?) ....विचिन्तयेत् 
|
	यावद्विश्रमते नित्यं भ्रमते चक्रवत् शिरः || २२ ||
	दुराश्रवणविज्ञानं भूतदेतस्य (?) चिन्तयेत् |
	वामस्रोतं तु यावत् तीव्रतेजसमप्रभम् || २३ ||

देव्युवाच 

	बलीपलितक्षयं देव त्वया ख्यातं ममाग्रतः |
	एतन्मे संशयो देव कथयस्व मम प्रभो || २४ ||


भैरव उवाच

	शृणु देवि प्रवक्ष्यामि यत् सुराणामपि दुर्लभम् |
	द्वात्रिंशतिदलं पद्मं तिष्ठति तन्मूर्ध्नि 
मध्यतः || २५ ||
	तत्रैव भावयेदमृतं कलाषोडशसमन्वितम् |
	हृच्चक्रं पातयेद्द्वारं (?) यावदानाभिमण्डलम् 
|| २६ ||
	चिन्तयेत् कृष्णवर्णञ्च भेदं तु सकलं पुरः |
	पलितास्तम्भयेद्देवि मासमेकेन सुव्रते || २७ ||
	अथान्यं परमं देवि गुह्यसंशयस्थितिकारकम् |
	यत्र चतुष्पथस्थानं तत्र सर्वासुरालयम् || २८ ||

(प्. ११०)

	तत्रैव स्थापयेच्चित्तं दिव्यबालप्रवर्तत(?) |
	अश्रुतां वदते बालां...........डिव्य वरानने || २९ ||
	विषप्रहारं कुरुते ज्वरव्याधिं विनाशयेत् |
	ततः परतरं स्थानं तत्र सर्वे प्रवर्तते || ३० ||
	अथान्यं परमं देवि दुरावेधं वदाम्यहम् |
	ज्वलज्ज्वलनसंध्यस्थं तत्रैव लक्षयेद्देवि || ३१ ||
	तं त्रितकोटिसमप्रभा ऊर्द्ध्वं शक्ति निपातान्यतः 
(?) |
	वेधयेद्विचक्षणः वेधयित्वा तु तं लक्षयेत् || ३२ ||
	ज्वलनाकाष्ठप्रभां ऊर्द्ध्वशक्तिं चक्रयित्वा 
अचलं भ्रामयेत् पुनः (?) |
	वेधयेत् सा मनःसहस्राणि समकानि तु का कथा || ३३ 
||
	एवं ज्ञात्वा वीरारोहे विचरेत् यथासुखम् ||
	देवासुरमनुजानां दुर्लभो भवति साधकः || ३४ ||

देव्युवाच

	धूननं कम्पनं देव यथाख्यातं ममाग्रतः 
|
	ततश्चापि संशयो देव कथयस्व मम प्रभो || ३५ ||

भैरव उवाच 

	शृणु देवि प्रवक्ष्यामि धूननं कम्पनं स्थितम् |
	या सा महावहा नाडी कुचेल्याकारसंस्थिता || ३६ ||
	तत्रैवोत्पादयेत् दृष्टिर्दण्डाकारसुतेजसा |
	हृच्चक्र............... तीव्रशक्ति सुविग्रहा || ३७ ||
	धूननं कम्पनं चैव नात्र कार्यविचारणात् |
	अथान्यं परमं देवि खेचरत्वं शृणु प्रिये || ३८ ||

(प्. १११)

	या सा महावहा ना(डी) कुण्डल्याकारसंस्थिता |
	पदद्वन्द्वगता सा तु मूर्ध्निस्थं कमलं पुनः || 
३९ ||
	या वीरतये तज्ज्वलनाकारं सुभावयेद्बुधः |
	सर्वशक्तितो मध्यत खेचरत्व भवेद्वेः 
नवाहमभृतं ददैतः (?) || ४० ||
	अथान्यं सम्प्रवक्ष्यामि महाव्याप्तिं वरानने |
	यावद्......ष्थानेषु ख्याता तस्य मयाग्रतः || ४१ ||
	तथैव मनसारोप्यं नासाग्रे पवनमानेन |
	मनसं तत्त्व वेधयित्वा निष्कलं योजयेद्बुधः || ४२ 
||
	महाव्याप्तिर्भवेद्देवि तवाहमनृतं वदेत् |
	अथान्यं सम्प्रवक्ष्यामि येन सिद्धिर्भवेत् ध्रुवम् || 
४३ ||
	वर्गातीतस्य द्वितीयमनुलोम न सुव्रते |
	ज्वलनारूढं कृत्वा चतुर्थं स्वरसंयुतः || ४४ ||
	बिन्दुमस्तकसम्भिन्नमादौ योजयेद्बुधः |
	वर्गातीतं पुनर्देवि षष्ठस्वरविभूषितः || ४५ ||
	स शिखे खरबिन्दुसंयुक्तं योजयेद्देवि तत् पुनः |
	यकारस्य पञ्चमं गृह्य तं तृतीयस्वरसमन्वितम् || 
४६ ||
	स्वरं द्वितीयसंयुक्तं कारयेत् पुनः प्रियः |
	वर्गस्य प्रथमं बीजं सृष्टेराद्यतो योजयेत् || ४७ ||
	एतद्देवि समाख्यातं कुलविद्यासमन्वितम् |
	नित्यं तु योजयेद्देवि एकचित्तस्तु पण्डितः || ४८ ||

(प्. ११२)

	तस्य सर्वा भवेत् सिद्धिः सर्वज्ञानेषु सुन्दरि |
	न खेदयामि कस्य चित्तं शिष्येऽप्युक्त्वा वरानने || ४९ 
||
	अथान्यं परमं देवि कामेन विह्वलकारकम् |
	भगस्य मध्यस्थ भगमधो हुताशनम् || ५० ||
	प्रेरितः पवनः शक्त्या ज्वलनाकारतेजसा |
	विसन्तु चिन्तयेद्देवि सृष्टिकमलन्तु यावत् || ५१ ||
	श्रवणं चिन्तयेदमृतं तेजोमार्गेण योगिनि |
	भवन्ति विह्वला नार्यः क्षणमेकेन सुव्रते || ५२ ||
	अथान्यं परमं देवि फलपुष्पाकथनं च |
	शृणुयात् परमादेवि अघोरविक्रमा || ५३ ||
	आकर्षयेद्बुधो वायुं पिण्डस्थं रूपणमुच्यते |
	चक्षुषा योजयेद्देवि फलपुष्पन्तु चिन्तयेत् ||
	तेजसाकर्षयेत् तु.....चित्तं सुसर्यतः || ५४ ||

देव्युवाच

	सर्वत्र तु मया ज्ञानं भाषितं देव तत् पुरा |
	अद्यापि संशयो देवि कथयस्व मम प्रभो |
	संगमान्मोक्षहेतुकं ................................. || ५५ ||

भैरव उवाच

	शृणु देवि प्रवक्ष्यामि यत् सुरैरपि दुर्लभम् |
	आसनं तु स्थितं कृत्वा........विश्व अनिवृत्तः || ५६ ||
	अभावं भावयेद्देवि सर्वभावविवर्जितम् |
	चित्तं तत्र स्थितं कृत्वा खमध्ये विनियोजयेत् || ५७ ||

(प्. ११३)

	भावयेत् समरसं देवि प्रभुभृत्यं विचक्षणः |
	एतद्विज्ञानमात्रेण गीयते तत्र मध्यतः || ५८ ||
	दूराश्रवणविज्ञानं वेधस्तोभं मध्यतः |
	आवेशं दर्शनं दूरात् कम्पस्तोभं तथैव च || 
५९ ||
	परकायप्रवेशेन सम्प्रवर्तेत योगिनः |
	...   ...   ..टदभ्यासेन सुव्रते || ६० ||


इति मत्स्येन्द्रपादावतारितं कुलानन्दं समाप्तमिति ||

शुभमस्तु सर्वजगताम |




###########   END OF FILE  #######