####################################################
MUKTABODHA INDOLOGICAL RESEARCH INSTITUTE
Use of this material (e-texts) is covered by Creative Commons license BY-NC 4.0
Catalog number: M00252
Uniform title: lalitāgama
Main title: lalitāgamaḥ saṃprokṣaṇavidhimātram
Manuscript : IFP/EFEO transcript T0202

Description: 
Transcribed from IFP transcript T0202 which is copied from a manuscript of Swaminatha Gurukkal Tiruvanadudurai
See Muktabodha IFP/EFEO on-line catalog for bibliographic details at www.muktabodha.org .


Notes: 
Data-entered by the staff of Muktabodha under the direction of Mark S. G. Dyczkowski.

Revision 0: April 3, 2012

Internet publisher : Muktabodha Indological Research Institute
Publication year : 
Publication city : 
Publication country : India
####################################################






ललितागमः

(संप्रोक्षणविधिमात्रम्)


प्. १)

|| संप्रोक्षणम् ||

ललितागमे संप्रोक्षणविधिः ||

काली च दक्षिणे चैव पूजयेत्तु क्रमेण तु |
दक्षिणद्वारवामे तु भृङ्गिणे तु समर्चयेत् || १ ||

गणेशं दक्षिणे भागे तन्मानञ्च यजेद्बुधः |
पश्चिमद्वारवामे तु वृषभाय नमोन्तकम् || २ ||

स्कन्दस्य दक्षिणे भागे स्कन्देशाय नमो नमः |
उत्तरद्वारवामे तु गौरीञ्चैव तु पूजयेत् || ३ ||

तद्दक्षिणाय चण्डेशं नमोन्तादिमिति स्मृतम् |
तत्तद्ध्यानमनुस्मृत्य अर्चयेत्तु गुरोत्तमः || ४ ||

पश्चिमद्वारवामे तु महालक्ष्मीं प्रपूजयेत् |
तत्वदृष्ट्या विशेषेणाक्षेपमथ शास्त्रकैः || ५ ||

पा * * त विशेषेण विघ्नोच्चाटनकर्मणि |
घण्टान्तु ताडयेद्धीमान् त्रि * कारं यथा कुरु || ६ ||

इति द्वाराणि सं * प्य पश्चिमद्वारमाविशेत् |
देहाल्यमध्यमे चैव अस्त्रमन्त्राणि पूजयेत् || ७ ||

वास्तुब्रह्मविशेषेण तन्मन्त्रेण समर्चयेत् |
यागमण्टपकं पूर्वे भूमितत्वेन पूजयेत् || ८ ||

प्. २)

जलतत्वे नमोन्तञ्च तृणानां पूजयेत्ततः |
अग्नितत्वे नमोन्तञ्च बन्धेषु यजनं क्रमात् || ९ ||

वायुतत्वे नमोन्तञ्च वंशानां पूजयेत्ततः |
नममाकाशतत्वञ्च स्थूणानां पूजयेत्ततः || १० ||

चन्द्राय यजनञ्चैव विधानेन सुपूजयेत् |
वासुकायां नमोन्तञ्च दर्भमाला सुपूजयेत् || ११ ||

पूर्वादीनि समारभ्य दर्पणं पूर्णकुम्भयोः |
तन्नाम्नेन समभ्यर्च्य पाद्यादीन्युपचारकैः || १२ ||

वृषभं चामरञ्चैवा तन्नाम्ने [च] सुपूजयेत् |
श्रीवत्सं स्वस्तिकञ्चैव तन्नाम्नेति पूजयेत् || १३ ||

शंखदीपेन कर्तव्यं पूजयेत्तु स्वनामतः |
एवं क्रमेण संपूज्य शुद्धतत्वेन भावयेत् || १४ ||

आत्मदैवतमभ्यर्च्य विशेषार्घ्यञ्च कल्पयेत् |
अस्त्रेण द्रव्यशुद्धिञ्च आत्मानं पूजयेत्ततः || १५ ||

स्वदक्षिणे पा * * * * * न्तं गमं चैव तु |
विन्यसेत् हस्तेन धर्मादिभिर्मन्त्रयेत् || १६ ||

धर्मज्ञानञ्च वैराग्यमैश्वर्यञ्चैव * त्मकम् | 
कर्णिकायै नमोऽन्तञ्च मन्त्राणाञ्च स्मरन् गुरुः || १७ ||

मूर्ध्नि मध्ये विशेषेण विन्यसेत्तु विचक्षणः |
अभिमन्त्रितपुंसञ्च ज्ञानखड्गञ्च सङ्गृहेत् || १८ ||

प्. ३)

अस्त्रेण दश संख्याभिः अभिमन्त्रेण बुद्धिमान् |
पञ्चगव्यक्रमेणैव साधयेत्तु विचक्षणः || १९ ||

प्रोक्षयेत्पञ्चगव्येन अस्त्रमन्त्रं समुच्चरन् |
तद्वैतञ्च विशेषेण परिधानाद्यलङ्कृतम् || २० ||

नैज्यदेवासनं कल्प्यं उत्तराभिमुखस्थितः |
निरीक्षणप्रोक्षणञ्चैव ताटनाभ्युक्षणं तथा || २१ ||

खड्गेनोद्धारणञ्चैव पूरणञ्च समीरणम् |
कुट्टनं सेचनञ्चैव मार्जनं लेपनं तथा || २२ ||

कलारूपञ्च कल्याथ त्रिसूत्रीबन्धनं दृढम् |
पू * ना रेखया चैव चतुष्पद्वीनि त्रिक्षिपेत् || २३ ||

वज्रीकरणमेवोक्तं शम्बरेण तु मन्त्रतः |
फालचन्दनसिद्धास्यैः भस्मदूर्वाक्षतान् कुशान् || २४ ||

द्रव्यपञ्च समादाय विकरान्यस्त्रमुच्चरन् |
कुशकूर्चञ्च संग्राह्य वर्धन्या मूर्ध्नि विन्यसेत् || २५ ||

तदूर्ध्वे स्थण्डिलं कल्प्य तोये हेमादिकुम्भयेत् |
वामे तु वर्द्धनीञ्चैव पश्चिमाननमेव च || २६ ||

वृषभाय नमोन्तेन कुम्भे आसनमर्चयेत् |
कुम्भे मूर्ध्नि च विन्यस्य शिवं साङ्गञ्च पूजयेत् || २७ ||

व्यालासननमोन्तञ्च वर्धन्याञ्च चलासनम् |
पाशुपतास्त्रमूर्ती च पूर्ववद्ध्यानसंयुतम् || २८ ||

प्. ४)

इति ललितागम वचने पाशुपतास्त्रमन्त्रम् |

ओं श्रीं ह्रीं ग्लीं क्लीं ऐं सौं पशु हुंफट् स्वाहा |

इति पाशुपतास्त्राय नमः |

श्री स्थलपाण्ड्यन् |

श्री स्थलीश्वराय नमः || 
###########   END OF FILE  #######