####################################################
MUKTABODHA INDOLOGICAL RESEARCH INSTITUTE
Use of this material (e-texts) is covered by Creative Commons license BY-NC 4.0
Catalog number: M00121
Uniform title: yogaviṣaya
Secondary title: kaulajñānanirṇaya and some minor texts of the school of matsyendrānātha
Author : matsyendrānātha
Alternate name : matsyendra
Alternate name : macchagnapāda
Editor : Bagchi, P. C.

Description: 
The source of this e-text is Calcutta Sanskrit Series 3 - kaulajñānanirṇaya and some minor texts of the school of matsyendrānātha -  where it is bundled along with kaulajñānanirṇaya kulānandatantra, and jñānakārikā .  

The printed volume also contains introductory material and summaries in english.


Notes: 
Data-entered by Mike McGee

Revision 0:  Sept. 17, 2008

Publisher : Metropolitan Printing and Pub. House
Publication year : 1934
Publication city : Calcutta
Publication country : India
####################################################



गुरुश्च गुरुपुत्रश्च ये चान्ये गुरुबान्धवाः.

अन्योषंच क्रमाज्ज्येष्ठास्तेषां पादौ नमाम्यहम् || १ ||

यदृशी भावनातितं तं गुरुं प्रणमाम्यहम्.

भ्रान्तश्च भ्रमते लोको निर्भ्रान्तः कृतनिश्चयः || २ ||

तस्य सिध्यन्ति पुरुषा आदिनाथे व्यवस्थिताः.

कुलजातिसमायुक्तः सुचरित्रगुणान्वितः || ३ ||

गुरुभक्तियुतो धीमान् स शिष्य इति कथ्यते.

आकुलेनादिनाथेन केजापूपीनवासिना || ४ ||

कृपयैव परं तत्त्वं मीननाथोऽपि बोधतः.

मीननाथोऽपि सच्छिष्यं प्रत्युवाच समाहितः || ५ ||

त्वं गुरुस्त्वञ्च शिष्यश्च शिष्यस्य च गुरोरपि.

नानयोरपि भद्रे.आत्र समसिद्धिः प्रजायते || ६ ||

उमाषङ्करपुत्रोऽहं मीननाथो मुनीश्वरः.

कथयामि परं तत्त्वं कुलाकुलविबोधकम् || ७ ||

आधारः स्वाधिष्ठानञ्च मणिपूरसनाहतम्.

विशुद्धिराज्ञा कौलानि षट् चक्राणि शुभानि च || ८ ||

आधारश्च गुदे तस्थौ स्वाधिष्ठानञ्च लिङ्गके.

मणिपूरं नाभिगतं हृदये चाप्यनाहतम् || ९ ||

विशुद्धिः कण्ठदेशे च आज्ञाचक्रं भ्रुवोर्मुखम्.

चक्रभेदमिति ज्ञात्वा चक्रातीतं निरञ्जनम् || १० ||

इडा वहति वामे च पिङ्गला वहति दक्शिणे.

इदापिङ्गलयोर्मध्ये सुषुम्ना सुखरूपिणी || ११ ||

आधारे लिङ्गनाभौ हृदयसरसिजे तालुमूले ललाटे.

द्वे पत्र षोडशारे द्विदशदशदले द्वादशार्धे चतुष्के

नासान्ते बालमध्ये डफकठसहिते कण्ठदेशे स्वराणाम्

हं क्शं तत्त्वार्थयुक्तं सकलदलगतं वर्णरूपं नमामि || १२ ||

प्राणोऽपानः समानश्च उदानो व्यान एव च.

पञ्चकर्मेन्द्रययुक्तः क्रियाशक्तिसमुद्यताः || १३ ||

नागः कूर्मश्च कृकरो देवदत्तो धनञ्जयः.

पञ्चज्ञानेन्द्रियैर्युक्ताः बुद्धिशक्तिसमन्विताः || १४ ||

पावकश्शक्तिमध्यस्थो नाभिचक्रे रविः स्थितः.

बन्धमुद्रा कृतास्सर्वे नासाग्रे तु सुलोचनम् || १५ ||

अकारो वह्निदेशे च उकारो हृदि संस्थितः.

मकारश्चः भ्रुवोर्मध्ये वचनाच्च निबोधयेत् || १६ ||

ब्रह्मग्रन्थिरधष्कारे विष्नुग्रन्थिर्हृदि स्थितः.

रुद्रग्रन्थिर्भ्रुवोर्मध्ये विमुच्यन्ते त्रयस्तथा || १७ ||

अकारो ब्रह्म इत्याहुः उकारो विष्णुरुच्यते.

मकारे च शिवं साक्शाच्छन्तेश्शान्ततरं परम् || १८ ||

कण्ठसंकोचनं कृत्वा द्वे नाड्यौ स्तम्भयेद्ः दृढम्.

रसनापिड्यमानान्तु षोडशश्चोर्ध्वगामिनि || १९ ||

त्रिकूटं त्रिहठाचैव गोल्हाटं शिखरं तथा.

त्रिशिखं वज्रमोङ्कार मूर्ध्वनाखं भ्रुवोर्मुखम् || २० ||

आकुञ्चयेद्रविञ्चैव पश्चान्नाडी प्रवर्तते.

भेदे त्रिहठसंघट्टमुभयोश्शशिदर्शनम् || २१ ||

प्रणवा गुदनाला च नलिनी सर्पिणी तथा.

बङ्कनालि क्शया शौरी कुण्दली कुन्दलाः स्मृताः || २२ ||

कुण्दलीं चालयेत् प्राणो भेदिते शशिमण्डले.

सिध्यन्ति वज्रगुम्भानि नव द्वाराणि बन्धयेत् || २३ ||

सुमनः पावनारूढः स गाढं निर्गुणस्तथा.

ब्रह्मस्थाननिनादेन शंखिन्यामृतवर्षिणी || २४ ||

षट्चक्रमण्डलोद्धारं ज्ञानदीपं प्रकाशयेत्.

सर्वेषां स्नापनं देहे क्रियते देवतार्चनम् || २५ ||

चन्द्रामृतेन चिद्रुपमीश्वरं स्नाप्य भक्तितः.

मनःपुष्पं तथा देयमर्चतेत्परमं शिवम् || २६ ||

आत्मरूपं तमालोक्य ज्ञानरूपं निरामयम्.

दृश्यते देहरूपेण सर्वव्यापी निरञ्जनः || २७ ||

हंस हंस पदे वाक्यं प्राणिनां देहमाश्रितः.

सम्प्राणापानयोर्ग्रन्थिरूपे ||  त्यभिधीयते || २८ ||

सहस्रमेकञ्च युतं षट्छतं चैव सर्वदा.

उच्चारपदतो हंसः सोऽहमित्यभिधीयते || २९ ||

पूर्वभागे मथो लिङ्गं शंखिन्यां चैव पश्चिमम्.

ज्योतिर्लिङ्गं भ्रुवोर्मध्ये रक्तशुक्लात्मकं शिवम् || ३० ||

पूर्वपश्चिमदिग्भागे वज्रद्ण्डे व्यवस्थिते.

द्वौ षष्टिभोगिनी स्थानं पशाल्लिङ्गं प्रकाशयेत् || ३१ ||

शीताशीतं परं स्थानं मेदोमज्जाभिपूरितम्.

स्रवति ब्रह्मणः स्थानात् सिञ्चते भुवनत्रयम् || ३२ ||

सर्वव्याधिक्रियाकर्म वातपित्तसमन्वितम्.

दशाष्टदोषरहितं मीननाथेन कथ्यते || ३३ ||

 || इति मत्स्येन्द्रनाथविरचितं भक्तिसं सम्पूर्णम्  ||



###########   END OF FILE  #######