####################################################
MUKTABODHA INDOLOGICAL RESEARCH INSTITUTE
Use of this material (e-texts) is covered by Creative Commons license BY-NC 4.0
Catalog number: M0511
Uniform title: anuttaraprakāśapañcāśikā
Author : ādinātha

Description: 
K.S.T.S. volume 13


Notes: 


Publisher : 
Publication year : 1918
Publication city : 
Publication country : India
####################################################



oṃ namo 'nuttaraprakāśaśaṅkarāya



akṛtrimāhamāmarśaprakāśaikaghanaḥ śivaḥ | 

śaktyā vimarśavapuṣā  svātmano 'nanyarūpayā || 1 ||

śivādikṣitiparyantaṃ  viśvaṃ vapur udañcayan |

pañcakṛtyamahānāṭyarasikaḥ krīḍati prabhuḥ || 2 ||

pṛthagartham arthavattā  viśvaviśvaśarīrayoḥ |

na viśvaviśvavapṣor  bhinnatā kāpi tāttvikī || 3 ||

bhede sattāsphurattābhyāṃ  bhinnaṃ kiṃ tu jagad bhavet|

sattāsphurattāsaṃbandhāt  sattā�bhānaṃ ca tan na cet || 4 ||

asataḥ kim satas tābhyāṃ  saṃbandhaḥ so 'yam iṣyate |

svarūpalābhasulabhaḥ  saṃbandho na hy avastunaḥ || 5 ||

na labdharūpasaṃbandhe  tābhyāṃ kiṃ cid upekṣyate |

upekṣāyām avasthānaṃ  na syād etasya kiṃ cana || 6 ||

svabhāvataḥ sphurattā ca  sattā ca na vināśinī | 

vināśānabhupagame  jaḍatāpi nivartate || 7 ||

tato gatyantarābhāvāc  cid eva pariśiṣyate |

sataś cidaikyaṃ prakṛtaṃ  kadā cin na nivartate || 8 ||

prakāśe 'nanyato bhāvaḥ  svātantryollāsakevalaḥ |

parichinnātmikā śaktiḥ  śambhor viśvātiśāyinaḥ || 9 ||

yat prakāśātmakaṃ sarvaṃ  tamaḥkevalatāṃ gatam |

yac ca kim cij jagad etat  prakāśād atiricyate || 10 ||

vimṛśyasaraṇīṃ prāptam  ity eṣā tāttvikī matiḥ |

avabhāsaikatānānāṃ  matir ekātra sākṣiṇī || 11 ||

kiṃ pramāṇāir varākais taiś  cidānuprāṇitātmabhiḥ |

na hi vaikartanaṃ jyotir  dīpālokam apekṣate || 12 ||

śaktipātapavitre 'smin  dhītattve ca parīkṣyatām |

ādarśavimalābhoge  na tu sarvaṃ prakāśate || 13 ||

itthaṃ cidātmakaṃ sarvaṃ  ṣaṭtriṃśadbhedatattvataḥ |

ādau śuddhātmakaṃ tattvaṃ  pañcadhā�tamasaḥ param || 14 ||

śivaḥ śaktiś ca sādākhyam  īśo vidyeti bhidyate |

akṣādiśāntavarṇātmā� niramāyi śivena tu || 15 ||

kalāvidyārāgakālaniyatir bandha ucyate |

māyāpūrvo vakārādikṣakārāntākṣarātmakaḥ || 16 ||

pumāñ śaktir mano buddhir  ahaṃkārādipañcakam |

śrotrādipañcakaṃ tādi  ṭādi vāgādipañcakam || 17 ||

tanmātrapañcakaṃ cādi  kādi vyomādipañcakam |

sisṛkṣoḥ prathamaspandaḥ  śivatattvaṃ vibhoḥ smṛtam || 18 ||

icchaiva sāparimlānā  śaktitattvam udañcayan |

svecchayā�sūcitam viśvam  ācchādyāhantayā sthitam || 19 ||

sa eva tattvaṃ sādākhyaṃ  sarvānugrahaṇodyatam |

sa eveśvaratattvaṃ syāt  paśyan viśvam idantayā || 20 ||

idantāhantayor aikyam  iti vidyā nigadyate |

svāṅgakalpeṣu bhāveṣu  māyātattvaṃ vibhedadhīḥ || 21 ||

māyāgṛhītasaṃkocaḥ  śivaḥ puṃtattvam ucyate |

ayam eva hi saṃsārī  jīvo bhoktaiva dṛśyate || 22 ||

jñatvakartṛtvapūrṇatvanityatvānyasya śaktayaḥ | 

tatsaṃkocāt saṃkucitaḥ  kalādyātmatayā mataḥ || 23 ||

māyātmakaṃ kalā nāma  kiṃcitkartṛtvakāraṇam |

kālaḥ paricchedakaro  niyatiś cedam eva me || 24 ||

kartavyaṃ nānyad ity eṣā  vyavasthā yantraṇākṛitiḥ |

prakṛtir guṇasāmyaṃ syād  ahaṃkārādijanmabhūḥ || 25 ||

ahaṃ mamedam ity etad  buddhihetur ahaṃkṛtiḥ |

buddhir adhyavasāyasya  kāraṇaṃ niścayātmanaḥ || 26 ||

saṃkalpasya vikalpasya  bījaṃ mana udīryate |

vacanādeś ca śabdāder  vāgādiśravaṇādikam || 27 ||

kāraṇaṃ śravaṇādīnāṃ  grāhyaṃ tanmātrapañcakam |

ākāśādyavakāśādikāraṇaṃ bhūtapañcakam || 28 ||

parāparāśaktimaye  śuddhe vidyādipañcakam |

tadanyad aparāśaktir  ity etat tattvam īritam || 29 ||

iyaṃ devī parā śaktiḥ  śuddhāśuddhādhvagarbhiṇī |

pṛthivyādīni tattvāni  yadā�līnāni kāraṇe || 30 ||

tadā kāraṇamātrāṇi  bahir udvamate vibhuḥ |

anuttarecche unmeṣe  ānandeśanam ūnatā%? || 31 ||

kriyecchājñānaśaktīnāṃ  sattā ṣaṭ * * * * * |



(*anuttaretyāditripadyeṣv arthāsaṃgatyā pāṭhāśuddhiḥ pratibhāti)



iccheśanāntarārūḍhā  sphuṭāsphuṭajaganmayī || 32 ||

catvāraḥ parato varṇāḥ  ṣaṇḍātmānaḥ pracoditāḥ | 

anuttarānandaśāktis  trikoṇād vṛttiyogataḥ || 33 ||

tathaivoneṣayogena  kriyāśakteḥ sphuṭaṃ vapuḥ | 

uktaṃ triśaktisaṃghaṭṭāt  triśūlaṃ dvaitaghasmaram || 34 ||

parasparavirodhe tu  kāryeṣu pravirohati |

na kathaṃcid upādeyam  āsāṃ rūpam idam bhavet || 35 ||

bindur vedyasya saṃskāro  vimarśaḥ sarga ity asau |

kalāṣoḍaśakākārā  śaktir vijayate parā || 36 ||

tithayaḥ pratipatpūrvāḥ  pañcadaśeti māyayā |

sūryācandramasau svāntaścarantau sthitihetave || 37 ||

yathā�vimarśavapuṣaḥ  sargasyādyāḥ kalāḥ smṛtāḥ |

dvidheyaṃ mātṛkā devī  bījayonyātmanā sthitā || 38 ||

nityapravṛttaśṛṅgāṭavapurviśvasya janmabhūḥ |

hṛdayaṃ bījam etasyāṃ  sāraṃ yat tat paraṃ mahaḥ || 39 ||

vaṭabīje yathā vṛkṣas  tathātra nihitaṃ jagat |

vicāryamāṇe naivedaṃ  kāraṇād atiricyate || 40 ||

mṛdādeḥ kalaśādīnāṃ  tattvaṃ nānyan nirūpaṇe |

ity āhus tattvavādinyaḥ  śrutīnām antimā giraḥ || 41 ||

idaṃ sarvaṃ sad evāsīd  agre iti viniścayāt |

sattāvācini bīje 'smin  bhāti māyā tv idam jagat || 42 ||

viluptapratyayākāram  etat sa pariśiṣyate |

tato jñānakriyāsāravidyeśvarasadāśivāḥ || 43 ||

śaktitriśūle līyante  caturdaśakalātmani |

ūrdhvādhaḥ sṛṣṭivapuṣi  sarvaṃ līnam ataḥ [param] || 44 ||

itthaṃ parasyāṃ saṃvittau  sarvaṃ saṃkucitaṃ kramāt |

athavā manasātīte  yatra kvāpi nirañjane || 45 ||

ṣaṭtriṃśattattvalaharīkalahātītagocare |

viśvātmani mahāmantre  svabhāve sā vilīyate || 46 || 

kṛtaś cainmathite dhāmni  dīpte kenāpi hetunā |�

sarvam havir idaṃ juhvan  na dāridryeṇa pīḍyate || 47 ||

pañcapañcātmakaṃ viśvaṃ  pañcaspandavijṛmbhitam | 

saṃkocayatparāmarśāt  sāmānyaspandakevalam || 48 ||

ahami pralayaṃ kurvann  idamaḥ pratiyoginaḥ |

parākramaparo bhuṅkte  svabhāvam aśivāpaham || 49 ||

iti ṣaḍadhikatriṃśadbhedaprasaktajagattanuḥ 

	prasarati mahāśaktyullekhavicitramahāpaṭī |

jayati bahuśaḥ spandākārā parā cid anuttarā 

	vimṛśata janāḥ kiṃ no svabhāvavijṛmbhitam || 50 ||



iti śrīmadādyanāthaviracitā anuttaraprakāśapañcāśikā samāptā 



seyaṃ kāśmīrabhūpālasaṃśritena prakāśitā 

satā mukundarāmeṇa  sanmude 'stu śive 'rpitā





###########   END OF FILE  #######