####################################################
MUKTABODHA INDOLOGICAL RESEARCH INSTITUTE
Use of this material (e-texts) is covered by Creative Commons license BY-NC 4.0
Catalog number: M00262
Uniform title: brahmasandhāna
Manuscript : BHU C. N. 4242

Description: 



Notes: 
Data entered by the staff of Muktabodha under the supervision of Mark S.G. Dyczkowski.

Revision 0: April 7, 2012

Internet publisher : Muktabodha Indological Research Institute
Publication year : 
Publication city : 
Publication country : India
####################################################


* * * * * * * * * * * * * * * bhet |
hṛtpadme nābhipadme ca mukhapadme tathaiva ca || 5 ||

vasate paramātmā vai yadi śaknoṣi veditum |
navadvārāṇi saṅghaṭṭa navanāḍīrnirodhayet || 6 ||

saṃhṛtya navavāyūṃśca hṛtpadme tān praveśayet |
tasya padmasya vai nālaṃ piṅgalānāḍirucyate || 7 ||

tayā proktāstrayaḥ paścāt sūtre maṇigaṇā iva |
pradhānānāḍayastrisrastālabdhvā vedayet puram || 8 ||

tāsāṃ mukhyā tu vai hyekā tāṃ jñātvā jñāyaṃse param |
tasyā madhye sthitaṃ jñeyaṃ sarvakāraṇamavyayam || 9 ||

yaṃ viditvā mahāsena uktāntriṃ kartu marhasi |
daśamadvāramāśritya daśamānāḍikā *? ha || 10 ||

daśamaṃ pavanaṃ labdhvā viṣuvat grahaṇaṃ bhavet |
ākāśaṃ grāhayet tasya granthi bhedaiḥ śanaiḥ śanaiḥ || 11 ||

p. 2) kṛtvā vai brahmasandhānaṃ samyag jñātvā parāṃ gatim |
pare sthāne layaṃ kṛtvā niṣkampaḥ susamāhitaḥ || 12 ||

praṇave saṃharedātmā grāhyaṃ niśśeṣamārutam |
praṇavaṃ tu samuccārya tālvoṣṭhapuṭaśobhitam || 13 ||

kalpāyurapi tatraivamākramatyanu saṃśayaḥ |
karaṇānyapraśeṣāṇi granthi dvārāṇi sarvaśaḥ || 14 ||

nāḍayaḥ pavanāt sarvā viditvā sarvamucyate |
yāvacca jñāyate vatsa tāvad brahmalayī bhavet || 15 ||

taṃ viditvā mahāsena utkrānti kartu marhasi || 16 ||

kasmin sthāne sthito brahmā kena dvāreṇa siddhyati |
etat sarvaṃ samācakṣva yadi tuṣṭosi me prabho || 17 ||

p. 2b) brahmā brahme laye kuryād bhūtād bhūteṣu valayam |
anyathā naiva siddhyanti kalpakoṭi śatairapi || 18 ||

bhūtāṃstyaktvā tu vai deva kena dvāreṇa siddhyati |
etan me saṃśayaṃ sarvaṃ vaktumarhasya śeṣataḥ || 19 ||

guhyāti guhyaṃ guhyaṃ ca atiguhyaṃ ṣaḍānana |
yattvayā veditaṃ praśnaṃ tat sarvaṃ kathayāmite || 20 ||

vyoma madhye sthitā sūryaḥ sūryamadhye sthitaḥ saśī |
śaśi madhye sthitaṃ tejastejomadhye sthitaṃ param || 21 ||

ṛju snigdhaṃ ca vimalaṃ vidyullekhe vadussaham |
* *? koṭi? pratīkāśaṃ duṣprekṣaṃ layavarjitam || 22 ||

hṛtpa * * * * * * ? sūryaṃ śaśi hṛtāsanam |
teṣāṃ madhye paraṃ tejo ye nedaṃ pratitiṣṭhitam || 23 ||

p. 3a) mahattejāṃsi yaccittaṃ pratyakṣaṃ yasya ṣaṇmukha |
brahmadvārasya vai pṛṣṭhe dhūmroyaṃ sarvataḥ sthitaḥ || 24 ||

hṛdisthaṃ gaganasthaṃ ca ubhāvekatra cintayet |
anyathā naiva siddhyanti yuktihīnāḥ śikhidhvaja || 25 ||

yanmayoktaṃ paraṃbrahma hṛdyākāśe vyavasthitam |
sā śaktiḥ sa śivaṃ jñānaṃ jñeyaṃ cākṣaramavyayam || 26 ||

etat te brahmasandhānaṃ brahmadvāreṇa yo bhavet |
sa muktaḥ sarvaduḥkhebhyaḥ sadyo brahmaṇi kalpayan || 27 ||

utkrānti kāle tasyedaṃ viditaṃ brahmaṇo layam |
sa vai līno pare vatsa ityājñā pārameśvarī || 28 ||

brahmanāḍiṃ brahmavāyuṃ brahma * * * *? labhet |
brahmaṇaṃ tu samantavyaṃ brahmākṣara la * * *? || 29 ||

p. 3b) praṇavaṃ hṛtsthitaṃ padmaṃ praṇavaṃ vyomni saṃsti *? m |
kālāgni rudraparyantaṃ yāvadbrahmāṇḍagocaram || 30 ||

sarvaṃ dṛṣṭaṃ pareṇedaṃ praṇaveṇa śikhidhvaja |
vāṅmayaṃ sakalaṃ yaśca trailokyaṃ sa carācaram || 31 ||

brahmādi stambha paryantaṃ sarvaṃ praṇavasambhavam |
tasmin neva layaṃ kuryāt te caiva brahmavādinaḥ || 32 ||

sa eva paramaṃ sthānaṃ sa eva paramākṣaram |
tryakṣaraṃ ca tridhā bhinnaṃ tristhānaṃ triguṇātmakam || 33 ||

tridevāgni trayaṃ caiva tridevaṃ paramaṃ smṛtam |
pañcamūrti dharaṃ devaṃ śivaṃ paramakāraṇam || 34 ||

* * * dyantare vatsa yadi saknoṣi veditum |
devadānava * ? ddhānāṃ gandharvoragarakṣasām || 35 ||

sarveṣāṃ praṇavaṃ yoni layaṃ tatraiva ṣa * *? |
p. 4a) brahmāviṣṇuśca rudraśca īśvaraḥ śiva eva ca || 36 ||

praṇaveṇa tu vai siddhāḥ sambhūtāḥ praṇavena tu |
akṣaraṃ cakṣaraṃ caiva sa nāmaṃ nāmavarjitam || 37 ||

sa rūpaṃ rūparahitaṃ praṇavaṃ paripaṭhyate |
uccāryaṃ tu hyanuccāryaṃ svaramasvarameva ca || 38 ||

ghoṣaṃ caiva hyaghoṣaṃ ca praṇavaṃ paraśakti dhṛt |
sa mantraṃ ca hyamantraṃ ca grāhyamagrāhyameva ca || 39 ||

grāhyagrāhaka bhedena praṇavaṃ sarvataḥ sthitam |
praṇavaṃ yo na jānāti viśvasyā yatanaṃ param || 40 ||

tasya mokṣaḥ kuto vatsa kalpakoṭi śatairapi ||


adyāpi saṃ *? 



????????????????????????????

va hṛdaye vartate mahān |
p. 4b) kasmin sthāne sthito brahmā tat samācakṣva me prabho ||


śrī īśvara uvāca 


sarvatrāvasthito brahmā prāṇināṃ dehadhārakaḥ |
viśeṣataḥ punarvatsa triṣu sthāneṣu saṃsthitaḥ || 2 ||

hṛtpadme nābhipadme tu mukhapadme tathaiva ca |
sa pratyakṣaṃ dṛśyate vai vikārāvasthitaḥ prabhuḥ || 3 ||

hasate rudate caiva nṛtyate gāyate tathā |
bhuñjate jighrate caiva śṛṇu vakṣyāmi hetutaḥ || 4 ||

unmeṣe ca nimeṣe ca viṣāde caiva harṣite |
sukhaduḥkhānyasau  vetti śītoṣṇasparśanāni ca || 5 ||

kṣuṭtṛṣṇā maithunaṃ nidrā prabodhaṃ jāgratā sthitam |
ete pratyakṣato yasya dṛśyante vai ṣaḍānana || 6 ||

nānyadīpaṃ svarūpeṇa paramātmā ca labhyate || 7 ||

p. 5) vismayo me mahādeva adyāpi na nivartate |
tristhānāvasthitaṃ devaṃ śrotumicchāmi vai prabho || 8 ||

tuṣṭohamadyate putra yat tvayā pṛcchyate hyaham |
tristhānāvasthitaṃ brahma tacchṛṇuṣva yathākramam || 9 ||

hṛtpadme vasate nityaṃ sthirā bhāvena vai guha |
mukhapadme nābhipadme gatāgatiṃ karoti saḥ || 10 ||

hṛtpadmasya tu pattrāṇi nāḍayastāḥ prakīrtitāḥ |
praṇādyā vāyavaḥ sarve vahante teṣu nāḍiṣu || 11 ||

nāḍayo vai daśa proktāḥ pavanāni tu vai daśa |
pradhānā piṅgalā śūnya sṛjate pahare tu saḥ || 12 ||

nāḍi cakrasya sarvasya nābhibhuvyavasthitam |
p. 5b) nāḍi cakrasya vai tad vat piṅgalā madhyatodbhavā || 13 ||

iḍā caiva suṣumṇā ca piṅgalā ca tṛtīyakā |
ekakāyaṃ ca sarvāsāṃ yukti bhede pṛthak pṛthak || 14 ||

iḍā vahati vāmena tatra somo vyavasthitaḥ |
suṣupiṅgalā dakṣiṇaputra tratra sūryo vyavasthitaḥ || 15 ||

suṣumṇā madhya nāḍī tu tatra sarvaṃ sadā sthitam |
iḍāmadhye sthitaṃ deva pitṛyāneti kathyate || 16 ||

piṅgalāvasthitaṃ putra devayāneti kathyate |
suṣumṇā madhyamānāḍī tatrasthaṃ mokṣamārgadaśa || 17 ||

sarvārambheṇa yogīndro mokṣamārgapadāvahaḥ |
karṇikānta sthitaṃ devamavyaktaṃ rūpavarjitam || 18 ||

tadurthāvayava sarveyairvyāptā nāḍayodaśa |
p. 6a) tāsāṃ madhye tu vai hyekā suṣumṇā nāma śrūyate || 19 ||

tayā proktāstrayaḥ padmāḥ sūtreṇa maṇayo yathā |
tasyābhyantarasaṃlīnau prāṇāpānau vyavasthitau || 20 ||

suṣumṇāmadhyasaṃsthau tu prāṇāpānau śikhidhvaja |
sṛṣṭipralayarūpeṇa sthitā vetau kumāraka || 21 ||

grathitau parayāśaktyā avyaktā mṛtayothayā |
ādhārādheya bhāvena parāpara vibhāgaśaḥ || 22 ||

sṛṣṭi pralaya rūpeṇa prāṇāpānau vyavasthitau |
tayormadhye sthitaṃ brahma anyaktaṃ rūpavarjitam || 23 ||

grasate sṛjate caiva sarvaṃ viśvaṃ carācaram |
nābhipadmasya vai pṛṣṭe hṛtpadmaṃ tu adho mukham || 24 ||

ubhābhyāṃ karṇikā madhye paraṃ tadvīkṣya putraka || 25 ||

p. 6b) kathaṃ me dṛśyate tāta tasya rūpasya gocaram |
yaṃ dṛṣṭvāhaṃ gamiṣyāmi ajanma padamavyayam || 26 ||

sādhu sādhu mahāprājña yogayogeśvareśvara |
yat tvayā coditaṃ praśnaṃ durvijñeyaṃ surorapi || 27 ||

na brahmaṇā na sūryeṇa na candrena na viṣṇunā |
na tu devyā tvayā caiva yadabhya paripṛcchitam || 28 ||

tat te haṃ kathayiṣyāmi guhādguhyataraṃ param |
vikṣepa vacanaṃ rakṣeccharaṇāgatavatsvata || 29 ||

rājāmantrī varakṣyo yaṃ na deyaṃ yasya kasya cit |
adīkṣitena dātavyamaśraddheyamanārjavo || 30 ||

ākule kūrahṛdaye durjane ca dāpayet |
dātavyaṃ dīkṣate putra gurudevāgnipūjake || 31 ||

p. 7a) śraddhadhāne jitakrodhe lobhamohaparāṅmukhe |
parīkṣyate guruḥ śiṣyamabdāni dvādaśāni vai || 32 ||

anena bhāvitaṃ viśvaṃ sarvameva carācaram || 33 ||

adyame janmasaphalaṃ adyame saphalaṃ śrutam |
adyame saphalā buddhiradyame saphalaṃ tapaḥ || 34 ||

sa kṛtārthosmi vai hṛdya adya jātosmi vai punaḥ |
muktosmi cā?dya vai tāta bhavasaṃsārabandhanāt || 35 ||

guhyaṃ jñānaṃ viditvā tu tṛptohaṃ sarvadā prabho |
adhunā śrotumicchāmi praṇāpānau va 


???????????????????????????

p. 7b) kathaṃ sthitau ||

śṛṇu vatsa mahāprājña yat tvayā codito hyaham |
tat tohaṃ kathayiṣyāmi prāṇāpānau yathā sthitau || 2 ||

prāṇādyā vāyavaḥ pañca ūrdhvabhāge vyavasthitāḥ |
teṣāṃ madhye pradhānau dvau prāṇāpānau prakīrtitau || 3 ||

kandukanyāyamāśritya adha ūrdhvaṃ pravartate |
yogamārgeṣu sarveṣu gatireṣā pravartate || 4 ||

navānāṃ caiva vāyūnāṃ prāṇāpānau prakīrtitau |
hṛtpadme nābhipadme tu dvādaśānte tathaiva ca || 5 ||

viśate paramātmā vai prāṇāpāna gati sthitaḥ |
apānaḥ saṃharet prāṇaṃ prāṇopānasya vai tathā || 6 ||

pa * * *? sthitaṃ teṣāṃ sṛjate saṃharatyasau |
udayāsta manaṃ hyetan nānyaṃ manye śikhidhvaja || 7 ||

p. 8a) bāhyasaṃsthasya sūryasya nodayo vai nāstamayaḥ |
tapate satataṃ vatsa viśvaṃ diṅmārgavīkṣaṇe || 8 ||

tasmāt sarvaprayatnena śarīrasthaṃ vicārayet |
yaṃ jñātvā prāpyate mokṣo yena bhūyo na jāyate || 9 ||

jñātumicchamyahaṃ deva udayāsta mayaṃ katham |
ahorātraṃ kṛtaṃ caiva saṅkrānti viṣvavad dvayam || 10 ||

ati priyopi me putra pṛcchase śobhanaṃ suta |
yat tvayā coditaṃ praśnamanākhyaṃ kathayāmite || 11 ||

yan mayoktaṃ paraṃ brahma hṛdisthaṃ taṃ ṣaḍānana |
tasya śaktirbhavedeṣā udayāsta manaṃ prati || 12 ||

ūrdhvamārge yadā jvālā vartate tasya tejasaḥ |
udayaṃ taṃ vijānī 


???????????????????????


* * * tālayaṃ yasmāt tasmālliṅgaṃ taducyate |
p. 8b) aliṅgaṃ liṅgarūpeṇa avyaktaṃ vyaktagocaram || 9 ||

ākāśaṃ sambhavedvatsa yo vai śaktyā layaṃ gataḥ |
pṛthivyāpastathā tejo vāyurākāśa eva ca || 10 ||

ete pañca mahābhūtā yatotpannā layaṃ hi tat |
ākāśaṃ grasate śaktiryathāgrastākhilaṃ jagat || 11 ||

sṛṣṭiṃ tu kurute sā tu śivājñā coditā guha |
pralayaṃ sarvabhūtānāṃ mayā te kathitaṃ suta || 12 ||

mayi coktaṃ śive nedaṃ pūrvaṃ tuṣṭena sarvadā |
bhūtotpatti layaṃ caiva mayājñātaṃ vibhāgaśaḥ |

bhūyo vijñātumicchāmi * * * * * * * * |



page 9 to 19 missing

?????????????????????????????

p. 20a) * * * * * * * * ākāraṃ brahmasaṃsthitam || 1 ||

atiguhyatamaṃ praśnaṃ yat tvayā coditaṃ guha |
tat sarvaṃ kathayiṣyāmi śṛṇuṣvā vahitaṃ tathā || 2 ||

śūnyaṃ śūnyaṃ punaḥ śūnyaṃ śūnyaṃ śūnyaṃ punaḥ punaḥ |
śūnyācchūnyataraṃ śūnyaṃ tacchūnyaṃ śūnyameva ca || 3 ||

śūnyaṃ śūnyaṃ tvayā proktamanena jñānatā mama |
śūnyasyā śūnyatāṃ brūhi yadi tuṣṭosi me prabho || 4 ||

śūnyaṃ śūnyaṃ tu yo vetti śūnyaṃ śūnyaṃ tu yo bhavet |
aśūnyaṃ taṃ vijānīyāt sarvaśūnyā layaṃ hitam || 5 ||

sarvabhūteṣu taṃ vatsa triśūnyaṃ hṛdisaṃsthitam |
na tu jānanti taṃ śūnyamaśūnyā yena te kṛtāḥ || 6 ||

śūnyabhūtaṃ śivaṃ jñeyaṃ śūnyabhūtā hi śaktayaḥ ||
p. 20b) aśūnyaṃ teṣvamīrūpaṃ sarvagaṃ cetanātmakam || 7 ||

na hi śūnyasya śūnyatvaṃ śūnyatvaṃ tasya bhāvanā |
vijñānaṃ jñāpakaṃ śūnyaṃ nirālambābalambhitam || 8 ||

vibhutvena sthitaṃ śūnyaṃ ye nedaṃ pūritaṃ jagat |
taṃ śūnyaṃ śūnyamityāhurvadanti jñānabuddhayaḥ || 9 ||

śūnyasya śūnyatā nāsti aśūnyaṃ śūnyamucyate |
sṛṣṭipralaya rohitvā cchūnyasyāśūnyatāṃ viduḥ || 10 ||

śūnyāt sṛṣṭiḥ prasavati śūnye tu pralayaṃ punaḥ |
tasmādaśūnyatā śūnye nirālambhāvalambhinam || 11 ||

nirālambhāvalambhitvaṃ śūnyatā yena siddhyati |
vijñānajñānayogena śūnyaṃ jñeyaṃ labheṣyasi || 12 ||

śūnyaṃtva śūnyaṃ jñātavyaṃ na hi śūnyosti kutra cit |
p. 21a) teṣāṃ śūnyamidaṃ śūnyamajñānā yeṣu bhāvanā || 13 ||

aśūnyaṃ sarvadā vatsa trailokyaṃ sa carācaram |
brahmādi stambhaparyantaṃ sarvaṃ śūnyena pūritam || 14 ||

tacchūnyaṃ pūritā śaktyā avyaktā yā śivotthayā |
yathā caitanya bhāvena bodhitaṃ bhuvana trayam || 15 ||

vastu śūnyaṃ na ta cchūnyaṃ śūnyamajñānaśūnyatā |
taṃ śūnyaṃ jñāna rūpeṇa jñeyaṃ śūnyaṃ na tadguha || 16 ||

jñeya śūnyo palabdhitvaṃ nirālambāvabodhanam |
na punaḥ śūnya bhāvastu śūnyesmiṃstattvataḥ suta || 17 ||

tamo bhūtaṃ jagatsarvaṃ pūrvamāsī cchikhidhvaja |
naṣṭa sūryendu vātaughairgrahanakṣatra tārakaiḥ || 18 ||

apratarkamavijñeyaṃ diśāsu vidiśāsu ca |
na cordhvaṃ naiva pātālaṃ mahābhūtaistu varjitam || 19 ||

p. 21b) vyaktiṃ na dṛśyate yatra avyaktaṃ sarvataḥ sthitam |
tasmin kāle tayā śaktyā cidrūpāyā śivotthitā || 20 ||

turyasthāne layaṃ kṛtvā vavarṣa hyamṛtaṃ bahu |
bhūtasṛṣṭi hitārthāya plāvitaṃ cākhilaṃ jagat || 21 ||

tadā hyaṇḍaḥ samutpannaścāṣṭāṅgaḥ kanakopamaḥ |
kalpāntaṃ yāvadaṇḍaṃ tadaṇu rūpeṇasaṃsthitam || 22 ||

sa tu vatsa dvidhā bhinno divaṃ bhūmiṃ tu nirmame |
aṣṭā śā vidiśaścāṣṭau madhye bījāṅkuraṃ padam || 23 ||

cicchaktyā tu samudbhūtaṃ ye nedaṃ grathitaṃ jagat |
tasyāṅkurasya pṛṣṭhe tu mahāpadmaṃ sitaṃ śubham || 24 ||

sahasradalapattrāḍhyaṃ karṇikākesarairyutam |
praṇavaṃ taṃ ca vijñeyaṃ padmaṃ padmadale kṣaṇam || 25 ||

p. 22a) tasya madhye samutpanno brahmāvedanidhirguha |
karṇikānte sthitaṃ vatsa sarvalokapitāmaham || 26 ||

sṛjate sarvabhūtāni carāṇi hyacarāṇi tu |
tadā prajāpatirvatsa viśvakartā maheśvaraḥ || 27 ||

caturmukhaṃ caturbāhuṃ caturveda nidhiṃ prabhum |
sūryakoṭi pratīkāśaṃ kalpāntāgni samaprabham || 28 ||

tena tejovabhāsena bhāsitaṃ bhuvanatrayam |
vyaktībhūtaṃ tadāvatsa diśoṣṭau gaganaṃ kṣitiḥ || 29 ||

kṣitibhūtaṃ sthitaṃ padmaṃ merubhutā hi karṇikā |
dalāṣṭakaṃ diśaścāṣṭau brahmapadmasya ṣaṇmukha || 30 ||

caturdaśavidhaṃ vatsa bhūtasargaṃ carācaram |
sarvaṃ praṇavasaṃbhūtaṃ cicchaktyā cetanodbhavam || 31 ||

p. 22b) kālāgni rudraparyantaṃ cicchaktyāṅkurasambhavam |
tacca padmasthitaṃ vatsa amṛtodadhimadhyagam || 32 ||

taṃ dṛṣṭvā tu svayaṃ brahmā vismito hyantarātmanā |
tadā tasyoditā buddhiryogamabhyamanaṃ prati || 33 ||

tena yogaṃ samabhyastaṃ divyāyutasahasrakam |
tasya yoga phalāvāptiścicchaktyā praṇave hṛtam || 34 ||

tena cotyāditaṃ sarvaṃ viśvaṃ hi sa carācaram |
brahmādi stambha paryantaṃ yāvat kālādi gocaram || 35 ||

tasmāt sākāra bhutāni sarve brahmamayāguha |
sarvaṃ ca khalvidaṃ brahmasvatorthaṃ brahma vādinam || 36 ||

jñātvā bhūta hitaṃ vatsa ye sthitāste hyasambhavāḥ |
sarveṣāṃ caiva bhūtānāṃ praṇavaṃ yoniśakti dhṛt || 37 ||

tasmād brahmasamutpannamādaupraṇava yoniṣu |
p. 23a) praṇavena bhavet padmaṃ cicchaktyaṅkurasannibham || 38 ||

tasmin madhyātsamutpannaḥ padmayonistaducyate |
praṇavaṃ yona jānāti bindunādendu bhūṣitam || 39 ||

mātrārddhamātrasaṃyuktaṃ tena brahmavido viduḥ |
arddhamātrāsamudbhutaṃ praṇavaṃ sarvadā guha || 40 ||

nādāntāntarasaṃsthaṃ tu paraṃ brahmasanātanam |
tasminneva layaṃ kuryāt tenaivaṃ brahmavādinaḥ || 41 ||

śivāntarasamudbhuta paraṃ brahmaśikhi dhvaja |
tairjñātamamṛtaṃ teṣāmajñānaṃ ca viṣaṃ bhavet || 42 ||

ardhamātrāṇi kharvāṃśaṃ tasyāṃśaḥ koṭiraṃśakam |
tasyāpi lakṣaso hyaṃśo yojānāti sa brahmavit || 43 ||



????????????????????????????
p. 23b) brahmāṇḍā brahmaṇotpattiṃ mayā jñātaṃ mayā śrūtam |
adhunā śrotumicchāmi strīpuṃsoścaiva sambhavam || 1 ||

yat tvayā coditaṃ praśnaṃ durvijñeyaṃ surairapi |
tattehaṃ kathaṃyiṣyāmi rahasyaṃ praśnapūrvakam || 2 ||

yogamabhyasitaṃ pūrvaṃ sṛṣṭyarthaṃ padmayoninā |
tapaśca sumahattīrṇāṃ duṣkaraṃ cādbhutopamam || 3 ||

tadā tuṣṭaḥ sa bhagavāñśivaḥ paramakāraṇaḥ |
paraṃ brahmaśivaṃ jñeyaṃ paraṃ sthānamanāmayam || 4 ||

parāpara śivaṃ vatsa sarveṣāṃ parataḥ sthitam |
tena tuṣṭena devena cicchaktyā cetanā guha || 5 ||

gacchatvaṃ brahmaṇaḥ nārdhaṃ sṛṣṭisṛṣṭyartha kāraṇam |
p. 24a) ārādhito hyahaṃ tena bhaktyāparamayāyadā || 6 ||

cicchaktyā coditaṃ deva pratyakṣaṃ tvaṃ kathaṃ vibho |
tadādi dṛṣṭa pūrvoyamevaṃ padma tanurbhavet || 7 ||

evaṃ matvā savai śaktiḥ śaktirūpeṇa saṃsthitā |
sa tu viṣṇurvijānīyā cchaktirūpeṇa śakti dhṛt || 8 ||

ahaṃ tu puruṣaḥ sākṣācchiva tejassamudbhavaḥ |
ubhābhyāṃ bījarūpeṇa padmayonistṛtīyakaḥ || 9 ||

evaṃ hi trividhā sṛṣṭiḥ saṃbhutābhutajā guha |
praṇavaṃ tu bhavedeṣa a u-makṣarayojitam || 10 ||

nādendu bindurete vai kalāmātrāstathaiva ca |
caturviṃśati tatvāni puruṣaṃ pañcaviṃśakam || 11 ||

āyuḥ karma ca vittaṃ ca vidyānidhanameva ca |
anye ye kecicchārīrā vyaktā-avyakta vāyavaḥ || 12 ||

p. 24b) sarvaṃ samarasaṃ bhutvā cicchaktyāvyaktayā guha |
taṃ rasaṃ brahmamityāhurānandakaraṇaṃ param || 13 ||

śukraṃ taṃ tu vijānīyādamaratvaṃ kabho?tisaḥ |
sṛṣṭirūpeṇamartyānāmamaratve vyavasthitaḥ || 14 ||

devānāmamaratvaṃ ca purātenaiva kalpitaḥ |
caturdaśavidhivatsa bhūtasargaṃ carācaram || 15 ||

agre khagātmakaṃ sarvaṃ sṛṣṭabrahmādibhirguha |
brahmatejassamutpannāvagnīṣomau śikhidhvaja || 16 ||

tathā bījasya bījatvamanyathā tu nirarthakam |
evaṃ sarve samārambhāḥ sarvabījeṣu saṃsthitāḥ || 17 ||

śarīrasṛṣṭihetvarthaṃ cicchaktyā cetanātmakam |
yathānyagrodha bījānāṃ nyagrodhābhyantare sthitaḥ || 18 ||

p. 25a) tathā sarveṣu bhūteṣu cicchaktyā cetasaṃsthitam |


?????????????????????????
sṛṣṭinyāsaṃ mayājñātaṃ daivikaṃ caiva mānuṣam |
bhūyaśca paripṛcchāmi strīpuṃso sambhavo yathā || ||

idaṃ guhyaṃ mahāguhyaṃ sarvaguhyeṣu vai guha |
yat tvayā coditaṃ praśnaṃ tat sarvaṃ śṛṇu ṣaṇmukha || 2 ||

prāktanaiḥ karmaleśeśca śubhaiścāpya śubhaistathā |
samutpadyanti saṃsāre yoni lakṣvāntareṣu ca || 3 ||

śubhakartā śubhe yonau duṣkṛtī duṣkṛteṣu ca |
evaṃ kartā ca karmabhyo bhuñjate vai śubhā śubham || 4 ||

yadā yamaḥ sa ca bhaved yadā sṛṣṭiḥ pravartate |
p. 26b) ubhābhyāṃ tatra saṃyogādbhagaliṅgasamāgame || 5 ||

garbhaṃ sambhavate garbhe cicchaktyā śakticodite |
yonidvārasya vai pṛṣṭhe nābhipadmaṃ sthitaṃ guha || 6 ||

yadā vikasitaṃ strīṇāma tu kālastadā bhavet |
rajaḥ pravartate hyasyāṃ divasāni tu ṣoḍaśa || 7 ||

ṛtukāle tu tat padma madhomārga mukhaṃ bhavet |
tasmin bījaṃ yadā kṣiptamṛtukāle śikhidhvaja || 8 ||

tadā tadrohate bījamanyathā rūparehitam |
puṃset karṣa bhavet puṃsaḥ striyotkarṣe bhavet striyaḥ || 9 ||

samena puṃsakaṃ jñeyamādhikye naiva kiñcana |
yugme yugānu yugme strī antakālena puṃsakam || 10 ||

ṛtukāle hyati krānte bhūyaḥ padmaṃ samaṃ bhavet |
p. 26a) tasya madhye sthitā vatsa piṅgalādaspṛtodbhavā || 11 ||

sā nanda yati sarveṣāṃ ratikāle śikhidhvaja |
jāyate puruṣaścaivamānandayati sarvadā || 12 ||

ubhābhyāṃ samayogena tadā bījaḥ prarohati |
purapraveśametaddhi amaratvaṃ ca vai bhavet || 13 ||

tadā putrāśca pautrāśca prapautrāśca na saṃśayaḥ |
jantavo gotra santānā amaratvaṃ tadā bhavet || 14 ||

tasya padmasya madhye tu cicchaktiramṛtodbhavā |
vasate satataṃ vatsa divasāni tu ṣoḍaśaḥ || 15 ||

tadā liṅga cyutaṃ bījaṃ tasmin sthāne prarohati |
tasya padmasya garbhoyaṃ garbhaśayyā śikhidhvaja || 16 ||

padminī śaṅkha rūpeṇa garbhaśayyā sthitā guha |
tasya madhye yadā kṣiptaṃ kṣiptaṃ bījevakalpayet || 17 ||

p. 26b) anyathā tu abījeyamauṣadhaṃ kṣipitaṃ yathā || ||


????????????????????????????
sarvaṃ deva mayā jñātaṃ sarvaṃ tāta mayā śrūtam |
adhunā śrotumicchāmi rajoretaḥ samudbhavam ||

atyanta kutsitaṃ putra yat tvayā paripṛcchitam |
duṣkṛtīnāṃ ca sarvāsāṃ garbhavāsaḥ prakīrtitaḥ || 2 ||

kālāgni rudra paryantaṃ yāvadbrahmāṇḍagocaram |
sarvaṃ cicchaktinā vyāptaṃ śivājñā coditaṃ guha || 3 ||

cicchakti saṃplutā bhūtāḥ sarveṣāmantare sthitāḥ |
prarohaṃ kuru vṛddhiṃ ca anyathā tasya codanam || 4 ||

p. 27a) vyaktaṃ na dṛśyate tasya avyakta tvāt sṛjatyasau |
tasya bījaṃ kurutyantā tayā sṛṣṭaṃ carācaram || 5 ||

carāṇāmacarāṇāṃ ca bhūtānāṃ śikhivāhana |
yosau yoniḥ sanidhanaṃ paramārthaṃ tu taṃ viduḥ || 6 ||

paramārthaṃ tu taṃ jñeyaṃ yasya śaktirna lupyate |
śaktirna lupyate cāsya śivayogā śikhidhvaja || 7 ||

sarveṣāmeva bhūtānāṃ yonyaṇḍa svedajodbhijaḥ |
agnīṣomānilayutaṃ viśate parameśvaraḥ || 8 ||

utpattireṣā bhūtānāṃ prāṇāpānodayena tu |
astaṅgataistairnidhanaṃ dehe deheśvaro guha || 9 ||

ādau bhūtāḥ samutpannāḥ paścādaṇḍasya sambhavaḥ |
tatoṅkuraṃ ca padmaṃ ca tatva brahmādanantaram || 10 ||

caturviṃśati tatvāni akṣatāni tu vai guha |
gāyatrī tu bhavet taistu mahādevāti nissṛtam || 11 ||

p. 27b) te naiva nissṛtaṃ viśvaṃ karmayugmasamanvitam |
cicchakti saṃbhavaṃ sarvaṃ brahmāṇḍa kuharodaram || 12 ||

tasmād vai sarvadā vatsa cicchaktiḥ paramārthataḥ |
mayā sṛṣṭaṃ jagatsarvaṃ bhūtasargaṃ carācaram || 13 ||

strīrajo retasaṃ miśraṃ kalilaṃ māsamekataḥ |
cicchaktyā cetanodbhūtaṃ dvitīye māsi budbudam || 14 ||

retoraktasamudbhūtaṃ tṛtīye māsi ṣaṇmukha |
cicchakti sambhavā hyata sarveṣāmantare sthitāḥ || 15 ||

prarohāṅkura vṛttiṃ ca sarveṣāṃ tasya cetanāḥ |
vyaktirna dṛśyate tasya avyakta tvāt sṛjatyasau || 16 ||

tasya bījāṅkurasyāntaṃ tena dṛṣṭaṃ carācaram |
carāṇā?macarāṇāṃ ca bhūtānāṃ śikhivāhana || 17 ||

p. 28a) budbudhāṅkurasaṃlīnaṃ cicchaktiḥ sṛjateṅkuram |
taṃ nālaṃ padmagarbhasya nābhinālaṃ prakīrtitam || 18 ||

tatomāṃsāsthi saṃbhutistṛtīye māsi ṣaṇmukha |
yathā bījāṅkuraṃ vatsa avyaktaṃ naiva dṛśyate || 19 ||

caturthe māsi saṃprāpte jāyante vayavāṅkurāḥ |
tadā vyaktaṃ bhavet kāyaṃ puruṣā kṛti saṃjñakam || 20 ||

cicchaktyā cetanaṃ tasya jāyante stokamātrakam |
majjāsthi snāyumedhaṃ ca māṃsaṃ rudirameva ca || 21 ||

vātapittaṃ tathā śleṣmaṃ śukraṃ mūtra purīṣayoḥ |
sirānāḍī granthayaśca dvārāḥ kūrmāśca jālakāḥ || 22 ||

tvacaṃ marmāṇi sandhīścalomanāḍyastathaiva ca |
ete cānyepi ye keciccharīrotpatti kāraṇam || 23 ||

p. 28b) sambhavanti ca sarve vai aṅgānyavayavāstathā (dehasyā) |
pañcame māsi samaye na khalomāni spandanam || 24 ||

śrottraśuktiśca śotrāṇāṃ dhātūnāṃ dhāturopaṇam |
vyaktatvaṃ sarvamaṅgānāṃ yathā yasya tu kalpitam || 25 ||

cicchakti cetanavaśāt sampannāste śikhidhvaja |
ṣaṣṭhe māsi rasān sarvān yadā te mātṛ bhojanāt || 26 ||

kṣuṭtṛṣṇā jāgranidrāśca śītoṣṇa mukhaduḥkhitāḥ |
cicchakti cetanorthe na cetanāṃ cetate tu yaḥ || 27 ||

saptame māsi saṃprāpte caitanyaṃ mānuṣopamam |
yadā prabudhyate cāgnirhyadisthaṃ tacca vai guha || 28 ||

tadā sa sarvamakhilaṃ śarīre dyotayatyasau |
padmatrayaṃ prabuddhyeta hyannābhi mukhasaṃsthitam || 29 ||

p. 29a) vāyavaśca pravartante prāṇādyā ye prakīrtitāḥ |
liṅgadyānāḍayaḥ sarvā hṛtpadmadalasambhavāḥ || 30 ||

tānimāṃ pūritaṃ sarvaṃ tejorthena jarāyubhiḥ |
tairvyāptamakhilaṃ piṇḍaṃ lomāntaṃ yāvat ṣaṇmukha || 31 ||

nāḍi cakraṃ tu sarvaṃ vai vyāpitaṃ sarvarasmibhiḥ |
yathā sūryodaye sarvaṃ rasmibhirvyāpitaṃ jagat || 32 ||

pāṇāgni sūryau nirṇītvā vyāpitaṃ dehamātmanaḥ |
cicchakti cetanorthāṃya bahiḥ sūryaṃ śikhidhvaja || 33 ||

na tu tasyātmanāśaktiryāvaccicchakti coditā |
aṣṭamena tu māsena buddhirgarbhasya saṃbhavet || 34 ||

yathāhaṅkāra doṣeṇa garbhavāsaṃ vasāmyaham |
tamondhakāragahane sarvaduḥkhasamākule || 35 ||

p. 29b) svedamūtrapurīṣorthe vasārudhirasaṃyute |
kaliśseṣmasaṅkīrṇe māṃsāsthisnāyu saṅkaṭe || 36 ||

ekaviṃśati ye proktā narakāśca bhayāvahāḥ |
teṣāṃ madhyānmahāghoraṃ narakaṃ kukṣi sambhavam || 37 ||

candrārkarahitaṃ bhīmaṃ vāyvagni parivarjitam |
narakārṇavasaṃprakhyaṃ duḥkhakalloladussaham || 38 ||

ahaṃ jātaḥ kathaṃ putra kiṃ mayā duṣkṛtaṃ kṛtam |
evaṃ sañcintyamānasya cicchaktyā coditasya ca || 39 ||

navame māsi samaye saṃprāpteṣu saveguha |
ata ūrddhvaṃ tu ye kecit garbhavāse vasanti ca || 40 ||

mahāpātakinaste vai upapātakinastu ye |
darśanaṃ daśame māsi sukṛtāni tu cintayet || 41 ||

p. 30a) yenāhaṃ santariṣyāmi yonidvārādbhayānakāt |
tadahaṃ tat kariṣyāmi yena bhuyo na jāyate || 42 ||

sukṛtāni hyaśeṣāṇi yāni vai kathitāni tu |
vedeṣu sarvaśāstreṣu purāṇeṣu smṛtīṣu ca || 43 ||

tāni sarvān kariṣyāmi yathoktāni vidhānataḥ |
evaṃ sañcintya mānasya cicchaktyā prasavaṃ kṛtam || 44 ||

mahābhayaṃ tu garbhasya prasavaṃ tu śikhidhvaja |
atyanta bhayabhītā tu maṇḍa udbijitā guha || 45 ||

hastapādaśarīreṇa svakena śikhivāhana |
vidārya padmaṃ garbhasya yonidvāra mukhe gatam || 46 ||

tadāmātā bhayaṃ prāptā maraṇāntika gocaram |
p. 30b) vidārya sṛṣṭiṃ dvāreṇa mātuḥ sandeha kārakam || 47 ||

nirgatya patate bhūmau nissaṃjñaṃ tu tadā bhavet |
na tasya sukṛte buddhirna ca duṣkṛta karmaṇi || 48 ||

mohito māyayā vatsa cicchaktyā bālasaṃjñayā |
utpattireṣābhūtānāṃ yonijānāṃ śikhidhvaja || 49 ||

tasmāt sarva prayatnena ajātapadamabhyaset || ||


??????????????????????????????
na kiñcidapi taṃ deva yanmayānāvadhāritam |
tatrāpi saṃśayaṃ deva vartate dhātu saṅkṣayāt || 1 ||

atyanta gahanaṃ praśnamapratyakṣamagocaram |
p. 31a) yat tvayā coditaṃ praśnaṃ putrasnehādvadāmite || 2 ||

pañcabhautika piṇḍasya cicchaktyā nirmitasya ca |
yathā vai dhātu saṃkhyānamaṅgānāṃ ca śṛṇuṣvame || 3 ||

ṣaḍrasāhāratṛptasya dhātusantarpitasya ca |
rasaṃ sambhavate vatsa māsamekaṃ tu niṣphalā || 4 ||

taṃ rasaṃ rasarūpeṇa cicchaktyā hyamṛtaṃ kṛtam |
parāgni saṃbhavaṃ taṃ vai na sa śukro bhavatyasau || 5 ||

sṛṣṭibījaṃ tu taṃ jñeyaṃ tataḥ sṛṣṭiḥ pravartate |
rasādraktaṃ tato māṃsaṃ māṃsānmedotha jāyate || 6 ||

medasosthi tathā majjā majjā cchūkraṃ ca jāyate |
śukrāddhātūni sarvāṇi dhātubhyāṃ dehamānuṣam || 7 ||

teṣāṃ santarpaṇaṃ tuṣṭi rasatarpaṇato vyayam |
evaṃ hi prathamaṃ tāvaccharīrotpatti kāraṇam || 8 ||

p. 31b) anantaraṃ punarvatsa yathā bhavati tacchṛṇu |
vātaṃ pittaṃ tathā śleṣmaṃ dhātavaḥ parikīrtitāḥ || 9 ||

viṇmūtra śukramajjā tu māṃsaṃ caivāṣṭamaṃ viduḥ |
śarīradhāraṇā hyete saṅkhyāsaṅkhyā kṛtāṃ guṇāḥ || 10 ||

dhātu sāmye sthitā dehe sarve te guṇakārakāḥ |
tāsāṃ saṅkhyā bhavedeṣā kalpanā śikhivāhana || 11 ||

viparyayeṇa dhātūnāṃ na hi saṅkhyā bhavet guha |
vāyu bhāve guṇā ye ca ye vāne yau dhvane tathā || 12 ||

na tu madhya vayotīta samatvaṃ sarvadhātuṣu |
atorthā dhātu pūrvāye asaṅkhyeyāvilāguha || 13 ||

sthito yo sau hṛdi hyagniḥ praṇavorthaḥ śikhidhvaja |
tena santarpite naiva dhātavastarpitā guha || 14 ||

sa śṛṇoti sa vai paśyed yo rasān svādate ciram |
p. 32a) sa tu gandha guṇasparśaṃ bhuñjate dehasaṃsthitaḥ || 15 ||

tasya bhāvāt pralīyante sarve te dhātavaḥ sadā |
tasmād vai sarvadā vatsa sa kartāsevakāraṇam || 16 ||

yathā rasmi sahasrāṇi sūryāyattāni ṣaṇmukha |
tathā sarvāṇi bhūtāni te jāyattāni sarvaśaḥ || 17 ||


?????????????????????????
dātūtpattirmayā jñātā yathā tathyaṃ suvistaram |
sarveṣāmeva dhātūnāṃ raktaṃ tu prathamaṃ bhavet |
sa tu māṃsaṃ samāśritya saṃsthitaṃ sarvadehinām || 2 ||

tasya majjā bhavedvatsa paladvātriṃśa saṃkhyayā |
p. 32b) māṃsaṃ peśīśatānyaṣṭau śataiketaiva cādhikaḥ || 3 ||

payaḥ pītvā bhaved raktaṃ dviguṇaṃ taṃ śikhidhvaja |
pittasya tu palānyaṣṭau śleṣmarakta samāśritam || 4 ||

raktasya hi samaṃ śleṣmaṃ tadvadvṛttistu ṣaṇmukha |
vasāmedaḥ pṛthaktvena ubhau viṃśatpalīnakau || 5 ||

śukraṃ pittaṃ samaṃ jñeyaṃmasthimajjāntareṣu ca |
vasādāhārapānāṃbhyāṃ viṇmūtraṃ jāyate punaḥ || 6 ||

tadā bhāvai hyasaṃkhyeyaṃ sthiratvaṃ teṣu naiva ca |
raktaṃ pittaṃ tathā śleṣmaṃ śukraṃ majjā tu ṣaṇmukha || 7 ||

rasodbhavāni caitāni rasabhāvā tu naiva hi |
sarveṣāmeva dhātūnāṃ pittaṃ vai śleṣma bandhanam || 8 ||

yasmādrasodbhavāḥ sarve tadā teṣāṃ nibandhanam |
yasmādrasodbhavāḥ sarve tadā teṣāṃ nibandhanam || 9 ||

p. 33a) majjāyāṃ tu palāviṃśat sarvāsthyabhyantare sthitāḥ |
asthīnāṃ tu śatāṃ trīṇi ṣaṣṭhya sthiradhikāni ca || 10 ||

tantrīṇāṃ caiva vijñeyaṃ śatamaṣṭādhikaṃ tathā |
aṣṭottaraṃ carmaśataṃ sirāṇāṃ sapta vai śatam || 11 ||

tāśca rakta vahāḥ sarvā dehamācchādyasaṃsthitāḥ |
granthīnāṃ tu śataṃ vatsa aṣṭātriṃśottaraṃ tathā || 12 ||

pradhānā granthayaḥ pañca yaiḥ kāryaṃ mokṣasādhane |
snāyu jālamasaṃkhyeyaṃ yairbaddhaṃ kāyapañjaram || 13 ||

māṃsaṃ tu dhāryate taistu saṅkoca karaṇāni te |
catuṣṣaṣṭirbhavet kūrcaṃ tayoḥ snāyūṃśca sambhavet || 14 ||

sūcitātā bhavet ṣaṣṭiḥ snāyu sūtraistu yantritam |
tadā yantra mayaṃ sarvaṃ śarīraṃ mānuṣātmakam || 15 ||

p. 33b) dvāsaptati sahasrāṇi nāḍīnāṃ parikīrtitam |
tāstu vāyu vahāḥ sarvāssarvāstā mokṣadāḥ śubhāḥ || 16 ||

tāsāṃ madhye pradhānaikā piṅgalā amṛtodbhavā |
tadudbhavāṇi sarvāṇi yathā prāṇodbhavānilāḥ || 17 ||

carmamekaṃ tu vikhyātaṃ roma cchannaṃ samantataḥ |
tisraḥ koṭyo va koṭistu romasaṅkhyaḥ prakīrtitāḥ || 18 ||

te ca nāḍi samudbhūtā yasmāt tejodbhavāni te |
te saṅkhye yā asaṅkhye yā ye tu dehāntare sthitā || 19 ||

sarve tejaḥ samudbhūtā sarve te tejasaṃsthitāḥ |
lomakrāmāni sarvāṇi dvārāṇi śikhivāhana || 20 ||

ajñānānnaiva dṛśyante dṛśyante jñāna cakṣuṣā |
p. 34a) nakhānāṃ viṃśatiḥ proktā navadvārāṇi ṣaṇmukha || 21 ||

evaṃ saṅkhyā samudbhūtā śarīreṣu śarīriṇām || 22 ||


?????????????????
avayavānāṃ tu sarveṣāṃ saṅkhyotpattirmayā śrūtā |
bhūyo vijñātu micchāmi brahmaveśma śarīrajām || 1 ||

sarve praśnā mayāproktā rahasyāni tu sarvasaḥ |
yasmādbrahma mayaṃ dehamatrabrahma tu labhyate || 2 ||

avayavāḥ pūrvamuktā mayā caivaṃ śikhidhvaja |
yadyekona bhavet teṣāṃ tadā sarve hyapārthakāḥ || 3 ||

prāktanānabhavantyete saṃhatādeha dhārakāḥ |
p. 34b) ekaikaṃ ca tathā bhūtamutpannaṃ śakti coditam || 4 ||

punareva tu te naiva yantritaṃ bhūta pañjaram |
tasmād yantra mayaṃ sarvaṃ śarīraṃ mānuṣātmakam || 5 ||

gṛhakṛtyasamādṛśyamasthidā rucitaṃ śubham |
māṃsarakta mṛdādigdhaṃ snāyu kīlaka kīlitam || 6 ||

lipte vai carma lepena navadvāropaśobhitam |
ekona dhāryate stambhaṃ brahmāṇḍaṃ yena dhāryate || 7 ||

brahmaveśma sadāvatsa tasmin madhye paraṃ sthitam |
brahmaṇo veśmano madhye vedamagni trayasya ca || 8 ||

teṣāṃ homaṃ prakurvīta pratyahaṃ cāhitāgninā |
ājyendha na tilairdarbhairdhūmairgandhaiḥ srajaiḥ śubhaiḥ || 9 ||

na teṣāṃ tuṣṭipuṣṭirvāhutaistairjīvasaṃjñakaiḥ |
tuṣyante tarpitāvatsa prāṇāpānāhutīṣu ca || 10 ||

p. 35a) na teṣāṃ hūyate havyamajīvaṃ brahmasaṃbhavam |
juhuyāt satataṃ vatsa prāṇāpānāvamṛtodbhavau || 11 ||

turyasthānāmṛtaṃ vatsa vasudhārevasaṃsthitam |
sravate satataṃ vatsa prāṇāgnau tarpaṇaṃ prati || 12 ||

agnayastena tṛpyanti ājyendha na nirarthakāḥ |
bāhyāgnītamupāsīta vidhidṛṣṭena karmaṇā || 13 ||

bhurbhuvaḥ svastapolokā dṛśyante tairhutākhilāḥ |
brahmavedirbhavedeṣā brahmaveśmasya madhyataḥ || 14 ||

antarvedī tathātraiva suṣumṇā trāntare sthitā |
prayāgaṃ ca kurukṣettraṃ puṣkaraṃ naimiṣaṃ tathā || 15 |

vārāṇasī tathā gaṅgā kedāraṃ sindhu sāgaram |
ete cānyepi ye kecit tīrthānyāyatanāni ca ||

p. 35b) sarve tiṣṭhanti brahmajña paramāgnau juhoti yaḥ |
sarvaṃ sarveṣu bhūteṣu prakaṭaṃ saṃsthitaṃ guha ||

ajñānānnaiva paśyanti paśyanti jñāna cakṣuṣā || ||


?????????????????????

brahmaveśma tathājyaṃ ca tvat prasādācchrutaṃ mayā |
adhunā śrotu micchāmi brahmabrahmapuresthitam ||

sarvaṃ sarvaṃ mayākhyātaṃ yat tvayā pṛcchitaṃ guha |
ayaṃ praśno gurorvaktrādyadi jñāsyasi niścayāt ||

rahasyaṃ sarva śāstreṣu vedādi sahiteṣu ca |
siddhānte kula siddhānte avācyaṃ yat kathaṃ ca te || 3 ||

nityoditaṃ ca nityaṃ ca anityaṃ kalpanātmakam |
p. 36a) yat tvayā coditaṃ vatsa ati snehādbadāmite || 4 ||

yo sau hyadi sthitaḥ padmaḥ praṇavortthaḥ śikhidhvaja |
tasya madhye paraṃ tejo yaḥ paśyati sa paśyati || 5 ||

mahājvālā samākīrṇaṃ raśmibhiḥ parivāritam |
asaṅkhyā bhāsurābhāsaṃ brahmaveśmasya dīpanam || 6 ||

taṃ ca paśyati yaḥ putra taṃ ca brahma vido viduḥ |
nadate satataṃ yasmāt tasmān nādamihocyate || 7 ||

pravāhena sthitaṃ vatsa yathā nadyo jalāśayāḥ |
abyucchinnaṃ ca taṃ nādaṃ nadate sarva dehinām || 8 ||

dehe dehe na cānyo vai ekaṃ vai sarvataḥ sthitam |
anacchaṃ kecidicchanti śūnyaṃ kecitva danti ca || 9 ||

mātrārdhamātraṃ kecicca nāsti nāstīti nāstikāḥ |
p. 36b) taṃ nādaṃ prakaṭaṃ yeṣāṃ teṣāṃ mokṣo dhruvaṃ guha || 10 ||

dhūlibhedena te siddhaṃ siddhaṃ gurumukhācchubham |
tvāṃ viditvā mahāsenaṃ taṃ mokṣaṃ prāpsyase dhurvam || 11 ||

dhruvaṃ bhavedbhavedvatsa dhruvarūpeṇasaṃsthitam |
paramāgni samudbhūtaṃ taṃ nādaṃ nadate guha || 12 ||

tacca darśayate vastu sa gururgurureva ca |
daiśikastu sa vijñeyo mokṣo vai mokṣikastu saḥ || 13 ||

lakṣaṇaṃ śṛṇu nādasya yathātvaṃ lakṣayiṣyasi |
yena vijñāta mātreṇa bhrānti jñānaṃ nivartate || 14 ||

yathendhanapradīptegnau yathākṣobha cyutaṃ jale |
yathā vātāhate vṛkṣe śabdoyaṃ śrūyate guha || 15 ||

tathā śarīra brahmoyaṃ pratyakṣaṃ śṛṇu ṣaṇmukha |
śṛṅgadhvani ninādena nadantaṃ yaḥ śṛṇoti vai || 16 ||

p. 37a) taṃ nādaṃ brahmamityāhuryaḥ śṛṇoti śṛṇoti saḥ |
na kiñcidapi taṃ vatsa yasya taṃ na hyadi sthitam || 17 ||

na tu jānanti taṃ mūḍhā jñāna vijñāna varjitāḥ |
prakaṭaṃ jñāna cakṣurbhyāṃ paśyate śṛṇute tu saḥ || 18 ||

tarjanī prāntasaṃruddhau karṇau dvaukārayedguha |
etena śrūyate nādaṃ na dantaṃ brahmasaṃbhavam || 19 ||

evaṃ vai paramaṃ nādaṃ hṛdisthaṃ sarvadehinām |
brahmādi stambha paryantamākārā ye bhavanti vai || 20 ||

teṣāṃ hṛdi sthitaṃ vatsa guruvaktrāt tu labhyate |
gurūpadeśagamyoyaṃ yadi tuṣṭo vadatyasau || 21 ||

anyathā na tu siddhyeta kalpakoṭi śatairapi |
sa tṛptaḥ sa ca vai muktaḥ somṛtaṃ cāśnute dhruvam || 22 ||

p. 37b) yasyedaṃ viditaṃ brahma paraspara padānugam |
paraṃparagataṃ vatsa parātparataraṃ hitam || 23 ||

taṃ ca nādaṃ samākhyātaṃ yena vyāptaṃ carācaram |
brahmādi sarva bhūteṣu careṣu hyacareṣu ca || 24 ||

hṛdisthaṃ nadate nādaṃ prāṇādyā vāyavekhilāḥ |
vyāpāreṣu sa vai kartā samastavyastakeṣu ca || 25 ||

sa kartā sa hi vijñeyastvaṃ tarhya na gato guha |
sarve ye kecid vyāpārāḥ sṛṣṭirādyāḥ kṣayāntikāḥ || 26 ||

sa kartā caiva sarveṣā paraṃ brahma sadoditam |
caturviṃśati tattvāni puruṣaḥ pañcaviṃśakaḥ || 27 ||

sarveṣāṃ sa hi kartā vai tadā yat tāni tāni tu |


???????????????

p. 38a) sarvaṃ sarvaṃ mayā jñātaṃ sarvaṃ sarvaṃ mayā śrutam |
na punastāta kauleyaṃ khecarīṇāṃ mukhesthitam || 1 ||

mahājñānamidaṃ vatsa mahāvijñānameva ca |
yat tvayā coditaṃ praśnaṃ kaulaṃ khecari gocaram || 2 ||

putra snehāt kathiṣyāmi rahasyamadbhūtopamam |
taṃ hi siddhyanti tāsāṃ vai tāstasmiṃstejasā guha || 3 ||

sāmānyānāṃ tu martyānāṃ lokopahata cetasām |
kuvikalpagatānāṃ vai satyaṃ vatsa na siddhyati || 4 ||

jīvākhyamamṛtaṃ yacca hṛdākāśāntare sthitam |
pibanti rūpikāstaṃ tu nāḍimāśritya madhyamām || 5 ||

taṃ pītvā tṛpti māyānti atorthaṃ taṃ pibanti hi |
devān pitṛstarpayanti kulanāḍyāṃsta saṃsthitāḥ || 6 ||

tāsāṃ mokṣaṃ śivenoktamanena vidhinā guha |
na punarhomahavanairyajñaiśca bahudakṣiṇaiḥ || 7 ||

māṃsāsthi rudhiraṃ majjāṃ bhakṣayanti ca rūpikāḥ |
vivarte hyamṛtaṃ vatsa hṛdisthaṃ yatparaṃ padam || 8 ||

siddhisteṣāṃ tu te naiva tarpayitvā tu bhairavam |
bhairavastarpitaṃ tāsāṃ dharme ca paśuṃ prokṣaṇe || 9 ||

cicchaktiḥ paśavasteṣāṃ hṛnmadhyasaṃsthitā |
mokṣaśca nihitaṃ yajñe bhairavokteṣu sarvadā || 10 ||

pihitaṃ taṃ tu vijñeyamanyathā vada eva tu |
anena vidhinā vatsa hiṃsanti paśavo yadi || 11 ||

samuktaḥ paśunāsārdhaṃ mokṣa ityabhidhīyate |
p. 39a) siddhyate mahatāṃ siddhiraṣṭasiddhisamanvitā || 12 ||

sāmānyānāṃ tu siddhīnāṃ koviśeṣosti śakti dhṛt |
kasyedaṃ viditaṃ jñānaṃ jñeyaṃ vijñāna sammitam || 13 ||

brahmādyāḥ paśavastasya paśoranyasya kā kathā |
paśūnāṃ caiva sarveṣāmādikartā prajāpatiḥ || 14 ||

sa eva prokṣito yasmāt tasmāt kaulodhikaṃ bhavet |
vedayajñeṣu paśavo hiṃsanti brāhmaṇottamāḥ || 15 ||

bhairavīyeṣu sarveṣu puṃpaśuṃ hanti sādhakāḥ |
sūkṣmapuryaṣṭakaṃ yacca bhūtānāṃ hṛdi saṃsthitam || 16 ||

taṃ paśuṃ hanti yoginyo hatvā siddhyanti siddhiṣu |
prāṇāpānodaye tasmin bindunāda layaṃ gatāḥ || 17 ||

pibanti rūpikāstāstu paśuṃ hatvāśikhidhvaja |
gatireṣā hi caiteṣāṃ tadātmetaṃ labhanti hi || 18 ||

p. 39b) jīvavyomāntaraṃ yacca bhūtānāṃ hṛdisaṃsthitam |
prāṇāpānapravāhena na viditvā pibanti hi || 19 ||

sadyo nirdhānadīrtā? vai mokṣakastu * * * * |
* * * * * * * * * * bhakṣyāni kāni tu || 20 ||

pibanti yena siddhyarthaṃ vidhinā bhairavena tu |
bhairavoktena vidhinā samyag yoga balena tu || 21 ||

pibanti madirāṃ tu kṣīravatprakaṭaṃ guha |
sa siddhaḥ sādhakaḥ sohi śeṣā vai madhyamāḥ smṛtāḥ || 22 ||

puṣpamātreṇa prāpyenaṃ bahūnāṃ yastu nirvapet |
kṣīraṃ tu kurute madhyaṃ saṃśaye samupasthite || 23 ||

sa siddhaḥ sarvadā vatsa kṛṣṇaḥ śveta karo guha |
prāṇāpānāntara caronāḍi tritaya yāyinaḥ || 24 ||

taṃ pibanta mṛtaṃ divyaṃ paraṃ paramasiddhidam |
p. 40a) sauraṃmārgaṃ parityajya cāndraṃ mārgaṃ tathaiva ca || 25 ||

brahmamārga gamaṃ yasya taṃ pibaṃtya mṛtaṃ param ||


???????????

vadame yadi tuṣṭosi iṣṭaṃ tathyaṃ hitaṃ vibho |
yena vijñāta mātreṇa bhrānti jñānaṃ nivartate || 1 ||

śṛṇu vatsa yathānyāyyaṃ sarvaprājñottamottama |
yat tvayā coditaṃ praśnaṃ nissandigdhaṃ vadāmyaham || 2 ||

yā sā śaktiḥ parāsūkṣmā avyaktā yā śivorthayā |
saṃsthitā sarvabhūteṣu jagadurddhraṃ? yayākhilam || 3 ||

brahmādi stambha paryantaṃ bhūtasargaṃ carācaram |
grasate sṛjate śaktiśśivājñā jñāpitā guha || 4 ||

na punaḥ śaktirasmākaṃ satyaṃ satyaṃ śikhidhvaja |
vayaṃ pitāmahaṃ viṣṇuṃ na bīndvanalameva ca || 5 ||

indrādyā devatāḥ sarve satvādyāśca maharṣayaḥ |
bhūyo bhūyo hi jāyante bhūyo bhūyo mriyanti ca || 6 ||

na punaḥ śakti saṃhāro bhavatiha kadācana |
śaktirna lupyate sā vai paramādvaita vartinī || 7 ||

nityoditā tu sā sūkṣmā śivāmṛtasamudbhavā |
yayāvyāptamidaṃ viśvaṃ bhūtasargaṃ carācaram || 8 ||

antargatā tu sā vatsa sarveṣāṃ hṛdi saṃsthitā |
ekaikaṃ maṇimāśritya yathāviddhyanti vedhakāḥ || 9 ||

mahābhūtāni vai tadvacchaktibodhena bodhitā |
sūtraṃ tāsāṃ śivaṃ sākṣāt tena te grathitā guha || 10 ||

p. 41a) yairvyāptamakhilaṃ viśvaṃ brahmāṇḍāvadhi gocaram |
mahābhūtāni sarvāṇi sarve cicchakti sambhavāḥ || 11 ||

cicchaktiśśivasambhūtā avyaktāḥ sarvataḥ sthitāḥ |
na hi jānanti tāṃ mūḍhā mahāmāyā vimohitāḥ || 12 ||

na kaścidapi taṃ bhūtaṃ yasya sā hṛdi na sthitā |
sthitā sā agni rūpeṇa sarvatra vāyunāśritā || 13 ||

te paśyanti hitāvatsa yeṣāṃ jñānaṃ munirmalam |
brahmaveśma bhaved dehaṃ jñānaṃ tatraiva dīpakam || 14 ||

taṃ prajvālya prapaśyanti yatkiñcidveśmamadhyagam |
taṃ dṛṣṭyā te gamiṣyanti ajanma padamavyayam || 15 ||

ajā sā amalā sūkṣmā nityoditā sunirmalā |
saṃsthitā sarvabhūtānāṃ brahmādīnāṃ śikhidhvaja || 16 ||

p. 41b) yairjñātāste vimuktā vai te baddhā yantra lakṣitāḥ |
vayaṃ brahmādibhissārdhaṃ naiva muktāḥ śikhidhvaja || 17 ||

tadā dhyānāvasakrā vai tasya dhyāna parāyaṇāḥ |
anyepi yoginaḥ sarve makṣamārgānu kāṅkṣiṇaḥ || 18 ||

yajanti vividhairyajñaistanmadhyāduditaṃ guha |
kāraṇaṃ tatra vai hyekaṃ yukti bhedaḥ pṛthak pṛthak || 19 ||

sātvikaṃ yeṣu vai yogaṃ teṣāṃ mokṣo bhaveddhruvam |
rājasaṃ svargakāmānāṃ nārakaṃ tamasā vṛtam || 20 ||

sātvikaṃ caiva tairyaṣṭaṃ tadā te mokṣa yāyinaḥ |
rājasaṃ mānuṣairvatsa svargā vāpti phalapradam || 21 ||

tāmasaṃ tiryagyonisthairmūḍhairajñairapaṇḍitaiḥ |
tasmāt sarvaprayatnena sātvikaṃ yāgamārabhet || 22 ||

rājasaṃ tāmasaṃ vatsa punarāvṛtti kārakam |
p. 42a) sātvikaṃ mānasaṃ yāgaṃ tatra hiṃsā na vidyate || 23 ||

rājasaṃ tāmasaṃ vatsa ubhautau hiṃsa pūrvakau |
mānase naiva yāgena ye yajanti sadāśivam || 24 ||

te muktāḥ sarvapāpebhyaḥ satyaṃ satyamupāsuta |
dravyaśuddhistu paramaṃ sambhāraṃ yeṣu krīyate || 25 ||

tāṃ vicāraya yatnena sātvikaṃ bhavate yadi |
tadā taṃ dravya sambhāraṃ śuddho bhavati ṣaṇmukha || 26 ||

rājasaṃ tāmasaṃ dravyamaśuddhaṃ sarvadā gamaiḥ |
yaṣṭaṃ hi nirmalaṃ tena pratyutatṛṇavadbhavet || 27 ||

sātvikaṃ nāsti tad dravyaṃ triṣu lokeṣu sarvadā |
tadarthaṃ na vimuktāste ye yajanti sadā dhanaiḥ || 28 ||

athavā sātvikaṃ cārthaṃ yadi labhet kathañcana |
p. 42b) tad deyaṃ devagurave vipre vā brahmavādine || 29 ||

anantaṃ ca asaṅkhyeyaṃ svalpamātre paśoditam |
akṣayyaṃ bhavate vatsa kalpakoṭi śatairapi || 30 ||

sambhārārthaṃ na tad dravyaṃ prayuñjīta kadācana |
saṃbhārā ye bahirkecit sarve cicchakti sambhavāḥ || 31 ||

teṣāṃ bādhā bhaved yasmāt tasmāt tāṃ parivarjayet |
sa jīvāni tu te sarve śivaṃ teṣāṃ hṛdi sthitam || 32 ||

sa jīvāni tu puṣpāṇi sa jīvāni phalāni ca |
sa jīvāḥ paśavo jñeyāstarujātīnisarvaśaḥ || 33 ||

tāṃ tyaktvā yajasekastvaṃktayāgamaghasiddhimān |
ye sthitāḥ phalasandho *? vaśyākarṣaṇamāraṇaiḥ || 34 ||

te yajanti sa jīvaistu jīvaiścicchakti sambhavaiḥ | 
p. 43a) caturdaśavidhaṃ vatsa bhūtasargaṃ carācaram || 35 ||

sarvaṃ cicchaktisaṃbhūtaṃ taṃ hatvā naiva mucyate || ||




śaktyodayaṃ mayājñātaṃ dravyaśuddhivinirṇayam |
adhunā śrotumicchāmi iṣṭamiṣṭoturottaram || 1 ||

mayātīrṇaṃ tapaścograṃ yugakalpānyanekaśaḥ |
tadā sa tuṣṭo bhagavāñśivopyaśivahāparaḥ || 2 ||

vadate vadame cādya tuṣṭohaṃ te umāpatiḥ |
ahiṃsā sarvabhūteṣu careṣu hyacareṣu ca || 3 ||

etaddhi cāmṛtaṃ vatsa akṣaraṃ hyakṣaraṃ dhruvam |
hiṃsākṣaraṃ vijānīyāt tasmāt taṃ parivarjayet || 4 ||

atorthaṃ mānusaṃ yāgamakṣaraṃ hyamṛtaṃ guha |
ye yajanti hitaṃ vatsa te muktā bhavabandhanāt || 5 ||

vayaṃ bhogābhilāṣeṇa naivamuktāḥ śikhidhvaja |
ajñānādupadeśasya śivajñāna bahiṣkṛtaḥ || 6 ||

tadānu viditaṃ tattvaṃ mokṣamārgāvalambinam |
niṣprapañcaṃ paraṃ tatvamaparaṃ tu parāparam || 7 ||

niṣprapañcā parāśaktirniṣprapañcaḥ paraḥ śivaḥ |
tasya yāgaṃ ca kurvīta niṣprapañcaṃ hi mānusam || 8 ||

snānaṃ dhyānaṃ tathā pūjā japaṃ homaṃ tu pañcamam |
manasai tāni kartavyaṃ vidhidṛṣṭena karmaṇā || 9 ||

iti śrī || ||


????????????????????????

snānādikaṃ tvayaivoktaṃ pūrvaṃ vai mānasaṃ vibho |
tadahaṃ śrotumicchāmi yathārthaṃ tadbravīhi me || 1 ||

śivatīrthaṃ sthitaṃ dehe sarvatīrthālāṃ hitam |
bhurloke tu bhuvo loke svarloke tu tathaiva ca || 2 ||

gaṅgādyāḥ saritaḥ sarvāḥ kṣīrodādyāśca sāgarāḥ |
sarve tiṣṭhanti tatraiva mānase tvakhilā guha || 3 ||

hṛt puṇḍarīka madhyasthaṃ śivatīrthaṃ tu mānasam |
tatrasthaṃ saṅgamaṃ vatsa śivaṃ nādātmakaṃ śubham || 4 ||

agnīṣomīyagahanaṃ pāṇāpānajalāśayam |
pravāhaṃ tasya tīrthasya suṣumṇāḍyāntare sthitam || 5 ||

p. 44b) turyasthānāmṛtaughena plāvitaśca samantataḥ |
na cātra vighnā hiṃsanti duṣṭā ye vai carācare || 6 ||

tadā snānaṃ śubhaṃ tatra śivatīrthe ca mānase |
nā cātra hiṃsā dṛśyeta na tu pītvā karaṃ tathā || 7 ||

carācaresmin ye lokāḥ puṇyanyāyatanāni ca |
tepi tiṣṭanti cāteva ātmaśuddhyartha kāraṇam || 8 ||

bāhyatīrthāni sarvāṇi kalpanākalpitāni tu |
śivatīrthena tiṣṭhanti mānase aśivāpahe || 9 ||

kalpitā ye bahiṣkāni tīrthānyāyatanāni ca |
uttaptāste sadā vighnairdivyabhaumāntarikṣagaiḥ || 10 ||

tasmāt te dūṣitā vatsa śivatīrthena kena cit |
anorthādbāhyatīrthāni varjitāni sadā guha || 11 ||

p. 45a) uccāṭane tu vighnānāṃ hiṃsā bhavati vai tadā |
yasmād bādhā bhavet teṣāṃ tasmāt tāstu vivarjayet || 12 ||

nirmalaṃ vighna rahitaṃ mohadaṃ tu aghāpaham |
amṛtaṃ sravate nityaṃ piṅgalābhyantare sthitam || 13 ||

sauṣumṇā nanda gambhīraṃ turyā tu prāntagocaram |
svarṇopalabdhi vimalaṃ sā nandaṃ nandaśītalam || 14 ||

taṃ labdhā śivatīrthaṃ vai ātmano hṛdi saṃsthitam |
tasmin snānaṃ sadā kuryād vidhi dṛṣṭena karmaṇā || 15 ||

sandhyā tu vandayet tatra tarpayet pitṛ devatāḥ |
yat kiñciditi kartavyaṃ tat sarvaṃ mānasaṃ kuru || 16 ||

athavā smaryate tīrthaṃ yat kiñcin manasepsitam |
sarve tiṣṭhanti cātraiva ahiṃsā tu samarpitāḥ || 17 ||

p. 45b) vayaṃ brahmādibhiḥ sārdhaṃ śivatīrthāmbu sevanāt |
etaddhi paramaṃ tīrthamayaṃ hi paramo japaḥ || 18 ||

etaddhi paramaṃ snānaṃ tatra snānaṃ tu vai guha |
bāhyatīrthāni tuṣṭāni mantrān bāhyāṃstu sarvaśaḥ || 19 ||

mantrā hṛṣṭāni tuṣyanti anyathā jala eva saḥ |
tīrtheṣu ye sthitāḥ keciddīnādyāḥ prāṇino guha || 20 ||

atorthāstena muñcanti vijñāna rahitāstu ye |
śivatīrthaparijñānātsamyagyoga balena tu || 21 ||

snāto bhavati taṃ nityaṃ sādhakaḥ su samāhitaḥ |
na cātra hiṃsate kaścin na tilāndarbha eva ca || 22 ||

na tu rau?pya suvarṇe vā khaḍgā pātotha vā punaḥ |
smaraṇā cchivatīrthasya na kiñcidapi lupyate || 23 ||


p. 46a) śivatīrthaṃ mayā jñātaṃ tasmin sthāne yathoditam |
bhūyo vijñātumicchāmi dhyānaṃ deheśvarātmakam || 1 ||

sarvaṃ pratyakṣa vijñānaṃ mayā te prakaṭī kṛtam |
pratyakṣaṃ ca parokṣaṃ ca adhunā darśayāmite || 2 ||

śivatīrtha parijñānaṃ yairjñātaṃ hyātma darśibhiḥ |
taiḥ prāpyamakhilaṃ vatsa mokṣamārgaṃ na saṃśayaḥ || 3 ||

ātmajñāne sthitā ye vai ātmajñāścātma darśinaḥ |
taiḥ śuddhāḥ sarvadā vatsa yatra yatrāśrame sthitāḥ || 4 ||

snāna śuddhirna teṣāṃ vai na mantraiśca prayojanam |
p. 46b) sa tu mantraṃ śivaṃ śāstraṃ kṣetraṃ hi paramaṃ tu saḥ || 5 ||

na tasya vighnā hiṃsanti ye kecidbhuvana traye |
darśanādeva vai tasya naśyante ca diśo daśa || 6 ||

na diśo vidiśaścaiva na mudrā nāsanāni ca |
karaṇena tu saṃpaśyet samyag yoga balena tu || 7 ||

pūrakaṃ kumbhakaṃ caiva recakaṃ ca tṛtīyakam |
etad yathārthaṃ yuñjīta tato dhyānaṃ samārabhet || 8 ||

dhyānenālokayedvatsa dehi sandeha varjitaḥ |
taṃ vicāraya yatnena nāḍicakrodare sthitam || 9 ||

dvāsaptati sahasrāṇi ārāṇāṃ tasya ṣaṇmukha |
ekaika bhramataiṣā vai prāṇāpānāntara sthitā || 10 ||

sarveṣāmeva vāyūnāṃ prāṇāpānau tu codakau |
p. 47a) prāṇaṃ teṣāṃ bhavet prāṇaṃ praṇamya tu paraṃ viduḥ || 11 ||

tena te nāḍicakraṃ vai samastamavalokayet |
piṅgalā tu bhavennābhistasya cakrasya ṣaṇmukha || 12 ||

praṇavaṃ taṃ bhaveccakraṃ piṅgalā tasya vai śikhā |
taṃ jñātvā paśyate vatsa śivaṃ parama kāraṇam || 13 ||

jñānadīpaṃ prajajvālya dhyātvā jñānāgninā guha |
tadā gamya sthitaṃ devaṃ piṅgalābhyantare sthitam || 14 ||

hṛdguhā sā tu vijñeyā hṛnmadhye sā tu karṇikā |
tasya madhye sthitaṃ devaṃ yaḥ paśyati sa paśyati || 15 ||

sūryendu vahni madhyasthaṃmalakṣaṃ lakṣa varjitam |
kadambagolakākāraṃ sūryakoṭi samaprabham || 16 ||

kalpāntā nalasaṅkāśaṃ duṣprekṣamakṛtātmabhiḥ |
p. 47b) anumānaṃ na vai tasya hetunā naiva dṛśyate || 17 ||

evaṃ dhyātvā tu taṃ devaṃ hṛdguhābhyantare sthitam |
tatastvā yatanaṃ gacchenmānusaṃ mānasena tu || 18 ||



dhyānaṃ dheyaṃ mayā jñātaṃ *? naṃ ca jñeyameva ca |
adhunā śrotumicchāmi hṛdguhyeśvara pūjanam || 1 ||

guhyāni yāni coktāni ādau? te śikhi vāhana |
idaṃ guhyaṃ tvayaivādya yanna kasyāpi bhāṣitam || 2 ||

ajñā ye ca anātmajña ye ca paṇḍita māvi *? |
*? yajanti sa jīvaistu jīvaiścicchakti sambhavaiḥ || 3 ||

caitanyaṃ? sa?rvabhūtānāṃ citsvabhāvena saṃsthitam |
p. 48a) sa cetanāni bhūtāni yasmāt tāneva mohayet || 4 ||

cicchaktiṃ vindate vatsa mukhaduḥkhe śubhāśubhau |
śivātmā dṛṣṭa rūpeṇa sarvatraiva vyavasthitaḥ || 5 ||

aśubhaṃ ca śubhaṃ caiva sukhaṃ duḥkhaṃ tathaiva ca |
bhuñjate tu parāśaktiḥ paraṃ cātra alepakam || 6 ||

sākṣi bhūtaṃ ca taṃ vatsa pakṣayorubhayorapi |
evaṃ jñātvā ahiṃsāṃ vai sarvabhūteṣu kārayet || 7 ||

atorthaṃ mānasaṃ yāgaṃ kartavyaṃ mokṣayāyibhiḥ |
hiṃsā yuktena yogena sambhāra bahulena ca || 8 ||

ye yajanti hite baddhāḥ phalaṃ teṣāṃ triviṣṭapam |
amānāmnā tu yogena hiṃsā bhavati sarvadā || 9 ||

punarāvartate bhūyo bhūyo bhūyaḥ kṣayaṃ gataḥ |
p. 48b) evaṃ jñātvā yajet sarvaṃ mānusaṃ yāgamuttamam || 10 ||

yasya sarvagataṃ bhāvaṃ yathātmani tathāpare |
samaṃ paśyati sarveṣāmahiṃsā procyate tu sā || 11 ||

yathātmani pare tadvatsamaṃ paśyati yo guha |
samuktaḥ prakṛterbandhācchive tiṣṭhati śāśvate || 12 ||

sāttvikaṃ bhāvametaddhi śivenoktaṃ hi mānasam |
antaḥ karṇādikaṃ vatsa yanmayoktaṃ hi darśane || 13 ||

teṣu bhūtānu hiṃsanti tasmāt taṃ hiṃsa pūrvakam |
antaḥkaraṇa vinyāsaṃ bhūtaśuddhyartha kāraṇam || 14 ||

krīyate sarvato vatsa vidhi dṛṣṭena karmaṇā |
kṛtvāntaḥ karaṇaṃ vatsa bhūtaśuddhiṃ tathaiva ca || 15 ||

tadā bhavati taṃ yogyaṃ sādhakaḥ śiva pūjane |
p. 49a) ātmajñaṃ tu punarvatsa nityaśuddhaṃ sadā bhavet || 16 ||

nāsya śuddhiraśuddhirvā śodhanīyaṃ hi ketanam |
nitya śuddhi hitaṃ bhūtvā na kiñcit sādhayatyasau || 17 ||

vikalporthairmalairvatsa aśuddhaṃ taṃ ca tattvataḥ |
yasya śaktirbhavatyugrā yaḥ śodhayati vai param || 18 ||

sa śodhayati sarveṣāṃ bhūtānāṃ ca samuddharet |
atorthāt ketanaṃ vatsa ātmajñe niṣprayojanam || 19 ||

sa eva bhogavānsākṣācchivaṃ parama kāraṇam |
sa eva paramaṃ dāma tatra śuddhyati te khilaṃ || 20 ||

ātmanenātmanā caiva yajate parameśvaram |
yathoktena vidhānena samyg yoga balena tu || 21 ||

yajate mānasaṃ yāgaṃ manasā tu amīśvaram |
p. 49b) yajante devatāssarve brahmādyāśca maharṣayaḥ || 22 ||

tadātvaṃ mānase naiva yāgena śikhivāhana |
yogārthaṃ dravya sambhāraṃ taṃ hi cātraiva tiṣṭhati || 23 ||

atha prārthayase kāmaṃ manasā manasepsitam |
taṃ labhiṣyasi sarvaṃ vai mānase taṃ śikhidhvaja || 24 ||

sākāraṃ yajate yastu nirākārotha vā punaḥ |
ubhau tāvekadā vatsa yajatvaṃ yat tu rocate || 25 ||

nirlakṣaṃ nissvabhāvastaṃ sa lakṣaṃ pratimākṛtim |
manasā citsvabhāvena sākārā kriyate kriyā || 26 ||

na caivā kṛtimānkaściccitsvabhāvonilaṃ bhavet |
tasmāt tvaṃ sarvadā vatsa nityaṃ śakti sthitaṃ yajet || 27 ||

citsaṃjñā citsamudbhutā bhutābhuteṣu saṃsthitā || 28 ||

tattvāśca bhutā bhāvāni cicchaktyā bhyantare sthitāḥ |
saṃsthitāścivatattve rasadasarvagato vibhuḥ || 29 ||

sarvamevaṃ hitaṃ vatsa hṛdisthaṃ prakaṭī kṛtam |
taṃ hi pūjaya yatvena vidhidṛṣṭena karmaṇā || 30 ||

na kaścidapitaṃ vatsa yasya taṃ na hṛdi sthitam |
tasmāttaṃ pūjayedvatsa ahiṃsā kusumaiḥ śubhaiḥ || 31 ||

hṛdisthaṃ tu punarvatsa sarvakāmaistu pūjayet |
dānāni yāni coktāni śivadharmekhilāni tu || 32 ||

tāni dattāni sarvāṇi bhavanti śikhivāhana |
sarvakāmāni vai tadvatmānasaṃ yāga muttamam || 33 ||

p. 50b) yāgaṃ tu paramaṃ hyetat sarvayāgottamottamam |
iḍādayo yajed yastu rājasaṃ yāgamucyate || 34 ||

suṣumṇā tāmasaṃ? bhogaṃ? jñeyaṃ sātvikaṃ piṅgalodaye |
suṣumṇe tvāṃ parityajya piṅgalā nāḍisthaṃ yajet || 35 ||

tāṃ vicāra yatnena brahmanāḍiśca ucyate |
tasmin madhye sthitaṃ devaṃ taṃ nedaṃ pūjayet tu saḥ || 36 ||

yatkiñciditi kartavyaṃ tatsarvaṃ piṅgalodaye |
turyodbhavati? sarvāṇi turyasthāne gatāni tu || 37 ||

cintayet sarvakāmāni anyathā hiṃsitāni tu |
turyasthāne layaṃ kṛtvā hṛdhisthaṃ pūjayet sadā || 38 ||

yasya turye gatirnāsti hṛdisthaṃ tu kathaṃ yajet |
hṛdisthaṃ turyasaṃsthaṃ tu ubhau yo vetti tatvataḥ || 39 ||

p. 51a) ekataṃ bhūya eteṣāṃ sa pūjāṃ kartu marhati |
prāṇāpānāntarasthena śivena śikhivāhana || 40 ||

yojayet sādhako vatsa sa vai sādhaka ucyate |
prāṇāpānau tu sandigdhau rajastamasamanvitau || 41 ||

tasmāt tau varjayet vatsa yāgakāle tu sarvadā |
sātvikaṃ saṅgamaṃ teṣāṃ tena kuryācchivārcanam || 42 ||

vahni pūjā tu te naiva anyathā na kṛtā bhavet |
brahmādi stambha paryantaṃ trailokyaṃ sa carācaram || 43 ||

ahiṃsā puṣpasekena pūjitaṃ taṃ sadā bhavet |
p. 51b) mānase naiva yāgena muktohaṃ sarvadā vibho || 44 ||



tathāpi jñātu micchāmi japyaṃ vai sarvadā param || 1 ||

mānasaiścākṣaraughaiśca prāṇāpānau śikhidhvaja |
rahasyaṃ caiva guhyaṃ ca japyaṃ japyottamottamam || 2 ||

japyaṃ bahuvidhaṃ proktaṃ śivena paramātmanā |
na punarmānasaṃ japyaṃ mokṣamārgaphalapradam || 3 ||

mayi tuṣṭena nāthena ayaṃ mārgaḥ pradarśitaḥ |
tadāhaṃ kathayiṣyāmi rahasyaṃ kṛttikā suta || 4 ||

sarveṣāmeva bhūtānāṃ hṛdisthaṃ yatparaṃ padam |
sa tu saṅkhyā yate japyaṃ japaṃ tu kurute tu saḥ || 5 ||

ajñānā naiva budhyante jñānavijñāna varjitāḥ |
p. 52a) pratyahaṃ pratyahaṃ vatsa japasaṅkhyaṃ karoti saḥ || 6 ||

abyucchinna prabandhena maṇibhiḥ paramaiḥ śubhaiḥ |
sūrya cicchaktirityāhustasmiṃste kathitā guha || 7 ||

akṣasūtra paraṃ hyetadyogināṃ tattva cintakaḥ |
ye sthitā phalasandhāne vaśyākarṣaṇamāraṇe || 8 ||

japaṃ teṣāṃ tu mantraiśca akṣasūtrairanekaśaḥ |
punarātma vide vatsa mantra tantraiḥ prayojanam || 9 ||

prayojanaṃ bhavet teṣāmātmajñānena kevalam |
taṃ viditvā mahāsena mantratantrāṃstyajedguha || 10 ||

athavā saṅkhyayā kāryaṃ mānasesmiñjape guha |
tatohaṃ kathayiṣyāmi yathā bhavati tacchṛṇu || 11 ||

ṣaṭkatāni sahasra * * * * * * * * * |
* * * * * * * * * * * * * * * * || 12 ||

* * * * * * * * * * * * * * * * |
* * * * * * * * * * * * * * * * || 13 ||

p. 52b) ahorātrāntare japyaṃ kurute satataṃ śivaḥ |
śivajapyaṃ bhavedeṣa śivaṃ hyaśiva kāriṇam || 14 ||

prāṇaśca karṣate pānamapānaḥ prāṇameva ca |
ubhau cākarṣayedyastu sa japaṃ kurute guha || 15 ||

hṛtsthānād dvādaśāntaṃ tu dvādaśāntāt punarhṛdi |
evāṃ gamāgamaṃ jñeyaṃ taṃ japaṃ brahmaśāśvatam || 16 ||



viditaṃ mānasaṃ japyamakṣasūtraṃ tathaiva ca |
agnikāryaṃ ca metātatatvamācakṣva vai prabho || 1 ||

mayājñānāmṛtaṃ vatsa snehāt te prakaṭī kṛtam |
bhūyopi kathayiṣyāmi agnikāryaṃ tu mānasam || 2 ||

p. 53a) carācarāṇāṃ bhūtānāṃ sarveṣāṃ śikhivāhana |
hṛdisthaṃ paramaṃ tejo na tu jānanti mohitāḥ || 3 ||

ādityastapate tasya tejasā tasya vai guha |
jvalanasya tu tat tejaḥ pūrṇamindustathaiva ca || 4 ||

tarhyupāsītavidhivadagnī yaḥ śikhivāhana |
bāhyegnīnāṃ hutaṃ havyaṃ hiṃsanti guhyakādayaḥ || 5 ||

mantra doṣāśca doṣāśca aśubhairvādayā bhavet |
tadā te lupyate vatsa bāhyāgniṣu hutaṃ haviḥ || 6 ||

idhmādi dravyasaṃbhāraṃ sarvaṃ cicchakti saṃbhavam |
yadātra hūyate yasmāt tasmāt taṃ hiṃsapūrvakam || 7 ||

ahiṃsā pūrvakaṃ vatsa svadehe hyagni pūjanam |
śivāgnirvaibhavatyeṣa śivamaśivahāriṇam || 8 ||



???????????????????

p. 53b) garbhādānādi saṃskārairna hi tatra prayojanam |
na hi kuṇḍaṃ nu vaḥ kāryaṃ mekhalairvātha yoninā || 9 ||

kāryamevaṃ hi vai cātra vidhināśikhi vāhana |
kuṇḍatrayaṃ sthitaṃ dehe agni tritayameva ca || 10 ||

gārhapatyāgni hṛtkuṇḍe nābhikuṇḍegni dakṣiṇam |
mukhakuṇḍe sthitaṃ vatsa nāmnācāhavaniyakam || 11 ||

kuṇḍāgni tritayaṃ vatsa mayā te darśitaṃ kramāt |
teṣāṃ homaṃ prakurvīta vidhi dṛṣṭena karmaṇā || 12 ||

suṣumṇā nāḍimāśritya kuryādvai cottarāyaṇam |
dakṣiṇāgniṃ tato juhyānnābhikuṇḍe sthite guha || 13 ||

iḍā nāḍyudayaṃ kṛtvā kuryādvai dakṣiṇāyanam |
tadācāhavanīyognirmukhakuṇḍe sthito guha || 14 ||

p. 54a) gārhapatyastu yo hyagnirhṛtkuṇḍe saṃsthitassadā |
tasmin pūrṇāhutiṃ dadyādviṣuvatkaraṇena tu || 15 ||

viṣuvaṃ tu bhavedvatsa piṅganāḍyudayena tu |
tasmin kāle yajed yastu tatsarvaṃ cākṣayaṃ bhavet || 16 ||

siddhyante sarvakāmāni manasā cepsitāni ca |
prāṇādyā vāyavaḥ pañca homayet tu yathā kramam || 17 ||

tairhutaiḥ sarvamakhilaṃ viśvaṃ santarpitaṃ bhavet |
amṛtaṃ bhavate vatsa amṛtaṃ taṃtu tiṣṭhati || 18 ||

tadā tadakhilaṃ viśvaṃ tṛptaṃ bhavati cāpare |
prāṇāpānāntarasthaṃ tu yairjñātaṃ śikhivāahana || 19 ||

tepi vantyamṛtaṃ divyaṃ turyasthānodbhavaṃ param |
turyodbhavāmṛtājyena nityamagniṃ prapūjayet || 20 ||

agni pūjā bhavatyeṣā akṣayyā muktidā śubhā ||

iti śrībrahmasandhānāgni * jā * cā * ni * yo * mā ||

adya me saphalā buddhiḥ śrutvā brahmapadaṃ param || ||


###########   END OF FILE  #######