####################################################
MUKTABODHA INDOLOGICAL RESEARCH INSTITUTE
Use of this material (e-texts) is covered by Creative Commons license BY-NC 4.0
Catalog number: E0003
Uniform title: dattātreyabodha
Manuscript : IFP transcript T0638

Description: 
Transcribed from T. no. 638

copied from MS No D. 4346 belonging to the Government Oriental Library of Madras 

A short tract on Haṭha Yoga

 See Muktabodha digital library, IFP/EFEO collection at www.muktabodha.org for full bibliographic details.


Notes: 
Transcribed by the staff of Muktabodha under the supervision of Mark S. G. Dyczkowski.

Revision 0: Feb. 16, 2013

Internet publisher : Muktabodha Indological Research InstituteMuktabodha
Publication year : 2013
Publication city : 
Publication country : United States
####################################################




* * * * * * tmāna sthiro deha jīvakaḥ |
bahukālasamābhyāsāt sthiro bhavati śāśvate ||

paścānnāsti rujo dehe vārdhakyaṃ naiva dṛśyate |
siddhaḥ sarvaguṇopeto nānāchnairupa sthitaḥ |
gupta liṅgī sadākāle vartate vanamadhyataḥ ||

sutanurvitanuḥ kvāpi prāṇināṃ pravibhāsate |
atarkya mahimā yasmāttasmāttaṃ nāvamānayet ||

aśraddhadhānaḥ pāpātmā nāstiko bhinna saṃśayaḥ |
hetuko bakavṛttiśca teṣāṃ yogī na gocaraḥ ||

tasya līlāṃ na jānanti nindāṃ kurvanti ye'dhamāḥ |
yogīśvarasya pāpiṣṭhāḥ patanti narake dhruvam ||

jano'pi yogināṃ dehe vitarkaṃ naiva kārayet |
krīḍanti lokamadhye tu yathā vai prākṛto naraḥ ||

yogīśvarasya yogasya yogaśāstrasya pārvati |
nindāṃ ca ye prakurvanti rākṣasāstena rākṣasaḥ ||

pāṣaṇḍinaḥ pāparatāḥ svadharma vimukhāstute |
yaiścāvamānitoyogī teṣāṃ trātā na bhūtale ||

āyuḥ kāntiryaśaḥ puṇyaṃ naśyante tasya suvrate |
yasya yoge matirdṛṣṭā jāyate mokṣarūpiṇī ||

svadharma pratikūloyo yogastasya na rocate |
so'pi garbho bhavedduḥkhaṃ bhuṃjate ca nirantaram || 10 ||

* * * * * * * * * * * * * 
* * * * |
* * * * * * * * * * * * * 
saṃkṛte ||

p. 3)

caturāśīti lakṣe tu āsaneṣūttamā śṛṇu |
ādi nāthena saṃproktaṃ padmāsanamihocyate ||

uttānau caraṇau kṛtvā ūrū saṃsthau prayatnataḥ |
ūrumadhye tathottānau pāṇī kṛtvā tato dṛśau ||

nāsāgre vinyasetprājñaḥ dantamūlañca jihvayā |
uttabhya cubukaṃ vakṣe saṃsthāpya pavanaṃ śanaiḥ ||

idaṃ padmāsanaṃ prokta sarvavyādhi vināśanam |
durlabhaṃ yena kenāpi dhīmatā labhyate bhuvi ||

sāṃkṛte śṛṇu tatvajña yogābhyāsakramaṃ mayā |
vakṣyamāṇaṃ prayatnena yogānāñca salakṣaṇaiḥ ||

yuvā vāpyati vṛddho vā vyādhito vā śanaiḥ śanaiḥ |
abhyāsāt siddhimāpnoti sarvayogeṣvatandritaḥ ||

brahmaṇā śramaṇovāpi bauddho vā patito'pi vā |
kāpāliko vā cārvākaḥ śraddhayā sahitaḥ sudhīḥ ||

yogābhyāsarasonityaṃ sarvasiddhimavāpnuyāt |
kriyā yuktasya siddhiḥ syādakriyasya kathaṃ bhavet ||

na śāstra pāṭhamātreṇa yogasiddhiḥ prajāyate ||

muṇḍī vā maṇḍadhārī vā kāṣāya vasano'pi vā |
nārāyaṇa paro vāpi jaṭilo bhasma lepanaḥ ||

namaḥ śivāya vākyo vā bāhyārcā pūjako'pi vā |
sthāna dvādaśa pūrākṣamālā bahu vibhūṣitaḥ ||

kriyāhīno'thavā krūraḥ kathaṃ siddhimavāpnuyāt |
saveṣa dhāraṇaṃ siddhi kāraṇaṃ tañca tatkatham |
kriyaiva kāraṇaṃ siddhessatyamecca sāṃkṛte ||

śiśnodarārtha yogaśca kathayaṃ yogadhāraṇaḥ |
anuṣṭhāna vihīnāstu vañcayanti janāḥ kila ||

p. 4)

uccāvacā vipralaṃbhāmūḍhā yogaparāyaṇāḥ |
śanaistān tadvidhājñātvā yogābhyāsa vivarjitān ||

kṛtvārtha vañcane naiva varjayedveṣadhāriṇaḥ |
yadasti vighna bhūtāni yogābhyāsasya sarvadā ||

varjayet tadviśeṣeṇa īdṛśān siddhijāḥ kriyāḥ |
prathamābhyāsakāle tu pramādā vividhā mune || 16 ||

ālasyaṃ prathamo vighno dvitīyastu prakathyate |
pūrvoktadhūrta goṣṭhī ca tṛtīyomantrasādhanam ||

caturtho dhātu vādaśca kakṣyāvādastu pañcamaḥ |
ityevaṃ bahavo vighnāḥ mṛgatṛṣṇā samāmune ||

sthirāsanasya jāyante tān jñātvā santyajet sudhīḥ |
prāṇāyāmaṃ tataḥ kuryāt padmāsanagataḥ svayam |
suśobhanaṃ maṭhaṃ kuryāt sūkṣmadvārañca nirbraṇam ||

suṣṭhu liptaṃ gomayena sudhayā vā prayatnataḥ |
matkuṇaiḥ maśakairlūtairvarjitañca dine dine ||

saṃmṛṣṭaṃ saṃmārjanyā * * * * * na tandritaḥ |
vāsitañca sugandhena dhūpitaṃ guggulādibhiḥ |
malamūtrādibhirvegairaṣṭādaśabhireva ca ||

varjitaścānna sampannaṃ kabalādina saṃyutam |
nātyunnataṃ nātinī caṃ parasaṅga vivarjitam ||

tasmin maṭhe samāstīrya hyāsanaṃ nistaraṅgakam |
tatropaviśyamedhāvī padmāsana samanvitaḥ |
ṛju kāyaḥ prāñjaliśca praṇamyābhīṣṭa devatāḥ ||

tato dakṣiṇahastasyāṅguṣṭhe naiva piṅgalām |
nirudhya pūrayedvāyumiḍayā tu śanaiḥ śanaiḥ ||

yathā śaktyā nirodhena tataḥ kuryācca kumbhakam ||

p. 5)

punastyajet piṅgalayā śanaireva na vegataḥ |
punaḥ piṅgalyā pūrya pūrayedudaraṃ śanaiḥ ||

dhārayitvā yathā śaktirecayediḍyā śanaiḥ |
yathā tyajet yathā pūrya dhārayedanirodhanaḥ ||

evaṃ prātaḥ prakūrvīta śaktyā viṃśati saṃkhyayā |
kumbhakaḥ sahito nāma sarvagraha vivarjitaḥ ||

evamevārdha rātre'pi punarviṃśati kumbhakān |
kurvīta recapūrābhyāṃ sahitaṃ prati vāsaram ||

sahito recapūrābhyāṃ tasmātsahita kumbhakaḥ |
evaṃ māsatrayaṃ kuryānnāḍīśuddhistato bhavet ||

yadā tu nāḍiśuddhiḥ syāt tadā cihnāni bāhyataḥ |
jāyante yogino dehe tāni vakṣyāmyaśeṣataḥ ||

śarīra laghutādīptirvahnerjaṭhara vartinaḥ |
kṛśatvaṃ ca śarīrasya tadā jāyeta niścitam || 17 ||

tathā bhojyāni vakṣyāmi kṣipraṃ yoga prasiddhaye |
kṣīraṃ ghṛtañca miṣṭānnaṃ mitāhārañca śasyate ||

pūrvokta kāle kuryācca pavanābhyāsameva ca |
tataḥ paraṃ yatheṣṭhaṃ tu śaktiḥ syādvāyudhāraṇe ||

yatheṣṭha dhāraṇādvāyoḥ siddhyet kevala kumbhakaḥ |
kevale kumbhake siddhe recapūra vivarjite ||

na tatra durlabhaṃ kiñcit triṣu lokeṣu vidyate |
prasvedo jāyate pūrvaṃ mardanaṃ tena kārayet ||

tato'pi dhāraṇādvāyoḥ krameṇaiva śanaiḥ śanaiḥ |
ka pā bhavati dehasya āsane tasya yoginaḥ ||

tato'dhikatarābhyāsāddurdaro jāyate dhruvam |
yathā ca dadadrurodghoṣamutpatyotpatya bhūtale ||

p. 6)

padmāsana sthito yogī tathā ca gati bhūtale |
tatodhikatarābhyāsādbhūmistyāgaśca jāyate ||

padmāsanastha evāsau bhūmimaspṛśya vartate |
nirādhāro vicitraṃ hi tathā sāmarthyamāpnuyāt ||

abhuktvā yadi vā bhuktvā yogī na vyathate tathā |
alpamūtra purīṣaḥ syāt svalpanidrā ca jāyate |
kīṭakā dūṣitā lālā svedo durgandhatānane ||

etāni sarvadā tasya na jāyante tataḥ param |
tatodhika tarābhyāsāt balamutpadyate bhṛśam ||

yena bhūcarasiddhissyādbhūcaraṇāṃ jaye kṣamaḥ |
vyāghro lulāyo vanyo vā gavayo gaja eva vā ||

siṃho vā yoginā tena mriyate nātra saṃśayaḥ |
* * rpasya samorūpaḥ tadā tasyaiva yoginaḥ ||

tasmin kāle mahāvighno yoginaḥ syāt pramādataḥ |
tadrūpa vaśagānārya kāsṛ?kṣante tasya saṅgamam |
yadi saṅgaṃ karotyeva bindustasya vinaśyati ||

āyuḥ kṣayo bindu hāni rasāmarthyañca jāyate |
tasmāt strīṇāṃ varjya saṅgaṃ kuryādabhyāsamādarāt ||

yogino'ṅge sugandhaḥ syāt satataṃ bindudhāraṇāt |
tasmāt sarva prayatnena bindurakṣā hi yoginaḥ |
tato rahasyupāviṣṭaḥ praṇavaṃ plutaṃ mātrayā ||

japet pūrvārjitānāñca pāpānāṃ nāśahatave |
sarva vighna haraścāyaṃ praṇavassarva doṣahā ||

evamabhyāsa yogena siddhirāraṃbha saṃbhavā |
bhavettato ghaṭāvasthā pavanābhyāsatassadā ||

prāṇāpāno manovāyurjīvātma paramātmanoḥ |
anyonyasyā viśuddhenaikatāṃ ghaṭe yataḥ |
tasmād ghaṭākhyāyāvasthā prasiddhā yoginaḥ smṛtā ||

tatra cihnāni yāni syustāni vakṣyāmyaśeṣataḥ |
pūrvaṃ catkathitābhyāsa caturthātsaṃparityajet ||

divā vā yadi vā rātrau yāma mātraṃ samabhyaset |
ekavāraṃ pṛ kuryāt kevala kumbhakam |
pratyāhāro yamenasyā deva kartuṃ hi yoginaḥ ||

indriyāṇīndriyārthebhyo yaḥ pratyāharati svayam |
yogīkumbhakamāsthāya pratyāhāraḥ sa ucyate ||

yadyat paśyati cakṣurbhyāṃ taṃtamātmeti bhāvayet |
yadyacchruṇoti karṇābhyātaṃtamātmeti bhāvayet ||

yadyajjighrati nāsāyāṃ taṃtamātmeti bhāvayet |
jihvayā yadrasayatitaṃtamātmeti bhāvayet ||

tvacā yat spṛśyate yogī taṃtamātmeti bhāvayet ||

evaṃ jñānendriyāṇāñca tattatsaṃkhyāñca bhāvayet |
yāmamātraṃ pratidinaṃ yogī yatnādatandritaḥ ||

tato vicitrasāmarthyaṃ jāyate yogino bhṛśam |
dūradṛṣṭirdūraśrutiḥ kṣaṇāddūrā gamastathā |
khecaratvaṃ hi jāyeta santatābhyāsa yogataḥ ||

tathā buddhimatāṃ bhāvyaṃ yogināṃ yogasiddhaye |
ete vighnā mahāsiddhernarametteṣu buddhimān ||

na darśayecca lokāya svasāmarthyaṃ hi sarvadā |
kadāciddarśayet prītyā bhakti yuktāya vā punaḥ ||

yathā mukto yathā mūḍho yathā badhira eva vā |
tathā varteta lokeṣu svasāmarthyasya guptaye ||

p. 8)

nocecchiṣya bahavo bhavantyeva priyaṅkarāḥ |
svasvakāryeṣu yogīndraṃ prārthayanti na saṃśayaḥ ||

tatkarmakāraṇātyugra svābhyāso vismṛto bhavet |
abhyāsena vihīnastu tato laukikatāṃ vrajet ||

avismṛtya gurorvākyamabhyaset tadaharniśam |
evaṃ bhaved ghaṭāvasthā satatābhyāsayogataḥ ||

anabhyāsena taccaiva vṛthā goṣṭhyo na siddhyati |
tasmāt sarva prayatnena yogameva samabhyaset |
tataḥ paricayāvasthā jāyate bhyāsa yogataḥ ||

vāyuḥ paricito yasmāt agninā sahakuṇḍalīm |
bodhayitvā suṣumnāyāṃ praviśedavirodhataḥ ||

vāyunā saha cittañca praviśecca mahāpatham |
mahāpatha śmaśānaṃ ca suṣumnāpyekameva hi |
nāmnā maṃtāntare bhedaḥ phalabhedena vidyate ||

vartamānaṃ bhaviṣyañca bhūtāsannaiva veṣṭhiyam |
yasya citraṃ savapanaṃ suṣumnaṃ praviśediha ||

bhāvyānyarthāni vijñeyā yogorahasti yatnataḥ |
pañcavādhāraṇaṃ kuryāt tattadbhūta bhayāpahām ||

nābheradho gudasyordhvaṃ ghuṭikā pañcadhārayet |
vāyvo labhate pṛthvī dhāraṇāt tadbhayāpahā ||

pṛthivī saṃbhavo mṛtyurna bhavedasya yoginaḥ |

iti pṛthvī dhāraṇā ||

nābhisthāna tato vāyuḥ dhārayet pañca nāḍikāḥ ||

agni yathā vidhanna mṛtyustasya vahninā |
nadahyataśśarīrañca pratiṣṭhedagni maṇḍala ityagni dhāraṇam ||

nābhi bhrūghrāṇa madhye tu pradeśa trayasaṃmite |
dhārayat pañcaghaṭikāṃ vāyuśeṣā hi vāyavi ||

p. 9)

dhāraṇānna tu vāyvostu bhayaṃ bhavatu yoginaḥ || iti vāyu dhāraṇā ||
bhrumadhyādupari tu dhārayet pañcanāḍikāḥ | vāyuṃ yogī prayatnena 
vyayamākāśa dhāraṇā || ākāśadhāraṇaṃ kurvan mṛtyuṃ jayati adbhutam | 
yatra kutra sthito vāpi sukhamatyantamaśnute || iti pañca vidhāṃ bhūtāṃ 
bhūtadhāraṇāṃ yaḥ samabhyaset | brahmaṇaḥ pralayedyāpi tasya mṛtyurna 
vidyate || samabhyaset tadā dhyānaṃ ghaṭikā ṣaṣṭimeva ca | vāyumārudhya 
cākārādevatāmiṣṭadāyinīm || saguṇa dhyānametasya daṇimādi guṇa pradam | 
nirguṇaṃ khamiva dhyātvā mokṣamārgaṃ prapadyate || nirguṇadhyānametañca 
samādhiñca tato bhyaset | dinadvādaśakenaiva samādhiṃ samavāpnuyāt || vāyuṃ 
nirudhya medhāvī jīvanmukto bhaved dṛḍham | samādhiḥ samatāvasthā jīvātma 
paramātmanoḥ ||

yadi svadehamutsṛṣṭamicchecchedudvrajet svayam |
para brahmaṇi līyante tyaktvā karma śubhāśubham ||

acanocet samutsraṣṭuṃ svaśarīraṃ yadi priyam |
sarvalokeṣu vicaret dakṣiṇamādi guṇānvitaḥ ||

kadācitsvecchayā deho bhūtvā svarge'pi saṃbhave |
manuṣyo vāpi yoṣā vā svecchayā pekṣaṇādbhavet ||

siṃho vyāghra gajo vā syāt icchayā jantunāṃ vrajet |
yadīṣṭameva dhatte tu yogī yadyanmaheśvaraḥ |
kapi mārgo'yamuktaste sāṃskṛteṣṭāṃga yogataḥ ||

tato bhavedrāja yogonānāntarā bhavati dhruvam |
na cinmātreṇa siddhiḥ syāt dabhyāsādeva jāyate ||

rāja yogapadaṃ prāpya sarvasatvavaśaṃkara |
sarvaṃ kuryānnavā kuryādyathā ruciviśeṣayet ||

yathā tu rājayogena niṣpannā yoginaḥ kriya |
tadā vasthā diniṣpannā unmanyā nandarūpiṇī ||

saṃsiddhā yoginaścāsya bhuktimukti pradāpayet |
sarvaṃ tu kalitaṃ brahman saṃsmṛtaṃ yogamācaret || 16 ||

sarvasiddhimavāpyāsmaddattātreya prasādataḥ |
yastaditthaṃ paṭhennityaṃ sādhubhyaḥ kathayediti |
tasya yoga krameṇaiva sidhyatyeva na saṃśayaḥ ||

p. 10)

yoginobhyāsa saṃsaktā araṇyeṣu gṛheṣu vā |
bahukālaṃ ramantyeva janasaṃghavivarjitāḥ ||

tasmātsarvaprayatnena sāṃgameva samabhyaset ||

yogābhyāso janma phalaṃ niṣphalā itarāḥ kriyāḥ |
mahāmāyā prabhāveṇa sarveṣāmastu citsukham |
yatnassarvastadāyattattāmevā rādhayet tataḥ ||

iti dattātreyabodhaḥ samāptaḥ ||

|| hariḥ oṃ ||

śubhamastu ||



###########   END OF FILE  #######