####################################################
MUKTABODHA INDOLOGICAL RESEARCH INSTITUTE
Use of this material (e-texts) is covered by Creative Commons license BY-NC 4.0
Catalog number: M00265
Uniform title: jñānasāra
Manuscript : BHU C4251

Description: 



Notes: 
Data entered by the staff of Muktabodha under the supervision of Mark S.G. Dyczkowski.

Revision 0: April 7, 2012

Internet publisher : Muktabodha Indological Research Institute
Publication year : 
Publication city : 
Publication country : India
####################################################



* maḥ * rā * ye ||

nāthajñānasāro likhyate ||


kathamutpadate vāk ca kathaṃ vāk ca vilīyate |
vāca?stu nirṇayaṃ brūhi paścāt tatvamudīraya ||


śrī * śva * u * ca ||


āhāraṃ kāṅkṣayet prāṇaḥ prāṇādutpadyate manaḥ |
manu syutpadyate vākya? mā? ca manasi līyate ||


śrī * vyu * ca ||


āhāraṃ kāṅkṣayet prāṇo bhuñjāno picakaḥ katham |
jāgarti svapate kosau saptaḥ kovāprabu?dhyate || 3 ||


śrī * śva * u * ca 


āhāraṃ kāṅkṣayet prāṇo bhuṅkte caiva hutāśanaḥ |
p. 174a) jāgarti svapate vāyuḥ suptaṃ tejo vibudhyate || 4 ||


śrī * vyu * ca 


ko vā karoti karmāṇi ko vā lipyeta pātakaiḥ |
ko vā karoti pāpāni ko vā pāpe pravartayet || 5 ||


śrī * śva * u * ca


manaḥ karoti karmāṇi mano lipyetapātakaiḥ |
mano hi tanmayī bhūtaṃ na dharmo na ca pātakam || 6 ||


śrī * vyu * ca 


yadidaṃ niṣkalaṃ brahma vyomātītaṃ sanātanam |
nirdvandvaṃ nirmalaṃ śāntaṃ niṣpāpaṃ samalakṣayet || 7 ||

apratarkyamavijñeyaṃ vināsotpatti varjitam |
kaivalyakevalaṃ śaśvacchuddhasphaṭikasannibham || 8 ||

p. 174b) tatkṣaṇānmucyate yena tajjñānaṃ brūhi śaṅkara |
yadidaṃ śaktirākāśaṃ dehasthaṃ dehavarjitam || 9 ||

kathaṃ jīvatyasaujīvo niṣkalastu kathaṃ bhavet |
kena paśyatyasaujīvaḥ kiṃ vā jīvasya bhojanam || 10 ||

kutra vā līyate jīvo jāgarti kutra eva vā |
ko janaḥ kiṃ pramāṇaṃ tu jīvasyāpi prakīrtitam || 11 ||

etatsarvaṃ samāsena brūhi me parameśvara ||


śrī * śva * u * ca 


śṛṇu devi pravakṣyāmi yattvayā samudīritam |
kathayāmi na sandehaḥ sārātsārataraṃ param || 13 ||

vāyurjīvastathā kāśastṛtīyo jīvasaṃjñakaḥ |
sa jīvaḥ prabhurityukto bālāgraṃ śata kalpitaḥ || 14 ||

p. 175a) jīvaśśuklastu vijñeyo yāvat satvena saṃyutaḥ |
rajassattvasamāyukto rakto jīvaḥ prakīrtitaḥ || 15 ||

tamassattvasamāyuktastadā kṛṣṇo bhaveddhruvam |
sattvena ca samāyukto dharmajñāne pravartate || 16 ||

rajaḥ sattvasamāyukto bhuṅkte tu viṣayānapi |
tamassattvasamāyuktastadā pāpe pravartayet || 17 ||

nāsāgraṃ caiva nābhiśca hṛdayaṃ ca tṛtīyakam |
sthānānyetāni jīvasya kalitāni śivena tu || 18 ||

kapalaṃ hṛtsvarūpaṃ ca hyadho yāvad vyavasthitam |
deha sa?ṅga na mityuktaṃ śivena paramātmanā || 19 ||

yāvanniśśvāsato jīvo bhavenniṣkalatāṃ gataḥ |
p. 175b) nāsāgre niṣkalaṃ jñātvā mucyate janma bandhanāt || 20 ||

sarvāṅgaḥ sarvadehastho nāsāgre ca pratiṣṭhitaḥ |
atarkyaḥ sarvabhūtānāṃ dṛśyate na ca lakṣyate || 21 ||

nābhimadhye sthitaṃ viśvaṃ siddhatattvaṃ tu nirmalam |
ādityamivataddīptaṃ rasmibhistatkṣaṇaṃ śivam || 22 ||

ākārāṣṭakasañjīvaṃ dehoktaṃ dehavarjitam |
nāḍīrandhrādviniṣkrāntaṃ viṣayānprāpyasaṃsthitam || 23 ||

tenedaṃ niṣkalaṃ viśvaṃ kṣīrasarpi samopamam |
karaṇātmayā?yānmukto bhramate hṛdayasthitaḥ || 24 ||

golakastho yathā devi khelanāddaṇḍabāhyataḥ |
deṣṭhate bhramate śīghramaviśrāntaḥ punaḥ punaḥ || 25 ||




kīdṛśī khecarī vidyā conmanā vātuṃ kīdṛśī |
bandhanaṃ kīdṛśaṃ deva kathayasva maheśvara || 1 ||

ko daṇḍamadhyagaṃ devi saṅkocena trilocane |
na sūryacandramārgeṇa lampikā karaṇaṃ priye || 2 ||

lolāṃ randhramukhe kṛ?tvā vipathe yojayet priye |
sā bhavet khecarī mudrā vyomacakraṃ taducyate || 3 ||

kaṇṭhasaṅkocanaṃ kṛtvā dve nāḍyau stambhayeddhruvam |
madhyacakramidaṃ bhadre ṣoḍaśārārdhabandhanam || 4 ||

p. 176b) nābhiśakti dvaye madhye sthānaṃ deyaṃ parāṅmukham |
mūlacakramidaṃ bhadre satpathavyādhināśanam || 5 ||

rasanāmūrdhagāṃ kṛtvā kṣaṇādhvaṃ yadi tiṣṭhati |
kṣaṇena mucyate yogī vyādhibhistu jarādibhiḥ || 6 ||

rasanābhyantare nityaṃ yāvadbrahmabilaṃgatā |
amṛtāgrasane ghrāṇaṃ pīḍyamānaṃ vicintayet || 7 ||

māsārddhājjayate mṛtyuṃ satyaṃ satyaṃ mahāmate |
sarvavyādhivini *?kto yogīnātho na saṃśayaḥ || 8 ||

rasanā tālu mūlena vāyuṃ pītvā śanaiḥ śanaiḥ |
ṣaṇmāsābhyantare viśve balīpalita nāśanam || 9 ||

ghṛtāsvādūpamānāśca hyamaratvaṃ na saṃśayaḥ |
madhusvādūpamānāśca śāstrotgīraṇatā bhavet || 10 ||

p. 177a) mṛṣṭānikhaṇḍakadyāni laḍukāśokavartikāḥ |
evaṃ vārāhyaneke ca kāmadevo vyavasthitaḥ || 11 ||

divyakanyāgaṇenityamākṛṣṭirjāyate sadā |
hikkādadyātsadāvaktre prāyaścaiva vijṛmbhikām || 12 ||

evamabhyasyamānastu kāmadevo dvitīyakaḥ |
yoginī guṇasāmānyaḥ sṛṣṭisaṃhārakārakaḥ || 13 ||

na kṣudhā na ca tṛṇnidrā naiva murchā prajāyate |
bhavetsvacchandadehastu sarvopadravavarjitaḥ || 14 ||

anena vidhinā devi yogīndro bhūmimaṇḍale |
nabhasya punarāvṛttiḥ pūjitaḥ syātsurairapi || 15 ||

puṇya pāpairna lipyeta bhayamudrā viduttamaḥ ||

tālumadhye sthitaścandro nābhimadhye divākaraḥ |
amṛtaṃ sravate candro viṣaṃ prajvalito raviḥ || 1 ||

sūryāgre vasate vāyuścandrāgre vasate nabhaḥ |
sūryāgra manuvarteta candrāgraṃ caiva nityaśaḥ || 2 ||

candrasūrya dvayormadhye muḍādadyā? tu khecarīm |
nirālambaṃ manaḥ kṛtvā na kiñcidapi cintayet || 3 ||

sa bāhyā bhyantare yogī ghaṭavattiṣṭhate priye |
bāhye vāyustathā pṛṣṭhe cānte vāyurna saṃśayaḥ || 4 ||

svasthāne gacchate vāyurmanastatraiva līyate |
p. 178a) amṛtaṃ prāpnuyādyogī mahābalaparākramaḥ || 5 ||

vāyuvegena deveśi sakalāṃ bhramate mahīm |
aṣṭadhāguṇamaiśvaryaṃ satyaṃ satyaṃ na cānyathā || 6 ||

śaṅkhadundu?bhinādena na śṛṇoti kadācana |
kāṣṭavajñāyate yogī notpattyā vai prajāyate || 7 ||

śakti dvayasya madhye tu hīndriyākhyaṃ taducyate |
anenaiva ca bandhena sadyamṛtyuvināśanam || 8 ||

kāyaṃ ca bhajate kṣetraṃ mūlabandhena pārvati |
nirālambaṃ bhavedbījaṃ nānyathā siddhyati dhruvam || 9 ||

ūrdhvādho bandhamādāya kṛtvā cintā manāmaye |
siddhyate nātra sandeho gopanīyo mahāmate || 10 ||

p. 178b) aṇḍajālajāścaiva svedajā bhedajāstathā |
eka dvi tri catuṣpañcendriyāṇi sarvajantuṣu || 1 ||

sarveṣāmeka evātmā sādhāro bījarūpavān |
śabdaḥ sparśaśca gandhaśca rasorūpaṃ ca pañcamaṃ || 2 ||

buddhyahaṅkārasaṃyuktaṃ manastatravyavasthitam |
yathāmūle latābījaṃ tathā patanti jantavaḥ || 3 ||

sasyavatsarvabījānāṃ janmāptiśca punaḥ punaḥ |
vāhakaścaivamātmāpi dharmādharmau tu bandhanam || 4 ||

antarātmā yathā tiṣṭhet svarūpaṃ pārameśvaram |
tasmin kāle varārohe līyate ghaṭavatghṛtam || 5 ||

p. 179a) sarpiṣāvātrayogena pṛthaktvaṃ ca na vindate |
ulkā hasto yathā kaściddravyamālokatāṃ nayet || 6 ||

karmaśaucaṃ manaḥsaucaṃ manaso jñānameva ca |
dhyāyeta tu jagatsarvaṃ dehināṃ dehamāśrayam || 7 ||

yathāmṛtena tṛptasya payasā kiṃ prayojanam |
ātmānamaraṇiṃ kṛtvā praṇavaṃ cottarāraṇim || 8 ||

dhyānanirmathanābhyāsāddevaṃ paśyeta kuṇḍagam |
kāyasthopi na kāyasthaḥ kāyasthopi na naśyati || 9 ||

bhuṅkte bhogāṃśca kāyasthaḥ kāyasthopi na vadhyate |
yathākharaścandanabhāravāhī bhārasya vā hīna tu candanasya |
tathaiva mūrkho bahuśāstrapāṭhī śāstrasya pāṭhī na tu niścayasya || 11 ||

p. 179b) āhāranidrābhayamaithunāni samānametat paśubhirnarāṇām |
jñānaṃ narāṇāmadhiko viśeṣāste naiva hīnaḥ paśubhiḥ samānaḥ || 12 ||

yāvadbindu sahasrāṇi koṭibinduśatāni ca |
sarvathābhasmatāṃ yānti yatra devo nirālayaḥ || 13 ||

hyanyate muṣṭinā kāśaṃ kṣudhārtā khaṇḍayettuṣam |
brahmadaṇḍaṃ na jānāti na muktiḥ syādvarānane || 14 ||

śāstraṃ hyanantaṃ bahudhā ca vidyā alpaśca kālo bahavaśca vighnāḥ |
yatsārabhūtaṃ tadupāsitavyaṃ haṃso yathā nīramivāmbu madhye || 15 ||

taddhyānastatgatisthopi kṛtvā pāpaśatānyapi |
lipyatena sa pāpena padmapatramivāmbhasā || 16 ||

idaṃ śāstramidaṃ jñānaṃ yaḥ sarvaṃ jñātumicchati |
apivarṣasahasrāyuḥ śāstrāntaṃ nādhi gacchati || 17 ||

###########   END OF FILE  #######