####################################################
MUKTABODHA INDOLOGICAL RESEARCH INSTITUTE
Use of this material (e-texts) is covered by Creative Commons license BY-NC 4.0
Catalog number: M00282
Uniform title: kāmakalāvilāsa
Main title: kāmakalāvilāsa of puṇyānanda with the commentary cidvallī by naṭanānanda
Secondary title: cidvallī
Author : puṇyānanda
Commentator : naṭanānda
Editor : malaviya sudhakar

Description: 
The e-text was created from electronic typesetting devanagari files  for a printed edition by Sudhakar Malaviya.  The conversion was done by computer programs created by the staff of Muktabodha.  The DjVu and Pdf files are photographic facsimiles of volume 12 of the Kashmir Series of Texts and Studies


Notes: 
Revision 0:  12/02/2005       

Revision 1: 02/07/2006 Reformatted

Publisher : Sudhakar Malaviya
Publication year : 2005
Publication city : New York
Publication country : United States
####################################################



|| śrīḥ || 
puṇyānandaviracitaḥ 
kāmakalāvilāsaḥ


namaśśivāya nāthāya cidrūpānandarūpiṇe | 
śrīmate caṭulāpāṅga  pāṭitātaṅkaśaṅkave || 1 || 
vande tanmithunaṃ divyamādyamānandaciddhanam |    
anuttaraṃ paraṃ jyotiriti yadbhāvyate budhaiḥ || 2 || 
śrīmate naṭanānandayogine paramātmane |    
raktaśuklaprabhāmiśratejase  gurave  namaḥ || 3 || 
praṇamata nāthānandaṃ parayā bhaktyā cidaikyabodhānandam |    
upaniṣadarthanigūḍhaṃ  sakalajanānandabhadrapīṭhārūḍham || 4 || 
puṇyānandamunīndrāt kāmakalā nāma viśrutā jātā |    
ākhyāṃ kāñcidamuṣyā naṭanānandaḥ karoti savyākhyām || 5 || 
     iha hi śaktipātasamunmiṣatsakalavedavedāntatātparyanirṇayaviśāradāḥ satsampradāya-niṣṇātāḥ
sarvāgamārthāvadhāritātmayāthārthyavidaḥ saccidānandasindhuviharaṇapaṭīyāṃso'tra-bhavantaḥ 
puṇyānandāḥ svayaṃ paramātmānaṃ prakāśayantaḥ parameśvaramātmatvena samāviśantaḥ pareṣāmapi 
bhaktibhājāṃ puruṣāṇāmujjihīrṣutayā paramātmaikatvalakṣaṇaṃ rakṣaṇamāśāsate--
sakalabhuvanodayasthitilayamayalīlāvinodanodyuktaḥ |  
antarlīnavimarśaḥ pātu maheśaḥ prakāśamātratanuḥ || 1 || 
" cidvallī "
     atra puṇyānandayoginaḥ puṇyavaśāt svābhāvikabhaktiparitoṣitaparamaguruvarakaruṇā-kaṭākṣanirdhūtanikhilapāśastomāḥ
sakalavidyādhidevatābhūtamahātripurasundarīmantracakrapūjākrama-vyācikīrṣutayā tadadhiṣṭhānabhūtakāmakāmeśvarīrūpamādāvācakṣate
sakaletyādi | sakalānāṃ bhuvanānīm udayaḥ utpattiḥ, sthitiḥ rakṣā, layaḥ nāśaḥ, etattritayaṃ
tirodhānānugrahayorupa-lakṣaṇam | yathā trivṛtkaraṇaṃ pañcīkaraṇasya etatpañcavidhakṛtyapracurā
yā līlā tayā vinodanaṃ krīḍanam, tasminnudyuktaḥ jāgarūkaḥ | mayā'tra prācuryārthe vihitaḥ | 
annamayo yajña  itivat | na tādṛśe cinmaya itivat | kutaḥ pañcavidhakṛtyaṃ hi kāryaṃ jaganniṣṭham | 
līlā tu parameśvaraniṣṭhā | tasmādatra sakalaśabdaviśeṣitabhuvanapadena bhavatyasmāditi 
śivādidharaṇyantaṃ tattvajātamucyate | eteṣāṃ tattvānāṃ brahmaṇaḥ sakāśādutpannatvāttasmin  
sthitattvāttasminneva layāt || tathā ca taittirīyaśrutiḥ----"yato vā imāni bhūtāni jāyante, 
yena jātāni jīvanti yatprayantyabhisaṃviśanti | tadvijijñāsasva, tadbrahmeti |" 
udyukta ityanena śa deva somyedamagra āsīt | ekamevādvitīyaṃ brahmeti | 
svāntaḥsthitaṃ prapañcaṃ bahusyāṃ prajāyeyeti | tadātmānaṃ svayamakuruta" iti 
saṅkalpaviśiṣṭalakṣaṇasṛṣṭyunmukho'bhūdityuktaṃ bhavati || 
tathā rahasyaguravaḥ----"cidātmaiva hi devo'ntaḥ sthitamicchāvaśādbahiḥ | 
yogīva nirupādānamarthajātaṃ prakāśayet ṅgha" iti | ata eveśvarasya jagatsṛṣṭyādikaṃ līlāmātraṃ na prayojanamasti || 
tathā ca hṛdayasūtram----śvecchayā svabhittau viśvamunmīlayati |" tathā vacanamapi----śvecchayaiva jagatsarvaṃ nigiratyud 
giratyapi ṅgha" iti | śrutirapi----"yathorṇanābhiḥ sṛjate gṛhṇate ca" iti || vacanāntaramapi----
jagaccitraṃ samālikhya svecchā tūlikayātmani | 
svayameva  samālokya  prīṇāti  parameśvaraḥ || 
     evaṃ ca maheśvara eka eva jagadutpādananimittopādānatāmayatebahusyāmiti bahubhavanaśruteḥ
| ekamevādvitīyamityadhiṣṭhānāntaraniṣedhācca | pratyabhijñānasūtre'pi----"citireva cetanapadādhirūḍhā
ca |" ityasaṅkocanīcittamityanena paramātmaiva jīvasvarūpamagamadityuktam || śrutirapi----"anena
jīvenātmanānupraviśya nāmarūpe vyākaravāṇi" ityabravīt || tathā lalitopākhyāne'pi----
          hṛdayasthāpi lokānāmadṛśyā mohanātmikā | 
          nāmarūpavibhāgaṃ ca  yā karoti svalīlayā || iti |
     catuśśatyāṃ ca----
asyāṃ pariṇatāyāṃ tu na kiñcitparidṛśyate |
     ityādismṛtijāla mudāhartavyam | tathā chāndogye----śtabdho'syuta tamādeśamaprākṣyo yenāśrutaṃ
śrutaṃ bhavatyamataṃ matamavijñātaṃ vijñātam" iti ekavijñānena sarvavijñānaṃ pratijñāya dṛṣṭāntamāha----"vācārambhaṇaṃ
vikāro nāmadheyaṃ mṛttiketyeva satyaṃ" ityādivacanāt, brahmaiva tattadākāreṇa pariṇamya viharatīti
siddham || nanu etāvatā prakaraṇena jagato brahmasvarūpāvyati riktatvamuktam | evaṃ ca sati
jagadvyatiriktalakṣaṇaṃ brahmasvarūpaṃ kīdṛśamityākāṅkṣāyāmāha-antarlīnavimarśa ityādinā | 
vimṛśyate parāmṛśyate idamiti vimarśaḥ prapañcaḥ | idamityeva hi paramātmanā sṛṣṭasya jagataḥ 
prasiddhaparāmarśaḥ || tathā ca śrutiḥ----"ātmana ākāśaḥ sambhūta" ityārabhya----śa 
vā eṣa puruṣo'nnarasamaya" iti śarīrasṛṣṭimuktvā tasyedameva śiraḥ, ayaṃ dakṣiṇaḥ pakṣaḥ, 
ayamuttaraḥ pakṣaḥ, ayamātmā, idaṃ pucchaṃ pratiṣṭhā, ityādivākyena idamidamityeva 
hi prapañcaparāmarśo dṛśyate || parāpañcāśikāyāmapi----
ahami pralayaṃ kurvannidamaḥ pratiyoginaḥ | iti |
     brahmapratiyogibhūtasya prapañcasya idamānirdeśaḥ kṛtaḥ | evambhūto vimarśaḥ prapañcaḥ
antarlīno'ntargato vimarśaḥ yasyeti saḥ antarlīnavimarśaḥ | tadayamarthaḥ-svātmasātkṛtā-khilaprapañcaḥ
paripūrṇāhaṃ bhāvabhāvanāgabhītaḥ paramānandaparaṃ jyotissvarūpaḥ paramātmeti |
     etacca uttaratra ahamarthanirṇayaprakaraṇe prapañcayiṣyate | ihāpi prasaṅgāt kiñciducyate
| brahma cāhamiti paramānandī bhavati | tathā copaniṣat----"tasmādvā etasmādvijñānamayāt anyo'ntara
ātmānandamayaḥ" iti paramātmānaṃ nidīśya----"tasya pirayameva śiraḥ | 
modo dakṣiṇaḥ pakṣaḥ | pramoda uttaraḥ pakṣaḥ | ānanda ātmā | brahmapucchaṃ pratiṣṭhā |" iti 
pūrṇāhantāviśiṣṭaṃ parabrahma bravīti | nanu ānanda ātmeti ānandarūpatvamātmanaḥ pratipādyate | 
na tu pūrṇāhantāviśiṣṭatvaṃ, tatkathamucyate pūrṇāhantāviśiṣṭatvaṃ parabrahmeti | 
ānando nāma viśvātmabhāvanā || tathā subālopaniṣadi----"annamayo bhūtātmā, prāṇamaya indriyātmā, 
manomayaḥ saṅkalpātmā, vijñānamayaḥ kālātmā,  ānandamayo  layātmā |"  iti | atra layaḥ pūrṇāhambhāvanā || 
vacanamapi----"dhyānakoṭisamo layaḥ" iti cidānandaghanaṃ paramityatra vyākhyānam | 
amṛtānandayogibhiḥ ciccaitanyakalā, ānando viśvāhantāpariṇāma ityuktatvāt evaṃ vyākhyātam || 
athavā jagadutpattisthitilaya-hetubhūtā kṛtrimāhambhāvaparāmarśo vimarśaḥ  || 
tathā nāgānandāḥ----"vimarśo nāma viśvākāreṇa vā, viśvaprakāśena vā viśvopasaṃhāreṇa vā 
akṛtrimo'hamiti sphuraṇam | tasyāṃ tallīnatvaṃ nāma antarmukhatvam ṅgha" tathā 
cāyamarthaḥ----antarlīno'ntarmukhībhūto vimarśaḥ pūrṇāhambhāvanā yasyeti | tathā śrīsvacchandaśāstre----
               sa tu yo'ntarmukho bhāvaḥ sarvajñādiguṇāspadaḥ | 
               tasya lopaḥ kadācitsyādanyasyānupalambhanāt || iti |
     virūpākṣapañcāśikāyāmapi----
               svaparāvabhāsanakṣamaḥ ātmā viśvasya yaḥ prakāśo'sau | 
               ahamiti sa eka  uktaḥ  ahantāsthitirīdṛśī  tasya || iti |
     śivānandasvāmino'pi----
               ahamityaklamākrānta samasta bhuvanatrayam | iti |
     tattādṛśaparabrahmaṇaḥ parameśvarasya prakāśaikasvabhāvatvaṃ sarvasmātparatvaṃ cāha----prakāśa-mātratanurmaheśvara
iti----prakāśamātrā prakāśānatiriktā tanuḥ || tathā ca chāndogye
               yadataḥ paro divo jyotirdīpyate, 
               taṃ devā jyotiṣāṃ jyotirāyurhopāsate'mṛtam | iti |
     śa eṣa saprasādo'smāccharīrātsamutthāya paraṃ jyotirupasampadya svena rūpeṇābhi-niṣpadyata"
iti || ṅa tatra sūryo bhāti na candratārakaṃ nemā vidyuto bhānti kuto'yamagniḥ | tameva bhāntamanubhāti
sarvaṃ tasya bhāsā sarvamidaṃ vibhāti |" ityādi || tathā rahasyāgamaśca----
               svarūpajyotirevāntaḥ parāvāganapāyinī | 
               vande jyotiranuttaram | iti ca |
     parāpañcāśikāyāmapi----śa eko'ntaridaṃ jyotirasastejāṃsi tamāṃsi ca |" iti | saubhāgyahṛdaye'pi----"tanmahaḥ
paramaṃ naumi" ityādi | atra prakāśatvaṃ nāma icchāmi jānāmi karomi ityuttamapuruṣāntargatasphuraṇarūpāhaṃ
parāmarśa eva | tataśca sarvajñatvasarveśvaratva sarvakartṛtvapūrṇatvavyāpakatvarūpapañcaśaktisaṃvalitaṃ
paraṃ brahmetyuktaṃ bhavati || nanu sūryādīnāmapi prakāśakatvaṃ dṛṣṭam | tatkathamasyaiva paraprakāśarūpatvamityata
āha----maheśa iti----mahāṃścāsāvīśaśca iti maheśa iti | mahattvañca deśakālākārairanavacchinnasvarūpatvāt
| īśatvaṃ ca sarvaniyantṛtvam || tathā ca yajuśśrutiḥ----"yato vāco nivartante"----iti sarvaprakāreṇāparicchinnaṃ
brahmeti nidīśya----
               tasyaivaiṣā  parā   devī  svabhāvāmarśanotsukā | 
               pūrṇatvaṃ sarvabhāvānāṃ yasyā nālpaṃ na vādhikam || 
     bravīti | tathā'tharvaṇavedopaniṣadi----"atha kasmāducyate maheśvaraḥ | sarvān lokān udgṛhṇāti
sṛjati visṛjati vāsayati | tasmāducyate maheśvaraḥ" iti | upaniṣadantare'pi----
               yo vedādau svaraḥ prokto vedānte ca pratiṣṭhitaḥ | 
               tasya  prakṛtilīnasya  yaḥ  parassa maheśvaraḥ || 
     "bhīṣāsmādvātaḥ pavata" ityādi || "etasya vā akṣarasya praśāsane gāgī sūryācandramasau
vidhṛtau tiṣṭhata" ityādi || tathā pratyakṣopaniṣat----"yatparaṃ brahma sa eko rudraḥ sa īśānaḥ
sa bhagavān maheśvaraḥ sa mahādevaḥ" iti || parāpañcāśikāyāmapi----
               sa eva sarvabhūtānāṃ svabhāvaḥ parameśvaraḥ | 
               sa eva bhairavo devo  jagadbharaṇalakṣaṇaḥ || 
     iti parameśvaraṃ nidīśya----
               tasyaivaiṣā  parā   devī  svabhāvāmarśanotsukā | 
               pūrṇatvaṃ sarvabhāvānāṃ yasyā nālpaṃ na vādhikam || 
     iti sampūrṇarūpatvaparāśaktiyogaṃ paramātmano vidhāya----
               eṣa devo'nayā devyā nityaṃ krīḍārasotsukaḥ | 
               vicitrān   sṛṣṭisaṃhārānvidhatte   yugapatprabhuḥ || 
               atidurghaṭakāritvamasyānuttarameva          tat | 
               etadeva     svatantratvamaiśvaryaṃ     parabodhitam || 
     iti brahmasvarūpaṃ samyakprakalpya prapañcitam | "evaṃ parābhaṭṭārikāsahitaḥ śrī parameśvaraḥ
| eṣa sarveśvaraḥ, eṣa bhūtādhipatiḥ eṣa bhūtapāla eṣa setuvīdharaṇaḥ eṣāṃ lokānāmasambhedāya"
iti bṛhadāraṇyakoktarītyā sarvaprakāreṇa sarvarakṣakaḥ parameśvaraḥ paramātmā yuṣmān pātviti
niravadhikadayāśālinaḥ puṇyānandāḥ puṇyapuruṣānāśāsate | pālanaṃ cātra paramātmaikatvarūpameva
|| tathā cidvilāse----"bhedalakṣaṇavipakṣasaṅkaṭāt tāraṇaṃparamihātmarakṣaṇam |" 
ityabhedena cintanamabhipretam | idaṃ cātra puṇyānandānāmākūtaṃ sarvabhūtasuhṛtparamātmaivātra 
loke sadgururūpamāsthāya katicana bhaktibhājaḥ saṃrakṣatīti || 
yajuśśrutiḥ----śa cācāryavaṃśo jñeyo bhavatyācāryāṇāmasāvasāvityābhagavattaḥ |" 
"ācāryavān puruṣo veda ācāryastu te gatiṃ vaktā|" "tvaṃ hi naḥ pitā yo'smākamavidyāyāḥ paraṃ pāraṃ tārayatīti |" 
"parīkṣya lokān karmacitān brāhmaṇo nirvedamāyānnāstyakṛtaḥ kṛtena | 
tadvijñānārthaṃ sagurumevābhigacchet samitpāṇiḥ śrotriyaṃ brahmaniṣṭham |" 
ityādiśrutijālaṃ śrīgurūpasadanadvārā brahmaprāptimabhidhatte || yathā cāgamaśca----
               śivaśaktisamāyogājjanmāntarakṛtācchubhāt | 
               śivapūjānucintā syātkarma sāmyaṃ yadā bhavet || 
               śiva  eva   tadā   sākṣādāsthāya guruvigraham | 
               dīkṣāṃ karoti viśvātmā śambhuśaktyanu vedhataḥ || iti |
     gītā ca----
               tadviddhi  praṇipātena  paripraśnena sevayā | 
               upadekṣyanti te jñānaṃ jñāninastattvadaśīnaḥ || iti |
     abhiyuktoktiśca----"kalyāṇideśikakaṭākṣasamāśrayeṇa kāruṇyato bhavati  śāmbhava-vedhadīkṣā
|" paramaśivādipadadvayapāramparyakramāgataṃ bhāvyamiti ca | atra kiñcitprasaṅgāducyate---- "pātu
maheśaḥ prakāśamātratanuḥ |" ityanena gurudevatāmantrāṇāmaikyaṃ pratipāditam | katham ācāryasya
prakāśakatvam astyeva | tathā sūtram----"tathā gururupāyaḥ" iti | tathā tadvṛttikāro'pi----"gṛṇātīti
gurustattvaṃ stotravyāptipradarśakaḥ | mantravīryasya tenāsāvupāya iti kītītaḥ ṅgha" rakṣakatvaṃ
mantrasyāpyasti | mananāt trāyata iti mantraśabdārthaḥ | yathāgamaśca----"mananāttrāṇadharmāṇo
mantrāḥ syuḥ parikītītāḥ |" iti | śivasūtramapi----"citta mantre" iti cetanyarakṣakatvaṃ mantrasya
pratipādyate | ayamarthaḥ catuśśatyāpi athaṣaṭkanirūpaṇa-prakaraṇe nigarbhābhidheyayayoḥ pratipādyate----
               nigarbhārtho   mahādevi   śivagurvātmagocaraḥ | 
               tatprakāraṃ ca deveśi  diṅmātreṇa vadāmi te || 
               niṣkalatattve śive  budhvā tadrūpatvaṃ gurorapi | 
               tannirīkṣaṇasāmarthyādātmanaśca    śivātmatā || iti | 
     etadabhiprāyeṇāsmadācāryavaryaiḥ śrīśaṅkarānandagurubhirapi samyak niraṇāyi -
               namaśśivāya nāthāya cidrūpānandarūpiṇe | 
               śrīmate     caṭulāpāṅgapāṭitātaṅkaśaṅkave || ityādi | 
     tathā śvetāśvataropaniṣadi-
               yasya deve  parā  bhaktiryathā deve tathā gurau | 
               tasyaite kathitā hyarthāḥ prakāśante mahātmanaḥ || iti |
     eva ca satsampradāyibhireva māheśvaraiḥ ātmā kāmeśvaraḥ prāpyate | na tu anyairityalaṃ
prasaktānuprasaktayā | prakṛtamanusarāmaḥ || 
     nanu kathamayamātmā paramaśivabhaṭṭāraka eva sarvakartetyucyate, tasya sarvakartṛtvaniṣedhaśravaṇāt
| śrūyate hi -ṅa tasya kāryaṃ karaṇaṃ ca vidyate na tatsamaścābhyadhikaśca vidyate| parāsya
śaktivīvidhaiva śrūyate" iti parābhaṭṭārikāsambandhādeva sarvakartṛtvasarvābhyadhikatvaprati
pādanapurassaraṃ parābhaṭṭārikāyā eva sarvajagadutpattiśravaṇāt | kiñca --"ānīdavāta svadhayā
tadekam |" iti | "śraddhayā devo devatvamaśnute |" ityādi || śā sākṣiṇī vijayate tava mūttīrekā
|" ityabhiyuktasmṛtiśca | parābhaṭṭārikāsannidhānādeva asya maheśvarasya sattāśravaṇācca | 
kevalamīśvarasya sarvakartṛtvādikaṃ na saṅghaṭata iti satyam | 
nahi vayaṃ parameśvaraḥ paramaśivaḥ parābhaṭṭārikārahitaḥ kevalakarteti vadāmaḥ |  
kintu śivaśaktirūpakameva tattvamiti niścitya tasya kāraṇatvamavocāma | 
tathā prāmāṇikavacanam -"śivaśaktiriti hyekaṃ tattvamāhurmanīṣiṇaḥ" iti || 
śrī svacchande'pi -"tattvārūḍhassa bhagavān śivaḥ paramakāraṇam | śivassarvasya karteyaṃ śaktiḥ kāraṇamucyate" 
iti ubhayorapi kartṛtvamucyate || tatraiva -
               śivābhinnā parāśaktiḥ sarvakarmaśarīriṇī | 
               vāmādīcchādibhedena   mithunatrayatāṃ   gatā || 
     iti smaraṇāt ekameva jagatkāraṇam | anyathā śrutivirodhaḥ prasajyeta sadeva somyedamagra
āsīt ekamevādvitīyaṃ brahmameti ekatvāvadhāraṇam | tasmācchivasya kāraṇa-tvavacanaṃ śakterapi
samānam | ata eva śakterapi kartṛtvamucyamānaṃ śivasyāpi tulyam || 
               na śivena vinā devī na devyā ca vinā śivaḥ | 
               nānayorantaraṃ       kiñciccandracandrikayoriva || 
ityāgamasiddhāntarītyā parābhaṭṭārikāyā api sarvakāraṇatvamāha -
     sā jayati śaktirādyā nijasukhamayanityanirūpamākārā |
     bhāvicarācarabījaṃ        śivarūpavimarśanirmalādarśaḥ || 2 || 
" cidvallī "
     sā ādyā śaktiranavacchinnā parābhaṭṭārikā mahātripurasundarī jayati  sarvotkarṣeṇa vartate
| saiva śivādikṣityantaṣaṭtriṃśattattvamayasarvaprapañcātmikā taduttīrṇā ceti sarvopaniṣatprasiddhā
tripurā abhidhīyate | evaṃ hi satsampradāyavidbhiḥ mahāyogibhiḥ puruṣaiḥ tripurāśabdanirvacanaṃ
kriyate | kathaṃ tribhyastejo'vannādibhyaḥ purā bhūtā tripureti | tejo'vannādibhyaḥ pūrvasattvameva
hi sarvatattvā-tikrāntattvaṃ brahmaṇaḥ taddvārā sarvatattvātmakatvaṃ ca upaniṣadapyevamevāha
-
     tathā chāndogye ṣaṣṭhaprapāṭhake -"śvetaketurhāruṇeya āsa taṃ ha pitovāca śvetaketo vasa
brahmacaryam |" iti putrasya vedādhyayanādirūpabrahmacaryaṃ vidhāya -śa ha dvādaśavarṣa upetya
catuvīṃśativarṣassarvān vedānadhītya mahāmanā anūcānamānīstabdha eyāya, taṃ ha pitovāca, stabdho'syuta
tamādeśamaprākṣyo yenāśrutaṃ śrutaṃ bhavatyamataṃ matamavijñātaṃ vijñātam || ityādinā śiṣyayogyatāṃ
niścitya ācāryo brahmavidyāmupādiśat | tatra ekavijñānena sarvavijñānadvārā sarvatattvānāṃ tanmayatvamuktam | 
tatra dṛṣṭāntamākāṅkṣamāṇaḥ śiṣyaḥ pṛcchati | "kathaṃ nu bhagavaḥ sa ādeśo bhavati |" iti -
     "yathā somyaikena mṛtpiṇḍena sarvaṃ mṛṇmayaṃ vijñātaṃ syādvācārambhaṇaṃ vikāro nāmadheyaṃ
mṛttiketyeva satyam |" ityādidṛṣṭāntaparamparayā parabrahmaṇo viśvātmakatvaṃ taduttīrṇatvaṃ
cābhyutthāya anantaraṃ ca -śadeva somyedamagra āsīt, ekamevādvitīyam" ityādinā viśvātītaṃ 
vastvabhidhāya punaśca viśvātmakamabhidhatte -"tadaikṣata bahusyāṃ prajāyeyeti saṅkalpya tattejo'sṛjata iti 
tejo'vannāni sṛṣṭvā seyaṃ devataikṣata hantāhamimāstisro devatā anena jīvenātmanānupraviśya nāmarūpe vyākaravāṇi |" 
tāsāṃ trivṛtamekaikāṃ karavāṇi seyaṃ devatā imāstisro devatā anena jīvenātmanānupraviśya nāmarūpe vyākarot | 
tāsāṃ trivṛtaṃ trivṛtamekaikāmakarodityādinā tejo'vannā nāmahambhāvena brahmaṇaḥ sarvapūrvavatītvaṃ 
sarvavastupūrakatvaṃ ca svasvarūpakamityuktvā tejo'vannātmakameva devādisthāvarāntaṃ tattvajālamācaṣṭe | 
yathā vā apādāgneragnitvaṃ vācārambhaṇaṃ vikāro nāmadheyaṃ trīṇi rūpāṇītyeva satyamityādinā annamaśitaṃ 
tredhā vidhīyate tasya yaḥ sthaviṣṭho dhātuḥ tatpurīṣaṃ bhavati | yo madhyamastanmāṃsaṃ yo'ṇiṣṭhastanmanaḥ 
ityādinā trivṛtkṛtaprapañcapūraṇātripuraiva parabrahmetyabhidhīyate |
     imamevārthamuttaratra granthakāraḥ -
"ṣaṭtriṃśattatvātmā tattvātītā ca kevalā vidyā |" iti | 
     smṛtirapi - viśvātmikāṃ taduttīrṇāṃ hṛdayaṃ parameśituḥ | iti | 
     śrīvāmakeśvaratantre'pi -
               tripurā paramā śaktirādyā jātā maheśvarī | 
               sthūlasūkṣmavibhedena trailokyotpattimātṛkā | 
               kavalīkṛtaniśśeṣatattvagrāmasvarūpiṇī    || iti | 
     śrīsvacchande'pi -
               nātra kālaḥ kalābhāvaḥ naikatā na ca devatā | 
               sunirvāṇaṃ  paraṃ  tattvaṃ   rudravaktraṃ  taducyate || 
               śivaśaktiriti khyātaṃ nivīkalpaṃ nirañjanam | 
               paśyātītaṃ  varārohe  vāṅmano'tītamadbhutam || 
               aniṣkalaṃ ca sakalaṃ nīrūpaṃ nivīkalpakam | 
               nirdvandvaṃ  paramaṃ tattvaṃ  śivākhyaṃ  paramaṃ  padam || iti |     
     asmaduktasaccidānandavāsanāyāṃ ca -
               viśvātmikāṃ taduttīrṇāṃ prakāśāmarśarūpiṇīm | 
               parāparamayīṃ    devīmātmatvena   viśāmyaham || 
     ityādi bahuśrutismṛtyādiṣu sarvotkṛṣṭatvaṃ tripurāyāstatra tatra codghoṣyate | etadeva
vivṛṇoti -nijasukhamayanityanirūpamākāretyanena -nijaḥ svābhāvikaḥ | sukhamayaḥ duḥkhasambhinnānandarūpaḥ
| nityaḥ sārvakālikaḥ | nirupamaḥ nissamābhyadhikaḥ | ākāraḥ svarūpaṃ yasyāssā | tadayamarthaḥ
-niravadhikākṛtrimātmānandarūpiṇīti | tathaivopaniṣat -"tasyeyaṃ pṛthivī sarvā vittasya pūrṇā
syāt | sa eko mānuṣa ānandaḥ" ityupakramya śa ekaḥ prajāpaterānanda" ityantam uttarottaraśataguṇitakrameṇa
manuṣyādicaturmukhaparyantaṃ puruṣāṇāmānanda-paramparāmupanyasya śa eko brahmaṇa ānandaḥ sa
yaścāyaṃ puruṣe yaścāsāvāditye sa ekaḥ" iti | sarvotkṛṣṭānandabrahmaṇaḥ sarvātmakatvaṃ sarvottīrṇatvaṃ
vakti | upaniṣadantare'pi--"bhūmaiva sukhaṃ bhūmātveva vijijñāsitavyaḥ" ityuktvā "yatra nānyatpaśyati,
nānyacchṛṇoti nānyadvijānāti sa bhūmā" iti aparicchinnānandamayameva brahma śrūyate | tathā
ca etasyaivānandasyānyāni bhūtāni mātrāmupajīvanti, itareṣāṃ brahmānandasamudravipruṭtvamucyate
| vāmakeśvaratantre catuśśatyāṃ -
               praṇamāmi   mahādevīṃ   paramānandarūpiṇīm | 
               adyāpi yasyā jānanti na manāgapi devatāḥ || 
               nityānandaghanaṃ param | iti |
     nityānande nirupamapade nirmale nivīkalpe iti niṣyandamānasukhabodhasudhāsvarūpeti 
     paramānandasandohapramodabharanirbhara
iti paramānandasampūrṇapadasaubhāgyadāyakamityādyabhiyuktata-moktyā ca saccidānandasvarūpiṇī
tripureti niścīyate | bhāvicarācarabījaṃ bhāvinorutpadyamānayoścarācarayoḥ sthāvarajaṅgamayorbījaṃ
yoniḥ kāraṇamityarthaḥ | yajuśśrutiḥ -"yo devānāṃ prathamaṃ purastādviśvādhiko rudro mahaṣīḥ
1 hiraṇyagarbhaṃ paśyata jāyamānaṃ sa no devaḥ śubhayā smṛtyā saṃyunaktu | sa viśvakṛdviśvavidātmayoniḥ
jñaḥ kālakāloguṇīsarvavidyo yo brahmāṇaṃ vidadhāti pūrvaṃ yo vai vedāṃśca prahiṇotīti sa īśo'sya
jagato nityameva nānyo hetuvīdyata īśanāya | eko vaśī sarvabhūtāntarātmā ekaṃ bījaṃ bahudhā
yaḥ karoti" ityādirdraṣṭavyaḥ | āgamaśca -
               yadā sā paramā śaktiḥ svecchayā viśvarūpiṇī | 
               sphurattāmātmanaḥ  paśyettadā  cakrasya   sambhavaḥ || 
               yathā    nyagrodhabījasthaśaktirūpo    mahādrumaḥ | 
               tathā     hṛdayabījasthaṃ     jagadetaccarācaram || 
     lalitopākhyāne ca -
               yā sasarja vidhātāraṃ sargādau vāripūritam | iti |  
     parāvāsanāyāmapi -
               jagaccitraṃ samālikhya  svayamevātmavigraham | 
               svayameva samālokya santuṣṭāṃ paramādbhutām || 
               prakāśajīvasaṃlīnavimarśātmasvarūpiṇīm || iti |
     nanu śivasya jagannirmātṛtvaṃ  śaktyā vinā na saṅgacchet |  evaṃ parāśakterapi paramaśivena
vinā kāraṇatvaṃ na bobhavīti  tatkathamucyate -bhāvicarācarabījamiti -ata āha śivarūpavimarśanirmalādarśa
iti -śivasya svarūpamahamityevamākāraṃ tasya vimarśaḥ parāmarśaḥ | parāmarśanamahamityevaṃ rūpaṃ jñānam | 
tasya prakāśane nirmalādarśaḥ samyak prakāśanacatura ityarthaḥ | ayamarthaḥ -yathā 
siṃhāsanārūḍhaḥ kaścidrājā atisundaraḥ svātmābhimukhāvasthitasvacchadarpaṇatale svātmapratibimbaṃ samyak 
prasamīkṣya tatpratibimbaṃ ayamahamiti jānāti | evaṃ parameśvaro'pi svādhīnabhūtāṃ  svātmaśaktiṃ samyagavalokya 
svasvarūpamavagacchati paripūrṇo'hamiti evaṃ ca darpaṇasya svasannihita-vastusambandhābhāve 
svāntargatapratibimbāvabhāsanamanupapannaṃ bhavati | tadvat parāśaktirapi paramaśivasambandhābhāve 
svāntasthitaprapañcanigaraṇaṃ na saṅghaṭata ityarthāt labhyamevaitat | tasmānna kevalena śivena vā kevalayā 
śaktyā vā jagannirmīyate | kintu ubhābhyāmeva kāmakāmeśvarābhyām akhilaṃ tattvajātamātanyate | 
yathā śvetāśvataropaniṣadi -"ya eko jālavānīśa īśanībhiḥ sarvānlokānīśata īśanībhiḥ ya evaika udbhave sambhave ca | 
ya eko varṇo bahudhā śaktiyogādvarṇānanekānnihitārtho dadhāti | vicaiticānte viśvamādau sa devaḥ sa 
no buddhyā śubhayā saṃyanaktu" iti | yathoktamabhiyuktaiśca -
               svecchāvibhāvitānandajagadraśmivilāsavat    |
               naumi    saṃvinmahāpīṭhaṃ   śivaśaktipadāśrayam || iti | 
               akhaṇḍitasvabhāvo'pi vicitrāṃ mātṛkalpanām | 
               svahṛnmaṇḍalacakre   yaḥ  prathayettaṃ  numaśśivam ||  iti || 2 || 
     saśaktikamahamityevaṃ rūpaṃ parabrahmeti nirṇītam | atra yadvaktavyaṃ taduttaratra samyak
prapañca ityalam || nanu nivīmarśameva brahma vadanti kecana | tatkatham ucyate savimarśakaṃ
brahmetyata āha -
            sphuṭaśivaśaktisamāgamabījāṅkurarūpiṇī parāśaktiḥ | 
             aṇutararūpānuttaravimarśalipilakṣyavigrahā       bhāti || 3 || 
" cidvallī "
     asyārthaḥ -atra parāśaktiśabdena prakṛtyākhyā mahātripurasundarī abhidhīyate | cidānandecchājñānakriyārūpeti
yā śrutiḥ jagatprasiddhā sā tvevamucyate -sphuṭaśivaśakti-samāgamabījāṅkurarūpiṇīti -śivaśca
śaktiśca śivaśaktī, tayossamāgamaḥ saṃyogaḥ | sphuṭaḥ vyaktaḥ śivaśaktisamāgamo yo'yaṃ tena
bījāṅkurarūpiṇī bījādaṅkuraṃ aṅkurā dvījamitivat, śivatattvādi kṣititattvaparyantaṃ tattvajālamuttarottaramudbhāvayedityarthaḥ
| atra śivaśabdena jñānaśaktirabhidhīyate | jñānaśaktyadhiṣṭhitattvāt śivatattvasya śaktiśabdenāpi
 kriyāśaktirabhidhīyate kriyāśaktyadhiṣṭhitattvācchaktitattvasya cidānandasvarūpiṇyāḥ sarvatra
jñānakriyābhyāmeva prapañcanirmāṇadarśanāt | tathā śvetāśvataropaniṣadi--"yadidaṃ te dṛśyate
tadānandayoniḥ tena jīvati, tadeṣābhyuktā paro vā eṣa ānandaḥ sabhogayoniḥ, kāmarūpāvetau sa
ānandayoniḥ ānando brahma brahmaivaiṣā devī ekānekaprapañcā syāt caturthapauruṣārthe ānandarūpeti"
yathāgamaśca -
               yadā sā paramā śaktiḥ svecchayā viśvarūpiṇī | 
               sphurattātmanaḥ   paśyettadā   cakrasya   sambhavaḥ || 
     pratyabhijñāsūtre'pi -"citiḥ svatantrā viśvasiddhihetuḥ" iti | 
     abhiyuktoktiśca -śā yonissarvadevānāṃ śaktīnāṃ ca" ityādi | evaṃ cārtho varṇayitavyaḥ
 | saiva parāśaktiḥ svayameva śivaśaktībhūya viśvaṃ sṛjatīti tathā ca śrutiḥ -"yā liṅgamayā
nivītatāna heturyābhyāmidaṃ viśvamādau babhūva" ityādi draṣṭavyā | tathā cidvilāse -"medinīpramukhamāśivaṃ
mataṃ tattvacakramiha  cakramuttamam |  svasvabhāvasamayāvabhāsinī devatā bhavati sāṃvidī kalā
|| visargaśaktīvīśvasya kāraṇaṃ ca nirūpitā  | etareyākhyavedānte parāmarśena vistarāt ṅgha"
ityabhiyuktoktiḥ | punastāmeva viśinaṣṭi -aṇutararūpānuttaravimarśalipilakṣyavigrahā bhātīti
-aṇutaramatyantasūkṣmaṃ rūpam asyā iti aṇutararūpā | yajuśśrutiḥ -
               sūkṣmātsūkṣmataraṃ nityaṃ tattvameva tvameva tat | 
               yattadadreśyamagrāhyam || ityādi |
               "eṣa ātmāntarahṛdaye'ṇīyānvrīhirūpādvā sarṣapādvā" iti || 
     tathā vacanamapi -
               aṇoraṇutarā devī mahato'pi mahīyasī |
     atredaṃ atirahasyam -anuttarālipirakāraḥ vimarśalipirhakāraḥ | tābhyāṃ lakṣyaṃ vigrahaṃ
svarūpaṃ yasyāḥ sā tayoktam | atrānuttaravimarśalipilakṣyavigrahetyanenāhamātmikāntargabhīta
samastavarṇakadambakaparā vāk akārādi hakārāntaṃ pañcāśadakṣararūpiṇī varṇapadamantrakalā-tattvabhuvanātmakasamastaprapañcajanayitrī
parābhaṭṭārikā samastabhūtāntarātmā sarvatra vedānte ahamahamityevamākāreṇa pratīyamānā dṛśyata
ityuktaṃ bhavati | tathā bṛhadāraṇyake -"brahma ca vā idamagra āsīt | tadātmānaṃ eva veda ahaṃ
brahmāsmi" iti | etareye'pi -"a iti brahma tatrāgatamaham" iti | tāpanīye'pi -"kastvamityahamiti
hovāca | evamevedaṃ sarvam | tasmādahamiti sarvābhidhānaṃ tasyādirayamakāraḥ | sa eva bhavati
 | sarvaṃ hya yamātmā | ahaṃ hi sarvāntarātmā na hīdaṃ sarvam | nirātmakamātmaivedaṃ sarvam
| tasmātsarvātmakenākāreṇa sarvātmakamātmānamanvicchedbrahmaivedaṃ saccidānandarūpam" iti |
tatraivātyatra -"tadvā etadbrahma advayaṃ bṛhattvāt | nityaṃ śuddhaṃ buddhaṃ muktaṃ satyaṃ sūkṣmaṃ 
paripūrṇam advayaṃ saccidānandaṃ cinmātrameva" iti paramātmānamabhidhāya tadupāsanāprakāramapyāha -śuvibhāntaṃ 
sakṛdvibhāntaṃ purato'smātsarvasmādavibhāntamadvayaṃ paśyato haṃsasso'hamiti | brahma bhavati | 
ya evaṃ veda |" iti rahasyamiti || pūrṇāhambhāvabhāvanārūpamātmopāsanamatyantagopanīyam | gurumukhādevāvagantavyami śrutirevāha |
     tathā chāndogye ṣaṣṭhaprapāṭhake--"tadaikṣata seyaṃ devataikṣata" ityādinā | tejovannātmakarūpatrayāṃ
sarvajagannirmātrī tripurāmabhidhāya, "yo vai bhūmā tatsukhaṃ yatra nānyatpaśyati nānyacchṛṇoti
nānyadvijānāti sa bhūmā" iti | niratiśayānandarūpiṇīṃ tāmeva nidīśya śa evādhastāt" ityupakramyāhamātmānaṃ
nidīśati || "ahamevādhastādahamupariṣṭādahaṃ paścādahaṃ purastādahaṃ dakṣiṇato'hamuttarato'hamevedaṃ
sarvamiti" iti | tathā bṛhadāraṇyake -"tvaṃ vā ahamasmi bhagavo devataitāsāṃ vai tvamasi bhagavo
devatā" ityādi | smṛtirapi -
               hṛdyakāraṃ  dvādaśānte   hakāraṃ   sthavirā  viduḥ | 
               ahamātmaikamadvaitaṃ        yatprakāśātmaviśramaḥ || 
               akārassarvavarṇāgryaḥ   prakāśaḥ   paramaśśivaḥ | 
               hakāro'ntyaḥ kalārūpo vimarśākhyaḥ prakītītaḥ | 
               ubhayossāmarasyaṃ   yatparasminnahami    sphuṭam || iti | 
     śrīvirūpākṣapañcāśikāyāmapi -
svaparāvabhāsanakṣama ātmā viśvasya yaḥ prakāśo'sau | ahamiti sa eka ukto hantā sthitirīdṛśī
tasya || ityādivacana sahasramanu sandheyamiti alamativistareṇa || 3 || 
     itaḥ paraṃ prabandhena pratipādyāṃ kāmakalākṣararūpiṇīṃ vivektukāmastadakṣarasvarūpaṃ vaktumupakramate -
            paraśivaravikaranikare pratiphalati vimarśadarpaṇe viśade |  
            pratirucirucire kuḍye  cittamaye  niviśate  mahābinduḥ || 4 || 
" cidvallī "
     ityādikalā ca dahanenduvigrahau bindū ityantaṃ, paraśivaḥ prakāśaikasvabhāvaḥ paraśivabhaṭṭāraka
eva | ravidīnakaraḥ, tasya karāḥ kiraṇāḥ | teṣāṃ nikaraḥ puñjaḥ tasmin viśade nirmale vimarśadarpaṇe
vimarśo nāma anavadhikākāravisphuraṇaśaktiḥ | tathā pratyabhijñāyām -śā sphurattā" ityādi | 
saiva darpaṇatvena nirūpyate | svasvarūpaprakāśatvāttatra pratiphalanaṃ nāma svarūpāvalokanam | 
tādṛśapratiphalanasvarūpāvalokane sati cittamaye jñānaikasvarūpe pratirucirucire pratiprakāśamanohare 
kuḍye mahābindunīviśate praviṣṭo bhavati | cittasya kuḍyatvanirūpaṇamahābindvāvirbhāvakāraṇatvāt | 
loke'pi sūryābhimukhasthitadarpaṇatale sūryakiraṇapratiphalanānantaraṃ nikaṭagatakuḍye 
sūryakiraṇapratihatatejobinduḥ pratyakṣaṃ pratipadyate | tadvatprakāśarūpaparameśvarasya 
darpaṇavat svasvarūpavimarśa-sambandhe jāte tadānīṃ tatra mahābinduḥ pūrṇo'hamityevaṃrūpaḥ 
parameśvaro'vabhāsata ityarthaḥ | tathā ca chāndogye -śa deva somyedamagra āsīt | 
ekamevādvitīyaṃ brahma tadaikṣata seyaṃ devataikṣata iti ca brahma vā idamagra āsīt 
tadātmānameva vedāhaṃ brahmāsmīti sa īkṣata imān lokān sṛja |" ityādi śrutiṣusvātmaśaktinirīkṣābhimukhaṃ  
parabrahmaṃ jagatkāraṇa-mityucyate | āgamaśca -
               sphurattātmanaḥ paśyettadā cakrasya sambhavaḥ | iti | 
     pratyabhijñāyāmapi -
               sā sphurattā mahāsattā deśakālaviśeṣiṇī | 
               saiṣā  sāratayā  coktā  hṛdaye parameṣṭhinaḥ || iti | 
     paramānandayogino'pi -
               īdṛgiyattādivaco dūrataraṃ svānubhūtisaṃvedyam | 
               tattādṛśasphurattāśeṣaṃ   saṃvitkathānusārākhyam || ityādi | 
     anyatsarvaṃ śivarūpavimarśanirmalādarśa ityatra prapañcitaṃ tatraivāvalokitavyamityalam
|| 4 || 
     tādṛgujjvalātmakaśaktyavalokanodbhūtāhambhāvameva viśinaṣṭi -
            cittamayo'haṅkāraḥ           suvyaktāhārṇasamarasākāraḥ | 
            śivaśaktimithunapiṇḍaḥ kavalīkṛtabhuvanamaṇḍalo jayati || 5 || 
" cidvallī "
     asyārthaḥ -ahaṅkāra ityudbhūtātmasmaraṇānubhavābhivyañjako yo'hamahamahamityevaṃ vimarśaḥ
| tasya kāraḥ kāraṇamahaṅkāraḥ | evambhūto'haṅkāraḥ jayati sarvotkarṣeṇa vartate | tathoktaṃ
-
               prakāśasyātmaviśrāntirahambhāveti kītītaḥ | 
     cittamayo jñānaikasvabhāvaḥ | suvyaktāhārṇaḥ samarasākāraḥ| aśca haśca ahau | 
     sutarāṃ vyaktau suvyaktau spaṣṭau | parasparodbhūtarūpau suvyaktāhau | tayossamarasaḥ ekalolībhūtaḥ | 
     ākāraḥ nijarūpaṃ yasya śivaprakāśaḥ | śaktivīmarśaśca etadrūpamithunaṃ divyadampatimayam | 
     piṇḍībhavati ekalolībhavati | yatra sa śivaśakti mithunapiṇḍaḥ | ata eva kavalīkṛtabhuvanamaṇḍalaḥ 
     kavalīkṛtam antaḥsthāpitaṃ bhuvanamaṇḍalaṃ ṣaṭtriṃśattattvasaṅghātamayaṃ yena saḥ |
     ayamarthaḥ -pratyāhāranyāyena antargabhītasamastavarṇakadambakāhaṅkārarūpaprakāśa-vimarśa
sampuṭādeva śabdārthātmakasarvaprapañcavikāso bhavati | tathā ca śrutiḥ -"ya eko varṇo bahudhā
śaktiyogādvarṇānanekānnihitārtho dadhāti |" tāpanīye'pi -"kastvamityahamiti hovāca | ahamevedaṃ
sarvam | tasmādevāhamiti sarvābhidhānamiti |" kaivalyopaniṣadi -
              umāsahāyaṃ  parameśvaraṃ vibhuṃ  trilocanaṃ  nīlakaṇṭhaṃ praśāntam | 
              dhyātvā munirgacchati bhūtayoniṃ samastasākṣiṃ tamasaḥ parastāt || 
     śa brahmā sa śivaḥ sa hariḥ sendraḥ so'kṣaraḥ paramassvarāṭ" ityuktvā "tadbrahmāhamiti
jñātvā sarvabandhaiḥ pramucyate |" iti kāmakāmeśvarīrūpaṃ brahmā nidīśya tadupāsanamapyahaṃ
brahmātmakameva vidadhāti | tatraivānyatra -
               vedaiśca sarvairahameva vedyo vedāntakṛdvedavideva cāham |
       iti ahamātmakameva brahmeti nidīśyate | bṛhadāraṇyake'pi -"tadvaitatpaśyan sa ṛṣirvāmadevaḥ
pratipede ahaṃ manurabhavaṃ sūryaśca" ityahaṃrūpamupāsanamabhidhāya viparīte bādhakamāha -"atha
yo'nyāṃ devatāmupāste anyo'vasānyo'hamasmīti na sa veda yathā paśuriti" tatraivānyatra -"yatra
deva iva rājevāhamevedaṃ sarvo'smīti manyate so'sya paramo lokaḥ" iti | "tvaṃ vā ahamasmīti
bhagavo devate ahaṃ vai tattvamasi" ityādi tathā gītābhāṣye -
               utsṛjya svayamātmānaṃ ye dhyāyantyanyadevatām | 
               bhikṣitvā bhūri vittāste bhikṣitvāpi bubhukṣitāḥ || iti |
     virūpākṣapañcāśikāyāmapi -"yasya vimarśasya varṇaḥ padamantrārṇātmakastridhā śabdaḥ | 
     bhuvanakalātattvārtho dhamīṇa itthaṃprakāśasya || ahameko'nastamitaprakāśarūpo'smi tejasāntamasāmiti tathā 
     ahamiti sa eka ukto'hantāsthitirīdṛśī tasya" iti | rahasyāgame'pi -
               pūrṇāhantātmabhāvena    kṛtrimāhantayā   vinā | 
               ātmānamātmanā sākṣādyaḥ paśyati sa paśyati || 5 || 
     itaḥ parataraṃ dvābhyāṃ cittamaye niviśate mahābinduḥ, ityuktaṃ bindusvarūpanirūpaṇadvārā
kāmakalāmupadiśati -
          sitaśoṇabinduyugalaṃ viviktaśivaśaktisaṅkucatprasaram | 
          vāgarthasṛṣṭihetuḥ            parasparānupraviṣṭa vispaṣṭam || 6 || 
          bindurahaṅkārātmā            raviretanmithunasamarasākāraḥ | 
          kāmaḥ  kamanīyatayā  kalā   ca  dahanenduvigrahau   bindū || 7 || 
" cidvallī "
     iti sitaḥ śubhraḥ śoṇo raktaḥ tadrūpau bindū tayoryugalam | ata eva viviktaśiva śaktī anyonyaviharaṇaśīle 
     śivaśaktī yasmin karmaṇi tat | ata eva saṅkucatprasaraṃ saṅkucanmukulī bhavan prasaraḥ jagatsṛṣṭirūpo 
     vikāso yasmin tat | vācaḥ parāpaśyantyādirūpasamastaśabdārthāḥ śivādikṣityantaṣaṭtriṃśattattvarūpāḥ 
     teṣāṃ sṛṣṭi ṣaḍadhvātmakajagannimītiḥ | tatra hetuḥ kāraṇam | tathā saubhāgyahṛdaye -
               varṇaḥ kalā  padaṃ  tattvaṃ  mantro bhuvanameva ca | 
               ityadhvaṣaṭkaṃ deveśi bhāti tvayi cidātmani || 
     parasparānupraviṣṭa vispaṣṭaṃ parasparam anyonyam anupraviṣṭamantargatam | vispaṣṭaṃ pṛthagbhūtaṃ
ca tat | evambhūtaṃ sitaśoṇabinduyugalaṃ kāmakāmeśvarīrūpaṃ divyamithunaṃ vibhāvayediti pūrveṇa
sambandhaḥ | atredamatirahasyam -"yaḥ parassa maheśvaraḥ" iti śrutyuktarītyā nikhilavedādiśabdotpādako'nuttarākṣarābhidheyaḥ
parameśvaraḥ svātmabhūtākhilaprapañcanilayātmakavimarśaśakti manupraviśya bindubhāvamayate | 
tataḥ sā vimarśaśaktirapi svāntargataprakāśamayabindumanupraviśati | tataśca bindurucchūno bhavati tasmād 
bindornādātmikā samastatattvagabhīṇī tejomayī nīvārāgrasūkṣmarūpiṇī nirgatya śṛṅgārarūpatāmudvahate evaṃ ca 
bindunādasvarūpayoḥ tayoḥ prakāśavimarśayorahamiti śarīraṃ bhavati | evaṃ dvirūpayostayormadhye eko vimarśo 
raktabindurūpaṃ bhajate aparaḥ prakāśaḥ śuklabindubhāvameti | ubhayormelane miśrarūpaṃ sarvatejomayaṃ 
paramātmasvarūpaṃ bhavati | tathā rahasyāmnāye prakāśavimarśasaṃvādacandra candrikākhyaprakaraṇe ayamarthaḥ samyak niraṇāyi -
               "prasīda bhagavan śambho mamātmopāsanaṃ prati
               yo yo bhavati sandehaḥ taṃ bhavānvaktumarhasi
               ātmānusandhayātmānaṃ parātmīkṛtarūpiṇaḥ
               bhagavan yaḥ parānandaḥ sa kathaṃ vada me prabho"
               iti pṛṣṭavatīṃ devīṃ pratyāha parameśvaraḥ
               sakalādhārabhūto yaḥ samastasyopari sthitaḥ
               tasminnātmani sandhāya svātmānaṃ paramaṃ vrajet
               āvayorjagadātmat tavāttādātmyādāvayorapi
               ātmopāsanamānandaṃ sarveṣāṃ viddhi jānatām
               tādātmyādāvayonītyaṃ jagatprāṇāvubhau hi nau
               jñātvaitānsakalānsamyagjānīyātsaṃvidaṃ parām"
     vimarśaḥ -
               āvayorapi tādātmyaṃ kathaṃ yogo'pi sambhavet
               karmasāmyaṃ kathaṃ kena nirācārāvadhūtakau
     ityādi praśnapañcakasyottaramāha śivaḥ -
               "śivakāmātparaṃ tattvaṃ varṇyate iti cecchṛṇu
               sa codayaḥ priye vaktuṃ nālaṃ vāgviṣayātigam
               pārṇākhyaśivecchāyāṃ satyāṃ sā vimarśā tadā
               ajāyata parārṇākhyā bījādaṅkuravatpriye
               anupraviśyatāṃ śaktiṃ vāmādyaiḥ piṇḍito bhavet
               samastabījagarbhāḍhyaḥ sūkṣmabindutvameti saḥ
               tatpraviśyāmbikā bhūtvā sānandākāratāṃ gatā
               tadvyāptyā jṛmbhitā tasmād bindurucchūnatāṃ gataḥ
               tathā sā bindumudbhidya nīvārāgravadutthitā
               tulyakāloditā nityaraśmikoṭiviḍambinī
               ṣaṭtriṃśattattvagarbhāḍhyā paramādyarṇagabhīṇī
               sā pumbhāvaparaṃ binduṃ praviśya dhvanitāṃ gatā
               so'pi nādātmikāṃ śaktiyonimeti svaśaktitām
               tayovībhedayoreko rakto'nyaśśuklatāṃ gataḥ
               madhyabinduvimiśraṃ tatsuṣumnākandakhātmakam"
     ityādinā  bindutrayanirūpaṇaṃ kṛtam | tadiha prasaṅgāt kiñciduktam | anyatsarvaṃ gurumukhādevāvagantavyam
| śrutirapi -"eko varṇo bahudhā śaktiyogāt" ityādi | etadeva bindutrayanirūpaṇaṃ vivṛṇoti -bindurahaṅkārātmeti
-binduḥ uktasvarūpaḥ | ahaṅkāra antargabhītasamastavarṇarāśiranuttarāsphārarūpākārahakāratādātmyaṃ
svarūpaṃ yasya saḥ | varṇātkāra iti sūtreṇa ahaṃ śabdāt kārapratyayaḥ | ekāra itivat | 
ata eva etanmithunasamarasākāraḥ etayorakārahakāravācyayoḥ prakāśavimarśayoḥ | 
mithunaṃ dvandvam, tasya divyadampatirūpasya mithunasya | samarasaḥ parasparānupraviśyamānamānukūlya 
tadevākāraḥ svarūpaṃ yasya saḥ | evaṃbhūto raviḥ | sitaśoṇabindusamarasībhūto miśrabindurityarthaḥ | 
loke'pi sūryasya miśrarūpatvaṃ agnīṣomayoḥ praveśanirgama-śravaṇādevaṃ varṇayati -
     "tathā udyantaṃ vā vādityamagniranusamārohati | agniṃ vā vādityaḥ sāyaṃ praviśati" iti
śruteḥ | amā saha sūryācandramasāvasyāṃ tithau tiṣṭhata ityamāśabdavyutpattyā candrasūryayoḥ
praveśanirgamane prasiddhe tasmād ravimīśrabindurevāta eva tasyopāsyatvamāha -kāma iti | kāmyate
ityabhilaṣyate svātmatvena paramārthavidbhiḥ mahadbhiḥ yogibhiriti kāmaḥ tatra hetuḥ kamanīyatayeti
kamanīyatvam | tathā copaniṣadi -"hiraṇyaśmaśruḥ hiraṇyakeśa āpraṇakhātsarva eva suvarṇa" iti
| īśāvāsye'pi -
               saparyagācchukramakāyamavraṇamasnāviraṃśuddhamapāpaviddham | iti |  
     tathā tatraiva -"yatte rūpaṃ kalyāṇatamaṃ tatte paśyāmi yo'sāvasau puruṣasso'hamasmi" iti | 
     mahāsundaraṃ kāmeśvaramabhidhāya tādṛśamahimānaṃ parāmṛśati | rahasyāmnāye -
               niruttaraṃ nirādhāraṃ saccidānandasāgaram | 
               yadetacchāmbhavaṃ  nirvāṇādhāratāṃ  gatam || ityādi |
     kalāvimarśa śaktiḥ | dahano vahniḥ | induḥ candraḥ | tāveva vigrahāvākārau yayobīndvoḥ
tau dahanenduvigrahau bindū | ayamarthaḥ -agnīṣomarūpiṇī vimarśaśaktiḥ | tadubhayabhūtakāmeśvarāvinābhūtā
mahātripurasundarī bindusamaṣṭirūpā kāmakaletyucyate | saivopāsyatayā sarvāgameṣu ca udghoṣyate
| tathā hi -
                 śukraḥ śivo raktaśaktyāṃ parāśāmbhavavedhataḥ | 
                 raktaśāmbhavarūpeṇa    parātattvena  śaktitaḥ || 
               raktaḥ śivaḥ śuklaśaktyāṃ paraśambhavaikyabhāvataḥ | 
               raktaḥ śivaḥ śuklaśaktyāṃ saccidānanda lakṣaṇam || iti |  
     anyatrāpi -
           agrabinduparikalpitānanāmanyabinduracitastanadvayīm | 
           nādabinduraśanāguṇāspadāṃ naumi te paraśive parāṃ kalām || 
          mihirabindumukhīṃ tadadhollasacchaśihutāśanabinduyugastanīm | 
          sahaparārdhakalāraśanāspadāṃ  bhajati  nityamimāṃ  paradevatām || 
               īkārordhvagato  bindurmukhaṃ   bhānuradhogatau | 
               stanau dahanaśītāṃśū yonihārddhakalā bhavet || iti rahasyam |
     ayamatra niṣkarṣaḥ -svāntargatānantākṣararāśimahāmantramayī pūrṇāhantāmayī prakāśānandasārā
bindutrayasamaṣṭibhūtadivyākṣararūpiṇī kāmakalā nāma mahātripurasundarī 
mātṛkāparamayogibhi-rmahāmaheśvarairaniśamanusmartavyeti
| evambhūtamāhātmyaṃ brahmopaniṣadi ca pratipādyate | yathā -"athāsya puruṣasya catvāri sthānāni
bhavanti | nābhirhṛdayaṃ kaṇṭhaṃ mūrdhā ca | tatra catuṣpādaṃ brahma vibhāti | jāgarite brahmā
svapne viṣṇuḥ suṣuptau rudraḥ | turīyamakṣaram | sa ādityo viṣṇuśceśvaraśca | svayamanaskamaśrotramapāṇipādaṃ
jyotivīditam |" 
     asyārthaḥ -asya eṣadevasya samprasādo'ntaryāmikhaga ityādi | pūrvatanavākyajālainīrṇītārthakasya
puruṣasya catvāri sthānāni mūlādhārahṛdayakaṇṭhadeśottamāṅgarūpāṇi bhavanti | 
teṣu caturṣu sthāneṣu catuṣpādaṃ catuvīṃśacaraṇaṃ brahma sarvavyāpanaśīlaṃ śubhraṃ svacchaprakāśam | 
akṣaraṃ na kṣaratīti vyutpattyā jagadutpattikāraṇatvānmūlakāraṇabhūtaṃ vibhāti | 
               tameva bhāntamanubhāti sarvaṃ tasya bhāsā sarvamidaṃ vibhāti |     
     iti niravadhikatejomayaṃ sat vidyotata ityarthaḥ | evambhūtākṣarasya sthānadeśeṣu upadeśadvārā
avayavasvarūpamuktvā turīyaṃ samudāyarūpaṃ paramākṣarabindudvādaśānte kāmakalātmakaṃ paraṃ 
jyotirmayamiti vyācaṣṭe--"turīyamakṣaramiti" | sa āditya ityārabhya sa īśvaro jāgradityantamantaram | 
ādityaḥ prakāśarūpaḥ viṣṇuḥ vyāpanaśīlaḥ | prāṇaḥ jīvaḥ sarvajīvanadāyakaḥ | puruṣaḥ sarvaṃjīvati jīvaḥ prāṇādirūpī | 
agniragranetā | evambhūtassa īśvaraḥ vimarśākhyakāmeśvarīyuktaḥ paramaśiva ityarthaḥ | tathā coktamatharvaśirasi -
     "atha kasmāducyate īśāna ityuktvā svayameva vyācaṣṭe | yassarvān bhāvān īśata īśanībhiḥ
paramaśaktibhiḥ" iti | tathānyatra -"parāsya śaktivīvidhaiva śrūyate svābhāvikī jñānavalakriyā
ca |" iti | evambhūtaḥ kāmeśvaraḥ turyākṣararūpaḥ | jāgatī jāgratītyarthaḥ | "vyatyayo bahulamiti
sūtreṇa suptiṅvyatyayavidhānāt | atra jāgaraṇaṃ nāma parāpaśyantīmadhyamāvaikharīmayamātṛkācakrātmikā
śrīcakraprathamamadhyabhūtasarvānandamayākhye niravadhikatejomaṇḍala bhavane |
                 baindavānalasaṃrūḍhaṃ  saṃvartānalaciddhanam | 
                 kāmeśvarāṅkaparyaṅkaniviṣṭamatisundaram || 
     ityuktarītyā prakāśānandanātharūpatvam | etadabhiprāyeṇa līlāvinodanodyukta ityanena jāgarūka
iti vyākhyātam | tattādṛgakṣaraṃ jyotirmayaṃ niṣkalamityācaṣṭe -teṣāṃ madhye ityādinā | teṣām
ādhārahṛdayakaṇṭhapradeśottamāṅgarūpasthānaviśeṣopāsanākḷptā-vayavākṣarāṇāṃ madhye yatparaṃ
turīyabhūtamakṣaraṃ brahma nirvāṇākhyam | vibhāti vidyotate | evambhūtaniṣkalamityāha -acchāyamapavanamityādinā
paramaprakṛtimakṣaraṃ nirūpayati -jyotivīditamiti | vande jyotiranuttaramityādinā prakāśātmakatvādeva
jyotirmayatvaṃ viditaṃ sarvavedāntairveditamityarthaḥ | punarapi jyotirmayamakṣaraṃ brahma sarvātmakaṃ 
sarveśvaraṃ nirvāṇarūpamiti svayameva śrutiḥ spaṣṭamācaṣṭe | yathā "yatra lokā na lokā devā na devā vedā na vedā 
yajñā na yajñā mātā na mātā pitā na pitā snuṣā na snuṣā caṇḍālo na caṇḍālaḥ pulkaso na pulkasaḥ śramaṇo na śramaṇaḥ 
tāpaso na tāpasaḥ  | ekamevetparaṃ brahma vibhāti" | iti sarvātmakaṃ brahma nidīśya "hṛdyākāśe tadvijñānamityārabhya 
sa vibhuḥ prajāsudhyānena yo vedeti" upāsanāsvarūpamuktvā punarapyāha -tatparaṃ brahma vibhāti  | 
nirvāṇaṃ na tatra devā ṛṣayaḥ pitara īśate pratibudhyaḥ sarvavidyeti | anyatra ca -dṛśyatetyanyayā buddhyā 
sūkṣmayā sūkṣmadaśībhiḥ -ityādi śrutyā paramārthavidbhistādṛśamakṣaraṃ samyagavagamyate | 
tathā catuśśatyāṃ dvādaśaślokyām -
               yadakṣaramahāsūtra      protametajjagattrayam | 
               brahmāṇḍādikaṭāhāntaṃ jagadadyāpi dṛśyate || iti | 
               yadakṣaraśaśijyotsnāmaṇḍitaṃ bhuvanatrayam | 
               yadakṣaraikamātreṇa  saṃsiddhyai spardhate   naraḥ || 
               ravitārkṣyendukandarpaśaṅkarānalaviṣṇubhiḥ | 
               vande   tāhakṣayyāṃ  mātṛkākṣararūpiṇīm || iti | 
     pratyabhijñāyāṃ ca -
               sarvadā tvantarānandaḥ sarvatattvaughanirbharaḥ | 
               śivaścidānandaghanaḥ  paramākṣaravigrahaḥ || iti |
     tathā -
               svātmaiva sarvajantūnāmeka eva maheśvaraḥ | 
               citsvarūpo'hamahamityakhaṇḍāmarśabṛṃhitaḥ  || iti | 
     yathā svacchande "tadūrdhve conmanā smṛtā" ityupakramya -
               nātra kālaḥ kalābhāvo naikatā na ca devatā | 
               sunirvāṇaṃ  paraṃ   śuddhaṃ  rudravaktraṃ  taducyate || 
               śivaśaktiriti khyātaṃ nivīkalpaṃ nirañjanam | 
               paśyātītaṃ  varārohe  vāṅmano'tītamadbhūtam || 
               aniṣkalaṃ ca sakalaṃ nīrūpaṃ nivīkalpakam | 
               nirdvandvaṃ  paramaṃ  tattvaṃ  śivākhyaṃ paramaṃ padam || iti |
     vijñānabhairavabhaṭṭārake'pi bindurūpasya cakrasya sthūlavarṇakrameṇa tu ardhendubindunādāntaṃ
śūnyoccārāt bhavecchivā || ityādi | amṛtānandayoginaśca -
               "baindave paramākāśe  saccidānandalakṣaṇe | 
               niṣprapañce nirābhāse nivīkalpe nirāmaye || 
               anuttaracamatkāraparāmarśapavitrite | 
               niruttaramahāśūnye   śūnyaśūnyāntavajīte || 
               strīpuṃnapuṃsakākhyābhiḥ kalpanābhirakalpite | 
               ādimadhyāntanirmukte bhāvapañcakabhāsite | 
               sarvopamānarahite     prakāśānubhavātmike || iti | 
     śivānandasvāmino'pi -
               sakalādyā sthite hṛdye kāmarājakalātmike | 
               bindunādakalākāre       namastripurasundari ||  
     vayamapi cidānandavāsanāyām -
               caturaṇḍamahāratnamaṇḍitaṃ  viśvavigraham | 
               kṣityādi śivaparyantaṃ vyāpyāvasthācatuṣṭayam || 
               piṇḍaṃ vibhāvya  tanmadhye sarvātītaghanāṃ parām | 
               turyātītāṃ        cidānandarasasārāmanuttarām || 
               tatrāpi   svecchayopāttajāgarādidaśāṃ   parām | 
               aśeṣasaṃvidāmantarmukhaviśrāntirūpiṇīm || 
               anantakoṭicandrārkasannibhāṃ ṣoḍaśādhikām | 
               svāntargataikatāpannaṣaṭtriṃśattattvasañcayām | 
               sarvottīrṇāṃ      mahābindurūpāmārādhayāmyaham || 
     evamādikaṃ      śrutismṛtijālamanusandheyam  || 6-7 || 
     evaṃ bindusvarūpamupadiśya tadjñānopāsanayoḥ phalaṃ parabrahmabhāva evetyāha -
            iti kāmakalā vidyā  devīcakramātmikā  seyam | 
            viditā yena sa mukto bhavati mahātripurasundarīrūpaḥ1 || 8 || 
" cidvallī "
     pūrvoktamahāprabandhena vyākhyātā kāmakalā mahātripurasundarī | tasyāḥ vidyā jñānaṃ sā
kīdṛśītyākāṅkṣāyāmāha -devīcakrakramātmikāṃ devyāḥ tripurasundaryāḥ cakraṃ śrīcakram | tasya
kramaḥ cakramantradevatātmanā sarvānandamayādisamastaprakaṭaparyantarūpaḥ | tadātmikā tadviṣayiṇī
| yena śaktipātātsamunmiṣadbrahmajijñāsunā bhāgyavatā vidyāvatā puruṣeṇa viditā | gurūpasadanādināvagatā
sa puruṣo mukto bhavati | "ihāpi vidyābhirjñāpitaiśvaryaścidghano mukta eva saḥ|" iti pratyabhijñāsthityā
saṃsāravāsanānirasanapaṭīyānanavarataparipūrṇāhambhāvabhāvanā-kavalīkṛtasarvaprapañcaḥ paramayogī
viharate | tathā bṛhadāraṇyake tadāhuḥ-"yadbrahmavidyayā sarvaṃ bhaviṣyanto manuṣyā manyate
| kimu tatra brahmāvedyassyāttatsarvaṃ bhavati | ante'pi mahātripurasundarīrūpo bhavati parābhaṭṭārikātmakarūpo
bhavati |" tathā ca śrutiḥ -"paraṃ dhāma traipuraṃ cāviśanti |" iti | "brahmavidbrahmaiva bhavati
| sa evaṃ paśyannevaṃ manvāna evaṃ jānannātmaratirātmakrīḍa ātmamithuna ātmānandassa eva bhavati"
iti | pratyābhijñāsūtre ca tathā-"prakāśānandasāramantravidyātmakapūrṇāhambhāvavaśāt sarvasaṃhārādhikārī
nijasaṃviddevatā cakreśvaratāprāptirbhavati iti |" śivamiti | abhinavaguptapādāśca -
               yasyaiṣāṃ     pratibhāyetatparārthakramarūpitā | 
               akramānandacidrūpaḥ  pramodātsa   maheśvaraḥ || iti | 
               svatantraściticakrāṇāṃ cakravartī maheśvaraḥ | 
               saṃvittidevatā cakrajuṣṭaḥ ko'pi jayatyasau || iti |  
     svachandaśāstre -
               yadā tvekatra  saṃrūḍhastadā  tasya  layodayau | 
               niyacchan bhoktṛtāmeti tataścakreśvaro bhavet || 
     ityādivacanaśataṃ draṣṭavyam | evaṃ ca viditā yena sa mukta ityādinā jñānapūrvānuṣṭhānameva
brahmaprāpakam ityuktam || tathā bṛhadāraṇyake -"yo vā etadakṣaraṃ gārgya viditvā'smin loke
juhoti yajate tapastapyate bahūni varṣasahasrāṇyantavadevāsya tadbhavati" iti | tathā ca vāmakeśvaratantre
-
               yāvadetaṃ na  jānāti saṅketatrayamuttamam | 
               na tāvattripurā cakre paramājñādharo  bhavet || iti |
     tasmājjñānapūrvānuṣṭhānenaiva paramaśivo bhavati | tathā coktaṃ tatraiva -"etadajñātvāvarārohe
sadyaḥ khecaratāṃ vrajet |" ityalaṃ prasaktānuprasaktayā | 
               puṇyānandamukhendoruditāmānandadāyinīmetām | 
               kāmakalāmahamaniśaṃ mūrdhnā vācā vahāmi cittena |
     iti kāmakalā vyākhyā naṭanānandena deśikaprītyai | racitā rasikajanānāṃ puṃsāmālokanāya
cidvallī | teṣāmanyatamo'yaṃ ṭīkāmenāṃ cakāra tatprītyai | asyā kāmakalāyāḥ vyākhyā pūrvairudāhṛtā'nekā
| asmin  tathāpi sa bhaktyā naṭanānando'pi bhāvayāmāsa | puṇyānandamahātmā kāmakalārūpabindumuktyaivaṃ
bindovīkasanarūpaṃ śrīcakraṃ nāma vaktumudyuṅkte | tatkramavivaraṇarūpaṃ śrīkāmakalāvilāsamapyeṣaḥ
| ārabhate vivarītuṃ gurupadakṛpayaiva sundarībhaktaḥ || 8 || 
     iha mahāmaheśvarāḥ puṇyānandāḥ kāmakalākhyāṃ sundarī ādimātmatvenānubhūya punarapi mantracakradevatātmakādvilāsānubhavaparāḥ
santaḥ paramārthabhūtaprakṛtamahābindoreva sakāśāt jagadutpattyādikaṃ vaktumārabhate -
          sphuṭitādaruṇād  bindornādabrahmāṅkuro  ravo  vyaktaḥ | 
          tasmād  gaganasamīraṇadahanodakabhūmivarṇasambhūtiḥ || 9 || 
          atha viśadādapi bindorgaganānilavahnivāribhūmijaniḥ | 
          etatpañcakavikṛtirjagadidamaṇvādyajāṇḍaparyantam       || 10 || 
" cidvallī "
     sphuṭitādaruṇādvindoriti -sphuṭitāt ucchūnāt | bindoḥ pūrvoktalakṣaṇāt nādabrahmāṅkuraḥ|
nādaḥ sarvaśabdotpattiheturvarṇaḥ | sa eva brahma tadbrahmāṅkuraḥ utpādakaṃ yasya saḥ | tathā
coktam -
               eko nādātmako varṇaḥ sarvanādavibhāgavān | 
               so'nastamitarūpatvādanāhata      itīritaḥ || iti |
     upaniṣadpi -"dhyātā rudraḥ  prāṇaṃ manasi sahakaraṇairnādānte paramātmani sampratiṣṭhāpya
dhyāyīteśānam" iti | dīpikānandaśca -vyāmeti binduriti nāda iti evambhūto nādabrahmāṅkuro ravaḥ
śabdaḥ paśyantyādirūpaḥ vyaktaḥ āvirbhūtaḥ | uttaratra yāsāntaroharūpetyādi śabdarāśeḥ parāpaśyantyādiśaktitvena
pratipādanāt | tasmācchabdāt gaganasamīraṇadahanodakabhūmīnāṃ pañcabhūtānāṃ varṇānāmādikṣāntākṣarāṇāṃ
ca | sambhūtirutpattiḥ āmnātā | ayamarthaḥ -sa nādabindoreva sarvaprapañca niṣpattirāmnāyate
| tattasmācchabdātmakaṃ paraṃ brahmeti |
     nanu ātmana ākāśassambhūtaḥ ityādinā ātmana eva sa ākāśājjagadutpattiḥ śrūyate | tatkathaṃ
bindunādātmakaśabdabrahmaṇa eveti | ucyate -sarvatra vedānteṣu bindunādātmakavidyākṣarādeva
parāpaśyantyādiśabdātmakasarvaprapañcāvirbhāvadarśanāt | tathā ca śrutiḥ -"akṣarātsambhavatīha
viśvam | yadakṣaraṃ bhūtakṛtaṃ viśvedevā upāsate |" upaniṣadntare'pi -"divye brahmapure virajaṃ
niṣkalaṃ śubhramakṣaraṃ vibhāti" iti | kāmarājabījāntargatakakāralakārarahitā bindutrayasamaṣṭibhūtakāmakalākṣarasvarūpaṃ
vibhātīti| jyotirmayatvamuktvā jaḍāte'pi? tatparaṃ brahma vibhātīti paramaprakṛtākṣarabrahmaṇaḥ
jyotirmayatvamuktvā upadiśya tatsvarūpaṃ nigamayati | miśrabindonīrvāṇabindovīśrāmādakṣarātmakameva
brahmopaniṣadādāvācaṣṭe | imamevārthamabhipretya laghubhaṭṭārikā api -
               "yannitye tava kāmarājaparaṃ mantrākṣaraṃ niṣkalaṃ"
     iti śloke kāmakalākṣarasya sarvavedamūlatvena sarvaprakāreṇa sarvapuruṣosyatvaṃ mokṣapradatvaṃ
cābruvan | tadvyākhyātṛbhirapi kṛṣṇānandavaryaiḥ -"yadīṃ śṛṇotyalakaṃ śṛṇoti na hi pravedasukṛtasya
panthām" ityādi śrutijālamupanyasya śrīkāmakalākṣarasvarūpavaibhavamevopanyastam | prāñco'pi
kavayaḥ -
               anādinidhanaṃ brahma śabdamakṣarasaṃjñitam | 
               vivartate'rthabhāvena prakriyā jagato yataḥ || iti |
     akṣarabrahmaṇa eva sakāśājjagadutpattiṃ bruvanti | tathā -śabdānāṃ jananītvamatra bhuvane
vāgvādinītyucyate | ityamṛtarūpī | smṛtirapi-
               śabdabrahmamayī svacchā devī tripurasundarī || iti | 
     evaṃ śabdasya niṣpattiḥ | śabdavyāptaṃ carācaramityādi | tathā ca ātmana ākāśa ityātmaśabdasya
akṣarātmaparatvamityavivādaḥ | evaṃ śoṇabindoḥ sarvātmakatvaṃ sarvasṛṣṭṭatvamuktvā etadabhedācchubhrabindorapi
tatsvarūpamatidiśati -atha viśadāditi -viśadātsarvaprakāśāt | bindoḥ pūrvavyākhyātāt | gaganādipañcabhūtātmakānanta
brahmāṇḍāvirbhāvatirobhāvau bhavata ityarthaḥ | tathā ca śrutiḥ -
               yasminbhāvāḥ pralīyante līnāśca vyaktatāṃ yayuḥ | 
               punaścāvyaktatāṃ  bhūyo   jāyante  budbudā  iva || iti |
               etasmājjāyate   prāṇo  manassarvendriyāṇi  ca | 
               khaṃ vāyurjyotirāpaḥ  pṛthivī  viśvasya dhāriṇī || 
     evaṃ raktaśuklabindumayaprakāśavimarśātmakabrahmaṇaḥ sarvaṃ sṛjyata iti siddham | 
               svecchāvilāsitāntajagadraśmivitānavat |             
               naumi   saṃvinmahāpīṭhaṃ   śivaśaktipadāśrayam || iti || 9-10 ||  
     evaṃ bindudvayābhedamuktvā mantradevatayorapyaikyamāha -
               bindudvitayaṃ   yadvadbhedavihīnaṃ  parasparaṃ  tadvat | 
               vidyādaivatayorapi na bhedaleśo'sti vedyavedakayoḥ || 11 || 
" cidvallī "
     bindudvitayaṃ pūrvoktaprakāśavimarśātmakam | yadvat yena prakāreṇa bhedavihīnaṃ "śivaśaktiriti
hyekaṃ tattvamāhurmanīṣiṇaḥ |" ityuktarītyā parasparāśliṣṭaṃ tadvat tenaiva prakāreṇa vidyādevatayoḥ
vidyā pañcadaśākṣarī | devatā mahātripurasundarī tayorvedyavedakayoḥ vācyavācyakayorbhedaleśo'pi
īṣadvailakṣaṇyamapi nāsti | tathāpi ṛgvedaśākhāntargata-sāṅkhyāyanaśākhāyām -
              kāmo yoniḥ kamalā vajrapāṇiḥ guhāhasāmātariśvābhramindraḥ | 
             punarguhā  sakalāmāyayā  ca  purucyeṣā viśvamātādividyā || 
     "ṣaṣṭhaṃ saptamamatha vahnisārathimasyāmūlatrikamādeśayanta" | ityādinā kādihādi-vidyādvayamuddhṛtya
tasya devataikyamāha -viśvamātādividyeti | bṛhadāraṇyake'pi -"yo'yaṃ dakṣiṇekṣan puruṣaḥ | tasya bhūriti śiraḥ | 
"ekaṃ śiraḥ ekametadakṣaraṃ bhuva" iti | bāhū dvau bāhū dve ete akṣare svamiti pratiṣṭhādve 
pratiṣṭhe dve ete akṣare tasyopaniṣadahamiti | "hanti pāpmānaṃ jahāti ca ya evaṃ veda |" iti | 
akṣisthānaniṣṭhasya puruṣasya bhūrādyavayavaṃ nidīśya tasyākṣarasya ahamātmakabrahmabhāvamādiśya 
sakalapāpanivṛttipurassaraṃ sāmrājyaṃ brūte | tataśca sakalavidyānāṃ 
sakalavedādiśabdādyāvirbhāvakāraṇā'haṃbhāvarūpādi-mātṛkātmakatvāt ubhayorabheda ityatra na vivādaḥ |
     tathā śrītantrasadbhāve -
               sarve varṇātmakā mantrā te ca śaktyātmakāḥ priye | 
               śaktistu mātṛkā jñeyā sā ca jñeyā śivātmikā || 
                 yā sā tu mātṛkāloke paratejassamanvitā | 
                 tayā vyāptamidaṃ sarvam  ābrahmabhuvanātmakam || iti | 
               saṃviditaṃ   viditaṃ  saṃvinmayameva   bhavati  saṃvedyam | 
               agnāvabāhutamāhutamagnimayaṃ kiṃ na jāyate kāṣṭham || 
     krodhabhaṭṭārako'pi -"pañcāśannijadehajākṣarabhavaiḥ" ityādyuktvā "viśvaṃ vyāpya nijātmanā-hamahamityujjumbhase
mātṛke" iti mantradevatayoraikyamuktavān | ślokārthassampūrṇaḥ || 11 || 
     evamabhinnanādabindumithunādakhilaṃ jagadāvirbhavatīti vaktuṃ tadeva mithunamātmecchaiva
svabhedamakarodityāha-
               vāgarthau  nityayutau parasparaṃ  śaktiśivamayāvetau |
               sṛṣṭisthitilayabhedau tridhā vibhaktau tribījarūpeṇa || 12 || 
" cidvallī "
     asyārthaḥ -vāgarthau vāk varṇapadamantrarūpā | arthaḥ kalā tattvabhuvanātmā | 
     ata eva tadrūpau kutaḥ prakāśavimarśātmakaśabdārthābhyāmeva ṣaḍadhvātmakasarvaprapañcotpattiśravaṇāt | 
     tathā śrīvirūpākṣapañcāśikāyām -"yasya vimarśasya kaṇaḥ padamantrārṇātmakastridhā śabdaḥ | 
     dhamīṇa itthaṃ prakāśasya |" iti || ata eva nityayutau nirantarasaṃsaktau | 
     na hi ghaṭapaṭayoriva kādācitkaḥ sambandhaḥ | tathā sati sarvānupapattiprasaṅgāt | 
     sṛṣṭisthitilayabhedau sṛṣṭiḥ śivādikṣityantatattvajālāvirbhāvaḥ | sthitiḥ tatparipālanam | 
     layaḥ teṣāṃ svātmasākṣātkāraḥ evambhūto bhedo yayostau | svātmotpannatvāt teṣāṃ trayāṇāṃ bhedāt | tathā ca abhinavaguptāḥ -
               svātmanā sṛṣṭisaṃhārasvarūpatvena saṃsthitaḥ | iti |
     parasparaṃ śaktiśivamayau prakāśavimarśasvarūpau | ubhayorekakṛtvāt vahnidāhakavat | tattvāntaraṃ
na bhavatītyarthaḥ | tathāgamaśca -"āvayorjagadātmatvāt tādātmyaṃ cāvayorapi |" ityādi | abhiyuktoktiśca
-"tādātmyamanayossiddhaṃ vahnidāhakayoriti" | etau pūrvoktau  prakāśavimarśau tridhā triprakāreṇa
vibhaktau pṛthagbhūtau kenetyata āha tribījarūpeṇeti-vāgbhavakāmarājaśaktibījātmanetyarthaḥ
| ayamarthaḥ -bindutrayasamaṣṭibhūtakāmakalākṣararūpiṇī vāgbhavādi-bījātmikā mahātripurasundarī
sarvopāsyeti | tathā coktaṃ vāmakeśvaratantre -
               tattvatrayavinidīṣṭavarṇaśaktitrayātmikā | 
               vāgīśvarī  jñānaśaktirvāgbhavā mokṣarūpiṇī || 
               kāmarājī kāmakalā kāmarūpakriyātmikā | 
               śaktibīje  parāśaktiricchaiva  jñānarūpiṇī || 
                 evaṃ devī tryakṣarātmā mahātripurasundarī | 
                 pāramparyeṇa vijñātā bhavabandhavimocinī || iti |  
     itaḥparaṃvāgbhavādikhaṇḍatrayāntargatavastuviśeṣavarṇanadvārā śrīpañcadaśākṣarīvidyāmuddhartumupakramate
-
          mātā    mānaṃ   meyaṃ    bindutrayabhinnabījarūpāṇi | 
          dhāmatrayapīṭhatraya-śaktitrayabhedabhāvitānyapi ca || 13 ||  
          teṣu krameṇa liṅgatritayaṃ tadvacca mātṛkātritayam | 
          itthaṃ   tritayapurī  yā  turīyapīṭhādibhedinī vidyā || 14 || 
" cidvallī "
     mātā avagantā maheśvaraḥ | mānaṃ tadavagatisādhanabhūtā vidyā | meyaṃ jñāyamānā mahātripurasundarī
etāni jñātṛjñānajñeyarūpāṇi -bindutrayabhinnabījarūpāṇīti -bindūnāṃ pūrvoktānāṃ tritayaṃ bindutritayaṃ
raktaśuklamiśrarūpaṃ tadātmanā bhinnaṃ pṛthagbhūtam | yadbījaṃ sarvasamaṣṭibhūta nirvāṇākhyam
| tadrūpāṇi tatprakāśakāni | ayamarthaḥ -sarvātītacidānandaghanātmānubhava-rūpāhambhāvaśālinī
paraṃ jyotireva mātṛmānameyabhāvamanubhūya viharati |
     tathā bṛhadāraṇyake -"ātmaivedamagra āsīt so'nvīkṣya nānyadātmano'paśyat | so'hamasmītyagre
vyāharat | tato'haṃ nāmā abhavat | tasmādapyetarhyāmantrito'hamayamityevāgra uktvānyannāma brūta" iti | 
asyārthaḥ -ātmā parameśvara eva | idaṃ paridṛśmānaṃ jagat agre prathamam āsīt | svāntargataprapañco'bhavadityarthaḥ | 
tathā sa paramātmā anvīkṣya svātmasātkṛtaprapañcātmatvenālokya anyadātmano nāpaśyatsvavyatiriktaṃ kiñcidapi nādrakṣyat | 
svenaiva sarveṣāṃ kavalī karaṇāt | tasmin samaye akhaṇḍasaccidānandaghanātmānurūpaṃ svasādhāraṇarūpamasmi 
bhavāmi iti pradarśayannagre sṛṣṭeḥ pūrvaṃ vyāharat prādarśayat | tata evāhaṃ nāmābhavat | 
brahmaṇa eva svasvarūpa pradarśanāt | ahamityeva hi brahmanāmadheyam | tasmādihāpi śloke 
āmantritaḥ kastvamiti kenacitpṛṣṭaḥ | ahamityeva brahmasvarūpamuktvā anyannāmadheyādikaṃ paścāt brūte | 
tataśca sarvatra svasvarūpāvalokanadvārā brahmaṇa eva jñātṛtvādibhedapratipādito'bhavadityarthaḥ | tathā catuśśatyām -
               atītaṃ  tu  paraṃ  tejaḥ svasaṃvidudayātmakam | 
               svecchāviśvamayollekhakhacitaṃ viśvarūpakam || 
                 caitanyamātmano rūpaṃ nisargānandasundaram | 
                 meyamātṛpramāmānaprasaraiḥ   saṅkucatprabham || 
     pratyabhijñāyāmapi -
               akhaṇḍitasvabhāvo'pi vicitrāṃ mātṛkalpanām | 
               svahṛnmaṇḍalacakre yaḥ pṛthak cettaṃ numaśśivam || 
     dhāmatrayaṃ nāma somasūryāgnimaṇḍalatrayam | bījatrayaṃ vāgbhavādikam | pīṭhatrayaṃ kāma-giryādikam
| śaktitrayamicchādi |  evamādibhedena bhāvitāni mahābindumayatvādeteṣu dhāmādiṣu tribhedabhinneṣu
krameṇānupūrvyā liṅgatritayaṃ svayambhuvādimātṛkātritayam akathādibhedabhinnam | evaṃvidhasamastavastupūraṇātsamaṣṭirūpā
tripurā nāma parāśaktirāvirbhūtetyāha -itthaṃ tritayapurī yā iti | itthaṃ pūrvoktaprakāreṇa
tritayāni trayasaṃkhyāni purāṇi śarīrāṇi yasyāssā | ata eva turīyapīṭhā trividhātmakasarvaprapañcāvirbhāvatirobhāvabhūmirityarthaḥ
| tathā coktam -"mātṛkāṃ pīṭharūpiṇīm" iti | svacchande vibhāvitā'pi ca |
     subālopaniṣadi ca -"ānandamevāstameti udeti turīyamevāpyeti | yattu turyameva tadetadamṛtam
abhayamaśokamanantaṃ nirbījamapyeti iti hovāca | evaṃvidhaturīyapīṭhādibhedinī svātmanyeva svecchayā udbhāvitānantatattvakadambinī akhaṇḍasaṃvidātmikā | 
     tathā coktam -
             trimūtīsargācca purobhavācca trayīmayatvācca puro'pi devyāḥ | 
             ayaṃ trilokīmayapūraṇācca prāyo'mbikāyāstripureti nāma || iti |
     svasaṃvit tripurā devī iti | svātantryollāsitāśeṣatattvaprotasvarūpiṇī | ādyairagniravīndu
bimbanilayairityādi | itaḥ paraṃ tasmād gaganasamīraṇadahanodakabhūmivarṇa-sambhūtiriti || 13-14 || 
     prathamasṛṣṭapañcabhūtaniṣṭhaṃ guṇavarṇanadvārā akṣarasaṅkhayā viśiṣṭa mahāmantrātmaka
devatāsvarūpaṃ vaktumārabhate | 
               śabdasparśau   rūpaṃ   rasaganthau  ceti   bhūtasūkṣmāṇi | 
               vyāpakamādyaṃ   vyāpyaṃ  tūttaramevaṃ   krameṇa  pañcadaśa || 15 || 
               pañcadaśākṣararūpā  nityā  caiṣā  hi bhautikābhimatā | 
               nityāśśabdādiguṇa  prabheda  bhinnāstathānayā vyāptāḥ || 16 ||  
               nityāstithyākārāḥ tithayaśśivaśakti samarasākārāḥ | 
               divasaniśāmayyastāḥ   śrīvarṇāste'pi  taddvayīrūpāḥ || 17 || 
" cidvallī "
     asyārthaḥ -śabdaḥ ākāśaguṇaḥ | sparśaḥ vāyuguṇaḥ | rūpaṃ tejoguṇaḥ | raso vāriguṇaḥ | gundhaḥ pṛthivīguṇaḥ | 
     ete guṇā ākāśamārabhya pṛthivīparyantamuttarottaramekaika-guṇādhikyena pañcadaśaguṇāḥ sampadyante | 
     eteṣāṃ guṇānāṃ pañcadaśabhāvena śrīvidyā pañcadaśākṣarī jātā | tatsvarūpiṇī ceyamāvirbhūtetyāha -pañcadaśākṣararūpeti -
     bhautikāmitatā bhūtasaṃbandhenābhimatā iṣṭā | ata eva pañcadaśākṣararūpāsvātmana 
     āvirbhūtaguṇānāṃ pañcadaśātmakatvāt | vidyākṣarāṇāmapi pañcadaśatvam | tadrūpā tatsvarūpiṇī nityā kūṭasthā taraṅga 
     budbudaphenānāma-mbudhiriva sakalatattvāvirbhāva bhūmirityarthaḥ | tathā bṛhadāraṇyake -"idaṃ mahadbhūta manantamapāraṃ 
     vijñānadhana evaitebhyo bhūtebhyaḥ samutthāya tānyevānuviśati" iti || muṇḍakopaniṣadi ca -"yasmin bhāvāḥ pralīyante" iti || śivānandāśca -
               śivādikṣitiparyantaṃ  ṣaṭ triṃśattatvasañcayāḥ | 
               yasyomibudbudābhāvāstaṃ vande cinmahodadhim || 
     iti kūṭasthāyā eva ṣoḍaśyāḥ pañcadaśāvayavātmakapañcadaśatithi niṣṭhitā pañcadaśa-devatāmaya
pañcadaśākṣarīrūpatāmāha -nityāstithyākārā iti -nityāḥ kāmeśvarī prabhṛticitrāntāḥ | tithyākārāḥ
tithyabhimāninyo devatāḥ | tithayaśca pratipatprabhṛti pūṇīmāntāḥ | śiva śaktisamarasākārāḥ
prakāśa vimarśa sampuṭākārāḥ | ata eva divasa niśāmayyaḥ divārātrirūpāḥ | prakāśavimarśayoḥ
divārātrimayatvāt | tathā coktam cidvilāse -śā niśā sakalalokamohinī vāsarassa khalu sarvabodhakaḥ
|" iti tāstithayaḥ śrīvarṇāḥ| te'pi te pūrvokta rūpeṇa pañcadaśarūpāḥ | śrī varṇāḥ vidyāntargata
varṇagaṇāḥ | ati tanmayī rūpāḥ tādṛśaprakāśa vimarśarūpā ityarthaḥ | iyaṃ ca pañcadaśākṣarī
ṛgvede sāṅkhyāyana śākhāyāmāmnātā | yathā, "kāmoyoniḥ kamalā" ityādi | tasminneva vede'nyatra
-"catvāra īṃ vibhrati kṣemayante" -ityādāvapīyaṃ vidyā vidyotata iti varṇayanti kecit |
     ayamatra vivekaḥ -iyameva prakāśavimarśamayī parāśaktiḥ pañcabhūtātmikā uttarottaraguṇa
vṛddhidvārā pañcadaśasaṅkhyākamantrākṣara tithyābhimāninī devatāsvarūpiṇī jātā | tathā yathāgamaḥ
-
               eka eva  prakāśākhyaḥ  paraḥ  ko'pi maheśvaraḥ | 
               yasya śaktivīmarśākhyā sā nityā gīyate budhaiḥ || 
               vimarśākhyā ca sā devī  pāñcavidhyaṃ samāgatā | 
               ākāśānila      saptācīssalilāvanibhedataḥ || 
                ekaikaguṇa vṛddhayā  tu tithisaṅkhyātvamāgatā | 
                vimarśarūpiṇī nityā ṣoḍaśī yā prakītītā || 
     gatā sā ṣoḍaśairbhedaistripurā  parameśvarī | sundaryādimahāpūrvaṃ  vicitrāntaṃ   samantataḥ
|| 
     āgamādeva boddhavyamiti saṅketamātrataḥ | pratipatprabhṛtau devyāḥ paurṇamāsyantikaṃ priye
|| 
               ekaikaṃ pūjayedyastu sa saubhāgyamavāpnuyāt || 
     subhagodayavāsanāyāmapi -"khaṃvāyurjyotirabbhūmi śabdādiguṇa bhedataḥ daśapañcatayā vyāptā
vyāpikāḥ pūjayāmyaham" iti || 15-17 || 
     itaḥ paraṃ vidyādaivatayorapi na bhedaleśo'sti vedyavedakayoriti uktamevārthaṃ dṛḍhayituṃ
devatāvadvidyāyā api viśvātmakatvāttaduttīrṇatvaṃ vyaktamāha |
          ajvyañjana  bindutraya samaṣṭibhedaivībhāvitākārā | 
          ṣaṭtriṃśatattvātmā  tattvātītā  ca kevalā  vidyā || 18 || 
          vidyāpi tādṛgātmā sūkṣmā sā tripurasundarī devī | 
          vidyāvedyātmakayo -ratyantābhedamāmanantyāryāḥ   || 19 || 
" cidvallī "
     ajvyañjana iti acaḥ | svarāḥ | vyañjanāni halaḥ | bindutrayaṃ anusvāratrayam | eṣāṃ samaṣṭiḥ
samudāyabhāvaḥ | bhedo'vayavabhāvaḥ | taivībhāvitākārā udbhāvitasvarūpā | ata eva ṣaṭtriṃśattatvātmāśi
vādikṣityanta tattva vigrahā tattvātītā ca | tattvasaṅgha samudāyasthānatvātta duttīrṇā ca | 
ata eva kevalā svavyatiriktasyābhāvādekākinī | evaṃbhūtā vidyā śrī pañcadaśākṣarītyarthaḥ | 
ayamatra vidyāyā avayava vibhāgaḥ prakāraḥ | iha puṇyānandāḥ hādividyāyāmatyantābhimāninaḥ 
asyā eva vidyāyā avayava samudāya bhāvamāśritya tattvātmakatvaṃ taduttīrṇa tvamācakṣate | atra vāgbhavākhye 
prathamakhaṇḍe pañcasvarāḥ saptavyañjanāni saṃhatya dvādaśavarṇāḥ | kāmarājākhye dvitīyakhaṇḍe ṣaṭsvarāḥ 
aṣṭa-vyañjanāni sambhūya caturdaśavarṇāḥ | śaktyākhye tṛtīyakhaṇḍe catvāraḥ svarāḥ ṣaṭ vyañjanāni saṃhatya 
daśavarṇāḥ | sarve'pi sambhūya ṣaṭtriṃśadakṣarāṇi | kecittu -prathamakhaṇḍe ṣaṭsvarāḥ ṣaṭvyañjanāni | 
dvitīyakhaṇḍe saptasvarāḥ saptavyañjanāni | tṛtīya khaṇḍe pañcasvarāḥ pañcavyañjanāni iti vyavahyinte | 
avayavarūpāṇi samudāyarūpā vidyā sarva tattvātikrāntāvadhivatīnī |
     nanu kādividyaiva ubhayātmikā sarvatra prasiddhā śrūyate | kāmo yoniḥ kamaletyādau ādiḥ
brahmā dvitīyā vāṇītyādau tatkathaṃ hādividyaiva ubhayātmiketyucyate | satyam | kādividyā tu
kāmo yonirityādyupaniṣadi prathamataḥ pratipādyate | tathāpi hādividyāpi tatraivoddhṛtā | kathaṃ
ṣaṣṭhaṃ saptamamatha vahnisārathimasyā mūlatrikamāveśayanta ityādinā | tasmāt hādividyāpi śrutiprasiddhaiva
| tasmāttasyā hādividyāyā evaṃ ubhayātmakatvamitīha vaṇītamityevāvagantavyam |
     nanu tahiṃ kādividyāyā api ubhayātmakatvābhāve tasyāmupādeya buddhirna syāt | kutaḥ devatāvaijātyāt
| tatkathaṃ hāderevobhayātmakatvaṃ pratipādyate | atrocyate -na vayaṃ hādividyaiva tādṛśī na
kādiriti vadāmaḥ | kintu hādirevābhipretā | na kādirityetā vanmātramuktam | anyatra tathā vyākhyānāt
| kāderapi vidyāyā ubhayātmakatvamastyeva | iyānevānayovīdyayorbhedaḥ -hādau prathama khaṇḍe
ṣaṭsvarāḥ ṣaḍvyañjanāni | kādau prathamakhaṇḍe saptasvarāḥ pañcavyañjanāni | saṃhatya vidyādvaye'pi
prathamakhaṇḍe dvādaśavarṇatvaṃ samānam | tasmādubhayātmakatvamubhayovīdyayorastyeva | tadubhaya
vidyopāsanā prakārastu gurumukhādevāva-gantavyaḥ | devatāyā api mantravadubhayātmakatvamiti
-mantradaivatayoraikyamāha -vidyāpi tādṛgātmeti -vidyā cidānandasvarūpiṇī | tādṛgātmā viśvātmikā
| taduttīrṇā ca | sūkṣmā paricchettumaśakyā | sā sarvavedānteṣu prasiddhā | tripurasundarī tripurā ca 
sundarī ca tridhāvasthita samasta vastu pūraṇāt sarvayogibhirūpāsyatvena spṛhaṇīyatvācca tripurāśabda 
nirvacanaṃ ca pūrvameva prapañcitam | devīsvaccha prakāśarūpa viśvavisarjanādi krīḍārūpā parā 
vāgvidyātmakayoḥ pañcadaśākṣarī tripura sundaryo ratyantābhedamāmanantyāryāḥ | sārvakāli-kaikyamāmananti 
sarvatra pratipādayanti | āryāḥ parameśvara pramukhāḥ paramayogina ityarthaḥ | 
     tathā cidambararahasye -
               ahaṃ pañcākṣarassākṣāt tvaṃ tu pañcadaśākṣarī | 
     catuśśatyāṃ ca -
               yasya yasya padārthasya  yā yā śaktirudāhṛtā | 
               sā sā sarveśvarī devī sa sarvo'pi maheśvaraḥ || 
               vyāptā  pañcadaśārṇaiṣā vidyābhūtaguṇātmikā | 
               pañcabhiśca tathā  ṣaḍbhiścatubhīrapi cākṣaraiḥ || 
     svaravyañjanabhedena saptatriṃśatprabhedinī || saptatriṃśatyabhedena ṣaṭtriṃśattatvarūpiṇī
| 
tattvātītasvarūpā ca vidyaiṣā bhāvyate sadā || iti |
     rahasyopaniṣadi ceyaṃ vidyā samya pratipādyate | yathā -"devāha vai prajāpatimabruvan,
keyaṃ tanuḥ kiṃ rūpā kiyadvarṇā kiṃ karoti ki dadāti kena vā sidhyati kiṃ karavāma" iti devaiḥ
pṛṣṭaḥ prajāpatiḥ pratyuttaramāha | ṅedṛśo lokātīto'cintyo vācya ityādinā sarvottamatvaṃ pañcadaśākṣaryāḥ
pratipādya śrī pañcadaśākṣarīmeva devebhya upadiśati | tathā tadudāhariṣyāmaḥ | ādirādibrahmā
dvitīyā vāṇī tṛtīyo māraḥ tato mahendraḥ iyaṃ bhūvācyadharma santānamayamiti dvitīyamudā hariṣyāmaḥ
| ādirādirudraḥ tataḥ sudhāmayam | tataḥ prajānāmīśaḥ tato haṃsaḥ | ( tato bhūmiḥ ) tato'yamātmā
ayaṃ bhuvo nāmārthasantānaṃ bhogānandamayamiti | tṛtīyamudāhariṣyāmaḥ | ādau jīvaneśastataḥ
viśvakṛdvātā | tato jaganmātā lakṣmīḥ | tato parāśaktiḥ svarṇamedaṃ nāma cintāmaṇiṃ bhāvābhāvamayam
iti | atrāyaṃ prathamaḥ pādaḥ iti prathamakhaṇḍamupadiśati | dvitīyakhaṇḍamudāhariṣyāma iti
dvitīyakhaṇḍa mupadiśati | tṛtīyamudāhariṣyāma iti tṛtīya khaṇḍañcopadiśati | upadiśya sarvamapi
tanmantramāhātmyamāha -sānekadhā samabhavat | tadetanmahāmanuriti saiva śabdatanureṣā | sarva
varṇarūpā paramā tripadā trayībhāvā | triguṇā trivargarūpā nityā nirmalā niravadyā niṣprapañcātmavidyāvibhuḥ
| paravidyā iti ya evaṃ veda vidvān bhavati | athāhuvīdvāṃsa iti raho rahasyamiti | śivo'yaṃ
śivo'yaṃ śivo'yamiti | sa eva imāni bhūtāni saṃsṛjati rakṣati saṃharati | anyathākaroti aṇurmahatkṛśasthūlaṃ
hrasvadīrgha vyāpto vyāpakaḥ śrībhūteśo vandyo bhavati | ya evaṃ veda saiva so bhavati iti | asyāḥ śruterarthaḥ | saṃpradāyā-devāvagantavya iti na likhyate |
     rasasārasaṅgrahe'pi hādividyoddhāra uktaḥ | tatra vacanāni kanicillikhyante -
vidyāṃ tu navamīṃ samyak pravakṣyāmi samāsataḥ | 
lalitā yā mahādevyā mādanetyāditaḥ kramāt || 
               mādanaḥ prāṇarūpastu vikāsaḥ śiva ucyate | 
               sakārastvaparo  jñeyaḥ saṅkocaḥ śaktirūpakaḥ || 
     saṅkocaḥ paramā śaktivīkāsaḥ paramaśśivaḥ | saṅkocaśca vikāsaśca haṃsa ityakṣaradvayam
|| 
     tayorādhārarūpeṇa kartavyaṃ bindumālinī | prāṇo binduriti proktassāhacaryādapānake || 
     athodharendramākāśaṃ jvalanaṃ tu tayoradhaḥ | māyābindūrdhvagā caiva vāgbhavo nāma kītītaḥ
|| 
     śrī haṃsaparameśvare -
               mā śaktistu samākhyātādanasvīkārakaḥ śivaḥ | 
               sa hi mādana ityukto hakāraśśiva saṃjñakaḥ || 
               tasya śaktiryathordhvatve sakārassa vidhīyate | 
               śivo  hakāra ityuktaḥ sakāraśśaktiravyayā || 
               bindumālinikārṇasya paryāyaṃ parameśvaram | 
               śakravyomānalārṇāya māyābindvīśvarādayaḥ || 
               yathāsthitāśca tattathyā vāgbhavaṃ sanilānilaḥ || 
     dvāvanyau kāmaśaktyākhyā varṇau niṣkalakātmakau | ityādi dṛṣṭavyam | śrīkrodha-bhaṭṭārako'pi
| 
            itthaṃ trīṇyapi mūlavāgbhava mahāśrīkāmarājasphur-
               cchaktayākhyāni catuḥśruti prakaṭitānyutkṛṣṭakūṭāni te | 
            bhūtartuśrutisaṅkhyavarṇa viditānyāraktakānte śive, 
               yo jānāti sa eva sarvajagatāṃ sṛṣṭisthitidhvaṃsakṛt || 
     atraśrutiḥ -
          catvāri vākparimitā padāni tāni vidurbrāhmaṇā ye manīṣiṇaḥ | 
          guhātrīṇi  nihitā  neṅgayanti  turīyaṃ vāco  manuṣyā vadanti || 
                         ityādi śrutirapyanusandheyā || 18-19 || 
     evaṃ vidyādevatayorapyabheda muktvā cakradevatayoraikyaṃ vaktuṃ cakrotpattiprakāramāha
-
          yāsantaroharūpā parā maheśī tribhāvitākārā |    
          spaṣṭā  paśyantyādi  trimātṛkātmā  ca  cakratāṃ yātā || 20 ||  
          cakrasyāpi maheśyā na bhedaleśo'pi bhāvyate vibudhaiḥ |     
          anayossūkṣmākārā paraiva  sā sthūlayośca kāpi bhidā || 21 || 
" cidvallī "
     asyārthaḥ -yāsāntaroharūpā antaramantaḥkaraṇam | tasmin uhaḥvitarkaḥ | itthamiti paricchedarahitaḥ
| tena sahitaṃ rūpaṃ yasmāssā | ayamarthaḥ -avāṅmanasagocarā sarvavedāntairaparicchedyā sarvakāraṇabhūtā
śivādidharaṇyanta tattvasaṅghātāvirbhāvabhūmiḥ maheśvarī parā sarvotkṛṣṭe tyucyate | yajuśśrutiḥ
| "parāsyaśaktivīvidhaiva śrūyate |" iti | "yato vāco nivartante aprāpya manasā saha | ānandaṃ
brāhmaṇo vidvān" | iti | yathāgamaśca -
     svarūpajyotirevāntaparāvāganapāyinī | yasyāṃ dṛṣṭasvarūpāyāmadhikāro nivartate || iti |
     laghubhaṭṭārakaśca -sā tvaṃ kācidacintyarūpamahimā śaktiḥ parāgīyate || iti |
     evambhūtalakṣaṇā saiva parāśaktireva | tribhāvitā triprakāratvena bhāvitā sañjātabhāvanā|
etadevāha -spaṣṭā paśyantyāditrimātṛkā seti -spaṣṭā prathamotpannatvena vivakṣita viṣayiṇī paśyantītyucyate | 
ādiśabdena madhyamā vaikharī | saiva vaikharī nāma abhilapanarūpiṇī pañcadaśākṣara rāśimayī sarvavaidika 
tāntrika śabdajālātmikā śaktirucyate | tathoktaṃ subhagodayavāsanāyām -
               parā bhūjanmapaśyantī vallī gucchasamudbhavā | 
               madhyamā  saurabhā  vaikharyakṣamālā jayatyasau ||  
     asmaduktacidānandavāsanāyāmapi -
               vivakṣāvyavasāyoktirūpā   etāstrimātaraḥ | 
               paśyantyādimahādevyā svarūpā nātra saṃśayaḥ || iti |
     evaṃrūpā trimātṛkātmikā| saiva cakratāṃ yātā | trikhaṇḍātma kacakraikyamityādītyarthaḥ
| tadevāha -cakrasya trailokya mohanādisarvā nandamaya baindavānnanavāvaraṇātmakasya sundaryādhi-ṣṭhānabhūtasya
maheśyāḥ tadādhiṣṭhāvyāḥ sundaryāśca bhedaleśaḥ īṣadbhedo'pi budhaivīśeṣajñaiḥ na bhāvyate nānubhūyate | 
kutaḥ śrīsundarīsvarūpatvāt śrīcakrasya | tathā copaniṣat -"mahattarā mahimā devatānāṃ navayonirnavacakrāṇi dīdhire | 
navaiva yogāḥ navayoginīśca navānāṃ cakrāṇāṃ adhināthasyonānavamudrā navabhadrāmahīnāṃ ekā āsīt | prathamā sā navā'sīt |" ityādi |  
     vāmakeśvaratantre -
               tacchaktipañcakaṃ sṛṣṭyā layenāgnicatuṣṭayam | 
               pañcaśakticaturvahni    saṃyogāccakrasambhavaḥ || 
     etaccakrāvatāraṃ tu kathayāmi varānane | yathā sā paramā śaktiḥ || iti upakramya -
     "cakraṃ kāmakalārūpa prasāraparamārthaḥ |" ityantena samyak abhedaḥ pratipāditaḥ || 
     krodhabhaṭṭārako'pi -
śrīcakraṃ śrutimūlakośamathitaṃ saṃsāracakrātmakam | ityādi | 
     punarapi tādṛgbhedametayovyaciṣṭe -anayossūkṣmākāretyādinā anayoḥ sūkṣmarūpayoścakra devatayossūkṣmarūpatvaṃ
nāmāparichinna tvameva | tatra śrīcakrasya sūkṣmarūpeṇāvasthānaṃ bindvātmanāṃ bindoḥ paricchinnatvaṃ
baindave paramākāśe ityādinā prapañcitameva | devatāyā api vidyāpi tādṛgātmetyādinā abhihitamevaṃ
tathā sthūlayoścakradeva tayośca | atra sthūlatvaṃ nāma cakrasya trikoṇādicaturasra paryantavijṛmbhaṇam
| devātāyā api tripurāmbikādi tripurāśaktayantarūpeṇa mananam | evaṃvidyayoścakra devatayoḥ
bhidābhedakaraṇābhāvādityarthaḥ | tatra hetumāha -sā paraivasūkṣmākārā iti -sā pūrvoktalakṣaṇā
| paraiva ādiśaktireva | sūkṣmākārā sūkṣmabhūtaḥ ākāraḥ svarūpaṃ anayorityarthaḥ | tathā coktaṃ
catuśśatyām -
sthūlasūkṣma vibhedena trailokyotpattimātṛkā | iti | 
     ata eva hetorīṣadbhedo'pi vidvadibharnānubhūyate | evameva hi vidyācintanaṃ sarvatra  | 
     tathā ca śrutiḥ -śarvaṃ khalvidaṃ brahmeti | sarva taṃ parādādyonyatrātmanaḥ 
     sarva veda" iti uttaratra granthakāro'pi vakti | seyaṃ parā maheśī cakrākāreṇa 
     pariṇameta yadeti devatārūpatvaṃ cakrasya || 20-21 || 
     itaḥ paraṃ parāpaśyantyādi śakti vikāsarūpaṃ navayonyātmakaṃ śrīcakraṃ vaktumādau baindavaṃ
sarvānandamayākhyacakraṃ parāśaktimayamityāha | 
          madhye cakrasya syāt parāmayaṃ vindutattvamevedam |    
          ucchūnaṃ tacca yadā trikoṇarūpeṇa pariṇataṃ spaṣṭam || 22 || 
          etatpaśyantyāditritaya nidānaṃ tribījarūpaṃ ca |     
          vāmājyeṣṭhāraudrī   cāmbikayānuttarāṃśabhūtāḥ syuḥ || 23 || 
" cidvallī "
     cakrasya navayonyātmakasya madhyaṃ madhyebhavaṃ bindutattvaṃ bindusvarūpaṃ pūrvoktameva
vyākhyātam | idaṃ svasākṣātkṛtaṃ parāmayameva parāśakti svarūpamityarthaḥ | tathā coktam -"prasṛtaṃ
viśvalaharī sthānaṃ mātṛtrayātmakam | baindavaṃ cakram |" iti | tatraiva -
                sūkṣmarūpaṃ samastārṇā vrataṃ paramaliṅgakam | 
                bindurūpaṃ    parānandakandamityaparoditam || iti |
     tathā binduvīmarśadharmaḥ ṣaṇṇāmeko'dhvanāṃ prāṇa iti | virūpākṣa pañcāśikāyāṃ etadeva
bindutattvaṃ yadā vikāsabhāvamayate tadā trikoṇa cakramudetītyāha -ucchūnaṃ tacca yadā 
iti -yadā'smin kāle prāṇinā madṛṣṭavaśāducchūnaṃ tacca baindavamapi ucchūnaṃ sañjātavikāsaṃ bhavati tadā trikoṇarūpeṇa 
anuttarānandecchāśṛṅgārarūpeṇa pariṇataṃ trikoṇākāraṃ bhavatītyarthaḥ | tathā coktaṃ śrītriṃśikāśāstre -
                anuttarānanda citiricchā śaktau niyojitā | 
                trikoṇamiti    tatprāhuvīsargānandasundaram || 
                 meyamātṛpramāmānaprasaraiḥ  saṅkucatprabham | 
                 śṛṅgārarūpamāpanna micchājñānakriyātmakam || iti |
     śṛṅgārarūpaṃ trikoṇamityarthaḥ | etattrikoṇaṃ cakraṃ paśyantyāditritayanidānaṃ paśyantī
madhyamā vaikharī pramukha śaktitrayotpattikāraṇa mityarthaḥ | tathā subhagodaya-vāsanāyāmapi
-"icchādi śaktitritayaṃ paśossattvādi saṃjñakam | mahatryaśraṃ bhāvayāmi guruvakrādanuttaram
|" iti | 
     pratyabhijñāyāmapi -
               svāṅgarūpeṣu bhāveṣu sattvajñāna kriyecchayā | 
               māyā tṛtīyate  eva paśossattvarajastamaḥ || iti | 
     icchājñāna kriyāśaktayaḥ eva paśyantyādi śaktitritayatāmāpannāḥ | tathā hi -
     icchāśaktistathā vāmā paśyantī vapuṣā sthitā | 
     jñānaśaktistathā jyeṣṭhā madhyamā vāgudīritā || 
     ṛjurekhāmayī  viśvasthitau  prathitavigrahā | 
     tatsaṃhṛti daśāyāṃ tu baindavaṃ rūpamāsthitā || 
     pratyāvṛttikrameṇaiva     śṛṅgāravapurujjvalā | 
     kriyāśaktistu   raudrīyaṃ   vaikharī   viśvavigrahā || iti |  
     śrī tantra sadbhāve'pi -
yā sā tu mātṛkā loke paratejassamanvitā | 
tayā   vyāptamidaṃ   sarvamābrahmabhuvanāntaram || 
     "ityārabhya, ekaivaṃ tridhā sā tu prajāyate" ityantena parāśaktyāḥ paśyantyādiśakti jālanirūpaṇaṃ
kṛtam | tattatraivāvadhāryam | iha tu granthavistarabhayānna likhyate -tribījarūpañceti -tribījāni
trikhaṇḍātmaka vāgbhava kāmarāja śakti bījāni | teṣāṃ bījānāṃ svarūpaṃ yasya tat | tathā ca
śrutiḥ -"tisraḥ purastripathā viśvacaṣīṇīḥ yatrākathā akṣarāssanniviṣṭāḥ adhiṣṭhāyainā ajarā
purāṇi mahattarāmahimā devānām |" ityādinā sarvamantrāvirbhāva hetubhūta trikhaṇḍātmaka mātṛkādhiṣṭhānakāraṇa
divyaśṛṅgārapīṭhamāha | vāmakeśvaratantre'pi -
               bījatritaya yuktasya sakalasya manoḥ punaḥ | 
               etāni vācyarūpāṇi  kulakaulamayāni tu || iti |
     bījatritayaśaktitritayaliṅgatritayamayaṃ trikoṇaṃ kāmakalākṣara rūpamāha -bhagavān paramaśivaḥ
|| 22-23 || 
     tataḥ śrīparābhaṭṭārikāmayamidameva bindutattvamūrdhvādhomukhanavayonyātmaka śrīcakramabhavadityāha
-vāmā jyeṣṭhā raudrī ambikā cakārāt parāśaktiñca | imāḥ pañcaśaktayaḥ anuttarāṃśabhūtāḥ anuttarāṃśāḥ
śrīcakrāntargatādhomukhāni pañcatrikoṇāni | tattvena bhūtā jātā ityarthaḥ -
icchājñāna   kriyāśāntāścaitāścottarāvayavāḥ | 
      vyastāvyastatadarṇadvayamidamekādaśātma  paśyantī || 24 || 
" cidvallī "
     icchājñāna kriyāśāntāḥ catasraḥ śaktayaḥ uttarāvayavāḥ urdhvamukha trikoṇa catuṣṭayasvarūpāḥ|
ayaṃ bhāvaḥ parāvilasanarūpā etāḥ paśyantī vāmā jyeṣṭhā raudrī ambikā  | tathottarāvayavāśceti
icchājñāna kriyāśāntāścaitāḥ | etacchaktinavakamayaṃ navatrikoṇa cakramiti | etaccatuśśatyām
-
               ātmanaḥ sphuraṇaṃ paśyedyadā sā paramā kalā |
     ityārabhya "vaikharī viśvavigrahā" ityantena samyak nirūpitam | tata eva avadhāryaṃ | vyastāvyastatadarṇadvayaṃ | 
     vyastaṃ vyaṣṭirūpam | avyastaṃ samaṣṭirūpam | sarvopaniṣadatrāsiddhaṃ tadvarṇadvayaṃ sandeśanyāyena 
     akhilākṣarātmaka mātṛ mantramaya prakāśavimarśa rūpa pūrṇāhantābhāvagarbhakāma kalākṣarātmaka bindutattvamityarthaḥ | 
     atredaṃ pūrṇāhantāmayaṃ parabrahmapatnī viśiṣṭameva sakalakārya nirvāhakamiti sarvāgamasiddham | 
     tathā bṛhadāraṇyake -"ātmaivedamagra āsīt | puruṣavidhaḥ sonvīkṣya nānyadātma no'paśyatsohamasmītyagre vyāharat  | 
     tato'haṃ nāmābhavat  | tasmādapyetarhyāmantrito'-hamayamityevāgra uktvā'thānyannāma prabrūta" ityupakramya 
     pūrṇāhantāmayaṃ parabrahmasvarūpaṃ divyadampatīrūpatvamāsthāya sarvatattvanirmātṛ vidyotata iti 
     uparitenavākyena samāpyate | tathā hi | śa vai naiva reme tasmādekākī na ramate sa dvitīyamaicchat sa hetāvānāsa 
     yathā strīpumāṃsau sampariṣvaktau sa imamevātmānaṃ dvedhāpātayat  | 
     tataḥ patiśca patnī cābhavatām" ityādi | tathā tatraivānyatra -"ātmaivedamagra āsīt | 
     eka eva so'kāmayata jāyā me syādatha prajāyeya | atha vittaṃ me syāt atha karma kurvīyetyetāvān 
     vai kāma ityādau sapatnīkameva brahmā pratīyate" iti | evaṃbhūtaṃ tadvarṇadvayaṃ ekādaśātmā 
     saṃhatya vicāryamāṇe ekādaśavidhaṃ bhavatīti arthaḥ | parādiśāntāntaṃ śakti daśakaṃ vyaṣṭirūpaṃ 
     sarvasamaṣṭirūpatvena caikam  | tena caikādaśātmakamidaṃ bindutattvameva paśyantī śaktikāraṇam | 
     sarva khalvidaṃ brahma tajjalānīti śānta upāsīta itivat kāryakāraṇayorabhedavyapadeśaḥ || 24 || 
     itaḥ paraṃ vasukoṇadaśārādi cakra sṛṣṭiprakāramabhidhātuṃ paramaprakṛta trikoṇacakra kramaṃ
nigamayati -
               evaṃ kāmakalātmā tribindutattvasvarūpavarṇamayī | 
              seyaṃ trikoṇarūpaṃ yātā  triguṇasvarūpiṇī mātā || 25 || 
" cidvallī "
     evaṃ pūrvoktaprakāreṇa kāmakalātmā kāmaḥ prakāśaikasvabhāvaḥ anuttarākṣarātmā paramaśivaḥ
| kalā tvakhilavarṇāntyaparamahaṃsākṣaramayī vimarśavigrahaḥ | etadubhayātmakatvaṃ nāma svābhāvika
paripūrṇāhambhāva śālitvam | etacca bindurahaṅkārātmetyatra spaṣṭamabhyadhāyi | evaṃrūpā kāmakalātmā
tribindutattva svarūpa varṇamayī | tribindavaḥ pūrvoktarakta śuklamiśrātmānaḥ | teṣāṃ svabhāvaḥ
tattvam | tatsvarūpā ye varṇāḥ vāgbhavādayaḥ tadātmikām | tathā rahasyāmnāye -
     bindutrayātmakaṃ svātmaśṛṅgāṭaṃ viddhi sundaram | miśraṃ śuklaṃ ca raktaṃ ca purāṇaṃ praṇavātmakam
|| 
     rekhātrayāvagantavyasaṃvitsāndra śivātmakam | raktamasya nirādhāramavaśiṣṭaṃ tataḥ priyam
|| 
tayomīśraṃ tu saṃyoge nirvāṇaṃ nirmalaṃ padam || iti | 
     catuśśatyām -
               kūṭatrayātmikāṃ  devīṃ  samaṣṭivyaṣṭirūpiṇīm | 
               ādyāṃ śakṃti  bhāvayanto bhāvārthamiti manyate || iti |
     seyaṃ trikoṇarūpamāpannā cidānandaghanaparamārtha sakalāmnāya sārabhūtā iyaṃ viśvāhaṃ bhāvanāśālibhiḥ 
     mahāyogivaryairātma sākṣitvenānubhūyamānā triguṇā icchājñānakriyā māyā śaktimayā sattvarajastamāṃsi tattvarūpiṇī | 
     tadavaṣṭambhena hi jagatsṛṣṭyādi vidhatte | guṇāśca icchā jñāna kriyā māyā śaktimayā eva | 
     tathā pratyabhijñāyām śvāṅgarūpeṣu tattvam |" ityādi | icchājñāna kriyāmayā eva guṇāḥ sattvarajastamāṃsi iti | 
     ata eva mātā sarvajagannirmātrī ekā ātmā vā idaṃ eka evāgra āsīt iti śrutyuktarītyā sarvatattvātītā parāśaktiḥ | 
     trikoṇarūpaṃ anuttarānandecchā saṅghaṭṭātrikoṇa mityabhiyuktoktarītyā sarvasiddhipradāya 
     kātirahasyabhūta trikoṇacakraṃ yātā jaganmayī jātetyarthaḥ |  
     tathā vacanam -
               anuttarānanda cittericchāśaktau niyojitam | 
               trikoṇamiti  tatprāhuvīsargāmoda  sundaram || 25 || 
     ekā parā  tadanyā  vāmādivyaṣṭi  mātṛsṛṣṭyātmā | 
     tena navātmā jātā mātā sā madhyamābhidhānābhyām  || 26 || 
     anantaraṃ madhyamāyā api prakārāntareṇa navātmakatvaṃ brūte -
          dvividhā hi madhyamā sā sūkṣmā sthūlākṛtisthitā sūkṣmā | 
          navanādamayī  sthūlā  navavargātmā  ca  bhūtalipyākhyā || 27 || 
" cidvallī "
     ekāpareti -itaḥ parāvilasanarūpāyāḥ paśyantyādyā api navayonicakrātmanā navātmakatvamāha
| tadanyā vāmā vyaṣṭimātṛ sṛṣṭyatmā tena navātmā jāteti tadanyā parā vikāsabhūtā paśyantī vāmādivyaṣṭi
mātṛsṛṣṭyatmāvāmādiśāntānta śakti navakamayī yatastena kāraṇena sā mātā paśyantī nāma jananī
| navātmā vāmādiśāntānta śakti kadambakāvirbhāva kāraṇa navayoni cakrātmikā jātā prādurbhūtetyarthaḥ
| atra vāmādi śaktīnāṃ lakṣaṇaṃ prasaṅgāt kiñciducyate | tatra vāmā nāma svāntaḥ sthitaprapañca
vamanādviśvajanayitrītyabhidhīyate | jyeṣṭhā sarva maṅgalakāriṇī | raudrī sarvaroga vidrāviṇī
| ambikāsamasteṣṭa pradāśaktiḥ | 
     tathāgamaśca -
               vāmā viśvasya vamanāt jyeṣṭhā śivamayī yataḥ | 
               drāvayitrī  rujaṃ  raudrī  dogdhrī  cākhilakarmaṇām || iti |
     ambikā ca sā sphurattā mahāsatteti | pratyabhijñāsthityā sarvātiśāyī parīpūrṇarūpasvātma
sphuraṇāvalokana caturā | tathā catuśśatyām "ātmanaḥ sphuraṇaṃ paśyedyadā sā paramā kalā | 
ambikārūpamāpannā parā vāk samudīritā |" icchājñāna kriyā śaktayastu paśyantī madhyamā vaikharīrūpāḥ iti prapañcitāḥ | catuśśatyām -
icchāśaktistathā jñeyā paśyantī vapuṣā sthitā | ityādinā | 
     śāntā ca niṣkalaṃ niṣkriyaṃ śāntamityādiśrutyā niraṅkuśā cinmayī śaktiḥ | tathā vyācaṣṭe
bhagavān mṛtānandanāthaḥ -niraṃśau nādabindū cetyatra niraṅkuśā śāntā śaktiḥ śāntāyā niraṃśatvaṃ
cidrūpatvāditi | madhyamābhidhānābhyām madhyamāparā paśyantyoḥ samarasāvasthā abhidhānābhyāṃ
nāmadheyābhyām || 26 || 
     sā antarmukhaparamayogibhiḥ dṛśyā madhyamā nāma śaktidvīvidhā dviprakārā | sthūlasūkṣmabhāvāt
| tatra sūkṣmā samādhisthalena anubhūyamānā | sthūlākṛtyā paṇḍitapāmarā-bhilapanayogya varṇāvalayā
sthitā sarvadā vartamānā  | etadeva vyācaṣṭe -sūkṣmā navanādamayī sthūlā navavargātmā iti -
     ayamarthaḥ -mitrāvaruṇasadanāt vāyunirodhanena svādhiṣṭhānādi kamalabhedapurassaraṃ dvādaśāntāra
vindāsanastha paramaśivāṅkamupasarpantī mahāmātṛkā kuṇḍalinī bahuvidhanādātmikā yā anubhūyate
samādhisamadhigata sarvārthaiḥ mahāmāheśvaraiḥ svātmatvena manyate | navanādamayīti paramahaṃsopaniṣat
| yathā -"atha haṃsa paramahaṃsa nirṇayaṃ vyākhyāsyāmaḥ | brahmacāriṇe dāntāya gurubhaktāya
haṃsahaṃsetyādinā paramahaṃsaṃ paraṃ brahma nidīśya punarapi tadupāsanaṃ viśinaṣṭi" -gudamavaṣṭabhyādhārādvāyu
mutthāpya svādhiṣṭhānaṃ pradakṣiṇīkṛtya maṇipūrakaṃ gatvā'nāhata-matikramya viśuddhau prāṇānnirudhya
ājñāmanudhāvat brahmarandhraṃ dhyāyana ityādibrahma randhre dhyāna-viśeṣamuktvā punarapi mūlādhārāt
brahmarandhraparyantaṃ vyāpinyā mūlakuṇḍalinyāḥ svarūpaṃ nādātmakamiti vyācaṣṭe -yadā haṃso
vilīno bhavati yadā nādamādhārāt brahmarandhraparyantaṃ śuddhasphaṭika saṅkāśaṃ sa vai brahma
paramātmetyucyate ityādi tadupāsanāṅgajālāni upanyasyante | nādaṃ vibhajate | sa ca daśavidhopajāyate
| ciṇīti prathamaḥ | ciṇi ciṇīti dvitīyaḥ | ghaṇṭānādastṛtīyaḥ | śaṅkhanādaścaturthaḥ | pañcama
stantrīnādaḥ | ṣaṣṭhastālanādaḥ | saptamo veṇunādaḥ | aṣṭamo bherīnādaḥ | navamo mṛdaṅganādaḥ|
daśamo meghanādaḥ | navamaṃ parityajya daśamamevābhyaset | tasmin vilīne manasi gate saṅkalpe
vikalpe ca dagdhe sadāśivo'hamiti paramahaṃsopaniṣat | mūlādhāre dagdhe sadāśivo'hamiti paramahaṃsopaniṣadaḥ
mūlādhāre maheśvarītyādinā ca na vedavidhigocara mityantaṃ navavargātmā akacaṭatapayaśalātmikā
sthūlā sarvavyavahāra viṣayiṇītyucyate | 
     yathā śrītantrasadbhāve -
yā sā tu mātṛkā loke paratejassamanvitā | tayā vyāptamidaṃ sarvamābrahmabhuvanāntaram || 
 tatrasthaśca yathā nādo vyāpitaśca surācīte | avarṇastho yathā varṇasthitaḥ sarvagataḥ priye
|| 
               tathāhaṃ kathayiṣyāmi nirṇayārtha sphuṭaṃ tava ||  
     ityārabhya -
               yā sā śaktiḥ parā sūkṣmā nirākāreti kītītā | 
               hṛdvinduṃ veṣṭayitvā tu suṣuptā bhujagākṛtiḥ || 
               tatra supto mahāyogī na kiñcinmanyate yamī | 
               candrārkānila nakṣatrairbhuvanāni caturdaśa || 
               vyāptodare tu sā devī viṣavanmūḍhatāṃ gatā | 
               prabuddhā sā ninādena pareṇa jñānarūpiṇī || 
               mathitā codarasthena bandhanādapi vahninā | 
               tāvadvai bhramayogena manthanaṃ śakti vigrahe || 
               bhedāttu prathamotpannāt bindurnādatvamīyate | 
               samutthitā yathā tena kālasūkṣmā tu kuṇḍalī || 
               catuṣkalamayo binduḥ śakteścottaragaḥ prabhuḥ | 
               madhyamanthana yogena ṛjutvaṃ jāyate priye || 
               jyeṣṭhā śaktiḥ smṛtā sā tu bindudvayasumadhyamā || 
               bindunādatvamāyātā rekhayā'mṛtakuṇḍalī || 
               lākinī nāma sā jñeyā ubhau bindūyathāgatau | 
               tripadā sā samākhyātā raudrī nāmnā tu gīyate || 
               rodhinī sā samuddaṣṭā mokṣamārganirodhanāt | 
               śaśāṅkaśakalākārā ambikā cārdhacandrikā || 
               ekaivetthaṃ parāśaktiḥ tridhā sā tu prajāyate | 
               ābhyo yuktā viviktābhyaḥ sañjāto navavargakaḥ || 
               navadhā  ca smṛtā sā  tu  navavargopalakṣitā || iti |
     atra kaścitsūkṣmasthūlākṛtisthireti pāṭhaṃ kalpayitvā sūkṣmā sthirā sthūlā navavarga-mayītyāha
| evaṃ ca sati navavargeti padānanvayaḥ saṃpradāyanirodhaśca | sa tu svabuddhayā saṃpradāyamajānāna
evamarthamāha | tasmādasmaduktārthasya taduktārthasya caucityamartha viśeṣajñai vidvadbhareva
jñātavyamityalam | bhūtalipyākhyā bhūtāścaite lipayaśca | atra lipīnāṃ bhūtattvaṃ nāma viśeṣa
viśeṣa vīnyāsābhigamyatvam | tacca kalpanāmātrameva |  akṣarāṇāṃ tejorūpa-śaktyātmakatvāt |
tathā ca āgamaḥ -yā sā tu mātṛkā loke paratejassamanvitā | iti | 
sarve varṇātmakā mantrāste ca śaktyātmakāḥ priye | ityādi  || 27 || 
     teṣāmākhyā abhidhā yasyāssā tatra bhrāntilipyeti kaścidyācaṣṭe | tattu chandobhaṅgādanupapannamityanādaraṇīyam
|
     sūkṣmarūpā hi madhyamā sthūlarūpāyāḥ kāraṇabhāvamāpannā ekaivetyata āha -
          ādyā kāraṇamanyā kārya tvanayoryatastato hetoḥ | 
          saiveyaṃ na  hi bhedaḥ tādātmyaṃ hetuhetumatodīṣṭam || 28 || 
" cidvallī "
     ādyā pūrvoktasūkṣmā kāraṇaṃ prathamodbhūtattvāt | anyā sthūlā kāryaṃ tajjanyatvātkārya
| yatastasmātkāraṇāt -anayoḥ sūkṣma sthūlayoḥ kāryakāraṇayorbhāvaḥ| tato hetoḥ tena kāraṇena
iyaṃ sthūlā saiva sūkṣmā śaktireva | na hi bhedaḥ bhedo nāstyeva | nanu kathamabhede kāryakāraṇabhāva
ityatrāha -tādātmyaṃ hetuhetumatodīṣṭamiti -tādātmyaṃ bhedābhedarūpam | hetuhetumat janyajanakarūpavat
iṣṭaṃ mṛddhaṭavat vācārambhaṇamātratvāt | ekameva vastu ubhayavidhaṃ bhavati | sarvavedānta
sammatamityarthaḥ || 28 || 
     anantaraṃ madhya śṛṅgāratejaḥ prasaraṇātmaka vasukoṇādi cakranirūpaṇa dvārā vaikharīśaktyāvirbhāvamāha
-
          śaṣasapavargamayaṃ  tadvasukoṇaṃ madhyakoṇavistāraḥ | 
          navakoṇaṃ madhyaṃ cetyasṃmiściddīpadīpite daśake || 29 || 
" cidvallī "
     tadvasukoṇaṃ sarvarogaharākhyaṃ cakraṃ śaṣasapavargamayaṃ śaṣasapavargātmakāṣṭakoṇaṃ madhya-koṇasya
madhyatrikoṇasya vistāro vikāsaḥ yasya tattādṛśaṃ madhyakoṇasahitaṃ navakoṇaṃ madhyaṃ ca baindavākhyaṃ
saṃhatya daśake asmin bindutrikoṇa vasukoṇarūpe ciddīpadīpite baindavāsanasaṃrūḍha saṃvatanilaciddha
namityuktarītyā binducakrādhirūḍhāyāstejomūrtestripurāyāḥ prabhāpaṭala prakāśitetyarthaḥ ||
29 || 
          tacchāyā  dvitayamidaṃ  daśāracakradvayātmanā  vitatam | 
          taṭacakavarga catuṣṭayavilasana vispaṣṭakoṇa vistāram || 30 || 
" cidvallī "
     tacchāyā dvitayamidaṃ iti -tasya pūrvoktasya tejorāśimayasya cakratritayasya chāyādvitayaṃ
kāntidvitayam | daśāracakradvayātmanā antardaśāra bahirdaśārarūpeṇa niravadhika tejomaṇḍalaṃ
tasya saṃbandhi kānti dvitayam | sarvarakṣā karasarvārtha sādhakābhidha cakradvayātmanā pariṇatamityarthaḥ
| tathā coktam -
navatrikoṇasphurita prabhārūpadaśārakam | iti || 30 || 
     taccakradvayasvarūpaṃ vyācaṣṭe -taṭacakavargātmākṣaradaśakarūpaṃ antardaśāraṃ cavargaka-vargātmākṣaradaśakarūpaṃ
bahirdaśāramityarthaḥ |  
          etaccakracatuṣkaprabhāsametaṃ  daśārapariṇāmaḥ |   
          ādisvaragaṇagata caturdaśavarṇamayaṃ caturdaśāramidam || 31 || 
" cidvallī "
     etaccakra catuṣkasya bindutrikoṇa vasukoṇāntardaśārātmakasya cakra catuṣkasya, prabhā kāntiḥ | tayā sametaṃ saṃyuktam | 
     daśārapariṇāmaḥ bahirdaśāracakramiti yāvat | bahirdaśāracakrasya baindavādi cakracatuṣṭaya sannidhānāditi tātparyam | 
     tatra tatprabhā vyāpnotītyarthaḥ | tathā coktam -catuścakra prabhārūpa saṃyukta pariṇāmataḥ |" iti | 
     athavā -etaccakracatuṣkasya trikoṇa vasukoṇa daśāradvayarūpasya prabhāsametaṃ kānti saṃyuktaṃ 
     daśārapariṇāmaṃ daśāracakrabhūtaṃ vasukoṇaṃ cakramityarthaḥ | tadevāha ādisvaragaṇaka 
     caturdaśavarṇamayaṃ caturdaśāram iti -akārādi caturdaśa varṇātmaka caturdaśakoṇa sahitaṃ 
     sarvasaubhāgyadāyakābhidhacakramityarthaḥ | evaṃ baindavādi manukoṇa 
     paryanta cakra varṇana dvārā vaikharī śaktirāvirbhūtetyāha || 31 || 
          parayā paśyantyāpi ca madhyamayā sthūlavarṇarūpiṇyā |  
          etābhirekapañcādaśākṣarātmikā    vaikharī    jātā || 32 ||  
" cidvallī "
     parādi śakti lakṣaṇaṃ ca pūrvameva bahudhā prapañcitam | ayamarthaḥ -ādikṣāntākṣara rāśimayākhila
prapañcanirmātrī sarvaśabdātmikā vaikharīti | tathā coktam | vaikharī viśvavigraheti vācā vaktre
karaṇaviśadāṃ vaikharīṃ te prapadye ityādi || 32 || 
itaḥ paraṃ sarvasaṃkṣobhaṇa sarvāśāparipūrakābhidha cakradvayaṃ vaikharīvarṇātmakamevetyāha
-
          kādibhiraṣṭabhirūpacitamaṣṭadalābjaṃ    ca   vaikharīvargaiḥ | 
          svaragaṇa samuditametaddvayayaṣṭa dalāmbhoruhaṃ ca saṃcintyam || 33 || 
" cidvallī "
     vaikharīvargaiḥ vaikharīśaktisvarūpaiḥ | aṣṭabhiḥ kādibhirūpacitaṃ samyak proktam | aṣṭadalābjaṃ
ca sarvasaṅkṣobhaṇacakram | tathā svaragaṇasamuditam | svaragaṇai akārādi-ṣoḍaśavarṇaiḥ samuditaṃ
samyak bhāvitaṃ etatparidṛśyamānaṃ dvayaṣṭadalāmbhoruhaṃ sarvāśāparipūraka cakraṃ saṃcintya
sarvadā bhāvanīyamityarthaḥ || 33 || 
              bindutrayamayatejastritaya vikārasthitāni vṛttāni | 
              bhūbimbatrayametat    paśyantyāditrimātṛviśrāntiḥ || 34 || 
" cidvallī "
     tāni vṛttāni manvaśropari aṣṭadalapadmopari ṣoḍaśadala padmopari ca sthitāni | bindutrayaṃ
pūrvoktarakta śuklamiśrātmakam | tanmayaṃ tattejastritayaṃ somasūryāgnirūpam | tadvikāraḥ tanmayānītyarthaḥ
| tatra vṛttatrayasya tejastrayātmakatvakathanena somasūryānalātma trikhaṇḍamayatvaṃ cakrasyoktam
| yathāgamaḥ -
trikhaṇḍaṃ mātṛkācakraṃ somasūryānalātmakam | iti | 
     subhagodaye -
               somasūryakṛśānvātma tejastritaya rūpakam | 
               netratrayaṃ   bhāvayāmi   vṛttatritayamañjasā || 
     tadvikāraśca tāni vṛttāni vedāḥ pramāṇamitivat draṣṭavyam | bhūbimbatrayaṃ aṇimādi-brāhmayādi
sarvasaṃkṣobhiṇyādi śakti kadambakābāsabhūtaṃ paśyantyādi trimātṛviśrāntiḥ | paśyantī madhyamāvaikharīśaktayaḥ
etāvatparyantaṃ vijṛmbhamāṇāḥ trikoṇādi bhūparyantaṃ śrīcakrātmanā cakāsati ityarthaḥ | etacca
"ātmanaḥ sphuraṇaṃ paśyedyadā sā paramā kalā" ityārabhya "vaikharī viśvavigrahā" ityantena granthajātena samyak niraṇāyi || 34 || 
               kramaṇaṃ padavikṣepaḥ kramodayastena  kathyate dvedhā | 
               āvaraṇaṃ gurūpaṃktidvayamidamambā padāmbujaprasaram || 35 || 
" cidvallī "
     ityādi aṇimādi bhūtayo'pi ityantam | kramaṇaṃ padakramaḥ | sa ca dvividhaḥ | padavikṣeparūpaḥ
kramodayarūpaśca | tatra padavikṣepo nāma -sundaryā anantakoṭi kiraṇātmakānanta śakti jananasāmarthyam
| tathā copaniṣat -
          marīcayaḥ svāyaṃbhuvāḥ ye śarīrāṇyakalpayan | ityādi | 
     tameva bhāntamityādi | yathāgamaśca -
               jyoti rūpā parākārā tasyā dehodbhavāśca vai | 
               kiraṇāśca sahasraṃ ca dvisahasraṃ ca lakṣakam || 
               koṭirarbudameteṣāṃ parā saṅkhyā na vidyate | 
               tāmevānupraviśyaiva bhāti sarvaṃ carācaram || 
               yasyā devyā maheśānyā bhāsā sarvaṃ vibhāsate | 
               tadbhāvarahitaṃ kiñcinna ca icchā prakāśate || 
               tasyāśca śivaśakteśca cidrūpāyāśca taṃ vinā | 
               ādyamāpādyate nūnaṃ jagadetaccarācaram | 
               teṣāmanantakoṭīnāṃ mayūkhānāṃ maheśvari || 
               madhye ṣaṣṭyuttaraṃ devi triśataṃ kiraṇāśśive | 
               brahmāṇḍaṃ  bhāsayantyete  piṇḍāṇḍamapi pārvati || ityādi | 
               sarvapīṭha     nivāsinyassarvagāścinmarīcayaḥ | ityādi | 
               raśmicakraṃ ca  parito  bhaktinamraḥ  prapūjayet | ityamṛtānandāḥ |
     "kramodayo" nāma divyasiddhamānavaugharūpā anantaprakāśātmaka śrīguru maṇḍalātmaka-tayā
prasaraṇam | tathā rahasyāmnāye -"caraṇadvayacandrārkaraśmayo guravaḥ kila |" iti | etaccottaratra
prapancyate | etadeva kramadvayaṃ vivṛṇoti -āvaraṇaṃ āvaraṇa cakra sthita  śaktinikurumbaṃ mañcāḥ krośantītivat | 
gurupaṃṅktiḥ gurumaṇḍalam | idaṃ dvayaṃ ambāpādāmbuja prasaraḥ ambāyāstripurāyāḥ 
padāmbujasya śrīpādayugalasya | prasaraḥ prasaraṇaṃ vijṛmbhaṇamiti yāvat | 
yajuśrutiḥ -"jyotiṣmadbhājamānaṃ mahasvat" ityādi | tathā prāmāṇikavacanam -
anekakoṭibhedaistu  gaditantraipuraṃ  mahaḥ | 
tatra madhye parā dīptā mahātripurasundarī || 
     ṣaḍanvayaśāmbhave ca -
               varadābhayahastāśca   sarvā   vāmārdhavigrahāḥ | 
               tejorūpāḥ parā dhyeyāḥ kevalaṃ mokṣakāṃkṣibhiḥ || 35 || 
     tatprasāraprasaraṇīṃ kramaśo vivṛṇoti |
          seyaṃ  parā  maheśī   cakrākāreṇa   pariṇameta  yadā | 
          taddehāvayavānāṃ pariṇatirāvaraṇadevatāssarvāḥ      || 36 || 
          āsīnāṃ   bindumaye  cakre  sā  tripurasundarī  devī | 
          kāmeśvarāṅ  kanilayā  kalayācandrasya kalpitottaṃsā || 37 || 
          pāśāṅ kuśekṣucāpa prasūnaśarayañcakāñcita  svakarā | 
          bālāruṇāruṇāṅgī  śaśibhānu    kṛśānu  locanatritayā || 38 || 
" cidvallī "
     seyamaparicchinnāntatejorāśimayī parāsarvotkṛṣṭā maheśī ananta koṭiyoginī bṛnda-isamārādhita
nityaniravadhikātiśayānanda mayātmasāmrājya sampadābhimānaśālinī | yajuśrutiḥ -"yato vā |" ityādi | tathā coktam -
               catuṣṣaṣṭiyutāḥ koṭyo yoginīnāṃ mahaujasām | 
               cakrametat  samāśritya  saṃsthitā  vīravanditāḥ || iti | 
     lalitopākhyāne ca -
          vācāmagocara magocarameva buddherīdṛktayā na kalanīyamananya tulyam | 
          trailokyagarbha paripūritaśakti cakrasāmrājya  sampadabhimānamabhispṛśanti || 
     iti cakrākāreṇa, cakraṃ navātmakamidaṃ navadhā bhinnamātṛkam | iti sarvānandamaya baindavādi-trailokya
mohanānta cakranavakātmanā, sphurattāmātmanaḥ paśyet iti pūrṇānandamayātmāvalokana samaye pariṇameta
| ākārāntaramāvaheta prārthanāyāṃ liṅga | diṅmātraprapañcaprādurbhāvasya prārthanāviṣayatvāt
| brāhmaṇaḥ pariṇāmaśrutyaivābhidhīyate yathā -śo'kāmayata bahusthāṃ prajāyeyetīti sṛṣṭiṃ 
prastutya tatsṛṣṭvā tadevānu prāviśat | tadanupraviśya sacca tyaccābhavat niruktaṃ cāniruktaṃ ca nilayanaṃ 
cānilayanaṃ ca vijñānaṃ cāvijñānaṃ ca satyaṃ cānṛtaṃ ca satyama bhavat |" smṛtiśca | 
asyāṃ pariṇatāyāmityādi | taddehāvayavānāṃ tasyāstripura sundaryā dehastejaḥ puñjātmakaḥ tasyāvayavāḥ 
kiraṇāḥ teṣāṃ pariṇatira vasthāntarāpattirihāvaraṇadevatāḥ vaśinyādyaṇimānta śaktini kurumbaṃ 
cidānandasamudrātmakameva samudrasakāśātphenabudbuda taraṅgādivada 
nantakoṭiśaktayaḥ āvirbhāvatirobhāvau bhajanta ityarthaḥ | tathā copaniṣat -
               yasmin bhāvāḥ pralīyante līnāśca vyaktatāṃ yayuḥ | 
               punaścāvyaktatāṃ   bhūyo  jāyante   budbudā  iva || 
     catuśśatyāṃ ca -
               evaṃ rūpaṃ paraṃ tejaḥ, śrīcakravapuṣā sthitam | 
               tadīyaśaktinikarasphuradūmīsamāvṛtam     || iti |  
     subhagodayavāsanāyāmapi -
               cakrarāje  parāmṛśya   yoginīḥ  prakaṭādikāḥ | 
               vimarśākhyacidambhodhilaharīsthā  api kramāt || 
               yasyā ullasitā etā yoginyaściddhanatviṣaḥ | 
               cakreśvare bhajāmyetāḥ  cakraṃ  cakraṃ samāśritāḥ || iti |
     vaśinyādyāvaraṇa śaktisvarūpa varṇana mārabhamāṇaḥ tadādau mūladevī svarūpamāha -āsīnetyādi
-bindumaye sarvānandamayākhye paramākāśe baindave paramākāśe ityuktatvāt | cakre ātmasaṅkramaṇa
viharaṇārhapīṭhe | tathā rahasyopaniṣadi -yadeṣā caṃkramattaccakrama bhavaditi | āsīnā uparipradeśe
virājamānā sā deśakālākārānavacchinnā tatsvarūpiṇī tripurasundarī sarvakāraṇatvena spṛhaṇīya
svabhāvā devī viśvajananādisarva vyāpāra vinodinī kāmeśvarāṅkanilayā kāmeśvarasya śrīnāthasya
aṅka vāmorutalabhāgaḥ nilayaḥ avasthānaṃ yasyāssā | tathā coktaṃ paramaśivena | -
               kalā vidyā parāśaktiḥ śrīcakrākārarūpiṇī | 
               tanmadhye  baindavaṃ  sthānaṃ  tatrāste  parameśvarī || 
               sadāśivena   sampṛktā   sarvatattvātigā  satī || iti |  
     anyatra ca -
               viśvākāra prabhādhāra nijarūpa śivātmakam | 
               kāmeśvarāṅkaparyaṅka niviṣṭamatisundaram || iti | 
     śrīnāthānandaśca -
               ādiśrīgurunāthasya vāmāṅkopari saṃsthitām | iti | 
     devī viśvasarjanādivyāpāra vinodinī | candrasya kalayā kalpitoktaṃsā | atra kalpitapadena
candramaṇḍalasya bhagavatī līlopakaraṇatvaṃ lakṣyate |
     pāśāṅkuśekṣucāpa prasūnaśara pañcakāñcitasvakarā | itipāśaḥ svātmarūpa bhedabandhana sandhānabhūtecchā
śaktisvarūpaḥ | aṅkuśaḥ svarūpa bhedadalanopāyātmaka jñānaśaktimayaḥ | ikṣucāpeṣu pañcake svabhinnākārā
varjanasādhana rūpa kriyāśaktirūpe | ayamarthaḥ -icchā jñāna kriyā śaktaya eva tadājñayā pāśādisvarūpamāpannāḥ
tadupāsanamācarantītyarthaḥ | tathā ca catuśśatyām -
               icchāśaktimayaṃ pāśamaṅkuśaṃ jñānarūpiṇam | 
               kriyāśaktimaye bāṇadhanuṣī dadhadujjalā || iti | 
     subhagodayavāsanāyāmapi -
               devyāsaṃvitsattāyā bhedodvamanahetukāḥ | 
               āyudhākhyāḥ parāḥ śaktīrbāṇādyāḥ pūjayāmyaham || iti | 
     bālāruṇāruṇāṅgī udādityasaṅkāsā | śaśibhānukṛśānulo canatritayā soma sūryāgnimaya trinayanā
| tathā coktam -
               bālārkamaṇḍalābhāsāṃ caturbāhuṃ trilocanām | 
               pāśāṅkuśadharāṃ  cāpaṃ dhārayantīṃ śivāṃ priye || iti || 36-38 || 
     etadeva divyamithunaṃ divyasiddhamānavaughabhāvena aviśeṣa bhedabhinna gurumaṇḍala svarūpamupāsyāheṃ
               tanmithunaṃ guṇabhedā dāste bindutrayātmake  trayakṣe | 
               kāmeṃśī mitreṃśa pramukha  dvindvatrayātmanā  vitatam || 39 || 
" cidvallī "
     tanmithunaṃ tata sarvātītattvena sarvopaniṣatprasiddhaṃ mithunaṃ kāmakāmeśvarīmayam | 
     ayamarthaḥ -paramātmā hi svātmānameva strīpuṃsamayaṃ kṛtvā mithunarūpamāpanno viharate | 
     atra śrutiḥ -śa eko naiva reme tasmādekākī na rameta sa dvitīyamaicchat sa haitāvānāsa yathā 
     strīpumāṃsau sampariṣvaktau sa imamātmānaṃ dvidhā'pātayat | tataḥ patiśca patnī 
     cābhavatām" ityārabhya, "yadidaṃ kiñcinmithunamāpipīlikābhyastatsarvaṃ sṛjati" ityantena 
     mithunātmanā viharaṇaśīlaṃ brahmetyāha | tathā rahasyāgamaśca -
guruśiṣyapade sthitvā svayameva sadāśiva | iti |
     ityādiprakāśavimarśatmanā mithunībhūtaḥ paramaśivādeva sakalaṃ tantraṃ samabhavadityāha
| evaṃ tanmithunaṃ kāmakāmeśvarīrūpaṃ mitreśanātha kāmeśvarī śrīmaduḍḍīnāthavajreśvarī ṣaṣṭhīśanātha
bhagamālinī | evamādimithunatrayātmanā divyasiddhamānavaughādikramarūpeṇa vitataṃ mithunatrayaṃ
vistṛtamityarthaḥ |
     etacca āsīnā śrīpīṭhe kṛtayugakāle guruśśivo vidyān ityatra samyak prapaṃcayiṣami  | rahasyopaniṣadi
cāyamarthassamyak nirūpitaḥ | yathā madhye cakraṃ binduḥ bindau prapaṃco lokaḥ  loko dehassanādarūpaḥ
arthātmikā śaktiḥ cakraṃ tanuḥ binduḥ prāṇaḥ madhye śaktiriti saprapaṃco guṇaḥ guṇo 
liṅgaṃ svayambhavādibhedena tridhā bhūtaṃ triliṅginām jayadaṃ kāmakāmarūpaṃ 
kaivalyaṃ uḍyānaṃ pūrṇagirijālandharaṃ yatpuruṣā devī sātvikā bhavati | 
atredaṃ vyākhyā syāt -yadidaṃ nīlakaṇṭhaḥ śamīgarbhāyovāca | yato vā imāni bhūtāni 
jāyante yena jātāni jīvanti | yatprayantyabhisaṃviśanti pṛcchati yadidaṃ dṛśyate tadānandayoniḥ 
tenaiva jīvati tadeva jīvatīti tadeṣābhyuktā ityādinā tripurācakranirūpaṇapurassaraṃ 
sakalaprapaṃcānāṃ tripurāyā eva sakāśādutpattijīvanalayāḥ pratipādyante tataśca sarvaphalapradāyinī 
tripuraiva śrīdevīsvarūpairvīrairbhajanīyetyuktaṃ bhavati | tathā rahasyāgamaśca -
               yasya no paścimaṃ janma yadi vā śaṅkaraḥ svayam | 
               tenaiva   labhyate    vidyā   śrīmatpañcadaśākṣarī || 39 || 
     itaḥ paramāvaraṇadevatāsvarūpabhāvau varṇayati -
          vasukoṇanivāsinyo yāstāḥ sandhyāruṇāvaśinyādyāḥ | 
          puryaṣṭakamevedaṃ    cakratanossaṃvidātmano     devyāḥ || 40 || 
" cidvallī "
     vasukoṇa nivāsinyaḥ sarvarogaharākhya cakra nivāsanaśīlāḥ yāḥ vaśinyādyaṣṭaśaktayaḥ tāḥ
pūrṇāhambhāvadāna samarthāḥ | katham tatra rogahāritvaṃ nāma pūrṇāhambhāvapradatvameva | apūrṇaṃ
manyatāṃ vyādhiḥ kārpaṇyaikanidāna bhūrityukteḥ | sarvarogaharā etāḥ vimṛśādi viśeṣataḥ | ityabhiyukta
tamokteśca | evaṃbhūtāstāssandhyāruṇāḥ aruṇākārā bhāsanta ityarthaḥ | ata evedamaṣṭakoṇacakraṃ
saṃvidātmanaḥ sāmīpyāt jñānamevātmanaḥ svarūpaṃ yasyāssā | śatyaṃ jñānamanantaṃ brahmā" iti
śruteḥ svasaṃvitṛ purādevī tyāgamaśca | devyāḥ bahusyāmiti viharaṇasvabhāvāyāḥ cakratanoḥ cakrātmikāyāḥ
puryaṣṭakaṃ sūkṣmaśarīramityarthaḥ | tathā coktam -
               citiścittaṃ ca  caitanyaṃ  cetanādvayameva ca | 
               jīvaḥ kalāśarīraṃ ca sūkṣmaṃ puryaṣṭakaṃ bhavet || iti |  
     śivānandāśca -
               aṣṭārāṃśa praveśo'yaṃ cinniryāṇeṣu sādikam | 
               sūkṣmaṃpuryaṣṭakaṃ        devyāmaviśeṣamagauravam || iti || 40 || 
          tadviṣayavṛttayastāḥ sarvajñādisvarūpamāpannāḥ |      
          antardaśāranilayālasanti śaradindusundarākārāḥ || 41 || 
" cidvallī "
     tadviṣayavṛttayaḥ vasukoṇanikaṭavāsinyaḥ | tāḥ svātmaikyarupara kṣaṇadhāriṇītvena prasiddhāḥ
| sarvajñādiśakti daśakarūpaṃ āpannāḥ | antardaśāra nilayāssarvarakṣākarābhidheya cakrasamārūḍhāḥ
nigarbhayoginyaḥ | śaradindusundarākārāḥ svacchaprakāśa dhavalākṛtayaḥ | lasanti prakāśante
| tathā coktam -
               antardaśāragā devyo vidyutpuñjanibhāḥ śubhāḥ | 
               nigarbhākhyāḥ pūjanīyāḥ sarvarakṣāvidhāyinīḥ || 41 || 
             tadvāhyapaṅktikoṇeṣu yoginyassarvasiddhidāḥ  pūrvāḥ |
 devīdhīkarmendriya -viṣayamayā viśadaveṣabhūṣāḍhyāḥ || 42 || 
" cidvallī "
     tadvāhyapaṃktikoṇeṣu tasya sarvarakṣākara cakrasya bāhyabhūteṣu uparisthiteṣu paṃktiṣu
koṇeṣu | sarvārtha sādhaka cakre tasya koṇātmakatvāt | tatra sthitā yoginyaḥ kulakaulanāmadheyāḥ
sarvasiddhidāḥ pūrvāḥ sarvasiddhipradāḥ pramukhāḥ śaktayaḥ | devīdhī karmendriya viṣayamayāḥ
devyā stripurāyāḥ dhīkarmendriyāṇi śrotrādijñānendriyāṇi karmendriyāṇi vāgādīni | teṣāṃ viṣayāḥ
śabdādayaḥ abhilapanādayaśca tanmayāḥ tatsvarūpāḥ | viśadaveṣabhūṣāḍhyāḥ viśadāḥ śubhrākārāḥ
| veṣāśca bhūṣāśca tairāḍhyāḥ | ayamarthaḥ -mantradevatātmā bhedarūpāssiddhidāyinyaḥ svacchākṛtayaḥ
śubhrābharaṇābhāsanta iti | tathā coktaṃ catuśśatyām -
               śvetāvarābhayakarāḥ śvetābharaṇabhūṣitāḥ | 
               mantrāṇāṃ svaprabhārūpa yogādanvartha saṃjñikāḥ || 
               sarvasiddhipradādyāstu  cakre  sarvārthasādhake | 
     iti subhagodayavāsanāyāñca -
               bāhyo daśārabhāgo'yaṃ buddhi karmākṣagocaraḥ | iti || 42 || 
          bhuvanāra cakra bhavanādevīmanukaraṇa vivaraṇasphuragāḥ | 
          sandhyāsavarṇavasanāḥ   sañcintyāssaṃpradāyayoginyaḥ || 43 || 
" cidvallī "
     bhuvanāracakraṃ sarvasaubhāgyadāyakaṃ cakraṃ bhavanaṃ vāsasthānaṃ yāsāṃ tāḥ | devyāmanukaraṇāni
caturdaśakaraṇāni karmendriyāṇi pañcajñānendriyāṇi pañcamanobuddhyahaṅkāra cittākhyāni catvāri|
pratyabhijñāyāṃ tu trayo daśavidyāyāśca bāhyāntaḥ karaṇāvaliriti | cittavyatirekeṇa trayodaśatvamuktam
| iha tu cittena sākaṃ caturdaśatvamuktam | cittamaye śrīpīṭheti | cittasyāpi -abhiyuktairantaḥ
karaṇatvena parigaṇanāt teṣāṃ vivaraṇaṃ vyākhyānabhūtaṃ sphuraṇaṃ caturdaśārarūpaṃ yāsāṃ tāḥ
| devī tu svayameva caturdaśakaraṇātmaka caturdaśāra cakra devatātmanā sthitā ityarthaḥ  | tathā coktaṃ śivānandaiḥ -
               caturdaśārasaraṇīḥ   karaṇāni    caturdaśa | 
               caturdaśa śivāraṇyaṃ mahādevyāḥ smarāmyaham || iti | 
     sandhyāyāssavarṇa vasanaṃ sadṛśaṃ vastraṃ yāsāṃ tāḥ | saṃpradāyayoginyaḥ ādiśaktimayatvena
satsaṃpradāyadevyaḥ sarvasaṃkṣobhiṇīprabhṛtayaḥ sañcintyā avyaktamiti samyagbhāvanīyāḥ | tathā
catuśśatyām -
               śaktessāramayatvena     prasṛtattvānmaheśvarī | 
               saṃpradāya  kramāyātāścakre saubhāgyadāyake || 
               nirantara  prabhārūpa  saubhāgya  balarūpataḥ | 
               anvarthasaṃjñakā devī aṇimāsadṛśāśśubhāḥ || 
               sarvasaṃkṣobhiṇīpūrvā  dehaikyādi  viśuddhidā || iti || 43 || 
               avyaktamahadahaṅkṛtitanmātra svīkṛtāṅganākārāḥ | 
               dviradacchadanasarojejayanti     guptatarayoginyaḥ || 44 ṅgha     
" cidvallī "
     avyaktaṃ, avyaktākhyaṃ tattvam | mahat mahattatvam | ahaṅkṛtirahaṅkāratattvaṃ, tanmātrā
pṛthivyādibhūtatanmātrāḥ pañca | saṃhatyāṣṭau | etaiḥ -svīkṛta ākāraḥ svarūpaṃ yāsāṃ tāḥ devyātmakā
ityarthaḥ | guptatarayoginī saṃjñāḥ mūladevyā antaraṅgabhūtattvāt | etāsāmanaṅga kusumādīnāṃ
guptatarā iti saṃjñā yāsāṃ tā anaṅgakusumādyaṣṭaśaktayaḥ | vāgbhavāṣṭaka sarvasaṃkṣobhaṇahvaye
dviradacchadanasaroje sarvasaṃkṣobhaṇākhyāṣṭa dalapadme jayanti sarvotkarṣeṇa vartante | tathā
coktaṃ śivena -
               kaulikānubhavāviṣṭarāga puryaṣṭakāśritāḥ | 
               vāgbhavāṣṭa sambandha sūkṣmavarga svarūpataḥ || 
               lokeguptatarāścānyāḥ -sarvasaṃkṣobhaṇāhvaye | 
               anaṅgakusumādyāstu   rakta  kañcukaśobhitāḥ || 
               veṇīkṛtalaya satkeśāścāpa bāṇadharāḥ śubhāḥ || iti | 
     śivānandāśca -
               vasucchadana   padmāṅkadalo'yaṃ  cakrakovibhuḥ | 
               avyaktādyāḥ prakṛtayo bhūtānāṃ niścinomyaham || 44 || 
     anaṅga kusumādyaṣṭaśaktayaḥ dviradacchadanasaroje sarvasaṃkṣobhaṇākhyāṣṭa dalapadme jayanti
sarvotkarṣeṇa vartante | 
               ṣoḍaśacchada  padmotthaṃ bhogabhūtākṣamānasam | 
vikārātmakatāpannaṃ devyāḥ sambhāvayāmyaham || 45 || 
" cidvallī "
     bhūtāni pṛthivyādīni | indriyadaśakaṃ, śrotrādivāgādīni ca | manaḥ antaḥ karaṇapradhānaṃ
saṃhatya ṣoḍaśakaṃ devyādhikāra bhūtāvasthāntara svarūpam kutaḥ | 
               vimarśākhyā ca sā devī pāñcavidhyaṃ samāgatā | 
               ākāśānila  saptācīssalilāvani  bhedataḥ || 
     ityādivacanāt | evaṃbhūtaṣoḍaśakaṃ ṣoḍaśāraṃ sarvāśāparipūraka nāmadheyaṃ cakraṃ | kāmākaṣīṇyādi
svarūpataḥ kāmākaṣīṇyādiṣoḍaśa śaktyākāreṇa adhyāste adhitiṣṭhati | adhiśīṅsthā''sāṅkarmeti
karmatvam | sarvāśāparipūraka cakre etāḥ kāmākaṣīṇyādi guptayoginyaḥ svarātmikā nivasantītyarthaḥ
| tathā coktaṃ catuśśatyām -
               ṣoḍaśasvara  sandohacamatkṛtimayī   kalāḥ | 
               prāṇādiṣoḍaśānāṃ tu tattvānāṃ ṣoḍaśātmikāḥ || 
               bījabhūtasvarātmatvāktadasau    bījarūpikāḥ | 
               antaraṅgatayā  guptayoginyaḥ  suvyavasthitāḥ || 
               kāmākarṣaṇarūpādyā  sṛṣṭiprādhānyataḥ   priye || 
     subhagodayavāsanāyām -
               ṣoḍaśacchada padmotthaṃ bhogabhūtākṣamānasam | 
               vikārātmakatāpannaṃ devyāḥ sambhāvayāmyaham || iti || 45 || 
          mudrāstrikhaṇḍayā saha saṃvinmayyassamucchitāssarvāḥ | 
          ādimahī  gṛhavāsābhāsābālārka kāntibhissadṛśā || 46 || 
          ādhāranavakamasyā   navacakratvena  pariṇataṃ  yena | 
          navanāthaśaktayo'pi  ca  mudrākāreṇa  pariṇataṃ yena || 47 || 
" cidvallī "
     trikhaṇḍayā saha trikhaṇḍākhyamudrayā sākaṃ samucichatāḥ sarvotkarṣeṇa vartamānā ādimahīgṛhavāsāḥ
ādicaturastranilayāḥ | bhāsā kāntyā bālārka kāntibhiḥ taruṇāruṇarucibhiḥ sadṛśāstulyāḥ | saṃvinmayyaḥ
ciddhananiṣṭhā ityarthaḥ | tathā coktam -
               cidvayomacāriṇī mudrā śivāvasthā tu khecarī | 
     śarvasaṃkṣobhiṇīprabhṛtayo daśamudrā bhayadhvaṃsinyaḥ paramānandadāyinyaḥ paramaśaktaya
ityarthaḥ |" tathā coktam -
               mocayanti grahādibhyaḥ paśvoghān drāvayanti ca | 
               mocanaṃ  drāvaṇaṃ  yasmānmudrāstāḥ parikītītāḥ || iti | 
     etāstu mudrāḥ caturaśrādibaindavāntanava cakrādhiṣṭhāna nāyikā iti paramaśivena prapañcitāḥ
diṅmātramudāhirayante | tathā hi -
               kriyāśaktistu viśvasya mudrākhyā saṃvidambikā | 
               trikhaṇḍarūpamāpannā   sadā   sannidhikāriṇī || 
               sarvasva  cakrarājasya  vyāpikā  parikītītā | 
               yoniprācuryatassaiṣā   sarvasaṃkṣobhiṇī    punaḥ | 
               vāmāśakti   pradhāneyaṃ   dvāracakrasthitā'bhavat || 
     ityārabhya -
               sampūrṇasya prakāśasya bhogabhūmirayaṃ  punaḥ | 
               yonimudrā kalārūpā sarvānandamaye sthitā || iti |
     tattu tata evāvadhāryam | yajuśśrutirapi -ṅavānāṃ cakrā adhināthāssayonā navamudrānava
cakrāmahīnāmiti |" etadeva vivṛṇoti ādhāretyādi -ādhāranavakaṃ akulasahasrāra mūlādhāra svādhiṣṭhānamaṇipūrakānāhata
viśuddhi lambikā'jñābindurūpaṃ asyāḥ upāsakasvarūpiṇyāssaṃbandhī | yena hetunā navacakratvena
baindavātmanā pariṇatena kāraṇena | navanāthaśaktayaḥ pūrvoktā navamudrākāreṇa pariṇatā jātā
ityarthaḥ | etacca svacchandasaṅgrahe prapañcitam | tataḥ evāvadhāryam || 46-47 || 
          asyāstvagādi saptakamākāraścaivamaṣṭakaṃ spaṣṭam | 
          brāhmayādimātṛrūpaṃ       madhyamabhūbiṃbametadadhyāste || 48 || 
" cidvallī "
     asyāḥ devyāstvagādisaptakaṃ tvagādisaptadhātavaḥ | ākāraḥ svarūpaṃ ca evaṃ rūpamaṣṭakam
| brāhmyādimātṛrūpaṃ brāhmayādyaṣṭaśaktisva rūpamityarthaḥ | etat paridṛśyamānaṃ madhyamabhūbiṃbaṃ
madhyamacaturaśraṃ adhyāste nivasatītyarthaḥ | 
           aṇimādisiddhayo'syāḥ svīkṛtakamanīya kāminīrūpāḥ | 
           vidyāntaraphalabhūtā         guṇabhāvenāntyabhūniketanagāḥ || 49 || 
" cidvallī "
     asyāḥ parameśvaryāḥ aṇimādyaṣṭaśaktayaḥ | vidyāntarāṇāṃ haṭhayogādīnāṃ phalībhūtāḥ svīkṛtāni
kamanīyāni manoharāṇi kāminīrūpāṇi aṅganārūpāṇi yābhistāḥ | evaṃbhūtāḥ guṇabhāvena upasarjanabhāvena
| antyabhūniketanagāḥ sarvāntyacaturastre tiṣṭhantītyarthaḥ | ayamarthaḥ -etādṛśaparamātmopāsanena
sādhakaḥ parameśvaro bhavati | tathoktamabhiyuktaiḥ -
               tadīyaiśvaryabibhradbharbrahmāviṣṇuśivādayaḥ | 
               eśvaryavanto bhāsante sa evātmā sadāśivaḥ || 
     iti  evaṃ kāmakalā vilasanarūpaṃ cakrakramaṃ nigamayya etādṛśaṃ cakradevatā mantrasvarūpaṃ
parameśvarātmakagurukramajñāna bhāvena labhyata iti paramaśivādigurukramaṃ śiṣyānujighṛkṣayā
pratipādayitumupakramate -
            paramāndānubhavaḥ        paramagurunīvīśeṣabindvātmā | 
            sa punaḥ krameṇa bhinnaḥ kāmeśatvaṃ yayau vimarśāṃśāt || 50 || 
" cidvallī "
     paramānanda ityādi gurukramovidita ityantena | paramassarvotkṛṣṭa ānandaḥ paripūrṇāhambhāvarūpaḥ
anubhavaḥ jñānaṃ yasya saḥ | "etasyaivā nandasyānyāni bhūtāni mātrāmupajīvanti" iti śruteḥ | 
"praṇamāmi mahādevīṃ paramānandarūpiṇīṃ |" iti smṛteśca | paramagurunīvīśeṣa bindvātmā 
paramagururādināthaḥ paramaśivaḥ tasmāt ādināthāt nivīśeṣaḥ | abhinno binduḥ pūrvoktakāmakalārūpaḥ 
sa ātmārūpaṃ yasya saḥ | ādinātharūpī paramaśiva ityarthaḥ | ayamarthaḥ -ānando brahma s
atyaṃ jñānamanantaṃ brahma | cinmātraṃ sarvadraṣṭāraṃ sarvasākṣiṇaṃ sarvagrāhakaṃ 
sarvapremāspadaṃ saccidānandamekarasame-vāyamātmā sanmātro nityaḥ śuddho buddhassatyo 
mukto nirañjano vibhuradvaya ānandaḥ para ityādyupaniṣaduktarītyā cidānandaghana paramārtha 
prakāśa vimarśātmā parameśvara eva paramakāruṇikaḥ svayameva svātmānaṃ kāmakalābindurūpa 
kāmakāmeśvarīrūpa divyamithuna pramukhadivyasiddha mānavaughādikramāvatīrṇo gurumaṇḍalātmā 
san kacitana bhaktibhājaḥ saṃrakṣatīti tātparyam | etacca rahasyopaniṣadi śrūyate yathā "yadeṣācakrame 
taccakraṃ abhavat | yadādau bhinnā sa bindurabhavat | sa ādhāro jātaḥ | so'yamātmā ātmaivaiṣā śaktiḥ sā 
bhāvābhāvau sadasat" iti | tathaivāhurācāryāḥ | eko nārcakaḥ ubhayorubhau | jāyate ubhau nityau ekamevobhau 
avinābhāvāt | ādhārādheya bhūtāni | tato guṇā jāyante | liṅgāni tāni piṇḍāni | sa śaktirabhavat | tadapyeṣa śloko bhavati |
               bhāvābhāvamayo binduḥ bhāvaḥ ṣaṣṭhātmako bhogaḥ | 
               bhāvātmakaṃ  tu  tanmadhyaṃ  cārubhāvatrayātmakam || iti |
     tadeṣābhyuktā madhye cakraṃ śive bindau prapañco lokaḥ | loko dehaḥ sanādarūpaḥ saśabdarūpaḥ
| arthātmikā śaktiḥ | cakraṃ tanuḥ binduḥ prāṇaḥ madhye śaktirityādinā cakradevatāsvarūpa nirūpaṇa
purassaraṃ kāma kāmeśvarī svarūpameva nirūpitam | tadeṣābhyuktā paro vā eṣa ānandaḥ | sa bhogayoniḥ
kāmarūpā devatā | sa ānandoyoniḥ | ānando brahmā brahmaiva san | brahmāpyeti | brahmaveda brahmaiva
bhavati | brahmavidāpnoti param |" brahma brahmaivaikāneka prapañcāsyādityādinā ca vākyena 
kāmeśvarīmabhidhāyānte'pi tatsarva tripurālokamātā-pāyāddevī sarvadā sarvarūpā iti sarvottaratvaṃ 
sarvātmakatvaṃ ca kāmeśvaryāḥ pratipādyanta iti sarvarakṣaka eva paramaśiva iti athavā 
paramagururiti chedaḥ | paramagururādināthaḥ | nivīśeṣaḥ niṣprapañcaḥ 
bindussaccidānandalakṣaṇaḥ ātmasvarūpaṃ yasya sa iti |
               baindave  paramākāśe  saccidānandalakṣaṇe | 
               niṣprapañce nirābhāse nivīkalpe nirāmaye || 
     ityamṛtānandavacanāt | rahasyāmnāye'pi -
               anupraviśya tāṃ śaktiṃ vāmādyaiḥ piṇḍito bhavān | 
               samastabījagarbhāḍhyaḥ   sūkṣmabindutvameti    saḥ || iti |
     virūpākṣapañcāśikāyāmapi -"binduvīmarśadharmāṣaṇṇāmeko'dhvanāṃ prāṇaḥ |" iti | 
               sāṅkhyādayo'pi haṃsāssadā praṇavasaṃsthitān | 
               nādopari  mahādevaṃ   paśyanti  jñānacakṣuṣā || 
     ityādinā bindunādātmakaṃ parameśvaramāha bhagavān vasiṣṭho'pi | evaṃ vidhabindvātmā parameśvara
eva kāmakāmeśvarī pramukha gurumaṇḍalātmā'bhūdityāha | sa punaḥ krameṇa bhinna ityādi | 
sa pūrvoktaḥ paramātmā | krameṇa vakṣyamāṇadivyasiddharūpeṇa bhinnādvairūpyaṃ prāpitaḥ | 
vimarśāṃśāt vimarśaḥ pūrvoktalakṣaṇaḥ | svātmaśaktiḥ kāmakalārūpā | tadaṃśaḥ tadardhabhāgaḥ | 
tasmāddhetoḥ kāmeśatvaṃ śrīkāmarājabhāvam | yayau prāpa | ayamarthaḥ -paramātmā 
svayameva svātmānaṃ vibhajya kāmakāmeśvarīrūpaḥ guruśiṣyabhāvamāpannaḥ sakalatantraṃ pravartayāmāseti |
     tathā coktamupaniṣadi -śa imamevātmānaṃ dvidhāpātayat | tataḥ patiśca patnī cābhavatām
|" iti | ātmaivedamagra āsīt | eka eva so'kāmayata jāyā meṃ syāt atha prajāyeyeti" | ekasyaiva
brāhmaṇaḥ mithunarūpatvaṃ vakti | mithunībhūtasya kāmeśvaratvamapi śrutirevāha | yathā bṛhadāraṇyake
-"kāma eva yasyāyatanaṃ hṛdayaṃ loko mano jyotiryo vai taṃ puruṣaṃ vidyāt sarvasyātmanaḥ parāyaṇaṃ
sa vai veditā syāt yājñavalkya veda vā ahaṃ taṃ puruṣaṃ sarvasyātmanaḥ parāyaṇaṃ yamādheya evāyaṃ 
kāmamayaḥ puruṣaḥ sa eva daivaśākalyaḥ | tasya kāmadevateti striya iti hovāca" iti kāmeśvarasya 
viharaṇayogyāṃ striyaṃ kāmeśvarīṃ pratyakṣaṃ brūte | rahasyāgamaśca -
               guruḥ śiṣyapade sthitvā svayameva sadāśivaḥ | 
               lokasaṃrakṣaṇārthāyatantraṃ       samavatārayat || iti | 
                              etadeva viśadayati || 50 || 
               āsīnaḥ śrīpīṭhe kṛtayugakāle guruśśivo vidyām | 
               tasyaidadau   svaśaktyaikāmeṃśvaryai   vimarśarūpiṇyai || 51 || 
" cidvallī "
     śrī pīṭhe madhyatryaśrāntargatoḍyāṇapīṭhe | āsīnaḥ nityasannihitaḥ | guruḥ jñānopadeṣṭā
| tathā ca śivasūtram | "gururūpāya iti |" 
               guśabdastvandhakārassyādruśabdastannivartakaḥ | 
               andhakāranirodhitvādgururityabhidhīyate || 
     śivaḥ sarvapravartakaḥ paramātmā | kṛtayugakāle kṛtayugādau | tasyai | sā śaktiḥ sarvabhūtānām
niravadhikānandadāyinyai svaśaktyai | rahasyopaniṣadi "brahmā viṣṇuśca rudraśca vāṇī lakṣmīḥ
bhavānīti tāḥ saṃpradāyakāḥ kramāt | sarvaloka prasūtvena saiva tripurā saivānandaṃ dadātīti
|" anyatrāpi "paro'pi śaktirahitaḥ śaktaḥ kartuṃ na kiñcana | śakteśca parameśāni śaktyā yukto
bhavet" iti | āgamānusandhānena svasvarūpasaṃpradāyinyai vimarśarūpiṇyai | hakāro'ntyaḥ kalārūpo
vimarśākhyaḥ prakītītaḥ | iti saṅketapaddhatyuktarītyā anuttarānanda viśrāntisthāna bhūtaśaktipararūpiṇyai
kāmeśvaryai sā kāmā sarvakāmā kāma eva lokā eva purāṇi tasmāt tripuretyupaniṣaduktarītyā | 
sarvadā sarvaprakāreṇa sarvābhīṣṭapradāyinyai |  svātmabhūtāyai vidyāntare tanmahāmanuriti | 
saiva śabdā tanuḥ asya savarṇarūpā paramā tripadā-bhidhābhāvātriguṇā trivargarūpā nityā nirmalā niṣprapañcā ātmavidyā vibhurvaravidyā ya evaṃ veda vidvān bhavati | athāhuvīdvāṃsa iti | raho rahasyamiti | śivo'yamiti | sa evemāni bhūtāni sṛjati rakṣati saṃharati | anyathā vā karoti | saiva so bhavatīti rahasyopaniṣatpratipādyāmātmaikyadāyinī matyantamātmavidyāṃ dadau upadideśa |
     ayamatra saṃpradāyaḥ | yadyapi samapradhānau samasattvau samau tayośśakti rajarāviśvayoniḥ
ādiśaktiraruṇā viśvajanyā | iti | sāṅkhyāyana śākhāyāmubhayoḥ kāmakāmeśvaryoḥ samapradhānamuktam
| tathāpi viśva yonivīśvajanyā iti sarvakāraṇarūpiṇyā etayaiva kāmeśvaryā rahasyatantraṃ sarvopaniṣatsārabhūtaṃ
pravartayitukāmaḥ paramaśivaḥ prapañcasṛṣṭyanantaraṃ ādiyuge -
               mahāmadhyaṃ ca cakrasya mahānandātmakaṃ punaḥ | 
               anuttara vimarśaikasāraṃ saṃvinmayaṃ bhaje || 
     ityuktaprakāreṇa prakāśānandasāramayamoḍyāṇapīṭhamāsthāya svayamapi śrīcaryānanda-nāmadheyamudvahan
svābhinnāyai parābhaṭṭārikāyai | śrīvidyā kramamupadideśa sā parā bhaṭṭārikā tretāyuga dvāparayuga
kaliyugeṣu vakṣyamāṇa deśika svarūpiṇī hyatirahasya śāmbhavatantraṃ pravartayāmāsa | iti | ayaṃ iha kramavivaraṇakramaḥ | 
iha śrīvidyāratnāva gamane sādhanadvayamasti | kāmarājasantānaṃ sakalavidyānusandhya vicchinna iti 
prācīna-guravo'pyācakṣate | lopāmudrāsantāna kramastu vicchinnatayā pravartata iti varṇayanti | 
tatkramaprakārastu likhyate -tatra divyaughaguravassapta | siddhaughāścatvāraḥ | 
mānavaugha-guravastvaṣṭau | tatra divyakramo yathā -kṛtayugādau paramaśiva eva oḍyāṇapīṭhātmaka 
madhya bindunivāsī śrīcaryānandanāthanāmā san svātmaśaktyākhya śrī mahātripurasundarī vimṛṣṭatanuḥ prathamo guruḥ | tathācoktam -
               tryaśrāntaroḍyāṇapīṭha saṃsthakāmarājaśarīriṇī | 
               asvarākāratāṃ prāpyatryaśrasaṅketa madhyagāt || iti |
     madhyatryaśrāgrakoṇa kāmarūpa pīṭhavāgbhavādhiṣṭhātṛkāmeśvarīrūpa vimṛṣṭarūpaḥ śrīmadūrdhvadevanāthastretāyugaguruḥ
| tathā coktam -
tryaśrāgrakoṇagā yā sā kāmeśī kāmapīṭhagā | iti | 
     madhyatryaśradakṣiṇa koṇasthita jālandhara pīṭhe sthita kāmarājābhidheya vajreśvarī militasvarūpaḥ
śrīṣaṣṭhanāthadevo dvāparaguruḥ | tathā coktam -
tryaśradakṣiṇakoṇastha vajreśī jālandharapīṭhagā | iti |
     madhyatryaśrottara koṇagataṃpūrṇa giripīṭha sthita śaktibījābhidheyabhaga mālinī vimṛṣṭadehaḥ
śrīmitradevanāthaḥ kaliyugaguruḥ | tathā coktam -
tryaśrasyottarakoṇasthā bhageśī pūrṇapīṭhagā | iti || 51 || 
     mitreśadevaḥ kaliyugādau bhagavatīṃ lopāmudrāṃ agastyaṃ ca mahātapaḥ puñjamithuna manugṛhītavān
| etatsaptakaṃ divyaughasaṃjñakaṃ gurupadeśādava gantavyam | iha tu prasaṅgādetāvaduktam | etadevāha -sāpyeṣeti | 
          seyāyamitrasaṃjñāṃ sthāneśān jyeṣṭhamadhyabālākhyān | 
          citprāṇaviṣayabhūtān     tretāyugādikāraṇatrigurūn || 52 || 
          bījatritayādhipatīn parīkṣya vidyāṃ prakāśayāmāsa | 
          etairodhatritayaṃ   samanugṛhītaṃ   gurukramo   viditaḥ || 53 || 
" cidvallī "
     sā pūrvoktā paramaśivaprāṇanāyikā mitranāthadevanāthasaṃjñā bhīmo bhīmasena itivat mitraśabdo
mitradevanāthaparyantaṃ dhāvati | sa ca mitradevanāthaḥ kaliyugaguruḥ | tatsaṃjñā tannāmadheyam
| iyāya prāpa | etaccopalakṣaṇam -tretāyuga dvāparayuga gurunāmadheya dhāraṇasya tretāyugādi
yugatrayagurusvarūpiṇī bhūtvā saṃpradāyaṃ pravartayedityarthaḥ | etadeva vivṛṇoti sthāneśetyādinā
-sthāneśaḥ sthānānāṃ madhyatryaśrāgrakoṇadakṣiṇa koṇottarakoṇānāṃ kāmeśvarī vajreśvarī bhagamālinī
nilayānām | īśā adhiṣṭhātrī ata eva jyeṣṭhamadhyabālākhyā | jyeṣṭhaḥ śrīmadūrdhvadevanāthaḥ
| madhyaḥ śrīṣaṣṭhadevanāthaḥ | bālaḥ śrīmitradevanāthaḥ | teṣāmākhyāṃ nāmadheyaṃ 
yasyāssā tatsvarūpatvādeteṣāmiti bhāvaḥ | citprāṇaviṣayabhūtāḥ citprāṇaḥ paramaśivaḥ citsvarūpatvāt prāṇarūpatvācca | 
tathā māṇḍūkyopaniṣadi -ṅāntaḥ prajñaṃ na bahiḥ prajñaṃ nobhayataḥ prajñaṃ na prajñā na dhanaṃ na 
prajñamadṛṣṭamavyavahārya magrāhyamalakṣaṇamavyapadeśya mekātmapratyayasāraṃ prapañcopaśamaṃ 
śivamadvaitaṃ caturtha manyante | sa ātmā sa vijñeyaḥ |" iti | cinmaya eva śrūyate | tathā prāṇamayatvenāpi śrūyate | 
     tathā chāndogye -"yathā vā arānābhau samapītāḥ | evamasmin prāṇe sarvaṃ pratiṣṭhitam |
prāṇaḥ prāṇena yāti | prāṇaḥ prāṇaṃ dadāti prāṇāya dadāti prāṇo ha pitā prāṇo mātā prāṇo bhrātā
prāṇaḥ svasāprāṇa ācāryaḥ |" iti | "etādṛśacitprāṇa-svarūpasya paramaśivasya viṣayabhūtā bhogyabhūtā
| kutaḥ, eṣa devo'nayā devyā nityaṃ krīḍārasotsukaḥ |" ityabhinavaguptapādoktiḥ | athavā sthāneśān
jyeṣṭhamadhya bālākhyān citprāṇaviṣaya bhūtāniti guruviśeṣaṇaṃ vā | tathāpi sa evārthaḥ | evaṃvidhā
sā parābhaṭṭārikā | tretāyugādikāraṇa trigurūn pūrvokta śrīmadūrdhvadevanāthādīn | bījatritayaṃ
vāgbhavādikam | tasyādhipatīn vācyabhūtān | etacca pūrvamevoktam | etān trividhadeśikān parīkṣya
śodhayitvā vidyāṃ -
               pañcabhūtamayaṃ  viśvaṃ  tanmayī sā sadānaghe | 
               tanmayī mūlavidyā ca tathā ca kathayāmi te || 
     paramaśivānanāravindaniḥsṛtākhilakāraṇa bhūtāmādividyāṃ prakāśayāmāsa pravartayāmāsetyarthaḥ
| atra kiñcidvadāmaḥ -iha parīkṣya vidyāṃ prakāśayāmāsetyanena śrī sadāśivātmā deśikottamaḥ
| satsaṃpradāyasiddha midaṃ mārgaṃ bahukālamātmopāsana mācarate | "dāntāyopasannāya śiṣyāyopadideśa
ca | dīkṣāpūrvaṃ maheśāni vidyāmupadiśedguruḥ |" ityādinā | dīkṣā ca śiva sāyujyadāyinī | iti
| 
               dadāti śivatādātmyaṃ kṣiṇoti ca malatrayam | 
               atodīkṣeti sā proktā  dīkṣāśabdārthavedibhiḥ || iti smṛteḥ | 
     "dīyate paraśivaikyabhāvanā kṣīyate sakalapāpasañcayaḥ |" ityabhi yuktokteśca | sā ca trividhā | āṇavaśāktasāmbhavabhedāt | 
               trividhā  sā  bhaveddīkṣā  prathamā  āṇavīparā | 
               śākteyī śāmbhavī ceti  sadyo mukti pradāyinī || iti smaraṇāt 
     tatra āṇavadīkṣāvidhi vīśeṣa vihitadravyāṇi nirvartyaparadevatā tarpaṇa dhyānā sakta rūpiṇītyukteḥ
| śākteyī tu yathopanata śakti siddhārtha sādhyā | śāmbhavī ca -
               siddhe śakṃti samālokya tayākevalayā śiśau | 
               nirūpāyaṃ  kṛtā  dīkṣā  śākteyī  parikītītā || iti | 
     abhisanṃdhi vinā'cāryaśiṣyayorubhayorapi | 
               deśikānugraheṇaiva    śivatā   vyaktikāriṇī | 
               seyaṃ hi śāmbhavī dīkṣā śivā veśana kāriṇī || iti ca | 
     evaṃvidhadīkṣā'bhāve nakutrāpyadhikārī | tathā śrīmālinīvijayakāraḥ prāha -
               na cādhikāritā dīkṣāṃ vinā yogo'sti śāṅkare | 
               na  ca  yogādhikāritvaṃ  śāmbhavamekameva  vā || 
     abhisandhirahitācāryakṛpāmātra sādhyā yathe'yaṃbhavet | api mantrādhikāritvamuktaṃ ca śivadīkṣayā | iti | 
     śiṣyasya vittābhāve'pi ācāryaḥ śiṣyayogyatāmavadhārya svadhanena vā kuryāt | svasyāpyabhāve laghūpāyena vā kuryāt |
               svadhanena  daridrasya  kuryāddīkṣāṃ svayaṃ guruḥ | 
               api dūrvāmbubhiryadvā dīkṣayā mokṣayecchiśum || 
     iti sarvātmanā dīkṣitasyaiva brahmavidyāyāmadhikāro nānyasyeti sthitiḥ | dīkṣā ca paradevatāsantarpaṇaṃ
sādhyetyuktam | santarpaṇaṃ ca dravadravyaviśeṣa sādhyayuga viśeṣa tarpaṇaṃ tṛptimayadam | 
"daivatasyāmṛtena tu" |  ityuktatvāt | ata eva tametaṃ vedānuvacanena brāhmaṇa vividiṣanti | 
yajñena dānena tapasā'nāśakeneti | yajñasyāpi brahmaviṣayatvāt | 
     śruyate sa ca yajñaśca pūjā sā ca tridhā matā | parā aparā parāparā ceti | tathā ca paramaśivaḥ
parameśvarīṃ pratyāha -
               tava nityoditā pūjā tribhirbhedairvyavasthitā | 
               parā cāpyaparā gaurī tṛtīyā ca parāparā || 
               prathamādvaitabhāvasthā sarvapravaragocarā | 
               dvitīyā cakrapūjā ca sadā niṣpādyate mayā || 
               evaṃ jñānamaye devi tṛtīyā ca parāparā | 
               uttamā ca parā jñeyā vidhānaṃ śṛṇu sāṃpratam || 
               mahāpadmavanāntassthāṃ kāraṇānanda vigrahām | 
               tadaṅgopāśrayāṃ devīṃ vāgbhave gurupādukām || 
               āpyāyita jagadrūpāṃ paramāmṛtavaṣīṇīm | 
               sañcintya paramādvaitabhāvanāmadaghūṇītaḥ || 
               dahanāntarasamparkanādālokanatatparaḥ | 
               vikalpasatyasaṅkalpavimukho'rnta bhukhassadā || 
               citkallo lābhilalitasaṅkocastvatisundaraḥ | 
               indriyaprīṇanairdravyaivīhita svātmapūjakaḥ || 
               nyāsaṃ nivartayeddevi ṣoḍhānyāsapurassaram || 
     ityādiparā pūjā | atra svarūpamadhye -
               dvitīyā cakrapūjā ca sadā niṣpādyate mayā | iti | 
     paramaśivaḥ svayameva bāhyavartī varivasyāṃ karomīti cakrapūjāṃ praśaṃsayāmāsa | so'pi
bāhyayāgaḥ pañcavidhaḥ -
               kevalo yāmalo miśraścakrayugvīrasaṅkaraḥ | iti smṛteḥ |
     etallakṣaṇamāmnāyādevāvagantavyam | tataśca santarpaṇapūrvakamevābhiṣecanādikarma kartavyam
| tacca santarpaṇadravyaṃ niṣpādyamityuktam | dravadravyaṃ ca hetubhūtanidānakāraṇā prathamādiśabdābhidheyaṃ
paramāmṛtarūpaṃ madhu | tenaiva paradevatāyāgasya sādhyatvāt | somenāgniṣṭomayāgavat 
     na ca vācyamagniṣṭomīyaṃ paśumālabheta somagrahān gṛhaṇātītyādividhisadbhāvāt | yuktam
| itareṣāṃ yāgānāṃ somasādhyatvamuktam | iha tu brāhmaṇo na surāṃ pibet na māṃsamaśnīyādityādinā
niṣedhādidaṃ darśanamanupapannamiti | na vayaṃ niṣedhavidhi-mullaṃghaya svātantryeṇaiva nidānātpara
devatātarpaṇaṃ kartumucitamiti brūmaḥ | kintu idameva śāmbhavadarśana maupaniṣadasampradāyādāgatamiti
niścitya hyevamavocāma | tahī niṣedhasya kā  gatiriti ceducyate adīkṣita puruṣaviṣayo'yaṃ niṣedhavidhiḥ
| dīkṣitasyānenaiva hetunā-devatāyāgaḥ kartavya iti mukhyavidhisadbhāvāt | tathā ca ṛgvedāmbhodhima
madhyoddhṛta-saṃkhyāyanaśākhāyāṃ ādisundarī vārivasyādvārā devatāsāmrājya sādhanatānidānasya
śrūyate -
imāṃ vijñāya surasā madanti paristrutā tarpayanta svapīṭham | 
nākasya pṛṣṭhe mahato vasanti paraṃ dhāma traipuraṃ cāviśanti || 
     atra paristrutaṃ dravyamityarthaḥ | tathā nighaṇṭvādi prasiddhiḥ| ata eva vājapeyādi prasiddhakratuṣvapi
parameśvaryā mantranāyikāyā vihitattvādeva niṣiddhasyāpi dravyasya svīkāro darīdṛśyate | kutra
vā parameśvarīvidhiḥ śrūyate | lalitopākhyāne ca -
     parituṣṭāsmi madyābdhe tvayā sāhyamanuttamam | 
     devakāryamidaṃ kiñcitvayā nivīghnitaṃ kṛtam || 
     itaḥ paraṃ matprasādādvājapeyādike makhe || 
     somapānavadatyantamupayojyo bhaviṣyasi || 
     yāgeṣu mantrapūtaṃ tvāṃ pāsyantyakhiladevatāḥ | 
     yāgena mantrapūtena pītena bhavanā janāḥ || 
     siddhimṛddhiṃ balaṃ svargamapavargaṃ ca bibhratu | 
     maheśvarī mahādevo baladevaścaṃ bhārgavaḥ | 
     dattātreyo vidhivīṣṇustvāṃ pāsyanti mahājanāḥ || iti |
     paramaśivo'pi pūjāsaṅketake --pradhānādivarīvasyāṃ nirvartyetyāha | yathā vā -
               mahāpadyavanāntasthe     kāraṇānandavigrahe | 
               mamāṅkopāśrayāṃ devīmicchākāmaphalapradām | 
               bhavatīṃ   tvanmayaireva  naivedyādibhirarcayet || 
     ityāditaḥ uktvā'nte naivedyadravyaṃ spaṣṭamācaṣṭe | yathā vā --
               arcanāpiśitairgandhairdhūpairārādhya     devatām | 
               cakrapūjāṃ vidhāyetthaṃ kuladīpaṃ  nivedayet || 
               kaulikācāra saṃyuktairvīraistu saha pūjayet || 
     anya rahasyāgame parameśvaraḥ prathamādipadārthapañcakasya devatāyāgamāha -mādipañcakamīśāni
devatāprītikārakam | iti | 
     nanu śiva eva svatantrapravartakaḥ iti | taduktaṃ mahāmāyāśāmbarādya-nekatantrānuṣṭhāna
prasaṅgaḥ prāpnotīti cettaduktvā viśeṣāditi cenna | tenaivatattadadhi-kāribhedena anuṣṭheyānīmāni
tantrāṇi | iha tu śāmbhava darśanaṃ mumukṣūṇāmevopāsyamiti prapañcitvāt | yathā --
               mohaśāstrāṇi sarvāṇi mayaiva kathitāni vai | 
               muktayantaraṃ tu gatvaiva mohanāya durātmanām || 
     ityuktvā --
               mathitvā  jñānamanthena   vedāgamamahārṇavam | 
               sārajñena  mayā  devi  kuladharmassamuddhṛtaḥ || 
               merusaṃrṣapayoryatdvatsūryakhadyotayoriva      | 
               tathānyasamayasyāmba kulasya mahadanantaram || 
     ityādi kuladarśanasvarūpamabhidhāya tatraniṣṭhasyaiva mokṣo nānyasamayaniṣṭhasya ityāha
--
etajjñātvā varārohe sadyaḥ khecaratāṃ vrajet | 
     uditaḥ puṇyānandāditi kāmakalāṅganāvilāso'yam | 
     paraśivabhujaṅga  bhāvākarṣaṇaharṣāya  kalpate nityam || 54 || 
     cintāntaraṅga gataralastṛṣṇāsalilaḥ prapañcavārāśiḥ | 
     yadanugraheṇa  tīrṇastasmai  śrīnāthanāvikāya   namaḥ || 55 || 
" cidvallī "
     udita iti -puṇyānandāt puṇyānandākhyāt svasmāduditaḥ utpannaḥ | ayaṃ kāmakalāṅganāvilāsaḥ|
kāmeśvarāvinābhūtā vimarśaśaktiḥ | kāmakalā saivāṅganā sundarī tasyā vilāsaścakrāvaraṇa devatādirūpaḥ
| sa eva vilāsaḥ dayitekṣaṇe sati tatkālo citta vikāraḥ | paraśivaḥ prakāśaikasvabhāvabhujaṅgaḥ
rasikaḥ viṭaḥ tasya māvo haṣītasañjātotkarṣaḥ | udvilāsa iti yāvat | evaṃbhūtāya harṣāyānandāya
kalpate  samartho bhavati | bhāvākarṣaṇaharṣāyeti pāṭhāntare -tasmāttasyāvalokanena bhāvasyākarṣaṇamudayaḥ
| tena yo haṣītaḥ harṣaḥ | vilāsekṣaṇena samutpannāntaro vikāraviśeṣo bhāvaḥ |  
tenopājīto vilāso bhāvajanadvārā harṣaheturbhavatītyarthaḥ | loke'pi pirayatamavilāsa-darśane rasikanāyakasya 
śrṛṅgārabhāvodayapūrvako harṣa utpadyate | tadvatparaśivasyātma-śaktīkṣaṇābhi mukhyasya cicchakti bhūtakāmakalāvilāsaḥ | 
padavikṣepādirūpaniravadhi kānandaprado bhavati | āryārūpeṇa svamukhāravindanissṛto grantharūpaḥ kāmakalāvilāsaḥ 
paraśivaprīti saṅgakalpata iti | kāmakalāvilāsānubhavataḥ puṇyānandamahātmā evaṃ vadati ca pratīyate | 
itiśabda parisamāptidyotaka ityavagantavyam | adhigatamadhyayanamananubhāvita cārthataḥ kharasya 
candanabhāravatkevalaṃ pariśramakaraṃ bhavatīti niruktakārā divacanenārthajñānahīnasyādhyayanasya niṣphalatvaśravaṇāt |
     jñātavyaḥ sarvavedārtho vedānāṃ karmasiddhaye | 
     pāṭhamātramadhītā ca paṅke gauriva sīdati || 
     vedasyādhyayanaṃ sarvaṃ dharmaśāstrasya caiva hi | 
     ajānato'rthaṃ tatsarvaṃ tuṣāṇāṃ khaṇḍanaṃ yathā || 
     ityādi śrutisiddhakāmakalāsvarūpaṃ paripūrṇaṃ prapañcitamiti śivam || iti śrīnaṭanānandakṛtaṃ
kāmakalācidvallīvyākhyānaṃ sampūrṇam || 
|| śrīgurucaraṇāravindārpaṇamastu || 
|| śrī mahātripurasundaryarpaṇamastu || 
|| śubhastu ||###########   END OF FILE  #######