####################################################
MUKTABODHA INDOLOGICAL RESEARCH INSTITUTE
Use of this material (e-texts) is covered by Creative Commons license BY-NC 4.0
Catalog number: M00029
Uniform title: kramadīpikā
Secondary title: tantrasārādivividhatantrasaṃgraha
Author : śrīrasikamohana caṭṭopādhyāya

Description: 
Originally published in Bengali script


Notes: 
Data-entered by the staff of Muktabodha under the supervision of Mark S.G. Dyczkowski.  Revision 0:

Publisher : kalikātā
Publication year : Pre-1900
Publication city : 
Publication country : India
####################################################

********************************************************************************************
*
* kramadīpikā
*
* Published in Bengali characters by śrīrasikamohana caṭṭopādhyāya
*     in the tantrasārādivividhatantrasaṃgraha
*
* revision 0     ṣept. 19, 2007
*
*
*
*
*
*  ḥarvard-Kyoto  transliteration
*
*********************************************************************************************


kalāntamāyālavakāntamūrttiḥ kvaṇatkvaṇadvāṇīninādaramyaḥ (-vaṇu-) |
śrito hṛdi vyākulayaṃstrilokīṃ śriye'stu gopījanavallabho vaḥ ||

gurucaraṇasaroruhadvayo ṇyā?n mahitarajaḥ kaṇakān mūddhnā |
gaditamiha vivicya nāradādyairyajanavidhṃ kathayāmi śārṅgapāṇeḥ ||

kṣitisuranṛpaviṭturīyajānāṃ munivanavāsigṛhasthavarṇānāñca |
japahūtayajanādibhirmanūnāṃ phalati hi kaścana kasyacit kathañcit ||

sarveṣu varṇeṣu tathāśrameṣu nārīṣu nānāhvayajanmabheṣu | 
dātā phalānāmabhivāñchitānāṃ drāgeva gopālakamantra-eṣaḥ ||

nyūnamacyutakaṭākṣapātane karaṇaṃ bhavati bhaktijañjasā |
taccatuṣṭayaphalāptaye tato bhaktimānadhikṛtau harau gurau ||

snātonirmalasūkṣmaśuddhavasanodhautāṅghripāṇyānanaḥ svacāntaḥ 
supavitramudritakaraḥ śvetorddhvapuṇḍrojjvalaḥ | prācīdigvadano nivadhya 
sudṛḍhaṃ padmāsanaṃ svastikaṃ svāsīnaḥ svagurun gaṇādhipamatho vandet 
vaddhvāñjaliḥ || 

tato'stra mantreṇa viśodhya pāṇī tritāladigvandhahūtāśaśālān |
vidhāya bhūtātmakametadaṅgaṃ viśodhayecchuddhamatiḥ krameṇa ||

oḍā?vaktye dhūmraṃ satatagativījaṃ salavakaṃ smaret pūrvaṃ mantrī 
sakalabhūvanocchoṣaṇakaram | svakaṃ dehastena pratatavapūṣāpūrya sakalaṃ 
viśoṣya vyāmuñcet pavanamatha mārgeṇa khamaṇeḥ ||

tenaiva mārgeṇa vilīnamārutaṃ vījaṃ vicintyāruṇamāśuśukṣaṇeḥ |
āpūrya dehaṃ paridahya vāmato muñcet samīraṃ saha bhasmanā vahiḥ ||

ṭaparamatīvaśubhramamṛtāṃ śupathena vidhuṃ nayatu lalāṭacandramamutaḥ 
sakalārṇamayīm | 
laparajapānnipātya racayecca tayā sakalaṃ vapuramṛtaughavṛṣṭimatha 
vaktrakarādyamidam ||

śirovadanavṛttadṛkśravaṇaghoṇagaṇḍoṣṭhadantadvayeṣu saśiromukheṣu ca iti 
kramādvinyaset |
halaśca karapādasandhiṣu tadagrakeṣvādarāt sapārśvayugapṛṣṭhanābhyu-
darakeṣu ṣādyānatha |
hṛdayakakṣakakutkaramūladoḥpadayugodaravaktragatān vudhaḥ | 
hṛdayapūrvamanena pathāndhahaṃ nyasatu  

(p. 2) 

śuddhakalevarasiddhaye |
ityāvacarya vapurarṇaśatārddhakena sārddhakṣapeśasavisargakaśobhayaistaiḥ |
vinyasya keśavapuraḥ saramūrttiyuktaiḥ kīrttyādiśaktisahitairnyasatu krameṇa |


atha kathayāmyarṇānāṃ mūrttīḥ śaktīḥ samastabhuvanamayīḥ |
keśavakīrttī nārāyaṇakāntī mādhavastathā tuṣṭiḥ ||

govindaḥ puṣṭiyuto viṣṇudhṛtī sūdanaśca madhavādyaḥ śāntiḥ |
trivikramaśca kriyā punarvāmano dayāyuktaḥ ||

śrīdharayutā ca medhā hṛṣīkanāthaśca harṣayā yuktaḥ |
amvujanābhaśraddhe dāmodarasaṃyutā punarlajjā ||

lakṣmīḥ savāsudevā saṅkarṣaṇaḥ sarasvatīyuktaḥ |
pradyumnaḥ śrītisameto'niruddhakoratirimāḥ svaropetāḥ ||

cakrijaye gadidurge śārṅgī prabhayānvitastathā khaḍgī |
satyā śaṅkhī caṇḍā halivāṇyau mūṣaliyugvilāsinikā ||

śūlī vijayā pāśī virajā viśvānvito'ṅkuśī bhūyaḥ |
vinadā mukundayuktā nandajasunade smṛtiśca nandiyutā ||

nara-ṛddhī narakajitā samṛddhiratha śuddhiyugghariḥ |
kṛṣṇovuddhiyutaḥ satyayutā śaktirmatiyuk sātvataḥ śauriḥ |
kṣamayā śūro ramayā janārdanomā ca bhūdharaḥ kledī |
viśvādimūrttiyutā klinnā vaikuṇṭhayuk tathā vasudhā |
puruṣottamaśca vasudā valinā ca parā valānujopetā |
bhūyaḥ parāyaṇākhyā vālaḥ sūkṣmā vṛṣaghnasandhe ca |

savṛṣā prajñ ā haṃsaḥ prabhā varāhoniśā ca vimalo'moghā ca | 
narasiṃhavidyute ca praṇigaditāmūrttayohalānāṃ śaktiyutāḥ ||

varṇānuktvā sārddhacandrān purastānmūrttīḥ śaktirṅe?vasānānatiñca |
uktvā nyaset yādibhiḥ saptadhātūn prāṇaṃ śaktiṃ krodhamapyātmanestān ||

udyatpradyotanaśatarūciṃ taptahemāvadātaṃ pārśvadvandve jaladhisutayā 
viśvadhātryā ca juṣṭam |
nānāratnollsitavividhākalpamāpītavastraṃ viṣṇuṃ vande 
darakamalakaumodakīcakrapāṇim ||

dhyātvaivaṃ paramapumāṃsamakṣarairyovinyaseddinamanukeśavādi-
kīrttiyuktaiḥ |
medhāyuḥsmṛtidhṛtikāntikīrttilakṣmīsaubhāgyaiściramupavṛṃhito bhavet saḥ ||

ayameva ramāpuraḥsaraṃ prabhajedyo manujo vidhiṃ vudhaḥ |
samupetya ramāṃ prathiyasīṃ punarante haritāṃ vrajatyasau ||

ityacyutīkṛtatanurvidadhīta tattvanyāsaṃ mapūrvakaparākṣaranatyupetam |
bhūyaḥ parāya ca tadāhvayamātmane ca natyantamuddharatu tattvamanūn 
krameṇa ||

sakalavapuṣi jīvaṃ prāṇamāyojya madhye nyasatu matimahaṅkārasmanaśceti 
yantrī | 
kamukhahṛdayaguhyāṅghriṣvatho śabdapūrvaṃ guṇagaṇamatha karṇādisthitaṃ 
śrotrapūrvam || 

vāgādīndriyavargamātmani layeṣvākāśapūrvaṃ gaṇaṃ mūrddhnāsye 
hṛdaye śire caraṇayorhṛtpuṇḍarīkaṃ hṛdi | 
vimvāni dviṣaḍaṣṭayugdaśakalāvyāptāni sūryoḍa rāḍvahṇīnāñca yatastu 
bhūtavasumunyakṣyakṣarairmantravit ||

atha parameṣṭhipumāṃsau viśvanivṛttī ca sarvva ityupaniṣadaḥ |
nyasyedākāśādisthānasthānayoryaralavalārṇaiḥ salavakaiḥ ||

vāsudevaḥ saṅkarṣaṇaḥ pradyumnaścāniruddhakaḥ |
nārāyaṇaśca kramaśaḥ parameṣṭhyādibhirmatāḥ ||

tataḥ kopatattvaṃ kṣarauvinduyuktaṃ nṛsiṃhaṃ nyaset sarvagātreṣu tajjñ aḥ |
krameṇeti tattvātmako nyāsa-uktaḥ susānnidhyakṛdviśvamūrttyādiṣu syāt ||

iti kṛte'dhikṛto bhavati dhruvaṃ sakalavaiṣṇavamatrajapādiṣu |
pavanasaṃyamanastvamunā cared yamiha japtumasau manumicchati ||

athavākhileṣu harimantrajapavidhiṣu mūlamantrataḥ |
saṃyamanamamaladhvīrmarutovidhinābhyasaṃścaratu tattvasaṃkhyayā |
purato japasya parato'pi vihitamatha tatrikaṃ vudhaiḥ ||

ṣoḍaśa ya iha careddinaśaḥ paripūyate sa khalu māsatohaṃghasaḥ |
athavāṅgajanmamanunā susaṃyamanaṃ sakaleṣu kṛṣṇamanujāpakarmasu ||

sahitaikasaptakṛtivāramabhyasaṃstanuyāt samastaduritāpahāriṇā ||

aṣṭāviṃśatisaṃkhyamiṣṭakaladaṃ mantraṃ daśārṇaṃ japannayacchet (?) 
pavanaṃ suśaṃsitamatistvaṣṭādasārṇena cet |
abhyasyanravivāramanyamanubhirvarṇānurūpaṃ japan kuryādrecakapūrakaṃ 
sunipuṇaḥ prāṇaprayogaṃ naraḥ ||

recarenmārutaṃ dakṣayā dakṣiṇaḥ pūrayedvāmayā madhyanāḍyā punaḥ |
dhārayedīritaṃ recakāditrayaṃ syāt kalādaṇḍavidyākhyamātrātmakam ||

prāṇāyāmaṃ vidhāyetyatha nijavapuṣā kalpayedyogapīṭhaṃ nyasyed-
ādhāraśaktiprakṛtikarmaṭhaśeṣakṣmākṣīrasindhūn | 
śvetadvīpañca ratnojjvalamahitamahāmaṇḍapaṃ kalpavṛkṣaṃ 
hṛddeśe'ṃśadvayorudvayavadanakaṭopārśvayugmeṣu bhūyaḥ ||

dharmādyādharmādi ca pādagātracatuṣṭayaṃ hṛdyatha śeṣamanjam |
sūryenduvahṇīn praṇavāṃśayuktān svādyakṣaraiḥ satvarajastamāṃsi || 

ātmāditrayamādavījasahitaṃ vyomāgnimāyālavairjñānātmānamathāṣṭa-
dikṣu paritomadhye ca śaktirnava | 
nyastvā pīṭhamanuñca tatra vidhivat tatkarṇikāmadhyagaṃ 
nityānandacitiprakāśamamṛtaṃ sañcintayeddhāma tat || 

vimalotkarṣiṇī jñānā kriyāyogā ca śaktayaḥ | 
prahvī satyā tatheśānānugrahā navamī smṛtā || 

tāraṃ hṛdayaṃ bhagavān viṣṇuṃ sarvānvitaśca bhūtātmā | 
ṅentāśca vāsudevāḥ sarvātmayutaśca saṃyogaḥ || 

yogāvadhau ca padmapīṭhātmā ṅeyuto nātiścānte | 
pīṭhamatāmanuruktaḥ paryāpto'yaṃ saparyāsu || 

karayoryugalaṃ vidhāya mantrātmakamābhyāmabhidhāsya mānamārgāt | 
sakalaṃ vidadhīta mantravarṇaiḥ paramaṃ jyoti ranuttamaṃ harestat || 

iti kramadīpikāyāṃ prathamaḥ paṭalaḥ ||


vakṣye manuṃ tribhuvana prathitānubhāvamakṣīṇapuṇyanicayair-
munibhirvimṛgyam | 

(p. 3)

pakṣīndraketuviṣayaṃ vasudharmakāmamokṣapradaṃ sakalakārmaṇa-
karmadakṣam || 

atiguhyamavodhatūlarāśijvalanaṃ vāgadhipatvadaṃ nārāṇām | 
duritāpaharaṃ viṣāpamṛtyugraharogārtinivāraṇaikahetum || 

jayadaṃ pradhane'bhayadaṃ vipine salilaplavane sukhatāraṇadam | 
narasaptirathadvipavṛddhikaraṃ sutagodharaṇīdhanadhānyakaram ||

valavīryaśauryanicayapratibhāsurakāntisubhagatvakaram | 
kṣubhitāṇḍakakoṭimaṇimādiguṇāṣṭakadaṃ kimatra vahūnākhiladam || 

śārṅgī sottaradantaḥ śūro vāmākṣiyuk dvitīyārṇaḥ | 
śūlī śaurirvālo valānujadvayamathākṣaracatuṣṭayam || 

śūraturīyaḥ sānanavṛttaḥ syāt saptamo'ṣṭamo'gnisakhaḥ | 
taddayitākṣarayugmaṃ taduparigantvevamuddharenmantram ||

prakāśito daśākṣaro manustvayaṃ madhudviṣaḥ | 
viśeṣataḥ padāravindayugmabhaktivarddhanaḥ || 

nārado muniramuṣya kīrttitaśchanda-ukta(?) mṛṣibhirvirāḍapi | 
devatā sakalalokamaṅgalo nandagopatanayaḥ samīritaḥ || 

aṅgāni pañca hūtabhugdayitāsametaiścakrai ramuṣya mukhavṛttavisūpapannaiḥ 
| 
trailokyarakṣaṇayujāpyasurāntakākhyapūrveṇa cet kathitāni vibhaktiyuktaiḥ || 

hṛdaye natiḥ śirasi pāvakapriyā savaṣaṭśikhā hūmiti carmaṇi smṛtam | 
saphaḍastramityuditamaṅgapañcakaṃ sacaturthivauṣaḍuditaṃ dṛśau yadi || 

mantrārṇairdasabhi rupetacandrakhaṇḍai raṅgānāṃ daśaka mudīritaṃ 
namo'ntam | 
hṛcchīrṣaṃ tadanu śikhā tanutramastraṃ pārśvadvandvaṃ 
sakaṭipṛṣṭhamūrddhvayuktam || 

vakṣye mantrasyāsya vījaṃ saśakticakrī śakrī vāmanetrapradīptaḥ | 
sapradyumno vījametat pradiṣṭaṃ mantraḥ prādyumno jaganmohano'yam || 

haṃso medovakravṛttābhyupetaḥ potrī netrādyanvito'sau yugārṇā |
proktā śaktiḥ sarvagīrvāṇavṛndairvandyasyāgnervallabhā kāmadeyam ||

viniyogo'sya mantrasya puruṣārthacatuṣṭaye | 
kṛṣṇaḥ prakṛtirityukto durgādhiṣṭhātṛdevatā || 

gopāyati sakalamidaṃ gopāyati paramapumāṃsamiti gopīprakṛti stasyāṃ jātaṃ 
jana-iti mahadādikaṃ pṛthivyantam | 
anayorgopījanayoḥ samīraṇādāśrayatvato vyāptā vallabha ityupadiṣṭaṃ 
sāndrānandanirañjanam jyotiḥ || 

svāheti svātmānaṃ gamayāmīti sutejase tasmai yaḥ kāryakāraṇeśaḥ 
paramātmetyacyutaikatāsya bhavet || 
athavā gopījana iti samastajagadavanaśaktisamudāyaḥ || 
tasya svānanyasya svāmī vallabha itīha nirddiṣṭaḥ || 

athavā vrajayuvatīnāṃ dayitāya juhomimāṃ madīyamapi |
ityarpayet samastaṃ vrahmaṇi saguṇe samastasampatyai || 1 || 

kṛṣaśabdaḥ sattārthoṇaścānandātmakastataḥ kṛṣṇaḥ | 
bhaktāghakarṣaṇādapi tadvarṇatvācca mantramayavapuṣaḥ | 
gauḥ śabdavācakatvājjñānaṃ tenopalabhyata iti govindaḥ || 

vettīti śabdarāśiṃ govindogovicāraṇādapi noktaḥ || 
ete'bhimukhye'nukramata stūryavibhaktyā mantrāt pūrvaṃ manmathavījādatha 
paścāt || 
syātāñcedaṣṭādaśavarṇo manuvaryo guhyādguhyo vāñchitacintāmaṇireṣaḥ 
|| 

pūrvapradiṣṭe munidevatesya chandastu gāyatryamuśanti santaḥ | 
aṅgāni mantrārṇacatuścatuṣkai rvarmāvasānāni yugārṇamastram || 

vījaṃ śaktiḥ prakṛtirviniyogaścāpi pūrvavadamuṣya |
pūrvatarasya manoratha kathayāmi nyāsa makhilasiddhikaram || 

vyāpavyātho hastayormastramantarvāhye pārśve tāraruddhaṃ vudhena | 
nyāso varṇaistārayugmāntarasthai rvindūttaṃsairhārdakṛtyai rvidheyaḥ || 

śākhāsu trīṇi parvāṇyadhidaśasu pṛthagdakṣiṇāṅguṣṭhapūrvaṃ 
vāmāṅguṣṭhāvasānaṃ nyasatu viśadadhīḥ sṛṣṭiruktā karasthā | 
aṅguṣṭhadvandvapūrvā sthitirubhayakare sa hṛti rvāmapūrvā 
dakṣāṅguṣṭhāntikaitatrayamapi sṛjati sthityupetañca kāryam || 

tataḥ sthitikramādvudho(?) daśāṅgakāni vinyaset |
tadaṅgapañcakaṃ tathā vidhiḥ samīritaḥ kare || 

pūṭitairmanunātha mātṛkārṇairabhivinyasya savindubhiḥ purovat || 

anusaṃhṛtisṛṣṭimārgabhedāddaśatattvāni ca mantravarṇabhājñi || 

saṃhṛtā vanugato manuvaryaḥ sṛṣṭivartmani bhavet pratighātaḥ | 
uddhṛtiḥ khalu puroktavadeṣāṃ nyāsakarma kathayāmyadhunāham || 

mahīsalilapāvakānilavi?yanti garvomahān punaḥ prakṛti puruṣau para-imāni 
tattvānyatha | 
padāndhuhṛdayāsyakānyadhitu pañca madhye dvayaṃ sakalagaṇḍatonyasatu 
tadviparyāsataḥ || 

guptatamo'yaṃ nyāsaḥ saṃproktastattvadaśakaparikṛt?ptaḥ |
kāryo'nyeṣvapi sadbhirgopālakamanuṣu vāṭiti phalasiddhyai || 

ākeśādāpādāddorbhyāṃ dhruvapuṭitamanuvaraṃ nyasedvapuṣi triśaḥ | 
murddhanyakṣnoḥ śrutyorghrāṇamukhahṛdayajaṭharaśivajānupa *? su 
tathākṣarāṇi nyaset || 

uktā sṛṣṭiḥ śiṣṭaiḥ sthitirapi munibhirabhihitā hṛdādimukhāntikā | 
saṃhāro'ṅghryādimūrddhānta stritayamidamiti viracarecca sṛṣṭimanusthitam | 


nyāsaḥ saṃhārānto maskarivaikhānaseṣu vihito'yam | 
sthityantogṛhamedhiṣu sṛṣṭyanto varṇināmiti prāhūḥ ||


vairāgyayuji gṛhasthe saṃhāraṃ kecidāhurācāryāḥ | 
sahajānau vanavāsini sthitiñca vidyārthināṃ sṛṣṭim | 
śirasi vihitā madhyā saivākṣni tarjanikānvitā | 
śravasi rahitāṅguṣṭhā jyeṣṭhānvitopakaniṣṭhikā | 
nasi ca vadane sarvāḥ sajyāyasī hṛdi tarjjanī | 
prathamajayutā madhyā nābhau śravasi vihitāḥ śive || 

tā evāṅgulayorjānvoḥ sāṅguṣṭhāstu padadvaye | 
sthānārṇayo rvviniyamo nāṅgulisthānayorbhavet || 

vacanyaparaṃ nyāsavaraṃ bhṛtyabhidhaṃ bhūtikaraṃ | 
mantraḥ daśāvṛttimayaṃ guptatamaṃ mantrivaraiḥ || 

ādhāradhavajanābhihṛdgalamukhāṃ -

(p. 4) 

sorudvaye kandharānābhyoḥ kukṣihṛdorurojayugale pārśvāparaśroṇiṣu | 
kasyākṣiśrutinaḥ kapolakarapatsandhyagraśākhāsu ke tatprācyādidiśāsu 
mūrddhni sakale doṣṇośca sakthnostathā?? ||

śiro'kṣyāsyakaṇṭhākhāhṛttūndakandhāndhujānuprāpat sviṇya?marṇān 
manūṇyān |
nyasecchrotragaṇḍāṃ śavakṣyejapārśvasphigūrusthalaṃ 
jānujaṅghāṅghriyukṣu ||

iti kathitaṃ vibhūtipañjaraṃ sakalasukhārthadharmamokṣadam | 
navataruṇīmanau'ñjanaṃ haricaraṇāmvujabhaktivarddhanam | 


sphurttaye'thāsya mantrasya kīrttyate murttipañjaram |
ārttigrahaviṣārighnaṃ kīrttiśrīkāntipūṣṭidam || 

keśavādiyugaṣaṭkamūrttibhi rdhātṛpūrvamihirānnamo'ntikān | 
dvādaśākṣarabhavākṣaraiḥ svaraiḥ klīvavarṇarahitaiḥ kramānnyaset || 

bhālodarahṛdgalakūpatale vāmetarapārśvabhujāntagale |
vāmatrayapṛṣṭhakakutsu tathā mūrddhanyatha ṣaḍyugavarṇamanum || 

caitanyāmṛtavapurarkakoṭitejā mūrddhasthovapurakhilaṃ savāsudevaḥ | 
udhasyṃ suvimalapāthasīva siktaṃ vyāpnoti prakaṭitamantravarṇakīrṇam || 

sṛṣṭisthitī daśapañcāṅgayugmaṃ munyādikaṃ tritayaṃ kāsyahṛtsu vinyasyatu
grathayitvā ca mudrām || 
bhūyodiśāṃ daśakaṃ vandhanīyam || 

tāraṃ hārdaṃ viśvamūrttīśca śārṅgī māṃsārṇānte vāyamadhye 
sudevāḥ | 
ṣaḍdvandvārṇo mantravaryaḥ sa uktaḥ sākṣāddvāraṃ mokṣapūryāḥ 
sugamyam || 

dhātraryamamitrākhyā varuṇāṃ śubhagāvivasvadindrayutāḥ | 
pūṣāhvayaparyanyau tvaṣṭā viṣṇuśca bhānavaḥ proktāḥ ||


	 atha yugalarandhrārṇasyāhaṃ manornyasanaṃ dhruve racayatu karadvandve 
pañcāṅga maṅgulipañcake | tanumanumanuṃ vyāpayyātha triśaḥ praṇavaṃ 
sakṛt manujalipayo nyasyā bhūyaḥ padāni sādaram || 

kacabhuri lalāṭabhruyugmāntaḥ śravaṇākṣiyugalavadanagrīvāhṛnnābhikaṭyu-
bhayāndhuṣu | 
nyastu sitadhīrjānvaṅghro rakṣarāṇi śirasi dhruvaṃ 
nayanahṛdguhyāṅghrigharpayet padapañcakam || 

pañcāṅgāni nyasedbhūyomunyādīnapyanyat sarvam | 
tulyaṃ pūrveṇātho vakṣye mudrāvadhyā manvoryāḥ syuḥ || 

anaṅguṣṭhā ṛjavo hastaśākhā bhavenmudrā hḍaye śīrṣake ca | 
adho'ṅguṣṭhā khalu muṣṭiḥ śikhāyāṃ karadvandvāṅgulayovarmaṇi syuḥ || 

nārācamuṣṭyudgatavāhūyugmakāṅguṣṭhatarjjanyudito dhvanistu |
viśvagviṣaktaḥ kathitāstramudrā yatrākṣiṇī tarjjanī madhyame'tra ||

tuṣṭhe vāmakarāṅguṣṭhā lagnastasya kaniṣṭhikā | 
dakṣiṇāṅguṣṭhasaṃyuktā tatkaniṣṭhā prasāditā || 

tarjjanīmadhyamānāmāḥ kiñcit saṃkucya cālitāḥ | 
veṇumudreha kathitā suguptā preyasī hareḥ || 

nocyante'tra prasiddhatvānmālā śrīvatsakaustubhāḥ | 
ucyatehacyutamudrāṇāṃ bhadrā vilvaphalākṛtiḥ || 

aṅguṣṭhaṃ vāmamuddaṇḍi tamitarakarāṅguṣṭhakenātha


vaddhvā tasyāgraṃ pīḍayitvāṅgulibhirapi ca tā vāmahastāṅgulībhiḥ |

vaddhvā gāḍhaṃ hṛdi sthāpayatu vimaladhīrvyāharanmāravījaṃ vilvākhyā 
mudrikaiṣā sphuṭamiha kathitā gopanīyā vidhijñaiḥ || 

manovāṇī dehairyadiha ca purā vāpi vihitaṃ tvamatyāmatyā vā tamakhila masau 
duṣkṛtacaram | 
imāṃ mudrām jānan kṣapayati narastaṃ suragaṇā namantyasyādhīnā
bhavati satataṃ sarvajanatā || 

praṇavahṛdāvasāne sacaturthi sudarśanaṃ tathāstraṃ padam | 
uktvā phaḍantamanunā kalayenmanunāstramudrayā daśaharitaḥ || 

iti vidhāya samastajagajjanisthitivināśavidhānaviśāradam | 
śrutivimṛgya majaṃ manuvigrahaṃ smaratu gopavadhūjanavallabham ||

iti kramadīpikāyāṃ dvitīyaḥ paṭalaḥ |



atha prakaṭasaurabhodgalitamādhvikotphullasat 
prasūnanavapallavaprakaranamrapā?khairdrumaiḥ | 
praphullanavamañjarīlalitavallarīveṣṭitaiḥ smarecchiśiritaṃ śivaṃ sitamatistu 
vṛndāvanam || 

vikāśisumanorasāsvadanamañjulaiḥ sañcaracchilīmukhamukhodgatai 
rmukharitāntaraṃ jhaṅkṛtaiḥ | 
kapotaśukaśārikāparabhṛtādibhiḥ patribhirvvirāvitamitastatobhūjaga-
śakranṛtyākulam || 

kalindaduhituścalallaharivipruṣāṃ vāhibhirvinidrasarasīruhodararajaścayod-
dhūsaraiḥ | 
pradīpītamanobhavavrajavilāsinīvāsasāṃ vilolanaparai rniṣevitamanārataṃ 
mārutaiḥ || 

pravālanavapallavaṃ marakatacchadaṃ vajramauktikaprakarakorakaṃ 
kamalarāganānāphalam | 
sthaviṣṭhamakhilarttubhiḥ satatasevitaṃ kāmadaṃ tadantarapi kalpakāṅghri 
pamudañcitañcintayet || 

suhemaśikharāvaleruditabhānubhāsvarāmadho'sya kanakasthalīm-
amṛtaśīkarāśrāviṇaḥ | 
pradīptamaṇikuṭṭimāṃ kusumareṇupuñjojjvalāṃ smaret punaratandrito 
vigataṣaṭtaraṅgāṃ vudhaḥ || 

tadratnakuṭṭimaniviṣṭamahiṣṭhayogapīṭhe'ṣṭapatramaruṇaṃ kamalaṃ vicintya |
udyadvirocanasarociramuṣya madhye saṃcintayet sukhaniviṣṭamatho 
mukundam || 

sūtrāmaratnadalitāñjanameghapuñjapratyagranīlajalajannasamānabhāsam |
susnigdhanīlaghanakuñcitakeśajālaṃ rājanmanojñaśitikaṇṭha-
śikhaṇḍacūḍam ||

rolamvalālitasuradrumasūnakalpitontaṃ sa-mu?tkacanavotpalakarṇapūram | 
lolālakasphuritabhālatalapradīptagorocanātilakamujjvalacinnimānam || 

āpūrṇaśāradagatāṅkaśaśāṅkavimvakāntānanam kamalapatraviśālanetram 
| 
ratnasphuranmakarakuṇḍalaraśmidīptagaṇḍasthalīsundaramunnatacārunāsam || 

sindūrasundaratarādharamindukundamandāramandahasitadyutidīpitāśam | 
vanyapravālakusumapracayāvakṛ*?ptagraiveyakojjvalamanoharakamvūkaṇṭham | 

mattabhramadbhramarajuṣṭavilamvamānasantānakaprasaradāmapariṣkṛtāṃsam | 
hārāvalībhagaṇarājitapīvarorovyomasthalīlasitakaustubhabhānumantram |

(p. 5) 

śrīvatsalakṣaṇasūlakṣitamunnatāṃsamājānupīnaparivṛttasujātavāhūm || 

āvandhurodaramudāragabhīranābhiṃ bhṛṅgāṅganānikaramañjularomarājim | 
nānāmaṇipraghaṭitāṅgadakaṅkanormmigraiveyasārasananūpuratundavandham || 

divyāṅgarāgaparipiñjaritāṅgaṣaṣṭimāpītavastraparivītanitamvavimvam | 
cārūrujānumanuvṛttamanojñajaṅghaṃ kāntonnataprapadaninditakūrmakāntim 
||

māṇikyadarpaṇalasannakharājirājadratnāṅgulicchadanasundarapādapadmam | 
matsyāṅkuśāvidaraketujavāvjavajrasaṃlakṣitāruṇatarāṅghritalābhirāmam || 

lāvaṇyasārasamudāyavinirmitāṅgasaundaryaninditamanobhavadehakāntim | 
āsyāravinda-paripūrita-veṇurandhra-lolatkarāṅguli-samīrita-divyarāgaiḥ ||

śaśvaddravīkṛta-vikṛṣṭasamastajantu-santānasantati-manantamukhāmvurāśim |

gobhi-rmukhāmvujavilīna-vilocanābhi rūdhobharaskhalitamantharamandagābhiḥ | 
dantāgradaṣṭapariśiṣṭa-tṛpāṅkurābhi rālamvivāladhilatābhirathābhivītam || 

saprasravastanavicūṣaṇapūrṇaniścalāsyāvagāḍhakṣaritapheniladugdha-
mugdhaiḥ | 
veṇupravartitamanoharamandagītidattoccakarṇayugalairapi tārṇakaiśca || 

pratyagra-
śṛṅgamṛdumasttakasaṃprahārasaṃrambhavalganavilolakhurāgrapātaiḥ | 
āmedurairvahalasāsnagalairudagrapucchaiśca vatsataravatsatarīnikāyaiḥ || 

hasvāravakṣubhitadigvalayairmahadbhirapyukṣabhiḥ 
pṛthukakudbharabhārakhinnaiḥ | 
uttambhitaśratipuṭiparipītavaṃśadhvānāmṛtoddhṛtavikāśiviśālaghoṇaiḥ || 

gopaiḥ samānapta?ṇaśīlavayovilāsaveśaiśca mūrcchitakalasvanaveṇuvīṇaiḥ | 
mandoccatālapaṭugānaparairviloladorvallarilasitalāsyavidhānadakṣaiḥ ||

jaṅghyāntapīvarakaṭīrataṭinivaddhavyālolakiṅkiṇīghaṭāraṇitairaṭadbhiḥ | 
mugdhaistarakṣunakhakalpitakaṇṭhabhūṣairavyaktamañjuvacanaiḥ pṛthukaiḥ 
parītam || 

atha sulalitagopasundarīṇāṃ pṛthunivivīṣanitamvabhāramantharāṇām | 
gurukucabharabhaṅguravilagnatrivalivijṛmbhitaromarājibhājām | 

tadatiruciracāruveṇuvādyāmṛtarasapallavitāṅgajāṅghripasya | 
mukulavisararamyaruḍharomodgamasamalaṅkṛtagātravallarīṇām || 

iti tarucirahāsacandrātapaparijambhitarāgavārirāśeḥ | 
taralatarataraṅgabhaṅgavipruṭaprakarasamaśramavindusantatānām || 

tadatiruciramandacillicāpacyutaniśitekṣaṇamāravāṇavṛṣṭyā | 
dalitasakalamarmavihvalāṅgaparisṛtaduḥsahavepathuvyathānām || 
tadatisubhagakamrarupaśobhāmṛtarasapānavidhānalālasānām || 
praṇayasalilapūravāhinīnāmalasavilolavilocanāmvujānām || 

visraṃsatkavarīkalāpavigalatphullaprasūnasravānmādhvīlampaṭacañcarīka-
ghaṭayā saṃsevitānāṃ muhūḥ | 
māronmādamadaskhalanmṛdugirā-mālolakāñcyucchvasannīvīviślatha-
mānacīna-sicayāntāvi-rnitambatviṣām || 

sthālitalalitapādāntojamandābhighātakvaṇitamaṇitulākoṭyākulāśā-
mukhānām | 
caladadharadalānāṃ kuṭnalatpakṣmalākṣidvayasarasiruhānāmul-
lasatkuṇḍalānām || 

drāghiṣṭhaśvasanasamīraṇābhitāpapramlānībhavadaruṇoṣṭhapallavānām || 

nānopāyanavilasatkarāmbujānāmālībhiḥ satataniṣevitaṃ samantāt || 

tāsāmāyatalolanīlanayanavyākoṣanīlotpalasragbhiḥ saṃparipūritākhilatanuṃ 
nānāvilāsāspadam |
tanmugdhānanapaṅkajapravilasanmādhvīramāsvādinīṃ vibhrāṇaṃ 
pralayonmadākṣimadhukṛnmālāṃ manohāriṇīm || 

gopīgopapaśūnāṃ vahiḥ smaredagrato'sya gīrvāṇaghaṭām | 
vittārthinīṃ viriñcitrinayanaśatamanyupūrvikāṃ stotraparām || 

tadvaddakṣiṇato muninikaraṃ vasudharmavāñchayāmnāyaparam | 
yogīndranāthapṛṣṭhe mumukṣyamāṇān samādhisthān sanakādyān || 

savye sakāntānathayakṣasiddhagandharvavidyādharacāraṇāṃśca | 
sakinnarānapsarasaśca mukhyān kāmārthino narttinagītavādyaiḥ || 

śaṅkhendukundadhavalaṃ sakalāgamajñaṃ saudāminītatipiṣaṅgajaṭākalāpam 
| 
tatpādapaṅkajagatā macalāñca bhaktiṃ vāñchantamujjhitatarānyasamasta-
saṅgam || 

nānāvidhaśrutigaguṇānvitasaptarāgagrāmatrayīgatamanoharamūrcchanābhiḥ | 
saṃprīṇayantamuditābhiramuṃ mahatyā saṃcintayennabhasi dhātṛsutaṃ 
munīndram || 

iti dhyātvātmānaṃ paṭuviśadadhīrnandatanayaṃ purovuddhyai 
vārghyaprabhṛtibhiranindyopahṛtibhiḥ | 
yajedbhūyo bhaktyā svavapuṣi vahiṣṭhaiśca vibhavairvidhānantadvrumo 
vayamatulasānnidhyadamatha || 

āvacayya bhuvi gomayāmbhasā sthaṇḍilaṃ nijamamutra viṣṭavam | 
nyasya tatra vihitāspado'mbhasā śaṅkhamastramanunā viśodhayet || 

tatra gandhasumanākṣatānatho nikṣiped-hṛ?dayamantramuccaran | 
pūrayedvimalapāthasā sudhīrakṣaraiḥ pratigataiḥ śiro'ntikaiḥ || 

pīṭhaśaṅkhasalileṣu mantravidvahṇivāsaraniśākṛtāṃ kramāt |
maṇḍalāni viṣakaśravo'kṣarairarcayedvadanapūrvadīpitaiḥ || 

tatra tīrthamanunābhivāhayet tīrthamuṣṇarucimaṇḍalāt punaḥ | 
svīyahṛtkamalatoharintathā gālinīñca śikhayā pradarśayet || 

tajjalaṃ nayanamantravīkṣitaṃ varmaṇā samavaguṭhya doryujā | 
mūlamantrasakalīkṛtaṃ nyasedaṅgakaiśca kalayeddiśo'strataḥ || 

akṣatādiyutamacyutīkṛtaṃ saṃspṛśan japatu mantramaṣṭadhā | 
kiñcana kṣipatu varddhanījale prokṣayennijatanuṃ tatomunā || 

triḥ kareṇa manunākhilaṃ tathā sādhanaṃ kusumacandanādikam |
śaṅkhapūraṇāvadhiḥ samīritogupta eṣa yajanāgraṇīriha || 

gaṅge ca yamune caiva godāvari sarasvati narmade sindhu kāveri jale'smin 
sannidhiṃ kuru || 

eṣa tīrthamanuḥ proktoduritaughanivāraṇaḥ ||

kaniṣṭhāṅguṣṭhakau śaktau karayoritaretaram | 
tarjjanīmadhyamānāmāḥ saṃhatābhugnavarjitāḥ |

(p. 6) 

mudraiṣā gālinī proktā śaṅkhasyopari cāritā || 

atha mūrddhani mūlacakramadhye nijanāthān gaṇanāyakaṃ samarccya |
nyasanakramataśca pīṭhamantrairjalagandhākṣatapūṣpadhūpadīpaiḥ ||

prayajedatha mūlamantratejonijamūle hṛdaye bhuvośca madhye | 
tritayaṃ smarataḥ smarettadekīkṛtamānandaghanaṃ taḍillatābham || 

tattejo'ṅgaiḥ sāvayavīkṛtya vibhūtyāṅgāntam vinyasya yajedāsanapūrvaiḥ | 
bhūṣāntairbhūyojalagandhādibhirarccāṃ kuryādtṛtyādyaṅgavidhināvadhi 
mantrī || 

bhūyo veṇuṃ vadanasthaṃ vakṣyodeśe vanamālām | 
vakṣojorddhaṃ prayajecca śrīvatsakaustubhaṃ ratnam || 

śrīkhaṇḍaniḥsyandavicarcitāṅgomūlena bhālādiṣu citrakārṇi | 
likhyādatho pañjaramūrttimantrairanāmayā dīpaśikhākṛtīni || 

puṣpāñjaliṃ vitanuyādatha pañcakṛttomūlena pādayugale tulasīdvayena | 
madhye hayāriyugalena ca mūrddhni padmadvandvena ṣaḍbhirapi sarvatanau ca 
sarvaiḥ || 

śvetāni dakṣabhāge sitacandanapaṅkilāni kusumāni | 
raktāni vāmabhāge'ruṇacandanapaṅkasiktāni ||

tadvacca dhūpadīpau samarpya dhinuyāt sudhārasaiḥ kṛṣṇam | 
mukhavāsaṃ dattvā samarcayet sugandhipuṣpādyaiḥ || 

tāmbūlagītanṛtyavādyaiḥ santoṣya cullukasalilena | 
vrahmārpaṇākhyamanunā kuryāt svātmārpaṇaṃ mantrī ||

athavā saṃkucitadhiyāmayaṃ vidhirmūrttipañjarāravdhaḥ | 
ṣadyaṣṭādaśalipinā svārṇapadāṅgairveṇupūrvaiḥ proktaḥ || 

suprasannamathanandatanujaṃ bhāvayan japatu mantramananyaḥ | 
sārthasaṃsmṛtiyathāvidhisaṃkhyāpūraṇe sūyamanaṃ vidadhīta || 

praṇavapuṭitaṃ vījaṃ taptvā śataṃ sahitāṣṭakaṃ nijagurumukhādāptān 
yogān yunuktu mahāmatiḥ | 
sadanṛtacidānandātmātho japaṃ samarpayediti japavidhiḥ samyak 
proktomanudvitayāśritaḥ || 

ya imaṃ bhajate vidhinnarobhavitāsau dayitaḥ śarīriṇām | 
api vākkamalaikamandiraṃ paramante samupaiti tanmahaḥ ||

iti śrīkramadīpikāyāṃ tṛtīyaḥ paṭalaḥ ||


kathyate khalu mantracaryāyoḥ sādhanaṃ sakalasiddhisādhanam | 
yadvidhāya munayomahīyasīṃ siddhimīyuriha nāradādayaḥ || 

vipraṃ pradhavastakāmaprabhṛtiripughaṭaṃ nirmalāṅgaṃ gariṣṭhāṃ bhaktiṃ 
kṛṣṇāṅghri paṅkeruhayugalarajorāgiṇīmudvahantam | 
vettāraṃ vedaśāstrāgamavimalapathāṃ sasmataṃ satasu dāntaṃ vidyāṃ yaḥ 
saṃvivitsuḥ pravaṇatanumanā deśikaṃ saṃśrayet || 

santoṣayedakuṭilārdratarāntarātmā taṃ svairdhanaiśca apuṣāpyanukūlavāṇyā 
| 
abdatrayaṃ kamalanābhadhiyātidhīrastuṣṭyai vivakṣatu gurāvatha mantradīkṣām 
|| 

prapañcasāraprathitā tu dīkṣā saṃsmāryate samprati sarvasiddhyai | 
ṛte yayā santatajāpino'pi siddhiṃ na yaddāsyati mantrapūgaḥ || 

atha purovidadhīta bhuvaḥ sthalīmadhi yathāvidhi vāstuvalimvudhaḥ | 
acaladormitamatra tu maṇḍapaṃ masṛṇavedikamāracayettataḥ || 

triguṇatantuyujā kuśamālayā parivṛtaṃ prakṛtidhvajabhūṣitam | 
mukhacatuṣkapayastarutoraṇaṃ sitavitānavirājitamujjvalam ||

vasutriguṇāṅgulipramitakhātatārāyataṃ vasorvasupateratho kakubhidhiṣṭhyam-
asmin vudhaḥ | 
karotu vasumekhalaṃ vasugaṇārddhakoṇaṃ 
pratīcyavasthitagajādharapramitayonisaṃlakṣitam || 

tato maṇḍape gavyagandhāmvusikte likhenmaṇḍalaṃ samyagaṣṭacchdāvjam | 
savṛttatrayaṃ rāśipīṭhāṅghrivīthīcaturddvāraśobhopaśobhāśriyuktam | 

tato deśikaḥ snānapūrvaṃ vidhānaṃ vidhāyātmapūjāvasānaṃ vidhijñaḥ ||

svāvāmāgrataḥ śaṅkhamapyarghyapādyācamanādyāni pātrāṇi 
saṃpūritāni ||

vidhāyānyataḥ puṣpagandhākṣatādyaṃ karakṣālane pṛṣṭhataścāpi pātram ||

pradīpāvalīdīpite sarvamanyat svadṛggocare sādhanañcādadhīta |
vāyavyādīśaparyantamarcyā pīṭhasyodakgauravī paṃktirādau | 
pūjyo'nyatrāpyāmvikeyaḥ karāvjaiḥ pāśaṃ dantaṃ sṛṇyabhītī rdadhānaḥ |
ārādhyādhāraśaktyādyamaracaraṇapāvadhyatho madhyabhāge dharmādīn 
vahnirakṣaḥ pavanaśivagatān dikṣvadharmādikāṃśca | 
madhye śeṣāvjavimvatritayaguṇaguṇātmavrajaṃ keśarāṇāṃ madhye madhye 
ca śaktīrna ca samabhiyajet pīṭhamantreṇa bhūyaḥ || 

tataḥ śālīn madhye kamalamamalāṃ staṇḍulavarānapi nyasyeddarbhāstadūpari 
ca kurcākṣatayutān | 
nyasyet prādakṣiṇyāttadupari kṛśānordaśakalā ṣakārādyarṇādyāyajatu ca 
sugandhādibhirimāḥ | 

nyaset kuntaṃ tatra triguṇitalasattantukalitaṃ japaṃ stāraṃ dhūpaiḥ suparimilitaṃ 
joṅgakamayaiḥ | 
kabhādyaiḥ kunte'smin ṭhaḍavasibhirvarṇayugalaistathā nyasyābhyarccyāstadanu 
khamaṇerdvādaśakalāḥ || 

evaṃ saṃkalpyāgnimādhārarūpaṃ bhānuṃ tadvat kumbharūpaṃ vidhijñaḥ |
nyasyettasminnakṣatādyai sametaṃ kūrcaṃ svarṇaṃ ratnavaryaiḥ pradīptam | 

atha kvāthatoyaiḥ kṣakārādivarṇairakārāvasānaiḥ samāpūrayettam | 
svamantratrijāpāvasānaṃ payobhirgāvāṃ pañcagavyairjalaiḥ kevalairvā | 

kalasajale'smin vasuyugasaṃkhyāḥ sṛragaṇapūrvā nyasatu tathaiva | 
uḍupakalāstāḥ salilasugandhākṣatasumanobhistadanu yajecca | 

udicyakuṣṭhakuṅkumāmvulohasajaṭāmuraiḥ | 
suśītamityudīritaṃ hareḥ priyāṣṭagandhakam || 

kvāthatoyaparipūritodare saṃviloḍya vidhināṣṭagandhakam | 
somasūryaśikhināṃ kalāḥ pṛthak sevakarma viniyojayet kramāt || 

tattadākṣarabhavāstu kādibhiṣṭhādibhiḥ punarukārajāḥ kalāḥ | 
pādibhirmalipijāstu vindujāḥ svādibhiḥ svaragaṇena nādajāḥ || 

samāvāhanānte'susaṃsthāpanāt prāgṛcastatra tatrābhijapyā vudhen | 
samabhyarcya tāstāḥ pṛthak tacca pātho'rpayenmūlamantreṇa kumbhe yathāvat ||

(p. 7)

sahakāravodhipanasastavakaiḥ śatamanyuvallikalitaiḥ kalasam |
pidadhātu puṣpaphalataṇḍulakaiyabhipūrṇayā śubhacakrikayā || 

abhiveṣṭhayettadanu kumbhamukhaṃ navanirmalāṃśukayugena vudhaḥ | 
samalaṅkṛte'tra kusumādibhirapyabhivāhayet paratarañca mahaḥ || 

sakalīvidhāya kalasasthamamuṃ harimarṇatattvamanuvinyasanaiḥ | 
paripūjayedgururathāvahitaḥ parivārayuktamupacāragaṇaiḥ | 

dattvāsanaṃ svāgatamapyudīrya tathārghyapādyācamanīyakāni | 
deyāni pūrvaṃ madhuparkayuñji nandātmajāyācamanāntikāni ||

snānañca vāsaśca vibhūṣaṇāni sāṅgāya tasmai viniyojya mantrī | 
gātre pavitrairatha gandhapuṣpaiḥ pūrvaṃ yajenna *? savidhānato'sya || 

sṛṣṭisthitī svāṅgayugañca veṇuṃ mālāmabhijñānavarāścamukhyau | 
mūlena cātmārcanavat prapūrya samarcayedāvaraṇāni bhūyaḥ ||

dikṣvatha dāmasudāmau vasudāmaḥ kiṅkinī ca sampūjyāḥ | 
tejorūpāstadvadvahiraṅgāṇi ca keśareṣu samabhiyajet || 

hūtavahanirṛtisamīraṇaśivadikṣu hṛdayādivarmaparyantam | 
pūrvādidikṣvato'straṃ krameṇa gandhādibhiśca śuddhamanyaḥ || 

muktendukāntakuvalayahariṇīlahūtāśasramaprabhāḥ pramadāḥ | 
abhayavarasphuritakarāḥ pradhānatanavo'ṅgadevatāḥ smaryāḥ |

rukmiṇyādyāmahiṣīraṣṭau sampūjayeddaleṣu tataḥ | 
dakṣiṇakaradhṛtakamalāvasupūritasupātramudritānyakarāḥ || 

rukmiṇyākhyā satyāsanāgnijityāhvayā sunandā ca | 
bhūyaśca mitravindā sulakṣmaṇā ṛkṣajā sūśīlā ca || 

tapanīyamārakatābhāḥ susitavicitrāmvarādiśaścaitāḥ |
pṛthukucabharālasāṅgyovividhamaṇiprakaravilasitābharaṇāḥ || 

tatoyajeddalāgreṣu vasudevañca devakīm | 
nandagopaṃ yaśodāñca valabhadraṃ subhadrikām || 

gopālagopīśca govindavilīnamatilocanāḥ | 
jñānamudrābhayakarau pitarau pītapāṇḍavau || 

divyamālyāmvarālepabhūṣaṇo mātarau punaḥ | 

dhārayantau ca varadaṃ pāyasāpūrṇapātrakam | 
aruṇaśyāmale hāramaṇikuṇḍalamaṇḍite || 

valaḥ śaṅkhendudhavalomuṣalaṃ lāṅgalaṃ dadhat | 
hālālolonīlavāsā helāvānekakuṇḍalaḥ || 

kalāyaśyāmalā bhadrā sūbhadrā bhadrabhūṣaṇā | 
varābhayayutā pītavasanārūḍhayauvanā || 

veṇuvīṇāvetrayaṣṭiśaṅkhaśṛṅgādipāṇayaḥ | 
gopāgopyaśca vividhopāyanāttakarāmvujāḥ || 

mandarādīṃśca tadvāhye pūjayet kalpapādapān | 
mandārasantānakapārijātakalpadrumākhyān haricandanañca | 

madhye caturdīkṣvapi vāñchitārthadānaikadakṣān phalanamraśākhān | 

harihavyavāhataraṇijakṣapāṭapāṃpativāyusomaśivaśeṣapadmajān | 
pūjayet svadikṣvamaladhīḥ svajātyadhīśvarahetipatraparivārasaṃyutān || 

kapiśakapilanīlaśyāmalaśvetadhūmrāmalasitaśuciraktāvarṇatovāsavādyāḥ | 
karakamalavirājatsvāyudhā divyaveśā vividhamaṇigaṇaughaprasphurad-
bhūṣaṇāḍhyāḥ || 

dambholiśaktyabhidhadaṇḍakṛpāṇapāśacaṇḍāṅkuśāhvayagadātriśikhā-
vipadmāḥ | 
arcyāvahirnijasulakṣitamauliyuktāḥ svasvāyudhābhayasamudyatapāṇipadmāḥ |

kanakarajatatoyadābhracaspāruṇahimanīlajavāpravālabhāsaḥ | 
kramata-iha rucā tu vajrapūrvāruciravilepanavastramālyabhūṣāḥ || 

kathitamāvṛtisaptakamacyutārcanavidhāviti sarvasukhāvaham | 
prayajatādathavāṅgapurandarāśanimukhaistritayāvaraṇantvidam || 

ityarcayitvā jalapuṣpagandhaiḥ kṛṣṇāṣṭakenāpyatha kṛṣṇapūjām | 
kuryādvudhastāni samāhvayāni vakṣyāmi tārādinamo'ntikāni || 

śrīkṛṣṇovāsudevaśca nārāyaṇasamāhvayaḥ | 
devakīnandanayaduśreṣṭhovārṣṇeya-ityapi || 

asurākrāntaśabdānte bhārahārīti saptamaḥ | 
dharmasaṃsthāpakaścāṣṭau caturthyantāḥ kramādime || 

ebhirevāthavā pūjā karttavyā kaṃsavairiṇaḥ | 
saṃsārasāgarottīrṇaiḥ sarvakāmāptaye vudhaiḥ || 

sārāṅgāre ghṛtavilulitairjarjjaraiḥ saṃvikīrṇairguggulvādyairghanaparimalaṃ 
dhūpamāpādya mantrī |
dadyānnīcairdanujamathanāyāpareṇātha doṣṇā ghaṇṭāṃ 
gandhākṣatakusumakairarcitāṃ vādamānaḥ || 

udyaddipaṃ surabhighṛtasaṃsiktakarpūravarttyā dīpaṃ dṛṣṭyādyativiśadadhiḥ 
pādaparyantamuccaiḥ | 
dattvā puṣpāñjalirmapi vidhāyārpayitvā ca pādyamācyamaṃ 
kalpayettadvimalamatiratho svarṇapātre nivedyam || 

surabhitareṇa dugdhahaviṣā suśṛtena sitāsamupadaṃśakairucirahṛdyavicitrarasaiḥ 
| 
dadhinavanītanūtanasitopalāpūpalikāghṛtaguḍanārikelakadalīphalapuṣparasaiḥ || 

astrokṣitaṃ tadarimudrikayābhirakṣya vāyavyatoyapariśoṣitamagnidoṣṇā | 
saṃdahya vāmakarasaudharasābhipūrṇaṃ mantrāmṛtī kṛtamathābhimṛṣan 
prajapyāt || 

manumaṣṭaśaḥ surabhimudrikayā paripūrṇamarcayatu gandhamukhaiḥ | 
harimarthayedatha kṛtaprasavāñjalirāsyato'sya visareca mahaḥ || 

vītihotradayitāntamuccaran mūlamantramatha nikṣipejjalam | 
arpayedamṛtātmakaṃ havirddoyujā sakusumaṃ samuddharan || 

nivedayāmi bhavate juṣāṇedaṃ havirhare |
nivedyārpaṇamantro'yaṃ sarvārcāsu nijākhyayā || 

prāsamudrāṃ vāmadoṣṇā vikacotpalasannibhām | 
pradarśayan dakṣiṇena prāṇādīnāñca darśayet || 

spṛśet kaniṣṭhopakaniṣṭhike dve svāṅguṣṭhamūrddhnā prathame tu
mudrā | 
tathāparā tarjjanimadhyame syādanāmikāmadhyamike ca madhye ||

anāmikā tarjjanimadhyame syāttadvaccaturthīsakaniṣṭhikāstāḥ | 
syāt pañcamī tadvaditi pradiṣṭhā prāṇādimudrānijamantrayuktāḥ || 

prāṇāpānavyānodānasamānāḥ kramāccaturthyā yuktāḥ | 
tārādhārāvadhvāceddhāḥ kṛṣṇādhvanastatra te manavaḥ || 

tatonivedya mudrikāṃ pradhānayā kara dvaye |

(p. 8)

spṛśannanāmikāṃ nijaṃ manuṃ japan pradarśayet || 

nandajo'mvumanuvinduyuṅna?tiḥ pārśvarāmarudavātmaneni ca  | 
ruddhaṅeyutaṃ nivedyamātmabhūrmāṃsapārśvamanilastathāsiyuk || 

maṇḍalamabhitomantrī vījāṅkurabhājanāni vinyasya piṣṭamayānapi dīpān 
ghṛtapūrṇān vinyaset sudīptaśikhān | 
atha saṃskṛte hūtavahe'maladhirabhivāhya samyagabhipūjya harim | 

juhūyāt sitāghṛtayutena payaḥ parisādhitena sitadīdhitenā | 

aṣṭottaraṃ sahsraṃ homaṃ samāpya punarvaliṃ dadyāt | 
rāśiṣvadhināthebhyonakṣatrebhyastataśca karaṇebhyaḥ || 

sampādya pānīyasudhāṃ samarpya dattvāmbha-udvāsya mukhārcirāsye | 
naivedyamuddhṛtya nivedya viṣvaksenāya pṛthvīmupalipya bhūyaḥ || 

gaṇḍūṣadantapavanācamanāsyahastamṛjyānulepamukhavāsakamālyabhūṣām 
| 
tāmvūlamapyabhisamarpya suvādyanṛtyagītaiḥ sutṛptamābhapūjayatāt pūreva 
|| 

gandhādibhiḥ saparivāramathārghyamasmai dattvā vidhāya 
kusumāñjalimādareṇa |
kṛ?tvā praṇamya śrirasā cūlukodakena svātmānamirpayatu taccaraṇāvjamūle || 

itaḥ pūrvaṃ prāṇavuddhidehadharmādhikāratojāgratsvapnasuṣuptyavasthāsu | 

manasā vācā karmaṇā hastābhyāṃ padbhyāmudareṇa śiśnā yat
smṛtam yaduktaṃ yat kṛtaṃ tat sarvaṃ vrahmārpaṇaṃ bhavatu svāhā || 

māṃ madīyañca sakalaṃ haraye samyagarpaye |
oṃ tatsaditi ca proktomantraḥ svātmasamarpaṇe || 

anusmaran kalasagamacyutaṃ japet sahasrakaṃ manumatha sāṣṭakaṃ vudhaḥ | 
vapuṣyatho ditijajitaḥ samāvṛtīrvilāpya tāstadapi nayet sudhātmatām || 

dhvajatoraṇadikkalasādhigatāmapi maṇḍalamaṇḍapakuṇḍagatām | 
abhiyojya citiṃ kalase kusumaiḥ paripūjya japet punaraṣṭaśatam || 

atha śiṣya-upoṣitaḥ prabhāte kṛtanaityaḥ susitāmvaraḥ suveśaḥ | 
dharaṇīdhanadhānyagodukulairdhinuyādvipravarān hareḥ pratṛptyai || 

bhūyaḥ parītya praṇipatya ca deśikaṃ tasmai parasmai puruṣāya dehine | 
tāṃ vittaśāṭhyaṃ parihṛtya dakṣiṇām dattvā tanuṃ svāṇva? samarpayet 
sudhīḥ || 

athābhiṣekamaṇḍape sukhopaviṣṭamāsane | 
guruviśodhayedamuṃ puraiva śoṣaṇādibhiḥ | 

pīṭhanyāsāvasānaṃ vapuṣi vimaladhīrnyasya tasyāsikāyāṃ 
mantreṇābhyarcya dūrvākṣatakusumayutāṃ rocanāṅke nidhāya | 
āśīrvādairdvijānāṃ paṭuviśadaravairgītavāditraghoṣairmāṅgalyair-
ānayettaṃ kalasamabhivṛtastatsamīpaṃ pratītaḥ || 

tenābhinīlamaṇiratnamahoṣadhena dhāmnā pareṇa paramāmṛtarūpabhājā | 
saṃpūrayan vapuramuṣya tatovitannaṃstat sāmarasyamabhiṣecayatādyathāvat || 

kṣādyairāntairvarṇairabhipūrṇatanustriruktamantrārṇaiḥ | 
paridhṛtasitataravasanadvitayovācaṃyamaḥ samācāntaḥ ||

vahūśaḥ praṇamya deśikanāmānaṃ harimathopasaṃgṛhya | 
taddakṣiṇata-upāstāmabhimukha-ekāgramānasaḥ śiṣyaḥ || 

nyāsairyathāvidhi tamacyutasādvidhāya gandhākṣatādibhiralaṅkṛta-
varmaṇo'sya | 
ṛṣyādiyuktamatha mantravaraṃ yathāvadavruyātriśogururanarghyamavāmakarṇe 
|| 

guruṇā vidhivat prasādhitaṃ manumaṣṭorddhaśataṃ prajapyabhūyaḥ | 
abhivandya tataḥ śṛṇotu samyak samayānabhaktivarāvanamramūrtiḥ || 

dattvā śiṣyāya manuṃ nyastvātha guruḥ kṛtātmayajanavidhiḥ | 
aṣṭottarasahasraṃ svaśaktihānyanavāptaye japyāt || 

kumbhādikañca sakalaṃ gurave samarpya saṃbhojayeddvijavarānatha 
bhojyajātaiḥ | 
kurvantyanena vidhinā va ihābhiṣekaṃ te sampadāṃ nilayanaṃ hita-eva dhanyāḥ 
|| 

saṃkṣipya kiñcidvaditā dīkṣā saṃsmaraṇāya viśadadhiyāṃ | 
enāṃ praviśya mantrī sarvān mantrān japejjuhotu yajecca || 

iti śrīkramadīpikāyāṃ caturthaḥ paṭalaḥ ||




caitre kṛtvaitanmāsi karmācchapakṣe puṇyarkṣe bhūyodeśikāt prāpya dīkṣām | 
tenānujñātaḥ pūrvasevāṃ dvitīye māsi dvādaśyāmārabheccāmalāyām || 

kṛtvā snānādyaṃ karma dehārcanāntaṃ vartmāśritya prāgīritaṃ 
mantramukhyaḥ | 
śuddhomaunī vrahmacārī niśāśī jāpyācchāntātmā śuklapadmākṣadāmnā 
|| 

tanuśuśruṣāṃ goṣu tābhyaḥ prayacchan grāsaṃ
bhūteṣu prodvāhaṃścānukampām | 
mantrādhiṣṭhātṛdevatāṃ vandamānodurgāṃ durvodhadhvāntabhānuṃ 
guruñca || 

kurvannātmīyakarma varṇāśramasthaṃ mantraṃ japādbhiḥ 
snānakāle'bhiṣiñcet | 
ācamanapāthastattvasaṃkhyāprajataṃ bhuñjānaścānnaṃ saptajaptaṃ 
jalādyam || 

prajapedayutacatuṣkaṃ daśākṣaraṃ manuvaraṃ pṛthak kramaśaḥ | 
aṣṭādaśākṣaraṅcedayutadvayamityudīritā saṃkhyā || 

śākaṃ mūlaṃ phalaṃ gostanabhavadadhinī bhaikṣamannañca śaktūn 
daugdhānnañcetyadānaḥ kṣitidharaśikharādau kramāt sthānabhedāt | 
ekañcaiṣāmaśaktau gaditamiha mayā pūrvasevāvidhānaṃ nirvṛtte'smin 
punaśca prajapatu vidhivat siddhaye sādhakeśaḥ || 

dehārcanānte dinaśodinādau dīkṣoktamājñānyataraṃ vidhānam | 
āśritya kṛṣṇaṃ prayajedvivikte gehe niṣaṇṇohutaśeṣabhojī || 

daśalakṣamakṣayaphalapradaṃ manuṃ pratijapya nirmalamatirdaśākṣaram | 
juhūyād guḍājyamadhusaṃplutairnavairaruṇāmvujairhūtavahe daśāyutam || 

śuṣirayugalavarṇañcenmanuṃ pañcalakṣaṃ prajapatu juhūyācca 
proktak*?ptyārddhalakṣam | 
amalamatiralābhe pāyasairamvujānāṃ sahitaghṛtasitāktairārabheddhomakarma || 

aśaktānāṃ home nigamarasanāgendraguṇitojapaḥ kāryoveti 
dvijanṛpaviśāmāhūrapare | 
sahomaścedeṣāṃ sama-iha japohomarahitoya uktovarṇānāṃ sa khalu 
vihitastaccaladṛśām || 

yaṃ varṇamāśritoyaḥ śūdraḥ sa ca tannatabhruvām vihitam | 
vidadhīta japaṃ vidhicchraddhāvān bhaktibhāvanamratanuḥ ||

(p. 9)

punarabhiṣikto guruṇā vidhivadviśrāṇya dakṣiṇāṃ tasmai | 
abhyavahārya ca viprān vibhavaiḥ saṃpriṇayecca bhaktiyutaḥ | 

iti mantravaradvitayānyataraṃ parisādhya japādibhiracyutadhīḥ | 
prayajet savanatritaye dinaśo vidhinātha mukunda mamandamatiḥ | 

atha śrīmadudyānasaṃvītahemasthalodbhāsiratnasphuranmaṇḍapāntaḥ | 
lasat kalpavṛkṣādha-uddīptaratnasthalādhiṣṭhitāntojapīṭhādhiruḍham | 

mahānīlanīlābhamatyantavālaṃ guḍasnigdhavakrāntavisrastakeśam | 
alivrātaparyākulotphullapadmapramugdhānanam śrīmadindīvarākṣam | 

calatkuṇḍalollāsisaṃphullagaṇḍaṃ sughoṇaṃ suśoṇādharaṃ susmitāsyam | 
anekāśmaraśmyullasatkaṇṭhabhūṣālasantaṃ vahantaṃ nakhaṃ pauṇḍarīkam | 

samuddhūṣaroraḥsthalaṃ dhenudhūlyā supuṣṭāṅgamaṣṭāpadākalpadīptam | 
kaṭīrasthale cārujaṅghāntayugme pinaddhaṃ kvaṇatkiṅkiṇījāladāmnā | 

hasantaṃ hasadvandhujīvaprasunaprabhāpāṇipādāmvujodārakāntyā | 
kare dakṣiṇe pāyasaṃ vāmahaste dadhānaṃ navaṃ śuddhahaiyaṅgavīnam | 

mahībhārabhūtāmarārātiyuthānanaḥ pūtanādīnnihantuṃ pravṛttam | 
prabhuṃ gopikāgopagovṛndavītaṃ surendrādibhirvanditaṃ devavṛndaiḥ | 

prage pūjayedvetyanusmṛtya viṣṇuṃ tadaṅgendravajrādikairbhaktinamraḥ | 
sitāmocahaiyaṅgavīnaiśca dadhnā vimiśreṇa daugdhena saṃprīṇarettam | 

iti prātarevārcayedacyutaṃ yo naraḥ pratyahaṃ śaśvadāstikyayuktaḥ | 
labhet so'cireṇaiva lakṣmīṃ samagrāmihapretya śuddhaṃ paraṃ dhāma 
bhūyāt | 

ahnormukhe'nudinamityabhipūjya śauriṃ dadhnāthavā guḍayutena nivedya 
toyaiḥ | 
śrīmanmukhe samanutarpya ca taddhi yātaṃ japyāt sahasramatha sāṣṭakam-
ādareṇa | 

madhyandine japavidhānaviśiṣṭarūpaṃ vandyaṃ surarṣimatikhecaramukhya-
vṛndaiḥ | 
gogopagopavanitānikaraiḥ parītaṃ sāndrādyudacchavisujātamanoharāṅgam | 

māyūrapatraparikṛt?ptavataṃsaramyadhamillamullasitacillikamamvujākṣam | 
pūrṇenduvimvavadanaṃ maṇikuṇḍalaśrīgaṇḍaṃ sunāsamatisundara-
mandahāsam | 

pītāmvaraṃ ruciranūpurahārakāñcīkeyūrakormikaṭakādibhirujjvalāṅgam | 
divyānulepanapiśaṅgitamaṃśarājadamlānacitravanamālamanaṅgadīptam | 

veṇuṃ dhamantamathavā svakare dadhānaṃ savye daraṃ paśupayaṣṭim-
udāraveṇum | 
dakṣe maṇipravaramīpsitadānadakṣaṃ dhyātveṇyamarcayatu nandajamindirāptyai 
|

dāmādikāṅgadayitāsuhṛdaṅghripendravajrādibhiḥ samabhipūjya 
yathāvidhānam | 
dīkṣāvidhiprakathitañca nivedya jātaṃ haime nivedaratu pātravare yathāvat | 

aṣṭottaraṃ śatamatho juhūyāt payohannaiḥ sarpiyutaiḥ susitaśarkarayā 
vimiśraiḥ | 
dadyādvaliñca nijadikṣu surarṣiyogivargopadaivatagaṇebhya- udāracetāḥ | 

navanītamilitapāyasadhiyārcanānte jalairmūkhe tasya | 
santarypa japatu mantrī sahasramaṣṭottaraśatamvāpi | 

ahnormadhye vallavīvallabhaṃ taṃ nityaṃ bhaktyā-bhyarcayed yo narāgryaḥ | 
devāḥ sarve taṃ namasyanti śaśvadvartteran vai tadvaśe sarvalokāḥ | 

medhāyuḥ śrīkāntisaubhāgyayuktaḥ putrairmitrairgomahīratnadhānyaiḥ | 
bhogaiścānyairbhūribhiḥ sannihāḍhyobhūyādbhūyo dhāma tacca-
acyutākhyam | 

tṛtīyakālapūjāyā masti kālavikalpanā | 
sāyāhne niśi vetyatra vadantyeke manīṣiṇaḥ | 

daśākṣareṇa cedrātrau sāyāhne'ṣtādaśārṇataḥ | 
ubhayīmubhayenaiva kuryādityapare jaguḥ | 

sāyāhne dvāravatyāntu citrodyānopaśobhite |
dvyaṣṭasāhasrasaṃkhyātairbhavanairapi śobhite | 

haṃsasārasasaṃkīrṇaiḥ kamalotpalaśobhibhaḥ |
sarobhi ramalāmbhobhiḥ parīte bhavanottame | 

udyat pradyotanadyotasadyutau maṇimaṇḍape | 
mṛdvāstare samāsīnaṃ hemāmbhojāsane harim | 

nāradādyaiḥ parivṛtaṃ ātmatattvavinirṇaye | 
tebhyo munibhyaḥ svaṃ dhāma diśantam paramakṣaram |

indīvaranibhaṃ saumyaṃ padmapatrāyatekṣaṇaṃ | 
snigdhakunḍalasaṃbhinnakirīṭamukuṭojjvalam | 

cāruprasannavadanaṃ sphuranmakarakuṇḍalam | 
śrīvatsavakṣasaṃbhrājatkaustubhaṃ vanamālinam | 

kāśmīrakapiśoraskaṃ pītakauseyavāsasam | 
hārakeyūrakaṭakarasanādyaiḥ pariskṛtam | 

hṛtaviśvambharābhūribhāvaṃ muditamānasam | 
śaṅkhacakragadāpadmarājadbhūjacatuṣṭayam | 

evaṃ dhyātvārcayenmantrī syādaṅgaiḥ prathamāvṛtiḥ |
dvitīyā mahiṣibhistu tṛtīyāyāṃ samarcayet | 

nāradaṃ parvataṃ jiṣṇuṃ niśaṭhoddhavadārukān | 
viśvaksenañca śaileyaṃ dikṣvagre vinatāsutam | 

lokeśaistatpraharaṇaiḥ punarāvaraṇadvayam | 
iti saṃpūjya vidhivat pāyasañca nivedayet | 

tarpayitvā khaṇḍamiśradugdhavuddhyā jalairharim | 
japedaṣṭaśataṃ mantrī bhārayan pūruṣottamam |

pūjāsu homaṃ sarvāsu kuryānmadhyandine'thavā | 
āsanādyarghyaparyantaṃ kṛtvā stutvā namet sudhīḥ | 

samarpyātmānamudvāsya taṃ svahṛtsarasīruhe | 
vinyasya tanmayo bhūtvā punarātmānamarcayet | 

sāyāhne vāsudevaṃ yo nityamevaṃ yajennaraḥ | 
sarvān kāmānvāpyānte sa yāti paramāṃ gatim | 

rātrau cenmanmathākrāntamānasaṃ devakīsutam | 
yajedrāsapariśrāntaṃ gopīmaṇḍalamadhyagam | 

pṛthuṃ suvṛttaṃ masṛṇaṃ vitastimātronnataṃ kau vinithanya śaṅkum | 
ākramya padbhyāmitaretarā tu hastairbhramo'yaṃ khalu rāsagoṣṭhī | 

sthalanīrajamūlaparāgabhṛtā laharīkaṇajālabhareṇa satā | 
marutā paritāpahṛtādhyuṣite susite ṣamunāpuline vipule | 

aśarīraniśātaśaronmathitapramadāśatakoṭibhirākulite | 
uḍunāthakarairviṣadīkṛtādak prasare vicaradbhramarīnikare |

(p. 10)

vidyādharakinnarasiddhasurairgandharvabhujaṅgamacāraṇakaiḥ | 
dāropahitaiḥ suvimānagataiḥ khasthairabhivṛṣṭapūṣpacayaiḥ | 

itaretaravaddhakrapramadāgaṇakalpitavāsavihāravidhau | 
maṇiśaṅkugamapyu * * nā vapuṣā vahūdhā vihitasvakadivyatanum |

sudṛśāmubhayoḥ pṛthagantaragaṃ dayitākulavaddhabhujadvitayam | 
nijasaṅgavijṛmbhadanaṅgaśikhijvalitākulasatpulakāliyujam | 

vividhaśrutibhinnamanojñatarasvarasaptakamūrcchanatālagaṇaiḥ | 
bhramamāṇamasūbhirudāramaṇisphuṭamaṇḍalaśijñitacārutaram | 

iti bhinnatanuṃ maṇibhirmilitaṃ tapanīyamayauravamārakatam | 
maṇinirmmitamadhyagaśaṅkulasadvipulāruṇapaṅkajamadhyagatam | 

atasīkusumābhatanuṃ a?ruṇaṃ taruṇāruṇapadmapalāśadṛśam | 
navapallavacitrasugucchalasacchikhipucchapinaddhakacapracayam |

vahūletaracandrasamānamukhaṃ maṇikuṇḍalamaṇḍitagaṇḍayugam | 
śaśavaktrasadṛgvadanacchadaṃ maṇirājadanekavidhābharaṇam | 

aśanaprasavacchadanojjvalasadvadanaṃ suvilāsavilāsabhūvam | 
navavidrumabhadrakarāṅghritalaṃ bhramarākuladāmavirājibhujam | 

taruṇīkucayukparirambhamiladghusṛṇāruṇavakṣasamukṣagatim | 
śivaveṇusamīritagānaparaṃ smaraviddhalitaṃ bhūvanaikagurum | 

prathamoditapīṭhavare vidhivat prayajediti rupamarupa majam | 
prathamaṃ paripūjya tadaṅgavṛtiṃ mithunāni yajedrasagāni tataḥ | 

dalaṣoḍaśake svaramurttigaṇaṃ sahaśaktikamuttamarāsagatam | 
saramāvadanaṃ svakalāsahitaṃ mithunārddhamathendraparipramukhān |

iti samyagamuṃ paripūjya hariṃ caturāvṛtisaṃvṛtamārdramatiḥ |
rajatārācate caṣake sasitaṃ suśṛtamupayosya nivedayatu | 

vibhave sati kāṃśyamayeṣu pṛthak caṣakeṣu tu ṣoḍaśasu kramaśaḥ | 
mithuneṣu nivedya payaḥ sasitaṃ vidadhīta purovadatho sakalam | 

sakalabhuvanamohanaṃ vidhim yo niyatamamuṃ niśi niśyudāracetāḥ | 
bhajati sa khalu sarvalokapūjyaḥ śrī*?macalāṃ samavāpya yātyanantam | 

niśi vā dināntasamagre prapūjayennityaśo'cyutam bhaktyā | 
samaphalamubhayaṃ hi tataḥ saṃsārāddhiṃ samurttitīrṣati yaḥ |

ityevaṃ manuvigrahaḥ madhuripuṃ yo rātrikālaṃ bhajet 
tasyaivākhilajantu?jātadayitasyāmbhodhijāveśmanaḥ | 
haste dharmasukhārthamokṣataravaḥ sadvargasaṃprārthitāḥ 
sāndrānandasudhārasadravamuco yeṣāṃ phalaśreṇayaḥ ||

athocyate pūrvasamīritānāṃ pūjāvasāne paramasya puṃsaḥ | 
kalpastu kāmyeṣvapi tarpaṇānāṃ vināpi pūjāṃ khalu vai phalaṃ syāt |

santarpya pāṭhamantraiḥ śaktīḥ sakṛt sakṛt prathamamacyutaṃ tatra |
āvāhya pūjayetuṃ toyai revākhilaiḥ samupahāraiḥ | 

vaddhvātha dhenumudrāṃ toyaiḥ sampādya tarpaṇadravyam | 
tadvuddhyāñjalinā taṃ suvarṇacaṣakīkṛtena tarpayatu | 

viṃśatiraṣṭopetā kālatrayatarpaṇeṣu saṃkhyoktā | 
bhuvaḥ svakālavihitān sakṛt sakṛt tarpayecca parivārān | 

prātarddadhiguḍamiśraṃ madhyāhne pāyasaṃ manavanītam | 
kṣīraṃ tṛtīyakāle sasitopalamityudīritaṃ dravyam | 

tarpayāmi padaṃ yojyaṃ mantrānteṣveṣu nāmasu | 
dvitīyānteṣu tu punaḥ pūjāśeṣaṃ samāpayet | 

abhyukṣya tatprasādādbhi rātmānaṃ prapivedapaḥ | 
tajjaptvā tamathodvāsya tanmayaḥ prajapenmanum ||

atha dravyāṇi kāmyeṣu vakṣyante tarpaṇeṣu taṃ | 
tāni proktavidhānānāmāśrityānyatamaṃ yajet | 

dravyaiḥ śoḍaśabhiramuṃ tarpayedekaścaturvāraṃ | 
sacatuḥkṣīrādyantaiḥ sakṛjjalādyantamacyutaṃ bhaktyā | 

pāyasaṃ dādhikaṃ kṛṣaraṃ gauḍānnaṃ payodadhinavanītam | 
ājyaṃ kadalīmocārajaḥsvalāmodakāpūpam | 

pṛthukaṃ lājasametaṃ dravyāṇāṃ kathitamiha ṣoḍaśakam | 
lājānte'ntyakṣīrāt prāksamarpya sitopalāpuñjam | 

prage catuḥ saptativāramityamuṃ pratarpayedyo'nudinaṃ naroharim | 
ananyadhīstasya samastasampadaḥ karasthitā maṇḍalato'bhivāñchitāḥ | 

dhāroṣṇapakvapayasī dadhinavanīte ghṛtañca daugdhānnam | 
matsyaṇḍīmadhvamṛtaṃ dvādaśaśa starpayennavabhirebhiḥ | 

tarpaṇavidhirayamaparaḥ pūrvoditasamaphalāṣṭaśatasaṃkhyaḥ | 
kārmaṇakarmaṇi kīrttau janasamvalane viśeṣato vihitaḥ |

sakhaṇḍadhāroṣṇadhiyā mukundaṃ vrajan puraṃ grāmamapi pratarpya | 
labhet bhojyaṃ sarasaṃ svabhṛtyai vāsāṃsi dhānyāni dhanāni mantrī | 

yāvat santarpayenmantrī tāvatsaṃkhyaṃ yajenmanuṃ | 
tarpaṇenaiva kāryāṇi sādhayedakhilānyapi | 

dvijo bhikṣāvṛttirya-iha dinaśo nandatanayaḥ svayaṃ bhūtvā bhikṣā maṭati 
viharan gopasudṛśām | 
amācetobhiḥ svairlalitalalitairnarmavidhibhirdadhikṣīrādāḍhyāṃ 
pracuratarabhikṣāṃ sa labhate | 

madhye koṇeṣu ṣaṭsvapyanalapurapuṭasyālikhet karṇikāyāṃ kandarpaṃ 
sādhyayuktaṃ vivaragataṣaḍarṇadviśaḥ keśareṣu | 
śaktiśrīpūrvakālidvinavalipimano rakṣarāṇicchadānāṃ madhye varṇān 
daśānāṃ daśalipimanuvaryasya caikaikaśo'vjam | 

bhūsadmanābhivṛtamasrigamanmathena gorocanābhilikhitaṃ tapanīyaśūcyā | 
paṭṭe hiraṇyaracite gulikīkṛtaṃ tadgopālayantra makhilārthadametaduktam | 

sampātasiktamabhijaptamidaṃ mahadbhirdhāryāṃ 
jagaśrayavaśīkaraṇairudakṣam | 
rakṣāyaśaḥ sutamahīdhanadhānyalakṣmīsaubhāgyalipsubhirajasra 
marghyavīryam | 

bhūtonmādāpasmṛtiviṣamūrcchāviṣamañjvarārttānām | 
dhyāyan śirasi prajapenmantramimaṃ vāṭiti śamayituṃ vikṛtīḥ | 

surastrivikramākrantaścakrīṣṇāyahṛdityasau | 
ṣaḍakṣaro'yaṃ saṃproktaḥ sarvasiddhikaro manuḥ |

(p. 11)

kroḍo'gnidīptomāyāvī lavalāñchitamastakaḥ | 
saiṣā śaktiḥ parāsūkṣmā nityā samvit svarūpiṇī |

asthyagnigovindalavairlakṣmīvījaṃ samīritam | 
ābhyāmaṣṭādaśalipiḥ syādviṃśatyakṣaro manuḥ | 

śālagrāme manau yantre maṇḍale pratimāsu ca | 
nityaṃ pūjā tareḥ kāryā na tu kevala bhūtale | 

iti japahūtapūjātarpaṇādyairmūkundaṃ ya -iha bhajati manvoreka māśritya 
nityam |
sa tu suciraprayatnāt prāpya bhogānaśeṣān punamaralataraṃ taddhāma viṣṇoḥ 
prayāti || 

iti kramadīpikāyāṃ pañcamaḥ paṭalaḥ |



viniyogānatho vakṣye mantrayo rubhayoḥ samān | 
tadarthakāriṇo'nantavīryān mantrāṃśca kāṃśca na | 

vande taṃ devakīsūnuṃ sadyojātaṃ dyumaprabham | 
pītāmvaraṃ karalasaccakraśaṅkhagadāmvujam |

evaṃ dhyātvā japenmantraṃ lakṣaṃ vrahmamutvarttake | 
svāduplutaiśca kusumaiḥ pālāśairayutaṃ hūnet | 

manvoranyatareṇaivaṃ kuryād yaḥ susamāhitaḥ | 
smṛtimedhādhṛtivalaṃ labdhvā sa kavirāḍḍvet | 

syānmanustat samajapadhyānahomaphalo'paraḥ | 
śrīmanmukundacaraṇau sadeti śaraṇantataḥ | 

ahaṃ prapadya ityukto maukundo'ṣṭādaśākṣaraḥ |
nāradasya tu gāyatrī mudundaścarṣipūrvakāḥ | 

prātaḥ prātaḥ pivettoyaṃ japtvā yo'ṣṭhottaraṃ śatam | 
anena ṣaḍbhirmāsaiḥ sabhavet śrutidharonaraḥ | 

upasaṃhṛtadivyāṅgam purovanmāturaṅkagam | 
calaṅgoścaraṇaṃ vālaṃ nīlābhāsaṃ smaran japet | 

ayutaṃ tāvadevājyairjuhūyācca hūtāśane | 
salabhedacalāṃ bhaktiṃ śraddhāṃ śāntiñca śāśvatīm | 

manunaitat samastānte marullasitaśabdataḥ | 
vālalīlātmane hūṃ phaṭ namaḥ ityamunāthavā | 

nalakūvaragāyatrī vālakṛṣṇa-itīritā | 
ṛṣyādyāḥ siddhayaḥ sarvāḥ syurjjapādyairihāmunā | 

laghite vālaśayane rudantaṃ vallavījanaiḥ | 
prekṣyamāṇaṃ dugdhavuddhyā tarpayet so'śnute'śanam | 

amunā vālarūpānte rasarūpapadaṃ vadet |
tuṣṭarūpanamodvandvamanvādhipataye namaḥ | 

annaṃ prayaccha svāheti triṃśadvarṇo'nnado manuḥ | 
nārado'nuṣṭuvannādhipatayo'syarṣipūrvakāḥ |

bhūtāvālagrahonmādasmṛtibhraṃsādupadravaiḥ | 
pūtanāstanapātāraṃ grastamurddhni smaran japet | 

sāsucuṣaṇanirbhinnasarvāṅgīṃ rudatiñca tām |
āviśya sarve muktvā taṃ vidravantidrutaṃ grahāḥ | 

juhūyāt kharamañjaryā mañjarībhirvibhāvasau | 
prasnātaḥ pañcagavyādbhiḥ putanāhasta?rānane |

prāśayet śiṣṭagavyamtat kalasenābhiṣecayet | 
sādhyaṃ sahasrajaptena sarvopadravaśāntaye | 

manunaitaddrādaśārṇahūṃ phaṭ svāhāstikena vā |
ṛṣyādyā vrahmagāyatrī grahaghnaharayo'sya tu | 

nijapādāmvujakṣiptaśakaṭaṃ cintayan japet | 
ayutaṃ mantrayorekaṃ sarvavighnopaśāntaye |

aṅgānyamīṣāṃ mantrāṇā mācakrādibhirarcanā | 
aṅgairindrādivajrādyai ruditā sampade sadā | 

vālonīlatanurdobhyāṃ dadhyuṇyaṃ pāyasaṃ dadhat | 
harirvo'vyād dvipanakhakiṅkinījālamaṇḍitaḥ | 

dhyātvaivamagnau juhūyāt śatavīryāṅkuratrikaiḥ | 
payaḥ sarpiḥplutairlakṣamekaṃ tāvajjapan manum | 

gurave dakṣiṇāṃ dattvā bhojayed dvijapūṅgavān |
sahyavdānāṃ śataṃ jīvennirogonātra saṃśayaḥ | 

atrāpyanyo manurdvādaśārṇānte puruṣottamam | 
āyurme dehi sambhāṣya viṣṇave prabhaviṣṇave | 

namo'ntodvyadhikatri*śadaṇo'syarṣistu nāradaḥ chando'nuṣṭuvdevatā ca 
śrīkṛṣṇo'ṅgāni ca vruve | 

ravibhūtendriyavasunetrāṇaiścātmane yutaiḥ | 
mahānadapratijyotirmāyāvidyāpadaiḥ kramāt |

japtvā lakṣamimaṃ mantramayutaṃ pāyasairhūnet | 
pūrvavaddūrvayā juhvadāyurddīrghataraṃ labhet | 

dārayantaṃ vakaṃ dorbhyāṃ kṛṣṇaṃ saṃgṛhya tuṇḍayoḥ | 
smaran śiśūnāmātaṅke spṛṣṭvānyataramabhyaset | 

tajjaptatilajābhyaṅgādbhaveyuḥ sukhinaśca te | 
atrāpyanyomanurvālavapuse vahnivallabhā | 

gorakṣāyāṃ kvaṇadveṇuṃ cārayantaṃ paśūṃstathā | 
uktvā ca gopālapadaṃ punarveśadharāya ca | 

vāsudevāya varmāstraśikhāsyāṣṭādaśākṛaraḥ | 
manurnāradagāyatrī kṛṣṇarṣyādiranena vā | 

kuryādgopālasaṃrakṣāmācakrādyaṅginā vudhaḥ | 
kumbhīnasādikṣneḍārttau daṣṭamūrddhni smaran harim | 

nṛtyantaṃ kālīyaphaṇāvaddhe'nyataramabhyaset | 
dṛṣṭyā pīyuṣavarṣiṇyā siñcantaṃ tattanuṃ vudhaḥ | 

tarjjayan vāmatarjjanyā taṃ drāṅmocayate viṣāt | 
āpurya kalasaṃ toyaiḥ smṛtvā kālīyamarddanam | 

japtvāṣṭaśatamāsiñcedviṣiṇaṃ sa sukhī bhavet |
kāvyamadhye niyamyānte phaṇāmadhye dvivarṇakān | 

uktvā punarvadennityaṃ karoti tamanantaram | 
namāmi devakīputra mityuktvā nṛtyaśavdataḥ | 

rājānamacyutaṃ vruyāditi daṇḍalipirmanuḥ | 
asyāṅgānyaṅghribhirvyastaiḥ samastairnāradomuniḥ | 

chando'nuṣṭuvdevatā ca kṛṣṇaḥ kālīyamardanaḥ | 
japyāllakṣaṃ manuvaraṃ hotavyaṃ sarpiṣā yutam |

aṅgadikpālavajrādyairarcanāsya samīritā | 
kriyānenaiva vā sarvā karttavyā prāgudīritā | 

sadṛkṣo'nena jagati na hi kṣveḍaharo manuḥ | 
aṅgaiḥ śukataroḥ piṣṭairgulikā dhenuvāriṇā |

viṣaghnī pānanasyāñjanālepaiḥ sādhitāmunā | 
uddaṇḍavāmadārdaṇḍadhṛtagovarddhanācalam | 

anyahastāṅgulivyaktasvaravaṃśārpitānanam | 
dhyāyan hariṃ japenmanvorekaṃ chatraṃ vinā vrajan | 

varṣavātāśanibhyaḥ syādbhayaṃ tasya na hi kvacit | 
moghameghoghayatnāpagatendraṃ saṃsmaran hūnet | 

lonairaṣutasaṃkhyaḥ syādanāvṛṣṭirnasaṃśayaḥ | 
krīḍantaṃ yamunāmadhye majjanaplāvanādibhiḥ | 

tacchīkarajalāsāraiḥ sicyamānaṃ priyājanaiḥ |

(p. 12) 

dhyātvāyutaṃ payaḥsiktairhūnedvānīratarpaṇaiḥ | 
vṛṣṭirbhavatyakāle'pi mahatī nātra saṃśayaḥ | 

adyameva smaran mūrddhni viṣasphoṭajvarādibhiḥ | 
sadāhamohairārttasya japecchāntirbhavet kṣaṇāt | 

athavā garuḍāruḍhaṃ valapradyumnasaṃyutam | 
nijajvaravinispiṣṭajvarābhiṣṇutamacyutam | 

dhyātvā jvarābhibhūtasya mūrddhānyataramabhyaset | 
śāntiṃ vrajedasādhyo'pi jvaraḥ sopadravaḥ kṣaṇāt |

dhyātvaiva magnāvabhyarcya payoktaiścaturaṅgulaiḥ | 
juhūyādamṛtākhaṇḍairayutaṃ jvaraśāntaye | 

niśātaśaranirbhinnabhīṣmatāpaharaṃ harim |
smṛtvā spṛśan japedārttaṃ pāṇibhyāṃ rogaśāntaye | 

apamṛtyuvināśāya sāndīpanisutapradam | 
dhyātvāmṛtalatākhaṇḍaiḥ kṣīrāktairayutaṃ hūnet | 

mṛtaputrāya dadataṃ sutaṃ viprāya sārjunam | 
dhyātvā lakṣaṃ japedekaṃ manvoḥ sutavivṛddhaye | 

putrajīvendhanacite juhūyādanale'yutam | 
tatphalairmadhurāktaiḥ syuḥ putrādīrghāyuṣo'sya tu | 

kṣīradrukvāthasaṃpūrṇamabhyarcya kalasaṃ niśi | 
japtvāyutaṃ prage nārī mabhiṣiñceddviṣaḍdinam | 

sā vandhyāpi sutān dīrghajīvino gadavarjjitān | 
labhate nātra sandehastarjjaptājyāśinī satī | 

prātarvācaṃṣamā nārī vodhicchadapuṭairjalam | 
aṣṭottaraśataṃ japtaṃ māsaṃ putrīyati pivet | 

devakīsuta govinda vāsudeva jagatpate | 
dehi me tanayaṃ deva tvāmahaṃ śaraṇaṃ gatā |

prahitāṃ kāśirājena kṛtyāṃ jitvā nijāriṇā | 
tattejasā tannagarīṃ dahantaṃ bhāvayan harim | 

susnehāktairhūnedrātrau sarṣapaiḥ saptavāsaram | 
kṛtyā karttāramevāsau kupito nāśayiṣyati |

āsīna māśrame divye vadarīṣaṇḍamaṇḍite | 
spṛśantaṃ pāṇipadmābhyāṃ ghaṇṭākarṇakalevaram | 

dhyātvācyutaṃ tilairlakṣaṃ hūnet trimadhuraplutaiḥ | 
japedvā sarvapāpānāṃ śāntaye kāntaye tanoḥ | 

dveṣayantau rukmivalau dyūtāśaktau smaran harim | 
juhūyādiṣṭayodiṣṭyai guḍikā gomayodbhavāḥ | 

jvaladvahninibhairvāṇairvarṣantaṃ garuḍasthitam | 
dhāvamānaṃ vipragaṇa manudhāvantamacyutam | 

dhyātvaiva mabhyasedekaṃ manoḥ saptasahasrakam | 
uccāṭanaṃ bhavedetadripūṇāṃ saptabhirddinaiḥ | 

utkṣiptavatsakaṃ dhyāyan kapiṇyaphalahāriṇam | 
ayutaṃ prajapet sādhyamuccāṭayati tatkṣaṇāt | 

ātmānaṃ kaṃsamathanaṃ dhyātvā maṣvā?nnipātitam | 
kaṃsātmānamavikarṣan gatāsuṃ prajapenmanum |

ayutaṃ juhūyāccāsya janmoḍutarutarpaṇaiḥ | 
api sevitapīyūṣo mriyate'rirna saṃśayaḥ | 

athavā nimvatailāktairhūnededhobhirakṣajaiḥ | 
ayutaṃ prajapedātrau māraṇāya ripoḥ kṣaṇāt | 

doṣāriṣṭadalavyoṣakārpāsāsthiphaṇairniśi | 
hūnederaṇḍatailāktaiḥ śmaśānastho'riśāntaye | 

na śastaṃ māraṇaṃ  karma kuryācedayutaṃ japet | 
hūnedvā pāyasaistāvat śāntaye śāntamānasaḥ | 

jayakāmo japellakṣaṃ pārijātaharaṃ harim | 
smaran parājayastasya kutaścinna bhaviṣyati | 

pārthe diśantaṃ gītārthaṃ vyākhyāmudrākaraṃ harim | 
rathasthaṃ bhāvayan japyāt dharmavṛddhyai śamāya ca | 

lakṣaṃ pālāśakusumairayutaṃ madhurāplutaiḥ | 
vyākhyātā sarvaśātrāṇāṃ sukavirvādirāḍ bhavet |

viśvarūpadharaṃ prodyattāsvatkoṭisamaprabham | 
drutacāmīkaranibhamagnīsomātmakaṃ harim | 

arkāgnidyotadāsyāṅghri paṅkajaṃ divyabhūṣaṇam | 
nānāyudhadharaṃ vyāptaviśvākāśāvakāśakam | 

rāṣṭrapūrgrāmavāstūnāṃ śarīrasya ca rakṣaṇe | 
prajapenmantrayorekataraṃ dhyātvaiva mādarāt | 

athavā vyastasarvāṅghriracitāṅgārjjunarṣikam | 
triṣṭupchāndasikaṃ viśvarūpaviṣṇvadhidaivatam | 

japedgītāmanuṃ sthāne hyaṣīkeśādya mājākaiḥ | 
hūnedvā sarvarakṣāyai sarvavighnopaśāntaye || 

iti kramadīpikāyāṃ ṣaṣṭhaḥ paṭalaḥ |




vakṣye'kṣayadhanāvāptyai pratipattiṃ śriyaḥpateḥ |
suguptāṃ dhananāthādyairdhanyairyā kriyate sadā | 

dvāravatyāṃ sahasrārkabhāsvarairbhavanottamaiḥ | 
analpaiḥ kalpavṛkṣaiśca parīte maṇimaṇḍite | 

jvaladratnamayastambhadvāratoraṇakuḍyake | 
phullasragullasaccitravitānālamvimauktike | 

padmarāgasthalīrājadratnanadyośca madhyataḥ | 
anāratajaladratnadhārasya svastaroradhaḥ | 

ratnapradīpāvalibhiḥ pradīpitadigantare | 
udyadādityasaṃkāśamaṇisiṃhāsanāmvuje | 

samāsīno'cyutodhyeyo drutahāṭakasannibhaḥ | 
samānoditacandrārkataḍitakoṭisamaprabhaḥ | 

sarvāṅgasundaraḥ saumyaḥ sarvābharaṇabhūṣitaḥ | 
pītavāsāścakraśaṅkhagadāpadmojjvaladbhūjaḥ | 

anāratocchaladratnadhāraughaṃ kalasaṃ spṛśan | 
vāmapādāmvujāgreṇa mṛṣṭatāpallavacchavim | 

rukmiṇīsatyabhāme'sya mūrddhniratnaughadhārayā | 
siñcantyau dakṣavāmāsthasvadoḥsthakalasoṇyayā | 

nāgnajitīsunande ca diśantyo  kalasau tayoḥ |
tābhyāñca dakṣavāmasthamitravindāsulakṣaṇe | 

ratnanadyoḥ samuddhṛtya ratnapūrṇo ghaṭau tayoḥ | 
jāmvavati sūśīlā ca diśantyau dakṣavāmage | 

vahiḥ ṣoḍaśasāhasrasaṃkhyātāḥ paritaḥ priyāḥ | 
dhyeyāḥ kanakaratnaughadhārāyukkalasojjvalāḥ | 

tadvahiścāṣṭanidhayaḥ pūrayantodhanaidharām | 
tadvahirvṛṣṇayaḥ sarve purovacca surādayaḥ | 

dhyātvaivaṃ paramātmānaṃ viṃśatyarṇaṃ manuṃ japet | 
caturllakṣaṃ hūnedājyaiścatvāriṃśatsahasrakam | 

śaktiśrīpūrvako'ṣtādaśārṇoviṃśativarṇakaḥ |
mantro'nena sadṛkṣo'nyo (mantreṇānena sadṛśo) manurna hi jagatraye | 

ṛṣirvrahmāsya gāyatrīcchantaḥ kṛṣṇastu devatā | 
pūrvaprokta vadevāsya vījaśaktyādikalpanā |

(p. 13) 

kalpaḥ sanatkumārokto mantrasyāsyocyate'dhunā | 
pīṭhanyāsāntikaṃ kṛtvā pūrvoktakramataḥ sudhīḥ |

karadvandvāṅgalitaleṣvaṅgaṣaṭkaṃ pravinyaset | 
mantreṇa vyāpakaṃ kṛtvā mātṛkāṃ manusaṃpuṭām | 

saṃhārasṛṣṭimārgeṇa daśatattvāni ca nyaset | 
punaśca vyāpakaṃ kṛtvā mantravarṇāṃstanau nyaset | 

murddhni bhāle bhruvormadhye netrayoḥ karṇayornasoḥ | 
ānane civuke kaṇṭhe dormūle hṛdi tundake | 

nābhau liṅge tathādhāre kaṭyorjjānvośca jaṅghayoḥ | 
gulphayoḥ pādayornyasyet sṛṣṭireṣā samīritā | 

sthitirhṛdādipādāntā saṃhṛtiścaraṇādikā | 
vidhāyaivaṃ pañcakṛtvaḥ sthityastaṃ mūrttipañjaram | 

sṛṣṭisthitī ca vinyasya ṣaḍaṅganyāsamācaret | 
guṇāgnivedakaraṇakaraṇākṣyakṣarairmanoḥ | 

mudrāṃ vaddhā kirīṭādyā digvandhaṃ pūrvavaccaret | 
dhyātvā japtvārccayeddehaṃ mūrttipañjarapūrvakam ||


atha vāhye'rcayedviṣṇuṃ tadarthaṃ yantramūcyate | 
gomayenopalipyorvīṃ tatra pīṭhaṃ nidhāpayet | 

vilipya gandhapaṅkena likhedaṣṭadalāmvujam | 
karṇikāyāntu ṣaṭkoṇam sasādhyantatra manmatham |

śiṣṭaistu saptadaśabhirakṣarairveṣṭayet smaram | 
prāgrakṣo'nilakoṇeṣu śriyaṃ śiṣṭeṣu saṃvidam | 

ṣadakṣaraṃ sandhiṣu ca keśareṣu triśastriśaḥ | 
vilikhet smaragāyatrīṃ mālāmantraṃ dalāṣṭake | 

ṣaṭśaḥ saṃlikhya tadvāhye veṣṭayenmātṛkākṣaraiḥ | 
bhūvimvañca likhedvāhye śrīmāye digvidikṣvapi | 

etadyantraṃ hāṭakādipaṭṭeṣvālikhya pūrvavat | 
sādhitaṃ dhārayedyo vai so'rcyate tridaśairapi | 

syādgāyatrī kāmadevapuṣpavāṇau ca ṅe'ntakau | 
vidmahe dhīmahiyutau tanno'naṅgaḥ pracodayāt | 

japyā japādau gopālamantrāṇāṃ janarañjanī | 
natyante kāmadevāya ṅe'ntaṃ sarvajanapriyam | 

uktvā sarvajanānte tu sammohanapadantathā | 
jvala jvala projjvaleti proktvā sarvajanasya ca | 

hṛdayaṃ mama ca vruyādvaśaṃ kuru yugaṃ śivaḥ | 
proktomadanamantro'ṣṭacatvāriṃśadbhirakṣaraiḥ | 

japādau sāravījāḍhyo jagatrayavaśīkaraḥ | 
bhūgṛhaṃ caturasraṃ syādaṣṭaśūla (vajra) vibhūṣitam ||



pīṭhaḥ pūrvavadabhyarcya mūrttiṃ saṃkalpya pauruṣīm | 
tatrāvāhyācyutaṃ bhaktyā sakalīkṛtya pūjayet | 

āsanādivibhūṣāntaṃ punarnyāsakramādyajet | 
sṛṣṭisthitiṣaḍaṅgañca kirīṭaṃ kuṇḍaladvayam | 

śaṅkhacakragadāpadmamālāśrīvatsakaustubhān | 
gandhākṣataprasūnaiśca mūlenābhyarcya pūrvavat | 

ādau vahnipuradvandvakoṇeṣvaṅgāni pūjayet | 
sahṛcchiraḥ śikhāvarma netramastramiti kramāt | 

vāsudevaḥ saṅkarṣaṇaḥ pradyumnaścāniruddhakaḥ | 
agnyādidalamūleṣu śāntiḥ śrīśca sarasvatī |

ratiśca digdaleṣvarcyā tato'ṣṭau mahiṣīryajet | 
rukmiṇyādyā dakṣa savyakramāt patrāgrakeṣu ca | 

tataḥ ṣoḍaśasāhasraṃ sakṛdevārcayet priyāḥ | 
indranīlamukundādyānmakarānandakacchapān | 

śaṅkhapadmādikāṃścāpi nidhīnaṣṭau kramādyajet | 
tadvahiścendravajrādyā āvṛtīḥ saṃprapūjayet | 

iti saptāvṛtivṛtamabhyarcyācyutamādarāt | 
prīṇayeddadhikhaṇḍājyasaṃmiśreṇa payo'ndhasā | 

rājopacārān dattvā tu  stutvā natvā tu keśavam | 
udvāsayet svahṛdaye parivāragaṇaiḥ saha | 

nyasyātmānaṃ samabhyarcya tanmayaḥ prajapenmanum | 
ratnābhiṣeke dhyānejyā viṃśatyarṇāśriteritā | 

japahomārcanadhyānairyomu?ṃ prabhajate manum | 
tadveśma pūryateranaiḥ svarṇadhānyairanāvṛtam | 

pṛthvī pṛthvī kare tasya sarvaśasya samākulā | 
putrairmitraiḥ susampannaḥ prayātyante parāṃ gatim | 

vahnāvabhyarcya govindaṃ sitapuṣpaiḥ sataṇḍulaiḥ | 
ājyāktairayutaṃ hūtvā bhasmatanmūrddhni dhārayet | 

tasyānnādi samṛddhiḥ syāttadvaśe sarvayoṣitaḥ | 
ājyairlakṣaṃ hūnedraktapadmairvā madhurāplutaiḥ | 

śriyā tasyaindramaiśvaryaṃ tṛṇaleśāyate dhruvam | 
śuklādivastralābhāya śuklādikusumairhūnet | 

trimadhavāktairdaśaśatamājyāktairvāṣṭasaṃyutam | 
kṣaudrasiktaiḥ sitaiḥ puṣpaiḥ puṣpairaṣṭottarasahasrakam | 

hūnennityaṃ yaḥ samāsāt purodhā nṛpaterbhavet | 
daśāṣṭādaśavarṇoktajapadhyāna hūtādikam | 

vidadhyāt karma vānena tābhyāmapyatra kīrttitam | 
śrīśaktismarakṛṣṇāya govindāya śiromanuḥ | 

ravyarṇo vrahmagāyatrī kṛṣṇarṣyādirathāsya tu | 
vījaistrivedayugmārṇairaṅgaṣaṭka mudāhṛtam | 

viṃśatyarṇoditajapadhyānahomārcanakriyāḥ | 
mantro'yaṃ sakalaiśvaryakāṅkṣibhiḥ sevyatāṃ vudhaiḥ | 

śrīśaktikāmapūrvoṅgajanmaśaktiramāntikaḥ | 
daśākṣaraḥ sa evādau syāccecchaktiramāyutaḥ | 

mantrau vikṛtiravyarṇāvācakrādyaṅgināvimau | 
viṃśatyarṇoktayajanavidhī dhyāyedathācyutam | 

varadābhayahastābhyāṃ śliṣyantaṃ svāṅgage priye | 
padmotpalakare tābhyāṃ śliṣṭaṃ cakravarojjvalam | 

daśalakṣaṃ japedājyaistāvat sāhasrahomataḥ | 
siddhāvimau manū sarvasampatsaubhāgyādau nṛṇām | 

māraśaktiramāpūrvaḥ śaktiśrīmārapūrvakaḥ | 
śrīśaktimārapūrvaśca daśārṇomanavastrayaḥ | 

eteṣāṃ mantravaryāṇāmaṅgarṣyādi daśārṇavat | 
śaṅkhacakradhanurvāṇapāśāṅkuśadharo'ruṇaḥ | 

veṇuṃ dhaman dhṛtaṃ dorbhyāṃ dhyeyaḥ kṛṣṇodivākare | 
ādye manau dhyānamevaṃ dvitīye viṃśadarṇavat | 

daśārṇavat tṛtīye'ṅgadikpālādyaiḥ samarcanā | 
pañcalakṣaṃ japettāvadayutaṃ pāyasairhūnet | 

tataḥ siddhyanti manavo nṛṇāṃ saspantikāmadāḥ | 
aṣṭādaśārṇomārāntomanuḥ sutadhanapradaḥ | 

ṛṣyādyaṣṭādaśārṇoktaṃ mārāruḍhasvaraiḥ kramāt | 

(p. 14) 

aṅgānyasya manoraṅgadikpālādyaiḥ samarcanā || 

pāṇau pāyasapaṅkamāhitarasaṃ vibhranmudā dakṣiṇe savye 
śāradacandramaṇḍalanibhaṃ haiyaṅgavīnaṃ dadhat |
kaṇṭhe kalpitapuṇḍarīkanakhamadduddāmadīptiṃ vahan devodivyadigamvaro 
diśatu naḥ saukhyaṃ yaśodāśiśuḥ || 

dinaśo'bhyarcya govindaṃ dvātriṃśallakṣamānataḥ | 
japtvā daśāṃśaṃ juhūyāt sitājyena payondhasā | 

padmasthaṃ devamabhyarca tarpayettanmukhāmvuje | 
kṣīreṇa kadalīpaṅkairdadhnā haiyaṅgavena ca | 

sutārthī tarpayeddevaṃ vatasarāllabhate sutam | 
yadyadicchati tatsarvaṃ tarpaṇādeva sidhyati | 

vāgbhavaṃ kāmavījañca kṛṣṇāya bhūvaneśvarī | 
govindāya ramāgopī janavallabhaṅe śivaḥ caturdaśasvaropetaḥ śukraḥ sargī 
tadūrddhataḥ | 

dvāviṃśatyakṣaromantro vāgīśatvapradāyakaḥ | 
aṣṭādaśārṇavat sarvamaṅgarṣyādikamasya tu | 

pūjā ca viṃśatyarṇoktā pratipattistu kathyate | 
vāmorddhahaste dadhataṃ vidyāsarvasvapustakam | 

akṣamālāñca dakṣorddhe sphāṭikīṃ mātṛkāmayīm | 
śavdavrahmamayaṃ veṇu madhaḥ pāṇidvaye'ṅkitam | 

gāyantaṃ pītavasanaṃ śyāmalaṃ komalacchavim | 
varhivarhakṛtottaṃsaṃ sarvajñaṃ sarvavedibhiḥ | 

upāsitaṃ munigaṇairupatiṣṭheddhariṃ sadā | 
dhyātvaivaṃ pramadāveśavilāsaṃ bhuvaneśvaram | 

caturllakṣaṃ japenmantramamuṃ mantrī susaṃyataḥ | 
palāsapuṣpaiḥ svādvaktaiścatvāriṃśatsahasrakam | 

juhūyāt karmaṇānena manuḥ siddhobhaved dhruvam | 
yo'sminniṣṇātadhīrmantrī varttate vakragahvarāt | 

gadyapadyamayī vāṇī tasya gaṅgā pravāhavat | 
sarvavedeṣu śāstreṣu saṅgīteṣu ca paṇḍitaḥ | 

sampattiṃ paramāṃ lavdhvā cānte bhūyāt paraṃ padam | 
tāraṃ hṛdbhagavān ṅento nandaputrapadantathā | 

nandānte vapuṣe'sthyagnimāyānte daśavarṇakaḥ | 
aṣṭāviṃśatyakṣaro'yaṃ vruveddvātriṃśadakṣraṃ | 

nandaputrapadaṃ ṅentaṃ śyāmalāṅgapadantathā | 
tathā vālavapuḥ kṛṣṇagovindau daśavarṇakaḥ | 

anayornāradaṛṣiśchanda uṣṇiganuṣṭubhau | 
ācakrādyairaṅgamaṅgadikpālādyaistu pūjanam | 

dakṣiṇe ratnacaṣakaṃ vāme sauvarṇavetrakam | 
kare dadhānaṃ devībhyāmāśliṣṭaṃ cintayeddharim | 

japellakṣaṃ manuvarau pāyasairayutaṃ hūnet | 
evaṃ siddhamanurmantrī trailokyaiścaryabhāgbhavet | 

tāraṃ śrīśaktivījāḍhyaṃ namo bhagavate padam | 
nandaputrapadaṃ ṅentaṃ bhūdhārāmukhavṛttayuk | 

māṃsānte vapuṣomantra unaviṃśākṣarātmakaḥ | 
ṛṣirvrahmānuṣṭupchandastathānyaduditaṃ samam | 

ayañca sarvasampattisiddhaye sevyatāṃ manuḥ | 
tāraṃ hṛdbhabhagavān ṅe'nto rukmiṇīvallabhastathā | 

śivo'ntaḥ ṣoḍaśārṇo'yaṃ rukmiṇīvallabhāhvayam | 
sarvasampatpradomantro nārado'sya muniḥ smṛtaḥ | 

chandonuṣṭavdevatā ca rukmiṇīvallabho hariḥ | 
ekadṛgvedamunidṛkvarṇairasyāṅgapañcakam || 

tāpiñjacchaviraṅkagāṃ priyatamāṃ 
svarṇaprabhāmamvujaprodyadvāmabhūjāṃ svavāmabhujayā śliṣyan 
sacintāśmanā | 
śliṣyantīṃ svayamanyahastavilasatsauvarṇavetraściraṃ 
pāyādvo'sanasūnapītavasano nānāvibhūṣo hariḥ | 
dhyātvaivaṃ rukmiṇīnāthaṃ japellakṣamimaṃ manum || 

ayutaṃ juhūyāt padmairaruṇairmadhurāplutaiḥ | 
arcayennityamaṅgaistaṃ nāradādyairdiśādhipaiḥ | 

vajrādyairapi dharmārthakāmamokṣāptaye naraḥ | 
līlādaṇḍadharo gopījanasaṃsaktadoḥ padam | 

daṇḍānte vālarupeti meghaśyāmapadantataḥ |
bhagavan viṣṇurityukto vahnijāyāntako manuḥ | 

ekonatrṃśadarṇo'sya munirnārada ṅgeritaḥ | 
chando'nuṣṭavdevatā ca līlādaṇḍadharohariḥ | 

manvavdhikaraṇāgnyavdhivarṇairaṅgakriyā matā | 

sammohayannijakarāmakarasthalīlā daṇḍena gopayuvatīḥ purasundarīśca | 
diśyannijapriyasakhiṃ sakṛdakṣahastodevaḥ śriyaḥ nihatakaṃsa urukramovaḥ || 

dhyātvaivaṃ prajapellakṣamayutaṃ tilataṇḍulaiḥ | 
trimadhvaktairhūnedaṅgaṃ dikpālādyaiḥ samarcanā || 

līlādaṇḍahariṃ yo vai bhajate nityamādarāt | 
sa pūjyate sarvalokaistaṃ bhajedindirā sadā | 

trayodaśasvaropetaḥ śārṅgī medaḥ sakeśavaḥ | 
tathā māṃsayugaṃ bhāya śiraḥ saptākṣaromanuḥ | 

ācakrādyairaṅgakṛt?ptirnārado'sya muniḥ smṛtaḥ | 
chanda-uṣṇigadevatā ca govallabha udāhṛtaḥ | 

dhyeyo'cyutaḥ sa kapilāgaṇamadhyasaṃsthastāmāhvayan dadhaddakṣiṇadoṣṇi 
veṇum | 
pāśaṃ sayaṣṭimaparatra payodalīlaḥ pītāmvaro'hiripupicchakṛtāvataṃsaḥ || 

munilakṣaṃ japedenaṃ hūnet saptasahasrakam | 
gokṣīrairaṅgadikpālamadhye'rcyaṃ gogaṇāṣṭakam | 

aṣṭottarasahasraṃ yaḥ payobhirdinaśo hunet | 
pakṣāt sa gogaṇairāḍhyodaśārṇenaiva vā vidhiḥ | 

salavovāsudevohṛt ṅe'ntañca bhagavatpadam | 
śrīgovindapadaṃ tadvaddvādaśārṇo'yamīritaḥ | 

manurnāradagāyatrī kṛṣṇarṣyādirathāṅgakam | 
ekākṣiredabhūtārṇaiḥ samastairapi kalpayet | 

vande kalpadrumūlāśritamaṇimayasiṃhāsane sanniviṣṭaṃ nīlābhaṃ 
pītavastraṃ karakamalalasacchaṅkhavetraṃ murārim | 

gobhiḥ saprasravābhirvṛtamamarapatiprauḍhahastasthakumbhapracyotat-
saudhadhārāsnapitamabhinavāmbhojapatrābhanetram | 

evaṃ dhyātvācyutaṃ japtvāravilakṣaṃ hunettataḥ | 
dugdhairdvādaśasāhasraṃ dinaśo'muṃ samarcayet | 

goṣṭhe pratiṣṭhitaṃ vātmagehe vā pratimādiṣu | 
samastaparivārārcyāstāḥ punarviṣṇupārṣadāḥ | 

dvāre grāvaṇi pīṭhai'rcyāḥ pakṣīndraśca tadagrataḥ |
caṇḍapracaṇḍau prāgdhātṛvidhātārau ca dakṣiṇe | 

jayaḥ sa vijayaḥ paścāt valaḥ pravala uttare | 
urddhe dvāraśriyaṃ ceṣṭvā dvāryetān yugmaśo'rcayet | 

pūjyo vāstuḥ pumāṃstatra tatra dvāḥ pīṭhamadhyataḥ |

(p. 15)

dvārāntaḥ pārśvayorarcyā gaṅgā ca yamunā vidhī | 
koṇeṣu vighnaṃ durgāñca vāṇīṃ kṣetreśamarcayet | 

arcayedvāstupuruṣaṃ veśmamadhye samāhitaḥ | 
tāraṃ śārṅgapadaṃ ṅentaṃ sapūrvañca śarantathā (savāsanam) | 

hūṃ phaṭ natīrapyuktvāstramudrayāgrasthitohareḥ | 
puṣpākṣataṃ kṣipeddikṣu samāhitāsane tataḥ | 

vidheyametat sarvatra sthāpiteṣu viśeṣataḥ | 
ātmārcanāntaṃ kṛtvātha gurupatnīḥ puroktavat | 

śrīgurun paramādyāṃśca mahāsmat sarvapūrvakān | 
tatpādukān nāradādīn pūrvasiddhānanantaram | 

tato bhāgavatāṃśceṣṭvā vighnaṃ dakṣiṇato'rcayet | 
pūrvavat pīṭhamabhyarcya śrīgovinda mathārcayet | 

rukmiṇīṃ satyabhāmāñca pārśvayorindramagrataḥ | 
pṛṣṭhataḥ surabhiñceṣṭvā keśareṣvaṅgadevatāḥ | 

arcyā hṛdādivarmāntā dikṣvastraṃ koṇakeṣu ca | 
kālindīrohiṇīnāgnajityādyāḥ ṣaṭ ca śaktayaḥ | 

daleṣu pīṭhakoṇeṣu dāmādyarcyāstu kiṅkiṇī | 
dāmādīn yaṣṭiveṇuñca puraḥ śrīvatsakaustubhau | 

agrato vanamālāñca dikṣvaṣṭasu tato'rcayet | 
pāñcajanyaṃ gadāṃ cakraṃ vasudevañca devakīm | 

nandagopaṃ yaśodāñca sagogopālagopikāḥ | 
indrādyān kumudādyāṃśca viśvaksenaṃ tathottare | 

kumudaḥ kumudākṣaśca puṇḍarīko'tha vāmanaḥ | 
śaṅkukarṇaḥ sarvanetraḥ sumukhaḥ supratiṣṭhitaḥ | 

ekakālaṃ dvikālamvā trikālaṃ veti goṣṭhagam | 
śrīgovindaṃ yajennityaṃ gopībhyaśca rasapradam | 

dīrghajīvī nirātaṅko dhenudhānyadhanādibhiḥ | 
putrairmitraurahāḍhyo'nte prayāti paramaṃ padam | 

urddhadantayutaḥ śārṅgī cakrī dakṣiṇakarṇayuk | 
māṃsanāthāya natyanto mūlamantro'ṣṭavarṇakaḥ | 

ṛṣirvrahmāsya gāyatrīcchandaḥ kṛṣṇaśca devatā | 
varṇayugmaiḥ samastena proktaṃ syādaṅgapañcakam | 

pañcavarṣamatidṛptamaṅgane dhāvamānamalakākulekṣaṇam | 
kiṅkiṇīvalayahāranūpurairañcitaṃ smarat gopavālakam | 

dhyātvaivaṃ prajapedaṣṭalakṣaṃ tāvat sahasrakam | 
juhūyādvrahmavṛkṣoṇyasamidbhaḥ pāyasena vā | 

prāsāde sthāpitaṃ kṛṣṇamamunā nityamarcayet | 
dvārapūjādi pīṭhārcanāntaṃ kṛtvoktamārgataḥ | 

madhye'rcayeddharim dikṣu vidikṣvaṅgāni ca kramāt | 
vāsudevaḥ saṅkarṣaṇaḥ pradyumnaścāniruddhakaḥ | 

rukmiṇī satyabhāmā ca lakṣmaṇā jāmvavatyapi | 
digvidikṣvarcayedetānidravajrādikān vahiḥ | 

yo'muṃ mantraṃ japennityaṃ vidhinābhyarcayan harim | 
sa sarvasampatsaṃyukto nityaṃ śuddhapadaṃ vrajet | 

tāraśrīśaktimārānte śrīkṛṣṇāyapadaṃ vadet | 
śrīgovindāya tasyorddhaṃ śrīgopījana ityapi | 

vallabhāya tataḥ strīḥ śrīṃ siddhagopālakomanuḥ | 
mādhavīmaṇḍapāsīnau garuḍenābhipālitau | 

divyakrīḍāsuniratau rāmakṛṣṇau smaran japet | 
cakrī vasusvarayutaḥ sargaikārṇomanurmataḥ | 

kṛṣṇeti dvyakṣaraḥ kāmapūrvastryarṇaḥ sa eva tu | 
sa eva caturvarṇaḥ syāt ṅe'nto'nyaścaturakṣaraḥ | 

vakṣyate pañcavarṇaḥ syāt kṛṣṇāya nama ityapi | 
kṛṣṇāyeti smaradvandvamadhye pañcākṣaro'paraḥ | 

gopālāyāgnijāyābhyāṃ ṣaḍakṣara udāhṛtaḥ | 
kṛṣṇāya smaravījādyo vahnijāyāntiko'paraḥ | 

ṣaḍakṣaraḥ prāguditaḥ kṛṣṇagovindakau punaḥ | 
sacaturthī saptavarṇaḥ saptārṇo'nyaparoditaḥ | 

śrīśaktimārakṛṣṇāya māraḥ saptākṣaromanuḥ | 
kṛṣṇagovindakau ṅe'ntau smarādyāvaṣṭavarṇa.kaḥ | 

dadhibhakṣaṇaṅevahnijāyābhiraparo'ṣṭakaḥ | 
suprasannātmane prokto nama ityaparo'ṣṭakaḥ | 

prāk proktomūlamantraśca navārṇaḥ smarasaṃyutaḥ | 
kṛṣṇagovindakau ṅe'ntau namo'nto'nyonavārṇakaḥ | 

klīṃ glauṃ klīṃ syāmalāṅgāya namaḥ syāddaśavarṇakaḥ | 
śiro'ntovālavapuṣe kṛṣṇayānyomanurmataḥ | 

śiro'ntovālavapuṣe klīṃ kṛṣṇāya smṛtovudhaiḥ |
ekādaśākṣaromantra eteṣāṃ nāradomuniḥ | 

chandastu devī gāyatrī devatā kṛṣṇaṅgeritaḥ | 
kalaṣaḍdīrghakairaṅgamathāmuṃ cintayeddharim | 

avyādvyākoṣanīlāmvujarūciraruṇāmbhojanetrāmvujasthovālojaṃghā-
kaṭīrasthalakalitaraṇatkiṅkiṇīkomukundaḥ | 

dorbhyāṃ haiyaṅgavīnaṃ dadhadativimalaṃ pāyasaṃ 
viśvavandyogogopīgopavītorurunakhavilasatkaṇṭhabhūṣaściraṃ vaḥ | 

dhyātvaiva meka meteṣāṃ lakṣaṃ japyānmanuṃ tataḥ | 
sarpiḥ sitopalopetaiḥ pāyasairayutaṃ hūnet | 

tarpayettāvadeteṣāṃ manunāṃ hūtasaṃkhyayā | 
tarpaṇaṃ vihitaṃ nityaṃ yo'rcayet susamāhitaḥ | 

vahnyādīśānta maṅgāni hṛdādikavacāntikam | 
arcayet purato netramantraṃ dikṣu vahiḥ punaḥ | 

indravajrādikāḥ pūjyāḥ saparyaiṣāṃ samīritā | 
ityeka meṣāṃ mantrāṇāṃ bhajedyomanuvittamaḥ | 

karapraceyāḥ sarvārthāstasyāsau pūjyate naraiḥ | 
sadyaḥ phalapradaṃ mantraṃ vakṣye'nyañcaturakṣaram | 

saṃproktomārayugmāntarasthakṛṣṇapadena tu | 
ṛṣyādyamaṅgaṣaṭkañca prāguktaṃ proktamasya tu | 

śrīmatkalpadrumūlodgatakamala lasatkarṇikāsaṃsthito 
yastatśākhālamvipadmodaravisarasaṃkhyātaratnābhiṣiktaḥ | 

hemābhaḥ suprabhābhistribhuvanamakhilaṃ bhāsayan vāsudevaḥ pāyādvaḥ 
pāyasādonavanavanavanītāmṛtāśī vaśī saḥ | 

dhyātvaivaṃ prajapellakṣacatuṣkaṃ juhūyāttataḥ | 
trimadhvaktairvilvaphalaiścatvāriṃśatsahasrakam | 

aṅgairnidhibhirindrādyairvajrādyairvacanoditā | 
tarpayoddinaśaḥ kṛṣṇaṃ svādutrayadhiyā jalaiḥ | 

mārayorasya māṃsādhoraktañcedaparomanuḥ | 
ṣaḍṅgānyasya kaplyāni (kalaṣaḍ) dīrghairmantraśikhāmaṇeḥ | 

āraktodyānakalpadrumaśikharalasatsvarṇadolādhiruḍhaṃ gopībhyāṃ 
prekṣyamāṇaṃ vikasitanavavandhakasindūrabhāsam | 

vālaṃ

(p. 16) 

līlālakāntaṃ kaṭitaṭavilasatkṣudraghaṇṭāghaṭāḍhyaṃ vande 
śārdūlakāmāṅkuśalasitagadākalpadīptaṃ mukundam | 

dhyātvaivaṃ pūrvakṛt?ptyainaṃ japtvārājotpalairnavaiḥ | 
madhutrayayutairhūtvā tarpayet pūrvavaddharim | 

madhuratrayasaṃyuktā māraktāṃ śālimañjarīm | 
juhūyānnityaśo'ṣṭorddhaśatamekena mantrayoḥ | 

asya maṇḍalataḥ pṛthvī pṛthvīśasya kulākulā | 
syāt śālipūñjapūrṇañca tadveśmāśu prajāyate | 

yaścaitayorniyatamanyataraṃ bhajet manvorjapārcanahūtādibhi rātmabhaktiḥ | 
śrīmān sa manmatha-ivapramadāsu vāgmī bhūyāttanorvipadi tacca 
mahācyutākhyam |

	iti kramadīpikāyāṃ saptamaḥ paṭalaḥ |


athocyate vaśyavidhiḥ puroktadaśārṇato'ṣṭādaśavarṇataśca |
smṛtyaiva yau sarvajagatpriyatvaṃ manū manujñasya sadā vidhattaḥ | 

phullairvanyaprasūnairamumamalatarairarcayitvā dinādau nityaṃ nityakriyāyāṃ 
ratamatha dinamadhyoktakṛt?ptyā mukundam | 

aṣṭopetaṃ sahasraṃ daśalipimanuvaryaṃ japedayaḥ | 

sa mantrī kuryādvaśyānyavaśyaṃ mukharamukhatarāṃ maṇḍalānmaṇḍalāni | 

jātīprasūnairvaragopaveśaṃ krīḍārataṃ raktahayāripuṣpaiḥ | 
nīlotpalairgītirataṃ purovadiṣṭvā nṛpādīn vaśayet krameṇa | 

sitakusumasametaistaṇḍulairājyasiktairdaśaśatamatha hūtvā nityaśaḥ 
saptarātram | 
kacabhuvi ca lalāṭe bhasma taddhārayedyovaśayati yuvatīṃ strīṃ sāpi 
nṛṃstadvadeva | 

tāmvūlavastrakusumāñjanacandanādyaṃ japtaṃ sahasrataramanyatareṇa manvoḥ 
| 
yasmai dadāti manuvit sa narosya maṃkṣuḥ syāt kiṅkarona khalu tatra 
vicāraṇīyam | 

rājadvāre vyavahāre sabhāyāṃ dyūte vāde vāṣṭayuktaṃ śataṃ yaḥ | 
japtvā vācaṃ prathamāmīrayedvai varttetāsau tatra tatropariṣṭāt | 

āsīnaṃ muramathanaṃ kadamvamūle gāyantaṃ madhurataraṃ vrajāṅganābhiḥ 
| 
smṛtvāgnau madhumilitairmayūrakedhnairhūtvāsau vaśayati mantravittrilokīm | 

rāsamadhyagatamacyutaṃ smaran yo japeddaśaśataṃ daśākṣaram | 
nityaśodhāṭiti māsatonarovāñchitāmabhivahet sa kanyakām | 

tuṅgakuñjamadhiruḍhamacyutaṃ yā vicintya dinaśaḥ sahasrakam | 
sāṣṭakaṃ japati sā hi maṇḍalād vāñchitaṃ varamupaiti kanyakā | 

nṛtyantaṃ vrajasundarījanakarāntojāni saṃgṛhya taṃ 
dhyātvāṣṭādaśavarṇakaṃ manuvaraṃ lakṣaṃ japenmantravit | 

lājānāmathavā madhudrutatarairhūtvāyutaṃ karṇakairudvoḍhum prajapecca 
tāvadacirādākāṅkṣitāṃ kanyakām | 

aṣṭādaśākṣareṇa dvijatarujaistarpaṇai strimadhvaktaiḥ | 
ayutaṃ kuśaistilairvā sataṇḍulairvaśayituṃ dvijān juhūyāt | 

kṛtamālabhavaiśca kuruṇṭakajairnṛpatīn vakulaiśca kuruṇṭakajaiḥ | 
viśamakṣabhavairapi pāṭalajai ritarānapi tadvadatho vaśayet | 

abhinavaiḥ kamalairaruṇotpalaiḥ samadhurai rapi campakapāṭalaiḥ | 
pratihūnedayutaṃ kramaśo'cirādvaśayituṃ mukhajādivarāṅganāḥ | 

hayārikusumainavaistrimadhurāplutairnityaśaḥ sahasramṛṣivāsaraṃ pratihūnet 
niśīkhe vudhaḥ | 
sugarvitadhiyaṃ haṭājdhāṭiti vārayoṣāmasua karoti nijakiṅkarīṃ 
smaraśilīmukhairarditām | 

kaṭusaṃyutaistrimadhurārdrataraiḥ sitasarṣapairdaśaśatatritayam | 
niśi juhvato'sya śacīdayitopyavaśovaśobhavati kinna paraiḥ | 

atha vilvajai śca phalasamitprasavacchadanairmadhudrutatarairhavanāt | 
kamalaiḥ sitākṣatayutaiśca kamalāṃ cirāya vaśayedacirāt | 

apahṛtya gopavanitāmvarāṇyamāhṛdayaiḥ kadamvamadhiruḍhamacyutam | 
prajapet smaranniśi sahasramānayedvaśamurvaśīmapi haṭāddaśātaḥ | 

vahūnā kimatra kathitena mantrayoranayoḥ sadṛṅnahi parovaśīkṛtau | 
api kṛṣṭikarmaṇi vidagdhayoṣitāṃ kusumāyudhāstramayavarmaṇoriha | 

vande kundendugauraṃ taruṇamaruṇapāthojapatrābhanetraṃ cakraṃ śaṅkhaṃ 
gadāvjaṃ nijabhujaparighairāyatairādadhānam | 

divyairbhūṣāṅgarāgairnavanālanalasan mālayā ca pradīptaṃ 
dyotatpītāmvarāḍhyaṃ munibhirabhivṛtaṃ padmasaṃsthaṃ mukundam | 

evaṃ dhyātvā pumāṃsaṃ sphuṭ-hṛdayasarojāsanāsīnamādyaṃ 
sāndrāmbhojacchavimvā drutakanakanibhaṃ vā japedarkalakṣam | 

manvorekaṃ dvitārāntaritamatha hūnedarkasāhasramidhnaiḥ kṣīradruṇyaḥ 
payoktaiḥ samadhudhṛtasitenāpi vā pāyasena | 

tato lokādhyakṣaṃ dhruvaciti sadānandavapuṣaṃ nije hṛtpāthoje bhavati nivasaṃ 
bhedamihiram | 
nijaikyena dhyāyannamumamalacetāḥ pratidinaṃ trisāhasryaṃ japyāt prayajatu ca 
sāyāhnavidhinā | 

vidhiṃ yo'muṃbhaktyā bhajati niyataṃ susthiramatirbhavāntodhiṃ bhīmaṃ 
viṣayaviṣamagrāhanikaraiḥ | 
taraṅgairuttuṅgairjjanimṛtisamākhyaiḥ pravitataṃ samuttīryānandaṃ vrajati 
paramaṃ dhāma sa hareḥ | 

gṛṇaṃstasya nāmāni śṛṇvaṃ stadīyāḥ kathāḥ saṃsmaran tasya rupāṇi 
nityaṃ | 
namaṃstatpādāmbhoruhaṃ bhaktinamraḥ sa pūjyovudhairnityamuktaḥ sa eva | 

vakṣye manudvayamathātirahasyamanyat saṃkṣepato bhuvanamohananāmadheyam | 
vrahmendravāmanayanendubhirādimo'nyastatpūrvakoviyadṛṣīkayuteśaṅehṛt | 

manvostu sammohananāradomuniśchandastu gāyatryamudīritaṃ vudhaiḥ | 
trailokyasammohanaviṣṇuretayoḥ syāddevatā vacnyadhunā ṣaḍaṅgakam | 

aklīvakalādīrghaiḥ salavaistadapi kalāsamādhirūḍhaiḥ | 
uktaṃ pūrvavadāsanavinyāsāntaṃ samācaredatha tu | 

karayoḥ śākhāsu tale nyasya ṣaḍaṅgāni cāṅgalīṣu śarān | 
manupuṭitamātṛkāvarṇairnasyāṅge'ṅgāni vinyasecca śarān | 

kāmyahṛdandhaṅghriṣu karaśākhābhistānnamo'ntikān ṅe'ntān | 
śoṣaṇamohanasandīpanatāpanamādanādikān kramaśaḥ |

(p. 17) 

pañcaite saṃproktā drāṃ drīṃ klīṃ vluṃ  sa ādikaraṇāḥ | 
sammohanamatha jagatāṃ dhyāyet puruṣottamaṃ samāhitadhīḥ | 

divyatarudyānādruciramahākalpapādapādhastāt | 
maṇimayabhūtalavilasadratnapayojanmapīṭhaniviṣṭasya | 

viśvaprāṇasyodyatpradyotanasadyuteḥ suvarṇasya | 
āsīnamunnatāṃ pāridrumabhadrāṅgamaṅgajo mukhitam | 

cakradarāṅkuśapāśān sumano vāṇekṣucāpakamalagadāḥ | 
dadhataṃ svadorbhiraruṇāyatavipulavighūrṇitākṣiyuganalinam | 

maṇimayakirīṭakuṇḍalahārāṅgadakaṅkaṇormirasanādyaiḥ | 
aruṇairmālyavilepaiścādiptaṃ pītavastraparidhānam | 

nijavāmoruniṣaṇṇāṃ śliṣyantīṃ vāmahastadhṛtanalinīm | 
klidyadyoniṃ kamalāṃ madanamadavyākulojvalāṅgalatām || 

surucirabhūṣaṇamālyānulepanāṃ susitavasanaparivītām | 
nijamukhakamalavyāpṛta caṭulā sitanayanamadhukarāṃ taruṇīm | 

śliṣyantaṃ vāmabhujādaṇḍena dṛḍhaṃ dhṛtekṣupācena | 

tajjanitaparamanirvṛtinirbharahṛdayaṃ carācaraikaguruṃ suraditijabhujagaguhyaka-
gandharvādyaṅganājanasahasraiḥ | 

madamanmathālasāṅgairabhivītaṃ divyabhūṣaṇollasitaiḥ | 
svātmābhedatayeṇyaṃ dhyātvaikākṣaramathāṣṭavarṇamvā | 

prajapeddinakaralakṣaṃ trimadhurasiktaiśca kiṃśukaprasavaiḥ | 
juhūyādarkasahasraṃ vimalaiḥ salilaiśca tarpayettāvat | 

viṃśatyarṇaprokte yantre dinaśo'mumarcayedbhaktyā | 
pīṭhāvadhau pakṣānte rājāya śivo'munābhipūjyavipam | 

harimabhivāhyaskandhe tasyārghyādyaiḥ samarcya dhūpāntaiḥ | 
aṅgāni vāṇāṃśca nyāsakramataḥ kirīṭamapi śirasi | 

śravasoścakuṇḍale vipramukhāni praharaṇāni pāṇiṣu | 
śrīvatsakaustubhau ca stanayorurddhe jale ca vanamālām | 

pītavasanaṃ nitamve vāmāṅke śriyamapi svavījena | 
iṣṭvātha karṇikāyāmaṅgāni vidigdiśāsu dikṣuśarān | 

koṇeṣu pañcamaṃ punaragnyādidaleṣu śaktayaḥ pūjyāḥ | 
lakṣmīḥ sarasvatī ca svarṇābhe aruṇatare ratiprītyau | 

kīrttiḥ śāntiśca site tuṣṭiḥ puṣṭiśca marakatapratime | 
divyāṅgarāgamarakatabhūṣaṇamālyadukūlairalaṅkṛtālatāḥ | 

smerānanāḥ smarārtā dhṛtacāmaracārukaralatā etāḥ | 
lokeśā vahirarcyāḥ kathitetyarcanā manudvayoddhṛtā | 

prāyaḥ puruṣottamavidhirevamiha sa nocyate vahuktatvāt | 
trailokyamohanāyetyuktvā vidmaha iti smarāya tataḥ | 

dhīmahi tanno viṣṇustadanu pracodayāt | 
japyaiṣā japādau dūritahārītrīkarī japārcāhavanaiḥ | 

prokṣayatu śuddhividhaye'rcāyā manayātmayāgabhūdravyāṇi | 
manvorekena śataṃ pratarpayenmohinī prasūnayutairyaḥ | 

toyairddinaśaḥ prātaḥ sa tu labhate vāñchitānayatnāt kāmān | 
hūtvāyutaṃ hūtāśe sampātājyena tāvadabhijaptena | 

bhojayatu samabhīkaṃ ramaṇīramaṇo'pi tāṃ svavaśatāṃ netum | 
aṣṭādaśārṇvihitā vidhayaḥ kāryāśca vaśyakṛt ābhyām | 

manvoranayoḥ sadṛśo'nyo nāśu trailokyavaśyakarmaṇi jagati | 
atraikārṇajapādāvathavā kṛṣṇaḥ saveṇugītirdheyaḥ | 

aruṇarucirāṅgaveśaḥ kandarpo vā sapāśasṛṇicāpeṣu yaḥ | 
yastvekataraṃ manumetayorvimaladhīḥ sadā japati mantrī | 

so'mutrāpi ca siddhiṃ vipulāmatitarāmeti |
atha satyaḥ śauriśca tṛtīyaturyakāḥ | 

śikhivāmanetraśaśikhaṇḍamaṇḍitāḥ | 
jaya kṛṣṇa yuganirantarātmabhūśikhiśakti-āsyavṛttaśaktavarṇakāḥ | 

praṇimadhye muditacetase tatastyaparadṛgmagurumārutākṣarāḥ | 
sa caturthikṛṣṇapadamikṣukārmuko daśavarṇakaśca manuvaryakastvasau | 

salavādharācalasutāramākṣaraiḥ puṭitaṃ kramotkramagataiśca samudgakaram | 
iti dantasuryavasuvarṇa uddhṛtaḥ kavitānurañjanaramākaro'ghahṛt | 

mukhavṛtta nandayutanārado munistvihacchanda-uktamamṛtādikārirāṭ | 
trijagadvimohanasamāhvayo hariḥ khalu devatāsya munibhiḥ samīritā | 

vasumitrabhudharagajātmadiṅmayairmanuvarṇakaistripuṭasaṃsthitaiḥ pṛthak | 
nijajātiyuk nigaditaṃ ṣaḍaṅgakaṃ kriyayaiva tat khalu janānurañjanam | 

atha saṃviśodhya tanumuktamārgataḥ pravacayya pīṭhamatha ca svavarmaṇā | 
karayordaśākṣaravidhikramāt nyaset ṣaḍaṅgaśāyakamanaṅgapañcakam | 

amunā triśonyasatu sarvatastanau smarasaṃpuṭaistadanu mātṛkākṣaraiḥ | 
daśatattvakādidaśavarṇakīrttitaṃ tvatha mūrttipañjarāvasānamācaret | 

sṛjati sthitidaśaṣaḍaṅgaśāyakān nyastvā tato'nyadakhilaṃ pūroktavat | 
praṇidhāya sarvabhūvanaikasākṣiṇaṃ smaratāṃ mukundamanavadyadhīradhīḥ | 

adhobhūdharadarī pariskṛte mahonnataśālagopuraviśālavīthike | 
ghanacumvyudagrasitasaudhasaṃkule maṇiharmyavistṛtakavāṭavedike | 

dvijabhūpaviṭcaraṇajanmanāṃ gṛhairvividhai'sca śilpijanaveśmabhistathā | 
ibhasaptyurabhakharadhenusevitacchagalālayaiśca lasitaiḥ sahasraśaḥ | 

vividhāpaṇāśritamahājanakṛtakrayavikrayadraviṇasaṃcayācite | 
janamānasaṃhṛtividagdhasundarījanamandiraiḥ suruciraiśca maṇḍite | 

pṛthudīrghikāvimalapathi sindūravadvikacāravindamakarandalampaṭe | 
kalahaṃsasārasarathāṅganāmabhirvihagairvighuṣṭakakubhiḥ svake pure | 

surapādapaiḥ surabhipuṣpalolupabhramarākulairvividhakāmade nṛṇām | 
śivamandamārutalalacchikhairvṛte maṇimaṇḍape ravisahasraśrute | 

maṇidīpikākaradīpitāntare tanucitravistṛtavitānaśālini | 
lasite vikasvaravicitradāmabhiḥ susugandhisalilokṣitasthale | 

pramadāśatairmadavighūrṇitekṣaṇairmadanālasaiḥ karavilolacāmaraiḥ | 
abhiṣevitaiḥ skhalita-

(p. 18) 

mañjubhāṣitaiḥ stanabhārabhaṅgurakṛśāvalagnakaiḥ | 
avirāmamaṇicaryavarṣiṇaḥ śramahānadāmṛtarasacyuto'pyadhaḥ | 

surapādapasya maṇibhūtalollasat pṛthusiṃhavakracaraṇāmvujāsane | 
abhicintayet samupaviṣṭamacyutaṃ navanīlanīraruhakomalacchavim | 

kuṭilāgrakuntalalasatkirīṭakaṃ smitaratnapuṣpakalitāvataṃsakam | 
sulalāṭamullasadudañcitabhruvaṃ vipulāruṇāyatalolalocanam | 

maṇikuṇḍalosraparidīptagaṇḍakaṃ navavandhujīvakusumāruṇādharam | 
smitacandrikojjvalitadiṅmukhaṃ sphuratpranakaśramāmvukaṇamaṇḍitānanam | 

sphuradaṃśuratnagaṇadīptabhūṣaṇottamahāradāmabhirūpaskṛtāṃśakam | 
ghanasārakuṅkumaviliptavigrahaṃ pṛthudīrghavandhayajñajāvirājitam | 

taruṇāruṇāvjacaraṇāvjamaṅgajonmathitāṅgamaṅkagakarāmvujadvayam | 

svāṅkasthabhīṣmakasutoruyugāntarasthaṃ tāṃ taptahemarucimātma-
karāmvujābhyām | 
śliṣyantamārdrajaghanāmupagṛhyamāṇāmātmānamāyatalasatkara-
pallavābhyām | 

ānandodrekanighnāṃ mukulitanayanendīvarāṃ srastagātrīṃ 
prodyadromāñcasāndraśramajalakaṇikāmauktikālaṅkṛtāṅgīm | 

ātmanyānīya vāhyāntarakaraṇagaṇāmaṅgakairnistaraṅgairmajjantaṃ 
nīlanānāmatimatulamahānandasandohasindhau | 

satyājāmvuvatībhyāṃ divyadukūlānulepanābhyāṃ | 

manmathaśaramathitābhyāṃ mukhakamalālolalocanabhramarābhyām | 
bhujayugalāśliṣṭābhyāṃ śyāmāruṇalalitakomalāṅgatābhyām | 

āśliṣṭamātmadakṣiṇavāmagatābhyāṃ karollasatkamalābhyām | 
pṛṣṭhagayā kalindasutayā karakamalayujā parivaddhamañjularucā 
madanamathitayā | 

padmagadārathāṅgadarabhṛdbhujayugaṃ 
dordvayaśaktavaṃśavilasanmukhasarasīruham | 

dikṣu vahiḥ śrutarṣiyatibhiḥ khecaraparivṛḍhairbhaktibharāvanamratanubhiḥ 
stutimukharamukhaiḥ | 

santata sevyamānamanovacanaviṣayakamarthacatuṣṭayaprada mamuṃ 
tribhuvanajanakam | 

sāndrānandamahāddhimagnamamale dhāmni svake'vasthitaṃ dhyātvaivaṃ 
paramaṃ pumāṃsa managhāt sa prāpya dīkṣāṃ guroḥ | 

lavdhāmuṃ manu mādareṇa sitadhīrlakṣaṃ japed yoṣitāṃ 
vārttākarṇanadarśanādivihito mantrī guruṇāmapi | 

juhūyācca daśāṃśakaṃ hūtāśe sasitākṣaudraghṛtena pāyasena | 

prathamoditapīṭhavaryake'muṃ prayajennitya manityatā vimuktyai | 

ārabhya vibhūti matha nyāsakramataḥ śarāntamabhyarcya | 
murttyādyaṃ cātmānaṃ viṃśatyarṇodite tu yantravare | 

madhyamavījaṃ paritovaruṇenduyamendradikṣu saṃlikhya | 
vījacatuṣkaṃ tadapi catvāriṃśadbhirakṣarairdvyadhikaiḥ | 

śivaharivahnyāśāsvasriṣu kramādvilikhet | 

vāṅmāyā śrīmantrāṃ stadvadrakṣo'mvupānilāsrisu ca | 
śeṣaṃ pūrvoditavadvidhāya pīṭhaṃ yathāvadabhyarcya | 

saṅkalpya murttimatra vā vāhyārcayatu madhyavīje tam | 
mukhadakṣasavyapṛṣṭhavījeṣvarcyāstu śaktayaḥ kramaśaḥ | 

rukmiṇyādyāḥ ṣaṭṣvatha koṇeṣvaṅgāni keśareṣu śarān | 
lakṣmyādyādalamadhyeṣvagnyādiṣu tadvahirdhvajapramukhān | 

agre ketuṃśyāmaṃ pṛṣṭhe vidhuripumaruṇamamalaraktarucī | 
pārśvadvaye nidhīśau santatadhārābhirvṛṣṭadhanapuñjau | 

heramvaśāstṛdurgāvisvakṛsenān vidikṣu vahnyādyām | 
vidrumamarakatadūrvāsvarṇābhān vahirathendravajrādyān | 

yajatu vidhānamitīritamāvṛtisaptakayutaṃ mukundasya | 

itārcayannacyuta mādareṇa yo'muṃbhajenmantravaraṃ jitātmā | 
so'bhyarcyate divyajanairjjanānāṃ hṛnnetrapaṅkeruhatīgmabhānuḥ | 

sitaśarkarottarapayaḥ pratipatyā paritarpayeddinamukhe dinaśastam | 
salilaiḥ śataṃ śatamukhaśriyameva svavibhṛgudanvatikarotyudavindum | 

vidalakulaiḥ sumanasaḥ sumanobhirghanasāracandanaghanadravamagnaiḥ | 
manunāmunāhavanatoyutaṃ saṃkhyaṃ trijagatpriyaḥ sa manuvit kavirāṭ syāt | 

dhyānādevāsya sadyastridaśamṛgadṛśovaśyatāṃ yāntyavaśyam 
kandarpārttājapādyaiḥ kimatha na sulabhaṃ mantrataḥ syānnarasya | 

sparddhāmuddhūya citraṃ mahadidamapi naisargikīṃ śaśvadetaṃ sevete 
mantrimukhyaṃ sarasijanilayā cāpi vācā madhīśā | 

ādhivyādhijarāpamṛtyuduritairbhūtaiḥ samastairviṣairdaurbhāgyena 
daridratādibhi rasau dūraṃ vimuktaściram | 

satputraiḥ sasutaiśca mitranivahairjjuṣṭo'bhilābhiḥ sadā sampadbhiḥ 
paripuṣṭaṅgeḍitayaśā jīvedanekāḥ samāḥ | 

akhilamanuṣu mantro vaiṣṇavā vīryavantomahitataraphalāḍhyāsteṣu 
gopālamantrāḥ | 

pravalatara ihaiṣo'mīṣu sammohanākhyo manuranupamasampatkalpanākalpa-
śākhī | 

manu mimamatihṛdyaṃ yo bhajedbhaktinamrojapahūtayajanādyairdhyānavān-
mantrimukhyaḥ | 

truṭitasakalakarmagranthirudvuddhacetā vrajati sa tu padantannityaśuddhaṃ 
murāreḥ | 

saṅgīkṛtyaikameṣāmmanumatha japahomārcanāntair-
manūnāmaṣṭāṅgosāvitāriḥ pramuditapariśuddhaprasannāntarātmā | 

yogī yuñjīta yogānanuditavihṛtiḥ svapnavodhāhṛtiḥ prāgāsyaḥ sannāsane sve 
sumṛduni sukhasammīlitākṣoniṣannaḥ | 

viśvaṃ bhutendriyāntaḥkaraṇamayaminendvagnirūpaṃ samastaṃ varṇānte tat 
pradhāne kalanayanamaye vījarūpe dhruveṇa | 

nītvā tat puṃsi vindvātmani tamapi varāmanyatho kālatattve taccecchaktau 
cidātmanyapi layatu ca taṃ kevale dhāmniśānte | nirdvandve nirviśeṣe 
niratiśayamahānandasāndre'vasānopete'tho kṛṣṇapūrvāmanamahitagirāṃ 
śāśvate'pyātmanīṇyaṃ | 

saṃhṛtyābhyasya vījottamamathaśalakairnīlaniśvāsatetīḥ 
prakṣīṇāpuṇyapuṇyonirupamaparasamvitsvarūpaḥ bhūyāt | 

mūlādhāre trikoṇe taruṇataraṇibhābhāsvare vibhramantaṃ kāmaṃ 
vālārkakālānalajaṭharakuraṅgāṅkakoṭiprabhābham | 

vidyunmālāsahasradyutiruciralasadvandhujīvā-

(p. 19)

bhirāmaṃ traiguṇyākrāntavinduṃ jagadudayalayaikāntahetuṃ vicintya | 

tasyorddhe visphurantīṃ sphuṭarucirataḍitpuñjabhābhāvabhāvāmudgacchantīm 
suṣumnāsaraṇi manuśikhāmālalāṭenduvimvam | 

cinmātrāṃ sūkṣmarūpāṃ kalitasakala * * * śvāṅkanāthādagamyāṃ 
mūlaṃ yā sarvadhāmnāṃ smaratu virupamāṃ huṃ kṛtodañcite vaḥ | 

nītvā taṃ śakairadhomukhasahasrārāruṇāvjodare 
dyotatpūrṇaśaśāṅkavimvamanutaḥ pīyuṣadhārāśrutim | 

raktāṃ mantramayīṃ nipīya ca sudhāniḥ syandarūpāṃ 
viśedbhūyo'pyātmaniketanaṃ punarapi proṇyāpayitvā viśet | 

yo'bhyasya nityamanudina mevātmāno'ntarvījeśaṃ dūritajarāpamṛtyurogān | 
jitvā'sau svayamiva mūrttimanaṅgaḥ saṃjīvecciramanilīnakeśakāpāśaḥ | 

sphuṭamadhurapadārṇaśreṇiratyadbhutātmāvāṭiti vadanapadmānniḥsaratyasya 
vāṇī | 
apica sakalamantrāstasya siddhyanti saṃkṣuvyuparamaghanasaukhyaikāspadaṃ 
varttate saḥ | 

bhrāmyanmurttiṃ mūlacakrādanaṅgaṃ svābhirbhābhīraktapīyūṣasraptiḥ | 
vimvākāśaṃ pūrayantaṃ vicintya pratyāveśyāstatra vaiśyāya sādhyāḥ | 

nāryonarā vā nagarī sabhāpi vā praveśitāstatra niśātacetasā | 
syuḥ kiṅkarāstasya dhāṭityanārataṃ cirāya tannighnadhiyo na saṃśayaḥ | 

taraṇidalana nāthe śatrugopāruṇe'tho raviśaśiśikhivimvaprasphuraccārumadhye 
| 
hṛdayasarasije'muṃ syāmalaṃ komalāṅgaṃ sumukhamupaniviṣṭaṃ 
saṃsmaredvāsudevam | 
pādāntojadvaye'ṅgulyamalakisalayeṣvāvanau sannathānāṃ 
satkūrmodārakāntau prapadayuji lasajjaṅghikādaṇḍayośca | 

jānvorurvoḥ piṣaṅgairnavavasanavare mekhalādāmni nābhau 
romāvalyāmudārodarabhuvi vipule vakṣasi prauḍhahāre | 

śrīvatsakaustubhe ca sphuṭkamalalasatvaddhasaddāmni vāhvormūle keyūradīpte 
jagadavanapaṭau dordvaye kaṅkaṇāḍhye | 
pāṇidvandvāṅgulisthe sumadhuraravasaṃlīnaviśve ca veṇau kaṇṭhe 
satkulosrasphuṭarucirakapolasthaladvandvake ca | 

karṇadvandve'tha ghoṇe nayananalinayorbhruvilāse lalāṭe 
keśeṣvālolavarheṣvatisurabhimanojñaprasūnojjvaleṣu | 

śoṇe vinyastaveṇāvadharakisalaye dantapaṃktyāṃ smitākhyaṃ 
jyotsnāyāmādipuṃsaḥ kramata iti śataiḥ svaṃ manaḥ saṃvidhattām | 

yāvanmanovilayameti harerudāramandasmite japatu tāvadanaṅgavījaṃ |
aṣṭādaśārṇamathavāpi daśārṇakamvā mantraṃ śanairatha 
samāyatamātariśvā | 

āropyāropya manaḥ pādāravindādihasitāntam | 
atra vilāpya kṣīṇacetasi sukhavit sadātmako bhavati | 

japahomapūjātarpaṇamantrābhiṣekaviniyogānām | 
dīpikeyaṃ mayodbhāsyate kramaḥ kṛṣṇamantragalitānām | 

saṃśayatimiracchidvarā caiṣā kramadīpikā kareṇa mahadbhiḥ | 
karadīpikeva dhāryā svasnehamaharniśam samastasukhāvāptyai | 

yaścakrānnijakelisādhanamadhiṣṭhānāsthato'pi prabhuḥ prattaṃ 
manmathaśatruṇā raṇakṛtau vyākṛtya loketikam | 

dhatte dīptanavendubhānanamaghopetāttamāyaṃ dhruvaṃ vande 
kāyavimarddanasvadhaḥ kṛtaṃ bhūktadyukaṃ yādavam | 

gopyaṅke luṇṭhanaparaṃ vilūnapāpamurvvīśaṃ mudamadapadaṃ āhūḥ 
kṛṣīṣṭaḥ | 

yaddeveśiturapanetṛbhītameti tīgmāṃśornṛpateḥ pareṣu yāti | 
jagadidamanuviddhavenayasmin prasūte yadanu tatamajasraṃ pāti cādhiśrito yaḥ | 

yadurumahadudarciryadvidhatte ca gopī tamamṛtasukhavodhajyotiṣaṃ naumi 
kṛṣṇam | 

iti kramadīpikāyāmaṣṭamaḥ paṭalaḥ ||

iti kramadīpikā samāptā

iti śrīrasikamohanacaṭṭopādhyāya-karttṛka saṃgṛhīta tu prakāśita 
tantrasārādivividhatantrasaṃgrahe kramadīpikā samāptā ||


###########   END OF FILE  #######