#################################################### MUKTABODHA INDOLOGICAL RESEARCH INSTITUTE Use of this material (e-texts) is covered by Creative Commons license BY-NC 4.0 Catalog number: M00030 Uniform title: kubjikātantra Main title: kubjikātantram Editor : Chatterjee Description: First published in the late 19th Century in Bengali characters. Notes: Data entered by the staff of Muktabodha under the supervision of Mark S. G. Dyczkowski. Revision 0: 11/05/2006 Publisher : Publication year : Pre-1900 Publication city : Publication country : India #################################################### kubjikātantram prathamaḥ paṭalaḥ oṃ gaṇeśāya namaḥ pārvatyuvāca devadeva mahādeva parameśapurātana | nandīśa sarvabhūteṣa nirañjana parātpara || 1/1 || kiṃ tvayā japyate nātha kimarthaṃ vāpi tasya ca | kenopāyena deveśa nirañjanapadaṃ labhet || 1/2 || sārātsārataraṃ brūhi yadi me vidyate dayā | samayācāravidhānañca sādhanañca prakāśaya || 1/3 || caitanyaṃ sarvabhūtānāṃ śabdabrahmeti yat punaḥ | tatsarvaṃ śrotumicchāmi sādhakānāṃ hitāya ca || 1/4 || yadi me prāṇanāthaḥ syāt nigūḍhārthaṃ prakāśaya | śapathaṃ me mahādeva vṛhadyoniṃ prakāśaya || 1/5 || vāsanāsiddhirūpañca bhāvasiddhiñca yat punaḥ | vedānāṃ sāragamyañca taṃ sāraṃ me prakāśaya || 1/6 || sadāśiva uvāca sādhu sādhu tvayā devi yaduktaṃ tat śṛṇuṣva me | sārātsārataraṃ devi parādapi paraṃ param || 1/7 || nityānandāt parānantaṃ śabdabrahmasvarūpakam | satyaṃ satyaṃ punaḥ satyaṃ satyaṃ satyaṃ punaḥ punaḥ || 1/8 || na prakāśyaṃ na prakāśyaṃ na prakāśyaṃ kadācana | idantu paramaṃ guhyaṃ triṣu lokeṣu durlabham || 1/9 || yajjñātvā ca mahādevi yogīśo'si sadāśiva | janmāntarasahasreṇa kathituṃ naiva śakyate || 1/10 || tava snehātmayā devi kathayiṣyāmi tat śṛṇu | gopitavyaṃ gopitavyaṃ gopitavyaṃ tvayā punaḥ || 1/11 || na prakāśyaṃ mahādevi paśoragre kadācana | mantrārthaṃ mantracaitanyaṃ yonimudrāṃ na vetti yaḥ || 1/12 || na siddhyati varārohe kallakoṭiśatairapi | kathayāmi mahāmantraṃ mantrārthatvaṃ sūreśvari || 1/13 || yena vijñānamātreṇa sarvasiddhīśvarobhavet | kevalaṃ bhāvaśuddhyā ca mantrārthaṃ prāṇavallabhe || 1/14 || kevalaṃ jñānamātreṇa jīvanmukto dhruvaṃ naraḥ | kālī tārā mahādevi bhuvaneśī ca ṣoḍaśī || 1/15 || bhairavī cchinnamastā ca vidyā dhūmāvatī priye | vagalā caiva mātaṅgī kamalā ca prakīrtitā || 1/16 || brahma-viṣṇu maheśādyaiścaturvedairnamaskṛtā | bhogadā mokṣā devī koṭibrahmāṇḍagopitā || 1/17 || caturvargapradā devī nirvāṇapadadāyinī | devadevaprāṇamayī sarvadevasvarūpiṇī || 1/18 || brahmaviṣṇumaheśānāṃ dhyānagamyā jaganmayī | sṛṣṭisthitikarī devī viṣṇurūpā maheśvarī || 1/19 || maṇimaṇḍapasaṃsthā ca mahākālavināśinī | asyāḥ śravaṇamātreṇa jīvanmuktaśca sādhakaḥ || 1/20 || ke gotre na samudbhūtāḥ kālīṃ sādhitmudyatāḥ | tat śrutvā pitaraḥ sarve nṛtyanti hṛṣṭamānasāḥ || 1/21 || nṛtyanti kinnarāḥ sarve gāthāṃ gāyanti sādhakāḥ | adeyāpi mahāvidyā kalau pūrṇaphalapradā || 1/22 || śrutismṛtividhānena pūjā kāryā yugatraye | āgamoktavidhānena kalau devān yajet sudhīḥ || 1/23 || na hi devāḥ prasīdanti kalau cānyavidhānataḥ | kālikā mokṣadā devi kalau śīghraphalapradā || 1/24 || gurormukhānmahāvidyāṃ gṛhṇiyāt pāpanāśinīm | brahmāṇī kurute sṛṣṭiṃ na tu brahmā kadācana || 1/25 || ata eva maheśāni brahmā preto na saṃśayaḥ | pālanaṃ vaiṣṇavī devi na tu viṣṇuḥ kadācana || 1/26 || ata eva maheśāni viṣṇuḥ preto na saṃśayaḥ | rudrāṇī kurute grāsaṃ na tu rudraḥ kadācana || 1/27 || ata eva maheśāni rudraḥ preto na saṃśayaḥ | brahmaviṣṇumaheśādyā jaḍāścaiva prakīrtitāḥ || 1/28 || prakṛtiñca vinā devi sarvakāryākṣamo dhruvam | dharmādharmādikaṃ yasmāt kurute sādhakottamaḥ || 1/29 || tat sarvamanugṛhṇāti vāmikā ca na saṃśayaḥ | saṃpradāyavidhānena kartavyañca maheśvari || 1/30 || saṃpradāyavihīnānāṃ phalaṃ na syāt sureśvari | yā tu kṛṣṇā saiva kṛṣṇastathā brahmā prakīrtitaḥ || 1/31 || abhedaṃ cintayedyastu muktistasya kare sthitā | vibhinnaṃ cintayedyastu mūḍhabuddhiḥ sa pātakī || 1/32 || bhedako narakaṃ gacchet yāvadindrāścaturddaśa | abhedañcintayedyastu sa yogī nātra saṃśayaḥ || 1/33 || kalau kṛṣṇatvamāsādya vṛndāvanavihāriṇī | vaṃśīnādavinodena mohayatyakhilaṃ jagat || 1/34 || kālikā duḥkhahantrī ca durgā durgavināśinī | kalau kṛṣṇatvamāsādya śuklāpi nīlarūpiṇī || 1/35 || līlayā vākpradā ceti tena nīlasarasvatī | p. 2) tārakatvāt sadā tārā tāriṇīti prakīrtitā || 1/36 || bhuvanānāṃ pālakatvāt bhuvaneśī prakīrtitā | sṛṣṭisthitikarī devī bhuvaneśī ca kathyate || 1/37 || śrīdyatrī ca yadā devī śrīvidyā ca prakīrtitā | nirguṇā ca mahādevī ṣoḍaśī parikīrtitā || 1/38 || bhairavī duḥkhasaṃhantrī yamaduḥkhavināśinī | kālabhairavabhāryā ca bhairavī parikīrtitā || 1/39 || triśaktiḥ kāmadā devī chinnā caiva sureśvarī | triguṇā ca mahādevī mohinī mokṣadā dhruvam || 1/40 || dhūmāvatī mahāmāyā dhūmrāsuranisudanī | dhūmarupā mahādevī caturvargapradāyinī || 1/41 || jaganmātā jagaddhātrī jagatāmupakāriṇī | vakāre vāruṇī devī gakāre siddhidā smṛtā || 1/42 || lākāre pṛthivī caiva caitanyātmā prakīrtitā | mātaṅgī madaśīlatvānmataṅgāsuranāśinī || 1/43 || sarvāpattāriṇī devī mātaṅgī parikīrtitā | vaikuṇṭhavāsinī devī kamalā ca prakīrtitā || 1/44 || pātālavāsinī devī lakṣmīrūpā ca sundarī | etādaśa mahāvidyāḥ siddhavidyā ca kathyate || 1/45 || dharmārthamokṣadā nityaṃ caturvargaphalapradā | yena tena prakāreṇa kalau pūrṇaphalapradā || 1/46 || nirddhane kṛpaṇe caiva viśeṣāt pāpamocanī | pāṣaṇḍe ca śaṭhe caiva nirguṇe caiva nindake || 1/47 || abhakteṣu ca putreṣu ājñāhīne ca sundari | na prakāśyamidaṃ bhadre śapathaṃ me dhruvaṃ sadā || 1/48 || sarvalakṣaṇayuktāya dadyāccaiva maheśvari | āsāñcaiva samā nāsti nāsti tribhuvane dhruvam || 1/49 || ekoccāṇamātreṇa sarvapāpāt pramucyate | smaraṇenaiva deveśi mucyate bhavabandhanāt || 1/50 || nirguṇaḥ saguṇobrahmā śivojñeyaḥ sanātanaḥ | nirguṇāccaiva saṃjātā vindavastraya eva ca || 1/51 || brahmabindurviṣṇubindurudrabindurmaheśvari | āsīdavindustato nādo nādāt śaktisamudbhavaḥ || 1/52 || nādarūpā maheśāni cidrūpā paramā kalā | nādāccaiva samutpannā arddhabindurmaheśvari || 1/53 || sārddhatritayabindubhyo bhujaṅgī kulakuṇḍalī | nirguṇā saguṇā devī brahmarūpā sanātanī || 1/54 || caitanyarūpiṇī devī brahmarūpā sanātanī | caitanyarūpiṇī devī sarvabhūtaprakāśinī || 1/55 || triguṇā ca maheśāni triguṇasya prakāśinī | nirguṇā sā ca vijñeyā brahmarūpā ca kevalā || 1/56 || ṣaḍguṇā ca mahādevī ṣaṭcakrāṇāṃ prakāśinī | caturguṇā maheśāni caturvedaprabhāvinī || 1/57 || candrasūryātmikā vidyā candrasūryaprakāśinī | sarvaguṇā mahādevī sarvaviśvaprabhāvinī || 1/58 || aṣṭaguṇā maheśāni aṣṭasiddhiprakāśinī | brahmaviṣṇuśivādīnāṃ jananī surasundari || 1/59 || mantrasthānātmikā devī sarvamantramayī sadā | ekaguṇā mahādevī ekākṣarasvarūpiṇī || 1/60 || dviguṇā tu mahādevī dvyakṣarasya prasūtikā | triguṇā tu mahādevī tryakṣarī parikīrttitā || 1/61 || caturguṇā tu sā devī caturakṣarasūtikā | navaguṇā maheśāni navākṣaraprakāśinī || 1/62 || daśamaikādaśe caiva daśaikādaśarūpiṇī | dvādaśatrayodaśe caiva dvādaśī tridaśātmikā || 1/63 || caturdaśātmikā sā tu caturdaśaprakāśikā | pañcadaśātmikā devī pañcadaśaprakāśinī || 1/64 || ṣoḍaśī parameśāni ṣoḍaśenasamudbhavā | daśasaptagaṇopetā saptadaśā prakīrtitā || 1/65 || aṣṭādaśa mahāvidyā aṣṭādaśaguṇātmikā | aṣṭāviṃśaguṇopetā paramārādhyarūpiṇī || 1/66 || viṃśatyarṇā mahāvidyā paramānandarūpiṇī | viṃśatyarṇādhikāmantrā mālāmantrāḥ prakīrtitāḥ || 1/67 || ekaviṃśaguṇopetā dvāviṃśatisamanvitā | trayoviṃśa-caturviṃśa-pañcaviṃśaprakīrtitā || 1/68 || ṣaḍviṃśati guṇopetā ṣaḍviṃśatiguṇātmikā | aṣṭāviṃśaguṇopetā aṣṭāviṃśat prakīrtitā || 1/69 || navaviṃśa mahāvidyā mahādevī prakīrtitā | triṃśadādyāścatuḥṣaṣṭi dīrghamantrāḥ prakīrtitāḥ || 1/70 || napuṃsakāstathā mantrā hū/phaḍantāśca kevalāḥ | svāhāyuktāśca ye mantrāḥ śaktimantrāśca pārvati || 1/71 || eṣāmanyatamo mantraḥ puruṣaḥ parikīrtitaḥ | iti kubjikātantre pārvatīparameśvarasaṃvāde prathamaḥ paṭalaḥ || dvitīyaḥ paṭalaḥ atha vakṣye maheśāni mantrārthaṃ sāramuttamam | vinā yena na siddheta japapūjādikaṃ kvacit || 2/1 || tasmāt sarvaprayatnena śrūyatāṃ girijāmṛje | kakāraḥ kāmadaḥ prokto rephaḥ pāpasya nāśakaḥ || 2/2 || 2/ īkāre śambhuramitā nādabindusamanvitā | nādarūpā mahādevī nirguṇā brahmarūpiṇī || 2/3 || dharmārthadaḥ kakāraśca sarvasiddhipradāyakaḥ | brahmarūpomakāraśca saguṇonirguṇaśca saḥ || 2/4 || tejaḥ puñjorakāraśca brahmahatyādināśakaḥ | durgārūpā īkāraśca caturvargaphalapradaḥ || 2/5 || ekākṣarī mahāvidyā sarvavidyāsvarūpiṇī | kakāro varuṇaḥ prokto jagataḥ prāṇakārakaḥ || 2/6 || repho ca śaṅkaro jñeyaḥ sarveṣāṃ śaṅkaraḥ sadā | īkāre tāriṇīdevī bhavasaṃsāratāriṇī || 2/7 || kakāre keśavaḥ prokto nirvāṇapadahetukaḥ | rakāro vahnirūpoyaṃ bhavaduḥkhasya dāhakaḥ || 2/8 || īkāre mātṛkā devī caturvargavidhāyinī | saguṇā ca yadā devī sarvasiddhipradāyinī || 2/9 || p. 3) hakārastu śivaḥ prokto jñānarūpī sanātanaḥ | nirvāṇamuktido devaḥ sarvasiddhipradāyakaḥ || 2/10 || rephaḥ suryapratīkāśo'tyantaṃ pāpadāhakaḥ | ukāre bhairavī devī sarvaśaṅkaṭanāśinī || 2/11 || nādarūpā maheśāni nirguṇā parikīrtitā | hakāre ca mahāviṣṇurmahāpātakanāśanaḥ || 2/12 || rephe candrasvarūpaśca amṛtatvapradāyakaḥ | ukāre mohinī devī jaganmohanakāriṇī || 2/13 || mahāduḥkhasya hantrī ca brahmahatyādināśinī | sadāśivo hakāraḥ syādukāre brahma caiva hi || 2/14 || nirguṇonādabinduśca nirvāṇapadakevalam | asya smaraṇamātreṇa aśvamedhāyutaṃ labhet || 2/15 || hakāre śambhurityukto rephe caiva vibhūṣitaḥ | īkāre paramā devī guṇatrayamayī sadā || 2/16 || dakāraḥ sarvadevaśca sarvadurganivārakaḥ | kṣakāraḥ kṣetrado viṣṇurmahāpātakanāśanaḥ || 2/17 || hakāre devatāḥ sarvāḥ sarvakāmārthadāḥ punaḥ | lakāre caṇḍikā devī caṇḍadaityavināśinī || 2/18 || ekāre yonirūpā ca viśvasya bījamuttamam | kakāre medinī proktā saśailavanakānanā || 2/19 || kakāre sakalā devi sarvasiddhipradāyikā | lakāre pṛthivī devi pṛthvīdānaphalapradā || 2/20 || īkāre sakalā devi sakaleśvarakāriṇī | kakāre sundarī devi ekāre yonirūpiṇī || 2/21 || dharmārthakāmadā devi duṣṭadaityavināśinī | parā ca paramā caiva paramātmakalā punaḥ || 2/22 || kakāre ca mahābrahmā kakāroviṣṇurūpakaḥ | kakāre ca mahādevo brahmāṇī repha eva ca || 2/23 || vaiṣṇavī madhyarephaḥ syādrudrāṇī repha uttaraḥ | īkāraḥ kāmadaḥ kānto nādabinduvibhūṣitaḥ || 2/24 || hakāraḥ kāma evāsau hakāraḥ sūryarūpakaḥ | ukāraḥ ṣoḍaśī devī ūkāro bhuvaneśvarī || 2/25 || nādabindusamāyuktā mahāmantrāḥ prakīrtitāḥ | hakāro yoganidrā ca hakāraḥ paramovibhuḥ || 2/26 || īkāraḥ kāmadā māyā rephaḥ paraśivo mataḥ | rephaścaiva mahādevi nādabinduvibhūṣitaḥ || 2/27 || svāhā caiva maheśāni tejaḥpuñjaprakīrtitā | ekākṣarī mahāvidyā brahmavidyā sanātanī || 2/28 || tryakṣarī ca mahāvidyā triguṇā parikīrtitā | aṣṭākṣarī mahāvidyā sākṣānmokṣaphalapradā || 2/29 || viṃśatyaṇī mahāvidyā aṣṭasiddhiḥ prakīrtitā | ekaviṃśā mahāvidyā praṇavādyā maheśvarī || 2/30 || akāreṇa ukāreṇa makāreṇa sureśvari | brahmaviṣṇumaheśādermastrametat prakīrtitam || 2/31 || ekākṣaro mahāmantraścidānandasvarūpakaḥ | praṇave puṭitā vidyā seturityabhidhīyate || 2/32 || siddhakālīmahāmantraḥ kāmaśca siddhidaḥ smṛtaḥ | hakāraḥ saccidānando repho nirvāṇadāyakaḥ || 2/33 || ukāraḥ śambhuvanitā śivaśaktisvarūpiṇī | kāmena māyayā caiva puṭitaḥ kāmavījakaḥ || 2/34 || tadā kāmeśvaromantraḥ sarvakāmaphalapradaḥ | navākṣare kāmavījaṃ cidrūpaṃ śambhuruttamaḥ || 2/35 || navākṣare kūrcavījaṃ brahmarūpaṃ sanātanam | navākṣare dakṣiṇeti kālikāparamārthadā || 2/36 || caturdaśe kāmavījaṃ vaiṣṇavī parikīrtitā | ekādaśe kāmavījaṃ bhavet saṃsāratārakam || 2/37 || namaḥ padaṃ bhogadaṃ ca rājyabhogaphalapradam | pañcadaśī mahāmantraṃ sarvakāmaphalapradam || 2/38 || māyāvījaṃ krodhavījaṃ kevalaṃ śivarūpakam | guhyakālī ṣoḍaśārṇā kevalā brahmarūpiṇī || 2/39 || sṛṣṭisthitikarī devī śatabhedā jaganmayī | navākṣarī mahāvidyā kāmavījoparisthitā || 2/40 || guhyeti mokṣadā loke caturvargapradāyinī | vāgdevī devatāḥ sarvā aikārarūpiṇī parā || 2/41 || īkāraḥ śambhuvanitā phaṭkārā cakrarūpiṇī | kāmākhyā bhuvaneśī ca kevalā kāmarūpiṇī || 2/42 || bhadrakālī mahādevī bhuvaneśī bhujaṅginī | mahābhujaṅgīrūpeṇa pṛthivīdhāriṇī sadā || 2/43 || kāmabījaṃ maheśaśca aṣṭamūrtiḥ sanātanaḥ | kūrccabījaṃ mahāviṣṇuḥ phaṭkāraḥ pāpanāśanaḥ || 2/44 || śmaśānakālikāmantre pañcārṇaṃ parikīrtitam | kāmabījaṃ kalānāthaḥ kevalaṃ kāmarūpadhṛk || 2/45 || māyābījaṃ maheśāni māyācchādanakāriṇī | kūrcabījaṃ maheśāni mahāpuṇyapradāyakam || 2/46 || īkāraḥ paramāśaktiryogināṃ mokṣadāyinī | kṣakāraśca maheśāni kṣetrajñaḥ parikīrtitaḥ || 2/47 || akāraśca maheśāni pṛthivī parikīrtitā | asyāḥ smaraṇamātreṇa jīvanmuktaśca sādhakaḥ || 2/48 || ekoccāraṇamātreṇa aśvamedhāyutaṃ phalam | labhate śṛṇu kalyāṇi smaraṇenaiva yat phalam || 2/49 || brahmahatyādikaṃ sarvaṃ nāśamāyāti niścitam | koṭikoṭimahātīrthamaśvamedhāyutaṃ phalam || 2/50 || prāpnuyāt sādhakaśreṣṭho na punarjananaṃ bhuvi | japeccaiva maheśāni vaktuṃ naiva ca śakyate || 2/51 || praṇave puṭitāṃ vidyāṃ māyayā pūṭitena vā | aṣṭottaraśataṃ japtvā gajāntakasahasrakam || 2/52 || mantrasya doṣaśāntyarthaṃ japettu surasundari | nirguṇaḥ saguṇomantro dvidhā caiva maheśvari || 2/53 || yena tena prakāreṇa sarvasiddhiphalaṃ labhet | mātṛkāpuṭitaṃ kṛtvā aṣṭottaraśataṃ japet || 2/54 || sahasraṃ vā japeddevi mantradoṣopaśāntaye | anulomavolomena mātṛkāyāṃ japet sudhīḥ || 2/55 || aṣṭavargā bhavet siddhiḥ sarvakāmaphalaṃ labhet | tārāyāśca mahādevyā mahāvidyā prakīrtitā || 2/56 || pañcākṣarī mahāvidyā pañcabhūtaprakāśinī | p.4) pañcaraśmirmahāvidyā pañcaraśmisamanvitā || 2/57 || kālikā tāriṇīmantramabhedañca sūreśvari | mantrārthañca vijānīyāt śatabhedā jaganmayī || 2/58 || yathā kālī tathā tārā tathā mantrāḥ prakīrtitāḥ | sādhanaṃ yantramantrañca mantrārthañca suveśvari || 2/59 || bhava snehāt pravakṣyāmi rahasyaṃ paramādbhūtam | iti kubjikātantre dvitīyaḥ paṭalaḥ || tṛtīyaḥ paṭalaḥ śrīśiva uvāca atha vakṣye maheśāni mantrārthamahamuttamam | bhuvaneśī mahāvidyā sarvāmnāyairnamaskṛtā || 3/1 || hakāro brahmarūpaśca sarvaviśvaprakāśakaḥ | rephaścandramasojyoti- rīkāraḥ paramaḥ punaḥ || 3/2 || nirguṇonādabinduśca madhyamāhlādakārakaḥ | brahmaṇopāsitā vidyā śāpagrastā varānane || 3/3 || aikārāt pṛthivī devī viśvarūpā sanātanī | yonirūpā mahādevi mahāpātakanāśinī || 3/4 || hakāraḥ paramo bindu rephoyaṃ paripālakaḥ | īkāreṇa mahādevi sakalārthapradāyinī || 3/5 || śivenopāsitā vidyā paramārthapradāyinī | ā/kārāt sūryarūpā ca māyāviśvaprakāśinī || 3/6 || krau/kārāt janikā śaktiḥ kāmākhyā mokṣadā smṛtā | śakāraḥ kṛṣṇarūposau sarvajantuhiterataḥ || 3/7 || īkāre sthitirūpā ca rephe nityaḥ sanātanaḥ | cidrūpā nādaśaktiśca paramāhlādadāyinī || 3/8 || lakṣmīrūpā mayā devi caturvargapradāyinī | hakāro vāsudevaśca rephaḥ sṛṣṭipradāyakaḥ || 3/9 || īkāre tripurā devī nādabinduśivātmikā | nakāre pālikāśaktirmakāre nāśakāriṇī || 3/10 || namaścakāmadaḥ proktaḥ sarvārthasādhanottamaḥ | bhakāre bhagavatī devī vakārai varuṇātmikā|| 3/11 || takāre tāriṇī devī viśvasya prāṇavallabhā | īkāre mātṛkā devī jagatāṃ jananī smṛtā || 3/12 || makāre śivarūpā ca śivaṃ viśvasya dāyinī | akāre rūdrarūpaśca viśvasya nāśarūpiṇī || 3/13 || hakāre yoginī devī yogināṃ yogarūpiṇī | ekāre jananī devī viśvotpannā tu mātṛkā || 3/14 || śakāre viśvaśaktiśca vakāre paripālinī | repho ca jñānadā devī sarvajñānaprakāśinī || 3/15 || īkāre ca mahādevi caitanyānandavarddhinī | atha śṛṇu mahādevi rephe ca prāṇavallabhaḥ || 3/16 || nakāre vandinī devī sarveṣāṃ nandavarddhinī | svāhā caiva mahāvidyā agnijihvā prakīrtitā || 3/17 || praṇavādyā mahāvidyā jñānināṃ jñānadā matā | māyābījaṃ yadā devi caturvargapradāyinī || 3/18 || śrīvījādyā yadā devi tadā sampattidāyinī | praṇave puṭitāṃ vidyāṃ sahasraṃ prajapet sudhīḥ || 3/19 || sarvadoṣopaśāntyarthaṃ phaladaḥ parikīrtitaḥ | bhuvaneśī yathā devi cānnapurṇā tathā parā || 3/20 || sarasvatīṃ tathā padyāṃ vidyāñcaiva triśaktikām | ādyāñcaiva mahādevīṃ jānīyāt surasundarīm || 3/21 || tripuṭāñca tathā durgāṃ tvaritāṃ bhuvaneśvarīm | jānīyāttu mahādevīṃ satyaṃ suniścitam || 3/22 || tripuṭāyāḥ kāmavījaṃ kevalaṃ kāmanārthadam | śrībījañca mahādevi śrīrdevī ca prakīrtitā || 3/23 || tvaritāyā mahādevi māyābījañca bījakam | triśaktiḥ praṇavo devi muktidaṃ pretabījakam || 3/24 || khecarañca mahādevi khecaraṃ parikīrtitam | vadhūbījaṃ maheśāni astrarūpaṃ prakīrtitam || 3/25 || durgāyāśca mahāmantro mahādurgasya tārakaḥ | praṇavobrahmarūpaśca māyābījañca muktidam || 3/26 || hrī/bījañca maheśāni sarvadurgatitārakam | durgā durgasya hantrī ca dru/kāre viśvarūpakaḥ || 3/27 || namo mokṣasya dātā ca mahāmantraḥ prakīrtitaḥ | mahiṣamarddinī devī durgāvat parikīrtitā || 3/28 || ārādhanena devośa caturvargaphalaṃ labhet | atha vakṣye mahāmantraṃ nirguṇaṃ paramaṃ punaḥ || 3/29 || śrīdevyāśca maheśāni mantrārthaṃ mantramuttamam | hakāraḥ kevalaṃ devi nirguṇaḥ paramākṣaraḥ || 3/30 || śrūyatāṃ sāvadhānena nirvāṇapadadāyakaḥ | sakāre nirguṇā devī īkāre nirguṇā sadā || 3/31 || lakāre nirguṇā devī śrūyatāṃ girinandini | māyābījantu saguṇam śivaśaktiyutaṃ priye || 3/32 || hakāraḥ paramobrahma nirguṇaśca sanātanaḥ | śakāraḥ śambhurityukto nirguṇaśca nirañjanaḥ || 3/33 || lakāre nirguṇā devī nirlepā niṣkalā parā | māyābījantu deveśi nirguṇaṃ paramātmakam || 3/34 || sakāraḥ śāntidodevaḥ sarvaśāntipradāyakaḥ | kevalaṃ brahmarūpaśca satyaṃ devi na saṃśayaḥ || 3/35 || kakāraḥ kāmadevosau sarveṣāṃ kāmadaḥ smṛtaḥ | lakāre kāminīdevī sarveṣāṃ kāmarūpiṇī || 3/36 || kāmākhyā mokṣadātrī ca kamasya pālinī sadā | bhuvaneśyā mahāvījaṃ caitanyānandavarddhakam || 3/37 || pañcadaśākṣarī vidyā kāmenopāsitā dhruvam | īkārañca mahāvidyā hakārādyā maheśvari || 3/38 || agastyopāsitā vidyā bhuvanatrayadurllabhā | dvikūṭādyo hakāroyaṃ sakāraśca trikūṭake || 3/39 || hakārojyotirūpoyaṃ śrūyatāṃ varavarṇini | p.5) kakāre ca mahādevi kevalaṃ kāmanārthakaḥ || 3/40 || hakāraśca maheśāni śambhurdevo maheśvari | ekāre navadurgā ca īkāre śambhumātṛkā || 3/41 || kevalaṃ mokṣadā devi lakāre viśvarūpiṇī | māyābījaṃ maheśāni triśaktiḥ parikīrtitā || 3/42 || hakāre ca kakāre ca ekāre ca maheśvari | brahmāṇī vaiṣṇavī devī rudrāṇī parikīrtitā || 3/43 || īkāre ca lakāre ca māyābījena sundari | brahmā viṣṇurmaheśaśca satyaṃ devi na saṃśayaḥ || 3/44 || sakāre ca kakāre ca ekāre ca sureśvari | brahmaśaktirviṣṇuśaktirmaheśī ca prakīrtitā || 3/45 || manupratiṣṭhitā vidyā caturvargaphalapradā | niṣkalā ca maheśāni sakalā parikīrtitā || 3/46 || sakārādyā mahāvidyā māyādyā ca sureśvarī | sarvasampaṃpradā devī candraloke pratiṣṭhitā || 3/47 || hakārādyā maheśāni brahmaviṣṇuśivātmikā | māyāntā ca maheśāni triśaktiḥ parikīrtitā || 3/48 || brahmarūpā mahāvidyā kuveropāsitā dhruvam | dhanadātrī mahādevi trivargaphaladāyinī || 3/49 || kakārādyā hakārādyā sakārādyā sureśvari | pūrṇarūpā mahārūpā māyāmāyā prakīrtitā || 3/50 || mārāntā ca mahādevi nirguṇā saguṇā | satīlopāmudrā maheśāni viṣṇuloke sudurlabhā || 3/51 || trikuṭā ca mahādevi śrūyatāṃ varavarṇini | sakārādyā maheśāni sṛṣṭisthiti layātmikā || 3/52 || māyāntā ca mahādevi brahmāṇī vaiṣṇavī śivā | maṅgalopāsitā vidyā sarveṣāṃ nandivarddhinī || 3/53 || jñānadātrī mahādevi pūrṇarūpā phalapradā | kakāre ca ekāre ca īkāre ca sureśvari || 3/54 || pālanī kāraṇī devī nāśinī ca sureśvari | sakāre bhīmarūpā ca māyā caiva sanātanī || 3/55 || trikuṭasthaṃ kāmabījaṃ mahāyogasvarūpakam | sarvasminneva mantre tu nādaścaitanyarūpakaḥ || 3/56 || bindurbrahmā mahādevi satyaṃ satyaṃ na saṃśayaḥ | sūryeṇopāsitā vidyā āyurārogyavarddhinī || 3/57 || kāmākhyā mokṣadā devi brahmaviṣṇuśivātmikā | mokṣadā nādaśaktiśca kevalaṃ brahmarūpakam || 3/58 || bījadvaye sureśāni dhaneśī ca prakīrtitā | bījatraye mahādevi brahmāṇī vaiṣṇavī śacī || 3/59 || kakāre kālikā devī ekāre vākyarūpiṇī | īkāre bhairavī māyā devī nirvāṇarūpiṇī || 3/60 || hakāre vaiṣṇavī devī sakāre ca sarasvatī | kakāre kamalādevī hakāre hākinī tathā || 3/61 || lakāre nirguṇā devī sākṣānmokṣa pradāyinī | bījānyanyāni deveśi bhūktidam muktidam smṛtam || 3/62 || yatirvā bhupatirvāpi nānyaḥ śaktaḥ sureśvari | śūdraścāpi maheśāni na kuryānmantracintanam || 3/63 || rājyaṃ deyaṃ maheśāni na dadyāt ṣoḍaśākṣaram | śirodeyaṃ maheśāni na prākāśyaṃ sureśvari || 3/64 || tava snehānmahādevi kathitaṃ varavarṇini | atha vakṣe jagaddhātri bhairavyā mantramuttamam || 3/65 || yasya vijñānamātreṇa rājābhogaphalaṃ labhet | muktidaṃ kāmadaṃ devi paramānandakārakam || 3/66 || hakāraśca sakāraśca vakāraśca maheśvari | śivaḥ paraśivaścaiva parāparaśivaḥ punaḥ || 3/67 || ekāraḥ śaktirūpaśca nādabinduḥ sanātanī | hakāraśca sakāraśca kakāraśca maheśvari || 3/68 || parā ca paramā caiva īśvarī parikīrtitā | vakāraśca īkāraśca bhairavī bhayanāśinī || 3/69 || sampaṃpradā yadā devī tadā sampaṃ pradāyinī | caitanyabhairavī mantraṃ kevavaṃ mokṣasāthanam || 3/70 || kāmeśvarīmahāmantraṃ nādabindusvarūpakam | catūrvargapradaṃ devi śṛṇuṣva haravallabhe || 3/71 || ṣaṭkuṭā bhairavī devī ṣaṭkarmaphaladāyinī | brahmāṇī vaiṣṇavī caiva rūdrāṇī parikīrtitā || 3/72 || bhogadā mokṣadā devī prathame bhogadāyinī | madhyame yogadā proktā ante ca jñānadā smṛtā || 3/73 || nādabindusamyayogāccaturvargaphalapradā | rudrāṇī vaiṣṇavīmantraścaturvargaphalapradaḥ || 3/74 || hakāre ca sakāre ca thakāre ca maheśvari | phakāre ca rakāre ca nādabindusamanvitā || 3/75 || hākinī śākinī caiva ḍākinī ca maheśvari | pretabījasamāyogāt pañcapretaḥ prakīrtitaḥ || 3/76 || bhuvaneśībhairavīṇāṃ mantraśca bhupradāyakaḥ | hamaṃ kāmasvarūpaśca kalarīrājyabhogadā || 3/77 || pretabījaṃ mahādevaḥ sarvadurgatināśakaḥ | nādaśaktakalā caiva bindurūpaḥ sadāśivaḥ || 3/78 || tripurā vālikāmantraṃ śṛṇuṣva haravallabhe | aṣṭavargapradomantraḥ sādhako mantranāyakaḥ || 3/79 || aiṃkārāt viśvajananī klīṃkārāt bindumātṛkā | auṃkāreṇa sakāreṇa rasanā saṃyutā priye || 3/80 || aṣṭavargapradomantro bhairavyā surasundari | vāgbhavaṃ kāmavījañca saukāraśca maheśvari || 3/81 || īkāraśca sadā rudro mahārudraḥ prakīrtitaḥ | kevalaṃ vālikāyāśca manuṃ śṛṇu nitasvini || 3/82 || ā/kārāt śivaśaktiśca hasavai/rudrarupiṇī | ha sa kārānmahādevi māyāvījañca bījakam || 3/83 || nādaśaktisamāyogāṃ caitanyānandavarddhinī | kalavījaṃ mahādevi vargeṇaḥ parikīrtitaḥ || 3/84 || krau/kārāt prāṇarūpā ca ha sa rau/ mokṣadāyinī | daśākṣarī mahāvidyā sarveṣāṃ siddhidā smṛntrā || 3/85 || praṇavādyā yadā vidyā ṣoḍaśī parikīrtitā | navakūṭā mahāvidyā navasiddhiphalapradā || 3/86 || p. 6) cekutraye triśaktiśca mūladānandamohinī | navākṣarī bhairavī ca navasiddhipradāyinī || 3/87 || nādaśaktisamāyoge brahmaviṣṇuśivātmikā | ai/kāraṃ māyayā devī puṭitaṃ śatadhā japet || 3/88 || tejasvitāmavāpnoti sarvakāmaphalaṃ labhet | kinneti mokṣadāmantro mahāmantraḥ prakīrtitaḥ || 3/89 || annapūrṇeśvarī devī bhairavī parikīrtitā | annadā mokṣadā caiva bhairavī ca dhruvaṃ priye || 3/90 || brahmāṇī vaiṣṇavī devī rudrāṇī ca sarasvatī | namo bhagavatī devī sarvakāmaphalapradā || 3/91 || māheśvarī mahādevi pañcarudraḥ prakīrtitaḥ | śrīvījapuṭitenaiva śatamaṣṭottaraṃ japet || 3/92 || yadā caiva maheśāni mantroyaṃ phaladaḥ smṛtaḥ | kiñciccaiva maheśāni kathitaṃ prāṇavallabhe || 3/93 || ma prakāśyaṃ mahādevi paśoragre kadācana | iti kubjikātantre tṛtīyaḥ paṭalaḥ || || 0 || 3 || caturthaḥ paṭalaḥ śiva uvāca pracaṇḍacaṇḍikāmantraṃ śṛṇu pārvati yatnataḥ | na prakāśyaṃ mahādevi na prakāśyaṃ kadācana || 4/1 || rahasyaṃ paramaṃ devi triṣu lokeṣu gopitam | devyāścakṣuḥ kakāreṇa lakāreṇa ca tārikā || 4/2 || īkāre ca bhrurormadhyaṃ nādabinduḥ śikhā dhruvam | kūrccabījaṃ kapālañca vāgbhavaṃ vākyameva ca || 4/3 || bhuvaneśī nāsikā ca vajraṃ kaṇṭhaṃ prakīrtitam | trayonādaḥ śaktirūpojihvāñca rocanīyakam || 4/4 || yacca vai dantapaṃktiñca kūrccabījañca mānasam | kūrcaprāṇamayaṃ devi phaṭkāraṃ stanayugmakam || 4/5 || aghoraṃ svāhayā caiva jānīyāt surapūjite | pañcākṣarī mahāvidyā ḍākinī parikīrtitā || 4/6 || ekādaśākṣarīvidyā varṇinī parikīrtitā | dhanadā mokṣadā devī sarvakāmaphalapradā || 4/7 || asyaiva pūjākāle ca bhuvaneṣu ca sundari | patirvā bhūpatirvāpi nānyosti pūjakaḥ punaḥ || 4/8 || ārādhane mahādevyāḥ śastraghātaṃ labhet dhruvam | śastraghātād bhavenmuktiḥ satyaṃ satyaṃ sureśvari || 4/9 || śṛṇu devi sadā bhadre bhaktānāṃ trāṇakāriṇi | dhūmāvatīṃ mahāvidyāṃ mahāyogaprabhāviṇīm || 4/10 || tasyāmantraṃ pravakṣyāmi śṛṇuṣva haravallabhe | dhakāre sarvadhamanī ukāre pālinī smṛtā || 4/11 || caitavyarūpiṇī devī mahākālanitamvinī | dhṛkāre nāśinī devī mahāpralayakāriṇī || 4/12 || makāre mārarūpā ca ākare ratisundari | vakāre kāmarūpā ca tikāre tīkṣnadhāriṇī || 4/13 || svāhā caiva maheśāni bhairavī parikīrtitā | vagalā ca mahāvidyā tasyāmantraṃ śṛṇu priye || 4/15 || tasya vijñānamātreṇa kṛtakṛtyo bhavennaraḥ | praṇavaṃ nirguṇaṃ devi nāsā caiva triśaktikā || 4/16 || vagalā viṣṇurudrāṇī lakāraśca harapriye | mukhīti devatāḥ sarvāḥ sarvadaityavināśinī || 4/17 || sarvaḥ sarveśvaraḥ prokto duṣṭānāṃ duṣṭanāśinī | vāṇīvākyasvarūpā ca mukhamohanakāriṇī || 4/18 || stantayeti vaśīrūpā jagatāṃ vaśakāriṇī | jihvā caiva mahāmāyā jihvārūpā prakīrtitā || 4/19 || kīlayaḥ kīlayaśceti jagatkṣobhaṇakāriṇī | vuddhiñca dhuddhirūpā sā nāśayo nāśakāriṇī || 4/20 || māyā ca praṇave caiva sarveṣāṃ jñānakāriṇī | svāhā caiva mahāvidyā yajñarūpā havirbhujaḥ || 4/21 || mātaṅgī ca mahāvidyā sarvatantre pratiṣṭhitā | śṛṇu devi mahābhadre bhaktānāṃ trāṇakāriṇi || 4/22 || śrībījaṃ viśvarūpañca māyābījañca kāmadam | kṣaṃ bījaṃ kṣetradañcaiva mātaṅgī madanāturā || 4/23 || svāhā ca brahmarūpaiva brahmaṇā ca pratiṣṭhitā | atha vakṣye maheśāni kamalāmantramuttamam || 4/24 || yasya vijñānamātreṇa samṛddhiṃ labhate dhruvam | bhogadā mokṣadā devī lakṣmīrūpa prakīrtita || 4/25 || śrībīje kevalā lakṣmīrnādo mokṣasya dāyakaḥ | ekākṣarī mahāvidyā sarvakāmapradāyinī || 4/26 || vāgabhavādyā mahādevī vāgīśatvapradāyinī | lajjābījaṃ maheśāni brahmaviṣṇuśivātmakam || 4/27 || kāmabījantu deveśi lakṣmīrmāyā sarasvatī | nādaścaitanyarūpo'sau viṣṇuḥ paraśivomataḥ || 4/28 || mantravyākhyā maheśāni saṃkṣepāt kathitā mayā | na prakāśyamidaṃ devi paśoragre kadācana || 4/29 || svarga martye ca pātāle devāśca siddhi dāyakāḥ | praśaṃsanti sadā sarve taṃ dṛṣṭvā sādhakottamam || 4/30 || iti kubjikātantre caturthaḥ paṭalaḥ || 4/4 || pañcamaḥ paṭalaḥ p. 7) pārvatyuvāca bhagavan sarvadeveśa lokānāṃ hitakāraka | caturvargapradaṃ devi caitanyaṃ me prakāśaya || 5/1 || sadāśiva uvāca śṛṇu devi pravakṣyāmi caitanyaṃ paramādbhūtam | rahasyaṃ paramaṃ guhyaṃ gopanīyaṃ tvayā punaḥ || 5/2 || cicchaktyādhvanitaṃ devi pariṇāmakrameṇa tu | varṇabhāvaṃ samāśritya nirguṇaṃ saguṇātmakam || 5/3 || ṣaṭcakrañca tathā bhittvā śabdarūpaṃ sanātanam | nādabindusayāyuktaṃ caitanyaṃ parikīrtitam || 5/4 || athavānyaprakāreṇa śruyatāṃ padmalocane | vinā yena na siddhyanti japapūjādikāni ca || 5/5 || anāhatasya madhye tu grathitaṃ varṇamuttamam | suṣumnāvartmanā devi kaṇṭhadeśaṃ vinirgatam || 5/6 || caitanyañca maheśāni yogināṃ yogarūpakam | sahasrāre varṇarūpaṃ pariṇāmakrameṇa tu || 5/7 || karṇikāmadhyasaṃsthe tu nādabindusamanvitam | evaṃ sañcintayeddevīṃ caitanyamuttamaṃ punaḥ || 5/8 || mantrākṣarāṇi cicchaktau grathitāni maheśvari | tāni sañcintayeddevi sahasrāre dale yadā || 5/9 || caitanyaṃ mantrarūpāyāścaitanyanandadāyinī | caitanyaṃ nādaśaktiśca caitanyaṃ varṇarūpakam || 5/10 || maṇipure sadā cintyaṃ mantrāṇāṃ prāṇarūpakam | athavānyaprakāreṇa śrūyatāṃ varavarṇini || 5/11 || kāmabījaṃ ramābījaṃ śaktibījaṃ sureśvari | etāni pūrvamucārya mātṛkāṃ tadanantaram || 5/12 || puṭitaṃ mulamantrañca śatamaṣṭottaraṃ japet | koṭikoṭiguṇaṃ tacca labhate nātra saṃśayaḥ || 5/13 || athavānyaprakāreṇa caitanyaṃ śṛṇu pārvati | yena vijñānamātreṇa paramaṃ paśyati dhruvam || 5/14 || sūryamaṇḍalamadhyasthaṃ cintayenmūlamantrakam | aṣṭottaraśataṃ japyaṃ mūlavidyāsvarūpakam || 5/15 || guruṃ sañcintayettatra śivarūpaṃ sanātanam | śaktiñca cintayettatra brahmarūpāṃ sanātanīm || 5/16 || evaṃ sañcintayedyastu japedvā surasundarīm | nāsādhyaṃ tasya lokesmin muktirddevi kare sthitā || 5/17 || iti kubjikātantre pañcamaḥ paṭalaḥ || 0 || 5 || ṣaṣṭhaḥ paṭalaḥ atha vakṣye maheśāni śāradendunibhānane | atīva paramaṃ guhyaṃ na prakāśyaṃ kadācana || 6/1 || rahasyaṃ paramaṃ guhyaṃ sarvadeveṣu vanditam | caturvedairagamyantu sāṃsārārṇavatārakam || 6/2 || sarvāmnāyairmahādevi vanditaṃ surasundari | gopanīyaṃ gopanīyāṃ gopanīyaṃ sureśvari || 6/3 || na prakāśyamidaṃ devi svayoniriva pārvati | niśīthe muktakeśastu nagnaḥ śaktisamanvitaḥ || 6/4 || cintayediṣṭadevīñca yogināṃ yogarūpiṇīm | guhyadeśe vāmapādagulphaṃ saṃyojayet sudhīḥ || 6/5 || śarīrañca sthirikṛtya jihvāyāṃ tālukāṃ nyaset | nāsāgre netrayugmañca karttavyañca maheśvari || 6/6 || kaṇṭhāsamaṃ tathā kṛtvā cintayedvāhinīṃ śivām | bhujaṅgarūpiṇīṃ devīṃ mūlādhāranivāsinīm || 6/7 || prātarādhārakamale hūtabhukamaṇḍalesthitām | caturbhujāṃ mahādevīṃ paramāmṛtavṛṃhitām || 6/8 || śyāmavarṇāṃ mahādevīṃ mahāpadmāsanasthitām | abhayaṃ varadañcaiva dakṣiṇedhāriṇīṃ sadā || 6/9 || khaḍgaṃ muṇḍañca vāmetu dhārayantīṃ sanātanīm | muktakveśīṃ smitamukhīṃ śmaśānālayavāsinīm || 6/10 || danturāṃ dakṣiṇe vyāpi muktakeśīṃ digambarīm | śavānāṃ karasaṃghātaiṃ kṛtakāñciṃ hasanmukhīm || 6/11 || lambamānāṃ muṇḍamālāṃ dhārayantīṃ sadāśivām | śavasya hṛdaye caiva dakṣapādaniveśitām || 6/12 || mahākālena ratyarthamatyantalālasāṃ parām | candrasūryavatbhirūpaloca * trayasaṃyutām || 6/13 || arddhacandradharāṃ devīṃ pīnonnata payodharām | śivābhirghorarāvābhiścaturdikṣu samanvitām || 6/14 || caturvedairapārāñca sarvadevavibhūṣitām | kāmadāṃ kāmarūpāñca bhaktānāṃ trāṇakāriṇīm || 6/15 || caturvargapradām bhīmāṃ vandedakṣiṇakālikām | svādhiṣṭhānāṃ mahādevi cintayedindurūpakam || 6/16 || tatra devīñca sañcintya nirmalāṃ viśvarūpiṇīm | abhayaṃ varadañcaiva hastañca surasundari || 6/17 || dhanurvāṇadharāṃ devīṃ pāśāṅkuśadharāṃ punaḥ | vāṇaliṅgasamāyuktāṃ nīlavarṇānalaprabhām || 6/18 || lolajihvām mahādevīṃ viṣṇurūpāṃ sanātanīm | vālayugmalasatkarṇāṃ duṣṭāsuranisudanīm || 6/19 || vyāghracarmaparīdhānāṃ brahmarandhranivāsinīm | sukhaprasannavadanāṃ smerānanasaroruhām || 6/20 || maṇipūre cintayettu tejaḥpuñjaṃ sanātanīm | digambarīṃ karālāsyaṃ muktakeśīṃ caturbhujām || 6/21 || raktavarṇāṃ mahādevīṃ raktacarma vidhāriṇīm | p. 8) padmāsanāṃ mahādevīṃ sarvanāgavibhūṣitām || 6/22 || śaṅkhacakragadāpadma dhāriṇīṃ surapūjitām | dharmārthadāyinīṃ devīṃ bhaktānāṃ trāṇakāriṇīm || 6/23 || sarvasiddhipradāṃ devīṃ jagatāṃ mohinīṃ punaḥ | mahāmāyāṃ mohinīñca aniśaṃ jñānadāṃ satīm || 6/24 || sundarīṃ ramaṇīṃ vāmāṃ caturvargaphalapradām | śāntāṃ śāntapriyāmugrāmugradaityavināśinīm || 6/25 || madhumāṃsapriyāṃ kṛṣṇāṃ yaśodānandakāriṇīm | bhaktigamyāṃ mahādevīṃ mahākāla nivāsinīm || 6/26 || sarveṣāṃ jananīṃ nityāṃ cintayet surapūjitām | anāhate mahādevi cintayet paradevatām || 6/27 || aṣṭabhujāṃ mahādevīṃ raktavarṇāṃ triśaktikām | dhanurvāṇañca khaḍgañca cakrañca dadhatīṃ śive || 6/28 || pāśāṅkuśadharāṃ devīṃ brahmādi suravanditām | arddhacandradharāṃ devīṃ pīnonnata payodharām || 6/29 || padmāsanāṃ mahāmāyāṃ mahāpadmāsanasthitām | evaṃ sañcintayeddevīṃ brahmamārgeṇa gāminīm || 6/30 || viśuddhe ca mahācakre cintayet parameśvarīm | daśabhujāṃ mahādevīṃ pītavarṇāṃ sanātanīm || 6/31 || kapālaṃ kheṭakaṃ khaḍgaṃ darpaṇaṃ cāmarantathā | dakṣiṇe vibhratīṃ devīṃ kāmabījoparisthitām || 6/32 || vāme khaḍga mahāpadmaṃ kartṛkāṃ pāśamaṅkuśam | dhārayantiṃ mahādevīṃ mahāsiṃhāsanasthitām || 6/33 || divyavastraparīdhānāṃ jaṭāmukuṭamaṇḍitām | brahmaviṣṇumahādevavanditāṃ surasundarīm || 6/34 || ājñācakre maheśāni dvibhujāṃ cintayet sudhīḥ | siṃhaskandhasamāruḍhāṃ dvibhujāṃ sumanoharām || 6/35 || varābhayadharāñcaiva nānāmaṇivibhūṣitām | jaṭāmukuṭa saṃyuktāmarddhacandravibhūṣitām || 6/36 || ratnakāñcīsamāyuktāṃ ratnamālāvibhūṣitām | raktavastraparīdhānāṃ kamalāpatisevitām || 6/37 || saṃsāraduḥkhaśamanīṃ saṃsārārṇavatāriṇīm | suṣumnāvartmanā devi cintayeddhyānarūpiṇīm || 6/38 || ṣaṭcakrabhedayogena cintayet paraparameśvarīm | sahasrāre dale caiva cintayet parameśvarīm || 6/39 || kāmaṃ bhramantaṃ tanmadhye pañcavāṇavibhūṣitām | gaṅgādisarvatīrthañca amṛtaṃ pratipatrake || 6/40 || vasantādi mahādevi sarvarttupariśobhitam | śvetavarṇaṃ mahādevi sahasradalamuttamam || 6/41 || sarvadevasamāyuktaṃ sarvaśaktisamanvitam | sarvamantramayaṃ devi caturvedavibhūṣitām || 6/42 || ekādaśamahādevaṃ brahmāviṣṇuśivātmakam | karṇikāṃ svarṇavarṇāñca tatra devīṃ vicintayet || 6/43 || cinmayaṃ paraśivaṃ devi dhyānagamyaṃ sanātanam | sārātsārataraṃ parādapiparaṃ cetovacohagocaram || 6/44 || nityānandanirantaraṃ nirupamaṃ devairapāraṃ param | śivaśaktimayaṃ devi nirguṇaṃ saguṇātmakam || 6/45 || pradīpakalikākāraṃ yogināṃ dhyānarūpiṇam | caitanyarūpiṇaṃ devaṃ paramāmṛtavṛṃhitam || 6/46 || tanmadhye cintayeddevīṃ triguṇāñca sanātanīm | ghoradaṃṣṭrāṃ karālāsyāṃ lalajjihvāṃ caturbhujām || 6/47 || sadyaśchinnaśiraṃ khaḍga-vāmādhorddhakarāmbujām | abhayaṃ varadañcaiva dakṣiṇādhorddhapāṇikām || 6/48 || nīlameghaprabhāṃ tanvīṃ ghorallapāṃ digambarīm | kaṇṭhāvaśaktamuṇḍālī galadrudhiracarcitām || 6/49 || karṇāvataṃsatāṃ nītaśavayugmabhayānakām | valārkamaṇḍalākāra locanatrayabhūṣitām || 6/50 || sṛkkadvayagaladraktadhārā-viṣphuritānanām | muktakeśīṃ smitamukhīṃ śmaśānālayavāsinīm || 6/51 || śavānāṃ karasaṃghātaiḥ kṛtakāñcīṃ hasanmukhīm | śavarupamahādeva-hṛdayopari saṃsthitām || 6/52 || mahākālena ratyarthamupaviṣṭāṃ smarāturām | śivābhirghorarāvābhiścaturdikṣu samanvitām || 6/53 || atiprasannavadanāṃ smerānanasaroruhām | anāhatantu tatraiva taḍitkoṭisamaprabhām || 6/54 || tasyorddhe śikharaṃ tanvi ciharūpā paramākalā | tayā sahitamātmānamekībhūtam vicintayet || 6/55 || gacchantaṃ brahmamārgeṇa liṅgabhedakrameṇa tu | sūryakoṭiprabhākyaraṃ candrakoṭisuśītalam || 6/56 || amṛtaṃ tat visargañca paramānandalakṣaṇam | gatvā kulākulaṃ divyaṃ punareva viśet kulam || 6/57 || evamabhyasyamānasya ahanyahani niścayāt | mūlādhārasaroje tu trikoṇaṃ sumanoharam || 6/58 || kāmaṃ bhramantaṃ tanmadhye vālārkakoṭisannibham | tadurddhe kuṇḍalīśaktistaḍitkoṭisamaprabhām || 6/59 || prasupubhujagākārāṃ sārddhatrivalayānvitām | sudhādhāratrikoṇe tāṃ bhāvayet surasundarīm || 6/60 || āropyāropya śaktiṃ kamalajanilayāmātmanā | sākametaṃ svasthāneghāvasāne praṇihitahṛdayā cintayanti krameṇa | nityānandāvasānaṃ khaḍgamudgaramahāpadmadadmāntarasthodhyāyeccaitanyarupām- abhinavajaladām mokṣamārgaikamārgāṃ | sākṣāndākṣari sābhaṃ gaganagatamahāpadmasaṃsthāccahaṃsāt pītvā divyāmṛtoghaṃ punarapi ca viśet madhyadeśaṃ kulasya | cakre cakre krameṇāmṛtasarasi savaistarpayeddevatāstā ḍākinyādyāḥ samastāḥ sakaladalagatāṃ tarpayet kuṇḍalīntām | indau tadurddhe vodhinyāṃ nāde nādānta eva ca || 6/61 || śaktau punarvāpi kāyāḥ samānonmaṇigocare | mantrākṣarāṇi cicchaktauprotāni paricintayet || 6/62 || tāneva parame vyomni paramāmṛtavṛṃhite | darśayedātmasadbhāvaṃ pūjahomādikaṃ vinā || 6/63 || evaṃ sañcintayenmantrī sayogī nātra saṃśayaḥ | sarvapāpādvinirmukta iṣṭāṃ devīṃ prapaśyati || 6/64 || ṣaṇmāse sarvasiddhiḥ syādātmānañca prapaśyati | aṣṭādaśamahāsiddhirvatsarānte bhaviṣyati || 6/65 || evaṃ sañcintayeddevīṃ paramātmasvarūpiṇīm | sa eva śaṅkaraḥ sākṣāt sa eva viṣṇuravyayaḥ || 6/66 || sa eva paramaṃ brahma sa eva devatottamaḥ | iti te kathitā devi yonimudrā maheśvari || 6/67 || vatsareṇa labhet siddhiṃ pūrṇakāmaphalaṃ labhet | iti kubjikātantre ṣaṣṭhaḥ paṭalaḥ || 0 || 6 || saptamaḥ paṭalaḥ pārvatyuvāca devadeva mahādeva parameśa purātana | bhāvañca śrotumicchāmi devatāyā viśeṣataḥ || 7/1 || kena bhāvena deveśa devatā ca prasīdati | tatsarvaṃ śrotumicchāmi kathyatāṃ prāṇavallabha || 7/2 || śiva uvāca bhadraṃ bhadraṃ pravakṣyāmi bhadraṃ bhadraṃ śuciśmite | tava snehāt pravakṣyāmi sāvadhānena sundari || 7/3 || yad yajjñātvā viriñciśca sṛṣṭikartā na saṃśayaḥ | pālanaṃ kurute viṣṇū rūdraśca nāśakaḥ punaḥ || 7/4 || jagadvaśyañca kurute jñātvā tu sādhakottamaḥ | sa eva vandyo lokesmin sa eva puruṣottamaḥ || 7/5 || bhāvaśca trividhodevi divyavīrapaśukramāt | viśvañca devatārūpaṃ bhāvayet surasundari || 7/6 || strīrūpañca jagat sarvaṃ pūruṣaṃ śivarūpiṇam | hṛdaye pārvatīṃ devīṃ śirasā śivarūpiṇam || 7/7 || abhedecintayedyastu sa eva devatātmakaḥ | nityasnānaṃ nityadānaṃ trisandhyañca japārcanam || 7/8 || vimalaṃ vasanaṃ devi paridhānaṃ samācaret | vede śāstre dṛḍhajñānaṃ gurau deve tathaiva ca || 7/9 || mantrecaiva dṛḍhajñānaṃ pitṛdevārcanantathā | vaiśvadevantathā śrāddhaṃ nityaṃ kāryāṃ śucismite || 7/10 || śatrau mitre samaṃ devi cintayettu maheśvari | annañcaiva maheśāni sarveṣāṃ parivarjayet || 7/11 || gurorannaṃ maheśāni bhoktavyaṃ sarvasiddhaye | kadaryañca mahādevi niṣṭhuraṃ parivarjayet || 7/12 || devatānindakaṃ dṛṣṭvā nālāpañca samācaret | satyañca kathayeddevi na mithyāñca kadācana || 7/13 || kevalaṃ divyabhāvena pūjayet surasundarīm | gurorārādhanaṃ devi pratyahaṃ cintayet sudhīḥ || 7/14 || sarvatra devatāvandyaṃ parameṣṭisvarūpakam | ekagrāme sthitaṃ nityaṃ trisandhyaṃ praṇamedgurum || 7/15 || gurutulyaṃ maheśāni namakuryādvarānane | strīṇāṃ padatalaṃ dṛṣṭvā guruvadbhāvayet sadā || 7/16 || śrīkhaṇḍapaskaruṣitaṃ bhūṣitaṃ sumanoharam | śarīraṃ kārayeddevi gandharvadevamuttamam || 7/17 || ālāpaṃ svastriyāsārddhaṃ parayoṣāṃ vivarjayet | nityaṃ satvaguṇenaiva pūjayet sūrasundarīm || 7/18 || bīrabhāvaṃ maheśāni śṛṇuṣva haravallabhe | devatā ca mahādevi nānyosti mama dehake || 7/19 || raktavastraparidhānaṃ raktamālyānulepanam | tripuṇḍaṃ bhasmanā vāpi raktacandanakena vā || 7/20 || rudrākṣabhūṣitodevi sarvāṅge ca maheśvari | kevalaṃ bhairavobhūtvā yajeddevīṃ sanātanīm || 7/21 || pratyahañca valindadyāddevatābhāvasiddhaye | samayāñca gṛhītvā tu pūjādau ca maheśvari || 7/22 || niśīthe pūjanañcaiva kartavyañca maheśvari | kulavṛkṣantathā dṛṣṭvā kartavyañca maheśvari || 7/23 || praṇāmaṃ vandanañcaiva pratyahañca maheśvari | rātrau ca pūjayeddevīṃ na divāpi kadācana || 7/24 || rātrau tāmbulapūrṇāsyojapenmantraṃ maheśvari | sarvañcaiva maheśāni paradevesamarpayet || 7/25 || paśubhāvaratā ye ca kevalaṃ paśurūpiṇaḥ | rātrau yantrañca mālāñca naspūśettu kadācana || 7/26 || saṃśayo validāne ca tantre ca saṃśayaḥ sadā | mantre cākṣaravuddhiñca aviśvāsogurau sadā || 7/27 || pratimāyāṃ śilāvuddhirbhedakodaivate sadā | nirāmiṣeṇa deveśi devatāyāḥ prapūjanam || 7/28 || ajñānena sadā snānaṃ pratyahaṃ dehabhāḍanam | sarveṣāñcaiva nindāñca mantra kūryānmaheśvari || 7/29 || sa eva paśubhāvena cyadhamaḥ parikīrtitaḥ | uttamodivyabhāvaśca vīrabhāvaśca madhyamaḥ || 7/30 || adhamaḥ paśubhāvaśca devi satyaṃ na saṃśayaḥ | paśubhāve sthitā mantrāḥ kevalā varṇarūpiṇaḥ || 7/31 || kartavyañca maheśāni devatābhāvamuttamam | dṛṣṭvā kulaṃ maheśāni kulavṛkṣaṃ viśeṣataḥ || 7/32 || kulagehaṃ mahādevi namaskuryādvarānane | kūlastriyaṃ mahādevi tantramantraviśāradām || 7/33 || dūtīyāgaratāñcaiva veśyāmvā puṃścalīntathā | vṛddhāṃ vā yuvatīṃ vāpi namaskūryādvarānane || 7/34 || kumārīpūjanāccaiva sadā bhaktiyutobhavet | pañcavaryaṃ samārabhya yāvaddvādaśavārṣikī || 7/35 || kumārī sā bhaveddevi nijarūpaprakāśinī | ṣaḍvarṣañca samārabhya yāvacca navavārṣikī || 7/36 || tāvaccaiva maheśāni sādhakābhīṣṭasiddhaye | aṣṭavarṣaṃ samārabhya yāvattrayodaśavārṣikī || 7/37 || yuvatīṃ tāṃ vijānīyāttatra pūjāṃ samācaret | daśavarṣaṃ samārabhya yāvat ṣoḍaśavārṣikī || 7/38 || yuvatīṃ tāṃ vijānīyāddevītulyāṃ vicintayet | annaṃ vastraṃ tathā nīraṃ kumāryai yo dadāti hi || 7/39 || annaṃ merusamaṃ devi jalañca nāgaroḥ pamam | vastraiḥ koṭisahasrantu śivaloke mahīyate || 7/40 || pūjopakaraṇañcaiva kumāryai yodadāti hi | santuṣṭā devatā tasya putratvenānukampate || 7/41 || p. 10) aśokaṃ vilvavṛkṣañca śivāñcaiva sureśvari | dṛṣṭvā prāṇāmaṃ kuryācca sarvakāmārthasiddhaye || 7/42 || bhallukaṃ śaṅyacillañca gṛdhrañcaiva sureśvari | namaskuryānmahākālīṃ yuddhe ca jayamālabhet || 7/43 || catuṣpathaṃ śmaśānañca namaskuryādviśeṣataḥ | tatra gatvāvadhūtañca namaskuryādvarānane || 7/44 || uśāsakaṃ sadā dṛṣṭvā madhuraṃ bhāṣaṇaṃ caret | dānādānañca puṇyaṃ syāt tasyāddānaṃ samācaret || 7/45 || samayāṃ vinā mahādevi na śaktiḥ syāt kadācana | tasmāccaiva pramatnena gṛhṇīyānnātra saṃśayaḥ || 7/46 || pārvatyuvāca bhagavana sarvadharmajña sarvāgamaviśārada | siddhapīṭhaṃ mahādeva kathayasva mayi prabho || 7/47 || śaṅkara uvāca śruyatāṃ sāvadhānena siddhapīṭhaṃ pativrate | yasmin sādhanamātreṇa sarvasiddhīśvarobhavet || 7/48 || māyāvatī madhupurī kāśī gorakṣakāriṇī | hiṅgulā ca mahāpīṭhaṃ tathā jālandharaṃ punaḥ || 7/49 || jvālāmukhī mahāpīṭhaṃ pīṭhaṃ nagarasambhavam | kāmagirirmahāpīṭhaṃ tathā godāvarī priye || 7/50 || nepālaṃ kālasūtrañca mahāvarṇaṃ tathā priye | ayodhyāñca kurūkṣetraṃ siṃhanādaṃ manoharam || 7/51 || maṇipūraṃ hṛṣīkeśaṃ prayāgañca tapovanam | vadarīñca mahāpīṭhaṃ amvikāmurddhamānakam || 7/52 || triveṇīñca mahāpīṭhaṃ gaṅgāsāgarasaṅgamam | nārīkolañca virajāmuḍḍīyānaṃ maheśvari || 7/53 || kurugrāmaṃ vaidyanāthaṃ jānīyādvāmalocane | kāmarūpaṃ mahāpīṭhaṃ sarvakāmaphala pradam || 7/54 || kalau śīghraphalaṃ devi kāmarūpamidaṃ smṛtam | kāmākhyāvastramādāya japapūjāṃ samācaret || 7/55 || pūrṇaṃ kāmaṃ labheddevi satyaṃ satyaṃ na saṃśayaḥ | ityetat kathitaṃ devi saṃkṣepādvaravarṇini || 7/56 || tava snehāt pravakṣyāmi bhaktibhāve sanātani | pārvatyuvāca idānīṃ śrotumicchāmi vadasva prāṇavallabha || 7/57 || puṣpasya niyamaṃ deva jagatāṃ trāṇakāraka | śaṅkara uvāca puṣpasya niyamaṃ devi śṛṇuṣva haravallabhe || 7/58 || yasya dānena deveśi santuṣṭā cāmvikā dhruvam | aśokaṃ padmapuṣpañca campakaṃ nāgakeśaram || 7/59 || dhūstūraṃ mālatīpuṣpaṃ jātīñca yūthikāntathā | vakulaṃ tagarañcaiva madhupuṣpaṃ vasantikām || 7/60 || kahlāraṃ karavīrañca vandhūkañca lavaṅgakam | japāpuṣpañca deveśi raktapuṣpaṃ viśeṣataḥ || 7/61 || aparājitāyā māhātmyaṃ vaktuṃ naiva ca śakyate | vilvapatraṃ maheśāni brahmaviṣṇuśivātmakam || 7/62 || svarṇasya puṣpabhāvasya pradāne yat phalaṃ bhavet | ekena vilvapatreṇa tat phalaṃ labhate dhruvam || 7/63 || javāpuṣpapradānena paṭṭavastraphalaṃ labhet | padmapuṣpapradānena gaurīloke mahīyate || 7/64 || padmapuṣpairjavāpuṣpairhomaṃ kuryādvicakṣaṇaḥ | raktacandanasaṃmiśraṃ raktapuṣpaṃ sureśvari || 7/65 || dadyādbhaktyā sadā devyai vājimedhaphalaṃ labhet | jalajaṃ sthalajaṃ vāpi yacca puṣpaṃ manoharam || 7/66 || dadyāccaiva maheśāni sarvakāmaphalapradam | iti kubjikātantre saptamaḥ paṭalaḥ || aṣṭamaḥ paṭalaḥ pārvatyuvāca mahādeva jagannātha prāṇeśa parameśvara | sādhakānāṃ hitārthāya sādhanaṃ me prakāśaya || 8/1 || śaṅkara uvāca sādhanaṃ vahūvidhaṃ devi kalau purṇaphalapradam | kevalaṃ vīrabhāvena sādhanañca samācaret || 8/2 || kujavāre mahādevi kṛṣṇāṣṭamyāṃ mahāniśi | catuṣpathe mahāghore ayutaṃ prajapet sudhīḥ || 8/3 || daśākṣaraṃ mahāmantraṃ(?) ugrāyāśca sureśvari | pūjanaṃ kṛṣṇapuṣpeṇa śmaśānakusumena vā || 8/4 || mahācīnakrameṇaiva sarvaṃ kuryāt kuleśvari | juhūyānnīlapuṣpeṇa cāṣṭottaraśataṃ punaḥ || 8/5 || tadtasmāni ca tanmantrairnikṣipet vairiveśmani | daśahābhyantare vairivināśo jāyate dhruvam || 8/6 || māyāpadaṃ samuccārya kṣakāraṃ tadanantaraḥ | puṭitañca maheśāni śatābhimantritaṃ punaḥ || 8/7 || japitvā prakṣipeddevi paśuhomaṃ samācaret | kulavāre maheśāni kuladravyairmaheśvari || 8/8 || pañcamuṇḍairmaheśāni nikṣipya vaṭamulake | āsanaṃ tatra saṃkalpya pūjāñcaiva samācaret || 8/9 || aṣṭasahasraṃ japitvā ca homaṃ kuryādvicakṣaṇaḥ | kṛṣṇapuṣpairjavāpuṣpairviśeṣeṇa sureśvari || 8/10 || aticīnakrameṇaiva pūjāṃ kuryāt kuleśvari | niśīthe muktakeśastu vyāghracarmadharonaraḥ || 8/11 || śivabījaṃ vighnabījaṃ tāreṇa puṭitaṃ manuḥ | śatābhimantritaṃ muṇḍaṃ niḥkṣipedvaiyiveśmani || 8/12 || saptāhābhāntare devi nāśamāpnoti niścitam | aṣṭamyāñca mahādevi śanivāre tathā niśi || 8/13 || piṣṭakaṃ puruṣākāraṃ racayet parameśvari | āsanaṃ tatra saṃkalpya vihitaṃ pūjanañcaret || 8/14 || aśvasthamūlamāsthāya sahasraṃ prajapet sudhīḥ | piṣṭakaiḥ śatahomantu kuryāacca parameśvari || 8/15 || homaśeṣaṃ samādāya śruyatāṃ parameśvari | vastraṃ vastreṇa saṃveṣṭya vadhnīyādraktatantunā || 8/16 || niḥkṣipedvairigehe ca vināśañca vrajet dhruvam | kulavāre maheśāni citāyāmapyasaṃskṛtau || 8/17 || kavacantu purā kṛtvā tatra pūjāṃ samācaret | p.11)ṣaṭsahasraṃ japaṃ kṛtvā śatamaṣṭottaraṃ japam || 8/18 || mahākāmyaṃ mahāmantraṃ japettu parameśvari | kṛṣṇapuṣpeṇa sampūjya juhūyādārdrakeṇa tu || 8/19 || tadasthi ca samādāya satābhimantritaṃ punaḥ | prakṣipedvairigehe ca tasyoccāṭanamuttamam || 8/20 || śmaśānakāṣṭhamādāya āsanaṃ tatra kalpayet | āsane ca japenmantraṃ śatamaṣṭottaraṃ śatam || 8/21 || vihitañca citāsthānaṃ tatra pūjāṃ prakalpayet | ṣaṭsahasraṃ japenmantraṃ vairiṇā homayed dhruvam || 8/22 || kulācāre maheśāni caturdaśyāṃ sureśvari | niśīthe ca maheśāni kṛṣṇapuṣpaṇa homayet || 8/23 || homaṃ kṛtvā varārohe vairiṇaṃ mohayed dhruvam | kulapuṣpeṇa deveśi homaṃ kuryādvicakṣaṇaḥ || 8/24 || śmaśānakālikāmantraṃ japedaṣṭakṣaraṃ vudhaḥ | aṣṭottarasahasreṇa vairiṇaṃ mohayet dhruvam || 8/25 || śanivāre maheśāni muṇḍamādāya yatnataḥ | aṣṭākṣaraṃ mahāmantraṃ dvisahasraṃ japet sudhīḥ || 8/26 || vairiṇaṃ mohayeddevi trimāsāt paratodhruvam | gomuṇḍañca samādāya nāmamantraṃ likhettataḥ || 8/27 || aṣṭasahasraṃ japeddevi vairiṇaṃ nāśayed dhruvam | juhūyānnīlapuṣpeṇa aṣṭottaraśataṃ punaḥ || 8/28 || athavānyaprakāreṇa śruyatāṃ varavarṇini | suryodayaṃ samārabhya yāvat sūryāntaraṃ bhavet || 8/29 || tanmantraiḥ puṭitaṃ kṛtvā vairiṇaṃ mardayet kṣaṇāt | sandhyākālaṃ samārabhya yāvat suryodayaṃ bhavet || 8/30 || tāvanmantrajapaṃ kuryād anulomavilomataḥ | kṛṣṇapuṣpeṇa hotavyaṃ yāvaduccāṭanaṃ bhavet || 8/31 || aṣṭāhābhyantare vairivināśojāyate dhruvam | mātṛkāpuṭitaṃ kṛtvā prajapet surasundari || 8/32 || anulomavilomena tannāmnā prajapet sudhīḥ | daśāhābhyantare vairivināśo jāyate dhruvam || 8/33 || kujāvāre maheśāni citāmadhyasamāgataḥ | yoginīṃ tatra sampūjya bhairavaṃ pūjayettataḥ || 8/34 || deveśīṃ tatra saṃspūjya tāriṇīṃ tatra pūjayet | kṣetrapālañca saspūjya tāriṇīṃ tatra pūjayet || 8/35 || daśadikṣu kīlakañca kartavyañca sureśvari | viṃśatyakṣaramucārya nāmnomadhye sanātani || 8/36 || pañcasahasraṃ japenmantraṃ yāvaccaiva mahāniśā | tāvajjapaṃ prakurvīta śatrūṇāṃ nāśanāya ca || 8/37 || juhūyādraktapuṣpeṇa śatrūn mardayate kṣaṇāt | hotavyaṃ tatradeveśi deveśañca yajet sudhīḥ || 8/38 || kujavāre maheśāniśavamādāya yatnataḥ | kīlakaṃ tatra vaddhvā ca mūlamantrairmaheśvari || 8/39 || tatra sañcintayeddevīṃ daityadarpanisūdanīm | bhairavaṃ tatra sampujya śavasnānaṃ samācaret || 8/40 || catvāraḥ kīlakāstatra pūjanañca samācaret | vaṭukaṃ kṣetrapālañca yoginīṃ bhairavīntathā || 8/41 || striyaṃ vinā maheśāni brāhmaṇaṃ yavanantathā | yavanīñca vinā devi śavaṃ sañcintayet sudhīḥ || 8/42 || antyajaśca śavaḥ śreṣṭhaḥ praśastoyuddhakarmaṇi | śavarūpaṃ śivantatra cintayet parameśvari || 8/43 || kāryaṃ devi mahādeva siddhiṃ dehi sadā vibho | mantrasiddhintathā devi rakṣa māṃ śaraṇāgatam || 8/44 || śavarūpamahādeva sarvadeva namostute | paṭhitvaivaṃ mahādevi śavapṛṣṭhaṃ samāhitaḥ || 8/45 || japantatra prakurvīta sarvakāmārthasiddhaye | karālīntatra sampūjya homaṃ kuryādvicakṣaṇaḥ || 8/46 || sarvakāmārthasiddhiḥsyādyad yanmasinavarttate | utakaṭe ca mahādevi kṛṣṇāṣṭamyāṃ kuleśvari || 8/47 || raktavastraṃ samādāya kuladravyairmaheśvari | nagnaḥ śaktisamāyukto bhutvā tu bhairavottamaḥ || 8/48 || kṣakāraṃ pūrvamuddhatya nādabindusamanvitam | dakṣiṇekālike devi kāmabījaṃ tataḥ param || 8/49 || iti mantreṇa deveśi pūjāṃ kuryādviśeṣataḥ | gajāntakasahasrantu japaṃ kuryādvarānane || 8/50 || raktapuṣpeṇa homantu kartavyaṃ varavarṇini | sarvakāmārthasiddhiḥ syāt sa eva bhairavottamaḥ || 8/51 || iti kubjikātantre aṣṭamaḥ paṭalaḥ || 8 || navamaḥ paṭalaḥ bhagavan prāṇanātheśa sarvatantraviśārada | lakṣaṇaṃ mantrasiddheśca kathyatāṃ bhutabhāvana || 9/1 || śiva uvāca śṛṇu bhadre pravakṣyāmi śruyatāṃ sāvadhānataḥ | hṛdayagranthibhedaśca romnaśca harṣaṇantathā || 9/2 || tannāmnā gadagadaṃ vākyaṃ unmatta iva lakṣate | nityaharṣo nityaśraddhā sarvadā vedabhūṣitam || 9/3 || vāsanāvaddhadeve ca svapne tāñca prapaśyati | ajñānenānusandhānāt paścāt jñānaṃ prapaśyati || 9/4 || tajajñānaṃ sthiratāmeti dṛḍhañca jāyate punaḥ | devatāpratisandhānāt karuṇoktiḥ prajāyate || 9/5 || sarvadā devatāṃ paśyan devatā bhāvasiddhaye | divyaṃ jñānaṃ śarīre ca sarvadā devatarpaṇam || 9/6 || nirāvilaṃ samānañca yaḥ paśyati sa vuddhimān | loṣṭre ca kāñcane caiva samajñānañca paśyati || 9/7 || sa eva sādhakaśreṣṭho jīvanmukto na saṃśayaḥ | sākārabhāvane devi pūtravat snehamācaret || 9/8 || ātmīyatvaṃ samādāya hastapādādisaṃyutam | mama dehe ca nānyosti devatā caiva titaṣṭhati || 9/10 || nānyaddevaṃ kadācittu sarvadā murddhni tiṣṭhati | triśuladhāriṇī devī sarvadā parirakṣati || 9/11 || evañca dhyānayogena jñānayogena vā punaḥ | p.12) sarvadānandahṛdaye mahājñānaṃ dine dine || 9/12 || evamabhyasyamānaśca ahanyahani sādhakaḥ | sākāreṇa maheśāni nirākārañca bhāvayet || 9/13 || sākāreṇa vinā devi nirākāraṃna paśyati | sākāre mūlakaṃ sarvaṃ sākārañca prapaśyati || 9/14 || abhyāsena sadā devi nirākāraṃ prapadyate | nirākāraṃ samāsādya nirañjanapadaṃ labhet || 9/15 || nirākāreṇa deveśi kṛtakṛtyaśca sādhakaḥ | evaṃ sarvātmanā devi kāmarūpo na saṃśayaḥ || 9/16 || tasmāt sarvaprayatnena bhaved devadhvajīnaraḥ | devatādhyānamātreṇa devatābhāvamālabhet || 9/17 || sarvaṃ kuryānmaheśāni deratāyai samarpaṇam | vāsanābhāvarūpeṇa manasāyat pratiṣṭhitam || 9/18 || tat sarvañca bhavatyeva devi satyaṃ na saṃśayaḥ | pārvatyuvāca hṛdayeśa mahādeva parameśa purātana || 9/19 || kenopāyena deveśa mantrasiddhirbhaved dhruvam | puraścaryāvidhānañca kathyatāṃ prāṇavallabha || 9/20 || śaṅkara uvāca sādhu sādhu tvayā pṛṣṭam śruyatāṃ varavarṇini | anāyāsena mastrasya siddhirbhavati sundari || 9/21 || tatsarvaṃ kathayiṣyāmi satyaṃ satyaṃ suniścitam | ramābījaṃ viśvabījaṃ vadhūbījaṃ maheśvari || 9/22 || puṭitaikajaṭāmantraṃ prajapet sādhakottamaḥ | aṣṭasahasraṃ maheśāni japettu sādhakottamaḥ || 9/23 || gadyapadyamayīvāṇī bhavettasya na saṃśayaḥ | kūrcabījaṃ śaktibījaṃ kṣakāraṃ tadanantaram || 9/24 || puṭitaṃ dakṣiṇāmantraṃ ṣaṭsahasraṃ krameṇa tu | sarvarājyesvaro bhūtvā vicareddhi mahītale || 9/25 || kulastrīyonimadhye tu dhumāmantraṃ samālikhet | śaktyā tu paṭitaṃ kṛtvā navalakṣam japet sudhīḥ || 9/26 || yuddhe vijayamāpnoti sa eva sādhakottamaḥ | kulantrīyonimadhye tu dhūmāmantraṃ likhet punaḥ || 9/27 || aṣṭasahasraṃ japeddhīmān vicareddhi mahītale | yuddhe vijayamamāpnoti śatrūn nāśayate kṣaṇāt || 9/28 || kulastrībhālamūle ca likhenmantraṃ sulakṣaṇam | taṃ dṛṣṭvā sādhakaśreṣṭhaḥ pañcalakṣaṃ japet punaḥ || 9/29 || sa bhaveddevatātulyo narendraśca na saṃśayaḥ | mātṛkāpuṭitaṃ kṛtvā dhanadāmantramuttamam || 9/30 || dvisahasraṃ japet prājñaḥ sarvarājyeśvarobhavet | vicaranti yathā devāstathaiva sādhakottamaḥ || 9/31 || mahāpadmasya madhye tu aṣṭapatraṃ likhettataḥ | aṣṭapatrasya madhye tu vagalāmantrakaṃ punaḥ || 9/32 || hṛdaye sthāpayitvā tu japetta sādhakottamaḥ | satāṃ kṣobhaṃ nayatyevamarīnmarddayate kṣaṇāt || 9/33 || aṣṭasahasraṃ dvisahasraṃ navasahasraṃ japet sudhīḥ | trailokyaṃ kṣobhayatyeva satyaṃ satyaṃ na saṃśayaḥ || 9/34 || kāmabījaṃ ramābījaṃ gurubījaṃ maheśvari | dhanadāpuṭitaṃ kṛtvā dik sahasraṃ japet sudhīḥ || 9/35 || vātastambhaṃ jalastambhaṃ vahniśaityaṃ nayed dhruvam | surasundarī mahāmantraṃ kalau pūrṇaphalapradam || 9/36 || pūṭitaṃ śaktivījantu trimāsāt parato dhruvam | strīrūpā sundarī devi nikacai brajati dhruvam || 9/37 || anāyāsena deveśi kalau pūrṇaphalapradā | tasmāt sarvaprayatnena kartavyañca maheśvari || 9/38 || ratisundarī mahādevī ratibījasamanvitā | aṣṭasahasraṃ japeddevi tataḥsiddhiṃ samālabhet || 9/39 || prāṇahīno yathā dehaḥ sarvakarmasu na kṣamaḥ | puraścaraṇahīnastu tathāmantraḥ prakīrtitaḥ || 9/40 || pañcāṅgopāsanañcaiva puraścaraṇakarmaṇi | japahomau tarpaṇañcābhiṣeko brahmaṇabhojanaṃ || 9/41 || pañcāṅgāni maheśāni sādhakānāṃ sukhāvaham | mahābhiyekāt puruṣaḥ sarva karmasu ca kṣamaḥ || 9/42 || mahābhiṣekaṃ vinā devi na kuryānmantracintanam | tasmāt sarvaprayatnena abhiṣekī bhavennaraḥ || 9/43 || śarat kāle mahādevi kartavyaṃ mantracintanam | navamīntu samārabhya yāvacca navamī bhavet || 9/44 || tāvajjapaḥ prakartavyaḥ puraścaraṇamiṣyate | caturthyāntu samārabhya yāvacca navamī bhavet || 9/45 || tāvajjapaḥ prakartavyaḥ sakhaṇḍaṃ parikīrtitam | saptamyāñca samārabhya yāvacca navamī bhavet || 9/46 || tāvajjapādikaṃ kuryāt sarvakāmārthasiddhaye | śubhakāle samārabhya mantrasādhanamācaret || 9/47 || candrasūryagrahe caiva kartavyaṃ mantracintanam | grāsādvimuktiparyantaṃ japenmantramananyadhīḥ || 9/48 || sūryodayaṃ samārabhya yāvat sūryodayaṃ bhavet | tāvat japaṃ prakurvīta mantrasādhanamācaret || 9/49 || candrodayaṃ samārabhya yāvaccandrāntaraṃ bhavet | tāvajjapaṃ prakudhvīta mantrasādhana mācaret || 9/50 || rātrau tāmbūlapūṇīsyo japenmantramananyadhīḥ | haviṣyāśī japennakṣaṃ divā caiva sureśvari || 9/51 || rahasyañca maheśāni kalau pūrṇaphalapradam | śaktiṃ gṛhītvā deveśi japaṃ kuryāt samāhitaḥ || 9/52 || rahasyaṃ kathitaṃ devi triṣulokeṣu durlabham | śodhanaṃ śaktimantreṇa śakteścaiva maheśvari || 9/53 || samayāñca gṛhītvādau japaṃ kuryāt samāhitaḥ | iti śrīkubjikātantre pārvatīparameśvarasaṃvāde navamaḥ paṭalaḥ || 0 || 9 || p. 13) daśamaḥ paṭalaḥ atha bādhakaprakaraṇam oṃ namaḥ paramadevatāyai śrīmahādeva uvāca athedānīṃ pravakṣyāmi vandhyāyāścottamaṃ vidhim | raktamātrī ca ṣaṣṭhī ca ḍāṅkuro jalakumārakaḥ || caturvidho bādhakaḥ syāt strīṇāṃ munivibhāṣitaḥ | teṣāṃ svabhāvaṃ vakṣyāmi yathāśāstraṃ vidhānataḥ | eteṣāṃ pūjanaṃ (saphalaṃ) kāryaṃ janaiḥ santānakāṅkṣibhiḥ | niḥsāraṇaṃ (niśārccanaṃ) sthāpanañca validānaṃ viśeṣataḥ || karttavyaṃ guruvākyena jñātvā śāstrasya lakṣaṇam | caturvidho bādhakaḥ syād jāyate ṛtukālataḥ || vyathā kaṭyāṃ tathā nābheradhaḥ pārśve stane tathā | raktamātrī pradoṣeṇa jāyate phalahīnatā || māsamekaṃ dvayaṃ vāpi ṛtūhīnā bhavedyadi | raktamātrīpradoṣeṇa jāyate phalahīnatā || iti raktamātrībādhakaḥ || 1 || netre haste bhavejjvālā yonau caiva viśeṣataḥ | lālāsaṃyukta raktañca (vivarṇaḥ) ṣaṣṭhīnāṃ vādhakena ca || māsaikena bhaved ṣasyā ṛtusnānaṃ dvayaṃ tathā | malinā raktayoniḥ syāt ṣaṣṭhīnāṃ dūṣaṇaṃ bhavet || iti ṣaṣṭhībādhakaḥ || 9 || udvego gurutā dehe raktasrāvo bhavenmuhūḥ (bhavedvahūḥ) | nābheradho bhavecchūlaṃ bhāṅkuraḥ sutahārakaḥ || māsatraye caturthe vā ṛtuhīnā bhavedyadi | kṛśāṅgī karapāde syājjvālā ḍāṅkuradūṣaṇam || iti ḍāṅkurasya bādhakaḥ || 3 || saśūlā ca sagarbhā ca śuṣkadehālparaktikā | jalakumāradoṣeṇa jāyate phalahīnatā || sadā kruddhā bhavet sthūlā vahūkāle ṛtustathā | gurustanī svalparaktā jalakumāradūṣaṇam || iti jalakumārasya bādhakaḥ || 4 || atha pūjāyantrāṇi trikoṇaṃ navakoṇañca ṣaṭkoṇaṃ maṇḍalākṛtiḥ | yantrāṇyetāni saṃlikhyāvāhayenmantrapūrvakam || atha raktamātrīṣaṣṭhikayordhyānam | oṃ gaurāṅgīṃ (śaśiśekharāṃ trinayanāṃ) putranyastabhujadvayām | dhyāyenmantrī jagaddhātrīṃ sūtikāgāravāsinīm || oṃ śuklavarṇāṃ dvivāhūñca sutikāgṛhasaṃsthitām | strīrajaḥ pāyinīṃ śāntāṃ bhaje tribhuvaneśvarīm || atha ḍāṅkura jalakumārayordhyānam oṃ śuklavarṇaṃ dvivāhūñca sūtikāgṛhasaṃsthitam | strīrajaḥ pāyinaṃ śāntaṃ bhavet tribhuvaneśvaram || atha pūjopacārāḥ ṣoḍaśairupacāraistu pūjayet tridināvadhi | suvarṇa - raupya - tāmrādi - paṭṭavastrādibhūṣaṇaiḥ || aṣṭottaraśataṃ mantraṃ sahasraṃ vāpi bhairavi | evaṃ pūjādikaṃ kṛtvā valiṃ dadyādvicakṣaṇaḥ || valintu trividhaṃ dadyāt tha-bhū-jalacaraṃ tathā | valiṃ dadyāt prayatnena bhakṣayedauṣadhaṃ śuciḥ || p. 15) atha mantrāḥ mantrāddhāraṃ pravakṣyāmi śṛṇuṣva varavarṇini | tāraṃ māyāṃ tathā lakṣmīṃ ḍrūṃ phaṭ svāhāntako manuḥ || japedaṣṭottaraśataṃ raktamātrīmanuṃ budhaḥ | oṃ hrī/ śrī/ hū/ phaṭ svāhā | (iti raktamātrikāmantraḥ) tāraṃ kāmayugaṃ bījaṃ phaṭ svāhānto manurmataḥ | ṣaṣṭhīdevyāśca mantro'yaṃ putrasiddhipradāyakaḥ || oṃ klī/ klī/ phaṭ svāhā || (iti ṣaṣṭhīdevīmantraḥ) oṃ hrī/ vimalābījaṃ devi raktayogiṇīmanuḥ || svāhānto'yaṃ mahāmantro ḍāṅkurasya tu vai japet | oṃ hrī/ vajrayoginī oṃ hrī/ svāhā || (iti ḍāṅkurasya mantraḥ) tāraṃ śūlāya vajreti hastāya tadanantaram | svāhāntoyaṃ manurdevi jalakumārasya niścitaḥ || oṃ śūlāya vajrahastāya svāhā || (iti jalakumārasya mantraḥ) atha bādhakauṣadham snānakāle samutpanne deyamauṣadhamuttamam | raktakārpāsamūlañca nāgadānaṃ tathaiva ca || viḍvalayāśca mūlañca maricena samanvitam | deyañca tridinaṃ yāvadaśuciḥ syādyadāṅganā || snānopari ca dātavyaṃ vārtākīkīṭamuttamam | ekaviṃśaddinaṃ yāvad dugdhena miśritaṃ pivet || tad yathā - methitolakadvitīyaṃ (tolakamekañca) khaṇḍañca tolakadvaya ghṛtaṃ tokalamekañca dugdhena militaṃ pivet | dugdhaṃ ṣoḍaśatolañca pramāṇaṃ parikīrtitam | mṛtavatsā mṛtagarbhā kākavandhyā tathaiva ca || putrahīnā ca vandhyā ca pareṇaivāparādhitā | saṃharet sarvadoṣāṃśca methibhakṣaṇamuttamam || nāḍīśuddhāyāṃ striyāmapara ṛtukāle idamauṣadhaṃ deyam || aśvagandhā vaṭavyālo lakṣaṇasya ca mūlakam | (tadabhāve vāṭyālakaṃ śvetañca varavarṇini) | bhakṣayet sapurātrāṇi dugdhe piṣṭvā punaḥ punaḥ | avaśyaṃ santatistasyāḥ puṃhīnā garbhadhāriṇī || iti kubjikātantre devīśvarasaṃvāde daśamaḥ paṭalaḥ | p. 16) ekādaśaḥ paṭalaḥ (mūla} sādhakaśca śucirbhutvā nutanaṃ vastraṃ paridhāya bhadrāsane copaviśya mantraṃ vinyasya purataḥ saṃsthāpya saṅkalpaṃ kuryād yathā - viṣṇuḥ oṃ tatsadadyāmuke māsi amuke pakṣe amukatithau amuka gotrāyāḥ śrī amukī devyā (dāsyā vā śūdrasya) garbhabādhakadoṣopaśamana- kāmanayā apatyanāśakadoṣopaśamanakāmanayā gaṇapatyādi nānā devatāpūjāpūrvakaṃ raktamātrikāpūjanamahaṃ kariṣyāmi | saṅkalpasuktaṃ yathāvedoktaṃ paṭhitvā | ayamārambhaḥ śubhāya bhavatu | tato ghaṭasthāpanaṃ kuryāt * || (vyākhyā) * tatra prathamaṃ ācamanaṃ kuryāt | atha ācamanaṃ | yājñavalkyaṃ | antarjānu śucau deśe upariṣṭa udaṅmukhaḥ | prāgvā brāhmyeṇa tīrthena dvijo nityamupaspṛśet | antarjānu jānunormadhye hastau kṛtveti śeṣaḥ | tatprakāramāha dakṣaḥ | prakṣālya pāṇīpādau ca triḥ pivedambu vīkṣitam | samvṛtyāṅguṣṭha- mūlena dviḥ pramṛjyāttato mukham | saṃhatya tisṛbhiḥ pūrvamāsyamevam- upaspṛśet | aṅguṣṭhena pradeśinyā ghrāṇaṃ paścādanantaram | aṅguṣṭhā- nāmikābhyāñca cakṣuśrotre punaḥ punaḥ | nābhiṃ kaniṣṭhāṅguṣṭhena hṛdayantu talena vai | sarvābhistu śirodeśaṃ vāhū cāgreṇa saṃspṛśet | jalasthalobhayakarmānuṣṭhānārthañca jalasthalaikacaraṇenācamanaṃ kartavyamiti paiṭhīnasiḥ | antarudake ācānto'ntareva śuddho bhavati vahirudake ācānto vahireva śuddhaḥ syāt, tasmādantarekaṃ vahirekañca kṛtvā pādamācāmet sarvatra pūto bhavati | tataḥ svaśākhoktakrameṇa brāhmaṇān puṇyāhādikaṃ vācayet | yathā brāhmaṇān gandhapuṣpādibhirabhyarcya kṛtāñjaliḥ oṃ kartavye'smin amukakarmaṇi puṇyāhaṃ bhavanto'dhibruvantu iti trirvadet | oṃ puṇyāhaṃ oṃ puṇyāhaṃ oṃ puṇyāhaṃ iti brāhmaṇairukte kartā oṃ ------------------------------------------------------ (mūla) ganapatyādidevatāśca pūjayet | tataḥ śivādipañcadevatā ādityādinavagrahān indrādidikpālāṃśca pūjayet | tato vighnānutsārya oṃ phaṭ iti mantreṇa gandhapuṣpābhyāṃ karau saṃmārjya uddhorddhatālatrayaṃ datvā choṭikābhirdaśadigvandhanaṃ kuryāt | oṃ hrā/ hṛdayāya namaḥ | oṃ hrī/ śirase svāhā | śrī/ śikhāyai phaṭ | ------------------------------------------------------ (vyākhyā) kartavye'smin amukakarmaṇi oṃ svasti bhavanto'dhivruvantu | iti triḥ oṃ svasti oṃ svasti oṃ svasti iti brāhmaṇāḥ | kartā oṃ kartavye'smin amukakarmaṇi oṃ ṛddhiṃ bhavasto'dhivruvantu iti triḥ oṃ ṛdhyatāṃ oṃ ṛdhyatāṃ oṃ ṛdhyatāṃ | iti brāhmaṇaḥ | tataḥ svastivācanaṃ kuryāt || tatra yajurvedisvastivācanam - oṃ svastina indro vṛddhaśravāḥ svastinaḥ pūṣā viśvavedāḥ svastinastārkṣā'riṣṭanemiḥ svastino vṛhaspatirdadhātu | oṃ gaṇānāntvā gaṇapati hū/ havāmahe priyāṇāntvā priyapati hū/ havāmahe nidhīnāntvā nidhipati hū/ havāmahe vaso mama oṃ svasti oṃ svasti oṃ svasti || atha ṛgvedisvastivācanamantraḥ | oṃ svastino mimītā maśvinābhagaḥ svasti devyaditeranarvaṇaḥ svasti pūṣā asuro dadhātu naḥ svastidyāvā pṛthivī sucetana svastino vāyūmupavruvāmahai | somaṃ svasti bhuvanasyaṣampatiḥ | vṛhaspatiḥ sarvagaṇaṃ svastaye svastaya ādityāśo bhavantunaḥ | viśvedevā no adyāḥ svastaye | vaiśvānaro vasuragniḥ svastaye | devā abhavantu ṛtavaḥ svastaye | svastinorudraḥ pātvaṃhasaḥ | svasti mitrāvaruṇā svastipathye revati svastina indraścāgniśca svastino aditaye kṛdhi | svastipanthā anucarema sūryācandramasāviva | punardadatā ghnatā jānatā saṅgamemahi | svastyayanaṃ tārkṣamariṣṭanemiṃ mahadbhūtaṃ vāyasaṃ devānāṃ | anuraghnamidrasakhaṃ samutsurvṛhadyaśonāvamivāruhema | saṅghomuca māṅgirasaṅgayañca svastyātrayaṃ manasā ca tārkṣaṃ pretapāṇiḥ śaraṇaṃ prapadye | svasti samvāde sabhayaṃ no'stu | oṃ svasti oṃ svasti oṃ svasti iti || atha sāmagānāṃ svastivācana mantraḥ | oṃ somaṃ rājānaṃ varuṇamagnimanvāra bhāmahe | ādityaṃ viṣṇuṃ sūryaṃ brahmāṇañca vṛhaspatiṃ oṃ svasti oṃ svasti oṃ svasti iti || atha tatatrivedītu | oṃ sūryaḥ somo yamaḥ kālaḥ sandhye bhūtānyahakṣapāḥ | pavano dikpatirbhūmirākaśaṃ thacāhidarāḥ (?) | brāhmyaṃ śāsanamāsthāya kalpadhvamiha sannidhiṃ iti || || ------------------------------------------------------ (mūla) p. 17) hū/ kavacāya phaṭ | netratrayāya vauṣaṭ | svāhā astrāya phaṭ | evaṃ karāṅganyāsaṃ kṛtvā | dhyāyet - oṃ gaurāṅgīṃ śaśiśekharāṃ (trinayanāṃ) putrasteyabhujadvayām | dhyāyet trijagatāṃ dhātrīṃ sutikāgṛhavāsinīm | evaṃ dhyātvā svaśirasi puṣpaṃ datvā ātmānaṃ tanmayaṃ vibhyāvyamānasopacāraiḥ sampūjya arghyaṃ kuryādyathā svavāme trikoṇaṃgulaṃ kṛtvā tadupari tāmrādipātraṃ saṃsthāpya | yaṃ vahnimaṇḍalāya daśakalātmane namaḥ | iti trikoṇamaṇḍale | yaṃ arkamaṇḍalāya dvādaśakalātmane namaḥ | uṃ candramaṇḍalāya ṣoḍaśakalātmane namaḥ || iti jale pūjayet || ---------------------------------------------------------- (vyākhyā) atha yajurvedisaṅkalpasuktam | - oṃ ya *? grato duramudaiti daivaṃ tidasuptasya tathaiveti duraṃ gamam | jyotiṣāṃ jotirekaṃ ta *? manaḥ śiva * ? kalpamantra iti || atha ṛgvedisaṅkalpasuktam | - oṃ ṣāguṃ kuryāsinīvālī yā rākā yā sarasvatī indrāṇi vāhva ubhaye varuṇānī svastaye iti || atha sāmavedi saṅkalpasuktam | - oṃ devo vo draviṇodā pūrṇaṃ vivaṣṭāsicam | yudvā siñcadhavamupavā praṇudhavamādidvo devohate iti | śālagrāmādau pūjāmārabhet | ghaṭe tu ghaṭasthāpanamantrairghaṭaṃ saṃsthāpya pūjayet || atha tānrikaghaṭasthāpanam | - nātihrasvaṃ nātidīrghaṃ mṛttāmrasvarṇaṇirmitam | sādhakaḥ kalasaṃ kuryānnirvraṇaṃ sudṛḍhaṃ śuciḥ || kāmabījena saṃprokṣya vāgbhavenaiva śodhayet | śaktyā kalasamāropya māyayā purayejjalaiḥ | mantreṇānena deveśi daiśikantatra vinyaset | oṃ gaṅgādyāḥ saritaḥ sarvāḥ sarāṃsi jaladā nadyaḥ | hradāḥ prasravaṇāḥ pūṇyāḥ svargapātālabhugatāḥ | sarvatīrthāni puṇyāni ghaṭe kurvantu sannidhim || ramāvījena japtena pallavaṃ pratipādayet | kurccena phaladānaṃ syāt strīvījena sthirīkṛtiḥ | sindūraṃ vahnibījena puṣpaṃ dadyācca vāyunā | mūlena dūrvāṃ praṇavaiḥ kuryādabhyakṣaṇaṃ tataḥ | hū/ phaṭ svāheti mantreṇa kuryāddarbheṇa tāḍanam | tadyathā | klī/ iti saṃprokṣya ai/ iti śodhayet hrī/ iti maṇḍale kalasaṃ saṃsthāpya hrī/ iti jalaiḥ purayet | oṃ gaṅgādyāḥ iti mantreṇa tīrthāvāhanaṃ kuryāt śrī/ iti pallavaṃ datvā hū/ iti vījena phalaṃ datvā kalasaṃ sthāpayet | strī/ iti sthīrī karaṇaṃ ram | iti sindūraṃ yaṃ iti puṣpaṃ tattaddevatāyā mūlamantreṇa dūrvāṃ dadyāt oṃ ityabhyakṣaṇaṃ oṃ phaṭ svāhā iti darbheṇa tāḍayet | atha sāmānyārghyaṃ yathā - svavāme trikoṇavṛttacatuṣkoṇamaṇḍalaṃ vilikhya tatra oṃ ādhāraśaktaye namaḥ | oṃ anantāya namaḥ | oṃ kurmāya namaḥ | oṃ pṛthivyai namaḥ | iti akṣataiḥ sampūjya astrāya phaṭ iti tāmrādi pātraṃ prakṣālya sādhāraṃ pātraṃ maṇḍale nidhāya namaḥ iti mentreṇa jalena sampūjya durvākṣatagandhapuṣpa- nirmitārghyaṃ saṃsthāpya aṅkuśa mudrayā | --------------------------------------------- (mūla) tadupari dūrvā-taṇḍulagandhapuṣpādīni datvā tajjale dhenumudrāṃ pradarśya aṅkuśamudrayā tirthāvāhanaṃ kuryāt | oṃ gaṅge cetyādinā tīrthamāvāhya tataḥ ṣaḍaṅgena pūjayet | punaraṅganyāsaṃ kṛtvā agnikoṇamaṇḍala vāyukoṇamadhye dikṣu ca pūjayet | tato mūlamantraṃ saptadhā japtvā tenodakenātmānaṃ pūjyopakaraṇañcābhyakṣya pīṭhapūjāmārabhet | oṃ ādhāraśaktaye namaḥ | oṃ pṛthiyai namaḥ | oṃ kṣīrasamudrāya namaḥ | oṃ kalpavṛkṣāya namaḥ || ----------------------------------------------- (vyākhyā) oṃ gaṅge ca yamune caiva godāvari sarasvati | narmade sindhu kāveri jale'smin sannidhiṃ kuru | iti sūryamaṇḍalātīrthamāvāhya | oṃ itimantreṇa gandhapuṣpe tatra pātre nikṣipya | vaṃ iti dhenumudrāṃ pradarśya tadupari oṃ iti praṇavamaṣṭadhā daśadhā vā japet | tataḥ phaṭ iti mantreṇa tajjalena dvāramabhyakṣya oṃ dvāradevatābhyo namaḥ iti iti saṃpūjya | oṃ vāstupūñcaṣāya namaḥ | oṃ brahmaṇe namaḥ iti nairṛtyāṃ pūjayet | tato mulamantreṇa divyadṛṣṭyavalokanāt divyān vighnān, astrāya phaṭ iti mantreṇa jalenāntarīkṣagān vighnān vāmapārṣṇivātatrayeṇa bhaumān vighnānutsārya phaṭ iti saptajaptān lājacandanasiddhārthabhasmadūrvākuśākṣatān vikīret kevalataṇḍulān vā gṛhītvā | oṃ apasarpantu te bhūtā ye bhūtā bhuvi saṃsthitāḥ ye bhūtā vighnakartāraste naśyantu śivājñayā || iti paṭhitvā tān vikīret | tat āsanasuddhiṃ kuryāt || atha āsanasuddhiḥ | - oṃ hrīṃ ādhāraśaktaye kamalāsanāya namaḥ | iti āsanaṃ saṃpūjya dhṛtvā paṭhet | āsanamantrasya merupṛṣṭhaṛṣiḥ sūtalaṃ chantaḥ kurmo devatā āsanaparigrahe viniyogaḥ | oṃ pṛthvi tvayā dhṛtā lokā devi tvaṃ viṣṇunā dhṛtā | tvañca dhāraya yāṃ nityaṃ pavitraṃ kuru cāsanam | iti paṭhitvā svastikādikrameṇa upaviśet | tataḥ kṛtāñjaliḥ | vāme oṃ gurubhyo namaḥ | oṃ paramagurubhyo namaḥ | oṃ parāparagurubhyo namaḥ | oṃ parameṣṭhigurubhyo namaḥ | dakṣiṇe oṃ gaṇeśāya namaḥ | madhye mūlamūccārya amukadevatāyai namaḥ | iti namaskuryāt || tato gaṇeśaśivādipañcadevatā ityādidikpāla-ādityādinavagraha- matsyādidaśāvatāra-brahma-viṣṇu-meheśvarān gaṅgāṃ yamunāṃ lakṣīṃ sarasvatīñca pūjayet | tataḥ prāṇāyāmaṃ kṛtvā bhūtaśuddhiṃ kuryāt | atha bhūtaśuddhiḥ | - phaṭ iti mantreṇa gandhapuṣpābhyāṃ karau saṃśodhya urddhorddhatālatrayaṃ datvā choṭikābhirdaśadigvandhanaṃ kṛtvā | ----------------------------------------------- (mūla) (p. 18) oṃ dharmāya namaḥ | oṃ jvālāya oṃ namaḥ | adharmāya namaḥ | oṃ ajñānāya namaḥ | oṃ vairāgyāya namaḥ | oṃ aisvaryāya namaḥ | oṃ avairāgyāya namaḥ | oṃ anaisvaryāya namaḥ | oṃ saṃsatvāya namaḥ | oṃ raṃ rajase namaḥ | oṃ taṃ tamase namaḥ | oṃ antarāmtane namaḥ | oṃ gaṃ jñanātmane namaḥ | praṇavādiṇamohantena pūjayet | punardhyāyet tataścāvahayet oṃ bhagavati raktamātri devi ihā gacchāgacchetyāvāhya | ---------------------------------------------- (vyākhyā) raṃ iti jaladhārayā vahniprākāramātmānaṃ vicintya svāṅke uttānau karau kṛtvā so'hamiti jīvātmānaṃ hṛdayasthaṃ pradīpakalikākāraṃ mūlādhārasthakuṇḍalisyā saha suṣumnā vartmanā mūlādhāran- vādhiṣṭhānamaṇipurānāhataviśuddhājñāthyaṣaṭcakrāṇi bhitvā śiro'vasthitādhomukhasahasradalakamalakarṇikāntargataparamātmani saṃyojya tatraiva pṛthivyaptejovāyvākāśagandharasarūpasparśaśabdanāsikā- jihvācakṣustvakśrotravākpāṇipādapāyūpasthaprakṛtimanovuddhyahaṅkāra- rūpacaturviṃśatitattvāni līnāni vibhāvya yamiti vāyuvījaṃ dhūmravarṇaṃ vāmanāsāpūṭai vicintya tasya ṣoḍaśavārajapena vāyunā dehamāpurya nāsāpuṭau dhṛtvā tasya catuḥṣaṭivārajapena kumbhakaṃ kṛtvā vāmakukṣisthakṛṣṇavarṇapāpapuruṣeṇa sahūdehaṃ | saṃśoṣya tasya dvātriṃśadvārajapena dakṣiṇanāsarā vāyuṃ recayet | dakṣiṇanāsāpuṭe ramiti vahnivījaṃ raktavarṇaṃ dhyātvā tasya ṣoḍavārajapena vāyunā dehamāpūrya nāsāpuṭau dhṛtvā tasya catuḥṣaṣṭivārajapena kumbhakaṃ kṛtvā pāpapuruṣeṇa saha dehaṃ mulādhārojhitavahninā dagdhvā tasya dvātriṃśadvārajapena vāmanāsayā bhasmanā saha vāyuṃ recayet | ṭhamiti candrabījaṃ śuklavarṇaṃ vāmanāsāyāṃ dhyātvā tasya ṣoḍaśavārajapena lalāṭe candraṃ nītvā nāsāpuṭau dhṛtvā vamiti varuṇabījasya catuḥṣaṣṭivārajapena tasmāllalāṭasthacandrādgalitasudhayā mātṛkāvarṇātmikayā samastadehaṃ viracya lamiti pṛthvībījasya dvātriṃśadvārajapena dehaṃ sudṛḍhaṃ vicintya dakṣiṇena vāyuṃ recayet tataḥ haṃsa iti mantreṇa jīvaṃ svasthāne saṃsthāpya devīrūpamātmānaṃ cintayet | mātrāsaṃkhyayā ca | taduktaṃ gautamīye | suṣumnā vartmanā so'hamiti mantreṇa yojayet | sahasradhāre śivasthāne paramātmani deśikaḥ | dhūmravarṇaṃ tato vāyubījaṃ ṣaḍbindulāñchitam | pūrayediḍayā vāyūṃ sudhīḥ ṣoḍaśamātrayā | mātrayā tu catuḥṣaṣṭyā kumbhayecca suṣumnayā | dvātriṃśanmātrayā mantrī recayet paṅgalākhyayā | pūrayedanayā caiva sañcintya nīlamāruṭam | raktavarṇaṃ vahnibījaṃ trikoṇaṃ svastikānvitam | tena pūrakayogena mātrayā ṣoḍaśākhyayā | catuḥṣaṣṭyā mātrayā ca nirdahet kumbhakena ca | vāmarśvasthitaṃ pāpapuruṣaṃ kajjalaprabham | brahmahatyāśirasthañca svarṇasteyubhujadvayam | ---------------------------------------------------------- (mūla) etadrajatāsanaṃ oṃ hrī/ śrī/ hū/ phaṭ svāhā oṃ raktamātryai devyai namaḥ | evaṃ ṣoḍaśopacāraiḥ saṃpūjya mantroddhārakramenāṣṭottaraśataṃ sahasraṃ vā japet | tato validānaṃ kuryāt | valiñca trividhaṃ dadyāt kha-bhū-jalacaraṃ tathā | tato dakṣiṇāṃ dadyāt | iti kubjikātantre deviśvarasaṃvāde ekādaśaḥ paṭalaḥ || --------------------------------------------------------- (vyākhyā) surāpānahṛdāyuktaṃ gurutalpakaṭidvayam | tatsaṃsargipadadvandvamaṅgapratyaṅgapātakam | upapātakaromāṇaṃ raktaśmaśruvilocanam | khaḍgacarmadharaṃ krūramevaṃ kukṣau vicintayet | mulādhārokhitenaiva vahninā nirdahecca tam | evaṃ saṃdahya parito dvātriṃśanmātrayā tataḥ | bhasmanā sahitaṃ mantrī recayediḍayā punaḥ | vāmanāḍyāṃ candrabījaṃ kundenduyutasaprabham | bhālendurāje saṃyojya tataḥ ṣoḍaśamātrayā | suṣumnāyā caḥtuṣaṣṭimātrayā toyabījakam | dhyātvāmṛtamayīṃ vṛṣṭiṃ pañcāśadvarṇarūpiṇīm | tayā dehaṃ vicintyaivaṃ manasā piṅgalādhvanā | dvātriṃśanmātrayā mantrī laṃbījena dṛḍhaṃ nayet | svasthāne haṃsamantreṇa punastenaiva vartmanā | jīvaṃ tattvāni cānīya svasthāne sthāpayet tataḥ || atha saṃkṣepabhūtaśuddhiryathā | - puraścaraṇacandrikāyāṃ | atha cānyaprakāreṇa bhūtaśuddhirvidhīyate | dharmakandasamudbhūtaṃ jñānanālasuśobhanam | aiśvaryāṣṭadalopetaṃ paraṃ vairāgyakarṇikam | svīya hṛtkamale dhyāyet praṇavena vikāśitam | kṛtvā tatkarṇikāsaṃsthaṃ pradīpakalikānibham | jīvātmānaḥ hṛdi dhyātvā mūle sañcintvya kuṇḍalīm | suṣumnā vartmanātmānaṃ paramātmani yojayet | iti bhūtaśuddhiṃ kṛtvā mātṛkānyāsamācaret || atha mātṛkānyāsaḥ | - asya mātṛkāmantrasya brahmaṛṣirgāyatrīcchando matṛkāsarasvatī devatāhalo bījāni svarāḥ śaktayaḥ avyaktaṃ kīlakaṃ lipinyāse viniyogaḥ | śirasi oṃ brahmaṇe ṛṣaye namaḥ || mukhe oṃ gāyatrīcchandase namaḥ || hṛdi oṃ mātṛkāsarasvatyai devatāyai namaḥ || guhye oṃ vya *? nebhyo bījebhyo namaḥ || pādayoḥ oṃ svarebhyaḥ śaktibhyo namaḥ || sarvāṅge oṃ avyaktāya kīlakāya namaḥ || tathā ca jñānārṇave | mātṛkāṃ śṛṇu deveśi nyaset pāpanikṛntanīm | ṛṣirbrāhmasya mantrasya gāyatrīcchanda ūcyate | devatā mātṛkādevī bījaṃ vyañjanasañcayam | śaktayastu svarā devi ṣaḍaṅganyāsamācaret | tataḥ ṣaḍaṅganyāsau | aṃ kaṃ khaṃ gaṃ ghaṃ ṅaṃ āṃ aṅguṣṭhābhyāṃ namaḥ || iṃ caṃ chaṃ jaṃ jhaṃ ñaṃ īṃ tarja nībhyāṃ svāhā | ------------------------------------------------ (mūla) p. 19) dvādaśaḥ paṭalaḥ atha ṣaṣṭhīpūjā vidhiḥ pūrvavat saṅkalpaṃ kuryāt | yantraṃ likhet | tato gaṇapatyādidevatāḥ pūjayet | tato mātṛkānyāsaṃ kuryāt | tataḥ oṃ yāṃ hṛdayāya namaḥ | ityādyaṅganyāsa karanyāsau kṛtvā | dhyāyet - oṃ śuklavarṇāṃ dvivāhūñca sūtikā-gṛhasaṃsthitām | strīrajaḥ pāyinīṃ śāntāṃ bhajet tribhuvaneśvarīm | evaṃ dhyātvā svaśirasi puṣpaṃ datvā arghyapātraṃ saṃsthāpya pīṭhapūjāṃ kuryāt | oṃ ādhāraśaktaye namaḥ | oṃ pṛthivyai namaḥ | oṃ kṣīrasamudrāya namaḥ | oṃ kalpavṛkṣāya namaḥ | oṃ dharmāya namaḥ | oṃ jñānāya namaḥ | oṃ vairāgyāya namaḥ | oṃ aiśvaryāya namaḥ | oṃ adharmāya namaḥ | ----------------------------------------------- (vyākhyā) uṃ ṭaṃ ṭhaṃ ḍaṃ ḍhaṃ ṇaṃ ūṃ madhyamābhyāṃ vaṣaṭ | eṃ taṃ thaṃ daṃ dhaṃ naṃ aiṃ anāmikābhyāṃ hū/ | oṃ paṃ phaṃ baṃ bhaṃ maṃ auṃ kaniṣṭhābhyāṃ vauṣaṭ | aṃ yaṃ raṃ laṃ vaṃ śaṃ ṣaṃ saṃ haṃ laṃ kṣaṃ aḥ karatalapṛṣṭhābhyāṃ astrāya phaṭ | evaṃ hṛdayādiṣu | aṃ kaṃ khaṃ gaṃ ghaṃ ṅaṃ āṃ hṛdayāya namaḥ ityādi | tathā ca jñānārṇave - aṃ āṃ madhye kavargantu iṃ īṃ madhye cavargakam | uṃ ūṃ madhye ṭavargantu e aiṃ madhye tavargakam | oṃ auṃ madhye pavargantu binduyuktaṃ nyaset priye | anusvāravisargāntau yaśavargau salakṣakau | hṛdayantu śiro devi śikhā kavacakaṃ tathā | netramantraṃ nyaset ṅentaṃ namaḥ svāhā krameṇa tu | vaṣaṭ hūṃ vauṣaḍantañca phaḍantaṃ yojayet priye | ṣaḍaṅgo'yaṃ mātṛkāyāḥ sarvapāpaharaḥ smṛtaḥ || athāntarmātṛkānyāsaḥ |- akārādiṣoḍaśasvarān sabindūn ṣoḍaśadalakamale kaṇṭhamūle nyaset | kakārādidvādaśavarṇān sabindūn dvādaśadalakamale hṛdaye nyaset | ḍakārādidaśavarṇān sabindūn daśadalakamale nābhau nyaset | vakārādiṣaḍvarṇān savindūn ṣaḍadalakamale liṅgamūle nyaset | vakārādicaturo varṇān sabindūn caturdalakamale mulādhāre nyaset | hakṣavarṇadvayaṃ sabindūn dvidalakamale bhrūmadhye nyaset | tathā ca jñānārṇave | dvyaṣṭapatrāmbuje kaṇṭhe svarān ṣoḍaśa vinyaset | dvādaśacchadahṛtpadme kādīn dvādaśa vinyaset | daśapatrāmbuje nābhau ḍakārādīnnyaseddaśa | ṣaṭpatramadhye liṅgasthe vakārādīnnyasecca ṣaṭ || ādhāre caturo varṇyan nyasedvādīn caturddale | ------------------------------------------- (mūla) oṃ ajñānāya namaḥ | oṃ avairāgyāya namaḥ | oṃ anaiśvaryāya namaḥ | oṃ saṃ sattvāya namaḥ | oṃ raṃ rajase namaḥ | oṃ taṃ tamase namaḥ | oṃ aṃ antarātmane namaḥ | oṃ paṃ paramātmane namaḥ | oṃ gaṃ jñānātmane namaḥ | praṇavādinamo'ntena pūjayet | punaraṅganyāsādikaṃ kṛtvā dhyāyet | tata āvāhayet | oṃ bhagavati ṣaṣṭhidevi ihāgacchāgaccha ityāvāhya ṣoḍaśopacāraiḥ pūjayet | etadrajatāsanaṃ oṃ klī/ klī/ phaṭ svāhā oṃ ṣaṣṭhī devyaiḥ namaḥ | ityādipūjāṃ kṛtvā yathāśaktijapaṃ kṛtvā samarpya dakṣiṇāṃ kuryāt | iti kubjikātantre devīśvarasaṃvāde dvādaśaḥ paṭalaḥ || ----------------------------------------------------- (vyākhyā) hakṣau bhrumadhyage padme dvidale vinyaset priye | agastyasaṃhitāyāṃ | ekaikavarṇamekaikapatrānte vinyaset priye | evamantaḥ pravinyasya manasāto vahirnyaset || vaiṣṇave tu | ekaikavarṇamucārya mulādhārācchivo'ntakam | namo'ntamiti vinyāsa āntaraḥ parikīrtitaḥ | athāntarmātṛkānyāso mulādhāre caturdale | suvarṇābhe ca śa ṣa sa caturvarṇavibhūṣite || ṣaḍdale vaidyutanibhe svādhiṣṭhāne'nalatviṣi | va bha mai rva ra lairyukte varṇaiḥ ṣaḍabhiśca subrate || maṇipure daśadale nīlajīmūtasannibhe | ḍādiphāntadalairyukte bindutāṣitamastake | anāhate dvādaśāre pravālarucisannibhe | kādiṭhāntadalairyukte yogināṃ hṛdayaṅgame || viśuddhe śoḍaśadale dhumrābhe svarabhūṣite | ājñācakre tu candrābhe dvidale hakṣalāñchite | sahasrāre himanibhe sarvavarṇavibhūṣite | akathādi trirekhātma halakṣatrayabhūṣite | tanmadhye paribinduñca sṛṣṭisthiti layātmakam | evaṃ samāhitamanā dhyāyennyāso'yamāntavaḥ || atha vāhyamātṛkānyāsaḥ | tasyā dhyāṃ yathā | - oṃ pañcāśallipibhirvibhaktamukhadoḥ panmadhyavakṣaḥsthalām | bhāsvanmaulinivaddhacandraśakalāmāpīnatuṅgastanīm | mudrāmakṣaguṇaṃ sudhāḍhyakalasaṃ vidyāñca hastāmbujairviprāṇāṃ viśadaprābhāṃ trinayanāṃ vāgdevatāmāśraye || evaṃ dhyātvā nyaset | tatrāṅguliniyamastantre | lalāṭe nāmikāmadhye vinyasenmukhapaṅkaje | tarjanīmadhyamānāmā vṛddhanāmā ca netrayoḥ || vṛddhānttakarṇayornyasya kaniṣṭhāṅguṣṭhakau nasoḥ | madhyāstisro gaṇḍayośca madhyamāñcoṣṭhayornyaset | anāmāṃ daṇḍayornyasya madhyamāmuttamāṅgake || mukhe'nāmāṃ madhyamāñca hastapādeṣu pārśvayoḥ || kaniṣṭhānāmikāmadhyāstāstu pṛṣṭhe ca vinyaset || tāṃ svāṅguṣṭhānābhideśe ca sarvāḥ kukṣau ca vinyaset | hṛdaye ca talaṃ sarvasaṃśayośca kakutsthale | -------------------------------------------- (mūla) trayodaśaḥ paṭalaḥ atha ḍāṅkurasya pūjāvidhiḥ tataḥ svastivācanapūrvakaṃ saṅkalpaṃ kṛtvā, yantraṃ vilikhya ghaṭaṃ saṃsthāpya, gaṇapatyādidevatāḥ pūjayitvā, aṅganyāsaṃ kuryāt yathā - oṃ hṛdayāya namaḥ | ityādyaṅganyāsau karanyāsau kṛtvā dhyātvādhāra śaktyādikaṃ saṃpūjya punardhyāyet | oṃ śuklavarṇaṃ dvivāhūñca sūtikāgṛhasaṃsthitam | strīrajaḥpāyinaṃ śāntaṃ bhaje tribhuvaneśvaram || evaṃ dhyātvā arghyaṃ kṛtvāvāhayet | bhagavan ḍāṅkurakumāra ihāgacchāgaccha ityāvāhya | tataḥ pūrvoktakrameṇa ṣoḍaśopacāraiḥ saṃpūjya valiṃ dadyāt | oṃ ḍāṅkurakumārāya oṃ hrī/ vajrayoginī oṃ hrīṃ svāhā || iti kubjikātantre devīśvarasaṃvāde trayodaśaḥ paṭalaḥ | ----------------------------------------------------- (vyākhyā) hṛtpūrvaṃ hastapatkukṣimukheṣu talameva ca | etāntu mātṛkāmudrāḥ krameṇa parikīrtitāḥ || ajñātvā vinyasedyantra nyāsaḥ syāt tasya niṣphalaḥ | sthāna niyamo gautamīye | lalāṭamukhavṛttākṣiprātighrāṇeṣu paṅguyoḥ | oṣṭhadantottamāṅgāsyadoḥpatsandhyagrakṣeṣu ca | pārśvayoḥ pṛṣṭhato nābhau jaṭhare hṛdaye'śaṃke | kakudyaṃśe ca hṛtpūrvaṃ pāṇipādayuge tathā | jaṭharānanayornyasyenmātṛkārṇān yathākramāt | tadyathā | aṃ namo lalāṭe | āṃ namo mukhavṛtte | iṃ īṃ cakṣuṣeḥ | uṃ uṃ karṇayoḥ | ṛṃ ṛṃ nasoḥ | ḷṃ ḷṃ (?) gaṇḍayoḥ | eṃ oṣṭhe | aiṃ adhare | o/ ūrddhadante | auṃ adhodante | aṃ brahmarandhre | aḥ mukhe | kaṃ dakṣavāhūmule | khaṃ kurpare | gaṃ maṇivandhe | ghaṃ aṅgulimūle | ṅaṃ aṅgulyagre | evaṃ caṃ 5 vāmavāhūmūlasandhyagrakeṣu | evaṃ ṭaṃ 5 dakṣiṇapādamūlasandhyagrakeṣu | evaṃ taṃ 5 vāmapādamūlasandhyagrakeṣu | paṃ dakṣiṇapārśve | phaṃ vāmapārśve vaṃ pṛṣṭhe | bhaṃ nābhau | maṃ udare | yaṃ hṛdi | raṃ dakṣavāhūmūle | laṃ *?kudi | vaṃ vāmavāhūmūle | śaṃ hṛdādidakṣahaste | ṣaṃ hṛdādivāmahaste | saṃ hṛdādidakṣapāde | haṃ hṛdādivāmapāde | laṃ hṛdādyudare | kṣaṃ hṛdādimūkhe | sarvatra namo'ntena nyaset tathā ca | omādyanto namo'ntovā savindurvinduvarjitaḥ | pañcāśadvarṇavinyāsaḥ kramādukto manīṣibhiḥ | iti bhaṭṭaḥ | atha saṃhāramātṛkānyāsaḥ | tasyā dhyānaṃ yathā - oṃ akṣasrajaṃ hariṇapotamudagraṭaṅkavidyāṃ karairaviṣataṃ dadhatīṃ trine *? m | arddhendumaulimaruṇāmaravindarāyāṃ varṇeśvarīṃ praṇamatantanatāranamrām || nyāsastu kṣakā(?)rādyakārantaḥ | yathā kṣaṃ namo hṛdādimukhe ityādi || tato mūladevatāyā aṅganyāsakaranyāsau vidhāya dhyānaṃ kṛtvā svaśirasi puṣpaṃ datvā mānasapūjāmārabhet || atha mānasapūjā annadākanne(?) - hṛtpadmamāsanaṃ dadyāt sahasrāracyutāmṛtaṃ pādyaṃ caraṇayordadyāt manaścārghyaṃ nivedayet | tenāmṛtenācamanaṃ snānīiyaṃ tena ca smṛtam | ākāśatantraṃ(?) vastraṃ syāt gandhaḥ syādgandhatattvakam | cittaṃ prakalpayet puṣpaṃ dhupaṃ prāṇān prakalpayet | tejastattvañca dīpārthaṃ naivedyaṃ syāt sudhāmbudhiḥ | anāhatadhvanirghaṇṭā śabdatattvañca gītakam | nṛtyamindriyacāñcalyaṃ vāyutattvañca cāmaram | sahasrāraṃ bhavet chatraṃ haṃsaḥ syāt pādukādvayam | sūmekhalāṃ padmamālāṃ puṣpaṃ nānāvidhaṃ tathā | amāyādyairbhāvapuṣpairarccayedtāvagocarām | amāyā manahaṅkāra-marāgamadamantataḥ | amohakamadantañca advevākṣobhakau tataḥ | amātsaryasalobhañca daśapuṣpaṃ vidurvudhāḥ | ahiṃsā paramaṃ puṣpaṃ puṣpamintriyanigraham | jñānapuṣpaṃ dayāpuṣpaṃ kṣamāpuṣpaṃ tathaiva ca | iti pañcadaśairbhāvapuṣpaiḥ saṃpūjayecchivām | sudhāmbudhiṃ māṃsaśailaṃ matsyaśailaṃ tathaiva ca | mudrārāśiṃ subhaktañca ghṛtāktaṃ paramānnakam | kulāmṛtañca tatpuṣpaṃ pañcatatkṣālanodakam | bhumau svarge ca pātāle gagane ca jalāstare | yadyat prameyaṃ tatsarvaṃ naivedyārthaṃ prakalpayet | kāmakrodhau chāgavāhau valiṃ datvā japettataḥ | pātāla-bhutala-vyomacāriṇo vighnakāriṇaḥ | tāṃstānapi valiṃ datvā nirdvando japamārabhet | mālāvarṇamayī jñeyā sutraṃ śa *?śirātmakam | granthiḥ sā kuṇḍalīśaktirnādānte merusaṃsthitaḥ | savinduṃ varṇamūcārya mulamantraṃ samuccaret | athavā citriṇīsūtraṃ jñānarūpaṃ parātparam | akārādilakārāntāmanulomavilomikām || mālāśatamayī proktā vinduyuktākṣamālikā | akārādilakārānta-manuloma iti smṛtaḥ | punarlakāramārabhya śrīkaṇṭhāntaṃ manuṃ japet | viloma iti vidyāntaḥ kṣakāraṃ kevalaṃ japet | aṣṭavargādyaṣṭavarṇaiḥ saha mūlamathāṣṭakam | aṣṭottaraśataṃ japtvā samāpya praṇameddhiyā | sarvāntarātmanilaye svāntarjotisvarūpiṇi | gṛhānāntarjapaṃ mātarannapūrṇe namo'stute | samarpya japametena pañcāṅgaṃ praṇameddhiyā | antaryāgaṃ samāpyaivaṃ vahiryajanamācaret | evaṃ mānasaiḥ saṃpūjya viśeṣārghyaṃ kuryāt | @ p. 21) (mūla) caturdaśaḥ paṭalaḥ atha jalakumāra pūjā vidhiḥ purvoktakrameṇa saṅkalpaṃ kuryāt | ghaṭasthāpanaṃ vidhāya pūrvavat gaṇapatyādi devatāḥ pūjayet | tato'ṅganyāsaṃ kuryāt | oṃ hrā/ hṛdayāya namaḥ | oṃ śūlāya śirase svāhā | vajraśikhāyai vaṣaṭ | hastāya kavacāya hū/ | oṃ svāhā netrayāya vauṣaṭ | oṃ astrāya phaṭ | ityaṅganyāsakaranyāsau kṛtvā dhyāyet | oṃ śuklavarṇaṃ dvivāhūñca sūtikāgṛhasaṃsthitam | strīrajaḥ pāyinaṃ śāntaṃ bhaje tribhuvaneśvaram || iti dhyātvā svaśirasi puṣpaṃ datvā arghyaṃ saṃsthāpya @ ādhāraśaktyādikaṃ pujayitvā āvāhayet | oṃ bhagavan jalakumāra ihāgacchetyāvāhya ṣoḍaśopacāraiḥ pūjayet | oṃ śūlāya bajrahastāya svāhā | oṃ jalakumārāya nama ityādinā saṃpūjya valiṃ dadyāt | tato mantroddhārakrameṇa mantraṃ japtvā samarpayet | dakṣiṇāṃ kuryāt | iti kubjikātantre caturdaśaḥ paṭalaḥ || --------------------------------------------------------- (vyākhyā) atha viśeṣārghyasthāpanavidhiḥ @ svavāme trikoṇamaṇḍalaṃ kṛtvā tatra tripadikāmāropya astreṇa śaṅghaṃ prakṣālya tadupari saṃsthāpya nama iti mantreṇa gandhapuṣpākṣata- durvādi tatra niḥkṣipya vimalajalena vilomamātṛkayā mulena ca pūrayet | tatastripadikāyāṃ vahnimaṇḍalāya daśakalātmane namaḥ | śaṅghe sūryamaṇḍalāya dvādaśakalātmane namaḥ | jale somamaṇḍalāya ṣoḍaśakalātmane nama iti pūjayet | tato gaṅge ca yamune caiva godāvari sarasvati | narmade sindhukāveri jale'smin sannidhiṃ kuru | iti mantreṇāṅkuśamudrayā sūryamaṇḍalāttīrthamāvāhya mūlamantreṇa svahṛdayāddevatāṃ tatrāvāhya kūrcamantreṇāvaṅguṇṭhyāstramantreṇa gālinīmudrāṃ pradarśyamupamantreṇa tajjalaṃ vīkṣya aṅgamantraiḥ sakalīkṛtya gandhapuṣpābhyāṃ devatāṃ sampūjya tadupari matsyamūrdrayācchādya mūlamantramaṣṭadhā japtvā dhenumudrāṃ pradarśyāstreṇa saṃvakṣya tasmāt kiñcit jalaṃ prokṣaṇīpātre niḥkṣipet | punaranyāsakaranyāsau kṛtvā punardhyātvā ghaṭādau puṣpaṃ datvā āvāhayet || ------------------------------------------------------- (mūla) pañcadaśaḥ paṭalaḥ tataḥ ṛtukālapravṛtte striyamauṣadhakaṃ bhakṣayitvā snānopari tatra ekaviṃśatidinaṃ yāvat methiprabhṛtikamauṣadhaṃ bhakṣayet | aśucitradinaparyantamidamauṣadhaṃ pivet | raktakārpāsamulam | nāgadaṇḍam | vilvamūlam | vaṭamūlaṃ eteṣāṃ pratyekaṃ piṣṭvā samabhāgena maricena curṇaṃ saha bhakṣayet | snānopari tadā deyam | vārtākyāṃ kadalīkhaṇḍābhyantare kṛtvā bhakṣayet | tato methiprabhṛtikamauṣadhaṃ deyam | atha gandhātolakaṃ vaṭavalkalaṃ lakṣaṇāmūlaṃ tadabhāve śvetavāṭyālamūlaṃ, sārddhatolakaṃ dugdhaṃ datvā sapudivasaṃ khādayet | tṛtīyaṛtukāle | muktākalaṃ kāñcanaṃ ca prakṣālya tajjalaṃ pivet | tato hastena tajjalaṃ gātreṣu vikiret | @ --------------------------------------------- (vyākhyā) @ atha vādhakauṣadham | snānakāle samutpanne deyamauṣadhamuttamam | raktakārpāsamūlañca nāgadānāṃ kadācana | viḍvalāyāśca mūlañca marīcena samanvitam || deyaṃ dinatrayaṃ yāvadaśuciḥ syādyadāṅganā | snānopari ca dātavyaṃ vartikyāḥ kīṭamūttamam | ekaviṃśaddinaṃ yāvad dugdhena miśritaṃ pivet | methikyāstolakadvandvaṃ khaṇḍasyatolakadvayam || ghṛtatolakamekañca dugdhena miśritaṃ pivet | mṛtavatsā mṛtagarbhā kākavandhyā tathaiva ca | putrahīnā ca vandhyā ca pareṇaivāsravādhikā | saṃharet sarvadoṣāṇi methibhakṣaṇamuttamam | nāḍī śuddhāyāḥ pare ṛtukāle idamauṣadhaṃ deyam | aśvagandhā vaṭavyālo lakṣaṇasya ca mūlakam | bhakṣayet sapurātrāṇi dugdhe piṣṭvā punaḥ punaḥ | avaśyaṃ santatistasyāḥ puṃhīnā garbhadhāriṇī || ------------------------------------- (mūla) p. 22) atha puṃvandhyāpraśamanavidhiḥ tatrauṣadham tejomūlaṃ śatamulī bhūmikuṣmāṇḍameva ca | aśvagandhā godhūmaśca śālmalī (kaṇṭakaṃ) tathā | gokṣuraṃ vānarībījaṃ valāyā bījameva ca | (śuyāśambhura āṭhikāvoli gorakṣacāṇḍāla āṣṭhi |) kṣirakākoli vāṭyalabījaṃ eteṣāṃ samabhāgaṃ tribhiḥ phalaiḥ | mahiṣeṇa hṛtenaiva modakaṃ śarkarāyutaṃ makṣikeṇasamāyuktaṃ gandhadravyasamanvitam | sanmadaṃ modakaṃ nāma puṃvandhyāsaṃpraṇāśanam | anupānaṃ ghṛtaṃ dugdhaṃ pakṣiṇo māṃsamuttamam | valadaṃ sarvadoṣaghnaṃ vīryadoṣavināśanam | kṣīṇaśukro'pyaśukraśca mandadṛṣṭistathaiva ca | valahīnaḥ kṣīṇadeho vākyapāṣyameva ca | vahūdāraśca vṛddhaśca kanyāsantatireva ca | bhakṣayedauṣadhaṃ māsairvṛddho'pi taruṇāyate || @ iti kubjikātantre puṃvandhyāpraśamanavidhiḥ pañcadaśaḥ paṭalaḥ || ------------------------------------------------------ (vyākhyā) @ atha puṃvandhyāpraśamanavidhiḥ | - tejomūlaṃ śatamūlī bhūmikuṣmāṇḍameva ca | aśvagandhā godhumaśca śālmaleḥ kuṭnalantathā | gokṣuraṃ vānarībījaṃ valāyābījameva ca | koṭilā kṣīrakākolī samabhāgaṃ tribhiḥ palaiḥ | piṣṭvā māhiṣasarpirbhirmodakaṃ śarkarāyutam | mākṣikeṇa samāyuktaṃ gandhadravyasamanvitam | modakaṃ sammadaṃ nāma puṃvandyātvavināśanam | anupānaṃ ghṛtaṃ dugdhaṃ pakṣiṇo māṃsabhakṣaṇam | valadaṃ sarvadoṣaghnaṃ bīryadoṣavināśanam | kṣīṇaśukro'pyaśukraśca mandadṛṣṭistathaiva ca | valahīnaḥ kṣīṇadeho vākyapāruṣyasaṅkulaḥ | vahūdāraśca vṛddhaśca kanyāsantatireva ca || bhakṣayedauṣadhaṃ māsairvṛddho'pi taruṇo bhavet || ------------------------------- (mūla) ṣoḍaśḥ paṭalaḥ atha snānavidhiḥ sārddhahastapramāṇāṃ vedikāṃ kṛtvā tadupari kūrmapṛṣṭhaṃ sthāpayitvā kūrmapṛṣṭhopari sindūreṇa kūrmaṃ nirmāya tatra bījatrayaṃ tasyopari likhitvā | oṃ hrī/ hrī/ | tasyopari striyaṃ pūrvābhimukhīṃ saṃsthāpya caturddikṣu anena kāṇḍacatuṣṭayaṃ samāropya raktasūtreṇa saptadhā veṣṭayitvā hū/ iti mantreṇa śvetaśarṣaparakṣāṃ vidhāya pañcagavyādibhiḥ snāpayet | tatra prathamaṃ hrī/ hrī/ iti (mantreṇa) gomūtreṇa | oṃ hrī/ gomayena || oṃ dugdhena | hū/ dadhnā | hū/ ghṛtena | hrī/ kuśodarena | oṃ śarkarayā | hrī/ sarvauṣadhi mahauṣadhibhyāṃ | klī/ jalena | gaṅgāmṛttikayā | oṃ śaṅyajalena | krāṃ ghṛtena iti pañcaratnena | hū/ dhānyodakena | hrī/ dūrvājalena | sarvadravyamekīkṛtya sahasradhārayā snāpayet | oṃ hrī/ hrī/ hū/ astrāya phaṭ iti sahasradhārayā stvāpayet | tatastāṃ striyaṃ sthānāntare nītvā vastraṃ tyaktvā pūrvābhimukhīṃ kṛtvā pañcagavyaṃ bhakṣayet | tadanantaraṃ auṣadhaṃ bhakṣayet | atha nārīkelamekaṃ sindūreṇa lepayitvā dvādaśadivasaṃ śayanaṃ kuryāt | idaṃ mantraṃ lekhayet | oṃ hrī/ klī/ iti bījatrayaṃ likhitvā tasyāḥ kroḍe sthāpayet || @ iti snānavidhiḥ samāptaḥ | ------------------------------------ (vyākhyā) snānavidhiḥ | - sārddhahastaparimitāṃ vedikāṃ kṛtvā tatra kurmapṛṣṭhaṃ saṃsthāpya caturddikṣu āmrasāra-catuṣṭayaṃ samāropya saptadhā sūtreṇa veṣṭayitvā | hū/ iti mantreṇa gomutreṇa snāpayet | hrīmiti mantreṇa gomayena | oṃ iti mantreṇa dūgdhena | hūmiti mantreṇa dadhnā | hrīmti mantreṇa kuśodakena śarkarayā ca | hū/ dadhnā | oṃ dugdhena | hrīṃ sarvauṣadhyā mahauṣadhyā ca | kamiti gaṅgājalena gaṅgāmṛttikayā ca | śaṅyajalena (pṛ 23) tāmrapātrodakena pūṣpajalena ca | pañcaratnodakena dhānyodakena durvayā ca snāpayet | tatastāṃ striyaṃsthalāntare nītvā vastrādikaṃ paridhāpayitvā pūrvābhimukhīṃ kṛtvā pañcagavyaṃ pāyayet | etadanantaraṃ sarvamauṣadhaṃ pivet | tato raktanārikelamānīya tatra sindūreṇa hrī/ hrī/ oṃ iti bījatrayaṃ likhitvā tayāḥ kroḍe sthāpayet | dvādaśadinaṃ yāvat || -------------------------------------- (mūla) atha mahauṣadhiḥ pṛśnipaṇī śyāmalatā bhṛṅgarājaḥ śatāvarī | guḍūcī sahadevī ca mahauṣadhigaṇaḥ smṛtaḥ || atha sarvauṣadhiḥ surāmāṃsī vacā kuṣṭhaṃ śaileyaṃ rajanīdvayam | (haridrā dāruharidrā) | śuṇḍī campakamūstañca sarvauṣadhigaṇaḥ smṛtaḥ || atha mṛtavatsāsnānam (baṅgalā) iti kubjikātantre ṣoḍaśaḥ paṭalaḥ || saptadaśaḥ paṭalaḥ | atha mṛtavatsāpratīkāraḥ ākāṅkiramūla vāṭiyā ṛtusnāna kariyā khā-ive, khā-ile garbha janme | ye ākāṅkiramūla uttare yā-iyā thāke, tāhā vāṭiyā yonite ṛtukāle pralepa dile avaśya garbha haya | atha kavacam oṃ siddhiḥ | oṃ namo narasiṃhāya | hiraṇyakasiporvakṣovidārāya tribhuvanañcopakārāyahākinī kulolmathanāya amukyā doṣān hara hara sara sara ehi rudrāṃ jñāpayati svāhā | hata siddhi narasiṃhera rava | oṃ oṃ hāṃ hāṃ hrī/ hrī/ svāhā | iti bhurjyapatre likhitvā dhārayet tadā mṛtavatsā dūraṃ gacchet | oṃ namo narasiṃhāya svāhā | iti mantraṃ saptadhā japtvā pā-ije kāgajasahitaṃ paṭhitvā agniṃ jvālayet | sarvadānavādidūraṃ gajjet | kāmadeva hāḍī ādā navakavisthiramanabījam | oṃ hāṃ hrī/ amukīra garbha rakṣa rakṣa svāhā iti paṭhitvā śikhāṃ bandhayet | āra ānalet śarṣapa paḍiyā śayyāra cā-ira digamavye puḍive pā/cakhāna tave mṛtavatsā dura hara | śnānamantrastu candra hū/ netra samudra vāmapārśve nava karive ṛye syā naye taṅka iche tave ādhākumbhapade bhāga samādhājaya saṃgrāme thotho vā vahatu vā vandhāt payo pāpa pañcaśekādīni vamākhe navani jīvati hāguni sāt | viṣe viṣa hare āṭhā se-i kīṭapataṅga mare | vattime prasave nāpi chatti ye yatrānusārī | iti paṭhitvā mṛtavatsāṃ snāpayet || atha mṛtavat sākavacam śrībhairava uvāca bhagavan sarvadharmajña sarvaśāstrārthapāraga | strībhūta dānamī devyāḥ karma svamaya prabho | śrībhagavān uvāca strībhūta dāmanī devī bījarūpā sadāvatu | hrī/ ai/ śrī/ vai/ vai/ vai/ vai/ rakṣa rakṣa sarvabhūtopadravebyaḥ svāhā || hrī/ pātu kālī sarvāṅgaṃ saṃso bhaṭarājāya svāhā | hrī/ pātu vṛddharūpasamātṛkā sarvatoharatu | idantu paramaṃ guhyaṃ sādhakābhīṣṭadāyakam | sarvarakṣākarañcaiva bhūtapretairviśeṣataḥ || anapatyayā ca yā nārī mṛtavat sā ca yā bhavet | vahūputrī jīvavatsā bhavatyeva na saṃśayaḥ | bhūtapretapiśācāśca ye cānye'niṣṭakārakāḥ | durādeva palāyante kavacasya ca dhāraṇāt | bhūtānāñca prakṛtirmṛtavat sāharā bhavet | tava dhāryaṃ prayatnena mṛtavatsā pranāśakam | avaśyaṃ dhārayet tasyā mṛtavatsādūraṃ gatā | iti kubjikātantre mṛtavatsā kavacaṃ nāma saptadaśaḥ paṭalaḥ || ########### END OF FILE #######