####################################################
MUKTABODHA INDOLOGICAL RESEARCH INSTITUTE
Use of this material (e-texts) is covered by Creative Commons license BY-NC 4.0
Catalog number: M00359
Uniform title: nāṭyaśāstram Vol. 1
Main title: nāṭyaśaāstram with the commentary of Abhinavagupta ch. 1 - 7
Commentator : abhinavagupta
Editor : M. Ramakrishna Kavi
Editor : K. S. Ramaswami Shastri

Description: 
Gaekwads Oriental Series no. 36
edited by M. Ramakrishna Kavi
second revised edition by K. S. Ramaswami Shastri


Notes: 
Data entered by the staff of Muktabodha under the supervision of Mark S. G. Dyczkowski.

Revision 0: Oct. 2, 2016

Publisher : Oriental Institute
Publication year : 1956
Publication city : Baroda
Publication country : India
####################################################



śrīrastu |

bharatamunipraṇītaṃ

nāṭyaśāstram |

prathamo'dhyāyaḥ |

praṇamya śirasā devau pitāmahamaheśvarau |
nāṭyaśāstraṃ pravakṣyāmi brahmaṇā yadudāhṛtam || 1 ||

abhinavabhāratī |

śrīmadabhinavaguptaviracitā vivṛtiḥ |

yastanmayānhṛdayasaṃvadanakrameṇa
drākcitraśaktigaṇabhūmivibhāgabhāgī |
harṣollasatparavikārajuṣaḥ karoti
vandetamāṃ tamahamindukalāvataṃsam || 1 ||

ṣaḍviṃśa(ṣaṭtriṃśa)kātmakajagadgaganāvabhāsa-
saṃvinmarīcicayacumbitabimbaśobham |
ṣaṭtriṃśakaṃ bharatasūtramidaṃ vivṛṇava-
nvande śivaṃ śrutitadarthaviveki dhāma || 2 ||

viśvabījaprarohārthaṃ mūlādhāratayā sthitam |
dhartṛśaktimayaṃ vande dharaṇīrūpamīśvaram || 3 ||

sadvipratotavadanoditanāṭyaveda-
tattvārthamarthijanavāñchitasiddhihetoḥ |
māheśvarābhinavaguptapadapratiṣṭhaḥ
saṃkṣiptavṛttividhinā viśadīkaroti ||

p. 2)

upādeyasya sampāṭhastadanyasya pratīkanam |
sphuṭavyākhyā virodhānāṃ parihāraḥ supūrṇatā || 5 ||

lakṣyānusaraṇaṃ śliṣṭavaktavyāṃśavivecanam |
saṅgatiḥ paunaruktyānāṃ samādhānasamākulam || 6 ||

saṅgrahaścetyayaṃ vyākhyāprakāro'tra samāśritaḥ ||

bharatamunirucitadevatānamaskārapūrvakamabhidheyaguṇībhāvena prayojanaṃ 
mukhyayā vṛttyā pratijānāno viśeṣaṇadvāreṇa 
guruparvakramamarthākṣiptatayā cābhidheyaprayojanatatsambandhāndarśayati - 
praṇamyetyādinā -

pitāmaho'tra na pituḥ pitā maheśvaraśca na rājādiriti devaśabdaḥ | etacca 
nāśaṅkanīyaṃ prasiddheḥ | eko vijigīṣurnāṭyapravartīyeteti devaḥ | 
bhagavāṃstvānandanirbharatayā krīḍāśīlaḥ sandhyādau nṛtyatīti nāṭye 
tadupaskāriṇi ca nṛtte tadupajñaṃ pravṛttiriti tāvevātrādhidaivataṃ guru ceti 
namaskāryau | lakṣmīpatistu yadyapi vṛttīnāṃ nirmātā tathāpi 
pitāmahādivadasau svakartavyamātraniṣṭhastathācarannātra nāṭye 
lokavadupajīvita iti gurutvābhāvānna namaskṛtaḥ | (itye)tadapi 
namaskārahetunirūpaṇasyānucitatvādasat |

tasmātpraṇamanaṃ prahvībhāvaḥ kāyena vācā manasā ca | ādyaḥ śiraseti 
darśitaḥ | dvitīyo devāvityanena | praṇamyasya nirupapadanāmagrahaṇānaucityāt 
| tena prathamaṃ devāvityuktam | abhineyaprādhānyācāṅgikaḥ śiraseti | 
vācikaśca devāvityādinā vākyābhinayo darśitaḥ | lokasiddho hyayamabhinayo 
na ca nāṭyadharmirūpaḥ | catura iva bhujādāvūrdhvādibhinna ityabhineyo'pi 
pradarśanīya eva | mānasī tu prahvatā vākkāyavyāpāragamyeti nāsau 
pṛthaguktā | pitāmahamaheśvarāviti kramaḥ chekānuprāsārthaḥ | 
sālaṅkārasya ca vākyābhinayatāṃ darśayitum | sālaṅkārasya 
devatāparitoṣahetutvaṃ ca 

p. 3)

darśayitum | pitāmahamaheśvarāvityanena devayorlokahitaiṣitvamuktam | 
nāṭyaśāstramiti |

nāṭyasya naṭavṛttasya śāstraṃ śāsanopāyaṃ granthaṃ pravakṣyāmīti |

naitadityanye | nāṭyavedaḥ nāṭyaśāstram iti hi paryāyau | tatra 
nāṭyaśāstraśabdena cediha granthaḥ tadgranthasyedānīṃ karaṇam | na tu 
pravacanam | taddhi vyākhyānarūpaṃ karaṇādbhinnaṃ kaṭhena proktamiti yathā | 
granthasya ca nāṭyavedatve utpattyādipañcakasya 
tadgatasyānyagranthasādhāraṇyāt praśnāsaṅgatiḥ | uttaragranthasya 
cānupapattiḥ - dṛśyaṃ śravyaṃ ca yadbhavet (1-11) jagrāha pāṭhyamṛgvedāt 
(1-7) ityādergranthaṃ pratyasaṅgatvatvāt | tasmānnāṭyaṃ ca tacchāstrañca | 
vyutpattipradatvāt | tat pravakṣyāmi vyākhyāsye | nāṭyākhyaṃ vedaṃ lakṣaṇato 
nirūpayiṣya ityarthaḥ |

etadapyamanoramam | śabdātmatāvyatirekeṇa pravacanāyogāt | nāṭyasya 
cāśabdātmakatvāt | nirūpaṇamātre ca pravacane granthasyāpi pravacanopapatteḥ 
| nāṭyasya ca procyamānatayaivālākṣaṇikabāhyasvarūpanirāsalābhe 
śāstraśabdānarthakyaprasaṅgāt | ya imaṃ śṛṇuyātproktaṃ nāṭyavedam iti 
śāstrānte yadvakṣyate tasyāsaṅgatyāpatteḥ | śabdaviṣayatātirekeṇa 
śṛṇuyādityasyāvācakatvāt |

tasmāditthametaditi madguravaḥ | sakalahitakaraṇapravṛtta 
utsāhasampadopetastadabhivṛddhaye tatpratyūhāpasisārayiṣayā 
svavijñānakramopārūḍhagururūpabrahmasarvādhipatiparameśvaraviṣayāṃ 
smṛtayutsukyadhṛtimatyādilakṣaṇāṃ vyabhicārasaraṇiṃ 
bāhyakaraṇīyaviṣayaṃ ca jaḍatāvahitthaprabhṛtibhāvagaṇaṃ purassarīkṛtya 
dharmavīrānupraviṣṭastaducitāṅgikavācikānubhāva prakaṭanapūrvaṃ 
svapravṛttiprayojanameva nirūpayati | prayojanasyaiva pravartakatvāt | yadāhuḥ - 
yamarthamadhikṛtya pravartate tatprayojanam (nyā. su. 1-1-24) iti |

tatra nāṭyaṃ nāma laukikapadārthavyatiriktaṃ 
tadanukārapratibimbālekhyasādṛśyāropādhyavasāyotprekṣāsvapnamāyendraja
alādivilakṣaṇaṃ tadgrāhakasya 
samyagjñānabhrāntisaṃśayānavadhāraṇānadhyavasāyavijñānabhinnavṛttān
tāsvādanarūpasaṃvedanasaṃvedyaṃ vastu rasasvabhāvamiti vakṣyāmaḥ | tasya 
śāstraṃ śāsanaṃ bāhyabhāṇḍanāṭyādivailakṣaṇyena 
samyaktatsvarūpāvagamopāyaṃ prakarṣeṇa 
parabrahmaśiṣyodīritānupayogivikāsatvāvadhānena (vikāsāvadhūnanena?)

p. 4)

vakṣyāmi | yadvakṣyati -

ya imaṃ śṛṇuyātproktaṃ nāṭyavedaṃ svayambhuvā |
kuryātprayogaṃ yaścainaṃ tathā'dhīyīta vā naraḥ ||

yā gatirvedaviduṣāṃ yā gatiryajñavedinām |
yā gatirdānaśīlānāṃ tāṃ gatiṃ prāpnuyāttu saḥ || iti ||
						(...... granthapātaḥ ?) (nā. śā. a. 36)

etena kāmajo daśako gaṇaḥ (manu. 7-47) iti varjanīyatvena nāṭyasyānupādeyateti 
yatkecidāśaśaṅkire tadayuktīkṛtam | yājñavalkyasmṛtipurāṇādau cāsya 
praśaṃsābhūyastvaśravaṇāt | na cāgamādṛte dharmo'numānagamya iti 
nyāyāt |

etattu vṛthaivāsthānabhīrūnprati śaṅkāśamanārthamabhidhīyate nāma | tathā 
hi - naṭānātāvadetatsvadharmāmnāyarūpatayā'nuṣṭheyameva | na 
cāsmākaṃ tacceṣṭitaṃ vicāryam | somakrayopadeśino vidhivākyasya na 
tadvikreṣyadbrāhmaṇāntaragatakṛtyākṛtyavicāraṇodyogo yuktaḥ | na 
cāpyasyopadiśyate gāyennṛtyet iti | kintu 
prathamanāṭyāvasarakramapravṛttaviriñcavacanapravartakabharatamuniśāsanānu
vartiśiṣyaparamaparāparicayāgatādyatanakālāvadhimahānaṭajanasvakapravṛttivi
śeṣopadeśaparam | ata eva tadgatasiddhisaṃpattisadupāyopadeśanaparamidaṃ 
śāstramiti |

naṭasya tāvannānena kiñcidupadiśyate taṃ pratyupakārādṛte | kaverapi 
svahṛdayāyatana - 
satatoditapratibhābhidhānaparavāgdevatānugrahotthitavicitrāpūrvārthanirmāṇa"
saktiśālinaḥ prajāpateriva kāmajanitajagataḥ | paraṃ pratyāśaṅkā yadi 
paramatrāvaśiṣyate vyutpādyo varākaḥ | tasyāpi tu neha 
gāyennṛtyedvādayettannirato vā bhavet ityupadeśaḥ kriyate | api tu svarasata eva 
tāvanmanojñaviṣayāsvādapravṛttasyāta eva 
vedaśāstrapurāṇādibhīruhṛdayasya tanmanojñavastumadhye tādṛgidaṃ 
vastvanupraveśitaṃ yadbalādeva pumarthopāyāvagatiṃ karotīti vakṣyāmaḥ | 
utpattyādipraśnāstu ye bhaviṣyanti te nāṭyākhyavedaviṣayāḥ | na tu 
nāṭyavedaśāstraviṣayāḥ | yato nāṭyavedaḥ kathaṃ brahman (nā. śā. 1-4) 
ityatra nāṭyameva veda iti vyākhyāsyāmaḥ |

etacca nāṭyavedaśāstraṃ brahmaṇodāhṛtaṃ mahyamuktam | yadvakṣyate - 
ājñāpito 

p. 5)

samāptajapyaṃ vratinaṃ svasutaiḥ parivāritam |
anadhyāye kadācittu bharataṃ nāṭyakovidam || 2 ||

munayaḥ paryupāsyainamātreyapramukhāḥ purā |
papracchuste mahātmāno niyatendriyabuddhayaḥ || 3 ||

viditvā'haṃ nāḍyavedaṃ pitāmahāt | putrānadhyāpayāmāsa (nā. śā. 1-25) 
iti | atra tu nāṭyasya vedaḥ śāstramiti samāsaḥ | anyathā'dhyāpanāsambhavāt | 
tena brahmaproktameva mayā yathāparipāṭi nirūpyata iti yāvat |

nāṭyaṃ ca brahmaṇoddhṛtyoddhṛtya vedaṅgānyāhṛtamiti tadviṣayaṃ 
śāstramapyudāhṛtamityuktam | yadi hi nāṭyasya vedanaṃ sattālābho vicārasya 
yatra tannāṭyavedaśabdena nāṭyāśrayarūpaṃ daśarūpakamityucyate - 
yadvakṣyati itihāso mayā dṛṣṭaḥ iti (nā. śā- 1-19) | atra pakṣe 
brahmaṇodāhṛtaṃ rpadarśitodāharaṇaṃ kṛtanidarśanamityarthaḥ |

anye tu naṭanīyamanukaraṇaṃ daśarūpakameva nāṭyam | tasyedaṃ śāstram | 
daśarūpakalakṣaṇameva hīdam | evaṃ daśarūpakaṃ kavinā kāryam | eva ca 
naṭanīyamiti granthatātparyāt | rasādīnāṃ padārthānāṃ tatraiva paryavasānāt 
| tacca brahmaṇodāhṛtaṃ kṛtanidarśanam |

anye tu brahmaṇā vedākhyena bhagavatā śabdarāśinodāhṛtaṃ nirūpitaṃ 
tyājyānuṣṭheyarūpamāyadāgacchat vyutpādyatayā svīkurvannāṭyaśāstraṃ 
pravakṣyāmīti prayojanamanenaiva svīkṛtamityāhuḥ |

bhaṭṭanāyakastu brahmaṇā paramātmanā 
yadudāhṛtamavidyāviracitanissārabhedagrahe yadudāharaṇīkṛtaṃ nāṭyaṃ 
tadvakṣyāmi | yathā hi kalpanāmātrasāraṃ tata evāna - vasthitaikarūpaṃ 
kṣaṇena kalpanāśatasahastrasahaṃ svapnādivilakṣaṇamapi suṣṭhutarāṃ 
hṛdayagrahanidānamatyaktasvālambanabrahmakalpanaṭoparacitaṃ 
rāmarāvaṇādiceṣṭitamasatyaṃ kuto'pyabhūtādbhutavṛttyā bhāti | tathā 
bhāsamānamapi ca pumarthopāyatāmeti | tathā tādṛgeva 
viśvamidamasatyanāmarūpaprapañcātmakamatha ca śravaṇamananādivaśena 
paramapumarthaprāpakamiti lokottaraparamapuruṣārthasūcakena 
śāntarasopakṣepo'yaṃ bhaviṣyati |

svaṃ svaṃ nimittamādāya śāntādutpadyate rasaḥ | iti || (nā. śā. 6) tadanena 
pāramārthikaṃ prayojanamuktam | iti vyākhyānaṃ hṛdayadarpaṇe paryagrahīt | 
yadāha -

p. 6)

yo'yaṃ bhagavatā samyaggrathito vedasammitaḥ |
nāṭyavedaḥ kathaṃ brahmannutpannaḥ kasya vā kṛte || 4 ||

katyaṅgaḥ kiṃpramāṇaśca prayogaścāsya kīdṛśaḥ |
sarvametadyathātattvaṃ bhagavanvaktumarhasi || 5 ||

namastrailokyanirmāṇakavaye śambhave yataḥ |
pratikṣaṇaṃ jagannāṭyaprayogarasiko janaḥ || iti ||

evaṃ nāṭyaśāstrapravacanaṃ prayojanamuktam | tatprayojanantu darśitameva | 
abhidheyaśca nāṭyavedaḥ | vyutpādyavyutpādakabhāvalakṣṇaśca sambandhaḥ | 
yacca śāstraṃ yo jijñāsate sa tāvattadavasare tacchāstrapraṇetari prasiddhe 
siddhavadeva prāmāṇyamabhimanyata iti tadvacanoktāya 
sambandhābhidheyaprayojanāya tadaiva nirviśaṅkaḥ pravartate | 
parastvadhigatasakalaśāstrārtho bahumanyate na veti tadidamanyat | prathamaṃ 
tāvatpravṛttamādivākyaṃ prayuktameveti svānubhavaprasiddham | 
tenārthasaṃśayatarkakautukaja(na)nādivākyaṃ pravartakamiti kimanena |

atra muniḥ sakalalokahitakaraṇapravṛttotsāhasaṃpadupeto 
dharmapīṭhānupraviṣṭastaducitāṅgikavācikānubhāvaprakaṭanapurassaraṃ 
svapravṛttiprayojanameva nirūpitavān | asya ca pitāmahamaheśvarau prati 
smṛtyautsukyadhṛtimattyādayo vyabhicāribhāvāḥ pratīyante |

atha munirātmānameva paratvena kalpayanbrahmaṇā yadudāhṛtamityetadeva 
purākalpapradarśanena niścāyayati - samāptajapyamityādinā ślokadvayena | 
anurāgitvaṃ nāṭyavedayogyatā nāṭyasyāduṣṭatā vinodahetutā sujñānatvaṃ 
praśnāvasaralābhayogaḥ prasiddhatvaṃ cācāryayogyatā 
śiṣṭaprāmāṇikatvaṃ niyamapūrvaśāstragrahaṇa 
prasiddhādaraṇānumeyopādeyatvaprakaṭanamanidamprāthamyapravṛttatā 
śiṣyāṇāmūhāpohapāṭavaṃ grahaṇayogyatā ceti krameṇa padānāṃ 
tātparyamapunaruktam | (2-3)

kiṃ papracchuriti darśayati - yo'yamiti | bhagavatā tatrabhavatā guruṇeti 
bharatamunirevaivamuktaḥ | tena bharatamuninā yo grathitaḥ 
sundaratamavastusamāharaṇayojanayā gumphitaḥ ko'pyayaṃ vastuviśeṣaḥ sa 
tāvatprayogasamaye'smābhirdṛṣta iti pratyakṣatvena ayamiti parāmarśaḥ | 
aviditāntassāratayā cāsmākaṃ pratyakṣo'pyapratyakṣakalpa iti 
yacchabdenānirvācyaviśeṣatvamuktam | ata eva na tacchabdasaṅgatiratra mṛgyate 
yathā yatkiñcidvadatīti | sa cāyaṃ parīkṣaṇīyatattvo yato vedaiḥ sammitaḥ 
tulyaḥ |

p. 7)

tathā hi - dhīrodāttadhīralalitadhīroddhatadhīrapraśāntānāṃ 
pūrṇopāyapravṛttatvena nāyakānāmatādṛgupāyāśraye'n pratināyakānāṃ 
ca caritaṃ saphalatvāphalatvena sākṣātkriyamāṇaṃ vīrādbhutābhyāṃ 
vīraśṛṅgārahāsyaiḥ vīraraudrabhayānakakaruṇaiḥ vīrabībhatsaśāntaiśca 
pratināyakagatarasāntarasāntaratayā 
sātiśayacamatkāragocarībhūtairhṛdayānupraveśaṃ 
vidadhaddharmādicatuṣkopāyopādeyadhiyamadharmādibhyaśca nivṛttiṃ 
nirviśaṅkaṃ vidhatta ityasmākamadhigataśrutitattvānāmapi 
pratyakṣasiddhamevaitat | prasiddhā cāsya nāṭyavedasaṃjñā | ata 
evopadeśahetuttvādvedaḥ | evaṃ ca jijñāsyatattva evāyam |

sa kathamutpannaḥ | kena prakāreṇotpannaḥ | tatprayojanasya vedebhya eva siddheḥ | 
utpanna iti yadi pūrvameva vedavada(nādipadā?)rthaḥ syāttatkathaṃ nāmāyaṃ 
paryanuyujyeta | śruticatuṣṭayavadevetyarthaḥ | atha yasya vedebhyo nopadeśaḥ 
siddhaḥ sa kastādṛgityāha - kasyādhikāriṇaḥ | kṛte prayojanakaraṇāya | kiṃ 
vedādhikṛta evātrādhikārī uta tadanyo'pītyadhikāriviṣayo'yaṃ praśnaḥ | 
pūrvastu siddhasādhyatayā niṣprayojanatvenākṣepo'yaṃ praśnaḥ | katyaṅga iti | 
yadyasya subahūnyaṅgāni tadduravadhāratayā'śakyanirṇayaḥ | tathā 
paridṛśyamānagītātodyābhinayādimadhye katyasyāṅgāni | kiñca 
tadaṅgirūpamutāṅgasamudāyamātraṃ nāṭyamiti tṛtīyaḥ praśnaḥ |

kiṃ pramāṇaśceti | nanu pratyakṣapramāṇasiddhatvaṃ tāvannāṭyasya | 
yadvakṣyati - dṛśyaṃ śravyaṃ ca yat (nā. śā. 1-11) iti | 
śreyaḥprāptyupāyajñāpakatvamapi munīnāṃ svasaṃvedanasiddham | anyathā 
tu vicāryatvamevāsya na syādityuktam | tatko'yaṃ praśnaḥ | satyam | kintu 
aṅgaviṣayo'yaṃ praśnaḥ | kiṃ pramāṇaḥ kiṃ pramāṇāṅga iti yāvat | 
yānyaṅgāni kānicittāni yadi vijñeyāni kena pramāṇena kimaṅgaṃ jñāyate | 
tathā kena pramāṇenāṅgāṅgibhāvaniyamo'tra jñeyaḥ | pramāṇamatra 
niścayajanakam |

anye tu nāṭyagatānāṃ rūpakādīnāṃ pāṭhyābhinayarasagītānāṃ ca kiṃ 
pramāṇaṃ kā saṅkhyeti vibhāgaviṣayo'yaṃ praśna ityācakṣate |

asyeti nāṭyasya | kīḍrkprayogaḥ | yadi yugapadaṅgāni prayujyante 
tadbhinnākṣagrāhyeṣu yugapatsaṃvedanābhāvāt kathamekaṃ nāṭyamiti 
pratipattiḥ | kramaprayoge'pi ni(na)tarām | tasmātkathaṃ prayoga iti | tathā kiṃ 
niyatenaivāṅgāṅgibhāvena prayoga utāniyateneti nāṭyāṅgaprayogadvāreṇa 
sāmānyābhinayacitrābhinayanāṭakādirūpakavaicitryaviṣayaḥ praśnaḥ 

p. 8)

teṣāṃ tu vacanaṃ śrutvā munīnāṃ bharato muniḥ |
pratyuvāca tato vākyaṃ nāṭyavedakathāṃ prati || 6 ||

bhavadbhiḥ śucibhirbhūtvā tathā'vahitamānasaiḥ |
śrūyatāṃ nāṭyavedasya sambhavo brahmanirmitaḥ || 7 ||

pañcamaḥ | evaṃ praśnapañcakāt kaviprayoktrorupadeśaparaṃ śāstramiti 
lakṣyate | tena yadāha tasmātkarturdraṣṭuḥ prayokturupadeśaparamidaṃ śāstram 
iti tatra draṣṭurityasat | na hyanena sāmājiko vinīyate | ayogyatvāt | 
śrutismṛtītihāsādiṣvivātrāpi na ca tadupadeśo'tra śrūyate | draṣṭā tu yadi 
prekṣāpravartaka ucyate tadā tasyāpi na prabandhenopadeśaḥ | api tu kvacideva 
nartako'rthapatirvā ityādau | evaṃ copadeśyatve sthapatimālākāraprabhṛti 
viśvamapīhopadeśyaṃ syādityalamanena |

yathātattvamiti | nātra kramaṃ prati bharo'smākam | nāpīyattāṃ prati | ajñā hi 
vayamatra praṣṭāraḥ | ata evopeyaparatvenaiva mukhyatayā praśno yathā bālaka 
āha - duḥkhaṃ me śamaya iti | tajjñastūpāyaṃ praśnayati kuto'nnaṃ labhyata 
iti | tenopeyamukhena pravṛttamidaṃ 
śāstramuttaradānopanatavastvantaropeyapraśnakrameṇa 
tadupeyopāyādiprabandhena sthitamiti mantavyam | tena yādṛśā krameṇa 
rūpaṇayogyaṃ tathāpyapra(thā'pra)śnitamapi yadi kiñcidasti tadapi sayameva 
nirūpayeti | tattvānatikrameṇa tattvayogyaṃ tattvaṃ ca nirūpaṇīyam | etaditi | 
lakṣaṇaparīkṣāparyantametat | (4-5)

yadi ta evaṃ papracchuḥ bharatamuniḥ kimakārṣīdityāha - teṣāṃ tviti | 
turavadhāraṇe | śretvaiva na tu vilambyeti | paurvakālyamātre ktālyaporvidhānāt | 
tata iti | yataḥ sa tattvavinmuniḥ te ca tadupadeśayogyāḥ tasmāddhetoḥ | 
kathāgrahaṇaṃ yathātattvamityetasyaivārthaṃ sphuṭīkaroti |

yattu prayogapraśne pratyakṣeṇa prayogaprakaṭanamuttaraṃ syādityāśaṅkāṃ 
parihartuṃ kathāgrahaṇamiti tattvasat | vaktumarhasītyukte tasyāḥ ko'vasaraḥ | 
evaṃ bharatamuniḥ paravadātmānaṃ prakalpyeyantaṃ granthamabhihitavān | anye 
tviyantaṃ granthaṃ kaścicchiṣyo vyarīracat | tatra brahmaṇeti bharatamuniḥ 
prathamaśloke nirdiṣṭaḥ | kathaṃ brahmannutpanna ityetadevamekavākyatvena 
nirvahati | tadanantarantu bhavadbhiḥ śuchirityādirbharatamuniracito granthaḥ | 
madhye'tra 

p. 9)

pūrvaṃ kṛtayuge viprā vṛtte svāyambhuve'ntare |
tretāyuge'tha samprāpte manorvaivasvatasya tu || 8 ||

grāmyadharmapravṛtte tu kāmalobhavaśaṃ gate |
īrṣyākrodhādisaṃmūḍhe loke sukhitaduḥkhite || 9 ||

ṣaṭtriṃśadadhyāyyāṃ yāni praśnaprativacanayojanavacanāni tāni 
tacchiṣyavacanānyevetyāhuḥ |

taccāsat | ekasya granthasyānekavaktṛvacanasandarbhatve pramāṇābhāvāt | 
svaparavyavahāreṇa pūrvapakṣottarapakṣādīnāṃ 
śrutismṛtivyākaraṇatarkādiśāstreṣvekaviraciteṣvapi darśanāt |

etena sadāśivabrahmabharatamatatrayavivecanena brahmamatasāratāpratipādanāya 
matatrayīsārāsāravivecanaṃ tadgranthakhaṇḍaprakṣepeṇa vihitamidaṃ śāstram 
na tu muniviracitamiti yadāhurnāstikadhuryopādhyāyāstatpratyuktam | 
sarvānapahnavanīyābādhitaśabdalokaprasiddhiviroddhācca |

atra kecidāhuḥ - praśnapañcakamatraivādhyāye tāvannirṇīyate | uddeśasthityā 
tadvibhāgalakṣaṇaparīkṣāparāṇi cādhyāyāntarāṇīti | anye tvāhuḥ 
pañcabhiradhyāyaiḥ pūrvaraṅgavidhānaparyantaiḥ praśnadvayaṃ nirṇītam | 
sāmānyābhinayacitrābhinayāntaiḥ śiṣṭaistu praśnatrayamiti |

vayaṃ tu brūmaḥ - nātra kramaḥ kaścit | api tu yathāvasaraṃ 
mahāvākyātmanā ṣaṭsahasrīrūpeṇa pradhānatayā 
prśnapañcakanirūpaṇapareṇa śāstreṇa tattvaṃ nirṇīyate | na tu kramaḥ kaścit | 
etacca granthavyākhyānaprasaṅga eva sphuṭīkariṣyāmaḥ | (6)

tatra kathaṃ kasya vā ityamumarthaṃ nirṇinīṣurāha - bhavadbhirityādi | 
ghaṭādīnāmutpattirvyavahārasiddhaiva kulālādibhiranugamyata iti ghaṭaḥ kriyata 
iti yuktam | natvevaṃ nāṭyasya | tasya tūtpattireva viriñcopajñatayā sthiteti 
sambhavo brahmanirmita ityuktam | kecidatrānāditvaṃ 
vedavannāṭyasyācakṣāṇāḥ utpattyādiśabdān 
smaraṇābhivyañjanādāvupacaranti (7) |

tatra sambhūteḥ kāraṇamukhenābhidhāne kartavye kālasya sarvatra 
pūrvakāraṇatvāducitakālaparigraheṇa tadvidhādhikāriviṣayatāṃ 
darśayitumāha - pūrvamityādiślokapañcakam |


p. 10)

devadānavagandharvayakṣarakṣomahoragaiḥ |
jambūdvīpe samākrānte lokapālapratiṣṭhite || 10 ||

mahendrapramukhairdevairuktaḥ kila pitāmahaḥ |
krīḍanīyakamicchāmo dṛśyaṃ śravyaṃ ca yadbhavet || 11 ||


asminnavasare pitāmaho devairidamukta iti mahāvākyasya saṅgatiḥ - 
kasminnavasare pūrvamiti | nāsminneva kalpe'pi tu pūrvakalpeṣvapītyarthaḥ | 
manvantarāṇi caturdaśa tāvatkalpo'yaṃ tadbrāhmaṃ dinam | tatra 
svāyambhuvaṃ nāma yatkalpasya prathamaṃ manvantaram | 
vaivasvatamanvantarantu saptamam yatrādya vartāmahe | tatra sarveṣveva 
manvantareṣu tretāvasare brahmaṇā nāṭyavedaḥ pravartitaḥ | kṛtayuge tu neti 
tātparyam | yojanā tu - svāyambhuve ādya nanvantare yatkṛtayugaṃ tasmin nivṛtte 
sati yatretāyugaṃ tasmin samyaksandhyatikrameṇa sphuṭataraṃ pravṛtte | na 
kevalaṃ tatraiva manvantare | tu śabdo yāvacchabdārthe | yāvadvaivasvatasya 
manorantare samaye yattretāyugaṃ tasminpravṛtte'pi | tenādyantanirūpaṇena 
sarveṣāṃ madhyamamanvantarāṇāṃ saṅgrahaḥ | tena sarveṣu tretāyugeṣu 
nāṭyapravṛttirityuktaṃ bhavati |

asminnavasare kimasāvuktaḥ | āha - jambūdvīpe karmabhūmisthāne yo lokaḥ 
sukhita - duḥkhitaśca tadviṣayaṃ krīḍanīyakaṃ krīḍyate cittaṃ vikṣipyate 
vihriyate yena tadicchāmaḥ | karaṇe kṛtyo bāhulakāt | cittaṃ ca ito'mutaśca 
nīyamānaṃ mārge'pi niyojyate | yadi vā krīḍanāya hitaṃ krīḍanīyakam | 
ubhayatrājñātādyarthe kaḥ | idamasmākaṃ guḍapracchannakaṭukauṣadhakalpaṃ 
cittavikṣepamātraphalamiti yanna jñāyate | tacca krīḍanīyakaṃ sukhitaduḥkhina 
eva bhavati | na hyekāntasukhite kāle deśe vā krīḍayā kiñcit | 
nāpyekāntaduḥkhite | tena kṛtayuge kaliprānte vā ilāvṛtādinivāsini jane nārake 
vā na krīḍopapattiḥ | uttarapadārthapradhānastatpuruṣaḥ duḥkhasya 
bāhulyamāha | kathaṃ jñāyate sukhitaduḥkhito loka iti | yataḥ 
īrṣyākrodhādibhiḥ saṃmūḍho'dhivāsitahṛdayaḥ | 
ādigrahaṇādanurāgatṛṣṇādibhiḥ | tatra krameṇa kāraṇamāha - 
kāmavaśagatatvādīrṣyādayo rājyalobhādinā krodhādayaḥ | kimityadhikau 
kāmalobhau ? yataḥ sukhitaduḥkhitatvasya kāraṇaṃ kāmādīnāṃ hetuḥ 
grāmyadharmapravṛttatvam | grāmyo'śrutaśāstrārthajanākīrṇadeśocito 
dharmaḥ svadharmānanupālanalakṣaṇaḥ | tadviṣaye yato'sau lokaḥ pravṛttaḥ | (8-
9)


p. 11)

na vedavyavahāro'yaṃ saṃśrāvyaḥ śūdrajātiṣu |
tasmātsṛjāparaṃ vedaṃ pañcamaṃ sārvavarṇikam || 12 ||


nanvevaṃ tvadharmabāhulyāt sukhameṣāṃ kuta ityāha - devaiḥ 
śrīmadvijayāvimuktādirudrāvatāraiḥ tathā 
rājasatāsahṛdayajanakalpyamānasaparyākairdānavādibhirākrānte jambūdvīpe | 
devādibhiścākrānte svavaśīkriyamāṇe | nanvevaṃ satsu 
viśuddhavyāmiśradharmasādhaneṣu kathaṃ dharmaḥ ? teṣāṃ 
tatrāpravartamānatvāt | satyam | kintu lokapālaiḥ 
lokapālāṃśasaṃvibhāgasamutpāditaiḥ narapatibhiḥ pratiṣṭhite 
svadharmasādhanaṃ prati niyojite loke | dṛśyaṃ śravyaṃ ceti | draṣṭuṃ śrotu 
cārham | na dharmasādhanam | śakyaṃ ca | na tu durbhagaparuṣaprāyam | loka 
ityekavacanena sarvasādhāraṇatayaiva yadyogyaṃ tacca spṛśyādirūpaṃ na 
bhavati | dṛśyaśravyayostu bahutarasādhāraṇyopapattiḥ | asādhāraṇe 
cerṣyākrodhādaya eva pravartante |

etaduktaṃ bhavati - kṛtayuge sattvapradhāne svadharmamātraniṣṭho loko na 
sukhaduḥkhe prati heyopādeyadhiyā prayasyate | tretāyāntu rājasattvādduḥkhaṃ 
jighāṃsati | sukhaṃ ca prepsati | rajasaścalatvāt | tadā'sau śāstriteṣu 
rājaniyantraṇayā pravartyate | tatra ca tādṛgupāyo nirūpyo yena svayameṣāṃ 
bhavati pravṛttiḥ | tacca nāṭyameveti |

cakāreṇedamāha - tādṛśā kenacidupāyena sambandha(ta?)statkurute(stu kṛtaḥ) 
yena bhinnendriyagrāhye api dṛśyaśravye ekānusandhānaviṣayatvaṃ na vijahīta 
iti sāmānyābhinayakālaprāṇatvaṃ prayogasya sūcitam | dṛśyamiti hṛdyaṃ 
śravyamiti vyutpattipradamiti prītivyutpattidamityartha iti | anena 
tvi(nanvi)ndrādīnāṃ ka etāvatā svārthaḥ ? āha | lokapālapratiṣṭhite 
jambūdvīpe gatā ye lokāḥ te hi svadharmāvasthitā ijyādinā 
nākamāpyāyayanti | ata evecchāma iti sarveṣāmaikamatyamāha | 
ato'nyonyopakāravṛttyā ca daivamānuṣasargau nirūpitau 
vindhyavāsiprabhṛtibhiḥ | anye tu svaprayojanameva krīḍā 
mahendrādīnamityāhuḥ | tretāyuge pravṛtte evambhūte ca loka ityanenedamuktaṃ 
bhavati - svarge'pi hi tadā tadā 
mānuṣagatarājasadharmābhisambandhacitritayāgādiyogasarajasīkṛtahṛdayatvādd
evā api krīḍanīyakamabhileṣuriti | (10-11)

evaṃ śāstrādhikṛto'pi janaḥ nāṭyena sukhaṃ vinīyata iti 
prayojanaprayojanamuktvā prayojanāntaramapyāha - na vedavyavahāra ityādinā | 
kṛtayuge sattvotkarṣabalādeva sarvaḥ


p. 12)

evamastviti tānuktvā devarājaṃ visṛjya ca |
sasmāra caturo vedānyogamāsthāya tattvavit || 13 ||

neme vedā yataḥ śrāvyāḥ strīśūdrādyāsu jātiṣu |
vedamanyattataḥ srakṣye sarvaśrāvyaṃ tu pañcamam || 14 ||


svadharmamanupālayati | adyatve tu rājasatvāt śūdraprakārāḥ 
karaṇādijātīyāḥ sarve'kharvagarvākrāntā varṇatrayānuvṛttiṃ na vidadhate | 
śāstraṃ bhavadbhya evamādiśatīti ca te vacanamātreṇa nādriyante | na ca te 
vedaśāstropadeśayogyāḥ | ata evamāha - samyagiha sthāne | śrutyā 
bhavatāmetadupadiṣṭamiti nā(na) śrāvyāḥ | sārvavarṇikamiti | 
adhikṛtānāmanadhikṛtānāmapi sukumārāṇāṃ vyutpattidāyītyarthaḥ | sarve 
varṇāḥ prayojanaṃ vineyatvena yasyetyanena pūrvoktastyādhunoktasya ca 
samastasyopasaṃhāraḥ |

anye tu paunaruktyaṃ parihartumāhuḥ - sarveṣāṃ varṇānāṃ sarasasukumāreṇa 
nayena svakartavyanirūpaṇaṃ yatra kāvye tasmin bhavaṃ tadāśritam | yena sarvo 
janaḥ sarasakumārānurajyadāśayaḥ tadupabhoganāntarīyakatayaiva 
kāryākāryajñānamapyupayuṅkte kṣīramadhyāvasthitauṣadhopayogavat | 
tenādhikṛtānāmanadhikṛtānāmapi sukumārāṇāṃ vyutpattidāyi nāṭyam | 
aśrutaśāstrāṇāmapi saṃvādādavicalakāryākāryavivekasiddhiriti | (12)

evamastviti tāniti | devarājamiti | tānuktvā tāanvisṛjya | devarājaṃ visṛjyeti 
prādhānyāduktam | indrādīn visṛjyetyarthaḥ | yogamiti | yugapat 
sarvavedābhāsakaram | tattvaviditi samastalokavedajña ityarthaḥ | (13)

tataḥ kiṃ cakāretyāha ślokatrayeṇa dharmyamityādinā | evamiti (1-16) 
dharmyamityādiyugaloktamarthaṃ saṅkalpya | caturvedasmaraṇena hetunā tata iti | 
caturbhyo nāṭyavedaṃ cakre | hetau śatā | dharmyamiti | dharme sādhūpadeśāya | 
evamarthe'pi | anye tu dharmārthābhyāmanapetaṃ yaśaḥ prayojanamasyeti | atra 
vyākhyānadvaye'parapuruṣārthasaṅgrahaḥ syāt | nāṭyotpattigarbhādhānakalpe 
cāsmin saṅkalpe yattyaktaṃ tattyaktameva | yaśasaśca dharmaphalatvāt 
pṛthagupādānaṃ kimartham | sopadeśamityādeśca paunaruktyam | 
tasmādayamatrārthaḥ - dharmaśabdena catvāro'pi puruṣārthāḥ | teṣu sādhu 
sādhakam | nanu kiṃ sākṣāt | netyāha |


p. 13)

dharmyamarthyaṃ yaśasyaṃ ca sopadeśyaṃ sasaṅgraham |
bhaviṣyataśca lokasya sarvakarmānudarśakam || 14 ||

sarvaśāstrārthasampannaṃ sarvaśilpapravartakam |
nāṭyākhyaṃ pañcamaṃ vedaṃ setihāsaṃ karomyaham || 15 ||


sopadeśyaṃ sahopadiśyamānairupāyaiḥ (puruṣārthacatuṣṭayopāyaiḥ 
daśarūpakairupeta) yadvartate caturvargopāyapradarśakamityarthaḥ | nanu 
vedādayo'pyevam | naitat | samyaggrahaṇaṃ saṅgrahaḥ | yataḥ paraṃ 
nirviśaṅkapratītyarthaṃ pramāṇāntaraṃ nābhyarthyate | tacca 
sākṣātkārarūpameva | yadāhuḥ - sarvā ca pramā pratyakṣaparā iti | tena saheti 
sasaṅgraham | evamapi pratyakṣeṇa sadācārayajñādidarśanātko'sya bhedaḥ | 
āha - sarvakarmānudarśakam | sarveṣāṃ karmāṇāṃ kriyamāṇānāmanu 
paścādacireṇaiva kālena darśakaṃ pañcaṣādibhireva divasaiḥ 
śubhāśubhakarmatatphalasambandhasākṣātkāro yatretyarthaḥ | kasyetyāha - 
lokasya yo yaḥ kaścidasmātkṣaṇādūrdhvaṃ bhaviṣyati 
lokastasyopadeśyasyetyarthaḥ |

anukāryābhiprāyeṇātra bhaviṣyata iti vyākhyātam | (na) ca śabdena 
bhūtavartamānagrahaṇamityadharottarīdhūtam | vṛttarājarṣivaṃśakīrtanāderhi 
pradhānatayā svakaṇṭhenābhidhānaṃ yuktam | na tu bhaviṣyata ityāstāmetat |

tasmāt vyutpādyābhiprāyeṇaiva lokasyeti vyākhyeyam |

evamapi tatraiva kena lokaḥ pravartyata ityāha - arthyam | hṛdyatayā 
sarvajanānāmapi nānādhikāratvenābhilaṣaṇīyamityarthaḥ | nanu 
prathamamajñātaparamārthe kathamabhilaṣaṇam ? āha | yaśasyam | sarvatra 
hṛdyatayā prathitam |

na kevalaṃ pradhānapuruṣārthopāyadarśakaṃ yāvatsarveṣāṃ śāstrāṇāṃ 
kalāpradhānānāṃ ye'rthā gītanṛttavādyādayastaiḥ sampannaṃ yuktam | tathā 
sarvāṇi śilpāni citrapustādīni pravartayati sopayogatvenākṣipatītyevamekena 
yatnena samastavastusiddhiryato bhavati tannāṭyamityuktaṃ bhavati | tacca setihāsam 
| itihāsopadeśakarūpaṃ saprabhedam | itirevamarthe pratyakṣanirdeśaṃ


p. 14)

evaṃ saṅkalpya bhagavān sarvavedānanusmaran |
nāṭyavedaṃ tataścakre caturvedāṅgasambhavam || 16 ||

jagrāha pāṭhyamṛgvedātsāmabhyo gītameva ca |
yajurvedādabhinayān rasānātharvaṇādapi || 17 ||


dyotayati | haḥ ihaśabda āgamaḥ | āsanamāsaḥ | evaṃprakārāḥ 
pratyakṣaparidṛśyamānā āgamikārthāḥ karmaphalasambandhasvabhāvā 
yatrāsate tenetihāsena sahetipāṭhe matvarthīyo'kāraḥ | itiḥ jñānam | tasya hāso 
harṣapūrvako vikāso yata iti kecit | itihāsaśca - tallakṣaṇamitthaṃ kilāsanaṃ 
yatra rūpakabhedānāṃ bhaṇyate | upadeśaśabdena ca daśarūpakaṃ 
tadupayogavadeva (vaddeśa) dvihastādilakṣaṇanāṭyavedaśāstram | tatsahitasyaiva 
karaṇīyatvena saṅkalpaḥ | anyathā buddhyā kalitasyāpi nāṭyasya kathamanyatra 
saṅkramaṇam | tena ca vinā kathaṃ prayogaḥ | pañcamamiti | ya eko'pi 
caturvedānatiśeta ityarthaḥ | ahamiti yasya sarvalokakṛtyodvahanameva paraṃ 
kṛtyam |

evaṃ saṅkalpyeti | saṅkalpavyāpāraṃ evāyaṃ buddhyā 
vedāṅgaikīkāralakṣaṇo brahmaṇo nāṭyavedotpādanam | nanu vedasmaraṇena 
tatra kathaṃ hetutā labdha | āha | caturvedāṅgasambhavamiti | catvāro vedāḥ | 
aṅgānāṃ pāṭhyādīnāṃ sambhavo yasya | sambhavatyasmāditi sambhavaḥ | ata 
eva vedacatuṣṭayamapi yatrāṅgāni pratyupakaraṇībhūtamiti (sa tathoktaḥ) (14-
16)|

kutrāṅge kasya vedasyopayoga iti darśayati-jagrāha pāṭhaymṛgvedāditi | iha 
paṭha vyaktāyāṃ vācītyuktaṃ vyaktatvaṃ 
vivakṣāviśiṣṭasvārthārpaṇakṣamatvam | tacca 
kākvadhyāyavakṣyamāṇasvarālaṅkārādisāmagrīyojanena bhavatīti 
tayopaskṛtaṃ pāṭhyamucyate | tacca prādhānyātprathamamupāttam |

tathā hi vakṣyati -

vāci yatnastu kartavyo nāṭyasyaiṣā tanūḥ smṛtā |
aṅganaipathyasattvāni vākyārtha vyañjayanti hi || iti (14-2)


p. 15)

dharmakarmārthasaṃyuktaṃ sāpadeśaṃ sasaṃgraham |
rucibhiḥ sarvalokasya sarvakarmānudarśakam ||

sarvaśāstrārthasaṃpannaṃ sarvaśilpasamanvitam |
nāṭyākhyaṃ pañcamaṃ vedamitihāsamacintayat || 

vedopavedaiḥ sambaddho nāṭyavedo mahātmanā |
evaṃ bhagavatā sṛṣṭo brahmaṇā sarvavedinā || 18 ||

sarvalokahitārthaṃ tu nāṭyavedo mahātmanā |
utpādya nāṭyavedaṃ tu brahmovāca sureśvaram |
itihāso mayā sṛṣṭaḥ sa sureṣu niyujyatām || 19 ||


ata evābhinayāntarbhūtatve'pi pṛthagupāttam | tadṛgvedādgṛhītam | tasya 
traisvaryapradhānasya stotraśabda(śastra)dvāreṇa yāgopakāritvāt | pāṭhyamapi 
ca traisvaryopetam | aikasvarye kākva(bhāva)bhāvābhyāṃ ca svarasyādau 
(caikasvabhāvācca svarādau) gītarūpāpatteriti hi vakṣyāmaḥ | (nā. śā. 17)

pāṭhyagatasvaraprasaṅgāt tadanantaraṃ sāmabhyo gītaṃ jagrāhetyuktam | 
uparañjakatvena hi paścāttasyābhidhānaṃ nyāyyamiti kecit | gītaṃ prāṇāḥ 
prayogasya iti vakṣyamāṇatvāt | tadāyattatvāṭsacarvaṇāyāḥ 
samucitamasyātraivābhidhānamityasmadupādhyāyāḥ | 
cakāreṇaitattulyakakṣyatāmāha | evakāreṇa gītamātraṃ tato gṛhītaṃ gītiṣu 
sāmākhyā (jaimini. 2-1-36) iti nyāyāt | 
tadādhāradhruvāpadayojanamṛgvedādeveti darśayati | tata eva dhruvādhyāye 
vacanādatraiva saṅgṛhītam (?) |

ghanāvanaddharūpisāmagānakriyāprāṇabhūtakālasādhyātmakatālasāmāny
aṃ svīkṛtamatraiva praviṣṭam (?) | ādhvaryavakarmapradhāne tu 
yajurvede'ṅgakarmaṇāṃ pradakṣiṇagamanādikrama (kam?) eva prathamam | 
paṭhiṣyati yā ṛcaḥ pāṇikā (32-2) ityādi | tatasuṣirātmakaṃ cāpyātodyaṃ 
svaraprādhānyāt |

ātharvaṇavede tu śāntikamāraṇādikarmasu naṭasyeva tasyartvijaḥ 
prāṣṭudavaiṣuṇṇā (?) dyanubhāvānāṃ 
prajāśatruprabhṛtinā'vadhānagrahaṇādinā lohitoṣṇīṣādernepathyasya teṣu 
teṣu ca karmasu viśiṣṭaprayatnapuruṣasampādyamanovaṣṭambhātmanaḥ sattvasya 
sambhavāt |


p. 16)

kuśalā ye vidagdhāśca pragalbhāśca jitaśramāḥ |
teṣvayaṃ nāṭyasaṃjño hi vedaḥ saṃkrāmyatāṃ tvayā || 20 ||

tacchrutvā vacanaṃ śakro brahmaṇā yadudāhṛtam |
prāñjaliḥ praṇato bhūtvā pratyuvāca pitāmaham || 21 ||

grahaṇe dhāraṇe jñāne prayoge cāsya sattama |
aśaktā bhagavan devā ayogyā nāṭyakarmaṇi || 22 ||


tato'bhinayanāmagrahaṇam | vācikastvabhinayaḥ pūrvamevoktaḥ | 
prādhānyavi(nyāt vi)bhāvānāṃ dhṛtipramodādivyabhicāriṇāṃ ca 
paramārthasatāṃ samāharaṇaṃ pradhānamiti 
vibhāvādisāmagrīrūparasātmakacarvaṇāsambhava iti tatastadgrahaṇamuktamiti 
na taṭasthā evaite | ata eva rasyante | tatraiva ca rasyanta iti hi vakṣyāmaḥ |

tadevaṃ nāṭyādirūpakopakramaṃ 
gītātodyaprāṇābhinayavargaparipuṣyadrasacarvaṇātmakaṃ paraprītimayameva 
nāṭyam | tatastadvyutpattiriti nāṭyameva veda iti krameṇa pradarśitam | tenākramya 
yojanātmakaniyogātmakaśāsanaprāṇaśāstravailakṣaṇyena 
svayamupārūḍhajñānābhidhānavidaḥ prāṇavedarūpatā nāṭyasyaiveti 
siddham |

etadupasaṃharati - vedopavedairityādi | vedā vyākhyātāḥ | 
vedārthānāmupakārako'rtho vedyate yena sa upavedātmā | tadyathā ṛgvedasya 
mantrārthavādādivyākhyānopanayanaprajārakṣaṇapradar"aka āyurvedaḥ | yato 
mahātmā tataḥ sarvavedī | sarvavittvācca tathāvidhasṛṣṭiśaktaḥ | 
evamityupasaṃharan praśnatrayaṃ kṛtottaramiti darśayati | 
prayojanasyādhikāriṇāmaṅgānāmaṅgāṅgibhāvasya ca nirṇītatvāt (17-18) |

evaṃ pitāmahasadṛśena sarvadā nāṭyavedaśarīrarūpakanirmāṇe kavinā 
bhāvyamiti pradarśya tatra vibhavayukto vidheyanaṭajanaśca rājā prayojayitā | 
bharatamunisadṛśaśca sampannaparivāraḥ sarvavitprayoktā | 
prayojakamahotsavaprāyaḥ prayogakālaḥ | krīḍāprastāvavyājopadeśakāḥ 
vigatarāgadveṣā madhyasthavṛttayaḥ nirmalahṛdayamukure sati 
tanmayībhavanayogyatopetāḥ rasāsvādananipuṇāḥ | sāmājikā ityetat 
purākalpamukhena darśayatyadhyāpana - (dhyayānta?) granthena - utpādya 
nāṭyavedaṃ tvityādinā | rājaiva prayojayituṃ śakta iti tu śabdaḥ |


p. 17)

ya ime vedaguhyajñā ṛṣayaḥ saṃśitavratāḥ |
ete'sya grahaṇe śaktāḥ prayoge dhāraṇe tathā || 23 ||

śrutvā tu śakravacanaṃ māmāhāmbujasambhavaḥ |
tvaṃ putraśatasaṃyuktaḥ prayoktā'sya bhavānagha || 24 ||

ājñāpito viditvā'haṃ nāṭyavedaṃ pitāmahāt |
putrānadhyāpayāmāsa prayogaṃ cāpi tattvataḥ || 25 ||


itihāso daśarūpakam | kuśalāḥ | grahaṇadhāraṇayogyāḥ | vidagdhāḥ | 
ūhāpohasamarthāḥ | pragalbhāḥ | pariṣadyabhīravaḥ | jitaśramāḥ | yogyāḥ 
samucitadehā akhinnākāyāśca | grahaṇe iti | (pūrvaṃ) gurumukhādavagamaḥ | 
dhāraṇaṃ tasyāvismaraṇam | jñānamūhāpohavicāraḥ | prayogaḥ parṣadi 
prakaṭīkaraṇam | cakāreṇa ca tadupayogiguṇanikā vyāyāmābhyāsādiḥ | 
devāḥ sukhabhūyiṣṭhatvāt | svāmyādeśātkathamapi yadi pravarteran 
tatpūrṇaparyavasānatvaṃ durlabhametairityarthaḥ || (19-22)

tarhi kiṃ kriyatāmityāha - ya ima iti | vedajñā iti grahaṇadhāraṇasāmarthyam | 
guhyajñatvenādhyātmopaniṣadarthavedanadhāraṇakauśalena | 
rasādyupayogisāttvikasampāditasāmarthyam | yadvakṣyati - sattvaṃ 
manaḥprayatnanirvartyam ityādi | tena -

nyasyetprāṇaṃ bhruvormadhye stambho bāṣpaśca cākṣuṣaḥ |
svedo hṛdi gude kampaḥ pulako mūrdhni vaktrataḥ ||

vaivarṇyaṃ svaritaṃ kaṇṭhe pralayo nāsikāntare ||

ityādiyogyatvaṃ teṣām | ata evānuṣaṅgato naṭasyāpi paramapuruṣārthalābho 
dhāraṇādivaśāt | ṛṣaya iti | darśā(rśanā)dṛṣiriti | ūhāpohayogyāḥ | 
saṃśitavratā iti |

p. 18)

śāṇḍilyaṃ caiva vātsyaṃ ca kohalaṃ dattilaṃ tathā |
jaṭilāmbaṣṭakau caiva taṇḍumagniśikhaṃ tathā || 26 ||

saindhavaṃ sapulomānaṃ śāḍvaliṃ vipulaṃ tathā |
kapiñjaliṃ bādiraṃ ca yamadhūmrāyaṇau tathā || 27 ||

jambudhvajaṃ kākajaṅghaṃ svarṇakaṃ tāpasaṃ tathā |
kaidāriṃ śālikarṇaṃ ca dīrghagātraṃ ca śālikam || 28 ||

kautsaṃ tāṇḍāyaniṃ caiva piṅgalaṃ citrakaṃ tathā |
bandhulaṃ bhallakaṃ caiva muṣṭhikaṃ saindhavāyanam || 29 ||


abhyāse śaktāḥ | tatheti | grahaṇādīnāmārthakramaḥ pradarśanīya ityarthaḥ | 
ima iti pratyakṣeṇaiva dṛṣṭameṣāṃ taditi darśayati | (23)

śrutvā tviti | māṃ tviti tu śabdena ṛṣibhyo'pyanyebhyo'sya viśeṣamāha | 
brahmaiva māmāhetyādarātiśayaḥ | 
putraśatayogādya(da)nyapravartitabahutaraparivārayogaḥ | anaghetyadhyeṣaṇayā 
sotsāhapariṣadā kṛtasammānasya samyakprayoganiṣpattiriti sūcitam | ājñāpita 
ityanullaṅghanīyavacanatā'syoktā | pitāmahādityanācāryoṣitatvāśaṅkāṃ 
vyudasyati | prayujyata iti prayogo daśarūpakam | prayujyate nirvartyate'neneti 
prayogaḥ | nāṭyalakṣaṇaśāstram | tadahaṃ putrānpāṭhayāñcakāra | 
prayuktiśca prayogaḥ | tamadhyavasāyaparyantamahaṃ putrānadhyāpayāmāsa | 
tathā'haṃ cakāra yathā prayuktiṃ te putrāḥ samyakprāptavanta ityarthaḥ | 
cāpiśabdābhyāṃ sūcite dve dve āvṛttī | 
munisamucitakartavyāntaravyāsaṅgo'pi liṭā sūcitaḥ | tattvata iti nāṭyācāryasya 
samyagāptatvaṃ gamyate | (24-25)


p. 19)

taitilaṃ bhārgavaṃ caiva śuciṃ bahulameva ca |
abudhaṃ budhasenaṃ ca pāṇḍukarṇaṃ sukeralam || 30 ||

ṛjukaṃ maṇḍakaṃ caiva śambaraṃ vañjulaṃ tathā |
māgadhaṃ saralaṃ caiva kartāraṃ cogrameva ca || 31 ||

tuṣāraṃ pārṣadaṃ caiva gautamaṃ bādarāyaṇam |
viśālaṃ śabalaṃ caiva sunābhaṃ meṣameva ca || 32 ||

kāliyaṃ bhramaraṃ caiva tathā pīṭhamukhaṃ munim |
nakhakuṭṭāśmakuṭṭau ca ṣaṭpadaṃ sottamaṃ tathā || 33 ||

pādukopānahau caiva śrutiṃ cāṣasvaraṃ tathā |
agnikuṇḍājyakuṇḍau ca vitaṇḍyaṃ tāṇḍyameva ca || 34 ||

kartarākṣaṃ hiraṇyākṣaṃ kuśalaṃ dussahaṃ tathā |
lājaṃ bhayānakaṃ caiva bībhatsaṃ savicakṣaṇam || 35 ||


putrānnāmabhirdarśayati - śāṇḍilyamityādinā | atra prasiddhatvaṃ 
naṭānāmādarakāraṇamiti tāvanmukhyaṃ nāmagrahaṇe prayojanam | 
ānuṣaṅgikaṃ tvanyadapi | tadyathā vidūṣaka - tāpasādināmnāṃ 
talākamīnāṃ (tathākarmiṇāṃ?) nirvacanalabdhārthayuktyā 
bhūmikāviśeṣopayoga iti | anyastvāha - śatameveha paṭhitam | 
kañcanā(taccā)bhineyānāṃ sthāpyutpādana - 
rasanavakatadgatavyabhicāritrayastriṃśatsāttvikāṣṭakānurūpāṇāṃ 
pañcāśato'rthānāṃ nyāyyānyāyyabhedena nāyakapratināyakaviṣayatayā 
prādhānyābhiprāyeṇeti | tatra tu kaiśikyapi prayuktā syāt 
ityuttaragranthāvakāśābhāva ityalamasahṛdayābhiniveśavyākhyābhiḥ | (26-39)


p. 20)

puṇḍrākṣaṃ puṇḍranāsaṃ cāpyasitaṃ sitameva ca |
vidyujjihvaṃ mahājihvaṃ śālaṅkāyanameva ca || 36 ||

śyāmāyanaṃ māṭharaṃ ca lohitāṅgaṃ tathaiva ca |
saṃvartakaṃ pañcaśikhaṃ triśikhaṃ śikhameva ca || 37 ||

(śaṅkhavarṇamukhaṃ ṣaṇḍaṃ śaṅkukarṇamathāpi ca |
śakranemiṃ gabhastiṃ cāpyaṃśumāliṃ śaṭhaṃ tathā || 38 ||)


yasminniti | uttamaprakṛtiviceṣṭitādau | yatheti | kaścit 
tadīyahṛdayaharṣapradarśanaprakāreṇa yogyo'nyastadīyaśokaprakaṭīkaraṇeneti | 
(40)

atha 
sakalaprayogaprāṇabhūtakaiśikyupayujyamānopakaraṇāntarasaṃharaṇāyopakra
maṃ darśayati bhāratīmityādi | vṛttimiti | dharmādipuruṣārthacatuṣṭaye sādhye 
vāgaṅgasattvaceṣṭāsāmānyam | tacca saṃkṣiptenāvāntarabhedena caturdhā | 
yadyatkila karmārabhyate tatra vāṅmanaḥ - kāyavyāpārastāvadasti | tatra 
kasyacillālityavaicitryakramasyānupraveśaḥ | yata uttamaprakṛtīnāṃ 
sauṣṭhavamaya eva sarvo vyāpāraḥ | tadeva tadvṛtticatuṣṭayam | bhāratī 
vāgvṛttiḥ | manovyāpārarūpā sāttvikī sāttvitī manovṛttiḥ | saditi 
prakhyārūpaṃ saṃvedanam | tadyatrāsti tatsattvaṃ manaḥ | tasyeyamiti | iyarti 
ityarā bhaṭāḥ sotsāhā analasāḥ | teṣāmiyamārabhaṭī kāyavṛttiḥ | keśāḥ 
kiñcidapyarthakriyājātamakurvanto dehaśobhopayoginaḥ | tadvatsaundaryopayogī 
vyāpāraḥ kaiśikīvṛttiriti tāvanmukhyaḥ kramaḥ | anyasya tu yastadvyapadeśaḥ sa 
tatpradhānatvādanekarasapradhānaṃ pānakarītyā kaiśikītyādi 
madhuravyapadeśavat | etacca prāge vitaniṣyāmaḥ |


p. 21)

vidyutaṃ śātajaṅghaṃ ca raudraṃ vīramathāpi ca |
pitāmahājñayā'smābhirlokasya ca guṇepsayā || 39 ||

prayojitaṃ putraśataṃ yathābhūmivibhāgaśaḥ |
yo yasminkarmaṇi yathā yogyastasmin sa yojitaḥ || 40 ||

bhāratīṃ sāttvatīṃ caiva vṛttimārabhaṭīṃ tathā |
samāśritaḥ prayogastu prayukto vai mayā dvijāḥ || 41 ||

parigṛhya praṇamyātha brahmā vijñāpito mayā |
athāha māṃ suraguruḥ kaiśikīmapi yojaya || 42 ||


evaṃ yatkiñcillālityaṃ tatsarvaṃ kaiśikīvijṛmbhitam | sā ca taiḥ (puruṣaiḥ) 
prayoktumaśakyeti tuśabdenoktam | tena daśarūpaṃ sarvaṃ vaicitryaśūnyaṃ 
tānprati yojitam | ata eva tādṛśe prayoge'vajñāṃ vai śabdena dyotayati | prayukta 
iti | teṣāmabhyāsabhūmau yojita ityarthaḥ | (41)

kṣamamiti | prayogasamarthaṃ sādaravicitraṃ prayuṅkte | ata evāha - dravyam | 
sundaram | yataḥ saundaryaprāṇaiva sā kaiśikī | evamiti | buddhikauśalaṃ 
jñātuṃ madīyaṃ tenāhametatpṛṣṭaḥ | cakāreṇa pratyutpannapratibhānatvaṃ 
darśayati | anena jhaṭiti kavihṛdayagrahaṇayogyatvaṃ nāṭyācāryaguṇa iti 
sūcayati | (42-43)

na cātyantāparidṛṣṭe vastuni upakaraṇamunnetuṃ śakyam | brahmaṇā 
tūpadeśasamaye vacanamātreṇoktametanmadhye hṛdayahāri vaicitryaṃ 
yojanīyamiti | anenābhiprāyeṇa kaiśikīsākṣātkaraṇaṃ varṇayati 
nṛtāṅgahāretyādinā yugalakena | nartanaṃ nṛttam | 
gātrāṇāmaṅgopāṅgānāṃ vilāsena kṣepaḥ | na tu kenacitkartavyāṃśena | 
loko'pyevaṃvidhe viṣaye evamevāha - nṛtyatīva gacchati ityādi | tatra 
ye'ṅgahārā aṅgānāṃ haraṇānīti atruṭitarūpatayā samucitasthānaprāptiḥ 
taiḥ sampannā | śaṅkarasyaiva bhagavataḥ 
paripūrṇānandanirbharībhūtadehoccaladāntaranirvārasundarākārasya ata eva 
nṛtyataḥ itikartavyāntaravaikalyādānandanṛttamātrasthitasya | prayojyatvena mayā 
dṛṣṭā |


p. 22)

yacca tasyāḥ kṣamaṃ dravyaṃ tadbrūhi dvijasattama |
evaṃ tenāsmyabhihitaḥ pratyuktaśca mayā prabhuḥ || 43 ||

dīyatāṃ bhagavandravyaṃ kaiśikyāḥ samprayojakam |
nṛtāṅgahārasampannā rasabhāvakriyātmikā || 44 ||

dṛṣṭā mayā bhagavato nīlakaṇṭhasya nṛtyataḥ |
kaiśikī ślakṣṇanaipathyā śṛṅgārarasasambhavā || 45 ||

aśakyā puruṣaiḥ sā tu prayoktuṃ strījanādṛte |
tato'sṛjanmahātejā manasā'psaraso vibhuḥ || 46 ||


nanu sā nāṭyopayoginī katham | āha | saiva yadi ślakṣṇena śliṣyatocitena 
nepathyena sahitā bhavati | yadvakṣyati - śṛṅgāra ujjvalaveṣātmaka (nā. śā. 6-
50) iti tannāṭyoktaśṛṅgārarasaḥ sambhavati | nānyathā | nepathyagrahaṇaṃ 
sukumārasyāṅgikāderapyupalakṣaṇam | tena śṛṅgārābhivyaktihetau sukumāre 
caturvidhe'pyabhinaye yojite 
madhuramantharavalanāvartanābhrūkṣepakaṭākṣādinā vinā 
śṛṅgārarasāsvādasya nāmāpi na bhavati |

kamatraiva sopayogetyāha - rasabhāvakriyātmiketi | rasānāṃ bhāvo bhāvanā 
kavinaṭasāmājikahṛdayavyāptiḥ | tasyā yā kriyā itikartavyatā saivātmā 
svabhāvo yasyāḥ | etaduktaṃ bhavati - raudrādirasābhivyaktāvapi kartavyāyāṃ 
yo'bhinaya upādīyate 
so'pyanuprāsavalanāvartanādyātmakasundaravaicitryasyāmiśraṇayā 
duḥśliṣṭo'śliṣṭa eva vā na rasābhivyaktiheturbhavatīti sarvatraiva kaiśikī 
prāṇāḥ | yadvakṣyati - asya śākhā ca nṛttaṃ ca vastūnyabhinayasya (nā. śā. 
8-15) iti | śṛṅgārarasasya tu nāmagrahaṇamapi na tayā vinā śakyam | 
strījanādṛta iti | ayaṃ bhāvaḥ - 
yāvannijahṛdayarasavilasadvikasvaranirvāracamatkārapavitratā na jātā bhagavata 
iva tāvacchikṣāśatairapi vaicitryamanāhāryam | munīnāṃ ca 
nisargaviṣayavimukhacittavṛttīnāṃ ko nirvṛticamatkāraḥ | yo'pi vā 
sasamādhijaḥ so'pi dehaparyantatā na bhajati | pratyuta tataḥ palāyamānāḥ (naḥ) 
| ataḥ strīṇāṃ tādṛgasti vaicitryam | tatsamparkasambhavadārdrabhāvāstu 
kadācicchaknuyurapi |


p. 23)

nāṭyālaṅkāracaturāḥ prādānmahyaṃ prayogataḥ |
mañjukeśīṃ sukeśīṃ ca miśrakeśīṃ sulocanām || 47 ||

saudāminīṃ devadattāṃ devasenāṃ manoramām |
sudatīṃ sundarīṃ caiva vidagdhāṃ vipulāṃ tathā || 48 ||


ye tvāhuḥ - na bhagavataḥ kaiśikīprayogasāmarthyam | tena dṛṣṭomayeti pāṭhaḥ 
umayā saha bhagavato nṛtyato bhagavantamapyanādṛtya bhagavatyā 
prayujyamānā mayā dṛṣṭā iti-ta uktanītyā parākṛtāḥ | tathā -

vicitrairaṅgahāraistu devo līlāsamanvitaiḥ |
babandha yaḥ śikhāpāśaṃ kaiśikī tatra nirmitā || (nā. śā. 20-13)

iti bhagavato viṣṇoḥ kaiśikīnirmāṇamanucitaṃ syādityalaṃ bahunā | 
janaśabdena rāgitāśaṅkāṃ pariharati | tato'sṛjaditi | manaseti | yathāruci 
vinirmitā ityarthaḥ | (44-46) |

nāṭyasya yo'laṅkāro vaicitryahetuḥ kaiśikī (līlāvilāsādirvā |) tatra caturāḥ | 
anye tu nāṭyālaṅkārāḥ sāmānyābhinaye (a-22) vakṣyamāṇāḥ svabhāvajā 
līlā vilāsa ityādyā daśa śobhā kāntiḥ ityādyāśca sapta(ptā)yatnajā iti | 
anena munikanyānāmatrāyogyatvaṃ tāvaduktam | tāsāṃ nāmagrahaṇe 
pūrvavatprayojanaṃ nirūpyam | me dadāviti | 
nāṭyācāryaparavaśatvamupakaraṇasambhārasya darśitam | tāśca mayā 
yathocitaṃ śikṣādānena pratigṛhītā iti sūcayan kaiśikīmapyahaṃ yojitavāniti 
darśayati | evaṃ vṛtticatuṣṭayasampūrṇaṃ nāṭyaṃ guṇanikāyāmabhyastamiti 
pradarśya gītātodyābhyāmuparañjakābhyāṃ yogaṃ darśayati - svātirityādi | 
svātiḥ ṛṣiviśeṣaḥ | yena 
jaladharasamayanipatatsaliladhārāvaicitryābhihanyamānapuṣkaradalavilasitaracitavi
citravarṇānuharaṇayojanayā yathāsvaṃ vṛttiniyamena puṣkaravādyanirmāṇaṃ 
kṛtamityarthaḥ | saha śiṣyairiti | tripuṣkarasya 
vādyasyāpūrakapaṇavamṛdaṅgajhallaryādyupayogena pakṣātodyaparigrahaḥ 
uktaḥ | bhāṇḍasyātra pūrvamupādānaṃ vṛtti(tte)ryena tasyaiva parikramaṇādau 
sati sopayogāt | kaiśikī cātra 


p. 24)

sumālāṃ santatiṃ caiva sunandāṃ sumukhīṃ tathā |
māgadhīmarjunīṃ caiva saralāṃ keralāṃ dhṛtim || 49 ||

nandāṃ sapuṣkalāṃ caiva kalamāṃ caiva me dadau |
svātirbhāṇḍaniyuktastu saha śiṣyaiḥ svayambhuvā || 50 ||

nāradādyāśca gandharvā gānayoge niyojitāḥ |
evaṃ nāṭyamidaṃ samyagbuddhvā sarvaiḥ sutaiḥ saha || 51 ||

svātināradasaṃyukto vedavedāṅgakāraṇam |
upasthito'haṃ brahmāṇaṃ prayogārthaṃ kṛtāñjaliḥ || 52 ||

nāṭyasya grahaṇaṃ prāptaṃ brūhi kiṃ karavāṇyaham |
etattu vacanaṃ śrutvā pratyuvāca pitāmahaḥ || 53 ||


madhye niyojitetyuktam | na (tena) tatpradhānametat | gānayoga iti | gānaśabdena 
tatasuṣiraparigrahaḥ | gānaśabdena gāndharvasyātrānupayogamāha | niyukto 
ityanena vādakagāyakādīnāṃ nāṭyācāryāyattatāṃ darśayati | 
nṛttagītātodyābhinayānāṃ sāmyasiddhyarthamekībhāvena melanaṃ kṛtvā 
prayogaḥ kārya iti darśayati ślokadvayena - evaṃ nāṭyamityādinā | evaṃ 
melanikāyāṃ nāṭyamidam ityekabuddhigrāhyaṃ sammilitaṃ 
samyaksampannamiti buddhvā jñātvā | putraiḥ svātināradābhyāṃ ca saha 
brahmāṇamupasthitaḥ upanimantraṇārthaṃ brahmaṇo'gre sthita ityarthaḥ | (47-52)

upanimantraṇaṃ darśayati - nāṭyasyeti | grahaṇamiti | gṛhītaṃ śikṣitaṃ 
tāvannāṭyamityarthaḥ | grahaṇaṃ tadavalokanaṃ tatprāptaṃ prekṣaṇayogyaṃ 
jātamityarthaḥ | etattviti | tuśabda evakārārthe | śrutvaiva | ata eva pratyupasthitaḥ 
ayatnādevābhimukhyenopasthito daivasaṅghaṭita ityarthaḥ | dhvajasyendrārthasya 
mahanaṃ pūjanaṃ yatra sa dhvajamahaḥ | dhvajamahasya viśeṣaṇadvāreṇa 
sambhavaṃ darśayati nihatāsuradānava ityādinā |

tatra prayoge kramaṃ darśayati - pūrvaṃ kṛtā mayā nāndīti | nāndyākhyaṃ 
mukhyaṃ maṅgalaṃ 


p. 25)

mahānayaṃ prayogasya samayaḥ pratyupasthitaḥ |
ayaṃ dhvajamahaḥ śrīmān mahendrasya pravartate || 54 ||

atredānīmayaṃ vedo nāṭyasaṃjñaḥ prayujyatām |
tatastasmindhvajamahe nihatāsuradānave || 55 ||

prahṛṣṭāmarasaṃkīrṇe mahendravijayotsave |
pūrvaṃ kṛtā mayā nāndī hyāśīrvacanasaṃyutā || 56 ||


sakalapūrvaraṅgāṅgopalakṣaṇamiti kecit | pūrvaraṅgāṅgānāṃ 
madhyānnāndī kevalāpi prayojyetyevaṃparametadityanye | asmadupādhyāyāstu 
- yāvaddaityaistatra vighnādyācaraṇa na kṛtaṃ tāvatpūrvaraṅgasya 
vidhipūrvakasya ko'vakāśaḥ | sa hi vighnarakṣākaraṇena 
maṇḍapabhāganiveśitadevatāparitoṣahetuḥ prādhānyena | nāntarīyakatayā ca 
daityaparitoṣakāraṇam | vighnāstu yadā jātāstataḥ prabhṛti pūrvaraṅgaḥ | tathā 
caturthe'dhyāye vakṣyate - (nā. śā. 4-10) pūrvaraṅge kṛte mayā bhagavate 
śivabhaṭṭārakāya darśita iti - yathā tathā tu yaḥ kutapavinyāsā - di na(diḥ sa 
na) pūrvaraṅgaśabdavācyaḥ | tasmādiha nāndīmātrasya prayogaḥ | 
kimarthā'sāvityāha - vedanirmitā | tatrāśivamāśāste iti hi śrutiḥ 
sarvakarmasvāśīḥpūrvakatvamāha | yattato nāndīprayogaḥ | na tu 
pūrvaraṅgāṅgatvena | (53-56)

aṣṭau yānyaṅgabhūtāni padāni vākyaṃ mahāvākyaṃ vā | tāni 
suptiṅantānyavāntaravākyāni vetyubhayathā | ata eva vicitretyuktam | tena -

jitamuḍupatinā namaḥ surebhyo dvijavṛṣabhā nirupadravā bhavantu |
avatu ca pṛthivīṃ samuddhasasyāṃ pratipaccandravapurnarendracandraḥ || (ratnā. 
1-4)

ityeṣā'pi bhāratīyatvena prasiddhā kohalena pradarśitā nāndyupapannā bhavati | 
atra tu pakṣe -

nāndīpadāntareṣveṣu hyevamastviti nityaśaḥ |
vadetāṃ samyaguktābhirvāgbhistau pāripārśvikau || (nā. śā. 5-114)

iti śloke'ntaraśabdo'vāntaravākyavicchedī draṣṭavyaḥ |


p. 26)

aṣṭāṅgapadasaṃyuktā vicitrā vedanirmitā |
tadante'nukṛtirbaddhā yathā daityāḥ surairjitāḥ || 57 ||

sampheṭavidravakṛtā cchedyabhedyāhavātmikā |
tato brahmādayo devāḥ prayogaparitoṣitāḥ || 58 ||

pradadurmatsutebhyastu sarvopakaraṇāni vai |
prītastu prathamaṃ śakro dattavānsvaṃ dhvajaṃ śubham || 59 ||


vivecakāstvāhuḥ - aṅgagrahaṇādatrāvāntaravākyānyeva tāvatopāttāni | tatra 
cāṣṭadvādaśasaṅkhyā caturasratryaśratālānusārī 
pūrvaraṅgadvayābhiprāyeṇa | tatra 

nāndīṃ padairdvādaśabhiraṣṭabhirvāpyalaṅkṛtām || (nā. śā. 5-109)

ityatrāpiśabdāccatuṣpadatvaṃ ṣoḍaśapadatvaṃ caturaśragataṃ labhyate | 
tryaśagataṃ ca tripadatvaṃ ṣaṭpadatvaṃ cetyevamalpamapi tadbhedena tisrastisro 
nāndyaḥ | tataḥ paramapi bhūyastvāt | tena jitamuḍupatineti catuṣpadeyam | 
ṣoḍaśapadā tu jayati bhuvanakāraṇam ityādi | tadanta iti | nāndyante 
parisamāptau | anukṛtiriti nāṭyam | tatra ca baddheti guṇanikā  yojitā | na tu prayoga 
ityetaccāsat | tatpūrvottaravyāghātāt | pūrvaṃ hyuktam - evaṃ 
nāṭyamidamityādi nāndī kṛtetyantam | vakṣyate ca brahmādayaḥ 
prayogaparitoṣitā iti | tasmādvaddheti prastāvitā | na tu niṣpāditā | prastāvanā 
tāvatprayuktetyarthaḥ |

anye tvanukṛtiriti nāṭyānukārarūpā prastāvanetyāhuḥ | kṛtā tadante'nukṛtiḥ 
iti ca paṭhanti | etadupajīvanenaiva cirantanāḥ kavayo nāndyante (tataḥ praviśati) 
sūtradhāraḥ iti pustake likhanti sma | kiṃ prastāvitamityāha - yathā daityā iti | 
ḍimasamavakārehāmṛgādīnāmanyatamaḥ prayogaḥ prāstāvītyarthaḥ | 
yadyapibharataputrairdaśarūpakamabhyastaṃ tathāpi na yugapatsarvaḥ prayoktuṃ 
pāryata ityevamuktam | tena yatkecidacūcudan - samavakāre kaḥ 
kaiśikīyojanāvasara iti pūrvagrantho'saṅgata iti tanniravakāśameva | 
samavakārādāvapi ca saundaryātmakaṃ vaicitryaṃ kaiśikīvijṛmbha evetyuktam | 
(57)

p. 27)

brahmā kuṭilakaṃ caiva bhṛṅgāraṃ varuṇaḥ śubham |
sūryaśchatraṃ śivassiddhiṃ vāyurvyajanameva ca || 60 ||

viṣṇuḥ siṃhāsanaṃ caiva kubero makuṭaṃ tathā |
śrāvyatvaṃ prekṣaṇīyasya dadau devī sarasvatī || 61 ||

śeṣā ye devagandharvā yakṣarākṣasapannagāḥ |
tasminsadapsyabhipretānnānājātiguṇāśrayān || 62 ||

aṃśāṃśairbhāṣitaṃ bhāvān rasān rūpaṃ balaṃ tathā |
dattavantaḥ prahṛṣṭāste matsutebhyo divaukasaḥ || 63 ||


roṣagrathitavākyaṃ tu sampheṭaḥ | śaṅkābhayatrāsakṛto vidravaḥ | 
chedamarhatīti cchedyaṃ śastrāhavaḥ | bhedamarhatīti bhedyaṃ 
mallayuddhātmakaṃ niyuddham | tata iti | prabhuparitoṣāya prabhucaritaṃ 
kadācinnāṭye varṇanīyamiti yathā daityāḥ surairjitā ityetasmāllabhyata iti 
kecidāhuḥ | tadasat | daśarūpakalakṣaṇayuktivirodhāt | tatra hi 
kiñcitprasiddhacaritaṃ kiñcidutpādyacaritamiti vakṣyate | na ca 
vartamānacaritānukāro yuktaḥ | vineyānāṃ tatra rāgadveṣamadhyasthatādinā 
tanmayībhāvābhāve prīterbhāvena vyutpatterapyabhāvāt | vartamānacarite ya ca 
dharmādikarmaphalasambandhasya pratyakṣatve prayogavaiyarthyam | apratyakṣatve 
bhaviṣyati pramāṇābhāvāt iti nyāyena vyutpatterasambhavānnānukāraḥ | 
etacca daśarūpakādhyāye vitaniṣyāma ityāstāṃ tāvat |

devānāṃ tvadya 
prasiddhavarṇanīyāsambhavātpūrvakalpamanvantarādigatadevāsuracaritakīrtana
m | anāditvātsaṃsārasya śrutismṛtyanumatadevāsurakīrtanavaditi | tatra vartano 
(vartamāno) - pavarṇanaṃ tajjātīyānām | atha 
cāritrabhramavipralabdhāstvasurāścukṣubhire iti vakṣyāmaḥ | na ca 
svacaritavyāvarṇanāddevāanāṃ paritoṣa iha | yata āha - prayogaparitoṣitā iti | 
dhvajamiti | yasya vighnaśāntyai pūjārthamupayogo bhāvī | (58-59)

kuṭilakamiti | vakradaṇḍako vidūṣakopayogī | brahmāyudhātmā daṇḍaḥ | 
apakāmatvena 


p. 28)

evaṃ prayoge prārabdhe daityadānavanāśane |
abhavankṣubhitāḥ sarve daityā ye tatra saṅgatāḥ || 64 ||

virūpākṣapurogāṃśca vighnānprotsāhya te'bruvan |
na kṣamiṣyāmahe nāṭyametadāgamyatāmiti || 65 ||

tatastairasuraiḥ sārdhaṃ vighnā māyāmupāśritāḥ |
vācaśceṣṭāṃ smṛtiṃ caiva stambhayanti sma nṛtyatām || 66 ||

tathā vidhvaṃsanaṃ dṛṣṭvā sūtradhārasya devarāṭ |
kasmātprayogavaiṣamyamityuktvā dhyānamāviśat || 67 ||


bhīṣaṇatvākṛtyāpītyarthaḥ | bhṛṅgāraḥ pāripārśvikopayogī | chatramatra 
vitānaḥ jaladānāṃ sūryodbhavatvāt tatpratimaḥ | yadāhuḥ - ṛtave varṣānte 
mahato meghasampravāniti | (meghasaṃplavāditi (?) ) | bhagavadāyattā davī 
mānuṣī ca siddhiriti madhye tadupādānaṃ sarvavyāpakatvaṃ daivyāḥ siddheḥ 
pratipādayitum | vyajanaṃ gharmāpanuttaye | siṃhāsanādi 
rājabhūmikāyāmupayogi | yakṣādayo ye tattvajñā nāṭyasya | bhāṣitamiti | 
tattadbhūmikopayogivācike śikṣā | bhāvāniti | vibhāvādiṣu | tathā hi 
raktamāṃsādīni bhayajugupsāvibhāvarūpāṇi yakṣarakṣasāṃ 
harṣotsāhavibhāvatāṃ yāntīti tadupadeśādeva tajjñeyam | rasāniti | 
svocitasthāyibhāvasambadhyamānatattadrasopayogino'nubhāvavyabhicārivargasya 
śikṣā darśitā | rūpamiti mukharāgasya | balamityāṅkikasya | pratibhūmikaṃ 
parituṣṭena | antato'tra śiṣṭā(kṣā)pi kāciddeyā | sāmājikebhyaśca 
dhanavijñānamityāharaṇīyātodyā (dyādyā) jihīrṣatā ca pariṣatparitoṣāya 
yatitavyamityetadanena darśitam | (60-63)

atha vighnopaśamanāya jarjarapūjā kāryeti darśayitumitihāsenopakramate - 
evaṃ prayoga iti | daityādīnāṃ vināśanaṃ yatra prayojyatayā | āgamyatāmiti | 
avadhāryatāṃ yadi vā sambhūyāsyatām | māyāmiti adṛśyatvamityarthaḥ | 
ceṣṭetyāṅgikī | yadyapi smṛtistambhanena sarvaṃ stambhitaṃ bhavati tathāpi 
tattadabhineyaprādhānyena tadeva stambhitamityuktam | sūtradhārasyeti 
saparivārasyeti | prastāvanāprayogamadhya evāyaṃ vighna iti yāvat | dhyānamiti | 
yatra māyā na prabhavati || (64-67)


p. 29)

athāpaśyatsado vighnaiḥ samantātparivāritam |
sahetaraiḥ sūtradhāraṃ naṣṭasaṃjñaṃ jaḍīkṛtam || 68 ||

utthāya tvaritaṃ śakraḥ gṛhītvā dhvajamuttamam |
sarvaratnojjvalatanuḥ kiñcidudvṛttalocanaḥ || 69 ||

raṅgapīṭhagatānvighnānasurāṃścaiva devarāṭ |
jarjarīkṛtadehāṃstānakarojjarjareṇa saḥ || 70 ||

nihateṣu ca sarveṣu vighneṣu saha dānavaiḥ |
samprahṛṣya tato vākyamāhuḥ sarve divaukasaḥ || 71 ||

aho praharaṇaṃ divyamidamāsāditaṃ tvayā |
jarjarīkṛtasarvāṅgā yenaite dānavāḥ kṛtāḥ || 72 ||

yasmādanena te vighnā sāsurā jarjarīkṛtāḥ |
tasmājjarjara eveti nāmato'yaṃ bhaviṣyati || 73 ||

śeṣā ye caiva hiṃsārthamupayāsyānti hiṃsakāḥ |
dṛṣṭvaiva jarjaraṃ te'pi gamiṣyantyevameva tu || 74 ||

evamevāstviti tataḥ śakraḥ provāca tānsurān |
akṣābhūtaśca sarveṣāṃ bhaviṣyatyeṣa jarjaraḥ || 75 ||


sada iti yatra prayogaḥ kriyate sīdatyasminniti | jīryatyatiśayeneti pacādyaci 
(yaṅluki)rūpam | atiśayena jīrṇīkṛto deho yeṣānte tathā | jarjareṇeti 
yaṅlugantāṇṇici punaḥ pacādyaci rūpam | evaṃ rājñā siddhivighātakā 
daṇḍyā iti darśitam |


p. 30)

prayoge prastute hyevaṃ sphīte śakramahe punaḥ |
trāsaṃ sañjanayanti smaṃ vighnāḥ śeṣāstu nṛtyatām || 76 ||

dṛṣṭvā teṣāṃ vyavasitaṃ daityānāṃ viprakārajam |
upasthito'haṃ brahmāṇaṃ sutaiḥ sarvaiḥ samanvitaḥ || 77 ||

niścitā bhagavanvighnā nāṭyasyāsya vināśane |
asya rakṣāvidhiṃ samyagājñāpaya sureśvara || 78 ||

tataśca viśvakarmāṇaṃ brahmovāca prayatnataḥ |
kuru lakṣaṇasampannaṃ nāṭyaveśma mahāmate || 79 ||

tato'cireṇa kālena viśvakarmā mahacchubham |
sarvalakṣaṇasampannaṃ kṛtvā nāṭyagṛhaṃ tu saḥ || 80 ||

proktavāndruhiṇaṃ gatvā sabhāyāntu kṛtāñjaliḥ |
sajjaṃ nāṭyagṛhaṃ deva tadavekṣitumarhasi || 81 ||

tataḥ saha mahendreṇa suraiḥ sarvaiśca setaraiḥ |
āgatastvaritā draṣṭuṃ druhiṇo nāṭyamaṇḍapam || 82 ||


yadi vā mūlata eva tatparirakṣāyai maṇḍapaḥ kāryaḥ | ye ca daṇḍasyāviṣayā 
vātātapavarṣādayaśca tatkṛto hi siddhivighāto maṇḍape sati na bhavati | 
etenaivābhiprāyeṇa purākalpamāha - prayoga ityādi | śeṣā iti | 
jarjarīkṛtaśarīraśeṣā apītyarthaḥ | yadvakṣyati - niścitā bhagavanvighnā iti | 
tathā'smin jarjarīkaraṇakāle ete cāsannihitā abhūvan | trāsamiti | sarvathā tu na 
śaktā nāśayitumiti | jarjaraprabhāvaḥ gamiṣyatyevameva iti hyuktam | tato 
viśvakarmeti | vāstuvidyā tattvavido nāṭyamaṇḍape sthapatitvaṃ sūcayati | 
druhiṇa iti brahmā | itare vidyādharagandharvādyāḥ |


p. 31)

dṛṣṭvā nāṭyagṛhaṃ brahmā prāha sarvānsurāṃstataḥ |
aṃśabhāgairbhavadbhistu rakṣyo'yaṃ nāṭyamaṇḍapaḥ || 83 ||

rakṣaṇe maṇḍapasyātha viniyuktastu candramāḥ |
lokapālāstathā dikṣu vidikṣvapi ca mārutāḥ || 84 ||

nepathyabhūmau mitrastu nikṣipto varuṇo'mbare |
vedikārakṣaṇe vahnirbhāṇḍe sarvadivaukasaḥ || 85 ||

varṇāścatvāra evātha stambheṣu viniyojitāḥ |
ādityāścaiva rudrāśca sthitāḥ stambhantareṣvatha || 86 ||

dhāraṇīṣvatha bhūtāni śālāsvapsarasastathā |
sarvaveśmasu yakṣiṇyo mahīpṛṣṭhe mahodadhiḥ || 87 ||


aṃśabhāgairiti | aṃśairyāni bhājanānyadhiṣṭhānāni taiḥ | 
maṇḍapasyāṃśeṣu vaḥ bhavatāṃ ye tṛtīyacaturthādayo bhāgāstaiḥ | (68-83)

aṃśavibhāgamevāha - rakṣaṇa iti | anena caitattulyā eva maṇḍapabhāgarakṣā 
kācinniyojyā iti darśyate | maṇḍapasya sarvasyādhiṣṭhātā hi saumyaprakṛtiḥ 
somaḥ pradhāno yojya iti darśayati - candramā iti | api ceti | vidikṣviti | na kevalaṃ 
paścimottararūpe svakoṇe yāvadanyāsvapi vidikṣu | cakārāddikṣvapi | te hi 
gharmadoṣavārakatvādatyantopakāriṇaḥ | anena gavākṣakaraṇaṃ sūcyata ityeke 
| āditye mitraśabdaḥ pulliṅga iti | tena yadvārtikakārī(rīya)tadupalakṣito nartakī 
hi(bhiḥ) lajjāparihārahetoḥ napuṃsako nepathyagṛhe iti 
tadaparāmṛṣṭābhidhānam | mitra iti tejasvitā āhāryopayogī ratnāderuktā | 
vedikā | raṅgavedikā | tatra tīkṣṇo'dhiṣṭhātetyarthaḥ | bhāṇḍa iti | tripuṣkare 
sopakaraṇe | divaukaso meghā mandragambhīraśabdasiddhaye | ityevaṃ sarvatra 
dṛṣṭamapi sadṛśopalakṣaṇāntaṃ prayojanamutprekṣyam | sarvathā tadalābhe 
niyamāddṛṣṭameva | varṇā iti | tadadhiṣṭhātāro devatāviśeṣāḥ | 
stambhāntareṣviti | varṇastambhacatuṣkādirityeṣu | na anyeṣu stambheṣvityarthaḥ | 
(84-86)


p. 32)

dvāraśālāniyuktau tu kṛtāntaḥ kāla eva ca |
sthāpitau dvārapatreṣu nāgamukhyau mahābalau || 88 ||

dehalyāṃ yamadaṇḍastu śūlaṃ tasyopari sthitam |
dvārapālau sthitau cobhau niyatirmṛtyureva ca || 89 ||

pārśve ca raṅgapīṭhasya mahendraḥ sthitavānsvayam |
sthāpitā mattavāraṇyāṃ vidyuddaityaniṣūdanī || 90 ||

stambheṣu mattavāraṇyāḥ sthāpitāḥ paripālane |
bhūtayakṣapiśācāśca guhyakāśca mahābalāḥ || 91 ||

jarjare tu vinikṣiptaṃ vajraṃ daityanibarhaṇam |
tatparvasu vinikṣiptāḥ surendrā hyamitaujasaḥ || 92 ||


śālāsviti | stambhadvayamaṣṭaveśmani 
gavākṣanepathyagṛhadvitīyabhūmisanniveśāditi | nāgamukhyāviti | 
anantagulikau | dvārapatraṃ kavāṭātmakam | dvārabahutvācca bahuvacanam | 
dehalyāmiti | dvārādhastanakāṣṭhe | tasyeti | śūlamiti | etena 
prakrāntadvārameva parāmṛṣṭam | tenordhvakāṣṭhe utsaṅgaśabdavācye 
triśūlamityarthaḥ | pārśve svayamiti | rājādestatsthānamityuktam | 
cakārātsvadiśi aṃśenāvasthānamanusmṛtam | vidyuditi | vajrāyudharūpā | 
stambheṣvapi caturṣu yathākramaṃ tadbhūtādayaḥ | te ca nāṭyatattvavidaḥ | ata 
eva vighnaiḥ saha ye(te)nayena militā iti draṣṭavyam | etena siddhivighātakā 
bhedākhyenāpyu- pāyena durbalīkartavyā iti sūcitam | pratis.ṭhita iti | sadaiva 
sannihito vāstumadhya ityarthaḥ | kaveśca sannidhānaṃ sūcitam |

adhastāditi | yena suraṅgākhananādi vighnakaraṇaṃ nivāryata ityarthaḥ | 
pradhānapātrāṇi pṛthagrakṣaṇīyānītyāha - nāyakamiti | 
hāsyaśṛṅgārāṅgatvādvidūṣakamityuktam | ata eva 
daśarūpakaprayogasūcanametat | samavakāre vidūṣakābhāvāt | hara iti | 
bahumūrtiprathamatvāt | devatā eva daivatam | (87-98)


p. 33)

śiraḥparvasthito brahmā dvitīye śaṅkarastathā |
tṛtīye ca sthito viṣṇuścaturthe skanda eva ca || 93 ||

pañcame ca mahānāgāḥ śeṣavāsukitakṣakāḥ |
evaṃ vighnavināśāya sthāpitā jarjare surāḥ || 94 ||

raṅgapīṭhasya madhye tu svayaṃ brahmā pratiṣṭhitaḥ |
iṣṭyarthaṃ raṅgamadhye tu kriyate puṣpamokṣaṇam || 95 ||

pātālavāsino ye ca yakṣaguhyakapannagāḥ |
adhastādraṅgapīṭhasya rakṣaṇe te niyojitāḥ || 96 ||

nāyakaṃ rakṣatīndrastu nāyikāṃ ca sarasvatī |
vidūṣakamathauṅkāraḥ śeṣāstu prakṛtīrharaḥ || 97 ||

yānyetāni niyuktāni daivatānīha rakṣaṇe |
etānyevādhidaivāni bhaviṣyantītyuvāca saḥ || 98 ||

etasminnantare devaiḥ sarvairuktaḥ pitāmahaḥ |
sāmnā tāvadime vighnāḥ sthāpyantāṃ vacasā tvayā || 99 ||

pūrvaṃ sāma prayoktavyaṃ dvitīyaṃ dānameva ca |
tayorupari bhedastu tato daṇḍaḥ prayujyate || 100 ||

devānāṃ vacanaṃ śrutvā brahmā vighnānuvāca ha |
kasmādbhavanto nāṭyasya vināśāya samutthitāḥ || 101 ||

brahmaṇo vacanaṃ śrutvā virūpākṣo'bravīdvacaḥ |
daityairvighnagaṇaiḥ sārdhaṃ sāmapūrvamidaṃ tataḥ || 102 ||

yo'yaṃ bhagavatā sṛṣṭo nāṭyavedaḥ surecchayā |
pratyādeśo'yamasmākaṃ surārthaṃ bhavatā kṛtaḥ || 103 ||


p. 34)

atha nāṭyatattvaghāte (ttvavighāte) sa tannirūpaṇārthamupakramate - etasminniti | 
aśaktasya sāmāṅgīkaroti durjana iti pūrvaṃ rakṣākaraṇam | ityuktadvaya 
(sarvairukta) iti | kaviranuvidheyavacano bhavatīti darśayati | sāmādiprayoge 
tāvacchabdasūcitaṃ kramaṃ sphuṭayati - pūrvaṃ sāmetyādi | tata iti | 
sarvopāyapratihatāviti yāvat | tatra jñātābhiprāyaḥ pratisamādhātuṃ suśaka 
ityabhiprāyeṇāha - devānāmiti | surārthamityasyaiva dārḍhyāyoktaṃ 
surecchayeti | pratyādeśa iti khalīkāra ityarthaḥ | bhavateti | 
yasyānucitametadityarthaḥ | anaucityameva lokapitāmahetyāmantraṇenāha | tadeva 
pitāmahatvaṃ darśayati - yatheti | ā(tmano bha)vā devā daityāścetyāha - sarva 
iti | (99-104)

vacanamiti | supariharametat | nātra bhūyānprayāsa ityekavacanena darśayati | ata 
eva siddhavadupakramate - alaṃ va iti | mithyājñānagṛhītasarpatrāsavadyo 
bhrāntimātrakṛta ityarthaḥ | daityānāmaśubhakāritā lokaprasiddhā | 
kuru(kṛta)raṅgavibhāgañcaiṣāṃ ceṣṭitamastu | devānāṃ tadviparyaya iti 
nāṭyasya na tātparyaṃ yena bhavatāṃ manyuḥ | kiṃ tarhītyāha | śubhakāriṇaḥ 
śubhaṃ phalamaśubhakāriṇo'śubhaṃ phalamityetāvadevāsmākaṃ 
pratisākṣātkārakalpe nāṭye pradarśanīyam | na tatra deveṣu daityeṣu vā 
kaścidbharaḥ | ata eva bhavatāmapi dharmādau yaḥ sadupāyaḥ so'pi 
śubhavipākatvenaiva darśitaḥ | ata eva 
śubhagrahaṇamekatarapakṣaśaithilyadarśanāya daityasambandhanārthaṃ 
prathamamupāttam | śubhamaśubhaṃ ca dharmādharmarūpaṃ 
sukhaduḥkhaphalatvena vibhedena kalpayatyadhyavasāyayati nāṭyavedaḥ | kīdṛk - 
karmabhāvānvayāpekṣīti | tadyathā - karma dharmādharmādirūpaṃ dharmo 
dānaṃ snānamityādiḥ | adharmo hiṃsā steyamityādiḥ | bhāva āśayaḥ strī 
(sva) prasaṅgoditā svārthatāparārthatādyabhisandhirityādiḥ | anvayo'bhijanaḥ 
āryāvartādirbrāhmaṇyādi ceti (ṇyañceti) | tānapekṣate sahakāritayā |

etaduktaṃ bhavati - asmindeśe'sminkāle īdṛśena karmaṇā yaḥ 
śubhamaśubhaṃ cārjayati sa evaṃvidhaphalabhāgī bhavatīti na 
tāvadihopadiśyate | vikalpaka iti dvau ṇicau | (105-106)

p. 35)

tannaitadevaṃ kartavyaṃ tvayā lokapitāmaha |
yathā devāstathā daityāstvattaḥ sarve vinirgatāḥ || 104 ||

vighnānāṃ vacanaṃ śrutvā brahmā vacanamabravīt |
alaṃ vo manyunā daityā viṣādaṃ tyajatānaghāḥ || 105 ||

bhavatāṃ devatānāṃ ca śubhāśubhavikalpakaḥ |
karmabhāvānvayāpekṣī nāṭyavedo mayā kṛtaḥ || 106 ||

naikāntato'tra bhavatāṃ devānāṃ cānubhāvanam |
trailokyasyāsya sarvasya nāṭyaṃ bhāvānukīrtanam || 107 ||


nanu caivamapyasmatpṛṣṭhe kimetadyojitamityāha - naikāntata iti | ayaṃ bhāvaḥ - 
na yuṣmatpṛṣṭhe kenacidetadyojitam | devāsurasya bahiryathāvasthamavasthānam | 
atreti nāṭyavede | na devāsurāṇāmekāntenānubhāvanam | naiva te'nubhāvyante 
kenacitprakāreṇa |

tathāhi - teṣu na tattvena dhīḥ | na sādṛśyena yamalakavat | na bhrāntatvena 
rūpyasmṛtipūrvakaśuktirūpyavat | nāropeṇa 
samyagjñānabādhānantaramithyājñānarūpyavat | na tadadhyavasāyena 
gaurvāhīkavat | notprekṣyamāṇatvena mukhacandravat | na tatpratikṛtitvena 
citrapustavat | na tadanukāreṇa guruśiṣyavyākhyāhevākavat | na 
tātkālikanirmāṇenendrajālavat | na yuktiviracitatadābhāsatayā 
hastalāghavādimāyāvat | sarveṣveteṣu pakṣeṣvasādhāraṇatayā 
draṣṭuraudāsīnye rasāsvādāyogāt | kaveśca niyatavarṇanīyaniścitatve 
kāvyasyaivāsampatteranaucityavarjanāyogāt | laukikamithunadṛśīva 
sāṃsārikaharṣa(īrṣyā)krodhānvayitāpatterubhayadarśanaku*mū)latayā 
mukhyadṛṣṭau prayoktṛdṛṣṭau tatsaṃvidviśrāntyabhāvāt |

kiṃ tarhyetat | āha - trailokyasyeti | etaduktaṃ bhavati - etādṛśaṃ taiḥ rāmādayo 
na kadācana pramāṇapathamavatāryante yadā'gamena varṇyante | tadā 
tadviśeṣabuddhiḥ yadyapi rāmāyaṇaprāyādekasmānmahāvākyādullasati 
tathāpi vartamānatayaiva viśeṣāṇāṃ 
sambhāvyamānārthakriyāsāmarthyātmakasvālakṣaṇyaparyavasānāt | na ca 
teṣāṃ vartamānatetyupagatā

p. 36)

tāvadviśeṣabuddhiḥ | kāvyeṣvapi hṛdayameva (hṛdaya eva) 
tāvatsādhāraṇībhāvo vibhāvādīnāṃ tatrāpi kathāmātre 
sādhāraṇībhāvaḥ sambhavati yadyapi tathāpi eva ye kurvanti teṣāmetadbhavati iti 
vākyavadrañjanātiśayābhāvānna cittavṛtte(tti)rnirṇagatā bhavati |

kāvye tu guṇālaṅkāramanoharaśabdārthaśarīre lokottararasaprāṇake 
hṛdayasaṃvādavaśāt nimagnākārikā tāvadbhavati cittavṛttiḥ | kintu sarvasya 
pratyakṣasākṣātkārakalpā tatra na dhīrudeti |

nāṭye tu pāramārthikaṃ kiñcdadya me kṛtyaṃ bhaviṣyatītyevaṃ 
bhūtābhisandhisaṃskārābhāvātsarvapariṣatsādhāraṇapramodasārāparyantara
sanā(samā)daraṇīyalokottaradarśanaśravaṇayogī 
bhaviṣyāmītyabhisandhisaṃskārāducitagītātodyacarvaṇāvismṛtasāṃsārika 
bhāvatayā vimalamukurakalpībhūtanijahṛdayaḥ 
sūcyādyabhinayāvalokanodbhinnapramodaśokāditanmayībhāvaḥ 
pāṭhyākarṇanapātrāntarapraveśavaśāt samutpanne 
deśakālaviśeṣāveśānāliṅgite 
samyṅmithyāsaṃśayasambhāvanādijñānavijñeyatvaparāmarśānāspade 
rāmarāvaṇādiviṣayādhyavasāye 
tatsaṃskārānuvṛttikāraṇabhūtatatsahacarahṛdyavasturūpagītātodyapramadānu
bhavasaṃskārasūcitasamanugatataduktarūparāmādhyavasāyasaṃskāra eva 
bhavatpañcaṣairdivasaiḥ sacamatkāratadīyacarita 
madhyapraviṣṭasvātmarūpamatiḥ svātmadvāreṇa viśvaṃ tathā paśyan 
pratyekaṃ sāmājikoṃ deśakālaviśeṣāṇāmaparāmarśena 
evaṃkāriṇāmidamiti līḍhā(liṅā)tmakavidhisamarpitaṃ saṃvijjātīyameva 
saṃvidviśeṣarañjakaprāṇavallabhāpratimarasāsvādasahacararamyagītātodyādi
saṃskārarasā(nupra)veśena hṛdayābhyantaranikhātaṃ tata 
evanutpuṃsanaśatairapi mlānimātramapyabhajamānaṃ 
bhajaṃstattacchubhāśubhaprepsājihāsāsatatasyūtavṛttitvādeva 
śubhamācaratyaśubhaṃ samujjhati | idānīmupāyasaṃvedanālābhāt 
tadidamanukīrtanamanuvyavasāyaviśeṣo nāṭyāparaparyāyaḥ | nānukāra iti 
bhramitavyam | anena bhagaṇḍena rājaputrasyānyasya 
vānukṛte'nyā(kṛtāvanyā)dibuddherabhāvāt | taddhi vikā(ka)raṇamiti 
prasiddhaṃ hāsamātraphalaṃ madhyasthānām | yadabhiprāyeṇa munirvakṣyati -

paraceṣṭānukaraṇāddhāsassamupajāyate (a. 7-10) iti ||

tatpakṣīyāṇāntu tadeva dveṣāsūyāni(nu)vṛttyādiphalam | tadbuddhyaiva hi 
daityānāṃ hṛdayakṣobhaḥ evambhūtā vayamupahāsabhājanam iti | 
upahāsyatābhīravaśca nivartante tataḥ | na tūpadeśena |

p. 37)

nanvenaṃ tāvatā niyatānukāro mābhūt | anukāreṇa tu kimaparārddham | na 
kiñcidasambhavādṛte | anukāra iti hi sadṛśakaraṇm | tatkasya | na tāvadrāmādeḥ 
| tasyānanukāryatvāt | etena pramadādivibhāvānāmanukaraṇaṃ parākṛtam | na 
cittavṛttīnāṃ śokakrodhādirūpāṇām | na hi naṭo rāmasadṛśaṃ svātmanaḥ 
śokaṃ karoti | sarvathaiva tasya tatrābhāvāt | bhāve vānanukāratvāt | na 
cānyadvastvasti yacchokena sadṛśaṃ syāt | anubhāvāṃstu karoti | kintu 
sajātīyāneva | na tu tatsadṛśān | sādhāraṇarūpasya kaḥ kena sādṛśyārthaḥ | 
trailokyavartinaḥ sadṛśatvantu na viśeṣātmanā yaugapadyenopapadyate | 
kadācitkrameṇa niyata evānukṛtaḥ syāt | sāmānyātmakatve ko'nukārārthaḥ | 
tasmādaniyatānukāro nāṭyamityapi na bhramitavyam | asmadupādhyāyakṛte 
kāvyakautuke'pyayamevābhiprāyo mantavyaḥ | na tvaniyatānukāro'pi |

tenānuvyavasāyaviśeṣaviṣayīkāryaṃ nāṭyam | tathā cāhāryaviśeṣādinā 
nivṛtte taddeśakālacaitramaitrādinaṭaviśeṣapratyakṣābhimāne 
viśeṣaleśopakrameṇa ca vinā pratyakṣāpravṛtterāyāte 
rāmādiśabdasyātropayogāt 
prasiddhatadarthatayā'daraṇīyacaritavācakasyāsambhāvanāmātranirākaraṇenā
nuvyavasāyasya pratyakṣakalpanāṭye hṛdyagītādyanusyūtatayā 
camatkārasthānatvāddhṛdayānupraveśayogyatvamabhinayacatuṣṭayena 
svarūpapracchādanaṃ prasātvanādinā naṭajñānajasaṃskārasācivyaṃ tena 
rañjakasāmagrīmadhyānupraviṣṭena pracchāditasvasvabhāvena 
prākpravṛttalaukikapratyakṣānumānādijanitasaṃskārasahāyena 
sahṛdayanaṭajñānasaṃskārasacivena 
hṛdayasaṃvādatanmayībhavanasahakāriṇā prayoktrā dṛśyamānena 
yo'nuvyavasāyo janyate 
sukhaduḥkhadyākāratattacittavṛttirūparūṣitanijasaṃvidānandaprakāśamayaḥ 
ata eva vicitro rasanāsvādanacamatkāracarvaṇanirveśabhogādyaparaparyāyaḥ tata 
yadavabhāsate vastu tannāṭyam | tacca jñānākāramātramāropitaṃ svarūpaṃ 
sāmānyātmakaṃ tatkālanirmitarūpaṃ cānyadvā kiñcidastu | 
nātrāprastutalekhanenātmano darśanāntarakathāparicayaprakaṭanaphalena 
prakṛtavastunirūpaṇavighnamācarantaḥ sahṛdayānkhedayāmaḥ |

tasmādanuvyavasāyātmakaṃ kīrtanaṃ rūṣitavikalpasaṃvedanaṃ nāṭyam | 
tadvedanavedyatvāt | na tvanukaraṇarūpam | yadi tvevaṃ 
mukhyalaukikakaraṇānusāritayā'nukaraṇamityucyate tanna kaściddoṣaḥ | sthite 
vastuto bhede śabdapravṛtteravivādāspadatvāt | etacca yathāvasaraṃ vitaniṣyata 
ityāstāṃ tāvat |


p. 38)

kvaciddharmaḥ kvacitkrīḍā kvacidarthaḥ kvacicchamaḥ |
kvaciddhāsyaṃ kvacidyuddhaṃ kvacitkāmaḥ kvacidvadhaḥ || 108 ||

dharmo dharmapravṛttānāṃ kāmaḥ kāmopasevinām |
nigraho durvinītānāṃ vinītānāṃ damakriyā || 109 ||

klībānāṃ dhārṣṭyajananamutsāhaḥ śūramāninām |
abudhānāṃ vibodhaśca vaiduṣyaṃ viduṣāmapi || 110 ||


yataścedaṃ nānukaraṇaṃ tato yatkaiściccoditaṃ tadanavakāśam - na ca 
gītavādyayuktaḥ sarvāvasthāsu kaścidanukāryaḥ iti | na tvanukāryatvena 
gītādaya ityuktam | parihāro'pi ya uktaḥ 
āsanagamanasnānasvāpapratibodhabhojanādyāsu vastuto gītvavādyaṃ loke 
ceṣṭāsvatiprathitam ityādi tadapyanupapannam | na hi gamanādau 
taddhruvātālādirūpeṇa gītādi loke'sti maṅgalamātratvādṛte | 
gāyanavādanādiṣvapi cānukārabuddhyāpatterityalam | (107)

nanu trailokyasya ye bhāvāsteṣāṃ yadyanukīrtanaṃ nāṭyaṃ tadekatraiva rūpake 
ekatraiva cāṅkādau sarvameva dṛśyetetyāśaṅkānirākaraṇapūrvakaṃ 
pūrvaprayojanena saprayojanatvamupasaṃharati - kvaciddharma ityādinā 
lokopadeśajananaṃ nāṭyametadbhaviṣyati ityantena ślokāṣṭakena | etacca 
kaiścidbhinnavākyatayā pratiślokaṃ vyākhyātam | tacca 
paunaruktyādhyāhāraparasparāsaṅgatyādidoṣopahataṃ syādityupekṣyameva | 
tasmāditthamatra yojanā nānāprakārairbhāvaiḥ 
sthāyivyabhicāri(vi)bhāvādibhirupasampannaṃ sarvato vyāptam | teṣāṃ ca 
bhāvādīnāṃ deśakālaprakṛttyavasthāntarabhinnasvabhāvatvāttadapi 
nānāvasthātmakam | ata evāhottamādhameti | evambhūtametadbhaviṣyati | kāle 
viśrāntijananaṃ hitopadeśajananaṃ ca bhaviṣyatīti sambandhaḥ |

ke ke nānāprakārā bhāvā ityāha - kvaciddharma ityādi | yathāyogaṃ 
dharmādayaḥ śabdāstadacitasthāyivyabhicāryādisūcakāḥ | tena dharmo'rtha 
ityutsāhādiḥ | krīḍeti vismayādiḥ | śama iti nirvedādiḥ | hāsyamiti hāsādiḥ | 
yuddhamiti raudrādiḥ | kāma iti ratyādiḥ | vadha iti krodhabhayajugupsāśokādiḥ | 
amībhiśca samucitavyabhicāribhāvavibhāvāḥ svīkṛtāḥ | kvaciditi śabdena 
daśarūpakānyatamamucyate | ta(ya)thā 

p. 39)

nāṭakādyanekarūpakagato viśeṣastathaikaṃ nā(kanā)ṭakādiviśeṣako 
vibhāgaḥ | etaduktaṃ bhavati - kiñciddharmapradhānaṃ rūpakaṃ yathā 
nāṭakaṃ prakaraṇa vā | krīḍāpradhāna tathā prasiddhānā yathā bhāṇaḥ | 
arthapradhānatvaṃ prakaraṇādāveva | evaṃ daśarūpakalakṣaṇānusāreṇa 
sarvamanusaraṇīyam | tathā kvacinnāṭake dharmaḥ pradhānam - yathā 
chalitarāme rāmasyāśvamedhayāgaḥ | kvacitkrīḍā - yathā 
svapnavāsavadattāyām | evamanyatrāpyanusaraṇīyam | tathaikatrāpi nāṭake 
kvacidaṃśe dharmo yathā'bhijñānaśākuntale - api nāma 
kulapateriyamasavarṇakṣetrasambhavā syāt (aṅka-1) | evaṃ 
pratināṭakamekadeśeṣu sulakṣā evaṃ krīḍādaya iti 
granthavistarabhīrubhirasmābhirna parivarṇitāḥ |

nanvavasthādeśakālaprakṛtiviśeṣasamucitabhāvānukīrtanamātrameva kartavyam 
| kiṃ rāmāya(di)rāvaṇetyādisamāśrayeṇetyāśaṅkyāha dharma iti | co hetau | 
yasmāllokavṛttānusāreṇa karaṇaṃ prayogarūpaṃ nāṭyaṃ mayā 
kṛtametadityetasmātkāraṇāddharmapravṛttānāṃ rāmayudhiṣṭhirādīnāṃ 
sambandhitvena dharma uktaḥ | nigraha iti vadhaḥ | vinītānāṃ jitendriyāṇāṃ 
sambandhitvena damasya śamasya kriyā yojanā | vinayo hīndriyajayaḥ | evaṃ 
klībānāmupahāsyānāṃ dhārṣṭyajananamiti vibhāvena hāso'troktaḥ | 
dhārṣṭyājjananaṃ yasya hāsyavastunaḥ | yadvakṣyati - 
vikṛtaparaveṣālaṅkāradhārṣṭyādibhiḥ (a-6.) ityādi | vibodha iti ṇyantasya 
rūpam | abuddhatvena prasiddhānāṃ sambandhitvena bodhanamupāyopadeśena 
vyutpādyatvam | viduṣāṃ bhīṣmādīnām | upāyavyutpādyatvena vaiduṣyam | 
anena smṛtimatiprabhṛtīnāṃ nirūpaṇam | vilāsa iti krīḍā | sthairyamiti 
vyavasāyātmakamutsāharūpameva | caśabda evakārārthe | duḥkhārditatvena 
yaḥ prasiddhastasyaiva sambandhitvenetyarthaḥ | dhṛtirdhairyam | etaduktaṃ bhavati - 
lokavṛttānusāreṇa yata iyaṃ nāṭyakriyā loke ca dharādayo'nāśrayāḥ na 
saṃvedanayogyāḥ tena dharmādiviṣaye yo yathā prasiddho rāmādiḥ sa 
śabdamātropayogitvena mukhyapātrapraṇālikayā gṛhītaḥ |

evaṃbhūtaṃ yannāṭyaṃ tatprekṣakāṇāṃ duḥkhena vyādhyādikṛtena 
śrameṇādhvakleśādijena śokena bandhumaraṇādikṛtenārtānāṃ pīḍitānāṃ 
tathā 
tapasvināmanavaratakṛcchracāndrāyaṇādyācaraṇakalitadaurbalyātiśayaparikhin
nahṛdayānāṃ viśrāntijananaṃ duḥkhaprasaraṇavighātakam | 
pratihataduḥkhānāṃ cāhlādātmakadhṛtyādikāraṇaṃ yathāyogam | tadyathā - 
śokārtasya dhṛtirvyādhyārtasya krīḍā | śramārtasya sukham | ādigrahaṇena 
tapasvino mativibodhādaya iti mantavyam |


p. 40)

īśvarāṇāṃ vilāśaśca sthairyaṃ duḥkhārditasya ca |
arthopajīvināmartho dhṛtirudvignacetasām || 111 ||

nānābhāvopasampannaṃ nānāvasthāntarātmakam |
lokavṛttānukaraṇaṃ nāṭyametanmayā kṛtam || 112 ||

uttamādhamamadhyānāṃ narāṇāṃ karmasaṃśrayam |
hitopadeśajananaṃ dhṛtikrīḍāsukhādikṛt || 113 ||

etadraseṣu bhāveṣu sarvakarmakriyāsvatha |
sarvopadeśajananaṃ nāṭyaṃ loke bhaviṣyati ||

duḥkhārtānāṃ śramārtānāṃ śokārtānāṃ tapasvinām |
viśrāntijananaṃ kāle nāṭyametadbhaviṣyati || 114 ||


nacaitāvadeva yāvatkālāntare'pi viparīpākaṃ sukhamupadeśajaṃ 
janayatītyevaṃ duḥkhītānāṃ tatpraśamasukhavitaraṇakālāntarasukhalābhāḥ 
prayojanam | ye na duḥkhitāḥ sukhabhūyiṣṭhavṛttaya eva rājaputrādyāsteṣāṃ 
lokavṛtte dharmādyupāyavarge upadeśakāryetannāṭyam | lokaśabdena lokavṛttam 
|

p. 41)

dharmyaṃ yaśasyamāyuṣyaṃ hitaṃ buddhivivardhanam |
lokopadeśajananaṃ nāṭyametadbhaviṣyati || 115 ||

na tajjñānaṃ na tacchilpaṃ na sā vidyā na sā kalā |
nāsau yogo na tatkarma nāṭye'smin yanna dṛśyate || 116 ||


nanu kiṃ guruvadupadeśaṃ karoti | netyāha | kintu buddhiṃ vivardhayati | 
svapratibhāmeva tādṛśīṃ vitaratītyarthaḥ | na ca sā duṣṭā pratītirityāha - 
hitam - hitaprati - bhājanakatvāt | atra hetumāha - yato dharmādanapetam | 
yaśaśśabdena lokaprasiddhihetubhūtamad - bhutakāri vastūcyate yathā rāmasya 
saptasālavyathanādi | tadupadeśe sādhu yaśasyam | āyurvṛddhihetava ācārā 
āyuḥ | teṣu sādhu āyuṣyam | evaṃ duḥkhitānāmaduḥkhitānāṃ 
cedamupādeyamityuktam | duḥkhaṃ ca śārīraṃ mānasaṃ vā | śāriramapi 
daivakṛtaṃ svayaṃkṛtamapi dṛṣṭaṃ phalo(ṣṭaphalo)ddeśenānyena 
cetyetāvāneva duḥkhitavarga iti duḥkhārtānāmityādibhedopādānasya phalam |

kecittu dharmo dharmapravṛttānāmityādi sāmājikaviṣayatvena vyācakṣate 
hṛdayasaṃvādayogyatātātparyeṇa | anye 
tvakārapraśleṣādivyākhyāprakāreṇādharmapravṛttānāmityādi viparītvatvena 
vyācakṣate upadeśyatvābhiprāyeṇa | ubhayamapyetadasat paunaruktyādi 
doṣāpātāt | caitaddharmya yaśasyamityādeḥ punaruktam | (108-115)

na cānena pradhānamātra evopadeśaḥ kṛtaḥ puruṣārthopāyamātre vā | 
yāvattadupāyopeyādiṣvapīti darśayati - na taditi | asminniti | 
saptadvīpagatabhāvānukīrtanadbharūpe nāṭye dṛśyamāne yanna dṛśyate na 
hṛdayagocarameti tādṛgjñānādikaṃ nāstīti śeṣaḥ | jñānamityu 
pādeyamātmajñānādi |
yathā veṇīsaṃhāre - ātmārāmā vihitaratayo nirvikalpe samādhau (1-23) ityādi 
| śilpamiti | mālācitrapustādiyojanam |

yathā veṣṭitagrathitagumphasaṃhatairātataiśca kusumaissapallavaiḥ ityādau | 
vidyā daṇḍanītyādi |


p. 42)

tannātra manyuḥ kartavyo bhavadbhiramarānprati |
saptadvīpānukaraṇaṃ nāṭyametadbhaviṣyati || 117 ||

(yenānukaraṇaṃ nāṭyametattadyanmayā kṛtam ||)
devānāmasurāṇāṃ ca rājñāmatha kuṭumbinām |
(kṛtānukaraṇaṃ loke nāṭyamityabhidhīyate | )
brahmarṣīṇāṃ ca vijñeyaṃ nāṭyaṃ vṛttāntadarśakam || 118 ||

yo'yaṃ svabhāvo lokasya sukhaduḥkhasamanvitaḥ |
so'ṅgādyabhinayopeto nāṭyamityabhidhīyate || 119 ||


yathā śamavyāyāmābhyāṃ prativihitatantrasya nṛpateḥ | (bāla. rā. 1-24) 
ityādau | kalā gītavādyādikā |

yathā vyaktirvyañjanadhātunā (nāgānanda 1-14) ityādau |

yogo yojanaṃ teṣāmeva jñānādīnāṃ kalāntānāṃ 
svabhedairanyonyasvabhedaiḥ | yathā-

meghāśaṅkiśikhaṇḍitāṇḍavavidhāvācāryakaṃ kalpaya-
nnirhrādo murajasya mūrcchatitarāṃ veṇusvanāpūritaḥ |
vīṇāyāḥ kalayan layena gamakānugrāhiṇīṃ mūrcchanāṃ
karṣatyeṣa ca kālakūṭitakalāramyaśrutiṃ ṣāḍabe || (bhejjala-
rādhāvipralambha) ityādau | tatrehātodyanicayagītayojanā kṛtā |

anyonyaṃ yathā -

āvilapayodharāgraṃ lavalīdalapāṇḍukomalacchāyam (vikramo 5-8)

ityādau | atra hi śṛṅgārāṅgasya vaidyakavidyayā yojanā |

karmeti yuddhaniyuddhādirvyāpāraḥ | yathā -

ālīḍhasthitaṭaṅkitasya nimitāṃ dṛṣṭitrayīṃ tanvataḥ
puṅkhāgrakramasarpaṇena viśikhaprāntādathoccaistamām |
cakrībhūtaśarāsanasya na manālla (k la) kṣyādamī vicyutā-
ścitraṃ citramumādhavasya yugapatsarve surendradviṣaḥ || iti ||

p. 43)

evaṃ saprayojanatvamabhidhāya prakṛtameva purākalpamanubadhnāti - tannātreti | 
taditi | tasmāt | atra nāṭye'marānprati na manyuḥ kāryaḥ | te'pi tatra na kecit |

etadevāha - saptadvīpānukaraṇamayī hi kriyā(naṭakriyā)raṅge dṛśyate | na ca 
sāgaradvīpādīnāṃ kaścittatra sambhava iti bhāvaḥ (116-117) |

nanu kimarthameṣāṃ nāmāni gṛhītānītyāśaṅkyāha - devānāmityādi | 
eteṣāmevādhikāripuruṣatvāt nirādhārasya vṛttasya darśayitumaśakyatvāt | 
etaccoktaṃ pūrvam | ata eva yatra nirvyājasahajaudāryadharmādiviṣaye 
baliprahlādaprabhṛte prasiddhistatra so'pyudīrita āśrayatvena | tadāha - 
asurāṇāmiti | na ca bhavadvairiṇa evātra varṇitāḥ api tu brahmarṣayo'pi | anena 
pratyādeśo'yamasmākam | surārtham || ityāśaṅkādvayamapi parihṛtam | 
etattātparyeṇopasaṃharati yo'yamiti | ayamiti - 
pratyakṣakalpānuvyavasāyaviṣayaḥ lokaprasiddhasatyāsatyādi vilakṣaṇatvāt 
yacchabdavācyaḥ | lokasya sarvasya sādhāraṇatayā svatvena 
bhāvyamānaścarvyamāṇo'rtho nāṭyam | sa ca sukhaduḥkharūpeṇa vicitreṇa 
samanugataḥ | na tu tadekātmā |

tathā hi - ratihāsotsāhavismayānāṃ sukhasvabhāvatvam | tatra tu 
cirakālavyāpisukhānusandhirūpatvena viṣayaunmukhyaprāṇatayā 
tadviṣayāśaṃsābāhulyenāpāyabhīrutvād duḥkhāṃśānuvedho rateḥ | 
hāsasya sānusandhānasya vidyutsadṛśatātkālikālpaduḥkharūpaḥ sukhānugatau 
| utsāhasya tātkālikaduḥkhāyāsarūpanimajjanānusandhinā bhāvibahujano - 
pakāriciratarakālabhāvisukhasañcikīrṣātmanā sukharūpatā | vismayasya 
niranusandhānataṭittulyasukharūpatā |

krodhabhayaśokajugupsānāṃ tu duḥkhasvarūpatā | tatra 
cirakāladuḥkhānusandhiprāṇo 
viṣayagatātyantikasukhabhāvanākāṃkṣāprāṇatayā sukhaduḥkhānuvedhavān 
krodhaḥ | niranusandhitātkālikaduḥkhaprāṇatayā 
tadapagamākāṃkṣotprekṣitasukhānusambhinnaṃ bhayam | 
dvaikālikastvabhīṣṭaviṣayanāśajaḥ prāktanasukhasmaraṇānuviddhaḥ 
sarvathaiva duḥkharūpaḥ śokaḥ | 
utpādyamānasukhānusandhānajīvitaviṣayātpa(yā 
pa)lāyanaparāyaṇarūpānni(pā ni)ṣidhyamānaśaṅkitasukhānuviddhā jugupsā 
| 
samastama(tatpūrvaduḥkhasañcayasaṃsmaraṇaprāṇitaḥ(to')saṃbhāvitaduḥkha
bahulasukha(duḥkha)yoniḥ nirvedaḥ | evaṃ vyabhicāriprabhṛtiṣvapi vācyam | 
saṃvitsvabhāvāḥ sukhādaya iti ca darśane na tatsvabhāvatvam | anyetva(taistva)tra 
tadvedanarūpatvameva teṣāṃ mantavyam | evaṃ laukikā ye sukhaduḥkhātmano 
bhāvāḥ


p. 44)

(vedavidyetihāsānāmākhyānaparikalpanam |
vinodakaraṇaṃ loke nāṭyametadbhaviṣyati ||
śrutismṛtisadācārapariśeṣārthakalpanam |
vinodajananaṃ loke nāṭyametadbhaviṣyati ||)
etasminnantare devān sarvānāha pitāmahaḥ |
kriyatāmadya vidhivadyajanaṃ nāṭyamaṇḍape || 120 ||

balipradānairhomaiśca mantrauṣadhisamanvitaiḥ |
bhojyairbhakṣyaiśca pānaiśca baliḥ samupakalpyatām || 121 ||

martyalokagatāḥ sarve śubhāṃ pūjāmavāpsyatha |
apūjayitvā raṅga tu naiva prekṣāṃ pravartayet || 122 ||


tatsadṛśastatsaṃskārānuviddho nāṭyalakṣaṇo'rthaḥ samudāyarūpastasyaiva 
bhāgānusaraṇayaḥ |

evaṃ dayāratyādirūpānusaraṇabhūto (evaṃbhūto) nāṭyalakṣaṇo'rthaḥ 
kathaṃ pratītigocarībhavatītyāha - aṅgādīti  ye'bhinayāḥ āṅgikādayaḥ na ca 
te liṅgasaṅketādirūpāḥ | api tu 
pratyakṣasākṣātkārakalpalaukikasamyṅmithyājñānādirūpaḥ | tasyaiva 
bhāvāḥ śṛṅgārādayo ratyādivilakṣaṇāsvādaparyāyapratītyupayoginaḥ | ata 
evābhimukhyanayanahetutvādanyaloka - śāstrā prasiddhenābhinayaśabdena 
vyapadeśyāḥ | tathā'ṅgāni śākhānṛttagītāni ādayaḥ pradhānā yeṣāṃ 
te'ṅgādayaḥ | tathā'ṅgāni vyabhicāriṇo bhāvādayo heturūpā vibhāvāḥ | 
abhinayāḥ anubhavāḥ | ta ete rasābhimukhyanayanahetavaḥ yadvakṣyati 
vibhāvānubhāva vyabhicārisaṃyogādrasaniṣpattiḥ iti | (a-6) tairupetaḥ | upa 
samīpamitaḥ saṃviddarpaṇamabhisaṅkrāntaḥ | evaṃbhūto'rtho nāṭyaṃ 
naṭanīyaṃ nartanīyam | tathā gamanīyaṃ yatnena svarūpato 
hṛdayenānupraveṣṭavyam | tathā nāṭakānāṃ (naṭānāṃ) pāramparyātmakaṃ 
vṛttaṃ dharmāmnāyarūpaṃ ca | tacca sukhaduḥkhābhyāṃ phalarūpābhyāṃ 
samyaganvitam | teṣāṃ paścādbhāvitvāt |


p. 45)

apūjayitvā raṅgaṃ tu yaḥ prekṣāṃ kalpayiṣyati |
niṣphalaṃ tasya tat jñānaṃ tiryagyoniṃ ca yāsyati || 123 ||

yajñena saṃmitaṃ hyetadraṅgadaivatapūjanam |
tasmātsarvaprayatnena kartavyaṃ nāṭyayoktṛbhiḥ || 124 ||

nartako'rthapatirvāpi yaḥ pūjāṃ na kariṣyati |
na kārayiṣyatyanyairvā prāpnotyapacayaṃ tu saḥ || 125 ||

yathāvidhi yathādṛṣṭaṃ yastu pūjāṃ kariṣyati |
sa lapsyate śubhānārthān svargalokaṃ ca yāsyati || 126 ||


tena heyopādeyavyutpattiḥ phalam | etacca vitatyāgre bhāvasvarūpaṃ 
nirūpayiṣyāmaḥ | (118-119)

evaṃ sāntvenāpasāriteṣvapi vighneṣu divyanideśanānāmamoghatvāt 
pūrvaviniyuktadevatāṃśānāṃ tatra tatra sannidhānādyajanamavaśyakāryamiti 
pradarśayitumuktamevetihāsamanusandadhannirūpayati - etasminniti | antara iti 
samaye | vidhivaditi vyācaṣṭe - balipradānai - rityādi | balyante āpyāyyante 
devatā aneneti baliḥ | vicitravarṇataṇḍulādiracanāviśeṣaḥ | tilādayaścāgnau 
hūyanta iti homāḥ | ubhayatra viśeṣaṇaṃ mantrauṣadhīti | mantrā 
vakṣyamāṇāḥ | oṣadhayo vacābalājamodaprabhṛtayaḥ | praśastāni dhānyāni 
ca | kharaviśadaṃ śaṣkulīmodakādi bhojyaṃ bhakṣyamucyate | bhakṣaṇīyantu 
bhakṣyaṃ pāyasakṛsarādi | pānāni kṣīrakṣudrākṣārasādīni | baliḥ pūrvokto 
racanāviśeṣaḥ | etaivicchittiyojitairvidhatayā kalpyatām | śobhāpradhānaṃ hi 
nāṭye sarvam |

nanu devānāṃ devapūjākaraṇe kiṃ phalamityāha - martyalokagatā ityādi | 
yadyadācarati śreṣṭha iti nyāyāditi bhāvaḥ | pravartayediti | 
devānuṣṭhitācārānuvartitvāt | loka iti śeṣaḥ | (120-122) |

nanu yadi lokaḥ sadācāraṃ nānuvarteta tataḥ kimityāha - apūjayitveti |


p. 46)

evamuktvā tu bhagavāndruhiṇaḥ sahadaivataiḥ |
raṅgapūjāṃ kuruṣveti māmevaṃ samacodayat || 127 ||

iti bhāratīye nāṭyaśāstre nāṭyotpattirnāma prathamo'dhyāyaḥ ||


niṣphalamiti | tasyeti | nāṭyācāryasya | pāralaukikamapi pratyavāyamāha - 
tiryagyoniṃ ceti | (123)

nanu yadyapūjane pratyavāyastarhi pūjane kiṃ tannivṛttimātraṃ phalam | netyāha 
- yathā vidhīti | yathā devairvihitā | kathametajjñāyata ityāha - yathādṛṣṭamiti 
śāstradṛṣṭo'sau vidhirityarthaḥ | arthān śubhāniti | 
aihalaukikadhanamānaprasiddhilābha uktaḥ | (124-126)

evaṃ martyānpratyabhidhāya prakṛtameva purākalpamanusandhatte - evamuktveti | 
nāṭyācāryasyaiva devayajane'dhikāraḥ | tasyaiva phalalābhaḥ | kaveḥ 
prekṣāpravartayituśca tatprayokṛtvamityanenoktam | rajyate'neneti raṅgo nāṭyam | 
tadādhāratvānmaṇḍapaḥ | tadadhiṣṭhātṛtvācca devatā apīti 
maṇḍapādhyāyasya dvitīyasyopodghātaṃ karotīti śivam | (127)

triṇetrapādābjasadāstavo(samāśrayo)llasa-
tprasādabhāvasphuṭamiha nāṭyaśāsane |
pravartiteyaṃ hṛdaye mahādhiyāṃ
prakāśatāmabhinavaguptabhāratī ||

iti śrīmahāmāheśvarābhinavaguptācāryaviracitāyāmabhinavabhāratyāṃ 
bhāratīyanāṭyaśāstravivṛtau nāṭyotpattirnāmaḥ prathamo'dhyāyaḥ ||
p. 47)

śrīḥ

atha dvitīyo'dhyāyaḥ

bharatasya vacaḥ śrutvā papracchurmunayastataḥ |
bhagavan śrotumicchāmo yajanaṃ raṅgasaṃśrayam || 1 ||

atha vā yāḥ kriyāstatra lakṣaṇaṃ yacca pūjanam |
bhaviṣyadbhirnaraiḥ kāryaṃ kathaṃ tannāṭyaveśamani || 2 ||


saṃsāranāṭyajananadhātṛbījalatājuṣīm |
jalamūrtiṃ śivāṃ patyuḥ sarasāṃ paryupāsmahe || 1 ||

vṛtte'dhyāye yathātattvamiti (1-5) vacanavaśāt bharatamuniryajanādeḥ 
pāṭhyādivadantaraṅgatāṃ paśyanparamārthanirṇayena kuryāt kā tu kathā 
(paśyati paramārthanirṇayena | dvitīye tu katham) maṇḍapalakṣaṇaṃ syāt | ata eva 
muniḥ gānaṃ raṅgaśca saṅgrahaḥ (6-10) iti raṅgaṃ sarvaṃ paścādvakṣyati | 
tasmātkadācide(tkathame)tadityāśaṅkamānā (nānāṃ) munaya papracchuḥ iti 
paramātmānaṃ parikalapya munirāha - bharatasya vaca iti brahmeva kaviḥ śakra 
iva prayojayitā bharata iva nāṭyācāryaḥ kohalādaya iva naṭāḥ apsarasa iva 
sukumāropakaraṇaṃ svātirivānaddhavit nāradavadgītajñaḥ surakṣito 
maṇḍapaḥ indrotsavasadṛśaḥ prayogakālaḥ praśāntarāgadveṣādikāḥ 
sāmājikāḥ devatāpūjanapūrvakaḥ prayoga ityevaṃ saṅgraheṇa 
pūrvādhyāyanirūpitamarthamavadhāryetyarthaḥ | (yajanamiti) raṅgapūjāṃ 
kuruṣva iti nivṛtte'dhyāye nirūpitamiti saṅgatiḥ | devaviṣaye yajanasya 
maṇḍapasya kriyāṃ vinā na niṣpattiriti prathamaṃ kriyāpraśnasteṣāṃ 
vismṛto'pi jhaṭiti smṛtiṃ gata ityabhiprāyeṇa darśayati - atha veti | 
pūrvapraśnārthopamardanāya | ata eva pūjana


p. 48)

ihādirnāṭyayogasya nāṭyamaṇḍapa eva hi |
tasmāttasyaiva tāvattvaṃ lakṣaṇaṃ vaktumarhasi || 3 ||

teṣāṃ tu vacanaṃ śrutvā munīnāṃ bharato'bravīt |
lakṣaṇaṃ pūjanaṃ caiva śrūyatāṃ nāṭyaveśmanaḥ || 4 ||

divyānāṃ mānasī sṛṣṭirgṛheṣūpavaneṣu ca |
(yathābhāvābhinirvartyāḥ sarve bhāvāstu mānuṣāḥ) |
narāṇāṃ yatnataḥ kāryā lakṣaṇābhihitā kriyā || 5 ||

śrūyatāṃ tadyathā yatra kartavyo nāṭyamaṇḍapaḥ |
tasya vāstu ca pūjā ca yathā yojyā prayatnataḥ || 6 ||


miti punarvacanam | kriyāḥ itikartavyatā | lakṣaṇaṃ sanniveśaparimāṇādi | 
atīteṣūpadeśo vyartha iti bhaviṣyadbhirityuktam | devānāṃ manasā sampatteḥ 
narairiti | nanu lakṣaṇaṃ kiṃ kāryam | lakṣyata iti lakṣaṇaṃ sanniveśa ityadoṣaḥ | 
atha vā bhāvibhiryatkāryaṃ nāṭyaveśma tatra yatkriyālakṣaṇaṃ pūjanaṃ 
tatkathamiti sambandhaḥ | (1-2)

pūrvakṛte praśnapañcake nirṇayaṃ kṛtvedaṃ praśnāntaraṃ 
nirṇayedityāśaṅkamānā munayaḥ punarāhurihādiriti | nāṭyasya yoga utpattiḥ | 
tāvadityanena pūrvapraśnitasyātyāga uktaḥ | evakāro lakṣaṇaśabdānantaram | 
itikartavyatāyāḥ tadaṅgatvāt | yajanasya ca tanniṣpatyanantaratvāt | teṣāmiti | 
anyathā tu na brūyādevoktāddhetoḥ | anena ślokena lakṣaṇapūjanajñānaṃ 
devānāmapyupayogi | saṅkalpisyāpi nirmāṇasya jñānāpekṣitvādityuktam | ata 
evātra kriyeti noktam | (3-4)

nanu kiṃ kriyai(yā nai)vocyata ityāha - divyānāmiti | śrūyatāmityanuvartate | 
narāṇāṃ kāryā kriyā itikartavyatā ca śrūyatām | cakārāllakṣaṇapūjane | 
śāstreṇoktā narāṇāmeva kasmādityāha - divyānāmiti | sṛjyamānatvena 
karmaṇo'pi viṣayatvavi(tvameva) yatra janmakramaniyataprarohakusumaphalāni 
bahuvicitratarulatāsthalīsarovarākrīḍamayānyupavanānyapi 

p. 49)

iha prekṣāgṛhaṃ dṛṣṭvā dhīmatā viśvakarmaṇā |
trividhaḥ sanniveśaśca śāstrataḥ parikalpitaḥ || 7 ||

vikṛṣṭaścaturaśraśca tyaśraścaiva tu maṇḍapaḥ |
teṣāṃ trīṇi pramāṇāni jyeṣṭhaṃ madhyaṃ tathā'varam || 8 ||

pramāṇameṣāṃ nirdiṣṭaṃ hastadaṇḍasamāśrayam |
śataṃ cāṣṭau catuḥṣaṣṭirhastā dvātriṃśadeva ca || 9 ||


mānasāni tatra gṛhe kā sambhāvaneti | śrūyatāmiti | taditi | yato narāṇāṃ 
yatnataḥ kāryatāprakāraḥ | yatreti deśakālau | vāstviti | gṛhabhūmigataṃ 
parimāṇamiha mantavyam | (pūjā)lakṣaṇoktetyuktam | (5-6)

tatra kiṃ tallakṣaṇamityāha - iha prekṣāgṛhamiti | iha nāṭyamaṇḍape | 
sanniveśaḥ caśabdātpramāṇametat | viśvakarmaṇā parikalpitaḥ | kiṃ 
svabuddhyā | na | api tu śāstrataḥ preks.āgṛhe vicārya | śaktaścāsau vicāra 
ityāha - dhīmateti | jñāyata ityāha | śāstraṃ kṛtaṃ tadapyaparaśāstramūlamiti 
pravāhānāditvamuktam | ko'sau trividha ityāha - vikṛṣṭaśceti | vibhāgena kṛṣṭo 
dīrgho na tu catasṛṣu dikṣu sāmyena | tisro'śrayastryaśrī (śrayo yasya tryaśri) 
tadasminniti matvarthīyo'c | etānyeva trīṇi jyeṣṭhādīnīti kecit | anye tu pratyekaṃ 
tritvamiti navaite'tra bhedā ityāhuḥ | etadeva yuktam | tathā cāha - teṣāmiti | 
pramāṇaṃ hastadaṇḍāśrayaṃ jyeṣṭhāditvam | na tu sanniveśāśrayamiti yāvat 
|

śataṃ cāṣṭau catuḥṣaṣṭirdvātriṃśacceti niścayāt |

iti kecitpaṭhanti | teṣāṃ cāsti(pi) hastadaṇḍasamāśrayatvaṃ vācakaṃ bhavati | 
etacca sarvaṃ sambhavamātreṇocyate | anu(nānu)vādakatayā | na tviyanto bhedā 
upayoginaḥ | evaṃ cāṣṭādaśa bhedāstāvacchāstre dṛṣṭāḥ | te 
cānyatve(dyatve) yadyapyanupayoginaḥ tathāpi ca sampradāyāvicchedārthaṃ 
nirdiṣṭāḥ | keṣāñcitkadācidupayogo bhaviṣyatīti | yathoktam - aprayukte 
dīrghasatravat iti | (7-9)


p. 50)

aṣṭādhikaṃ śataṃ jyeṣṭhaṃ catuḥṣaṣṭistu madhyamam |
kanīyastu tathā veśma hastā dvātriṃśadiṣyate || 10 ||

devānāṃ tu bhavejjyeṣṭhaṃ nṛpānāṃ madhyamaṃ bhavet |
śeṣāṇāṃ prakṛtīnāṃ tu kanīyaḥ saṃvidhīyate || 11 ||

(prekṣāgṛhāṇāṃ sarveṣāṃ praśastaṃ madhyamaṃ smṛtam |
tatra pāṭhyaṃ ca geyaṃ ca sukhaśrāvyataraṃ bhavet ||

prekṣāgṛhāṇāṃ sarveṣāṃ triprakāro vidhiḥ smṛtaḥ |
vikṛṣṭaścaturasraśca tryasraścaiva prayoktṛbhiḥ ||

kanīyastu smṛtaṃ tryasraṃ caturasraṃ tu madhyamam |
jyeṣṭhaṃ vikṛṣṭaṃ vijñeyaṃ nāṭyavedaprayoktṛbhiḥ ||)

pramāṇaṃ yacca nirdiṣṭaṃ lakṣaṇaṃ viśvakarmaṇā |
preks.āgṛhāṇāṃ sarveṣāṃ taccaiva hi nibodhata || 12 ||

aṇū rajaśca vālaśca likṣā yūkā yavastathā |
aṅgulaṃ ca tathā hasto daṇḍaścaiva prakīrtitaḥ || 13 ||


idantvihopayogīti darśayati - aṣṭādhikaṃ śatamityādi | iṣyata iti | 
anyatve'pītyāśayaḥ | devānāmiti | yatra devāsuraprāyā eva 
nāyakapratināyakāstatra ḍimādāvārabhaṭīpradhāne vitataraṅgapīṭhopayogāt 
bhāṇḍavādyapradhānatvācca parikramaṇāderucca - 
taradīrghataradīrghatālaparigrahādiyogācca 
bhaktabhāvasyāsambhavādaṣṭottaraśatahasto maṇḍapa ityarthaḥ | yastu 
vyācaṣṭe prekṣakā atra devādayo vivakṣitā na tu prayojyāḥ | teṣāṃ 
niyatasaṃkhyākatvāditi | tasyāsmadabhiprāyo na smṛtipathamāgataḥ sannapi 
daśarūpakādau | sa cānantarameva darśayiṣyate | (10-11)

pramāṇaṃ lakṣaṇaṃ yannirdiṣṭamiti jātāvekavacanam |


p. 51)

aṇavo'ṣṭau rajaḥ proktaṃ tānyaṣṭau vāla ucyate |
vālāstvaṣṭau bhavellikṣā yūkā likṣāṣṭakaṃ bhavet || 14 ||

yūkāstvaṣṭau yavo jñeyo yavāstvaṣṭau tathāṅgulam |
aṅgulāni tathā hastaścaturviṃśatirucyate || 15 ||

caturhasto bhaveddaṇḍo nirdiṣṭastu pramāṇataḥ |
anenaiva pramāṇena vakṣyāmyeṣāṃ vinirṇayam || 16 ||


kāni pramāṇānītyāha - aṇū rajaścetyādinā | teṣāṃ lakṣaṇānyāha - 
aṇavo'ṣṭāvityādi | yataḥ prabhṛti dṛśyatā pravartate so'ṇuḥ | aṇuḥ 
prasiddho'ṇupariṇāmaḥ | dvyaṇukadvayaparamāṇudvayārabdhā aṇava eva vā 
mahattvayuktāḥ | paramāṇudvayārabdhe tu dvyaṇuke'ṇuparimāṇamastu | ko'tra 
virodha ityalamavāntareṇa | anenaiveti | devānāntu bhavet ityenana yaduktam | 
maṇḍapāḥ - tadyathā jyeṣṭhapramāṇaṃ ḍmaprāye | yadvakṣyati -

nirghātolkāpātairuparāgeṇendusūryayoryuktaḥ |
yuddhaniyuddhāgharṣaṇasampheṭakṛtaśca vijñeyaḥ ||

devabhujagendrarākṣasayakṣapiśācāvakīrṇaśca |
ṣoḍaśanāyakabahulaḥ sātvatyārabhaṭikāyutastu ḍimaḥ || (nā. śā. 18) iti |

tathā madhyamapramāṇaṃ nṛpatiprāyaprayojye nāṭakādau yadvakṣyati -

nirghātolkāpātairuparāgeṇendusūryayoryuktaḥ |
yuddhaniyuddhāgharṣaṇasambhavakṛtaśca vijñeyaḥ ||

nṛpatīnāṃ yaccaritam | (nā. śā. 18.) ityādi |

śeṣāstu prakṛtayo bhāṇaprahasanādau | yacca vakṣyati -

vividhāśrayo hi bhāṇo vijñeyastvekahāryastu | (nā. śā. 18)

tathā bhagavattāpasaviprairanyairapi ca (nā. śā. 18.) ityādi | 
evaṃbhūtaprakṛtipradhāne prayoge kanīyaḥpramāṇo maṇḍapaḥ iti | eṣāṃ 
maṇḍapānāṃ madhye yo vinirṇaya eva sarvasādhāraṇaḥ madhyame maṇḍape 
nāṭakabhāṇaprayogāt kanīyasi ca ḍimarūpe eva(ṣa) maṇḍapaṃ(paḥ) taṃ


p. 52)

catuḥṣaṣṭikarānkuryāddīrghatvena tu maṇḍapam |
dvātriṃśataṃ ca vistārānmartyānāṃ yo bhavediha || 17 ||

ata ūrdhvaṃ na kartavyaḥ kartṛbhirnāṭyamaṇḍapaḥ |
yasmādavyaktabhāvaṃ hi tatra nāṭyaṃ vrajediti || 18 ||

maṇḍape viprakṛṣṭe tu pāṭhyamuccāritasvaram |
anissaraṇadharmatvādvisvaratvaṃ bhṛśaṃ vrajet || 19 ||


vakṣyāmīti | ayamabhiprāyaḥ - jyeṣṭhamāne 
nāṭakādiprayogasaukaryābhāvānmadhyama eva yuktaḥ | sa eva nirṇayaḥ | 
vividho'pi divyanṛpaprakṛtā(tyā)disvabhāvo 
niścayābhimukhyamabhinayaprayogadvāreṇa nīyate yatreti | (12-16)

taṃ darśayati - catuṣṣaṣṭiṃ karānityādi | prayoktuḥ purastātpṛṣṭhataśca 
maṇḍape'smin sati(po'sminnasati) karaṇārho na bhavatītyarthaḥ | kartṛbhiriti | kiṃ 
teṣāṃ vṛthā prayāsotpādaneneti yāvat | tatreti | ato'dhikapramāṇe atyantaṃ 
nyūnapramāṇe cetyarthaḥ | nāṭyamiti | sakalāvāntarabhede prabhedaṃ 
darśayitum | nāṭyato'bhi(ṭyaṃ yato'bhi)vyaktaṃ bhavatīti 
samudāyābhiprāyeṇa mantavyam | tadeva darśayati - maṇḍapa iti | dīrghatvam | 
pārśvayorvistāraḥ | martyānāmityanena maṇḍapakaraṇāt kimityakāraṇaṃ 
prayogeṇaiva(go naiva) - vedyata ityāśayaḥ | etadevāha - ata ūrdhvaṃ neti | ata 
ityevaṃvidho yato madhyamo'sti tato hetorityarthaḥ | ūrdhvamiti | 
pramāṇasyādhikyaṃ nyūnātirekābhyāmiti mantavyam | kartavya iti | prakarṣaḥ 
prakṛṣṭaṃ tadatikrānto viprakṛṣṭaḥ | kinniyogamānaḥ tasmiśca tatra jyeṣṭhe | 
pāṭhyaṃ yanmukhye (khyaṃ) nāṭyasyaiṣā tanūsmṛtā (nā.śā. 14-2) iti 
darśayiṣyate | tadvisvaratva viśeṣeṇopatāpakatvaṃ nikaṭavartinaḥ prati vrajet | atra 
hetuḥ uccaṃ kṛtvā cārito'tikleśena sampāditaḥ svaraḥ kākvā (kakhā) 
divibhāgo yatra | tathā dūravartinaḥ 


p. 53)

yaścāpyāsyagato bhāvo nānādṛṣṭisamanvitaḥ |
sa veśmanaḥ prakṛṣṭatvādvrajedavyaktatā parām || 20 ||

prekṣāgṛhāṇāṃ sarveṣāṃ tasmānmadhyamamiṣyate |
yāvatpāṭhyaṃ ca geyaṃ ca tatra śravyataraṃ bhavet || 21 ||


sāmājikānprati visvaratvaṃ vigataśabdakatvamanākarṇanīyatvaṃ vrajet | atra 
hetuḥ anissaraṇadharmatvāt | nirantare deśe saraṇaṃ dvitīyaśabdārambhaḥ | sa 
yasya dharmo nāsti śabdāntaraprasarābhāvādityarthaḥ | tathā'tikanīyasi 
maṇḍape pāṭhyamuccaritasvara 
sadanissaraṇadharmatvādanuraṇanātmakamadhuraśabdāntarānārambhāt 
vinaṣṭaḥ svaro madhuro yasya tādṛśatvaṃ vrajet | anuraṇanaṃ hi svarasya 
pāṭhyasiddhirūpamiti geyādhikāre vakṣyāmaḥ | anena samānayogakṣematvāt 
adhikātodyavisvaratvamapi lakṣitaṃ bhavati | tathā copasaṃhariṣyati geyaṃ ceti | 
visvaratvamiti svṛ śabdopatāpayoḥ ityasya rūpam | (17-19)

pradhānasya pāṭhyasya pradhānānuraṇanabhūtasya ca gītatodyādervināśaṃ 
pratipādyābhinayavargasyāpi pratipādayati - yaścāpīti | āsyagato mukhagato 
bhāvaḥ yo'nubhāvalakṣaṇo dṛṣṭibāṣpasvedavaivarṇyādiḥ tathā 
makuṭapratiśīrṣādiḥ | cakārādāṅgikaḥ | sa veśmanaḥ 
prakṛṣṭatvādativistīrṇatvādavyaktatāṃ vrajet | tathā pragataṃ kṛṣṭaṃ 
karṣaṇaṃ dairghyaṃ yasya tasya bhāvaḥ | tataḥ kanīyastvāddhetoḥ parāṃ 
dvitīyāmavyaktatāmatisāmīvyakṛtāṃ vrajet | prathamaṃ hyatidūratvaṃ kṛtvā 
soktā | evamubhayamaṇḍapābhiprāyeṇedaṃ vyākhyeyam | anyathā 
tasmānmadhyamamiṣyata ityupasaṃhāro na śliṣyati | tadāha - 
prekṣāgṛhāṇāmityādi | madhye bhavaṃ madhyamam | tadiṣyate yataḥ sarveṣāṃ 
rūpāṇāṃ saṃbaṃdhi yatpāṭhyaṃ pradhānaṃ 
tanūrūpaprāṇoparañjakarūpaṃ ca gītaṃ cakārādātodyaṃ ca śravyataraṃ 
bhavati | dvitīyacakārādabhinayāntaramapi dṛśyataraṃ bhavatītyarthaḥ | (20-21)


p. 54)

(prekṣāgṛhāṇāṃ sarveṣāṃ triprakāro vidhiḥ smṛtaḥ |
vikṛṣṭaścaturasraśca tryasraścaiva prayoktṛbhiḥ || 

kanīyastu smṛtaṃ tryasraṃ caturasraṃ ca madhyamam |
jyeṣṭhaṃ vikṛṣṭaṃ vijñeyaṃ nāṭyaveśma prayoktṛbhiḥ ||)

devānāṃ mānasī sṛṣṭirgṛheṣūpavaneṣu ca |
yatnabhāvābhiniṣpannāḥ sarve bhāvā hi mānuṣāḥ || 22 ||

tasmāddevakṛtairbhāvairna vispardheta mānuṣaḥ |
mānuṣasya tu gehasya sampravakṣyāmi lakṣaṇam || 23 ||

bhūmervibhāgaṃ pūrvaṃ tu parīkṣeta prayojakaḥ |
tato vāstu pramāṇena prārabheta śubhecchayā || 24 ||


nanu yadyevaṃ prayogakramastarhi hastasamāśrayeṇaiva vidhirvaktavyaḥ | so'pi 
yatra paripūrṇo nopakārī tatra daṇḍasamāśrayeṇātodyamānena | atha 
kadāciddivyaprakṛtiprekṣakābhiprāyeṇa taducyate tatrāpi kaḥ stokāntaratveneti 
nyāyena kā iti(ha) sambhāvanetyāśaṅkāṃ parākartuṃ śloko bhāvī | ata eva 
pūrvaślokena saha nātra paunaruktyaṃ śaṅkitavyam | tasyānyathopakṣepāt | 
tacchlokamāha - devānāmityādi | manasastadīyasya sattvabahulatvāt tatkṛta 
indriyavisarjanalakṣaṇe vyāpāro'tirūpavyāpī | upavaneṣvapi vitatavitateṣu | kā 
kathā maṇḍapaviṣaye | ata eva gṛhaṣviti bahuvacanamupāttam | tena tadapekṣayā 
te maṇḍapā uktā ityarthaḥ | na tvevaṃ mānuṣāṇāṃ rājasānāṃ manaḥ | 
tadāha - devakṛtairiti | yata evaṃ tasmānmānuṣasyaiva gehasya lakṣaṇaṃ 
samyakpravakṣyāmi | taśabda evakārārthe | (22-23)

samyagiti yaduktaṃ tadāha - bhūmerityādi | vibhāgo heyopādeyatvena | vāstviti | 
grahaṇaṃ pramāṇaṃ cetyupalakṣyamāṇarūpeṇa prārabheta | kartumiti śeṣaḥ |


p. 55)

samā sthirā tu kaṭhinā kṛṣṇā gaurī ca yā bhavet |
bhūmistatraiva kartavyaḥ kartṛbhirnāṭyamaṇḍapaḥ || 25 ||

prathamaṃ śodhanaṃ kṛtvā lāṅgalena samutkṛṣet |
asthikīlakapālāni tṛṇagulmāṃśca śodhayet || 26 ||

śodhayitvā vasumatīṃ pramāṇaṃ nirdiśettataḥ |
(trī.yuttarāṇi saumyaṃ ca viśākhāpi ca revatī ||
hastatiṣyānurādhāśca praśastā nā.yakarmaṇi |)
puṣyanakṣatrayogena śuklaṃ sūtraṃ prasārayet || 27 ||

kārpāsaṃ bālbajaṃ vāpi mauñjaṃ vālkalameva ca |
sūtraṃ budhaistu kartavyaṃ yasya cchedo na vidyate || 28 ||


taṃ vibhāgamāha - sametyādi | samā svabhāvānnātinimnonnatetyarthaḥ | sthirā 
acalanasvabhāvā | kaṭhinā anūṣarā | kṛṣṇā gaurīceti | co vārthe | anye tu 
vyāmiśritatvamāhuḥ | kartavya iti karaṇārhaḥ | kathamityāha - prathamamityādi | 
śodhanamuparigatāśuciśarkarādyapasāraṇam | tato 
halenoddhṛtagulmapāṣāṇādikāṃ kuryāt | etadevāha - asthītyādinā |

evaṃ bāhyābhyantarato bhūmiśuddhiṃ nirūpyānantarakaraṇīyamāha - 
śodhayitveti | kathaṃ pramāṇanirdeśa ityāha - puṣyeti | śuklasūtratvaṃ 
tāvatpiṣṭarañjanādinā | carmakṛtaṃ mānasūtraṃ na kāryamiti ca tātparyam | 
svāminaḥ prekṣāpateḥ | prayokturnāṭyācāryasya | prayatnena 
rajjugrahaṇamityacchedyānubharaṇīyā | tādṛśī ca 
sāvadhānatayāvaṣṭambhaviyogādyubhayathā tathā prayatnato yojyam | nityamiti | 
na kevalamatra prathamaparigrahe yāvadanyabhāvistambhaviniveśāya 
bhūbhāgamānagrahaṇādāvityarthaḥ | prayatnena 
mānamityūnādhikādidoṣavarjanāyāyaṃ yatna 


p. 56)

ardhacchinne bhavetsūtre svāmino maraṇaṃ dhruvam |
tribhāgacchinnayā rajjvā rāṣṭrakopo vidhīyate || 29 ||

chinnāyāṃ tu caturbhāge prayokturnāśa ucyate |
hastātprabhraṣṭayā vāpi kaścittvapacayo bhavet || 30 ||

tasmānnityaṃ prayatnena rajjugrahaṇamiṣyate |
kāryaṃ caiva prayatnena mānaṃ nāṭyagṛhasya tu || 31 ||

muhūrtenānukūlena tithyā sukaraṇena ca |
brāhmaṇāṃstarpayitvā tu puṇyāhaṃ vācayettataḥ || 32 ||

śāntitoyaṃ tato dattvā tataḥ sūtraṃ prasārayet |
catuṣṣaṣṭikarānkṛtvā dvidhā kuryātpunaśca tān || 33 ||

pṛṣṭhato yo bhavedbhāgo dvidhābhūtasya tasya tu |
samamardhavibhāgena raṅgaśīrṣa prakalpayet || 34 ||


ityapaunaruktyam | muhūrto brāhmādiḥ | tithirhadā(rnandā)diḥ | karaṇaṃ 
viṣṭyādirahitam (24-32) |

sūtraprasāraṇena yatkṛtyaṃ tadāha - catuṣvaṣṭirityādi | 
catuṣṣaṣṭirhastadairghyādvistārācca dvātriṃśatkaraṃ kṣetraṃ gṛhītvā 
madhye sūtraṃ vistāreṇa dadyāt | purastādbhāgaḥ prekṣakabhāgaḥ | 
aparastādbhāgaḥ prayoktṛbhāgaḥ | tatra yatprayoktuḥ pṛṣṭhagaṃ bhaviṣyati 
tadeva pṛṣṭham | tasya madhye vistāreṇa sūtraṃ dadyāt | tataḥ ṣoḍaśahastau 
dvau bhāgau bhavataḥ | tayoḥ pāścātyabhāgaḥ ṣoḍaśahasto nepathyagṛham | 
pūrvabhāgamapi dvidhā kuryāt | pṛṣṭhagataṃ bhāgamardhena 
vibhajyāṣṭahastaṃ raṅgaśiraḥ | praviśatāṃ pātrāṇāṃ cāntassthānam | 
nāṭyamaṇḍapasya hyuttānasuptavadavasthitasya raṅgapīṭhaṃ mukhyam | 
tadaṣṭahastaṃ śiraḥ | tatpṛṣṭhe tu dairghyāddhi ṣoḍaśahastaṃ nepathyagṛhaṃ 
bhavati | vistārāttu dvātriṃśatkarameva tat | naipathyādikaṃ 

p. 57)

paścime ca vibhāge'tha nepathyagṛhamādiśet |
vibhajya bhāgānvidhivadyathāvadanupūrvaśaḥ || 35 ||

śubhe nakṣatrayoge ca maṇḍapasya niveśanam |
śaṅkhadundubhinirghoṣairmṛdaṅgapaṇavādibhiḥ || 36 ||

sarvātodyaiḥ praṇuditaiḥ sthāpanaṃ kāryameva tu |
utsāryāṇi tvaniṣṭāni pāṣaṇḍyāśramiṇastathā || 37 ||

kāṣāyavasanāścaiva vikalāścaiva ye narāḥ |
niśāyāṃ ca baliḥ kāryo nānābhojanasaṃyutaḥ || 38 ||

gandhapuṣpaphalopeto diśo daśa samāśritaḥ |
pūrveṇa śuklānnayuto nīlānno dakṣiṇena ca || 39 ||

paścimena baliḥ pīto raktaścaivottareṇa tu |
yādṛśaṃ diśi yasyāṃ tu daivataṃ parikalpitam || 40 ||

tādṛśastatra dātavyo balirmantrapuraskṛtaḥ |
sthāpane brāhmaṇebhyaśca dātavyaṃ ghṛtapāyasam || 41 ||


ca tatra gṛhyate | tadāha - paścime ceti | tatra raṅgapīṭhaṃ vistārataḥ ṣoḍaśa 
dairghyatastvaṣṭahastā iti kecit | anye tvetadeva viparyāsayanti | sarvathā 
tāvadaṅgapīṭhasyāpi vikṛṣṭatvaṃ vidheyamiti tātparyam | yadvakṣyate - raṅgo 
vikṛṣṭo bharatena kāryaḥ (nā. śā. 12-20) ityādi | (33-35)

evaṃ mānavidhimabhidhāyeṣṭakāsthāpanarūpe niveśane vidhimāha - śubhe 
nakṣatrayoga ityādinā | daśasu tiryagūrdhvādhorūpāsu dikṣu baliḥ kārya 
ityuktvā catasṛṣu dikṣu balividhirukto nānyathetyabhiprāyeṇa vyāpakaṃ 
vidhimāha - yādṛśamityādinā | tenāgneye 


p. 58)

madhuparkastathā rājñe kartṛbhyaśca guḍaudanam |
nakṣatreṇa tu kartavyaṃ mūlena sthāpanaṃ budhaiḥ || 42 ||

muhurtenānukūlena tithyā sukaraṇena ca |
evaṃ tu sthāpanaṃ kṛtvā bhittikarma prayojayet || 43 ||

bhitīkarmaṇi nirvṛtte stambhānāṃ sthāpanaṃ tataḥ |
tithinakṣatrayogena śubhena karaṇena ca || 44 ||

stambhānāṃ sthāpanaṃ kāryaṃ rohiṇyā śravaṇena vā |
ācāryeṇa suyuktena trirātropoṣitena ca || 45 ||

stambhānāṃ sthāpanaṃ kāryaṃ prāpte sūryodaye śubhe |
prathame brāhmaṇastambhe sarpissarṣapasaṃskṛtaḥ || 46 ||

sarvaśuklo vidhiḥ kāryo dadyātpāyasameva ca |
tataśca kṣatriyastambhe vastramālyānulepanam || 47 ||

sarvaṃ raktaṃ pradātavyaṃ dvijebhyaśca guḍaudanam |
vaiśyastambhe vidhiḥ kāryo digbhāge paścimottare || 48 ||

sarvaṃ pītaṃ pradātavyaṃ dvijebhyaśca ghṛtaudanam |
śūdrastambhe vidhiḥ kāryaḥ samyakpūrvottarāśraye || 49 ||


raktavarṇa ityādyūhyam | mantrā varuṇapūjāvidhau vakṣyamāṇāḥ | te ca 
karmaśaṃsoparmasaṃ) yoginohena yuktā vidheyāḥ | mantreṇa smṛtaṃ karma 
karoti iti hi smṛtiḥ | anye tu taddevatākaiḥ śrutimantraireva balikarmetyāhuḥ | 
talliṅgarityanye | cakāro bhinnakramaḥ | na kevalaṃ mānopakrame 
brāhmaṇatarpaṇaṃ yāvatsthāpane'pītyarthaḥ | (36-43)

evaṃ mānavidhiṃ sthāpanavidhiṃ bhittividhiṃ ca kṛtvā stambhavidhiḥ kārya iti 
darśayati - bhittikarmaṇīti | sthāpanamucchrayaṇam | prathamaṃ tvāgneyaḥ 
koṇaḥ | tasya viśeṣaṇaiḥ 


p. 59)

nīlaprāyaṃ prayatnena kṛsaraṃ ca dvijāśanam |
pūrvoktabrāhmaṇastambhe śuklamālyānulepane || 50 ||

nikṣipetkanakaṃ mūle karṇābharaṇasaṃśrayam |
tāmraṃ cādhaḥ pradātavyaṃ stambhe kṣatriyasaṃjñake || 51 ||

vaiśyastambhasya mūle tu rajataṃ sampradāpayet |
śūdrastambhasya mūle tu dadyādāyasameva ca || 52 ||

sarveṣveva tu nikṣepyaṃ stambhamūleṣu kāñcanam |
svastipuṇyāhaghoṣeṇa jayaśabdena caiva hi || 53 ||

stambhānāṃ sthāpanaṃ kāryaṃ puṣpamālāpuraskṛtam |
ratnadānaiḥ sagodānairvastradānairanalpakaiḥ || 54 ||

brāhmaṇāṃstarpayitvā tu stambhānutthāpayettataḥ |
acalaṃ cāpyakampañca tathaivāvalitaṃ punaḥ || 55 ||

stambhasyotthāpane samyagdoṣā hyete prakīrtitāḥ |
avṛṣṭiruktā calane valane mṛtyuto bhayam || 56 ||


anuvādaliṅgavidhikalpyaṃ (liṅgavidhiḥ kalpyaḥ) | śubhaṃ(klaṃ) sarvatra 
pāyasamiti - dvijebhya iti prakaraṇāt | sarvasya vidhyanusāreṇaiva bhojanaṃ 
śuklādivarṇamiti mantavyam | tataśceti | tairanta(tadanta) ityarthaḥ | (44-54)

acalamiti | sthānāntarā niveśalakṣaṇamanonoktam | avidyamānā calanā yasyeti | 
akampyamiti | tatraiva sthānaśithilatā yena na bhavati | avalitamiti | 
valayākṛtyādinā parivartanaṃ yasya karaṇīyaṃ na bhavati | 
doṣasūcakatvāddoṣakaritvācca doṣāḥ | tāndoṣānāha - avṛṣṭirityādi | (55-57)


p. 60)

kampane paracakrāttu bhayaṃ bhavati dāruṇam |
doṣairetairvihīnaṃ tu stambhamuthtāpayecchivam || 57 ||

pavitre brāhmaṇastambhe dātavyā dakṣiṇā ca gauḥ |
śeṣāṇāṃ bhojanaṃ kāryaṃ sthāpane kartṛsaṃśrayam || 58 ||

mantrapūtaṃ ca taddeyaṃ nāṭyācāryeṇa dhīmatā |
purohitaṃ nṛpaṃ caiva bhojayenmadhupāyasaiḥ || 59 ||

kartṝnapi tathā sarvānkṛsarāṃ lavaṇottarām |
sarvamevaṃ vidhiṃ kṛtvā sarvātodyaiḥ pravāditaiḥ || 60 ||

abhimantrya yathānyāyaṃ stambhānutthāpyecchuciḥ |
yathā'calo girirmerurhimavāṃśca mahābalaḥ || 61 ||

jayāvaho narendrasya tathā tvamacalo bhava |
stambhadvāraṃ ca bhittiṃ ca nepathyagṛhameva ca || 62 ||

evamutthāpayettajjño vidhidṛṣṭena karmaṇā |
raṅgapīṭhasya pārśve tu kartavyā mattavāraṇī || 63 ||


dātavyeti | dvijāyeti dātavyabalāllabhyate | abhimantryeti sūcito yaḥ 
mantrastamāha - yatheti | praṇavanamaskāramadhyavartī cāyaṃ paṭhitavya iti 
vāstuvidyāvidaḥ | acalo bhaveti | pū(apū)rvavidhiḥ | na (tena) tadanuvādena 
jayāvaho bhavetyasya na paunaruktyam (?) evamiti | tena bhittau strītvena gṛhe 
napuṃsakatvenohaḥ kāryaḥ | pārśva iti | viśeṣānupādānāttayostulyam (nā. 
śā. 2-65) iti ca dvivacanālliṅgādbhāvinordvayoḥ pārśvayoriti labhyate | (58-63)

stambhāścatvāraḥ bahirmaṇḍapānniṣkāsanaṃ kṛtvā dhriyante 
maṇḍapakṣetrādbahiḥ | tena bhitticchredāvadhau stambhadvayam | tato'pi 
bahirbhitteraṣṭahastāntarastambhāpekṣayā'pyaṣṭahastāntara-

p. 61)

catuḥstambhasamāyuktā raṅgapīṭhapramāṇataḥ |
adhyardhahastotsedhena kartavyā mattavāraṇī || 64 ||

ūtsedhena tayostulyaṃ kartavyaṃ raṅgamaṇḍapam |
tasyāṃ mālyaṃ ca dhūpaṃ ca gandhaṃ vastraṃ tathaiva ca || 65 ||

nānāvarṇāni deyāni tathā bhūtapriyo baliḥ |
āyasaṃ tatra dātavyaṃ stambhānāṃ kuśalairadhaḥ || 66 ||

bhojane kṛsarāśvaiva dātavyaṃ brāhmaṇāśanam |
evaṃ vidhipuraskāraiḥ kartavyā mattavāraṇī || 67 ||

raṅgapīṭhaṃ tataḥ kāryaṃ vidhidṛṣṭena karmaṇā |
raṅgaśīrṣantu kartavyaṃ ṣaḍdārukasamanvitam || 68 ||


stambhadvayamityetāvadityaṣṭahastavistārā samacaturaśrā mattavāraṇī bhavati | 
āyāmastu pramāṇamiti ye vadanti teṣāṃ mate dairghyādaṣṭahastaṃ vistārāt 
ṣoḍaśahastamityevaṃ vikṛṣṭatā raṅgapīṭhasya bhavati | anyeṣāṃ 
hastamāno'tra (mānamatra) yathā raṅgapīṭhāpekṣayā ca sārdhahastaparimāṇa 
ucchrāyaḥ kāryo mattavāraṇyāḥ | tayoriti dvivacanaṃ jñāpa-
kametaccaritārthamitīha nāpekṣita iti | tasyā eva 
yāvānutsedhastāvānraṅgapīṭhasya | tena budhnabhūbhāgāpekṣayā 
sārdhahastapramāṇonnataṃ raṅgapīṭhamityuktaṃ bhavati | tena 
mattavāraṇyālokena nātyarthaṃ raṅgapīṭhasya duṣprekṣatā | 
etaccotsedhenetyekavacanena sūcitam | anyathotsedhābhyāmityucyeta |

mālyadhūpādyatra nirmāṇakāla eva deyam | tadadhiṣṭhātṛṇāṃ 
bhūtādīnāmugratvena yatnopacaraṇīyatvāt | tadāha - vidhipuraskārairiti | 
puraskāraśabdena vidhirvāstuvidyāśāstroktaḥ | (64-67) |

raṅgapīṭhe kārye raṅgaśirastāvadāha - raṅgaśīrṣamiti | 
nepathyagṛhabhittilagnau dvau stambhā vaṣṭahastāntarāvanyonyaṃ niveśya 
tayoryanmukhāderapekṣayā caturhastāntaraṃ stambhadvayam | teṣāmadhastanaṃ 
kāṣṭhamuparitanaṃ ceti ṣaḍ dārūṇi | yatra ṣaḍ dārūṇi tatṣaḍdārūkam |


p. 62)

kāryaṃ dvāradvayaṃ cātra nepathyagṛhakasya tu |
pūraṇe mṛttikā cātra kṛṣṇā deyā prayatnataḥ || 69 ||

lāṅgalena samutkṛṣya nirloṣṭatṛṇaśarkaram |
lāṅgale śuddhavarṇo tu dhuryau yojyau prayatnataḥ || 70 ||

kartāraḥ puruṣāścātra ye'ṅgadoṣavivarjitāḥ |
ahīnāṅgaiśca voḍhavyā mṛttikā piṭakairnaveḥ || 71 ||

evaṃvidhaiḥ prakartavyaṃ raṅgaśīrṣaṃ prayatnataḥ |
kūrmapṛṣṭhaṃ na kartavyaṃ matsyapṛṣṭhaṃ tathaiva ca || 72 ||

śuddhādarśatalākāraṃ raṅgaśīrṣaṃ praśasyate |
ratnāni cātra deyāni pūrve vajraṃ vicakṣaṇaiḥ || 73 ||

vaiḍūryaṃ dakṣiṇe pārśve sphaṭikaṃ paścime tathā |
pravālamuttare caiva madhye tu kanakaṃ bhavet || 74 ||


saṃjñāyāṃ kan | tattena vicitraracanopetatvaṃ labhyate | atra nepathyagṛhasya 
dvāradvayaṃ kāryam | ekaṃ dakṣiṇataḥ | aparamuttarataḥ | tacca 
dvāradvayamāpāditaṃ kūrparābhina(ma)tyā bhavati | tatpātrāṇāṃ 
viśrāntyai āgacchatāṃ ca guptyai raṅgasya śobhāyai raṅgaśiraḥ kāryam |

anye tu -

pārśvadvayordhvādharadārumaṇḍitaṃ stambhadvayopetamihācchapātakam |

iti ṣaḍdārukamāhuḥ | anye (atra) tūrdhūstambhaśiraso dūraṃ 
nirgatakāṣṭhādapratyūhastato(hato) vinirgatā tulāsañjavanaphalakāḥ smṛtāḥ | 
ākāśe bhittivyākhyāḥ stambhāśritāḥ siṃhādayo vyālānubandhāśca 
niryūhāstulāntānnssṛtāḥ phalakabhittimayāḥ kuharāṇi 
parvatapuranikuñjagahvararūpāṇīti ṣaḍdārukam | sarvatra ca pakṣe 
dākṣiṇottaragataṃ dvāradvayaṃ pātrāṇāṃ 
pravṛtibhedakṛtātpradakṣiṇāpradakṣiṇapraveśatvāt | śuddhavarṇau | śuklau | 
dhuryau dāntau | (68-71)


p. 63)

evaṃ raṅgaśiraḥ kṛtvā dārukarma prayojayet |
ūhapratyūhasaṃyuktaṃ nānāśilpaprayojitam || 75 ||

nānāsañjavanopetaṃ bahuvyālopaśobhitam |
sasālabhañjikābhiśca samantātsamalaṅkṛtam || 76 ||

nirvyūhakuharopetaṃ nānāgrathitavedikam |
nānāvinyāsasaṃyuktaṃ citrajālagavākṣakam || 77 ||

supīṭhadhāriṇīyuktaṃ kapotālīsamākulam |
nānākuṭṭimavinyastaiḥ stambhaiścāpyupaśobhitam || 78 ||

evaṃ kāṣṭhavidhiṃ kṛtvā bhittikarma prayojayet |
stambhaṃ vā nāgadantaṃ vā vātāyanamathāpi vā || 79 ||


kūrmapṛṣṭhamiti | samantato nimnaṃ madhye ca vartalarūpaṃ mandam | 
tattādṛgeva madhye dīrgharūpaṃ matsyapṛṣṭham | tadubhayaṃ nātra kāryam | 
samaṃ tulyaṃ kāryam | ratnāni tadāyudhaṃ tadvarṇānurūpatvena yathāyogam | 
kṛtveti | pūrvaṃ vibhajya buddhyeti yāvat | dārukarmetyuktaṃ vibhajati - 
ūhapratyūhasaṃyuktamityādinā stambhaiścāpyupaśobhitamityantena | kuharāṇi 
parvatanikuñjagṛhāṇi vanarūpāṇi | sālabhañjikāḥ kāṣṭhamayyaḥ 
kāntā(nta)prakṛtayaḥ | nānākṛtibhirgrathitāḥ vedikāścaturaśrikāḥ yatra | 
citrāṇi jālāni caturaśrāṣṭāśracchidrarūpāṇi gavākṣāṇi ca 
vartulacchidrātmakāni yatra | pīṭhāni stambhopari | teṣu dhāriṇyastulāḥ | 
kapotālī viṭaṅkapālī | kuṭṭimasya nānātvaṃ 
raṅgaśiroraṅgapīṭhamattavāraṇīdvayabhedāt | sarvatra 
tathāvidhadārukasūcakam | raktasitanīlapītādibhedādvā | 
atrohapratyūhāvanyayavyatirekatarkopayoginau kecidāhuḥ | (72-78)

pratidvāramavāntaradvāraṃ dvāreṇa viddhaṃ 
parasparasaṃmukhībhūtamadhyaṃ na kuryāt | nāgadantaṃ 
stambhordhvanīcasthāṃśakaṃ(nīḍasthāṅgakaṃ) putrikādhāraṇārthaṃ 
gajamukhamiti kecit | dve bhūmī raṅgapīṭhasyādhastanoparitanarūpeṇeti kecit | 
mattavāraṇī bahirnirgamanapramāṇena sarvato dvitīyabhittiniveśena 
devaprasādāddhā(dadvā)rikā (devaprāsādāṭṭālikā?) pradakṣiṇasadṛśī


p. 64)

koṇaṃ vā sapratidvāraṃ dvāraviddhaṃ na kārayet |
kārya śailaguhākāro dvibhūmirnāṭyamaṇḍapaḥ || 80 ||

mandavātāyanāpeto nirvāto dhīraśabdavān |
tasmānnivātaḥ kartavyaḥ kartṛbhirnāṭyamaṇḍapaḥ || 81 ||

gambhīrasvaratā yena kutapasya bhaviṣyati |
bhittikarmavidhiṃ kṛtvā bhittilepaṃ pradāpayet || 82 ||

sudhākarma bahistasya vidhātavyaṃ prayatnataḥ |
bhittiṣvatha viliptāsu parimṛṣṭāsu sarvataḥ || 83 ||

samāsu jātaśobhāsu citrakarma prayojayet |
citrakarmaṇi cālekhyāḥ puruṣāḥ strījanāstathā || 84 ||

latābandhāśca kartavyāścaritaṃ cātmabhogajam |
evaṃ vikṛṣṭaṃ kartavyaṃ nāṭyaveśma prayoktṛbhiḥ || 85 ||


dvitīyā bhūmirityanye | upari maṇḍapāntaraniveśanādityapare | advibhūmirityeke 
| upādhyāyāstu vīpsāgarbha vyācakṣate | dve dve bhūmī yatna nimnāte 
(nimnonnate) tato'pyunnatā iti nikrameṇa (nimnonnatakrameṇa) 
raṅgapīṭhanikaṭātprabhṛti dvāraparyantaṃ yāvadraṅgapīṭhotsedhatulyotsedhā 
bhavati | evaṃ hi parasparānācchādanaṃ sāmājikānām | 
śailaguhākāratvaṃ(tvāt) sthiraśabdāditvaṃ ca bhavati | mandatvaṃ 
vātāyanānāṃ jalakapāna(jālakapāṭa)yogātkāryam | kutapaḥ 
saṃpheṭakagāyanavādakasamūhaḥ | kurnāṭyabhūmistāṃ tapati ujjvalayatīti 
kṛtvā | kutaṃ śabdaṃ pātītyanye | gambhīratvaṃ tatraiva śabdasya 
bhramaṇādanyonyapratiśrutikārasamārambhasampūrṇācca (?) | bhittilepo 
bhaṅga(śaṅkha)vālukāśuktikālepaḥ | latābandhā 
drumalatādibandhasanniveśā vā 
mālatyādilatāgatātodyaveṣṭanavaicitryaprakārā vā 
vakṣyamāṇapiṇḍībandhaprakāraviśeṣāśca | etadupasaṃharati - evaṃ 
vikṛṣṭamiti | (79-85) |


p. 65)

punareva hi vakṣyāmi caturaśrasya lakṣaṇam |
samantataśca kartavyā hastā dvātriṃśadeva tu || 86 ||

śubhabhūmivibhāgastho nāṭyajñairnāṭyamaṇḍapaḥ |
yo vidhiḥ pūrvamuktastu lakṣaṇaṃ maṅgalāni ca || 87 ||

vikṛṣṭe tānyaśeṣāṇi caturaśre'pi kārayet |
caturaśraṃ samaṃ kṛtvā sūtreṇa pravibhajya ca || 88 ||

bāhyataḥ sarvataḥ kāryā bhittiḥ śliṣṭeṣṭakā dṛḍhā |
tatrābhyantarataḥ kāryā raṅgapīṭhopari sthitāḥ || 89 ||


yadyapi samacaturaśro'ta eva śakya ūhituṃ tathāpi vispaṣṭārthaṃ 
vakṣyāmītyāśayena punaḥ śabdenopakramate - punareveti | nanu vikṛṣṭe 
stambhavibhāgaraṅgayojanādi noktaṃ tatkathaṃ 
pratipattavyamityāśaṅkāyāmāvṛttyā'nenaivottaraṃ - caturaśrasambandhi 
yallakṣaṇaṃ tatpunaryasmādvakṣyāmo ghaṭasya (yadasya) vikṛṣṭasya 
sambandhitvena tasmānnāpūrṇa vikṛṣṭalakṣaṇam | tathā yadasya 
lakṣaṇamuktaṃ taccaturaśre'pi sañcāraṇīyamiti punaśśabdena darśayati | 
tenātideśā(śama)nāgatāpekṣaṇākhyaṃ tatra yurāti (yojayati) | caturaśramāha 
- samantata iti | sarveṣvanteṣu catasṛṣvapi dikṣvityarthaḥ | pravibhajya ceti | 
pūrvavadevetyarthaḥ | yadi bāhyato bhittirabhyantare kimityāha - tatrābhyantara iti | 
aṣṭabhirbhāgaiḥ sarvataḥ kṣetraṃ vibhajet | yena 
caturaṅgaphalakavaccatuṣṣaṣṭikoṣṭhaṃ bhavati | tatra madhyamakoṣṭhakacatuṣke 
raṅgapīṭhaṃ sarvato'ṣṭahastam | tasya paścime bhāge prākpaścimaṃ 
dvādaśahastaṃ dakṣiṇottarato dvātriṃśatkaraṃ tatkṣetramavaśiṣyate | (atra 
yadraṅgapīṭhena svīkṛtaṃ taddhi hastāṣṭakameva |) yadavaśiṣṭaṃ kṣetraṃ 
tanmadhyādraṅgapīṭhanikaṭagataṃ prākpaścimataścaturhastaṃ vistāreṇa 
dvātriṃśaddhastaṃ kṣetrāṃśādvibhajya tāvatpramāṇameva 
paścimabhāge'pi ṣa(ḍdāru)kasaṃsthānaṃ raṅgaśiraḥ kuryāt | tato'pi 
paścime tāvadeva nepathyagrahaṇam(gṛham) | evaṃ sthite raṅgapīṭhaṃ 
lakṣayitvā daśa stambhāḥ ṣaḍdārukastambhavyatiriktā deyāḥ | tatra 
koṇacatuṣṭaye tāvaccatvāraḥ | tatrāgneyastambhāccaturhastāntaro 
dakṣiṇadiśyekaḥ stambhaḥ | tathaiva nair-ṛtastambhād dvitīyaḥ |

p. 66)

daśa prayoktṛbhiḥ stambhāḥ śaktā maṇḍapadhāraṇe |
stambhānāṃ bāhyataścāpi sopānākṛti pīṭhakam || 90 ||

iṣṭakādārubhiḥ kārya prekṣakāṇāṃ niveśanam |
hastapramāṇairutsedhairbhūmibhāgasamutthitaiḥ || 91 ||

raṅgapīṭhāvalokyaṃ tu kuryādāsanajaṃ vidhim |
ṣaḍanyānantare caiva punaḥ stambhānyathādiśam || 92 ||


evamudīcyāmapi stambhadvayam | pūrvabhāge 
aiśānāgnigatātstambhadvayāccaturhastāntaraṃ stambhadvayamiti ṣaṭ | 
koṇagāścatvāra iti ye daśa ta eva | bahiḥ sāmājikāsanāni sarvebhyo vā bahiḥ | 
atisāmīpye dṛṣṭivighātāt | ata evāha raṅgapīṭhāvalokane sādhubhūtamiti | 
anena dvibhūmitvamevānusaṃhitam |

antare stambhavidhimāha - ṣaḍanyāniti | raṅgapīṭhasya dakṣiṇato 
niveśitastambhadvayāccaturhastāntarau anyonyamaṣṭahastāntarau dvai | tata 
āgneyastambhasammukho yo'nyastu pūrvaḥ stmabhaḥ tataścaturhastāntaraṃ 
dakṣiṇastambhaṃ kuryāditi pūrvanyastānāṃ dakṣiṇastambhānāṃ 
dakṣiṇabhitteścāntarāle stambhatrayam | evamuttarasyāmapi |

teṣāmuparīti | adhikānaṣṭau dadyāt | tatra dakṣiṇabhitterudagbhāge 
caturhastāntaraṃ pūrvasthāpitastambhādbhitteścekaṃ stambhaṃ dadyātpūrvam 
| evamuttarabhitterdakṣiṇadigbhāge | tataḥ pūrvabhitteścaturhastāntarau 
raṅgabhāgadvayānusāreṇa dvau (dvau dvau) tato'pi caturhastāntarau 
dvāvityaṣṭau |

viddhamāsyaṃ mukhaṃ yasya tat padmādiviracitaṃ mukhaṃ 
stambheṣvaṣṭahastaṃ pīṭhaṃ nikṣipet | viddhāsyasyopari 
hastapramāṇadhāriṇīnāṃ tulānāṃ dhārakāḥ stambhā .......śrayāḥ iti 
caturaśre stambhavidhiḥ |

tameva vikṛṣṭe trikoṇeṣu svabuddhyā yojayediti śrīśaṅkukādyāḥ | anye tu - 
aṣṭau stambhānpunaśca iti nepathyagṛhaviṣayānetānāhuḥ |


p. 67)

vidhinā sthāpayettajjño dṛḍhānmaṇḍapadhāraṇe |
aṣṭau stambhānpunaścaiva teṣāmupari kalpayet || 93 ||

sthāpyaṃ caiva tataḥ pīṭhamaṣṭahastapramāṇataḥ |
viddhāsyamaṣṭahastaṃ ca pīṭhaṃ teṣu tato nyaset || 94 ||


vārtikakṛttu -

antarnepathyagṛhaṃ stambhau dvau pīṭhakāśca catvāraḥ |
.....ṁye catvāro daśaivamuktā bhavantyete ||

bhitteḥ stamabhānāṃ ca syādantaramaṣṭahastamevānte | iti |

datto'dyavātāthaḥ so'thā nānābhaveduktaḥ (?) |
catvāraḥ pīṭhagatāḥ paścādagre ca yāviha dvau dvau ||

ṣaṭ sāntarāstathānye kāryā iti śāstra(tātparyam) |
........... pīṭhagatāḥ paścādagre ca yāviha dvau dvau || (?)

teṣāmaṣṭāvanye'pyupari niveśyā ya uddiṣṭāḥ |
tairutkṣiptairiha tale syādālokaḥ samastaraṅgasya ||

sopānākṛti pīṭhakamatra vidheyaṃ samantato raṅge |
yenāloka..........ṣyupari kāṣṭhāsu || iti |

anye'pi caivaṃvidhā bahavaḥ pravādā granthavistarabhayānna likhitāḥ |

ayaṃ candrasodara (cātra sāra) ityupādhyāyāḥ | iha prekṣāmaṇḍapasya tridhā 
kalpanā kṛtā | adhobhūmiḥ raṅgapīṭhaṃ raṅga iti | teṣu cāyaṃ 
stambhavinyāsavidhiviccheda uktaḥ | 

tathā hi - adhobhūmau stambhānāha - tatrābhyantarata iti | vistāre 
dvādaśahastāyāmamevaṃ ca catu.........(rhastāntarā) dātavyāḥ | dvau stambhau 
bhittidvayāpekṣayā dvādaśa


p. 68)

tatra stambhāḥ pradātavyāstajjñairmaṇḍapadhāraṇe |
dhāraṇīdhāraṇāste ca śālastrībhiralaṅkṛtāḥ || 95 ||

nepathyagṛhakaṃ caiva tataḥ kārya prayatnataḥ |
dvāraṃ caikaṃ bhavettatra raṅgapīṭhapraveśanam || 96 ||

janapraveśanaṃ cānyadābhimukhyena kārayet |
raṅgasyābhimukhaṃ kārya dvitīyaṃ dvārameva tu || 97 ||


hastāntarāvanyonyāpekṣayā cāṣṭahastāntarau | anyonyaṃ tayorantaraṃ tathā 
kāryaṃ yena dvāraviddhatā na bhavati | ityevaṃ pañcatulāsu daśa |

etatstambhadaśakavyatiriktāyāṃ bhūmāvāsanavidhirityāha - stambhānāṃ 
bāhyataścāpītyādi | pūrvavadvyākhyeyam | atha raṅgapīṭhe 
stambhanyāsamāha - ṣaḍanyānityādi | upari raṅgapīṭhamukhopalakṣitasya vā (?) 
nepathyagṛhasya vāruṇakoṇa ityuktaṃ bhavati | raṅgapīṭhasya yatpṛṣṭhaṃ 
raṅgaśirastatra dvitīyamiti rāśyapekṣayaikavacanam | tena dvāradvayameva 
raṅgaśirasi nepathyagatapātrapraveśāya kartavyam | cakārādanya(praveśā)rtham 
| janapraveśanadvāram | trīṇi vā kāryāṇi matāntare iti saṅgṛhītaṃ bhavati | 
sarvagrahaṇādanyūnādhikatvamatra darśayan vikṛṣṭe 
stambhānāmādhikyamabhyanujānīte (?) (86-94)

tryaśraraṅgapīṭhe tu pratiraṅgamadhya iti | raṅgo'tra tacchiraḥ | tataḥ pṛṣṭhataḥ 
raṃ ....geyādivābhitaḥ (?) karmapravacanīyo varjaga(na)dyotakaḥ | raṅgapīṭhaṃ 
varjayitvā tadabhyantaramaṇḍapasya | tatra dvātriṃśaddhasteṣu raṅgapīṭhe 
pratikoṇastambhā ityaṣṭahastāntarāścatvāraḥ | tadanantaraṃ stambhadvayamiti 
ṣaḍapyete'ṣṭahastāntaraṃ tato dvādaśahastāyāmaṃ yadavaśiṣyate tatra 
caturhastāyāmaṃ dvātriṃśaddhastavistāraṃ yadraṅgaśirastatra dve tule 
dātavye | pratitulaṃ cāṣṭahastā(ntaraṃ stambhacatuṣṭayaṃ) varjayitvetyaṣṭau 
bhavanti | ata eva hi viddhāsyamaṣṭahastaṃ caturhastāntarāle'pi tiraścīnaṃ 
deyam | yena tulitaṃ citraṃ bhavati | etadāhāṣṭau stambhānityādi 
| ....śādasaubhauyādiko vā sirayamuparīti(?) | raṅgapīṭhasya yadupari 
śirorūpamityarthaḥ | tathā ca vikṛṣṭamaṇḍape raṅgapīṭhāpekṣayā 


p. 69)

aṣṭahastaṃ tu kartavyaṃ raṅgapīṭhaṃ pramāṇataḥ |
caturaśraṃ samatalaṃ vedikāsamalaṅkṛtam || 98 ||

pūrvapramāṇanirdiṣṭā kartavyā mattavāraṇī |
catuḥstambhasamāyuktā vedikāyāstu pārśvataḥ || 99 ||

samunnataṃ samaṃ caiva raṅgaśīrṣaṃ tu kārayet |
vikṛṣṭe tūnnataṃ kāryaṃ caturaśre samaṃ tathā || 100 ||

evametena vidhinā caturaśraṃ gṛhaṃ bhavet |
ataṃ paraṃ pravakṣyāmi tryaśragehasya lakṣaṇam || 101 ||

tryaśraṃ trikoṇaṃ kartavyaṃ nāṭyaveśma prayoktṛbhiḥ |
madhye trikoṇamevāsya raṅgapīṭhaṃ tu kārayet || 102 ||

dvāraṃ tenaiva koṇena kartavyaṃ tasya veśmanaḥ |
dvitīyaṃ caiva kartavyaṃ raṅgapīṭhasya pṛṣṭhataḥ || 103 ||


raṅgaśira unnataṃ vakṣyate | tatra niyamādaṣṭastambhā nyasyante | api tu dṛḍhā 
nyasanīyā iti darśayati - tatra stambhā iti | athāvaśiṣṭaṣu hasteṣu vidhiprāha - 
nepathyagṛhakamiti | raṅgapīṭhapraveśanamiti vacanenedamāha - 
kakṣyāvibhāgena tāvat dve dvāre tena dvāramiti ajatāvekavacanam | 
ekaśabdaśca rāśyabhiprāyeṇa | rāśikaraṇe ca nimittaṃ pātrapraveśopāyanam | 
tathā ca kakṣyādhyāye vakṣyati -

ye nepathyagṛhadvāre mayā pūrvaṃ prakīrtite | tayorbhāṇḍasya vinyāsaḥ | (nā. 
śā. 13-2) iti | (jana)praveśanaṃ ca tṛtīyadvāranepathyagṛhasya | yena 
bhāryāmādāya naṭaparivāraḥ praviśati | anyatu dvāramābhimukhyena 
pūrvasyāṃ diśi kuryāt | dvāravṛttyā sāmājikajanapraveśārtham | nanu 
kimapekṣamābhimu(khyam | kakṣyāpe)kṣayaiva pūrvādibhirityuktam | yad 
vakṣyati ca -

yato mukhaṃ bhavedbhaṇḍadvāraṃ nepathyakasya tu |
sā mantavyā tu dik pūrvā nāṭyayoge vipaścitā || (nā.śā- 13-11) iti evaṃ 
caturdvāraṃ nāṭyagṛham |


p. 70)

vidhiryaścaturaśrasya bhittistambhasamāśrayaḥ |
sa tu sarvaḥ prayoktavyastryaśrasyāpi prayoktṛbhiḥ || 104 ||

evametena vidhinā kāryā nāṭyagṛhā budhaiḥ |
punareṣāṃ pravakṣyāmi pūjāmevaṃ yathāvidhi || 105 ||

iti bhāratīye nāṭyaśāstre maṇḍapavidhānonāma dvitīyo'dhyāyaḥ ||


anye tvādyadvāra(dvayami)vādyena hetunā'nyadvāradvayaṃ pārśvasthitaṃ 
kuryādālokasiddhyarthamiti ṣaḍdvāraṃ nāṭyagṛhamācakṣate | atha 
raṅgapīṭharaṅgaśirasorvaktavyaśeṣaṃ nirūpayati - aṣṭahastantviti | vedike 
śobhāyukte kārye | pūrvapramāṇam | adhyardhahastotsedhatvam | samunnatamiti | 
raṅgapīṭhāpekṣayā | etacceha prasaṅgātsūcayan vikṛṣṭe tenaiva prakāreṇa 
stambhatrayyadhikā kartavyā | antaramapyatraiva darśitam | (95-101)

atha tryaśrasyātideśadvāreṇa lakṣaṇaṃ kartumupakramamāha - tryaśramiti | 
trikoṇamiti lakṣaṇam | ubhayānugrahācca vikṛṣṭacaturaśramānadvayameva 
bhavati | madhye ca trikoṇameva raṅgapīṭham | tathaiva raṅgaśirasaḥ | 
nepathyagṛhaṃ ca | tenaiva koṇeneti | vāruṇīgatena | dvāraṃ janapraveśanam | na 
tasminneva koṇe dvāre kartavye | saṅgatiṃ sūcayati - evameteneti | etena vidhinā 
bahavo nāṭyamaṇḍapāḥ na tu pūrvoktāṣṭādaśabhedakalanayetyarthaḥ | 
budhairityūhāpohavidbhiḥ | punariti | yadyapi gaditāḥ sarve śubhadāḥ | pūjāmiti 
| tathāpi vakṣyāmiti punaśśabdārthaḥ | tatra hi (vidhāne(naṃ) noktam | tadāha - 
yathāvidhīti | eṣāmiti | maṇḍapasthā devatāḥ | anenopacārāduktāḥ | (102-105)

iti śrīmahāmāheśvarābhinavaguptācāryaviracitāyāmabhinavabhāratyāṃ 
bhāratīyanāṭyaśāstravivṛtau maṇḍapādhyāyo dvitīyaḥ ||
p. 71)

śrīḥ |

atha tṛtīyo'dhyāyaḥ |

sarvalakṣaṇasampanne kṛte nāṭyagṛhe śubhe |
gāvo vaseyuḥ saptāhaṃ saha japyaparairdvijaiḥ || 1 ||

tato'dhivāsayedveśma raṅgapīṭha tathaiva ca |
mantrapūtena toyena prokṣitāṅgo niśāgame || 2 ||

yathāsthānāntaragato dīkṣitaḥ prayataḥ śuciḥ |
trirātropoṣito bhūtvā nāṭyācāryo'hatāmbaraḥ || 3 ||

namaskṛtya mahādevaṃ sarvalokodbhavaṃ bhavam |
jagatpitāmahaṃ caiva viṣṇumindraṃ guhaṃ tathā || 4 ||

sarasvatīṃ ca lakṣmīṃ ca siddhiṃ medhāṃ dhṛtiṃ smṛtim |
somaṃ sūryaṃ ca maruto lokapālāstathāśvinau || 5 ||

mitramagniṃ surānvarṇān rudrānkālaṃ kaliṃ tathā |
mṛtyuṃ ca niyatiṃ caiva kāladaṇḍaṃ tathaiva ca || 6 ||


yadāpyāyaparā lo ........................... |
........................ tattejovapuraiśvaram ||

niṣpanne maṇḍape pūjā'vaśyaṃ kartavyeti saṅgatiḥ | tatra prayogakramo'yam | 
ta(ata)thātve'dhyā(gatādhyā)yānantaraṃ pūrvaraṅgābhidhānāpatteḥ | 
tasmānmaṇḍapavidhānaśeṣa e(va darśayi)ṣyate | avaśyapūjyatvāt | japyaparairiti 
| ye rakṣoghna mantrāstajjāpakairityarthaḥ | tata iti |


p. 72)

viṣṇupaharaṇaṃ caiva nāgarājaṃ ca vāsukim |
vajraṃ vidyutsamudrāṃśca gandharvāpsaraso munīn || 7 ||

bhūtān piśācān yakṣāśca guhyakāṃśca maheśvarān |
asurānnāṭyavighnāśca tathā'nyāndaityarākṣasān || 8 ||

tathā nāṭyakumārīśca mahāgrāmaṇyameva ca |
yakṣāṃśca guhyakāṃścaiva bhūtasaṅghāstathaiva ca || 9 ||

etāṃścānyāṃśca devarṣīnpraṇamya racitāñjaliḥ |
yathāsthānāntaragatānsamāvāhya tato vadet || 10 ||

bhavadbhirno niśāyāṃ tu kartavyaḥ samparigrahaḥ |
sāhāyyaṃ caiva dātavyamasminnāṭye sahānugaiḥ || 11 ||

sampūjya sarvānakatra kutapaṃ samprayujya ca |
jarjarāya prayuñjīta pūjāṃ nāṭyaprasiddhaye || 12 ||

tvaṃ mahendrapraharaṇaṃ sarvadānavasūdanam |
nirmitassarvadevaiśca sarvavighnanibarhaṇa || 13 ||


saptāhādanantaram | adhivāsayediti | devatā maṇḍapamadhivasantyagacchanti | 
nāṭyācāryo dahrma(ryakṛtamupari)tanadevatopanimantraṇamadhivāsanaṃ 
veśmanaḥ | dīkṣito gṛhītavrataḥ | nāyako nāṭyācāryaḥ | namaskṛtyāvāhya | 
vadediti sambandhaḥ | parameśvarasmaraṇaṃ ca prathamamucitamiti mahādevamiti | 
mahāgrāmaṇīrgaṇapatiḥ | anyāṃśceti | prathamādhyāyoktān | (1-10) 

ekatreti | sthaṇḍilabhūbhāge | kutapamiti | caturvidhātodyabhāṇḍāni | ekatra 
niveśanaṃ jarjarasya pūjārthamavasthāpanam | āryeṇa nivasanīyamiti upāsyamiti 
bhāve kṛtyaḥ |


p. 73)

nṛpasya vijayaṃ śaṃsa ripūṇāṃ ca parājayam |
gobrāhmaṇaśivaṃ caiva nāṭyasya ca vivardhanam || 14 ||

evaṃ kṛtvā yathānyāyamupāsyaṃ nāṭyamaṇḍape |
niśāyāṃ tu prabhātāyāṃ pūjanaṃ prakramediha || 15 ||

ārdrāyāṃ vā maghāyāṃ vā yāmye pūrveṣu vā triṣu |
āśleṣāmūlayorvāpi kartavyaṃ raṅgapūjanam || 16 ||

ācāryeṇa tu yuktena śucinā dīkṣitena ca |
raṅgasyodyotanaṃ kāryaṃ devatānāṃ ca pūjanam || 17 ||

dinānte dāruṇe ghore muhūrte yamadaivate |
ācamya tu yathānyāyaṃ devatā vai niveśayet || 18 ||

raktāḥ pratisarāḥ sūtraṃ raktagandhāśca pūjitāḥ |
raktāḥ sumanasaścaiva yacca raktaṃ phalaṃ bhavet || 19 ||

yavaissiddhārthakairlājairakṣataiḥ śālitaṇḍulaiḥ |
nāgapuṣpasya cūrṇena vituṣābhiḥ priyaṅgubhiḥ || 20 ||


bharaṇīnakṣatram | pūrveṣviti nakṣatrāpekṣānirdeśaḥ | tāni pūrvaphalgunī 
pūrvāṣāḍhā pūrvā bhādrapadā ca | (udyotanamiti |) jvalitadarbholmukena 
spa(da)rśanaṃ nīrāca (rāja)namiti prasiddham | pratisarā iti | sūtravinirmitā 
granthimantaḥ kaṅkaṇaviśeṣāḥ | maṇḍapasya raṅgapīṭhādeścoparyuktaṃ 
sarvaṃ niveśyate | sūtramiti samantato...... rityetatsarvaṃ śeṣa (ṣam |) 
niveśanamityāvāhanakāle'rghyadānamityarthaḥ | anye tanni(tu 
ni)veśanamityadhikaraṇe lyuṭ | maṇḍalaviśeṣaṇaṃ caitat | maṇḍalaṃ ca 
yavādibhirityādi | nāgapuṣpaṃ nāgadantaḥ | (11-21)


p. 74)

etairdravyairyutaṃ kuryāddevatānāṃ niveśanam |
ālikhenmaṇḍalaṃ pūrvaṃ yathāsthānaṃ yathāvidhi || 21 ||

samantataśca kartavyaṃ hastāḥ ṣoḍaśa maṇḍalam |
dvārāṇi cātra kurvīta vidhānena caturdiśam || 22 ||

madhye caivātra kartavye dve rekhe tiryagūrdhvage |
tayoḥ kakṣyāvibhāgena daivatāni niveśayet || 23 ||

padmopaviṣṭaṃ brahmāṇaṃ tasya madhye niveśayet |
ādau niveśyo bhagavānsārdhaṃ bhūtagaṇaiḥ śivaḥ || 24 ||

nārāyaṇo mahendraśca skandaḥ sūryo'śvinau śaśī |
sarasvatī ca lakṣmīśca śraddhā medhā ca pūrvataḥ || 25 ||

pūrvadakṣiṇato vahnirniveśyaḥ svāhayā saha |
viśvedevāḥ sagandharvā rudrāḥ sarpagaṇāstathā || 26 ||

dakṣiṇena niveśyastu yamo mitraśca sānugaḥ |
pitṝnpiśācānuragān guhyakāṃśca niveśayet || 27 ||


ṣoḍaśahastaṃ yathā bhavati tathā kāryamiti | ataḥ caturhastṃ raṅgapīṭhapṛṣṭha 
eva maṇḍalamityuktaṃ bhavati | tena śaṅkukādibhiḥ 
ṣoḍaśahastāvakāśābhāvaḥ āsanastambhādivaśāt | tasmādakṛta eva 
raṅgapīṭhe ityādi vṛthaiva bahutara(mupanyastam | dve rekhe iti | prāktane |) 
tiryaggataikā dakṣiṇottaragatā | pṛṣṭhe dvitīyā pūrvapaścimagatāḥ | tayo 
rekhayoḥ | kakṣyā sthānāntarāṇi | teṣu vibhāgena bhāvitāni | tasyeti | 
maṇḍalasya | padmopaviṣṭamiti | madhye padmaṃ kāryamityarthaḥ | ādāviti | tena 
ādideśe 


p. 75)

nair-ṛtyāṃ rākṣasāṃścaiva bhūtāni ca niveśayet |
paścimāyāṃ samudrāṃśca varuṇaṃ yādasāṃ patim || 28 ||

vāyavyāyāṃ diśi tathā sapta vāyūnniveśayet |
tatraiva viniveśyastu garuṇdaḥ pakṣibhiḥ saha || 29 ||

uttarasyāṃ diśi tathā dhanadaṃ saṃniveśayet |
nāṭyasya mātṝśca tathā yakṣānatha saguhyakān || 30 ||

(tathaivottarapūrvāyāṃ nandyādyāṃśca gaṇeśvarān |
brahmarṣibhūtasaṃghāṃśca yathābhāgaṃ niveśayet || 31 ||)

stambhe sanatkumāraṃ tu dakṣiṇe dakṣameva ca |
grāmaṇyamuttare stambhe pūjārthaṃ saṃniveśayet || 32 ||

anenaiva vidhānena yathāsthānaṃ yathāvidhi |
suprasādāni sarvāṇi daivatāni niveśayet || 33 ||

sthāne sthāne yathānyāyaṃ viniveśya tu devatāḥ |
tāsāṃ prakurvīta tataḥ pūjanaṃ tu yathārhataḥ || 34 ||


aiśānakoṇe | prathamāvasare ca tathaivāvāhanasyoktatvāt | 
padmopama(paviṣṭami)miti pratidiśaḥ sambandhanīyatvena (sambandhīni | tena) 
navapadmamaṇḍalamityuktaṃ bhavati |


p. 76)

devatābhyastu dātavyaṃ sitamālyānulepanam |
gandharvavahnisūryebhyo raktamālyānulepanam || 35 ||

gandhaṃ mālyaṃ ca dhūpaṃ ca yathāvadanupūrvaśaḥ |
dattvā tataḥ prakurvīta baliṃ pūjāṃ yathāvidhi || 36 ||

brahmāṇaṃ madhuparkeṇa pāyasena sarasvatīm |
śivaviṣṇumahendrādyāḥ sampūjyā modakairatha || 37 ||

ghṛtaudanena hutabhuksomārkau tu guḍaudanaiḥ |
viśvedevāḥ sagandharvā munayo madhupāyasaiḥ || 38 ||

yamamitrau ca sampūjyāvapupairmodakaistathā |
pitṝnpiśācānuragān sarpiḥkṣīreṇa tarpayet || 39 ||

pavānnena tu māṃsena surāsīdhuphalāsavaiḥ |
arcayedbhūtasaṃghāṃśca caṇakaiḥ palalāplutaiḥ || 40 ||

anenaiva vidhānena sampūjyā mattavāraṇī |
pakvāmena tu māṃsena sampūjyā rakṣasāṃ gaṇāḥ || 41 ||

surāmāṃsapradānena dānavānpratipūjayet |
śeṣāndevagaṇāṃstajjñaḥ sāpūpotkārikaudanaiḥ || 42 ||


dakṣiṇapūrve āgneyastambha iti | uttarapūrve aiśānastambha ityarthaḥ | 
suprasādānīti | tathā dhyānena niveśitānītyarthaḥ | yathārhataḥ tattadāgameṣu 
yo yasyāṃ vidhirdṛśyate devatāyāṃ tena krameṇa | (22-34 |)


p. 77)

matsyaiśca piṣṭabhakṣyaiśc sāgarānsaritastathā |
sampūjya varuṇaṃ cāpi dātavyaṃ ghṛtapāyasam || 43 ||

nānāmūlaphaliścāpi munīnsampratipūjayet |
vāyūṃśca pakṣiṇaścaiva vicitrairbhakṣyabhojaneḥ || 44 ||

mātṝrnāṭyasya sarvāstā dhanadaṃ ca sahānugaiḥ |
apūpairlājikāmiśrairbhakṣyabhojyaiśca pūjayet || 45 ||

evameṣāṃ baliḥ kāryo nānābhojanasaṃśrayaḥ |
punarmantravidhānena balikarma ca vakṣyate || 46 ||

devadeva mahābhāga sarvalokapitāmaha |
mantrapūtamimaṃ sarvaṃ pratigṛhṇīṣva me balim || 47 ||

devadeva mahādeva gaṇeśa tripurāntaka |
pragṛhyatāṃ balirdeva mantrapūto mayodyataḥ || 48 ||

nārāyaṇāmitagate padmanābha surottama |
pragṛhyatāṃ balirdeva mantrapūto mayārpitaḥ || 49 ||

purandarāmarapate vajrapāṇe śatakrato |
pragṛhyatāṃ balirdeva vidhimantrapuraskṛtaḥ || 50 ||

devasenāpate skanda bhagavan śaṅkarapriya |
baliḥ prītena manasā ṣaṇmukha pratigṛhyatām || 51 ||

p. 78)

(mahādeva mahāyogindevadeva surottama |
saṃpragṛhya baliṃ deva rakṣa vighnātsadotthitāt ||)

devi devamahābhāge sarasvati haripriye |
pragṛhyatāṃ balirmātarmayā bhaktyā samarpitaḥ || 52 ||

nānānimittasambhūtāḥ paulastyāḥ sarva eva tu |
rākṣasendrā mahāsattvāḥ pratigṛhṇīta me balim || 53 ||

lakṣmīḥ siddhirmatirmedhā sarvalokanamaskṛtāḥ |
mantrapūtamimaṃ devyaḥ pratigṛhṇantu me balim || 54 ||

sarvabhūtānubhāvajña lokajīvana māruta |
pragṛhyatāṃ balirdeva mantrapūto mayodyataḥ || 55 ||

devavaktra suraśreṣṭha dhūmaketo hutāśana |
bhaktyā samudyato deva baliḥ samprati gṛhyatām || 56 ||

sarvagrahāṇāṃ pravara tejorāśe divākara |
bhaktyā mayodyato deva baliḥ samprati gṛhyatām || 57 ||

sarvagrahapate soma dvijarāja jagatpriya |
pragṛhyatāmeṣa balirmantrapūto mayodyataḥ || 58 ||

mahāgaṇeśvarāḥ sarve nandīśvarapurogamāḥ |
pragṛhyatāṃ balirbhaktyā mayā samprati coditaḥ || 59 ||

p. 79)

namaḥ pitṛbhyaḥ sarvebhyaḥ pratigṛhṇantvimaṃ balim |
(bhūtebhyaśca namo nityaṃ yeṣāmeṣa baliḥ priyaḥ |)
kāmapāla namo nityaṃ yasyāyaṃ te vidhiḥ kṛtaḥ || 60 ||

nāradastumburuścaiva viśvāvasupurogamāḥ |
parigṛhṇantu me sarve gandharvā balimudyatam || 61 ||

yamo mitraśca bhagavānīśvarau lokapūjitau |
imaṃ me pratigṛhṇītāṃ baliṃ mantrapuraskṛtam || 62 ||

rasātalagatebhyaśca pannagebhyo namonamaḥ |
diśantu siddhiṃ nāṭyasya pūjitāḥ pāpanāśanāḥ || 63 ||

sarvāmbhasāṃ patirdevo varuṇo haṃsavāhanaḥ |
pūjitaḥ prītimānastu sasamudranadīnadaḥ || 64 ||

vainateya mahāsattva sarvapakṣipate vibho |
pragṛhyatāṃ balirdeva mantrapūto mayodyataḥ || 65 ||

dhanādhyakṣo yakṣapatirlokapālo dhaneśvaraḥ |
saguhyakassayakṣaśca pratigṛhṇātu me balim || 66 ||

namo'stu nāṭyamātṛbhyo brāhmyādyābhyo namonamaḥ |
sumukhībhiḥ prasannābhirbaliradya pragṛhyatām || 67 ||

rudrapraharaṇaṃ sarvaṃ pratigṛhṇātu me balim |
viṣṇupraharaṇaṃ caiva viṣṇubhaktyā mayodyatām || 68 ||

tathā kṛtāntaḥ kālaśca sarvaprāṇivadheśvarau |
mṛtyuśca niyatiścaiva pratigṛhṇātu me balim || 69 ||

p. 80)

yāścāsyāṃ mattavāraṇyāṃ saṃśritā vāstudevatāḥ |
mantrapūtamimaṃ samyakpratigṛhṇantu me balim || 70 ||

anye ya devagandharvā diśo daśa samāśritāḥ |
divyāntarikṣabhaumāśca tebhyaścāyaṃ baliḥ kṛtaḥ || 71 ||

kumbhaṃ salilasampūrṇaṃ puṣpamālāpuraskṛtam |
sthāpayedraṅgamadhye tu suvarṇaṃ cātra dāpayet || 72 ||

ātodyāni tu sarvāṇi kṛtvā vastrottarāṇi tu |
gandhairmālyaiśca dhūpaiśca bhakṣyairbhojyaiśca pūjayet ||)
pūjayitvā tu sarvāṇi daivatāni yathākramam |
jarjarastvabhisaṃpūjyaḥ syāttato vighnajarjaraḥ || 73 ||

śvetaṃ śirasi vastraṃ syānnīlaṃ raudre ca parvaṇi |
viṣṇuparvaṇi vai pītaṃ raktaṃ skandasya parvaṇi || 74 ||

mṛḍaparvaṇi citraṃ tu deyaṃ vastraṃ hitārthinā |
sadṛśaṃ ca pradātavyaṃ dhūpamālyānulepanam || 75 ||

ātodyāni ca sarvāṇi vāsobhiravaguṇṭhayet |
gandhairmālyaiśca dhūpaiśca bhakṣyabhojyaiśca pūjayet || 76 ||

sarvamevaṃ vidhiṃ kṛtvā gandhamālyānulepanaiḥ |
vighnajarjaraṇārthaṃ tu jarjaraṃ tvabhimantrayet || 77 ||


mālyānulepanam | (ubhaya)trāpi surādipradhāno balirityarthaḥ | atra 
pūjitasthāpitasya kumbhasya viniyogo bhaviṣyati |


p. 81)

atra vighnavināśārtha pitāmahamukhaissuraiḥ |
nirmitastvaṃ mahāvīryo vajrasāro mahātanuḥ || 78 ||

śiraste rakṣatu brahmā sarvairdevagaṇaiḥ saha |
dvitīyaṃ ca haraḥ parva tṛtīyaṃ ca janārdanaḥ || 79 ||

caturthaṃ ca kumāraste pañcamaṃ pannagottamaḥ |
nityaṃ sarve'pi pāntu tvāṃ surārthe ca śivo bhava || 80 ||

nakṣatre'bhijiti tvaṃ hi prasūto'hitasūdana |
jayaṃ cābhyudayaṃ caiva pārthivasya samāvaha || 81 ||

jarjaraṃ pūjayitvaivaṃ baliṃ sarvaṃ nivedya ca |
agnau homaṃ tataḥ kuryānmantrāhutipuraskṛtam || 82 ||

hutāśa eva dīpābhirulkābhiḥ parimārjanam |
nṛpaternartakīnāṃ ca kuryāddīptyābhivardhanam || 83 ||

abhidyotya sahātodyairnṛpatiṃ nartakīstathā |
mantrapūtena toyena punarabhyukṣya tānvadet || 84 ||

mahākule prasūtāḥ stha guṇaughaiścāpyalaṅkṛtāḥ |
yadvo janmaguṇopetaṃ tadvo bhavatu nityaśaḥ || 85 ||

evamuktvā tato vākyaṃ nṛpaterbhūtaye budhaḥ |
nāṭyayogaprasiddhyarthamāśiṣassamprayojayet || 86 ||

sarasvatī dhṛtirmedhā hrīḥ śrīrlakṣmīssmṛtirmatiḥ |
pāntu vo mātaraḥ saumyāssiddhidāśca bhavantu vaḥ || 87 ||

p. 82)

homaṃ kṛtvā yathānyāyaṃ havirmantrapuraskṛtam |
bhindyātkumbhaṃ tataścaiva nāṭyācāryaḥ prayatnataḥ || 88 ||

abhinne tu bhavetkumbhe svāminaḥ śatruto bhayam |
bhinne caiva tu vijñeyaḥ svāminaḥ śatrusaṃkṣayaḥ || 89 ||

bhinne kumbhe tataścaiva nāṭyācāryaḥ prayatnataḥ |
pragṛhya dīpikāṃ dīptāṃ sarva raṅgaṃ pradīpayet || 90 ||

kṣveḍitaiḥ sphoṭitaiścaiva valgitaiśca pradhāvitaiḥ |
raṅgamadhye tu tāṃ dīptāṃ saśabdāṃ samprayojayet || 91 ||

śaṅkhadundubhinirghoṣairmṛdaṅgapaṇavaistathā |
sarvātodyaiḥ praṇaditai raṅge yuddhāni kārayet || 92 ||

tatra cchinnaṃ ca bhinnaṃ ca dāritaṃ ca saśoṇitam |
kṣataṃ pradīptamāyastaṃ nimittaṃ siddhilakṣaṇam || 93 ||

samyagiṣṭastu raṅgo vai svāminaḥ śubhamāvahet |
purasyābālavṛddhasya tathā janapadasya ca || 94 ||

duriṣṭastu tathā raṅgo daivatairduradhiṣṭhitaḥ |
nāṭyavidhvaṃsanaṃ kuryānnṛpasya ca tathā'śubham || 95 ||


āhutirāhavanam | hutvā havanaṃ tathā satyāhutiḥ syāt | dīptābhiḥ....... | 
kumbhasya viniyogamāha - bhindyāditi |


p. 83)

ya evaṃ vidhimutsṛjya yatheṣṭaṃ samprayojayet |
prāpnotyapacayaṃ śīghraṃ tiryagyoniṃ ca gacchati || 96 ||

yajñena sammitaṃ hyetadraṅgadaivatapūjanam |
apūjayitvā raṅgaṃ tu naiva prekṣāṃ prayojayet || 97 ||

pūjitāḥ pūjayantyete mānitā mānayanti ca |
tasmātsarvaprayatnena kartavyaṃ raṅgapūjanam || 98 ||

na tathā pradahatyagniḥ prabhañjanasamīritaḥ |
yathā hyapaprayogastu prayukto dahati kṣaṇāt || 99 ||

śāstrajñena vinītena śucinā dīkṣitena ca |
nāṭyācāryeṇa śāntena kartavyaṃ raṅgapūjanam || 100 ||

sthānabhraṣṭaṃ tu yo dadyādbalimudvignamānasaḥ |
mantrahīno yathā hotā prāyaścittī bhavettu saḥ || 101 ||

ityayaṃ yo vidhirdṛṣṭo raṅgadaivatapūjane |
nave nāṭyagṛhe kāryaḥ prekṣāyāṃ ca prayoktṛbhiḥ || 102 ||

iti bhāratīye nāṭyaśāstre raṅgadaivatapūjana nāma tṛtīyo'dhyāyaḥ 
samāptaḥ ||


udvignamānasa ityanavadhānarūpaṃ lakṣyate | nave nāṭyagṛha iti 
maṇḍapaśeṣatvamevoktam | prekṣāyāṃ ceti | navāyāmiti kecitsaṃbandhayanti | 
tena .... pūjā kāryeti | anye tu prekṣārambhe sarvathā(dā) pūjā kāryetyāhuriti 
śivam || (35-102) ||

itthaṃ tṛtīyamadhyāyaṃ granthisthāneṣu yojaye(yan) |
buddhyā'bhinavagupto'haṃ śivatātattvabṛṃhitaḥ ||

iti śrīmahāmāheśvarābhinavaguptaviracitāyāṃ 
bhāratīyanāṭyaśāstravivṛtāvabhinavabhāratyāṃ raṅgadaivatapūjanaṃ nāma 
tṛtīyo'dhyāyaḥ samāptaḥ ||
p. 84)

śrīḥ |

atha caturtho'dhyāyaḥ |

evaṃ tu pūjanaṃ kṛtvā mayā proktaḥ pitāmahaḥ |
ājñāpaya vibho vipraṃ kaḥ prayogaḥ prayujyatām || 1 ||


svavilāsairidaṃ viśvaṃ yo darśayati santatam |
(samīramūrtī saḥ śambhuḥ girirājasutāpirya ||)

evantviti | prathamādhyāyoktābhiprāyeṇedamucyate | tathā hi -

martyalokagatāḥ sarve śubhāṃ pūjāmavāpsyatha | (1-122)

ityevamavaśyakāryā pūjā | tatra ca -

raṅgapūjā | tatra ca -

raṅgapūjāṃ kuruṣveti māmevaṃ samacodayat | (1-127)

iti vacanānusāreṇa vā idaṃ proktamityevamiti | (mayeti) duhiṇājñaptena 
satetyarthaḥ | madhye tu

athavā yāḥ kriyāstatra lakṣaṇaṃ yacca pūjanam |
bhaviṣyadbhirnaraḥ kāryaṃ kathaṃ tannāṭyaveśmani || (2-2)

iti munipraśnitapūjā kathaṃ kṛteti prasaṅgādevamaṅgasya yathāsaṃbhavaṃ 
pūrakam | sarvātmanā divye nāṭyagṛhe bhojanadānalāṅgalotkarṣaṇādividheḥ 
samastasyāsambhavāditi | prathamādhyāyāntaryamevāsya tu kartavyam | 
kṣipramiti | anena pūjānantaraṃ prayogeṇa na cirāyitavyamityuktaṃ bhavati | 
prayujyata iti prayogo daśarūpakānyatamam | yadyapi ca sampheṭavidravakṛtā 
prastāvanā baddhetyuktaṃ (1-58) tathāpi prayogo vighnaiḥ stambhita iti 
nāṭyamaṇḍape vighnasāntvanadaivatapūjane ca kṛte'ntya evāyamupakrama iti 
yukta eva praśnaḥ 

p. 85)

tato'smyukto bhagavatā yojayāmṛtamanthanam |
etadutsāhajananaṃ suraprītikaraṃ tathā || 2 ||

yo'yaṃ samavakārastu dharmakāmārthasādhakaḥ |
mayā prāggrathito vidvansa prayogaḥ prayujyatām || 3 ||

tasminsamavakāre tu prayukte devadānavaḥ |
hṛṣṭāḥ samabhavansarve karmabhāvānudarśanāt || 4 ||


kaḥ prayogaḥ prayujyatāmiti | atrottaraṃ ślokadvayenāha - tato'smīti | yojayeti | 
svaputrānaṭā (trānnaṭāṃ)staṃ prayogaṃ punaranusandhānaśikṣayetyarthaḥ | 
yo dharmakāmārthopāyopadeśako mayā 
prāṅnāṭyavedanirmāṇanāntarīyakadaśarūpakanirmāṇavidhau grathitaḥ | 
yo'yamiti ca guṇanikayā tvayā samyaksākṣātkārakalpatvaṃ nayanayogyatvaṃ 
kṛto'mṛtamathanaṃ nāma samavakārākhyaḥ prayogaḥ rūpakam | saḥ 
vidvannanuprayojyatāmiti ślokadvaye saṅgatiḥ | 

turhetau | yasmādetadutsāhajananaṃ 
caturvidhanāyakasthāyibhāvotsāhaprabhavavīrarasātmakam | tatheti | tena 
prakāreṇa surāṇāṃ sarveṣāṃ prītiṃ rasanārūpāṃ carvaṇālakṣaṇāṃ 
karoti | utsāho janano yasyeti samāsaḥ | tena ca prītiprakāreṇotsāhasya 
trivargopāyaviṣayasya jananam | etena dṛśyaṃ śravyamityanusaṃhitam | 
saṅgataṃmahāvākyarthābhiprāyeṇāpi kiñcicchabdonmīlanābhiprāyeṇātra 
kāryaṃ tena sama(samama)vakīryate'rtho yatra sa samavakāraḥ | saṅgatiśca -

devāsurabījakṛtaḥ prakhyātodāttanāyakaścaiva || (18-63)

ityanena darśitaḥ(tā) | aṅko'ṅkastvanyārthaḥ kartavyaḥ (18-69) ityanena 
cāvakīrṇatā | eṣa ca prayogaḥ samaye (?) sukhabhūyiṣṭhatayā ekarase 
vastunyudvegaśīlāḥ ekānusaṃdhānaprayāsabhīravaśca devatulyāḥ |

amṛtamathanaṃ samavakāra iti bhinnaliṅgasāmānādhikaraṇyasūcanadvāreṇa 
tadeva taditi 
sākṣātkārakalpanāddvayavadhāna(namadhyavasāna)viṣaya......ṣyāha | tata eva 
vikramorvaśīyasvapnavāsavadattā(tte)nāṭakamiti kavayo vyavaharanti | (1-4)

p. 86)

kasyacittvatha kālasya māmāhāmbujasambhavaḥ |
nāṭyaṃ sandarśayāmo'dya trinetrāya mahātmane || 5 ||

tataḥ sārdhaṃ surairgatvā vṛṣabhāṅkaniveśanam |
samabhyarcya śivaṃ paścāduvācedaṃ pitāmahaḥ || 6 ||

mayā samavakārastu yo'yaṃ sṛṣṭaḥ surottamaḥ |
śravaṇe darśane cāsya prasādaṃ kartumarhasi || 7 ||

paśyāma iti deveśo druhiṇaṃ vākyamabravīt |
tato māmāha bhagavān sajjo bhava mahāmate || 8 ||

tato himavataḥ pṛṣṭhe nānānagasamākule |
bahubhūtagaṇākīrṇe ramyakandaranirjhare || 9 ||

pūrvaraṅgaḥ kṛtaḥ pūrvaṃ tatrāyaṃ dvijasattamāḥ |
tathā tripuradāhaśca ḍimasaṃjñaḥ prayojitaḥ || 10 ||


evamitihāsasya parisamāptiṃ 
paśyansakalaprayogaprāṇabhūtakaiśikīsarvasvabhūtanṛttaprayogaprastāvanāyet
ihāsamanusandhatte - kasyacittviti | yāvatā kālena gatena śikṣaṇaṃ sampadyate 
tāvatā kālena gatena hetunetyarthaḥ | etena nāṭyaprayogastadvide prathamaṃ 
darśanīya iti darśayati | tena yadbalātprayogo brahmaṇe darśita iti vyākhyātaṃ 
tadasadeva | na copayuktaṃ vastu bhagavate pradarśayitumu(dyo)yojayediti 
cāsaṅgataṃ syāt | sandarśayāma iti cānena kavestanmadhye 
praveśasūcanenotprekṣakatvasūcanaṃ syādityalamanena |

mahātmaśabdena tasyaivātra prekṣaṇe samyagaucityamityāha | śravaṇe darśane 
cetyanusandhate | tathā pūrvaṃ parīkṣakaḥ kavinā śrāvayitavya iti śravaṇa 
ityanenoktam | sāmājikāstu śrāvayitavyā iti nātīva samañjasam | tāvatteṣā 
pravṛttyayogāt | śravaṇādeva copāyasiddhau prayogavaiphalyāt | parameśvarasya 
parīkṣakatvāt paritoṣyatvācca jñānātiśayena 
rasacarvaṇātmakamahābhogasamarpaṇena ca | (5-9)

p. 87)

tato bhūtagaṇā hṛṣṭāḥ karmabhāvānukīrtanāt |
mahādevaśca suprītaḥ pitāmahamathābravīt || 11 ||

aho nāṭyamida samyak tvayā sṛṣṭa mahāmate |
yaśasyaṃ ca śubhārthaṃ ca puṇyaṃ buddhivivardhanam || 12 ||

mayā'pīdaṃ smṛtaṃ nṛtyaṃ sandhyākāleṣu nṛtyatā |
nānākaraṇasaṃyuktairaṅgahārairvibhūṣitam || 13 ||


tatra pūrvaraṅgapūrvakatvaṃ prayogakramasya darśayati - pūrvaraṅga ityādinā 
| ayamiti samavakāraḥ | parameśvaracaritapradhānaśca tripuradāhasaṃbandho 
(jñako) ḍimaśca | prayukta ityanena parīkṣakaparitoṣanimittaṃ prayoktṛbhiḥ 
kiñcitprayojyamityāha | paritoṣaṃ phalataḥ prakaṭayati - mayāpīdamiti | 
anenedamāha - bharatamuninā 
tāvadbhagavannṛttakaiśikīdarśanāttatprayogārthamanusṛtya kiñcinniyojitam | 
tattau samyagupadeśābhāvānnātīva suśliṣṭamiti | ata eva vakṣyati - samyagiti | 
smṛtamityanāditvamasya darśayati | bahuvacanenādaraviṣayatāmiti | aṅgahāra eva 
nṛttaṃ prayogaphalaṃ prasūte | tadaṅgāni tu karaṇādīni | 
dvātriṃśannṛttakarmaṇi pradhānānītyāśayena viśeṣaṇayogamāha - nāneti | 
viniyogamasya nirūpayati - pūrvaraṅgavidhāviti | ka(ra)tisthāne raṅge 
nāṭyaprayoge yaḥ pūrvo raṅgastvayā śuddho vaicitryarahitaḥ prayuktaḥ sa etena 
nṛttena miśritaścitro nāma | bharamuninā 
pratyāhārādyantaryavaṃnikāgatamaṅganavakaṃ 
gītaviraca(vidhānādipraroca)nāntakamaṅgadaśakaṃ yatprayoge nṛttavirahitameva 
prayuktaṃ kartavyamātreṇa na tu kṛtamaṅgadaśakaṃ yatprayuktaṃ 
taddṛṣṭādṛṣṭobhayaprayojanamapi yathā tatra rañjakatvaṃ kiñcit | anena tu 
vimiśraṃ vicitraṃ dṛṣṭādṛṣṭātmakaphalaṃ samyagvitaratītyabhiprāyo 
mahāvākyasya | asminniti | tvaṃ 
pra(tvatpra ?)yuyukṣitaprayogocitoddhatapūrvaraṅgaprayogavidhau | tatprayuktā ime 
karaṇāṅgahārāḥ | sukumārapūrvaraṅge tu daivī (devyā) kṛtā anuddhatā 
aṅgahārā 

p. 88)

pūrvaraṅgavidhāvasmiṃstvayā samyakprayojyatām |
vardhamānakayogeṣu gīteṣvāsāriteṣu ca || 14 ||

mahāgīteṣu caivārthānsamyagevābhineṣyasi |
yaścāyaṃ pūrvaraṅgastu tvayā śuddhaḥ prayojitaḥ || 15 ||

ebhirvimiśritaścāyaṃ citro nāma bhaviṣyati |
śrutvā maheśvaravacaḥ pratyuktastu svayambhuvā || 16 ||

prayogamaṅgahārāṇāmācakṣva surasattama |
tatastaṇḍuṃ samāhūya proktavān bhuvaneśvaraḥ || 17 ||

prayogamaṅgahārāṇāmācakṣva bharatāya vai |
tato ye taṇḍunā proktāstvaṅgahārā mahātmanā || 18 ||

tānvaḥ karaṇasaṃyuktānvyākhyāsyāmi sarecakān |
sthirahasto'ṅgahārastu tathā paryastakaḥ smṛtaḥ || 19 ||


ityabhiprāyāt | mahāgītaṃ ca yadbhītakavardhamānamanādirūpaṃ tatra 
samyagvardhamānādikrameṇa tathā vākyārthābhinaye yathāyogaṃ 
yojyamānāṅgahārapiṇḍībandhakrameṇa yenābhinetuṃ śakṣyasi | ācakṣva 
bharatāyeti - anena muniḥ parameśvaraprasādapātramātmānaṃ 
bahumanyamāno - māmeva prati devenaivedaṃ nirūpitaṃ 
prayojitastvayābhinetuṃ śakṣyasīti (katha)yatā | pradhānasannidhau tu naiva 
prativaktavyamityāśayena śrutvā maheśvaravacaḥ pratyuktaṃ tu svayambhuvā 
ityuktamiti darśayati | taṇḍuṃ samāhūyeti | sarvatra pāṭhe taṇḍuśabda eva 
yuktaḥ tāṇḍavaśabdavyutpatti - darśanāt | taṇḍumuniśabdau tayoraparanāmani | 
ya iti | ātreyaprabhṛtīnprati muniretadāha - sakaraṇānsarecakāniti | 
viśeṣaṇatvādaṅgahārāṇāmeva prādhānyam | tata eva teṣāmeva 
pūrvamuddeśaḥ | upāyatvāt | tatra karaṇānāṃ pūrvaṃ lakṣaṇaṃ 
tatsañcayātmakatvāt teṣām | (10-19)


p. 89)

sūcīviddhastathā caiva hyapaviddhastathaiva ca |
ākṣiptako'tha vijñeyastathā codghaṭṭitaḥ smṛtaḥ || 20 ||

viṣkambhaścaiva samproktastathā caivāparājitaḥ |
viṣkambhāpasṛtaścaiva mattākrīḍastathaiva ca || 21 ||

svastiko recitaścaiva pārśvasvastika eva ca |
vṛścikāpasṛtaḥ prokto bhramaraśca tathāparaḥ || 22 ||

mattaskhalitakaścaiva madādvilasitastathā |
gatimaṇḍalako jñeyaḥ paricchinnastathaiva ca || 23 ||

parivṛttacito'tha syāttathā vaiśākharecitaḥ |
parāvṛtto'tha vijñeyastathā caivāpyalātakaḥ || 24 ||

pārśvacchedo'tha samprokto vidyudbhrāntastathaiva ca |
ūrūdvṛttastathā caiva syādālīḍhastathaiva ca || 25 ||

recitaścāpi vijñeyastathaivācchuritaḥ smṛtaḥ |
ākṣiptarecitaścaiva sambhrāntaśca tathāparaḥ || 26 ||


tatrāṅgahāroddeśamāha - sthirahasta ityādinā dvātriṃśadeta iti (tyantena) | 
ayaṃ bhāvaḥ - aṣṭottare karaṇaśate jñāte 
catuṣṣaṣṭikaraṇayojanayā'truṭitāṅgagatyā (ṅgagatarītyā) 
yadyapyānantyamaṅgahārāṇāṃ tathāpi prādhānyāddṛṣṭaphalaṃ 
pratyadhikoparaktatayā dvātriṃśannāmato nirdiṣṭāḥ | na tu parigaṇanametat | 
aṅgānāṃ deśāntare samucite prāpaṇaprakāro'ṅgahāraḥ | harasya cāyaṃ 
hāraḥ prayogaḥ | aṅganirvartyo hāro'ṅgahāraḥ | yadvakṣyati - maheśvarasya 
caritaṃ ya idam iti | (nā. śā. 4-330) (19-27)

p. 90)

apasarpastu vijñeyastathā cārdhanikuṭṭakaḥ |
dvātriṃśadete samproktā aṅgahārāstu nāmataḥ || 27 ||

eteṣāṃ tu pravakṣyāmi prayogaṃ karaṇāśrayam |
hastapādapracāraśca yathā yojyaḥ prayoktṛbhiḥ || 28 ||

aṅgahāreṣu vakṣyāmi karaṇeṣu ca vai dvijāḥ |
sarveṣāmaṅgahārāṇāṃ niṣpattiḥ karaṇairyataḥ || 29 ||

tānyataḥ sampravakṣyāmi nāmataḥ karmatastathā |
hastapādasamāyogo nṛtyasya karaṇaṃ bhavet || 30 ||


tatra nirdiṣṭānāmeṣāṃ lakṣaṇaṃ vācyamityāśaṅkyāha - eteṣāntvityādi | 
karaṇeṣūkteṣveva te lakṣayituṃ śakyante | nanu kiṃ karaṇakramapāṭha eva 
teṣāṃ lakṣaṇaṃ bhaviṣyati | netyāha - hastapādapracāraśceti | 
aṅgahāraprayogeṣu kartavyeṣu yāni karaṇāni tadviṣaye 
karaṇātkaraṇāntarasañcāre hastapādāderaṅgasya yaḥ saṃhitākārya - 
kalpaprayogaḥ tamapi vakṣyāmi caśabdātkvacinna vakṣyāmi | 
ūhapradarśanārtham | vaiśabdaḥ āgamaprayogadyotakastu(kaḥ) | aṅgahāraviṣaye 
vaktavye pūrva kiṃ nirūpaṇārhamityāha - sarveṣāmiti | nāmata uddeśatayā na 
tu lakṣaṇataḥ | tatra karaṇānāmaṅgahārāṇāṃ ca sāmānyalakṣaṇaṃ 
kartumāha - hastapādetyādinā | kriyā karaṇam | kasya kriyā | nṛttasya | 
gātrāṇāṃ hastopalakṣitasya vilāsakṣepasya | heyopādeyaviṣayakriyādibhyo 
vyatiriktā yā tatkriyā karaṇamityarthaḥ | nṛtyasyeti | vyapadeśivattvena ṣaṣṭhī | 
tasyāḥ kriyāyāḥ svarūpamāha - hastapādasamāyogaḥ | hastopalakṣitasya 
pūrvakāyavartiśākhāṅgopāṅgādeḥ pādopalakṣitasya 
cāparakāyagatapārśvakaṭyūrujaṅghācaraṇādeḥ 
saṅgatatayā'truṭitatvevṛttiyojane | pūrvakṣetrasaṃyogatyāgena 
samucitakṣetrāntaraprāptiparyantatayā ekā kriyā tatkaraṇamityarthaḥ | 
uttarasaṃyogāntaṃ hi sarvatra karma | sa cāpyabhilaṣitottarasaṃyoga 


p. 91)

dve nṛttakaraṇe caiva bhavato nṛttamātṛkā |
dvābhyāṃ tricaturābhirvāpyaṅgahārastu mātṛbhiḥ || 31 ||

tribhiḥ kalāpakaṃ caiva caturbhiḥ ṣaṇḍakaṃ bhavet |
pañcaiva karaṇāni syuḥ saṅghātaka iti smṛtaḥ || 32 ||

ṣaḍbhirvā saptabhirvāpi aṣṭabhirnavabhistathā |
karaṇairiha saṃyuktā aṅgahārāḥ prakīrtitāḥ || 33 ||


eva kriyāvadhitvena loke prasiddha iti nāpūrvametat | etāvadevehādhikaṃ (yat) 
saundaryānupraveśena savilāsatvaṃ nāma | ata eva nṛttaśabdena viśeṣaṇaṃ 
nṛttakaraṇamiti | ekadeśābhiprāyeṇa tu karaṇaśabdasya prayogo bhīmasene 
bhīma itivat |

evaṃ tāvatkaraṇasya sāmānyalakṣaṇam | tatrāṅgahārasya viśeṣalakṣaṇaṃ 
viracayituṃ pīṭhabandhamāha - dve nṛttakaraṇe iti | nṛttamātṛketi | 
nṛttasyāṅgahārātmano mātṛkā utpattikāraṇam | nṛttaśabdena viśeṣaṇāt 
yāni sthānāni ityādinā (nā. śā. 4-59) yāḥ karaṇamātṛkā vakṣyante tābhyo 
viśeṣaṃ darśayati karaṇadvayaprayogeṇa ca vinā - dvābhyāṃ tricaturābhirveti | 
nṛttabhimāno nāsti | tataḥ paraṃ tu nṛtyatītyabhimānātkaraṇadvayaṃ 
nṛttamātṛketyuktam | evāgrahaṇānnyūnādhikasaṅgrahaḥ | 
nṛttamātṛkālakṣaṇeṅgahārasāmānyalakṣaṇena ca 
karaṇadvayamūhitāṅgahārāntaraṃ ca piṇḍībandhopayogi prayojyānujānīte - 
eteṣāmiti | aṅgahārāṇāmeva saṃbandhitvena hastapādavikalpanaṃ karaṇaṃ 
vakṣyāmi | jātāvekavacanam |

nanu sthānakacāryādīnāṃ prāk lakṣaṇaṃ vācyam | naivam | teṣāṃ 
nāṭyajñānādeva muniṃ prati viditatvāt | nṛttahastā api vartanātmāno'syaṃ 
viditā eva | yata uktam idaṃ nṛttam iti | tata evāṅgike (nā.śā. 10) 
teṣāmabhidhāsyamānatā | karaṇānyeva tviva......vācyam | (tviha vācyāni) (28-
33)

p. 92)

eteṣāmeva vakṣyāmi hastapādavikalpanam |
talapuṣpapuṭaṃ pūrvaṃ vartitaṃ valitoru ca || 34 ||

apaviddhaṃ samanakhaṃ līnaṃ svastikarecitam |
maṇḍalasvastikaṃ caiva nikuṭṭakamathāpi ca || 35 ||

tathaivārdhanikuṭṭaṃ ca kaṭicchinnaṃ tathaiva ca |
ardharecitakaṃ caiva vakṣaḥsvastikameva ca || 36 ||

unmattaṃ svastikaṃ caiva pṛṣṭhasvastikameva ca |
diksvastikamalātaṃ ca tathaiva ca kaṭīsamam || 37 ||

ākṣiptarecitaṃ caiva vikṣiptākṣiptakaṃ tathā |
ardhasvastikamuddiṣṭamañcitaṃ ca tathāparam || 38 ||

bhujaṅgatrāsitaṃ proktamūrdhvajānu tathaiva ca |
nikuñcitaṃ ca mattalli tvardhamattalli caiva hi || 39 ||

syādrecakanikuṭṭaṃ ca tathā pādāpaviddhakam |
valitaṃ ghūrṇitaṃ caiva lalitaṃ ca tathāparam || 40 ||

daṇḍapakṣaṃ tathā caiva bhujaṅgatrastarecitam |
nūpuraṃ caiva samproktaṃ tathā vaiśākharecitam || 41 ||

bhramaraṃ caturaṃ caiva bhujaṅgāñcitameva ca |
daṇḍarecitakaṃ caiva tathā vṛścikakuṭṭitam || 42 ||

kaṭibhrāntaṃ tathā caiva latāvṛścikameva ca |
chinnaṃ ca karaṇaṃ proktaṃ tathā vṛścikarecitam || 43 ||


tatra tānyataḥ saṃpravakṣyāmi nāmataḥ karmataścetyuktam | nāmatastāvadāha 
- talapuṣpapuṭamityādi |


p. 93)

vṛścikaṃ vyasitaṃ caiva tathā pārśvanikuṭṭakam |
lalāṭatilakaṃ krāntaṃ kuñcitaṃ cakramaṇḍalam || 44 ||

uromaṇḍalamākṣiptaṃ tathā talavilāsitam |
argalaṃ cātha vikṣiptamāvṛttaṃ dolapādakam || 45 ||

vivṛttaṃ vinivṛttaṃ ca pārśvakrāntaṃ niśumbhitam |
vidyudbhrāntamatikrāntaṃ vivartitakameva ca || 46 ||

gajakrīḍitakaṃ caiva talasaṃsphoṭitaṃ tathā |
garuḍaplutakaṃ caiva gaṇḍasūci tathāparam || 47 ||

parivṛttaṃ samuddiṣṭaṃ pārśvajānu tathaiva ca |
gṛdhrāvalīnakaṃ caiva sannataṃ sūcyathāpi ca || 48 ||

ardhasūcīti karaṇaṃ sūcīviddhaṃ tathaiva ca |
apakrāntaṃ ca samproktaṃ mayūralalitaṃ tathā || 49 ||

sarpitaṃ daṇḍapādaṃ ca hariṇaplutameva ca |
preṅkholitaṃ nitambaṃ ca skhalitaṃ karihastakam || 50 ||

prasarpitakamuddiṣṭaṃ siṃhavikrīḍitaṃ tathā |
siṃhākarṣitamudvṛttaṃ tathopasṛtameva ca || 51 ||

talasaṅghaṭṭitaṃ caiva janitaṃ cāvahitthakam |
niveśamelakākrīḍamurūdvṛttaṃ tathaiva ca || 52 ||

madaskhalitakaṃ caiva viṣṇukrāntamathāpi ca |
sambhrāntamatha viṣkambhamudghaṭṭitamathāpi ca || 53 ||

p. 94)

vṛṣabhakrīḍitaṃ caiva lolitaṃ ca tathāparam |
nāgāpasarpitaṃ caiva śakaṭāsyaṃ tathaiva ca || 54 ||

gaṅgāvataraṇaṃ caivetyuktamaṣṭādhikaṃ śatam |
aṣṭottaraśataṃ hyetatkaraṇānāṃ mayoditam || 55 ||

nṛtte yuddhe niyuddhe ca tathā gatiparikrame |
gatipracāre vakṣyāmi yuddhacārīvikalpanam || 56 ||

yatra tatrāpi saṃyojyamācāryairnāṭyaśaktitaḥ |
prāyeṇa karaṇe kāryo vāmo vakṣaḥsthitaḥ karaḥ || 57 ||

caraṇasyānugaścāpi dakṣiṇastu bhavetkaraḥ |
hastapādapracārantu kaṭipārśvorusaṃyutam || 58 ||

uraḥpṛṣṭhodaropetaṃ vakṣyāmāṇaṃ nibodhata |
yāni sthānāni yāścāryo nṛttahastāstathaiva ca || 59 ||


aṣṭādhikaṃ śatamiti paryantamuktaṃ yadaṅgahāropayogitve 
niyatasamapratyastamayamiti kimanena saṃkhyānirūpaṇenetyāśaṅkyāha - 
aṣṭottaraśatamityādinā | abhinaye vastutvena yannṛttaṃ 
vakṣyate'bhinayāntarālavarticchidrapracchadanādāvetaprayujyate | nṛttayuddhe 
niyuddhe ca tathā gatiparikrame iti | śastrādiyuddhe bāhuyuddhe 
cāṅgaprayogasauṣṭhavārthamapi prayujyate | pṛthaktayā gatyadhyāya - (nā. 
śāḥ 13)vakṣyamāṇāsu ca gatiṣu ye parikramāḥ parikramaṇāni tatra pṛthak tena 
pṛthaktvena prayogadarśanādaṣṭottaraśatatvaṃ na nopayogi | eṣa ca yathā 
viniyogo bhaviṣyati tathā samanantarameva vakṣyāmaḥ | atra aṣṭottaraśatam ityādi 
ślokaṃ kecinna paṭhanti | anye(nte) tato'pyadhikaṃ -

hastapādapracārantu kaṭipārśvorusaṃyutam ||

iti ślokaṃ paṭhanti (34-58) |

p. 95)

sā mātṛketi vijñeyā tadyogātkaraṇaṃ bhavet |
kaṭī karṇasamā yatra korparāṃsaśirastathā || 60 ||

samunnatamuraścaiva sauṣṭhavaṃ nāma tadbhavet |
vāme puṣpapuṭaḥ pārśve pādo'gratalasañcaraḥ || 61 ||


tatra mahāsāmānyarūpaṃ karaṇamāha - yāni sthānānīti | ihāvasthānaṃ 
gatiśceti dvayanirvartyaṃ karaṇam | tatrāvasthāne karakāyopayogi sthānakam | 
gatau tu cāryaḥ | pūrvakāye tu gatau nṛttahastā dṛṣtayaśca | sthitau patākādyāḥ 
| etaccakāreṇa saṅgṛhītam | tena gatisthitisaṃmilite(taṃ)karaṇamityānantyaṃ 
yadyapi karaṇaṃ(ṇānāṃ) tathāpyaṅgahāropayogitvādetāvaduktamiti ślokasya 
tātparyam |

(1) talapuṣpapuṭam |

tatroddeśakrameṇa lakṣaṇānyāha - vāma ityādinā |

yastu sarpaśirāḥ proktastasyāṅgulinirantaraḥ |
dvitīyaḥ pārśvasaṃśliṣṭaḥ sa tu puṣpapuṭaḥ karaḥ || (nā. śā. 9-150)

utkṣiptā tu bhavetpārṣṇiḥ prasṛto'ṅguṣṭhakastathā |
aṅgulyaścāñcitāḥ sarvāḥ pāde'gratalasañcare || (nā. śā. 9-273)

kaṭī bhavecca vyābhugnā pārśvamābhugnameva ca |
tathaivāpasṛtāṃsaṃ ca kiñcitpārśvaṃ nataṃ smṛtam || (nā.śā. 9-235)

eṣāṃ yojanocyate |

tatra nṛtte samapādatalā hastadvayapūrvakaṃ tattā(latā)vatprācuryeṇa sarvatra | 
tataścādhyardhikayā cāryā (nā. śā. 10-17) dakṣiṇapādaniṣkramaṇena 
samakālaṃ vyāvartitena karayugalena dakṣiṇapārśve samaṃ nītena 
parivartitakaraṇavaśādānītena vāmapārśve sauṣṭhavena vāmastanakṣetre 
puṣpapuṭahastabandha iti | agratalapādapuṣpapuṭayogādekadeśasūcanaṃ 
nāmedaṃ talapuṣpapuṭamiti | evamanyatrāpi nāmavāsanā ūhyāḥ |

p. 96)

tathā ca sannataṃ pārśvaṃ talapuṣpapuṭaṃ bhavet |
kuñcitau maṇibandhe tu vyāvṛttaparivartitau || 62 ||


tatra(yatra)kvacidvākyārthābhinaya eva prādhānyena darśite(dṛśyate)tatra 
karaṇānāmeva prādhānyam | yatrāpi padārthābhinayāḥ kriyante 
tatrāpyekavākyānupraveśaprādhānyaprakhyāpanāyām - vaśyamādau 
madhye'nte vā yathāvasaraṃ karaṇamityupaniṣat | ata eva vakṣyati -

asya śākhā ca nṛttaṃ ca tathaivāṅkura eva ca |
vastūnyabhinayasyeha | iti | (nā.śāḥ 8-15)

vartanānupraveśo hi śākhayaiva gatārthaḥ syāt tatraiva ca śākhānte bhedaṃ 
vakṣyati | āṅgikaśca bhavecchākhā (nā.śā- 8-16) ityuktam | 
aṅgahāraviniṣpannaṃ nṛttaṃ tu karaṇāśrayam (nā. śā. 8-16) etatsphuṭaṃ 
tatraiva vyākhyāsyata ityāstāṃ tāvat | atrodāharaṇaṃ dikpradarśanāya abhija-
a-i malavimukkakamalāsaṇa-uditassa ityādāvanena vākyārthābhinaye nāṭye'pi 
pādāgrasthitayā(ratnā. 1-1) ityādāvupasaṃhāravākyarthābhinaye iya(da)meva 
yuktaṃ karaṇam | na nṛ (yannṛ)tyasya pādāgrasthitatvasya kusumāñjalikṣepaḥ | 
sa cānenaiva sampannena caturaśrībhūtatvādaṅgādanantaraṃ yadā prayujyate 
tadā hastayoḥ sve sve pārśve āveṣṭitakaraṇaṃ (nā.śā. 9-215) kṛtvā tataḥ 
udveṣṭitakaraṇena (nā. śā. 9-216) puṣpapuṭaprayogaḥ |

yadā tu kara(ṇā)ntarasanniveśānantaramidaṃ karaṇaṃ prayujyate tadā 
tyaktavyatadīyahastapādāpekṣayā ādātavyakaraṇagatahastapādādyapekṣayā ca 
yathā vartanākrameṇa svayameva tyāgopādāne atruṭitatayā vā sampadyate tathā 
kartavyamityalaṃ nṛttācāryagopitā (ryopayogi)nā'nena | etacca yathāvasaraṃ 
darśayitvā sarvaṃ nirūpayiṣyāmaḥ |

savyasya pṛṣṭhato vāmaścaraṇastu yadā bhavet |
tasyāpasarpaṇaṃ caiva sā jñeyā'dhyardhikā budhaiḥ || (nā. śā. 10-17)

āvartante kaniṣṭhādyā aṅgulyo'bhyantareṇa tu || (nā. śā. 9-217)

udvartante kaniṣṭhādyā bāhyataḥ kramaśo yadā || (nā. śā. 9-218)

iti vyāvṛttaparivartite | evaṃ tarjanyāditaḥ āveṣṭitapariveṣṭite | (59-61)


p. 97)

hastau nipatitau corvorvartitaṃ karaṇaṃ tu tat |
śukatuṇḍau yadā hastau vyāvṛttaparivartitau || 63 ||

ūrū ca valitau yasminvalitorukamucyate |
āvartya śukatuṇḍākhyamūrupṛṣṭhe nipātayet || 64 ||


(2) vartitam |

kuñcitāvityādi | vakṣaḥkṣetre unmukhaṃ svastikavadaśliṣṭameva 
maṇibandhagataṃ karayugalaṃ kṛtvā tatraiva vihastau samakālaṃ 
vyāvṛttaparivartau (vṛttau) vidhāyottānāveva yathāsvamūrvoḥ pātanīyau | 
asūyāvākyārthābhinaye cottānau pātakau | yathā tubjha ka-e sarivaṃ rarāmara 
uṇa marāparāguṇa a āviddhavartanāveva patākau | 
adhomukhaghṛṣṭamukhapātairetairyadā tadā roṣavākyārthābhinaye yathā - 
sava ..... ḍa-o gu mahilo nu ityādo | evaṃ kaṭakāmukhaśukatuṇḍādayo'pi 
yathāyathamatra yojayitavyāḥ | tata evātra muninā hastāvaśeṣo na nirūpitaḥ | 
agratalasañcara evātra pāda iti kecit | taddhastaucityānusārī pādayoga iti 
nṛttācāryāḥ | (62)

(3) valitorukam |

śukatuṇḍāvityādi |

ādyā dhanurnatā kāryā kuñcito'ṅguṣṭhakastathā |
śeṣā bhinnordhvavalitā hyarāle'ṅgulayaḥ kare || (nā. śā. 9-46)

arālasya yadā vakrānāmikā tvaṅgulirbhavet |
śukatuṇḍaḥ sa tu karaḥ (nā. śā. 9-53)

bhavedabhyantaraṃ jānu yatrāhurvalitaṃ tu tat | (nā. śā. 9-252)

yojanā tu - vakṣaḥkṣetrātsamakālaṃ hastau vyāvartitau kṛtvā ākṣiptayā 
pādacāryā saha patataḥ | parivartenānunīya vakṣaḥpradeśe 
śukatuṇḍāvadhomukhau sthāpayet | baddhayā ca cāryā sthitiḥ |

etanmugdhāviṣayaṃ ca | yathā - dullaṇullīti guhiguhṇaviluli-a ahva hudau suṇāhi 
diḍāttasahi |

tripatākā tarjanī vakratayā śukatuṇḍaḥ ityatāntrikairlikhitamupekṣyameva |

p. 98)

vāmahastaśca vakṣaḥstho'pyapaviddhaṃ tu tadbhavet |
śliṣṭau samanakhau pādau karau cāpi pralambitau || 65 ||

dehaḥ svābhāviko yatra bhavetsamanakhaṃ tu tat |
patākāñjali vakṣaḥsthaṃ prasāritaśirodharam || 66 ||


anyonyajaṅghāsaṃvedhāt kṛtvā tu svastikaṃ tataḥ |
ūrubhyāṃ valanaṃ yatsyāt sā baddhā cāryudāhṛtā || (nā. śā. 10-21) (63)

(4) apaviddham |

vakṣaso'ṣṭāṅgulasthau tu prāṅmukhau kaṭakāmukhau | (nā. śā. 9-184)

iti cāturaśryeṇa sthitvā tato hastamāvartitena niṣkramayya tataḥ 
samakālamākṣiptikāṃ cārī kṛtvā tameva hastaṃ śukatuṇḍīkṛtaṃ 
tasyorvoḥ(roḥ) pṛṣṭhe nipātayet | vāmahastaśca kaṭakāmukhaḥ | sa tu 
vakṣasyeveti dakṣiṇasya 
karapādasyāparyavasānāttadupalakṣitavegaissaraṇādapaviddhamiti nāmnaiva 
vartanāyāścāturyaṃ sūcitam | asūyākopavākyārthābhinaye cedam |

yathā -

vimālakālatujjha ityādau |

muniviṣayastvasyaiva kaiścitprayogo likhitaḥ 
tatpātrāntaraparivartanadoṣātsvayamalakṣyatvāccetyupekṣyam |

kuñcitaṃ pādamutkṣipya vyākṣiptaṃ tvañcitaṃ nyaset |
jaṅghā svastikasaṃyuktā cākṣiptā nāma sā smṛtā || (nā. śā. 10-37) (64)

(5) samanakham |

pralambitau karāviti latāhastau mantavyau | na tu dolāhastau | tayoḥ 
śokaviṣayayoratra vartanāyāścāturaśryabhaṅgahetutvāt |

tiryakprasāritau caiva pārśvasaṃsthau latākarau | (nā. śā. 9-198)

etacca prathamapraveśe nṛtte dṛśyate | japya(ya)maṅgalādiviṣaye nāsya prayogo 
yuktaḥ yathā kaiścidiṣṭaḥ | (65)


p. 99)

nihañcitāṃsakūṭaṃ ca tallīnaṃ karaṇaṃ smṛtam |
svastikau recitāṃviddhau viśliṣṭau kaṭisaṃśritau || 67 ||

yatra tatkaraṇaṃ jñeyaṃ budhaiḥ svastikarecitam |
svastikau tu karau kṛtvā prāṅmukhordhvatalau samau || 68 ||


(6) līnam |

patākābhyāṃ tu hastābhyāṃ saṃśleṣādañjaliḥ smṛtaḥ | (nā. śā. 9-128)
prasāritasamāḥ sarvā yasyāṅgulyo bhavanti hi |
kuñcitaśca tathāṅguṣṭhaḥ sa patāka iti smṛtaḥ || (nā. śā. 9-18)

recitagrīvā |

recitā vistṛtabhrāntā bhāve mathananṛttayoḥ || (nā. śā. 8-173) iti kecit | tadasat | 
aucityāyogāt | tena praṇāmāpasāritā gamitā nata(natā) syādgrīvā | 

utkṣiptabāhuśikharaṃ nikuñcitaśirodharam |
nikuñcitaṃ śiraḥ  (nā. śāḥ 8-32)

tadyogādaṃsakūṭayornihañcitatvam |

yojanā tūrdhvamaṇḍalinau (nā. śā. 9-203) nṛttahastau prākprayujya 
tadvartanākrameṇa vakṣodeśe'ñjaliṃ racayet | etadeva patākāgrahaṇasya 
prayojanam | añjalernalinīpadmakośavartanayā sampādanaṃ mābhūt | api 
tūrdhvamaṇḍalavartanayā | tathā patākayoḥ sphuṭaprayogotpattiḥ | 
tathā'pyavyabhicārāt patākāgrahaṇaphalameva | laukikāñjaliśaṅkāśamanaṃ 
tu sati tāntrike tucchaphalam |

etacca priyaprārthanāvākyārthābhinaye | yathā- puripaḍālapaladu0laḍāmaṃ 
liṃbilla i duṃduṃ | na tu devatāpraṇāme vakṣaḥstho'pyajjaliratra | 
devatāpraṇāme tu śiraḥstha iti vakṣyāmaḥ | (66)

(7) svastikarecitam |

pūrvaṃ recitau tata āviddhau vakrau tato dehakṣetramāgatau svastikau | tato'pi 
viśliṣṭau viprakīrṇau | tataḥ kaṭisaṃsthau pakṣapradyotapakṣavañcitakākhyau | 
evaṃ nṛttahastaṣaṭkātmakametatkaraṇam | tatra -


p. 100)

tathā ca maṇḍalaṃ sthānaṃ maṇḍalasvastikaṃ tu tat |
nikuṭṭitau yadā hastau svabāhuśiraso'ntare || 69 ||


recitāvapi vijñeyau haṃsapakṣau drutabhramau | (nā. śā. 9-193)

samāḥ prasāritāstisraḥ tathā cordhvā kanīyasī |
aṅguṣṭhaḥ kuñcitaścaiva haṃsapakṣa iti smṛtaḥ || (nā. śā. 9-106)

bhujāṃsakūrparāgraistu kuṭilāvartitau karau |
parāṅmukhatalāviddhau jñeyāvāviddhavakrakau || (nā. śā. 9-190)

tāveva maṇibandhānte svastikākṛtisaṃsthitau |
svastikāviti vijñeyau vicyutau viprakīrṇakau || (nā. śā. 9-187)

kaṭiśīrṣaniviṣṭāgrau tripatākau yadā karau |
pakṣavañcitakau | (nā. śā. 9-200)

tāveva tu parāvṛttau pakṣapradyotakau smṛtau | (nā. śā. 9-201)

yojanā tu - cāturaśryāntare recitavartanayā pakṣau vidhāya vyāvartitakaraṇena 
śiraḥkṣetrādadharagamanoparigamane ca yā āviddhavakravartanā tayā 
vakṣaḥkṣetrasvastikau vidhāya tāveva viprakīrṇau kṛtvā punaḥpakṣavañcitau 
punaḥ pakṣapradyotāviti tadyogātsvastikarecitam |

atra ca tatra tatra nṛttahaste prayogavaśādā(lā)(ta)cāryā 
śatacāryāvadante ..........bahirmaṇḍalasaṃsthānakṛtena samanakhau 
pādāvanuvartata ityasat | etacca yatra nṛttameva prādhānyenābhineyaṃ 
tāvatkālaṃ praharṣādiyoge tatra tatra prayujyate |

yathā dhaṇṇi i dhaṇṇi i dhaṇahi-e aṇurāhiṇavvaharāsu | mahurakaṇṇe jitisa-a-
udāṇavakuliṇiṇosu | (67)

(8) maṇḍalasvastikam |

svastikāvṛtta(vukta)lakṣaṇau | karau | prāṅmukhau caturaśrau ūrdhvatalau | 
ūrdhvamaṇḍalinau |

vakṣaso'ṣṭāṅgulasthau tu prāṅmukhau kaṭakāmukhau |
samānakūrparāṃsau ca caturaśrau prakīrtitau || (nā. śā. 9-184)

aindre tu maṇḍale pādau catustālāntarasthitau |


p. 101)

pādau nikuṭṭitau caiva jñeyaṃ tattu nikuṭṭakam |
añcitau bāhuśirasi hastastvabhimukhāṅguliḥ || 70 ||


tryaśrau vakṣaḥsthitau caiva kaṭī jānusamā tathā || (nā. śā. 10-65)

yojanā tu - caturaśrahastābhyāṃ sthitvā tato 
vicyavāprayogasamakālamudveṣṭitavartanayā gatvā tata 
ūrdhvamaṇḍalivartanikayā svastikau kuryāt | maṇḍalasthānakaṃ ca badhnīyāditi 
| iti maṇḍalasvastikam |

vicyavātsamapādāyā vicyavāṃ samprayojayet |
nikuṭṭayaṃstalāgreṇa pādasya dharaṇītalam || (nā. śā. 10-19)

talāgro'gratalasañcaraḥ | nikāravākyārhtābhinaye | yathā - uvvelā vi agatthi 
avala-ā vāhni-a-ehiśiṃ | jalacari-u sasakvasuṇṇimaṃmada-u ityādau | (68)

(9) nikuṭṭakam |

unnamanaṃ vinamanaṃ syādaṅgasya nikuṭṭanam |

iti kohalaḥ |

tena hastasyālapallavasya kaniṣṭhāṅgulipatanotpatanaprakāro nikuṭṭanam | ihāpi 
vakṣyate | añcita iti pādasyāpyudghaṭitarūpatā |

sthitvā pādatalāgreṇa pārṣṇiṃ bhūmau nipātayet |
yasya pādasya karaṇe bhavedudghaṭṭitastu saḥ || (nā. śā. 9-266)

cakāreṇa maṇḍalasthānakamucyate | svabāhuśirasa ityekavacanāddhastāviti 
dvivacanācca paryāyeṇāṅgadvayena prayogaḥ | evakārāddakṣiṇena prayoge 
dakṣiṇa eva pādaḥ vāmena vāmaḥ | tena maṇḍalasthānake sthitvā 
cāturaśryādanantaramudveṣṭitakaraṇena hastaṃ nītvā skandhaśirasi nikuṭṭayet | 
tameva pādamudghaṭṭitaṃ kuryāt | vāmaṃ tu hastaṃ yathāvasthitaṃ 
punarāviddhavakravartanatayā taṃ hastaṃ caturaśrīkuryāt | tatsamakālaṃ 
coktavidhinā dvitīyamaṅgaṃ nikuṭṭayediti yojanā |

asya ca punaḥ punarātmasambhāvanāpradhāne vākyārthe'bhinetavye prayogaḥ | 
yathā -


p. 102)

nikuñcitārdhayogena bhavedardhanikuṭṭakam |
paryāyaśaḥ kaṭiśchinnā bāhvoḥ śirasi pallavau || 71 ||


bhī-uṇajāṇamiha-usū bhava-ukajjī || (69)

(10) ardhanikuṭṭakam |

caramamevārdha lakṣaṇam | ādyena tu nikuṭṭitasya hastasya yuktyā lakṣaṇaṃ 
kṛtam | alapallava iti vaktavye kuñcitagrahaṇaṃ kriyāviśiṣṭatvapradarśakam |

āvartinyaḥ karatale yasyāṅgulyo bhavanti hi |
pārśvagāstā vikīrṇāśca sa hastastvalapallavaḥ || (nā. śāḥ 9-91)

śaṅkukādibhistvañcanaṃ dehābhimukhyena pṛṣṭhabhāgena 
manāgākarṣaṇamiti vyākhyāyitannāmnā na saṅgatamityāstām |

asya ca prayogaḥ svātmasambhāvanāviṣaya evāprarūḍhe vākyārthe | yathā- ha-
uparaparivadha udghaṭa-idha (70) |

(11) kaṭicchinnam |

kaṭimadhyasya valanācchinnā | (nā. śā. 9-245)

paryāyaśa ityubhayaśeṣaḥ |

maṇibandhanamuktau tu patākau pallavau smṛtau | (nā. śā. 9-196)

yojanā tu - bhramarikayā (nā. śā. 10-45) cāryā paryāyeṇa 
pārśvadvayabhramaṇaṃ kṛtvā maṇḍalasthānake (nā. śā. 10-65) sthitvā 
bāhuśirasi ca pallavaṃ patākālapallavacchāyādvitīyaṃ paryāyeṇa 
bibhradvidheyaḥ | punarapareṇāṅgenaivamiti | triścaturvaiṣaiva kriyā |

atikrāntakramaṃ kṛtvā trikaṃ tu parivartayet |
dvitīyapādabhramaṇāttalena bhramarī smṛtā || (nā. śā. 10-45)

kuñcitaṃ pādamutkṣipya purataḥ samprasārayet |
utkṣipya pātayeccainamatikrāntā tu sā smṛtā (nā.śā. 10-30)

vismayapradhānavākyārthābhinaye cāsya prayogaḥ | yathā- ebhi u0 vi0 khu 
giḍattha gi- littha u0 voru0 vadāṇahuṇaṃ bhūkulāvaṇa-i | 
vismayaprādhānyakhyāpanāyaivātrapallavasyādau 


p. 103)

punaḥpunaśca karaṇaṃ kaṭicchinnaṃ tu tadbhavet |
apaviddhakaraḥ sūcyā pādaścaiva nikuṭṭitaḥ || 72 ||

sannataṃ yatra pārśva ca tadbhavedardharecitam |
svastikau caraṇau yatra karau vakṣasi recitau || 73 ||

nikuñcitaṃ tathā vakṣo vakṣasvastikameva tat |
añcitena tu pādena recitau tu karau yadā || 74 ||


prayogaḥ addhak khi ā ityādau || (71)

(12) ardharecitakam |

hastau tu sarpaśirasau madhyamāṅguṣṭhakau yadā |
tiryakprasāritāsyau ca tadā sūcīmukhau smṛtau || (nā. śā. 9-191)

manḍala eva sthānake sthitvā karo vakṣasi kaṭakāmukhaḥ sūcīmukhena 
hastenāpagamapūrvakaṃ viddho nikaṭayojitaḥ capaṭacāvasare (tadapasāraṇe) ca 
pārśva samyaksauṣṭhavena nataṃ pādaśca nikuṭṭitastadā kāyārdhasya 
paryāyeṇa recanādbahirgamanādardharecitam | 
etaccāsamañjasaceṣṭāpradhānavākyārthābhinaye | yathā- girigi-i-ila0vamuṃ 
cola-ukajjanukāraṇa ityādau | (72) |

(13) vakṣaḥsvastikam |

vakṣasi tau hastau sthitau tau recitau kṛtvā vyāvṛttakaraṇenānīya nikuñcite 
ābhugne vakṣasi svastikau kāryau | hastasvastikānusāreṇa ca pādāvanyonyaṃ 
jaṅghānugulphavalanena svastikau kāryau |

nimnamunnatapṛṣṭhaṃ ca vyābhugnāṃsaṃ ślathaṃ kvacit |
ābhugnaṃ taduraḥ | (nā. śā. 9-224)

atra ca nṛttayogātsauṣṭhavaprādhānyamiti | bhugnāṃsamiti | aṃsau 
hastāpekṣayā | lajjitajātānutāpapradhāne vākyārthe evāsya prayojanam | yathā 
- bhuṃja-i sadesadesaṃ


p. 104)

unmattaṃ karaṇaṃ tattu vijñeyaṃ nṛttakovidaiḥ |
hastābhyāmatha pādābhyāṃ bhavataḥ svastikau yadā || 75 ||

tatsvastikamiti proktaṃ karaṇaṃ karaṇārthibhiḥ |
vikṣiptākṣiptabāhubhyāṃ svastikau caraṇau yadā || 76 ||


dhādaṃti bahiḥ ṇiṃ amita eva vaṃsatiṇṇavavasiḥ anu anna-aviraṃhīma | (73)

(14) unmattakam |

pārṣṇiryatra sthitā bhūmāvūrdhvamagratalaṃ tathā |
aṅgulyaścāñcitāḥ sarvāḥ sa pādo'ñcita ucyate || (nā. śā. 9-275)

āviddhacāryā cāsya prayogaḥ |

svastikasyāgrataḥ pādaḥ kuñcitastu prasāritaḥ |
nipatedañcitāviddhamāviddhā nāma sā smṛtā || (nā. śā. 10-38)

ekavacanadvivacanābhyāmaṅgaparyāyaḥ sūcyate | 
etasyātisaubhāgyādijanitagarvaviṣayaḥ prayogaḥ | yathā- iṃti-i-eṇa ihahi kaha 
vimākharitatavasi-i | (74)

(15) svastikam |

udveṣṭivartanavāmahasto niṣkramasya(niṣkāsya) vyāvartitasya 
karaṇasamakālamutplutya yugapadeva hastapādasya svastikaṃ racayet | 
karaṇārthibhiriti vākyārthābhinayalakṣaṇā | nṛttāṅgahārarūpā 
gatiparikramādisvabhāvāśca kriyā ye'rthavanta iti madhye tena bhaṅgivacanena 
sarveṣāṃ karaṇānāṃ prayojanaṃ sūcitam | tatra yuktyā 
dve(nve(ṣaṇaniṣedharahasye (rābhasye?) ca vākyārthe'bhinetavye'sya prayogaḥ | 
yathā maṇicāriṃ te matthi-arū-a-aṃ gaḍhajāṃvaṇayeṇa vaṃti hi-aṃbhulaṇa-e 
kiṃ ta kaṃmaṇa-eṇa || (75)

(16) pṛṣṭhasvatikam |

ūrubhyāṃ valanaṃ kṛtva kuñcitaṃ pādamuddharet |
pārśve vinikṣipeccainamapakrāntā tu sā smṛtā || (nā. śā. 10-31)


p. 105)

apakrāntārdhasūcibhyāṃ tatpṛṣṭhasvastikaṃ bhavet |
pārśvayoragrataścaiva yatra śliṣṭaḥ karo bhavet || 77 ||

svastikau hastapādābhyāṃ taddiksvastikamucyate |
alātaṃ caraṇaṃ kṛtvā vyaṃsayeddakṣiṇaṃ karam || 78 ||

ūrdhvajānukramaṃ kuryādalātakamiti smṛtam |
svastikāpasṛtaḥ pādaḥ karau nābhikaṭisthitau || 79 ||


kuñcitaṃ pādamutkṣipya jānūrdhvaṃ samprasārayet |
pātayeccāgrayogena sā sūcī parikīrtitā || (nā. śā. 10-34)

ūrdhva(ardha)śabdena dvitīyasminpāde sūcī kāryā | na tu tasminneva 
paryāyeṇetyāha | tenetthaṃ yojanā - udveṣṭitakriyayā 
bāhudvayavikṣepasamakālamapakrāntā cārī | tayā apaveṣṭitakaraṇasamakālaṃ 
dvitīyena pādena sūcīṃ vidhāya svastikaṃ pādābhyāṃ tathā hastābhyāṃ 
kuryāditi | pṛṣṭhe pāścātye same yatsvastikaṃ tathā dakṣiṇapṛṣṭhe 
vāmapādena svastikaṃ trikavalanayā ca parāṅmukhībhūya svastikamiti 
pṛṣṭhasvastikam | prayogo'syoktaviṣaya eva | anye tu pṛṣṭhaviṣaye hastābhyāṃ 
svastikamicchanto yuddhaviṣaye parikrame'sya prayogamāhuḥ | (76)

(17) diksvastikam |

hastābhyāmathetyādinā yatpaścātsvastikākhyaṃ karaṇamuktaṃ tadeva yadā 
pārśvayoragre cakārātpṛṣṭhe caturdiṅmukheṣvatruṭitenāṅgena kriyate'ta 
evāṅgaśliṣṭa iti | tadā diksvastikamiti | anena madhye nirūpitena sarveṣāṃ 
karaṇānāmitthaṃ prayogamanujānīte | prayogaścāsyagītaparivarteṣu | 
yadvakṣyati yadā gīta(ti)vaśādaṅgaṃ bhūyo bhūyo nivartate (nā. śā. 4-306) | 
ityādi | (77)

(18) alātakam |

pṛṣṭhe prasāritaḥ pādo valitenāntarīkṛtaḥ |
pārṣṇiprapatitā caivamalātā sā prakīrtitā || (nā. śā. 10-41)


p. 106)

pārśvamudvāhitaṃ caiva karaṇaṃ tatkaṭīsamam |
hasto hṛdi bhavedvāmaḥ savyaścākṣiptarecitaḥ || 80 ||


aṃsādviniṣkramaṇaṃ vyasayediti | taṃ ca nṛttahastaṃ (nitambahastaṃ) dakṣiṇena 
racayati | 

yat-

kuñcitaṃ pādamutkṣipya jānustanasamaṃ nyaset |
dvitīyaṃ ca kramaṃ tūrdhvamūrdhvajānuḥ prakīrtitā || (nā. śā. 10-33)

tataścārīniveśācca pādasyāpyalātādisaṃjñā | evaṃ sarvatra |

bāhuśīrṣādviniṣkrāntau nitambāviti kīrtitau | (nā. śā. 8-196)

yojanā tu- dakṣiṇapādenālātāṃ cārī prayuñjāno dakṣiṇahastena nitambaṃ 
kṛtvā caturaśrameva kuryāt | vāmena pādenordhvajānuṃ tato vāmenāpyaṅgena 
| evamete'pyalātacāryā dvi(dviḥ) - prayogāttananāmadheyamevedaṃ karaṇam | 
prayogaścāsya lalitanṛttaviṣaye | yathā - devaṃ haṃ uṇavaśamiṃ ityādau | (78)

(19) kaṭīsamam |

svastikādanantaramapasṛta ityanena ākṣiptāyāścāryā 
anantaramapakrāntāyāścāryāḥ prayogamaha | cakāreṇa karau ca 
svastikāvavadhṛtau | tata eko nābhisthaḥ khaṭakaḥ | evamaparaḥ 
kaṭyāmardhacandraḥ | tadeva pārśva natamaparamudvāhitaṃ dvitīyenāṅgena |

kuñcitaṃ pādamutkṣipya ākṣipya tvañcitaṃ nyaset |
jaṅghāsvastikasaṃyuktamākṣiptā nāma sā smṛtā || (nā. śā. 10-37)

utkṣiptacakrā tu yadā'nāmikā sakanīyasī |
asyaiva tu kapitthasya tadāsau khaṭakāmukhaḥ || (nā. śā. 9-61)

yasyāṅgulyastu vinatāḥ sahāṅguṣṭhena cāpavat |
so'rdhacandraḥ (nā. śā. 9-43)

udvāhitaṃ tūrdhvagatamuro jñeyam iti | (nā. śā. 9-231)

tatpārśvamapyudvāhitam | vaiṣṇavaṃ cātra sthānakaṃ kaṭisamaṃ 
tattvabandhāllabhyate |

p. 107)

recitaścāpaviddhaśca tatsyādākṣiptarecitam |
vikṣiptaṃ hastapādaṃ ca tasyaivākṣepaṇaṃ punaḥ || 81 ||

yatra tatkaraṇaṃ jñeyaṃ vikṣiptākṣiptakaṃ dvijāḥ |
svastikau caraṇau kṛtvā karihastaṃ ca dakṣiṇam || 82 ||


dvau tālāvardhatālaśca pādayorantaraṃ bhavet |
tayoḥ samasthitastvekaḥ tryaśraḥ pakṣasthito'paraḥ ||

kiñcidañcitajaṅghaṃ ca sauṣṭhakaṅgapuraskṛtam |
vaiṣṇavaṃ sthānametaddhi viṣṇuratrādhidaivatam || (nā. śā. 10-52-53)

jarjarābhimantraṇāvasare sūtradhāreṇāyaṃ prayoktavyaḥ | (79)

(20) ākṣiptarecitam |

hṛdayakṣetre vāmaḥ savyaśca yo hastaḥ sa āsamantādityūrdhve pārśvadvaye ca 
vyāvartitakaraṇena kṣiptaḥ sa recito haṃsapakṣadrutabhramātmā | (nā. śā. 9-
193) | tata eka ākṣiptaḥ svavakṣodeśamadhomukha ānīto'ñcitaśca recitaḥ 
sannapaviddhaśca | gātrakṣetrānniṣkrāmita ityākṣiptarecitaṃ karaṇam | 
pādāvatra prayogānusāreṇa añcita - sūcīrūpeṇa | 
tyāgopādānaparaspa(mpa)rātmani ca vākyārthe'bhinetavye'sya prayogaḥ | 
yathā haṇḍe cisuṇa-i e-iṃ va-i-uṃ vaṇa ityādau || (80)

(21) vikṣiptākṣiptakam |

ekasya hastasya vyāvartanakaraṇakāle pādasya bahirniṣkramaṇalakṣaṇo vikṣepaḥ 
| dvitīyahastastu caturaśra eva | punaḥ parivartitakaraṇena tasya hastapādasyākṣepo 
dvitīyasya vikṣepaḥ | gamanāgamanapradhāne vākyārthe cāsya prayogaḥ |

yathā- āvarta-ujaṃta-u puṇaṃ raga-idam ityādāviti kecit |

upādhyāyāstvāhuḥ - abhinayahastā ye vakṣyante tatpradhānasya karaṇasya 
vākyārthā bhinaye prayogaḥ | na tu kevalavartanāpradhānasya 
kevalanṛttahastapradhānasya vā | tasya 

p. 108)

vakṣaḥsthāne tathā vāmamardhasvastikamādiśet |
vyāvṛttaparivṛttastu sa eva tu karo yadā || 83 ||

añcito nāsikāgre tu tadañcitamudāhṛtam |
kuñcitaṃ pādamutkṣipya tryaśramūruṃ vivartayet || 84 ||

kaṭijānuvivartācca bhujaṅgatrāsitaṃ bhavet |
kuñcitaṃ pādamutkṣipya jānustanasamaṃ nyaset || 85 ||


tu nṛtte prayogaḥ prādhānyena | anye tu kadācidaṅgavicchedarakṣaṇe | 
yathāyogamabhinayāntarāle gatiparikrama(me ?)tālāntarasandhāne 
yuddhaniyuddhacārīsthānake sañcāre vā prayoga iti | etacca sarvatrānusaraṇīyam 
| (81)

(22) ardhasvastikam |

samunnato latāhastaḥ pārśvātpārśva tu dolitaḥ |
tripatāko'paraḥ karṇe karihastaḥ prakīrtitaḥ ||

tiryakprasāritau caiva pārśvasaṃsthau latābhidhau | (nā. śā. 9-198-199)

kaṭihastam iti kecitpaṭhanti | tatra vyākhyā kaṭyāṃ yo hasto'rdhacandraḥ 
pakṣapradyotakavañcitakau | vāmamiti khaṭakāsyam (nā. śā. 9-61) 
pādābhyāmeva svastikayogādardhasvastikam | etatkaraṇamabhinayahastarahitameva 
| (82)

(23) añcitam |

sa eveti yo'rdhasvastikakaraṇe karihasta uktaḥ sa eva vyāvartitakaraṇena yadā 
nāsākṣetre alapallavākṛtitvādañcitodañcitasāraṇānukāri tadañcitam | etasya 
saṃmukhīnātmaviṣaye svātiśayakautuke(ka)pradhāne vākyārthe prayogaḥ | 
yathā- eva-uvemmakuhe-uko iti | (83)

p. 109)

prayogavaśagau hastāvūrdhvajānu prakīrtitam |
vṛścikaṃ caraṇaṃ kṛtvā karaṃ pārśve nikuñcayet || 86 ||

nāsāgre dakṣiṇaṃ caiva jñeyaṃ tattu nikuñcitam |
vāmadakṣiṇapādābhyāṃ ghūrṇamānopasarpaṇaiḥ || 87 ||

udveṣṭitāpaviddhaiśca hastairmattallyudāhutam |
skhalitāpasṛtau pādau vāmahastaśca recitaḥ || 88 ||


(24) bhujaṅgatrāsitam |

nṛttasyānādisiddhatvātkaraṇamidamuktarūpamāśaṅkitadṛṣṭanikaṭataḥ 
sarpatrāsāviṣṭasyeva gatisaṃvarte bhujaṅgatrāsitaṃ karaṇam | hastau tu 
pādavaśādvyāvartitaparivartitau bhavataḥ | krameṇaiko dolāhastaḥ (nā. śā. 9-
148) paraḥ khaṭakāsya iti karaṇam | etatsādṛśyāttu bhujaṅgatrāsitacārī (nā. 
śā. 10-42) vakṣyate | evaṃ karaṇatulyaṃ nāma sarvacārīṣu vācyam | (84)

(25) ūrdhvajānu |

utkṣiptā yasya pārṣṇiḥ syādaṅgulyaḥ kuñcitāstathā |
tathā kuñcitamadhyaśca sa pādaḥ parikuñcitaḥ || (nā. śā. 9-277)

ūrdhvajānu evaṃ bhaviṣyati - kuñcitasamakālaṃ sa eva hasta eva 
kuñcitastanasamajānūpari vordhvamukho'lapallavo'rālo vā | tatrāparastu 
vakṣaḥsthakhaṭakāmukhaḥ | (85)

(26) nikuñcitam |

vṛścikākhye karaṇe yaḥ pādo vakṣyate pādaḥ pṛṣṭhāñcitastathā iti (nā. śā. 
4-108) (sa) vṛścikaśabdenehocyate | tena paścātprasāritaṃ caraṇaṃ kṛtvā 
tadekaṃ ca hastaṃ śiraḥpārśvakṣetre'rālaṃ dvitīyaṃ ca 
nāsāgrakṣetrānusāri vakṣasyarālameva kuryāt | anye tvāhuḥ - nāsāgre ekaḥ 
patākaḥ anyaśca sūcyāsya iti | 
etaccākāśagamanonmukhavitarkapraṇidhānādipradhānavākyārthābhinaye | 
yathā hanūmataḥ eṣo'smi vyomamārge prasabhamabhirankiṃ vilambaiḥ | ityādau 
|| (86)

p. 110)

savyahastaḥ kaṭisthaḥ syādardhamattalli tatsmṛtam |
recito dakṣiṇo hastaḥ pādaḥ savyo nikuṭṭitaḥ || 89 ||

dolā caiva bhavedvāmastadrecitanikuṭṭitam |
kāryau nābhitaṭe hastau prāṅmukhau khaṭakāmukhau || 90 ||


(27) mattalli |

cāryapyevaṃrūpaiva (nā. śā. 10-28) bhaviṣyati | ghūrṇamānasya tato 
yānyupasarpaṇāni pādasya tairupalakṣitābhyāṃ pādābhyām | ghūrṇanaṃ ca 
pādasya dvitīyapādagulpasvastikopasarpaṇam | tatsamakālaṃ ca hastau 
nitambākhyāvudveṣṭitau tadopasarpaṇakāle'paviddhopaveṣṭane 
(ddhāvapaveṣṭitau) | evaṃ dvitīyenāṅgena | bahuvacanaṃ punaḥ punaritthaṃ 
kriyeti sūcayati | madanaṃ mattaṃ tanotīti mattalli madotkalasya vīpsāyogena 
karaṇena | tanmattallitraye vikṣepaḥ | mattaśekharakādiviṣayo'syāḥ prayogaḥ | 
(87)

(28) ardhamattalli |

(vāmaḥ) recito haṃsapakṣo drutabhramaḥ | skhalita iti ṣaṭ (kaṭyāṃ?) dvitīyaḥ 
pādanikaṭaṃ prāptaḥ | taruṇamadaviṣayaḥ (prayogaḥ) | (88)

(29) recitanikuṭṭitam |

savya iti dakṣiṇa eva | nikuṭṭita ityudghaṭṭitakriyayā |

sthitvā pādatalāgreṇa pāṣṇirbhūmau nipātyate | (nā. śā. 9-248) sa 
udghaṭṭitaḥ |

asau praśithilau muktau patākau tu pralambitau |
yadā bhavetāṃ karaṇe sa dola iti saṃjñitaḥ || (nā. śā. 9-135)

strīliṅgayogena dolā hastasya preṅkholitaṃ yadvartanayā gamanāmagane 
sūcayati | (89)

p. 111)

sūcīviddhāvapakrāntau pādau pādāpaviddhake |
apaviddho bhaveddhastaḥ sūcīpādastathaiva ca || 91 ||

tathā trikaṃ vivṛttaṃ ca valitaṃ nāma tadbhavet |
vartitāghūrṇitaḥ savyo hasto vāmaśca dolitaḥ || 92 ||

svastikāpasṛtaḥ pādaḥ karaṇaṃ ghūrṇitaṃ tu tat |
karihasto bhavedvāmo dakṣiṇaśca vivartitaḥ || 93 ||


(30) pādāpaviddhakam |

nābhikṣetre parāṅmukhau | sūcyākhyena pādena dvitīyaṃ pādaṃ viddhaṃ 
vidhāya sa eva sūcīpādo'pakrāntacārīyuktaḥ kāryaḥ | evaṃ dvitīyo'pi |

utkṣiptā tu bhavetpārṣṇiraṅguṣṭhāgreṇa saṃsthitaḥ |
sūcīpādaḥ | (nā. śā. 9-279)

ūrubhyāṃ valanaṃ kṛtvā ityapakrāntā (nā. śā. 10-31) pādāt 
pādāntaramapaviddhamapasāritaṃ yatra tadidaṃ karaṇam | (90)

(31) valitam |

hastau tu sarpaśirasau (nā. śā. 9-191) iti sūcimukho hastaḥ | sa 
dehakṣetrādapasṛtaḥ kāryaḥ | tatsamakālaṃ sūcīpādo'pyapasṛtaḥ | tato 
bhramarikāṃ cārī kṛtvā -

atikrāntakramaṃ kṛtvā trikaṃ tu parivartayet |
dvitīyapādabhramaṇāttalena bhramarī smṛtā || (nā. śā. 10-45)

tadidaṃ trikavalanādvalitam | (91)

(32) ghūrṇitam |

pārśvakṣetrādūrdhvavyāvartitenādhomukhaparivartitena yadā dolāhastatvād 
ghūrṇitam | (92)


p. 112)

bahuśaḥ kuṭṭitaḥ pādo jñeyaṃ tallalitaṃ budhaiḥ |
ūrdhvajānuṃ vidhāyātha tasyopari latāṃ nyaset || 94 ||

daṇḍapakṣaṃ tu tatproktaṃ karaṇaṃ nṛttavedibhiḥ |
bhujaṅgatrāsitaṃ kṛtvā yatrobhāvapi recitau || 95 ||

vāmapārśvasthitau hastau bhujaṅgatrastarecitam |
trikaṃ suvalitaṃ kṛtvā latārecitakau karau || 96 ||


(33) lalitam |

samunnato latāhastaḥ pārśvātpārśvavilolitaḥ |
ityayaṃ vāmaḥ | (nā. śā. 9-199)

dakṣiṇaṃ vividhaṃ kṛtvā bahuśo vartitaḥ |
bāhuśīrṣādviniṣkrāntau nitambau | (nā. śā. 9-196)

keśadeśādviniṣkrāntau paripārśvotthitau tathā |
vijñeyau keśabandhau || (nā. śā. 9-197)

ityevaṃprakāranṛttahastayojanayā vartitaḥ | cakārādvartanānte tripatāko'paraḥ 
karṇe (nā. śā. 9-199) iti karihastaḥ | pādaśca hastānusāreṇa nikuṭṭitaḥ punaḥ 
punaranyenāṅgena | taditi savilāsanṛttaviṣayametat | ata eva lalitaṃ nāma karaṇam 
| (93)

(34) daṇḍapakṣam |

kuñcitaṃ pādamutkṣipya jānustanasamam iti (nā. śā. 10-33) ūrdhvajānucārī 
kurvan tiryakprasāritau (nā. śā. 9-198) iti latāhastau vidhāyaikaṃ latāhastaṃ 
tasya jānuna upari kṣipet | punardvitīyenāṅgenaivamityekatra pārśve 
daṇḍavadbāhusamavasthānāddaṇḍapakṣaṃ karaṇam | (94)

(35) bhujaṅgatrastarecitam |

tadityadhyāhāraḥ |

kuñcitaṃ pādamutkṣipya tryaśramūruṃ vivartayet | (nā. śā. 10-42) iti vidhāya 
dvāvapi haṃsapakṣau drutabhramau (nā. śā. 9-193) vāmakṣetragau hastau neyau | 
(95)

p. 113)

nūpuraśca tathā pādaḥ karaṇe nūpure nyaset |
recitau hastapādau ca kaṭī grīvā ca recitā || 97 ||

vaiśākhasthānakenaitadbhavedvaiśākharecitam |
ākṣiptaḥ svastikaḥ pādaḥ karau codveṣṭitau tathā || 98 ||

trikasya valanāccaiva jñeyaṃ bhramarakaṃ tu tat |
añcitaḥ syātkaro vāmaḥ savyaścatura eva tu || 99 ||


(36) nūpuram |

pṛṣṭhato'bhyañcitaṃ kṛtvā pādamagratalena tu |
drutaṃ nipātayed bhūmau cārī nūpurapādikā || (nā. śā. 10-35)

tena bhramarikayā cāryā (nā. śā. 10-45) trikavalanaṃ kṛtvā tato 
nūpurapādikāṃ cārīṃ yena pādena karoti taddikkenaiva hastena (recitam | | 
dvitīyo latāhastaḥ) | (96)

(37) vaiśākharecitam |

recitau nṛttahastau haṃsapakṣau drutabhramāviti | tadanukāreṇa 
pādagrīvākaṭigataṃ recitaṃ jñeyam | yathoktaṃ rāhulakena -

grīvāyāṃ karayoḥ kaṭyāṃ pādayośca pṛthakpṛthak |
bhramaṇaṃ recitaṃ vidyāt | iti |

tālāstrayo'rdhatālaśca pādayorantaraṃ bhavet |
tālāṃstrīnardhatālaṃ ca niṣaṇṇoruṃ prakalpayet ||

tryaśrau pakṣasthitau pādau || (nā. śā. 10-61-62)

vaiśākhaṃ sthānam | etatkaraṇamabhivāhane | (97)

(38) bhramarakam |

anena pādenākṣiptā cārī sūcitā |

kuñcitaṃ pādamutkṣipya vyākṣipya tvañcitaṃ nyaset |
jaṅghāsvastikasaṃyuktamākṣiptā nāma sā smṛtā || (nā. śā. 10-37)

p. 114)

dakṣiṇaḥ kuṭṭitaḥ pādaścaturaṃ tatprakīrtitam |
bhujaṅgatrāsitaḥ pādo dakṣiṇo recitaḥ karaḥ || 100 ||

latākhyaśca karo vāmo bhujaṅgāñcitakaṃ bhavet |
vikṣiptaṃ hastapādaṃ tu samantādyatra daṇḍavat || 101 ||


tenaivaṃ yojanā - svastikānantara pādamākṣipya tatsamakālamudveṣtya 
tarjanyādyā bahirmukham (nā. śā. 9-216) ityudveṣṭitamekaṃ hastaṃ kṛtvā 
trikavalanaṃ kṛtvā punardvitīyenāṅgena tathaiva | cakārāttadvalanānantaraṃ 
svastika eva pādaḥ | ekavacanadvivacanābhyāṃ paryāyeṇa prayogo'tra sūcitaḥ | 
yadi vodveṣṭitaśabdenolbaṇau nṛttahastāvupalakṣitau |

karāvudveṣṭitāgrau tu pravidhāyālapallavau |
ūrdhvaṃ prasāritāviddhau kartavyāvulbaṇau || iti (nā. śā. 9-208)

tadā yugapadeva prayogaṃ kṛtvā pādasvastikabhramaṇāddehasya sākṣātkṛtaḥ | 
saṃjñāyāṃ kan | etaduddhataparibhramaṇaviṣaye prayoktavyam | (98)

(39) caturam |

añcita ityalapallavaḥ (nā. śā. 9-91)

tisraḥ prasāritā yatra tathā cordhvā kanīyasī |
tāsāṃ madhye tathāṅguṣṭhaḥ sa karaścaturaḥ smṛtaḥ || (nā. śā. 9-93)

evakāreṇa vakṣaḥkṣetrād dvayorapyalam | tu śabdena sanniveśādhikyaṃ 
kevalamiti sūcyate | kuṭṭita iti |

sthitvā pādatalāgreṇa pārṣṇirbhūmau nipātyate | (nā. śā. 9-266)

ityudghaṭitāṅgarūpaḥ | etadvidūṣakasya savismayasūcyābhivayādau | yathā 
sānure khaṇḍadāsavaryamisāsā | (99)

(40) bhujaṅgāñcitakam |

(kuñcitaṃ pādam | (nā. śā. 10-42) ityādi bhujaṅgatrāsitacāryā pādaḥ | 
haṃsapakṣau drutabhramau | (9-193) iti dakṣiṇo recitaḥ | tiryakprasāritau iti (nā. 
śā. 9-198) vāmo latākhyo nṛttahastaḥ |) (100)


p. 115)

recyate taddhi karaṇaṃ jñeyaṃ daṇḍakarecitam |
vṛścikaṃ caraṇaṃ kṛtvā dvāvapyatha nikuṭṭitau || 102 ||

vidhātavyau karau tattu jñeyaṃ vṛścikakuṭṭitam |
sūcīṃ kṛtvāpaviddhaṃ ca dakṣiṇaṃ caraṇaṃ nyaset || 103 ||

recitā ca kaṭiryatra kaṭibhrāntaṃ taducyate |
añcitaḥ pṛṣṭhataḥ pādaḥ kuñcitordhvatalāṅguliḥ || 104 ||


(41) daṇḍakarecitam |

daṇḍavaddhastavikṣepeṇa recanena ca daṇḍapakṣau sūcyete | pādavikṣepeṇa tu 
daṇḍapādā cārī |

haṃsapakṣakṛtau hastau vyāvṛttaparivartitau |
tathā prasāritabhujau daṇḍapakṣāviti smṛtau || (nā. śā. 9-202)

nūpuraṃ caraṇaṃ kṛtvā purataḥ samprasārayet |
kṣipramāviddhakaraṇaṃ daṇḍapādā tu sā smṛtā || (nā. śā. 10-44)

tatpramodaviṣayaṃ karaṇam | uddhataviṣaye cāsya prayogaḥ (ityanye) | (101)

(42) vṛścikakuṭṭitam |

pṛṣṭhabhāge recitajaṅghamuttānatalaṃ vṛścikopalakṣitaṃ caraṇaṃ kṛtvā 
dvāvapi hastau svabāhuśirasyalapallavau nikuṭṭitau paryāyeṇa vidadhyāditi | 
etacca vismayākāśagamanecchādipradhāne vākyārthaviṣaye prayujyate | yathā 
paḍividhāri-aṃ uvakkhaṃhi-ā ityādau | (102)

(43) kaṭibhrāntam |

kuñcitaṃ pādamutkṣipya jānūrdhva samprasārayet |
pātayedagrayogena sā sūcī parikīrtitā || (nā. śā. 10-34)

p. 116)

latākhyaśca karo vāmastallātāvṛścikaṃ bhavet |
alapadmaḥ kaṭīdeśe chinnā paryāyaśaḥ kaṭī || 105 ||

vaiśākhasthānakeneha tacchinnaṃ karaṇaṃ bhavet |
vṛścikaṃ caraṇaṃ kṛtvā svastikau ca karāvubhau || 106 ||

recitau viprakīrṇau ca karau vṛścikarecitam |
bāhuśīrṣāñcitau hastau pādaḥ pṛṣṭhāñcitastathā || 107 ||


vāmaṃ drutamapasāritaṃ kṛtvā pārśve dakṣiṇaṃ pādaṃ nyaset | samakālaṃ 
pṛṣṭhaparāvartanakrameṇa kaṭiṃ recayet | bhramarikayā vā cāryā (nā. śā. 10-
45) karayośca prayogavaśagatvena (kaṭi)bhramaṇakāle tayorapi 
vyāvartanaparivartanakaraṇaṃ yojanānte caturaśrāvasthānam | gatiparikrame'sya 
tālākārādi(lāntarālādi) yatiparipūraṇaviṣaye prayogaḥ | (103)

(44) latāvṛścikam |

prathamārdhena vṛścikaṃ | vāmaṃ caraṇaṃ bhūmau | ākāśādavapatane'sya 
prayogaḥ | (104) 

(45) cchinnam |

krameṇa pārṣṇyornamanonnamanābhyāṃ (nā. śā. (9-251 235) yadā 
kaṭicchedaḥ | pārṣṇyornamanonnamane paryāyeṇa | tathaiva ca kaṭipārśvakṣetra 
eva |

āvartinyaḥ karatale yasyāṅgulyaḥ | (nā. śā. 9-91)

ityevaṃbhūto'lapallavaḥ | īṣadgatāgataparyāyeṇa dvābhyāṃ hastābhyāṃ 
prayujyate | vaiśākhasthānakena tālāstrayo'rdhatālaśca (nā. śā. 10-61) iti 
niṣkrāntau iti ca lakṣaṇena tadā kaṭicchedayogi chinnaṃ nāma 
aṅgapratisāraṇatālabhañjanādiviṣaye cāsya prayogaḥ | (105)

(46) vṛścikarecitam |

tāveva maṇibandhānte | iti (nā. śā. 9-187) svastikau | viprakīrṇakau recitau 
haṃsapakṣau drutabhramau | etadākāśayānake prayojyam | (106)


p. 117)

dūrasannatapṛṣṭhaṃ ca vṛścikaṃ tatprakīrtitam |
ālīḍhaṃ sthānakaṃ yatra karau vakṣasi recitau || 108 ||

ūrdhvādhoviprakīrṇau ca vyaṃsitaṃ karaṇaṃ tu tat |
hastau tu svastikau pārśve tathā pādo nikuṭṭitaḥ || 109 ||


(47) vṛścikam |

dvivacanaikavacane aṅgasyāparihāraṃ sūcayataḥ | hastasya bāhuśirasyañcanena 
karihastaprayogaḥ sūcyate |

samunnato latāhastaḥ pārśvātpārśvaṃ vilolitaḥ |
tripatāko'paraḥ karṇe karihastaḥ || (nā. śā. 9-199)

dūrasannatapṛṣṭhatvaṃ vṛścikaprayoganāntarīyaṃ(kaṃ) sarvatra 
vṛścikaprayogeṣu mantavyam | vṛścikapucchasthānīyacaraṇaṃ 
vṛścikametatkaraṇam | tadupalakṣitapādo vṛścikaḥ | asyākāśagatau ca 
airāvaṇādiviṣaye prayogaḥ | yathā - śvetābhrabhrāntikārī samavatarati 
ravādabhramūvallabho'yam iti | (107)

(48) vyaṃsitam |

maṇḍale dakṣiṇaṃ pādaṃ pañcatālānprasārya tu |
ālīḍhaṃ sthānakaṃ kuryāt || (nā. śā. 10-67)

ekasya tarjanyādyudveṣṭitena (nā. śā. 9-216) karaṇenādho viprakīrṇatā | 
dvitīyastarjanyādiparāvartitakaraṇenordhvagataḥ kṣetraparyāyeṇaika uttāno 
haṃsapakṣo drutabhramalakṣaṇo recakam | ava(pa)ro'dhomukha ūrdhvādha 
ityekīkaraṇam | tacca karaṇamubhayatra sambadhyate | etacca vibhramādi 
(hanumadādi ?) parikramaviṣayam | (108)

(49) pārśvanikuṭṭakam |

tāveva maṇibandhānte iti (nā. śā. 9-187) svastikau | tathāśabdena pārśve 


p. 118)

yatra tatkaraṇaṃ jñeyaṃ budhaiḥ pārśvanikuṭṭitam |
vṛścikaṃ caraṇaṃ kṛtvā pādasyāṅguṣṭhakena tu || 110 ||

lalāṭe tilakaṃ kuryāllalāṭatilakaṃ tu tat |
pṛṣṭhataḥ kuñcitaṃ kṛtvā vyatikrāntakramaṃ tataḥ || 111 ||

ākṣiptau ca karau kāryau krāntake karaṇe dvijāḥ |
ādyaḥ pādo nataḥ kāryaḥ savyahastaśca kuñcitaḥ || 112 ||


tayornikuṭṭitatvaṃ paryāyeṇocyate | tasya talameva ca pādasya nikuṭṭitatvam | 
punardvitīyenāṅgeneti pārśvagatahastanikuṭṭitayogāt pārśvanikuṭṭitam | 
prakāśanasaṃvaraṇāhāra(bhyāsa?)pradhāne vākyārthe cāsya prayogaḥ | 
yathā puṇṇāva uḍeharābhu-iṃ kuhu-ehamaṃ.......petāhaṃ (sahaṃsipita) 
ityādau | (109)

(50) lalāṭatilakam |

pādasya tasyaiva paścādbhāgāditarasyāṅguṣṭhena tilakaṃ 
tilakakriyāhetubhūtatvena lakṣitaṃ saṃśleṣaṃ kuryādityāsi(di)kametatkaraṇaṃ 
vidyādharagativiṣaye prayujyate | (110)

(51) krāntakam |

kuñcitaṃ pādamutkṣipya purataḥ samprasārayet |
utkṣipya pātayeccainamatikrāntā || iti (nā. śā. 10-30)

cāarīṃ tāṃ kṛtvā pātyamānaṃ caraṇaṃ kuñcitaṃ sthāpayet | pṛṣṭhataḥ 
kuñcitaṃ ca samādāya kriyāntaparikrameṇa prasārayet | hastau vicārya(lya?) 
vyāvartitakaraṇena dehakṣetrānniṣkrāntaḥ punaḥ parivartitakaraṇenākṣiptaḥ sa 
(va)kṣasi khaṭakāmukhaḥ | punarapareṇāṅgena prayogaḥ | uddhataparikrame'sya 
prayogaḥ | (111)


p. 119)

uttāno vāmapārśvasthastatkuñcitamudāhṛtam |
pralambitābhyāṃ bāhubhyāṃ yadgātreṇānatena ca || 113 ||

abhyantarāpaviddhaḥ syāttajjñeyaṃ cakramaṇḍalam |
svastikāpasṛtau pādāvapaviddhakramau yadā || 114 ||

uromaṇḍalakau hastāvuromaṇḍalikantu tat |
ākṣiptaṃ hastapādaṃ ca kriyate yatra vegataḥ || 115 ||


(52) kuñcitam |

ādyo nata iti jānugamanena bhūtalasañcaro lakṣyate | dakṣiṇahastaśca kuñcitaḥ 
uttānālapallavarūpo vāmapārśve vidheyaḥ | 
tadetannirbharānandapūrṇadevasyābhinayaviṣaye prayoktavyam | yathā 
dehasubhā-i-uṃ makarakali-aṇukāpālavidve-icalaṇaṃ dhi-ā-iṃ ityādau | (112)

(53) cakramaṇḍalam |

aḍḍitā cātrādau cārī |

agrataḥ pṛṣṭhato vā'pi pādo'gratalasañcaraḥ |
dvitīyapādavirghṛṣṭo yasyāṃ syādaṅkitā tu sā || (nā. śā. 10-23)

uddhataparikramapariṣkaraṇā(rikrama)diviṣaye caitat | (113)

(54) uromaṇḍalam |

bhūmighṛṣṭena pādena kṛtvābhyantaramaṇḍalam |
punarutsārayedanyaṃ sthitāvartā tu sā smṛtā || (nā. śā. 10-15)

ityanayā cāryā'pasāraṇaṃ svastikasya kāryam | 
baddhācāryātvādāvavasthānamityuktaṃ bhavati |

anyonyajaṅghāsaṃvedhātkṛtvā tu svastikaṃ tataḥ |
ūrubhyāṃ valanam iti (nā. śā. 10-21)


p. 120)

ākṣiptaṃ nāma karaṇaṃ vijñeyaṃ taddvijottamāḥ |
ūrdhvāṅgulitalaḥ pādaḥ pārśvenordhva prasāritaḥ || 116 ||

prakuryādañcitatalau hastau talavilāsite |
pṛṣṭhataḥ prasṛtaḥ pādo dvau tālāvardhameva ca || 117 ||


tasyā rūpaṃ svastikasaṃsthānākṣiptam |

udveṣṭito bhavedeko dvitīyaścāpaveṣṭitaḥ |
bhramitāvurasaḥ sthāne hyuromaṇḍalinau smṛtau || (nā. śā. 9-204) (114)

(55) ākṣiptam |

kuñcitaṃ pādamutkṣipyāñcitam | iti (nā. śā. 10-37)

ākṣiptayā pādacāryā pārśvasya kiñcinnamanena hastasya caturaśrasya 
khaṭakāmukhyā kṣepaḥ iti vidūṣakagativiṣayamākṣiptakaraṇam | (115)

(56) talavilasitam |

tenaivordhvagatena pādena sahāñcitatalo vā śliṣṭatalatvātkartavyaḥ | 
dvivacanātparyāyeṇa dvitīyenāṅgena prayogo'bhyāsena vā | patākau hastau 
parasparopasaṃśliṣṭāviti pādatalasya hastatalasya ca vikṛṣṭe deśe ākāśe 
lasitaṃ śleṣaṇaṃ yatra talavilasitam | pādoddhārasaṃjñayā 
sūtradhārādiviṣaye nāṭyācāryā yojayanti | (116)

(57) argalam |

dvitīyacaraṇakaniṣṭhābhaṅge sārdhāntālāhvajaṅghaḥ san pādaḥ prasṛto 
bhavati | etatsamakālaṃ ca hastabāhudvitīyaṃ pārśvakṣetraṃ 
kiñcidagraprasṛto'lapallavākāraḥ tadantarja(rga)lamargalayet | dehasya 
nayamyantraṇāt (niyantraṇāt?) (argalam) | parikrame caitadaṅgāprabhṛtīnāṃ 
bhavati |


p. 121)

tasyaiva cānugo hastaḥ puratastvargalaṃ tu tat |
vikṣiptaṃ hastapādaṃ ca pṛṣṭhataḥ pārśvato'pi vā || 118 ||

ekamārgagataṃ yatra tadvikṣiptamudāhṛtam |
prasārya kuñcitaṃ pādaṃ punarāvartayet drutam || 119 ||

prayogavaśagau hastau tadāvartamudāhṛtam |
kuñcitaṃ pādamutkṣipya pārśvātpārśvaṃ tu ḍolayet || 120 ||


(58) vikṣiptam |

vāgrahaṇaṃ cārthe | tena vidyudbhrāntādaṇḍapādābhyāṃ (nā. śā. 10-40-44) 
cārībhyāmudveṣṭitāpaveṣṭitarecakavartanayā pārśvayoḥ pṛṣṭhe'gre ca 
hastapādavikṣepaḥ | (ida) muddhatagatiparikramasūcanādiviṣayam | (118)

(59) āvartam |

pādaḥ prasāritaḥ savyaḥ punaścaivāpasarpitaḥ |
vāmaḥ savyopasarpī ca cāṣagatyām | iti || (nā. śā. 10-18)

cāṣagatyā cāryā prayogaḥ | hastau ca kiñcidudveṣṭitāpaveṣṭitarūpau 
dolāveveti | ā īṣat vartanaṃ hastapādasya yatra tadidamāvartakaraṇam | 
etannāyakopasarpaṇe sāgarikāpāśabandhādyavasare prayojya | (119)

(60) ḍolāpādam |

pūrvamūrdhvajānucārī | (nā. śā. 10-33) tato dolāpādā |


p. 122)

prayogavaśagau hastau ḍolāpādaṃ taducyate |
ākṣiptaṃ hastapādaṃ ca trikaṃ caiva vivartayet || 121 ||

recitau ca tathā hastau vivṛtte karaṇe dvijāḥ |
sūcīviddhaṃ vidhāyātha trikaṃ tu vinivartayet || 122 ||


(kuñcitaṃ pādamutkṣipya pārśvātpārśvaṃ vilolayet |
pātayedañcitaṃ caiva dolāpādā ||) (nā. śā. 10-36)

ḍolāhastāveva (nā. śā. 9-148) prayogavaśagau iti ḍolāpādaṃ karaṇam | (120)

(61) vivṛttam |

ākṣipya vāma(pāda)mākṣipya svadehakṣetrādapasāritavṛttyā'vartya hastaṃ ca 
vyāvartitaparivartitābhyāṃ tathaivākṣipya trikaṃ bhramarikayā (nā. śā. 10-45) 
valayet | tadrecitau ca haṃsapakṣau drutabhramau hastāviti trikavivartanayogāt 
vivṛttam | asyoddhatagatiparikrame prayogaḥ | (121)

(62) vinivṛttam |

kuñcitaṃ pādamutkṣipya jānūrdhvaṃ samprasārayet |
pātayeccāgrayogena sā sūcī || iti (nā. śā. 10-34)

cāryā dvitīyaṃ pārṣṇibhāge svastikayojanayā viddhā(dhvā) trikasyaikapārśve 
vivartanasya pratyāvartanakrameṇa nivṛttiṃ kuryāt | anyonyajaṅghāvedhena 
baddhayā (nā. śā. 10-21) vā cāryoruvalanaṃ kuryāt | hastau ca recitau 
haṃsapakṣau drutabhramau | ukta evāsya prayogaḥ (vivṛttavat) | (122)

p. 123)

karau ca recitau kāryau vinivṛtte dvijottamāḥ |
pārśvakrāntakramaṃ kṛtvā purastādatha pātayet || 123 ||

prayogavaśagau hastau pārśvakrāntaṃ taducyate |
pṛṣṭhataḥ kuñcitaḥ pādo vakṣaścaiva samunnatam || 124 ||

tilake ca karaḥ sthāpyastannistambhitamucyate |
pṛṣṭhato valitaṃ pādaṃ śiroghṛṣṭaṃ prasārayet || 125 ||


(63) pārśvakrāntam |

kuñcitaṃ pādamutkṣipya pārśvasthāne sthitaṃ nyaset | (nā. śā. 10-32)

iti pārśvakrāntā cārī | tayā'gre caraṇaṃ pātayet | hastayośca 
pādaprayogānusāreṇa paryāyeṇa puraḥ prasāraṇam | yadi vā prayujyata iti 
prayogaḥ gatipracārayuddhādiḥ | tatra pādāvucitau hastāvityevaṃ sarvatra | etacca 
raudrapradhāne bhīmasenādeḥ parikrame (123) |

(64) nistambhitam |

dvitīyapādasya pṛṣṭhe pārṣṇibhāge kuñcitaḥ | samunnatamiti | nirbhugnaṃ 
stabdhaṃ ca nimnapṛṣṭhaṃ ceti | khaṭakāmukhaḥ kara iti tadetaddeśo 
madhyamāṅgulirūpo lalāṭe tilakavaditi | pādena bhuva āghātānnistambhitaṃ 
maheśvarābhinayaviṣayam | vṛściko'tra pāda ityeke | (124)

(65) vidyudbhrāntam |

pṛṣṭhata ūrumūladeśātprabhṛti valitaṃ cakravadbhrāmitaṃ tata eva prayoktuḥ 
śiraḥ kṣetreṇa śliṣṭaṃ sarvato maṇḍalagatyā bhrāntyā āviddhaṃ caturaṃ 
kṛtvā prasārayet | prakarṣeṇa sa sarvāsu dikṣu paryāyeṇa sārayet | tatpadasya 
vidyuta iva udbhramaṇādvidyudbhrāntamuddhatagati parikramādiviṣayam | (125)


p. 124)

sarvato maṇḍalāviddhaṃ vidyudbhrāntaṃ taducyate |
atikrāntakramaṃ kṛtvā purastātsaṃprasārayet || 126 ||

prayogavaśagau hastāvatikrānte prakīrtitau |
ākṣiptaṃ hastapādaṃ ca trikaṃ caiva vivartitam || 127 ||

dvitīyo recito hasto vivartitakameva tat |
karṇe'ñcitaḥ karo vāmo latāhastaśca dakṣiṇaḥ || 128 ||

dolāpādastathā caiva gajakrīḍitakaṃ bhavet |
drutamutkṣipya caraṇaṃ purastādatha pātayet || 129 ||


(66) atikrāntam |

atikrāntā cārī (nā. śā. 10-30) vyākhyātā | purastāditi svadehasyāgreṇa | 
etadapi gatiparikramādiviṣayameva | evamanyasyāpi yasyābhinayaviṣaye 
nopayogastasya viṣayo mantavyaḥ | (126)

(67) vivartitakam |

ākṣiptahastāpekṣayā dvitīyo hastaḥ | taṃ haṃsapakṣadrutabhramakramaṃ 
kuryāt | (127)

(68) gajakrīḍitakam |

samunnato latāhastaḥ pārśvātpārśva vilolitaḥ | (nā. śā. 9-199)

iti yaḥ karihasto lakṣyate vṛttamadhye tasyaiva yadā 
tripatāko'sāvañcitakriyāviṣṭo ḍolāpādacārī tadā gajakrīḍitakam | 
kriyāviṣṭatvāccāṅgaparyāyo'tra labhyate | prayogaścāsya nāmocita eva viṣaye 
| yathā aruvadraṇā ityādau | (128)


p. 125)

talasaṃsphoṭitau hastau talasaṃsphoṭite matau |
pṛṣṭhaprasāritaḥ pādaḥ latārecitakau karau || 130 ||

samunnataṃ śiraścaiva garuḍaplutakaṃ bhavet |
sūcīpādo nataṃ pārśvameko vakṣaḥsthitaḥ karaḥ || 131 ||

dvitīyaścāñcito gaṇḍe gaṇḍasūcī taducyate |
ūrdhvāpaveṣṭitau hastau sūcīpādo vivartitaḥ || 132 ||


(69) talasaṃsphoṭitam |

atikrāntayā (nā. śā. 10-30) cāryā daṇḍapādayā (nā. śā. 10-44) vā 
caraṇamutkṣipyākṣiptaṃ kṛtvā tathaivāgre nipātayet | tatsamakālaṃ ca patākau 
hastau saṃśleṣitaśabdādabhihitau iti talasaṃsphoṭitam | tasyaitadviṣaya eva 
prayogo yathā tālāddevī susukhasubhasa-i jaṇu ityādau | (129)

(70) garuḍaplutakam |

vṛścikavaccaraṇam | eko'lātahastaḥ (latāhastaḥ) | dvitīyo recitaḥ | prayogo'sya 
nāmocita eva viṣaye (130)

(71) gaṇḍasūcī |

utkṣiptā tu bhavetpārṣṇiraṅguṣṭhāgreṇa saṃsthitaḥ |
vāmaścaiva svabhāvasthaḥ || (nā. śāḥ 9-280)

iti sūcīpādaḥ | añcito'lapallavo gaṇḍakṣetre | anye tu sūcīpādaṃ 
gaṇḍakṣetraprāptamicchanti | anye tu sūcīmukhaṃ nṛttahastaṃ gaṇḍāñcitaṃ 
punaḥ kriyāviṣṭamāhuḥ |

hastau tu sarpaśirasau madhyamāṅguṣṭhakau yadā |
tiryakprasāritāsyau (nā. śā. 9-191) iti |

anye tu sūcyāsyamabhinayahastamāhuḥ |


p. 126)

parivṛttatrikaṃ caiva parivṛttaṃ taducyate |
ekaḥ samasthitaḥ pāda ūrupṛṣṭhe sthito'paraḥ || 133 ||

muṣṭihastaśca vakṣaḥsthaḥ pārśvajānu taducyate |
pṛṣṭhaprasāritaḥ pādaḥ kiñcidañcitajānukaḥ || 134 ||


khaṭakākhye yadā haste tarjanī samprasāritā |
hastaḥ sūcīmukho nāma | iti (nā. śā. 9-65)

atra pakṣe gaṇḍasaṃśrayapradhānabhūṣaṇābhinayaviṣayo'sya prayogaḥ | 
yathāgaṃḍappalīlāvaṇṇajjala eso phalake a-idāma ityādau (131)

(72) parivṛttam |

ūrdhvamaṇḍalinau hastāvūrdhvadeśavivartanāt | (nā. śā. 9-203)

sūcīlakṣaṇaśca (nā. śā. 10-34) pādo baddhācārī (nā. śā. 10-21) māśritya 
vicitrarūpatayā dvitīyapāde (nā. śā. 10-45) vartitaḥ 
anyonyajaṅghāsaṃvedhāditi | tato'pi bhramarikayā trikaṃ parivartitamāhuḥ | 
(132)

(73) pārśvajānu |

ūrupṛṣṭhajani(sthitaḥ) tasyaiva samasthitapādasyoroḥ dvitīyo'syā(pi) hastaḥ 
kaṭyāmardhacandra iti pārśvajānu | pārśva ūrupṛṣṭhaḥ tasya pādasya 
saṃbandhi jānu yatreti | yuddhaniyuddhaviṣayametat | (133)

(74) gṛdhrāvalīnakam |

pārśvātprasāripādo'ṅguṣṭhabhūmisaṃśleṣādañcitajānukaḥ | latāhastau ca 
pārśvagau | tatpakṣinirūpaṇādau gṛdhrāvalīnakam | (134)


p. 127)

yatra prasāritau bāhu tatsyāt gṛdhrāvalīnakam |
utplutya caraṇau kāryāvagrataḥ svastikasthitau || 135 ||

sannatau ca tathā hastau sannataṃ tadudāhṛtam |
kuñcitaṃ pādamutkṣipya kuryādagrasthitaṃ bhuvi || 136 ||

prayogavaśagau hastau sā sūcī parikīrtitā |
alapadmaḥ śirohastaḥ sūcīpādaśca dakṣiṇaḥ || 137 ||

yatra tatkaraṇaṃ jñeyamardhasūcīti nāmataḥ |
pādasūcyā yadā pādo dvitīyastu pravidhyate || 138 ||


(75) sannatam |

kuñcitaṃ pādamutkṣipya samutplutya nipātayet |
jaṅghāñcitopari kṣiptā sā jñeyā hariṇaplutā || (nā. śā. 10-43)

ityanayā cāryotplutyāgradeśe pādaṃ svastikaṃ kuryāt | sannatau ca dolāhastau |

aṃsau praśithilau hastau patākau tu pralambitau (nā. śā. 9-148)

etadadhamaprakīrtanādupasarpaṇādiviṣaye | (135)

(76) sūcī |

agrataḥ sthitamiti | (136)

(77) ardhasūcī |

śiraḥkṣetre hastaḥ śirohastaḥ | tacāryāmeva karaṇamekenāṅgenetyardhasūcī | 
(137)

p. 128)

kaṭivakṣaḥsthitau hastau sūcīviddhaṃ taducyate |
kṛtvoruvalitaṃ pādamapakrāntakramaṃ nyaset || 139 ||

prayogavaśagau hastāvapakrāntaṃ taducyate |
vṛścikaṃ caraṇaṃ kṛtvā recitau ca tathā karau || 140 ||

tathā trikaṃ vivṛttaṃ ca mayūralalitaṃ bhavet |
añcitāpasṛtau pādau śiraśca parivāhitam || 141 ||


(78) sūcīviddham |

pravidhyata iti sūcīpādau | dvitīya iti pādaḥ pārṣṇisthaḥ kriyata ityarthaḥ | 
kaṭisthitaḥ pakṣavañcitako'rdhacandro vā dvitīyaḥ khaṭakāmukha eva vakṣasi | 
cintāviṣaye'sya prayogaḥ | yathā - kālīkaramikassakaham ityādau | (138)

(79) apakrāntam |

ūrubhyāṃ valanaṃ kṛtvā kuñcitaṃ pādamuddharet |
pārśve vinikṣipeccaitadapakrāntā || (nā. śā. 10-31)

ityapakrāntakramaṃ kṛtvoruvalitabaddhāṃ 
cārīmanyonyajaṅghāsaṃyogātkṛtvā tu svastikamūrubhyāṃ 
valanamityevaṃbhūtāṃ kuryāt | (139)

(80) mayūralalitam |

vṛścikaṃ pādaṃ vidhāya recitau haṃsapakṣau drutabhramau karau kṛtvā pādaṃ 
tamevorudeśe nikuñcya bhramarikāṃ cārīṃ kuryāditi mayūranṛttānukāri 
mayūralalitam |

atikrāntakramaṃ kṛtvā trikaṃ tu parivartayet |
dvitīyapādabhramaṇāttalena bhramarī bhavet || (nā. śā. 10-45) (140)

p. 129)

recitau ca tathā hastau tatsarpitamudāhṛtam |
nūpuraṃ caraṇaṃ kṛtvā daṇḍapādaṃ prasārayet || 142 ||

kṣiprāviddhakaraṃ caiva daṇḍapādaṃ taducyate |
atikrāntakramaṃ kṛtvā samutplutya nipātayet || 143 ||

jaṅghāñcitopari kṣiptā tadvidyāddhariṇaplutam |
ḍolāpādakramaṃ kṛtvā samutplutya nipātayet || 144 ||


(81) sarpitam |

pārṣṇī(ṣṇiḥ) yasya sthitau(tā) bhūmāvūrdhvamagratalaṃ bhavet |
aṅgulyaścāñcitāḥ sarvāḥ sa pādo'ñcita ucyate || (nā. śā. 9-275)

añcitapādaḥ sannapasṛto dvitīyapādanikaṭātpalāyitako'ryaḥ (to yaḥ tat) 
samakālameva tatpārśvagaṃ śiraḥ | tatheti tatpārśvaga eva hasto recitaḥ | 
punarayaṃ dvitīyakarapādasya vidhiḥ | tatpārśvagatameva ca śiraḥ | ata eva ca 
parivāhitam | yadvakṣyati -

paryāyaśaḥ pārśvagataṃ śiraḥ syātparivāhitam | (nā. śā. 8-27)

etacca pādakṛtamadopasarpaṇaviṣayamiti māna(nām)balādgamyate | (141)

(82) daṇḍapādam |

pṛṣṭhato'bhyañcitaṃ kṛtvā pādamagratalena tu |
drutaṃ nipātayedbhūmau cārī nūpurapādikā || (nā. śā. 10-35)

ityetadanantarameva daṇḍapādādipuraścaraṇaṃ kṛtvā daṇḍapādaṃ prasārayet 
|

kṣiprāpaviddhakaraṇaṃ daṇḍapādā tu sā smṛtā | (nā. śā. 10-44)

ityetatsahitameva pādasahitadaṇḍatvaritahastaṃ nyasediti 
sāṭopaparikramādiviṣayametat | (142)

(83) hariṇaplutam |

īdṛśasyaiva hariṇaplutā cārī (nā. śā. 10-43) bhaviṣyati | tasyāstu 
karaṇapraveśaḥ prāgevoktaḥ (bhujaṅgatrāsitakaraṇavyākhyāvasare) | (143)


p. 130)

parivṛttatrikaṃ caiva tatpreṅkholitamucyate |
bhujāvūrdhvaviniṣkrāntau hastau cābhimukhāṅgulī || 145 ||

baddhā cārī tathā caiva nitambe karaṇe bhavet |
dolāpādakramaṃ kṛtvā hastau tadanugāvubhau || 146 ||

recitau bhūrṇitau vāpi skhalitaṃ karaṇaṃ bhavet |
eko vakṣaḥsthito hastaḥ prodveṣṭitatalo'paraḥ || 147 ||


(84) preṅkholitakam |

kuñcitaṃ pādaṃ pārśvātpārśvaṃ dolā (nā. śā. 10-36) | tamevaṃ kṛtvā 
dvitīyenotplutya bhramarikāṃ (nā. śā. 10-45) kuryāt | (144)

(85) nitambam |

abhimukhāṅgulī | athordhvāṅgulau patākau vyāvartitakaraṇena śirodeśaṃ 
nītvā tataḥ parivartitakaraṇenordhvakṣetreṇa niṣkāntau bāhū kṛtvā yathāsama 
deśe'nyonyaṃ vīkṣyamāṇau patākau sthāpayet | tato 
dehābhimukhāṅgulihastau tadanugāvubhau recitāghūrṇitau cāpi 
nitambanṛttahastalakṣaṇau kuryāt | etattribhirmukhā(etadabhimukhā)ṅgulitvaṃ 
nipātatrayeṇa dyotitam | bāhuśīrṣādviniṣkrāntau (nā. śā. 9-196) 
nimeṣā(veśā)ttadyogātkaraṇānvitam | (145)

(86) skhalitam |

dolāpādagamanāgamanasamakālaṃ haṃsapakṣopalakṣitau bāhū 
gamanāgamanayuktaṃ punarapareṇāṅgeneti | (146)


p. 131)

añcitaścaraṇaścaiva prayojyaḥ karihastake |
ekastu recito hasto latākhyastu tathā paraḥ || 148 ||

prasarpitatalau pādau prasarpitakameva tat |
alātaṃ ca puraḥkṛtvā dvitīyaṃ ca drutakramam || 149 ||

hastau pādānugau cāpi siṃhavikrīḍite smṛtau |
pṛṣṭhaprasarpitaḥ pādastathā hastau nikuñcitau || 150 ||


(87) karihastakam |

prodveṣṭanakriyayā paraḥ karṇasthaḥ tripatākastaddikka eva ca 
pādastatprodveṣṭanasamakālamañcitaḥ samprayojya niṣkramaṇīyaḥ | karihastena 
nṛttahastena sadṛśametadaṃśa ityetattannāmā |

(samunnato latāhastaḥ pārśvātpārśvaṃ vilolitaḥ |
tripatāko'paraḥ karṇe karihastaḥ) nā. śā. 9-199) (147)

(88) prasarpitakam |

haṃsapakṣo drutabhrama iti recitḥ | aparo latākhyo (nā. śā. 9-198) nṛttahastaḥ | 
recitakarasya dikpādaḥ pādāntarānmandaṃ mandaṃ bhūmigharṣaṇāccalet | 
etasya khecarasaṃcāraviṣaye prayogaḥ | (148)

(89) siṃhavikrīḍitam |

alātāṃ cārīmagragatāṃ drutaṃ nikṣipya tadanusāreṇaiva ca hastaṃ(nā. śā. 
10-41) dvitīyamapi cakramevaṃbhūtaṃ kuryāditi 
siṃhakaraghātasāmyātsiṃhavikrīḍitaṃ raudragativiṣayam | (149)


p. 132)

punastathaiva kartavyau siṃhākarṣitake dvijāḥ |
ākṣiptahastamākṣiptadehamākṣiptapādakam || 151 ||

udvṛttagātramityetadudvattaṃ karaṇaṃ smṛtam |
ākṣiptaścaraṇaścaiko hastau tasyaiva cānugau || 152 ||

ānataṃ ca tathā gātraṃ tathopasṛtakaṃ bhavet |
dolāpādakramaṃ kṛtvā talaṅghaṭṭitau karau || 153 ||


(90) siṃhākarṣitam |

vṛścika ekaḥ pādaḥ | nikuñcitau svastikena padmakośorṇanābhau (nā. śā. 9-
82-120) (dakṣiṇa)vāmahastau | punardvitīyena pādena yadā vṛścikastadā tau 
kriyāvartanāvaśādapasārya punarapi tādṛśāveva hastāviti 
siṃhādyabhinayaviṣayaṃ siṃhākarṣitakam | (150)

(91) udvṛttam |

ākṣiptāmasāritānītaṃ hastapādaṃ yatra | kathaṃ sarvadehākṣepaḥ | āha - 
udvṛttācārīyuktaṃ kṛtvā -

pādamāviddhamāveṣṭya samutplutya nipātayet |
parivṛtya dvitīyaṃ tu sodvṛttā | (nā. śā. 10-39) iti |

ata evodvṛtaṃ karaṇam | (151)

(92) upasṛtakam |

yathā mahādevī viṇṇavedi iti | (152)


p. 133)

recayecca karaṃ vāmaṃ talasaṅghaṭṭite sadā |
eko vakṣaḥsthito hasto dvitīyaśca pralambitaḥ || 154 ||

talāgrasaṃsthitaḥ pādo janite karaṇe bhavet |
janitaṃ karaṇaṃ kṛtvā hastau cābhimukhāṅgulī || 155 ||

śanairnipatitau caiva jñeyaṃ tadavahitthakam |
karau vakṣaḥsthitau kāryāvuro nirbhugnameva ca || 156 ||


(93) talasaṃṅghaṭṭitam |

kuñcitaṃ pārśvātpārśvamiti (nā. śā. 10-36) dolāpādāṃ cārī 
kurvaṃstatsamakālaṃ patākau samyagghaṭṭitamanyonyatalaṃ yayostādṛśau 
karau kṛtvā vaiṣṇave sthānake dvau tālau (nā. śā. 10-52) ityatra sthitvā 
dakṣiṇaṃ hastaṃ kaṭyāṃ ca dvitīyaṃ haṃsapakṣadrutabhramātmakaṃ recakaṃ 
kuryāt | anukampāpradhāne vākyārthe'sya prayogaḥ | dhāṇavagalachipha.... a0 
dhi-acaṇāri ityādi | (153)

(94) janitam |

vakṣasi muṣṭihastaḥ | pralambito latākhyaḥ | anyāsāṃ kriyāṇāmārambhakāla 
eva tatsanniveśajananayogādyathocitacārīvaśānītam | (janitācārī nā. śā. 10-
25) (154)

(95) avahitthakam |

muṣṭihastaśca vakṣaḥsthaḥ karo'nyaśca pravartate |
talasañcarapādaśca janitā || (nā. śā. 10-25) iti |

cārīpādaṃ kṛtvā | tathāpyabhimukhāṅgulī ityarālālapallavatayā 
lalāṭavakṣaḥkṣetragau hastau vidhāya śanairiti 
yathākramamudveṣṭitakaraṇāvadharordhvakrameṇa pārśvagau kṛtvā 
punarapaveṣṭitaparivartitakriyayārālālāpallavāvanyonyaṃ sammukhaṃ 
vakṣodeśe kuryāt | gopanapradhāne vākyārthe'sya prayogaḥ | ityavahitthakrame 
tadyathā - aithaga-aṃ ga-ikari thaviphāsahasaśva0 khe i-aṃ ba-isaṃ parihi ||


p. 134)

maṇḍalasthānakaṃ caiva niveśaṃ karaṇaṃ tu tat |
talasañcarapādābhyāmutplutya patanaṃ bhavet || 157 ||

saṃnataṃ valitaṃ gātramelakākrīḍitaṃ tu tat |
karamāvṛttakaraṇamūrupṛṣṭhe'ñcitaṃ nyaset || 158 ||

jaṅghāñcita tathodvṛttā hyūrūdvṛttaṃ tu tadbhavet |
karau pralambitau kāryau śiraśca parivāhitam || 159 ||


anye tu (avahitthahastena)

śukatuṇḍau karau kṛtvā vakṣasyabhimukhāñcitau |
śanairadhomukhāviddho'sāvavahitthaḥ || (nā. śā. 9-156) ||

ityetaccintādaurbalyaviṣayamāhuḥ | (155)

(96) niveśam |

stabdhaṃ ca nimnapṛṣṭhaṃ ca nirbhugnāṃsaṃ samunnatam |
uro nirbhugnam | (nā. śā. 9-226)

aindre maṇḍale pādau catustālāntarasthitau | (gajavā)hanādiviṣaye'nena 
niveśayet | yātrasyāviśramaṇānniveśākhyam | (156)

(97) elakākrīḍitam |

patanakāle gātrasya namanaṃ tato valanam | evaṃ nāmaikarūpā cārī (nā. śā. 
10-20) bhaviṣyati | adhamaprakṛtigativiṣayametat | (157)

(98) ūrūdvṛttam |

talasañcarapādasya pārṣṇirbāhyonmukhī yadā |
jaṅghañcitā tathodvṛttā ūrūdvṛttā | iti (nā. śā. 10-22)

anayā cāryā saha vyāvartitakaraṇenārālaṃ khaṭakaṃ corudeśe pṛṣṭhe ca 
kṣipet | praṇayakoperṣyāprārthanādiviṣayametatkaraṇam | (158)


p. 135)

pādau ca valitāviddhau madaskhalitake dvijāḥ |
puraḥ prasāritaḥ pādaḥ kuñcito gaganonmukhaḥ || 160 ||

karau ca recitau yatra viṣṇukrāntaṃ taducyate |
karamāvartitaṃ kṛtvā hyūrupṛṣṭhe nikuñcayet || 161 ||

ūruścaiva tathāviddhaḥ sambhrāntaṃ karaṇaṃ tu tat |
apaviddhaḥ karaḥ sūcyā pādaścaiva nikuṭṭitaḥ || 162 ||

vakṣaḥsthaśca karo vāmo viṣkambhe karaṇe bhavet |
pādāvudghaṭṭitau kāryau talasaṅghaṭṭitau karau || 163 ||


(99) madaskhalitakam |

karau dolau | paryāyaśaḥ pārśvagataṃ śiraḥ | valitāviddhau avanatāvanantaraṃ 
svastikāpasṛtau (pādau) paryāyeṇeti | madyamadaviṣayametat | (159)

(100) viṣṇukrāntam |

viṣṇoritthaṃ kramaṇamatra | tattadviṣaya evāsya prayogaḥ | (160)

(101) sambhrāntam |

āviddhāyāṃ cāryāṃ satyāmūrustathā |

svastikasyāgrataḥ pādaḥ kuñcitaśca prasāritaḥ |
nipatedañcitāviddha āviddhā nāma sā smṛtā || (nā. śā. 10-38)

taccārīprayogakāle ca vyāvartitaparivartitakaraṇenālapallavamūrupṛṣṭhe nyaset | 
sambhramaparikramaviṣayametat | (161)

(102) viṣkambham |

vāmaḥ karo dakṣiṇena hastena sūcīmukhaṃ (nā. śā. 9-191) 
nṛttahastātmanāpagamapūrvakaṃ viddhaḥ | sa eva pādo nikuṭṭitaḥ | cakārāt 
dvitīyeyainaivāṅgena | evakāreṇedamāha punaḥ

p. 136)

natañca pārśvaṃ kartavyaṃ budhairudghaṭṭite sadā |
prayujyālātakaṃ pūrva hastau cāpi hi recayet || 164 ||

kuñcitāvañcitau caiva vṛṣabhakrīḍite sadā |
recitāvañcitau hastau lolitaṃ vartita śiraḥ || 165 ||


sūvyā (nā. śā. 10-34) cāryopalakṣitaḥ pādaḥ | paraśca 
nikuṭṭito'lapallavo'nyastu vāmaḥ | evaṃ punaḥkaraṇe sati 
kriyāviṣkambhanādvistāraṇādviṣkambhākhyaṃ karaṇam | (162)

(103) udghaṭṭitam |

sthitvā pādatalāgreṇa pārṣṇī bhūmau || iti (nā. śā. 9-266)

pādaḥ | anyonyamanena tālikādānodyatau karau punardvitīyapāda udghaṭṭitaḥ 
paryāyeṇa ca tathaiva pārśvayornamanamiti | pramodaviṣayametat | (163)

(104) vṛṣabhakrīḍitam |

alātacārī (nā. śā. 10-41) kurvanhastau recitau kuryāt | tataḥ kuñcitau 
vyāvartitakaraṇena kṛtvā tato bāhuśirasyalapallavākṛtī añcitau vidheyāviti 
vṛṣabhamaṅgadvāradvayaprayogāt vṛṣabhakrīḍitam | (164)

(105) lolitam |

vaiṣṇave sthāne ādau recitaṃ haṃsapakṣadrutabhramarūpaṃ hastadvitī(ta)yaṃ 
cāñcitaṃ vakṣasyalapallavākāraṃ kuryāt | śiraśca lolitam | sarvato lolitamapi 
cobhayoḥ pārśvayorvartitaṃ viśravamitam | (165)


p. 137)

ubhayoḥ pārśvayoryatra tallolitamudāhṛtam |
svastikāpasṛtau pādau śiraśca parivāhitam || 166 ||

recitau ca tathā hastau syātāṃ nāgāpasarpite |
niṣaṇṇāṅgastu caraṇaṃ prasārya talasañcaram || 167 ||

udvāhitamuraḥ kṛtvā śakaṭāsyaṃ prayojayet |
ūrdhvāṅgulitalau pādau tripatākāvadhomukhau || 168 ||


(106) nāgāpasarpitam |

parivāhitaṃ paryāyaśaḥ pārśvagataṃ kuṭilagatiyogannāgāpasarpitam | idaṃ 
taruṇamadaviṣayam | (166)

(107) śakaṭāsyam |

niṣaṇṇaṃ nissamīkṛtamaṅgaṃ yena tena tajjānusamasthite pade puro gulphadeśe 
kuñcito na tu jānureva pādaḥ sa evādhyardhatālāntarasañcaraḥ prasāryaḥ | 
tatsahito'pi hasto dvitīyo vakṣasi khaṭakaḥ | īdṛśyeveyaṃ cārī (nā. śā. 10-16) 
bhaviṣyati | anena sanniveśena sakaṭasyāsanaṃ kṣepa iti | 
tathāvidhabālakrīḍādiviṣaye bhāṇikādiviṣaye'sya prayogaḥ | (167)

(108) gaṅgāvataraṇam |

atra kecidūrdhvāṅgulitala ityanena 
samapādāñcitabhūmāvavasthānamuktamityāhuḥ | 
etaccāyuktamaśabdārthatvāt | tasmādañcito na pādaḥ | anye tvāhuḥ - anena 
krameṇāgratalasañcāro vṛścikapāda iti | apare tu - cakāreṇa bhinnakrameṇa ca 
pādasya tripatākāhastayośśirasaśca sannatatvāttena prathamaṃ pādoddhāraṃ 
sthitvā pādamūrdhvaṃ vidhāya patākāhastau taṃ pādaṃ 
krameṇāgratalasañcāro vṛścikapāda iti | (apare tu cakāreṇa bhinnakrameṇa ca 
tadāsya tripatākāhastayoḥ śirasaśca sannatatvāttena prathamaḥ pādoddhāraḥ |

p. 138)

hastau śirassannataṃ ca gaṅgāvataraṇaṃ tviti |
yāni sthānāni yāścāryo vyāyāme kathitāni tu || 169 ||

pādapracārastveṣāṃ tu karaṇānāmayaṃ bhavet |
ye cāpi nṛttahastāstu gaditā nṛttakarmaṇi || 170 ||

teṣāṃ samāsato yogaḥ karaṇeṣu vibhāvyate |
prāyeṇa karaṇe kāryo vāmo vakṣaḥsthitaḥ karaḥ || 171 ||

caraṇaścānugaścāpi dakṣiṇastu bhavetkaraḥ |
cāryaścaiva tu yāḥ proktā nṛttahastāstathaiva ca || 172 ||

sā mātṛketi vijñeyā tadbhedātkaraṇāni tu |
aṣṭottaraśataṃ hyetatkaraṇānāṃ mayoditam || 173 ||

ataḥ paraṃ pravakṣyāmi hyaṅgahāravikalpanam |
prasāryotkṣipya ca karau samapādaṃ prayojayet || 174 ||


sthitvā pādamūrdhvaṃ vidhāya tadupari ca tripatākahastau taṃ pādaṃ krameṇa) 
sannamayet avarodhayet | tadanusāreṇa ca tripatākāhastaṃ sanamayet | tathaiva 
krameṇa śiraḥ | evameva trivikramapādaprasaraṇapūrvakaṃ gaṅgādevyā 
avataraṇamiti nāmnaivāsya karaṇasya viṣayo darśitaḥ | itiśabdaḥ samāptau | 
(168)

(ityaṣṭottaraśatakaraṇanirūpaṇaṃ samāptam)

aṅgahāralakṣaṇam |

talapuṣpapuṭasya pūrvaṃ nirdeśātsarvatra vartanāprādhānyenopakrama iti 
sūcitaṃ paraṃ prayogamāha | uktamupasaṃharan 
kramaprāptānaṅgahārānyathoddeśaṃ lakṣaṇīyatvena pratijānīte - 
aṣṭottaraśatamityādinā | hi yasmātkaraṇānāmaṣṭottaraśatamuditaṃ (tato) 
hetoḥ paraṃ viśiṣṭamaṅgahāro kalpyate parasparato bhedyate yena 
tadaṅgahāreṣveva viśeṣalakṣaṇaṃ vakṣyāmīti sambandhaḥ | jātāvekavacanam 
| (173)


p. 139)

vyaṃsitāpasṛtaṃ savyaṃ hastamūrdhva prasārayet |
pratyālīḍhaṃ tataḥ kuryāt tathaiva ca nikuṭṭakam || 175 ||

ūrūdvṛttaṃ tataḥ kuryādākṣiptaṃ svastikaṃ tataḥ |
nitambaṃ karihastaṃ ca kaṭicchinnaṃ ca yogataḥ || 176 ||


(1) sthirahastaḥ |

tatroddeśakrameṇa sthirahastaṃ lakṣayati - prasāryetyādinā harapriya ityantena | 
tatra prasāryotkṣipya ca karāviti tripatākāñjali vakṣaḥsthamiti lakṣitasya 
līnākhyasya karaṇasya (nā. śā. 4-66) prathametikartavyatānirūpaṇenopalakṣitam 
| etacca tallakṣaṇa evoktamasmābhiḥ patākaśabdasya prayojanaṃ vadadbhiḥ | 
idamidaṃ karaṇaṃ yogato'nyādau hyanayā 
jighṛkṣatītyakṣikaraṇagatahastapādādyaucityayuktavartanācārīyojanayā yadi 
bhavati tata eva cāvicchinnā śubhā ca | 
prabandhādalātacakravadekabuddhyanusaṃhāryaṃ tadalam | sthirahasto 
nāmāṅgahāra iti sambandhaḥ | evaṃ sarvatra yogata iti sarvāṅgahāreṣu 
sambadhyate | 

anye tu yogātsamādherapyayaṃ bhagavataḥ prītaya iti vyācakṣate |

samapādamiti samanakhaṃ karaṇam | padaṃ (pādau) śliṣṭau samanakhau iti (nā. 
śā. 4-65) |

vyaṃsite -

ālīḍhaṃ sthānakaṃ yatra karau vakṣasi recitau |
ūrdhvādhoviprakīrṇau ca vyaṃsitaṃ karaṇaṃ tu tat || (nā. śā. 4-108)

iti lakṣite karaṇe'pasṛtau viprakīrṇau yau hastau tau dvāvapyūrdhvasthānasthitau 
kṛtvā ālīḍhasya parivartanena (nā. śā. 10-70) pratyālīḍhaṃ sthānakaṃ kuryāt 
| tato nikuṭṭite nikuṭṭitau yadā hastau (nā. śā. 4-69) iti navamaṃ karaṇam | tato'pi 
karamāvṛttakaraṇamūrupṛṣṭha (nā. śā. 4-159) ityaṣṭanavatitamam | tataḥ 
svastikaṃ hastābhyāmatha pādābhyāmiti (nā. śā. 4-75) pañcadaśam | tata 
ākṣiptaṃ hastapādaṃ ceti (nā. śā. 4-115) pañcapañcāśat |

p. 140

sthirahasto bhavedeṣa tvaṅgahāro harapriyaḥ |
talapuṣpāpaviddhe dve vartitaṃ sanikuṭṭakam || 177 ||

(pratyālīḍhaṃ tataḥ kṛtvā tathaiva ca nikuṭṭakam |)
ūrūdvṛttaṃ tathākṣiptamuromaṇḍalameva ca |
nitambaṃ karihastaṃ ca kaṭicchinnaṃ tathaiva ca || 178 ||


bhujāvūrdhvaṃ viniṣkrāntau hastau cābhimukhāṅgulī (nā. śā. 4-146) iti 
nitambagatiḥ | tataḥ karihastam -

vāmo vakṣaḥsthito hastaḥ prodveṣṭitatalopari (nā. śā. 4-148)

iti saptāśītitamam | tataḥ paryāyaśaḥ kaṭiśchinnā bāhu śirasi (nā. śā. 4-72) 
ityekādaśam |

ityevaṃ karaṇagrāmasamyagyojanayā kṛtaṃ sthirahastamaṅgahāraṃ nirvartayati | 
ataḥ(tra) sarveṣvaṅgahāreṣvityarthaḥ(hāreṣu) karaṇāvayavavargaṃ sarvaṃ 
karaṇajātaṃ caturdiṅmukheṣu prayojyamiti nāṭyācāryā manyante | 
anāgatātītave(dī munistada)yuktaṃ manyamāna ekānnaviṃśatitame hi 
parivṛttakarecite'ṅgahāre (nā. śā. 4-219) vakṣyati parāṅgamukhavidhirbhūya 
evameva bhavet ityaṅgahāravidhāvityarthāyogāt | tadāṅgikeṣveva vakṣyāmaḥ | 
udveṣṭitakaraṇasvarūpaṃ nirūpayataḥ prayogaścaiṣāmadṛṣṭārtha eva | prayoge 
ca tattadvākyārthādūnaṃ viprakarṣānusāreṇa | etacca pūrvaraṅge (a-5) 
yathopadeśaṃ vakṣyāmaḥ yuddhe niyuddhe ca ityādau (nā. śā. 4-56) 
viṣayeṇaiteṣāṃ (viśeṣeṇaiteṣām) kadācitprayogaḥ | evaṃ sthirahasta eva 
(nānirva(rtanaṃ) lakṣyata iti na vṛthā tannirdeśenāyāsaḥ | (176)

(2) paryastakaḥ |

talapuṣpapuṭetyādi | kecitprasāryetyādinā pratyālīḍhaṃ tataḥ kuryādityantaṃ 
sarveṣvaṅgahāreṣu prathamamitikartavyatāṃ yojayanti 
prathamāṅgasa(ṅga)tikaraṇayogaḥ kathamityabhiprāyeṇa | anye tu 
pratyaṅgahārasamucitāḥ sādhāraṇāḥ svayamūhyā ityāhuḥ | śrutahānau ko 
guṇa ityapare |

tatra vāme puṣpapuṭa (nā. śā. 4-61) iti prathamam | āvartya 
śukatuṇḍākhyamūrupṛṣṭhe vāmahastaśca vakṣaḥstha (nā. śā. 4-64) 
ityapaviddham | kuñcitau maṇibandhe tu iti (nā. śā. 4-62) vartitam | nikuṭṭitāviti 
(nā. śā. 4-69)


p. 141)

eṣa paryastako nāma hyaṅgahāro harodbhavaḥ |
alapallavasūcīṃ ca kṛtvā vikṣiptameva ca || 179 ||

āvartitaṃ tataḥ kuryāttathaiva ca nikuṭṭakam |
ūrūdvṛttaṃ tathākṣiptamuromaṇḍalameva ca || 180 ||

karihastaṃ kaṭicchinnaṃ sūcividdho bhavedayam |
apaviddhaṃ tu karaṇaṃ sūcividdhaṃ tathaiva ca || 181 ||


nikuṭṭakam | karamāvṛttakaraṇam iti (nā. śā. 4-159) ūrūdvṛttam | (tata 
ākṣiptaṃ hastapādam (4-116) ityākṣiptam | svastikāpasṛtā viti (4-115) 
uromaṇḍalam | tato bhujāvūrdhvaviniṣkrāntāviti (4-146) nitambakaraṇam | 
anantaraṃ vāmo vakṣaḥsthita iti (4-148) karihastam | tataḥ paryāyaśa iti (4-72) 
kaṭicchinnam | etena karaṇadaśakena paryastakaḥ ||) (178)

(3) sūcīviddhaḥ |

argha(la)pallavasūcī ceti | alapadmaḥ śirodeśe (hastaḥ) sūcīpādaśca iti (nā. 
śā. 4-138) alapallavopalakṣitamardhasūcyākhyaṃ saptasaptatitamaṃ karaṇam -

vikṣiptaṃ hastapādaṃ ca pṛṣṭhataḥ pārśvato'pi vā |
ekamārgam iti (nā. śā. 4-119) vikṣiptam |

ekānnaṣaṣṭitamaṃ yadāvartākhyaṃ karaṇaṃ

prasārya kuñcitaṃ pādaṃ purastvā(narā)vartayedyutam |
prayogavaśagau iti (nā. śā. 4-120)

tadevāvartitaśabdenoktam | tato nikuṭṭakādīni ṣaṭ karaṇānyktāṅgahāravadeva 
(sthirahasta iva) | (180)

(4) apaviddhaḥ |

apavidhantvityādi |

āvartya śukatuṇḍākhyamūrupṛṣṭhe nipātayet |
vāmahastaśca vakṣaḥstho'pyapaviddham || (nā. śā. 4-64)


p. 142)

udveṣṭitena hastena trikaṃ tu parivartayet |
uromaṇḍalakau hastau kaṭicchinnaṃ tathaiva ca || 182 ||

apaviddho'ṅgahāraśca vijñeyo'yaṃ prayoktṛbhiḥ |
karaṇaṃ nūpuraṃ kṛtvā vikṣiptālātake punaḥ || 183 ||

punarākṣiptakaṃ kuryāduromaṇḍalakaṃ tathā |
nitambaṃ karihastaṃ ca kaṭicchinnaṃ tathaiva ca || 184 ||


pādasūcyā yadā pādo dvitīyaśca pravidhyate |
kaṭivakṣaḥsthitau hastau sūcīviddhaṃ tat || (nā. śā. 4-139)

evaṃ karaṇadvayaṃ kṛtvodveṣṭitena karaṇena (nā. śā. 9-216) baddhayā cāryā 
trikaṃ valitaṃ kṛtvoromaṇḍalahastopalakṣitamuromaṇḍalakaraṇaṃ tato'pi 
kaṭicchinnaṃ vidadhyāt |

svastikāpasṛtau pādāvapaviddhakramau yadā |
uromaṇḍalakau hastāvuromaṇḍalaṃ tu tat || (nā. śā. 4-115)

prayoktṛbhiriti ye prayogakuśalāstaiḥ | svayamaṅgasya gatiḥ 
samyagvidvadbhirjñātuṃ na śakya ityanenedamāha | eteṣu karaṇeṣu yadā 
madhyavartanaśirobhrūnetrādikarmasahitāpi yā yojanā ca sā aṃśaśca 
svarūpatattvavidā svayamaṅgīkartuṃ śakyaḥ | anyasya tūktāpi 
prayoktumaśakyā na cāpi nirūpayituṃ śakyā | gītavādyalayayanti(ti) 
vākyārthabhedena ca tasyā eva yojanā | yojane cānantyam | nahi suśikṣito'pi 
lakṣaṇakāro vākyānāṃ pratipadaṃ lakṣaṇaṃ kartuṃ śaknoti | asya 
paścādidaṃ prayojyamiti dayāpi(jñāpi)tena kiñcidātmano yojanā ca saṃhitā 
kāryā | niyamanamagre vakṣyāma ityuktam | tena maṇḍalādisthānanirūpaṇamiha 
kaiścitkṛtaṃ nirupayogamevetyāstām | (182)

(5) ākṣiptakaḥ |

karaṇaṃ nūpuramityādi |

trikaṃ suvalitaṃ kṛtvā latārecitakau karau (nā. śā. 4-97) (nū)puraṃ ca tathā 
pādakaraṇe nūpure vikṣiptaṃ hastapādaṃ ca iti (nā. śā. 4-119) vikṣiptam |


p. 143)

ākṣiptakaḥ sa vijñeyo hyaṅgahāraḥ prayoktṛbhiḥ |
udveṣṭitāpaviddhastu karaḥ pādo nikuṭṭitaḥ || 185 ||

punastenaiva yogena vāmapārśve bhavedatha |
uromaṇḍalakau hastau nitambaṃ karihastakam || 186 ||

kartavyaṃ sakaṭicchinnaṃ nṛtte tūdghaṭṭite sadā |
paryāyodveṣṭitau hastau pādau caiva nikuṭṭitau || 187 ||


alātaṃ caraṇaṃ kṛtvā'pyaṃsayordakṣiṇaṃ karam |
ūrdhvajānukramaṃ kuryādalātakamiti smṛtam || (nā. śā. 4-78)

yatra yatra punargrahaṇaṃ tatra tatra kecit dviryogamāhuḥ | 
dvitīyāṅgahāroktamākṣiptādikaraṇapañcakam | (184)

(6) udghaṭṭitaḥ |

udveṣṭitāpaviddhastviti | anena prathamaślokena paryāyaśo'ṅgadvayaprayogaṃ 
nikuṭṭakaṃ karaṇamāha - nikuṭṭitau yadā hastau (nā. śāṣ 4-69) iti | 
uromaṇḍalakādikaraṇacatuṣkaṃ dvitīyāṅgahāravadeva | (186)

(7) viṣkambhaḥ |

paryāyodveṣṭitāviti | anenārdhenānantarāṅgahāravadeva 
prathamamaṇḍaladvayena nikuṭṭitaṃ karaṇamityāha | kuñcitāviti | hastau pādau 
ceti sambandhaḥ | tena kuñcitasya karaṇasyāñcitasya cāṅgadvayaparyāyeṇa 
prayojyatvamuktam |

vṛścikaṃ caraṇaṃ kṛtvā karaṃ pārśve nikuñcayet | (nā. śā. 4-87)
nāsāgre dakṣiṇaṃ caiva nikuñcitam ||

svastikau caraṇau kṛtvā karihastaṃ ca dakṣiṇam |
vakṣaḥsthāne tathā vāmamardhasvastikamādiśet || (nā. śā. 4-83)

ityanantaraṃ

vyāvṛttaparivṛttastu sa eva tu karo yadā |
añcito nāsikāgre tu tadañcitam || (nā. śā. 4-83)

caturaśramiti anenārdhenārdhanikuṭṭakaṃ daśamaṃ karaṇamāha -

p. 144)

kuñcitāvañcitau caiva hyūrūdvṛttaṃ tathaiva ca |
caturaśraṃ karaṃ kṛtvā pādena ca nikuṭṭakam || 188 ||

bhujaṅgatrāsitaṃ caiva karaṃ codveṣṭitaṃ punaḥ |
paricchinnaṃ ca kartavyaṃ trikaṃ bhramarakeṇa tu || 189 ||

karihastaṃ kaṭicchinnaṃ viṣkambhe parikīrtitam |
daṇḍapādaṃ karaṃ caiva vikṣipyākṣipyā caiva hi || 190 ||

vyaṃsitaṃ vāmahastaṃ ca saha pādena sarpayet |
nikuṭṭakadvayaṃ kāryamākṣiptaṃ maṇḍalorasi || 191 ||

karihastaṃ kaṭicchinnaṃ kartavyamaparājite |
kuṭṭitaṃ karaṇaṃ kṛtvā bhujaṅgatrāsitaṃ tathā || 192 ||


añcito bāhuśirasi hastastvabhimukhāṅguliḥ |
nikuñcitārdhayogena (nā. śā. 4-70) iti |

dvitīyo hi tatra prāṅmukhaṃ khaṭakarūpaṃ caturaśro hastaḥ |

kuñcitaṃ pādamutkṣipya tryaśramūruṃ vivartayet |
kaṭijānuvivartaśca bhujaṅgatrāsitaṃ bhavet || (nā. śā. 4-84)

bhujaṅgatrāsitaṃ caturvidham | atraivakāreṇa hastaprayogamanuktaṃ nirūpayati - 
karaṃ codveṣṭitamiti tatsamakālaṃ ca bhramarakeṇāṣṭatriṃśena (nā. śā. 4-99) 
karaṇena parita ityubhayāṅgaprayogeṇa cchinnatrikaṃ kuryāt | kaṭimadhyasya 
valanācchinnā | yataḥ -

ākṣiptaḥ svastikaḥ pādaḥ karau codveṣṭitau tathā |
trikasya valanācca |

iti bhramarakam | tataḥ karihastaḥ kaṭicchinnaśca pūrvāṅgahāravadeva || (189)

(8) aparājitaḥ |

daṇḍapādamityādi |

nūpuraṃ caraṇaṃ kṛtvā daṇḍapādaṃ prasārayet |
kṣiprāviddhakaraṃ ceti daṇḍapādam | (nā. śā. 4-143)


p. 145)

recitena tu hastena patākaṃ hastamādiśet |
ākṣiptakaṃ prayuñjīta hyuromaṇḍalakaṃ tathā || 193 ||

latākhyaṃ sakaṭicchinnaṃ viṣkambhāpasṛte bhavet |
trikaṃ suvalitaṃ kṛtvā nūpuraṃ karaṇaṃ tathā || 194 ||

bhujaṅgatrāsitaṃ savyaṃ tathā vaiśākharecitam |
ākṣiptakaṃ tataḥ kṛtvā paricchinnaṃ tathaiva ca || 195 ||

bāhyabhramarakaṃ kuryāduromaṇḍalameva ca |
nitambaṃ karihastaṃ ca kaṭicchinnaṃ tathaiva ca || 196 ||


yadatra nirūpitaṃ tadeveha bhaṅktvā darśitaṃ vikṣipyetyādinā | 
ālīḍhasthānakaṃ yatra (nā. śā. 4-109) iti vyaṃsitaṃ prathamāṅgahāroktam | 
vāmahastetyādinā prasarpitamaṣṭāśītitakaraṇamāha |

ekastu recito hastaḥ latākhyaśca tathāparaḥ |
prasarpitakam | iti (nā. śā. 4-149)

nikuṭṭakadvyamiti | nikuṭṭamardhanikuṭṭaṃ ca (nā. śā. 4-69-70) nikuṭṭitau yadā 
hastau iti | añcito bāhuśirasi hastastu iti | maṇḍalorasītyuromaṇḍale karaṇe (nā. 
śā. 4-115) satītyarthaḥ | ākṣiptādīni kaṭicchinnāntāni catvāri 
dvitīyāṅgahāravadeva |

(9) viṣkambhāpasṛtaḥ |

kuṭṭitamityādi | nikuṭṭakamardhanikuṭṭakaṃ ceti dve kuṭṭitaśabdena 
sādhāraṇyātsaṅgṛhīte | kuñcitaṃ pādam (nā. śā. 4-84) ityādi 
bhujaṅgatrāsitaṃ caturviṃśatitamam | recitebhyastvi(tene)tyādinārdhena 
pañcatriṃśakaṃ (nā. śā. 4-96) darśayatīti |

bhujaṅgatrāsitaṃ kṛtvā yatrobhāvapi recitau |
vāmapārśvasthitau hastau bhujaṅgatrastarecitam || (nā. śā. 4-96)

asya cāṅgaparyāyeṇa prayoga iti patākāgrahaṇenāha | ākṣiptakāditrayaṃ 
pūrvāṅgahāravadeva | kevalamatra kaṭicchinne karaṇe (nā. śā. 4-71) 
paryāyeṇaiko latāhastaḥ |

p. 146)

mattākrīḍo bhavedeṣa hyaṅgahāro harapriyaḥ |
recitaṃ hastapādaṃ ca kṛtvā vṛścikameva ca || 197 ||

punastenaiva yogena vṛścikaṃ samprayojayet |
nikuṭṭakaṃ tathā caiva savyāsavyakṛtaṃ kramāt || 198 ||

latākhyaḥ sakaṭicchedo bhavetsvastikarecite |
pārśve tu svastikaṃ baddhvā kārya tvatha nikuṭṭakam || 199 ||

dvitīyasya ca pārśvasya vidhiḥ syādayameva hi |
tataśca karamāvartya hyūrupṛṣṭhe nipātayet || 200 ||

ūrūdvṛttaṃ tataḥ kuryādākṣiptaṃ punareva hi |
nitambaṃ karihastaṃ ca kaṭicchinnaṃ tathaiva ca || 201 ||

pārśvasvastika ityeṣa hyaṅgahāraḥ prakīrtitaḥ |
vṛścikaṃ karaṇaṃ kṛtvā latākhyaṃ hastameva ca || 202 ||

tameva ca karaṃ bhūyo nāsāgre sannikuñcayet |
tamevodveṣṭitaṃ kṛtvā nitambaṃ parivartayet || 203 ||

karihastaṃ kaṭicchinnaṃ vṛścikāpasṛte bhavet |
kṛtvā nūpurapādaṃ tu tathākṣiptakameva ca || 204 ||


trikaṃ suvalitaṃ kṛtveti |


p. 147)

paricchinnaṃ ca kartavyaṃ sūcīpādaṃ tathaiva ca |
nitambaṃ karihastaṃ cāpyuromaṇḍalakaṃ tathā || 205 ||

kaṭicchinnaṃ tataścaiva bhramaraḥ sa tu saṃjñitaḥ |
mattallikaraṇaṃ kṛtvā karamāvartya dakṣiṇam || 206 ||

kapolasya pradeśe tu kāryaṃ samyaṅnikuñcitam |
apaviddhaṃ drutaṃ caiva talasaṃsphoṭasaṃyutam || 207 ||

karihastaṃ kaṭicchinnaṃ mattaskhalitake bhavet |
dolaiḥ karaiḥ pracalitaiḥ svastikāpasṛtaiḥ padaiḥ || 208 ||

añcitairvalitairhastaistalasaṅghaṭṭitaistathā |
nikuṭṭitaṃ ca kartavyamūrudvṛttaṃ tathaiva ca || 209 ||

karihastaṃ kaṭicchinnaṃ madādvilasite bhavet |
maṇḍalaṃ sthānakaṃ kṛtvā tathā hastau ca recitau || 210 ||

udghaṭṭitena pādena mattallikaraṇaṃ bhavet |
ākṣiptaṃ karaṇaṃ caiva hyuromaṇḍalameva ca || 211 ||

kaṭicchinnaṃ tathā caiva bhavettu gatimaṇḍale |
samapādaṃ prayujyātha paricchinnaṃ tvanantaram || 212 ||

p. 148)

āviddhena tu pādena bāhyabhramarakaṃ tathā |
vāmasūcyā tvatikrāntaṃ bhujaṅgatrāsitaṃ tathā || 213 ||

karihastaṃ kaṭicchinnaṃ paricchinne vidhīyate |
śirasastupari sthāpyau svastikau vicyutau karau || 214 ||

tataḥ savyaṃ karaṃ cāpi gātramānamya recayet |
punarutthāpayettatra gātramunnamya recitam || 215 ||

latākhyau ca karau kṛtvā vṛścikaṃ samprayojayet |
recitaṃ karihastaṃ ca bhujaṅgatrāsitaṃ tathā || 216 ||

ākṣiptakaṃ prayuñjīta svastikaṃ pādameva ca |
parāṅmukhavidhirbhūya evameva bhavediha || 217 ||


latākhyaśca karo vāmaḥ (nā. śā. 4-105) iti latāvṛścikam | eko vakṣaḥsthito 
hastaḥ iti (nā. śā. 4-148) |

recitamityunmattakaraṇam | añcitena tu pādena recitau iti (nā. śā. 4-74) |

eko vakṣaḥsthito hastaḥ iti karihastakam | kuñcitaṃ pādam iti (nā. śā. 4-84)


p. 149)

karihastaṃ kaṭicchinnaṃ parivṛttakarecite |
recitau saha gātreṇa hyapaviddhau karau yadā || 218 ||

punastenaiva deśena gātramunnamya recayet |
kuryānnupurapādaṃ ca bhujaṅgatrāsitaṃ tathā || 219 ||

recitaṃ maṇḍalaṃ caiva bāhuśīrṣe nikuñcayet |
ūrūdvṛttaṃ tathākṣiptamuromaṇḍalameva ca || 220 ||

karihastaṃ kaṭicchinnaṃ kuryādvaiśākharecite |
ādyaṃ tu janitaṃ kṛtvā pādamekaṃ prasārayet || 221 ||


bhujaṅgatāsitam | ākṣiptaṃ hastapādam | ityākṣiptakam | (nā. śā. 4-116) | 
svastikaṃ pādamityasyaiva pādasvastikaparyantatayā baddhaṃ cārīṃ 
sūcayannitambakaraṇamāha - bhujāvūrdhvaṃ viniṣkrāntau iti (nā. śā. 4-146) 
parāṅmukheti | aṅgahāreṣu madhye paribhāṣamāṇo muniretadāha - sarveṣveva 
cāṅgahāreṣu pāścātyaṃ karaṇadvayaṃ varjayitvā vartanīyāni karaṇāni | 
tāni caturdiṅmukheṣu prayujya saṃmukhamantye karaṇadvayena pūrayediti | 

(10) vaiśākharecitaḥ |

recitāviti | anena ślokena krameṇa vaiśākharecitamaṅgadvayena prayojyamityāha | 
recitaṃ hastapādaṃ ca ityādi (nā. śā. 4-98) vaiśākharecitaṃ karaṇam |

trikaṃ suvalitaṃ kṛtvā latārecitakau karau |
nūpuraṃ ca tathā pādam | (nā. śā. 4-97)

iti nūpurordhvapādam | kuñcitaṃ pādamutkṣipyeti (nā. śā. 4-84) 
bhujaṅgatrāsitam | recitamityunmattakaraṇam | añcitena tu pādena recitau iti (nā. 
śā. 4-74) |

maṇḍalamiti maṇḍalasvastikam -

svastikau tu karau kṛtvā prāṅmukhordhvatalau samau |
maṇḍalasthānakena | iti (nā. śā. 4-68)

p. 150)

tathaivālātakaṃ kuryāt trikaṃ tu parivartayet |
añcitaṃ vāmahastaṃ ca gaṇḍadeśe nikuṭṭayet || 222 ||

kaṭicchinnaṃ tathā caiva parāvṛtte prayojayet |
svastikaṃ karaṇaṃ kṛtvā vyaṃsitau ca karau punaḥ || 223 ||


bāhuśīrṣa ityanena nikuṭṭitaṃ karaṇamāha nikuṭṭitau yadā hastau iti (nā. śā. 
4-69) | ūrūdvṛttādikaraṇajātaṃ krameṇoktāṅgahāravat |

(11) parāvṛttaḥ |

ādyantviti |

eko vakṣaḥsthito hasto dvitīyaśca pralambitaḥ |

talāgrasaṃsthitaḥ pādo janitam | (nā. śā. 4-155) iti | ādyaśabdo 
dakṣiṇāṅgaprayojyatvamasyāha | pādamekaṃ prasārayediti śakaṭāsyaṃ 
karaṇamāha -

niṣaṇṇāṅgastu caraṇaṃ prasārya talasañcaram |
udvāhitamuraḥkṛtvā śakaṭāsyam | (nā. śā. 4-168)

alātaṃ caraṇaṃ kṛtvā vyaṃsayeddakṣiṇaṃ karam |
ūrdhvajānukramaṃ kuryādalātakam (nā. śā. 4-78)

ityalātam | trikaṃ tu parivartayediti bhramarakam |

ākṣiptaḥ svastikaḥ pādaḥ karau codveṣṭitau tathā |
trikasya valanācca iti (nā. śā. 4-99)

añcitaṃ vāmahastaṃ cetyanenārdhena karihastaṃ karaṇaṃ gaṇḍadeśe 
nikuṭṭayediti viśeṣayuktamāha |

vāmo vakṣaḥsthito hastaḥ prodveṣṭitalo'paraḥ |
añcitaṃ caraṇaṃ caiva prayojyaḥ karihastakaḥ || (nā. śā. 4-148)

paryāyaśa iti kaṭicchinnam (nā. śā. 4-71)

p. 151)

alātakaṃ prayuñjīta hyūrdhvajānu nikuñcitam |
ardhasūcī ca vikṣiptamudvṛttākṣiptake tathā || 224 ||

karihastaṃ kaṭicchinnamaṅgahāre hyalātake |
nikuṭya vakṣasi karāvūrdhvajānu prayojayet || 225 ||


(12) alātakaḥ |

svastikamityādi | svastikāviti (nā. śā. 4-68) svastikam | vyaṃsitau ceti dvivacanena 
punaśśabde svastikavyavadhānena vyaṃsitasya dviprayogamāha |

ālīḍhasthānakaṃ yatra karau vakṣasi recitau |
ūrdhvādhoviprakīrṇo ca vyaṃsitam (nā. śā. 4-109)

alātaṃ caraṇaṃ kṛtvā vyaṃsayeddakṣiṇa karam |
ūrdhvajānukramaṃ kuryāt ityalātakam (nā. śā. 4-78)

kuñcitaṃ pādamutkṣipya jānustanasamaṃ nyaset |
prayogavaśagau hastāvūrdhvajānu (nā. śā. 4-86)

vṛścikaṃ caraṇaṃ kṛtvā karaṃ pārśve nikuñcayet |
nāsāgre dakṣiṇaṃ ca iti nikuñcitam | (nā. śā. 4-87)

alapadmaḥ śirodeśe sūcīpādaśca dakṣiṇaḥ (nā. śā. 4-138)

ityardhasūcī |

vikṣiptaṃ hastapādaṃ ca pārśvataḥ pṛṣṭhato'pi vā |
ekamārgagataṃ yatra tadvikṣiptam | (nā. śā. 4-119)

ākṣiptahastamākṣiptapādamudvṛttagātramudvṛttaṃ karaṇam | (nā. śā. 4-152)

ākṣiptaṃ hastapādaṃ ca kriyate yatra vegataḥ (nā. śā. 4-116)

ityākṣiptam |

vāmo vakṣaḥsthito hastaḥ prodveṣṭitatalo'paraḥ |
añcitaścaraṇaścaiva (nā. śā. 4-148)

iti karihastam | paryāyaśaḥ kaṭicchinneti (nā. śā. 4-72) kaṭicchinnam |


p. 152)

ākṣiptasvastikaṃ kṛtvā trikaṃ tu parivartayet |
uromaṇḍalakau hastau nitambaṃ karihastakam || 226 ||

kaṭicchinnaṃ tathā caiva pārśvacchede vidhīyate |
sūcīvāmapadaṃ dadyādvidyudbhrāntaṃ ca dakṣiṇam || 227 ||

dakṣiṇena punaḥ sūcī vidyudbhrāntaṃ ca vāmataḥ |
paricchinnaṃ tathā caiva hyatikrāntaṃ ca vāmakam || 228 ||


(13) pārśvacchedaḥ |

nikuṭyetyādi | anena vṛścikakuṭṭitaṃ dvicatvāriṃśattamakaraṇamāha |

vṛścikaṃ caraṇaṃ kṛtvā dvāvapyatha nikuṭṭitau |
vidhātavyau karau | (nā. śā. 4-103)

kuñcitaṃ pādamityūrdhvajānu (nā. śā. 4-86) ākṣiptaṃ hastapādaṃ ca 
ityākṣiptakam (nā. śā. 4-116) hastābhyāmatha pādābhyām (nā. śā. 4-75) iti 
svastikam | hastadvāreṇoromaṇḍalakaraṇam -

svastikāpasṛtau pādāvāviddhakramaṇaṃ yadā |
uromaṇḍalakau hastau | (nā. śā. 4-115)

nitambāditrayaṃ pūrvavat |

(14) vidyudbhrāntaḥ |

sūcītyādi vāmāṅgaprayojyamardhasūcīkaraṇamāha - alapadmaḥ śirodeśe iti 
(nā. śā. 4-138) dakṣiṇena vidyudbhrāntaṃ karaṇam -

pṛṣṭhato valitaṃ pādaṃ śiroghṛṣṭaṃ prasārayet |
sarvato maṇḍalāviddhaṃ vidyudbhrāntam | (nā. śā. 4-126)

etaddakṣiṇena | punaretadeva dvayamaṅgaviparyayeṇa | tadāha dakṣiṇena punariti | 
paricchinnamiti chinnaṃ karaṇam |

pallavau tu kaṭīdeśe chinnā paryāyaśaḥ kaṭī |
vaiśākhasthānakena iti (nā. śā. 4-106)


p. 153)

latākhyaṃ sakaṭicchinnaṃ vidyudbhrāntaśca sa smṛtaḥ |
kṛtvā nūpurapādaṃ tu savyavāmau pralambitau || 229 ||

karau pārśve tatastābhyāṃ vikṣiptaṃ saprayojayet |
tābhyāṃ sūcī tathā caiva trikaṃ tu parivartayet || 230 ||

latākhyaṃ sakaṭicchinnaṃ kuryādudvṛttake sadā |
ālīḍhavyaṃsitau hastau bāhuśīrṣe nikuṭṭayet || 231 ||


atikrāntakramaṃ kṛtvā purastātsaṃprasārayet |
prayogavaśagau hastāvatikrāntam | (nā. śā. 4-127)

etadvāmenāṅgena latākhyamiti latāvṛścikam |

añcitaḥ pṛṣṭhataḥ pādaḥ kuñcitordhvatalāṅguliḥ |
latākhyaśca karo vāmaḥ | (nā. śā. 4-105) iti latāvṛścikam | kaṭicchinnaṃ 
prāgvat |

(15) udvṛttakaḥ |

kṛtvā nūpurapādamiti |
trikaṃ suvalitaṃ kṛtvā latārecitakau karau |
nūpuraṃ ca tathā pādaṃ karaṇe nupūre nyaset || (nā. śā. 4-97)

savyavāmagrahaṇena paryāyaśaḥ karāviti ca dvivacanena yaugapadyaṃ sūcayan 
bhujaṅgatrāsitaṃ ca dvātriṃśattamam (bhujaṅgāñcitaṃ catvāriṃśattamam) 
gṛdhrāvalīnakaṃ catussaptatitamaṃ karaṇaṃ darśayati |

bhujaṅgatrāsitaḥ pādo recito dakṣiṇaḥ karaḥ |
latākhyaśca karo vāmaḥ iti (nā. śā. 4-101)

pṛṣṭhaprasāritaḥ pādaḥ kiñcidañcitajānukaḥ |
yatra prasāritau bāhū tatsyād gṛdhrāvalīnakam || (nā. śā. 4-135)

ata eva karaṇadvayamevopasaṃharati tābhyāmanantaraṃ vikṣiptamiti vikṣiptaṃ 
hastapādaṃ ca iti (nā. śā. 4-119) 
tadapīcchāṅgāparyāyeṇetyupasaṃhāreṇāha - tābhyāmanantaraṃ sūcīti |


p. 154)

nūpuraścaraṇo vāmastathālātaśca dakṣiṇaḥ |
tenaivākṣiptakaṃ kuryāduromaṇḍalakau karau || 232 ||

karihastaṃ kaṭicchinnamālīḍhe samprayojayet |
hastaṃ tu recitaṃ kṛtvā pārśvamānamya recayet || 233 ||

punastenaiva yogena gātramānasya recayet |
recitaṃ karaṇaṃ kāryamuromaṇḍalameva ca || 234 ||


tenāṅgaparyāyeṇa yogasyākṣepopalabdheḥ tena sandhānāyodvṛttaṃ karaṇam | 
(trikaparivartanena baddhayā cāryā nitambaṃ karaṇam | tato añcitaḥ pṛṣṭhataḥ 
pāda ityādinā latāvṛścikaṃ catuścatvāriṃśattamam | tataḥ kaṭicchinnam |

(16) ālīḍhaḥ |

ālīḍheti |

ālīḍhaṃ sthānakaṃ yatra karau vakṣasi recitau |
ūrdhvādho viprakīrṇau ca vyaṃsitam || (nā. śā. 4-109)

iti vyaṃsitaṃ darśayati | bāhuśīrṣa iti nikuṭṭakaṃ navamaṃ karaṇam | vāmato 
nūpuraṃ ṣaṭtriṃśat) nikuṭṭitau yadā hastau iti (nā. śā. 4-69) nikuṭṭitakaraṇam 
| tataḥ alātaṃ caraṇaṃ kṛtvā vyaṃsaye dityalātakam | (nā. śās. 4-78) | tenaiveti 
dakṣiṇena | ākṣiptaṃ hastapādaṃ cetyākṣiptam (nā. śā. 4-116) | 
uromaṇḍalakādikaraṇatrayaṃ pūrvavat |

(17) recitaḥ |

hastaṃ tu recitamiti | anena ślokena sarvāṇi hastarecanavanti karaṇāni saṅgṛhṇīte 
| tathā copasaṃhariṣyati recitaṃ karaṇamiti | jātāvekavacanena hi 
kiñcitpratipadyeta | recitaṃ nāma karaṇamasti yadanenocyate | kāryamityanena 
tāvatāṃ karaṇānāṃ śliṣṭāṅgatayā svabuddhyā svakāryavaddhi citrameva 
yojanaṃ kāryamiti sūcayati | ata evāyaṃ vicitrabhedasaṅkīrṇo'ṅgahāraḥ | 
tathā cānyatra śruyate |


p. 155)

kaṭicchinnaṃ tu kartavyamaṅgahāre tu recite |
nūpuraṃ caraṇaṃ kṛtvā trikaṃ tu parivartayet || 235 ||


pañcaviṃśativicitra(mātṛkā)prakrameṇa vividhaṃ vyarīricat |
recitāṅgaharaṇaṃ maheśvaro geyamārgamiva saptabhiḥ svaraiḥ || iti |

svastikau recitāviddhau (nā. śā. 4-67) iti svastikarecitam | apaviddhaḥ karaḥ sūcyā 
(nā. śā. 4-72) ityādīnyardharecitam |

vakṣaḥ svastikamunmattaśceti dvādaśādīni trīṇi hasto hṛdi bhavedvāmaḥ iti 
(nā. śā. 4-80) ākṣiptarecitam | skhalitāpasṛtaḥ pādaḥ ityardhamattalli (nā. śā. 
4-89) recakanikuṭṭakaṃ ca (nā. śā. 4-90)

bhujaṅgatrāsitaṃ kṛtvā yatrobhāvapi recitau 
ityāditrayaṃ bhujaṅgatrastarecitaṃ (nā. śā. 4-96) nūpuraṃ (nā. śā. 4-97) 
vaiśākharecitaṃ ca | (nā. śā. 4-98)

bhujaṅgatrāsitaḥ pādo recito dakṣiṇaḥ karaḥ (nā. śā. 4-101) 
ityadikaraṇadvayaṃ bhujaṅgāñcitakaṃ daṇḍarecitakaṃ ca (nā. śā. 4-102) 
vṛścikaṃ caraṇaṃ kṛtvā svastikau ca ityādi (nā. śā. 4-107) vṛścikarecitam | 
ālīḍhasthānakaṃ yatra ityādi (nā. śā. 4-109) vyaṃsitam | ākṣiptaṃ 
hastapādetyādidvayam | (nā. śā. 4-122) vivṛttaṃ vinivṛttaṃ ca (nā. śā. 4-123)

ākṣiptaṃ hastapādaṃ ca trikaṃ caiva vivartitam (nā. śā. 4-128)

iti vivartitakam | pṛṣṭhaprasāritaḥ pāda ityādi (nā. śā. 4-131) garuḍaplutakam | 

vṛścikaṃ caraṇaṃ kṛtvā recitau ca tathā karau (nā. śā. 4-141)

iti mayūralalitam | sarpitakaṃ ca (nā. śā. 4-142) | dolāpādakramaḥ kāryaḥ (nā. 
śā. 4-147) ityādi skhalitam | ekastu recita iti (nā. śā. 4-149) prasarpitakam | 
dolāpādakramamiti (nā. śā. 4-154) talasaṅghaṭṭitam | 
prayujyālātakamityādidvayaṃ (nā. śā. 4-165) vṛṣabhakrīḍitakaṃ lolitaṃ ca 
(nā. śā. 4-166) | evaṃ karaṇapañcaviṃśatirvaicitryeṇa prayojyāḥ | 
catuṣṣaḍādikrameṇa 


p. 156)

vyaṃsitena tu hastena trikameva vivartayet |
vāmaṃ cālātakaṃ kṛtvā sūcīmatraiva yojayet || 236 ||

karihastaṃ kaṭicchinnaṃ kuryādācchurite sadā |
recitau svastikau pādau recitau svastikau karau || 237 ||

kṛtvā viśleṣamevaṃ tu tenaiva vidhinā punaḥ |
punarutkṣepaṇaṃ caiva recitaireva kārayet || 238 ||


punaruktatayā caturdiṅmukheṣu yāvatsamāptā bhavati | yata uktam -

dvābhyāṃ tricaturābhirvāpyaṅgahārastu mātṛbhiḥ iti (nā. śā. 4-31) 
punastenaiva yogena gātramānamye tyanena madhye vaicitryāccakramaṇḍalena 
(nā. śā. 4-114) vyavahiteyaṃ karaṇaparamparā prayojyetyāha |

pralambitābhyāṃ bāhubhyāṃ yadgātreṇa natena ca |
abhyantarāpaviddhaṃ syāttajjñeyaṃ cakramaṇḍalam || (nā. śā. 4-114)

ānamyetyādirantarbhāvitaṇyarthaḥ | prayoga evaṃ prayojyaḥ | 
prāgvaduromaṇḍalaṃ kaṭicchinnaṃ ca |

(18) ācchuritaḥ |

nūpuramityādi | trikantu parimitaṃ nūpuraṃ parivartayedityanena bhramarakam - 
ākṣiptaḥ svastikaḥ pādaḥ ..... trikasya valanaṃ caiva | (nā. śā. 4-99) iti | 
vyaṃsitena tviti vyaṃsitam - ālīḍhaṃ sthānakaṃ yatreti (nā. śā. 4-109) | 
tato'lātakam - alātaṃ caraṇaṃ kṛtvā iti (nā. śā. 4-78) | trikamevetyevakāreṇa 
nitambaṃ bhujāvūrdhvaviniṣkrāntau iti (nā. śā. 4-146) sūcitam | tataḥ 
karaṇadvayaṃ pūrvavat |

(19) ākṣiptarecitaḥ |

recitau svastikāvityādi | yatra yatra karaṇe karayoḥ pādayorvā 
recitasvastikasāhityaṃ tattadihāpyanujānāti pṛthagabhidhānena | recitaṃ 
svastikaṃ hyetenaiva hyetāni karaṇāni | svastikarecitaṃ svastikau recitāviddhau iti 
pṛṣṭhasvastikaṃ diksvastikaṃ ca vikṣiptākṣiptabāhubhyām ityādi (nā. śā. 4-
76-77) kaṭīsamaṃ svastikāpasṛtaḥ pāda ityādi (nā. śā. 4-79) | bhūrṇitam -


p. 157)

udvṛttākṣiptake caiva hyuromaṇḍalameva ca 
nitambaṃ karihastaṃ ca kaṭicchinnaṃ tathaiva ca || 239 ||

ākṣiptarecito hyeṣa karaṇānāṃ vidhiḥ smṛtaḥ |
vikṣiptaṃ karaṇaṃ kṛtvā hastapādaṃ mukhānugam || 240 ||


vartitaghūrṇitaḥ savyo hasto vāmaśca dolitaḥ |
svastikāpasṛtaḥ pādaḥ | (nā. śā. 4-93) iti 

bhramarakam ākṣiptaḥ svastikaḥ pāda iti (nā. śā. 4-99) | vṛścikarecitam | 
vṛścikaṃ caraṇaṃ kṛtvā svastikaṃ ca iti (nā. śā. 4-107) | pārśvanikuṭṭakam | 
hastau tu svastikau pārśva iti (nā. śā. 4-110) uromaṇḍalakam | svastikāpasṛtau iti 
(nā. śā. 4-115) | sannatam | utplutya caraṇau kāryāvagrataḥ svastikau sthitau (nā. 
śā. 4-136) iti siṃhākarṣitakam | pṛṣṭhaprasārita iti (nā. śā. 4-151) | 
nāgāpasarpitam | svastikāpasṛtau pādau iti (nā. śā. 4-167) | vakṣa-svastikādau tu 
recanaṃ nāstīti na saṅgṛhītam | pare tvaṅgaparivartanakrameṇa tatrāpi 
recitamicchantastadapi saṅgṛhṇate |

evaṃ hastapādasvastikaśca (kañca) tadrecitaśca (tañca) vaicitryeṇa vidhāya 
tenaiva vidhinetyatruṭitenāṅgenotkṣepaṇaṃ hastapādasya kāryam | anena yatra 
yatraitadasti tattatkaraṇaṃ sūcayati | tadyathā daṇḍapakṣam ūrdhvajānuṃ 
vidhāyātha tasyopari latāṃ nyaset iti (nā. śā. 4-95) lalāṭatilakaṃ vṛścikaṃ 
caraṇaṃ kṛtvā iti (nā. śā. 4-111) talavilāsitam ūrdhvāṅgulitataḥ pāda iti (nā. 
śā. 4-117) niśumbhitaṃ -

pṛṣṭhataḥ kuñcitaḥ pādo vakṣaścaiva samunnatam |
tilake ca karaḥ sthāpyaḥ | iti (nā. śā. 4-125)

vidyudbhrāntaṃ pṛṣṭhato valitaṃ pādam | iti (nā. śā. 4-126) gajakrīḍitaṃ 
karṇe'ñcitaḥ karo vāmaḥ iti (nā. śā. 4-129) nitambaṃ bhujāvūrdhvaṃ 
viniṣkrāntāviti (nā. śā. 4-146) viṣṇukrāntam ūrdhvaṃ prasāritaḥ pādaḥ iti 
(nā. śā. 4-161) |

p. 158)

vāmasūcīsahakṛtaṃ vikṣipedvāmakaṃ karam |
vakṣaḥsthāne bhavetsavyo valitaṃ trikameva ca || 241 ||

nūpurākṣiptake caiva hyardhasvastikameva ca |
nitambaṃ karihastaṃ ca hyuromaṇḍalakaṃ tathā || 242 ||

kaṭicchinnaṃ ca kartavyaṃ sambhrānte nṛttayoktṛbhiḥ |
apakrāntakramaṃ kṛtvā vyaṃsitaṃ hastameva ca || 243 ||


tata udvṛttamityūrūdvṛttam | (nā. śā. 4-159) atra samākṣiptakaraṇamadhye tasya 
dṛṣṭatvāt karaṇamāvṛtya tatkaraṇamiti | ākṣiptaṃ hastapādaṃ ca ityākṣiptam 
(nā. śā. 4-116) | svastikāpasṛtau pādau ityuromaṇḍalam (nā. śā. 4-115) 
sāhacakārācca (sāhacaryāccakārācca) kaṭicchinnamapyante kecidicchanti ||

(20) sambhrāntaḥ |

vikṣiptamityādi | vikṣiptahastapādaṃ ca iti (nā. śā. 4-119) vikṣiptam | 
hastapādaṃ mukhānugam ityañcitaṃ gaṇḍasūcī gaṅgāvataraṃ ceti darśayati | 

vyāvṛttaparivṛttastu sa eva tu karo yadā |
añcato nāsikāgre | iti (nā. śā. 4-83)

sūcīpādonnataṃ pārśvam iti (nā. śā. 4-132) gaṇḍasūcī |

ūrdhvāṅgulitalaḥ pādastripatākāvadhomukhau |

hastau ca sannatau (nā. śā. 4-169) iti gaṅgāvataraṇam |

vāmasūcīsahakṛtamityanenārdhasūcīṃ daṇḍapādaṃ ca darśayati | alapadmaḥ 
śirodeśe (nā. śā. 4-138) ityardhasūcī |

nūpuraṃ caraṇaṃ kṛtvā daṇḍapādaṃ prasārayet |
kṣiprāviddhakaram (nā. śā. 4-143) iti daṇḍapādam |


p. 159)

kuryādudveṣṭitaṃ caiva hyardhasūcīṃ tathaiva ca |
vikṣipta sakaṭicchinnamudvṛttākṣiptake tathā || 244 ||

karihastaṃ kaṭicchinnaṃ kartavyamapasarpite |
kṛtvā nūpurapādaṃ ca drugamākṣipya ca kramam || 245 ||


etacca vāmenāṅgena | savya iti dakṣiṇe vakṣasi | vāmasyopayogitvāt | anena 
caturaṃ karaṇaṃ sūcayati -

añcitaḥ syātkaro vāmaḥ savyaścatura eva ca |
dakṣiṇaḥ kuṭṭitaḥ pādaścaturaṃ tatprakīrtitam || iti (nā. śā. 4-100) |

valitaṃ trikamiti bhramarakam - ākṣiptaḥ svastika iti (nā. śā. 4-99)

trikaṃ suvalitaṃ kṛtvā iti (nā. śā. 4-97) nūpuram | ākṣiptaṃ hastapādaṃ ca | 
ityākṣiptam | (nā. śā. 4-116) |

svastikaṃ caraṇaṃ kṛtvā kaṭihastaṃ ca dakṣiṇam |
vakṣaḥsthāne tathā vāmamardhasvastikam || (nā. śā. 4-82)

ityardhasvastikam | nitambādicatuṣkaṃ pūrvavat | (242)

(21) apasarpitaḥ |

apakrāntamityādi | apakrāntaṃ -

kṛtvoruvalitaṃ pādamapakrāntakramaṃ nyaset |
prayogavaśagau hastāvapakrāntam || (nā. śā. 4-140) iti |

vyaṃsitamiti ālīḍhaṃ sthānakaṃ yatra karau vakṣasi iti (nā. śā. 4-109) | ato 
vyaṃsitātkaraṇātkarakriyāmeva gṛhṇīyādityevakāreṇāha | ekavacanaṃ jātau | 
udveṣṭitamiti karihastakaraṇaṃ nirdiśati -

vāmo vakṣaḥsthito hastaḥ prodveṣṭitatalo'paraḥ | iti (nā. śā. 4-148) | alapadmaḥ 
śirodeśe sūcīpādaḥ (nā. śāḥ 4-138) ityardhasūcī | vikṣiptaṃ hastapādaṃ ca 
iti (nā. śā. 4-119) vikṣiptam | paryāyaśaḥ kaṭīcchinnā iti (nā. śā. 4-71) 
kaṭicchinnam | urūdvṛttamihodvṛttaśabdenoktam | (nā. śā. 4-159) | prāgvadante 
(trīṇi) karaṇāni | (244) athārdhasūcī -

p. 160)

pādasya cānugau hastau trikaṃ ca parivartayet |
nikuṭya karapādaṃ cāpyuromaṇḍalakaṃ punaḥ || 246 ||

karihastaṃ kaṭicchinnaṃ kāryamardhanikuṭṭake |
dvātriṃśadete samproktā hyaṅgahārā dvijottamāḥ || 247 ||


(22) ardhanikuṭṭakaḥ |

kṛtvā nūpurapādamityādi | trikaṃ suvalitaṃ kṛtvā - iti (nā. śā. 4-97) 
nūpurapādam | drutamākṣipyetyādinā vivṛttaṃ karaṇamāha -

ākṣiptaṃ hastapādaṃ ca trikaṃ caiva vivartitam |
recitau ca tathā hastau vivṛtte karaṇe dvijāḥ || iti (nā. śā. 4-122)

nikuṭyetyanena karapādanikuṭṭitaṃ yatra tāni karaṇānyāha 
nikuṭṭitārdhanikuṭṭakādīni | uromaṇḍalakāditrayaṃ pūrvāṅgahāravat |

ye ya'ṅgahārāsteṣāṃ pratikaraṇaṃ guruparimāṇaṃ 
kalānivartanakālastāvatā samyakkaraṇaṃ vartanākrameṇa śakyam | tatra ye 
ṣaḍdvādaśacaturviṃśa(ti)rityādikaraṇātmakā ekena dvābhyāṃ 
vā'bhyasitena yuktāste tryaśramānena boddhavyāḥ | ekasya dvayorvā madhye tu 
praveśayituṃ tālakalādyabhisandhānena śakyatvāt | te ca ṣoḍaśātra santi | 
pūrvavadevāṣṭaṣoḍaśādikaraṇātmakā ekena dvābhyāṃ vā'bhyasitena 
kiṃcidadhikā vā te caturaśratālaviṣayā draṣṭavyāḥ | te'pi ṣoḍaśaiva ekasya 
kvacidūnatve'pi kasyacitpunaḥ kriyayā tālaharaṇa śakyamiti mantavyam |

tatrāpaviddha udghaṭṭito viṣkambhastadapasṛtaḥ svastikarecito vṛścikāpasṛto 
mattaskhalito gatimaṇḍalaḥ parivṛttakarecitaḥ parāvṛttako'lātaka udvṛttako recita 
ākṣiptarecitaḥ sambhrānto'rdhanikuṭṭakaśceti tryaśratālakāḥ ṣoḍaśa | eṣāṃ 
caturaśrāśrayāstāvantaḥ | tatra dvibhedabhinneṣvavāntarabhedena ṣoḍaśasu 
pūrvaraṅgāṅgeṣūtthāpanādiprarocanānteṣu bahiryavanikāgateṣu prayogāt 
dvātriṃśadrūpatetyevaṃ kecit | 

eke tvāhuḥ - catasṛṇāṃ nartakīnāṃ pratiprayogaṃ catvāra iti punaḥ 
piṇḍīrecakanyāsāpanyāsaścaturdheti dvātriṃśat | etacca pūrveraṅga(nā. śā. 
5) vyākhyāne spaṣṭayiṣyāma ityalam |


p. 161)

caturo recakāṃścāpi gadato me nibodhata |
pādarecaka ekaḥ syāt dvitīyaḥ kaṭirecakaḥ || 248 ||

kararecakastṛtīyastu caturthaḥ kaṇṭharecakaḥ |
(recitākhyaḥ pṛthagbhāve valane cābhidhīyate ||
udvāhanātpṛthagbhāvāccalanāccāpi recakaḥ |
pārśvātpārśve tu gamanaṃ skhalitaiścalitaiḥ padaiḥ ||


anye tu gītakānāmaṅganibandhānāṃ vastunibandhānāṃ ca vastu trividham | 
baddha(vardha)mānakāraṇāni(nava) | catvāri āsāritāni | pāṇikaikaprakārā | 
ityevaṃbhūtaṃ ca yato brahmagītivaicitryaṃ dvātriṃśadbhāsitaṃ 
tasmāttatprayogānātmano'ṅgahāre'pi tāvadevetyāhuḥ | anye tu 
parameśvarabhāṣitatvādi yathā (diyatā?) saphalasampattihetutvamityāhuḥ | 
etanmanasi kṛtvopasaṃharati punaḥ - dvātriṃśadeta iti | (247)

atha recakānāha - pādarecaka iti | pādayoreva calanaṃ na ca 
pārṣṇubhūtayorantarbahiśca sannataṃ namanonnamanaha(vyaṃ)sitaṃ 
gamanamaṅguṣṭhāgrasya ca | hastayoreva calanaṃ haṃsapakṣayoḥ paryāyeṇa 
drutabhramaṇam | grīvāyāstu recitatvaṃ vidhutabhrāntatā | sarvato 
bhramaṇāccāpi vijñeyaṃ tu recitāṅgaka ityādisaṅkhyopādānātpṛthagete 
vaiśākhamaṇḍalādisthānakasthena prayojyā iti darśayan vaiśākharecitena 
karaṇena saṅgṛhītatvameṣāṃ darśayati | pṛthagadṛṣṭārthatākhyāpanārthaṃ 
caiṣāṃ karaṇāṅgahārāntarbhūtānāmapyupādānam | 
sukumāragītavādyapradhāne ca prayoga eṣāṃ prayogaḥ |

tumburuṇedamuktam -

aṅgahārādimadhyāntakaraṇai recakānviduḥ (iti) | ihāṣyetanmunermatamiti 
lakṣyate | yatsahaśabdena tatra tatra nirdiśati vyākhyāsyāmi sarecakān (nā. śā. 
4-19) iti | nanvevaṃ karaṇāṅgahārarecakāḥ kiṃ pūrvaraṅgāneva(ṅga 
eva)vaicitryakāritvamātre (ṇai) vopayujyante | neha prastumaḥ (neti brūmaḥ) |


p. 162)

vividhaiścaiva pādasya pādarecaka ucyate |
trikasyodvartanaṃ caiva kaṭīvalanameva ca ||

tathā'pasarpaṇaṃ caiva kaṭirecaka ucyate |
udvartanaṃ parikṣepo vikṣepaḥ parivartanam ||

visarpaṇaṃ ca hastasya hastarecaka ucyate |
udvāhanaṃ sannamanaṃ tathā pārśvasya sannatiḥ ||

bhramaṇaṃ cāpi vijñeyo grīvāyā recako budhaiḥ |)
recakairaṅgahāraiśca nṛtyantaṃ vīkṣya śaṅkaram || 249 ||

sukumāraprayogeṇa nṛtyantīṃ caiva pārvatīm |
mṛdaṅgabherīpaṭahairbhāṇḍaḍiṇḍimagomukhaiḥ || 250 ||


kathaṃ tarhi | devatāparitoṣakatvenāpi | tadapi ca vaicitryamātrāt | 
yāvattattaddevatādhvajapratikṛtibhūtapiṇḍībandhaniṣpattidvāreṇetyabhiprāyeṇa 
piṇḍībandhāvatāraṇāya bharatamuniḥ purākalpamāha ślokacatuṣṭayena-
recakairaṅgahāraiścetyādinā | iha catvāraścakārāḥ | tatraiko hetāvanye 
samuccaye | tatraivamabhisambandhaḥ | 
yasmātpraharṣaparavaśapramathābhihatairmṛdaṅgādibhirupalakṣite dakṣayajñe 
nihate praharṣavaśānnartini | nṛtyaṃ nṛtyantīmiti dhātusambandhe pratyayā 
ityanena prayogaḥ | anyathā nṛttavantamityādi syāt | sandhyākāle dinātyaya iti 
pramodavikāsamaye | tata eva puṇyātmake | satatamatiśayena bhṛśaṃ ca nṛtyati 
taddhetoḥ | recakairaṅgahāraiścaiva na tu sukumāraṃ praṇṛtyantaṃ śaṅkaraṃ 
vīkṣya sukumāraprayogameva kṛtvā tu arthatattvena nṛtyantīṃ bhagavatīṃ ca 
vīkṣya | tata eveti tāvatāmeva | aṅgahārā recakāśceti | 
taddhetukānpiṇḍībandhāndṛṣṭvā nandī tathā bhadramukhavīrabhadraprabhṛtayo 
nandibhadradevatāgaṇāstatpramukhāḥ piṇḍībandhanāma cakruḥ | 
ākārasādṛśye'yaṃ (naḥ) ca piṇḍībandhaṃ prayogaṃ cakruḥ | salakṣaṇaṃ 
lakṣaṇaparyantam | antavacane'vyayībhāvaḥ | aṅgahāraprayoganāntarīyakatayā 
ākāraviśeṣasampattiṃ dṛṣṭvā samyakprayujya lakṣaṇaṃ vidadhira iti yāvat | 
dvayoḥ prayoktṛtayā sukumārāvṛtta -

p. 163)

paṇavairdarduraiścaiva sarvātodyaiḥ pravāditaiḥ |
dakṣayajñe vinihate sandhyākāle maheśvaraḥ || 251 ||

nānāṅgahāraiḥ prānṛtyallayatālavaśānugaiḥ |
piṇḍībandhāṃstato dṛṣṭvā nandibhadramukhā gaṇāḥ || 252 ||

cakruste nāma piṇḍīnāṃ bandhamāsāṃ salakṣaṇam |
īśvarasyeśvarī piṇḍī nandinaścāpi paṭṭasī || 253 ||


nṛttayoḥ samakālaprayogeṇa piṇḍībandhaniṣpattiṃ sūcayati - nandibhadramukhā 
gaṇā iti | anena catuṣprabhṛtiprayojatāmapyāha - nandibhadranāmaiva gaṇa iti | 
nandikeśvaraniyatasthānaṃ mṛdaṅgaḥ | murajaḥ bherī 
kāṃsyaśakalāntaḥpūrṇā maharṣakābhaṅgamardalaḥ | ḍṇḍimaḥ karaṭikā | 
gomukhā dhaṅgī(ṇḍī) | antarīyuktastatantrīyuktaḥ paṭahaḥ paṇavo darduro 
mahāghaṭikādhāra iti sarva ete carmāvanaddhabhedāḥ | layo 
dutamadhyavilambitātmā | tasya yastālaḥ pratiṣṭhā | api ca tattvaṃ 
viśiṣṭavardhamānagītakādiniyatavaiṇavasvaraviśeṣātmakadhātuvādyaśeṣa-
bhūtaśuṣkaprayogaprakṛtikāvanaddhavādyagītiniyatapratiṣṭhitalayātmakatvam | 
nāṭye ca prayojyacittavṛttiparivṛttānusāreṇānyathābhāvena | tasya yo vaśaḥ 
sāmarthya tasyānuṣaṅgaṃ kṛtvā tadanusāritvenānugamyamānaḥ anusṛtaṃ 
kṛtvetyubhayathā tantreṇa draṣṭavyam | layatālavaśasyāsya layatālavaśatvānugo 
yatreti |

nanu ca nāṭya evāṅgānusāritvena layādi | na tu nṛtta eva | āṅgike nāṭyasya 
bhedaḥ | ucyate - ihādṛṣṭaviśeṣasampattihetutvaṃ vardhamānādiprayogasya 
sopakaraṇanṛttaprayogasya ca | tatra guṇapradhānabhāvaṃ prati kāmacāraḥ | 
yadā gītakādeḥ prādhānyaṃ tadā tadanusāryaṅgaṃ bhavati | 
tadabhiprāyeṇaiva yadvakṣyati -

gatyā vādyānusāriṇyā tasyāścārīṃ prayojayet | iti (nā. śā. 4-281) |

p. 164)

yadā tu nṛttasyādṛṣṭasampādakatve prādhānyaṃ kriyate tadā tadanusāreṇa 
gītakāderāśrayaṇam | yadāśrayeṇa vakṣyati -

gītānāṃ madrakādīnāṃ yojyamekaṃ tu gītakam |
vardhamānamathāpīha tāṇḍavaṃ yatra yujyate || (nā. śā. 5-13) iti |

anena hi caturthena pādena tāṇḍavasya prādhānyaṃ tadupayogitvaṃ ca 
gītakāderuktam | na ca nāṭyāttu bhedaḥ | nāṭye hyaṅgaṃ gītakaṃ 
cetyubhayamapyapratiṣṭhitam | tathā ca karacaraṇacārīmaṇḍalādi 
yattatrāṅgopayogi tatsvarūpeṇa layādivyavasthayā vā niyatameva yathārasaṃ 
prayujyamānatvena viparyayāt | evaṃ dhruvāgānādāvapi draṣṭavyam | saiva hi 
dhruvā kadācit drutā prayujyate kadācidvilambiteti dvayamapi (kutracit) | tatrāpi 
gītaṃ ca prayojyacittavṛtti (parivartatvaṃ tantram) (?) | iha tu gītamaṅgaṃ ca 
dvayamapi svapratiṣṭhitam | tathā hi yasya yādṛśaṃ layayatisvarūpādikaṃ 
nirūpitaṃ tanna viparyeti mantrādivat | vedavat na vā (iha tu) 
yojyatayā'ṅgāṅgibhāvaḥ | tathā hi - apaviddhaṃ drutaṃ caiva (nā. śā. 4-207) 
ityaṅgahāre gītakādāvapi madhye strotogatalayādirityādikaṃ nānyathā kriyate | 
tena pradhānamanubhidya(badhya)nte guṇāḥ ityetadiha saṅkocayati | kintu 
svapratiṣṭhite'pi dvaye yena yatsaṃmelanayogyaṃ tattatra prayujyata 
ityetāvānaṅgāṅgibhāvaḥ | evaṃ 
śatrujvalanapravṛttāmarṣā(ttasā)bhimānanarapatidvitayavat | ata eva prayujyata 
ityuktam | tenaiva tathākaraṇaṃ sūcyate |

tatra dakṣayajñe nihate mṛdaṅgādivādyaṃ pramathaiḥ pravartitamiti tadanugaṃ 
nṛttam | sandhyākāleṣu hṛdayabhūtānandollāsātmakeṣu 
bhagavannṛttaprādhānye sthite vādyādipravṛttiḥ | 
etadarthamevetthaṃbhūtalakṣaṇatṛtīyayā sādhāraṇyenārtho'bhihitaḥ | 
avasaradvayābhidhānaṃ caitadarthameva lakṣaṇamarthatve tathaiva dṛśyate ?  
tathā hi - gītameva tadā'nyārthaṃ tadanyagatvena nṛttādi yathā ḍombikādau | 
tatra hi pariṣkara(krama)ṇādyapi sukumāreṇaivāṅgena | tatrāpi 
varṇāṅgaprādhānyaṃ kvacit | yathā prasthānādau | 
kvacidgīyamānarūpakābhidheya - prādhānyaṃ yathā tripuradāhaḍimādau 
(śilpakādau) kvacidvādyaprādhānyaṃ bhāṇakādiṣu 
bhagna(ṇḍa)tālaparikramaṇādau | kvacinnṛttaprādhānyaṃ yathā 
ḍombikādiprayogānantaraṃ huḍukkāvādyāvasare |


p. 165)

caṇḍikāyā bhavetpiṇḍī tathā vai siṃhavāhinī |
tārkṣyapiṇḍī bhavedviṣṇoḥ padmapiṇḍī svayambhuvaḥ || 254 ||

śakrasyairāvatī piṇḍī jhaṣapiṇḍī tu mānmathī |
śikhipiṇḍī kumārasya rūpapiṇḍī bhavecchriyaḥ || 255 ||

dhārāpiṇḍī ca jāhnavyāḥ pāśapiṇḍī yamasya ca |
vāruṇī ca nadīpiṇḍī yākṣī syādghanadasya tu || 256 ||


ata eva tatra lokabhāṣayā cillimārga iti prasiddhiḥ | cārīmārgo 
hyasāvaṅgaprādhānyāt | tatrāpi vaicitryeṇa madhye madhye gītavādyāderapi 
prādhānyam | vādyasyāpi kūpa (kvacit) suṣirāvanaddhabhedena prādhānyaṃ 
yathāyogaṃ vivecanīyamityalaṃ bahunā |

tatraite piṇḍībandhā ādhārāṅgaprayogasādhakatamabhedādbahuprakāraṃ 
bhidyante | tatra bhūmirdeśa ākāśadvayabhedātsaptasaptabheda ekaika 
ityādhārabhedāḥ sapta(?)| hastau pādau (akṣiṇī) śira ityaṅgabhedā api 
saptetyekānnapañcāśat | eko'neko vā prayoktā | so'pi samaprayogo 
viṣamaprayogo veti caturdhākaraṇena sampādyate aṅgahāreṇa 
vetyaṣṭābhirekānnapañcāśato guṇanāt dvinavatyadhikaṃ triśataṃ 
pārameśvarāḥ (piṇḍībandhāḥ) |

kalpāpāyaniśāntasāndhyasamaye sadvyomaraṅgaṃ gaṇaḥ (ṅgāṅgaṇaṃ)
samprāpya pratatāṅgahāravalanāvaicitryacitrasthitiḥ |
ākāśe svavapuṣyake(?)ca vividhāṃ sṛṣṭiṃ samāsūtrayan
trailokyasthapatistvameva bhagavanviśvākṛtirjṛmbhasi || iti |

anayā ca (diśā) piṇḍībandhānāṃ 
tattaddevatāprakṛtimadbhāgādisūcanadvāreṇa kevalamapi karaṇaṃ 
prayujyamānameva harṣadāyi bhavati | evaṃ tatra pradhānadevatoddeśena 
tāvatpiṇḍībandhāndarśayati ślokapañcakeneśvarasyetyādinā | bhagavata eva 
rpādhānyāt paritoṣaṇīyateti tasyāvyaktaṃ yadīśvaraśabdavācyaṃ 
nirviśeṣaṃ rūpaṃ tasya tādṛśa eva śivaliṅgākṛtiḥ piṇḍībandhaḥ |

p. 166)

halapiṇḍī balasyāpi sarpapiṇḍī tu bhoginām |
gāṇeśvarī mahāpiṇḍī dakṣayajñavimardinī || 257 ||

triśūlākṛtisaṃsthānā raudrī syādandhakadviṣaḥ |
evamanyāsvapi tathā devatāsu yathākramam || 258 ||


piṇḍī ādhārāṅgādisaṅghātaḥ | tathā badhyate buddhau praveśyate 
tanubhāvena vā vyomādāviti piṇḍībandha ākṛtiviśeṣaḥ | 
tasyaikadeśābhidhānaṃ piṇḍīti | yadi vā piṇḍīviśiṣṭānyeva tānyāheti | 
ābādhyate punaraneneti piṇḍībandhaḥ karaṇāṅgahārādiḥ | ante ca bhagavata 
eva vyaktarūpasya piṇḍībandho bhaviṣyati |

parameśvarānantaraṃ ca pradhānabhūtasya piṇḍībandhalakṣaṇavidhāyino 
nandinaḥ | paṭṭasaḥ ubhayatra triśūlākṛtirāyudhaviśeṣaḥ | tadanantaraṃ 
bhagavatyāḥ | siṃhaścāsau vāhanañca tasyaivamiti | ākrāntatayā | bhūmirvā 
liṅgasya siṃhaḥ | tadākṛtikatvaṃ darśayati | tadanantaraṃ viṣṇorrahmaṇaśca | 
airāvatīti gajākārā | rūpapiṇḍī svā(padmā)kārā | dhārāpiṇḍī punaḥ punaḥ 
prayujyamānā nadīpiṇḍī bhavati | yākṣī vaiśravaṇāyudhaḥ mudgarākārā |

evaṃ pratipādyānabhidhāyānyatrāpi darśayatyevamityādinā | anyāsviti | 
tṛtīyādhyāye pūjyatvena nirūpitāsu | tadabhiprāyeṇaiva yathākramamityuktam | 
dhvajapūjāhutyāyudhavāhanaviśeṣarūpāḥ | sacihnakā ityanenāpi 
kenacitkarmādi(kramādi)sūcakena rūpeṇopalakṣitāḥ |

etaduktaṃ bhavati - yā kāciddevatetyucyate tasyāḥ paścānnṛttena paritoṣaṇaṃ 
kāryam | tanmadhye ca tadīyāyudhavāhanakarmabhāvābhya(dya)nukārī 
aṅgaprayogo vidheyaḥ | ata eva pādāgrasthitayā (ratnā 1-1) ityatra 
talapuṣpapuṭakaraṇena karmaṇā viśeṣasūcakena bhagavatyāḥ paritoṣaṇaṃ 
sampādyate | tilake ca karaḥ sthāpya (64 karaṇam) ityabhinayena bhagavataḥ 
paritoṣaḥ | nikuṭṭitau yadā hastau (9 karaṇam) ityanena triśūlākṛtiryā 
kāyasampattiḥ | garuḍaplutakena tārkṣyākāragatisūcanam | gaṅgāvataraṇena 
dhārāpiṇḍī | nāgāpasarpitena 


p. 167)

dhvajabhūtāḥ prayoktavyāḥ piṇḍībandhāḥ sucihnitāḥ |
recakā aṅgahārāśca piṇḍībandhāstathaiva ca || 251 ||


bhogipiṇḍī | prasāryotkṣipya ca karau ityaṅgahāreṇa (nā. śā. 4-174) 
ākā(dhā)rīyabhaumatriśūlaśivaliṅgādipiṇḍīniṣpattiḥ | recitenākṣiptarecitena 
ca samastānāmuktānāṃ cārā(cādhārā)dyanantabhedānāṃ niṣpattiḥ | tathā 
ca nandimata uktam -

recitākhyo'ṅgahāro yo dvidhā tena hyaśeṣataḥ |
tuṣyanti devatāstena tāṇḍave taṃ niyojayet || iti ||

evamanyadapyūhyamityanupayogātsamastaṃ na likhitam | 
āgamabhraṃśarakṣaṇāya tu diṅnirūpitā |

etadupasaṃharati - recakā iti | piṇḍībandhagrahaṇena 
śikhipiṇḍiprabhṛtyupāyamayūralalitādikaraṇasaṅgrahaḥ | ata evānayā 
kevalasyāpi karaṇasya devatā paritoṣaṇenādṛṣṭārthaṃ prayogaḥ | yathā 
viṣṇukrāntasya cakramaṇḍalasya ca vaiṣṇavakrīḍāsūcakasya saḥ | 
evakāreṇāṅgahāraprayoganāntarīyakapiṇḍībandhasambandhaḥ | aṅgahārā 
eva piṇḍībandhāḥ tathānye'pi piṇḍībandhā iti kevalakaraṇasaṃgrahaḥ | 
cakārātpiṇḍībandhaniṣpattyupāyatvaṃ karaṇadvayasyāpi yadā vidyate anyasya 
karaṇasamūhātmanaḥ kalpitasyāṅgahārasya vā | tasyāpi prayoge 
pratyanujñānamāha | etadarthameva nṛttamātṛkāyā lakṣaṇamaṅgahārāṇāṃ 
ca sāmānyalakṣaṇaṃ praṇītam | (248-259)

sṛṣṭveti | nanu smṛtaṃ nṛttaṃ sandhyākāleṣvityanenaitadviruddhyate | na | 
sthānakacārīnṛttahastabhrūtārākarmādīnāṃ varṇānāmiva 
pravāhānāditve'pi viśiṣṭaparamātmanā (naḥ) śobhāviśeṣeṇa bhagavatā 
punaḥ nirmāṇaṃ vedānāmivetyavirodhaḥ | vedaracanāpi hi varṇānādi - 
nityatve'pi 
pratiprāṇisthānakaraṇābhighātasampattyabhivyaktapaurvāparyanibandhanā 
kṛtakā | sā paraṃ pūrvapūrvaracanāsajātīyatvapravāheṇa nityā | tathā 
nṛttamapīti na kaścidvirodhaḥ |

dattā iti | yā tandryā(svātantrya)manujānāno nijabuddhikṛtaṃ yattena tatra 
vaicitryamanupraveśitaṃ na taddṛṣṭapratighātīti darśayati | tena 
śobhāprādhānyamevātra jyāya ityanadyatana iti yāvallakṣyaṃ na virūpamiti 
mantavyam | munaye ityūhāpohādikuśalāya |


p. 168)

sṛṣṭvā bhagavatā dattāstaṇḍave munaye tadā |
tenāpi hi tataḥ samyaggānabhāṇḍasamanvitaḥ || 260 ||


hi yasmāt arthā yato dattāḥ ato nṛttātmakaḥ prayogaḥ samyagvaicitryeṇa | 
spa(sṛ)ṣṭaḥ | samyagiti samañcitatālasāmyātikā(tmikā)saṅgeti (añcanti) 
gacchantīti samyagbhūtaṃ yadgānaṃ gītam | bhāṇḍaṃ bhaṇati śabdaṃ karotīti 
bhaḍitavyāṇṇa(?) ityanayā vā puṣkarādhyāyoditayā vyutpattyā(tadādi)taditi | 
iha tadgītaṃ vādyaṃ ca samyagañcitaṃ tadanusāri | tatpradhānatayā 
nṛttapradhānatvena gītena vādyena ca samanvitaḥ | ata eva taṇḍorayaṃ tāṇḍava 
iti vaiyākaraṇaiḥ smṛtam | (260)

atra bharatamunireva parakīyāmāśaṅkāmupanibadhnāti | anabhijñānācca 
munīnāmabhinayādīnāmapyaviduṣāṃ katham | abhinayaḥ kṛta iti 
gītakārthe'bhihiteṣvāsāriteṣviti ca na vacanopapattissyāt | tasmānmunirevedaṃ 
svayamāśaṅkate | pūrvapakṣatvena vā śaṅkeyamiti prakaṭayituṃ 
sukumāramiti(ramatibhiḥ)madhye ṛṣaya ūcuḥ iti prakṣiptam |

tatretthamāśaṅkā | nṛttaṃ nāṭyādbhinnamabhinnaṃ vā | bhinnatve'pi 
saprayojanamaprayojanaṃ vā | na tāvadbhinnam | 
aṅgavikṣepanṛttagītavattvenāvailakṣaṇyāt | abhinayaprayogasya 
nīyamānapadārthavākyārthagatanāṭyārthagataviṣayatve bhāvyavikalasya 
darśanamasti tāvat | avāntaravailakṣaṇyaṃ ca daśarūpake na vidyate | 
ekapātrahārye tvasannihite'pi ca priyatamasakhīprabhṛtau 
tadviṣayoktipratyuktyādiprayogo nāṭye'pi | ākāśabhāṣitādau bhāṇarūpake ca 
vidyate | yathāha rāhulaḥ -

parokṣo'pi hi vaktavyo nāryā pratyakṣavatpriyaḥ |
sakhī ca nāṭyadharmo'yaṃ bharatenoditaṃ dvayam || iti |

tathā bhāṇe caikākī vā yo yojyo'nekāṅgahāriṇi | muninā hi vakṣyate 
bhāṇakavaccaikahāryaṃ syāt iti | vārtikakṛtā'pyuktam -


p. 169)

vācyānugate'bhinaye pratipādye'rthe ca gātravikṣepaiḥ |
ubhayopari hi samāne ko bhedo nṛttanāṭyagataḥ(yoḥ) ||

atrocyate | (yadi) sākṣādbuddhyabhāvānna nāṭyaṃ tadasat | iyaṃ 
priyatamaguṇakīrtanaparā nṛtyati | khaṇḍitā nṛtyati | kalahāntaritā nṛtyati - iti 
buddheḥ sambhavāt | yadāha -

yā caivaṃvidhaguṇakīrtanavacaneṣu priyatamasya saṃraktā |
sakhyāḥ samakṣamuccaiḥ pramadā saivānukāryā'tra ||

etenotsāhagātavyānāmarthe'nukāryatvaṃ darśitam |

atha gīyamānarūpakābhinayadarśanāt nāṭyato vailakṣaṇyaṃ na tattāvat | 
vailakṣaṇyamātraprayojakāvāntarabhedasya sarvatra sambhavāditi hyuktam | na 
cedaṃ vailakṣaṇyam | nāṭye'pi tasya bhāvāt | vakṣyate 
cāṅgopāṅgakaśārīrābhinayalakṣaṇavidhau

sthāne dhruvāsvabhinayo yat kriyate harṣaśokaroṣādyaiḥ |
bhāvarasasaṃprayuktaṃ jñeyaṃ nāṭyāyitaṃ tacca || iti || (nā. śā. 22-47)

uparañjakamapi tatra gītaṃ nāṭyayitaṃ rūpakaṃ vācyābhinayayośca vyakta iti | 
tatprayogasya(śca) sarvatra | 
.
dombikāprasthānaṣidrakabhāṇakabhāṇikārāgakāvyāderdaśarūpakalakṣaṇen
āsaṅgrahānnāṭyādbheda iti cet | tadaikāntikam | 
toṭakaprakaraṇikārāsakaprabhṛtestadasaṅgṛhītasyāpi nāṭyarūapatvāt | 
kohalastu bravīti iti ca parihārasya samānatvāt | vāciko'pyabhinaya 
āsīnapāṭhyādau kvacidastyeva | aho gāṇagāṇabullibhāṇa ityādau | āhāryastu 
prādhānyenaikaḥ kṛtaḥ bhāṇādāvapi na kṣaṇe kṣaṇe parivartate | 
sāttviko'pyaṅgīkṛta eva kohalādyaiḥ sattvatirikto'bhinayaḥ 
ityādivacanamālikhadbhiḥ | āṅgikastu śuṭa eva | astrī(anyastrī) 
ḍombiakaṣidgakānāmanyonyānanvitatvaṃ vākyānāmiva | samavakāre'pi 
aṅgānāmastrīpradhāne'rthe tatrānvaya iti cedihāpi samānam | devatāstuteḥ 
strīpuṃbhāvāśrayasya ca śṛṅgārasya sarvatrānugamāttasyaiva ca 
prādhānyādvakṣyati - devastutyāśrayakṛtaṃ strīpuṃbhāvasamāśrayam | iti | 
ata eva ca cūḍāmaṇiḍombkāyāṃ pratijñātaṃ biṃduguṇaṃ vami sahi 
ihodivaco amiduṇadhaṃ | mahasārakaḥ gete uṃ (?) | ata eva sahṛdayāḥ smaranti 
vadha(sa) macūḍāmaṇi-ā (iti | tasmānnṛttaṃ nāṭyādabhinnaṃ 
tallakṣaṇopetatvāt |

p. 170)

nṛttaprayogaḥ sṛṣṭo yaḥ sa tāṇḍava iti smṛtaḥ |

ṛṣaya ūcuḥ -

yadā prāptyarthamarthānāṃ tajjñairabhinayaḥ kṛtaḥ || 261 ||


etadāha - yadā prāptyarthamiti | yato hetorarthānāṃ kāvyārthānāṃ 
prāptyartha sākṣātkārabuddhyā svīkārārthaṃ tajjñaiḥ 
prayoktṛbhirāṅgikādyabhinayaḥ kṛtaḥ | tatra tasmādetannṛttaṃ kṛtam | 
nṛttaśabdena vyapadiṣṭam | na tu nāṭyaśabdenaivetyarthaḥ | bhavatu vā bhinnaṃ 
tathāpi kaṃ svabhāvaṃ lakṣaṇamapekṣate ca svātmanyaṅgīkaroti | laukikatvaṃ 
lokottaratvaṃ vā ? laukikatve ghaṃṭādivastutulyatvaṃ tadanukāratvaṃ 
pratibimbādirūpatā vā | tatrāpi nāṭyacchāyātmakataiva | nāṭyasyaiva hyamī 
bhāganiṣyandāścitraputrikāpustaprabhṛtayo granthakārakalpitāḥ 
sākṣātkārakalpapratyayasampadā kathāparyantam | tathā lokottaratve tu 
nāṭyasyaivāvāntarabhedamātraṃ tat |

tathāvidhamapi ca tanna niṣprayojanam | tadbhāvādyupalakṣaṇīyaṃ syāt | 
asiddhametat - caturvargopadeśasya rāghavavijayādikarāgakāvyeṣu dṛṣṭatvāt | 
ḍombikādu tu kāmasyaiva pracchannarāgaparamarahasyopadeśāt | 
yadvāmābhiniveśitvam (nā. śā. 22-199) ityanena sāmānyābhinaye 
pracchannarāgasyātīva deva(manmatha)sārasarvasvatvenābhidhānāt | 
siṃhasūkarabhallukakāsarādivarṇanenāpi 
bhāṇapreraṇabhāṇikādāvaprastutapraśaṃsārthāntaranyāsadṛṣṭāntādinā 
puruṣārthasyaivopadeśadarśanāditi prayojanabhedādapi na bhedaḥ | tadāha - 
yadā prāptyarthamiti | yadā yato'rthānāṃ dharmādi prayojanānāṃ 
prāptyarthaṃ tajjñaiḥ kavibhirabhinaya ityabhinīyamāno rāgakāvyādiḥ kṛtaḥ | 
tasmātkasmāddhetoretannṛttaṃ na nāṭyam | nāṭyaṃ ca kasmānna nṛttam | 
gātravikṣepātmakaṃ hi tadapi | tulye ca tathā'rthe kaṃ bhedakaṃ 
svabhāvamapekṣate | nāstyasau bhinnasvabhāva iti yāvat | yadvārtikam -

evamavāntaravākyairupadeśo rāgadarśanīyeṣu |
siṃhādivarṇanirvā kvacidapyarthāntaranyāsāt || iti ||

tasmātsvabhāvasya prayojanasya cābhedānnṛttaṃ nāṭyādabhinnamiti |

athocyate (rāghavavijayādi)rāgakāvyādi prayogo nāṭyameva | abhinayayogāt | 
yattvabhinayādiśūnyaṃ kevalaṃ 
valanāvartanābhrūkṣepatārācalanacaraṇadhāraṇakampasphuritakaṭicche-

p. 171)

darecakādi tadasmākaṃ nṛttaṃ bhaviṣyati | yatra nāṭyaśaṅkāpi nāsti | nanu 
kiṃ tena mo(pre)kṣitena prayojanam | nanūktaṃ nāṭyopayogitvaṃ -

tasya śākhā ca nṛttaṃ ca tathaivāṅkura eva ca |
vastūnyabhinayasya iti (nā. śā. 8-15) |

etaddūṣayati - yadā prāptyarthamiti | iha yo'yaṃ svabhāvo lokasya iti (nā. śā. 
1-119) lakṣaṇena nāṭyaṃ lakṣitam | tatrābhinayānāmupayoga 
uktārthābhimukhyaprāptiḥ | nṛttasya tūktarūpasya na kiñcitprayojanam | 
uparañjakatayā gītavādyādivadupayoga iti cet gītasya tāvat -

yattu kāvyena noktaṃ syāttadgītena prasādhayet || iti 

yāni vākyaistu na brūyāt iti na taireva tu vākyārthaiḥ iti nyāyena 
prakṛticittavṛttikathāvasthādi sūcayato'styupayogaḥ | vādyasyāpi 
gītasāmyākṣiptatatāloddīpakatvena | etanmadhyāttu nṛttaṃ kartṛ kaṃ 
svabhāvamapekṣate | na yuddhaniyuddhagatiparikramādāvasyopayoga ityuktam | 
tatrāpi kaṃ svabhāvaṃ laukikamalaukikaṃ vā'peksate | laukikatve prayojyatvena 
lokadharmyā saṅgraho'sya | cārīmaṇḍalādikrameṇa ca tasyāṅga eva 
nirūpaṇaṃ bhaviṣyati | athāpyalaukikastathāpi siddham | ūrdhvena tu kuryāt 
ityādi caturahastābhinetavyaviṣayavibhāganyāyenābhyadhikaṃ 
sundaroparañjakabhāgānupraveśena nāṭyadharmyanupraveśe punarapi 
nāṭyādabhyadhikatā |

athocyate - pūrvaraṅgaprayogasya vaicitryasiddhyai tadetaditi | tatrāpi 
pūrvaraṅgaprayojyayā brahmagītyā sākam | asyā(thā)ṅgāṅgibhāvena vā | 
tatrādye pakṣe syādasāmañjasyam | antye tu pakse 
kathamāhita(ṅgika)hastacāryādyabhāvaḥ |

taduktam -

mahāgīteṣu caivārthān samyagevābhineṣyasi | iti (nā. śā. 4-15) | 

atrāha - yadā prāptyarthamiti | arthānāṃ gītakapadābhidheyānāṃ 
prāptyarthamabhimukhaṃ nayanārtham | yadyayaṃ nṛttābhimato'bhinayo 
vihitastatkasmādabhinayatve tulye nṛttametanna nāṭyam | tathāhi - 
gītakārthābhinaye kartavye 
kamanyamāṅgikahastakā(cā)ryādyabhinayavyatiriktaṃ svabhāvamapekṣate | na 
kañcidanyamityarthaḥ |


p. 172)

kasmānnṛttaṃ kṛtaṃ hyetatkaṃ svabhāvamapekṣate |
na gītakārthasambaddhaṃ na cāpyarthasya bhāvakam || 262 ||

kasmānnṛttaṃ kṛtaṃ hyetadgīteṣvāsāriteṣu ca |
(bharataḥ) - atrocyate na khalvarthaṃ kaṃcinnṛttamapekṣate || 263 ||

athocyate - na gītakādipadārthābhinayatayā'syopayoga iti | kintarhyanyathā 
gītakādāvasyopayoga iti | tatrāha - na gītakārthasambaddhaṃ na cāpyarthasya 
bhāvakamiti | iha gītakārthāstadārambhakāḥ vastvaṅgaprabhṛtayaḥ | teṣu na 
saṃbaddhaṃ tanmadhye na parigaṇitamityarthaḥ | yadi 
hyaṅgavastvādita(a)nmadhyaparigaṇanamasya bhavenna 
tadbhavedapyanyatadupayogastadārambhakatvāt | nacaitadupagatam | na ca yuktam | 
nṛttasya gītadvitīyajātīyatvāt |

nanu yathā tatsuṣirādivādyaṃ tadaṅgasambaddhamapi tatropayogi tathedaṃ 
bhaviṣyatītyāśaṅkyāha - na cāpyarthasyeti | arthyate pradhānatayā gītakādau 
nirūpyata ityarthaḥ svarūpapadatālādiḥ | tasyāpyetadbhāvakaṃ prāpakaṃ na 
bhavati |

etaduktaṃ bhavati - svarātmake bhāge pratibimbarūpatayā lagnasvaratvena 
sthānapradāyitayā svaraparamārthaprāpakatayā svarātmagītibhāge stutaḥ 
suṣiropayogaḥ | avanaddhasyāpi tatsāmyopāyatālāṃśaprāpakatvena 
padapātādabhidheyopayogitve'pyabhinayarūpayā(patayā) nāṭyādabheda eva 
syādityuktam |

athocyate recakāṅgahāranibandhātmakaṃ yannṛttaṃ na tena 
kaścidartho'bhinīyate | api tu yathā viśiṣṭairmantraiḥ 
bhāvanāviśeṣaiścābhyudayasiddhiḥ tathā | 
viśiṣṭadevatāsūcakairmantraistathā tadgīte cābhyadhāyi | gīteṣvāsāriteṣu ceti 
| bhāvārambhagītāṅgavastuṣu saptaviṃśatisaṅkhyeṣvāsāriteṣu 
vardhamānārambhakeṣu caturṣu cakārātpānikāyamityeteṣu(na?) 
sambaddhametadaṅgahārātmakaṃ dvātriṃśatprakāraṃ nṛttamiti 
tatsaṃbandhaścedānīṃ na kiñcit | evaṃ pṛthaṅnivṛtta(nṛtta)kāvyādau 
nāṭyarūpataiva | nāṭyopayogitvenāpi nṛttatālagītakādyupayogo'pi durghaṭa iti 
tridhā pūrvapakṣasaṃkṣepaḥ | 

etatparihartumāha - atrocyata ityādiślokatrayeṇa | asminpūrvapakṣe tūcyate 
pratyuttaramiti śeṣaḥ | tatra 
yaduktamaṅgavikṣepanṛttagītamayatvānnāṭyāderbhedo(dabhedo)

p. 173)

rāgakāvyādinṛttasyeti tadanaikāntika(tva)masya hetoḥ laukikanṛtte'pi sphuṭam | 
nāṭyādilakṣaṇasahagopane tu lokike gātravikṣepaṇaṃ(ṇe) 
paṭhyamānamabhinīyamānaṃ vā yāvatpadajātamartho nābhinīyate iti ki 
nānusandhīyate | kiṃ vā na sākṣātkriyāyogyatāṃ nīyate | 
prāpyakalpo'siddhaḥ | loke'pi 
saumanasyābhāvādaṅgopāṅgaparikṣepānuyātasya vākyādīritasya dṛṣṭavāt | 
gīyatā (gāyatāṃ) padārthasaṃvādakṛtatanmayībhāvadagdhā(baddhā)yāśca 
sphuṭameva sāttvikāṅgatāvalokanāt |

athāparaḥ pakṣastu nṛtte'pi samānam(naḥ) | tathāhi - nṛttakāvye ḍombikādau 
varṇacyutādiva varṇādiprayoge tāvadabhinayakathaiva nāstīti kiṃ tatra vicāryate 
| kevalaṃ nṛttasvabhāvamātramapi tatkevalaṃ 
bhāvitakāvyārthagatārthatattvasaukumāryakṛtamaṅgasya tathātvamiti nirṇeṣyata 
ityāstāṃ tāvadetat |

tadanantaraṃ tu dhārāparikramapūrvakalayaprayogāvasare pā-āla-
alosasāhiṇihujayajaya lacchimaccamali-ā ityādi yadgīyate tatkasyoktirūpam | yadi 
tāvannartitumāgatāyā laukikyā ḍombikāpravṛttanartakyāḥ tadā 
saivedānīmevaṃbhūtaṃ vasturūpaṃ laukikaṃ vacanamabhidhatte | 
gāyanādisvakramikasvavākyata ekavākyataḥ sākṣātkārakalpārthaḥ | 
sākṣātkārakalpānuvyavasāyagocarakāryatvaṃ ca nāṭyasya 
lakṣaṇamityavocāma |

tena yathā kaścitkaṃcidanyāpadeśagānādikrameṇa 
vastūdbodhanakaraṇadvāreṇa vā chandānupraveśitayā vā 
kasyacinmanasyāvarjanātiśaya vidhatte | nṛtyannapi gāyannapi tadvadeva 
ḍombikādau draṣṭavyam | viḍambiḍombītyādāvapi (?) vacasi saiva ḍombikā | 
narapatiparitoṣakārthābhidhāyivacananiṣṭhena gītena nṛttena vānyena (vādyena) 
ca rājānamanurañjayituṃ gṛhīto mantritvena pūrvaṃ sthitvā madhye 
kācidīdṛśī cauryakāmukakelīvāsamanāsādya kāpi punarevaṃvidhā 
kaścidevambhūtaścauryakāmukaiḥ ko'pyevambhūtastatra kācidevambhūtā 
prauḍhadūtītyevamādi rājaputrahṛdayānupraveśayogyaṃ tatprasādena 
dhanārjanopāyamabhidadhatī tameva rājaputraṃ paratvena tathaiva vā 
dhanamuddiśyānyadapi ceṣṭitamabhidhīyate | ḍombikākṛtyamevopasaṃharati 
guṇamālāyāṃ jāmi harārdhātuṃ gi-apuṇṇaṃ cisami ityādau | tatra sā 
nṛtyatī ḍombikā ca bahutaroparañjakagītādipaṭuceṭakaparivṛtā tvāṃ 
pratyevamahamupaślokitavatīti tanmadhyavartigāyanamukhasaṅkramitanijavacanā 
laukikenaiva rūpeṇa tadgīyamānarūpakagatalayatālasāmyena tāvannṛtyati | 
tadgīyamānapadārthasya ca 

p. 174)

sātiśayamāvarjanīye rājādau hṛdayānupraveśitāṃ darśayituṃ 
laukikavyavahāragatahastabhrūkarmaromāñcākṣivikāratulyayogakṣematayaivā"
ngavikārādisaṃbhavamapyākṣipati |

evaṃ gītena rañjanaṃ prādhānyena vidhāya tadupayoginaṃ cāṅginaṃ 
cāṅgavyāpāraṃ pradarśya nṛttena punastaccittagrahaṇaṃ kurvatī nṛttaṃ 
pradhānabhāvaṃ gītaṃ ca tadupasarjanabhāvaṃ nayantī tata eva 
tadabhinayamanādriyamāṇā 
tadgīyamānāṃdbhāvādvikṣiptataduditabhāvamevāṅgavikṣepaṃkaroti 
layapariṣvaktakaraṇādau | tatreyatyaṃśe 
laukikamātasvabhāvarāmanaṭādivyavahāravat kva 
prayojyaprayojakabhāvāśaṅkā | kasya vā sāmājikasya 
vyutpādanamābhisaṃhitam | tadanantaraṃ ca yathaiva sā gītanṛttādi prāyuṅkta 
tathaiva sadṛśaṃ na nartakī prayuṅkte | na tu ḍombikā sākṣātkārakalpena 
darśayati tadīyāhāryādinā svātmarūpapracchādanādyabhāvāt | tata eva na 
ḍombikāṃ sākṣatkārakalpena sā darśayati | api tu tathaiva nṛttaṃ sābhinayaṃ 
kevalaṃ ca rpadarśayati tena nāṭyāṅgatāyāṃ yat dṛṣṭaṃ patākādi 
taddarśanamātratayā | ato nāṭyaṃ saṃskārakaṃ nṛttasyetyaṅgādivyapadeśa 
ityupacārāducyate |

nāṭyasya prastāvanāprāṇapratibimbakalpaṃ nṛttamityayamapi vyavahārastatastya 
eva | nāṭyasyātra nāmāpyasti padamūrdhvādau cāturaśryabhaṅgābhāve (?) 
tadbhāvādyayogāt nāṭyarūpatve hi 
sākṣātkārakalpānuvyavasāyasampattyupayoginaḥ pātraṃ prati 
bhāṣāniyamasya chando'laṅkārādiniyamo'vaśa(śya)rūpādyogayogina 
āhāryaviśeṣasya jātyaṃśakāde(ri)ti parikramādeśca sa nāsyaivopayogo bhavet 
| na vaivamasti | mūlabhūtasya ca pāṭhyasya 
sambhāvanānuṣaktamākāśabhāṣitamapi syāt | pādatāḍitakādi bhāṇarūpaka 
iva | iha tu mūlata eva na kenacitkiñciducyate | aho gāṇetyādi gāyanaṃ 
yaccoktaṃ pramadā saivānukāryātra iti tadapyanena pratisamāhitaṃ nartakyāḥ 
svarūpānācchādanāt | kalahāntariteyaṃ khaṇḍiteyaṃ nṛtyatīti vyavahāra 
aupacārikaḥ | tadarthagīyamānarūpakagatagītavādyānusāritvāttannṛttasya | na 
tu mukhyaḥ | 
lambālakatvaveṇīdhāraṇamaṅgalavalayāparigrahāditaducitaveṣādiparigraha-
vaikalyāt | yacca nāṭyāyitatvamāśaṅkitaṃ tadasthāne bhrāntam | 
sahḍrayairnāṭyāyitamiti hi tāvantaṃ gīyamānamabhinīyate asāṅgatyāpatteḥ | 
api tu yādṛśā layatālādinā yādṛgarthasūcanayogyābhinayaḥ 
sāttvikādipradhānarasānusāritayā prayogayogyastaducitārthaparipūraṇaṃ 
dhruvāgītena kriyate | sūcyā(kṣmā) hyamī pallavaprakārā aṅkurādayo 
nivṛttyaṅkurāntā ye vighāyitavacca nāṭyāyaitam | etacca svakṣetra eva 
vitaniṣyāmaḥ |

evaṃ nāṭyāyitaśaṅkā'pyatra na kācit | mūlabhūtasyābhinayasyaivābhāvāt | 
tadbhāve yathā - muṃca-i valavi aṃa-a iro-aguhaṃsaṇaliṇa agni ciṅaja ityādau 


p. 175)

kiṃ tu śobhāṃ prajanayediti nṛttaṃ pravartitam |
prāyeṇa sarvalokasya nṛttamiṣṭaṃ svabhāvataḥ || 264 ||


mūrcchādisākṣātkāraḥ śayyāyāścāṅganipatanādibāhustathā 
nṛttakāvye'pi syāt | hośaṃ daṇaṣaka hamahumā-iṣaka ityādau | 
nacaivamastītyuktamasakṛt | etena prayojanabhedo'pi pratyāptaḥ (tyuktaḥ) | nahi 
sāmājikāḥ prīyantāṃ vyutpadyantāṃ vetyabhisandhinā nṛttaprayogaḥ | 
tatsaṃpattistu nāntarīyakatvādbhavatu | 
jyotiṣṭomādiprayogasaṅgītāpanodādivadadṛṣṭaviśeṣoddeśenaiva hi tasya 
prayogaḥ | ḍombikāderdṛṣṭoddeśena rājaputrādiprītaye yadyapi pravṛttirlaukikī 
sā | adyatve tu na dvayam | nartakyāḥ pravṛttiḥ pravartanā vā 
devatāparitoṣaṇaphalaiva | yathoktaṃ tatra -

yatkiñcillāsyametena devastu(vī tu)ṣyati nityaśaḥ |
yatkiñcittāṇḍavaṃ tena somaḥ sānucaraḥ śivaḥ || iti ||

mūle ca sūdāderiva vastubhūtarūparasādimadhyapātiviṣayaviśeṣayojanayā 
kṛtā prītiḥ sādhyā | 
ḍombikāvarṇanagatasyaivālaukikarūpāntaraprādurbhāvāntarasyeti 
vyutpattyabhisandhānaṃ cānubhavatīti keyaṃ sambhāvanā geye'pi | nāṭye tu 
tadeva pradhānaṃ bharatamuniprabhṛtīnāṃ tathaiva mūlataḥ pravṛtteḥ | anyatve 
tu jīvitā (kā) paryavasitatvamiti 
puruṣami(ma)tipurus'daurātmyametaddharmādicatuṣṭayopadeśi 
purākalpopadeśanamiva pustakavācakānāṃ mūlena pravartanāttatra 
vyutpattyabhisandhereveti phalabhedaḥ |

anyo'pi lakṣaṇabhedo 
nāṭyarūpatāśaṅkāparākaraṇahetugranthavyākhyānāvasar vakṣyate | 
tannāṭyalakṣaṇaprayojanābhedādityasiddho hetuḥ | tadāha nṛttaṃ kartṛ 
kaṃcidarthamarthyamānaṃ sākṣātkāraṃ prāpyamānaṃ nāṭyavedaṃ 
nāpekṣate yena lakṣaṇābhedaḥ syāt | tathā na kaścidarthaḥ sāmājikānprati 
vyutpādanīyadharmādyupāyānyatamaṃ vyapekṣate yena prayojanābhedo'pi 
syādityato hetoretannṛttaṃ pravartitaṃ nṛttavācoyuktyaiva vyavahṛtam | nanu(tu) 
nāṭyamiti |

kiñcidapi śuddhaṃ nā.yāṅgaṃ pūrvaraṅgādikaṃ veti pāṭho vā iyatā tadanu 
prāptyarthamityādi pratisamāhitam | nanu bhavatvevaṃbhūtaṃ nṛttaṃ nāṭye tu 
kathamasyopayoga ityuktaṃ gītakasyāpi kathamupayogaḥ |

p. 176)

maṅgalyamiti kṛtvā ca nṛttametatprakīrtitam |
vivāhaprasavāvāhapramodābhyudayādiṣu || 265 ||

vinodakāraṇaṃ ceti nṛttametatpravartitam |
ataścaiva pratikṣepādbhūtasaṅghaiḥ pravartitāḥ || 266 ||


uktaṃ - yāni vākyaistu na brūyāt iti yattu kāvyena noktaṃ syāt iti | 
dhruvāyāstu sampāṭhamātramevāstu | alaṃ 
varṇālaṅkārayojanātmakagānakriyādiprasārāyāsena |

nanu rāmarāvaṇādigata(tā)grāmyatyājyarūpacaritārthaḍambarasya 
hṛdayānupraveśadvārabhūtaṃ hṛdyaṃ tatsūcīkalpaṃ svayaṃ 
hṛdayānupraveśitvādityuktaṃ prāk | sa eva tarhi nṛttasya 
valanāvartanāderantaraṅge'sya nāṭya upayogaḥ | viśeṣato hi 
tadvinā'lātacakrapratimatve tairbuddhigrāhyameva nāṭyaṃ na syāt | tata eva 
vimalābhinayamāṇikyagumphavidhāyisūtrasthānīyaṃ 
valanādirūpanṛttasajātīyatvānnikaṭatvādantaraṅgagītādivyāpi nāṭyam |

tadetadāha - kintu śobhāṃ prajanayediti | nṛttaṃ pravartitaṃ prakṛṣṭamatruṭitaṃ 
varṇanāvilāsavalanādidakṣiṇaṃ yadvarṇitaṃ kāyāvayavānāṃ kāyasya ca 
vilāsaceṣṭāvasthānātmakaṃ vartitaṃ tadātmakaṃ yannṛttaṃ tacchobhāṃ 
rañjanāyogyatvaṃ śobhānāntarīyakacamatkāraṃ prakarṣeṇa 
gānādivailakṣaṇyena janayediti nṛttaṃ pravartitamityantenābhisambandhaḥ | hetau 
liṅ |

nanu rañjakatvaṃ bhojanādīnāmapyasti | 
tattadanupraveśanīyamatretyāśaṅkāṃ madhye'pākaroti - prāyeṇeti | 
vivāhaprasavāvāhādiṣu sarvasya lokasya svabhāvataḥ 
svabhāveṣvātmābhimateṣu svadehenātmanā nartanamiṣṭaṃ vallabham | sarvo'pi 
jano svabhāvataḥ svābhimate vivāhādau nṛtyati yo'pi vādayannṛtyapi tenāpi | 
durdurūṭenāpi maṅgalyamiti | vivāho vadhvā ānayanam | tatpūrvakaḥ sarva 
utsavaḥ | putrajanma prasavaḥ | tato jāmātuḥ savadhūkasya sarvatra 
śvaśurabhavanagamanamāvāhaḥ | pramodā rājñāmarthakaraṇādayaḥ | 
abhyudayo manorathaprāptirabhilaṣitasyodaya iti | 
ādigrahaṇenānākāṅkṣitaśubhaprāptyādi | etena ninimiti 
(vinodanamiti)ślokatrayasya sambandhaḥ | etacca kaiśikīmapi yojaya (nā. śā. 1-42) 
ityatra darśitam |

kaṃ svabhāvamapekṣata iti pratisamādhātumāha - ataścaiveti | ataśca 
kāraṇānnṛttaṃ pravartitam | prārambhe pūrvaraṅge lakṣaṇavartitaṃ yojitamiti 
saṃbandhaḥ | evakāro hetau 


p. 177)

ye gītakādau yujyante samyaṅnṛttavibhāgakāḥ |
devena cāpi samproktastaṇḍustāṇḍavapūrvakam || 267 ||


yasmātpratikṣepāt | jjhaṇṭumādyāḥ śuṣkākṣarāḥ devaiḥ pratikṣiptatvāt 
bhūtasaṅghaiśca daityādibhiḥ pravartitāḥ | (266)

nirgītaṃ tu savāditramidaṃ gṛhṇīmahe vayam | (nā. śā. 5-35)

iti vakṣyate |

ata evambhūtā gītānāṃ madrakādīnāmādau 
samyaṅnṛttasyābhineyapadārthābhāvenābhinayaśūnyatayā 
nāśā(tayāśa)ṅkitā nāṭyāṅgasya śuddhasya vibhāgakā vibhāgaprāpakā 
ādau prayujyante | etaduktaṃ bhavati - gītakānāṃ yānyupohanāni tatra 
tāvannṛttaṃ śuddhamevaṃ kartavyam | yadvakṣyati -

tatrāvataraṇaṃ kāryaṃ nartakyāḥ sarvabhāṇḍakam |
kṣepapratikṣepakṛtam | iti (nā. śā. 4-300)

tadgata(tata)śca gītakāṅgamadhye tu praveśābhāvo'si(bhāvassi)ddhaḥ | 
vicāraṇīyasya cāvāpaniṣkrāmāderagītakāṅgatvamastyeva | yadyapi 
mahāgīteṣu aivārthān (nā. śā. 4-15) ityuktaṃ vakṣyate ca tato'bhinayamācaret 
(nā. śā. 4-290) iti prathamatve'bhinayane'syāpi tathāpi tatra na mukhyo 
nāṭyaprasiddho'bhinayārtha ityuktam |

kiñcābhineyatvena nāṭyāṅgatvadaśāyāmavalokanāt tathā vācoyuktiḥ | 
laukikakathāsvivāṅgavyavahārādāvabhimukhībhāvamātranayanaścāpi 
svārtho yathāvācyamabhinītaḥ | nahi tatra 
sākṣātkārakalpatāpādanamabhinayārthaḥ | kintu tallayādyāhāritvamātram | 
evamatrāpi tadarthānusāritvamātraṃ parapratipattimātraṃ syāt |

.....ḍasthenaivāṅgabhūtatve'pyanugayite(gamita)kālātpṛthagbhūta evādau 
prayujyamāno lokaprasiddhaprathamagīyamānākṣiptaḍombikāprāyaḥ 
pracurastutipadayukto gītiviśeṣapratikṣepa ityāha | idaṃ bharamuninā na 
kvacillakṣitam |

anye tu gītānte prayojyāśchandakādaya evaṃ nṛttavaicitryāśrayā yathāruci 
pratikṣipyamāṇāṅgakāḥ pratikṣepāḥ | ādiśabdaśca 
vyavasthāyāmāsāritādisaṅgrahārthaḥ prayuktaḥ | satīti cādhyāhāra iti | 
munimataṃ cādya tayoranugrāhakam |


p. 178)

gītaprayogamāśritya nṛttametatpravartyatām |
prāyeṇa tāṇḍavavidhirdevastutyāśrayo bhavet || 268 ||


evaṃ nāṭyāṅgatā nṛttasya gītādivadupayogaśca samarthitaḥ | adhunā 
nṛttapradhānarāgakāvyādirviṣayaḥ kāvyaṃ ca nāṭyāṅgamiti 
darśayanpurākalpacchāyayā prakārāntaramapi nṛttasya samarthayitumāha - 
devenetyādi | cakāra evakārārthe | devenaiva maheśvareṇaiva | taṇḍuḥ 
santoṣapūrvakaṃ prakarṣeṇādareṇoktaḥ | kimityāha - gīyata iti gītaṃ kāvyam | 
tasya yaḥ prakarṣeṇa yogastadarthānupraveśalakṣaṇa(sta)māśritya na chāyām | 
āsamantācchritvā | aṅgavikṣepitāṅgatvaṃ sāmarasyalayasatvādinā nṛttaṃ 
tacchabdasvabhāvamapi yadabhūttāṇḍavaprabhṛti (nṛttaṃ 
tadgīyamānarūpakagatavarṇālaṅkāralayapadārthavākyārthasammilitaṃ 
yatatpravartyatām |) taduktaṃ kohalena -

sandhyāyāṃ nṛtyataḥ śambhorbhaktyā'rdro nāradaḥ purā |
gītavāṃstripuronmāthaṃ taccittastvatha gītake ||

cakārābhinayaṃ prītastatastaṇḍuṃ ca so'bravīt |
nāṭyoktyābhinayenedaṃ vatsa yojaya tāṇḍavam || iti ||

athaśabdānna kevalamidaṃ śuddhameva | nāpi gānakriyā | 
bhāṇḍavādyamātrasambandhameva yāvadgītyādhārapadānusāryapi | 
tadarthānusaraṇācca tadanusāraṇamiti |

nanu kiṃ tattāṇḍavapravṛttinimittamityāśaṃkyāha - prāyeṇeti | tāṇḍavamiti 
sarva nṛttamucyate | lāsyaśabdena sannidhau gobalīvardanyāyena pravartate | tatra 
vidhīyate'sminnṛttamiti vidhiḥ vidhīyamānaṃ kāvyaṃ sadaiva(yaddaiva) stutiṃ 
varṇanīyatvena cāśrayati | tena dharmavīrapradhānaṃ tatra kāvyam | tatra 
rasāntaramapyasti | nāṭye śṛṅgāraḥ | prayujyata iti prayogaḥ kāvyaṃ sukumāro 
masṛṇo'nusṛto yasya taṃ darśayati | śṛṅgārarasasya sambhavo 
vidyamānatvamasmin | śṛṅgārarasācca paripūrṇātsambhavo yasya 
kāmāvasthā manaso'sminnastīti | śṛṅgāreṇa pūrṇāpūrṇarūpeṇa 
masṛṇaprayogopalakṣaṇam | yadyapi ca nāṭyānnānyatra rasa iti vakṣyate tathāpi 
kāvyaṃ nāṭyaniṣyanda evetyasti rasānupraveśaḥ | anena ca rasāṅgaṃ nṛttasya 
nāṭyam | prāyeṇeti vacanānnarapaticāṭukādyapi saṅgṛhītam | 
cakārānmasṛṇamapyddhatamiśramuddhataṃ masṛṇamiśramityādikamapi 
saṅgṛhītaṃ bhaviṣyatīti sarvaṃ lakṣyamanena sūcitam | tathāhi - ḍombikāsu 
narapaticāṭuprādhānyena pravṛttāsu sukumārameva 

p. 179)

śuddhaṃ rūpam | bhāṇakeṣu nṛsiṃhādicaritavarṇanamuddhatameva | 
yatpunarmasṛṇe'pyuddhataṃ praviśati tattaducitameva  atrāpyalpatvabahutvakṛto 
bhedaḥ (pūrvaḥ prasthānaprabandhaḥ | uttaraḥ ṣidgakabhedaḥ) uddhate tu 
masṛṇānupraveśādbhāṇikābhedaṃḥ | anyadapi 
preraṇarāmākrīḍakarāsakahallīsakādikamalpatvabahutvavaicitryakṛtamitīhaiva 
praviṣṭaṃ veditavyam |

taduktaṃ cirantanaiḥ -

channānurāgagarbhābhiruktibhiryatra dhūpateḥ |
āvarjyate manaḥ sā tu masṛṇā ḍombikā matā ||

nṛsiṃhasūkarādīnāṃ varṇanāṃ kalpayedyataḥ |
nartakī tena bhāṇaḥ syādudghatāṅgapravartitaḥ ||

gajādīnāṃ gatiṃ tulyā kṛtvā pravasanaṃ tathā |
alpāviddhaṃ sumasṛṇaṃ tatprasthānaṃ pracakṣate ||

sakhyāḥ samakṣaṃ bharturyaduddhataṃ vṛttamucyate |
masṛṇaṃ ca kvaciddhūrtacaritaṃ ṣidgakastu saḥ ||

vālakrīḍāniyuddhādi tathā sūkarasiṃhajā |
dhvajādinā kṛtā krīḍā yatra sā bhāṇikā matā ||

hāsyaprāyaṃ preraṇaṃ tu syātprahelikayā'nvitam |
ṛtuvarṇanasaṃyuktaṃ rāmākrīḍaṃ tu bhāṣyate ||

maṇḍalena tu yannṛtaṃ hallisakamiti smṛtam |
ekastatra tu netā syādgopastrīṇāṃ yathā hariḥ ||

anekanartakīyojyaṃ citratālalayānvitam |
ācatuṣṣaṣṭiyugalādrāsakaṃ masṛṇoddhatam || ityādi 

ete prabandhā nṛttātmakāḥ na nāṭyātmakanāṭakādivilakṣaṇāḥ | 
rāghavavijayamārīcavadhādikaṃ rāgakāvyam | etacca granthavistārabhītyā 
bahutaraṃ yathāsambhavaṃ na likhitamanupayogācca | yattupayogi 
tadyathāvasaraṃ varṇayiṣyāmaḥ |

eṣa tāvatpadagate codyakaprakāraḥ | tatra tu parasparamasaṅgatidoṣo'yaṃ 
kaiścidudbhāvyate |


p. 180)

sukumāraprayogaśca śṛṅgārarasasambhavaḥ |
tasya taṇḍuprayuktasya tāṇḍavasya vidhikriyām || 269 ||


sa pūrvādinaiva pratisamāhitaḥ | eṣa eva tu prakāraḥ kalāvidhinā nibadhyamāno 
rāghavavijayamārīcavadhādikaṃ rāgakāvyabhedamudbhāvayatīti | yathoktaṃ 
(kohalena) -

(layāntaraprayogeṇa rāgaiścāpi vivecitam |)
nānārasaṃ sunirvāhya kathaṃ kāvyamiti smṛtam ||

layataścāsya gītyādhāratvenāprādhānye gītereva prādhānyamiti na 
kāvyārthaviparyāsavaśena rāgabhāvādiviparyāso nāṭya iva |

tathā hi rāghavavijayasya hi ṭhakkarāgeṇaiva vicitravarṇanīyatve'pi nirvāhaḥ | 
mārīcavadhasya kakubhagrāmarāgeṇaiva | ata eva rāgakāvyānītyucyanta etāni | 
rāgo gītyātmakatvātsva(kaḥ sva)rasya tadādhārabhūtaṃ kāvyamiti | evamidaṃ 
ca nṛttaṃ saptakṛtiprakārairbhagavata eva prasṛtam | tathāhi - śuddhameva nṛttaṃ 
recakāṅgahārātmakam | tato gītakādyabhinayonmukham | tato'pi 
gānakriyāmātrānusāri vādyatālānusāri ca | 
(bāhu)preṅkhaṇoraḥkampapārśvanamanonnamanacaraṇasaraṇasphuritakampitabhr
ūtārāparispandakaṭicchedāṅgavalanamātrarūpam | yatro(cco)ktaṃ-

taṇḍunāpi tataḥ samyaggānabhāṇḍasamanvitaḥ |
nṛttaprayogaḥ | ityādi | (nā. śā. 4-260)

gītirgānamiti hyatra vyutpattiruktā | 
tato'pyuddhatasukumāramiśrātmakabhedacatuṣṭayabhinnakāvyārthānusāritayā 
caturvidham | tatra prathamo bhedo laukike svatantranṛtte devatātoṣaṇādau vā | 
dvitīyaḥ pūrvaraṅgavidhau pariśiṣṭanṛttalakṣyatayā vāsya tāṇdavādi viśvaṃ 
vyāptamitīha pūrvamuktam -

prayogamaṅgahārāṇāmācakṣva bharatāya vai | iti (nā. śā. 4-18)

bhagavatā tatra taṇḍunā'ṅgahārāḥ saprayogāḥ proktāḥ | 
tatraivaṃbhūtāstāvadaṅgahārā mahyaṃ proktā iti recakaiḥ piṇḍībandhaiśca 
sahitaṃ muninā nirūpitāḥ | karaṇānyapi 
tadupayogitvenāśaṅkitacodyanirākaraṇaprasaktānuprasaktaṃ nṛttasvarūpaṃ 
darśitam | adhunā tu prayogaḥ kīdṛśo'ṅga


p. 181)

vardhamānakamāsādya saṃpravakṣyāmi lakṣaṇam |
kalānāṃ vṛddhimāsādya hyakṣarāṇāṃ ca vardhanāt || 270 ||


hārāṇāṃ prokta iti prakṛtamevānusandhātumāha - tasya taṇḍuprayuktasyeti | 
tatra pūrvaraṅgocitatvāyāṅgahāraprayoga ityuktam | tatra ca tāṇḍavaṃ yatra 
yujyate | (nā. śā. 5-13) iti vardhamānakatāla eva tāṇḍavayogayogya iti pūrvaṃ 
vardhamānaṃ gṛhṇāti | tadanantaraṃ tu gītakādiviṣayo vidhirvakṣyate | tasyeti 
vyavahitānusandhānārthaḥ parāmarśaḥ taṇḍuprayuktagrahaṇaṃ 
samanantaroktanṛttakāvyādiviṣayatāṇḍavaśaṅkāṃ nirasyati | vidhīyate'neneti 
vidhiḥ gātram | tat dṛṣṭvā yeyaṃ kriyā prayogaḥ saiva lakṣaṇam | anyato 
vyavacchedakatvāt | tatra kriyātmakaṃ lakṣaṇaṃ vakṣyāmīti sambandhaḥ | (269)

nanu sā kriyoktā karaṇāṅgahāraviṣayā | satyam | gītatālasaṃmiśrā tu noktā | 
iha tu vardhamānākhyaṃ tālamāsādya sāmyāpādanāyopāyatāṃ nītvā 
tatpramitigītyādhāratvācca vardhamānaśabdavācyaṃ devaṃ devaiḥ 
saṃstutamīśam | (nā. śā. 31-98) 
ityādivākyasamūhamāsādyābhineyatayāśritya tadākṣiptañca 
gītaviśeṣamāsādyāṅgasya 
valanāvartanādigatadrutatārādiniyamakāritvenāvalambya vakṣyāmīti 
sambandhaḥ | vardhamānakagītatālābhinayasambandhatayoditaṃ tāṇḍavaṃ 
vakṣyatīti yāvat |

tatra vardhamānasya bhaviṣyallakṣaṇānuvādena (nā. śā. 1-31) 
tāṇḍavopayogābhidhānāyādyarūpamāha - kalānāmityādi | saptadaśakalaḥ 
kaniṣṭhāsāritakaḥ | sa eva dviguṇalayo layāntaraḥ | trayastriṃśatkalo madhyamaḥ 
| pañcaṣaṣṭikalo jyeṣṭhaḥ | tena kalānāṃ layadvāreṇa saṅkhyādvāreṇa ca 
vṛddhiḥ | tadvṛddhyaiva ca hīyamānapadavṛddhirākṣiptā | yadvakṣyati - 
catvārastu gaṇā yugme oje ityādi (nā. śā. 32-97) | iha tvakṣarāṇi teṣāṃ 
vṛddhiḥ kalānusāreṇaiva nartakīnāṃ ca vṛddhiḥ | ekā hi prathamāsārite nṛtte 
prayoktrī | dvitīye dve ityādikrameṇa | ato vṛddhiyogādvardhamānakam | 
saṃjñāyāṃ kan | kaṇḍikānāṃ ca daśaparivartakramo bhaviṣyati | prayoge 
yathā yathākṣaraṃ vinivṛttamityapi yo bhedo bhaviṣyati tenāpi krameṇa 
kalādīnāṃ vṛddhiḥ | ato'trāṅgahāraprayogasya paripūrṇasya ca 
piṇḍībandhavidheḥ samyaṅniṣpattirbhavatīti tātparyam | (270)


p. 182)

layasya vardhanāccāpi vardhamānakamucyate |
kṛtvā kutapavinyāsaṃ yathāvad dvijasattamāḥ || 271 ||


evaṃ lakṣaṇānuvādena tāṇḍavopayogamabhidhāya vidhidṛṣṭāṃ kriyāṃ 
pratijñānapūrvamāha - kṛtvetyādi | pūrvaraṅgavidhau vakṣyate -

kalāpātavibhāgārthaṃ bhavedāsāritakriyā |
kīrtanāddevatānāṃ ca jñeyo gītavidhistathā || (nā. śā. 5-21) |

tatra prathamārdhena śuṣkākṣarairarāsāritaprayogamāha | tathā ca vakṣyati -

etāni tu bahirgīte tvantaryavanikāgataiḥ || iti (nā. śā. 5-11) |

bahirgītaśabdena dvitīyārdhena sārthakapadayuktamāsāritaprayogamāha | tatraiva 
cocyate -

tataḥ sarvaistu kutapaiḥ saṃyuktānīha kārayet |
vighāṭya vai yavanikāṃ nṛttapāṭhyakṛtāni tu ||

gītānāṃ madrakādīnām | (nā. śā. 5-12) ityādi |

tasminnavasare'yaṃ nṛttaprayoga iti tamevāvasaraṃ darśayati - kṛtvetyardhena | 
kutaṃ śabdaṃ pātīti caturvidhamātodyaṃ kutapaṃ tatprayoktṛjātañca | tasya 
viśeṣeṇa nyāsaḥ vyavasthāpanam | tatra viśeṣeṇa nyāso yathāyogaṃ 
svaratālalayakalādiniveśanam | sa eva pratyāhārādirāsāritakriyāntaḥ 
paripūrṇo vinyāsaḥ | āsāritakriyayābhighātātodye tatprayoktari ca 
prayokṣyamāṇāsāritagatakalāpātaprastāva evaṃ kriyata ityuktam | sa ca 
paripūrṇo vinyāso yathāvacchabdena darśitaḥ | anupūrvaśa iti pāṭhe 
pratyāhārāvataraṇādyaṅgajātaṃ sūcayati | tena (e)taduktaṃ bhavati - 
antaryavanikāgate 
śuṣkākṣaraprayogaprāṇabhaviṣyadātodyaprayogaprastāvanātmake dṛṣṭaphale 
daityādiparitoṣaṇayā tadvighnaśamanaśāstrīyaphale ca 
prayukte'ṅgakalāpe'yaṃ prayogavidhiḥ | āsāritaprayoga iti sārthakapadaṃ ya 
ityarthaḥ | prayoktṛbhirityātodyāntarasāhityaṃ bahuvacanenāha |

prayogakramaṃ darśayati - tatra tvityādinā | upohanaṃ śuṣkākṣaraṃ 
kaniṣṭhāsārite pañcakalam | upohyante samāsavyāsataḥ 
padakālatālamabhihitāḥ svarā yasminnaṅge tattathoktam | gānaṃ suṣirātodyaṃ 
gīyate yataḥ sthānasvarāditi svarāṇi sādinādīti | 

p. 183)

āsāritaprayogastu tataḥ kāryaḥ prayoktṛbhiḥ |
tatra tūpohanaṃ kṛtvā tantrīgānasamanvitam || 272 ||

kāryaḥ praveśo nartakyā bhāṇḍavādyasamanvitaḥ |
viśuddhakaraṇāyāṃ tu jātyāṃ vādyaṃ prayojayet || 273 ||

gatyā vādyānusāriṇyā tasyāścārīṃ prayojayet |
vaiśākhasthānakeneha sarvarecakacāriṇī || 274 ||

puṣpāñjalidharā bhūtvā praviśedraṅgamaṇḍapam |
puṣpāñjaliṃ visṛjyātha raṅgapīṭhaṃ paritya ca || 275 ||


tena ghanāvanaddhātodyadvayasyātra nirāsaḥ | upohanasamāptau nartakyāḥ 
praveśaḥ | tatra bhāṇḍavādyaṃ puṣkaravādyaṃ tacca viśuddhakaraṇajātau | sā 
ca madhyastrīṇāṃ lakṣyate | tata 
evātrānukārasākṣātkāraśaṅkānirākaraṇam |

tathā hi - sati parameśvarasya rāmādivatprayojyatve 
prathamaprakṛtyādicittajātiprasaṅgaḥ |

tatra -

ekākṣaraṃ viśuddhāyāṃ vādyaṃ syātsarvamārgakam |
ddhaṃ dhāṃ kho kho ṇā ṇādi yā vihitavākyā |
sā śuddhā vijñeyā madhyastrīṇāṃ samā jātiḥ || iti | (nā. śā. 34-136-138)

viśuddhamekākṣaravācyam | karaṇamaṅgahāram | ādyatve ayameva varṇastattat 
rundahi rundahi ityādi | tathāvidhavādyānusāriṇī yā gatiḥ tadupalakṣaṇacārīti 
saṃbandhaḥ | karaṇāṅgahārānprayuñjīta iti bhāṇḍavādyasyānuprayojyatā 
pradhānyenoktā | yathoktaṃ bhavati bhaṭṭatotena - paryāyaśastrasyāsya prayogaḥ 
iti | tadanantaraṃ prayogamāha - vaiśākhasthānakenetyādi | 
vaiśākharecitakaraṇamanena lakṣayati -

recitaṃ hastapādaṃ ca kaṭigrīvaṃ ca recitam | iti (nā. śā. 4-97) (274) 
puṣpāñjalidhareti | talapuṣpapuṭakaraṇamanena lakṣyate - visṛjyeti | 
puṣpākṣepamaṅgaprakrameṇa pradarśyetyarthaḥ |


p. 184)

praṇamya devatābhyaśca tato'bhinayamācaret |
yatrābhineyaṃ gītaṃ syāttatra vādyaṃ na yojayet || 276 ||

aṅgahāraprayoge tu bhāṇḍavādyaṃ vidhīyate |
samaṃ raktaṃ vibhaktaṃ ca sphuṭaṃ śuddhaprahārajam || 277 ||


anye tu sadya eva puṣpāñjaliṃ tanmokṣaṃ cāhuḥ - raṅgapīṭhe yaḥ parigamaḥ 
samantataḥ pariṣvaṅgakaraṇaṃ madhya eva devatānāṃ pūrvapūjitānāṃ 
praṇāmābhinaya ityekakālatvaṃ caśabdenoktatvāt dvayaṃ 
cācaredityetadupekṣyam | paurvakālyamāśritya tato'bhinayamiti | bhaktyatiśayena 
tadarthabhāvanayā viśiṣṭaviṣayatāṃ pradarśayitum | āsāritavākyasya 
padārthavākyārthaviṣayo'bhinayaḥ svātmanyābhimukhyanayanāt | na tu 
sāmājikānprati |

yatreti nipāto yato hetorityarthe | tena yato gītamiti gīyamānaṃ vākyamabhineyaṃ 
svātmābhimukhyaṃ neyam | tacca gānaṃ 
varṇālaṅkāralakṣaṇamābhimukhyamaṅgasāmyaṃ neyam | tato hetostasyaiva 
prādhānyāttasminkāle'vanaddhavādyaṃ tadācchādanakāri bhavatīti 
svātantryeṇa na yojayedatiśayena na nayet | yatreti ca vīpsayā paribhāṣāṃ 
sārvatrikīmāha | (276)

anuvādamukhena pariśiṣṭaṃ prayogamāha - aṅgahāraprayogetviti | tuśabda 
evakārārthe aṅgahārasya śuddhasyaivābhinayaśūnyasya prayoge 
nṛttaprādhānye tadanusāri vādyam | viśeṣeṇāntarayogā(nantarayogā)pekṣayā 
sa vidheyo vidhīyate dhāryate | ata eva cānupādānāt -

tadeva hi punarvastu bhūyo nṛttena yojayet | (nā. śā. 4-284)

iti vakṣyamāṇasya nartakyā samākarṣaṇe punarāsāritagāne śuddhanṛttamiti 
vādyasya gīyamānasahitasya gānasya nṛttasya ca krameṇa prādhānyena prayogo 
darśitaḥ |

bhāṇḍavādyaṃ vidhīyata ityuktam | tadīdṛśamiti darśayati samamiti | 
akṣarāṅgatālalayayatipāṇigrahanyāsavikṛtamaṣṭavidhakāledeśasamatātmaka.
m sāmyaṃ puṣkarādhyāye ca vakṣyate | tatra ṣoḍhā tālakṛtam | dvidhā 
svaroccāraṇasthānadeśakṛtam | tadyogāt samaraktabhāvaḥ śabdasya 
hṛdyasvarūpatā | sā ca māyūryādimati(matri)vidhamārjanāyogāt | tena 
samyaṅamārjanāyogāt raktaṃ vibhaktam | āhatyānantaraṃ ca pīḍitayogena 
vicchedapratibhā-

p. 185)

nṛttāṅgagrāhi vādyajñairvādyaṃ yojyaṃ tu tāṇḍave |
prayujya gītavādye tu niṣkrāmennartakī tataḥ || 278 ||

anenaiva vidhānena praviśantyaparāḥ pṛthak |
anyāścānukrameṇātha piṇḍī badhnanti yāḥ striyaḥ || 279 ||


samānākṣaram | sphuṭamiti kādivarṇānāmanuhāro yatra spaṣṭo bhavati | 
prahārajā varṇānte śuddhaviśuddhakā(ka)raṇānte sthitāḥ | yadi vā 
āliptikādimārgādanyatama eva mārge sthitāḥ | yatra nṛttamaṅgahārātmakaṃ 
tadaṅgānīva karaṇāni | yadi vā gītāṅgāni mukhādīni gṛhṇāti 
samayā(tayā)svīkurute etacca samamiti gatārtham | 
tenāyamarthaḥnṛttakarmabhūtamaṅgakartṛbhūtaṃ yadvādyaṃ grāhayati 
nṛttaṃ tannṛtyateti yadaṅgāni prayuṅkta iva svayaṃ 
vaicitryaprayogātsavilāsamiva śrūyamāṇameva yadbalādaṅgāni nartayatīti 
tattathoktam | tadyathā 
kartṛkakatakaṇakakundantarakarahatattatatarhikaṭicchidaśatahīta iti cañcatpuṭe | 
yadevaṃvidhaṃ vādyaṃ puṣkarādhyāye vakṣyate tattaṇḍave ihāvasare yojyam | 
puṣkarādhyāye tvīdṛśa eva śloko bhaviṣyati (nā. śā. 34-172) | tatra 
vidhyanuvādāviha dvau viparyasanīyau | tāṇḍavamuktaṃ prāk | tatraivaṃvidhaṃ 
vādyaṃ kāryamiti |

evaṃ prathamāsāritasya prayogamupasaṃharatyardhena - prayujyetyanena | eṣāṃ 
ca prayoge prathamaṃ paribhāṣāṃ karoti ślokatrayeṇa - anenaivetyādinā - 
karaṇānvitamityantena | gānamiti gīyate ca gītam | gītavādye 
pradhānatayāvasthite nartakī nṛttena prayujya tathā svarāgato nṛttaprādhānyaṃ 
tadaucityāya gītavādyaṃ prayujya svānusāriṇīkṛtya | nartakī na tu nāṭya iva 
sākṣādrāmādirūpatāpracchannātmikā | sā niṣkrāmedapasaret | na tu 
sarvathaiva nirgacchet | dve dvitīyamiti (nā. śā. 4-286) vakṣyamāṇatvāt | aparāḥ 
kiṃ yugapatpraviśanti netyāha | pṛthak ekaikakrameṇa praviśedityarthaḥ |

nanu kiyatyastā aparā yā anenaiva vidhinā praviśantītyāśaṅkyāha - anyāśceti 
| anukrameṇa kaniṣṭhādiṣu caturṣvāsāriteṣu yathāsaṅkhyaṃ 
vakṣyamāṇāścaturaḥ piṇḍībandhaprakārān yā anyāḥ badhnanti tāḥ aparāḥ 
| anena catasra evetyuktaṃ bhavati | piṇḍīmiti jātāvekavacanam | (279)


p. 186)

tāvatparyastakaḥ kāryo yāvatpiṇḍī na badhyate |
piṇḍīṃ badhvā tataḥ sarvā niṣkrāmeyuḥ striyastu tāḥ || 280 ||

piṇḍībandheṣu vādyaṃ tu kartavyamiha vādakaiḥ |
paryastakapramāṇena citraughakaraṇānvitam || 281 ||


evaṃ praveśapṛthaktvaṃ paribhāṣya paribhāṣāntaramāha - tāvatparyastaka iti | 
yāvatpiṇḍī na badhyate iti pāṭhaḥ | tāvadyāvaditi bhinnakramaḥ | 
yāvatparyastakaḥ kevalāsāritābhī (bhihi)-talakṣaṇaḥ prayogaḥ kāryaḥ tāvanna 
piṇḍī badhyate | tāvatpiṇḍībandho na kāryaḥ | tadanantaraṃ tu kartavya ityarthaḥ | 
pūrvapraviṣṭayā nartakyā parivarjyate | mahāvākyānusārādekaghana eva 
vāhinyātmako'ṅgavikṣepo yatra prayoge sa paryastako nṛttācāryabhāṣayā 
paryastaka iti prasiddhaḥ | abhinayaśūnya(ā)ṅgikavidhiḥ paryastakaḥ | sa ca 
piṇḍibandhe na kāryaḥ | tadanantaraṃ tu kartavya ityarthaḥ | pūrvapraviṣṭāyā 
nartakyāḥ śikṣārthamityādyasaṅgatameva kaiściduktaṃ tadupekṣyameva | 
yāvacca piṇḍībandhopayogi nṛttaṃ na pravartate 
tāvatpraviṣṭanartakīnivartanenaikākinyaivāsāritābhinayaḥ prayoktavyaiti 
paribhāṣyate |

paribhāṣāntaramāha - piṇḍī badhveti | tasyāsāritasya nṛttaprayogaṃ kṛtvā 
sarvāstā niṣkrāmeyurapasareyuḥ | ata evaitatsthānopajīvibhireva 
śrīrāṇakādikavibhirḍombikādau caturapasārakaḥ prayogaḥ | (280)

paribhāṣāntaramāha - piṇḍībandheṣviti | yāvadeva paryastaka 
āsāritābhinayaprayoge vādye tāvadeva tadantaratāpi(pāti)ni 
piṇḍībandhopayoginyaṅgahāraprayoge | kintu citraṃ vicitraṃ nānāprakāraṃ 
prayojitamoghe ca vādyavidhau (nā. śā. a-34) vakṣyamāṇāni yāni karaṇāni 
kriyā yābhivedhyā bhagavatyārūpāstābhiranvitam (?) | dvimātrā yatra kalā sa 
citramārga oghaśabdādeva labdhaḥ | tatraiva hyodho lakṣyate | (281)

evaṃ pṛthakpraveśa ekākinyā abhinayaprayogaḥ sambhūyāṅgahāraprayogaḥ 
tadanantaramapasārastāvatkālatā nṛttasya vādyasya vaicitryamiti 
paribhāṣāṣaṭkaṃ kṛvā dvitīyasya 

p. 187)

tatropavahanaṃ bhūyaḥ kāryaṃ pūrvavadeva hi |
tataścāsāritaṃ bhūyo gāyanaṃ tu prayojayet || 282 ||

pūrveṇaiva vidhānena praviśeccāpi nartakī |
gītakārtha tvabhinayed dvitīyāsāritasya tu || 283 ||

tadeva ca punarvastu nṛttenāpi pradarśayet |
āsārite samāpte tu niṣkrāmennartakī tataḥ || 284 ||

pūrvavatpraviśantyanyāḥ prayogaḥ syātsa eva hi |
evaṃ pade pade kāryo vidhirāsāritasya tu || 285 ||


layāntarasyāsāritaprayogamāha - tatropavahanamiti | tatraivaṃ paribhāṣayati 
tāvat | yatreti pūrvaṃ kaniṣṭhāsāritaṃ prayuktam | bhūya iti bahutaraṃ 
ṣaṭkalamityarthaḥ | bhūya iti layādhikatvātkathaṃcidabhyadhikamityarthaḥ | 
pūrveṇaiveti | tatra tūpohanamityādinā | apiśabdāt gatyā vādyānusāriṇyā 
ityādi praṇamya devatāṃ ca ityanantaramuddiṣṭam | tataḥ sā dvitīyā nartakī 
āsāritasya tālaviśeṣasaṃbandhi yadgītakaṃ gīyamānaṃ ca vākyaṃ 
tasyārthamabhinayet | punastadeva layāntarāsāritalakṣaṇaṃ vastu | sā dvitīyā | 
cakārātpūrvapraviṣṭā ca | nṛttena ca 
kevalāṅgahārātmanā'bhinayastatsāmyena pradarśayet | 
āsāritaprayogānantaraṃ tayā saha sā'pyapasaret | (284)

atha tṛtīyacaturthayorāsāritayoratideśena prayogamāha - pūrvavaditi | 
pṛthaktvenetyarthaḥ | sa eveti | tatra tūpohanaṃ kṛtveti ya ukto yaśca 
paribhāṣāṣaṭkenokta ityarthaḥ | 

atha yadaikamevāpasāritaṃ prayujyate tadāyaṃ prayogavaicitryakram ityatideśena 
darśayati - evamityādinā | ekavacanamatantram | ekamapyāsāritaṃ yadā 
prayujyate tadāsya yāni 


p. 188)

bhaṇḍavādyakṛte caiva tathā gānakṛte'pi ca |
ekā tu prathamaṃ yojyā dve dvitīyaṃ tathaiva ca || 286 ||

tisro vastu tṛtīyaṃ tu catasrastu caturthakam |
piṇḍīnāṃ vidhayaścaiva catvāraḥ samprakīrtitāḥ || 287 ||


padāni chedāścatvāro mukhapratimukhaśarīrasaṃharaṇa(nā. śā. 31-80) 
lakṣaṇāstadāśrayeṇāyaṃ vardhamānavaccaturapasāraprayogo 
bhāṇḍavādyakriyāyāṃ gītikriyāyāṃ ca kāryaḥ | yadvakṣyati ityevaṃ 
caturaṅgāni iti (nā. śā. 31-82) | etadeva spaṣṭayatyekaṃ tvityādinā (ekā 
tvityādinā |) vastvityaṅgam | yuñjyādi (yojyā i)ti nṛtteneti śeṣaḥ | 
trimātrādikaṃ yadatra vastu kecit dviḥ kurvate tadasadeva | anye tvevaṃ pade pada 
ityādi sārdhaślokamupasaṃhāravākyaṃ vardhamānaprayogasyeti 
varṇayāñcakruḥ | apare punarāhuḥ - āsāritasya padamabhivyaktisthānaṃ 
kaṇḍikānāṃ daśa parivartitena prayogaḥ | tathā hi- viśālā saṅgatā sunandā 
sumukhīti catasraḥ kaṇḍikā vakṣyante (nā. śā. a. 31-120) krameṇa navāṣṭau 
ṣoḍaśa dvātriṃśatkalā | tasya viśālāmanu saṅgatā anuviśālaṃ sunandā 
saṅgatā viśālāmanu sumukhī sunandā saṅgatā viśāleti daśa parivartāḥ | tatra 
viśālādiparivartatraye saṅgatāḥ parivartāḥ kākākṣivadubhayatra saṃbandha iti 
saptadaśakalasya dviḥ prayoge kaniṣṭhalayāntaritayoḥ sthānaṃ bhavati | tataḥ 
sunandādiparivartatraye trayastriṃśatkalasya madhyamāsāritasya sthānaṃ bhavati 
| tataḥ sumukhyādicatuṣṭaye pañcaṣaṣṭikalasya jyeṣṭhāsāritasya | 
evamāsāritasya padeṣu sthāneṣu kaṇḍikādiparivarteṣu caturapasārako 
nartakīprayogaḥ | tadāhaikāpīti (ekā tviti) | vastvāsāritasthānamityevaṃ 
kaṇḍikāvardhamāna(parivartana?)syāyaṃ prayogo'tideśa iti 
tṛtīyavyākhyānatātparyam | dvitīye tu vyākhyāne na kiñcidadhikamuktamiti 
tadupekṣyameva |

piṇḍībandhaprakārā anukrameṇāsāriteṣu prayojyā ityuktam | ke ta ityāha - 
piṇḍīnāmityādi | vidhayaḥ prakārāḥ | tatra viśeṣāntarahṛdyamekaprayojyaṃ 
piṇḍībandharūpamityekaḥ prakāro 
viśeṣanāmadheyavirahātsāmānyaśabdenoktaḥ | tadāha - piṇḍībandhaḥ 
piṇḍatvāditi |


p. 189)

piṇḍī śṛṅkhalikā caiva latābandho'tha bhedyakaḥ |
piṇḍībandhastu piṇḍatvādulmaḥ śṛṅkhalikā bhavet || 288 ||

jālopanaddhā ca latā sanṛtto bhedyakaḥ smṛtaḥ |
piṇḍibandhaḥ kaniṣṭhe tu śṛṅkhalā tu layāntare || 289 ||

madhyame ca latābandho jyeṣṭhe caivātha bhedyakaḥ |
piṇḍīnāṃ vividhā yoniryantraṃ bhadrāsanaṃ tathā || 290 ||


nartakīprayojyaḥ parasparasaṃbandha eva piṇḍībandhaḥ dviprakāraḥ | sajātīyo 
vā ekatā(nā)lāvabaddhakamalayugalavat vijātīyo vā 
haṃsavadanaparigṛhītanālanalinavat gulmaḥ śṛṃkhalikāśabdavācyaḥ | 
nartakītrayaprayojyastu tato'pi vaicitryasahiṣṇutvājjālavadvicitratāṃ 
gacchatpūrvavatsajātīyavijātīyātmā latābandhaḥ | catuṣṭayaprayojya 
stugato(te)'tra rūpatrayo (ya) mahāvākye tāvadbhiḥ prakārairbhedanīya iti tebhya 
ekasattvayojanāccājñāto bhedyakaḥ | mahāvākyārtha iti vaikasyāṃ 
yojanāyāṃ praviṣṭa ityarthaḥ | sa tūktavidhaistribhiḥ nṛttaiḥ saha vartate | (288)

ekādiprayojyatvaṃ spaṣṭayati - piṇḍībandhaḥ kaniṣṭhetvityādinā | nanu 
kathamete piṇḍībandhānniṣpadyanta ityāśaṃkyādhārādibhedakṛtāṃ 
niṣpattiṃ darśayati - piṇḍīnāṃ vividhā yonirityādinā | tatra yatra 
putrakādīnāṃ yathā pṛthagbhūtāṅgānāmanusandhistathaiva 
bhūmidehākāśādyādhārakhaṇḍalakādyanusandhānaṃ yantram | tasya 
bhūyasā sambhāvātpūrvamabhidhānam | anena miśrā bhedāḥ saṅgṛhītāḥ | 
bhadraṃ sphuṭamevetyasyāsanaṃ sthānaṃ bhūmyādau sphuṭameva 
darśanādityekabhedasaṅgrahaḥ | anenādhārāṅgabhedo darśitaḥ | 
prayoktṛprayogabhedastu pūrvameva darśitaḥ ihāpi coktaḥ | śikṣāyoga iti | 
karaṇāṅgahāraviśeṣaṣvaṅgavikṣepavaicitryābhyāsa 


p. 190)

śikṣāyogastathā caiva prayoktavyaḥ prayoktṛbhiḥ |
evaṃ prayogaḥ kartavyo vardhamāne tapodhanāḥ || 291 ||


iti sādhakatamabhedo darśitaḥ | ita evopajīvyāsmābhirvitatyoktaṃ 
recakairaṅgahāraiśca (nā. śā. 4-249) ityādivyākhyānāvasare | 
vividhagrahaṇena tadvyāyāmiśraṇayā bhedānantyaṃ sūcayati | taccāsmābhiḥ 
pūrvameva darśitam | (290)

nanu sarvo'yaṃ piṇḍībandhaprakāra ihopayogī vā na vetyāśaṅkyāha - tathā 
caiva prayoktavya iti | taiḥ sarvireva prakāraiḥ piṇḍīśṛṅkhalakādibandho yojyata 
iti yāvat | yatracchedyakarma carmayantraṃ kāṣṭhamayī prakṛtirbhadrāsanamiti 
kecidatra vyākhyāṃ kurvanti | yuktāyuktatāṃ tu sahṛdayā eva viduḥ |

evaṃ gītakāṅgavādyanartakīpiṇḍībandhādidarśanādapi 
nāṭyānnṛtya(nnṛtta?)mabhinnamityapi sūcitam | na cāyaṃ piṇḍībandhaprakāro 
lakṣye vicchinnaḥ | kevalanṛttakapakṣayoḥ 
patitamahauṣadhivadanavasthitairabhyuddhartuṃ na śakyate sāvadhānatayā tu 
śakyata eveti nātrālasyaṃ śrayitavyam | anyathā prayogamāhuḥ | tathā hi - 
ekaṃ tu prathamamityatra prathamāsāritamabhinayati | tato dvitīyā dvitīyāsāritam 
| tatsamakālaṃ tu prathamā kevalamaṅgahāraṃ karotīti | evaṃ tṛtīyā 
tṛtīyāsāritārthamabhinayati | tadā dve'ṅgahāraṃ prayuñjāte | caturthī 
caturthābhinayaṃ yadā karoti tisro'ṅgahāraṃ rañjayanti | anya 
tvabhinayaprayoge'pi sahitatāmāhuḥ | jālaśṛṅkhalikādipiṇḍībandhajātaṃ 
cānyonyaṃ bāhubandhavaicitryaracitamicchanti |

atha vardhamānakamāsādyeti pratijñātamupasaṃharati - evamityādinā | evaṃ 
prādhānyādvardhamānaprayogamabhidhāya gītānāṃ madrakādīnām | (nā. 
śā. 5-13) iti yadvakṣyate tannirṇayāya pratijānīte - gītānāmityādi | cakār'h 
sarvaśeṣatāṃ dyotayati anvācayaṃ ca | āsāritādiparyantaprayojyānāṃ 
chandakādīnāṃ taccheṣatayaiva lakṣaṇaṃ vakṣyate | tathāhi tālādhyāye (nā. 
śā. a-31) 
vardhamānāsāritakagītakapāṇilatāntecchandakaprayogaścatuṣpadāprayogaścā
bhidhāsyate |


p. 191)

gītānāṃ chandakānāṃ ca bhūyo vakṣyāmyahaṃ vidhim |
yāni vastunibaddhāni yāni cāṅgakṛtāni tu || 292 ||

gītāni teṣāṃ vakṣyāmi prayogaṃ nṛttāadyayoḥ |
tatrāvataraṇaṃ kāryaṃ nartakyāḥ sārvabhāṇḍikam || 293 ||

kṣepapratikṣepakṛtaṃ bhāṇḍāpohanasaṃskṛtam |
prathamaṃ tvabhineyaṃ syādgītake sarvavastukam || 294 ||


sarveṣāmeva tītānāmante chandaka iṣyate |
caturaṅgastataḥ tryaṅgo navāṅgo yugma eva ca || (nā. śā. 31-293)

catuṣpadā tathaikāṅgā | ityādau | tena pradhānatayā 
tāvadgītakādiviśeṣāṇāṃ vidhistatprayoge na tu svatantrāṇām | 
gītakagatavastvaṅgādi yatra svecchayā samāśrityaikadvitryādyaniyamena 
prayujyate tāni cchandakāni | yānyadyatve nṛttatālātmanā 
ḍombikānartakīlayacaraṇādirūpeṇa prasiddhāni | bhūya(iti) | ukto hi 
vardhamānavidhistatāpyādhikaṃ vastu vakṣyate |

tatra gītakatālāśritanṛttavidhānaṃ tāvaddarśayitumupakramate yānīti | 
bhūyāṃsi khṇḍalakādivastūni | svalpāni tvaṅgāni | tatra vastunibandhanāni 
trīṇi gītakāni - madrakaḥ parāntakaṃ prakarī ca | anyāni 
catvaryaṅgānyullopyakaṃ rocitakamoveṇakamuttaraṃ ca | teṣāṃ krameṇāha - 
teṣāmiti | teṣāmapi nṛtte vādye ca yo vidhistaṃ vakṣyāmi | tatra gītakeṣu ye 
kṣepāḥ prathamavastvāṃdāvupohanāni ye ca pratikṣepāḥ dvitīyavastvādiṣu 
pratyupohanāni matāntare tvanantarbhūtapṛthakkālātmakagītaśeṣarūpāṇi tāni 
tantrīgatāni (gā)-nayuktāni prayujya nartakyā avataraṇaṃ bhāṇḍavādyasahitaṃ 
puṣkarādhyāyabhāvinā praviralacaladaṅguli - (nā. śā. 9-20) 
dalābhihanyamānāṅgikaprādhānyena kāryam |

etaduktaṃ bhavati - prathame vastunyākṣiptikāmupohanaṃ ca prayujya 
nartakīpraveśaḥ | dvitīyādau pratyupohanam | padayojanā tu - tantrīgānānvitaṃ 
kṛtvā kṣepapratikṣapayoḥ kṛtaṃ 


p. 192)

tadeva ca punarvastu nṛttenāpi pradarśayet |
yo vidhiḥ pūrvamuktastu nṛttābhinayavādite || 295 ||

āsāritavidhau sa syādgītānāṃ vastukeṣvapi |
evaṃ vastunibandhānāṃ gītakānāṃ vidhiḥ smṛtaḥ || 296 ||

śṛṇutāṅganibaddhānāṃ gītānāmapi lakṣaṇam |
ya eva vastukavidhirnṛttābhinayavādite || 297 ||

tamevāṅganibaddheṣu cchandakeṣvapi yojayet |
vādyaṃ gurvakṣarakṛtaṃ tathālpākṣarameva ca || 298 ||

mukhe sopohane kuryādvarṇānāṃ viprakarṣataḥ |
yadā gītivaśādaṅgaṃ bhūyo bhūyo nivartate || 299 ||


parisamāptatā yatra | tādṛgavataraṇātkā(ṇaṃ kā)ryaṃ 
sarvabhāṇḍavādyādyāvirbhāvam | prathamamityādāvityarthaḥ | vastveva 
vastukam | tatsarvamādāvabhineyaṃ punarnṛttena yojyam | (294)

kathamityāha - yo vidhiriti | āsāritavidhau yaḥ prakāraḥ sa evātra prakāraḥ | 
yathā'sāriteṣva(ṣu) saṅkhyāniyamo nartakīvṛddhyā nṛttaprayogaḥ | pūrvaṃ 
caikākinyā'bhinayaḥ | nṛtte ca bhāṇḍavadyādiprayogaḥ | tathātrāpi | tena 
vastusaṅkhyāṃ (saṅkhyayā) nartakya iheti mantavyam |

etadupasaṃharannanyadupakramate - evaṃ vastunibandhānāmityādi | vādite ca 
viśuddhakaraṇāyamityādi yojayet | tadevāṅganibandheṣu yojayet | tathā 
sarvaśeṣabhūteṣu svatantrake chandakeṣvapi | (297)

viśeṣaṃ tu darśayati - vādyamiti | ghiṃghiṃḍhan tran ityādīni rūpāṇi 
gurūṇyapi kadācitprayatnaśīghratayā tāle prayuktāni bahūni bhavanti | 
yathotsāhacchaṭādau tthītthītthītthan dhṛt datthakudahiṃ - eṣaikā kalā | ata āha 
- alpākṣaramaye'pi ca bhavatyardhādauvādyayojanātkalārdhādeśca 
śūnyatvāt | tathā cañcatpuṭe prathamakalāyāṃ t hiviṭā ? eva |


p. 193)

tatrādyamabhineyaṃ syāccheṣaṃ nṛttena yojayet |
yadā gītivaśādaṅgaṃ bhūyo bhūyo nivartate || 300 ||


tatparihārārthamāha - varṇānāṃ gurūṇāṃ viśeṣeṇāṇuparyantaṃ 
trimātracaturmātratayā prakṛṣṭaṃ tadvādyaṃ kartavyam | 
mukhanāmnyupavahasaṃjñake vā'ṅge vastunibandheṣvapyupohane'ṅge'yaṃ 
vādyavidhiḥ | aṅgālpatvāttu tatra nāṅganibandhavyapadeśaḥ |

atha vaktavyaṃ sarvaśeṣatvenāha - yadā gītivaśādaṅgamityādi | 
mukhyāṅgāni yadā punaḥ punarāvartante | katham | gīteścaturvidhāyā 
māgadhyādikāyā vaśātsāmarthyāt | vakṣyate hi dhruvādhyāyānte -

a(triḥ) nivṛttyā padānāṃ tu māgadhī samudāhṛtā | (nā. śā. 32-438) | ityādi | 

gītavaśādityapi pāṭha evamarthaḥ | gītiṃ vā gīyamānaṃ vā | tatra vidhimiti | 
tālādhyāye vakṣyate -

yathākṣaraṃ dvisaṃkhyātaṃ trisaṃkhyātamathāpi ca | (nā. śā. 31-103) iti | 
tatreti | nivartane | ādyamiti | ādya āvartaḥ | śeṣamityādi | āvartāntarāṇi 
śuddhanrttaprayojyāni | tena na kevalaṃ vastvaṅgādisamāptau nṛttam | 
yāvanmadhye'pi kadācitparivarteṣu bhavatīti darśanam | yattu 
rāhulakenoktayapaunaruktyenābhinayanaṃ tadevaṃvidhameva mantavyam |

yattu ahaṃ ? jalaṇihiculu-i mā-imā ityatra jalanidhiculuke mānitena conmīyata 
ityādi kaiścidutprekṣitaṃ tatra sarvatra nirvahatītyāstāṃ tāvat | (300)

tatra vādyavidhimāha | āvartamānagītavaśādaṅgaṃ 
śākhācārīprayogātmakaṃ yadā'vartate tadā vādyaprādhānyena nṛttamiva 
vādyasya yathāsaṃbhavaṃ vaicitryaṃ pradarśanīyam | pūrvaṃ hi tadvaicitryaṃ 
kāvyārthena niyantritam | adhunā tu saṅkoco'sya nāsti | tathā ca lakṣye 
prāveśikyāṃ pātrakṛtasaṅkocādyabhāvaṃ manyamānā gītācāryāḥ 
tritayaprayogamāhuḥ | etacca vicārayiṣyata ityāstāṃ tāvat |

samapāṇiruparipāṇirardha(rava)pāṇiśceti (nā. śā. 31-329) tridhāpāṇiḥ tālaḥ 
| tadabhivyaṅgyatvāt | saṅgītanṛttābhyāṃ saha yā (vā) purva veti tridhā | 
chando'kṣarapadānāṃ 


p. 194)

tripāṇilayasaṃyuktaṃ tatra vādyaṃ prayojayet |
yathā layastathā vādyaṃ kartavyamiha vādakaiḥ || 301 ||

(tataṃ cānugataṃ cāpi oghaṃ ca karaṇānvitam |
sthire tattvaṃ(ta.) prayoktavyaṃ madhye cānugataṃ bhavet ||

bhūyaścaughaḥ prayoktavyastveṣa vādyagato vidhiḥ |
chandogītakamāsādya tvaṅgāni parivartayet ||

eṣa kāryo vidhirnityaṃ nṛtābhinayavādite |
yāni vastunibaddhāni teṣāmante graho bhavet ||

aṅgānāṃ tu parāvṛttāvādāveva graho mataḥ ||)


sāmyaṃ layaḥ | kalākālāntarakṛto drutādibhedastrividhaḥ (nā. śā. 31-326) | 
etacca traividhyaṃ yatimārgādibhedasyāpyupalakṣaṇam |

nanu prathama āvarte kīdṛśaṃ vādyamityāśaṃkyāha - yathā laya iti | prathame 
hyāvarte kāvyārthābhinayavaśādaṅgasya ya ucito layo drutādistadanusāryeva 
vādyaṃ kāryam | anya tu yathātathāśabdāvavicāryāsya pūrvaśeṣatvenaiva 
ślokārthaṃ gamayanti - yathā vādyaṃ tripāṇilayavaicitryayuktaṃ tathāṅgasya 
gītasya ca layaḥ kārya iti | (301)

nacaivaṃ tadvyayatikramaṇīyamiti sahetukaṃ darśayati pādonena ślokena - 
evameva iti | hi yasmāddevasya bhagavato mahādevasya stutinimittaṃ 
paritoṣaṇaprayojanametannṛttamato hetorunnīyamānā dṛṣṭasampattyai | eṣa eva 
gītakāsāriteṣu ca taccaiṣu (taccheṣeṣu) ca chandakeṣu vidhiḥ | pāṇikā tu 
parimitaśarīratvātsvayaṃ tāṇḍavabhājanaṃ na bhavati | sā hi sukumāre 
pūrvaraṅge lāsyapradhāne tatsattāvaidagdhyāyoktāllāsyasvarūpādeva 
niścīyate | anyathā pūrvaraṅgopayoge prakānte tatrādhyāye lāsyasya 
ko'vasaraḥ | vādyāṅgamātre tadanupayogīti cet tatra daśāṅgasya 
cetprayojyatāderatiprasaṅgaḥ | sa ca niṣetsyate | tadaprayoge kṛtāni 


p. 195)

evameṣa vidhiḥ kāryo gīteṣvāsāriteṣvapi |
devastutyāśrayaṃ hyetatsukumāraṃ nibodhata || 302 ||

strīpuṃsayostu saṃlāpo yastu kāmasamudbhavaḥ |
tajjñeyaṃ sukumāraṃ hi śṛṅgārarasasambhavam || 303 ||


geyapadānīti na minmaḥ | tālādhyāye caitadbhaviṣyati | gītakādiśeṣatve tu 
chandakasaṅgṛhītaiveti nātroktā | gītakaṃ ca svatantre'pyāsārite bhavati | 
tāṇḍavaprayogastu yadā tveṣa piṇḍībandhairvikalpyate 
pratyekamaṅgavinyāsastadā teṣāṃ pṛthakpṛthaggati 
ta...ḍotātideśenāsāriteṣyapyevameva | mukhyānyaṅgacatuṣṭayavibhāgena 
nartakīkramapraveśādiprayogaḥ | etadarthameva vardhamāne'pyukte 
punarāsāritasaṅkīrtanam | parapūrvaraṅge cāpiśabdāttatsaṅgraho vyākhyeyaḥ 
|

sarveṣāmeva gītānāmante ityupakramya 
catuṣpadā tathaikāṅgā...yugnau yau vā pramāṇataḥ |
tathā śṛṅgārabhūyiṣṭhā trilayā vā (nā. śā. 31-293)

iti nirūpya daśāṅgaṃ lāsyaṃ tālādhyāye (nā. śā. 31) nirūpayiṣyate | 
muneścatuścadāntarbhūtaṃ lāsyagānamityādi bhūyo bhaviṣyata e(tye)va | 
viśākhilādipraṇītaṃ lasyagānāntaraṃ muninā'bhihitacatuṣpada eva 
saṅgṛhītatvāt | sā catuṣpadā gītakānāmante pāṇikānte vā prayojyeti darśitam 
| tadabhiprāyeṇopakramamāha - sukumāraṃ nibodhaeteti | tu śabda 
uttarato'pekṣaṇīyaḥ sukumāraṃ tviti yāvat | ata evoktarañjakatāvidhiṃ 
nijayohāpohadhiyā kalpayati | tatrāpi hyaṅgavṛddhyā nartakīvṛddhirityādi 
sarvamunneyamityarthaḥ | (302)

nanu kiṃ tatsukumāramityāha - strīpuṃsayostviti | ekastuśabdaḥ pūrvatra nītaḥ | 
dvitīyaḥ sukumārakaṃ viśeṣayati | tadeva hi sukumāraṃ na tu 
karuṇahāsyādimayam | kiṃ tadityāha | strīpuṃsayoryaḥ kāmaḥ | striyāḥ 
puruṣasya kāmanā | puṃso vā striyāḥ | 
tasmātkavihṛdayasthitādvivakṣākrameṇa samudbhavo yasya lāpasya 
kāvyavyu(tpādakavā)kyasya tatsukumāram | tata eva parasparahetukatvaṃ bhavati | 
ata evāha - śṛṅgārarasasya parasparahetukatve 
saṃbhavamātramayogavyavacchedanaṃ yatra | tena 
tadavasthāmātropanibandho'pi ḍombikādikaviruddhaṣidgakādau 
cāvagantavyotsāhādau śṛṅgārarasasyāvyāpattibandhaḥ | parameśvare 


p. 196)

yasyāṃ yasyāmavasthāyāṃ nṛttaṃ yojyaṃ prayoktṛbhiḥ |
tatsarvaṃ sampravakṣyāmi tacca me śṛṇuta dvijāḥ || 304 ||

aṅgavastunivṛttau tu tathā varṇanivṛttiṣu |
tathā cābhyudayasthāne nṛttaṃ tajjñaḥ prayojayet || 305 ||

yattu saṃdṛśyate kiñciddampatyormadanāśrayam |
nṛttaṃ tatra prayoktavyaṃ praharṣārthaguṇodbhavam || 306 ||


hi tapasyati(ntī)bhagavatī tadekahṛdayā babhūveti tāvati 
parasparāsthā(nu)bandhātmakaratyabhāve kāmāvasthāmātrakam | 
paratastvardhaśarīrākramāṇādau śṛṅgārahāsye ityevaṃ parameśvaracarite 
sukumārasya vi(dvi)śākhatvenāprasarāttasyaivādyāpi pakṣe sthitiḥ | 
karuṇādirbhagavati na sambhavati | nāpi tattatra samucitamiti na tatsukumāram |

yattu rāghavavijayādau bhī(sī)tāmūrcchādivyāvarṇanāntaṃ tāṇḍavam | na ca 
tatra (sī)tāracitasukumārāṅgahārātmakanṛttayojanā | api tu 
gītakārthabhāvanānyāyena raudrasya caiva yatkarma sa karuṇa iti prasaktyā tatra 
tathāvidhābhinayayoga ityalaṃ bahunā | (303)

vaktavyaśeṣamāha - yasyāṃ yaraṣāmityādi | sukumāraṃ yatkāvyaṃ 
tadāśritaṃ gānamapi tathā | antarlagnaṃ nṛttamapi | tatra yaduktaṃ -

tadeva hi punarvastu (nā. śā. 4-295) iti tathā yadā gītivaśādaṅgam (nā. śā. 4-
299) iti | nṛttayojanaṃ tu tadanuvādapūrvakaṃ niyama iti | (304)

aṅgavastunivṛttau tviti | turbhinnakramo'vadhāraṇe | varṇānāṃ sthāyyādīnāṃ 
gītakriyāvistārarūpāṇāṃ nivṛttiryathā parāntakādau | pratiśākhāyāṃ 
yadvakṣyate - pratiśākhādyapi ca iti tenāṅgavastuvarṇāparāvarteṣu 
yattathābhūtenaivavādyādivaicitryaprakāreṇa nṛttamuktaṃ 
tadadhyāyābhyudayasthānabhedabhāvajño nṛttācāryaḥ prayojayet | (305)

tadanu(tadu)dāharati - yattu saṃdṛśyata iti | yatkāvyakhaṇḍaṃ dampatyoḥ 
strīpuṃsayoḥ kāmakṛtaṃ vācyatvena śrūyate anyacca 
praharṣārthaguṇodbhavam | praharṣaprayojano yo guṇaḥ 


p. 197)

yatra sannihite kānte ṛtukālādidarśanam |
gītakārthābhisaṃbaddhaṃ nṛttaṃ tatrāpi ceṣyate || 307 ||

khaṇḍitā vipralabdhā vā kalahāntaritāpi vā |
yasminnaṅge tu yuvatirna nṛttaṃ tatra yojayet || 308 ||

sakhīpravṛtte salāpe tathā'sannihite priye |
nahi nṛttaṃ prayoktavyaṃ yasyā vā proṣitaḥ priyaḥ || 309 ||


āsthābandho vacanaṃ dūtīvacanākarṇanādiraśastadudbhavaṃ tadābdhaṃ tatra 
nṛttaṃ yojyamiti kāmāvasthāsu mantavyam | śṛṅgāre'pyanena 
vāsakasajjābhisārikāviṣayaṃ nṛttamuktam | (306)

svādhīnabhartṛkāviṣayamāha - yatra sannihita iti | yasminnaṅge gītakasya 
gīyamānasya kāvyasyārthatvena vācyatvena saṃbandhaḥ | kāntasannidhāne 
ṛtorvasantādeḥ kālasya candrodayāderavalokanaṃ bhavati tatra nṛttam | (307)

niyamaphalaṃ dar"ayitumāha - khaṇḍitetyādi |

vyāsaṅgāducite yasyā vāsake nāgataḥ priyaḥ |
sā khaṇḍitā (nā. śā. 22-209) 

yasyā dūtīṃ priyaḥ preṣya dattvā saṅketameva ca |
nāgataḥ kāraṇeneha vipralabdhā tu sā | (nā. śā 22-210)

īrṣyākalahaniṣkrānto yasyā nāgacchati priyaḥ |
sā'nutāpavaśaprāptā kalahāntaritā | (nā. śā. 22-208)

aṅga iti | tadādhārabhūte kāvyakhaṇḍe | kimiyatyeva na nṛttamityāśaṅkayāha 
- sakhīpravṛtta iti | tathā asannihite priye 
yadviṣayakasallāpatatsamāgamopāyaparyālocanādirūpavṛtta(ttānta)statrāpi na 
nṛttaṃ yojyam | anena virahotkaṇṭhitā lakṣitā | vāsakasajjā priyānāgamane 
tathoktā | khaṇḍitā jñātatadīyavyalīketi viśeṣaḥ | yasyā vā proṣtitaḥ priya iti | 
proṣitabhartṛkāvasthāṣvapi yadā priyo'san durlabhaḥ khi(kha)lo veti 
hṛdaye(ya)nihito veti tadā(na)nṛttam | tatra hi karaṇānantarameva parisamāptiḥ |


p. 198)

(dūtyāśrayaṃ yadā tu syādṛtukālādidarśanam |
autsukyacintāsaṃbaddhaṃ na nṛttaṃ tatra yojayet ||)

yasminnaṅge prasādaṃ tu gṛhṇīyānnāyikā kramāt |
tataḥprabhṛti nṛttaṃ tu śeṣeṣvaṅgeṣu yojayet || 310 ||


tathā vidheya(yaṃ) yathā kṣaratvāttatra tadevāśrayaṇīyam | na tu 
dvisaṅkhyātaṃ trisaṅkhyātaṃ vetyuktaṃ bhavati | vyatirekalabdhe'pyudāharaṇe 
pradarśito'pyartho nṛttasyeha prādhānyenābhīṣṭatvānna svena kaṇṭhenocyate | 
(309)

yasminnaṅga iti | prasādamiti | prasannahṛdayatvaṃ yena prakāreṇa yuvatirlabheteti 
| tena(na)khaṇḍitāviṣayamevaitadapi tu sarvaviṣayaṃ mantavyam | tataḥ prabhṛti 
śeṣeṣvaṅgeṣvityasyāyaṃ bhāvaḥ | etasminprakaraṇe nāṭyagatāni 
nāṭakodāharaṇāni kaiściddattāni tānyayuktānīti mantavyam |

khaṇḍitādayo nāyikā yatra sākṣātkriyante tatra valanāvartanādirūpanṛttaṃ na 
yojyamiti yaducyate tadanavakāśameva | tathāi -

cintāniśvāsakhedena hṛddāhābhinayena ca |
sakhībhiḥ saha saṃlāpairātmāvasthāvalokanaiḥ ||

glānidainyāśrupātaiśca roṣasyābhinayena ca |
nirbhūṣaṇāmṛjātvena duḥkhena ruditena ca ||

khaṇḍitā vipralabdhā ca kalahāntaritāpi ca |
tathā proṣitanāthā ca bhāvānetānprayojayet || (nā. śā. 22-214-216)

iti sāmānyābhinaye vakṣyate |

viṣaṇṇe mūrcchite bhīte jugupsāśokapīḍite |
glāne supte vihaste ca niśceṣṭe tandrite tathā ||

matte pramatte conmatte cintāyāṃ tapasi sthite |
vyādhite rugjvarārte ca bhayārte śītaviplute ||

na hastābhinayaḥ kāryaḥ kāryaḥ sattvasamāśrayaḥ (nā. śā. 9-176-178)

p. 199)

devastutyāśrayakṛtaṃ yadaṅgaṃ tu bhavedatha |
māheśvarairaṅgahāriaruddhatairatatprayojayet || 311 ||

yattu śṛṅgārasaṃbaddhaṃ gānaṃ strīpuruṣāśrayam |
devīkrtairaṅgahārairlalitaistatprayojayet || 312 ||

catuṣpadā narkuṭake khañjake parigītake |
vidhānaṃ sampravakṣyāmi bhāṇḍavādyavidhiṃ prati || 313 ||

khañjanarkuṭasaṃyuktā bhavedyā tu catuṣpadā |
pādānte sannipāte tu tasyā bhāṇḍagraho bhavet || 314 ||


ityāṅgikābhinaye vakṣyati |

tadevaṃ sthite hastābhinayasyaivātrāvakāśo nāstīti kastatra tatsaṃmelanātmano 
valanāvartanāderāśaṅkāvakāśo yanniṣedho'tra vacanīyaḥ syāt | na ceha 
nāṭyaṃ prakṛtamityāstām | evaṃ gītakāderante cchandakaṃ pāṇikāyāstu 
lāsyagānasvīkāriṇī catuṣpadā prayojyā | iyatā gītakādi pūrṇaṃ prayuktam | 
etadarthameva vīkṣya śaṅkaram | sukumāraprayogeṇa nṛtyantīṃ caiva pārvatīm | 
(nā. śā. 4-249) ityupakramātprabhṛti dviśākhatvenaiva 
nṛttasvarūpamupadarśitam | (310)

tadatra dvividhe nṛttavibhāgamāha ślokatrayeṇa | devastutyāśrayamiti | 
yadaṅgamiti | chandakasambandhi | uddhatairiti | 
vidyudbhrāntagaruṇdaplutakādipradhānaiḥ | atra heturyataste maheśvaraprayuktāḥ 
| yat dvitīyacatuṣpadāsaṃbandhi | lalitairiti | 
talapuṣpapuṭalīnanitambādyārabdhaiḥ | atra hetuḥ yataste devīkṛtāḥ | (312)

evaṃ nṛttavidhiścatuṣpadāyāṃ salāsyagānasvīkāriṇyāmuktaḥ | adhunā 
bhāṇḍavidhirvaktavyaḥ | tatra caturbhiḥ pādairdhruvā kriyate | te ca pādau 
śuṣkākṣarairjhaṇṭumādibhiḥ (digla ityādibhirvā) yad vakṣyate -

āsaneṣūpaviṣṭairyattantrīgānasamanvitam |
gāyanairgīyate śuṣkaṃ tadgeyapadamucyate || (kā. mā. nā. śā. 18-185)


p. 200)

yā dhruvā chandasā yuktā samapādā samākṣarā |
tasyāḥ pādāvasāne tu pradeśinyā graho bhavet || 315 ||

kṛtvaikaṃ parivartaṃ tu gānasyābhinasya ca |
punaḥ pādanivṛttiṃ tu bhāṇḍavādyena yojayet || 316 ||


iti | sārthakapadairvā | tatrāpi varṇavṛttakṛtā pādā mātrāvṛttakṛtā vā | te 
samā ardhasamāḥ viṣamā vā | te ca prādhānyena 
khañjanarkuṭakavṛttairyojyante | yadvakṣyate dhruvādhyāye aṣṭau 
narkuṭakānāṃ tu | tisraḥ khañjakajātayaḥ | (kā. māṇā.śā. 32-280; 301)
								ityupakramaya

ābhyo vinissṛtāścānyā yugmaujā viṣamāstathā | iti (nā. śā. 32-308) 
etadviṣayaṃ bhāṇḍavādyopakramaṃ | catuṣpadā narkuṭaka iti | catuṣpadāpi 
sannidhānāccatuṣpadāyāṃ parigītamapi dhruvādhyāye trivṛttakaṃ yadi vā 
śuṣkagītaṃ tatraiva | tadeteṣu triṣu prakāreṣu bhāṇḍavādyasya 
puṣkaravādyasya vidhiṃ vakṣyāmi |

khañjakajātyā narkuṭakajātyā vā yā catuṣpadā dhruvā kriyate'syāṃ 
prathamapādasya yāvadupā (ntyā) (kalā) tāvacca śrīvaṃśānvitaṃ gānam | 
anye(nyā) tu yā sannipātākhyā hastadvayasamāyogaśabdaparicchedyā kalā 
tadgānasamaye bhāṇḍavādyamārambhaṇīyam | yeṣāmardha 
(eṣo'rdha)samaviṣamo(ma)vṛttātmakaṃ(ko) 
narkuṭakakhañjakajātyārabdhāyāṃ catuṣpadāyāṃ vidhiḥ | (314)

varṇavṛttasamavṛttātmakatajjātyārabdhāyāṃ tu vidhimāha - yā dhruveti | 
samapādā catuṣpādā | tadayamarthaḥ - yā catuṣpadā | chandasā yukteti | yuktā 
jātigatavarṇa vṛttayojitā | samākṣareti | tajjātikasamavṛttamayī | tasyāḥ prathame 
pāde parisamāpte dvitīyapāde yā pradeśinī tarjanī tadupalakṣitā yā 
cātītakalamapra(cātra trikalapra)bhṛti bhāṇḍavādyaṃ yojyam | tatra yugmena 
mānena yadā catuṣpadā bhavati - yadvakṣyate yugmaujā vā pramāṇataḥ | (nā. 
śā. 31-293) iti tri(dvi)kalaśca mārgaḥ tadā dvitīyapāde saptamī | yā 
niṣkrāmakalā sā tarjanīprayojyatvārtarjanī | catuṣkalamāne tu trayodaśī |

p. 201)

aṅgavastunivṛttau tu varṇāntaranivṛttiṣu |
tathopasthāpane caiva bhāṇdavādyaṃ prayojayet || 317 ||

ye'pi cāntaramārgāssyuḥ tantrīvākkaraṇaiḥ kṛtāḥ |
teṣu sūcī prayoktavyā bhāṇḍena saha tāṇḍave || 318 ||


āvāpakālatarjanī | yadā tu tryaśreṇa mānena tadā dvikale pañcamī | kaniṣṭhā 
niṣkrāmakalā tarjanī | catuṣkale tu navamī | āvāpakalā tarjanī |

etacca tālādhyāye vakṣyate - kaniṣṭhāṅguliniṣkrāmaḥ ityādyupakramya 
tarjanīkṛto niṣkrāmaḥ (nā. śā. 31-41 42) ityādinā | dattilācāryeṇa tu 
saṃkṣipyoktametat -

ādyadvitīyamadhyāntātpādabhāgādviduḥ kramāt |
kaniṣṭhānāmikāyukto madhyamādeśinīkṛtāt ||

ayugmamadhyahīnaḥ syāt iti |

evaṃ tarjanīprayojyo yo'sau dvitīyapāde kalāpātaḥ ta(tasta)tra 
bhāṇḍagrahastadupalakṣitaśca nartakīpraveśa ityuktaṃ bhavati | anye 
tvākāśagrahāsu niśśabdakalāto grahaṃ manyamānāḥ 
sannipātaprakaraṇātsaśabdātpātādeva graha iheti vadantaḥ pradeśinīśabdena 
tadupalakṣitapādabhāgagamanaṃ saśabdameva pādagrahāvadhikenācakṣate | 
pañcapāṇiprapātā ye puṣkarādhyāye vakṣyante tanmadhyātpradeśinīpātena 
bhāṇḍagraha iti vyākhyānaṃ sannipāto'nugrahaḥ iti rpakaraṇena tathā 
dhruvādhyāye vakṣyamāṇena caturgrahā dhruvā ityupakramya

sannipātagrahāḥ kāścittathā kāśagrahāḥ parāḥ |
pradeśinīgrahāstvanyāstathaivānyāḥ samagrahāḥ || (nā. śā. 32-423)

iti vidhinā viruddhamityupekṣitaṃ lakṣyavedibhiḥ (315)

nanvevaṃ nartakī praviṣṭā tataḥ prabhṛtyabhinayaṃ tāvatkaroti | 
yastvasāvādyaḥ pādastato'dhiko'pi vā bhāgastatra nartakī naiva praviṣṭeti vā 
(kā) tatra vārtetyāśaṅkyāha - kṛtvaikamiti | yo'sau śuddhavibhāgaḥ pūrva 
gītaḥ sa parāvartanīyo bhāṇḍavādyena 


p. 202)

maheśvarasya caritaṃ ya idaṃ samprayojayet |
sarvapāpaviśuddhātmā śivalokaṃ sa gacchati || 319 ||


sahābhinetavya iti paścādasau prayojya ityuktaṃ bhavati | 
pādagrahaṇamupalakṣaṇam | tena yāvānbhāgo bhāṇḍavādyena 
prāṅniyojito'ta eva nābhinītastāvato nivṛttiḥ parāvartanaṃ kāryamityuktaṃ 
bhavati | (316)

athātra catuṣpadāyāṃ bhāṇḍavādyaviśeṣābhidhānavyājena nṛttasthānaṃ 
darśayati - aṅgavastunivṛttau tviti | turbhinnakramo'vadhāraṇe | aṅgasyaikasya vā 
vastuno vā sarvasya dhruvāśarīrasya sthāyyādiviśeṣasya vā pratiśākha 
nyāyena tatparāvartanaṃ yaccopasthānamūhā(?)(pasthāpanā)tmakaṃ teṣu 
prakarṣeṇa bhāṇḍavādyaṃ vaicitryayuktaṃ yojayet | tadvaśācca tatra 
nṛttāṅgahārayojanāṃ kuryādityarthaḥ | (317)

atha śuṣkākṣarāyāścatuṣpadāyā vidhirvaktavyaḥ | sā ca pūrvameva 
prayujyate āsaneṣupaviṣṭeṣu ityuktatvāt | ata eva geye gātavye kāvye 
padamavagamayanta iti tatpīṭhabandharūpatvaṃ tasyāḥ | tathā cānyatve 
ṣidgakeṣu gātavyātpūrvaṃ tāvatīti nākā(re?) | ata eva geye dhruvāgīte geyaṃ 
gātavyamiti hyeko'rthaḥ | taṃ vidhimāha - ye'pi cāntaramārgā iti | antaraṃ 
parasparavailakṣaṇyaṃ mārgyate yenopāyena so'ntaramārgaḥ | 
saṃvādyanuvādinyā sa svara upalakṣaṇātmako'rthaprādhānyābhāvācca 
tenaiva vyapadeśaḥ | ata evāha tantrīkriyayā vākkriyayā | tade(e)va nirarthakatayā 
yojitāsteṣu samagrahatvenaiva bhāva(ṇḍa)prayogaḥ | nartakyā 
racahādvi(racanāddhi)lāsyāṅgagatakāvyārthānusārihastābhinayaśūnyaḥ 
sāttvikāṅgavalanādimātreṇa sūcyābhinayaḥ | yadvakṣyati -

vākyārtho vākyavastvaṅgairyojyate yadā pūrvam | iti | paścādvācā'bhinaya 
ityayaṃ tvaṅga ihopalakṣyaḥ | etacca gātavyaprayoge 
triprakārakṛtatāvanmātratālagānasūcyā'bhinayanamadyāpi dṛśyate |

evaṃ vardhamānakaprayogo gītakaprayogo vā chandakaprayogena 
catuṣpadāprayogena ca sahetukaḥ paripūrṇo bhavati | ata eva tālādhyāya 
ityu(etadu)pakramānusāreṇaiva vardhamānāsāritakagītakacchandakacatuṣpadā 
tadantarbhūtalāsyagānasya vidheḥ krameṇa nirūpaṇaṃ bhaviṣyatī-


p. 203)

evameṣa vidhiḥ sṛ(rdṛ.)ṣṭastāṇḍavasya prayogataḥ |
bhūyaḥ kiṃ kathyatāmanyannāṭyavedvidhiṃ prati || 320 ||

iti bhāratīye nāṭyaśāstre tāṇḍavalakṣaṇaṃ nāma caturtho'dhyāyaḥ ||


tīyatā gītānāṃ madrakādīnām (nā. śā. 5-13) iti pūrvaraṅgādhyāye śloko 
bhaviṣyati | tasyārthaḥ purastādeva nirṇītaḥ | tena 
tadapasāreṇaitadapyālocyodīrito'yamartho'nuṣṭheyaḥ | (318)

nanvatra pūrvaraṅgagatapradhānaphalenaiva kiṃ phalavattā uta 
phalāntaramapyastītyāśaṅkyāha - (maheśvarasyeti) | pṛthakphalavattvaṃ ca 
darśayan svātantryeṇa prayojyamidamiti darśayati - maheśvarasyeti | caritamiti 
ceṣṭitam | prayojayediti svārthe hetumati ca tantreṇa ṇici | tena prayoktuṃ(ktuḥ) 
prekṣāpravartayituścārthapateḥ sāmājikavargasya ca pāpaviśuddhiḥ 
śivalokagatamanantaphalaṃ nṛttasyeti 
nānya(ṭya)dṛṣṭaikaprayojanādbhinnaprayojanatvamuktam | svātantryeṇa prayoge ca 
chandakānāṃ catuṣpadāyāśca kevalatvenāpi prayogo hyanujñāto bhavati | 
tadaṅgānāṃ ca punaḥ puṣpāñjalidharā bhūtvā ityādyanusāreṇa 
varṇānāṃ loke prayogaḥ | tasyāḥ pādāvasāne tu ityādyanusāreṇa 
dhārāparikramādeḥ yadā gītavaśāt (nā. śā. 4-300) ityanusāreṇa 
dviguṇādyartha - guṇālakavāraṇakaguñjiyakādeścaturapasārakādividhā ca 
ḍombikādiṣu krameṇa nartakīvṛddhirācāryairādheyā(?) | tālānusāreṇa ca 
tripāṇilayasaṃyuktam ityādyanusāreṇa dhārāparikramādeḥ 
layapariṣvaṅkitalayatālaparikramādeḥ | (319)

tadetatsarvamīśvaraparitoṣakāryeveti 
tathaitadupasaṃhārapūrvakamadhyāyāntarāvakāśaṃ karoti - evameṣa 
ityādinā | evaṃ pūrvoktena prakāreṇa | prayogata iti | prayogaṃ 
nāṭyātmakamapekṣya tato'nyastadvilakṣaṇo vidhiḥ prakāro dṛṣṭaḥ | tathā 
nāṭakādisā(dau sā)mājikavatprayoktṛtanmayībhāvavaśena nāṭyaṃ 
saṃskāramapekṣyābhinayādividhirdṛṣṭo na tu 
sākṣātkārakalpyanāṭyarūpatā'trāsti | 
caturvidhābhinayayogābhāvādrasabhāvāprādhānyādgītavādyanṛttānāṃ 
yatheṣṭaṃ prādhānyaṃ nartakīvṛddheḥ | kāvye 
vastvapekṣatvānnāṭyaprastāvanāprāṇapratibimbātmakatā 
trividhatvānmadamūrcchādau tattvāpattyayogādgītakādeśca 
niyamādṛṣṭaprayuktatvādgītādiprādhānyenaiva 
prayogātkulakācchedyātmanaḥ kāvyasya gītyādhāratānāntarīyakatvamātreṇa 
gamanapiṇḍībandhaprakāravaicitryānte nṛttamātraviśrānteḥ 
prayoktṛpravartayitṛgātṛdṛṣṭaphalaprādhānyācca tadvilakṣaṇaṃ nāṭyaṃ 
tadvṛttirbhidyata iti evaṃ śabdasyārtha ityupādhyāyamatam |

p. 204)

rasabhāvadṛṣṭihastaśira ādyaṃ yadyaṅgaṃ pūrṇaṃ vā'pūrṇaṃ vā 
kṛ(ku)ta eva nāṭyanṛttayorbhedastulyānukāratve iti harṣavārtikam | 
śikṣārhasvecchānyanṛttakatipayanāṭyāṅgakṛtaṃ nṛttamabhyāsaphalam | iti 
bhaṭṭayantraḥ | samayamātramityādimaṅgalavadvivāhādau iti bhaṭṭalollaṭaḥ | 
daśarūpakabhedavallāsyatāṇḍavaprayogo nāṭyabheda eva | tatra pūrṇānukāra 
- rūpatvāt |

tathāhi - praveśe'śvatthāmnaḥ sūcīviddhordhvajānvādi | 
purūravaso'lapallavasūcī | garuḍasya garuḍaplutakam | rāvaṇasya puṣkaro 
vaiśākharecitakaḥ | vatsarājasyāgnisambhramo'(tikrā)ntaḥ | jaṭāyuṣo 
gṛdhrāvalīnakamelakākrīḍitaṃ ceti citrābhinayena bālye(vānye)na 
karaṇaprayoga eva | abhineyapadādīnāṃ ca nāṭye'pi sakte(ktate)ti 
nāṭyamevedamiti kīrtidharācāryaḥ |

etacca (vañca) svamatānusāreṇa evaṃ śabdārthamāhuḥ | yuktāyuktatāṃ tatra 
parīkṣakā eva vidurityalaṃ bahunā |

prasaṅgāṅga(ga)tayā nṛttatayā (vārtayā) prasaktānuprasaktatvena 
nṛttagatamevānyatkiñcitprasiddhiḥ(ddha)prakṛtā(ta)nāṭyagatānāṃ(gatatā mā) 
vicchedītyabhiprāyeṇāha - nāṭyeti | nāṭyameva vedastasya yo vidhiḥ 
prayogastaṃ pratīti śivam | (320)

raviśaśihutabhukkalpitanayanatrayakiraṇadalitatimiratatiḥ |
abhinavaguptastāṇḍavamenaṃ vyavṛṇuta tat(?)spaṣṭam ||

iti māheśvarācāryābhinavaguptaviracitāyāmabhinavabhāratyāṃ 
nāṭyaśāstravivṛtau tāṇḍavavidhānādhyāyaścaturthaḥ ||

p. 205)

śrīḥ 

atha pañcamo'dhyāyaḥ |

bharatasya vacaḥ śrutvā nāṭyasantānakāraṇam |
punarevābruvanvākyamṛṣayo hṛṣṭamānasāḥ || 1 ||

yathā nāṭyasya janmedaṃ jarjarasya ca sambhavaḥ |
vighnānāṃ śamanaṃ caiva devatānāṃ ca pūjanam || 2 ||

tadasmābhiḥ śrutaṃ sarvaṃ gṛhītvā cāvadhāritam |
nikhilena yathātattvamicchāmo vedituṃ punaḥ || 3 ||

pūrvaraṅgaṃ mahātejaḥ sarvalakṣaṇasaṃyutam |
yathā buddhyāmahe brahmaṃstathā vyākhyātumarhasi || 4 ||


saṃsāranāṭyanirmāṇe yā'vakāśavidhānataḥ |
pūrvaraṅgāyate vyomamūrtiṃ tāṃ śāṅkarīṃ numaḥ ||

adhyāyasaṅgatiṃ kartuṃ purākalpenopakramate - bharatasyeti | nāṭyasantānam | 
nāṭyasya santānaṃ nṛttakathayā vicchedāśaṅkānirāsenāvicchedaḥ | nāṭye 
pṛṣṭe daivavaśāt mahāphalaṃ nṛttamapi tadvivekena jñātam | tajjñānācca 
tadvibhaktaṃ nāṭyamapi suṣṭhu jñātam | tadanuraktaṃ ca nāṭyaṃ 
hṛdayāvarjakamiti hṛṣṭamānasatvam | 
svagata(ta)ttvagrahaṇadhāraṇādisāmarthyātmakaśiṣyasampaddarśanāyatta?
guruprotsāhanamityabhiprāyeṇāhuḥ tatheti | pūjāmadhya eva nṛttaṃ 
praviṣṭamityadhyāyacatuṣṭayatātparyaṃ pratyanubhāṣitam | 
ūhāpohavijñānādikamapi darśayati - gṛhītveti | cakārāt 
dhārayitvā'vadhāritaṃ niścitam | nikhilena sākalyeneti |


p. 206)

teṣāṃ tu vacanaṃ śrutvā munīnāṃ bharato muniḥ |
pratyuvāca punarvākyaṃ pūrvaraṅgavidhiṃ prati || 5 ||

pūrvaraṅgaṃ mahābhāgā gadato me nibodhata |
pādabhāgāḥ kalāścaiva parivartāstathaiva ca || 6 ||


yathātattvamiti tattvābhiniveśamāhuḥ | pūrvaraṅgaṃ veditumicchāma iti 
jijñāsā darśitā | yathā sarvalakṣaṇasaṃyuktaṃ budhyāmahe tathā 
vyācakṣveti vyārkhyāprakāraviṣaye'pyācāryānveṣaṇam | mahattejo 
jñānātmakamasya tat | āmantraṇaṃ guruprotsāhanārtham |

pūrvaraṅge kṛte pūrvaṃ tatrāyaṃ dvijasattamāḥ || (nā. śā. 4-10)

iti jijñāsādarśanapūrvaprayojyatayā tathaiva jijñāsā jātā |

pūrvaraṅgavidhāvasmiṃstvayā samyakprayujyatām || (nā. śā. 4-14) iti |

yastvayaṃ pūrvaraṅgastu tvayā śuddhaḥ | (4-15) iti parameśvarādaravacanena 
suṣṭhutarāṃ dṛḍhīkṛtā | tathaiva tāvadavaśyopāsanīyeti tātparyam (1-5) | 
gadata iti śabdamātreṇa tāvannirūpayata ityarthaḥ | āśrāvaṇādisvarūpaṃ hi 
geyādhikāre (nā. śā. 29) samyak nirṇeṣyate | anādare ṣaṣṭhī | 
nigaditamanādṛtya svabuddhyā buddhyadhvam | yadyapi mayā'tra krameṇa 
naitaduktaṃ geyādhikārasyāpi sudūratvāt | tathāpi yasya yenārthasambandha 
ityarthakrama ādartavyo na khalu śābda iti gadanakramānādaraṇaṃ gaditari 
saṅkramayyoktam | 

tatra pūrvaraṅgaśabdaṃ niruktyā tāvadvyācaṣṭe - pādabhāgā ityādinā | iha 
bahiryavanikāṅgānyeva pūrvaraṅgaḥ | tāni ca gītakānītyutthāpanāni 
dhruvārūpāṇi | tat dvikalacañcatpuṭacācapuṭatālena viśiṣṭagatigateneti tadeva 
pūrvaraṅga iti tāvattātparyam | tatra mātrāyāḥ yaḥ ṣoḍaśo bhāgaḥ 
tadārabdhā mātrā | tadārabdhaṃ vastu | evaṃ vastunibandheṣu gīyamānaṃ 
tāvatsvīkṛtam | bhāgaśca dvikalacatuṣkalayormārgasya cañcatpuṭādīnāṃ 
saṅgena bhavati | yathā'kṣareṣu tu cañcatpuṭādiṣu kalādibhāgalagnā iti 
yathā'kṣaramārgaḥ kalāgrahaṇena saṅgṛhītaḥ | 
yathākṣaradvikalacatuṣkalatayā sarvameva 

p. 207)

yasmādraṅge prayogo'yaṃ pūrvameva prayujyate |
tasmādayaṃ pūrvaraṅgo vijñeyo dvijasattamāḥ || 7 ||


gītakavardhamānādi gānaṃ gīyamānaṃ me(ge)yaṃ rūpaṃ saṅgṛhītam | 
kalāśabdena ca saptavidhā tālakalā niṣkrāmādirucyate | tayā samasto 
mānātmakastālamārgo gṛhītaḥ | bhinnārthānāmapi ca sarūpāṇāmekaśeṣaḥ 
| pādā ityādi | evaṃ parivartanta iti parivartāḥ | dvisaṅkhyātatrisaṅkhyātādiṣu 
parivartaiḥ sakaletikartavyatā parigṛhītā | cakārātkevalaṃ tantryādi | evakāreṇa 
kevalaḥ prayogaḥ | tathāśabdenāṅgāṅgibhāvaprayogo yathāyogaṃ darśitaḥ | 
dvitīyenaivakāreṇa nāṭyāṅgatā sūcitā | dvitīyena cakāreṇa ca pāṭhyādi 
nṛttaṃ ca | tena gītatālavādyanṛttapāṭhyaṃ vyastasamastatayā prayujyamānaṃ 
yannāṭyāṅgabhūtaṃ sa pūrvaraṅga ityuktaṃ bhavati | yasmādraṅge maṇḍape 
ādhāre nāṭye vā raṅge buddhisthe bhaviṣyati | yujyata eva ca pūrvam | 
pratyāhārādikena hyaṅgena vinā gāyanādisāmagryasampatteḥ kathaṃ 
nāṭyaprayogaḥ | na hyaho (hyeva) kila tantuturīvemādeḥ(vinā) śakyaḥ paṭaḥ 
kartum | kevalaṃ prāṅmukhānnabhojanavanni(yamapra)yojanatve'pī(tvamapī)ti 
vakṣyate | tena pūrvo raṅga iti pūrvaraṅgaḥ | supsupeti samāsaḥ | 
rājadantāditvādvā paranipātaḥ |

śrīharṣastu raṅgaśabdena tauryatrikaṃ bruvan nāṭyāṅgaprayogasya tasyaiva 
pūrvaraṅgatāṃ manyamānaḥ pūrvaścāsau raṅgaśca iti samāsamamaṃsta | 
yadāha -

dṛṣṭā ye'vasthārthe nāṭye raṅgāya pādabhāgāḥ syuḥ |
pūrvaṃ taṃ eva tu yasmin śuddhaḥ syuḥ pūrvaraṅgo'sau || ityādi |

raṅgasya pūrvo bhāga iti tvasat | na hyayaṃ maṇḍapasyaikadeśaḥ | nāpi 
nāṭyasya | nahyaya. bhāvānukīrtanātmakavyākhyānānukārasvabhāvaḥ | api tu 
śikṣādivatpāramārthika eva prayogasampattyupakaraṇabhūto bhojanāditulyaḥ 
pratyāhārādirarthaḥ | nṛttamapyatra vaicitryakāritvena praviśat nāṭyarūpagataṃ 
nṛttam ityaṅkurasūcitanṛttanyāyenānukāradhurārohi | api tu 
devatāparitoṣaṇaphalaṃ sū(dhū)pavilepanādidānavat satyameveti pūrvo raṅge 
ityeṣa eva saṃnyā(samā)saḥ | (5-7)


p. 208)

asyāṅgāni tu kāryāṇi yathāvadanupūrvaśaḥ |
tantrībhāṇḍasamāyogaiḥ pāṭhyayogakṛtaistathā || 8 ||

pratyāhāro'vataraṇaṃ tathā hyārambha eva ca |
āśrāvaṇā vaktrapāṇistathā ca parighaṭṭanā || 9 ||


nanu pratyāhārādyaṅgasamūhaḥ pūrvaraṅgaḥ | tatkathamuktaṃ gītādiḥ 
pūrvaraṅga ityāśaṅkyāha - asyāṅgāni tvityādi pūrvaraṅge bhavanti 
hītyantena ślokasaptakena sārdhena mahāvākyam | asya iti | pūrvaraṅgasya | 
turhetau | lakṣiṣyamāṇāni pratyāhārādīnyāsāritāntāni nava antarjavanikaṃ 
prayojyāni | tato'nantaraṃ gītakādīni prarocanāntāni daśa javanikāyā bahiḥ 
prayojyānītyarthaḥ | yāni ca yavanikāyā bahirgītakaprayogādīi prarocanāntāni 
daśa tāni sarvāṇya(ṇyapi) pādabhāgādyupalakṣitādirūpasyoktasya 
sambandhitvena yasmātkāryāṇi tasmāt pādabhāgādireva pūrvaraṅga iti 
pūrveṇa sambandhaḥ | aṅgānāṃ nyūnādhikabhāve hi bhūyāṃsaḥ 
pūrvaraṅgabhedāḥ | te ca geyādhikāre (a-29)darśayiṣyante |

iha tu dṛ(tūddi)śyamānāstantrabhāvānabhijñānānāṃ sampramohaphalā eva |

uktaṃ ca vārtike - nāndyādiṣaṭke ca raṅgabhedaḥ | na tu pratyāhārāvataraṇe | 
ādyo (dyāni) raṅgadvārādīni | pāścātyāni na pādabhāgādyārabdhāni iti | 
satyam | kintu samuditatve nātra raṅgatā ramaṇīyabhāvaḥ sambandhaḥ | api tu 
sadbhāvamātram | tacca sarvatraiva vidyata iti vakṣyate | tadāha - yasmādetāni 
pūrvaraṅge saṃbhavanti tasmādasya saṃbandhitvena kāryāṇi |

tatra yavanikā raṅgapīṭhatacchirasormadhye | tasyā antarāgataiḥ 
prayoktṛbhirnaṭaiḥ prādhānyāt yadi vā vaiṇikādibhireva prayoktṛbhiḥ 
prayojyāni pratyāhārādīni | gītakapiṇḍyā(pāṭhyā)dīni tu 
yavanikāyāmapasāritāyām | gītānāmityādinā ślokena 
gītakavardhamānānyataraprayoga uktaḥ | anye tu athāpi sthāne (nā. śā. 5-13) 
ato'pīti paṭhanta ubhayapradhānamanujānate | taccāntyapadārthena viruddham | 
nirdeśavidhau caikamevāṅgaṃ bhaviṣyati | na tu dve |

kīrtanāddevatānāṃ ca jñeyo gītavidhistathā | (nā. śā. 5-21) iti |


p. 209)

saṅghoṭanā tataḥ kāryā mārgāsāritameva ca |
jyeṣṭhamadhyakaniṣṭhāni tathaivāsāritāni ca || 10 ||

etāni tu bahirgītānyantarjavanikāgataiḥ |
prayoktṛbhiḥ prayojyāni tantrībhāṇḍakṛtāni tu || 11 ||

tataḥ sarvaistu kutapaiḥ saṃyuktānīha kārayet |
vighāṭya vai javanikāṃ nṛttapāṭhyakṛtāni tu || 12 ||

gītānāṃ madrakādīnāṃ yojyamekaṃ tu gītakam |
vardhāmanamathāpīha tāṇḍavaṃ yatra yujyate || 13 ||

tataścotthāpanaṃ kāryaṃ parivartanameva ca |
nāndī śuṣkāvakṛṣṭā ca raṅgadvāraṃ tathaiva ca || 14 ||

cārī caiva tataḥ kāryā mahācārī tathaiva ca |
trikaṃ prarocanā cāpi pūrvaraṅge bhavanti hi || 15 ||

etānyaṅgāni kāryāṇi pūrvaraṅgavidhau dvijāḥ |
eteṣāṃ lakṣaṇamahaṃ vyākhyāsyāmyanupūrvaśaḥ || 16 ||


ubhayātmakaṃ tāvadevaikamaṅgamastīti kecit | apiśabdādyāni kāni | 
uddeśāvasara eva tāṇḍavaṃ yatra ityabhidhānamasyāṅgasya nṛtte viniyogaṃ 
darśayati | tena nāṭyādyaṅgāni nṛttaśūnyānyapi bhavantīti darśayatīti tadaiva 
ca śuddhatvavyavahāraḥ | yadvakṣyati śuddhaṃ citramathāpi ca | iti (8-15)

evaṃ pūrvaraṅgasāmānyalakṣaṇasamānā(sā)rthe'pi yāni prayojyānyaṅgāni 
teṣāmayamevoddeśo bhavatīti darśayati - etānīti | 
kramakathanenaitatatsaṅkhyānyeva cetyarthaḥ |


p. 210)

kutapasya tu vinyāsaḥ pratyāhāra iti smṛtaḥ |
tathāvataraṇaṃ proktaḥ gāyikānāṃ niveśanam || 17 ||


yathoddeśaṃ lakṣaṇa kartumupakramate - eteṣāmiti | tatkramamāha - kutapasya 
tviti | nepathyagṛhadārayormadhye pūrvābhimukho mārdaṅgikaḥ | tasya 
pāṇavikadārdarikau vāmataḥ | raṅgapīṭhasya dakṣiṇataḥ uttarābhimukho 
gāyanaḥ | asyāgre uttarato dakṣiṇābhimukhasthitayo gāyanyaḥ | asya vāme 
vaiṇikaḥ | anyatra vaṃśavādakāvityevaṃ kutaṃ pāti kuṃ tapatīti 
śabdaviśeṣapālakasya nāṭyabhūmikojjvalatādhāyinaśca vargasya yo vicitro 
nyāsaḥ sa viprakīrṇānāmekatra ḍhaukanātmā pratyāhāraḥ |

yadyapi kutapasya vinyāsamadhya eva ca gāyakasyābhimukhyo 
raṅgapīṭhasyottarato gāyinya iti gāyikānāṃ vinyāsaḥ tathāpi tvavataraṇaṃ 
nāma pṛthagaṅgamuktamaṅganāgītasyāvaśyaṃbhāvitvaṃ rañjakavarge 
khyāpayitum | yaduktam -

yadyapi puruṣo gāyati gītavidhānaṃ tu lakṣaṇopetam |
strīvirahitaḥ prayogastathāpi na sukhāvaho bhavati || (nā. śā. 33-5-7) iti | yastvāha 
- nāradādyaistu gandharvaiḥ (nā. śā. 5-32) iti bhāviśloke kevalaṃ 
puruṣāṇāṃ gātṛtvaṃ vakṣyamāṇamihāśaṅkya pṛthagavataraṇamuktam(miti) 
| tasyaitadanavakāśam | gandharvyaśca gandharvāścetyekaśeṣeṇa 
strīgītasyāpyatra saṃbhāvanāt | evamavataraṇāntaṃ vastuta ekamevāṅgam | ata 
eva prayoga eka ubhayatra kṛto bhavati | yadvakṣyati puṣkarādhyāye (nā. śās. 34-
198) āsanopaviṣṭeṣu mārdaṅgikādiṣu ityupakramya prathamaṃ trisāma |

triprakāraṃ triguṇitaṃ tathaivātrāḍ.itāśrayam |
trikalaṃ ṣaṭkalaṃ caiva trisāmatvāttrisāmasu || (kāśī. mu. nā. śā. 33-209)

trisāmānvitaḥ |

trisāmākṣaraviddhastu gurulaghvakṣarānvitaḥ |
yakāraśca makāraśca trikaistriguṇito bhavet || (nā. śā. 34-159) (kāśī. - 33-210)


p. 211)

parigītakriyārambha ārambha iti kīrtitaḥ |
ātodyarañjanārthaṃ tu bhavedāśrāvaṇāvidhiḥ || 18 ||

vādyavṛttivibhāgārthaṃ vaktrapāṇirvidhīyate |
tantryojaḥkaraṇārthaṃ tu bhavecca parighaṭṭanā || 19 ||


yastrisāmā sa pratyāhāro yāvadavatīrṇakoṭīti | avataraṇakoṭau chandaḥ 
samamakṣarasamaṃ vā bahirgītānuvarti vādyaṃ 
strībālamūrkhādikutūhalādijananaṃ prayojyam |

anye manyante niveśanaṃ sthānasvarādau | na tūpaveśanamatra | tathā ca 
saptasvaraparigraho'vataraṇādāśugatyā (rṇāmeti jātyā) dirūpāṅgasaptakena 
śuddhasaptakena śuddhasaptakagītijñapayojyamiti | etaddhanatālavidhau (nā. śā. 
31) vitatya vicārayiṣyate | (16-17)

nanu ca (yāvat) parigītakriyādyārambho na kṛtastāvat trisāmaprayogo'pi katham | 
satyam | kiñcida(kima)rthamayaṃ prayogakrama ityavadhāryatām | iha 
dṛṣṭārthānyeva tāvadetānyaṅgāni | tathā hi - pūrvaṃ 
uparañjakavargaḍhaukana rūpamavagantavyamityarthaḥ | geyatvena 
gītasyoparañjakasya prādhānyāt | tasya bimbabhūtaśārīrasvaramūlabhūtatvāt 
| tadanusandhānātmālāpākhya ārambhaḥ | tato'pi 
mānarūpatālapradhānasarvātodyagarbhamanusandhānamāsamantācchrāvayatitt
hāśrāvaṇā | tato'pi pratibimbabhūtavaiṇavasvarasvarūpānusandhānāya 
dakṣiṇādivṛttivibhāgānusandhānātmā vaktrapāṇiḥ | vaktre prārambhe 
hastāṅgulivyāpārāt | dakṣiṇādi iti | dakṣiṇāvṛtticitrākhyā vṛttayaḥ | 
tāsvayaṃ vidhiḥ | pradhānaṃ gītamubhayaṃ vādyaṃ ceti yathākramam | 
gītaprādhānye vādyaguṇatāyāṃ dakṣiṇā | gītavādyobhayaprādhānye vṛttiḥ 
| vādyaprādhānye gītaguṇatāyāṃ citreti | tatastu 
vṛttivibhāgagataśuṣkaprayogānusandhānātmāparighaṭṭanā | ghaṭṭa calana iti 
pāṭhāt | śuṣkaprayoga iti | nirgītaṃ bahirgītaṃ śuṣkamityuktam | 
tatrārthapratyāyakapadarahitaṃ yad gīyate tannirgītam | gīyamānebhyaḥ 
sārthakebhyaḥpadebhyo yad bahirbhūtaṃ tad bahirgītam | 
śuṣkairakṣarairanarthakaiḥ kaṃdumādyairyat prayujyate tat śuṣkamityarthaḥ | 
paścādvīṇāvādyopajīvakatvādavanaddhavādyasyānusandhānaṃ 
samapāṇyādinā prahārapañcakayogena kriyata iti saṅghoṭanā | ghuṭa 
parivartane | yataḥ puṣkarādhyāye'bhivakṣyate -

pūrvaṃ śarīradudbhūtā tato gacchati dāravīm |
tataḥ puṣkarajaṃ ca  (nā. śā. 34-31) iti | (18-19)

(samapāṇyādinā iti |

aṅgabhūtā hi tālasya yatipāṇilayāḥ smṛtāḥ 

iti pāṇistālasyāṅgabhūtaḥ | sa ca trividhaḥ | tathā cāha |

samapāṇiśca vijñeyo hyardhapāṇistathaiva ca |
tathaivoparipāṇiśca gītavādyasamāśrayaḥ ||

layena yat samaṃ vādyaṃ samapāṇiḥ sa kīrtyate |
layād yadardhakṛṣṭaṃ syāt so'rdhapāṇiḥ prakīrtitaḥ |
layasyopari yadvādyaṃ pāṇiḥ sopari kīrtyate ||


p. 212)

tathā pāṇivibhāgārthaṃ bhavetsaṃghoṭanāvidhiḥ |
tantrībhāṇḍasamāyogānmārgāsāritamiṣyate || 20 ||

kalāpātavibhāgārthaṃ bhavedāsāritakriyā |
kīrtanāddevatānāṃ ca jñeyo gītavidhistathā || 21 ||


sopari iti | so'pi lope cet pādapūraṇam | sa ityetasya sorlopo bhavati lope 
cetpādapūraṇam | yadi lope sati pādaḥ pūryate | prahārapañcaka iti 
samaprāṇyardhapāṇyarddhārdhapāṇipārśvapāṇipradeśinīpāṇibhiryat 
prahārapañcakaṃ tadyogenetyarthaḥ |) tato'pi 
prakṛtivikṛtimeyanmānānuhāryānuharturūpasya vaiṇavapauṣkaraśabdasya 
parasparasaṃmelanaṃ kāryamiti mārgāsāritam | mārge prakṛtyādilakṣaṇe nije 
gocare vikārādirūpasya puṣkaravādyasyāsamantātsāraṇaṃ gamanaṃ yatreti | 
paścānmeyamānasvarūpe tu saṃhite geyavastugatatālasvarūpopakṣepaḥ | 
kalānāmā(vā)pādyānāṃ pātānāṃ śamyādīnāṃ 
cānusandhinetyāsāritavidhiḥ | evaṃ tāvadantaryavanikāṅgānāṃ adṛṣṭārtha 
eva prayogaḥ | tānyantareṇa prayogasyaivāsampatteḥ | tathā ca bhejjalanāmnā 
kavinā nijarūpaka uktam -

meghāśaṅkiśikhaṇḍitāṇḍavavidhau ityādi |

evaṃ adṛṣṭārthe prayoge pūrvaṃ kṛte paścāt dṛṣṭārthāṅgānusāreṇaiva 
bahirgītavidhiḥ | tadanusāreṇa ca tāni viśeṣadhātuvādye 
(tanniveśagītavādya)vidhiḥ | tatra pratyāhārāvataraṇayostrisāmnā prayogaḥ | 
raṅgapīṭhasya tisṛṣu dikṣu kutapavinyāsāt |

tālastrikalastvādau śamyaikakalā kalādvaye tālāḥ |
vi(dva)kalā ca punaḥ śamyā tālo dvikalastu kartavyaḥ || (nā. śā. 29-95)

dvikalaśca sannipātaḥ punaḥ pitā putrakaśca ṣaṭpūrvaḥ | (nā. śā. 29-100)

cañcatpuṭastathā cedārambhe tālayogastu |
triśśamyoparipāṇau tālāvityevamekakalaḥ |
samapāṇau dve śamye tālāvapyevamevātha || (nā. śā. 29-89)

bhūyaśśamyā tālāvavapāṇāvuttarastathā caiva |
cañcatpuṭastathā syādevaṃ hyāśrāvaṇātālaḥ || (nā. śā. 29-90)

śaṅkukastu paṭhati uttarastathā caiva iti sthāne uttarastathā dvikalaḥ iti ekakala 
ityatra ca sthāne nirdiṣṭa iti |


p. 213)

ataḥ paraṃ pravakṣyāmi hyutthāpanavidhikriyām |)
yasmādutthāpayantyatra prayogaṃ nāndipāṭhakāḥ |
pūrvameva tu raṅge'smiṃstasmādutthāpanaṃ smṛtam || 22 ||


keciccāṣṭāviṃśe'dhyāye (29-86) āśravaṇāyāḥ pūrvamabhidhānādiha 
cārambhasya pūrvapāṭhād jñāpakādvikalpamicchanti | ataḥ 
sarvātodyasvarūpānusandhinirgītālāpakriyā ceti (nirgītatālaprakriyāceti?) |

dvikale madrake yattu śamyātālādiyojanam |
tatsarvaṃ vaktrapāṇau tu kāryamaṣṭakale mukhe ||

tasyādhastātpunaḥ kāryaṃ pañcapāṇicatuṣṭayam |
vaktrapāṇerayaṃ tālo mukhapratimukhāśrayaḥ || (nā. śā. 29-97)

kecittu vaktravārdha(pāṇyardha)gatamicchanti | tairvastukramo vṛttiśabdaśca na 
carcitaḥ | saṃpiṣṭakavaccāsyāstāla (nā. śā. 29-112) iti parighaṭṭanātālaḥ | 

tatra - saptāṅge dvādaśakalaṃ dvādaśāṅge daśaiva tu |
niṣkrāmamāditaḥ kṛtvā śamyāstisraḥ prayojayet || (nā. śā. 31-278)

tālatrayaṃ tataścaiva śamyātālau tataḥ param |
śamyātālau tataḥ kāryau sannipāto'ntya eva ca || (nā. śā. 31-279)

oveṇake tu saptāṅge sampiṣṭakamidaṃ matam |
dviśamyātālayogena dvādaśāṅge kalā daśa || (nā. śā. 31-280)

śaṅkukastu - sampakveṣṭakavadasyātāla (nā. śā. 29-112) iti paṭhati |
tālādistryaśrabhedo'nyo jñeyaḥ pakveṣṭako budhaiḥ |
gurupañcākṣarābhyāntu(dyanta)plutamātrāsamanvitaḥ || (nā. śā. 31-21) iti 
anye tu paṭhanti -

gurupañcākṣare'nte ca plutamātrādvayānvitaḥ || iti ||

tathā dvau | sampiṣṭaśabdetuva(śabdava)tkaraṇavācakaṃ śīrṣakavaditivat(?) | na 
hi tasya 


p. 214)

yasmācca lokapālānāṃ parivṛtya caturdiśam |
vandanāni prakurvanti tasmācca parivartanam || 23 ||


ca tadānīmaṅgatā | kevalaprayogātprakaraṇaṃ cātra sākṣī | 
śīrṣakavadvālāsāritavaditi cānayormadhye paṭhitametat |

pakveṣṭakasya tathaiva tālādya(pluta)dvayetyartho ? na saṅgataḥ |
saṅghoṭanāyāṃ tālastu śīrṣavatpañcapāṇinā | (nā. śā. kāśī 29-142)

anayorapyaṅgayoḥ pūrvavatkecitkramavikalpamicchanti |

bālāsāritavaccaiva tālo'sya parikīrtitaḥ | (nā. śā. 29-116)

iti mārgāsāritasya tālaḥ | abhisṛtaparisṛtānyapyatra mārgāsāritamadhya eva 
tatsthāne vā vikalpane prayoktavyāni | līlākṛtaṃ nāma yattattā(dā)todyavidhau 
(nā. śā. 29-117) vakṣyate tadiha na saṅgṛhītam | āsāritānāṃ ca trayāṇāṃ 
svata ekastālādhyāye (nā. śā. 31-146-173) vitatya vakṣyata ityevaṃ 
prayogakramaḥ | ata eva pūrvaraṅge sadbhāvamātreṇa 
sapratyāhārakā(rādā)vapi sāmānyalakṣaṇamanugatameva | atra ca 
śuṣkākṣaradhātuvādyavidhiraṣṭāviṃśe'dhyāye tatātodyavidhau bhaviṣyati 
trimāmni puṣkarādhyāye (nā. śā. 34) tata evāvadhāryamiti | vistarabhayāttu na 
likhitam |

atra ca vaicitryārtha samucitamātramityādipravṛttimapi bhāvirūpakocitaṃ 
kāvyamapi paṭhyamānaṃ kecidicchanti | tathā hi sati pāṭhyayogakṛtaistathā (nā. 
śā. 5-8) iti na saṅkocitaṃ bhaviṣyati | yuktaṃ caitat | yathā hi 
ramaṇīyātyu(dyu)pakaraṇabhūtaśayanaviracanādau 
pratipādukastambhadhūpavastrādiṣvapi 
taducitanāyakayugalādiprāyavicitrākṛtiyogo yuddhocitasannāhaka(sa)ṅkaṭādau 
ca kātarajanabhayabhāvanaṃ nṛsiṃhagaruḍādiracanākṛtiyogastathaiva 
hyatiramaṇīye nāṭye bhaviṣyanti (ti) yaduparañjakavargaḍhaukanādau - etadapi 
sukumārataduktagītapāṭhyābhinayayogenaiva kāryam | taccāpasāritāyāmeva 
yavanikāyām | utthāpanāṅgamadhye hyasyaikakalaḥ pāṭhyasahitaḥ prayogaḥ | 
tathā hi vakṣyati yasmādutthāpayanti ityādi | raṅge yaḥ pūrvaṃ prayogaḥ kṛtaḥ 
pratyāhārādistaṃ yasmādutthāpayanti 
phalasvarūpanirūpakapāṭhyatadabhinayādinā sphuṭīkurvanti tasmādityarthaḥ | 
pāṭhyāvakāśadānārthameva cātredaṃ devatāstutigītiphalaviśeṣābhidhānam 
| anyathā devatāparitoṣāyaitatprayojyamiti sāmānyena vaktavyaṃ syāt | 
viśeṣopadeśasya prayoge viphalatvāt |


p. 215)

āśīrvacanasaṃyuktā nityaṃ yasmātprayujyate |
devadvijanṛpādīnāṃ tasmānnāndīti saṃjñitā || 24 ||


anye tu pratyaṅgaṃ paścāttatprayogamāhuḥ | tastu prayoktaṃ kastadeti nirūpyam | 
atra tvidamityarthaḥ | kṛtamityuktibhaṅgyā pāṭhyaṃ tadgītaprayogaḥ 
padayukto'pi 
kevalamantaryavanikāgatapratyāhārādiviṣayatvātpāṭhyayogādīnāmapyantarya
vanikārthamucyate | evaṃ navāṅgānyuktāni |

atha vighāṭya vai yavanikām (nā. śā. 5-12) ityādinā 
yadgītakavidhyādyaṅgadaśakaṃ darśitaṃ tatkrameṇa lakṣayati - kīrtanādityādi 
| kīrtanaṃ stutiḥ | tasmātpāṭhyāddhetoḥ | tataḥ paraṃ 
śuṣkākṣaranirvṛtiḥgītavidhiḥ iti gītakānāmanyatamaṃ vardhamānaṃ vā | 
tatra ca tālastālādhyāye (eka)triṃśe vakṣyate | (21)

yasmāditi | tatra pratyāhārīdīni cet atra prayojyāni tatpūrvaraṅga 
ityanuvādo'yaṃ syāt | kramasya siddhatvāt | nāndipāṭhakā iti | 
tadupalakṣitapūrvaraṅgadvāreṇaiva purāṇakavayo likhanti sma nāndyanta 
sūtradhāraḥ iti | aharahaścaiṣā prayoge prayojyā | eṣā ca nityamevaṃrūpaiva | 
anyapāṭhyānāmutthāpanādīnāṃ prayogavaśādanyathātvopapattirdṛśyate | na 
tu nāndīpāṭhasyeti nityaśabdasyābhiprāyaḥ | 
ādigrahaṇātprekṣāpatiprabhṛtayaḥ | eṣaiva ca nāndī bhāratyaṅganirūpaṇe 
prarocaneti nirdekṣyate - jayābhyudayinī caiva maṅgalyā (nā. śā. 20.27) 
ityādinā | iha tu sā (yā) prarocanā sā tatra bhaviṣyati | atra 
nāndīpadānāmantareṣu citre pūrvaraṅge vardhamānaṃ yatprayojyaṃ 
tatpañcamamaṅgaṃ gaṇayati |

nanvevaṃ gītakavidhiḥ prathamāṅgānantaramanyāṅgamadhye'pi ca 
vardhamānaprayogasya citre'pi bhāvātsaṅkhyāyā anavasthānaṃ na 
pade'pataditi na punargaṇanārhamiti na doṣaḥ (iti) kecidāhuḥ | (24)

śuṣkāvakṛṣṭā tu bhaveditīha | śuṣkāvakṛṣṭaivādiṣṭā | iha ca asāveva ca 
lakṣitā | avakṛṣṭāyāstvanuvādadvāreṇa lakṣaṇaṃ mantavyam | anyathā 
vakṣyamāṇaṃ


p. 216)

atra śuṣkākṣaraireva hyavakaṣṭā dhruvā yataḥ |
tasmācchuṣkāvakṛṣṭeyaṃ jarjaraślokadarśikāḥ || 25 ||

yasmādabhinayastvatra prathamaṃ hyavatāryate |
raṅgadvāramato jñeyaṃ vāgaṅgābhinayātmakam || 26 ||


yuktāyāmapakṛṣṭāyāṃ prītā nāgā bhavanti hi |
tathā śuṣkāvakṛṣṭāyāṃ prītaḥ pitṛgaṇo bhavet || (nā. śā. 5.50)

iti tannirviṣayaṃ syāt | tatrāvakṛṣṭāyā lakṣaṇaṃ -

mukhapratimukhopetā hyavakṛṣṭā vidhīyate | (nā. śā. 32-12) iti tālavidhiḥ |

anyabhāveṣu kṛṣṭaśca (dravyahetuṣu paṭhyate |)
yasmātkāruṇyasaṃyuktā hya(vakṛṣṭā bhavetataḥ |) (nā. śā. 32.341)

iti vākyārthagānetikartavyatāvidhivṛttasvarūpaṃ śamyāderyojanaṃ 
cāgre'syā vakṣyate | tadetasyāṃ prayuktāyāṃ tadanantaraṃ nāṭyam | 
īdṛśyeva śuṣkākṣaraiḥ prayojyā | tatrāvakṛṣṭātvasāmānyāt pṛthakkagavāte 
(thagavagate) kramapātai ?)rjarjaraślokadarśikā yatta(tasta)danantaram | 
śuṣkāvakṛṣṭeyamiti | asāvavakṛṣṭe(ṣṭā) dhruvā | sā tasmācchuṣkāvakṛṣṭā 
| āha | hi yasmāt | atreti asyāṅgatāyām | avakṛṣṭasya(ṣṭā) 
samastatallakṣaṇopetā kevalaṃ śuṣkairakṣarairanarthakaiḥ jhaṃṭhumādyaiḥ |

anye tvekasyāmeva dhruvāyāṃ śuṣkāvakṛṣṭatvadharmadvayaviṣayo'yaṃ 
yuktāyāmapakṛṣṭāyām iti śloko bhaviṣyatīti manyante | upādhyāyāstu 
śuṣkāyāmavakṛṣṭāyāmevāntarbhūtaṃ phalaṃ vakṣyate | atra tu śuṣkaiva 
lakṣyate | anena ca lakṣaṇenāvakṛṣṭāpi sūcitā'treti iyamiti ca padābhyām | (25)


p. 217)

śṛṅgārasya pracaraṇāccārī samparikīrtitā |
raudrapracaraṇāccāpi mahācārīti kīrtitā || 27 ||

vidūṣakaḥ sūtradhārastathā vai pāripārśvakaḥ |
yatra kurvanti sañjalpaṃ taccāpi trigataṃ matam || 28 ||

upakṣepeṇa kāvyasya hetuyuktisamāśrayā |
siddhenāmantraṇā yā tu vijñeyā sā prarocanā || 29 ||


abhinīyata ityabhinayo rūpakaviśeṣaḥ | so'vatāryate saṃkṣepeṇa 
tasyārthaprayojanādinirūpaṇapāṭhyadvāreṇa abhinīyante tathaiva cābhinayaḥ 
kriyate yatra tadraṅgasya bhāvino rūpakasya dvāramiva 
raṅgadvārādu(ramu)tthāpanāṅge sāmānyena nāṭyamutthāpitam | iha tu 
rūpakaviśeṣeṇeti bhedaḥ | (26) śṛṅgārasyeti | śṛṅgārapradhānaṃ bhagavato 
mahādevyā saha yatra caritaṃ varṇyate kāvye ca tatstutipradhāne tadeva 
yatrāṅgahāracāryādinā pradarśyate prayujyate sā cārī | 
bhagavatastripuramardanādīva gītaṃ raudrarasabhūyiṣṭhaṃ yatra kāvye varṇyate 
stutirūpeṇa tadyatra taducitairevoddhatairmaṇḍalāṅgahāraiḥ prayujyate sā 
mahācārī |

vidūṣaka iti | pāripārśvikayoranyataro vidūṣakaveṣabhāṣācāro vidūṣakaḥ | 
yatra iti nāgānandādau nāṭake sañjalpo bhaviṣyannāṭakādiviśeṣaviṣayo 
hāsyamiśraḥ | yadyapyuktaḥ tathāpi tadviśeṣo nāgānandādibhiḥ vivakṣita 
ityapaunruktyam | sa eva kāvyopakṣepastriṣu samāyattatvāttrigataśabdenoktaḥ |

tena kāvyopakṣepeṇa hetubhūtena tadviṣaye sāmājikānāṃ yā āmantraṇā 
nimantraṇaṃ siddhena siddhyopalakṣitamityarthaḥ | yasmātkhalvataḥ 
prītivyutpattirbhaviṣyataḥ tasmādavalokyatāmetaditi sā prarocanā 
prakṛṣṭarucihetubhūtatvāt | na ca tadvacanātpravṛttirbhaviṣyatītyāha - 
hetuyuktīti | hetoryā yuktiryojanā saṃkṣepeṇābhidhānaṃ tannimittamasyā iti |

evametāni bahiryavanikāṅgānyapi daśa dṛṣṭaphalānyeva | tathā hi 
gītakavardhamānānyupajīvya dhruvāgānaṃ nāṭyama(mi)ti 
prakṛterupajīvyatvādavaśyaṃ prathamaṃ buddhau kati (kartavyam ?) | ....


p. 218)

ataḥ paraṃ pravakṣyāmi hyāśrāvaṇavidhikriyām |
bahirgītavidhau samyagutpatti kāraṇaṃ tathā || 30 ||

citradakṣiṇavṛttau tu saptarūpe pravartite |
sopohane sanirgīte devastutyabhinandite || 31 ||


tato'pi yadārabhyate tadā buddhau niveśyaṃ tāvatsāmānye | tataḥ 
sadācārapālanāya devatāvandanam | tataḥ 
paramāśīrvādanamabhimukhīkaraṇārtham | tato'pi 
śaṅkyamānavighnaśāntyupakaraṇabhūtasyottejanam | purākalpadvāreṇa tato'pi 
viśeṣeṇa prayoktavyānusandhānam | tato'pi śṛṅgāravīrayoḥ sarvatra 
rañjakaparamapumarthatāprakarṣādupakṣepaḥ | tadapi nāṭyavineyasukumārajane 
svacchandatā(kara)sarvarañjakahāsyaprādhānyena kāvyaviśeṣe 
bhavadabhidheyānusandhānam | tasyāpi prayojananirūpaṇam |

evaṃ yathā śāstraṃ kurvatāmādivākyaparigraho laukikasya vā 
kartavyaviṣayamanusandhānaṃ tathaiva nāṭyārambhe 
gītakapiṇḍyādiprarocanāntaṃ laukikānusāryeva | nātra kasyacidaṅgasya 
sāmarthyalakṣyatvādi codanīyam | sukumārajanaviṣayatvādasya prayogasya | 
tasmānnālaukikaṃ kiñcidetat | kevalaṃ nāṭyasya 
racanāprādhānyādvaicitryeṇa yojanīmadṛṣṭasampattaye ceti mantavyamityalaṃ 
bahunā | (27-29)

nanu bhavatye(tve)vam | kiñcārambhāśrāvaṇādau 
vegagī(bahirgī)taśabdasvarūpam | (padārthaḥ) (tadarthaḥ)ko'tra padārthaḥ | 
āśrāvaṇavidhikriyām | tadayamarthaḥ - teṣāmāśrāvaṇādīnāṃ vidhau 
kriyāṃ prayogarakṣātmikāṃ bahirgītaśabdasya ca vācakatvena vidhāne 
utpattiṃ bahirgītasya ca vidhau prayoge kāraṇaṃ prayojanaṃ vakṣyāmi | (30)

tatpurākalpadvāreṇāha - citretyādinā ślokaikādaśakena bahirgītamiti smṛtam | 
ityantena (5-41) | gītavādyagītobhayapradhānāḥ krameṇa citrādayo vṛttimārgāḥ 
| citadakṣiṇasahitā vṛttiriti madhyamapadalopī samāsaḥ | tadviṣayaṃ yadgītakaṃ 
sahopohanapratyupohanaiḥ vardhamānanirgītena ca āśrāvaṇā tathārambhaḥ 
ityādinā aṣṭāviṃśe (nā. śā. 29-82) (ekonatriṃśe)'dhyāye vakṣyamāṇena 
sahitaṃ devastutyā ca vācyabhūtayā'bhinanditaṃ samṛddhaṃ ṛddham | 
tasminpravartite prayukte sati tadgānaṃ gīyamānaṃ 


p. 219)

nāradādyaistu gandharvaiḥ sabhāyāṃ devadānavāḥ |
nirgītaṃ śrāvitāḥ samyaglayatālasamanvitam || 32 ||

tacchratvā tu sukhaṃ gānaṃ devastutyabhinanditam |
abhavankṣubhitāḥ sarve mātsaryāddaityarākṣasāḥ || 33 ||

sampradhārya ca te'nyonyamityavocannavasthitāḥ |
nirgītaṃ tu savāditramidaṃ gṛhṇīmahe vayam || 34 ||

saptarūpeṇa santuṣṭā devāḥ karmānukīrtanāt |
vayaṃ gṛhṇīma nirgītaṃ tuṣyāmo'traiva sarvadā || 35 ||

te tatra tuṣṭā daityāstu sādhayanti punaḥ punaḥ |
ruṣṭāścāpi tato devāḥ pratyabhāṣanta nāradam || 36 ||


sukhajanakamapi śrutvā daityāḥ kṣubhitāḥ | kutaḥ | mātsaryāt | tadapi kutaḥ | 
āha - devairaho ramyaṃ sādhu sādhvityādibhiḥ | stutibhirabhinandyamānaṃ 
yataḥ | turapyarthaḥ | kena vā pravartitaṃ tadityāha - nāradādyairiti 
tadadhiṣṭhitairityarthaḥ | taditi saptarūpam | (nā. śā. 31. kā mā. pu. 521) | layo 
drutādiḥ | tālāḥ śamyādiviśiṣṭāḥ tryaśraścaturaśro miśraśceti | 
sampradhāryetyanena paritoṣṭavyamanyaistvatreti | sthitiṃ kṛtvāvasthitāḥ 
(amitrā.?) | iti śabdasūcitamucyamānaṃ nirdiśati - tvamiti (nirgītamiti |) 
vāditraṃ tadgataṃ śuṣkākhyaṃ vīṇāvādyam | nanu kiṃ tasya grahaṇe 
nimittamityāha - tuṣyāma iti | stutikīrtanābhāve'pyābhimānikena 
paritoṣeṇetyarthaḥ | dṛṣṭo hyabhimānakṛtaḥprītiviśeṣo yathā rājākarṇane'pi | 
tatreti nirgīte | sādhayanti | sādhanaṃ siddhiṃ bruvate | 
(dhātuvādyāśrayakṛtamiti) dhātavastantrīviśeṣāṅguliviśeṣasaṃyogajā 
vaiṇavasvarāḥ | rañjanayā adṛṣtaviśeṣasya krameṇa catuṣṭayapṛthakkṛtā 
vistāravyañjanāviddhakaraṇasaṃjñā |


p. 220)

ete tuṣyanti nirgīte dānavāḥ saha rākṣasaiḥ |
praṇaśyatu prayogo'yaṃ kathaṃ vā manyate bhavān || 37 ||

devānāṃ vacanaṃ śrutvā nārado vākyamabravīt |
dhātuvādyāśrayakṛtaṃ nirgītaṃ mā praṇaśyatu || 38 ||

kintūpohanasaṃyuktaṃ dhātuvādyavibhūṣitam |
bhaviṣyatīdaṃ nirgītaṃ saptarūpavidhānataḥ || 39 ||

nirgītenāvabaddhāśca daityadānavarākṣasāḥ |
na kṣobhaṃ na vighātaṃ ca kariṣyantīha toṣitāḥ || 40 ||

evaṃ nirgītametattu daityānāṃ spardhayā dvijāḥ |
devānāṃ bahumānena bahirgītamiti smṛtam || 41 ||

dhātubhiścitravīṇāyāṃ gurulaghavakṣarānvitam |
varṇālaṅkārasaṃyuktaṃ prayoktavyaṃ budhairatha || 42 ||


dhātuvādyaṃ saptabhedalakṣaṇam | tasya yadāśrayaṇaṃ tena hetunā kṛtamiti 
citam | tattādṛśenādṛṣṭa(ṣṭena) ko guṇo na tvana(dṛ)ṣṭe stutinirūpaṇeṣu 
yadvidhānaṃ tena hi pūrvamadhyānteṣu prayujyamānena 
vīṇāvādyavaicitryāvakāśadāyinā | 
hṛdyatāgatikādikanyāyādiguṇāntaramapyāha - nirgīteneti | apadāvakhelane 
ayatnena bālahevākapoṣaṇanyāyena baddhāḥ | svīkṛtā ityarthaḥ |

evamavināśakāraṇaṃ pratipādya saṃjñānirvacanaṃ nirūpayati - evamiti 
nirgītamiti tāvadādyaṃ nāma | nirarthakaṃ gītamiti | tattu gandharvaibahirgītamiti 
smṛtam | kuto daityānāṃ spardhayeti | tatkṛto'yaṃ svīkāraḥ | tato hetoḥ |

nanu yadi taiḥ svīkṛtaṃ tataḥ kimityeṣā saṃjñā kṛtā | ata āha - devānāmiti | 
devakarmakaṃ yadbahutayotkṛṣṭataya mananaṃ tena prayojanabhūtena | vayaṃ 
devāndānavebhyo bahutvena manyāmahe | tathā cedaṃ nābhyantaraṃ 
bāhyagītamasmābhirgīyata iti tairevaṃ veditavyamityarthaḥ | (31-41)


p. 221)

nirgītaṃ gīyate yasmādapadaṃ varṇayojanāt |
asūyayā ca devānāṃ bahirgītamidaṃ smṛtam || 43 ||

nirgītaṃ yanmayā proktaṃ saptarūpasamanvitam |
utthāpanādikaṃ yacca tasya kāraṇamucyate || 44 ||

āśrāvaṇāyāṃ yuktāyāṃ daityāstuṣyanti nityaśaḥ |
vaktrapāṇau kṛte caiva nityaṃ tuṣyanti dānavāḥ || 45 ||


nanu saptarūpa eva kimidaṃ prayojyam | netyāha - dhātubhiriti | citrā 
nāṭyoparañjanārthā yā vīṇā tasyāmapeytaddhātubhiruktasvarūpaiḥ 
karatalaniṣkoṭitādibhiḥ upalakṣitaṃ prayojyam | katham | bhāṇḍavādye gatyarthe 
yāni gurūṇi ghṛt bhṛṅ ityādikāni laghūni maṭa kaṭa ityādikāni | tatrānvitaṃ 
kṛtvā | anena bhāṇḍavādyoparañjakatvamuktam | tathā dhruvāgāne ye 
sthāyyādayo varṇā ye ca prasannādiprabhṛtayo'laṅkārāstatra samyaganvitaṃ 
saṃbaddhaṃ kṛtvā | anena gānoparañjakatvaṃ darśitam | atha śabdo'pyarthe | 
prayojyaṃ kuśalairatheti (vā) pāṭhaḥ |

nanu nirgītasaṃjñā'sya vā purāṇī tatra kinnimittamityāśaṅkyāha - 
nirgītamiti | padamityarthapratyāyakamityarthaḥ | varṇā jhaṃṭumādayaḥ 
sthāyyādayaśca | nanu lakṣaṇābhyantara eva taditi kathaṃ 
bāhyamityāśaṅkyāha - asūyayā ceti | tairyato'sūyitaṃ 
balādevāviṣkṛtabahumānaiḥ atastadīyahrdayagrahaṇāyaivaṃ vyāhṛtam | na ca 
sarvathā nirnibandhanamevedamiti darśayituṃ cakāreṇānvarthatāpyastīti 
sūcayati | gīyamānebhya sārthakebhyaḥ padebhyo bahirgītamiti | 
evamavināśakāraṇaṃ saṃjñāniyojananimittaṃ ca tainaiva krameṇābhidhāya 
pratijānīte - nirgītamityādinā | āśrāvaṇādi nirgītaṃ saptarūpasamanvitam | iti 
gītakavidhiḥ | utthāpanādikamityavaśiṣṭaṃ bahiryavanikāṅgam | tasya 
kāraṇaṃ prayojanam | (42-44) |

p. 222)

parighaṭṭanāyāṃ tuṣṭā yuktāyāṃ rakṣasāṃ gaṇaḥ |
saṅghoṭanākriyāyāṃ ca tuṣyantyapi ca guhyakāḥ || 46 ||

mārgāsāritamāsādya prītā yakṣā bhavanti hi |
gītakeṣu prayukteṣu devāstuṣyanti nityaśaḥ || 47 ||

vardhamāne prayukte tu rudrastuṣyati sānugaḥ |
tathā cotthāpane yukte brahmā tuṣṭo bhavediha || 48 ||

tuṣyanti lokapālāśca prayukte parivartane |
nāndīprayoge'tha krte prīto bhavati candramāḥ || 49 ||

yuktāyāmavakṛṣṭāyāṃ prītā nāgā bhavanti hi |
tathā śuṣkāvakṛṣṭāyāṃ prītaḥ pitṛgaṇo bhavet || 50 ||

raṅgadvāre prayukte tu viṣṇuḥ prīto bhavediha |
jarjarasya prayoge tu tuṣṭā vighnavināyakāḥ || 51 ||


taddarśayati - āśrāvaṇāyāmityādinā bhūtagaṇo bhavedityantena 
ślokāṣṭakena | pratyāhārādyāśrāvaṇāyāmevāntarbhūtam | 
avadhitvādasyāḥ | kvacitpustake -

pratyāhāre yātudhānāḥ prīyante saha pannagaiḥ |
tuṣyantyapsarasastatra kṛte'vataraṇe dvijāḥ ||

tuṣyantyapi ca gandharvā ārambhe samprayojite |

iti sārdhaśloko dṛśyate | yādṛcchikasampradhāritaparigrahabahumānakṛtaḥ 
paritoṣo viśiṣṭaviṣayo mantavyaḥ | mārgāsāritamiti | mārgaśca āsāritaṃ ca 
mārgāsāritam | samāhāradvandvaḥ | mārga ityekadeśena mārgāsāritamucyate | 
āsāritaśabdenāsāritamityaṅgadvayamuktam | sarvamaṅgaṃ lakṣitam | 
āsāritaśabdenāsāritavidhiriti samāhāradvandvena dvayoraṅgayoḥ 
phalametannirūpitam | devāḥ | rudra iti | tadīyakarmastuteḥ | etacca 
gītakavardhamānayoranyataraprayoge vaikalpikaṃ phaladvayam | brahmeti | 
brāhmādiprathamasṛṣṭiḥ 


p. 223)

tathā cāryā prayuktāyāmumā tuṣṭā bhavediha |
mahācāryā prayuktāyāṃ tuṣṭo bhūtagaṇo bhavet || 52 ||

āśrāvaṇādicāryantametaddaivatapūjanam |
pūrvaraṅge mayā khyātaṃ tathā cāṅgavikalpanam || 53 ||

devastuṣyati yo yena yasya yanmanasaḥ priyam |
tattathā pūrvaraṅge tu mayā proktaṃ dvijottamāḥ || 54 ||


vyāpāraḥ tatra nāṭyaviṣayaḥ | sa cātra puṣpāñjalinā pujyate (sucyate) | 
candramā iti | jitaṃ somena iti (nā. śā. 5-110) nāndyāṃ pāṭhāt | nāgā 
ityavakṛṣṭagatiḥ | jarjarasyeti | śuṣkāvakṛṣṭālakṣaṇasyaivāṅgasya śeṣabhūto 
jarjarastutipradarśakaḥ śloko vakṣyate tataḥ ślokaṃ paṭhedekam (nā. śā. 5-118) 
iti | tasyedaṃ prayojanaṃ - vighnānāṃ yo vināyako nivārayitā sa tuṣṭo bhavati | 
tannivāraṇopakaraṇasamuttejanādvighnavināyakā virūpākṣādayaḥ | te 
vighātaṃ na kurvantīti | saiva phalasāmyāttuṣṭireṣāmiti kecit | umeti | tasyā eva 
svarūpakīrtanāt | (45-52)

etatsarvamupasaṃhartumāha - āśrāvaṇādītyādi kṛtāni tvityantaṃ 
ślokacatuṣṭayam | pratyāhārādīnāmāśrāvaṇāyāmantarbhāvaḥ | 
cārīśabdeneha mahācārī parigṛhyate | trigataprarocanayordṛṣṭaikaṃ 
prayojanatvamiti tātparyam | pūrvaraṅga iti | tadupaśliṣṭamityarthaḥ | 
khyātamityuddeśena aṅgavikalpanam | aṅgānāṃ caiṣāṃ vikalpanaṃ 
lakṣaṇamityarthaḥ | devastuṣyatītyādinā prayojanopasaṃhāraḥ | yasya 
yanmanasaḥ priyamityabhimānikaparigrahabalādityarthaḥ |

praśaṃsāmasya darśayati - sarvairdaivataiḥ pūjārhaṃ praśaṃsanīyam | atra 
hetuḥ - yato daivatānyanena pūjyante | ata eva prekṣāpatiprayoktṛprabhṛtīnāmeva 
tat | dhaneṣu yaśasyāyuṣi tatsādhu | tatkāritvāt | nahyatra kaścidapi (kasyacidapi) 
viraktiriti | daityadānaveti nirgītaṃ daityādikasya tuṣṭikṛt | gītakādi ca devānām | 
(53-56)


p. 224)

sarvadaivatapūjārhaṃ sarvadaivatapūjanam |
dhanyaṃ yaśasyamāyuṣyaṃ pūrvaraṅgapravartanam || 55 ||

daityadānavatuṣṭyarthaṃ sarveṣāṃ ca divaukasām |
nirgītāni sagītāni pūrvaraṅgakṛtāni tu || 56 ||

(yā vidyā yāni śilpāni yā gatiryacca ceṣṭitam |
lokālokasya jagastadasminnāṭakāśraye ||)

nirgītānāṃ sagītānāṃ vardhamānasya caiva hi |
dhruvāvidhāne vakṣyāmi lakṣaṇaṃ karma caiva hi || 57 ||

prayujya gītakavidhiṃ vardhamānamathāpi ca |
gītakānte tataścāpi kāryā hyutthāpanī dhruvā || 58 ||

ādau dve ca caturthaṃ cāpyaṣṭamaikādaśe tathā |
gurvakṣarāṇi jānīyātpāde hyekādaśākṣare || 59 ||


nanvasya lakṣaṇaṃ kuto jñeyam | yata iha tāvannoktam | na cāṅgaprasaṅgataḥ 
lakṣaṇamasya paśyāmo vayam | ityāśaṅkya prasaṅgādatra(danyatra)lakṣaṇaṃ 
vakṣyāmiti prasaṅgāvakāśaṃ darśayitumāha - nirgītānāmiti | teṣā 
lakṣaṇaṃ tathā rundre ti (yathā ṛdum iti) lakṣyamudāharaṇaṃ vakṣyāmi | karma 
lakṣyam | dhruvāṇāṃ vidhāne (nā. śā. 31-122) kartavye satītyarthaḥ | na tu 
dhruvāvidhāne dhruvādhyāye |

etaduktaṃ bhavati - dhruvāgānasyehoparañjakajyeṣṭhatayā | tasya 
vaktavyaprakṛtibhūtaṃ gāndharvaṃ jñātuṃ yattallakṣaṇaṃ vakṣyate 
tatraitattatātodyavidhāne tālādhyāye ca vakṣyāmi (iti) | etadaviditatva (daviditvā 
ya) ddhruvāśabdo'tra chandonibaddhanimittā(tta ?)nirgītatve vartata ityāhuḥ 
tadasat | anuktasamatvādasya | tadvidhāne tallakṣaṇaṃ vakṣyāmīti na kiñcit | 
anārṣo'yaṃ ślokaṃ iti tu mahatsāhasam | (57)

athotthāpanādīnāṃ lakṣaṇaśeṣaḥ pūrayitavyaḥ | 
tatrotthāpanasyānuvādapūrvakaṃ dhruvālakṣaṇaṃ tatprayogadvāreṇa 
pūraṇaṃ kartumāha - prayujyetyādi yojayedityantaṃ ślokacatuṣṭayam | tatra 


p. 225)

catuṣpadā bhavetsā tu caraśrā tathaiva ca |
caturbhissannipātaiśca trilayā triyatistathā || 60 ||

parivartāśca catvāraḥ pāṇayastraya eva ca |
jātyā caiva hi viślokā tāṃ ca tālena yojayet || 61 ||

śamyā tu dvikalā kāryā tālo dvikala eva ca |
punaścaikakalā śamyā sannipātaḥ kalātrayam || 62 ||


prathamaḥ śloko'nuvādakaḥ | gītakavardhamānayoranyataratprayujyate | 
gītakānte | tato vardhamānādanantaram | utthāpanī dhruvā kāryetyanuvādaḥ | co 
bhinnakramo vārthe | anye tu samuccaye | nipātasamudāyaṃ 
yugapdgītakavardhamānaprayogāśayenāhuḥ |

dhruvāyā lakṣaṇam - ādau dve ceti | śeṣāṇi tu laghūni | 
evambhūtāścatvāro'syāḥ pādāḥ | tālaścāsyāścañcatpuṭaḥ dvikalaḥ | 
bhāvividhinā tallābhe'pi caturaśragrahaṇād 
dvikalacañcatpuṭapādabhāgaviṣayo vakṣyamāṇāṅgulinayamopajīvanārthaḥ | 
sarvapādānte yato'syāḥ sannipātastena catussannipātā | drutādayo layāḥ | 
strotogatādayo yatayaḥ | parivartā gānakriyābhyāvṛttayaḥ | te catvāraḥ | 
samapāṇiraparapāṇiruparipāṇiśceti trayaḥ pāṇayo'syāṃ kāryā iti śeṣaḥ | 
kimiyaṃ dhruvā vṛttajātimadhye na gaṇitetyāśaṅkyāha - 
viślokā'khyavṛttajātirityam -

ādyāṃ(dye) caturthamapi cāṣṭamakaṃ saikādaśaṃ yadi bhavecca guru |
sā traiṣṭubhe bhavati pādavidhau viślokajātiravakṛṣṭakṛtā ||

					(nā. śā. 32-149) (58-61)

caturaśreti tālena yojayediti ca yaduktaṃ tatspaṣṭayati - śamyā tvityādi | 
dvikalacañcatpuṭasya śamyādeḥ svarūpamanena darśitam | sāpi 
saśabdapātagatahastanirvartyaiva | pūrvādiśabdāt dvikaleti darśayati - 
dvikaletyādinā | tena niṣkrāmaśamye 


p. 226)

evamaṣṭakalaḥ kāryaḥ sannipāto vicakṣaṇaiḥ |
catvāraḥ sannipātāśca parivartaḥ sa ucyate || 63 ||

pūrvaṃ sthitalayah kāryaḥ parivarto vicakṣaṇaiḥ |
tṛtīye sannipāte tu tasya bhāṇḍagraho bhavet || 64 ||

ekasminparivarte tu gate prāpte dvitīyake |
kārya madhyalaye tajjñaiḥ sūtradhārapraveśanam || 65 ||

puṣpāñjaliṃ samādāya rakṣāmaṅgalasaṃskṛtāḥ |
śuddhavastrāḥ sumanasastathā cādbhutadṛṣṭayaḥ || 66 ||


dakṣiṇena | punaḥ niṣkrāmatālau vāmena | tato dakṣiṇena śamyā | tato 
dvābhyāṃ praveśaniṣkrāmasannipātāḥ | tatra -

āvāpasaṃjñakaṃ jñeyamuttānāṅgulikuñcanam |
adhastalena hastena niṣkrāmo'ntya(lpa ?)prasāraṇam ||

bhūyaścākuñcanaṃ jñeyaṃ praveśākhyamadhastalam | (nā. śā. 31-33-34)
śamyā dakṣiṇapātastu tālo vāmena kīrtitaḥ |
ubhayoḥ sannipātaḥ sa sannipāta iti smṛtaḥ ||

catvāraḥ sannipātā iti pādacatuṣṭayasyāpi parivartanamāha | sthitalayo 
vilambitalaya uktaḥ | tṛtīya ityantyakalāvarjitapādatrayaṃ tantrīgānasamanvitaṃ 
prayujya tṛtīyapādāntyakalā | tataḥ prabhṛti puṣkaravādyaprayogo 
yāvatturyapādasamāpti | punarmadhyalayena gānam | tatsamaye 
sūtradhārapraveśaḥ | tasyeti - prathamaparivartasya | prathamamapi ca 
gānamanyadvitīyā - disāhacaryātpariartaśabdenocyate | anyat dviḥ pacatīti trayaḥ 
pākāḥ syuḥ | sakṛtpacatīti dvau syātām | sūtradhārapraveśanamiti | 
sūtradhāraśabdena tatsāhacaryātpāripārśvikāvapi | (62-65) teṣāṃ praveśe 
itikartavyatāmāha - puṣpāñjalimityādinā | pūrvaṃ puṣpāñjaliḥ 
sūtradhārasyaiva | itarayo

p. 227)

sthānantu vaiṣṇavaṃ kṛtvā sauṣṭhavāṅgapuraskṛtam |
dīkṣitāḥ śucayaścaiva praviśeyuḥ samaṃ trayaḥ || 67 ||

bhṛṅgārajarjaradharau bhavetāṃ pāripārśvikau |
madhye tu sūtrabhṛttābhyāṃ vṛttaḥ pañcapadīṃ vrajet || 68 ||

padāni pañca gaccheyurbrahmaṇo yajanecchayā |
padānāñcāpi vikṣepaṃ vyākhyāsyāpyanupūrvaśaḥ || 69 ||


rbhṛṅgārajarjaradharatvena vakṣyamāṇatvāt | śuddhaṃ śuklam | sumanasaḥ 
śobhanaṃ savismayaṃ manaḥ yeṣām | vismayaśca ye śrutyādibhiḥ 
durvineyāste'smābhiḥ sukhena vinīyanta iti | 

yā cākuñcitapakṣmāgrā sāścaryodvṛttatārakā |
saumyā vikasaitāntā ca sādbhutā dṛṣṭiradbhute || (nā. śā. 8-51)

sauṣṭhavetyādinā lakṣaṇaikadeśena vaiṣṇavameva sphuṭayati | anyathā 
viṣṇutvādāvapi kasyacitsambhāvanā bhavedanvarthatayā |

dvau tālāvardhatālaśca pādayorantaraṃ bhavet |
tayoḥ samasthitaścaikaḥ tryaśraḥ pakṣagato'paraḥ || (nā. śā. 10-52)

kiñcidañcitajaṅghaṃc a sauṣṭhavāṅgapuraskṛtam |
vaiṣṇavaṃ sthānametaddhi | (nā. śā. 10-53)

dīkṣitā iti kṛtopavāsāḥ || (66-67)

bhṛṅgāraḥ śaucāya | jarjaro vighnaśāntyai | paripārśvaṃ bhavau 
pāripārśvikau | ata eva sūtradhāro madhye dvābhyāṃ vṛttassanniti trayo'pi 
pañcapadīṃ vrajeyurityarthaḥ | tatprayojanamāha - padānīti | trayastālā antaraṃ 
mānaṃ yasya tādṛśo viṣkambhaḥ ūrdhvagamane parimāṇaṃ yasya caraṇasya 
taṃ pārśvotthānena na tu spaṣṭatarordhvatayotthitaṃ caraṇaṃ madhye dvayoḥ 
pādayoḥ pātayet | gamanasya prakrāntatvāt | kiñcitpurata itthamevānyāni catvāri 
padāni | (68-70)


p. 228)

tritālāntaraviṣkambhamutkṣipeccaraṇaṃ śanaiḥ |
pārśvotthānotthitaṃ caiva tanmadhye pātayetpunaḥ || 70 ||

evaṃ pañcapadīṃ gatvā sūtradhāraḥ sahetaraḥ |
sūcī vāmapade dadyādvikṣepaṃ dakṣiṇena ca || 71 ||

puṣpāñjalyapavargaśca kāryo brāhme'tha maṇḍale |
raṅgapīṭhasya madhye tu svayaṃ brahmā pratiṣṭhitaḥ || 72 ||

tataḥ salalitairhastairabhivandya pitāmaham |
abhivādāni kāryāṇi trīṇi hastena bhūtale || 73 ||

kālaprakarṣahetośca pādānāṃ pravibhāgataḥ |
sūtradhārapraveśādyo vandanābhinayāntakaḥ || 74 ||

dvitīyaḥ parivartastu kāryo madhyalayāśritaḥ |
tataḥ paraṃ tṛtīye tu maṇḍalasya pradakṣiṇam || 75 ||


atha yadarthaṃ pañcapadavikṣepaḥ kṛtastaṃ puṣpāñjalivimokṣaṃ 
setikartavyatākamāha - sūcīmityādi |

kuñcitaṃ pādamutkṣipya jānūrdhvaṃ samprasārayet |
pātayeccāgrayogena sā sūcī parikīrtitā || (nā. śā. 10-34)

pṛṣṭhadeśa iti śeṣaḥ tasya pādasya bahiḥ kṣepaḥ maṇḍalaṃ sthānam | kintat | 
brāhmamityāha | raṅgapīṭhasyeti | abhivādanānītyarthaḥ | trīṇīti | pratyekaṃ 
kathaṃ vandanaṃ kāryamityāha | kālasya yaḥ prakarṣo bahutaratvaṃ tatra | yo 
hetuḥ nṛttahastakaraṇaprayogātmā tamavalambya | nanu kathamasau kālaprakarṣaḥ 
ityāśaṅkya āha - pādānāmiti | tadupalakṣitānāṃ kalānāṃ yaḥ 
pravibhāgaḥ kālaparimāṇāntaramāśritya | nanu tāsāmiti ko vidhirityāha - 
sūtradhārapraveśādya iti |


p. 229)

bhavedācamanaṃ caiva jarjaragrahaṇaṃ tathā |
utthāya maṇḍalāttūrṇaṃ dakṣiṇaṃ pādamuddharet || 76 ||

vedhaṃ tenaiva kurvīta vikṣepaṃ vāmakena ca |
punaśca dakṣiṇaṃ pādaṃ pārśvasaṃsthaṃ samuddharet || 77 ||

tataśca vāmavedhastu vikṣepo dakṣiṇasya ca |
ityenana vidhānena samyakkṛtvā pradakṣiṇam || 78 ||

bhṛṅgārabhṛtamāhūya śaucaṃ cāpi samācaret |
yathānyāyaṃ tu kartavyā tena hyācamanakriyā || 79 ||

ātmaprokṣaṇamevādbhiḥ kartavyaṃ tu yathākramam |
prayatnakṛtaśaucena sūtradhāreṇa yatnataḥ || 80 ||


etaduktaṃ bhavati - dvātriṃśatkalānāṃ madhye praveśaḥ pañcapadīgamanaṃ 
puṣpatyāgo'bhivādanatrayaṃ ceti nirvartanīyam | tatra yāvatīṣu kalāsu 
pañcapadīgamanāntaṃ karma sampannaṃ tato yā avaśiṣyante 
kalāstadabhivādanayogyaṃ 
vyāvartitaparivartitādikaraṇamudvṛttanalinīpadmakośādinṛttahastajātaṃ 
vā'valambya salalitamabhivādanatrayaṃ kāryam | 

evaṃ dvitīye parivarte karmatrayaṃ pradarśya tṛtīyaparivarte drutalaye 
karmakalāpamupadiśati - tataḥ paramiti | maṇḍalasyeti | brahmasthānasya | 
tatkarmatrayaṃ krameṇa lakṣayanprathamasya lakṣaṇamāha - utthāyeti | 
abhivādane hi jānuśirovinamitaṃ bhūśleṣaparyantaṃ kṛtam | uddharediti | 
kuñcitaṃ pādam | (nā. śā. 10-34) ityādisūcīṃ sūcayati | vedhamiti 
dvitīyapādapārṣṇipṛṣṭhe pātanam | pārśvasaṃsthamiti pārśvakrāntāṃ (nā. 
śā. 10-32) cārīmāha |

etatkarmopasaṃharandvitīyaṃ śaucākhyaṃ lakṣayati - ityaneneti | āhūyeti 
vacanādbhṛṅgāradhāriṇaḥ pradakṣiṇabhramaṇe tūṣṇīṃbhāvena sthitiriti 
lakṣyate | śauce prayojanaṃ vakṣyate | yato'bhivādane śliṣṭaṃ śira 
ityādinyāyasmṛtyāditaḥ prāṅmukha upaviśyābahirjānirityādikramaḥ | (71-79)


p. 230)

sannipātasamaṃ grāhyo jarjaro vighnajarjaraḥ |
pradakṣiṇādyo vijñeyo jarjaragrahaṇāntakaḥ || 81 ||

tṛtīyaḥ parivartastu vijñeyo vai drute laye |
gṛhītvā jarjaraṃ tvaṣṭau kalā japyaṃ prayojayet || 82 ||

vāmavedhaṃ tataḥ kuryādvikṣepaṃ dakṣiṇasya ca |
tataḥ pañcapadīṃ caiva gacchettu kutaponmukhaḥ || 83 ||

vāmavedhastu tatrāpi vikṣepo dakṣiṇasya tu |
jarjaragrahaṇādyo'yaṃ kutapābhimukhāntakaḥ || 84 ||

caturthaḥ parivartastu kāryo drutalaye punaḥ |
karapādanipātāstu bhavantyatra tu ṣoḍaśa || 85 ||


tṛtīyaṃ karma darśayati - prayatneti | kasmin sannipāte 
tadgrahaṇamityāśaṅkāmapākartumāha - pradakṣiṇādya iti | tena 
turyapādāsannipātakāle tadagrahaṇamityuktaṃ bhavati |

atha drutalaya eva caturthe parivarte karmadvayaṃ darśayati - gṛhītveti | grahaṇaṃ 
dhāraṇam | ihāṣṭau kalā iti | prathamapādapātaparyantamityarthaḥ | japyaṃ 
japanīyaṃ tṛtīyādhyāyoktam | atra vighnavināśārtham (nā. śā. 3-78) 
ityādiślokacatuṣṭayaṃ pratikalamardhaśloka ityanenāvasānaprakarṣeṇa 
yojayeduccārayediti yāvat | (80-82)

nanu pañcapdyāṃ kiyān vikṣepakāla ityāśaṅkyāha - jarjaragrahaṇādya iti | 
ihāpi grahaṇaṃ dhāraṇam | tena caturviṃśatyā kalānāṃ kutapagamanaṃ 
kuryāditi tātparyam | ṣoḍaśeti | kalādvayenaikaṃ patanamiti yāvat | (83-85)


p. 231)

tryaśre dvādaśa pātāstu bhavanti karapādayoḥ |
vandanānyatha kāryāṇi trīṇi hastena bhūtale || 86 ||

ātmaprokṣaṇamadbhiśca tryaśre naiva vidhīyate |
evamutthāpanaṃ kāryaṃ tatastu parivartanam || 87 ||

caturaśraṃ laye madhye sannipātairathāṣṭabhiḥ |
yasyā laghūni sarvāṇi kevalaṃ naidhanaṃ guru || 88 ||

bhavedatijagatyāntu sā dhruvā parivartanī |
vārtikena tu mārgeṇa vādyenānugatena ca || 89 ||

lalitaiḥ pādavinyāsairvandyā devā yathādiśam |
dvikalaṃ pādapatanaṃ pādacāryā gataṃ bhavet || 90 ||

ekaikasyāṃ vidhi tathā sannipātadvayaṃ bhavet |
vāmapādena vedhastu kartavyo nṛttayoktṛbhiḥ |
dvitālāntaraviṣkambho vikṣepo dakṣiṇasya ca || 91 ||


tryaśra iti | prasaṅgādetaduktam | na caitāvatprayogatmakametadaṅgamiti 
darśayitumāha - evamityādi | evambhūtāyāmihetikartavyatāyāṃ kṛtāyāṃ 

yasmādutthāpayantyatra prayogaṃ nāndipāṭhakāḥ | pūrvameva tu raṅge'smin 
iti (nā. śā. 5-22) ślokalakṣitaṃ pratyāhārādīnāṃ gītakavidhyantānāṃ 
prayogasya ca nāṭyasyotthāpanaṃ vyākhyātarūpaṃ kāryam | 
caśabdastuśabdasyārthe | tatastu parivartanam | na tu dhruvāprayogānantarameva |


p. 232)

tataḥ pañcapadīṃ gacchedatikrāntaiḥ padairatha |
tato'bhivādanaṃ kuryāddevatānāṃ yathādiśam || 92 ||

vandeta prathamaṃ pūrvāṃ diśaṃ śakrādhidaivatām |
dvitīyāṃ dakṣiṇāmāśāṃ vandeta yamadaivatām || 93 ||

vandeta paścimāmāśāṃ tato varuṇadaivatām |
caturthīmuttarāmāśāṃ vandeta dhanadāśrayām || 94 ||


ye tūpasaṃhāragranthatvenaitadvyācakṣate tasmādutthāpayanti iti na (taiḥ) 
kiñcidanusmṛ(sṛ)taṃ syāt | na hi brahmābhivādanajarjarābhimantraṇamātreṇa 
kiñcidapyutthāpitaṃ bhavati | vighnaśamanopayogitvenotthāpakatvaṃ 
parivartanādāvapi syāt | utthāpanītyanvarthatvāt | nāṭyāyitena ca 
prayogotthāpanāntasya ca dhruvābhinayarūpatayocitārthākṣepāt |

yattu kāvyena noktaṃ syādgītena iti |
tathā gītaṃ prāṇāḥ prayogasya iti 
parikrameṇa raṅgasya tathaivārthavaśena ca |

parivartāstu 

iti vacanena gāndharva iva dhruvāgāne 
parivartānāmadṛṣṭārthetikartavyatārūpā(patvā)bhāvāt | 
sphuṭaścaiṣāmupāye nirdiṣṭenocitenārthacatuṣṭayena yukteyaṃ sukavinā 
dhruvā kāryeti vṛddhāḥ |

tataśceti | caturaśratālayuktadhruvāyogātparivartanaṃ caturaśram | pādairgīyata 
iti sannipātācca pādacatuṣṭayogāt | sannipātāṣṭakamatra lakṣayati - yasyā iti | 
atijagatī trayodaśasākṣarā | tena parivartanacatuṣṭayam | guruḥ vārtikamārgo 
yatra caturmātrā kalā | gītaṃ yadanugacchatyanugatametadbhavedvādyam | 
pādacāryā bhaumyāmākāśikyāṃ vā kartavyāyāṃ pādapatanaṃ dve kale 
vyāpnoti | ekasyāmutkṣepo'nyasyāṃ patanamiti yāvat | anye tu śobhārthaṃ 
kalāyāṃ dvau pādapātau vārtikamārge varṇayanta itthaṃ vyācakṣate - 
dvitvaṃ vartayatyeko yo'(nyo)bhivartate | na vidyate kale yasya pādapatanasya 
tadvikalamiti | evaṃ ca vadantaḥ pūrvokta uktetyarthaḥ (ukta ityarthaḥ) 
(pūrvottaraviruddhatānabhijñāḥ?) | (86-92)


p. 233)

diśāṃ tu vandanaṃ kṛtvā vāmavedhaṃ prayojayet |
dakṣiṇena ca kartavyaṃ vikṣepaparivartanam || 95 ||

prāṅmukhastu tataḥ kuryātpuruṣastrīnapuṃsakaiḥ |
tripadyā sūtrabhṛdrudrabrahmopendrābhivādanam || 96 ||

dakṣiṇaṃ tu padaṃ puṃso vāmaṃ strīṇāṃ prakīrtitam |
punardakṣiṇameva syānnātyutkṣiptaṃ napuṃsakam || 97 ||

vandeta pauruṣeṇeśa strīpadena janārdanam |
napuṃsakapadenāpi tathaivāmbujasambhavam || 98 ||

parivartanamevaṃ syāttasyānte praviśettataḥ |
caturthakāraḥ puṣpāṇi pragṛhya vidhipūrvakam || 99 ||


śakro'dhiṣṭhātrī devatā asyā iti tāṃ pūrvā yajeteti (vandeteti) | viśeṣyeṇa vā 
viśeṣeṇa vedaṃ badhnātīti (viśeṣaṇena vā saṃbadhnātīti) saviśeṣaṃ 
vandyamānatvaṃ śakrasya gamyate |

vikṣepapūrvakaṃ parivartanam | yenottarābhimukhaṃ sthitaḥ parivṛtya 
pūrvābhimukho bhavati | tatra kiṃ kuryādityāha - prāṅmukhastviti | tripadīṃ 
darśayati - dakṣiṇantviti(tye)tayā tripadyā | abhivādanaṃ darśayati - vandeteti |

evaṃ digdevatāvandanaṃ parivartinyā dhruvayā vidyu(dhyu)dgīyamānapadayā 
kāryam | tasyānta ityādi | tasyeti parivartasya | sūtradhārasya pāripārśvikayośca 
tisraḥ kriyāḥ | tadvyatiriktañcaturthaṃ karma karotīti caturthakāraḥ | vidhiḥ 
sthānantu vaiṣṇavam ityādi (nā. śā. 5-67) sūtradhāroktaḥ | puṣpāṇāṃ 
prayojanamāha - yathāvaditi | tṛtīye'dhyāye puṣkarādhyāye (34) ca 
nirūpitadevatāpūjākrameṇa (93-100) |


p. 234)

yathāvattena kartavyaṃ pūjanaṃ jarjarasya tu |
kutapasya ca sarvasya sūtradhārasya caiva hi || 100 ||

tasya bhāṇḍasamaḥ kāryastajjñairgatiparikramaḥ |
na tatra gānaṃ kartavyaṃ tatra stobhakriyā bhavet || 101 ||

caturthakāraḥ pūjāṃ tu sa kṛtvāntarhito bhavet |
tato geyāvakṛṣṭā tu caturaśrā sthitā dhruvā || 102 ||

guruprāyā tu sā kāryā tathā caivāvapāṇikā |
sthāyivarṇāśrayopetā kalāṣṭakavinirmitā || 103 ||

(caturthaṃ pañcamaṃ caiva saptamaṃ cāṣṭamaṃ tathā |
laghūni pāde paṅktyāntu sāvakṛṣṭā dhruvā smṛtā ||)

sūtradhāraḥ paṭhettatra madhyamaṃ svaramāśritaḥ |
nāndīṃ padairdvādaśabhiraṣṭabhirvā'pyalaṅkṛtām || 104 ||


bhāṇḍenaiva sama iti | puṣkaravādyamevāsya gatyarthe paritaḥ krameṇa kāryam | 
gīyata iti gānamarthavadvākyam | stobhānāṃ śuṣkākṣarāṇām | kriyā 
gānamityarthaḥ | sthiteti | vilambitalayā | guruprāyeti | nava gurvakṣarāṇyādau iti 
(nā. śā. 5-111) yacchuṣkāvakṛṣṭāyā lakṣaṇaṃ bhaviṣyati tadevāsyāmiti 
yāvat | sthitāḥ svarāḥ samā yatra sthāyī varṇaḥ sa ucyate (nā. śā. 29-19) | 
tamāśritā ye'laṅkārā vakṣyante tairupetāḥ | kalāṣṭakaṃ dvikalacañcatpuṭa 
uktapūrvaḥ (5-62) (101-103)

evaṃ pūrvāmitikartavyatāmabhidhāya nāndīmāha - sūtradhāra iti | 
tatretyavakṛṣṭāyāṃ gītāyāmityarthaḥ | taddhruvāgānagatena madhyamasvareṇa 
pāṭha ityatastasyā dhruvāyā madhyamāṃśako


p. 235)

namo'stu sarvadevebhyo dvijātibhyaḥ śubhaṃ tathā |
jitaṃ somena vai rājñā śivaṃ gobrāhmaṇāya ca || 105 ||

brahmottaraṃ tathaivāstu hatā brahmadviṣastathā |
praśāstvimāṃ mahārājaḥ pṛthivīṃ ca sasāgarām || 106 ||

rāṣṭraṃ pravardhatāṃ caiva raṅgasyāśā samṛddhyatu |
prekṣākarturmahāndharmo bhavatu brahmabhāṣitaḥ || 107 ||

kāvyakarturyaśaśacāstu dharmaścāpi pravardhatām |
ijyayā cānayā nityaṃ prīyantāṃ devatā iti || 108 ||

nāndīpadāntareṣveṣu hyevamāryeti nityaśaḥ |
vadetāṃ samyaguktābhirvāgbhistau pāripārśvikau || 109 ||


jātyaṃśako gṛhīta ityuktaṃ bhavati | etadupajīvanenoktaṃ kaśyapācāryeṇa 
pūrvaraṅge tu ṣāḍabaḥ iti |

nāndīṃ paṭhati - namo'stvityādi devatā ityantam | padamatrāvāntaravākyam | 
tadanteṣvevamāryeti | antaraśabdo viśeṣe | nāndīpadaviśeṣa ukta ityarthaḥ | 
madhyavācīitya(cinya)ntaraśabdo(bde)'ntyaṃ padaṃ na sva(svī)kṛtam | 
vāgrahaṇādapiśabdāccatuṣ.ṣoḍaśapadatvaṃ caturaśre pūrvaraṅge | tryaśre 
tu ṣaṭpañca (triṣaṭpada) - tvamapi labhyate | etacca prathamādhyāya 
evāsmābhiruktam (pu. 25-26) | raṅgasyeti | naṭakuśilavavargasya | dharma iti | ya 
imaṃ pūrvaraṅgam iti (nā. śā. 5-170) vakṣyamāṇaḥ | (104-109)

evamiti caturthakārapraveśāditikartavyateyamityarthaḥ |


p. 236)

evaṃ nāndī vidhātavyā yathāvallakṣaṇānvitā |
tataśśuṣkāvakṛṣṭā syājjarjaraślokadarśikā || 110 ||

navagurvakṣarāṇyādau ṣaḍlaghūni gurutrayam |
śuṣkāvakṛṣṭā tu bhavetkalā hyaṣṭau pramāṇataḥ || 111 ||

yathā -

digle digle digle digle jambukapalitakate tecām |
kṛtvā śuṣkāvakṛṣṭāṃ tu yathāvaddvijasattamāḥ || 112 ||

tataḥ ślokaṃ paṭhedekaṃ gambhīrasvarasaṃyutam |
devastotraṃ puraskṛtya yasya pūjā pravartate || 113 ||

rājño vā yatra bhaktiḥ syādatha vā brahmaṇasstavam |
gaditvā jarjaraślokaṃ raṅgadvāre ca yatsmṛtam || 114 ||


evaṃ nāndīṃ lakṣaṇataḥ pūrayitvā śuṣkāvakṛṣṭākhyamaṅgaṃ pūrayati - 
tataśśuṣkāvakṛṣṭetyādinā | (tataḥ) etatprayogānantaram | jarjarastutiśloko yataḥ 
sūtradhāreṇa paṭhyate'to jayate taddarśikā tatpurassarītyarthaḥ | 
śuṣkāvakṛṣṭāmātrāḥ | nava gurvakṣarāṇīti | udāharaṇaṃ paṭhatīdaṃ digle 
ityādi | yathāvadityanena tadanantaraṃ jarjaraślokapāṭhaṃ sūcayati | 
taddarśanena tasyā uktatvāt | tataḥ ślokamityanena raṅgadvāramaṅgaṃ 
nirūpayati | devasya viṣṇoḥ stotraṃ pūrvaṃ kṛtvā yā devatāmuddiśyotsavādau 
nāṭyaṃ kṛtaṃ sā tatra stotavyā | athavā evameva | rājñaḥ nāṭyapravartakasya 
tatprekṣāpaterārādhyadevatā | sa cedudāsīnastarhi brahmaṇaḥ ayamasau | 
raṅgadvāramupasaṃharaścāryākhyamaṅgaṃ pūrayituṃ tatra 
pūrvetikartavyatāmāha - gaditveti | jarjaraślokaṃ gaditvā yo raṅgadvāre 
ślokastaṃ ca gaditvā jarjaro'pi nāmyate | vakṣyamāṇatulādhṛtarūpatayā yena 
ślokena saṃpādyate tādṛśamanyaṃ ślokaṃ paṭhet | atra vighnavināśārtham 


p. 237)

paṭhedanyaṃ punaḥ ślokaṃ jarjarasya vināśanam |
jarjaraṃ namayitvā tu tataścārī prayojayet || 115 ||

pāripārśvikayośca syātpaścimenāpasarpaṇam |
aḍḍitā cātra kartavyā dhruvā madhyalayānvitā || 116 ||

caturbhiḥ sannipātaiśca caturaśrā pramāṇataḥ |
ādyamantyaṃ caturthaṃ ca pañcamaṃ ca tathā guru || 117 ||

yasyāṃ hrasvāni śeṣāṇi sā jñeyā tvaḍḍitā budhaiḥ |
asyāḥ prayogaṃ vakṣyāmi yathā pūrvaṃ maheśvaraḥ || 118 ||


(nā. śā. 3-78) ityuktaślokā vyatiriktanāmnā'rthābhidhāyinaṃ ślokaṃ 
cāryaṅgabhūtaṃ paṭhediti yāvat |

anye tu śuṣkāvakṛṣṭānantaraṃ devatāstotramiti ślokaḥ | tato jarjaraślokaḥ | tato 
viṣṇustutikṛdraṅgadvāraślokaḥ | tato jarjaraśloka ityāhuḥ (110-115) |

paścimeneti | prāṅmukhāveva pṛṣṭhanivṛttibhiḥ padaiḥ 
pāripārśvikāvapasarpetāmityanena 
kevalasūtradhāraprayojyamānāścārīmahācāryaḥ sūcitāḥ dhruvāmāha - 
aḍḍitā cātreti | raṅgadvāre cāryāṃ ceti kecit | anye tu 
sannidhānādraṅgadvāre'vakṛṣṭaivetyāhuḥ | adhruvameva raṅgadvāramityeke | 
caturaśrā iti | prastārāñcita eva cañcatpuṭe syāt (nā. śā. 31- pu. 522. kāṃ 
mā.) iha chandoviśeṣābhidhāne'pi niyamo vakṣyate uṣṇiganuṣṭubbṛhatī 
paṅktiśceti | (nā. śā. 32-36) aḍḍitā jātiriti |

anye tu paṭhanti -

ādyaṃ caturthaṃ daśamamaṣṭamaikādaśe tathā |
gurūṇi dodhake yā syādaḍḍitā nāma sā smṛtā || iti |


p. 238)

sahomayā krīḍitavānnānābhāvaviceṣṭitaiḥ |
kṛtvā'vahitthaṃ sthānaṃ tu vāmaṃ cādhomukhaṃ bhujam || 119 ||

caturaśramuraḥ kāryamañcitaścāpi mastakaḥ |
nābhipradeśe vinyasya jarjaraṃ ca tulādhṛtam || 120 ||

vāmapallavahastena pādaistālāntarotthitaiḥ |
gacchetpañcapadīṃ caiva savilāsāṅgaceṣṭitaiḥ || 121 ||

vāmavedhastu kartavyo vikṣepo dakṣiṇasya ca |
śṛṅgārarasasaṃyuktāṃ paṭhedāryāṃ vicakṣaṇaḥ || 122 ||


ādyamantyaṃ caturthaṃ ca pañcamaṃ ca tathā guru | ityanye ||

asyā iti | cāryāḥ | sahomayeti | śṛṅgārasya pracaraṇāt | (nā. śā. 5-27) umā 
tuṣṭā (nā. śā. 5-52) iti proktatvāditi bhāvaḥ | krīḍitavāniti | striceṣṭiteneti 
bhāvaḥ | kṛtvāvahitthaṃ sthānantviti | avahitthaṃ strīṇāṃ sthānakam -

pūrvo viracitastyaśrastadanyo'pasṛtaḥ samaḥ |
pādastālāntaranyastastrikamīṣatsamunnatam || (nā. śā. 12-168)

pāṇirlatākhyo yatraikastadanyastu nitambagaḥ |
avahitthaṃ samākhyātam (nā. śā. 12-169) iti |

jarjaramiti | khaṭakāmukhamadhye strīgatau hi vakṣyate -

nābhipradeśe vinyasya savyaṃ ca khaṭakāmukham | iti (nā. śā. 12-179) |

vāmapallavahasteneti | vāmapallavaḥ - maṇibandhanamuktau tu patākau pallavau iti 
(nā. śā. 9-196) pañcapadīṃ pūrvoktāmeva smārayati | vāmavedhastviti | 
āryāmiti | yatra devyā saha bhagavataḥ pārvatīpriyasya praṇayakopādi varṇyate 
teneti | śloka āryaivātra (116-122)


p. 239)

cārīślokaṃ gaditvā tu kṛtvā ca parivartanam |
taireva ca padaiḥ kāryaṃ paśimenāpasarpaṇam || 123 ||

pāripārśvikahaste tu nyasya jarjaramuttamam |
mahācārīṃ tataścaiva prayuñjīta yathāvidhi || 124 ||

caturaśrā dhruvā tatra tathā drutalayānvitā |
caturbhissanipātaiśca kalā hyaṣṭau pramāṇataḥ || 125 ||

ādyaṃ caturthamantyaṃ ca saptamaṃ daśamaṃ guru |
laghu śeṣaṃ dhruvāpāde caturviṃśatike bhavet || 126 ||

(yathā-)

pādatalāhatipātitaśailaṃ
kṣobhitabhūtasamagrasamudram |
tāṇḍavanṛttamidaṃ pralayānte 
pātu jagatsukhadāyi harasya || 127 ||

bhāṇḍonmukhena kartavyaṃ pādavikṣepaṇaṃ tataḥ |
sūcīṃ kṛtvā punaḥ kuryādvikṣepaparivartanam || 128 ||


atha mahācārīprayogamavatārayati - pāripārśvikahaste tviti | tatra dhruvāmāha 
- caturaśreti | dvikalenoktena cañcatpuṭena | ādyaṃ caturthamiti dhruvālakṣaṇam | 
asyāḥ prayogamāha - bhāṇḍonmukheneti | paścimābhimukhena | 
maheśvaratvaṃ yasya nyasyātmani tasyātmanīcchatā ūnacatustālatā 
tacceṣṭitānusaraṇācca madhyatve'pi taddvitālatetyaucityāttālāntaratvamuktam | 
(124-131)


p. 240)

atikrāntaiḥ salalitaiḥ pādairdrutalayānvitaiḥ |
tritālāntaramutkṣepairgacchetpañcapadīṃ tataḥ || 129 ||

tatāpi vāmavedhastu vikṣepo dakṣiṇasya ca |
taireva ca padaiḥ kāryaṃ prāṅmukhenāpasarpaṇam || 130 ||

punaḥ padāni trīṇyeva gacchetprāṅmukha eva tu |
tataśca vāmavedhaḥ syādvikṣepo dakṣiṇasya ca || 131 ||

tato raudrarasaṃ ślokaṃ pādasaṃharaṇaṃ paṭhet |
tasyānte tu tripadyātha vyāharetpāripārśvikau || 132 ||

tayorāgamane kāryaṃ gānaṃ narkuṭakaṃ budhaiḥ |
tathā ca bhāratībhede trigataṃ samprayojayet || 133 ||

vidūṣakastvekapadāṃ sūtradhārasmitāvahām 
asambaddhakathāprāyāṃ kuryātkathanikāṃ tataḥ || 134 ||


atha mahācārī sūcayati - tato raudrarasamiti | rudrasyāyaṃ raudraprāyaḥ sa rasaḥ 
| yatra pādānāṃ ca saṃharaṇaṃ samāsayojanayaikyaṃ 
yatretyojaḥpradhānatvaṃ darśitam | tasyeti | pāṭhasyānte | tripadyeti | 
pāripārśvikāvāmukharūpayā | atra ca dhruvāyā 
anuktatvātpūrvoktaivāḍḍitā saṃśrayaṇīyā |

atha trigatamaṅgaṃ darśayati - tayorityādinā | tayoḥ pāripārśvikayoḥ | 
narkuṭakadhruvā vakṣyate |


p. 241)

(vitaṇḍāṃ gaṇḍasaṃyuktāṃ tālikāñca prayojayet |
kastiṣṭhati jitaṃ kenetyādikāvyaprarūpiṇīm ||

pāripārśvikasañjalpo vidūṣakavirūpitaḥ |
sthāpitaḥ sūtradhāreṇa trigataṃ samprayujyate ||)

prarocanā ca kartavyā siddhenopanimantraṇam |
raṅgasiddhau punaḥ kāryaṃ kāvyavastunirūpaṇam || 135 ||

sarvameva vidhiṃ kṛtvā sūcīvedhakṛtairatha |
pādairanāviddhagatairniṣkrāmeṣyuḥ samaṃ trayaḥ || 136 ||

evameṣa prayoktavyaḥ pūrvaraṅgo yathāvidhi |
caturaśro dvijaśreṣṭhāstryaśraṃ cāpi nibodhata || 137 ||

ayameva prayogaḥ syādaṅgānyetāni caiva hi |
tālapramāṇaṃ saṅkṣiptaṃ kevalaṃ tu viśeṣakṛt || 138 ||

śamyā tu dvikalā kāryā tālo hyekakalastathā |
punaścaikakalā śamyā sannipātaḥ kalādvayam || 139 ||


aṣṭau narkuṭakānāṃ tu vijñeyā mūlajātayaḥ |
rathoddhatā budbudakam ityādi (nā. śā. 32-280)

tadanyatamadhruvopalakṣitaṃ gānaṃ narkuṭakam |

bhāratībheda iti | bhāratīvṛttyaṅgamupasaṃharatyevameṣa iti | 
caturaśrastryaśraśśuddhaścita iti caturdhā pūrvaraṅgaḥ | yadvakṣyati -


p. 242)

anena hi pramāṇena kalātālalayānvitaḥ |
kartavyaḥ pūrvaraṅgastu tryaśo'pyutthapanādikaḥ || 140 ||

ādyaṃ caturthaṃ daśamamaṣṭamaṃ naidhanaṃ guru |
yasyāstu jāgate pāde sā tryaśotthāpinī dhruvā || 141 ||

vādyaṃ gatipracāraśca dhruvā tālastathaiva ca |
saṃkṣiptānyeva kāryāṇi tryaśre nṛttapravedibhiḥ || 142 ||

vādyagītapramāṇena kuryādaṅgaviceṣṭitam |
vistīrṇamatha saṅkṣiptaṃ dvipramāṇavinirmitam || 143 ||

hastapādapracārastu dvikalaḥ parikīrtitaḥ |
caturaśre parikrānte pātāḥ syuḥ ṣoḍaśaiva tu || 144 ||

tryaśre dvādaśa pātāstu bhavanti karapādayoḥ |
etatpramāṇaṃ vijñeyamubhayoḥ pūrvaraṅgayoḥ || 145 ||

kevalaṃ parivarte tu gamane tripadī bhavet |
digvandane pañcapadī caturaśre vidhīyate || 146 ||

ācāryabuddhyā kartavyastryaśrastālapramāṇataḥ |
tasmānna lakṣaṇaṃ proktaṃ punaruktaṃ bhavedyataḥ || 147 ||

evameṣa prayoktavyaḥ pūrvaraṅgo dvijottamāḥ |
tryaśraśca caturaśraśca śuddho bhāratyupāśrayaḥ || 148 ||


p. 243)

evaṃ tāvadayaṃ śuddhaḥ pūrvaraṅgo mayoditaḥ |
citratvamasya vakṣyāmi yathākāryaṃ prayoktṛbhiḥ || 149 ||

vṛtte hyutthāpane viprāḥ kṛte ca parivartane |
caturthakāradattābhiḥ sumanobhiralaṅkṛte || 150 ||

udāttagānairgandharvaiḥ parigīte pramāṇataḥ |
devadundubhayaścaiva ninadeyurbhṛśaṃ tataḥ || 151 ||

siddhāḥ kusumamālābhirvikireyuḥ samantataḥ |
aṅgahāraiśca devyastā upanṛtyeyuragrataḥ || 152 ||

yastāṇḍavavidhiḥ prokto nṛtte piṇḍīsamanvitaḥ |
recakiraṅgahāraiśca nyāsopanyāsasaṃyutaḥ || 153 ||

nāndīpadānāṃ madhye tu ekaikasminpṛthakpṛthak |
prayoktavyo budhaiḥ samyakcitrabhāvamabhīpsubhiḥ || 154 ||


tryaśraṃ vā caturaśraṃ vā śuddhaṃ citramathāpi vā | iti citra eva 
viśeṣāñcito bhavati | tadā gamanakāle | tato'nantaram | niṣkrāntāsu nartakīṣu 
tataḥ paraṃ śuṣkāvakṛṣṭādi yadaṅgajātaṃ prarocanāntaṃ taireva 
sūtradhārādibhistada(taḥ)paraṃ kṛtvā tataḥ śuddhādutkṛṣṭaṃ citraṃ 
kṛtvā'ṅgahāravyāmiśreṇa prayoktavyam |

nānya(anye) ca nāsti puruṣasya nṛttam ityāśayena sarvāsvityatra 
nāndīpadavaicitryāya yāḥ praviṣṭāstāsāmeva niṣkrāmaṇamatra pūrvāsāṃ 
catasṛṇām | tena tatkṛtameva gānaṃ teṣu citratvamiti manyante | (132-157)


p. 244)

evaṃ kṛtvā yathānyāyaṃ śuddhaṃ citraṃ prayatnataḥ |
tataḥ paraṃ prayuñjīta nāṭakaṃ lakṣaṇānvitam || 155 ||

tatastvantarhitāḥ sarvā bhaveyurdivyayoṣitaḥ |
niṣkrāntāsu ca sarvāsu nartakīṣu tataḥ param || 156 ||

pūrvaraṅge prayoktavyamaṅgajātamataḥ param |
evaṃ śuddho bhaveccitraḥ pūrvaraṅgo vidhānataḥ || 157 ||

kāryo nātiprasaṅgo'tra nṛttagītavidhiḥ prati |
gīte vādye ca nṛtte ca pravṛtta'tiprasaṅgataḥ || 158 ||

khedo bhavetprayoktṝṇāṃ prekṣakāṇāṃ tathaiva ca |
khinnānāṃ rasabhāveṣu spaṣṭatā nopajāyate || 159 ||


kāryo nātiprasaṅga iti | tatraikāṅgahāraprayoga eva kārya ityarthaḥ | ata 
evā(ṅgā)ntaragaṇanayā ṣoḍaśaivāṅgahārāḥ | tathā cotthāpanaṃ 
parivartanamavakṛṣṭāgānaṃ nāṭyaṃ nāndīpāṭhaḥ 
śuṣkāvakṛṣṭajarjaraślokāḥ dhruvā raṅgadvāramaḍḍitā āryāpāṭho dhruvā 
raudraślokapāṭho narkuṭakaṃ trigataṃ prarocanā cetyete | 
aṅgahāraṣoḍaśakameva tryaśre'pīti nāndīpādāntareṣu bahutaraṃ nṛttam |

anye tu tatraiva nṛttamicchanti mārgāntareṣu(nāṅgāntareṣu) | taccāsaṅgatam | 
evaṃ ca sati vṛtte hyutthāpana ityādi tathā niṣkrāntāsu ca sarvāsu ityādi 
cānupāttasamameva syāt | na 
caikāṅgā(ṅgahāra)vicitratvādvimiśracitravyapadeśe dṛṣṭāntaṃ(nto) hyekasya 
tantorvarṇasya (ka)lāvaicitryaṃ(trye) paṭe'pi syāt tathā vyapadeśaḥ | etadvimiśra 
iti coktaṃ prāk | (nā. śā. 4-16) tadalamanena |

prekṣakāṇāmityanena sāmājikānāṃ pūrvaraṅge sphuṭaiva 
naṭabuddhirbhavatīti darśayati | tatsaṃskārasaṃskṛtatvāttu dhīḥ 
bhrāntyādibuddhiśca nāṭyadhīrbhavatīti sūcayati | yadi hi teṣu 
nāṭyabuddhirevotpādanīyā syātpratyuta prayatnena naṭabuddhisampādakaṃ 
pūrvaraṅgaprastāvanādi


p. 245)

tataḥ śeṣaprayogastu na rāgajanako bhavet |
(lakṣaṇena vinā bāhyalakṣaṇādvistṛtaṃ bhavet |
lokaśāstrānusāreṇa tasmānnāṭyaṃ pravartate ||)

tryaśraṃ vā caturaśraṃ vā śuddhaṃ citramathāpi vā || 160 ||

prayujya raṅgānniṣkrāmetsūtradhāraḥ sahānugaḥ |
(devapārthivaraṅgānāmāśīrvacanasaṃyutām ||

kavernāmaguṇopetāṃ vastūpakṣeparūpikām |
laghuvarṇapadopetāṃ vṛttaiścitrairalaṅkṛtām ||

antaryavanikāsaṃsthaḥ kuryādāśrāvaṇāṃ tataḥ |
āśrāvaṇāvasāne ca nāndīṃ kṛtvā sa sūtradhṛt ||

punaḥ praviśya raṅgaṃ tu kuryātprastāvanāṃ tataḥ |)
prayujya vidhinaivaṃ tu pūrvaraṅgaṃ prayogataḥ || 161 ||


tānprati gopanīyaṃ syāt | darśitaṃ caitadasmābhiḥ prathamādhyāye (pu. 3) | 
prayoktāraḥ karaṇādeḥ prayoge yataḥ khinnāḥ prekṣakāścādau tataḥ śeṣaḥ 
prayogaḥ prītiṃ na kuryāt | tatpradhānaṃ cedaṃ nāṭyaṃ 
vyatpattipradamityuktam |

śuddhamiti | yatra gītakavardhamānavidhāveva nṛttaṃ na tu sarvathā 
śuddhamadhunā prayogārham | (158-160)

evaṃ prarocanāntamaṅgajātamuktvā yatpūrvamuktaṃ -

raṅgasiddhau punaḥ kāryaṃ kāvyavastunirūpaṇam | iti (nā. śā. 5-135)

tadvitatya nirūpayati - prayojyeti | prayogeṇa prayogataḥ | sthāpayati samastaṃ 
rūpakavṛttimiti sthāpakaḥ | sūtradhārasya guṇaḥ 
saumanasyavismayayogādbhutadṛṣṭitvaśikṣādayaḥ | ākṛtiśca 

p. 246)

sthāpakaḥ praviśettatra sūtradhāraguṇākṛtiḥ |
sthānaṃ tu vaiṣṇavaṃ kṛtvā sauṣṭhavāṅgapuraskṛtam || 162 ||

praviśya raṅgaṃ taireva sūtradhārapadairvrajet |
sthāpakasya praveśe tu kartavyā'rthānugā dhruvā || 163 ||

tryaśrā vā caturaśrā vā tajjñairmadhyalayānvitā |
kuryādanantaraṃ cārīṃ devabrāhmaṇaśaṃsinīm || 164 ||

suvākyamadhuraiḥ ślokairnānābhāvarasānvitaiḥ |
prasādya raṅgaṃ vidhivatkavernām ca kīrtayet || 165 ||


vaiṣṇavādirityetatsthāpakabhūmiṃ gatasyāpi bhavati  tadeva spaṣṭayati - 
sthānantvityādinā | sūtradhāra eva sthāpaka iti sūtradhāraḥ pūrvaraṅgaṃ 
prayujya sthāpakaḥ san praviśediti na bhinnakartṛkatā | arthānugeti | 
sārasacakrāhvādyupamānakrameṇa tatra prāveśikī | 
tadarthamapyevamutthāpanyādi kāryam | madhyalayānvitā 
ityadyatanānāmiṣṭatvāt | śokādyāviṣṭe hi vilambitalayā roṣādyāviṣṭe ca 
drutalayā prāveśikī | tataḥ prabhṛti hi sāmājikānāṃ hṛdayaṃ 
samucitāsvādanayogyatāṃ (yogyam |) yaiḥ saṃska(stu kaḥ)rtavyamiti 
tribhirlayairnyāyyam | anyatve sarvaprāveśikīgānaṃ svātantryābhiprāyeṇa (iti) 
tadavicāritabāṇa(bhāṇa)prasiddhimātramiti mantavyam | kuryādanantaraṃ 
cārīmiti | mahācārīgatau ślokau vakṣyete | tena śṛṅgārasapradhānaṃ 
vīrādirasapradhānaṃ vā devadvijastotroddeśaślokaṃ paṭhedityarthaḥ |

antaracārīmityanye paṭhanti | vyācakṣate ca - svasthānādanyacārī 
anantarapratihārāsanikādivat | tatra punaḥ prarocanayā jayāśīrvādādikrameṇa 
raṅgasthasāmājikavargaprasādanaṃ devadvijastotroddeśena ślokaṃ paṭhet (iti) | 
(prāsādanaṃ) hṛdayanirmalīkaraṇaṃ rasāsvādocitasaṃskārāt 
grahaṇayogyatādhānārthaṃ kuryāt | tataḥ kavināma kīrtayet | 
caśabdāttadguṇādikam | yena prasiddhādaraṇīyatvaṃ bhavati (161-165)

p. 247)

prastāvanāṃ tataḥ kuryātkāvyaprakhyāpanāśrayām |
udghātyakādi kartavyaṃ kāvyopakṣepaṇāśrayam || 166 ||

divye divyāśrayo bhūtvā mānuṣe mānuṣāśrayaḥ |
divyamānuṣasaṃyoge divyo vā mānuṣo'pi vā || 167 ||

mukhabījānusadṛśaṃ nānāmārgasamāśrayam |
nānāvidhairupakṣepaiḥ kāvyopakṣepaṇaṃ bhavet || 168 ||

prastāvyaivaṃ tu niṣkrāmetkāvyaprastāvakastataḥ |
evameṣa prayoktavyaḥ pūrvaraṅgo yathāvidhi || 169 ||


tato rūpakaviśeṣaprakhyāpanamāśrityeti tatprakhyāpanavyājena 
bhāvirūpakārthasya prastāvanāmupakramopakṣepaparyāyāṃ kuryāt | yena 
prathamata etatprabhṛti sāmājikāḥ saṃkṣepeṇa saṃskāravanto bhavanti | 
sādhāraṇalokavṛttabhidhānasaṃskāravantaśca | tathā hi divye kāvyārthe 
ḍimādau tatsadṛśavastūpakṣepaḥ | divyamānuṣo rāmādiḥ | vāgrahaṇaṃ 
samuccaye | 

nanūpakṣepātmā prastāvanā mukhasandhyaṅgādupakṣepādbījalakṣaṇāyā 
arthaprakṛteśca kathaṃ bhidyata ityāśaṅkyāha - mukhabījānusadṛśamiti | 
mukhaṃ mukhasandhyaṅgaḥ | bījavat bījaḥ svalpoddiṣṭaḥ kāryahetuḥ | 
mukhāṅge hyupakṣepe tadevopakṣipyate | bīje ca tadeva svalpamātram | iha tu 
tatsamam | tathā hi - naṭīvidūṣakapāriparśvikaiḥ samantāditi vicitrabhedena 
svakāryanirūpaṇavyājena ye nānāvidhā upakṣepāḥ upāṃśucchannatvena 
rūpakārthabījasya sāmājikahṛdayabhūmau prakṣepāstaiḥ kāvyaṃ prastāvya 
prastāvakasthāpako niṣkrāmet |

nanviha pūrvaraṅgaśeṣabhūtā cetprastāvanā tarhi bhāratyaṅgabhūtatvena 
punaḥ kimityāmukhaṃ prarocanā cābhidhāsyate (nā. śā. 20-27) | ucyate | 
dvividhā prastāvanā bhavati - pūrvaraṅgasyāṅgabhūtā'nyasya vā 
(vṛttibhedasya = bhāratyāḥ) | tatra pūrvaraṅgāṅge'syāṃ prastāvanāyāṃ 
kavirudāsīnaḥ | (asyāḥ pūrvaraṅgāṅgabhūtāyāḥ prastāvanāyāḥ) sthāpaka 
eva svatantro nirmātā tvanyo vā kaviḥ dhruvāgānādāvapi evam | yadāha 
śrīharṣaḥ - ata eva hā(bhā?)sā nāmā (kaviḥ) kasmiṃścinnāṭake? divaṃ 
yātaścittajvareṇotka ita


p. 248)

ya imaṃ pūrvaraṅgaṃ tu vidhinaiva prayojayet |
nāśubhaṃ prāpnuyātkiñcitsvargalokaṃ ca gacchati || 170 ||

yaścāpi vidhimutsṛjya yatheṣṭaṃ saṃprayojayet |
prāpnotyapacayaṃ ghoraṃ tiryagyoniṃ ca gacchati || 171 ||

na tathā'gniḥ pradahati prabhañjanasamīritaḥ |
yathā hyapaprayogastu prayukto dahati kṣaṇāt || 172 ||

ityevāvantipāñcāladākṣiṇātyauḍhramāgadhaiḥ |
kartavyaḥ pūrvaraṅgastu dviprāmaṇavinirmitaḥ || 173 ||

eṣa vaḥ kathito viprāḥ pūrvaraṅgāśrito vidhiḥ |
bhūyaḥ kiṃ kathyatāṃ samyaṅnāṭyavedavidhiṃ prati || 174 ||

iti bhāratīye nāṭyaśāstre pūrvaraṅgaprayogo nāma pañcamo'dhyāyaḥ 
||


evābhivartate | aśakyamasya purato'vasthātum ityādi | sā dvitīyā sā(yā) 
vṛttibhedamadhye paṭhitā | evaṃ prarocanādāvapi mantavyam | yadāha - tatra 
kācitkāvyābhimukhaṃ nīyate pūrvaraṅgavidhiḥ | (dvividhatvam) tadabhimukhaṃ 
vā kāvyārambhaḥ tadbhavati sā dvividhā ityādi | etacca vṛttyadhyāye 
vyākhyāsyate naṭī vidūṣako vāpi (nā. śā. 20-30) ityādau | śāstratyāge 
manāgapi na vartitavyamiti darśayitumevameṣa iti | (166-169)

yathāvidhi prayoge'bhyudayaḥ syadityāha-ya imamiti | anyathā ca prayoge 
pratyavāyamāha - yaścāpīti | nāśubhamityādinā | śubhamiti 
dṛṣṭe'bhyudayaḥ | svargamiti adṛṣṭe | apacayamiti | dṛṣṭe pratyavāya iti | 
tiryagyoniṃ ctyadṛṣṭe | dṛṣṭapratyavāyabhīrurbāhulyena loka iti | 
tamevādhikamavaśyaṃbhāvitvena darśayati - na tathāgniriti |

nanu pāṭhyādiyojanā ca veṣācārayojanā cātra pūrvaraṅge noktetyāśaṅkya 
tāmanuvādadvāreṇābhidhātuṃ śuddhaścānyatvena yojya ityākhyātuṃ 
samucitamupasaṃhāraṃ karoti -


p. 249)

(punaścitre tathā miśre śuddhe caiva bravīmyaham |
yathā yojyā dhruvāḥ pañca tathā vakṣyāmi tattvataḥ ||

ādāvutthāpanī kāryā parivartastathā bhavet |
avakṛṣṭāḍḍitā caiva vikṣiptā caiva pañcamī ||

evaṃ pañca dhruvā jñeyā upohanasamanvitāḥ |
kartavyāstu prayatnena pūrvaraṅge prayoktṛbhiḥ ||

ataḥ paraṃ pravakṣyāmi hypohanavidhikriyām |
utthāpanasyāṣṭakalaṃ parivartasya ṣaṭkalam ||

avakṛṣṭaṃ punaḥ kāryaṃ kalābhiḥ pañcabhiryutam |
dhruvāyāmaḍḍitāyāṃ ca catuṣkalamathāpi ca ||

kṣiptāyāṃ caiva vijñeyaṃ kalātrayasamanvitam |
evaṃ hyupohanānāṃ tu pramāṇaṃ samudāhṛtam ||

gurulāghavasaṃyuktaṃ kalātālasamanvitam |
pūrvaraṅgaṃ sadā jñeyaṃ citramārge hyupohanam ||

citre caitrāḥ kalā jñeyā miśre vārtikamāśritāḥ |
śuddhe dakṣiṇamārgeṇa prayoktavyāḥ prayoktṛbhiḥ ||

catasro gītayaḥ kāryā māgadhī hyardhamāgadhī |
saṃbhāvitā tathā caiva pṛthulā ca prakīrtitā ||


ityevāvantipāñcāletyādi | yādṛkpravṛttiviśeṣe niyato rūpakanāyako bhaviṣyati 
tādṛkpravṛttisamucitaveṣabhāṣācārābhinayādikamanuvartamānaiḥ 
sūtradhārādibhiḥ sthāpakāntaiḥ | pūrvaraṅgo dvividhastryaśraścaturaśraśca | 
eṣa ityanantaroktasvabhāva eva kartavyo na śuddhaḥ | anye manyante āvantyā 
sāttvikīkaiśikīmiśreti | sā sūtradhārasya pāñcālamadhyamā bhū 
| ............................................................................................................ (170-174)

iti mahāmāheśvarācāryābhinavaguptaviracitāyāṃ nāṭyavedavivṛttau 
pūrvaraṅgavidhānaṃ nāma pañcamo'dhyāyaḥ ||


p. 250)

māgadhī tvatha kartavyā tvathavā tvardhamāgadhī |
pūrvaraṅge bhaveccitre citramārgasamāśritā ||

yathā miśrastu yoktavyaḥ pūrvaraṅge bhavediha |
miśre sambhāvitā kāryā tadā vārtikamāśritā ||

śuddhe ca pṛthulā kāryā dakṣiṇaṃ mārgamāśritā |
ataḥ paraṃ pravakṣyāmi gurulāghavataḥ kriyām ||

upohanakriyāyāṃ tu yathāyojyaṃ prayoktṛbhiḥ |
digle digle punaḥ kāryamante jhaṇṭuṃ sadā budhaiḥ ||

madhye laghvakṣarāṇi syuḥ ṣoḍaśaiva tu nityaśaḥ |
evaṃ hyupohanaṃ kṛtvā tathā vastu samācaret ||

utthāpanyāṃ prayoge'sminkalākālasamanvitam |
akṣarāṇāṃ kalāyāstu gurulāghavameva ca ||

pūrvaṃ tu kathitaṃ yasmāttasmānābhihitaṃ bhavet |

yathā -

devaṃ vibhuṃ tribhuvanādhipatiṃ kailāsaparvataguhābhiratam |
śailendrarājatanayādayitaṃ mūrdhnā nato'smi puranāśakaram ||

evamutthāpanī kāryā pūrvaraṅgaprayoktṛbhiḥ |
ato'nyatparivartāyā lakṣaṇaṃ saṃvidhīyate ||

asyāstūpohanaṃ kāryaṃ ṣaṭkalaṃ parisaṅkhyayā |
ādau digle dviruktastu ante jhaṇṭuṃ sadā bhavet ||

madhye laghvakṣarāṇyeva dvādaśaiva prayojayet |
vastuno'tra pravakṣyāmi gurulaghvakṣarakramam ||

dve cādau ca caturthaṃ ca aṣṭamaṃ daśamaṃ tathā |
caturdaśaṃ pañcadaśaṃ pāde gurvakṣarāṇi tu ||

p. 251)

sā dhruvā parivartākhyā trilayā triyatistathā |
parivartāstu catvāraḥ pāṇayastraya eva ca ||

caturbhissannipātaistu dvātriṃśatkalikānvitā |
pūrvaraṅge prayoktavyaḥ parivartaḥ prayoktṛbhiḥ ||

yathā -

candrārdhabhūṣaṇajaṭaṃ varaṃ vṛṣabhaketuṃ
kailāsaparvatanivāsinaṃ suravariṣṭham |
śailādhirājatanayāpriyaṃ pramathanāthaṃ
mūrdhnā nato'smi tripurāntakaṃ paramayoginam ||

avakṛṣṭāmidānīṃ tu kathyamānāṃ nibodhata |
asyāstūpohanaṃ kāryaṃ kalābhiḥ pañcabhiryutam ||

digle digle punaścānte jhaṇṭumasya prayojayet |
aṣṭāveva tu kāryāṇi madhye laghvakṣarāṇi tu ||

tṛtīyaṃ caiva ṣaṣṭhaṃ tu navamaikādaśe tathā |
pāde pañcadaśaṃ caiva ṣoḍaśaṃ ca bhavedguru ||

aṣṭaṣaṣṭigaṇaiḥ pādairavakṛṣṭavidhirbudhāḥ |
caturbhiḥ sannipātaiśca pāṇibhistribhireva ca ||

p. 252)

yathā-

varadaṃ sagaṇaṃ tripurāntakaṃ vṛṣabhaketum |
gajacarmapaṭaṃ viṣamekṣaṇaṃ bhuvananātham |
bhujagābharaṇaṃ jagatāṃ hitaṃ bhuvanayonim |
praṇato'smi bhavantamumāpatiṃ tvasitakaṇṭham ||

tṛtīyaṃ caiva ṣaṣṭhaṃ ca gurupāde trayodaśam |
caturguṇasamāyuktā sā kāryā tvaḍḍitā dhruvā ||

tatrāpyupohanaṃ kāryaṃ catuṣkalasamanvitam |
aḍḍitāyāḥ prayogajñairante jhaṇṭuvibhūṣitam ||

digle digle tataścaiva kāryamante sadā budhaiḥ |
catvaryeva tu kāryāṇi madhye laghvakṣarāṇi tu ||

yathā 

pravaraṃ varadaṃ praṇamata satatam |
gajacarmapaṭaṃ munijanasahitam |
umayā sahitaṃ bhujagavalayinam |
praṇato'smi śivaṃ tribhuvanasahitam ||

prayojyā tvaḍḍitā hyevaṃ pūrvaraṅge yathārthataḥ |
ataḥparaṃ pravakṣyāmi vikṣiptāyāstu lakṣaṇam ||

tṛtīyaṃ caiva ṣaṣṭhaṃ ca navamaṃ daśamaṃ tathā |
gurvakṣarāṇi pāde tu yasyāṃ vikṣiptakā tu sā ||

p. 253)

digle tribhirguṇairyuktāḥ pātāstasya bhavanti hi |
trikalaṃ cāpi nirdiṣṭamupohanamataḥ param ||

digle digle punaḥ kāryamante jhaṇṭu prayoktṛbhiḥ |
laghvakṣarairvihīnaṃ tu vikṣiptopohanaṃ bhavet ||

yathā -

tripurāntakaraṃ bahulīlamumayā sahitaṃ bahurūpam |
bhujagābharaṇaṃ tripurāntakaṃ praṇamāmi sadā paramīśam ||

evaṃ sarvā dhruvāḥ kāryā yugmaujakṛtagītakāḥ |
ācāryabuddhyā kartavyāḥ pūrvaraṅge yathāvidhi ||

evaṃ vaḥ kathitaṃ samyakpūrvaraṅgaṃ tridhā mayā |
kimanyatsampravakṣyāmi bhūyo'bhīṣṭaṃ dvijottamāḥ ||

iti bhāratīye nāṭaśāstre pūrvaraṅgavidhānaṃ nāma 
pañcamo'dhyāyaḥ ||)

p. 254)

śrīḥ 

atha ṣaṣṭho'dhyāyaḥ

pūrvaraṅgavidhiṃ śrutvā punarāhurmahattamāḥ |
bharataṃ munayaḥ sarve praśnānpañcābhidhatsva naḥ || 1 ||


..... ..... ..... ..... ..... ..... ..... ..... ..... ..... ..... ..... ..... ..... ..... ..... ..... .....

(pūrvaraṅgavidhiṃ śrutveti | pañca praśnāniti | rasānāṃ kena rasatvamityekaḥ 
praśnaḥ |)

..... ..... ..... ..... ..... ..... ..... ..... ..... ..... ..... ..... ..... ..... ..... ..... ..... .....

tathāpi nāṭyatattve samyaṅnirjñāte nirṇītaṃ bhavati | na vacanamātrāt | 
anenaivābhiprāyeṇa daśarūpakanirūpaṇe prathamapraśnārtho nigamayiṣyate -

bhaviṣyati yuge prāyo bhaviṣyantyabudhā narāḥ |
						(nā. śā. 19-150) ityādi |

tathā -

buddhayaḥ karmaśilpāni vaicakṣaṇyaṃ kalāsu ca ||
						(nā. śā. 19-151) ityādi |

siddhyadhyāye ca dvitīyapraśnārthaviṣayo nirṇeṣyate | tuṣyanti taruṇāḥ kāme 
(nā. śā. 19-151) ityādi |

siddhyadhyāye ca dvitīyapraśnārthaviṣayo nirṇeṣyate | tuṣyanti taruṇāḥ kāme 
(nā. śā. 27-58) ityādinā | evamanyatrāpi tatra tatreti | etacca 
tadvyākhyānaprasaṅga eva darśayiṣyāmaḥ | tena 
pūrvapraśnitavastutattvanirṇaya eva kriyatāmiti tātparyam | praśnān pañceti | ye 
rasā ityādi tu yatpraśnatrayaṃ tatrāyaṃ bhāvaḥ - ihāṅgagaṇānāyāṃ 
jagrāha pāṭhyam (nā. śā. 1-17) ityādau pāṭhyagītayostāvatsuprasiddhaṃ 
rūpam | abhinayānāmapi mahāgīteṣu caivārthānsamyagevābhineṣyasi iti (nā. 
śā. 4-15)

p. 255)

ye rasā iti paṭhyante nāṭye nāṭyavicakṣaṇaiḥ |
rasatvaṃ kena vai teṣāmetadākhyātumarhasi || 2 ||

bhāvāścaiva kathaṃ proktāḥ kiṃ vā te bhāvayantyapi |
saṃgrahaṃ kārikāṃ caiva niruktaṃ caiva tattvataḥ || 3 ||

teṣāṃ tu vacanaṃ śrutvā munīnāṃ bharato muniḥ |
pratyuvāca punarvākyaṃ rasabhāvavikalpanam || 4 ||


yadā prāptyarthamarthānāṃ tajjñairabhinayaḥ kṛtaḥ (nā. śā. 4-261) 
ityādivacanabalācca svarūpaṃ tāvannātīva hṛdayaṅgamam |

ye tu rasānātharvaṇāt (nā. śā. 1-17) iti rasā uktāste tāvatprasiddhāḥ 
ṣāḍavādayaḥ | na prakṛtau na vikṛtau yuktāḥ | ye tvanye śṛṅgārādayaḥ kecana 
rasaśabdena saha prayuktāḥ śṛṅgārarasambhavaḥ (nā. śā. 4-269) iti tato 
raudrarasaṃ ślokam (nā. śā. 5-132) iti tatrāpi śṛṅgārādiṣu kathaṃ 
rasaśabdāvācyatvam | vaiśabdo'kṣara(kṣamāyām) | rasanendriyagrāhye hi 
rasaśabdaḥ prasiddhaḥ | na cāyamanādarasthānabhūto'rtho yenāvicārita 
evopekṣyate khinnānāṃ rasabhāveṣu (nā. śā. 5-159) 
ityādāvādarātiśayapratīteḥ | ata eva śabdaprādurbhāva iti śabdo rasā iti 
paṭhyanta iti | tena prādhānyādaṅgābhinayapraśnāntarbhūtamapyetatpunaḥ 
praśnitamityarthaḥ | punaḥ praśnābhiprāyeṇaivākhyātumarhasītyupapannam | 
pūrvākhyāneṣu tu punaruktamabhidhatsvetyuktatvāt |

bhāvāśceti caśabdastuśabdārthe | bhāvāstvapaṭhitā api kathaṃ proktāḥ | atha 
pāṭhyādaya eva bhāvāḥ | tatkimeṣāṃ rūpam | tenādaraviṣayatvādrase 
praśnāntaram | (a ?) bhūtāvṛttyā vismayasthānatvādbhāveṣu praśnacatuṣkam | 
tathā hi - rasasahabhāvena bhāvāḥ kecana proktāḥ khinnānām ityatra | te ca kena 
prakāreṇoktāḥ | jagrāha ityādau hi teṣāṃ nāmāpi na śrutam | athaiteṣveva 
bhāvaśabdaḥ pravartitaḥ | tatrāpi bhavantīti 


p. 256)

ahaṃ vaḥ kathayiṣyāmi nikhilena tapodhanāḥ |
saṃgrahaṃ kāriakaṃ caiva niruktaṃ ca yathākramam || 5 ||

na śakyamasya nāṭyasya gantumantaṃ kathañcana |
kasmādbahutvājjñānānāṃ śilpānāṃ vāpyanantataḥ || 6 ||


vyutpattiḥ | bhāvayantīti kimetat | kimutpādayanti | atha vyāpnuvanti | dvayoḥ karma 
kiṃ syāditi vāśabdena caśabdenāpiśabdena ca catvāro bhāveṣu praśnāḥ | 
evaṃ prādhānyātpraśnapañcakāntaram | vastutaḥ punaḥ pañcapraśnī 
pūrvoktaiveyaṃ viṣphāryate | saṅgarhāditi cā(di cā)bhidhatsva | nanu tairiha kiṃ 
prayojanam | āha - tattvata iti | (1-3)

tuśabdo hetau | tadityākhyānaṃ parāmṛṣṭam | yatastadākhyānamata 
evā(vai)bhyaḥ saṅgahādibhya uddeśalakṣaṇaparīkṣādiṣu 
prādhānyāttadupakramameva sarvamabhidheyam | tadāha | nikhilena 
saṅgrāhālakṣaṇīyanirvacanīyātmanopalakṣitaṃ sa"grahāditrayameva 
vakṣyāmīti traya (tri)prakārarūpebhyaḥ sadupāyebhyaḥ | tasmānno'bhidhatsveti | 
punaśśabdo bhinnakramaḥ | bharatamuniḥ punaḥ rasabhāvā vikalpyante 
niścīyante'nena (yena vacanena) tādṛgvākyamuvāca na tu tadīyaṃ 
vacanamuktamuttaradānena samādṛtamiti punaśśabdārthaḥ | muneścāyaṃ 
bhāvo rasādiṣu samuccayārthaścaḥ | tadabhidhāne'nyanna 
kiṃcidabhidheyamavaśiṣyata ityevaśabdaḥ | yathākramamiti | pūrvaṃ 
(prāpta)saṅgrahaḥ | uddeśaprakāratvādityādikrameṇa sa (sva)buddhiviṣayaṃ 
bahumānaṃ gṛhṇatāmamīṣāmityabhiprāyeṇa bhavadbhiryuktametaduktam |

saṅgrahamityādi | tānnidarśayanmunirāha - na śakyamasyeti | śakyamiti 
sāmānyopakramāt mādhyasthyavivakṣā | gantumiti prāptum | anto niścayaḥ | 
kathañcaneti | amuṃ saṅgrahādiprakāraṃ varjayitvā'nyena 
pratipadanirūpaṇādinetyarthaḥ | yatkila pratipadaṃ nirūpayituṃ na śakyaṃ 
tallakṣaṇadvāreṇocyate | lakṣaṇasyaivāṅgamuddeśaparīkṣe | tasya 
viṣayapradarśane pariśuddho ca tayorvyāpārāt | na cātra pratipadaṃ nirūpaṇaṃ 
yuktamiti |


p. 257)

ekasyāpi na vai śakyastvanto jñānārṇavasya hi |
gantuṃ kiṃ punaranyeṣāṃ jñānānāmarthatattvataḥ || 7 ||

kintvalpasūtragranthārthamanumānaprasādhakam |
nāṭyasyāsya pravakṣyāmi rasabhāvādisaṅgraham || 8 ||

vistareṇopadiṣṭānāmarthānāṃ sūtrabhāṣyayoḥ |
nibandho yaḥ samāsena saṅgrahaṃ taṃ vidurbudhāḥ || 9 ||

rasā bhāvā hyabhinayāḥ dharmī vṛttipravṛttayaḥ |
siddhiḥ svarāstathātodyaṃ gānaṃ raṅgaśca saṅgrahaḥ || 10 ||


atra hetumāha - bahutvāditi | jñānākhyāni vyākaraṇādīni śāstrāṇi | śilpāni 
citrapustādikarmāṇi | teṣāmanantā(ntatvā)dantābhāvāt | (4-6)

etadevodbalayatyekasyeti | nāṭyāṅgabhūtasya kasyaciditi śeṣaḥ | 
arthasyābhidheyasya tattvataḥ | tananaṃ vistāraḥ | tena | anyeṣāmiti | 
aṅgabhūtasyāpi yānyaṅgatvenāyāntītyarthaḥ |

saṅgrahādayastvatra sadupāyā iti darśayati - kintviti | nā.yasya 
nāṭyaviṣayasyārthasya saṅgrahaṃ saṃkṣipya gṛhyate'neneti tamuddeśaṃ 
vakṣyāmīti | kathaṃ rasabhāvādi kṛtvā prādhānyāttadupakramamityarthaḥ | 
kiṃ tenetyāha | anumānaprasādhakaṃ lakṣaṇaṃ taddhi kevalavyatirekiheturūpam 
| tasya coddeśo dharmiṇaḥ prakṛṣṭaḥ sādhakaḥ āśrayāsiddhaśca | 
śaṅkāśamanena pakṣadharmatvamūlāṅgapoṣakatvāt | tasya saṅgrahasya 
svarūpamāha - sūtragranthayorlakṣaṇaparīkṣayoryo'rtho lakṣyaparīkṣitasya 
lakṣaṇastasya saṃkṣepaḥ so'lpaḥ saṅkucito nāmamātreṇoddeśyatayā yatra | 
anye'pyevameva manyata iti darśayati - vistareṇeti | sūtraṃ lakṣaṇam | bhāṣyaṃ 
tadvyaktīkaraṇarūpā parīkṣā | alpau sūtragranthau yatrārthe so'rtho yatreti tu 
vyākhyānamanena ślokena na saṃvadate | (7-9)


p. 258)

alpābhidhānenārtho yaḥ samāsenocyate budhaiḥ |
sutrataḥ sā'numantavyā (nu paṭhitā) kārikārthapradarśinī || 11 ||


saṅgrahaṃ darśayati - rasā bhāvā ityādinā | caśabda itiśabdārthe | 
abhinayatrayaṃ gītātodye ceti pañcāṅgaṃ nāṭyam | naṭasya hi rasabhāvayoge 
maraṇādau tattvāveśo layābhibhaṅgaśca syāt | dṛṣṭastu tatpratyayo naṭe 
bhramaḥ | anena tu ślokena kohalamatenaikādaśāṅgatvamucyate | na tu bharate | 
tatsaṅgṛhītasyāpi punaratroddeśāt | nirdeśe 
caitatkramavyatyāsanādityaudbhaṭāḥ | naitaditi bhaṭṭalollaṭaḥ | 
rasabhāvānāmapi vāsanāveśavaśena naṭe sambhavādanusandhibalācca 
layādyanusaraṇādantarbhūtasyāpi prayojanavaśena punaruddeśadarśanāt 
kramasya cāvivakṣitatvāditi | vayañcātra tattvamagre vitaniṣyāma ityāstāṃ 
tāvat |

atha kārikāṃ lakṣayati - alpābhidhāneneti | anenārthasya kārikātvaṃ 
lakṣaṇarūpasya darśayati | tadvācakasya sūtrasya 
tatsaṃkṣiptāthavivaraṇātmakasya ca ślokasya | anena lakṣaṇavākyaṃ dvidheti 
tātparyam | yo'rtho'lpaiḥ śabdaiḥ samāsena bahutaralakṣyasaṅgraheṇa sūtraṃ 
vācakamāśrityocyate so'rthaḥ kārikā | jñaptisādhakatvāttadarthinī kārikā | 
sūtrataḥ sūtreṇa | tena sūtramapi kārikā | tatsūtramapekṣya yā anu 
paścātpaṭhitā ślokarūpā sāpi kārikā | tathā hi - 
sūcanātmakatvātsūtrāllabdho yo'rtho lakṣaṇātmakaḥ sa eva samyagiti 
śrayya(samyagatiśravya)tayā varṇānyaneneti (varṇanātmaneti) 
vṛttabandhenocyamāno'lpaiśca śabdainirūpyamāṇoaṛthasya lakṣaṇīyasya 
prakarṣa dharmyantarādvyavacchedaṃ darśayan dharma kārikā | kriyate'nena 
jñaptiriti kārikā | lakṣaṇamiti yāvat | tadarthaprakāśakatvāt 
śloko'pyupacārātkārikā |

etaduktaṃ bhavati - uddiṣṭasya dharmyantaravyavacchedakaṃ lakṣaṇaṃ vaktavyam 
| tacca pūrvasūtreṇa | tato'pyakṛtākṣepottaraprapañcena 
tadvivaraṇamātrarūpeṇa sukhagrāhyeṇa ślokena | ubhayorapi hi lakṣaṇameva 
pratipadyam | tadeva kārikocyate | sūtraślokāvupadhārāditi | (10-11)

atha parīkṣātmakaṃ niruktaṃ lakṣayati ślokadvayena - nānānāmetyādinā | 
samāsena saṃkṣepeṇānekavyaktibhedabhinnasyārthasya lakṣaṇīyasya ya 
sūcako'rtho lakṣaṇātmakaḥ sa 


p. 259)

nānānāmāśrayotpannaṃ nighaṇṭunigamānvitam |
dhātvarthahetusaṃyuktaṃ nānāsiddhāntasādhitam || 12 ||


yatrākṣepapratisamādhānalakṣaṇe vastuni sati sthāpito bhavatīti 
tatparīkṣārūpaniruktam | nacaivaṃ paribhāṣā | kintvarthametaṃ 
virbhajyākṣepapratisamādhānābhyāṃ lakṣaṇasya vacanamiti | etadāha - 
dhātvarthavacaneneti |

kathaṃ tallakṣaṇaṃ sthāpyata ityāśaṅkya 
kriyāviśeṣaṇābhidhānadvāreṇākṣepapratisamādhānaprakāraṃ darśayati - 
nānānāmetyādinā | nānāprakārāṇi yāni nāmāni 
lakṣaṇavākye'rthapratipādakāḥ subantāḥ śabdāstānāśrityotpanna utpāda 
āksepapratisamādhānayoryatra | nanu nāmapadeṣu kathamākṣepapratisamādhāne 
| āha - nighaṇṭunā'bhidhānakośena rūḍhiṣu | anyeṣu 
prakṛtipratyayavibhāganigamanayā | anvitabhanvayo yatreti | etatpadadvayaṃ 
kriyāviśeṣaṇam | yāni ca lakṣaṇavākye tiḍantāni padāni teṣu prakāramāha - 
yātvarthasya kriayāyā hetūnāṃ ca kriyānimittānāṃ kārakāṇāṃ saṃyojana 
vicāro yatra sthāpane | etadapi kriayaviśeṣaṇam | iyatā lakṣaṇavākye pūrva 
śabdaparīkṣā darśitā | ayaṃ śabdaḥ kathamatrārthe vartata ityākṣepaḥ | 
itthamiti ca pratisamādhānam | etat pradarśitavastupraṇītameva |

arthaparīkṣāmapi darśayati - nānāprakāraiḥ sarvatantrapratitantrādibhiḥ 
siddhāntaiḥ | pramāṇamūlairarthaiḥ sādhitamākṣepotarayoḥ sādhanaṃ yatra 
sthāpane | evaṃ parīkṣā'nena darśitā | tantrādinyāyāstu tadaṅgam | 
niruktamapi | taccaturdhā - nāmnā dhātunā nāmadhātubhyāṃ samayena ceti | 
tatra nāmnā yathā - ūrdhve khamasyolūkhala | dhātunā yathā - rasyata iti rasaḥ 
| dvābhyāṃ - piśitamaśnātīti piśācaḥ | samaya - so'pi tridhā - laukikaḥ 
vaidikaḥ pratiśāstrapārśadaśceti | tatra laukiko yathā - bhū sattāyām | vaidiko 
yathā - dīdhīṅ dīptidevanayoḥ vevīḍvetinā tulye | pratiśāstrapārṣado yathā - 
gāndharvavede gītakaviśeṣe vaiṇakādiśabdaḥ | tadetadukaṃ 
nānānāmetyādinā | niruktasya tu prayojanaṃ saṃkṣepeṇārhtāvadhāraṇam | 
taduktaṃ sthāpita iti | (12-13)


p. 260)

sthāpito'rtho bhavedyatra samāsenārthasūcakaḥ |
dhātvarthavacaneneha niruktaṃ tatpracakṣate || 13 ||

saṅgraho yo mayā proktaḥ samāsena dvijottamāḥ |
vistaraṃ tasya vakṣyāmi saniruktaṃ sakārikam || 14 ||

śṛṅgārahāsyakaruṇā raudravīrabhayānakāḥ |
bībhatsādbhutasaṃjño cetyaṣṭau nāṭye rasāḥ smṛtāḥ || 15 ||


athoddiṣṭānāṃ vibhāgaṃ sūcayati - saṅgraho yo mayeti | tasyeti saṅgrahasya | 
saṅgraha eva vistārito vibhāga ityarthaḥ | kiṃ taduktāveva sarvaṃ sampannam | 
saniruktaṃ parīkṣāparyantamityarthaḥ | antavacanenā(?)vyayībhāvaḥ | na 
cālakṣitasya parīkṣetyāha - sakārikaṃ kārikāsampadopetam | sampattau 
samāsaḥ |

tatra vibhāgaṃ tāvadāha - śṛṅgārahāsyetyādinā nāṭyasaṅgraha (6-31) 
ityantena | tatra nāṭyaṃ nāma 
naṭagatābhinayaprabhāvasākṣātkārāyamāṇaikaghanamānasaniścalādhyavase
yaḥ samastanāṭakādyantamakāvyaviśeṣāvadyotanīyo'rthaḥ | sa ca 
yadyapyanantavibhāvādyātmā tathāpi sarveṣāṃ jaḍānāṃ saṃvidi tasyāśca 
bhoktāri bhoktṛvargasya ca pradhāne bhoktari 
paryavasānānnāyakābhidhānabhoktṛviśeṣasthāyicittavṛttisvabhāvaḥ |

sā caikacittavṛttiḥ svaparakīyamiti (paramiti 
pratīya)mānānantacittavṛttyantaraśataviśeṣitā 
laukikagītageyapadādilāsyāṅgadaśakopajīvanasvīkṛtalakṣaṇaguṇā 
alaṅkāragītātodyādisamyaksundarībhūtakāvyamahimaprayogamālā'bhyāsavi
śeṣāśrayatvāt pracyāvitā ata eva sādhāraṇībhūtatayā sāmājikānapi 
svātmasadbhāvena samāveśayantī tādātmyā - deva 
cānumānāgamayogipratyakṣādikaraṇakataṭasthapramātṛprameyaparakīyalaukika
citta


p. 261)

ete hyaṣṭau rasāḥ proktā druhiṇena mahātmanā |
punaśca bhāvānvakṣyāmi sthāyisañcārisattvajān || 16 ||

ratirhāsaśca śokaśca krodhotsāhau bhayaṃ tathā |
jugupsā vismayaśceti sthāyibhāvāḥ prakīrtitāḥ || 17 ||


vṛttivilakṣaṇatayā nirbhāsamānā 
parimitasvatmanyāśrayatānirbhāsanāvirahācca 
laukikapramādijanitanijaratiśokādivat 
ṣaḍja(tajja)hānādicittavṛttyantarajananākṣamā tata eva 
nirvighnasvasaṃvedanātmaka(harṣa)viśrāntilakṣaṇena rasanāparaparyāyeṇa 
vyāpāreṇa gṛhyamāṇatvādrasaśabdenābhidhīyate |

tena rasa eva nāṭyam | yasya vyutpattiḥ phalamityucyate | tathā ca rasādṛta (nā. 
śā. 6-31) ityatraikavacanopapattiḥ | tataśca mukhyabhūtāt mahārasāt 
sphoṭadṛśīvāsatyāni vā anvitābhidhānadṛśīvobhayātmakāni satyāni vā 
abhihitānvayadṛśīvatatsamudāyirūpāṇi vā rasāntarāṇi 
bhāgā(vā)bhiniveśadṛśā nirūpyante | tadvakṣyante kāvyārthān bhāvayanti iti 
| (rasasya prādhānyāt prathamanirdeśaḥ) tena prathamaṃ rasāḥ | te ca nava | 
śāntāpalāpinastvaṣṭāviti tatra paṭhanti |

tatra kāmasya sakalajātisulabhatayā'tyantaparicitatvena sarvānpratihatyeti 
(hṛdyateti) pūrvaṃ śṛṅgāraḥ | tadanugāmī ca hāsyaḥ | nirapekṣabhāvatvāt 
tadviparītastataḥ karuṇaḥ | tatastannimittamarthapradhāno raudraḥ | sa 
cāmarṣapradhānaḥ | tataḥ kāmārthayordharmamūlatvādvīraḥ | sa hi 
dharmapradhānaḥ | tasya ca bhītābhayapradānasāratvāt | tadanantaraṃ 
bhayānakaḥ | tadvibhāvasādhāraṇyasaṃbhāvanāt tato bībhatsaḥ | iti 
iyadvīreṇākṣiptam | vīrasya paryante'dbhutaḥ phalamityanantaraṃ tadupādānam | 
tathā ca vakṣyate paryante kartavyo nityaṃ hi raso'dbhutaḥ | (nā. śā. 18-43) iti | 
tatastrivargātmakapravṛtta(tti)-dharmaviparītanivṛtta(tti)dharmātmako mokṣaphalaḥ 
śāntaḥ | tatra svātmāveśena rasacarvaṇetyuktam | 

sa ca vibhāvādibalāditi bhāvā vaktavyāḥ | tatra 
nājñātalaukikaratyādicittavṛtteḥ kavernaṭasya vā 
tadviṣayaviśiṣṭavibhāvādyāharaṇaṃ śakyamiti sthāyina uddiṣṭāḥ | tatra 
śāntasya 


p. 262)

nirvedaglāniśaṅkākhyāstathāsūyā madaḥ śramaḥ |
ālasyaṃ caiva dainyaṃ ca cintā mohaḥ smṛtirdhṛtiḥ || 18 ||

vrīḍā capalatā harṣa āvego jaḍatā tathā |
garvo viṣāda autsukyaṃ nidrāpasmāra eva ca || 19 ||

suptaṃ vibodho'marṣaścāpyavahitthamathogratā |
matirvyādhistathonmādastathā maraṇameva ca || 20 ||

trāsaścaiva vitarkaśca vijñeyā vyabhicāriṇaḥ |
trayastriṃśadamī bhāvāḥ samākhyātāstu nāmataḥ || 21 ||

stambhaḥ svedo'tha romāñcaḥ svarabhaṅgo'tha vepathuḥ |
vaivarṇyamaśru pralaya ityaṣṭau sāttvikāḥ smṛtāḥ || 22 ||

āṅgiko vācikaścaiva hyāhāryaḥ sāttvikastathā |
catvāro'bhinayā hyete vijñeyā nāṭyasaṃśrayāḥ || 23 ||


sthāyī vismayaśamā iti kaiścitpaṭhitaḥ | utsāha evāsya sthāyītyanye | jugupseti 
kecit | sarva ityeke | tattvajñānajo nirvedo'sya sthāyī | 
etadarthamevobhayadharmopajīvitvakhyāpanāyāmaṅgalabhūto'pyasau pūrvaṃ 
nirdiṣṭo vyabhicāritvā (ṣu | a)bhinayatvo(syo)pajīvakā iti (tadanantaraṃ) 
sāttvikāḥ | sthāyiṣu a saṅkhyā noktetyapare | ata eva sthāyina ete tu 
vyabhicāriṇo'pi bhavanti | etaccāgre vitaniṣyāmaḥ | 

vyadhicāriṇa eta ityubhayato niyamārthaṃ saṅkyopādānam | sāttvikā 
vyabhicārivṛttamabhinayavṛttaṃ copajīvantīti pṛthagabhinayādibhyo gaṇitāḥ |

catvāra iti | āhāryasyāpi dhanuḥpratiśīrṣakamukuṭādeḥ 
pratyakṣabuddhāvupayoge


p. 263)

lokadharmī nāṭyadharmī dharmīti dvividhaḥ smṛtaḥ |
bhāratī sātvatī caiva kaiśikyārabhaṭī tathā || 24 ||

catasro vṛttayo hyetā yāsu nāṭyaṃ pratiṣṭhitam |
āvantī dākṣiṇātyā ca tathā caivoḍhramāgadhī || 25 ||

pāñcālamadhyamā ceti vijñeyāstu pravṛttayaḥ |
daivikī mānuṣī caiva siddhiḥ syāddvividhaiva tu || 26 ||

śārīrāścaiva vaiṇāśca sapta ṣaḍjādayaḥ svarāḥ |
(niṣādarṣabhagāndhāramadhyapañcamadhaivatāḥ ||)
tataṃ caivāvanaddhaṃ ca ghanaṃ suṣirameva ca || 27 ||


'ntaraṅgatvaṃ sūcayati | nāṭyasaṃśrayā iti | loke tu kadācinna bhavatyapi 
gṛhītatvāt | nāṭye tu ta eva jīvitam | ata eva rasabhāvānantaramabhinayā 
uddiṣṭāḥ | (14-23)

abhinayāśca laukikaṃ dharmaṃ tanmūlameva tadupajīvinaṃ sāmayikaṃ 
vānuvartanta ityatastadanantaraṃ dharmī | na cābhinayo'bhinetavyamantareṇāstīti 
daśarūpakayogadvāreṇa tadupakāriṇyo vṛttayaḥ | dve tisraḥ pañceti 
nirākaraṇāya catasra ityuktam | tā api deśavaśādadbhūyasā bhavantīti 
tadanantaraṃ pravṛttayaḥ | sarvametatsiddhiparyavasānamiti tato dvividhā siddhiḥ | 
svarāḥ pāṭhyaṃ gānasaṃgṛhītā api pṛthagupāttāḥ | kealānāmapi 
prayogoparañjakatvaṃ yallakṣye dṛśyate | yatrāntarālāpa iti 
prasiddhistadabhyupagamārtham | lakṣaṇānvitamiti | anyattu 
mallakapaṭaphalakajvālāmukhapakṣavādyādi laukikaṃ naitatsaṅgṛhītam 
bādhyatvādityarthaḥ |

p. 264)

caturvidha ca vijñeyamātodyaṃ lakṣaṇānvitam |
tataṃ tantrīgataṃ jñeyamavanaddhaṃ tu pauṣkaram || 28 ||

ghanastu tālo vijñeyaḥ suṣiro vaṃśa eva ca |
praveśākṣepaniṣkrāmaprāsādikamathāntaram || 29 ||

gānaṃ pañcavidhaṃ jñeyaṃ dhruvāyogasamanvitam |
caturaśro vikṛṣṭaśca raṅgastryaśraśca kīrtitaḥ || 30 ||


etaccānte lakṣyate | yadapi caturvidhaṃ na sarvamidaṃ 
bahulacarmakārādivādyamapi ca vakṣyamāṇalakṣaṇānvitam | 
ātūdyate'bhihanyata ityarthaḥ | puṣkaraśabdaśravaṇādāgataṃ 
puṣkaravartakadevatādhiṣṭhitaṃ padmapatrākāraṃ carmapuṭabhāṣaṃ ceti 
pauṣkaram | hanyate kalāsāmyārthamiti ghanaḥ | ata eva 
tālaikapramāṇatvātsvaravarṇasambhavāttāla ityuktaḥ | kāṃsyatālādiḥ | 
evakāraḥ kāhalādivyudāsāya |

pātrasya praveśe bhāvaprakṛtyavasthānādisūcakaṃ yadgīyate tatpraveśagānam 
| praviṣṭasyāntargatāṃ cittavṛttiṃ sāmājikānprati prasādayituṃ prathayituṃ 
prasādagānam rasāntaropakṣepārthamākṣepagānam | āntaramiti 
gatiparikramaṇanirūpaṇādiravasaraḥ tatra | yadgīyate tadāntaraṃ gānam | 
pātrasya niṣkramaṇe tu niṣkrāmagānam | praveśādaya upacārādgāne | 
prasādo'sya prayojanaṃ prāsādikam | anye tu samāsānmatvarthīyaṃ ṭhanaṃ 
kṛtvā prasādikamiti | dhruvā gītyādhāro niyataḥ padasamūhaḥ | tatra yogena 
yujyamānatayā samanvitaṃ tadarthaprādhānyena niyatarūpatvāditi gānasya 
gāndharvādbhedaḥ sūcitaḥ |

kakṣyāvibhāgena gatyupakāreṇa sarvābhinayānubhāvopakārī 
gānātodyopakārī ca maṇḍapaḥ yathoktam yaścāpyāsyagato bhāva (nā. śā. 2-
20) iti tathā gambhīrasvaratā yena kutapasya ityādi (nā. śā. 2-82) | raṅgeṇaiva ca 
kakṣyāvibhāgaḥ saṅgṛhīta iti nānudṛ(ddi)ṣṭatvaṃ kakṣyāyāḥ | (24-30)


p. 265)

evameṣo'lpasūtrārtho nirdiṣṭo nāṭyasaṃgrahaḥ |
ataḥ paraṃ pravakṣyāmi sūtragranthavikalpanam || 31 ||


etadupasaṃharatyevamityādinā |

evamuddeśavibhāgabhedena dvidhā saṅgrahamabhidhāya lakṣaṇaparīkṣe vaktuṃ 
pratijānīte - ataḥparamiti | sūtragranthavikalpanamiti pāṭhaḥ | sūtraṃ sūtrakaṃ 
lakṣaṇaṃ vakṣyāmi | tenaiva ca kārikā saṅgṛhītā | grantho bhāṣyam | tatkṛtaṃ 
ca vikalpanamākṣepapratisamādhānātmakamiti parīkṣā niruktaśabdavācyā 
pratijñātā | sūtravivaraṇasvabhāvā tu kārikā sūtramapi prakāśayantī 
bahutarākṣepasamādhāna - 
vyākulaśiṣyajana(naṃ)sthita(ra)pakṣanirūpaṇenopakarotīti bhāṣyasya 
paścādasyāḥ pāṭhaḥ | 

evaṃ sūtraṃ bhāṣyaṃ parīkṣāṃ ca pravakṣyāmīti pratijñāya 
rasaviṣayameva sūtraprabhṛti prathamameva vaktavyamityatra parikarabandhaṃ 
ghaṭayitumāha - tatreti | teṣāṃ rasādīnāṃ madhye | evakāro'vadhāraṇe | 
tāvaditi krame | abhitaḥ āditaḥ sūtragranthaparīkṣākrameṇa vibhajya 
vyākhyāsyāmaḥ |

uddeśakramasyaiva paryanuyojyatāmāśaṅkyāparaṃ kramahetumāha - na hīti | hi 
yasmāt rasaṃ vinā vibhāvādirartho buddhau vyākhyeyatayā ca pravartate yataśca 
taṃ vinā'rthaḥ prayojanaṃ ca prītipurassaraṃ vyutpattimayaṃ na pravartate 
yataśca rasaṃ pratyādṛte rasanātmakapratītyekaghanaviśrānte 
sāmājikaloke'nyo bhāvādirarthaḥ pravibhāgena buddhau na vartate | sarvasya 
jaḍasya cittavṛttyantaropakṛtapradhānasthāyināmadheyacittavṛttimagnatvena 
vibhāvānubhāvādivargasyāvabhāsāt | ato 
vyākhyātṛnaṭasāmājikābhiprāyeṇa tasyaiva prādhānyamiti rasa eva 
tāvatpūrvamuddiṣṭa iti tasyaiva lakṣaṇādi kartavyamiti tātparyam |

pūrvatra bahuvacanamatra caikavacanaṃ prayuñjānasyāyamāśayaḥ - eka eva 
tāvatparamārthato rasaḥ sūtrasthānīyatvena rūpake pratibhāti | tasyaiva 
punarbhāgadṛśā vibhāgaḥ | so'pi ca na tadekamukhaprekṣitāmativartate | 
etaccoddeśa evāsmābhirabhihitacaram | abhidhāsyate cāgre |


p. 266)

tatra rasāneva tāvadādāvabhivyākhyāsyāmaḥ |
ha hi rasādṛte kaścidarthaḥ pravartate |
tatra vibhāvānubhāvavyabhicārisaṃyogādrasaniṣpattiḥ |


evaṃ kramahetumabhidhāya rasaviṣayaṃ lakṣaṇasūtramāha - 
vibhāvānubhāvavyabhicārisaṃyogādrasaniṣpattiḥ | atra 
bhaṭṭalollaṭaprabhṛtayastāvadevaṃ vyācakhyuḥ - vibhāvādibhiḥ 
saṃyogo'rthāt sthāyinastato rasaniṣpattiḥ | tatra vibhāvaścittavṛtteḥ 
sthāyyātmikāyā utpattau kāraṇam | anubhāvāśca na rasajanyā atra vivakṣitāḥ 
| teṣāṃ rasakāraṇatvena gaṇanānarhatvāt | api tu bhāvānāmeva | nanu 
ye'nubhāvāḥ vyabhicāriṇaśca cittavṛttyātmakatvāt yadyapi na sahabhāvinaḥ 
sthāyinā tathāpi vāsanātmaneha tasya vivakṣitāḥ | dṛṣṭānte'pi 
abhivyañjanādimadhye kasyacidvasanātmakatā sthāyivat anyasya tūdbhūtatā 
vyabhicārivat | tena sthāyyeva vibhāvānubhāvādibhirupacito rasaḥ sthāyī 
bhavatyanupacitaḥ | sa cobhayorapi mukhyayā vṛttyā rāmādau 
anukārye'nukartaryapi cānusandhānabalāt - iti |

cirantanānāṃ cāyameva pakṣaḥ | tathā hi daṇḍinā 
sva(kāvyā?)laṅkāralakṣaṇe'bhyadhāyi | ratiḥ śṛṅgāratāṃ gatā | 
rūpabāhulyayogena iti (kāvyādarśe 2-281) |

adhiruhya parāṃ koṭiṃ kopo raudrātmatāṃ gataḥ | (2-283) ityādi ca |

etanneti śrīśaṅkukaḥ | vibhāvādyayoge sthāyino 
liṅgābhāvenāvagatyanupapatterbhāvānāṃ pūrvamabhidheyatāprasaṅgāt 
sphītadaśāyāṃ lakṣaṇāntaravaiyarthyāt 
mandatartamamādhyasthyādyānantyāpatteḥ hāsyarase ṣoḍhātvābhāvaprāpteḥ 
kāmāvasthāsu daśasvasaṅkhyarasabhāvādiprasaṅgāt śokasya prathamaṃ 
tīvratvaṃ kālāttu māndyadarśanaṃ 
krodhotsāharatīnāmamarṣasthairyasevāviparyaye hrāsadarśanamiti viparyayasya 
dṛśyamānatvācca |

tasmāddhetubhirvibhāvākhyaiḥ kāryaiścānubhāvātmabhiḥ sahacārirūpaiśca 
vyabhicāribhiḥ prayatnārjitatayā kṛtrimairapi 
tathānabhimanyamānairanukartṛsthatvena liṅgabalataḥ pratīyamānaḥ sthāyī 
bhāvo mukhyarāmādigatasthāyyanukaraṇarūpaḥ | anukaraṇarūpatvādeva ca 
nāmāntareṇa vyapadiṣṭo rasaḥ |

vibhāvā hi kāvyabalānusandheyāḥ | anubhāvāḥ śikṣātaḥ | vyabhicāriṇaḥ 
kṛtrima-

p. 267)

nijānubhāvārjanabalāt | sthāyī tu kāvyabalādapi nānusandheyaḥ | ratiḥśoka 
ityādayo hi śabdā ratyādikamabhidheyīkurvantyabhidhānatvena | na tu 
vācikābhinayarūpatayā'vagamayanti | na hi vāgeva vācikam | api tu tayā 
nirvṛttam | aṅgairivāṅgikam | tena -

(vivṛddhātmā'pyagādho'pi duranto'pi mahānapi |)
vāḍaveneva jaladhiḥ śokaḥ krodhena pīyate || iti |

tathā -

śokena kṛtaḥ stambhaḥ tathā sthito yo'navaśtitākrandaiḥ |
(hṛdayasphuṭanabhayārtai roditumabhyarthyate sacivaiḥ ||)

					(tāpasavatsarājanāṭake vinītadevoktiḥ)

ityevamādau na śoko'bhineyaḥ | api tvabhidheyaḥ |

bhāti patito likhantyāḥ (tasyā bāṣpāmbuśīkarakaṇaughaḥ |
svedodgama iva karatalasaṃsparśādeva me vapuṣi ||) (ratnā 2-11)

ityanena tu vākyena svārthamabhidadhatā udayanagataḥ sukhātmā ratiḥ 
sthāyībhāvo'bhinīyate na tūcyate avagamanaśaktirhyabhinayanaṃ 
vācakatvādanyā | ata eva sthāyipadaṃ sūtre bhinnavibhaktikamapi nopāttam | tena 
ratiranukriyamāṇā śṛṅgāra iti tadātmakatvaṃ tatprabhavatvaṃ ca yuktam | 
arthakriyāpi mithyājñānādadṛṣṭā yathā -

(maṇipradīpaprabhayormaṇibuddhyābhidhāvatoḥ |
mithyājñānāviśeṣe'pi viśeṣo'rthakriyāṃ prati || iti |)
						(pramāṇavārtike pratyakṣaparicchede 77)

na cātra nartaka eva sukhīti pratipattiḥ | nāpyayameva rāma iti | na cāpyayaṃ na 
sukhīti | nāpi rāmaḥ syādvā na vāyamiti | na cāpi tatsadṛśa iti | kintu 
(samyaṅmithyāsaṃśayasādṛśyapratītibhyo vilakṣaṇā citraturagādinyāyena) 
yaḥ sukhī rāmaḥ asāvayamiti rpatītirastīti | yadāha -

pratibhāti na sandeho na tattvaṃ na viparyayaḥ |
dhīrasāvayamityasti nāsāvevāyamityapi ||

viruddhabuddhyasambhedādavivecitasaṃplavaḥ |
yuktyā paryanuyujyeta sphurannanubhavaḥ kayā || iti |

p. 268)

tadidamapyantastattvaśūnyaṃ na vimardakṣamamityupādhyāyaḥ | tathā hi - 
anukaraṇarūpo rasa iti yaducyate tatkiṃ sāmājikapratītyabhiprāyeṇa uta 
naṭābhiprāyeṇa kiṃ vā vastuvṛtaviveakavyākhyātṛbuddhimamavalambanena 
yathāhurvyākhyātāraḥ khalvevaṃ vivecayanti (pramāṇavārtike svavṛttiḥ pṛ 39 
ṅndiś edn.) iti |

atha bharatamunivacanānusāreṇa tatrādyaḥ pakṣo'saṅgataḥ | kiñciddhi 
pramāṇenopalabdhaṃ tadanukaraṇamiti śakyaṃ vaktum | yathā- evamasau surāṃ 
pibati iti surāpānānukaraṇatvena payaḥpānaṃ pratyakṣāvalokitaṃ pratibhāti | 
iha ca naṭagataṃ kiṃ tadupalabdhaṃ yadratyānukaraṇatayā bhātīti cintyam | 
taccharīraṃ tanniṣṭhaṃ pratiśīrṣakādi 
romāñcakagadgadikādibhujākṣepavalanaprabhṛti bhrūkṣepakaṭākṣādikaṃ ca 
na rateścittavṛttirūpā yānukāratvena kasyacitpratibhāti | jaḍatvena 
bhinnendriyagrāhyatvena bhinnādhikaraṇatvena ca tato'tivailakṣaṇyāt | 
(mukhyāva)lokane ca tadanukaraṇapratibhāsaḥ | na ca rāmagatāṃ 
ratimupalabdhapūrviṇaḥ kecit | etena rāmānukārī naṭa ityapi nirastaḥ pravādaḥ | 
atha naṭagatā cittavṛttireva pratipannā satī ratyanukāraḥ śṛṅgāra ityucyate 
tatrāpi kimātmakatvena sā pratīyata iti cintyam | nanu pramadādibhiḥ kāraṇaiḥ 
kaṭākṣādibhiḥ kāryaiḥ dhṛtyādibhiśca sahacāribhirliṅgabhūtairyā laukikī 
kāryarūpā kāraṇarūpā sahacārirūpā ca cittavṛttiḥ pratītiyogyā 
tadātmakatvena naṭacittavṛttiḥ pratibhāti | hanta tarhi ratyākāreṇaiva sā 
pratipanneti dūre ratyanukaraṇatāvācoyuktiḥ |

nanu te vibhāvādayo'nukārye pāramārthikāḥ iha tvanukartari na tatheti viśeṣaḥ 
| astvevam | kintu te hi vibhāvādayo'tatkāraṇātatkāryātatsahacārarūpā api 
kāvyaśikṣādibalopakalpitāḥ kṛtrimāḥ santaḥ kiṃ kṛtrimatvena sāmājikaiḥ 
gṛhyante na vā ? yadi gṛhyante tadā taiḥ kathaṃ rateravagatiḥ ?

nanvata eva tatpratīyamānaṃ ratyanukaraṇaṃ mugdhabuddheḥ kāraṇam | 
kāraṇāntaraprabhave hi kārye (su)śikṣitena vā tathā jñāte 
vastvantarasyānumānaṃ tāvadyuktam | asuśikṣitena tu tasyaiva prasiddhasya 
kāraṇasya | yathā vṛścikaviśeṣādgomayasyaivānumānam | vṛścikasyaiva vā 
tatparaṃ mithyājñānam | yatrāpi liṅgajñānaṃ mithyā tatrāpi vā 
tadābhāsānumānamayuktam | na hi bāṣpāddhūmatvena 
jñātādagnyanukārānumānam | tadanukāratvena pratibhāsamānādapi 
liṅgāttadanukārānumānaṃ na yuktam | dhūmānukāratvena hi 
jñāyamānānnīhārānnāgnyanukārajapāpuṣpapratītirdṛṣṭā |

p. 269)

nanvakruddho'pi naṭaḥ kruddha iva bhāti | satyam | kruddhena sadṛśaḥ | 
sādṛśyaṃ ca bhrukuṭyādibhiḥ | goriva gavayena mukhādibhiriti 
naitāvatā'nukāraḥ kaścit | na cāpi sāmājikānāṃ sādṛśyamatirasti | 
sāmājikānāṃ ca na bhāvaśūnyā nartake pratipattirityucyate | atha ca 
tadanukārapratibhāsa iti riktā vācoyuktiḥ |

yaccoktaṃ rāmo'yamityasti pratipattiḥ tadapi yadi tadātve niścitaṃ 
taduttarakālabhāvibādhakavaidhuryābhāve kathaṃ na tatvajñānaṃ syāt ? 
bādhakasadbhāve vā kathaṃ na mithyājñānam ? vāstavena ca vṛttena 
bādhakānudaye'pi mithyājñānameva syāt | tena 
viruddhabuddhyasaṃbhedādityasat | nartakāntare'pi ca rāo'yamiti pratipattirasti | 
tataśca rāmatvaṃ sāmānyarūpamityāyātam |

yaccocyate vibhāvāḥ kāvyādanusandhīyante (iti) tadapi na vidmaḥ | nahi 
mameyaṃ sītā kācit iti svātmīyatvena pratipattirnaṭasya | atha sāmājikasya tathā 
pratītiyogyāḥ kriyanta ityetāvadevānusandhānamucyate tarhi sthāyini 
sutarāmanusandhānaṃ syāt | tasyaiva hi mukhyatvena asminnayam iti 
sāmājikānāṃ pratipattiḥ |

yastu vāgvācikam ityādinā 
bhedābhidhānasaṃrambhagarbhamahīyānabhinayarūpatāvivekaḥ kṛtaḥ sa 
uttaratra svāvasare (nā. śā. a -14) carcayiṣyate | 
tasmātsāmājikapratītyanusāreṇa sthāyyanukaraṇaṃ rasa ityasat |

na cāpi naṭasyetthaṃ pratipattiḥ rāmaṃ taccittavṛttiṃ vā'nukāromi iti | 
sadṛśakaraṇaṃ hi tāvadanukaraṇamanupalabdhaprakṛtinā na śakyaṃ kartum | 
atha paścātkaraṇamanukaraṇaṃ talloke'pyanukaraṇātmatātiprasaktā | atha na 
niyatasya kasyacidanukāraḥ api tūttamaprakṛteḥ śokamanukaromīti | tarhi keneti 
cintyam | na tāvacchokena tasya tadabhāvāt | na cāśrupātādinā 
śokasyānukāraḥ tadvailakṣaṇyādityuktam | iyattu syāt - uttamaprakṛterye 
śokānubhāvāḥ tānanukaromīti | tatrāpi kasyottamaprakṛteḥ | yasya kasyaciditi 
cetso'pi viśiṣṭatāṃ vinā kathaṃ buddhāvāropayituṃ śakyaḥ | ya evaṃ roditīti 
cet svātmāpi madhye naṭasyānupraviṣṭa iti galito'nukāryānukartṛbhāvaḥ | 

kiñca naṭaḥ śikṣāvaśātsvavibhāvasmaraṇāccittavṛttisādhāraṇībhāvena 
hṛdayasaṃvādātkevalamanubhāvānpradarśayan 
kāvyamupacitakākuprabhṛtyupaskāreṇa paṭhaṃśceṣṭata ityetāvanmātre'sya 
pratītirnatvanukāraṃ vedayate |


p. 270)

kāntaveṣānukāravṛddhi na rāmaceṣṭitasyānukāraḥ | etacca 
prathamādhyāye'pi darśitamasmābhiḥ | nāpi vastuvṛttānusāreṇa 
tadanukāratvam | anusaṃvedyamānasya vastuvṛttatvānupapatteḥ | yacca 
vastuvṛttaṃ taddarśayiṣyāmaḥ | na ca munivacanamevavidhamasti 
kvacitsthāyyanukaraṇaṃ rasā iti | nāpi liṅgamatrārthe munerupalabhyate | pratyuta 
dhruvāgānatālavaicitryalāsyāṅgopajīvanaṃ(na)nirūpaṇādi viparyaye 
liṅgamiti sandhyaṅgādhyāyānte vitaniṣyāmaḥ | saptadvīpānukaraṇam (nā. 
śā. 1-117) ityādi tvanyathāpi śakyagamanikamiti | tadanukāre'pi ca kva 
nāmāntaraṃ kāntaveṣagatyakaraṇādau |

yaccocyate varṇakairharitālādibhiḥ saṃyujyamāna eva gaurityādi | tatra 
yadyabhivyajyamāna ityartho'bhipreta tadasat | na hi sindūrādibhiḥ pāramārthiko 
gaurabhivyajyate pradīpādibhiriva | kintu tatsadṛśaḥ samūhaviśeṣo nirvartyate | ta 
eva hi sindūrādayo gavāvayavasanniveśasadṛśena sanniveśaviśeṣeṇāvasthitā 
gosadṛgiti pratibhāsasya viṣayaḥ naivaṃ vibhāvādisamūho 
ratisadṛśatāpratipattigrāhyaḥ | tasmādbhāvānukaraṇaṃ rasā ityasat |

yena tvabhyadhāyi sukhaduḥkhajananaśaktiyuktā viṣayasāmagrī bāhyaiva 
sāṅkhyadṛśā sukhaduḥkhasvabhāvā rasaḥ | tasyāṃ ca sāmagryā 
dalasthānīyā vibhāvāḥ saṃskārakāḥ anubhāvavyabhicāriṇaḥ | sthāyinastu 
tatsāmagrījanyā āntarāḥ sukhaduḥkhasvabhāvā iti | tena sthāyibhāvān rasatva 
(mupaneṣyāma) ityādāvupacāramaṅgīkurvatā granthavirodhaṃ svayameva 
budhyamānena dūṣaṇāviṣkaraṇamaukharyāt prāmāṇiko janaḥ parirakṣita iti 
kimasyocyate | yattvanyatantrapratītivaiṣamyaprasaṅgādi tatkiyadatrocyatām |

bhaṭṭanāyakastvāha - raso na pratīyate notpadyate nābhivyajyate | svagatatvena hi 
pratītau karuṇe duḥkhitvaṃ syāt | na ca sā pratītiryuktā sītāderavibhāvatvāt 
svakāntāsmṛtyasaṃvedanāt devatādau sādhāraṇīkaraṇāyogyatvāt 
samudralaṅghanāderasādhāraṇyāt | na ca tadvato rāmasya smṛtiḥ 
anupalabdhatvāt na ca śabdānumānādibhyaḥ tatpratītau lokasya sarasatā yuktā 
pratyakṣādiva nāyakayugalakāvabhāse hi pratyuta 
lajjājugupsāspṛhādisvocitacittavṛttyantarodayavyagratayā kā sarasatvakathāpi 
syāt | paragatatvena pratītau tāṭasthyameva bhavet tatra 
pratītiranubhavasmṛtyādirūpā rasasya yuktā | uttpattāvapi tulyametadduṣaṇam | 
śaktirūpatvena pūrvaṃ sthitasya paścādabhivyaktau 
viṣayārjanatāratamyāpattiḥ | svagatatvaparagatatvādi ca pūrvavadvikalpyam |

p. 271)

tasmātkāvye doṣābhāvaguṇālaṅkāramayatvalakṣaṇena nāṭye 
caturvidhābhinayarūpeṇa nibiḍanijamohasaṅkaṭatānivāraṇakāriṇā 
vibhāvādisādhāraṇīkaraṇātmanā'bhidhāto dvitīyenāṃśena 
bhāvakatvavyāpāreṇa bhāvyamāno raso'nubhavasmṛtyādivilakṣaṇena 
rajastamo'nuvedhavaicitryabalāddrutivistāravikāsalakṣaṇena 
sattvodrekaprakāśānandamayanijasaṃvidviśrāntilakṣaṇena 
parabrahmāsvādasavidhena bhogena paraṃ bhujyata iti |

(abhidhā bhāvanā cānyā tadbhogīkṛtameva ca |
abhidhādhāmatāṃ yāte śabdārthālaṅkṛtī tataḥ ||)

bhāvanābhāvya eṣo'pi śṛṅgārādigaṇo hi yat |
(tadbhogīkṛtirūpeṇa vyāpyate siddhimānnaraḥ ||)

tatra pūrvapakṣo'yaṃ bhaṭṭalollaṭapakṣānabhyupagamādeva nābhyupagata iti 
tadduṣaṇamanutthānopahatameva | pratītyādivyatiriktaśca saṃsāre ko bhoga iti na 
vidmaḥ | rasaneti cet sāpi pratipattireva | kevalamupāyavailakṣaṇyānnāmāntaraṃ 
pratipadyatāṃ darśanānumiti - śrutyupamitipratibhānādināmāntaravat | 
niṣpādanābhivyaktidvayānabhyupagame ca nityo vā asadvā rasa iti na tṛtīyā 
gatiḥ syāt na cāpratītaṃ vastvastitāvyavahāre yogyam |

athocyate - pratītiriti rasasya bhogīkaraṇam | tacca drutyādisvarūpam | tadastu 
tathāpi na tāvanmātram | yāvanto hi rasāstāvatya eva rasanātmānaḥ pratītayo 
bhogīkaraṇasvabhāvāḥ | (sattvādi)guṇānāṃ cāṅgāṅgivaicitryamanantaṃ 
kalpyamiti kātritveneyattā -

iti tu yat kāvyena bhāvyante rasāḥ ityucyate tatra 
vibhāvādijanitacarvaṇātmakāsvādarūpapratyayagocaratāpādanameva yadi 
bhāvanaṃ tadabhyupagamyata eva |

yattūktam -

bhāvasaṃyojanā vyaṅgyaparasaṃvittigocaraḥ |
āsvādanātmā'nubhavo rasaḥ kāvyārtha ucyate || iti |

(saṃsargādiryathāśāstra ekatvāt phalayogataḥ |
vākyārthastadvadevātra śṛṅgārādi raso mataḥ ||)

tatra vyajyamānatayā vyaṅgyo lakṣyate | anubhavena ca tadviṣaya iti mantavyam | 

nanvevaṃ kathaṃ rasatattvamāstām |

p. 272)

kiṃ kurmaḥ |

āmnāyasiddhe kimapūrvameta -
tsaṃvidvikāse'dhiganāgamitvam |
itthaṃ svayaṃgrāhyamahārhahetu-
dvandvena kiṃ dūṣayitā na lokaḥ ||

ūrdhvordhvamāruhya yadarthatattvaṃ
dhīḥ paśyati śrāntimavedayantī |
phalaṃ tadādyaiḥ parikalpitānāṃ 
vivekasopānaparamparāṇām ||

citraṃ nirālambanameva manye
prameyasiddhau prathamāvatāram |
sanmārgalābhe sati setubandha-
purapratiṣṭhādi na vismayāya ||

tasmātsatāmatra na dūṣitāni
matāni tānyeva tu śodhitāni |
pūrvapratiṣṭhāpitayojanāsu 
mūlapratiṣṭhāphalamāmananti ||

tarhyucyatāṃ pariśuddhatattvam |

uktameva muninā na tvapūrvaṃ kiñcit | tathāhyāha - kāvyārthān bhāvayatīti 
bhāvāḥ iti (nā. śā. a -7) tatkāvyārtho rasaḥ |

yathā hi rātrimāsata | tāmagnau prādāt ityādāvarthitādilakṣitasyādhikāriṇaḥ 
pratipattimātrāditivṛttaprarocitātprathamapravṛttādanantaramadhikaivopāttakālatir
askāreṇaivāste saṃpradadānītyādirūpā saṃkramaṇādisvābhāvā | 
yathādarśanaṃ pratibhābhāvanāvidhyudyogādibhāṣābhirvyavahṛtā 
pratipattistathaiva kāvyātmakādapi śabdādadhikāriṇo'dhikā'sti pratipattiḥ |

p. 273)

adhikāri cātra vimalapratibhānaśālihṛdayaḥ | tasya ca grīvābhaṅgābhirāmam | 
iti (śāku - a. 1) umāpi nīlālaka iti (kumā-3-62) harastu kiñcit (kumā. 3.67) 
ityādivākyebhyo vākyārthapratipatteranantaraṃ mānasī 
sākṣātkārātmikā'pahastitatattadvākyopāttakālādivibhāgā 
tāvatpratītirupajāyate | tasyāṃ ca yo mṛgapotakādirbhāti tasya 
viśeṣarūpatvābhāvādbhīta iti trāsakasyāpāramārthikatvādbhayameva paraṃ 
deśakālādyanāliṅgitam tata eva bhīto'haṃ bhīto'yaṃ śatrurvayasyo 
madhyastho vā ityādipratyayebhyo 
duḥkhasukhādikṛtahānādibudhyantarodayaniyamavattayā vighnabahulebhyo 
vilakṣaṇaṃ nirvighnapratītinigrāhyaṃ sākṣādiva hṛdaye nidhīyamānaṃ 
cakṣuṣoriva viparivartamānaṃ bhayānako rasaḥ | tathāvidhe hi bhaye 
nātmā'tyantatiraskṛto na viśeṣata ullikhitaḥ |

evaṃ paro'pi | tata eva na parimitameva sādhāraṇyam api tu vitatam | vyāptigraha 
iva dhūmāgnyoḥ bhayakampayoreva vā tadatra sākṣātkārāyamāṇatve 
paripoṣikā naṭādisāmagrī | yasyāṃ vastusatāṃ kāvyārpitānāṃ ca 
deśakālapramātrādīnāṃ 
niyamahetūnāmanyonyapratibandhabalādatyantamapasaraṇe sa eva 
sādhāraṇībhāvaḥ sutarāṃ puṣyati | ata eva sarvasāmājikānāmekaghanataiva 
pratipatteḥ sutarāṃ rasaparipoṣāya | sarveṣāmanādivāsanācitrīkṛtacetasāṃ 
vāsanāsaṃvādāt | sā cāvighnā saṃviccamatkāraḥ | tajjo 
hikampapulakollukasanādirvikāraḥ | camatkāro yathā-

ajja vi hari camakka-ī kahakahaviṇa maṃdareṇa dali-ā-iṃ |
caṃdakalākaṃdalasacchahā-iṃ lacchī-e aṃgā-ī ||

tathā hi - sa cātṛptivyatirekeṇāvicchinno bhogāveśa ityucyate | 
bhuñjānasyādbhutabhogaspandāviṣṭasya ca manaḥkaraṇaṃ camatkāra iti | sa ca 
sākṣātkārasvabhāvo mānaso'dhyavasāyo vā saṅkalpo vā smṛtirvā 
tathātvena sphurannastu | yadāha -

ramyāṇi vīkṣya madhurāṃśca niśamya śabdān -
paryatsuko bhavati yatsukhito'pi jantuḥ |
taccetasā samrati nūnamabodhapūrvaṃ
bhāvasthirāṇi jananāntarasauhṛdāni || (śāku 5-) ityādi |

p. 274)

atra hi smaratīti yā smṛtirupadarśitā sā na tārkikaprasiddhā 
pūrvametasyārthasyānanubhūtatvāt | api tu 
pratibhānāparaparyāyasākṣātkārasvabhāveyamiti |) sarvathā tāvadeṣāsti 
pratītirāsvādātmā yasyāṃ ratireva bhāti | tata eva viśeṣāntarānupahitatvātsā 
rasanīyā satī na laukikī na mithyā nānirvācyā na laukikatulyā na 
tadāropādirūpā | eṣaiva copacayāvasthāsu 
deśādyaniyantraṇādanukāro'pyastu bhāvānugāmitayā karaṇāt | 
viṣayasāmagryapi bhavatu vijñānavādāvalambanāt | sarvathā 
rasanātmakavītavighnapratītigrāhyo bhāva eva rasaḥ |

tatra vighnāpasārakā vibhāvaprabhṛtayaḥ | tathā hi - loke sakalavighnavinirmuktā 
saṃvittireva 
camatkāranirveśarasanāsvādanabhogasamāpattilayaviśrāntyādiśabdairabhidhīy
ate | vighnāścāsyāṃ sapta | pratipattāvayogyatā saṃbhāvanāviraharūpā | (1) 
svagatatvaparagatatvaniyamena deśakālaviśeṣāveśaḥ (2) 
nijasukhādivivaśībhāvaḥ (3) pratītyupāyavaikalyaṃ (4) sphuṭatvābhāvo (5) 
apradhānatā (6) saṃśayayogaśca (7) |

tathāhi - saṃvedyamasaṃbhāvayamānaḥ saṃvedye saṃvidaṃ viniveśayitumeva 
na śaknoti | kā tatra viśrāntiriti prathamo vighnaḥ | tadapasāraṇe hṛdayasaṃvādo 
lokasāmānyavastuviṣayaḥ | alokasāmānyeṣu tu 
ceṣṭiteṣvakhaṇḍitaprasiddhijanitagāḍhārūḍhapratyayaprasarakārī 
prakhyātarāmādināmadheyaparigrahaḥ | ata eva 
nissāmānyotkarṣopadeśavyutpattiprayojane nāṭakādau 
prakhyātavastuviṣayatvādi niyamena nirūpayiṣyate na tu prahasanādau etacca 
svāvasara eva vakṣyām ityāstāṃ tāvat |

svaikagatānāṃ ca sukhaduḥkhasaṃvidāmāsvāde yathāsaṃbhavaṃ 
tadapagamabhīrutayā vā tatparirakṣāvyagratayā vā tatsadṛśārjijīṣayā vā 
tajjihāsayā vā tatpracikhyāpayiṣayā vā tadgopanecchayā vā prakārāntareṇa 
vā saṃvedanāntarasamudgama eva paramo vighnaḥ |

paragatatvaniyamabhājāmapi sukhaduḥkhānāṃ saṃvedane niyamena svātmani 
sukhaduḥkhamohamādhyasthyādisaṃvidantarodgamanasaṃbhāvanādavaśyaṃbh
āvī vighnaḥ | tadapasāraṇe kāryo nātiprasaṅgo'tra(nā.śā. 5-158) ityādinā 
(pūrvaraṅgavidhiṃ pratīti) pūrvaraṅgānigūhanena (naṭī vidūṣako vāpi iti 
lakṣita)prastāvanāvalokanena ca yo naṭarūpatādhigamastatpurassaraḥ 
pratiśīrṣakādinā tatpracchādanaprakāro'bhyupāyaḥ 
alaukikabhāṣādibhedalāsyāṅgaraṅgapīṭha-

p. 275)

maṇḍapagatakakṣyādiparigrahanāṭyadharmisahitaḥ | tasin hi sati 
asyaivātraivaitarhyaiva ca sukhaṃ duḥkhaṃ vā iti na bhavati pratītiḥ svarūpasya 
nihravāt rūpāntarasya cāropitasya pratibhāsaviśrāntivaikalyena svarūpe 
viśrāntyabhāvāt | satyatadīyarūpanihravamātra eva paryavasānāt |

tathā hi - āsīnapāṭhyapuṣpagandhikādi loke na dṛṣṭam | na ca tanna kiñcit | 
kathañcitsaṃbhāvyatvāt iti ṣa sarvo muninā sādhāraṇībhāvasiddhyā 
rasacarvaṇopayogitvena parikarabandhaḥ samāśritaḥ iti tatraiva sphuṭībhaviṣyatīti 
tadiha tāvannodyamanīyam | tataḥ sa eṣa svaparaniyatatāvighnāpasaraṇaprakāro 
vyākhyātaḥ |

tathā nijasukhādivivaśībhūtaśca kathaṃ vastvantare saṃvidaṃ viśramayediti 
tatpratyūhavyapohanāya pratipadārthaniṣṭhaiḥ sādhāraṇyamahimnā 
sakalabhogyatvasahiṣṇubhiḥ 
śabdādiviṣayamayairātodyagānavicitramaṇḍapapadavidagdhagaṇikādibhi-
ruparañjanaṃ samāśritam | yenāhṛdayo'pi hṛdayavaimalyaprāptyā 
sahṛdayīkriyate | uktaṃ hi dṛśyaṃ śravyaṃ ca (nā. śā. 1-11) iti |

kiñca pratītyupāyānāmabhāve kathaṃ pratītiḥ? 
asphuṭapratītikāriśabdaliṅgasambhave'pi na pratīrviśrāmyati | 
sphuṭapratītirūpapratyakṣocitapratyayasākāṅkṣatvāt |

yathā'huḥ sarvā ceyaṃ pramitiḥ pratyakṣaparā (nyāyasū. bhā. 1-1-13 iti | 
svasākṣātkṛte āgamānumānaśatairapyananyathābhāvasya svasaṃvedanāt | 
alātacakrādau sākṣātkārāntareṇaiva balavatā taptamityapasāraṇāditi 
laukikastāvadayaṃ kramaḥ | tasmāttadubhayavighnavighāte'bhinayā 
lokadharmivṛttipravṛttyupaskṛtāḥ samabhiṣicyante | abhinayanaṃ hi 
saśabdaliṅgavyāpāravisadṛśameva pratyakṣavyāpārakalpamiti niśceṣyāmaḥ |

apradhāne ca vastuni kasya saṃvidviśrāmyati ? tasyaiva pratyeyasya 
pradhānāntaraṃ pratyanudhāvataḥ svātmanyaviśrāntatvāt | ato'pradhānatvaṃ 
jaḍe vibhāvānubhāvavarge vyabhicārinicaye ca saṃvidātmake'pi 
niyamenānyamukhaprekṣiṇi saṃbhavatīti tadatiriktaḥ sthāyyeva tathā 
carvaṇāpātram |

p. 276)

tatra puruṣārthaniṣṭhāḥ kāścitsaṃvida iti pradhānam | tadyathā - ratiḥ kāmaḥ 
tadanuṣaṅgidharmārthaniṣṭhā krodhastatpradhāneṣvarthaniṣṭha 
kāmadharmaparyavasito'pyutsāhaḥ samastadharmādiparyavasitaḥ śāśca 
tattvajñānajanitanirvedaprāyo'pi bhāvo mokṣopāya iti tāvadeṣāṃ 
prādhānyam | yadyapi caiṣāmapyanyonyaṃ guṇabhāvo'sti tathāpi 
tattatpradhāne rūpake tattatpradhānaṃ bhavatīti rūpakabhedaparyāyeṇa 
sarveṣaṃ prādhānyameṣāṃ lakṣyate | 
adūrabhāgābhiniviṣṭadṛśātvekasminnapi rūpake pṛthakprādhānyam |

tatra sarve'mī sukhapradhānāḥ svasaṃviccarvaṇarūpasyaikaghanasya 
prakāśasyānandasāratvāt | tathā hi - ekaghanaśokasaṃviccarvaṇe'pi loke'sti 
strīlokasya hṛdayaviśrāntirantarāyaśūnyaviśrāntiśarīratvāt | 
aviśrāntirūpataiva duḥkham | tata eva kāpilairduḥkhasya cāñcalyameva 
prāṇatvenoktaṃ rajovṛttitāṃ vadadbhirityānandarūpatā sarvarasānām | 
kintūparañjakaviṣayavaśātkeṣāmapi kaṭu kimnā asti | sparśo vīrasyeva | sa hi 
kleśaṃ sahiṣṇutādiprāṇa eva |

evaṃ ratyādīnāṃ prādhānyam | hāsādīnāṃ tu sātiśayaṃ 
sakalalokasulabhavibhāvatayoparañjakatvamiti prādhānyam | ata 
evānuttamaprakṛtiṣu bāhulyena hāsādayo bhavanti | pāmaraprāyaḥ sarvo'pi 
hasati śocati bibheti paranindāmādriyate alpasu bhāṣitatvena ca sarvatra vismayate | 
ratyādyaṅgatayā tu pumarthopayogitvamapi syādeṣām | 
etadguṇapradhānabhāvakṛta eva ca daśarūpakādibheda iti vakṣyāmaḥ |

sthāyitvaṃ caitāvatāmeva | jāta eva hi janturiyatībhiḥ saṃvidbhiḥ parīto bhavati | 
tathā hi -

duḥkhasaṃśleṣavidveṣī sukhāsvādanasādaraḥ |

iti nyāyena sarvo riraṃsayā vyāptaḥ svātmanyutkarṣamānitayā 
paraupahasannabhīṣṭaviyogasaṃtaptasataddhetuṣu kopaparavaśo'śaktatayā ca tato 
bhīruḥ kiñcidārjijīṣurapyaparicitavastuviṣayavaimukhyātmakatayākrāntaḥ 
kiñcidanabhīṣtatayā'bhimanyamānastattatsvakartavyadarśanasamuditavismayaḥ 
kiñcicca jihāsureva jāyate | na hyetaccittavṛttivāsanāśūnyaḥ prāṇī bhavati | 
kevalaṃ kasyacitkācidadhikā cittavṛttiḥ 

p. 277)

kācidūnā kasyaciducitaviṣayaniyantritā kasyacidanyathā | tatkācideva 
pumarthopayoginītyupadeśyā | tadvibhāgakṛtaścottamaprakṛtyādivyavahāraḥ |

ye punaramī glāniśaṅkāprabhṛtayaścittavṛttiviśeṣāste 
samucitavibhāvājjaganmadhye'pi na bhavantyeva | tathā hi - 
rasāyanamupayuktavato munerglānyālasyaśramaprabhṛtayo nottiṣṭhānti | yasyāpi 
vā bhavanti vibhāvabalāttasyāpi hetuprakṣaye kṣīyamāṇāḥ 
saṃskāraśeṣatāṃ tāvat nāvaśyamanubadhnanti | utsāhādayastu 
saṃpāditasvakartavyatayā pralīnakalpā api saṃskāraśeṣatāṃ nātivartante 
kartavyāntaravis'yasyotsāhāderakhaṇḍanāt |

yathāha patañjaliḥ - na hi caitra ekasyāṃ striyāṃ rakta ityanyāsu viraktaḥ | 
(pātañjala. vyāsa. bhā. 2.4) ityādi |

tasmātsthāyirūpacittavṛttisūtrasyūtā evāmī vyabhicāriṇaḥ 
svātmānamudayāstamayavaicitryaśatasahasradharmāṇaṃ pratilabhamānā 
raktanīlādisūtrasyūtaviralabhāvo(go)palambhanasambhāvitabhaṅgīsahasragarbha
sphaṭikakācābhrakapadmarāgamarakatamahānīlādimayagolakavattasmin sūtre 
svasaṃskāravaicitryamaniveśayanto'pi tatsūtrakṛtamupakārasandarbhaṃ 
bibhrataḥ svayaṃ ca vicitrārthasthāyisūtraṃ ca vicitrayanto'ntarāntarā 
śuddhamapi sthāyisūtraṃ pratibhāsāvakāśamupanayanto'pi 
pūrvāparavyabhicāriratnacchāyāśabalimānamavaśyamānayantaḥ 
pratibhāsanta iti vyabhicāriṇa ucyante |

tathā hi - glāno'yamityukte kuta iti hetupraśnenāsthāyitāsya sūcyate na tu rāma 
utsāhaśaktimānityatra hetupraśnamāhuḥ | ata eva vibhāvāstatrodbodhakāḥ 
santaḥ svarūpoparañjakatvaṃ vidadhānā 
ratyutsāhāderucitānucitatvamātramāvahanti | na tu tadabhāve sarvathaiva te 
nirupākhyāḥ vāsanātmanā sarvajantūnāṃ tanmayatvenoktatvāt | 
vyabhicāriṇāṃ tu svavibhāvābhāve nāmāpi nāstīti vitaniṣyate 
caitadyathāyogaṃ vyākhyāvasare | evamapradhānatvanirāsaḥ 
sthāyinirupaṇāyāṃ sthāyibhāvān rasatvam (nā. śā. a. 6) ityanayā 
sāmānyalakṣaṇaśeṣabhūtayā viśeṣalakṣaṇaniṣthayā ca kṛtaḥ |

p. 278)

tatrānubhāvānāṃ vibhāvānāṃ vyabhicāriṇāṃ ca pṛthaksthāyini niyamoṃ 
nāsti bāṣpāderānandākṣirogādijatvadarśanāt vyāghrādeśca 
krodhabhayādihetutvāt śramacintāderutsāhabhayādyanekasahacaratvāvalokanāt | 
sāmagrī tu na vyabhicāriṇī | tathā hi - bandhuvināśo yatra vibhāvaḥ 
paridevitāśrupātādistvanubhāvaḥ cintāśca dainyādi vyabhicārī so'vaśyaṃ 
śoka evatyevaṃ saṃśayodaye śaṅktātmakavighnaśamanāya saṃyoga upātaḥ |

tatra lokavyavahāre kāryakāraṇasahacārātmakaliṅgadarśane 
sthāyyātmaparacittavṛttyanumānābhyāsapāṭavādadhunā 
tairevodyānakaṭākṣavīkṣādibhirlaukikīṃ 
kāraṇatvādibhuvamatikrāntairvibhāvanānubhāvanāsamuparañjakatvamātra-
prāṇaiḥ ata evālaukikavibhāvādivyapadeśabhāgbhiḥ 
prācyakāraṇādirūpasaṃskāropajīvanakhyāpanāya 
vibhāvādināmadheyavyapadeśyairbhāvādhyāye'pi 
vakṣyamāṇasvarūpabhedairguṇapradhānatāparyāyeṇa sāmājikadhiyi 
samyagyogaṃ sambandhamaikāgryaṃ 
vā'sāditavadbhiralaukikanirvighnasaṃvedanātmakacarvaṇāgocaratāṃ 
nīto'rthaścarvamāṇataikasāro na tu siddhasvabhāvaḥ tātkālika eva na tu 
carvaṇātiriktakālāvalambī sthāyivilakṣaṇa eva rasaḥ | na tu yathā 
śaṅkukādibhirabhyadhīyata sthāyyeva vibhāvādipratyāyyo rasyamānatvādrasa 
ucyate | iti evaṃ hi loke'pi kiṃ na rasaḥ | asato'pi hi yatra rasanīyatā syāttatra 
vastusataḥ kathaṃ na bhaviṣyati ? tena sthāyipratītiranumitirūpā vācyā | na rasaḥ 
| ata eva sūtre muninā sthāyigrahaṇaṃ na kṛtam | tatpratyuta śalyabhūtaṃ syāt | 
kevalamaucityādevamucyate sthāyī rasībhūta iti | aucityaṃ tu tatsthāyigatatvena 
kāraṇāditayā prasiddhānāmadhunā carvaṇopayogitayā 
vibhāvāditvāvalambanāt |

tathā hi laukikacittavṛttyanumāne kā rasatā ? tenālaukikacamatkārātmā 
rasāsvādaḥ smṛtyanumānalaukikasaṃvedanavilakṣaṇa eva |

tathāhi - laukikenānumānena saṃskṛtaḥ pramadādi na tāṭasthyena pratipadyate | 
api tu hṛdayasaṃvādātmakasahṛdayatvabalātpūrṇībhaviṣyadrasāsvādāṅkurī-
bhāvenānumānasmṛtyādisopānamanāruhyaiva 
tanmayībhāvocitacarvaṇāprāṇatayā | na ca sā carvaṇā prāṅmānāntarāt 
(jātā)

p. 279)

yenādhunā smṛtiḥ syāt | na cātra laukikapratyakṣādipramāṇavyāpāraḥ | 
kintvalaukikavibhāvādisaṃyogabalopanataiveyaṃ carvaṇā | sā ca 
pratyakṣānumānāgamopamānādilaukikapramāṇajanitaratyādyavabodhataḥ 
tathā 
yogipratyakṣajanitaṭasthaparasaṃvittijñānātsakalavaiṣayikoparāgaśūnyaśuddha
parayogigatasvānandaikaghanānubhavācca viśiṣyate | eteṣāṃ 
yathāyogamarjanādivighnāntarodayāttāṭasthyahetukenāsphuṭatvena 
viṣayāveśavaivaśyena ca saundaryavirahāt | atra tu 
svātmaikagatatvaniyamāsaṃbhavāt na viṣayā-veśavaivaśyam 
svānupraveśātparagatatvaniyamābhāvāt na tāṭasthya(hetukā)sphuṭatvaṃ 
tadvibhāvādisādhāraṇyavaśasaṃprabuddhocitanijaratyādivāsanāveśavaśācca 
na vighnāntarādīnāṃ sambhava ityavocāma bahuśaḥ | ata eva vibhāvādayo na 
niṣpattihetavao rasasya tadbodhāpagame'pi rasasaṃbhavaprasaṅgāt | nāpi 
jñaptihetavaḥ yena pramāṇamadhye pateyuḥ | siddhasya kasyacitprameyabhūtasya 
rasasyābhāvāt | tarhi kimatadvibhāvādaya iti | alaukika evāyaṃ carvaṇopayogī 
vibhāvādivyavahāraḥ | kvānyatretthaṃ dṛṣṭamiti 
cedbhūṣaṇametadasmākamalaukikatvasiddhau | pānakararasāsvādo'pi kiṃ 
guḍamarīcādiṣu dṛṣṭa iti samānametat |

nanvevaṃ raso'prameyaḥ syāt | evaṃ yuktaṃ bhavitumarhati - rasyataikaprāṇo 
hyasau na prameyādisvabhāvaḥ | tarhi sūtre niṣpattiriti katham ? neyaṃ rasasya api 
tu tadviṣayarasanāyāḥ | tanniṣpattyā tu yadi tadekāyattajīvitasya rasasya 
niṣpattirucyate tanna kaścidatra doṣaḥ | sā ca rasanā na pramāṇavyāpāro na 
kārakavyāpāraḥ | svayaṃ tu nāprāmāṇikī | svasaṃvedanasiddhatvāt | rasanā 
ca bodharūpaiva kintu bodhāntarebhyo laukikebhyo vilakṣaṇaiva upāyānāṃ 
vibhāvādīnāṃ laukikavailakṣaṇyāt | tena vibhāvādisaṃyogādrasanā yato 
niṣpadyate'tastathāvidharasanāgocaro lokottaro'rtho rasa iti tātparya sūtrasya |

ayamatra saṃkṣepaḥ | mukuṭapratiśīrṣakādinā tāvannaṭabuddhirācchādyate | 
gāḍhaprāktanasaṃvitsaṃskārācca kāvyabalānīyamānāpi na tatra 
rāmadhīrviśrāmyati | ata evobhayadeśakālatyāgaḥ | romāñcādayaśca 
bhūyasā ratipratītikāritayā dṛṣṭāstatrāpi laukikā (trāvalokitā) 
deśakālāniyamena tatra ratiṃ gamayanti | yasyāṃ svātmā'pi 
tadvāsanāvattvādanupraviṣṭaḥ | ata eva na taṭasthatayā ratyavagamaḥ | na ca 
niyatakāraṇatayā yenārjanābhiṣaṅgādisambhāvanā | na ca 
niyataparātmaikagatatayā | yena duḥkhadveṣādyudayaḥ |

p. 280)

tena sādhāraṇībhūtā santānavṛtterekasyā eva vā saṃvido gocarībhūtā ratiḥ 
śṛṅgāraḥ | sādhāraṇī bhāvanā ca vibhāvādibhiriti | tatra 
vibhāvaprādhānyasya dhāmaṇimayā (prādhānyena sādhāraṇībhāvo yathā-)

kelīkandalitasya vibhramamadho(ḥ)dhuryaṃ vapuste dṛśo-
rbbhaṅgī bhaṅgurakāmakārmukamidaṃ bhrūrnarmakarmakramaḥ |
āpāte(ghrāto)'pi vikārakāraṇamaho vaktrāmbujanmā'savaḥ 
satyaṃ sundari vedhasastrijagatīsāraṃ tvamekā kṛtiḥ ||

atra ca vibhāvakṛtaṃ tatsaundaryaṃ prādhānyena bhāti | tadanugatatvena 
kelīvibhramabhaṅguranarmādipadamahimnā cānubhāvavargo 
bhaṅgīkramavikārādiśabdabalācca vyabhicārivargaḥ pratibhātītyata eva 
nāsphuṭatvāśaṅkā'tra ratyāsvādamaye śṛṅgāre vidheyā | 

anubhāvaprādhānyaṃ yathā - 
śuddhasārasvatapravāhapavitrasakalavāṅmayamahārṇavapūrṇabhāvasaṃpāda
nadvijarājasyendurājasya

yadviśramya vilokiteṣu bahuśo nisthemanī locane
yadgātrāṇi daridrati pratidinaṃ lūnābjinīnālavat |
dūrvākāṇḍaviḍambakaśca nibiḍo yatpāṇḍimā gaṇḍayoḥ
kṛṣṇe yūni sayauvanāsu vanitāsveṣaiva veṣasthitiḥ ||

atra viśramyeti bahuśa iti pratidinamiti ca 
padasamarpito('bhilāṣacintautsukyanidrādhṛtiglānyālasyaśramasmṛtivitarkādi) 
vyabhicārigaṇaḥ kṛṣṇa iti padārpitaśca vibhāvo guṇatvena pratibhāsate | 
viśrāntilakṣaṇastambhavilokanavaicitryagātratānavatāratamyapulakavaivarṇya-
prabhṛtistvanubhāvasañcayaḥ pradhānatayā (pratibhāsate) vyabhicāriṇāṃ tu 
prādhānyaṃ tadvibhāvānubhāvaprādhānyakṛtam | tatrādyam | yathā-

āttamāttamadhikāntamukṣituṃ kātarā śapharaśaṅkinī jahau |
añjalau jalamadhīralocanā locanapratiśarīralāñchitam ||

ityatra sukumāramugdhapramadājanabhūṣaṇabhūtasya vyabhicārivargasya 
vitarkatrāsaśaṅkādeḥ prādhānyaṃ tadvibhāvānāṃ saundaryātiśayakṛtāṃ 
prādhānyāt | āttamityādyarpitānubhāavargastu tadanuyāyī |


p. 281)

ko dṛṣṭāntaḥ | atrāha - yathā hi 
nānāvyañjanauṣadhidravyasaṃyogādrasaniṣpattiḥ tathā 
nānābhāvopagamādrasaniṣpattiḥ | yathā hi - 
guḍādibhirdravyairvyañjanairauṣadhibhiśca ṣāḍavādayo rasā 
nirvartyante tathā 


evaṃ dvayaprādhānye sarvaprādhānye ca codāhāryam | kintu samaprādhānya 
eva rasāsvādasyotkarṣaḥ | tacca prabandha eva bhavati | vastutastu daśarūpaka eva | 
yadāha vāmanaḥ - sandarbheṣu daśarūpakaṃ śreyaḥ | tadvicitraṃ 
citrapaṭavadviśeṣasākalyāt (kāvyālaṃ- sū. 1.3.30-31) iti | tadrūpasamarpaṇayā 
tu prabandhe bhāṣāveṣapravṛttyaucityādikalpanāt | tadupajīvanena muktake | 
tathā ca tatra sahṛdayāḥ pūrvāparamucitaṃ parikalpya īdṛgatra 
vaktā'sminnavasare ityādi bahutaraṃ pīṭhabandharūpaṃ vidadhate | tena ye 
kāvyābhyāsaprāktanapuṇyādihetubalāditi(bhiḥ) sahṛdayāsteṣāṃ 
parimitavibhāvādyunmīlane'pi parisphuṭa eva sākṣātkārakalpaḥ kāvyārthaḥ 
sphurati | ata eva teṣāṃ kāvyameva prītivyutpattikṛdanapekṣitanāṭyamapi | 
teṣāmapi tu nāṭyaṃ nipatitāḥ sphuritāḥ śaśiraśmayaḥ iti nyāyena sutarāṃ 
nirmalīkaraṇam | ahṛdayānāṃ ca tadeva nairmalyādhāyi | yatra pati(pratī)tā 
gītavādyagaṇikādayo na vyasanitāyai paryavasyanti nāṭyopalakṣaṇāt | tatra ca 
naṭo dhyāyināmivedaṃ dhyānapadam | na hi tatrayameva sindūrādimayo 
vāsudevaḥ smaraṇīya iti pratipattiḥ | api tu 
tadupāyadvāreṇātisphuṭībhūtasaṅkalpagocaro devatāviśeṣo dhyāyināṃ 
phalakṛt | tadvannaṭaprakriyādvāroditātisphuṭādhyavasāyaviṣayīkṛto 
niyatadeśakālādyaspṛṣṭoata idaṃ phalam iti vidhisthānīyo'rtho vyutpattiṃ 
vitarati | yute (yatra) dṛśyā(dṛśye')nyaniyamādau cittavṛttyādau vā na 
bādhakodayaḥ samyagjñānabhūtaṃ hyevedaṃ pūrṇam | tena rāma ityeva 
pratītirna tvayaṃ (yaṃ na) rāmo'nyo'yamiti | sphuṭīkariṣyate caitadagrataḥ |

tatrālaukiko'yamartho na dṛṣṭāntamantareṇa hṛdayaṅgamo bhavedityāśayenāha 
- ko dṛṣṭānta iti | bahunāṃ saṃyogādapūrvo rasa utpadyamānaḥ kva dṛṣṭa 
ityarthaḥ |


p. 282)

nānābhāvopagatā api sthāyino bhāvā rasatvamāpnuvantīti | atrāha - 
rasa iti kaḥ padārthaḥ | ucyate - āsādyatvāt | kathamāsvādyate rasaḥ | 
yathā hi nānāvyañjanasaṃskṛtamannaṃ bhuñjānā rasānāsvādayanti 
sumanasaḥ puruṣā harṣādīṃścādhigacchānti tathā nānābhāvābhi-


atra praśne bhāṣyeṇa prativacanamāha - yathetyādinā āpnuvantītyantena | 
vyañjanamupasecanadravyam | tacca 
nānātaprama(nānātiktama)dhuracukrādibhedādadhikāñjikādi | 
oṣadhayaściñcāgodhūmadalaharidrādayaḥ | dravyaṃ guḍādi | eṣāṃ 
pākakrameṇa samyagyojanārūpātkuśalasampādyātsaṃyogāt | ṣāḍavādaya iti 
lokaprasiddhebhyaḥ parasparaviviktebhyo madhuratiktāmlalavaṇakaṭukaṣāyebhyo 
miśrebhyaśca vilakṣaṇaḥ ṣāḍavaśabdavācyaḥ | tatpradhānā bahutarā 
rasanayogyāḥ kriyante | tathaiva nānābhūtairvibhāvādibhirupa samīpaṃ 
pratyakṣakalpatāṃ gatā lokāpekṣayā ye sthāyino bhāvāste 
rasyamānatakajīvinaṃ rasatvaṃ tatra pratipadyante |

etaduktaṃ bhavati - pākarūpayā samyagyojanayā tāvadalaukiko raso jāyate | tatra 
ca pradhānatvena jalasya rasābhivyañjakatvamiti vyañjanaṃ vibhāvasthānīyam | 
ciñcāharidrādyanubhāvaprāyam | dravyāṇi tu guḍā(dīni) 
tadīyacukrādirasavilakṣaṇamadhurādiyogādvyabhicārikalpam | svātmani 
tadupajīvanena ca paratra ca svarasasaṅkramaṇayā vaicitryādhāyakatvāt | atra tu 
sthāyikalpastanmiśraṇāsamayabhāvī rasaviśeṣo vibhāvakalpavyañjanajanito 
mantavyaḥ | sa hi laukikaḥ | ayantu kuśalaikanirvartyastadvidāṃ rasanīyo bhavati | 
tenāda(danīya)syetyadhyāhāro na yuktaḥ | yathā hi dārṣṭāntikasūtre 
sthāyigrahaṇaṃ śalyakalpamiti trayamevopāttaṃ tathā dṛṣṭānte'pi 
trayasyaivopādānaṃ yuktam | 

evaṃ sūtraṃ vyākhyāya lakṣaṇapadaṃ parīkṣitumākṣipati - rasa iti ka 
ityādinā | madhurādau pārade viṣe sāre jalasaṃskāre'bhiniveśe kvāthe 
dehadhātorni(tau ni)ryāse vā'yaṃ prasiddho na tvanyatra | tena rasa iti padasya 
śṛṅgārādiṣu pravartitasya ko'rthaḥ | ki pravṛttinimittaṃ kathyate 
svābhidheyaniyamāya śabdena yadi vā tatprayoktṛpratipattṛbhiriti | arthaḥ 


p. 283)

nayavyañjitān vāgaṅgasattvopetān sthāyibhāvānāsvādayanti 
sumanasaḥ prekṣakāḥ hars.ādīṃścādhigacchanti | tasmānnāṭyarasā 
ityabhivyākhyātāḥ | atrānuvaṃśyau ślokau bhavataḥ -


pravṛttinimittam | atrottaram | āsvādyatvāt | pravṛttihetoryataḥ praśnastenottaraṃ 
hetuvibhaktyaiva dattam | tena kriyā pravṛttinimittamasyetyuktaṃ bhavati |

yastu bhaṅktvā vyācaṣṭe - rasa iti yo'yaṃ (ko'yaṃ) śabdaḥ | tatrottaram | 
padārthaḥ | ucyata iti | tasyānenetyadhyāhāraṃ vinā 
prakṛtapadārthavācako'yaṃ śabda iti (na)tātparyakalpanaṃ vinā nātīva 
saṅgatamuttaram | praśnamantareṇa 
cāsvādyatvādityalpapadaprāyamityāstāmetat |

atha pravṛttinimittaṃ vyākṣipati - kathamāsvādyata iti | āsvādanaṃ hi 
rasanendriyajajñānaṃ prasiddhamiti bhāvaḥ | atropacaritakriyāśrayeṇottaramāha 
- yathā nānetyādinā | yathātathāśabdābhyāṃ sādṛśyamatropacāre 
nimittamiti darśayati | tatra bhogyasya bhoktuḥ phalasya ca sāmyaṃ darśayati | 
yathā hi vyañjanasaṃskṛte'nne āsvādyatā | akāgramanasi ca bhoktaryā 
svādayitṛtā | anyacittasya bhuñjānasyāpyāsvādābhimānābhāvāt | 
praharṣa(pyāyajīvana)puṣṭibalārogyāṇāṃ cāsvādaphalatā | 
tathābhinayavyañjite sthāyiśabdavyapadeśye rase āsvādyatā | ekāgramanasi ca 
sāmājike tanmayībhūta āsvādayitṛtā | harṣapradhānānāṃ 
dharmādivyutpattivaidagdhyādīnāmāsvādaphalatvamiti 
karmakartṛphalasādṛśyādvibhāvādijaḥ pratītiviśeṣo rasanākriyeti vyapadiṣṭa 
iti tātparyam | yena sumanaso bhuñjānā harṣādīṃśca yānti tena 
rasānāsvādayantītyanena śabdena | abhitaḥ sarvatra | viśeṣeṇa 
anyabhoktṛvilakṣaṇatayā | ā samantāt | khyātāḥ prasiddhāḥ | yathā caite tathā 
prekṣakā api | tena te'pi sthāyinaḥ āsvādayantīti ābhimukhyena sādṛśye 
vyākhyātā asmābhirvyavahṛtāḥ | atropasaṃhāraḥ | tasmānnāṭyarasāḥ |

anye vādiśabdena śokādīnāmatra saṅgrahaḥ | sa ca na yuktaḥ | sāmājikānāṃ 
hi harṣaikaphalaṃ nāṭyaṃ na śokādiphalam | tathātve 
nimittābhāvāttatparihāraprasaṅgācceti manyamānā harṣāścādhigacchantīti 
paṭhanti |


p. 284)

yathā bahudravyayutairvyañjanairbahubhiryutam |
āsvādayanti bhuñjānā bhaktaṃ bhaktavido janāḥ || 32 ||

bhāvābhinayasaṃbaddhānsthāyibhāvāṃstathā budhāḥ |
āsvādayanti manasā tasmānāṭyarasāḥ smṛtāḥ || 33 ||


evaṃ granthayojanāyāṃ spaṣṭāyāṃ yat kaiścidatra coditaṃ dṛṣṭānte ātmā 
rasanā manaśceti trayam | prakṛte tu rasanaiveti | parihṛtaṃ cātmana evātra 
sthānāntarasaṅkrāntasya manaḥsthānīyatā | manasaśca rasanāsthānīyateti | 
tatsarvaṃ vṛthā nāṭyamātram | upacārabījasya sādṛśyasyātra prādhānyena 
pratipipādayiṣitatvādityāstām |

evaṃ rasatvaṃ kena teṣāmiti yatpraśnitaṃ tatpratisamāhitam | atreti bhāṣye | 
anuvaṃśe bhavau śiṣyācāryaparamparāsu vartamānau ślokākhyau 
vṛttaviśeṣau sūtrārthasaṃkṣepaprakaṭīkaraṇena kārikāśabdavācyau bhavataḥ 
| tau paṭhati - yathetyādi | madhurādibhedādbahūni dravyāṇi guḍādīni | 
bahubhiriti dadhikāñjikādibhiḥ | anena vibhāvabhedaṃ rasabhede hetutvena 
sūcayati | bhuñjānā āsvādayantīti | rasanāvyāpārādbhojanādadhiko yo 
mānaso vyāpāraḥ sa evāsvādanamiti darśayati |

etaduktaṃ bhavati - na rasanāvyāpāra āsvādanam | api tu mānasa eva | sa 
cātrāvikalo'sti | kevalaṃ loke rasanāvyāpārānantarabhāvī sa prasiddha 
ityupacāra iha darśita iti | (śuddhatatsvarūpajñānasvabhāvā) atra bhāvā 
vibhāvavyabhicāriṇaḥ | abhinayā anubhāvā eva | (iyaṃ (da.) pṛthagvacanaṃ 
prādhānyāt | tairye samyagbaddhā hṛdayasaṃvādakrameṇa 
tanmayībhāvāpannapramātṛbhūmyabhedamupasamprāptā acintyāḥ sthāyinaḥ 
tān ā samantātsādhāraṇībhāvena nirvighnapratipattivaśāt | manasā 
indriyāntaravighnasaṃbhāvanāśūnyena svādayanti 
svaparavivekaśūnyasvādacamatkāraparavaśatayā 
laukikātpratyayādupārjanādivighnabahulādyogipratyayācca 
viṣayāsvādaśūnyatāparuṣādvilakṣaṇākārasukhaduḥkhādivicitravāsanānuve
dhopanatahṛdyatātiśayasaṃviccarvaṇātmanā bhuñjate | budhā iti pūrvo 
(rṇo)payogo laukikānāṃ pratyakṣādīnāmatra darśitaḥ |

etadupasaṃharati - tasmāditi | nāṭyātsamudāyarūpādrasāḥ | yadi vā 
nāṭyameva rasāḥ | rasasamudāyo hi nāṭyam | (na)nāṭya eva ca rasāḥ | kāvye'pi 
nāṭyāyamāna eva rasaḥ | kāvyārthaviṣaye hi pratyakṣakalpasaṃvedanodaye 
rasodaya ityupādhyāyāḥ |

p. 285)

yadāhuḥ kāvyakautuke -

prayogatvamanāpanne kāvye nāsvādasambhavaḥ | iti |
varṇanotkalitābhogaprauḍhoktyā samyagarpitāḥ |
udyānakāntācandrādyā bhāvāḥ pratyakṣavatsphuṭāḥ || iti |

anye tu kāvye'pi guṇālaṅkārasaundaryātiśayakṛtaṃ rasacarvaṇamāhuḥ | 
vayaṃ tu brūmaḥ - kāvyaṃ tāvanmukhyato daśarūpakātmakameva | tatra 
hyucitairbhāṣāvṛttikākunaipathyaprabhṛtibhiḥ pūryate rasavattā | 
sarvabandhādau hi nāyikāyā api saṃskṛtaivoktirityādi bahutaramanucitaṃ 
kevalaṃ śaktirahitatvādvyāvarṇyate | tāvatīva hṛdyamiti nyāyenānaucityaṃ na 
pratihāri (na pratibhāti) | tata evocyate sandarbheṣu daśarūpakam (vāmana.kā.) iti | 
tena tadaṃśa(daṅga)sandhyādisaṅghaṭanamuddhṛtya sargabandhādi 
yāvanmuktaṃ(vatakam) | yattu daśarūpakaṃ tasya yo'rthastadeva nāṭyam | 
yadvakṣyate nāṭyasyaiṣā tanūḥ (nā. śā. 14.2) iti tasya 
hṛdayasaṃvādatāratamyāpekṣayā śrotṛpratipattṛsphuraṇaṃ 
sphuṭāsphuṭatvenātivicitram | tatra ye svabhāvato nirmalamukurahṛdayāstata eva 
saṃsārocitakrodhamohābhilāṣaparavaśamanaso na bhavanti teṣāṃ 
tathāvidhadaśarūpakākarṇanasamaye sādhāraṇarasanātmakacarvaṇagrāhyo 
rasasañcayo nāṭyalakṣaṇaḥ sphuṭa eva | ye tvatathābhūtāsteṣāṃ 
pratyakṣocitatathāvidhacarvaṇālābhāya naṭādiprakriyā | 
svagatakrodhaśokādisaṅkaṭahṛdayagranthibhañjanāya gītādiprakriyā ca 
muninā viracitā | sarvānugrāhakaṃ hi śāstramiti nyāyāt | tena nāṭya eva rasā 
na loka ityarthaḥ | kāvyañca nāṭyameva |

ata eva ca naṭe na rasaḥ | kutra tarhi | vismṛtiśīlo na bodhyate | uktaṃ hi 
deśakālapramātṛbhedāniyantrito rasa iti keyamāśaṅkā | naṭe tarhi kim | 
āsvādanoprāyaḥ | ata eva ca pātramityucyate | na hi pātre madyāsvādaḥ | api tu 
tadupāyakaḥ tena | pramukhamātre naṭopayoga ityalam |

citrapustādyapi ca nāṭyasyaivārthabhāgābhiṣyando yathā sargabandhādi 
śabdabhāgābhiṣyandaḥ | etacca yo'rtho hṛdayasaṃvādī | (nā. śā. 7. 10) ityatra 
vitatya vakṣyāmaḥ |

anye tvabhinayādisāmagrīmayaṃ bahirdṛśyamānaṃ nāṭyaṃ naṭadharmaḥ 
karma rūpamityāśayena nāṭyādrasā ityāhuḥ | smṛtā iti 
sampradāyāvicchedaṃ darśayati | ye tu ratyādyanukaraṇarūpaṃ rasamāhuḥ atha 
codayanti śokaḥ kathaṃ sukhaheturiti | pariharanti ca asti ko'pi nāṭyagatānāṃ 
viśeṣa iti | tatra codyaṃ tāvadasat | śoko hi pratīyamānaḥ kiṃ svātmani 
pratyeturduḥkhaṃ vitanotīti niyamaḥ | śatruduḥkhe praharṣāt | anyatra ca 
madhyasthatvāt | uttaraṃ tu bhāvānāṃ vastu svabhāvamātreṇe(tatre)ti na 
kiñcidatra tattvam |


p. 286)

atrāha - kiṃ rasebhyo bhāvānāmabhinirvṛttirutāho bhāvebhyo 
rasanāmiti | keṣāñcinmataṃ parasparasambandhādeṣāmabhinirvṛttiriti | 
tanna | kasmāt | dṛśyate hi bhāvebhyo rasānāmabhinirvṛttirna tu rasebhyo 
bhāvānāmabhinirvṛttiriti | bhavanti cātra ślokā -


asmanmate saṃvedanamevānandaghanamāsvādyate | tatra kā duḥkhāśaṅkā | 
kevalaṃ tasyaiva citratākaraṇe ratiśokādivāsanāvyāpāraḥ | tadudbodhane 
cābhinayādivyāpāraḥ | (33)

yadetaduktaṃ rasatattvaṃ tadevopaśodhayitumupakramate - atrāhetyādinā 
codyamukhena | nartakagatebhyo rasebhyo bhāvāḥ sāmājike | yathā 
karuṇācchokaḥ | tato vibhāvādyupacitasāmajike karuṇa iti rasādbhāvo 
bhāvādrasa iti sandehaḥ | ata eva parasparamapi janma kālabhedeneti tṛtīyaḥ 
pakṣaḥ | yadi vā naṭa eva rāma eva vā pūrvaṃ bhāvaḥ tata upacaye rasaḥ | 
rato'pyapacaye bhāva ityevaṃ pakṣatrayotthānam | idaṃ cāsat | evambhūtasya 
rasasvarūpasya nirākṛtatvāt |

śrīśaṅkukastvāha - anukartari rasānāsvādayato'nukārye bhāvapratītiḥ 
prayoge | loke prakṛti(tiḥ)rasaṃ niṣpādayatīti | dvitīyapakṣo 
nāṭyācāryābhipretaśikṣānusāreṇa | ata eva ca tṛtīyo'pi saṃbhavatīti | 
etadapyasat | na hi sāmājiko'nukāryānukartṛvibhāgamavaiti | dūṣitaḥ 
(svā(dūṣitaścā)nukaraṇavādaḥ |

tasmāditthametat - kiṃ rasebhyo bhāvā uta viparyayaḥ āho anyonyajanakateti 
trayaḥ praśnāḥ | āhośabdo bhinnakramaḥ | 
vibhāvādibhyastāvadrasaniṣpattiruktā | sa eva dvitīyaḥ 
pakṣo'bhyupagatapūrvame (gataḥ pūrvam | e)tacca katham ? na hi loke 
vibhāvānubhāvādayaḥ kecana bhavanti | hetukāryāvasthāmātratvālloke teṣām 
| atha ta eva rasanopayogitve vibhāvādirūpatāṃ pratipadyante | tarhi 
rasaprasādādbhāvā vibhāvādayaḥ | athocyate vibhāvādiprasādādraso 
yathoktaṃ prāk | rasaprasādācca vibhāvādirūpatvam | tarhi parasparāśrayatvam | 
itaretarāśrayāṇi ca (kāryāṇi) na prakalpanta (mahābhāṣye ī 1.3) ityākṣepaḥ |

atra siddhāntamāha - dṛśyate hīti | pramadādayaḥ pratītāḥ santo rasāsvādaṃ 
vidadhate yathoktaṃ prāk | ato na rasebhyo bhāvāḥ | 
bhāvaśabdārthaparyālocanayā caitadevopapannamiti 


p. 287)

nānābhinayasambaddhānbhāvayanti rasānimān |
yasmāttasmādamī bhāvā vijñeyā nāṭyayoktṛbhiḥ || 34 ||

nānādravyairbahuvidhairvyañjanaṃ bhāvyate yathā |
evaṃ bhāvā bhāvayanti rasānabhinayaiḥ saha || 35 ||

na bhāvahīno'sti raso na bhāvo rasavarjitaḥ |
parasparakṛtā siddhistayorabhinaye bhavet || 36 ||

vyañjanauṣadhisaṃyogo yathā'nnaṃ svādutāṃ nayet |
evaṃ bhāvā rasāścaiva bhāvayanti parasparam || 37 ||


ślokanāha - nānābhinayaiḥ samyagbaddhān hṛdayaṃ gatān bhāvayanti 
sampādayanti rasāṃstasmādbhāvāḥ | (34)

nanvetadbhāvaśabdapravṛttinimittam | na tatprakṛtaṃ kiñciduktamityāśaṅkya 
prakṛte yojayitumāha - nānādravyairiti | vyajyata iti vyañjanañcānupānādi 
raso'trābhipretaḥ | bahuvidhairiti vyañjanasyopalakṣaṇam | abhinayairityasya vā 
viśeṣaṇam |

evaṃ sthitapakṣamupasaṃharati - na bhāvahīno'sti rasa iti | atra codyavādī 
svāśayamunmīlayati - na bhāvo rasavarjita iti | loke hi na 
kaścidvibhāvādivyavahāra iti bhāvaḥ | athottaramāha - parasparakṛtā 
siddhistayorabhinaye bhavet | abhinaye sākṣātkāre saṃpanne tadupayogitayā 
vibhāvādivyapadeśa ityato yā parasparakṛtā siddhiḥ sā (bhadraṃ) bhavediti 
saṃbhāvyate | evambhūtamitaretarāśrayajaṃ na dūṣaṇamityarthaḥ |

atraiva dṛṣṭāntamāha - vyañjanauṣadhisaṃyoga iti | 
vyañjanauṣadhisaṃyogo'nnaṃ ca kartṛ yathā parasparamanyonyaṃ 
karmabhūtaṃ svādutāṃ nayet tathā bhāvā rasāścānyonyaṃ bhāvayanti | 
bhāvā rasānbhāvayanti niṣpādayanti | rasāstu bhāvān bhāvayanti | 
bhāvānkurvanti | (vi)bhāvādivyapadeśyānkurvantītyarthaḥ |

etaduktaṃ bhavati - ekatraikadā kriyāyāmanyonyāśrayatvaṃ doṣo na tu 
kriyābhede | yathā vyanjanādisaṃyogenānnasyāhlādirasavattā kriyate | annena 
vāśrayarūpeṇa satā vyañjanasukhabhogyatā kiyate | evaṃ bhāvai rasyamānatā 
| rasaiśca vibhāvadivyapadeśyatā 


p. 288)

yathā bījādbhavedvṛkṣo vṛkṣātpuṣpaṃ phalaṃ yathā |
tathā mūlaṃ rasāḥ sarve tebhyo bhāvā vyavasthitāḥ || 38 ||

tadeṣāṃ rasānāmutpattivarṇadaivatanidarśanānyabhivyākhyāsyāmaḥ |


kāraṇādīnām | yathā paṭāpekṣayā tantavaḥ paṭakāraṇamiti vyapadeśyāḥ | 
tantvapekṣayā paṭaḥ kāryaḥ | na ceta(reta)rāśrayaṃ(yatvaṃ) tathā prakṛte'pīti | 
(37)

nanu yadi bhāvebhyo rasāstarhi kathamuktaṃ na hi rasādṛte kaścidapyarthaḥ 
pravartate iti | tena pūrvaṃ ta evoddeśyāḥ ityāśaṃkyāha - yathetyādinā | 
bījaṃ yathā vṛkṣamūlatvena sthitaṃ tathā rasāḥ | tanmūlādi(hi) prītipūrvikā 
vyutpattiriti tatare(ta eva) ca vyākhyānārhāt 
kavigatasādhāraṇībhūtasaṃvinmūlaśca kāvyapurassaro naṭavyāpāraḥ | saiva 
ca saṃvitparamārthato rasaḥ | sāmājikasya ca tatpratītyā vaśīkṛtasya 
paścādapoddhārabuddhyā vibhāvādipratītiriti prayojane(jye) nāṭye kāvye 
sāmājikadhiyi ca | tadevaṃ mūlabījasthānīyātka (yaḥ ka) vigato rasaḥ kavirhi 
sāmājikatulya eva | tata evoktaṃ śṛṅgārī cetkaviḥ | (dhvanyālo. 3-42) 
ityādyānandavardhanācāryeṇa | tato vṛkṣasthānīyaṃ kāvyam | tatra 
puṣpādisthānīyo'bhinayādinaṭavyāpāraḥ | tatra phalasthānīyaḥ 
sāmājikarasāsvādaḥ | tena rasamayameva viśvam |

atra ca vijñānavādo dvidhābhidhānaṃ (sphoṭatattvaṃ) satkāryavāda 
ekatvadarśanamityādi ca draṣṭavyam (iti kecit) | vayaṃ tu 
prakṛtānupayogiśrutalavasandarśanamithyāprayāsasaṃśrayamaśikṣitapūrviṇa 
ityāstām |

anye tu bījādiva bhāvādrasavṛkṣastato'pyabhinayakusumasundarātphalamiva 
bhāvaḥ pratītyā bhujyata iti vyācakṣate | taiḥ prakṛtaviruddhaṃ sarvaṃ 
vyākhyātam | evaṃ hi bhāvasyaivopakramaparyavasānavartitvamuktaṃ 
syādityāstāṃ caitat | evaṃ trayo'pi pakṣāḥ kathañcidupagatā 
abhiprāyavaicitryeṇeti tātparyam |

evamuddiṣṭānāṃ vibhaktānāṃ ca rasānāṃ sāmānyalakṣaṇaṃ 
parīkṣāpariśuddhamabhidhāya tadanuvādapūrvakaṃ viśeṣalakṣaṇaṃ vaktuṃ 
pīṭhabandhaṃ darśayati - tadeṣāmityādinā | yataḥ sāmānyalakṣaṇameteṣāṃ 
kṛtaṃ tasmādviśeṣalakṣaṇāṃśapūrakāṇyutpattyādīni vyākhyāsyāmaḥ | 
tatrotpattirutpādakānāmutpādyānāṃ ca viśeṣalakṣaṇam | anyonyato 
vyavacchedāt |

p. 289)

teṣāmutpattihetavaścatvāro rasāḥ | tadyathā - śṛṅgāro raudrau vīro 
bibhatsa iti | atra -

śṛṅgārāddhi bhaveddhāsyo raudrācca karuṇo rasaḥ |
vīrāccaivādbhutotpattirbībhatsācca bhayānakaḥ || 39 ||

śṛṅgārānukṛtiryā tu sa hāsyastu prakīrtitaḥ |
raudrasyaiva ca yatkarma sa jñeyaḥ karuṇo rasaḥ || 40 ||


utpādakānāmapyetadutpādakatvamutpādakāntarādvailakṣaṇyamutpādya kṛtam  
evamutpādyānāmutpādakamṛtamiti parasparalakṣaṇatvam | varṇaḥ śvetādi 
tu(stu) suspaṣṭaṃ vi(śeṣa)lakṣaṇādi | evaṃ nidarśanaṃ tu śṛṅgāro 
nāmetyādinā vibhāvādiviśeṣasaṃyogaḥ | utpattilakṣaṇā(ṇe) 
hyanyonyāśrayaśaṅkā varṇadevatayostvāgamānuviddhatvamiti sphuṭaṃ 
niścayadarśanopāyatvamutpatyādīnāṃ na saṃbhavati | 
vibhāvādiviśeṣasaṃyogastu tadvailakṣaṇyānnidarśanamityuktam | (38)

tatrotpattiṃ tāvadāha - teṣāmityādinā | teṣāṃ rasānāmutpattau hetavaḥ 
sūcakāścatvāraḥ | rasānāmutpādyotpādakaprakāro yāvān sambhavati sa 
caturbhireva sūcita iti yāvat | tathā hi - tadābhāsatvena tadanukārarūpatayā 
hetutvaṃ śṛṅgāreṇa sūcitam | yato 
vibhāvābhāsādanubhāvābhāsādvyabhicāryābhāsādratyābhāse pratīte 
carvaṇābhāsasāraḥ śṛṅgārābhāsaḥ | kāmanā abhilāṣamātrarūpā hi 
ratiratra vyabhicāribhāvo na sthāyī | tasya tu sthāyikalpatvenābhāti | 
tadvaśādvibhāvādyābhāsatā | ataśca sthāyyābhāsatvaṃ rateḥ | yato 
rāvaṇasya sītā dviṣṭā mayyupekṣikā veti hṛdayaṃ naiva spṛśatīti | tatsparśe 
hyabhimāno'syāpi līyetaiva | mayīyamanuraktā iti tu niścayo hyanupayogī | 
kāmajamohasāratvāt | śuktau rūpyābhāsavat | yadyapi -

dūrākarṣaṇamohamantra iva me tannāmni yāte śrutiṃ
(cetaḥ kālakalāmapi prasahate nāvasthitiṃ tāṃ vinā |
etairākulitasya vikṣatarateraṅgairanaṅgāturaiḥ
sampadyeta kathaṃ tadāptisukhamityetanna vedmi sphuṭam ||)

p. 290)

ityādau rāvaṇavākye tāvati ratyābhāsataiva | na tu hāsaḥ sphurati | tathāpi 
sītāvibhāvala(vila)kṣaṇaṃ rāvaṇavayaḥprakṛtiviruddhaśca 
cintādainyamohādikavyabhicārigaṇama(ṇo') śrupātaparidevitādi 
cānubhāvajātamanaucityāttadābhāsarūpaṃ saddhāsyavibhāvarūpam | 
tadvakṣyate - vikṛtaparaveṣālaṅkāretyādi | evaṃ tadābhāsatayā(tāyāḥ) 
prakāraḥ śṛṅgāreṇa sūcitaḥ | tena karuṇādyābhaseṣvapi hāsyatvaṃ sarveṣu 
mantavyam | anaucityapravṛttikṛtameva hi hāsyavibhāvatvam | taccā(trā)naucityaṃ 
sarvarasānāṃ vibhāvānubhāvādau sambhāvyate | tena 
vyabhicāriṇāmapyeṣaiva vārtā | ata eva saṃvitsatattvanipuṇaiścirantanai 
rasabhāvatadābhāsavyavahārastatra tatra kriyate | amokṣahetāvapi 
tadābhāsatāyāṃ śāntābhāso hāsya eva | prahasanarūpakeṇa 
anau(svānau)cityatyāgaḥ sarvapuruṣārtheṣu vyutpādyaḥ(rājaputrādīnām?) | 
etacca lakṣaṇe vakṣyate | tatra hāsyābhāso yathā'smatpitṛvyasya vāmanguptasya 
|

lokottarāṇi caritāni na loka eṣa
sammanyate yadi kimaṅga vadāma nāma |
yattvatra hāsamukharatvamamuṣya tena
pārśvopapīḍamiha ko na vijāhasīti ||

evaṃ yo yasya na bandhustacchoke karuṇo'pi hāsya eveti sarvatra yojyam | 
etadevodāharaṇam | evamanyattenānumeyamiti muninā yathāgrahaṇaṃ kṛtam |

yadīyaphalānantaraṃ dvitīyaraso'vaśyaṃbhāvī tasyodāharaṇaṃ raudraḥ | 
raudrasya hi phalaṃ vadhabandhādi | tadvibhāvakenāvaśyaṃ karuṇena bhāvyam | 
yathā veṇīsaṃhāre -

adyaivāvāṃ raṇamupagatau tātamambāṃ ca dṛṣṭvā
ghrātastābhyāṃ śirasi vinato'haṃ ca duśśāsanaśca |
tasminbāle prasabhamariṇā prāpite tāmavasthāṃ
pitroḥ pārśvaṃ vyapagataghṛṇaḥ kiṃ nu vakṣyāmi gatvā ||

evaṃ raudrānantaraṃ niyamena bhayānakaḥ | śṛṅgārānantaraṃ niyamena 
(karuṇaṃ(ṇaḥ) | vyāpriyate tvasau tajjanmani yathā tāpasavatsarāje 
vāsavadattādāhādvatsarājasya | nanu 
tatrā(tra)rateravi(tervi)cchedādbadhutākṛtaḥ śokaḥ | naitat | karuṇotpattikāle'pi hi 
krodhasya viccheda eva |

yadāha nirvāṇavairadahanāḥ praśamādarīṇāṃ nandantu pāṇḍutanayāḥ | 
(veṇī. a-1-7) iti | na ca bandhumā(tāmā)traṃ hetuḥ | evaṃ hi sati -

p. 291)

(utkampinī bhayapariskhalitāṃśukāntā)
te locane pratidiśaṃ vidhure kṣipantī |
krūreṇa dāruṇatayā sahasaiva dagdhā
dhūmānvitena dahanena na vīkṣitā'si ||) (tāpasavatsarāje 2-16)

ityādau te iti prāṇabhūtaṃ (padaṃ) nirupayogatāṃ gamitaṃ syāt |
ratipralāpeṣu ca śṛṅgāra eva karuṇasya jīvitam-
hṛdaye vasasīti (matpriyaṃ yadavocastadavaimi kaitavam |
upacārapadaṃ na cedidaṃ tvamanaṅgaḥ kathamakṣatā ratiḥ || (kumāra. 4-9)

ityādyuktiṣu |

evaṃ vīrādbhayānakotpattiḥ | yathā karṇasyātmajamagrataḥ śamayato bhītaṃ 
jagat phālgunāt (veṇī. 5.5)

yattvatra śrīśaṅkukenoktam - nātrotsāhasya vyāpāra iti | tadasat | evaṃ hi 
nirviṣaya evotsāhaḥ syāt | kartavyānanusandhānāt | yuddhavīre ca 
paraparājayajanitaḥ pratāpāparaparyāyaḥ śatruhṛdayadāhadāyī tadvanitādiṣu 
bhayānaka eva jīvitam | yathā -

sa pātu vo yasya hatāvaśeṣāstattulyavarṇāñjanarañjiteṣu |
lāvaṇyayukteṣvapi vitrasanti daityāḥ svakāntānayanotpaleṣu ||

niyamena tu bhavatīti vaktavyam | niyamaścakāreṇokto 
raudrādityānantaryasūcakapañcamyanantaraṃ prayuktena |

yastu raso rasāntaraṃ phalatvenābhisandhāya pravartate tasyodāharaṇaṃ vīraḥ | 
mahāpuruṣotsāho hi jagadvismayaphalābhisandhānenaiva |

yathā- dordaṇḍāñcitacandraśekharadhanurdaṇḍāvabhaṅgodyata (mahāvīra 2-
54) ityādi | raudrastu paravināśanaṃ phalatvenābhisandhāya pravartate na 
karuṇamiti śe(viśe)ṣaḥ | vidūṣakahāsatu nāykāhāsaṃ phalatvenābhisandhatta 
iti mantavyam |

yastu rasastulyavibhāvatvānniyamena rasāntaraṃ hi paramākṣipati 
tasyodāharaṇaṃ bībhatsaḥ | tasya hi ye vibhāvā rudhiraprabhṛtayaste'vaśyaṃ 
bhayahetavaḥ | tathā tadvyabhicāriṇo maraṇamohāpasmārādyāḥ | 
tadanubhāvāstu mukhavikūṇanādayaḥ |

yathā veṇīsaṃhāre -

saṃstabhyantāṃ 
nihataduśśāsanapītaśeṣaśoṇitapī(tasnapi)tabībhatsavṛkodaradarśanavaiklavyask
halitapraharaṇāni raṇādvidravanti balāni iti (veṇī. 4.)


p. 292)

vīrasyāpi ca yatkarma so'dbhutaḥ parikīrtitaḥ |
bībhatsadarśanaṃ yacca jñeyaḥ sa tu bhayānakaḥ || 41 ||


evaṃ tadābhāsataddvā(tadanu)reṇa rasāntarākṣepakatve śṛṅgāra udāharaṇam 
| tena śṛṅgārānukṛtirityatra tuśabdo vīpsāyām | dvitīyo hetau | tenaivaṃ 
yojanā - yā anukṛtiḥ sa hāsyo yataḥ prakīrtitaḥ(ataḥ) evaṃvibhāvako hāsya iti 
śeṣaḥ | tadyathā śṛṅgārā arśa ādyac | śṛṅgāravatyanukṛtirityarthaḥ |

yattvatra śṛṅgārādbhutotpatterāśaṅkā dṛśaḥ prathutarīkṛtā (ratnā 2-15) 
ityādau (tat)nirmūlameva | udayane hi śṛṅgāraḥ | brahmaṇi vismayasambhāvanā 
| sā ca na tātkālikatvena nottarakālikatvena | kintu pūrvatarameveti na kiñcidetat |

paraspara(ramparā)phalatvena rasāntarākṣepe raudra udāharaṇam | raudrasya 
yatkarma phalātmakaṃ vadhādi cakārāttasya yatkarma phalarūpaṃ sa eva 
karaṇaḥ | evakāreṇātyantavyavahitāṃ paramparāṃ parākaroti | (40)

samanantaraphalatvena rasāntarākṣepe (vīrasyāpi udāharaṇam | cassanniyoge 
vīrasya samyaṅnikaṭaṃ yatphalaṃ so'dbhutaḥ paritaḥ samantādyā kīrtiḥ yaśaḥ 
pratāparūpā tato hetoḥ | apiśabdācchṛṅgāro'pi vīrasyānantaraṃ phalaṃ 
draupadīsvayaṃvarādau | sahabhāvena rasāntarākṣepe bibhatsa udāharaṇam |

yadeva bibhatsasya darśanaṃ vibhāvādirūpaṃ sa eva bhayānakaḥ | 
tadvibhāvatvādupacārasya | sahabhāvapratītaḥ(tiḥ) phalam | tameva caśabdo 
dyotayati | tuḥ pūrvato viśeṣamāha | ayameva cākṣepaprakāraścaturdhaiva 
saṃbhāvyate na tvadhika iti | sā tvasyāpi sanna noktaḥ | ye cātrotpattihetava 
uktāste yathā svayaṃ puruṣārthacatuṣkavyāptāḥ | taddhi 
tatsaundaryātiśayajananarūpam | rañjakā bhā(hā)sādayastadanugāmitvena 
rūpakeṣu nibandhanīyāḥ |

etāvanta eva ca rasā ityuktaṃ pūrvam | tenānantye'pi 
pārṣadaprasiddhyaitāvatāṃ prayojyatvamiti yadbhaṭṭalollaṭena nirūpitaṃ 
tadavalepenāparāmṛśyetyalam | (41)

varṇābhidhānaṃ pūjādau dhyāna upayogi | mukharāge'pītyanye | svacchapītau 
śamādbhutāviti śāntavādināṃ pāṭhaḥ | tattadrasasiddhau sā sā devatā 
pūjyeti devatānirūpaṇam | viṣṇuḥ kāmadevaḥ | pramathā bhagavato gaṇāḥ 
krīḍāparāḥ | rudrastrailokyasaṃhārakartā | ata eva codayatīti niya(ca yamayatīti 
ya)mena vadhādike


p. 293)

atha varṇāḥ -

śyāmo bhavati śṛṅgāraḥ sito hāsyaḥ prakīrtitaḥ |
kapotaḥ karuṇaścaiva rakto raudraḥ prakīrtitaḥ || 42 ||

gauro vīrastu vijñeyaḥ kṛṣṇaścaiva bhayānakaḥ |
nīlavarṇastu bībhatsaḥ pītaścaivādbhutaḥ smṛtaḥ || 43 ||

atha daivatāni 

śṛṅgāro viṣṇudaivatyo hāsyaḥ pramathadaivataḥ |
raudro rudrādhidaivatyaḥ karuṇo yamadaivataḥ || 44 ||

bībhatsasya mahākālaḥ kāladevo bhayānakaḥ |
vīro mahendradevaḥ syādbhuto brahmadaivataḥ || 45 ||

evameteṣāṃ rasānāmutpattivarṇadaivatānyabhivyākhyātāni | 
idānīmanubhāvavibhāvavyabhicārisaṃyuktānāṃ 
lakṣaṇanidarśanānyabhivyākhyāsyāmaḥ | sthāyibhāvāṃśca 
rasatvamupaneṣyāmaḥ |


sampādite karuṇaḥ | mahākālo'dhidaivatamiti śeṣaḥ | sa hi tadvibhāvaṃ 
kaṅkālaṃ śmaśānādi sevate | mahendrastrailokyarājaḥ | brahmā 
acintyādbhutasraṣṭā | (45)

buddhaḥ śānte'bjajo'dbhute iti śāntavādinaḥ kecitpaṭhanti | buddho jinaḥ 
paropakāriakaparaḥ prabuddho vā | tatrotpattilakṣaṇamanyonyāśrayatvānna 
niścayakāri | 
varṇadaivatātmakamapyāgamasiddhatvādityekapraghaṭṭakenopasaṃharatyeva-
mityādinā | eteṣāmiti sarveṣāmityarthaḥ |

atha viśaṣalakṣaṇāni vaktumāsūtrayatīdānīmityādinā | viśeṣalakṣaṇaṃ 
sajātīyādvyavacchedakam | na vijātīyādvyavacchedaṃ vinā sajātīyatvam | na 
cāsau sāmānyalakṣaṇaṃ vineti tatpṛṣṭhe viśeṣalakṣaṇamiti darśayituṃ 
sāmānyalakṣaṇamanuvadatyanubhāvetyādinā | lakṣaṇāni ca tāni nidarśanāni 
ca viśeṣātmakāni | tena pratyekaṃ lakṣaṇaviśeṣā ucyanta


p. 294)

tatra śṛṅgāro nāma ratisthāyibhāvaprabhavaḥ | ujjvalaveṣātmakaḥ | 
yatkiñcilloke śuci medhyamujjvalaṃ darśanīyaṃ vā 
tacchṛṅgāreṇopamīyate |


ityarthaḥ | viśeṣalakṣaṇāni vā sāmānyalakṣaṇasya nidarśanāni | yeṣu 
sāmānyalakṣaṇaṃ yojyate udāhriyate ca | tadinā tasyodāhartumaśakyatvāt | 
cakāro lokottaratayā'daraṃ sūcayati | ye sthāyino bhāvā loke cittavṛttyātmāno 
bahuprakārapariśramaprasavanibandhanakartavyatāprabandhābhidhāyinastānapi 
nāma rasatvaṃ viśrāntyekāyatanatvepadeśadiśā neṣyāmaḥ | vibhāvān 
yathāyogamupaharadbhiḥ kavinaṭairhi rasatāṃ nīyante | yadāha -

yā vyāpāravatī rasānrasayituṃ kācitkavīnāṃ navā
(dṛṣṭiryā pariniṣṭhitārthaviṣayonmeṣā ca vaipaścitī |
te dve apyavalambya viśvamaniśaṃ nirvarṇayanto vayaṃ
śrāntā naiva ca labdhamabdhiśayana tvadbhiktitulyaṃ sukha ||) iti |
								(dhvanyā. 3.43)

naṭānāṃ tu tadupajīvitatvānna navā dṛkpaśyati na rasyatyato naveti | 
tasmādrasanopayogivibhāvādyaucityamasmābhirupadiśadbhiḥ sthāyino rasatāṃ 
nītā bhavantītyanena lakṣaṇarūpasya phalaṃ darśayati |

(atha śṛṅgārarasaprakaraṇam) |

tatra kāmasya phalatvādaśeṣahṛdayasaṃvāditvācca tatpradhānaṃ śṛṅgāraṃ 
lakṣayati - tatretyādinojjvalaveṣātmaka ityantena sūtreṇa | tatreti kramanirdhāraṇe 
| evaṃ satītyarthe vā | etatsūtrabhāṣyeṇa vyaktam | yallakṣyapadaṃ nāmeti | 
vyācaṣṭe yatkiñcidityādinā | hastapṛṣthatādi(hārādi)maṇḍitaḥ śṛṅgāravān 
| tena śucimedhyādyupamīyate | tenojjvalaveṣātmake śṛṅgāraśabdaḥ | na 
cātiprasaṅgaḥ | āptopadeśasya niyāmakatvāditi cirantanāḥ | tadanupapannam | 
upamānopameyayorviśeṣaviṣayavibhāgānavabhāsāttathā |

tasmadayamatrārthaḥ | ratirevāsvādyamāno mukhyaḥ śṛṅgāraḥ | 
ratimāsvādayadbhistadbahumānaparaḥ śṛṅgārītyucyate | yastu sajjanādipa(diḥ 
apa)ra eva tadyūsanitā (tu vyasanī) | sā rasanāsvādadaśā loke bhavantyapi na 
ciramavatiṣṭhe | tadāsvāde copayogi yathāsvavibhāvādi 

p. 295)

yastāvadujjvalaveṣaḥ sa śṛṅgāravānityucyate | yathā ca 
gotrakulācārotpannānyāptopadeśasiddhāni puṃsāṃ nāmāni bhavanti 
tathaivaiṣāṃ rasānāṃ bhāvānāṃ ca nāṭyāśritānāṃ 
cārthānāmācārotpannānyāptopadeśasiddhāni nāmāni | evameṣa 
ācārasiddho hṛdyojjvalaveṣātmakatvācchṛṅgāro rasaḥ | sa ca 
strīpuruṣahetuka uttamayuvaprakṛtiḥ |


tathā śāstra(strā)niṣiddhamajugupsitaṃ saṃsphuṭaṃ(yat sphuṭaṃ)manoharaṃ 
ca tadupacārācchṛṅgāraśabdavācyam | tadāha - upamīyate | tadupayogitayā 
tathā mīyate lakṣyata iti yāvat |

kva ya (ta)theti darśayati - yastāvaditi | tavadgrahaṇenāvadhāraṇavācinā 
śṛṅgāravācyo mukhyo'rthastatra nāstīti darśayati - sa śṛṅgāravāniti | 
tadanu(du)jjvalaveṣe śṛṅgāraśabda upacarita ityāha | nanu mukhyatayā 
ratyāsvāde śṛṅgāraśabdasya pravṛttau kiṃ nibandhanamityāśaṅkyāha - 
yathā cetyādi | gotraṃ pitṛsantānādi | kulaṃ mātṛsantānaṃ sūcayati | ācāro 
vyavahāraḥ | tata utpannāni loke prarūḍhāni | mūle tu na | ādyāptopadeśena 
nāmakaraṇalakṣaṇena samayena siddhāni | puṃsāmiti manuṣyajāternarāṇāṃ 
nārīṇāṃ ca | narāṇāṃ hi pitṛsantānānusāri nāma viṣṇuśarmetyādi | 
strīṇāṃ tu mātṛvaṃśānusāri kanakaprabhā candraprabheti | evaṃ rasādīnāṃ 
tacchāstravedivṛddhavyavahārato nirūḍhāni prāktanabrahmādyāptapraṇītāni 
nāmāni |

tadevopasaṃharati - evaṃ śṛṅgāro rasaḥ | sa ācāravyavahārālloke'pi siddhaḥ | 
kuto hetoḥ | hṛdyādiveṣātmakatvāt | etaduktaṃ bhavati - 
pratiśāstrasamayānusāriṇo'pi śabdāstadvṛddhavyavahāraparamparayā loke 
prasiddhā upacārato'nyatrāpi vyavahriyante | yathā - sāṅkhyapuruṣo'yaṃ na 
kiñcitkaroti | pūrvaraṅgo'tra tena me viracitaḥ | atra mahata(ttā)nyonyamasya iti | 
tadvadamī śṛṅgārādiśabdā ihaiva viṣaye raseṣu mukhyāḥ | loke tu 
(aupacārikāḥ) sāṅkhyapuruṣādiśabdavat |

yastu śṛṅgāraśabdasyānmīyena(sya matvarthīyena) vyutpattimāha tasya 
rūpamapi vismṛtam | ārakan hi pratyayo'ta ārabdhaḥ | 
(śṛṅgavṛndābhyāmārakan) (vārtika. 5.2-121) vṛndāraka iti yathā | ata 
evoṇādiṣu nipātito'yaṃ śabdaḥ | (śṛṅgārabhṛṅgārau | u. sū.)|

p. 296)

yastu pṛthagbhāvena gotrādināmāni vyācaṣṭe vyāvartyābhāvāt tattadīkṣitāni 
| tasya prakṛte na kiñcidiyamu(dapyu)payujyate | na ca gotrācārotpanne nāmani 
niyāmaka āptopadeśo loke ityāstāmetat |

atha ratiḥ sthāyīti sūtrabhāgaṃ bhāṣyeṇa spaṣṭayati - sa cetyādinā | 
strīpuruṣaśabdena parasparābhilāṣasaṃbhogalakṣaṇayā laukikyā asyeyaṃ strī 
iti yā (dhiyā) | tenābhilāṣamātrasārāyāḥ kāmāvasthānuvartinyā 
vyabhicārirūpāṇīti yā vilakṣaṇaiva iyaṃ sthāyirūpā 
prārambhādiphalaprāptiparyantā vyāpinī paripūrṇasukhaikaphalā ratiśa(ru)ktā 
bhavati heturasya |

kavirhi laukikarativāsanānuviddhastathā vibhāvādīnāharati nāṭyaṃ 
cā(naṭaścā)nubhāvān yathā ratyāsvādaḥ śṛṅgāro bhavatīti | 
āsvādayiturapi prākkakṣyāyāṃ ratyavagama upayogītyuktaṃ prāk |

etaduktaṃ bhavati - ratikrīḍāsārdhaṃ ca (ratiḥ krīḍā | sā ca) paramārthataḥ 
kāminoreva | tatraiva sukhasya dhārāviśrānteḥ | aparasya tu 
mālyādiviṣayasaundaryasya kavinā kṛtasya saṃkalpatvāt | 
saṃvedanadvitayānyonyanimajjanātmakamīlanākhyo hi paramo bhogaḥ | saṃvida 
eva pradhānatvāt | anyatra tu jaḍasya bhogyatvāt |

ata evāha - śvāsāyāsaviḍambanaiva vapuṣi prāṇāḥ punarjānakī iti | 

ata eva yatkaiścidacodyata - raterādhārabhedena bhedātkathameko rasa iti 
tadanabhijñatayā | ekaiva hyasau tāvatī ratiḥ | yatrānyonyasaṃvidā ekaviyogo na 
bhavati | ata evottamayuvaprakṛtiḥ | uttamaścottamā cottamau | evaṃ yuvānau | 
tatrottamayuvaśabdena tatsaṃviducyate | na tu kāyaḥ | caitanyasyaiva hi 
paramārthata uttamayuvatvaṃ viśeṣaḥ | sa (sā) cāvasthāvān tatra tatra (sthā 
yatra tatra) vyavahārasya (saṃ)bhūtatvā tatprakṛtiḥ | sā saṃvidāsvādayogyatvāt 
śṛṅgārarasībhavatīti | anuttamatve tu (na) dārḍhyamayuktve ceti na sā ratisaṃvit | 
viyogasya saṃbhāvanāt | aviyuktasaṃvitprāṇastu śṛṅgāraḥ | yathā -

vārisiṇiccarihi adi hilaggaṇāhukaṃhavi-ekva |
huhimulajalamaraṇima alahutītihavipassi || iti |

vyākhyātā(taḥ) parasparaṃ jīvitasarvasvābhimānarūpā(paḥ) | veṣayati 
vyāpayati 


p. 297)

tasya dve adhiṣṭhāne sambhogo vipralambhaśca | tatra sambhogastāvat 
.
rtumālyānulepanālaṅkāreṣṭajanaviṣayavarabhavanopabhogopavanagaman
ānubhavanaśravaṇadarśanakrīḍālīlādibhirvibhāvairutpadyate |


cittavṛttimanyatra jñāpanayā saṃkramayatīti veṣo vibhāvānubhāvātmā | 
veṣayati(nti) vyāpnuvanti sthāyinamiti vyabhicāriṇaḥ | te cojjvalā utkṛṣṭā 
yasmiṃstathābhūta ātmā yasyeti | 

sūtre saṃkṣipya yadvibhāvādi nirūpitaṃ tadvibhāgena vyākhyeyamityāśayena 
śṛṅgārasyāvasthābhedamāha - tasya dve ityādinā | adhiṣṭhāne avasthe 
ityarthaḥ | adhiṣṭhīyate'vasthātra(trā) śṛṅgārarūpeṇa | tena na 
śṛṅgārasyemau bhedau | gotvasyeva śābaleyatvabāhuleyatve | api tu 
taddaśādvaye'pyanuyāyinī yā ratirāsthābandhātmikā 
tasyāścāsvādyamānaṃ rūpaṃ śṛṅgāraḥ | yadāhu -

(etasmānmāṃ kuśalinamabhijñānadānādviditvā
mā kaulīnādasitanayane mayyaviśvāsinī bhūḥ |)
snehānāhuḥ kimapi virahahrāsinaste'pyabhogā-
diṣṭe vastunyupacitarasāḥ premarāśībhavanti || iti || (megha. 2.45)

ata eva sambhoge vipralambhasambhāvanābhīrutvaṃ vipralambhe'pi 
sambhogamanorājyā(rathā)nuvedha iti iyacchṛṅgārasya vapuḥ | 
abhilāṣerṣyāpravāsādidaśāstvatrivāntarbhūtāḥ 
satyāmāsthābandhātmikāyāṃ ratau | tena sambhogaśṛṅgāra 
ityādivyapadeśo'bhoge'pyupacārāt | ata etaddaśādvayamelana eva satyataḥ 
sātiśayacamatkāraḥ | yathā -

ekasmin śayane parāṅmukhatayā vītottaraṃ tāmyato-
ranyonyaṃ hṛdayasthite'pyanunaye saṃrakṣatorgauravam |
dampatyoḥ śanakirapāṅgavalanānmiśrībhavaccakṣuṣo-
rbhagno mānakaliḥ sahāsarabhasavyāsaktakaṇṭhagraham || (amaruka-23.)

tatra 
hīrṣyāvipralambhasambhogamelanātmikaivaikaprāṇībhūtobhayagatavibhāvānub
hāvavyabhicārikṛtā sātiśayā rasānubhūtiḥ | tena yaccoditaṃ śrīśaṅkukena 
purūravasa unmāde vatsarājasya tāpasatve cānujjvalaveṣatvaṃ (kathaṃ) 
vipralambhaśṛṅgāre'pi (iti) tadanavakāśameva | bhogasya 

p. 298)

rasatvābhāvāt snānādyavasthānamiva | yattvatrottaraṃ tāvaddataṃ 
sthairyādujjvalaveṣābhāve'pi ratimuttamā na vijahatīti tadyakṣabhāṣitam | 
prakṛtacodyāparihārāt |

na hi(nu) coditamanujjvalaveṣe kathaṃ śṛṅgāra iti | tadevāstu codyamiti cet - na 
vacanasyātibhāro'sti | na tu muninaivamuktaṃ satyujjvalaveṣe śṛṅgāra iti | api tu 
viparyaya ityāstāmetat |

tatreti | dvayoravasthayormadhye sambhogāvasthā tāvaducyate | tatreha vastutaḥ 
strīpuṃsau parasparaṃ vibhāvau | tayoruttamatve copayogīni ṛtvādīni | 
uttamasyānavasare ratyabhāvāt | ṛturvasantādiḥ | mālyaṃ kusumādi | 
anulepanaṃ samālambhanaṃ yadyatkāmasyoddipakam | alaṅkāraḥ kaṭakādi | 
iṣṭajanaḥ vidūṣakādiḥ | etadubhayamuttamatvasūcakam | yadāha -

asamāptajigīṣasya strīcintā kā manasvinaḥ |
anākramya jagatkṛtsaṃ kiṃ sandhyāṃ bhajate raviḥ || iti ||
						(rāja. tara. 4.442.)

viṣayā gītādayaḥ | tadantarbhūtamapi mālyādi prādhānyātpṛthaguktam | 
varabhavanaṃ harmyādi | etaddeśaviśeṣopalakṣaṇam | eṣāmupabhogaḥ | 
upavanasyodyānasyānubhavanaṃ śravaṇaṃ vā pa(va)rabhavanasthasyāpi | 
etatsaṅkalpāderapyupalakṣaṇam | krīḍā jalāvagāhanādikā | līlā 
iṣṭajanasyānukṛtiḥ | anu(ādi)grahaṇādanyadapi hṛdyaṃ 
haṃsayugalakacitrapustadarśanādi | etacca samastameva śṛṅgāravibhāvatvena 
mantavyam | yāvānkaścidayaṃ viṣayasambhāro hṛdyatamastatpūrṇatāyāṃ 
satyāmuttamasya ratyudayaḥ | ata eva ratnāvalyāṃ 
harmyavarṇanamudyānagamanaṃ kāmadevapūjā vasanta ityādi sarvamevātra 
saṃgṛhītaṃ rājyaṃ nirjitaśatru yogyasacive nyastaḥ ityādinā | evañca sarva eva 
samudito vibhāva iti kālpanikamālambanavibhāva uddīpanavibhāva iti | ata eva 
muninā nāyaṃ kvacidvibhāga uktaḥ sūcito vā | yuktañcaitat | yathaikatraiva 
rūpake udyānartumālyādīnāṃ sarveṣāṃ darśanādeko rasaḥ syāt | 
vibhāvābhedāt |

nanu prathamaṃ (pramadāmātra)darśane nodyānabhavanādisambhavaḥ | ka 
evamāha ? aiśvaryapūrṇasya hi 
tāvadātmīyasamṛddhisambhārasaṃskārānava(rāva)gamāt pūrṇataiva 
vibhāvavargasya | tatpradhānaṃ hi rūpakaṃ tatra tatrodāharaṇam | tena 
pṛthakpṛthagudāharaṇadānamanupapannam |

yā tu muktakādau pṛthaktayā bhāve'pi rasasaṃvit 
tāpasastatrānusandhānāccamatkāra iti | 
iyāṃstvanuttamādiviṣaye'paripūrṇoddīpanatve na camatkāro dṛśyate -


p. 299)

tasya 
nayanacāturyabhrūkṣepakaṭākṣasañcāralalitamadhurāṅgahāravākyā
dibhiranubhāvairabhinayaḥ prayoktavyaḥ |


yathā hi dīvaḍi taillu nāhi palu drasmi gamiṭṭhā |
lāvaṇṇujjalaṅgu ghari ḍhoplu pa-iṭṭhā ||

(chāyā - dīpake tailaṃ nāsti palaṃ drammaṃ gaveṣitam |
lāvaṇyojjvalāṅgo gṛhe priyatamaḥ praviṣṭaḥ ||) iti 

tathā - māsapasū-aṃ chammāsagabbhiṇiṃ ekkadi-ahajari-aṃ ca |
raṃguttiṇṇaṃ ca pi-aṃ putta-a kāmaṃta-o hohi ||

chāyāḥ - (māsaprasūtāṃ ṣaṇmāsagarbhiṇīmekadivasajvaritāṃ ca |
raṅgattīrṇāṃ ca priyāṃ putraka kāmayamāno bhava ||)

ityādi (?) | tatraikāṅgasya saubhāgyasya prādhānyāccamatkārodaya iti 
tātparyam | na tu tadabhāvakṛtā camatkṛtiḥ |

etaiḥ kavinopanibaddhairnaṭena ca sākṣātkārakalpatāmānītaiḥ 
samyagityavighnabhogātmakasambhogo rasa utpadyate jhaṭityeva | na hi 
gamanakriyāvat paryante rasanākriyā niṣpadyate | api tu prathama evāvasare | sa ca 
vibhāvasākṣātkārātmaka eva | tasya tu prathamakakṣyāyāmeva 
rasanāgocaratvābhimatasya nayanacāturyādibhī rasai(so) rasanādyābhimukhyaṃ 
nīyate | ata eva te'bhinayā anubhāvāśca | ābhimukhyanayanamanubhāvanaṃ ca | 
tadrasāsvāde samarthācaraṇamuddīpanam | ata eva tadabhāve 
vibhāvādivarṇanapradhāne'pi kāvye na camatkāraḥ | rasanāyāstatrābhāvāt | 
yathā vindo(kavīndo)rbhaṭṭendurājasya -

upaparisaraṃ godāvaryāḥ parityajatādhvagāḥ
saraṇimaparo mārgastāvadbhavadbhiravekṣyatām |
iha hi vihito raktāśokaḥ kayāpi hatāśayā
caraṇanalinanyāsodañcannavāṅkurakañcukaḥ || iti |

evamanyatrāpyupapadyata iti tasyābhinayādira(di yo)janīyam |

nanu vibhāvānāṃ sādhāraṇyaṃ katham | niyamenaivaṃ hi na nāṭye | 
iyāṃścātra kaviprayatnasamarpyamāṇaḥ tena 
tadbhāvātprayojakadharmodrekaprakāśaviśiṣṭasamabalātpramukha eva 
viśeṣaviśrāntatāṃ yāti | tathā hā priye janakarājaputrīti ityayaṃ śruta eva na 
rativyatirekeṇa bhāvāntaravibhāvatā śaṅkyā | etena kuṇapaṃ(pe) kāminī 
ityādisambhāvanaṃ pratyuktam |

tatra nayanacāturyādinā kāntā dṛṣṭirlakṣyate | yattu 
bhruvormūlasamutkṣepaścaturamiti(nā.śā. 8-47) vakṣyate | sabhrūkṣepeṇa 
coktam - vivartanaṃ kaṭākṣa (nā. śā. 8-100) iti tārākarma | evaṃ ca yojanā - 
nayanānāṃ cāturyeṇa 


p. 300)

vyabhicāriṇaścāsyālasyaugryajugupsāvarjyā | vipralambhakṛtastu 
nirvedaglāniśaṅkāsūyāśramacintautsukyanidrāsvapnavibodhavyādhyun
mādāpasmārajāḍyamaraṇādibhiranubhāvairabhinetavyaḥ |


sabhrūkṣepeṇa kaṭākṣeṇa ca yadyatsañcāraṇaṃ lalitaṃ mantharaṃ madhuraṃ 
nayanābhirāmaṃ kṛtvā yānyaṅgānāṃ haraṇāni svakartavyakāle lalitāni 
sukumārābhidheyāni madhurāṇi ca śravaṇasukhakarāṇi yāni 
vākyānītyupāṅgābhinaya āṅgiko vācikaśca lakṣitaḥ |

ata eva sāmānyābhinayādhyāya(nā. śā. a-22) 
vakṣyamāṇāśeṣaceṣṭālaṅkāralābha iti lalitamadhuraśabdau tadarthāvityasat | 
ādigrahaṇātsāttviko mukharāgapulakādirgṛhyate | anubhāvakatvena 
tāṭasthyaparihāraḥ | ābhimukhyanayanena svātmaikaviśrāntiśaṅkānirāsaḥ | 
evamuttaratrāpi |

evaṃ vibhāvasamaya eva 
rasanīyasyānubhāvāvasare'vasthāveśavairasyāspadasya paścādvyabhicāriṇaḥ 
svāmeva rasanīyatāṃ citrayantaḥ sātiśayaṃ puṣyantīti paścātte nirūpyante - 
vyabhicāriṇaścāsyeti | ālasyaugryajugupsā varjyamānā yebhyaste sarve 
vyabhicāriṇaḥ | asyeti daśādvayamayasyetyarthaḥ | jugupsā sthāyinyapīha 
niṣiddhā nyāyasiddhaṃ sthāyināmapi vyabhicāritvamanujñāpayati | ālasyādi 
ca svavibhāvapramā(ma)dādiviṣayameva niṣiddham | tena vapuralasalasadbāhu 
lakṣmyāḥ (veṇī. 1-2) iti tathā katicidahāni vapurabhūt kevalamalasekṣaṇaṃ 
tasyāḥ (vikra. 5-8) ityādi na virūpakaṃ mantavyam | evaṃ prayoge kāvye ca 
vibhāvādīnāṃ krama eva samāśrayaṇīyaḥ | utpūrvasya (udbhūtasya) 
labdhapratiṣṭhatā | tathābhūtasya parivārasaṃghaṭanamiti hi pratītikramaḥ |

nanu nirvedādayaḥ sambhoge na vyabhicāriṇa ityāśaṅkyāha - 
vipralambhakṛtastviti | tuśabdo viśeṣaṃ dyotayati |

vākyaikavākyatayā duḥkhaprāyanirvedādi muktvā ālasyādivyatiriktāśca 
sukhamayā eva dhṛtyādayo'tra vyabhicāritvena sambhoga upanyastā iti prakaṭayati 
| parasparāśopajīvanaṃ

p. 301)

cātra jīvitamiti darśayitumasyetyanudbhinnamevoktam | tata eva ca 
bhagavadanugrahapavitravācā kālidāsena raghuvaṃśe 
sambhogavipralambhātmakavyāmiśrarasanāsampattaye pratyanīkoddeśena 
rāmabhadrasya svakarma pūrvāvasthāvarṇanenādṛtam |

suptāntarbhūto'pi svapnaḥ prādhānyādupāttaḥ | kva nīlakaṇṭha vrajasi iti 
(kumā-5-54) | siviṇa akhaṇasuttuṭi ā e puṇaruttadasaṇamaṇā e | bālā e ṇimīli 
alo aṇā e divaso vi volīṇo || tathā āhūto'pi sahāyaiḥ ityādau hi sa eva prāṇaḥ | 
sambhogadaśāyāṃ tu vibhāvasānnidhye nidrādyabhāvādvibodho'pi 
vyabhicārī | sambhoge'pi ratiśramakṛtanidrādi yadyapyasti tathā'pi na ratau 
taccitratāmādhatte | vipralambhe tu tadratibhāvanā paramparoditameva | 
nidrādibāhulyāpekṣaṃ cetthamabhidhānam |

unmādāpasmāravyādhīnāṃ yā nātyantaṃ kutsitā daśā sā kāvye prayoge ca 
darśanīyā | kutsitā tu sambhave'pi neti vṛddhāḥ | vayaṃ tu brūmaḥ | 
tādṛśyāṃ daśāyāṃ svajīvitanindātmikāyāṃ 
taddehopabhogasāraratyātmakāsthābandho'pi vicchidyata eveti asambhava eva | 
maraṇamacirakālapratyāpattimayamatra mantavyam | yena śoko'vasthānameva na 
labhate | yathā -

tīrthe toyavyatirkarabhave jahnukanyāsarayvo -
rdehavasthādhikacaturayā saṅgataḥ kāntayā'sau 
līlāgāreṣvaramata punarnandanābhyantareṣu || (raghu. 8-95)

ata eva sukavinā vākyabhedenāpi maraṇaṃ nākhyātam | (tasya) 
pratītiviśrāntisthānatvaparihārāya tṛtīyapādena vibhāvānusandhānakaṃ 
darśanam | punargrahaṇena sa evārthaḥ sutarāṃ dyotitaḥ |

anye tvāhuḥ maraṇamiti na jīvitaviyoga ucyate | api tu caitanyāvasthaiva 
prāṇatyāgakartṛtātmikā pāśabandhādyavasaragatā mantavyā 
vyabhicāribhāveneti sulabhodāharaṇametaditi | ādiśabdena dainyamohādayaḥ | 
ete vyabhicāriṇo'pi svānubhāvairanubhāvitā vipralambhamanubhāvayanti | 
tasmādanubhāvairityuktam |


p. 302)

atrāha - yadyahaṃ ratiprabhavaḥ śṛṅgāraḥ kathamasya karuṇāśrayiṇo 
bhāvā bhavanti | atrocyate - pūrvamevābhihitaṃ 
sambhogavipralambhakṛtaḥ śṛṅgāra


anye tvādiśabdaṃ karuṇavācinamāśritya tadīyānubhāvānprādhānyena 
darśayanti | ekaśeṣeṇa dvayamapyanye | vipralambho viḍambanaṃ prasiddhamiha 
tūpacārāttadīyaṃ phalaṃ virahātmakaṃ gṛhyate | tena hi parasparaṃ 
ratimatoratraviḍammbanamasti | tena viraheṇa kṛtaḥ suṣṭhutamāṃ poṣita iti 
darśayanmuniranena vinā śṛṅgāro a prayoge na kāvye hṛdyatāmavalambata iti 
darśayati |

tathā hi - sambhoge'pyekaghanaśarkarāsvādasthānīyatāparihārāya 
vaiṣamyaṃ gotraskhalitaṃ sparhdāmanyadvā kalahavipralambhahetubhūtaṃ 
kavayo nibadhnanti | vāmo hi kāmaḥ (kāma. śā. 2-7-1) iti 
vātsyāyanādibhirabhihitam | munināpi vakṣyate | yadvāmābhiniveśitvam iti (nā. 
śā. 22-207) | ete ca vyabhicāriṇo vidyudunmeṣanimeṣayuktyaiva 
sthāyisūtramadhye prakaṭayantastirodadhataśca tadvaicitryamāvahanti | na tu 
sthirāḥ | yadyapi sthāyyapi na sthiraḥ tathā'pi saṃskārarūpatayā 
dhārāvāhisajātīyapravāharūpatayā ca sthira eva | vyabhicāriṇastu naivaṃ 
kṣaṇamapi bhavanti | saṃskāramapi svakaṃ sthāyisaṃskāra eva prauḍhayanti | 
tathaiva smaraṇācca |

tena vyabhicāriṣu pṛthakpṛthagyaiḥ ka(thagyatkai)ścidudāhṛtaṃ tanna 
tantranyāyānupāti | tathā hi - dhṛtau yadudāhṛtaṃ asambhāvyaṃ devāt ityādi 
tatrāpi harṣavismayagarvamatiprabhṛtīnāṃ ca te iti mām iti valita 
ityādisūcitānāṃ sambhāra eva | kimaparaṃ trailokyam ityādau 
cāvāntaravākyārambhe smṛtiprabhṛtibhiḥ sarvatra bhāvyam | anyathā hi 
dhṛtyekavacanatve sarvatra ślokārthe dṛṣṭirekaiva citranyasteva bhavet | 
asyāssargavidhau (vikramorva. 1.10) ityatrāpyavāntaravākyasamāptau 
dhṛtiharṣavismayādayo bhavantyeva | ata eva vicchidya vitarkāntaraṃ samudeti | na 
tu vyabhicārī kṣaṇamapyavatiṣṭhate | calaṃ hi guṇavṛttamiti hi tatrabhavantaḥ | ata 
eva prayogavaicitryam | anyathā'vaicitryātsa eva prayogaḥ syāt | madhye'nte 
cāśrayāḥ sphuṭāḥ | te ca vismayadhṛtiprabhṛtītyāstāmetat |


p. 303)

iti | vaiśikaśāstrakāraiśca daśāvastho'bhihitaḥ | tāśca 
sāmānyābhinaye vakṣyāmaḥ |

karuṇastu śāpakleśavinipatiteṣṭajanavibhavanāśavadhabandhasamuttho 
nirapekṣabhāvaḥ | autsukyacintāsamutthaḥ sāpekṣabhāvo 
vipralambhakṛtaḥ | 


vākyaikavākyatvenāvasthādvayasyūtasya śṛṅgārasya 
yatsvarūpamuktametadeva pariśodhayituṃ pūrvapakṣayati - atrāheti | 
karuṇaviṣaye āśrayaṇaṃ vidyate yeṣāṃ bhūmnā | ata eva 
karmadhārayamatvarthīyābhyāmitīha nāśritam | bhūmnā vahati hyatra 
(vahatītyatra) pūrvapakṣasya prāṇitam |

nanu tavyoktamasadevāstvityāśaṅkyāha - vaiśikye(ke)tyādi | veśo 
veśyāvargaḥ | karaṇaṃ ca sambhogātmakam | tatprayojanaṃ śāstraṃ 
kāmasūtraṃ ye kṛtavantastaiḥ | śṛṅgāro 
daśabhirabhilaṣitādibhirmaraṇāntābhiravasthābhiryukto darśitaḥ | 
avasthāgrahaṇena ca tāvanto bahavo vipralambhā ityāśaṅkāṃ nirākaroti | tena 
cintādayo'pi vyabhicāritvena ratestairanujñātā iti tātparyam | cakāreṇedamāha 
- parasparāsthābandhātmakatve ratirūpe sthite sati tadaṅgabhūtā daśāvasthā 
vipralambhāṅgam | yathodayanasya citraphalakāvalokanataḥ prabhṛti |

nanu tatrāpi (na) ratiḥ kva | a(ta)sya viṣayasyānavagamāt | na hi citramātram | 
nalinīsaṃstarādeḥ sākṣiṇo vidyamānatvāt | ākṛtyā ca kāmyamānataucityasya 
lābhāt | yadi paraṃ nāma tajjñāsta(na jñātaṃ ta)tkutropayogīti | yadā tu 
vipralambhāṅgatā na bhavati tadā svātantryaṃ - yathā rāvaṇasyāpi | 
taduktamasmadupādhyāyabhaṭṭatotena -

svātantryeṇa pravṛttau tu sarvaprāṇiṣu sambhavaḥ | iti |


p. 304)

evamanyaḥ karuṇo'nyaśca vipralambha iti | evameṣa sarvabhāvasaṃyuktaḥ 
śṛṅgāro bhavati |

api ca 

sukhaprāyeṣu sampannaḥ ṛtumālyādisevakaḥ |
puruṣaḥ pramadāyuktaḥ śṛṅgāra iti saṃjñitaḥ || 46 ||


nanvevaṃ vyabhicaryabhedātkaruṇaḥ kathaṃ vipralambhādbhidyata 
ityāśaṅkyāha - karuṇastviti | adhamaprakṛtestāvanna vipralambhaḥ | 
sthāyyabhāvāt | tadabhāvo vibhāvasāmagrīvaikalyāditi | tatra tāvatkaruṇaḥ 
pṛthak labdhapratiṣṭhaḥ | evamuttamaprakṛtāvapi rativiparītaḥ śokaḥ karuṇe 
sthāyī | ata evāha nirapekṣaḥ | bandhujanādiviṣaye yā'pekṣā 
ratāvivālambanam |

yathoktam - āśābandhaḥ kusumasadṛśaṃ prāyaśa iti (megha. 1-10) | tato 
niṣkrānto bhāvaḥ śokākhyo yasmin | śāpakleśe vinipatitasyeṣṭajanasya yo 
vibhavanāśo vadho bandho vā tataḥ samutthānaṃ yasya | 
śāpagrahaṇenāpratikāryatve satyuttamaprakṛteḥ śokodayasthānametaditi 
darśayati | anyathotsāhakrodhādivibhāvatvaṃ syāt | śokatvameva ca parākartuṃ 
kavikulacakravartinā purūravasa ūrvaśīśāpaprāptiranurūpa(ranupa)lakṣitatvena 
nibaddhā | evaṃ vibhāvasthāyivibhedo darśitaḥ | ye'pi caite nirvedādyāste'pi 
vastuto ratyananugṛhītā niapekṣācchokādbhavantya'nyonya(nto'nya) eva | 
tato'pyāha nirapekṣabhāva iti |

evaṃ prasaṅgātkaruṇasya svarūpamabhidhāya prakṛte yojayati - autsukyacinteti | 
cintāśabdo'śeṣanirvedādyupalakṣaṇam | autsukyapradhānā ye 
cintādayastebhyaḥ samyagutthānaṃ vijṛmbho yasya | ata eva sāpekṣo yatra 
ratyākhyo bhāvaḥ | te ca sāpekṣādratyākhyādbhavanti | na hi vipralambhe 
vibhāvaḥ sthāyī ca sambhogādbhidyate | eka evāsāviti hi bahuśa uktam |

etaduktaṃ bhavati | autsukyaṃ viṣayaunmukhyam | tacca naṣṭe viṣaye na sambhavati 
|

p. 305)

api cātra sūtrārthānuviddhe ārye bhavataḥ |
ṛtumālyālaṅkāraiḥ priyajanagāndharvakāvyasevābhiḥ |
upavanagamanavihāraiḥ śṛṅgārarasaḥ samudbhavati || 47 ||

nayanavadanaprasādaiḥ smitamadhuravacodhṛtipramodaiśca |
madhuraiścāṅgavihāraistasyābhinayaḥ prayoktavyaḥ || 48 ||


evaṃ parīkṣya parīkṣāphalamupasaṃharati - evameṣa iti | śṛṅgāra 
ityekavacanenaika eva śṛṅgāra ityupasaṃhṛtam |

evaṃ sūtrārthe parīkṣya sthāpite tadarthasya sukhagrahaṇārthaṃ 
sūtrārthavivaraṇarūpatvātsūtrasamīpe'pyupacitapāṭhātkārikāmadhunā 
paṭhati - api ceti | na kevalaṃ sūtraṃ parīkṣā'pi yāvadiyaṃ kāriketi 
samuccayārthaḥ | evaṃ sarvatra mantavyam |

tāmeva kārikāṃ paṭhati - sukheti | puruṣa iti bhoktā saṃvedanātmako'bhipretaḥ 
| bhoktaiva ca sthāyisaṃvidrūpaḥ | vyabhicāriṇastu bhogasvabhāvāḥ | tena 
ratireva puruṣaḥ | tathā coktam - śraddhāmayo'yaṃ puruṣa iti | evaṃ 
pramadā'pi | tatra bhoktṛtve puruṣasya prādhānyam | pramadāyāstu bhogyatvam | 
prādhānyādeva ca tasya bhogyenāparatantrīkaraṇamiti nāyikāntarayoge'pi na 
śṛṅgārahāniḥ | bhogyasya tu pāratantryādevānyasammīlane śṛṅgārabhaṅga 
iti darśitam | ata eva na sthāyibhedaḥ śaṅkanīyaḥ | sukhaprāyeṣu sampanna 
ityādipuruṣaviśeṣaṇatvena samuditasya vibhāvatvaṃ darśayati | vibhāvādayo (na 
rasodayaṃ vinā'svādaiśca bhoktarīti nimagnatve bhoktṛpradhānatvaṃ ca 
darśayanti | viṣayasambhārapūrṇatābhitābhimānajaiva ratirucitā |

etadarthameva jassa ahaṃ tādeṇa diṇṇeti īrisassakaṇvāra aṇassa avassaṃ evva 
irise vare ahilāseṇa hodavvaṃ (ratnāvalī īī) iti (?) ca | etatsarvasampannatvameva 
nāyikāyāḥ pradarśitam | anyathā nottamatvaṃ syāt | 
nijajātikulānurūpasampadabhāve tu ratiḥ 
puruṣārtharūpatvā(bhāvāda)nupadeśyā | ata eva tatra sarvasya 
pratītivaira(sya)syānantarasaṃbhāvanamiti ślokasya tātparyārthaḥ |


p. 306)

atha hāsyo nāma hāsasthāyibhāvātmakaḥ | sa ca 
vikṛtaparaveṣālaṅkāradhārṣṭyalaulyakuhakāsatpralāpavyaṅgadarśana
doṣodāharaṇādi-


viṣayasāmagrīsampūrṇo rasa iti ye manyante teṣāmabhrāntikāraṇamayaṃ 
ślokaḥ | sa cetthaṃ vyākhyāto na bhrāntijanakaḥ | saṃśrīyata (saṃjñita) 
ityanenānvarthatāṃ parākaroti | tathā hi - uṇādiṣu (avyutpannaḥ) 
śṛṅgāraśabdo nipātita iti | (śṛṅgārabhṛṅgārau ityuṇādisūtram 416)

na kevalaṃ ślokavṛttamidaṃ sūtrārthanuviddhe yāvadārye apītyapi cetyasya 
bhinnakramasyārthaḥ | priyo jano vidūṣakādiḥ | gāndharvaśabdo 
gītādihṛdyaviṣayopalakṣaṇam | kāvyasevāśabdena viṣayasaṅkalpaṃ 
vibhāvatvena lakṣayati |

yastvāha kāvyārthībhūtādrasātkāvyārthavido bhāvāntaraṃ prādurbhavati | 
ataḥ sukhajanakatvātkāvyārtho rasa iti | sa pratyuktaḥ | na hi viṣayasāmagrī rasa iti 
pūrvaṃ darśitam | dhṛtipramodaśabdena vyabhicāriṇo lakṣayati | eka eva ca 
paramārthataḥ śṛṅgāra ityabhiprāyeṇādāvavasthopalakṣaṇadvāreṇa sarva 
evopasaṃhṛto mantavyaḥ ||

iti śṛṅgārarasaprakaraṇam ||

atha hāsyarasaprakaraṇam ||

atha hāsyaṃ lakṣayitumāha - atheti | ātmaśabdenedamāha - 
ratirāsvādanākhyāṃ pratītiṃ vidadhānā na tāṃ ratirūpāmeva vidhatte | 
pramukhe vibhāvādau sādhāraṇyāt | hāse tu ya āsvādaḥ so'pi 
vikṛtaveṣādīnāṃ sāmājikānprati lokavṛttena hāsahetuteti 
vibhāvasādhāraṇyadvāreṇa tadekasvabhāva eveti 
hāsātmakarasanākhyacarvaṇācarvaṇīyatvāccāsya ratiśokāveva 
paramatajjātīyasaṃvidāsvādau dhārārūḍhasukhaduḥkharūpatvena 
nissādhāraṇātmīyaṃtvaniyamagrahagṛhītahetubalādevotpadyete yataḥ 
ato'nayormuninā prabhavagrahaṇaṃ kṛtam | anyeṣu tu vibhāve 
sādhāraṇyasambhāvanāttadātmakagrahaṇam | nayavinayāderanyāyakāriṇaḥ 
samānaṃ kālāderapūrvavastunaśca sarvānpratyutsāhakrodha- 
bhayajugupsāvismayahetutvena sādhāraṇyavibhāvatvādityalaṃ bahunā |


p. 307)

bhirvibhāvairutpadyate | 
tasyoṣṭhanāsākapolaspandanadṛṣṭivyākośākuñcanasvedāsyarāgapār"
svagrahaṇādibhiranubhāvairabhinayaḥ prayoktavyaḥ | 
vyabhicāriṇaścāsyāvahitthālasyatandrānidrāsvapnaprabodhāsūyādaya
ḥ | dvividhaścāyamātmasthaḥ parasthaśca | yadā svayaṃ hasati 
tadā'tmasthaḥ | yadā tu paraṃ hāsayati tadā parasthaḥ |


tatra veṣaḥ keśādiracanā | alaṅkāraḥ kaṭakādiḥ | sa cobhayo'pi vikṛto 
deśakālaprakṛtivayo'vasthāviparīto hāsyasya vibhāvaḥ | etena sarve rasā 
hāsye'ntarbhūtā iti darśitam | atha vidūṣako'pi tadveṣaṃ 
vidadhaddhāsyābhāsaṃ prathayatītyetacca prāgevoktam | parasya sambandhī 
paraḥ | evaṃbhūto devadattasya veṣo'yamalaṅkāro vā ityudghaṭṭaka (nā. śā. 
4-187) bhāṇḍanṛttādau darśyamāno hāsaṃ karoti | veṣālaṅkārau 
gatāgatikāderapyupalakṣaṇam | dhāṣṭaryaṃ nirlajjatā | laulyaṃ 
viṣayeṣvaniyatatā | kuhakaṃ kakṣagrīvādisparśanaṃ vismāpanavidhiprasiddhaṃ 
bālānām | aṅgavigamo vikhunādi vyaṅgam | eṣāṃ darśanamiti samāsaḥ | 
doṣā atatprakṛterapi bhayādayaḥ akāryakaraṇādayaśca vikṛtaveṣādaya eva vā | 
teṣāmudāharaṇaṃ varṇanam | ādigrahaṇātsaṅkalpasmṛtyādi |

oṣṭhādeḥ spandanaśabdena saṃbandhaḥ | vyākośanaṃ vikāso nimīlanaṃ ca | 
ākuñcanaṃ tvīṣat | etaddṛṣṭyā yojyam | āsyarāgo mukharāgaḥ | 
pārśvayorgrahaṇaṃ pīḍanam | tandrāśabdena mohaḥ | ete ca vibhāvā 
anubhāvā vyabhicāriṇaśca prakṛtitrayabhedena ye smitādibhedā vakṣyante teṣu 
yathāyogaṃ yojanīyāḥ |

dvividhaścāyamiti | ātmasthairvibhāvairvikṛtaveṣādibhirvidūṣakaḥ svayaṃ 
hasati sa tasyātmasthaḥ | devīṃ ca hāsayatīti tasyāḥ parasthaḥ - tadidamasat | 
evaṃ hi vibhāvānā-


p. 308)

atrānuvaśya ārye bhavataḥ |

viparītālaṅkārairvikṛtācārābhidhānaveṣaiśca |
vikṛtairarthaviśeṣairhasatīti rasaḥ smṛto hāsyaḥ || 49 ||

vikṛtācārairvākyairaṅgavikāraiśca vikṛtaveṣaiśca |
hāsayati janaṃ yasmāttasmājjñeyo raso hāsyaḥ || 50 ||

strīnīcaprakṛtāveṣa bhūyiṣṭhaṃ dṛśyate rasaḥ |
ṣaḍbhedāścāsya vijñeyāstāṃśca vakṣyāmyahaṃ punaḥ || 51 ||

smitamatha hasitaṃ vihasitamupahasitaṃ cāpahasitamatihasitam |
dvau dvau bhedau syātāmuttamamadhyādhamaprakṛtau || 52 ||

tatra

smitahasite jyeṣṭhānāṃ madhyānāṃ vihasitopahasite ca |
adhamānāmapahasitaṃ hyatihasitaṃ cāpi vijñeyam || 53 ||


mātmasthatvavibhāgah syāt | na hāsasya | kiñca svāminaḥ śoko'nujīviṣu 
śokaṃ karotīti parasthatā sarvatra syāt | svayaṃbhūrhi paratra devyādau vyaktaḥ 
parastha iti cedgambhīrasya prabhoranujīvigatānubhāvavyaktaḥ krodho'pi parastho 
bhavet | tadvibhāva ātmastho'to(nya)vibhāvakastvanya ityapyasat | parahāso'pi 
taddhāse vibhāvaḥ syāt | etacca ratyādiṣu sarveṣvapyasti | tasmādayamatrārthaḥ 
- paraṃ hasantaṃ dṛṣṭvā svayaṃ vibhāvānapaśyannapi hasanloke dṛṣṭaḥ | 
tathā vibhāvādidarśane'pi gāmbhīryādanuditahāso'pi parakīyahāsāvalokane 
tatkṣaṇaṃ hāsavivaśaḥ sampadyata eveti svabhāvaḥ | 
yathā'mladāḍimādirasāsvādaḥ saṅkramaṇasvābhāvo-


p. 309)

atra ślokā -

īṣadvikasitairgaṇḍaiḥ kaṭākṣaiḥ sauṣṭhavānvitaiḥ |
alakṣitadvijaṃ dhīramuttamānāṃ smitaṃ bhavet || 54 ||

utphullānananetraṃ tu gaṇḍairvikasitairatha |
kiñcillakṣitadantaṃ ca hasitaṃ tadvidhīyate || 55 ||

atha madhyamānām -

ākuñcitākṣigaṇḍaṃ yatsasvanaṃ madhuraṃ tathā |
kālāgataṃ sāsyarāgaṃ tadvai vihasitaṃ bhavet || 56 ||


'nyatrāpi dantodakavikārānurūpasaṅkramadarśanādeva saṅkrāmati evaṃ 
hāsaḥ svabhāvataḥ saṅkramaśīla iti kāṣṭhakā'sya bhūyiṣṭhatā | 
nānābhedā ityāha - ṣaḍbhedāśceti | dvau dvāviti | yathākramaṃ 
vibhāvatāratamyamityādīti kecit | tattvasat | bhedāntarāṇāmapi prasaṅgāt | 
tasmātsaṅkramaṇābhiprāyeṇaitat | smitaṃ hi yaduttamaprakṛtau tatsaṅkrāntaṃ 
hasitaṃ sampadyate | ata eva vyavastho hāsa iti vakṣyate | ṣaḍavastho hyanyathā 
syāt | 

smitasyeṣattāyāṃ vyapagatāyāṃ hasitaṃ tato viśeṣeṇa tato'pi parasya 
samīpaṃ gatam anyadapahasitamatiśayena cetyupasargabhedādarthabhedaḥ | (53)

sauṣṭhavamanulbaṇatā | dvijā dantāḥ dhīramiti mantharaṃ kṛtvā īṣattvaṃ 
nivāryāha vikasitairiti | atheti | smitānantaraṃ saṃkramaṇakāla ityarthaḥ | taditi | 
smitameva saṃkrāntaṃ sadevaṃrūpatāmetītyarthaḥ |


p. 310)

utphullanāsikaṃ yattu jihmadṛṣṭinirīkṣitam |
nikuñcitāṅgakaśirastaccopahasitaṃ bhavet || 57 ||

athādhamānām -

asthānahasitaṃ yattu sāśrunetraṃ tathaiva ca |
utkampitāṃsakaśirastaccāpahasitaṃ bhavet || 58 ||

saṃrabdhasāśrunetra ca vikṛṣṭasvaramuddhatam |
karopagūḍhapārśvaṃ ca taccātihasitaṃ bhavet || 59 ||

hāsyasthānāni yāni syuḥ kāryotpannāni nāṭake |
uttamādhamamadhyānāmevaṃ tāni prayojayet || 60 ||

ityeṣa svasamutthastathā parasamutthaśca vijñeyaḥ |
dvividhastriprakṛtigatastryavasthabhāvo raso hāsyaḥ || 61 ||


jihmākhyāyā bhāvinyā dṛṣṭyā nirīkṣaṇaṃ yatra kāla ucitaṃ tena 
saṃsthānādau | (57)

asthāna ityakāle śokādyavasare | vikṛṣṭaṃ śravaṇakaṭu | nāṭaka iti | 
nāṭakaśabdo rūpakamātravṛttiḥ | svasamuttha 
ityasaṃkrāntasmitavihasitāpahasitalakṣaṇaḥ  parasamutthaḥ saṃkrānto 
hasitopahasitātihasitarūpaḥ | hasitādirūpasaṃkramaṇayo(mevo)tkṛṣṭaprakṛtau 
smitādirūpam | ratikrodhaśokādestu na saṃkramaṇaṃ bhavatītyuktameva | tatra hi 
yugapadeva vā sa eva vibhāvastaccittavṛttimānvā puruṣo vibhāvatāmeti | na tu ta 
eva vibhāvāstasya cittavṛttiṃ prastūya saṃkramayādyasya (mayantyanyasya) 
pratuvataḥ | hāsamiva)sa eva) 
sarveṣāmātmasthaparasthabhedopalakṣaṇametadityanye | etaccāsat | 
anubhavasiddhameva hīdaṃ hāsaḥ saṃkrāmatīti |


p. 311)

atha karuṇo nāma śokasthāyibhāvaprabhavaḥ | sa ca 
śāpakleśavinipatiteṣṭajanaviprayogavibhavanāśavadhabandhavidravopagha
atavyasanasa.yogādibhirvibhāvaiḥ samupajāyate | 
tasyāśrupātaparidevanamukhaśoṣaṇavaivarṇyasrastagātratāniśśvāsas
mṛtilopādibhiranubhāvairabhinayaḥ prayoktavyaḥ | vyabhicāriṇaścāsya 
nirvedaglānicintautsukyāvegabhramamohaśramabhayaviṣādadainyavyādhij
aḍatonmādāpasmāratrāsālasyamaraṇastambhavepathuvaivarṇyāśrusvar
abhedādayaḥ |


anyastvāha - tisṛṣu prakṛtiṣu tryavastho vibhāvatāratamyāt dvirūpaḥ | 
punarātmaparasthatvena dvidheti dvādaśabhedo'yamiti kārikātātparyamiti | atra ca 
pṛthagvibhāvanamapi bhavati | tattvatiprasaṅgāvahaṃ tanmatamiti nodāhṛtam | (61)

iti hāsyarasaprakaraṇam ||

atha karuṇarasaprakaraṇam ||

idānīmavasarāyātaṃ karuṇaṃ lakṣayati - atha karuṇo nāmeti | atheti krame | tatra 
cāyaṃ kramaḥ - sambhogena hāsyo'ṅgatvenāpekṣitaḥ | vipralambhena ca 
samānavyabhicārikatvātkaruṇa iti ṭīkākāraḥ |

etacca pūrvāparaviruddham | asmābhistūddeśavibhāga eva kramo darśitaḥ | 
tasyābhinayaḥ prayojyo yasyāsvādyamānasya karuṇa iti vyapadeśaḥ | 
sadayahṛdayatā hi karuṇā loke prasiddhā | sā ca liṅgairanukartari śokaṃ 
pratīyatāṃ sāmājikānāmiti karuṇavyapadeśaḥ iti śrīśaṅkukaḥ |

etacca pūrvāparavismaraṇavijṛmbhitamasya | yataḥ śokapratikṛtistasya karuṇā | 
dayā ca nāma paritrāṇecchā | sā kathaṃ śokānukaraṇam | kiṃ prati ca teṣāṃ 
dayeti na vidmaḥ |


p. 312)

atrārye bhavataḥ -

iṣṭavadhadarśanādvā vipriyavacanasya saṃśravādvāpi |
ebhirbhāvaviśeṣaiḥ karuṇaraso nāma saṃbhavati || 62 ||

sasvanaruditairmohāgamaiśca paridevitairvilapitaiśca |
abhineyaḥ karuṇaraso dehāyāsābhighātaiśca || 63 ||


tasmāt karuṇa iti śokasya sarvasādhāraṇatvena prāgyuktyā āsvādyamānasya 
saṃjñā | tadarthameva nāmaśabdaḥ | tatprabhavatvaṃ śṛṅgāravadvyākhyeyam 
| aśakyapratīkārahetūpalakṣaṇaṃ śāpagrahaṇam | śāpakleśe 
patitasyeṣṭajanasya ye viprayogādayaḥ | tatra viprayogo'yaṃ saṅgamaḥ 
(yogo'saṅgamaḥ) vibhavanāśādi prasiddham | vidravo deśāduccāṭanam | tacca 
viprayoge'pīti viśeṣaḥ | upaghātaḥ putrādimaraṇam | agnyādikṛto vidravaḥ 
corādikṛta upaghāta iti tvasat | vibhavanāśena gatatvāt | vyasanena 
mṛgayākṣādinā'narthajanakena saṃyogaḥ | vibhavanāśādayo'pi svātmagatā 
nottamaprakṛteḥ śokaṃ kuryuḥ | madhyamādhamaprakṛtīnāṃ tu 
kuryurevetyādigrahaṇam | paridevanamātmāno daivasyānyasya copālambhaḥ | 
niśvāsaśabdena tadanantarabhāvī ucchvāso'pyūrdhvaśvasanarūpo lakṣyate | 
smṛtilopena stambhapralayau lakṣyete | vaivarṇyāśrusvarabhedā atra 
bahirudbhinnasvabhāvāścittavṛttyātmāno gṛhyante | tathā hi vaktāro bhavanti 
aśruṇā pūrṇo'sya kaṇṭho na ca nayanajalaṃ dṛṣṭam iti | ete hyaśruprabhṛtayo 
vyabhicāritvābhineyatvopajīvanāyaiva madhye nirdiṣṭā ityavocāma 
vakṣyāmaśca | tena na paunaruktyam | evamanyatrāpi | vyādherunmādāpasmārau 
bhedena vakṣyāmaḥ |

vadhaśabdo bandhāderapyupalakṣaṇam | vipriyamiṣṭajanavadhādi yena 
vākyenocyate tasya śravaṇāt | tena ceṣṭajanasya vibhavanāśādi dṛśyamānaṃ 
śrūyamāṇaṃ vā kavibhiḥ karuṇavibhāvatvenopanibandhanīyamiti tātparyam | 
ebhirityevaṃprakāraiḥ | bhāvaśabdo'trāryāyāṃ vibhāvavācī | 
anubhāvāṃstaddvāreṇa ca vyabhicāriṇo'pyupalakṣayitumāryāntaraṃ 
sasvanetyādi | bahuvacanaṃ 
prakṛtideśakāladaśāhetvādibhedenānekaprakāratvajñāpanārtham | moho 
jaḍatā |


p. 313)

atha raudro nāma krodhasthāyibhāvātmakaḥ 
rakṣodānavoddhatamanuṣyaprakṛtiḥ saṃgrāmahetukaḥ | sa ca 
krodhādharṣaṇādhikṣepānṛtavacanopaghātavākpāruṣyābhidrohamātsa
ryādibhirvibhāvairutpadyate | tasya ca 
tāḍanapāṭanapīḍanacchedanabhedanapraharaṇāharaṇaśastrasampātasa
mprahārarudhirākarṣaṇā-


tenānye vyabhicāriṇa upalakṣyante | dehasyāyāsanaṃ pātanaveṣṭanādi | 
abhighāta urastāḍanādiḥ | ete cānubhāvāḥ prakṛtibhedena yathāyogaṃ 
vibhajanīyāḥ karuṇo raudrādityuktam | sa kī(hī)dṛgraudra iti kramaṃ kecidāhuḥ || 
(63)

iti karuṇāsaprakaraṇam ||

atha raudrarasaprakaraṇam ||

adhunā raudrarasaṃ lakṣayati - atha raudro nāmeti | ātmagrahaṇasyāyamāśayaḥ 
| anyāyakāritā prādhānyena krodhasya viṣayaḥ | tādṛśi ca jane sarvo (rve)'pi 
manorathairapi rudhirapānamapi nāmādriyante | tathā cāha lokaḥ - tādṛśo yadi 
labhyate tattadīyaṃ rudhiramapi pītvā na tṛpyate | mahākavinā bhāsenāpi 
svaprabandha uktam -

tretāyugaṃ taddhi na maithilī sā 
rāmasya rāgapadavī mṛdu cāsya cetaḥ |
labdhā janastu yadi rāvaṇamasya kāyaṃ
protkṛtya tanna tilaśo na vitṛptigāmī || iti |

tena hāsyavatsādhāraṇavibhāvatvāccarvaṇāpi krodhamayyeveti 
tadrasanācaraṇau (carvaṇo) raudraḥ krodhātmaka eva | udriktaṃ hantṛtvaṃ 
yeṣāṃ ta uddhatāḥ | tadveṣadhāriṇo ye naṭāste prakṛtiścarvaṇodayaheturasya | 
atra vyācakṣate - yuddhahetuka uddhatamauṣyeṣu bhīmasenādiṣu 
rudhirapānādilakṣaṇaḥ | rakṣodānavāstu svabhāvaraudrā iti | tadasat | bhīmasya 
rudhirapānaṃ na yuddhahetukam | api tu viparyayeṇa | uddhatasvabhāvatvādeva 
hyasau krodhaparavaśaḥ


p. 314)

dyāni karmāṇi | punaśca 
raktanayanabhrukuṭīkaraṇadantoṣṭhapīḍanagaṇḍasphuraṇahastāgraniṣpe.
sādibhiranubhāvairabhinayaḥ prayoktavyaḥ |


sannanucitamapi pratijñātavān | tannirvāhāyaiva ca rākṣasādhiṣṭhānamasya 
kavinā veṇīsaṃhāre varṇitam | tasmātsarva evaite svabhāvāt krodhanāḥ | 
tadanukāriṇi naṭe raudra āsvādyata iti sa tasya prakṛtiḥ | saṅgrāmahetuka iti 
cāyamarthaḥ - yuddhasya kavinaṭapradarśyamāno hetukaḥ kustitahetuḥ vīro hi 
tasyocito heturna krodhaḥ | tathā ca prādhānyena yuddhena vīra eva vyapadekṣyate |

nanvete svabhāvakrodhanā api kimuddipanamekṣante | omityāha - sa ceti | krodhādi 
parakartṛkam | ādharṣaṇaṃ dārādikhalīkaraṇam | avikṣepo 
deśajātyabhijanavidyākarmanindā | anṛtasya kasyāpyapasatyasya vacanam | 
upaghāto gṛhabhṛtyādyupamardanam | vākpāruṣyaṃ vadhādyupanyāsena 
tarjanam | abhidroho jighāṃsā | mātsarya guṇeṣvasūyā | 
ādigrahaṇādrājyāpaharaṇādi | etairutpadyate kavinā vibhāvatvena 
varṇyamānaiḥ |

asya tāḍanādīni karmāṇi raktanayanādayo'nubhāvā iti pṛthaṅnirūpaṇaṃ 
tulye'pyanubhāvatve viśeṣakhyāpanārtham | viśeṣastu pūrveṣāṃ 
vacanamātreṇa vyāvarṇanam | raṅge pratyakṣato'pradarśanīyatvāt | yadvakṣyate 
-

yuddhaṃ rājyabhraṃśo maraṇaṃ nagaroparodhanaṃ caiva |
apratyakṣakṛtāni praveśakaiḥ saṃvidheyāni || iti || (nā. śā. 18-38)

raktanayanādi raṅge pratyakṣeṇa kṛtam |

praharaṇāharaṇaṃ tu pūrvatra pramādapaṭhitamiti kecit | idaṃ tu 
pṛthagabhidhāne tucchaṃ prayojanam | ayaṃ cātrāśayaḥ - 
rakṣodānavoddhatamanuṣyā uddīpanahetubhirvinā'pi ceṣṭitamātraṃ yadapi 
kurvate narmagoṣṭyādyapi ca tatra tāḍanādi pradhānam | tadvakṣyati - yacca 
kiñcidārabhante iti | uddipanārambhate tāḍanādigrasta eva 
raktanayanādyadhikībhavati | ata eva punaśśabdaḥ | tatra tāḍanaṃ 
talādyabhighātaḥ | pāṭanaṃ dvidhākaraṇam | pīḍanaṃ mardanam | (chedanaṃ) 
kartanam | bhedanaṃ parasparaṃ mitrādi viyojanam | bhāve lyuṅantā | 
praharaṇānāmāsamantāddharaṇam |


p. 315)

bhāvāścāsyāsammohotsāhāvegāmarṣacapalataugryagarvasvedavepathuro
māñcagadgadādayaḥ |

atrāha - yadabhihitaṃ rakṣodānavādīnāṃ raudro rasaḥ | kimanyeṣāṃ 
nāsti | ucyate - astyanyeṣāmapi raudro rasaḥ | kintvadhikāro'tra gṛhyate | te 
hi svabhāvata eva raudrāḥ | kasmāt | bahubāhavo bahumukhāḥ 


śastrasya sampātanamavidārayato'pi | sampraharaṇaṃ vidārayataḥ pātanam | tena 
rudhirasyākarṣaṇam | rakṣaḥprabhṛtayo hi narmaṇā'pi praharanti | kintu 
rudhirāgamanamātraphalaṃ na tvadhikam | rakte ca te nayane | 
bhruormūlasamutkṣepo bhrukuṭī | dantoṣṭhasya yathāyogaṃ pīḍanam | 
hastāgrayoranyonyaniṣpeṣaḥ saṅgharṣaṇam |

bhāvā iti vyabhicāriṇaḥ | asaṃmohaḥ sammohaviparītaḥ | virodhe nañ | 
tatrāvṛttisaṅgṛhītaḥ samygbodhaḥ | utsāho'tra vyabhicārī | krodhasya 
prādhānyena rasanīyatvāt | svedādayo bāhyāḥ | ābhyantara - 
sāttvikābhāve'pi viṣasparśajvarādinā bhavanti | tato'naikāntikāḥ | āntarā 
anudriktā vyajanagrahaṇādibhiḥ udriktā bāhyaiḥ svedādibhirvyaktā 
vyabhicārirūpāḥ paṭhitāḥ |

eṣveva raudrarasa ityabhiprāyaṃ gṛhītvā codaka āha - yadabhihitamiti | siddhāntī 
tveṣu raudro bhavatyevetyabhiprāyeṇāha - astyanyeṣāmiti | anyeṣāṃ 
kavinaṭābhyāṃ prayujyamānānāṃ sambandhī janyatvena | adhikāro'nuvṛttiḥ | 
atreti - rākṣādiṣu | etadeva vyanakti - te hīti | svabhāvaśabdānantaramevakāreṇa 
bhavantyevetyayogavyavaccheda eva sūcitaḥ | svayaṃ teṣāṃ bhavanaṃ tata 
ityarthaḥ | tenāṅgaraudropanyāso'pyaviruddhaḥ | anyathā svabhāvaraudra eva 
raktākṣādibhirabhidheyaḥ syāt | na bahubāhumukhādi | tatra rākṣādayo'pi na 
parijane sadā kruddhā iti pratīyanta ityāśayenāha kasmāditi |


p. 316)

proddhūtavikīrṇapiṅgalaśirojāḥ raktodvṛttavilocanā 
bhīmāsitarūpiṇaścaiva | yacca kiñcitsamārabhante svabhāvaceṣṭitaṃ 
vāgaṅgādikaṃ tatsarvaṃ raudramevaiteṣām | śṛṅgāraśca taiḥ 
prāyaśaḥ prasabhaṃ sevyate | teṣāṃ cānukāriṇo ye puruṣāsteṣāmapi 
saṅgrāmasamprahārakṛto raudro raso'numantavyaḥ |

atrānuvaṃśye ārye bhavataḥ -


atrottaraṃ bahubāhavaḥ iti | lokaprasiddhākāraviparīto hi teṣāmākāraḥ | tatra ca 
paravināśanābhisandhijanitaṃ tapaścaryādikaṃ dṛṣṭaṃ vā karma teṣāṃ 
vyāpriyate | atastādṛśeṣvadṛ(sudṛ)ṣṭeṣu sa eva krodhātmako'bhisandhirgamyata 
iti sāmājikānāṃ nāntardṛ(kānāntardṛ)śyate raudrāsvādaḥ | tena ca 
rāgādiva yatkrodhakāle dṛṣṭaṃ tatsadaiva teṣāmudvṛttaṃ tārakayoḥ 
raktavilocanam | ata eva bhīmamasitaṃ kṛṣṇaṃ sadaiva rūpaṃ yeṣām | nityayoga 
iniḥ | ata eva ca na bahuvrīhiratra kṛtaḥ | (bhīmāsitarūpāḥ iti 
bahuvrīhipadaprayogah na kṛtaḥ ityarthaḥ|)

na kevalaṃ kāyastadīya itthaṃ yāvacceṣṭitamapi tadīyaṃ dṛśyamānaṃ 
raudrāsvādajanakameveti darśayati - yacceti | svabhāveneti (veti) | 
cittasyāvikāre'pi yacceṣṭitaṃ vācikaṃ kāyikaṃ vā tadeṣāṃ 
tāḍanādipradhānamiti dṛśyamānaṃ kāvye prayoge ca raudrāsvādahetuḥ | 
vāgaṅge ādikaraṇe yasya | mānasaṃ tu ceṣṭitamapratyakṣatvānnoktam | 

sarvamiti yaduktaṃ tatsphuṭayati - śṛṅgāraśceti | śṛṅgāraśabdenātra 
tadvibhāvaḥ pramadodyānādiḥ | so'pi taiḥ prasabhamiti krūrākāratayā sevyate | 
yatraugryasya varjanamuktaṃ kiṃ punaranyaditi caśabdasyārthaḥ | tathā ā | sīte 
patigarvavibhramaha(bha)rabhrāmyadbhrūḥ (udāttarāghavanāṭake) 
ityādyudāharaṇam | tathā nānādevasevāpi gāḍhāmreḍaṃ malayamarutaḥ 
śṛṅkhalādāma datta (bāla. rāmā. 5-51) iti raudrarasatvena 
kadācidanunayenāpīti darśayati - prāyaśa iti |


p. 317)

yuddhaprahāraghātanavikṛtacchedanavidāraṇaiścaiva |
saṅgrāmasambhramādyairebhiḥ sañjāyate raudraḥ || 64 ||

nānāpraharaṇamokṣaiḥ śiraḥkabandhabhujakartanaiścaiva |
ebhiścārthaviśeṣairasyābhinayaḥ prayoktavyaḥ || 65 ||

iti raudraraso dṛṣṭo raudravāgaṅgaceṣṭitaḥ |
śastraprahārabhūyiṣṭha ugrakarmakriyātmakaḥ || 66 ||


nanūddhatamanuṣyeṣu tarhi kathaṃ raudrādivikāraḥ | na hi te 
bahubāhutvādiyuktā ityāśaṅkyāha - teṣāṃ ceti | rākṣasādīnām | anukāriṇa 
iti | tāmasaprakṛtitayā tatsadṛśā anugāmitvena mantavyā ityarthaḥ | 
kathamityāha- saṅgrāmetisamprahāragrahaṇena pūrvoktaṃ tāḍanapāṭanādi 
gṛhyate | tena bahubāhutvādyabhāve'pyuddhatamanuṣyā vāgaṅgaceṣṭitena 
krodhocitena raudraprakṛtaya iti lakṣyante | evaṃ 
rakṣodānavetyādāvayogavyavacchedo niścitaḥ | anye'pi tu vīrapradhānā 
aśvatthāmajāmadagnyādayaḥ | teṣu kāraṇamahimnā bhavatyeva krodho 
raudrāsvādayogyaḥ | rākṣasādīnāmapi ca hāsaśokādiḥ 
svakāraṇodito'bhibhūtakrodhaḥ | hāsyakaruṇādeśceha yogo bhavatyeva | 
tenaiṣāṃ na raudra eva rasaḥ | nanu sāmājikānāṃ 
tathābhūtarākṣasādidarśane kathaṃ krodhātmaka āsvādaḥ ? ucyate - 
hṛdayasaṃvāda āsvādaḥ | krodhe ca hṛdayasaṃvādastāmasaprakṛtīnāmeva 
sāmājikānāmiti dānavādisadṛśāstanmayībhūtā evānyāyakāriviṣayaṃ 
krodhamāsvādayantīti na kiñcidavadyam |

vikṛtaṃ yacchedanaṃ vyaṅgādikaraṇam | yuddhādīti pareṇa kriyamāṇaucityam | 
tena yuddhādyanumitasya parakrodhādervibhāvatvamuktam | saṅgrāmāya 
sambhramaḥ | śastrāharaṇe tvarā |

anubhāvānāha - nāneti | māraṇaprādhānyaṃ nānāpraharaṇena darśayati | 
śiraḥkartanādimṛtaśarīrasyāpi krodhātiśayaṃ sūcayanvīrādbhedamāha | 
yuddhavīre'pi hi tannāsti | iha tu 


p. 318)

atha vīro nāmottamaprakṛtirutsāhātmakaḥ | sa 
cāsaṃmohādhyavasāyanayavinayabalaparākramaśaktipratāpaprabhāvā
di-bhirvibhāvairutpadyate | tasya 
sthairyadhairyaśauryatyāgavaiśāradyādibhiranubhāvairabhinayaḥ 
prayoktavyaḥ | bhāvāścāsya 
dhṛtimatigarvāvegaugryāmarṣasmṛtiromāñcādayaḥ |

atrārye rasavicāramukhe -


vakṣyate - ugrakarmeti | ugrāṇyaugryapradhānāni yāni śiraḥkartanādīni teṣāṃ 
yā kriyā apanītiḥ sā ātmā pradhānaṃ yasyeti | bharatamunistvekena 
ślokenopasaṃharati - iti raudrarasa iti || (66)

iti raudrasaprakaraṇaṃ samāptam |

atha vīrarasaprakaraṇam |

kramaprāptaṃ vīraṃ lakṣayati - (atha vīreti) saṃgrāmasamprahārayogo 
raudre'pīti vīre'jighāṃseti | ānantaryamathaśabdenāha | uttamānāṃ prakṛtiḥ 
svabhāvo yata utsāho'to vīraraso'pi tathā | yadi vā kāvye nāṭye ca 
prayujyamāna uttamaprakṛtirheturyasya | uttamavarṇānāṃ hi sarvatrotsāha 
āsvādyo bhavati | ata eva caturṣvapi nāyakeṣu vīratvamanuyāyitvena vakṣyate 
dhīrodātta ityādi | yadyapi sarvo jana utsāhavāneva | tathāpi 
tadutsāhasyāviṣayapravṛttatvāttadīyaṃ caritaṃ kāvyanāṭyayornopadeśyam | 
yadīyaṃ tu caritamupadeśārhaṃ teṣāmucita evāvasare utsāhābhivyaktiḥ | 
ucitatvaṃ cāvasarasyāsaṃmohādisampattiriti saiva vibhāvatvenopadiṣṭā | 
asaṃmohenādhyavasāyo hi vastutattvaniścaya iti mantraśaktirdarśitā | 
asadvastvabhiniveśo'saṃmoho rāvaṇādigata utsāhakārītyasat | aśabdārthatvāt 
| tatrāpi ca parākramanayādireva vibhāvaḥ | sandhyādiguṇānāṃ samyakprayogo 
nayaḥ | indriyajayo vinayaḥ | balaṃ hastyaśvarathapādātam |


p. 319)

utsāhā(ho')dhyavasāyādaviṣāditvādavismayāmohāt |
vividhādarthaviśeṣādvīraraso nāma sambhavati || 67 ||

sthitidhairyavīryagarvairutsāhaparākramaprabhāvaiśca |
vākyaiścākṣepakṛtairvīrarasaḥ samyagabhineyaḥ || 68 ||


parākramaḥ parakīyamaṇḍalādyākrameṇāvaskandaḥ | yuddhādike sāmarthyaṃ 
śaktiḥ | pratāpaḥ śatruviṣaye santāpakāriṇī prasiddhiḥ | 
prabhāvo'bhijanadhanamantrisampat | ādigrahaṇena yaśaḥprabhṛti | ete ca 
sampūrṇasvabhāvā eva vibhāvā bhavanti | uttamasya kadācitkaścidadhika iti 
pṛthakpṛthagudāharaṇamasat | vastuto hyatrodāharaṇaṃ sarvameva rāmādicaritam 
| sacivāyattasiddhau ca vatsarājaprāye nāyake yathāyogaṃ sacivagatā apyete 
mantavyāḥ | pratināyakagatā api ca te utsāhavyañjakā iti yathāyogaṃ 
vyastasamastabhedakalpanaṃ kavinā kāryam |

sthairyamacalanam | gāmbhīryakṛtaṃ saṃvaraṇaṃ dhairyam | śaurya 
yuddhādikriyā | tyāgo dānam | vaiśāradyaṃ 
sāmādyupāyacatuṣkasyaikadvitricaturādibhedairyathāviṣayaṃ niyojanam |

arthyate ityarthaḥ | karmaṇi ghañ | dharmādi caturvargaḥ | karmavyutpattyaiva hi 
dharmādayaḥ puruṣārthāḥ ityucyante | puruṣeṇārthanīyatvāt | arthaviśeṣasya 
vividhatvaṃ dharmādibhedāt | tadayamarthaḥ | vividhaṃ 
dharmādirūpamarthaviśeṣamabhisandhāyaṃ aviṣāditvāt 
avismayāsaṃmohaśceti dvandve ekavadbhāvaḥ | avismayādasaṃmohācca 
hetoryo'dhyavasāyo niścayaḥ sa cotsāhayatīti ṇijantāt pacādyajantatvena 
vyutpattyā utsāhahetuḥ | utsāhaścāsāvadhyavasāyaśceti karmadhārayaḥ |

etaduktaṃ bhavati - āpadi hṛdayasya nimagnatvaṃ tatparavaśatvaṃ viṣāditvaṃ 
svalpe'pi santoṣo vismayaḥ | mithyājñānaṃ moha etattrayamapāsya 
yastattvaniścayaḥ sa evotsāhahetuḥ pradhānatayā | raudre tu 
mamatāprādhānyādaśāstrīyānucitayuddhādyapīti mohavismayaprādhānyam | 
evaṃ ca viṣāditvāditrayāpāsanapūrvakamudbhūtenādhyavasāyena hetunā ya 
utsāha utpadyate sa vīraraso nāma |

sthitiḥ sthairyam | vīryaṃ śauryam | garvapadena tadanubhāvo lakṣyate | 
utsāhanamutsāho'balasya viṣaṇṇaprāyasyottejanaṃ yathā setubandhakāvye | 
parākramaḥ parākramaṇā | itthamatra bhavadbhirāsitavyaṃ yoddhavyamiti balasya 
vyāpāraṇāditikartavyatāyāṃ bhṛtyānāṃ prabhāvanā prabhāvasampādanam 
| ākṣepo vastvantarasya sūcanaṃ tena kṛtāni tatpradhānāni yāni vākyānīti 
gambhīraduravagāhārthatvaṃ vākyānāmityuktam | (68)

iti vīrarasaprakaraṇaṃ samāptam |


p. 320)

atha bhayānako nāma bhayasthāyibhāvātmakaḥ | sa ca 
vikṛtaravasattvadarśanaśivolūkatrāsodvegaśūnyāgārāraṇyagamanasva
janavadhabandhadarśanaśrutikathādibhirvibhāvairutpadyate | tasya 
pravepitakaracaraṇanayanacapalapulakamukhavaivarṇyasvarabhedādibhiranu-
bhāvairabhinayaḥ prayoktavyaḥ |

bhāvāścāsya 
stambhasvedagadgadaromāñcavepathusvarabhedavaivarṇyaśaṅkāmohadain
yāvegacāpalajaḍatātrāsāpasmāramaraṇādayaḥ |

atrāryāḥ -


atha bhayānakarasaprakaraṇam |

vīrasya bhītāvayava(bhītābhaya)pradhānatvādbhayānakaṃ lakṣayati - atheti | 
vikṛto ravo'ṭṭahāsādiḥ | sattvānāṃ piśācānāṃ darśanam | trāsodvegau 
paragatau | śūnyāgārasyāraṇyasya ca gamanaṃ prāptiḥ | svajanasya yau 
badhabandhau tayordarśanaṃ pratyakṣeṇa | śravaṇamāgamena | 
kathācirātikrāntayorapi punaranusandhānena smaraṇam |

vepituṃ pravṛttaṃ yatkaracaraṇaṃ ā(tadā)dikarmaiva bhayavyañjakaṃ 
vyādhyādivailakṣaṇyasūcanāt | pulako romakūponnatiḥ | svarasya bhedaḥ 
svabhāvaviparyayaḥ |

gurunṛpayoriti | ayamāśayaḥ - bhayaṃ tāvatstrīnīcabālādiṣu vakṣyate | 
nottamamadhyamaprakṛtiṣu | te'pi (uttamamadhyamaprakṛtayo'pi tu gurubhyo 
rājñaśca (kṛtrimaṃ) bhayaṃ darśayeyuḥ | tadbhāve'pyeṣāṃ 
sutarāmuttamatvaṃ bhavati | aprabhutvaṃ cāmātyānām | yathāha - 
svecchācārī bhīta evāsmi iti | (ratnā. 1.7) | anubhāvāśca tathā śliṣṭāstatra 


p. 321)

vikṛtaravasattvadarśanasaṃgrāmāraṇyaśūnyagṛhagamanāt |
gurunṛpayoraparādhātkṛtakaśca bhayānako jñeyaḥ || 69 ||

gātramukhadṛṣṭibhedairūrustambhābhivīkṣaṇodvegaiḥ |
sannamukhaśoṣahṛdayaspandanaromodgamaiśca bhayam || 70 ||

etatsvabhāvajaṃ syātsattvasamutthaṃ tathaiva kartavyam |
punarebhireva bhāvaih kṛtakaṃ mṛduceṣṭitaiḥ kāryam || 71 ||

karacaraṇavepathustambhagātrahṛdayaprakampena |
śuṣkoṣṭhatālukaṇṭhairbhayānako nityamabhineyaḥ || 72 ||


kriyante loke yena satyata eva bhīto'yamiti gurvādīnāṃ pratīrbhavati | 
asvābhāvikatvācca kṛtakatvaṃ bahutarakālānuvartanenāsvādyatvācca rasatvam 
| na ca vyabhicāritvam | taddhi tadā syādyadi svabhāvata eva 
kiñcitkālalavamutpadyate (69) |

gātrādīnāṃ bhedo varṇakarmasaṃsthānādiviparyayaḥ | 
vīkṣyamati(bhi)kra(krā)myati vīkṣaṇaṃ kāndiśīkatvena nirlakṣacakṣuḥkṛtam | 
udvega calanam | sādo gātrāṇāṃ srastatā | mukhasya tāluni śoṣaḥ | 
hṛdayaspandanamativegena | iha bhayamityabhineyamiti vīrarasa ityāryātaḥ 
sambadhyate |

tā etā hyāryā ekapraghaṭṭakatayā pūrvācāryairlakṣaṇatvena paṭhitāḥ | 
muninā tu sukhasaṅgrahāya yathāsthānaṃ niveśitāḥ |

sattvasamutthamiti | sattvaṃ manassamādhānaṃ tajjanmakamiti naṭasyeyaṃ śikṣā 
| 

sā ca sarvaviṣayeti ṭīkākāraḥ | tadidamasat | kavinaṭaśikṣārthameva sarvamidaṃ 
prakaraṇam | loke vibhāvānubhāvābhinayādivyavahārābhāvāt | 
tasmādayamatrārthaḥ - 

p. 322)

atha bībhatso nāma jugupsāsthāyibhāvātmakaḥ | sa 
cāhṛdyāpriyācokṣāniṣṭaśravaṇadarśanakīrtanādibhirvibhāvairutpady
ate | tasya 
sarvāṅgasaṃhāramukhavikūṇanollekhananiṣṭhīvanodvejanādibhiranubha
avaira-bhinayaḥ prayoktavyaḥ | 
bhāvāścāsyāpasmārodvegāvegamaohavyādhimaraṇādayaḥ | 
atrānuvaṃśye ārye bhavataḥ -


etattāvadbhyaṃ svabhāvajaṃ rajastamaḥprakṛtīnāṃ nīcānāmityarthaḥ | ye'pi 
ca sattvapradhānāsteṣāṃ sattvasamutthaṃ prayatnakṛtamebhirevānubhāvaiḥ 
kāryam kintu mṛduceṣṭitaiḥ yatastatkṛtakam | punaḥśabdo viśeṣadyotakaḥ | nanu 
ca rājādiḥ kimiti gurvādibhyo bhayaṃ kṛtaṃ(takaṃ) darśayati | darśayitvā 
kimiti mṛdūn gātrakampanādīnpradarśayati | kimiti ca bhayānaka eva 
kṛtakatvamuktam | sarvasya hi kṛtakatvamuktaṃ bhavati | yathā veśyā dhanārthinī 
kṛtakāṃ ratimādarśayati - ityāśaṅkya sādhāraṇamuttaramāha - tathaiva 
kāyamiti | bhaye hi pradarśite gururvinītaṃ taṃ jānāti | mṛduc.eṣtitatayā 
cādhamaprakṛtimena na gaṇayati | kṛtakaśṛṅgāraratyādeścopadiṣṭānna 
kācitpuruṣārthasiddhiḥ | tenaiva hyuktena prakāreṇa kāryapuruṣārthaviśeṣo 
labhyate | yatra tu rājā na kṛtakaṃ parānugrahāya krodhavismayādīndarśayati 
tatra vyabhicāritaiva teṣāṃ na sthāyitetyetadarthasūcikāmeva 
guruvaṃśāntaraprasiddhāmāryāṃ paṭhati - karacaraṇeti | nityamiti | 
kṛtakatve'kṛtakatve ca | (72)

iti bhayānakarasaprakaraṇam ||

atha bībhatsarasaprakaraṇam ||

avasaraprāptaṃ bībhatsarasaṃ lakṣayati - atheti | ahṛdyaṃ hṛdyamapi 
kiñcitkasyacinnisargato'prayataṃ (to'priyaṃ) laśunamiva dvijānām | apriyaṃ 
jātyādidoṣāt | yathā śleṣmopahatasya kṣīram | acokṣaṃ svarūpeṇāduṣṭamapi 
tu malādyupahatam | aniṣṭaṃ yatrāniśaṃ bhuktatvenecchā nivṛttā | saṃhāraḥ 
piṇḍīkaraṇam | mukhasyeti tadaṅgānāṃ saṅkocanam | ullekhanamullāghaḥ | 
niṣṭhivanaṃ kaphanirāsanam |


p. 323)

anabhimatadarśanena ca gandharasasparśaśabdadoṣaiśca |
udvejanaiśca bahubhirbībhatsarasaḥ samudbhavati || 73 ||

mukhanetravikūṇanayā nāsāpracchādanāvanamitāsyaiḥ |
avyaktapādapatanairbībhatsaḥ samyagabhineyaḥ || 74 ||

athādbhuto nāma vismayasthāyibhāvātmakaḥ | sa ca 
divyajanadarśanepsitamanorathāvāptyupavanadevakulādigamanasabhāvima
anamāyendrajālasambhāvanādibhirvibhāvairutpadyate | tasya 
nayanavistārānimeṣaprekṣaṇaromāñcāśrusvedaharṣasādhuvādadānap
rabandhahāhākārabāhuvadanacelāṅguli 
bhramaṇādibhiranubhāvairabhinayaḥ prayoktavyaḥ | bhāvāścāsya 
stambhā-


udvejanaṃ gātroddhūnananm | nāsāpracchādanaṃ durgandhaprāye dṛṣṭam | 
pratighātādavyaktāni pādayoḥ patanāni | yadi vā'sthikaṅkālādyākule 
pitṛvane sañcarato'sphuṭitāni pādapatanāni kvaciddīrghāṇi anyatra hrasvāni iti | 
(74)

iti bībhatsarasaprakaraṇam ||

athādbhutarasaprakaraṇam |

sarvatrānte'dbhuta ityuktaṃ lakṣayitumāha - atheti | divyā gandharvādayaḥ | 
īpsitaḥ śakyaprāptirarthaḥ | anyo manorathaḥ | tayoḥ prāptiḥ | upavane devakule ca 
gamanam | tasyādbhutavibhāvatvaṃ yena tatratyaṃ saraḥsaṃniveśādi na kvacit 
dṛṣṭam | sabhā gṛhaviśeṣaḥ | vimānādīni divyarathāḥ | māyā 
rūpaparivartanādikā | indrajālaṃ mantradravyahasta


p. 324)

śrusvedagadgadaromāñcāvegasambhramajaḍatāpralayādayaḥ | 
atrānuvaṃśye ārye bhavataḥ -

yattvatiśayārthayuktaṃ vākyaṃ śilpaṃ ca karmarūpaṃ vā |
tatsarvamadbhutarase vibhāvarūpaṃ hi vijñeyam || 75 ||

sparśagrahollukasanairhāhākāraiśca sādhuvādaiśca |
vepathugadgadavacanaiḥ svedādyairabhinayastasya || 76 ||


yuktyādinā asamabhavadvastupradarśanam | tasyetyadbhutasya | harṣaśabdenātra 
tadanubhāvāḥ | sādhviti vadanaṃ sādhuvādaḥ | dānaṃ dhanādeḥ | prabandhaṃ 
satataṃ kṛtvā hāhāśabdasya karaṇam | celasyāṅguleśca bhramaṇam |

atiśeta ityatiśayaḥ | anyāpekṣayā yo'rtha utkṛṣṭaḥ | tena vācyabhūtena yuktaṃ 
yadvākyaṃ yacca śilpaṃ karmarūpaṃ (praśasta)karmātmakaṃ praśaṃsāyāṃ 
rūpap | sarvamityevaṃprakāramiti yāvat | sparśagrahaśabdena tadvibhāvādayaḥ | 
abhinayo la(va)kṣyamāṇo lakṣyate |

kiñcidākuñcite netre kṛtvā bhrūkṣepameva ca |
tathāṃsagaṇḍayoḥ sparśātsparśamevaṃ vinikṣipet ||
						(nā. śā. 22.77) iti |

gātrasyordhvaṃ sāhlādaṃ dhūnanamullukasanam | bahuvacanaṃ prakṛtibhedena 
prakāravaicitryaṃ sūcayati || (76)

ityadbhutarasaprakaraṇaṃ samāptam |

atha pradhānabhūtavibhāvānuguṇabhāvapratipādanaṃ bhedapradarśanavyājena 
karoti - śṛṅgāramityādinā | vākyaraudro hi tatra svabhāvaraudra iti 
vyavahariṣyate | svabhāvānusāritvādvā-


p. 325)

śṛṅgāraṃ trividhaṃ vidyādvāṅnaipathyakriyātmakam |
aṅganaipathyavākyaiśca hāsyaraudrau tridhā smṛtau || 77 ||

dharmopaghātajaścaiva tathārthāpacayodbhavaḥ |
tathā śokakṛtaścaiva karuṇastrividhaḥ smṛtaḥ || 78 ||

dānavīraṃ dharmavīraṃ yuddhavīraṃ tathaiva ca |
rasavīramapi prāha brahmā trividhameva hi || 79 ||


kyasya | dharmopaghataja uttamānāmapi śobha(ca)nahetutvāt | śokaśabdena 
svajanādināśaśca ete trayo vibhāvāḥ | dharmaśabdenāgniṣṭomādikriyā | ata 
etadyajanādi na niyamenānubhāvātmakam | pratināyakagataṃ tu 
vibhāvarūpamapi | vyājāditi | kṛtaka ityarthaḥ | anenānubhāvamārdavaṃ 
darśitam | aparādhyantītyaparāddhā(dhā)ścorādayaḥ | yattu 
svabhāvastahṛdayānāṃ strībālādīnāṃ tṛṇe'pi kampamāne bhayaṃ 
tadvitrāsitakam | viśeṣeṇa trāsyata iti vitrāsito bālādiḥ | 
tatprakṛtitvādbhayānakaṃ tathoktam | tataḥ saṃjñāyāṃ kan |

gurvādyaparādhātparamārthato'pyuttamānāṃ bhayāvega iti tvasat | bhayaṃ hi 
vināśaśaṅkātmakaṃ nottameṣu saṃbhavati | tathā ca bhayaṃ nāma 
strīnīcaprakṛtikamiti sāmānyena lakṣyate |

rudhirāntrādidarśanādyo bībhatsaḥ kṣobhaṇatvācchuddhaḥ | yastu 
viṣṭhādibhyaḥ sa udvegī hṛdayaṃ calayati so'śuddhaḥ | aśuddhavibhāvakatvāt | 
upādhyāyastvāha- bībhatsastāvadvibhāvaviśeṣāt dvividhaḥ | yatra tu 
saṃsāranāṭyanāyakarāga - pratipakṣatayā mokṣasādhanatvācchuddhaḥ | 
yadāhuḥ - śokātsvāṅgajugupsā iti tathā vitarkabādhane pratipakṣabhāvanam | 
(yogasū. 2.40, 33) iti | tena so'pi paramārthatastrividha eva | dvitīyaka ityanena tasya 
durlabhatvenāprācurya sūcayati |


p. 326)

vyājāccaivāparādhācca vitrāsitakameva ca |
punarbhayānakasyāpi vidyāt trividhameva hi || 80 ||

bībhatsaḥ ksobhajaḥ śuddha udvegī syāt dvitīyakaḥ |
viṣṭhākṛmibhirudvegī kṣobhajo rudhirādijaḥ || 81 ||

dvivyaścānandajaścaiva dvidhā khyāto'dbhuto rasaḥ |
divyadarśanajo divyo harṣādānandajaḥ smṛtaḥ || 82 ||

(atha śānto nāma śamasthāyibhāvātmako mokṣapravartakaḥ | sa tu 
tattvajñānavairāgyāśayaśuddhyādibhirvibhāvaiḥ samutpadyate | tasya 
yamaniyamādhyātmadhyānadhāraṇopāsanasarvabhūtadayāliṅgagrahaṇ
ādibhiranubhāvairabhinayaḥ


divya iti | yatra sabhāvimānādayo'nubhāvāḥ | ānandayatītyānando 
manorathāvāptyādiḥ | sa eva harṣayatīti harṣaḥ |

eṣu ca śṛṅgāram ityādiṣu ślokeṣu cakārā 
vibhāvānubhāvāntaranirāsaśaṅkāṃ parākrtum | evakārāḥ iyanta eva teṣāṃ 
mukhyatvena saṅgatā iti darśanārthāḥ | tathāśabdā 
anuktavibhāvādyūhanārthā iti yathāyogaṃ yojyam | (82)

ityadbhutarasaprakaraṇaṃ samāptam |

atha śāntarasavicāraḥ |

ye punarnava rasā iti paṭhanti tanmate śāntasvarūpamabhidhīyate | tatra 
kecidāhuḥśāntaḥ śamasthāyibhāvātmakastapasyāyogisamparkādibhiḥ 
vibhāvairutpadyate | tasya kāmakrodhādyabhāvarūpairanubhāvairabhinayaḥ | 
vyabhicārī dhṛtimatiprabhṛti (iti) |

etadapare na sahante | śamaśāntayoḥ paryāyatvāt | 
ekānna(ekona)pañcāśadbhāvā iti saṅkhyātyāgāt | kiñca vibhāvā 
ṛtumālyādayastatsamanantarabhāvini śṛṅgārādāvanusandhīyante iti yuktam | 
tapo'dhyayanādayastu na śāntasya samanantarahetavaḥ |


p. 327)

prayoktavyaḥ | vyabhicāriṇaścāsya 
nirvedasmṛtidhṛtisarvāśramaśaucastambharomāñcādayaḥ | atrāryāḥ 
ślokāśca bhavanti -

mokṣādhyātmasamutthastattvajñānārthahetusaṃyuktaḥ |
naiḥśreyasopadiṣṭaḥ śāntaraso nāma sambhavati ||


tattvajñānasyānantarahetava iti cetpūrvataroditatattvajñāne'pi tarhi prayojyateti 
tapo'dhyayanādīnāṃ vibhāvatā tyaktā syāt | kāmādyabhāvo'pi 
nānubhāvaḥ | śā(aśā)ntādvipakṣādavyāvṛtteḥ | 
agamakatvātprayogāsamavāyitvācca | na hi ceṣṭāvyuparamaḥ prayogayogyaḥ | 
suptamohādayo'pi hi 
niḥśvāsocchvāsapatanabhūśayanādibhiśceṣṭābhirevānubhāvyante | 
dhṛtiprabhṛtirapi prāptaviṣayopabhogaḥ kathaṃ śānte syāt | na 
cākiñcitkaratvamātreṇa tattvajñānopāye vyutpādyante vineyāḥ | naite 
paraduḥkhaduḥkhitamanaso dṛśyante samyagdarśanasamāvasthāṃ prāptāḥ | api 
tu saṃsāre | tanna śānto rasa iti | 

atrocyate - yathā iha tāvaddharmāditritayamevaṃ mokṣo'pi puruṣārthaḥ | 
śāstreṣu smṛtītihāsādiṣu ca prādhānyenopāyato vyutpādyata iti suprasiddham | 
yathā ca kāmādiṣu samucitāścittavṛttayo ratyādiśabdavācyāḥ 
kavinaṭavyāpāreṇāsvādayogyatāprāpaṇadvāreṇa 
tathāvidhahṛdayasaṃvādavataḥ sāmājikānprati rasatvaṃ śṛṅgārāditayā 
nīyante tathā mokṣābhidhānaparamapuruṣārthocitā cittavṛttiḥ kimiti rasatvaṃ 
nānīyata iti vaktavyam | yā cāsau tathābhūtā cittavṛttiḥ saivātra sthāyibhāvaḥ 
| etattu cintyam | kiṃ nāmāsau - tattvajñānotthito nirveda iti kecti | tathā hi - 
dāridryādiprabhavo yo nirvedaḥ sa tao'nya eva | hetostattvajñānasya 
vailakṣaṇyāt | sthāyisañcārimadhye caitadarthamevāyaṃ paṭhitaḥ | anyathā 
māṅgaliko munistathā na paṭhet | jugupsāṃ ca vyabhicāritvena śṛṅgāre 
niṣedhanmunirbhāvānāṃ sarveṣāmeva 
sthāyitvasañcāritvacittopāttatvānubhāvasthatvānni(bhāvatvāni) 
yogyatopanipātitāni śabdārthabalākṛṣṭānyanujānāti |

tattvajñānajaśca nirvedaḥ sthāyyantaropamardakaḥ | 
(upamardaka)bhāvavaicitryasahiṣṇubhyo ratyādibhyo yaḥ paramaḥ sthāyiśīlaḥ sa 
eva hi sthāyyantarāṇāmupamardakaḥ | idamapi 


p. 328)

buddhīndriyakarmendriyasaṃrodhādhyātmasaṃsthitopetaḥ |
sarvaprāṇisukhahitaḥ śāntaraso nāma vijñeyaḥ ||

na yatra duḥkhaṃ na sukhaṃ na dveṣo nāpi matsaraḥ |
samaḥ sarveṣu bhūteṣu sa śāntaḥ prathito rasaḥ ||

bhāvā vikārā ratyādyāḥ śāntastu prakṛtirmataḥ |


paryanuyuñjate - tattvajñānajo nirvedo(pyava)(do'sya ca) sthāyīti vadatā 
tattvajñānamevātra vibhāvatvenoktaṃ syāt | vairāgyasabījādiṣu kathaṃ 
vibhāvatvam ? tadupāyatā(tvā)diti cetkāraṇakāraṇo(ṇe)'yaṃ 
vibhāvatāvyavahāraḥ | sa cātiprasaṅgāvahaḥ |

kiñca nirvedo nāma sarvatrānupādeyatāpratyayaḥ vairāgyalakṣaṇasya ca (ṇaḥ | 
sa ca) tattvajñānasya pratyukto(to)payogī | virakto hi tathā prayatate yathā'sya 
tattvajñānamutpadyate | tattvajñāddhi mokṣaḥ | na tu tattvaṃ jñātvā nirvidyate 
nirvedācca mokṣa iti | vairāgyātprakṛtilayaḥ | iti hi tatra bhavantaḥ(ī. kṛ. 
sāṃkhyakārikā. 45.) |

nanu tattvajñāninaḥ sarvatra dṛḍhataraṃ vairāgyaṃ dṛṣṭam | 
tatrabhavadbhirapyuktaṃ - tatparaṃ puruṣakhyāterguṇavaitṛṣṇyam iti (yogasūtra-
1-16) | bhavatyevam | tādṛśaṃ tu vairāgyaṃ jñānasyaiva parā kāṣṭhā | iti 
(vyāsabhāṣya - 1-16) bhujaṅgavibhunaiva bhagavatā'bhyadhāyi | tataśca 
tattvajñānamevedaṃ tattvajñānamālayā paripoṣyamāṇamiti na nirvedaḥ 
sthāyī | kintu tattvajñānameva sthāyīti bhavet | yattu 
vyabhicārivyākhyānāvasare vakṣyate 
taccirakālavibhramavipralabdhasyopādeyatvanivṛttaye | yatsamyagjñānam -

yathā -

vṛthā dugdho'na.vāṃsstanabharanatā gauriti paraṃ
pariṣvaktaḥ ṣaṇḍho yuvatiriti lāvaṇyarahitaḥ |
kṛtā vaiḍūryāśā vikacakiraṇe kācaśakale
mayā mūḍhena tvāṃ kṛpaṇamaguṇajñaṃ praṇamatā || iti 


p. 329)

vikāraḥ prakṛterjātaḥ punastatraiva līyate ||

svaṃ svaṃ nimittamāsādya śāntādbhāvaḥ pravartate |
punarnimittāpāye ca śānta evopalīyate ||

evaṃ navarasā dṛṣṭā nāṭyajñairlakṣaṇānvitāḥ |)


tannirvedasya khedarūpasya vibhāvatvena | etacca tatraiva vakṣyāmaḥ |

nanu mithyājñānamūlo viṣayagandhastattvajñānātpraśāmyatīti 
duḥkhajanmasūtreṇākṣapādapādairvadadbhirmithyājñānāpacayakāraṇaṃ 
tattvajñānaṃ vairāgyasya doṣāpāyalakṣaṇasya kāraṇamuktam | nanu tataḥ 
kim ? nanu vairāgyaṃ nirvedaḥ ? ka evamāha ? nirvedo hi 
śokapravāhaprasararūpaścittavṛttiviśeṣaḥ | vairāgyaṃ tu rāgādīnāṃ 
pradhvaṃsaḥ |

bhavatu vā vairāgyameva nirvedaḥ | tathāpi tasya 
svakāraṇavaśānamadhyabhāvino'pi na mokṣe sādhye sūtrasthānīyatā 
pratyapādi ācāryeṇa | kiñca tattvajñānotthito nirveda iti śamasyaivedaṃ 
nirvedanāma kṛtaṃ syāt | na ca śamaśāntayoḥ paryāyatvamāśaṅkanīyam | 
hāsahāsyayoriva siddhasādhyatayā laukikālaukikatayā 
sādhāraṇāsādhāraṇatayā ca vailakṣaṇyāt | śamaśāntayorapi sulabhameva 
tasmānna nirvedaḥ sthāyīti |

anye manyante ratyādaya evāṣṭau cittavṛttiviśeṣā uktāḥ | ta eva 
kathitavibhāvaviviktayā(tayā) śrutā(tyā)dyalaukikavibhāvaviśeṣasaṃśrayā 
vicitrā eva tāvat | tataśca tanmadhyādevānyatamo'tra sthāyī | 
tatrānā(vyā)hatānandamayasvātmaviṣayā ratireva mokṣasādhanamiti saiva 
śāstre ratisthāyī | yathoktam -

yaścātmaratireva syādātmatṛptaśca mānavaḥ |
ātmanyeva ca santuṣṭastasya kāryaṃ na vidyate || (gītā 3-17) |

evaṃ samastaviṣayaṃ vaikṛtaṃ paśyato viśvaṃ ca śocyaṃ vilokayataḥ 
sāṃsārikaṃ ca vṛttāntamapakāritvena paśyataḥ 
sātiśayamasammohapradhānaṃ vīryamāśritavataḥ 
sarvasmādviṣayasārthādvibhyataḥ sarvalokaspṛhaṇīyādapi 
pramadāderjugupsamānasyāpūrvasvātmātiśayalābhādvi

p. 330)

smayamānasya mokṣasiddhiriti | (ratihāsādīnāṃ vismayāntānāmanyatamasya 
sthāyitvaṃ nirūpaṇīyam | na caitanmunerna sammatam | yāvadeva hi viśiṣṭān 
bhāvānparigaṇayati ratyādiśabdena ca tatprakārānevānsaṃgṛhṇīte tāvadeva 
tadvyatiriktālaukikahetūpanatānāṃ 
ratyādīnāmanujānātyevāpavargaviṣayatvam | evaṃvādināṃ tu parasparameva 
viśārayatāmekasya sthāyitvaṃ viśīryata eva | tadupāyabhedāttasya tasya 
sthāyitvamityapyucyamānaṃ pratyuktameva | sthāyibhedena pratipuruṣaṃ 
rasasyāpyānantyāpatteḥ | mokṣaikaphalatvādeko rasa iti cet | kṣayikaphalatve 
vīraraudrayorapyekatvaṃ syāt | anye tu pānakarasavadavibhāgaṃ prāptāḥ sarva 
eva ratyādayo'tra sthāyina ityāhuḥ | cittavṛttīnāmayugapadbhāvādanyonyaṃ ca 
virodhādetadapi na manojñam |

kastarhyatra sthāyī | ucyate - iha tattvajñānameva tāvanmokṣasādhanamiti 
tasyaiva mokṣe sthāyitā yuktā | tatvajñānaṃ ca nāmātmajñānameva | 
ātmanaśca(ścā)vyatiriktamindriya(ktaṃ syāda)syaiva jñānam ? paro 
hyevamātmā'nātmaiva syāt | vipañcitaṃ caitadasmadgurubhiḥ | 
asmābhiścānyatra vitanyata itīha nātinirbandhaḥ kṛtaḥ |

tenātmaiva jñānānandādiviśuddhadharmayogī parikalpitaviṣayoparāgarahito'tra 
sthāyī | na cāsya sthāyitayāsthāyitvaṃ vacanīyam | ratyādayo hi 
tattatkāraṇāntarodayapralayotpadyamānanirudhyamānavṛttayaḥ 
kañcitkālamāpekṣikatayā sthāyirūpātmabhittisaṃśrayāḥ ṣaṭ(santaḥ) 
sthāyina ityucyante | tattvajñānaṃ tu sakalabhāvāntarabhittisthānīyaṃ 
sarvasthāyibhyaḥ sthāyitamaṃ sarvāḥ 
ratyādikāssthāyicittavṛttirvyabhicārībhāvayat nisargata eva 
siddhasthāyibhāvamiti tantravacanena | ata eva pṛthagasya gaṇanā na yuktā | na hi 
khaṇḍamuṇḍayormadhye tṛtīyaṃ gotvamiti gaṇyate | 
tenaikānna(naikona)pañcāśadbhāvā ityavyāhatameva |

asyāpi kathaṃ (na) pṛthaggaṇaneti cet - pṛthagāsvāda(dā)yogāditi brūmahe | na 
hi ratyādaya ivetarāsampṛktena vapuṣā tathāvidhamātmarūpaṃ 
laukikapratītigocaraḥ(ram|) svagatamapyavikalparūpaṃ 
vyutthānāvasare'nusandhīyamānaṃ cittavṛttyantarakaluṣamevāvabhāti |

bhāsatāṃ vā loke tathā | tathāpi na sambhavanmātra sthāyināṃ gaṇanam | 
raseṣūkteṣvanupayogāt | api tu vyabhicāritvāllakṣaṇīyatvaṃ neti vijñāyate | 
tathāhykānna(hyekona)pañcāśattā bhāvairityetatpraghaṭṭakopapattiḥ | na 
cāsyātmasvabhāvasya 
vyabhicāritvamasambhavādavaicitryāvahatvādanaucityācca | śama 
ātmasvabhāvaḥ sa śama śabdena 

p. 331)

muninā vyapadiṣṭaḥ | yadi tu sa eva śamaśabdena vyapadiśyate nirvedaśabdena 
vā tanna kaścidbādhaḥ | kevala śamaścittavṛtyantaram | nirvedo'pi 
dāridryādivibhāvāntarotthitanirvedatulyajātīyo na bhavati tajjātīya eva | 
hetubhede'pi tadvyapadeśyo ratibhayādiriva |

tadidamātmasvarūapmeva tattvajñānaṃ śamaḥ | tathā ca 
yatkāluṣyoparāgaviśeṣā evātmano ratyādayaḥ | tadanugame'pi viśuddhamasya 
rūpamavyavadhānasamādhibalādadhiśayya vyutthāne'pi praśāntatā bhavati | 
yathoktaṃ (tasya) praśāntavāhitā saṃskārāt (yogasū. 3.10) iti | 
tattvajñānalakṣaṇasya ca sthāyinaḥ samasto'yaṃ laukikālaukikacittavṛttikalāpo 
vyabhicāritāmabhyeti | tadanubhāvā eva ca yamaniyamādyupakṛtā anubhāvā 
upāṅgābhinayādyadhyāyatraye ca ye svabhāvābhinayā vakṣyante | ata ete 
etadviṣayā eva | ayameva hi svabhāvaḥ | vibhāvā api kathaṃ 
īśvarānugrahaprabhṛtayaḥ prakṣayonmukhāśca ratyādayo'trāsvadyānte | 
kevalaṃ yathā vipralambhe autsukyaṃ saṃbhoge'pi vā premāsamāptotsavam 
(tāpasavatsarāja. 1-17) iti yathā ca raudre augryaṃ yathā ca 
karuṇavīrabhayānakādbhuteṣu nirvedadhṛtitrāsaharṣā vyabhicāriṇo'pi 
prādhānyenāvabhāsante tathā śānte jugupsādyāḥ sarvathaiva 
rāgapratipakṣatvāt |

tathā hi - mahāvrate nṛkapālādidhāraṇam - asubhāryādisambandhādi 
vistārasaṃkṣepādikarmīkṛtirhi dharme (?) jugupsāhetutvenaiva | 
nijābhyañjanadevarātputrajanmānyupadiṣṭam |

svātmani ca kṛtakṛtyasya parārthaghaṭanāyāmevodyama ityutsāho'sya 
paropakāraviṣayecchāprayatnarūpo dayāparaparyāyo'bhyadhiko'ntaraṅgah | ata 
eva (etadvyābhicāribalāt ?) keciddayāvīratvena vyapadiśanti | anye 
dharmavīratvena | 

nanūtsāho'haṅkāraprāṇaḥ | śāntastvahaṅkāraśaithilyātmakaḥ | 
vyabhicāritvaṃ i viruddhasyāpi na nocitaṃ ratāviva nirvedādeḥ |

śayyā śādvalam (āsanaṃ śuci śilā sadma drumāṇāmadhaḥ 
śītaṃ nirjharavāri pānamaśanaṃ kandāḥ sahāyā mṛgāḥ |
ityaprārthitasarvalabhyavibhave doṣo'yameko vane 
duṣprāpārthini yatparārthaghaṭanāvandhyairvṛthā sthīyate ||) (nāgānanda. 4.2) 
ityādau

p. 332)

hi paropakārakaraṇe hyutsāhasyaiva prakarṣo lakṣyate | na tūtsāhaśūnyā 
kācidapyavasthā | icchāprayatnavyatirekeṇa pāṣāṇatāpatteḥ | yata eva 
paridṛṣṭaparāparatvena svātmoddeśena kartavyāntaraṃ nāvaśiṣyate ata eva 
śāntahṛdayānāṃ paropakārāya śarīrasarvasvādidānaṃ na śāstravirodhi | 
ātmānaṃ gopāyet (gautamadharmasūtra 9.35) ityādinā hyakṛtakṛtyaviṣayaṃ 
śarīrarakṣaṇamupadiśyate | sannyāsināṃ tadrakṣāditātparyābhāvāt | tathā hi 
-

dharmārthakāmamokṣāṇāṃ prāṇāḥ saṃsthitihetavaḥ |
tānnighnatā kinna hataṃ rakṣatā kiṃ na rakṣitam || (hitopadeśa - 1.83) iti 
suprasiddhacaturvargasādhakatvameva deharakṣāyāḥ nidānaṃ darśitam | 
kṛtakṛtyasya jale'gnau śvabhre vā patet iti sannyāsitve śravaṇāt | 
tadyathākathañcittyājyaṃ śarīraṃ yadi parārthaṃ tattyajyate takimiva na 
sampāditaṃ bhavati | jīmūtavāhanādīnāṃ na yatitvamiti cet kiṃ tena naḥ ? 
tattvajñānitvaṃ tāvadavaśyamasti | anyathā dehātmamānināṃ deha eva 
sarvasvabhūte dharmādyanuddeśena parārthe tyāgasyāsambhavāt | yuddhe'pi hi 
na vīrasya dehatyāgāyodyamaḥ | parāvajayoddeśenaiva pravṛtteḥ | 
bhṛgupatanādāvapi śubhataradehāntarasampipādayiṣaivādhikaṃ vijṛmbhate | 
tatsvārthānuddeśena parārthasampattyai yadyacceṣṭitaṃ 
dehatyāgaparyantamupadeśadānādi 
tattadalabdhātmatattvajñānānāmasambhāvyameveti te'pi tattvajñāninaḥ | 
jñānināṃ sarveṣvāśrameṣu muktiḥ iti smārteṣu śrutau ca | yathoktam -

devārcanaratastattvajñānaniṣṭho'tithipriyaḥ |
śrāddhaṃ kṛtvā dadaddravyaṃ gṛhastho'pi hi mucyate || iti |

kevalaṃ 
parārthābhisandhijāddharmātparopakārātmakaphalatvenaivābhisaṃhitāt 
punarapi dehasya taducitasyaiva prādurbhāvo bodhisattvādīnāṃ 
tattvajñānināmapi | dṛṣṭaścāṅgeṣvapi viśrāntilābhaḥ svabhāvaucityāt | 
yathā rāmasya vīrāṅge piturājñāṃ pālayituḥ | evaṃ śṛṅgārādyaṅgeṣvapi 
mantavyam | ata eva śāntasya sthāyitve'pyaprādhānyam | jīmūtavāhane 
trivargasampattereva paropakṛtipradhānāyāḥ phalatvāt | anenaivāśayena 
nāṭakalakṣaṇe vakṣyate ṛddhivilāsādibhirguṇaiḥ (nā. śā. 18-11) iti | anena hi 
ṛddhivilāsapradhānamarthakāmottaraṃ sarvaṃ caritaṃ 
sakalalokahṛdayasaṃvādasundaraprayojanaṃ nāṭake niveśayitavyamityuktam | 
etacca tatraiva varṇayiṣyāmaḥ |

p. 333)

anenaiva cāśayena na śānte kaścana muninā jātyaṅgako viniyokṣyate (nā. śā. 
29.1-4) | tena jātyaṅgakaviniyogābhāvāttadasattvamiti pratyuktam |

anye tu jīmutavāhanaḥ kaste putra trātā bhaviṣyati (nāgananda. 4-9) iti 
śaraṇārthinīṃ vṛddhāmeva trātavān | śaktiścāsya na kācit | parahiṃsā ca na 
kācidityevamāhuḥ | taccānumatameva (taccāsa"gatameva?) | na hi 
bodhisattvānāṃ punarapyutthānātmakajīvitamabhisandhānānupraviṣṭaṃ 
śakti(ścodeti) | na ca kākatālīyavṛttyā śāstramupadiśati | tatsiddhaṃ 
dayālakṣaṇo hyutsāho'tra pradhānam |

anye tu vyabhicāriṇo yathāyogaṃ bhavanti | yathoktaṃ tacchidreṣu 
pratyayāntarāṇi saṃskārebhyaḥ | (yogasū. 4-27) iti | ata eva 
niśceṣṭatvādanubhāvābhāva iti pratyuktam | yadā tu 
paryantabhūmikālābhe'nubhāvābhāvastadāsyāprayojyatvam | ratiśokādāvapi 
paryantadaśāyāmaprayogasyaiva yuktatvā | hṛdayasaṃvādo'pi 
tathāvidhatattvajñānabījasaṃskārabhāvitānāṃ bhavatyeva | yadvakṣyati - 
mokṣe cāpi virāgiṇaḥ (nā. śā. 27-58) iti | sarvasya na sarvatra hṛdayasaṃvādo 
bhayānake vīraprakṛterabhāvāt |

nanu tādṛśi prayoge vīrasya ka āsvādaḥ | ucyate - yatreyaṃ(trāyaṃ) nibadhyate 
tatrāvaśyaṃ puruṣārthopayogiśṛṅgāravīrādyanyatamamastyeva | 
tanniṣṭhasteṣāmāsvādaḥ | yatrāpi prahasanādau hāsyādeḥ pradhānatā 
tatrāpyanuniṣpāditarasāntaraniṣṭha evāsvādaḥ | 
bhinnabhinnadhikāryāsvādoddeśa eva rūpakabheda cintananimittamiti kecit |

tasmādasti śānto rasaḥ | tathā ca cirantanapustakeṣu sthāyibhāvān 
rasatvamupaneṣyāmaḥ (nā. śā. pu. 299) ityanantaraṃ śānto nāma 
śamasthāyibhāvātmakaḥ (nā. śā. pu. 332) ityādiśāntalakṣaṇaṃ paṭhyate | 
tatra sarvarasānāṃ śāntaprāya evāsvādo viṣayebhyo 
viparivṛttyā'tarnmukhatālābhātkevalaṃ vāsanāntaropahita ityasya 
sarvaprakṛtitvābhidhānāya pūrvamabhidhānam | loke ca 
pṛthakpṛthaksāmānyasya na gaṇanamiti sthāyyasya pṛthaṅnoktaḥ | 
sāmānyamapi tu vivecakena pṛthageva gaṇanīyamiti 
vivecakābhimatasāmājikāsvādalakṣaṇapratītiviṣayatayā sa pṛthagbhūta eva | 
itihāsapurāṇābhidhānakośādau ca nava rasāḥ śrūyante 
śrīmatsiddhāntaśāstreṣvapi | tathā coktam -

p. 334)

aṣṭānāmiha devānāṃ śṛṅgārādīn pradarśayet |
madhye ca devadevasya śāntaṃ rūpaṃ prakalpayet || (iti) |

tasya ca vairāgyasaṃsārabhīrutādayo vibhāvāḥ | sa hi 
tairupanibaddhairvijñāyate | mokṣaśāstracintādayo'nubhāvāḥ | 
nirvedamatismṛtidhṛtyādayo vyabhicāriṇaḥ | ata eveśvarapraṇidhānaviṣaye 
bhaktiśraddhe 
smṛtimatidhṛtyutsāhādyanupraviṣṭebhyo'nyathaivā(syaivā)ṅgamiti na tayoḥ 
pṛthagrasatvena gaṇanam | atra saṅgrahakārikā -

mokṣādhyātmanimittastattvajñānārthahetusaṃyuktaḥ |
niḥśreyasadharmayutaḥ śāntaraso nāma vijñeyaḥ ||

vibhāvasthāyyanubhāvayogaḥ kramādviśeṣaṇatrayeṇa darśitaḥ |
svaṃ svaṃ nimittamāsādya śāntādbhāvaḥ pravartate |
punarnimittāpāye tu śānta eva pralīyate ||
ityādinā rasāntaraprakṛtitvamupasaṃhṛtam |

yattu ḍime śṛṅgārahāsyavarjaṃ hāsyaśṛṅgāraparihāreṇa ṣaḍrasatvaṃ ca 
vakṣyate tatrāyaṃ bhāvaḥ | dīptarasakāvyayoniḥ (nā. śā. 18-85) iti bhāvinā 
lakṣaṇena raudrapradhāne tāvaḍḍime tadviruddhasya śāntasya sambhāvanaiva na 
| kiṃ niṣedhena ? śāntāsambhave tu dīptarasakāvyayonirityetena kiṃ 
vyavacchedyam | śṛṅgārahāsyavarjaṃ ṣaḍrasayuktaḥ (nā. śā. 18-84) iti hyukte 
kastatra prasaṅgah |

nanu karuṇabībhatsabhayānakaprādhānyamanena pādena vyavacchedyate | naitat | 
sāttvatyārabhaṭīvṛttisampannaḥ (18-88) ityanenaiva tannirāsāt | śānte tu 
sātvatyeva ṛttiriti na (?) tadvyavacchedakamevaitat | tena ḍimalakṣaṇaṃ pratyuta 
śāntarasasya sadbhāve liṅgam | śṛṅgārastu prasabhaṃ sevyamānaḥ sambhāvya 
eva | tadaṅgaṃ ca hāsya iti tayoreva pratiṣedhaḥ kṛtaḥ prāptatvāt | sa 
sarvasāmyācca viśeṣato varṇadevatābhidhānamanucitamapyasya tatkalpitamiti 
jñeyam | utpattistu śāntasyāpi darśitaiva | sattvābhāvo hi hāsyaḥ | 
sahavibhāvatvena cāsya vīrabībhatsau | ata evāsya rasasya 
yamaniyameśvarapraṇidhānādyupadeśaḥ anupayo(bho)gitayā mahāphalatvaṃ 
sarvaprādhānyamitivṛttavyāpakatvaṃ copapannamityalamatiprasaṅgena |

tattvāsvādo'sya kīdṛśaḥ ? ucyate - 
uparāgadāyibhirutsāharatyādibhiruparaktaṃ yadātmasvarūpaṃ tadeva 
viralombhitaratnāntarālanirbhāsamānasitatarasūtravadābhātasvarūpaṃ


p. 335)

evamete rasā jñeyāstvaṣṭau lakṣaṇalakṣitāḥ |
ata ūrdhva pravakṣyāmi bhāvānāmapi lakṣaṇam || 83 ||

iti bhāratīye nāṭyaśāstre rasādhyāyaḥ ṣaṣṭhaḥ ||


sakaleṣu ratyādiṣūparañjakeṣu tathābhāvenāpi sakṛdvibhāto'yamātmeti 
nyāyena bhāsamānaṃ paronmukhatātmasakaladuḥkhajālahīnaṃ 
paramānandalābhasaṃvidekatvena kāvyaprayogaprabandhābhyāṃ 
sādhāraṇatayā nirbhāsamānamantarmukhāvasthābhedena 
lokottarānandaghanaṃ tathāvidhahṛdayaṃ vidhatta iti |

evaṃ te navaiva rasāḥ | pumarthopayogitvena rañjanādhikyena vā 
iyatāmevopadeśyatvāt | tena rasāntarasaṃbhave'pi pārṣadaprasiddhyā 
saṅkhyāniyama iti yadanyairuktaṃ tatpratyuktam | bhāvādhyāye'pi 
caitadvakṣyate | ārdratāsthāyikaḥ sneho rasa iti tvasat | sneho hyabhiṣaṅgaḥ | sa ca 
sarvo ratyutsāhādāveva paryavasyati | tathā hi - bālasya mātāpitrādau sneho 
bhaye viśrāntaḥ | yūnormitrajane ratau | lakṣmaṇādeḥ bhrātari sneho dharmavīra 
eva | evaṃ vṛddhasya putrādāviti draṣṭavyam | eṣaiva gardhasthāyikasya 
laulyarasasya pratyākhyāne saraṇirmantavyā | hāse vā ratau vānyatra 
paryavasānāt | evaṃ baktāvapi vācyamiti | 

adhyāyārthamupasaṃharan bhāvino'vakāśaṃ dadatsaṅgatiṃ 
prakaṭīkartumāha - evamete rasā jñeyā naveti (stvaṣṭāviti) | 
rasavadgītamityādivyapadeśāt stūyate | sa (śāstu ye te rasa? mūlā evopacārā 
iti darśayati - lakṣaṇalakṣitā iti | bhāvānāmapi lakṣaṇaṃ rasalakṣaṇameva 
pūrayati | vibhāvavyabhicāryanubhāvalakṣaṇena rasalakṣaṇameva pūryate | 
ratisthāyibhāvaprabhavaḥ ṛtumālyādivibhāvako nayanacāturyādyanubhāvaka 
ityuktamapi sākāṅkṣameva | kīdṛśī hi ratiḥ kaśca vibhāvaḥ kaścānubhāvaḥ | 
tena yadyapyāpātato bhāvānāṃ lakṣaṇamidaṃ pratibhāti mahācāryā 
(sāhacaryāt) tathāpi vākyaikavākyatayā rasalakṣaṇamevedamityapiśabdasyārtha 
iti śivam |

i(ra)tyādiśaktyaṣṭakamadhyavṛttiryasya svahṛnmaṇḍalasamprayojyā(jyaḥ) |
sthāyī śivaścetasi tena vṛttiḥ kṛtā rasādhyāya iha krameṇa ||

iti śrīmahāmāheśvarābhinavaguptaviracitāyāṃ 
nāṭyavedavivṛtāvabhinavabhāratyāṃ rasādhyāyaḥ ṣaṣṭhaḥ samāptaḥ |
p. 336)

śrīḥ

atha saptamo'dhyāyaḥ |

bhāvānidānīṃ vyākhyāsyāmaḥ | atrāha - bhāvā iti kasmāt | kiṃ 
bhavantīti bhāvāḥ kiṃ vā bhāvayantīti bhāvāḥ | ucyate - 
vāgaṅgasattvopetānkāvyārthānbhāvayantīti bhāvā iti |


sthāyī prabuddhahṛdaye vyabhicāribhūtaḥ
kāmākulāsu janatāsu mahānubhāvaḥ |
antarvibhāvaviṣayo rasamātramūrtiḥ
śrīmānprasannahṛdayo'stu mama triṇetraḥ ||

bhāvānidānīmiti | nanvadhyāyānta evaitadāsūtritamiti kimanena punaruktena | 
bhāvāścāpi kathaṃ proktāḥ (nā. śā. 6-3) ityatraiva praśne kṛte 
punarihādhyāye kiṃ bhavanti ityādi ca kimarthamucyate |

atra kecidāhuḥ - bhāvāścāpi ityadhyāyādau bhāvānāmapi lakṣaṇam itya - 
dhyāyānte ca vibhāvādīnāṃ sarve(ṣāṃ) sādhāraṇyena praśnapratijñādi | 
adhunā tu vibhāvādiṣu vaktavyeṣu prathamaṃ 
tāvatprādhānyāccittavṛttirūpāḥ sthāyivyabhicāriṇo lakṣaṇīyā iti 
tadviṣayaiveyaṃ pratijñā praśanaśca |

vayaṃ tu brūmaḥ - bhāvaśabdena tāvaccittavṛttiviśeṣā eva vivakṣitāḥ | tathā 
ca ekonapañcāśatā bhāvaiḥ ityādau tānevopasaṃhariṣyati | teṣāṃ tu 
yogyatāvaśādyathāyogaṃ sthāyisaṃcārivibhāvānubhāvarūpatā saṃbhavati 
| ye tvete ṛtumālyādayo vibhāvā bāhyāśca bāṣpaprabhṛtayo'nubhāvā 
ekāntajaḍasvabhāvāḥ te na bhāvaśabdavyapadeśyāḥ |

nanu rasasaṃvitsvabhāve nimajjanādata evonmajjanācca te'pi saṃvidātmakāḥ | 
evaṃ tarhi viśvameva bhāvamayaṃ syādupacārāt 
vijñānavādāśrayādvetyabhinayadharmyādīnāṃ

p. 337)

pṛthaktānupapattiḥ | tasmātsthāyivyabhicārisāttvikā eva bhāvāḥ | 
vibhāvānubhāvānāṃ ca prāsaṅgikaṃ lakṣaṇam | etacca vakṣyāmaḥ |

yacca paunaruktyaṃ coditaṃ tadasat | tathā hi - rasādhyāyaprārambhe 
coditamaṅgamadhye bhāvā anuddiṣṭā eva kathaṃ tatra tatrodīritā iti | 
tannirākaraṇārthamāha- bhāvāniti | yato'tītādhyāyānte bhāvānāṃ 
lakṣaṇaṃ rasalakṣaṇameva ata idānīmapi gatacodyāṃśake'vasare 
bhāvānvakṣyāmo rasānāmaṅgamadhye paṭhitatvāditi |

nanu cittavṛttyātmāna eva cedbhāvāstarhyetuṣu vyutpattidvayamapi saṃbhāvyate | 
tathā hi bhavatirabhūtaprādurbhāve | prakarṣagatiśca punarabhidhānāt | tena 
ye'ntarataḥapūrvatayaiva prādurbhavati na tu kṣaṇaṃ vyavatiṣṭhate | te(bhyo) 
bhāvāścittavṛttyātmā(no)nubhāvajñānasya parimitakālabhāvitvāt | yadi vā 
bhāvayanti āsvādanaṃ kurvanti hṛdayaṃ vyāpnuvantīti | tataśca 
vyutpattidvayasaṃbahavanātkathaṃ bhavanti iti pakṣamanāśaṅkyaiva kiṃ vā te 
bhāvayanti iti praśno'yukta ityabhiprāyeṇānudbhinnamartha praśnasyodbhedayan 
praśnārthamevānubhāṣate - kiṃ bhavantītyādi | bhavanti bhāvayanti vā | 
bhāvayantīti ca kimetatkurvanti vyāpnuvanti vā | tatra ca dvaye'pi kiṃ karma |

evaṃ praśnārthamanubhāṣyottaramāha - vāgaṅgasattvopetānityādi | koḥ 
kavatervā kavanīyaṃ kāvyam | tatra ca padārthavākyārthau reseṣveva 
paryavasyata ityasādhāraṇyātprādhānyācca kāvyasyārthāḥ rasāḥ | arthyante 
prādhānyenetyarthāḥ | na tvarthaśabdo'bhidheyavācī | 
svaśabdānabhidheyatvaṃ hi rasādīnāṃ dhvanikārādibhirdaśitam | tacca 
madīyādeva tadvivaraṇātsahṛdayālokalocanādavadhāraṇīyam | iha tu 
yathāvasaraṃ vakṣyata eva | 

evaṃ kāvyārthān rasān bhāvayanti (saṃs?)kurvate | 
sthāyivyabhicārikalāpenaiva hyāsvādyo'laukikārtho nirvartyate | pūrvaṃ hi 
sthāyyādikamavagacchati tataḥ sarvasādhāraṇatayā'svādayati | tena 
pūrvāvagamagocarībhūtaḥ sannuttarabhūmikābhāgina āsvādyasya bhāvako 
niṣpādaka ucyate | kena bhāvayantīti karaṇaṃ darśayati - vāgaṅgeti | 
vāgādayastatkarmasu vartante | tena varṇanādyātmanā vācikena 
saṃniveśavalanādināṅgikenāntarbahirātmanā sāttvikena karaṇabhūtenopetān 
sambaddhān |


p. 338)

bhū iti (ṇyantaḥ) karaṇe dhātuḥ tathā ca bhāvitaṃ 
vāsitaṃkṛtamityanarthāntaram | loke'pi ca prasiddham | aho hyanena 
gandhena rasena vā 


karaṇaṃ hi karmaṇi kartari ca yadyapi saṃbadhyate tathāpi(pī)hāsya 
prādhānyātsaṃbandhadṛśi karaṇatvameva darśayituṃ tṛtīyādi(yayā) 
nirdiśyate - vāgaṅgamukharāgeṇeti | ata(tra) * *?hāryaṃ tu yadyapi 
nayatkalatādhruvāyātoraṅgamat (nṛtyakalādhruvāpātayorantaraṅgaṃ) tathāpi 
tadanantaraṃ cittavṛttyavagatau vācikādīnāmevāntaraṅgatā | tathā hi 
kāvyādapi rasāsvādo bhavatītyuktam | tatra ca na pūrṇatā'hāryasya | tenāsya 
nopādānam |

etaduktaṃ bhavati - cittavṛttaya eva laukikāḥ 
vācikādyabhinayaprakriyārūḍhatayā svātmānamalaukikadaśayāmāsvādyaṃ 
kurvantītyatastā eva bhāvāḥ | bhavatirhī ṇyantaḥ prakṛtaṃ karotyarthamāheti 
darśayati - bhū itīti | ta(ca)kāra uccāraṇārthaḥ | ṇicā saṃbandheneti 
ikārapratyaye sati bhūdhātuḥ karotyarthe vartate | etadevopasaṃharati (bhāvitamiti) 
| anarthāntaramiti | eko'rtha iti yāvat |

nanvāsvādyāntarāntarbhāvye vācikādau karaṇamitikartavyatāṃśe 
vaktavyamityāśaṅkya tantreṇa vyutpattyantaraṃ darśayan tamāha - loke'pi ceti | 
na kevalaṃ bhāvitaṃ kṛtamiti loke prasiddhaṃ yāvadvyāptamityapi | etadapi 
cetyanenoktam | sarvamityetadgandharasamapi |

nanu tatrāpi kṛtamityevārtho'stvityāśaṅkyāha - tacca vyāptyarthamiti | na hi 
kastūrikāgandhena vastraṃ kriyate | guṇasyāsaṃkrānte | na ca 
tatsadṛśaguṇāntarotpattiḥ | yāvaddravyabhāvitvadgandhādīnām | vastrādau ca 
vināśapratipatteḥ | kevalaṃ kastūrikādravyameva 
tāvadrūpadeśacaitanyākramaṇasvabhāvaṃ vastrādike'pi tathā 
pratipattimādhatte | tadvatprakṛte'pi | ta eva hi vācikādyā abhinayāḥ 
pramukhadaśāyāṃ deśakālaviśeṣagatatvena yadyapi bhānti tathāpi naṭasya 
nirguṇādiha na ta(ṇatvādihata)ttvāt rāmādeḥ para(derapara)mārthasattvāt 
bhrāntijñānābhāvācca niyatatāṃ vijahataḥ sādhāraṇībhāvamanuprāptāḥ 
sāmājikajanamapi


p. 339)

sarvameva bhāvitamiti | tacca vyāptyartham | ślokāścātra -

vibhāvenāhṛto yo'rtho hyanubhāvaistu gamyate |
vāgaṅgasattvābhinayaiḥ sa bhāva iti saṃjñitaḥ || 1 ||


mṛgamadāmodadiśā vyāpnuvanti svacittavṛttivyāpāradvāreṇa | tena bhāvayanti 
sāmājikātmānamiti bhāvāḥ |

atha vyutpattyantaramapi darśayituṃ prāktanī ca vyutpattiṃ saṃgrahītumāha - 
ślokāścātreti | vibhāvo viṣayaḥ | tena yaḥ āhṛto niṣpāditaḥ | tena 
vibhāvāpekṣayā bhāvyate kriyata iti bhāvaḥ | anubhāvānebhyo nirūpayati - 
vāgaṅgeti |

anye tu vāgaṅgasattvādyabhinayā yeṣāmiti tadguṇasaṃvijjñānena 
bahuvrīhiṇā svābhinayasahitā vyabhicāriṇo gṛhītāḥ | tairiti vyabhicaribhiśca 
bhāvyate miśrīkiryata iti vyabhicāriṇāmapi ca vyabhicāriṇo bhavanti | yathā 
nirvedasya cintā śramasya nirveda ityādi nirūpayanti | taccāsat | sthāyino hi 
vyabhicāritā bhavati | na tu vyabhicāriṇāṃ sthāyitā | evaṃ hi sati tadāsvāde 
rasāntaramapi syāt | yatrāpi vyabhicāriṇi vyabhicāryantaraṃ saṃbhāvyate 
tadyathā - purūravasa unmāde'pi tarkacintādi tatrāpi ratisthāyibhāvasyaiva 
vyabhicāryantarayogaḥ | sa kevalamamātyasthānīyenonmādena kṛtoparāgaḥ | 
etacca yathā narendra (nā. śā. 7-10) ityatra vakṣyāmaḥ |

evaṃ lokānusāreṇa kavinaṭaśikṣopayoginā vyutpattyantaramabhidhāya 
sāmājikābhiprāyeṇa yo vyutpattidvayanirūpito'rthaḥ tatsaṃgrahāya 
ślokadvayamāha - vāgaṅgamukharāgeṇeti | 
vāgaṅgamukharāgātmanā'bhinayena sattvalakṣaṇena cābhinayena karaṇena 
kaveḥ sādhāraṇaṃ tadāpi - (raṇasyāpi) varṇanānipuṇasya yaḥ 
antargato'nādiprāktanasaṃskārapratibhānamayo na tu laukikaviṣayajo 
rāgānta(gassa) eva 
deśakālādibhedābhāvātsarvasādhāraṇībhāvenāsvādayogyastaṃ


p. 340)

vāgaṅgamukharāgeṇa sattvenābhinayena ca |
kaverantargataṃ bhāvaṃ bhāvayanbhāva ucyate || 2 ||

nānābhinayasaṃbaddhānbhāvayanti rasānimān |
yasmāttasmādamī bhāvā vijñeyā nāṭyayoktṛbhiḥ || 3 ||

atha vibhāva iti kasmāt | ucyate - vibhāvo vijñānārthaḥ | vibhāvaḥ 
kāraṇaṃ nimittaṃ heturiti paryāyāḥ | vibhāvyante'nena 
vāgaṅgasattvābhinayā ityato vibhāvaḥ | yathā vibhāvitaṃ 
vijñātamityanarthāntaram |


bhāvayan āsvadayogyīkurvan bhāvaścittavṛttilakṣaṇa evocyate | sattvaṃ 
citaikāgryaṃ tajjanitaṃ ca kṛtakaṃ bāṣpādiprāptyavasthātmakaṃ ceti 
yathāyogaṃ mantavyam | tadantarbhūto'pi vaivarṇyātmā mukharāgaḥ 
prādhānyātpunaruktaḥ | yadvakṣyati -

śākhāṅgopāṅgasaṃyuktaḥ kṛto'pyabhinayaḥ śubhaḥ |
mukharāgavihīnastu naiva śobhānvito bhavet || (nā. śā. 8-165) iti |

athetikartavyatāṃ nirūpayituṃ saṅgrahaślokamāha - nānābhinayeti | 
rasanayogyān cittavṛttiviśeṣān bhāvayanti gamayanti bodhayanti buddhiviṣayān 
prāpayanti | imān sāmājikān | bhāvayatiḥ buddhyarthatvād dvikarmakaḥ | 
abhinayasahitānityabhinayā api buddhigocaraṃ nīyante | iyameva cāsau 
adhivāsanātmā bhāvanā tathā tathā rasān rasanayogyānnijena yogyena rūpeṇa 
bhāvayati yathā nirvedoparaktā ratirautsukyoparakteti | tathā 
rasānalaukikāsvādaviṣayān sthāyino'dhivasayati | laukikarativāsanānuviddho hi 
śṛṅgārasa ityādi |


p. 341)

atra ślokaḥ -

bahavo'rthā vibhāvyante vāgaṅgābhinayāśrayāḥ |
anena yasmāttenāyaṃ vibhāva iti saṃjñitaḥ || 4 ||

athānubhāva iti kasmāt | ucyate -

anubhāvyate'nena vāgaṅgasattvakṛto'bhinaya iti |

atra ślokaḥ -

vāgaṅgābhinayeneha yatastvartho'nubhāvyate |
śākhāṅgopāṅgasaṃyuktastvanubhāvastataḥ smṛtaḥ || 5 ||


vibhāvenāhṛta ityuktam - tatra yadyapi prakaraṇāccittavṛttyudbhavaheturviṣayo 
vibhāvaśabdasyārtha iti jñātam | tathāpi tatra pravṛttinimittaṃ jijñāsamānaḥ 
tadeva praśnayati - vibhāva itīti | kasmāt | ṛtumālyādayo'tra vibhāvaśabdena 
kimiti vyapadiṣṭā iti bhāvaḥ |

atrottaraṃ vibhāvyanta ityādi | vāgādayo'bhinayā yeṣāṃ 
sthāyivyabhicāriṇāṃ te vāgādyabhinayasahitā vibhāvyante viśiṣṭatayā 
jñāyante yaiste vibhāvāḥ | abhinayānāmanekahetujatvam | tadyathā - 
harṣādibhyo hāsaḥ | gharmadhūmarogādibhyo bāṣpaḥ | tadbās.pātkiṃ 
pratīyatām | vibhāvāttu jhaḍityeva niścayaḥ | ata eva.....

āśrayāḥ iti | āgaṅgābhinayadvāreṇaiva sthāyivyabhicāriṇāṃ pratīteḥ | ata 
eva vyācaṣṭe pratītihetava iti | vāgādyabhinayāśrayā eva santo vibhāvyante na tu 
nirāśrayā ekakā ityarthaḥ | yadi hi vāgādyabhinayā viśiṣṭatayā na jñāyante 
tadā sthāyivyabhicāriṇo'pi tathā na jñāyanta iti |


p. 342)

evaṃ te vibhāvānubhāvasaṃyuktā bhāvā iti vyākhyātāḥ | ato hyeṣāṃ 
bhāvānāṃ siddhirbhavati | tasmādeṣāṃ bhāvānāṃ 
vibhāvānubhāvasaṃyuktānāṃ 
lakṣaṇanidarśanānyabhivyākhyāsyāmaḥ | tatra vibhāvānubhāvau 
lokaprasiddhau | lokasvabhāvānugatatvācca tayorlakṣaṇaṃ 
nocyate'tiprasaṅganivṛttyartham | 

bhavati cātra ślokaḥ -

lokasvabhāvasaṃsiddhā lokayātrānugāminaḥ |
anubhāvā vibhāvāśca jñeyāstvabhinaye budhaiḥ || 6 ||

tatrāṣṭau bhāvāḥ sthāyinaḥ | trayastriṃśadvyabhicāriṇaḥ |

aṣṭau sāttvikā iti bhedāḥ | evamete kāvyarasābhivyaktihetava 
ekonapañcāśadbhāvāḥ pratyavagantavyāḥ | ebhyaśca 
sāmānyaguṇayogena rasā niṣpadyante |

atra ślokaḥ -

yo'rtho hṛdayasaṃvādī tasya bhāvo rasodbhavaḥ |
śarīraṃ vyāpyate tena śuṣkaṃ kāṣṭhamivāgninā || 7 ||


p. 343)

atrāha - yadi 
kāvyārthasaṃśritairvibhāvānubhāvavyañjitairekonapañcāśadbhāvaiḥ 
sāmānyaguṇayogenābhiniṣpadyante rasāstatkathaṃ sthāyina eva bhāvā 
rasatvamāpnuvanti (iti) | ucyante - (evametaditi |) yathā hi 
samānalakṣaṇāstulyapāṇipādodaraśarīrāḥ samānāṅgapratyaṅgā api 
puruṣāḥ kulaśīlavidyākarmaśilpavicakṣaṇatvādrājatvamāpnuvanti tatraiva 
cānye'lpabuddhayasteṣāmevānucarā bhavanti tathā 
vibhāvānubhāvavyabhicāriṇaḥ sthāyibhāvānupāśritā bhavanti | 
bahvāśrayatvātsvāmibhūtāḥ sthāyino bhāvāḥ | 
tadvatsthānīyapuruṣaguṇabhūtā anye bhāvāstānguṇatayā śrayante | 
sthāyibhāvā rasatvamāpnuvanti | parijanabhūtā vyabhicāriṇo bhāvāḥ | atrāha 
- ko dṛṣṭānta iti | yathā narendro bahujanaparivāro'pi sa eva nāma labhate 
nānyaḥ sumahānapi puruṣaḥ tathā vibhāvānubhāvavyabhicāriparivṛtaḥ sthāyī 
bhāvo rasanāma labhate |

bhavati cātra ślokaḥ -


p. 344)

yathā narāṇāṃ nṛpatiḥ śiṣyāṇāṃ ca yathā guruḥ |
evaṃ hi sarvabhāvānāṃ bhāvaḥ sthāyī mahāniha || 8 ||

lakṣaṇaṃ khalu pūrvamabhihitameṣāṃ rasasaṃjñakānām | idānīṃ 
bhāvasāmānyalakṣaṇamabhidhāsyāmaḥ | tatra 
sthāyibhāvānvakṣyāmaḥ -

ratirnāma pramodātmikā 
.
rtumālyānulepanābharaṇabhojanavarabhavanānubhavanāprātikūlyādib
hirvibhāvaiḥ samutpadyate | 
tāmabhinayetsmitavadanamadhurakathanabhrūkṣepakaṭākṣādibhiranubhā
vaiḥ |

atra ślokaḥ -

iṣṭārthaviṣayaprāptyā ratirityupajāyate |
saumyatvādabhineyā sā vāṅmādhuryāṅgaceṣṭitaiḥ || 9 ||

hāso nāma - 
paraceṣṭānukaraṇakuhakāsambaddhapralāpapaurobhāgyamaurkhyādi-
bhirvibhāvaiḥ samutpadyate | 
tamabhinayetpūrvoktairhasitādibhiranubhāvaiḥ | bhavati cātra ślokaḥ -

p. 345)

paraceṣṭānukaraṇāddhāsaḥ samupajāyate |
smitahāsātihasitairabhineyaḥ sa paṇḍitaiḥ || 10 ||

śoko nāma - 
iṣṭajanaviyogavibhavanāśavadhabandhaduḥkhānubhavanādibhirvibhāvaiḥ 
samutpadyate | 
tasyāsrapātaparidevitavilapitavaivarṇyasvarabhedasrastagātratābhūmipatan
asasvanaruditākranditadīrghaniḥśvasitajaḍatonmādamohamaraṇādibhiran
ubhāvaira-bhinayaḥ prayoktavyaḥ |

ruditamatra trividham - ānandajamārtijamīrṣyāsamudbhavaṃ ceti | bhavanti 
cātrāryāḥ -

(ānande'pyārtikṛtaṃ trividhaṃ ruditaṃ sadā budhairjñeyam |
tasya tvabhinayayogānvibhāvagatitaḥ pravakṣyāmi ||)

harṣotphullakapolaṃ sānusmaraṇādapāṅgavisṛtāsram |
romāñcagātramanibhṛtamānandasamudbhavaṃ bhavati || 11 ||

paryāptavimuktāsraṃ sasvanamasvasthagātragaticeṣṭam |
bhūminipātanivartitavilapitamityārtijaṃ bhavati || 12 ||

p. 346)

prasphuritauṣṭhakapolaṃ saśiraḥkampaṃ tathā saniḥśvāsam |
bhrukuṭīkaṭākṣakuṭiala strīṇāmīrṣyākṛtaṃ bhavati || 13 ||

strīnīcaprakṛtiṣveṣa śoko vyasanasambhavaḥ |
dhairyeṇottamamadhyānāṃ nīcānāṃ ruditena ca || 14 ||

krodho nāma - ādharṣaṇākruṣṭakalahavivādapratikūlādibhirvibhāvaiḥ 
samutpadyate | asya 
vikṛṣṭanāsāpuṭodvṛttanayanasandaṣṭoṣṭhapuṭagaṇḍasphuraṇādibhiranu
-bhāvairabhinayaḥ prayoktavyaḥ |

ripujo gurujaścaiva praṇayiprabhavastathā |
bhṛtyajaḥ kṛtakaśceti krodhaḥ pañcavidhaḥ smṛtaḥ || 15 ||

atrāryā bhavanti -

bhrukuṭīkuṭilotkaṭamukhaḥ sandaṣṭoṣṭhaḥ spṛśankaraṇena karam |
kruddhaḥ svabhujaprekṣī śatrau niryantraṇaṃ ruṣyet || 16 ||

kiñcidavāṅmukhadṛṣṭiḥ sāsrasvedāpamārjanaparaśca |
avyaktolbaṇaceṣṭo gurau vinayayantrito ruṣyet || 17 ||

p. 347)

alpatarapravicāro vikirannaśrūṇyapāṅgavikṣepaiḥ |
sabhrukuṭīsphuritoṣṭhaḥ praṇayopagatāṃ priyāṃ ruṣyet || 18 ||

atha parijane tu roṣastarjananirbhartsanākṣivistāraiḥ |
viprekṣaṇaiśca vividhairabhineyaḥ krūratārahitaḥ || 19 ||

kāraṇamavekṣamāṇaḥ prāyeṇāyāsaliṅgasaṃyuktaḥ |
vīrarasāntaracārī kāryaḥ kṛtako bhavati kopaḥ || 20 ||

utsāho nāma - uttamaprakṛtiḥ | sa 
cāviṣādaśaktidhairyaśauryādibhirvibhāvairutpadyate | tasya 
dhairyātyāgavaiśāradyādibhiranubhāvairabhinayaḥ prayoktavyaḥ |

atra ślokaḥ -

asammohādibhirvyakto vyavasāyanayātmakaḥ |
utsāhastvabhineyaḥ syādapramādotthitādibhiḥ || 21 ||

bhayaṃ nāma - strīnīcaprakṛtikam | 
gururājāparādhaśvāpadaśūnyāgārāṭavīparvatagahanagajāhidarśan
anirbhartsanakāntāradurdinaniśāndhakārolakanaktañcarārāvaśravaṇa
adibhirvibhāvaiḥ samutpadyate | tasya prakampitakaracaraṇa-

p. 348)

hṛdayakampanastambhamukhaśoṣajihvāparilehanasvedavepathutrāsaparitrā
ṇānveṣaṇadhāvanotkruṣṭādibhiranubhāvairabhinayaḥ prayoktavyaḥ |

atra ślokā -

gururājāparādhena raudrāṇāṃ cāpi darśanāt |
śravaṇādapi ghorāṇāṃ bhayaṃ mohena jāyate || 22 ||

gātrakampanavitrāsairvaktraśoṣaṇasambhramaiḥ |
visphāritekṣaṇaiḥ kāryamabhineyakriyāguṇaiḥ || 23 ||

sattvavitrāsanodbhūtaṃ bhayamutpadyate nṛṇām |
srastā"gākṣinimeṣaistadabhineyaṃ tu nartakaiḥ || 24 ||

atrāryā bhavati -

karacaraṇahṛdayakampairmukhaśoṣaṇavadanalehanastambhaiḥ |
sambhrāntavadanavepathusantrāsakṛtairabhinayo'sya || 25 ||

jugupsā nāma - strīnīcaprakṛtikā | sā 
cāhṛdyadarśanaśravaṇādibhirvibhāvaiḥ samutpadyate | tasyāḥ 
sarvāṅgasaṅkocaniṣṭhīvanamukhavikūṇanahṛllekhādibhiranubhāvairab
hinayaḥ prayoktavyaḥ |

p. 349)

bhavati cātra śloka -

nāsāpracchādaneneha gātrasaṅkocanena ca |
udvejanaiḥ sahṛllekhairjugupsāmabhinirdiśet || 26 ||

vismayo nāma - 
māyendrajālamānuṣakarmātiśayacitrapustaśilpavidyātiśayādibhirvibha
avaiḥ samutpadyate | tasya 
nayanavistārānimeṣaprekṣitabhrūkṣeparomaharṣaṇaśiraḥkampasādhuva
adādi-bhiranubhāvairabhinayaḥ prayoktavyaḥ |

bhavati cātra ślokaḥ -

karmātiśayanirvṛtto vismayo harṣasambhavaḥ |
siddhisthāne tvasau sādhyaḥ praharṣapulakādibhiḥ || 27 ||

evamete sthāyino bhāvā rasasaṃjñāḥ pratyavagantavyāḥ |

vyabhicāriṇa idānīṃ vyākhyāsyāmaḥ | atrāha - vyabhicāriṇa iti kasmāt 
| ucyate - vi abhi ityetāvupasargau | cara iti gatyartho dhātuḥ | 
vividhamābhimukhyena raseṣu carantīti vyabhicāriṇaḥ | 
vāgaṅgasattvopetāḥ prayoge rasānnayantīti vyabhicāriṇaḥ | atrāha - 
kathaṃ 

p. 350)

nayantīti | ucyate - lokasiddhānta eṣaḥ - yathā sūrya idaṃ dinaṃ 
nakṣatraṃ vā nayatīti | na ca tena bāhubhyāṃ skandhena vā nīyate | kiṃ tu 
lokaprasiddhametat | yathedaṃ sūryao nakṣatraṃ dinaṃ vā nayatīti | evamete 
vyabhicāriṇa ityavagantavyāḥ | tānīha 
saṅgrahābhihitāṃstrayastriṃśadvyabhicāriṇo bhāvān varṇayiṣyāmaḥ 
|

tatra nirvedo nāma - 
dāridryavyādhyavamānādhikṣepākruṣṭakrodhatāḍaneṣṭajanaviyotattvaj
ñānādibhiribhāvaiḥ ... samutpadyate strīnīcakusattvānām | 
ruditaniḥśvasitocchvasitasampradhāraṇādibhiranubhāvaistamabhinayet |

bhavati cātra śloka -

dāridryeṣṭaviyogādyaiḥ nirvedo nāma jāyate |
sampradhāraṇaniḥśvāsaistasya tvabhinayo bhavet || 28 ||

atrānuvaṃśye ārye bhavataḥ -

iṣṭajanaviprayogāddāridryādvyādhitastathā duḥkhāt |
paravṛddhiṃ vā dṛṣṭvā nirvedo nāma sambhavati || 29 ||

p. 351)

bāṣpapariplutanayanaḥ punaḥ punaḥ śvāsadīnaukhanetraḥ |
yogīva dhyānaparo bhavati hi nirvedavānpuruṣaḥ || 30 ||

glānirnāma - 
vāntaviriktavyādhitaponiyamopavāsamanastāpātipānamadanamadyasevana
ativyāyāmādhvagamanakṣutpipāsānidrācchedādibhirvibhāvaiḥ 
samutpadyate | tasyāḥ 
kṣāmavākyanayanakapolamandapadotkṣepaṇavepanānutsāhatanugātravaiv
arṇyasvarabhedādibhiranubhāvairabhinayaḥ prayoktavyaḥ | atrānuvaṃśye 
ārye bhavataḥ -

vāntaviriktavyādhiṣu tapasā jarasā ca jāyate glāniḥ |
kārśyena sābhineyā mandabhramaṇena kampena || 31 ||


nirveda iti dāridryavyādhyādikāraṇajanyo ruditaniḥśvasitādīnāṃ kāraṇaṃ 
manovikāro duḥkharūpo bhāvaviśeṣaḥ | śeṣeṣvapyevaṃ vivṛtiḥ | 
tattvajñānaṃ ciraṃ bhrāntyā guṇitahānopādānādiprabandhasya 
bhramanivṛttau satyāṃ dhiṅmāṃ vṛthā bhrāntamiti nirvedaṃ janayati | yathā -

vṛthā dugdho'naḍvāna stanabharanatā gauriti ciraṃ
pariṣvaktaḥ ṣaṇḍho yuvatiriti lāvaṇyarahitaḥ |
kṛtā vaiḍūryāśā vikacakiraṇe kācaśakale
mayā mūḍhena tvāṃ kṛpaṇamaguṇajñaṃ praṇamatā |

sampradhāraṇaṃ yadyapi vitarko bhāvāntaraṃ tathāpi 
tadanubhāvānāmatrānubhāvatvaṃ mantavyam | na tu vyabhicārī 
vyabhicāryantareṇa yujyate iti | dṛṣṭvā nirvedaḥ sambhavatīti 
kṛdantanirvedaśabdāntargatakriyāpekṣaṃ dṛśestulyakartṛkatvamiti 
ktvāpratyayaḥ | nirvedavān puruṣa iti matupā idaṃ darśayati na khalvamī 
nirvedādayaḥ idantayā ghaṭādivadavabhāsante'pi tu ahaṃ nirviṇṇa ityāśraya 
pāratantryeṇaiva | vivekena tūddhriyante yasmin satyeva pratītiḥ sa āntaro vikāro 
nirvedaḥ | evamanyatra | ayaṃ ca nirvedaḥ svayaṃ puruṣārthasiddhaye 
votsāharatyādivadatyantānurañjanāya vā hāsavismayādivanna 
prabhavatītyanyamukhaprekṣitvād vyabhicāryeva | evaṃ śeṣeṣvapi vācyam |

vāntaṃ viriktamiti bhāve ktaḥ | madanasevanaṃ suratasevā | vākyaṃ nayane 
kapolau 


p. 352)

gaditaiḥ kṣāmakṣāmairnetravikāraiśca dīnasañcāraiḥ |
ślthabhāvenāṅgānāṃ muhurmuhurnirdiśedglānim || 32 ||

śaṅkā nāma - sandehātmikā strīnīcaprabhavā | 
cauryābhigrahaṇanṛpāparādhapāpakarmakaraṇādibhirvibhāvaiḥsamutp
adyate | 
tasyāmuhurmuhuravalokanāvakuṇṭhanamukhaśoṣaṇajihvāparilehanamukh
avaivarṇyasvarabhedavepathuśuṣkoṣṭhakaṇṭhavāyasasādharmyādibhiranu
bhāvairabhinayaḥ prayoktaḥ |

cauryādijanitā śaṅkā prāyaḥ kāryā bhayānake |
priyavyalīkajanitā tathā śṛṅgāriṇī matā || 33 ||


ceti kṣāmāṇi | vākyasya kṣāmatvaṃ svarasya nīvatvāt | mandaṃ kṛtvā 
padotkṣepaṇaṃ tatsahacaritaṃ nikṣepaṇamapi | vāntetyādinimittasaptamī | 
muhurmuhuriti | sajātīyacittavṛttipravāhamātre vyabhicāriṇāṃ bhavatyapi 
naikasya ciramavasthānamiti sūcayati |

cauryābhigrahaṇa iti | yadā cauryeṇānye parigṛhīnā vijñātāstadā tatsahāyasya 
tadānīmarigṛhītasyāpyanarthasaṃśayasvabhāvā śaṅkā jāyate | 
cauryagrahaṇamakāryopalakṣaṇam | tena ye samānamakāryaṃ 
kṛtavantastanmadhyādanyatamaparigrahe'nyasya tathātvenā'jñātasyā'pi 
śaṅkā jāyata ityuktaṃ bhavati | tena nṛpāparādhādipradarśanamasyaiva 
prapañcaḥ | strīnīcānām iti | strīṇāmuttamasvabhāvānāṃ yadyapyakāryaṃ 
nāsti adhamānāṃ tu nīca grahaṇādeva saṅgrastathāpi 
strīgrahaṇamakṛtapāpānāmapi strīṇāmanyatra sāparādhe parigṛhīte manasi 
śaṅkā jāyata eva | bhayaśeṣabhūtatvādasyā bhīrusvabhāvatvācca tāsāmiti 
pradarśanārtham |

evaṃ vibhāvikā śaṅkā strīnīcānāmiti 
darśayannāyikāntaraparicayādyaparādhajanitā uttamānāmapi śaṅkā bhavatīti 
darśayati | na hyatra vibhāvā eta evaeti niyamaḥ | nāpyebhyo vibhāvebhyaḥ 
śaṅkaiva sāpyebhyo bhavatyeva śaṅketi | kiṃ tu śaṅkā tāvat svasāmagrītaḥ 
pratyātmavedyā jāyate | tanmadhye caiṣāmastyanupraveśa itīhocyate | ata eva 
yā'nyagatatvena śaṅkā yathā samudradattasya nandayantyāmanurāgaśaṅkā 
(puṣpadūṣitakaprakaraṇe) duryodhanasya vā bhānumatyāṃ (veṇīsaṃhāre) 
sā'pīha śaṅkātvena parigṛhītaiva | kevalamatyantānaucityamatra nāyakasyeti 
naivaṃvidhaṃ varṇanocitaṃ bhavati |


p. 353)

atrākārasaṃvaraṇamapi kecidicchanti | tacca 
kuśalairupādhibhiriṅgitaiścopalakṣyam |

atrārye bhavata -

dvividhā śaṅkā kāryā hyātmasamutthā ca parasamutthā ca |
yā tatrātmasamutthā sā jñeyā dṛṣṭiceṣṭābhiḥ || 34 ||

kiñcitpravepitāṅgastvadhomukho vīkṣate ca pārśvāni |
gurusajjamānajihvaḥ śyāmāsyaḥ śaṅkitaḥ puruṣaḥ || 35 ||

asūyā nāma - 
nānāparādhadveṣaparaiśvaryasaubhāgyamedhāvidyālīlādibhirvibhāvai
ḥ samutpadyate | tasyāśca pariṣadi 
doṣaprakhyāpanaguṇopaghāterṣyācakṣuḥpradānādhomukhabhrukuṭīkri
yāvajñānakutsanādibhiranubhāvairabhinayaḥ prayoktavyaḥ |


ākārasaṃvaraṇam iti | avahitthe yad bāhulyena dṛśyate tadatrāpīti | 
tadanubhāvayogamāha - yadi vā'vahitthamatra bhavatīti pradarśayatyatra sthāyini 
śaṅkā vyabhicāritāmeti tatra niyamenā'vahitthamapīti pradarśyate | na tu 
vyabhicāriṇi vyabhicāryantaram | evaṃ hi sati tasminyadanyadityādi śṛṅkhalayā 
tadādyaṃ vyabhicāritvaṃ yāyāt | yathā śaṅkāyāṃ cintā tatrāpi nirvedastatra 
glānistatrālasyamityādi | evaṃ sarvatra vyabhivārilakṣaṇe 
vyabhicāryantaropādānaṃ vyākhyeyam | kecidityanenedamāha - 
vastusaṃvaraṇaṃ kathaṃ śaṅkāṃ gamayatītyāśaṅkyāha - tacca iti | 
upādhayaḥ saṃvaraṇopāyāḥ kathāvicchedātikathanādayaḥ | upādhīyate 
ācchādyate prakṛtaṃ yairiti | upādhīyante'nyatra prastāve yojyanta iti vā | 
iṅgitānyaṅgopāṅgaparispandāḥ sūkṣmā ye saṃvarītuṃ na pāryante 
saṃvaraṇasya ca prāgbhāvinaḥ saṃvivarīpitāste gṛhyante tairupādhyādibhiḥ 
karaṇabhūtaiḥ kuśalaiḥ kartṛbhistadākārasaṃvaraṇaṃ 
śaṅkānubhāvatvenopalakṣayituṃ śakyameva |

dvividheti | yadanyairuktamatra dvaividhyaṃ tat sarvavyabhicāriṇāmasti | 
svātmagato hi nirvedaḥ kadācit paragato dṛṣṭiceṣṭādyupalakṣyaḥ ahaṃ 
nirviṇṇo'yaṃ nirviṇṇa iti pratyayāt | tasmādayamatrārthaḥ ātmaśabdena 
svātmagato'parādha ucyate paraśabdena paragato'parādhaḥ | tatra 
paragate'parādhe'sambhāvyamāne'pi kutaścinnimittāt 
sambhāvanāpadavīmupeyuṣi yā śaṅkā yathā nandayantyāṃ darśitā seha 
parotthā vivakṣitā | etaduktaṃ bhavati | sa eva vibhāvāḥ svātmani śaṅkāṃ 
sambhāvyamānadaṇḍanādiviṣayāṃ janayanti | ta eva kadācit 
svarupakarmikāmapi śaṅkā sambhāvyamānadaṇḍānādiviṣayāṃ janayanti | ta 
eva kadācit svarūpakarmkāmapi śaṅkāṃ janayanti kiṃ cauro'yaṃ syāditi | 
nanu tathāpi kathaṃ paratra cauryādyāśaṅkā jāyata ityāha - dṛṣṭiceṣṭābhiḥ 
iti | sa hi yadā paraḥ kṛtāparādha ivāvalokayati ceṣṭate vā 
kutaścidaprāgalbhyabhīrutvasvabhāvādernimittāntarāttadā sāparādhā 
bhavatvanyathā vā tatra tu cauryādyaparādhaviṣayā śaṅkā jāyata iti | 
pārśvāni iti | jasā punaḥ punaralokanaṃ darśayati | etadeva ca 
vāyasasādharmyam |


p. 354)

atrārye bhavataḥ -

parasaubhāgyeśvaratāmedhālīlāsamucchrayāndṛṣṭvā |
utpadyate hyasūyā kṛtāparādho bhavedyaśca || 36 ||

bhrukuṭikuṭilotkaṭamukhaiḥ serṣyākrodhaparivṛttanetraiśca |
guṇanāśanavidveṣaistatrābhinayaḥ prayoktavyaḥ || 37 ||

mado nāma - madyopayogādutpadyate | sa ca trividhaḥ pañcavidhabhāvaśca 
|

atrāryā bhavanti -

jñeyastu madastrividhastaruṇo madhyastathāvakṛṣṭaśca |
karaṇaṃ pañcavidhaṃ syāttasyābhinayaḥ prayoktavyaḥ || 38 ||

kaścinmatto gāyati roditi kaścittathā hasati kaścit |
paruṣavacanābhidhāyi kaścitkaścittathā svapiti || 39 ||

uttamasattvaḥ śete hasati ca gāyati ca madhyamaprakṛtiḥ |
paruṣavacanābhidhāyī rodityapi cādhamaprakṛtiḥ || 40 ||

smitavacanamadhurarāgo hṛṣṭatanuḥ kiñcidākulitavākyaḥ |
sukumārāviddhagatistaruṇamadastūttamaprakṛtiḥ || 41 ||

skhalitāghūrṇitanayanaḥ srastavyākulitabāhuvikṣepaḥ |
kuṭilavyāviddhagatirmadhyamado madhyamaprakṛtiḥ || 42 ||

naṣṭasmṛtirhatagatiścharditahikkākaphaiḥ subībhatsaḥ |
gurusajjamānajihvo niṣṭhīvati cādhamaprakṛtiḥ || 43 ||


guṇo nāśyate doṣīkriyate yena vacanena tattathoktam | yathā tapojapaniyate 
dāmbhiko'yamiti |

avakṛṣṭo nikṛṣṭa ityarthaḥ | karaṇaṃ kriyā ceṣṭā | tena yaiva pañcavidhā 
ceṣṭā sa eva madasyābhinayaḥ | sa eva ca bhāvaśabdena sūtre kathitaḥ | 
tacceṣṭāpañcakamāha - kaścidityādinā | harṣaśokahāsakrodhamohānāṃ 
madenaikasthāyikatvaṃ darśayati |


p. 355)

raṅge pibataḥ kāryā madavṛddirnāṭyayogamāsādya |
kāryo madakṣayo vai yaḥ khalu pītvā praviṣṭaḥ syāt || 44 ||

santrāsācchokādvā bhayātpraharṣācca kāraṇpagatāt |
utkramyāpi hi kāryo madapraṇāśaḥ kramāttajjñaiḥ || 45 ||

ebhirbhāvaviśeṣairmado drutaṃ sampraṇāśaupayāti |
abhyudayasukhairvākyairyathaiva śokaḥ kṣayaṃ yāti || 46 ||

śramo nāma - adhvavyāyāmasevanādibhirvibhāvaiḥ samutpadyate | tasya 
gātraparimardanasaṃvāhananiḥśvasitavijṛmbhitamandapadotkṣepaṇanayan
avadanavikūṇanasītkarādibhiranubhāvairabhinayaḥ prayoktavyaḥ |

atrāryā-

nṛttādhvavyāyāmānnarasya sañjāyate śramo nāma |
niḥśvāsakhedagamanaistasyābhinayaḥ prayoktavyaḥ || 47 ||


prakṛtibhedena uttamastaruṇamada eva madhyamasya madhyama ityatra na niyamaḥ 
kaścit | adhamaprakṛtireva tu naṣṭasmṛtyādisvabhāva iti | anena ca taruṇo madaḥ 
sarveṣāṃ madhyamo madhyanīcayorutkṛṣṭo nīcasyaiveti darśitaṃ bhavati | śeta 
ityatipāne satītyarthaḥ | hṛṣṭā saromāñcā tanurasyāḥ | sukumāraṃ kṛtvā 
āviddhā īṣat skhalantītyarthaḥ | kavinaṭopadeśāyāha | raṅge pibata iti | 
kāraṇayā preraṇayā prayatnakṛtayā santrāsādinimittajñāpanayā upagata 
āyātḥ | etaduktaṃ bhavati - trāsādinimittameva madādajānan kathaṃ 
trāsādinā kṣīṇamadaḥ syāttasmāttannimittaparijñānaṃ yatnato vidheyamiti | 
drutamityanenotkramyeti darśitaṃ kramatyāgaṃ vyācaṣṭe | prasaṅgādanyadapi 
evaṃjātīyakaṃ darśayati | abhyudayasukhairiti | abhyudayena vācyena sukhayantīti 
tathoktāni | vākyagrahaṇaṃ pramāṇopalakṣaṇam |


p. 356)

ālasyaṃ nām - 
khedavyādhigarbhasvabhāvaśramasauhityādibhirvibhāvaiḥ samutpadyate 
strīnīcānām | 
tadabhinayetsarvakarmānabhilāpaśayanāsananidrātandrīsevanādibhiranu
bhāvaiḥ |

atrāryā -

ālasyaṃ tvabhineyaṃ khedopagataṃ svabhāvajaṃ cāpi |
āhāravarjitānāmārambhāṇāmanārambhāt || 48 ||

dainyaṃ nāma - daurgatyamanastāpādibhirvibhāvaiḥ samutpadyate | 
tasyādhṛtiśirorogagātragauravānyamanaskatāmṛjāparivarjanādibhiranu-
bhāvairabhinayaḥ prayoktavyaḥ |

atrāryā -

cintautsukyasamutthā duḥkhādyā bhavati dīnatā puṃsām |
sarvamṛjāparihārairvividho'bhinayo bhavettasya || 49 ||

cintā nāma - 
aiśvaryabhraṃśeṣṭadravyāpahāradāridryādibhirvibhāvairutpadyate | 
tāmabhinayenniḥśvasitocchvasitasantāpadhyānādhomukhacintanatanukār"
syādibhiranubhāvaiḥ |

atrārye bhavataḥ -

aiśvaryabhraṃśeṣṭadravyakṣayajā bahuprakārā tu |
hṛdayavitarkopagatā nṛṇāṃ cintā samudbhavati || 50 ||


kheda iti śramo vivakṣitastena bhāvo bhāvāntare vibhāvatāṃ pratipadyata eveti 
darśitam | sauhityamatitṛptatā | āhāravarjitānāmiti | alaso'pi 
hyavaśyamāhāraṃ karotyeva | 
ārambhāścaturvargopāyapravṛttayasteṣāmanārambheṇa ārambhavyatiriktena 
śayanasevanādinetyarthaḥ | 

mṛjā śarīrasaṃskāraḥ |

aiśvaryabhraṃśastātkālikaḥ | dāridryaṃ tu kulakramāyātamapi bhavatīti 
viśeṣaḥ | cintanaṃ smaraṇamiti mantavyam | cintānusmṛteranyaiva | citi 
smṛtyāmityādi


p. 357)

socchvāsairniḥśvasitaiḥ santāpaiścaiva hṛdayaśūnyatayā |
abhinetavyā cintā mṛjāvihīnairadhṛtyā ca || 51 ||

moho nāma - 
daivopaghātavyasanābhighātavyādhibhayāvegapūrvavairānusmaraṇādib
hirvibhāvaiḥ samutpadyate | tasya 
niścaitanyabhramaṇapatanāghūrṇanādarśanādibhiranubhāvairabhinaya.
h prayoktavyaḥ |

atra ślokastāvadāryā ca -

asthāne taskarāndṛṣṭvā trāsanairvividhairapi |
tatpratīkāraśūnyasya mohaḥ samupajāyate || 52 ||

vyasanābhighātabhayapūrvavairasaṃsmaraṇarogajo mohaḥ |
sarvendriyasammohāttasyābhinayaḥ prayoktavyaḥ || 53 ||

smṛtirnāma - sukhaduḥkhakṛtānāṃ bhāvānāmanusmaraṇam | sā ca 
svāsthyajaghanyarātrinidrācchedasamānadarśanodāharaṇacintābhyāsā
di-bhirvibhāvaiḥ samutpadyate | 
tāmabhinayecchiraḥkampanāvalokanabhrūsamunnamanādibhiranubhāvaiḥ 
| atrārye bhavataḥ -


tvadūraviprakarṣeṇārthanirdeśaḥ | sarvadhātūnāṃ hyartho'nyo'nyato bhidyata 
eva | tathā hi kheḷ gatāviti yadyapi paṭhyate tathā'pi savilāsagamanameva 
viśiṣṭaṃ khelanamiti prasiddha khekhelagāmītyādau | grasanaṃ ca 
akramakagarvakrodhāveśanirbharanigaraṇaviśiṣṭamadanaṃ na tvadanamātram | 
evamanyatrāvadheyam | hṛdaye vitarkasyopagamo yasyāḥ sakāśād 
vitarkādvopagamo yasyāḥ | anena cintāyāḥ pūrvottarakakṣyayorvitarko bhavatīti 
śikṣayati |

daivopaghāto'gnyudakādyupadravaḥ | vyasanaṃ pīḍādi | tatkṛto'bhighāta iti 
kecit | abhighātastu marmaprahārādiḥ pṛthageva puṣkalārthaḥ | bhāvāntarampi 
vibhāvatāmetītyāśayenāhabhayeti | vyabhicāriṇi ca sthāyībhāvo yadyapi 
vibhāva eva | tathāpi bhayagrahaṇaṃ bhaye mohasya bāhulyasūcanārtham | 
bhramaṇamanavasthānaṃ cittasya ghūrṇanaṃ nu dehasya | 
tatpratīkāraśūnyasyetyanena mohasya prāgavasthāṃ 
kiṃkartavyatālakṣaṇāmapi mohaśabdavācyāṃ darśayati 
sarvendriyasammohādityanenāntarasya saṃvedanasya mūḍhe'pyanaṣṭatāṃ 
darśayanmohasya cittāpattirūpatāmāha |

sukhaduḥkhayoḥ kṛtaṃ niṣpattiryatasteṣāmityanena 
smṛteraśeṣaviṣayavyāpakatāmāha - jaghanyaḥ paścimo rātrerbhāgaḥ | 
dhātusāmyakārīti smṛtiheturyathoktaṃ - rātriyāmasturīyaḥ kālaḥ (vāmana-
kāvyālaṅkārasūtravṛttau) iti | nidrācchedo'rdharātrādāvapi | sadṛśasya 
darśanaṃ śravaṇaṃ vā  cintā praṇidhānam | abhyāsaḥ punaḥpunaḥ 
pariśīlanaṃ avalokanamiti 


p. 358)

sukhaduḥkhamatikrāntaṃ tathā mativibhāvitaṃ yathāvṛttam |
ciravismṛtaṃ smarati yaḥ smṛtimāniti veditavyo'sau || 54 ||

svāsthyābhyāsasamutthā śrutidarśanasambhavā smṛtirnipuṇaiḥ |
śiraudvāhanakampairbhrūkṣepaiścābhinetavyā || 55 ||

dhṛtirnāma - 
śauryavijñānaśrutivibhavaśaucācāragurubhaktyadhikamanorathārthalā
bhakrīḍādibhirvibhāvaiḥ samutpadyate | tāmabhinayetprāptānāṃ 
viṣayāṇāmupabhogādaprāptātītopahatavinaṣṭānāmananuśocanādibhi
ranu-bhāvaiḥ |

atrārye bhavataḥ -

vijñānaśaucavibhavaśrutiśaktisamudbhavā dhṛtiḥ sadbhiḥ |
bhayaśokaviṣādādyai rahitā tu sadā prayoktavyā || 56 ||

prāptānāmupabhogaḥ śabdarasasparśarūpagandhānām |
aprāptaiśca na śoko yasyāṃ hi bhaveddhṛtiḥ sā tu || 57 ||


sadṛśasya | sukhaduḥkhamiti tajjanakamityarthaḥ | vibhāvitamiti 
paṭupratyayaparigṛhītatvamāha | 

vijñānaṃ vivekajñānaṃ śrutavibhavo bāhuśrutyaṃ śaucācaraṇaṃ 
tapaḥsevādi adhikasyārthasya manorathāviṣayasya lābhaḥ manorathasya cārthasya 
lābhaḥ manoratha īpsitaḥ | mana ea rathaḥ prāptyupāyo yasmin atra 
kasyacidviṣaytā īpsitalābhe hi dhṛto bhavati saṃtuṣṭatvāt | kasyacit karaṇatā 
krīḍayā vinodyamāno duḥkhito dhṛtiṃ labhate | kasyacidubhayarūpatā 
vijñānaśrutavibhavāderiva prāptānāṃ viṣayāṇāmupabhogamavalambya 
yadaprāptādīnāmananuśocanaṃ tadādibhiranubhāvairit sambandhaḥ tena 
prāptopabhogapūrvakatvaṃ sarveṣāmanubhāvānāmityuktaṃ bhavati | na tu 
pṛthaganubhāvatā prāptabhogasya | aprāptaḥ sthito'pi tasyā'viṣaya atītaḥ 
sthito'pi tadviṣayatvādapagataḥ | upahato jīrṇādirūpatāṃ prāptaḥ | vinaṣṭo 
dhvastaḥ |


p. 359)

vrīḍā nāma - akāryakaraṇātmikā | sā ca 
guruyatikrāṇāvajñānapratijñātānirvahaṇapaścāttāpādibhirvibhāvai
ḥ samutpadyate | tā 
nigūḍhavadanādhomukhavicintanorvīlekhanavastrāṅgulīyakasparśananak
ha-nikṛntanādibhiranubhāvairabhinayet |

atrārye bhavataḥ -

kiñcidakāryaṃ kurvannevaṃ yo dṛśyate śucibhiranyaiḥ |
paścāttāpena yuto vrīḍita iti veditavyo'sau || 58 ||

lajjānigūḍhavadano bhūmiṃ vilikhannakhāṃśca vinikṛntan |
vastāṅgulīyakānāṃ saṃsparśaṃ vrīḍitaḥ kuryāt || 59 ||

capalatā nāma - 
rāgadveṣamātsaryāmarṣerṣyāpratikūlādibhirvibhāvaiḥ samutpadyate | 
tasyāśca 
vākpāruṣyanirbhartsanavadhabandhasamprahāratāḍanādibhiranubhāvair
abhinayaḥ prayoktaḥ |

atrāryā bhavati -


akāryakaraṇaśabdena tajjñānamucyate | akaraṇīyaṃ mayaivaṃ 
kṛtamityevaṃbhūtavijñānasvabhāvetyarthaḥ | ataḥ eva 
strībālāderapūrvapurusṣasannidhau lajjā dṛṣṭā vināpyakāryakaraṇāt | 
akāryakaraṇādātmā yasya ityanye | tatpakṣe ca 
guruvyatikramaṇādiprapañcamātraṃ yat pūrvaṃ svayaṃ tyaktaṃ 
paścāttāpaṃ karoti tato vivekavato lajjā bhavati | pūrvāparavicāraśūnyaṃ 
māṃ lokaḥ kalayatīti vilekhanaṃ bhūmyādeḥ | śucibhiriti 
ucitakāryakāribhityarthaḥ | akāryakāriṇāṃ tu madhye mayaivākāryaṃ kṛtamiti 
na bhavati saṃvit | paścādyastāpo mānaso vivekaḥ sa hi tadā 
kṛtasyotpuṃsanāyogāt kevalaṃ tāpayatyeva | vinikṛntan kuryāditi nātra 
śatrānubhāvayaugapadyaṃ dyotyate kintu nakhādīni nikṛntati vastrādīni vā 
spṛśatītyevaṃ spaṣṭametat |


p. 360)

avimṛśya tu yaḥ kārya puruṣo vadhatāḍanaṃ samārabhate |
aviniścitkāritvātsa tu khalu capalo budhairjñeyaḥ || 60 ||

harṣo nāma - 
manorathalābheṣṭajanasamāgamanamanaḥparitoṣadevagururājabhartṛpras
ādabhojanācchādanalābhopabhogādibhirvibhāvaiḥ samutpadyate | 
tamabhinayennayanādanaprasādapriyabhāṣaṇāliṅganakaṇṭakitapulakitās
rasvedādibhiranubhāvaiḥ |

atrārye bhavataḥ -

aprāpye prāpye vā labdhe'rthe priyasamāgame vā'pi |
hṛdayamanorathalābhe harṣaḥ sañjāyate puṃsām || 61 ||

nayanavadanaprasādapriyabhāṣāliṅganaiśca romāñcaiḥ |
lalitaiścāṅgavihāraiḥ svedādyairabhinayastasya || 62 ||


vadhatāḍanamiti | yat pāparūpaṃ sahasā na karaṇārhaṃ tadapītyanenānyadapi 
sūcitam | sa khalu capala iti tenā'vimṛśyā'paryālocya sa kāryakaraṇaṃ 
cāpalyamiti yāvat | paritoṣa iti | putrādigatasya harṣasya harṣakāraṇatvaṃ vadan 
niḥsajātīyo'pi bhāvo'nyagato bhāvasya kāraṇaṃ bhavatyeva yathā rāmagato 
nirvedacintādirlakṣmaṇasya nirvedacintādyutpattau heturiti sūcayati | aprāpya iti 
asambhāvanīyaprāptike ityarthaḥ | hṛdayaṃ yadyatra vastuni sārabhūtaṃ 
tallābhe harṣa utpadyate | tadyathā suvarṇārthino deśānatarāṇi 
bhrāmyato'nantasuvarṇamūlyaratnalābhe manorathasya tu 
hṛdayagrahaṇamāṅgikavyāpārāṇāṃ vyudāsāyeti tu na yuktaṃ teṣāṃ 
manoratheṣvasambhāvyatvāt |


p. 361)

āvego nāma - 
utpātavātavarṣāgnikuñjarodbhramaṇapraiyāpriyaśravaṇavyasanābhigha
atādi-bhirvibhāvaiḥ samutpadyate | tatrotpātakṛto nāma 
vidyudulkānirghātaprapatanacandrasūryoparāgaketudarśanakṛtaḥ | 
tamabhinayetsarvāṅgasrastatāvaimanasyamukhavaivarṇyaviṣādavismayādi
bhiḥ | vātakṛtaṃ 
punaravakuṇṭhanākṣiparimārjanavastrasaṅgūhanatvaritagamanādibhiḥ | 
varṣakṛtaṃ punaḥ 
sarvāṅgasampiṇḍanapradhāvanacchannāśrayamārgaṇādibhiḥ | 
agnikṛtaṃ tu 
dhūmākulanetratrā'ṅgasaṅkocanavidhūnanātikrāntāpakrāntādibhi.
h | kuñjarodbhramaṇakṛtaṃ nāma 
tvaritāasarpaṇacañcalagamanabhayastambhavepathupaścādavalokanavismay
ādibhiḥ | priyaśravaṇakṛtaṃ 
nāmābhyutthānāliṅganavastrābharaṇapradānāśrupulakitādibhiḥ | 
apriyaśravaṇakṛtaṃ nāma 
bhūmipatanaviṣamavivartanaparidhāvanavilāpanākrandanādibhiḥ | 
vyasanābhighātajaṃ tu 
sahasāpasarpaṇaśastracarmavarmadhāraṇagajaturagarathārohaṇasamrpad
hā-raṇādibhiḥ |


āviṣṭahṛdayānāmeva prayogayogyatvādāvegaḥ sarvatra prayoge 
jīvitamityāśayena prativibhāvamasyānubhāvabhedena prayogavaicitryaṃ 
darśayati | tatrotpātakṛto nāmetyādinā | atikrāntāpakrānte cāryau 
tābhyāmapasarpedityarthaḥ | utkrāntamaryādaṃ bhramaṇamudbhramaṇam | 
apriyaśravaṇe kasyacidāvegastatra ca śokānubhāvā evoparyuparipātinaḥ 
kṣipragatayaśca (adhīrasya) paścāttu śokaḥ dhīrasya tu prathamameva śoka iti 
śrīśa"kukaḥ | taccāsat | evaṃ hyāvegasya sthāyitvaṃ syāt śokasya ca 
vyabhicāritā | tasmādadhīraprakṛteḥ śoka 


p. 362)

evamaṣṭavikalpo'yamāvegaḥ sambhramātmakaḥ |
sthairyeṇottamamadhyānāṃ nīcānāṃ cāpasarpaṇaiḥ || 63 ||

atrārye bhavataḥ -

apriyanivedanādvā sahasā hyavadhāritārivacanasya |
śastrākṣepāt trāsādāvego nāma sambhavati || 64 ||

apriyanivedanādyo viṣādabhāvāśrayo'nubhāvo'sya |
sahasāridarśanāccetpraharaṇaparighaṭṭanaiḥ kāryaḥ || 65 ||

jaḍatā nāma - sarvakāryāpratipattiḥ | 
iṣṭāniṣṭaśravaṇadarśanavyādhyādibhirvibhāvaiḥ samutpadyate | 
tāmabhinayedakathanāvibhāṣaṇatūṣṇīmbhāvāpratibhā'nimeṣanirīkṣ
aṇaparavaśatvādibhiranubhāvaiḥ |

atrāryā bhavati -

iṣṭaṃ vā'niṣṭaṃ vā sukhaduḥkhe vā na vetti yo mohāt |
tūṣṇīkaḥ paravaśago bhavati sa jaḍasaṃjñitaḥ puruṣaḥ || 66 ||


utpanna eva dvitīya eva kṣaṇe āvegenākramyate | dhīraprakṛtestu 
bhavannapyāvego dhairyeṇāvahitthocitena saṃvriyate na tu nodbhavati | tathā ca 
vakṣyati | sthairyeṇottamamadhyānāmiti | na ca vyabhicārisāhacaryarahitā 
kācidapi sthāyino daśāsti | na ca sthāyibhittisambhavavandhyā 
vyabhicāricitrasthitiḥ | apasarpaṇairiti | bahuvacanaṃ prakārasūcakam | 
palāyanādibhiḥ prakārairityarthaḥ | apasarpaṇaṃ ca kuñjarāgnyādikṛte āvege 
bhūyasā bhavatītyupāttam | apriyanivedanādya āvego'sya 
viṣādāśrayo'nubhāva iti vadan vyabhicāriṇo vyabhicāryantare itthaṃ 
sthitirbhavatīti darśayati | darśitaṃ caitadādāvevāsmābhiḥ sahaseti | 
pūrvamanupalabdhā gamanasyārerdarśanādyāvegaḥ sambhavati tadā 
praharaṇaparighaṭṭanaṃ calanaṃ kāryam |

kāryaviṣaye'pratipattirityanena vivekābhāvo jaḍatā | cakṣurbhyāmapi paśyataḥ 
śrotrābhyāmapi śṛṇvata iti darśayat mohādasyāḥ svarūpāntaraṃ darśayati | 
akathanaṃ praśne kṛte'pyuttarasya abhāṣaṇaṃ tu sāmānyena | suhṛdādau 
vacanasyāpravartanam | mohāditi mohātpūrvaṃ parato vā bhavatīti sambandhaḥ |


p. 363)

garvo nāma - 
aiśvaryakularūpayauvanavidyābaladhanalābhādibhirvibhāvaiḥ 
samutpadyate | 
tasyāsūyāvajñādharṣaṇānuttaradānāsambhāṣaṇāṅgāvalokanavibh
ramāpahasanavākpāruṣyaguruvyatikramaṇādhikṣepavacanavicchedādibhir
anubhāvairabhinayaḥ prayoktaḥ |

atrāryā bhavati -

vidyāvāpte rūpādaiśvaryādatha dhanāgamādvāpi |
garvaḥ sa ca nīcānāṃ dṛṣṭyaṅgavicāraṇaiḥ kāryaḥ || 67 ||


vibhramaḥ strīṇāṃ garve'nubhāvastasya lakṣaṇam -

vividhānāmarthānāṃ vāgaṅgāhāryasattvayuktānām |
madarāgaharṣajanito vyatyāso vibhramo jñeyaḥ ||

madāderupalakṣaṇatvādgarvo'pyatra gṛhīta eva bhavati | sa ceti | co'vadhāraṇe | 
ye pūrvaṃ vidyādiṣvayogyāsteṣāṃ nīcānāṃ tadāptau garva eva bhavati | 
bhavatyeva ca dṛṣṭyaṅgānāṃ ca vividhaireva vikārapūrvakaiḥ sañcāraṇairiti | 
tena dhārāvāhitayā sa teṣāṃ tiṣṭhatyuttamānāṃ tu kṣaṇadyutivat 
bhavatyevetyāveditameva |


p. 364)

viṣādo nāma - kāryānistaraṇadaivavyāpattisamutthaḥ | 
tamabhinayetsahāyānveṣaṇopāyacintanotsāhavighātavaimanasyaniḥśvasit
ādibhiranubhāvairuttamamadhyamānām | adhamānāṃ tu 
viparidhāvanālokanamukhaśoṣaṇasṛkvaparilehananidrāniḥśvasitadhyāna
adibhiranubhāvaiḥ |

atrāryāślokau -

kāryānistaraṇādvā cauryābhigrahaṇarājadoṣādvā |
daivādarthavipatterbhavati viṣādaḥ sadā puṃsām || 68 ||

vaicitryopāyacintābhyāṃ kārya uttamamadhyayoḥ |
nidrāniḥśvasitadhyānairadhamānāṃ tu yojayet || 69 ||


upāyairapyanukrāntasya kāryasya anistaraṇaṃ phalāsampattiryatastathābhūtā 
yā daivavyāpteradṛṣṭapratikūlatāyā viṣāda iti vadan daivadoṣajāṃ 
sadupāyebhyo'pi phalāsampattiṃ viṣādasya vibhāvatvena sūcayati | krodhe'yaṃ 
na vyabhicārīti kecittadasat | dṛśyate hi raudraprakṛtināmapi viṣādaḥ yathā 
rāmābhyudaye 

etattu kṣatimātanoti manaso yadvajradhārāṅkite 
kauryecchāpraṇayaḥ plavaṅganakhariaḥ prāptaḥ prahastorasi | iti |

manaḥkṣatirhi daurmanasyaṃ viṣādānubhāvaḥ | ye ca plavaṅgāḥ 
palāyanaikaśaraṇāḥ paśavasteṣāmevaṃvidhe krauryecchaivānucitā | kiṃ tu 
tadīyaḥ praṇayo yāvadabhilaṣitavastuparipūrṇateti daivakṛteyaṃ sadupāyenāpi 
phalāsampattirityanubhāva uktaḥ | na caitadviṣādasya krodhavyabhicāritvaṃ 
yuktyāgamānubhavairvirudhyata ityalam |


p. 365)

autsukyaṃ nāma - 
iṣṭajanaviyogānusmaraṇodyānadarśanādibhirvibhāvaiḥ samutpadyate | 
tasya 
dīrghaniḥśvasitādhomukhavicintananidrātandrīśayanābhilāṣādibhiranu-
bhāvairabhinayaḥ prayoktavyaḥ |

atrāryā bhavati -

iṣṭajanasya viyogādautsukyaṃ jāyate hyanusmṛtyā |
cintānidrātandrīgātragurutvairabhinayo'sya || 70 ||

nidrā nāma - 
daurbalyaśramaklamamadālasyacintā'tyāhārasvabhāvādibhirvibhāvaiḥ 
samutpadyate | 
tāmabhinayedvadanagauravaśarīrāvalokananetraghūrṇanagātravijṛmbha.
namāndyocchvasitasannagātratā'kṣinimīlanādibhiranubhāvaiḥ |


utsūyata ityutsūśabdenāṅkurādyabhimukhībhūto bījādiḥ | tataḥ pratikṛti ke 
ke'ṇo hrasve utsuka iti rūpam | tasya bhāva autsukyam | viyogagrahaṇaṃ 
vipralambhe'sya prādhānyaṃ khyāpayati | iṣṭajanasyālambanatā | 
smṛtestūddīpanatvamiti smaraṇagrahaṇena darśayati | śayanābhilāṣo vināpi 
nidrayā bhavatīti bhedenopāttaḥ |

daurbalyaṃ vyādhyādinā kṣīṇabalatvaṃ klamo gharmādikṛtaḥ |


p. 366)

atrārye bhavataḥ -

ālasyāddarubalyātklamācchramāccintanātsvabhāvācca |
rātrau jāgaraṇādapi nidrā puruṣasya sambhavati || 71 ||

tāṃ mukhagauravagātrapratilolananayanamīlanajaḍatvaiḥ |
jṛmbhaṇagātravimardairanubhāvairabhinayetprājñaḥ || 72 ||

apasmāro nāma - 
devayakṣanāgabrahmarākṣasabhūtapretapiśācagrahaṇānusmaraṇocchiṣ.
taśūnyāgārasevanāśucikālāntarāparipatanavyādhyādibhirvibhāvaiḥ 
samutpadyate | tasya 
sphuritaniḥśvasitotkampitadhāvanapatanasvedastambhanavadanaphenajihvāp
arilehanādibhiranubhāvairabhinayaḥ prayoktavyaḥ | 

atrārye bhavata -

bhūtapiśācagrahaṇānusmaraṇocchiṣṭaśūnyagṛhagamanāt |
kālāntarātipātādaśuceśca bhavatyapasmāraḥ || 73 ||

sahasā bhūmau patanaṃ pravepanaṃ vadanaphenamokṣaśca |
niḥsaṃjñasyotthānaṃ rūpāṇyetānyapasmāre || 74 ||

suptaṃ nāma - 
nidrābhibhavaiṣayopagamanamohanakṣititalaśayanaprasāraṇānukarṣaṇā
di-bhirvibhāvaiḥ samutpadyate nidrāsamuttham | 


devādibhiḥ piśācādyantairgahairyadanusmaraṇamadhiṣṭhānāya | hīnasattvo vā 
tān smarannapasmārī bhavati | grahaṇaṃ tu pratītam  aśuceḥ sataḥ 
kālāntarātipātaścirāvasthānam | dhātūnāṃ vātapittaśleṣmaṇāṃ vaiṣamye 
sati buddhisthāne samāvṛte satyapasmāro yadāhustacca dhīsattvasa.plavāt |


p. 367)

taducchvasitasannagātrākṣinimīlanasarvendriyasammohanotsvapnāyitādibhi
ranu-bhāvairabhinayet |

atrārye bhavata -

nidrābhibhavendriyoparamaṇamohanairbhavetsuptam |
akṣinimīlocchvasanaiḥ svapnāyitajalpitaiḥ kāryaḥ || 75 ||

socchvāsairniḥśvāsairmandākṣinimīlanena niśceṣṭaḥ |
sarvendriyasammohātsuptaṃ svapnaiśca yuñjīta || 76 ||

vibodho nāma - 
āhārapariṇāmanidrācchedasvapnāntatīvraśabdasparśaśravaṇādibhirvi
bhāvaiḥ samutpadyate | 
tamabhinayejjṛmbhaṇākṣiparimardanaśayanamokṣaṇādibhiranubhāvaiḥ |

atrāryā bhavati -

āhāravipariṇāmācchabdasparśādibhiśca smabhūtaḥ |
pratibodhastvabhineyo jṛmbhaṇavadanākṣiparimardaiḥ || 77 ||

amarṣo nāma - vidyaiśvaryaśauryabalādhikairadhikṣiptasyāvamānitasya 
vā samutpadyate | 
tamabhinayecchiraḥkampanaprasvedanādhomukhacintanadhyānādhyavasāyo
pāyasahāyānveṣāṇādibhiranubhāvaiḥ |


nidrāsamutthamityanena nidrāyā eva gāḍhāvasthā suptamiti darśayannidrāyā 
viṣayebhya upariraṃsātmakatvaṃ svarūpamāha - svapnāyitam iti | pralapanamiti 
loke prasiddhaṃ svapnādasādhāraṇatātkālikaviṣayajñānādbhinnameva | 
svapnasya ayitaṃ pratītiryataḥ svapne hyanusmaran kiñcittathā pralapati 
pralāpācca tasya tathā smṛtiranumīyate lokaiḥ | 

nidrāyā niyatamaryādāvaśādāhārapariṇāmādinā vināpi chedo bhavatīti 
pṛthag nidrāccheda uktaḥ | svapnasya yo'ntaḥ parisamāptiḥ | śabdādayastadgatā 
eveti ghaṇṭukaḥ | bāhyā eveti yuktataram |

amarṣa iti pratikaraṇecchārūpo'yaṃ krodhādanya eva | dhyānaṃ nirlakṣatayā-


p. 368)

atra ślokau -

ākṣiptānāṃ sabhāmadhye vidyāśauryabalādhikaiḥ |
nṝṇāmutsāhasaṃyogādamarṣo nāma jāyate || 78 ||

utsāhādhyavasāyābhyāmadhomukhavicintanaiḥ |
śiraḥprakampasvedādyaistaṃ prayuñjīta paṇḍitaḥ || 79 ||

avahitthaṃ nāma - ākārapracchādanātmakam | tacca 
lajjābhayāpajayagauravajaihmyādibhirvibhāvaiḥ samutpadyate | 
tasyānyathākathanāvalokitakathābhaṅgakṛtakadhairyādibhiranubhāvaira
-bhinayaḥ prayoktavyaḥ |

atra śloko bhavati -

dhārṣṭyajaihmyādisambhūtamavahitthaṃ bhayātmakam |
taccāgaṇanayā kāryaṃ nātīvottarabhāṣaṇāt || 80 ||

ugratā nāma - 
cauryābhigrahaṇanṛpāparādhāsatralāpādibhirvibhāvaiḥ samutpadyate | 
tāṃ ca vadhabandhanatāḍananirbhartsanādibhiranubhāvairabhinayet | 
atrāryā bhavati -

cauryābhigrahaṇavaśānnṛpāparādhādathogratā bhavati |
vadhabandhatāḍanādibhiranubhāvairabhinayastasyāḥ || 81 ||


'vasthānamiti cintāto bhidyate | utsāhasampanna iti nirutsāhānāṃ prākṛtānāṃ 
na bhavatītyarthaḥ | utsāhā'dhyavasāyaśabdena tadanubhāvāḥ |

ākriyate bahiḥ prakāśyate cittavṛttiryaisteṣāṃ bhruvikāramukharāgādīnāṃ 
saṃvaraṇamācchādanakāri yaccittavṛttirūpaṃ tadavahittham | na bahisthaṃ 
cittaṃ yeneti niruktaṃ pṛṣodarāditvācca rūpamityāhuḥ | jaihmyagopanīye'i 
goapanecchākuṭilāśayatvam | pragalbho hyākāraṃ saṃvarītuṃ jānātīti 
dhārṣṭyagrahaṇam | salajjo'pi hyapragalbho na jānāti | tena dhārṣṭyaṃ 
sarvavibhāveṣvasyānuyāyīti mantavyam | agaṇanā tasyārthasyāvalepena 
sthāpanam |

cauryamupalakṣaṇamakāryāṇām | tannimittaṃ gṛhīte jane rājādīnāmaugryaṃ 
nirdayatvam | evaṃ rājanyaparādhyatyasatpralāpini mithyādoṣavādini |


p. 369)

matirnāma - nānāśāstravicintanohāpohādibhirvibhāvaiḥ samutpadyate | 
tāmabhinayecchiṣyopadeśārthavikalpanasaṃśayacchedādibhiranubhāvaiḥ 
| 

bhavati cātra śloka -

nānāśāstrārthabodhena matiḥ saṃjāyate nṛṇām |
śiṣyopadeśārthakṛtastasyāstvabhinayo bhavet || 82 ||

vyādhirnāma - vātapittakaphasannipātaprabhavaḥ | tasyāḥ jvarādayo 
viśeṣāḥ | jvarastu (khalu) dvividhaḥ saśītaḥ sadāhaśca | tatra saśīto 
nāma - 
pravepitasarvāṅgotkampananikuñcanāgnyabhilāṣaromāñcahanuvanalana
nāsāvikūṇanamukhaśoṣaṇaparidevatādibhiranubhāvairabhineyaḥ | 
sadāho nāma - 
vikṣiptāṅgakaracaraṇabhūmyabhilāṣānulepanaśītābhilāṣaparidevana-
mukhaśoṣotkruṣṭādibhiranubhāvaiḥ | ye cānye vyādhayaste'pi khalu 
mukhavikūṇanagātrastambhasrastākṣiniḥśvasanastanitotkruṣṭavepanādib
hira-nubhāvaibhineyāḥ |

atra śloko bhavati -

samāsatastu vyādhīnāṃ kartavyo'bhinayo budhaiḥ |
srastāṅgagātravikṣepaistathā mukhavikūṇanaiḥ || 83 ||


matiriti | apūrvapratibhānarūpā | ūhāpohāvanvayavyatirekapratyayau 
vidhiniṣedhaviṣayau vā sambhāvanāpratyayau | nānāśāstrāṇāṃ yo'rthaḥ 
prayojanaṃ vivekalābhastataḥ sampannā jātā | śiṣyopadeśalakṣaṇena 
prayojanena ye dehavikārā bhrūtkṣepādayastairasyā abhinayaḥ |

jvarasya sarvavyādhimadhye pradhānatvādupādānam | madanavikāre ca jvarasya 
sambhavāt | vyādhisamaye ca yā tattadvyādhisamucitā vyādhimataścittavṛttiḥ 
saiveha vyādhiśabdena vivakṣitā | vyādhisannidhau hi cittaṃ na 
svarūpeṇāvatiṣṭhata iti |


p. 370)

unmādo nāma 
iṣṭajanaviyogavibhavanāśābhighātavātapittaśleṣmaprakopādibhirvibhāv
airutpadyate | 
tamanimittahasitaruditotkruṣṭāsambaddhapralāpaśayitopaviṣṭotthitapradhā
vitanṛttagītapaṭhitabhasmapāṃsvavadhūlanatṝṇanirmālyakucelacīraghaṭ
akapālaśarāvābharaṇadhāraṇopabhogairanakaeścānavasthitaiśceṣṭān
ukaraṇādibhiranu-bhāvairabhinayet |

atrārye bhavata -

iṣṭajanavibhavanāśādabhighātādvātapittakaphakopāt |
vividhāccittavikārādunmādo nāma sambhavati || 84 ||

animittaruditahasitopaviṣṭagītapradhāvitotkruṣṭaiḥ |
anyaiśca vikārakṛtairunmādaṃ samprayuñjīta || 85 ||

maraṇaṃ nāma - vyādhijamabhighātajañca | tatra 
yadāntrayakṛcchūladoṣavaiṣamyagaṇḍapiṭakajvaraviṣūcikādibhirutpadya
te tadvyādhiprabhavam | abhighātajantu 
śastrāhidaṃśaviṣapānaśvāpadagajaturagarathapaśuyānapātavināśa-
prabhavam | eteṣvidānīmabhinayaviśeṣānvakṣyāmaḥ - tatra vyādhijaṃ 
viṣaṇṇagātrāvyāyatāṅgaviceṣṭitanimīlitanayanahikkāśvāsopetānavek.
sitaparijanāvyaktākṣarakathanādibhiranubhāvairabhinayet |

atra śloko bhavati -


iṣṭajanaviyogāduttamasyāpi vipralambhe bhavatyunmādaḥ purūravasa iva | 
vibhavanāśāttvanuttamasya | bhavanaśoke vyabhicārī | ata evānubhāvāḥ 
prakṛtyaucityena vibhajanīyāḥ | cittaṃ vikarotīti cittavikāra iti ṭīkākārāḥ | 
bhaṭṭatotastu - cittasya yo vikāro vikīrṇatā ekatrāviśramaṇamaniścaye sati tata 
unmādo bhavati iti | tathāhi - purūravaso jhaṭiti priyāmapaśyatastannimittaṃ ca 
kiñcidapyalabhamānasyonmādaḥ | etadeva hi pratijāgaritaṃ kavikulacakravartinā 
(kālidāsena) tiṣṭhet kopavaśāt (vikramorvaśīye) ityādinā | animittatā 
prasiddhanimittābhāvāt | vyādhāvantarbhūto'pyunmādo ipralambhādau 
prayogasaundaryavicitraceṣṭābhiḥ karotīti pṛthagupāttaḥ | evamapasmāre vācyam 
| sa hi bībhatsabhayānakādervaicitryāvahaḥ |


p. 371)

vyādhīnāmekabhāvo hi maraṇābhinayaḥ smṛtaḥ |
viṣaṇṇagātrairniśceṣṭairindriyaiśca vivarjitaḥ || 86 ||

abhighātaje tu nānāprakārā abhinayaviśeṣāḥ 
śastrakṣatāhidṛṣṭaviṣapītagajādipatitaśvāpadahatāḥ | yathā tatra 
śastrakṣate tāvatsahasā bhūmipatanavepanasphuraṇādibhirabhinayaḥ 
prayoktavya. | ahidaṣṭe viṣapīte vā nānāviṣavegāḥ | yathā- 
kārśyavepathuvidāhahikkāphenaskandhabhaṅgajaḍatāmaraṇānītyaṣṭau 
viṣavegāḥ |

atra ślokau bhavata -

kārśyaṃ tu prathame vege dvitīya vepathurbhavet |
dāhaṃ tṛtīye hikkāṃ ca caturthe samprayojayet || 87 ||

phenañca pañcame kuryātṣaṣṭhe skandhasya bhañjanam |
jaḍatāṃ saptame kuryādaṣṭame maraṇaṃ bhavet || 88 ||

atrāryā bhavati -

śvāpadagajaturagarathodbhavaṃ tu paśuyānapatanajaṃ vā'pi |
śastrakṣatavatkuryādanavekṣitagātrasañcāram || 89 ||

ityevaṃ maraṇaṃ jñeyaṃ nānāvasthāntarātmakam |
prayoktavyaṃ budhaiḥ samyagyathā bhāvāṅgaceṣṭitaiḥ || 90 ||

trāso nāma - 
vidyudulkāśanipātanirghātāmbudharamahāsattvapaśuravādibhirvibhāv
airutpadyate | 
tamabhinayetsaṃkṣiptāṅgotkampanavepathustambharomāñcagadgadapralā
pādi-bhiranubhāvaiḥ |


vyādhīnāmekabhāva iti | ekatvena tulyatvena bhavanamityanena sarvebhyo 
maraṇaṃ bhavadekarūpatvenaivābhinīyate ityuktaṃ bhavati | yadi vā 
vyādhīnāṃ yadekatvena niṣpratidvandvitvena bhāvanamanena vyādhinā na me 
nivartitavyamityevaṃrūpaṃ cittaṃ tadeva maraṇamabhinīyamānamucyate | sa eva 
hi prāṇānāṃ tyāgaḥ | tena mriyamāṇāvasyaiva cittavṛttirūpeha vivakṣitā | na 
tu mṛtāvasthā | tatrānubhāvāderabhāvāt | viṣaṇṇāni ca tāni ata eva 
niśceṣṭāni gātrāṇi taiḥ | indriyairvarjito'bhinaya iti sarvendriyasammohamāha | 
viṣapīte viṣaṃ pītam aneneti samāsaḥ | jātikālasukhādibhya iti niṣṭhā tasya 
paranipātaḥ |


p. 372)

atra śloko bhavati -

mahābhairavanādādyaistrāsaḥ samupajāyate |
srastāṅgākṣinimeṣaiśca tasya tvabhinayo bhavet || 91 ||

vitarko nāma - sandehavimarśavipratipattyādibhirvibhāvairutpadyate | 
tamabhinayedvividhavicāritapraśnasampradhāraṇamantrasaṃgūhanādibhi
ranu-bhāvaiḥ |

atra śloko bhavati -

vicāraṇādisambhūtaḥ sandehātiśayātmakaḥ |
vitarkaḥ so'bhineyastu śirobhrūkṣepakampanaiḥ || 92 ||

evamete trayastriṃśadvyabhicāriṇo bhāvā 
deśakālāvasthānurūpyeṇātmagataparagatamadhyasthā 
uttamamadhyamādhamaiḥ strīpuṃsaiḥ svaprayogavaśādupapādyā iti |


bhīrūn janān trāsayatīti bhairavaḥ | śeṣa ityaṇ | jhaṭitiṃ vidhūnanakārī 
camatkṛtisvabhāvastrāso bhayāt pūrvāparavicārapūrvakādanya 
evetyakṣinimeṣairiti bahuvacanena sūcayati |

sandehaḥ kiñcidityubhayāvalambī pratyayaḥ saṃśayarūpaḥ | vimarśo 
viśeṣapratītyākāṅkṣātmikā icchā bādhakapramāṇena 
pakṣāntarābhāvapratītimātraṃ vipratyayaḥ | vipratipattirvā | ebhyo'nantaraṃ 
bhavitavyatāpratyayasvabhāva ekatarapakṣaśaithilyadāyī pakṣāntaraṃ 
tulyakakṣyabhāvāccyāvayan unmagnatāmanyasya darśayaṃstarkaḥ | sa ca 
saṃśayāt pṛthageva saṃśayena tattvabubhutsādirūpasya vimarśādeḥ 
svīkāre'pi kaviśikṣārthaṃ bhaṅktvā nirūpaṇam | anye tu dharmiṇi sandeho 

dharme tu vimarśo bhrāntijñānaṃ vipratyaya ityāhuḥ | vihṛteti dhiyā 
kāryakalāpānāṃ punaḥ punastyāgaprāptī vivakṣite | 
mantrasaṅgūhanagrahaṇenāsyāvahitthena | tulyasthāyikatāmāha | 
vicāraṇāpaurvāparyādi parāmarśaḥ | ādigrahaṇena bādhakapramāṇādi tato 
hyekapakṣasya śaithilyaṃ jāyata iti vicāraṇādipūrvaka ityuktam | nayasya 
ṣāḍguṇyaprayogasyātmā yataḥ anyapakṣabalavatvagatāt 
sambhāvanāpratyayādeva hi sarvo nītiprayogaḥ | tathā ca -daivamacintyaṃ 
puruṣakārastu cintya iti vadan cāṇakyācāryastarkapūrvakameva samastaṃ 
vyavahāramāha | uktaṃ ca bhaṭṭatotena -

sambhāvanāpramāṇo hi tīkṣṇaprajño'pi yad vadet |
mā gā vyāptaṃ nabho'mbhodairambubhārānatariti |


p. 373)

trayastriṃśadime bhāvā vijñeyā vyabhicāriṇaḥ |
sāttvikāṃstu punarbhāvānpravakṣyāmyanupūrvaśaḥ || 93 ||

atrāha- kimanye bhāvāḥ sattvena vinā'bhinīyante yasmāducyante ete 
sāttvikā iti |

atrocyate -

iha hi sattvaṃ nāma manaḥprabhavam | tacca samāhitamanastvāducyate | 
manasaḥ samādhau sattvaniṣpattirbhavati | tasya ca yo'sau svabhāvo 
romāñcāśruvaivarṇyādilakṣaṇo yathābhāvopagataḥ sa na 
śakyo'nyamanasā kartumiti | lokasvabhāvānukaraṇatvācca nāṭyasya 
sattvamīpsitam | ko dṛṣṭāntaḥ - iha hi nāṭyadharmipravṛttāḥ 
sukhaduḥkhakṛtā bhāvāstathā sattvaviśuddhāḥ kāryāḥ yathā 
sarūpā bhavanti | tatra duḥkhaṃ nāma rodanātmakaṃ 
tatkathamaduḥkhitena sukhaṃ ca praharṣātmakamasukhitena vābhineyam | 
etadevāsya sattvaṃ yat duḥkhitena sukhitena vā'śruromāñcau 
darśayitavyau iti kṛtvā (sattvamīpsitamiti) sāttvikā bhāvā 
ityabhivyākhyātāḥ | ta ime -


etadupasaṃharati - trayastriṃśadamī bhāvā iti | anyeṣāṃ tvatraivāntarbhāvaḥ | 
tadyathā - dambhasyāvahitthe | udvegasya nirvede | kṣuttṛṣṇāderglānau | 
evamanyadapyūhyam | 

apare tu manyante kaḥ khalu cittavṛttirgamayituṃ samarthaḥ | gaṇane vā 
tārkikatarkitātmaguṇanavakena vā 
sāṅkhyasaṅkhyātabuddhidharmoṣṭakaviparyayādipratyayacatuṣṭayena vā 
śākyaśikṣitacittacaittadvayabhedena vā sarvesaṅgrahe kimiyatā ? atha 
kavinaṭaśikṣārthametāvato nirūpaṇamapare tarhi vaktavyā eva | uktā eva vā 
sāmānyābhi - naye muninā purusapramadāgatabhāvaceṣṭālaṅkāranirūpaṇena 
| ihāpi vibhāvānubhāvagaṇanāyāṃ sūcitāḥ | tathā hi glānau 
kṣuttṛṣnayorabhidhānaṃ vibhāvatvena kevalamatiprasiddhatvāt | 
kavinaṭopayogilakṣaṇameṣāṃ nātivopayujyata iti na lakṣitāḥ |

anye tvāhuḥ | iyatāmeva prayoge saundaryaṃ bhavati | tathā hyetāvatsveva 
sahacāriṣvavasthāviśeṣeṣu prayoge pradarśiteṣu sthāyī carvaṇayogyo bhavati | 
eke tu manyante - ete tāvadvijñeyā etajjñānadiśā tvanyeṣāṃ 
lakṣaṇamūhyamiti |


p. 374)

stambhaḥ svedo'tha romāñcaḥ svarabhedo'tha vepathuḥ |
vaivarṇyamaśru pralaya ityaṣṭau sāttvikā matāḥ || 94 ||

atrāryāḥ | tatra -

krodhabhayaharṣalajjāduḥkhaśramaroagatāpaghātebhyaḥ |
vyāyāmaklamadharmaiḥ svedaḥ sampīḍanāccaiva || 95 ||

harṣabhayaśokavismayaviṣādaroṣādisambhavaḥ stambhaḥ |
śītabhayaharṣaroṣasparśajarārogajaḥ kampaḥ || 96 ||

ānandāmarṣāmyāṃ dhūmāñjanajṛmbhaṇādbhayācchokat |
animeṣaprekṣaṇataḥ śītadrogādbhavedaśru || 97 ||

śītakrodhabhayaśramarogaklamatāpajaṃ ca vaivarṇyam |
sparśabhayaśītaharṣāt krodhādrogācca romāñcaḥ || 98 ||

svarabhedo bhayaharṣakrodhajarāraukṣyarogamadajanitaḥ |
śramamūrchāmadanidrābhighātamohādibhiḥ pralayaḥ || 99 ||

evamete budhairjñeyā bhāvā hyaṣṭau tu sāttvikāḥ |
karma caiṣāṃ pravakṣyāmi rasabhāvānubhāvakam || 100 ||

niḥsaṃjño niṣprakampaśca sthitaḥ śūnyajaḍākṛtiḥ |
skannagātratayā caiva stambhaṃ tvabhinayedbudhaḥ || 101 ||

vyajanagrahaṇāccāpi svedāpanayanena ca |
svedasyābhinayo yojyastathā vātābhilāṣataḥ || 102 ||

muhuḥ kaṇṭakitatvena tathollukasanena ca |
pulakena ca romāñcaṃ gātrasparśena darśayet || 103 ||

p. 375)

svarabhedo'bhinetavyo bhinnagadgadanisvanaiḥ |
vepanātphuraṇātkampādvepathuṃ sampradarśayet || 104 ||

mukhavarṇaparāvṛttyā nāḍīpīḍanayogataḥ |
vaivarṇyamabhinetavyaṃ prayatnāttaddhi duṣkaram || 105 ||

bāṣpāmbuplutanetratvānnetrasammārjanena ca |
muhuraśrukaṇāpātairāsraṃ tvabhinayedbudhaḥ || 106 ||

niśceṣṭo niṣprakampatvādavyaktaśvasitādapi |
mahīnipātanāccāpi pralayābhinayo bhavet || 107 ||

ekonapañcāśadime yathāva-
dbhāvāstryavasthā gaditā mayeha |
bhūyaśca ye yatra rase niyojyā-
stān śrotumarhanti ca vipramukhyāḥ || 108 ||

atra ślokā -

śaṅkāvyādhistathāglāniścintāsūyā bhayaṃ tathā |
vismayaśca vitarkaśca stambhaścapalatā tathā ||

romāñcaharṣau nidrā ca tathonmādamadāvapi |
svedaścaivāvahitthaṃ ca pralayo vepathustathā ||

viṣādaśramanirvedā garvāvegau dhṛtiḥ smṛtiḥ |
matirmoho vibodhaśca suptamautsukyavarjite ||

krodhāmarṣau ca hāsaśca śoko'pasmāra eva ca |
dainyaṃ ca maraṇaṃ caiva ratirutsāhasaṃyutā ||

p. 376)

trāsavaivarṇyaruditaiḥ svarabhedaḥ śamo'pi ca |
jaḍatā ca tathā ṣaṭca catvāriṃśatprakīrtitāḥ ||)

ālasyaugryajugupsākhyairevaṃ bhāvaistu varjitāḥ |
udbhāvayanti śṛṅgāraṃ sarve bhāvāḥ svasaṃjñayā || 109 ||

(yathā'vasaramete hi sthāyisañcārisattvajāḥ |
uddīpayanti śṛṅgāraṃ rasamāsādya saṃjñitam ||)

glāniḥ śaṅkā hyasūyā ca śramaścapalatā tathā |
suptaṃ nidrāvahitthaṃ ca hāsye bhāvāḥ prakīrtitāḥ || 110 ||

nirvedaścaiva cintā sa dainyaṃ glānyāsrameva ca |
jaḍatā maraṇaṃ caiva vyādhiśca karuṇe smṛtāḥ || 111 ||

garvo'sūyā madotsāhāvāvego'marṣa eva ca |
krodhaścapalataugryaṃ ca vijñeyā raudrasambhavāḥ || 112 ||

asammohastathotsāha āvego harṣa eva ca |
matiścaiva tathogratvamamarṣo mada eva ca || 113 ||

romāñcaḥ svarabhedaśca krodho'sūyā dhṛtistathā |
garvaścaiva vitarkaśca vīre bhāvā bhavanti hi || 114 ||

svedaśca vepathuścaiva romāñco gadgadastathā |
trāsaśca maraṇañcaiva vaivarṇyaṃ ca bhayānake || 115 ||

p. 377)

apasmārastathonmādo viṣādo mada eva ca |
mṛtyurvyādhirbhayaṃ caiva bhāvā bībhatsasaṃśrayāḥ || 116 ||

stambhaḥ svedaśca mohaśca romāñco vismayastathā |
āvego jaḍatā harṣo mūrcchā caivādbhutāśrayāḥ || 117 ||

ye tvete sāttvikā bhāvā nānābhinayasaṃśritāḥ |
raseṣveteṣu sarve te jñeyā nāṭyaprayoktṛbhiḥ || 118 ||

na hyekarasajaṃ kāvyaṃ kiñcidasti prayogataḥ |
bhāvo vāpi raso vāpi pravṛttirvṛttireva ca || 119 ||

bahūnāṃ samavetānāṃ rūpaṃ yasya bhavedbahu |
sa mantavyo rasaḥ sthāyī śeṣāḥ saṃcāriṇo matāḥ ||

dīpayantaḥ pravartante ye punaḥ sthāyinaṃ rasam |
te tu saṃcāriṇo jñeyāste hi sthāyitvamāgatāḥ ||

vibhāvānubhāvayuto hyaṅgavastusamāśrayaḥ |
saṃcāribhistu saṃyuktaḥ sthāyyeva tu raso bhavet ||

sthāyī sattvātirekeṇa prayoktavyaḥ prayoktṛbhiḥ |
sañcāryākāramātreṇa sthāyī yasmādavasthitaḥ ||

ye tvete sāttvikā bhāvā nānābhinayayojitāḥ |
raseṣveteṣu sarveṣu te jñeyā nāṭyakovidaiḥ ||

na hyekarasajaṃ kāvyaṃ naikabhāvaikavṛttikam |
vimarde rāgamāyāti prayuktaṃ hi prayatnataḥ ||

p. 378)

bhāvā vā'pi rasā vā'pi pravṛttirvṛttireva vā |
bībhatsādbhutaśāntānāṃ traividhyaṃ nātra kathyate ||

ṣaṇṇāṃ rasānāṃ traividhyaṃ nānābhāvarasānvitam |
sattvaprayojito hyarthaḥ prayogo'tra virājate ||

viditvā hi virājante loke citraṃ hi durlabham |)

nānābhāvārthasaṃpannāḥ sthāyisattvābhicāriṇaḥ |
puṣpāvakīrṇāḥ kartavyāḥ kāvyeṣu hi rasā budhaiḥ || 120 ||

evaṃ rasāśca bhāvāśca tryavasthā nāṭake smṛtāḥ |
ya evametāñjānāti sa gacchetsiddhiuttamām || 121 ||

iti śrībhāratīye nāṭyaśāstre bhāvavyañjako nāma saptamo'dhyāyaḥ ||





###########   END OF FILE  #######