####################################################
MUKTABODHA INDOLOGICAL RESEARCH INSTITUTE
Use of this material (e-texts) is covered by Creative Commons license BY-NC 4.0
Catalog number: M00510
Uniform title: advayavajrasaṃgraha
Author : nāgārjunapāda
Author : maitrīpāda
Author : advayavajra

Description: 
Consists of a series of short tracts concerning the basic tenets of the philosophical and yogic foundation of the Buddhist mahāyāna especially the vajrayāna of the anuttarayoga class.  The similarities with what is loosely called Kashmiri śaivism are unmistakable and fascinating.  It has accordingly been placed in this collection of śaiva texts.


Notes: 
Data-entered by the staff of Muktabodha under the supervision of Mark S. G. Dyczkowski.

Revision 0: Sept. 12, 2021.

Publisher : Oriental Institute
Publication year : 1927
Publication city : Baroda
Publication country : India
####################################################



advayavajrasaṃgrahaḥ |

1. kudṛṣṭinirghātanam |

namo buddhāya |

vakṣye kudṛṣṭinirghātamādikarmavidhānataḥ |
anenaiva vihāreṇa yatnena labhate padam ||

iha hi dvidhā satvāḥ śaikṣā aśaikṣāśca | tacca āśaya adhimuktiprayogaḥ 
bhūmiprapannaprayogaśca(ñca) vasitāptiparyantaḥ hetvavasthāsthitānāṃ 
śaikṣāṇāṃ suviśuddhādikarma(a)vidhānena 
sambhāradvayasambhṛtasamyaksambodhisampallābhaḥ | aśaikṣāṇāmapi 
nirastapratipakṣatattvaphalavikalpānāṃ śākyamuneriva 
praṇidhānavegasāmarthyāt yuganaddhānābhogayogataḥ 
sattvārthakriyālakṣaṇamavicchinnamādikarma pravartata eva iti sthitam | tathā ca -

na te'sti manyanā nātha na vikalpo na veścanā |
anābhogena te loke buddhakṛtyaṃ pravartate ||

parārthasampadbuddhānām phalaṃ mukhyatamaṃ matam |
buddhatvādi yadanyattu tādarthyāt phalamiṣyate ||

cintāmaṇirivākampyaḥ sarvasaṅkalpavāyubhiḥ |
tathāpi sarvasattvānāmaśeṣāśāprapūrakaḥ ||

p. 2)

phalaṃ tattvavipakṣāṇāṃ vidhyapohavivarjanāt |
sambo(mba)dhirbuddhyate dhanyo tatpaścāttvādikarmaṇi ||

nanu śaikṣāṇāmādikaravidhānaṃ yujyata eva | katham ! aśaikṣāṇāmapi 
niḥsvabhāvabhāvināmādikarmārambhaḥ | ayamapi suvarṇanigaḍabandhana eva | 
satyam | prajñāpāramitādhigamavirahāt | prajñāpāramitā hi 
pañcapāramitānāṃ svabhāvaḥ | ata eva -

sarvākāravaropeta(a) śūnyateti nigadyate |

uktaṃ ca bhagavatā | prajñāpāramitāvirahitāḥ pañcapāramitāḥ 
pāramitānāmadheyaṃ na labhante |

āryavimalakīrtinirdeśe coktam | prajñārahita upāyo bandhaḥ upāyarahitā 
prajñā bandhaḥ prajñāsahita upāyo mokṣa(ḥ) upāyasahitā prajñā mokṣaḥ | 
tādātmyaṃ cānayoḥ sadgurūpadeśataḥ pradīpālokayoriva 
sahajasiddhamevādhigamyate | ata eva-

ādikarma yathoddiṣṭaṃ kartavyaṃ sarvayogibhiḥ |
śūnyatākaruṇābhinnaṃ yadbodhau jñānamiṣyate ||

ādikara ca -

pañcapāramitāḥ proktā ādikarmetisaṃjñayā |
prajñāpāramitā cāsāṃ svabhāvo nābhiriṣyate ||

tathā cātra -

dānaṃ śīlaṃ kṣamāṃ vīryaṃ dhyānaṃ prajñāṃ ca sādaram |
satataṃ sevayan dhīmān sukhī svastho'pi jāyate ||

sambhoganirmite heturdānaśīlakṣamātrayam |
dhyānaprajñeti dharmasya vīryantubha(ya)yormatam ||

p. 3)

tasmādbodhisattvena suviśuddhādikarmavihāriṇā bhavitavyam viparyaye ca 
nāstikavādaprasaṅgaḥ | taduktam -

śubhāśubhaṃ yadyapi ni(ḥ)svabhāvakaṃ
tathāpi kuryāt śubhameva nāśubham |
jalendubimbopamalokasamvṛtau
sukhaṃ priyaṃ duḥkhamajasamapriyam ||

kathaṃ tarhi śaikṣeṣūnmattavratasthitānāṃ 
nirvikalpatādhimuktivatāmādikarma pravartatām ? ucyate | śarīradānaṃ kṛtvā 
caryāṃ kṛ(ka)tavān |

śarīradānaṃ dattvā (ca) pathāt caryāṃ samārabhet |

iti vacanāt | dānaṃ dattaṃ ca śarīrāvadhi kāyavākcetasām sarvasattvārthāya 
sambaraṇācchīlam kṣāntiśca krū(ku)rataptakarapacādighātasahanatayā vīryaṃ 
cāṣṭalokadharmābādhopasahanatayā dhyānaṃ ca 
sarvasvabhāvānugatānābhogasvarasavāhitayā prajñā ca 
sarvadharmānupalabdhilakṣaṇādhigamanatayā |

anābhogarasābaṃdhau yasyājasvaṃ * * * * |
* * * * pravartante sarvāḥ pāramitāḥ parāḥ ||

tasmādunmattavratasthitānāmapyādikarma pravartata eva | 
cārvākapaśornaṣṭaparalokasya vacanaṃ sarvathaivāyuktatvāt nodāhṛtam | 
bhūtaśaikṣaṃ prati bodhisattvasya prathamaṃ dīyate poṣadham | tadanu 
śikṣopadeśa iti śrīhevajravacanāt prathamaṃ tu poṣadhadānam | samanvāhara 
bhadantācārya ahamitthaṃnāmā amukanāmā upāsako buddhaṃ dharmaṃ 
saṅghaṃ śaraṇaṃ gacchāmi yāvadābodhimaṇḍataḥ | evaṃ dvirapi cirapi | evaṃ 

p. 4)

ciśaraṇagataṃ māṃ vadanto dhārayantviti | samanvāhara ācārya 
ahamamukanāmopāsaka imāṃ belāṃ upādāya yāvat śva(ḥ) 
sūryodayamihāntare sarvaprāṇibadhāt parasvaharaṇāt abrahmacaryāt tathā 
vāgbhedāt anṛtātmatvo(do)pajananāt pānāt vikālāśanā(t) 
mālāvarṇakanṛtyagītalabhitāt śayanāsanāducchritāt adyāhaṃ virataḥ 
karomyahaṃ tāvat tadguṇairaṣṭabhiḥ poṣadhagāthā |

gṛhapatibodhisattvastu ratnacayaśaraṇapuraḥsaraṃ prāṇātipātāt adattādānāt 
kāmamithyācārāt mṛṣāvādāt prakṛtisāvadyāt madyapānāt ca pañcabhyo 
virataḥ śrutivivekasampanno gṛhapatibodhisattvaḥ parihṛtadaśākuśalaḥ 
punarakaraṇasambaravān kuśalakarmacārī prātaḥprahare samutthāya 
mukhaśaucādikaṃ kṛtvā ratnatrayamanusmaran oṃ āḥ hūṁ ityanena 
ātmayogarakṣāṃ kṛtvā yathādhigamadhyānajapasaṃstavādikaṃ kuryāt | 
nāmasaṅgītiṃ ca trṣkālamāvartayet |

tadanu oṃ jambhalajalendrāya svāhā ityanena 
parijaptvā'ṣṭottaraśatapānīyaculukāni jambhalāya dadyāt | tato namaḥ 
samantabuddhānāṃ sarvatathāgatāvalokini oṃ sambhara sambhara hūṁ phaṭ 
svāhā iti mantraṃ saptavārān āvarttya 
prasāritadakṣiṇakarāṅgulapañcakavinirgatāmṛtapañcadhārābhi(ḥ) 
pūritadvāramūlaniveśitasajalabalibhaktaśikthakāni māgadhena droṇena 
pravarti(ka)tāni paśyet | sakalapretapiśācāntaryaghanacchaṭātrayaṃ dattvā 
bodhisattvabaliṃ dadyāt | idā(k)nīṃ sarvasattveṣvekaputrapremākārāṃ maitrīm 
duḥkhāduḥkhahetoḥ saṃsārasāgarāt samuddharaṇavāñchāsvabhāvāṃ 
karuṇām ratnatrayaśaraṇagamanāt samulla(sa)nmanaḥprabhāvāṃ muditām 
adhyāsaṅgaparilakṣaṇāmupekṣāṃ 

p. 5)

ca vibhāvya sarvasattyārthodyuktacetā pariśuddhena gomayena viśuddhena ca 
vāriṇā oṃ āḥ vajrarekhe hūṁ iti maṇḍalādhiṣṭhitabhūbhāge caturasrādi 
caturṇāmanyatamamabhimatamaṇḍalakaṃ kṛtvā tanmadhye 
viśvavarṇāṣṭadalakamalavaraṭakaṃ sūryamaṇḍalopari 
nīlahūṁkārapariniṣpannaṃ bhūsparśamudrādharaṃ kṛṣṇavarṇaṃ akṣobhyam 
tadanu pūrvadale śukla oṃkāraniṣpannaṃ śuklavarṇaṃ 
bodhyaṅgī(grī)mudrādharaṃ vairocanam tato dakṣiṇadale pītacāṁkārajaṃ 
pītavarṇaṃ varadamudrādharaṃ ratnasambhavam tataḥ paścimadale 
raktahrīṁḥkārasambhūtaṃ raktavarṇaṃ samādhimudrādharaṃ amitābham tata 
uttaradale śyāmakhaṁkārajaṃ śyāmavarṇamabhayamudrādharamamoghasiddhiṃ 
ca bhāvayitvā oṃ āḥ vajrapuṣpe hūṁ ityanena abhimantrya 
sarvamiṣṭataraṃ ḍhaukayet | ete pañcatathāgatāḥ kāpāyavastraprāvṛtāḥ 
soṣṇīpāḥ śiratuṇḍamuṇḍitāḥ sūryamaṇḍala(ava)sthāḥ | vairocanaḥ 
paraśaśimaṇḍalī tataścatvāro'kṣobhyābhimukhāḥ akṣobhyastu 
sādhakābhimukhaḥ | eṣāmagrataḥ triśaraṇagāthāmimāṃ 
yathādhigama(mā)mukhīkurvan tatreyaṃ triśaraṇagāthā -

namo budhāya gurave namo dharmāya tāyine |
namaḥ saṅghāya mahate tribhyo'pi satataṃ namaḥ ||

ratnatrayaṃ me śaraṇaṃ sarvaṃ pratidiśāmyagham |
anumode jagatpuṇyaṃ buddhabodhau dadhe manaḥ ||

ābodheḥ śaraṇaṃ yāmi buddhaṃ dharmaṃ gaṇottamam |
bodhau cittaṃ karomyeṣa svaparārthaprasiddhaye ||

utpādayāmi varabodhīttaṃ
nimantrayāmyahaṃ sarvasattvān |

p. 6)

iṣṭāṃ cariṣye varabodhicārikāṃ
buddho bhaveyaṃ jagato hitāya ||

deśanā sarvapāpānāṃ puṇyānāṃ cānumodanā |
kṛtopavāsaṃ cariṣyāmi āryāṣṭāṅgikapoṣdhama ||

tataḥ -

śīlacandanaliptāṅgā dhyānaprāvaraṇāvṛtāḥ |
bodhyaṅgakusumākīrṇā viharaddhaṃ yathāsukham ||

iti paṭhitvā oṃ vajramaṇḍala muḥ ityanena visarjayet | evaṃ mañjuśrīprabhṛtīnapi 
yathopadeśaṃ pūjayet |

|| maṇḍalapūjāvidhiḥ ||

dānaṃ gomayamambunā ca sahitaṃ śīlaṃ ca sammārjanaṃ 
kṣāntiḥ kṣudrapipīlikāpanayanaṃ vīryaṃ kriyāsthāpanam |
dhyānaṃ tatkṣaṇamekacittakaraṇaṃ prajñā surekhojjvalā(ḥ)
etāḥ pāramitāḥ ṣaḍeva labhate kṛtvā munermaṇḍalam ||

bhavati kanakavarṇaḥ sarvarogairvimuktaḥ
suramanujaviśiṣṭaścandra(ka)vaddīptakāntiḥ |
dhanakanakasamṛddho jāyate rājavaṃśe
sugatavaragṛhe'smin kāyakarmāṇi kṛtvā ||

|| maṇḍalānuśaṃsā gāthā ||

pratyahaṃ maṇḍalaṃ kṛtvā puṣpagomayavāribhiḥ |
triṣkālaṃ gurave kiñcit dattvā bhaktyā(ktiṃ) ca vandayet ||

pareṣāṃ manasastuṣṭiṃ varjayedātmacetasaḥ |
sukhī prāsādiko dhanyaḥ sukhāvatyāṃ ca jāyate ||

p. 7)

syāt ṣaṭpāramitāpūrī buddhādibhiradhiṣṭhitaḥ |
anantaguṇasampanno maṇḍalaṃ prakaroti yaḥ ||

|| ityanuśaṃsā ||

prajñāpāramitāṃ samyak maṇḍalādividhānataḥ |
paṭhitvā pūjayennityaṃ tadarthamavagāhanam ||

ekagāthāṃ caturgāthāṃ gāthādvitayadhāraṇīm |
ṣaṇmukhīṃ bhadracaryāṃ ca triṣkālaṃ ca trikālataḥ ||

ekākṣarīmupādāya lakṣaṃ yāvat samāhitaḥ |
akhaṇḍitasamādāno yathālābhaṃ paṭhet sudhīḥ ||

buddhabodhisattvapaṭapustakapratimādīśca pūjayet |

|| paṭapustakapūjāvidhiḥ ||

idānīṃ mahāmaṇḍalavyūhatantrānusāreṇa sarvakatāḍanavidhiratidiśyate -

namaḥ samantabuddhānāṃ oṃ vajrapuṣpe svāhā | mṛttikāgrahaṇamantraḥ |

oṃ vajrodbhavāya svāhā | bimbavalanamantraḥ |
oṃ araje viraje svāhā | tailasrakṣaṇamantraḥ |
oṃ dharmadhātugarbhe svāhā | mudrākṣepanamantraḥ |
oṃ vajramudgarākoṭana svāhā | ākoṭanamantraḥ |
oṃ dharmarate svāhā | ākarṣaṇamantraḥ |
oṃ apratiṣṭhitavajre svāhā | sthāpanamantraḥ |

oṃ sarvatathāgatamaṇiśatadīpte jvala jvala dharmadhātugarbhe svāhā | 
pratiṣṭhāmantraḥ |

p. 8)

oṃ svabhāvaśuddhe āhara āhara āgaccha āgaccha dharmadhātugarbhe svāhā | 
visarjanamantraḥ |

oṃ ākāśadhātugarbhe svāhā | kṣamāpanamantraḥ |

|| iti sarvakatāḍanavidhiḥ ||

oṃ namo bhagavate vairocanaprabharājāya tathāgatāyārhate samyaksambuddhāya 
tadyathā oṃ sūkṣme sūkṣme same samaye śānte dānte samārope anālambe 
tarambe yaśāṃvati mahāteje nirākulanirvāṇe sarvabuddhādhiṣṭhānādhiṣṭhite 
svāhā | anayā dhāraṇyā mṛtpiṇḍaṃ vālukāpiṇḍaṃ vā ekaviṃśativārān 
parijapya caityaṃ kuryāt | yāvantastasmin paramāṇavastāvantyaḥ koṭyaḥ 
caityāni kṛtāni bhavanti paramāṇusaṃkhyātāni puṇyāni pratilabhate 
daśabhūmīśvaro bhavati kṣipraṃ cānuttarāṃ 
samyaksambodhimabhisambhotsyata idamavocad bhagavān vairocanastathāgataḥ |

|| mahānuśaṃsādhāraṇī ||

ye dharmā hetuprabhavā hetuṃ teṣāṃ tathāgato hyavadat |
teṣāṃ ca yo nirodha evaṃvādī mahāśramaṇaḥ ||

iti gāthayā pratiṣṭhāṃ kṛtvā oṃ namo bhagavate ratnaketurājāya(ka) 
tathāgatāyārhate samyasambuddhāya tadyathā oṃ ratne ratne mahāratne ratnavijaye 
svāhā ityanena caityavandanāṃ kuryāt | anayā dhāraṇyā ekacaityavandanayā 
koṭicaityavandanā bhavati |

|| mṛttikāsikatādicaityakaraṇavidhiḥ ||

etatsarvaviśiṣṭapariṇāmanayā pariṇāmyamānaṃ viśiṣṭaphalāvāhakaṃ 
bhavatīti | prajñāpāramitoktena mahāpariṇāmena pariṇāmayet | tadyathā yathā 
te tathāgatā arhantaḥ samyaksambuddhā buddhajñānena buddhacakṣuṣā jānanti 
paśyanti tatkuśalamūlaṃ yajjātikaṃ yannikārya yādṛśaṃ yallakṣaṇaṃ 
yatsvabhāvaṃ yayā dharmatayā samvidyate tathā anumode tatkuśalamūlam | 
yathā ca te tathāgatā arhantaḥ samyaksambuddhā abhyanujānanti 
pariṇāmyamānaṃ tatkuśalamūlamanuttarāyāṃ samyaksambodhau tathāhaṃ 
pariṇāmayāmi iti | aparam -

anena cāhaṃ kuśalena karmaṇā
bhaveya buddho na cireṇa loke |
deśeya dharmaṃ jagato hitāya
moceya sattvān bahuduḥkhapīḍitān ||

|| puṇyānumodanāpariṇāmavidhiḥ ||

yasya yasya yadājīvyaṃ śuddhājīvyastadarjayet |
kṣāntyarthaṃ vyādhiśāntyarthaṃ bhaiṣajyamiva cintayet ||

tato yathāmilitānyeṣu oṃ akāro mukhaṃ sarvadharmāṇāmādyanutpannatvāt oṃ 
āḥ hūṁ phaṭ svāhā ityanena baliṃ dadyāt | oṃ āḥ sarvabuddhabodhisattvebhyo 
vajranaivedye hūṁ ityanena naivedyaṃ dadyāt | oṃ hārīti ahāyakṣiṇī hara hara 
sarvapāpān kṣīṁ svāhā iti paṭhitvā hārītibhaktapiṇḍadvayaṃ dadyāt | 
agrapiṇḍāśibhyaḥ svāhā iti agrapiṇḍadānam | tadanu oṃ āḥ hūṁ ityanena 
svapācabhaktamadhiṣṭhāya yāvadviṣādidoṣaśāntyarthaṃ 
prathamato'nāmāṅguṣṭhābhyāmupaspṛśya bhuñjīta | tadanu yathāsukhaṃ 
bhuktvā utsṛṣṭamannaṃ oṃ utsṛṣṭapiṇḍāśanebhyaḥ svāhā | utsṛṣṭapiṇḍaṃ 
dadyāt | pariśiṣṭamannamanabhisandhānenaiva parityajet | tathā ca -

p. 10)

baliṃ dadyānnaivedyaṃ hārītimagrapiṇḍakam |
mahāphalopabhogyāya utsṛṣṭaṃ pañcamaṃ dadet ||

iti | tadanu ācamanādikaṃ kṛtvā 
pariśuddhabuddhiviśiṣṭasukhasamanvāgatasarvasattvahita(ka)sukhāya idaṃ 
tridhā'vartayet -

rājā dānapatiścaiva ye cānye sattvarāśayaḥ |
prāpnuvantu sadā saukhyamāyurārogyasampadaḥ ||

iti | tadanu pariśuddhakāyavāṅmanaḥkarmā yatheccaṃ viharet | anantaraṃ 
upaviśya jātakanidānoktadānakathayā kalyāṇamicaiḥ saha gatairvā sārddha 
dinamanudinaṃ vā'tivāhayet | tato vikālasandhyāyāmapi 
dhyānajapasaṃstavādikaṃ yathādhigamākhinnamānasaṃ kuryāt | 
yugakārādimantreṇa dattabaliryoganidrayā supyāt | upāsakaśabdaḥ kathaṃ 
jñātavyaḥ ? (u0 iti) -

udyukto buddhapūjāyāṃ upaśāntopaśāyakaḥ |
upakārāya sattvānāṃ upāyenānvito bhavet ||

pā iti -

pāpānāvarjayennityaṃ pāpiṣṭhaiḥ saha saṅgatim |
pāpānnivārayan jantoḥ pāpaṃ sarvatra deśayet ||

sa iti -

samāropavinirmuktaḥ samādhau susamāhitaḥ |
sarvadā paramānandī sambodhiṃ sādhayed budhaḥ ||

ka iti -

karoti sarvadā yatnaṃ karuṇāṃ paripālayet |
kaṣṭenāpi na cāniṣṭaṃ karotyupakṛtiṃ parām ||

iti vacanāt |

p. 11)

akṣaracatuṣṭayānvito'yamupāsakaḥ parihṛtākuśalakarmā 
upacitapuṇyasambhāro'bhyāsavaśāt jāgraddaśāvat svapne'pi kuśalānyeva 
karoti |

pratibimbanibhaṃ paśyan jagat śuddhamanāvilam |
māyāpuruṣavat sarvaṃ kuryādanupalambhataḥ ||

ataścāvaivartika ityabhidhīyate | evamahorātraṃ satatasamitaṃ 
puṇyasambhāramupārjayan ābodhimaṇḍaparyantaṃ sattvahitacetoḥ santiṣṭhet |

nāmnā gaganagarbho'sau madhyamārthaparāyaṇaḥ(pañcaḥ) |
samādānaṃ karotyeva ādikarma samāhitaḥ ||

vajrapīṭhāt samāyāto viprajanyaḥ sadāśayaḥ |
tasyābhyarthanayā caitadādikarma kṛtaṃ mayā ||

iha hi gaganagarbhābhyarthanāto mayoktaḥ
katipayapadamātreṇādikarmābhidhānataḥ |
aghatimiramapāsya kleśanirghāta eṣa
aciramamalabuddherbodhaye'bhyāsataḥ syāt ||

ādikarma vidhāyaitat yadalābhi śubhaṃ mayā |
ādikarma vidhāyaitadutkṛṣṭaṃ labhatāṃ jagat |

|| kudṛṣṭinirghātanaṃ samāptamiti ||

tatrāvasthāḥ trayaḥ - hetvavasthā nāma bodhicittāt prabhṛti 
bodhimaṇḍanivedanaṃ yāvat | phalāvasthā nāma samyaksambodhijñānotpattau 
sarvakleśaguṇaprahāṇiprāptyavasthā | sattvārthakriyāvasthā nāma(ka) 
prathamadharacakrapravartanāt prabhṛti āśāsanāntardhānaṃ yāvat |

p. 12)

tatra hetvavasthā trividhā āśayāvasthā prayogāvasthā vasitāvasthā ceti | taca 
āśayāvasthā sattvānirmokṣapraṇidhānam | tacceta(va)ścatvāraḥ tadyathā -

gotra-sanmitrakāruṇyaduḥkhābhīrutvahetavaḥ |
caturbhirpratyayairebhirbodhicittaṃ prajāyate ||

iti vacanāt | daśabhirarthairāśayāvasthā | taca prayogo dvidhā | adhimukticittasya 
pāramitāḥ sapta | taca dhimukticaritasya pāramitā daśa -

dānaṃ śīlaṃ kṣamā vīryaṃ dhyānaṃ prajñā upāyatā |
praṇidhānaṃ balaṃ jñānaṃ matāḥ pāramitā daśa ||

bhūmiprāptasya catasṛbhiḥ sampadbhiḥ sampannaṃ 
āśayaprayogapratigrāhakadeyasampadbhiriti dānaṃ śīlaṃ kṣāntirbīryaṃ 
dhyānaṃ prajñā upāyaḥ - etāḥ sapta pāramitāḥ | 
adhimukticaryācaritapāramitābhyo viśiṣyata iti dvividhā prayogāvasthā |

tatra vasitāḥ pañca tadyathā - kleśa upapatti karma upāya sattvaparipākāvasthā 
ceti |

tatra hetvavasthāsthitena sarvamādikarma kartavyam | 
phalāvasthāsatvārthakriyāvasthāsthitasya ca śākyamuneriva anābhogena 
ādikarma pravartata eva iti | vistareṇa kudṛṣṭinirghāte jñeyam |

kudṛṣṭinirghātādivākyaṭippinikeyaṃ 
śrīmatpaṇḍitāyadhūtādvayavajrapādānāṃ kṛtiriyam ||


p. 13)

2. mūlāpattayaḥ sthūlāpattayaḥ |

apratiṣṭhitanirvāṇaṃ jagadānandasundaram |
natvā mantraśriyaṃ vakṣye mūlāpattauścaturdaśa ||

ācāryeṣvavamānena sugatājñāvilaṅghane |
heyāt gotraguṇāsthāne mahāmaitrovivarjane ||

bodhicittaparityāge yānacitayanindane |
guhyākhyāne jane pakṣe jinātaskandhadūṣaṇe ||

śuddhātmadharmasandehe iṣṭamaitrīvirāgataḥ |
dharmeṣvanadvayārope śrāddhacittapradūṣaṇe ||

samayāsevane prāptau prajñātmastrīpradūṣaṇe |
mūlāpatti(ka)rbhavet tena mantriṇaḥ samayakṛtiḥ ||

tatkṛtau siddhayo na syurmāro duḥkhasya sañcayaḥ |
nirayagatiṃ ca bhuṃkte'sau tīvrā vīdhavedanāḥ ||

guroryathā'ptitaḥ pūjāṃ vidhāya maṇḍale tataḥ |
gṛhṇīyāt bodhicittaṃ ca ratnatrayādisambaram ||

|| mūlāpattayaḥ samāptāḥ ||

vidyāyā(ḥ) sevane prītyā samayānāmayogataḥ |
gaṇacakre vivādaṃ ca guhyadharmaprakāśanāt ||

śrāddhasattveṣu saddharmadeśanā anyathā bhramāt |
saptāhaṃ vasanmadhye śrāvakānāṃ mahakṛte (?) ||

yogāt pati(ta)ścet yogyabhājane guhyadeśanāt |
sthūlāpattirbhavet tena yoginaḥ sambarakṛtiḥ ||

pūjayitvā mahācāryaṃ yathāśaktyupacārataḥ |
apraticchannacittena deśayet tu kṛtau vratī ||

|| sthūlāpattayaḥ samāpta(aḥ) ||


3. tattvaratnāvalī |

namaḥ śrīvajrasattvāya |

praṇamya vajrasattvasya caraṇāmbhoruhadvayam |
tattvaratnāvalīṃ brūmaḥ śaraccandrāmaladyuteḥ ||

sadāmnāyaparibhraṣṭa(bhatsa)tamovṛtadṛśāmiyam |
tattvaratnāvalī samyak puṃsāṃ tattvaprakāśinī ||

tatra trīni yānāni śrāvakayānaṃ pratyekayānaṃ mahāyānaṃ ceti | 
sthitayaścatasraḥ vaibhāṣika-saucāntika-yogācāra-madhyamakabhedena | tatra 
vaibhāṣikasthityā śrāvakayānaṃ pratyekayānaṃ ca vyākhyāyate | 
mahāyānaṃ ca dvividham pāramitānayo mantranayaśceti | tatra yaḥ 
pāramitānayaḥ sautrāntika-yogācāra-madhyamakasthityā vyākhyāyate | 
mantranayastu yogācāra-madhyamakasthityā vyākhyānayate | yogācāraśca 
dvividhaḥ sākāra-nirākārabhedena | evaṃ mādhyamiko'pi 
māyopamādvayavādi-sarvadharmāpratiṣṭhānavādi-bhedāt dvividhaḥ | tatra 
śrāva(kaḥ) trividhaḥ mṛdumadhyādhimātrabhedena | atra ca mṛdumadhyau 
pāścātyavaibhāṣikau adhimātrastu kāśmīravaibhāṣikaḥ |

tatra mṛduśrāvakasya vicāraḥ | nīlapītādivāhyārthāṅgīkārapūrvakaṃ 
pudgalasya nityānityatvaviyuktimāheti vivṛtiḥ | taduktam -

asti khalviti nīlādi (ka) * * * * * parā |
bhāvagrahagrahāveśagambhīra(a)pāyabhīrave ||

asti pudgalo - bhāravāhoṇa ṇiccaṃ bhaṇāmi ṇāṇiccaṃ bhaṇāmīti pudgalaśca 
rāgavān saṃsaratīti samaprahāṇāyāśuddhaṃ matamādhyāyan |

p. 15)

aśubhā bhāvanā tu śarīrasya 
vinmūtraśukraśoṇi(ta)śleṣmāntāntra(siṃhānaka)cikkiṇaklamathaplīhāyakṛtpr
abhṛtisamudāya(da)rūpatā nirūpayet |

taduktam -

imaṃ carmapuṭaṃ tāvat svabuddhau ca pṛthak kuru |
asthipañjarato māṃsaṃ prajñāśastreṇa mocaya ||

asthīnyapi pṛthak kṛtvā paśya majjānamantataḥ |
kimatra sāramastīti svayameva vicāraya ||

iti | pudgalasya nityatvadarśanapūrvāropaḥ samādhimalam | yāvajjīvaṃ buddhaṃ 
dharmaṃ saṅghaṃ śaraṇaṃ gacchāmi ...... vandyau sugatautha mṛddhaḥ (?) 
yāvatkuśalamūlaṃ tamekamātmānaṃ damayiṣyāmyekamātmānaṃ samayī 
syāmekamātmānaṃ parinirvāpayiṣyāmīti dṛṣṭiḥ |

madhyamasya dṛṣṭivivṛti(h) pūrvavat | kiñcitparārtharucirasau 
ānāpānasamādhinā nityānityatvaviyuktapudgaladarśanaṃ dhyānam | 
kumbhakena niśceṣṭībhāvaḥ samādhimalaṃ jāḍyāvāhakatvāt |

śrāvaka-adhimātrasya vāhyārthā(na)ṅgīkāriṇaḥ śarīrasya 
nairātmyatāvyavasthāpanaṃ vivṛtiḥ | caturāryasatyaparijñāne pudgalasya 
śūnyatādarśanaṃ dhyānam | atra ca duḥkhaṃ pañcaskandhasvarūpaṃ 
jñātavyam | samudayo vikalpaḥ prahātavyaḥ nirodhye vipaśyanā sākṣāt 
kartavyaḥ mārgaḥ śūnyatāyāḥ sadāśivarūpatā'dhyāropo dhyānamalam | 
dṛṣṭau punarasya parārthakāritāviśeṣaḥ | atra ca mṛduśrāvako 
niyatagotratvādakāruṇikatvāt śākyabuddha evetyeke |

p. 16)

anye tu -

sarvabuddhā bhaviṣyanti nābhavyo bhūvi vidyate |
na kartavyo'vasādo'smāt samyaksambodhisādhane ||

iti | sattvānāṃ mṛduśrāvako'pi samyaksambuddho bhaviṣyatīti | niyatagotraṃ tu 
kañcit buddhamapekṣa(ta i)ti manyante | madhyastu bhāvipratyekabuddhaḥ 
adhimātrastu catuḥkalpāsaṃkhyeyābhinirvartyabuddha iti pratyekasya 
vivṛtiradhimātraśrāvakasyaiva | ayaṃ ca 
pratipannapudgalaśūnyācintyatālakṣaṇamācāryasvayambhūjñānavipaśyanās
amarthaḥ | tatra indriyānnirodho vipaśyanā(ka) pudgalasyānupalabdhiḥ 
kāyavā(kce)tasāṃ saṃya(ma) samarthaḥ | idamasya dhyānam | atrāsannanidrasya 
cetasaḥ sukhāvasthādhyānam cetasaḥ suṣuptāvasthādhyānaṃ ca samādhimalam 
| tatra pūrvasmin bhāskaramatānupraveśaḥ |

taduktam -

anāgatāyāṃ nidrāyāṃ pranaṣṭe bāhyagocare |
yā bhavenmanaso'vasthā bhāvayet tāṃ prayatnataḥ ||

iti | aparasmin tu vaiśeṣikamatānupraveśaḥ | tadāhuḥ nāgārjunapādāḥ -

ajānānaṃ hi prajñānaṃ nidrādṛṣṭāntasādhitam |
indriyoparataṃ yaddaj jñānaṃ vaiśeṣikaṃ matam ||

bhagavata(ḥ) pravacanamapi -

varaṃ jetavane ramye śṛgālatvaṃ vrajāmyaham |
na tu vaiśeṣikaṃ mokṣaṃ gotamāgantumarhati ||

iti | dṛṣṭirapi pūrvavat | ayamapi 
catuḥkalpāsaṃkhyeyābhinirvarttyabuddhabhāvaḥ karuṇā cānayoḥ 
śrāvakapratyekayoḥ 

p. 17)

sattvāvalambanā duḥkhaduḥkhatāvipariṇāmaduḥkhatābhyāmahanyahani 
sattvānālambya yā karuṇotpadyate sā sattvāvalambanā | śrāvakasya deśanā 
vācakī pratyekasya tu kāyikī | taduktam -

sambuddhānāmanutpāde śrāvakānāṃ parikṣaye |
jñānaṃ pratyekabuddhasya saṃsargāt (ca) prajāyate ||

idānīṃ pāramitānayayogina ucyante | tatra mṛdusautrāntikaḥ - asya khalu 
paramāṇusañcayarūpo'rthaḥ sākārajñānajanakaḥ | tasya ceyameva 
pratya(vetya)vekṣatā yaduta sākārajñānajana(ka)tvaṃ nāma | tadāhuḥ -

bhinnakālaṃ kathaṃ grāhyamiti ced grāhyatāṃ viduḥ |
hetutvameva yuktijñā jñānākārārpaṇakṣayam ||

iti vivṛtiḥ | viṣayebhyaḥ parāvṛttendriyagrāmasyācintyatā dhyānam | 
taduktamabhyāsasyāyaṃ kalanā yat kālaḥ sāṃsthāṃ kriyāyāḥ | tasmāt 
paricayaḥ kartavyaḥ | paricayaśca -

cittaṃ niścitya bodhena abhyāsaṃ kurute yadā |
tadā cittaṃ na paśyāmi kva gataṃ kva sthitaṃ bhavet ||

bhāvayed gṛhibhū * * * * * pilabdhākṣaṇam |
vajraparyaṅkamādhāya nāsāgre cañcalaṃ manaḥ ||

malamasya samādheḥ pūrvavat | citayānupalamdhyā 
prajñāpāramitāsvabhāvena pañcapāramitā'caraṇaṃ phalavaimukhye na 
sattvārthapariṇāmanā taddṛṣṭeriti |

madhyo yogācāraḥ | tatra sākārajñānavādo ṣaṭkena yugapad yogācāre 
(para)māṇoḥ ṣaḍaṅgatetyādinā(ka) nyāyena paramāṇūnā(ma)pyanupapatteḥ | 
cittamātramevedaṃ cittākāradhāri grāhyagrāhakabhāvavīrmuktaṃ prakāśaṃ 
prakāśata 

p. 18)

iti pratipannavān | taduktaṃ cittamātraṃ bho jinaputrā yaduta traidhātukaṃ iti | 
tathācāhuḥ kīrtipādāḥ - 

dhiyo nīlādirūpatve bāhyo'rtha(ḥ) kiṃnibandhanaḥ | 
dhiyo'nīlādirūpatve bāhyo'rtha(ḥ) kiṃnibandhaḥ ||

iti anyatrāpyuktam -

na citteṣu bahirbhūtā indriyārthāḥ svabhāvataḥ |
rūpādipratibhāsena cittameva hi bhāsate ||

tasmāt cittameva citrākāraṃ paraṃ nirapekṣaprakāśaṃ prakāśata iti 
sākāravijñānavādiyogācārasya vivṛtiḥ |

nirākāravādiyogācārastu cittameva idamanākārasvasambedanarūpaṃ iti 
manyate | taduktam -

bāhye na vidyate hyartho yathā bālairvikalpyate |
vāsanāluṭhitaṃ cittamarthābhāsaṃ pravartate ||

yāvadābhāsate yacca tanmāyaiva ca bhāsate |
tattvato hi nirābhāsaḥ śuddhānantanabhonibhaḥ ||

niṣprapañco nirābhāso dharmakāyo mahāmuneḥ |
rūpakāyau tadudbhūtau pṛṣṭhe māyaiva tiṣṭhate ||

iti vivṛtiḥ | vidhūtasakalavi(ka)lpasaccitrādvaitasākṣātkaraṇaṃ dhyānaṃ 
sākāravādinaḥ | taduktam -

yatra yatra mano yāti jñeyaṃ tatraiva yojayet |
calitvā yāsyate kutra sarvameva hi tanmayam ||

iti | sātādvayācintyaniṣprapañcanirābhāsacittasākṣātkaraṇaṃ dhyānaṃ 
nirākāravādinaḥ | tathā ca -

rūpamasya mataṃ svacchaṃ nirā(kā)raṃ nirañjanam |
śakyaṃ tena na hi jñātumabuddhena kadācana ||

p. 19)

vijñānamātramevedamityayaṃ hyupalambhataḥ |
sthāpayenna sa kiñcit (tu) tanmātreṇāvatiṣṭhate ||

yadā tvalambanaṃ jñānaṃ naivopalabhyate tadā |
sthito vijñaptimātratve grāhyabhāve tadagrahāt ||

paramārthasannityasākāravijñānasamādhau bhagavataḥ 
saṃsthitavedāntavādimatānupraveśaḥ | sa hi paramārthasannityaṃ 
svacidrūpabrahmābhinnapariṇāmarūpaṃ jagadicchati | tathā coktam -

yad yad yad dṛśyate kiñcit tat tat brahmeti kalpayet |
tato nānyagataṃ cittaṃ brahmaṇaivāvatiṣṭhate ||

iti samādhimalaṃ sākāravādinaḥ | evaṃ nirākāravādinā'pi 
nityanirābhāsaniṣprapañcasvasamvedanavijñānabhāvanāyāṃ 
bhāskaramatasthitavedāntavādimatānupraveśaprasaṅgaḥ | so'pi 
vyapagata(ḥ)sakalanāmarūpaprapañcopaplavaviśuddhaprakāśānandaghanani(ka)t
yabrahmābhyupagacchati |

bodhāmbho(mbo)dhau mayi svacchaṃ tacchāyaṃ viśvabuddhayaḥ |
udito vā pralīno vā na vikalpāya kalpate ||

iti nirākāravādinaḥ samādhimalam | dṛṣṭiranayoḥ pūrvavat |

adhimātro mādhyamikaḥ | tatra māyopamādvayavādinaḥ vivṛtiḥ -

na san nāsan na sadasan na cāpyanubhayātmakam |
catuṣkoṭivinirmuktaṃ tattvaṃ mādhyamikā viduḥ ||

asya cāyaṃ arthaḥ | na sad bādhāyogāt asadapi na cābhāsanavaśāt tathā 
doṣād dvandvāt ubhayamapi (na) nāpyanubhayaṃ tathā bodhābhāvāditi | api ca 
pūrvetaraparāmarśāt -

p. 20)

mūrtiścitre yathāvastuśakti * * skavāsaṅgaḥ |

sa hi māyopamādvayeti vivṛtiḥ | asyaiva ca māyopamādvayasya bhāvanā 
dhyānam | yastacocchedābhiniveśastad dhyānamalam | 
māyopamādvayādhimokṣataḥ ṣaṭpāramitāparipūridṛṣṭiḥ |

sarvadharmāpratiṣṭhānavādināṃ tvayaṃ vicāraḥ -

na mataṃ śāśvataṃ viśvaṃ na cocchedi samīhitam |
śāśvatocchedino yugmyaṃ nānubhayaṃ vinobhayam ||

sarvasmin pratiṣṭhāne (ca) vastutattvaṃ vidurbudhāḥ |
athaiṣā kalpanā naiva yaccid vetti na cittatām ||

yāvat sarvasamāropaḥ sa sarvaḥ sarvathā na hi |
madhyamārthe nirāropastatrārohavidhī kutaḥ ||

anābhoge hi yad jñānaṃ taccācintyaṃ pracakṣate |
sañcintya yadacintyaṃ vai tad(ci)ntyaṃ bhavennahi ||

yenājātaṃ jagadubddhaṃ buddhiḥ śuddhaiva bodhataḥ |
nijaṃ tasya jagat satyamanābhogena dhīmataḥ ||

taduktam -

sarvāropavinirmukte svatastattve cakāsati |
śūnyatādyabhidhānaistu tatrāropanirākriyā ||

asya ca vicārāya āyātasya arthasya anāroparūpasya anabhiniveśavihāreṇa 
sākṣātkriyā dhyānaṃ sarvārthocchedo jaḍībhāvaḥ samādhimalam |

anāropeṇa ṣaṭpāramitāparipūraṇaṃ dṛṣṭiḥ | atra 
mṛdumadhyayordharmāvalambanā karuṇā | dharmāvalambanā 
cānityatāvyasanasampātinaḥ sarvadharmānālambya utpadyate yā sā bodhyavyā | 
adhimātrasya ca ālambanāniḥsvabhāvā manaskāradharmādhigamānālambanā 

p. 21)

karuṇā | kāyatrayavyavasthā cāsa maitreyanāthairuktā | tathā ca -

karoti yena citrāṇi hitāni jagataḥ samam |
ā bhavāt so'nupacchinnaḥ kāyo nairmāṇiko muneḥ ||

dvātriṃśallakṣaṇāśītivyañjanātmā munerayam |
sāmbhogiko mataḥ kāyo mahāyānopabho(ka) gataḥ ||

sarvākārāṃ viśuddhiṃ ye dharmāḥ prāptā nirāśravāḥ |
svābhāviko muneḥ kāya(ḥ) teṣāṃ prakṛtilakṣaṇaḥ ||

iti | mantranayastu asmadvi(dhai)rihātigambhīratvād 
gambhīranayādhimuktikapuruṣaviṣyatvāt 
caturmudrādisādhanaprakāśanavistaratvācca na vyākriyate | tathā ca -

ekārthatve'pyasaṃmohāt bahūpāyādaduṣkarāt |
tīkṣṇendriyādhikārācca mantraśāstraṃ viśiṣyate ||

kṛtaścā(smā)bhiratra sekanirṇayo nāma granthaḥ |

nanu yadi mahāyānanirṇīta evārthaḥ paramartho'sti asya kimarthaṃ tarhi 
śrāvakapratyekayāne bhagavān deśitavān ? tanna 
mahāyanaprāpyaprāpanārthaṃ eva śrāvakapratyekayānasopānayornirmāṇāt | 
taduktam -

ādikarmikasattvasya paramārthāvatāraṇe |
upāyastvayaṃ sambuddhaiḥ sopānamiva nirmitaḥ ||

saddharmapuṇḍarīke'pyuktam -

eka hi yāna nayaśca ekaḥ
ekā ceyaṃ deśana nāyakānām |
upāyakauśalya mamevarūpaṃ 
yantrāni yānānyupadarśayāmi ||

p. 22)

nāgārjunapādairapyuktam -

dharmadhātorasaṃbhedād dhyānabhedo'sti na prabho |
yānatritayamākhyātaṃ tvayā sattvāvatārataḥ ||

anyatrāpyuktam -

muktistu śūnyatādṛṣṭistadarthāśeṣabhāvanā |

iti | idaṃ ca yānatritayaprakāśanaṃ manthama(a)naśūnya(tā) saiva 
bhagavato'vagantavyaḥ | tathāhi -

nodāhṛtaṃ tvayā kiñcidekamapyakṣaraṃ vibho |
kṛtsnaśca vai māyajano dharmavarṣanatarṣitaḥ ||

cintāmaṇirivākampyaḥ sarvasaṅkalpavāyubhiḥ |
tathāpi sarvasattvānāmaśeṣāśāprapūrakaḥ ||

cakrabhramaṇayogena nirvikalpe'pi tāyina(ḥ) |
sambhāro bedhasāmarthyāt deśanā sampravartate ||

yānānāṃ nāsti vai niṣṭhā yāvaccittaṃ pravartate |
parāvṛtte tu vai citte na yānaṃ nāpi yāyinaḥ ||

saddharmaratnaghaṭikā vāg hyatra grathitāmalā |
hṛdaye kriyatāṃ dhīrāstattvaratnāvalī mude ||

saṃgrahaṃ tu priyatvena vistaradveṣiṇā mayā |
bhūrira(nu)ttame tasmin kṣantavyaṃ vistarapriyāḥ ||

vidhāya bhavyārthanayāprayatnā-
dimaṃ mayā granthamanuttarārtham |
ālambhi yatpuṇyamanena loka-
stathāgatatvaṃ labhatāmalabhyam ||

tattvaratnāvalī sa(ka)māptā |

kṛtirityaṃ paṇḍitāvadhūtādvayavajrapādānām ||


p. 23)

4. pañcatathāgatamudrāvivaraṇam |

pratītyajātāḥ parikalpaśūnyāḥ
śūnyā(ḥ) svabhāvena na vastsantaḥ |
nocchaṃdinaścitracidekarūpā
rūpādayaḥ pañcajinā jayanti ||

pañcaskandhāḥ pañcatathāgata(a)ḥ | tatra catvāro kiṃ 
jñānamātratāpratipādanāya akṣobhyena mudryante ? etena bāhya(a)kārabhāve 
grāhakaśūnyatayā grāhyagrāhakarahitaṃ paramārthasatsambinmātraṃ 
vijñānameva tiṣṭhate | idameva śaradamalamadhyāhna(na)gaganāyamānaṃ 
nirākāravādināṃ maulaṃ jñānaṃ sādhyam | tathā coktam -

śūnyaṃ kalpitarūpeṇa nirābhāsamanākṛti |
satsambitsātamātraṃ vai pṛṣṭhākāracayākulam ||

taduktam - rūpakāyau tu paścimau iti | tathā ca -

niṣprapañco nirābhāso dharmakāyo mahāmuneḥ |
rūpakāyau tadudbhūtau pṛṣṭhe māyaiva tiṣṭhate ||

iti nanvakṣobhyamudrayaiva siddhatvāt kimarthaṃ tarhi akṣobhyo vajrasattvena 
mudryate ityāgamaḥ ? yāvatkalpitākāraśūnyatāpratipādanāya iti cet tanna | 
pūrvamudrayaiva siddhatvāt | tasmāt yathā'kṣobhyamudrayaiva jñānaṃ 
maulaṃ pṛṣṭhamanyat tathā vajrasattvamudrayā vijñānamapi pṛṣṭhaṃ maulaṃ 
vajramiti syāt | uktaṃ ca vajraśekhare -

vṛtaṃ sāramasauśīryamacchedyābhedyalakṣaṇam |
adāhi avināśi ca śūnyatā vajramucyate ||

p. 24)

iti | pṛṣṭhe rūpādikaṃ cet (mau)lajñānādakṣobhyamudrayā 
tadvajra(yā)sattvaṃ pṛṣṭhe'haṃ tanna * * nna kim | sattvamiti pṛṣṭha iti cet tarhi 
karuṇābhāvāt ucchedavādaprasaṅgaḥ | iṣyate ca -

vajreṇa śūnyatā proktā sattvena jñānamātratā |
tādātmyamanayoḥ siddhaṃ vajrasattvasvabhāvataḥ ||

śūnyatākṛpayorbheda(ḥ) pradīpālokayoriva |
śūnyatākṛpayoraikyaṃ pradīpālokayoriva ||

bhāvebhyaḥ śūnyatā nānyā na ca bhāvo'sti tāṃ vinā |
avinābhāvamityat kṛtakānityayoriva ||

kathyamāne yathāta(ttve) ucchedo naiva sambṛteḥ |
sambṛtivyatirekeṇa (ka) na tattvamupalabhyate ||

ityādi vistaraḥ | evamakṣobhyavajrasattvayoraikyamiti cet tarhi 
vijñānarūpādyaparityāge citrādvaitavādo jyāyān | 

taduktam -

saccit cinmātramaśeṣakalpa-
śūnyaṃ hi sākāramataṃ mataṃ me |
gacchattṛṇasparśasamānamanye
tanmadhyamārthaṃ pravadanti santaḥ ||

citrādvaitavādināṃ tu paramārthasaditi jñānamapeśalam | 
grāhyagrāhakaśunyacitrādvaitākṣobhyarūpajñānasya vajrasattvamudrayā 
vastusattānirastatvāt | taduktam -

rūpādikalpaśūnyaṃ cet jñānamakṣobhyamudrayā |
tadvajrasattvamudrāto vastusattā nirasyate ||

na ca vijñaptimātrasya kalpitākāraśūnyatā |
kriyate vajrasattvena pūrvaṃ tasyānavasthiteḥ ||

p. 25)

tadevaṃ paramārthasaditiśalyāpagame 
sarvatrāpratiṣṭhānarūpānābhogayuganaddhādvayavādisamvedanasiddhamadhya
makasiddhāntaḥ preyān | ayaṃ ca sadgurupādaprasādādavagamyate | nanvatra 
sambedanasiddhau māyopamādvayavādaprasaṅgena sarvatrāpratiṣṭhānamiti cet -

yat pratītyasamutpannaṃ (notpannaṃ) tat svabhāvataḥ |
svabhāvena yanotpannaṃ utpannaṃ nāma tat katham ||

iti | sambedanaṃ ca pratītyasamutpannaṃ tasmāt 
samvedanamevāpratiṣṭhitamajātapadam |

tathā ca -

sambedanamajātaṃ vai vastusattā'pi tādṛśī |
vajrasattvasvarūpaṃ tu jagadeva jagau(sau) muniḥ ||

kiñca mañjuśrīstathāgatena pṛṣṭhaḥ katamo'sāvacintyadhātuḥ ? 
mañjuśrīrāha yo dhāturniścito na cittagamanīyo na cittaprameyo na cittacetanayā 
prativeditavyaḥ asāvucyate'cintyadhātuḥ | atha ca punarbhagavan 
cittamevācintyadhātuḥ | tat kasya hetoḥ ? na hyacitte citte cittaṃ saṃvidyate | 
niścitto hi cittaṃ cittasya yathārthāvabodhāt | atha ca sarvākāro 
bhagavato'cintyadhātuḥ | anyacāpyuktam -

avikalpitasaṅkalpa apratiṣṭhitamānasa | 
asmaṛtyamanasikāra nirālamba namo'stu te ||

catuḥpradīpe -

yaḥ pratyayairjāyati sa hyajāto
na tasya utpāda svabhāvato'sti |
yaḥ pratyayādhīna sa śunya uktaḥ 
yaḥ śūnyatāṃ jānati so'pramattaḥ ||

p. 26)

āryalaṅkāvatāre -

āryalaṅkāvatāre -

bhrānti vidhūya sarvā hi nimittaṃ jāyate yahi |
saiva tasya bhaved bhrāntiraśuddhatimiraṃ yathā ||

tathā ca -

mā bhūt sambṛtipratiṣṭhānamata eva munirbhayāt |
bhinatti deśanādharmamuktā hyaśūnyatātmanā ||

uktaṃ ca hevajre -

svabhāvaścaivādyanutpannaṃ (na) satyaṃ na mṛṣeti ca |

kiñca -

sarvaḥ samānaḥ pratibhajyamānaḥ
śū(nyo)ktikāṃkṣāmadhiyā kṛtāntaḥ |
bauddhyasya bāhyasya vibhāgakartrī
na syā(dā)dikā yadi śūnyatoktiḥ ||

āha ca ucchedaśūnyatāṃ apanayan -

tathatāṃ ye tu paśyanti madhyamārthānusārataḥ |
te vai tattvavido dhanyāḥ pratyakṣaṃ yadi saṃvidā ||

taduktaṃ ḍākinīvajrapañjare -

śūnyatākaruṇābhinnaṃ yatra cittaṃ prabhāvyate |
so hi buddhasya dharmasya saṅghasyāpi hi deśanā ||

tasmāt pañcākārāṇāṃ pratītyasamutpannānāṃ 
pañcatathāgata(ḥ)svabhāvatvāt svabhāvasya ca śūnyatākaruṇābhinnatvāt 
śūnyatākaruṇābhinnaṃ jagaditi sthitam | etadeva sadgurorupadeśato 
dhyānamavicchinnam -

nadīsrotapravāhena dīpajyotiḥprabandhavat |

mantratatvānusārataḥ | tathā cāhurnāgārjunapādāḥ -

p. 27)

kūṭāgāramidaṃ na yat tribhuvanaṃ na prāṇino'mī janāḥ 
cakreśo'smin (na) mānuṣo na viṣayā nākṣāṇi na hyādayaḥ |
rūpādyā na ca dharmatātmakatayā te māṇḍaleyā ime 
viśvaṃ maṇḍalacakramākalayataścetaḥ kimu bhrāmyasi ||

pratītyasambhavādeva gandharvapuravat sphuṭam |
na svabhāvasthitaṃ viśvaṃ nākāśāmbhojasannibham ||

uktaṃ ca hevajre -

amī dharmāstu nirvāṇaṃ mohāt saṃsārarūpiṇaḥ |

iti |

|| pañcatathāgatamudrāvivaraṇaṃ samāptaṃ iti ||


p. 28)

5. sekanirṇayaḥ |

namo buddhāya |

evaṃkāraṃ namaskurmo ya(ḥ) sattvakṣaṇakāraṇam |
ānandā yatra jāyante bhedato bodhisiddhaye ||

citraṃ tato vipākaḥ syāt tṛtīye tu vilakṣaṇam |
vimardaśca tato jñeyo haṭhayoganirākṛteḥ ||

ālocanaṃ vimardaścet tṛtīye kathamiṣyate |
yat tatrālocanaṃ naiva bhaved vittiralakṣaṇā ||

vilakṣaṇamato yuktaṃ hantuṃ roddhuṃ tṛtīyake |
svasambitterbhavet siddhirāgama(a)rtho'pi saṅgataḥ ||

cumbanāliṅgane citraṃ ghṛṣṭau vipākanāmakam |
maṇau vilakṣaṇaṃ yeṣāṃ te ca duḥsekasambidaḥ ||

ratnagarbhe ca yā vittiḥ saiva tattvaṃ bhaved yadi |
saiva vedaṃ bhavet tattvaṃ na hyetat bauddhasammatam ||

tathā ca devi paripṛcchasi saiva nirnādatantre -

ratnapuramidaṃ devi kiñjalke jvalatāṃ vrajet |
rudro yugma(ḥ) śivaḥ śreṣṭha(ḥ) śaktiḥ saiva parātparā(ḥ) |
lakṣalakṣaṇanirmuktaṃ vāgudāhāravarjitam |
śivaśakti(ḥ)samāyogāt jāyate cādbhutaṃ sukham ||

na santi tattvato bhāvāḥ śaktirūpeṇa bhāvitāḥ |
śaktistu śūnyatādṛṣṭiḥ sarvāropavināśanī ||

ucchuṣmatantre'pi -

śivaśaktisamāyogāt satsukhaṃ paramādvayam |
na śivo nāpi śaktiśca ratnāntargatasaṃsthitam ||

p. 29)

yogādhyāye'pi -

jñānāmṛtena tṛptasya kṛtakṛtyasya yoginaḥ |
naivāsti kiñcit kartavyamasti cet na sa tattvavit ||

vedāntavādino'pi -

atīndriyamavittiśca jñānaṃ bhāskarasammatam |
vittirānandamātraṃ ca bhagavadvādisādhanam ||

śaktisaṅgamasaṃkṣobhāt śaktyāveśāvasānikam |
yatsukhaṃ brahmatattvasya tatsukhaṃ brāhmamucyate ||

duḥkhānāmagamo nāsti sukhaṃ tatra nirantaram |
ānando brahmaṇo rūpaṃ tacca mokṣeti bhaṇyate ||

yad yad vai dṛśyate kiñcit (tat) tadbrahmeti kalpayet |
tato'nyagatacittaṃ (tu) brahmaṇaivāvatiṣṭhate ||

priyādarśanamevaikaṃ kimanyaddarśanāntaraiḥ |
prāpyate yena nirvāṇaṃ svarāgeṇāpi cetasā ||

tyaja dharmamadharmaṃ ca ubhe satyānṛte tyaja |
ubhe satyānṛte tyaktvā yena tyajasi tat tyaja ||

bhagavadgītāyāmapi -

nāsato vidyate bhāvo nābhāvo vidyate sataḥ |
ubhayorapi dṛṣṭo('ntaḥ) hyanayostattvadarśibhiḥ ||

kiñca grāhyādiśūnyaṃ cet cittamakṣobhyamucyate |
vādhāsvāgamato vajra sattvamudrāviyogataḥ ||

kimarthaṃ niyamenaitat deśakairaśca deśyate |
idaṃ tathāgatāśvāsadhiyā pūrvaṃ prakāśyate ||

bolagarbhe ca sākāraṃ nirākāraṃ tadagrataḥ |
madhyamā varṇayantyeke neti no gurudarśanam ||

p. 30)

vajragarbhe tadagre vā patitaṃ vā kapālake |
na ceṣṭamantarāle'pi tattvaṃ vittau gurormukhāt ||

vicitraṃ vividhaṃ khyātaṃ ityādi sutthitaṃ katham |
maṇyantargatamityādi sadguroḥ suṣṭhu saṅgatam ||

hasityādiviśuddhyā yat ācāryādisamīhitam |
utpattyā tad vyavastheyaṃ na cotpannasvabhāvataḥ ||

citratvāt citramāpṛṣṭheḥ sukhāt pāko maṇeḥ puraḥ |
guro(ḥ) tattvaṃ vijānīyāt vimardāt viratau ramaḥ ||

karmamudrāṃ samāsādya dharmamudrāṃ vibhāvayet |
tasyā ūrddhvaṃ mahāmudrā yasyāḥ samayasambhavaḥ ||

ānandāḥ pratimudrāsyāḥ mahāmudrāṃ vinā punaḥ |
āgamācca svasambitteḥ sadgurorupadeśataḥ ||

vicitraṃ karmamudrāto vipāko jagadātmatā |
sthairyaṃ vilakṣaṇaṃ tatra vimardo jagadīkṣaṇam ||

sarvasmi(nna)pratiṣṭhānaṃ mahāmudreti kīrttyate |
vimalatvāt svasambitteḥ vicitrāderna sambhavaḥ ||

anābhogaṃ hi yad jñānaṃ taccācintyaṃ pracakṣate |
sañcintya yad acintyaṃ vai tadacintyaṃ bhavenna hi ||

tathatā ye tu paśyanti madhyamārthānusārataḥ |
te vai tattvavido dhanyāḥ pratyakṣaṃ yadi saṃvidā ||

yo vit sarvasamāropaḥ sa sarva(ḥ) sarvathā na hi |
madhyamārtho nirāropaḥ tatrāropavidhī kutaḥ ||

jñānajñeyāsamarope manyanā tatra nānyathā |
sarvastathā yathāpūrvaṃ yathā buddhistathā na hi ||

yenājātaṃ jagadbuddhaṃ buddhiḥ śuddhaiva bodhataḥ |
nijaṃ tasya jagat satyamanābhogena dhīmataḥ ||

p. 31)

avibhāvitasambandho vikalpo'sau pratītyajaḥ |
tadeṣa eva nirvāṇe no kṛthāḥ cittavibhramam ||

pratipakṣe sthito naiva tattvāśakto'pi naiva yaḥ |
gārddhaṃ naiva phale yasya mahāmudrāṃ sa vindati ||

yathaiva karmamudrāyāṃ ānandādivyavasthitiḥ |
tathā samayamudrāyā vajrācāryaprasādataḥ ||

vicitraṃ karmamudraiva dharmamudrāvipākajā |
vilakṣaṇaṃ mahāmudrā vimarda(ḥ)samayo bhavet ||

mahāmudrāma(jānānāḥ karmamudraiva sādhanā |
āmnāyatattvato bhraṣṭā rauravaṃ yānti yoginaḥ ||

mudrā tāvat na buddhyante catasraśca catuḥkṣaṇāḥ |
yāvanna śavareśasya spṛśanti pādapotsavaḥ ||

samyak sekaṃ vidhāyaitat haṭhaduḥsekavarjitam |
yat sādhitaṃ mayā puṇyaṃ tenāstu jagataḥ sukham ||

|| sekanirṇayaḥ (nirdeśaḥ) samāptaḥ ||


p. 32)

6. caturmudrā |

evam - vajrasattvaṃ praṇamyādau viśuddhajñānatanmayam |
mudrānvayaḥ samāsena kriyate ātmabuddhaye ||

iha hi mudrānvayavibhrāntyā mūḍhamanaso bhramanti bhavārṇave duḥkhitāḥ | 
teṣāṃ sukhena caturmudrārthapratipattaye tantrānusāreṇa mahāsukhasādhanaṃ 
prasādhyate | caturmudreti - karmamudrā dharmamudrā mahāmudrā samayamudrā 
| tatra karmamudrāyāḥ svarūpaṃ nirūpyate | karma yā kāyavākcittacintā 
tatpradhānā mudrā kalpanāsvarūpā tasyāṃ karmamudrāyāṃ ānandā 
jāyante kṣaṇabhedena bheditāḥ -

kṣaṇajñānāt sukhajñānaṃ evaṃkāre pratiṣṭhitam |

ānandāścatvāraḥ - ānandaḥ paramānandaḥ sahajānandaḥ viramānandaḥ | 
anyathā -

paramaviramayormadhye lakṣyaṃ vīkṣya dṛḍhīkuru |

iti yduktaṃ tat saṅgataṃ na bhavati | catvāraḥ kṣaṇāḥ - vicitra vipāka vilakṣaṇa 
vimarda | madhye vilakṣaṇaṃ dattvā seke boddhavyam | haṭhayoge punaḥ 
sahajavilakṣaṇayorante sthitirboddhavyā | sekahaṭhayoge cedaṃ nirdiṣṭaṃ 
bhagavatā | sahajaṃ satsarvaṃ sahajacchāyānukāritvāt sahajamitabhidhīyate | 
sahajacchāyā sahajasadṛśaṃ jñānaṃ pratipādayati iti | sahajaṃ 
prajñājñānam | ata eva prajñājñāne sahajasyotpattirnāsti | yasyāḥ sahajaṃ 
nāma svarūpaṃ sarvadharmānāmakṛtrimalakṣaṇaṃ iti yāvat | tasmāt 
karmamudrāṃ prāpya nispandaphalamutpadyate | sadṛśaspando nispandaḥ | 
sādṛśyaṃ yathā darpaṇārpitaṃ mukhasya pratibimbaṃ mukhaṃ na bhavati | na 
pūrvasiddhaṃ nāpyadhunā 

p. 33)

siddhaṃ tadeva mukhapratibimbaṃ sādṛśyamātramāpādayati tathāpi lokāḥ 
svamukhaṃ dṛṣṭamiti kṛtvā bhrāntyā santuṣṭā bhavanti | tathaivācāryāḥ 
kumatadāḥ prajñājñānamāsādya sahajamanubhūtaṃ iti kṛtvā santoṣaṃ 
utpādayanti santuṣṭāśca santo dharmamudrāyā vārtāmapi na jānanti | 
dharmamudrāmajānānā kevalayā karmamudrayā kṛtrimayā 
kathamakṛtrimabhūtaṃ sahajākhyaṃ utpadyate | sajātīyāt kāraṇāt sajātīyasya 
eva kāryasya utpattirbhavati na tu vijātīyāt yathā śālībījāt 
śālyaṅkurotpattirbhavati natu kodravyasya | tathā dharmamudrāyā akṛtrimāyāḥ 
sakāśāt akṛtrimaṃ sahajaṃ utpadyate | tasmāt dharmamudraiva kāraṇam | abhede 
bhedopacāreṇa mahāmudrāyāḥ | kasmāt ? tarhi bhagavatoktam -

ekārākṛti yaddivyaṃ madhye vaṁkārabhūṣitam |
ālayaṃ sarvasaukhyānāṃ buddhaṃ ratnakaraṇḍakam ||

iti | buddhacchāyānukāritvāt karaṇḍakaṃ sthānaṃ ādhāraḥ tasmāt 
karmāṅganāyā ānandasandoharatnākaraṃ saroruham | tat svacchamāsthānaṃ 
bolakakkolarasasaṃyogena avadhūtyā samvṛtibodhicittamaṇyantargataṃ yadā 
bhavet tadā kṣaṇikanāmā parasahajākhyaṃ jñānamutpadyate | na tat 
sahajanispanda(ḥ) | tatsvarūpeṇa prajñājñānānandatrayaḥ 
kṣaṇacatuṣṭayānvitaṃ seke haṭhayoge ca karmamudrāyā nispandaphalamuktam |

|| karmamudrānispandanirdeśaḥ prathamaḥ ||

oṃ - dharmamudrā dharmadhātusvarūpā niṣprapañcā nirvikalpā akṛtrimā 
utpādarahitā karuṇā svabhāvā paramānandaikasundaropāyabhūtā | 
pravāhanityatvena sahajasvabhāvā yā 

p. 34)

prajñāyāḥ sahajodayatvena abhinnā yā sā dha(rma)mudretyabhidhīyate | anyat 
lakṣaṇaṃ tasyāḥ saṅkulājñānāndhakāre taraṇikiraṇasadṛśaṃ 
gurūpadeśataḥ tṛṇatu(pa)samā tatrāpi bhrāntiśalyavarjitaṃ bodhyavyam | 
sakalakṣitijalapavanahutāśanairmahāśavalitaṃ trailokyaikasvabhāvaṃ 
nistaraṅgaśūnyatākaruṇābhinnaṃ ca bodhyavyam | uktaṃ ca bhagavatā -

lalanā prajñāsvabhāvena rasanopāyasaṃsthitā |
avadhutī madhyadeśe tu grāhagrāhakavarjitā ||

etannipunenāpi tathatākāreṇa sannikṛṣṭakāraṇatvena mārgo jñātavyaḥ | 
mārgajñāne sādaranirantaraṃ mārgābhyāsāt nirodhasya sahajasvabhāvasya 
sākṣātkṛtitvaṃ bhavati | tathā coktam -

nāpaneyaṃ ataḥ kiñcit prakṣeptavyaṃ na kiñcana |
draṣṭavyaṃ bhūtato bhūtaṃ (bhūta)darśī vimucyate ||

lalanā rasanā tayormadhyadeśe nivāsinī avadhūtau 
saivādhigatasakalapadārthasahajasvabhāvaikacittavṛtteḥ sadgurupadeśato 
dharmamudrā mahāmudrāyā abhedena hetubhūtā |

|| dharmamudrāvipākaphalanirdeśaḥ dvitīyaḥ || 2 ||

āḥ - mahāmudreti | mahati cāsau mudrā ceti mahāmudrā (ceti) | mahāmudrā 
niḥsvabhāvā jñeyādyāvaraṇavivarjitā śaradamalamadhyāhnagaganasaṅkāśā 
sakalasampadādhārabhūtā bhavanirvāṇaikasvarūpā 
anālambanakaruṇāśarīrā mahāsukhaikarūpā | tathā ca amanasikārā dharmā 
kuśalā manasikārā dharmā akuśalā pravacane ca |

avikalpitasaṅkalpa apratiṣṭhitamānasa |
asmṛtyamanasikāra nirālamba namo'stu te ||

p. 35)

iti yā sā mahāmudretyabhidhīyate | tathā mahāmudrayā acintyasvarūpayā 
samayamudrākhyaphalaṃ jāyate |

|| mahāmudrāvaimalyanirdeśastṛtīyaḥ || 3 ||

hūṁ - samayamudreti sambhoganirmāṇakāyākārasvabhāvena svacchākāreṇa ca 
sattvārthāya vajradharasya herukākāreṇa visphuraṇaṃ yat sā samayamudreti 
copadiśyate | tāṃ ca samayamudrāṃ gṛhītvā cakrākāreṇa pañcavidhaṃ 
jñānaṃ pañcavidhaṃ parikalpya ādarśa-samatā-pratyavekṣaṇā-
kṛtyānuṣṭhāna-suviśuddha-dharmadhātubhiḥ ādiyoga-maṇḍalarājāśri-
karmarājāśri-binduyoga-sūkṣmayogaiḥ samayamudrācakraṃ 
bhāvayantyācāryāḥ | tena te kṛtapuṇyā bhavanti | tataśca na 
dharmamudrāphalalābhino bhavanti niyatārthakāraṇāt niyatasyaiva 
kāryasyotpattiriti vacanāt | tasmāt sahajasiddhāsāt na vedhena sthiracalādayo yena 
vā bālaparikalpitā te saṃbodhikā(raṇa)tāmupayānti |

na mantrajāpo na tapo na homo
na māṇḍaleyaṃ na ca maṇḍalaṃ ca |
sa mantrajāpaḥ sa tapaḥ sa homaḥ 
tanmāṇḍaleyaṃ tanmaṇḍalaṃ ca ||

samāsataḥ cittaṃ samājarūpīti | samāsataḥ sarvadharmāṇāmekākārato yaduta 
mahāsukhākārataḥ cittamiti bodhicittaṃ samājarūpīti | 
dharmamudrāmahāmudrābhiṣekarūpaṃ vā jñānaṃ satsamāja ityabhidhīyate |

|| samayamudrāpuruṣakāraphalanirdeśaḥ caturthaḥ samāptaḥ || 4 ||


7. sekatānvayasaṃgrahaḥ |

namo buddhāya |

kalyāṇamitravārāṅko'pi samādhimājapatyanavagrāhyaḥ |
karatalagatamiva tattvaṃ ṣaṭpañcamaviṣamaṃ dhatte ||

vajrācāryāttu saṃjñānasekatātparyasaṃgraham |
viditvā kurmahe'nekasekagranthān yathāgamam ||

prathamaṃ kalasābhiṣeko dvitīyaṃ guhyamuttamam |
prajñājñānaṃ tṛtīyaṃ vai caturthaṃ tat punastathā ||

asyārthaḥ - prathamaṃ kalasābhiṣeka iti 
udakamukuṭavajraghaṇṭānāmācāryalakṣaṇāḥ ṣaṭ kalasābhiṣekāḥ | 
bāhyavāriṇaiva bāhyamalasya avidyāmalakṣālanāya siñcate'neneti sekaḥ | 
eṣāṃ sarveṣāṃ kalasavyāpārāt kalasābhiṣekasaṃjñā | 
avaivartikābhiṣekāścaite ṣaṭtathāgatasvabhāvatvāt | tathāhi udakābhiṣeka 
ādarśajñānātmako'kṣobhyasvabhāvaḥ mukuṭābhiṣekaḥ 
samatājñānātmako ratnasambhavasvabhāvaḥ vajrābhiṣekaḥ 
pratyavekṣaṇājñānā(tmakaḥ) amitābhasvabhāvaḥ adhipatyābhiṣekaḥ 
kṛtyānuṣṭhānarūpo amoghasiddhisvabhāvaḥ nāmābhiṣeko avidyānirodhāt 
vidyānugataviśuddhadharmadhātujñānātmako vairocanasvarūpaḥ 
ācāryābhiṣekastu vajrajñānasvabhāvaḥ | atra ca pañcābhiṣekaḥ pañcasu 
locanādividyāyāḥ vyāpārāt | atra ca avidyāmalakṣālanāya akṣobhyarūpeṇa 
vajrācāryeṇa vairocanarūpāvalambini śiṣye salilāhbiṣeko deyaḥ | evaṃ 
sarvatrāhaṅkāraḥ āgāmibuddhabhāvo acittoṣṇīṣabījabhūto

p. 37)

mukuṭābhiṣekaḥ | dvādaśāṅguliparimāṇena 
dvādaśāṅgapratītyasamutpādaviśuddhyā vajram | yatra 
madhyavṛtterniruttaradharmatāsūcako hūṁkāraḥ | tasyārthaḥ ha iti hetuviyuktaḥ 
(ū) iti ūhāpagataḥ aṁ iti apratiṣṭhitasarvadharma iti | yatra 
bhavasarodbha(va)mukhāt sphuranti pañcārarūpiṇo munayaḥ 
pañcaskandhaviśuddhyā niṣkrāntā bhavaśarīreṇa | iha ca madhyārābhimukhata 
uparyadhareṇa sarve rūpādayo vijñānātmakā iti sūcyante | ete ca sarve 
sarvātmakā iti nive(da)yituṃ sarvatraiva caturaśrī | atha te dharmasya buddhā 
hūṁnādaniveditātmarūpasya pañcāsivimuktakāyāḥ paryante cānyatra 
visphuritā śūnyatānimittā(ḥ) praṇihi(hi)tatāvabodhanārthaṃ sarvatra 
hullikātrayam | ete ca 
ādarśasamatāpratyavekṣaṇākṛtvānuṣṭhānasuviśuddhadharmadhātulakṣaṇapa
ñcajñānātmakā gurūpadeśato jñeyāḥ | abhedyajñānasūcakaṃ ca 
samudāyārthaḥ -

dṛḍhaṃ sāraṃ asauśīryaṃ acchedyābhedyalakṣaṇam |
adāhi avināśi ca śūnyatā vajramucyate ||

abhedyaṃ vajramiti hevajre | asya ca vajrābhiṣekasya vidhānaṃ 
utpaśyamānābhedyajñānabījādhānamiva vidhātuṃ evaṃ vajraghaṇṭā'pi 
pūrvābhisandhānena dvādaśāṅguliparimāṇā 
adhomukhāmbhojavajrasamāpattiniḥsvabhāvena sarvadharmasvabhāvaṃ 
pratipādayituṃ abhedyajñānanigadatāṃ dharmodayasya bodhayituṃ 
mūrdhādhobhāge ca vajrāvalīyugalamālinī | 
tridhātukasvabhāvakūṭāgāratāmasya sthāpayituṃ hārārddhahāraprakāra ata 
eva pañcatathāgatāṅkitaḥ śūnyatākaruṇābhinnajñānakāraṇatāṃ 
āvedayitumapari(ṇata)prajñāmukhāsthānam | asya ca dharmadhātusvarūpasya 
jñānasya vairocanādipañcatathāgatātmakatāṃ ca 

p. 38)

rūpādipañcaskandhasvabhāvatāṃ ca pṛthivyādipañcadhāturūpatāṃ ca 
kathayituṃ ūrddhvaṃ pañcāraviracanā | atrāpi 
madhyasthitārābhimukhādyabhisandhānaṃ pūrvavat | athābhiṣekamanayā 
svanantyā vajraghaṇṭyā kurvīta | anuttarāśeṣadharmabodhād vikārakaṃ iha 
prādhānyakhyāpanāya hetukatāpratipādanāya ca kāraṇabhūtamapi 
vajraghaṇṭābhiṣekamullaṅghya prathamaṃ vajrābhiṣekadānam | sarvadharmā 
nāmatā iti pratipādanārthaṃ 
bhaviṣyanmunīndrapadocitanāmanidānāvadānārthaṃ ca 
pūrvanāmavyapanayena svadevatākulagotrānusāreṇa nāmābhiṣekaḥ | 
ācāryābhiṣekaśca vajrasamaya-ghaṇṭāsamaya-mudrāsamaya-bhavyatānujñā-
vratavyākaraṇāśvāsalakṣaṇaḥ | ita(ḥ) prabhṛti asaṃskṛto 
bhedayuganaddhabāhibo(dhi)dharmasamayastvaṃ iti bodhayituṃ vajrasamayaḥ 
caturaśītidharmaskandhasahasraparastvamiti pratipādanāya ghaṇṭāsamayaḥ 
sveṣṭadevatāsvabhāvastvamiti khyāpayituṃ mudrāsamayaḥ | maṇḍalatattvaṃ 
maṇḍalaviśuddhilakṣaṇaṃ devatātattvaṃ devatāviśuddhilakṣaṇaṃ 
ācāryaparikarma ca maṇḍalasādhanajñānaṃ pañcapradīpaṃ 
cāmṛtabhakṣaṇaṃ ca bhavyatātattvaṃ ca 
naiḥsvābhāvyameṣāmutpannakramapakṣataḥ 
dharmacakrapravartanārthamanujñā | bāhyavratanirākaraṇārthaṃ 
vajravratadānaṃ pṛthivyādisvabhāvatāsūcanāya vyākaraṇam | tathā hi bhuvo 
dharāde(ḥ) svaḥ svarūpaṃ bhūrbhūyā iti hi bhūrbhuvaḥsvarityasyārthaḥ | 
sarvāvaraṇavinirmuktaḥ sarvabuddhabodhisattvasama(ya)stvaṃ itaḥ prabhṛti 
bodhanārthamāśvāsaḥ |

prajñāśraddhākṣetrīkaraṇārthaṃ samayarakṣaṇārthaṃ ca 
samānakālobhayasampāditabodhicittapradānaṃ guhyābhiṣekaḥ | 
prajñopāyaguhyābhyāṃ dīpayata iti vyutpattiḥ | prajñājñānamityatra 

p. 39)

vyutpattidvayam prajñayāṃ jñānam prajñaiva bāhyajñānam | tatra 
grāhyagrāhakākāradhāraṇī 
buddhiścaturdhātupañcaskandhasvarūpa ṣaḍvipayātmakāṅganāsvabhāvā 
prajñā | tasyā nimittabhūtāyā bodhicittajñānamiti pūrvā vyutpattiḥ | 
ākāradvayaśūnyā saiva vijñānamityaparā vyutpattiḥ | 
prajñājñānalakṣitasaptāṅgayuktasādhyaṃ caturthārthamityeke | 
prajñājñānameva abhyasyamānaśaradamalagaganasaṅkāśaṃ 
caturthārthamityapare | prajñājñānameva prakṛtirūpaṃ vikārarūpaṃ 
prakṛtisamutpādātmakaṃ yuganaddhādvayavāhisuviśuddhasvabhāvaṃ 
caturthārthamityapare | pakṣāntarāṇi ca vistarabhayā nnocyante | 
atiguhyasekasaṃgrahavidhānamilitena puṇyayutaślo(ke)na nikhilajagato'stu 
vimalasphuṭasugatasubhāṣite kṣānti(ḥ) |

|| samāptaścāyaṃ sekatānvayasaṃgraha iti | kṛtiriyaṃ paṇḍitāvadhūtaśrī-
advayavajrapādānāmiti ||


p. 40)

8. pañcākāraḥ |

namo buddhāya |

vajrasattvaṃ namaskṛtya niṣprapañcamanuttaram |
pañcākāramahaṃ vakṣye samākṣipya (ca) bodhaye ||

oṃ āḥ hūṁ ityanena sthānātmayogarakṣāṃ kṛtvā sugandhādiliptabhūbhāge 
caturasrādimaṇḍalamadhye pañcatathāgatāḥ pañcayoginyaḥ pūjanīyāḥ | tatra 
madhye viśvavarṇapaṁkārapariṇataviśvāṣṭadalavikasitakamalavaraṭakopari 
raktarephapariṇatasūryamaṇḍalasthanīlahūṁkāraniṣpanno dvibhuja ekamukho 
bhūsparśamudrādharo vajraparyaṅkī 
dvātriṃśallakṣaṇāśītyanuvyañjanālaṅkṛtaśarīro 
daśabalavaiśāradyādiguṇagaṇaikanilaya(ḥ) sauśīryamāṃsāsthirahitaḥ 
pratibhāsamātradarpaṇapratibimbasamo na satyaṃ na mṛṣā atimaitryātmyakatvāt 
kṛṣṇavarṇaḥ kṛṣṇavajracihnaḥ 
suviśuddhadharmadhātuvijñānaskandhasvabhāvaḥ 
śiratuṇḍamuṇḍitakāṣāyāvaguṇṭhitavigrahaḥ vajrasattvāṅkitaśirāḥ 
vajrasattvasvabhāvaḥ śiratuṇḍamuṇḍitakaḥ ata eva hetuphalātmakaḥ 
sarvākāravaropetaśūnyatālakṣaṇaḥ asaṃskṛtatathāgatātmakatvāt 
dharmakāyaḥ pratibhāsamātratvāt sambhogakāyaḥ kalpitanirmāṇakāyaṃ 
nirmāṇakāyaḥ kāyacitayaikarasattvāt svābhāvikakāyaḥ | taduktam -

asaṃskṛtamanodharmaḥ copa(ḥ)sambhogalakṣaṇaḥ |
tadeva nirmitaṃ citraṃ bījaḥ sarvasvabhāvataḥ ||

iti vikalpāderaspṛśyatvāt vajrakulī - vajrakulaśca lokaiḥ na spṛśyate - 
dveṣavajraśca śiśiramadhyāhnakaṭuśruti

p. 41)

ākāśaśabdacavargo akṣobhyaviśuddho amī bāhyādhyātmikavyavastheyamiti 
kāyacatuṣṭayavyavasthā cātrāpi pūrvavat | āḥ vajradhṛk hūṁ asya jāpamantraḥ 
|

vajrasattvastu hūṁkārajanmā śuklo dvibhuja ekavaktro vajravajraghaṇṭādharo 
manaḥsvabhāvaḥ kāpāyarasaśarīraḥ śaradṛtuviśuddho yaralavādyātmakaḥ 
arddharātrataḥ prabhātakālaparyanto dharmadhātuparanāmā |

ataḥ pūrvadale candramaṇḍalopari oṃkārajaḥ śuklavarṇavairocanaḥ 
śuklacakra(vajra)cihnaḥ bodhyaṅgīmudrādharaḥ rūpaskandhasvabhāvaḥ 
mohasvarūpo viṭaviśuddhaḥ tathāgatakulī ādarśatvena pratiṣṭhitaḥ 
hemanta ṛtuviśuddhaḥ madhurarasaśarīraḥ kavargavyāpī 
prabhātasandhyātmakāyasvabhāvaḥ | oṃ āḥ jinajika hūṁ (i)tyasya jāpamantraḥ |

dakṣiṇadale sūryamaṇḍalopari cāṁkārajaḥ pītavarṇo ratnasambhavo 
ratnacihnavaradamudrādharo vedanāsvabhāvapiśunaśarīraḥ raktātmako ratnakulī 
samatājñānavān vasanta ṛturūpalavaṇaśarīraḥ ṭavargavyāpī 
tṛtīyacaturthapraharātmakaḥ | oṃ āḥ ratnadhṛk hūṁ asya jāpamantraḥ |

tataḥ paścimadale ravimaṇḍalopari raktahrīḥkārasambhūto raktavarṇo'mitābhaḥ 
padmacihnaḥ samādhimudrādharaḥ saṃjñāskandhasvabhāvo rāgaśarīraḥ 
śukrātmakaḥ padmakulī pratyavekṣaṇājñānalakṣaṇo grīṣma-ṛturūpa 
āmlarasa(śa)rīraḥ tavargātmā pradoṣavān | jāpamantraścāyaṃ oṃ āḥ ārolika 
hūṁ |

tata uttaradale sūryamaṇḍalopari śyāmakhaikārajaḥ 
(śyāmavarṇo'moghasiddhiḥ siśvavajracihnābhayamudrādharaḥ 
saṃskāraskandhasvabhāvo varṣā-ṛturūpaḥ) piśitāpaḥ tiktarasātmakaḥ 

p. 42)

pavargaviśuddhaḥ arddharātrasvabhāvaḥ | asya ca mantraḥ oṃ āḥ prajñādhṛk 
hūṁ iti |

ete vajraparyaṅkinaḥ dvibhujai(ka)vaktrāḥ 
soṣṇīpaśiratuṇḍamuṇḍitakāṣā(ya)avaguṇṭhita-
dvātriṃśallakṣaṇāśītyanuvyañjanālaṅkṛta-
daśavalavaiśāradyādiguṇagaṇaikanilayāḥ sauśīryamāṃsāsthirahitā 
darpaṇapratibimbopamā na 
satyāsatyādisaṅkalpanāpagamavimalapratibhāsamātrakasambhogavigrahāḥ 
kāyacitayaikarasatāsvābhāvikakāyamupādāya 
asaṃskṛtatathātmakarmakāyakalpitavijñānakāyāvyabhinnā 
rūpavedanāsaṃjñāsaṃskāraskandhātmakā 
vairocanaratnasambhavāmitābhāmoghasiddhayo vijñānamātratā iti 
pratipādanāya akṣobhyena mudryante iti | akṣobhyāṅkitaśirasi vijñānasya 
nai(ḥ)svābhāvyasya śūnyatākaruṇayostādātmaka(tvaṃ) capratipādayituṃ 
akṣobhyo'pi vajrasattvena mudryate | etena hetuphalātmakaṃ 
bhavanirvāṇaikarasatāmātraṃ jagaditi pratipāditaṃ bhavati |

tathā ca -

śūnyatākaruṇābhinnaṃ yatra cittaṃ prabhāvyate |
sā hi buddhsya dharmasya saṅghasyāpi hi deśanā ||

guḍe madhuratā cāgeruṣṇatvaṃ pra(kṛ)tiryathā |
śūnyatā sarvadharmāṇāṃ tathā prakṛtiriṣyate ||

tathā ca -

bhavasyaiva parijñānaṃ nirvāṇaṃ iti kathyate |

āgneyakoṇadale candramaṇḍalopari śuklaloṁkārajā śuklavarṇā locanā 
cakracihnā pṛthvidhātusvarūpā tathāgatakulodbhavā moharaktā | asyā bījaṃ oṃ 
āḥ loṁ hūṁ svāhā iti |

p. 43)

nair-ṛtyāṃ candramaṇḍalopari kṛṣṇamāṁkārabījasambhūtā māmako 
kṛṣṇavarṇā kṛṣṇavajracihnā abdhātusvabhāvā vajrakulā dveṣaraktā | asyā 
bījaṃ oṃ āḥ māṁ hūṁ svāhā iti |

vāyavyāṃ candramaṇḍalopari pāṁkārabījasambhūtā pāṇḍaravāsinī raktā 
raktavarṇā padmacihnatejodhātusvarūpā padmakulā rāgaraktā | asyā bījaṃ oṃ 
āḥ pāṁ hūṁ svāheti | 

aiśānyāṃ candramaṇḍalopari kanakaśyāmatāṁkārapariṇatā tāriṇī 
śyāmavarṇā śyāmanīlotpalacihnā vāyudhātusvarūpā karmakulā īrpāraktā 
| asyā bījaṃ oṃ āḥ tāṁ hūṁ svāhā |

etā(ḥ) catasraḥ ṣoḍaśābdikā asādhāraṇarūpayauvanaśālinyo 
yathāśobhasaṃsthitā pūrvavat kāyacatuṣṭayātmikā manohlādinyaḥ 
sakalajinaguṇādhārabhūtāḥ pañcatathāgatasvarūpāḥ | āsāṃ(asyāṃ) 
madhye ālisvabhāvā vajrasattvasvarūpiṇī vajradhātvīśvarī nāyikā | iyameva 
bhagavato tathatā śūnyatā prajñāpāramitā bhūtakoṭinairātmyeti vyapadiśyate 
|

na granthaḥ kṛtikauśalyamāpādayitumeṣa me |
prayatnaḥ kiṃ ca saṃkṣipya bodhayeyaṃ śiśūn iti ||

iti vidhivadudīryasattvahetoḥ 
sakalajināgamayuktisaṅgataṃ hi |
akhilamihaśubhaṃ samāptaṃ
bhavatu tato jina eṣa vajrasattvaḥ ||

|| pañcākāraḥ samāptaḥ ||


p. 44)

9. māyāniruktiḥ |

namaḥ sarvajñāya |

māyeya niḥsvabhāvaṃ cet jagadadhyakṣa(ṃ)budhāḥ |
kimarthamiha muhyanti jānanto(na)'pi sukhāsu yā(?) ||

māyāvī kurute māyāṃ jvaladākārabhāsvarām(raṃ) |
kasyacit satyamābhāti māyā māyaiva tadvidaḥ ||

māyātuṣṭervinābhogaṃ ye kāmāḥ svayamāgata(aḥ) |
māyayā tānasau bhuṃkte yanmāyā sarvasaṃgatā ||

śūnyato jāyate dharmastasmādanyā na dharmatā |
ata eva hi sārvajñaṃ buddhasya na vihanyate ||

anaropavaśāt sarvaṃ dharmacakraṃ pravartate |
pādaprasārikāṃ tyaktvā kṣiptvā mānādikalpanām ||

caryayā vicared yogī susthitaḥ sthānayogataḥ |
khāna-pāna-rasaṃ prāpya śuddhamuddhuṣya bhāṣayā ||

caryāṃ na vicaret yastu nāsau sambodhibhājanaḥ |
vācā vakti janastattvaṃ caryāmapyanumodate ||

vittyanuṣṭhānasampattyā sampanno vallabho janaḥ |
mahī śayyā diśo vāso bhikṣābhaktaṃ ca bhojanam ||

ajātadharmatā kṣāntiḥ kṛpānābhogavāhinī |
janajanmani (ja) ye dharmā jāyante te'pi caryayā |
etat phalamihāpya(sti) kṣamā tā(stā)vadanuttarā ||

māyāṃ vivṛtya yatpuṇyaṃ sulabdhaṃ sādhucetasā |
tenādvaitapadaṃ yāntu (lokā) lokottare sthita(a)ḥ ||

|| māyāniruktiḥ samāptā iti ||


p. 45)

10. svapnaniruktiḥ |

namaḥ sarvajñāya |

vinayeṣvabhi(suvā)dharmeṣu sūtreṣu jinapuṅgavaiḥ |
dharmā(ḥ) svapnopamā(ḥ) khyātā vispaṣṭārthaṃ tat kathyate ||

svapnaṃ satyamasatyaṃ vā (* * * *) videva vā |
māyā yathā pratiṣṭhānaṃ satāṃ kimiha sammatam ||

svapna(ḥ) satyamabodhena tadbodhe yā(va)tyalīkatām |
prathame (tu) svata(ḥ) jñānaṃ dvitīye nāstitā bhavet ||

prabodhāt kalpitā yohe nānubhūtirapohyate |
saccitraprakāśatmā yadya(da)styanubhavo mahān ||

kṣaṇadhvaṃsyālayāt maulāt pravṛttibhyo vicitratā |
tāśca tatra tadākārā ciddeśitaṃ tadiṣyate ||

svapnāt svapnaṃ yadeva syāt ciccitrālīkatā tadā |
naiva satyaṃ asadvitterna cocchedaḥ prakāśataḥ ||

kimanyannikṛtaṃ nāma (nā)mnī māyeti vā kṛtam |
nāmni na yujyate nāma apratiṣṭhā tvanāmani ||

paṭnivahadvitayaṃ (ca) catvāro bodhaye matāḥ |
svapnatulyamidaṃ viśvamitthamuktaṃ jinottamaiḥ ||

kiṃ cāsthānamato viddhi buddhasarvasvamuttamam |
sambittyā sadguroryatnāt caryayā ca viśeṣataḥ ||

|| svapnaniruktiḥ samāpteti ||


11. tattvaprakāśaḥ |

namo buddhāya |

prajñopāyatmakaṃ vande baddhatrikāyarūpiṇam |
prabhāvāt jñāyate yasya bhavanirvāṇamuttamam ||

keśoṇḍūkaṃ yathākāśe tamiro manute janaḥ |
keśoṇḍūkamahaṃ vakṣye hantākāśanirākṛtam ||

śuddhadṛṣṭistadā (bhū)yānneti bhrāntā matistava(ḥ) |
taimirabhrāntyapohāya pṛṣṭo netyuktavān asau ||

prakāśetaraśūnyatvāt vidhyapohau na tattvataḥ |
evamanāśravād dharmāt sattvārthastu pravartate ||

bhoganirmāṇakāyābhyāṃ pratītyapraṇidhānataḥ |
tau ca tasmāt na bhinnau ca tayostu tat svabhāvataḥ ||

tādātmyaṃ nijaṃ siddhaṃ syāt bhedaścit saṅgahānare |
neṣyate yadyanutpādo bhinno vyāvṛttito bhavet ||

yogācāramatā(da)nyo madhyamārthaḥ kathaṃ bhavet |
catuṣkoṭiprahāṇyā cet madhyamārtho viśiṣyate ||

vijñāne'pi prasaṅgaḥ syāt tāsāṃ atrāpi hānitaḥ |
catuṣkoṭivinirmuktaṃ jñānaṃ vastu samcchrayam ||

kalpaśūnyamanālambyaṃ vidurvijñānavādinaḥ |
bhūtakoṭerato viśvaṃ pratītyaiva prajāyate ||

vastuśūnyamajātaṃ tu kevalaṃ nāmamātrakam |
bhedenākhyā(na)sarvajñaḥ svādhiṣṭhānaprabhāsvarau ||

p. 47)

yadekamanayorbrūte tenocchede nirākṛtaḥ |
phalatattvavipakṣeṣu yasya saṅgo na vidyate ||

tasyānābhogayogena bodhād niṣpadyate padam |
āryanāgārjuneriṣṭaṃ buddhadharmānusārataḥ |
dharmatattvamanutpādo vyākṛtaste tathāgataiḥ ||

kṛtvā tattvaprakāśaṃ yat (puṇya)māsāditaṃ mayā |
tenāstu sakalo loko yuganaddhatya bhājanaḥ ||

|| tattvaprakāśaḥ samāptaḥ ||


p. 48)

12. apratiṣṭhānaprakāśaḥ |

namo buddhāya |

vitteryadapratiṣṭhānaṃ bauddhasarvasvamiṣate |
kiṃ cānābhogayogena yadi sattvārthakāritā ||

yadyapohavidhī jātau tatocchedavidhisthitiḥ |
sadā jātā niruddhe tu janmacchedo paśorvacaḥ ||

svasambittiratho mānaṃ vitteḥ sattvaṃ tadiṣyate |
sarvālekhyavihīnatvāt sattvaṃ tatra na peśalam ||

pṛṣṭhe yadīṣyate sattvaṃ sattvaṃ vastu tadā na hi |
pratijñocchedavādhārthamanulekhaṃ taducyate ||

vedanaṃ vidyate maulau pṛṣṭhe tadavabhāsanāt |
nirvikalpaṃ bhavedādau jñānaṃ tad grāhakaṃ tataḥ ||

atītānāgatādīnāṃ cittānāṃ sthityasambhavāt |
naiḥsvabhāvyaṃ atasteṣāṃ jagāda jagatāṃ prabhuḥ ||

utpādameva dharmāṇāṃ acintyā nijasambidā |
sa eva śūnyatā proktā nānucchedānugāminī ||

apratiṣṭhānato bījādapratiṣṭhaṃ bhavet phalam |
tāyināṃ tad varaṃ tattvaṃ kṛtrimāt kṛtimaṃ yathā ||

dhyānamasti na cetyevaṃ na brūmo aṅgacāriṇām |
pratītyotpādato yasmāt sadodeti yathā rasa(ḥ) ||

pratītyotpadyate yad yad tat tat (cet) cittamadvayam |
bhedastu śūnyaciccitrairdharmasambhoganirmitaiḥ ||

apratiṣṭhāṃ vidhāyai tat yadalābhi śubhaṃ mayā |
tenāpratiṣṭhatāṃ yātu jagat sarvopabhogataḥ ||

|| apratiṣṭhānaprakāśaḥ samāptaḥ ||


p. 49)

13. yuganaddhaprakāśaḥ |

yā yā sphūrtirasau śuddhā buddhā cet avikāratā |
vikāraḥ pratyayairjñānatarpitairityajātatā ||

rūpe na vidyate rūpaṃ na vā cakṣuṣi vidyate |
na caitat tajjavijñāne dāruvahnikathā yathā ||

manthāne mathanīye vā na vā puruṣahastayoḥ |
prāksiddho vidyate vahniḥ pratītyā'rthaḥ sa jāyate ||

kiṃ mohaḥ svasutān pūrvaṃ sūte vā sa prajāyate ||

sūta eva na pūrvaṃ cet atastasya na vastutā ||

evaṃ pratya(ya)mātratvāt dharmāṇāṃ niḥsvabhāvatā |
tayaiva viharan yogī nātikrāmati sambaram ||

bhāvyādānaṃ na sarvatra vyavahārastu vartate |
māyeva niḥsvabhāvo'sau pratītyotpādabodhataḥ ||

naiḥsvābhāvyādajātatvaṃ pratyayādaniruddhatā |
bhāvābhāvāvato na sto yuganaddhaṃ tu bhāsate ||

śūnyatākṛpayoraikyaṃ vidheyaṃ na svakalpataḥ |
śūnyatāyāḥ prakāśasya prakṛtyā yuganaddhatā ||

sarvākāravarodāragambhīranijaśūnyatām |
sākṣādaveti buddhānāṃ pūjāṃ kuryāt suyogavān ||

kāyena ma(na)sā vācā sadā'pratiṣṭhitaḥ sudhīḥ |
caryāṃ kuryāt na vā kuryāt caryācārī sa ucyate ||

|| yuganaddhaprakāśaḥ samāptaḥ ||


p. 50)

14. mahāsukhaprakāśaḥ |

vajrasattvaṃ namaskṛtya prajñopāya(sva)rūpiṇam |
mahāsukhādvayaṃ vakṣye vastutattvaṃ samāsataḥ ||

utpattibhāvanā caikā dvitīyotpannabhāvanā |
ubhayorbhāvanā tasmāt tādātmya(mi)ha kathyate ||

apratītyodayo nāsti dharmāṇāmiti niścitam |
pratītyoditarūpatvāt hūṁjamaṁ(a)jau tathā na kim ||

śūnyatābodhito bījaṃ bījādbimbaṃ prajāyate |
bimbe ca nyāsavinyāsau(sa) tasmāt sarvaṃ pratītyajam ||

bāhyadvandasamāpattiriti yā deśanā muneḥ |
sā'vāntaraprabodhāya spaṣṭaṃ tantreṣu budhyate ||

sukhābhāve na bodhiḥ syāt matā yā sukharūpiṇī |
astitve ca mahān saṅgaḥ saṃsārodayahetukaḥ ||

ādisāntasukhaṃ viddhi yatsukhaṃ pratyayodbhavam |
avastukamato brūmo na sukhamato nāsti ca ||

tattvaṃ tāvadanutpādo dharmāṇāṃ paramārthataḥ |
śātālīkaprakāśāt tu vijñeyā śuddhasabṛtiḥ ||

satyadva(ya)midaṃ śuddhaṃ śūnyatā yogisambṛtiḥ |
dvayoradvayatā sādhyā kṛtvānarthavisarjanam ||

mantrasaṃsthānayogātmā śāto majjati dhīdhanaḥ |
māyopamaṃ tato'dvaitaṃ viśvaṃ paśyati tādṛśam ||

bhūtakoṭiṃ tato viṣṭvā yuganaddhapadaṃ gataḥ |
yuganaddhasthito yogī sattvārthaikaparo bhavet ||

p. 51)

śāṃtacit devatākāraṃ viśvacakramupāyakam |
prajñā ca śūnyatā proktā sādhyatādātmyamiṣyate ||

prajñopāyātmyakaṃ tattvaṃ vāhyābhyantaraśuddhitaḥ |
buddhvā samāsato mantrī sukhito'sthānayogataḥ ||

pratītyotpādamātratvāt naiva sattvaṃ na śūnyatā |
sphūrtiśca devatākārā niḥsvabhāvā svabhāvataḥ ||

yathā yathā bhavet sphūrtiḥ sā tathā śunyatātmikā |
dvitādvaitamano yacca tatra tadvāsanāphalam ||

herukā'haṅkṛti ryogī herukārthe pratiṣṭhitaḥ |
bhāvāṃścāsau gurūn kṛtvā keśarīva bhramenmahī ||

śuddhaṃ śuddhā jinānāṃ parita iha sadā viśvamābhāti yasya 
jātaṃ nādau na ruddhaṃ svaparavigaṇanākalpakoṭiprahīnam |
śātālīkaṃ prakāśaṃ bhavasamasamatā'dvaitarūpaṃ hi nūnaṃ 
cakre cakrādhipo'sau jinaguṇanilayo vajraḍāko munīndraḥ ||

|| mahāsukhaprakāśaḥ samāptaḥ ||


p. 52)

15. tattvaviṃśikā |

namaḥ sarvajñāya ||

prajñā citraṃ vipākaśca vimardaśca vilakṣaṇam |
asyāstattvamato viddhi yenāsi jagato vibhuḥ || 1 ||

prajñā bhavaḥ samaścāsau trikāyaṃ tu triyānakam |
saiva cakraṃ sukhopāyaṃ yoginātadahaṃ param || 2 ||

mañjuvajro mahāmāyā vajraḍākastathā'pare |
prajñaiva bhedato bhāti muktiḥ saiva jinātmikā || 3 ||

acintyaṃ cintitaṃ caiva advayaṃ dvayameva ca |
sarvākāravaropetaṃ bhāvābhāvau grahāgrahau || 4 ||

vijñāya(a)pagataṃ cittaṃ nirālambamanuttaram |
śāntaṃ śuddhaṃ nirābhāsaṃ vittiḥ prajñeti kīrtitā || 5 ||

praveśaśca bhavedasya vidhyaṣṭamanasāṃ tataḥ |
nānādharmādupāyo'tra mṛdumadhyādimātrataḥ || 6 ||

karmasamayamudrābhyāṃ cakraṃ niṣpādya bhāvataḥ |
dhyāyanti mṛdavo bodhiṃ śuddhatattvabahirmukhāḥ || 7 ||

jñānamudrāsamāpannaṃ mañjuvajrādināyakam |
na satyaṃ na mṛṣākāraṃ ātmānaṃ madhyayoginaḥ || 8 ||

svādhiṣṭhānapadaṃ jñātuṃ ye śaktāḥ tattvato na hi |
mārgopadeśitasteṣāṃ kramato bodhisiddhaye || 9 ||

devatābhiniveśaścedvāsanā'tra kathaṃ nahi |
vāsanaiva viśuddhā cet sarvatraiva tu sā tathā || 10 ||

p. 53)

dṛṣṭatattvaḥ punaryogī mahāmudrāparāyaṇaḥ |
sarvabhāvasvabhāvena viharet uttamendriyaḥ || 11 ||

prakṛtau yat śubhaṃ labdhaṃ sarvasaṅkalpavarjitam |
tadevedaṃ jagad yasmāt tasmāt sarvamanāvilam || 12 ||

bāhyaṃ vastu manogrāhyaṃ bhrāntaṃ na bhāsate yataḥ |
svapnāṅganeva viṣpaṣṭaṃ cinmātramarthakāri tat || 13 ||

cittamātraṃ bhaved bodhermataṃ cittamacittakam |
svasaṃvittiracittaṃ ca vittirgurumapekṣate || 14 ||

śūnyatā sarvavastūnāṃ kasya nāma na sammatā |
sarvabhāvasvabhāvo'sau kaṣṭā pratyātmavedyataḥ || 15 ||

anilādisahāyena bhaktaṃ yatheha taṇḍulāḥ |
tathata(a)yā tathā śuddhā avidyā yāti vidyatām || 16 ||

yasya cintā bhaved dhyānaṃ tasyācintyaṃ bhavet na kim |
acintātmā bhaved yogī buddherjagadudāhṛtaḥ || 17 ||

cakramasau bhaved yogī mahāmudrā sa eva hi |
dharmasambhoganirmāṇāḥ sarvākāra(ḥ) sa eva hi || 18 ||

kṛtakṛtyo nirāśaśca sarvāsaṅgavahirmukhaḥ |
caturīryāpathairyukto buddho'yaṃ buddhasammataḥ || 19 ||

advayena dvayaṃ (saṃ)kṛtvā yadasādi śubhaṃ mayā |
jagadadvayamadyaiva bhūyāt tena mahāsukham || 20 ||

|| tattvaviṃśikā samāptā ||


p. 54)

16. mahāyānaviṃśikā |

nijakāyamahaṃ vande asaṃskṛtamalakṣaṇam |
sarvākāravaropetaṃ yuga(na)ddhapada(sa)ṅgatam || 1 ||

dharmasambhoganirmāṇā yannijaṃ tat svabhāvataḥ |
tadasya darśanaṃ yuktaṃ samyaksambodhisiddhaye || 2 ||

darśanaṃ ca bhavedasya anāropād vipaśyanā |
mantrayānānusāreṇa tadidaṃ vakṣyate'dhunā || 3 ||

na nedaṃ śāśvataṃ viśvaṃ na cocchedi samīhitam |
śāśvatocchedino yugmaṃ nānubhayaṃ vinobhayam || 4 ||

catuṣkoṭivinirmuktaṃ tattvaṃ tattvavido viduḥ |
catuṣkoṭiviśuddhaṃ tu ca(tu)ṣkoṭisamāśritam || 5 ||

khasamaṃ asamaṃ śāntamādimadhyāntavarjitam |
acintyaṃ cittakaṃ caiva sarvabhāvasvabhāvakam || 6 ||

jagadekarasaṃ buddhvā prabhāsvaramanāvilam |
sarvasaṅkalpaniḥśaṅkā viharaddhaṃ yathāsukham || 7 ||

na kleśā bodhito bhinnā na bodhau kleśasambhavaḥ |
bhrāntitaḥ kleśasaṅkalpo bhrāntiḥ prakṛtinirmalā || 8 ||

īryā ca kāyikaṃ karma vācikaṃ dharmadeśanā |
samādānaṃ manaḥ karma nirvikalpasya dhīmataḥ || 9 ||

jaganmāyetyasau * * * * māyeti mā kṛthāḥ |
māyāmoho mahābhrāntirbhrāntirbhāti satāṃ matā || 10 ||

vijñāyaivaṃ yathārūpaṃ buddhādīnāṃ samāsataḥ |
bhuñjānaḥ sarvathā sarvaṃ tattvavedī prasidhyati || 11 ||

p. 55)

dharmaskandhasahasreṣu badhyatāṃ nāma śūnyatā |
baddhvā nāsau parāmarśāt vināśārthaṃ bhavedguroḥ || 12 ||

sarvākārāḥ sukhaṃ tattvaṃ saṅkalpoparateḥ sa te |
śūnyatā na sukhaṃ tattvaṃ na cintyaṃ na sukhaṃ sukham || 13 ||

yena buddhamanāropaṃ na dṛṣṭaṃ paramārthataḥ |
adṛṣṭe yujyate tasya vṛttaṃ paścāt yathā tathā || 14 ||

na dvayaṃ nādvayaṃ yasya na bodhiḥ sadvilakṣaṇā |
nirāśo'sau mahāyogī sarvākāragatiṃ gataḥ || 15 ||

ādikarma yathodiṣṭaṃ kartavyaṃ sarvayonibhiḥ |
śūnyatākaruṇābhinnaṃ yad bodhau jñānamiṣyate || 16 ||

kṛpāyāḥ śūnyatā nānyā karuṇā kharanāyikā |
saṃskṛtya na vayaṃ brūmo brūmaśce(t) yuganaddhataḥ || 17 ||

ghaṭādergrahaṇairyasya dhyānasātatyayogataḥ |
bhavedasau mahābuddhaḥ sarvākāraikavigrahaḥ || 18 ||

asaṃskṛta(ma)nā dharmo bodhaḥ sambhogalakṣaṇaḥ |
tadeva nirmitaścitraḥ nijaḥ sarvasvabhāvataḥ || 19 ||

yadanena samāsādi puṇyaṃ puṇyavatā mayā |
tenāstu sakalo loko buddhabodhiparāyaṇaḥ || 20 ||

|| mahāyānaviṃśikā samāptā ||


p. 56)

17. nirbedhapañcaka |

buddhaṃ buddhaṃ jagat śuddhaṃ dvandvabodhe na bandhanāḥ |
ādiśuddho mahābuddhaḥ kiṃ buddhaṃ buddhaśāsane || 1 ||

idaṃ nivṛttapratipakṣatattvaphalavikalpasya |
sahajaṃ nirbedhabhājaḥ svābhāvikaṃ vacaḥ (?) || 2 ||

jñānamanāvilaṃ śūnyamanābhogakṛpātmakam |
pratītya jāyate tacca svabhāvābhāvavarjitam || 3 ||

anena nirbedhapratirūpamākhyāti -

dharmāṇāṃ śūnyatā vāyu(ḥ) kṛpā vāyurgarīyasī |
vāyuḥ sambarasāmarthyaṃ vāyuśuddhā ca sambṛtiḥ || 4 ||

anena nirbharasahajodbhāramudgīrati -

hā kiṃ brūmaḥ kathaṃ brūmo brūmo vā kva nu te janāḥ |
vaddhvā vṛttirbhaved yeṣāmanābhogārtha(ḥ)śālinī || 5 ||

etena karuṇayā'pratiṣṭhitanirvacanāya 
dharmagambhīranayādhimuktikapuruṣadurlabhatāmāvedayati |

sakarmasūtrabījāddhi marmacchedi phalaṃ mama |
nāparādhyo mayā hiṃsro * * * pyevaṃ sahite || 6 ||

anena svakarmasūtragrathitopahatamatisakalasattvaparigrahaṃ kurvāṇo 
bodhisattvānāṃ hṛdayamācaṣṭe |

|| nirbedhapañcakaṃ samāptam ||


p. 57)

18. madhyakaṣaṭka |

catuṣkoṭivinirmuktaṃ jñānavastu sadadvayam |
kalpaśūnyamanālambyaṃ viduḥ sākāravādinaḥ || 1 ||

svasambitte(ra)nucchedāt nīlādīnāmabhāsanād |
nimittānāmanutpādāt madhyamāpratipat matā || 2 ||

catuṣkoṭivinirmuktaḥ prakāśālīkalakṣaṇaḥ |
māyopamādvayaścaiṣa siddhānto mānasaṅgataḥ || 3 ||

vastuśūnyā tu yā vittirnirākārā nirañjanā |
madhyamā pratipat saiva tatpṛṣṭhe śuddhasambṛtiḥ || 4 ||

prakāśo vā'prakāśo vā tattvato nopalabhyate |
sarvathā'jātarūpatvāt madhyamāmapare viduḥ || 5 ||

catuṣkoṭivinirmuktaḥ prakāśo devatātmakaḥ |
śa(a)tādvayasvabhāvaśca pra(tī)tyotpādamācakaḥ || 6 ||

|| madhyakaṣṭka samāptaḥ ||

|| kṛtiriyaṃ mahāpaṇḍitāvadhūtaśrīmadadvayavajrapādānāmiti ||


p. 58)

19. premapañcaka |

pratibhāso varaḥ kāntaḥ pratītyotpādamātrakaḥ |
na syāt yadi mṛtaiva syāt śūnyatā kāminī matā || 1 ||

śūnyatātivarā kāntā mūrttyā nirupamā tu yā |
pṛthak yadi kadācit syāt baddhaḥ syāt kāntanāyakaḥ || 2 ||

dampatī śaṅkitau tasmāt gurorupasthitau puraḥ |
nijaprītyā tayostena sāhajaṃ prema kāritam || 3 ||

vāyusadgurupāṇḍityamahākauśalamīdṛśam |
nijābaṃdhanirālambāvubhau jātāvanuttarau || 4 ||

sarvalakṣaṇasampūrṇo caturdvayavivarjitau |
sarvabhāvasvabhāvau ca niḥsvabhāvau sadoditau || 5 ||

|| premapañcakaṃ samāptam ||


p. 59)

20. tattvadaśaka |

sadasadyogahīnāyai tathatāyai namo namaḥ |
anāvilā yataḥ saiva bodhato bodhirūpiṇī || 1 ||

na sākāranirākāre tathatāṃ jñātumicchataḥ |
madhyamā'madhyamā caiva guruvāganalaṅkṛtā || 2 ||

bodhirasau bhaved bhāvaḥ saṅgaṃ tyaktvā svabhāvataḥ |
āsaṅgo bhrāntito yāto bhrāntirasthānikā matā || 3 ||

kiṃ tattvaṃ vastuno rūpaṃ rūpaṃ cārūpakaṃ yataḥ |
arūpaṃ ca bhaved rūpaṃ phalahetusvabhāvataḥ || 4 ||

evameva rasā dharmā nirāsaṃṅgā nirāspadāḥ |
prabhāsvarā amī sarve yathābhūtasamādhinā || 5 ||

yathābhūtasamādhiśca bhavet prasthānacittataḥ |
ajasraṃ jāyate tattvaṃ yasmāt tat padavedinām || 6 ||

jñānajñeyavihīnaṃ (tu) jagadevādvayaṃ matam |
dvayahīnābhiropaśca tathaiva hi prabhāsvaraḥ || 7 ||

etat tattvavarodhena yena tena yathā tathā |
vivṛtākṣo bhramed yogī keśarīva samantataḥ || 8 ||

lokadharmavyatīto'sau unmattavratamāśritaḥ |
sarvaṃ karotyanālambaḥ svādhiṣṭhānavibhūṣitaḥ || 9 ||

uktamanāvilaṃ tattvaṃ advayaṃ yacca bhanyate |
samāsamamato hitvā jñātumarhanti dhīdhanāḥ || 10 ||

|| tattvadaśakaḥ samāptaḥ ||

|| kṛtiriyaṃ paṇḍitāvadhūtādvayavajrapādānāmiti ||


p. 60)

21. amanasikārādhāraḥ |

namo buddhāya |

amanasikāra itatra bahavo vipratipannāḥ | tat kaścidāha apaśabdo'yamiti samāse 
manaskāra iti bhavitumarhati | tatrocyate tatpuruṣe kṛti bahulamiti | atra vahulavacanāt 
saptamyā'lugiti alukasamāse kṛte amanasikāra amanaskāraḥ tvaci sāraḥ 
tvaksāraḥ yudhiṣṭhiraḥ etāni rūpāṇi sampadyante ato nāyamapaśabdaḥ | apara 
āha hanta lakṣaṇasādhitamevedaṃ vacaḥ kiṃ ca asiddham | tanna 
nānāsūtratantreṣu dṛṣṭatvāt 
āryasarvaviṣayāvatārajñānālokālaṅkāramahāyānasūtre | amanasikārā 
dharmāḥ kuśalāḥ | manasikārā dharmā akuśalāḥ | tatraiva -

avikalpitasaṅkalpa apratiṣṭhitamānasa |
asmṛtyamanasikāra nirālamba namo'stu te ||

tathā avikalpapraveśādhāraṇyāṃ bodhisattvo mahāsattvaḥ sarvavikalpanimittāni 
ākāśagatikāni amanasikārataḥ parivarjayati | aparāparāṇi granthavistarabhayād 
na likhyante | idānīmaparamāhaḥ -

sautrāntikamevedaṃ vacaḥ nasāntikaṃ sūtrānteṣu dṛṣṭatvāt |

tanna | uktaṃ hi hevajre tattvapaṭale | svarūpeṇa na cittaṃ nāpi cetasam | tathā -

bhāvyante hi jagat sarvaṃ manasā ya(smā)nna bhāvyate | 

arthāt amanasikāreṇeti gamyate | apara āha 

p. 61)

tantre'pyasti paraprasajyapratiṣedhanaño viṣayatvāt abhāvo vācyaḥ | tanna 
prakrāntasya pratiṣedhaḥ | yadi nāprasajyaṃ pratisiddhyata iti prasajyapratiṣeḍhaḥ | 
yathā asūryampaśyā rājadārā(ḥ |) ayamartha(ḥ) | evannāma tā guptā 
rājadārā yat sūryamapi na paśyantīti | atra na sūryābhāvaḥ kṛtaḥ | kiṃ nāma 
rājadārāṇāṃ yat sūryadarśanaṃ prasajyaṃ tanniṣiddham | amanasikāre'pi 
namo manasikaraṇaṃ yad grāhyagrāhakādi prasaktaṃ tanniṣiddham | na manaḥ ato 
na doṣaḥ | yadā kaścidevaṃ vadati śāśvatocchedalakṣaṇo mana(si)kāraḥ 
sammato bhagavatā | tadocyate śāśvatocchedādiḥ manasikāro vā'manasikāraḥ | 
etena sarvāsaṅgahāniḥ kriyate amanasikāraśabdeneti | tathācoktaṃ bhagavatā 
avikalpapraveśādhāraṇyāṃ - kena kāraṇena kulaputra! 
avikalpadhāturamanasikāra ityucyate 
sarvavikalpanimittasamatikrāntatāmupādāyeti | ete sarvavikalpasamatikrāmatā 
darśitā bhavati amanasikāraśabdeneti | paryudāsapakṣe'pi na doṣaḥ 
abrāhmaṇamānayetyukte brāhmaṇasadṛśasya kṣatriyāderānayanaṃ bhavati na 
tu vijātīyasya kaṭādeḥ | atrāpi niḥsvabhāvavedanasya saṃsthitiḥ kṛtā(ḥ) | etena 
māyopamādvayavāda(ḥ) sthito bhavet | kuta ucchedavādaprasaṅga iti ?

yadi cātra naño vyutpattiratra kriyate akārapradhānomanasikāraḥ 
śākapārthivavat madhyapadalopīsamāsaḥ etena yāvān manasikāraḥ 
sarvamanutpādātmaka ityarthaḥ |

nirdiṣṭaṃ * * * * * * * * * * * * * *? iti * *? yathā uktaṃ ca hevajre mantrapaṭale 
akāromukhaṃ sarvadharmāṇāmādyanutpannatvāt ityādi |

p. 62)

asyārthaḥ sarvadharmāṇāṃ ādyanupannatvāt akāro mukhaṃ pradhānaṃ 
ityakārastvanutpannalakṣaṇaḥ yo'graḥ | tathā ca nāmasaṅgītau -

akāraḥ sarvavarṇāgro mahārthaḥ paramākṣaraḥ |
mahāprāṇo hyanutpādo vāgudāhāravarjitaḥ ||

iti | yadi vā akāro'tra nairātmyābījaṃ tathā ca hevajre ālerādi nerādi 
nairātmyeti | etena sarvamanasikāro'nātmako'svabhāva ityuktaṃ ca bhavati |

yadi vā -

ādisvarasvabhāvā sādhītibuddhaiḥ prakalpitā |
saiva bhagavatī prajñā utpannakramayogataḥ ||

yadi vā a iti prabhāsvarapadam manasikāra iti svādhiṣṭhānapadam aścāsau 
manasikāraśceti amanasikāraḥ | etena amanasikārādipadaiḥ 
acintyaprabhāsvarasvādhiṣṭhānapadaṃ 
śūnyatākaruṇābhinnayuganaddhādvayavāhisambedanamāpāditaṃ bhavatīti |

|| amanasikārādhāraḥ samāptaḥ ||

śāśvatoccheda(mityuktaṃ ta)ttvaṃ saugatasammatam |
prakṛtyājātadharmeṣu vidhyapohau parśovacaḥ ||

astīti vadato brūmo nāsti sarvaṃ vicārataḥ |
nāstīti vadato brūmaḥ sarva(ma)styavicārataḥ ||

yathā yathā samāropā jāyante tattvayoginaḥ |
tathā tathā samāropā hanyante tattvayoginā ||

p. 63)

(sahajo)'kṛtrimo yasmāt (tasmāt) saṅgo na sāhajaḥ |
sukhaṃ na sahajādanyat sukhaṃ cāsaṅgalakṣaṇam ||

jñātvā niḥsaṅgatāṃ nāmni (ni)rvedhāgatasatsukham |
viśvaṃ svasamayaṃ kṛtvā magna(ḥ) sahajasāgare ||

mantratattvasthito yogī niḥsaṅgārthapratiṣṭhitaḥ |
bhāvāṃścāsau gurūn kṛtvā niḥsa(ṅgaviṣayo) bhavet ||

|| kṛtiriyaṃ paṇḍitāvadhūtaśrīmadadvayavajrapādānām ||

|| samāpto'yaṃ granthaḥ ||

ye dharmā hetuprabhavā hetuṃ teṣāṃ tathāgato hyavadat |
teṣāṃ ca yo nirodha evaṃvādo mahāśramaṇaḥ ||

|| śubhaṃ bhūyāt ||




###########   END OF FILE  #######