#################################################### MUKTABODHA INDOLOGICAL RESEARCH INSTITUTE Use of this material (e-texts) is covered by Creative Commons license BY-NC 4.0 Catalog number: M00003 Uniform title: akulavīratantra Main title: akulavīratantram Secondary title: kaulajñānanirṇaya and some minor texts of the school of matsyendrānātha Author : matsyendrānātha Alternate name : matsyendra Alternate name : macchagnapāda Editor : Bagchi, P. C. Description: The source of this e-text is Calcutta Sanskrit Series 3 - kaulajñānanirṇaya and some minor texts of the school of matsyendrānātha - where it is bundled along with kaulajñānanirṇaya kulānandatantra, and jñānakārikā . The printed volume also contains introductory material and summaries in english. Notes: Data-entered by the staff of Muktabodha under the supervision of Mark S. G. Dyczkowski. Revision 0: August 1, 2006 Publisher : Metropolitan Printing and Pub. House Publication year : 1934 Publication city : Calcutta Publication country : India #################################################### [ā] śrīmacchandapādakebhyo namaḥ | śrīmīnasahajānandaṃ svakīyāṅgasamudbhavam | sarvamādhāragambhīramacalaṃ vyāpakaṃ param | māyāmalavinirmuktaṃ mīnanāthaṃ namāmyaham || athātaḥ sampravakṣyāmi akulavīraṃ mahadbhūtam | guhyād guhyataraṃ guhyaṃ siddhasadbhāvasantatiḥ || 1 || anugrahāya lokānāṃ siddhanāthena bhāṣitam | gopanīyaṃ prayatnena yadīcchan śāśvataṃ padam || 2 || saṃsārārṇavamagnānāṃ bhūtānāṃ mahadāśrayam | yathā nadīnadāḥ sarve sāgare samupāgatāḥ || 3 || tathā akulavīreṣu sarvadharmā layaṅgatāḥ | sarvādhāramaśeṣasya jagataḥ sarvadā prabhuḥ || 4 || sahajānandaṃ na vindanti sarvadharmasamāsṛtāḥ | ajānantamalairgrastā mahāmāyāndhacchāditāḥ || 5 || śāstrajālena santuṣṭā mohitāstyajayantitāḥ (?) | na vindanti padaṃ śāntaṃ kaulānāṃ niṣkalaṃ gurum || 6 || saṃvādayanti ye kecin nyāyavaiśeṣikāstathā | baudhāstu arihantā ye somasiddhantavādinaḥ || 7 || (p. 85) mīmāṃsa pañcasrotāśca vāmasiddhāntadakṣiṇāḥ | itihāsapurāṇañca bhūtatatvantu gāruḍam || 8 || ebhiḥ śaivāgamaiḥ sarvaiḥ parokṣañca kriyānvitaiḥ | savikalpasiddhisañcāraṃ tat sarvaṃ pāpabandhavit || 9 || vikalpabahulāḥ sarvairmithyāvādā nirarthakāḥ | na te muñcanti saṃsāre akulavīravivarjitāḥ || 10 || sarvajñaṃ sarvamāsṛtya sarvato hitalakṣaṇam | sarveṣāṃ siddhistatrasthā sarvasiddhiñca tatra vai || 11 || yatrāsau akulavīro dṛśyate sarvatomukham | taṃ viditvā paraṃ rūpaṃ mano niścalatāṃ vrajet || 12 || śabdarūparasasparśagandhañcaivātra pañcamam | sarvabhāvāśca tatraiva pralīṇāḥ pralayaṃ gatāḥ || 13 || bhāvābhāvavinirmukta udayāstamanavarjitaḥ | svabhāvamatimataṃ śāntaṃ mano yasya manomayam || 14 || akulavīramiti khyātaṃ sarvādhāraparāparam | nādhāralakṣabhedantu na nādagocare paṭhet || 15 || hṛdi sthāne na vaktre ca ghaṇṭikā tālarandhrake | na iḍā piṅgalā śāntā na cāstīti gamāgame || 16 || na nābhicakrakaṇṭhe ca na śire naiva mastake | tathā cakṣurunmīlane ca na nāsāgranirīkṣaṇe || 17 || na pūrakakumbhake tatra recake (ca) tathā punaḥ | na bindubhedake granthau lalāṭe na tu vahnike || 18 || (p. 86) praveśanirgame naiva nāvāhanavisarjanam | na karaṇairnāsanaṃ mudrairnāmāse bhinnatāluke (?) || 19 || na nirodho na coddhāro nātītāṃ cālanaṃ na hi | na preryaprerakañcaiva na sthānannaiva cāśrayam || 20 || na cātmanaiva tad grāhyaṃ grāhyātītapadaṃ bhavet | etat pakṣavinirmuktaṃ hetudṛṣṭāntavarjitam | sabāhyābhyantarantatra ekoccāraṃ carācaram || 21 || na dūre na ca vai nikaṭe na bharito na ca riktaka(ḥ) | na unno na so'dhika ebhiḥ pakṣairvivarjitam || 22 || yaśca viṃśātmako hyeṣa pudgala nāsti yatra vai | yatra lakṣaṃ na vidyeta akulavīra sa ucyate || 23 || yasyaivaṃ saṃsthitaṃ kaścit samarasa saṃsthitaḥ | sa brahmā so hariśceśaḥ sa rudro sa ca īśvaraḥ || 24 || sa śivaḥ paramadevaḥ sa somārkāgnikastathā | sa ca sāṃkhyaḥ purāṇāśca arhantabuddha eva ca || 25 || svayaṃ devī svayaṃ devaḥ svayaṃ śiṣyaḥ svayaṃ guruḥ | svayaṃ dhyānaṃ svayaṃ dhyātā svayaṃ sarvatra devatā || 26 || yādṛśena tu bhāvena puruṣo bhāvayet sadā | tādṛśaṃ phalamā(va)pnoti nātra kāryavicāraṇāt || 27 || asyaiva hi nāmāni pṛthagbhūtāni yogibhiḥ | anāma tasya gīyante bhrāntijñānavimohitaiḥ || 28 || dharmādharmasamākliṣṭāvikalpatamaśchāditāḥ | tena muñcanti saṃsāraṃ narakaṃ yonisaṃkulam || 29 || (p. 87) akulavīraṃ mahadbhūtaṃ yadā paśyanti sarvagam | sa bāhyābhyantare nityaṃ ekākāraṃ carācaram || 30 || nistaraṅgaṃ nirābhāsaṃ padabhedavivarjitam | sarvāvayavanirmuktaṃ nirlayaṃ nirvikārajam || 31 || adṛṣṭanirguṇaṃ śāntaṃ tattvātītaṃ nirañjanam | sarvajñaṃ paripūrṇañca svabhāvaścaivamakṣayam || 32 || kāryakāraṇanirmuktamacintyamanāmayam | māyātītaṃ nirālambaṃ vyāpakaṃ sarvatomukham || 33 || samatvaṃ ekabhūtañca ūhāpohavivarjitam | akulavīraṃ mahadbhūtam astināstivivarjitam || 34 || na mano na ca vai buddhirna cintācetanādikam | na kālaḥ kalanāśaktirna śivo na ca indriyaḥ || 35 || na bhūte gṛhyate so hi na sukhaṃ duḥkhameva ca | na raso hi na sukhaṃ duḥkhameva ca (?) || 36 || na raso virasaścaiva na kṛto na ca jāyate | na cchāyā na ca tāpastu na śīto na ca uṣṇavān || 37 || na (dṛśyate man) statra udayāstamanavarjitam | na sīmā dṛśyate tatra na ca tīrthyaṃ na caiva hi (?) || 38 || advaitamacalaṃ śāntaṃ saṃgadoṣavivarjitam | nirākulaṃ nirvikalpañca nibaddhañca malakṣaṇam || 39 || anāthaṃ sarvanāthañca unmanā madavarjitam | anigūḍhamasandhiñca sthāvaraṃ jaṅgameva ca || 40 || (p. 88) jvalajjvalanabhūmyā ca āpoñcaiva tathaiva ca | sarvaṃ samarasaṃ pūrṇaṃ akulavīrantu kevalam || 41 || yasyaiṣā saṃsthitā muktiḥ sa mukto bhavabandhanāt | na tasya mātāpitā (vā)bāndhavaṃ na ca devatā || 42 || na yajñaṃ nopavāsañca na kriyā varṇabhedakam | tyaktvā vikalpasaṃghātam akulavīralayaṃ gatāḥ || 43 || na japo nārcanaṃ snānaṃ na homaṃ naiva sādhanam | agnipraveśanaṃ nāsti hemantabhṛgu nodanam || 44 || niyamo'pi na tasyāsti nopavāso vidhīyate | pitṛkāryaṃ na karotāti tīrthayātrāvratāni ca || 45 || dharmādharmaphalaṃ nāsti na snānaṃ nodakakriyā | svayaṃ tyaja sarvakāryāṇi lokācārāṇi yāni ca || 46 || samayācāravicārañca kṛtakā bandhakāni tu | saṃkalpañca vikalpañca ye cānye kila dharmiṇaḥ || 47 || bhave yogī nirācāro paśucāravivarjitaḥ | siddhiśca vividhākārā pātāle ca rasāyanam || 48 || pratyakṣañca yā labdhaṃ na gṛhnīyāt kadācana | sarvañca pāśajālañca adhomārgapradāyakaḥ || 49 || eteṣu mocanā nāsti akulavīravivarjitāḥ | yathā mṛtāḥ (na) jānanti svādaṃ kaṭumadhurasya tu || 50 || tathā akulavīrantu na jānanti svabhāvagam | yathā madirā mahāntasya kathitaṃ nevaśakṛte (?) || 51 || Page 89 to 96 missing (p. 97) rahasyaparamānandamatiguhyaṃ sugopitam | lokānāṃ ca hitārthāya siddhanāthena bhāṣitam || 39 || nirvikalpaṃ padaṃ śāntaṃ yatra līnaṃ parāparam | mokṣasya tanmahāsthānaṃ mantrarūpavivarjitam || 40 || tatraiva sṛṣṭirūpeṇa punastatra layaṃ gatā | kintena bahunoktena sarvabandhavivarjitam || 41 || akulavīraṃ yadā labdhaṃ tadā kiṃ kaulikaiḥ kramaiḥ | labdhvā tu mokṣasadbhāvam akulavīraṃ malāpaham || 42 || kaulamārge dvayo santi kṛtakā sahajā tathā | kuṇḍalī kṛtakā jñeyā sahajā samarase sthitā || 43 || preryaprerakabhāvasthā kṛtakā sā'bhidhīyate | tataḥ sa pātayed bhūmau mudrāmantrairniyojitaiḥ || 44 || āhute patane cānye karṇajāpena dhūpakaiḥ | etat sādhyamidaṃ tattvaṃ (etad) dhyānañca dhāraṇā || 45 || anekaiḥ karmasaṃghātaiḥ nānāmārgavibhāvanaiḥ | vikalpakalalollolā udbhrāntā bhrāntacetasaḥ || 46 || hṛdi śokena santaptā vyāsaṅgācca mahābhayaiḥ | harṣaviṣādasampannā śocyamānā muhurmuhuḥ || 47 || tāvadbhramanti saṃsāre kalpākalpairbhavārṇavaiḥ | dagdhabījeṣu saṃbhūtiryathā naiva prajāyate || 48 || mūlachinne yathā vṛkṣe na prarohaṃ vidyate | akulavīragataṃ bhinnaṃ nānābhāvānubandhanaiḥ || 49 || (p. 98) na badhyate yathā vimale rasaṃ vipralayaṃ gatam | tadvadkulavīre ca sattve bhrābhrākhya yadgataḥ (?) || 50 || timireṇa yathācchannamuditārkaṃ na paśyati | ajñānamanastadvad bhrāntijālavimohitā || 51 || akule vīre ca samprāpte sarvametadvinaśyati | dadhimadhye yathā sarpiḥ kāṣṭhe cāgniḥ sthito yathā || 52 || puṣpe gandhastile tailaṃ vṛkṣe chāyā samāśritā | madyamadhye yathānandaṃ dīpe prabhā samāśritā || 53 || padmamadhye ca kuṇḍalyā aṅgapratyaṅgameva ca | raktārthākulavīre (?) ca tatsarvaṃ viniyojitam || 54 || bhāvā'bhāvādisaṃyuktaiḥ pratyayairdṛṣṭigocaraiḥ | akulavīraṃ na jānanti kṛtakairmohitātmanaḥ || 55 || pāśajālanibaddhāśca mahāmāyāvimohitāḥ | na jānanti padaṃ śāntamacintyaṃ nityasambhavaḥ || 56 || sarvavyāpibhāvasthaṃ sthānavarṇavivarjitam | sarvabhūtasthitaṃ hyekamadhyeyaṃ dhyeyavarjitam || 57 || sa ca sarvagato bhāvaḥ sthire pūrṇe nirantare | tatra mano vilīnantu acalaṃ bhavatanmayam || 58 || manovṛddhistathā cintyaṃ kṣiptā tanmayatāṃ gatā | yathā tiṣṭhati tattvasthaḥ śivaniṣkalamavyaye || 59 || tadā tanmayatāṃ yāti nirmalaṃ niścalaṃ padam | akulavīraṃ mahadbhutamekavīraṃ ca sarvagam || 60 || (p. 99) durlabhaṃ surasiddhānāṃ yoginīnāñca gocaram | kecid vadantīdaṃ dharmamidaṃ śāstramidaṃ tapaḥ || 61 || ayaṃ lokamimaṃ svargamidaṃ sādhyamidaṃ phalam | idaṃ jñānañca vijñānaṃ śuddhāśuddhamidaṃ param || 62 || jñeyañca tattvakūṭañca yatra dhyānañca dhāraṇā | tadāsau yoginī hyekaḥ nānyastu hi dvitīyakaḥ || 63 || (a)nāgatantu gatañcaiva na gacchenna ca tiṣṭhati | na bhūtaṃ na bhaviṣyañca sthitipralayavarjitam || 64 || na cāhaṃ pracitairdoṣaiḥ lipyate na kadācana | nāhaṃ kaścinna me kaścinna baddho na ca bādhakaḥ || 65 || na mukto vai na ca na muktame (?) mokṣasya ca spṛhā | gacchaṃstiṣṭhan svapan jāgradbhūñjāno maithune'pi vā || 66 || bhayadāridraśokaiśca vividhairbhakṣaṇaistathā | cikitsā naiva kurvīta indriyārthaiḥ kadācana || 67 || ācaret sarvavarṇaistu na tu bhakṣyaṃ vicārayet | evaṃ sa carate yogī yathāraṇye hutāśanaḥ || 68 || piṇḍabadhāñca nānāsti avasthā mūrkhavāsanām (?) | somaśūnyastathā vahniprāṇāyāmavivarjitam || 69 || aprameyanirābhāsaṃ dhāraṇādhyānavarjitam | yena janmasahasrāṇi bhaktyā saṃpūjito guruḥ || 70 || (p. 100) te labhanti mahājñānaṃ akulavīrantu mokṣadam | yoginīrākiṇīcakre yasya bhaktiḥ suniścalā || 71 || akulavīraṃ mahadbhūtaṃ gambhīraṃ gahanāmayam | piṇḍātītaṃ yadā jñeyamapiṇḍaṃ piṇḍavarjitam || 72 || padavyañjananirmuktaṃ vimalaṃ satatoditam | tallīne tanmayātmānaṃ vindate śvāśvataṃ padam || 73 || cintātītaṃ bhavet so hi yogasaṃyogavarjitam | nirvāṇaṃ vāsanāhīnaṃ tṛptātmā ca nirāmayaḥ || 74 || tena labdhā na sandeho'malā malacchedanāḥ | tasya pravartate kṣipraṃ tasyaiva sarvasarvagam || 75 || vedasiddhāntaśāstrāṇi nānāvidhāni śikhāni ca | tāni sarvāṇi mohāni kāyakleśairnirarthakam || 76 || vidyāhaṅkāragrastāstu garvitāḥ kugatiṃ gatāḥ | anarthena ca santuṣṭā bahugranthārthacintakāḥ || 77 || akulavīraṃ na vindanti kṛtakairmohitātmanaḥ | garvitānāṃ kuto jñānaṃ granthakoṭiśatairapi || 78 || karpūrakuṅkumādīnāṃ vastratāmbūlameva ca | kharavadbhavati tadbhāraṃ sarvaṃ tasya nirarthakam || akulavīrañca dehasthaṃ yadā paśyati sarvagam || 79 || dharmādharmaphalaṃ nāsti nodakaṃ tīrthasevanā | na kriyā satyaśaucaṃ vā karmakāṇḍe na bhāvanā || 80 || (p. 101) na tasya karmakarmāṇi lokācārāṇi yāni ca | caritāḥ samayācārā janairbhrāntivimohitaiḥ || 81 || akulavīraṃ na jānanti kiṃ viśiṣṭaṃ kutaḥ sthitam | kṛtakā bandhanā loke kalpitāśca kupaṇḍitaiḥ || 82 || saṃkalpavikalpañca kalākarmāṇi yāni ca | siddhayo vividhā loke pātālaṃ ca rasāyanam || 83 || pratyakṣañca yadā labdhaṃ na vigṛhṇīyāt kadācana | sarve te pāśabaddhaśca adhomārgapradāyakāḥ || 84 || na caitairmuktiḥ saṃsāre akulaṃ vīravarjitāḥ | yathā madiramānandaṃ kathitaṃ naiva jāyate || 85 || tadvadakulavīrākhyaṃ svasaṃvedyaniropaṇam | na jānanti narā mūḍhāḥ sārāt sārataraṃ param || 86 || tāvad bhrāntivimugdhātmā yāvattalaṃ na vindati | cintātīte yadā yogī sa yogī yogacintakaḥ || 87 || viraktā vāsanā yasya tṛptātmā ca nirāmayaḥ | tāvad bhramanti mohātmā nānābhāvānubandhanaiḥ || 88 || yāvat samamekatvaṃ paramānandaṃ na vindati | mūrkhāṇāṃ ca yathāśāstraṃ kumārīsuratiṃ yathā || 89 || akulavīraṃ vindanti kathyamānaiḥ kumārikāḥ | diśaveśavinirmuktaṃ sthānavarṇavivarjitam || 90 || (p. 102) nirākulaṃ nirvikalpaṃ nirguṇañca sunirmalam | anāthaṃ sarvanāthañca pramādonmādavarjitam || 91 || ghananiviḍani(ḥ)sandhisthāvare jaṅgameṣu ca | jale jvalane tathā pavane bhūmyākāśe tathaiva ca || 92 || sarvatra samarasaṃ bharitamakulavīrantu kevalam | taṃ jñātaṃ yena dehasthaṃ sa muktaḥ sarvabandhanāt || 93 || na tasya kriyābandhena na vedyaṃ na ca vedanā | na yajño nopavāsaśca na caryā na kriyodayaḥ || 94 || na varṇo varṇabhedaśca akulavīraṃ yadāgatam | na jāpo nārcanāgnīnāṃ na homo naiva sādhanam || 95 || nāgnipraveśanantasya mantrapūjācaraṇodakam | niyamāśca na tasyāsti kṣetrapīṭhe ca sevanaiḥ || 96 || na kriyā nārcanākādyairna tīrthāni vratāni ca | nirālambapadaṃ śāntaṃ tathātītaṃ nirañjanam || 97 || sarvajñaparipūrṇañca svabhāvena vilakṣyate | kāryakāraṇanirmuktamacintitañca anāmayam || 98 || māyātītaṃ nirālambaṃ vyāpakaṃ sarvatomukham | svadehe saṃsthitaṃ śāntamakulavīraṃ taducyate || 99 || samastamekadābhūtaṃ dvaitābhāvavivarjitam | akulavīraṃ mahadbhūtamastināstivivarjitam || 100 || (p. 103) manobuddhicittastacittā naiva svacetanā (?) | na kālakalanā caiva na śaktiśca na cendriyaḥ || 101 || na bhūte gṛhyate so hi na duḥkhaṃ sukhameva ca | na raso'dhirasaścaiva kṛtakaṃ naiva kārakam || 102 || na cchāyā nātapo vahnirna ca śītoṣṇavedanā | na dinaṃ rātrimityuktamudayāstamanavarjitam || 103 || na mano dṛśyate tatra norddhamadhyaṃ ca jñāyate | akṣobhyamacalaṃ śāntamīdṛśaṃ tattvanirṇayam || 104 || yādṛśena tu bhāvena puruṣo bhāvayet sadā | tādṛśaṃ phalamāpnoti nātra kāryavicāraṇāt || 105 || evañca kulasadbhāvamavācyaṃ paramāmṛtam | agamyaṃ gamyate kasmād bhrāntijñānavimohitāḥ || 106 || na dūre nikaṭe caiva pratyakṣaṃ na parokṣatā | na bharito na rikto vā nipuṇo nāpi cādhikaḥ || 107 || etat pakṣavinirmukto hetudṛṣṭāntavarjitaḥ | kṛtakairmohitā mūḍhāḥ karmakāṇḍaratāstu ye || 108 || na teṣāṃ muktiḥ saṃsāre narake yonisaṃkule | akulavīraṃ mahadbhūtaṃ yadā paśyati sarvagam || 109 || sabāhyābhyantaraikatvaṃ sarvatraiva vyavasthita(m) | nistaraṅgaṃ nirābhāsaṃ padacchedavivarjitam || 110 || sarvāvayavanirmuktaṃ nirvikārañca nirmalam | adṛśyaṃ nirguṇaṃ nityaṃ nirṇirodhañca niścalam || 111 || (p. 104) na dhyānaṃ dhāraṇā naiva na sthānaṃ varṇameva ca | na recakaṃ pūrakañcaiva narodghātañca (?) kumbhakam || 112 || na cāntamādimadhyasthaṃ na sato vṛddhireva ca | grāhyagrāhakanirmuktagranthātītañca yadbhavet || 113 || etaiḥ sarvairvinirmuktaṃ hetudṛṣṭāntavarjitam | sabāhyābhyantaraikatvaṃ sarvatraiva vyavasthitam || 114 || samarasānandarūpeṇa ekākāraṃ carācare | ye ca jñātaṃ svadehasthamakulavīraṃ mahadbhūtam || 115 || yasyā (?) vaśaṃ sthitaḥ kaścit samarasaṃ rasasaṃsthitam | sa brahmā sa hariścaiva sa rudrañcai(ve)śvarastathā || 116 || sa śivaḥ śāśvato devaḥ sa ca somārkaśaṅkaraḥ | sa viśākhyo mayūrākṣo arhanto budhameva ca || 117 || svayaṃ devi svayaṃ devaḥ svayaṃ śiṣyaḥ svayaṃ guruḥ | svayaṃ dhyānaṃ svayaṃ dhyātā svayaṃ sarveśvaro guruḥ || 118 || sarvajñaḥ sarvamāsṛtya sarvato hitalakṣaṇaḥ | sarvayoginī tatrasthā sarve siddhāśca tatra vai || 119 || sarvaṃ sarvārthakaṃ caiva sarvajñānaśca tatra vai | yathāsau mahārthañca akulavīramiti smṛtam || 120 || śabdaḥ sparśo raso rūpaṃ gandho vadyāṇipama ca (?) | sarve bhīrāśca (?) tatraiva ye pralīnāḥ pralayaṃ gatāḥ || 121 || nādhāre dhyeyalakṣye ca na nādagocare pare | na hṛdi nābhikaṇṭhe vā vaktre ghaṇṭikarandhrayoḥ || 122 || (p. 105) na iḍā piṅgalā caiva suṣmaṇā ca gamāgamaiḥ | na nābhicakre kaṇṭhe ca na śire binduke tathā || 123 || cakṣukarṇonmīlanaṃ naivaṃ nāsikāgranirīkṣaṇe | na pūrake kumbhake caiva recake ca tathā punaḥ || 124 || na bindubhedagranthau ca lalāṭe na ca candramāḥ | praveśe nirgame caiva śikhā ūrddhve na binduke || 125 || na karairna sarairmudraiḥ nākāśe vāyumaṇḍale | na cāpe candrasūrye ca bhāvābhāve samāgame || 126 || anaupamyaṃ nirālambaṃ pakṣāpakṣavivarjitam | ajñānamalagrastātmā mahāmāyāvimohitāḥ || 127 || śāstrārthena vimuḍhātmā mohitā viduṣo janāḥ | na vidanti padaṃ śāntaṃ kaivalyaṃ niṣkriyaṃ gurum || 128 || saṃkhyādayaśca ye kecit nyāyavaiśeṣikāstathā | bauddhārahantāśca ye kecit somasiddhāntadakṣiṇāḥ || 129 || mīmāṃsā pañcarātrañca vāmadakṣiṇakaulikāḥ | itihāsapurāṇāni bhūtatattvañca gāruḍam || 130 || ete caiva samāḥ sarve kecit vā('pi) kriyānvitāḥ | vikalpasiddhidāḥ sarve tadvidurna ca paṇḍitāḥ || 131 || vikalpabahulāḥ sarve mithyāvādanirarthakāḥ | na te mucyanti saṃsāre akulavīravivarjitāḥ || 132 || yāni kāni ca sthānāni girirnagarasāgaram | sarvatra saṃsthitaṃ nityaṃ sthāvare jaṅgameṣu ca || 133 || (p. 106) pañcabhūtātmakaṃ sarve yat kiñcit sacarācaram | śivādyadevaparyantaṃ sarvaṃ tatraiva saṃsthitam || 134 || īdṛśaṃ yoginaṃ dṛṣṭvā upasarpanti ye narāḥ | gandhaiḥ puṣpaiśca dhūpaiśca khānapānādibhakṣaṇaiḥ || 135 || tarpayanti ca ye bhaktāstrividhaiścaivāntarātmanā | te'pi bandhaiḥ pramucyanti muktimārgī na (?) kāṅkṣiṇaḥ || 136 || brahmendraviṣṇurudrañca arahantā buddhameva ca | viṣākhyo mayūrākṣa (?) ye ca ṛṣayastapodhanāḥ || 137 || devādibhyo narendrāśca ye cānye mokṣakāṅkṣiṇaḥ | te (sarve) mokṣamicchanti akulavīrantu mokṣadam || 138 || athānyaṃ saṃpravakṣyāmi bhinnāvasthāṃ svabhāvagaḥ | pūrvaṃ yaduktā sarve anvayamārge tvakaulike (?) || 139 || * * * * * * * * * * * * * * * * | * * * * * * * * * * * nātra saṃśayaḥ | paramāmṛtasantṛptāḥ sahajānandaṃ ca kevalam || 140 || na jarāsteṣāṃ na mṛtyuśca na śoko duḥkhameva ca | sarvavyādhiharaścaiva na punarbhavasaṃbhavaḥ || 141 || akulavīraṃ sthitaṃ divyaṃ siddhanāthaprasādataḥ | sarvataḥ sarvadā śuddhaḥ sarvataḥ sarvadā prabhuḥ || 142 || iti macchendrapādāvatārite kāmarūpisthāne yoginī prasādāllabdha(m) akulavīraṃ samāptam || ########### END OF FILE #######