####################################################
MUKTABODHA INDOLOGICAL RESEARCH INSTITUTE
Use of this material (e-texts) is covered by Creative Commons license BY-NC 4.0
Catalog number: M00504
Uniform title: amṛteśatantra
Secondary title: netratantra
Manuscript : NGMCP manuscript no. pra-285 Reel B25/4

Description: 
From a manuscript dated Nepal samvat 320 i.e. 1101 C.E.


Notes: 
Data entered by the staff of Muktabodha under the supervision of Mark S.G. Dyczkowski.

Revision 0: August 14 2021.

Internet publisher : Muktabodha Indological Research InstituteMuktabodha Indological Research Institute
Publication year : 2021
Publication city : 
Publication country : United States
####################################################



oṃ namaḥ śivādibhyo gurubhyaḥ | 

yastṛdhā triṣvavasthā surūpamāsthāya śaktimān |
udbhavasthitisaṃhārakṛtsnaṃ viśvasya śaktitaḥ ||

vidadhāti namastasmai śuddhāmṛtamayātmane |
śivāya brahmaviṣṇveśa parāya paramātmane ||

kailāsaśikharāsīnaṃ devadevaṃ maheśvaraṃ |
krīḍaṃtaṃ ca gaṇaiḥ sārddhaṃ pārvatyā sahitaṃ haraṃ || 

dṛṣṭvā pramuditaṃ daivaṃ prāṇināṃ hitakāmyayā | 
utsaṃgādavatīryāśu pādau jagrāha pārvatī ||

papraccha parayā bhaktyā santoṣya parameśvaraṃ |

śrīdevyuvāca ||

bhagavaṃ devadeveśa lokanātha jagatpate |
yaṃ tvayā mahadāścaryaṃ kṛtaṃ vismayakārakaṃ ||

sarvasya jagato deva kiṃtu me parameśvara |
durvijñeyaṃ durārādhyaṃ rahasyaṃ na prakāśitaṃ ||

kārtike yasya na mayā na sureṣu gaṇeṣu ca |
yogeśvarīṇāṃ mātrīṇāṃ ṛṣīṇāṃ yogināṃ na hi ||

tadadya me jagannātha suprasanno yadi prabho |

1b)

prārthayāmi prapannāhaṃ niḥśeṣaṃ vaktumarhasi ||

evaṃ devyā vacaḥ śrutvā prasannavadano vravīn |

bhagavānuvāca ||

kiṃ kiṃ vadasi suśroṇi rahasyānte hṛdi sthitaṃ ||

sarvaṃ vakṣyāmyasaṃdehi toṣito 'haṃ tvayā naghe |

devyuvāca ||

bhagavaṃ devadeveśa citrāścarya vidhāyakaṃ |
āścaryamīdṛśaṃ ramyaṃ na śrutaṃ tacchṛṇomyahaṃ ||

vibho prasannavadana paramānaṃdakāraka |
amātsaryeṇa bhagavan kathanīyaṃ tvayā mama ||

yat tadāpomayaṃ deva cakṣuḥ sarvatra dṛśyate |
tasmādagniḥ kathaṃ raudra utpannaḥ kāladāhakaḥ ||

yena vai dṛṣṭamātreṇa pitrīṣā bhasmasāt kṛtaḥ |
kiṃ tadraudraṃ kṛtaṃ deva vahniḥ kāladidṛkṣayā ||

prajvālita jagatsarvaṃ brahmādicchā varāntikaṃ |
kāmastathaiva nirdagdho līlayā parameśvara ||

krodhanetrānale nātha dṛśyate yanna kasyacit |

2a)

kṛtaṃ tad devadevena mahāvismayakārakaṃ ||

devanetrāṃtare hyagnistvadṛte kasya dṛśyate |
kiṃ vā vahnimayaṃ cakṣustatkathaṃ na vibhāvyate ||

yena vai cakṣuṣā kṛtsnaṃ prasarastvaṃ jagatpate |
sarvāmṛtamayenaiva jagadāpyāyakṛt kṣaṇāt ||

mamānaṃdayase deva prasannenaiva cakṣuṣā |
amṛtākārasaṃśubhraṃ jagadāpyāyakārakaṃ ||

tasmāt kālānalaprakhyaṃ kuto vahniḥ prajāyate |
etat sarvaṃ samāsena bhagavan vaktumarhasi ||

bhagavānuvāca ||

atikautūhalāviṣṭā pṛcchasyetacchṛṇu priye |
yanme netrāṃtare hyagni yadvāmṛtamanuttamaṃ ||

tatsarvaṃ saṃpravakṣyāmi yogayuktyā śṛṇu priye |
yatsvarūpaṃ nijaṃ śuddhaṃ vyāpakaṃ sarvatomukhaṃ ||

sarvabhūtāntarāvasthaṃ sarvaprāṇiṣu jīvanaṃ |
yogagamyaṃ durārādhyaṃ duṣprāpaṃmakṛtātmabhiḥ ||

svasaṃvedyaṃ svavīryaṃ ca mamaiva paramaṃ padaṃ |
tadvīryaṃ sarvavīryāṇāṃ tadvai balavatāṃ balaṃ ||

2b)

tadojastejasāṃ sarvaṃ śāśvataṃ hyacalaṃ bruvaṃ |
sāmamecchā parāśaktirhyaviyuktā svabhāvajā ||

vahni ūṣme ca vijñeyā ravirūpā raveriva |
sarvasya jagato vāpi sā śaktiḥ kāraṇātmikā ||

sarvajñādi guṇāstatra vyaktāvyaktāśca saṃsthitā |
saivecchā jñānarūpā ca jñānādi guṇavismṛtāḥ ||

jñānādi ṣaṭguṇā ye ca tatrasthāḥ prabhavanti ca |
sā vai kriyā mahārūpā saṃsthitaikā kriyā matā ||

aṇimādi guṇānaṣṭau karoti vikaroti sā |
evaṃ mamecchā jñānājñā kṛyākhyā śaktirucyate ||

sūryācaṃdramasau vahnistridhāmaparikalpanā |
trinetrakalpanāmahyaṃ tadarthamiha dṛśyate ||

dahanāpyāyanantena prakāśya vidadhāmyahaṃ |
sṛṣṭisthitiṃ saṃhṛtiṃ ca tanurvidhāmyahaṃ ||

tadvīryā pūritaṃ sarvaṃ matteja upabṛhitaṃ |
icchājñānakriyārūpaṃ netrāmṛtamanuttamaṃ ||

tadvīryaṃ paramaṃ dhāma yat parāmṛtarūpakaṃ |

3a)

sa eṣa paramānaṃdo dehe tat paramaṃ padaṃ |
tadetanniṣkalaṃ jñānaṃ viśuddhaṃ netramuttamaṃ ||

mṛtyujit tena cākhyātaṃ sarveṣā mokṣadāyakaṃ |
tat siddhidaṃ paraṃ devi sarvaduḥkhavimokṣadaṃ ||

sarvavyādhi haraṃ devaṃ sarvāharamayaṃ śivaṃ |
dāridrya damanaṃ nityaṃ mṛtyujit sarvato mukhaṃ ||

amoghamamalaṃ śāntaṃ sarvagaṃ sarvasaṃsthitaṃ |
sūryakoṭisahasrāṇāṃ vahnyāyutasahasraśaḥ ||

yat tejasā samastasya kalānārghaṃnti ṣoḍaśī |
sarvantejomayaṃ tasmādapradhṛṣyaṃ surāsuraiḥ ||

tena netrāgninā sarvaṃ nirdahāni kṣaṇāddhruvaṃ |
tenaivāpyāyanaṃ bhūyaḥ prākāśya vidadhāmyahaṃ ||

tasmāt parataraṃ nānyat kiṃ vidvīrya pradṛśyate |
tadevāstramayaṃ raudraṃ aṇoḥ santāraṇaṃ paraṃ ||

kṣayakṛt sā śatrūṇāṃ astraṃstvetadudāhṛtaṃ |
sarveṣāmeva bhūtānāṃ āyuddhānte tadāyudhaṃ ||

tadekaṃ bahudhā vīryaṃ bhedānaṃtavisarpitaṃ |
mahāpāśupataṃ mahyaṃ viṣṇostacca sudarśanaṃ ||

3b)

brahmaṇo brahmadaṃḍaśca sarveṣāṃ svasvamāyudha |
anekākārarūpeṇa āyudhaṃ tadanekadhā ||

surāṇāṃ susvarūpeṇa mayāvīryaṃ samarpitaṃ |
jñānaśaktyā tu yogeśyā tena vyāptamidaṃ jagat ||

bhītānāṃ sā parā rakṣātra snānāṃ abhayaṃ paraṃ |
śatrubhiścārditānāṃ tu mokṣadaṃ paramaṃ dhruvaṃ ||

kiṃ vā vistaraṇoktena paunapuṇyena suṃdari |
yadyannivrataraṃ raudraṃ śrīmadvarjitameva vā ||

prasādaṃ varadaṃ śreyaḥ prakāśyantattadeva hi |
tad jñeyamaprameyaṃ ca jñānaṃ mantraṃ mahābalaṃ ||

trātāraṃ sarvabhūtānāṃ guptagopyaṃ sadā mayā |
tavādya kathitaṃ devi bhūyaḥ paripṛcchasi ||

iti sarvasrotasaṃgrahasāre mṛtyujidamṛttiśavidhāne taṃtrāvatārādhikāro nāma 
prathamaḥ paṭalaḥ || 1 ||
śrīdevyuvāca ||

yadyevaṃ paramaṃ śāntaṃ aprameyaṃ guṇālayaṃ |
sarvānugrahakaṃ vīryaṃ devadeva mukhācchrutaṃ ||

4a)

bhagavaṃ devadeveśa lokānugrahakāraka |
triyonijamidaṃ sarvaṃ devamānuṣa tiryagaṃ ||

ādhivyādhi bhayo dvignaṃ viṣabhūtabhayārditaṃ |
apamṛtyu śatāṃ karṇaṃ jvarakāsakṣayānvitaṃ ||

bhūtajaṃ mānuṣe loke viprādyāḥ prāṇinastathā |
duḥkhadoṣaśatākīrṇaṃ kutaṃsteṣāṃ sukhaṃ vibho ||

yugānurūpabhāvena teṣāmāyuṃ svamānataḥ |
jighāṃsanti balopetāstvattejabalabṛṃhitāḥ ||

anekaśatabhedaistu vyādhādi vinipīḍitāḥ |
teṣāmanugrahārthāya kṛpayā prāṇināṃ hitaṃ ||

upāyastu jagannāthamucyante yena sarvataḥ |
yena yena prakāreṇa jñānayogena maṃtrataḥ ||

yat tat paśyati deveśa tamupāyaṃ vadasva me |
evaṃ devyā vacaḥ śrutvā prahasyo vāraśaṃkaraḥ ||

īśvara uvāca ||

atikāruṇyayā viṣṭā devitvaṃ pṛcchase mama |
na kena vidahaṃ pṛṣṭho nākhyātaṃ kasya cinmayā ||

yat tat sarveṣu netreṣu netrabhūtaṃ(?) prakīrtitaṃ |

4b)

mamāṃśakena kenāpi lakṣitaṃ tu sudurlabhaiḥ |
tavādya kathayiṣyāmi tṛprakāraṃ paraṃ dhruvaṃ ||

maṃtrayogajñānagamyaṃ mokṣadaṃ siddhidaṃ paraṃ |
ādau maṃtramayaṃ vakṣye siddhatrayasamanvitaṃ ||

sāṃgaṃ svamudrayā yuktaṃ sarvatrāṇakaraṃ paraṃ |
bhūtayakṣagrahonmāda śākinī yoginī gaṇaiḥ ||

bhaginī rudramātrībhi ḍāvyāḍāmarakādibhiḥ |
rūpikābhirapasmāraiḥ piśācaiścāpyanekaśaiḥ ||

brahmarakṣograhādibhyaḥ koṭiśo yadi mudritāḥ |
apamṛtyubhirākrāntāḥ kālapāśajighāṃsatā ||

rājāno rājatanayā rājapatnyo hyanekaśaḥ |
viprādi prāṇinaḥ sarve sarvadoṣa bhayārditāḥ ||

yena vai smṛtamātreṇa mucyate tad bravīmite |
bhūya pradeśe same ramye caṃdanāguru carcite ||

karpūrāmodagaṃdhāḍhye kuṃkumodaka carcite |
ācārya suprahṛṣṭātmā caṃdanāguru carcitaḥ ||

uṣṇīrādyairābharaṇairbhūṣitaḥ sumahāmatiḥ |

5a)

padmamaṣṭadalaṃ kṛtvā mātrikāṃ tatra cālikhet |
tritanuṃ madhyato lekhyaṃ vargāṣṭau prāgviṣo likhet ||

pūjayet parayā bhaktyā puṣpadhūpārghavistaraiḥ |
maṃtramātā tato devi proddharet maṃtramuttamaṃ ||

viśvādyaṃ viśvarūpānta viśvahāmṛtakaṃ dalaṃ |
sveti dhvani parāśaktiḥ śivamekatra yojayet ||

anena grathitaṃ sarvaṃ sūtremaṇi gaṇā iva |
asmātmaṃtrāsamutpannā saptakoṭyādhikāriṇaḥ ||

citrabhānu padāntasthaṃ śaśāṃkaśakalodaraṃ |
tadaṃkuśordhvavinyastaṃ tiryagaṃ tūrdhvayojitaṃ ||

etat tat paramaṃ jyotiretat tat paramāmṛtaṃ |
etat paramamuddiṣṭaṃ amṛtaṃ lokaviśrutaṃ ||

peyūṣa kalayā yuktaṃ pūrṇacaṃdranibhopamaṃ |
etat paratamaṃ dhāma etat paratamaṃ padaṃ ||

etat paratamaṃ vīryaṃ etat paramāmṛtaṃ |
tejasāṃ paramaṃ tejaṃ jyotiṣāṃ jyotiruttamaṃ ||

sarvasya jagato deva īśvaraṃ kāraṇaṃ dhruvaṃ |
sraṣṭā kartā ca hartā ca nāstyasya jagato valī ||

5b)

maṃtrāṇāmālayaṃ hyeṣa sarvasiddhiguṇāspadaḥ |
adhunāṃgāni vakṣyāmi sannaddhoyaistu sidhyati ||

kṛtāntamadhyamaṃ varṇaṃ surarā *? ca mānugaṃ |
prabhaṃjanānta śirasaṃ hṛadayā sarvasaṃsthitaṃ ||

sāmāntamanalādyena yuktaṃ praṇavayojitaṃ | 
śiro hyeṣo nilāntena yukto māyā śikhā smṛtā ||

praśāntamīśvarordhvaṃ ca dvādaśārddhaniyojitaṃ |
śivaśaktistathā nādayuktaṃ tadvatmanottamaṃ ||

sabhairavādyaṃ praṇavaṃ sadāgati śira sthitāṃ |
netramaṃtra mahodagraṃ sarvakilviṣa nāśanaṃ || 

ajīvakaṭasaṃyuktaṃ astrametat prakīrtitaṃ |
aṃgaṣaṭka samākhyāta maṃtrarājasya nisṛtaṃ ||

iti sarvasrotasaṃgrahasāre amṛtīśavidhāne mṛtyuṃjaye 
maṃtroddhāravidhirdvitīyaḥ paṭalaḥ ||
īśvara uvāca ||

adhunā yajanaṃ vakṣye yena siddhyanti maṃtrarāṭ |
ādau snāna prakurvīta sarvakilviṣanāśanaṃ ||

6a)

astramaṃtreṇa deveśi mṛdamuddhṛtya maṃtravit |
śaucaṃ yathoditaṃ kṛtvā snānaṃ paścāt samācaret ||

pādau jaṃghe kaṭī caiva pūvadbhiḥ tribhistṛbhiḥ |
tribhiraṃtarayogena saptabhiḥ śuddhyate manaḥ ||

saptābhimaṃtritaṃ kṛtvā mṛdamastreṇa maṃtravit |
pratāṃpyārka mukhe paścāccharīramanulepayet ||

vighnopaśamanārthaṃ tu kṣālyamaṃtarjalaṃ japet |
vāmahaste tato bhāgān mṛdayātrīṃstu kārayet ||

astrajaptaṃ kṣiped dikṣu mūle tīrthaṃ prakalpayet |
aṃgaiḥ śarīramālipya kṣālyamantarjalaṃ japet ||

mūlaṃ śaktyā samuttīrya saṃdhyāṃ vaṃdedanukramāt |
śikhāṃbaddhvā śikhāsmṛtvā maṃtrāṇāṃ tarpaṇaṃ tataḥ ||

devān pitṝnṛṣīṃścaiva manujān bhūtasaṃyutān |
santarpatīrthaṃ saṃgṛhya yāgoktavidhinā viśet ||

āśāmātrī gaṇaṃ lakṣmī naṃdigaṃge prapūjayet |
mahākālaṃ tu yamunāṃ dehalīṃ pūjayet tataḥ ||

6b)

vighna proccāṭanaṃ kṛtvā digbaṃdhaṃ kavacāstrayoḥ |
svāsanārthaṃ prakalpyeta śaktimādhārapūrvikāṃ ||

upaviśya tataḥ kuryāt prāṇāyāmamanukramāt |
dhāraṇāmārabhet tatra yugapacchoṣaṇādibhiḥ ||

ṣāṅkoṣikaṃ(?) tu malinaṃ digbaṃdhaṃ tatra bhāvayet |
vijñānaṃ kevalantatra śūnyantatragataṃ smaret ||

nāhamasti na cānyosti dhyeyaṃ cātra nivedyate |
ānaṃdapadasallīnaṃ manaḥ samarasī gataṃ ||

paścādādhāraśaktisthaṃ sthā?sanaṃ paribhāvayet |
dhātrīpayogivaṃ padmāṃ caṃdrabiṃvāvabhāsitaṃ ||

paścāt kalākalāpotthaṃ peyūṣena tu siṃcitaṃ |
mūrti pūrvaṃ tṛtatve tu mūle naiva prakalpayet ||

tatoṃgāni karābhyāṃ tu śarīre vinyaset punaḥ |
maṃtraṃ caivābhimānaṃ tu cintaye dhyānayogataḥ ||

dhenumudrā tato baddhvā padmamudrā tathāpi vā |
dhyāyedātmani deveśaṃ caṃdrakoṭisamaprabhaṃ ||

svacchamuktā phalaprakhyaṃ sphaṭikāhni samaprabhaṃ |

7a)

kuṃdeṃdu gokṣire nibhaṃ hi mādṛśaṃ vibhuṃ |
śubhrādvāreṃdu kāṃtādi sitabhūṣaṇabhūṣitaṃ ||

sitacaṃdanaliptāṃgaṃ karpūrakṣodadhūsaraṃ |
sphuracaṃdrāmṛtasphāra bahulormipariplutaṃ ||

somamaṃdalamadhyasthaṃ ekavaktraṃ trilocanaṃ |
sitapadmopaviṣṭaṃ ca baddhapadmāsanasthitaḥ ||

caturbhujaṃ viśālākṣaṃ vadarābhayapāṇinaṃ |
pūrṇacaṃdranibhaṃ śubhraṃ mṛtenaiva pūritaṃ ||

kalaśaṃ dhārayantaṃ hi jagadāpyāya kārakaṃ |
paripūrṇaṃ tathā caṃdraṃ vāmahaste vicintayet ||

sarvaśvetopacāreṇa pūjitaṃ tamanusmaret |
bahunātra kimuktena sākṣādamṛtasāgaraṃ ||

tasmādeva samutpannamamṛtaṃ viśvajīvanaṃ |
atha cintāmaṇi prakhyaṃ bhāvabhedena saṃsmaret ||

saumyaṃ raudraṃ tathā bhīmaṃ vikṛtaṃ bhāvabhedataḥ |
sadāśivaṃ bhairavaṃ ra?ntaṃ cuṃruṃ vīranāyakaṃ ||

yena yena hi rūpeṇa sādhakaṃssaṃsmare tadā |
tasya tanmayatāṃ yāti cintāmaṇi riveśvaraḥ ||

7b)

evaṃ dhyātvā yajed devaṃ mānasaiḥ kusumaiḥ śubhaiḥ |
hṛtpadme sarvasiddhyarthaṃ paścād bāhye prapūjayet ||

mānasaiḥ kusumairarcā sādhakena śubhāmatā |
anirmālya parāśuddhā mokṣadā siddhidā śubhā ||

tasmāt sarvaprayatnena mānasaṃ yajanaṃ dhruvaṃ |
ādāve prakartavyaṃ paścād dravyaistu vistaraiḥ ||

svagṛhe devatāgāre saṃgame girimūrddhani |
supraśaste tu bhūbhāge padmaśaṃḍe suśobhane ||

ālikhet maṃḍalaṃ citraṃ sitarekhopaśobhitaṃ |
caturdvāraṃ catuṣkoṇaṃ susamaṃ tu matoramaṃ ||

śobhāpaśobhasaṃpannaṃ tanmadhye śaśimaṃḍalaṃ |
pūrṇacaṃdrasamaprakhyaṃ raśmimālāvalī yutaṃ ||

tanmadhyeṣṭadalaṃ padmaṃ susitaṃ caṃdrasannibhaṃ |
vicitrakesaropetaṃ hemakarṇikamuttamaṃ ||

tanmadhye caiva deveśaṃ svasthānādavatārayet |
āvāhayet tato devaṃ tridehaparikalpitam ||

8a)

āgneyādi vibhāgena daleṣvaṃgāni vinyaset |
pūjyaśvetopacāreṇa puṣpāṃvaravilepanaiḥ ||

naivedyairvividhaiścitrairdhūpaiḥ śreṣṭhaiḥ sudhūpitaiḥ |
hṛdyaiḥ pānaiścarvividhairbhāvabhedena pūjayet ||

sarvaśvetopacāreṇa śāntyarthaṃ pūjayet pṛye |
puṣṭyarthaṃ bahubhirmiśraiḥ saṃbhāraḥ saṃskṛtaṃ yajet ||

paścāddhomaṃ prakurvīta yathākarmānurūpataḥ |
trimekhale vartule ca caturaśre suśobhane ||

hastamātre tataḥ kuṃḍe ṣaḍaṃgenorddhamekhale |
madhyamādi catuṣkeṇa dvādaśāṃgena cādhamā ||

hastamātraṃ tataḥ khātaṃ oṣṭhamekāṃgulāyataṃ |
aśvatthapattra sadṛśī nābhiḥ kuryānnavāṃgulā ||

dairghyāt tu pārśvatastadvatatmadhyāgrāṃgulanvayaṃ |
uktaṃ sāhasrike homa dviguṇaṃ cāyute mataṃ ||

tripaṃca yuta homena triguṇaṃ tadvidhīyate |
kuṃḍaṃ vai lakṣaṇopetaṃ lakṣahome praśasyate ||

nityanaimittike kāmye śāntau puṣṭau tu vartulaṃ |

8b)

sarvadikṣu praśāmyeta śrīkāme caturaśrakaṃ |
śasyate pūrvamānena yaṃ dṛṣṭvā karmabhedataḥ ||

saṃskārānvasya kuṃḍasya kartavyā astramaṃtrataḥ |
adhaḥkaraṇamuddhāraṃ abhikṣepaṃ prapūraṇaṃ ||

secanaṃ kuṭṭanaṃ caiva mārjanaṃ lepanaṃ tathā |
praṇavena tu kartavyaṃ kuṃḍasya parikalpanā ||

catuṣpathaṃ cākṣavāṭaṃ vāgeśyā gṛhakalpanaṃ |
asinā praṇavenaiva vāgeśyā vāhanaṃ puna ||

arvanaṃ caiva kartavyaṃ tritatvenanta prokṣaṇaṃ |
astreṇa tāḍanaṃ caiva saṃskṛtyavidhipūrvakaṃ ||

kriyāśakti svarūpeṇa kauṃḍilyā kuṃḍakalpanā |
jñānaśaktisvarūpaṃ tu vahnintatra prakalpayet ||

vahnimādāya pātrasthaṃ paṃcasaṃskārasaṃskṛtaṃ |
nirīkṣaṇādi cāstreṇa kavacenāvaguṃṭhanaṃ ||

praṇavenāhutiḥ paṃca hutvā dravyādi śuddhitaḥ |
viśvāgnyāpādanaṃ paścāt kurvīta bhrāmaye tṛdhā ||

bījarūpaṃ tato vahnimātmāne parameśvaraṃ |

9a)

māyā caiva tu yogeśī yonau saṃkṣobhya saṃkṣipet |
vartulīkṛta viśvāgnau pūjanaṃ praṇavena tu ||

kartavyaṃ tanmukhe paścāt saṃskārastu tato nale |
garbhādhānaṃ puṃsavanaṃ sīmantonnayaṃ tathā ||

vaktrakalpanaviśvāgnau sīmāgrīvādi kalpana |
jātakarma tathaivātra niṣkrāmonāmakalpanā ||

hṛdayādyaṃga ṣaṭkena kartavyamanupūrvaśaḥ |
cūḍādyā ye tu saṃskārā pūrṇāhutyekayā punaḥ ||

saṃskārāṇi tu sarvāṇi vahnau mūlena kārayet |
śivaśakti mayantatra kalpaye tu vidhānavit ||

sruksruvau tu dṛḍhau kāryau kṣīravṛkṣasamudbhavau |
śasyate śāntipuṣṭau tu śastadrumasamudbhavau ||

anyatra bhāvabhedena kāryaukamānurūpataḥ |
ṣaṭtṛṃśadaṃgulaṃ mānaṃ srugvāvāhu pramāṇataḥ ||

ṣaḍaṃśapariṇāhena daṃḍaḥ kuṃbhāt samutthitaḥ |
caturaṃgulapīṭhāgraṃ tatpīṭhaṃ kamalodaraṃ ||

kartavyaṃ daṃḍamadhye tu dvyaṃgulāyatavartulaṃ |

9b)

arddhāṃgulasamutsedha vicitraracanākulaṃ |
vedikāṣṭāṃgulākāryā caturāsuśobhanā ||

adhaḥ padmā niviṣṭānta ūrdhvi? paṃcāṃgulāyuta |

khātaṃ taṃ aṃgulaṃ kāryaṃ tadūrdhvaṃ vartulabhramaṃ |
arddhāṃgulapramāṇena tilakairupaśobhitaṃ ||

tasya pārśva catuṣkaṃ tu catuṣkoṇasamanvitaṃ |
śilpivijñānaracanā nānā bhiracitaṃ mataṃ ||

kaṃtha ekā.uglaḥ kāryasta tribhāgavikalpitaḥ |
pārśvayośca tataḥ kāryaṃ mukhaṃ saptāṃgulaṃ śubhaṃ ||

dairghyāṃ tu pārśvayoṣṭau tu dvau bhāgau hrāsayet kramāt |
mukhāgraṃ tat tribhāge tu dvau bhāgau pārśvayostathā ||

vartayedvedayetāṃ tu kaniṣṭhāṃgulimānataḥ |
nimnaṃ nimnataraṃ kuryād yāvaccāgramukhāntaraṃ ||

pārśvayostu tathā kāryā vicitra racanā śubhā |
svatṛbhāgavivarta syāt pārśvayostu tathaiva ca ||

hastamātra sruvaḥ kāryo mūlapīṭhe triśākhikaṃ |
madhyāgrapīṭhapadmāṃka kaṃṭhācāṃgulavartulaṃ ||

10a)

caturaṃguladīrghaṃ tu dvipuṭāgraṃ suvartitaṃ |
aṃguṣṭhaparvavat khātaṃ goṣpadākṛtikārayet ||

kaniṣṭhāṃgulamānena pratiṣṭhā khātu vartulā |
vartayedravacanāyuktaṃ karṣāpūritavaktrakaṃ ||

catuṣpalā bhavet pūrṇā sruvāśaktiḥ sruvaḥ śiva |
kriyāśaktistu vai kuṃḍaṃ jñānaśaktistathā nalaṃ ||

evaṃ niṣpādya vidhivat paścāddhomaṃ samācaret |
tilaiḥkṣīrayutairhomaṃ śarkarāghṛtamiśritaiḥ ||

mahāśāntiprajāyeta tatkṣaṇāt nātrasaṃśayaḥ |
ādau caivājya?saṃskāraṃn kuryāddhomamathāparaṃ ||

adhiśrayaṇamuddhāraṃ bhrāmaṇaṃ sthāpanaṃ tataḥ |
nirīkṣaṇaṃ tatostreṇa nairājanamataḥ paraṃ ||

paryagni karaṇaṃ caiva tathaivotplavasaṃplavau |
astre caivārcanaṃ mūle nāmṛtīkaraṇaṃ tathā ||

darbhāstaraṃ viṣṭarāṇi paridhī nastramaṃtrataḥ |
sūryācaṃdramasauvahni kalpayet praṇavena tu ||

bhāvayet tavajihvā tu pūrṇāṃ mūlena pātayet |

10b)

paścāttūtaṃ maṃtraṃ sāgaṃ madhyamataṃ yajet |
evaṃ kṛtvā tu juhuyānmaṃtrī karmānusārataḥ ||

payasāghṛtayuktena puṣṭirbhavatiśāśvatī |
ghṛtagugguluhomena pūrṇāyurbhavate dhruvaṃ ||

śrīkāmaṃ juhuyāt paścān ghṛtakṣīrasamanvitaṃ |
rājyakāmostato bilvā trisaṃdhāktāt susiddhidāt ||

kṣīravṛkṣasamidbhistu homācāro gṛ?tāṃ bhabhet |
praśastasamidhā homāt praśasta taruje nale ||

sarvakāmānavāpnoti satyameva navānyathā |
brīhisaptakahomena dhanārthī labhate dhanaṃ ||

īhitaṃ kāmamuddiśya īhitaṃ homamācaret |
payasā kevale naiva homānmṛtyuṃjaye dhruvaṃ ||

kṣīravṛkṣasamidbhistu homādārāmva?to labhet |
praśasta samidhā homāt praśastena jale nalaṃ ||

sarvakāmānavāpnoti satyametaṃ na cānyathā |

iti sarvasrotasaṃgrahaṃ sāre mṛtyujidamṛtīśavidhāne yajanādhikāra tṛtīyaḥ 
paṭalaḥ || 
11a)

īśvara uvāca ||

atha dīkṣāṃ pravakṣyāmi bhuktimuktiphalapradāṃ |
bhūtatanmātradaśakaṃ manobuddhirahaṃkṛtaṃ ||

prakṛtiṃ puruṣaṃ caiva īśvaraṃ ca sadāśivaṃ |
śivamaṣṭādaśaṃ nāma tatkāryevaviśodhayet ||

prakṛtiṃ puruṣaścaiva nipatiḥ kāla eva ca |
māyā vidyā tathaiśaṃ ca sadāśivaśivastathā ||

tatvāni navadhā samyak śodhayeddaiśikottamaḥ |
tatvaiśaṭtṛṃśadarddhena tadarddhe nātha paṃcabhiḥ ||

tribhirekena vā kāryā parāparavibhūtaye |
yā kalābhiḥ paṃcabhirvātha padairdīkṣāthavā punaḥ ||

varṇaiḥ paṃcāśato vāpi maṃtrairvā bhuvanaistathā |
etaiḥ sarvaiḥ prakartavyā kāryā ekatamāthavā ||

sarvaistu samudāyena vyaktiśakti svarūpataḥ |
yathā vibhavasāreṇa kartavyādaiśikottamaiḥ ||

vāgeśyāḥ pūjanaṃ kāryaṃ tadgarbhe yojayet paśuṃ |
garbhādhānaṃ tu jananaṃ adhikāra layaṃ tathā ||

11b)

bhogaḥ karmārjanaṃ caiva niṣkṛtistadanantaraṃ |
mūlamaṃtreṇa kartavyaṃ pāśacchaidastathā smṛtaḥ ||

astramaṃtreṇa dāhastūtaṃ bhasmīkaraṇa sthitiḥ |
śikhācchedaṃ tathā homaṃ mūlenaiva tu yojayet ||

saṃyojya parame tatve saṃsthānaṃ caiva kārayet |
adhikārārthamācārye parāpara pade sthitiḥ ||

śivatatve svadhākārāṃ vidyādīkṣā sadāśive |
putrake parame tatve samayinyeśvare tathā ||

evamuddeśato dīkṣā kathitā vistarenyataḥ |

iti sarvasrotasaṃgrahasāre mṛtyujidamṛtīśavidhāne dīkṣādhikāraścaturthaḥ 
paṭalaḥ ||
īśvara uvāca ||

abhiṣekaṃ pravakṣyāmi yathā yasyaiva dīyate |
aṣṭabhiḥ kalaśairdeyamācāryasya vidhānataḥ ||

te tu vidyeśvarāḥ proktā samudrāśca sagarbhagāḥ |
paṃcabhirbhūtasaṃkhyairvā tribhirvā tatvarūpakaiḥ ||

ātmavidyā śivākhyaistu ekenāpi śivātmanā |
adhikārārthamācārye sādhake siddhikāmataḥ ||

12a)

abhiṣikto hyanujñātaḥ prakuryānmaṃtrasādhanaṃ |
tadvratastamasācārastadbhaktastatparāyaṇaḥ ||

pavitrāhāranirato laghvāśī saṃyateṃdritaḥ |
ekānte puṇyakṣetre tu tīrthāyatana gocare ||

sarvasaṃgojjhitamanāḥ sādhako japamārabhet |
lakṣameka japenmaṃtrī pūrvameva samāhitaḥ ||

tena sāmānya karmāṇi siddhyante sādhakasya tu |
bhaumīṃ siddhimavāpnoti daśalakṣa japena tu ||

antarikṣīṃ labhet siddhi lakṣapaṃcāśatoddhruvaṃ |
divyāṃ siddhiṃ tu labhate sādhako nātrasaṃśayaḥ ||

yathā koṭi kṛterjapyai īśvarī siddhimāvahet |
vyāpakastu śivo bhūtvā nigrahānugrahakṣamaḥ ||

yathecchāṃ kurute sarvāṃ dhārayet saṃharedbhṛśaṃ |
sarvagassarvavettā ca sarvajño bhavate dhruvaṃ ||

iti sarvasrotasaṃgrahasāre mṛtyujidamṛtīśavidhāna abhiṣekasādhanādhikāraḥ 
paṃcamaḥ paṭalaḥ ||
12b)

śrīdevyuvāca ||

śrutaṃ mayā mahādeva mṛtyujit siddhimokṣadaṃ |
adhunāśrotumicchāmi siddhi traya samanvitaṃ ||

amṛtīśaṃ mahātmānaṃ sarvaprāṇiṣu jīvanaṃ |
yadā siddhi prado loke mānuṣāṇāṃ hitaṃ karaṃ ||

pūrvokta duṣṭaśamanaṃ apamṛtyuvināśanaṃ |
āpyāyanaṃ śarīrasya śāntipuṣṭipradaṃ śubham ||

śrībhairava uvāca ||

śrūyatāṃ saṃpravakṣyāmi rahasyaṃ paramādbhutaṃ |
yathātaraṃti manujā duḥkho dadhi pariplutā ||

apamṛtyuśatākrāntā jarādāridryasaṃyutā |
ādhivyādhibhayodvignā pāpaughairvinipīḍitāḥ ||

mucyante tu yathā sarve pūrvoktairmāraṇaiḥ pṛye |
trividhaṃ tadupāyaṃ tu sthūlaṃ sūkṣmaṃ paraṃ ca yat ||

13a)

sthūlaṃ ca yajanaṃ homaṃ japa dhyānaṃ samaudrakaṃ |
maṃtrāṇi saṃpuṭādīni maṃtrarāṭ kurute bhṛśaṃ ||

sūkṣmaṃ cakrābhiyogena kalānādyādayena ca |
paraṃ sarvātmakaṃ devaṃ mokṣadaṃ mṛtyujid bhavet ||

yadā mṛtyubhayā ghrātaṃ kālena kalitaṃ pṛye |
dṛṣṭastatpratighānārthamamṛteśaṃ yajet tadā ||

sarvaśvetopacāreṇa pūrvoktena vidhānataḥ |
yasya nāmaṃ samudiśya pūjayet mṛtyujid vibhuḥ ||

mṛtyoruttarate śīghraṃ satyaṃ menānṛtaṃ vacaḥ |
sitaśarkara yā yukto ghṛtakṣīra plutaistilaiḥ ||

puṇyadārvidhane vahnau kuṃḍe vṛtte trimekhale |
mahārakṣā vidhānena yasya nāmāṃkito hunet ||

mahāśaktirbhavet kṣipraṃ gatasyāpi yamālayaṃ |

13b)

athavā śarkarāyuktaṃ payasā kevalena tu |
homānmṛtyuṃjaye cchīghraṃ mṛtyuṃjinnātrasaṃśayaḥ ||

sugaṃdhaghṛtahomena kṣīravṛkṣamaye nale |
juhuyānnāśayenmṛtyuṃ mṛtyujinnātrasaṃśayaḥ ||

kṣīravṛkṣasamiddho vā jvaraṃ nāśayate kṣaṇāt |
tilataṃḍulamakṣīka ājyaṃkṣīrasamanvitaṃ ||

eṣa paṃcāmṛto homa sarvaduṣṭa nivāraṇaṃ |
guggulāṃgulikābhiśca tryaktāśca śakramātrayā ||

homātpuṣṭirbhavatyāśu kṣīṇadehasya suvrate |
yadā vyādhiśā kīrṇā hyabalo dṛśyate naraḥ ||

tadā tu saṃpuṭī kṛtya nāmajaptvā vimucyate |
yaṃ yaṃ maṃtraṃ japed vidvānamṛtīśena saṃpuṭaṃ ||

sa tasya siddhyate kṣipraṃ bhāgyahīnopi yo bhavet |
kṣīṇagātrasya deveśi bheṣajaṃ maṃtrasaṃpuṭaṃ ||

dīyate tatkṣaṇā devi sapuṣṭiṃ labhate balī |

14a)

hṛtpadmamadhyagaṃ jīvaṃccaṃdrasaṃpuṭamadhyagaṃ |
sādhyarṇaroṣitaṃ kṛtvā mṛtyuruntarate bhṛśaṃ ||

sādhyarṇa rodhitaṃ nityaṃ dhyāyed dehaṃ sa yogavit |
sarvavyādhivinirmukto sabhavennātrasaṃśayaḥ ||

kṣīrodamadhyapadmasthaṃ  amṛtormibhirākulaṃ |
ūrddhvādhaḥ śaktiruddhaṃ tu sādhyarṇasaṃpuṭīkṛtaṃ ||

yo dhyāyati sadṛṣṭātmā hyātmanasya parasya vā |
sabāhyābhyantaraṃ śubhraṃ svadhāpūritavigrahaṇaṃ ||

amudvignamanāyaśca sarvabhogaiḥ pramucyate |
rocanā kuṃkumenaiva kṣīreṇa ca samanvitaṃ ||

sitapadmeṣṭa patre tu madhyasādhyaṃ nirodhitaḥ |
sarvavyādhi parākrāntaṃ caṃdramaṃḍalaveṣṭitaṃ ||

catuṣkoṇe parākrānto vajrabhṛdvajrarodhitaḥ |
mucyate nātrasaṃdeho sarvavyādhi prapīḍitaḥ ||

ṣoḍaśāre mahāpadme ṣoḍaśasvarabhūṣite |
ādyantamaṃtrarodhena sādhyanāmaṃ vilekhayet ||

jīvāntaṃ sāvamadhyasthaṃ varṇāṃtāṃtena rakṣitaṃ |

14b)

pratyarṇamamṛtīśena saṃpuṭi tvānusarvataḥ |
madhye daleṣu sarveṣu śaśimaṃḍalamadhyagaṃ ||

bāhye tu dviguṇaṃ padmaṃ kādisāntaṃ krameṇa tu |
pūrvavat tu likhenmaṃtrī pratisādhyarṇa rodhitaṃ ||

varṇe tadanu sādhyasya nāmabāhyerkamaṃḍalaṃ |
puraṃdara pure paścāt samantāt parivārayet ||

śvetacaṃdanayuktāyāṃ rocanākṣīrayuktayā |
likhitvā maṃtravājānāṃ karpūrakṣodadhūsaraṃ ||

mahārakṣāvidhānaṃ tu sukhasaubhāgyadāyakaṃ |
etaccakra mahādevi sitapuṣpaiḥ prapūjayet ||

sarvaśvetopacāreṇa madhumadhye nidhāpayet |
anenaiva vidhānena saptāhān mṛtyujid bhavet ||

rājarakṣāvidhānaṃ tu bhūbhṛtāmaprakāśayet |
saṃgrāmakāle varadaṃ ṛpudarpāpahaṃ bhavet ||

śivādinavatatvāni pratyekaṃ śaśimaṃḍale |
madhye pūrvādimīśāntaṃ amṛtīśena maṃtravit ||

yadā vyādhi śatākrāntā apamṛtyubhireva ca |

15a)

tadā śvetopacāreṇa pūjyaṃ kṣīraghṛtena ca ||

tilaiḥ kṣīrasamidbhirvā homācchāntiṃ samaśnute |
evasaṃpūjya kuṃbhe tu sarvauṣadhi samanvitaḥ ||

sitagarbhamaye śubhre rannagarbhāṃbupūrite |
sarvamaṃgalaghoṣeṇa śirasi hyabhiṣecayet ||

samucyatena saṃdeho sarvavyādhi prapīḍitaḥ |
dhyātvā parāmṛtaṃ nityaṃ nityoditamanāmayaṃ ||

prakṛdyāntassamamṛtaṃ avatārya parāśivān |
caturṇavāmṛtādhāra navadhāna ca pūritaṃ ||

śatārddhakṣobhitā nityaṃ ṣaṭpaṃcaika samanvitaṃ |
anantādhāragaṃbhīraṃ aṣṭatriṃśavibhūṣitaṃ ||

paṃcabhirvā prasiddhyarthaṃ pūrṇantena niruntaraṃ |
evaṃ dhyānaparo yastu sabāhyābhyantarāmṛtaṃ ||

vikṣobhyakalaśaṃ mūrddhni daiśiko maṃtra tatparaḥ |
anugraha sadāvasthastvabhiṣiṃcet prayatnataḥ ||

samucyatena saṃdeho saṃsārāddurati kramāt |
āyurbalaṃ yaśaḥ kīrti dhṛtirmedhā yaśaḥ śriyaḥ ||

15b)

sarvaṃ pravarddhate yasya bhūbhṛtorājyamuttamaṃ |
duḥkhānvito viduḥkhastu vyādhimānnimujo bhavet ||

baṃdhyāpi labhate putraṃ kanyā tu patimāvahet |
yayatsamīhate kāmaṃ taṃ taṃ tasya dhruvaṃ bhavet ||

abhiṣekasya māhātmyaṃ vidhāna vihitasya ca |
kathitaṃ te mayā devi pūjanaṃ hitakāmyayā ||

anyaśāstropacāreṇa sarvaśāntyāraho bhavet |
evaṃ sthūlavidhānaṃ tu sūkṣmaṃ caivādhunā śṛṇu ||

iti sarvasrotasaṃgrahasāre mṛtyujidamṛteśavidhāne sthaladhikāra ṣaṣṭhamaḥ 
paṭalaḥ ||
īśvara uvāca ||

ataḥ paraṃ pravakṣyāmi dhyānaṃ sūkṣmamanuttamaṃ |
ṛtu ṣaṣṭya svarādhāraṃ trilakṣaṃ vyomapaṃcakaṃ ||

graṃthidvādaśasaṃyuktaṃ śaktitrayasamanvitam |
dhāmatraya pathākrāntaṃ nāḍitrayasamanvitaṃ ||

jñātvā śarīraṃ suśroṇi daśanāḍi pathānugaṃ |

16a)

dvāsaptati sahasraistu saptakoṭyārddhasaṃyutaṃ |
nāḍivṛṃdaiḥ samākrāntaṃ anale vyādhibhiḥ kṛtaṃ ||

sūkṣmadhyānāmṛtenaiva pareṇaivoditena tu |
āpyāyaṃ kurute yogī ātmānotha parasya vā ||

divyadehastu bhavati sarvavyādhivivarjitaḥ |
yat svarūpaṃ svasaṃvedyaṃ svasthasvavyāpti saṃbhavaṃ ||

svoditā tu parāśakti svasthā tadgarbhagaḥ śivaḥ |
tāṃ vadvenmadhyame prāṇe prāṇāpānāṃtare dhruvaṃ ||

ahaṃ bhūtvā tato maṃtraṃ tatsthaṃ taccakragaṃ dhruvaṃ |
svoditena varārohe spaṃdanaṃ spadanena tu ||

kṛtvā tadabhimānaṃ tu janmasthāne nidhāpayet |
bhāvabhedena tatsthānāmmūlādhāre prayojayet ||

nādasūcyāprayogena vedhayet sūkṣmayogataḥ |
ādhāraḥ ṣoḍaśaṃ bhitvā graṃthidvādaśakaṃ tathā ||

madhyanāḍipathārūḍho vedhayet paramaṃ dhruvaṃ |
tatpraviṣṭastadā bhūtvā tatsamo vyāpakaḥ śivaḥ ||

sarvāmayaparityāgānniṣkalaṃ kṣobhyaśaktitaḥ |

16b)

punarāpyāyatenaiva mārgeṇa hṛdayāntaraṃ |
tatra praviṣṭamātrastu dhyānālabdhaṃ rasāyanaṃ ||

viśrāmyā tu bhavaṃ prāpya tasmāt sthānāt pravāhayet |
sarvaṃ tadamṛtaṃ vegān sarvatraiva nirodhayet ||

anantanāḍi bhedena hyanantāmṛtamuttamaṃ |
ananta dhyānayogena paripūryasvakaṃpuraṃ ||

bhuktvā jarāmarastadvat sabāhyābhyantaraṃ priye |
evaṃ mṛtyujitāt sarvaṃ sūkṣmanādena pūritaṃ ||

tadāsau siddhyate kṣipraṃ satyaṃ devi na cānyathā |
janmasthānaṃ samāśṛtya spaṃdasthaṃ madhyamāṃ kalāṃ ||

tatsthaṃ kṛtvā tadātmānaṃ kālāgniṃ tu samāśrayet |
gatvā gṛhīta vijñānaṃ vīryaṃ tatraiva nikṣipet ||

tadvīryāt paramāṃ śaktiṃ kriyākhyā madhyamoditā |
vijñānenordhvato bhinnā graṃthibhedena cecchayā ||

mūlaspaṃdaṃ samāśṛtya tyaktvā bāhu dvayaṃ tataḥ |
pratha?mārgapravāhena suṣumnākhyaṃ samāśrayet ||

17a)

tadevāśṛtya viramet tat sarveṃdriya gocare |
tadā pratyastame naiva vijñānenorddhataḥ kramāt ||

brahmādi kāraṇānāṃ tu tyāgaṃ kṛtvā śanaiḥśanaiḥ |
ṣaṣṭyāṃśaktimataḥ prāpya kuṃḍalākhyāṃ nirodhikāṃ ||

māyādi graṃthibhedena hṛdyādauvyamapaṃcakaṃ |
janmamūle samayākhyā graṃthijanmani pāśataḥ ||

brahmāviṣṇustathā rudra īśvaraśca sadāśivaḥ |
kāraṇasthā tu paṃcaivaṃ graṃthādau samudāhṛtaṃ ||

iṃdikākhyā tu yā graṃthirvimārgestanmanā tu sā |
tadūrddhvaṃ dīpikā caiva tadūrdhe caiva vai dadhī ||

nādākhyā tu mahāgraṃthi śaktigraṃthistvataḥ param |
graṃthirdvādaśakaṃ bhitvā praviśet paramaṃ śivaṃ ||

brahmāṇaṃ ca tathā viṣṇuṃ rudraṃ caiveśvarastathā |
sadāśivaṃ tathā śaktiṃ śivasthānaṃ prabhedayet ||

khamanaṃtaṃ tu janmākhye nābhau vyoma dvitīyakaṃ |
tṛtīyaṃ tu hṛdi sthāne caturthīṃ caṃdramadhyataḥ ||

nādākhyaṃ tu samuddiṣṭaṃ ṣaṭcakramadhunocyate |

17b)

janmākhyaṃ nāḍicakraṃ tu nābhau māyākhyamuttamaṃ |
hṛdisthaṃ yogicakraṃ tu tā īlusthaṃ bhedanaṃ smṛtaṃ ||

viṃdusthaṃ bhedacakraṃ ca nādasthaṃ śāntamucyate |
pūrvoktāni ca sarvāṇi jñānaśūlena bhedayet ||

ākramyādhāra janmākhyaṃ tanmūlaṃ pīḍayecchanaiḥ |
tasyādhārasya suśroṇi paryāyācchṛṇvataḥ paraṃ ||

janmasthānaṃ tu kūrmākhyaṃ kūmākhyaṃ sthānapaṃcakaṃ |
matsyodaraṃ tathaivaṃ hi mūlādhāraṃ taducyate ||

tasmāt tāṃ khecarākhyāṃ tu mudrāṃ viṃdeta yogavit |
mudrāyā tu tadā devi ātmā vai mudrito yadā ||

tadā cordhvaṃ tu vicaredvijñāne nordhvataḥ kramāt |
vidvyādbhiṃdyātparaṃ yāvat sthānaṃ suravarārcitaṃ ||

tasthānaṃ devi saṃprāpya yoginī samarasī bhavet |
niṣkalaṃ bhāvamāpanno vyāpakaḥ paramaḥ śivaḥ ||

evaṃ bhūtvā samaṃ sarvaṃ nispaṃdaṃ sarvatodita |
tataḥ pravartate śaktirlakṣahīnā nirāmayā ||

18a)

icchāmātravinirdiṣṭā jñānarūpā kriyātmikā |
ekā sā bhāvabhedena tasya bhedena saṃsthitā ||

khecarī mudrayā pūrya śaktyantaṃ tatra sarvataḥ |
yāvaccanoditaścaṃdrastāvan śūnyaṃ niraṃjanaṃ ||

bhāvagrāhyasamākīrṇaṃ sarvāvasthojjhitaṃ paraṃ |
vyāpakaṃ parameśānaṃ anaupamya manāmayaṃ ||

bhavanti yoginastatra tadārūḍhā varānane |
sā yoniḥ sarvadevānāṃ śaktīnāṃ vyāpyasarvataḥ ||

agnīṣomātmikā yoni tasmāt sarvaṃ pravartate |
tatra saṃgraṃthitā maṃtrā trāṇavanto bhavanti te ||

sarveṣāṃ caiva saṃhāraṃ tadeva paramaṃ padaṃ |
tasmāt pravartate sṛṣṭi vikṣobhya paramaṃ śivaṃ ||

anaupamyāmṛtaṃ prāpya biṃduṃ vikṣobhya līlayā |
caṃdrodayaṃ tathā khyātaṃ paramāmṛtamuttamaṃ ||

vahalāmṛtakallola anantaṃ tatra saṃsmaret |
tasmāt prāpyāmṛtaṃ śubhraṃ svaśaktyā caiva karṣayet ||

madhyamārgeṇa suśroṇi kāraṇāni prabhedayet |
āpyāyanaṃ prakurvīta sthāne sthānepyanukramāt ||

18b)

yāvadbrahmapadaṃ prāptaṃ tasmādāpyāyayedadhaḥ |
janmasthāna padā caiva kālāgnau ca pracakramet ||

tadā pūryasamatāṃ tu paripūrṇaṃ smaret punaḥ |
suṣumnāmṛtenākhilaṃ tu paripūrṇaṃ vibhāvayet ||

ananta nāḍibhistatra romakūpaiḥ samantataḥ |
niṣkrāmya vyāpako bhūtvā khamṛtormi bhirākulaṃ ||

amṛtārṇavasaṃrūḍho majjantamamṛtārṇave |
tadūrdhe hyamṛtārṇaṃ tu pradrutaṃ vyāpakaṃ śivaṃ ||

evaṃ samarasī bhūtvā hyamṛtaṃ sarvato mukhaṃ |
icchājñānakriyārūpaṃ śivamātmasvakaṃ vibhum ||

nirāmayamanuprāpya svānubhūtaṃ vibhāvayet |
amṛteśa padaṃ sūkṣmaṃ saṃprāpye vāmṛtī bhavet ||

tadāsau hyamṛtī bhūtvā mṛtyujinnātrasaṃśayaḥ |
kālajit subhago vīro mṛtyustasya na bādhate ||

kālasya vaṃcanaṃ sūkṣmaṃ mayā te prakaṭīkṛtaṃ |
na kasya cinmayā khyātaṃ tvadṛte bhaktivatsale ||

19a)

iti amṛteśavidhāne sūkṣmadhyānādhikāraḥ saptamaḥ paṭalaḥ ||
bhagavānuvāca ||

atha mṛtyuṃjaya nityaṃ paracaivādhunocyate |
yaṃ prāpya na nivartante saṃsāre tṛvidhe priye ||

yogī sarvagato bhāti sarvadṛk sarvakṛcchivaḥ |
tamahaṃ kathayiṣyāmi yasmādanyanna vidyate ||

yaṃ prāpyate tanmayatvena bhavate hyajarāmaraḥ |
pannavāgvadate nityaṃ yanna dṛśyeta cakṣuṣā ||

yanna saṃśrūyate karṇairbhāsāyaśca na jighrati |
na cārddhaṃ(?) svādayate jihvā na sparśeta tvagiṃdṛyaṃ ||

na cetasā cintanīyaṃ sarvavarṇa rasojjhitaṃ |
sarvavarṇa rasairyuktamaprameyamatīṃdriyaṃ ||

yaṃ prāpyayogino devi bhavanti hyajarāmarāḥ |
tadabhyāsena mahatā vairāgyena pareṇa ca ||

rāgadveṣaparityāgā lobhamohakṣayāt priye |
madamātsarya saṃtyāgānmānagarvatamojjhitān ||

labhate śāśvato nityaṃ śivamadhyayamuttamaṃ |

19b)

nimiṣonmeṣamātraṃ tu yadi cailopalabhyate |
tataḥ prabhṛti muktosau na punarjanmamāpnuyāt ||

aṣṭāṃgena tu yogena prāpnuyānānyathā kvacit |
saṃsāre viratirnityaṃ yamaḥ paramudāhṛtaḥ ||

bhāvanā tu pare tatve nityaṃ niyama ucyate |
madhyamaprāṇamāśritya prāṇāpānapathāntaraṃ ||

ālaṃvyajñānaśaktiṃ ca tatsthaṃ caivāsanaṃ bhavet |
prāṇādi sthūla bhāvaṃ tu tyaktvā sūkṣmaṃ pathāṃtaraṃ ||

sūkṣmātītaṃ tu paramaṃ spaṃdanaṃ labhyate yataḥ |
prāṇāyāmasamuddiṣṭo yasmānna cyavate manaḥ ||

śabdādi guṇaṃ vṛttiryā cetasā hyanubhūyate |
tyaktvā tāṃ paramaṃ dhāma praviśet tat svacetasā ||

pratyāhāramiti proktaṃ bhavapāśanikṛntanaṃ |
dhīrguṇātsamatiṃ kramya nirguṇaṃ cāvyayaṃ vibhu ||

dhyātvā dhyeyaṃ svasaṃvedyaṃ dhyānaṃ tacca vidurbudhāḥ |
dhāraṇā paramātmānaṃ dhāryate yena sarvadā ||

dhāraṇā sā vinirdiṣṭā bhavavaṃdhavināśanī |

20a)

samassarveṣu bhūteṣu ādhāraṃ cintavigrahaṃ |
samādhānamiti proktamanyathā lokadāṃbhikaṃ ||

svaparastheṣu bhūteṣu jagatyasminsamānadhīḥ |
śivohama dvitīyohaṃ samādhissa parasmṛta ||

samyak svarūpaṃ saṃvedyaṃ saṃvidrūpaṃ svabhāvajaṃ |
svasaṃvedyaṃ svarūpaṃ ca samādhānaṃ paraṃ viduḥ ||

rāśibhyāṃ vijjaḍābhyāṃ ca vicārya nipuṇaṃ padaṃ |
yadevaṃ śāśvataṃ rūpaṃ samādhānaṃ tu taṃ viduḥ ||

evamaṣṭāṃga yogena svabhāvasthaṃ paraṃ dhruvaṃ |
dṛṣṭvāṃvacayate kālaṃ mamṛteśaṃ paraṃ vibhuṃ ||

mṛtyujit sa bhaved devi na kālaḥ kalayecca taṃ |
tattva ṣaṭtṛṃśa tastyāgādbhūvanānaṃtyavarjanāt ||

ekāśīti padordhvaṃ vai varṇapaṃcāśataḥ paraṃ |
vyāpakaṃ sarvataṃtreṣu sarveṣveva hi jīvanaṃ ||

aṣṭātṛṃśatkalordhve tu sarvāntassarvamadhyagaḥ |
ādi madhyaṃ na caivāntaṃ labhyate yasya kasyacit ||

tama prameyamatulaṃ prāpyasarvaṃ na vidyate |
yenaikena jagatsarvaṃ marameyena pūritaṃ ||

20b)

taṃ jñātvā mucyate kṣipraṃ ghorāt saṃsārabaṃdhanāt |
tatvatrayavinirmuktaṃ śāśvataṃ hyacalaṃ dhruvaṃ ||

divyena yogamārgeṇa dṛṣṭvā bhūyo na jāyate |
sarveṃdriyavinirmuktaṃ viśvarūpamanāmayaṃ ||

paramātmasvarūpaṃ tu sarvopādhivivarjitaṃ |
caitanyamātmanorūpaṃ sarvaśāstreṣu kathyate ||

nirmalaṃ na bhaved devi yāvacchaktyā na śodhitaṃ |
dīkṣā jñānāgninā śodhyamātmānaṃ caiva nirmalaṃ ||

ye viṃdaṃti na caivānyaṃ viṃdanti paramaṃ padaṃ |
tenātmopāsakāścaiva gacchanti paramaṃ śivaṃ ||

yadā tu paramāśaktissarvajñādiṣu guṇānvitā |
āpādādi vikāsinyā na vikāmyeti nirmalā ||

yāvanna nirmalo hyātmā baddhaḥ śaive taducyate |

21a)

yatrasthaḥ puruṣaḥ sarvaṃ vetyatītamanāgataṃ |
sanniyamyeṃdṛyagrāmaṃ tattatvaṃ śaktilakṣaṇaṃ ||

yatra yatra bhavedicchā jñānaṃ vāpi pravartate |
kṛyākṛtya svarūpā vā tattatvaṃ śakti lakṣaṇaṃ ||

vyāpakasya sato devi cidrūpasyātmanaḥ śivān |
prasaratyadbhūtānaṃdā sā śaktiḥ paramādbhūtā ||

viprasāryatavātmānaṃ sarvajñādi guṇairguṇī |
sābhāsaḥ kathyate devi śivaḥ paramakāraṇaḥ ||

sarvajñaḥ paritṛptaśca yaśca bodho hyavādimān |
svataṃtro hyapraluptaśca yaśca vānantaśaktitaḥ ||

śaktimān guṇabhedena saguṇānviṃdate guṇī |
pṛthagbhedavibhedena nānātvaṃ vicarediha ||

sarvābhāsa iti prokto nirābhāsastu kathyate |

21b)

nāhamasti na caidānyo(?) nirābhāso yathā bhavet |
sāvasthā paramā proktā śivasya paramātmanaḥ ||

nāhamasti na cānyosti dhyeyaṃ cātra vidyate |
ānaṃdapadasaṃlīnaṃ jñānaṃ samarasī gataṃ ||

nordhve dhyānaṃ prayuṃjīta nādhastānna ca madhyataḥ |
nāgrataḥ pṛṣṭhataḥ kiṃcit pārśvayorubhayorapi ||

nāntaḥ śarīrasaṃsthaṃ tu na bāhye bhāvayet kvacit |
nākāśe badhyate lakṣaṃ nādho dṛṣṭiṃ niveśayet ||

na cakṣurmīlanaṃ kiṃci na kiṃci dṛṣṭi baṃdhanaṃ |
avalaṃbaṃ nirālaṃbaṃ sāvalaṃbaṃ na bhāvayet ||

naṃdṛyāṇi bhūtāni śabdasparśarasādinā |
sarvaṃ tyaktvā samādhisthaḥ kevalanmayo bhavet ||

sāvasthā paramā proktā śivasya paramātmanaḥ |
nirābhāsa pade taṃ tu taṃ prāpya vinivartate ||

evaṃ bhāvitamātmānamātmano bhāvanā balāt |
sa bhavet paramaṃ śāntaṃ śivamatyaṃta nirmalaṃ ||

tadeka tatvaṃ sarva ca bhavate mṛtyujicchivaṃ |

22a)

sa cāmṛtīśaṃ paramaṃ tṛtīyaṃ padamuttamaṃ |
ākhyātaṃ tava deveśi kimanyat kathayāmi te ||

evaṃ mṛtyujitāt sarvaṃ vyāptaṃ jñātvā vimucyate |
sarvakāle tu kālasya vaṃcanaṃ kathitaṃ pṛye ||

evaṃ tu trividhaṃ devi mayāte prakaṭīkṛtaṃ |
kālasya vaṃcanaṃ nāma yogaṃ paramadurlabhaṃ ||

anenābhyāsayogena mṛtyujidbhavate naraḥ |
anenaiva tu yogena lokānugrahakāmyayā ||

mṛtyujidbhavate yogī sarvaprāṇiṣu sarvadā |
evaṃ mṛtyuṃjayaṃ khyātaṃ śāśvataṃ paramaṃ dhruvaṃ ||

asmāt parataraṃ nāsti satyametadudāhṛtaṃ |
yatparāmṛtarūpaṃ tu trividhaṃ coditaṃ mayā ||

tadabhyāsād bhave jaṃturātmanopi parasya vā |
amṛtīśa samodevi mṛtyujinnātrasaṃśayaḥ ||

yena yena prakāreṇa yatra yatraiva saṃsmaret |
tena tena prakāreṇa sa yogīkālajidbhavet ||

yatra yatra sthito vāpi yena yena vratena ca |

22b)

yena yena hi yogena bhāvabhedena siddhyati |
tadekaṃ bahudhā devi vidhyātaṃ vai siddhidaṃ bhavet ||

dvaitādvaite vimiśre vā ekavīrethayāmale |
sarvassarvaprakāreṇa sarvathā siddho bhavet ||

cintarantaṃ yathā loke cintitārtha phalapradaṃ |
tathaiṣamaṃtrarājastu cintitārthavidhāyakaḥ ||

maṃtrāṇāṃ saptakoṭīnāṃ mālayaḥ paramo balī |
bhāvahīnāstu ye maṃtrā śaktihīnāstu kīlitāḥ ||

varṇamātravihīnāstu gurvāgamanavivarjitāḥ |
bhraṣṭāmnāyavihīnāyepyāgamojjhitavighnitāḥ ||

na siddhyanti yathā devi japtvā yaṣṭvā sahasraśaḥ |
asiddhā ṛpavo ye ca sarvaśaṃkāvivarjitāḥ ||

ādyantasaṃpuṭe naiva sādhyarṇena tu roditāḥ |
maṃtrenānena deveśi amṛtīśena dīpitāḥ ||

siddhyanti hyaprayatnena yaṣṭājaptā na saṃśayaḥ |
dhyātā sarvapradā devi bhavantenānṛtaṃ vacaḥ ||

23a)

iti te sarvamākhyātaṃ rahasyaṃ paramaṃ pṛye ||


iti sarvasrotasaṃgrahasāre mṛtyujidamṛtīśavidhāne kālavaṃcano nāmāṣṭamaḥ 
paṭalaḥ ||
śrīdevyuvāca ||

śrutaṃ mayā mahādeva māhātmyaṃ maṃtranāyakaṃ |
adhunā śrotumicchāmi yaduktaṃ vidhunā mama ||

sarvāgamavidhānena bhāvabhedena siddhidaṃ |
vāmadakṣiṇasiddhānta sauravaiṣṇavavaidike ||

yatheṣṭasiddhido devo yatheṣṭācarayogataḥ |
tadākhyā hi sureśāna cintārantaphalodayaṃ ||

bhagavānuvāca ||

śṛṇu suṃdari tatvena paramārthaṃ vadāmi te |
amṛtīśavidhānena mṛtyujit kathitaṃ mayā ||

tadeva paramaṃ devi śivaṃ sūkṣmamanāmayaṃ |
svabhāvatatsamuddiṣṭaṃ vyāpakaṃ śāśvataṃ dhruvaṃ ||

na tasya rūpaṃ varṇaṃ vā paramārtha vadāmi te |
yasmāt sarvagataṃ devaṃ sarvāgamamayaṃ śubhaṃ ||

vyāpakaṃ sarvamaṃtrāṇāṃ sarvasi * phalapradaṃ |
nirmalaṃ sphaṭikaṃ yadvat taṃ tu proktaṃ sitādikaṃ ||

23b)

praticiṃcetasarvatraye nayena hiraṃjitaḥ |
tattadarśayatītyevaṃ nastva? bhāvena raṃjitaṃ ||

yathā tathaiva deveśi sarvāgama niyojitaḥ |
phalaṃ dadāti sarveṣāṃ sādhakānāṃ hi sarvataḥ ||

tasmāt srotaḥ susarveṣu cintāmaṇirivojvalaḥ |
bhāvabhedena vai dhyātassarvakāmaphalapradaḥ ||

śivassadāśivaścaiva bhairavastuṃburustathā |
somasūryasvarūpeṇa vahnirūpadharovibhuḥ ||

yato jñānamayaṃ devaṃ jñeyaṃ ca bahudhā sthitaṃ |
niyaṃtritānāṃ baddhānāṃ trāṇantannetra mucyate ||

mṛtyoruntārayed yasmāt mṛtyujitena bodhyate |
amṛtatvaṃdayatye(?) tadamṛtīśa iti smṛtaḥ ||

evaṃ sarvagato devo bahūrūpo maṇiryathā |
sarvaicārādhito devi svasiddhaphalavāṃchayā ||

sarveṣāṃ phalado deva prārthitārthavidhāyakaḥ |

24a)

tasmādbhāvānurūpeṇa sādhakassādhane sthitaḥ |
yena yenaiva bhāvena tasya tatphalado bhavet ||

yatsadāśivarūpeṇa sadā dhyāyati sādhakaḥ |
sadāśiva tanustasya bhavate parameśvari ||

sarvasādhāraṇo hyeṣa sarvānugrahakārakaḥ |
sadyo vāmo hyaghoraśca puruṣeśānavigrahaḥ ||

anena hṛdayādīninyastavyāni varānane |
anenaiva tu maṃtreṇa svāsanaṃ parikalpayet ||

caṃdrārbudapratīkāśaṃ hi mādrinicayopamaṃ |
paṃcavaktraṃ viśālākṣaṃ daśabāhuṃ trilocanaṃ ||

nāgayajñopavītaṃ tu vyāghracarmāṃbaracchadaṃ |
baddhapadmāsanāsīnaṃ sitapadmoparisthitaṃ ||

triśūlamutpalaṃ vāṇamakṣasūtraṃ ca mudgaraṃ |
dakṣiṇeṣu kāreṣvevaṃ vāmeṣvevamataḥ paraṃ ||

kheṭakādarṣacāpograṃ mātuluṃgaṃ kamaṃḍaluṃ |

24b)

caṃdrārddhamaulinaṃ devamāpītaṃ pūrvavaktrataḥ |
dakṣiṇaṃ kṛṣṇantīmograṃ daṃṣṭrālaṃbikṛtānanaṃ ||

kapālamālābharaṇaṃ jagatsaṃtrāsakārakaṃ |
paścimaṃ himakuṃdābhaṃ vāmaṃ raktotpalaṃ prabhaṃ ||

ūrdhvavaktraṃ maheśāni sphaṭikābhaṃ vicintayet |
evaṃ dhyātvā tu deveśaṃ pūjayed vidhi pūrvakaṃ ||

svamūrtau sthaṃḍile liṃge jale vā kamalopari |
īśānādyādi sadyāntā svadikṣu pratipūjayet ||

āgneyyā hṛdādīni nyastvā pūjyānvidhānataḥ |
tadā siddhyatya saṃdehaḥ satyametad bravīmite ||

iti mṛtyujidamṛtīśavidhāne sadāśivādhikāro nāma navamaḥ paṭalaḥ ||
bhagavānuvāca ||

athedānīṃ pravakṣyāmi bhairavāgama bheditaṃ |
bhinnāṃjana vayaprakhyaṃ kalpānta dahanātmakaṃ ||

paṃcavaktraṃ śavārūḍhaṃ daśabāhuṃ bhayānakaṃ |
kṣapāmukhaṃ ghorataraṃ garjaṃ taṃ bhīṣaṇasvaraṃ ||

25a)

daṃṣṭrākarālavadanaṃ bhṛkuṭīkuṭile kṣaṇaṃ |
siṃhacarmaparīdhānaṃ vyālahārairvibhūṣitaṃ ||

kapālamālābharaṇaṃ dāritāsyaṃ mahātanuṃ |
gajatvāghrāccata(?) tanuṃ śaśāṃkakṛtaśekharaṃ ||

kapālakhaṭvāṃgadharaṃ khaḍga kheṭakadhāriṇaṃ |
pāśāṃkuśadharaṃ devaṃ varadābhaya pāṇinaṃ ||

vajrahastāṃ mahāvīraṃ paraśvāyudhapāṇimaṃ |
bhairavaṃ pūjayitvā tu tasmāt saṃgagatāṃ smaret ||

pralayāgni samākārāṃ lākṣāsiṃharasaprabhāṃ |
ūrdhvakeśāṃ mahākāyāṃ vikarālāṃ subhīṣaṇāṃ ||

mahodarīṃ paṃcavaktrāṃ netratrayavibhūṣitā |
nakharālāṃ koṭarākṣīṃ muṃḍamālāvibhūṣitāṃ ||

bhairavokta bhujāṃ devo bhairavāyudhadhāriṇīṃ |
icchāśaktiritikhyātāṃ svacchaṃdotsaṃgagāminīṃ ||

aghoreśvarīti vikhyātāṃmīdṛgrūpadharāṃ smaret ||

sarvataṃtreṣu yā proktā pracchannā na sphuṭīkṛtā |
mamāśayo(?) tato(?) nābhi lakṣito bhuvi durlabhaḥ ||

25b)

vyādhi grahaṇādyeṣu(?) padmaneṣu(?) kṣaya hetave |
gobrāhmaṇeṣu rakṣārthaṃ śāntipuṣṭau sadā yajet ||

athavā hemakuṃdeṃdu muktāphalasamadyutiṃ |
caṃdrakoṭisamaprakhyaṃ sphaṭikābalasannibhaṃ ||

kalpānta dahanaprakhyaṃ japākiṃśukasannibhaṃ |
sūryakoṭisamākāraṃ raktaṃ vā tamanusmaret ||

athavā padmarāgābhaṃ haritātmasamadyutiṃ |
icchārūpadharaṃ devamicchāsiddhipradāyakaṃ ||

yādṛśe naiva varṇadhvā sādhakastu manusmaret |
tādṛśaṃ bhavate rūpaṃ tādṛk siddhi pradaṃ śubhaṃ ||

padmamadhye sthitaṃ dhyāye pūjayed vidhinā tataḥ |
yathānurūpa naivedya puṣpadhūpā sadai?rvibhuṃ ||

yā kṣīrasadṛśīṃ devīṃ harahāsasamaprabhāṃ |
viśuddhasphaṭikaprakhyāṃ kuṃdeṃdu śaśinirmalaṃ ||

caturbhujāṃ trinetrāṃ tu cakraikena vibhūṣitāṃ |
sitāṃbaradharāṃ devīṃ sitahāravibhūṣitāṃ ||

26a)

sāraṃgāsanasaṃsthā tu vajrahastāṃ mahābalāṃ |
pāśāṃkuśadharīṃ devīṃ ghaṃṭādhvani nināditāṃ ||

pūrvasyāṃ diśi saṃsthā tu devadevasya sanmukhaṃ |
dhyāyate yastu yuktātmā kṣipraṃ sidhyati sādhakaḥ ||

sūryakoṭisamaprakhyāṃ jvalitāgni samaprabhaṃ |
siṃdūrarāśisadṛśīṃ vidyudrūpāṃ bhayaṃkarīṃ ||

trinetrāṃ bhīmavadanāṃ sthūlakāyāṃ mahodarīṃ |
laṃbodarīṃ laṃbakucāṃ pretārūḍhāṃ mahābalāṃ ||

kapālamālā bharaṇāṃ vyāghracarmakaṭisthalāṃ |
gajacarmottarīyāṃ ca muṃḍamālāvibhūṣitāṃ ||

mahoklevavirājadantīṃ bhāsayantīṃ diśombaraṃ |
caturbhujaikavaktrāṃ tu khaḍgakheṭakadhāriṇīṃ ||

kapālakhaṭvāṃgadharīṃ dakṣa diksaṃsthitāṃ smaret |
kṛṣṇāruṇāṃ mahādīptāṃ nirmāṃsāṃ vikṛtānanāṃ ||

suśuskakoṭarākṣīṃra ekavaktrāṃ caturbhujāṃ |
trinetrāṃ bhīmavadanāṃ vyālahārairvibhūṣitaṃ ||

ūrdhvakeśāṃ mahākāyāṃ muṃḍamālāvibhūṣitāṃ |

26b)

snāyurajju nibaddhvāṃgīṃ naracarmakaṭisthalā |
vyāghracarmāṃbara dharāṃ khaḍgakheṭakadhāriṇīṃ ||

aṃtrāsṛṅmāṃsasaṃpūrṇaṃ piṭikāṃ dhārayet sadā |
troṭayantīṃ mahāṃtrāṇi paścimāyāṃ diśi smaret ||

kuṃbhīrāsanasaṃsthā tu? sa? caivamadhunocyate |
uṣṭragrīvaṃ gajaskaṃdhamaśvakarṇaṃ huḍānanaṃ ||

vyāḍajaṃghasamākāraṃ nakhāvajrāyudhopamāḥ |
kūrmapṛṣṭhaṃ mīnapucchaṃ kuṃbhīraṃ parikīrtitaṃ ||

nīlotpaladalaśyāmāṃ śaradaṃbudasannibhāṃ |
trinetrāṃ caika vaktrāṃ ca nīlāṃbaravibhūṣitāṃ ||

siṃhapṛṣṭhe samārūḍhāṃ śaracāpa karodyatāṃ |
śaktihastāṃ mahādevīṃ tathā cotpalahastikā ||

diśyuttarasyāṃ deveśī dhyātāṃ yaṣṭāṃ phalapradāṃ |
siddhāraktā tathā śuṣkā tathaivotpalamālinī ||

caturdikṣu sthitā hyetā bhairavāpātugāḥ priye |
vidikṣu dūtyodinyasya(?) vahnādīśaṃ digantataḥ ||

27a)

kālī caiva karālī ca mahākālī tathaiva * |
bhadrakālīti vikhyātā devī rūpeṇa saṃsthitā ||

kiṃ tvetā dvibhujādevya padmāsanamavasthitāḥ |
kartṛkā muṃḍadhāriṇyaḥ kiṃkarā dvāradeśataḥ ||

krodhanovṛttakaścaiva karṣaṇotha gajānanaḥ |
dvibhujā vikṛtāsyāstu khaḍgakheṭakapāṇayaḥ ||

śāntyarthe tu sitāḥ sarve rūpaṃ vā karmabhedataḥ |
athātaḥ saṃpravakṣyāmi rājarajyāvidhānataḥ ||

maṃtrasaṃpuṭayogena madhye nāmasamālikhet |
taddharthi bhairavaṃ devamamṛteśaṃ yajet pṛye ||

devyodaleṣu tenaiva tathaivādyaṃtvayojitāṃ |
dūtyastathā niyojyante mūlamaṃtreṇa kiṃ karāḥ ||

padmabāhye suśuklaṃ tu likhetru?śaśimaṃḍalaṃ |
catuṣkoṇaṃ tato bāhye vaktalāṃchanalāṃchitaṃ ||

rocanā kuṃkumenaiva kṣīreṇa sitayā piva |
likhitvā pūjayecchāṃtau sarvaśvetopacārataḥ ||

yathā tu rūpairnaivedyairghasmarairvalirāsavaiḥ |

27b)

sitacaṃdanasaṃmiśraṃ karpūrakṣodadhūsaraṃ |
sākṣatātaṃdrulatilātsitaśarkarayā saha ||

ghṛtakṣīrasamāyuktān homayedyaṃstuyantīḥ(?) |
mahāśāntirbhavet kṣipraṃ gṛhīto yadi mṛtyunā ||

iti sarvasrotasaṃgrahasāre mṛtyujidamṛteśavidhāne dakṣiṇavaktrādhikāro nāma 
daśamaḥ paṭalaḥ ||
bhagavānuvāca ||

athedānīṃ pravakṣyāmi tantrottaramanuttamaṃ |
maṃtreṇānena yaṣṭavyaṃ sarvasiddhiphalodayaṃ ||

sarvopadrava śāntyarthamaṣṭapatre kuśeśaye |
pūrvoktamaṃḍale devi madhye devaṃ tu tuṃburuṃ ||

daśabāhuṃ surāśānaṃ paṃcavaktraṃ trilocanaṃ |
sadāśivena vapuṣā vaktrānyevaṃ prakalpayet ||

tamarddhacaṃdraśirasaṃ rājīvāsanasaṃsthitaṃ |
himakuṃdeṃdu dhavalaṃ tu di?nābalasannibhaṃ ||

nāgayajñopavītaṃ ca sarvabhūṣaṇbhūṣitaṃ |
sarvābharaṇasaṃyuktaṃ vyāghracarma kaṭisthalaṃ ||

28a)

gajacarmaparīdhānaṃ vṛṣārūḍhaṃ mahābalaṃ |
khaḍgacarmadharaṃ devaṃ ṭaṃkakaṃdalabhūṣitaṃ ||

pāśāṃkuśadharaṃ devaṃ cakrahastākṣa sūtradhṛk |
varadābhayahastaṃ ca sarvakilviṣanāśanaṃ ||

caturdikṣu sthitā devyaḥ pūrvādyā dūtayastathā |
āgneyādi vidikṣvevaṃ kiṃkarā dvāradeśataḥ ||

jaṃbhanī mohanī caiva subhagā durbhagāntimāḥ |
dūtayastu samākhyātā kiṃkarāḥ śṛṇutaḥ pṛye ||

krodhano nṛttakaścaiva gajakarṇo mahābalaḥ |
savyāpasavye gāyatrī sāvitrī viniveśayet ||

adhordhve cāṃkuśaṃ māyāṃ vinyaset tadanantaraṃ |
sarvādyetāni yojyāni mūlamaṃtreṇa sarvadā ||

sitaraktapītakṛṣṇā devyo vai caturānanā |
caturbhujāḥ trinetrā ca ṭaṃkakaṃdaladhāriṇī ||

daṃḍāśca sūtrahastāśca pretoparivirājate |
jayā devī ca vijayā vaktravarṇā caturbhujā ||

catuvaktrāstrinetrā ca śarakārmuka dhāriṇī |

28b)

khaḍgacarmadharī devī hyulro?koparisaṃsthitā |
jayantī padmagarbhāśca caturvastrā caturbhujā ||

śaktighaṃṭādharī devī carmapaṭṭisadhāriṇī |
aśvārūḍhā mahādevī sarvābharaṇabhūṣitā ||

ajitā ca catuvaktrā kṛṣṇavarṇā mahābalā |
caturbhujā trinetrā ca pāśāṃkuśadharā tathā ||

ratnapātra gadāhastā divyāsanasusaṃsthitā |
sauvarṇāṃ caradhāriṇyo svarṇabhūṣaṇa bhūṣitāḥ ||

svadikṣusaṃsthitā yaṣṭā dhyātāsiddhiphalapradā |
dūtyastadrūpadhāriṇyo kiṃtu vaktraika bhūṣitāḥ ||

dvibhujāśca trinetrāśca muṃḍakartaribhūṣitāḥ |
matsyaḥ kūrmothamakarobhekamāsāṃ tathāsanaṃ ||

kiṃkarāḥ khaḍgahastāśca dvibhujāścarmadhāriṇaḥ |
ekavaktrāstrinetrāśca bhṛkuṭī kuṭilekṣaṇāḥ ||

sitādi varṇabhedena dhyātāsiddhipradāṃ śubhāṃ |
gāyatrī raktavarṇā ca vaktraikena vibhūṣitā ||

vadvapadmāsanāsīnā dhyānānmīlita locanā |

29a)

sāvitrīsitavarṇena dhyānāntargata locanā |
tathaivā vayavā devī māyākṛṣṇā caturbhujā ||

mahāpaṭṭāvagūhinyā saṃpuṭākārayugmataḥ |
aṃkuśaṃ bhairavākāraṃ pāśāṃkuśadharaṃ vibhuṃ ||

kapālakhaṭvāṃgadharaṃ vasāsṛṅmāṃsa laṃpaṭaṃ |
rāvaṃkṣīrārṇavaṃ vorvī śaktimādhārikāṃ śubhāṃ ||

āsanārthaṃ prayuṃjīta sarvaśāntyarthasādhakaṃ |
sarvāṇyetāni vā devi suśuklāḥ śāntikārakāḥ ||

raktāpītāstathā kṛṣṇā dhyātavyāḥ karmabhedataḥ |
tadvat pūjāṃ prakurvīta yadāsiddhiphalapradāḥ ||

athānyaṃ saṃpravakṣyāmi cakrarājaṃ mahābalaṃ |
ādyantasaṃpuṭe caiva madhye nāma samālikhet ||

evaṃ devyaśca dūtyaśca pūrvavad vidhinā smaret |
madhye daleṣu vidaleṣvanyataḥ sarvataḥ sudhīḥ ||

yathānurūpa naivedyairbhūriśāntyarthamātmanaḥ |
anyasya cātrayoktavyaṃ yaṣṭavyaṃ śāntikarmaṇi ||

29b)

tilataṃḍulamadhvājya kṣīraśarkarayā saha |
homayet pūrvavat kuṃḍe praśasteṃdhana dīpite ||

mahāśāntiḥ prajāyeta *? menānṛtaṃ vacaḥ |
sarvarakṣāvidhānestu yojyādevyaḥ susiddhidāḥ ||

paṃktisthā vāyajed devīṃ madhye devaṃ tu tuṃburuṃ |
sarvaśreyassamāpnoti sādhakaḥ saṃya *? dṛyaḥ ||

anyasya vā prayuṃjāno jayatyanaṃ saṃśayaḥ |

iti sarvasrotasaṃgrahasāre mṛtyujidamṛtīśaṃ vidhāne uttaratantrādhikāre 
ekādaśaḥ paṭalaḥ ||
bhagavānuvāca ||

athātaḥ saṃpravakṣyāmi kulāmnāya nidarśanaṃ |
yāgahomaṃ japaṃ kāryaṃ yena sarvamavāpnuyāt ||

padmamadhye tu saṃpū *? bhairavaḥ pūrvacoditaḥ |
pūrvādi digdalāntasthā hyaṣṭau devya svabhāvataḥ ||

brahmyādi devatānāṃ ca svarūpāyudhavāhanāḥ |
brāhmī māheśvarī caiva kaumārī vaiṣaṇavī tathā ||

30a)

vārāhī caiva māheṃdrī cāmuṃḍā bahurūpiṇī |
brahmādi bahurūpāntaṃ rūpamāsāṃ svavāhanaṃ ||

haṃso vṛṣo mayūraśca vainateyaśca sīkaraḥ |
* *? naityovāhanāni proktā nyāsāṃ krameṇa tu ||

svāyudhaṃ caiva sarvāsāṃ svarūpāṃkuśabhūṣitāṃ |
kapālakhaṭvāṃga dharā varadā bhayahastikā ||

paṃktisthā vā * je devi sarvābhīṣṭaphalapradā |
sarveṣāṃ caiva śāntyarthaṃ prāṇināṃ bhūtimicchatā ||

bhūriyāgena yaṣṭavyā yathākarmānurūpataḥ |
viśeṣena tu ṣaṣṭyavya bhūbhṛtānāṃ tu daiśikaiḥ ||

āsāmeva prasādena rājyaṃ nihatakaṃṭakam |
bhuṃjate sarvarājāna subhagā hyavanītale ||

yasmādeta jagatsarvaṃ devīnāṃ bhāvajaṃ |
etā yoni svarūpāstu devādi jagataḥ priye ||

sarvāstāḥ sarvaduḥkhaugha hāriṇyaḥ prāṇināṃ pṛye |
rakṣanti mātṛvaccaitāḥ pālayanti * *? tsadā ||

30b)

koṣṭhe vai kārṣikānyadvacchakti rūpaṃ jagat priye |
pralayedhārayantissasṛjantīha punaścatāḥ ||

yadvacca kārṣakāḥ kāle bījavāpaṃ prakurvati |
phalārthaṃ phaladaṃ tadvadbrahmakalpasisṛkṣayā ||

kalpādau kalpamadhyānte vyāpayanti jagaddhitāḥ |
tasmāt sarvaprayatnena śāntyarthaṃ hitakāmyayā ||

yaṣṭavyāścaiva hotavyā dhyātavyāssiddhikāmataḥ |
sarvabījaistrimadhoktaistilairvā śrīphalaiḥ śubhaiḥ ||

puṣpairvā supraśastaiśca phalairanyaiḥ suhomi *? taiḥ |
sarvasiddhipradādevyaḥ sarvakāmaphalapradāḥ ||

iti sarvasrotasaṃgrahasāre mṛtyuṃjidamṛtīśavidhāne kulāmnāyādhikāro 
dvādaśamaḥ paṭalaḥ ||
īśvara uvāca ||

evaṃ vai maṃtrarājasya kaulikaṃ vidhicoditaṃ |
punaranyaṃ pravakṣyāmi vidhānaṃ yatphalaṃ pradaṃ ||

nārāyaṇaṃ caturvāhuṃ padmapatrayate kṣaṇaṃ |

31a)

atasī puṣpasaṃkāśamekavaktraṃ dvilocanaṃ |
śaṃkhacakragadāpadma sarvābharaṇabhūṣiṇaṃ ||

divyāṃvaradharaṃ devaṃ divyapuṣpopaśobhitaṃ |
sphuranmutta?māṇikya kiṃkiṇī jālamaṃḍitaṃ ||

divyakuṃḍaladhārī ca utthitaṃ tu sadāsmaret |
athavā pakṣirājasthaṃ suśvetaṃ tu manoramaṃ ||

trivaktraṃ saumyavadanaṃ varāharibhūṣitaṃ |
bhujaiḥ ṣaṭbhisamāyuktaṃ varābhayasamanvitaṃ ||

utsaṃge spa?śṛyaṃ dhyāyet tadvarṇāyudhadhāriṇīṃ |
lāvaṇyakānti sadṛśī devadevasya sanmukhāṃ ||

*? turdikṣu sthitā devyo vidikṣvaṃgāni pūjayet |
jayālakṣmīstathā kīrmāyā vaidignatā yajet ||

pāśāṃkuśadharāṃ devīṃ varadābhayapāṇinīṃ |
devasya sanmukhā dhyāye śrīvarṇārūpadhāriṇī ||

devasya sadṛśānyaṃgāṣṭadvarṇāyudhadhārakāṃ |
athavāṣṭabhujaṃ devaṃ pītavarṇasuśobhanam ||

31b)

meṣoparisthitaṃ devaṃ digvāsaṃmūrddhaliṃginaṃ |
śṛṃgavaṭā? * *? kena coyānovya?tapāṇinaṃ ||

bālarūpaṃ yaje nityaṃ krīḍamānaṃ hi yoṣitāṃ |
caturdikṣu nyased devīṃ digvāsāstu manoramāḥ ||

karpūrī caṃdanī caiva kastūrī? kuṃkumī tathā |
tadrūpadhāriṇīṃ devīṃ icchāsiddhiphalapradā ||

bahunātrakimuktena viśra?bhugvā sadāsmaret |
anekavaktrasaṃghātairanekāsta bhujaistathā ||

śayanaṃ vā vivāhasthaṃ hyadhe lakṣmi yutaṃ tathā |
kevalaṃ narasiṃhaṃ vā vārāhaṃ vāthavā smaret ||

kapilānanopi vā dhyāyedavyaktaṃ vāpi niṣkalaṃ |
yena yena prakāreṇa bhāvabhedena saṃsmaret ||

tasya tanmayatāṃ yāti ityājñā pārameśvarī |
tejomayamatovakṣye yena siddhirbhavernṛṇāṃ ||

raktapadmanibhākāraṃ lākṣārasasamaprabhaṃ |
siṃdūrarāsivarṇābhaṃ padmarāgasamaprabhaṃ ||

kusuṃbharasasaṃkāśaṃ dāḍimī kusumaprabhaṃ |

32a)

kalpāntavahnisadṛśamekavadvaktraṃ dvilocanaṃ |
caturbhujaṃ mahātmāna varadābhayapāṇikaṃ ||

vajramekena hastena padmamekena dhārayet |
saptāśca rathamārūḍhaṃ nāgayajñopavītanaṃ ||

raktamālyāṃbaradharaṃ rakta sraganulepanaṃ |
athavāṣṭabhujaṃ devaṃ lokapālāyudhānvitam ||

trivaktraṃ ghoravadanaṃ trinetraṃ vikṛtānanam |
aśvoparisamārūḍhaṃ padmamadhye sadāyajet ||

hṛcchiraśca śikhāvarma locanāstraṃ prapūjayet |
madhyapadme yajed devaṃ grahāṣṭau tu dvitīyake ||

nakṣatrāṇi tṛtīye tu ya *? saṃkhyaṃ tribhistribhiḥ |
dalāgre tṛtayaṃ pūjyaṃ lokapālāṃstato yajet ||

paṃcame padmasaṃsthāne astrāṇyaṣṭau prapūjayet |
kevalaṃ sutthitaṃ vāpi dvibhujaṃ raśmi saṃyutaṃ ||

viśvakarmasvarūpaṃ vā viśvakartā jagatpattiḥ |
caturbhujaṃ mahātmānaṃ ṭaṃkapustakadhāriṇaṃ ||

32b)

sādarṣaṃ vāmahastena sūtraṃ vai dakṣiṇena tu |
devaiḥ siddhaiśca gaṃdharvaistūyamānaṃ vicintayet ||

sthale nale jale caiva parvatāgreṣu pūjayet |
yatra vā rocate cittamicchāsiddhiphalapradaṃ ||

śaṃkhakuṃdeṃdu dhavalaṃ trivaktraṃ rudrarūpiṇaṃ |
sadāśivena rūpeṇa vṛṣārūḍhaṃ vicintayet ||

caturbhujaṃ mahātmānaṃ śūlābhayasamanvitaṃ |
mātuluṃgadharaṃ devaṃ akṣasūtradharaṃ prabhuṃ ||

athavā bahubāhuṃ ca nādyasthaṃ cintayet prabhuṃ |
umārddhadhāriṇaṃ devaṃ viṣṇurevārddhadhāriṇaṃ ||

vivāhaṃ ca vā dhyāyet samīpasthaṃ prapūjayet |
brahmā caturmukhaḥ saumyo raktavarṇaḥ sulocanaṃ ||

laṃbakūrcaḥ sutejaskau haṃsārūḍhaścaturbhujaḥ |
daṃḍākṣasūtrahastaśca kamaṃḍalubhayapradaḥ ||

33a)

vedaiścaturbhiḥ saṃyuktaḥ sarvasiddhiphalapradaḥ |
buddhaḥ padmāsanagataḥ pralaṃvaḥ śrutivīvaraḥ ||

padmākṣaḥ padmacihnaśca maṇivaddho jagaddhitaḥ |
samādhistho mahāyogī varadābhayapāṇikaḥ ||

akṣasūvadharodevaḥ padmahastaḥ sulocanaḥ |
dhyātvā hyevaṃ prapūjyetastrīṇāṃ mokṣaphalapradaḥ ||

bahunātra kimuktena paunaḥ puṇyena suṃdari |
kāntikeyaśca kāmaśca somasūryavināyakāḥ ||

lokapālāśca vai sarve hyanyevai devayonayaḥ |
gāruḍe bhūtataṃtre ca vāgvidhāneṣu pūjayet ||

nyāyārahanvasāṃkhyaiśca vaidikānāṃ ca sarvaśaḥ |
yāmale ekavīre ca navake tṛkabhedataḥ ||

umārddhadhāriṇe caiva viṣurevārddhadhāriṇe |

33b)

tatsamīpastha devyo vā durgākhye viṃdhyavāsinī |
caṃḍikādyāśca śuṣkādyāḥ svayaṃbhuste maheśvare ||

prākpratiṣṭhitarūpe vā ṛṣirmanujayojite |
āyudheṣu ca sarveṣu vidyāpīṭheṣu sarvataḥ ||

pātālamaṃtrataṃtreṣu nāgeṃdradrāviteṣu ca |
śaktayo vāpyanantāśva maṃtrenānena suvrate ||

vidhānena tu yaṣṭavyā sarvasiddhiphalapradāḥ |
bhavaṃntya vitathaṃ bhadre satyaṃ menānṛtaṃ vacaḥ ||

sarvaṃ sādhāraṇo devaḥ sarvasiddhiphalapradaḥ |
sarveṣāmeva varṇānāṃ jīvabhūto yata smṛtaḥ ||

pratiṣṭhā pūjane caiva bhadrapīṭhārghapātrakaṃ |
bāhyasthite sakṛt pūjye sakṛcaṃdrārka mūrtiṣu ||

agnisaṃskaraṇe caiva nyāsadhyānādi vāhanaiḥ |
vikalyo naiva kartavyo sarvasādhāraṇo yataḥ ||

saṃkaratvaṃ na jāyeta tasmācchaṃkāṃ parityajet |
sakṛjaptaśarīrasthaḥ saṃkṛjjaptorghapātrake ||

34a)

sakṛddhasteṣu vinyāso mānase tu sakṛjjape |
bāhyasthitassakṛtpūjyassakṛcaṃdrārka mūrtiṣu ||

sakṛhome sakṛjjapye udake tu sakṛdyajet |
sakṛtsakṛcca sarvatra pūjayet parameśvaraṃ ||

prāṇāyāmādikaṃ kleśa dhāraṇāmudrayogataḥ |
naivopayujyate hyasya maṃtrarājasya suvrate ||

vyavasāyaiḥ prakartavyaṃ anyathā naiva siddhyati |
nicchidraṃ sādhakeṃdrasya rājye rāṣṭravivṛddhaye ||

iti sarvasrotasaṃgrahasāre mṛtyujidamṛtīśavidhāne 
sarvavidyādhikārastrayodaśamaḥ paṭalaḥ ||
śrīdevyuvāca ||

yadi deva paratvena varṇitaṃ maṃtramuttamam |
sarveṣāmeva devānāṃ devīnāṃ caiva sarvataḥ ||

hṛdayaṃ paramaṃ hyeṣa maṃtrarāṭsarvasiddhidaṃ |
kimanyairmaṃtramukhyaiśca yaṣṭairjaptairvravīhitaṃ ||

bhagavānuvāca ||

sādhusādhumaheśāni pṛṣṭohaṃ yattvayānaghe |

34b)

tadahaṃ saṃpravakṣyāmi yatsāraṃ paramaṃ dhruvaṃ |
āsīdidaṃ śaktirūpaṃ anaupamyamanāmayaṃ ||

śivaṃ sarvagataṃ śuddhaṃmaprameyamatīṃdriyaṃ |
sisṛkṣuccecchayā devi jñānaśaktyā kriyātmakaḥ ||

prathamo hyeṣadeveśi sarvajñaḥ sarvagaḥ śivaḥ |
sarvassarvātmako deva ādisṛṣṭipravartakaḥ ||

tato tu maṃtrasṛṣṭi vai śivena paramātmanā |
nānā prakāra racitā pṛthagbheda vyavasthayā ||

yathā tathaiva deveśi sarvaḥ sarvātmakaḥ paraḥ |
sādhāraṇo maṃtranāthaḥ sarveṣāṃ caiva vācakaḥ ||

yadā tadā hi sarveṣāṃmātmarūpo hyalepakaḥ |
maṃtrakoṭyo hyasaṃkhyātā vyaktāvyaktāśca saṃsthitā ||

sarve te siddhidāstena ādyantena tu rodhitāḥ |
etat saṃpuṭayogena japtvāsiddhiphalapradāḥ ||

tadardhaṃ tava suśroṇi snehena prakaṭīkṛtaṃ |
rahasyaṃ paramaṃ satyaṃ na śrāvyaṃ yasya kasyacit ||

guptaḥ susiddhido hyeṣa prakaṭaḥ siddhihā bhavet |

35a)

prathamo hyeṣa deveśi sarvajñaḥ sarvataḥ śivaḥ |
sarvaḥ sarvātmako devo ādi sṛṣṭikaraḥ prabhuḥ ||

tadeva maṃtrasṛṣṭiṃ vai śivaṃ vai paramātmanaḥ |
nānāprakāra racitā preṣaṃte devyavasthitā ||

tat tat tathaiva deveśi sarvasarvātmakaṃ paraṃ |
tasmāt suguptaṃ kartavyaṃ saṃpradāya mukhāgamaḥ ||

iti mṛtyujidamṛtīśavidhāne sarvādhikāro nāma caturdaśamaḥ paṭalaḥ ||
bhagavānuvāca ||

ataḥ paraṃ pravakṣyāmi sarvarakṣākaraṃ yathā |
maṃtranāthaṃ mahograṃ ca dhūpaṃ rakṣoghna coditaṃ ||

saptavārābhijaptaṃ tu rakṣoghnaṃ yasya dīyate |
śirasthaṃ dhārayennityaṃ sarvadoṣaiḥ pramucyate ||

sarvadaitya kṣayārthaṃ tu samuktenaiva brahmaṇā |
serṣāṇāṃ caiva sarveṣāṃmabhicāro yathākṛtaḥ ||

sadā vai sarṣapā proktā pāti rakṣati sarvataḥ |
yadā rakṣāṃsi sarvāṇi prāgvivrutahatāni ca ||

mayā devi yadā proktā rakṣoghnā prathitā bhuvi |

35b)

āhaveṣu ca sarveṣu daityessaha surottamaiḥ |
niyuktā duṣṭahantāroṃ siddhyarthaṃ ripunāśanaṃ ||

teṣāmarthaṃ yadāsiddhaṃ tadāsiddhārthakaṃ bhuvi |
khyātaṃ darpāpahaṃ devi bhūtānāṃ duṣṭacetasāṃ ||

yadā sarveṣu bhūteṣu bhayatrasteṣṭra? sarvataḥ |
nairājanavidhānena nāmāṃkaṃ juhuyāt pṛye ||

vahnau saṃkruddhamanasā maṃtrī rakṣārthamudyataḥ |
tadā nairājanaṃ khyātaṃ sarvaśreyaskaraṃ paraṃ ||

sitādi yugabhedena vartate tu graho balī |
śuklaḥ sarvapradaḥ khyāto rakte rājyavidhāyakaḥ ||

pītorakṣākaraḥ proktaḥ śatruvināśakṛt |
caturyuge tu sarvatra pītakṛṣṇau dvitīyake ||

rājasarṣapagaurākhyo rūpau dvau tu hitau priye |
yadā mṛtyuvaśāghrātassarvatai tu kṛṣṇapadrutaḥ ||

tadā tu ghṛtasaṃyuktaṃ gokṣīrasitaśarkaraṃ |
tilaivimiśritaṃ kṛtvā juhuyāt sarvaśāntidaṃ ||

tilaiḥ kṛṣṇaiḥ samāyuktaṃ rājasarṣapamuttamaṃ |

36a)

tryakte vai juhuyāt samyak sarvaśānti pradaṃ śubhaṃ ||

anenaivābhimaṃtritvādyasya haste tu dīyate |
saubhāgyamatulaṃ devi jayite(?) dyā?vasaṃśayaḥ ||

saptābhimaṃtritaṃ kṛtvā maṃtrenānena maṃtravit |
mūrdhni pradāpayed yasya sarvadoṣaiḥ samucyate ||

abhimaṃtrya tathā dhūpaṃ puṣpaṃ vāsāṃsi vauṣadhaṃ |
samālabhanapānaṃ vā bhojanaṃ vābhimaṃtritaṃ ||

dīyate(?) yasya tasyaiva na hiṃsaṃtitītihiṃsakāḥ |
dividikṣu kṣiped yasya rakṣārthaṃ prayatātmanaḥ ||

divā vā yadi vā rātrau supte vā jāgratopi vā |
avadhassarvabhūteṣu bhuvitiṣṭhatyasau naraḥ ||

rājarakṣāvidhānaṃ tu mayaivaṃ prakaṭī kṛtaṃ |
tava snehāt praśastaṃ tu rahasyaṃ sarvasiddhidaṃ ||

nṛpāṇāṃ nṛpapatnīnāṃ tatsutānāṃ dvijātiṣu |
ācāryaḥ kurute yastu sarvānugrahakārakaḥ ||

maṃtrajñaḥ sādhako vātha sa pūjyassarvathā prabhuḥ |
sammānaivamanairnityaṃ(?) dārairvividha vistaraiḥ ||

36b)

yathā maṃtrārthasaṃyukta svāhā home phalapradaḥ |
tathā sarveṣu kāryeṣu dīkṣito maṃtravitsadā ||

phalaprado bhavet samyak sarvaśakti pradaḥ śubhaḥ |
sudhā yathā ca nāgānāṃ pitṝṇāṃ ca svadhā yathā ||

namaskārokti devānāṃ vauṣaṭ śāṃtau praśasyate |
maṃtrajñānāṃ tathā nityaṃ? dānasanmānamuttamaṃ(?) ||

phalapradaṃ bhavatyāsu? sarvasiddhi pradāyakaṃ |
jñānaśakti sthitā maṃtrāstaṃ jñānaṃ cetasi sthitaṃ ||

taccitaṃ pūjitaṃ tuṣṭaṃ sātvikaṃ bhavate sadā |
satvasthā tu śṛyo nityaṃ lakṣmīstatra pravarddhate ||

rajastamo vināśena maṃtrāḥ satvodaye sadā |
siddhi pradā bhavaṃtyāśu yatotīva sunirmalāḥ ||

37a) 

tasmāt sarvaprayatnena ājñaiṣā pārameśvarī |
paripālyā prayatnena siddhimuktirna dūrataḥ ||

anuttara vidhānaṃ tu na dadyāt paradīkṣite |
svaśiṣye dīkṣite dadyānnānyathā sarvathā priye ||

iti sarvasrotasaṃgrahasāre mṛtyuṃjidamṛtīśavidhāne paṃcadaśamaḥ paṭalaḥ ||
śrīdevyuvāca ||

kathitaṃ devadevena rahasyaṃ paramādbhutam |
sarvāgama mayaṃ devaṃ ekavīraṃ mahābalaṃ ||

vāmadakṣiṇasiddhāntaṃ bhedatrayavibheditaṃ |
vaiṣṇavādi samāyuktaṃ rahasyaṃ samudāhṛtaṃ ||

sarvadeva mayo hyeṣa mṛtyujid vyāpakaḥ śivaḥ |
bahubhiḥ saṃpradādyaiśca yaṣṭavyo bhāva bhedataḥ ||

nānā kṛyopacāreṇa nānāsiddhi phalapradaṃ |
adhunā śrotumicchāmi saṃyama hṛdi sthitaṃ ||

37b)

tvadṛte saṃśayasyāsya cchettāna hyupapadyate |
pṛthakpṛthaksamācāraṃ sarvaṃ devena bhāṣitaṃ ||

kathamasminsamācāraṃ sāmānyaṃ sarvatoditaṃ |
kathamekena maṃtreṇa sarvesiddhyaṃti pūjitāḥ ||

bījaiḥ kūṭaistathā piṃḍairmālāmaṃtrairanekaśaḥ |
vācyavācaka bhedena sarvasiddhiphalapradaṃ ||

kathamekena maṃtreṇa pūjanārho naro bhavet |
bhavantīha surāḥ sarve svāvārasyaṃ prabhāvataḥ ||

mānavānāṃ hitārthāya kāruṇyāt parameśvara |
kalimāsādya siddhyanti manujā duḥkhamohitāḥ ||

dāridryānalasaṃtaptā jarāmṛtyubhayānvitāḥ |
pāyaikaniratāḥ krūrāstapassatya vivarjitāḥ ||

hiṃsā paiśunya cetaskā śaucācāra bahiṣkṛtāḥ |
yoginī śākinībhiśca ḍādyoṃ ḍāmarikādibhiḥ ||

bhūtairyakṣairapasmārairmudritāḥ prāṇino yathā |

38a)

siddhyaṃti vigatā yāsāstathā brūhi maheśvara |

śrībhairava uvāca ||

sādhu sādhu mahābhāge yathāpṛṣṭaṃ vadāmyahaṃ |
bhaviṣyanti mahādevi kaliḥ kaṣṭataraṃ yataḥ ||

tadartheṃ paramārthena mayā te prakaṭī kṛtaṃ |
paramātha paratvena mṛtyujitsarvato mukhaḥ ||

bhāvabhedena yaṣṭavyo mokṣasiddhiṃ samīhate |
yasmin yasmin yadācāraṃ mayāśastreṣu bhāṣitaṃ ||

srotassutat tathā kāryaṃ viśeṣādyāga homayoḥ |
anye sāmānyato devi na siddhyanti kadācana ||

kintasminnādhikārosti trividhe sarvasiddhide |
dvaitādvaita vimiśre ca yaṣṭaṃ vai siddhido bhavet ||

yasmāt sarvagataṃ devaṃ viśvarūpo maṇiryathā |
sādhakasyecchayā yaṣṭaṃ siddhidaṃ bhavate dhruvaṃ ||

yataḥ sarvagataṃ devaṃ sarvaṃśvantargataṃ vibhuṃ |
tatsiddhi mukti dātāraṃ na varṇāḥ paramārthataḥ ||

38b)

tasmāt sarvaṃ sadā devi yaṣṭavyaṃ bhāvabhedataḥ |
yāgamasya pravakṣyāmi kṛyate tu yathecchayā ||

parvatāgre nadītīre gavāṃ goṣṭhetha catvare |
vane copavane ramye deśakālānurūpataḥ ||

sarvaśalyavinirmukte duṣṭasatvavivarjite |
puṇyadharme svasaṃvāse pāpācāra vahiṃ kṛte ||

yatra niṃdā parāḥ paurā na dṛśyanti kadācana |
yatra paśyanti te duṣṭā saṃkīrṇaṃ sarvaśaṃkaraiḥ ||

tasmiṃ yajen mahāmaṃtraṃ gītibhiḥ parivarjitaṃ |
gṛhe yāgaḥ prakartavyaḥ ācāryaistatva darśibhiḥ ||

suguptaṃ tu prakartavyaṃ viśeṣāṃ śāntikarmaṇi |
dīkṣākāle tu kartavyaṃ maṃḍalaṃ yatra tatra hi ||

śāntau puṣṭau prayatnena suguptaṃ yajanaṃ dhruvaṃ |
yasmādviṃsāparāloke dṛśyante siddhi hiṃsakāḥ ||

kīlanaṃ caiva maṃtrāṇāṃ bhedanaṃ mohanaṃ tathā |
maṃtra saṃtāḍanaṃ caiva jaṃbhanaṃ staṃbhanaṃ tathā ||

ripu tvakaraṇaṃ cānyaṃ pratyaṃgairatvameva hi |

39a)

sarvahāni karatvaṃ ca kṛyate duṣṭamaṃtribhiḥ |
evaṃ daśaprakāreṇa prapataṃte hi hiṃsakāḥ ||

tasmāt sarvaprayatnena sugupte śaraṇopari |
svagṛhe kārayedyannādyāgahomaṃ japaṃ tathā ||

atyaṃta phalaṃ śreṣṭha suguptaṃ mṛtyujitsadā |
maṃḍale sthaṃḍile kuṃbhe nirviśaṃ na cetasā ||

harmyopari tathā homaṃ viśeṣācchānti puṣṭidaṃ |
na vikalpotra deveśi vikalpādrauravaṃ brajet ||

yāgaṃ homaṃ ca tatraiva sarvasiddhiphalapradaṃ |
taskarantaṃ vijānīyāt siddhi hāni karoti yaḥ ||

nādhikārī bhavet sopi tantre vai pārameśvare |
sarvataḥ sa bhaved devi tatvaviccādhvavidguruṃ ||

evaṃ vyāptiṃ tu yo vetti parāparavibhāgaśaḥ |
sabhavenmocakaḥ sākṣān śivaḥ paramakāraṇaḥ ||

śivatatvamavijñāya dīkṣādau kurute tu yaḥ |
aṃdhenaiva yaṣṭāṃdhāśca ubhayośca bhrapātinaḥ ||

ātmānaṃ ca tathā śiṣyaṃ nītvā nirayasaṃkaṭe |

39b)

tasmāt tatva vidaḥ śrīmānācāryaḥ sarvago bhavet |
yāvanna tatva vicchreṣṭhaḥ kathaṃ karmāṇi kārayet ||

maṃtrajño brahmayogajño parasyaivātmano yathā |
yāvanna nirmalo maṃtrastāvatsiddhiḥ kathaṃ bhavet ||

nirmalaṃ tu bhaved devi tatsthā maṃtrāḥ sunirmalāḥ |
tadudbhūtāstatsamāśca bhavante sarvasiddhidā ||

śivaśakti niyogācca maṃtrāṇāmudayaṃ śubhaṃ |
sarvatra phaladā maṃtrā yataste ca śivāsmṛtāḥ ||

tasmāt śiva mayāḥ sarve nityānugrahakāriṇaḥ |
śivaścācārya rūpeṇa tena te phaladā smṛtāḥ ||

yāvanna tatva vinmaṃtrī guruṃ vā sādhako pi vā |
tāvanna phalado devi satyametadbravīmite ||

anyathā bhogasaṃyuktaṃ ācāryaphaladaṃ na hi |
tasmāt tatva vidaśreṣṭhaḥ sarvadā sarvakarmasu ||

tena yo dīkṣito jaṃturbrahmahāpi śivo bhavet |
yatra yatra sthito deśe yaścaivaṃ tu vidhiṃ yajet ||

40a)

yena yenopacāreṇa bhavabhedena yena vā |
sāmānyena viśeṣeṇa kaulikenātha suvrate ||

tattatsādhayate śīghraṃ yadi devaḥ sadāśivaḥ |
caturaśre vartule tu hastamātredhikethavā ||

ācāryasyecchayā sarvaṃ sidhyanti vyāpti vedanāṃ |
kriyāśaktisvarūpeṇa kauṃḍilyā vyāpti bhedanā ||

tat kuṃḍaṃ vyāpakaṃ jñātvā sarvadastu bhaved guruḥ |
yāvanna viṃdate vyāpti kuṃḍasyaivātmano pi ca ||

sādhyaścaiva paśuścaiva pāṣānāṃ ca ṣaḍadhvavit |
bālavat krīḍate tāvat kāryaṃ tasya kathaṃ bhavet ||

yaḥ punarvetti cātmānaṃ śivaśakti svarūpakaṃ |
sasarvaphaladaśreṣṭhaḥ sakartā sarvagaḥ śivaḥ ||

jñānaśaktimayo vahni vyāpyavyāpaka bhedataḥ |
sajātā sarvakartā ca mokṣadaḥ phalado guruḥ ||

ṣaḍadhvātītayāgaṃ tu yajate yastu daiśikaḥ |
māyodadhau śanodbhūtaṃ sarvatrāṇakaraḥ śivaḥ ||

40b)

adhvamadhyagataṃ yogaṃ yaḥ karotyavicārataḥ |
nāsau mocayituṃ śaktaḥ parasyaivātmano pi vā ||

naiva siddhiṃ tu labhate na kārya karaṇe kṣamaḥ |
ṣaḍadhvādhvānato naiva baṃdhanaṃ tu malaṃ smṛtaṃ ||

māyīyāṇava karmotra visare baṃdhakāraṇaṃ |
paśuścaiva na tatrasthaṃ śaktau vai mocane guruḥ ||

adhvamadhyagatāḥ pāśā prarohaṃti sadātmanaḥ |
tadātītaṃ paraṃ jñātvā kona mucyeta baṃdhanāt ||

kopi vā mokṣado na syāt kassiddhiṃ labhate sadā |
kona dātā bhaven maṃtrī kaḥ kāryena kṣamaḥ pṛye ||

sa paraḥ sarvato bhadra taṃ jñātvā tanmayo bhavet |
mānonmāna pramānena viṃdate yo dhvaned guruḥ ||

śilpivad bhavate dakṣo vicitrākārakārakaḥ |
na mokṣadastu bhavate nasau siddhiphalapradaḥ ||

tasmāt śiva samāssarve draṣṭavyā tatvavedibhiḥ |

41a)

kārmī jñānī tathā yogī ācāryastrividha smṛtaḥ |
karmayogau tu sa deveśi jñāne yogaphalapradaḥ ||

pṛthagbhedena dṛśyeta jñānā dve yoga karmaṇā |
tasmādārya mukhye tu jñānavāṃ sarvado bhavet ||

śivāśrayaḥ śivasthastu śivaśakti pracoditaḥ |
nirmametajagatsarvaṃ śivarūpo yatasthitaḥ ||

icchājñānakriyā yuktaḥ śivatatva viśāradaḥ |
yaḥ karoti śivecchā tu jñānavyāpya vyavasthitaḥ ||

acintyā maṃtraśaktirvai parameśa mukhodbhavā |
yavyatprakurute jñānī śivaśakti samāśrayāt ||

tattanniṣpadyate tasya śivaśaktiprabhāvataḥ |
tasyaiva sammukhā maṃtrā dṛṣṭapratyayakārikā ||

śāntikādīni karmāṇi viṣabhūtagrahādiṣu |
kṣaṇena kurute sarvaṃ śivaḥ paramakāraṇaḥ ||

taṃ prabodhayate yastu jñānayoga balānvitaḥ |
maṃtraśakti prabhāvena sa dīkṣāṃ dīkṣayet pṛye ||

41b)

kṣayannayatyaśau pāśāṃ dadyādevaṃ paraṃ padaṃ |
yojanādyojayet śaktiḥ śivaśakti prabhāvataḥ ||

tasyaiva sanmukhā maṃtrā dṛṣṭapratyayakārakāḥ |
śāntikādīni karmāṇi viṣabhūtagrahādiṣu ||

pratyayastasya bhavate dṛṣṭaṃ nānyasya kasyacit |
gāruḍe bhūtataṃtre ca vāmasrote ca dakṣiṇe ||

jyeṣṭhe caṃḍāsi dhāre ca pratyakṣaphaladā kriyā |
atyaṃtamalinasyāsya puṃso baddhasya māyayā ||

karmaṇā bhogasaktasya abhilāṣānvitasya ca |
mokṣaṃ dadāti dīkṣāsau kriyājñānasvarūpiṇī ||

tanmanā tu parāśakti jñānarūpāvadhūtikā |
sā kṛyetyabhidhīyeta na kriyāvādhvamadhyagā ||

yogaśaktirjñānaśaktiḥ sarvaśāstreṣu gīyate |
sā śaktiḥ parameśasya śivasyā śivahāriṇī ||

baṃdhamokṣakarī puṃsāṃ na svataṃtrā svabhāvataḥ |
anenaivā tu mānena śivaḥ sarvapradaḥ śubhaḥ ||

42a)

śivādi gurupaṃktiryā rudrakoṭyo hyanekaśaḥ |
āptopadeśamārgeṇa pāraṃparyeṇasaṃsthitā ||

śivajñānaṃ yato devi sarvai cāptāgamasmṛtaḥ(?) |
brahmādistaṃ ca paryantaṃ śivaśakti samanvitaṃ ||

evaṃ śakti mayaṃ sarvaṃ jagatsthāvarajaṃgamaṃ |
śaktimānsarvakarmāṇi kurutenātrasaṃśayaḥ ||

śāntikādīni karmāṇi karmāṇyevānyathā na hi |
śaktihīnā na siddhyante yugakoṭiśatairapi ||

japakoṭisahasraistu homalakṣaiḥ suvistaraiḥ |
tasmātsarvaprayatnena śivajñānaṃ samabhyaset ||

tadāsiddhyanti karmāṇi sarvāṇyetānyathā na hi |
śāntikādīni karmāṇi kurutesau tadā guruḥ ||

yāge home jape caiva tathā lekhya krameṇa tu |
āpadāyadivotpanā yathoktaṃ yāgamārabhet ||

sādhyanāmena tadrvayaṃ saṃbhāreṇa tu saṃbhṛtaḥ |
yāgaṃ tu kurute yasya tasya śāntiḥ prajāyate ||

42b)

tilakṣīraghṛtenaiva sitaśarkarayā saha |
homayedyasya nāmena mahāśāntimavāpnuyāt ||

kṣīravṛkṣasamidbhistu kṣīrāktaiḥ susamāhitaḥ |
homayedyasya nāmena tasya śāntirbhavedhruvaṃ ||

sumanāghṛtasaṃyuktā homayedyasya nāmataḥ |
tasya śāntirbhavet kṣipraṃ nātrakāryavicāraṇā ||

śrīkāmaiḥ śrīphalaṃ hutvā śriyāmāpnoti puṣkalāṃ |
ghṛtaguggūluhomena puṣṭirbhavati śāśvatī ||

mṛtyujitsaṃpuṭaṃ kṛtvā sādhyanāmaṃ japed yadi |
ātmano vā parasyāpi mṛtyustasya na bādhate ||

aṣṭapatre tu kamale karṇikāyāṃ niveśayet |
sādhyarṇarodhitaṃ nāma tatordhvaṃ mṛtyujid bhavet ||

āgneyādi vibhāgena taleṣṭhaṃgāni vinyaset |
dviraṣṭadalasaṃpūrṇaṃ bāhye tatkamalaṃ likhet ||

svaraśoḍaśakenaiva pūrvādau pūrayet tadā |
dvātṛṃśadalasaṃyuktaṃ tadbāhye paṃkajaṃ nyaset ||

43a)

kādisānta * meṇaiva pūrvādīśānagaṃ kramāt |
sādhyarṇa rohitāḥ sarve varṇāścakra traye sthitāḥ ||

sarveṣāmadhyataḥ saṃjñā sādhyasyaiva tu rodhayet |
jīvamadhyagataṃ nāmakarṇikāyāṃ niveśayet ||

prāṇānte kalpaye jīvaṃ prāṇavarṇāntamadhyagaṃ |
bāhye tu maṃḍalasaumyaṃ susaṃpūrṇaṃ prakalpayet ||

tadbāhye tu puraṃ caiṃdraṃ vajradṛgvajrabheditaṃ |
bhūrjapatre tu saṃlikhya cakrametadvarānane ||

suśukle nirvraṇeślākṣṇa rocanā kuṃkumena vā |
malayakṣīrayuktena karpūrakṣodadhūsaraṃ ||

saṃveṣṭyasitasūtreṇa karpāsena navena ca |
madhumadhye nidhāpyevaṃ sugaṃdhaghṛtamiśritaiḥ ||

mṛdbhāṃḍe sannidhāpyeva sitapuṣpaiḥ prapūjayet |
pāyasairghṛtamiśraiśca bhakṣairnānāvidhaistathā ||

mṛṣṭairdhūpaipayitvā pūjayedbhūtisaṃbhṛtaiḥ |
bāhye tu kalaśā naṣṭau pūrvādau pūjayet tataḥ ||

sitacaṃdanakarpūrasudhūpodasaṃsrutā |

43b)

ratnagarbhāṃbusaṃpūrṇāṃ sarvauṣadhisamanvitāṃ |
sauvarṇāṃ rājatāṃ tāmrāṃ mṛnmayāṃ vā suśobhanāṃ ||

akālamūlāṃ suśubhāṃ prasastāṃ lakṣaṇānvitaṃ |
saṃpūjya teṣāṃ madhye tu lokapālā krameṇa tu ||

teṣāṃ śivājñādā tathā rakṣadhvaṃsādhyamuttamaṃ |
prātarmadhyāhne sāyāhne niśārddhe pūjayet tataḥ ||

saptarātre vyatikrānte mṛtyujidbhavate naraḥ |
sarvavyādhivinirmuktaḥ sarvadoṣavivarjitaḥ ||

sarvarogairvimucyeta jvaraiḥ sarvairna saṃśayaḥ |
sarvaduḥkhaparityaktaḥ ītibhiḥ parivarjitaḥ ||

tiṣṭhate ca narobhūmau kaṃcuyukto yathāphaṇiḥ |
yadi nānyamano devi sādhakastatparāyaṇaḥ ||

japahomarataḥ śāntaḥ asmin sthāne tu tiṣṭhati |
satvavāṃdhairya saṃpanno dayādākṣiṇyasaṃyutaḥ ||

saptarātre vyatikrānte mṛtaścaivānayedvalāt |
gobhūhiraṇyavastrāṇi keyūrakaṭakādibhiḥ ||

44a)

pūjyosau parayā bhaktyā śāntipuṣṭirviśeṣataḥ |
yasmāt maṃtramayaḥ sovai śivaḥ sākṣāṃ tu daiśikaḥ ||

tena pūjitamātreṇa sarve maṃtrāḥ phalapradāḥ |
bhavatyavitathaṃ bhadre satyametannasaṃśayaḥ ||

anyathā siddhihāniḥ syāt kṛtaṃ caiva nirarthakaṃ |
ācāryaścaiva sādhyasya kṛtyā(?) cotpadyate bhṛśaṃ ||

tasmāt sarvaprayatnena maṃtravit pūjayed guruḥ |
bhavanti pūjitā maṃtrā sarvasiddhiphalapradāḥ ||

iti sarvasrotasaṃgrahasāre mṛtyujidamṛtīśavidhāne 
vyāptyādhikāraḥ ṣoḍaśamaḥ ||
bhagavānuvāca ||

athātaḥ saṃpravakṣyāmi cakrarājaṃ mahābalaṃ |
pūrvavat madhyato nāma jīvāntaṃ kalpayet pṛye ||

prāṇānte tu tataḥ kṛtvā varṇāntāṃtarvyavasthitaṃ |
aṃtimaṃ tu tato bāhye tadbāhye madhyamanyaset ||

prathamā tu tato bāhye karṇikāyāṃ tato nyaset |
kesareṣu svarāḥ yojyā daleṣvaṃgā pūjayet ||

44b)

bāhye tu kalaśaṃ lekhyaṃ kalaśo bhayamadhyagaṃ |
pūjayet pūrvavidhinā japahomārcane rataḥ ||

sādhayatya cireṇaiva ciṃtitaṃ nātrasaṃśayaḥ |
sarvaśāntipradaṃ cakraṃ puṣṭisaubhāgyadāyakaṃ ||

āyurvīryapradaṃ puṇyaṃ jvararogavināśanaṃ |
pararāṣṭravibhītānāṃ nṛpāṇāṃ vijayāvahaṃ ||

rājastrīṇāṃ sutānāṃ ca viprādīnāṃ ca sarvaśaḥ |
rakṣā hyeṣā prayoktavyā sarvopadravanāśanī ||

paṃḍtyā?caiva likhennāma akṣarāntaritaṃ priye |
ādyaṃ tu mūlamaṃtraṃ tu vauṣaḍ jāti yuta nyaset ||

pūrvavat pūjayed bhūri pāśe caiva site śubhe |
tatkṣaṇān mucyate rogairāghrāto yadi mṛtyunā ||

vauṣaḍ jāti yutaṃ maṃtraṃ dikṣvaṣṭau sulikhesite |
bhūrjavalkalake ramye madhye nāmaṃ tu pūrvavat ||

rakṣāpadasamāyuktaṃ tadbāhye śaśimaṃḍale |
maṃtrāntaṃ varṇamamṛtaṃ kalāṣoḍaśasaṃyutaṃ ||

tāḍirmaṃḍalamāpūrya bāhye tu kamalaṃ nyaset |

45a)

tadbāhye caṃdrasūrye tu puraṃdarapure sthitau |
rocanā kuṃkumenaiva kṣīraśarkarayā likhet ||

pūjayitvā vidhānena pūrvavaṃśāntyatasthitaḥ |
rājaraktā tu vai proktā sarvopadravanāśanī ||

rājarakṣāvidhānaṃ tu homaye kṣīrasaṃyutaṃ |
sitaśarkarasaṃyuktam sugaṃdhaghṛtasaṃyutam ||

kṣīravṛkṣeṃdhane vahnau tilaiḥ śāntirbhaveddhruvaṃ |
yadāsau mṛtyunā prātaṃ kālena kalitā narāḥ ||

yaṣṭvā tu pūrvavad yāgaṃ maṃḍalaṃ tu yathoditaṃ |
kartavyaṃ dravyasaṃbhāraiḥ saṃbhṛto mṛtyunāśanaḥ ||

mṛtyuruntarate śīghraṃ maṃtrasyāsya prabhāvataḥ |
tadeva bhūrjapatre tu sitaśarkarayā saha ||

kṣīreṇa rocanā yuktaṃ kuṃkumena cyutaṃ likhet |
rukmakuṃbhe tu madhvākte sthāpayet tu sugopitaṃ ||

tadūrdhve tu dvitīyaṃ tu kṣīrapūrṇasuśobhanaṃ |
sravantamamṛtaṃ dhyātvā sthāpayet puṣṭi kāmataḥ ||

45b)

saptarātraprayogena mṛtyujid bhavate naraḥ |
kṣīṇakāyo bhavet pūrṇaṃ pakṣānte tu yathā śaśī ||

na mṛtyuvaśagaḥ saurai satyaṃ menāṃnṛtaṃvacaḥ |
sādhyarṇarodhitaṃ nāma rakṣāpadasamanvitaṃ ||

madhye saṃyojayet sādhyaṃ pūrvavaccāmṛtīkṛtaṃ |
tadātmānaṃ tu saṃveṣṭya vāruṇena tu vai punaḥ ||

kalāśeṣeṇa tadbāhye saṃpūrṇena tu veṣṭayet |
puraṃdaraṃ tato bāhye dvācaturdikṣu gocare ||

tanmaṃḍalāṃte yojyeta vaktrasaṃpuṭamadhyagaṃ |
rakṣitaṃ cāmṛtīśena na tasya bhayadaṃ kvacit ||

bhavati yoginī bhūtarakṣarākṣasahiṃsakaiḥ |
brahmarākṣasakāḥ sarve ḍāvyoḍāmarikāstathā ||

teṣāṃ vai rakṣaṇārthaṃ tu yāgarakṣāsuśobhane |
kuṃbhāntasthaṃ likhennāma taṃ sthāpya kamalopari ||

adhomukhaṃ tato puṣṭikamalaṃ pūrvavallikhet |
tatkarṇikasthaṃ vimalaṃ adhovaktraṃ prayogataḥ ||

sravamānaṃ tato dhyāyedamṛtaṃ sarvato mukhaṃ |

46a)

amṛtīśaṃkaraṃ dhenu praviṣṭaṃ tu vibhāvayet |
hṛdisthaṃ tatpraviṣṭaṃ tu sarvanāḍyaḥ prapūrayet ||

tatkṣaṇād bhavate puṣṭi kṣīṇakāyaśca yo naraḥ |
paṃktyā tu vai likhen maṃtraṃ pratyekaṃ varṇamadhyagaṃ ||

nāmaṃ sādhyasya vai lekhyaṃ digvidiṅmṛtyujillikhet |
pūrvavat kamalaṃ likhya ṣaḍaṃgaṃ pūrvavat priye ||

saṃyojya pūjayet śaktyā yathāvibhavavistaraṃ |
sarvaśvetopacāreṇa sarvaduḥkhanivarhaṇaṃ ||

bhavate maṃtramukhyaistu nātrakāryavicāraṇā |

iti sarvasrotasaṃgrahasāre mṛtyujidamṛtīśavidhāne yaṃtrādhikāro nāma 
saptadaśamaḥ paṭalaḥ ||
śrīdevyuvāca ||

bhagavaṃ devadeveśa sarvasatvaṃ hiterata |
vrātāstvaṃ tu sureśāna sarvānugrahakāraka ||

uktaṃ tvayā maheśāna vyāpti maṃtreṣu cādhvanaḥ |
ākhyā hi me jagannātha yadi tuṣṭosite prabhuḥ ||

46b)

maṃtrāṇāṃ kīlanādau tu yojanaṃ sūcitaṃ prabhuṃ |
nākhyātaṃ devadeveśa yathāyojyanti sādhakāḥ ||

cūrṇalopāṃjanādīni kuhikāni tu yāni hi |
yathā maṃtrastathā japyai dhyānadhāraṇayorapi ||

anyena muktadoṣestu viṣādigarasaṃbhave |
yojitaṃ maṃtrarājānaṃ kathaṃ jñāsyanti daiśikāḥ ||

paradehe svadehe vā lakṣaṇaiḥ kaiści dṛśyate |
dṛsaṃhiti kutaḥ kāryaṃ rakṣāyā parameśvara ||

īśvara uvāca ||

yo viṃdyāt samidaṃ jñānaṃ sarvakṛt sādhakottamaḥ |
paraprayuktamaṃtrasya lakṣaṇaṃ surasuṃdari ||

rāgadveṣābhibhūtaṃ tu apimānaśca yoginaḥ |
kāryārthaṃ rājakārye vā paribhūtaṃ yatastataḥ ||

yojayet maṃtrarājānaṃ yena yat savibhāssadā |
sevite maṃtranāthena trailokyaṃ hastagaṃ bhavet ||

kiṃ punarmānuṣe loke vaśyākarṣaṇamāraṇaṃ |
karoti līlayā pūrvaṃ maṃtrarājaprabhāvataḥ ||

47a)

dhyānena maṃtrayuktena tathā lekhya krameṇa ca |
homena lohacūrṇaiśca tathā saṃkramaṇauṣadhaiḥ ||

vivādigava(?) doṣaiśca khānapāna vilepanaiḥ |
ekānte nirjane rātrau niḥśabde tu vanepi vā ||

pūjayed devadeveśaṃ mahābhairava rūpiṇaṃ |
mahāsaṃhārasaṃyuktaṃ naivedyairvividhaistathā ||

pānaiśca vividhaiścaiva dhūpadīpānulepanaiḥ |
vasyāgratasthito maṃtrī dhyāyed bhairava rūpiṇaṃ ||

mahākarālavadanaṃ daṃṣṭrānaṃ vikṛtānanaṃ |
urdhvadṛṣṭi virūpākṣiṃ mahāśmaśru bhyānakaṃ ||

āyudhairvividhaiścaiva nānāpraharaṇodyataṃ |
grasamānaṃ hi bhūtānāṃ kālarūpe svarūpataḥ ||

dhyānayuktaṃ mahāmaṃtraṃ yojadyedvṛddhi(?) madhyataḥ |
mahāmaṃtravaraṃghoraṃ varṇarūpaṃ vicintayet ||

bhramamānaṃ dehamadhye akṣarāmaṃtranāyake |
drūtāste hemavat tatra vahnirūpa viciṃtayet ||

bhramamānaṃ dehamadhye akṣarāmaṃtranāyake |

47b)

drutāste hemavat tatra vahnirūpaṃ vicintayet |
tāmravadrasarūpaṃ tu hṛdisthā parikalpayet ||

susvarūpaṃ bhavet tatra tatrāntaḥ kāraṇaṃ kṣipet |
śaktirmāyādhikāsteṣā ekabhāvaṃ vikalpayet ||

vījāṃkuravaśekaṃ tu mahānaṃdaṃ pravartayet |
anantāśakti saṃkṣobhā ca(?) kureva(?) samutthitā ||

prajvalantaṃ tṛśūlaṃ tu dhyāyamānaṃ svaśaktitaḥ |
niṣkrāntaṃ kanikābhāsaṃ sphurajvālā balāyutaṃ ||

suvaktra yaṃtramārgeṇa preritaṃ śakti vegataḥ |
savyasya vaktraraṃdhreṇa praviśantaṃ vicintayet ||

dīptahāṭakavarṇābhaṃ vahnijvālāsamāyutaṃ |
sphurantaṃ vāyuvegena dhyāyamānaṃ mahābalaṃ ||

cittaśaktyā tu deveśi mṛtyurūpeṇa coditaḥ |
tataḥ saṃkṣobhitaṃ śūlaṃ patitaṃ hṛdimadhyagaḥ ||

tenākrāntastu maṃtreṇa tīvraṃ hṛtpadmamadhyagaḥ |
āyudhaiḥ pretasatyasya nānāpraharaṇodyataiḥ ||

48a)

iti dhyāyenmahākrūrāt patitosau mamāgrataḥ |
śūlena saṃpuṭī bhūtaṃ gṛhītaṃ paricintayet ||

caitanyaṃ grāhayet tatra sādhya hṛnmadhyasaṃsthitaṃ |
svaśaktyoccārayedvegāddhyānaṃ maṃtraprayogataḥ ||

nīyate samamāsīdhye maṃtrasyāsya prabhāvataḥ |
śarīraviṃvaśī bhūta nānāmaṃtraprayogataḥ ||

iti dhyānaparo yastu saptāhānmārayetasaḥ |
mṛyate nātrasaṃdeho yadi sākṣāt puraṃdaraḥ ||

saptarātra prayogena devināstyatrasaṃśayaḥ |
athavāmaraṇaṃ necchet praviśetasvavaktrataḥ ||

sādhyacintaṃ samādhyāya satato hyadhimadhyataḥ |
sādhyāmṛta mahoghe siṃcamānaṃ hṛdisthitaḥ ||

anenaiva prayogena ākarṣe tṛdaśānvalān |
saṃhṛtaḥ sarvavīraiśca kā kathā manujeṣu ca ||

svarājyaṃ svadhanaṃ caiva svadārāt svasutaṃ tathā |
dadaṃti maṃtriṇe sarvaṃ ākṛśyā maṃtra tejasā ||

48b)

ṛpūṃdāsatvamāyānti klinna yonyastathāṃbu yā |
pūrvavat saṃprayoktavyaṃ triśūlaṃ sādhyavigrahe ||

tatrasthaṃ cintayet sādhyaṃ cālpamānaṃ muhurmuhuḥ |
svasthānāt plāvyate vegānnītaḥ kalpānta vāyunā ||

uccāṭayati tatsādhyaṃ meru madhyādi saṃsthitaḥ |
anenaiva prayogena prīti vidveṣalakṣaṇaṃ ||

niṣkrāntaṃ tadvidhā cintya ubhau teṣāṃ prapūjayet |
uccāraṇa prayogena vimuktā yānti vegataḥ ||

vidveṣe dahanaṃ lakṣmī kiṃ punarmanujā bhuvi |
evamevānva yogena praviṣṭaḥ sādhyavigrahe ||

tatrasthaṃ devadeveśaṃ ciccetanasamanvitaṃ |
ākramya hṛdayaṃ tiṣṭhet pibe dravya gamaṃ kramāt ||

drāvayet paradehaṃ tu sūryavadvisamanvitaṃ |
pratyekaṃ drāvayed dravyaṃ pūrayitvā svavigrahaṃ ||

āpūrya dehaṃ sakalaṃ caṃdravat tiṣṭhate tataḥ |
kṣīṇaṃ sādhyaṃ viciṃtyaṃ ca sarvakṣīṇaṃ svavigrahaṃ ||

49a)

kiṃcitkāle tu tiṣṭheta yāvat pūrvaṃ nirantaraṃ |
vegenāgacchate pūrṇaṃ praviśat sa hṛdāntare ||

amṛtāt plavyamātmānaṃ deveśaṃ tatra pūjayet |
tairdravyairamṛtī bhūtaṃ paripūrṇaṃ prakalpayet ||

saptāhābhyāsayogena ānayennirvikalpataḥ |
brahmaviṣkeśvarādyaistu rakṣitaṃ yadi nityaśaḥ ||

anenaiva prayogena hṛdi cintaṃ kariṣyati |
unmattaḥ kriyate vāpi staṃbhitaṃ vā prakalpayet ||

mūko vā tiṣṭhate sāgrya grāhayed vā yadicchayā |
jvarabhūtaviśādibhyo vyādhiśokabhayāvahaṃ ||

śūlamunmeladuḥkhaiśca nānāvyādhiśatairapi |
yādṛśaṃ cecchate sādhyaṃ tādṛśaṃ kṛyate balā ||

anenaiva prayogena sādhyaṃ vā grāhayed viṣaiḥ |
nāgaiśca dasyubhissādhyai saptāhānnātrasaṃśayaḥ ||

tataḥ prabhṛti sādhyasya duḥkhaśokāśca jāyate |
anutsāhaṃ tato dvegaṃ baṃdhuputrakṣayānvitaḥ ||

49b)

dārāṃbhṛtyāṃstathā bhrātṝṃ prajā sarvaṃ ca yauvanaṃ |
nocyate kramaśassādhyo duḥsvapnaṃ paśyate sadā ||

atikleśa saho neha(?) vacinto bhavate kvacit |
anucchāhamanāścāso bhavatrāsaṃ ca jihmakaṃ ||

kāryahāniṃ rājabhayaṃ videśagamanaṃ tathā |
duḥkhitaṃ rājyabhraṃśaṃ vā deśādeśa paribhramaṃ ||

evamādi sahasraiśca duḥkhadoṣaiḥ samanvitaṃ |
tiṣṭhate ca paro bhūmau vyabhicāre kṛte sati ||

athavā homayet sādhyaṃ phalaṃ dravyaṃ tathauṣadhaṃ |
khadirāgnau kaṃṭakaiśca cityagnau vāpi homayet ||

kāryā tu sārahomairvā tuṣāṃgārasamanvitaiḥ |
puṣpakaṃ kaṇakairvāpi mahāphalguṣameva vā ||

kṛṣṇāṃjasaṃbhavaṃ kāryaṃ homasiddhyānusārataḥ |
tadadbhāvāt prakurvīta phalaiḥ sadyaistṛkaṃṭakaiḥ ||

raktāstu kusumānvaśye uccāṭe kṛṣṇavarṇakaṃ |

50a)

maraṇe kaṃṭakairyuktā vidveṣe gaṃdhadūṣitā |
uccāṭe kaṭu tailoktā ākarṣe ghṛtasaṃyutāṃ ||

kā kasya saṃyutaṃ kṛtvā māraṇe kusumaṃ hunet |
vidveṣe kaṭu tailaiśca lavaṇena hutau yajet ||

evameva phalaṃ hutvā bījāṃśca vividhā kramāt |
karoti vividhaṃ cchidraṃ sādhako duṣṭahiṃsakāt ||

athavā lekhayedvāpi nānāmaṃtraprayogataḥ |
maṃtranāthena deveśi sādhyanāmaṃ vidarbhitaṃ ||

analāṃ kāyethecchāsau sādhyārṇeṣu niyojayet |
āgneyyaṃ maṃḍalāṃtasthaṃ vāyumaṃḍalaveṣṭitaṃ ||

jvalaṃtaṃ cintayet sādhyaṃ dinānāṃ saptakaṃ yadi |
tatkṣaṇānāṃ jāyate dāghaṃ yadi śakrasamo bhavet ||

maṃtrarājaṃ nivadvyetasmareṇa paṭamadhyagaṃ |
śmaśānāṃgārake likhya viṣaraktānvitena tu ||

yasya nāmaṃ varārohe hūṃ phaṭkāraṃ vidarbhitaṃ |
mārayet tatkṣaṇāvegāt karajātisamanvitaṃ ||

50b)

mṛyate saptarātreṇa atha śatru bhayaṃ bhavet |
maṃtranātha mahādevi adhordha prāk svasaṃsthitaṃ ||

sādhyanāmadeveśi kāryatvaṃ śapade likhet |
vigataṃ śreyamāpnoti mānuśrīyasya yā bhavet ||

tṛrakṣamavamāne tu yannāmaṃ tu samālikhet |
yakārādyaṃta saṃruddhaṃmataḥ phaṭ stritayānvitaṃ ||

preta sthāne nidhāpyevaṃ bhairavaṃ tatra pūjayet |
arkapuṣpairvarārohe taddiśābhimukhasthitaḥ ||

tamuccāṭayate kṣipraṃ vidveśo bhava jāyate |
niyoga bhavade hyeṣa mātāmitro yadi bhīvan ||

paṃcāgena piśācasya kruddharājavasānakaṃ |
nāmnā samālikhed yasya unmattaṃ jvaradāgha kṛt ||

kākolūkasya pakṣāṇi kharoṣṭraṃ mūtramṛttikā |
kṛtvā patikṛtaṃ kāryaṃ kākaraktena lekhayet ||

kākolūkasya pakṣāṇi gudayātā vinikṣipet |

51a)

catuṣpathe nikhane śmaśānāgniṃ tatopari |
prajvālya homayet prājñaḥ kākapakṣāṃśca suvrate ||

udbhrāntapatrasahitā kharamūtreṇa bhāvitā |
yasya nāmaṃ samuddiśya yakārādyaṃ tu rodhitaṃ ||

maṃtrāvasāne vinyasyastaṃ visargāntaṃ vicārayet |
bhramate kākavat pṛthvī śatruvyādhi prapīḍitaṃ ||

piṣṭyākaṃ niṃbapatrāṇi mṛtakeśa tuṣāni ca |
śatroḥ pratikṛtiṃ kuryādarkapuṣpaistu veṣṭayet ||

śmaśāne nikhane tatra vahneḥ prajvālya copari |
puṣpairvibhītatarujairyasya nāmnā tu homayet ||

vidveṣo bhavate śatruḥ kāmadeva samopi yaḥ |
atha cenmārayet kṣipraṃ śatru vai niścitātmanaḥ ||

apakāraśatairyuktau kṛtaghno duṣṭa cetasaḥ |
kapāla dvitayaṃ grāhyaṃ nāmaṃ śatro samālikhet ||

kapālahastakastatra viṣāṃgāreṇa bhāvitaḥ |
rudhireṇa samāyuktaṃ phaṭkārāṃta vidarbhitaḥ ||

51b)

mahāpitṛvanaṃ gatvā bhairavaṃ pūjayet tataḥ |
kṛṣṇamālyopahāraistu tataḥ karmasamārabhet ||

vijñaptaṃ devadeveśa śatrumevaṃ nipātayet |
anujñātastu deveśiṃ gṛhītvā tu śiro dvayaṃ ||

tatra gatvā mahādevi kapālāsanasaṃsthitaḥ |
tatrastho rūpavarṇastu dakṣiṇābhimukha sthitaḥ ||

ātmānaṃ bhairavaṃ rūpaṃ dhyātvā ghoraṃ svabhīṣaṇaṃ |
krūddhaḥ samuccaren maṃtraṃ vilomena mahāmatiḥ ||

hūṃ phaṭ svamuccārya kādyaścāsphālayedbhṛśaṃ |
khaṃḍaśa * *? to yāvat tāvacchatruḥ pranaśyate ||

saptarātreṇa deveśi prayogastva nivartakaḥ |
anye śatasahasrāṇi anyakālocchitāni tu ||

prayogāni karotyeśaḥ pūjito maṃtranāyakaṃ |
sthāvaraṃ jaṃgamaṃ caiva yogajaṃ śaṃkayāpi vā ||

kṛttrimaṃ vā prakurvīta saccintaṃ prāṇahānikaṃ |
mūtraṃ raktaṃ tathā keśaṃ valāsthiṃ vānasīṣu ca ||

52a)

gosthiṣyāsthibhṛgālāṃsthi tathā meṣāvilocanaṃ |
godhūma hāṭake yukto gṛdhravṛṣṭyā ca lepayet ||

bhakṣaipānai pradātavyā yāgaṃ kṛtvā supūjitaṃ |
snāne vilepane dhūpe gaṃdhavastre tathauṣadhe ||

mṛyate nātrasaṃdehaṃ tṛsaptena samo yadi |
vanakāmāṣamudgāṇi apānena vinirgatā ||

dhānyaṃ śṛtaṃ tathā raktaṃ strīraktaṃ nirmalaṃ tathā |
mūlaṃ raktaṃ tathā keśaṃ lālā caiva varānane ||

mūtraṃ jārīkṛtāhvāvanāgeṃdramadasaṃyutā |
mohanī viṣṇukrāntā ca dhātrī caivakatasthitā ||

puṣyarikṣe tu yuṃjīta garvitānāṃ yaśasvini |
bhakṣepāneṣu dātavyaṃ yāvadāyurvaśī bhavet ||

iti saṃkṣepataḥ proktaṃ prayuktaṃ maṃtranāyakaṃ |
karoti vividhā vādhāṃ pūrvasevā yadā kṛtā ||

sādhako yojayed devi maṃtrā maṃtreṣu jāyate |
khādakāstrādi maṃtrāṇāṃ paraspara niyojanāt ||

tīvrātīvrābhiyogena dūrṇitāniḥkhaṣā gatā |

52b)

parasparaṃ siddhihāni japasya haraṇaṃ tathā ||

jaṃbhanaṃ staṃbhanaṃ caiva mohanaṃ kīlanaṃ tathā |
balābalaviyogena sādhakāye yajaṃti ca ||

ityamṛtīṣavidhāne vaśyākarṣaṇādhikāroṣṭā daśamaḥ paṭalaḥ ||
śrīdevyuvāca ||

bhagavaṃ devadeveśa sarvabhūta hiterata |
*? ṇaṃ kṛtvā sureśāna sarvānugrahakāraka ||

uktānvayā mahādeva vyāptimaṃtreṇa cādhvanaḥ |
ākhyāhitaṃ jagannātha yadi tuṣṭosi me prabho ||

maṃtrāṇāṃ kāla(?) nādau tu yojanaṃ sūcitaṃ vibhuḥ |
nākhyātaṃ devadeveśa yathā siddhyanti sādhaka ||

parayuktā naśyanti kṛtyā khārkhodakāni ca |
pratyaṃgirā prayogena haṃtiriṣṭānyanekaśaḥ ||

yathā tathā mahādeva brūhi niḥsaṃśayaṃ mama |

īśvara uvāca ||

vādināmeva sarveṣā maṃtravādaṃ tu cottamaṃ |
ājñā niyojayet maṃtraṃ maṃtraliṃgāni suvrate ||

53a)

dīpanaṃ bodhanaṃ caiva tāḍanaṃ cābhiṣecanaṃ |
vimalīkaraṇaṃ caiva tatheṃdhana niveśanaṃ ||

santarpaṇaṃ guptibhāvaṃ āpyāyaṃ navamaṃ tathā |
evaṃ navaprakāreṇa maṃtravādamaśeṣataḥ ||

yojānāti sa jānāti maṃtrasādhanasādhanaṃ |
ekādaśaṃ vidho maṃtro jñātavyo hi punaḥ pṛye ||

yena samyak prayogāśca siddhyante sādhakeśvarāḥ |
te ca vai saṃpravakṣyāmi sarvaśāstreṣu sammataṃ ||

saṃpuṭaṃ grathitagrastaṃ samastaṃ ca vidarbhitaṃ |
ākrānvamathamādyantagarbhasthaṃ sarvatoddhṛtaṃ ||

tathā yukti vidarbhaṃ ca vidarbha grathitaṃ tathā |
ityekādaśadhā maṃtrā bhavanti phaladā pṛye ||

siddhaṃ sāddhyasusiddhaṃ ca tathaivāritvameva ca |
jñātvā sarvamaśeṣeṇa maṃtra vā * * *? caret ||

udayāstamanaṃ vyāptiṃ dhyānamudrā svarūpataḥ |
yo vetyevamavedajño sarvakṛt sarvakottamaḥ ||

evamādyairaśeṣaiśca bhāvabhedaḥ sureśvari |
bhāvitavyā(?) mahāmaṃtrā bhavanti phaladā priye ||

53b)

tasmāt sarvaprayatnena jñātvā sarvaṃ niyojayet |
asya vai maṃtrarājasya nāsti devi vicāraṇā ||

sarveṣāmeva maṃtrāṇāṃ vṛṃhakaḥ parameśvaraḥ |
anena graṃthitā maṃtrāḥ sūtremaṇi gaṇā iva ||

asya garbhe sthitā maṃtrāḥ bhavanti siddhimokṣadāḥ |
yasmāt sarvagataṃ devaṃ sarvasiddhiphalodayaṃ ||

vyāpakaṃ sarvato bhadraṃ sarvato sukhamavyayaṃ |
pūraṇaṃ sarvamaṃtrāṇāṃ rakṣaṇaṃ paramaṃ balaṃ ||

maṃtrāṇāṃ yoni bhūtaṃ tu mokṣadaṃ siddhidaṃ śubhaṃ |
yatastatosya maṃtrasya nāsti devi vicāraṇā ||

ebhirdoṣa sahasraiśca chidritaṃ sādhakaṃ yadi |
vināyakaiśca ye grastā ādhivyādhi prapīḍitāḥ ||

rājyabhraṣṭāstu rājānaḥ pararāṣṭranipīḍitāḥ |
viraktapaurānnirvṛtyā aputrāśca suduḥkhitāḥ ||

mṛtaputrāmṛtādārā sa bhayāvigata śṛyaḥ |
ācāryaḥ sādhako vāpi maṃtrasiddhi parāṃmukhā ||

viprutrā durbhagānāryo baṃdhyā vidviṣṭabhartṛkāṃ ||

54a)

evamādi sahasraiśca duḥkhadoṣaiśca saṃyutā |
dṛṣṭvānta mānavāṃ loke uktaurdoṣaiśca dūṣitāḥ ||

tathā caivagra kartavyaṃ yāgabhāgyaruhāṃparāṃ |
śrīvāgaṃ parameśāni maṃtreṇānena maṃtriṇā ||

mahālakṣmī kṛte yāge bhāgyabhāgbhavate naraḥ |
pūrvokta doṣanirmukto prāpnoti paramasukhaṃ ||

kalaśe nābhiṣiktosau pūjayitvā mahāśriyāṃ |
prāpnoti cintitāṃ kāmān brahmaviṣṇuśivopamān ||

evaṃ jñātvā tu medhāvī yāgaṃ kuryāt suśobhanaṃ |
kartavyaṃ sarvathā devi sarvaśreyakaraṃ paraṃ ||

pūrvoktenūpradeśe tu sarvalakṣaṇalakṣite |
sarvaśalyodvṛti(?) ramye mahāpadmavane tathā ||

prachanneṣu ca śasteṣu sugupte śaraṇopari |
ālikhe maṃḍalaṃ tatra caturaśraṃ samantataḥ ||

ekona viṃśasūtrāṇi patayed vaiṃdra vāruṇe |
tathā dakṣa kuberābhyāṃ(?) sūtrāṇi susamāṃ kuru ||

54b)

bhāgeṣṭādaśabhirbhāgaiścaturdikṣu samantataḥ |
koṣṭhakānāṃ śatātrīṇi caturviṃśādhikāni tu ||

tanmadhye tu likhet padmaṃ aṣṭapatraṃ suśobhanaṃ |
bhāgāṣṭakaṃ tu tanmadhye caturthā vibhajet tataḥ ||

prathame karṇikā kāryā kesarāṇi dvitīyake |
saṃdhayaśca tṛtīye tu dalāyāṇi caturthakaṃ ||

bhrāmayeccaturau vṛttā susamāsusamānataḥ |
dikṣusutrāṣṭakaṃ dadyād vidikṣuḥ pātayet tathā ||

aiṃdryā diśi gṛhītvā tu madhyasūtrapramāṇataḥ |
kiṃ jalkasthaṃbhavetpatraṃ tanmadhye karṇikā likhet ||

dalasaṃdhi sthiteḥ sūtre sthāpyapārśve tu bhrāmayet |
dvābhyāmubhayapāśvābhyāṃ purvapatraprasādhayet ||

itarānyevamevaṃ tu padmapatradalaṃ bhavet |
pītā tu karṇikā kāryā puṣkarā haritā smṛtā ||

kesarāṇi vicitrāṇi caturviṃśakasaṃkhyayā |
sitāraktā tathā pītā mūlamadhyāgra yojitā ||

55a)

suśvetāśca dalākāyāṃ vyomarekhā tu vartulā |
bāhye cāṃguṣṭhamānena śvetavarṇāsuśobhanā ||

dalāntarāṇi raktāni tadbāhye caturaśrakaṃ |
tathaivāṃgulamānena sitarekhā tu pītalā ||

gātrakāni tato bāhye bhāgābhyāṃ caiva pārśvataḥ |
sitādi varṇabhedena koṇeṣṭhāgneyamādibhiḥ ||

gātrakāḥ pītavarṇādyāḥ pūrvādi kramamālikhet |
dvau dvau bhāgau tato lopya vītyarye caiva sarvataḥ ||

kṛṣṇena rajasā pūrya śaṃkhapadmavibhūṣitāḥ |
dvāraśuklādi kurvīta dvibhāgenaiva pārśvataḥ ||

vīthimānena vistāraṃ vīthyardhena tu kārayet |
kaṃṭhaṃ tathopakaṃṭhaṃ ca tathā śobhopaśobhitaṃ ||

evaṃ niṣpādyate dvāraṃ saṃvṛttā trīṇi kārayet |
paścimaṃ vivṛtaṃ kāryaṃ pārśvābhyāṃ vilekhayet ||

śobhāścaivopaśobhāśca raktavarṇāśca pītakāḥ |
pratikuryāccaturdikṣu koṣṭakairadharottaraiḥ ||

55b)

koṇānteṣu likhed devi padmaśaṃkhau samaṃ tataḥ |
tasmin bāhye samantāccu? bhūtarekhā prapātayet ||

sitādi varṇabhedena nivṛttyādyāśca tāḥ kalāḥ |
bāhye tu pattravalyabjaiḥ svastikairupaśobhitaṃ ||

ālikhet maṃḍalaṃ mukhyaṃ tanmadhye tu yajecchṛyaṃ |
pūrvādhivāsaḥ kartavyo yathāvibhavavistaraiḥ ||

yāgaharmyaṃ prakartavyaṃ śaktyādravyānusārataḥ |
vedītoraṇasaṃyuktaṃ nānā dhvajavibhūṣitaṃ ||

chatrapādukaśayādi nānā śobhasamanvitaṃ |
gṛhopaskaraṇādyaiśca bhogairnānāvidhaistathā ||

vitānoparikartavyaṃ suśvetaṃ tu manoramaṃ |
javanī caturaṃgā ca dīpāṣṭau dikṣudāpayet ||

bālavyaṃjanaghaṃṭāśca tathā darśa catuṣṭayaṃ |
patākāṣṭau tavāśreṣṭhā nānāraṃgasamudbhavāḥ ||

kalaśāṣṭau tathāropyā tāmrāyā mṛnmayāpi vā |
samudrāṣṭau tathā pūjyā sarvauṣadhi samanvitāḥ ||

bhūtapallavayuktāśca sa hiraṇyāśca pūjayet |

56a)

kāṃḍāṣṭau paṃcaraṃgāśca caturdikṣu niveśayet |
lokapālāstathā pūjyā paṭeṣu svākṛti sthitāḥ ||

tathā hyastrā kṛtiḥ kāryā daśadikṣusamantataḥ |
dvārādhyakṣāṃstato bāhye kartavyāmnāya darśanaṃ ||

sarvasādhāranatvāśca paṭe kāryāstu yā dṛśā |
vedamaṃgalanirghoṣairjayapuṇyāhasaṃyutai ||

nṛttavāditragītaiśca stotrairnānāvidhaistathā |
ācāryaśca sruśucirdakṣaścaṃdanāgurucarcitaḥ ||

dhautapautikayā yuktaṃ uṣṇīṣāṃguli bhūṣitaḥ |
kaṭakādibhihāraiśca puṣpaṃ sragdāmabhūṣitaḥ ||

mūrtipairdhūpabāhaiśca arghavāhaistathaiva ca |
sarvasaṃbhārasaṃyuktaṃ adhivāsanapūrvakaṃ ||

kuṃbhostravarddhanī caiva tathā kṣetraparigrahaṃ |
paścādvairajapātaṃ tu kartavyaṃ daiśikena tu ||

pūrvokta vapuṣā dhyātvā mṛtyujit madhyato yajet |
tadutsaṃge sthitāṃ devīṃ śriyaṃ vai viśvamātaraṃ ||

56b)

viśuddhasphaṭikaprakhyāhimakuṃdeṃdu saprabhāṃ |
caṃdrārbudapratīkāśaṃ gokṣīra sadṛśaṃ prabhāṃ ||

muktāphalanibhāṃ śvetāṃ śvetavastrāvibhūṣitāṃ |
sitacaṃdanaliptāṃgīṃ karpūrakṣodadhūsarāṃ ||

śubhrahāreṃdu kāṃtādi ratnojvalavimaṃḍitāṃ |
sitasragdāmamālābhiḥ kamalaiḥ suvibhūṣitāṃ ||

harahāsasuśubhrāṃgī siṃhahāsāṃmanauramāṃ |
suśuklamukuṭopetāṃ ekavaktrāṃ trilocanaṃ ||

baddhapadmāsanāsīnāṃ yogapaṭṭavibhūṣitāṃ |
śaṃkhapadmakarāṃ saumyāṃ varadābhayapāṇinīṃ ||

caturbhujāṃ mahādevīṃ sarvalakṣaṇalakṣitāṃ |
dhyātavyāṃ bhāvabhedena rūpāyudhavibhūṣitāṃ ||

amṛtīśavidhānena tathaivāṃgāni vikalpayet |
sarvaśvetopacāreṇa pūjayet sarvasiddhidāṃ ||

anenaiva vidhānena śrīdharaṃ vā śṛyā saha |
pūjayed bhaktito devi sarvakāmaphalapradaṃ ||

57a)

pādyārghakusumaiḥ śubhrairmṛṣṭadhūpaiśca dhūpayet |
lehaiḥ peyaistathā voṣpairbhakṣairnānāvidhaiḥ śubhaiḥ ||

pūjayet parameśānaṃ sarvasiddhiphalapradaṃ |
pūrvaivanirmitaṃ kuṃḍe homaṃ pūrvoditena ca ||

tarpaye devadeveśīṃ bhaktiyuktena cetasā |
athavāṣṭa bhujāṃ devīṃ citāṃ ratnakarāṃ śubhāṃ ||

kalaśaṃ dhārayennityaṃ amṛtena samanvitaṃ |
somasūryakarāṃ devīṃ sitapadmoparisthitaṃ ||

nidhīnāṃ copariṣṭā tu gajamaṃgalabhūṣitāṃ |
brahmādyaiḥ surasaṃghātaiḥ pūjitāṃ saṃstutāṃ sadā ||

dhyātāṃ japtāṃ maheśāni siddhimuktiphalapradāṃ |
yaṣṭvā tu devadeveśīṃ kuṃbhasthāṃ prapūjayet ||

pūrvoktena vidhānena yāge pūrvodite śubhe |
pūrvavaddhyānayogena kuṃbhamadhyagatāṃ yajet ||

japtvā cāṣṭottaraśataṃ tvabhiṣiṃcetapūrvavat |
tasyā balā mahālakṣmī rājyaṃ vāyadabhīpsitāṃ ||

57b)

bhaumāṃtarikṣasiddhīni divyāṃ caiveśvarī śubhāṃ |
īhitaṃ kāmayet kiṃcit suprasanno prayacchati ||

āyurbalaṃ yaśaḥ kīrti medhākāṃti śṛyaṃ vapuḥ |
sarvaṃ vivarddhate yasya yasya veśmani pūjitā ||

yaḥ kaścidabhiṣikto vā yasya vā sādhayet priye |
pūrvoktaṃ sarvamāpnoti śāntiṃ puṣṭiṃ sukhāni ca ||

paṭe tu likhitāṃ devīṃ yasya veśmani pūjyate |
pūrvoktena vidhānena tasya sarvaṃ prayacchati ||

bahunātra kimuktena siṃhasyaiva yathāmṛgāḥ |
prapalāyanti sarve duṣṭādoṣāṃ sahasraśaḥ ||

kimanyairmaṃtrabṛṃdaiśca devatārādhanena vā |
yatraiṣā devadeveśī dhyātā japtā tu pūjitā ||

saṃgrāmakāle dhyātavyā khaḍgapatralatā sthitā |
jayaṃ prayacchate vaśyaṃ ripudarpāpahā bhavet ||

saṃgrāmāgre sadāyojyā ripudarpāpahā bhavet |
avaśyaṃ jayamāpnoti devadevyā prasādataḥ ||

58a) 

api vyādhiśatārto vā duḥkhaśokaiḥ prapīḍitāḥ |
sarvavyādhivilipto vā kṛtyā khārkhodapīḍitāḥ ||

maṃtrairyaṃtraistathā dhyānairjapahomaviśādikaiḥ |
cūrṇalepāṃjanādīni kuhakāni tu yāni vai ||

kariṣyanti ripo yatra striyau vā puruṣopi vā |
pūjitānena vidhinā teṣāṃ pratyaṃgirā bhavet ||

āśritya paramāṃ devīṃ bhaktyāsaṃpūjayet tu yaḥ |
yathā na dṛśyate duṣṭaiḥ pāpācāra ratairnaraiḥ ||

maṃtrasiddhaistathā dhūrtaiḥ samayaghnaiśca kaṃṭakaiḥ |
tathā guptānuyaṣṭavyā gopitā siddhidā bhavet ||

yāgā home tathā japye mudrāyāṃ dhyānayogataḥ |
suguptāṃ dhyāyate devī yasya saubhāgya bhāgbhavet ||

yasmāduṣṭāśca vahavo jighāṃsanti sukhāni ca |
anya saubhāgya saṃtyaktā daurbhāgyena prapīḍitāḥ ||

paśyanti yāge home ca japadhyānavidhau sadā |

58b)

janayanti mahāvighnāṃ tasmādgupta tamo vidhiḥ |
bhāvabhedena yaṣṭavyā sādhakena vipaścitā ||

ekavīrakrameṇātha pūjitā vā sureśvarī |
dadāti sarvakāmāṃśca prasannāparameśvarī ||

śaive vaiṣṇavasiddhānte bhedenaiva supūjitā |
bhaktānāṃ cittabhedena phaladā parameśvarī ||

cintāmaṇiryathā loke cintitārthaphalapradā |
tathaiṣānumahālakṣmī sarvakāmaphalapradā ||

devāsuramanuṣyāśca nāgāgaṃdharvakinnarāḥ |
ṛṣayopsara sā yakṣā rākṣasāśca piśācakāḥ ||

bhūtavetālayoginyo mātaro guhyakāstathā |
ḍāvyoḍāmarikā devyo bhaginyo dūtayastathā ||

tatrāyogeśvarāḥ sarve yogasiddhāśca sarvaśaḥ |
mahāśriyā prasādā ca sarve siddhāśca siddhidaḥ ||

ākāraṃ sarvasiddhīnāṃ mahālakṣmī mahābalā |
āśṛtānāṃ ca bhaktānāṃ sādhakānāṃ varapradā ||

59a)

asyāḥ parā hi jagato nānyā kīcit sukhapradā |
aṇimādi guṇā ye ca sarvajñā dyāstu ye parā ||

te sarvesyāḥ pumāṃ devi sidhyante nānyathā pṛye |
mokṣārthī vā prakatha? ekavīrāṃ tu pūrvavat ||

athavā śaktisaṃyuktaṃ pratiṣṭhāpayate vibhuṃ |
sarvasaṃbhārasaṃyuktaṃ prāsāde tu manorame ||

śaktiśaktimato yogāt sthāpayitvā vidhānataḥ |
janmāntara sahasraistu yatpāpaṃ samupārjitaṃ ||

tatkṣaṇānna paśyate devi tūlarāśi rivānalat |
veṣṭamātreṇa deveśaḥ sthāpito vāpi dīkṣitaḥ ||

kulāṃ coddharate sarvāṃ daśapūrvāṃ daśāparān |
yāvat prāsāda liṃgaṃ vā pratimā citrabhittayaḥ ||

pāṣāṇadhātavaścaiva dhvajo vā dhvajayaṣṭayaḥ |
samudrā sarito yāva merucaṃdrārka bhūmayaḥ ||

saṃkhyā tatparamāṇūnāṃ tāvatkālaṃ bhunakti saḥ |
bhogāt sadāśive tatve bhuktvānirvāṇamāpnuyāt ||

59b)

yathā samudrasaṃprāpya siṃdhuḥ samarasī gataḥ |
tathā śivatvamāpannaḥ paśurmukto bhavārṇavāt ||

pratiṣṭhāphalametaddhi prāpnuyānnātrasaṃśayaḥ |
adīkṣitānāṃ nṛpatau tatsutānāṃ dvijātiṣu ||

bhogālasyāthavā devi karmadoṣāśca vighnataḥ |
na yaṣṭaṃ napastaptaṃ na dhyānaṃ na pratiṣṭhitaṃ ||

pātityena mṛtānāṃ tu yeṣāṃ narakasaṃsthitiḥ |
nidānairvahubhirdevi bālastrīvṛddhamānuṣaiḥ ||

mṛtasyoddharaṇārthāya dīkṣārthaṃ parameśvaraṃ |
yaṣṭavyaṃ pūrvadeveśaṃ viśeṣastatra vā kṛtiḥ ||

kartavyā rajatāvaśyaṃ sadṛśādvādaśāṃgulā |
kāryā vā gopaye devi kuśairvā snānaśodhitā ||

dīkṣaiva tatra saṃskārāṃ vyāptyā yatra samaṃ nayet |
aṇuṃ ca yojayet tasmiṃ pūrṇāhutyā kṣipe nale ||

yojanyā śivatatve tu tataḥ sā yojyatāṃ labhet |
śrāddhe saṃpūjayed devaṃ maṃteṣṭi tveti vā yajet ||

60a)

pratiṣṭhāpyastathā devi dagdhapiṃḍe śmaśānake |
pūrvokta dravyasaṃbhāraiḥ pūrvoktavidhinā guruḥ ||

pūrvoktaṃ bhīṣaṇaṃ rūpaṃ śaktidvayasamanvitaṃ |
catuścāṣṭauthavā devi pūrvadhyānāvalokitaṃ ||

pūrvoktaṃ phalamāpnoti ityājñā pārameśvarī ||

iti sarvasrotasaṃgrahasāre mṛtyujidamṛtīśavidhāno ekona viṃśatimaḥ paṭalaḥ ||
śrīdevyuvāca ||

kathitaṃ devadevena prāṇināṃ hitakāmayā |
amṛteśavidhānaṃ tu sarvarakṣākaraṃ paraṃ ||

idānīṃ śrotumicchāmi saṃśayaṃ me hṛdisthitaṃ |
dṛṣṭipātaṃ prakurvanti jaṃtūnāṃ mātaraḥ sadā ||

asaṃkhyātāstutā devyo aprameya balānvitāḥ |
chāyācchidreṇa bādhyante yoginyau balavattarāḥ ||

atyanta valinastīvrā nistṛṃśānirbhayā dṛḍhāḥ |
hiṃsakāḥ sarvajaṃnūnāṃ cālānāṃ ca viśeṣataḥ ||

60b)

na saṃkhyā vidyate tāsāṃ tatropāyaṃ vadasva me |
chāyārūpaṃ phalaṃ yattadṛṣṭipātachalaṃ tathā ||

prakurvanti sadā deva cchāyāstāstu kati smṛtāḥ |
dṛṣṭipātabhayaṃ kiṃ vā kathaṃ vāpi nivartate ||

etatsarvaṃ samāsena prasādādvadaśūladhṛk |

bhagavānuvāca ||

śrūyatāṃ saṃpravakṣyāmi chāyāyāścaiva lakṣaṇaṃ |
aprameyā hyanantāśca mātaro balavattarāḥ ||

bhūtāśca vividhākārā hyanantāśca mahābalāḥ |
yakṣarakṣapiśācāṃśca ye cānye hiṃsakā śaṭhāḥ ||

na saṃkhyā vidyate teṣāṃ koṭi bhedena saṃsthitāḥ |
saṃkṣepataḥ pravakṣyāmi yena mucyanti bālakāḥ ||

stṛyaśca manujā vāpi nṛpapanyaśca tatsutāḥ |
yathātyajanti balino yāgavrataparāyaṇāḥ ||

maṃtrasannaddha dehāśca suprameya balānvitāḥ |
purākalpe samutpannā nānājasahasraśaḥ ||

61a)

sarvatra hiṃsakāḥ krūrāḥ sarvakālajighāṃsakāḥ |
yāgārthamudyatāḥ sarve bhairavānucarāḥ sadā ||

tacchaktyā balinaḥ sarve tattejo balabṛṃhitāḥ |
mahāpaśūpahāreṇa toṣayanti mahāvratāḥ ||

mahābhairavarūpaṃ yatsvacchaṃdaṃ kṛtavāhanaṃ |
daityānāṃ tu vadhārthāya devānāṃ sthāpanāya ca ||

iṃdrādayo yadā devā sadādityairupadrutāḥ |
vidrāvitā yadā daityai tadāhaṃsaṃstutaḥ suraiḥ ||

brahmādyairvividhaistotrai māyā teṣāṃ hitārthataḥ |
mahābhairavarūpaṃ tu svacchaṃdaṃ tu kṛtaṃ mayā ||

vidrāvaṇaṃ tu daityānāṃ devānāṃ sthāpanāya ca |
tadarthaṃnugrahā bhūtā mātaro nirmitā mayā ||

jitvātaiḥ śatrudarpaṃ kṛtārthāste madaṃtikaṃ |
āgatāḥ prārthayantisma vināśabhayabhīravaḥ ||

bhagavaṃ devadeveśa asmābhistoṣito hyasi |
tuṣṭena devadevena yatkāryaṃ tatprasādataḥ ||

kuru deveti coktaṃ taistadā te caritā mayā |

61b)

ajeyā varadānena prārthayanto mahābalāḥ |
evaṃ bhavanti me sarve yathāsṛṣṭā mayāpurā ||

tataḥ prabhṛti taiḥ sarva jagatsthāvarajaṃgamaṃ |
ākramyapīḍitaṃ sarvaṃ devamānuṣa tiryagaṃ ||

devānāṃ tu jighāṃsanti bhūtāḥ svarge mahābalāḥ |
mānuṣānyeva valino jighāṃsanti samantataḥ ||

tiryagyonyaśca vividhā jighāṃsanti tathāparāṃ |
asaṃkhyātāstu te proktā aprameya valotkaṭāḥ ||

punaḥstutohaṃ devaiśca prajāpati puraṃdaraiḥ |
tadākṣiptā mayāsarve bhūtāśca balavattarāḥ ||

mātaro bhīmarūpāśca bhayabhītāmadantikaṃ |
ājñāvidhāyinaḥ sarve kiṃkurvāṇāt samāgatān ||

tadā kruddhena deveśi maṃtrakoṭyo hyanekaśaḥ |
avatārya vināśārthaṃ mātṝṇāṃ ca gṛheṣu ca ||

śivaśakti prabhāvena mananatrāṇadharmiṇaḥ |

62a)

maṃtrakādyā hyanantāśca mayā sarvedhikārikāḥ |
vidyābalabhayādbhītā āgatāste madaṃtikaṃ ||

tadā mayā te vikṣiptāḥ sthaleṣu ca jaleṣu ca |
digaṃtareṣu śūnyeṣu mamājñāvaśavartinaḥ ||

balikāmāstathā cānye bhoktukāmāḥ pare tathā |
ratikāmāhaṃ tu kāmā vātajāścāpi pittajā ||

śleṣmajāḥ sannipātānye bhūtā vividharūpakāḥ |
mayoktāstepi balino mayādāvaśavartinaḥ ||

maduktamaṃtramudrābhi dhyānaiśca vividhairyutān |
paṃcasroto vinirbhinnaṃ śṛṇvanto hi padāṃ pṛye ||

tadā sarve vidravanti bhayabhītādiśodaśa |
nidhānai bahubhissarvaijighāṃsaṃti naraṃ paśuṃ ||

durācāraṃ durātmānaṃ aśuciṃ puruṣādhamaṃ |
mātāpitro rasaṃ mānā tathāyanavarjanāt ||

ati strī saṃgaśamanā nibaṃdhāśca viśeṣataḥ |
akālamaithunānmohād bhayāt saṃbhramaṇaṃ tathā ||

62b)

saṃdhyāvivarjitā ye ca saṃdhyāmaithuna sevakāḥ |
bhojanā dhyayane nidrā saṃdhyāyāṃ yoni sevakāṃ ||

akāminīḥ kāmayanti gurudārādi ye pṛye |
pradhvaṃsayanti balino balā caivāti yoṣitaḥ ||

tathānye satya vaktāraḥ prabhudrohakṛto śubhāḥ |
anuktaiḥ pāparacitai ye narā samyamādhavāḥ ||

etairanyairnidānaiśca gṛhyante mānuṣā grahaiḥ |
strīṇāṃ caiva tu dauḥśīlyādaśaucā bhakṣyabhakṣaṇāt ||

tathobhayagurudveṣādbhartāravyabhicārataḥ |
anyairanukta doṣaiśca dūṣitā mudrayaṃti ca ||

ruṃdaṃtāṃ caiva bālānāṃ rātrau jāgaraṇāṃ tathā |
rātrau saṃtrāsanā caiva duṣṭacchāyāsudūṣitā ||

rajasvalā dūtikāśca pāpiṣṭhā hyaśucistadā |
unmattā vidrutābhītāstrastādoṣaiśca dūṣitāḥ ||

rudaṃtī krośamānāśca muktakeśāstadā ruṇā |

63a)

duṣṭapukkasacaṃḍāla sparśenaiva tu dūṣitāḥ |
śavasparśāntargamanā tatrastha sparśanāt tathā ||

tadduṣṭasāhacaryācca tadvārtānugamaṃ tathā |
aśaucādi tathānekai asparśairapi dūṣaṇāt ||

duṣṭā strī puruṣo vātha snātvāṃ cchāyāṃ pradāpayet |
bālānāṃ bhūpatīnāṃ ca tatpatnīṃnāṃ tapasvināṃ ||

cchāyācchidreṇa bhūtāśca mātaro balavattarā |
dṛṣṭipātaṃ prakurvanti ladhvacchidrāśca hiṃsakāḥ ||

raudrāṃ dṛṣṭiṃ pātayanti bālānāṃ ca jighāṃsakāḥ |
pāpiṣṭhāśca durācārā bhūtadyastā jvarādikaiḥ ||

tatonmattā duṣṭacetā pāpācārāḥ suduḥkhitāḥ |
bubhukṣitāa matsarāśca śatravo vairagarvitāḥ ||

etāścānyāśca bahavo dṛṣṭiṃ saṃpātabhīṣaṇāṃ |
paśyanti yadi bālānāṃ pūrvoktānāṃ ca sarvaśaḥ ||

dṛṣṭipātaṃ tato jāye jñātvā śreyasamācaret |
tatkṣaṇānna vilaṃveta svalpe naiva kṛtena hi ||

63b)

na bādhayaṃte doṣāni uṣitvā vādha yantitāḥ |
na vilaṃvya tadā kālaṃ savya eva samācaret ||

sa vauṣadhaissupraśastairbahubhirmaṃgalānvitaiḥ |
paṃcagavyena vā tatra maṃtrayuktena kārayet ||

snānaṃ saubhāgya jananaṃ sarvadoṣa bhayāpahaṃ |
ācāryo maṃtrakalaśai pūrvavadvicoditai ||

sadāti sadyo bālānāṃ pūrvoktānāṃ ca sarvaśaḥ |
sadyaḥ śreyaskaraṃ puṇyaṃ puṣṭidaṃ kāṃtidaṃ śubhaṃ ||

yadā hyanantāstatrasthā mātaraḥ saṃnidhāḥ pṛye |
jighāṃsanti tadā sadyo mahāmātrīṣu pūjayet ||

brāhmī māheśvarī caiva kaumārī vaiṣṇavī tathā |
vārāhī ca tatheṃdrāṇī cāmuṃḍā saptamātaraḥ ||

etāstu mātarāḥ sapta pūjayitvā śivaṃ bhavet |
samastamātṛcakrasya yonayastāḥ prakīrtitāḥ ||

tābhiḥ pūjitamātrābhirupahāraiḥ pṛthagvidhaiḥ |
kṛtsnaṃ mātṛ samuhaṃ tu tuṣṭo bhavati tatkṣaṇāt ||

64a)

pradhānāḥ sarvamātṝṇāṃ etāḥ sapta prakīrtitāḥ |
sitapītaraktakṛṣṇaiḥ puṣpairnānāvidhaistathā ||

pāyasaiḥ kṛsarairmātsyarlehyaiḥ repairaśeṣataḥ |
caturvidhena māṃsena ghasmarairbalibhistathā ||

pūjayitvā tu mālānāṃ sadyaḥ śreyo bhaviṣyati |
tasmāt pradānayāgena guṇabhūtāstu devatāḥ ||

triptā bhavanti sarvatra sarvaśreyo hyavāpnuyāt |
triṃśatkoṭisahasrāṇi svāṃguṣṭhā nirmitā mayā ||

vināyakānāṃ ghorāṇāṃmagnijvalita cetasāṃ |
yaditairvighnitaḥ kaścidabhibhūto bhave naraḥ ||

tatrādhidaivataṃ pūjyaṃ vighneśaṃ tu vināyakaṃ |
anya taṃtropacāreṇa dhyānayogena pūjayet ||

hemaṃ ratnāni dhārūni bījānyeva pradāpayet |
svena svenaiva rūpeṇa sarvaṃ sarveṣu dāpayet ||

vighnaiḥ pramucyate sādhyaṃ tatkṣaṇānnātrasaṃśayaḥ |

64b)

yadi bhūtairgahairghorairmudritāṃ balinairnaraṃ |
tadā bhūteśvaraṃ yojyaṃ pūrvoktena vidhānataḥ ||

rākṣasaiḥ vividhairyatra prāṇino vādhitā dhruvaṃ |
iṣṭvā rakṣodhipastatra sarvaśreyamavāpnuyāt ||

yadā yakṣairasaṃkhyātairati bhūtaṃ kvacinnaraṃ |
tadā vai śravaṇaṃ śīghraṃ yaṣṭvā mokṣamavāpnuyāt ||

aṣṭayonyastathā divyau viruddhā yadi kutracit |
tadā tu bhairavaṃ yāgaṃ kuryācchreyamavāpnuyāt ||

antarbalistu sarveṣāṃ dātavyo bhūri ghasmaraṃ |
tadā bāhyabaliṃ kṣetre dātavyaḥ śreyamicchatāḥ ||

āraṇyako baliścānyaṃ mahiśādyaistathājinaiḥ |
vividhaiśca baliṃ kuryāt sarveṣāṃ tu pradāpayet ||

nadītaṭe śmaśāne vā aṭavyāṃ mātṛmaṃḍale |
prātarmadhyāhnakāle ca sāyaṃ caivārddha rātrataḥ ||

balisteṣu pradātavyāstena tṛptā bhavanti te |
udakaṃ hyannamiśraṃ tu bhūriteṣāṃ pradāpayet ||

yena tṛptāstu te sarve sarvaśreya phalapradāḥ |

65a)

bhavantya vitathaṃ bhadre mātṛvat pālayanti te |
smṛtirmedhā jayaṃ vṛddhi vapurāyuryaśaḥ sukhaṃ ||

naṣṭaṃ balaṃ tu sarveṣāṃ dadatyena bali smṛtaḥ |
evaṃ mṛtyujitā sarvaṃ kartavyaṃ sarvasiddhidaṃ ||

skaṃdagrahāgṛhītānāṃ bālānāṃ pīḍitātmanāṃ |
rati grahaistathā nāryorabhibhūtā bhavet kvacit ||

kārtikeyaṃ tato yaṣṭvā pūrvokta vidhinā dhruvaṃ |
kṣipraṃ tā ca pramucyanti skaṃdādyā ye śiśu grahāḥ ||

yasmin kuleyaṃ daśe tu mudritaṃ kīlitaṃ kvacit |
tatkule naiva yaṣṭeta sarvadoṣairvimucyate ||

tadarddhaṃ tu mayā sarvaṃ rahasya prakaṭīkṛtaṃ |
asmintaṃtre tu sarveṣāṃ amṛteśa vidhānataḥ ||

sarvataṃ mlaṣu sāmānyaṃ mṛtyujit prakaṭīkṛtaṃ |
sarveṣāṃ hṛdayaṃ guptamaprakāśyaṃ mahādbhutaṃ ||

na kena cidahaṃ pṛṣṭo nākhyātaṃ kasya cinmayā |
rahasyaṃ saṃpradāyaṃ ca sarvaśreyaḥ sukhāvahaṃ ||

sādhakasya prayatnā ye bhaktyā hyārādhayanti ca |

65b)

sarvaduḥkhairvimuktāste satyaṃ menānṛtaṃ vacaḥ |
anenaivātmanaḥ kāryaṃ sarvaduḥkhanivarhaṇaṃ ||

bhaktānāṃ svasutānāṃ ca svadārāṇāṃ tu kārayet |
svaśiṣyāṇāṃ tu bhaktānāṃ nānyathā tu prayojayet ||

sarvāśramaṃ gurutvācca bhūpatīnāṃ ca sarvadā |
tatsūtānāṃ ca patnīnāṃ kartavyaṃ tu hitārthinā ||

nitye naimittike kāmye śāṃtyarthe kārayet sadā |
mukhe prakṣālite nityaṃ tilakaṃ śveta caṃdanaṃ ||

saptābhimaṃtritaṃ kāryaṃ doṣanivṛttayet tadā |
snānakāle tathā kāryaṃ tilakaṃ śvetabhasmanā ||

smālabhana puṣpaṃ vā tāṃbūlaṃ vābhimaṃtritaṃ |
dīyate yasya tasyeha na hiṃsaṃtīha hiṃsakāḥ ||

bhojanaṃ cābhimaṃtraiva maṃtreṇānena maṃtravit |
ubhayoścaṃdrayormadhye bhuṃjāno mṛtamaśnute ||

sarvavyādhivinirmuktastiṣṭhate nṛpatiḥ kṣitau |
atha krīḍanakāleṣu gajāśca mahiṣeṣu ca ||

astra krīḍāsu sarvāsu rakṣārthaṃ kalaśaṃ yajet |

66a)

krīḍārthaṃ vijayārthaṃ tu rakṣārthaṃ hiṃsakādiṣu |
yasmādduṣṭāśca vahavo jighāṃsanti nṛpeṣu ca ||

tasmādrakṣā prayoktavyā sarvaśreyaskarī śubhā |
tataḥ suptasya nṛpaternidrā kalaśamarcayet ||

raupyamauṣadhi saṃyuktaṃ caṃdanāgurucarcitaṃ |
kṣīraścodaka pūrṇaṃ vā yajet mṛtyujitaṃ japet ||

sarvaśvetopacāreṇa puṣpadhūpārghapāyasaiḥ |
graṃthe sthitāṃ mahānidrāṃ jagatsaṃmohakārakī ||

sukhārthaṃ nṛpate rātrau jīrṇārthaṃ bhojanādike |
ārabdhā devadevena ājñādanteti bhāvayet ||

tato rātri samagrā tu tiṣṭhate nidrayā saha |
yakṣa rakṣaḥ piśācādyā dusvapne mātarāsu ca ||

bhayaiḥ saṃtrāsaduḥkhaiśca muktastiṣṭhedyathā sukhaṃ |
lokapāleṣu cāstreṣu rakṣārthaṃ nṛpateṣvapi ||

pūjanaṃ cārgha puṣpādyaiḥ kalaśe pūjite sati |
yasyaivaṃ satataṃ kuryājjñānavāṃ daiśikottamaḥ ||

66b)

pūrvoktaṃ sarvamāpnoti ityāha bhagavāṃ śivaḥ |
nimitteṣu ca sarveṣu amṛteśaṃ yajet sadā ||

kāmarūpī yajed yasmāt sarvakāmānavāpnuyāt |
prajānāṃ rakṣaṇārthāya śālīnāṃ sasyasaṃpade ||

sutapatnīṣu rakṣārthaṃ ātmano rāṣṭravṛddhaye |
iṃdrarūpī yajet tasmād bijayārthaṃ nṛpeṣu ca ||

gobhūbrāhmaṇarakṣārthamātmanaḥ svajaneṣu ca |
mahānavamyāṃ pūjyeta bhūri yāgena veśmani ||

pūrvokta śreyamāpnoti āyurārogyasaṃpadaḥ |
astrayāgaṃ prayatnena kartavyaṃ siddhihetutaḥ ||

astrasiddhimavāpnoti prayuktā phalamaśnute |
yadā mṛtyuvaśā prātaḥkālena kalitaṃ nṛpaṃ ||

ariṣṭacihnitādāna deśaṃ vā tatsutādayaḥ |
brāhmaṇādiṣu sarveṣu paurajānapadeṣu ca ||

śālicūrṇādi śasyeṣu phalamūlodakena ca |
durbhikṣavyādhikādyeṣu utpātaiścāpyanuttamaiḥ ||

67a)

tadā nairājanaṃ kāryaṃ rājñāṃ rāṣṭrasya vṛddhaye |
pūrvavadyajanaṃ kṛtvā kalaśenābhiṣiṃcayet ||

niḥśaṃkaṃ nirjane rātrau śubhametat tu daiśikaḥ |
jaya puṇyāha śabdena vedamaṃgalasvastikaiḥ ||

abhiṣiṃcata rājāna siddhārthān homayed bahūn |
nairājanavidhānena nāmāṃkaṃ juhuyāt pṛye ||

vahnau saṃkruddhamanaso ajaṃśca prokṣayedbahūn |
tṛptyarthaṃ bhūtasaṃghasya maṃtrīrakṣārthamudyataḥ ||

śākunoṃtpāśagatyā vā vijñāya śakunaṃ hitaṃ |
yajeṃdra śivavāruṇyāṃ niryātaṃ sarvasiddhidaṃ ||

atha pūrvoktena vidhinā gṛhayāgaṃ tu kārayet |
yāvat saptāhnikaṃ devi bhūrihomena siddhidaṃ ||

tasyācalā mahālakṣmīrājyaṃ vā yadabhīpsitaṃ |
bhaumāṃtarikṣasiddhīni prāpnuyā nṛpatiḥ sukhī ||

tadā nairājanaṃ khyātaṃ sarvaśreyaskaraṃ paraṃ |
pūrvoktaṃ na paśyate doṣaṃ devināstyatrasaṃśayaḥ ||

goṣu madhye yajed yasmā sadāvarddhati gokulaṃ |

67b)

siṃdūraṃ gaurikaṃ vāpi abhimaṃtreta maṃtravit |
yoktavyaṃ goṣurakṣārthaṃ śṛṃgordhve sarvadoṣajit ||

aśvānāṃ rakṣaṇārthāya pūrvoktavidhinā yajet |
abhimaṃtreta kalaśaṃ śirasteṣāṃ pradāpayet ||

siddhārthakāṃ japitvā tu kaṃṭhe kāryaṃ tu murddhani |
sarvadoṣavinirmuktāṃ gajāṃścaiva tu rakṣayet ||

ajeṣu paśavo hyevaṃ rakṣāsarvatra kārayet |
sarvaprāṇiṣu rakṣārthaṃ yoktavyaṃ nṛpateḥ sadā ||

mahāśāntirbhavet teṣāṃ durbhikṣaṃ naśyate sadā |
mahābhayeṣu sarveṣu ulkābhūkaṃpa pātane ||

ati dṛṣṭiranāvṛṣṭiḥ sūciteṣu bhayeṣu ca |
akālotpanna puṣpādīṃ daivai naṣṭaiśca khaṃḍitaiḥ ||

jvaralūtādi doṣaiśca apamṛtyubhireva ca |
duḥkhairnānāvidhaiścaiva āghrātaṃ maṃḍalaṃ yadi ||

karmadoṣāśca yatkiṃci grahadoṣāśca dāruṇāḥ |

68a)

tirobhāvaṃ tu cotpannaṃ maṃtracchidraṃ tathāgataṃ |
vaṭādi viśanāśena kīṭādi sphoṭakādayaḥ ||

vātapittavikāreṣu śleṣmadoṣeṣu sarvataḥ |
arṣāśca cakṣuroṣāśca śaravaisarpakādayaḥ ||

vātajā pittajā doṣā dhātudoṣāstathaiva ca |
vyādhyaṃtarāśca ye cānye kṣatajātaḥ sahasraśaḥ ||

abhyaṃtarastho vyādhyaśca śokādyāścintanāśakāḥ |
abhiśaptāśca ye kecidbrāhmaṇādyeṣu sarvasu ||

tadānupūrvavadyāgaṃ kartavyaṃ śānti hetutaḥ |
pratyahaṃ havanaṃ kāryaṃ rājñorāṣṭravivṛddhaye ||

sukhena bhuṃjate rājyaṃ nātrakāryāvicāraṇā |
sakṛt pūjitamātreṇa naśyante vighnakāriṇaḥ ||

naṣṭādaśadiśo yānti siṃhasyaiva yathāmṛgāḥ |
satatābhyāsayogena dāridryaṃ naśyate kulān ||

yasmin rāṣṭre ca deśe ca vasate maṃtravit sadā |
ītayo vyādhayastatra khārkhodāstaskarā grahāḥ ||

śākinyo vividhā yakṣāḥ piśācārākṣasāstathā |

68b)

bālagrahāśca visphoṭā vyaṃtarā hyaṃtarāśca ye |
sarpā viśānye dośaśca durbhikṣaṃ ripu pīḍinaṃ ||

sarvena prabhavaṃtyatra maṃtravidyatra saṃsthitaḥ |
sa pūjyaḥ sarvajaṃtūnāṃ bhūpatīnāṃ ca sarvadā ||

dānapūjādi sammānairasamaiḥ pūjyate yadi |
tena pūjitamātreṇa sarve maṃtrāstu pūjitāḥ ||

bhavanti sukhadāstatra tanmukhasthāḥ prapūjitāḥ |
sarvatrā cchedakartāra grahāhiṃsanti sādhakaṃ ||

tasmāt grahāṇāṃ dātavyaṃ sarvadevodakodanaṃ |
yaṣṭvā bhūtāni tṛpyante tṛptā na bhavanti te ||

tadā rakṣā prakartavyā daiśikena mahātmanā ||

iti sarvasrotasaṃgrahasāre mṛtyujidamṛtīśavidhāte rājarakṣādhikāro nāma 
viṃśatimaḥ paṭalaḥ ||
śrīdevyuvāca ||

rakṣā tu kathitā deva prāṇināmanukampayā |
kīdṛśī procyate sā tu kasya vā kṛyate kathaṃ ||

vyāpakaḥ puruṣaḥ prokto hyamūrtaḥ sarvadehināṃ |

69a)

dehī bāhyāntarasthosau nirguṇo hyaśarīra kṛt |
kathaṃ tu kṛyate tasya rakṣā kasmā ca rakṣate ||

śarīraṃ sakalaṃ vātha rakṣitavyaṃ kathaṃ ca tan |
pṛthivyādi mahābhūtaiḥ nirmitaṃ coditaṃ kila ||

anya tṛtīyo vā rakṣaḥ kasya daivaṃ kathaṃ vibho |
kasmācca rakṣaṇiyosau kena vā vada śūladhṛt ||

etat sarvamaśeṣeṇa kā rakṣā bhagavanvada |

bhagavānuvāca ||

śṛṇu devi paraṃ guhyaṃ na pṛṣṭohaṃ surāsuraiḥ |
garuḍādyaistathā śiṣyai bahubhirmunibhirna ca ||

tadadyante pravakṣyāmi śṛṇuṣvāyata locane |
vyāpakaḥ puruṣaḥ sūkṣmo nirguṇo niṣkṛyo balaḥ ||

kiṃ tvāṇavastathā karmo māyāyastrividho malaḥ |
tatsaṃbaṃdhāt samalino hyasvataṃtro hyaśaktimān ||

aśuddhaḥ procyate tasmāt malatraya virodhataḥ |
nirmalo vā kathaṃ prokto bhogeṣu savirudhyate ||

69b)

śuddho bhogī na siddhyeta vikalpo bhoga ucyate |
vikalpaḥ sa tu saṃsāraḥ paśoḥ saṃsaraṇaṃ sadā ||

saṃsāryasya tu vaddhasya nirmalatvaṃ yujyate |
āṇavaṃ yanmalaṃ sūkṣmaṃ kāryato hyupalabhyate ||

abhilāṣaṃ tu tatkāryaṃ bhogādīnāṃ pravartakaṃ |
karmayatkaraṇaṃ kāryaṃ deśakālaśarīrataḥ ||

ka *? di yatpṛthivyāntaṃ māyā kāryā vidurbudhāḥ |
evaṃ malatrayopetaṃ saṃsārī saṃsaraṃtyaṇu ||

kośakārakṛmiryadvadātmānaṃ veṣṭaye dṛḍhaṃ |
udveṣṭanena śaktasso(?) tāthātmā pāśapaṃjare ||

yāvanna ceśvaro devo hyanugṛhyāti śaktimān |
tāvat malāvagūhena guṃṭhitastiṣṭhate paśuḥ ||

yadi cenneśvaraḥ kaścit svataṃtramakhilaṃ jagat |
niyamaḥ kāraṇānāṃ tu na bhavedasamaṃjasaṃ ||

balībaṃdaṃ yadā kaścit baṃdhanaṃ pāśavaṃ dhanaḥ |
tṛṇauḥ saṃyojitairbhogairhyasvataṃtrastathā paśuḥ ||

70a)

hyasya pāśahastasya grāhakaḥ kaścidunnataḥ |
samartho dṛśyate yadvattadvadīśopyanugrahī ||

sarveṣāṃ ca sakṛcchaktā svaśaktyābṛṃhitaḥ śivaḥ |
aviyuktā *? sā tasya nijāraśmī raveriva ||

dāhaprakāśikā vahne ūṣmā naiva viyujyate |
tadvadīśasya sā śaktiraviyuktā śivātmikā ||

jagataḥ kāraṇaṃ devi sā caikā bahudhā sthitā |
icchājñānakṛyārūpā kṛtya bhedena vartate ||

aghorā sā tadicchāsyād vyāpikā sā mudāyinī |
ghorājñāna svarūpā tu sā parigraha vartinī ||

ghorāghoraratā cānyā kṣobhikāyā kṛyātmikā |
sā rakṣā sarvabhūtānāṃ sarvarakṣāsurakṣiṇī ||

sā ca dīkṣā samuddiṣṭā dāna * paṇalakṣaṇā |
anenaiva prakāreṇa sarvadoṣanivarhaṇī ||

vyāpakasya sato puṃsaḥ sā rakṣā na vidhīyate |
punaranyaṃ pravakṣyāmi rakṣāsarvasurakṣiṇī ||

70b)

*? latrayavirodhena nānākarmaphalodayā |
śabdādīnāṃ tu viṣaye iṃdṛyāṇāṃ pravartate ||

hṛtpuṃḍarīka madhyasthaṃ dharmādharmapravartakaṃ |
rāgadveṣabhibhūtaṃ ca tṛdhāntaḥ karaṇāvṛtaṃ ||

kāryakāraṇasaṃbaṃdhaṃ karaṇairbhūtaṃraṃprataiḥ |
nibaddhaṃ cinmale naiva śataśotasahasraśaḥ ||

kāryakāryānta * *? tai dharmādharmavicintitaiḥ |
tijavra?lupta caitanyaṃ jīva ityabhidhīyate ||

tasya raktā samuddiṣṭā maṃtrairvividhavistaraiḥ |
dhāraṇāmaṃtrataṃtraiśca śivena paramātmanā ||

jīvarakṣā tu sā proktā kriyāśaktirmaheśvara |
anyā tṛtīyā rakṣā tu śarīrasya tu rakṣaṇī ||

mahābhayebhyaḥ sarvebhyo bhūtayakṣagrahādikaiḥ |
ḍāvyo ḍāmarikābhiśca bhaginyo * mārastathā ||

śākinyo yoginībhiśca mukhamaṃḍakādibhiḥ |
nānāvidhairaśeṣaiśca hiṃsa *? kṛyate dhruvaṃ ||

71a)

yadbhayaṃ tasya śamanaṃ sā rakṣā śaktirucyate |
bhūtajaṃ malinaṃ dehaṃ adhruvaṃ ca aśāśvataṃ ||

vātapittaistathā śleṣmaiḥ sannipātādi * *? raiḥ |
anekaśatasaṃkhyātairdoṣairduṣṭāṃśarīrakaṃ ||

tasya hiṃsanti vahavo hiṃsakā duṣṭabuddhayaḥ |
vātapittarujābhūtāśleṣmajāssannipātikaṃ ||

bhoktukāmāvalikāmāratikāmāstathā pare |
haṃtu kāmāśca vahā vā hiṃsakāḥ sarvajaṃtuṣu ||

vāta sthānaṃ samāśṛtya vātajāḥ pra *? vanti hi |
kṣobhayanti svakaṃ sthānaṃ pittajāḥ pittikantataḥ ||

śleṣmajāśca svakaṃ bhāvaṃ sthānaṃ sānnipātajāḥ |
kṣobhayaṃti vināśārthaṃ deharakṣā ta *? taḥ ||

maṃtrauṣadhi kriyāyoge rakṣā vai śivacoditā |
kartavyā śivadā nityā sā śivāśivahāriṇī ||

balikāmānubalibhirghasmaraista *? yet pṛye |

71b)

bhoktukāmāṃjighāṃsanti naśyante maṃtrayogataḥ |
ratikāmā anekaiśca maṃtraistaṃtraistathauṣadhaiḥ ||

proktopyanugrahastena maṃtre *? maṃtrayoginā |
haṃtu kāmāstu ye proktā durādharṣā mahābalāṃ ||

tathāpi pārameśena maṃtratejo balena ca |
śivaśaktyā prabhāvena naśyante *? trasaṃśayaḥ ||

evaṃ sekṣepataḥ prokto idaṃ bhūtavinirṇayaṃ |
prāṇināṃ tu hitārthāya viṣṭarotyatradarśitaḥ ||

evaṃ hi kriyate rakṣā sujñāta *? kṛtā bhavet |
anyathā svātmaghātāya vartatepyanuyoginaḥ ||

rakṣā bahuprakārāśca kartavyāmnāya darśanāt |
ādhārarakṣā pratha *? jīvarakṣā dvitīyakā ||

tṛtīyāgarbharakṣā tu sūtikāle caturthikā |
paṃcamī bhūtikā rakṣāsnātvā ṣaṣṭhī tu kārayet ||

bālānāṃ saptamī proktā puruṣā?ṇāṃ tathāṣṭamī |

72a)

bhedaṃ tāsāṃ pravakṣyāmi yathādhārādhikārayet |
mātāpitroṃparārakṣā kāryā tatva vicintakaiḥ ||

doṣāṃ kṛtvā supuruṣe saṃbhavantyasya hiṃsa(?)kāḥ |
hiṃsanti rakṣaṇī yosau saṃbhavārthaṃ prayatnataḥ ||

yadā strī mudritā bhūtaiḥstadā garbho na gṛhyate |
eṣā tu prathamā rakṣā ādhārākhyā prakīrtitā ||

* *? raktamayaḥ kāyaḥ sarveṣāṃ prāṇināṃ yataḥ |
tadā tu rakṣitau dvau tu kartavyo maṃtravādibhiḥ ||

ratikāmagrahāye ca kāmācārā hyanekaśaḥ |
pibante reta? *? ktaṃ ca naktaṃ saṃbhavate kathaṃ ||

tasmāt tu kāraṇādreto rakṣitau saṃbhavo bhavet |
saṃbhūtaṃ garbhakaṃ netraṃ saṃrakṣyaṃ garbhapātanaṃ ||

prasūti kāle nārīṇāṃ rakṣāga *? viśāradaiḥ |
kāryārakṣā prayatnena na ca hiṃsanti hiṃsakāḥ ||

yāvanna sūtikā śuddhā tadgṛhasthaṃ tu bālakaṃ |
sūtikā grahadoṣādyā bādhante rakṣayā * *? ||

72b)

tasmāt surakṣitau kāryau hyastrādyaistu vicakṣaṇaḥ |
sūtikāṃ snānakāle tu bālaṃ vāyaca tatsthitaṃ ||

hiṃsanti balino bhūtā tasmāt snānaṃ tu kāra *? |
snātvā taduttaraṃ kālaṃ bālarakṣāsamātrikā ||

dhātrī tu kāraṇaṃ tasya kṣīrasparśādi poṣaṇaiḥ |
tasmāccairakṣitavyādau dhātrī bālastordhvataḥ ||

sarvakā *? carakṣya maṃtrauṣadhi prayogataḥ |
dhāraṇādhyānamudrābhimaṃtrairdhūpairatatritaḥ ||

tilājyādi kṛtairhomaiḥ kalaśairvividhaiḥ śubhaiḥ |
śirasi hyabhi * *? ta rakṣaṇīyaṃ tu sarvadā ||

bālaprabuddhasuptau tu rudamānaṃ prahāsitaṃ |
bhuṃjānaṃ śayanasthaṃ tu tiṣṭhantaṃ krīḍanaṃ tathā ||

prabhāte cārddharātre ca madhyāhne sā * *? care |
saṃdhyākāleṣu sarveṣu rakṣaye tantu bālakaṃ ||

devāsurāṇāṃ bhūtānāṃ mātrīṇāṃ bhaginīṣu ca |
iṣṭagrahapiśācānāṃ saṃdhyākāle tu saṃgamaṃ ||

73a)

saṃdhyāsu sarvāsu rakṣitavyaṃ tu bālakaṃ |
gacchaṃstiṣṭhatsvapaṃ jāgrat sarvakālaṃ tu rakṣayet ||

gacchantaṃ darśanād devi jighāṃsanti jighāṃsakāḥ |
rakṣāhīnaṃ tu tiṣṭhan * *? yatte subhīṣaṇāḥ ||

svasthaṃ kalena suptaṃ tu trāsayanti samantataḥ |
jāgrataḥ kevalaṃ rātrau trāsayanti grahādhamāḥ ||

tasmāt sarvaprayatnena rakṣayet sarvadā śiśuṃ |
* *? nānyairupāyaiśca maṃtravādairvinā pṛye ||

viśeṣādrājatanayaṃ rakṣitavyaṃ hi daiśikaiḥ |
bhāgya suk sru praśastaṃ ca sarvalakṣaṇarakṣitaṃ ||

dṛṣṭvā yatnena du * *? jighāṃsanti śiśuṃ śubhaṃ |
tasmāt sarvaprakāreṇa dhāraṇābhiranaṃtaraṃ ||

prākārāstrena vā devi maṃtrairvā vividhaiḥ śubhaiḥ |
likhitairyaṃtra yogairvā pū * *?ḥ suprayatnataḥ ||

veṣṭitaiḥ kaṃṭhalagnairvā sūtrakaiśca sitādikaiḥ |
dhūpairvividharūpaiśca dhāribhirmaṇibhistathā ||

rakṣoghnaistilakairvāpi nīrāṃja * *? raḥ saraiḥ |

73b)

rakṣaṇīyā sadā bālā rājaputrāviśeṣataḥ |
rājāno rājamāt paṃca sajapantyastathā pṛye ||

anenaiva vidhānena rakṣitavyāṃ suniścitaiḥ |
yasma kṣudrā mahābhūtā mātaro duṣṭa cintakāḥ ||

jighāṃsanti prayatnena nityakālamataṃdritāḥ |
teṣāṃ praśamanārthāya prāṇināmanukaṃpayā ||

maṃtrāstauṣadhaṃ yatrā * *? hābalaparākramāḥ |
anugrahārthaṃ martyānāṃ mayāsarvevatāritāḥ ||

teṣāmeva hi sarveṣāṃ maṃtrāṇāṃ bhūritejasā |
balamojastathā jñānaṃ smṛtirmedhā va * *? yaḥ ||

jīvanaṃ prabhu sarveṣāṃ mṛtyujit kathitaṃ mayā |
bhūriryāgairjapairhomai tapasā saṃyameva ca ||

maṃtrāścāstrāṇi siddhyanti yugadharmānurūpataḥ |
tathā *? li yuge duṣṭe pāpiṣṭhā yena rādhamāḥ ||

teṣāṃ te siddhidā maṃtrā bhavanti na bhavanti vā |
asya devāti devasya kṛtādi yugasaṃsthiti ||

bhāvānurūpa ni * nāṃ tapo na vrata sevanāt |

74a)

sarvabhāvaprasannānāṃ dvaitādvaitajigīṣanā |
daurbhāgyālasya yuktānāṃ pāpopahata cetasāṃ ||

bhaktimātrābalaṃ bandhā * *? te nātrasaṃśaya |
cintāratnaṃ yathāsarvaṃ cintitārthaṃ prayacchati ||

tathā sarvaṃ tu netraṃ vai bhāvitasya karoti hi |
sūryacaṃdrau yathāloke sāmānyenāva * *? kau ||

pṛthivyāpastathā tejo vāyurākāśameva ca |
sāmānyaṃ vartayaṃtyete hyannaṃtkṛddoṣa(?) hṛdyayā ||

tathā sarveṣu bhūteṣu vyāpakaḥ parameśvaraḥ |
* * *? prapaṃcarahitaḥ sarveṣāṃ sarvadaḥ prabhuḥ ||

mṛtyujitparamo deva sarveṣāṃ sarvasiddhidaḥ |
bhaktimātrāvalaṃvindhā?ddhyānadhāraṇa tatparaḥ ||

yosyavettāprapannaśca * *? niṣkaṃpa cetasaḥ |
sasarvaṃ phalamāpnoti sarvasiddhyāruho bhavet ||

iti sarvasrotasaṃgrahasāre mṛtyujidamṛtīśavidhāne iṣṭapātādyadhikāra * *? 
viṃśatimaḥ paṭalaḥ ||
śrīdevyuvāca ||

uktaṃ devena me sarvaṃ yanmayāparipṛcchitaṃ |
adhunā śrotumicchāmi saṃśayaṃ me hṛdisthitaṃ ||

yoginye * *? rāścaiva śākinyo balagarvitāḥ |
kathaṃ parapure prāṇāḥ kṣaṇādākarṣayanti tāḥ ||

kasmācca nirghṛṇā raudrā tāsāṃ vā kiṃ prayojanaṃ |
etat sarva * *? ṣeṇa bhagavanvaktu marhasi ||

bhagavānuvāca ||

śṛṇu devi pravakṣyāmi rahasyaṃ paramādbhutaṃ |
yathā prāṇāṃjighāṃsanti paśūnāṃ patiśāsanāt ||

rāgadveṣa * *? rmuktālobhamohavivarjitāḥ |
yāgārthaṃ devadevasya paśavaḥ prokṣayanti tāḥ ||

na lobhena ca hiṃsaṃti na caiva hi jighāṃsayā |
mahābhairava devasya śāsa * *? layantitāḥ ||

yadartha paśavaspṛṣṭvā svayameva svayaṃbhunā |
paśavaḥ patiyāgārthamupayujanti nānyathā ||

teṣāmanugrahārthāya paśūnāṃ ca varānane |
moca * *? hi pāpebhyaḥ pāśaughāṃ chedayaṃti tāḥ ||

75a)

paśūnāmupayuktānāṃ nityamūrddhamatirbhavet |
trividhena tu yogena yojayanti śivājñayā ||

pare naiva hi sūkṣmeṇa sva * *? tritayena tu |
yojayaṃti na caivātra ghātayanti balena tāḥ ||

paraḥ sarvātmake tatve niṣkṛyo nirmalastu yaḥ |
vyāpakaḥ parameśasya sarvaṃ kāraṇakāraṇaṃ ||

* *? tāntarālasthaṃ sarvānugrahakārakaṃ |
tasminneva niyuktāstā nirmalā vigataklamāḥ ||

ekībhāvamanuprāptā na viyuktāḥ kathaṃcana |
tacchaktau tu vilīnā * *? cchā rūpeṇasaṃsthitāḥ ||

jñātotkarṣāḥ kriyāvasthā yāgayogyāvadhūtikāḥ |
tadbhāvaṃ tu samāsthāya tadrūpā yojayanti yat ||

te muktāḥ śivabhūtāstu * *? ktyā śive ratāḥ |
nirmalā śivabhūtāstu tatprabhāvā bhavanti te ||

yathā yogena dīkṣāyāṃ śivatvamupalabhyate |
tathā vai yogayogena śivatvamupayā * *? ||

75b)

atyantamalinasyāsya prāguktasyādhikāriṇaḥ |
malapradhvastarūpasya nirmalatva bhajaṃtitāḥ ||

mūlacchedena hi paśojighāṃsati malatrayaṃ |
malaya * * * *? sya śarīraṃ na prarohati ||

dīkṣaiva yojane tasya paśornaiva hi ghātanaṃ |
vyāpakena svarūpeṇa svaśakti vibhavena ca ||

troṭayanti pāśoḥ pāśāṃ śarī * * *? naṣṭyati |
śarīreṇa pranaṣṭena mokṣaṇaṃ na jighāṃsanaṃ ||

dṛḍhapāśaprarūḍhasya baddhasya puruṣasya vā |
viyogastu śarīreṇa māraṇantaṃ bidurbudhā ||

* *? paraprakārastu sūkṣmaṃ caivādhunocyate |
sūkṣmaśaktimayaṃ jñānaṃ jñānaśaktyā tu śasyate ||

arāvārāvarāviṣṭyādhvanibhāsāvasānagaṃ |
siddhā * *? ddhidaṃ jñānaṃ khecaryopāsayanti tāḥ ||

ajñānenāvṛtaṃ jñānaṃ paśūnāṃ samalasthitaṃ |
nirmalena tu tā devyo jñānenābhi bhavanti hi ||

yathāprasuptaṃ buddha * *? ḍate tu yatastataḥ |

76a)

madirāsevamānena yathaivonmāditaḥ kvacit |
krīḍate hyasvataṃtratvādvālo vā bhrāmyate kvacit ||

unmatto vā pramattena preryate pa * * *? thā |
mātṛbhirguhyakaiḥ śaktyā svena yogabalena tu ||

jīvamākṛśyate kṣipraṃ paśūnāṃ yogavīryataḥ |
yattatparamamavyaktaṃ śāśvataṃ hyacalaṃ dhruvaṃ ||

taṃ * * * *? yogamārgeṇa praviśya paradehataḥ |
parobhūtvā svaśaktyā tu jīvaṃ jīvena veṣṭayet ||

ākramya taṃ hṛdisthānodadhvorddhena praveśataḥ |
eka * * *? tvamāpādya samatvaṃ tatra cābhyaset ||

paraṃ kāraṇamāśṛtya svataṃtratvaṃ samabhyaset |
vyāpakena svarūpeṇa śaktyāśaktiṃ tu ānayet ||

tadā tatsaṃpuṭa * * *? śānticchedaṃ tu kārayet |
śaktirūpaṃ tato devi tatvamāsthāpayogavit ||

svatatvasattārūpeṇa citsūryatvena tāpayet |
drāvayet tatparastho * * *? raśmiṣu cārkavat ||

76b)

yojayeddhṛdaye sarvān śabdādīnāṃdriyāṇi ca |
bhūtāni rasabhūtāni guṇānyeva hi sarvaśaḥ ||

ataḥ karaṇasaṃghātaṃ gṛhītvā * *? cetasā |
praviśetta tadā yogī puramākramyasarvaśaḥ ||

drutaṃ gṛhītvā tatsarvaṃ kṣipramātmasthamānayet |
tatkṣaṇādānaye jīvaṃ mudrāmaṃtraprayo * *? ||

anena vidhinā sūkṣmaṃ yogaṃ yogī samabhyaset |
tatsarvaṃ prāpnuyāt kṣipraṃ sūkṣmaṃ yogena yogavit ||

sūkṣmayogaḥ samākhyātaḥ sthūlaścai * *? cyate |
piṃḍasthanprayogena piṃḍamākarṣaye dhruvaṃ ||

maṃtramudrāvidhānena vidhināpāśameva ca |
dhyānayogabalenaiva cchummakādyaṃgalakṣaṇai? ||

* *? yaṃtitasaṃdehaḥ paśūnāṃ pāśavaṃ puraṃ |
trividhena tu yogena yogino balagarvitāḥ ||

jighāsaṃti yadā devi tadāśreyaḥ samācaret |
mṛtyu * * *? maṃ devamanṛtaṃ sarvatomukhaṃ ||

77a)

pareṇaiva svarūpeṇa vyāpakatvena maṃtravit |
jñātvā tatparamaṃ yogaṃ maṃtrī vyāpyapaśoḥ puraṃ ||

icchāśaktyātvadhiṣṭhā(?) * * * *? jīvitaṃ śubhaṃ |
saṃrakṣodyogavinmaṃtrī kramaṃ jñātvā tu yogināṃ ||

pūrvoktānāṃ ca sarveṣāṃ hiṃsakānāṃ yaśasvini |
sūkṣmaṃ svaśaktimārgeṇa cakra? * *? ma yogataḥ ||

pūrvoktaṃ graṃthibhedena sūkṣmadhyānena maṃtravit |
mocayet sarvadoṣebhyo nānyathā tu kadācana ||

jñānayajñabalopeto maṃtrataṃtraviśa * *? |
mṛtyujit siddhamaṃtraśca tapasvī saṃyateṃdriyaḥ ||

dhyānamaṃtrādi yuktaśca satvasthā jñānavānbalī |
saṃtuṣṭaḥ paramo yogī aṣṭamūrtividhaurataḥ ||

rāgadve * *? nirmukto lobhamohavivarjitaḥ |
nirbhayaścaiva niḥśaṃko hyanugrahaparāyaṇaḥ ||

pūrvoktai dāruṇairdoṣai mocakaḥ sabhavt priye |
anyathā va * * *(?) stu sattavedātmanāśakaḥ ||

77b)

svakulabhraṃśako duṣṭo narake pacyate dhruvaṃ |
bhūtāśca vividhākāmā taroduṣṭa hiṃsakāḥ ||

yoginyo guhyakā yakṣāḥ piśācā durita kra *? |
* *? likāmābhoktumāhaṃ tuṃ kāmāstathā pare ||

rati kāmāśca sādhyāśca skaṃdādyā brahmarākṣasā |
asaṃkhyātāstu ye keci raurāna teṣāṃ saha kutracit ||

viro * * * *? kartavyo ātmajñaiḥ svārtha paṃḍitaiḥ |
dhanārthibhivāludhvai?śca na kuryāci yaśorthibhiḥ ||

svakudraṃ caṃdranādīnāṃ kāruṇyā caiva kārayet |
nṛpāṇāṃ tatsutānāṃ * * * *? nāṃ ca sarvathā ||

yasmiṃ deśetharāṣṭre vā nivase yogamaṃtravit |
tatra rājā prabhurdeva sā devāśrameṇāṃ guruḥ ||

sarveṣāṃ māśramāṇā ca rājāsaṃpadyate guru(?) |
*? kṛte vartamānasya sahate tāstu mātaraḥ ||

pūrvoktā dāruṇā ghorā praśamaṃ yānti sarvathā |
teṣāṃ valyupahāreṇa bhūriyāgena te nṛpā ||

saṃtoṣayanti(?) * *? dvaita syāt sarvaṃ kṣamantite |

78a)

maṃtravādaṃ hi sarvatra na kāryaṃ śivacintakaiḥ ||

nānāvidhairupāyaiśca śarīraṃ pāṃcabhautikaṃ |
vināśayanti ye ghorā teṣāṃ praśa * * * *? ṇu ||

sthūlaṃ sthūlena bhāvena cūrṇadhūpavilepanaiḥ |
maṃtrauṣadha kriyā yogairāveśana puraḥsaraiḥ ||

yaṃtracakraprayogaiśca jīvarakṣādibhistathā |
* * *? raṇayogaiśca siddhamaṃtraiśca dhāraṇāt ||

mudrāmaṃtravidhijñaiśca gamāgamaviciṃtakaiḥ |
bhūtataṃtravidhaurvīrairauṣadhajñaiḥ sucintakaiḥ ||

saṃyatairapramattai śca * *? saṃkaravarjitaiḥ |
prātaḥ snānaiḥ kṛtā pūjairjapadhyānaparāyaṇaiḥ ||

lakṣalakṣaṇavedajñainiryapekṣaiḥ supeśalaiḥ |
kartavyo maṃtravādaśca nānyatha *? cintakaiḥ ||

yadīccheduttamāṃ siddhiṃ mokṣaṃ vā śāśvataṃ dhruvaṃ |
maṃtravādaṃ na kartavyaṃ ityājñā pārameśvarī ||

anugrahārthaṃ martyānāṃ bhūpatīnāṃ kuduṃvināṃ |
a * *? ha padasthena kartavyo hitamicchatā ||

78b)

kadācidaprabaṃdhena yadi kuryād vinaśyati |
na kṣamaṃti balopetāḥ śivayāgeṣu bhāvitāḥ ||

nitya * *? vīta bhayā bhairavājñānupālitaḥ |
ājñātāste prakurvanti maṃtramudrā prayogataḥ ||

nātmārthaṃ te jighāṃ santi tena te balita smṛtāḥ |
purā deva * *? vena śivena paramātmanā ||

sṛṣṭā hyanena vidhinā piśācānāṃtādiśodaśa |
tadbalena samāviṣṭā janitā balavattarāḥ ||

pravṛttāste mahā * *? pūrvaṃ devi jighāṃsayā |
caturdaśavidhaṃ sargaṃ bhoktuṃ dṛṣṭvā svayaṃbhuvā ||

pūrvaṃ yatastataḥ sṛṣṭā maṃtrāścāmoghaśaktayaḥ |
saptakoṭyastu balino ba * * *? ti pakṣataḥ ||

ye duṣṭā jagato ghorā jighāṃsanti balotkaṭā |
teṣāṃ hi śamanārthāya jagato rakṣaṇārthāya ca ||

maṃtrauṣadhi kriyā yogācchataṣotha * * * *? |

79a)

ājñātāḥ parameśena tadarthaṃ vai pravartanaṃ |
maṃtravādeṣu sarveṣu nājñābhaṃgeṣu nānyathā ||

tatprabhāvācca balino maṃtrāścāmoghaśaktayaḥ |
tadvīryā pūri * * *? śeṣā varṇāstu kevalāḥ ||

mṛtyuṃjayaṃ samākhyātaṃ sarvamaṃtreśvaraḥ prabhuḥ |
na cāsya kaścin maṃtro vā vidyā cājñānulepayet ||

smaraṇāccapalā * * * *? syeva yathā mṛgāḥ ||

iti sarvasrotasaṃgrahasāre mṛtyudamṛtīśavidhāne jīvākarṣayādyadhikāra 
dvāviṃśatimaḥ paṭalaḥ ||
śrī * *? ca ||

maṃtrāḥ kimātmakā deva kiṃ svarūpāstu kīdṛśāḥ |
kiṃ prabhāvāḥ kathaṃ śaktāḥ kena vai saṃprayojitāḥ ||

śivātmakāśca tadeva vyāpakāḥ śūnyarūpi *? |
*? yā kāraṇahīnatvāt kathaṃ teṣāṃ hi kartṛtā ||

amūrtatvā kathaṃ teṣāṃ kartṛtvaṃ copapadyate |
vigraheṇa vinā kāryaṃ kaḥ karoti vibho vada ||

na dṛṣṭo hyaśarī * * *? pakaḥ parameśvaraḥ |

79b)

śarīreṇa yato baddhaḥ kathaṃ baddhasya kartṛtā |
malinatvādasvataṃtro luptaśaktirvibhāvyate ||

śaktihīnasya kartṛtvaṃ viruddhaṃ sarva vastuṣu |
evaṃ śivātmakā maṃtrāḥ kathaṃ siddhyanti vastutaḥ ||

asti cecchakti rūpastu kasya śaktiśca kīdṛśī |
śaktiḥ kiṃ kāraṇaṃ deva kāryaṃ vā kasya kīdṛśaṃ ||

* * *? śaktimān kaścit kasya śaktirvidhīyate |
svataṃtryā na prasiddhyettu vinā siddhena kenacit ||

asiddhena tu yatsiddhaṃ tadasiddhaṃ pracakṣate |
vastuśūte * *? cātra śaktirvai siddhyate kvacit ||

śaktirūpāstu te maṃtrāḥ kevalāstu viparyayaṃ |
atha vedāṇavāmaṃtrā vigrahākararūpiṇaḥ ||

ātma svarūpā vyā * *? balinā balino na hi |
malino malinasyaiva prakṣālayati kasya kaḥ ||

na siddhāddhyāṇavā maṃtrīḥ kaivalāḥ parameśvaraḥ |
tatra tṛyaṃ vināsitvaṃ viru * * *? saṃsthitiḥ ||

80a)

yuktirevātra kartavyā prāṇināṃ hitakāmyayā |
dṛśyaṃte balino maṃtrā hyapradhṛṣyāḥ surāsuraiḥ ||

sarvānugrahakatvena sarvadā sarvagā hi *? |
*? kṣepato maheśāna saṃśayaṃ tu vadasva me ||

tvattaḥ paratonānyadasti kaścijjagatpate * |
brūhi sarvaṃ sureśāna yadi tuṣṭosi me prabho ||

bhagavānuvāca ||

* *? thaśno mahāgūḍho na pṛṣṭohaṃ na kenacit |
coditāstu mayā sarve sarvaśāstreṣu sarvadā ||

na viṃdanti vimūḍhātmā māyadācchāditaḥ sadā |
tatva trayaṃ vinā * * *? tre vaktuṃ na yujyate ||

āstāṃ tāva jagatsarvaṃ tatvaṃ yāvaṃ na siddhyati |
tritatva nirmitaṃ sarvaṃ yatkiṃcidiha dṛśyate ||

tatva trayaṃ vinādevi na padārtho hi vidya *? |
smāttattva trayaṃ sarvaṃ paraṃ cāparameva ca ||

śivātmakāḥ śaktirūpāstathā maṃtrāṇa cātmakāḥ |
tattva traya vibhāgena vartante hyamitaujasāḥ ||

paraṃ sarvātmakaṃ * * *? nādyaṃ kāraṇaṃ dhruvaṃ |
aprapaṃcamanirdeśya manaupamyamanāmayaṃ ||

80b)

nirābhāsaṃ paraṃ śāntaṃ sarvāmayavivarjitaṃ |
vyāpakaṃ sarvato bhadraṃ sarvajñādi guṇai * *? ||

jñānaghanasaṃpūrṇa svānaṃdānaṃdanaṃditaṃ |
nirānaṃdaṃ nirvikalpaṃ nirācāraṃ nirakṣaraṃ ||

advaitaṃ kalpanā hīnaṃ cidvyanaṃ cinmalāpahaṃ |
cidacidvyāpakaṃ * * *? tyoditamanuttamaṃ ||

nirvikāraṃ paraṃ nityaṃ nirmalaṃ nirupaplavaṃ |
sarvo *? mānarahitaṃ sarvabhāvavivarjitaṃ ||

sarvarūpaṃ kalātītaṃ acalaśāśvataṃ vi *? |
* * *? tva kalāmaṃtra bhuvanākṣaravarjitaṃ ||

sarvabhūtāṃtarasthaṃ tu sarvabhūteṣu saṃsthitaṃ |
sarve maṃtrāstu tatrasthā sarvatrāṃtargataṃ vibhuṃ ||

sarvadaṃ sarvabhāvasthaṃ sarva * * * *? vanaṃ |
hṛdisthaṃ sarvabhūtānāṃ prerakaṃ sarvajaṃtuṣu ||

na tena rahitaṃ kiṃci dṛśyate suravaṃdite |
tasmāt sarvagataṃ viśvaṃ sa ekaḥ parameśvaraḥ ||

sarvajño * * * * *? tasya bodho hyanādimān |

81a)

svataṃtro luptaśaktiścānaṃtaśaktirmaheśvaraḥ |
tasya cecchā maheśasya nirvikalpaḥ kathaṃcana ||

ameyatvādanādi tvāt kathaṃ * * *? labhyate |
kāryato hyanumānena vastutaḥ paribhāvyate ||

kārya tasya parā śakti yathā sūryasya raśmayaḥ |
vahni ūṣmeva vijñeyā hyavinā bhāva tasthi *? ||

* * *? dakarī bhadrā śivasyecchānuvartinī |
taddharmadharmiṇī śāntā nityānugrahaśālinī ||

vivartametatsarvaṃ hi tacchaktenānyato bhavet |
sānaṃdā tu * * * *? nirānaṃdaḥ paraḥ śivaḥ ||

sarvajñādi guṇā ye ca śivasya paramātmanaḥ |
śāktāstenānyato dṛṣṭā hyanyathānopapattitaḥ ||

ekaḥ śivastathaikā tu śa * * * *? śāśvatī |
abhisthā dvaitasaṃsthā ca saivaikā sāmudāyinī ||

icchārūpā śivasyaiṣā hyabhinnā sarvatomukhī |
kiṃ ciducchūnatāpattiḥ sarvajñādi guṇāsta *? ||

81b)

na rūpe tu saivaikā yadā bodhayatekhilaṃ |
bodho hyanādimānyattatparaṃ jñānaṃ tu sā smṛtā ||

jñānaśaktiriti khyātā sarvajñādi guṇāspadā |
asvataṃtra * * *? sā kriyā kāraṇarūpiṇī ||

vaṣṭarūpāṣṭa bhedena syoṭādi(?) dhvanirūpiṇī |
mātṛkā sā vinirdiṣṭā kṛpāśaktirmaheśvaraṃ ||

kriyākhyā paramā sā tu * * * *? ya rūpiṇī |
evaṃ kvateti sā proktā ekānānya svabhāvajā ||

svabhāvotthā svabhāvā tu svāsvataḥ svoditā śivā |
vyatiriktā na caivaiṣā kartṛ * * * * cyate ||

śivasya paripūrṇasya svataṃtrasya vibhoryataḥ |
kaḥ kartā kṣobhakaḥ kovā tasyā tadvaitatā śive ||

yattasya sarvakartṛtvaṃ sā śakti tupacaryate |
* * * *? rute sṛṣṭiṃ sthitiṃ vilayasaṃhṛtī ||

karoti bhagavān sarvastirobhāvamanugrahaṃ |
kriyāśaktyā tu sṛjate jñānaśaktyā jagatsthitiṃ ||

saṃhāraṃ rudra * * * *? ro bhāvaṃ tu māyayā |

82a)

anugrahaṃ tu jyeṣṭhāyā kāryate nāmasaṃcayaḥ |
kṛtyaṃ paṃcavidhaṃ śaṃbho jagato vidyateryataḥ ||

kriyayā na vikalpyaṃ tu sarvaṃ jñāsa * * *? taṃ |
yatastataḥ śaktireṣā śivasyaivānumīyate ||

ātmā devo hyanantaśca malenaiva nirodhitāḥ |
te tu gṛhītāḥ parayā parameśasya cecchayā ||

* * * *? stathātmā ca tritatvaṃ vedyamuttamaṃ |
trisvarūpastathā devo rudroviṣṇupitāmahaḥ ||

karoti ṣaṭvidhāṃ sṛṣṭiṃ caturbhedavibheditāṃ |
thatanārakiti * * * * *? suramānuṣāt ||

jarāyujāṃḍajā devi tathā ca svedajodbhijāt |
śaktyā tu bhagavān sarvaṃ karoti vibhu śaktitaḥ ||

nimittakāraṇaṃ devo yathāsu ya * * *? yā |
upādānaṃ tu sā śakti cakṣudhvā samavāyataḥ ||

yathārka raśmi saṃsparśāt sūryakānto maṇirmahān |
tejaḥ prakurutepyarthaṃ ubhābhyāṃ naiva kā * *? ||

82b)

yaskāntamaṇirdṛṣṭvā lohaḥ prakurute priyā |
ubhayornaiva kāmosti nimittaṃ tu tathā punaḥ ||

sūkṣmatvānopalabhyeta yastābhyāṃ pracodakaḥ |
tādṛksva * * * *? to nānta bhūtontakāraṇaṃ ||

upādānaṃ tu sā śakti sarvatraiva vibhāvyate |
yathā sarvaṃ suniṣpannaṃ kṛyāśaktyā pradṛśyate ||

kṣobhyakṣobhakabhāvaṃ tu pratya * * * *? rharin |
pārśvāṃtaṃ samavāyaṃ tu kāraṇaṃ tu vidurbudhāḥ ||

akāmataḥ sṛjetsarvaṃ śaktyāsarvaṃ carācaraṃ |
evamuktena vidhinā maṃtrāḥ sarventritattvajāḥ ||

* * *? śaktirūpāśca tathaivātma svarūpakāḥ |
trisvabhāvāḥ samuddiṣṭā sarvatra balaśālinaḥ ||

bhavanti sarvadāḥ sarve sarvagāsarvarūpiṇaḥ |
śivo hyanādi * * * * *? taḥ prathamo balaḥ ||

icchayā tu yadā deva prasaraṃtyavilaṃbitaḥ |
sā śaktiḥ paramāsūkṣmā unmanā śivadharmiṇī ||

astitvamātramātmānaṃ kṣo * * * * *? yadā |

83a)

samanā sā vinirdiṣṭā śaktiḥ sarvādhvavartinī ||

kroḍī karoti yā viśvaṃ saṃhṛtya sṛjate punaḥ |
kauṃḍilyākhyā mahāśaktistṛtīyā hyu * * * *? ||

rūpaṃ dyadāsphoṭaṃ adṛṣṭaṃ śivavigrahaṃ |
prasaratyati vegena dhvaninā pūrayejjagat ||

sanādo devadeveśaḥ proktaścaiva sadāśivaḥ |
dhvani ra * * * * *? viśramatyanurodhataḥ ||

nirodhīnāmavikhyāta sarve deva nirodhakaḥ |
niruddhasya maheśatvaṃ abhimānaṃ pravartate ||

asaṃkhyātāstu koṭyo vai * * * * * *? sthitāḥ |
labhaṃtetra praviṣṭā ye tadviṃduṃ ceśvaraṃ smṛtaṃ ||

yadāśivāmṛtaṃ mūrddhni patate sṛṣṭikāraṇaṃ |
āpyāyaṃ bhavate tena sorddhacaṃdra iti smṛtaḥ ||

* * * *? rva varṇānāṃ sṛṣṭikāraṇa eva ca |
makāro hyatra vai rudro varṇasaṃghaṭṭa uttamaḥ ||

yadā sthitaṃ tu labhate sonmukhaṃ sṛṣṭikāraṇaṃ |
pratiṣṭhākhyo hyakā * * * *? sākṣādbhavatyasau ||

83b)

nivṛttistu yadā sarvaṃ niṣpannaṃ praṇavaṃ viduḥ |
uṃkārākhyaṃ paraṃ vāma brahmāsau kamalāsanaṃ ||

maṃtrasṛṣṭirbhavedeṣā śivasya paramā * *? |
* *? ṣṭavidhabhedena varṇapaṃcāśarūpiṇī ||

jñānaśaktiḥ parāsūkṣmā mātṛkāṃtaṃ vidurbudhāḥ |
sāyoniḥ sarvamaṃtrāṇāṃ sarvamātrāraṇi sthitā ||

juho * * * * *? laṃ sāmṛtaṃ sṛṣṭi saṃyutaṃ |
tenāsau devadeveśo hyamṛteśaḥ parāparaḥ ||

mṛtyuruttārayed yasmāt mṛtyujit tena kathyate |
bharaṇāt prakṛ * * * *? bhairava iti smṛtaḥ ||

evamādyā smṛtā maṃtrāḥ sarvehāmṛta tejasaḥ |
adhikāraṃ prakurvanti sarvasya jagato priye ||

mocayanti hi saṃsādyo ja * * * * * *? ve |
mananatrāṇadharmitvā tena maṃtrā iti smṛtāḥ ||

tasmāt sarvagatā maṃtrāḥ sarvadāstitritatvajāḥ |
śivaśaktyātmarūpāstu nityānugraha śa * *? ||

* * *? kti prabhāvāśca śivadā śivahārikāḥ |

84a)

jñātamātrā hi phaladā bhogamokṣapradāyakāḥ |
yatteṣāṃ sarvadevitvaṃ sarvaśaktitvameva ca ||

tacchiva * * * * *? śaktitvaṃ sarvakartṛtā |
sarvānugrahakartṛtvaṃ sarvatra phaladāyakaṃ ||

ātmatve yatsvarūpaṃ tu trividhaṃ sādhanaṃ smṛtaṃ |
maṃtradhyānaṃ tathā mudrā sā * * * * * *? taṃ ||

dīkṣāmaṃḍalasaṃskāraṃ yajanaṃ tapanaṃ tathā |
homakriyā tathā lekhyaṃ dhyānaṃ dhāraṇayoḥ kriyā ||

mudrābaṃdhastathā yogo yajanaṃ tu kṛ * * *? |
* *? maṃtrāḥ samākhyātāḥ sarvatraivādhikāriṇaḥ ||

iti sarvatrasrotasaṃgrahasāre mṛtyujidamṛtīśavidhāne maṃtravicāravarṇano 
nāma trayoviṃśatimaḥ paṭaḥ ||
śrīdevyuvāca ||

asaṃkhyātāstu koṭyāvai maṃtrāṇāmamitaujasāṃ |
uktā devena sarvajñāḥ sarvadāḥ sarvagāḥ śubhaṃ ||

84b)

* * *? rveśvarāḥ śaktāḥ sarvatraivādhikāriṇaḥ |
teṣāmeveti sarveṣāṃ kathamapyadhiko balī ||

maṃtrarādyarameśānaḥ kathaṃ mṛtyuṃjayaḥ paraḥ |
sa * * * *? mutpannaṃ hṛdi deva vadasva me ||

pūrvoktaṃ maṃtrasadbhāvaṃ hṛdaṃ deve nāmakaṃ |
tadaśrotumicchāmi parāṃ kotūhalaṃ hime ||

bhagavānuvāca ||

śrūyatāṃ * * * *? mi saṃśayaṃ me hṛdi sthitaṃ |
maṃtrakoṭyā hyasaṃkhyātāḥ sarve sarvādhikāriṇaḥ ||

śivaśaktiprabhāvācca sarvaśaktisamanvitāḥ |
bhogamokṣa * * * * *? śaktibalabṛṃhitāḥ ||

kiṃtu devi paraḥ śānto hyaprameyo guṇānvitaḥ |
śivaḥ sarvātmakaḥ śubhro bhāvagrāhyo hyanuttamaḥ ||

āśrayaḥ paramasteṣāṃ * * * * *? meśvaraḥ |
tadicchayā samutpannā taṃ cchaktyāsaṃpracoditāḥ ||

bhavanti phaladāḥ sarve sarvetraivādhikāriṇaḥ |
yade tatparamaṃ dhāma sarveṣāmālaya * *? ||

85a)

* * *? vasamutpannā maṃtrāśvāmoghaśaktayaḥ |
nityo niyāmako hyeṣāṃ netā ca niranuplavaḥ ||

niṣprapaṃco nirābhāsostrāyakaḥ kāraṇaḥ śivaḥ |
tra * * * * * * *? tāraṇaṃ tu svacetasā ||

nayate mokṣa bhāvaṃ tu tārayen mahato bhayān |
nayanāśca tathā bhrāṇā netramityabhidhīyate ||

jīvanaṃ sarvabhūteṣu netrabhūtaṃ * * * *? |
* *? sta maṃtrajātasya svāmivatparameśvaraḥ ||

praṇavaṃ prāṇināṃ prāṇaṃ jīvanaṃ saṃpratiṣṭhitaṃ |
gṛhnāti praṇavaṃ sarvaṃ kalābhiḥ kalayecchivaṃ ||

ṣaṭprakāraṃ ma * * * * * *? ra pade sthitaṃ |
juhoti vidyayā sarvaṃ juṃkāreṇa prabodhitaṃ ||

svarūpaṃ yatsvasaṃvedyaṃ samyaksaṃtṛptilakṣaṇaṃ |
sarvāmṛta padādhāraṃ savisargaṃ paraṃ śivaṃ ||

* * * * * *? tena pūrṇāhutyā tu mūlayā |
svācārayā svabhāvasthā svasvarūpā sadoditā ||

icchājñānakriyārūpā yā caikā śaktiruttamā |
tayā prakurute * * * * *? tsa śiva smṛtaḥ ||

85b)

udgīthākṣarasaṃyuktā tattvavarṇapadātmakaṃ |
bhuvanāni kalāmaṃtrāḥ kāraṇāni ṣaḍeva tu ||

brahmāviṣṇustathā rudra īśvaraśca sadāśivaḥ(?) |
* *? śceti svaśaktyā tu ṣaṭtyāgāt saptame layaḥ ||

akāraśca ukāraśca makāro biṃdureva ca |
arddhacaṃdranirodhī ca nādonādānta eva ca ||

kuṃḍalī vyāpi * * * * * *? tastu sā mayā |
niṣkalaṃ cātma tatvaṃ tu śaktiścaiva tathonmanā ||

sā bhāsaṃtaṃ nirābhāsaṃ paratatvamanuttamaṃ |
ṣaṭtyāgāt saptamaṃ proktaṃ layamāla * * * *? ||

* * *? rve pralīnāstu tatsamāstatprasādataḥ |
yacchakti bṛṃhitāḥ śaktāḥ paripūrṇā bhavanti hi ||

kramasteṣāṃ pravakṣyāmi yathā līyanti suṃdari |
akāraṃ * * * * * * *? taṃ yāvadadhvanaḥ ||

kalāṣṭakena saṃyuktaṃ kalayet sarvaṃ jaṃtuṣu |
siddhiriddhi dyutirlakṣmī medhākāntirdhṛtiḥ sukhaṃ ||

sadyā brahma kalā jāte * * * * *? saṃsthitaṃ |

86a)

rajorakṣāratiḥ pālyāṅkampātṛṣṇāmatiḥ kriyā |
vṛddhi māyā ca rātrī ca bhrāmaṇī mohanī tathā ||

manonmanīti vikhyātā vāma de * * * * *? |
kaṃṭhāntaṃ yāvat svapnasthā viṣṇvaṃśe tu sthitā imāḥ ||

tamo mohā kṣudhā nidrā vyādhimṛtyubhayājarā |
aghorasya kalā hyetā raudrāṃśe tu vya * * *? ||

* * *? yāvatsauṣuptaṃ taijasī vyāptiruttamā |
nivṛttiśca pratiṣṭhā ca vidyāśāntistathaiva ca ||

puruṣasya kalā hyetā īśvare tu vyavasthitāḥ |
vādyāva(?) * * * * * * *? taṃ yāvadrajvalāḥ ||

śāntāvasthā tu turyākhyā nādākhyā saṃpracakṣyate |
vyāptiḥ sadāśive sānta vyomākhyā śūnyarūpiṇī ||

vārāsutārātara * * * * * *? tāraṇī |
dvādaśānta padārūḍhā turyāttān raśmivasmṛtā ||

īṣānasya kalāhyetā paṃcaivaṃ kāraṇātmikā |
sthūlametatsamākhyātaṃ brahmāṇaṃ * * * * *? ||

86b)

*? kṣmameva manovakṣye hyadhvānai tu yathā sthitaṃ |
yadarddhacaṃdra kathitaṃ plāvitaṃ biṃdumūrddhani ||

śaktyāmṛtaṃ tadudiṣṭaṃ kalāyuktaṃ maheśvari |
jyotsnā * * * * * *? suprabhāvimalāśivā ||

arddhacaṃdrakalā hyetāḥ sarvajñaḥ parasaṃsthitāḥ |
vidyāvaraṇasaṃvaddhā maṃtrakoṭivibhūṣitāḥ ||

kriyāśakti sva * * * * * *? vimalāḥ śubhāḥ |
baṃdhunī rodhanī raudrī jñānabodhā tamopahā ||

nirodhikā kalā hyetāḥ sarvadeva nirodhikāḥ |
nitya tṛptā mahābhāgā va * * * * * *? kāḥ ||

iṃdhikā dīpikā caiva rocikā mocikā tathā |
ūrdhvagāminya ityetāḥ kalānādasamudbhavāḥ ||

etā svataṃtratā yuktāḥ sakale ni * * * *? |
*? na śakti svarūpāstu jñātāḥ sarvajñadāyikāḥ ||

sūkṣmā caiva susūkṣmā ca amṛtāmṛtasaṃbhavā |
vyāpinī caiva vikhyātā śaktitatvaṃ samā * * *? ||

87a)

* * * *? kti saṃbaddhāścicchaktyāsanaveṣṭitā |
śakti tatve sthitā hyetāścinmātrāvadhilakṣitāḥ ||

vyopinīvyomarūpā ca anantānāthasaṃjñi *? |
* * * * *? heśāni vyāpinyastu kalā smṛtā ||

sarvajñā sarvadā bhadrā sādanāspṛhaṇā dhṛtiḥ |
samanā ceti vikhyātā etāḥ śiva kalā smṛtāḥ ||

icchā * * * * * *? icchāśaktipradāyikāḥ |
śivatatvaṃ samāśritya susaṃpūrṇārṇava prabhā ||

anantaśakti sasthānā sūkṣmaścātyantanirmalāḥ |
samanāntaṃ varā * * * * * *? manantakaṃ ||

ṣaṭkāraṇa padākrāntaṃ sthūlaṃ sūkṣmaṃ prabhedataḥ |
śaktyādi samanāntaṃ hi sūkṣmavijñāna gocaraṃ ||

tadūrdhve tu parāśāntaṃ aprameya manāmayaṃ(?) |
* * * * * * *? vijñātvā mocayate guruḥ ||

tatrāsau nirmalo hyātmā svaśaktyādhārasaṃsthitaḥ |
jñānakriyāsamāviṣṭa cinmātro niranuplavaḥ ||

sarvabhāva padāṃ * * * * * *? vivarjitāḥ |

87b)

nirmalasphaṭikākāra svātma ātma vyavasthitaḥ |
tatrasthasya ca yā śakti tasyānugrahakāriṇī ||

yāvanna bhavate devi tāvadātmā śivānā(?) *? |
* * * * *? nā śuddhakamalaṃ nārkaraśmibhiḥ ||

yāvannādbhāsitaṃ sarvaṃ tāvadīśan pravistaraṃ |
yathārka raśmi saṃyogāt kamalaṃ prasare kṣaṇāt ||

śivaśaktyā tathā * * * * * * * *? śivaḥ |
sarvajñādi guṇairyukto bhavate ca śivo yathā ||

nirābhāsaḥ paraḥ śāntaḥ aprata *? manuttamaṃ |
yāvanna pūrṇatāṃ prāplastāvatsābhāsa(?) ucyate ||

ya * * * * * * * *? ktyātmā vai prasāritaḥ |
tataḥ prasara raśmi(?) vā? gṛhītastu parassadā(?) ||

śi * * * *? deveśi *? vibhāgena? sarvaśaḥ |
evaṃ jñātu maṃtrāṇāṃ maṃtratvaṃ kurute sadā ||

* * * * *? staḥ sarve bhāgamokṣaphalapradā |
na viṃdeta yadā maṃtrī sṛṣṭisaṃhārakāriṇī ||

udayāsta svarūpeṇa maṃtrā hyalpa phalapradāḥ |
bhogamokṣaṃ navacchanti(?) japtā(?) dhyā? * * * * *? ||

* *? tphalaṃ prayacchati śivājñāsaṃpracoditāḥ |
yadā tu viṃdate maṃtrī utpatti sthiti saṃhṛtīḥ ||

udayāsta *? rūpeṇa maṃtrāṇāṃ mamitaujasāṃ |
īṣatphalaṃ * * * * * * * *? vidāyinaḥ ||

88)

sanmukhāśca bhavaṃtyete sādhakasya bhavaṃti hi |
evaṃ śivājñayā viṣṭāḥ śivībhūtāḥ śivapradā ||

bhavanti vigatā yāsā nirdoṣā * * * * *? |
* *? syāsya prabhāvena śivasya paramātmanaḥ ||

amṛteśasya devasya mṛtyujidbhiravasya tu |
parāparavibhedaṃ ca yo viṃdatyasya sarvaśaḥ ||

socirādamṛ * * * * * *? nnātrasaṃśayaḥ |
ye prapannāsya maṃtrasya kṛtakṛtyā bhavanti te ||

yena yena hi bhāvena yadyatphalajigīṣayā |
yadyadā śrayate bhaktyā tattatphalamavāpnuyāt ||

* * * * *? mākhyātaṃ mayā tubhyaṃ na cānyathā |
yadāhaṃ codito devi sarvānugrahakārakaḥ ||

gūhapraśnena tatsarvaṃ mayā te prakaṭīkṛtaṃ |
iti saṃkṣepataḥ proktaṃ * * * * * * * *? ||

na deyaṃ pāpaśīlānāṃ krodhināṃ kāmināṃ tathā |
guru niṃdā parānāṃ ca devamaṃtravidūṣiṇāṃ ||

nāstikānāṃ śaṭhānāṃ ca kṛyādharma bahiṣkṛtaṃ |
deyate * * * * * * *? putrābhyāṃ ca nānyathā ||

89)

svadīkṣitānāṃ bhaktānāṃ gurudevāgni pūjanaṃ |
vinā samaya dīkṣāṃ vai na dadyāt su pṛyasya ca ||

sarvathā naiva dāttavyaṃ * * * * * * * *? |
ājñābhaṃgena deveśi dehapāto bhaviṣyati ||

dadāti yadi mohena snehena dhanalipsayā |
gacchate narakaṃ ghoramityājñāpārameśvara ||

* * * * * *? śasya pālanāt siddhimāpnuyāt |
palanācca bhave devi mṛtyujit parameśvaraḥ ||

iti mṛtyujidamṛtīśavidhāne maṃtramahātmya * * * *? caturviṃśatimaḥ paṭalaḥ ||

samāptamidaṃ mṛtyujidamṛtīśavidhānaṃ saṃpūrṇamiti śubham ||

saṃvat 320 caitraśudi śani dive * * * * * * *? viśveśvara likhāpitamidaṃ 
pustakaṃ || paṃḍitakīrtidhara likhitaṃ mayā || oṃ namaḥ śivāya || oṃ namo 
bhagavate vāsudevāya ||





###########   END OF FILE  #######