#################################################### MUKTABODHA INDOLOGICAL RESEARCH INSTITUTE Use of this material (e-texts) is covered by Creative Commons license BY-NC 4.0 Catalog number: M00539 Uniform title: amṛteśvaradikṣāvidhi Manuscript : NGMCP 5-4867 Reel No: A 231/17 Description: Ritual manual Notes: Manuscript selected by Mark S.G. Dyczkowski, anddata-entered by the staff of Muktabodha under the direction of Dr. Anirban Dash. Internet publisher : Muktabodha Indological Research Institute Publication year : Publication city : Publication country : India #################################################### prācīnatāḍapustakoddhṛtaḥ amṛteśvaradīkṣāvidhiḥ p. 1b) mahākaulakeyo netrāmṛtabhairavoktamatake vyāpyasthito duskṛtāt || 5 || tattu daśanarūpato vibhutayā sāvaraṇatve sthito viśvaṃ bhuktaphalai pradai karasiko mṛtyuñjayo nityaśaḥ | kāruṇāmṛtavārisecanatayā sāṃsārikān bodhayanma * śrīgururūpavāraṇatayā devo'mṛtīśo'vatāt || 6 || jyotirūpaṃ śivaṃ śāntamakṣa * paramāmṛtam | namasyāmi mahādevamamṛtīśaṃ śriyāyutam || 7 || vāmotsange mahādevīṃ śrīyaṃ lokaika mātaram | udvahanparamānanda camatkāreṇa ghūñcitam || 8 || namaskaromi satataṃ bhaktyā vākkarmma mānasaiḥ | parāmṛtīśa sujyotimānandamamalaṃ vibhum || 9 || amṛtabhairavapūjane ṭippaṇaṃ guruvarairgaditaṃ tu yathakramam | samavagamya maheśavarāgamaṃ viracayāmyahamārtiharasya tat || 10 || mṛtyujinnetra sannāmno bhairavasyāmṛtātmanaḥ | likhyate vidhinā dīkṣā mayā viśveśvareṇa tu || 11 || jñātvādau guruvaktratastadanu vai divyāgamācchāmbhavāt paścāt svānubhavācca maṃtravilayaṃ vighneśvareṇā * * t | devasyāmṛtabhairavasya vidhinā dīkṣā kramaṃ likhyate tattvārthādi viśodhanena parato mukti śiśorāptaye || 12 || iti namaskāraḥ || dīrghāyuṣyaṃ vīrutatvaṃ śarīre saddeśeṣu janmalābho dhanāḍhye | yūte vatse mātavatvaṃ sulābhādvartmne vāñchā yasya nābhūtmṛto'sau || 1 || mānuṣyaṃ prāpya saṃsāre saddeśe janmasauṣṭhavam | tatrāpyavikalāngatvaṃ dharmavāñchāmanīṣitā || 2 || gurau deve lingine ca deśike sādhake tathā | yasyānatiśayī bhaktirvartate janmanaḥ phalam || 3 || mānuṣyaṃ prāpyasajjanma devairapi sudurlabham | ye yajante'mṛtīśākhyaṃ bhairavante'marā narāḥ || 4 || sāphalyajanmanaḥ kartuṃ yasyamīhā pravartate | tadā'mṛtīśvaraṃ devaṃ bhaktyā saṃpūjayecchivam || 5 || iti mānuṣyajanmaślāghanā || jalabudvudanikarasame saṃsāre ghoraghoratare | nipatanti mandamatayo viṣayāsaktā muhurmohāt || 1 || p. 2a) sambhāvayanti satatamahamiti bhāvnena naśvare jagati | madhuviṣavatparipāte viṣayāsaktāstanuṃ mohāt || 2 || saṃsārantaralataraṃ ghorāghoraṃ bhīṣaṇaṃ manujāḥ | saṃprāpyaye yajantena śivaṃte vaisunārakiṇaḥ || 3 || iti saṃsāranindā || dhanāḍhyaṃ māninaṃ śūraṃ rūpavantaṃ priyaṃvadam | yuvānaṃ taruṇaṃ vṛddhaṃ yamonayatinirghṛṇaḥ || 1 || vedavijñānasaṃpannaṃ mūrkhaṃ kāvyakaraṃ naram || rājānaṃ sārvabhaumaṃ ca yamonayati nirdayaḥ || 2 || pāśajālaṃ viniṣkṣipya kaṇṭhe mṛtyusuharṣitaḥ | mārayan mudgareṇa saumānavaṃ nayati kṣaṇāt || 3 || gṛhaṃ dhanaṃ putra kalatra bāndhavān sukhāni rājyāni ca karmajāni | saṃtyajya sarvaṃ manujāḥ prayānti śubhāśubhaiḥ karmayutāḥ svamṛtyum || 4 || itya nityatā || māyī pāśavaṃ kārmapāśamakhilenāstīrya saṃyantraṇātrā sānnetramudīrayanti ca tato mṛtyormukhāttāraṇāt | tasmān mṛtyujitetyayaṃ nigadito lakṣmīśvaī saṃyuto bhaktānāmamṛtatva yogapadavī dāne'mṛtīśaḥ smṛtaḥ || 1 || tasmācchī devī karātpragṛhya vidhipūrvakam | dīkṣāṃ nirvāṇasambhoga dātrī munmanadāyikām || 2 || yāvanna nirmalo hyātmāva * śaive taducyate | patrasthaḥ puruṣaḥ sarvvaṃ vetyatīta manāmayam || 3 || sanniyemyendriya grāmaṃ tattatvaṃ śaktilakṣaṇam | nirmalaṃ na bhaveddevi yāvaccha * na śodhitam || 4 || dīkṣājñānāgninā śodhyamātmānañcaiva nirmalam | ye vidanti na caivānyaṃ vindanti paramaṃ padam || 5 || rudrākṣaṃ ca tripuḍrañca arcanaṃ japameva ca | havipradānaṃ puṣpaṃ ca homodhyānastathaiva ca || 6 || pratiṣṭhā snapanaṃ caiva dīkṣāhīnasya niṣphalam | kimanyai maṃtra vṛndaiśca devatārādhanena vā || 7 || yatraiva devadeveśo dhyāto japtaśca pūjitaḥ | tatra sannihito bhaktyā dīkṣānairvāṇikī kṛte || 8 || brahmahatyā sahasrāṇi gostrī bāla śatāni ca | pātakāni vinaśyanti dīkṣā nairvāṇikīkṛte || 9 || p. 2b) ityātmaśaktiśodhanatvena dīkṣāmāhātmyam || atha guruśiṣyalakṣaṇamāha || śubhadeśa samudbhūtaḥ śubhava * samāśrayaḥ | śubhavācā sadācāraḥ śubhaṃ mārgaprabodhakaḥ || 1 || darśanāhlādajanakaḥ sarvāvayavasaṃyutaḥ | sarvaśāstrakṛtābhyāsaḥ sarvamārgapravartakaḥ || 2 || kulākulavibhāgañca svasaṃbandho * sodayaḥ | sadājñānandamuditaḥ śivadarśanapāragaḥ || 3 || dravyādilobharahitastyāgī śarvajanāśrayaḥ | nirācārapadasthopi satkṛpāparipālakaḥ || 4 || kramāyāta kramapade vijñānaughavisāradaḥ | yo guruḥ sa śivaḥ sākṣādbhavabandhavimocakaḥ || 5 || tama vāpyamahāpuṇyai śiṣyeṇā mandabuddhinā | trividhenātmanāṃ sevyaḥ karmaṇā manasā girā || 6 || śivo'yamiti pāśapto bhaktiyuktena cetasā | daṇḍapātairnamaskuryāt kṛtvā maṇḍalakaṃ puraḥ || 7 || yadyatpriyatarantasya yena santoṣametyasau | tadārādhanaśīlatvāttaṃtu śiṣyaḥ samāśrayet || 8 || praviśya hṛdayasyāntarbhāvamāvekṣya yatnataḥ | gurorabhimataṃ sarvaṃ kāryaṃ kāryamanulvaṇam || 9 || dhanadāra śarīrādi sarvasvaṃ vinivedayet | sukhaduḥkhaika bhāvena sphuṭamārādhayedgurum || 10 || gurorārādhanasthasya śiṣyasya karuṇākulāḥ | bhavanti pūrvasaṃsiddhāḥ siddhidāna samutsukāḥ || 11 || ato'ntarbhāvanā bhāvyā vyājamucchṛtya sarvathā | gurumūrtimayaṃ śambhumananya śaraṇaṃ vrajet || 12 || iha hyandhāna paśyanti kliśyante mohitā janāḥ | gurau satyapi sevante nṛpatiṃ dhanalipsayā || 13 || kaṣṭānyanubhavanto'pi vidhāya prāṇavikrayam | naivāpnuvanti te kiṃcidihācāmutraṃ vā phalam || 14 || yasyātinirmalā buddhirviveke sati vartate | śivamūrti guruṃ tyaktvā sakathaṃ sevate nṛpam || 15 || sārvabhaumasya nṛpatergurośca mahadantaram | eko bhukhaṇḍakaḥ svāmī sarvatatvadhipo'paraḥ || 16 || tuṣṭo dadāti kṛcchreṇa grāma mātraṃ narādhipaḥ | p. 3a) āsadāśivaparyantaṃ helayā cāgnito guruḥ || 17 || phaladvayornaduṣpro * mūle sikte yathātaroḥ | tathaivārādhita guroḥ pūrvasiddhāḥ samṛddhayaḥ || 18 || samīhate muktipadaṃ gurusevāvinaivayaḥ | aropitebhyo vṛkṣebhyeḥ saphalānyadhi vāñchati || 19 || brahmādayaḥ suravarā rudrā śambhu vaneśvarāḥ | kuvaṃntyanugrahe kasmādgururyāvanna sevitaḥ || 20 || ārādhite gurau samyagmudāntakaruṇmaśrayāḥ | bhavanti devatāḥ sarvāḥ sādhake'nugrahotsukāḥ || 21 || ato'nanyaśaraṇyena siddhamārgābhilāṣiṇāḥ | gurumūrtau sadāsevyā vyaktimabhyāgataḥ śivaḥ || 22 || gurūṇāpi sphuṭākāryā parīkṣā prathamaṃ śiśoḥ | nāparīkṣita śiṣyāṇāṃ yogyatā siddhaśāsane || 23 || kadāciduttameyo * kadācideṣame vidhau | kadāci * * raṃ vākyaṃ kadācitparuṣākṣeram || 24 || kadācidantaḥ kartavyaḥ kadācitpreṣayedvahiḥ | kadācidbahuśomānyaḥ kadācidapi tāḍayet || 25 || evaṃ kṛta'pi noyāti vaśaṃ harṣaviṣādayoḥ | yo bhaktibhāvitamatiḥsayogyaḥ siddhaśāsane || 26 || ya ekadinavadbhuktimuttarottarato nayet | kṛtārtho'hamiti jñātvā sayogyaḥ siddhaśāsane || 27 || ya ākruṣṭopi vahuśastāḍito'pyathavā bhavet | na jahāti gurorbhaktiṃ sayogyaḥ siddhaśāsane || 28 || anuktamatha vāpyuktaṃ gurukāryaṃ na yastyajet | vartatenanyabhāvena sa yogyaḥ siddhaśāsane || 29 || ityādibhiḥ samācāraiḥ parīkṣya śataśaḥ śiśum | yadā samyakparīkṣāto * * yogyo tadā bhavet || 30 || aṣṭautrīṇi tathā paṃca abdāṁstatra vibhāvayet | tāvanna kārayeddīkṣāmityājñāṃ pārameśvarī || 31 || parīkṣitasya śiṣyasya dhane strīṣu tanau tathā | niṣkalmaspadāntasya saṃsāravimukhasya ca || 32 || sarvabhāvānuraktasya gudeve ca lingine | tasya deyamidaṃ jñānamanyathā narakaṃ vrajet || 33 || nadeyaṃ pāpaśīlānāṃ krodhināṃ pāpināṃ tathā | gurunindāparāṇāṃ ca devamaṃtra vidūṣiṇāma || 34 || p. 3b) nāstikānāṃ śaṭhānāṃ ca kriyādharma bahiṣkṛtām | deyametat svaśiṣyāṇāṃ suputrāṇāṃ ca nānyathā || 35 || svadīkṣitānāṃ bhaktānāṃ gurudevāgnipūjinām | vināsamayadīkṣāṃ vai na dadyāt svapriyāya ca || 36 || sarvathā naiva dātavyamityājñāpārameśvarī | ājñābhangena deveśi dehapāto bhaviṣyati || 37 || dadāti yadi mohena snehena dhanalipsayā | gacchati narakaṃ ghoramityājñāpārameśvarī || 38 || ājñāyāḥ parameśasya pālanāt siddhimāpnuyāt | pālanācca bhaveddevi mṛtyujit parameśvaraḥ || 39 || pūrvasevāṃ guroḥ kāryaṃ dvādaśābdaṃ samāhitaḥ | saptavā paṃcavā trīṇi ekaṃ vā kṛta maṇḍalaḥ || 40 || sāmakrameṇa vā * vā svabhaktyā kāryakāraṇāt | maṇḍalaṃ navaratnaiśca prakuryāt sārvakāmikam || 41 || athavā hemajaiścū * rājatairvā subhaktitaḥ | catuḥsamena vā vṛttaṃ datvā vai hemapāduke || 42 || saptapaṃcatrayaṃ vāpi praṇāma daṇḍapūrvakam | nipātya dharaṇīdeśe jānurdhve tu samāhitaḥ || 43 || añjaliṃ purayitvā tu puṣpaiḥ śvetaiḥ sugandhakai | tato vijñāyate bhaktyā guruṃ mokṣapradāyakam || 44 || * * * ca pare tatve nirvāṇākhyo kule śive | dehi me sadguro dīkṣāṃ dīnasyārtasya sarvathā || 45 || svecchayā kurume nātha dīkṣāṃ nirvāṇadāyikām | yayākṛte bhavāmbodhistīryate caiva bandhanāt || 46 || iti guruśiṣya lakṣaṇamaṇḍalakaraṇāntānyuktāni || ādau śrīdeśikaḥ śrīmānvidhyuktena krameṇa ca | snātvā rājopacāreṇa sandhyāṃ nirvatyanukramāt || 1 || sudhautavastrairdravalaiśca candanairjātyādi puṣpairdha balena bhūtinā | yathā krameṇārti harasya pūjane hyalankaret svaṃtanuśavyayaṃ smaran || 2 || sauvarṇarājatamayaṃ suśubhraṃ viśālaṃ muktābalī kanakadāmavilaṃviśobham | nityotsavaṃ hariviriñci supūjitaṃ yad yāgālayaṃ bhavabhayārti harasya śambhoḥ || 3 || caturdvāraṃ śubhaṃ ramyaṃ yāgadhāmaṃ mahāprabham | nānāpuṣpavicitrāḍhyaṃ praviśeddeśikottamaḥ || 4 || p. 4a) nānāvicitravihagaiḥ sevitaṃ mattakokilaiḥ | latāmaṇḍapa saṃchannaṃ sevitaṃ yakṣakinnaraiḥ || 5 || campakāśoka punnāgairnārikelaiḥ kapitthakaiḥ | panasāmradāḍimaiśca bījapūrakaiḥ | mātulungairghaṃvaistālaiḥ kvacit kharjūravṛkṣakaiḥ | nārangaistintintiṇībhiśca kadalī karmarankakaiḥ || 7 || lavalīkaramardaiśca jambūpūgadrumaistathā | tamālairbilvajambīraistathā vadaravṛkṣakaiḥ || 8 || kvacitkuravakopetaṃ kañjikāra kadaṃbakaiḥ | vakulaiḥ kiṃkirātaiśca pāṭalairmadhūkaistathā || 9 || vṛkṣaiśca pārijātaughaiḥ samantāt pariśobhitam | tagariḥ karavīraiśca mālatīkundayūthibhiḥ || 10 || jātībhiścaṃpakādyaśca navamālikayā kvacit | kumudāmbuja kahlāraiḥ kvacinnīlotpalādibhiḥ || 11 || sarvartu kusumaiḥ puṇyaiḥ phalaiśca paribhūṣitam | devagandharvayakṣeśairvidyādhara mahoragaiḥ || 12 || rākṣasendrai dānavaiśca kinnarairgaruḍaistathā | sevitaṃ suprayatnena samantānmakhamaṇḍapam || 13 || apsarobhiśca devībhiḥ kinnarībhiśca gītakaiḥ | yakṣī vidyādharībhiśca sevitaṃ munidārakaiḥ || 14 || śivānandarase magnā gītanṛtyādihāsyakaiḥ | bhaktyā kṛtāñjalipuṭo yāga vāhye sthitāḥ stuvan || 15 || hāhāhūhū khumburunāradau ca viśvāvasuccitraratho sumālī | yabhiḥ sugītaiḥ khalu śambhuyāga sevārase mattallvodbhaśca || 16 || ajāśca mārjāramukhairgajānanairulūkagṛdhroṣṭre jhivākhuvektakaiḥ | gaṇeśvarairmatsyamṛgendrasūkaraiḥ śaśyanai kāmbikarūpadharakaiḥ || 17 || anaṃtavaktraiścaraṇaiśca bāhunī sakhānamūrdhāme bhṛtāścekadharai * pritairbhṛśaṃścīgaṇamukhyahanyai? saṃrakṣitaṃ vāhyate? eva yatnataḥ || 18 || śivājñayā te śatakoṭisaṃ * yosthitā maheśvareścirarakṣeṇāya | vighnonvitiḥ sārayato dvisaptakoṭisthitāstegaṇamukhyavṛndāḥ || 19 || tato lakṣmī paścime tu dvāre dhyeyā surūpiṇīm | navaratnaugha * * varṣantī makhamaṇḍapam || 20 || p. 4b) sudīptaṃ pingalajaṭaṃ bhrūbhangaiśca virājitam | daṃṣṭrākarālavadanaṃ dehalyāmastrarājakam || 21 || tarjayan vighnasaṃghātamiccheddhyāyedgurūṃstadā | pūjayitvā prayatnena paścāllaṃghet svadehalīm || 22 || praviśyābhyantaraṃ dvāre vāmaśākhāṃ samāśrayan | niḥsarantantu vighnaughaṃ yāgamandiramadhyataḥ || 23 || iti saṃcityavidhinā śivayāgamanuttamam | āsadāśivaparyantaṃ tatvavrātātmakaṃ mahat || 24 || bahunātra kimuktena jyotirmayamanuttamam | kāñcanaṃ ratnakhacitaṃ dhyeyaṃ śaivantu maṇḍapam || 25 || parānandarasonmato maṃtravinyastavigrahaḥ | sāmānyārghajalenaiva prokṣyayanmaṇḍapottamam || 26 || yāyādīśānadigdeśe paṃcagavyasya sādhane | pūrvānanotha vā saumye upaviśya susaṃyataḥ || 27 || maṇḍalaṃ kārayet tatra hastamātraṃ suśobhanam | tasminmaṇḍake sthāpyāḥ sarāvā paṃcaśobhanā || 28 || nivṛtyādi kalā śuddhā tasminnikṣepayecchrutam | nivṛtyādika bījena āsanaṃ ca dadet tathā || 29 || gojalaṃ gośakvatsarpirdadhidugdhamanukramāt | paścimottara yāmyeṣu pūrve madhyeṣvanukramāt || 30 || kuśodakaṃ ratnayutaṃ gāyatrāmṛtarūpayā | p. 5a) prakṣipecchasrajāloyamiti saṃcintya tarjayan | vighnānmūbhyantarikṣasthān khecarānapi saṃsmaret || 14 || kuśaṃ kuryāt tu varddhanyai āsanāya prakalpayet | nair-ṛtye vāstunāmānaḥ lakṣīṃ dvāre prapūjayet || 15 || ratnena pūrayantī tu samantān makhamaṇḍapam | paścimābhumukhe kuṇḍe śivaṃ sāngāmṛtīśvaram || 16 || kṣīrārṇavasthamāsīnaṃ varddhanīṃ siṃhagāminīm | yajeddevaṃ ca devīṃ ca mahābhairavarūpiṇam || 17 || calāsane purābhyarcya japtvā maṃtraśatakramāt | vardhanyā taddaśāṃśena japtvā jāpyaṃ gurūstadā || 18 || digīśāṃ pūjayet paścāt svanāmnāvāhanā yudhaiḥ | ghaṭānugāminīṃ kṛtvā vardhanīṃ bhrāmayet tataḥ || 19 || śrāvayañśaṃkarasyājñāpūrvādīśānta gocaram | vimuñcan payaso dhārān mūlamantarjayaṃ tadā || 20 || ādau kumbhantu dhṛtvā vai paścācchastrākhyavardhanī | svasthāne tau vidhṛtvā tu praṇamyātha vadedidam || 21 || bho bho śakrādi dikpālā vāhanāyudhasaṃyutāḥ | rakṣathe maṃmakhaṃ yatnāt sāvadhānaṃ śivājñayā || 22 || samagrāsanake kumbhe amṛtīśaṃ maheśvaram | pūjayet sāngaṃ * malaṃ vardhanyāmastrabhairavam || 23 || yonilingākhya mudrāntu vidadhyāllingamudrayā | kumbhopari tu vinyasya śivakhaḍgaṃ śivājñayā || 24 || kalaśasthaṃ śivaṃ śāngaṃ vardhanīṃ śastrarūpiṇam | tayornamaskṛtiṃ kṛtvā paścāt saṃpūjayedgaṇam || 25 || śvetaṃ caturbhujaṃ devamekavaktraṃ trilocanam | vāyavyāṃśitapadmasthaṃ gurūmīśānadigdale || 26 || sauvarṇāsanake śuddhe ratnaiśca samalankṛte | bhadrapīṭhe vare ramye snāpayejjagadīśvaram || 27 || paṃcāmṛtādibhirdevaṃ tathā svacchajalena ca | dhūpapuṣpāntaraṃ kṛtvā vidhinā maṃtrapūrvakam || 28 || divyauṣadhīśatenāpi candanā guruvāriṇā | ratnodakena śītena yatheṣṭaṃ snāpayet sudhīḥ || 29 || p. 5b) tato hemamayekha * navaratnapariṣkṛte | navasūkṣmāṃvara vṛte puṣpādyaiḥ sthāpayecchivam || 30 || ityā viśuddhavighāntamāsanaṃ parikalpyate | dhyātvā vidhānato devaṃ lingalakṣau niveśayet || 31 || dhyāyedātmani deveśaṃ candrakoṭi samaprabham | svaccha muktāphalaprakhyaṃ sphaṭikā * *? prabhama || 32 || kundendra gokṣīranibhaṃ himādi sadṛśaṃ vibhum | śubhrahārendrakāntādi siddhabhūṣaṇa bhūṣitam || 33 || sitacandanaliptāngaṃ karpūrakṣodadhūsaram | sphuraccandrāmṛtasphāraṃ bahulormi pariplutam || 34 || somamaṇḍalamadhyasthamekavaktraṃ trilocanam | sitapadmopaviṣṭhaṃ ca vaddhapadmāsana sthitam || 35 || caturbhujaṃ viśālākṣaṃ varadābhaya pāṇinam | pūrṇacandranibhaṃ śubhramamṛtenaiva pūritam || 136 || kalaśaṃ dhārayantaṃ hi jagadāpyāyakārakam | paripūrṇaṃ tathā candraṃ vāhahaste vicintayet || 137 || sarvaśvetopacāreṇa pūjitantamanusmaret | bahunātra kimuktena sākṣādamṛtasāgaram || 138 || tasmādeva samutpannamamṛtaṃ viśvajīvanam | atha cintāmaṇiprakhyaṃ bhāvabhedena saṃsmaret || 39 || evaṃ dhyātvā yajeddevaṃ mānasaiḥ kusumaiḥ śubhaiḥ | hṛtpadme sarvasiddhyarthaṃ paścādbāhye prapūjayet || 40 || mānasaiḥ kusumairabdhā sādhakena śubhāmatā | anirmālyā parāśuddhā mokṣadā siddhidā śubhā || 41 || tasmāt sarvaprayatnena mānasaṃ yajanaṃ dhruvam | ādāveva prakartavyaṃ paścāddravyaiḥ savistaraiḥ || 42 || āvāhayet tato devaṃ trideha parikalpitam | āgneyādi vibhāgena daleṣvangāni vinyaset || 43 || sarvaśvetopacāreṇa puṣpā * ra vilepanaiḥ | naivedyairvividhaiścitrairdhūpaiḥ śreṣṭhaiḥ sudhūpitaiḥ || 44 || hṛdyaiḥ pānaiśca vividhairbhāvabhedena pūjayet | sarvaśvetopacāreṇa śāntyarthaṃ pūjayecchivam || 45 || dīkṣāvidhau pratiṣṭhāyāṃ bhūkaṃpe rājavidvare | caure durbhikṣake roge tathā maraṇasaṃkaṭe || 46 || p. 6a) bhūtapretapiścādi bhaye sarpe ca vigrahe | nānāvighnaughaśāntyarthe sambhārairbahubhistathā || 47 || pūjayedamṛteśānaṃ mahāśrīsahitantadā | saprasādena dṛṣṭyā tu paśyantambhairavaṃ smaret || 48 || karpūraiścandanaiścaiva kunkumā guruṇā tathā | candrāmbunā tu saṃmarghaṃ lepayeddevamīśvaram || 49 || karṇikāra vakulāmra viśokaiścampakaiśca karavīra kadambaiḥ | kiṅkirāta navamālatikābhiḥ kundapāṭali suraktamambujaiḥ || 50 || kakana dhūttūrakaiḥ puṇḍarīkaiḥ śubhairmallikā ketakīstagara nīlāmbujaiḥ | pārijātārjunairnīla kahlārakaiḥ kuṭajapuṣpaistathā sindu vārārkajaiḥ || 51 || yaḥ pūjaryadvahuvidhaiḥ kusumairmaheśamāpīṭhalambi * srajaṃ karuṇaika mūrtim || devīṃ ca mātaramajāṃ parameśa lakṣmīṃ trailokya duḥkhaharaṇīmabhayapradātrīm || 52 || nādānte corayanmaṃtraṃ ghaṇṭāvādanapūrvakam | tato'guruṃ guggulayutaṃ sarpiṣā ca samanvitam || 53 || daheddevasya purato dhyāpayandhūpamuttamam | manaḥ prasādajanakaṃ sarvavighnanivāraṇam || 54 || pāyasāpūpalaḍḍuka khaṇḍamocādimaṇḍakān | dyūtena yācitāṃ dadyānnaivedyaṃ śambhave'grataḥ || 55 || raktaśālyodanaṃ caiva vahuvyañjanasaṃyutam || dadhidugdhaṃ ghṛtenāpi yuktaṃ dadyānnivedyakam || 56 || tāmbūlaṃ darpaṇaṃ dīpaṃ chatracāmarasaṃyutam | etatsarvaṃ tu mūlena dadyācchambhoḥ samāhitaḥ || 57 || dhūpitaṃ maṃtritaṃ caiva keśādi parivarjitam | kṣālitaṃ śoṣitaṃ paścāddivākara marīcibhiḥ || 58 || cīnadraviḍasaurāṣṭra gauḍadeśodbhavairvaraiḥ | sūkṣmaiścaitaiḥ samasṛṇairvastrairāchādayecchivam || 59 || evaṃ paṃcopacāreṇa pūjāṃ kṛtvā vidhānataḥ | paścājjapaṃ kartavyamunmadhāngattamānasaḥ || 60 || pradakṣiṇaṃ stotra mathānga pātapraṇāmakaṃ bhaktiparo vidadhyāt | arghaika hastaśca guruḥ pradakṣiṇaṃ yāyānti vāsaṃ khalu śuddhamagneḥ || 61 || p. 6b) kuśasamidhatilairghṛtaiśca pū * yava phaladhānyasu śarṣapaiśca yuktam | bahuvidhakusume na cāgnigehaṃ tadanu ca deśikavaryaṃ sārghahastayāyāt || 62 || caturasre vartule tu hastamātredhikepi vā | ācāryaḥ svecchayā sarvaṃ sidhyanti vyāpti vedanā || 63 || kuryācśaktisvarūpeṇa kauṃḍilyā vyāpti bhavanā | tatkuṇḍavyāpakaṃ jñātvā sarvadastu bhavedguruḥ || 64 || yāvanna vindate vyāptiṃ kuṇḍasyaivātmanopi ca | sādhyaścaiva paśoścaiva pāśānāṃ ca ṣaḍaṅgavit || 65 || bālavatkrīḍate tāvatkāryaṃ tasya kathaṃ bhavet | yaḥ punarvedmi cātmānaṃ śivaśakti svarūpakam || 66 || sasarvaphaladaḥ śreṣṭhaḥ sakartā sarvagaḥ śivaḥ | jñānaśaktimayo vahnirvyāpya vyāpakabhedataḥ || 67 || sajātā sarvakartā ca mokṣadaḥ phalado guruḥ | mānonmānapramāṇena vindate yo'svane guruḥ || 68 || śilpivadbhavate dakṣo vicitrākārakārakaḥ | na mokṣadastu bhavate nāsau siddhiphalapradaḥ || 69 || tasmādācāryamukhyastu jñānavān sarvado bhavet | śivāśraya śivasthastu śivaśaktipracoditaḥ || 70 || nirmameti jagatsarvaṃ śivarūpo yataḥ sthitaḥ | icchājñānakriyāyuktaḥ śivatatvaviśāradaḥ || 71 || yaḥ karoti śivecchātu jñānavyāptyā vyavasthitaḥ | acintyā maṃtraśaktirvai parameśamukhodbhavā || 72 || yadyatprakurute jñānī śivaśakti samāśrayāt | tattanniṣpadyate tasya śivaśakti prabhāvataḥ || 73 || tasyaiva sammukhāmaṃtrā dṛṣṭa pratyaya kārakāḥ | evaṃ śaktimayaṃ sarvaṃ jagatsthāvarajangamam || 74 || śaktimān sarvakarmāṇi kurute nātrasaṃśayaḥ | śāntikādīni karmāṇi karmāṇyevānyathā bahiḥ || 75 || śaktihīnā na siddhyanti yugakoṭiśatairapi | japakoṭisahasraistu homalakṣaiḥ suvistaraiḥ || 76 || tasmāt sarvapratyatnena śivajñānaṃ samabhyaset | tadā siddhyanti karmāṇi sarvāṇyevānyathā na hi || 77 || p. 7a) śāntikādīni karmāṇi kurute'sau tadā guruḥ | ataḥ kuṇḍādi saṃskāraṃ kṛtvā vai homayet sudhīḥ || 78 || vīkṣaṇādi prakāreṇa mūlaṃ netreṣu vinyaset | tadanu prokṣayecchastrai hūṃ phaḍantaiśca tāḍayet || 79 || kravyādāśaṃ parityajya varmaṇā prokṣayet sakṛt | kuṇḍordhve tu tridhādhāmya vahniṃ tanmaṃtravidguruḥ || 80 || 3 hūṁ vahni mūrttaye namaḥ | vahniṃ niveśya bindau tu tathā saṃhāramudrayā | nābhaupūrakayogena udbhavākhyena mudrayā || 81 || viśrāmyānalamatyugra recakena vidhānataḥ | sphurajjvālāvalībhāsamagniṃ vinyasya yojayet || 82 || 3 amṛtīśātmane hrūṁ vahnaye namaḥ | taḍitpuṃjapratīkāsaṃ bhāvayitvā tu vinyaset | pāvake kuṇḍamadhyasthe pūjayitvā tu bhāvataḥ || 83 || tatra vai pūjayeddevamamṛtīśaṃ paraṃ vibhum | sāngaṃ saparivāraṃ ca pūjāṃ kṛtvā vidhānataḥ || 84 || mūlena āhutīḥ paṃca homayet tadanantaram | hṛdayena śivāgnistvamiti nāma vidhāya ca || 85 || mekhāsu tatonyasya viṣṭarā * * * * * * | p. 7b) ṭḥīṣ FOḻīO īṣ BḻāṇK p. 8a) ṭḥīṣ FOḻīO īṣ BḻāṇK p. 8b) yānaṃ pāradaṃ ca varastrīmanagu * * * * * * * * * * * * * * bhaktaṃ subhojanam || 9 || raktābhiṣekaṃ rājyaṃ ca * * * * * * * * * * * * * * * rthaiḥ sahastaṃ bhāṣaṇaṃ varam || 10 || evamādi śubhāḥ svapnāḥ praśastāḥ śubhakarmaṇi | aśubhaṃ ca pravakṣyāmi āgame kathitaṃ yathā || 11 || tailābhyangaṃ dantapāpātaṃ kṛṣṇanāryā'vagūhanam | rasātalapraveśaṃ ca svaśiraḥ kartanaṃ tathā || 12 || gṛhabhangaṃ kharoṣṭrādi ārohaṇamanuttamam | vivāhaṃ muṇḍanaṃ caiva kardame patanantathā || 13 || yuddhe parājayaṃ nūnaṃ raktapuṣpa vidhāraṇam | vikṛtaṃ paśyate rūpamātmano hasanantathā || 14 || svapnānyetāni duṣṭāni kathanīyaṃ guro'grataḥ | jñātvā tadanusāreṇa homaye * * * * * || 15 || sahasraṃ mūlamaṃtreṇa sāṣṭayuktaṃ havirbhuje | tadā śāntiṃ prapadyeta anyathā maraṇaṃ śiśoḥ || 16 || * * * * svapnamāṇavakavidhiḥ || punastato'ṣṭakalaśe gangādijalapūrite | phalaratnādi gandhāḍhyai cūtapallava vakrake || 1 || p. 9a) kṣīroda madirāntāni ankurāṇi tu vinyaset | brāhmyādyāstatra vai devyo bhairavāṣṭakasaṃyutāḥ || 2 || ṣaḍangaṃ mūlamaṃtraṃ ca mūtiṃ tatra suvinyaset | tato'sau śaktimaṃtreṇa sauvarṇaṃ bhadrapīṭhakam || 3 || bhāvayitvāthavānyasya snānārthaṃ guruṇā śiśoḥ | vitānaṃ varavastraiśca vedīmaṇḍapakopari || 4 || kastūrīkuṃkumaiścaiva karpūrāmalakādibhiḥ | snātvā rā * * * * * * * * * yettataḥ || 5 || śaṅkhabherī pravādaiśca tathākāruna niḥsvanaiḥ | mardalaiḥ paṭahairvaṃśaiḥ * * * * * * * * | * * * tālasannādaistathā ka * lanādakaiḥ | va * * * * * * * * * * * * * * * || p. 9b) * * * * * * * * * * samastakaṃ śiśoḥ | kusumena tato maṃtrī kavacenāvaguṇṭhayet || 1 || nābhau hṛdi ca bindau ca trivaktrāntattanau nyaset | hutabhuk cakramudbodhya tato hārdaṃ sumaṇḍalam || 2 || etau dvau bhāskarāgnīnāmarci jvālāvagūhanāt | mahanmaṇḍalakaṃ cāndraṃ santāyāddhridrutaṃ smaret || 3 || sravaccandrāmṛtanadī kallolākulita kṣayāt | śivajñānāmṛtaughena siñcitaṃ ca vibhāvayet || 4 || uṅgīthāskarasaṃyuktā tattvavaktrapadātmakam | bhuvanāni kalā mantrā kāraṇāni ṣaḍaiva tu || 5 || brahmāviṣṇustathā rudra īśvaraśca sadāśivaḥ | śivaśceti svaśaktyā ca ṣaḍyuktāḥ saptamelayaḥ || 6 || akāraśca ukāraśca makāro vindureva ca | ardhacandro nirodhī ca nādonādānta eva ca || 7 || kuṇḍalī vyāpinī śaktiḥ samanāt stusāmayā | niṣkalaṃ ca satatvantu śaktiścaiva tathonmanā || 8 || sābhāsaṃ ca nirābhāsaṃ paratatvamanuttamam | saḍbhāgāt saptamaṃ proktaṃ layamālayamuttamam || 9 || tatra sarve pralīnāstu tatsamāstat prasādataḥ | yacchakti * sṛṃhitāḥ śaktāḥ paripūrṇā bhavanti hi || 10 || kramasteṣāṃ pravakṣyāmi yathā līyanti sundari | akāraṃ brahmadaivatyaṃ hṛdantaṃ yāvadadhvanaḥ || 11 || kalāṣṭakena saṃyuktaṃ kalayet sarvajantuṣu | p. 10a) siddhir-ṛddhirdyutirlakṣmīrmedhākāntirdhṛtiḥ sudhā || 12 || sadyo brahma kalāyāntu brahmāṇaṃ vyāpya saṃsthitam | rajorakṣāratiḥ pālyā kāmyā tṛṣṇāmatiṣkriyā || 13 || vṛddhirmāyā ca rātriśca bhrāmaṇī mohanī tathā | manonmanīti vikhyātā vāmadeve sthitā kalā || 14 || kaṇṭhāntaṃ yāvat svapnasthā viṣṇvaṃse tu sthitā imāṃḥ | tamomohākṣudhānidrāvyādhi mṛtyurbhayājarā || 15 || aghorasya kalāhetā raudrāṃsetu vyavasthitāḥ | tālvantaṃ yāvatsaupṛṣṭaṃ tejasī vyāptirūttamā || 16 || nivṛttiśca pratiṣṭhā ca vidyā śāntistathaiva ca | puruṣasya kalā hyetā īśvare tu vyavasthitāḥ || 17 || bāhyāvaraṇamāśritya vindvantaṃ yāvadrajjvalā | śāntāvasthā tu turyākhyā nādākhyā saṃpracakṣate || 18 || vyāptiḥ sadāśive sā tu vyomākhyā śūnyarūpiṇī | tārāsutārātaraṇī tārayantī sutāriṇī || 19 || dvādaśāntapadārūḍhā turyāntāraśmivatsthitā | īśānasya kalā hyetā paṃcaivaṃ kāraṇātmikā || 20 || sthūlametatsamākhyātaṃ brahmāṇaṃ brahmabhūtijam | sūkṣmameva tato vakṣye adhvane tu yathāsthitiḥ || 21 || yadardhacandraṃ kathitaṃ plāvitaṃ bindumūrdhani | śāntāmṛtaṃ taduddiṣṭaṃ kalāyuktaṃ maheśvari || 22 || jyotsnā jyotsnāvatī caiva suprabhā vimalā śivā | ardhacandrakalā hyetāḥ sarvajña parasaṃsthitā || 23 || vidyāvaraṇasambaṃdhā maṃtrakoṭi vibhūṣitā | kriyāśakti * * * * * * tā vimalābhujā || 24 || rundhanī rodhanī raudrī jñānabodhātanopahā | nirodhikā * * * * * * devanirodhikā || 25 || nityatṛptā mahābhāgā vāmāśakti svarūpakāḥ | īndikā dīpikā caiva rocikā mocikā tathā || 26 || ūrdhvagāminya ityetāḥ kalānādasamudbhavāḥ | etāḥ svatantratāyuktāḥ sakale niṣkale sthitāḥ || 27 || jñānaśakti svarūpāstu jñātāḥ sarvajñadāyikāḥ | p. 10b) sūkṣmā caiva susūkṣmā ca amṛtāmṛtasambhavāḥ || 28 || vyāpinī caiva vikhyātāḥ śaktitatvaṃ samāśritāḥ | aluptaśaktisaṃbandhā cicchaktyāsanaveṣṭitā || 29 || śaktitatve sthitā hyetā cinmātrāvadhilakṣitā | vyāpinī vyomarūpā ca anantā nāthasaṃñakāḥ || 30 || anāśritā maheśāni vyāpinyastu kalāḥ smṛtāḥ | sarvajñā sarvadā bhadrā sādhanā spṛhaṇādhṛtiḥ || 31 || samanā ceti vikhyātā etāḥ śivakalāḥ smṛtāḥ | icchāśaktiradhiṣṭhānādichāsiddhipradāyikāḥ || 32 || śivatatvaṃ samāśritya susaṃpūrṇā * vaprabhāḥ | anantaśaktisaṃsthānāt sūkṣmāścātyantanirmalāḥ || 33 || samanāntaṃ varārohe pāśajālamanantakam | ṣaṭkāraṇapadākrāntaṃ sthūlasūkṣmaprabhedataḥ || 34 || śaktyādisamanāntaṃ hi sūkṣmā vijñānagocaram | tadūrdhve tu paraṃśāntamaprameyamanāmayam || 35 || tatvatrayaṃ paraṃdevi jñātvā mocayate guruḥ | tatrāsau nirmalo hyātmā svaśaktyādhārasaṃsthitaḥ || 36 || jñānakriyāsamādiṣṭaścinmātro niranuplavaḥ | sarvabhāvapadātītaḥ sarvendriya vivarjitaḥ || 37 || nirmalaḥ sphaṭikākāraḥ svātmanyātmā vyavasthitaḥ | tatrasthasya ca yā śaktistasyānugrahakāriṇī || 38 || yāvannabhavate devi tāvadātmā śivo na hi | yathārkaraśmisaṃyogāt kamalaṃ prasaret kṣaṇāt || 39 || maṃtreṇa manasā caiva sāmaraḥ syācca yogataḥ | śivaśaktyā tathā'tmā vai gṛhītaḥ sarvataḥ śivaḥ || 40 || sarvajñādiguṇairyukto bhavate tu śivo yathā | nirābhāsaḥ śivaḥ śānto hyapratarkyāmanuttamam || 41 || yāvanna pūrṇatāṃ prāptastāvat sābhāsa ucyate | evaṃ śivājñayā viṣṭāḥ śivībhūtāḥ śivapradāḥ || 42 || bhavanti vigatā yāsya nirdoṣā niranuplavāḥ | maṃtrasyāsya prabhāveṇa śivasya paramātmanaḥ || 43 || amṛtīśasya devasya mṛtyujidbhairavasya ca | parāparavibhedaṃ ca yobindatyasya sarvaśaḥ || 44 || p. 11a) so'cirādamṛteśatvaṃ prāpnuyānnātrasaṃśayaḥ | juhoti vī * * * * * * * * * * * * | * * * * * * * * * * * * * * * | * * * * * * * * * * * * * * * | * * * * * * * * * * * * * * * | * * * * * * * * * * * * * * * | * * * * * * * * * * * * * * * | * * * * * * * * * * * * * * * | * * * * * * * * * * * * * * * | * * * * * * * * * * * * * * * | * * * * * * * * * * * * * * * | | 1 | agnirudraḥ 1 hutāśanam 2 pingalaḥ 3 khādakaḥ 4 haraḥ 5 jvalanaḥ 6 dahanaḥ 7 vabhrūḥ 8 bhasmāntakaḥ 9 kṣayāntakaḥ 10 ityagnivyavasthita daśarudrāḥ | 2 | yāmyaḥ 1 mṛtyuḥ 2 haraḥ 3 dhātā 4 vidhātā 5 kartā 6 saṃyuktā 7 viyuktā 8 dharmapatiḥ 9 adharmapatiḥ 10 iti yāmyadigvyavasthita daśarudrāḥ || 3 || nir-ṛtiḥ 1 māraṇaḥ 2 hantā 3 krūradṛṣṭiḥ 4 bhayānakaḥ 5 ūrdhvaśayaḥ 6 virūpākṣaḥ 7 dhūmaḥ 8 lohitaḥ 9 daṃṣṭravān 10 iti nair-ṛtyādigvyavasthita daśarudrāḥ || 4 || p. 11b) balaḥ 1 atibalaḥ 2 pāśahastaḥ 3 mahābalaḥ 4 śvetaḥ 5 jayabhadraḥ 6 vīrabhadraḥ 7 jalāntakaḥ 8 meghanāda 9 svanādaḥ 10 iti vāruṇadigvyavasthita daśarudrāḥ || 5 || śīghraḥ 1 laghuḥ 2 vāyuvegaḥ 3 sūkṣmaḥ 4 tīkṣṇaḥ 5 kṣayāntakaḥ 6 paṃcāṃtakaḥ 7 paṃcaśikhaḥ 8 kapardī 9 meghanādaḥ 10 iti vāyudigvyavasthita daśarudrāḥ || 6 || nidhīśaḥ 1 rūpavān 2 dhanyaḥ 3 saumyadehaḥ 4 jaṭādharaḥ 5 lakṣmīdharaḥ 6 ratnadharaṃḥ 7 śrīdharaḥ 8 prasādaḥ 9 prakāśaḥ 10 ityuttaradigvyavasthita daśarudrāḥ || 7 || vidyādhipaḥ 1 īśaḥ 2 sarvajñaḥ 3 jñānadhṛka 4 vedapāragaḥ 5 sureśaḥ 6 śarvaḥ 7 jyeṣṭhaḥ 8 bhūtapāśaḥ 9 balipriyaḥ 10 itīśānadigvyavasthita daśarūdrāḥ || 8 || vṛṣaḥ 1 vṛṣadharaḥ 2 anantaḥ 3 krodhanaḥ 4 marutāśanaḥ 5 graśanaṃḥ 6 ūdumbarīśaḥ 7 phalīndraḥ 8 cakrī 9 daṃṣṭrī 10 ityadhadigvyavasthita daśarudrāḥ || 9 || śambhuḥ 1 vibhuḥ 2 gaṇādhyakṣaḥ 3 tridaśaḥ 4 tridaśeśvaraḥ 5 saṃvāhaḥ 6 vivāhaḥ 7 nabhaḥ 8 lipsuḥ 9 trolocanaḥ 10 ityūrdhvadigvyavasthita daśarudrāḥ || 10 || teṣāmuparisthitaṃ bhuvanadvayam | pūrvoktaṃ vīrabhadraḥ 1 bhadrakālī 2 iti pṛthivītale brahmāṇḍe 1 itthaṃ brahmāṇḍagarbhairbhuvanaṣaḍdikcakranāleśatam | taduparidvayam | tatra rudrābhidhānavyañjitamaṣṭottaraśatam | iti pṛthivītale brahmāṇḍe || 1 || amareśaḥ 1 prabhāsaḥ 2 naimiṣaḥ 3 puṣkaraḥ 4 āṣāḍhī 5 ḍiṇḍi 6 bhārabhūtiḥ 7 lakulīśaḥ 8 ityaṣṭāvayatatve || 2 || hariścandraḥ 1 śrīśailaḥ 2 jaleśvaraḥ 3 āmrāḍikeśvaraḥ 4 madhyameśvaraḥ 5 mahākālaḥ 6 kedāraḥ 7 bhairavaḥ 8 ityaṣṭāvanalatatve || 3 || gayā 1 kurukṣetraḥ 2 nakhalaḥ 3 kanakhalaḥ 4 vimaleśvaraḥ 5 aṭṭahāsaḥ 6 mahendraḥ 7 bhīmeśvaraḥ 8 ityaṣṭāvanilatatve || 4 || vastrāpadaḥ 1 rudrakoṭiḥ 2 avimuktaḥ 3 mahālayaḥ p. 12a) gokarṇaḥ 5 bhadrakarṇaḥ 6 svarṇākṣaḥ 7 sthāṇuḥ 8 ityaṣṭāvākāśatatve || 5 || chagalaṇḍaḥ 1 dviraṇḍaḥ 2 mākoṭaḥ 3 maṇḍaleśvaraḥ 4 kāliñjaraḥ 5 śankukarṇaḥ 6 sthaleśvaraḥ 7 jaleśvaraḥ 8 ityaṣṭaugandha tanmātrārabhyabuddhitatve vivarjitam | ahankārānte'dhvanisaṃsthitaḥ || 6 || paiśācam 1 rākṣasam 2 yāskam 3 gāndharvam 4 aindram 5 saumyam 6 prājāpatyam 7 brāhmyam 8 iti devayonyaṣṭakaṃ buddhitatve || 7 || akṛtam 1 kṛtam 2 bhairavam 3 brāhmyam 4 vaiṣṇavam 5 kaumāram 6 aumam 7 śrīkaṇṭham 8 iti yogāṣṭakaṃ guṇaprakṛtau || 8 || a ā i ī u ū ṛ ṝ ḷ ḹ e ai o au aṃ aḥ | ka kha ga gha ṅa | ca cha ja jha ña | ṭa ṭha ḍa ḍha ṇa | ta tha da dha na | pa pha ba bha ma | ya ra la va śa ṣa sa ha kṣa iti varṇāḥ kathitāḥ || bhuvanasaptāvingati yathā | vāmaḥ 1 bhīmaḥ 2 ūgraḥ 3 bhavaḥ 4 īśānaḥ 5 ekavīraḥ 6 ityevaṃ ṣaḍbhuvanāni puruṣatatve || 9 || pracaṇḍaḥ 1 umāpatiḥ 2 ajaḥ 3 anantaḥ 4 ekaśivaḥ 5 iti bhuvanapaṃcakaṃ rāgatatve || 10 || krodhaḥ 1 caṇḍaḥ 2 iti bhuvanadvayamaśuddhavidyātatve || 11 || jyotiḥ 1 samvartaḥ 2 iti bhuvanadvayaṃ kalātatve || 12 || suraḥ 1 pañcāntakaḥ 2 iti bhuvanadvayaṃ niyatitatve || 13 || ekavīraḥ 1 śikhidaḥ 2 iti bhuvanadvayaṃ kālatatve || 14 || mahā * * * 1 vāmadevaḥ 2 bhavaḥ 3 bhavodbhavaḥ 4 ekanibhekṣaṇaḥ 5 īśānaḥ 6 bhuvaneśaḥ 7 anguṣṭhamātra 8 iti maṇḍaleśvarāṣṭakaṃ māyātatve || 15 || evaṃ saptāvingatibhuvanāḥ || śuddhavidyā yathā || īśvaraḥ 1 saṃ * * * * * * * * * * * | aṣṭādaśa yathā || vāmā 1 jyeṣṭhā 2 raudrī 3 kālī 4 kalavikaraṇī 5 bala * * * * * balapramathanī 7 sarvabhūtadamanī 8 manonmanī 9 navabhuvanāniśuddhavidyātatve || 16 || anantaḥ 1 p. 12b) sūkṣmaḥ 2 * * * * * 3 ekanetraḥ 4 ekarudraḥ 5 trimūrtiḥ 6 śrīkaṇṭhaḥ 7 śikhaṇḍī 8 iti bhuvanāṣṭakamīśvaratatve || 17 || sadāśi * * * * * * * * * * * * || 1 || nivṛttiḥ 1 pratiṣṭhā 2 vidyā 3 śāntiḥ 4 śāntyatītā 5 mahānetrāmṛtīśamaṃtrasya padaṃ vi * * * * nāya maṃtrāṇāmudayasthitilayāntānāṃ mūlahṛdayaśiraḥ śikhā kavaca netrāstrāntānāṃ yathākrameṇa * * * nau vvyāptiṃ * * * śodhanīyam | manotīte śive śuddhe śānti nityaṃ guṇodaye | vilīyamānametasmiñśiṣyātmānaṃ vibhāvayet | puruṣaḥ 1 rāgaḥ 2 aśuddhavidyā 3 kalā 4 niyatiḥ 5 kālaḥ 6 māyā 7 iti tatve saptakam || yathā teṣāṃ varṇamaṃtrāṇāṃ tataḥ kalāyāṃ bhuvanapaṃcakam | indhikā 1 dīpikā 2 rocikā 3 mocikā 4 ūrdhvagāminī 5 iti nādakalāyā bhuvanāni paṃca | vyāpinī 1 vyomarūpā 2 anantā 3 anāthā 4 anāśritā 5 iti śaktikalāyāṃ bhuvanāni paṃca || iti tritatvātmakavarṇa p. 13a) this folio is blanck p. 13b) makāraḥ | a u ma atrākāra ātmatatvasya vācakaḥ | asya pṛthivyādi māyātatvāntaṃ tatva ekatriṃśatiryāvadvyāptiṃ jānīyāt | ityakāreṇa śoddhyāḥ | tathokāreṇa śodhyāḥ | śuddhavidyādi sadāśivatatvāvadhiryāvat | tatvatrayasya vyāptiṃ tathā makāreṇa śodhyāḥ | śakti śivau | evamakārokāra makāreṇaikatvāt | oṃkāreṇāmṛtīśamantrā * skareṇa bhāvapūrvakena śodhayet | tatra punastvatvabhuvanapada maṃtrakalāvarṇādika * * * * dīkṣāvajjñātavyam | iti śodhanikā kṛte | tataḥ pare tatve śive aje * * * * * * * * * yet | iti tritatvadīkṣāsaṃkṣepātkathitāḥ || ekaṣaṃ punaḥ prathama * * * * * * * * * * * * * * * dīkṣāmabhidhāya paścāt kriyājñānapūrvakadīkṣāyāḥ parā * * * * * * * * * * * * * * * ntarakrameṇa | sakalakalākaladīkṣāyā jīvabhūtā ca niṣkalā * * * * * * * * * * * vevadīkṣāpi kathyate | tadyathā | iḍāpingalā caiva kaṇṭhanālasya pārśvayoḥ | tayo * * * * * ntaḥ mavāpnā parameśvari || 1 || ādhārabhūtānyakhilaṃ dehaṃ vyāpya vyavasthitā | tasyāsya śaraṇamātreṇa viddhaḥ paddhati vihvalaḥ || 2 || ekāntastho nirādhāra athavā'dhārapīḍanāt | mudrāsaṃyogamāhātmyā viddhaḥ paddhati tatkṣaṇāt || 3 || ityevamādibhirbhedairūbhayo guruśiṣyayoḥ | bhāvānurūpatastīvro maṃdo vāvevasambhavaḥ || 4 || vedhenānena saṃsiddhaḥ śiśornaiḥ saṃjñamāgate | tatvayo janikā kāryā śaktisaṃhāramudrayā || p. 14a) * * * * * * * * * * * * * * * * | * * * * * * * * * * * * * * * * | * * * * * * * * * * * * * * * * | * * * * * * * * * * * * * * * * | * * * * * * * * * * * * * * * * | * * * * * * * * * * * * * * * * | * * * * * * * * * * * * * * * * | * * * * * * * * * * * * * * * * | * * * * * * * * * * * * * * * * | p. 14b) kiṃcicchobhanaṃ kṛtvā juhuyāt | * parehyaṇuḥ || 31 || tridhā saṃghaṭṭanaṃ kṛtvā śanairbhūmai nipātayet | eṣā vaijñānikī dīkṣā sadyo mukti pradāyikā || 32 || tato'rghapātrato yena saṃsicyābhyarcyataṃ śiśum | sāngaṃ saparivāraṃ cāmṛtīśaṃ pūrvavadyajet || 33 || mastake tasya śiṣyasya śivībhūtaṃ smaranguruḥ | sāmarasyaṃ ca māpannaṃ śivaśaktyoḥ sukhantadā || 34 || bhūtaṃ bhāvantathā śāktaṃ mātrāveśapadānugam | krameṇa śāmbhavāntasya vi * * tvaṃ yathā yathā || 35 || vedhalakṣaṇānyāha | kaṃpate bhramate raude dutpatennipatedvadet | anivaddharavonmādī sasaṃjñābhūtavadyathā || 1 || p. 15a) bhūtāveśasya cihnedaṃ bhāvāveśamataḥ śṛṇu | yāni cihnāni jāyante bhāvaviddhasya bhāmini || 2 || ghūrmaṇaḥ svedaromāṃ ca aśrupātāngamoṭanam || ārādhyasmaraṇādeva saṃpadyante guṇāani me || 3 || bhramate cakravatkāyaḥ koṣṭavatpatatikṣaṇāt | paśyate vibhramāpannaḥ śaktivedhopalakṣaṇam || 4 || kaṃpate bhramate caiva jalpate vadatekhilam | anadhītāni śāstrāṇi granthato hyanyatasudhīḥ || 5 || atītānāgataṃ caiva vartamānasya yatphalam | * * śaktisamāveśāt sarvameva prapadyate || 6 || śāmbhavena tu vedhenaṃ sarvāṇyetāni siddhyati | śuddhaśāmbhavaviddhasya sāṃprataṃ nirṇayaṃ śṛṇu || 7 || yena viddhasya lokesmin savajñatvaṃ prapadyate | pūrvoktena tu kālena śodhitaśca yadā śiśuḥ || 8 || vahvarthakālena viśodhitātmā ātmaiva sapaśyati sarvabhūtān | name samāno bhuvanāntarāle viddhasya kāle bhavate hyakāle || 9 || kaṃpanaṃ dhūnanaṃ tasya īṣadghūrmaḥ pravartate | viṣamūrchāgatasyeva tiṣṭhate bhṛtakumbhavat || 10 || paśyate cāgrataḥ sarvaṃ tatvavyāpī sadoditaḥ | tatkṣaṇānmucyate viṣayājjīrṇatva ca mivoragaḥ || 11 || sadānanda madonmattaḥ sarvajñaguṇabhūṣitaḥ | śāmbhavena tu viddhasya cinhedaṃ saṃpravartate || 12 || * la * leti yadvedheḥ saṃpūrṇastu ghaṭo yathā | bhūtāntā śaktimaṃtrādau tathā hyevaṃ pracakṣate || 13 || vedhadīkṣāparaṃ nāsti kathaṃ sāpratyayātmikā | pratyaye sati mokṣo'sti anyathā tu kathaṃ bhavet || 14 || śāmbhavena tu vedhena tatkṣaṇādviṣayojjhitaḥ | viṣayojjhitamātreṇa dehenāena mucyate || 15 || yena vedhena viddhasya sukhasvādo na vidyate | sa kathaṃ vāthanirmukto viṣayeṣu virajyate || 16 || śāmbhavepi hi saṃprāpte darpeṇākulitaḥ kṣaṇāt | ājñānande samutpannena gantavyaṃ guroḥ kṣaṇāt || 17 || bhūtādiśāmbhavāntānāṃ vedhānāṃ lakṣaṇaṃ guruḥ | jñātvā dīkṣāṃ purā dadyāt subhakte śiṣyake tadā || 18 || tataḥ svadakṣiṇe haste candanā garu kuṃkumaiḥ | p. 15b) maṇḍalaṃ kārayet tatra śubhaṃ padmasamanvitam || 19 || dhūpitaṃ guggulairdhūpairbhāvapūrveṇa deśikaḥ | śaktyāśaśinaḥ pūrṇaṃ maṇḍalāntantu vinyaset || 20 || āsanaṃ devadevasyāmṛtīśasya suśobhanam | tasminnāvāhayeddevaṃ sāngaṃ sagaṇamīśvaram || 21 || unmanyantu nītvā vai maṃtramukhyopyaśaktitaḥ | pūjayitvā tamamalaṃ mhābhairavarūpiṇam || 22 || maṇḍalatritayopetaṃ vidyutpuñjaprakāśakam | dhūpaiḥ sucandanaiḥ puṣpairdūrvākṣata sudīpakaiḥ || 23 || naivedyai vividhaiścaiva pūjitaṃ suprasannakam | śivaṃ sāngaṃ tu saṃcintya mastake tu śiśostadā || 24 || śivahrasvaṃ pradāyet kaṃ śivātmānaṃ śiśuṃ smaran | punastasyaiva hastepi vidhinā pūjayecchivam || 25 || tataḥ karṇe tu śiṣyasya mṛtyujinmaṃtramuttamam | kathayitvā vidhānena maṃtrātmānaṃ śiśorguruḥ || 26 || pañcātpūjāryaye * * mamṛtīśaṃ maheśvaram | tataḥ paśyedguru hṛṣṭaḥ śiṣyaḥ prakṣiptapuṣpakam || 27 || tatpuṣpapātavarṇa * * * * * * pūrvakam | śiṣyasya nāmakaraṇaṃ śivāmarapraṇāntakam || 28 || kuryādvimucya netrākhya paṭṭaṃ svarṇaśalākayā | mūlavinyastayā paścādañcayen mūrtimaṃtrataḥ || 29 || śiṣyasyāmalanetratvaṃ jātamityanusaṃsmaret | paścātsāngāmṛtīśānaṃ mahāśrīsahitaṃ śivam || 30 || pūjārpayecchiśuṃ yatnācchivakumbhāstravardhanī | paścātpūjārpayedagniṃ tato devāntikaṃ nayet || 31 || namaskṛtya maheśānaṃ śiśorbhaktyā samāhitaiḥ | mūlenāṣṭottaraśataṃ hunedvahnau tilānguruḥ || 32 || nyūnādidoṣamoṣāya śivahastasthirāya ca | durnimittāyanodāyāntarbhāvena saṃyutaḥ || 33 || tathā cātrāgnerlakṣaṇācchiṣyasya pāpā'pāyaṃ vijānīyāt | tadāha kaṃpate sphuṭate caiva viṣṭāgandhe havirbhuje | sphulinginyavanisparśe jāniyāt pātakaṃ śiśoḥ || 34 || sugandhi gandhasusparśasnigdhāvartaḥ pradakṣiṇaḥ | p. 16a) tejasvī cānalaḥ śasto jānīyācca śiśoḥ śubham || 35 || agnerlakṣaṇamevaṃ hi jñātvādau kalmaṣaṃ śiśoḥ | astreṇāṣṭottaraśataṃ juhuttilamuttamam || 36 || paścādgururdakṣaṇīyaḥ svarṇabhāraiḥ suviṣṭaraiḥ | māṇikyamuktākhaṃcitairalaṃkāraiśca hyadbhūtaiḥ || 37 || navaratnamayairdāntaistathā vairatnapāduke | haimaṃ siṃhāsanaṃ chatraṃ datvā vai cāmare śubhe || 38 || maṇikuktā svanāgendra uṣṭrameṣagavādibhiḥ | kṣetragrāmādi viṣayairmaṇḍalaiśca śubhairvaraiḥ || 39 || yatkṛte toṣamāyāti sahitasya pradāpayet | gurau tatsarvathādeyaṃ vittaśāṭhyaṃ vinā śiśuḥ || 40 || gurvāyattaṃ yataḥ sarvaṃ kālāgnyādi śivāntakam | tena tuṣṭe bhavet tuṣṭaḥ sākṣādamṛtamīśvaram || 41 || śivaścācāryarūpeṇa viśvānugrahakārakaḥ | tasmānna mānavīṃ buddhiṃ kārayed deśikaṃ prati || 42 || ityāgamavacanāt || atha yo guruḥ saśivaḥ prokto yaḥ śivaḥ saguruḥ smṛtaḥ | saṃsārārṇavamagnānāṃ tārakaḥ parameśvaraḥ || 43 || samāryaḥ sasutaḥ paścāt sabhṛtyavalavāhanaḥ | śiṣyaḥ prahṛṣṭamanasā guroragre nivedayet || 44 || ātmanā manasā vācā karmaṇā ca viśeṣataḥ | dāsatvena śarīrādi gṛhāṇedaṃ hi madguro || 45 || hyuśrūṣārthaṃ gṛhāṇeśa dīnamārtabhavārṇavāt | karāvalambanaṃ datvā māmuddhṛtamacetanam || 46 || mahāpātakināṃ caiva tathā saṃsārabhīruṇām | tvameva śaraṇaṃ svāmin tṛṣārtānāṃ yathā jalam || 47 || daṇḍapraṇāmaśatakairvijñāpya svaguruṃ śiśuḥ | śarīraṃ prāṇamarthaṃ ca sadgurubhyo nivedayet || 48 || iti sarvatatvopalakṣita paracidvedhanirvāṇadīkṣāvijñānamayī gurudakṣiṇāntaṃ kathitā || tataśca samayaśrāvaṇaṃ kathyate || yathā | samayāśrāvayet paścādāgame kathitaṃ yathā | bhaktiprahvasya śiṣyasya gurūṇābhūgatasya ca || 1 || śivabhaktiṃ dṛḍhāṃ kuryādgurau vahnau śivāgame | ananyabhāvato bhāvamāhnikaṃ naiva lopayet || 2 || p. 16b) kāraṇeśānnanindyāttu nekṣennagnāṃ parastriyam | na jātu kutsitaṃ brūyādanicchantīṃ na kārayet || 3 || na prāṇinaṃ jighāṃseta vivadennetaraiḥ saha | deśanindā na kartavyā śilpinena tiraskaret || 4 || samayācārahīnānāmāgamāntarasevinām | śivanindāparāṇāṃ ca saṃgatiṃ naiva kārayet || 5 || gurvagre dyūtamithyoktirankamo * vijṛmbhaṇam | hāsyamuṣṇīśakaraṇaṃ yānavāhanasevanam || 6 || lālanantu apatyānāṃ nārīmukhanirīkṣaṇam | maṇḍanaṃ darpaṇā lokamuttarvanama sauṣṭavam || 7 || tāmbūlabhakṣaṇaṃ caiva cchurikāśastradhāraṇam | mūrdhāpidhānaṃ vastreṇa sannikarṣopaveśanam || 8 || ya * ryaṣṭikābaṃdhanaṃ ca yogapaṭṭopaveśanam | etānanyānapi tathā varjayet sarvathā śiśuḥ || 9 || dūrasthaṃ nikaṭasthaṃ vā darśane darśane sadā | daṇḍapraṇāmake naiva svaguruṃ praṇamecchiśuḥ || 10 || kardamopamaśuddhoyamaśmāloṣṭhaṃ ca bhūtalam | vicāraṇātrano kāryā praṇameddarśane guroḥ || 11 || sasaṃbhramaṃ samutthāya gacchantaṃ pṛṣṭato vrajet | dṛṣṭvā guruṃ prayatnena vinītaḥ prāñjaliḥ śiśuḥ || 12 || darśanāt sparśanānnityaṃ tathā saṃkīrtanāt | guroḥ pāpakṣayaṃ yāti dhyānācchaiva mahacchiśoḥ || 13 || gurubhaktantu sacchiṣyamanugṛhṇanti devatāḥ | yakṣāvidhādharāścaiva tathā kiṃ puruṣādayaḥ || 14 || tasmāt sarvaprayatnena guruṃ śaraṇamāśrayet | gurvāyatte yataḥ sarva trailokyaṃ sa carācaram || 15 || itthaṃ saṃkṣiptasamayaṃ śrutvā śiṣya praṇamya ca | guruṃ sarvātmabhāvena paścāddināndhapūjanam || 16 || bhojanairvaravastraiśca tathā dakṣiṇayāpi ca | kuryāttapasvi viprāṇāṃ naṭagāyanakeṣua ca || 17 || puṣpāñjaliṃ samuddhṛtya tridhā kṛtvā pradakṣiṇam | gurave parameśāya svātmānaṃ vinivedayet || 18 || ye cānye gurusaṃtāna kramikāḥ pūrvadīkṣitāḥ | guruvastepi vijñeyāḥ susammānyā gururyathā || 19 || kaniṣṭhābhātarā p. 17a) ye ca ye cānye bhrātṛputrakāḥ | samānyāyogyatāmīkṣate jñānā'jñādibhiḥ kramāt || 20 || samayaḥ sarvathāpālyaḥ śāstre śāstre sthito yathā | tanmūlāḥ siddhayaḥ sarvāḥ sarvatraiva vyavasthitāḥ || 21 || samayānāṃ vilopena śāstralopakṛtambhavet | śāstralope kṛte luptaḥ svayaṃ devo maheśvaraḥ || 22 || vilupte parameśāne saṃskārādi vilupyate | tato viluptasaṃkāro narakādiṣu pacyate || 23 || ato na samayatyāgaḥ prāṇānte ca samācaret | samayasthaṃ samāyānti nivāsāyāṃ hi siddhayaḥ || 24 || kupitaṃḥ pātayecchailāñchoṣayejjaladhīśvarān | sphoṭayecchailavṛkṣāṃśca samayācārapālanāt || 25 || snāne devārcane roge muktakeśe śayānake | praṇamenna guruṃ śiṣyaḥ kāyena manasā namet || 26 || āvaśyake tu tailākte bhojane rati saṃgatau | vapane vamane caiva praṇamenna guruṃ śiśuḥ || 27 || naivopaveśyamagre tu śiraḥsthāne tathoccake | guroragre tathaikānte vipṇvadhastādgurau sthite || 28 || gurvālaye tu saṃprāpte dūrādakṛtamaṇḍanaḥ | dvāramādau praṇamyātha praviśet saṃyataḥ śiśuḥ || 29 || yathā siddharasasparśāttāmraṃ bhavati kāṃcanam | tathaiva gurusaṃsparkācchiśoḥ pāpakṣayambhavet || 30 || guroḥ pāda samīpe tu sevanīyaṃ śiśuḥ sadā | bahupralāpannavadedvadetyukte tu saṃvadet || 31 || ādiṣṭe guruṇā kāryaṃ svayaṃ kurvīta nānyataḥ | pādaprakṣālanaṃ svāpaṃ tathā pāda prasāraṇam || 32 || kartanaṃ nakhakeśānāṃ varjayedgurusannidhau | anujñāṃ prāpya vā kuryādgurudṛṣṭeragocaram || 33 || yā nārīkāmitāṃ pūrvaṃ prasangādguruṇā bhavet | manasāpi na śiṣyeṇa kāmitavyā svamātṛvat || 34 || pāṇḍityātiśayānmānādrūpadraviṇavardhataḥ | guruṇā saha vāgvādaṃ kadācinnaiva kārayet || 35 || guroḥ śaktyāṃ ca pīṭhaṃ ca pādukopānahe tathā | ḍolā ca vāhanaṃ caiva guruvat pūjayet sadā || 36 || p. 17b) sevārthamāgate dhāmni vahiḥkvāpi gate gurau | tatsambhuktopakaraṇāṃ tadvatsaṃpūjayecchiśuḥ || 37 || tadbhārbhā tatsute caiva tadbhātari ca mitrake | tadbandhuvarge tu bhṛśaṃ guruvadvattayet sadā || 38 || praṇamet tu yadā devaṃ svaguruṃ vā gururyadā | tadā svayaṃ ca praṇamedgurorbhaktiṃ vidarśayet || 39 || guruṇā kathite kiṃcidbrūpādādeśapūrvakam | jī u ityapi brūyādvi * * * * * * * * * | * * * * * * * * * * * * * * * | * * * * * * * * * * * * * * * | * * * * * * * * * * * * * * * | * * * * * * * * * * * * * * * | * * * * * * * * * * * * * * * | * * * * * * * * * * * * * * * | yona pālayate bhaktyā samayācāramalpadhīḥ || sayāti narakaṃ ghoramityājñāpārameśvarī || 53 || kumbhīpāke mahāghore asipatravane tathā | avīcī raurave caiva prajvalantāmra mandire || 54 || p. 18a) ityevamādi narake saptakoṭi samudbhave | pacyate bhuvanaṃ yāvadgurvājñālopane kṛte || 55 || ena daṇḍe tathā yuddhe mārge caurākule guroḥ | prāṇasaṃkaṭake prāpte svaprāṇāntetra muñcayet || 56 || rudrākṣairbhasmanā vāpi śivacihnaiḥ sucihnitam | guruvat pūjanīyo syaikamapyāgatamādarāt || 57 || na pṛcchedāgataṃ veśma kula vidyābhidhānakam | narake śoyamavyagraṃ dhyātvā bhu * payet sukham || 58 || athavā | samaṃ sarvamidaṃ boddhyaṃ trailokyaṃ sa carācaram | śivaśaktyoryataścihnairvyañjitaṃ saṃpradṛśyate || 59 || tasmān māheśvaraṃ sarvaṃ dhyāyet tu lakṣakaḥ sudhīḥ | ataḥ saṃpūjayet sarvaṃ tatvavrātaṃ tadāśrayet || 60 || krodhomadaśca mānaṃ ca naivāgrāhyāḥ kadācana | bāhyalingapurābhyarcya paścādabhyantaraṃ yajet || 61 || yataḥ | vihīnāgnau yathā kuṇḍe bhasmayukte hutambhavet | tathā vai bhaktihīnasya śivapūjā nirarthakam || 62 || iti śiṣyasya samayācāra śrāvaṇaprakaraṇam || uktā purātu ṣaḍviṃśattatvadīkṣā yathākramam | paścāt paṃcakalādīkṣā navatatvātmikā punaḥ || 1 || tatvatrayātmikā caiva dīkṣānirvāṇa dāyikā | tathaikatatvikā caiva dīkṣāmokṣā layā śubhā || 2 || evaṃ kriyāvatīṃ kṛtvā purā vai loka sammatām | gadya bhaṃgyā tu kathitāṃ bhaktiyukte tu śiṣyake || 3 || paścājjñānavatīṃ kuryāt ṣaṭsadvedhavidarśitām | kathitāṃ padmabhangena jīvanmuktiṃ pradāyikām || 4 || netrodyotamidaṃ dīptamajñānatimirāpaham | bhuktimuktipradaṃ śreṣṭhaṃ deśikā carcayantvidam || 5 || amṛtīśasya devasya netrodyotantuṭippaṇam | kulākulasamudbhūtaṃ jñānadīkṣāsubodhitam || 6 || itthaṃ mayā viracitaṃ tu maheśadīkṣā saṭṭippaṇaṃ svahṛdaye vidhivadvicintya | tasmāt suciṃtya hṛdaye kaluṣaṃ vihāya saṃcacayantu nipuṇaṃ varadeśikāstat || 7 || p. 19) bhairavasyāmṛtīśasya dīkṣāṭṭippaṇakaṃ sphuṭam | viśveśvareṇa racitaṃ sajjanāṣvaryantvidam || 8 || mātsaryamutsāryavicāryayuktyā sadbhiḥ sahālocya maheśadīkṣām | viśveśvareṇa racitāṃ varadeśikāstāṃ samyak prabuddhamatinā khalu caryayantu || 9 || mayā svabhaktyullāsena kṛtaṃ dīkṣāsuṭṭippaṇam | śarvaḥ sarvaṃ na jānāti tasmāt kṣamathadeśikāḥ || 10 || tathāpi | viśveśvaraḥ sakalatatvamahābhyagarbhaṃ devasya candraśirasaḥ khalu tatvamūrteḥ | dīkṣākramaṃ sakalaśaivamahārthaśāstraṃ jñānapra * matināracitaṃ mayai tat || 11 || yojānātikulakramaṃ parapadaṃ śaivaṃ tathā gārūḍam | vaināyakya padaṃ ca cāṇḍamatakaṃ sauraṃ ca viśveśvaraḥ | śrīcandrāmṛtabhairavasya vidhinā dīkṣākramaṃ tātvikaṃ śambhorvaktrasamudbhavā gamadhiyā tenaiva tannirmitam || 12 || iti śivasaptasrotāgamagaṇābhiprāyāduddhṛtāmṛtīśanetrodyotā-'pratihatamahādi ikṣāsuṭippaṇakaṃ samāptam || ########### END OF FILE #######