####################################################
MUKTABODHA INDOLOGICAL RESEARCH INSTITUTE
Use of this material (e-texts) is covered by Creative Commons license BY-NC 4.0
Catalog number: M00601
Uniform title: caturvedārthatātparyasaṃgraha
Manuscript : IFP transcript T01061 copied from a MS belonging to G. Swaminatha Gurukkal

Description: 
viraśaiva text.


Notes: 
Data-entered by the staff of Muktabodha under the direction of Dr.  Anirban Dash.

Revision 0: August 22, 2021      
Revision 1: March 27, 2022

Internet publisher : Muktabodha Indological Research Institute
Publication year : 
Publication city : 
Publication country : India
####################################################



ifp transcript 1061
|| caturvedārthatātparyasa"ngrahaḥ ||

pṛ0 1) yasmai namo bhavati yasya guṇāḥ samagrāḥ
nārāyaṇopaniṣadā yadupāsanoktam |
yo naḥ pracodayati buddhimarikṣatau ya-
staṃ tvāmananyagati īśvara saṃśrayāmi || 1 ||

vedeṣu vā tadanuyāyiṣu vā vicārya
tantreṣu vākyamakhilaṃ pratipādakaṃ te |
tātparyasaṃgrahamahaṃ vidadhe ?
mahyaṃ prasīda naya māmṛjunā pathātvam || 2 ||

mantrārthavādavidhibhirbahudhā vibhakto
yaḥ śabdarāśiranapekṣatayā pramāṇam |
so'yaṃ vimatsaravimṛṣṭaparārthatattvo
vedaḥ prakāśayati kevalamīśvaraṃ tvām || 3 ||

pṛ0 2) śabdo'yamīśvara iti śrutigocaraḥ sa-
nnānīlakaṇṭhamavataṃsitacandrarekham |
tvāmeva bodhayati nātha nijārthapoṣā-
danyaṃ punaḥ prakaraṇādinipīḍanena || 4 || 

śabdastavāyamabhidhānamananyaśabdo
naighaṇḍukāśśivapadādivadenamāhuḥ |
vastusvabhāvakṛtameva tu pūjyabhāvaṃ
brūte maheśvara mahānparamaśca śabdaḥ || 5 ||

yasyopasarjanamasau paramo mahān vā
śabdastadarthamabhidhātumalaṃ prakṛṣṭam |
śabdena pūjyavacanena samāsyamānaṃ
pūjāṃ bravīti yadi śabdavidaḥ pramāṇam || 6 ||

nānīśvaraṃ bhavitumarhati viśvametat
bāhyeśvaraṃ ca nitarāmayathāpramāṇam |
tallokavedaviditeśvaravarjanena
ko'yaṃ bhramaḥ katicidīśvaramanyamāhuḥ || 7 ||

pṛ0 3) viśvaṃ nirīśvaramidaṃ jagadāha sāṃkhyo
yogaśca seśvaramubhāvanuvādino'nye |
natveva sambhavati seśvaratāṃ bruvāṇāḥ
padmāsanādibhiranīśvaraśabdavācyaiḥ || 8 ||

aiśvaryamagryamanapāyinabandhanaṃ te
yadbhūtaramyanamasāmasi pātramekam |
tatprāyaśaḥ śrutiṣu durlabhameva vākyaṃ
muktvā namo bhavati yatra tava prasa"ngam || 9 ||

deva tvadekaviṣayāṇi namāṃsi puṃsāṃ
yasmai namaḥ śrutibalādavadhārayāmaḥ |
devāntareṣu vihitānyapi tānyamuni
srotāṃsi sāgara iva tvayi saṃpatanti || 10 ||

yasmai namaśrśrutiranūdya namasvinaṃ tvā-
mekā niyojanamuvāca paśoḥ kapardin |
anyā ca divyaśiśumāraśiśo bhavantaṃ
śakyaṃ taditthamubhayena namo vidhātum || 11 ||

pṛ0 4) śrutyordvayorapi namasvinamuccamānaṃ
tvāmeva taṃ tamanusaṃdadhataḥ pradeśam |
śaṃsanti mandamatayo'pi kimāpatantaṃ 
madhyandine'pi savitāramapahnuvīran || 12 ||

karmaiva śūladhara śūlagavaṃ tvadīya
mantrā bhavantamakhilāḥ pratipādayanti |
tvāmantareṇa namasā kṛtalakṣaṇāya
kasmai paśuṃ niyujāma mayājayatvam || 13 ||

a"ngāntareṣu vibudhāntarasaṃskṛteṣu
yaḥ śiṃśumāraśirasāḥ pariśiṣyase tvam |
tasmai namo bhavitumīśvara sāmpramaṃ te
devāntarāya na kathañcidanīśvarāya || 14 ||

yā vajriṇī bhavati śa"nkaraśa"nkhinī yā
mudrā ca yā kamalinī bharatopadiṣṭā |
tābhirbhavantyabhinayā vibudhāntarāṇāṃ
maulispṛśā karapuṭāñjalimudrayā te || 15 ||

pṛ0 5) dattaṃ namaḥ kimapi śuśruma devatābhi-
stvāmantareṇa namasāmavasānabhūmim |
tāstadgrahītumanalaṃ na hi kiñcidiṣṭe
coropanītamiva dhārayituṃ kirīṭam || 16 ||

tasmai namo bhavati yatra niṣīdasīti
sarvaṃ namasyamanayā tu diśā maheśa |
ādyoṣadhaṃ prati namo vayamāmanāmo
dehīva dehamadhi(ti) ṣṭhasi yena sarvam || 17 ||

sarvaṃ tvayā jagadadhiṣṭhitameva matvā
śvānaśrutau namasi tāḥ patayaśca teṣām |
loke punastava maheśvarabhaktiyogā-
dāropitā api vayaṃ bahumānapātram || 18 ||

dvedhā namo vimṛśataḥ pratibhāti loke
vedeṣu vā viṣamalocananānyarūpam |
yattannamastvayi tadīśvaratāprayuktaṃ
tatsannikarṣavihitaṃ yadi nīśvareṣu || 19 ||

pṛ0 6) tvatsannikarṣakṛta eva namaḥ prayogaḥ
prāyo varīyasi yavīyasi dṛśyamānaḥ |
śraiṣṭhyaprayuktamiti kalpayituṃ na śakya-
maśreyasāmasi namāṃsi nidarśitāni || 20 ||

śraiṣṭhyaprayuktamapi nāma namastvadīyaṃ
śreṣṭhyāsi yaḥ kratubhujāṃ patiraghniyānām |
śraiṣṭhiśruto'si bhagavannaviśeṣatastvaṃ
mantreṣu kṛcchrapaṭhiteṣu ca sāmagānām || 21 ||

devāntaraiḥ saha namaskṛtibhūtayaste
toṣāya nālamalameva viparyayāya |
putrārthinaśca (ścaru) ruruvidhau saha candramaule
somena hūtamanuśuśruma rudramagnim || 22 ||

agniṃ prakṛtya khalu rudrapadaṃ prayu"nkte
tadbrāhmaṇaṃ bhavati tayoḥ sahūtiḥ |
āhvānamatra bhavataḥ pṛthageva dṛṣṭaṃ 
yatprātaragnimiti sūktavidaḥ paṭhanti || 23 ||

pṛ0 7) agnyādibhiḥ saha maheśvarabhūtiśa"nkā
mābhūditi prakṛtimapyanuṣa"ngayogyam |
mantraḥ kriyāpadamapāsya padāntareṇa
tvāmāhvayantu tapade na bhinatti rītim || 24 ||

nyāsīkṛto vasubalādamarairavāstu-
mahnāgato ruditavāniti rudramagnim |
rudrāṃ svadudbhavatayā maruto gaṇān vā
rudrāvaro na ca bhavantamavaimi rudram || 25 ||

yajñe'pi rudrapadamāruṇaketukoktaṃ
tacchabdamīśvara tadīśvara tadīyamapi smaranti |
yattatpradeśagatarudrapadāvakāśe
yajñasya śabdamanuśuśruma sāmagebhyaḥ || 26 ||

santāpya rodayitari prasabhaṃ ca nānā-
māhurjvare'pi viṣamekṣaṇarudraśabdam |
raudraṃ ca tatprakṛtikaṃ pratirūpakaṃ vā
śabdāntaraṃ bhavati vāyasaśabdakalpam || 27 ||

pṛ0 8) santyeva taddhitayadapratirūpakāṇi
bhūrīṇi bhāvata sāttvatasannibhāni |
syāttādṛgeva bhagavāniti śabdarūpaṃ
ṣāḍguṇyahetukriyadravi(mapi)tvadupaiti nānyam || 28 ||

aiśvaryamagayamanapāyimatī ca lakṣmī
jñānaṃ ca vīryayaśasī ca virāgatā ca |
ete guṇādhipate bhagasaṃjñayoktā
saṃsanti no na bhagavan bhagavānasi tvam || 29 ||

aiśvaryamīśvarapadaśrutirudraśabdo
vīryaṃ yaśaḥ śivapadaṃ ca tavābhidhatte |
sarvajñakāmaripuśabdasamarthitau ca
sarvajñarāgavirahau bhavataḥ purāre || 30 || 

arthakriyā śiva na ko'pi virajyataste
śreṣṭhastathā tvamasi dāśatayī riktam |
labdhuṃ śriyaṃ munimacāri vicitrarūpa-
mabhyarcitaṃ tava marudbhirudāharanti || 31 ||

pṛ0 9) satyaṃ kṣamā dhṛtiradhiṣṭhatirātmabodhaḥ-
sṛṣṭirvirāgatapasīmatirīśvaratvam |
na tvadviyanti na kadācidapaiti dharmaḥ
kiṃ tanna yadbhavati te guṇasaṃmateṣu || 32 ||

naiveśvarānna yaśā mahato na vīrā-
nna śrīmataḥ kṣitipatīnapi sārvabhaumān |
anyādṛśānapi maheśvara vītarāgān
prajñāvato bhagavataḥ pravadanti buddhāḥ || 33 ||

atharvaṇā madanaśāsananibruvāṇā
nāmāni nāma bhagavāniti te nirāhuḥ |
atyāśramopaniṣadāha bhageśvaraṃ tvāṃ
naikhaṇḍukāśca bhagavantamuśanti pūjyam || 34 ||

pūjā tamuṣṭuhivatā vihitā maheśa
mantreṇa vā"nmanasakāyanibandhanā te |
sarvābhirapyupaniṣadbhirupāsanoktā
nārāyaṇopaniṣadaṃ paribhāvayāmaḥ || 35 ||

pṛ0 10) vākyaṃ yadāha daharāntarupāsanaṃ te
yadvā samaṃ pacati rūpaviśeṣamasmai |
antargatairapi tadaupayikābhidheyai-
rgopyaṃ vacobhiriti vākyavidāṃ pravādaḥ || 36 ||

nārāyaṇasya yadupāsyatayābhidhānaṃ
yadvā phalaṃ tadiha nopalabhe kathañcit |
utpattiśiṣṭabhavadanayamanyagāmi
śakyaṃ maheśvara na kartumupāsanaṃ te || 37 ||

nāsāvupāsanamupāsyakathaiva dūre 
tasmā upāsakatayā pariśeṣasiddhaḥ |
antarvyavasthitagirā paramātmanaste
śabdādṛte'pi vihitaṃ tadupāsakatvam || 38 ||

yasya sthito'pi hṛdaye para(ma)stvamātmā
yattanna tasya paramātmatayābhidhānam |
svena svayaṃ manasi vahniśikhāntarāle
tiṣṭhantūpāsya iti hāsyapadaṃ na kasya || 39 ||

pṛ0 11) nārāyaṇaprakaraṇe hṛdayaṃ yaduktaṃ
tasyaiva tadbhavitumarhati nāparasya |
dṛṣṭā yatiprakaraṇe yatibhirgṛhītaṃ
pūrvānuvākavihitaṃ yadupāsanaṃ te || 40 ||

brahmocyate paramasau paramaṃ ca tattvaṃ 
jyotiḥ paraṃ ca parameśvara padmanābhaḥ |
tvadbhāvanaikarasikastvadananyabhāvā 
mantrī yathā garuḍabhāvanayā garutmān || 41 ||

gītāsu yogajavibhūtivibhāvanāya
nārāyaṇaḥ śivanaraṃ prati vācamūcai |
yogaṃ niśāmaya maheśvaragocaraṃ me
divyaṃ dadāmi tava cakṣuriti prasannaḥ || 42 ||

tvāmantareṇa na kathañcidupāsanīya-
manyaṃ bravīti saśivastutirandhakāre |
yadbrahmaśabdasamabhivyavahārayogāt 
saṃhārakāriṇi hare śivaśabdamāhuḥ || 43 ||

pṛ0 12) viśvādhikastvamasi viśvamayaṃ murāri-
ryajñeśvarastvamasi yajñamamuṃ gṛṇanti |
ādyā jagatprakṛtireṣa bhavānimittaṃ 
mātaḥ kathaṃ nu yuvayorbhagavannabhedaḥ || 44 |

viśvātmanastutiṣu viśvapatitvavādaḥ
saṃgacchate stuti tayaiva rathā"ngapāṇeḥ |
viśvasya patyuratha viśvatayābhimānaṃ
nālaṃ guṇāya guṇagṛhyanikarṣahetuḥ || 45 || 

viśvaṃ maheśvara bhavānadhitiṣṭhatīti 
viśvātmatāmupacaranti yadāgamāste |
tatpaṇḍitā viditavedarahasyaśīlā
jānanti mūḍhamatayastu tadeva satyam || 46 ||

tubhyaṃ namo vidadhadīśvara taṃ tamartha-
mātiṣṭhate sakalakarmasu sarvadarśī |
sarvānuvākamamimuktasamarthanāya
kātyāyano munirudāharati sma gṛhye || 47 ||

pṛ0 13) sthānaṃ yadantaramupāstirupāsako vā
yā sā tathā paratayā vividhānibhūtiḥ |
yadvā punarviṣamanetramupāsitavyaṃ
nārāyaṇopaniṣadāha tadatra sarvam || 48 ||

yajñātmanā svayamasāvṛṣiṇopadiṣṭā
nārāyaṇena bhavatā pratipādayitrī |
sūktaṃ yathā puruṣadaivatamantakāre
nārāyaṇārṣamiti tadvyapadiṣṭamāhuḥ || 49 ||

eṣā mahopaniṣadāha hiraṇyagarbhaṃ
jātaṃ tvadeva bhagavan prathama surāṇām |
nārāyaṇābhijanamena mandāḥ
śaṃsanti tatra bhavataśca tataḥ prasūtim || 50 ||

madhye lalāṭamaravindabhuvakṣaṇena
dṛṣṭo bhavāniti ka eṣa nikarṣavādaḥ |
yogādhirūḍhamanasaśśiva mādṛśo'pi
sthāneṣu pañcasu na kasya tavopalambhaḥ || 51 ||

pṛ0 14) brahmāṇi pañcatanavastava mantrarūpān 
jīvātavaḥ paśupateḥ śivasaṃhitānām |
rudreṣu puṇyamiva pañcakamakṣarāṇā-
masyāṃ mahopaniṣadīti mahattvavādaḥ || 52 ||

vidyeśvarastvamasi bhūtapatistvamekaḥ
sraṣṭā bhavānadhipatiḥ sṛjati prapañcam |
yadbrāhmaṇān prati tava śrutamādhipatyaṃ
tadbrāhmaṇo mama sadā śivajanmalābhaḥ || 53 ||

vidyeśvara kva punaruktatayā na vācyaṃ
vedādhipatyamayameva maheśa vedāt |
vidyā bhavanti śataśaḥ pravibhajyamānā
srotāṃsi nīrasarideva pṛthakkṛtāni || 54 ||

ādityamṛgyajuṣasāmanidhānakośe
bimbe niviṣṭamadhitiṣṭhati pauruṣo yaḥ |
eṣā tameṣa iti sābhinayā bhavantaṃ 
bhūtādhipatyavacanena śaśāṃsanāmnā || 55 ||

pṛ0 15) ukto hiraṇyapatireṣu hiraṇyabāhu-
ruktāmbikāpatirumāpatireṣa uktaḥ |
āhurbhavantamadhidaivatamuṣṇaraśme-
rātastvadarcanavidhau bhagavannabhijñāḥ || 56 ||

yo maṇḍalaṃ tapati yaśca tadantarātmā
yā cānayorbhavati bhūtapatervibhūtiḥ |
jānāna etadapi yatphalamaśnute ca
sarvaṃ yathāvadiha tatkathituṃ krameṇa || 57 ||

mānāma bhūdakhilamanyadimaṃ pradeśa-
madhyāpitāstaditi mantravido vadanti |
vācyaṃ kramasya savitā saviturvareṇyaṃ
kiṃ vā bhavāniti hi tarkapadena teṣām || 58 ||

bhāsvantameṣa viṣayīkurute na mantraḥ
śaknoti vaktumadhidaivatamīśvaraṃ tvām |
yasmādayaṃ tvayi nirohati bhargaśabdaḥ
prajñāpya codakatayā yadadhīyase tvam || 59 ||

pṛ0 16) sānto'yamantakaripo yadi bhargaśabdo
yattatpadadvayamananvayili"ngabhedāt |
anveṣayedabhayadanyadabhinnali"nga-
maśrūyamāṇamasamañjasa eva pakṣaḥ || 60 ||

śabdasmṛterasuni vā ghañi vā padānte
yuktaṃ vadatyubhayathā svaramādyudāttam |
vinyastakārakamavaimi padaṃ ghañantaṃ
maitrāyaṇaśrutiparāhatasāntabhāvam || 61 ||

maitrāyaṇaśrutirasau taditi prakṛtya
bhargaṃ bhavantamabhidhāya vicintanīyam |
rudrasya bhargapadagocaratāṃ bruvāṇā
sāntaṃ pratikṣipati bhargapadaṃ purāreḥ || 62 ||

sāntaṃ padaṃ tadapi naiva dadāti vaktuṃ 
yadbrāhmaṇaṃ talavakāriṇamāmananti |
praśnottarakramanirūpitapūrvapādaṃ
pādastadīyamatha bhargamayaṃ bravīti || 63 ||

pṛ0 17) bhargaḥ pracodayati yo dhiyamasmadīyān
taṃ dhīmahīti ghaṭanā vinimāpya li"ngam |
vācyasya bhagavata svapadābhidhānaṃ 
bhargasyamityapi ca sāmbavaco nirodhaḥ || 64 ||

tvāmeva mantropaniṣadbravīti
tadityṛco'syāḥ pratipādyamartham |
tadakṣaraṃ tatsaviturvareṇyaṃ 
prajñā ca tasmāt prasṛteti śabdaiḥ || 65 ||

bhargo'pi san savitṛśabdasamanvayena
sāvitratāmapi vigāhata eṣa mantraḥ |
tattatpadadvayavaśena maheśamantraṃ 
taddevatānapi hi mantravidaḥ paṭhanti || 66 ||

apyarkadaivatimṛcamāmanāma
śabdena viśva iti śa"nkaravaiśvadevīm |
pitryaṃ ca matta iti puṣyapadopaniṣṇā-
metādṛśāni kati nāma ni * * tāni || 67 ||

pṛ0 18) eṣā gatiḥ śrutigirāmiti nirṇayena 
tattadgṛhārcanavidhau munayaḥ smaranti |
mantreṇa śa"nkara śanaiḥ samupakrameṇa
budhyasva śabda na hi tena budhasya pūjām || 68 ||

āmnāyamṛgyajuṣasāmanidhiṃ vicintya 
sāraṃ samuddhṛtavatā parameṣṭhināpi |
mantra * * * dayamadṛṣṭayāntareṇa
dṛṣṭaścarācaraguro manunā yathoktam || 69 ||

gṛhṇātu kāmamanassakalaṃ haviste
rājño balaṃ haratu bhāgadughaḥ prajābhyaḥ |
pārthena śa"nkara niveditumambujākṣe-
naiśaṃ hi visphuṭamadṛśyata pādayoste || 70 ||

* * tvadarthamanuśuśruma sūyamāna-
mālambhanaṃ paśupate niyataṃ paśūnām |
gavyaṃ ca tena gavi sadeva tadadhvareṣu
caṇḍeśvareṇa saha nākasatāṃ vivādaḥ || 71 ||

pṛ0 19) utpattitaḥ śivagṛhītasamanvayāste
somaḥ paśurgavi ca santi havīṃṣi yāni |
devāḥ * * pa viṣi bhāgamanujñayā te 
gṛhṇanti tadvaditareṣu vikalpanīyam || 72 ||

karmaikameva na paraṃ paśubandhanaṃ te 
kartavyamāharupalabhya tavābhyanujñām |
sarveṣu karmasu bhavatprasavena puṃsā-
mārambhaṇaṃ prapadamantravido gṛhṇanti || 73 ||

saṃkalpitaḥ prabhṛti * ṣṭatanuṃ vibhajya
devān prajāpatimukhān pratidarśayantaḥ |
somāhutiṃ hutavahārciṣi hūyamāna-
madhvaryavastava gṛṇanti giriśabhāgam || 74 ||

sarvaṃ dhanaṃ dhanapaterupabhuktaśiṣṭaṃ
yaddevatātithisamāśritabhṛtyavargaiḥ |
yajñeśayajñapariśiṣṭamapi tvadīyaṃ 
maṇḍi? grahiṣyati kare bhavatā yathoktam || 75 ||

pṛ0 20) gavyena somahaviṣā carubhiśca pakvai-
ryān saptasaptamunayo vibhajanti yajñān |
sarveṣu teṣvadhibhavānaviśeṣatastvāṃ
rājānamadhvaravidhau vayamāmanāmaḥ || 76 ||

agniṃ prakāśayatu śa"nkararudravantaṃ
mantrastvamagna iti vā tadanantaro vā |
rājanvatikṣitiritīva viśeṣaṇasya
nālaṃ pradīpamapanetumimau prakarṣam || 77 ||

yā rohiṇī bhavati devatayā tvadīyāṃ
tasyāṃ tvadekaviṣayau viṣamākṣadṛṣṭau |
mantrāvimau tadiha yajñapatistvamīśa
spaṣṭaṃ tvadekaviṣayaṃ pratiyanti dhīrāḥ || 78 ||

pitrā kumāramiva bhṛtyamiveśvareṇa
śiṣyaṃ girīśaguruṇeva guṇādhikena |
agniṃ tvayā kṛtaviśeṣaṇamūcivāṃsau
mantrāvimau gamayataḥ paramaṃ prakarṣam || 79 ||

pṛ0 21) ṛksaṃhitā vadati meyapatiṃ bhavantaṃ
rājānamadhvaravidherayamāha mantraḥ |
tvatsūktamantragaṇimaṇḍanamauliratnaḥ
rūpeṇa vatvadabhidhānagṛhītaśaktiḥ || 80 ||

tvatkaṃ purā maraṇatasnuyirtu * kalpā-
dākāraṇaṃ paramakāruṇikaṃ bruvāṇāḥ |
mantro'yamāva iti yāvadupakramāyā
mūlaṃ maheśaviditaṃ śivadharmasūkteḥ || 81 ||

bhīmo'si śa"nkaramṛgo na nidarśanaṃ te
tejobhiraccalitasūryasahasrakalpaiḥ |
akrodhanasmi(ta)mukho'pi nijānubhāvā-
dāpātatastanubhṛtāṃ nṛpatirbhayāya || 82 ||

abhyudyataṃ giriśavajramadhīmahe tvā-
ntvajībibhyataḥ pavanabhānukuśānuśakrāḥ |
mṛtyuśca tattadadhikārabhṛtastathānye
brahmatvalakṣaṇamayaṃ bhayahetubhāvāḥ || 83 ||

pṛ0 22) ghorā śivā ca bhagavan tu bhayistanuste
ghorābhiṣajyati bhavān tadupāsyamān |
anyā bhiṣakjanakṛtāṃ mṛjamikṣamāṇā
dṛṣṭyā dadāti śivātmano'pi || 84 ||

ghorānnamo vidadhataḥ śamayanti rudrai-
rārtā hi ghoramupayānti cikitsitā * m | 
pṛṇanti śa"nkaraśivaṃ ca makānuvākai-
homasya yattava bhavantyubhaye'pi mantrāḥ || 85 ||

viṣṇuprajāpatipurandarapūrvakeṣu
vājāditulyamitareṣvapi daivateṣu |
āśaṃsiteṣu camakāḥ pariśiṣyamāṇaṃ
dātāramīśvarabhavantamaśabdamāhuḥ || 86 ||

yuktaṃ na mā nayitumīśvarasannidhau te
devāntarāṇi mahatāmiva martyamātram |
antarddhimadhvaravidhau tadapekṣamāṇā-
stvatkarmasīmni pariṣecanamācaranti || 87 ||

pṛ0 23) ātmāntarāṇi paśavaḥ paratantrabhāvāt 
svātantryataḥ paśupateḥ patirīśvaratvam |
ātmānamanāpaniṣadāḥ pravadantyanīśa-
mīśaṃ bhavantamubhayorubhayaṃ svabhāvaḥ || 88 ||

saṃprāpta eva sati śa"nkarapāśupatye
kasmai vareṇyavaraṇaṃ kṛpaṇocitaṃ te |
vidhyarthamadhyayanacodanayā gṛhītā
jāpanti yatkimapi pa"nktivadarthavādāḥ || 89 ||

nānāvadānavacanādapi vāraṇīya-
stvatpāśupatyavaraṇaṃ pratilambhavādaḥ |
labdhuṃ varītumathavā kathameka eva 
pārān bahūnapi maheśvara śakyate'rthān || 90 || 

a"nge sthire'pi ritirūpamanīśvaraṃ te 
bhūrīṇi tāni ca bhuja"ngamamālahārin |
mantreṇa cāntariti yuṣmadupāsakānā-
māśvedakāyadaśanaṃ tadamoghamāhuḥ || 91 ||

pṛ0 24) bhāvopapannamanasāṃ tvadupāsakānāṃ 
puṃsāmamoghamaśanaṃ bhagavan bruvāṇaḥ |
mantro'yamantariti naḥ pratibhāti mūlaṃ
prāgbhuktamarcanavidheranuvāsaraṃ te || 92 ||

nātha tvayā pitṛmato maritastuvānā-
stvāmāmananti bharataṃ naṭanābhiyogāt |
vaiśeṣike khalu sati vyapadeśahetau
sādhāraṇena bharaṇena na kaścidarthaḥ || 93 ||

hiṃsāpratītirabhimānapadaikadeśa
riti padena tadvapanti |
kāmāntakatripuradakṣamakhādibha"nga-
vikhyātavikramatayā kathito'si vīraḥ || 94 ||

hiṃsābhidhātṛpadasannidhinājya-
rudreti nāma pa * śa"nkyaparāpavantaḥ |
mantre yathāgna iti ma"ngalavāci dṛṣṭa-
deveśarudriyapadaṃ punarāvapanti || 95 || 

pṛ0 25) śākhāsu śa"nkara sahasratayīṣu sāmnā-
māmnāyate tava na kevalamānubhāvaḥ |
sarvātmanāmadhipateraviśeṣataste
devavratādiṣu gaṇaḥ kathito'nubhāvāḥ || 96 ||

skandaṃ vināyakamubhāvapi te kumārau
sarvairgaṇaiḥ pitarameva nidarśayantau |
sāmopakāyamukhagāyamṛcāṃ gaṇeṣu
saṃprīṇayanti śivasāmavidhau yathoktam || 97 ||

brahmādikraṃ sakalamanyadapohya puṃsāṃ 
dhyātavyamekamabhidhāya śivaṃ karaṃ tvām |
vaktavyamanyadanapekṣya vimokṣahetu-
māyā(tha)rvaṇaṃ parisamāptimuvāca vedaḥ || 98 ||

yāmāmananti tava śa"nkaradharmadārā-
nadhvaryavaḥ sahajasiddhatayā svasāram |
atharvaṇāyamupasṛṣṭatayā bhavantaṃ 
dhyātavyamāhurapahāya pitāmahādīn || 99 ||

pṛ0 26) ekaśruto'si parameśvara sadīnidhāma-
mantrā yathā vyapadiśanti punaḥ punastvām |
tasyāḥ prabhāvamativācyamanasaṃ śivāyāḥ
kastyena vaktumanalaṃ kamalāsano'pi  || 100 ||

ekaṃ mukhaṃ tritayamīśvaralocanānāṃ 
catvāri doṣi viśadaṃ vapuradbhūtaṃ te | 
nityaṃ tadeva jagatāmupakāraheto
nānā bhavanti tanavastava divyarūpāḥ || 101 ||

kairātamīśvarapinākadharaṃ vapuste
kṛtyaṃ vasāmumayā saha dharmadāraiḥ |
ārādhayanti khalu parvaṇi sākamethe
puṇyaistriyambakahavirbhirananyabhāvāḥ || 102 ||

devāṃ samantaviniveśitamindhuṣīka-
mantarjayantamajarāmaravigrahaṃ tvām |
tadvāravandayitayā saha devasenaṃ 
kṣetrasya nāthamapi nātha yajanti dhanyām || 103 ||

pṛ0 27) patnyā samaṃ * * gaṇaiḥ saha vā sutābhyāṃ
sārdhaṃ tathā pariṣadā viṣamekṣaṇaṃ tvām |
adhyaṣṭamītithiniśāmukhamarcayantaḥ
pāpaṃ taranti vijayanti maheśamṛtyum || 104 || 

mantrā bhavanti viralā vibudhāntarāṇāṃ 
sadbhāva eva śivadarśitaśaktayaste |
tvannāmarūpaguṇavarṇanalabdhavarṇā
mantrā na śakyamavagantumiyattayā te || 105 ||

rudrānuvākapatakāni parasahasraṃ
nāmāni divyamapi rūpamanekaśaste |
śakyaṃ guṇāguṇayituṃ na guṇā yadi syāt 
bhaumeṣu pāṃsuṣu vinā tava devamāyām || 106 ||

vedastvatha bhavi kṛpāṃ tava vā praṇītiḥ 
sarvaḥ pramāṇamavihāya gṛṇāti lokaḥ |
tattatpravaktṛguṇadarśitatāratamya-
manyatpramāṇamavirodhini vedavākye || 107 ||

pṛ0 28) vedāḥ pramāṇamiti saṃgiramāṇa eva
divyaṃ tavāgamamavaiti janaḥ pramāṇam |
tvaddhyānavākyaviṣayaupayikaiḥ padārthai-
rāmūrdhamākalitavigrahamā ca mūlāt || 108 ||

dhyānaṃ yathā bhavati tadviṣayo yathākaṃ 
yā durguṇaśca bhagavānadhikārivargaḥ |
sarvāṇi tāni bhavadāgamasaṃhitābhiḥ
kalpairivādhvaravidherupapāditāni || 109 ||

adhvānamadhvapatimadhvani tāratamyaṃ 
śreṣṭhādhvapāragamanaṃ capalaṃ bravīti |
mantro'dhvanāmiti maheśvaragṛhyakāraḥ
pitrā kumāramupanīya yadāha vākyam || 110 ||

kalpāḥ pramāṇamṛṣibhiryadi naḥ praṇītāḥ
kinna pramāṇamṛṣiṇāṃ mahatāṃ maharṣe |
śakyaṃ na vaktuma * * grahadūṣitāni
tantrāntarāṇi bhavatā śiva kartṛmanti || 111 ||

pṛ0 29) ācakṣate yajuṣamārṣavidastapobhi-
rekaikamantradṛśamīśvaravedarāśeḥ |
draṣṭāramasya nikhilena nijānubhāvā-
danyānṛṣīnatimaharṣimato vidustvām || 112 ||

uktaṃ pradhānapuruṣeśvarameva sāṃkhyai-
rākhyāya pāśapaśupatyabhidhānabhedāt |
jetha tvadāgamavidaḥ śivasaṃgiraṃ tā-
metāvakamiti na stadupekṣaṇīyam || 113 ||

pratyakṣavedavihitaṃ prathitaṃ purāṇaṃ
bodhāyanena muninā bahuśaḥ
sarvārthadarśanapa * rapi gṛhyakārai-
ryajñopavītamiva vismṛtamarcanaṃ te || 114 ||

vedopabṛṃhakapurāṇavacaḥ prapañcai-
rāghoṣyate viṣamanetrasamarcanaṃ te |
tantrairalaṃ tadupabṛṃhitavedamūlai-
rvākyāhatannahamukhānilavapyapekṣam || 115 ||

pṛ0 30) (vedārtha) sanirṇayavidhau hi purāṇama"ngaṃ
nirṇītavedaviṣayā smṛtayo bhavanti |
ātaśruteriva purāṇagirissakāśe 
nālaṃ prakāśayitumātmabalāvalepam || 116 ||

mūlaśruteranupalambhaparāhatāyā
dūtīva yā na bhavati svarasātpramāṇam |
pratya * * * * * taṃ yajanaṃ tvadīyaṃ
tasyāḥ smṛterapi kimicchati dṛṣṭipātam || 117 ||

paurvāhṇikānupadiśanniyamān yadeta-
dabhyarcanaṃ manuravocata devatāyāḥ |
tatkiṃ punastava mahatyasi devatā tvāṃ
mṛgye'pi kācaśakalena maṇerivo * || 118 ||

patnyā samaṃ saha vṛṣeṇa vṛṣendraketo
yuṣmadbalīnupadiśaṃ daśāvakāśe |
abhyarcanaṃ bhavanakalpanapūrvakaṃ te 
bodhāyanaḥ kathitayā navayuktya gṛhye || 119 ||

pṛ0 31) dvedhā tavārcanavidhistaruṇendumaule
kāmāya kaścidaparai * * * kṣayāya |
apyannahotramubhayaṃ vayamāmanāma
svargāya yadbhavati yadduritaṃ kṣiṇoti || 120 ||
 
yadbrāhmaṇastvamasi nākasadāṃ nikāye
tubhyaṃ niveditamabhojyamiti smaranti |
ucchiṣṭamīśvaraviśiṣṭamahādvijānāṃ
bhūmau nikheyamathavāmbhasi majjanīyam || 121 ||

tvaṃ brāhmaṇastvadupadhāvanameva kāryaṃ 
tadbrāhmaṇaistuditareṇa bhavantyupāsyāḥ |
na brāhmaṇānavaravarṇiniṣevaṇena
saṃbhāvayema yadi naḥ prapadaṃ pramāṇam || 122 ||

utkarṣataḥ pariharantyapakarṣato vā 
kā vāsanā bhavati kasya kṛtena vidmaḥ |
yaddīkṣitasya patitasya ca tulyarūpaṃ 
pratyādiśanti munayaḥ kamanīyamannam || 123 ||

pṛ0 32) caṇḍālacaṇḍilacitānalaśauṇḍikānāṃ
gobrāhmaṇajvalanadīkṣitayoṣitāṃ ca |
sparśaḥ kathā bhavati vāsanayā niṣiddha-
spṛṣṭeṣu vā śivakathā vihitā viśuddhiḥ || 124 ||

varjyānnamāhurapi dīkṣitaṃ 
śrīkalpamabhojyānnameva kṛtarājaparīkṣayāntam |
śa"nkhāsthi pāvanamasti nṛṇāmitthaṃ sthite 
vacanantraparāyaṇaṃ naḥ || 125 ||

abrāhmaṇaiḥ kṣudapaghātakamastu bhojyaṃ 
yaddevatāntaraniveditamuktamannam |
tadbrāhmaṇairapi kimīśvaravaiśvadeve 
hāryo balirbalimatāmaśitena tena || 126 ||

teyāntarairaśitamuktamana"ngarāsi-
nnaśnanti cedanaśitena baliṃ harantaḥ |
āsyaikadeśavihito baliranyathāsaṃ
nālaṃ phalāya viparītaphalaṃ ca teṣām || 127 ||

pṛ0 33) brahmāṇamīśvara purā hatavānasīti
bhikṣāṭanaṃ vimṛśataḥ pratihānamātram |
yatpañcame śirasi puṣpasamaṃ nikṛtte
jīve tamenamamitāyuṣamāhurāptaḥ || 128 ||

ānābhijānavasitaṃ vasannaśāṇaṃ
pāṇau kapālaśakalaṃ na vilokitaṃ te |
nālambate śivaśivastavaketvayaṣṭau
bhaikṣaṃ na saptahavanaṃ sakalaṃ tadāstām || 129 ||

yatkālabhairavakṛtaṃ pata * * menaḥ
kiṃ tena te bhavati bhaikṣamathāpi vṛttiḥ |
tanmadhyapātini vidhe vibudhāntarasya
nirvedamācarati kiṃ nu bhavānajasram || 130 ||

yatpāśupatyamavṛṇodamarāntarebhyo
bhikṣāṃ bhavānakṛta yatparameśvaro'pi |
codyaṃ tadetadubhayaṃ parihartukāmo 
manye bṛhaspatirapi pratipattiśūnyaḥ || 131 ||

pṛ0 34) brahmāsi viṣṇurasi sarvamasīti yastvā-
māstāmupāsanavidhiṃ kathayanti mūḍhāḥ |
taddevatāntaranikarṣanigūhanāya
mohāya vā bhavantu jalpitamalpabuddheḥ || 132 ||

advaitamāgamaśirobhirupāsanāyā-
muktaṃ taveti paramārthatayā na vācyam |
bhedasphuṭo garuḍamāntrikayoralīkaṃ
tādātmyabhāvanamathāpi viṣaṃ pramārṣṭiḥ || 133 ||

yadbrahmapañcamaśiro * * * padānaṃ
yadbrāhmaṇāśca hariṇā ca vimārgaṇaṃ te |
yadvā tayorjanayitāramadhīmahe tvā
tatsarvamīśvaravimūḍhadhiyāmasahyam || 134 ||

some latātmani maheśvaragauṇavṛttyā
viṣṇoravādijanatvamṛcākayācit |
tvayyeva tadbhavitumarhati mukhyavṛttyā 
nendreṇa pa"nkajabhave nitarāṃmurārau || 135 ||

pṛ0 35) anyonya yadi bhavedahamīśvaraḥ syāṃ
tvaṃ vāhamīśvara kimatra niyāmakaṃ na |
ko vā viparyasitumarhati vastuśaktiṃ
tattatsvabhāvaniyatāṃ bhavatājñayāpi || 136 ||

ekaṃ tavāpyasukaraṃ tadudāharāmo
jātena bhāvyama * * ntaravattvayāpi |
aprārthito'pi hi maheśa maharṣidārai-
rantarhitastvasi garbhitagarbhavāsaḥ || 137 ||

icchāvatīrṇamuraśāsanagarbhavāsaḥ
syāccedudāharaṇameṣa vimarśanīyaḥ |
garbhe vasāmi pariveṣṭya jarāyuṇāhaṃ
māsān bahūniti maheśvara kasya kāmaḥ || 138 ||

icchāpi nūnamanuyāti purākṛtāni 
karmāṇi śa"nkara śubhāśubhalakṣaṇāni |
icchāvatāravacanāni tu bhāratādau
nārāyaṇasya guṇavādamudāharanti || 139 ||

pṛ0 36) vidhātāraṃ kaścidbhajati bhajate kañcana hariṃ
surānasyānanye jagati saphalāḥ sarvavidhayaḥ |
tathāpi tvadbhakteḥ śiva śiva yadā carmavaditi 
śruto mantro devāntarabhajanadainyaṃ na sahate || 140 ||

na bhinnā bhinnā nauralamudanidherudgamayituṃ
śilā naivonnetuṃ prabhavati śilāmantakaripo |
janitvā mṛtvā vā jagati parivartī suragaṇaḥ 
kathaṃ me saṃsārabhramaṇabhayabhājastu śaraṇam || 141 ||

śaśe śṛ"ngaṃ puṣpaṃ nabhasi mṛgatṛṣṇāsu salilaṃ
prasūtirvandhyāyāmanavadhimadāyustanubhṛtām |
vimuktirvā devāntarabhajanalabhyā paśupate 
* * * kyaṃ saṃbhāvayitumapi sarvaṃ vimarśatām || 142 ||

devatāntara punaḥ punarbhavaṃ paśyataḥ paśupate bhayaṃ mama |
krīḍato'pi mama janmamāsmabhūddīyatāmayamapaścimo varaḥ || 143 ||

pṛ0 37) * * * parigṛhītadevatā
varṇanaupayikasarvavā"nmayam |
dhigdhigīśvara * rdhāśayaṃ janaṃ 
tāvakairahamasāni sa"ngataḥ || 144 ||

pāṃsukelirapi yasya śaive
śaivapāśupatapādapāṃsubhiḥ |
stotrakarmaṇi na tasya me guṇa-
stadguṇo'yamupapadyate tvayi || 145 ||

stotrīyamarthamupapāditavānahaṃ te 
bhakteti bhaktajanavatsalabhūṣamāṇaḥ |
āvirbabhūvitha śikhīḥ śucināmbareṇa
yajñopavītamupavītadhṛtaṃ tripuṇḍraḥ || 146 ||

bhaktasivānadita pārśvacaropanītaṃ 
gṛhyaṃ maheśvarapayaḥ śrapitaṃ prasannaḥ |
bhuñjāna eva tadahaṃ tvaditi prabuddhaḥ
svapnaḥ samādhiriti yuktadhiyāmabhinnaḥ || 147 ||

pṛ0 38) stotrameta(da)vadhāya gṛhṇatā-
marthamasya nikhilena jānajām |
grāhyamanyadapi nāvaśiṣyate
jñeyamanyadapi vā na kiñcana || 148 ||

pañcāśaduttaraśatā śrutisūktimālā
bhogāca(va?)laṃ bhujagarājamanoharā te |
vedeṣu saktimaparāgamavaidikeṣu
tantreṣu bhaktimatulāṃ tvayi ca prasūte || 149 ||

mithyākalpitabhogamokṣadavacaḥ santānasatyāpana-
vyagrāṇāmacirā prabhāvavibudhapremṇā maheśadviṣām |
mūrdhniṣveva durātmanā viracitāṃ nīrghātapātāḥ parai-
rvidvadbhiḥ parameśvaraśrutikathātātparyasaṃgrāhakaiḥ || 150 ||

iti caturvedārthatātparyasaṃgrahaḥ samāptaḥ ||

śrīmaddevaśikhāmaṇigurubhyo namaḥ |
śrīmatṣaṇmukhagurave namaḥ |
śubhamastu || 
 


























###########   END OF FILE  #######