#################################################### MUKTABODHA INDOLOGICAL RESEARCH INSTITUTE Use of this material (e-texts) is covered by Creative Commons license BY-NC 4.0 Catalog number: M00027 Uniform title: kaulajñānanirṇaya Main title: kaulajñānanirṇaya and some minor texts of the school of matsyendrānātha Author : matsyendrānātha Alternate name : matsyendra Alternate name : macchagnapāda Editor : Bagchi, P. C. Description: The source of this e-text is Calcutta Sanskrit Series 3 - kaulajñānanirṇaya and some minor texts of the school of matsyendrānātha - where it is bundled along with akulavīratantra kulAnandatantra>, and jñānakārikā . The printed volume also contains introductory material and summaries in english. Notes: Data-entered by the staff of Muktabodha under the supervision of Mark S. G. Dyczkowski. Revision 0: August 1, 2006 Publisher : Metropolitan Printing and Pub. House Publication year : 1934 Publication city : Calcutta Publication country : India #################################################### kaulajñānanirṇayaḥ prathamaḥ paṭalaḥ mūlāṅguṣṭhanakhāgrañca ete tattvasantati (ḥ) | aṣṭādaśavidhaṃ devi jñānañca kulagocare || 1/1 || kathitaṃ sṛṣṭisaṃyogaṃ yathā tathā na bhairavi | kimanyaṃ pṛcchase nātha sugopyaṃ prakaṭīkṛtam || || iti jñānanirṇitiyoginīkaulammahacchrīmacchaghnapādāvatārite candradvīpavinirgate prathamaḥ paṭalaḥ || 1/1 || dvitīyaḥ paṭalaḥ devyuvāca pañcāgnitapasaṃ taptaṃ varṣakoṭiranekadhā | tapastadadya me samyak tvatprasādena bhairava || sṛṣṭiyogaṃ mayā jñātaṃ saṃhāraṃ kathayasva me || 2/1 || bhairava uvāca sādhu tvāṃ kathayiṣyāmi saṃhārantu yathā bhavet | kālāgnirudrasaṃjñā tu nakhāgre nityasaṃsthitam || 2/2 || yadā prajvalate ūrddhaṃ saṃhārantu tadā bhavet | vaḍavāmukhamahattvañca pātāle sahasaṃsthitaḥ || 2/3 || saptapātālamuddiṣṭaṃ tasyorddhe svargasaṃsthitam | etāni kathitā bhadre bhuvanāni caturdaśa || 2/4 || jñātavyā dehamadhye tu tattvarūpā sthitā priye | sarvajñā (yatna ?) saṃlīnaṃ layañca śaktigocare || 2/5 || śivamadhye gatā śaktiḥ kriyāmadhyasthitaḥ śivaḥ | jñānamadhye kriyā līnā kriyā līyati icchayā || 2/6 || icchāśaktirlayaṃ yāti yatra tejaḥ paraḥ śivaḥ | saṃhārantu imaṃ bhedena kathitantava śobhane || 2/7 || saṃhārantu padānyastaṃ kruddhaḥ saṃharate jagat | sṛṣṭiyogaṃ padānyastaṃ sṛjatyevaṃ carācaram || 2/8 || adhasthā saṃsthitā bhuktiḥ ūrddhaṃ muktirvarānane | pūrvaṃ yat sūcitaṃ devi sṛṣṭiyogaṃ mayā tava || 2/9 || sṛṣṭisaṃhāranyāyena kulādhāramupavarṇitam | kimanyaṃ pṛcchase nāthe sugopyaṃ prakaṭīkṛtam || 2/10 || iti jñānanirṇitiyoginīkaulammahacchrīmacchaghnapādāvatārite candradvīpavinirgate dvitīyaḥ paṭalaḥ || 2/2 || tṛtīyaḥ paṭalaḥ devyuvāca kulalakṣaṃ maheśāna ātmasamvittipūrvakam | etanme saṃśayo nātha prasādībhava śaṅkaraḥ || 3/1 || bhairava uvāca śṛṇumekāgracittā kulalakṣannigadyate | yatra dṛṣṭirmanastatra bhūtendriyamapudgalaḥ || 3/2 || svaśaktijīvabhūtāni dṛṣṭirlakṣairlayaṃ gatā | sthānaṃ dhyānañca varṇañca lakṣañcaiva catuṣṭayam || 3/3 || piṇḍasaṃjñā bhavet sthānaṃ dhyānantatpadamucyate | varṇarūpaṃ vinirdiṣṭaṃ lakṣaṃ vai rūpavarjitam || 3/4 || piṇḍañcopapadarūpaṃ rūpātītaṃ varānane | sthāne sthāne sthitandevi ekaikasya caturvidham || 3/5 || catuṣpatrañca aṣṭāraṃ dvādaśāraṃ varānane | pañcāraṃ ṣoḍaśārañca catuḥṣaṣṭidalampriye || 3/6 || śatapatraṃ suśobhāḍhyaṃ sahasraṃ dalaśobhitam | koṭipatraṃ sutejāḍhyaṃ tasyorddhe anyathā śṛṇu || 3/7 || arddhakoṭisamāyuktaṃ koṭitrayasamanvitam | karṇikākeśarairyuktaṃ dīpyamānaṃ (tathaiva ca) || 3/8 || tasyorddhe vyāpakantatra nityoditamakhaṇḍitam | svātantramabjamacalaṃ sarvavyāpī nirañjanam || 3/9 || tasyecchayā bhavet sṛṣṭirlayantatraiva gacchati | tena liṅgantu vikhyātaṃ yatra līnaṃ carācaram || 3/10 || akhaṇḍamaṇḍalaṃ rūpaṃ nirvikāraṃ saniṣkalam | ajñātvā bandhamuddiṣṭaṃ jñātvā bandhaiḥ pramucyate || 3/11 || unmanammanarahitaṃ dhyānadhāraṇavarjitam | pratyakṣaṃ sarvadā nityaṃ atasipuṣpasannibham || 3/12 || sarvavarṇamayandevaṃ sarvavarṇairvivarjitam | jñānagamyaṃ sadā devi pāramparyakramāgatam || 3/13 || kathitaṃ devi saṅkāśaṃ kulalakṣaṃ (tathā) sthitam | na kāṣṭhaṃ mṛṇmayaṃ liṅgaṃ na śailaratnasambhavam || 3/14 || na cittaṃ rītikādinī na hemaṃ lohasambhavam | sphaṭikaṃ maulikaṃ vāpi trapuṃ sīsakatāmrajam || 3/15 || puṣparāgodbhavādīni ye cānye lokapūjitāḥ | aṣṭādaśa lokaśāstrāṇi krurāścādhyātmikāstathā || 3/16 || taistu yat pūjitaṃ devi manasāpi na pūjayet | kiṃ kāraṇaṃ mahādevi paśavo jñānavarjitāḥ || 3/17 || ajñānāste durācārāḥ kulājñakavivarjitāḥ | na taistu saṅgabhoktavyaṃ na kuryāddravyasaṃgraham || 3/18 || brahmādyāstu surāḥ sarve asurāśca tapodhanāḥ | yakṣagāndharvasiddhāśca tṛṇagulmapipīlikāḥ || 3/19 || grahanakṣatratārādijagatsthāvarajaṅgamā(ḥ) | niṣkrāntā bindumadhye tu laulībhūtantu tatsamam || 3/20 || sṛṣṭisaṃhārakartāraṃ talliṅgaṃ siddhapūjitam | sphurantan nirmalannityaṃ aprameyaṃ sadoditam || 3/21 || jvalantaṃ ulkasadṛśaṃ vidyuttejo nabhastale | etalliṅgavaraṃ jñātvā dṛṣṭvā mokṣasya bhājanaḥ || 3/22 || pāṣāṇavṛṣṭisaṃghātairmahāmeghaiḥ sudāruṇaiḥ | na naśyedagninā liṅgaṃ na pated vajratāḍitam || 3/23 || etantu pūjayeddevi kaulikaṃ siddhimicchatā | arcayenmānasaiḥ puṣpaiḥ sugandhairdhūpadīpitaiḥ || 3/24 || ahiṃsā prathamaṃ puṣpaṃ dvitīyendriyani(gra)ham | tṛtīyantu dayāpuṣpambhāvapuṣpañcaturthakam || 3/25 || pañcamantu kṣamāpuṣpaṃ ṣaṣṭhaṃ krodhavinirjitam | saptamaṃ dhyānapuṣpantu jñānapuṣpantu aṣṭamam || 3/26 || etat puṣpavidhiṃ jñātvā arcayelliṅgamānasam | bhuktimuktimavāpnoti dehaliṅgārcanena tu || 3/27 || siddhiliṅgamidaṃ devi dehasthaṃ pratyayānvitam | manoliṅgaṃ sadā dhyāyed yāṃ yāṃ phalasamīkṛte || 3/28 || tāṃ labhante na sandeho ātmasambittipūrvakam | etat te kaulikandevi dehaliṅgasya lakṣaṇam || 3/29 || anyantu varjayeddevi pāṣāṇaṃ kāṣṭhamṛnmayam | laukikam mārgasampannā siddhimuktivivarjitā || 3/30 || dehasthā vāsanā yasya tasyaivāṃśo kulāgame | bahisthā vāsanā yasya saḥ paśuraṅgarañjitaḥ || 3/31 || etante kathitaṃ devi nāmnā jñānasya nirṇitiḥ | dātavyaṃ bhaktisaṃyukte na deyaṃ bhaktivarjite || 3/32 || iti jñānanirṇitiyoginīkaulammahacchrīmacchaghnapādāvatārite candradvīpavinirgate tṛtīyaḥ paṭalaḥ || 3/3 || caturthaḥ paṭalaḥ devyuvāca adya me saphalañjanma tapastaptaṃ sureśvara | adya me nirmalandehaṃ tvatprasādena bhairava || 4/1 || svagṛhe svadeśe vā pāśastobhaṃ yadā bhavet | nigrahānugrahañcaiva krāmaṇaṃ haraṇaṃ tathā || 4/2 || pratimājalpanañcaiva ghaṭapāṣāṇasphoṭanam | kathaṃ me sarvasaṃkṣepāttvameva śaraṇaṅgatā || 4/3 || bhairava uvāca sādhu sādhu mahādevi kathayāmi mahātape | kulapiṇḍaṃ samālikhya nāḍī nāḍīmukhaiḥ saha || 4/4 || vidyāmantramayaṃ piṇḍaṃ bhuktimuktipradaṃ śubham | nāḍī nāḍīmukhairvāpi adhorddhaṃ rephadīpitam || 4/5 || vāyuviṣṇu(ḥ) sabinduśca taptacāmīkaraprabham | janmamaṇḍalasaṃlīnaṃ dhvāntateja(ḥ)samaprabham || 4/6 || sādhakaḥ sādhyadehe tu paśudehe tu hṛdgatam | karastobhādikaṃ bhadre karotyevaṃ carācaraiḥ || 4/7 || bindunāda(sta) tathā śaktirdīptadhyānamathāpi vā | janmamanḍalasaṃlīnaṃ dhvāntateja(ḥ)samaprabham || 4/8 || sādhyadehagatañcintya nimeṣārddhaṃ stubhyate paśuḥ | dhyātvā vidyullatākāraṃ śaktirvai vyomapañcake || 4/9 || stubhyate ca jagatsarvaṃ ghaṭikārddhe varānane | śaktivijñānavedhena manākhyena mahānmane || 4/10 || baddhvā caitat pāśena parvatānapi lālayet | paradehe parāśaktirnādenākramya vedhayet || 4/11 || calane bālyane caiva badhvā mudrābandhane | atītānāgatañcaiva pṛṣṭāsau kathayiṣyati || 4/12 || akārādihakārāntaṃ kulapiṇḍasya bhairavi | śaṃkhābhiṣekavijñānaṃ dantakāṣṭhādikampriye || 4/13 || puṣpāñjalikarastobhamekaikaṃ varṇadīpitam | māraṇoccāṭanañcaiva stambhamohādikaṃ priye || 4/14 || śāntikampauṣṭikaṃ vāpi ākṛṣṭiñca vaśantathā | pañcāśavarṇasaṃyogaṃ jñātvā sarvaṃ kuru priye || 4/15 || hūṃ māraṇaṃ yūṃ yaḥ uccāṭanaṃ rūṃ ra jvarakaraṇaṃ buṃ va adhyāyanaṃ lūṃ la stambhanaṃ śūṃ śa śāntikaṃ ṣūṃ ṣa kīlanaṃ kṣeṃ kṣa ...... kṣuṃ kṣa paśugrahaṇaṃ klīṃ kṣṇīṃ vaśīkaraṇaṃ kleṃ kṣṇoṃ kṣobhaṇaṃ mohanañca soṃ sa sadyapratyayaḥ siddhiḥ ho haḥ viṣanāśanaṃ hro hraḥ raktākṛṣṭiyoginīnāñca jūṃ saḥ mṛtyuñjayaḥ ..... pratimādiṣu jalpanaṃ sphoṭanañca | sroṃ śaḥ pāśastobhādikaṃ kāmarūpindhaṃ bhrū tra ḍākinīsiddhiḥ jhura rākṣasīsiddhiḥ | lūṃ la lākinī siddhiḥ, luṃ ka kusumālinīsiddhiḥ yūṃ ya yoginīsiddhiḥ hrīṃ ha ākarṣaṇaḥ || ekaikena tu bījena varṇarāśirvibhedayet | kurute vibhidaṃ karma yaddevi manasepsitam || 4/16 || dīkṣānteṣṭikakarmeṣu viparītaṃ mātṛkaṃ (care)t | yojayettāṃ kulādhā(raṃ)tu sarvaṃ jñātvā dṛḍhalakṣavit || 4/17 || tejorūḍhamparaṃ liṅgaṃ taṃ līnaṃ sthāpayet paśuḥ | svātantro muktimāyāti sarvahṛdbhavane tu saḥ || 4/18 || sarvajñaguṇasaṃpūrṇa ityevaṃ bhairavo'bravīt | yat tvayāpṛcchitambhadre sugopya siddhikāraṇam || 4/19 || gopitavyamprayatnena duṣṭānāmbhaktivarjitam | na deyaṃ bhaktihīnasya kaulikīṃ siddhimicchatām || 4/20 || iti jñānanirṇitiyoginīkaulammahacchrīmacchaghnapādāvatārite candradvīpavinirgate caturthaḥ paṭalaḥ || 4/4 || pañcamaḥ paṭalaḥ devyuvāca mṛtyuñjayammahādeva kathayasva prasādataḥ | ajñānatamasācchannā yathā bhrāntirvinaśyati || kathayasva mahādeva bhrāntinirnāśanaṃ param || 5/1 || bhairava uvāca yenaiva jñānamātreṇa dhyānābhyāsena nityaśaḥ | sarvadvandvavinirmukta sa gatābhyāsatatparaḥ || 5/2 || sādhayet sakalārthānāṃ manasā yat samīhitam | uttiṣṭha khaḍgapātālaṃ rocanāñjanapādukam || 5/3 || guṭikākāśagamanaṃ rasañcaiva rasāyanam | antarddhānambhaveddevi tathānyañca rasāyanam || 5/4 || sādhayennātra saṃdeho dhyānayuktapadā bhavet | śṛṇu tvaṃ ekacittantu kathyamānaṃ mayā priye || 5/5 || sitañca śītalandivyaṃ sugandhaṃ bhūritejasam | candrāhlādakaraṃ divyaṃ āgacchantaṃ khamadhyataḥ || 5/6 || sravantaṃ bahurandhreṇa acirānmṛtyujidbhavet | na jarāmaraṇantasya vyādhirogo na vidyate || 5/7 || līlayā siddhibhāgyo'sau bhavatyevaṃ varānane | kṣīrodārṇavamadhyasthaṃ śvetaṃ kamalavistaram || 5/8 || sahasrakoṭipatraṃ vā tanmadhye ātmānaṃ budhaḥ | tasmiṃścaiva niviṣṭaṃ tu sitābharaṇabhūṣitam || 5/9 || tādṛśenaiva padmena upariṣṭādyaṭitampriye | kṣīrodavi(śe)ṣaiḥ sarvaissiñcyamānamanusmaret || 5/10 || mucyante sarvarogaistu jarāmaraṇabandhanaiḥ | krīḍate vividhairbhogairicchārūpañca jāyate || 5/11 || athānyaṃ sampravakṣyāmi mṛtyuñjayaṃ viśeṣataḥ | dhyātvā candrāsanasthañca ūrddhaścandreṇa ghaṭṭitam || 5/12 || sīkaraiḥ śītalairdivyaiḥ siñcyamānamanusmaret | jarāmaraṇanirmuktaṃ sarvavyādhivivarjitam || 5/13 || saṃvatsaraprayogeṇa sāmānyaṃ yoginīkulaiḥ | anyañca adbhutandevi śṛṇu tvaṃ kulabhāvini || 5/14 || saṃpūrṇopūrṇamāpūrṇaśaśāṅkaparimaṇḍalam | dhyāyamānamidandevi jarāvyādhirvinaśyati || 5/15 || athānyaṃ śṛṇu kalyāṇi yathātathyena bhāvini | dhyāyeccandramidaṃ devi nābhimūrdhni ca hṛdgatam || 5/16 || abhyaset samacittastu abdamekaṃ nirantaram | tataḥ svātantramāyāti jarāmaraṇavarjitam || 5/17 || punaranyaṃ pravakṣyāmi śṛṇu tvaṃ vīravandite | sahasradalaśobhāḍhyaṃ gokṣīradhavalopamam || 5/18 || devyā cakragatañcakraṃ tādṛśaṃ khecaraiḥ sthitam | adhaścakrasamārūḍhaṃ ūrddhacakreṇa plāvitam || 5/19 || satatamabhyased yogī siñcyamānaśca vi(śe)ṣaiḥ | valīpalitanirmuktaḥ sarvavyādhivivarjitam || 5/20 || krīḍate saḥ samudrāntaṃ svātantraḥ sidhyate priye | anyadapyadbhūtaṃ devi śṛṇutaikāgramānasam || 5/21 || ṣoḍaśāramnahāpadmaṃ himakundendusamprabham | sthāne sthāne tu taṃ dhyātvā śivādyāvīcigocaram || 5/22 || bindudhārānipātaiśca viplavaiḥ pūritantanuḥ | niṣkrāntaṃ romakūpa iśca gokṣīrahimasannibham || 5/23 || na jarāmaraṇantasya vyādhiroganna vidyate | svātantraḥ śivatulyastu svacchandagaticeṣṭitaḥ || 5/24 || pūjyate suravṛndaistu divyakanyāranekadhā | guhyanābhihṛdi kaṇṭhe vaktre mūrdhni śikhāntare || 5/25 || muṇḍasandhigatā devi pṛṣṭhamadhye tridaṇḍakam | ekādaśavidhā devi cakrāṇi ca sahasrikā || 5/26 || pañcāraṃ aṣṭapatrañca daśa dvādaśa patrakam | ṣoḍaśaṃ śatapatrañca koṭipatraṃ yathaiva ca || 5/27 || ebhiḥ sthāne samabhyastaṃ dadate vividhaṃ phalam | raktaṃ vaśyaṃ sadā devi mahābhogapradāyakam || 5/28 || pītaṃ stambhakarannāthe dhūmramuccāṭanaṃ sadā | śuklamāpyāyane proktaṃ viśeṣaṃ śāntikārakam || 5/29 || gokṣīradhārādhavalaṃ kathitaṃ mṛtyuñjaye hitam | taptacāmīkaraprabhaṃ purakṣobhādikāraṇam || 5/30 || bindunādatathāśaktirevaṃ dhyātvā pṛthak pṛthak | dharmārthau kāmamokṣau ca aṇimādiguṇāṣṭakam || 5/31 || atītānāgatandevi rūpasya parivartanam | bhavatyevaṃ na sandeho abhyāsāt tadgatasya tu || 5/32 || gurubhaktiryoginīnāṃ kulakaulāgameṣu ca | amaratvaṃ bhaveddevi jayenmṛtyuṃ na saṃśayaḥ || 5/33 || kathitaṃ mṛtyuñjayandevi sarvajñānasya nirṇayam | gopitavyaṃ prayatnena martyaloke narādhame || 5/34 || durlabhaṃ siddhisandohaṃ gopitavyaṃ prayatnataḥ | dātavyaṃ pūrvasiddhasya abdamekaparīkṣitam || 5/35 || iti jñānanirṇitiyoginīkaulammahacchrīmacchaghnapādāvatārite candradvīpavinirgate pañcamaḥ paṭalaḥ || 5/5 || ṣaṣṭhaḥ paṭalaḥ devyuvāca adya me saphalaṃ janma mama dehe kuleśvara | tvatprasādena kauleśa jñāto'haṃ kaulanirṇayaḥ || 6/1 || anyāni jñātumicchāmi vada me jīvalakṣaṇam | ko'sau jīvaḥ samuddiṣṭaḥ kiṃ vā jīvasvarūpakam || 6/2 || kiṃ varṇaṃ kimpramāṇañca kasmin sthāne vyavasthitam | kasmiṃścaiva layaṃ yāti tatsarvaṃ kathayasva me || 6/3 || bhairava uvāca śṛṇu tvaṃ vīracāmuṇḍe varaṃ jīvasya nirṇayam | sa(ḥ)paraṃ niṣkalaṃ nityaṃ nirāmayanirañjanam || 6/4 || paramāṇumucyate nātho sa śivo vyāpakaḥ paraḥ | sa(ḥ) jīvaḥ parataro yastu sa(ḥ) haṃsaḥ śaktipudgala(ḥ) || 6/5 || sa(ḥ) mano matparaṃ prāṇaḥ sa(ḥ) buddhiścittameva ca | samīrapūrako vāyuḥ sarvajīveṣu saṃsthitam(ḥ) || 6/6 || dehasthastiṣṭhate yāvattāvajjīvo'pi gīyate | sa dehatyaktamātreṇa paraṃ śivo nigadyate || 6/7 || nābhisthaṃ hṛdi kaṇṭhe ca vaktranāsāpuṭantathā | karṇasthaṃ śrūyate devi pāramparyakramāgatam || 6/8 || kaulikantu idaṃ devi karṇāt karṇasamāgatam | anena jñānamātreṇa śrutena ca varānane || 6/9 || mucyate sarvapāpebhyo bhavadbhiḥ samupārjitam | ṣaṇmāsādabhyasedyastu kāṣāyaṃ bandhavarjitam || 6/10 || asyāpi śokasantāpajarāvyādhirvinaśyati | sarvavyādhivinirmukto yogibhiḥ sahamelakam || 6/11 || aṇimādiguṇaiśvaryaṃ siddhiśca mānasī bhavet | etatte jīvamabhyāsaṃ kathitaṃ te ca bhairavi || 6/12 || kulāgamasubhaktāya gurudevyā prapūjake | sarvabhāvopapannasya dātavyaṃ kṛtaniścaye || 6/13 || māyāvine śaṭhe krūre prapañcairliṅgine tathā | na deyaṃ kaulikaṃ sāraṃ yoginīnāntu sambhavam || 6/14 || devyuvāca saphalaṃ adya me nātha tapo mahyaṃ sureśvara | adya me nirmalaṃ dehamajñānapaṭalāhatam || 6/15 || prakāśitaṃ mahājñānaṃ yatsurairapi durlabham | sāmprataṃ śrotumicchāmi kālasya vañcanaṃ śubham || 6/16 || bhairava uvāca atyantagahanaṃ nāthe pṛcchito'haṃ tvayādhunā | kathayāmi na sandeho yathā mṛtyurvinaśyati || 6/17 || prasārya danturāyāntu yāvad brahmavilaṅgataḥ | amṛtāgraṃ rasāgreṇa dahyamānasudhīrapi || 6/18 || māsena jitayenmṛtyuṃ satyaṃ satyaṃ mahātape | rasanātālumūle tu kṛtvā vāyuṃ pibecchanaiḥ || 6/19 || ṣaṇmāsādabhyaseddevi mahārogaiḥ pramucyate | abdamekaṃ yadābhyastañjarāmṛtyurvinaśyati || 6/20 || atītānāgatañcaiva dūrādiśravaṇantathā | viṣaṃ na kramate dehe daṃśito'pi mahoragaiḥ || 6/21 || sthāvaraṃ jaṅgamaṃ vāpi kṛtrimaṃ garalaṃ tathā | chedyamāno na chidyeta tadgato tanmano yathā || 6/22 || dvau rājada(?)madhyasthaṃ bindurūpaṃ vyavasthitam | amṛtaṃ taṃ vijānīyādbalīpalitanāśanam || 6/23 || śītalaṃ sparśasaṃsthāne rasanāṃ kṛtvā tu buddhimān | balīpalitanirmuktaḥ sarvavyādhivivarjitaḥ || 6/24 || na tasya bhavate mṛtyuryogayānaparaḥ sadā | rasanā tālumūle tu vyādhināśāya yojayet || 6/25 || tiṣṭhañjāgran svapaṅgacchan bhuñjan maithune rataḥ | rasanaṃ kuñcayennityaṃ svavaktreṇa tu saṃyutam || 6/26 || na mṛtyurbhavate tasya abdāt svacchandago bhavet | hṛdisthañca manaḥ kṛtvā yāvadunmanatāṃ gataḥ || 6/27 || āgataṃ nāśayenmṛtyuṃ ghaṭikārddhe varānane | kālasya vañcanaṃ devi sugopyaṃ prakaṭīkṛtam || 6/28 || iti jñānanirṇitiyoginīkaulammahacchrīmacchaghnapādāvatārite candradvīpavinirgate ṣaṣṭhaḥ paṭalaḥ || 6/6 || saptamaḥ paṭalaḥ devyuvāca palitastambhavijñānaṃ jarāmaraṇanāśanam | tritattvaṃ katha me nātha tvameva śaraṇaṃ gatā || 7/1 || bhairava uvāca palitastambhavijñānaṃ śṛṇu tvaṃ vīramātare | devyāścakragataṃ cintya(?) pratipadāyāṃ śaśiryathā || 7/2 || śītalaṃ candrasaṃkāśaṃ vartistu ghṛtabodhitā | tatra caiva śikhā līnā asthicakre varānane || 7/3 || bhāvayet keśaskandhasthaṃ lagnaṃ vai añjanantathā | sādravaṃ kṛṣṇarūpaṃ ca balīpalitanāśanam || 7/4 || dvitīyaṃ sāmprataṃ devi śṛṇuṣvaikāgramānasā | ādhāraskandhasaṃsthāne yogaṃ yuñjīta śītalam || 7/5 || līnaṃ vai brahmarandhre tu kṛṣṇāñjanadravātmakam | ādityaṃ śatruvat paśyet somaṃ vai mitravad yathā || 7/6 || kṛṣṇāmbaradharo nityaṃ kṛṣṇadhyānātmarañjitam | bhūgṛhe nirjane sthāne daṃśamaśakavarjite || 7/7 || na (sthāne) janasaṅkīrṇe sarpavyāghravivarjite | ekānte nirjane divye puṣpaprakaraṇaśobhite || 7/8 || sugandhadhūpitaṃ kṛtvā śālyodanajitendriyaḥ | ṣaṇmāsāj jñāyate siddhiryoginīpadatatsamaḥ || 7/9 || kāmadevasamaupamye surakanyāprapūjitam | brahmagranthisthitādyetāṃ trīṇi eva varānane || 7/10 || līnāṃ vai brahmakhaṇḍe tu bhinnanīlāñjanaprabham | draveṇa rañjayet sarvaṃ romakūpādikaṃ priye || 7/11 || dhyānena rañjitātmā tu vṛddho'pyunnatayauvanaḥ | bhavatyevanna sandehaḥ ṣaṇmāsābhyantareṇa tu || 7/12 || piṅgagranthigatañcakraṃ ṣoḍaśāraṃ sutejasam | sādravaṃ kṛṣṇavarṇañca ṣoḍaśasvarabhūṣitam || 7/13 || khadyotitagatādūrddhaṃ brahmarandhraṃ layaṃ gatāḥ | ṣaṇmāsāsevanābhyastād vṛddho'pi taruṇāyate || 7/14 || bhavate nātra sandehaḥ kāmadevadvitīyakaḥ | yoginīsthānamāśritya asitaṃ kṛṣṇavarṇakam || 7/15 || aṣṭapatradravañcaiva śītalaṃ candrasannibham | keśaskandhakapālasthaṃ rañjayet tasya tejasā || 7/16 || abdārddhaṃ vatsaraṃ vāpi vṛddho'pi ṣoḍaśākṛtiḥ | jarāmaraṇanirmukto vyādhirogavivarjitaḥ || 7/17 || yoginīgaṇasāmānyāsṛṣṭisaṃhārakārakaḥ | kaṇṭhakūpasthitodyotaṃ brahmarandhralayaṃ gatā || 7/18 || sādravamañjanañcaiva romakūpādinirgatam | anaṅgasyaiva saubhāgyaṃ nigūḍhaṃ sandhibandhanam || 7/19 || romāṇi satatantasya ghanāsthiṣu ca jāyate | prathame janavācchalyaṃ dvitīye rujanāśanam || 7/20 || tṛtīye ca kavitvaṃ hi sālaṅkāramanoharam | caturthe vācakāmitvaṃ dūrāśravaṇaṃ pañcame || 7/21 || bhūmityāgantavedhaṃ(?) ṣaṣṭhamanyat prakīrtitam | yoginīmelakatvañca saptame jāyate dhruvam || 7/22 || jarāpaharaṇandevi aṣṭame bhavate priye | navame caṇḍavegatvaṃ daśame'nekarūpadhṛk || 7/23 || ekādaśaguṇaṃ śāntaṃ trividhā caiva varjitam | ekādaśaguṇopetaṃ pūjyate'sau yathā śivam || 7/24 || icchayārohaṇaṃ kuryādvarṇanaṃ nṛtyameva ca | yatastatraiva gantavyaṃ yatra vā rocate manaḥ || 7/25 || manorodhaṃ na kartavyaṃ yadā jñātaṃ hi kaulikam | prapañcarahitaṃ śāstraṃ prapañcarahito guruḥ || 7/26 || prapañcarahito mantraḥ prapañcarahitaḥ śivaḥ | etat kaulāgamaṃ nātha aprapañcaiḥ paśuḥ priye || 7/27 || dambhitamātmanastaistu punardambhayate param | kecidajñānato naṣṭāḥ kecinnaṣṭāḥ pramādataḥ || 7/28 || keci(j) jñānāvalayena kecinnaṣṭairvināśitāḥ | kampastobhe tathā roṣā mudrāmutpatanantathā || 7/29 || bhavate nātra sandehaḥ saptarātreṇa kaulave | yāṃ yāṃ spṛśati hastena yāṃ yāṃ paśyati cakṣuṣā || 7/30 || śuddhaṃ bhavati tat sarvaṃ parabindukiraṇāhatam | palitastambhavijñānaṃ kathitaṃ yoginīpriye || 7/31 || devyā(ḥ) cakrādi deveśi brahmarandhrāvaśā(nu)gam | yuktaṃ kāmakalādevi palitastambhanaṃ param | etante kathitaṃ guhyaṃ unmanajñānanirṇitiḥ || 7/32 || iti jñānanirṇitiyoginīkaulammahacchrīmacchaghnapadāvatārite candradvīpavinirgate saptamaḥ paṭamaḥ || 7/7 || aṣṭamaḥ paṭalaḥ devyuvāca atyantagahanaṃ nātha sugopyaṃ guhyamuttamam | akule tu kulaṃ devaṃ kathaṃ jātaṃ hi bhairava || 8/1 || kṣetrajā pīṭhajā vāpi yogajā mantrajā tathā | sahajā kulajā vāpi aṣṭāṣṭakamatantathā || 8/2 || pūjākramavidhānantu kulasiddhaṃ vada prabho | gurupūjāvidhānantu sarvaṃ saṃkṣepato vada || 8/3 || bhairava uvāca śṛṇuṣvaikāgracittantu yoginīvīramātare | ekānte vijane sthāne puṣpadāmopaśobhite || 8/4 || sudhūpadhūpitaṃ kṛtvā matsyamāṃsarā ... vam | bhakṣyabhojyasamāyukto madirānandasaṃyutam || 8/5 || śaktiyukto mahātmānaḥ sahajā kulajāpi vā | antyajā vā mahādevi pṛthagbhedaṃ vadāmyaham || 8/6 || vivāhaṃ tu kṛtaṃ yasya sahajā sa tu ucyate | kulajā veśyamityāhurantyajāvarṇa antyajā || 8/7 || bahisthā kathitā devi ādhyātmyāṃ śṛṇu sāmpratam | gamyāgamyaprayogeṇa madanānandalakṣaṇam || 8/8 || kurute dehamadhye tu sā śaktiḥ sahajā priye | kulajā kiṃ na vijñātā varṇarāśikulātmikām || 8/9 || dehasthā trividhā proktā bahisthā trividhā priye | antyajā saṃpravakṣyāmi śṛṇu devi yathāsthitam || 8/10 || śuddhasphaṭikasaṅkāśā muktāmālā khageśvarī | ūrddhatīryaksaṃśuddhā mahāśakti sutejasā || 8/11 || eṣā śaktirmahātmāna antyajā vyomamālinī | tāmbulapūritaṃ vaktraṃ viliptaṃ muktamena ca || 8/12 || śrīkhaṇḍaṃ mṛgamadañca hṛṣṭasaṃtuṣṭacetasā | yoginīvīrasaṃyuktaṃ yugmapātraṃ pṛthak pṛthak || 8/13 || pūjayet tāṃ catuḥṣaṣṭiṃ pañcāśāṣṭakamevaca | raktāmbaradharāḥ sarve keyūrakaṭakojjvalāḥ || 8/14 || yoginīvīracakrantu yathāśaktyā (pra)pūjayet | itthambhūtaṃ kulācāryaḥ kulaputrairadhiṣṭhitam || 8/15 || pūjitavyā mahādevyā kṣetrajā tu vyavasthitāḥ | karavīraṃ mahākālaṃ devikoṭyaṃ varānane || 8/16 || vārāṇasyāṃ prayāgantu caritraikāmrakantathā | aṭṭahāsaṃ jayantī ca ebhiḥ kṣetraiśca kṣetrajāḥ | teṣāṃ madhye pradhānantu ye jātāḥ kṣetrajā priye || 8/17 || hrīṃ śrīṃ hrī śrīṃ koṅkaṇā-ipāda, hrīṃ śrī hrī śrīṃ kalambā-ipāda | hrīṃ śrīṃ hrī śrīṃ nāgā-i pāda, hrīṃ śrīṃ hrī śrīṃ harasiddhā-i pāda | hrīṃ śrī hrīṃ śrīṃ kamva-ipāda, hrī śrī hrī śrī maṅgala ipāda | hrīṃ śrī hrī śrī siddhā-ipāda, hrīṃ śrīṃ hrī śrī vachā-ipāda | hrīṃ śrī hrīṃ śrī śivā-ipāda | hrī śrī hrī śrī śrī-icchā-ipāda | hrīṃ śrī hrī śrīṃ ā-īpāda | hrīṃ śrī hrīṃ śrī vīrā-ipāda | hrīṃ śrī hrīṃ śrī tribhuvanāpāda | hrīṃ śrī hrīṃ śrī varāharūpā-ipāda | hrīṃ śrī hrīṃ śrī kṛtayugā caiva | tathā tretādvāparakalimeva ca | caturyugeṣu deveśi kṣetrajā siddhipūjitā || 8/18 || hrī śrīṃ pādāntu ādau tu tathā nāmamudīrayet | kṣetrajā kathitā devi pīṭhajā(ḥ) kathayāmi te || 8/19 || pratha maṃ pīṭhamutpannaṃ kāmākhyānāma suvrate | upapīṭhasthitā sapta devīnāṃ siddha-ālayam || 8/20 || punaḥ pīṭhaṃ dvitīyantu saṃjñā pūrṇagiri priye | oḍiyāna mahāpīṭhamupapīṭhasamanvitam || 8/21 || arvudamarddhaṃ pīṭhantu upapīṭhasamanvita(m) | pīṭhopapīṭhasandohaṃ kṣetropakṣetrameva ca | pīṭhādyādevatānāṃ ca śṛṇu pūjāvidhiṃ priye || 8/22 || hrī/ śrī/ hrī/ śrī/ mahālakṣmā-i pāda | hrī/ śrī/ hrī/ śrī/ kusumānaṅgā-i pāda | hrī/ śrī/ hrī/ śrī/ śuklā-i - pāda | hrī/ śrī/ hrī/ śrī/ pralambā-i-pāda | hrī/ śrī/ hrī/ śrī/ pulindā-i-pāda | hrī/ śrī/ hrī/ śrī/ śavarā-i-pāda | hrī/ śrī/ hrī/ śrī/ kṛṣṇā-i-pāda | hrī/ śrī/ hrī/ śrī/ lacchā-i-pāda | hrī/ śrī/ hrī/ śrī/ nandā-i-pāda | hrī/ śrī/ hrī/ śrī/ bhadrā-i-pāda | hrī/ śrī/ hrī/ śrī/ kalambā-i-pāda | hrī/ śrī/ hrī/ śrī/ campā-i-pāda | hrī/ śrī/ hrī/ śrī/ dhavalā-i-pāda | hrī/ śrī/ hrī/ śrī/ hiḍimbā-i-pāda | hrī/ śrī/ hrī/ śrī/ mahāmāyā-i-pāda | pīṭhopapīṭhasandohe ye jātā varayoginī | etaistu pūjitā bhadre sarve sidhyanti mātarāḥ || 8/23 || yogābhyāsena ye siddhā mantrāṇāmārādhanena tu | yogena yogajā mātā mantreṇa mantrajā priye || 8/24 || sahajā mātarā devyā rūrūyuddhairmahābalāḥ | bhakṣitaṃ tu caruṃ divyaṃ saptajanmāntikaṃ paśum || 8/25 || teṣāṃ garbhe prasūtānāṃ niryāsaprāśitena ca | garbhe jātena deveśi garbhaṃ jānanti ātmanaḥ || 8/26 || brāhmī māheśvarī caiva kaumārī vaiṣṇavī tathā | vārāhī vajrahastā ca tathā yogeśvarīti ca || 8/27 || aghoreśī ca vikhyātā mātaryā vyāpakāḥ smṛtā (ḥ) | tathānyā dvārapālinyā taistu saṃvyāpitañjagat || 8/28 || pañcajātakrame cānyā nagare grāmeṣu sarvaśaḥ | sarvāstāṃ pūjayennityaṃ gurusiddhasamanvitām || 8/29 || grahā nāgāśca devāśca yoginyaḥ siddhameva ca | pūjitāṃ pūjayantyete nirdehaṃ tyapamānitāḥ (?) | kulāṣṭakaṃ pravakṣyāmi aṣṭāṣṭakavidhi priye || 8/30 || hrī/ ā hrī/ hrī/ iṃ hrī/ hrī/ ūṃ hrī/ hrī/ ṝ hrī/ hrī/ ḷ hrī/ hrī/ aiṃ hrī/ hrī/ oṃ hrī/ hrī/ hrī/ aḥ hrī/ prathamantu imaṃ devi śṛṇu vidyāyamaṣṭakam | hrī/ kṣaḥ hrī/ laḥ hrī/ haḥ hrī/ saḥ hrī/ ṣaḥ hrī/ śaḥ hrī/ va hrī/ ra vidyāpadāṣṭakākhyātam | hrī/ kla hrī/ etat kaulikaṃ bhairavi | aṣṭadhā tu likhedvidyā prathamāṣṭakabheditam | yathā etat tathā sarve jñātavyā yoginīkramam || 8/31 || aṣṭāṣṭakaṃ vidhānena catuḥṣaṣṭi yathākramam | yoginīmelakaṃ cakraṃ aṇimādiguṇāṣṭakam || 8/32 || bhavatyeva na sandeho dhyānapūjāratasya ca | dvitīyantu mahācakraṃ sarvākṛṣṭipravartakam || 8/33 || paśugrahaṇamāveśaṃ pūjādhyānaratasya ca | tṛtīyantu mahācakraṃ parakāyapraveśanam || 8/34 || atītānāgatañcaiva abhyāsādbhavate priye | labhatyeva na sandeho vividhaṃ yat samīhitam || 8/35 || caturthaṃ śāntikacakraṃ muktimuktipradaṃ śubham | pūjayitvā imaṃ cakraṃ yāvad dhyānaṃ prayuñjati || 8/36 || kṣaṇena bhavate stobho mudrābandhatyanekadhā | bhāṣāstu vividhākārā aśrutāni śrutāni ca || 8/37 || uccaredaṅgamayaṃ śāstraṃ mantrajālāni śrūyate | svayamevātmanātmane śrūyate cātmanātmani || 8/38 || ṣaṇmāsād bhavate siddhimaniśī(?) yoginīpriye | balīpalitanirmuktaḥ kāmadevo dvitīyakaḥ || 8/39 || pañcamantu mahācakraṃ dhyānapūjākrameṇa tu | vāyvādernāśayedvācā mūkavat tiṣṭhate tu saḥ || 8/40 || ṣaṣṭhaṃ caiva mahācakraṃ dharmārthakāmamokṣadam | saptamañcakraṃ deveśi sainyastambhakaraṃ param || 8/41 || stobhāveśādikaṃ cakraṃ saṃsārabandhamocakam | dūrācca darśanaṃ tasmin pūjādhyānaratasya tu || 8/42 || aṣṭamaṃ cakramuddiṣṭaṃ icchāsiddhipravartakam | māraṇoccāṭanaṃ bhadre stambhamohādikaṃ priye || 8/43 || vadanotiṣṭhamahācakraṃ kulabhaktyāmadhiṣṭhitam | aṣṭāṣṭakavidhānantu jñātvā sidhyati nānyathā || 8/44 || tatteṣāṃ gūḍhasadbhāvaṃ catuḥṣaṣṭiyoginīkramam | niḥsandigdhaṃ mayā proktaṃ hi bhaktiyuktyāvadhāram || 8/45 || iti jñānanirṇitiyoginīkaulammahacchrīmacchaghnapādāvatārite candradvīpavinirgate aṣṭamaḥ paṭalaḥ || 8/8 || navamaḥ paṭalaḥ bhairava uvāca gurupaṅktiṃ pravakṣyāmi siddhapaṅktiṃ sulocane | yoginīpañktivinyāsaṃ kathayāmi tava priye || 9/1 || sarvasiddhiyoginīnāṃ khecarīṃ sarvamātarīm | sarvabhūcarīsarvagocarayoginīnāṃ sarvakṣetrakam || 9/2 || sarvamantrajāḥ sarvayogajāḥ sarvapīṭhajāḥ | sarvasahajāḥ sarvakulajā sarvadvārapālikāḥ || 9/3 || sarvagarbhajāḥ kṛte ca dvāpare trete kaliyuge mahātape | caturyugavibhāgena yoginīsiddhipūjitāḥ || guhyānāṃ paramaṃ guhyantava bhaktyā prakāśitam || 9/4 || devyuvāca sudagdhamagninā deham adya nirvāpitaṃ param | tava prasādāt kauleśa jñāto'ham jñānanirṇayam | sāmprataṃ śrotumicchāmi gurubhyaḥ siddhapūjanam || 9/5 || bhairava uvāca gurusiddhividhe devi śṛṇu tvaṃ kulabhāvini | śrīviśvapādān | (śrī) vicitrapādān | śrīśvetapādān | śrībhaṭṭapādān | śrīmachendrapādān | śrībṛhīṣapādān | śrīviṃdhyapādān | śrīśabarapādān | śrīmahendrapādān | śrīcandrapādān | śrīhiḍinipādān | śrīsamudrapādān | śrīlavaṇapādān | śrīdumbarapādān | śrīdeṇepādān | śrīdhīvarapādān | śrīsiṃhalapādān | (śrī) oginīpādān guru paramaguru parameṣṭhya pūjya mahāpūjya lākinī ḍākinī śākinī kākinī yākinī - hrīṃkāramāditaḥ kṛtvā śrīkāraṃ caitadanantaram | akṣaradvayavinyāsamanyanteṣu pradāpayet || 9/6 || etat siddhāśca yoginyā asmin siddhāḥ kulāgame | anena sadṛśaṃ jñānaṃ na bhūyo na bhaviṣyati || 9/7 || kaliyuge mahāghore raurave'tyantabhīṣaṇe | sañjātāḥ ṣoḍaśa siddhā asmin kaule sulocane | kṛte ca dvāpare trete siddhāyai vīravanditāḥ | teṣāṃ nāmavidhiṃ vakṣye śṛṇu tvaṃ varalocane || 9/8 || mṛṣṇipādāḥ | avatārapādāḥ | sūryapādāḥ | dyutipādāḥ | omapādāḥ | vyāghrapādāḥ | hariṇipādāḥ | pañcaśikhipādāḥ | komalapādāḥ | lambodarapādāḥ | ete pūrvamahāsiddhāḥ kulakaulāvatārakāḥ | caturyugeti deveśa svatantra - kulacodakā (ḥ) || 9/9 || asya jñānaprabhāveṇa bahavaḥ sidhyanti mānavāḥ | daśakoṭipramāṇantu i(da)m kaulaṃ parodbhavam || 9/10 || sārātsārataraṃ bhadre mahākaulasya śobhane | icchākhyā yoginī siddhairmāyāntaṃ para-icchayā || 9/11 || khecarīṇāṃ punaḥ paścādicchayā prakaṭīkṛtam | mātarāṇāṃ punardevi khecaraiḥ kathitaṃ priye || 9/12 || mātarāṇi gamiṣyanti bhūcarīṇāṃ kuleśvari | bhūcarīṇāṃ subhakṣāṇāṃ bhūcarī kathitaṃ priye || 9/13 || yoginīnāṃ kule jātau labhate kaulikī sphūṭam | caturaśīti sahasreṣu yoniyantreṣu pīḍitāḥ || 9/14 || puṇyātmānaṃ kulāścaryaṃ paścāj jñānamimāṃ labhet | bhuktimuktimahāsiddhiḥ yoginīnāṃ priyo bhavet || 9/15 || iti jñānanirṇitiyogiṇīmahākaulammahacchrīmacchaghnapādāvatārite candradvīpavinirgate navamaḥ paṭalaḥ || 9/9 || daśamaḥ paṭalaḥ devyuvāca adya me saphalaṃ nātha mama piṇḍaṃ sureśvara | vahnināveṣṭitātmānamekapādena saṃsthitam || 10/1 || tattapaḥ saphalaṃ me'dya tvayā tuṣṭena bhairava | jñānasya nirṇayandeva adya me prakaṭīkṛtam || 10/2 || punaḥ pṛcchāmi kauleśa yathātathyaṃ vada prabho | aṣṭāṣṭakavibhāgantu parijñātumanantathā || 10/3 || adyāpi saṃśayo nātha teṣāṃ cakraṃ pṛthak pṛthak | guhyasthānaṃ yathācakraṃ kṣipraṃ sidhyati bhairava || 10/4 || sthānadhyānaphalanteṣāṃ saṃkṣepaṃ kathyate prabho | bhairava uvāca sādhu sādhu mahādevi pṛṣṭo'haṃ suradurlabham || 10/5 || kathayāmi na sandeho bhaktiyuktā varānane | lāṃ līṃ lūṃ ḷṃ luṃ laiṃ lauṃ laḥ | hāṃ hīṃ hūṃ hṛṃ h haiṃ hauṃ (haḥ) | sāṃ sīṃ sūṃ sṛṃ slaṃ (saiṃ) sauṃ saḥ | ṣāṃ ṣīṃ ṣūṃ ṣṛṃ ṣlaṃ ṣaiṃ ṣauṃ ṣaḥ | śāṃ śīṃ śūṃ śṛṃ ślaṃ śaiṃ śauṃ śaḥ | vāṃ vīṃ vūṃ vṛṃ vlaṃ vaiṃ vauṃ vaḥ | hlāṃ hlīṃ hluṃ hḷṃ hlaiṃ hlauṃ hlaḥ || 10/ kṣakāraṃ brahmarandhratvaṃ laṃkārantu lalāṭayoḥ || 10/6 || hakārantu bhruvormadhye sakāraṃ vaktramaṇḍale | ṣakāraṃ kaṇṭhadeśe tu śakāraṃ hṛdaye tadā || 10/7 || vakāraṃ nābhimadhye tu hlakāraṃ visakandayo (ḥ) | sthānacakrāstu saṃproktāsteṣāṃ dhyānaṃ śṛṇu priye || 10/8 || śuddhasphaṭikasaṅkāśaṃ ūrddhvatejasunirmalam | aṣṭāraṃ paṅkajaṃ divyaṃ prathamāṣṭakabhūṣitam || 10/9 || sarvadvandvavinirmuktaṃ krodhāgraiḥ śūnyavarjitam | abhyāsāt samacittastu grāmadharmañca varjayet || 10/10 || atītānāgatañcaiva vartamānantathaiva ca | dūrāśravaṇavijñānaṃ pāśastobhantathā priye || 10/11 || paśugrahaṇamāveśaṃ mṛtyunāśantathaiva ca | amaratvantathā devi samāsāt parivartanam || 10/12 || vācā siddhirbhavatyevaṃ kiṃ kurvāṇaṃ jagatpriye | dvitīyamaṣṭapatrantu tejadhyānasudīpitam || 10/13 || āgamānnāśayenmṛtyuṃ purakṣobhādikārakaḥ | kurute bahudhā rūpaṃ dhyānaikagatacetasaḥ || 10/14 || maṇḍalīkanarendrāṇāṃ kiṃ kurvāṇo vidhīyate | kruddhastu saṃharet sarvaṃ trailokyaṃ sacarācaram || 10/15 || sṛṣṭisaṃhārakartāraṃ nityābhyāsarataḥ sadā | tṛtīyantu mahācakraṃ navatattvapramocakaḥ || 10/16 || ṣaṇmāsādīpsitaṃ kāmaṃ dhyātvādhārantu tadguruḥ | balīpalitanāśantu sudūrāddarśanantathā || 10/17 || bedhantu kurute devi yojanānāṃ śatairapi | ekānte bahudhā rūpaṃ kuru dhyānañca tatparaḥ || 10/18 || caturthaśāntikaṃ cakraṃ sukhaprītivivarddhanam | kurute amaratvaṃ hi satatābhyāsatatparaḥ || 10/19 || vācayo kurute mṛtyuṃ rogāṇāntu jayaṃ priye | divasānnāśanenaiva vayo mṛtyuṃ gamiṣyate || 10/20 || nāśayedaho(rā)treṇa etañcakramanuttamam | satatābhyāsayogena dviraṣṭavarṣākṛtirbhavet || 10/21 || aṣṭapatraṃ mahāpadmaṃ pañcamaṃ surasundari | dhūmravarṇaṃ sadā cintya trailokyaṃ cālayet priye || 10/22 || vācāpahāraṃ kurute sainyastambhakaraṃ param | ṣaṣṭhaṃ tu cakraṃ rājānamaṣṭapatrasakarṇikam || 10/23 || taptacāmīkaraprabhamicchāsiddhipravartakam | atītānāgatañcaiva aṇimādiguṇāṣṭakam || 10/24 || dadate nātra sandeho bhaktidhyānapradīpitaḥ | saptamantu mahādevi pūrṇacandraprabhaṃ priye || 10/25 || tadgatantanmanaṃ bhadre bhuktimuktipradaṃ śubham | jarāmṛtyuvināśañca paradehe praveśanam || 10/26 || kiṃ kurvāṇavidheyastu maṇḍalīkanarottama (ḥ) | aṣṭamantu mahācakraṃ patrāṣṭakavibhūṣitam || 10/27 || dharmakāmārthamokṣañca dadatyeva sulocane | raktadhyāne sadāvaśyaṃ pītastambhakaraṃ param || 10/28 || śuklamādhyāyana devi sphaṭike mokṣadāyikam | kṛṣṇena māraṇaṃ proktaṃ dhūmramuccāṭane sadā || 10/29 || gokṣīradhāradhavalaṃ etanmṛtyuñjayo hitam | puraḥkṣobhantatastobhaṃ kampapātādikaṃ caret || 10/30 || agnijvālā sudīptābhaṃ dhyānaṃ caivāṣṭamaṃ sadā | ekaikasya sthitandevi etaddhyānantu aṣṭadhā || 10/31 || cāpañca kañcukī devi praṇipatya muhurmuhuḥ | adya me saphalaṃ jātammahākauleṣu bhairava || 10/32 || iti jñānanirṇitiyoginīkaulammahacchrīmacchaghnapādāvatārite candradvīpavinirgate daśamaḥ paṭalaḥ || 10/10 || ekādaśaḥ paṭalaḥ devyuvāca kathayasva mahādeva carukādvaitalakṣaṇam | sarvaśaṅkāvinirmuktaṃ niḥśaṅkaṃ sidhyate dhruvam || 11/1 || bhairava uvāca yattvayā pṛcchitaṃ devi loke'smin krūrabhīṣaṇe | kathayāmi niḥsandehaṃ sarvaśaṅkāvimardakaḥ || 11/2 || advaite nityayuktasya tasya siddhiḥ prajāyate | dvaitantu kārayedyastu ākṛṣṭo yogibhistu saḥ || 11/3 || samayād bhraṣṭantu yo devi sa paśurnātra saṃśayaḥ | dvaitabhāvaṃ parityajya advaitācārabhāvitaḥ || 11/4 || pañcāmṛtaṃ pravakṣyāmi guhyānāṃ guhyamuttamam | jñātavyaṃ kulasamayaṃ kulaputrairviśeṣataḥ || 11/5 || sādhakaiḥ siddhikāmaistu tathānyaṃ kuladeśikaiḥ | anuṣṭhitamidaṃ pūrvaṃ kulasiddhaiḥ sulocane || 11/6 || etajjñātvā bhavet siddhirmānasī yoginīpriye | yadicchet kaulavī siddhiḥ prāpya pañcāmṛtaṃ param || 11/7 || tadā sidhyati yoginyāṃ siddhimelāpakaṃ bhavet | dadante ca tadā devi carukaṃ pañcabhiryutam || 11/8 || yoginībhiḥ sakṛddattaṃ tatkṣaṇāt tatsamo bhavet | atha vā prāśayejjñātvā yogayuktastu kaulavit || 11/9 || sidhyate nātra sandeho vighnajālavivarjitam | yoginīgaṇasāmānyāmanaḥ sucintitaṃ bhavet || 11/10 || viṣṭhaṃ dhārāmṛtaṃ śukraṃ raktamajjāvimiśritam | etat pañca pavitrāṇi nityameva kulāgame || 11/11 || nityanaimittikaṃ devi kartavyaṃ ca prayatnataḥ | gomāṃsaṃ goghṛtaṃ raktaṃ gokṣīrañca dadhintathā || 11/12 || naimittike imaṃ kuryāt siddhikāme mahotsukaḥ | niḥśaṅko nirvikalpastu etat kuryāt kulāgame || 11/13 || anyathā naiva sidhyanti nirmuktistu mama priye | punaranyaviśeṣaṇaṃ śṛṇuṣvaikāgramānasaḥ || 11/14 || śvānamārjāra - uṣṭrañca śṛgālañca hayantathā (?) | kūrmakacchavarāhañca mārjāravakakarkaṭam || 11/15 || śalākī kukuṭaścāpi bahu(?)nānākulantathā | śerakañca mṛgaṃ vāpi mahiṣaṃ gaṇḍakaṃ tathā || 11/16 || anyāni yāni macchāni yathālābhaṃ samāharet | vijñānambalasāmarthyaṃ saptajanmāntikaṃ paśu || 11/17 || yena tena prakāreṇa ākṛṣṭiṃ bhakṣayet sadā | pūjayed yoginīvṛndaṃ bhakṣyabhojyādibhiḥ priye || 11/18 || dhārāpānantataḥ kuryād yadīccheccirajīvitum | piśitaṃ trividhaṃ kuryāt pakṣāmlamadhurantathā || 11/19 || devatātarpaṇārthāya surā deyā yathocitā | vṛkṣajā mūlajā caiva puṣpajā phalajāpi vā || 11/20 || peṣṭī mādhvī tathā gauṇḍī dadyānnaimittike priye | advaitantu yathākhyātaṃ kartavyaṃ nānyathā na hi || 11/21 || advaitācāramāsṛtya yadānyañcarati pāpakṛt | patanti narake ghore avīciraurave tathā || 11/22 || advaitaṃ yena santyaktaṃ mamābhāṣyantu(?) taṃ paśum | yoginīgaṇamadhyasthaṃ sa paśuḥ kīrtitaṃ kule || 11/23 || guptaṃ guptataraṃ kuryād gopanīyaṃ prayatnataḥ | jananījāragarbhantu svaputraṃ gopayedyathā || 11/24 || advaitaṃ gopayennityaṃ sugopyamabhyaset kramāt | aṇimādiguṇaiśvaryasiddhiśca mānasī bhavet || 11/25 || svayaṃ guruḥ svayaṃ siddhaḥ svayaṃ śiṣyaḥ svayaṃ śivaḥ | ajñānabandhanājñeyaṃ jñānaṃ jñeyaṃ vimocanam || 11/26 || sugandhaṃ pūtigandhañca nityaṃ gṛhṇāti niṣkalaḥ | padmapatre yathā toye tathā caivaṃ na lipyate || 11/27 || tadvanna lipyate yogī puṇyapāpaiḥ sureśvari | brahmahatyādikaṃ pāpam aśvamedhādikaṃ phalam || 11/28 || sarvatīrthābhiṣekañca mlecchādisparśanena tu | etairna gṛhyate yogī kriyamāṇairapi sphuṭam || 11/29 || samatvaṃ vītarāgatvamudāsīnāṃ kha-vṛttinām | niṣparigrahasantoṣaṃ dvandvayogaṃ na kārayet || 11/30 || kāmakrodhañca dambhañca tyajellobhaṃ śanaiḥ śanaiḥ | na carunnindayedbhadre samayādvaitameva ca || 11/31 || yasminniṣpadyate piṇḍaṃ raktaśukraṃ pibet sadā | siddhānāṃ yoginīnāñca imañcarumpriyaṃ sadā || 11/32 || śākinīnāṃ priyaṃ māṃsaṃ devīnāñca priyaṃ śṛṇu | vukapuṣpaṃ śivāmbuñca raktaśukraṃ surāntathā || 11/33 || brahmaniṣṭhīvanādyañca saurabhyaṃ puṣpakādikam | gandhaṃ dhūpañca geyañca tāmbūlaṃ raktavāsasam || 11/34 || rakṣādyaṃ raktavarṇañca siddhānāṃ devatā priye | vijñānonmīlanambhadre bhavatyevaṃ nānyasevanāt || 11/35 || śākaraṃ yanna kurvīta janmahīnavarastriyai | laulyārthī capalā nityaṃ kulaśāstraviḍambakam || 11/36 || svaśaktidarśanādraktaṃ sparśanāllakṣaṇena tu | kulavijñānasaṃbhogāt ṣaṇmāsāt siddhibhājanaḥ || 11/37 || ādimantravinirmuktaṃ śivāmbu brahmameva ca | prāśayet tat sadā kālaṃ yoginīmelako bhavet || 11/38 || pādaprakṣālanantena nityaṃ tat tathaiva ca | mukhaprakṣālanaṃ nityaṃ brahmaṇorddhagatampriye || 11/39 || kuṇḍagolodbhavannaiva tilakaṃ kārayet sadā | aśītiṃ nāśayedvātān kuṣṭhavyādhintu nāśayet || 11/40 || mucyate sarvarogaiśca yathā sarpasya kañcukam | udayārkasamastejannityaṃ vai yoginīpriyam || 11/41 || trailokyaṃ vaśyatāṃ yāti brahmādayo divaukasaḥ | carukādvaitamācāraṃ mantrajaiḥ (?) saha bhojanam || 11/42 || sarvaṃ samācared devi icchāśaktreradhiṣṭhitam | icchāṃ vinā na kuryāttu balātkāreṇa tañcarum | carukādvaitamācāraṃ kathitaṃ jñānanirṇayam || 11/43 || iti jñānanirṇitiyogiṇīmahākaulammahacchrīmacchaghnapādāvatārite candradvīpavinirgate ekādaśaḥ paṭalaḥ || 11/11 || dvādaśaḥ paṭalaḥ devyuvāca romāñcakañcukā devi hṛṣṭasantuṣṭacetasaḥ | bhakṣyāṇāntu samutpannaṃ punaḥ pṛcchāmi bhairava || 12/1 || adyāhaṃ kulasamayamadyāhaṃ lakṣaṇānvitam | sāmprataṃ śrotumicchāmi pātrāṇāṃ caryalakṣaṇam || 12/2 || bhairava uvāca śṛṇu tvaṃ vīracāmuṇḍe pātrāṇāṃ caryalakṣaṇam | prathamaṃ bālarūpeṇa dvitīyam unmattakākṛtim || 12/3 || tṛtīyaṃ rājarūpeṇa caturthaṃ kaśmalaṃ priye | svātantraṃ pañcamaṃ devi ṣaṣṭhañca vīranāyakam || 12/4 || gandharvasaptamannāma nagnaṃ caivāṣṭakaṃ priye | tridaṇḍañcaiva deveśastathānyaṃ vedavikrayam || 12/5 || yāṃ yāntu kurute icchāṃ tāṃ tāñcaiva vrataṃ priye | akulañca kulaṃ jñātvā kulaṃ devyā subhāmini || 12/6 || bhairavaṃ pūjitavyañca kulaiḥ siddhisamanvitam | svaguruṃ pujayennityaṃ triṣkālaṃ bhāvitātmanaḥ || 12/7 || manasā karmaṇā vācā guruñcaiva svakaṃ na tu | nivedayet prayatnena bhuktimuktijigīṣayā || 12/8 || gurukaulāgame bhakti advaitācārabhāvitaḥ | īpsitaṃ tu vrataṃ kuryādadvaitena samanvitam || 12/9 || devyuvāca caryāyā lakṣaṇaṃ deva prasādādavadhāritam | punaḥ pṛcchāmi deveśa pātrāṇāṃ lakṣaṇaṃ śubham || 12/10 || bhairava uvāca pātrāṇāṃ nirṇayaṃ devi śṛṇuṣvekāgramānasaḥ | mṛnmayaṃ kūrmajaṃ devi kāṃsajaṃ tāmralohajam || 12/11 || hemajaṃ raupyajaṃ vāpi śuktijaṃ śaṅkhajaṃ priye | kaulikaṃ tu varārohe tathānyaṃ kācasambhavam || 12/12 || śṛṅgodbhavaṃ sakāṣṭhādyāpāṣāṇasambhavaṃ priye | viśvāmitrakapālañca sarvapātrottamaṃ priye || 12/13 || tasmin kṛtvā pibet kiñcidbhakṣyañca bhakṣayed yadi | patiñca patitañca tadbhaveccakottamaḥ (?) || 12/14 || jñātavyaṃ pātrametadviśālaṃ nārikelakam | etat pātramalābhena anyapātre pibet surām || 12/15 || pātrāṇāṃ lakṣaṇaṃ devi caryāyāścaiva lakṣaṇam | kathitaṃ devi sadbhāvaṃ kimanyaṃ pṛcchase'dhunā || 12/16 || devyuvāca adya me saphalaṃ jātā devatvaṃ svaranāyika | tatprasādena deveśa jñātavyaṃ jñānanirṇayam || 12/17 || iti jñānanirṇaye śrīyoginīkaulammahacchrīmachaghnapādāvatārite caryāpātralakṣaṇo dvādaśaḥ paṭalaḥ || 12/12 || trayodaśaḥ paṭalaḥ bhairava uvāca mokṣapratyayasaṃvitti śṛṇu tvaṃ vīranāyike | adhorddhañca labhejjīvo jñātvā taṃ muktibhojanam || 13/1 || haṃsa haṃsa vadennityaṃ dehasthāvarajaṅgame | śrutvā tasya patirdivyaṃ yāti mokṣavaraṃ śubham || 13/2 || yena vyāptaṃ ca trailokyaṃ jagad yasmin vyavasthitam | taṃ jñātvā gūḍhasadbhāvaṃ sarvajñatvamprajāyate || 13/3 || na tena vinā mucyante vyavahārānna hi tadvinā | śubhāśubhaṃ ca saṃbhoktaṃ na tena rahitaṃ kvacit || 13/4 || na manañcittamālabdhaṃ na peyaṃ dhāraṇaṃ priye | unmanantu mano yasya tasya mokṣo bhavantīha || 13/5 || dvādaśānte yadā paśyet sphūrantaṃ maṇimālikā | tasya mokṣo bhavedyastu pāpapuṇyairna lipyate || 13/6 || devayāne mahāyāne yasya cittaṃ sadā priye | tasya mokṣo na sandehaḥ padmapatrāmbubinduvat || 13/7 || i gude ikṣu meḍhre iyau nābhau || imau vaktre || ivau dakṣiṇanāsā(yāṃ) || ilau vāmapuṭe || irau dakṣiṇataḥ || iḍo dakṣiṇakarṇaḥ || iśau vāma karṇaḥ || ihrau bhrūmadhye || saṃ taṃ lalāṭe || saṃ aṃ vāmakarṇe || saḥ yaṃ dakṣiṇakarṇaḥ || saḥ paṃ vāmacakṣuḥ || saḥ ṛ dakṣiṇacakṣuḥ || vaḥ taṃ vāmanāsikā || saḥ puṃ dakṣiṇanāsikā || saḥ rūṃ vaktram || saḥ yaṃ nābhi || saḥ ṣu/ meḍhraḥ || saḥ laṃ gude || idaṃ nyāsakramandevi yasya dehe pravartate | tasya mokṣo na sandehaḥ paraṃ saṃvittipūrvakam || piṇḍapāte yadā devi kapālambhidyate tadā || 13/8 || iti jñānanirṇaye yoginīkaulamahacchrīmacchendrapādāvatārite candradvīpavinirgate nyāsaḥ trayodaśaḥ paṭalaḥ || 13/13 || caturdaśaḥ paṭalaḥ devyuvāca mantrajālavinirmuktamprāṇāyāmavivarjitam | cakradhyānavinirmuktaṃ sadyaḥ siddhikaraṃ param || 14/1 || nirgamaṃ dehamadhye tu saṃśayacchittikārakam | śṛṇu tvamadbhutaṃ devi mahadāścaryakārakam || 14/2 || brahmā viṣṇuḥ surāḥ sarve kliśyante mandabuddhayaḥ | garndhavāḥ kinnarā yakṣā asurāśca tapodhanāḥ || 14/3 || na teṣāṃ kathitaṃ devi imaṃ kaulaṃ paraṃ priye | kulabhaktivihīne tu gurubhaktivivarjite || 14/4 || na deyaṃ kaulikaṃ sāraṃ śiṣyairmandaparīkṣite | vañcakā kṛpaṇā mūḍhā hīnāni satyanindite || 14/5 || na dadyādanugrahā yasyā devāgniyatidveṣakāḥ | ye dadyāstu ime śiṣyā deśiko siddhirhīyate || 14/6 || gurvājñākāriṇo nityaṃ yuktāyuktaparīkṣakaḥ | dharme ca rataye nityaṃ krodhaye śūnyavarjitaḥ || 14/7 || niścitanispṛhe gupte nissaṃśaikāntavāsine | devāgniyatiyoginyā bhaktyā nityaṃ prasannadhīḥ || 14/8 || varayecchiṣya kurvīta dṛḍhabhaktiparāyaṇaḥ | suparīkṣya sadā tasya yo dadyāccirajīvitam || 14/9 || dvaubhāvasuprapañcātmā kapaṭavratadhāriṇaḥ | yoginīnāṃ ca vidviṣṭe gurvājñālopakārakaḥ || 14/10 || na deyaṃ kaulikaṃ jñānaṃ kāmine krodhine tathā | na śivadūṣake devi nindake kulabhairave || 14/11 || sāgararatnasaṃghāte amūlyaṃ bhuvi vikrayaḥ | sāgaraṃ ratnasaṃpūrṇamakretuṃ yasya saṃcayaḥ || 14/12 || na(da)dyānnindako devi saptāhani pareṇa hi | imaṃ kaulaṃ mahādevi sarvakālasya nirṇayam || 14/13 || yasya kaulāgame sparddhā nā jñātumīdṛśaṃ priye | samyag jñānavaraṃ devi saptā...ṇnadāpayet || 14/14 || yat kramaṃ pṛchitaṃ devi tat kramaṃ śṛṇu bhāvini | prathamaṃ mūlacakrantu yadānyabhyasate priye || 14/15 || tadā tu pratyayaṃ devi mahadāśvaryakārakaḥ | prathamaṃ kampamāyāti dhūnanantu dvitīyakam || 14/16 || hastapādaśiraḥkampabhāṣāṇi vividhāni ca | mantramudragaṇaṃ sarvaṃ durdurapluta eva saḥ || 14/17 || bhūmityāgakavitvañca atītānāgataṃ tathā | kālasya vañcanaṃ devi rūpasya parivartanam || 14/18 || balīpalitanāśañca khecaratvaṃ hi sundari | aṣṭau ca siddhisaṃprāptirmūlakaulaṃ varānane || 14/19 || śṛṇu tvamadbhūtaṃ devi ādhārasyaiva nirṇayam | devyāścakrorddhaṃ deveśi ādhārañcaturaṅgulam || 14/20 || tasmiṃścaiva manaḥ kṛtvā śuci bhūtvā tu pārvati | kampastobhastathā bhāṣā mudrāmutplavanantathā || 14/21 || aśrutāni tu śāstrāṇi mantramudrāgaṇaṃ mahat | bhūnmāgaṃ (?) khecaratvañca vaśyamākarṣaṇantathā || 14/22 || jarāpaharaṇaṃ devi mṛtyukālasya vañcanam | pātālaṃ khecaratvañca acirādbhavati priye || 14/23 || etatte kathitaṃ tubhyaṃ ādhārasya (tu) lakṣaṇam | athānyaṃ (saṃ)pravakṣyāmi brahmagranthivinirṇayam || 14/24 || tasmiṃsthāne manaḥ kṛtvā praharaikeṇa bhāvini | kampastobhādikaṃ bhadre bhāṣā caiva tvanekadhā || 14/25 || dūrāśravaṇaṃ purakṣobham atītānāgatantathā | kālasya vañcanaṃ devi amarañca kavitvatā || 14/26 || aṇimādiguṇaiśvaryaṃ siddhiśva mānasī bhavet | etatte kathitaṃ devi brahmagranthivinirṇayam || 14/27 || atorddhaṃ śṛṇu kalyāṇi yathātathyaṃ yaśasvini | ūrddhaṃ romāḥ pravartante yasmiṃsthāne tu tryambake || 14/28 || jvalajyotisamākārā kiñcidvidyusamaprabhaḥ | cintayet saptarātrantu pratyayaścopajāyate || 14/29 || kampastobhastathā bhāṣā mudrāmutpatanantathā | purapraveśamāveśaṃ vaśyamākarṣaṇādikam || 14/30 || atītānāgatañcaiva dūrācca darśanaṃ tathā | balīpalitanāśañca rūpasya parivartanam || 14/31 || khecarīṇāṃ ca sāmānyo bhavedabhyāsato rataḥ | etatte kathitaṃ devi romakūpādi kaulikam || 14/32 || vṛṣaṇotthasya kaulasya kathitaṃ tava suvrate | śṛṇu tvaṃ varade nityaṃ vīrāṇāṃ vīramātare || 14/33 || vahnikaulasya yo'bhyāsaṃ kathayāmi ca sāṃpratam | tasmiṃścittaṃ sthiraṃ kṛtvā kṣaṇārddhaṃ yāvattiṣṭhati || 14/34 || stobhabhāṣādimudrāśca bhūmityāgādikārakam | vaśyamākarṣaṇaṃ devi jarāmaraṇanāśanam || 14/35 || purapraveśamāveśaṃ purakṣobhādikārakam | uttiṣṭha khaḍgapātālaṃ dhruvaṃ sidhyati kaulike || 14/36 || īpsitaṃ kurute rūpaṃ satatābhyāsatatparaḥ | punaranyaṃ pravakṣyāmi kaulasadbhāvamuttamam || 14/37 || hṛdisthantu manaḥ kṛtvā tanniṣṭhaṃ yāvattiṣṭhati | tāvat samādhimāyāti stobhāveśādilakṣaṇam || 14/38 || bhramate aṅgamaṅgāni hastapādaśirādikam | varṇanā sphoṭanā vāpi purakṣobhaṃ varaprade || 14/39 || gāndharvī kinnarī vāpi yakṣī pātālavāsinī | asurī caiva deveśi vidyādharī sulocane || 14/40 || kṣubhyate ca na saṃdeho hyabhyāsāttadgatasya tu | atītānāgatañcaiva dūrāśravaṇameva ca || 14/41 || purapraveśamāveśaṃ mṛtyunāśaṃ mahātape | yoginīmelakatvañca acirādbhavati sphuṭam || 14/42 || etatte kulasadbhāvaṃ hṛdisthaṃ prakaṭīkṛtam | punarāścaryaṃ vakṣyāmi śṛṇu tvaṃ makaradhvaje || 14/43 || cittaṃ kṛtvā prayatnena kaṇṭhakūpodbhavaṃ priye | vadane śāstrasadbhāvaṃ svaśaktyā coditaṃ priye || 14/44 || atītānāgatañcaiva vartamānantathaiva ca | na mṛtyurbhavate tasya akṣayo hyamaradyutiḥ || 14/45 || jarāvyādhivinirmuktaṃ balīpalitavarjitam | kruddhantu cālayeddevi trailokyasacarācaram || 14/46 || na brahmā na ca vā viṣṇurna rudrā rudra eva ca | yādṛśo bhavate siddhissatatābhyāsa eva ca || 14/47 || padottiṣṭhamidaṃ kaulaṃ nātmānaṃ jñānanirṇayam | etaj jñānaṃ varaṃ jñānaṃ svātantrasiddhimānasī || 14/48 || kathitaṃ jñānasadbhāvaṃ sugopyaṃ kaṇṭhasaṃsthitam | gṛhītavyaṃ prayatnena kaulave siddhimicchatā || 14/49 || ata ūrddheśvaraṃ guhyaṃ sarvavyādhivimardakam | rasanā ūrddhakaṃ kṛtvā manastasminniveśayet || 14/50 || satatābhyāsayettattu muhūrtaṃ nāśayet priye | kṣaṇena mucyate rogairvyādhimṛtyujarādibhiḥ || 14/51 || naśyate vyādhisaṃghātaṃ siṃhasyaiva yathā mṛgāḥ | kṣaṇena naśyate vyādhiḥ kaṭuke kuṣṭhanāśanam || 14/52 || susvādena mahādevi balīpalitanāśanam | kṣīrasvādena medhāvi amaro jāyate naraḥ || 14/53 || ghṛtasvādopamanaṃ devi svātantrantu yathā bhavet | cittaṃ dadyāntu cakreṇa nāse dadyāt vijṛmbhikā || 14/54 || vācā siddhirbhavatyeva kāmadevo'paraḥ priye | devakanyā surāṇāñca yakṣavidyādharo bhavet || 14/55 || mṛṣṭādikhaṇḍakādyāśca laṭṭukaśokavartikā | divyakanyā anekāśca ākṛṣya bhuñjate priye || 14/56 || aṇimā laghimā devi ūrddharetaḥpravartanam | ūrddharetā bhaved yogī na yogī karata(?) priye || 14/57 || niṣṭhīvanaṃ na kartavyaṃ prasādādapi bhāṣiṇi | durlabhantu imaṃ cakraṃ nāsti yogaṃ imamparam || 14/58 || ata ūrddhamparaṃ guhyaṃ yoginīkaulamuttamam | abhyāse tu padābhyasta mahadāścaryakārakam || 14/59 || aṇimādiguṇāstasmin dūrāt sa darśanantathā | bhavate nātra saṃdehaḥ satatābhyāsatatparāḥ || 14/60 || mṛtakottthāpanaṃ devi paradehapraveśanam | pratimājalpanantasmi(n) ghaṭapāṣāṇasphoṭanam || 14/61 || paśugrahaṇamāveśaṃ rūpādiparivartanam | brahmaviṣṇuyamendrāśca varuṇo vāyureva ca || 14/62 || svargādyāsomarājānaṃ dehamadhye varānane | gandharvāḥ kinnarā yakṣā nāgā vidyādharāḥ priye || 14/63 || vimānakoṭisantānāḥ sarvābharaṇabhūṣitāḥ | nakṣatratārakopetaṃ brahmāṇḍaparighaṭṭitam || 14/64 || paśyate dehamadhyasthaṃ trailokyaṃ sacarācaram | darśayet svakapiṇḍaṃ satatadhyānādanekadhā || 14/65 || sahasrakoṭibhirdevi kartā hartā svayaṃ śivaḥ | abhyāsād dadate siddhiraṣṭadhā śāstracoditā || 14/66 || pūjyate sarvasiddhaiśca mama tulyaṃ varānane | sataḥ kaulamidaṃ deyaṃ na deyaṃ yasya kasyacit || 14/67 || gurukaulāgame bhaktyā devyāḥ pūjārataḥ sadā | etadoddharaṇaṃ gopyaṃ nityantu kṛtaniścayaḥ || 14/68 || ata ūrddhaṃ pravakṣyāmi śṛṇu tvaṃ kulabhāvini | lalāṭavarṇarāśisthaṃ lakṣaṃ kṛtya surārcite || 14/69 || jalpate bahudhā bhāṣā aṅgasya bhramaṇantathā | nādaṃ pramuñcate devi mahāvegañca jāyate || 14/70 || īpsitaṃ kurute rūpam abhyāsantatparaṃ priye | ata ūrddhamparaṃ guhyaṃ śṛṇu tvañca parāparam || 14/71 || lalāṭavarṇarāśisthaṃ brahmarandhrasya madhyataḥ | abhyāsāt satataṃ vīra grāmadharmañca varjayet || 14/72 || sṛṣṭisaṃhārakartāro bhavatyeva na saṃśayaḥ | jarā-maraṇanirmukto nityaṃ vai yoginī priye || 14/73 || jñātamātreṇa (tu) devi abhyāse mokṣatāṃ gatiḥ | ata ūrddhaṃ pravakṣyāmi randhrakauśalasya nirṇayam || 14/74 || satatamabhyaset prājño vyādhimṛtyurna vidyate | mama tulyabalo bhūtvā saṃhārasṛṣṭikārakam || 14/75 || svatantraṃ krīḍate bhadre icchārūpī bhaved yathā | visarjaḥ kaulikaṃ devi tasmiṃścitte sthiraṃ sadā || 14/76 || śṛṇvanti dūrato devi mananañcāvalokanam | kapālaghaṭṭikā devi nigūḍhaṃ sthāpitaṃ priye || 14/77 || etadabhyasato devi niṣkramedbāhyataḥ sadā | makṣikāmaṃkṣuṇo vāpi vyāghrasiṃhagajastathā || 14/78 || etattu dhārayedrūpaṃ manasā cintitaṃ priye | etattu kulavijñānaṃ pāramparyakramāgatam || 14/79 || mokṣadaṃ sāramevaṃ (ca) jñātavyaṃ varavarṇini | tasmāt sarvaṃ prayatnena jñātavyaṃ kulalakṣaṇam || 14/80 || ghaṭapūrṇamiva kumbhaṃ kuḍyastambhā ivācalaḥ | vyāpayitvā sthito deva tadvad yogīnasopamaḥ (?) || 14/81 || atorddhaṃ saṃpravakṣyāmi śṛṇu tvaṃ vīravandite | na jalaṃ cintayeddevi na vahnivāyurākāśam || 14/82 || nādhastādūrddhamadhyañca kāṣṭhavalloṣṭravat priye | manasya unmanībhāvo yadā bhavati sundari || 14/83 || śūnyaśūnyamanaḥ kṛtvā niścinto niścalasthitiḥ | ghaṭapaṭasthitastambhā grāmakūpādikaṃ budhaḥ || 14/84 || bheriśaṅkhamṛdaṅgaiśca vīṇāvaṃśanināditaiḥ | tāḍyamānannabodhyate jīvastallayatāṃ gataḥ || 14/85 || bhūtaṃ bhavyaṃ bhaviṣyañca atītānāgatantathā | akṣayo hyamaro bhūtvā kāmadevadvitīyakaḥ || 14/86 || bhedyamāno na jāye ..... khāḍyamānastu pannagaiḥ | puṣpavṛṣṭipatantasya pārijātasya sundari || 14/87 || pūjyate nāgakanyābhiryathārhaṃ hāṭakeśvaraḥ | pañcaśrotātmakañcaiva mokṣārthaṃ codito mayā || 14/88 || tvadbhaktyā nirṇayaṃ devi coditaṃ kulagocare | atorddhaṃ kathyate devi mudrānirṇayalakṣaṇam || 14/89 || anāmā hṛdaye lagnā mudreyamīśvarīpradā | dvādaśānte yadā paśyet sphurantammaṇimālikā || 14/90 || anāmā nāma mudreyaṃ vapā (?) khecaratāṃ gatim | mudritampañcamudrābhiścaitanyasahitaṃ priye || 14/91 || bhedayettatkapāṭañca argalāyāsusañcitā | pañcādvādaśāntaṃ yāvac śaktyācāreṇa bhedayet || 14/92 || devyā bhūtvā ca yoginyā mātṛcakrāvaśānugā | līyante khecarīcakre kṣobhayet paramāmṛtam || 14/93 || amṛtena vinā devi amaratvaṃ kathaṃ priye | amṛtaṃ kaulasadbhāvaṃ śṛṇu kāmakalātmakam || 14/94 || sahajāntasthitantattvaṃ sphurantaṃ maṇinirmalam | muktāphalasamaupamyaṃ khadyotasadṛśaṃ priye || 14/95 || tārakollāsasaṃkāśaṃ prasphurantannabhaḥsthale | sita-raktañca kṛṣṇañca dhūmrapītañca rūpakam || 14/96 || ......................... sṛṣṭisaṃhārakārakam | utpattipralayañcaiva akula-kula-varjitam || 14/97 || divāyāmabhyaseddevi kṛtvādityantu dṛṣṭata (?) | svarūpaṃ dṛśyate ........................................... || 14/98 || .......... kuryāt prayatnena pararūpaṃ na saṃśayaḥ | kṣaṇena kurute sṛṣṭiṃ saṃhārañca varānane || 14/99 || niśāyāmabhyaseddevi utuṅgaśatamīśvaram | kodaṇḍadvayamadhyasta .................................... || 14/100 || etante paramaṃ devi yena sṛṣṭaṃ carācaraḥ | asminneva layaṃ bhadre samudreṇa nadī yathā || 14/101 || anena dṛḍhamātreṇa puṇyapāpairna lipyate | piṇḍamaṣṭaprakāreṇa aṣṭadhātupadaṃ priye || 14/102 || aṣṭadhā rūpavijñānaṃ rūpātītantu cāṣṭadhā | aṣṭāṣṭavidhinā cakraṃ jñātavyaṃ siddhikāraṇam || 14/103 || kulalakṣaṃ kulādhāraṃ nalikāvajrasambhavā | kṣobhañca kulayānañca paratattvavidaḥ priye || 14/104 || anujñā gurusiddhānāṃ devatānāñca bhāsini | kṣīrāmbhe phenasadṛśaṃ śītalaṃ candrasannibham || 14/105 || nimeṣārddhaṃ kṣobhamāyāti velā iva mahodadheḥ | mucyate jvarakuṣṭhādyairvyādhisaṃghairmahātape || 14/106 || iti jñānanirṇaye śrīyoginīkaulammahacchrīmacchaghnapādāvatārite candradvīpavinirgate dhyānayogamudrā caturdaśaḥ paṭalaḥ || 14/14 || pañcadaśaḥ paṭalaḥ devyuvāca adya me saphalaṃ janma saphalaṃ ca tapastathā | devatvamadya saphalaṃ tvatprasādena bhairava || 15/1 || tapaśca saphalaṃ me'dya adya netropaśobhitam | adyāhaṃ kṛtakalyāṇi jñānadṛṣṭikṛtakṣamā || 15/2 || adya me bhūṣito karṇo mahākaulaṃ śrutaṃ mayā | adya me tejapiṇḍantu mahājñāna hṛdi sthitam || 15/3 || adya me kulaśīlañca adya me rūpalakṣaṇam | adya me bhrāntirucchinnā tvatprasādāt surādhipa || 15/4 || vijñātvā yanmayā pūrvanna pṛcchāmi pade pade | yat kiñcit dṛḍhasadbhāvaṃ tat sarvaṃ kathayasva me || 15/5 || anadhītaṃ mayā pūrvantuṣṭastvaṃ me punaḥ punaḥ | cāraṇākoṭayaḥ sapta tanmadhye pṛcchitaṃ imam || 15/6 || pūrvamekārṇave ghore naṣṭe sthāvarajaṅgame | kenopāyena vīreśa ātmānaṃ rakṣitaṃ tvayā | tadvastu katha me nātha yenātmarakṣitaṃ tvayā || 15/7 || bhairava uvāca sādhu sādhu mahājñāni na pṛṣṭaṃ kenacidime | atyantagahanaṃ devi sugopyaṃ rakṣitaṃ mayā || 15/8 || muṇḍādhāraisthita ... nakhāgre paśya bhairavi | asthicakrasya madhyasthaṃ sarvañcaiva susaṃsthitam || 15/9 || sahajantu i(maṃ) cakraṃ vajranāmātikodbhavam | vajrayogaprayogeṇa vajravadbhavate naraḥ || 15/10 || saptakoṭisahasrāṇi patrāṇāṃ kesarānvitam | arddhakoṭigataṃ cakraṃ sahasraṃ koṭijaṃ śubham || 15/11 || triguṇaṃ veṣṭitaṃ kṛtvā kṣīrādhāre vyavasthita(ḥ) | kṣīrādā .... viplakāraiḥ pūrayettattanuṃ sadā || 15/12 || karṇikāyāṃ paraṃ tattvaṃ atasīpuṣpasannibham | pañcāramaṣṭapatrañca ṣoḍaśāraṃ suśobhanam || 15/13 || ṣoḍaśāraṃ trilikhyantu antarālasamanvitam | aṣṭārapadmapatrañca ṣoḍaśaikaṃ varānane || 15/14 || binducchindañca kartavyaṃ antarāla(ma)pi suvrate | ṣoḍaśākṣarabhinnantu ātmā vai prāṇasaṃyutaḥ || 15/15 || ṣoḍaśākṣarabhedantu ūrddhaṃ cakre vyavasthitam | catuṣkalaṃ punardevi anyathā na kadācana || 15/16 || ādhāre ca ātmacakraṃ ..... tadūrddhagam | karṇikāyātmanaḥ kṛtvā ūrddhacakreṇa plāvayet || 15/17 || gokṣīraviplutairdevi plāvyamānaṃ saviplaṣaiḥ | dviraṣṭavarṣamātmānaṃ adhaścakre vyavasthitam || 15/18 || kiñciddarśitavarṇābhaṃ prāṇacakraṃ sulocane | plāvayet pūrvacakreṇa pūrṇacandranibhaṃ tanu || 15/19 || ānayenniścalībhūtam asthicakrodbhavena tu | plāvayitvā jagat sarvaṃ trayacakraṃ samabhyaset || 15/20 || āramūrddhiṃcakrantu tadūrddhe caiva pārvati | nalīkāyāṃ garbhalīnaṃ saṃhārantu kutaḥ priye || 15/21 || balīpalitanirmukto jvaravyādhivivarjitaḥ | akṣayo hyamaro nityo yathārhantiṣṭa mānasaḥ (?) || 15/22 || yadā bhavati saṃhārastadā paśyeccarācaram | tadā'sau tiṣṭhate bhadre mayā sārddhaṃ svareśvari || 15/23 || yathā mahyaṃ prabhutvañca trailokyaṃ sacarācaram | tadvat sa bhavate devi sṛṣṭisaṃhārakārakaḥ || 15/24 || samacittaṃ sadā līnamasthicakraṃ sulocane | vajravattiṣṭhata dehaṃ saṃhā(ra)ntu na hi priye || 15/25 || mayābhyasta(mi)dampūrvantenāhamakṣayaṃ priye | etanmayā kathitaṃ śāstre aprameyamanekadhā || 15/26 || imantu gūḍhasadbhāvaṃ mama guhyaṃ pragopitam | gopanīyaṃ prayatnena saptādūrddhanna dāpayet | etatte kulasadbhāvammayā tubhyamprakāśitam || 15/27 || iti jñānanirṇaye yoginīkaulammahacchīmacchendrapādāvātārite candradvīpavinirgate paramavajrīkaraṇaṃ nāma pañcadaśaḥ paṭalaḥ || 15/15 || ṣoḍaśaḥ paṭalaḥ devyuvāca yoginīsiddhasampannaṃ divyarūpeṇa bhairava | krīḍate mātṛmadhyasthaṃ svaśaktiṃ balagarvaitam || 16/1 || durvijñeyaṃ sadā nātha tubhyaṃ caritaceṣṭitam | na jñātaṃ suragāndharvaiḥ kiṃ punarbhuvi sambhavaiḥ || 16/2 || triṣkālaṃ tiṣṭhase kṣetre kṣetraṃ vā pīṭhaparvate | tanmamācakṣva deveśa bhakṣyāṇāṃ divyadarśanam | atidhyānavidaṃ deva kathyatāntu mama prabho || 16/3 || bhairava uvāca śobhanaṃ pṛcchitaṃ bhadre adbhutasiddhigocare | kathyamānaṃ viśālākṣi kiṃ bhayaṃ tejabhāmini || 16/4 || śrīśailaśca mahendraśca pīṭhakā(mā)khya viśrutam | sannidhāno hyahaṃ bhadre triṣkālasiddhimelakam || 16/5 || prasannā ye narā bhadre vyomadhyānaikacetasaḥ | darśanaṃ ca bhavate tasmin mayā sārddhaṃ kuleśvari || 16/6 || śrīśaile nāma saṃsiddhirmahendre rājasaṃ smṛtam | sādhvikaṃ yogasaṃyukto kāmākhyaṃ pīṭhamāsmṛtam || 16/7 || tasmin melāpakaṃ labdhvā yoginīsiddhiḥ tatsamam | manasā cintitaṃ rūpaṃ aṇimādiguṇāṣṭakam || 16/8 || kintvayā tena vijñātaṃ mahyaṃ caritaceṣṭitam | kathitaṃ melakaṃ sthānaṃ śrutaṃ te ceṣṭitaṃ śubham || 16/9 || pañcasrotātmakaṃ caiva gopitaṃ siddhigocaram | abhakṣyā codyate nāthe anyathā na kadācana || 16/10 || ahantat paramaṃ tattvaṃ ahaṃ sa bhairavaḥ priye | ahaṃ sadā śiva īśaḥ śrīkaṇṭho rudra eva ca || 16/11 || ahaṃ so dhīvaro devī ahaṃ vīreśvaraḥ priye || 16/12 || ananto'ham mahādevi rudro'haṃ surasundari | saṃharāmi jagat sarvaṃ saṃhāro'haṃ kuleśvari || 16/13 || carācaraḥ punaḥ sṛṣṭiḥ straṣṭāro dhīravandite | vihitaṃ trāyate nityaṃ vidhātā'haṃ kulāgame || 16/14 || viśvantu niśṛtaṃ yena viśvapādeti gīyate | vicitracitratāsṛṣṭirvicitreti ca viśrute || 16/15 || svecchayā krīḍito'haṃ ca karoti vikaroti ca | śvetapādastvahaṃ devi śvetapādeti gīyate || 16/16 || candrakāntasamaṃ tejaṃ bhṛṅgavarṇaṃ sunirmalam | te cāhaṃ viśrute loke bhṛṅgapādā varaprade || 16/17 || asurāṇāṃ surāṇāṃ ca ahaṃ bhaṭṭārakaḥ priye | bhaṭṭapādeti vikhyāto nāmedaṃ mama sundari || 16/18 || śriyāmutkaṇṭhitā ye tu śrīkaṇṭhastena ucyate | rūrūpādaṃ mahādevi rūdro'haṃ drāvaṇapriye || 16/19 || (rūrūpādaṃ mahādevi mahīdrāvaṇaṃ priye |) tva-umātu mahādevi tubhyaṃ patirahaṃ priye || 16/20 || śriyāyā tu ahannātha śrīnātha siddhagocare | yadāvatāritaṃ jñānaṃ kāmarūpī tvayā mayā | tadāvatāritaṃ tubhyaṃ tattvantu ṣaṇmukhasya ca || 16/21 || tena kaulāgame devi vijñānaṃ praṇavapriye | avyaktena tu rūpeṇa candradvīpe ahaṃ priye || avyaktaṃ gocaraṃ tena kulajātaṃ mama priye || 16/22 || śrīdevyuvāca kimarthaṃ candradvīpantu ahañcaiva gataḥ prabho | kimarthaṃ grasitā prājñā ādiṣaṇmukhasya ca || 16/23 || anyo'pi vismayo devi kaulave siddhimicchatā | sūcitaṃ sūcanārthāya vaṭuko nāma nāmataḥ || kiṃ varṇā dhyānamātrañca śrotumicchāmi bhairava || 16/24 || bhairava uvāca ātmānaṃ budhyase nātha yadyapi priyabhāṣiṇi | icchā tvaṃ jñānaśaktiśca kriyākhyā caiva bhāsini || 16/25 || gaurī caiva mahākālī lakṣmī caiva śriyā tayā | ahaṃ tvaṃ ca viśālākṣi sarvaśāstrāvatārakaḥ || 16/26 || ahaṃ caiva tvayā sārddhaṃ candradvipaṃ gato yadā | tadā vaṭukarūpeṇa kārtikeya(ḥ) samāgataḥ || 16/27 || ajñānabhāvamāsṛtya tadā śāstraṃ hi mūṣitam | śāsito'haṃ mayā devi ṣaṇmukhā mṛṣakātṛkam || 16/28 || gato'haṃ sāgaraṃ bhadre jñānadṛṣṭyāvalokanam | macchamākarṣayitvā tu sphoṭitaṃ codaraṃ priye || 16/29 || gṛhītvā matsyodarasthantu ānītantu gṛhī punaḥ | sthāpayitvā jñānapaṭṭaṃ mama gūḍhaṃ tu rakṣitam || 16/30 || punaḥ kruddhamanenaiva muṣakeṇa sureśvari | gārtaṃ kṛtvā suruṅgāya punaḥ kṣiptaṃ hi sāgare || 16/31 || daśakoṭipramāṇena mahāmāṃsena bhakṣitam | mama krodha samutpannaṃ śaktijālo mayā kṛtaḥ || 16/32 || ākarṣito matsyasptānāṃ sāgarahradāt | nāgato'sau mahāmatsyā mama tulyabalaḥ priye || 16/33 || jñānatejena saṃbhūto durjayastridaśairapi | brahmatvaṃ hi tadā tyaktaṃ cittavī (?) dhīvarātmakam || 16/34 || ahaṃ so dhīvaro devi kaivartatvaṃ mayā kṛtaḥ | ākṛṣya tu tadā matsyaṃ śaktijālasamīkṛtaḥ || 16/35 || matsyodarantu tatsphoṭya gṛhītañca kulāgame | vadanti viditā loke paśavo jñānavarjitāḥ || 16/36 || devyuvāca brāhmaṇo'si mahāpuṇye kaivartatvaṃ mayā kṛtaḥ | matsyābhighātinairviprā matsyaghnameti viśrutāḥ | kaivartatvaṃ kṛtaṃ yasmāt kaivarto vipranāyakaḥ || 16/37 || bhairava uvāca avyaktena mahātmāna kṛtaṃ pūrvantu sundari | avyaktagocaraṃ tena kulairjātammahākṛpe || 16/38 || tubhyañcaiva mahādevi ṣaṭmukhasya ca pārvati | vighneśo nandinaścaiva mahākālasya dhīmate || 16/39 || jayā ca vijayādīnāṃ harasiddhimahābalāḥ | kālikā yoginī khyātā ūrddhato matsamaṃ priye || 16/40 || akulaṃ tu imaṃ bhadre yatrāhaṃ tiṣṭhate tadā | kalpānte ca yugānte ca mama dehe tu tiṣṭhati || 16/41 || jīvamadhye yadā devi puṣpamūlaphalānvitā | patraśākhāsamāyukto vṛkṣasya codbhavaṃ yathā || 16/42 || tadvadutpāditānye'pi maddehe kulabhāmini | ajñānabhāvitā devi paśutvaṃ suranāyike || 16/43 || gṛhītvā tu punardevi mahājñānaṃ prakīrtitam | kathitaṃ tava kāmeṣi ṣaṭmukhasya gaṇasya ca || 16/44 || nandī caiva mahākāle jayā ca vijayādiṣu | bhaṭṭādyā droṇakādīnāṃ tathā ca harasiddhikā || 16/45 || kathitaṃ kālikā yogī sarvakaulasya nirṇayam | bhaktiyuktā samatvena sarve śṛṇvantu kaulikam || 16/46 || mahākaulāt siddhakaulaṃ siddhakaulāt masādaram (?) | caturyugavibhāgena avatārañcoditaṃ mayā || 16/47 || jñānadau nirṇītiḥ kaulaṃ dvitīye mahat saṃjñitam | tṛtīye siddhāmṛtannāma kalau matsyodaraṃ priye || 16/48 || ye cāsmānnirgatā devi varṇayiṣyāmi te'khilam | etasmād yoginīkaulānnāmnā jñānasya nirṇītau || 16/49 || kṣaṇena yoginī hṛṣṭā devyā saha vināyakaḥ | catvāraḥ kulasiddhastu pṛcchamānā subhāvitā || 16/50 || romāñcakañcukā sarve puṣpahastāstu bodhitā | daṇḍavat patitāḥ sarve ātmavādaṃ vada prabho || yogābhyāsaratānāntu raktapālasya nirṇayam || 16/51 || bhairava uvā(ca) ahaṃ tvaṃ ca viśālākṣi candradvīpasamāgatau | ṣaṭmukho vaṭuko jātāḥ kṣetrapālakulāgame || 16/52 || sidhyante koṭayaḥ sapta tāvattvaṃ kṣetrapālakaḥ | vaṭukau kiṃ na vijñātau sutau tulyaṃ varānane || 16/53 || siddhāmṛte tu yat proktaṃ gurornindā vigarhitā | tathyācyavanasaṃjātaṃ patitaṃ ca mahodadhau || 16/54 || kalau yuge mahāghore divyaiḥ saṃsādhito'pi saḥ | tantre tantre samākhyātaṃ yathāśāpantu prāptavān || 16/55 || tasya pūjābaliḥ piṇḍa āsanaṃ jāpyameva ca | kathayāmi samāsena yathā sidhyati sādhake || 16/56 || hrīṃ vaṭukāya kapilajaṭāya piṅgalanetrāya devīputrāya mātṛputrāya imāṃ baliṃ mamopanītāṃ gṛhṇa gṛhṇa curu murū hrīṃ balimantra cāla cāla bhakṣa 200 piṇḍamantraḥ yatkiñcit bhakṣayet prājñaḥ agrapiṇḍantu dāpayet | hrīṃ vaṭukāya āsanamantraḥ hyauṃ hyauhyaṃ mahābhairava pūjanamantraḥ | hrīṃ hrāṃ jāpya - yaḥ sadā jāpyamidaṃ kuryānnirvighnaṃ siddhibhājanaḥ | gṛhṇa gṛhṇeti vaktavyaṃ gṛhṇāti vaṭukastathā || 16/57 || daṇḍahastaṃ sadādhyāyejjaṭilaṃ brahmatejasam | raktāmbaraparīdhānaṃ vaṭukaṃ vighnamardakam || 16/58 || pūjyamānaṃ sadākālaṃ agrato daṇḍapāṇinam | caturaṅgabalaṃ jitvā uṣṭānāṃ (?) stambhakārakam || 16/59 || caurarājakulādīnāṃ sarpavyāghragajādiṣu | hrīṃ ca vaṭuka hrīṃ imāṃ vidyāṃ jāpyaṃ kuryādbhayorddhitā || 16/60 || nāśayet sarvaduṣṭānāṃ siṃhasyaiva yathā gajāḥ | yatra tatra kṣudrasiddhirbahudhā śāstracoditā || 16/61 || hrīṃ vaṭuka uktamantreṇa karoti surasundari | hrīṃ kārāṅkararādyevaṃ vaṭukaṃ siddhipūjitam | pūjayettat pra(ya)tnena kaulave siddhimicchatā || 16/62 || iti jñānanirṇaye mahāyoginīkaule matsyendrapādāvatāre candradvīpavinirgate ṣoḍaśaḥ paṭalaḥ || 16/16 || saptadaśaḥ paṭalaḥ devyuvāca yanmayā pṛcchitaṃ deva ātmavādasya nirṇayam | sāmprataṃ śrotumicchāmi niḥsandigdhaṃ vada prabho || 17/1 || bhairava uvāca sādhu devi mahāyoge yoginīsiddhanāyike | gūḍhaṃ guhyaṃ sanābhiñca hṛdi padmamadhomukham || 17/2 || samīrastobhakaṃ cakraṃ ghaṇṭikāgranthiśītalam | nāsāgraṃ dvādaśāntaṃ ca bhruvormadhye vyavasthitam || 17/3 || lalāṭaṃ brahmarandhraṃ ca śikharasthaṃ sutejasam | ekādaśavidhaṃ proktaṃ vijñānaṃ dehamadhyataḥ || 17/4 || kliśyanti manujātyantamajñātvā tu kulāgamam | hṛdisthasahajo deva smaraṇārhaḥ sa ucyate || 17/5 || hakāro niṣkalo nityaḥ saṃkāraṃ sakalaṃ tathā | sṛkāraṃ tu sadā sṛṣṭi hītyevaṃ saṃharejjagat || 17/6 || sakāraṃ śuklapakṣantu hakāraṃ kṛṣṇapakṣakam | hakāramīkṣamityāhurmahārthañca gataṃ param || 17/7 || na śivena vinā śaktirna śaktirahitaḥ śivaḥ | anyo'nyañca pravartante agnidhūmau yathā priye || 17/8 || na vṛkṣarahitā cchāyā na chāyārahito drumaḥ | śaktyābhyāsarato yogī kule sāmānyatāṃ vrajet || 17/9 || sthūlaṃ sūkṣmaṃ paro haṃsau jñātvā sarvātmakaṃ priye | pāramparyān mataṃ kaulaṃ karṇāt karṇagataṃ param || 17/10 || aparīkṣye na dātavyaṃ dātavyaṃ suparīkṣite | kṛtvā kulābhiṣekantu prakāśyaṃ tvātmanirṇayam || 17/11 || pañcaratnādi deveśi jñātavyā tu kulāgame | prathamaṃ palitastambhaṃ dvitīyam īpsitaṃ bhavet || 17/12 || tṛtīyaṃ kāmarūpatvaṃ caturthamakṣayāṃśakam | pañcamantu mahāratnaṃ jarāmaraṇanāśanam || 17/13 || kṛtvā pretāsanaṃ divyaṃ dvādaśāntamanāsṛtam | bhūgṛhe nirjane deśe gandhadhūpasudhūpite || 17/14 || śuklāmbaradharo bhūtvā śrīkhaṇḍena vilekhayet | paryaṅkaṃ vinyasettatra susahāyasamanvitam || 17/15 || mahāvyāptimahānidrāṃ na śṛṇoti na paśyati | sugandhaṃ pūtigandhaṃ vā karpūrañcandanādiṣu || 17/16 || na gandhaṃ vetti tattvajño mahāvyāptiriyaṃ priye | atītānāgatañcaiva tasmin kālasya vañcanam || 17/17 || kartā hartā bhaveddevi yadukto vīramātare | adhorddhve ramate haṃso dvādaśānte layaṃ punaḥ || 17/18 || hṛdisthaṃ niścalībhūtaṃ kumbhamadhye jalaṃ yathā | mṛṇālatantusadṛśaṃ bhāvābhāvavivarjitam || 17/19 || dhāraṇādheyarahitaṃ sarvajñaṃ sarvatoditam | svayaṃ ca calate corddhvam adhañcaiva svayampunaḥ || 17/20 || ramate sahajaṃ tattvaṃ yathātmani tathāpare | jñātvā tattvamidandevi bhavabandhātmakaiḥ priye || 17/21 || karṇañca hṛdaye kṛtvā jñātavyaṃ haṃsalakṣaṇam | kaṇṭhasthāne dhvanirdivyā sakalā tu parāparā || 17/22 || āpādatalamūrddhāntā vāmākhyaṃ kuṇḍalākṛtim | gudasthamudayantasyā dvādaśānte layaṃ punaḥ || 17/23 || evaṃ tu carate haṃso dehamadhye śubhāśubhe | nirlepaṃ niṣkalṃ corddhe śuddhamatyantanirmalam || 17/24 || nigarbhaṃ garbharūpeṇa nityānandaikalakṣaṇam | jñātavyaṃ gahanaṃ nātha mahājñānagataṃ param || 17/25 || aprameyamacintyaṃ ca nirābhyāsapadaṃ smṛtam | niśvāsocchvāsasaṃyuktaṃ bhāvābhāvasamanvitam || 17/26 || sa sañcarati bhūteṣu bhūtagrāme caturvidhe | sa ātmā sa svayaṃ kartā piṇḍaṃ caiva tu saṃharet || 17/27 || piṇḍasyaivambhavedduḥkhaṃ bandhasyaiva sukhaṃ param | viṣādaṃ hariṣañcaiva jarāmaraṇameva ca || 17/28 || kṣudhā tṛṣā ca mohaśca bhayādyā lobhameva ca | dāridrambandhanādīni piṇḍasyaiva sulocane || 17/29 || na cāsau chidyate śastrairṇa cakreṇa balīyasā | bhidyanti naiva vajreṇa na ca vahnau dahatyasau || 17/30 || na jalena bhavenmṛtyurna jale jīvitaṃ bhavet | na mohaṃ na ca vā rāgaṃ na madaṃ matsaraṃ sadā || 17/31 || na lobhaṃ na ca vā kopaṃ na cintā bādhyate te (?) saḥ | indriyāṇāmidaṃ sarvaṃ bhūtānāṃ ca varaprade || 17/32 || jīvena ca jagat sṛṣṭaṃ sa jīvastattvanāyakaḥ | sa jīvaḥ pudgalo haṃsaḥ sa śivo vyāpakaḥ paraḥ || 17/33 || sa manastūcyate bhadre vyāpakaḥ sa carācare | ātmānamātmanā jñātvā bhuktimuktipradāyakā || 17/34 || prathamā tu gururhyātmā ātmānaṃ bandhayet punaḥ | bandhastu mocayed hyātmā ātmānamātmanaḥ prabhuḥ || 17/35 || ātmānamātmanā jñātvā ātmā vai kāyarūpiṇaḥ | ātmanaścāparo devi yena jñātaṃ sa yogirāṭ || 17/36 || sa śivaḥ procyate sākṣāt sa mukto mocayet paraḥ | suviśuddhaḥ sadā devi paṅkasthamiva paṅkajam || 17/37 || mānuṣyaṃ piṇḍamāsṛtya sa śivaḥ krīḍate bhuvi | itthambhūtaṃ parātmānaṃ yena jñātaṃ subhāmini || 17/78 || tasyaiva sparśamātreṇa bhavenmuktirna saṃśayaḥ | tasyocchiṣṭañca saṃprāpya bhavenmuktiḥ parā priye || 17/79 || tenaiva snāpite devi abhyaṅgodvartanena tu | tena pādena saṃspṛṣṭe so'pi mokṣasya bhājanaḥ || 17/40 || ekena tena bhuktena bhuktaṃ caiva carācaram | sarvatīrtheṣu yat puṇyaṃ snātvā labhati mānavaḥ | taṃ jñeyantu manaḥ kṛtvā adhikaṃ tu phalaṃ labhet || 17/41 || yoginīsiddhasadbhāvaṃ vīramātṛgaṇādiṣu | asyorddhve tu nigadyatu bhuktimuktipradaṃ śubham || 17/42 || iti jñānanirṇaye mahāyoginīkauleśrīmachendrapādāvatārite candradvīpavinirgate saptadaśaḥ paṭalaḥ || 17/17 || aṣṭādaśaḥ paṭalaḥ devyuvāca siddhānāṃ pūjanandeva dehasthapratyayātmakam | kuladvīpavidhānaṃ ca saṃkṣepāt kathyatāṃ prabho || kaulavaṃ siddhikāmasya abhiṣekaṃ kīdṛg bhavet || 18/1 || bhairava uvāca sādhūktaṃ kathayiṣyāmi kulaṃ dvīpasya yo vidhiḥ | yavādyāśālicūrṇantu piṣṭaṃ vā godhūmodbhavam || 18/2 || yena kenacit piṣṭena anena surasundari | hrīṃkāramantritaṃ kṛtvā vartidvādaśabhūṣitam || 18/3 || kṣīrakhaṇḍādimṛṣṭantu ghṛtapūrṇasuśobhanam | pārśve tu pūjayet siddhāṃ yoginīṃ gurumeva ca || 18/4 || ekakālaṃ dvikālaṃ vā triṣkālaṃ pūjayet kramam | agrataḥ pūjayennityaṃ bhuñjamānāgranāyike || 18/5 || japedbījaparaṃ śreṣṭhaṃ hrīṃkāraṃ yoginīpriyam | yoginīmelakaṃ hyasmin bhuktimuktipradaḥ sadā || 18/6 || athānyaṃ sampravakṣyāmi abhiṣeke kulagocare | raktena pūrayed raktaṃ śukrasyaiva samaṃ priye || 18/7 || kuṇḍagolodbhavenaiva madhuṃ ca ghṛtasaṃyutam | raktaṃ vāmāmṛtaṃ śukraṃ surayā brahmamiśritam || 18/8 || vukapuṣpasamāyuktakṛṣṇāsavasamāyutam | madirānandacaitanyaṃ bhaktiyukto mahātmanaḥ || 18/9 || uddharedrumamantrantu gurusiddhāñca devatām | hrīṃ klīṃ mhau juṃ saḥ - śaṅkhasthaṃ kalaśasthaṃ vā pūjayitvā yathākramam || 18/10 || dṛḍhabhaktasya deveśe ācāryo dṛḍhalakṣavit | jayādyāścauṣadhīḥ (?) sarvā mohanādyā kṛtāñjalī || 18/11 || pañcaratnasamopetāṃ raktayuktena veṣṭitam | kṣārakṣīradadhisarpi madyode ikṣumeva ca || 18/12 || svādudañcaiva garbhādaṃ krameṇa parijalpayet | vaktrekaikaśo (?) madhye ca aṣṭau tāṃ kulaparvatām || 18/13 || veśyākumārikābhirvā ācāryaḥ svakaraistathā | uddhṛtya śirasi dadyāt tato yogī bhaviṣyati || 18/14 || punastu yajanaṃ vakṣye yathāvattannibodha me | raktaṃ yuktaṃ samādāya athavā citrajaṃ śubham || 18/15 || tatastuṣṭajayeddevi kramañcaiva samāhita | akṣataiḥ śālijairdirvyairanyairvāpi suśobhanaiḥ || 18/16 || catuḥṣaṣṭikramayutaiḥ pūjayet tatkramaṃ śubham | divyasugandhapuṣpaistu vicitrābharaṇabhūṣitaḥ || 18/17 || ācāryaḥ sumano bhūtvā sarvasaṃbhārasaṃbhṛtaḥ | yoginī siddhavīrāṇāṃ bhavate mātṛvallabhaḥ || 18/18 || madyamāṃsasamāyuktaṃ bhakṣyabhojyayutaṃ priye | ghṛtakhaṇḍasamāyuktaṃ śarkarāyāntu pūrayet || 18/19 || kumbhādi ca varaṃ dadyāt sahasraṃ vā śatairapi | catuḥṣaṣṭiñca saudarya aṣṭau ca guṇāpi vā || 18/20 || nivedya gurave mānaṃ gurupūjā viśeṣataḥ | vīrapūjāṃ tataḥ kṛtvā yena tuṣyet punaḥ punaḥ || 18/21 || carukaṃ bhakṣayet prājñaḥ samayahīne na dāpayet | vaktrādvaktraṃ viśeṣeṇa siddhibhāgyaḥ samānyathā || 18/22 || sāmānye kathitaṃ kumbhe śaṅkhādvaktraṃ viśeṣataḥ | śāstroktaṃ tu kramaṃ pūjya sarvasaṃbhārasambhṛtaḥ | anenārabdhamātreṇa siddhiyogyo bhavettataḥ || 18/23 || iti jñānanirṇaye mahākaule candradvīpavinirgate aṣṭādaśaḥ paṭalaḥ || 18/18 || ūnaviṃśatitamaḥ paṭalaḥ devyuvāca dehasthaṃ paṅkajaṃ deva siddhānāṃ sāmprataṃ vada | bhairava uvāca devyāścakraṅgatāḥ sarve divyarūpasutejasaḥ || 19/1 || ṣoḍaśākṛtayaḥ sarve tanmadhye ātmanampriye | mokṣakāmī sadā dhyāyecchuklāmbaradharāṃ śubhām || 19/2 || sadā yauvanakāminyaḥ kṛṣṇavarṇantu cintayet | raktāmbaradharā dhyāyedraktagandhānulepanaḥ || 19/3 || raktābhī raktamālābhirbhūṣitā siddhayoginī | tanmadhye cātma(nā) devi tadrūpaṃ paribhāvayet || 19/4 || śrīnāthaṃ yoginīsārddhaṃ vṛndarūpañca bhāsini | śaṅkhahastā sadā dhyāyenmanasā cintitaṃ labhet || 19/5 || iti jñānanirṇaye mahāyoginīkaule śrīmīnapādāvatārite ekonnaviṃśatitamaḥ paṭalaḥ || 19/19 || viṃśatitamaḥ paṭalaḥ bhairava uvāca śṛṇu tvamadbhutandevi loke'smin mokṣapratyayam | gūdorddhvampīḍayennātha hṛdi kaṇṭhādikaṃ priye || 20/1 || utpātaṃ nikṣipedūrddhvaṃ prāṇāyāmena sundari | kapālaṃ bhedamayāti yānti jīvo nirañjanam || 20/2 || sa śivo vyāpako bhūtvā kartā hartā varānane | ātmānaṃ ca paraṃ vetti vettityevaṃ carācaram || 20/3 || duḥkhantasya na vidyeta sukhantasya nirantaram | athānyaṃ sāmprataṃ devi pratyakṣamabhyaset sadā || 20/4 || śaktyācārarato nityaṃ jitāhāraikamaithunaḥ | anāmāpīḍayedūrddhvaṃ nābhiñca hṛdayantathā || 20/5 || śyāmasūtragataṃ lakṣaṃ śaktyāgrasaṃsthitaṃ manaḥ | ātmaprāṇasamaṃ kṛtvā śaktyācārāgrasaṃsthitam || 20/6 || puṣpe vā pratimādyeṣu abhyāsāccalate priye | ṣaṭmāsādabhyaseddevi niśvāsoccaparāṅmukhāḥ || 20/7 || abdamanekaṃ deveśe deśadeśāntaraṃ vrajet | paradehapraveśaṃ syādabhyāsaṃ varṇitaṃ tava || 20/8 || athānyaṃ sāmprataṃ bhadre śṛṇu tvaṃ vīranāyike | kulāśaktestu vīrasya tathānyaṃ śaktilakṣaṇam || 20/9 || anādinidhanā śaktiricchā nāma śivodbhavā | vyomamālinī sā bhadre khecarīti nigadyate || 20/10 || vāmākhyā kuṇḍalīnāma jyeṣṭhā caiva manonmanī | rudraśaktistu vikhyātā kāmākhyā tu gīyate || 20/11 || agraṇī caiva sarveṣāṃ likhyate na ca paṭhyate | mātṛkā śabdarā(śiśca) sarvagrantheṣu kīrtyate || 20/12 || devyuvāca jñānaśaktirmayā jñātā kriyāśaktīrvada prabho | bhairava uvāca kathayāmi samāsena vīrasya śaktilakṣaṇam || 20/13 || uttamā dhavalākṣī tu kuṭilāgrāgrakeśinī | daśanaiśca jyotsnākāraiḥ surūpā cārubhāṣiṇī || 20/14 || kule bhaktisamāyuktā gurudevyā prapūjakā | surūpā sukhabhāvā ca subhruvā sulalāṭakā || 20/15 || kulāgamena bhakti ........ bhayavarjitā | suśīlā subhagā devi janānandakarā śubhā || 20/16 || durlabhā lokamadhye tu jñānavartasya rakṣyate | itthaṃbhūtā yadā śaktirvīrasya lakṣaṇaṃ śṛṇu || 20/17 || surūpaḥ susvabhāvaśca satyavādī ca niścayī | gurukaulāgame bhaktaḥ susandhaḥ krodhavarjitaḥ || 20/18 || suśūraḥ subhago nityaṃ svadehapratyayānvitaḥ | īdṛśī bhavate vīrā rudraśaktyā hyadhiṣṭhitā || 20/19 || yattejaḥ sa mahāliṅgamutpattisthitikārakaḥ | bindurūpaṃ tu taṃ jñātvā sphurajjvālāvalīparaḥ || 20/20 || akṣobhyaḥ sarvaśaktīnāṃ ātmaśaktyāntarañjitaḥ | sujñātvā dehajaṃ śaktiṃ tadā śaktiparigrahe || 20/21 || jñānavijñānasampannaḥ advaitācārabhāvitaḥ | kulakaulāgame bhakti īdṛśaṃ vīralakṣaṇam || 20/22 || iti jñānanirṇaye yoginīkaule śrīmīnapādāvatārite candradvīpavinirgate viṃśatitamaḥ paṭalaḥ || 20/20 || ekaviṃśatitamaḥ paṭalaḥ devyuvāca saṃgrahaṃ vada me nātha vartanaṃ kulagocare | bhairava uvāca kathayāmi na sandeho saṃgrahācāralakṣaṇam || 21/1 || pañcapañcāśiko devi mataṃ vai yogalakṣaṇam | tasya bhedopabhedena kaulaśāstre vinirṇayam || 21/2 || kulapañcāśikāmūlaṃ tathā ca kulasāgaram | kulogho hṛdayañcaiva bhairavodyānakaṃ tathā || 21/3 || candrakaulañca veṣṭiñca(?) tathā vai jñānanirṇayam | asya madhye viniṣkrāntaṃ sambaranāma viśrutam || 21/4 || sṛṣṭikaulaṃ mahākaulaṃ timiraṃ ca tathāparam | siddhāmṛtaṃ tu kaulaṃ mātakaulaṃ tathāparam || 21/5 || śaktibhedaṃ tathā kaulaṃ ūrmikaulamanuttamam | caturyugeṣu deveśi jñānakaulasya saṃgatiḥ || 21/6 || siddheśvaraṃ tathā cānyaṃ kaulaṃ vai vajrasambhavam | meghajāñca dūrataṃ tasmin kaule vinirgatam || 21/7 || aṅgasparśaniścaraṃ devi vajradādyāmṛtaṃ tathā | pūrṇimāyāṃ amāvasyāṃ aṣṭamī ca caturdaśī || 21/8 || sajīvaṃ matsyamadyañca māṃsañcaiva baliṃ da(det) | vyākhyā caiva tu kartavyā ācāryaḥ śaṅkavarjitaḥ || 21/9 || na tithirna ca nakṣatraṃ nopavāsaṃ vidhīyate | yatra tatra sthito yogī jñānamevaṃ samāśrayet | kathitaṃ kaulasadbhāvaṃ nāmnā jñānasya nirṇaye || 21/10 || iti jñānanirṇaye mahāyoginīkaule śrīmīnapādāvatārite candradvīpavinirgate ekaviṃśatitamaḥ paṭalaḥ || 21/21 || dvāviṃśatitamaḥ paṭalaḥ devyuvāca praṇamya prāñjali ...... va adyāhaṃ tava vallabha | adyāhaṃ kṛtakṛtyā tu hara siddhivināyakaḥ || 22/1 || ṣaḍmukhaśca mahākāla(ḥ) kālikā yoginī tathā | nandīśo bhaṭṭakā caiva droṇakā ca tatha .... || 22/2 || vijayā tu mahābhāgā ṣaḍyoginyastu mātarāḥ | kaulāmṛte na saṃtṛpto ahaṃ sarve'pi bhairava || 22/3 || bhairava uvāca yat purā gopitaṃ bhadre tat sarvaṃ prakaṭīkṛtaḥ | bhūloke devatānāñca kathitavyaṃ kulāgame || 22/4 || siddhānāñca viśeṣeṇa khyāpanīyaṃ kulānva(yam) | samayācārasamopetaṃ vijñānaṃ dvaitavāsinām || 22/5 || guptaliṅgī sadā kālaṃ gurupūjanatatparaḥ | vatsalaḥ sarvalokānāṃ sarvajīvadayānvitaḥ || 22/6 || bhairavavacanaṃ śrutvāsarvaromāñcakañcukāḥ | santuṣṭamanasaḥ sarve daṇḍavat pati(tāḥ) bhuvi || kulabhāvaparāḥ sarve kṛtakṛtyā surādhipāḥ || 22/7 || adya me gahanaṃ naṣṭaṃ ajñānapaṭalāhatam | saṃsārataruvistīrṇamadya chinnaṃ tvayā prabho || 22/8 || pāśajālatamoghañca chinnādya duḥkhasaṃśayaḥ | daśakoṭistathā cārddhaṃ nāmnā jñānasya nirṇayaḥ || 22/9 || tasya madhye imaṃ nātha sārabhūtaṃ samuddhṛtam | kāmarūpe imaṃ śāstraṃ yoginīnāṃ gṛhe gṛhe || 22/10 || nigrahānugrahañcaiva siddhimelāpakaṃ tathā | kurvanti satataṃ devi asya jñānaprasādataḥ || 22/11 || candradvīpaṃ mahāśāstraṃ avatīrṇaṃ sulocane | kāmākhye gīyate nāthe mahāmatsyodarasthitiḥ || 22/12 || iti jñānanirṇaye mahāyoginīkaule śrīmatsyendrapādāvatārite candradvīpavinirgate dvāviṃśatitamaḥ paṭalaḥ || 22/22 || trayoviṃśatitamaḥ paṭalaḥ devyuvāca kaulave yoginī deva sañcaranti kathaṃ bhuvi | tanmamācakṣva deveśa bhaktyā jānanti bhūtale || 23/1 || bhairava uvāca martye'smin devatānāntu sañcāraṃ śṛṇu bhāmini | kapotikā tathā gṛdhrī haṃsī caiva nakhī tathā || 23/2 || khañjaḥ ...... bhāṣī tu kokābhāṣī tu sundari | ulukī pecakī vā tu sararī vā gūlī tathā || 23/3 || śṛgālī ajā mahiṣī (uṣṭrī) mārjāranakulīi tathā | vyāghrī hastī mayūrī ca kukuṭī na ............... || 23/4 || anyāni yāni rūpāṇi saṃsthitāni mahītale | tāni rūpāṇi saṃgṛhya yoginyaḥ krīḍante bhuvi || 23/5 || nipatanti yadā bhadre abhakṣyeṣu kulādhipe | tadrūpaṃ kathyante ................. yuktāvadhārayet || 23/6 || hayaśca nakharaḥ sarpa citrikotmānasastathā | vṛścikodhyantaraścāno mūṣako darduraḥ priye || 23/7 || grahabhūtasvarūpeṇa jvālāgniśāstrasaṅkaṭaiḥ | veda ......................vyādhirājānañcaiva taskarāḥ || 23/8 || vidyuttuṅgo tathā gaṇḍa vyāghrasiṃhagajastathā | anekākārarūpeṇa bhayaṃ nānāvidhaṃ viduḥ || 23/9 || catuḥṣaṣṭiśca yoginyo...............pyanti sādhake | evaṃ rūpaṃ samāsṛtya kṣipraṃ gṛhṇanti taṃ paśum || 23/10 || kopantu naiva kartavyaṃ bhāṣamāṇaṃ surādhipe | kumārikā striyo vāpi bhāṣamāṇe kadācana || 23/11 || yathā śaktyā sadā kālaṃ strī caiva vratamāsthitam | pūjanīyā prayatnena kumāryaśca kulāśritaiḥ || 23/12 || punnāgaṃ nāgacaṃpādyairmucukundaiśca pāṭalaiḥ | pārijātodbhaveddivyairdāḍimaiḥ kusumojjvalaiḥ || 23/13 || bandhukaḥ kusumodbhūtaiścampakaḥ kusumojjvalaiḥ | jātyutpalakadambaiśca karṇikāraiḥ siṃhakeśaraiḥ || 23/14 || ambhorūhaistathā puṣpaiḥ śubhaiḥ śālāvibhūṣitaiḥ | raktāmbaradharāṃ dhyāyedraktagandhānulepitām || 23/15 || ātmānaṃ yoginīsiddhe ratnamālā vibhūṣitām | dhyāyettāṃ satataṃ vīrāṃ bahiḥ pūjāṃ vivarjayet | pūjanaṃ kathitaṃ bhadre bhuktimuktiprasādhakam || 23/16 || iti jñānanirṇaye mahāyoginīkaule śrīmatsyendrapādāvatārite candradvīpavinirgate trayoviṃśatitamaḥ paṭalaḥ || 23/23 || caturviṃśatitamaḥ paṭalaḥ devyuvāca saphalama(dya) me nātha kāruṇyaṃ tava bhairava | asurāṇāṃ surāṇāñca prabhutvamadya me prabho || 24/1 || mahākaulaṃ mahājñānaṃ kulakaulasya nirṇayam | bhrāntisaṃsāragahanamajñānapaṭala(nta)maḥ || 24/2 || saṃsārapāśajālañca adya? nirṇāśitaṃ tvayā | adyamāpāditā muktiḥ svatantrā bhuvi durlabhā | punaḥ kathaya kauleśa dehasthaṃ siddhapūjanam || 24/3 || bhairava uvāca ........ṣandigdhaṃ kathayiṣyāmi kaule'smin pūjanaṃ śṛṇu | kulasiddhāśca yoginyo rudrāścaiva kulādhipe || 24/4 || devyāścakragatāḥ sarve hṛdi madhye śire'pi vā | bahisthaṃ pūjaye..............pūjāvidhi priye || 24/5 || sugandhakundaketakyā mālikājātikotpalaiḥ | campakaiḥ kiṅkarātaiśca nīlotpalasugandhibhiḥ || 24/6 || puṣpairnānāvidhaiścaiva śatapatraiśca .............. | tarujātantaśva rādeyā (?) dravyā(pi) madhumiśritām || 24/7 || māṃsampalambalirdeyā tāmbūlaṃ candrasaṃyutam | dhūpacandanasaurabhyaṃ aguruṃ mṛganābhikam || 24/8 || raktapuṣpairviśeṣeṇa sugandha (dhūpadīpitam) | ugrāṇi yāni puṣpāṇi gandhahīnaṃ na dāpayet || 24/9 || bahisthaṃ pūjanaṃ proktaṃ adhyātmaṃ śṛṇu sāmpratam | raktāmbaradharāḥ sarve raktagandhānulepanāḥ || 24/10 || ṣoḍaśākṛtayaḥ sa ....................... vibhūṣitāḥ | prasannavadanāścaiva pibantyo madirāsavam || 24/11 || icchārūpadharāḥ sarve jarāmaraṇavarjitāḥ | sṛṣṭipravartakāḥ sarve varadānaikatatparāḥ || i...........ḍādhyāyedacirāntatsamo bhavet || 24/12 || iti jñānanirṇaye mahāyoginīkaulaśrīmatsyendrapādāvatārite candradvīpavinirgate caturviṃśatitamaḥ paṭalaḥ || 24/24 || guhyapadadharaṃ proktaṃ daśakoṭistu nirṇayaḥ | siddhānāṃ yoginīnāṃ ca hṛdayaṃ para(ma)durlabham || 25/1 || guhyād guhyataraṃ nāthe sārāt sārataraṃ param | samyagetanmayā bhadre aprakāśyaṃ prakāśitam || 25/2 || mahākaula mahādevi śatairdaśabhiḥ sammitam | jñānasya nirṇaye sāraṃ nāmnā sāhasrikaṃ matam || 25/3 || iti mahākaule jñānanirṇaye sāraṃ śrīmatsyendrapādāvatā(rite samāptaṃ ?) ########### END OF FILE #######