####################################################
MUKTABODHA INDOLOGICAL RESEARCH INSTITUTE
Use of this material (e-texts) is covered by Creative Commons license BY-NC 4.0
Catalog number: M00252
Uniform title: lalitāgama
Main title: lalitāgamaḥ saṃprokṣaṇavidhimātram
Manuscript : IFP/EFEO transcript T0202

Description: 
Transcribed from IFP transcript T0202 which is copied from a manuscript of Swaminatha Gurukkal Tiruvanadudurai
See Muktabodha IFP/EFEO on-line catalog for bibliographic details at www.muktabodha.org .


Notes: 
Data-entered by the staff of Muktabodha under the direction of Mark S. G. Dyczkowski.

Revision 0: April 3, 2012

Internet publisher : Muktabodha Indological Research Institute
Publication year : 
Publication city : 
Publication country : India
####################################################






lalitāgamaḥ

(saṃprokṣaṇavidhimātram)


p. 1)

|| saṃprokṣaṇam ||

lalitāgame saṃprokṣaṇavidhiḥ ||

kālī ca dakṣiṇe caiva pūjayettu krameṇa tu |
dakṣiṇadvāravāme tu bhṛṅgiṇe tu samarcayet || 1 ||

gaṇeśaṃ dakṣiṇe bhāge tanmānañca yajedbudhaḥ |
paścimadvāravāme tu vṛṣabhāya namontakam || 2 ||

skandasya dakṣiṇe bhāge skandeśāya namo namaḥ |
uttaradvāravāme tu gaurīñcaiva tu pūjayet || 3 ||

taddakṣiṇāya caṇḍeśaṃ namontādimiti smṛtam |
tattaddhyānamanusmṛtya arcayettu gurottamaḥ || 4 ||

paścimadvāravāme tu mahālakṣmīṃ prapūjayet |
tatvadṛṣṭyā viśeṣeṇākṣepamatha śāstrakaiḥ || 5 ||

pā * * ta viśeṣeṇa vighnoccāṭanakarmaṇi |
ghaṇṭāntu tāḍayeddhīmān tri * kāraṃ yathā kuru || 6 ||

iti dvārāṇi saṃ * pya paścimadvāramāviśet |
dehālyamadhyame caiva astramantrāṇi pūjayet || 7 ||

vāstubrahmaviśeṣeṇa tanmantreṇa samarcayet |
yāgamaṇṭapakaṃ pūrve bhūmitatvena pūjayet || 8 ||

p. 2)

jalatatve namontañca tṛṇānāṃ pūjayettataḥ |
agnitatve namontañca bandheṣu yajanaṃ kramāt || 9 ||

vāyutatve namontañca vaṃśānāṃ pūjayettataḥ |
namamākāśatatvañca sthūṇānāṃ pūjayettataḥ || 10 ||

candrāya yajanañcaiva vidhānena supūjayet |
vāsukāyāṃ namontañca darbhamālā supūjayet || 11 ||

pūrvādīni samārabhya darpaṇaṃ pūrṇakumbhayoḥ |
tannāmnena samabhyarcya pādyādīnyupacārakaiḥ || 12 ||

vṛṣabhaṃ cāmarañcaivā tannāmne [ca] supūjayet |
śrīvatsaṃ svastikañcaiva tannāmneti pūjayet || 13 ||

śaṃkhadīpena kartavyaṃ pūjayettu svanāmataḥ |
evaṃ krameṇa saṃpūjya śuddhatatvena bhāvayet || 14 ||

ātmadaivatamabhyarcya viśeṣārghyañca kalpayet |
astreṇa dravyaśuddhiñca ātmānaṃ pūjayettataḥ || 15 ||

svadakṣiṇe pā * * * * * ntaṃ gamaṃ caiva tu |
vinyaset hastena dharmādibhirmantrayet || 16 ||

dharmajñānañca vairāgyamaiśvaryañcaiva * tmakam | 
karṇikāyai namo'ntañca mantrāṇāñca smaran guruḥ || 17 ||

mūrdhni madhye viśeṣeṇa vinyasettu vicakṣaṇaḥ |
abhimantritapuṃsañca jñānakhaḍgañca saṅgṛhet || 18 ||

p. 3)

astreṇa daśa saṃkhyābhiḥ abhimantreṇa buddhimān |
pañcagavyakrameṇaiva sādhayettu vicakṣaṇaḥ || 19 ||

prokṣayetpañcagavyena astramantraṃ samuccaran |
tadvaitañca viśeṣeṇa paridhānādyalaṅkṛtam || 20 ||

naijyadevāsanaṃ kalpyaṃ uttarābhimukhasthitaḥ |
nirīkṣaṇaprokṣaṇañcaiva tāṭanābhyukṣaṇaṃ tathā || 21 ||

khaḍgenoddhāraṇañcaiva pūraṇañca samīraṇam |
kuṭṭanaṃ secanañcaiva mārjanaṃ lepanaṃ tathā || 22 ||

kalārūpañca kalyātha trisūtrībandhanaṃ dṛḍham |
pū * nā rekhayā caiva catuṣpadvīni trikṣipet || 23 ||

vajrīkaraṇamevoktaṃ śambareṇa tu mantrataḥ |
phālacandanasiddhāsyaiḥ bhasmadūrvākṣatān kuśān || 24 ||

dravyapañca samādāya vikarānyastramuccaran |
kuśakūrcañca saṃgrāhya vardhanyā mūrdhni vinyaset || 25 ||

tadūrdhve sthaṇḍilaṃ kalpya toye hemādikumbhayet |
vāme tu varddhanīñcaiva paścimānanameva ca || 26 ||

vṛṣabhāya namontena kumbhe āsanamarcayet |
kumbhe mūrdhni ca vinyasya śivaṃ sāṅgañca pūjayet || 27 ||

vyālāsananamontañca vardhanyāñca calāsanam |
pāśupatāstramūrtī ca pūrvavaddhyānasaṃyutam || 28 ||

p. 4)

iti lalitāgama vacane pāśupatāstramantram |

oṃ śrīṃ hrīṃ glīṃ klīṃ aiṃ sauṃ paśu huṃphaṭ svāhā |

iti pāśupatāstrāya namaḥ |

śrī sthalapāṇḍyan |

śrī sthalīśvarāya namaḥ || 
###########   END OF FILE  #######