####################################################
MUKTABODHA INDOLOGICAL RESEARCH INSTITUTE
Use of this material (e-texts) is covered by Creative Commons license BY-NC 4.0
Catalog number: M00525
Uniform title: makuṭottararahasya
Main title: mantrayogoddhāra
Secondary title: chapter 3 of makuṭottararahasya
Manuscript : IFP transcript T00164

Description: 
A description of how to draw a yantra called śrīsabhā and the placement of the deities around the central couple, that is, the dancing śiva as Cidambara and his consort.


Notes: 
Data-entered by the staff of Muktabodha under the supervision of Mark S.G. Dyczkowski.

Revision 0: Sept. 12,2021.

Internet publisher : Muktabodha Indological Research Institute
Publication year : 
Publication city : 
Publication country : India
####################################################



p. 2)

|| makuṭottararahasyam ||

hariḥ om ||

śrīpārvatyuvāca-

cidambara mahānanda naṭa nṛtta pradarśakam |
rahasyāṇāṃ (nāṃ) rahasyaṃ hi yantraṃ pañcākṣarasya tu || 1 ||

āvayoścakra saṃyogaṃ pṛthaktvaṃ ca mama prabho |
nityaṃ hi loka rakṣārthaṃ yantraṃ rakṣākaraṃ mama || 2 ||

yanna kasya cidākhyātaṃ tatpadaṃ brūhi tatvataḥ |

īśvara uvāca-

śrīsabhākhyaṃ mahāyantraṃ mama rūpapradarśakam || 3 ||

rahasyānāṃ rahasyaṃ tu cakraṃ devi tvadātmakam |
ahaṃ pañcākṣaraṃ sākṣāt tvaṃ tu pañcadaśākṣarī || 4 ||

ahaṃ navākṣaraṃ sākṣāt tvañca devī navātmikā |
āvayoścakrasamelaṃ viṣṇvādīnāma gocaram || 5 ||

tava snehāt pravakṣyāmi cakraṃ prastāralakṣaṇam |
mānañca cakrayogañca pṛthaktvaṃ ca viśeṣataḥ || 6 ||

mantrayogaṃ mahāgaurī sāvadhānamanāḥ śṛṇu |
sthānaṃ cidambaraṃ prāpya prāsādaṃ mantra viham || 7 ||

ṭhe Yantra is drawn  and worśipped in cidambaram (verse 7), which is thus probably 
where it was redacted.

praviśyodaṅmukho bhūtvā guruṃ dhyātvā samāhitaḥ |
dhyāyaṃ cidambaraprasannātma darpaṇe pratibimbavat || 8 ||

p. 3)

dhyāyan dhyāyet tathā gaurīṃ nirmalecitta darpaṇe |
gandhādibhiralaṃ kṛtya svadehaṃ mantra vigraham || 9 ||

citte cidambaraṃ śuddhaṃ nirmale tatra vigraham |
ānandamamalaṃ nityaṃ nṛtyantaṃ māṃ maheśvarī || 10 ||

vāmabhāge svatantrasthāṃ cidrūpāṃ sarvasākṣiṇīm |
tvāṃ devi manasābhyarcya soḍaśai rūpa cārakaiḥ || 11 ||

cittabhittau yathā devī prāsādottarapārśvataḥ |
māyātmika mahābhakti prāsādā vṛttike priye || 12 ||

nityaṃ hi lokarakṣārthaṃ sakalīkṛtavigraham |
mahāhṛdayamadhyasthāṃ nṛttamūrtiṃ parāṃ śivām || 13 ||

[tāvakaṃ māmakaṃ devi yāmale ca svatantrake || 13 ||]

dṛṣṭvā samyag guro dṛṣṭvā prasthāraṃ mantravigraham |
* likhet cakre ca vidhivadāvayośca vapuḥ priye ||

ṣaṇṇavatyaṅgulā yāmā vistāraṃ cāpi tatsamam |
brahmasūtrañca vṛttañca kṛtvā pūrvaṃ prasannadhīḥ ||

catvārīśāṃśakaṃ kṛtvā saṣṭa tanmadhyamaṃ priye || 16 ||

vedāt mūrti devī ca didhiścāhu guṇa tava |
svantantramādyamaparaṃ yāmalaṃ tu śivātmakam || 17 ||

svatantraṃ dvividhaṃ proktaṃ dvisapratyaṃgulātmakam |
devī mālaṃ karṇikā svā daśadhāsaṃvibhajyatām || 18 ||

devī stuto me gaṃgā vallīstuteti yathā kramam |
pātayannava sūtrāṇi navānāṃ pārśvayoḥ mṛjet || 19 ||

ādyante ca tadantasthe tadantasthena madhyame |
madhyamaṃ ca tathātoyaṃ guṇabhāgaṃ yathā mṛjet || 20 ||

caturthe navamī caiva pañcamī ca tṛtīyagā |

dvitīyā navamī spṛṣṭvā ||

ṣaṣṭhī dvitīyagā cāsyād aṣṭamī prathamā gata || 21 ||

saptami vṛtta śeśasvācchaktayaḥ pañcamīritā |
prathamā saptamaspṛṣṭvā caturthā caṣṭamāṃgatā || 22 ||

dvitīyā navamī spṛṣṭvā tṛtīyāvṛttagastathā |
ityevaṃ karma sūtrāṇī yojayet sūtrapārśvayoḥ || 23 ||

evaṃ caro vahniṃ madhyamālocya vinyaset |
vṛttaṃ spṛṣṭvā ṣaḍaśrantu tadaspṛṣṭvāṣṭakaṃ priye || 24 ||

madhyatriyaśraṃmadhye tu tiryak karṇagatāni ca | (dyante ca tada?)
sūtrāṇi pātayeddevi ṣoḍaśāśraṃ yathā kramam || 25 ||

caturdaśārakaṃ caiva daśāradvayameva ca |
aṣṭāśrañca triyaśrañca siddhitve ca na saṃśayaḥ || 26 ||

evantu tava cakrasya racanāṃ parameśvarī |
viracya tava cakrantu mama cakraṃ tato pari || 27 ||

ṣaṇṇavatyaṃgulāyāmaṃ vistāraṃ cāpi tatsamam |
caturaśrasamaṃkṛtvā dvātriṃśatirīśakam || 28 ||

vibhajya pādayodau caturthāṃśake same |

p. 4)

sūtrāṇi paritaḥ prājñaḥ tadantaścaturaśrakam || 28 ||

aṣṭādaśāṃśakaṃ kṛtvā tanmadhye vibhajet priye |
kalāṃśamūrdhvatā kṛtvā tiryak saptadaśāṃśakam || 29 ||

sūtrāddakṣiṇamārabhya navamaṃ madhyamaṃ bhavet |
sūtrāt paścimārabhya navamaṃ madhyamaṃ bhavet || 30 ||

vibhāge naiva sūtrāṇi tāḍayedamunaiva tu |
madhyato dikpade ṣaṭke sārdhe tanmaṇḍalaṃ bhramet || 31 ||

tadbāhyeka pade sārdhe bhrāmayenmaṇḍalaṃ priye |
tadbahistricatuḥ pañca cāṅgulairmaṇḍaladvayam || 32 ||

antarmaṇḍalakāle tu pādārdhenaiva maṇḍalam |
maṇḍalatraya madhye tu maṇḍalantu paribhramet || 33 ||

maṇḍalatraya madhyastha śākhāśca parimārjayet |
navakhaṇḍā yathā bhūmirna ca khaṇḍātmakaṃ tathā || 34 ||

mahāvīthyāṃ madhyakhaṇḍaṃ mahī hṛdaya paṅkajam |
koṇastha caturaśrāṇi vyūhārthaṃ parikalpayet || 35 ||

vibhajya pañcaghātāni catussūtrāṇi madhyataḥ |
tiryak pañca sadā ucantvagnyādīśāntakeṣu ca ||

teṣu koṣṭheṣu vilikhet agnyā dīśāntakeṣu ca ||

vyūheṣu pañca pañcārṇānupadeśa vidhānataḥ |
śikārañca nakārañca yanmayā parikīrtitam || 37 ||

yama vāri nakārañca pāśi praṇavameva hi |
tasya madhye nakārañca yakārañca makārakam ||

p. 5)

na ca pañcātmavā likhya śikāraṃ tu tato nyaset |
ma vāśineya ityāhu rāgneyaṃ pañca pañcakam || 39 ||

atha vakṣye viśeṣeṇa vidhinā nair-ṛtaṃ dalam |
yañcamañca śivānañca na ca vāmaśikaṃ tathā || 40 ||

śivāya nama ityāhurmaśinośca ya vau tathā ||
vakārañca nakārañca maśivanteṣvanu kramāt || 41 ||

nair-ṛtaṃ dalamityevaṃ śrīgurussaṃpradāyataḥ |
athavakṣye ca vāyavyāṃ manugrahamidaṃ guroḥ || 42 ||

mavāya na śikārantu yanavāśi ma eva ca |
nama śivāya paścāttu vakāra śimayaṃ na ca || 43 ||

śikārañca yakārañca navamāsteṣvanukramāt |
avagrahamidaṃ proktaṃ vāyavyāṃ pañcapañcakaṃ || 44 ||

śikārañca nakārañca mayavā paripūritam |
nama śivāya paścāttu makārañca yakārakam || 45 ||

madhye praṇavamālikhya tanmadhye naṃ likhet sudhīḥ |
vāśidvau ca patyo nyasya vākāraṃ maśiyanna ca || 46 ||

śivāya nama ityantaṃ īśānaṃ pañcapañcakam |
tāḍayedupa sūtrāṇi tiryagūrdhvañca madhyataḥ || 47 ||

dakṣa bhūta pade pāde ṣaṣṭhe caivarddhapādake |

(ūrdhva sūtrāṇi caitāni)

saptamasya tribhāge tu navame daśamarddhake || 48 ||

p. 6)

ūrdhva sūtrāṇi caitāni paścādārabhya vinyaset |
pañcamasya caturthāṃśe saptame cāṣṭamarddhake || 49 ||

aṣṭāṃśe cārddhake caiva daśamasya pade punaḥ |
tribhāgaika padasyaiva caturdaśa  padasya ca || 50 ||

evaṃ dakṣiṇatastiryak sūtrāṇi kramaśolikhet |
dakṣabhūta caturthāṃśe cotthitārghyagraka sthitaḥ || 51 ||

ḍolāṅguṣṭhāgrakañcaiva kūrpaṭāvadhireva ca |
maṇibandhābhyantaraṃ caiva pāṇe ḍamarukasya hi || 52 ||

ṣaṣṭherddha pādasūtre tu uddhṛtāṃ vyostu gulphakam |
maṇibandhaṃ lambapāṇe pratī caiva varānane || 53 ||

uddhṛtāṅghrika jānvostu nipraṃ sapta padādike |
abhayasya karasyaiva maṇibandha talāvadhi || 54 ||

saptamasya tripādasyāssthita jānostu niṣṭatakam |
sthitāṅgulāgrakaṃ vāme'bhayāṅguṣṭhāvadhi priye || 55 ||

gulpha hikkā prabhāmadhyaṃ navamārabdha sūtrake |
navamasvartthake sūtre sthita pārṣṇyāvadhi sthitam || 56 ||

ḍolā kakṣāvadhirvāme netre bāhyāvasānakam |
daśamārabdha sūtre tu taddhastastala maddhyamam || 57 ||

kuñcitāṅgulakordhvantat pārṣṇibhyāmantaraṃ punaḥ |
aṣṭamasyārdha bhāge tu sphik piṇḍāvapuryathā || 57 ||

daśamārddhaka sūtre tu dvivākūrparayosthitam ||

kuñcitāmmraka jānvarddhaṃ nābhiñcaiva varānane |
(evaṃ sūtrodbhavaṃ kṛtvā viśeṣāntañca śāstrataḥ || 57 ||)

dvādaśya tribhāge tu hikkā ca maṇibandhakau |
trayodaśārdha sūtre tu cakṣuṣormadhyamaṃ priye || 60 ||

caturdaśatribhāge tūṣṇīśāvadhirūrddhvataḥ |
evaṃ sūtrodbhavaṃ kṛtvā viśeṣāntaṃ ca sūtrataḥ || 61 ||

antarmaṇḍala mūtu vahniraśmiprabhā priye |
trisaptakṛtvo deveśi raśmayaśva pradarśayet || 1 ||

varṇān vā puṣpikāṃ vāpi savarṇāpuṣpikā'thavā || 2 ||

prādakṣiṇya krameṇaiva vilikhedbāhyamaṇḍale |
etaccakraṃ mahāgauri mamarūpa pradarśakam || 3 ||

evaṃ saṃyojyamaccakraṃ mahīhṛdaya madhyataḥ |
śilpinā śāstramārgeṇa kāryaṃ pra aṃgapūraṇam || 4 ||

māmakaṃ yāmalaṃ proktaṃ svatantrātāvakaṃ priye |
sarvadevātmakaṃ padmaṃ prabhāvalayammūligam || 5 ||

kandanālamayaṃ caiva kesaraṃ karṇikāṃ kramāt |
sarvādi pañcakopetaṃ mantra śruti samanvitam || 6 ||

vilikhya kārṇikābhāsaṃ padmamaṣṭadalaṃ priye |
etat padmaṃ mahādevi mantrābjaparikalpitam || 7 ||

praṇavaṃ karṇikā madhye nyasenmāyākṣaraṃ bahiḥ |
dvāviṃśatiśca rekhāḥ ca madhye praṇava vāmayoḥ || 8 ||

p. 8)

teṣu koṣṭheṣu vilikhedekamekaṃ pradakṣiṇam |
ṣaḍakṣaraṃ tu vinyasya prāsantu ṣaḍakṣaram || 8 ||

vāśinamaya vāśiśca namayañca satārakam |
nama śivāya ityevaṃ praṇavāntāṃ punaḥ priye || 70 ||

pūrva praṇava madhye tu śikāramamāyāyā vratam |
paripañcākṣaraṃ nyasya madhye praṇavamālayoḥ || 71 ||

evaṃ vinyasya mantrābja mabjasyopari nyaset |
padatraye'pi māyārṇaṃ māyārūpa tapa smṛtiḥ | 2 ||

satyaṃ hi loka lakṣārthaṃ tanmayādhiṣṭhitaṃ priye |
tattatsthāne yathāyogamullikhenmantra vigraham ||

mūrddhādi pāda paryantamaṅga pratyaṅgake'pi ca |
akārādi kṣakārāntaṃ praṇavādi namontakam || 4 ||

saṃyojya vinyaseddevīmāmrakāntāṃ mahāmanum |
vinyasedguptamantrasya prāṇamantraṃ navākṣaram || 5 ||

pañcārṇānuktamārgeṇa tattatsthāne pravinyaset |
aṃguṣṭhe tu yakāraḥ syāt vākāraṃ tarjanī nyaset || 6 ||

śikāraṃ madhyamāṅgulyāṃ makāraṃ syādanāmike |
kaniṣṭhe tu na rautaṃ syāt sṛṣṭimārgeṇa ceśvarī || 7 ||

aṃguṣṭhādi kaniṣṭhāntaṃ pañcārṇaṃ pādapāṇiṣu |
gulphapāṇyośca jaṃghe ca jānvorū guhya deśake || 8 ||

ṣaḍakṣarāṇi vinyasyā dadhāne kaṭipṛṣṭhake |
kukṣau nābhau yathā yogaṃ samaṃ yaṃ praṇavaṃ priye ||

nābhau śivau tu vinyaset stanau urasi pāṇiṣu |
bāhū kūrparadeśe tu maṇibandhe maheśvari || 80 ||

na ya mā tu śivau devī vinyaset sūkṣma pañcakam |
makāraṃ ca yakārañca śikāraṃ sūkṣmapañcakam || 1 ||

navau tu vinyaseddevī dakṣiṇāgrakarāgrake |
ḍamaruṃ valayaścaiva tantu yattu kaṭikramāt || 2 ||

bhāntamādyaṃ vapūrvañca śivāyeti yathā kramam |
nayo namavoyeti vāme corddhve karāgrake || 3 ||

jālāke khe yutaṃ vahniṃ mama jyotiprakāśakam |
kaṇṭhe karṇāsthi gāsye tu nāsāgre ca yathā kramam || 4 ||

nama śivāya netreṣu śromo mūrdhni yathā kramam |
ādyaṃ śivaṃ bhruvormadhye madhye haṃsa sudīptakam || 5 ||

aṃ pratyaṃgake * * ntaṃ nyasedbindu yutaṃ priye |
dvādaśārṇaṃ jaṭājūṭe gaṃgā māyā vāmake || 6 ||

dhūrdhūraṃ bilva pañca laṃkṛtyakṣara dvayaṃ nyaset |
jāntaṃ nṛtyañca saṃyuktaṃ candrakhaṇḍaṃ ca dakṣiṇe || 7 ||

śakti trayamapasmāraṃ sthita sandha pada traye |
śiro lalāṭe bhrūmadhye gaṇḍoṣṭha gala dṛksu ca || 8 ||

guptamantraṃ nyaseddevi nābhyā ghāṭorupatsu ca |
pārśvayorhṛdaye kaṇṭhe jaṭhare padayorhanau ||

p. 10)

mukhe bhruvorlalāṭe ca prāṇavarṇaṃ nyaset priye |
anuloma vilomena haṃsaṃ hṛdaya pārśvake || 90 ||

ādhāre hṛdaye liṃge jaṭhare pāda mūlayoḥ |
nyasennavātmakaṃ devi karṇe vakṣasi baindave || 1 ||

yeṣu sthāneṣu vinyasya mamāṃge'pi namātmakām |
mālāśca vinyaseddevī karṇe sākṣānmahāmanum || 2 ||

evaṃ vinyasya mantrāṇāṃ vyomavyāpi pade kramāt |
prādakṣiṇya krameṇaiva prabhāmūle tu vinyaset || 3 ||

likheddvādaśa vidyāśca mamarūpa pradarśakāḥ |
vinyaseddevi mūle tu śivāyeti pradakṣiṇam || 4 ||

trisapta kṛtvo vidhiṣu pañcakeṣu pareṣu ca |
dakṣiṇāṃ vithimārabhya prādakṣiṇya kramāllikhet || 5 ||

hari haretyabhimukhaṃ tato vāruṇa pañcakam |
hrīṃ śrīṃ aiṃ haṃ saścetyuttareṣu padeṣu ca || 6 ||

lavarayaha ityevaṃ pūrvakeṣu padeṣu ca |
nama śivāya mantreṇa lavaraya hā kṣaram likhet || 6 ||

jīvākṣareṇa saṃyuktaṃ caturdikṣu prapūrayet |

[a i u e o iti jīvākṣaram]

śrīṃ hrīṃ aiṃ klīṃ haṃ saśceti likhet kramāt || 8 ||

evaṃ vinyasya mantrāṇāṃ mamāṅge'pi madātmake |
cakre ca mārjayeddevī mamāṅgasya bahiḥ sthitāḥ || 9 ||

p. 11)

rekhāśca mārjayecchakti cakradevī tadātmakam |
vāmabhāge svatantrasyāṃ nṛttālokanalīlayā || 100 ||

śivakāmāṃ parāṃ devī śivakāmasya sundarīm |
athavā yāmale vāme prabhāvalaya madhyagām || 101 ||

tvāñca māñca yathā tatvaṃ jñātvā gurumukhāt priye |
ālayoścakra saṃmelaṃ mantrayogañca tatvataḥ || 102 ||

āgamoktena mārgeṇa yercayantīhamānavāḥ |
teṣāṃ hi bhakti mā nityaṃ muktidā darśana priye || 103 ||

jānāmi tava rūpañca jānāsi mama rūpakam |
mantrārṇavā mahādevi mantrakṣīrārṇavoddhṛtam || 104 ||

cidambara naṭaśceti mantrarājaṃ sadā japet |
idaṃ rahasyaṃ pāpaghnaṃ bhuktidaṃ muktidaṃ priye || 105 ||

tasmāt sarvaṃ parityājya mantrarājaṃ sadā japet |
gopanīyaṃ prayatnena na deyaṃ yasya kasya cit || 106 ||

putrāya putra tulyāya dhārmikāya dṛḍhāya ca |
dakṣiṇāya viśuddhāya dātavyaṃ hi sadātmane ||

cidambara rahasyārthaṃ avijñāya sudeśikāḥ |
kṛtetvanartha dhā(dā) devī kuśalena vipaścitā ||

tasmātsarvaprayatnena jñātavyaṃ deśikottamaiḥ ||

|| iti śrīmakuṭottararahasye mantrayogoddhāre tṛtīya spandaḥ ||





###########   END OF FILE  #######