####################################################
MUKTABODHA INDOLOGICAL RESEARCH INSTITUTE
Use of this material (e-texts) is covered by Creative Commons license BY-NC 4.0
Catalog number: M00127
Uniform title: nirvaṇatantra
Manuscript : ngmcp reel c 24/2 manuscript 217b

Description: 
Transcribed from ngmcp reel  C 24/2 manuscript 217b .


Notes: 
Transcribed by the staff of Muktabodha under the supervision of Mark S. G. Dyczkowski.


Revision 0: Sept. 22, 2008

Internet publisher : Muktabodha Indological Research InstituteInternet publisher: Muktabodha Indological Research Institut
Publication year : 2008
Publication city : 
Publication country : United States
####################################################



prathamaḥ paṭalaḥ |


śrīgaṇeśāya namaḥ

p. 1) kailāśaparvate ramye nānāratnopaśobhite |
viparitaratāśaktā caṃḍī papracha śaṅkaram || 1-1 ||

śrīcaṃḍikovāca

nirākāraṃ nirguṇañca stutiniṃdāvivarjitam |
sunityaṃ sarvakartāraṃ varṇātītaṃ suniścalam || 1-2 ||

saṃjñādirahitaṃ śāṃtaṃ kimākāraṃ pratisthitam |
tasmādutpattirdeveśa kimākāreṇa jāyate || 1-3 ||

śrīśaṃkara uvāca

śṛṇu devī paraṃ tatvaṃ varṇātītāṃ ca vaiṣṇavīm |
guṇālayāṃ guṇātītāṃ stutinindāvivarjitām || 1-4 ||

ākārarahitāṃ nityāṃ yasmād rāgādivarjitām |
pūjanārthāya deveśi svayamutpattikāriṇīm || 1-5 ||

yena rūpeṇa brahmāṇḍo jāyate śṛṇu tat śive |
ākāśājjāyate vāyurvāyorutpadyate raviḥ || 1-6 ||

kherutpadyate toyaṃ toyāddutpadyate mahī |
paṃcabhūtaiśca brahmāṇḍā bhaveyuḥ parvatātmaje || 1-7 ||

brahmāṇḍotthāpanārthāya kūrmapṛṣṭhed hyanaṃtaka |
tanmūrddhni vālukākārā brahmāṇḍo bahavaḥ sthitāḥ || 1-8 ||

kāruṇyavārimadhye tu kūrmaścarati nityaśaḥ |
ahameva triśūlena pālayāmi punaḥ punaḥ || 1-9 ||

śrīcaṇḍikovāca

kimākāraṃ tu brahmāṇḍaṃ tanme brūhi maheśvara |
sṛṣṭiprakāraṃ tanmadhye kimākāraṃ hi tatvavit || 1-10 ||

śrīśaṃkara uvāca

jaṃtvākāraṃ tu brahmāṇḍaṃ nānāvigrahi pārvati |
brahmāṇḍavigrahaṃ proktaṃ sthūlakṣudrādikaṃ hi yat || 1-11 ||

merustanmadhyake devī tathā sasakulācalāḥ |
mūlādimastakāṃtaṃ vai sumerurnāma parvataḥ || 1-12 ||

sthitaṃ neroradhobhāge hyaṃgulyāścorddhadeśataḥ |
bhūrlokādi maheśāni saptasvarge krameṇa hi || 1-13 ||

aṃgulyāṃ sapta pātālāstiṣṭhanti parameśvari |
satyaloke nirākārāṃ mahājyotisvarūpiṇīm || 1-14 ||

māyayā chāditātmānaṃ caṃpakākārarūpiṇīm |
hastapādādirahitāṃ candrasūryāgnirūpiṇīm || 1-15 ||

māyābaṃdhanaṃ saṃtyajya dvidhā bhinnā yadonmukhī |
śivaśaktivibhāgena jāyate sṛṣṭikalpanā || 1-16 ||

prathame jāyate putro braṃhasaṃjño hi pārvati |

śrīkālikovāca

śṛṇu putra mahāghora vivāhaṃ kuru yatnataḥ || 1-17 ||

etat chrutvā tato brahmā uvāca sādaraṃ priye |
tvāṃ vinā jananī nāsti śaktiṃ me dehi suṃdari || 1-18 ||

tacchrutvā jagatāṃ mātā svadehānmohinīṃ dadau |
dvitīyā sā mahāvidyā sāvitrī paramā kalā || 1-19 ||

asyāḥ saṃgaṃ samāsādya vedavistaraṇaṃ kuru |
anāyāse sṛṣṭikartā bhava tvaṃ mahimaṇḍale || 1-20 ||

p. 2) dvitīye jāyate putro viṣṇuḥ satvaguṇāśrayaḥ |
śṛṇu putra mahāghora vivāhaṃ kuru yatnataḥ || 1-21 ||

tava darśanamātreṇa niṣkāmo jāyate pumān |
satyaṃ karomi he māta mohināṃ dehi me śive || 1-22 ||

dehāt śaktiṃ viniṣkṛtya dadau tasmai ca kālikā |
vaiṣṇavī tāṃ mahāvidyāṃ śrīvidyāṃ parameśvarī || 1-23 ||

tāmāśritya mahāviṣṇu pālayatyakhilaṃ jagat |
tṛtīye jāyate putro mhāyogī sadāśivaḥ || 1-24 ||

taṃ dṛṣṭvā sā mahākālī tuṣṭiyuktā bhavan mudā |
śṛṇu putra mahāyogin madvākyaṃ hṛdaye kuru || 1-25 ||

tvāṃ vinā puruṣaḥ ko vāmā vinā kāpi mohinī |
atastva paramānanda vivāhaṃ kuru me śiva || 1-26 ||

yaduktaṃmapi he mātaḥ svāṃ vinānāsti mohinī |
satyametajjaganmātarmāṃ vinā puruṣo na ca || 1-27 ||

asmin dehe saṃsthite ca na karomi vivāhakam |
kuru dehāṃtaraṃ mātaḥ karuṇā yadi vartate || 1-28 ||

tatkṣaṇe sā mahākālī dadau bhuvanasuṃdarīm |
ādibhūtā yathā kālī tathā bhuvanasundarī || 1-29 ||

tāmāśritya mahāyogī saṃharatyakhilaṃ jagat |
śaṃbhuraṣṭavibhāgaśca śaktiścāṣṭavidhā mavet || 1-30 ||

kālikādyā mahāvidyā hyanena parameśvari |
iti  te kathitaṃ kāṃte yathā brahmanirūpaṇam || 1-31 ||

gopanīyaṃ prayatnena vidyotpatiryathā priye |

iti caṇḍikāśaṃkarasaṃvāde nirvāṇataṃtre prathamaḥ paṭalaḥ || 1 ||



dvitīyaḥ paṭalaḥ |


śrīcaṃḍikovāca

tvatprasādān mahādeva śrutaṃ brahmanirūpaṇam |
idānīṃ śrotumicchāmi kṣitausṛṣṭiryathā bhavet || 2-1 ||

śrīśiva uvāca

śṛṇu devī pravakṣyāmi yathāsṛṣṭiḥ prajāyate |
satyaloke mahākāmnī mahārudreṇasaṃpuṭā || 2-2 ||

caṃpakākṛtivistārā caṃdrasūryāgnirūpakā |
anādipuruṣaṃ yuktā tadaṃśājīvasaṃjñakāḥ || 2-3 ||

jvaladagneryathā devi sphuraṃtivisphuliṃgakāḥ |
tasyāścutaṃ paraṃ vidruṃ yadābhūmaupatatyapi || 2-4 ||

tadaivasahasā devī saṅgāyuktobhavatyapi |
sthāvarādiṣu kīṭeṣu paśupaṃkṣiṣu śailaje || 2-5 ||

caturaśītilakṣaṃ vai janma cāpnoti socyayaḥ |
tatolanet pareśāni mānuṣyaṃ durlabhaṃ tanum || 2-6 ||

yato mānuṣadehastu dharmādharmādhipaśca saḥ |
tatopi labhate janma punarmṛtyumavāpnuyāt || 2-7 ||

jāyate mṛyataṃ caiva karmapāśāt suniścayaḥ |
caturaśītilakṣeṣu nānāyoniṣu śailaje || 2-8 ||

śrīcaṃḍikovāca

kathaṃ vā labhate janma kathaṃ mṛtyurbhavet prabho |
tat prakāraṃ mahādeva śrotumichāmi tattvataḥ || 2-9 ||

śrīśaṃkara uvāca

p. 3) ihayat kriyate karma tat pare copabhujyate |
jīvastṛṇajalauke va dehā dehāṃtaraṃ vrajet || 2-10 ||

saṃprāpya cottaraṃ dehaṃ dehaṃ tyajati pūrvajam |
iti śrutvā ca sā caṃḍī paprachaparameśvaram || 2-11 || 

prāse cottaradehe tu piṇḍaṃ dānādikaṃ katham |
śṛṇu devī pravakṣāmi māyādehaṃ tadeva hi || 2-12 ||

māyā dehaḥ pareśāni vāyurūpo na cānyathā |
vāyurūpo yato deha ākāśastho nirāśrayaḥ || 2-13 ||

ataśca piṃḍadānena vāyu sthirataro bhavet |
prathame mastakaṃ devī jāyate cakramāvadhi || 2-14 ||

tato yamapuraṃ gatvā dharmādikaṃ hi yat |
tad bhuktvā cāpare kiṃcit yadikarma na vidyate || 2-15 ||

yamājñayā tadā jīvaḥ prayayau brahmasādhanam |
tasmāt karmānusāreṇa yadi syāt durlabhaṃ tanum || 2-16 ||

mahāvidyāṃ bhāgyavaśāt prāpnoti paramaṃ gurum |
tatvajñānaṃ maheśāni yadi bhāgyavaśāllabhet || 2-17 ||

tadaiva paramaṃ mokṣaṃ yāvad brahmāṇḍasṛṣṭhati |
brāhmaṇasya mahāmokṣaṃ sā yujyaṃ kṣatriyasya ca || 2-18 ||

sā rupyaṃ corujātasya śrūdrasya sahalokakam |
mahāvidyā prasādena punarāgamanaṃ na hi || 2-19 ||

vṛhadbrahmāṃḍaśeṣe tu sarvamokṣaṃ yadā śive |
tadā sarvasya nirvāṇaṃ bhavatyeva na saṃśayaḥ || 2-20 ||

śrīcaṇḍikovāca

vṛhadbrahmāṇḍavāhye tu kiṃ punaḥ parameśvara |
tat sarvaṃ śrotumicchāmi yadi snehostimāṃ prati || 2-21 ||

śrīśaṃkara uvāca

brahmāṇḍasya vāhyadeśe brahmāṇḍā vahavaḥ sthitāḥ |
anaṃtasya pramāṇaṃ tu kiṃ vaktuṃ śakyate mayā || 2-22 ||

sā eva nirmitaṃ sarvaṃ saivasarvaṃ sureśvari |

iti śrīcaṃḍikāśaṃkarasaṃvāde nirvāṇatantre dvitīyaḥ paṭalaḥ || 2 
||



tṛtīyaḥ paṭalaḥ |


śrīśiva uvāca

prakṛtyā jāyate puṃsāṃ prakṛtyā sṛjyate jagat |
toyād yad vudvudaṃ devī yathā toye vilīyate || 3-1 ||

prakṛtyā jāyate sarvaṃ punastasyāṃ vilīyate |
tasmāt prakṛtiyogena jāyate nānyathā kvacit || 3-2 ||

brahmaviṣṇuśivaṃ devī prakṛtyā jāyate dhruvam |
tathā pralayakāle tu prakṛtyā lupyate punaḥ || 3-3 ||

śāktā eva dvijāḥ sarve na śaivā na ca vaiṣṇavāḥ |
upāsate yato devīṃ gāyatrīṃ paramākṣarīm || 3-4 ||

gāyatrīṃ śṛṇu cārvaṅgi caturvedaprapūjitām |
vedamāteti vikhyātāṃ trivargaphaladāyinīm || 3-5 ||

hālāhalaṃ samuddhṛtya nābhyakṣaraṃ samuddharet (samuddhet) |(?)
vāmakarṇasamāyuktaṃ punarvārbhisamuddharet || 3-6 ||

karṇayuktaṃ mūrddhnirephaṃ tataśca suravandite |
vāruṇaṃ ca samāyuktaṃ caṃdrabījaṃ tataḥ param || 3-7 ||

nādayuktaṃ khagayutaṃ caikaṃ vyāhṛtimuddharet |
tat padañca samuddhṛtya savitustadanaṃtaram || 3-8 ||

vareṇyamiti cocāryā bhargodevasya dhīmahī 

dhiyo yo naḥ pracodayāt praṇavaṃ tadanaṃtaram || 3-9 ||

tataścādhītagāyatrīṃ praṇavaṃ tadanaṃtaram |
iti japtvā maheśāni sākṣānnārāyaṇo bhavet || 3-10 ||

dhiyo yormadhyabhāge ca yakāradvayameva ca |
tatra tatra mahādevi anaṃtaśrutimeva ca || 3-11 ||

iti japtvā maheśāni yukto bhavati tatkṣaṇāt |
aṃtyayakārayo sthāne yokāratratiyaḥ paṭhet || 3-12 ||

sa cāṃḍāla iti khyāto brahmahatyā dine dine |
ata eva maheśāni tava snehāt prakāśitam || 3-13 ||

śāvitrī paramā vidyā trailokyeṣu ca durlabhā |
asyā grahaṇamātreṇa bhūpūjyo nātra saṃśayaḥ || 3-14 ||

aṃganyāsasya maṃtraṃ yat tacchṛṇuṣva priyaṃ vade |
praṇavadvayaṃ hṛtpadme bhukāraṃ śīrṣadeśake || 3-15 ||

bhūvaḥ śikhāyāṃ śvaḥkāraṃ kavace vinyaset sudhīḥ |
netratraye bhūrbhuvaḥ svaḥ svaḥkāraṃ karaṃ yugmake || 3-16 ||

namaḥ svāhā vaṣaṭ hūṃ vauṣaṭ phaṭ ca kramato nyaset |
dhyānaṃ śṛṇu varārohe yathā dhyātvā yajennaraḥ || 3-17 ||

śvetavarṇā samuddiṣṭā kauśeyavasanā tathā |
śvetairvilepanaiḥ puṣpairalaṃkāraiśca bhūṣitā || 3-18 ||

ādityamaṇḍalāṃtasthā brahmalokagatāthavā |
akṣasūtradharā devī padmāsanagatāthavā || 3-19 ||

oṃ tejo'si śukramasya mṛtamasi dhāmanāmāsi |
priyandevānāṃ gāyatrī ekapadī dvipadī tripadī catuṣpadyaḥ || 3-20 ||

namaste turīyāya darśatatvāya pradāya parorajase |
evaṃ dhyātvā yajed devīṃ gāyatrīṃ paramākṣarīm || 3-21 ||

punardhyātvāyaṃ trīpīṭhe puṣpaṃ dadyād varānane |
ādaubhikoṇaṃ vinyasya ṣaṭkoṇaṃ tad vahirnyaset || 3-22 ||

vṛttaṃ cāṣṭadalaṃ padmaṃ tad bahiścaturasrakam |
caturddharisamāyuktaṃ sāvitrīyaṃtramīritam || 3-23 ||

jīvanyāsādikaṃ kṛtvā pūjaye tāṃ trivargadām |
hātyahalādikaṃ maṃtraṃ samastaṃ parameśvari || 3-24 ||

samuccārya vaden pādyaṃ sāvitrīṃ te yutāṃ tataḥ |
tyāgātmakamanuḥ paścāt ta yathā vibhavavistaraiḥ || 3-25 ||

pūjayed bahuyānena cānyathā brahmaṇaḥ smṛtaḥ |
dravyābhāve vārārohe pādyādyairudakātmakaiḥ || 3-26 ||

pūjayitvā yajed devīṃ gāyatrīṃ paramākṣarīm |
daśabhirjanmajanitaṃ sa tena ca purākṛtam || 3-27 ||

bhiyutaṃ tu sahasreṇa gāyatrīṃ haṃti pātakam |
maheśavadanotpannā viṣṇohṛdayasaṃsthitā || 3-28 ||

braṃhmaṇā samanujñātā gacha devi yathechayā |
iti maṃtraṃ samuccārya devyā vāmakare budhaḥ || 3-29 ||

samarpayet (samarpayeyej) japaphalaṃ tata stotrādikaṃ paṭhet |
vidhivallakṣajāpena puraścaraṇamīritam || 3-30 ||

tadaśāṃśaṃ hunet paścāt puraścaraṇasiddhaye |
p. 5) homasya tu daśāṃśaikaṃ tarpaṇaṃ tadanaṃtaram || 3-31 ||

tarpaṇasya daśāṃśaikamabhisrekaṃ tataḥ param |
abhiṣekasya daśāṃśeka kuryād brāhmaṇabhojanam || 3-32 ||

tataḥ siddhā bhaved devī trivargaphalasādhinī |
māhātmyaṃ cāsya mantrasya caturvedenabhāṣitam || 3-33 ||

api mārjanamaṃtrasya prakāraṃ śṛṇu yatnataḥ | 
bhūmau śirasi cākāśe ākāśe bhuvi mastakam || 3-34 ||

mūrddhni bhūmau tathākāśe yajurvede sureśvari |
samātharvedinaṃ devi ṛgvede śṛṇu śailaje || 3-35 ||

śūme śirasi cāvaṇyāṃ bhūmau śūnye śire tathā |
bhūmau śūnye tathā mūrddhni cāpanārjanamācaret || 3-36 ||

āpohiśceni? ye maṃtrāḥ aṣṭākṣarapadena tu |
mārjanaṃ yat krameṇaiva sarvapāpavināśanam || 3-37 ||

vyatikrameṇa cārvaṃgī brahmahatyā pade pade |
ata evaṃ kramaṃ sarvaṃ tava snehāt prakāśitam || 3-38 ||

stutiṃ ca kavacaṃ devī pavitvā praṇame sudhīḥ |

śrīdevyuvāca

turiyaṃ dhāmayo deva paramātmāḥ sa eva hi || 3-39 ||

śivaḥ padme sthite vāhye namaskāraḥ kathaṃ bhavet |

śrīśiva uvāca

śirapadme mahādevastathaiva paramoguru || 3-40 ||

tat samo nāsti deveśi pūjyo hi bhuvanatraye |
tadrūpaṃ cintayenmantrī vāhye gurucatuṣṭayam || 3-41 ||

tadaṃśā bhāvasaṃbhūtā ye cānye guravo janāḥ |
tathaiva brāhmaṇāḥ sarve cāṃsāvatārasaṃsthitāḥ || 3-42 ||

yadaiva vāhye caitāṃśca pratyakṣe bhāvayet tadā |
sahasrāre mahāpadme tadā cintāṃ vivarjayet || 3-43 ||

pratyakṣe darśane devī vāhye tad brahmaciṃtayan |

namaskārādikaṃ devi kuryāt sādhakasattamaḥ || 3-44 ||

ebhyo darśanamātreṇa namaskārādikaṃ caret |

na kuryād yadi mohena sa bhaved āpadāśrayaḥ || 3-45 ||

brāhmaṇādīna samālokya brahmacāri yatitrayam |
dṛṣṭimātreṇa girije praṇamed daṃḍavad bhuvi || 3-46 ||

mahāpātakayuktopi mukto bhavati tatkṣaṇāt |
na kuryād yadi mohena mahāpātakavān bhavet || 3-47 || 

raktavastraṃ samālokya tathā tasmāṅgabhūṣaṇam | 
daṃḍahastaṃ triśūlaṃ ca dṛṣṭvā pradakṣiṇatrayam || 3-48 ||

prakuryāt sādhakaśreṣṭhaścānyathā pātakī bhavet |

iti nirvāṇatantre tṛtīyaḥ paṭalaḥ || 3 ||



caturthaḥ paṭalaḥ |

śrīdevyuvāca

sa nyāsaṃ kīdṛśaṃ nātha avadhūtaṃ ca kīdṛśam |
kīdṛśaṃ vā brahmacārī gṛhasyovātha kīdṛśaḥ || 4-1 ||

śrīśiva uvāca

divyaprakāśamūrtiṃ ca ciṃtayed daṃḍadhāriṇam |
vīrasya mūrti deveśi sadā bhasmādi bhūṣaṇam || 4-2 ||

kaulikasya gṛhasthasya mūrtiṃ tad brahmacāriṇam |
gṛhasthasya divyamūrtiṃ caṃdanādivibhūṣitam || 4-3 ||

sarveṣāṃ pitṛrūposau gṛhasthaḥ sādhurūpakaḥ |

p. 6) śrīśiva uvāca

śṛṇu devī pravakṣāmi vṛhadbrahmāṇḍalakṣaṇam || 4-4 ||

meruparvatamadhye tu sarvadevāśrayaṃ priye |
mahāvīrā nadī tatra madhyadeśe sadā sthitā || 4-5 ||

sumeroścāddhūdeśe tu śatyalokaṃ varānane |
adhobhāge maheśāni pratiṣṭhati rasātalam || 4-6 ||

evaṃ krame merumadhye bhuvanānicaturdaśa |
pātālasaptakasyoddhe brahmapadmaṃ sureśvari || 4-7 ||

adhovakraṃ hi tat padmaṃ dharāmadhye caturdalam |
padmamadhye bījakoṣe kṣiticakraṃ manoharam || 4-8 ||

valayākārarūpeṇa samudrāḥ saptasaṃsthitāḥ |
jambudvīpaṃ madhyadeśe catuṣkoṇaṃ manoharam || 4-9 ||

trikoṇaṃ madanāgāraṃ kaṃdarpaścādhi devatām |
aindrabījaṃ hi laṃ rūpaṃ gajeṃdravāhanaṃ śive || 4-10 ||

trikoṇe madanāgāre vindurūpo maheśvaram |
māyāśaktirmaheśāni bhujagākārarūpiṇī || 4-11 ||

tayaiva veṣṭhitaṃ liṃgaṃ sārddha trivalayākṛtiḥ |
liṃgaṃ chidraṃ khavaktreṇa samāchādya sthitā sadā || 4-12 ||

aindrabījaṃ varārohe liṃgasya vāmadeśake |
susiddhaṃ brahmasadanaṃ nādopari susundaram || 4-13 ||

tatraiva nivased brahmā sṛṣṭikartā prajāpatiḥ |
vāmabhāge ca sāvitrī vedamātā sureśvarī || 4-14 ||

tasyāḥ prasādamāsādya sṛṣṭiṃ vitanu te sadā |
sadrūpaṃ brahmasadanaṃ lakṣayojanavistṛtam || 4-15 ||

tat sarvaṃ parameśāni ṛgvedākhye mayodinam |
trikoṇaṃ parameśāni dviṣaṣṭhi tamakoṣṭhakā || 4-16 ||

tadeva parvataṃ proktaṃ sarvadevāśrayaṃ hi tat |
trikoṇamadhye tadvāhyapaścāt pūrvaṃ varānane || 4-17 ||

sthāvaraṃ parvataṃ paśya kīṭaṃ paśumanuttamam |
khagaṃ nārādikaṃ devī nāsti? kiṃ pṛthivītale || 4-18 ||

trikoṇavāhye girije parvataṃ vahurūpakam |
nīlācalaṃ maṃdaraśca parvataṃ caṃdraśekharam || 4-19 ||

himālayaṃ sumeruṃśca malayaṃ bhasmaparvatam |
catuṣkoṇe vase devī etat saptakulācalam || 4-20 ||

eteṣāṃ śikharājjātaṃ parvataṃ bahurūpakam |
nānādevālayaṃ devī tathaiva dānavālayam || 4-21 ||

tṛṇāgulmalatāvallī nānārūpāṇi tatraiva |
pāpiṣṭāstatra vai jātāḥ karmayogena pārvati || 4-22 ||

jāyaṃte ca priyaṃte ca pūrvokte naiva vartmanā |

iti nirvaṇataṃtre yogavivaraṇaṃ nāmacaturthaḥ paṭalaḥ || 4 ||



paṃcamaḥ paṭalaḥ |


śrīśiva uvāca

etat padmasyorddhadeśe bhīmākhyaṃ paṃkajaṃ śubham |
patraṣaṭkaṃ tathā vṛttaṃ caturdvāravibhūṣitam || 5-1 ||

padmamadhye bījakośe bhuvarlokaṃ manoharam |
siṃdūrasadṛśaṃ raktavarṇenaśobhitaṃ sadā || 5-2 ||

siṃdūrāraktavastreṇa nirmitaṃ cakrapāṇinā |
p. 7) tasyorddhe nivased viṣṇuḥ śrīvāṇī vāmadakṣiṇe || 5-3 ||

brahmaṇā sṛjyate lokaḥ pālate cakrapāṇinā |
vaikuṇṭhaṃ nāma tat sargaṃ nānādevālayaṃ hi tat || 5-4 ||

vaikuṃṭhasya dakṣabhāge golokaṃ sarvamohanam |
tatraiva rādhikā devī dvibhujā muralīdharā || 5-5 ||

nāradādyaimunigaṇaiḥ sevitaṃ vedapāragaiḥ |
vaikuṃṭhasadṛśaṃ sthānaṃ nāstijñāne ca sāmake || 5-6 ||

atra madhye tathā bāhye yathā sarvaṃ prapaśyati |
tathaiva bhūmigāḥ sarve jyautiṣaṃ paripaśyati || 5-7 ||

nānā bhogayutāḥ sarve nānāratnena bhūṣitāḥ |
iṃdrādyā devatāḥ sarve tiṣṭhaṃti raktati hetave || 5-8 ||

mahāsatvamayaṃ lokaṃ ced vāhu virājitam |
pītāṃbaraṃ ra?tamūrti vanamālāvibhūṣitam || 5-9 ||

evaṃ bhaktajanaṃ sarvaṃ vaikuṃṭhe copaśobhitam |
viṣṇuśabdaṃ viṣṇugānaṃ vaiṣṇavaṃ viṣṇurūpakam || 5-10 ||

viṣṇugānaṃ vinā nāsti vaikuṃṭhe parameśvari |
yad rūpaṃ golakaṃ dhāma tad rūpaṃ nāsti mānake || 5-11 ||

jñāne vā cākṣuṣe kiṃ vā dhyānayogena vidyate |
śuddha ṣatvamayaiṃ devī nānādevenaśobhitam || 5-12 ||

tatraiva bhāti kailāśastatraiva brahmaṇaḥ puram |
vaikuṃṭhanagaraṃ tatra tatraivaravirālayam || 5-13 ||

caṃdrālayaṃ hi tatraiva kaṃdarpanilaya priye |
sarvadevālayaṃ tatra devakanyādiśobhitam || 5-14 ||

madhyadeśe golakākhyaṃ śrīviṣṇoryogamaṃdiram |
śrīviṣṇossatvarūpaśya yat sthūlaṃ citra?mohanam || 5-15 ||

tasya sthānasya māhātmyaṃ kiṃ mayā kathyatedhunā |
yatraiva satataṃ bhāti dvibhujosuravīdharaḥ || 5-16 ||

nirākāro mahāviṣṇuḥ sākāśepi kṣaṇe kṣaṇe |
yadā sākārarūposau tadaiva muralīdharaḥ || 5-17 ||

tadā satvamayo viṣṇuḥ yenaṃpātiniścitam |
vaiṣṇavasya mahāmokṣaṃ yatraiva parameśvara || 5-18 ||

iti sthānasya māhātmyaṃ saṃkṣepeṇa mayoditam |
vistareṇā na śaknomi janmāṃtaraśatena ca || 5-19 ||

bījakoṣasya vāhye tu veṣṭitaṃ toya maṇḍalam |
pramāṇaṃ sundaraṃ toyaṃ yathā kṣīrod sāgaram || 5-20 ||

dhustarasya jyotiṣākāraṃ koṭicandrasamadyuti |
valayākārarūpeṇa suśubhraṃ toya maṇḍalam || 5-21 ||

gaṃgādiśaritaḥ sarvāstatraiva bhāṃti sundari |
indrādidevatāḥ sarve rajūyamānāniraṃtaram || 5-22 ||

gaṃdharvayakṣanāmādi kuṣmāṃḍā bhairavāstathā | 
vedagānena bhāsaṃte mūrtimaṃtaḥ sadaiva hi || 5-23 ||

mālave navarāgena sā pramānaṃ sadā priye | (?)
malāreṇa sadātharva vasaṃte na tathā puna || 5-24 ||

hiṃḍolena yajupāṭhaṃ sadā kurvīta vedhasā |
karṇāṭe naiva ṛgvedaṃ śrīrāgeṇa tathā śive || 5-25 ||

nirdiṣṭaḥ pāṭhametat tu anirdiṣṭamataḥ param |
tatraiva vartate rāgāḥ sahasrāṇi ca ṣoḍaśa || 5-26 ||

p. 8) tatraiva bhāṃti tālāśca sahasrāṇi ca ṣoḍaśa |
murārermuralīgānāt sarve tālāḥ prajāyate || 5-27 ||

tena tālena rāgeṇa sadāgāyaṃti vedhasā |
tad rāgasya vibhāgaṃ hi kurvaṃti munayojanāḥ || 5-28 ||

vasaṃtādyāścakratavastiṣṭhaṃti tatra saṃtatam | (?)
nānādhātūprasūnena bhūṣitaṃ muralīdharam || 5-29 ||

tatraiva rādhikā devī nānāsukhavilāśinī |
vadaṃtī muralīgānaṃ kuru kāṃtapramohanam || 5-30 ||

yena śabdena kāmasya utpattirjāyate sadā |
tad rāgāṃ caiva tat tālaṃ kuru gānaṃ prayatnataḥ || 5-31 ||

evamānaṃdaśaṃyuktā mahāveśavilāśinī |
vāmabhāge sadā bhāti rādhikā bhaktavatsalā || 5-32 ||

prārthanaikaṃ prakurvatī rādhikā bhaktisaṃyutā |

śrīrādhikovāca

tava bhaktiyutā martyā athavā bhaktisaṃyutā || 5-33 ||

golokasthaṃ mahāviṣṇuṃ dvibhujaṃ muralīdharam |
sadānaṃdayutaṃ devaṃ mamasaṃge virājitam || 5-34 ||

evaṃ dhyāyaṃti ye martyāstasyopāyastu kīdṛśam |
tadvada svaviśeṣeṇa yanmahaṃ tava vallabhā || 5-35 ||

śrībhagavānuvāca

ye yathā yāṃ bhajaṃtye patena mārgeṇa sadgatim |
dāsyāmi śṛṇu cārvaṃgī sadā tvaṃ bhaktavatsalā || 5-36 ||

ādhaurādhā tataḥ kṛṣṇo jalpaṃti ye ca mānavāḥ |
teṣāṃśca sadgatiścātra dāsyāmi nātra saṃśayaḥ || 5-37 ||

guruṇābhāvamārgeṇa maṃtramārgeṇa caiva hi |
ye janā māṃ bhajaṃtyeva te narā matsamāḥ sadā || 5-38 ||

yā nāri māmabhedena bhajate puruṣaṃ sadā |
tvat samāsā sadā nārī śrūyate nātra saṃśayaḥ || 5-39 ||

bhaktyā vāpyathavā bhaktyā jalpaṃti yugalaṃ yadi |
tava bhaktyā pradāsyāmi sadgatiṃ śṛṇurādhike || 5-40 ||

madbhaktā naiva gachaṃti kadācid yamamandire |
satyaṃ satyaṃ punaḥ satyaṃ satyaṃ satyaṃ hi rādhike || 5-41 ||

iti śrutvā ca sā devī rādhikā premavatsalā |
aṃke śete mahāviṣṇoḥ kāmavāṇena pīḍitā || 5-42 ||

viṣṇulokamidaṃ devī cāpraṃ śṛṇu yatnataḥ |

iti nirvāṇatantre pañcamaḥ paṭalaḥ || 5 ||



ṣaṣṭhamaḥ paṭalaḥ |


śrīśaṃkara uvāca

etat padmasyorddhadeśe mahāpadmasudurlabham |
daśapatraṃ nīlavarṇaṃ sajalaṃ yena rūpakam || 6-1 ||

tā diptāṃ taiḥ sacaṃdraiśca paṃkajaṃ cāti śobhitam |
tanmadhyabījakośe nivasati satataṃ vahnibījaṃ susiddham || 6-2 ||

vāhye taṃtrai * * pyaṃ(?) navatapananibhaṃ svastikaṃ ta tribhāge | (?)
svarlokākhyamidaṃ devi sarvadevaiḥ prapūjitam || 6-3 ||

sākāraṃ vahnibījaṃ ca sadaiva meṣavāhanam |
sadrālayaṃ hi tatraiva mahāmohasya nāsanam || 6-4 ||

bhadrakālī mahāvidyā vāmabhāge suśobhitā |

p. 9) bhadrakālī mahāvidyā sadā saṃhārakāriṇī || 6-5 ||

brahmaṇā sṛjyate lokaḥ pālyate viṣṇurūpiṇā |
para devī rudrarūpaḥ sadā saṃhārakārakaḥ || 6-6 ||

saṃhared rudrarūpeṇa bhadrakālikayā saha |
rudrasya bhāvanād devi kiṃ na siddhati caṃḍike || 6-7 ||

yad rūpaṃ kathitaṃ pūrvaṃ golakaṃ sarvamohanam |
tasmād vai sarvatobhāve rudraloke caturguṇam || 6-8 ||

rudralokaṃ mahāsvargaṃ golokād vai caturguṇam |
mahāmokṣapradaṃ nityaṃ rudraṃ tasyāṃgabhūṣaṇam || 6-9 ||

bhadrakālī mahāvidyā rudratvavāmadeśake (?) |
viṣṇunā kalpate yadyat kālīrūpeṇa yujyate || 6-10 ||

ataḥ kālī mahādevī sadaiva muralīdharaḥ |
ārādhyasyaṅga yatnena vaikuṃṭhādhipatirbhavet || 6-11 ||

golokādhipatirdevi stutibhakti parāyaṇaḥ |
kālikā yā prasādena sa bhavet lokapālakāḥ || 6-12 ||

lokānāṃ rakṣaṇārthāya sastrīko muralīdharaḥ |
samārādhya bhadrakālī goloke nivaset sadā || 6-13 ||

prasādaṃ kālikāyāśca bhajyate viṣṇunā sadā |
anaśca pālakoviṣṇurmahāsatvaparāyaṇaḥ || 6-14 ||

itiśrīnirvāṇatantre ṣaṣṭhamaḥ paṭalaḥ || 6 ||



saptamaḥ paṭalaḥ |


śrīśaṃkara uvāca

etat padmasyorddhadeśe vimalaṃ padmasundaram |
śobhitaṃ dvādaśaiḥ patraiḥ śoṇaṃ vaṃdhūkasannibham || 7-1 ||

vāṃchātiriktaphaladaṃ suddhā siṃdūrasodaram |
padmaṃ madhye bījakoṣe ṣaṭkoṇaṃ maṃḍalaṃ śubham || 7-2 ||

maṃḍalasya madhyadeśe vāyubījaṃ manoharam |
sajīvaṃ vāyubījaṃ ca vedavāhuvirājitam || 7-3 ||

lokatrayasya īśānaṃ īśvaraṃ sarvapūjitam |
yā vidyā bhuvaneśāni triṣulokeṣu pūjitā || 7-4 ||

iśvarasya vāmabhāge sā devī paritiṣṭhati |
maharlokamidaṃ bhadre pūjāsthānaṃ sureśvari || 7-5 ||

atraiva mānasaṃ yogaṃ kurute yogavittamaiḥ |
siṃdūrāraktacārvaṃgi sphāṭikairnirmitaṃ tataḥ || 7-6 ||

ataśca mānavāḥ sarve jyotiṣaṃ paripaśyati |
sarvāvayavasaṃyuktā devāstiṣṭhaṃti saṃtatam || 7-7 ||

bhūmigāḥ paripaśyaṃti cakrākāraṃ hi tejasam |
svarlokagāminaḥ sarve svargetiṣṭhaṃti pārvatī || 7-8 ||

bhūrloke nivased brahmā bhuvarloke janārdana |
svarloke nivase chaṃbhuḥ sadā saṃhārakārakaḥ || 7-9 ||

brahmādīnāṃ ca īśānaḥ sarvakartā ca īśvaraḥ |
sarvasvamī svarūpaśca sarvakartā sureśvaraḥ || 7-10 ||

sṛṣṭiṣṭhitilayādīnāṃ kartā ca parameśvaraḥ |
golokaṃ kathitaṃ devi yadrūpaśobhitaṃ sadā || 7-11 ||

tasmāchavaguṇaṃ devī maharlokaṃ susuṃdaram |
vistirṇaṃ ca śataguṇaṃ sarvaṃ śataguṇaṃ (sarvam śataguṇaṃ) 
śive || 7-12 ||

maharlokasya māhātmyaṃ kiṃ vaktuśakyate mayā |
p. 10) golokasya śataguṇaṃ sarvatraparameśvari || 7-13 ||

maharloke vased yo dvi sāmānyabhāvatatparaḥ |
tasmād eva śatāṃśaikaṃ golokaṃ muralīdharam || 7-14 ||

tadājñāṃ prāpyasahasā sṛjyate padmayoni vā |
tadājñayā pātilokān dvibhujomuralīdharaḥ || 7-15 ||

evaṃ hi rudrarūpeṇa saṃharatyakhilaṃ jagat |
sarvakartā yato devī ataḥ sa parameśvaraḥ || 7-16 ||

īśvaraḥ sarvakartā ca nirguṇaścācalaḥ śivaḥ |
bhuvaneśīṃ vinā devī spaṃdituṃ naiva śakyate || 7-17 ||

paṃguprāyaḥ sadā īśo gāmitvaṃ na hi śakyate |
bhuvaneśīṃ samārādhya sarvasvāmī sa-īśvaraḥ || 7-18 ||

ata eva maheśāni tapaiva mokṣadāyinī |
viśvamātā ca sā devī viśvapālanakāriṇī || 7-19 ||

mokṣadā sarvalokānāṃ muktidā viśvamātṛkā |
bhuvaneśīṃ vinā īśaḥ kiṃcit kartuṃ na śakyate || 7-20 ||

ata eva hi sā devī mokṣadā sarvarūpiṇī |
iti te kathitaṃ kiṃcin maharlokasya lakṣaṇam || 7-21 ||

samāsena pareśāniḥ athānyat śṛṇu sādaram |

iti nirvāṇatantre saptamaḥ paṭalaḥ || 7 ||



aṣṭamaḥ paṭalaḥ |


śrīśaṃkara uvāca

asyorddhe nirmalaṃ padmaṃ sarvamohanakāraṇam |
ṣoḍaśaiḥ patrakairyukta mohāṃdhakāranāsanam || 8-1 ||

dhūmamadhye yathā vahnistathārjyotirmayaṃ priye |
padmamadhye varāṭe ca janalokaṃ susuṃdaram || 8-2 ||

mahāmohāṃdhasamanaṃ tad vāhye candramaṃḍalam |
devavṛṃdairgāyakaiśca munibhipariśobhitam || 8-3 ||

golokasya lakṣaguṇamiha sthānaṃ sudurlabham |
devatvaṃ ca manodyaṃ ca vistīrṇaṃ ca tathā punaḥ || 8-4 ||

sarvalakṣaguṇaṃ devī golokānnātra saṃśayaḥ |
bījakośe maṇidvīpe ṣaṭkoṇaṃ yatramuttamam || 8-5 ||

yaṃtramadhye tu vṛṣabhaṃ mahāsiṃhārddhadehakam |
tasyopari sadāgaurī dakṣabhāge sadāśivaḥ || 8-6 ||

trinetrapaṃcavaktraśca prativaktre trilocanaḥ |
vibhūti bhūṣitāṃgaśca rajatā ca lambodaraḥ || 8-7 ||

vyāghracarmadharo devo manimālāvibhūṣitaḥ |
lokānāmiṣṭadātā ca lokānāṃ bhayanāśanaḥ || 8-8 ||

lokānāṃ muktijanako lokānāṃ jñānadāyakaḥ |
ārādhakasya brahmatva dāyako viṣṇupūjitaḥ || 8-9 ||

sarvānaṃdakaro devo ardhanāriśvaro vibhuḥ |
kvacijyotimayā devaḥ kvacidākāravarjitaḥ || 8-10 ||

devānāṃ pūjyarūpaśca devānāṃ svāmirūpakaḥ |
bhaktasya muktido nityo viṣṇuṃ taṃ dāyakaḥ prabhuḥ || 8-11 ||

vilvapatraiḥ pūjakasya nija sā yujya dāyakaḥ |
golokādhipatiṃ kṛtvā bhaktaṃ rakṣati yaḥ śivaḥ || 8-12 ||

tasya devasya māhātmyaṃ kiṃ vistāreṇa caṃḍike |
p. 11) yā gaurī lokamātā ca śaṃbhorarddhāṃgadhāriṇī || 8-13 ||

triguṇā sā mahāgaurī guṇaikenapinākadhṛk |
tasyāḥ saṃgaṃ samāsāṣya sarvakartā sadāśivaḥ || 8-14 ||

iti nirvāṇatantre aṣṭamaḥ paṭalaḥ || 8 ||



navamaḥ paṭalaḥ |


śrīśaṃkara uvāca

etat padmasyorddhadeśe jñānapadmaṃ sudurlabham |
patradvayasamāyuktaṃ pūrṇacaṃdrasya maṃḍalam || 9-1 ||

padmamadhye bījakoṣe smarecciṃtāmaṇiṃ purīm |
tanmadhye navakoṇaṃ ca yaṃtraṃ paramadurlabham || 9-2 ||

śaṃbhuvījaṃ hi tanmadhye sākāraṃ haṃsarūpakam |
haṃsaḥ paraṃ brahmarūpaḥ sākārā śivarūpakaḥ || 9-3 ||

tāraśca kurvarāroddheti gamāgamapakṣavān | (?)
śivaśakti padadvaṃdvaṃ viṃdutrayavibhūṣitam || 9-4 ||

vihāraścāsya haṃsasya vyomapaṃkajapūrite |
evaṃ haṃśamaṇidvipe tasyā kroḍe paraḥ śivaḥ || 9-5 ||

vāmabhāge siddhakālī sadānaṃdasvarūpiṇī |
tasyāḥ prasādamāsādya sarvakartā maheśvaraḥ || 9-6 ||

tapolokamidaṃ bhadre sarvadeva sudurlabham |
yatra brahmādayo devā dhyānayogaṃ samabhyaset || 9-7 ||

manasāpi na labhyeta yogena tapasā na ca |
tapolokaṃ golakasya caturlakṣaguṇaṃ śive || 9-8 ||

brahmalokeṣu ye devā vaikuṃṭhe ye surādayaḥ |
śaṃbhuloke vaset ye ye te ca bhaktiparāyaṇāḥ || 9-9 ||

tapasāpina stambhe ta tapolokamataḥ śive |
tapolokasamonāli lokamadhyestu locane || 9-10 ||

sā lokāṃ hi maharloke sā rūpyaṃ janalokake |
sā yujyaṃ tapalokeṣu nirvāṇaṃ dvi tadūrddhake || 9-11 ||

ato brahmādayo devāḥ tapolokārthinaḥ sadā |
tasya lokasya māhātmyaṃ mayāvaktuṃ na śakyate || 9-12 ||

iti te kathitaṃ kāṃte svargaṣaṭkasya lakṣaṇam |
yajjñānād mahyaṃ ca jīvanmuktaśca sādhakaḥ || 9-13 ||

yajjñānājjananīgarbhaṃ na viṃśati kadācana |
āyurārogyamaiśvaryaṃ saprāpnoti na saṃśayaḥ || 9-14 ||

purāṇāni ca sarvāṇi mayaivoktāni pārvati |
etad rūpe ca tanmadhye vyaktarūpo na vidyate || 9-15 ||

gūḍhajñānaṃ ca tanmadhye ataḥ kiṃcin na budhyate |
evaṃ hi vedaśāstreṣu gānamadhye sulocane || 9-16 ||

śabdajñānaṃ yato nāsti ataḥ kiṃcin na budhyate |
astādaśapurāṇāni sāṃgaṃ veti ca yo naraḥ || 9-17 ||

tasya sthāna purāṇāni sadā śravaṇamācaret |
cuṃbake cālyaṃ pāṭhajñe na śrotavyaṃ kadācana || 9-18 ||

śāstrasya lakṣaṇaṃ hyetat vyākhyā cānyat prakāśate |
śabdabrahmasvarūpaśca mamavaktrādvinirgataḥ || 9-19 ||

saṃdeho naiva kartavyo yadi muktiṃ prayacchati |
saṃdehāt yāmaro yāti rauravaṃ pitṛbhiḥ saha || 9-20 ||

jñānaṃ ca nirmalaṃ kṛtvā buddhiṃ ca nirmalāṃ tataḥ |

p. 12) mahābhaktiyuto bhūtvā sarvaprāṇihite rataḥ || 9-21 ||

śabdabrahmamayaṃ jñātvā śṛṇoti taṃtrakaṃ yadi |
tadāmuktimavāpnoti satyaṃ satyaṃ na saṃśayaḥ || 9-22 ||

aṣṭādaśapurāṇāni śravaṇe naiva yat phalam |
caturvedāni sāṃgāni śravaṇe naiva yat phalam || 9-23 ||

merutulyaṃ suvarṇaṃ ca gurave brahmarūpiṇe |
saśasyo parameśāni saptadvīpāṃ vasuṃdharām || 9-24 ||

pradadyād bhaktibhāvena yadisyād vedapārage |
tasmād vai parameśāni phalaṃ vahuvidhaṃ śive || 9-25 ||

asya taṃtrasya cārvaṃgi śṛṇoti paṭalaṃ yadi |
tat phalān koṭiguṇitaṃ phalaṃ sa labhate dhruvam || 9-26 ||

iti nirvāṇatantre navamaḥ paṭalaḥ || 9 ||



daśamaḥ paṭalaḥ |


śrīśaṃkara uvāca

jñānapadmasyorddhadeśe sadvasradalapaṅkajam |
adhovaktraṃ mahāpadmaṃ sumeromūrddhni saṃsthitam || 10-1 ||

yasya patraṃ maheśāni sarvaśaktisamanvitam |
śuklaṃ raktaṃ ta pītaṃ kṛṣṇaṃ haritameva ca || 10-2 ||

vicitraṃ citrarūpeṇa nānāvarṇāniśobhitam |
śuklaṃ kṣaṇāt kṣaṇādvaktaṃ kṣaṇāt pītaṃ suśobhanam || 10-3 ||

kasmin kṣaṇe śuklavarṇaṃ haritaṃ varṇamuttamam |
citrarūpaṃ ca cārvaṃgi dhatte kasmin kṣaṇe priye || 10-4 ||(?)

evaṃ nānāvidhairdevi tat padmaṃ śobhitaṃ sadā |
yathaiva golakaṃ dhāmapratipatre tathaiva hi || 10-5 ||

golakādhipatistatra bhaktibhāva parāyaṇaḥ |
kailāsādhipatirdevi dhyānayogaṃ sadābhyaset || 10-6 ||

evaṃ brahmādayā devā indrādyāstridaśeśvarāḥ |
stutibhaktiparāḥ sarve divyabhāvaiḥ sadā sthitāḥ || 10-7 ||

lakṣaṃ lakṣaṃ maheśāni tatraiva muralīdharam |
śatalakṣaṃ śivaṃ tatra brahmā lakṣaśataṃ priye || 10-8 ||

pratyahaṃ parameśāni brahmāṇḍāvahavobhavan |
tanmadhye sthāpayet brahmā tatraiva kamalāpatim || 10-9 ||

śivaṃ vahuvidhākāraṃ tatraiva sthāpanaṃ caret |
evaṃ hi parameśāni nānāśaktiṃ pravinyaset || 10-10 ||

pratibrahmāṇḍamadhye tu brahmādi devatā trayam |
nānāśaktiyutaṃ kṛtvā brahmāṇḍaṃ sthāpanaṃ caret || 10-11 ||

brahmapadme pṛthivyāṃ tu vartate mānuṣādayaḥ |
te sarve devi brahmāṇḍāstanmadhye bhuvanāni ca || 10-12 ||

pātālasaptakaṃ tatra tatraiva svargasaptakam |
evaṃ krame sarvadehe bhuvanānicaturdaśa || 10-13 ||

pratirdehe pareśāni brahmāṃḍaṃ nātra saṃśayaḥ |
kathitaṃ vāhyadeśasya brahmāṃḍasya ca lakṣaṇam || 10-14 ||

yanmadhye varttate sākṣād bhuvanāni caturdaśaḥ |
tadeva vigrahaṃ devī mahābrahmāṇḍamadhyagam || 10-15 ||

evaṃ vahuvidhaṃ devī tatra braṃhmāṃḍake kṣitai |
vṛhadbrahmāṃḍā ye sarve tepi janyaḥ śarāriṇaḥ || 10-16 ||

p. 13) pṛthivyāṃ tepi vat tat tejaṃ toyakāravigrahāḥ |
mahābrahmāṃḍamadhye tu vṛhadbrahmāṃḍa tiṣṭhati || 10-17 ||

tanmadhye jantavo devi tanmadhye bhuvanāni ca |
sṛṣṭimārgeṇabhedosti sthūlasūkṣmādi bhedakaḥ || 10-18 ||

mahābrahmāṃḍake yadyat prakāraṃ parameśvari |
tat tat sarvaṃ hi deveśi vṛhadbrahmāṃḍamadhyataḥ || 10-19 ||

tena rūpe dehamadhye bhuvanānicaturdaśam |
sṛṣṭiprakāre brahmāṇḍabhedonāstisuniścitam || 10-20 ||

sthūlakṣudrā hi cārvaṃgi medakaḥ paricārakaḥ |
padmamadhye bījakoṣe bhuvanānicaturdaśa || 10-21 ||

sthānaṃ bahuvidhākāraṃ sarvadevasya cāśrayam |
tanmadhye satyalokaṃ ca mahārudrasya kāraṇam || 10-22 ||

daśakāntena svarṇena nirmitaṃ cakrapāṇinā |
dikṣutoyamaṃḍalaṃ ca yathā pūrṇendu maṃḍalam || 10-23 ||

paritaḥ pārijātāni madhye kalpadrumaṃ punaḥ |
kalpavṛkṣasya nikaṭe jyotirmandiramuttamam || 10-24 ||

udyadādityasaṃkāśaṃ caturdvāravibhūṣitam |
mandavāyusamāyuktaṃ gaṃdhadhūpairalaṃkṛtam || 10-25 ||

tanmadhye vedikāṃ devi ralasiṃhāsanaṃ priye |
mahākālī paramācana kākārarūpataḥ || 10-26 ||

māyayā chādinātmānaṃ tanmadhye samabhāgataḥ |
mahārudraḥ sa evātmā mahāviṣṇuḥ sa eva hi || 10-27 ||

mahābrahma sa evātmā nāmamātravibhedakaḥ |
ekamūrttistrayo nāmnā brahmaviṣṇumaheśvarāḥ || 10-28 ||

nānābhāve mano yasya tasya mokṣo na vidyate |
brahmāṃḍāstatra jāyante lakṣaṃ lakṣaṃ sulocane || 10-29 ||

tatra brahmā tatra haritastatra rudraḥ pravinyaset |
evaṃ brahmāṃḍanirmānaṃ kṛtvā viṣṇuḥ sanātanaḥ || 10-30 ||

sa jīvaṃ mūrtinirmāya yathā jantośca vigraham |
evaṃ brahmāṃḍavividhaṃ nityaṃ sṛjatinirguṇaḥ || 10-31 ||

nirguṇo piṇḍarūpaśca siddhikāraṇa eva hi |
kecid vadaṃti sa brahmā kaicid viṣṇuprakathyate || 10-32 ||

kecid rudro mahāpūrve eka devo niraṃjanaḥ |
ādyāśaktiyuto devaścanakākārarūpakaḥ || 10-33 ||

ī i jālasya dīpābhaṃ caṃdrasūryāgnirūpakaḥ |
mahājyotirnirākāraḥ sudagdhaṃ cāyagolakam || 10-34 ||

satyaloke bījakoṣe ciṃtāmani gṛhe śubhe |
dhyāyenniraṃjanaṃ devaṃ ratnasiṃhāsanopari || 10-35 ||

tasyāntike nijaguruṃ pūjādhyānaparāyaṇam |
sa kāntaṃ pūjayed devaṃ rajatā ca lasodaram || 10-36 ||

suvaktrāṃ cāruvadanāṃ suprakāśasvarūpiṇī |
evaṃ kāntāyutaṃ devaṃ svamūrttisthaṃ vicintayet || 10-37 ||

yathā darpaṇagarbheṣu paripaśyanti parvatam |
sahasrāre mahāpadme tathā devaṃ vicintayet || 10-38 ||

paraṃ brahmālayaṃ hyetat paraṃ mokṣalayaṃ priye |
nirguṇasyālayaṃ sākṣān mahākālyālayaṃ śive || 10-39 ||

p. 14) tatraiva varttate nityo nikāraśca niścalaḥ |
yasya rūpaṃ parānandaṃ parāparajagatpatiḥ || 10-40 ||

nityānandaparā devī kālīkālaprakāśinī |
ādyāśaktirmahākālī deva nirvāṇakāriṇī || 10-41 ||

jāyaṃte ca kṣitau vṛkṣā yathā pṛthvyāṃ pralīyate |
noyā tu budbudaṃ jātaṃ yathā toye vilīyate || 10-42 ||

jalaje nadidutpannaṃ līyate ca yathā ghane |
tathā brahmādayo devāḥ kālikāyāḥ prajāyate || 10-43 ||

tathā pralayakāle tu punastasyā pralīyate |
śaktijñānaṃ vinā devi muktirhāsyāya kalpate || 10-44 ||

ekāṃśena bhaved brahmā ekāṃśena janārdanaḥ |
ekāṃśena bhavet śaṃbhuḥ kālikāyāḥ sulocane || 10-45 ||

aparā sā mahālīna * dyādīnāṃ samudravat |
goṣpa deva yathā toyaṃ brahmādyā devatāstathā || 10-46 ||

goṣpadaḥ kiṃ vijānīyāt samudrasya jalaṃ śive |
tena brahmā na jānaṃti viṣṇuḥ kiṃ veti śaṃkaraḥ || 10-47 ||

sṛṣṭikartuṃ yadā kālyā tatpanne ca surādayaḥ |
tathā pralayakāle tu punastasyāṃ pralīyate || 10-48 ||

ato nirvāṇadā kālī puruṣaḥ svargadāyakaḥ |
dakṣiṇasyāṃ diśisthāne saṃsthitaśca raveḥ punaḥ || 10-49 ||

kālīnāmnā palāyante bhītiyuktaḥ samantataḥ |
tataḥ sā dakṣiṇanāmnī triṣulokeṣu gīyate || 10-50 ||

puruṣodakṣiṇaḥ prokto vāmāśaktirnigadyate |
vāmapādakṣiṇaṃ jitvā mahāmokṣapradāyinī || 10-51 ||

ataḥ sā dakṣiṇāṃ nāmnī triṣulokeṣu gīyate |
nirguṇaṃ puruṣaṃ kālyā sūjyate lupyate yataḥ || 10-52 ||

ataḥ sā dakṣiṇā nāmnī triṣulokeṣu gīyate |
vaiṣṇavī yā mahāvidyā kālikā jagadambikā || 10-53 ||

sākārarūpā sā kālī canakākārarūpiṇī |
hastapādādirahitā somasūryāgnirūpiṇī || 10-54 ||

tasyāḥ sthāna hi kathitaṃ satyalokaṃ varānane |
yat sthānaṃ sarvadevasya prārthanīyaṃ sadānaghe || 10-55 ||

tasya sthānasya māhātmyaṃ kiṃ mayā kathyate'dhunā |
sahasradalapadmasya caikapatresulocane || 10-56 ||

sahasragolakaṃ dhāma ato vaktuṃ na śakyate |
janmāṃtarasahasreṇa jihvākoṭiśatena ca || 10-57 ||

tadvaktuṃ na hi śaknomi ekapatrasya śobhanam |
atastvaṃ hi varārohe viratābhavapārvati || 10-58 ||

kiṃ jalkamadhye yā śobhā kiṃ vaktuṃ śakyate mayā |
tanmadhye karṇikāṃ devī tanmadhye bījakoṣakam || 10-59 ||

bījakoṣasya madhye tu sudhāsāgaramuttamam |
lakṣayojanavistāraṃ tu mubhaṃtoya maḍalam || 10-60 ||

tanmadhye tu maṇidvīpaṃ sahasrayojanaṃ śive |
p. 15) paritaḥ pārijātāṃśca kadambavanamuttamam || 10-61 ||

madhye kalpadrumaṃ tatra jotirmandiramuttamam |
caturdvārasamāyuktaṃ hemaprākārabhūṣitam || 10-62 ||

mandavāyusamāyuktaṃ gaṃdhapuṣpaṃ samanvitam |
devakanyā sahasrāṇi paricaryā parāyaṇāḥ || 10-63 ||

tanmadhye vedikāṃ devī paṃcāśadakṣarātmikām |
tasyoparimaheśāni ratnasiṃhāsanaṃ śive || 10-64 ||

mahākālī mahārudraśca nakākārarūpakam |
indrajālasya dīpābhaṃ mahājyotiḥ sanātanaḥ || 10-65 ||

iti te kathitaṃ kānte saptasvargaṃ krameṇa hi |
śrutvā gopaya yatnena naprakārūpaṃ kadācana || 10-66 ||

atisnehena deveśi tava sthāne prakāśitam |
saṃkṣepeṇa mayāpyuktaṃ vistāreṇa hi śakyate || 10-67 ||

iti śrīcaṃḍikāśaṃkarasaṃvāde nirvāṇatantre satyalokakathanaṃ 
nāma daśamaḥ paṭalaḥ || 10 ||



ekādaśaḥ paṭalaḥ 

śrīcaṇḍikovāca

tvat prasādāt mahādeva pavitrāhaṃ na cānyathā |
idānīṃ śrotumicchāmi tattvajñānaṃ sudurlabham || 11-1 ||

śrīśaṃkara uvāca

tattve jñānādi kathane śaṃkate mama mānasam |
etat prasaṃgaśravaṇe viratā bhavapārvati || 11-2 ||

yena jñānaprasādena viṣṇuḥ satvaguṇāśrayaḥ |
śṛṇu devī pravakṣāmi brahmālokapitāmahaḥ || 11-3 ||

tattvajñānaprasādena śaṃbhuḥ saṃhārakārakaḥ |
anye muktāśca ye sarve tepi tattva prasādataḥ || 11-4 ||

tatvajñānaṃ pareśāni kathaṃ vā kathyate mayā |
viratābhava deveśi na hi pūcha punaḥ punaḥ || 11-5 ||

iti tasya vacaḥ śrutvā śāṃkarī vākyamavravīt |
yadi tatvaṃ mahādeva na me kathayasi prabho || 11-6 ||

prāṇatyāgaṃ kariṣyāmi puratastena saṃśayaḥ |

śrīśaṃkara uvāca 

śṛṇu devi pravakṣāmi tatvaṃ paramadurlabham || 11-7 ||

śrutvā gopa yatnena svayonirivasundari |
madyaṃ māṃsaṃ tathā matsyamudrāṃ maithunameva ca || 11-8 ||

paṃcatatvamidaṃ devī nirvāṇamuktiṃ hetave |
aṣṭaiśvaryaṃ paraṃ mokṣaṃ madyapānena śailaje || 11-9 ||

māṃsabhakṣaṇamātreṇa sākṣānnārāyaṇo bhavet |
matsyabhakṣanmātreṇa kālī pratyakṣatā bhavet || 11-10 ||

mudrā sevanamātreṇa bhūpūjyo viṣṇurūpadhṛk |
maithunena mahāyogī mamatulyo na saṃśayaḥ || 11-11 ||

taṃtrāntare tu deveśi mayaiva kathitaṃ purā |
māhātmyaṃ cāsya dharmasya puraiva kathitaṃ mayā || 11-12 ||

tatvajñānamidaṃ kānte nirvāṇamuktikāraṇam |
ekatra paṃcatatvāni yatraiva milanaṃ bhavet || 11-13 ||

tatraivāhaṃ pragacchāmi te narā matsamāḥ sadā |
sā nārī kālikā rūpā mṛte tasyāṃ pralīyate || 11-14 ||

ye narāḥ sādhurūpāśca tatvajñānaparāyaṇāḥ |
p. 16) jīvamuktāśca te proktā brahmarūpā na cānyathā || 11-15 ||

sā yujyāpi mahāmokṣaṃ niyuktaṃ kṣatriyādiṣuḥ |
brāhmaṇaparameśāni yadi tatvaparāyaṇaḥ || 11-16 ||

satyaṃ satyaṃ punaḥ satyaṃ paratatve pralīyate |
yathā toyaṃ toyamadhye līyate parameśvarī || 11-17 ||

tathaiva tatva sevāyāṃ līyate paramātmani |
iti te kathitaṃ kāṃte tatvajñānaṃ vimokṣadam || 11-18 ||

yena jñānaprasādena mokṣasiddhirna saṃśayaḥ |
kṣitiṃ vinā yathā nāsti saṃsthiteḥ kāraṇaṃ sadā || 11-19 ||

toyaṃ vinā yathā nāsti pipāsā nāśakāraṇam |
tamohantā yathā nāsti bhāskareṇa vinā priye || 11-20 ||

vinā vahniṃ prayogena yathā kiṃcinna pacyate |
vinā caṃdreṇa deveśi sudhā vṛṣṭirna jāyate || 11-21 ||

mātṛgarbhaṃ vinā kānte hyutpattirna yathā bhavet |
tatvajñānaṃ vinā devi tathā muktirna jāyate || 11-22 ||

ata eva maheśāni gopanaṃ kuru yatnataḥ |
divyabhāvayutānāṃ ca tatvajñānaṃ sadā bhavet || 11-23 ||

vīrabhāvayutānāṃ vai tatvaṃ mevāṃ sadānaghe |
na paśorālaye kuryān na paśorjñānagocare || 11-24 ||

na paśoḥ sannidhāne ca na paśordṛṣṭigocare |
anyathā pakṣikīṭasya darśane naiva kāraye || 11-25 ||

siddhivartya śṛṇu prājñe yat kṛtvā siddhimāpnuyāt |
ekāṃ śaktiṃ samānīya ekaiva sādhakaḥ sadā || 11-26 ||

pūjayed bahuyatnena paṃcatatve na kaulikaḥ |
evaṃ kṛtvā labhet siddhi nānyasya dṛṣṭigocare || 11-27 ||

śrīcakrapūjā yatraiva tatraiva dhana siddhaye |
siddhirna jāyate tatra kadācid anya sannidhau || 11-28 ||

tatraiva kāmanā siddhiryatra cakraṃ prapūjayet |
āyurārogyamaiśvaryaṃ śrīcakrapūjanād bhavet || 11-29 ||

kīrttivṛrddhiryaśovṛddhirmuktiṃ bhāgina saṃśayaḥ |
vāṃchā siddhirjñānasiddhirdevyāḥ prītiśca jāyate || 11-30 ||

śrīcakrapūjāṃ yaḥ kuryāt sa eva saṃbhuravyayaḥ |
aśvamedhasahasrāṇi vā jape ya śatāni ca || 11-31 ||

iṣṭvā yat phalamāpnoti tatphalaṃ kaulikārcane |
vāpi kūpatadāgādi datvā yat phalamāpnuyāt || 11-32 ||

tat phalāt koṭiguṇitaṃ yadi cakraṃ prapūjayet |
tadannaṃ merutulyaṃ syād binduḥ siṃdhusamopamam || 11-33 ||

puṣpaṃ ca merusadṛśaṃ yadi cakraṃ prapūjayet |
tanmadhye varttate devi yadi vyādhiyuto naraḥ || 11-34 ||

śiva budhyā prapūjyo hi bhrāṃti tatra vivarjayet |
sūryasya pratibimbaṃ yat tatto ye paripaśyati || 11-35 ||

gaṃgā toye yathā sūryaṃ hīnatoye tathā punaḥ |
sūryasya dūṣaṇaṃ nāsti sūryaikaḥ paritiṣṭhati || 11-36 ||

tathaiva parameśāni sādhake nāsti dūṣaṇam |
mannārādhanamātreṇa tadātmā tanmayo bhavet || 11-37 ||

p. 17) ata eva maheśāni dūṣaṇaṃ nāsti retasi |
retaḥ pavitraṃ paramaṃ śaktirmokṣasya kāraṇam || 11-38 ||

pūjāhīnā ca yā śaktirjapahīnā ca yā punaḥ |
dhṛtvā sādhakaretaśca sā nārī kālikā śvayam || 11-39 ||

bhrāṃtiratra na karttavyā yadi muktiṃ prayachati |
yā nārī bhrāntisaṃyuktā āgatā cakramaṃḍale || 11-40 ||

saptajanmani sā nāri cāṃḍālī pativarjitā |
evaṃ rūpāṃ ca yāṃ nārimavajñāṃ karute yadi || 11-41 ||

dhanaputravarjitaśca sa caṃḍālo na cānyathā |
iti te kathitaṃ kānte tatvajñānaṃ vimokṣadam || 11-42 ||

yeṣāṃ dehe maheśāni tatvajñānaṃ mayoditam |
te punarjananīgarbhe na viśanti kadācana || 11-43 ||

jīvanmuktāśca te proktāḥ śivarūpāśca te narāḥ |
śṛṇu devi pravakṣāmi kaulikasya ca lakṣaṇam || 11-44 ||

yasmin deve yadācāro nirdiṣṭāṃ maṃtrasādhane |
tadācāraviśiṣṭo yaḥ kaulikaścaiva kīrttitaḥ || 11-45 ||

śaive śākte gānapatye saure cāṃdre sulocane |
tatvajñānamidaṃ proktaṃ vaiṣṇave śṛṇu yatnataḥ || 11-46 ||

iti nirvāṇatantre tatvajñānavivaraṇaṃ nāma ekādaśaḥ paṭalaḥ || 11 
||


dvādaśaḥ paṭalaḥ |

śrīcaṃḍikovāca 

śṛṇu nātha parānanda mama prāṇeśvaraprabho |
vaiṣṇavasya yathā tatvaṃ tanme brūhi jagatpate || 12-1 ||

śrīśaṃkara uvāca

śṛṇu tatvaṃ varārohe vaiṣṇavasya trilocane |
gurutatvaṃ maṃtratatvaṃ varṇatatvaṃ sureśvari || 12-2 ||

devatatvaṃ dhyānatatvaṃ paṃcatatvaṃ varānane |
tatrādau śrīgurostatvaṃ snehādvakṣāmi pārvati || 12-3 ||

sa tailaṃ vartikā yuktaṃ dehasthaṃ brahmataijasam |
guruṇā maṃtradānena tat sūtraṃ dīpitaṃ bhavet || 12-4 ||

devatāyāḥ śarīraṃ hi jīvādutpadyate dhruvam |
ata eva hi tasyātmā devarūpo na saṃśayaḥ || 12-5 ||

īśvarasya tu yad bījaṃ tadeva akṣarātmakam |
tena varṇātmakaṃ dehaṃ jaṃtoreva na saṃśayaḥ || 12-6 ||

maṃtravarṇo savarṇā nilīyante parameśvari |
varṇatatvamidaṃ devi mama sarvasya yad bhavet || 12-7 ||

svayaṃ devo na cānyasmi nirmalo devarūpakaḥ |
sarvatra devatāṃ dhyāye tṛṇagulmalatādiṣu || 12-8 ||

dhyānena labhate sarvaṃ dhyānena viṣṇurūpakaḥ |
dhyānena siddhimāpnoti vinādhyānena siddhati || 12-9 ||

iti te kathitaṃ devi vaiṣṇavasya sureśvari |
yaja jñānādamaratvaṃ ca viṣṇurūpo na saṃśayaḥ || 12-10 ||

yaḥ kuryāt parameśāni tatvajñānaṃ mayoditam |
svargabhāgī bhavenmartyo viṣṇuloke mahīyate || 12-11 ||

yadimukti yato martyo manasā ciṃtayan sadā |
te narā na hi gachaṃti kadācidyamamandiram || 12-12 ||

iti te kathitaṃ tatvaṃ vaiṣṇavasya sureśvari |
yajajñānādamaratvaṃ ca labhate nātra saṃśayaḥ || 12-13 ||

iti śrīnirvāṇataṃtre viṣṇostāpakathanaṃ nāma dvādaśaḥ paṭalaḥ 
|| 12 ||



trayodaśaḥ paṭalaḥ

śrīcaṇḍikovāca

śṛṇu devi pravakṣāmi maṃtraṃ daśākṣaraṃ param |
yasya śravaṇamātreṇa mūḍhopi viṣṇurūpakaḥ || 13-1 ||

pu maṃtropi ca deveśi śaktimantraṃ japed yadi |
ajñātvā tan mahāmaṃtraṃ sabhave brahmarākṣasaḥ || 13-2 ||

ajñātvā tan mahāmantraṃ tatra jñānī bhaved yadi |
tathāpi narakaṃ gached iti devasya sammatam || 13-3 ||

śṛṇu devi pravakṣāmi daśārṇaṃ maṃtramuttamam |
māyā bījaṃ lakṣmī kālī ca pāśakam || 13-4 ||

gagaṇaṃ pakṣibījaṃ pavahnikāntā tataḥ priye |
iti te kathitaṃ caṃḍi daśākṣaramanūttamam || 13-5 ||

yajajñānādamaratvaṃ ca labhate nātra saṃśayaḥ |
asya grahaṇamātreṇa naronārāyaṇo bhavet || 13-6 ||

asya prasādamātreṇa caṃḍi nirvāṇatāṃ(?) vrajet |
daṃḍoparijapted etat daśārṇaṃ parameśvari || 13-7 ||

asya mantrān mahāmantra jāyate nātra saṃśayaḥ |
sarve devatā(?) sa rūpāśca daśarṇājjāyate dhruvam || 13-8 ||

mahāvidyopāsakaśca daśārṇaṃ vahni paśyati |
iha loke daridraśca pare ca brahmarākṣasaḥ || 13-9 ||

tasmād yatnena deveśi daśārṇaṃ śrāvayedguru |
kevalaṃ śravaṇaṃ kuryāt japet sādhakottamaḥ || 13-10 ||

yā śrāvaye haśārṇaṃ ca sa na ye gururuttamaḥ |
maṃtradānā yathā devi tathaiva(?) sadaguru smṛtaḥ || 13-11 ||

daśārṇadātā yo devi sa eva paramo guruḥ |
yathā marataraṃgīnyā nasanāsukalāpagā || 13-12 ||

daśārṇasya samonāsti mantropi surapūjite |
tvat samā yadi nārī ca matsamaḥ puruṣosti ca || 13-13 ||

daśārṇasya samo nāsti mano hi kathyate mayā |
daśakāntasya svarṇasya sadṛśaṃ vauhamaśācet(?) || 13-14 ||

daśārṇasya sa maṃtraṃ kathayevastadā priye |
śrīprāsādād tya(?) yaṃ maṃtro daśārṇaḥ parameśvari || 13-15 ||

ūrddhvāmnāye mahātaṃtre māhātmyaṃ kathayāmiti |
ataḥ paraṃ pravakṣāmi yad rupaṃ daṃḍadhāraṇam || 13-16 ||

sādhurūpo gṛhasthaśca brāhmaṇau brahmavādinaḥ |
sarvopāyaparityaktaḥ sadādharmaparāyaṇaḥ || 13-17 ||

jitendriyojitakrodhaḥ samatvaṃ sarvajātiṣu |
putre ripau samatvaṃ ca samaṃ svarṇe ca pārthive || 13-18 ||

dayābhāvaśca sarvatra putre mitre ripo bhavet |
lābhā lābhe jaye nāśe niṃdāyāṃ pauṣṭike tathā || 13-19 ||

kāye * *? na saṃvaṃdhe mṛtyumārabhya yugāntike |
brahmajñānaṃ vinājñānaṃ yasya cintena vidyate || 13-20 ||

sa nyāsadharma tasyaiva nānyasya surapūjīte |
p. 19) sanyāsadhāraṇaṃ kāryaṃ viprasya muktihetave || 13-21 ||

yo vipro dhāraye daṃḍaṃ saivanārāṇayaḥ svayam |
caturbhujāḥ prajāyante daṃḍadhāraṇamātrataḥ || 13-22 ||

sarvalakṣaṇaṃ yukto brāhmaṇo gamanaṃ caret |
gatvā ca daṃḍinaṃ dṛṣṭvā praṇamet daṃḍavat kṣitau || 13-23 ||

tvameva deva deveśa tvameva trāṇakārakaḥ |
tvameva jagatāṃ vadyastrāhi māṃ śaraṇāgatam || 13-24 ||

iti śrūtvā daṃḍadhāri paprachasādarājjanam |
kastvaṃ kasya yutastvāṃ hi kathayā gamanam vada || 13-25 || 13-

śrutvā tad vacanaṃ vipraḥ provācātmanivedanam |
vipraveśasamudbhuto hyamuktohaṃ vivekavān || 13-26 ||

nāstī me pitarau sākṣāt nāsti me strīsutādayaḥ |
vṛtau ca mātā pitarau mṛtāḥ bhrātādayaḥ sunāḥ || 13-27 ||

paścāt sakāntā nāśe tu hyahamatyantanāpavān |
ata eva ca bho svāmin dehi me paramāśrayam || 13-28 ||

satyaṃ kuru dvijaśreṣṭha yaduktaṃ vai mamāntike | 
mithyā bhāṣaṇadoṣeṇa brahmavartmavivarjitaḥ || 13-29 ||

bhavatyeva na sandeho dvijamatpurato vada |
sthitā yāṃ yauvanāyāñca kāntāyāṃ parameśvari || 13-30 ||

sarvaṃ hi viphalaṃ tasya yaḥ kuryād daṃḍadhāraṇam |
pitarau vidyete devi yaḥ kuryād daṃḍadhāraṇa || 13-31 ||

vidyate ca vālabhāvo yasya kāntā sutastathā |
sanyāsadhāraṇaṃ tasya vṛthā hi parameśvari || 13-32 ||

saguruścāpi śiṣyaśca rauravākhyaṃ prayacchati |
ityādi dṛḍhavākyantu śrutvādaḍo(?) jitendriyaḥ || 13-33 ||

sanyāsadānaṃ tasyaiva dadyānmuktīṃ ca sāsvatīm |
ādau daśākṣaraṃ maṃtraṃ prathamaṃ śrāvayedguruḥ || 13-34 ||

tata śrutvā ca mahāvartmagamanaṃ kāraye tataḥ |
krośaṃ vā krośayugmaṃ vā vegena gamanaṃ caret || 13-35 ||

guruṇā sahaśiṇapṛṣṭe pṛṣṭe trividhānataḥ |
tiṣṭa tiṣṭa mahābāho māṃ tyaktvā na hi gacchatu || 13-36 ||

śiṣyaḥ paramahaṃsastvatvat samo nāsti bhūtale |
kṣantavyamaparādhaṃ me tvaṃ hi viṣṇuḥ svarūpadhṛk || 13-37 ||

tvameva jagatāṃ vanyastvameva sarvapūjitaḥ |
tvameva paramo haṃsastīṣṭha tiṣṭha tu mā vrata || 13-38 ||

saśiṣya daṃḍinā devi iti vākyaṃ vadet yataḥ |
ataḥ saḥ paramo haṃsaḥ pathiśe te pramohitaḥ || 13-39 ||

tasyaiva darśanārthāya cāntarīkṣe sa devatāḥ |
sa strī kāsaparivārā āyāntidigvidikṣu ca || 13-40 ||

etasmin samaye daṃḍī śāntayet śiṣyamuttamam |
phutkāraṃ bahavo datvā maṃtreṇānena suvrate || 13-41 ||

phūtkārairvāyuyogaiśca punaḥ prāṇaṃ prayojayet |
janmāṃtarantu tasyaiva tatkṣaṇe jāyāte kilu || 13-42 ||

janmāntaraṃ samālokya saṃskāramācaret guruḥ |
p. 20) kuṃḍottike samānīya annaprāsanamācaret || 13-43 ||

amukasyaṃ samābhāṣya puṣpaṃ vahnau vinikṣipet |
iti nāmnā tu saṃsthāpya mahāsaṃsthā(?)ramārayet? || 13-44 ||

tato piṃḍaṃ ḍinā devi śiṣyāyajñānahetave |
śṛṇuśiṣya mahādhīramadvākyaṃ hṛdayaṃ guru || 13-45 ||

tatrāntaraṃ tu tasyaiva pṛthivyānādhikāritā |
mṛtadeha svarūpoyaṃ śarīroyaṃ na saṃśayaḥ || 13-46 ||

viratomaṃtrasarvatra jñeyā dyāhāraveṣṭayā |
brāhma * * * * * * * * * ? bhojanaṃ tava || 13-47 ||

paṃcatatvaṃ sadā sevyaṃ *?pta bhāve jitendriyaḥ |
sadaiva mānasāṃ pūjāṃ sadā mā * * * * *? || 13-48 ||

* * * * * * * * * * * * * ? kuṃḍe * taḥ |
sadaiva mānasaṃ bhogaṃ tyāgaṃ kuru prayatnataḥ || 13-49 ||

ṣaḍvargaṣu jito? bhūtvā narā? nārāyaṇaḥ svayam |
bhavatyeva na sandeho? daṃḍadhāraṇamātraḥ || 13-50 ||

pitṛvaṃse saptadaśamātṛ * * * * * *? |
kāntāyāḥ saptamañcaiva lakṣmī nārāyaṇo bhavet || 13-51 ||

iti śrutvā vacastasya śiṣyañcaitānanna vā * *? |
* * * * * * * *? tat karomi nirantaram || 13-52 ||

paṃcatatvaṃ sadā sevyaṃ kasmāllābhaṃ vadasva me |
yatraiva varttate daṃḍo bahuśiṣya * * * *? || 13-53 ||

* * matvā? prayatnena paṃcatatvaviceṣṭayā (?)|
athavā vīramadhye tu ya * * *? manaṃ caret || 13-54 ||

tatvajñāni gṛhasthasya sannidhānaṃ vrajet kila |
sudūramapi gantavyaṃ yatrāste kulanāyaka || 13-55 ||

* * * *? na ca svārthaṃ? devatāyāḥ kṛte puna |
ācāryapatnīṃ dṛṣṭvā tu bhikṣāṃ kuryāt samāhitaḥ || 13-56 ||

he mātardehi me bhikṣāṃ kuṇḍalī tarpayāmyaha |
eva muktā tato daṃḍī mahāsaṃsthāramācaret || 13-57 ||

kuṇḍāntikaṃ samānīya homayed vidhipūrvakam |
tato hunet karaṃ dhṛtvā ājyairaṣṭā hutāsanaḥ || 13-58 ||

viparītakrameṇaiva kuryāddaṃḍaviśeṣaṇam |
tataḥ kuryāt prayatnena antaryajñopavītakam || 13-59 ||

śikhānta saśiṣyamaṃtraḥ pūnamadhye vinikṣipet |
mūlena yajñasūtraṃ tu tasmineva niveśayet || 13-60 ||

ghṛtamṛttikayā pugaṃ vilipya śodhayet tataḥ |
tataḥ pūgaṃ mūlamaṃtrai daṃḍamadhye viniḥkṣipet || 13-61 ||

pūrṇāhutiṃ tato dadyāt tat pūgamānayet sudhīḥ |
yajñasūtraṃ sa śikhāyāṃ tat yugaṃ śodhayet priye || 13-62 ||

mūlamantraṃ japet tatra gajāntakasahasrakam |
tataśca śrāvayenmaṃtraṃ kālikāyāśca sundari || 13-63 ||

athavā śrāvayen maṃtraṃ tārāyāḥ paramadurlabham |
mūlamantraṃ samuccārya pūgabhasmaprayatnataḥ || 13-64 ||

bhakṣaṇā tat kṣaṇāt sākṣād daṃḍī yajñopavītavān |
bhavatyeva na sandeho naronārāyaṇo bhavet || 13-65 ||

bilvapatraṃ samānīya vaṃśasyaikaṃ samānayet |
p. 21) bilvadaṃḍe kālikāyā japet maṃtraṃ prayatnataḥ || 13-66 ||

jīvanyāsaṃ tataḥ kṛtvā daṃḍo deviṃ vicintayet |
bilvasthita ca caitanyaṃ vaṃśadaṃḍaṃ niyojayet || 13-67 ||

iṣṭadevī svarūpeṇa daṃḍoyaṃ parameśvari |
śiṣyasya dakṣiṇe haste daṃḍasya sthānamācaret || 13-68 ||

kamaṃḍaluṃ samānīyavāruṇaṃ * * *? bhavet |
vāruṇīṃ nikṣipet tatra mūlamaṃtraṃ tato japet || 13-69 ||

* * * * * * * * * * * * * * ? nyaset |
gairikaṃ kopinaṃ vastraṃ yatnena paridhāpayet || 13-70 ||

daṃḍadhāraṇamātreṇa naronārāyaṇo * * *? |
* * * * * *? yāṃ daṃḍoparivibhāvaya || 13-71 ||

guruprajñāṃ mahākālī daṃḍoparivibhāvayet |
sākṣānnārāyaṇastvaṃ hi dayādharmaparābhava || 13-72 ||

na ca mātā pitā vāpi sarvaṃ daṃḍāntike sthitam |
cauravad gamanaṃ gehe gṛhasthasya dvijasya ca || 13-73 ||

nārāyaṇaṃ sadā bhāṣya * * * * *? jetsudhīḥ |
iti śrutvā gṛhasthaśca puṭājvali paro bhavet || 13-74 ||

dvāre ca daṃḍinaṃ dṛṣṭvā praṇamet * * * * *? |
* * * *? prayatnena kūrmamāṃsaṃ vinā priye || 13-75 ||

ādāyabhīkṣāṃ deveśi cauravad gamanaṃ caret |
tathā hi * * * *? trirātravasatiṃ caret || 13-76 ||

tīrthabhūmiṃ tato gatvā saptarātraṃ vaset tataḥ |
brāhmaṇo daṃḍinaṃ dṛṣṭvā praṇamedvidhipūrvakam || 13-77 ||

toya pūrṇaṃ ca deveśi kiṃ vā śūnyakamaṇḍalum |
dṛṣṭimātreṇa tat pātraṃ pūrṇatoyaṃ bhaveddhruvam || 13-78 ||

dadyān na yadi mohena sa bhavedāpadāśrayam |
triṃśadvarṣaṃ sahasrāṇi vane ca viṭapo bhavet || 13-79 ||

iti te kathitaṃ caṃḍi saṃnyāsadhāraṇaṃ param |
pāṣaṃḍā ya na vaktavyaṃ prāṇānte'pi kadācana || 13-80 ||

815 || iti nirvāṇatantre caṃḍikā śaṃkarasaṃvāde trayodaśaḥ 
paṭalaḥ || 13 ||


caturdaśaḥ paṭalaḥ |

śrīśaṃkara uvāca |

śṛṇu devi pravakṣāmi avadhūto yathā bhavet |
vīrasya mūrtijānīyāt sadā tatvaparāyaṇam || 14-1 ||

yad rūpaṃ kathitaṃ pūrvaṃ saṃnyāsadhāraṇaṃ param |
tadrūpaṃ sarvakarmāṇi prakuryād vīravallabhaḥ || 14-2 ||

daṃḍinaṃ muṃḍana devi āvasyakaṃ samācaret |
yathā tathā naiva kuryād devī yasya ca muṃḍanam || 14-3 ||

asaṃskṛtakeśānāṃ muṃḍalekṣikucoccayām |
asthimālā vibhūṣo vā rudrākṣān vāpi dhārayet || 14-4 ||

digambaro vā vīre praścāthavā kaupinī bhave |
raktacaṃdanadivyāṃgaḥ kuryād bhasmāṃgabhūṣaṇam || 14-5 ||

kṣamādānaṃ tapodhyānaṃ vīrabhāve na śailaje |
śivohaṃ bhairavānando muktāhaṃ kulanāyakaḥ || 14-6 ||

evaṃ bhāvaparo maṃtrī hetuyuktaḥ sadā bhavet |
samvidāsevanaṃ kuryāt sadā kāraṇasevanam || 14-7 ||

p. 22) bhavet sākṣāt sa puruṣaḥ śaṃbhurūpo na saṃśayaḥ |
nirvāṇamuktimāpnoti brāhmaṇo vīrabhāvataḥ || 14-8 ||

avadhūtaḥ kṣatriyaśca mahāyogi na saṃśayaḥ |
svarūpopi bhaved vaiśyaḥ śūdropi sahalokabhāk || 14-9 ||

saṃpūrṇaphalamāpnoti vipro nirvāṇatāṃ vrajet |
tribhāgaphalamāpnoti kṣatriyovīrabhāvataḥ || 14-10 ||

pādadvayantu vaiśyasya śūdrasya caikapādakam |
brāhmaṇasya vinānyatra saṃnyāso nāsti caṃḍike || 14-11 ||

kuryān mohena yonyatra saivapāpāśrayo naraḥ |
guptabhāvena deveśi śṛṇuyāt prāṇavallabhe || 14-12 ||

saṃnyāsinā sadā sevyaṃ paṃcatatvaṃ varānane |
dvādaśābde tu deveśi yadi mṛtyurna jāyate || 14-13 ||

saiva cānandavikhyāto dvādaśābde sarasvatī |
avadhūtasya āṣyātaḥ śṛṇuṣva parvatātmaje || 14-14 ||

vanāyapi (?) bhārati ca purī ca girireva ca |
ekasthāne ca saṃsthitvā iṣṭadhyānādikaṃ caret || 14-15 ||

yo maṃtraḥ tad brahmaprājñaḥ śaraṇaḥ parikīrtitaḥ |
śreṣṭhakeśo jaṭājūṭaḥ sadā nandadavat? caret || 14-16 ||

antayonī(?) mahāvīro haranyaḥ saivaśailaje |
nānāśāstreṣu yo vijño nānākarmavisāradaḥ || 14-17 ||

sa deṣṭa devī bhāvena bhāvayed yo hi cāṃganā |
sa eva bhārate vīro mahājñānī jitendriyaḥ || 14-18 ||

p. 23) sadorddhe bāhur? yo vīro muktakeśo digambaraḥ |
sa eva samabhāvena bhāvayed yo narottamaḥ || 14-19 ||

iṣṭa devīṃ vinā nāsti śavīraḥ parikīrtitaḥ |
nānā devendra pīṭheṣu kṣetreṣu tīrthabhūmiṣu || 14-20 ||

bhramaṇaṃ kurute nityaṃ kuryādyatnena pūjanam |
devatāyāḥ sadā dhyānaṃ śrīguroḥ pūjanaṃ tathā || 14-21||

antaryāge na yoniścaḥ sa vīraḥ purireva ca |
avadhūtāśramo devi yasya bhaktiḥ suniścalā || 14-22 ||

tasya tuṣṭā bhavet kālī kiṃ na sidhyati bhūtale |
avadhūtaṃ samālokya śaṃbhūvat pūjanaṃ caret || 14-23 ||

śaktitaḥ paṃcatatvāni yatnena ca nivedayet |
paṃcatatva vinā bhedre ānando naiva jāyate || 14-24 ||

ato hi bhaktibhāvena te naiva pūjā * * *? |
iti te kathitaṃ kānte avadhūtasya lakṣaṇam || 14-25 ||

yena vijñānamātreṇa śivatvaṃ labhate naraḥ |
śaṭāyabhaktihīnāya na dātavyaṃ kadācana || 14-26 ||

gurubhaktivihīnāya tatvaniṃdā parāya ca |
idaṃ taṃtraṃ suguptaṃ ca prāṇānte'pi kadācana || 14-27 ||

na śrāvayedabhaktāya siddhihāniḥ prajāyate |
kadācid vā svaputrāya svaśiṣyāya mahātmane || 14-28 ||

śrāvayed bhaktiyuktāya yadi tad yogyatā bhavet |
śrūtvā gopapayatnena svayonimiva śailaje || 14-29 ||

saṃkṣepāt kathitaṃ kiṃcit kimanyat śrotumicchati |

iti śrīnirvāṇataṃtre caṃḍikāśaṃkarasaṃvāde 
avadhūtāśramavivaraṇaṃ nāma caturdaśaḥ paṭalaḥ || 14 ||

samāptaḥ

śubham


###########   END OF FILE  #######