####################################################
MUKTABODHA INDOLOGICAL RESEARCH INSTITUTE
Use of this material (e-texts) is covered by Creative Commons license BY-NC 4.0
Catalog number: M00527
Uniform title: nityakarmavidhi
Author : laugākṣi
Editor : keśava baṭṭa

Description: 
One of the few examples of Kashmiri smārta ritual manuals.


Notes: 
Data-entered by the staff of Muktabodha under the supervison of Mark S.G. Dyczkowski.

Revision 0: Sept. 13, 2021.

Publisher : 
Publication year : 1917
Publication city : Mumbai
Publication country : India
####################################################




atha snānavidhiḥ | p. 1-4
atha sandhyopāsanā ||śrīkṛṣṇārpaṇama'stu ||
 for all three times of day p. 4 to p. 12
naivedyamaṃtrāḥ | food offering to gods, yoginīs and other supernatural being p. 12- 
14
viṣṇupañcāyatanapūjāvidhi. p. 14-26
atha paṃcagavyavidhiḥ || p. 26-27
bhojanavidhiḥ | p. 27-29
atha gurustutiḥ p. 29-30
atha mahāgāyatrīstutiḥ | p. 30-32
prārthanāstutiḥ || p. 33
atha sarasvatīstutiḥ || iti kālidāsakṛtā p. 33-34
atha gaurīstutiḥ || p. 34-35
atha mukundamālāstutiḥ || iti śrīkulaśekhararājñākṛtā p. 35-39
atha śrīkṛṣṇalīlā p. 39-40
atha jayastutirviṣṇoḥ || p. viṣṇustutiḥ p. 40
govindāṣṭakaṃ || iti śrīśaṃkarācāryakṛtaṃ p. 41-42
atha śivastutiḥ || iti abhinavaguptā'cāryakṛtā śivastutiḥ p. 42 

nityakarmavidhiḥ

atha snānavidhiḥ |

śrīgaṇeśāya namaḥ

āyurbalaṃ yaśo varcaḥ prajādhṛtivasūni ca |
brahmaprajñāṃ ca medhāṃ ca tvaṃ no dehi vanaspate || iti 
dantadhāvanamaṃtraḥ

namo'stva'nantāya sahasramūrtaye sahasrapādā'kṣiśirorubāhave |
sahasranāmne puruṣāya śāśvate sahasrakoṭīyugadhāriṇe namaḥ || iti 
vāmapādaprakṣā0

namaḥ kamalanābhāya namaste jalaśāyine |
namaste keśavā'nanta vāsudeva namo'stu te || iti dakṣiṇapādaprakṣālanam 

gaṃgāprayāgagayanaimiṣapuṣkarāditīrthāni yāni bhuvi santi hariprasādāt |
āyāntu tāni karapadmapuṭe madīye prakṣālayantu vadanasya niśākalaṅkam ||

tīrthe sneyaṃ tīrthameva samānānāṃ bhavati mānaḥ |
śaṃsyo araruṣo dhūrtiḥ prāṇaṅ martyasya rakṣāṇo brahmaṇaspate || iti 
mukhaprakṣālanam

oṃ gāyatryai namaḥ | oṃ bhūrbhuvaḥsvastatsaviturvareṇyaṃ bhargo devasya dhīmahi 
dhiyo yo naḥ pracodayāt 3 || iti yajñasūtrapra0 | gāyatryaiva śikahamābaddhya

yajñopavītaṃ paramaṃ pavitraṃ prajāpateryatsahajaṃ purastāt |
āyuṣyamagryaṃ pratimuñca śubhraṃ yajñopavītaṃ balamastu tejaḥ ||
yajñopavītama'si yajñasya tvā upavītena upanahyāmi | iti yajñasūtradhāraṇam 

kṛtvā'laṃ pādaśaucaṃ vimalama'tha jalaṃ triḥ pibedunmṛjeddvi-
starjanya'ṅguṣṭhakābhyāṃ sajalama'bhimṛśennāsikārandhrayugmam |
aṅguṣṭhā'nāmikābhyāṃ nayanayugalakaṃ karṇayugmaṃ kaniṣṭhā-
'ṅguṣṭhābhyāṃ nābhideśaṃ hṛdayama'tha talenā'ṅgulībhiḥ śiroṃsau ||

tataḥ prāṇāyāmaḥ | oṃ brahmaṇo'gnyādayaḥ | namo agnaye apsuṣade nama 
indrāya namo varuṇāya namo vāruṇyai namo'pāṃpataye namo'dbhyaḥ || iti 
namaskāraḥ 

p. 2)

avabhṛthe triṣṭup varuṇaḥ ||

uruṃ hi rājā varuṇaścakāra sūryāya panthāma'nveta vā u |
apade pādā pratidhātave'ka rutā'pavaktā hṛdayāvidhaścit || iti upasthānam 

yamasya rājño jagatī varuṇaḥ ||

ye te śataṃ varuṇa ye sahasraṃ yajñiyāḥ pāśā vitatā mahāntaḥ |
tebhirno devaḥ savitā bṛhaspatirviśve devā maruto muṃcantu svarkāḥ || iti jalaṃ 
trirāvartayet

nicāṅkuṇasya śunaḥ śepasya cā'paḥ sumitriyāna āpaḥ oṣadhayo bhavantu |
durmitriyāstasmai santu yo'smāndveṣṭi yaṃca vayaṃ dviṣmaḥ || iti vāmabhāge 
jalāñjalitrayaṃ kṣipet ||

yatkiñcedaṃ varuṇa deve jane'bhidrohaṃ manuṣyāścarāmasi |
acitte yattava dharmāya yo'pi samānastasmādenaso deva rīriṣaḥ || iti namasyet

tato mṛdo bhāgatrayaṃ kṛtkā prathamabhāge jalasecanam | oṃ bhūrbhuvaḥ svaḥ 3 
||

dvitīyabhāge jalasecanam || tritasya mahāpaṃktirāḍityāḥ |
ādityā ava hi khyātā dikkūlāddivaspṛśaḥ sutīrthāḥ sarvato yathā |
nunnoneṣayā sugama'nehaso va ūtayaḥ su ūtayo va ūtayaḥ ||

tṛtīyabhāge jalasecanam | medhātithergāyatraṃ viṣṇuḥ ||

ato devā avantu no yato viṣṇurvicakrame pṛthivyāḥ sapta dhāmabhiḥ |
tatastṛtīyāṃśasya bhāgacatuṣkaṃ vidhāya caturdikṣu kṣipet ||

bhargasya bṛhatī indraḥ yata indra bhayāmahe tato no abhayaṃkṛdhi |

maghavañchagdhi tava tanna ūtabhirvidviṣo vimṛdho jahi | iti pūrve ||

śāsasyā'nuṣṭubhau vimṛdha indraḥ | svastidāviśaspatirvṛtrahā vimṛdhovaśī |

vṛṣendraḥ pura etu naḥ somapā abhayaṃkaraḥ || iti dakṣiṇe 

virakṣo vimṛdho jahi vivṛtrasya hanūruja |
vimanyumindra vṛtrahanna'mitrasyā bhidā sataḥ || iti paścime 

vasukrasya triṣṭubindraḥ | idaṃ su me jaritaraḥ cikiddhi pratīpaṃ śāpaṃ |
nadyo vahanti lopāśāḥ siṃhaṃ pratyaṃca matsyāḥ kroṣṭā varāhā 
nniratatthakakṣyāt || iti uttare

p. 3)

yajñasyā'nuṣṭup mṛttikā ||

aśvakrānte rathakrānte viṣṇukrānte vasundhare |
uddhṛtāsi varāheṇa kṛṣṇena śatabāhunā ||

mṛttike tvāṃ ca gṛhṇāmi prajayā ca dhanena ca |
mṛttike brahmadattā'si kaśyapenā'bhimantritā ||

mṛttike hara me pāpaṃ yanmayā duṣkṛtaṃ kṛtam |
vācā kṛtaṃ karmakṛtaṃ manasā yattu cintitam ||

mṛttike dehi me puṣṭiṃ tvayi sarvaṃ pratiṣṭhitam |
tvayā hṛtena pāpena brahmalokaṃ vrajāmya'ham ||

iti abhimaṃtritayā dvitīyamṛdā jalāloḍitayā nābherūrdhvaṃ viśodhayet ||

tataḥ prathamāṃśasya bhāgacatuṣkaṃ vidhāya kutsasya rudro jagatī ||

mānastoke tanaye māna āyau mā no goṣu mā no aśveṣu rīriṣaḥ |
vīrānmā no rudra bhāmito vadhīrhaviṣmanto namasā vidhema te || iti 
lalāṭamādyāṃśa mṛdā'nulipya

oṃ bhūḥ oṃ bhuvaḥ oṃ svaḥ iti vāmāṃse 'o mahaḥ oṃ janaḥ oṃ tapaḥ iti 
dakṣiṇāṃse oṃ satyamiti hṛdaye dvitīyāṃśenā'nulipya | tato namaskāraḥ ||

tīrthasyā'vāhanaṃ kuryāttatpravakṣyāmya'nantaram |
kurukṣetraṃ gayā gaṃgā prabhāsaṃ puṣkarāṇi ca ||

tīrthānyetāni sarvāṇi snānakāle bhavantu me |
prapadye varuṇaṃ devama'mbhasāṃ patimūrjitam ||

yācitaṃ dehi me tīrthaṃ sarvapāpā'panuttaye |
rudrānprapadye varadānsarvāna'psuṣadastva'ham ||

sarvāna'psuṣadaścaiva prapadye praṇataḥ sthitaḥ |
devama'psuṣadaṃ vahniṃ prapadye'ghaniṣūdanam ||

āpaḥ puṇyāḥ pavitrāśca prapadye śaraṇaṃ tathā |
rudraścā'gniśca sarpāśca varuṇastvā'pa eva ca ||

p. 4)

śamayantvā'śu me pāpaṃ punantvete sadā mama |
ityevamuktvā kartavyaṃ tataḥ saṃmārjanaṃ jale ||

atha jalāṃjaliṃ tṛtīyāṃśamṛtsahitaṃ gṛhītvā ||

apāṃpataye vidmahe pāśapāṇaye dhīmahi tanno varuṇaḥ pracodayāt 3 | oṃ tatsat 
brahma adya tāvattithāva'dya amukamāsasya amukapakṣasya tithāva'mukāyāṃ 
āgmano vāṅmanaḥkāyopārjitapāpanivāraṇārthaṃ 
śrīnārāyaṇaprītya'rthaṃ amukanadyāḥ pravāhe snānamahaṃ kariṣye oṃ 
kuruṣva || iti pravāhāntaḥ kṣiptvā || śirasi jalama'ñjalinā prakṣipet ||

oṃ tadviṣṇoḥ paramaṃ padaṃ sadā paśyanti sūrayaḥ divīva cakṣurā'tatam |
tadviprāso vipanyavo jāgṛvāṃsaḥ samindhate viṣṇoryatparamaṃ padam ||

oṃ bhūḥ oṃ bhuvaḥ oṃ svaḥ oṃ mahaḥ oṃ janaḥ oṃ tapaḥ oṃ satya miti mārjayecchiraḥ ||

oṃ haṃsaḥ śuciṣadvasura'ntarikṣasa ddhotā vediṣada'tithirduroṇasat |
nṛṣadvarasa dṛtasadvyomasadabjā gojā ṛtajā adrijā ṛtam || iti upasthānam 

oṃ namo devabhyaḥ kaṇṭhopavītī svāhā ṛṣibhyaḥ | apasavyena svadhā pitṛbhyaḥ 
savyena ābrahmastambaparyantaṃ brahmāṇḍaṃ sacarācaraṃ jagattṛpyatu tṛpyatu 
tṛpyatu evama'stu ||

yattvaga'sthigataṃ pāpaṃ janmāntarakṛtaṃ ca yat |
tanme harasva kalyāṇi mūrdhni sparśena vaiṣṇavi || iti pariśiṣṭamṛdā tilakaṃ 
kāryam 

atha vastradhāraṇam ||

yuvā suvāsāḥ parivīta āgātsa ucchreyānbhavati jāyamānaḥ |
tandhīrāsaḥ kavaya unnayaṃti sādhyo manasā devayantaḥ ||

asmatkule tu ye jātā aputrā gotravarjitāḥ |
te pibantu mayā dattaṃ vastraniṣpīḍanodakam || iti snānapaṭṭapīḍanam 

iti snānavidhiḥ ||

atha sandhyopāsanā ||

śrīmahāgāyatryai namaḥ | sāvitryai namaḥ | sarasvatyai namaḥ ||

oṃ praṇavasya ṛṣirbrahmā gāyatraṃ chanda eva ca |
devo'gnirvyāhṛtiṣu ca viniyogaḥ prakīrtitaḥ ||

prajāpatervyāhrṭayaḥ pūrvasya parameṣṭhinaḥ |
vyastāścaiva samastāśca brāhmama'kṣaramomiti ||

vyāhṛtīnāṃ samastānāṃ daivataṃ tu prajāpatiḥ |
vyastānāma'yama'gniśca vāyuḥ sūryaśca devatāḥ ||

chandaśca vyāhṛtīnāme kā'kṣarāṇāmuktākhya. 
dvyakṣarāṇāma'tyuktākhyam |
viśvāmitra ṛṣiśchando gāyatraṃ savitā tathā ||

daivatopanaye japye gāyatryā yoga ucyate |
āvāhayāmi gāyatrīṃ sarvapāpapraṇāśinīm ||

na gāyatryā paraṃ japyaṃ na vyāhṛtisamaṃ hṛtam |
āgaccha varade devi japye me sannidhau bhava ||

gāyantaṃ trāyase yasmādgāyatrī tvaṃ tataḥ smṛtā |
evamā'rṣaṃ chando daivataṃ viniyogaṃ cā'nusmṛtya ||

gāyatryā śikahamā'baddhya gāyatryaiva samantataḥ |
ātmanaścāpaḥ parikṣipya prāṇāyāmaṃ kuryāt || iti namaskṛtya

athā'ñjaliṃ kṛtvā ||

ojo'sīti gāyatrīmā'vāhya | devānāmā'rṣam ||

ojo'si saho'si balama'si bhrājo'si devānāṃdhāma nāmāsi |
viśvama'si viśvāyuḥ sarvama'si sarvāyura'bhibhūḥ || atha 
prāṇāyāmamaṃtraḥ 

oṃ bhūḥ oṃ bhuvaḥ oṃ svaḥ oṃ mahaḥ oṃ janaḥ oṃ tapaḥ oṃ satyaṃ -

oṃ tatsaviturvareṇyaṃ bhargo devasya dhīmahi dhiyo yonaḥ pracodayāt -

oṃ āpo jyotīraso'mṛtaṃ brahma bhūrbhuvaḥ svarom || iti paṭhan 
pūrakakumbhakarecakeṣu nābhihṛdayalalāṭeṣu raktanīlaśvatān 
brahmaviṣṇuśivān dhyāyan prāṇāyāmaṃ kuryāt |

savyāhṛtiṃ sapraṇavāṃ gāyatrīṃ śirasā saha |
triḥ paṭhedā'yataprāṇaḥ prāṇāyāmaḥ sa ucyate ||

ekāvartaḥ pūrakaḥ syātkambhako dviguṇastathā |
recakastriguṇaḥ proktaḥ praveśasthitirnirgamairiti ||

p. 6)

oṃ agniśca mā manyuśca manyupatayaśca manyukrtebhyaḥ pāpebhyo rakṣantām |
yada'hnā pāpama'kārṣaṃ manasā vācā hastābhyāṃ padbhyāmudareṇa 
śiśnā |
ahastada'valumpatu yatkiṃcidduritaṃ mayīdama'hamā'po'mṛtayonau satye 
jyotiṣi juhomi svāhā || iti sāyamā'camanatrayam

oṃ sūryaśca mā manyuśca manyupatayaśca manyukṛtebhyaḥ pāpebhyo 
rakṣantām |
yadrātryā pāpamakārṣaṃ manasā vācā hastābhyāṃ padbhyāmudareṇa 
śiśnā |
rātristada'valumpatu yatkiṃcidduritaṃ mayīdama'hamā'po'mṛtayonau |
sūrye jyotiṣi juhomi svāhā || itiprātarā'camanatrayam

oṃ āpaḥ punantu pṛthivīṃ pṛthivī pūtā punātu mām |
punātu brahmaṇaspatirbrahma pūtaṃ punātu mām ||

yaducchiṣṭama'bhojyaṃ vā yadva aduścaritaṃ mama |
sarvaṃ punantu māmā'po'satāṃ ca pratigrahaṃ juhomi svāhā || iti madhyāhne 
trayam 

oṃ āpo hi ṣṭhā mayo bhuva -stā na ūrje dadhāta na mahe raṇāya cakṣase || 1 ||

yo vaḥ śivatamo rasa-stasya bhājayate hanaḥ uśatīriva mātaraḥ || 2 ||

tasmā araṃgamāma vaḥ yasya kṣayāya jinvatha āpo janayathā ca naḥ || 3 ||

oṃ hiraṇyavarṇāḥ śucayaḥ pāvakā yāsu jātaḥ kaśyapo yāsvindraḥ |
yā agniṃ garbhaṃ dadhire virūpā stā na āpaḥ śaṃsyonā bhavantu || 4 ||

oṃ yāsāṃ devā divi kṛṇvaṃ bhakṣyaṃ yā antarikṣe bahudhā bhavanti | yā0 5 ||

oṃ yāsāṃ rājā varuṇo yāti madhye satyā'nṛte avapaśyañjanānām | yā0 6 ||

oṃ śivena mā cakṣuṣā paśyatā'paḥ śivayā tanvopaspṛśata tvacaṃ me |
madhuścyutaḥ śucayo yāḥ pāvakā stā na āpaḥ śaṃsyonā bhavantu || 7 ||

oṃ śanno devīra'bhīṣṭaya āpo bhavantu pītaye śaṃyyora'bhisravantu naḥ || 8 ||

oṃ śanna āpo dhanvanyaḥ śannaḥ santva'nūpyāḥ |
śannaḥ samudriyā na āpaḥ śamunaḥ santu kūpyāḥ || 9 ||

oṃ āpo asmānmātaraḥ śundhayantu ghṛtena mā ghṛtapvaḥ punantu |
viśvaṃ hi ripraṃ pravahanti devī rudidā'bhyaḥ śucirā'pūta emi || 10 ||

oṃ idamā'paḥ pravahata yatkiṃcidduritaṃ mayi |
yadvā'hama'bhidadroha yadvā śeṣa utā'nṛtam || 11 ||

p. 7)

oṃ muñcantu mā śapathyāda'tho vāruṇyāduta |
atho yamasya paḍvīśātsarvasmāddeva kilbiṣāt || 12 ||

oṃyajjāgradyatsuptaḥ pāpama'bhijagāma |
sarvasmānmā tasmāde'nasaḥ pramuñcatu || 13 ||

oṃ dadhi krābṇo akāriṣaṃ jiṣṇora'śvasya vājinaḥ |
surabhi no mukhā karatprā' āyūṃṣi tāriṣat || 14 || iti mārjanamaṃtrāḥ

oṃ drupadādivonmumucānaḥ svinnaḥ snātvī malādiva |
pūtaṃ pavitreṇevā'jya mā'paḥ śundhantu mainasaḥ || iti vāme 
jalāṃjalitrayaṃ kṣipet

oṃ ṛtaṃ ca satyaṃ cābhīddhā ttapaso'dhya'jāyata |
tato rātrira'jāyata tataḥ samudro arṇavaḥ ||

samudrāda'rṇavāda'dhi saṃvatsaro ajāyata |
ahorātrāṇi vyadadhadviśvasya miṣaot vaśī ||

sūryācandramasau dhātā yathāpūrvama'kalpayat |
divaṃ ca pṛthivīṃ cā'ntarikṣama'tho svaḥ || iti jalamadhyasthakaradvayo japet

oṃ bhūḥ oṃ bhuvaḥ oṃ svaḥ oṃmahaḥ oṃjanaḥ oṃ tapaḥ oṃ satyamiti śiro mārjayet ||

oṃ antaścarasi bhūteṣu guhāyāṃ viśvato mukhaḥ |

tvaṃ yajñastvaṃ vaṣaṭkāra āpo jyotīraso'mṛtaṃ brahma bhūrbhuvaḥ svaro 
mityā'camanatrayam || tataḥ prāṇāyāmaḥ tataḥ sūryā'bhimukho oṃ 
bhūrbhuvaḥ svaḥ || 3 || iti

gāyatryā'bhimaṃtritāṃstrīñjalalīnutkṣipya kṣipet | 
pradakṣiṇamā'vṛtyordhvabāhurudayantamiti sāyaṃprātarupatiṣṭheta ||

oṃ udvayantamasaspari jyotiṣpaśyanta uttaram |
devaṃ devatrāḥ sūryama'ganma jyotiruttamam || 1 ||

oṃ udutyaṃ jātavedasaṃ devaṃ vahanti ketavaḥ | dṛśe viśvāya sūryam || 2 ||

oṃ citrandevānāmudagādanīkaṃ cakṣurmitrasya varuṇasyā'gneḥ |
ā prā dyāvāpṛthivī cāntarikṣaṃ sūrya ātmā jagatastasthuṣaśca || 3 ||

oṃ taccakṣurdevahitaṃ purastācchukramuccarat |
paśyema śaradaḥ śataṃ jīvema śaradaḥ śatam || 4 ||

p. 8)

oṃ haṃsaḥ śuciṣadvasura'ntarikṣasaddhotā vediṣadatithirduroṇasat |
nṛṣadvarasadṛtasadvyomasada'bjā gojā ṛtajā adrijā ṛtam || 5 ||

oṃ vibhrāḍbṛhatpibatu somyaṃ madhvāyurdadhadyajñapatā avihrutam |
vāta jūtayo abhirakṣatyātmanā prajā piparti bahudhā virājati || 6 ||

iti madhyāhnopasthitiḥ | atha viṣṇuṃ dhyāyanpuruṣasūktaṃ paṭhet ||

oṃ ānuṣṭubhasya sūktasya triṣṭuba'ntasya devatā |
viśvātmā puruṣaḥ sākṣādṛṣirnārāyaṇaḥ smṛtaḥ || 1 ||

oṃ puruṣamedhāḥ puruṣasya nārāyaṇasyārṣam |
oṃ sahasraśīrṣāḥ puruṣa sahasrākṣaḥ sahasrapāt |
sa bhūmiṃ viśvato vṛtvā'tya'tiṣṭhaddaśāṃgulam || 1 ||

puruṣa evedaṃ sarvaṃ yadbhūtaṃ yacca bhavyam |
utā'mṛtatvasyeśāno yada'nnenā'tirohati || 2 ||

etāvāna'sya mahimā'to jyāyāṃśca pūruṣaḥ |
pādo'sya viśvā bhūtāni tripāda'syā'mṛtaṃ divi || 3 ||

tripādūrdhva udaitpuruṣaḥ pādo'syehā'bhavatpunaḥ |
tato viśvaṃ vyakrāmatsāśanā'naśane abhi || 4 ||

tasmādvirāḍa'jāyata virājo adhipūruṣaḥ |
sa jāto atyaricyata paścādbhūmima'tho puraḥ || 5 ||

yatpuruṣeṇa haviṣā devā yajñama'tanvata |
vasanto asyā'sīdā'jyaṃ grīṣma idhmaḥ śaraddhaviḥ || 6 ||

taṃ yajñaṃ barhiṣi praukṣanpuruṣaṃ jātama'grataḥ |
tena devā ayajanta sādhyā ṛṣayaśca ye || 8 ||

tasmādyajñātsarvahutaḥ saṃbhṛtaṃ pṛṣadā'jyam |
paśūṃstāṃścake vāyavyānā'raṇyāngrāmyāṃśca ye || 7 ||

tasmādyajñātsarvahutaḥ ṛcaḥ sāmāni jajñire |
chandāṃsi jajñire tasmādyajustasmāda'jāyata || 9 ||

tasmāda'śvā ajāyanta ye ke cobhayādataḥ |
gāvo ha jajñire tasmāttasmājjātā ajāvayaḥ || 10 ||

p. 9)

yatpuruṣaṃ vyadadhuḥ katidhā vyakalpayan |
mukhaṃ kima'sya kau bāhū kā ūrū pādā ucyete || 11 ||

brāhmaṇo'sya mukhamā'sīdbāhū rājanyaḥ kṛtaḥ |
ūrū tada'sya yadvaiśyaḥ padbhyāṃ śūdro ajāyata || 12 ||

candramā manaso jātaścakṣoḥ sūryo ajāyata |
mukhādindraścāgniśca prāṇādvāyura'jāyata || 13 ||

nābhyā āsīda'ntarikṣaṃ śīrṣṇo dyauḥ samavartata |
padbhyāṃ bhūmirdiśaḥ śrotrāttathā lokāa'kalpayan || 14 ||

saptā'syā'sanparidhayastriḥ sapta samidhaḥ kṛtāḥ |
devā yadyajñaṃ tanvānā abadhnanpuruṣaṃ paśum || 15 ||

yajñena yajñama'yajanta devā stāni dharmāṇi prathamānyā'san |
te ha nākaṃ mahimānaḥ sacanta yatra pūrve sādhyāḥ santi devāḥ || 16 ||

atha saṃhāramudrāṃ kṛtvā śivaṃ dhyāyan śivasūktaṃ paṭhet ||

oṃ yajjāgrato dūramudeti daivaṃ tadu suptasya tathaivaiti |
dūraṃgamaṃ jyotiṣāṃ jyotirekaṃ tanme manaḥ śivasaṃkalpama'stu || 1 ||

yena karmāṇya'paso manīṣiṇo yajñe kṛṇvanti vidatheṣu dhīrāḥ |
yada'pūrvaṃ yakṣama'ntaḥ prajānāṃ tanme manaḥ śivasaṃkalpama'stu || 2 ||

yatprajñānamuta ceto dhṛtiśca yajjyotira'ntara'mṛtaṃ prajāsu |
yasmānna ṛte kiñana karma kriyate tanme manaḥ śivasaṅkalpamastu || 3 ||

yenedaṃ bhūtaṃ bhavanaṃ bhaviṣyatparigṛhītama'mṛtena sarvam |
yena yajñastāyate saptahotā tanme manaḥ śivasaṅkalpama'stu || 4 ||

yasminnṛcaḥ sāma yajūṃṣi yasminpratiṣṭhitā rathanābhāvivā'rāḥ |
yasmiṃścittaṃ sarvamotaṃ prajānāṃ tanme manaḥ śivasaṅkalpama'stu || 5 ||

suṣārathira'śvāniva yanmanuṣyānnenīyate'bhīṃśubhirvājina iva |
hṛtpratiṣṭhaṃ yada'jaraṃ yaviṣṭaṃ tanme manaḥ śivasaṅkalpama'stu || 6 ||

atha ya eṣa etasminmaṇḍale puruṣo yaścaiṣa hiraṇmayaḥ puruṣaḥ |
atha ya eṣa etasminmaṇḍale puruṣo'yameva soyaṃ dakṣiṇe'kṣanpuruṣaḥ || 7 ||

p. 10)

atha upasthitiḥ

śukriyaṃ rudrasya ||

ya udagātpurastānmahato arṇavā-dvibhrājamānaḥ sarirasya madhye |
sa māmṛṣabho rohitākṣaḥ sūryo vipaścinmanasā punātu |

yadbrahmā'vādiṣma tanmā mā hiṃsītsūryāya bibhrājāya vai namo namaḥ ||

a nābhau | u hṛdi | ma śirasi || bhūḥ pādayoḥ | bhuvaḥ hṛdi | svaḥ śirasi || oṃ 
bhūḥ aṅguṣṭhābhyāṃ namaḥ | bhuvaḥ tarjanībhyāṃ namaḥ | svaḥ 
madhyamābhyāṃ namaḥ | mahaḥ anāmikābhyāṃ namaḥ | janaḥ 
kaniṣṭhikābhyāṃ namaḥ | tapaḥ satyaṃ karatalakarapṛṣṭhābhyāṃ namaḥ || 
bhūḥ pādayoḥ | bhuvaḥ jānvoḥ | svaḥ guhye | mahaḥ nābhau | janaḥ hṛdi | tapaḥ 
kaṇṭhe | satyaṃ śirasi || oṃ bhūḥ hṛdayāya namaḥ | bhuvaḥ śirase svāhā | svaḥ 
śikhāyai kaṇṭhe | satyaṃ śirasi || oṃ bhūḥ hṛdayāya namaḥ | bhuvaḥ śirase 
svāhā | svaḥ śikhāyai vaṣaṭ | mahaḥ kavacāya huṃ | janaḥ netrābhyāṃ 
vauṣaṭ | tapaḥ satyama'strāya phaṭ | tatsavituraṅguṣṭhābhyāṃ namaḥ | 
vareṇyaṃ tarjanībhyāṃ namaḥ | bhargo devasya madhyamābhyāṃ namaḥ | 
dhīmahi anāmikābhyāṃ namaḥ | dhiyo yonaḥ kaniṣṭhikābhyāṃ namaḥ || 
pracodayāt karatalakarapṛṣṭhābhyāṃ namaḥ || tatpādayoḥ | saviturjānvoḥ | 
vareṇyaṃ kaṭyāṃ bhargo nābhau | devasya hṛdaye | dhīmahi kaṇṭhe | dhiyo 
nāsikāyāṃ | yaścakṣuṣe | naḥ lalāṭe | pracodayāt śirasi || tatsaviturhṛdayāya 
namaḥ | vareṇyaṃ śirase svāhā | bhargo devasya śikhāyai vaṣaṭ | dhīmahi 
kavacāya huṃ | dhiyo yoḥnaḥ netrābhyāṃ vauṣaṭ | pracodayāda'strāya phaṭ | oṃ 
āpastanayoḥ | jyotirnetrayoḥ | rasomukhe | amṛtaṃ lalāṭe | brahmabhūrbhuvaḥ 
svaroṃ śirasi ||

atha mudrāḥ ||

tatsamāya namaḥ | sa saṃpuṭāya namaḥ | vi vitatāya namaḥ | turvistīrṇāya0 | va 
dvimukhāya0 | re trimukhāya0 | ṇya caturmukhāya namaḥ | aṃ paṃcamukhāya0 | 
bha ṣaṇmukhāya | rgo adhomukhāya | de vyāpakāñjalaye | va śakaṭāya na0 | sya 
yamapāśaya | dhī granthikāyai | ma saṃmukhonmukhāya | hi vilambāya | dhī 
muṣṭikāyai namaḥ | yo mīnāya | yo kūrmāya | naḥ varāhāya namaḥ | pra 
siṃhākrāntāya | co mahākrāntāya | da mudgarāya | yā tpallavāya namaḥ ||

p. 11)

tataḥ prāṇāyāmḥ ||

tatsavituriti maṃtrasya | viśvāmitra ṛṣiḥ | gāyatraṃ chaṃdaḥ | savitā devatā | 
ātmano vāṅmanaḥkāyopārjitapāpanivāraṇārthaṃ caturvargasiddhyarthe jape 
viniyogaḥ ||

atha dhyānam || 
muktāvidrumahemanīladhavala cchāyairmukhaistrīkṣaṇai-
ryuktāmindunibaddharatnamukuṭāṃ tattvā'tmavarṇātmikām |
gāyatrīṃ varadā'bhayā'ṅkuśakarāṃ śūlaṃ kapālaṃ guṇaṃ
śaṅkhaṃ cakrama'thā'ravindayugalaṃ hastairvahantīṃ bhaje || 1 || iti

āgaccha varade devi tryakṣare brahmavādini |
gāyatri chandasāṃ mātarbrahmayone namo'stu te || 3 || iti gāyatrī.

oṃ bhūrbhuvaḥ svas tatsaviturvareṇyaṃ bhargo devasya dhīmahi dhiyo yo naḥ 
pracodayādoṃ 

tataḥ prāṇāyāmaḥ ||

daśabhirjanmacaritaṃ śatena ca purā kṛtam |
triyugotthaṃ sahasreṇa gāyatrī hanti kilbiṣam |

devā gātu śrotriyāḥ | devā gātuvido gātuṃ vitvā gātumita | manasaspata imaṃ 
devayajñaṃ svāhā vāce svāhā vāte dhāḥ | iti japanivedanam atha diṅnutiḥ ||

oṃ namaḥ prācyai diśe yāśca devatā etasyāṃ prativasanti etābhyaśca vo namaḥ 
|| 1 ||

namo'vāntarāyai deśe0 || 2 || namo dakṣiṇāyai diśe0 || 3 || namo'vāntarāyai0 || 4 
|| namaḥ pratīcyai deś0 || 5 || namo'vāntarāyai0 || 6 || nama udīcyai diśe0 || 7 || 
namo'vāntarāyai0 || 8 || nama ūrdhvāyai0 || 9 || namo'dharāyai diśe yāśca0 || 10 
||

namo brahmaṇe namo astva'gnaye namaḥ pṛthivyai nama oṣadhībhyaḥ |
namo vāce namo vācaspataye namo viṣṇave bṛhate kṛṇomi || 3 ||

ityetāsāmeva devatānāṃ sāmīpyaṃ sārṣṭitāṃ sāyujyaṃ salokatāmāpnoti 
ya evaṃ vidvān svādhyāyama'dhīte || iti tarpaṇam

brahmādayaḥ sarve devāstṛpyantu kaṇṭhopavīti sanakādayaḥ sarve ṛṣayastṛ0 || 2 
||
apasavyena || agniṣvāttādayaḥ sarve pitarastṛpyantu || 3 ||

devatābhyaḥ pitṛbhyaśca mahāyogibhya evaca |
namaḥ svāhāyai svadhāyai nityameva namo namaḥ ||

oṃ tatsadbrahmā'dya tāvattithāvityādi0 ātmano vāṅ0 nityakarmanimittaṃ pitā 
amuko'mukagotraḥ svadhānamastṛpyatāṃ tṛpyatāṃ tṛpyatām | pitāmahaḥ | 2 | 
prapitā-

p. 12)

mahaḥ | 3 | mātā0 | 4 | pitāmahī0 | 5 | prapitāmahī0 | 6 | mātāmahaḥ0 | 7 | 
pramātāmahaḥ0 | 8 | vṛddhapramātāmahaḥ0 | 9 | mātāmahī0 | 10 | 
pramātāmahī0 | 11 | vṛddhapramātāmahī0 | 12 | itthaṃ sarvān sambandhinaśca 
tarpayet |

mātṛpakṣyāstu ye kecidye cā'nye pitṛpakṣajāḥ |
guruśvaśurabandhūnāṃ ye kuleṣu samudbhavāḥ 
ye pretabhāvamā'pannā ye cā'nye śrāddhavarjitāḥ |
jaladānena te sarve labhantāṃ tṛptimuttamām |

samastamātāpitṛbhyo dvādaśa devatebhyaḥ pitṛbhyo himapānaṃ svadhā | 
kṣīrapānaṃ svadhā | madhupānaṃ svadhā | tilodakaṃ svadhā | udakatarpaṇaṃ 
svadhā | himaṃ himaṃ | rajataṃ rajatam | savyena oṃ namo devebhyaḥ | 
kaṇṭhopavīti | svāhā ṛṣibhyaḥ | apasavyena | svadhā pitṛbhyaḥ | savyena 
ābrahmastambaparyantaṃ.

brahmāṇḍaṃ sacarā'caraṃ jagattṛpyatu tṛpyatu tṛpyatu evamastu ||

namo dharmanidhānāya namaḥ svakṛtasākṣiṇe |
namaḥ pratyakṣadevāya bhāskarāya namo namaḥ iti sūrye praṇatiḥ
śāntiḥ puṣṭistathā tuṣṭiḥ santu me tvatprasādataḥ |
sarvapāpapraśāṃtiśca tīrtharāja namo'stute || iti tīrthapraṇatiḥ 

iti sandhyopāsanāvidhiḥ ||
śrīkṛṣṇārpaṇama'stu ||

naivedyamaṃtrāḥ |

oṃ atha naivedyamaṃtrāḥ ||

amṛteśayamudrayā amṛtīkṛtya | amṛtama'stu amṛtāyitvā naivedyaṃ | 

sāvitrāṇi sāvitrasya devasya tvā savituḥ prasave'śvinorbāhubhyāṃ 
pūṣṇohastābhyāmā'dadhe || mahāgaṇapataye kumārāya śriyai sarasvatyai 
lakṣmyai viśvakarmaṇe dvārdevatābhyaḥ prajāpataye brahmaṇe 
kalaśadevatābhyaḥ brahmaviṣṇumaheśvaradevatābhyaḥ cāturvedeśvarāya 
sānucarāya ṛtupataye nārāyaṇāya durgāyai tryambakāya varuṇāya 
yajñapuruṣāya

p. 13)

agniṣvāttādibhyaḥ pitṛgaṇayāgadevatābhyaḥ | bhagavate vāsudevāya 
saṅkarṣaṇāya pradyumnāya aniruddhāya satyāya puruṣāya acyutāya 
mādhavāya govindāya sahasranāmne viṣṇave lakṣmīsahitāya nārāyaṇāya | 
bhagavate bhavāya devāya śarvāya devāya rudrāya devāya paśupataye devāya 
ugrāya devāya bhīmāya devāya mahādevāya īśānāyadevāya īśvarāya 
devāya umāsahitāya śivāya pārvatīsahitāya parameśvarāya | bhagavate 
vināyakāya ekadantāya kṛṣṇapiṃgalāya gajānanāya lambodarāya 
bhālacandrāya herambāya ākhurathāya vighneśāya vighnabhakṣyāya 
vallabhāsahitāya śrīmahāgaṇeśāya | klīṃkāṃkumārāya ṣaṇmukhāya 
mayūravāhanāya senādhipataye kumārāya | bhagavate hrāṃhrīṃsaḥsūryāya 
saptāśvāya anaśvāya ekāśvāya nīlāśvāya pratyakṣadevāya 
paramārthasārāya tejorūpāya prabhāsahitāya ādityāya | bhagavatyai amāyai 
kāmāyai cārvaṃgyai ṭaṅkadhāriṇyai tārāyai pārvatyai yakṣiṇyai 
śrīśārikābhagavatyai śrīśāradā bhagavatyai śrīmahārājñībhaga0 
śrījvālābhagavatyai vrīḍābhagavatyai vaikharībhagavatyai vitastābha0 
gaṅgābha0 yamunābha0 kālikābha0 siddhalakṣmyai mahālakṣmyai 
mahātripurasundaryai sahasranāmnyai devyai bhavānyai | abhayaṃkarīdevyai 
kṣemaṃkarībhagavatyaisarvaśatrughātinyai iha rāṣṭrādhipataye bhairavāya | 
indrāya vajrahastāya agnaye śaktihastāya yamāya daṇḍahastāya nair-ṛtaye 
khaḍgahastāya varuṇāya pāśahastāya vāyave dhvajahastāya kuberāya 
gadāhastāya īśānāya triśūlahastāya brahmaṇe padmahastāya viṣṇave 
cakrahastāya anantādibhyaḥ aṣṭābhyaḥ kulanāgadevatābhyaḥ 
agnyādityābhyāṃ varuṇacandramobhyāṃ kumārabhaumābhyāṃ 
viṣṇubudhābhyāṃ indrābṛhaspatibhyāṃ sarasvatiśukrābhyāṃ 
prajāpatiśanaiścarābhyāṃ gaṇapatirāhubhyāṃ rudraketubhyāṃ 
brahmadhruvābhyāṃ anantā'gastyābhyāṃ brahmaṇe kūrmāya dhruvāya 
anantāya haraye lakṣmyai kamalāyai śikhyādibhyaḥ 
paṃcacatvāriṃśadvāstoṣpatiyāgadevatābhyaḥ brāhmyādibhyo mātṛbhyaḥ 
gauryādibhyo mātṛbhyaḥ lalitādibhyomātṛbhyaḥ 
durgākṣetragaṇeśvaradevatābhyaḥ rākādevatābhyaḥ trikādevatābhyaḥ 
sinīvālīdevatābhyaḥ yāmīdevatābhyaḥ raudrīdevatābhyaḥ vāruṇīde0 
bārhaspatidevatābhyaḥ oṃ bhūrdevatābhyaḥ oṃbhuvaḥdevatābhyaḥ oṃ 
svardevatābhyaḥ oṃbhūrbhuvaḥsvardevatābhyaḥ 
akhaṇḍabrahmāṇḍayāgadevatābhyaḥ dhūrbhyaḥ upadhūrbhyaḥ 
mahāgāyatryai sāvitryai sarasvatyai herakādibhyo vaṭukādibhyaḥ ||

p. 14)

utpannama'mṛtaṃ divyaṃ prākkṣīrodadhimanthanāt |
annama'mṛtarūpeṇa naivedyaṃ pratigṛhyatām ||

iṣṭadevatādhyānaṃ ca paṭhitvā tatsadbrahma ityādi amukakarmanimittaṃ oṃ namo 
naivedyaṃ nivedayāmi namaḥ ||

yāḥ kāścidyoginī raudrāḥ saumyā ghoratarāḥ parāḥ |
khecarī bhūcarī rāmā stuṣṭā bhavaṃtu me sadā ||

ākāśamātṛbhyo'nnaṃ namaḥ ākāśamātṛbhyaḥ samālabhanaṃ 
gandhonamaḥ arghonamaḥ puṣpaṃ namaḥ | iṣṭadevaṃ dhyātvā'mukadevāyaṃ 
pāyasaṃ modakān pakvānnaṃ apūpān vā annādi samarpayāmi namaḥ ||

yo'sminnivasati kṣetre kṣetrapālaḥ sakiṃkaraḥ |
tasmai nivedayāmya'dya baliṃ pānīyasaṃyutam ||

kṣāṃ kṣetrādhipataye'nnaṃ namaḥ rāṃ rāṣṭrādhipataye annaṃ namaḥ 
sarvābhayavaraprada mayi puṣṭiṃ puṣṭipatirdadhātu | āpanno'smi śaraṇyo'si 
sarvāvasthāsu sarvadā ityādi kṣamā puṣpāṇi datvā ubhābhyāṃ jānubhyāṃ 
pāṇibhyāṃ śirasā ca urasā manasā ca namaskāraṃ karomi namaḥ | 
namobrahmaṇe iti tarpaṇam |

iti naivedyamaṃtravidhiḥ ||

oṃ atha viṣṇupañcāyatanapūjāvidhiḥ 

oṃ asya śrī āsanaśodhanamaṃtasya merupṛṣṭa ṛṣiḥ sutalaṃ chandaḥ kūrmo 
devatā | āsanaśodhane viniyogaḥ || merupṛṣṭha-ṛṣaye namaḥ śirasi sutalaṃ 
chandase namaḥ mukhe kūrmo devatāyai namaḥ hṛdi āsanaśodhane viniyogāya 
namaḥ sarvāṃgeṣu || 

pṛthvi tvayā dhṛtā lokā devi tvaṃ viṣṇunā dhṛtā |
tvaṃ ca dhāraya māṃ devi pavitraṃ kuru cā'sanam ||

dhruvā dyaurdhruvā pṛthivī dhruvāsaḥ parvatā ime |
dhruvaṃ viśvamidaṃ jagaddhruvo rājā viśāma'si || 

ityā'sanam |
prīṃ pṛthivyai ādhāraśaktyai samālabhanaṃ gandho namaḥ argho namaḥ 
puṣpaṃ namaḥ || tato namaskāraḥ 

śuklāmbaradharaṃ devaṃ śaśivarṇaṃ caturbhujam |
prasannavadanaṃ dhyāyetsarvavighnopaśāntaye || 1 ||

p. 15)

abhipretārthasiddhyarthaṃ pūjito yaḥ surairapi |
sarvavighnacchide tasmai gaṇādhipataye namaḥ || 2 ||

lābhasteṣāṃ jayasteṣāṃ kutasteṣāṃ parājayaḥ |
yeṣāmindīvaraśyāmo hṛdayastho janārdanaḥ || 3 ||

gururbrahmā gururviṣṇurguruḥ sākṣānmaheśvaraḥ |
gurureva jagatsarvaṃ tasmai śrīgurave namaḥ || 4 ||

mahābale mahotsāhe mahābhayavināśini |
trāhi māṃ devi duṣprekṣye śatrūṇāṃ bhayavardhini || 5 ||

oṃ gurave namaḥ paramagurave namaḥ parameṣṭhine gurave namaḥ paramācāryāya 
na0 ādyasiddhebhyo na0 || oṃ anābhāvityādi | brahmabhūrbhuvaḥ svaroṃ 
śirasītyantaṃ pṛ0 10 kṛtvā oṃ tadviṣṇoḥ paramaṃ padaṃ hṛ0 | sadā paśyanti 
sūrayaḥ śirase0 | divīva cakṣurā'tataṃ śikhā0 | tadviprāso vipanyavo kava0 | 
jāgṛvāṃsaḥ samindhate netra0 | viṣṇoryatparamaṃ padaṃ astrā0 || yo rudro agnau 
hṛ0 | yo apsu ya oṣadhīṣu śira0 | yo vanaspatiṣu śikhā0 | yo rudro viśvābhuvanā 
viveśa kava0 | tasmai rudrāya netra0 | namo astu devā astrāya phaṭ || gaṇānāntvā 
gaṇapatiṃ havāmahe hṛ0 | kaviṃ kavīnāṃ śi0 | upamaśravastamaṃ śikhā0 | 
jyeṣṭharājaṃ brahmaṇāṃ brahmaṇaspata kaca0 | ānaḥ śṛṇvan netrā0 | ūtibhiḥ 
sīda sādanaṃ astrā0 || citraṃ pādayoḥ | devānāṃ jaṅghayoḥ | udgā jjānvoḥ | 
anīka mūrvoḥ | cakṣuḥ śiśne | mitrasya guhye | varuṇasya nābhau | agne rhṛdi | 
āprādyāvāpṛthivī kaṇṭhe | antarikṣaṃ bāhvoḥ | sūrya mukhe | ātmā 
nāsikāyāṃ jagataḥ netrayoḥ | tasthuṣaḥ lalāṭe | ca śirasi || jāta śikhāyāṃ | 
vedase lalāṭe | sunavāma karṇayoḥ | somaṃ nāsikāyāṃ | arāti cakṣuṣoḥ | yata 
oṣṭhayoḥ | ni danteṣu | dahāti tāluni | veda jihvāyāṃ | sa grīvāyāṃ | naḥ 
bāhvoḥ | parṣat hṛdi | ati stanayoḥ | dur kukṣau | gāṇi nābhau | viśvā pṛṣṭhe | 
nāva pāṇyoḥ | iva vṛṣṇayoḥ | sindhuṃ śiśne | dur kaṭyāṃ | ita ūrvoḥ | ati 
jaṅghayoḥ | agniḥ pādayoḥ || sarvāsu dikṣu tilānvikṣipan

apasarpantu te bhūtā ye bhūtā bhuvi saṃsthitāḥ | ye bhūtā vighnakartāraste 
naśyantu śivājñayā || pāśānḍakāriṇo ye vai bhūtā bhūmyantarikṣagāḥ | 
divi loke gatā 

p. 16)

duṣṭāste naśyantu śivājñayā || 2 || prāṇāyāmaṃ kuryāt tīrthesneyaṃ0 | 
vasoḥ pavitrama'si śatadhāraṃ vasūnāṃ pavitrama'si sahasradhāra 
ma'yakṣmā vaḥ prajayā saṃsṛjāmi rāyaspoṣeṇa bahulā bhavantīḥ | iti 
pavitradhāraṇam 

paramātmane puruṣottamāya pañcabhūtātmakāya viśvā'tmane 
maṃtranāthāya ātmane nārāyaṇāyāadhāraśaktyai samālabhanaṃ gandho 
namaḥ argho namaḥ puṣpaṃ namaḥ || iti svātmane gandhādi |

svaprakāśo mahādīpaḥ sarvatastimirāpahaḥ |
prasīda mama govinda dīpoyaṃ parikalpitaḥ ||

vanaspatiraso divyo gandhāḍhyo gandhavattamaḥ |
āhvānaṃ sarvadevānāṃ dhūpo'yaṃ parikalpitaḥ |
namo dharmanidhānāya namaḥ svakṛtasākṣiṇe |
namaḥ pratyakṣadevāya bhāskarāya namo namaḥ ||

yatrā'sti mātā na pitā na bandhurbhrātā'pi no yatra suhṛjjnaśca |
na jñāyate yatra dinaṃ na rātristatrā'tmadīpaṃ śaraṇaṃ prapadye ||

ātmane nārāyaṇāya ādhāraśaktyai dhūpadīpasaṃkalpātsiddhira'stu 
dhūponamaḥ dīpo namaḥ | oṃtatsadbrahmā0 ṛtupataye nārāyaṇāya 
mārgaśīrṣe rukmiṇīsahitāyakṛṣṇāya śrīsahitāya keśavāya | pauṣe 
priyāsahi0 anantāya vāgīśvairisa0 nārāyaṇāya | māghe prītisa0 acyutāya 
kāntāsa0 mādhavāya | phālgune śaktisa0 cakriṇe kriyāsa0 govindāya | caitre 
siddhisa0 vaikuṇṭhāya matisa0 viṣṇave | vaiśākhe śobhāsa0 janārdanāya 
vibhūtisa0 madhusūdanāya | jyeṣṭhe mahimāsa0 upendrāya icchāsa0 
trivikramāya | āṣāḍhe lakṣmīsa0 yajñapuruṣāya dhṛtisa0 vāmanāya | 
śrāvaṇe kāntisa0 vāsudevāya ratisa0 śrīdharāya | bhādrapade prāptisa0 haraye 
māyāsa0 hṛṣīkeśāya | āśvayuje prākāmyāsa0 yogīśvarāya dhīsa0 
padmanābhāya | kārtike laghimāsa0 puṇḍarīkākṣāya garimāsa0 dāmodarāya | 
malimluce satyabhāmāsa0 narakāraye niṣkalāsa0 mahāmārtāṇḍāya durgāyai 
ityādi | sahasrajāmnyai devyai bhavānyai pṛ0 13 viṣṇupañcāyatanadevatābhyo 
dhūpo namaḥ dīpo namaḥ | apasavyena namaḥ pitṛbhyaḥ0 nityakarmanimittaṃ pitre 
pitāmahāya prapitāmahāya | mātre pitāmahyai prapitāmahyai |

p. 17)

mātāmahāya pramātāmahāya vṛddhapramātāmahāya | mātāmahyai 
pramātāmahyai vṛddhapramātāmahyai samastamātāpitṛbhyo 
dvādaśadaivatebhyaḥ pitṛbhyaḥ dhūpaḥ svadhā dīpaḥ svadhā || savyena 
saṃvvaḥ sṛjāmi hṛdayaṃ saṃsṛṣṭaṃ mano asuvaḥ || 1 ||

saṃsṛṣṭastanvaḥ santu vaḥ saṃsṛṣṭaṃ prāṇo astu vaḥ || 2 ||

savyā vaḥ priyāstanvaḥ saṃpriyā hṛdayāni vaḥ | ātmā vo astu saṃpriyāḥ 
saṃpriyāstanvo mama || 3 ||

iti puṣpatrayaṃjalapātre kṣiptvā aśvinoriti devasya jīvādhānaṃ deyam | 
aśvinoḥ prāṇastau te prāṇāndattāntena jīvaḥ | mitrāvaruṇayoḥ prāṇastau te 
prāṇandattā0 | bṛhaspateḥ prāṇaḥsate prāṇāndattāntena jīva ||

oṃ a nābhāvityādi devasya dehavan nyāsaṃ kuryāt || oṃ bhūḥ 
puruṣamityā'vāhanaṃ oṃ bhūḥ puruṣamā'vāhayāmi namaḥ oṃ bhuvaḥ 
puruṣamā'0 oṃ svaḥ puruṣamā'0 oṃ bhūrbhuvaḥ svaḥ puruṣamā'vā0 || 3 ||

oṃ bhūrbhuvaḥ svastatsa0 || 3 || namo'stvanantāya || 3 || vāsudevāya vidmahe 
lakṣmīnārāyaṇāya dhīmahi tanno viṣṇuḥ procadayāt || 3 || jitante 
puṇḍarīkākṣa namaste viśvabhāvana | namaste'stu hṛṣīkeśa mahāpuruṣa 
pūrvaja || 3 || oṃ namaḥ kāraṇavāmanāya gobrāhmaṇahitāya ca | jagaddhitāya 
kṛṣṇāya govindāya namo namaḥ || 3 || viśvarūpāya vidmahe viṣvaksenāya 
dhīmahi | tanno viṣṇuḥ pracodayāt || 3 || narasiṃhāya vi0 narakottāraṇāya dhī0 
tanno viṣṇuḥ0 || 3 || tatpuruṣāya vi0 mahādevāya dhī0 tannaḥ śivaḥ pra0 || 3 || 
tatpuruṣāya vi0 vakratuṇḍāyadhī0 tannodantī pra0 || 3 || bhāskarāya vi0 
sahasraraśmaye dhī0 tannaḥ sūryaḥ pra0 || 3 || subhagāyai vi0 kāmamālinyai dhī0 
tanno durgā pra0 || 3 || oṃ tatsadbrahma0 ityāde ṛtupateḥ nārāyaṇasya bhagavataḥ 
vāsudevasya saṃkarṣaṇasya pradyumanasya aniruddhasya satyasya puruṣasya 
acyutasya mādhavasya govindasya sahasranāmnaḥ viṣṇoḥ lakṣmīsahitasya 
nārāyaṇasya | bhagavataḥ bhavasya devasya śarvasya devasya rudrasya devasya 
paśupaterdevasya ugrasya devasya bhīmasya devasya mahādevasya īśānasya 
devasya īśvarasya devasya umāsahitasya śivasya pārvatīsahitasya parameśvarasya |

bhagavataḥ vināyakasya ekadantasya kṛṣṇapiṃgalasya gajānanasya lambodarasya 
bhālacandrasya herambasya ākhurathasya vighneśasya vighnabhakṣyasya 
vallabhāsahitasya śrīmahāgaṇeśasya | bhagavataḥ hrāṃhrīṃsaḥ sūryasya 
saptāśvasya anaśvasya ekāśvasya nīlāśvasya

p. 18)

pratyakṣadevasya paramārthasārasya tejorūpasya prabhāsahitasya ādityasya | 
bhagavatyāḥ amāyāḥ kāmāyāḥ cārvaṃgyāḥ ṭakadhāriṇyāḥ tārāyāḥ 
pārvatyāḥ yakṣiṇyāḥ śrīśārikābhagavatyāḥ śrīśāradā bha0 
śrīmahārājñībhaḥ śrījvālābha0 vrīḍābha0 vaikharībha0 vitastābha0 
gaṅgābha0 yamunābha0 kālikābha0 siddhalakṣmyāḥ mahālakṣmyāḥ 
mahātripurasundaryāḥ sahasranāmnyaḥ devyāḥ bhavānyāḥ 
viṣṇupañcāyatanadevatānāmā'tmano vāṅ0 śrīviṣṇuprītyarthaṃ 
viṣṇupañcāyatanapūjanamarcāma'haṃ kariṣye oṃ kuruṣva || 
tilasarṣapayavānvikīrya || puruṣa evedaṃ dhruvā dyau0 ityā'sanam 
| ṛtupaternārāyaṇasya bhagavataḥ vāsudevasya ityādeḥ idamāsanaṃ 
namaḥ ṛtupataye nārāyaṇāya bhagavate vāsudevāya ityādibhyaḥ yuṣmān vaḥ 
pūjayāmi oṃ pūjaya || sahasraśīrṣāpu0 | yuñjate mana uta yuṃjate dhiyo viprā 
viprasya bṛhato vipaścitaḥ | vihotrā dadhe vayunā videka inmayidevasya savituḥ 
pariṣṭutiḥ | tadviṣṇoḥ0 | ṛtupatiṃ nārāyaṇaṃ bhagavantaṃ vāsudevaṃ 
saṃkarṣaṇaṃ pradyumnaṃ aniruddhaṃ satyaṃ puruṣaṃ acyutaṃ mādhavaṃ 
govindaṃ sahasranāmānaṃ viṣṇuṃ lakṣmīsahitaṃ nārāyaṇaṃ | bhagavantaṃ 
bhavaṃdevaṃ śarvaṃdevaṃ rudraṃdevaṃ paśupatiṃdevaṃ ugraṃdevaṃ 
bhīmaṃdevaṃ mahādevaṃ īśānaṃdevaṃ īśvaraṃdevaṃ umāsahitaṃ 
śivaṃ pārvatīsahitaṃ parameśvaraṃ | bhagavantaṃ vināyakaṃ ekadantaṃ 
kṛṣṇapiṅgalaṃ gajānanaṃ lambodaraṃ bhālacandraṃ herambaṃ ākhurathaṃ 
vighneśaṃ vighnabhakṣyaṃ vallabhāsahitaṃ śrīmahāgaṇeśaṃ | bhagavantaṃ 
hrāṃhrīṃsaḥ sūryaṃ saptāśvaṃ anaśvaṃ ekāśvaṃ nīlāśvaṃ 
pratyakṣadevaṃ paramārthasāraṃ tejorūpaṃ prabhāsahitaṃ ādityaṃ | 
bhagavatīṃ amāṃ kāmāṃ cārvaṃgīṃ ṭaṅkadhāriṇīṃ tārāṃ pārvatīṃ 
yakṣiṇīṃ śrīśārikābhagavatīṃ śrīśāradāṃbha0 śrīmahārājñībha0 
śrījvālābha0 vrīḍābha0 vaikharībha0 vitastābha0 gaṅgābha0 yamunābha0 
kālikābha0 siddhalakṣmīṃ mahālakṣmībha0 mahātripurasundarīṃ 
sahasranāmnīṃ devīṃ bhavānīṃ | viṣṇupaṃcāyatanadevatā 
āvāhayiṣyāmi oṃ āvāhaya ||

avāhayāmya'maravṛndanutāṅghriyugmaṃ lakṣmīpatiṃ 
bhuvanakāraṇama'prameyam |
ādyaṃ sanātanatanuṃ praṇavāsanasthaṃ 
pūrṇendubhāskarahutāśasahasrarūpam || 1 ||

dhyeyaṃ paraṃ sakalatatvavidāṃ vareṇyaṃ 
vārāhakāpilanṛkesarisaumyamūrtim |
śrīvatsakaustubhamahāmaṇibhūṣitāṅgaṃ 
kaumodikīkamalakamburathāṅgahastam || 2 ||

p. 19)

tvaṃ sarvago'si bhagavankila yadyapi tvāmā'vāhayāmi hi yathā vyajanena 
vāyum | 
gūḍho yathaiva dahano mathanādupaiti hyāvāhito'si tvamupaiṣi tathaiva 
cā'rcām || 3 ||

mālādharā'cyuta vibho paramātmamūrte sarvajña nātha parameśvara 
sarvaśakte |
āgaccha me kuru dayāṃ pratimāṃ bhajasva pūjāṃ gṛhāṇa 
mada'nugrahakāmayā'dya || 4 ||

āvāhayāmi maṇisannibhamātmabimbe māyāpure hṛdayapaṃkajasanniviṣṭam |
śraddhānadīvimaladattajalābhiṣekaṃ bhāvāṣṭapuṣpavidhinā harimarcayāmi || 
5 ||

gokṣīrābhaṃ puṇḍarīkāyatākṣaṃ chatrāśvādyairbhūṣaṇairbhūṣitāṅgam 
|
śrībhūmibhyāma'rcitaṃ yogapīṭhe svasthaṃ vande pūjitaṃ padmajena || 6 ||

jyotiṣmantaṃ sarvabhūtāntarasthaṃ oṃkārākhyaṃ yogibhirdhyānagamyam |
svaṅgaiḥ śaktaiḥ svāyudhairnityasevyaṃ sarvākāraṃ viṣṇumā'vāhayāmi || 6 
||

śivasya | 
liṅge'tra bhaktadayayā kṣaṇamātramekaṃ sthāṇuṃ vidhāya bhava 
madvihitāṃ purāre |
sarveśa ! viśvamaya ! hṛtkamalādhirūḍhaḥ pūjāṃ gṛhāṇa bhagavanbhava 
me'dya tuṣṭaḥ || 7 ||

gaṇeśasya |
śaileśvarasya tanayārbhaka bhaktavighnanāśāya 
hastadhṛtadaṇḍakuṭhārapāśa ! |
dvāreśa sarvagaṇanāyaka padmahasta pūjāṃ gṛhāṇa bhagavanbhava me'dya 
tuṣṭaḥ || 1 ||

sūryasya |
brahmāṇḍagehaparidīpaka śambhumūrte ! tejonidhāna ! khacareśvara pūrvadeva 
|
sarvopacāravidhinā vihitāṃ mayā'dya pūjāṃ gṛhāṇa bhagavanbhava me'dya 
tuṣṭaḥ || 1 ||

durgāyāḥ |
śrīśārade ! suravare ! tripure ! sureśi ! durge ! bhavāni ! khalu vaikhari 
viśvamātaḥ |
śarvārdhadehanilaye ! parivārayuktā pūjāṃ gṛhāṇa subhagā bhava me'dya 
tuṣṭā || 1 ||

bhagavanpuṇḍarīkākṣa bhaktānugrahakāraka |
asmaddayānurodhena sannidhānaṃ kuru prabho || 3 ||

ityāhūya tu gāyatrīṃ triḥsamuccārya tatvavit | 
manasā cintitairdravyairdevamātmani pūjayet |
tejorūpaṃ tataḥ kṣiptvā pratimāyāṃ punaryajet ||

yavānvikīrya prāṇāyāmaṃ kuryāt pādyārthamudakaṃ namaḥ ||

śannodevī0 | lājāśca kuṃkumaṃcaiva sarvauṣadhisamanvitam |
darbhāṅkuraṃ jalaṃ caiva pañcāṅgaṃ pādyalakṣaṇam |
bhagavantaḥ pādyaṃ pādyam || 2 |

etāvāna'sya0 pṛ0 8 hiraṇyavarṇāḥ0 ṛcaḥ 4 | ṛtupataye ityādibhyaḥ pādyaṃ 
namaḥ | śeṣaṃ nivārya punaḥ śanno devī0 | āpaḥ kṣīraṃ kuśāgrāṇi ghṛtaṃ 
ca dadhi taṇḍulāḥ | yavāḥ siddharthakāśceti hyarghyama'ṣtāṅgamucyate | 
bhagavantaḥ arghyaṃ || 2 ||

tripādurdhva0 | pṛ0 8 oṃ āpo hi ṣṭhā0 ṛ0 3 ṛtupate nārāyaṇa bhagavan 
vāsudeva saṃkarṣaṇa

p. 20)

pradyumna aniruddha satya puruṣa | acyuta mādhava govinda sahasranāman viṣṇo 
laksmīsahita nārāyaṇa | bhagavan bhavadeva śarvadeva rudradeva paśupate deva 
ugradeva bhīmadeva mahādeva īśānadeva īśvaradeva umāsahita śiva 
pārvatīsahita parameśvara | bhagavan vināyaka ekadanta kṛṣṇapiṃgala gajānana 
lambodara bhālacandra heramba ākhuratha vighneśa vighnabhakṣa vallabhāsahita 
śrīmahāgaṇeśa | bhagavan hrāṃhrīṃsaḥ sūrya saptāśva anaśva ekāśva 
nīlāśva pratyakṣadeva paramārthasāra tejorūpa prabhāsahita āditya bhagavati 
ame kāme cārvaṃgi ṭaṅkadhāriṇi tāre pārvati yakṣiṇi śrīśārikābhagavati 
śrīśāradābha0 śrīmahārājñībha0 śrījvālābha0 vrīḍābha0 vaikharībha0 
vitastābha0 gaṅgābha0 yamunābha0 kālikābha0 siddhalakṣmi mahālakṣmi 
mahātripurasundari sahāsranāmni devi bhavāni viṣṇupañcāyatanadevatā idaṃ 
vaḥ arghyaṃ namaḥ || tasmādvirāḍa0 pṛ0 8 śanna āpo0 pṛ0 6 ṛtupataye 
ityādibhya ācamanīyaṃ namaḥ | yatpuruṣeṇa0 pṛ0 8 imamā'paḥ pṛ0 6 ṛtupataye 
ityādibhyaḥ mantrasnānīyaṃ namaḥ ||

atha ekaviṃśatisnānāni || payodadhighṛtakṣaudralājāsiddhārthakāstilāḥ | 
yavavrīhikuśādūrvāmṛdbhasmaphalaśarkarā | pañcāmṛtaṃ pañcagavyaṃ 
karpūrauṣadhayastathā | ekaviṃśatisnānāni gandhāḍhyaiḥ kusumaira'pi || 
uduttamaṃ varuṇa pāśamasmada'vādhamaṃ vimadhyamaṃ śrathāya | athā 
vayamā'dityavrate tavānāgaso aditaye syāma || payaḥ pṛthivyāṃ paya oṣadhīṣu 
payo divya'ntarikṣe payodhāḥ | payasvatīḥ pradiśaḥ santu mahyam || 1 || 
dadhikrāvṇo0 | ghṛtavatī bhuvanānāma'mi"riyorvī pṛthivī madhudughe 
supeśasā | dyāvāpṛthivī varuṇasya dharmaṇā viṣkaṃbhite ajare bhūriretasā || 3 
||

madhuvātā ṛtāyate madhu kṣaranti sindhavaḥ mādhvīrnaḥ santvoṣadhīḥ | madhu 
naktamutoṣaso madhumatpārthivaṃ rajaḥ madhu dyaura'stu naḥ pitā | 
madhumānno vanaspatirmadhumāna'stu sūryaḥ mādhvīrgāvo bhavantu naḥ || 9 || 
tadasya rūpamamṛtaṃ śacībhi stisro dadhurdevatāḥ saṃrarāṇāḥ | lomāni 
śaṣpairbahudhāna tokmabhiḥ tvaga'sya māṃsamabhavanna lājāḥ || 5 || 
rakṣohaṇaṃ vājinamājigharmi mitraṃ prathiṣṭhamupayāmi śarma | śiśāno 
agniḥ kratubhiḥ samiddhaḥ sano divaḥ sariṣaḥ pātu naktam || 6 || tilo'si 
somadaivatyo gosavo devanirmitaḥ | prayatnavadbhiḥ pitṛṃllokānprāṇa āyāhi 
naḥsvadhā || 7 || yavo'si yavayāsmadviṣaṃ yāvayā rātim | pitṛṣadanantvā 
lokamā'stṛṇāmi || 8 || dhānyama'si dhinuhi 

p. 21)

devāndhinuhi yajñandhinuhi yajñapatindhinuhimāṃ yajñam || 9 || devasya tvā 
savituḥ prasave'śvinorbāhubhyāṃ pūṣṇo hastābhyāmā'dadhe || 10 || 
kāṇḍātkāṇḍātprarohantī paruṣaḥ paruṣaspari | evā no dūrve pratanu sahasreṇa 
śatena ca || 11 || ākramya vājinpṛthivī magnimicchā rucā tvam | 
bhūmyāyatvāyanobrūhi yataḥ khanema te vayam || 12 || prasadya bhasmanā 
yonimā'paśca pṛthivīmagneḥ | saṃsṛjya mātṛbhiṣṭvaṃ 
jyotiṣmānpunarā'sadaḥ || 13 || yāḥ phalinīryā aphalā akośāḥ kośinīśca yāḥ 
| bṛhaspatiprasūtāstāno muñcantvaṃhasaḥ || 14 || 
śarkarābhira'vakāmavakābhiḥ śarkarāmutsādena | jihvāmavakrandena tāluṃ 
sarasvatī jihvāgreṇa || 15 || pañcavyuṣṭī'nupañcaduhāgāṃ pañcanāmnī 
mṛtavo'nu pañca | pañca diśaḥ pañcadaśena kḷptāḥ 
samānamūrdhnīra'bhilokamekam || 16 || gomūtraṃ gomayaṃ kṣīraṃ dadhi 
sarpiḥ kuśodakam | miśrīkṛtya samudrādūrmirmadhumāṃ 
udāradupāṃśunāsama'mṛtatvamānaṭ | ghṛtasya nāma guhyaṃ yadasti jihvā 
devānāma'mṛtasya nābhim || 17 || tryambakaṃ yajāmahe sugandhiṃ 
rayipoṣaṇam | urvārukamivabandhanānmṛtyormokṣīya mā mṛtāt || 18 || yā 
oṣadhayaḥ prathamajā devebhyastriyugaṃ purā | manainu babhrūṇāmaḥaṃ 
śataṃ dhāmāni sapta ca || 19 || gandhadvārāṃ durādharṣāṃ nityapuṣṭāṃ 
karīṣiṇīm | īśvarīṃ sarvabhūtānāṃ tāmihopahvaye śriyam || 20 || puṣpavatīḥ 
prasumatīḥ phalinīra'phalā uta | aśvā iva sajitvarīrvīrudhaḥ pārayiṣṇavaḥ || 21 
|| ṛtupataye ityādibhyo ekaviṃśatisnānāni namaḥ oṃ ambunā payasā daghnā 
ghṛtena madhunā yavaiḥ | śarkarāsarṣapatilaistathā cāmikareṇa vai | 
karpūrakuṃkumābhyāṃ ca lājā'kṣoṭaiḥ sapuṣpakaiḥ | 
sarvoṣadhyastathāpaścādviṣṇoḥ snānāni ṣoḍaśa | dadyātṣoḍaśa 
snānāni ṣoḍaśarcena viṣṇave | ādau śuddhajalena vasoḥ 
pavitrama'si0 ṛtupataye0 ityādibhyāḥ śatadhārodakaṃ namaḥ 
sahasradhārodakaṃ namaḥ || tataḥ ānuṣṭubhasyeti puruṣasūktena 16 | rathe 
akṣeṣu vṛṣabhasya vāje vāte parjanye varuṇasya śuṣme | indraṃ yā devī 
subhagā jajāna seyamāgādvarcasā saṃvidānā || 1 || yā hastini dvīpini yā 
hiraṇye goṣva'śveṣu puruṣeṣva'ntaḥ | indraṃyā0 || 2 || siṃhe vyāghre uta yā 
pṛdākau tviṣiragnau brahmaṇe sūrye yā | indraṃ yā devī0 || 3 || yā rājanye 
dundubhāvāyatāyā ma'śvasya skande puruṣasya māyau | indraṃ0 4 iti 
lakṣmīsūktena ca tadviṣṇoḥ0 ṛtupataye ityādi ṣoḍaśasnānāni namaḥ || 
pānīyāntaritaiḥ payodadhighṛtaiḥ kṣaudrekṣubhiḥ sauṣadhaiḥ | brīhyadbhiḥ 
kusumodakaiḥ phalajalaiḥ 

p. 22)

siddhārthalājodakaiḥ || gandhādbhiḥ śubhahemaratnasalilairitthaṃ sadā cottamaiḥ 
| dadyātpañcadaśāmbunā saha mahāsnānāni śambhoḥ kramāt || uduttamaṃ 1 
payaḥ pṛthivyāḥ 2 dadhi krāvṇo 3 ghṛtavatī 4 madhuvātā 5 svāduḥ pava 
svadivyāya janmane svādurindrāya suhavītanāmne svādurmitrāya varuṇāya 
vāyave bṛhaspataye madhumāṃ adābhyaḥ || 6 || yā oṣadhayaḥ 7 dhānyamasi 8 
puṣpavatīḥ 9 yāḥ phalinīḥ 10 rakṣohaṇaṃ 11 tadasya rūpaṃ 12 gandha 
dvārāṃ 13 hiraṇyavarṇāḥ 14 ṛtaṃ casatyaṃ 15 pṛ0 7 || asaṃkhyātāḥ 
sahasrāṇi ye rudrā adhibhūmyām | teṣāṃ sahasrayojaneva dhanvāni tanmasi 1 
ya'sminmahatya'rṇave'ntarikṣe bhavā adhi | teṣāṃ || 2 || ye nīlagrīvāḥ 
śitikaṇṭhā divaṃ rudrā upāśritāḥ || teṣāṃ0 3 | ye nīlagrīvāḥ śitakaṇṭhāḥ 
śarvā adhaḥ kṣamācarāḥ || te0 4 || ye vaneṣu śilpiñcarā nīlagrīvā vilohitāḥ || 
te0 5 || ye'nneṣu vividhyanti pātreṣu pibato janān | te0 || 6 || ye 
bhūtānāmadhipatayo viśikhāsaḥ kapardinaḥ | te0 || 7 || ye pathīnāṃ pathi 
rakṣaya aiḍamṛdāya vyudhaḥ | te0 || 8 || ye tīrthāni rpacaranti sṛkāvanto 
niṣaṅgiṇaḥ | te0 || 9 || ya etāvanto vā bhūyāṃso vā diśo rudrā vitiṣṭhire | te0 || 
10 || oṃ namo astu rudrebhyo ye divi yeṣāṃ varṣamiṣavastebhyo daśa prācirdaśa 
dakṣiṇā daśa praticīrdaśodīcīrdaśordhvā stebhyo namo astu te no mṛdayantu te 
yaṃ dviṣmo yaśca no dveṣṭi tameṣāṃ jambhe dadhāmi || 1 || oṃ namo astu 
rudrebhyo ye antarikṣe yeṣāṃ vāta iṣavastebhyo daśaprācī0 || 2 || oṃ namo astu 
rudrebhyo ye pṛthivyāṃ yeṣāma'nnamiṣavastebhyo0 || 3 || yo rudro agnau yo apsu 
ya oṣadhīṣu yo vanaspatiṣu | yo rudro viśvā bhuvanā viveśa tasmai rudrāya namo 
astu devāḥ | bhagavate bhavāya devāya | ityādi pañcadaśasnānāni namaḥ | oṃ 
gaṇānāntvā gaṇapatiṃ havāmahe kaviṅkavīnāmupamaśravastamam | 
jyeṣṭharājaṃ brahmaṇāṃ brahmaṇaspata ānaḥ śṛṇvannūtibhiḥ sīda sādanam 
| bhagavate vināyakāya ityādi caturdaśasnānāni namaḥ | payaḥ kṣīraṃ dadhi 
sarpirikṣustilā yavā madhu | lājāmṛtaṃ pañcagavyaṃ 
gandhapuṣpauṣadhīstathā | trayodaśasnāne'mūni sūryasyoktāni sūribhiḥ | 
udvayantamasaspari0 ṣaṭ ṛgbhiḥ pṛ0 7 paṃ0 21 hrāṃhrīṃsaḥ sūryāya ityādi 
trayodaśasnānāni namaḥ | lājāgandhavācaḥ kuṣṭhaṃ vālukaṃ 
śaṅkhapuṣpakam | kuṅkumāgurukarpūraṃ snāne devyāḥ prakalpayet || ahaṃ 
rudrebhirvasubhiścarāmi'-ahamādityairuta viśvadevaiḥ | 
ahammitrāvaruṇobhābibharmya'hamindrāgnī ahamaśvinobhā | dadhi krāṣṇo0 | 
āpo 

p. 23)

hiṣṭhā0 | oṃ bhūrbhuvaḥ svasta0 | jātavedase sunavāma soma ma'rātī yato 
nidahāti vedaḥ | sa naḥparṣada'tigurgāṇi viśvā nāveva sindhuṃ duritātyagniḥ | 
bhagavatyai amāyai ityādi aṣṭau snānāni namaḥ | agnir-ṛṣiḥ pavamānaḥ 
pāñcajanyaḥ purohitaḥ tamīmahe mahāgayam | pāñcajanyāya śaṅkhāya 
snānaṃ namaḥ | kayānaścitra ābhūva dūtī sadā vṛdhaḥ sakhā kayā 
śaciṣṭhayā vṛtā | devadūtyai ghaṇṭābhagavatyai snānaṃ namaḥ || tao 
brahmādayaḥ sarve devāstṛpyantu0 ityādi devarṣipitṛtarpaṇaṃ |

savyena- viṣṇupīṭhe bhadrapīṭhe ya idaṃ tarpaṇaṃ paṭhet | dhanaṃ 
kīrtiryaśaścaiva nityaṃ ca sukhamaśnute | bahvāyuśca bahūnputrānyajamāno 
labhetsadā | vapuḥ pūtaṃ pavitraṃ ca nityaṃ godānakaṃ phalam | mā vighnaṃ 
mā ca me pāpaṃ santu paripanthinaḥ | saumyā bhavantu tṛptāśca bhūtāḥ 
pretāḥ sukhāvahāḥ | oṃ namo devebhyaḥ ityādi | śuddhajalena tadviṣṇoḥ0 
bhagavate vā0 ityādibhyo mantraguḍakaṃ namaḥ | oṃ pratyagne harasāharaḥ 
śṛṇīhi viśvataḥ prati | yātudhānasya rakṣao balaṃ viruja vīryam || ityā'rātrikā 
| tā vāṃ vāstūnyuśmasi gamadhyai yatra gāvo bhūriśṛṅgā ayāsaḥ | atrāha 
tadurugāyasya vṛṣṇaḥ paramaṃ padama'vabhāti bhūri | iti netrasparśanam | 
udakaṃ candanaṃ cakraṃ śaṅkhaśca tulasīdalam | ghaṃṭā śilā 
tāmrapatrama'ṣṭāṅgaṃ caraṇāmṛtam | oṃ tadviṣṇoḥ0 | bhagavate vāsu0 ityādi 
caraṇāmṛtaṃ gṛhṇāmi namaḥ || āpo hi ṣṭhā iti śirasi mārjayet āsanāya 
namaḥ padmāsanāya namaḥ garuḍāsanāya namaḥ śatadalapadmāsa0 | 
sahasradalapa0 vṛṣabhāsa0 mūṣakā0 saptāśvāsanā0 siṃhāsanāya namaḥ || 
uttiṣṭha bhagavanviṣṇo uttiṣṭha kamalāpate ! | uttiṣṭha trijagannātha ! trailokye 
maṃgalaṃ kuru || mukundamālāṃ paṭhitvā | rathe akṣeṣu ṛ 4 oṃ bhagavate 
vāsudevāya ityādibhyo'nulepanaṃ gṛhṇāmi namaḥ | taṃ yajñaṃ0 yuvā 
suvāsāḥ0 ṛtupataye0 ityādibhyo vastraṃ namaḥ | tasmādyajñātsarvahutaḥ 
saṃbhṛtaṃ0 yajñopavītaṃ0 ṛtu0 yajñopavītaṃ vāsonamaḥ | 
tasmādyajñātsarvahutaḥ ṛcaḥ0 gandhadvārāṃ0 ṛtupa0 samālabhanaṃ gandho 
namaḥ || tasmāda'śvā0 puṣpavatīḥ0 ṛtu0 argho namaḥ | puṣpaṃ namaḥ tataḥ 
puruṣasūktena lakṣmīsūktena ca pūrve nārāyaṇāya namaḥ dakṣiṇe 
puṇḍarīkākṣāya0 paścime govindāya uttare madhusūdanāya aiśānyāṃ 
viṣṇvave āgnyeyyāṃ janārdanāya nair-ṛtyāṃ padmanābhāya vāyavyāṃ 
vāmanāya ūrdhve vāsudevāya adhare lokanāthāya madhye keśavāya 
śaṅkhāya cakrāya gadāyai halāya musulāya 

p. 24)

kaustubhāya jayāya vijayāya dhātryai śeṣāya ayanadvayāya dvāre caṇḍāya 
upacaṇḍāya ṛgvedāya yajurve0 sāmave0 atharvave0 kṛtayugāya tretāyu0 
dvāparayu0 kaliyu0 oṃ bhūrlokāya oṃ bhuvolo0 oṃ svrlo0 oṃ bhūrbhuvaḥsvarlo0 | 
tadviṣṇoḥ0 || 2 || vāsudevāya ityādi yo rudro0 bhavāya devāya ityādi | 
gaṇānāntvā0 | vināyakāya ityādi | citrandevānāṃ | hrāṃhrīṃsaḥ sūryāya 
ityādi | jātavedase0 amāyai ityādi argho namaḥ puṣpaṃ namaḥ | yatpuruṣaṃ pṛ0 
8 dhūrasi dhūrva dhūrvantaṃ yo'smāndhūrvati taṃ dhūrvaya 
vayandhūrvāmastaṃc a dhūrva | devānāmasi vahnitamaṃ sasnitamaṃ 
papritamaṃ iṣṭatamaṃ devatamaṃ viṣṇoḥ kramosyāhutamasi havirdānaṃ 
dṛṃhasva svāhvānmitrasya tvā cakṣuṣā prekṣa urutvāvātāya | vasavastvāṃ 
dhūpayantu gāyatreṇa cchandasāṅgirasvat | rudrāstvā dhū0 traiṣṭubhena ccha0 | 
ādityāstvā dhū0 jāgatena ccha0 viśvetvā devā vaiśvānarā dhū0 
ānuṣṭubhena ccha0 | indrastvā dhūpayatu | varuṇastvā dhū0 | viṣṇustvā dhū0 
| ṛtupa0 ityādibhyo dhūpaṃ parikalpayāmi namaḥ || brāhmaṇo'sya0 | tejosi 
śukramasi jyotirasi dhāmāsi | priyandevānāma'nādhṛṣṭandevayajanaṃ 
devatābhyastvā devatābhyo gṛhṇāmi devebhyastvā yajñebhyo gṛhṇāmi || ṛtu0 
ityādibhyo ratnadīpaṃ parikalpayāmi namaḥ devasya tvā0 jaya nārāyaṇa0 
śivayorlīlāstutiṃ paṭhitvā ṛtupa0 cāmaraṃ parikalpa0 namaḥ | 
kāṇḍātkāṇḍā0 chatraṃ pari0 | taccakṣu0 ādarśaṃ pari0 | etābhyo devatābhyo 
dhūpo namaḥ dīpo namaḥ | etā0 vāso namaḥ | etāsāṃ 
devatānāmarghyadānādya'rcanavidhiḥsarvaḥ paripūrṇo'stu || 
candramāmanaso0 hiraṇyagarbhaḥ samavartatāgre bhūtasya jātaḥ patireka āsīt | 
sa dādhāra pṛthivīṃ dyāmutemāṃ kasmaidevāya haviṣā vidhema | ṛtupa0 
viṣṇupaṃcāyatana de0 mātrāmadhuparkaṃ caruṃ nivedayāmi namaḥ nābhyā 
āsīt0 kusumāṃjaliṃ parika0 | saptāsyā'san0 oṃ namo nārāyaṇāya 
bhagavanprasīda iti ca catvāri pradakṣiṇāni || dhyeyaṃ sadā 
paribhavaghnama'bhīṣṭadohaṃ tīrthāspadaṃ śivavirañcinutaṃ śaraṇyam | 
bhṛtyārtihaṃ praṇatapāla ! bhavābdhipotaṃ vande mahāpuruṣa te 
caraṇāravindam | tyaktvā sudustyajasurepsitarājyalakṣmīṃ dharmiṣṭha ! 
āryavacasā yadagāda'raṇyam | māyāmṛgaṃ dayitayepsitame'nudhāvat vande0 
|| 2 || śrīmatsaroruhayavāṃkuśacakracāpa matsyāṅkitaṃ 
navavilohitapallavābham | lakṣmyālayaṃ paramamaṅgalamātmarūpaṃ vande0 || 3 
|| vṛndāvanāntarama'gāda'nu gokulānāṃ sañcārya sarvapaśubhiḥ 

p. 25)

svavivṛddhikāmī | sañcintayeda'gagurormṛgapakṣiṇāṃ yadvande0 || 9 || 
yadgopikā virahajāgniparītadehāstaptastaneṣu vijahuḥ parirabhya tāpam | rāse 
tadīyakucakuṃkumapaṃkaliptaṃ vande0 || 5 || 
kālīyamastakavighaṭṭanadakṣama'sya mokṣepsubhirvirahadīnamukhābhirārāt | 
tatpatnibhiḥ stutama'śeṣanikāmarūpaṃ vande0 || 6 || jñānālayaṃ 
śrutivimṛgyama'nādima'rcyaṃ brahmādibhirhṛdi vicintyamagādhabodhaiḥ | 
saṃsārakūpapatitottaraṇāvalambaṃ vande0 || 7 || yenāṅkapālavapuṣaḥ 
stanapānabuddhestvadaṃghriṇā hṛtama'no viparītacakram | 
vidhvastabhāṇḍama'patadbhuvi gopamūrtervande0 8 ityaṣṭakaṃ paṭhati yaḥ 
paramasya puṃso nārāyaṇasya nirayārṇavatāraṇasya | sarvāptimāśu hṛdaye 
kurute manuṣyaiḥ saṃprāpya dehavilayaṃ labhate ca mokṣam || 9 || ubhābhyāṃ 
jānubhyāṃ pāṇibhyāṃ śirasā urasā manasā vacasā ca namaskāraṃ karomi 
namaḥ | annaṃ namaḥ 2 ājyaṃ 2 adyadine adya yathā saṃkalpātsiddhirastu 
annahīnaṃ kriyāhīnaṃ vidhihīnaṃ dravyahīnaṃ mantrahīnaṃ ca yadgataṃ 
tatsarvama'cchidraṃ sampūrṇamastu evamastu || śanno devī0 ṛtupataye 
ityādibhyaḥ apośānaṃ namaḥ ācamanīyaṃ namaḥ || punaḥ śanno devī0 | ṛ0 
dakṣiṇāyai tilahiraṇyarajataniṣkarṣaṃ dadāni | etā devatāḥ sadakṣiṇā'nnena 
prīyaṃtāṃ prītāḥ santu || amṛteśamudrayā amṛtīkṛtya0 ityādi sarvo 
naivedyavidhiḥ | tadviṣṇoḥ0 iti puṣpadvayaṃ kṣipet || tato japādi kṛtvā | oṃ bhūḥ 
puruṣaṃ visarjayāmi namaḥ oṃ bhuvaḥ puruṣaṃ visa0 oṃ svaḥ puruṣaṃ vi0 oṃ 
bhūrbhuvaḥ svaḥ puruṣaṃ visa0 | oṃ bhūrbhuvaḥ svastatsa0 3 | ityādi sarvā 
gāyatrīḥ paṭhitvā ātmano0 śrīviṣṇuprītyarthaṃ 
viṣṇupañcāyatanapūjanamacchidraṃ sampūrṇama'stu evamastu | etābhyo 
devatābhyo yavodakaṃ namaḥ udakatarpaṇaṃ namaḥ | ājñā me dīyatāṃ nātha 
naivedyasyā'sya bhakṣaṇe | śarīrayātrāsiddhyarthaṃ bhagavan kṣantuma'rhasi | 
āpannosmi śaraṇyosi sarvāvasthāsu sarvadā | bhagavaṃstvāṃ prapanno'smi 
rakṣa māṃ śaraṇāgatam | evaṃ pañcānāṃ devānāṃ stotrapāṭhādi 
paṭhitvā || āhvānaṃ naiva jānāmi naiva jānāmi pūjanam | pūjābhāgaṃ na 
jānāmi kṣamyatāṃ parameśvara | umābhyāṃ jānubhyāṃ ityādi 
namaskāraṃ karomi namaḥ | namo brahmaṇe 3 iti tarpaṇam yajena yajñaṃ iti 
visarjanam || balirvibhīṣaṇo bhīṣmaḥ prahlādo nāradaḥ śukaḥ | ṣaḍete 
vaiṣṇavaśreṣṭhā gṛhṇantu caraṇodakam | oṃ namo devebhyaḥ0 ityādi || pūjitosi 
mayā bhaktyā bhagavankamalāpate | salakṣmīko mama svāntaṃ 

p. 26)

viśa viśrāntihetave | iti vijñapya caraṇā'mṛtaṃ pibet caraṇaṃ pavitraṃ vitataṃ 
purāṇaṃ yena putastarati duṣkṛtāni | tena pavitreṇa śuddhena pūtaḥ 
atipāpmānama'rātiṃtarāma | lokasya dvāramarciṣmjjyotiṣmat lokasya dhārāṃ 
bahudhā dohamānaṃ caraṇaṃ nṛloke satataṃ dadātu | 

devadeva mahādeva śaṃkhacakragadādhara | 
dehi viṣṇo mamānujñāṃ pādodakaniṣevaṇe || 1 || 

akālamṛtyuharaṇaṃ sarvavyādhinivāraṇam | 
śrīviṣṇupādodakaṃ pītvā punarjanma na vidyate ||

iti viṣṇupaṃcāyatanapūjāvidhiḥ ||

atha paṃcagavyavidhiḥ ||

gomūtraṃ gomāṃ kṣīraṃ dadhi sarpiḥ kuśodakam |
nirdiṣṭaṃ pañcagavyaṃ ca pavitraṃ kāyaśodhanam || 1 ||

gāyatryā'dāya gomūtraṃ gandhadvāreti gomayam |
āpyāyasveti ca kṣīraṃ dadhi krāvṇeti vai dadhi || 2 ||

tejosīti ghṛtaṃ proktaṃ devasyatvā kuśodakam |
gomūtraṃ gomaye kṣepyaṃ te saṃkṣipye ghṛte tathā || 3 ||

tāni dadhni prakṣipyāni tatsarvaṃ payasontare |
ekīkṛtya tu tatsarvaṃ kuśodakavimadhyagam || 4 ||

āpo hiṣṭheti cā'loḍya praṇavena tu tatpibet |
audumbare padmapatre raupyapātre hiraṇmaye || 5 ||

maṃtrapūtaṃ pibettattu trīnvārānpañcagavyakam |
śuddhavatīti mantreṇa prakṣipeddikṣu sarvataḥ || 6 ||

palamātraṃ dugdhabhāgaṃ gomūtraṃ tāvadiṣyate |
ghṛtaṃ ca palamātraṃ syādgomayaṃ tolakadvayam || 7 ||

dadhi prasṛtamātraṃ syātpañcagavyaṃ tvidaṃ smṛtam |
athavā pañcagavyānāṃ samāno bhāga iṣyate || 8 ||

mūlamaṃtreṇa saṃmaṃtrya kuśāgreṇaiva śodhayet |
tena sarvaviśuddhiḥ syātsarvapāpanikṛtanam || 9 ||

p. 27)

gomūtraṃ tāmravarṇāyāḥ śuddhavatyāstu gomayam |
payaḥ kāñcanavarṇāyā nīlāyāśca tathā dadhi || 10 ||

ghṛtaṃ ca kṛṣṇavarṇāyāḥ sarvaṃ kāpilameva vā |
gomūtraṃ māṣakāstvaṣṭau gomayasya tu ṣoḍaśa || 11 ||

payaso dvādaśa proktā dadhnaḥ pañcadaśa smṛtāḥ |
ghṛtasyā'ṣtādaśa proktāḥ pramāṇaṃ paṃcagavyake || 12 ||

ekonaviṃśamāṣāstu kuśodakasya ca smṛtāḥ |
gomūtramuttare sthāpyaṃ gomayaṃ vāruṇe nyaset || 13 ||

sarpiryāmyāṃ dadhi prācyāṃ kṣīraṃ madhye tu nikṣipet |
kuśodakaṃ tathaiśānyāṃ paṃcagavyasthitervidhiḥ || 14 ||

varuṇo devatā mūtre gomaye havyavāhanaḥ |
viṣṇuḥ kṣīre dadhni somo ghṛtasya pitṛmāṃstathā || 15 ||

kuśodake bhavedbrahmā pañcagavyasya devatāḥ |
mātṛghnaṃ bhrūṇahantāraṃ gurutalpagameva vā || 16 ||

pañcagavyaṃ sakṛtpītaṃ pāpebhyo vinivartayet iti ||

atha dikkṣepaṇamaṃtrāḥ ||

etonvidraṃ stavāmahe'haṃ śuddhaḥ śuddhena sāmnā |
śuddhairuktairvāvṛṣṭyā saṃśuddha āśīrvānmama ||

tutāndhuvāma yaṅgira indra muktā na vāvṛdhaḥ |
purūṇya'sya pāṃsyāmiṣāsanto havāmahe ||

indra śuddho hato nahi śuddhaḥ śuddhābhirūtibhiḥ |
śuddho rayiṃ nidhāraya śuddhaḥ samaddhi saumyaḥ ||

indraḥ śuddho hi norayiṃ śuddho ratnāni dāśuṣe |
śuddho vṛtrāṇi jighnase śuddho vājo siṣāmahi ||

pañcavyuṣṭīranu0 pṛ0 21 pa0 8 iti pañcagavyavidhiḥ ||

bhojanavidhiḥ |

atha bhojanavidhiḥ || tatrādau lepanaṃ vidhāya

catuṣkoṇaṃ tu viprasya kṣatriyasya trikoṇakam |
maṇḍalā'kṛti vaiśyasya śūdrasyā'bhyukṣaṇaṃ smṛtam || 1 ||

akṛtvā maṇḍalaṃ ye tu bhuñjate'nnama'dhomukhāḥ |
teṣāṃ tu yakṣarakṣāṃsi bhuñjate'nnasya tadbalam || 2 ||

pañcā'rdro bhojanaṃ kuryādvāgyutaḥ prāṅmukhaḥ śuciḥ |
hastau pādau tathā vaktrameṣā pañcā'rdratā matā || 3 ||

tato'nnapātramā'nīya | 
annaṃ dṛṣṭvā praṇamyā'dau prāñjaliḥ kathayedidam |
asmākaṃ nityama'stvetaditi smṛtvā ca vandayet || 4 ||

amṛtamudrayā'nnapātraṃ gṛhītvā | 
annapate annasya no dehya'namīvasya śuṣmiṇaḥ |
pra pradātāraṃ tāriṣaṃ ūrjaṃ no dehi dvipade śaṃ catuṣpade || 5 ||

gāyatryā cā'bhimaṃtrya || 6 || tato jalenā'bhyukṣya | oṃ ucchiṣṭocchiṣṭopahataṃ 
yacca pāpena hataṃ mṛtasūtakādvā | vasoḥ pavitrama'gniḥ savituśca raśmayaḥ 
punantva'nnaṃ mama duṣkṛtaṃ yaccā'nyat || 7 || oṃ tadviṣṇoḥ paramaṃ0 || 8 || iti 
ca | tato dakṣiṇabhāge bhūmau | oṃ bhūpatayenamaḥ oṃ bhuvanapataye namaḥ oṃ 
bhūtānāṃ pataye namaḥ | iti balitrayaṃ nivedya | ye kecidyatra tatrasthāḥ 
pretabhāgavaśā'nugāḥ | ihaiva bhūmau te sarve maddattalepama'dyatām || 9 || iti 
lepaṃ bhūmau prakṣālya antaścarasi bhūteṣu iti brahmārpaṇaṃ 
brahmahavirbrahmā'gnau brahmaṇā hutam | brahmaiva tena gantavyaṃ 
brahmakarmasamādhinā || 11 || oṃ amṛtopastaraṇama'sisvāhā ityā'camya | 
prāṇāyasvāhā iti tarjanīmadhyamābhyāṃ | apānāya svāhā iti 
madhyamā'nāmikāṅguṣṭhaiḥ | samānāya svāhā iti 
kaniṣṭhā'nāmikā'ṅguṣṭhaiḥ udānāya svāhā iti tarjanīṃvinā'ṅgulibhiḥ || 
vyānāya svāhā iti savāṅglibhirdattāmā'hutiṃ jihvayaivā'tvā | 
śeṣamiṣṭadevatāmaṃtramaṃtritaṃ pratyekaṃ grāsaṃ grasitvā | 
gaṇḍūṣairmukhaṃ viśodhya | oṃ amṛtāpidhānamasi svāhā ityā'camya ||

ye kāṃkṣaṇamānā jīvā vai ye ca karmavaśā'nugāḥ |
bhuñjatāṃ te mamocchiṣṭaṃ pātraśeṣaṃ samarpitaṃ || 12 || ityabhimaṃtrya 
śeṣānnaṃ bhūmau nirvapet ||

p. 29)

dakṣiṇakarāṅguṣṭhena dakṣiṇapādāṅguṣṭhaṃ |

aṅguṣṭhamātraḥ puruṣaḥ so'ṅguṣṭhāgramupāśritaḥ |
īśaḥ sarvasya jagataḥ prabhuḥ prīṇātu viśvabhuk || 13 || iti niplāvayitvā |

śaryātiśca sukanyā ca śakraśca cyavano'śvinau |
ṣaḍete gāruḍīṃ dṛṣṭiṃ mahyaṃ dadatu sarvadā || 14 || iti 
netrayora'ṅguṣṭhenodakaṃ saṃspṛśya | iṣṭadevatāṃ smaran | prāno'gniḥ 
paramātmā vai pañcavāyusamāśritaḥ |

sa prītaḥ prīṇātu viśvaṃ viśvabhuk || 15 ||

viśvo'si vaiśvānaro'si viśvamā'bhāsase jāyamānaḥ |
viśanti tvāmā'hutayaśca sarvāḥ prajāstatra yatra viśvā'mṛtosi || 16 ||

ahaṃ vaiśvānaro bhūtvā prāṇināṃ dehamā'śritaḥ |
prāṇā'pānasamāyuktaḥ pacāmya'nnaṃ caturvidham || 17 ||

ahama'nnamahamannadaḥ ahamannādaḥ ||

agastyaḥ kumbhakarṇaśca bhīmaśca vaḍavānalaḥ |
bhojanānte smarennityaṃ kukṣau rogo na jāyate || 19 ||

rājñāṃ śivaṃ cā'stu tathā dvijānāṃ gavāṃ śivaṃ cā'stu tathā 
prajānām |
ātaṅkahīnaṃ jagada'stu sarvaṃ doṣā vināśaṃ sakalāḥ prayāntu || 20 || iti 
paṭhet ||

iti bhojanavidhiḥ ||

atha gurustutiḥ

oṃ brahmā'nandaṃ paramasukhadaṃ kevalaṃ jñānamūrtiṃ
dvandvātītaṃ gaganasadṛśaṃ tattvama'syā'dilakṣyam |
ekaṃ nityaṃ vimalama'calaṃ sarvadhīsākṣibhūtaṃ
bhāvā'tītaṃ triguṇarahitaṃ sadguruṃ taṃ namāmi || 1 ||

smāraṃ smāraṃ janimṛtibhayaṃ jātanirvedavṛtti-
rdhyāyaṃ dhyāyaṃ paśupatimumākāntama'ntarniṣaṇṇam |
pāyaṃ pāyaṃ sapadi paramānandapīyūṣadhārā
bhūyo bhūyo nijagurupadā'mbhojayugmaṃ namāmi || 2 ||

p. 30)

yasya deve parā bhaktiryathā deve tathā gurau |
tasyaite kathitā hyarthāḥ prakāśyante mahātmanaḥ || 3 ||

namāmi sadguruṃ śāntaṃ pratyakṣaṃ śivarūpiṇam |
śirasā yogapīṭhasthaṃ dharmakāmārthasiddhaye || 4 ||

śrīguruṃ paramānandaṃ vande ānandavigraham |
yasya sānnidhyamātreṇa cidā'nandāyate param || 5 ||

akhaṇḍamaṇḍalākāraṃ vyāptaṃ yena carācaram |
tatpadaṃ darśitaṃ yena tasmai śrīgurave namaḥ || 6 ||

ajñānatimirāndhasya jñānā'ñjanaśalākayā |
cakṣurunmūlitaṃ yena tasmai śrīgurave namaḥ || 7 ||

harau ruṣṭe gurustrātā gurau ruṣṭe na kaścana |
sarvadevasvarūpāya tasmai śrīgurave namaḥ || 8 ||

gururbrahmā gururviṣṇurguruḥ sākṣānmaheśvaraḥ |
gurureva jagatsarvaṃ tasmai śrīgurave namaḥ || 9 ||

dhyānamūlaṃ gurormūrtiḥ pūjāmūlaṃ guroḥ padam |
jñānamūlaṃ gurorvākyaṃ mokṣamūlaṃ guroḥ kṛpā || 10 ||

namaste nātha bhagavan śivāya gururūpiṇe |
vidyāvatārasaṃsiddhyai svīkṛtā'nekavigraha || 11 ||

navāya navarūpāya paramārthaikarūpiṇe |
sarvā'jñānatamobhedabhānave cidghanāya te || 12 ||

svatantrāya dayākḷptavigrahāya parātmane |
paratantrāya bhaktānāṃ bhavyānāṃ bhavyahetave || 13 ||

jñānināṃ jñānarūpāya prakāśāya prakāśinām |
vivekināṃ vivekāya vimarśāya vimarśinām || 14 ||

purastātpārśvayoḥ pṛṣṭhe namaskuryāmuparya'dhaḥ |
sadā maccittarūpeṇa vidhehi bhavadā'sanam || 15 ||

iti śrīgurustutiḥ |

atha mahāgāyatrīstutiḥ |

sadā gaveṣayan jagattrayeṣu vedamātaraṃ
cidā'tmanā kṛtasthitiṃ samatra cā'dya labdhavān |
uda'sru gadgadaṃ mahodayātpraṇaumi bhaktinau-
kayā sudustaraṃ drutaṃ titīrṣurā'pada'rṇavam || 1 ||

sudīnalokapātinī satāṃ kṛpā'tiśobhate
hya'taḥ sudhāṃśucakṣuṣekṣayā'mba ! mādṛśaṃ janam |
navā'pi hīyate taveṣadīśi ! pālanena no
bhavāt yataḥ kuputratā na bhāsate prasūhṛdi || 2 ||

namāmi muktavidrumaprataptahāṭakā'sitā'-
vadātavarṇasundaraiḥ ṣaḍa'rdhalolalocanaiḥ |
sarojaṣaṇḍabāndhavaprataptahāṭakaprabhaiḥ
kirīṭaratnaraṃjitaiḥ sudhāṃśukhaṇḍamaṃḍitaiḥ || 3 ||

mukhairdaśārdhasaṃmitairvirājamānavigrahāṃ
sureśacāpasaprabhāṃ samastadevavanditām |
varā'bhayā'ṅkuśā'nvitaiḥ kapālaśūlaśaṅkhaca-
krasārasadvayīguṇā'ṅkitaiḥ karairvirājitām || 4 ||

bhavadrumasya mūlatāṃ gatāṃ munīndravanditā-
ma'khaṇḍabhāvamaṇḍalaprakāśakāriṇīṃ śivām |
samastadevatāmayīṃ samastasiddhidāyinī-
ma'pūrvarūpavigrahāṃ sarasvatīṃ bhavārtihām || 5 ||

śucīndusūryalocanāṃ śucīndusūryavigrahāṃ
śucīndusūryasaṅgamasvabhāvaśālinīṃ śubhām |
padadvayā'nukampitasvaśakticakrasevitāṃ
pareśaśaktimuttamāṃ bhaje trilokasundarīm || 6 ||

mahāmaheśvarījagadvisargasusthitikṣaya-
svatantratā śarīriṇī babhūva yā maheśituḥ |

p. 32)

dvipatritā'dibhedato latāyamānavigrahā
trayīśvarī sadā tu sā jagajjayāya jāyatām || 7 ||

namāmi tanmukhā'ravindapañcakaṃ malā'pahaṃ
galaikanālakaṃ sadāvikāsi bhaktisambhavam |
svabhaktahaṃsasevitaṃ śucīndupadmabandhavaḥ
pratīkabhūtavigrahā gatā hi yatra pañcatām || 8 ||

bhavā'rṇave'tiduḥsahasmarā'dhidigdhamānasaṃ
ṣaḍ-ūrminityapīḍitaṃ janaṃ didhīrṣumānasā |
śrutidhvanisphuranmukhā'ravindabhūsuraiḥ sadā
trisandhyamīśvarī nutā'stu sā sukhapradā hi naḥ || 9 ||

trayiprasūḥ svadṛṣṭipātadhūtabhaktikalmaṣā
samairjanairnutā mudā svavarṇadharmabhedataḥ |
nilimpanimnagāmiṣeṇa pādadhautajaṃ jalaṃ
yadīyamā'gataṃ kṣitiṃ tanonu naḥ śivaṃ tu sā || 10 ||

svadambhavañcitā'khilaṃ kubhogasaktamānasaṃ
sadāśuciṃ kumārgagaṃ śaṭhaṃ ca śaṃkase yadi |
kathaṃ svapādacintanotthavaibhavaṃ nahīśvari !
yato'ṅghricintakaṃ dayādṛśekṣase na mādṛśam || 11 ||

anekadoṣadūṣiteṣva'nirvivecanā satī 
svatantraśaktirīśvarī bhavāghanāśakāriṇī |
kṛpāmayīṃ dṛśaṃ vidhāya sā svabhaktipātritaṃ
svapatkaje madhuvrataṃ karotu māma'harniśam || 12 ||

trisandhyamiṣṭadaivataṃ sukeśavāsyajaṃ stavaṃ
smaran hṛdīddhabhāvano vidhāya vedamātaram |
vidhūya pāpasañcayaṃ vitīrya kīrtimuttamā-
mihatva'mutra kaivalaṃ padaṃ sa yāti nirbhayam || 13 ||

iti śrīmahāgāyatrīlīlāstutiḥ |

p. 33)

prārthanāstutiḥ ||

oṃ durnivārabhavadhvānta dhvaṃsanaikakṛtekṣaṇām
naumi mohavināśāya bhīto brahmādidaivatām || 1 ||

durgatiṃ hara me devi bahujanmaśatārjitām |
prāpya kalpatarucchāyāṃ kathaṃ santapyate janaiḥ || 2 ||

paśya māmā'śu gāyatri bibhyataṃ snigdhacakṣuṣā |
na bālama'balaṃ putraṃ muñcatya'gragamambikā || 3 ||

ehi māṃ pāṇipadmena dehi tūrṇaṃ varaṃ śubham |
mahāmohā'kulaṃ dīnamehi māṃ spṛśa nityaśaḥ || 4 ||

mātaḥ pratīkṣate nā'rto yattadā'śu prasīda me |
hitvā'kṣasūttraṃ sāvitri nirvighnaṃ paśya māmiha || 5 ||

śṛṇvato nā'nyakṛtyaṃ syāttattvaṃ parahitaṃ kuru |
brahmaviṣṇuharādyāstvāmā'śrayanti sureśvari || 6 || iti prārthanāstutiḥ

atha sarasvatīstutiḥ ||

oṃ sitavarṇā'laṅkāre ! sarasvati ! samastavāṅmayā'dhāre !
kamalajamānasavarale ! mṛgāṅkadhavale ! namastubhyam || 1 ||

dhanyaḥ sa eva loke sa eva pūjyaḥ sa eva sarvaguruḥ |
yasya mukhakamalakośe vāṅmayi kuladevate ! vasasi || 2 ||

kastvāṃ vinā vivekī vivekavikalasya niṣphalaṃ janma |
tasmādbhārati bhavināṃ tvameva heturviveke'pi || 3 ||

lakṣmīvāna'pi puruṣaḥ śūraḥ subhago'pi kāmasamarūpaḥ |
vṛṣa iva vibudhasabhāyāṃ pratibhātya'male ! tvayā rahitaḥ || 4 ||

munimanujamānanīyo māta ! rmūrkho'pi mānavo dakṣaḥ |
niśśeṣaśāstravaktā tvanmaṃtradhyānato bhavati || 5 ||

kuvalayadṛśaḥ kva tāvadveśmani vilasanti kucabharā'namrāḥ |
yāvada'sitā'bjanayane ! na tvaṃ tuṣṭāsi devi bhuvi bhavinām || 6 ||

p. 34)

jitvā naro'rirājakama'gagurugajavājipuruṣabalasahitaḥ |
yadupaiti tatsamagraṃ tvaccaraṇanuteḥ phalaṃ tasya || 7 ||

āvarjitā'pi kaṣṭairiha janmani muñcati naraṃ śrīḥ |
na tvaṃ satprabhaveṣviti matvā ko nauti no bhavatīm || 8 ||

kavivaravadanasaroruha viharaṇavisrambhavibhramadbhramari !
bhagavati ! pañcamukhīśvari ! vāgīśvari ! namaste'stu || 9 ||

śambhupraṇatāṃ vāṇīṃ bhaktyā yaḥstauti so'cireṇaiva |
avahitabuddhiprasaro kavirājo jāyate manujaḥ || 10 ||

iti kālidāsakṛtā sarasvatīstutiḥ |

atha gaurīstutiḥ ||

oṃ līlā'rabdhasthāpitaluptā'khilalokāṃ lokā'tītairyogibhirantarhṛdimṛgyām |
bālā'dityaśreṇisamānadyutipuṃjāṃ 
gaurīma'mbāma'mburuhākṣīma'hamīḍe || 1 ||

āśāpāśakleśavināśaṃ vidadhānāṃ pādā'mbhojadhyānaparāṇāṃ 
puruṣāṇām |
īśīmīśāṅgā'rdhaharāṃ tāṃ tanumadhyāṃ 
gaurīma'mbāma'mburuhākṣī0 || 2 ||

pratyāhāradhyānasamādhisthitibhājāṃ nityaṃ citte nirvṛtikāṣṭhāṃ 
kalayantīm |
satyajñānā'nandamayīṃ tāṃ taḍidā'bhāṃ 
gaurīma'mbāma'mburuhākṣī0 || 3 ||

candrā'pīḍā'nanditamandasmitavaktrāṃ 
candrā'pīḍā'laṅkṛtalolā'lakabhārām |
indropendrādya'rcitapādā'mbujayugmāṃ gaurīma'mbāma'mburuhākṣī0 || 4 
||

nānākāraiḥ śaktikadambairbhuvanāni vyāpya svairaṃ krīḍati yā'sau 
svayamekā |
kalyāṇīṃ tāṃ kalpalatāmā'natibhājāṃ gaurīma'mbāma'mburuhākṣī0 || 5 
||

mūlādhārādutthitavantīṃ vidhirandhraṃ sauraṃ cāndraṃ dhāma vihāya 
jvalitāṅgīm |
sthūlāṃ sūkṣmāṃ sūkṣmatarāṃ tāma'bhivandyāṃ 
gaurīma'mbāmamburuhākṣī0 || 6 ||

ādikṣāntāma'kṣaramūrtyā vilasantīṃ bhūte bhūte bhūtakadambaṃ 
prasavitrīm |
śabdabrahmā'nandamayīṃ tāma'bhirāmāṃ gaurīma'mbāmamburuhākṣī0 || 
7 ||

yasyāḥ kakṣau līnama'khaṇḍaṃ jagada'ṇḍaṃ bhūyo bhūyaḥ 
prādurabhūda'kṣatameva |
bhartrā sārdhaṃ tāṃ sphaṭikādrau viharantīṃ gaurima'mbāmamburuhākṣī0 || 
8 ||

p. 35)

yasyāmetatprotama'śeṣaṃ maṇimālā sūtre yadvatkvā'pi caraṃ 
cā'pya'caraṃ ca |
tāma'dhyātmajñānapadavyā gamanīyāṃ gaurīma'mbāma'mburuhākṣī0 || 9 
||

nityaḥ satyo niṣkala eko jagadīśaḥ sākṣī yasyāḥ sargavidhau saṃharaṇe ca |
viśvatrāṇakrīḍanaśīlāṃ śivapatnīṃ gaurīma'mbāma'mburuhākṣī0 || 10 ||

prātaḥkāle bhāvaviśuddhiṃ vidadhāno bhaktyā nityaṃ jalpati gaurīdaśakaṃ 
yaḥ |
vācāṃ siddhiṃ sampadamuccaiḥ śivabhaktiṃ tasyā'vaśyaṃ parvataputrī 
vidadhāti || 11 ||

iti śrīgaurīstutiḥ sampūrṇā ||

atha mukundamālāstutiḥ ||

oṃ vande mukundama'ravindadalā'yatā'kṣaṃ kundenduśaṅkhadaśanaṃ 
śiśugopaveśam |
indrādidevagaṇavanditapādapīṭhaṃ vṛndāvanā'layama'haṃ vasudevasūnum || 
1 ||

śrīvallabheti varadeti dayāpareti bhaktapriyeti bhavaluṇṭhanakovideti |
nātheti nāgaśayaneti jagannivāse tyā'lāpinaṃ pratidinaṃ kuru māṃ mukunda || 
2 ||

jayatu jayatu devo devakīnandano'yaṃ jayatu jayatu kṛṣṇo vṛṣṇivaṃ'sapradīpaḥ |
jayatu jayatu meghaśyāmalaḥ komalāṅgo jayatu jayatu pṛthvībhāranāśo 
mukundaḥ || 3 ||

mukunda mūrdhnā praṇipatya yāce bhavantamekāntamiyantama'rtham |
avismṛtistvaccaraṇā'ravinde bhave bhave me'stu bhavatprasādāt || 4 ||

śrīmukundapadāmbhojamadhunaḥ paramā'dbhutam |
yatpāyino na muhyanti muhyanti yada'pāyinaḥ || 5 ||

nā'haṃ vande tava caraṇayordvandvama'dvandvahetoḥ
kumbhīpākaṃ guruma'pi hare ! nārakaṃ nā'panetum |
ramyārāmāmṛdutanulatā naṃdane nā'pi rantuṃ
bhāve bhāve hṛdayabhavane bhāvayeyaṃ bhavantam || 6 ||

nā'sthā dharme na vasunicaye naiva kāmopabhoge
yadyadbhavyaṃ bhavatu bhagavan ! pūrvakarmā'nurūpam |
etatprārthyaṃ mama bahumataṃ janmajanmāntare'pi
tvatpādā'mbhoruhayugagatā niścalā bhaktira'stu || 7 ||

p. 36)

divi vā bhuvi vā mamā'stu vāso narake vā narakāntaka prakāmam |
ādhīritaśāradā'ravindau caraṇau te maraṇe'pi cintayāmi || 8 ||

sarasijanayane saśaṅkhacakre murabhidi mā virameha citta rantum |
sukhatarama'paraṃ na jātu jāne haricaraṇasmaraṇā'mṛtena tulyam || 9 ||

mā bhairmandamano ! vicintya bahudhā yāmīściraṃ yātanā
nā'mī naḥ prabhavanti pāparipavaḥ svāmī nanu śrīdharaḥ |
ālasyaṃ vyapanīya bhaktisulabhaṃ dhyāyasva nārāyaṇaṃ
lokasya vyasanā'panodanakaro dāsasya kiṃ na kṣamaḥ || 10 ||

bhavajaladhima'gādhaṃ dustaraṃ nistareyaṃ kathama'hamiti ceto mā sma gāḥ 
kātaratvam |
sarasijadṛśi deve tāvakī bhaktirekā narakabhidi niṣaṇṇā tārayiṣyatya'vaśyam || 
11 ||

tṛṣṇātoye madanapavanoddhūtamohormimāle
dārā'varte tanayasahajagrāhasaṅghā'kule ca |
saṃsārā'khye mahati jaladhau majjatāṃ nastridhāman !
pādā'mbhoje varada ! bhavato bhaktināve prasīda || 12 ||

pṛthvī reṇura'ṇuḥ payāṃsi kaṇikā phalguḥ sphuliṅgo laghu-
stejo niḥśvasanaṃ maruttanutaraṃ randhraṃ susūkṣmaṃ nabhaḥ |
kṣudrā rudrapitāmahaprabhṛtayaḥ kīṭāḥ samastāḥ surā
dṛṣṭe yatra sa tāvako vijayate bhūmā'vadhūtā'vadhi || 13 ||

āmnāyā'bhyasitānya'raṇyaruditaṃ kṛcchravratānya'nvahaṃ
bhedacchedaphalāni pūrtavidhayaḥ sarvaṃ hutaṃ bhasmani |
tīrthānāma'vagāhanāni ca gajasnānaṃ vinā yatpada-
dvandvā'mbhoruhasaṃstutiṃ vijayate devaḥ sa nārāyaṇaḥ || 14 ||

bhavajaladhigatānāṃ dvandvavātāhatānāṃ 
sutaduhitṛkalatratrāṇabhārāvṛtānām |
viṣamaviṣayatoye majjatāma'plavānāṃ bhavati śaraṇameko viṣṇupoto 
narāṇām || 15 ||

rajasi nipatitānāṃ mohajālāvṛtānāṃ jananamaraṇadhūlidurgatiṃ 
saṃgatānām |
śaraṇama'śaraṇānāmeka evā'turāṇāṃ kuśalapathi niyoktā 
cakrapāṇirnarāṇām || 16 ||

aparādhasahasrasaṃkulaṃ patitaṃ bhīmabhavārṇavodare |
agatiṃ śaraṇāgataṃ hare ! kṛpayā kevalamā'tmasātkuru || 17 ||

p. 37)

yaccintitaṃ ca manasā vacasā yaduktaṃ cakṣuḥkaraśravaṇapādaviceṣṭitaṃ ca |
yadyanniśāsu divaseṣu kṛtaṃ mayaiva tattajjanārdana ! tavā'rcanameva bhūyāt 
|| 18 ||

mā me strītvaṃ mā ca me dāsabhāvo mā mūrkhatvaṃ mā kudeśeṣu janma |
mithyā dṛṣṭirmā ca me syātkadācijjātau jātau viṣṇubhakto bhavāmi || 19 ||

ānanda ! govinda ! mukunda ! rāma ! nārāyaṇā'nanta ! nirāmayeti |
vaktuṃ samartho'pi na vakti kaścida'ho janānāṃ vayasanāni mokṣe || 20 ||

kṣīrasāgarataraṅgaśīkarā'sāratārakitacārumūrtaye |
bhogibhogaśayanīyaśāyine mādhavāya madhuvidviṣe namaḥ || 21 ||

kṣīrasārama'panīyaśaṅkayā svīkṛtaṃ yadi palāyanaṃ tvayā |
mānase mama nitāntatāmase nandanandana kuto na līyase || 22 ||

vātsalyāda'bhayapradānasamayādā'rtārtinirvāpaṇāt 
audāryāda'ghaśoṣaṇāda'gaṇitaśreyaḥpadaprāpaṇāt |
sevyaḥ śrīpatireva sarvajagatāmekāntataḥ sākṣiṇaḥ
prahlādaśca vibhīṣaṇaśca karirāṭ pāñcālya'halyā dhruvaḥ || 23 ||

nāthe śrīpuruṣottame trijagatāmekādhipe cetasā 
sevye svasya padasya dātari pare nārāyaṇe tiṣṭhati |
yaṃ kaṃcitpuruṣādhamaṃ katipayagrāmeśamalpā'rthadaṃ
sevāyai mṛgayāmahe narama'ho mūḍhā varākā vayam || 24 ||

he lokāḥ ! śṛṇuta prasūtimaraṇavyādheścikitsāmimāṃ
yogajñāḥ samudāharanti munayo yāṃ yājñavalkyādayaḥ |
antarjyotira'meyamekama'mṛtaṃ kṛṣṇākhyamā'pīyatāṃ
tatpītaṃ paramauṣadhaṃ vitanute nirvāṇamā'tyantikam || 25 ||

baddhenā'ñjalinā natena śirasā gātraiḥ saromodgamaiḥ
kaṇṭhena svaragadgadena nayanodgīrṇena bāṣpā'mbunā |
nityaṃ tvaccaraṇā'ravindayugaladhyānāmṛtā'svādinā-
ma'smākaṃ sarasīruhākṣa ! satataṃ sampadyatāṃ jīvitam || 26 ||

tatvaṃ bruvāṇāni paraṃ parasmāda'ho kṣarantīva sudhāṃ padāni |
āvartaya prāñjalira'smi jihve nāmāni nārāyaṇagocarāṇi || 27 ||

p. 38)

idaṃ śarīraṃ pariṇāmapeśalaṃ patatya'vaśyaṃ ślarthasandhijarjaram |
kimauṣadhaiḥ kliśyasi mūḍha durmate ! nirāmayaṃ kṛṣṇarasayanaṃ piba || 28 ||

śrīmannāma procya nārāyaṇā'khyaṃ ke na prāptā vāñchitaṃ pāpino'pi |
hā naḥ pūrvaṃ vākpravṛttā na tasmiṃstena prāptaṃ garbhavāsādiduḥkham || 
29 ||

mādrākṣaṃ kṣīṇapuṇyān kṣaṇama'pi bhavato bhaktihīnān padābje 
māśrauṣaṃ śrāvyabaddhaṃ tava caritama'pāsyā'nyadā'khyānajātam |
māsprākṣaṃ mādhava ! tvāmapi bhuvanapatiṃ cetasā'pahnavānaṃ
mābhūvaṃ tvatsaparyā vyatikararahito janmajanmāntare'pi || 30 ||

madana ! parihara sthitiṃ madīye manasi mukundapadāravindadhāmni |
haranayanakṛśānunā kṛśo'si smarasi na cakraparākramaṃ murāreḥ || 31 ||

dārā vārākaravarasutā te'ṅgajoyaṃ viriñciḥ 
stotā vedāstava suragaṇo bhṛtyavargaḥ prasādaḥ |
muktirmadhye jagada'vikalaṃ tāvakī devakīyaṃ 
mātā mitraṃ balaripusutastatvato'nyanna jāne || 32 ||

jihve ! kīrtaya keśavaṃ muraripuṃ ceto ! bhaja śrīdharaṃ
pāṇidvaṃdva ! samarcayā'cyutakathāḥ śrotradvaya ! tvaṃ śṛṇu |
kṛṣṇaṃ lokaya locanadvaya ! harergacchāṅghriyugmā'layaṃ
jighra ghrāṇa ! mukundapādatulasīṃ mūrdhan ! namā'dhokṣajam || 33 ||

yatkrṣṇapraṇipātadhūlidhavalaṃ tadvai śiraḥ syācchubhaṃ
te netre tamasojjhite surucire yābhyāṃ harirdṛśyate |
sā buddhirniyamairyamaiśca vimalā yā mādhavadhyāyinī 
sā jihvā'mṛtavarṣiṇī pratipadaṃ yā stauti nārāyaṇam || 34 ||

bhaktadveṣabhujaṅgagāruḍamaṇistrailokyarakṣāmaṇi-
rgopīlocanacātakā'mbudamaṇiḥ saundaryamudrāmaṇiḥ |
śrīkāntāmaṇirukmiṇīghanakuca dvandvaikabhūṣāmaṇiḥ
śreyo dhyeyaśikhāmaṇirdiśatu no gopālacūḍāmaṇiḥ || 35 ||

śatrucchedaikamantraṃ sakalamupaniṣadvākyasaṃpūjyamantraṃ
saṃsārottāramaṃtraṃ samuditatamasāṃ saṃganiryāṇamaṃtram

p. 39)

sarvaiśvaryaikamaṃtraṃ vyasanabhujagasandaṣṭasantrāṇamantraṃ
jihve! śrīkṛṣṇamantraṃ japa japa satataṃ janmasāphalyamantram || 36 ||

vyāmohoddalanauṣadhaṃ munimano vṛttipravṛtyauṣadhaḥ 
daityā'narthakarauṣadhaṃ tribhuvane saṃjīvanaikauṣadham |
bhaktā'rtipraśamauṣadhaṃ bhavabhayapradhvaṃsi divyauṣadhaṃ
śreyaḥprāptikarauṣadhaṃ piba manaḥ ! śrīkṛṣṇanāmauṣadham || 37 ||

āścaryametaddhi manuṣyaloke sudhāṃ parityajya viṣaṃ pibanti |
nāmāni nārāyaṇagocarāṇi tyaktvā'nyavācaḥ kuhakāḥ paṭhanti || 38 ||

lāṭī netrapuṭī payodharaghaṭī krīḍākuṭī dostaṭī
pāṭīradrumavarṇanena kavibhirmūḍhairdinaṃ nīyate |
govindeti janārdaneti jagatāṃ nātheti kṛṣṇeti ca 
vyāhāraiḥ samayastadekamanasāṃ puṃsāṃ parikrāmati || 39 ||

ayācyama'kreyama'yātayāmama'pācyama'kṣayyama'durbharaṃ me |
astyeva pātheyama'tiprayāṇe śrīkṛṣṇanāmā'mṛtabhāgadheyam || 40 ||

yasya priyau śrutidharau ravilokagītau mitre dvijanmaparivāraśivāvabhūtām |
tenā'mbujākṣacaraṇāmbujaṣaṭpadena rājñāṃ kṛtā stutiriyaṃ kulaśekhareṇa 
|| 41 ||

iti śrīkulaśekhararājñākṛtā mukundamālāstutiḥ 

atha śrīkṛṣṇalīlā ||

oṃ nigamataroḥ pratiśākhaṃ mṛgitaṃ ca mayā parabrahma |
militamidānīma'ṅke gokulapaṅkeruhākṣīṇām || 1 ||

taptaṃ tapobhira'nyaiḥ phalitaṃ ca tadgopabālānām |
āsāṃ yatkucakumbhe nīlanicolāyate paraṃ brahma || 2 ||

śrutima'pare smṛtima'pare bhāratama'nye bhajantu bhavabhītāḥ |
ahama'pi nandaṃ vande yasyā'linde paraṃ brahma || 3 ||

kiṃ kathayāmaḥ kasmai kasya manaḥ pratyayamā'datte |
ramayati gopavadhūṭīkuñjakuṭīre paraṃ brahma || 4 ||

nītaṃ navanavanītaṃ kena ca pītaṃ payaḥ kva me muralī |
iti samudīrya luṭhantaṃ bhumau bālaṃ namāmi gopālam || 5 ||

p. 40)

paśyata balama'balānāma'nāvile hṛdbile babandhuryāḥ |
tanu dṛṣṭipātaraśmyā'kṛṣṭama'mūrtaṃ paraṃ brahma || 6 ||

etattvāma'hama'rthayāmi satataṃ re citta ! cintātura !
mā cintāṃ kuru cañcaleṣu viṣayeṣvā'gāradārā'diṣu |
gāyantaṃ yamunātaṭadrumatale nīlāmbudaśyāmalaṃ
gopālaṃ vanamālinaṃ kamalinaṃ nandātmajaṃ cintaya || 7 ||

dhyānā'bhyāsavaśīkṛtena manasā tannirguṇaṃ niṣkriyaṃ
jyotiḥ kiṃcana yogino yadi paraṃ paśyanti paśyantu te |
asmākaṃ tu tadeva locanacamatkārāya bhūyācciraṃ
kālindīpulineṣu tatkimapi yannīlaṃ tamo dhāvati || 8 || iti kṛṣṇalīlā0


atha jayastutirviṣṇoḥ ||

oṃ jaya nārāyaṇa ! jaya puruṣottama ! jaya vāmana ! kaṃsāre !
uddhara māma'sureśavināśin ! patito'haṃ saṃsāre |
ghoraṃ hara mama narakaripo ! keśava ! kalmaṣabhāraṃ
māma'nukampaya dīnama'nāthaṃ kuru bhavasāgarapāram || 1 ||

jaya jaya deva ! jayā'surasūdana ! jaya keśava ! jaya viṣṇo !
jaya lakṣmīmukhakamalamadhuvrata ! jaya daśakandarajiṣṇo ! || ghoraṃ0 || 2 ||

tvaṃ jananī janakaḥ prabhura'cyuta ! tvaṃ putrasuhṛddhanamitram |
tvaṃ śaraṇaṃ śaraṇā'gatavatsala ! tvaṃ bhavajaladhivahitram || ghoraṃ || 3 ||

punara'pi jananaṃ punarapi maraṇaṃ punara'pi garbhanivāsaṃ |
soḍhuma'laṃ punara'sminmādhava ! māmuddhara nijadāsam || ghoraṃ0 || 4 ||

janakasutāpaticaraṇaparāyaṇaśaṃkaramunivaragītaṃ
dhāraya manasi kṛṣṇa ! puruṣottama ! vāraya saṃsṛtibhītim || ghoraṃ0 || 5 ||

yadyapi sakalama'haṃ kalayāmi hare ! nahi kima'pi sasatvaṃ |
tada'pi na muñcati māmidama'cyuta ! putrakalatramamattvam || 6 || iti viṣṇustutiḥ 

p. 41)

govindāṣṭakaṃ ||

oṃ satyaṃjñānama'nantaṃ nityama'nākāśaṃ paramā'kāśaṃ
goṣṭhaprāṅgaṇariṅkhaṇalolaḥma'nāyāsaṃ paramāyāsam |
māyākalpitanānākārama'nākāraṃ bhuvanākāraṃ
kṣmāmānāthama'nāthaṃ praṇamata govindaṃ paramānandam || 1 ||

mṛtsnāma'tsīheti yaśodā tāḍanaśaiśavasantrāsaṃ
vyāditavaktrā'lokita lokā'lokacaturdaśalokā'lim |
lokatrayapuramūlastaṃbhaṃ lokālokama'nālokaṃ lokeśaṃ parameśaṃ pra0 || 2 
||

traiviṣṭaparipuvīraghnaṃ ks.itibhāraghnaṃ bhavarogaghnaṃ
kaivalyaṃ navanītā'hārama'nāhāraṃ bhuvanāhāram |
vaimalyasphuṭacetovṛttiviśeṣā'bhāsama'nābhāsaṃ śaivaṃ kevalaśāntaṃ 
pra0 || 3 ||

gopālaṃ prabhulīlāvigraha gopālaṃ kulagopālaṃ
gopīkhelanagovardhanadhṛtilīlālālitagopālam |
gobhirnigaditagovinda sphuṭanāmānaṃ bahunāmānaṃ godhīgocaradūraṃ pra0 || 
4 ||

gopīmaṇḍalagoṣṭhībhedaṃ bhedā'vasthamabhedā'bhaṃ
śaśadgokhuranirdhūtoddhata dhūlidhūsarasaubhāgyam |
śraddhābhaktigṛhītā'nandama'cintyaṃ cintitasadbhāvaṃ 
cintāmaṇima'nimānaṃ || 5 ||

snānavyākulayoṣidvastrāṇyā'dāyā'gamupārūḍhaṃ
vyāditsantīra'tha digvastrā vastraṃ dātumupākarṣataṃ tāḥ |
nirdhūtadvayaśokavimohaṃ buddhaṃ buddherantaḥsthaṃ sattāmātraśarīraṃ 
pra0 || 6 ||

kāntaṃ kāraṇakāraṇamā'dima'nādiṃ kālaghanā'bhāsaṃ
kālindīgatakāliya śirasi nṛtyantaṃ muhurnṛtyantam |
kālaṃ kālakalā'tītaṃ kalitā'śeṣaṃ kalidoṣajñaṃ kālatrayagatihetuṃ pra0 || 
7 ||

vṛndāvanabhuvi vṛndārakagaṇaḥ vṛndā'rādhitavandyehaṃ
kundā'bhā'malamandasmera svadhānandaṃ suhṛdā'nandam |
vandyā'śeṣamahāmuni mānasavandyā'nandapadadvandvaṃ 
vandyā'śeṣaguṇābdhiṃ pra0 || 8 ||

govindā'ṣṭakametada'dhīte govindārpitacetā yo
govindā'cyuta ! mādhava ! viṣṇo ! gokulanāyaka ! kṛṣṇeti |

p. 42)

govindāṃghrisarojadhyānajaladhautasamastā'gho
govindaṃ paramānandā'mṛtama'ntasthaṃ samabhyeti || 9 ||

iti śrīśaṃkarācāryakṛtaṃ govindāṣṭakaṃ sampūrṇam 

atha śivastutiḥ ||

oṃ vyāptacarā'carabhāvaviśeṣaṃ cinmayamekama'nantamanādim |
bhairavanāthama'nāthaśaraṇyaṃ tvanmayacittatayā hṛdi vande || 1 ||

tvanmayametada'śes'midānīṃ bhāti mama tvada'nugrahaśaktyā |
tvaṃ ca maheśa ! sadaiva mamā'tmā svā'tmamayaṃ mama tena samastam || 2 ||

svātma'ni viśvagate tvayi nāthe tena na saṃsṛtibhīteḥ kathā'sti |
satsvapi durdharaduḥkhavimoha trāsavidhāyiṣu karmagaṇeṣu || 3 ||

antaka ! māṃ prati mā dṛśamenāṃ krodhakarālatamāṃ vidadhīhi |
śaṅkarasevanacintanadhīro bhīṣaṇabhairavaśaktimayo'smi || 4 ||

itthamupoḍhabhavanmayasaṃviddidhitidāritabhūritamisraḥ |
mṛtyuyamāntakakarmapiśācairnātha ! namo'stu na jātu bibhemi || 5 ||

proditasatyavibodhamarīci prokṣitaviśvapadārthasatattvaḥ |
bhāvaparāmṛtanirbharapūrṇe tvayya'hamā'tmani nirvṛtimemi || 6 ||

mānasagocarameti yadaiva kleśadaśā'tanutāpavidhātrī |
nātha ! tadaiva mamatvada'bhedastotraparā'mṛtavṛṣṭirudeti || 7 ||

śaṃkara ! satyamidaṃ vratadāna snānatapo bhavatāpavināśi |
tāvakaśāstraparā'mṛtacintā sindhati cetasi nirvṛtidhārāḥ || 8 ||

nṛtyati gāyati hṛṣyati gāḍhaṃ saṃvidiyaṃ mama bhairavanātha |
tvāṃ priyamā'pya sudarśanamekaṃ durlabhama'nyajanaiḥ samayajñam || 9 ||

vasurasapauṣe kṛṣṇadaśamyāma'bhinavaguptaḥ stavaidamakarot |
yena vibhurbhavamarusantāpaṃ śamayati jhaṭiti janasya dayāluḥ || 10 ||

iti abhinavaguptā'cāryakṛtā śivastutiḥ 

samāptam ||





###########   END OF FILE  #######