####################################################
MUKTABODHA INDOLOGICAL RESEARCH INSTITUTE
Use of this material (e-texts) is covered by Creative Commons license BY-NC 4.0
Catalog number: M00043
Uniform title: parātriśikātātparyadīpikā and śāktavijñāna
Main title: parātriśikātātparyadīpikā
Secondary title: śāktavijñāna
Author : somānanda II
Editor : Zadoo J D

Description: 
These two texts have been transcribed from vol. 74 of the Kashmir Series of Texts and Studies.


Notes: 
The texts have been transcribed by the staff of Muktabodha under the direction of Mark S. G. Dyczkowski .  

Revision 0 Jan 28, 2007  


Publisher : Research Department Jammu and Kashmir State
Publication year : 1947
Publication city : Srinagar
Publication country : India
####################################################
Kṣṭṣ vol. no. 74

kaśmirasaṃskṛtagranthāvali


granthāṅka - 74 

parātrīśikātātparyadīpikā

somānandakṛtaṃ śāktavijñānam ca


śrīrājarājeśvara-mahārājādhirāja-kaśmīranarendra
śrīharisiṃhajī-bahādurājñayā

risarcakāryālayādhyakṣa - 
paṇḍita jagaddhara jāḍūśāstriṇā
kāryālayasthetarasaṃpādakapaṇḍitasahāyena
saṃśodhanādisaṃskaraṇottaraṃ saṃpādya


śrīnagare nārmalapresa mudraṇālaye mudrāpayitvā 
prākāśyamupanīte

kaśmīra-śrīnagara

saṃvat 2004
īsvī 1947





śrīparātrīśikātātparyadīpikā |


vande kundendunīhāravalakṣaṃ vighnahāriṇam |
haragaurīsamārabdhaṃ herambaṃ hastipuṅgavam || 1 ||

akalaṅkaśaśāṅkābhā tryakṣā candrakalāvatī |
mudrāpustalasadvāhā pātu vaḥ paramā kalā || 2 ||

śrīmatkailāsakaśmīrakāśīvyāghrapurīsthitam |
trikārthadarśinaṃ vande devaṃ somāṃśabhūṣaṇam || 3 ||

yaiḥ sarvaśiṣyairācāryaiḥ pratyakṣaparameśvaraiḥ |
vyākhyātaṃ triśikākhyaṃ yacchrīśāsanamanuttaram || 4 ||

taddarśitadiśā tasya padyairvyākhyodayatyasau |
tātparyaprathanārthatvāttejorūpāḥ pramākṛtaḥ || 5 ||

tadapekṣātmasadbhāvāḥ tamaḥkalpāḥ pramābhuvaḥ |
upakrāntyavalambaitadudayātmatayoditāḥ || 6 ||

tejastamomayātmīyasadbhāvā mānarāśayaḥ |
yatra sṛṣṭitayā bhānti labhante tat tadātmatām || 7 ||

hṛdayatvena bhāntyete tyaktatattatprathāvidhāḥ |
tadekarasatāṃ yātāḥ tadātmatvena bhāntyalam || 8 ||

tadetatsatataṃ tyaktapārokṣyaṃ sannidhiṃ śrayan |
samanyūnādhikatvena yasya kasyāpyabhāvataḥ || 9 ||

anuttaraṃ cidekātmajyotirvandanarūpayā |
stutyābhivādarūpātma tadanyonyātmatātmanā || 10 ||

(p. 2) sphurāmi tanmayatvena śāśvatena samāviśan |
viśrāntiḥ pūrṇarūpeyaṃ nibaddhaivamupakrame || 11 ||

viśrāntayoṃśagāstvante nibhetsyante kṛtāviha |
śāsanairmālinīsiddhāpramukhaiḥ śāsitā śivaḥ || 12 ||

mandamadhyamarūpāṇāmaucityenādhikāriṇām |
aprabuddhamatīnāṃ hi etā bālavibhīṣikāḥ || 13 ||

mātṛmodakavatsarvaṃ pravṛttyarthamudāhṛtam |
iti vijñānacinnāthapratipāditayā diśā || 14 ||

uttarottaratatttādṛgbhūmikārohahetave |
ativistṛtatattādṛgdīkṣācaryādiḍambaraiḥ || 15 ||

trikaṃ prakāśayāmāsa naraśaktiśivātmakam |
aparādimayatvena prastutenāgamena tu || 16 ||

anuttareṇa tanmātṛmānameyātmakaṃ trikam |
anuttaraṃ svakīyaṃ taddhṛdayaṃ viśvatatparam || 17 ||

śrīmadutpaladevīyaṃ śāstraṃ stotrapadātmakam |
pratyabhijñānamātrodyadbhairavībhāvavaibhavam || 18 ||

kathayāmi na sandehaḥ sadyaḥ kaulikasiddhidam |
hṛdayaṃ devadevasya sadyo yogavimokṣadam || 19 ||

adṛṣṭamaṇḍalo'pyevaṃ tilājyāhutivarjitam |
ityevamādirūpeṇa mune śreṣṭhakamātmanaḥ || 20 ||

prakāśayati tadvyākhyā nirmāṇāpyeṣa tasya ye |
prasaṃhaprāvikānyoktatattadīkṣābhivistarām || 21 ||

vyākhyāṃ vitenire teṣāmapahāya dṛśisthitim |
śrīmadutpaladevīyamatasāratayā param || 22 ||

(p. 3)  vyākhyāṃ karoti viśadāmevaṃ meyādikaṃ trikam |
vimarśasārameveha siddhyupāyatayā matam || 23 ||

abhidheyatayā tasya viṣayatvena darśitam |

śeṣadvayam,

anavacchinnanānātmamāheśvaravimarśatām || 24 ||

avāptaṃ śāsanamidamanidaṃ dhīpadodayam |
tathāvidhena bhāvena sadāhantvena siddhimat || 25 ||

1prakāśāmarśarūpatvādata eva hyanuttaram |
anuttarasya devasya hṛdayaṃ svollasattayā || 26 ||

pratnatatpratibodhaitadupasaṃhārarūpayā |
svātaṃtryātsvata evaivaṃ sphūrjatyasyāyamāśayaḥ || 27 ||

parāparavibhūtyāptirūpo mantratayodyatām |
vidyātmanāṃ vimarśānāmityantasyātmahṛdbhuvaḥ || 28 ||

prasṛtasyāgamasyaiva parasaṃbandharūpatā |
devāddevyā samāyātaṃ tasyāstārakavairiṇaḥ || 29 ||

ityādiguruvaryātmakramāvāptisvarūpakam |
saṃbandhamanapekṣyaivaṃ svatantrā budhyatāmiti || 30 ||

tṛtīyasya devyuvācetyupakrāntasya devatām |
gatasya bhairavetyādimadhyasyaivaṃ phalodayaḥ || 31 ||

śeṣaḥ |

vyākhyātṛto'pi hṛdayaṃ vyākhyaiṣā tanmayatvataḥ |
tadvadeva svasaṃvittisamullāsatayoktayā || 32 ||

sphūrjatyanuttaraṃ kṛtvā natu śiṣyādyapekṣayā |
evaṃ pravṛttau vyākhyāturdevasyecchaiva codikā || 33 ||

-----------------------------------
1prakāśatvānurūpatvāt - ityapi pāṭhaḥ |


(p. 4) hariṇā yatra yaccoktaṃ sāmānādhikaraṇyatā |
devasyānuttaraṃ hṛttat sphūrjati svayamityataḥ || 34 ||

anuttaraṃ kathaṃ deva sadyaḥ kaulikasiddhidam |
ityupakramarūpasya praśnasyāsya vinirṇaye || 35 ||

hṛdayaṃ devadevasya sadyo yogavimokṣadam |
ityupakramaśāstrasya yāvatpūrti yaducyate || 36 ||

viśvāvabhāsakāritvaṃ siddhidvitayadāyikā |
hṛdayasya kathaṃ tasya vacanasyātra saṃgatiḥ || 37 ||

bhavediti nirāsāya śaṃkāyā avadhāryatām |
saṃbandho maulikaḥ so'yaṃ darśitaḥ phalatastu saḥ || 38 ||

devenāgamarūpeṇa svenāgre darśayiṣyate |
khecarīsamatāṃ yena vrajedityādinā sphuṭam || 39 ||

vyācikhyāsitarūpasya śāsanasya yadātmanā |
vyākhyayā saṃvidhānasya sāmānyena kuto vidhiḥ || 40 ||

kasya saṃgrahatastāvat tātparyaṃ pratipādyate |
śāsanasyādime śloke sā śeṣe'nuttareśituḥ || 41 ||

devasya ...................... kena syāt vedyāditritayātmanā |
prakāreṇa yato jñātā saṃvidaḥ pūrṇaśaktitaḥ || 42 ||

prakāreṇa ca kenāsya siddhidvitayadāyitā |
iti praśne darśayitvā vastvetaṃ prastutātmakam || 43 ||

bodhayātman prabhāvākhyā prabandheneti vṛttikṛt |
samastamupacikṣepa śāstrasyārthaṃ dvitīyake || 44 ||

seyaṃ svātaṃtryaśaktyātmā svaparāmarśavigrahā |
hṛdi sarvasya bhātyeva prakriyeti ca taṃ punaḥ || 45 ||

(p. 5) praśnaṃ śithilayitvātha praśno'yaṃ siddhyavāptaye |
sā tasyāḥ pratyabhijñānalābhena prakriyātmanaḥ || 46 ||

śaktiṃ vinā na bhavatītyevaṃ tadupayogitā |
praśnasyāsyopapādyātha tṛtīye śaktimīritām || 47 ||

prastāvya kathanīyeti kauliko'yaṃ vidhirmama |
hṛdaye hṛdayatvena cāste'sau viditastadā || 48 ||

iti śeṣeṇa caucityaṃ tasya vakturadarśayat |
kathanaṃ cottarārambhapūrvāvasthāpradarśanāt || 49 ||

pravartayaṃścatuṣke tu tāṃ parāditrikātmikām |
śaktiṃ pañcāśatā varṇaiḥ prasarantīṃ pradarśayan || 50 ||

śeṣeṇa cāpyamūleti jñeyaiṣetyevamūcivān |
aṣṭame tu tathā tasyā avibhāgātmanā sthitiḥ || 51 ||

sāraṃ pradarśya navame tadātmīkāramātrataḥ |
sūcitāṃ prathame sūtre siddhiṃ prādarśayat parām || 52 ||

athāṣṭake tvatītādipraharocitayā vidhiḥ |
iti śeṣatrayopekṣe (te) śāsanāntaracoditām || 53 ||

prāṇādijayakālādi niyamātmatayoditām |
vidyāvratādirūpāñca mantrārpaṇavidhocitām || 54 ||

saṃkucattāṃ vinā saṃvitparāmarśasya saṃpade |
parā api prasiddhyanti siddhayo'syāptireva tu || 55 ||

etanmantragrahe sādhyetyetatsamyaṅnyarūpayat |
catuṣke'thāṣṭamaślokaproktasya hṛdayātmanaḥ || 56 ||

bījasya viśvābhinnāyāḥ śaktisaṃpūrtilakṣmaṇaḥ |
parāyāḥ svātmasaṃvittervimarśatvaṃ nyarūpayat || 57 ||

(p. 6) tadvācyavācakābhedābhyāsatatphalalakṣaṇam |
uktvā dvāviṃśake sūtre navamaślokasūcitam || 58 ||

phalaṃ prākaṭyamanayat upasaṃhāravartmanā |
atha traye tadabhyāse pūrvabhāvitayodyate || 59 ||

saparyāvidhaye bhedarūpiṇyā vighnasaṃhṛteḥ |
sāmānyato viśeṣācca śāntiṃ sandarśya talpare || 60 ||

caturdaśābhijaptenetyupakrāntyaṃśasaṃyute |
........ṭathā pūjyarūpaniṣkarṣapūrvakam || 61 ||

yāgahomobhayātmatvaṃ pūjāyāḥ pūrtilakṣaṇam |
upapādya ca sarveṣāṃ abhyāsānāṃ phalātmanām || 62 ||

pūjāpuraḥsaratvaṃ yattat samarthitavānatha |
triṃśe tu yānyānityaṃśasahite proktalakṣaṇaḥ || 63 ||

tasyābhyāsacatuṣkasya saṃvidāmarśanātmanaḥ |
saphalasya sphuṭenaiva svarūpeṇopadarśanam || 64 ||

prathayitvā tathāṃśasya caturyāmamayaṃ dinam |
yāvadabhyasya tatsiddhiṃ yoginaḥ pratyavādayat || 65 ||

upāntyetvasya śāstrasya samarthyārthopasaṃhṛtim |
saprabhāvaṃ parāmṛśya .................................. || 66 ||

prādarśayadayaṃ tāvattattātparyasya saṃgrahaḥ |
athāvayavaśo vyākhyā tasyedānīṃ vilikhyate || 67 ||

śeṣaḥ |

guruśiṣyapde sthitvā svayaṃ devaḥ sadāśivaḥ |
pūrvottarapadairvākyaistantraṃ samavatārayan || 68 ||

iti svacchandadevoktasvasaṃvitsiddhavartmanā |
(p. 7) prabudhyamānā svātmaiva devatā pratyagātmanaḥ || 69 ||

satī pratyabhijijñāsurātmanāṃ pṛcchatīśvaram |
tatra śrīdevyuvāceti kṛtaḥ śrīśāsanodayaḥ || 70 ||

samanantarasūtrasya kathaṃkārānurūpyataḥ |
asya dhātorvaceratra praśnārthatvena yojanā || 71 ||

tadgatāya tu bhūtatvaṃ pārokṣyañcāsya nirvacaḥ |
bhaviṣyatyucite paścāt pratipatṛnirūpaṇe || 72 ||

kiṃpṛcchatītyapekṣāyāṃ jātāyāmāha śāsanam |

śeṣam -

anuttaraṃ kathaṃ deva sadyaḥ kaulikasiddhidam || 73 ||

yena vijñātamātreṇa khecarīsamatāṃ vrajet |
etadguhyaṃ mahāguhyaṃ kathayasva mama prabho || 74 ||

he deveti samastārthajīvatātman maheśvara |
jñāne kriyāyāṃ sarvatra jñātṛtākartṛtātmanā || 75 ||

ātmanaivādisiddhatvātprāthamyābhimukhatvabhāk |
tvaṃ tavānuttaraṃ rūpamuttarān grāhakān mitān || 76 ||

grāhyasāpekṣasadbhāvājjaḍāddehāditarpitān |
anyadeva svayaṃ bhānaṃ mādikālādikalpanam || 77 ||

anapahnavanīyena jāgartyaniśamātmanā |
tatra vāco'vakāśo no dūre vācyaniyojanāḥ || 78 ||

atastatpraśnaviṣayaḥ kasya cetayiturbhavet |

śeṣaḥ 

idaṃ tu pṛcchatyetasya tayā prakriyayātmanaḥ || 79 ||

dehākṣabhuvanādyātmakulasaṃpattirūpatā |
(p. 8) bhāsate svāmyapūrṇatvasvatantratvānivāritā || 80 ||

etayā jñātayā kiṃ syāditi ceducyate'nayā1 |
jñānagocaratāpannamātrayā vyomni cinmaye || 81 ||

carantī saṃvideṣā syātpūrṇaśaktitvataḥ svataḥ |
kṛtārthapratyabhijñātādanyathā naiva khecarī || 82 ||

vedyabhūmiṣu saṃcārādata eva na pūrṇatā |
vedyairniyantritātmīyacārāyāḥ saṃvido mahaḥ || 83 ||

śeṣaḥ |

tayā vā jñātamātreṇa devatābhiḥ samatvadam |
rūpaṃ saṃvinmayaṃ tatte kulasaṃbandhinīṃ parām || 84 ||

jīvan bhairavatāmarśasudhāsvādotsavātmikām |
aparāṃ ca tathā siddhiṃ viśvātmatvodayātmikām || 85 ||

svasaṃviddevatācakracakravarttitvacinmayīm |
dadāti dhāraṇādyātmakriyāyāḥ sānapekṣitam || 86 ||

yadetatprastutaṃ vastu dvayamaprakaṭaṃ svataḥ |
na māyīyena kenāpi śaktyāsya prakaṭā kriyā || 87 ||

upādeyatamatvena bhāti cotkarṣavattayā |
svayameva yathā bhāti tathākṛtvāsya gopateḥ || 88 ||

prabhuḥ prakaṭane ca tvaṃ mama tvat kḷptasaṃsthiteḥ |
tvanniyuktatayaivaivaṃ pṛcchantyāḥ saṃvidastava || 89 ||

kathanena vimarśasya paśyantyādikramodayām |
vaikharīvṛttiparyantāṃ padavīmānaya prabho || 90 ||

na tu ca grāhakatvātmā hṛdaye sā prakāśate |


----------------------------------
1adhunetyapi pāṭhaḥ |


(p. 9) sarvasya tasya praśnena kiṃ syāt satyaṃ prakāśate || 91 ||

prakāśamānāpyeṣā tu svabhāvena yathā tathā |
hṛdayaṅgamatāṃ naiti pathi parṇatṛṇādivat || 92 ||

natvaprakāśamānatvaṃ svato no cettathāstu sā |
tadānīṃ ko bhavaddoṣo naitat saṃsaraṇaṃ param || 93 ||

tadetadrāghavāyoktaṃ vasiṣṭhena mahātmanā |

śeṣaḥ |

svāparāmarśamātro'yamaparādhaḥ kiyānasau || 94 ||

tāvanmātreṇa tajjātaṃ yadvaktuṃ naiva pāryate |
pratyabhijñā mayāpūrvacamatkārarasātmani || 95 ||

hṛdayaṅgamatāyāṃ gīḥ satyāṃ pūrvoktalakṣaṇā |
purā tadā tadabhyāsasādhyāpyapararūpiṇī || 96 ||

dvividhāpi bhavet tṛptiḥ siddhirūpā navānyathā |
iti prathayitavyāṃśaprathanāyopayogavān || 97 ||

praśnastadarthametasmāduttaraḥ śāsanodayaḥ |
hṛdaye yā tu sā śaktiḥ kaulikī kulanāyikā || 98 ||

tāṃ me kathaya deveśa yena tṛptiṃ vrajāmyaham |
svayaṃ saṃvinmaye tatra tvadrūpe'nuttare hṛdi || 99 ||

tadātmatvena viśrāntā yāsau svātaṃtryalakṣaṇā |
śaktirdhātvartharūpatvātsarvadhātvarthadharmiṇī || 100 ||

sphurattā vāṅmayī varṇapañcāśaktiśarīriṇī |
varṇatrayāvibhāgātmabījabhāvavyavasthitā || 101 ||

yasyāḥ kulamidaṃ grāhyagrahaṇagrāhakātmakam |
cakraṃ nirmeyatāṃ labdhvā sattāmāpnoti śāśvatīm || 102 ||

(p. 10) nirmitasya kulasyāsya nāyikā tasya vedanāt |
tadbhātaṃ kurvatī yā ca tadadhiṣṭhātṛtāpadam || 103 ||

tadīyarūpa (re śanti) viyoganayanakriyā (?) |
netrī ca mamatāmenāṃ hṛdayaṃgamatāṃ naya || 104 ||

hṛdayaṃgamatānītyā yayā prastutarūpayā |
svātmalābhātmanā labdhatadabhyāsātmanā tathā || 105 ||

ahaṃ sarvārthasaṃvittimayī pūrṇāśayā satī |
tṛptī dve prastute prāpya tvayi peye cidambudhau || 106 ||

śeṣaḥ |

evamudyantṛtā śaktisvarūpānupraveśanaiḥ |
prabuddhatā syāt pūrṇatvātsaiṣā bhairavarūpiṇī || 107 ||

svātmaiva devatā praṣṝprativaktṛtvamaśnute |

śeṣaḥ |

praśnakṛtprativaktṛtvaprathārūpe'tra vastuni || 108 ||

idānīmidametādṛgiheti vyavahāragā |
vyavahārapadānāṃ yā vastunāmāditeṣyate || 109 ||

yaiṣā na vāstavī tadvatsvarūpamanidaṃpratham |
anujjhadeva kālena svaklaptakalanātmanā || 110 ||

bhinnenāvartate yasmād bhūtatvenocyate tataḥ |
tathāvedyatayāpyetadbhāti kalpitarūpayā || 111 ||

pratyakṣagrāhyatābhāvāt parokṣeṇocyate tataḥ |
tataḥ śrībhairavo deva uvācetīdamucyate || 112 ||

śeṣaḥ |

śṛṇu devi mahābhāge uttarasyāpyanuttaram |

(p. 11) kauliko'yaṃ vidhirdevi mama hṛdvyomnyavasthitaḥ || 113 ||

kathayāmi na sandehaḥ sadyaḥ kaulikasiddhidam |
śrutiḥ kathanasāpekṣā kathanaṃ jñānapūrvakam || 114 ||

atastadānuguṇyena yojyate'rdhatrayaṃ tvidam |
ityevamuttaratrāpi tatra tatra bhaviṣyati || 115 ||

śeṣaḥ |

prabodhodayaparyāptamahābhāgyaśarīrīṇi |
śrutvāvadhāryatāṃ saiṣā yatastāmuttarāṃ tava || 116 ||

grāhakatvamayīṃ grāhyagrahaṇagrāhakātmakām |
anuttarāṃ parāṃ śaktimuktatṛptiprayojanām || 117 ||

hṛdayaṅgamatāmenāṃ tathā devi nayāmi te |
yathāvadhāraṇe jātamātra evātra vastuni || 118 ||

na punaḥ saṃśayānantaproktamālinyamajjanam |
yato mama prabuddhasya hṛdaye mātṛkātmikā || 119 ||

śabdarāśistayā prāptabhairavībhāvasaṃpadaḥ |
hṛdayatvena cāste'sau viditā bījarūpiṇī || 120 ||

athādyāstithayaḥ sarve svarā bindvavasānakāḥ (gāḥ) |
tadantaḥ kālayogena somasūryau prakīrtitau || 121 ||

pṛthivyādīni tattvāni puruṣāntāni pañcasu |
kramātkādiṣu vargeṣu makārānteṣu suvrate || 122 ||

vāyvagnisalilendrāṇāṃ dhāraṇānāṃ catuṣṭayam |
tadūrdhvaṃ śādi vikhyātaṃ purastādbrahmapañcakam || 123 ||

amūlā tatkramājjñeyā kṣāntā sṛṣṭirudāhṛtā |
sarveṣāmeva mantrāṇāṃ vidyānāṃ ca yaśasvini || 124 ||

(p. 12) iyaṃ yoniḥ samākhyātā sarvatantreṣu sarvadā |
hṛdvyomnītyatra saptamyā hṛdayātsaṃvidātmanaḥ || 125 ||

anutpādatayā siddhiḥ prasiddhā keyamiṣyate |
kaulikasya vidhereṣa iti pratyakṣarūpatā || 126 ||

sarvasya kathamityeṣā tryaṃśikā nātra yujyate |
jñeyajñānāgrahe jñātustadrase svamayatvataḥ || 127 ||

tadbhāvena svataivaikā kadācidbhātyasāviti |
jānāmi ghaṭamityātmaviśrāntirjñeyarūpiṇī || 128 ||

kadācitsvāminaivaikā kālayorubhayorapi |
padārthadvitayaṃ tatra saṃvidi prathate yataḥ || 129 ||

śeṣaḥ |

tatra jñātā ca sarvātmanirvivādā parokṣabhāk |
jñeyonmeṣanimeṣātma-svakriyā-kalanātmanā || 130 ||

tatsaṃkocavikāsātmanā........................................... |
nityena vibhunā jñānakriyānirvṛtilakṣaṇā || 131 ||

svena bhāvena paritaḥ svasyāhamidamātmatā |
spandanenaiva sāreṇa prasidhyati na jātucit || 132 ||

pariniṣṭhitarūpatvaṃ paricchinnaṃ prakāśatām |
jaḍānāmātmasākurvanneti loṣṭhātitulyatām || 133 ||

kāṇādasāṃkhyabauddhādimitadṛkkalpitāmasau |
saṃsṛtau guṇinaṃ tatra kaṇabhugdarśanāśritāḥ || 134 ||

apavarge taducchede manyante taṃ śilopamam |
arthaprakāśakaṃ jñānaṃ bauddhameveti niścitāḥ || 135 ||

kāpilā api taṃ prāhurarthādenamasatsamam |
(p. 13) dhīvṛttirnirvimarśātmā kṣaṇikātmeti saugatāḥ || 136 ||

svayamevopayāntyenaṃ śūnyameva vipaścitaḥ |
nirvimarśakriyaṃ bhānaṃ viśvātmatvena taṃ pare || 137 ||

abhyupetyāsya sadbhāvaṃ māyāvedāntiśābdikāḥ |
avidyāndhatvatanmuktyoraviśiṣṭaṃ viviñcate || 138 ||

anye'pi caivamanyoktasvoktadūṣaṇabhūṣaṇe |
vitanvānāstvayītyuktarūpamenamupāsate || 139 ||

jñeyasattāprathārūpajñātṛkartṛtvalakṣaṇaḥ |
jñātaiṣa svaparispandasāratveneha niścitaḥ || 140 ||

sā saṃkocavikāsātmā tasya ca spandatikriyā |
bāhyāntarātmavyāptyanyamayadvaividhyayoginī || 141 ||

viśvabījātmahṛdayā tadaṃśeṣu yathā yathā |
uccāraṇamuhūrtādisamāveśātmanā diśā || 142 ||

jñāteṣu sphuṭatāmeti jñātṛtāsya tathā tathā |
utkṛṣyate pare yāvattattve bhairavasaṃjñini || 143 ||

uccāraṇe'pi prāṇātmaspandanātmanyasanmukhī |
yathā yathā sā nyūnatvamajñāteṣvaśnute tathā || 144 ||

tathā nikṛṣyate yāvajjaḍe pāṣāṇaparvaṇi |

śeṣaḥ |

sa cāyaṃ mama saṃkocavikāsavapurātmanaḥ || 145 ||

anuttarasya śaktiḥ sā visargātmaivamātmanaḥ |
prakāśaikatanuryasmātseyaṃ jñānakriyātmikā || 146 ||

anuttarasya me śaktirvisargātmāttarūpiṇī |
aḥ ityatrāta evaiṣa sadviśrāntyudayātmanoḥ || 147 ||

(p. 14) śivo viśvādyanantāntaḥ paraṃ śaktitrayaṃ matam |
ityetaddarśitātmīyalakṣmaṇoḥ bhairavātmanoḥ || 148 ||

śivaśaktyościdvimarśaparipūrtisvarūpayoḥ |
saṃghaṭṭa ucyate rudrayoginīyāmalātmanā || 149 ||

sā ca svāntarabhedena bhavadbhiḥ sārvakālikaiḥ |
cidānandaiṣaṇeśitvasonmeṣonatvaśaktibhiḥ || 150 ||

iccheśanacidantaḥsthacetyasattāsphurānvitaiḥ |
cidānandaguṇībhūtavṛddhīcchonmeṣamiśraṇaiḥ || 151 ||

caturbhireṣaṇājñānakriyātatsamatātmabhiḥ |
vedyasaṃskāravittyātmabindusaṃvedanānvitaiḥ || 152 ||

viśeṣaistithiḥsaṃkhyātaiḥ pūryamāṇāvatiṣṭhate |
evaṃ pūrṇavisargātmā yaścidātmā visargataḥ || 153 ||

parabhairavabhairavyoryāmalaṃ tadvisargatā |
teṣu sāmānyarūpatvānna pṛthaktvena gaṇyate || 154 ||

śeṣaḥ |

evaṃ visargarūpe me hṛdaye'nuttarātmanaḥ |
vakturvaktikriyārūpe tādātmyena sthitā satī || 155 ||

prasaratyevameṣā yadakārādyā amantimāḥ |
ete prabodhacandrasya prakāśāhlādarūpiṇaḥ || 156 ||

sthitervisargarūpāyāḥ pūraṇāttithisaṃjñinaḥ |
svarāśca śabdanātmānaḥ svaparāmarśavigrahāḥ || 157 ||

svayañca svaprakāśārthaprakāśatvena rājanam |
kurvate sarva evaite yattātparyavasānabhūḥ || 158 ||

somasūryātmasaṃkocavikāsaspandanātmakaḥ |
(p. 15) adha ūrdhvavibhāgodyad bindudvitayavigrahaḥ || 159 ||

kālena kalanārūpaparāmarśātmatātmanā |
aviyuktatayā bhāti tithīnāṃ kālatājuṣām || 160 ||

teṣāmātmā visargācca bhūtvā prasarati svayam |

śeṣaḥ |

eṣaiva bahirapyāttasomasūryātmatātmanām || 161 ||

tithīnāṃ kālatābhājāṃ yāti naktaṃdivātmatām |
pareyaṃ sā visṛṣṭiḥ syāttadiccheśanavartinaḥ || 162 ||

vedyasya bahirunmeṣe sthūlasūkṣmatvabhedataḥ |
pṛthvyambvagnyānilavyomasaṃjñā yattattvapañcakam || 163 ||

gandharūparasasparśaśabdanātma ca pañcakam |
sa eva vedyasyollāsaḥ spṛśyate karaṇātmanā || 164 ||

yadā tadendriyāṇāṃ syātkarma jñānātmanāṃ prathā |
daśadhodeti vāgādyā prāṇādyā tattvarūpiṇī || 165 ||

tataḥ krameṇa vedyatvanyagbhāve vedanodgame |
mano'haṃkaraṇaṃ buddhiḥ pradhānaṃ pañcamaḥ pumān || 166 ||

iti tattvāni jāyante pañca vedyāni tāni ca |
nanu puṃso vedakasya vedyeṣu gaṇanaṃ katham || 167 ||

ucyate'sya mitatvena puṃso vedyeṣu kīrtanam |
tenānena vinā kasya vedyaṃ pṛthvyādi tadbhavet || 168 ||

uktakramaṃ śivo vetti yataḥ sarvaṃ tadakramam |
ahamityātmaviśrāntaṃ mameti tu na jātucit || 169 ||

yasmāttena vinā vedyaṃ na syāt tat pṛthivīmukham |
tadvedyābhāsanasyeyadrūpaṃ yadvedyatājuṣaḥ || 170 ||

(p. 16) dehādervedyajātasya bhinnaṃ vedyaṃ pratisvataḥ |
vedakī bhāvanā tatra kriyāyāṃ vyāvṛtā imāḥ || 171 ||

kiṃcitkartṛtayā tasya prerikā vāyavī kalā |
vidyā kiṃciñjñatṛtāsya vāhnī tasya prakāśikā || 172 ||

abhiṣvaṅganimagnatvastambhanavyāvṛtisphurā |
pārthivī rāgaśaktistaccatuṣkātmā niyāmikā || 173 ||

niyatistasya kāryeṣu tāścatasro hi śaktayaḥ |
vedyavettrātmanorvittyormadhye viśramayantritam || 174 ||

rodasyorantare yadvat triśaṅkumuniśaktayaḥ |
anyathedaṃprathaikatvādasau loṣṭhāditāṃ vrajet || 175 ||

ahaṃsaṃvedanaikatve pūrṇaṃ citkhaṃ samutpatet |
prakāradvitaye'pyasya māyāmāturabhāvataḥ || 176 ||

akiṃcanatve vedyasya pṛthvyāderapi tattvataḥ |
saṃkoco vā vikāso vā na bhavedvāstavastadā || 177 ||

anyonyāśrayabhāvena tayorekātmatā yataḥ |
tadvisargasvarūpeṇa saṃkucadvikasattayā || 178 ||

aśeṣamiyadākṣiptaṃ yadgrāhyagrāhakātmakam |
anyonyaucityataḥ sṛṣṭiḥ padārthānāṃ pratāyate || 179 ||

śeṣaḥ |

vyomaśaktistvakāyātmā nātra vyāpriyate vidhau |
avedyatvācca vedyānāmavakāśatvataśca tat || 180 ||

pramātṛtā paraṃ siddhyai tayā śuddhā svayaṃprathā |

śeṣaḥ |

evamārabhya pṛthivīṃ māyāntā tattvavistṛtiḥ || 181 ||

(p. 17) kādimāntaparāmarśarūpeyamaparocyate |
vedyatāyāḥ krameṇāsya nyagbhāve saṃvidātmanaḥ || 182 ||

prakāśane ca rūpasya prathate tattvapañcakam |
kañcukonmocanārūpavikāsabrahmanātmakam || 183 ||

taddhṛtyāpyāyanālokaspandanavyāpanakriyam |
sadvidyeśvarasādākhyaśaktisaṃvitsvarūpakam || 184 ||

sadyādīśānaparyantabrahmatvenāpi viśrutam |
kakārādikṣakārāntaparāmarśaśarīrakam || 185 ||

tadātmā prasṛtistasyā vācaḥ soktā parāparā |
evaṃ visargarūpatvaṃ prāptāttasmādanuttarāt || 186 ||

prasṛtaṃ tadvisargasya rūpaṃ saṃvitkriyātmakam |
anuttarā yā prasṛtirhāntā viśvasvarūpiṇī || 187 ||

pratyāhṛtāśeṣaviśvānuttare sā vilīyate |
tadidaṃ viśvamantasthaṃ śaktau sānuttare pare || 188 ||

tattasyāmiti yatsatyaṃ vibhunā saṃpuṭīkṛtiḥ |
visarga eva śākto'yaṃ śivabindutayā punaḥ || 189 ||

garbhīkṛtānantaviśvaḥ śrūyate'nuttarātmatā |
iti niścitayā nītyā tasminnātmanyanuttare || 190 ||

pratyāhṛtaitadvarṇaughaparāmarśaprathātmakam |
punaḥ prarohaṇaucityamayabījātmabindutām || 191 ||

prāptaṃ tathāvisargatvanisargaṃ pratipadya ca |
viśramya vapurapyevaṃ prasṛtiṃ pratipadyate || 192 ||

yato mamaitacchaktīnāṃ cakramicchānuvartanam |
cidānandaiṣaṇājñānakriyāṇāṃ bhāvayātmanām || 193 ||

(p. 18) bhūtakañcukabījatvamaucityenāśritātmanām |
anuttarecchonmeṣātmatryaśraviśramitātmakam || 194 ||

tathāhyanuttarā tatra citsyādicchā tridhodyatām |
iṣyamāṇārthasadbhāvā mīlanonmīlatattvabhāk || 195 ||

ānandaḥ prathamāṃśena madhyenecchāntimena sā |
jñānamunmeṣaśaktiḥ syāt kriyātastat trayātmakam || 196 ||

avibhāgaparāmarśarūpaṃ prathamatastataḥ |
vibhāgāmarśavapuṣā pañca tadbhedamāgatam || 197 ||

parāmṛśyātmanā bāhyatattvajālañca jāyate |
parāmarśātmatā tasya jīvitaṃ tasya mātṛkā || 198 ||

utpattibhumistatsaiva mantrāṇāṃ guptabhāṣiṇām |
catuṣkalanavātmādibījapiṇḍatayodyatām || 199 ||

puṃrūpavācyādhyāsena bhātāṃ vidyātmanāmapi |
namaḥ śaṃbhava ityādisphuṭavedyārthavācinām || 200 ||

strīrūpavācyādhyāsena bhātāṃ māyātmanāmapi |
sarveṣāṃ kāraṇatvena cocyate .................................... || 201 ||

tathāhi sarvatantreṣu yatkiṃcittattvamiṣyate |
parāparavibhūtyāptiparatṛptipradāyakam || 202 ||

tatsarvaṃ labhate tattvaṣaṭtriṃśatyāntarātmani |
vimarśajīvitatvena tasyāḥ sarvavimarśabhūḥ || 203 ||

sarvaṃ dadāti sā devī mātṛkā tattadātmikā |

śeṣaḥ |

eṣoktā trividhā sṛṣṭirādikṣāntākṣarātmikā || 204 ||

anuttarāccidākāśādakṣarādasvarātmanaḥ |
(p. 19) prasṛtā kānta tattvaughā punarviśramaṇonmukhī || 205 ||

pratyāhṛtasamastaitadvācyavācakacinmayī |
tatraivānuttare dhāmni kramaṇaṃ bhajate śive || 206 ||

tava jñeyatayedānīmātmanodāhṛtā mayā |
anayā jñātayaivaṃ hi tvayā jñātamanuttaram || 207 ||

akhaṇḍapūrṇaparacitprakāśaspandanātmakam |
sahajāhaṃparāmarśaśaktisaṃbhāvitākhilam || 208 ||

vitatya vyaktamevaitadahamanyattatopi yat |
iti kṣayaiva jñātaṃ syādata evaṃ yaśasvinī || 209 ||

iyadviśvaśarīrāsi tvamityuddhoṣyase budhaiḥ |
iyaṃ kiloktavibhavā tattattvamiti niścayaḥ || 210 ||

tadevamavibhāgātmā sthitā pūrvaṃ hṛdambare |
śaktirvimarśarūpā sā vibhāgāmarśarūpataḥ || 211 ||

samastatattvasadbhāvamayī kaulikasiddhidā |
anenaivoktarūpeṇānuttarasya mamātmanaḥ || 212 ||

svātaṃtryeṇa visargo'sau svīkarotīti niścitam |
nanvete santi bhedātmaparāmarśamayodayāḥ || 213 ||

kramādādyāḥ kṣakārāntāstadabhedamayodayāḥ |
prastutā vāṅmayī śaktiryeyaṃ bhairavatāmayī || 214 ||

yato bījādudetyeṣā hṛdayāttava śāśvatāt |
tatprāptasarvasaṃpattisaṃprāptyamṛtasāgare || 215 ||

hṛdayasya svarūpe te niścayābhāvalakṣaṇaḥ |
saṃśayo'dyāpi nopaiti cyavanaṃ manaso mama || 216 ||

tatkartavyamidānīmityetadāśaṃkya śāsanam |
(p. 20) taṃ cyāvayati sūtreṇa pareṇa parameśituḥ || 217 ||

caturdaśayutaṃ bhadre tithīśāntasamanvitam |
tṛtīyaṃ brahma suśroṇi hṛdayaṃ bhairavātmanaḥ || 218 ||

saṃpūrṇānuttarānandasaṃvitsaṃpattiśālinā |
kriyādvārāntarānītavāñcchājñānadvayaśriyā || 219 ||

aśeṣasaṃvitsaṃghaṭṭaparāmarśamayātmanā |
caturdaśena yadidaṃ svareṇa sahitaṃ tadā || 220 ||

tṛtīyaṃ brahma sādākhyatattvātmāghorabhāsanam |
ahantāntaḥkṛtedantārupagrāhyārthalakṣaṇam || 221 ||

tadviśvaṃ tattithīśānāṃ svarāṇāmuktalakṣaṇam |
paryantabhittibhūto'sau ya ātmatvena niścitaḥ || 222 ||

visargastatra viśrāmyadaviyogena vartate |
tadidaṃ hṛdayaṃ śabdarāśeḥ cidbharitātmanaḥ || 223 ||

sarvatattvamayaḥ kāyastaṃ cedānīṃ śṛṇu priye |
pṛthivī kaṭhinatvena dravatveṃ'bhaḥ prakīrtitam || 224 ||

ityādi triśirodeva(sthityā)strityāyupapannayā (?) |
tattvaistatasya dehasya tantritasya tvagādibhiḥ || 225 ||

sādhubhirbhinnasandhānaistadaśeṣabhidojjhitam |
tatsattāsaṃvidātmatvaṃ satattvaṃ satatoditam || 226 ||

hṛdayaṃ padyaterarthatayā yadvadapekṣyate |
evamevātmanaḥ śambhoḥ śabdarāśeḥ śarīriṇaḥ || 227 ||

vibhaktatattvabhūtādiprathāsaṃtānatantritam |
parāmarśamayatvena pañcāśadvarṇatātmakam || 228 ||

viśvaṃ śarīraṃ yadidaṃ tadaśeṣabhidojjhitam |
(p. 21) tatsattā saṃvidātmatvaṃ satattvaṃ satatoditam || 229 ||

hṛdayaṃ viśramasthānaṃ saccidānandalakṣaṇam |
he viśrāntimayāhlādavimarśamayavigrahe ! || 230 ||

suśroṇi yadidaṃ proktaṃ śaktitritayasaṃkucat |
vikasatvamayasvātmatryaśraspandanasundaram || 231 ||

tadviddhi hṛdayaṃ tasya śabdarāśitanormama |
parāyā ātmabhūtāyāḥ parāmarśatanościteḥ || 232 ||

etaduktaṃ bhavatyeṣā māmasau saṃvidadvayā |
etena tāvatspandena proktabījātmanā dvayoḥ || 233 ||

koṭyorudayaviśrāntitattvayoḥ spandate tathā |
tatprabhāvata evārthaprakāśāmarśanātmani || 234 ||

svātmabhairavasaṃvittau visargātmani vakṣyate |
turyaparyantarūpāyāḥ kṣepo viśvavyavasthiteḥ || 235 ||

etannāyoginījāto nārudro labhate sphuṭam |
hṛdayaṃ devadevasya sadyo yogavimokṣadam || 236 ||

viśvasya bījametadyo labhate puṇyakṛtpumān |
tadaivaṃ na paśuḥ so'yaṃ labdhe'sminnetadeva hi || 237 ||

jāyate hṛdayaṃ tasya saitaddhṛdayataiva yat |
bhairavatvaṃ tato rudrayoginīyāmalātmanoḥ || 238 ||

svātmabhairavabhairavyoḥ svato'nyonyāviyuktayoḥ |
svarūponmīlanātmātmavīryapānakriyodyatām || 239 ||

dāmpatyājjāta evāsau na labhetaitadanyathā |
asmin hyunmīlite'nena hṛdayena sahaikatā || 240 ||

etaddhṛdayalābhaśca sa evoktasvarūpayoḥ |
(p. 22) dampatyoryāmalāveśā miṣattadbhāvalakṣaṇaḥ || 241 ||

evamunmīlane jātamātre rūpamanuttaram |
yathā dadāti tatsiddhiṃ jīvanmuktimayīṃ parām || 242 ||

tathā nirṇītamadhunā yathā tadaparā api |
kulasaṃbandhinī siddhiḥ tyaktānyāyāsaḍambaram || 243 ||

svātmasaṃvitparāmarśabalādeva dadātyamum |
prakāraṃ prakaṭīkartuṃ śāsanopakramaḥ param || 244 ||

asyoccāre kṛte samyaṅmantramudrāgaṇo mahān |
sadyastanmukhatāmeti svadehāveśalakṣaṇam || 245 ||

etatsaṃvitsvasattvaṃ ceddhṛdayatvaṃ prapadyate |
tadā syājjivato muktiḥ parā siddhiritīritam || 246 ||

yathā tadeva prāṇādibhūmiṣvābhāsasaṃpadā |
tadrūpajāḍyamālinyasamunmūlanatattvayā || 247 ||

rasadhātuvaduktaitadrūpatāpādanātmanā |
prasaradrūpatāmeti tadāsyā devasaṃvidaḥ || 248 ||

nāḍījayādiśāstroktayogasāpekṣatojjhitāḥ |
tatsamāveśaparyāyāḥ prasarātsaṃpado'khilāḥ || 249 ||

aparā api jāyanta iti tātparyavarṇanā |
asyetyamuta ārabhya jāyate yajanaṃ prati || 250 ||

iti paryavasānasya śāsanāṃśasya vistṛteḥ |
athāsya bījasyoccāre vakṣyamāṇena vartmanā || 251 ||

taduccārayitustasya tadudyogakriyātmani |
prāṇātmatāyāṃ jāte tu samāveśapurodite || 252 ||

jñānakriyāśarīrāyā mantramudrāmahaujasaḥ |
(p. 23) vidyante gaṇanātītavibhavā gaṇaśaḥ sthitāḥ || 253 ||

ābhimukhyaṃ bhajantyetāḥ svadehāveśataḥ katham |
saṃpūrṇe vitkriyātmoktahṛdayaikātmatājuṣā || 254 ||

prāṇenādhiṣṭhitenāhantādvāreṇa tadātmakam |
avaśyaṃ kampaghūrṇyādividhāyinyo bhavanti tāḥ || 255 ||

mantramudrāgaṇāveśo jāto yaḥ prāṇadehayoḥ |
ayaṃ tāvadvibhūtīnāmupakramatayocyate || 256 ||

tadā yatnatayā tāsāṃ tā hi tatsiddhisādhane |
devatātvena tadvīryarūpatvena ca sannidhim || 257 ||

kurvāṇāḥ sādhakasyāsya sādhayanti samīhitam |
muhūrtaṃ smarate yastu cumbakenābhimudritaḥ || 258 ||

sa badhnāti tadā dehe mantramudrāgaṇaṃ mahat |
atītānāgatānarthānpṛṣṭo'sau kathayatyapi || 259 ||

tathāvidhaṃ samāveśaṃ yadi nāḍīdvayāvadhim |
abhyasyati mukhaṃ kurvankākacañcupuṭākṛti || 260 ||

bahiścocchiṣṭabhāvaughabhakṣaṇodyogabhāvitaḥ |
sadvṛttirūpasomātmaśītasparśodayāvadhiḥ || 261 ||

uccaran hṛdayaṃ pītaviyaccarasamīraṇaḥ |
prāṇena sparśarūpeṇa proktenaikatvamānayan || 262 ||

nābhisthānasthitasvātmavaiśvānarahutāśaniḥ |
tajjvālātmakriyārūpāṃ tatprītaṣṭāṃ samācaran || 263 ||

apārajaladhiprakhyāmāśrayan kāmapi sthitim |
āste yadā tadā dehe vāgrūpe kāyalakṣaṇe || 264 ||

mantramudrāgaṇāveśamavaśatvena paśyati |
(p. 24) praṣṭaśca prativaktyeṣa vastu kālatrayoditam || 265 ||

tadgrāsātprāptatadbhāvadhiṣaṇādattabimbitam |
praharādyadabhipretaṃ devatārūpamuccaran || 266 ||

sākṣāt paśyatyasandigdhamākṛṣṭaṃ rudraśaktibhiḥ |
praharadvayamātreṇa vyomastho jāyate smaran || 267 ||

avaitathyena jātāyāṃ siddhau tatkathanātmani |
apyanujjhitapūrvoktatādṛśābhyāsakauśalaḥ || 268 ||

kāṃcinmantramayīṃ mudrāmayīṃ vā devatāṃ smaran |
āste cedyāmaparyantakālagrāsātmacitkriyaḥ || 269 ||

tadānīṃ tadavaṣṭambhasāmarthyāpāditātmatām |
tāmeva devatāṃ tattadveṣabhūṣādilakṣitām || 270 ||

adhyakṣayatyasandigdhaṃ nijāhaṃsaṃvidātmikām |
punarapyevamevemamabhyāsamaparityajan || 271 ||

yāvaddhṛdayamāste'sau tadekātmā yadā tadā |
dehādikaṃ na kiṃcitsvamāvṛtitvena paśyati || 272 ||

anāvaraṇacidvyomarūpaṃ sarvamapīkṣate |
trayeṇa mātaraḥ sarvā yogīśvaryo mahābalāḥ || 273 ||

vīrā vīreśvarāḥ siddhāḥ balavān śākinīgaṇaḥ |
āgatya samayaṃ dattvā bhairaveṇa pracoditāḥ || 274 ||

yacchanti paramāṃ siddhiṃ phalaṃ yadvā samīhitam |
svenānyadehakaṃ yena dehenānena bhāvite || 275 ||

sarvātmanā kṣayaṃ yāte svasyāvacchedane sati |
punarapyanavacchinnasvasamāveśapuṣkalaḥ || 276 ||

yāmatritayamāste ca tadetaccāsya noditāḥ |
(p. 25) brāhmyādyā mātarastattāmāptā yogīśvarīgaṇāḥ || 277 ||

tripūrvaśāstranirdiṣṭā vīrā vīreśvarāśca ye |
aghoramukhyāḥ śrīmanto napeśādyāstadīśvarāḥ (?) || 278 ||

tadrūpāvāptasiddhyā ye siddhāḥ sādhakapuṅgavāḥ |
khecaryādibhidābhājāṃ śaktīnāṃ śaktatājuṣām || 279 ||

mātrantarbāhyakaraṇameyapramitalakṣaṇam |
pramāturātmanaḥ śaṃbhoḥ sphūrtiḥ svātaṃtryasaṃpadām || 280 ||

yā caiṣā bhāti te sarve svātmano bhairavātmanaḥ |
balena hi mahāviśvahaṭhātmīkaraṇātmanā || 281 ||

bījarūpeṇa vīryeṇa hṛdayenaikatāṃ gatāḥ |
svarūpācchādane kādidhāraṇāntākṣarātmani || 282 ||

bhoge'vabhāsane svasya śādikṣāntāntarātmani |
turyavṛttimayasvātmasaṃviddhyāptoktatatraye (?) || 283 ||

bhuktimuktyubhayāsvāde svaciccakrānujīvane |
kartreṣitṛjñātṛmayasvaprathāmarśanātmani || 284 ||

vimarśanasvarūpasya visargātmanyanuttare |
ānandakevalātmīyaprathāsvādodayātmani || 285 ||

kaivalye cātmatā tena bhairaveṇeyataḥ phalam |
abhyāsine pradātavyamiyadityevamātmanā || 286 ||

vyavasthayā prakarṣeṇa coditāstadadhīśinā |
....................eva tadāviṣṭaśarīrādestadātmanaḥ || 287 ||

sthitā anucaratvena purato devatāgaṇāḥ |
.............................ṣamāveśaikalakṣaṇaḥ || 288 ||

yogo ya eṣa dehāderhṛdaikyāpādanātmanā |
(p. 26) samāveśena kālasya grāse saṃkalanātmanaḥ || 289 ||

abhyasyaṃstaṃ vināpyeṣa śaktīnāmuktalakṣaṇam |
sāmānyaśakticakreśasvarūpādhyavasātmakam || 290 ||

bhavettadīśatāsiddhiyogyatāṃ labhate ca yat |
tathātmatvena tāsāṃ ca cakre'naiti samānatām || 291 ||

yataśca yajane yeyamitikartavyatocyate |
tatkriyāpūrakatvena tāmavidvānapi tvayam || 292 ||

jñātena hṛdayenaiva pūraṇātsarvavastunaḥ |
vidvānbhavati yaścaiṣa śaṅkāsaṃkocavartinaḥ || 293 ||

vidhīn niyāmakatvena na jānātyātmano'khilān |
api tān jñātavāneva yato vidhimanuttaram || 294 ||

cidātmasvavimarśātmahṛdayaikyasvalakṣaṇam |
jānāti nanu coktaitatparāmarśātmasātkṛtau || 295 ||

yāgena bhāvyaṃ maivaṃ yattasminnātmanyanuttare |
tadyojanaiva yajanaṃ tattāmātro hyanuttaraḥ || 296 ||

ato naye'sminnikhilaṃ vidhānavidhirūpakam |
bahiraṅgaṃ bhavatyanyaditi yāgaḥ kriyāmayaḥ || 297 ||

pūrvabhāvitayā cāsya grahaṇe yena coditā |
nanu yatpūrvamuktaṃ me hṛdayaṃ bhavatoriti || 298 ||

bījaṃ caturdaśetyādi taduddhāropadeśane |
tasyāntastattvaṣaṭtriṃśadrūpaviśvātmatājuṣaḥ || 299 ||

śaktisaṃpūrtirūpāyā parāyāścātmanaściteḥ |
vimarśayati sadbhāvamityāśaṃkya nirūpyate || 300 ||

kālāgnimāditaḥ kṛtvā māyāntaṃ brahmadehagam |
(p. 27) śivo viśvādyanantāntaḥ paraṃ śaktitrayaṃ matam || 301 ||

tadantarvarti yatkiṃcicchuddhamārge vyavasthitam |
aṇurviśuddhamacirādaiśvaraṃ jñānamaśrute || 302 ||

taccodakaḥ śivo jñeyaḥ sarvajñaḥ parameśvaraḥ |
sarvago nirmalaḥ svacchastṛptaḥ svāyatanaḥ śuciḥ || 303 ||

yathā nyagrodhabījasthaḥ śaktirūpo mahādrumaḥ |
tathā hṛdayabījasthaṃ sarvametaccarācaram || 304 ||

yathā ghaṭaśarāvādivikārānavalokane |
gandhatā tadanāmarśe krameṇāhaṃkṛtātmatā || 305 ||

yathā bhūtabhidābhaṅge sukhāditrayarūpatā |
vedyavedakatāmātrā tasyāḥ pāryantikī sthitiḥ || 306 ||

tadrūpakañcukāmarśavañcane tasya viśramaḥ |
brahmapañcakarūpāyāṃ sattāyāmeva jāyate || 307 ||

sadityasyāpi rūpasya pratyayāṃśāpahastane |
bījādyavarṇamātrā syādviśrāntiḥ pāramārthikī || 308 ||

evaṃ jalādimāyāntatattvarūpasya vastunaḥ |
sarvasya saiva viśrāntirantyetyatrāntyaviśrame || 309 ||

sarvamekaghanaṃ viśvaṃ tadrūpasyāparicyuteḥ |
amṛtībhūtamabhyeti prakṛtiṃ brahmarūpatām || 310 ||

sadeva saumya brahmedamagra ityadhyavasyatām |
viśrāntistāvati brahmavādināṃ śrutivedinām || 311 ||

tannirmanthanavṛttyā tu bhairavo viśvasṛṣṭikṛt |
gītaṃ ca guruṇā sūnoḥ prathāyāstattvabodhane || 312 ||

mama yonirmahadbrahma tasmin garbhaṃ dadhāmyaham |
(p. 28) yadā sato'sya viśrāntidhāmno'pyanavalokanam || 313 ||

tadā prathā vimarśātmaśaktiviśrāmitātmanaḥ |
prakāśamānatā siddhirasyetyasya tadekatā || 314 ||

sā ca vāñchākriyājñānaśaktiṣvanyatamā bhavet |
sarvaṃ vastu sadicchāmi jānāmityādisaṃvidi || 315 ||

viśramya vyavahārāya niyatāyopakalpate |
icchāmītyatra kecchāyāmasti jñānakriyātmatā || 316 ||

prathā saṃrambharūpāyāmevamevānyayorapi |
astyevānyonyarūpatvamatastattritayātmani || 317 ||

śaktau triśūlarūpāyāṃ tadviśrāntaṃ prakāśate |
tasyāpi tattrayasyaikaṃ svatantraṃ kartṛtattvataḥ || 318 ||

adha ūrdhvodyadindvarkamayabindudvayātmatā |
viśvaviśvottarasvātmavyañjanasvaratāmayī || 319 ||

jñeyādyupāyasaṃghātanirapekṣādvayodayāt |
jñaptiñca jñātṛtārūpāmahamityāśrayattanum || 320 ||

prakāśamānamevātmarūpaṃ tāttvika iṣyate |
tadetadvedyavidvettṛviśrāntitrayalakṣaṇam || 321 ||

bījasya rūpamityuktaṃ bhavatyatra hi viśvatā |
saṃpūrṇaśaktirūpatvaṃ svātmabhairavarūpatā || 322 ||

evaṃ hṛdayarūpāyāḥ siddhā āsaṃściterimāḥ |
pradhānīkurute tatra yāṃ viśrāntiṃ tadantatā || 323 ||

tadaṃśādhyavasāyatvaprāptānyāṃśadvayodayā |
bījoccārasya rūpaṃ syānnatu tattatkalāntatā || 324 ||

bhuktiśca bhuktimukti ca muktiścetyatra siddhayaḥ |
(p. 29) svātmabhairavacidrape prakāśe'hamidantayā || 325 ||

icchādiśaktidvāreṇa sataḥ pūrvoktalakṣaṇaḥ |
akramakramarūpeṇa kṣepo vaisargikī sthitiḥ || 326 ||

sadrūpametadvedyañca vedakaṃ bhairavātmakam |
ubhayasparśanācchaktirūpā cāturdaśī sthitiḥ || 327 ||

avarohakrameṇaiva vettṛvedanarūpataḥ |
vedyaviditṛsāmānyarūpatā brahmaṇi sthitiḥ || 328 ||

śāntoditobhayātmaitattryaśraikarasatāmayī |
parā visargatā yasya viśrāntitvena sammatā || 329 ||

viśvātmā pūrṇaśaktiśca nātho bhairava eva saḥ |
iti kālāgnimityādeḥ sarvametaccarācaram || 330 ||

ityantasyāgamāṃśasya tātparyamavadhāryatām |
grantho'tha yojyate pṛthvyāṃ yannivṛttikalātmani || 331 ||

puraṣoḍaśakaṃ proktaṃ kālāgnyādi tathā ca yat |
jalādimūlaparyante pratiṣṭhākhyākalātmani || 332 ||

nakulīśādiṣaṭpañcāśatsaṃkhyātmakaṃ puraṃ sthitam |
pumādimāyāparyante vidyātmani ca yā sthitā || 333 ||

purāṣṭāviṃśatirvāmapramukhā taiḥ śatātmabhiḥ |
bhuvanaiḥ saha pṛthvyādimāyāntaṃ tattvamaṇḍalam || 334 ||

purairhālāhalārambhairaṣṭādaśabhirācite |
śāntitatpararūpānyakalādvitayavigrahe || 335 ||

uktasya brahmaṇo dehe tattvapañcakalakṣaṇe |
kādihāntaparāmarśarūpaṃ viśrāntimṛcchati || 336 ||

ṣaṭtriṃśattattvarūpasya sato'sya vyañjanātmanaḥ |
(p. 30) ādīḥ kartṛjñetṛjñātṛmayo hrasvatrayātmakaḥ || 337 ||

śivaḥ svarātmā yo yā ca tadicchā śaktirūpiṇī |
anuttarā parecchā ca parāparatayā sthitā || 338 ||

unmeṣaśaktirjñānākhyā tvapareti nigadyate |
ityānandeśanonatvamayadīrghasvarātmikā (?) || 339 ||

śivā śaktitrayamayī syāttad bindvantavedanā |
tadetad dvitayaṃ kartṛkriyārūpamanuttare || 340 ||

visargātmani cidrūpe svatantre'nantanāmani |
na vidyate'nyaparyāyo yasyāntastatra cātmanaḥ || 341 ||

aśeṣaśaktisaṃghaṭṭaparāmarśamayātmani |
turyasandhyarṇarūpāyāṃ citau cānuttareśituḥ || 342 ||

viśrāmyati ya eṣo'sya śabdarāśimahātanoḥ |
visargasyāttaviśvasya codakatvena vartate || 343 ||

caturdaśamayaḥ prāṇaḥ śivasyātmatayā śivaḥ |
sa eva śuddhavidyādau śivānte tattvapañcake || 344 ||

svavyāpibrahmaṇo dehe sato'vyāpakatāṃ bhajan |
jñeyastatrāṃśato vidyāmāyātmātvādyaparvaṇi (?) || 345 ||

bhinnasya bhinnābhinnasya sarvasya jñātṛtāpadam |
svamāyāsaṅkaṭottīrṇaṃ prāpnoti parameśitām || 346 ||

pāśairāgantukairmāyāvibhramaiḥ kañcukātmabhiḥ |
viyogātsvairasañcāro bhavetsaṃvinmayo'mbare || 347 ||

sahajāṇavavaikalyasiddhisaṃbhāvanāparam |
vaimalyamī'svarākhye ca dvitīye yāti parvaṇi || 348 ||

tathā parvaṇi sādākhye tṛtīye vedyalakṣaṇaḥ |
(p. 31) idaṃ pratītirūpasya viśvarūpasya vastunaḥ || 349 ||

ācchāditatvātsvaṃ vīryaṃ pratyāhṛtasamastayā |
ahamāśāntakallolaścidabdhiḥ svāsthyamaśnute || 350 ||

śaktirūpe tathā svasminnanyasāpekṣatojjhite |
svabhānādātmanaḥ pūrṇādaviyoginyanaśvare || 351 ||

ātmanyāyatate tiṣṭhan buddhyate svasya pūrṇatām |
tata eva śivākhye'sminnaśuddherbhedalakṣaṇaḥ || 352 ||

sarvātmanā tirodhānācchuciḥ saṃvartako bhavan |
karṣānuttarasaṃghaṭṭatryaśrasaṃvinnabho'ntare (?) || 353 ||

svāhājvālāsamālīḍhatattvaugho jvalati svayam |
evaṃ codakarūpasya śivasyaivaṃ svarūpataḥ || 354 ||

etadviśrāntiniṣṭho'ṇuruktenābhyāsavartmanā |
muhūrtādikrameṇaiva purokte tattvapañcake || 355 ||

śuddhāśuddhādhvarūpe yadvartate dṛkkriyāmayam |
svātantryamaiśvaraṃ sarvamaśnute tatparaḥ param || 356 ||

evaṃ muktimayī bhuktiḥ phalatvenāsya kīrtitā |
codakābhyāsaniṣṭhasya visargāṃśavyavasthiteḥ || 557 ||

muktirbrahmāṃśaniṣṭhasya bhuktiścaiketi sūcitā |
caturthyāṃ paraviśrāntau sarvamekarasātmanā || 558 ||

abhedenaitaduktaṃ tattrayamāste yathā mahān |
vṛkṣo nyagrodhadhānāyāṃ taddhānātmasvarūpayā || 559 ||

tacchaktyaivātmanā bhāti tathātra hṛdayātmani |
bīje tacchaktibhedena caraṃ śuddhaṃ pramātṛ ca || 360 ||

acarañca tathāśuddhaṃ meyayaṃ ca prathate'khilam |
(p. 32) tasmādyat sūcitaṃ pūrvaṃ sadyo yogavimokṣadam || 361 ||

arudrayoginījāto na labhetaitadityataḥ |
svātmacidbhairavāveśamātrasiddhiprayojanam || 362 ||

tadetadupasaṃhāradvārā prakaṭamucyate |
evaṃ yo veda tattvena tasya nirvāṇagāminī || 363 ||

dīkṣā bhavatyasaṃdigdhā tilādyāhutivarjitā |
evamuktena rūpena niḥśaṅkatvena niścitaḥ || 364 ||

yo vetti hṛdayatvena bījametadvikasvaram |
tasyāsya paramārthena dīkṣā nirvāṇasatphalā || 365 ||

bhavatyevāstasandehā tathā hyeṣa svasaṃvidā |
etaddhṛdayatālābhe tadgatābhistadātmabhiḥ || 366 ||

saṃvidbhirdattamevaitatpūrvaṃ hṛdayalakṣaṇam |
jñānaṃ kṣapitamevaivaṃ saṃkocātma ca pāśavam || 367 ||

jānātyeva tato dīkṣā dānakṣapaṇalakṣaṇā |
svapratītiprathāsārā saiṣā jñānasvarūpiṇī || 368 ||

ato nātra tilādīnāmupayogaḥ kramātmanām |
etāvajjīvato muktimātraniṣṭhitacetasaḥ || 369 ||

etallābhādikaṃ kiṃcinnopayogīti darśitam |
adhunā tu samāveśābhyāsārthamupayogavān || 370 ||

pūjāvidhiḥ sa vaktavyo yato vakṣyati śāsanam |
kṛtapūjāvidhirbījaṃ smaran syātsiddhibhāgiti || 371 ||

tasmādatra śarīrādau tadabhyāsopadarśanam |
kṛtaṃ kariṣyate ceti vidhātuṃ tatra hṛnmatim || 372 ||

prāptaṃ tālamanuktādau nyāsamevāha śāsanam |
(p. 33) mūrdhni vakttre ca hṛdaye guhye mūrttau tathaiva ca || 373 ||

nyāsaṃ kṛtvā śikhāṃ baddhvā saptaviṃśatimantritām |
ekaikena diśāṃ bandhaṃ daśānāmapi kārayet || 374 ||

tālatrayaṃ purā dattvā saśabdaṃ vighnaśāntaye |
puṣpādikaṃ kramātsarvaṃ liṅgaṃ vā sthaṇḍilaṃ cavā || 375 ||

śikhāsaṃkhyābhijaptena toyenābhyukṣayettataḥ |
svacaitanyaikatānītajagattritvodayātmakam || 376 ||

vācaḥ parāyā vaktyartharūpāyā hṛdayātmanaḥ |
vivakṣādhyavasoktyātmapaśyantyādikramātmanaḥ || 377 ||

parādiśaktirūpeṇa prasarattritvasūcakam |
mātṛmānārthasadbhāvavācyāṃśatritayātmakam || 378 ||

hṛdayaṃ bhairavīyaṃ tadātmatvenāvadhārayan |
tadaṃśo'ntarupāṃśūccaiḥ śabdanakramalakṣaṇam || 379 ||

śaktyādicaturaṇḍodyatpātālakṣmāntarikṣagān |
sarvān śamayituṃ vighān bhedataddhīmayānvibhūn || 380 ||

tālatrayaṃ pārṣṇihastamukhaśabdanamācaran |
svīkurvanmātṛmāpīyatrayasadbhāvalakṣaṇam || 381 ||

sṛṣṭiṃ svakīyāmāviśya saṃvidaṃ śaktimāditaḥ |
janmacārapravāhākhyalayavicchittilakṣaṇāḥ || 382 ||

dṛśyamānāḥ śarīre'tra svakīye satatoditāḥ |
ātmano bhairavīyasya hṛdayāmṛtavārigheḥ || 383 ||

cidānandaiṣaṇājñānakriyākhyāḥ spandasaṃpadaḥ |
vimṛśya hṛdaye'traiva sarvatattvamaye nije || 384 ||

bhāti dehatayā kāsyahṛdguhyāṅghriha(?)yātmatā |
(p. 34) pañcakṛtvo nyasedbījaṃ teṣu sthāneṣu pañcasu || 385 ||

viśvasattāmayabrahmapañcakasphūrttilakṣmasu |
evaṃ hṛdayavidvadbhiḥ samāśleṣāttadātmanaḥ || 386 ||

śikhāvato'sya dehasya yā śikhā saṃviśiṣyate |
tadvyāpakatayā dyotattajjvālārūpaṇocite || 387 ||

buddhiprāṇamayātmīyaprakāśaspandanātmatā |
tasyāḥ svavyāpitaddehaṣaṭtriṃśattattvarūpatā || 388 ||

tāsāmanyonyabhāvena pratyekaṃ pañcakātmatā |
śaktīnāṃ pañcaviṃśatyā proktābhyāṃ ca tadātmanaḥ || 389 ||

dvābhyāmubhayaviśrāntitattvābhyāṃ tattvasaṃpadam |
jātayā saptaviṃśatyā bījoccārasvarūpayā || 390 ||

vimṛśya bandhanaṃ kuryāt tattvetyaniyamātmakam |
sthūle sūkṣme pare dehe kṛtvaivaṃ hṛdayātmatām || 391 ||

diśo diśāpi hṛdayaparāmarśaikaśeṣatām |
nayetsakṛtsakṛdbījaṃ smarannāste kṛtākhilaḥ || 392 ||

athārghyapātraviśrāntaparānandarasasya ca |
śikhāsamādhinādhāya hṛdayaikasvarūpatām || 393 ||

takṣaṇābhyukṣaṇadvārā kṛtvedantāṃ vilāpayet |
pūjopayogipu.paughaṃ tadekarasatāṃ nayet || 394 ||

pūjādhikaraṇaṃ liṅgaṃ svāntādi ca yathoditam |
sāmānyato viśeṣācca kṛtvaivaṃ bhedadhilayam || 395 ||

hṛdayaikātmatāṃ nīte tattvādau vedyavistare |
ādhārābhimate kvāpi saṃbhavatyatra vastuni || 396 ||

pūjyasvarūpaniṣkarṣapūrvaṃ pūjocyate'dhunā |
(p. 35) caturdaśābhijaptena puṣpeṇāsanakalpanā || 397 ||

tatra sṛṣṭiṃ yajeddhiraḥ punarevāsanaṃ tataḥ |
sṛṣṭiṃ tu saṃpuṭīkṛtya paścādyajanamācaret || 398 ||

sarvatattvasusaṃpūrṇāṃ sarvāvayavabhūṣitām |
yajeddevīṃ maheśānīṃ saptaviṃśatimantritām || 399 ||

tataḥ sugandhipuṣpaiśca yathāśaktyā samarcayet |
pūjayetparayā bhaktyā ātmānaṃ ca nivedayet || 400 ||

yaiṣā vispaṣṭatādyātmajāgarādiprathāmayī |
pṛthivyādipumantānāṃ tattvānāṃ pañcaviṃśatiḥ || 401 ||

tatsaṃbhāvamayīmādyāṃ kalāṃ hṛdayasaṃvidaḥ |
ādyaṃ parvātmatattvākhyaṃ tadunmeṣonatātmakam || 402 ||

tadbhinnābhinnasaṃvittikañcukabrahmavigraham |
tattvadvayaṃ śaktiśaṃbhumayaṃ vyāpyāvabhāsinīm || 403 ||

triśūlarūpiṇīṃ vṛttiṃ turīyāmuttaraṃ tathā |
parāmṛśyāsanāṃśasya parvataddvayavigrahe || 404 ||

āsane'sminnaśeṣaitatsadrasaikatvacinmayīm |
ātmano'nuttarasyātmabhūtāṃ bhairavarūpiṇaḥ || 405 ||

svāntaḥ sthāvyatirekeṇa kṣiptvādikṣāntasṛṣṭikām |
visargarūpiṇīṃ vṛttiṃ turyātītātmikāṃ parām || 406 ||

vimṛśya devatāṃ pūjyāṃ visargaṃ bījamuccaran |
puṣpeṇa tāṃ pratiṣṭhāpya tasyāṃ tattādṛśātmani || 407 ||

tadāsanāṃśaviśrāntatattvakramaśarīriṇīm |
aśeṣāṃ vāṅgamayīṃ sṛṣṭiṃ turyādyābhogaśālinīm || 408 ||

kṣipedyena visargo'yaṃ tanmadhyasthānubhāvataḥ |
(p. 36) taduttirṇī tadātmānaṃ sarvakramaśarīriṇīm || 409 ||

sarvairavayavībhūtairbhūṣitāṃ bhāvarāśibhiḥ |
svātmīkṛtya svayaṃ bhāti kalā sā tādṛśī parā || 410 ||

tatastādṛśatadrūpasvarūpāmarśarūḍhaye |
hṛdayaṅgamatārūpa - saurabhyabharitodayaiḥ || 411 ||

svātmārpaṇavaśāttasmiṃstasya rūpasya poṣakaiḥ |
puṣpādisadbhāvajātairupacārairyathoditaiḥ || 412 ||

tāṃ devatāṃ tadātmatvacamatkārarasātmanā |
pūrṇayā svasya saṃvittyā tatpūrtyādarśarūpayā || 413 ||

snānadhūpāñjanālepatāmbūlāsavamukhyayā |
bāhyayā cāpi saṃpattyā pūjayetsamyagātmanaḥ || 414 ||

dehādinā nimagnatvamayaprahṛtyapūrvayā |
tatpūjyadevatāsaṃvidutkarṣāmarśarūpayā || 415 ||

tadekarasatāveśaśraddhātiśayatattvayā |
bhaktyā bhajanarūpiṇyā parayā pūrṇarūpayā || 416 ||

parā ca yā'sau puṣpāderbhaktiḥ pūjopayoginī |
uktaitatsvātmahṛdayahaṭhāveśakriyāpadaḥ || 417 ||

bhāgaḥ parimalādyātmā tacchaktistatsvarūpayā |
bhaktyetyuktena rūpeṇa pūjāyāḥ pūrtilakṣaṇaḥ || 418 ||

saṃpūryamāṇamātmānaṃ sarvābhedaghanāṃ citim |
saptaviṃśativāroktahṛdayāmarśanakriyaḥ || 419 ||

niścitenātmabhāvena .......................................... (?) |
niyatenātmabhāvena niyamenāmṛśenmuhuḥ || 420 ||

eṣā pūjoditā tāvadasyāḥ pūrtīhalakṣaṇā |
(p. 37) sā bhoktryāḥ saṃvidastasyā bhuktāyāstattvapaddhateḥ || 421 ||

punaḥ prarohaucityātmasaṃskārātmatayā sthitim |
ajīrṇeva bhidā janmavyāpiśaṃkodayāvadhim || 422 ||

na bhavedbhasmasādbhāvatadbhogyatvavilāpanam |
atītvetyāśayenaināṃ saparyāmupasaṃharan || 423 ||

sūcayatyatidiṣṭena vidhānena hutikriyām |
evaṃ yajanamākhyātamagnikārye'pyayaṃ vidhiḥ || 424 ||

hutikriyāyāṃ tatrāpi tadvibhūtārghyavipruṣā |
abhyukṣaṇaṃ tilādīnāṃ sruksruvāderhutāśanaḥ || 425 ||

hutāśane ca pūrvoktavartmanāsanakalpanam |
bhoktṛsvarūpaniṣkarṣastatrākṣepo jagatsthiteḥ || 426 ||

tadbhuktatattvasaṃskārarūpabhogyavilāpanam |
havanena tilādīnāṃ ṣaṭtriṃśattattvatājuṣām || 427 ||

tadekarasatāveśatattvātmā varṇarūpiṇī |
pūrṇāhutikriyetyevaṃ tatprakāraḥ pratīyatām || 428 ||

evaṃ yajanahomātmā pūjaiṣā pūrtirūpiṇī |
ābhyantaratvasaṃkḷptyā bāhyadravyopasaṃhṛteḥ || 429 ||

nivartitena bhāvena sūtre paścāttu saṃgatiḥ |
kṛtapūjāvidhiḥ samyaksmaranbījaṃ prasiddhyati || 430 ||

......................................ṣamyak cettena vartmanā |
vakṣyamāṇena viśvasya bījaṃ hṛdayamātmanaḥ || 431 ||

smṛtirūpaparāmarśaviṣayatvaṃ samānayan |
samyak cāpāstasandehavibhramāvāptilakṣaṇāḥ || 432 ||

prakṛṣṭena prakāreṇa siddhiḥ pūrvoktalakṣaṇāḥ |
(p. 38) traikālyadarśanādyāstā bhagavān bhairavo yathā || 433 ||

āptvānenaiva dehena prasiddho bhuvane bhavet |
bījātmano vimarśasya bhāto'pyabhinavātmanaḥ || 434 ||

asya pūrvā(rṇā)dirūpeṇa svarūpeṇāvabhāsanāt |
apāstakālakalanābhedayogitayodyataḥ || 435 ||

ābhāsanīlarūpasya sarvathābhyantarasya ca |
sato'vabhāsanāduktaṃ viśrāntitrayalakṣmaṇaḥ || 436 ||

vastunaḥ smṛtisādṛśyātsmṛtitvenopadeśanam |
śatrā ca pratyayenāstavicchedasvāpabhāsanam || 437 ||

parāmṛṣṭāramādevaṃ vande (?) darśayatā śivam |
sūcyate'yaṃ parāmarśaḥ tathā svīkriyatāṃ yathā || 438 ||

uktādvicchedarāhityādakālakalitatvataḥ |
sakṛdakramarūpeṇa viśeṣeṇātmatātmanā || 439 ||

bhāti svānubhavenaiva pramāṇenāstasaṃśayam |
iti nanvidamuktaṃ yat samyak bījaṃ smaranniti || 440 || 

tatsamyaktvaṃ smṛterasyāḥ pūrvaṃ yadyapi darśitam |
kālāgnimādītyanena granthena vitatātmanā || 441 ||

tathāpi sphuṭatābhājā rūpeṇāsya vinirṇayam |
vidhātuṃ vidhirūpeṇa nirūpayati śāsanam || 442 ||

ādyantarahitaṃ bījaṃ vikasattithimadhyagam |
hṛtpadmāntagata dhyāyetsomāṃśuṃ nityamabhyaset || 443 ||

bījaṃ vācakarūpaṃ yadvācyaḥ somāṃśurasya yaḥ |
umayā svātmasaṃvittyā viśvottaratadātmanā || 444 ||

ātmanodayamāno'sāvātmā somasya bhātmanaḥ |
(p. 39) jñātṛtākartṛtārūpayāmalātmā svatantratā || 445 ||

icchādisaṃvicchaktyaikyamayī saṃghaṭṭarūpatā |
pṛthvyādiśivaparyantaṣaṭtriṃśat sphūrtīrūpatā || 446 ||

ityetattritayātmā ca prakāśaḥ sārvakālikaḥ |
dvayaṃ tadapi bhedena vācyavācakatātmanā || 447 ||

abhyasedupadeśo yaḥ pāṭhe somāśumityataḥ |
somāṃśamiti pāṭhe tu pūrṇaciccandralakṣaṇaḥ || 448 ||

prakāśānandasadbhāvamata eva svabhāvataḥ |
jvalanaṃ galanaṃ caiva vṛttiṃ sārayatāśrayan || 449 ||

saṃkucadvikasattvena tena svātantryalakṣmaṇā |
pradarśayanpṛthivyādiśivāntāṃ tattvavistṛtim || 450 ||

tadunmeṣanimeṣātmasaṃvicchatatatodayam |
tatsaṃpādanasāmarthyasatattvasvapurāmayam || 451 ||

sakāraukārāḥkārātmasvakīyāṃśatrayātmanā |
uttarottaramāviṣṭaṃ śaśvat bhāgatrayeṇa ca || 452 ||

anuttaratrikoṇātma yadetaddhṛdayaṃ mahat |
somaścāṃśāśca somāṃśamiti sāmastyamānataḥ || 453 ||

samāhārasvarūpeṇa dvandvenāpāditodayam |
tadetadābhimukhyena svasaṃvidrūpaviśramam || 454 ||

catuṣkaṃ śūnyadhīprāṇadehātmani catuṣṭaye |
catuṣṭayaṃ tūttaratra kṣipet pūrvādito yathā || 455 ||

tathā somāṃśataivātra jaḍatālo(ro)halakṣaṇā |
śūnyāditaiva tatrāpi tyaktapārokṣyamīlanā || 456 ||

bhāsate cinmayatvena pratyakṣatvena vāṅmanaḥ |
(p. 40) bilamuktaṃ bhavedrūpaṃ visargāṇāṃ caturvidham || 457 ||

tatra somamayaṃ pūrṇamudayavyayavarjitam |
sakṛdvibhātaṃ viśvasya bījaṃ tadbhāvataḥ sadā || 458 ||

pītaḥ sa viśvabhāvena viśvasthitividhāyinām |
tatsaṃkalanarūpatvasvabhāvātkālatājuṣām || 459 ||

śabdarāśimayasvātmalaharīspandanātmanām |
saṃvinmarīcicakrāṇā cakravartitvamāsthitam || 460 ||

samastajñeyaśūnyatvamayasvaprathanātmani |
jānāti sātu tanmātre prakāśe pratyagātmani || 461 ||

kṣipedabhedato yena somasyātmatayodayāt |
amityapāstapārokṣyaṃ sākṣitvaṃ satataṃ bhavet || 462 ||

some tatrātmanaḥ kṣepāt pratīcastattayodayāt |
tyaktasaṃkocamālinyamīlanāviśadātmanaḥ || 463 ||

aśeṣaviśvabharitamacintyānantaśaktikam |
akhaṇḍaikarasānandasphuraṇātmakamadvayam || 464 ||

ātmatvamanidaṃtvena bhavet sākṣādanāratam |
somasyaivaṃ visargasya pūrṇasaṃvedanātmanaḥ || 465 ||

pūrṇabhairavataivoktā siddhirityuditaṃ bhavet |
tadaṃśeṣu yadādyantasvaravyañjanavarjitam || 466 ||

bījaṃ visargarūpatvāt sthitaṃ pūrayatānnijām |
śabdanātmatayā svīyasvavimarśātmatājuṣām || 467 ||

svaprakāśāvinābhūtasvayaṃprathanalakṣaṇām |
cidādibinduparyantasaṃvedanamayātmanām || 468 ||

svarāṇāṃ tithirūpāṇāṃ vikāsaunmukhyalakṣaṇam |
(p. 41) sveśanāsaṃvidantaḥsthaṃ svaśaktyā turyarūpayā || 469 ||

ābhāsitaṃ bahiṣṭvena kādikṣāntākṣarātmakam |
pṛthivyādiśivātmāntaviśvamātmatayā śrayat || 470 ||

tadvidyāyāmaśuddhāyāmapūrṇo'smīti saṃvidi |
aśeṣābhedakalanāvāgurāsūtraṇātmani || 471 ||

sukhī duḥkhī vimūḍho'smītyevaṃdhīvṛttilakṣmaṇi |
hṛdi kṣipdyena so'yaṃ visargaḥ pūrṇacinmayaḥ || 472 ||

tatsāmānyatayā tattvamāptvā sākṣād bhavetsadā |
sā ca kṣiptā visarge'smin tadekarasatāṃ gatā || 473 ||

tatpūrṇatāsamāviṣṭā sarvatattvaśarīriṇī |
sarvākṣarasamāhārasaṃvidrūpāhamātmikā || 474 ||

jñātṛtākartṛtārūpapramātṛtvātmikā bhavet |
visargātmā visargo'yaṃ viśvaṃ vettyahamityataḥ || 475 ||

vedako vittibhedaikyavidhātaivaṃ nirūpitaḥ ? |
somasya veditustasya yā śaktirvāṅmayī parā || 476 ||

vittiryayā vidanviśvaṃ smarannayamapohati |
svāntaḥsthitaṃ tadātmānaṃ bhavansaṃvinmayatvataḥ || 477 ||

etadādyantabhūtaitatsadvisargadvayojjhitaḥ |
bījaṃ triśūlavṛttyātmaviśvasthitimayātmanā || 478 ||

svaravyañjanarūpāṇāṃ kalānāṃ kalanatvataḥ |
codakatvena mādhyasthyarūpaṃ tādātmyamāśrayat || 479 ||

māyāmayasuṣuptyudyadbījātmāhaṅkriyātmani |
kalanātmatayā yogakalātattvasvarūpiṇī || 480 ||

samīrātmatayā pañcavṛttispandanalakṣaṇe |
(p. 42) prāṇe hṛdyuktivedyena codikeyaṃ tadātmatām ? || 481 ||

pūrṇasaṃpha(ka)lanātmatvādāptvā sākṣādbhavetsadā |
tatra kṣepāttathā prāṇastanmayībhāvayogataḥ || 482 ||

svaspandanamayāśeṣasvaravyañjanavāṅmayaḥ |
sarvatattvamayatvena tanmayaṃ dehamāviśan || 483 ||

jñānasmṛtivikalpātmaviśvasaṃvedanātmakam |
vedituṃ karaṇaṃ matvā bhavet sākṣādanāśritaḥ || 484 ||

somasya veditustasya svātmano vedanātmanaḥ |
tayā karaṇasaṃpattyā saṃpāditajagatsthiteḥ || 485 ||

yaiṣā saṃbandhasāmānyadravyadikkālarūpiṇī |
sattātmā kartṛtārūpā kriyāsmītyanapāyinī || 486 ||

sṛṣṭisvarūpiṇī viśvaṃ ṣaṭtriṃśattattvasantatim |
śarīrayantī śabdābdhestasya pratyāhṛtakramā || 487 ||

ahamityātmaviśrāntiḥ sā sadodeti sarvadā |
tatsvareṇādibhūtena visargeṇāntimena ca || 488 ||

rahitaṃ kevalaṃ bījaṃ sadrūpaṃ tattvalakṣaṇam |
ātmanā labdhasattānāṃ tattvānāṃ vedanātmanaḥ || 489 ||

daśāyāḥ śaktirūpāyā avaruhyedamātmanā |
saṃvidā vedanīyatvaṃ prāptānāṃ sthitimājuṣām || 490 ||

viśvasya kādikṣāntātmasvaravyañjanatātmanām |
mādhyasthyamātmatārūpaṃ codakasvaratāmayam || 491 ||

āśrayaddhṛdaye dehe kṣipedyena tadātmikā |
saiṣā kriyā tatsadbhāvarūpā sākṣādbhavetsadā || 492 ||

tatra kṣepeṇa deho'yaṃ tallīnatvena tanmayaḥ |
(p. 43) tadbhūtamukhapāṇyaṅghrimadhyadhātusamīracit || 493 ||

anapohyānyabhāvena tasyāhaṃtvena vedyatām |
antaḥkṛtākhilārthena bhavet prāptamanāratam || 494 ||

ityevaṃ somatābhājāmaṃśānāmaṃśatājuṣām |
somasya ca svarūpeṇa śūnyādīnāṃ catuṣṭayam || 495 ||

svīkurvannātmanā siddharasanyāyena rūpayan |
visargeṇa vidhāyaiṣāṃ tanmayatve svavarṇatām || 496 ||

apohya pūrvatadrūpajāpyarūpānyathākṛtām |
pūrvoktena pathābhyasyan somāsthānandalakṣaṇam || 497 ||

kālasya grasanaṃ kurvanmuhūrttādikramātmanaḥ |
yānyānkāmayate kāmāṃstāṃstāṃcchighramavāpnuyāt || 498 ||

ārabhya mantramudrāṇāmāveśaṃ prāṇadehayoḥ |
ṣaṭtriṃśattattvaviṣṭayā ca svātantryāvāptisaṃpadam || 499 ||

avadhīkṛtya pūrvoktāḥ siddhiḥ samyagavāpnuyāt |
ahnā pratyakṣatāmeti sarvajñatvaṃ na saṃśayaḥ || 500 ||

yāvadyāmacatuṣkātmadinaṃ tāvadavasthitiḥ |
yadyācarati pūrvoktasomasvādanalakṣaṇam || 501 ||

tadāsya sarvato'vyakte vitate svātmatejasā |
māyāsaṃkocarūpāyāṃ niśāyāṃ śamitātmani || 502 ||

prāptāyāmanupākhyatvaṃ svātmacitprasarātmani |
turīyatadatītātmadaśādvitayalakṣaṇe || 503 ||

pravṛtte'hani sārvajñyaṃmasandigdhaṃ pravartate |
evaṃ matraphalāvāptirityetadrudrayāmalam || 504 ||

eva mantraphalānāṃ yaduktasiddhidvayātmanām |
(p. 44) anuttarādito bījāduktādevāptirityataḥ || 505 ||

etattatprathanāyodyacchāsanaṃ rudrayāmalam |
sapādakoṭisaṃkhyātaṃ phalasaṃpādakaṃ mahat || 506 ||

etadeva hi bījātma taduktaṃ rudrayāmalam |
śivaśaktyostayoratra nityasaṃghaṭṭadarśanam || 507 ||

ata evoktarūpaiddhṛdayābhyāsaśālinaḥ |
saṃkṣepataḥ phalaṃ prāha śāsanaṃ śāsituḥ purā || 508 ||

etadabhyasya tatsiddhiḥ sarvajñatvamavāpyate |
jijñāsitaṃ vā yatkiṃciccikīrṣitamathāpi vā || 509 ||

yathā tathaiva jānāti karoti tadaśeṣataḥ |
ayamasya sthitaivoktā parā bhairavarūpatā || 510 ||

abhyāsena vināpīti pūrṇaṃ śrīśāsanaṃ śivam |
eva devena śāsitrā svarūpaṃ yadanuttaram || 511 ||

sadā prakāśamānaṃ sadapi svātantryasaṃpadā |
pūrṇayā svasya vicchidya dhāmno yāthātmyalakṣaṇāt || 512 ||

tattacchaṅkātmasaṃkocakāri lokādirūpiṇām |
tantrāṇāṃ naitadevaṃ syāttattvametādṛśatvataḥ || 513 ||

tatpravṛttiśca naṣau sāveveṃtvāduditeti ca |
bahudhā kathanenaiva gopitātmātra śāsane || 514 ||

svaparāmarśarūpe taddhṛdayatvena bhāsitam |
vyākhyākṛto'pi śrīśāstramanuttaramidaṃ tathā || 515 ||

svasmātsthānādapohyaiva paratrākṣiptasūtrakam |
tantrātmanā gopitārthabhāṣayāpyākṛtāviha || 516 ||

bhāsitātmīyahṛdayaṃ jātaṃ proktamathātmani |
(p. 45) vyākhyātrā śrotṛśikṣārthaṃ vyākhyā tvāgamavastunaḥ || 517 ||

apramoṣātmasātkāravidhitsāsiddhacetasā |
vyākhyādau pūrṇarūpāyā viśrānterlakṣitatvataḥ || 518 ||

viśrāntīnāṃ tadaṃśatvāttatsaṃvitsthairyalakṣaṇam |
tisṝṇāmadhunā rūpaṃ vakṣyate te svakarmaṇaḥ || 519 ||

he bhoktṛmuditāvi"vāḥ ? santaḥ sādhakapuṅgavāḥ |
tyaktvānyakāyacintātmavibhramaiḥ śrūyatāmidam || 520 ||

anuttarasya somasya sattāṃ tattvātmanā tatām |
samastasaṃpatsaṃpattiparitṛptiprathāmayīm || 521 ||

samāviśyātmabhāvena tāstāḥ svābhogasaṃpadaḥ |
avāpnutāstasandehaviparyastatayoditāḥ || 522 ||

etadvyākhyāvimarśātmavivekamayacetasām |
mā bhūdbhramo vaḥ sacchiṣyā hyanyavyākhyāvicāraṇe || 523 ||

etadarthātmasātkāramātra eva hyavāpnuta |
svīyasya bhairavatvasya camatkāramayīḥ śriyaḥ || 524 ||

yasyāmanuttarānandau pūrṇatotkarṣaśālinau |
yogakṣemātmatāṃ śritvā śrūyate saṃhitodayau || 525 ||

śaktitrayātmikā saiṣā lokasṛṣṭyādikāraṇā |
sataḥ somasya saṃvittiḥ saṃpratyayaśarīriṇī || 526 ||

lokyasatkavalīkāre lokayitrātmaviśrame |
abhito jā...yaṃ dakṣā triśūlatrayarūpiṇīm || 527 ||

trilokīṃ ca tadātmatvamātmīyapratyābhijñayā |
svīkurvāṇāṃ cidāhlādapūrṇatāveśapuṣkalā || 528 ||

ahamityātmasātkārarūpāyāṃ kavalīkṛtau |
(p. 46) vedyasya sattā satataṃ śobhatāmastaviplavā || 529 ||

ātmanāpūryamāṇaṃ sadātmanā saṃvidoktayā |
kṣipantīmātmano'traiva kramākramavibhāgavat || 530 ||

anuttarasya somasya sudatāṃ naumi ṣoḍaśīm |
eṣa spandanidhānasya pure citpariṣaṭpateḥ || 531 ||

tenaiva paśvakṛtyātmanāṭyābhinayavedhasā |
pumāṃsaṃ puṇyasaṃpūrṇaṃ kamapyāviśatecchayā || 532 ||

idaṃvādinataḥ svasmāt vyākhyāśrītriśikātmanaḥ |
śāsanasya svakīyasya svālokādarśarūpiṇaḥ || 533 ||

tathābhinavaguptoktavivṛtivyāpṛtātmanaḥ |
tātparyaikaprathātmatvāt nāmnā tātparyadīpikā || 534 ||

seyaṃ prakāśitāśeṣatriśikāśāsanāśayā |
savisāsaṃ nabhormadhye sarvamaṅgalayā samam || 535 ||

sadārabdhaṃ tu jagati tvaṭanodyogaśālinaḥ |
purataḥ śāśvatīmāptvā sthitiṃ dedīpyate śivam || 536 ||


iti śrīparātrīśikātātparyadīpikā saṃpūrṇā |

iti śivam ||


###########   END OF FILE  #######