#################################################### MUKTABODHA INDOLOGICAL RESEARCH INSTITUTE Use of this material (e-texts) is covered by Creative Commons license BY-NC 4.0 Catalog number: M00256 Uniform title: prodgītāgama Main title: prodgītāgamaḥ vivāhavidhimātram Manuscript : IFP/EFEO transcript T0201 Description: Transcribed from IFP transcript T0201 which is copied from a ms. belonging to Swaminatha Gurukkal, Tiruvavadudurai See Muktabodha IFP/EFEO on-line catalog for bibliographic details at www.muktabodha.org . Notes: Data-entered by the staff of Muktabodha under the direction of Mark S. G. Dyczkowski. Revision 0: April 4, 2012 Internet publisher : Muktabodha Indological Research Institute Publication year : Publication city : Publication country : India #################################################### || śivābhyāṃ namaḥ || || prodgīte vivāhavidhiḥ || śrīkaṇṭharudramīśānaṃ pañcakṛtvaparāyaṇam | papraccha parayā bhaktyā viṣṇuratyantaharṣitaḥ || 1 || bhagavan sarvalokeśa lokarakṣādhuraṃdhara | satīviyogaje kāle lokānāṃ varddhirāditaḥ || 2 || nābhavatkila viśvātman tadā lokāḥ kathaṃ sthitāḥ | utpattiḥ kathameteṣāmavicchinnā vabhūva ca || 3 || tadrahasyanna jānāmi vada me karuṇānidhe | iti pṛṣṭo mahādevo viṣṇunā prabhaviṣṇunā || 4 || uvāca pārvatīnāthastaṃ vṛttamavatārayat | dakṣaṃ nirīśvaraṃ yāgaṃ prāvartata purā kila || 5 || tattvayā viditaṃ sarvamathāpi tvadvikṣayā | vakṣyāmi sarvametat kathāṃ vistarataśśṛṇu || 6 || satī yadā svakaṃ dehaṃ pramumoca samādhinā | tadā nirutsavo lokaḥ prajāvṛddhivivarjitaḥ || 7 || anāvṛṣṭi paripluṣṭaḥ kṣayamāpa dine dine | tadā brahmādayo devāssametya mama sannidhau || 8 || praṇipatya pariploṣaṃ jagataste vyajijñipat | tadā lokahitārthāya saṃbodhayadacyuta || 9 || p. 2) indrādīnāṃ dikpatīnāṃ santatiḥ prabhaviṣyati | sā tatrāpyagajā gaurī bhaviṣyati dharāpate || 10 || tāṅkanyāṃ vāmadevāya śivāya dadatassvayam | tadā prabhṛti loko'yaṃ varddhate pūrvavatkila || 11 || ityājñaptāśca te devāstayorvaivāhikīṅkriyām | akurvan tatpravakṣyāmi śṛṇuṣvādarapūrvakam || 12 || tadā caturmukho brahmā vasiṣṭhādyā munīśvarāḥ | prādurāsītsapatnīkāḥ maheśapriyakāmyayā || 13 || lokasaṅgrahaṇārthāya laukikīṃ vṛttimāśritāḥ | saptarṣīn preṣayāmāsuḥ kanyāniścaya hetave || 14 || sapatnīkāssamājagmurnagendra gṛhamuttamam | sanārikelakadalīpūgīphala samanvitam || 15 || vastrayugmaṃ samādāya kañcukaṃ kanakāñcitam | nagendrāṅke sanniṣaṇṇāṃ vavrire kanyakāṃ mudā || 16 || pūrṇacandrābhavadanāṃ nīlakuñcitamūrdhajām | susmitāpāṅga saṃrūdamakaradhvaja śālinīm || 17 || uduttareti mantreṇa brahmaghoṣapurassaram | arūṃdhatī tadā kanyāṃ gandhapuṣpopahārakaiḥ || 18 || alañcakāra suprītāmumāṃ tāṃ samalaṅkṛtām | tadā himādrimenākīmukhamaikṣata vismitaḥ || 19 || p. 3) sā'numene tadā gīrīṃ pradātuṃ śambhurūpiṇe | maheśāya tadā devī sahitastu mahīpatiḥ || 20 || dāsyāmīti tadā vācamuvāca sa nagādhipaḥ | athoṣadhīnāmadhipe vṛddhiṃ prāpte supuṣkale || 21 || jāmitre ca tithau maitre muhūrteśśaśalāñcchane | uttarāphalgunīyukte muhūrtaṃ samayojayan || 22 || evaṃ śāstroktamārgeṇaṃ vivāhaṅkārayeti ca | brahmāṇaṃ preṣayāmāsa sa pinākī maheśvaraḥ || 23 || tathaiva kārayāmāsa brahmā lokapitāmahaḥ | anenaiva vidhānena pārvatīñca dadau giriḥ || 24 || etena kāraṇe naiva devānāṃ santatirbabhau | indrasyāpi jayanto'bhūnnalakūvara eva ca || 25 || kuberasya sa devānāṃ santatiścābhavatkila | anaṅgo'pi tadā sāṅgaḥ ratiprītikaraḥ prabhuḥ || 26 || iti prodgīte vivāhavidhirnāma pañcaviṃśati paṭalaḥ || 25 || atha viṣṇurmahādevaṃ papraccha parayā mudā | pralayo mānuṣe loke prajānāśaḥ pade pade || 1 || dāridryaṃ prāṇividveṣaḥ kathannasyāt prabho vada | athovāca mahādevaḥ gaurīvaivāhikaṃ vidhim || 2 || ālaye ca pratiṣṭhāyāmutsavādau viśeṣataḥ | kartavyaṃ vidhipūrvantu vedāgamavidhānataḥ || 3 || tadvakṣye śṛṇu viṣṇo tvaṃ saṅgraheṇa janārdana | etadā yuṣyamārogyaṃ putrapautravivarddhanam || 4 || dhānyaṃ yaśaskarañcaivāpamṛtyu nivārakam | saumaṅglyaṃ sadā saukhyaṃ vardhanañca viśeṣataḥ || 5 || phālgune caitravaiśākhe tiṣye vāpi viśeṣataḥ | ṛkṣe cottaraphalgunyāṃ maitre'nyacchubha-ṛkṣake || 6 || sumuhūrte * * * * * * * * bhṛgordine | vaivāhikavidhiṃ kuryāt sādhakassarvatantravit || 7 || śivadvija * * * * * * * * bhiṣecanaḥ | śivaśāstravicārajñaḥ śivāgamaviśāradaḥ || 8 || dukūlavasano * * * * * * ttarīyakaḥ | bhasmarudrākṣamālābhiralaṅkṛta kalevaraḥ || 9 || hemayajñopa * * * * * * * * * ṇḍitaḥ | śuklacandanaliptāṅgaśśuklamālairalaṅkṛtaḥ || 10 || evaṃ lakṣaṇayu * * * * * * * vratam | prārthayeddevadevasya kalyāṇaṃ kuru bho gurau || 11 || p. 5) iti prārthya namaskṛtya * * * * * * * * | iti saṃprārthya śārginyajamānena deśikaḥ || 12 || āsthānamaṇṭape ramye śatastambha samanvite | * * * * * * * * raṅgavalyādiśobhite || 13 || kadalīstambhakharjūrī vitānaddhvajatoraṇaiḥ | patā * * * * * * * * dhūpaiśca śobhite || 14 || paṇavairmaddalaiścaiva nānāvāditranisvane | * * * * * * ktaiśca gaurīkalyāṇa vaibhavaiḥ || 15 || bhūṣite maṇṭape śubhre brāhma * * * * * * | * * * * vidhijñaiśca vedavedāṅganiṣṭhitaiḥ || 16 || rājabhissacivaiścaiva bhaṭairyodhai * * * * * | * * * * * nairanyairnaranārī sahasrakaiḥ || 17 || śobhite sadane madhye * * maṇṭapamādarāt | tanmadhye padmavedīñca tatpūrve padmakuṇḍakam || 18 || svastikaṃ maṇḍalaṃ kuryāt āgamoktavidhānataḥ | paścime bhadrapīṭhe ca svastikākhye maheśvaram || 19 || saṃsthāpya dakṣiṇe bhāge gaurīṃ kalyāṇarūpiṇīm | devyā dakṣiṇadigbhāge himavantaṃ samenakam || 20 || viṣṇuṃ śrībhūmisahitaṃ kalaśeṣu samarcayet | agnerdakṣiṇadigbhāge vāgdevīñcaturānanam || 21 || p. 6) sanakādīṃśca yogīndrān brahmaṇaḥ purato yajet | devasya vāmabhāge tu yajeddurgādi yoginīm || 22 || devasyeśānadigbhāge rūdrān pramathanāyakān | saptarṣīṃśca pattnīṃśca sarvadevarṣimaṇḍalam || 23 || yajettu purato bhāge śacīmindraṃ vasūṃstathā | paścime menakādīṃśca yajedapsarasāṃ gaṇān || 24 || viṣṇvādi devabṛndāṃśca kalaśeṣu yathākramam | miśratantravidhānena pratimāsu prapūjayet || 25 || ācāryo mūrtipaissārdhaṃ devadevasya sannidhau | anujñāṃ vidhivatkuryāt brāhmaṇānāṃ samājage || 26 || deva deva jagannātha jagadānandakāraṇa | kalyāṇārthaṃ pravarto'haṃ lokasaṅgrahaṇāya ca || 27 || lokānāmiṣṭakāmyārthaṃ tavājñāṃ kuru me prabho | tato devyālayaṃ gatvā prārthayediṣṭasiddhaye || 28 || ambike devi kalyāṇi kāruṇyākaracandrike | jagadārtivināśāya śambhupatnī bhaviṣyasi || 29 || ityuktvā tāṃ mahādevīṃ praṇipatya gurūttamaḥ | vaivāhya mūrtiṃ saṃprāpya prārthayediṣṭasiddhaye || 30 || somāskandādideveṣu pañcaviṃśatikeṣu ca | ye ye śaktiyutā devāsteṣvekasya vidhānataḥ || 31 || p. 7) varṣe varṣe prakurvīta vaivāhikamanuttamam | udvāhabhāvanārthāya devadevau prapūjayet || 32 || śaktivighneśamabhyarcya grahaprītipurassaram | saṅkalpañca tataḥ kuryān mṛtsaṅgrahaṇamaṅkuram || 33 || kṛtvā pratisaraṃ baddhā devyā devasya caiva hi | paredyuḥ prātarutthāya saṃbhārān saṃbhriyāttataḥ || 34 || tato devyālayaṃ gatvā vāṅniścayavidhiñcaret | tato brahmādayo devā vasiṣṭhādyā munīśvarāḥ || 35 || prādurāsan sa patnīkāḥ maheśapriyakāmyayā | lokasaṅgrahaṇārthāya laukikīṃ vṛttimāśritāḥ || 36 || satānabhyarcya devādīn gandhapuṣpākṣatādibhiḥ | sanālikerakadalī pūgīphalasamanvitam || 37 || vastrayugmaṃ samādāya kañcukaṃ kanakāñcitam | uduttareti mantreṇa brahmaghoṣapurassaram || 38 || samprārthya devīmabhyarcya vastrapuṣpopahārakaiḥ | udvāhārthaṃ parāśaktiṃ prapūjyā'tha viśeṣataḥ || 39 || uktadravyayutaistoyaiḥ pādyamācamanārghyakam | paryūṣitārcanaṃ kṛtvā snānaśālāpraveśanam || 40 || sihmāsane tu saṃsthāpya nṛttagītapurassaram | sugandhatailābhyaṅgaṃ snānīyodvartanaṃ tathā || 41 || p. 8) uṣṇodakasnāpanañca sarvadravyābhiṣecanam | tataḥ kuryādviśeṣeṇa dhautavastrapramārjanam || 42 || dukūlaparidhānañca uttarīyasamanvitam | candanāgarukastūrī kuṅkumādi vilepanam || 43 || keśānāmagaro dhūpaṃ yathā vidhi vidhāya ca | mallikāmālatī jāti campakādyarpaṇaṃ tathā || 44 || navaratnakirīṭañca candrarekhāvataṃsakam | sīmantadeśe sindūraṃ lalāṭe tilakaṃ tathā || 45 || kālāñjanamadho kṛtvā pālīyugalameva ca | maṇikuṇḍalayugmañca nāsābharaṇamapyatha || 46 || adhare yāvakañcaiva tataḥ prathamabhūṣaṇam | cintākaṃ patakañcaiva mahāpatakameva ca || 47 || muktāvalīmeka muktāvalīmapi vinirdiśet | vaikakṣyahāraṃ keyūracatuṣṭayamathāpi vā || 48 || valayānāmāvalīśca ūrmikāvalimeva ca | kāñcīdāma samāropya kaṭisūtramathopari || 49 || saubhāgyābharaṇañcaiva sarvaratnavibhūṣitam | pādayoḥ kaṭakañcaiva ratnanūpurameva ca || 50 || pādāṅgulīyakañcaiva samāropya viśeṣataḥ | āyudhāni kare kṛtvā tattatkālaviśeṣataḥ || 51 || p. 9) pādukārohaṇaṃ kāryaṃ mahāmaṅgalasaṃyutam | dhūpadīpaṃ tathā kṛtvā pañcānnādīnnivedayet || 52 || ṣoḍaśairūpacāraiśca tāmbūlaṃ mantrapuṣpakam | tattanmantraiśca sampūjya gaurīṃ kalyāṇa rūpiṇīm || 53 || athāropya gaje devīṃ sihme vā samalaṅkṛtām | ādiśaktisaparyārthaṃ nadītīre prapādiṣu || 54 || samāveśya tadā devīṃ nānāvāditra nisvanaiḥ | kumbhaṃ saṃsthāpya vidhivat pūjayitvopacārakaiḥ || 55 || kastūrikuṅkumālepa kajjalādibhirādarāt | kaborākṣidarpaṇādi sambhārairatiśobhanaiḥ || 56 || bījamudgāni naivedya pūrṇakarma samācaret | stuvīta brāhmaṇaissārdhaṃ prāṅmukhairbrahmavādibhiḥ || 57 || ādimadhyāntarahitāṃ ambāmamitavigrahām | praṇamāmi mahādevīṃ mahāttripura bhairavīm || 58 || madiṣṭadevate devi mama prītivivardhanam | bhartāraṃ varaye devi śivamatyantasundaram || 59 || ghaṭayasva jaganmātardīrghamāṅgalya vṛddhaye | iti prārthya parāṃ devīṃ pūjayitvā tataḥ param || 60 || ādiśaktimameyāṃ tāṃ dhyātvā niścalatāṃ yayau | tatraiva jātakarmādi kuryāddevyāḥ prayatnataḥ || 61 || p. 10) ācāryassarva sambhārān vādyaghoṣapurassaram | gṛhītvā devadevasya kalyāṇādiṣu mūrtiṣu || 62 || yasya kasyāpi purataḥ gatvā prārthya pura sthitaḥ | deva deva jagannātha jagadārtihara prabho || 63 || anujñāṃ dehi me svāmin kalyāṇārthantu vā'dhunā | iti samprārthya deveśaṃ dhūpadīpau nivedya ca || 64 || abhiṣekaṃ tataḥ kṛtvā snānīyaissnapanodakaiḥ | rudrādhyāyamanuṃ japtvā sarvavādyapurassaram || 65 || * * * * * * * * niyojyā bharaṇāni ca | makuṭāṅgadakeyūrahāranūpurakaṅkaṇīm | kaṭisūtraṃ yajñasūtra * * * * * * baliḥ || 66 || evamādibhiranyaiśca pādukādibhireva ca | jājīcampaka punnāga kahlārakama * * * * || 67 || * * * * * dyaiśca pūjayitvā maheśvaram | kārayeddevadevasya śivasya paramātmanaḥ || 68 || vratādikamatho * * * * * * * maṅgalam | sarvopacāraissaṃpūjya vṛṣamārohayecchivam || 69 || sarvavādyasamāyuktaṃ nānābi * * * * * * | * * * * * * to gacchet svastimaṅgalapūrvakam || 70 || p. 11) tatra gatvā tayā sārddhaṃ pādyārghyācamanādibhiḥ | upacārya tataḥ * * * * * caturvidham || 71 || nivedaddhūpadīpaiścchatraiścāmara vījanaiḥ | upacārya yathā śāstraṃ nīrājanamatha * * || 72 || * * * * mya tau devau vṛṣasihmāsanasthitau | utthāpya maṇṭapāgre tu sthāpayet pūrvapaścimam || 73 || mālāvinimaya * * * * * * ṇameva ca | vādyaiḥ pradakṣiṇī kṛtya dāsīdīpasamanvitaiḥ || 74 || kalyāṇamaṇṭape ramye svastimaṇṭapa * * * | samāveśya pūrvābhimukhamāsthitau || 75 || tato yakṣabaliṅkuryāt ācāryassādhakaissaha | puṇyā * * * * * * * * * kadalīphalam || 76 || raktapuṣpasamopetaṃ baliṃ dadyādvicakṣaṇaḥ | kṛtvā vivāhasaṅkalpaṃ varapreṣaṇa * * * || 77 || * * ke maṇḍale samyagādi kartāramarcayet | haribrahmādi devanāmarcanaṅkalaśeṣu ca || 78 || sampūjya vidhiva * * * * * * * dhinā yajet | prasugmanteti mantreṇa varapreṣaṇamācaret || 79 || āpa * * * * ti mantreṇa pā * * * * * | yanmadhuno madhavyeti madhuparkaṃ samarcayet || 80 || p. 12) kanyakādāna saṅkalpaṃ kṛtvā tatra vidhānataḥ | gṛhītvā * * * * * * * māpya śivasya hi || 81 || gṛbhṇāmīti ca mantreṇa pāṇigrahaṇamācaret | atha pracchannavastreṇa prā * * * * * * * || 82 || * * * ṣṭakamārabhya vācayetsasvaraṃ kramāt | vastrayugmaṃ tadādāya tasyopari yathā vidhi || 83 || maṃ * * * * * * * * prānugrahamācaret | baddhvā māṅgalyasūtrañca gaurībījena deśikaḥ || 84 || pādukāṃ pārvatīṃ * * * * * * * kottamaḥ | ekamiṣeti mantreṇa saptavāraṃ vrajetkramāt || 85 || śivāgniṃ sthāpayitvā tu paristaraṇapūrvakam | * * * prokṣaṇīñcaiva lājānājyañca sādhayet || 86 || mūlenāṣṭottaraṃ hutvā somāyeti ca mantrataḥ | lājahoma * * * * pradakṣiṇapurassaram || 87 || triḥ kṛtvā ca samiddhe'gnau śeṣā ājyāhutīrhunet | cittañcetyādi mantraiśca jayāda * * * * * || 88 || nālikerakapitthādi phalavargaissamanvitām | drākṣā kharjūranāraṅga khaṇḍaśarkarayānvitām || 89 || ikṣukhaṇḍa * * * * * * * * paśobhitām | pūrṇāhutimatho hutvā sapteti ca mantrataḥ || 90 || p. 13) upasthānamatho kṛtvā praṇame * * * * * | * * * prāṅmukho bhūtvā prārthayedbrāhmaṇānatha || 91 || ārdrākṣatān samāropya svastivācana | * * * * * rañcaiva pūjayedvidhipūrvakam || 92 || dhūpadīpādinaivedyatāmbulādyupacārakaiḥ | pūrva * * * * * * nivedyāpūpamodakān || 93 || tāmbūlādīn tato datvā gandhapuṣpādi * * * | * * * * * * * * bhakṣya bhojyaphalādikaiḥ || 94 || vīthī pradakṣiṇaṃ kuryāt sarvānugraha ve * * | * * * * * * * * sa vidhodvāhameva ca || 95 || sa dīrghāyuravāpnoti putrān pautrāṃśca vindati | * * * * * * * * * * * * ha modate || 96 || iti prodgīte vivāhavidhirnāma ṣaḍviṃśati paṭalaḥ || 26 || ########### END OF FILE #######