####################################################
MUKTABODHA INDOLOGICAL RESEARCH INSTITUTE
Use of this material (e-texts) is covered by Creative Commons license BY-NC 4.0
Catalog number: M00334
Uniform title: saṃnyāsa upaniṣads
Main title: The saṃnyāsa upaniṣads with the commentary of śrī upaniṣad brahmayogin
Commentator : upaniṣad brahmayogin

Description: 



Notes: 
Data entered by the staff of Muktabodha under the direction of Mark  S. G. Dyczkowski.

Revision 0: Dec. 15, 2015

Publisher : The Adyar Library and Research Centre
Publication year : 1929
Publication city : Adyar
Publication country : India
####################################################



p. 1)

avadhūtopaniṣat 

saha nāvavatu - iti śāntiḥ 

avadhūtajijñāsā

atha ha sāṅkṛtirbhagavantamavadhūtaṃ dattātreyaṃ parisametya prapaccha 
bhagavan ko'vadhūtastasya kā sthitiḥ kiṃ lakṣma kiṃ saṃsaraṇamiti | taṃ hovāca 
bhagavo tattātreyaḥ paramakāruṇikaḥ || 1 ||

gauṇamukhyāvadhūtālihṛdayāmbujavarti yat |
tat traipadabrahmatattvaṃ svamātramavaśiṣyate ||

iha khalu kṛṣṇayajurvedapravibhakteyamavadhūtopaniṣat 
avadhūtacaryāprakaṭanavyagrā niṣpratiyogikabrahmamātraparyavasannā 
vijṛmbhate | asyāḥ saṃkṣepato vivaraṇamārabhyate | 
sāṅkṛtidattātreyapraśnaprativacanarūpeyamākhyāyikā vidyāstutyarthā | 
ākhyāyikāmavatārayati - atheti | kimiti - bhagavanniti | 
sāṅkṛtipraśnottaraṃ bhagavānāha - tamiti | bhagava ityatra bhava iti 
pāṭhasvīkāre bhavatīti bhavo bhagavān iti vyutpattiḥ || 1 ||

avadhūtaśabdasyākṣarārthaḥ 

akṣaratvādvareṇyatvāddhūtasaṃsārabandhanāt |
tattvamasyādilakṣyatvādavadhūta itīryate || 2 ||

p. 2)

avadhūta ityakṣarārthamāha - akṣara iti || 2 ||

gauṇāvadhūtacaryā 

yo vilaṅghyāśramān varṇānātmanyeva sthitaḥ sadā |
ativarṇāśramī yogī avadhūtaḥ sa kathyate || 3 ||

mukhyāvadhūtaḥ paramātmetyuktvā 
svātiriktanivṛttipradhānagauṇāvadhūtacaryāmāha - ya iti || 3 ||

priyādivṛtteḥ pakṣitvena varṇanam 

tasya priyaṃ śiraḥ kṛtvā modo dakṣiṇapakṣakaḥ |
pramoda uttaraḥ pakṣa ānando goṣpadāyate [u, u 1. goṣpadākṛti] || 4 
||

govālasadṛśaṃ śīrṣe nāpi madhye na cāpyadhaḥ |
brahma pucchaṃ pratiṣṭheti pucchākāreṇa kārayet |
evaṃ catuṣpadaṃ kṛtvā te yānti paramāṃ gatim || 5 ||

tatpriyādivṛttiṃ pakṣitvena varṇayati - tasyeti | yo'vadhūta iti khyātastasya 
sādhanasaṃpattijaṃ priyaṃ harṣaṃ śiraḥ kṛtvā samāhitāvasthāyāṃ yo harṣaḥ 
sa modo dakṣiṇapakṣatvena cintyaḥ | akhaṇḍākāravṛttijaḥ pramoda 
uttarapakṣatvena dhyeyaḥ | nirvikalpasamādhijo ya ānandaḥ sa ātmā sa eva 
goṣpadāyate priyamodapramodānandarūpeṇa caturdhā bhidyate || tatra śīrṣe 
sādhanasaṃpattijaharṣe svātmabuddhiṃ na kuryāt | na cāpyadhaḥ 
dakṣiṇottarapakṣopame samāhitacittākhaṇḍākāravṛttirūpe mode pramode ca 
svātmabuddhiṃ na kuryāt | tathā madhye'pi nirvikalpakasamādhijānande 
svātmadhiyaṃ tyajet | tathā cedātmadhīḥ kutra kāryetyatra yadgovālasadṛśaṃ 
kiṃcidavaśiṣṭaṃ 

p. 3)

tadbrahma pucchaṃ pratiṣṭheti pucchākāreṇa kārayet | 
yatpriyādyavayavakalpanādhikaraṇaṃ tadgataheyāṃśāpāye yadavaśiṣyate 
tanniradhikaraṇaṃ niṣpratiyogikabrahmamātraṃ svāvaśeṣadhiyā dhyāyedityarthaḥ 
| evamekaṃ caturdhā vibhajya punastadāropāpavādādhikaraṇaṃ niradhikaraṇaṃ 
brahma svamātramiti ye jānanti te tajjñānasamakālaṃ tanmātrāvaśeṣalakṣaṇāṃ 
paramāṃ gatiṃ videhamuktiṃ yānti videhamuktā bhavantītyarthaḥ || 4-5 ||

jñānasya utkarṣaḥ 

na karmaṇā na prajayā dhanena tyāgenaike amṛtatvamānaśuḥ || 6 ||

karmādibhirapi kaivalyamāptuṃ śakyate kiṃ k~jānenetyata āha - neti | 
karmaṇā badhyate jantuḥ kiṃ prajayā kariṣyāmaḥ mā gṛdhaḥ kasya ciddhanam 
iti ca śrutyanurodhena brahmātirekeṇāpahnotavyaiḥ karmaprajādhanaiḥ 
ke'pyamṛtatvaṃ nānaśuḥ | kiṃtvetatsarvatyāgena brahmātiriktaṃ neti 
svātiriktasāmānyasaṃnyāsena samyag jñānātmanā amṛtatvaṃ 
videhakaivalyamānaśuḥ prāpnuyurityarthaḥ || 6 ||

avadhūtacaryānukramaṇam 

svairaṃ svairaviharaṇaṃ tatsaṃsaraṇam | sāmbarā vā digambarā vā | na teṣāṃ 
dharmādharmau na medhyāmedhyau | sadā 
sāṃgrahaṇyeṣṭyāśvamedhamantaryāgaṃ yajate | sa mahāmakho mahāyogaḥ || 7 ||

avadhūtacaryāmanukrāmati - svairamiti | śrutismṛtiśiṣṭācārāvirodhena 
svacchandaṃ svairaṃ svairaviharaṇaṃ tatsaṃsaraṇaṃ 
yadṛcchayāgatabhikṣādidehadhāraṇamātropayogiparigrahapūrvakaṃ 
svājñalokonmādanapravṛttinirāsakaṃ tatsaṃsaraṇamaṭanamityarthaḥ | kecana 
avadhūtacittamalāḥ santaḥ sāmbarā vā digambarā vā bhavanti | na teṣāṃ 
dharmādharmau vidyete pravṛttinivṛttihetusvājñānavairalyāt | tathā 
taddṛṣṭyā na medhyāmedhyau bhavataḥ kevalabrahmamātradṛṣṭitvāt | 
tādṛśaḥ kiṃ karotītyatrāha -

p. 4)

sadeti | brahmaiva sarvaṃ brahmātiriktaṃ na kiṃcidasti iti yayā 
samyagjñānavṛttyā gṛhyate sā saṃgrahaṇī saiva sāṃgrahaṇī | tayā 
sāṃgrahaṇyeṣṭyā juṣṭaṃ śvaḥ paraśvo vā svātiriktapaśumedhanaṃ 
viśasanamapahnavaṃ kartavyamityatra yadvilambanāsahaṃ 
tadevāśvamedhamantaryāgaṃ vidvān yajate sadā sarvāpahnavasiddhaṃ brahma 
niṣpratiyogikasvamātramiti tanmātratayā avatiṣṭhate || 7 ||

mahāvratam 

kṛtasnametaccitraṃ karma svairaṃ na vigāyet | tanmahāvratam | na sa 
mūḍhavallipyate || 8 ||

yathā raviḥ sarvarasān prabhuṅkte hutāśanaścāpi hi sarvabhakṣaḥ |
tathaiva yogī viṣayān prabhuṅkte na lipyate puṇyapāpaiśca śddhaḥ || 9 ||

āpūryamāṇamacalapratiṣṭhaṃ samudramāpaḥ praviśanti yadvat |
tadvat kāmā yaṃ praviśanti sarve sa śāntimāpnoti na kāmakāmī || 10 ||

sa eva kṛtsnametaccitraṃ karma ahametādṛśa iti yena kenāpi svairaṃ 
svacchandaśīlaṃ jātvapi na vigāyet iti yat tat mahāvratam | yadi kadācit 
bahiṣṭhaprāṇyadṛṣṭānurodhena svaśīlaṃ vigāyet tadāyaṃ na sa 
mūḍhavallipyate | tadeva sadṛṣṭāntaṃ prapañcayati - yatheti || yugapat 
sarvakāmāśane'pi na vardhate na hīyate svayamavikṛtaḥ san svātiriktaśāntiṃ 
bhajatītyāha - āpūryamāṇamiti | aparicchinnaviṣayasevayā yogī mucyate | na 
tathā kāmī paricchinnaviṣayasevayāpi hīyata ityarthaḥ || 8-10 ||

paramārthasadupadeśaḥ 

na nirodho na cotpattirbaddho na hi na sādhakaḥ |
na mumukṣurna vai mukta ityeṣā paramārthatā || 11 ||

aihikāmuṣmikavrātasiddhyai mukteśca siddhaye |
bahu kṛtyaṃ purā syānme tat sarvamadhunā kṛtam || 12 ||

p. 5)

tadeva kṛtakṛtyatvaṃ pratiyogipuraḥsaram |
du.khino'jñāḥ saṃsarantu kāmaṃ putrādyapekṣayā || 13 ||

paramānandapūrṇo'haṃ saṃsarāmi kimicchayā |
anutiṣṭhantu karmāṇi paralokayiyāsavaḥ || 14 ||

sarvalokātmakaḥ kasmādanutiṣṭhami kiṃ katham |
vyācakṣatāṃ te śāstrāṇi vedānadhyāpayantu vā || 15 ||

ye'trādhikāriṇo me tu nādhikāro'kriyatvataḥ |
nidrābhikṣe snānaśauce necchāmi na karomi ca || 16 ||

draṣṭāraścet kalpayantu kiṃ me syādanyakalpanāt |
guñjāpuñjādi dahyeta nānyāropitavahninā |
nānyāropitasaṃsāradharmānevamahaṃ bhaje || 17 ||

yat paramārthasat tadupadiśati - neti | niṣpratiyogikabrahmamātre 
svātiriktaprapañcotpattipralayādikaṃ kutaḥ saṃbhavati? brahma 
niṣpratiyogikamavaśiṣyata ityarthaḥ || evaṃ dattātreyamukhataḥ paramārthatattvaṃ 
svāvaśeṣadhiyāvagamya tadanujñayātanniṣṭho bhūtvā svājñalokānukampayā 
sarvavedāntasiddhāntaḥ prakaṭayitavya iti svānubhavaṃ svadhanyatāṃ ca 
prakāśayāmāsetyāha - aihiketi || tava kṛtārthatvena saṃsārānuvartane kā 
hānirityatrāha - duḥkhina iti || tathāpi yatkiṃcit karma tvayā 
anuṣṭheyamityatrāha - anutiṣṭhantviti || kiṃca - vyācakṣatāmiti || 11##-

śravaṇādividhānam 

śṛṇvantvajñātatatvāste jānan kasmācchṛṇomyaham |
manyantāṃ saṃśayāpannā na manye'hamasaṃśayaḥ || 18 ||

p. 6)

viparyasto nididhyāse kiṃ dhyānamaviparyaye |
dehātmatvaviparyāsaṃ na kadācidbhajāmyaham || 19 ||

ahaṃ manuṣya ityādivyavahāro vināpyamum |
viparyāsaṃ cirābhyastavāsanāto'vakalpyate || 20 ||

ārabdhakarmaṇi kṣīṇe vyavahāro nivartate |
karmakṣaye tvasau naiva śāmyeddhyānasahasrataḥ || 21 ||

viralatvaṃ vyavahṛteriṣṭaṃ ceddhyānamastu te |
abādhikāṃ vyavahṛtiṃ paśyan dhyāyāmyahaṃ kutaḥ || 22 ||

vikṣepo nāsti yasmānme na samādhistato mama |
vikṣepo vā samādhirvā manasaḥ syādvikāriṇaḥ || 23 ||

nityānubhavarūpasya ko me'trānubhavaḥ pṛthak |
kṛtaṃ kṛtyaṃ prāpaṇīyaṃ prāptamityeva nityaśaḥ || 24 ||

vyavahāro laukiko vā śāstriyo vānyathāpi vā |
mamākarturalepasya yathārabdhaṃ pravartatām || 25 ||

athavā kṛtakṛtyo'pi lokānugrahakāmyayā |
śāstriyeṇaiva mārgeṇa varte'haṃ mama kā kṣatiḥ || 26 ||

devārcanasnānaśaucabhikṣādau vartatāṃ vapuḥ |
tāraṃ japatu vāk tadvat paṭhatvāmnāyamastakam || 27 ||

viṣṇuṃ dhyāyatu dhīryadvā brahmānande vilīyatām |
sākṣyahaṃ kiṃcidapyatra na kurve nāpi kāraye || 28 ||

p. 7)

kṛtakṛtyatayā tṛptaḥ prāpyaprāptatayā punaḥ |
tṛpyannevaṃ svamanasā manyate'sau nirantaram || 29 ||

dhanyo'haṃ dhanyo'haṃ nityaṃ svātmānamañjasā vedmi |
dhanyo'haṃ dhanyo'haṃ brahmānando vibhāti me spaṣṭam || 30 ||

dhanyo'haṃ dhanyo'haṃ duḥkhaṃ sāṃsārikaṃ na vīkṣe'dya |
dhanyo'haṃ dhanyo'haṃ svasyājñānaṃ palāyitaṃ kvāpi || 31 ||

dhanyo'haṃ dhanyo'haṃ kartavyaṃ me na vidyate kiṃcit |
dhanyo'haṃ dhanyo'haṃ prāptavyaṃ sarvamadya saṃpannaṃ || 32 ||

dhanyo'haṃ dhanyo'haṃ tṛpterme kopamā bhavelloke |
dhanyo'haṃ dhanyo'haṃ dhanyo dhanyaḥ punaḥ punardhanyaḥ || 33 ||

aho puṇyamaho puṇyaṃ phalitaṃ phalitaṃ dṛḍham |
asya puṇyasya saṃpatteraho vayamaho vayam || 34 ||

aho jñānamaho jñāmaho sukhamaho sukham |
aho śāstramaho śāstramaho gururaho guruḥ || 35 ||

śravaṇādyakartavyatāmapyāha - śṛṇvantviti | kathaṃ vartase ityatrāha ##-
svānubhavaṃ prakaṭayya sāṅkṛtirbhagavatānujñāto bhagavantaṃ hṛdaye 
kṛtvā yathāsukhaṃ vicacāretyarthaḥ || 18-35 ||

vidyāpaṭhanānusandhānaphalam 

ya idamadhīte so'pi kṛtakṛtyo bhavati | surāpānāt pūto bhavati | svarṇasteyāt 
pūto bhavati | brahmahatyāt pūto bhavati |

p. 8)

kṛtyākṛtyāt pūto bhavati | evaṃ viditvā svecchācāraparo bhūyāt | oṃ satyam | 
ityupaniṣat || 36 ||

granthato'rthataścaitadvidyāpaṭhanānusandhānaphalamāha - ya iti | yathāvat 
evaṃ viditveti | lokonmādananirāsako'yamasya svechācāraḥ tasyāpi 
prāṇyadṛṣṭāyattatvāt | vastuto na hyasya pravṛttiḥ nivṛttirvāsti | 
brahmaniṣṭhasya niṣpratiyogikabrahmamātraparyavasannatvāt 
brahmaivāyamityarthaḥ | ityuniṣacchabdaḥ avadhūtopaniṣatparisamāptyarthaḥ || 36 ||

śrīvāsudevendraśiṣyopaniṣadbrahmayoginā |
avadhūtopaniṣado vyākhyānaṃ likhitaṃ laghu |
avadhūtopaniṣadaḥ pañcāśad granthasaṃyutā ||

iti śrīmadīśādyaṣṭottaraśatopaniṣacchāstravivaraṇe 
ekonāśītisaṃkhyāpūrakamavadhūtopaniṣadvivaraṇaṃ saṃpūrṇam ||
p. 9)

āruṇyupaniṣat 

āpyāyantu - iti śāntiḥ 

pārivrājyalakṣaṇam 

āruṇiḥ prājāpatyaḥ prajāpaterlokaṃ jagāma | taṃ gatvovāca | kena bhagavan 
karmāṇyaśeṣato visṛjānīti | taṃ hovāca prajāpatiḥ | tava putrān bhātṝn 
bandhvādīñchikhāṃ yajñopavītaṃ yāgaṃ sūtraṃ svādhyāyaṃ ca 
bhūlokabhuvarlokasvarlokamaharlokajanolokatapolokasatyalokaṃ ca 
atalavitalasutala-pātālarasātalatalātalamahātalabrahmāṇḍaṃ ca visṛjet | 
daṇḍamāchādanaṃ kaupīnaṃ ca parigrahet | śeṣaṃ visṛjet | iti || 1 ||

āruṇikākhyopaniṣatkhyāta saṃnyāsino'malāḥ |
yatprabodhādyānti muktiṃ tadrāmabrahma me gatiḥ ||

iha khalvāruṇikopaniṣadaḥ sāmavedapravibhaktatvena kenacchāndogyayoḥ 
vikhyātopoddhātaprakaraṇamatrāpi smartavyam | 
āruṇiprajāpatipraśnaprativacanarūpeyamākhyāyikā vidyāstutyarthā | āruṇiḥ 
prajāpatiṃ pārivrājyalakṣaṇaṃ pṛcchatītyāha - āruṇiriti | 
aruṇasyāpatyamāruṇiḥ prajāpatiśiṣyaḥ prājāpatyaḥ prajānāṃ pālayituḥ 
prajāpaterlokaṃ jagāma gatavān | tatrāpi taṃ prajāpatiṃ gatvā

p. 10)

vinayenopasaṃgamyovāca | kimiti - he bhagavan prajāpate kenopāyena ahaṃ 
sarvakarmāṇyaśeṣato visṛjāni niḥśeṣaṃ tyajeyam | ityāruṇinā pṛṣṭhaḥ 
prajāpatiḥ evamuvācetyāha - tamiti | yena evaṃ pṛṣṭhaḥ karmāṇyaśeṣato 
visṛjānīti taṃ prajāpatirhovāca kila | kimiti - tava 
putrabhrātṛśvaśurasyālādibandhujanān śikhāṃ ajñopavītaṃ yāgaṃ 
tadupalakṣitasarvakarma svasūtragotrādikaṃ svādhyāyaṃ svaśākhādivedāṃśca 
bhūlokādimahātalāntalokaviśiṣṭaṃ brahmāṇḍaṃ ca svātiriktadhiyā visṛjet | 
cakārāt svena tyājanīyaputrādibrahmāṇḍāntaṃ svopabhogatayā asti nāstīti 
vibhramamapi saṃtyajediti dyotyate | lokonmādapravṛttinirasanāya 
svopabhogārthaṃ vā daṇḍam ācchādanaṃ kaupīnaṃ parigrahet | taditarat yadyat 
grāhyatvena manyate lokaḥ taccheṣamaśeṣaṃ visṛjet | āvṛttyā yadyat tyaktaṃ 
svātiriktadhiyā tattat svapne'pi na parigrahet iti dyotyate || 1 ||

saṃnyasyataḥ kartavyāni 

gṛhastho brahmacārī vānaprastho vā alaukikāgnīnudarāgnau samāropayet | 
gāyatrīṃ ca svavācyagnau samāropayet | upavītaṃ bhūmāvapsu vā visṛjet | 
kuṭīcako brahmacārī kuṭumbaṃ visṛjet | pātraṃ visṛjet | pavitraṃ visṛjet | 
daṇḍāṁllokāgnīn visṛjet iti hovāca | ata ūrdhvamamantravadācaret | 
ūrdhvagamanaṃ visṛjet | auṣadhavadaśanamācaret [u 1. 
auṣadhavadaśanamācaret iti nāsti] | trisaṃdhyāṃ snānamācaret | saṃdhiṃ 
samādhāvātmanyācaret | sarveṣu [u 1. vedeṣvāvaraṇa] 
vedeṣvāraṇamāvartayedupaniṣadamāvartayedupaniṣadamāvartayet | khalvahaṃ 
brahmasūtraṃ sūcānāt sūtraṃ brahmasūtramahamevaṃ vidyāt | trivṛtsūtraṃ 
tyajedvidvān ya evaṃ veda || 2 ||

p. 11)

kaupīnayugalaṃ kanthā daṇḍa ekaḥ parigrahaḥ |
yateḥ paramahaṃsasya nādhikaṃ tu vidhīyate ||

ityādiśruteḥ yadi parivrajanādhikārī gṛhastho brahmacārī vānaprastho vā bhavatu 
tadā te svasvāśramocitālaukikāgnīn udarāgnau samāropayet 
svasvāgnimātmasamāropaṇaṃ kuryāt | brāhmaṇyādhārāṃ vedamātaraṃ 
gāyatrīṃ ca svavācyagnau samāropayet | ca śabdaḥ brahmacaryādyāśrame 
yāvanto mantrā gṛhītāḥ tānapi tyajediti vidhyarthaḥ | yajñopavītaṃ 
yajñopavītaṃ bahirna nivaset iti mantreṇa bhūmau vā apsu vā visṛjet | yadi kaścit 
kuṭīcako brahmacārī pāramahaṃsyāśramamāroḍhumicchati tadā 
kuṭumbapradeśaṃ visṛjet | purā parigṛhītajalapātrapavitratridaṇḍalokāgni##-
parityajati tadā tata ūrdhvaḥ mantraḥ saṃkalpaḥ evamevaṃ bhavitavyamiti 
tadviparīto'mantravān niḥsaṃkalpavatā manasā svāśramocitakarma ācaret |
ūrdhvagamanaṃ manorājyaṃ visṛjet | trisaṃdhyāṃ prātarmadhyāhnasāyāhneṣu 
yathāśakti snānamācaret | jīvātmaparamātmanorekatvajñānena tayorbheda eva 
vibhagnaḥ sā saṃdhyā iti 

nodakairjāyate saṃdhyā na mātroccāraṇena tu |
saṃdhau jīvātmanoraikyaṃ sā saṃdhyā sadbhirīryate ||

iti ca śrutismṛtyanurodhena samādhāvātmanyantaḥkaraṇe pratyakparacitoḥ 
saṃdhīmaikyamācaret | na kadāpi tayorbhedabuddhiṃ kuryāt | sarveṣu vedeṣu 
vidyamānamāraṇaṃ sāvitramāvartayet | yadvā tenāsmākaṃ kimiti? 
upaniṣadamāvartayedupaniṣadamāvartayediti vīpsayā tadāvartanaṃ tadarthavicāraṃ 
vinā kṣaṇamātramapi na stheyamiti dyotyate | 
sarvopaniṣadarthabrahmasūtramahameva khalu brahma | sūtrārthaṃ śrutiḥ 
svayamevāha | sarveṣu vedeṣu viṣpratiyogikatayā brahmamātrasyaiva sūcanāt yat 
sūtraṃ tadeva brahmasūtramahameveti vidyādya evaṃ veda | sa vidvān 
trivṛtsūtraṃ yajñopavītaṃ tadupalakṣitaprapañcajātaṃ svātiriktadhiyā saṃtyajet 
na punaḥ smaredityarthaḥ || 2 ||

p. 12)

saṃnyāsamantraliṅgavidhyādi 

saṃnyastaṃ mayā saṃnyastaṃ mayā saṃnyastaṃ mayeti triruktvā abhayaṃ 
sarvabhūtebhyo mattaḥ sarva pravartate | sakhā mā gopāyojaḥ sakhā yo'sīndrasya 
vajro'si vārtraghnaḥ śarma me bhava yatpāpaṃ tannivārayetyanena maṃtreṇa 
kṛtaṃ vaiṇavaṃ daṇḍaṃ kaupīna parigrahet | 
ausadhavadasanamācaredauṣadhavadaśanaṃ prāśnīyādyathālābhamaśnīyāt | 
brahmacaryamahiṃsāṃ cāparigrahaṃ ca satyaṃ ca yatnena he rakṣato he rakṣato he 
rakṣata iti || 3 ||

kena mantreṇa saṃnyāsaḥ kartavyaḥ? kiṃ vā saṃnyāsaliṅgakam? 
tadanuṣṭheyavidhirvā kīdṛśaḥ? ityāśaṅkyāha - saṃnyastamiti | yadi 
vidvān sunistadā nāradaparivrājakopaniṣaccaturthopadeśoktarītyā 
kṛcchrapāyaścittāṣṭaśrāddhasaptakeśavisarjanapūrvakakṣaurasnāna##-
tattat sarvaṃ vyāhṛtiṣu praveśya ahaṃ vṛkṣasya yaśchandasāṃ iti 
mantroccāraṇapūrvakaṃ devabrāhmaṇasaṃnidhau svayamuttarāṃ 
diśamavalokayan devabrāhmaṇāḥ yūyaṃ śṛṇvantu dāreṣaṇāyāśca 
dhaneṣaṇāyāśca lokeṣaṇāyāśca vyutthito'hamasmīti vijñāpya oṃ bhūḥ 
saṃnyastaṃ mayā ityādi prātisvikena vyāhṛtitrayamuccāryātha kṛtsnamapi 
saṃnyastaṃ mayeti coccārya mandramadhyamatāradhvanibhiḥ evaṃ nirbhayaḥ san 
trivārodghoṣaṇapūrvakaṃ abhayaṃ sarvabhutebhyo mattaḥ sarvaṃ pravartate svāhā 
iti manunā jalaṃ prāśya tataḥ prācyāṃ diśi pūrṇāñjaliṃ prakṣipya oṃ svāhā 
ityavaśiṣṭakeśānutpāṭya yajñopavītaṃ bahirna nivaset iti mantreṇa 
yajñopavītaṃ chittvā oṃ bhūḥ samudraṃ gaccha svāhā ityapsu juhuyāt | tataḥ 
punaḥ praiṣaṃ trivāramuccaret | yadyat svātiriktatvenābhimataṃ tattat sarvaṃ 
niṣpratiyogikabrahmamātradhiyā mayā saṃnyastaṃ samyak tyaktam | 
āvṛttirādarārthā | evaṃ brahmādistambāntasarvabhūtebhyo'bhayaṃ mayā dattaṃ 
tathā sarvabhūtairapi mahyamiti pratijñāya jātarūpadharaḥ san śatapadamudīcīṃ 
diśaṃ gacchet | tato gṛhasthaprārthanayā gurunikaṭamāgatya 
tairdattakaṭisūtrakaupīna-

p. 13)

śāṭīkamaṇḍaludaṇḍādikaṃ tattanmaṃtroccāraṇapūrvakaṃ gṛhītvā atha guroḥ 
sakāśāt praṇavamahāvākyādikaṃ svīkṛtya svāśramācāraparo bhavedityarthaḥ 
| sakhā mā gopāya iti daṇḍagrahaṇamantraḥ | uktalakṣaṇalakṣito'yaṃ daṇḍo 
vairājarūpaḥ | tadabhedena yaḥ svāṃśajavyaṣṭijīvasakhaḥ indrasya vārtraghno 
vajro'si yato me svāṃśajatvena sakhā asi | atastvaṃ mā māṃ gopāya pālayatu | 
atastvaṃ me śarmakṛt bhava tvaddarśanāt purā yanmayā kṛtaṃ pāpaṃ 
tannivāraya ityanena mantreṇa kṛtaṃ vaiṇavaṃ daṇḍaṃ parigrahet | 
kaupīnaparigrahaṇaṃ kaṭisūtrakamaṇḍaluśāṭyādyupalakṣaṇārtham | yathā yathā 
medovṛddhirna jāyate prāṇo'pi dehaṃ na tyajati tathā tathā 
auṣadhavadaśanamācaret auṣadhavadevāśanaṃ prāśnīyāt | svāśanasya 
gṛhasthādhīnatvena yathālābhamaśnīyāt | bāhyamāntaraṃ ceti dvividhaṃ 
brahmacaryādi | tatrāṣṭāṅgamaithunavarjitaṃ bāhyam | brahmabhāvamanaścāro 
hyāntarabrahmacaryam | tathā hiṃsāṃ parasvapīḍākaralakṣaṇāṃ ca 
tathaivāparigrahaṃ ca prāṇasaṃdhāraṇetarāparigraham bāhyaṃ brahmaiva 
svamātramiti dhiyā svātiriktasāmānyāparigrahamāntaraṃ ca tathā satyaṃ ca 
prāṇimātrapriyakarasatyavacana bāhyaṃ svayameva satyaṃ sanmātramityāntaraṃ 
he śiṣyāḥ yūyaṃ etadbāhyāntarapravibhaktabrahma##-
apramādenaivācaraṇīyamityavadhāraṇārthā | rakṣatetyarthe rakṣataḥ iti prayogastu 
chāndasaḥ || 3 ||

saṃnyāsināṃ āsanādiniyamāḥ 

athātaḥ paramahaṃsaparivrājakānāmāsanaśayanābhyāṃ bhūmau 
brahmacāriṇām | mṛtpātraṃ vā alābupātraṃ dārupātraṃ vā | 
kāmakrodhalobhamohadambhadarpecchāsṛyāmamatvāhaṃkārādīnapi tyajet | 
varṣāsu dhruvaśīlo'ṣṭau māsānekākī yatiścared dvāvevācaret dvāvevācaret | sa 
khalu evaṃ yo vidvān sopanayanādūrdhvametāni prāgvā tyajet | pitaraṃ 
putramagnyupavītaṃ karma kalatraṃ cānyadapīha || 4 ||

teṣāmāsanaśayanapātraniyamamāha - atheti | atha gurūpadeśānantaraṃ yataḥ 
saṃnyāsakāle mṛdvāsanakhaṭvādikaṃ parityaktaṃ ataḥ paramahaṃsaḥ 
paramātmāhamasmi iti 

p. 14)

dṛḍhaniścayena svātiriktadhiyā yadyat bhātaṃ tattat sarvaṃ parityajya 
brahmamātrapadaṃ vrajantīti parivrājakāḥ | teṣāṃ paramahaṃsaparivrājakānāṃ 
brahmaṇyeva caratāṃ brahmabhāvamāpannānāṃ bhūmāveva āsanaṃ śayanaṃ 
ca āsanaśayane tābhyāmeva dehayātrā saṃbhavati na 
mṛdvāstaraṇaśayyākāṅkṣāsti | mahatpadaṃ jñātvā vṛkṣamūle vaset iti 
śayyā bhūtalamajinaṃ vāsaḥ iti ca śruterbhāṣyakārokteśca | 
teṣāmudakāharaṇārthaṃ kamaṇḍalusthānīyaṃ mṛtpātramalābupātraṃ 
dārupātraṃ vā bhavati | tatra mṛtpātrāsaṃbhave alābvādipātraṃ vā grāhyaṃ na 
tu lohavikāramityarthaḥ | kadācidapi svopaskaraviṣaye yadi prasakteyaṃ 
kāmakrodhādivṛttiḥ tanniḥśeṣaṃ saṃtyajedityarthaḥ | 
prāṇihiṃsānivṛttyarthaṃ varṣāsu cāturmāsyaniyamapuraḥsaraṃ yatiḥ ekatra 
svayogyapradeśe dhruvaśīlaḥ sthirāsano bhavet | śiṣṭāṣṭau māsānekākī 
yatiścaret | tadvā - pakṣā vai caturo māsā iti dvau māsau vā vaset iti 
śṛtyanurodhena māsacatuṣṭayaniyamanaṃ vihāya yāvāṣāḍhaśrāvaṇamāsau 
tau dvāvevācarediti | āvṛttiḥ avadhāraṇārthā | ekatra māsacatuṣṭayavasanāt 
tatratyānāṃ śramo bhavediti dayayetyarthaḥ | yo yadyevaṃ pārivrājyeyattāṃ 
vidvān bhavati tadā so'yamupanayanādūrdhvaṃ upanayanāt prāgvā 
hastāmalakācāryavajjātamātreṇa viditatattvaścet saṃnyasyet | yadi 
gārhasthyadaśāyāṃ saṃjātavirāgaḥ saṃnyastumicchati tadānīmeva pitaraṃ 
putramagnyupavītaṃ karmārthasvīkṛtakalatraṃ ca punaranyadapi yadyat 
svabandhahetutvena dyotyate tadapi saṃtyajet saṃnyasyedityarthaḥ || 4 ||

bhikṣāniyamāḥ 

yatayo bhikṣārthaṃ grāmaṃ praviśanti pāṇipātram udarapātraṃ vā || 5 ||

teṣāṃ bhikṣāniyamamāha - yataya iti | yatayo bhikṣārthameva vyaṅgāre 
bhuktavajjane iti śrutisiddhayathoktakāle grāmaṃ praviśanti na tadatiriktakāle | taiḥ 
pāṇipātraṃ udarapātraṃ vā śārīrasthityarthamaṅgīkṛtam | yāvajjivaṃ tenaiva 
kālaṃ nayanti || 5 ||

bhikṣānimittopasthānamantraḥ 

oṃ hi oṃ hi oṃ hītyetadupaniṣadaṃ vinyaset | vidvān ya evaṃ veda || 6 ||

p. 15)

bhikṣānimittopasthānamantramāha - oṃ hīti | oṃ hi oṃ hi oṃ hi iti mantreṇa 
sūryamaṇḍalasthātmānusaṃdhānaṃ kurvan atha grāmaṃ praviśedityarthaḥ |

pāṇipātraścaran yogī nāsakṛdbhaikṣamācaret |
āsyena tu yadāhāraṃ govanmṛgayate muniḥ |
tadā samaḥ syāt sarveṣu so'mṛtatvāya kalpate ||

iti śruteḥ | ya evametadupaniṣadaṃ veda yathāvadvidvān vinyaset vidvatsaṃnyāsaṃ 
kuryāt || 6 ||

vidvatsaṃnyāsādhikāraḥ

pālāśaṃ bailvamaudumbaraṃ daṇḍaṃ mauñjīṃ mekhalāṃ yajñopavītaṃ ca 
tyaktvā śūro ya evaṃ veda || 7 ||

kiṃ kṛtvā saṃnyasedityata āha - tyaktveti | brahmacārī gṛhī vānaprastho vā 
krameṇa pālāśaṃ bailvamaudumbaraṃ daṇḍaṃ mauñjīṃ mekhalāṃ 
yajñopavītam | ca śabdāt etat sarvaṃ tyaktvā vinyasediti pūrveṇānvayaḥ || 7 ||

upasaṃhāraḥ

tadviṣṇoḥ maramaṃ padaṃ sadā paśyanti sūrayaḥ |
divīva cakṣurātatam || 8 ||

tadviprāso vipanyavo jāgṛvāṃsaḥ samindhate |
viṣṇoryat paramaṃ padam || iti || 9 ||

evaṃ nirvāṇānuśāsanaṃ vedānuśāsanaṃ vedānuśāsanam | ityupaniṣat ||

ya evaṃ vakṣyamāṇaṃ viṣṇupadaṃ niṣpratiyogikasvamātramiti veda so'yaṃ 
svātiriktāvidyāpadatatkāryāpahnavīkaraṇadakṣatvena śūro bhūtvā tanmātratayā 
avaśiṣyate 

p. 16)

ityupasaṃharati - taditi | tadetannirviśeṣaṃ brahma 
svājñadṛṣṭivikalpitasvāvidyāpadatatkāryaprasaktau 
tadāropāpavādādhikaraṇatayā vibhātasya viṣṇoḥ vyāpanaśīlasya 
trividhaparicchedaśūnyasya 
svādhiṣṭheyāvidyāpadatatkāryāpavādasāpekṣatādhikaraṇatā 
saṃbhavaprabodhasiddhatvena paramaṃ niradhikaraṇatayā sarvotkṛṣṭaṃ 
nityasūribhiḥ brahmavidvariṣṭhaiḥ svamātratayā padyata iti padaṃ tadviṣṇoḥ 
paramaṃ padam | rāhoḥ śiraḥ itivat viṣṇuyāthātmyaṃ sūrayo 
brahmavidvarīyāṃsaḥ sadā niṣpratiyogikasvamātramiti paśyanti | 
paśyantītivyapadeśāt viṣṇupadasya dṛśyatvena paricchinnatā syādityata āha 
- divīti | divi dyotanātmake brahmaṇīva cakṣurdṛṣṭiḥ darśanaṃ 
tadgocarajñāna-mātatamaparicchinnaṃ tadviṣṇupadaṃ niṣpratiyogikapūrṇam 
| svabhedena sūrayaḥ paśyanti cet tat parīcchedyaṃ bhavitumarhati | na hi tathā te 
paśyanti | kiṃtu svayameva viṣṇupadaṃ paśyantītyarthaḥ | 
kiṃviśeṣaṇaviśiṣṭāḥ sūrayaḥ taddarśanatastanmātratayā viśiṣyanta ityata āha 
- taditi | viprāsaḥ viprāḥ brahmavidvariṣṭhāḥ brāhmaṇāḥ vipanyavo 
vigatasvātiriktālābhaprayuktamanyavaḥ svātiriktasya svamātratayā labdhatvāt | ata 
eva te jāgṛvāṃsaḥ svājñānanidrāvairalyāt nityaṃ jāgarūkāḥ | viṣṇoryat 
paramaṃ padaṃ svamātratayā paśyanti taddarśanasamakālam ete 
tanmātrāvaśeṣatayā tadviṣṇupadaṃ samindhate tanmātratayā avaśiṣyante | 
ityevaṃ nirvāṇasya kaivalyasya anuśāsanaṃ vedānuśāsanam | vedānuśāsanamiti 
dviruktirādarārthā | ityupaniṣacchabdāvāruṇikopaniṣat parisamāptyarthau || 8##-

śrīvāsudevendraśiṣyopaniṣadbrahmayoginā |
likhitaṃ syādvivaraṇaṃ sphuṭamāruṇikasya hi |
āruṇikavivaraṇagranthastriṃśottaraṃ śatam |

iti śrīmadīśādyaṣṭottaraśatopaniśacchāstravivaraṇe ṣoḍaśasaṃkhyāpūrakam 
āruṇikopaniṣadvivaraṇaṃ saṃpūrṇam ||
p. 17)

kaṭharudropaniṣat 

saha nāvavatu - iti śāntiḥ 

1devā ha vai bhagavantamabruvan | adhīhi bhagavan brahmavidyām | sa 
prajāpatirabravīt || 1 ||

pārivrājyadharmapūgālaṃkārā yatpadaṃ yayuḥ |
tadahaṃ kaṭhavidyārtharāmacandrapadaṃ bhaje ||

iha khalu kṛṣṇayajurvedapravibhakteyaṃ kaṭharudropaniṣat 
pārivrājyadharmaprakaṭanavyagrā brahmamātraparyavasannā vijṛmbhite | asyāḥ 
saṃkṣepato vivaraṇamārabhyate | 
devatāpaṭalaprajāpatipraśnaprativacanarūpeyamākhyāyikā vidyāstutyarthā | 
ākhyāyikāmavatārayati - devā iti | devakṛtapraśnottaraṃ sa prajāpatirabravīt 
|| 1 ||

[1. oṃ | yo'nukrameṇa saṃnyasati sa saṃnyasto bhavati | ko'yaṃ saṃnyāsa 
ucyate | kathaṃ saṃnyasto bhavati | ya ātmānaṃ kriyābhiḥ suguptaṃ karoti mātaraṃ 
pitaraṃ bhāryāṃ putrān suhṛdo bandhūnanumodayitvā ye 
cāsyatviṃjastānsarvāṃśca pūrvavaddhṛtvā vaiśvānarīmiṣṭiṃ kuryāt | 
sarvasvaṃ dadyāt | yajamānasyāṅgānṛtvijaḥ sarvaiḥ pātraiḥ samāropya 
yadāhavanīye gārhapatye'nvāhāryapacane sabhyāvasathyayośca 
prāṇāpānavyānodānasamānānsarvān sarveṣu samāropayet | 
saśikhānkeśānniṣkṛṣya visṛjya yajñopavītaṃ niṣkramya putraṃ dṛṣṭvā 
tvaṃ brahma tvaṃ yajñastvaṃ sarvamityanumantrayet | yadyaputro 
bhavatyātmānamevaṃ dhyātvānavekṣamāṇaḥ prācimudīcīṃ vā diśaṃ pravrajet | 
caturṣu varṇeṣu bhaikṣacaryaṃ caret | pāṇipātreṇāśanaṃ 
kuryādauṣadhavatprāśnīyādyathālābhamaśnīyātprāṇasaṃdhāraṇārthaṃ yathā 
medovṛddhirna jāyate | kṛśībhūtvā grāma ekarātraṃ nagare pañcarātraṃ 
caturomāsānvārṣikāngrāme vā nagare vāpi vaset | viśīrṇaṃ vastraṃ valkalaṃ vā 
pratigṛhya nānyatpratigṛhṇīyāt | yadyaśakto bhavati yena kleśasahaḥ sa tapyate 
tapa iti | yo vā evaṃ krameṇa saṃnyasati yo vā vyuttiṣṭhati kimasya yajñopavītaṃ 
kāsya śikhā kathaṃ cāsyopasparśanamiti | tānhovāca | idamevāsya 
tadyajñopavītaṃ yadātmadhyānaṃ yā vidyā sā śikhā nīraiḥ sarvatrāvasthitaiḥ 
kāryaṃ nivartayennodapātre | jalatīre niketanaṃ hi brahmavādino vadanti | astamita 
āditye kathaṃ cāsyopasparśanamiti | tānhovāca |

yathāhani tathā rātrau nāsya naktaṃ na vā divā | tadapyetadṛṣiṇoktam | 
sakṛddivā hai vāsmai bhavati | ya evaṃ vidvānetenātmānaṃ saṃdhatte saṃdhatte |

devā ha vai sametya prajāpatimabruvan | na vidāmo na vidāma iti | 
so'bravīdbrahmiṣṭhebhyaḥ | me tadvadato jñāsyatheti | tato vai te brahmiṣṭhā na 
vadanto na vadanta ityetatsarvam | devānāṃ sārṣṭitāṃ sālokyatāṃ sāyujyatāṃ 
gacchati ya evaṃ veda ||]

p. 18)

brahmavidyāṅgasaṃnyāsanirūpaṇam 

saśikhān keśānniṣkṛṣya visṛjya yajñopavītaṃ niṣkṛṣya tataḥ putraṃ 
dṛṣṭvā tvaṃ brahma tvaṃ yajñastvaṃ vaṣaṭkārastvamoṃkārastvaṃ svāhā 
tvaṃ svadhā tvaṃ dhātā tvaṃ vidhātā | atha putro vadati | ahaṃ brahmāhaṃ 
yajño'haṃ vaṣaṭkāro'hamoṃkāro'haṃ svāhāhaṃ svadhāhaṃ dhātāhaṃ 
vidhātāhaṃ tvaṣṭāhaṃ pratiṣṭhāsmīti | tānyetāni anuvrajannāśrumāpātayet | 
yadaśrumāpātayet prajāṃ vichindyāt | 
pradakṣiṇamāvṛtyaitaccaitaccānavekṣamāṇaḥ pratyāyati [u 1 : 
pratyāyanti] | sa svargyo bhavati || 2 ||

kimiti | atra brahmavidyāṅgatayā saṃnyāsaṃ nirūpayati - saśikhāniti | brahma 
vedaḥ yajñavaṣaṭkārādikaṃ mayānuṣṭhitamananuṣṭhitaṃ vā taccheṣapūraṇaṃ 
tvadadhīnamiti pitroktastathetyāha - atheti | bhavatā adhītamanadhītaṃ vā 
vedādikaṃ taccheṣapūraṇamahaṃ

p. 19)

karomīti putroktimākarṇya taṃ visṛjya pravrajanakāle tadviyogajāśrupātaṃ 
santativicchedakaraṃ na kuryāt | tataḥ kimityatra- pradakṣiṇamiti | yaḥ 
saṃnyāsādūrdhvaṃ svādhiṣṭhitagrāmaṃ svajanaṃ vā pradakṣiṇīkṛtya 
punastamanavekṣamāṇaḥ pravrajati sa svargyo brahmalokaṃ gato bhavatītyarthaḥ || 2 
||

saṃnyāsakramaḥ 

brahmacāri vedamadhītya vedoktācaritabrahmacaryo dārānāhṛtya putrānutpādya 
tānanurūpopādhibhirvitatya iṣṭvā ca śaktito yajñaistasya saṃnyāso 
gurubhiranujñātasya bāndhavaiśca | so'raṇyaṃ paretya dvādaśarātraṃ 
payasāgnihotraṃ juhuyāt | dvādaśarātraṃ payobhakṣaḥ syāt | 
dvādaśarātrasyānte'gnaye vaiśvānarāya prajāpataye ca prājāpatyaṃ caruṃ 
vaiṣṇavaṃ trikapālamagnim | saṃsthitāni dārupātrāṇyagnau juhuyāt | 
mṛnmayānyapsu juhuyāt | taijasāni gurave dadyāt | mā tvaṃ māmapahāya 
parāgā nāhaṃ tvāmapahāya parāgāmiti gārhapatyadakṣiṇāgnyāhavanīyeṣu 
araṇideśādbhasmamuṣṭiṃ pibedityeke | saśikhān keśānniṣkṛṣya visṛjya 
yajñopavītaṃ bhūḥ svāhetyapsu juhuyāt | ata ūrdhvamanaśanamapāṃ 
praveśanamagnipraveśanaṃ vīrādhvānaṃ mahāprasthānaṃ vṛddhāśramaṃ vā 
gacchet | payasāyaṃ prāśnīyātso'sya sāyaṃ homo yatprātaḥ so'yaṃ prātaḥ 
yaddarśe taddarśaṃ yatpaurṇamāsye tatpaurṇamāsyaṃ yadvasante 
keśaśmaśrulomanakhāni vāpayetso'syāgniṣṭomaḥ || 3 ||

brahmacaryādyāśramācāraprakaṭanapūrvakaṃ kramasaṃnyāsamāha - 
brahmacārīti | brahmacaryaṃ samāpyāthagurvanujñayodvāhyātha dārānāhṛtyeti 
| tadanurūpopādhibhiḥ saṃyojyātha

p. 20)

iṣṭvā ceti | agnaye vaiśvānarāya iti mantreṇa saṃsthitāni dārupātrāṇyagnau 
juhuyāt | tata anena mantreṇa mā tvamiti | etajjābālopaniṣadi vyākhyātam | 
saṃnyāsānantaramuktalakṣaṇalakṣitamagniṣṭomādikaṃ tanmantraṃ vā na 
punarāvartayedityāha - payaseti | ityagniṣṭomalakṣaṇamuktam || 3 ||

saṃnyastasya kartavyāni 

saṃnyasyāgniṃ na punarāvartayet | yanmṛtyurjāyamāvahamityadhyātma##-
tadūrdhvabāhurvimuktamārgo bhavedaniketaścaret | bhikṣāśī yatkiṃcinna dadyāt | 
lavaikaṃ nādhāvayet jantusaṃrakṣaṇārthaṃ varṣavarjam iti | tadapi ślokā bhavanti 
|| 4 ||

kuṇḍikāṃ camasaṃ śikyaṃ triviṣṭapamupānahau |
śītopaghātinīṃ kanthāṃ kaupīnācchādanaṃ tathā || 5 ||

pavitraṃ snānaśāṭīṃ ca uttarāsaṅgameva ca |
yajñopavītaṃ vedāṃśca sarvaṃ tadvarjayedyatiḥ || 6 ||

snānaṃ pānaṃ tathā śaucamadbhiḥ pūtābhirācaret |
nadīpulinaśāyī syāddevāgāreṣu vā svapet || 7 ||

nātyarthaṃ sukhaduḥkhābhyāṃ śarīramupatāpayet |
stūyamāno na tuṣyeta nindito na śapetparān || 8 ||

saṃnyasyāgniṃ na punarāvartayet ityādi nindito na śapet parān ityantaṃ 
kuṇḍikopaniṣadi prāyaśo vyākhyātam || 4-8 ||

p. 21)

brahmacaryalakṣaṇam 

brahmacaryeṇa saṃtiṣṭhedapramādena maskarī |
darśanaṃ sparśanaṃ keliḥ kīrtanaṃ guhyabhāṣaṇam || 9 ||

saṃkalpo'dhyavasāyaśca kriyānirvṛttireva ca |
etanmaithunamaṣṭāṅgaṃ pravadanti manīṣiṇaḥ || 10 ||

viparitaṃ brahmacaryamanuṣṭheyaṃ mumukṣubhiḥ |

brahmacaryeṇa sadā stheyamityāha - brahmacaryeṇeti | kimidaṃ brahmacaryam 
ityata āha - darśanamiti | rāgeṇa strīdarśanamityādi || 9-10 ||

brahmacaryasya phalam 

[1 : ita ārabhya āgranthasamāpti aḍyār pustakaśālāyāṃ 1912 tame varṣe 
mudrite kośe na dṛśyate] yajjagadbhāsakaṃ bhānaṃ nityaṃ bhāti svataḥ 
sphurat || 11 ||

sa eṣa jagataḥ sākṣī sarvātmā vimalākṛtiḥ |
pratiṣṭhā sarvabhūtānāṃ prajñānaghanalakṣaṇaḥ || 12 ||

brahmacaryapariṣkṛtajñānaphalātmā kīdṛśa ityata āha - yaditi | 
pratyagrūpeṇa sa eva jagataḥ sākṣī || 11-12 ||

brahmabhāvāpatteḥ jñānāyattatā

na karmaṇā na prajayā na cānyenāpi kenacit |
brahmavedanamātreṇa brahmāpnotyeva mānavaḥ || 13 ||

pratyagabhinnabrahmabhāvāpattiḥ jñānāyattānānyāyattetyāha- na karmaṇeti 
|| 13 ||

p. 22)

brahmajñānaphalam 

tadvidyāviṣayaṃ brahma satyajñānasukhādvayam |
saṃsāre ca guhāvācye māyājñānādisaṃjñake || 14 ||

nihitaṃ brahma yo veda parame vyomni saṃjñite |
so'śnute sakalān kāmānakrameṇa dvijottamaḥ || 15 ||

pratyagātmānamajñānamāyāśakteśca sākṣiṇam |
ekaṃ brahmāhamasmīti brahmaiva bhavati svayam || 16 ||

brahmabhūtātmanastasmādetasmācchaktimiśritāt |
apañcīkṛta ākāśaḥ saṃbhūto rajjusarpavat || 17 ||

ākāśādvāyusaṃjñastu sparśo'pañcīkṛtaḥ punaḥ |
vāyoragnistathā cāgnerāpa adbhyo vasundharā || 18 ||

tāni sarvāṇi sūkṣmāṇi pañcīkṛtyeśvarastadā |
tebhya eva visṛṣṭaṃ tad brahmāṇḍādi śivena ha || 19 ||

brahmāṇḍasyodare devā dānavā yakṣakinnarāḥ |
manuṣyāḥ paśupakṣyādyāstattatkarmānusārataḥ || 20 ||

asthisnāyvādirūpo'yaṃ śarīraṃ bhāti dehinām |
yo'yamannamayo hyātmā bhāti sarvaśarīriṇaḥ || 21 ||

tataḥ prāṇamayo hyātmā vibhinnaścāntarasthitaḥ |
tato manomayo hyātmā vibhinnaścāntarasthitaḥ || 22 ||

tato vijñāna ātmā tu tato'nyaścāntarasthitaḥ |
ānandamaya ātmā tu tato'nyaścāntarasthitaḥ || 23 ||

p. 23)

yo'yamannamayaḥ so'yaṃ pūrṇaḥ prāṇamayena tu |
manomayena prāṇo'pi tathā pūrṇaḥ svabhāvata || 24 ||

tato manomayo hyātmā pūrṇo jñānamayena tu |
ānandena sadā pūrṇaḥ sadā jñānamayaḥ sukhī || 25 ||

tathānandamayaścāpi brahmaṇānyena sākṣiṇā |
sarvāntareṇa pūrṇaśca brahma nānyena kenacit || 26 ||

yadidaṃ brahma pucchākhyaṃ satyajñānādvayātmakam |
sārameva rasaṃ labdhvā sākṣād dehī sanātanam || 27 ||

sukhī bhavati sarvatra anyathā sukhitā kutaḥ |
asatyasmin parānande svātmabhūte'khilātmanām || 28 ||

ko jīvati naro jātu ko vā nityaṃ viceṣṭate |
tasmāt sarvātmanā citte bhāsamāno hyasau naraḥ || 29 ||

ānandayati duḥkhāḍhyaṃ jīvātmānaṃ sadā janaḥ |
yadā hyevaiṣa etasminnadṛśyatvādilakṣaṇe || 30 ||

nirbhedaṃ paramādvaitaṃ vindate ca mahāyatiḥ |
tadevābhayamityantaṃ kalyāṇaṃ paramāmṛtam || 31 ||

sadrūpaṃ paramaṃ brahma triparicchedavarjitam |
yadā hyevaiṣa etasminnalpamapyantaraṃ naraḥ || 32 ||

vijānāti tadā tasya bhayaṃ syānnātra saṃśayaḥ |
asyaivānandakośena stambāntā viṣṇupūrvakāḥ || 33 ||

p. 24)

bhavanti sukhino nityaṃ tāratamyakrameṇa tu |
tattatpadaviraktasya śrotriyasya prasādinaḥ || 34 ||

svarūpabhūta ānandaḥ svayaṃ bhāti pade yathā |
nimittaṃ kiñcidāśritya khalu śabdaḥ pravartate || 35 ||

yato vāco nivartante nimittānāmabhāvataḥ |
nirviśeṣaparānande kathaṃ śabdaḥ pravartate || 36 ||

tasmādetanmanaḥ sūkṣmaṃ vyāvṛttaṃ sarvagocaram |
yasmācchrotratvagakṣyādikhādikarmendriyāṇi ca || 37 ||

vyāvṛttāni paraṃ prāptuṃ na samarthāni tāni tu |
tadbrahmānandamadvandvaṃ nirguṇaṃ satyaciddhanam || 38 ||

viditvā svātmarūpeṇa na bibheti kutaścana |
evaṃ yastu vijānāti svagurorupadeśataḥ || 39 ||

sa sādhvasādhukarmabhyāṃ sadā na tapati prabhuḥ |
tapyatāpakarūpeṇa vibhātamakhilaṃ jagat || 40 ||

pratyagātmatayā bhāti jñānādvedāntavākyajāt |

kīdṛśaṃ brahmetyatra tadvidyāviṣayaṃ brahma ityādinā ānandavallyarthaṃ 
spaṣṭīkaroti | brahmavidāpnoti param iti vākyaṃ na karmaṇā iti vākyena 
spaṣṭīkṛtam | tadvṛttisthānīyaṃ satyaṃ jñānamanantaṃ brahma iti vākyamapi 
tadvidyāviṣayaṃ brahma iti vākyena spaṣṭīkṛtya yo veda nihitaṃ guhāyām ityādi 
saṃsāre ca iti vākyaiḥ spaṣṭīkaroti - saṃsāra ityādinā | yajjagadbhāsakaṃ 
bhānam ityādi jñānādvedāntavākyajāt ityantaṃ ānandavallīvyākhyānenaiva 
vyākhyātaṃ syāditi mantavyam || 14-40 ||

p. 25)

ekasyaiva nirviśeṣabrahmaṇaḥ saptadhā bhedaḥ 

śuddhamīśvaracaitanyaṃ jīvacaitanyameva ca || 41 ||

pramātā ca pramāṇaṃ ca prameyaṃ ca phalaṃ tathā |
iti saptavidhaṃ proktaṃ bhidyate vyavahārataḥ || 42 ||

māyopādhivinirmuktaṃ śuddhamityabhidhīyate |
māyāsaṃbandhataśceśo jīvo'vidhāvaśastathā || 43 ||

antaḥkaraṇa saṃbandhāt pamātetyabhidhīyate |
tathā tadvṛttisaṃbandhāt pramāṇamiti kathyate || 44 ||

ajñātamapi caitanyaṃ prameyamiti kathyate |
tathā jñātaṃ ca caitanyaṃ phalamityabhidhīyate || 45 ||

sarvopādhivinirmuktaṃ svātmānaṃ bhāvayetsudhīḥ |

ekasyaiva nirviśeṣabrahmaṇaḥ saptadhā bhedaḥ svājñadṛṣṭivikalpita ityāha ##-
svātirekeṇa māyā nāstīti vibhramāsaṃbhavaprabodhasiddhaṃ 
śuddhamityabhidhīyate | svājñānatānavatāratamyānurodhena 
sarvopādhivinirmuktam || 41-45 ||

vidyāphalam 

evaṃ yo veda tattvena brahmabhūyāya kalpate || 46 ||

sarvavedāntasiddhāntasāraṃ vacmi yathārthataḥ |
svayaṃ mṛtvā svayaṃ bhūtvā svayamevāvaśiṣyate || 47 ||

ityupaniṣat |

p. 26)

vidyāphalamāha - evamiti | sa munirbrahmabhūyāya kalpate | 
sarvavedāntasidhāntasāraṃ prakaṭayannupasaṃharati- sarveti | kiṃ tat ityata 
āha- svayamiti | svadehādau rūḍhamūlaṃ svaṃbhāvamahaṃbhāvaṃ mṛtvā 
mṛtīḥ nītvā svātmani vilāpya tadvilāpanādhikaraṇaṃ svayaṃ bhūtvā 
adhiṣṭheyasāpekṣādhikaraṇatāpāye niṣpratiyogikaṃ niradhikaraṇatayā 
svayamevāvaśiṣyate ityatra- 

svātmanyāropitāśeṣābhāsavastunirāsataḥ |
svayameva paraṃ brahma pūrṇamadvayamakriyam || 

iti | ityupaniṣacchabdaḥ kaṭhopaniṣatsamāptyarthaḥ || 46-47 ||

śrīvāsudevendraśiṣyopaniṣadbrahmayoginā |
likhitaṃ syādvivaraṇaṃ kaṭhopaniṣado laghu |
kaṭhopaniṣado vyākhyā dviṣaṣṭigranthasaṃyutā ||

iti śrīmadīśādyaṣṭottaraśatopaniṣacchāstravivaraṇe tryaśītisaṃkhyāpūrakaṃ 
kaṭhopaniṣadvivaraṇaṃ saṃpūrṇam ||
p. 27)

kuṇḍikopaniṣat

āpyāyantu - iti śāntiḥ

saṃnyāsaparigrahātpūrvaṃ kartavyānāṃ anukramaṇam 

1brahmacaryāśrame'kṣīṇe guruśuśrūṣaṇe rataḥ |
vedānadhītyānujñāta ucyate guruṇāśramī || 1 ||

dāramāhṛtya sadṛśamagnimādhāya śaktitaḥ |
brāhmīmiṣṭiṃ yajettāsāmahorātreṇa nirvapet || 2 ||

[1 : aḍyār pustakaśālāyāṃ 1912 tame varṣe mudrite saṃnyāsopaniṣatkośe 
adhonirdiṣṭamadhikaṃ dṛśyate- oṃ athāhitāgnirmriyeta pretasya mantraiḥ 
saṃskāropatiṣṭhate | svastho vāśramapāraṃ gaccheyamityetānpitṛmedhi##-
prātarevāgnīnupasamādhāya pitṛbhyaḥ śrāddhatarpaṇaṃ kṛtvā brāhmeṣṭiṃ 
nirvapet ||

sa sarvajñaḥ sarvavidyasya jñānamayaṃ tapaḥ |
tasyaiṣāhutirdivyā amṛtatvāya kalpate ||

ityevam | ata ūrdhvam 

yadbrahmābhyudayaddivaṃ ca lokamidamamuṃ ca sarvam |
sarvamabhijanyuḥ sarvaśriyaṃ dadhatu sumanasyamānā ||

brahma jajñānaṃ (prathamaṃ purastād vi sīmantaḥ suruco vena āvaḥ |
sa budhnyā upamā asya viṣṭhāḥ sataśca yonimasataśca vivaḥ ||) iti |

brahmaṇe'tharvaṇe prajāpatye'numataye'gnaye sviṣṭakṛta iti hutvā

yajña yajñaṃ gaccha (yajñapatiṃ gacha |
svāṃ yoniṃ gaccha svāhā ||
eṣa te yajño yajñapate sahasūktavākaḥ |
suvīryaḥ svāhā ||)

ityagnāvaraṇī hutvā

o citsakhāyaṃ (sakhyā vavṛtyāṃ...............................
............................................................................................
.....................................................vittaṃ me asya rodasī ||)

iti caturbhiranuvākairājyāhutīrjuhuyāt | tairevopatiṣṭhate | atha

mayyagre agniṃ (gṛhṇāmi saha kṣatreṇa varcasā balena |
mayi prajāṃ mayyāyurdhadhāmi svāhā mayyagnim ||)

iti ca dvāvagnī samāroayet | vratavānsyādatandrita iti | tatra ślokāḥ |

p. 28)

saṃvibhajya sutānarthe grāmyakāmān visṛjya ca |
saṃcaranvanamārgeṇa śucau deśe paribhraman || 3 ||

vāyubhakṣombubhakṣo vā vihitaiḥ kandamūlakaiḥ |
svaśīre samāpyātha pṛthivyāṃ nāśru pātayet || 4 ||

kuṇḍikopaniṣatkhyātaparivrājakasantatiḥ |
yatra viśrāntimagamattadrāmapadamāśraye ||

iha khalu sāmavedapravibhakteyaṃ kuṇḍikopaniṣat pārivrājyadharmaprakaṭana##-
vivaraṇamārabhyate | ākhyāyikāṃ vinā śruteravāntaratayā 
pravṛttirvidyāstutyarthā | brahmacaryeti | satkulaprasūto 
dvijātirbrahmacaryāśramasvīkaraṇārthaṃ svagurvabhimataśuśrūṣaṇe rataḥ san 
gurukulavāsaṃ kṛtvātha guruṇopanītastanmukhato'śeṣavedānadhītya 
sarvavedārtharahasyamapyavagamya guroḥ prasādataḥ akṣīṇe akṣaye 
dvividhabrahmacaryāspadabrahmacaryāśrame labdhe'pi sati brahmacaryaṃ samāpya 
gṛhī bhavet | gṛhādvanī bhūtvā pravrajet yatiḥ śrutyardhamānanāya |

p. 29)

adhītyānujñāta ityatra chāndasatvādakāraluptaḥ pāṭho'pi vartate adhītyanujñāta 
iti | uttarāśramasvīkaraṇārthaṃ guruṇā anujñātaḥ san ayamāśramī brahmacārī 
svasadṛśaṃ svakulānurūpaṃ dāramāhṛtyodbāhya tayā sākaṃ 
gārhasthyocitadharmānuṣṭhānaṃ kurvannuṣitvā vānaprasthāśramaṃ jigamiṣuḥ 
śaktito dhairyato'gnimādhāya vānaprasthāśramāṅgatvena tāsāṃ 
brahmādidevatānāṃ saṃtuṣṭyarthaṃ brāhmīṃ brahmadevatākāmiṣṭiṃ yajet | 
katyahāni kartavyeyamiṣṭiḥ ityatra tāsāmahorātreṇa nirvapet | tataḥ svārjitārthe 
pitrārjitārthe vā godhanātmake yathāyogaṃ saṃvibhajya tavedamastu tavedamastu iti 
sutān prati dattvā niḥśeṣīkṛtaparikaro grāmyakāmān visṛjya śucau deśe 
saṃcaran vanamārgeṇa vanyāśramoktavidhinā vāyubhakṣo'mbubhakṣo vā 
paribhraman tadāśramaṃ samāpayet | yadi vāyvādibhakṣaṇātṛptastadā vihitaiḥ 
nirduṣṭaiḥ kandamūlairapakvaiḥ pakvairvā śarīrayātrāṃ kuryāt | evaṃ 
svaśarīramātre sarvasaṃsāraṃ samāpyātha pūrvānubhūtasvaparikaraṃ smṛtvā 
pṛthivyāmaśrupātaṃ na kuryādityarthaḥ || 1-4 ||

vidārasyaiva saṃnyāsādhikāraḥ 

saha tenaiva puruṣaḥ kathaṃ saṃnyasta ucyate |
sanāmadheyo yasmiṃstu kathaṃ saṃnyasta ucyate || 5 ||

tasmātphalaviśuddhāṅgī saṃnyāsaṃ saṃhitātmanām |
agnivarṇaṃ viniṣkramya vānaprasthaṃ prapadyate || 6 ||

lokavadbhāryayā sakto vanaṃ gacchati saṃyataḥ |

saṃnyāsasya kramaprāptatayā vidāraḥ sadāro vā saṃnyasedityata āha - saheti | 
vidāreṇa saṃnyāsaḥ kartavyaḥ khalu saṃnyāsasya dārādyeṣaṇātyāgapūrva##-
bhavedityucyate | yasmiṃstu sadāre sati sadāro vanīti nāmadheyena sahitaḥ 
sanāmadheyo bhavati | sa kathaṃ saṃnyasto bhavatītyucyate | yasmāt sadārasya na 
saṃnyāsādhikāraḥ

p. 30)

tasmāt samyak svahitātmanāṃ saṃhitātmanāṃ vānaprasthadharmāṇāmīśva##-
svakṛtadharmaphalārpaṇa-saṃtuṣṭeśvaraprasādāsāditaviśuddhacitto 
vidāro muniḥ sarvakarma-saṃnyāsaṃ kuryāt | tādṛśacittaśuddhyabhāve 
brahmacaryataḥ cittaśuddhihetu##-
vanaṃ gacchatītyarthaḥ || 5-6 ||

janmanivṛttyarthaṃ saṃnyāsaparigrahaḥ 

saṃtyaktvā saṃsṛtisukhamanutiṣṭhati kiṃ mudhā || 7 ||

kiṃ vā duḥkhamanusmṛtya bhogāṃstyajati cocchritān [u 1 : ujjhṛtān] 
|
garbhavāsabhayādbhitaḥ śītoṣṇābhyāṃ tathaiva ca |
guhāṃ praveṣṭumicchāmi paraṃ padamanāmayam || 8 || iti |

kimarthaṃ saṃsāraduḥkhaṃ vihāya vanī bhavatītyāśaṅkya janmādibhiyā sarvaṃ 
tyaktvā vanī bhikṣurvā bhavatītyāha- saṃtyaktveti | vipulaṃ 
saṃsārabhavasukhaṃ saṃtyajya mudhā vanādvanamaṭati dāraputrādiyogaja##-
srakcandanādibhogāṃ-styajatīti prāpte sāṃsārikaduḥkhaprāyasukhābhāsasya 
kṣaṇabhaṅguratve'pya-nantakoṭikalpaparyantaṃ 
jananamaraṇādiduḥkhaparamparāhetutvena vratigṛhi##-
tvayā me yat kartavyaṃ tatsarvaṃ kṛtaṃ putranikaṭametya tapaścarantī 
brahmalokaṃ vraja idānīmahaṃ śītoṣṇādibahuduḥkhāspadagarbhavāsabhayāt 
bhītaḥ san yatparamapadasādhanaṃ guhyaṃ nirviśeṣabrahmaniṣṭhānukūla##-
saṃnyāsaṃ kṛtavānityarthaḥ || 7-8 ||

p. 31)

saṃnyastasya na śrautasmārtāgnisevanam 

saṃnyasyāgnimapunarāvartanam || 9 ||

kṛto'pi saṃnyāse muktihetave ito'dhikacittaśuddhyarthaṃ vā śrautasmārtāgni##-
hyuttīrṇasaritpāro naukāṃ śirasā vahati tathā saṃprāptasattvaśuddheḥ 
saṃnyāsinaḥ kṛtakṛtyasya na hi karmānuṣṭhānāpekṣāsti tasya niragnitvāt | 
yata evamataḥ saṃnyasya punaḥ śrautaṃ smārtaṃ vāgniṃ kadāpi na seveta | 
evamagnisevābhāve'pi yathoktakāle vacasā manasā vāpi pradhānamantrasya 
kṛtsnasya vā na kadāpyāvartanamāmreḍanaṃ smaraṇaṃ vā kuryāt || 9 ||

agnisevane pratyavāyaḥ 

yanmṛtyurjāyamāvaham iti || 10 ||

evaṃ kṛte kā hānirityatrāha - yaditi | yo'haṃ varṇāśramavyavasthāpaka##-
jāyaṃ jāyamānaṃ vā parāparaviṣayakabrahmajñānamāvahaṃ praviśeyaṃ 
mṛtyuḥ pramādaḥ tadasmaraṇaṃ itthaṃbhūtamṛtyugrastaṃ jñānamābhāsa##-
kadāpyasti nāstīti vā na hi smaredityarthaḥ || 10 ||

cittaśuddhyarthaṃ praṇavādimahāvākyānāmāvartanam 

athādhyātmamantrāñjapet || 11 ||

utpannacittaśuddheḥ prayojanābhāvāt karma māstu | yadyacittaśuddhaḥ 
saṃnyasyati tadā taccitaśuddhaye karma vinā kiṃ te astītyāśaṅkya tasyāpi na 
karmāsti jñānato'jñānato vāpi praiṣādimantrapūrvakaṃ sarvakarmaṇāṃ 
tyaktatvāt | yadyaśuddhacittastadā svāśramānuṣṭhānamavihāya svacittaśuddhaye 
praṇavamāhāvākyajātamāvartayedityāha- atheti |

p. 32)

atha vividiṣāsaṃnyāsānantaramadhyātmamantrān praṇavamahāvākyāni 
īśādyaṣṭottaraśatopaniṣado vā svacittaśuddhaye japet || 11 ||

dīkṣāniyamāḥ 

dīkṣāmupeyāt | kāṣāyavāsāḥ | kakṣopasthalomāni varjayet | [u 1 : ūrdhvago 
bāhuḥ] ūrdhvabāhurvimuktamārgo bhavati | aniketaścaret | bhikṣāśī 
nididhyāsanaṃ dadhyāt | pavitraṃ dhārayejjantusaṃrakṣaṇārtham || 12 ||

tadapi ślokā bhavanti - 

kuṇḍikāṃ camasaṃ śikyaṃ triviṣṭapamupānahau |
śītopaghātinīṃ kanthāṃ kaupīnācchādanaṃ tathā || 13 ||

pavitraṃ snānaśāṭīṃ ca uttarāsaṅgameva ca |
ato'tiriktaṃ yatkiñcitsarvaṃ tadvarjayedyatiḥ || 14 ||

nadīpulinaśāyī syād devāgāreṣu bāhyataḥ |
nātyarthaṃ sukhaduḥkhābhyāṃ śarīramupatāpayet || 15 ||

snānaṃ pānaṃ tathā śaucamadbhiḥ pūtābhirācaret |
stūyamāno na tuṣyeta nindito na śapetparān || 16 ||

bhikṣādi vaidalaṃ pātraṃ snānadravyamavāritam |
evaṃ vṛttimupāsīno yatendriyo japet sadā || 17 ||

[u 1 : viśvāyaṃ] viśvāyamanusaṃyogaṃ manasā bhāvayet sudhīḥ || 18 ||

p. 33)

ādehapātaṃ dvividhabrahmacaryādīkṣāmupeyāt | tanniyamastu kāṣāyavastra##-
ūrdhvabāhuḥ prācīmudīcīṃ vā diśaṃ pravrajet | vyāviddhapūrvācarita##-
yatiścaret iti śrutyanurodhenāniketaścaret | ekānnatyāga-pūrvakaṃ 
mādhūkarādivṛttyā bhikṣāśī | yadi śravaṇādyadhikārī tadā 
abādhakasatsevitapuṇyasthale vasan saṃśayādipañcadoṣaśāntyantaṃ 
sarvavedāntaśravaṇamananaṃ nididhyāsanaṃ ca kurvan tatphalībhūtārthaṃ 
sarvāpahnavasiddhaṃ brahma niṣpratiyogikasvamātramiti dadhyāt dhyāyet | 
jantusaṃrakṣaṇārtham sarva khalvidaṃ brahma vyatiriktaṃ na kiṃcidasti iti 
śrutyanurodhena sarvātmabhāvanāsiddhaye pavitraṃ pariśuddhaṃ 
nirviśeṣajñānaṃ dhārayet pavitraṃ jñānamucyate iti śruteḥ | brāhmaṇena 
yo'rtho'bhihitaḥ tametamarthaṃ mantrā apyanuvadantītyāha - tadapīti | paraiḥ 
stūyamānaḥ | kuṇḍikāṃ kamaṇḍaluṃ camasaṃ nārikelakapālārdhaṃ 
triviṣṭapaṃ trailokyaṃ mantrauṣadhamahimnā tatsaṃcārakṣamāvupānahau 
pādatrāṇakarau | uttarāsaṅgaṃ vedāntavicārāsaktiḥ | bhikṣādyādhāratayā 
vaidalaṃ patragrathitaparṇapātram avāritamāvaśyakaṃ snānadravyaṃ mṛttikā | 
ayaṃ dharmaḥ kuṭīcakādīnāṃ samaḥ | kuṭīcakasya tu camasopānahapavitra##-
tāṃ vṛttiṃ yatendriyo bhūtvopāsīnaḥ sadā adhyātmamantrān japet | tataḥ 
yadviśvāropāpavādādhikaraṇaṃ viśvāyaṃ viśvāyatanaṃ tadyena mīyate sa 
manuḥ praṇavaḥ tayoḥ parāparabrahmaṇoḥ  saṃyogamaikyaṃ manasā 
praṇavārthaṃ brahmāhamasmi iti sadā bhāvayet || 12-18 ||

viśvādhiṣṭhānāt pañcabhūtānāṃ bhedaḥ 

ākāśādvāyurvāyorjyotirjyotiṣa āpo'dbhyaḥ pṛthivī | eteṣāṃ bhūtānāṃ brahma 
prapadye'jaramamaramakṣaraṃ prapadye || 19 ||

yadviśvādhiṣṭhānaṃ tataḥ pañcabhūtāni bhidyanta ityata āha- ākāśa iti | 
tatsakāśādākāśaḥ | ākāśādipañcabhūtānāṃ brahmakāryatvena 
kāryakāraṇayorekatvāt

p. 34)

eteṣāṃ bhūtānāṃ yadāropāpavādādhiṣṭhānaṃ tat brahmeti prapadye | 
adhiṣṭheyasāpekṣato'dhiṣṭhānamapi jīryanmriyata ityata āha- 
ajaramamaramakṣaraṃ prapadya iti | adhiṣṭheyasyākāśādeḥ svājñāna##-
hi jīryate nāpi mriyata ityarthaḥ || 19 ||

yateḥ svānubhavaprakaṭanam 

mayyakhaṇḍasukhāmbhodhau bahudhā viśvavīcayaḥ |
utpadyante vilīyante māyāmārutavibhramāt || 20 ||

na me dehena saṃbandho megheneva vihāyasaḥ |
ataḥ kuto me taddharmā jāgratsvapnasuṣuptiṣu || 21 ||

ākāśavat kalpavidūrago'hamādityavadbhāsyavilakṣaṇo'ham |
ahāryavannityaviniścalo'hamambhodhivat pāravivarjito'ham || 22 ||

nārāyaṇo'haṃ narakāntako'haṃ purāntako'haṃ puruṣo'hamīśvaraḥ |
akhaṇḍabodho'hamaśeṣasākṣī nirīśvaro'haṃ nirahaṃ ca nirmamaḥ || 

viśvāyamanusaṃyogadhyātā yatiḥ svānubhavaṃ prakaṭayati- mayīti | 
mamākāśavat kalpanāspṛṣṭatvāt | meroḥ kenāpi hartumaśakyatvāt 
meruvadacalo'smītyarthaḥ | evaṃ nityānusaṃdhānato nirvikalpaṃ mano bhavati tena 
kṛtakṛtyo bhavatītyarthaḥ || 20-23 ||

yogābhyāsena brahmasākṣātkāraḥ 

tadabhyāsena prāṇāpānau saṃyamya |
vṛṣaṇāpānayormadhye pāṇī āsthāya saṃśrayet |
saṃdaśya śanakairjihvāṃ yavamātravinirgatam || 24 ||

p. 35)

māṣamātrīṃ tathā dṛṣṭiṃ śrotre sthāpya tathā bhuvi |
śravaṇe nāsike gandhāyatatvaṃ na ca saṃśrayet || 25 ||

atha śaivaṃ padaṃ yatra tad brahma brahma tat param |
tadabhyāsena labhyeta pūrvajanmārjitātmanā || 26 ||

yadyevaṃ jñānaṃ nodeti tadā yogābhyāsena prāṇāpānaikyaṃ kṛtvā 
ṣaṇmukhīkaraṇena kuṇḍalyudbodhanaṃ kṛtvā tayā 
granthitrayātmakaṣaḍādhāraṃ bhittvā sahasrāre brahmasākṣātkāraṃ 
kuryādityāha- tadabhyāseneti | yogābhyāsena 
prāṇāpānasaṃyamanapūrvakaṃ kuṇḍalinyā suṣumnāṃ bhedayet ityatra 
vakṣyamāṇamantrā bhavantītyāha- vṛṣaṇeti | vṛṣaṇāpānamadhyaṃ 
karadvayena saṃpīḍya | jihvābandhana-pūrvakaṃ 
māṣamātralakṣyānusandhānapūrvakaṃ dṛṣṭiṃ śrotrākāśe bhuvi padadvaye ca 
saṃsthāpya | śravaṇanāsikāgandhagrahaṇaṃ 
pañcajñānendriyatadviṣayapañcakopalakṣaṇārtham | śravaṇādi##-
indriyendriyārthasaṃbandhaṃ manaḥsaṃkalpasaṃbandhaṃ ca na kuryādityarthaḥ | 
evaṃ kṛte prāṇāpānaikyaṃ bhavati | tataḥ kuṇḍalinī suṣumnāṃ bhittvā atha 
sahasrāracakraṃ praviśya līyate | tayā sākaṃ dṛṅmānaḥ prāṇāgnayo'pi 
śaivapadaṃ yatra virājate tatraiva līyante | tallayādhikaraṇaṃ brahmaiva tallaya##-
| evamabhyāsaḥ saphalo bhavatītyāha- tadabhyāseneti | yo'yaṃ 
jñānayogo'bhihitaḥ pūrvajanmanyārjitaḥ abhyasta ātmā svarūpaṃ yasya tena 
pūrvajanmārjitātmanā tadabhyāsena yogipaṭalabhāvanānurūpaṃ parāpare 
brahmaṇi labhyeta | tatra nirviśeṣajñānī svāttajñānasamakālameva brahmaiva 
bhavatītyuktam || 24-26 ||

saviśeṣajñāninaḥ kramamuktiḥ 

saṃbhūtairvāyusaṃśrāvya hṛdayaṃ tapa ucyate |
ūrdhvaṃ prapadyate dehādbhittvā mūrdhānamavyayam || 27 ||

p. 36)

svadehasya tu mūrdhānaṃ ye prāpya paramāṃ gatim |
bhūyaste na nivartante parāparavido janāḥ || 28 ||

atha saviśeṣajñāninaḥ kramamuktimācaṣṭe- saṃbhūtairiti | samyak bhavantīti 
saṃbhūtāni bāhyāntaḥkaraṇāni | taiḥ sākaṃ yat saviśeṣajñānāgninā tapyate 
dīpyate prakāśate iti tapa ityucyate | hṛdayaṃ pravi"ya tatratyavāyuṃ 
prāṇavāyuṃ saṃśrāvya brahmarandhrabhedanasamarthamiti śrutvā taṃ 
prāṇamavaṣṭabhya suṣumnādvāreṇa dehādūrdhvaṃ mūrdhānaṃ bhittvā 
yadaparaṃ brahmāvyayaṃ tadeva prapadyate | tat prāpya punaḥ nivartanta ityatra##-
nivartante parāparavido janā iti śabalabrahmopāsakāḥ suṣumnāmārgeṇa 
brahmarandhraṃ bhittvā sūryadvāreṇa brahmalokaṃ praviśya tatra 
nirviśeṣabrahmānveṣaṇaṃ kurvanto yāvadābhūtasaṃplavaṃ tatroṣitvātha 
vāsanākṣayato brahmaṇā saha kaivalyametya kadāpi na hi punarāvartanta ityarthaḥ || 
27; 28 ||

nirviśeṣabrahmajñānināṃ mokṣaḥ 

na sākṣiṇaṃ sākṣyadharmāḥ saṃspṛśanti vilakṣaṇam |
avikāramudāsīnaṃ gṛhidharmāḥ pradīpavat || 29 ||

jale vāpi sthale vāpi luṭhatveṣa jaḍātmakaḥ |
nāhaṃ vilipye taddharmairghaṭadharmairnabho yathā || 30 ||

niṣkriyo'smyavikāro'smi niṣkalo'smi nirākṛtiḥ |
nirvikalpo'smi nityo'smi nirālambo'smi nirdvayaḥ || 31 ||

sarvātmako'haṃ sarvo'haṃ sarvātīto'hamadvayaḥ |
kevalākhaṇḍabodho'haṃ svānando'haṃ nirantaraḥ || 32 ||

p. 37)

svameva sarvataḥ paśyan manyamānaḥ svamadvayam |
svānandamanubhuñjāno nirvikalpo bhavāmyaham || 33 ||

gacchaṃstiṣṭhannupaviśañchayāno vānyathāpi vā |
yathecchayā vasedvidvānātmārāmaḥ sadā muniḥ || 34 ||

ityupaniṣat |

kecanātraiva nirviśeṣaṃ brahma viditvā kṛtakṛtyā bhavanti ityatra ābhāsato'pi 
yadyasti svātiriktakalanā tadā tatsākṣiṇo bhūtvā muktā bhavantītyāha- na 
sākṣiṇamiti | 
svadehatadanyatrātmātmīyābhimatimutsṛjyānavaratabrahmānusaṃdhāna##-
kṛtakṛtyo videhamukto bhavedityarthaḥ | ityupaniṣacchabdaḥ 
kuṇḍikopaniṣatparisamāptyarthaḥ || 29-34 ||

śrīvāsudevendraśiśyopaniṣadbrahmayoginā |
kuṇḍikopaniṣadvyākhyā likhitā svātmabodhinī |
kuṇḍikopaniṣadvyākhyāgranthajātaṃ śataṃ smṛtam ||

iti śrīmadīśādyaṣṭottaraśatopaniṣacchāstravivaraṇe 
catuḥsaptatisaṃkhyāpūrakaṃ kuṇḍikopaniṣadviraṇaṃ saṃpūrṇam ||

p. 39)

jābālopaniṣat 

pūrṇamadaḥ - iti śāntiḥ 

prathamaḥ khaṇḍaḥ 

avimuktopāsanam 

bṛhaspatiruvāca yājñavalkyam | yadanu kurukṣetraṃ devānāṃ devayajanaṃ 
sarveṣāṃ bhūtānāṃ brahmasadanam | avimuktaṃ vai kurukṣetraṃ devānāṃ 
devayajanaṃ sarveṣāṃ bhūtānāṃ brahmasadanam | tasmādyatra kvacana gacchati 
tadeva [u 1 : manyate] manyeteti [u 2 : iti ityasya sthāne 
tadavimuktameva iti dṛśyate] | idaṃ vai kurukṣetraṃ devānāṃ devayajanaṃ 
sarveṣāṃ bhūtānāṃ brahmasadanam | atra hi jantoḥ prāṇeṣūtkramamāṇeṣu 
rudrastārakaṃ brahma vyācaṣṭe yenāsāvamṛtībhūtvā mokṣībhavati | 
tamasadavimuktameva niṣevetā-vimuktaṃ na vimuñcet | 
evamevaitadyājñavalkya evamevaitadbhagavan iti vai yājñavalkyeti || 1 ||

jābālopaniṣatkhyātasaṃnyāsajñānagocaram |
vastutastraipadaṃ brahma svamātramavaśiṣyate ||

śuklayajurvedāntargatajābālaśākhyāyāṃ karmādikāṇḍatrayaṃ vidyate | tatra 
sakāmināṃ karmakāṇḍānuṣṭhānataḥ candralokāptiḥ | niṣkāmināṃ 
karmopāsanā-

p. 40)

kāṇḍasamuccayānuṣṭhānato brahmalokāptiḥ | kāṇḍadvayārthaviraktānāṃ 
brahmamātrāptihetuśatarudrīyajapasarvakarmasaṃnyāsasādhanasaṃpannānāṃ 
brahmamātrāptisādhanabhūteyaṃ jñānakāṇḍātmikā jābālopa##-
vidyāstutyarthā | mithilopavanaprānte vādena brāhmaṇān jitvā 
svāttaparabrahmavidyayā janakaṃ bodhayitvā svaśiṣyagaṇena saha yājñavalkyaḥ 
punaḥ mithilopavane kaṃcitkālamāsāṃcakre | yaḥ sarvajñakalpastaṃ 
yājñavalkyam avimukteyattāṃ jijñāsurbṛhaspatiruvāca sarvakṣetrādapi yadanu 
prasiddham | kutsitaṃ pāpakarma rautīti kuruḥ | tasya kṣepaṇapūrvakaṃ 
svagatajanatrāṇanāt kurukṣetram | yadvā- kuḥ pṛthivī tasyāṃ rauti śabdaṃ 
karotīti kuruḥ prāṇaḥ tadāvāsahetuśarīraṃ kurukṣetraṃ 
tatratyadevatānāmindriyāṇāṃ pravṛttinimittadevasya pratyakciddhātoryajanaṃ 
[u pūjākāraṇam] pūjākaraṇam | atra hīndriyāṇi svocitaviṣayopahārai##-
brahmasadanaṃ brahmāptisthānam | yathā devayajanasādhanaṃ kurukṣetraṃ tathā 
viśeṣaṇadvayaviśiṣṭamāntaraṃ kurukṣetramiti bṛhaspatipraśnānurodhaṃ 
munirāha- avimuktamiti | yatsvarūpaṃ svāvidyākāmakarmavimuktaṃ 
tadavimuktaṃ brahma yatropalabhyate tadeva [u: tadeva nāsti] 
bhrūmadhya-gatājñācakraṃ kurukṣetram | devanāmityādyuktārtham | 
yasmādevaṃ tasmādyatra kvacana gaṅgāprayāgādisthale tadviparīte vā gacchati 
tadevāvimuktamiti manyeta jānīyāt | iti anena prakāreṇa | idaṃ vai mayā prāptameva 
brahma | kurukṣetramityādyuktārtham | kṣetrasāmānyasya kṣetrajñavikalpitatvāt 
tadatirekeṇa na kiṃcidastītyarthaḥ | atrāvimuktarūpe kurukṣetre brahmeti vijñāte 
tadvijñānānurodhena jantoḥ prāṇimātrasya prāṇeṣūtkramamāṇeṣu | 
svajñānarujaṃ drāvayati nāśayatīti rudraḥ parameśvaraḥ saṃsāratārakaṃ 
brahma saccidānandalakṣaṇaṃ vyācaṣṭe kathayati | yena tattvamasi ahaṃ brahmāsmi 
ityupadeśena asau jīvo'mṛtībhūtvā svātiriktabhramato mokṣībhavati 
svātiriktāpahnavasiddhaniṣpratiyogika-brahmamātratayāvaśiṣyate | 
yasmādevaṃ tasmāt brahmamātrajñānotpatteḥ prāgavimuktaṃ 
bhrūmadhyagatajyotirliṅgameva niṣeveta jyotirliṅgamasmi ityanusaṃdhānaṃ 
kuryāt

p. 41)

jyotirliṅgaṃ bhruvormadhye nityaṃ dhyāyet sadā yatiḥ iti śruteḥ | 
yāvadbrahmamātrajñānaṃ nodeti tāvadavimuktaṃ [u: prapañcam] 
pratyañcamātmānamīśvaraṃ vā na vimuñcet | yājñavalkyenaivamukto 
bṛhaspatistaduktamaṅgīcakāretyāha- evameveti || 1 ||

iti prathamaḥ khaṇḍaḥ ||

dvitīyaḥ khaṇḍaḥ 

avimuktasvarūpajijñāsā

atha hainamatriḥ papraccha yājñavalkyam | ya eṣo'nanto'vyakta ātmā taṃ 
kathamahaṃ vijānīyāmiti | sa hovāca yājñavalkyaḥ | so'vimukta upāsyo ya 
eṣo'nanto'vyakta ātmā so'vimukte pratiṣṭhita iti || 1 ||

kathaṃ punaḥ avimuktātmopāsituṃ śakyastasyāvyaktatvādityavimuktayāthā##-
bṛhaspatipraśnanirṇayānantaraṃ kilainaṃ yājñavalkyaṃ brahmaputro'triḥ 
papraccha | kimiti | yastārakabrahmetyukta eṣo'nantaḥ paricchedatrayaviralo'vyakta 
ātmā tamuktalakṣaṇamātmānaṃ kathamahaṃ vijānīyāmavagaccheyamiti | 
atripraśnottaraṃ sa hovāca yājñavalkyaḥ bṛhaspatiṃ prati | tārakatvena ya uktaḥ 
so'vimuktaḥ pratyagabhedenopāsyaḥ | tatra hetuḥ bhavatā pṛṣṭo ya 
eṣo'nanto'vyakta ātmā vyākhyātam | so'vimukte sopādhikeśvare pratiṣṭhita iti tasya 
nirāvṛtatvāt tasminnavyakto'nantātmopalabhyate || 1 ||

avimuktopalabdhisādhanam 

so'vimuktaḥ kasmin pratiṣṭhita iti | varaṇāyāṃ nāsyāṃ ca madhye pratiṣṭhita iti | 
kā vai varaṇā kā ca nāsīti | sarvānindriyakṛtān 

p. 42)

doṣān vārayatīti tena [u: tena nāsti] varaṇā bhavati | sarvānindriyakṛtān 
pāpān nāśayatīti tena nāsī bhavatīti | katamaccāsya sthānaṃ bhavatīti | 
bhruvorghrāṇasya ca yaḥ saṃdhiḥ sa eṣa dyaurlokasya parasya ca saṃdhirbhavatīti | 
etadvai saṃdhiṃ saṃdhyāṃ brahmavida upāsata iti | so'vimukta upāsya iti | 
so'vimuktaṃ jñānamācaṣṭe yo vai tadevaṃ vedeti || 2 ||

tadupalabdhisthānaṃ pṛcchati- so'vimuktaḥ kasmin pratiṣṭita iti | 
so'yamīśvaraḥ kutra saṃnihita iti pṛṣṭa uttaramāha- varaṇāyāṃ nāsyāṃ ca 
madhye pratiṣṭhita iti | varaṇānāsyormadhye pratiṣṭhita ityarthaḥ | 
varaṇānāsīpradeśau śrutirvyā-kariṣyatīti na vyākhyātam | 
varaṇānāsīsvarūpaṃ pṛcchati- kā vai varaṇā kā ca nāsīti | tatra 
varaṇāśabdārthaṃ vyutpādayati- sarvāniti | sarvān jñānakarmendriyakṛtān 
doṣān vārayati nivārayatīti | tena varaṇā bhavatīti | sarvānindriyakṛtān pāpān 
pāpāni nāśayatīti | tena nāsī nāśī bhavati | sakāraḥ śakārārthaḥ | varaṇāyā 
nāsyāśca madhye pratiṣṭhita ityuktyā nāsābhrūsandhiḥ pratīyate | tathāpi 
tatpradeśaṃ pṛcchati- katamaccāsya sthānaṃ bhavatīti | 
asyāvimuktasyetyarthaḥ | sarvatretiśabdaḥ praśnaparisamāptyarthaḥ | 
bhruvorghrāṇasya ca yaḥ prasiddhaḥ sandhiḥ sa eṣa prasiddhaḥ 
brahmakapālasthānīyadyulokasya cubukāvasānasthānīyasya ca parasya ca 
bhūlokasyāpi sandhirbhavati | lokadvayasamuccayārthaścakāraḥ | etadvai etameva | 
sa saṃdhīyate asminnavimuktamiti sandhiḥ svātmā | taṃ saṃdhiṃ svātmānaṃ 
saṃdhyāṃ bhrūghrāṇasaṃdhau brahmavida upāsate tatratyajyotirliṅgadhyānaparā 
bhavanti | so'vimukta upāsya iti vyākhyātam | tajjñānaphalamāha- yo vā iti | yo 
vai vidvān avimuktayāthātmyaṃ veda tadgataheyāṃśamapohya nirviśeṣātmānaṃ 
jānāti sa vidvān so'vimuktaṃ tatsākṣātkārahetuṃ jñānamācaṣṭe 
svayamīśvarabhāvametya

p. 43)

svabhaktapaṭalacaramadaśayāṃ tārakajñānopadeśaṃ karoti | svayaṃ 
nirviśeṣabrahmaiva bhavatītyarthaḥ || 1 ||

iti dvitīyaḥ khaṇḍaḥ ||

tṛtīyaḥ khaṇḍaḥ 

avimuktajñānopāyaḥ 

atha hainaṃ brahmacāriṇa ūcuḥ | kiṃjapyenāmṛtatvaṃ brūhīti | sa hovāca 
yājñavalkyaḥ | śatarudrīyeṇeti | etānyeva ha vā amṛtasya nāmadheyāni | etairha 
vā amṛto bhavatīti || 1 ||

avamuktayāthātmyajñānopāyaṃ brahmacāriṇaḥ pṛcchantītyāha- atheti | 
atha atripraśnanirṇayānantaraṃ ha kila enaṃ yājñavalkyaṃ tacchiṣyā 
brahmacāriṇa ūcuḥ | kiṃjapyenāmṛtatvaṃ kena 
japyenāmṛtatvasādhanajñānaṃ jāyate tad brūhi bhagavanniti | taiḥ pṛṣṭaḥ sa 
hovāca yājñavalkyaḥ | kimiti | kaivalyādipañcarudreṇa rudrādhyāyena veti 
amṛtatvasādhanajñānaṃ jāyate tato'mṛtatvamityetāni śatarudrābhidhānāni 
amṛtasvarūparudranāmadheyāni bhavanti | etaiḥ śatarudrīyajapaiḥ 
cittaśuddhiprāpyajñānadvārā śatarudrajāpī muniramṛto bhavati | itiśabdaḥ 
khaṇḍasamāptyarthaḥ || 1 ||

iti tṛtīyaḥ khaṇḍaḥ ||

caturthaḥ khaṇḍaḥ 

sarvakarmasaṃnyāsajñānajijñāsā

atha janako ha vaideho yājñavalkyamupasametyovāca | bhagavan 
saṃnyāsamanubhrūhīti | sa hovāca yājñavalkyaḥ | brahmacaryaṃ samāpya [u: 
parisamāpya]

p. 44)

gṛhī bhavet | gṛhī bhūtvā vanī bhavet | vanī bhūtvā pravrajet | yadi vetarathā 
brahmacaryādeva pravrajed gṛhādvā vanādvā | atha punaravratī vā vratī vā 
snātako vāsnātako vā utsannāgniragniko vā yadahareva virajettadahareva pravrajet || 
1 ||

sarvakarmasaṃnyāsajñānabubhutsayā janako muniṃ 
pṛcchatītyākhyāyikāmavatārayati atheti | atha brahmacāripraśnānantaraṃ 
nāmato janako ha vaideho videharājo yājñavalkyamupa samīpametyovāca | kimiti | 
he bhagavan sarvakarmasaṃnyāsamanubrūhītyuktaḥ sa hovāca yājñavalkyaḥ | 
kimiti | aviraktadṛṣṭimāśrityāśramavyavasthāmāha brahmacaryamiti | 
vidyāgrahaṇanimittabrahmacaryaṃ tenaiva kālaṃ nayet yadyaviraktastadā tat 
samāpya gṛhī bhavet | tatra yāvacchakti niṣkāmabuddhyā satkarmānuṣṭhānaṃ 
kurvan kālaṃ nayet tatra viraktiścettadā gṛhādvanī sāgnirniragnirvā bhūtvā 
tatraiva kālaṃ nayet | yadyalaṃbuddhistadā pravrajet caturthāśramaṃ gacchet | 
evaṃ krameṇa saṃnyāsaḥ kartavyo na viparyaye ityata āha yadi veti | yadi veti 
pakṣāntare vikalpaḥ | yadā tīvrataravairāgyaṃ jāyate tadādhītavedānto vidvān 
prāthamikabrahmacaryāśramādeva pravrajet pāramahaṃsyāśramaṃ gacchet | 
brahmacaryasamāptyanantaraṃ kuṭīcakādikrameṇa pārivrājyaṃ grāhyamiti cenna 
tatkramasya mandavirāgiviṣayatvāt | vairāgyasākalye pāramahaṃsyameva svīkartuṃ 
śakyamityarthaḥ | yadi gṛahasthāśrame viratirjāyate tadā gṛhādvā pravrajet 
vanādvā | pravrajanasya vairāgyanimittatvāt na kramākāṅkṣāstītyarthaḥ | yadā 
viraktirjāyate tadāśramatrayāntarāle'pi nyāso yujyata ityāha | atheti 
vairāgyānantaryārthaḥ | vanasthadīkṣāsamāptāvapi kutaścinnimittāt saṃnyāso na 
labhyate tadānīṃ tadavasthitiḥ dvidhā bhavati japo dhyānaṃ ceti | tadeva hi tadvratam 
| tadasyāstiti vratī | na vratī avratī vā yadvā vratī vā adhītasāṅgasvādhyāyī 
snātakaḥ yatkiṃcidvedādhyāyyasnātako vā | gṛhastho'pi dvedhānāśramī bhavati 
| ekaḥ svīkṛtāgniḥ kalatramaraṇādutsannāgniḥ kalatre satyapi kaścit niragniḥ 
asaṃskṛtatvāt yenāgnirna gṛhītaḥ so'yamanagniko vā viraktirjātā cet 
parivrajediti sarvatrānuṣajyate | kiṃ bahunā |

p. 45)

nātra kālakṛtaniyamo'stītyāha - yaditi | yasminnevāhani virajet vairāgyaṃ 
prāpnuyāt tasminneva ahani pravrajet saṃnyaset || 1 ||

āhitāgnisaṃnyāsavidhiḥ 

taddhaike prājāpatyāmeveṣṭiṃ kurvanti | tadu tathā na kuryāt | āgneyīmeva kuryāt | 
agnirhi vai prāṇaḥ | prāṇamevaitayā karoti | traidhātavīyāmeva kuryāt | etayaiva 
trayo dhātavo yaduta sattvaṃ rajastama iti |

ayaṃ te yonir-ṛtviyo yato jāto arocathāḥ |
taṃ jānannagna ārohāthā no vardhayā rayim ||

ityanena mantreṇāgnimājighret | [u: eṣa vā] eṣa ha vā agneryoniryaḥ 
prāṇaḥ | prāṇaṃ gaccha svāhetyevamevaitadāha || 2 ||

yadā āhitāgniḥ saṃnyasyati tadā tasyeṣṭiviśeṣamāha- taditi | taddhaike 
kecanācāryāḥ prajāpatidevatākāṃ prājāpratyāmeveṣṭiṃ kurvanti tadu | 
teṣāmuktamapi na kuryāt | kiṃ kartavyamityatra agnidevatākāmāgneyīmiṣṭimeva 
kuryāt tatreyamupapattiḥ agnirhi prāṇaḥ agnerdevapradhānatvena sūtrarūpatvāt | 
yasmādevaṃ tasmādetayā āgneyyeṣṭyā prāṇameva karoti tataḥ 
traidhātavīyāmevendra devatākāmeveṣṭiṃ yājñikaprasiddhāṃ kuryāt | 
tatropapattiḥ | etayaiveṣṭyā trayo dhātavo yadutāgneyaṃ rūpatrayaṃ sattvaṃ 
śuklaṃ rajo rohitaṃ tamaḥ kṛṣṇam | iti śabdo vākyasamāptyarthaḥ | 
puroktarītyā yathāśāstramiṣṭiṃ kṛtvā anena mantreṇa agnyāghrāṇaṃ 
kuryādityāha- ayamiti | he agne ayaṃ prāṇaste tava yoniḥ mukhyaprāṇasya 
virāḍyonitvāt | ṛtviyaḥ saṃvatsarātmano ṛtvavayavitvādyataḥ sūtrājjātaḥ 
sannarocathāḥ dīptiṃ kṛtavānasi | yastava kāraṇaṃ tamātmānaṃ jānannāroha 
svakāraṇībhūtaprāṇamātrobhavetyarthaḥ |

p. 46)

atha svakāraṇapraveśānantaraṃ no'smākaṃ rayiṃ 
svātmajñānadhanamabhivardhaya | mantrasamāptāvitiśabdaḥ | anena 
mantreṇāgnimājighret | mantrārthaṃ śrutiranuvadati | eṣa vā agneryoniryaḥ prāṇa 
iti | spaṣṭam | prāṇaṃ svakāraṇaṃ gaccha | svāhāśabdaḥ 
kāryakāraṇaikatvadyotakaḥ | evameva mantro'pyāha hi || 2 ||

niragnikasaṃnyāsavidhiḥ 

grāmādagnimāhṛtya pūrvavadagnimāghrāpayet | yadagniṃ na vindedapsu juhuyāt 
| āpo vai sarvā devatāḥ | sarvābhyo devatābhyo juhomi svāheti hutvoddhṛtya 
prāśnīyāt sājyaṃ haviranāmayam | mokṣamantrastrayyevaṃ vindet [u: 
vadet] | [u: etadbrahma etadupāsitavyam] tadbrahma tadupāsitavyam | 
evamevaitadbhagavanniti vai yājñavaklya || 3 ||

idānīṃ niragnikānāṃ saṃnyāsavidhimāha- grāmāditi | grāme 
śrotriyāgārādagnimāhṛtya 
pūrvavadiṣṭivyatiriktavirajāhomamantrapuruṣasūktābhyāṃ pūrṇāhutyantaṃ hutvā 
ayaṃ te iti mantreṇa saṃnyāsādhvaryuragnimāghnāpayet | pakṣāntaraṃ yadagniṃ 
na vindedapsu juhuyāt | tatropapattiḥ- āpo vai sarvā devatāḥ | 
oṃkāraprabhavebhyaḥ sarvābhyo devatābhyo juhomi svāhā ityanena mantreṇa 
hutvoddhṛtya prāśnīyāt sājyaṃ haviranāmayam | hutaśeṣamannaṃ 
nirāmayahetutvāt tadānīṃ yajjapyaṃ taducyate svājñānamokṣahetumantraḥ 
praṇavastasya trayīrūpatvāt | evaṃ vindet yat praṇavārtharūpaṃ tadasmīti vidyāt | 
yat satyajñānādilakṣaṇaṃ tat brahma praṇavārthatvenopāsitavyam | evaṃ 
yājñavalkyoktaṃ janako'ṅgīcakāra | kimiti | evamevaitadbhagavanniti vai 
yājñavalkyeti | eṣa iti pāṭhe saṃnyāsaḥ || 3 ||

iti caturtha khaṇḍaḥ

p. 47)

pañcamaḥ khaṇḍaḥ 

brāhmaṇasya saṃnyāse'dhikāraḥ 

atha hainamatriḥ papraccha yājñavalkyam | pṛcchāmi tvā 
yājñavalkyāyajñopavītī kathaṃ brāhmaṇa iti | sa hovāca yājñavalkyaḥ | 
idamevāsya yajñopavītaṃ ya ātmā | apaḥ prāśyācamya | ayaṃ vidhiḥ 
pravrājinām [u: parivrājakānām] || 1 ||

janakena yat praṣṭavyaṃ tadanujñayā atriḥ papracchetyāha śrutiḥ - atheti | 
atha ha janakapraśnānantaraṃ enaṃ yājñavalkyaṃ janakacodito'triḥ papraccha | 
kimiti | he yājñavalkya tvā tvāṃ pṛcchāmi | kriyāṅgayajñopavīti brāhmaṇaḥ 
iti lokaprasiddhiḥ | ayaṃ tu ayajñopavītī kathaṃ brāhmaṇo bhavatīti pṛṣṭhaḥ sa 
hovāca yājñavalkyaḥ | idaṃ brahmajñānamevāsya saṃnyāsino yajñopavītaṃ 
yajñarūpaviṣṇuprāpakatvāt yaḥ svayaṃ prakāśātmā so'hamasmīti niścitya | 
apaḥ prāśya ityanena saṃnyāsavidhiruktaḥ | tat kathaṃ praiṣānantaraṃ samudraṃ 
gaccha svāhā ityanena mantreṇa jale śikhāyajñopavītaprakṣepaṇapūrvakaṃ 
trirācamya | ayaṃ vidhiḥ parivrājinām || 1 ||

saṃnyāse'nadhikṛtānāṃ kartavyanirūpaṇam 

vīrādhvāne vānāśake vāpāṃ praveśe vāgnipadeśe vā mahāprasthāne vā | atha 
parivrāḍ vivarṇavāsā muṇḍo'parigrahaḥ śuciradrohī [u: bhaikṣāṇo] 
bhaikṣamāṇo brahmabhūyāya bhavati | yadyāturaḥ syānmanasā vācā saṃnyaset | 
eṣa panthā brahmaṇā hānuvittastenaiti saṃnyāsī brahmaviditi | evamevaiṣa 
bhagavanniti vai yājñavalkya || 2 ||

p. 48)

kṣatriyādeḥ pārivrājyānadhikārādāśramabhraṣṭānāmasādhyacikitsā##-
ityāha- vīreti | saṃgrāmānivartivīrāṇāṃ yo'dhvā tasmin vīrādhvāne vā na 
vidyate aśanaṃ yasya tadanāśakaṃ tasminnanāśake vā gaṅgādyapāṃ praveśe 
vā jājvalyamānāgnipraveśe vā yāvaccharīrapātagamane mahāprasthāne vā 
tanuṃ tyajediti pañcaprakāre'pi yojyam | yadyayaṃ śravaṇādhikārī tadā 
śukletarakāṣāyavāsāḥ saśikhakeśaśmaśrurāhityānmuṇḍaḥ | na vidyate 
dehamātradhāraṇātiriktaparigraho yasya so'yamaparigrahaḥ | 
bāhyābhyantaraśaucataḥ śuciḥ manovākkāyakarmabhiḥ prāṇimātrādrohī 
prāṇasaṃdhāraṇārthaṃ bhaikṣamāṇo brahmabhūyāya brahmasākṣātkārāya 
bhavati | pakṣāntaraṃ coravyāghrarogādyabhibhūtasya saṃnyāsāṅgakarma 
kartumaśakyatvāt | so'yaṃ vaktuṃ śaktaścet manoyuktavāca 
praiṣoccaraṇapūrvakaṃ saṃnyaset | yadi tatrāpyaśaktastadā manasaiva vā 
saṃnyaset saṃkalpayet | eṣa jñānahetuḥ panthā brahmaṇādhikāriṇā hānuvitto 
labdhaḥ tenoktena pathā brahmavitpathā saṃnyāsī svāttabodhānurūpaṃ brahmaiti 
yadi nirviśeṣajñānī tadā videhakavalyametīti muninoktamatriraṅgīcakāra 
evamevaiṣa bhagavanniti vai yājñavalkyeti || 2 ||

iti pañcamaḥ khaṇḍaḥ

ṣaṣṭhaḥ khaṇḍaḥ 

pāramahaṃsyapūgasya sarvotkṛṣṭatā 

tatra paramahaṃsā nāma saṃvartakāruṇiśvetaketudurvāsa-ṛbhunidāgha##-
unmattavadācarantaḥ || 1 ||

idānīṃ yājñavalkyo muniḥ śrotṛśraddhābhivṛddhaye tairapṛṣṭo'pi 
pāramahaṃsyadharmapūgasya mahadbhirāśritatvena sarvotkṛṣṭatāṃ prakaṭayati 
- tatreti | tatra kuṭīcakādiṣu śrutyukteṣu turyāśramaturyabhedānuṣṭhāyinaḥ 
paramahaṃsā nāma vakṣyamāṇāḥ prasiddhā hi |

p. 49)

ke te ityatra saṃvartakādiraivatakaprabhṛtayaḥ navasaṃkhyākāḥ śrutipaṭhitāḥ 
avyaktaliṅgādyācaranta ityantaṃ saṃvartakādīnāṃ viśeṣaṇam | 
vratikāmivaniliṅgāni yeṣāṃ na santi te avyaktaliṅgāḥ | yadācāro lokairna 
dṛśyate te avyaktācārāḥ | anunmattāḥ 
unmādahetumohavairalyādunmattavadācarantaḥ brahmākārapariṇatacittatvāt 
parabodhitāḥ yatkiṃcit kurvanta iva dṛśyate tatkaraṇamapi 
lokonmādananivṛttikarameva bhavati |

pārśvasthabodhitāḥ santaḥ pūrvācārakramāgatam |
ācāramācarantyeva suptabuddhavadutthitāḥ ||

iti śruteḥ || 1 ||

sāmbaraparamahaṃsalakṣaṇam 

tridaṇḍaṃ kamaṇḍaluṃ śikyaṃ pātraṃ jalapavitraṃ śikhāṃ yajñopavītaṃ 
cetyetat sarvaṃ bhūḥ svāhetyapsu parityajyātmānamanvicchet || 2 ||

pūrvaṃ kevalapāramahaṃsyamuktam | idānīṃ kuṭīcakādiliṅgaparityāgapūrvakaṃ 
pāramahaṃsyaṃ prakaṭayati - tridaṇḍamiti | vaiṇavadaṇḍatrayaṃ 
mṛddārvalābvādikamaṇḍaluṃ mauñjyādiracitaṃ śikyaṃ bhikṣādhārapātraṃ 
dārvādivikāraṃ vitastimātraṃ jalapavitraṃ śikhāṃ yajñopavītam | cakāraḥ 
sarvadharmaparityāgasamuccayārthaḥ | pañcamudrāgāyatrādikametat sarvaṃ bhūḥ 
svāhā ityanena mantreṇa apsu parityajya deśikamupasṛtya 
vedāntaśravaṇādibhirātmānamanvicchet || 2 ||

digambaraparamahaṃsalakṣaṇam

yathājātarūpadharo nirdvandvo [u: nirgranthaḥ]niṣparigrahaḥ [u: 
tattadbrahma]tattvabrahmamārge samyak saṃpannaḥ śuddhamānasaḥ 
prāṇasaṃdhāraṇārthaṃ yathoktakāle vimukto bhaikṣamācarannudarapātreṇa 
[u: lābhālābhayoḥ samaḥ]lābhālābhau samau bhūtvā 
śūnyāgāradevagṛha-

p. 50)

tṛṇakūṭavalmīkavṛkṣamūlakulālaśālāgnihotraśālānadīpulinagirikuhara##-
śukladhyānaparāyaṇo'dhyātmaniṣṭhaḥ śubhāśubhakarmanirmūlanaparaḥ 
saṃnyāsena dehatyāgaṃ karoti sa paramahaṃso nāma | ityupaniṣat || 3 ||

sāmbaraparamahaṃsalakṣaṇamuktvā digambaraparamahaṃsalakṣaṇamāha- 
yatheti | yathājātarūpadharaḥ digambaraḥ nirdvandvaḥ śītoṣṇādisamadhīḥ | 
dehadhāraṇopayogikaupīnācchādanabhikṣāśrayaṇasādhanaparigrahetara##-
tatprāpakamārgastajjñānaṃ tasmin tattvabrahmamārge samyak saṃpannaḥ 
tanniṣṭha ityarthaḥ | tatropāyamāha - śuddhamānasa iti | niḥsaṃkalpatvāt 
prāṇasaṃdhāraṇamātraṃ vidhūmādyupalakṣitayathoktakāle 
svājñānatatkāryavimukto yathānurūpamudarapātreṇa bhaikṣamācaran 
mukhavyādānaṃ kurvan bhikṣādilābhālābhau samau bhūtvā 
harṣaviṣādāvakurvan kālaṃ nayedityarthaḥ | idānīṃ tannivāsasthalānyāha- 
śūnyāgāretyādinā | janaśūnyāgāraṃ viṣṇvādidevatāgṛhaṃ 
kutaścinnimittasaṃjātatṛṇakūṭaṃ pipīlikādikṛtavalmīkaṃ 
vaṭāśvatthādivṛkṣamūlam āmapātranikṣepakulālaśālā 
tripañcāgnihotraśālā mahānadītīrapulinaṃ giriruhaveṇvādinibiḍadeśo 
girikuharaṃ giriguhāsthalaṃ kandaraṃ vṛkṣāntaḥsuṣiraṃ koṭaraṃ 
udakasrāvapradeśo nirjharaḥ viśuddhabhūpradeśaḥ sthaṇḍilaṃ nirāvaraṇaṃ 
śūnyāgārādi sthaṇḍilāntam | teṣu yathāsaṃbhavaṃ aniketavāsī 
nānāvidhopakaraṇe aprayatnaḥ svātiriktavastuṣu nirmamaḥ śuklatejo brahma 
niṣpratiyogikasvamātramiti paryavasannaḥ śukladhyānaparāyaṇaḥ 
śuklatejomayaṃ brahma iti śruteḥ | ātmamātramadhikṛtya bhavatīyadhyātmaṃ 
tanmātrajñānaṃ tanniṣṭhaḥ śubhāśubhasthānīyaniṣkāmasakāmakarma##-
saṃnyasyāmīti yastaddehābhimatityāgaṃ karoti so'yaṃ vidvān paramahaṃsaḥ 
pratyakparavibhāgasahaḥ paramātmā nāma niścitam | ityupaniṣacchabdau 
śāstraparisamāptyarthau || 3 ||

iti ṣaṣṭhaḥ khaṇḍaḥ 

p. 51)

śrīvāsudevendraśiṣyopaniṣadbrahmayoginā |
likhitaṃ syādvivaraṇaṃ jābālopaniṣatsphuṭam |
jābālopaniṣadvyākhyā daśonadviśataṃ smṛtā ||

iti śrīmadīśādyaṣṭottaraśatopaniṣacchāstravivaraṇe trayodaśasaṃkhyāpūrakaṃ 
jābālopaniṣadvivaraṇaṃ saṃpūrṇaṃ ||

p. 53)

turīyātītāvadhūtopaniṣat

pūrṇamadaḥ - iti śāntiḥ 

turīyātītāvadhūtacaryā niṣṭhā ca

atha turīyātītāvadhūtānāṃ ko'yaṃ mārgasteṣāṃ kā sthitiriti sarvalokapitāmaho 
bhagavantaṃ pitaramādinārāyaṇaṃ parisametyovāca | tamāha bhagavān 
nārāyaṇaḥ | yo'yamavadhūtamārgastho loke durlabhataro na tu bāhulyo yadyeko 
bhavati sa eva nityapūtaḥ sa eva vairāgyamūrtiḥ sa eva jñānākāraḥ sa eva 
vedapuruṣa iti jñānino manyante | mahāpuruṣo yastaccittaṃ mayyevāvatiṣṭhate | 
ahaṃ ca tasminnevāvasthitaḥ | so'yamādau tāvat krameṇa kuṭicako bahūdakatvaṃ 
prāpya bahūdako haṃsatvamavalambya haṃsaḥ paramahaṃso bhūtvā 
svarūpānusaṃdhānena sarvaprapañcaṃ viditvā 
daṇḍakamaṇḍalukaṭisūtrakaupīnācchādanasvavidhyuktakriyādikaṃ sarvamapsu 
saṃnyasya digambaro bhūtvā vivarṇajīrṇavalkalājinaparigrahamapi saṃtyajya 
tadūrdhvamamantravadācaran kṣaurābhyaṅgasnānordhvapuṇḍrādikaṃ vihāya 
[u 1 : laukīkavaidika] vaidikalaukikamapyupasaṃhṛtya sarvatra

p. 54)

puṇyāpuṇyavivarjitaḥ jñānājñānamapi vihāya 
śītoṣṇasukhaduḥkhamānāvamānaṃ nirjitya dehādivāsanātrayapūrvakaṃ 
nindānindāgarvamatsaradambhadarpecchādveṣakāmakrodhalobhamoha##-
paśyan aprayatnenāniyamena lābhālābhau samau kṛtvā govṛttyā 
prāṇasaṃdhāraṇaṃ kurvan yat prāptaṃ tenaiva nirlolupaḥ 
sarvavidyāpāṇḍityaprapañcaṃ bhasmīkṛtya svarūpaṃ gopayitvā 
jyeṣṭhājyeṣṭhatvāpalāpakaḥ sarvotkṛṣṭatvasarvātmakatvādvaitaṃ kalpayitvā 
matto vyatirkitaḥ kaścinnānyo'stīti bhāvayan 
devaguhyādidhanamātmanyupasaṃhṛtya duḥkhena nodvignaḥ sukhena 
nānumodakaḥ rāge niḥspṛhaḥ sarvatraśubhāśubhayoranabhisnehaḥ 
sarvendriyoparamaḥ svapūrvāpannāśramācāravidyādharmaprābhavamananu##-
sarvadā saṃcāraśīlaḥ dehamātrāvaśiṣṭaḥ jalasthalakamaṇḍaluḥ 
sarvadānunmatto bālonmattapiśācavadekākī saṃcaran asaṃbhāṣaṇaparaḥ 
svarūpadhyānena nirālambamavalambya svātmaniṣṭhānukūlyena sarvaṃ 
vismṛtya turīyātīto'vadhūtaveṣeṇādvaitaniṣṭhāparaḥ praṇavātmakatvena 
dehatyāgaṃ karoti yaḥ so'vadhūtaḥ sa kṛtakṛtyo bhavatītyupaniṣat || 1 ||

turyātītākhyopaniṣadvedyaṃ yat paramākṣaram |
tatturyātītacinmātraṃ svamātraṃ cintaye'nvaham || 

iha khalu śuklayajurvedapravibhakteyaṃ turīyātītāvadhūtopaniṣat 
gauṇamukhyāvadhūtacaryāprakaṭanavyagrā brahmamātraparyavasannā 
vijṛmbhate | asyāḥ svalpagranthato vivaraṇamārabhyate | śiṣyācārya##-

p. 55)

rūpeyamākhyāyikā vidyāstutyarthā | ākhyāyikāmavatārayati- atheti | ye 
turyāśramapravibhaktakuṭīcakabahūdakahaṃsaparamahaṃsacaryāṃ 
yathāvadavagamya atha duryasaṃkhyāpūrakaṃ pāramahaṃsyaṃ 
tadatītāsturyātītāśca te

yo vilaṅghyāśramān varṇānātmanyeva sthitaḥ sadā |
ativarṇāśramī yogī avadhūtaḥ sa kathyate ||

akṣaratvādvareṇyatvāddhūtasaṃsārabandhanāt |
tattvamasyādilakṣyatvādavadhūta itīryate ||

iti gauṇamukhyāvadhūtāśca iti turīyātītāvadhūtāḥ | teṣāṃ mahānubhāvānāṃ 
ko'yaṃ mārga ityanena tairācaraṇīyacaryā avagamyate | kā sthitiḥ ityanena niṣṭhā 
cāpi jñātavyeti | tatpraśnamaṅgīkṛtya tamāha bhagavān nārāyaṇaḥ | kiṃ tat 
ityatra tanmārgasyātidurlabhatayā tānādau stauti- yo'yamiti | nityapūtaḥ [u: 
nityapūte] mayi madbhāvametya sthitatvāt madbhāvāpannajñānino manyante | 
ata evāyaṃ mahāpuruṣaḥ | kathamasya mahāpuruṣatvam? ityatra yato 
yastaccittaṃ mayyevāvatiṣṭhate madatiriktacintāvairalyāt | tvaṃ kutrāvasthita 
ityatra- ahaṃ ca tasminnevāvasthita iti | kuṭīcakādidharmā 
nāradaparivrājakopaniṣadi samyak vyākhyātāḥ | tatrāyaṃ paramahaṃsaḥ 
sarvāpahnavasiddhaṃ brahma niṣpratiyogikasvamātramiti | svarūpānusaṃdhānena 
sarvaprapañcaṃ svātiriktaṃ [u: svātiriktam iti nāsti] netīti viditvā 
tadvedanasamakālameva pāramahaṃsyaliṅgaṃ tyājyamiti manīṣayā tatrāpi 
saṃsāradhiyā tattyāga upapadyata ityarthaḥ | tadūrdhvaṃ 
pāramahaṃsyāśramatyāgānantaraṃ kartavyakarmābhāvāddehādiceṣṭāyāṃ 
[u: ceṣṭāyai] mantrānākāṅkṣatvāt amantravadācaran | idaṃ 
kartavyamitīcchayā kṣaurādikaṃ vihāya tathā vaidikalaukīkamapyupasaṃhṛtya 
manovṛttitvasāmānyāt jñānājñānamapi vihāya dehābhimānatyāgādinā 
śītoṣṇasukhaduḥkhamānāvamānaṃ nirjitya dehādivāsanātrayapūrvakam ahaṃ 
etādṛśa ityaprakaṭanapūrvakaṃ svarūpaṃ svaśīlaṃ gopayitvā ayaṃ me 
jyeṣṭhaḥ āṃ me kaniṣṭhaḥ iti jys.eṭhājyeṣṭhatvāpalāpakaḥ advaitātiriktaṃ 
dvaitaṃ nāstīti bhāvayitvā devaguhyāt devarahasyāt yattadeva bhāvanaṃ tat 
indhanaṃ brahmamātrāgninā dāhyatvāt 

p. 56)

brahmākāravṛtterapi indhanatvaṃ tadapyātmamātradhiyā ātmanyupasaṃhṛtya 
yadi punaḥ svātiriktābhāsāvalambanato duḥkhādiprasaktau duḥkhena nodvignaḥ 
ityāti | prābhavaṃ prabhāvam | anusmaran madviditavidyāphalamevaṃ 
paryavasannamiti vastutastadapi nānusaṃdheyam | svena pādaprakṣālanādya##-
jalasthalakamaṇḍalvapekṣā yujyata evetyarthaḥ | yena kenāpi asaṃbhāṣaṇaparaḥ | 
svātiriktaprapañcajātaṃ sarvaṃ vismṛtya advaitaniṣṭhāparaḥ 
advaitātmaparāyaṇo bhūtvā sarvavācyavastu praṇavātmakam iti 
śrutisiddhapraṇavātmakatvena praṇavārthaturyaturyātmanā dehatyāgaṃ karoti 
dehatannirvartyajāgrajjāgradādi##-
-vikalpānujñaikarasāntakalanātyāgamapahnavaṃ karoti | yasya 
pāramahaṃsyadharmālaṃkṛtasya [u: alaṅkārasya] yaterābhāsato'pi 
nirvartyasvātiriktamasti iti bhrāntiḥ so'yaṃ gauṇāvadhūto bhavati | yasya punaḥ 
brahmamātraṃ niṣpratiyogikaṃ tadatirekeṇāpahnotavyaviṣayābhāvajñāna##-

yasya svātmātirekeṇa nirvartyaṃ pratibhāti saḥ |
gauṇāvadhūto bhavati svātiriktāstitābhramāt ||

brahmamātradhiyā yasya nirvartyāsaṃbhavo bhavet |
mukhyāvadhūtaḥ sa muniḥ svamātramavaśiṣyate ||

iti smṛteḥ | ityupanipacchabdaḥ prakṛtopaniṣatsamāptyarthaḥ || 1 ||

śrīvāsudevendraśiṣyopaniṣadbrahmayoginā |
likhitaṃ syādvivaraṇaṃ turyātītasya susphuṭam |
turyātītagranthajātaṃ catvāriṃśat samīritam ||

iti śrīmadīśādyaṣṭottaraśatopaniṣacchāstravivaraṇe catuṣaṣṭisaṃkhyāpūrakaṃ 
turīyātītāvadhūtopaniṣadvivaraṇaṃ saṃpūrṇam ||
p. 57)

nāradaparivrājakopaniṣat 

bhadraṃ karṇebhiḥ - iti śāntiḥ 

prathamopadeśaḥ 

nāradaṃ prati śaunakādīnāṃ praśnaḥ 

atha kadācit parivrājakābharaṇo nāradaḥ sarvalokasaṃcāraṃ kurvannapūrva##-
śāntaḥ dāntaḥ sarvato nirvedamāsādya svarūpānusaṃdhānamanu-saṃdhāya 
niyamānandaviśeṣagaṇyaṃ munijanairupasaṃkīrṇaṃ naimiśāraṇyaṃ 
puṇyasthalamalokya sarigamapadhanisaṃjñairvairāgya-bodhakaraiḥ 
svaraviśeṣaiḥ prāpañcikaparāṅmukhairharikathālāpaiḥ 
sthāvarajaṅgamanāmakairbhagavadbhaktiviśeṣairnaramṛgakiṃpuruṣāmarakiṃ#
nāradamavalokya dvādaśavarṣasatrayāgopasthitāḥ śrutādhyayanasaṃpannaḥ 
sarvajñāstaponiṣṭhāparāśca jñānavairāgyasaṃpannāḥ śaunakādimaharṣayaḥ 
pratyutthānaṃ kṛtvā natvā yathocitātithyapūrvakamupaveśayitvā svayaṃ 
sarve'pyupadiṣṭā bho bhagavan brahmaputra kathaṃ muktyupāyaḥ? asmākaṃ 
vaktavyam || 1 ||

p. 58)

pārivrājyadharmapūgālaṃkārā yatprabodhataḥ |
daśapraṇavalakṣyārthaṃ yānti taṃ rāmamāśraye ||

iha khalu atharvavedapravibhakteyaṃ nāradaparivrājakopaniṣat 
vratyādisvāśramācāraprakaṭanapūrvakaṃ kuṭīcakabahūdakahaṃsa##-
vivaraṇamārabhyate | śaunakādimunivṛndanāradanāradapitāmahapraśna##-
śrutirākhyāyikāmavatārayati- athetyādinā | athaśabdaḥ ārambhārthaḥ | 
kadācit parivrājakaśiromaṇiḥ nāradaḥ kṛtsnalokasaṃcāraṃ kurvan 
svapādanyāsataḥ puṇyasthalāni puṇyatīrthāni ca tīrthīkurvan 
svātiriktaprapañcajātaṃ mithyātvenāvalokya tataścittaśuddhiṃ prāpya 
sarvātmaikatvabhāvanayā nirvairaḥ saṃkalpādivṛttitaḥ śānto bāhyavṛttito 
dāntaḥ sarvataḥ sarvatra nirvedaṃ vairāgyamāsādya 
svasvarūpānusaṃdhānamanusaṃdhāya uktaviśeṣaṇaviśiṣṭaṃ 
naimiśāraṇyamavalokya svāgamanakāle svakarabhūṣaṇavīṇā##-
śṛṇvadbāhyavairāgyabodhakaiḥ bhagavadbhaktipremānvitaharikathālāpaiḥ 
naramṛgādiprapañcajātaṃ saṃmohayannāgataṃ nāradaṃ 
śaunakādimaharṣayo'valokya pratyutthānādisaparyāṃ kṛtvā divyāsane taṃ 
niveśya taddarśanamātrato yat paramārthatattvaṃ tat svayaṃ sarve'pyupadiṣṭā api 
lokānugrahahetoḥ taṃ pṛcchanttītyāha- bho bhagavanniti | he brahmaputra 
bhagavadgatikānāmasmākaṃ kathaṃ svātiriktāstitābhramato muktiḥ syāt? ko 
vā tadāptyupāyaḥ? vaktavya iti || 1 ||

videhamuktilābhopāyopadeśaḥ 

ityuktastān sa hovāca nāradaḥ | satkulabhavopanītaḥ samyagupanayanapūrvakaṃ 
catvāriṃśatsaṃskārasaṃpannaḥ svābhimataikagurusamīpe svaśākhādhyayana##-
dvādaśavarṣaśuśrūṣāpūrvakabrahma-caryaṃ pañcaviṃśativatsaraṃ 
gārhasthyaṃ pañcaviṃśativatsaraṃ vānaprasthāśramaṃ 

p. 59)

tadvidhivat kramānnirvartya caturvidhabrahmacaryaṃ ṣaḍvidhagārhasthyaṃ 
cāturvidhyavānaprasthadharmaṃ samyagabhyasya taducitaṃ karma sarvaṃ nirvartya 
sādhanacatuṣṭayasaṃpannaḥ sarvasaṃsāropari manovākkāyakarmabhiryathā##-
paramahaṃsāśrameṇāskhalitasvarūpadhyānena dehatyāgaṃ karoti sa mukto bhavati 
sa mukto bhavati | ityupaniṣat || 2 ||

tairevaṃ pṛṣṭo devarṣirāha- ityukta iti | ityevaṃ śaunakādibhiḥ uktaḥ sa 
hovāca nāradaḥ | kiṃ tat? satkule bhavatīti yaḥ kaścana dvijātiḥ satkulabhavaḥ 
vidhivadupanītaḥ catvāriṃśatsaṃskārasaṃpannaḥ | catvāriṃśatsaṃskarāḥ 
kīdṛśā ityatra gautamadharme āmnāyate | tadyathā- 
garbhādhānapuṃsavana##-
vedavratāni snānaṃ sahadharmacāriṇīsaṃyogaḥ pañcānāṃ 
yajñānāmanuṣṭhānaṃ devapitṛmanuṣyabhūtabrahmaṇāmeteṣāṃ pañcakam 
aṣṭakā pārvaṇaḥ śrāddhaṃ śrāvaṇyāgrahāyaṇī caitryāśvayujīti sapta 
pākayajñasaṃsthāḥ agnyādheyamagnihotraṃ darśapūrṇamāsāvāgrayaṇaṃ 
cāturmāsyāni nirūḍhapaśubandhaḥ sautrāmaṇīti sapta haviryajñasaṃsthāḥ 
agniṣṭomo'tyagniṣṭoma ukthyaḥ ṣoḍaśī vājapeyo'tirātro'ptoryāma iti sapta 
somasaṃsthā ityete catvāriṃśatsaṃskārāḥ | aṣṭāvātmaguṇādayā sarvabhūteṣu 
kṣāntiranasūyā śaucamanāyāso maṅgalakārpaṇyamaspṛheti | yasyaite 
catvāriṃśatsaṃskārā na cāṣṭāvātmaguṇāḥ na sa brahmaṇaḥ sāyujyaṃ 
sālokyaṃ ca gacchati | yasya tu khalu saṃskārāṇāmekadeśo'pi aṣṭāvātmaguṇāḥ 
atha sa brahmaṇaḥ sāyujyaṃ sālokyaṃ ca gacchatītyuktasaṃskārasaṃpanno 
bhūtvā ācāryo vedasaṃpanno viṣṇubhakto vimatsaraḥ 
ityādiśrutyunurodhenoktalakṣaṇalakṣitasvābhimataikagurunikaṭe ādau 
svaśākhādhyayanapūrvakaṃ sarvavidyāmabhyasya dvādaśavarṣaśuśrūṣā##-
pañcaviṃśativatsaraparyantaṃ gārhasthyocitadharmānuṣṭhānaṃ kṛtvā atha 
tathā pañca-

p. 60)

viṃśativatsaraparyantaṃ vānaprasthāśramocitadharmajātaṃ vidhivat 
kramānnirvartya atha saptatyūrdhvaṃ saṃnyasyedityarthaḥ |

brahmacaryādidharmāḥ katividhā ityata āha- caturvidhabrahmacaryamiti | 
asminnarthe kāṇvāyanasmṛtirarthato'nukramyate | tadyathā- gāyatro brāhmaḥ 
prājāpatyo bṛhanniti brahmacāri caturvidhaḥ | asyārthaḥ- 
tatropanayanādūrdhvaṃ yastrirātramakṣāralavaṇāśī gāyatrīmadhīte sa gāyatraḥ | 
yastu vedasya ā grahaṇāt brahmacaryaṃ carati sa brāhmaḥ | saṃvatsaraṃ 
vedavratakṛt prājāpatyaḥ | āmaraṇaṃ gurukulavāsī naiṣṭhiko bṛhannityucyate |

gārhasthyaṃ katividhamityata āha- ṣaḍvidhagārhasthyamiti | tathā ca 
gṛhasthā api ṣaḍvidhāḥ | tadyathā- vārtākaḥ śālīno yāyāvaro 
ghorasaṃnyāsikaḥ uñchavṛttiḥ ayācitaśceti | tatra kṛṣigorakṣādikṛtayā 
vaiśyavṛttyā jīvannityādikriyāparo vārtākavṛttiḥ | śālīnastu ṣaṭkarmanirato 
yājanādivṛttiḥ | yāyāvarastu śiṣṭagṛheṣu kiṃcit kiṃcit 
svakuṭumbabharaṇopayogitaṇḍula-saṃgrahī | ghorasaṃnyāsikastu 
uddhṛtapūtābhiradbhiḥ kāryaṃ kurvan ahanyahani śiṣṭajanataḥ taṇḍulaparigrahī 
| uñchastu siloñchavṛttiḥ | ayācitastu yadṛcchālabdhopajīvī |

vānaprasthaḥ katividha ityata āha- cāturvidhyamiti | vanasthā api caturvidhāḥ | 
tadyathā- vaikhānasa audumbaro vālakhilyaḥ phenapāśceti | tatra 
akṛṣṭapacyauṣadhībhiḥ grāmabahiṣkṛtābhiḥ agnihotrādi kurvan vaikhānasa 
ityucyate | yastu prātarutthāya yāṃ yāṃ diśaṃ paśyati tatratyaudumbarī##-
aṣṭau māsān vṛttyupārjanakṛccāturmāsye gṛhītāśī kārtikyāṃ 
saṃgṛhītapuṣpaphalatyāgī sa vālakhilyaḥ | phenapāstu 
śīrṇaparṇaphalavṛttayaḥ yatra kvacidvasantaḥ karmaparā iti ||

evaṃ brahmacaryādivānaprasthāntadharmajātaṃ nirvartya 
nityādisādhanacatuṣṭayasaṃpanno bhūtvā saṃsṛtivāsanaiṣaṇātrayatyāga##-

p. 61)

svātiriktāstitvabhramamukto videhamukto bhavati | āvṛttirādarāthāṃ | 
ityupaniṣacchabdaḥ prathamopadeśasamāptyarthaḥ || 2 ||

iti prathamopadeśaḥ 

dvitīyopadeśaḥ 

pārivrājyakramaḥ 

atha hainaṃ bhagavantaṃ nāradaṃ sarve śaunakādayaḥ papracchurbho bhagavan 
saṃnyāsavidhiṃ no brūhīti | tānavalokya nāradastatsvarūpaṃ sarvaṃ 
pitāmahamukhenaiva jñātumucitamityuktvā satrayāgapūrtyanantaraṃ taiḥ saha 
satyalokaṃ gatvā vidhivad brahmaniṣṭhāparaṃ parameṣṭhinaṃ natvā stutvā 
yathocitaṃ tadājñayā taiḥ sahopaviśya nāradaḥ pitāmahamuvāca | gurustvaṃ 
janakastvaṃ sarvavidyārahasyajñaḥ sarvajñastvam | ato madiṣṭaṃ rahasyamekaṃ 
vaktavyam | tvadvinā madabhimatarahasyaṃ vaktuṃ kaḥ samarthaḥ | kimiti cet 
pārivrājyasvarūpakramaṃ no brūhīti nāradena prārthitaḥ parameṣṭhī sarvataḥ 
sarvānavalokya muhūrtamātraṃ samādhiniṣṭho bhūtvā saṃsārārti##-
matputra puruṣasūktopaniṣadrahasya prakāraniratiśayākārāvalambinā 
virāṭpuruṣeṇopadiṣṭaṃ rahasyaṃ te vivicyocyate | tatkramamatirahasyaṃ 
bāḍhamavahito bhūtvā śrūyatām |

bho nārada vidhivadādāvanupanītopanayanānantaraṃ tatsatkulaprasūtaḥ 
pitṛmātṛvidheyaḥ pitṛsamīpādanyatra satsaṃpradāyasthaṃ śraddhāvantaṃ 
satkulabhavaṃ 

p. 62)

śrotriyaṃ śāstravātsalyaṃ guṇavantamakuṭilaṃ sadgurumāsādya natvā 
yathopayogaśuśrūṣāpūrvakaṃ svābhimataṃ vijñāpya 
dvādaśavarṣasevāpuraḥsaraṃ sarvavidyābhyāsaṃ kṛtvā tadanujñayā 
svakulānurūpāmabhimatakanyāṃ vivāhya pañcaviṃśativatsaraṃ gurukulavāsaṃ 
kṛtvātha gurvanujñayā gṛhasthocitakarma kurvan daurbrāhmaṇyanivṛttimetya 
svavaṃśavṛddhikāmaḥ putramekamāsādya 
grāhyasthyocitapañcaviṃśativatsaraṃ tīrtvā tataḥ pañcaviṃśativatsaraparyantaṃ 
triṣavaṇamudakasparśanapūrvakaṃ 
caturthakālamekavāramāhāramāharannayameka eva vanastho bhūtvā 
puragrāmaprāktanasaṃcāraṃ vihāya nikiravirahitatadāśritakarmocitakṛtyaṃ 
nirvartya dṛṣṭaśravaṇaviṣayavaitṛṣṇyametya catvāriśatsaṃskārasaṃpannaḥ 
sarvato viraktaścittaśuddhimetyāśāsūyerṣyāhaṃkāraṃ dagdhvā sādhana##-

evaṃ nāradenopadiṣṭāḥ śaunakādimunayaḥ punarviśeṣabubhutsayā nāradaṃ 
pṛcchanti | so'pi bhavadbhiryat pṛṣṭaṃ tat pitāmahamukhena 
jñātavyamityuktvā prakṛtayāgasamāptyanantaraṃ taiḥ sākaṃ satyalokaṃ gatvā 
pitāmahaṃ vidhivadupasaṃgamya nāradaḥ pārivrājyadhramaṃ 
pṛṣṭavānityāha- atheti | brahmaniṣṭhāparaṃ svātiriktasarvāpahnavasiddhaṃ 
brahma niṣpratiyogikasvamātramiti yā anavaratabhāvanā saiva brahmaniṣṭhā 
tatparaṃ tanniṣṭhaṃ tena parame pade tiṣṭhatīti parameṣṭhinam | nāradaḥ 
pitāmahamuvāca | kimiti | sarveṣāṃ mama ca gurustvamiti | nāradenaivaṃ 
pṛṣṭhaḥ parameṣṭhī divyajñānena tadāgamanaprayojanaṃ jñātvā tvayā yat 
pṛṣṭhaṃ tanme virāṭpuruṣeṇopadiṣṭam | taducyate | śṛṇvetadityāha- 
nāradeneti | kiṃ tadityatra bho nāradeti taṃ svābhimukhīkṛta krameṇa 
saṃnyāsavidhimupadiśatītyāha- bho iti | satsaṃpradāyastham 
ityādyācāryaviśeṣaṇam | śrotriyam adhītasāṅgopāṅgasvādhyāyatadartham | 
pañcaviṃśativatsaraṃ sadāro gurukulavāsaṃ kṛtvā | triṣavaṇa-

p. 63)

mudakopasparśī caturthakālapānabhaktaḥ syāt iti śruteḥ | nikiravirahitetyatra 
nitarāṃ kiraṃ bījāvāpanaṃ yatra tannikiraṃ godhūmaśālīśyāmākādi 
tadvirahitaṃ nīvāratṛṇataṇḍulāditadāśritakarmocitakṛtyaṃ 
devapitrādyuddeśena havyakavyādikaṃ dṛṣṭamaihikaṃ śrāvaṇamāmuṣmikaṃ 
tatra vaitṛṣṇyamihāmutrabhogavitṛṣṇatvam | catvāriṃśatsaṃskārasaṃpanna 
ityādyuktārtham | śiṣṭaṃ spaṣṭam | ityupaniṣacchabdo 
dvitīyopadeśasamāptyarthaḥ || 1 ||

iti dvitīyopadeśaḥ |

tṛtīyopadeśaḥ 

saṃnyāsādhikāri

atha hainaṃ nāradaḥ pitāmahaṃ papraccha | bhagavan kena saṃnyāsaḥ 
saṃnyāsādhikārī veti | evamādau saṃnyāsādhikāriṇaṃ nirūpya paścāt 
saṃnyāsavidhirucyate | avahitaḥ śṛṇu | atha ṣaṇḍaḥ patito'ṅgavikalaḥ straiṇo 
badhiro'rbhako mūkaḥ pāṣaṇḍaścakrī liṅgī vaikhānasaharadvijau 
bhṛtakādhyāpakaḥ śipiviṣṭo'nagniko vairāgyavanto'pyete na saṃnyāsārhāḥ | 
saṃnyastā yadyapi mahāvākyopadeśe nādhikāriṇaḥ | pūrvasaṃnyāsī 
paramahaṃsādhikāri || 1 ||

pareṇaivātmanaścāpi parasyaivātmanā tathā |
abhayaṃ samavāpnoti sa parivrāḍiti smṛtiḥ || 2 ||

ṣaṇḍo'tha vikalo'pyandho bālakaścāpi pātakī |
patitaśca paradvārī vaikhānasaharadvijau || 3 ||

cakrī liṅgī ca pāṣaṇḍī śipiviṣṭo'pyanagnikaḥ |
dvitrivāreṇa saṇyasto bhṛtakā yāpako'pi ca |
ete nārhanti saṃnyāsamātureṇa vinā kramam || 4 ||

p. 64)

sādhanacatuṣṭayasaṃpannaḥ saṃnyastumarhatīti pitāmahenaivamupadiṣṭo nāradaḥ 
saṃnyāsasvarūpaṃ tadadhikārisvarūpaṃ ca vivicya jñātavyamiti svapitaraṃ 
papracchetyāha- atheti | ko'yaṃ saṃnyāsaḥ ko vā saṃnyāsādhikārīti 
praśnottaram evamiti | ādau tāvat saṃnyāsānadhikāriṇaṃ nirūpayati- atheti | 
śipiviṣṭo vikasitaśepha ityarthaḥ | uktārthavaiparītyena yaḥ sarvabhūtābhayadaḥ 
yasya sarvāṇi bhūtānyabhayaṃ dāsyanti so'yaṃ saṃnyāsādhikārītyāha- 
pūrveti | keyaṃ smṛtiḥ ityatra 

anāśritaḥ karmaphalaṃ kāryaṃ karma karoti yaḥ |
sa saṃnyāsī ca yogī ca na niragnirna cākriyaḥ || 

iti smṛtyanurodhena sādhyasādhaneṣaṇāparityāgapūrvakaṃ 
niṣkāmakarmānuṣṭhātā dvijaḥ pūrvasaṃnyāsī | so'yaṃ 
paramahaṃsāśramādhikārī | tadviparītānadhikāryapi śrūyate mandradvayena 
ṣaṇḍa iti || 1-4 ||

āturasaṃnyāsaḥ 

āturakālaḥ kathamāryasaṃmataḥ |

prāṇasyotkramaṇāsannakālastvāturasaṃjñakaḥ |
netarasvtāturaḥ kālo muktimārgapravartanaḥ || 5 ||

āturasaṃnyāsaḥ kathaṃ vidvatsaṃmato bhavati ityākṣipya tatrāṣṭaśrādhādi##-
vidvatsaṃmato bhavatītyāha- āturakāla iti | prāṇasyotkramaṇāsannakālaḥ 
prāṇotkramaṇapūrvabhāvikāla evetyarthaḥ || 5 ||

āturasaṃnyāsavidhiḥ 

āture'pi ca saṃnyāse tattanmantrapuraḥsaram |
mantrāvṛttiṃ ca kṛtvaiva saṃnyasedvidhivad budhaḥ || 6 ||

āture'pi krame cāpi praiṣabhedo na kutracit |
na mantraṃ karmarahitaṃ karma mantramapekṣate || 7 ||

p. 65)

akarma mantrarahitaṃ nāto maṃtraṃ parityajet |
mantraṃ vinā karma kuryādbhasmanyāhutivadbhavet || 8 ||

vidhyuktakarmasaṃkṣepāt saṃnyāsastvāturaḥ smṛtaḥ |
tasmādāturasaṃnyāse mantrāvṛttividhirmune || 9 ||

āturasaṃnyāsavidhimācaṣṭe- āture'pi ceti | kramāturayoḥ praiṣabhedaḥ 
syādityata āha- āture'pīti | karmaṇo mantrādhīnatvaṃ kevalakarmaṇo 
niṣphalatvaṃ cāha- na mantramiti | na mantraṃ karmarahitam ityatra 
vibhaktivyatyayaḥ | kevalamantraprādhānyena yatra karmalopaḥ 
so'yamāturasaṃnyāsa ityāha- vidhyukteti | yasmādevaṃ tasmāt || 6-9 ||

deśāntarasthāhitāgneḥ saṃnyāsavidhiḥ 

āhitāgnirviraktaśced deśāntaragato yadi |
prājāpatyeṣṭimapsveva nirvṛtyaivātha saṃnyaset || 10 ||

manasā vātha vidhyuktamantrāvṛttyāthavā jale |
śrutyanuṣṭhānamārgeṇa karmānuṣṭhānameva vā |
samāpya saṃnyasedvidvānno cet pātityamāpnuyāt || 11 ||

yadyāhitāgnirvirakto dūradeśaṃ gato bhavati tasya saṃnyāsaḥ 
kathamityākāṅkṣāyāṃ manasā vacasā karmaṇā vāpsu prājāpatyeṣṭiṃ 
kṛtvaiva saṃnyaset no cet patito bhavatītyāha- āhitāgniriti | deśāntaragato 
yadi tadā || 10-11 ||

satṛṣṇasya saṃnyāsaparigrahe narakaprāptiḥ

yadā manasi saṃjātaṃ vaitṛṣṇyaṃ sarvavastuṣu |
tadā saṃnyāsamicchanti patitaḥ syādviparyaye || 12 ||

p. 66)

viraktaḥ pravrajeddhīmān saraktastu gṛhe vaset |
sarāgo narakaṃ yāti pravrajan hi dvijādhamaḥ || 13 ||

svātiriktavastuvaitṛṣṇyaṃ saṃnyāsahetuḥ | yatra kutrāpi satṛṣṇo yadi 
saṃnyasyati tasya narakapātaḥ syādityāha- yadeti || 12-13 ||

vaitṛṣṇyameva saṃnyāsaparigrahe hetuḥ 

yasyaitāni suguptāni jihvopasthodaraṃ karaḥ |
saṃnyasedakṛtodbāho brāhmaṇo brahmacaryavān || 14 ||

saṃsārameva niḥsāraṃ dṛṣṭvā sāradidṛkṣayā |
pravrajantyakṛtodbāhāḥ paraṃ vairāgyamāśritāḥ || 15 ||

pravṛttilakṣaṇaṃ karma jñānaṃ saṃnyāsalakṣaṇam |
tasmājjñānaṃ puraskṛtyaṃ saṃnyasediha buddhimān || 16 ||

yasya jihvādikaṃ svavaśe vartate itaḥ paramalamiti yasya saṃsāraviraktirudeti yasya 
ca jñānaṃ kaivalyasādhanaṃ bhavati so'yaṃ vratī gṛhī vanī vā 
saṃnyasedityāha- yasyeti | yasmādevaṃ tasmāt || 14-16 ||

vidvatsaṃnyāsaḥ 

yadā tu viditaṃ tattvaṃ paraṃ brahma sanātanam |
tadaikadaṇḍaṃ saṃgṛhya sopavītaṃ śikhāṃ tyajet || 17 ||

paramātmani yo rakto virakto'paramātmani |
sarvaiṣaṇāvinirmuktaḥ sa bhaikṣaṃ bhoktumarhati || 18 ||

pūjito vanditaścaiva suprasanno yathā bhavet |
tathā cet tāḍyāmānastu tadā bhavati bhaikṣabhuk || 19 ||

p. 67)

ahamevākṣaraṃ brahma vāsudevākhyamadvayam |
iti bhāvo dhruvo yasya tadā bhavati bhaikṣabhuk || 20 ||

yasmiñchāntiḥ śamaḥ śaucaṃ satyaṃ saṃtoṣa ārjavam |
akiṃcanamadambhaśca sa kaivalyāśrame bhavet || 21 ||

yadā na kurute bhāvaṃ sarvabhūteṣu pāpakam |
karmaṇā manasā vācā tadā bhavati bhaikṣabhuk || 22 ||

daśalakṣaṇakaṃ dharmamanutiṣṭhan samāhitaḥ |
vedāntān vidhivacchrutvā saṃnyasedanṛṇo dvijaḥ || 23 ||

dhṛtiḥ kṣamā damo'steyaṃ śaucamindriyanigrahaḥ |
hrirvidyā satyamakrodho daśakaṃ dharmalakṣaṇam || 24 ||

atītānna smaredbhogānna tathānāgatānapi |
prāptāṃśca nābhinandedyaḥ sa kaivalyāśrame vaset || 25 ||

antaḥsthānīndriyāpyantarbahiṣṭhān viṣayān bahiḥ |
śaknoti yaḥ sadā kartuṃ sa kaivalyāśrame vaset || 26 ||

prāṇe gate yathā dehaḥ sukhaduḥkhaṃ [u: sukhadu.khaṃ ityārabhya visṛjya 
dhyānayogena (27-51) ityantaṃ mūlaṃ vyākhyānaṃ ca na dṛśyete 
|] na vindati |
tathā cet prāṇayukto'pi sa kaivalyāśrame vaset || 27 ||

vidvatsaṃnyāsamāha - yadeti | yasya svānuraktisvātiriktaviraktisamatvādikam 
naijaṃ bhavati sa yatitāmarhatītyāha - paramātmanītyādinā | akiṃcanaṃ 
svātirekeṇa kiṃcidastīti yanmano na manute tadakiṃcanam | kiṃca yadeti | 
punarbhaṅgyantareṇa vidvat saṃnyāsa ucyate - daśeti | anṛṇaḥ 
brahmacaryeṇarṣibhyo 

p. 68)

yajñena devebhyaḥ prajayā pitṛbhya eṣa vā anṛṇaḥ iti śruteḥ | 
daśalakṣaṇakaṃ dharmamityaṃśaṃ śrutireva vyākaroti- dhṛtiriti | 
bhūtādikālatrayāvacchinna-bhogānicchurmokṣāśrame vasedityāha- 
atītāniti | nigṛhītāntarbāhya-vṛttirmokṣāśrame vasedityāha- antariti | 
kiṃ bahunā prāṇa iti || 17-27 ||

avaidhaparigrahe pratyavāyaḥ 

kaupīnayugalaṃ kanthā daṇḍa ekaḥ parigrahaḥ |
yateḥ paramahaṃsasya nādhikaṃ tu vidhīyate || 28 ||

yadi vā kurute rāgādadhikasya parigraham |
rauravaṃ narakaṃ gatvā tiryagyoniṣu jāyate || 29 ||

viśīrṇānyamalānyeva celāni grathitāni tu |
kṛtvā kanthāṃ bahirvāso dhārayeddhāturañjitam || 30 ||

ekavāsā avāsā vā ekadṛṣṭiralolupaḥ |
eka eva carennityaṃ varṣāsvekatra saṃvaset || 31 ||

kuṭumbaṃ putradārāṃśca vedāṅgāni ca sarvaśaḥ |
yajñaṃ yajñopavītaṃ ca tyaktvā gūḍhaṃ caredyatiḥ || 32 ||

yaterdehadhāraṇasvācāropayogiparigrahaṃ vinānyatra na hi parigrahavidhirasti | yadi 
karoti tadā pratyavaitītyāha- kaupīneti | yadi śītabhītistadā viśīrṇānīti | 
sāmbarā digambarā vā- śravaṇamanananididhyāsanavyāpṛtiviralā yadi 
tadā teṣāṃ grāmaikarātrasaṃcāro vidhīyata ityāha- eketi || 28-32 ||

parivrājakānāṃ dharmāḥ 

kāmaḥ krodhastathā darpo lobhamohādayaśca ye |
tāṃstu doṣān parityajya parivrāṇnirmamo bhavet || 33 ||

p. 69)

rāgadveṣaviyuktātmā samaloṣṭāśmakāñcanaḥ |
prāṇihiṃsānivṛttaśca muniḥ syāt sarvaniḥspṛhaḥ || 34 ||

dambhāhaṃkāranirmukto hiṃsāpaiśunyavarjitaḥ |
ātmajñānaguṇopeto yatirmokṣamavāpnuyāt || 35 ||

indriyāṇāṃ prasaṅgena doṣamṛcchatyasaṃśayaḥ |
saṃniyamya tu tānyeva tataḥ siddhiṃ nigacchati || 36 ||

na jātu kāmaḥ kāmānāmupabhogena śāmyati |
haviṣā kṛṣṇavartmeva bhūya evābhivardhate || 37 ||

śrutvā spṛṣṭvā ca bhuktvā ca dṛṣṭvā ghrātvā ca yo naraḥ |
na hṛṣyati glāyati vā sa vijñeyo jitendriyaḥ || 38 ||

yasya vāṅmanasī śuddhe samyaggupte ca sarvadā |
sa vai sarvamavāpnoti vedāntopagataṃ phalam || 39 ||

saṃmānād brāhmaṇo nityamudvijet viṣādiva |
amṛtasyeva cākāṅkṣedavamānasya sarvadā || 40 ||

sukhaṃ hyavamataḥ śete sukhaṃ ca pratibudhyate |
sukhaṃ carati loke'sminnavamantā vinaśyati || 41 ||

ativādāṃstitikṣeta nāvamanyeta kaṃcana |
na cemaṃ dehamāśritya vairaṃ kurvīta kenacit || 42 ||

krudhyantaṃ na pratikrudhyedākruṣṭaḥ kuśalaṃ vadet |
saptadvārāvakīrṇāṃ ca na vācamanṛtāṃ vadet || 43 ||

adhyātmaratirāsīno nirapekṣo nirāśiṣaḥ |
ātmanaiva sahāyena sukhārthī vicarediha || 44 ||

p. 70)

indriyāṇāṃ nirodhena rāgadveṣakṣayeṇa ca |
ahiṃsayā ca bhūtānāmamṛtatvāya kalpate || 45 ||

asthisthūṇaṃ snāyubaddhaṃ māṃsaśoṇitalepitam |
carmāvabaddhaṃ durgandhi pūrṇaṃ mūtrapurīṣayoḥ || 46 ||

jarāśokasamāviṣṭaṃ rogāyatanamāturam |
rajasvalamanityaṃ ca bhūtāvāsamimaṃ tyajet || 47 ||

māṃsāsṛkpūyaviṇmūtrasnāyumajjāsthisaṃhatau |
dehe cet prītimānmūḍho bhavitā narake'pi saḥ || 48 ||

sā kālasūtrapadavī sā mahāvīcivāgurā |
sāsipatravanaśreṇī yā dehe'hamiti sthitiḥ || 49 ||

sā tyājyā sarvayatnena sarvanāśe'pyupasthite |
spraṣṭavyā sā na bhavyena saśvamāṃseva pulkasī || 50 ||

priyeṣu sveṣu sukṛtamapriyeṣu ca duṣkṛtam |
visṛjya dhyānayogena brahmāpyeti sanātanam || 51 ||

anena vidhinā sarvāṃstyaktvā saṅgāñchanaiḥśanaiḥ |
sarvadvandvairvinirmukto brahmaṇyevāvatiṣṭhate || 52 ||

eka eva carennityaṃ siddhyarthamasahāyakaḥ |
siddhimekasya paśyan hi na jahāti na hīyate || 53 ||

parivrājakadharmānupanyasyati- kāma ityādinā | nirmamo bhavet 
svadehatadanyatra nāhaṃmamābhimānī bhavedityarthaḥ | muniḥ mananaśilaḥ | 
indriyairindriyārthasparśāsparśābhyāṃ bandhamokṣau bhavata ityāha- 
indriyāṇāmiti | kāmopabhogataḥ 

p. 71)

kāmaśāntiḥ syādityata āha- neti | evaṃ cet jitendriyatvaṃ kathamityata āha##-
samyaggupte tanubhāvaṃ gate | yatiḥ saṃmānamanādṛtyāvamānameva 
kāṅkṣedityāha- saṃmānāditi | kiṃca ativādān parakṛtādhikṣepān titikṣet | 
nāvamanyeta kaṃcana svātmadhiyā | sapta vai śīrṣaṇyāḥ prāṇāḥ iti 
saptadvārāvakīrṇāṃ ca na vācamanṛtāṃ vadet | saptamadvārabhūtāṃ sadā 
adhyātmaratiḥ | kiṃca indriyāṇāmiti | svādhiṣṭhitadeharūḍhāmahaṃdhiyaṃ 
svānarthakarīmutsṛjya brahmātmani buddhiṃ kuryādityāha- asthīti | 
śuklaśoṇitayogajaṃ rajasvalam | bhūtāvāsābhimatau doṣaṃ viśinaṣṭi- 
māṃseti | dehagatāhaṃmatimahaṃbrahmāsmīti brahmaṇyeva kuryādityarthaḥ | 
evaṃ brahmānusaṃdhānaparasyāpi śarīrayogaprabhavasukṛtaduṣkṛta##-
brahmāptipratibandhakasukṛtaduṣkṛtayoḥ priyāpriyajanāpahṛtatvādayaṃ 
niṣpratiyogikaṃ brahma svamātradhiyaitītyarthaḥ | priyāpriyeṣvapi aneneti || 33##-

yaticaryā tatphalaṃ ca 

kapālaṃ vṛkṣamūlāni kucelājyasahāyatā |
samatā caiva sarvasminnetanmuktasya lakṣaṇam || 54 ||

sarvabhūtahitaḥ śāntastridaṇḍī sakamaṇḍaluḥ |
ekārāmaḥ parivrajya bhikṣārthaṃ grāmamāviśet || 55 ||

eko bhikṣuryathoktaḥ syād dvāveva mithunaṃ smṛtam |
trayo grāmaḥ samākhyāta ūrdhvaṃ tu nagarāyate || 56 ||

nagaraṃ na hi kartavyaṃ grāmaṃ vā mithunaṃ tathā |
etattrayaṃ prakurvāṇaḥ svadharmāccyavate yatiḥ || 57 ||

rājavārttādi teṣāṃ syādbhikṣāvartā parasparam |
snehapaiśunyamātsaryaṃ saṃnikarṣānna saṃśayaḥ || 58 ||

p. 72)

ekākī niḥspṛhastiṣṭhenna hi kena sahālapet |
dadyānnārāyaṇetyeva prativākyaṃ sadā yatiḥ || 59 ||

ekākī cintayed brahma manovākkāyakarmabhiḥ |
mṛtyuṃ ca nābhinandeta jīvitaṃ vā kathaṃcana || 60 ||

kālameva pratīkṣeta yāvadāyuḥ samāpyate |
nābhinandeta maraṇaṃ nābhinandeta jīvitam ||
kālamekaṃ pratīkṣeta nideśaṃ bhṛtako yathā || 61 ||

ajihvaḥ paṇḍakaḥ paṅgurandho badhira eva ca |
mugdhaśca mucyate bhikṣuḥ ṣaḍbhiretairna saṃśayaḥ || 62 ||

punaryaticaryāṃ tatphalaṃ cācaṣṭe- kapālamityādinā | yena 
vākkāyamanāṃsi daṇḍyante maunasvalpāśanaprāṇāyāmopāyata iti sa tridaṇḍī 
mahāyatiḥ |

vāgdaṇḍaḥ kāyadaṇḍaśca manodaṇḍaśca te trayaḥ |
yasyaite niyatā daṇḍāḥ sa tridaṇḍī mahāyatiḥ ||

iti śruteḥ | ekabrahmāvaśeṣeṇa sarvatra ramata iti ekārāmaḥ | kathaṃ tat 
rājavārtādīti | yasmādevaṃ tasmāt ekākīti | ekākinā kiṃ kartavyamityata āha- 
ekākī cintayediti | ajihvādivṛttimān yatiḥ svātiriktabhramato vimucyata ityāha##-

ajihvādīnāṃ lakṣaṇam 

idaṃ mṛṣṭamidaṃ neti yo'śnannapi na sajjati |
hitaṃ satyaṃ mitaṃ vakti tamajihvaṃ pracakṣate || 63 ||

adya jātāṃ yathā nārīṃ tathā ṣoḍaśavārṣikīm |
śatavarṣāṃ ca yo dṛṣṭvā nirvikāraḥ sa paṇḍakaḥ || 64 ||

p. 73)

bhikṣārthamaṭanaṃ yasya viṇmūtrakaraṇāya ca |
yojanānna paraṃ yāti sarvathā paṅgureva saḥ || 65 ||

tiṣṭhato vrajato vāpi yasya cakṣurna dūragam |
caturyugāṃ bhuvaṃ muktvā parivrāṭ so'ndha ucyate || 66 ||

hitāhitaṃ manorāmaṃ vacaḥ śokāvahaṃ ca yat |
śrutvāpi na śṛṇotīva badhiraḥ sa prakīrtitaḥ || 67 ||

sāṃnidhye viṣayāṇāṃ yaḥ samartho'vikalendriyaḥ |
suptavadvartate nityaṃ sa bhikṣurmugdha ucyate || 68 ||

sūtrabhūtaṃ vākyaṃ śrutireva krameṇa vyācaṣṭe | tatrājihvāśabdārthamāha ##-
bhikṣārthamiti | andhaśabdārthamāha- tiṣṭhata iti | badhiraśabdaṃ 
vyācaṣṭe- hiteti | mugdhaśabdārthaṃ viśadayati- sānnidhya iti || 63##-

yatīnāṃ varjanīyāni

naṭādiprekṣaṇaṃ dyūtaṃ pramadāsuhṛdaṃ tathā |
bhakṣyaṃ bhojyamudakyāṃ ca ṣaṇna paśyet kadācana || 69 ||

rāgaṃ dveṣaṃ madaṃ māyāṃ drohaṃ mohaṃ parātmasu |
ṣaḍetāni yatirnityaṃ manasāpi na cintayet || 70 ||

mañcakaṃ śuklavastraṃ ca strīkathā laulyameva ca |
divā svāpaṃ ca yānaṃ ca yatīnāṃ pātakāni ṣaṭ || 71 ||

dūrayātrāṃ prayatnena varjayedātmacintakaḥ |

yatibhiḥ yadyat tyājyaṃ tadekadeśaṃ pradarśayati- naṭādītyādinā || 69##-

p. 74)

yatibhiḥ anuṣṭheyāni

sadopaniṣadaṃ vidyāmabhyasenmuktihaitukīm || 72 ||

na tīrthasevī nityaṃ syānnopavāsaparo yatiḥ |
na cādhyayanaśīlaḥ syānna vyākhyānaparo bhavet || 73 ||

apāpamaśaṭhaṃ vṛttamajihvaṃ nityamācaret |
indriyāṇi samāhṛtya kūrmo'ṅgānīva sarvaśaḥ || 74 ||

kṣīṇendriyamanovṛttirnirāśīrnipparigrahaḥ |
nirdvandvo nirnamaskāro niḥsvadhākāra eva ca || 75 ||

nirmamo nirahaṃkāro nirapekṣo nirāśiṣaḥ |
viviktadeśasaṃsakto mucyate nātra saṃśayaḥ || 76 ||

iti ||

yadanuṣṭheyaṃ tadāh- sadeti | apāpaṃ pāpapuṇyatatphalavimukham aśaṭhaṃ 
sādhujanasevyabrahmagocaram | ajihvaṃ maunamityarthaḥ | iti śabdo 
mantraparisamāptyarthaḥ || 72-76 ||

āśramānusāreṇa pārivrājyam 

apramattaḥ karmabhaktijñānasaṃpannaḥ svatantro vairāgyametya brahmacārī 
gṛhī vānaprastho vā mukhyavṛttikā ced brahmacaryaṃ samāpya gṛhī bhaved 
gṛhādvanī bhūtvā pravrajet | yadi vetarathā brahmacaryādeva pravrajed 
gṛhādvā vanādvā | atha punaravratī vā vratī vā snātako vāsnātako 
votsannāgniranagniko vā yadahareva virajet tadahareva pravrajet | taddhaike 
prājāpatyāmeveṣṭiṃ 

p. 75)

kurvanti | athavā na kuryāt | āgneyyāmeva kuryāt | agnirhi prāṇaḥ | 
prāṇamevaitayā karoti | tasmāt traidhātavīyāmeva kuryāt | eta eva trayo dhātavo 
yaduta sattvaṃ rajastama iti || 77 |

ayaṃ te yonir-ṛtviyo yato jāto arocathāḥ |
taṃ jānannagna ārohāthā no vardhayā rayim || 

ityanena mantreṇāgnimājighret | eṣa vā agneryoniryaḥ prāṇaḥ prāṇaṃ gaccha 
svāṃ yoniṃ gaccha svāhetyevamevaitadāha | āhavanīyādagnimāhṛtya 
pūrvavadagnimājighret | yadagniṃ na vindedapsu juhuyāt | āpo vai sarvā devatāḥ 
sarvābhyo devatābhyo juhomi svāheti hutvoddhṛtya tadudakaṃ prāśnīyāt sājyaṃ 
haviranāmayaṃ mokṣadamiti | śikhāṃ yajñopavītaṃ pitaraṃ putraṃ kalatraṃ 
karma cādhyayanaṃ mantrāntaraṃ visṛjyaiva parivrajatyātmavit | 
mokṣamantraistraidhātavīyairvindet | tad brahma tadupāsitavyam | evamevaitaditi || 78 ||

yathoktalakṣitavṛttyāderyadahareva vāntāśanamūtrapurīṣādivat 
svātiriktaprapañcaviratirudeti tadā tadahareva pravrajet yadi viratirmandā 
tadāśramakramānusāreṇa parivrajedityāha- apramatta iti | yadi 
svāttāśramaparigrahe mandaviraktyā tatra mukhyavṛttikā cet brahmacaryaṃ 
samāpya gṛhī bhavet | yadi vā itarathā tīvrataraviratirudeti tadā brahmacaryādeva 
pravrajet | virajet tīrvataravirāgī syāt | yasmādevaṃ tasmāt | brahmacaryaṃ samāpya 
ityārabhya tad brahma tadupāsitavyam ityantaṃ jābālopaniṣadi caturthakhaṇḍe 
janakayājñavalkyasaṃvāde prāyaśaḥ pratipadaṃ vyākhyātam || 77- 78 ||

p. 76)

yatereva mukhyaṃ brāhmaṇyam 

pitāmahaṃ punaḥ papraccha nāradaḥ | kathamayajñopavītī brāhmaṇa iti | tamāha 
pitāmahaḥ || 79 ||

saśikhaṃ vapanaṃ kṛtvā bahiḥsūtraṃ tyajed budhaḥ |
yadakṣaraṃ paraṃ brahma tat sūtramiti dhārayet || 80 ||

sūcanāt sūtramityāhuḥ sūtraṃ nāma paraṃ padam |
tat sūtraṃ viditaṃ yena sa vipro vedapāragaḥ || 81 ||

yena sarvamidaṃ protaṃ sūtre manigaṇā iva |
tat sūtraṃ dhārayedyogī yogavittattvadarśanaḥ || 82 ||

bahiḥsūtraṃ tyajedvidvān yogamuttamamāsthitaḥ |
brahmabhāvamidaṃ sūtraṃ dhārayedyaḥ sa cetanaḥ |
dhāraṇāt tasya sūtrasya nocchiṣṭo nāśucirbhavet || 83 ||

sūtramantargataṃ yeṣāṃ jñānayajñopavītinām |
te vai sūtravido loke te ca yajñopavītinaḥ || 84 ||

jñānaśikhino jñānaniṣṭhā jñānayajñopavītinaḥ |
jñānameva paraṃ teṣāṃ pavitraṃ jñānamucyate || 85 ||

agneriva śikhā nānyā yasya jñānamayī śikhā |
sa śikhītyucyate vidvān netare keśadhāriṇaḥ || 86 ||

karmaṇyadhikṛtā ye tu vaidike brāhmaṇādayaḥ |
tebhirdhāryamidaṃ sūtraṃ kriyāṅgaṃ taddhi vai smṛtam || 87 ||

p. 77)

śikhā jñānamayī yasya upavītaṃ ca tanmayam |
brāhmaṇyaṃ sakalaṃ tasya iti brahmavido viduḥ || 88 ||

iti ||

saṃnyāsasya śikhāyajñopavītatyāgapūrvakatvāt kathamayaṃ 
brāhmaṇapadamarhatīti nāradaḥ pitāmahaṃ pṛcchatītyāha śrutiḥ- 
pitāmahamiti | tamāha pitāmahaḥ | kimiti- saśikhamiti saśikham ityādi 
brahmavido viduḥ ityantaṃ brahmopaniṣadi padaśo vyākhyātam || 79-88 ||

paramahaṃsasya avadhūtāśramasya vā parigrahaḥ 

tadetadvijñāya brāhmaṇaḥ parivrajya parivrāḍekaśāṭī muṇḍo'parigrahaḥ 
śarīrakleśāsahiṣṇuścet | athavā yathāvidhiścejjātarūpadharo bhūtvā 
svaputramitrakalatrāptabandhvādīni svādhyāyaṃ satkarmāṇi saṃnyasyāyaṃ 
brahmāṇḍaṃ ca sarvaṃ kaupīnaṃ daṇḍamācchādanaṃ ca tyaktvā 
dvandvasahiṣṇurna śītaṃ na coṣṇaṃ na sukhaṃ na duḥkhaṃ na nidrā na 
mānāvamāne ca ṣaḍūrmivarjitaḥ nindāhaṃkāramatsaragarvadambherpyā##-
śavākāramiva smṛtvā svavyatiriktamantarbahiramanyamānaḥ kasyāpi 
vandanamakṛtvā na svāhākāro na svadhākāro na nindāstutiryādṛcchiko bhavet 
| yadṛcchālābhasaṃtuṣṭaḥ suvarṇādīnna parigrahet | nāvāhanaṃ na visarjanaṃ 
na mantraṃ nāmantraṃ na dhyānaṃ nopāsanaṃ na lakṣyaṃ na pṛthaṅ 
nāpṛthaṅ na tvanyatra aniketaḥ sthiramatiḥ śūnyāgāravṛkṣamūladeva##-
-kandaranirjharasthaṇḍileṣu

p. 78)

vane vā śvetaketu-ṛbhunidāgha-ṛṣabhadurvāsaḥ 
saṃvartakadattātreyaraivatakavadavyaktaliṅgo'vyaktācāro 
bālonmattapiśācavadanunmattonmattavadācaraṃstridaṇḍaṃ śikyaṃ pātraṃ 
kamaṇḍaluṃ kaṭisūtraṃ kaupīnaṃ ca tatsarvaṃ bhūḥ svāhetyapsu parityajya || 89 ||

kaṭisūtraṃ ca kaupīnaṃ daṇḍaṃ vastraṃ kamaṇḍalum |
sarvamapsu visṛjyātha jātarūpadharaścaret || 90 ||

ātmānamanvicchet | yathājātarūpadharo nirdvandvo niṣparigrahastattvabrahma##-
yathoktakāle karapātreṇānyena vāyācitāhāramāharan lābhālābhau samau bhūtvā 
nirmamaḥ śukladhyānaparāyaṇo'dhyātmaniṣṭhaḥ 
śubhāśubhakarmanirmūlanaparaḥ saṃnyasya pūrṇānandaikabodhastadbrahmā##-
śarīratrayamutsṛjya saṃnyāsenaiva dehatyāgaṃ karoti | sa kṛtakṛtyo bhavati | 
ityupaniṣat || 91 ||

yatereva mukhyaṃ brāhmaṇyaṃ viditvā parivrajya pāramahaṃsyamavadhūtā##-
śravaṇādisatkarmāṇi | śītoṣṇādidvandvasahiṣṇuḥ | aśanāyādiḥ ṣaḍūrmiḥ | 
svayamevāntaramabāhyaṃ brahmeti bhāvanayā svavyatiriktamantarbahiramanya##-
yādṛcchiko bhavet svātantryeṇaikāki saṃcaredityarthaḥ | 
yadṛcchālābhasaṃtuṣṭaḥ svaprayojanābhāvāt | na mantraṃ nāmantram 
prathamārthe dvitīyā | svātirekeṇāvāhanavisarjanamantrāmantradhyānopāsana##-
sthiramatiḥ | avadhūtasya kṛtakṛtyatvena 
śravaṇādikartavyābhāvādaniketasthira-matitvaṃ yujyata

p. 79)

ityarthaḥ | teṣāṃ nivāsasthalamāha- śūnyeti | praśastāvadhūtapūganāma 
nirdiśati- śvetaketviti | yaḥ ko'pyavyaktaliṅgaḥ askhalitasvasvarūpānu##-
tadā tridaṇḍamiti | yadi paramahaṃsastadā kaṭisūtraṃ ceti | tataḥ kim? 
ityatra- ātmamātramidaṃ sarvamātmano'nyanna kiṃcana iti śrutyanurodhena 
ātmānamanvicchet | tattvabrahmamārge tatprāpakajñānavartmani | 
karapātreṇānyena vā āsyāhāreṇetyarthaḥ | ayācitāhāramāharan tatrāpi 
lābhālābhau samau bhūtvā nirmamaḥ | śuklatejomayaṃ brahma iti 
śrutyanurodhena śukladhyānaparāyaṇo'dhyātmaniṣṭhaḥ svātiriktaprapañcani##-
saṃnyasya pūrṇānandaikabodhaḥ 
yajjāgrajjāgradādicatuṣpañcadaśakalanāpahnava-siddhaṃ 
tadbrahmāhamasmīti brahmapraṇavamanusmaran bhramarakīṭanyāyena 
śarīratrayatannirūpitātmātmīyābhimatimutsṛjya yaḥ svātiriktāstitvabhrama##-
ityupaniṣacchabdaḥ tṛtīyopadeśasamāptyarthaḥ || 89-91 ||

iti tṛtīyopadeśaḥ 

caturthopadeśaḥ 

yatidharmāṇāṃ tatphalasya copanyāsaḥ 

tyaktvā lokāṃśca vedāṃśca viṣayāṇīndriyāṇi ca |
ātmanyeva sthito yastu sa yāti paramāṃ gatim || 1 ||

nāmagotrādivaraṇaṃ deśaṃ kālaṃ śrutaṃ kulam |
vayo vṛttaṃ vrataṃ śīlaṃ khyāpayennaiva sadyatiḥ || 2 ||

p. 80)

na saṃbhāṣet striyaṃ kāṃcit pūrvadṛṣṭāṃ ca na smaret |
kathāṃ ca varjayettāsāṃ na paśyellikhitāmapi || 3 ||

etaccatuṣṭayaṃ mohāt strīṇāmācarato yateḥ |
cittaṃ vikriyate'vaśyaṃ tadvikārāt praṇaśyati || 4 ||

tṛṣṇā krodho'nṛtaṃ māyā lobhamohau priyāpriye |
śilpaṃ vyākhyānayogaśca kāmo rāgaḥ parigrahaḥ || 5 ||

ahaṃkāro mamatvaṃ ca cikitsā dharmasāhasam |
prāyaścittaṃ pravāsaśca mantrauṣadhagarāśiṣaḥ |
pratiṣiddhāni caitāni sevamāno vrajedadhaḥ || 6 ||

āgaccha gaccha tiṣṭheti svāgataṃ suhṛdo'pi vā |
saṃmānanaṃ ca na brūyānmunirmokṣaparāyaṇaḥ || 7 ||

pratigrahaṃ na gṛhṇīyānnaiva cānyaṃ pradāpayet |
prerayedvā tathā bhikṣuḥ svapne'pi na kadācana || 8 ||

jāyābhrātṛsutādīnāṃ bandhūnāṃ ca śubhāśubham |
śrutvā dṛṣṭvā na kampet śokamohau tyajedyatiḥ || 9 ||

ahiṃsā satyamasteyabrahmacaryāparigrahāḥ |
anauddhatyamadīnatvaṃ prasādaḥ sthairyamārjavam || 10 ||

asneho guruśuśrūṣā śraddhā kṣāntirdamaḥ śamaḥ |
upekṣā dhairyamādhurye titikṣā karuṇā tathā || 11 ||

hrīstathā jñānavijñāne yogo laghvaśanaṃ dhṛtiḥ |
eṣa svadharmo vikhyāto yatīnāṃ niyatātmanām || 12 ||

p. 81)

nirdvandvo nityasattvasthaḥ sarvatra samadarśanaḥ |
turīyaḥ paramo haṃsaḥ sākṣānnārāyaṇo yatiḥ || 13 ||

ekarātraṃ vased grāme nagare pañcarātrakam |
varṣābhyo'nyatra varṣāsu māsāṃśca caturo vaset || 14 ||

dvirātraṃ na vased grāme bhikṣuryadi vasettadā |
rāgādayaḥ prasajyeraṃstenāsau nārakī bhavet || 15 ||

grāmānte nirjane deśe niyatātmāniketanaḥ |
paryaṭet kīṭavad bhūmau varṣāsvekatra saṃvaset || 16 ||

ekavāsā avāsā vā ekadṛṣṭiralolupaḥ |
adūṣayan satāṃ mārgaṃ dhyānayukto mahīṃ caret || 17 ||

śucau deśe sadā bhikṣuḥ svadharmamanupālayan |
paryaṭeta sadā yogī vīkṣayan vasudhātalam || 18 ||

na rātrau na ca madhyāhne saṃdhyayornaiva paryaṭan |
na śūnye na ca durge vā prāṇibādhākare na ca || 19 ||

ekarātraṃ vased grāme pattane tu dinatrayam |
pure dinadvayaṃ bhikṣurnagare pañcarātrakam ||
varṣāsvekatra tiṣṭheta sthāne puṇyajalāvṛte || 20 ||

ātmavat sarvabhūtāni paśyan bhikṣuścarenmahīm |
andhavajjaḍavaccaiva badhironmattamūkavat || 21 ||

snānaṃ triṣavaṇaṃ proktaṃ bahūdakavanasthayoḥ |
haṃse tu sakṛdeva syāt parahaṃse na vidyate || 22 ||

p. 82)

maunaṃ yogāsanaṃ yogastitikṣaikāntaśīlatā |
niḥspṛhatvaṃ samatvaṃ ca saptaitānyekadaṇḍinām || 23 ||

parahaṃsāśramastho hi snānāderavidhānataḥ |
aśeṣacittavṛttīnāṃ tyāgaṃ kevalamācaret || 24 ||

tvaṅmāṃsarudhirasnāyumajjāmedo'sthisaṃhatau |
viṇmūtrapūye ramatāṃ krimīṇāṃ kiyadantaram || 25 ||

kva śarīramaśeṣāṇāṃ śleṣmādīnāṃ mahācayaḥ |
kva cāṅgaśobhāsaubhāgyakamanīyādayo guṇāḥ || 26 ||

māṃsāsṛkpūyaviṇmūtrasnāyumajjāsthisaṃhatau |
dehe cet prītimān mūḍho bhavitā narake'pi saḥ || 27 ||

strīṇāmavācyadeśasya klinnanāḍīvraṇasya ca |
abhede'pi manobhedājjanaḥ prāyeṇa vañcyate || 28 ||

carmakhaṇḍaṃ dvidhā bhinnamapānodgāradhūpitam |
ye ramanti namastebhyaḥ sāhasaṃ kimataḥ param || 29 ||

na tasya vidyate kāryaṃ na liṅgaṃ vā vipaścitaḥ |
nirmamo nirbhayaḥ śānto nirdvandvo'varṇabhojanaḥ || 30 ||

muniḥ kaupīnavāsāḥ syānnago vā dhyānatatparaḥ |
evaṃ jñānaparo yogī brahmabhūyāya kalpate || 31 ||

liṅge satyapi khalvasmin jñānameva hi kāraṇam |
nirmokṣāyeha bhūtānāṃ liṅgagrāmo nirarthakaḥ || 32 ||

p. 83)

yaṃ na santaṃ na cāsantaṃ nāśrutaṃ na bahuśrutam |
na suvṛttaṃ na durvṛttaṃ veda kaścit sa brāhmaṇaḥ || 33 ||

tasmādaliṅgo dharmajño brahmavratamanuvratam |
gūḍhadharmāśrito vidvānajñānacaritaṃ caret || 34 ||

saṃdigdhaḥ sarvabhūtānāṃ varṇāśramavivarjitaḥ |
andhavajjaḍavaccāpi mūkavacca mahīṃ caret || 35 ||

taṃ dṛṣṭvā śāntamanasaṃ spṛhayanti divaukasaḥ |
liṅgābhāvāttu kaivalyamiti brahmānuśāsanam || 36 ||

iti ||

brahmātiriktāstitāhetudharmapūgatyāgapūrvakaṃ brahmamātrasiddhitāhetu##-
ityantena | kadācit kenacidapi svasya nāmagotrādivaraṇam | svapatanahetubhūtaṃ 
rāgataḥ strīsaṃbhāṣaṇasmaraṇatatkathālāpacitrasthavanitādarśanādikaṃ yatinā 
tyājyamityāha- neti | kiṃca idaṃ me syāt idaṃ mā bhūt iti tṛṣṇā | māyā 
paravañcanā | anātmaśāstravyākhyānayogaśca | ārāmālayādi##-
svanikaṭamāgatam āgaccheti | kadāpi pratigrahaṃ na gṛhṇīyāt | yadi kadācit 
jāyādīnāṃ śubhāśubhaṃ śrutvā dṛṣṭvā na kampet | tadviṣayakaśokamohau 
tyajedyatiḥ | yateḥ svadharmamāha- ahiṃseti | kṣāntiḥ sahanam | yadṛcchayā 
laghvaśanam | evaṃ dharmapūgasaṃskṛto yogī nārāyaṇo bhavatītyāha- 
nirdvandva iti | yadi śravaṇadhyānādivyāpṛtyuparatastadā ekarātramiti | 
grāmaikarātrasthitāvapi grāmānta iti | paramahaṃso'vadhūto vā 
yathecchācaraṇataḥ sanmārgadūṣaṇaṃ na kuryāt ityāha- ekavāsā iti | 
alolupaḥ sarvatra laulyavarjitaḥ | prāṇyahiṃsārthaṃ vīkṣayanniti | 
saṃcārapratiṣedha-kāladeśāvāha- neti | śūnye nirmānuṣye | grāmādau 
vāsakālamāha- ekarātramiti | cāturmāsyānantaram ātmavaditi | yathā 
andhādiḥ rūpādibhedaṃ na paśyati tathetyarthaḥ | vanyādīnāṃ 

p. 84)

snānaniyamamāha- snānamiti | paramahaṃsasevanīyadhrmaḥ ka ityatra- 
maunamityādi | vāgādikaraṇavyāpṛtirāhityameva maunam | yogānukūla##-
parahaṃseti | snānaṃ manomalatyāgaḥ iti śruteḥ | deharateḥ kṛmisāmyamāha##-
strīṇāmiti | liṅgādyapekṣayā jñānasya prādhānyaṃ viduṣaḥ kṛtakṛtyatāṃ 
cāha- na tasyeti | brahmamātradṛṣṭeḥ 
brāhmaṇādivarṇāśramabhedānupalambhāt abhiśastapatitavarjanapūrvakaṃ 
sarvavarṇeṣu bhaikṣācaraṇaṃ kuryāt iti ca śruteḥ | aliṅgasya 
brāhmaṇatvamācaṣṭe- yamiti | kaścillokaḥ yaṃ muniṃ sattvenāsattvena 
vidvattvenāvidvattvena suvṛttatvena durvṛttatvena vā na veda | evaṃ 
vedanaliṅgadarśanāt sa brāhmaṇaḥ | yadvā yaḥ kaścit yogī yamātmānaṃ 
dehatrayātmanā santaṃ pratyagrūpeṇa na cāsantaṃ svājñādidṛṣṭayā kadāpi 
nāśrutaṃ na bahu śrutaṃ vṛttaprakaṭanahetvantaḥkaraṇābhāvānna suvṛttaṃ 
na durvṛttaṃ tatsarvāpahnavasiddhaniṣpratiyogikasvamātradhiyā veda sa muniḥ 
vedanasamakālaṃ brāhmaṇo brahmavidvariṣṭho brahmaiva bhavatītyarthaḥ | tathā ca 
śrutiḥ - ya evaṃ nirbījaṃ veda nirbīja eva sa bhavati |

darśanādarśane hitvā svayaṃ kevalarūpataḥ |
ya āste kapiśārdūla brahma na brahmavit svayam ||

iti ||

yasmāt aliṅgasyāvadhūtasvātiriktaprapañcadṛṣṭeḥ brāhmaṇatvamabhihitaṃ 
tasmāt | taṃ dṛṣṭvā svātiriktakalanāśāntamanasaṃ tadā kadā bhaviṣyāma iti 
spṛhayanti divaukasaḥ | svātiriktāstitvaliṅgaṃ yadā na pratibhāti tadaiva 
kaivalyamiti brahmā nāradamanuśāstītyarthaḥ || 1-36 ||

kramasaṃnyāsavidhinirūpaṇam 

atha nāradaḥ pitāmahaṃ saṃnyāsavidhiṃ no brūhīti papraccha | 
pitāmahastathetyaṅgīkṛtyāture vā krame vāpi turīyāśramasvīkārārthaṃ 

p. 85)

kṛcchraprāyaścittapūrvakamaṣṭaśrāddhaṃ kuryāt 
devarṣidivyamanuṣyabhūta-pītṛmātrātmetyaṣṭa śrāddhāni kuryāt | 
prathamaṃ satyavasusaṃjñakān viśvān devān devaśrāddhe 
brahmaviṣṇumaheśvarān ṛṣiśrāddhe devarṣi-kṣatriyarṣimanuṣyarṣīn 
divyaśrāddhe vasurudrādityarūpān manuṣyaśrāddhe 
sanakasanandanasanatkumārasanatsujātān bhūtaśrāddhe pṛthivyādipañca##-
pitṛpitāmahaprapitāmahān mātuḥ śrāddhe mātṛpitāmahīprapitāmahīḥ 
ātmaśrāddhe ātmapitṛpitāmahān jīvatpitṛkaścet pitaraṃ tyaktvā 
ātmapitāmahaprapitāmahāniti | sarvatra yugmakḷptyā brāhmaṇānarcayet | 
ekādhvarapakṣe'ṣṭādhvarapakṣe vā svaśākhānugatamantrairaṣṭa 
śrāddhānyaṣṭadineṣu vā ekadine vā pitṛyāgoktavidhānena 
brāhmaṇānabhyarcya bhuktyantaṃ yathāvidhi nirvartya piṇḍapradānāni nirvartya 
dakṣiṇātāmbūlaistoṣayitvā brāhmaṇān preṣayitvā śeṣakarmasiddhyarthaṃ sapta 
keśān visṛjya śeṣakarmasiddhyarthaṃ śān saptāṣṭa vā dvijaḥ saṃkṣipya 
vāpayet keśaśmaśrunakhāni ceti sapta keśān saṃrakṣya kakṣopasthavarjaṃ 
kṣaurapūrvakaṃ snātvā sāyaṃ saṃdhyāvandanaṃ nirvartya sahasragāyatrīṃ 
japtvā brahmayajñaṃ nirvartya svādhīnāgnimupasthāpya svaśākhopa##-
āhutividhiṃ samāpya ātmādibhistrivāraṃ saktuprāśanaṃ kṛtvā 
ācamanapūrvakamagniṃ saṃrakṣya svayamagneruttarataḥ kṛṣṇājinopari sthitvā 
purāṇaśravaṇapūrvakaṃ jāgaraṇaṃ kṛtvā caturthayāmānte snātvā tadagnau 
caruṃ śrapayitvā puruṣasūktenānnaṃ ṣoḍaśāhutīrhutvā virajāhomaṃ 

p. 86)

kṛtvā athācamya sadakṣiṇaṃ vastraṃ suvarṇaṃ pātraṃ dhenuṃ dattvā samāpya 
brahmodvāsanaṃ kṛtvā

saṃ mā siñcantu marutaḥ samindraḥ saṃ bṛhaspatiḥ |
saṃ māyamagniḥ siñcatvāyuṣā ca dhanena ca balena cāyuṣmantaṃ karotu mā ||

iti 

yā te agne yajñiyā tanūstayehyārohātmātmānam |
acchā vasūni kṛṇvannasme naryā purūṇi ||

yajño bhūtvā yajñamāsīda svāṃ yonim |
jātavedo bhuva ājāyamānaḥ sakṣaya ehi ||

ityanenāgnimātmanyāropya dhyātvāgniṃ pradakṣiṇanamaskārapūrvaka##-
kṛtvā nābhidaghnodakamupaviśya aṣṭadikpālakārghyapūrvakaṃ 
gāyatryudvāsanaṃ kṛtvā sāvitrīṃ vyāhṛtiṣu praveśayitvā ahaṃ vṛkṣasya 
rerivā | kīrtiḥ pṛṣṭhaṃ gireriva | ūrdhvapavitro vājinīva svamṛtamasmi | 
draviṇaṃ savarcasam | sumedhā amṛto'kṣitaḥ | iti triśaṅkorvedānuvacanam 
yaśchandasāmṛṣabho viśvarūpaḥ | chandobhyo'dhyamṛtāt saṃbabhūva | sa 
mendro medhayā spṛṇotu | amṛtasya deva dhāraṇo bhūyāsam | śarīraṃ me 
vicarṣaṇam | jihvā me madhumattamā | karṇābhyāṃ bhūri viśravam | brahmaṇaḥ 
kośo'si medhayāpihitaḥ | śrutaṃ me gopāya |

p. 87)

dāreṣaṇāyāśca dhaneṣaṇāyāśca lokeṣaṇāyāśca vyutthito'ham oṃ bhūḥ 
saṃnyastaṃ mayā oṃ bhuvaḥ saṃnyastaṃ mayā oṃ suvaḥ saṃnyastaṃ mayā oṃ 
bhūrbhuvaḥsuvaḥ saṃnyastaṃ mayā iti mandramadhyatāradhvanibhirmanasā 
vācoccārya abhayaṃ sarvabūtebhyo mattaḥ sarvaṃ pravartate svāhā ityanena jalaṃ 
prāśya prācyāṃ diśi pūrṇāñjaliṃ prakṣipya oṃ svāhā iti śikhāmutpāṭya

yajñopavītaṃ paramaṃ pavitraṃ prajāpateryat sahajaṃ purastāt |
āyuṣyamagryaṃ pratimuñca śubhraṃ yajñopavītaṃ balamastu tejaḥ ||

yajñopavītaṃ bahirna nivaset tvamantaḥ praviśya madhye hyajasram |
paramaṃ pavitraṃ yaśo balaṃ jñānavairāgyaṃ medhāṃ prayaccha ||

iti yajñopaītaṃ chitvā udakāñjalinā saha oṃ bhūḥ samudraṃ gaccha svāhā 
ityapsu juhuyāt | oṃ bhūḥ saṃnyastaṃ mayā oṃ bhuvaḥ saṃnyastaṃ mayā oṃ 
suvaḥ saṃnyastaṃ mayā iti triruktvā trivāramabhimantrya tajjalaṃ prāśyācamya 
oṃ bhūḥ svāhā ityapsu vastraṃ kaṭisūtramapi visṛjya sarvakarmanivartako'hamiti 
smṛtvā jātarūpadharo bhūtvā svarūpānusaṃdhānapūrvakamūrdhvabāhurudīcīṃ 
gacchet || 37 ||

pūrvavadvidvatsaṃnyāsī cet guroḥ praṇavamahāvākyopadeśaṃ prāpya 
yathāsukhaṃ viharan mattaḥ kaścinnānyo vyatirikta iti phalapatrodakāhāraḥ 
parvatavanadevatālayeṣu saṃcaret | saṃnyasyātha digambaraḥ sakalasaṃcārakaṃ

p. 88)

sarvadānandasvānubhavaikapūrṇahṛdayaḥ karmātidūralābhaḥ prāṇadhāraṇa##-
smaraṃstārakam || 38 ||

vividiṣāsaṃnyāsī cecchatapathaṃ gatvācāryādibhirvipraiḥ tiṣṭha tiṣṭha 
mahābhāga daṇḍaṃ vastraṃ kamaṇḍuluṃ gṛhāṇa praṇavamahāvākya##-
śāṭīmekāṃ kamaṇḍaluṃ pādādimastakapramāṇamavraṇaṃ samaṃ 
saumyamakākapṛṣṭhaṃ salakṣaṇaṃ vaiṇavadaṇḍamekamācanapūrvakam sakhā 
mā gopāyaujaḥ sakhā yo'sīndrasya vajro'si vārtraghnaḥ śarma me bhava yat pāpaṃ 
tannivāraya iti daṇḍaṃ parigrahet | jagajjīvanaṃ jīvanādhārabhūtaṃ māte mā 
mantrayasva sarvadā sarvasaumya iti praṇavapūrvakaṃ kamaṇḍaluṃ parigṛhya 
kaupīnādhāraṃ kaṭisūtramom iti guhyācchādakaṃ kaupīnamom iti 
śītavātoṣṇatrāṇakaraṃ dehaikarakṣaṇaṃ vastramom iti kaṭisūtrakaupīna##-
svāśramācāraparo bhavet | ityupaniṣat || 39 ||

brahmaṇaivamanuśāsito nāradaḥ kramasaṃnyāsavidhibubhutsayā pitāmahaṃ 
pṛcchatītyāha- atheti | pitāmahastu nāradapraśnamaṅgīkṛtya 
prativacanamāha- tatheti | 
prājāpatyādikṛcchraprāyaścittapūrvakamaṣṭaśrāddhaṃ kuryāt | aṣṭa 
śrāddhāni kāni? ityatra- devarṣīti | devādiśrāddhe 
viśvedevādivaraṇakrama-māha- prathamamiti | 
sāyaṃsandhyādiśeṣakarmasiddhyartham | vakṣyamāṇa-mantradvayena 
prakṛtāgnyātmasamāropaṇaṃ kuryādityāha- saṃ mā siñcantvityādinā | 
ahaṃ vṛkṣasyetyādimantradvayaṃ 

p. 89)

paṭhitvā preṣoccāraṇaṃ kuryādityāha- ahamiti | ahaṃ vṛkṣasyeti 
mandradvayaṃ paṭhitvā atha dāreṣaṇāyāśceti | yadi pūrvavat vidvatsaṃnyāsī cet 
tadā guroriti | ahameva paramātmā | mattaḥ kaścinnānyo vyatiriktaḥ | tataḥ kim##-
digambaraḥ sakalalokasaṃcārakaṃ tadbhramamutsṛjya sarvadānandasvānu##-
sarvakarmatyāgalabdhaharṣaḥ kevalaprāṇadhāraṇaparāyaṇaḥ | tato vimukto 
bhavatītyatra-

omityekākṣaraṃ brahma vyāharan māmanusmaran |
yaḥ prayāti tyajan dehaṃ sa yāti paramāṃ gatim || 

iti smṛteḥ | yadyayaṃ vividiṣāsaṃnyāsīti | sakhā mā gopāya- iti mantreṇa 
daṇḍaṃ parigrahet | kaṭisūtrakaupīnavastramācamanapūrvakaṃ svīkṛtya 
gurunikaṭaṃ atvā tanmukhāt praṇavamahāvākyopadeśaṃ prāpya 
svāśramocitācāraṃ kurvan saṃśayādipañcadoṣanivṛttyantaṃ sarvavedānta##-
caturthopadeśasamāptyartho'yamityupaniṣacchabdaḥ || 37-39 ||

iti caturthopadeśaḥ 

pañcamopadeśaḥ 

karmasaṃnyāsasvāśramācaraṇayoravirodhaḥ

atha hainaṃ pitāmahaṃ nāradaḥ papraccha | bhagavan sarvakarmanivartakaḥ 
saṃnyāsa iti tvayaivoktaḥ | punaḥ svāśramācāraparo bhavedityucyate | tataḥ 
pitāmaha uvāca | saśarīrasya dehino jāgratsvapnasuṣuptituryāvasthāḥ santi | 
tadadhīnāḥ karmajñānavairāgyapravartakāḥ puruṣā jantavastadanukūlā##-

p. 90)

tadanuṣṭhānabhedāḥ kīdṛśāstattvato'smākaṃ vaktumarhasīti | 
tathetyaṅgīkṛtya taṃ pitāmahena || 1 ||

karmatyāgakarmācaraṇayoḥ virodhaṃ manyāmāno nāradaḥ pṛcchatītyāha- 
atheti | pitāmahaṃ nāradaḥ papraccha | kimiti- bhagavanniti | nāradenaivaṃ 
pṛṣṭhaḥ san praśnottaraṃ bhagavānāha- tata iti | tataḥ pitāmaha uvāca | 
kimityatra- saśarīrasyeti | dehatrayāvacchinnajīvasya 
jāgradādyavasthācatuṣṭayavattvena karmabhaktivairāgyajñānasaṃbhavāt | 
evamavasthācatuṣṭayāvacchinnaprāṇinaḥ tadanukūlācārā bhavantīti 
svāśramācāraparobhavedityuktam | svāśramācārasaṃpattistu 
vratigṛhivanisevyaśrautasmārtakarmasāmānyasaṃnyāsapūrvakaṃ 
prāṇadhāraṇopayogiparigrahaśravaṇādisādhanasaṃpattirityarthaḥ | ekasyaiva 
sarvakarmasaṃnyāsapūrvakaṃ svāśramācāraparatvamupapadyate | nāradena yat 
pṛṣṭaṃ tat tathetyaṅgīkṛtya taṃ prati pitāmahenaivamuktam || 1 ||

saṃnyāsacāturvidhyam

saṃnyāsabhedairācārabhedaḥ kathamiti cet tattvatastveka eva saṃnyāsaḥ 
ajñānenāśaktivaśāt karmalopataśca traividhyametya vairāgyasaṃnyāso 
jñānasaṃnyāso jñānavairāgyasaṃnyāsaḥ karmasaṃnyāsaśceti 
cāturvidhyamupāgataḥ || 2 ||

kimiti- saṃnyāsabhedaiḥ ācārabhedaḥ kathamiti cet ityevaṃ manyase yadi tadā 
śṛṇvetat | sa kena bhidyata ityatra- ajñāneneti | traividhyametya vartate 
vidvadvi-vidiṣāturabhedāt | sa punaścāturvidhyamupagata ityāha- 
vairāgyeti || 2 ||

vairāgyasaṃnyāsaḥ 

tadyatheti | duṣṭamadanābhāvācceti viṣayavaitṛṣṇyametya 
prākpuṇyakarmavaśāt saṃnyastaḥ sa vairāgyasaṃnyāsī || 3 ||

p. 91)

tathaiva pratipādyate | sarvānarthahetuduṣṭamadanābhāvācceti | caśabdatastat##-
saṃnyastaḥ sa vairāgyasaṃnyāsī | svātiriktanaśvaraheyabuddhyā yaḥ sarvatyāgaḥ 
sa vairāgyasaṃnyāsa ityarthaḥ || 3 ||

jñānasaṃnyāsaḥ 

śāstrajñānāt pāpapuṇyalokānubhavaśravaṇāt prapañcoparataḥ 
krodherṣyāsūyāhaṃkārābhimānātmakasarvasaṃsāraṃ nirvartya 
dāraiṣaṇādhanaiṣaṇālokaiṣaṇātmakadehavāsanāṃ śāstravāsanāṃ 
lokavāsanāṃ ca tyaktvā vamanānnamiva prākṛtikaṃ sarvamidaṃ heyaṃ matvā 
sādhanacatuṣṭayasaṃpanno yaḥ saṃnyasyati sa eva jñānasaṃnyāsī || 4 ||

jñāna saṃnyāsasvarūpamāha - śāstreti || 4 ||

jñānavairāgyasaṃnyāsaḥ 

krameṇa sarvamabhyasya sarvamanubhūya jñānavairāgyābhyāṃ 
svarūpānusaṃdhānena jātarūpadharo bhavati so'yaṃ jñānavairāgyasaṃnyāsī || 5 ||

viśiṣṭajñānavairāgyasaṃnyāsamāha- krameṇeti | krameṇa vedāntajātaṃ 
sarvamabhyasya sarvamanubhūya sarvāpahnavasiddhaṃ brahma niṣpratiyogika##-
tābhyāṃ jñānavairāgyābhyāṃ svarūpānusaṃdhānena sarvaṃ vismṛtya yo 
jātarūpadharo bhavati so'yaṃ jñānavairāgyasaṃnyāsī ityarthaḥ || 5 ||

karmasaṃnyāsaḥ 

brahmacaryaṃ samāpya gṛhī bhūtvā vānaprasthāśramametya vairāgyābhāve##-

p. 92)

brahmacaryeṇa saṃnyasya saṃnyāsājjātarūpadharo vairāgyasaṃnyāsī | 
vidvatsaṃnyāsī jñānasaṃnyāsī | vividiṣāsaṃnyāsī karmanyāsī || 7 ||

karmasaṃnyāsasvarūpaṃ viśadayati- brahmacaryamiti | vidhivat brahmacaryaṃ 
samāpyeti | viṣayānabhijñatayā brahmacaryasaṃnyastaṃ stauti- 
brahmacaryeṇeti | tasya sarvātmabhāvārūḍhatayā paśyaddṛṣṭivaicitryāt 
sarvarūpatvamupa-padyata ityarthaḥ || 6-7 ||

nimittānimittabhedena karmasaṃnyāsasya dvaividhyam 

karmasaṃnyāso'pi dvividhaḥ- nimittasaṃnyāso'nimittasaṃnyāsaśceti | 
nimittastvāturaḥ animittaḥ kramasaṃnyāsaḥ | āturaḥ sarvakarmalopaḥ 
prāṇasyotkramaṇakālasaṃnyāsaḥ sa nimittasaṃnyāsaḥ | dṛḍhāṅgo bhūtvā 
sarvaṃ kṛtakaṃ naśvaramiti dehādikaṃ sarvaṃ heyaṃ prāpya || 8 ||

haṁsaḥ śuciṣadvasurantarikṣasaddhotā vediṣadatithirduroṇasat |
nṛṣadvarasadṛtasadvyomasadabjā gojā ṛtajā adrijā ṛtaṃ bṛhat || 9 ||

brahmavyatiriktaṃ sarvaṃ naśvaramiti niścitya krameṇa yaḥ saṃnyasyati sa 
saṃnyāso'nimittasaṃnyāsaḥ || 10 ||

nimitānimittabhedena karmasaṃnyāsasya dvaividhyamāha- karmeti | 
nimittānimitta-śabdārthamāha- nimittastvāturaḥ animittaḥ 
kramasaṃnyāsa iti | nimittasaṃnyāsārthaṃ viśadayati- ātura iti | 
animittasvarūpamāha- dṛḍhāṅga iti | ṛtaṃ bṛhat iti mantrānurodhena 
brahmaivartaṃ brahmavyatiriktaṃ sarvaṃ naśvaram || 8-10 || 

kuṭīcakādibhedena saṃnyāsaḥ ṣaḍvidhaḥ 

saṃnyāsaḥ ṣaḍvidho bhavati- kuṭīcako bahūdako haṃsaḥ 
paramahaṃsastuīyā-tīto'vadhūtaśceti || 11 ||

p. 93)

katividhaḥ saṃnyāsa ityatra kuṭīcakādibhedena ṣaḍvidha ityāha- saṃnyāsa iti | 
tat kathamityatrāha- kuṭīcaka iti || 11 ||

kuṭīcakalakṣaṇam 

kuṭīcakaḥ śikhāyajñopavītī daṇḍakamaṇḍaludharaḥ kaupīnakanthādharaḥ 
pitṛmātṛgurvārādhanaparaḥ piṭharakhanitraśikyādimantrasādhanapara 
ekatrānnādanaparaḥ śvetordhvapuṇḍradhārī tridaṇḍaḥ || 12 ||

bahūdakalakṣaṇam 

bahūdakaḥ śikhādikanthādharastripuṇḍradhārī kuṭīcakavat sarvasamo 
madhukaravṛttyaṣṭākabalāśī || 13 ||

haṃsalakṣaṇam 

haṃso jaṭādhārī tripuṇḍrordhvapuṇḍradhārī asaṃkḷptamādhūkarānnāśī 
kaupīnakhaṇḍatuṇḍadhārī || 14 ||

paramahaṃsalakṣaṇaṃ 

paramahaṃsaḥ śikhāyajñopavītarahitaḥ pañcagṛheṣvekarātrānnādanaparaḥ 
karapātrī ekakaupīnadhārī śāṭīmekāmekaṃ vaiṇavaṃ daṇḍamekaśāṭīdharo vā 
bhasmoddhūlanaparaḥ sarvatyāgī || 15 ||

teṣāṃ lakṣaṇaṃ krameṇa spaṣṭayati- kuṭīcaka iti | 
tripuṇḍrordhvapuṇḍradhārī tripuṇḍraṃ ūrdhvapuṇḍraṃ vā yathā saṃbhavaṃ 
dharati nobhayamityarthaḥ | asaṃkḷptamādhūkarānnāśī asya gṛhe'dya 
mādhūkaraṃ me syāditi saṃkalparahitaḥ || 12-15 ||

p. 94)

turīyātītalakṣaṇam 

turīyātīto gomukhaḥ phalāhārī annāhārī ced gṛhatraye dehamātrāvaśiṣṭaḥ 
digambaraḥ kuṇapavaccharīravṛttikaḥ || 16 ||

avadhūtalakṣaṇam 

avadhūtastvaniyamo'bhiśastapatitavarjanapūrvakaṃ sarvavarṇeṣvajagaravṛttyā##-

gomukhaḥ govat yadṛcchālabdhānnamukhagrasanāt | tathāca vakṣyati- 
āsyena tu yadāhāraṃ govanmṛgayate muniḥ iti | kuṇapavaccharīravṛttikaḥ 
yathā kuṇapo niśceṣṭaḥ tathā nirvikalpakasamādhikabalitavyāpṛtitvāt || 16##-

jīvataḥ āturasya kramasaṃnyāsaḥ

āturo jīvati cet kramasaṃnyāsaḥ kartavyaḥ || 18 ||

yadyāturo jīvati tena kiṃ kartavyamityata āha- ātura iti | gurumukhataḥ 
praṇavamahāvākyādisvīkāra eva kramasaṃnyāsaḥ | na tvaṣṭaśrāddhādiḥ tasya 
preṣoccāraṇasamakālakriyatvāt || 18 ||

kuṭīcakādīnāṃ saṃnyāsavidhiḥ 

kuṭīcakabahūdakahaṃsānāṃ brahmacaryāśramāditurīyāśramavat kuṭīcakānāṃ 
saṃnyāsavidhiḥ || 19 ||

kuṭīcakādīnāṃ saṃnyāsavidhiḥ kathamityata āha- kuṭīcaketi | kuṭīcakānāṃ 
saṃnyāsavidhiḥ samānaḥ || 19 ||

p. 95)

paramahaṃsāditrayāṇāṃ saṃnyāsavidhiḥ

paramahaṃsāditrayāṇāṃ na kaṭisūtraṃ na kaupīnaṃ na vastraṃ na kamaṇḍalurna 
daṇḍaḥ sarvavarṇaikabhaikṣāṭanaparatvaṃ jātarūpadharatvaṃ vidhiḥ | 
saṃnyāsakāle'pyalaṃbuddhiparyantamadhītya tadanantaraṃ kaṭisūtraṃ kaupīnaṃ 
daṇḍaṃ vastraṃ kamaṇḍaluṃ sarvamapsu visṛjyātha jātarūpadharaścenna 
kanthāleśaḥ nādhyetavyo na vaktavyo na śrotavyamanyat kiṃcit | praṇavādanyaṃ 
na tarkaṃ paṭhenna śabdamapi | bahūñchabdānnādhyāpayenna mahadvāco 
viglāpanaṃ girā pāṇyādinā saṃbhāṣaṇaṃ nānyabhāṣāviśeṣeṇa na 
śūdrastrīpatitodakyāsaṃbhāṣaṇam na yaterdevapūjānutsavadarśanaṃ 
tīrthayātrāvṛttiḥ || 20 ||

paramahaṃsāditrayāṇāṃ paramahaṃsaturyātītāvadhūtānām | yadi paramahaṃsaḥ 
śravarṇārthī tadā daṇḍādikaṃ svīkṛtya saṃśayādipañcadoṣaśāntipūrvakaṃ 
yāvadbrahmāparokṣo jāyate tāvat sarvakarmasaṃnyāsakāle'pi 
saṃnyāsadaśāyāmapi | śṛṇvantvajñātatattvāste jānan 
kasmācchṛṇomyaham iti śrutyanurodhena alaṃbuddhiparyantamadhītya 
śravaṇādijanyajñāne siddhe | tadanantaramiti | avadhūtāśrame'pi kanthādikaṃ 
grāhyamevetyata āha- neti | yatkiṃcidapi nādhyetavyaḥ | girā vṛthā 
katthanam | pāṇyādinā saṃbhāṣaṇaṃ hastādisaṃjñayā vyāpṛtiparo na 
bhavedityarthaḥ | svabhinnadhiyā na yaterdevapūjānutsavadarśanam | yatinā tatrāpi 
svātmadarśanameva kāryamityarthaḥ | tathā tīrthayātrāvṛttiḥ || 20 ||

kuṭīcakādīnāṃ bhikṣāviśeṣaḥ

punaryativiśeṣaḥ | kuṭīcakasyaikatra bhikṣā bahūdakasyāsaṃkḷpta##-
pañcagṛheṣu 

p. 96)

karapātram phalāhāro gomukhaṃ turīyātītasya avadhūtasyājagaravṛttiḥ 
sarvavarṇikeṣu | yatirnaikarātraṃ vaset | naikasyāpi namet | turīyātītāvadhūtayorna 
jyeṣṭhaḥ | yo na svarūpajñaḥ sa jyeṣṭho'pi kaniṣṭhaḥ | hastābhyāṃ 
nadyuttaraṇaṃ na kuryānna vṛkṣamārohenna yānādhirūḍho na krayavikrayaparo 
na kiṃcidvinimayaparo na dāmbhiko nānṛtavādī | na yateḥ kiṃcit kartavyamasti | 
asti cet sāṃkaryam | tasmānmananādau saṃnyāsināmadhikāraḥ || 21 ||

punaryativiśeṣaḥ | kuṭīcakādīnāṃ bhikṣāviśeṣa ucyate - kuṭīcakasyeti | yatra 
kutrāpi yatiḥ naikarātraṃ vasenna kasyāpi namet | gurujyeṣṭhādivandanaṃ 
kāryamiti cet tatra - turīyātīteti | turīyātītādeḥ jñānajyeṣṭhatvāt | tasya 
pravṛttinivṛttaparāṅmukhatvena kiṃcidapi kartavyābhāvamāha- 
hastābhyāmiti | kadāpi na yateḥ kiṃcit kartavyamasti | asti cet tadā bhavati 
sāṃkaryam | yasmāt evamuktācaraṇato vratyādisāṃkaryaṃ bhavati tasmāt | 
ādiśabdena brahmabhāvāpattyā pravṛttinivṛttigrāsatūṣṇīmavasthānaṃ 
dyotyate || 21 ||

teṣāṃ prāpyasthānāni 

āturakuṭīcakayorbhūrlokabhuvarlokau bahūdakasya svargalokaḥ haṃsasya tapolokaḥ 
paramahaṃsasya satyalokaḥ turīyātītāvadhūtayoḥ svātmanyeva kaivalyaṃ 
svarūpānusandhānena bhramarakīṭanyāyavat || 22 ||

yaṃ yaṃ vāpi smaran bhāvaṃ tyajatyante kalebaram |
taṃ tameva samāpnoti nānyathā śrutiśāsanam || 23 ||

jñānāvikalakuṭīcakādīnāṃ prāpyamucyate- ātureti | yadi saviśeṣajñānī 
tadā tasya paramahaṃsasya satyalokaḥ | yadi nirviśeṣabrahmajñāninau 
turyātītāvadhūtau 

p. 97)

bhavataḥ tadā tayoḥ turyātītāvadhūtayoḥ svātmanyeva kaivalyam | yata evaṃ 
svarūpānusaṃdhānena bhramarakīṭanyāyāt brahmabhāvāpattirbhavati ata eva 
svasvarūpānusaṃdhānaṃ sadā kāryamityarthaḥ | kimarthaṃ sadā 
svarūpānusaṃdhānaṃ kartavyamityākāṅkṣāyāṃ nirviśeṣajñānino 
jñānasamakālameva muktatve'pi saviśeṣajñāninastadabhāvāt sadā 
svarūpānusaṃdhānaṃ kartavyamityāha- yamiti | caramadaśāyāṃ yaṃ yaṃ 
vāpīti | tathā ca smṛtirapi-

antakāle ca māmeva smaran muktvā kalebaram |
yaḥ prayāti tyajan dehaṃ sa yāti paramāṃ gatim ||

iti || 22-23 ||

brahmānusaṃdhānameva kartavyam nānyat

tadevaṃ jñātvā svarūpānusaṃdhānaṃ vinānyathācāraparo na bhavet | 
tadācāravaśāt tattallokaprāptiḥ | jñānavairāgyasaṃpannasya svasminneva 
muktiriti na sarvatrācāraprasaktistadācāraḥ | jāgratsvapnasuṣuptiṣvekaśarīrasya 
jāgratkāle viśvaḥ svapnakāle taijasaḥ suṣuptikāle prājñaḥ | 
avasthābhedādavastheśvarabhedaḥ | kāryabhedāt kāraṇabhedaḥ | tāsu 
caturdaśakaraṇānāṃ bāhyavṛttayo'ntarvṛttayasteṣāmupādānakāraṇam | 
vṛttayaścatvāraḥ mano buddhirahaṃkāraścittaṃ ceti | 
tattadvṛttivyāpārabhedena pṛthagācārabhedaḥ || 24 ||

netrasthaṃ jāgaritaṃ vidyāt kaṇṭhe svapnaṃ samāviśet |
suṣuptaṃ hṛdayasthaṃ tu turīyaṃ mūrdhni saṃsthitam || 25 ||

turīyamakṣaramiti jñātvā jāgarite suṣuptyavasthāpanna eva yadyacchrutaṃ yadyad 
dṛṣṭaṃ tattat sarvamavijñātamiva yo vaset tasya svapnāvasthāyāmapi

p. 98)

tādṛgavasthā bhavati | sa jīvanmukta iti vadanti | sarvaśrutyarthapratipādanamapi 
tasyaiva muktiriti | bhikṣurnaihikāmuṣmikāpekṣaḥ | yadyapekṣāsti cet tadanurūpo 
bhavati | svarūpānusaṃdhānavyatiriktānyaśāstrābhyāsaiḥ 
uṣṭrakuṅkumabhāravadvyarthaḥ | na yogaśāstrapravṛttirna 
sāṃkhyaśāstrābhyāso na mantratantravyāpāraḥ | itaraśāstrapravṛttiryaterasti 
cecchavālaṃkāravat | carmakāravadatividūrakarmācāravidyādūraḥ | 
praṇavakīrtanaparaḥ | yadyat karma karoti tattatphalamanubhavati | 
eraṇḍatailaphenavadataḥ sarvaṃ parityajya tatprasaktaṃ manodaṇḍaṃ karapātraṃ 
digambaraṃ dṛṣṭvā parivrajed bhikṣuḥ | bālonmattapiśācavanmaraṇaṃ jīvitaṃ 
vā na kāṅkṣeta kālameva pratīkṣeta nirdeśabhṛtakanyāyena parivrāḍiti || 26 ||

yadevaṃ śrutismṛtiṣvāmnātaṃ tadevaṃ jñātvā saviśeṣajñānī 
svarūpānusaṃdhānaṃ vinānyathācāraparo na bhavet brahmāhamasmīti 
sadānusaṃdhānaṃ kuryādityarthaḥ | anyathācāraparatve bādhakamāha- 
tadācāravaśāt tattallokaprāptiriti | nirviśeṣajñānino'pi tathā syāditi cenna tasya 
niṣpratiyogikabrahmamātrabhāvāpannatvena svātiriktapravṛttinivṛtti##-
svātiriktajāgradādiprapañcapratītisaṃbhavāt | brahmānusaṃdhānaṃ 
vinānyathācāraparo na bhavedityāha- jñāneti | 
aparabrahmagocarajñānavairāgyasaṃpannasya svasminneva muktiriti na 
sarvatrācāraprasaktiḥ | yadi sarvatrācāraprasaktiḥ tadācāro'narthāya 
bhavedityarthaḥ | tat kathamityatra svātiriktajāgradādivibhramāvṛtadṛṣṭyā 
jāgratsvapnasuṣuptiṣvekaśarīrasya tadavacchinnajīvasyāvasthābhedena 
nāmavyāpārādikaṃ bhidyate tadyathā jāgratkāla iti | tāsu jāgradādyavasthāsu 
vāgādicaturdaśakaraṇānāṃ bāhyavṛttayo'ntarvṛttayaḥ santi | catvāraḥ 
catasraḥ | kāstā ityatra mana iti | tāsāṃ pṛthagācārabhedaḥ | tat kathaṃ 
netrasthamiti |

p. 99)

viśvādirūpeṇa netrādipravibhaktajāgradādyavasthātrayaṃ bhāsayan yo'haṃ 
mūrdhni turyarūpeṇāvasthito'smi so'hamātmānaṃ turīyamakṣaramiti jñātvā 
tajjñānamahimnā kṛtakṛtyo bhavāmi | kiṃca jāgarita iti | yathā 
suṣuptyavasthāpanno viṣayajātaṃ na vijānāti tathā jāgarite'pi śrotrādikaraṇena 
yadyat śrutaṃ yadyat dṛṣṭaṃ tat sarvamavijñātamiva yo vartate tasya 
svapnāvasthāyāmapi suṣuptavadviṣayabhedaṃ na gṛhṇāti sa jīvanmukta iti vadanti 
| tathā ca vakṣyati-

svapne'pi yo hi yuktasya jāgratīva viśeṣataḥ |
īdṛkceṣṭaḥ smṛtaḥ śreṣṭho variṣṭho brahmavādinām ||

iti | tathāvidhasyāpi yadi svātiriktaviṣayākāṅkṣā syāt tadā tasmin kāle videho 
dehasmaraṇavarjitaḥ īṣanmātraṃ smṛtaṃ cedyastadā sarvasamanvitaḥ iti 
śrutyanurodhena svarūpataḥ cyutiḥ syādityāha- bhikṣuriti | yadyapekṣāsti cet 
tadanurūpo bhavati | anyaśāstrābhyāsaiḥ anyaśāstrābhyāsaḥ | yata evaṃ 
svātiriktāstitvapravṛttito mahānanartho jāyate | nirvikalpakabrahmānu##-
dṛṣṭvā parivrajet bhikṣuḥ kadāpi | bālonmatteti nirdeśabhṛtakanyāyena 
parivrāḍiti || 24-26 ||

ananusaṃdhāne pātityam 

titikṣājñānavairāgyaśamādiguṇavarjitaḥ |
bhikṣāmātreṇa jīvī syāt sa yatiryativṛttihā || 27 ||

na daṇḍadhāraṇena na muṇḍanena 
na veṣeṇa na dambhācāreṇa muktiḥ || 28 ||

jñānadaṇḍo dhṛto yena ekadaṇḍī sa ucyate |
kāṣṭhadaṇḍo dhṛto yena sarvāśī jñānavarjitaḥ ||
sa yāti narakān ghorān mahārauravasaṃjñakān || 29 ||

p. 100)

prathiṣṭhā sūkarīviṣṭhāsamā gītā maharṣibhiḥ |
tasmādenāṃ parityajya kīṭavat paryaṭedyatiḥ || 30 ||

saviśeṣajñānī nirviśeṣajñānasādhanamananuṣṭhāya kevalaveṣamātrataḥ 
sādhuvṛttikarśako bhūtvā svayamapi naśyatītyāha- titikṣeti 
nirviśeṣajñāna-mukhyasādhanatitikṣājñānavairāgyaśamādiguṇavarjitaḥ 
na ca saṃnyasaṃnyasanādeva siddhiṃ samadhigacchati iti smṛteḥ | 
paramadayāvatī śrutiriyaṃ parivrājakadharmapūgaṃ bahuprakāreṇa pratipādyāpi 
punaḥ punaḥ jāmitāṃ tyaktvā prakaṭayatītyāha- jñānetyādinā | tadviparyaye 
kāṣṭhadaṇḍa iti | ayaṃ sarvottama iti || 27-30 ||

turyātītānāṃ bhojanādikamanyadīyecchayaiva

ayācitaṃ yathālābhaṃ bhojanācchādanaṃ bhavet |
parecchayā ca digvāsāḥ snānaṃ kuryāt parecchayā || 31 ||

turyātītādeḥ snānādikaṃ parecchayā syādityāha- ayācitamiti || 31 ||

brahmavidvariṣṭhaḥ 

svapne'pi yo hi yuktaḥ syājjāgratīva viśeṣataḥ |
īdṛkceṣṭaḥ smṛtaḥ śreṣṭho variṣṭho brahmavādinām || 32 ||

alābhe na viṣādī syāllābhe caiva na harṣayet |
prāṇayātrikamātraḥ syānmātrāsaṅgavivarjitaḥ || 33 ||

abhipūjitalābhāṃśca jugupsetaiva sarvaśaḥ |
abhipūjitalābhaisko yatirmukto'pi badhyate || 34 ||

p. 101)

ko'yaṃ brahmaniṣṭha ityatra- svapne'pīti | lābhādau harṣādidṛṣṭeḥ 
brahmaniṣṭhatā kuta ityatra alābhe iti | mātrāsaṅgavivarjitaḥ śabdādi##-
bhaktajanapremaviṣayāṇāmasaṅgatā kuta ityatra- abhipūjiteti | lābhaisko 
lābhaskaḥ lābhavānityarthaḥ || 32-34 ||

yatīnāṃ bhojanādiniyamāḥ 

prāṇayātrānimittaṃ ca vyaṅgāre bhuktavajjane |
kāle praśastavarṇānāṃ bhikṣārthaṃ paryaṭed gṛhān || 35 ||

pāṇipātraṃ caran yogī nāsakṛdbhaikṣamācaret |
tiṣṭhan bhujyāccaran bhujyānmadhye nācamanaṃ tathā || 36 ||

abdhīva dhṛtamaryādā bhavanti viśadāśayāḥ |
niyatiṃ na vimuñcanti mahānto bhāskarā iva || 37 ||

āsyena tu yadāhāraṃ govanmṛgayate muniḥ |
tadā samaḥ syāt sarveṣu so'mṛtatvāya kalpate || 38 ||

anindyaṃ vai vrajan gehaṃ nindyaṃ gehaṃ tu varjayet |
anāvṛte viśed dvāri gehe naivāvṛte vrajet || 39 ||

pāṃsunā ca praticchannaśūnyāgārapratiśrayaḥ |
vṛkṣamūlaniketo vā tyaktasarvapriyāpriyaḥ || 40 ||

paramahaṃsādīnāṃ mādhūkarakarapātrāsyāhāraprakāramāha- prāṇeti | 
grāmādbahirvṛkṣamūle sthitvā yathoktakāle prāṇayātrānimittabhikṣārthaṃ 
grāmaṃ praviśya yathāvidhi bhikṣāmaṭedityarthaḥ || tataḥ 
karapātraniyamamāha- pāṇipātramiti | kṛtārthānāmevaṃ niyatiḥ ketyatra 
abdhīveti | mādhūkarādivṛttitraye'pi anindyamiti | tadvasatimāha- pāṃsuneti || 
35 -40 ||

p. 102)

yateḥ jitendriyatvam 

yatrāstamitaśāyī  syānniragniraniketanaḥ |
yathālabdhopajīvī syānmunirdānto jitendriyaḥ || 41 ||

niṣkramya vanamāsthāya jñānayajño jitendriyaḥ |
kālakāṅkṣī caranneva brahmabhūyāya kalpate || 42 ||

abhayaṃ sarvabhūtebhyo dattvā carati yo muniḥ |
na tasya sarvabhūtebhyo bhayamutpadyate kvacit || 43 ||

nirmānaścānahaṃkāro nirdvandvaśchinnasaṃśayaḥ |
naiva krudhyati na dveṣṭi nānṛtaṃ bhāṣate girā || 44 ||

puṇyāyatanacārī ca bhūtānāmavihiṃsakaḥ |
kāle prāpte bhaved bhaikṣaṃ kalpate brahmabhūyase || 45 ||

vānaprasthagṛhasthābhyāṃ na saṃsṛjyeta karhicit |
ajñātacaryāṃ lipseta na cainaṃ harṣa āviśet ||
adhvā sūryeṇa nirdiṣṭaḥ kīṭavadvicarenmahīm || 46 ||

manuṣyāvāsapuragrāmāt niṣkramya | prārabdhakṣayakālakāṅkṣī | 
prāṇimātramātmadhiyāhiṃsan | kiṃca svānyatra nirmānaśceti | brahmabhūyase 
brahmabhāvāya samarthyata ityarthaḥ || 41-46 ||

yateḥ sarvakarmaparityāgaḥ 

āśīryuktāni karmāṇi hiṃsāyuktāni yāni ca |
lokasaṃgrahayuktāni naiva kuryānna kārayet || 47 ||

p. 103)

nāsacchāstreṣu sajjeta nopajīveta jīvikām |
ativādāṃstyajettarkān pakṣaṃ kaṃcana nāśrayet || 48 ||

na śiṣyānanubadhnīta granthānnaivābhyased bahūn |
na vyākhyāmupayuñjīta nārambhānārabhet kvacit || 49 ||

avyaktaliṅgo'vyaktārtho munirunmattabālavat |
kavirmūkavadātmānaṃ taddṛṣṭyā darśayennṛṇām || 50 ||

na kuryānna vadet kiṃcinna dhyāyet sādhvasādhu vā |
ātmārāmo'nayā vṛttyā vicarejjaḍavanmuniḥ || 51 ||

ekaścarenmahīmetāṃ niḥsaṅgaḥ saṃyatendriyaḥ |
ātmakrīḍa ātmaratirātmavān samadarśanaḥ || 52 ||

budho bālakavatkrīḍaḥ kuśalo jaḍavaccaret |
vadedunmattavadvidvān gocaryāṃ naigamaścaret || 53 ||

kṣipto'vamānito'sadbhiḥ pralabdho'sūyito'pi vā |
tāḍitaḥ saṃniruddho vā vṛttyā vā paritāpitaḥ || 54 ||

viṣṭhito mūtrito vājñairbahudhaivaṃ prakampitaḥ |
śreyaskāmaḥ kṛcchragata ātmanātmānamuddharet || 55 ||

saṃmānanaṃ parāṃ hāniṃ yogarddheḥ kurute yataḥ |
janenāvamato yogī yogasiddhiṃ ca vindati || 56 ||

tathā careta vai yogī satāṃ dharmamadūṣayan |
janā yathāvamanyeran gaccheyurnaiva saṃgatim || 57 ||

p. 104)

jarāyujāṇḍajādīnāṃ vāṅmanaḥkāyakarmabhiḥ |
yuktaḥ kurvīta na drohaṃ sarvasaṅgāṃśca varjayet || 58 ||

kāmakrodhau tathā darpalobhamohādayaśca ye |
tāṃstu doṣān parityajya parivrāḍ bhayavarjitaḥ || 59 ||

tenāpi lokasaṃgrahārthaṃ karma kartavyamityata āha- āśīriti | parairvāpi na 
kārayet | yadi śreyo'rthī munistadā nāsacchātreṣviti | svayamativādāṃstyajet##-
śiṣyānanubadhnīta | anātmaśāstroddeśena na vyākhyāmupayuñjīta | 
nārambhānārabhet kvacit niḥsaṃkalpo bhavedityarthaḥ | sarvajño'pi kaviḥ | muniḥ 
sasahāyaḥ saṃcaredityata āha- eka iti | brahmātiriktayoryāthātmyaṃ budho 
bālakavatkrīḍaḥ sarvārthakuśalo jaḍavaccaret vadedunmattadvidvān 
nigamārthatattvajño'pi gocaryām idamastu idaṃ māstviti na prakaṭayantīṃ 
naigamaścaret | kālakarmayogataḥ paraiḥ kṣipta iti | brahmayāthātmyānu##-
saṃmānaṃ parāṃ hāniṃ vā yaḥ kurute sa svakṛtyānurūpaṃ phalamanubhavati | 
yata evamataḥ parakṛtapūjanatāḍanādisahanāt yogī yogaphalamarhatītyāha- 
janeneti | yathā sahanāt yogasiddhiḥ tathā caret | svayaṃ svadharmānanuṣṭhānaṃ 
saddharmadūṣaṇamityarthaḥ | santaḥ janāḥ iti | svayamasādhvavamato'pi 
prāṇisāmānyadrohī na bhavedityāha- jarāyujeti | kiṃca prāṇisāmānyaviṣaye 
kāmakrodhāviti || 47-59 ||

yateḥ asādhāraṇadharmāḥ 

bhaikṣāśanaṃ ca maunitvaṃ tapo dhyānaṃ viśeṣataḥ |
samyagjñānaṃ ca vairāgyaṃ dharmo'yaṃ bhikṣuke mataḥ || 60 ||

kāṣāyavāsāḥ satataṃ dhyānayogaparāyaṇaḥ |
grāmānte vṛkṣamūle vā vaseddevālaye'pi vā |
bhaikṣeṇa vartate nityaṃ naikānnāśī bhavet kvacit || 61 ||

p. 105)

cittaśuddhirbhavedyāvat tāvannityaṃ caret suddhiḥ |
tatra pravrajya śuddhātmā saṃcaredyatra kutracit || 62 ||

bahirantaśca sarvatra saṃpaśyan hi janārdanam |
sarvatra vicaran maunī vāyuvadvītakalmaṣaḥ || 63 ||

samaduḥkhasukhaḥ kṣānto hastaprāptaṃ ca bhakṣayan |
nirvaireṇa samaṃ paśyan dvijago'śvamṛgādiṣu || 64 ||

bhāvayan manasā viṣṇuṃ paramātmānamīśvaram |
cintayan paramānandaṃ brahmaivāhamiti smaran || 65 ||

jñātvaivaṃ manodaṇḍaṃ dhṛtvā āśānivṛtto bhūtvā āśāmbaradharo 
bhūtvā sarvadā manovākkāyakarmabhiḥ sarvasaṃsāramutsṛjya 
prapañcāvāṅmukhaḥ svarūpānusaṃdhānena bhramarakīṭanyāyena mukto 
bhavatītyupaniṣat || 66 ||

yaterasādhāraṇadharmastu- bhaikṣāśanamityādi | yāvaccittaśuddhistāvad 
vratyādiḥ svāśramocitadharmānuṣṭhānapūrvakaṃ vedāntaśravaṇādi kṛtvā 
tataḥ saṃnyasya sarvatra caran ekatra tiṣṭhan vā brahmānusaṃdhānaṃ 
kuryādityāha- citteti | ekatra sthirāsano bhūtvā bhāvayanniti | smaran kālaṃ 
nayedityarthaḥ | etāvatā granthena yo'rtho'bhihitaḥ tajjñānataḥ avadhūto bhūtvā 
svātiriktāstitvabhramamukto bhavatītyāha- jñātveti | jñātvaivaṃ 
manodaṇḍaṃ dhṛtvā parāṅ mano yena daṇḍyate tatpratyagabhinnabrahma##-
manaḥpravilāpanādhikaraṇagocaratvāt svātirekeṇābhāsato'pi kiṃcidastīti 
mithyāśānivṛtto bhūtvā āśāmbaradharo'vadhūto bhūtvā | 
svātiriktaprapañcāvāṅmukhaḥ prapañco'sti nāstīti vibhramaviralo bhūtvā 
svarūpānusaṃdhānena bhramarakīṭanyāyena mukto bhavatīti | kīṭako bhramaraṃ 
dhyāyan bhramaratvāya kalpate iti bhagavatpādoktyanurodhena 

p. 106)

sarvāpahnavasiddhaṃ brahma niṣpratiyogikasvamātramiti prabodhasamakālaṃ 
svātiriktabhramamukto bhavatītyarthaḥ | ityupaniṣacchabdaḥ 
pañcamopadeśasamāptyarthaḥ || 60-66 ||

iti pañcamopadeśaḥ ||

ṣaṣṭhopadeśaḥ 

mokṣaprāptyupāyajijñāsā

atha nāradaḥ pitāmahamuvāca | bhagavan tadabhyāsād bhramarakīṭanyāyavat | 
tadabhyāsaḥ kathamiti | tamāha pitāmahaḥ | satyavāgjñānavairāgyābhyāṃ 
viśiṣṭadehāvaśiṣṭo vaset || 1 ||

svarūpānusaṃdhānato mukto bhavatītyuktam | tadupāyabubhutsayā pitāmahaṃ 
nāradaḥ pṛcchatītyāha- atheti | nāradenaivaṃ pṛṣṭo bhagavān 
tatpraśnamaṅgikṛtya prativacanamācaṣṭe- tamāha pitāmaha iti | 
sarvāvasthāsvapi sarvaprāṇipriyahitasatyavāgjñānavairāgyābhyām || 1 ||

vidvaccharīravarṇanādikam 

jñānaṃ śarīram vairāgyaṃ jīvanaṃ viddhi śāntidāntī netre manomukham 
buddhiḥ kalā pañcaviṃśatitattvānyavayavāni avasthā pañca mahābhūtāni 
karmabhaktijñānavairāgyaṃ śākhā jāgratsvapnasuṣuptiturīyāḥ caturdaśa 
karaṇāni paṅkastambhākārāṇītyevamapi nāvamapi paṅkaṃ karṇadhāra iva 
yanteva gajam svabuddhyā svavaśīkṛtya asmadvyatiriktaṃ sarvaṃ kṛtakaṃ 
naśvaramiti matvā viraktaḥ puruṣaḥ sarvadā brahmāhamiti 

p. 107)

vyāharennānyat kiṃcidveditavyaṃ svavyatirekeṇa jīvanmukto bhūtvā vaset 
kṛtakṛtyo bhavati | na nāhaṃ brahmeti vyavaharet kiṃtu 
brahmāhamasmītyajasraṃ jāgratsvapnasuṣuptiṣu turīyāvasthāṃ prāpya 
turyātītatvaṃ vrajet || 2 ||

vidvaddehaḥ kīdṛśa ityākāṅkṣāyāṃ taccharīraṃ varṇayati- jñānamiti | 
aparabrahmajñānaṃ śarīraṃ tadatirekeṇābrahmaprapañce vairāgyaṃ jīvanaṃ 
prāṇasvarūpaṃ viddhi śāntidāntī netre mano mukhaṃ manastattvaṃ 
pratyakcaitanyaṃ mukhamityarthaḥ | buddhiḥ kalā prāṇādināmāntaṣoḍaśakalā 
dhīreva kalānāṃ buddhivikalpitatvāt vākśrotrakarmajñānākṣadaśakaṃ 
śabdādipañcakaṃ prāṇādipañcakam antaḥkaraṇacatuṣṭayamavyaktaṃ ceti 
pañcaviṃśatitattvānyavayavāni samaṣṭijātratsvapnasuṣuptiturīyātītānām avasthā 
pṛthivyādipañcamahābhūtāni karmabhaktijñānavairāgyaṃ śākhā 
śākhāsthānīyabāhavaḥ | punaḥ jāgratsvapnasuṣuptiturīyāścaturdaśa karaṇāni | 
karmajñānākṣadaśakamantaḥkaraṇacatuṣṭayaṃ ceti caturdaśa karaṇāni 
adṛḍhapaṅkastambhākārāṇīti | evamapi evaṃ sthite'pi nāvamapi paṅkaṃ 
paṅkaspṛṣṭanāvamapi | karṇadhāra iva yathā karṇadhāro naukācālakaḥ 
satpathaṃ nayati | svavyatirekeṇa na kiṃcidasti svayameva brahma 
ityaparokṣajñānāt jīvanmukto bhūtvā vaset kṛtakṛtyo bhavati | vyavahāra 
daśāyāmapi na nāhaṃ brahmeti vyavaharet kiṃtu brahmāhamasmītyajasraṃ 
bhāvayedityarthaḥ | tataḥ kimityatra svājñadṛṣṭiprasaktajāgratsvapnasuṣuptiṣviti 
| ahaṃ brahmāsmīti sadānusaṃdhātā jāgradādyavasthātraye satyasati 
jīvanmuktinirvartyaturīyāvasthāmetya tatasturyātītatvaṃ videhamuktatvaṃ 
bhajedityarthaḥ || 2 ||

turyātītatvaprāptyupāyaḥ 

divaṃ jāgrannaktaṃ svapnaṃ suṣuptamardharātraṃ gatamiti | ekāvasthāyāṃ 
catasro'vasthāḥ | ekaikakaraṇādhīnānāṃ caturdaśakaraṇānāṃ 
vyāpārāścakṣurādīnām | cakṣuṣo rūpagrahaṇam śrotrayoḥ śabdagrahaṇam 
jihvāyā

p. 108)

rasāsvādanam ghrāṇasya gandhagrahaṇam vacaso vāgvyāpāraḥ pāṇerādānam 
pādayoḥ saṃcāraḥ pāyorutsargaḥ upasthasyānandagrahaṇam tvacaḥ 
sparśagrahaṇam | tadadhīnā ca viṣayagrahaṇā buddhiḥ | buddhyā budhyati | cittena 
cetayati | ahaṃkāreṇāhaṃkaroti | visṛjya jīva etān dehābhimānena jīvo bhavati | 
gṛhābhimānena gṛhastha iva śarīre jīvaḥ saṃcarati | prāgdale 
puṇyāvṛttirāgneyyāṃ nidrālasyau dakṣiṇāyāṃ krauryabuddhirnair##-
śāntiḥ īśānye jñānaṃ karṇikāyāṃ vairāgyaṃ kesareṣvātmacintā ityevaṃ 
vaktraṃ jñātvā || 3 ||

turīyātītaṃ kim? tadāptyupāyaḥ kaḥ? ityata āha- divamityādi | 
turyātīte brahmaṇi svājñairguṇasāmyātmikā turyāvasthā vikalpitā | tatra 
turyātītameva tadasaṅgaturyavat bhāsate | tatra turīye divā naktaṃ vikalpitam | tatra 
divaṃ divā jāgrat svapnaṃ svapnaḥ naktam ardharātrameva suṣuptabhāvaṃ 
gatamityevamavasthātrayaṃ niṣpannam | tatraikaikāvasthāyāṃ catasro'vasthāḥ 
paścāt pratipādyante | tadanurodhena mana ādyekaikakaraṇādhīnānāṃ 
vāgādicaturdaśakaraṇānāṃ cakṣurādīnāṃ vyāpārā ucyante | cakṣuṣo 
rūpagrahaṇam ityādyahaṃkāreṇāhaṃkārotītyantam | etān jīvo visṛjya viśeṣeṇa 
sṛṣṭvā tatsaṃghātadehābhimānena turyacaitanyameva jīvabhāvamāpannavat 
bhavati | śarīre tadavacchinnāṣṭadalāñcitahṛdayakamale tatratyadaleṣu 
prāgādikrameṇa gṛhābhimānena gṛhastha iva jīvaḥ saṃcarati | tatra 
prāgādyaṣṭadaleṣu puṇyādivṛttiviśiṣṭo bhūtvā īśānyadalaṃ praviśato 
vastujñānaṃ karṇikāsaṃcārataḥ svātiriktaprapañcavairāgyametya tatkesara##-
caitanyavaktraṃ svarūpaṃ jñātvā vidvān jñānasamakālaṃ 
turyātītabrahmamātramavaśiṣyate || 3 ||

p. 109)

turyātītasvarūpam

jīvadavasthā prathamaṃ jāgrad dvitīyaṃ svapnaṃ tṛtīyaṃ suṣuptaṃ caturthaṃ 
turīyaṃ caturbhirvirahitaṃ turīyātītam | viśvataijasaprājñataṭasthabhedaireka eva | 
eko devaḥ sākṣī nirguṇaśca tad brahmāhamiti vyāharet | no cejjāgradavasthāyāṃ 
jāgradādicatasro'vasthāḥ svapne svapnādicatasro'vasthāḥ suṣupte 
suṣuptyādicatasro'vasthāḥ turīye turīyādicatasro'vasthāḥ | na tvevaṃ turyātītasya 
nirguṇasya | sthūlasūkṣmakāraṇarūpairviśvataijasaprājñeśvaraiḥ sarvāvasthāsu 
sākṣī tveka evāvatiṣṭhate | uta taṭastho draṣṭā | taṭastho na draṣṭā | 
draṣṭṛtvānna draṣṭaiva | kartṛtvabhoktṛtvāhaṃkārādibhiḥ spṛṣṭo jīvaḥ | 
jīvetaro na spṛṣṭaḥ | jīvo'pi na spṛṣṭa iti cenna | jīvābhimānena 
kṣetrābhimānaḥ śarīrābhimānena jīvatvam | jīvatvaṃ 
ghaṭākāśamākāśavadvyavadhāno'sti | vyavadhānavaśādeva haṃsaḥ so'hamiti 
mantreṇocchvāsaniśvāsavyapadeśenānusaṃdhānaṃ karoti | evaṃ vijñāya 
śarīrābhimānaṃ tyajenna śarīrābhimānī bhavati | sa eva brahmetyucyate || 4 ||

kathaṃ punasturyātītasvarūpamityata āha- jīvavadavastheti | jīvavadavasthāsu 
jīvādhiṣṭhitāvasthācatuṣṭaye prathamāvasthā jāgrat dvitīyaṃ svapnāvasthā 
tṛtīyaṃ suṣuptyavasthā caturthaṃ turyāvasthā bhavati 
yajjāgradādicaturavasthā-virahitaṃ turyātītaṃ tat turyātītasiddheḥ 
jāgradādyavasthācatuṣṭayāpahnava-pūrvakatvāt svājñādidṛṣṭimohe 
satyasati turyātītaṃ niṣpratiyogikasvamātra-mavaśiṣyata ityarthaḥ | 
ekasyaivāatmano jāgradādyavasthāyogāt sa viśvādi-bhedaviśiṣṭo bhavati na 
svataḥ | svatastveka eva | tajjñānāttadbhāvāpattiḥ syādityāha- viśveti | 
jāgradādyavasthāyogaprabhavaviśvataijasaprājña-taṭasthabhedaiḥ 
vyavahṛta ātmā eka eva | eko devaḥ 

p. 110)

sākṣī nirguṇaśca eka eva svaprakāśaciddhātuḥ devaḥ svasākṣyaguṇatraya##-
niṣpratiyogikanirguṇatvakhyāpa-nārthaḥ | yadevaṃ niṣpratiyogikanirguṇaṃ tad 
brahmāhamiti vyāharet | tat svamātramityanusaṃdhānaṃ kuryāt | 
tatastadbhāvāpattiḥ syādityarthaḥ | pakṣāntaramāha- no cediti | 
jāgradādyavasthācatuṣṭayakalanāviralaṃ turyātītamiti mantavyam | no cet 
yatrāvasthācatuṣṭayapravibhaktajāgrajjāgradādi##-
turyaturyāṃśavibhātaṃ turyaturyaṃ turyātītaṃ brahma netarat | turyātītasya 
nirguṇasya niṣpratiyogikaturyaturyasya vibhāgakalanāvairalyāt tasyaiva 
sthūlādiyogato viśvāditvaṃ sarvasākṣitvaṃ sarvakalanāspṛṣṭatvaṃ cāha- 
sthūleti | sākṣī draṣṭā | uta yadvā taṭastha īśvara iti cet taṭastho na draṣṭā sākṣī 
bhavitumarhati taṭasthasya bījopādhikeśvaratayā dṛṣṭatvāt | ato'yaṃ na draṣṭaiva 
| tathāpyayaṃ kartṛtvādyabhimativirala ityarthaḥ | no cet jīva eva draṣṭā 
bhavitumarhatītyata āha- kartṛtveti | kartṛtvādikalanayā spṛṣṭo jīvaḥ | 
sākṣī tu tadaspṛṣṭaḥ tasya sarvatra ātmātmīyābhimativairalyāt 
tayormahadastyantaramityāha- jīvatvamiti | ghaṭākāśamahākāśavat 
vyavadhāno'stīti jīvasākṣiṇorityarthaḥ | jīvo jīvābhimatimutsṛjya sarvasākṣyasmīti 
jñānāt brahmaiva bhavatītyāha- vyavadhāneti | 
jīvasākṣiṇorvyavadhānavaśāt jīvaḥ ucchvāsaniśvāsacchalena yo'haṃ 
svājñadaśāyāṃ jīvabhāvaṃ gataḥ svajñānena svājñānāpāye so'haṃ 
sarvasākṣī syāṃ vastutastu paramārthadṛṣṭyā jīvatvasākṣitvādi##-
tanmātreṇāvaśiṣyata ityevaṃ jīvo jñātvā brahmaiva bhavatītyāha- evamiti | 
yāvaddehādāvātmātmīyābhimatistāvajjīvatvam yadāyaṃ 
dehādāvātmātmīyābhimatiṃ niḥśeṣaṃ tyajati tadā sa eva brahmetyatra na vivāda 
ityarthaḥ || 4 ||

asaccaryātyāgaḥ saccaryānuṣṭhānaṃ ca

tyaktasaṅgo jitakrodho laghvāhāro jitendriyaḥ |
pidhāya buddhyā dvārāṇi mano dhyāne niveśayet || 5 ||

p. 111)

śūnyeṣvevāvakāśeṣu guhāsu ca vaneṣu ca |
nityayuktaḥ sadā yogī dhyānaṃ samyagupakramet || 6 ||

ātithyaśrāddhayajñeṣu devayātrotsaveṣu ca |
mahājaneṣu siddhyarthī na gacchedyogavit kvacit || 7 ||

yathainamavamanyante janāḥ paribhavanti ca |
tathā yuktaścaredyogī satāṃ vartma na dūṣayet || 8 ||

vāgdaṇḍaḥ karmadaṇḍaśca manodaṇḍaśca te trayaḥ |
yasyaite niyatā daṇḍāḥ sa tridaṇḍī mahāyatiḥ || 9 ||

vidhūme ca praśāntāgnau yastu mādhūkaraṃ caret |
gṛhe ca vipramukhyānāṃ yatiḥ sarvottamaḥ smṛtaḥ || 10 ||

daṇḍabhikṣāṃ ca yaḥ kuryāt svadharme vyasanaṃ vinā |
yastiṣṭhati na vairāgyaṃ yāti nīcayatirhi saḥ || 11 ||

yasmin gṛhe viśeṣeṇa labhedbhikṣāṃ ca vāsanāt |
tatra no yāti yo bhūyaḥ sa yatirnetaraḥ smṛtaḥ || 12 ||

yaḥ śarīrendriyādibhyo vihīnaṃ sarvasākṣiṇam |
pāramārthikavijñānaṃ sukhātmānaṃ svayaṃprabham || 13 ||

paratattvaṃ vijānāti so'ti varṇāśramī bhavet |
varṇāśramādayo dehe māyayā parikalpitāḥ || 14 ||

nātmano bodharūpasya mama te santi sarvadā |
iti yo veda vedāntaiḥ so'tivarṇāśramī bhavet || 15 ||

p. 112)

yasya varṇāśramācāro galitaḥ svātmadarśanāt |
sa varṇānāśramān sarvānatītya svātmani sthitaḥ || 16 ||

yo'tītya svāśramān varṇānātmanyeva sthitaḥ pumān |
so'tivarṇāśramī proktaḥ sarvavedārthavedibhiḥ || 17 ||

tasmādanyagatā varṇā āśramā api nārada |
ātmanyāropitāḥ sarve bhrāntyā te nātmavedinā || 18 ||

na vidhirna niṣedhaśca na varjyāvarjyakalpanā |
brahmavijñānināmasti tathā vānyacca nārada || 19 ||

jīvanmuktayatīnāmasaccaryātyāgapūrvakaṃ saccaryāsarvasvamanukrāmati- 
tyaktetyādinā | pidhāya buddhyā dvārāṇi viṣayopalabdhidvārāṇi dhiyā pidhāya 
brahmadhyāne mano niveśayet ityarthaḥ | dhyānasthalaṃ nigamayati- 
śūnyeṣviti | tasyāgamyapradeśamāha- ātithyeti | tasya tridaṇḍamāha- 
vāgiti | maunānaśanaprāṇāyāmaiḥ | vāgdaṇḍa ityādi | yaterbhikṣāvidhiḥ 
tadviparyaye bādhakaṃcocyate- vidhūma iti | 
mukhyagauṇāvadhūtalakṣaṇamāha- ya iti | svayaṃprabhaṃ 
svayaṃprākaśaciddhātum || 5-19 ||

vividiṣoḥ śravaṇādividhiḥ 

virajya sarvabhūtebhya ā viriñcipadādapi |
ghṛṇāṃ vipāṭya sarvasmin putravittādikeṣvapi || 20 ||

śraddhālurmuktimārgeṣu vedāntajñānalipsayā |
upāyanakaro bhatvā guruṃ brahmavidaṃ vrajet || 21 ||

sevābhiḥ paritopyainaṃ cirakālaṃ samāhitaḥ |
sadā vedāntavākyārthaṃ śṛṇuyāt susamāhitaḥ || 22 ||

p. 113)

nirmamo nirahaṃkāraḥ sarvasaṅgavivarjitaḥ |
sadā śāntyādiyuktaḥ sannātmanyātmānamīkṣate || 23 ||

saṃsāradoṣadṛṣṭyaiva viraktirjāyate sadā |
viraktasya tu saṃsārāt saṃnyāsaḥ syānna saṃśayaḥ || 24 ||

mumukṣuḥ parahaṃsākhyaḥ sākṣānmokṣaikasādhanam |
abhyased brahmavijñānaṃ vedāntaśravaṇādinā || 25 ||

brahmavijñānalābhāya parahaṃsasamāhvayaḥ |
śāntidāntyādibhiḥ sarvaiḥ sādhanaiḥ sahito bhavet || 26 ||

vedāntābhyāsanirataḥ śānto dānto jitendriyaḥ |
nirbhayo nirmamo nityaṃ nirdvandvo niṣparigrahaḥ || 27 ||

jīrṇakaupīnavāsāḥ syānmuṇḍī nagno'thavā bhavet |
prājño vedāntavidyogī nirmamo nirahaṃkṛtiḥ || 28 ||

mitrādiṣu samo maitraḥ samasteṣveva jantuṣu |
eko jñānī praśāntātmā sa saṃtarati netaraḥ || 29 ||

gurūṇāṃ ca hite yuktastatra saṃvatsaraṃ vaset |
niyameṣvapramattastu yameṣu ca sadā bhavet || 30 ||

prāpya cānte tataścaiva jñānayogamanuttamam |
avirodhena dharmasya saṃcaret pṛthivīmimām || 31 ||

tataḥ saṃvatsarasyānte jñānayogamanuttamam |
āśramatrayamutsṛjya prāptaśca paramāśramam || 32 ||

p. 114)

anujñāpya gurūṃścaiva careddhi pṛthivīmimām |
tyaktasaṅgo jitakrodho laghvāhāro jitendriyaḥ || 33 ||

dvāvimau na virājete viparītena karmaṇā |
nirārambho gṛhasthaśca kāryavāṃścaiva bhikṣukaḥ || 34 ||

mādyati pramadāṃ dṛṣṭvā surām pītvā ca mādyati |
tasmād dṛṣṭiviṣāṃ nārīṃ dūrataḥ parivarjayet || 35 ||

saṃbhāsaṇaṃ saha strībhirālāpapreṣaṇaṃ tathā |
nṛttaṃ gānaṃ sahāsaṃ ca parivādāṃśca varjayet || 36 ||

na snānaṃ na japaḥ pūjā na homo naiva sādhanam |
nāgnikāryādi kāryaṃ ca naitasyāstīha nārada || 37 ||

nārcanaṃ pitṛkāryaṃ ca tīrthayātrā vratāni ca |
dharmādharmādikaṃ nāsti na vidhirlaukikī kriyā || 38 ||

saṃtyajet sarvakarmaṇi lokācāraṃ ca sarvaśaḥ |
kṛmikīṭapataṅgāṃśca tathā yogī vanaspatīn || 39 ||

na nāśayed budho jīvān paramārthamatiryatiḥ |
nityamantarmukhaḥ svacchaḥ praśāntātmā svapūrṇadhīḥ || 40 ||

antaḥsaṅgaparityāgī loke vihara nārada |
nārājake janapade caratyekacaro muniḥ || 41 ||

niḥstutirnirnamaskāro niḥsvadhākāra eva ca |
calācalaniketaśca yatiryādṛcchiko bhavet || 42 ||

ityupaniṣat ||

p. 115)

vividiṣoḥ śravaṇavidhimāha- virajyeti | 
sārvabhaumādyāviriñcitvapradakarma-phalāt sarvabhūtebhyo nivartya 
prayojanādapi virajya viratimetya saṃnyasedityarthaḥ saṃnyasya śravaṇaṃ kuryāt 
iti smṛteḥ | svābhimatagurunikaṭe saṃśayādipañcadoṣanivṛttyantaṃ 
samāhitakaraṇagrāmo bhūtvā sarvavedāntaśravaṇameva kuryādityarthaḥ 
āvṛttirasakṛdupadeśāt iti vaiyāsikasūtrānurodhena

ahaṃ brahmeti vākyārthabodho yāvad dṛḍhībhavet |
śamādisahitastāvadabhyasecchravaṇādikam ||

iti bhagavatpādācāryokteḥ | tataḥ kimityatrāha- dārādisvadehāntakalanāsu 
nirmama iti | yataḥ śravaṇādijanyajñānaṃ kaivalyaprāpakam ata eva 
śravaṇādi-pratibandhakakāryaṃ saṃnyasya śāntyādisahito bhūtvā 
jñānaphalasiddhi-paryantaṃ śravaṇameva kuryādityāha- saṃsāreti | 
kuṭīcakādyāśramatraya-mutsṛjya paramāśramaṃ 
paramahaṃsāśramamityarthaḥ || tataḥ anujñāpyeti || kīdṛśo bhūtvetyatrāha##-
vibhramakarastrīsaṃlāpādivimukho bhavedityāha- mādyatīti | yasmādevaṃ 
tasmāt | paramārthadṛṣṭeḥ snānajapādikartavyatā nāstītyāha- neti | 
lokasaṃgrahārthaṃ karma kartavyamityatrāha- saṃtyajediti | carasthirahiṃsāṃ 
na kuryādityāha- kṛmīti | calaṃ śūnyāgārādi kṣayiṣṇutvāt acalaṃ 
parvatādiḥ tasya sthiratvāt | yādṛcchiko bhavet yadṛcchālābhasaṃtuṣṭo bhavet 
| na hi yathecchācaraṇaṃ bhavitumarhati pravṛttinivṛttisaṃkalpāsaṃbhavāt | 
ityupaniṣacchabdaḥ ṣaṣṭhopadeśasamāptyarthaḥ || 20-42 ||

iti ṣaṣṭhopadeśaḥ ||

saptamopadeśaḥ 

yati niyamāḥ 

atha yaterniyamaḥ kathamiti pṛṣṭo nāradaṃ pitāmahaḥ puraskṛtyovāca | 
viraktaḥ san yo varṣāsu dhruvaśīlo'ṣṭau māṃsyekākī carennaikatra nivaset |

p. 116)

bhikṣurbhayāt sāraṅgavadekatra na tiṣṭhet | svagamanavirodhagrahaṇaṃ na kuryāt | 
hastābhyāṃ nadyuttaraṇaṃ na kuryāt | na vṛkṣārohaṇamapi | na devotsava##-
sarvaṃ tyaktvā madhukaravṛttyāhāramāharan kṛśo bhūtvā 
medovṛddhimakurvan ājyaṃ rudhiramiva tyajet | ekatrānnaṃ palalamiva 
gandhalepanamaśuddhalepanamiva kṣāramantyajamiva vastramucchiṣṭapātramiva 
abhyaṅgaṃ strīsaṅgamiva mitrāhlādanaṃ mūtramiva spṛhāṃ gomāṃsamiva 
jñātacaradeśaṃ caṇḍālavāṭikāmiva striyamahimiva suvarṇaṃ kālakūṭamiva 
sabhāsthalaṃ śmaśānasthalamiva rājadhānīṃ kumbhīpākamiva 
śavapiṇḍavadekatrānnam | dehāntaradarśanaṃ prapañcavṛttiṃ parityajya 
svadeśamutsṛjya jñātacaradeśaṃ vihāya vismṛtapadārthapunaḥprāptiharṣa 
iva svamānandamanusmaran svaśarīrābhimānadeśavismaraṇaṃ kṛtvā 
svaśarīraṃ śavamiva heyamupagamya kārāgṛhavinirmuktacoravat 
putrāptabandhubhava-sthalaṃ vihāya dūrato vaset | ayatnena prāptamāharan 
brahmapraṇavadhyānānu-saṃdhānaparo bhūtvā sarvakarmavinirmuktaḥ 
kāmakrodhalobhamohamada-mātsaryādikaṃ dagdhvā triguṇātītaḥ 
ṣaḍūrmirahitaḥ ṣaḍbhāvavikāra-śūnyaḥ satyavāk śuciḥ adrohī 
grāmaikarātram pattane pañcarātram kṣetre pañcarātram tīrthe pañcarātram 
aniketaḥ sthiramatiḥ nānṛtavādī girikandareṣu vasedeka eva vā dvau vā caret 
grāmaṃ tribhiḥ nagaraṃ [u u 1 : catuḥ grāmam] 
caturbhirnagaramityekaścaredbhikṣuḥ | caturdaśakaraṇānāṃ na tatrāvakāśaṃ 
dadyāt | avicchinnajñānādvairāgyasaṃpattimanubhūya matto na

p. 117)

kaścinnānyo vyatirikta ityātmanyālocya sarvataḥ svarūpameva paśyan 
jīvanmuktimavāpya prārabdhapratibhāsanāśaparyantaṃ caturvidhaṃ svarūpaṃ 
jñātvā dehapatanaparyantaṃ svarūpānusaṃdhānena vaset || 1 ||

kuṭīcakādicaryā bahudhā śrutvāpi punarviśeṣabubhutsayā nāradena pṛṣṭhaḥ 
pitāmahaḥ prasaktānuprasaktyā puroktamanuktaṃ ca sarvamupadiṣṭavānityāha##-
virakta iti | yadi kṛtaśravaṇādisādhanastadanadhikārī vā aṣṭau māṃsyekākī 
grāmaikarātramityuktarītyā saṃcaret | cāturmāsye tu ekatra nivaset bhikṣuḥ bhayāt 
prāṇibādhā syāditi bhiyā varṣāsvekatra nivasedityarthaḥ | cāturmāsyānantaraṃ 
sāraṅgavadekatra na tiṣṭhet kadāpi svagamanavirodha-grahaṇamatraiva 
katicidahāni vasatviti prārthanāṅgīkāraṃ na kuryāt | yadi dṛḍhāṅgaḥ 
gandhalepanamiti | brahmātiriktadhiyā na dehāntaradarśanamiti | yatra 
svaśarīrābhimānino vartante tatra svaśarīrābhimānadeśavismaraṇam | ṣoḍaśa##-
svātirikta-sarvakarmanirmuktaḥ yatra kutrāpyaniketaḥ saṃcārakāle eka eva 
caret | cāturmāsyādiprasaktau grāmaṃ dvau vā caret tribhiḥ caturbhirvā nagaraṃ 
caret viśvarūpayātrācchalena yatireka eva caredityarthaḥ | bhikṣuḥ 
vāgādicaturdaśakaraṇānāṃ svātiriktāstitvabhramamutsṛjya | sarvata iti | 
viśvavirāḍotrādidvituryāvikalpāntaṃ tadgataheyāṃśāpāyasiddhamotrādi##-

kuṭīcakādīnāṃ snānādiniyameṣu viśeṣaḥ

triṣavaṇasnānaṃ kuṭīcakasya bahūdakasya dvivāram haṃsasyaikavāram 
paramahaṃsasya mānasasnānam turyātītasya bhasmasnānam avadhūtasya 
vāyavyasnānam || 2 ||

p. 118)

ūrdhvapuṇḍraṃ kuṭīcakasya tripuṇḍraṃ bahūdakasya ūrdhvapuṇḍratripuṇḍraṃ 
haṃsasya bhasmoddhūlanaṃ paramahaṃsasya turīyātītasya tilakapuṇḍram 
avadhūtasya na kiṃcit turīyātītāvadhūtayoḥ || 3 ||

ṛtukṣauraṃ kuṭīcakasya ṛtudvayakṣauraṃ bahūdakasya na kṣauraṃ haṃsasya 
paramahaṃsasya na ca [u 1 : ca na] kṣauram asti cedayanakṣauraṃ 
turīyātītāvadhūtayorna kṣauram || 4 ||

kuṭīcakasyaikānnam mādhūkaraṃ bahūdakasya haṃsaparamahaṃsayoḥ karapātram 
turīyātītasya gomukham avadhūtasyājagaravṛttiḥ || 5 ||

śāṭīdvayaṃ kuṭīcakasya bahūdakasyaikaśāṭī haṃsasya khaṇḍam digambaraṃ 
paramahaṃsasyaikakoupīnaṃ vā turīyātītāvadhūtayorjātarūpadharatvam | 
haṃsaparamahaṃsayorajinaṃ na tvanyeṣām || 6 ||

kuṭīcakabahūdakayordevārcanam haṃsaparamahaṃsayormānasārcanam 
turīyātītāvadhūtayoḥ so'haṃbhāvanā || 7 ||

kuṭīcakabahūdakayormantrajapādhikāraḥ haṃsaparamahaṃsayordhyānādhi##-
nānyasyopadeśādhikāraḥ || 8 ||

kuṭīcakabahūdakayormānuṣapraṇavaḥ haṃsaparamahaṃsayorāntarapraṇavaḥ 
turyātītāvadhūtayorbrahmapraṇavaḥ || 9 ||

p. 119)

kuṭīcakabahūdakayoḥ śravaṇam haṃsaparamahaṃsayormananam turīyātītāva##-

evaṃ mumukṣuḥ sarvadā saṃsāratārakaṃ tārakamanusmaran jīvanmukto 
vasedadhikāraviśeṣeṇa kaivalyaprāptyupāyamanviṣyedyatiḥ | ityupaniṣat || 11 ||

kuṭīcakādeḥ snānapuṇḍrakṣaurāśanavastradevārcanamantrapraṇavādivaicitrya##-
puṇḍramasti tayoḥ parecchācaraṇatvāt | paramahaṃsasya na ca kṣauram | 
vakṣyamāṇasamaṣṭi-bāhyapraṇavasya caturmātratayā mānuṣapraṇavatvāt 
haṃsaparamahaṃsayorāntarapraṇavaḥ vakṣyamāṇāṣṭamātrātmako'ntaḥ##-
ṣoḍaśamātrātmaka-tayā turyaturyagocaratvāt | saṃsāratārakaṃ 
brahmapraṇavābhidhānaṃ tārakamanusmaran | 
kuṭīcakādisvadharmānuṣṭhānapūrvakaṃ mokṣopāyamanviṣyet | na hi taiḥ 
paramahaṃsādidharmo'nuṣṭheya ityatra smṛtiḥ- śreyān svadharmo viguṇaḥ 
paradharmāt svanuṣṭhitāt iti | ityupaniṣacchabdaḥ saptamopadeśasamāptyarthaḥ || 
2-11 ||

iti saptamopadeśaḥ ||

aṣṭamopadeśaḥ 

tārakasvarūpajijñāsā 

atha hainaṃ bhagavantaṃ parameṣṭhinaṃ nāradaḥ papraccha | saṃsāratārakaṃ 
prasanno bhrūhīti | tatheti parameṣṭhī vaktumupacakrame | omiti brahmeti vyaṣṭi##-
sṛṣṭi-praṇavaścāntarbahiścobhayātmakatvāt trividhaḥ | 
brahmapraṇavo'ntaḥpraṇavo vyāvahārikapraṇavaḥ |

p. 120)

bāhyapraṇava ārṣapraṇavaḥ | ubhayātmako virāṭpraṇavaḥ | saṃhārapraṇavo 
brahmapraṇavo'rdhamātrāpraṇavaḥ || 1 ||

evaṃ pitāmahāt paramamupadeśaṃ labdhvā atha tārakayāthātmyabubhutsayā 
nāradena yat pṛṣṭaṃ tadaṅgīkṛtya parameṣṭhī praśnottaramāhetyāha- 
atheti | parameṣṭhī vaktumupacakrame | kiṃ tat? omiti brahmeti 
vyaṣṭisamaṣṭibhāvagata-praṇavāvayavākārasthūlāṃśādiprakāreṇa saha 
tadvyaṣṭyādyadhyakṣa##-
brahmapraṇavārthaṃ brahmeti viddhīti śeṣaḥ | tatra kā vyaṣṭiḥ? kā 
samaṣṭiḥ? ityatra vyaṣṭisamaṣṭyātmako hi brahmapraṇavaḥ svājñadṛṣṭyā 
tridhā bhidyate | tat kathamityatra saṃsārasṛṣṭyantabāhyādibhedāt | ko'yaṃ 
sṛṣṭipraṇavādi-rityatra 
ardhamātrākārokāropasarjanamakāramātrāpradhāno'yaṃ saṃhārapraṇava 
rudrādhiṣṭhito brahmaviṣṇurudrādhiṣṭhito vā bhavati

trimātrākalanopetasaṃhārapraṇavāsanāḥ |
brahmaviṣṇvīśvarā viśvasargasthityantahetavaḥ |
bhaveyuryata evāyaṃ saṃhārapraṇavo bhavet ||

iti saṃhārapraṇavokteḥ | ukārādyupasarjanākārapradhāno'yaṃ sṛṣṭipraṇavaḥ | 
tadadhiṣṭhātā caturānanaḥ

ekamātrātmakaṃ tāramupādāya caturmukhaḥ |
yataḥ sasarja sakalaṃ sṛṣṭitāra ato bhavet || 

iti sṛṣṭipraṇavokteḥ | antarbāhyapraṇavasvarūpaṃ paścāt vakṣyate | saṃhāra##-
traividhyamupapadyate | tat katham? mātrātrayaprathāno'yaṃ saṃhārapraṇavaḥ 
ekamātrāpradhāno'yaṃ sṛṣṭipraṇavaḥ aṣṭamātrātmako'ntaḥpraṇavaḥ 
caturmātrātmako bāhyapraṇavaśca militvā ṣoḍaśamātrātmako brahmapraṇavo 
bhavatītyarthaḥ | kimetāvāneva brahmapraṇavavibhāgaḥ nātaḥ paramastītyā##-
ityāha- antariti | eka

p. 121)

eva brahmapraṇavo bahudhā bhidyata ityatra- pañcāśadvarṇagarbhitākāra##-
sparśoṣmabhirvyajyamānā bahvī nānārupā bhavati iti śruteḥ | 
durgādipañcabrahmāntādhiṣṭhito vaikharīprapañcakalanāheturvyāvahārika##-

ekamātrātmakastāraḥ pañcāśadvarṇabhūṣitaḥ |
vaikharī kalanāheturvyāvahārika īritaḥ ||

durgādiśaktitritayaṃ karmecchāditriśaktikam |
vasvādityarudrajātaṃ navabrahmādhidaivatam |
tathā pañcabrahmadaivaṃ tadvācyārtha itīritaḥ ||

iti vyāvahārikapraṇavokteḥ | samaṣṭibāhyo vyaṣṭipraṇavaścaturmātrātmako 
bāhyapraṇava ucyate | sa viśvādhiṣṭhito bhavatītyatra- 

vyaṣṭeḥ samaṣṭibāhyatvāt tūlāturyāṃśayogataḥ |
bāhyapraṇava āmnāto viśvādyā vācyatāṃ gatāḥ ||

iti bāhyapraṇavokteḥ | akārokāramakārabindunādakalākalātītatvena ṛṣi##-

saptamātrātmakaḥ pañcabrahmāntaryāmyadhiṣṭhitaḥ |
ṛṣimaṇḍalasevyatvādārṣapraṇava ucyate || 

ityārṣapraṇavokteḥ | akārokārobhayātmakasthitipraṇavo brahmaviṣṇvadhiṣṭhito 
bhavatītyatra-

yato viṣṇurdvimātrāḍhyatāropādānato'nvaham |
rarakṣa viśvamakhilaṃ sthititāra ato bhavet ||

iti sthitipraṇavokteḥ | samaṣṭyakārādimātrācatuṣṭayātmako virāṭpraṇavaḥ 
virāḍādibhiradhiṣṭhito bhavatītyatra- 

catuḥsamaṣṭimātrāyugvirāṭpraṇava ucyate |
virāḍādirbhavedvācyaṃ tallakṣyaṃ paramākṣaram ||

p. 122)

iti virāṭpraṇavokteḥ | pūrvasmin paryāye saṃhārapraṇavo vyākhyātaḥ | 
brahmapraṇavastu paścāt vakṣyate | sthūlādimātrācatuṣṭayātmako'rdha##-
oṃkāra eva catūrūpo hyayamoṃkāraḥ sthūlasūkṣmabījasākṣibhirotra##-

antaḥpraṇavādīnāṃ svarūpakathanam 

omiti brahma | omityekākṣaramantaḥpraṇavaṃ viddhi | sa cāṣṭadhā bhidyate- 
akārokāramakārārdhamātrānādabindukalāḥ śaktiśceti | tanna catvāraḥ | 
akāraścāyutāvayavānvitaḥ ukāraḥ sahasrāvayavānvitaḥ makāraḥ 
śatāvayavopetaḥ ardhamātrāpraṇavo'nantāvayavākāraḥ | saguṇo virāṭpraṇavaḥ 
saṃhāro nirguṇapraṇavaḥ ubhayātmakotpattipraṇavaḥ [u u 1 ubhayātmako 
virāṭpraṇavaḥ] | yathā pluto virāṭ | plutaplutaḥ saṃhāraḥ || 2 ||

tataḥ antaḥpraṇavārthamāha- omiti | omiti brahmeti vyākhyātam | 
aṣṭamātrātma-ko'ntaḥpraṇavaḥ pañcabrahmavirāṭsūtreśvarādhiṣṭito 
bhavatītyatra-

akārādyaṣṭamātrāyugantaḥpraṇava ucyate |
pañcabrahmavirāṭsūtrabījeḍvācyārthaḥ ucyate ||

ityantaḥpraṇavokteḥ | kevalaṃ pradhānataḥ caturmātrātmako'yaṃ praṇava iti 
yaduktam tanna catvāraḥ kevalacaturmātrātmaka eva na bhavati kiṃtu tadavayavā##-
a-bhedavaiśiṣṭyamāha- akāra iti | ardhamātrāpraṇavasya

p. 123)

sṛṣṭyādipraṇavavadantāvayavābhāvato niravayavatvāda##-
saguṇanirguṇatvaṃ vastutaḥ niṣpratiyogikanirguṇatvaṃ cāha- saguṇa iti | 
saguṇo virāṭpraṇavaḥ sarvāropādhikaraṇabrahmapratīkatvāt | saṃhāro 
nirguṇapraṇavaḥ svātiriktasarvāpavādādhikaraṇabrahmālambanakatvāt | kiṃca 
ubhayātmakotpattipraṇavaḥ | saguṇanirguṇavirāṭsākṣiyogataḥ ubhayātmako'ya##-
svājñasvajña-dṛṣṭibhyāṃ saviśeṣanirviśeṣasvarūpatvena 
svātiriktaprapañcotpattyādi-hetutvāt tadvācakasyotpattipraṇavatvaṃ yujyata 
ityarthaḥ | sapratiyogikanirguṇa-praṇavaṃ dṛṣṭāntīkṛtya dārṣṭāntikatayā 
niṣpratiyogikanirguṇatadupāya-ṣoḍaśamātrāprapañcanapūrvakaṃ 
brahmapraṇavasvarūpamāha- yatheti | plutaplutaśabdena 
caturthamātrārdhamātrocyate | tadasaṅgaciddhāturakārādi##-
tathā plutaplutaḥ ardhamātrārdhamātrātmakaḥ svayaṃ ṣoḍaśasaṃkhyā##-

virāṭpraṇavasya ṣoḍaśamātrātmakatvam 

virāṭpraṇavaḥ ṣoḍaśamātrātmakaḥ ṣaṭtriṃśattattvātītaḥ | 
ṣoḍaśamātrātmakatvaṃ kathamiti | ucyate- akāraḥ prathamaḥ ukāro dvitīyaḥ 
makārastṛtīyaḥ ardhamātraścaturthaḥ binduḥ pañcamī nādaḥ ṣaṣṭhī kalā 
saptamī kalātītāṣṭamī śāntirnavamī śāntyatītā daśamī unmanyekādaśī 
manonmanī dvādaśī purī trayodaśī madhyamā caturdaśī paśyantī pañcadaśī

p. 124)

parā ṣoḍaśī | punaścatuḥṣaṣṭimātraḥ 
prakṛtipuruṣadvaividhyamāsādyāṣṭā##-
brahmapraṇavaḥ || 3 ||

svātiriktākārasthūlādyaṃśaprabhavajāgrajjāgradādicatuṣpañcadaśakalanā##-
yatropalabhyate so'yaṃ vīrāṭpraṇavo brahmapraṇava ityarthaḥ | kathaṃ punastasya 
virāṭpraṇavasya brahmapraṇavatvam? ṣoḍaśamātrātmakatvāt | kāstā mātrā 
ityata āha- soḍaśamātrātmaka iti | 
varāhopaniṣaduktajñānakarmaprāṇaśabdā##-
-##tanmātramahattattvāvyaktākhyāni ṣaṭtriṃśattattvānyatītyāpahnavīkṛtya 
niṣpratiyogikatayā vartate avaśiṣyata iti ṣaṭtriṃśattattvātīta ityarthaḥ | 
śiṣṭamuktārtham | ṣoḍaśamātrāsvarūpaṃ viśadīkaroti- akāra iti | 
ṣoḍaśa-mātrātmako brahmapraṇavaḥ | tatra 
pañcadaśamātrātadadhyakṣaviśva##-
brahmapraṇava-taddīpikādi kṛtsnaṃ pramāṇam | na kevalamidaṃ mānaṃ 
kiṃtu nṛsiṃhatāpinī-paramahaṃsaparivrājakādyupaniṣado'pītyarthaḥ | 
ekasyaiva brahmapraṇavasya prakṛtipuruṣāvayavayogato bahutvaṃ svena 
rūpeṇaikatvaṃ cāha- punariti | purā brahmapraṇavāvayavākārādeḥ 
ayutādyavayavavaiśiṣṭyamuktam | punarapi svātiriktatvena | prakṛtatvāt 
prakṛtiḥ | tasyāścatuḥṣaṣṭimātrāvaiśiṣṭyaṃ kathamityatra 
vyaṣṭyakārasthūlākārādi pañcadaśa tathā samaṣṭisthūlā-kārādi 
pañcadaśa | viśiṣṭaṃ triṃśat | tathā vyaṣṭisamaṣṭijāgrajjāgradādi##-
prākṛtavibhāgaścatuḥṣaṣṭiḥ | tathā svātiriktāvidyāpadatatkāryajātaṃ 
navaprajāpatyādyavikalpānujñaikarasāntacaitanyātmanā pūrayatīti puruṣaḥ | tasya 
catuḥṣaṣṭipādamātratvaṃ kathamityatra prajāpatayo nava pañcīkṛtya 
nirvāhakāḥ pañca brāhmāṇaḥ vasurudrādityā antaryāmikūṭasthāḥ pañca 
viśvaviśvādayaḥ pañcadaśa virāḍvirāḍādi pañcadaśa otrotrādi pañcadaśa 
āhatya catuḥṣaṣṭiḥ | evaṃ nirviśeṣaciddhātureva catuḥṣaṣṭimātrāpādavat 
prakṛtipuruṣadvaividhyamāsādya svayaṃ vastumātradṛṣṭyā 
prākṛtapauruṣa##-
saguṇatvamupaiti | svajñadṛṣṭyā prākṛtapauruṣabhedakalanāpavādādhi##-

p. 125)

nirguṇatvaṃ copaiti | ata eko'pi brahmapraṇavaḥ svājñādidṛṣṭyā saguṇatvaṃ 
nirguṇatvaṃ cāvāpa || 3 ||

parabrahmānusaṃdhānam

sarvādhāraḥ paraṃ jyotireṣa sarveśvaro viduḥ |
sarvadevamayaḥ sarvaprapañcādhāragarbhitaḥ || 4 ||

sarvākṣaramayaḥ kālaḥ sarvāgamamayaḥ śivaḥ |
sarvaśrutyuttamo mṛgyaḥ sakalopaniṣanmayaḥ || 5 ||

bhūtabhavyabhaviṣyadyat trikāloditamavyayam |
tadapyoṃkāramevādyaṃ viddhi mokṣapradāyakam || 6 ||

tadevātmānamityetad brahmaśabdena varṇitam |
tadekamajaramamṛtamanubhūya tathomiti || 7 ||

saśarīraṃ samāropya tanmayatvaṃ tathomiti |
triśarīraṃ svamātmānaṃ paraṃ brahma viniścinu || 8 ||

paraṃ brahmānusaṃdadhyādviśvādīnāṃ kramakramāt |

ata evāyaṃ sarvāropāpavādādhikaraṇatayā sarvādhāraḥ | jaḍādhāratayā 
jaḍatvaṃ syādityata āha- paraṃ jyotiriti | svasya 
jaḍaprapañcātiriktatvenājaḍa-svarūpatvāt | vastuto'yameṣa sarveśvaraḥ 
svātiriktasarvāpahnavasiddhaniṣprati-yogikabrahmamātratayāvasthita 
īśvaratvāditi tamātmānaṃ paramārthadṛṣṭayaḥ svāvaśeṣadhiyā viduḥ 
jānantītyarthaḥ | brāhmaṇena yo'rtho'bhihitaḥ taṃ mantragrāmo'pyanuvadati- 
sarvetyādi | sarvadevamayaḥ sarvadevatāsvarūpatvāt | sarvaprapañcāropādhāra 
īśvaro yato niṣpannaḥ so'yaṃ prapañcādhāragarbhitaḥ | sarvākṣaramayaḥ 
pañcāśadvarṇārtha-rūpatvāt | kālaḥ kalayitṛtvāt sarvasya 
kālayitṛtvādvā |

p. 126)

sarvāgamamayaḥ āgamaśāstrārtharūpatvāt | śivaḥ svātiriktāśivagrāsatvāt | 
kiṃca- sarveti |

sarve vedā yatpadamāmananti tapāṃsi sarvāṇi ca yadvadanti |
yadicchanto brahmacaryaṃ caranti tatte padaṃ saṃgraheṇa bravīmi || omityetat 

iti śrutyanurodhena sarvaśrutibhiromiti yaduktaṃ tat 
brahmapraṇavārthaturyaturya-svamātramityevāyamātmā mṛgyaḥ 
anveṣṭavyaḥ itarathā mṛgayitumaśakyatvāt | īśādisakalopaniṣanmayaḥ 
sarvopaniṣanmukhyārthatvāt | yaḥ kālatrayāvacchinnaḥ tadatīto'pi tameva 
mokṣasādhanaṃ viddhītyāha- bhūteti | śrīnṛsiṃhottaratāpinyāṃ 
omityetadakṣaramidaṃ sarvam ityādi sa ātmā sa vijñeyaḥ ityantaṃ 
yathāvyākhyātamatrāpi draṣṭavyam | ayamātmā brahmetyaṃśaṃ vivṛṇoti- 
tadeveti | tadekamajaramamṛtamomityanubhūya tasminnidaṃ sarvaṃ 
triśarīramāropya tanmayaṃ hi tadeveti taṃ vā etamātmānaṃ triśarīraṃ paraṃ 
brahmānusaṃdadhyāt iti śrutyaṃśamanu-karotītyāha- tadekamiti || 4##-

viśvādīnāṃ cāturvidhyam 

sthūlatvāt sthūlabhuk cātra sūkṣmatvāt sūkṣmabhuk param || 9 ||

ekatvānandabhogācca so'yamātmā caturvidhaḥ |
catuṣpājjāgaritasthānaḥ sthūlaprajño hi viśvabhuk || 10 ||

ekonaviṃśatimukhaḥ sāṣṭāṅgaḥ sarvagaḥ prabhuḥ |
sthūlabhuk caturātmātha viśvo vaiśvānaraḥ pumān || 11 ||

viśvajit prathamaḥ pādaḥ svapnasthānagataḥ prabhuḥ |
sūkṣmaprajñaḥ svato'ṣṭāṅga eko nānyaḥ paraṃtapa | 12 ||

sūkṣmabhuk caturātmātha taijaso bhūtarāḍayam |
hiraṇyagarbhaḥ sthūlo'ntardvitīyaḥ pāda ucyate || 13 ||

p. 127)

kāmaṃ kāmayate yāvadyatra supto na kaṃcana |
svapnaṃ paśyati naivātra tat suṣuptamapi sphuṭam || 14 ||

ekībhūtaḥ suṣuptasthaḥ prajñānadhanavān sukhī |
nityānandamayo'pyātmā sarvajīvāntarasthitaḥ || 15 ||

tathāpyānandabhuk cetomukhaḥ sarvagato'vyayaḥ |
caturātmeśvaraḥ prājñastṛtīyaḥ pādasaṃjñitaḥ || 16 ||

eṣa sarveśvaraścaiṣa sarvajñaḥ sūkṣmabhāvanaḥ |
eṣo'ntaryāmyeṣa yoniḥ sarvasya prabhavāpyayau || 17 ||

bhūtānāṃ trayamapyetat sarvoparamabādhakam |
tat suṣuptaṃ hi tat svapnaṃ māyāmātraṃ prakīrtitam || 18 ||

tat kathaṃ viśvādīnāṃ cāturvidhyamityatra- sthūlatvāditi | trayamapyetat 
suṣuptam iti samānaśrutitaḥ jāgradādyavasthātrayasyāpi suṣuptatvaṃ 
sarvoparamaṇādhikaraṇajñānabādhakaṃ jāgradādyavasthātraye'pi 
tattvāgrahaṇalakṣaṇasvāpasya tulyatvādityarthaḥ | svapnaṃ māyāmātram ityatra 
jāgratsvapnāvanyathāgrahaṇalakṣaṇāvityarthaḥ || 9-18 ||

turyāvasthāyāḥ cāturvidhyam 

caturthaścaturātmāpi saccidekaraso hyayam |
turīyāvasitatvācca ekaikatvānusārataḥ || 19 ||

otranujñātranujñānavikalpajñānasādhanam |
vikalpatrayamatrāpi suṣuptaṃ svapnamāntaram |
māyāmātraṃ viditvaivaṃ saccidekaraso hyatha || 20 ||

p. 128)

jāgradādyavasthātrayasya cāturvidhyamuktvā turyāvasthāyā api cāturvidhya##-
ekaikatvānusārata iti | sarvatra turyānusyūtisādhanaṃ kimityatra- otrityādi | 
atrāpi otrāditrayamapi suṣuptameva 
viśvaviśvādyanujñaikarasāvikalpavadātmāvaraṇabhedapratītya##-
vedanottarakṣaṇaṃ svayameva saccidekaraso hyavaśiṣyata ityarthaḥ || 19-20 ||

turyatūrīyo brahmapraṇavaḥ 

vibhakto hyayamādeśo na sthūlaprajñamanvaham |
na sūkṣmaprajñamatyantaṃ na prajñaṃ na kvacinmune || 21 ||

naivāprajñaṃ nobhayataḥprajñaṃ na prajñamāntaram |
nāprajñamapi na prajñāghanaṃ cādṛṣṭameva ca || 22 ||

tadalakṣaṇamagrāhyaṃ yadavyavahāryamacintyamavyapadeśyamekātmapratyaya##-
brahmapraṇavaḥ | sa vijñeyo nāparasturīyaḥ | sarvatra bhānuvanmumukṣūṇā##-
virājate parabrahmatvāt | ityupaniṣat || 23 ||

yugapat turyaturyayāthātmyājñavikalpitaturyaturyapravibhaktasthūlākārādi##-
prapañcayati- vibhakta ityādinā | sa ātmā sa vijñeyaḥ ityantaṃ 
nṛsiṃhottara-tāpinīvivaraṇena vyākhyātaṃ bhavatīti mantavyam | 
prakṛtabrahmapraṇavamupa-saṃharati- sa iti | asminnupadeśe 
yasturyaturīyo'bhihitaḥ sa brahmapraṇavaḥ | sa eva svamātramiti vijñeyaḥ 
turyaturyāpekṣayā | nāparasturīyaḥ turyaturyādhikā-darśanāt | turyaturya eva 
svajñadṛṣṭyā mumukṣūṇāmādhāraḥ tatprāpyatvāt sarvaprakāśakabhānuvat |

p. 129)

svayaṃjyotiḥ sūryādijyotiṣāmapi jyotiṣṭvāt | vastuto bhāsyabhāsakakalanā##-
svājñādidṛṣṭimohe satyasati svamātratayā virājate | kutaḥ? parabrahmatvāt 
| svāvaśeṣatayā sthitiryujyata ityarthaḥ | aṣṭamopadeśasamāptyartho'yam 
ityupaniṣacchabdaḥ || 21-23 ||

ityaṣṭamopadeśaḥ ||

navamopadeśaḥ 

brahmasvarūpavarṇanam 

atha brahmasvarūpaṃ kathamiti nāradaḥ papraccha | taṃ hovāca pitāmahaḥ kiṃ 
brahmasvarūpamiti | anyo'sāvanyo'hamasmīti ye viduste paśavo na svabhāvapaśavaḥ 
| tamevaṃ jñātvā vidvān mṛtyumukhāt pramucyate | nānyaḥ panthā 
vidyate'yanāya || 1 ||

kālaḥ svabhāvo niyatiryadṛcchā bhūtāni yoniḥ puruṣa iti cintyam |
saṃyoga eṣāṃ na tvātmabhāvādātmā hyanīśaḥ sukhaduḥkhahetoḥ || 2 ||

te dhyānayogānugatā apaśyan devātmaśaktiṃ svaguṇairnigūḍhām |
yaḥ karaṇāni nikhilāni tāni kālātmayuktānyadhitiṣṭhatyekaḥ || 3 ||

tamekasmin trivṛtaṃ ṣoḍaśāntaṃ śatārdhāraṃ viṃśatipratyarābhiḥ |
aṣṭakaiḥ ṣaḍbhirviśvarūpaikapāśaṃ trimārgabhedaṃ dvinimitaikamoham || 4 ||

pañcasroto'mbuṃ pañcayonyugravaktrāṃ pañcaprāṇormiṃ 
pañcabuddhyādimūlām |
pañcāvartāṃ pañcaduḥkhaughavegāṃ pañcāśadbhedāṃ 
pañcaparvāmadhīmaḥ || 5 ||

sarvājīve sarvasaṃsthe bṛhante tasmin haṃso bhrāmyate brahmacakre |

p. 130)

pṛthagātmānaṃ preritāraṃ ca matvā juṣṭastatastenāmṛtatvameti || 6 ||

udgītametatparam tu brahma tasmiṃstrayaṃ svapratiṣṭhākṣaraṃ ca |
atrāntaraṃ vedavido viditvā līnāḥ pare brahmaṇi tatparāyaṇāḥ || 7 ||

saṃyuktametat kṣaramakṣaraṃ ca vyaktāvyaktaṃ bharate viśvamīśaḥ |
anīśaścātmā budhyate bhoktṛbhāvājjñātvā devaṃ mucyate sarvapāśaiḥ || 8 ||

jñājñau dvāvajāvīśanīśāvajā hyekā bhoktṛbhogārthayuktā |
anantaścātmā viśvarūpo hyakartā trayaṃ yadā vindate brahmametat || 9 ||

kṣaraṃ pradhānamamṛtākṣaraṃ haraḥ kṣarātmānāvīśate deva ekaḥ |
tadabhidhyānādyojanāttattvabhāvād bhūyaścānte viśvamāyānivṛttiḥ || 10 ||

jñātvā devaṃ mucyate sarvapāśaiḥ kṣīṇaiḥ kleśairjanmamṛtyuprahāṇiḥ |
tasyābhidhyānāttṛtīyaṃ dehabhede viśvaiśvaryaṃ kevala āptakāmaḥ || 11 ||

etajjñeyaṃ nityamevātmasaṃsthaṃ nātaḥ paraṃ veditavyaṃ hi kiṃcit |
bhoktā bhogyaṃ preritāraṃ ca matvā sarvaṃ proktaṃ trividhaṃ brahmametat || 12 ||

ātmavidyātapomūlaṃ tadbrahmopaniṣat param || 13 ||

pitāmahena brahmayāthātmyamuktamapi punarnaimiśāraṇyavāsimunimaṇḍala##-
yadi tvaṃ parokṣaṃ manyase tadā anyo'sāvanyo'hamasmīti svabhedena ye viduste 
paśavaḥ svasvāmibadhyamānapaśava iva svājñānadṛḍhapāśabaddhatvāt |te 
svabhāvata eva paśava ityata āha- na svabhāvapaśava iti | teṣāṃ svabhāvasya 
niṣpratiyogikabrahmamātratvāt | yaḥ sadā niṣpratiyogikamavaśiṣyate tamevaṃ 
svamātramiti jñātvā vidvān mṛtyumukhāt pramucyate | sa vidvān 
vedanasamakālaṃ svātiriktāstitvameva mṛtyuḥ tanmukhataḥ svājñānāt mucyate 
svayaṃ svamātramavaśiṣyate ityarthaḥ | svājñānaprabhavasvātirikta##-

p. 131)

vidyate'yanāyeti | evaṃ nāradena sākaṃ vidhimukhataḥ śrutavedāntā 
naimiśāraṇyavāsino munayo militvā kālādisāṃkhyāntamatānyupanyasyātha 
pūrvapakṣatvena nirasya yat paramārthatattvaṃ tadeva svamātraṃ nāto'tirikta##-
śvetāśvataramantro-paniṣadi kālaḥ svabhāvaḥ ityārabhya tadbrahmopaniṣat 
param ityantaṃ padaśo vyākhyātamityatroparatamiti mantavyam | evaṃ 
naimiśāraṇyavāsinaḥ parameṣṭhimukhataḥ nātaḥ paraṃ veditavyaṃ hi kiṃcit iti 
svātiriktasarvā-pahnavasiddhaṃ brahma niṣpratiyogikasvamātramiti viditvā 
vedanasamakālaṃ kṛtakṛtyāḥ santaḥ tanmātramavāśiṣyanta ityarthaḥ || 1##-

śāstravedanaphalam 

ya evaṃ viditvā svarūpamevānucintayan tatra ko mohaḥ kaḥ śoka 
ekatvamanupaśyataḥ | tasmādvirāḍ bhūtaṃ bhavyaṃ bhaviṣyadbhavatyanaśvara##-

aṇoraṇīyān mahato mahīyānātmāsya jantornihito guhāyām |
tamakratuṃ paśyati vītaśoko dhātuḥ prasādānmahimānamīśam || 15 ||

apāṇipādo javano grahītā paśyatyacakṣuḥ sa śṛṇotyakarṇaḥ |
sa vetti vedyaṃ na ca tasyāsti vetā tamāhuragryaṃ puruṣaṃ mahāntam || 16 ||

aśarīraṃ śarīreṣvanavastheṣvavasthitam |
mahāntaṃ vibhumātmānaṃ matvā dhīro na śocati || 17 ||

sarvasya dhātāramacintyaśaktiṃ sarvāgamāntārthaviśeṣavedyam |
parāt paraṃ paramaṃ veditavyaṃ sarvāvasāne'ntakṛdveditavyam || 18 ||

kaviṃ purāṇaṃ puruṣottamottamaṃ sarveśvaraṃ sarvadevairupāsyam |
anādimadhyāntamanantamavyayaṃ śivācyutāmbhoruhagarbhabhūdharam || 19 ||

p. 132)

svenāvṛtaṃ sarvamidaṃ prapañcaṃ pañcātmakaṃ pañcasu vartamānam |
pañcīkṛtānantabhavaprapañcaṃ pañcīkṛtasvāvayavairasaṃvṛtam |
parāt paraṃ yanmahato mahāntaṃ svarūpatejomayaśāśvataṃ śivam || 20 ||

yaḥ ko'pyetacchāstraṃ yathāvadveda so'pi kṛtakṛtyo bhavatītyāha- ya 
evamiti | ya evaṃ maunipaṭalavat gurumukhāt sasaṃnyāsajñānaikagamyaṃ brahma 
svamātramiti viditvā tatastatsvarūpameva svātmetyabhedaṃ paśyati tasya tatra 
svarūpe svātiriktamasti nāstīti ko mohaḥ? tadapāye kaḥ śokaḥ? 
brahmamātrāvagateḥ śokamohāpahnavapūrvakatvāt | yasmādevaṃ svātiriktā##-
paramātmaiva svājñadṛṣṭyā yadbhūtādikālaparicchedyaṃ tat svajñadṛṣṭyā 
svarūpameva bhavatītyāha- bhūtaṃ bhavyamiti | vastutaḥ 
sanmātrātiriktāsada-bhāvāat paśyatehāpi sanmātramasadanyat iti śruteḥ | 
evamātmānaṃ paśyato vītaśokatvamātmanaḥ karaṇagrāmābhāve'pi 
karaṇagrāmapravṛttinimittatvaṃ cāha- aṇoriti | mantradvayamapi 
śvetāśvatare vyākhyātam | kathaṃ punaḥ ātmajñānāt śokātyayaḥ? 
dehāvacchinnātmanaḥ śokadarśanādityata āha- aśarīramiti | 
śokanimittaśarīratrayavairalyāt | śarīratrayāpahnavasiddhabrahma##-
viṣṇvātmanā dhātāraṃ poṣakam | īśvarātmanā acintyā aghaṭitaghaṭanā##-
sarvāgamāntārthaḥ | brahmavyatiriktaṃ na kiṃcidasti brahmamātramasanna hi iti 
paramasiddhānta eva viśeṣārthaḥ | tanmātratayā vedyaṃ svātmānaṃ ye jānanti 
tairbrahmavidbhiḥ yat parādakṣarādapi paraṃ tadeva paramaṃ brahma sarvāvasāne 
svātiriktasarvāpahnave sati svamātramiti sakṛdeva veditavyam | 
vedanavṛtterapyuparamāt yadyevaṃ veditumaśaktastadā 
kavimityāviśeṣaṇaviśiṣṭamīśvaraṃ vā ciramupāsya 
tatprasādalabdhabrahmajñānena nirviśeṣaṃ brahmaivaitītyāha- kavimiti | 
kaviṃ sarvajñatvāt | purāṇaṃ cirantanatvāt | anādimadhyāntaṃ svasya janma-

p. 133)

sthitilayābhāvāt | śivācyutāmbhoruhagarbhā harahariviriñcitaravaḥ teṣāṃ 
prarohagiritvāt | kiṃca- sveneti | svenāntaryāmyādibhāvamāpannenāyaṃ 
prapañco vyāpta iti vaktavye idaṃ prapañcam iti vibhaktiliṅgavyatyayaḥ | 
pañcātmakamityādiprapañcaviśeṣaṇam | tadvyāptyā tatsaṃvṛtatvaṃ syāditi 
śaṅkāyām asaṃvṛtamiti viśeṣaṇam | asaṃvṛtatve hetuḥ | parāt param iti 
mahadavyaktāderapi vyāpakatvena mahattvāt | vastutaḥ śivaṃ 
svātiriktāśivāpahnavāt | siddhaṃ brahmāsmītyātmānaṃ jānīyāt ityarthaḥ || 14##-

brahmaprāptiḥ taddhetuśca 

nāvirato duścaritānnāśānto nāsamāhitaḥ |
nāśāntamānaso vāpi prajñānenainamāpnuyāt || 21 ||

nāntaḥprajñaṃ na bahiḥprajñaṃ na sthūlaṃ nāsthūlaṃ na jñānaṃ nājñānaṃ 
nobhayataḥprajñamagrāhyamavyavahāryaṃ svāntaḥsthitaḥ svayameveti ya evaṃ 
veda sa mukto bhavati sa mukto bhavatītyāha bhagavān pitāmahaḥ || 22 ||

evaṃ jñānī duścaritādivṛttimānapi brahmāpnuyādityata āha- neti | 
duścaritādivṛttimato jñānānudayāt | yadi syāt pramādatastadābhāsajñānaṃ 
bhavet | na hyābhāsajñānaṃ brahmasākṣātkāraheturbhavati | yasmādevaṃ tasmāt 
duścaritādivṛttyasaṃbhavaniṣpratiyogikabrahmamātraprajñānena 
tadbhāvāpanno bhavatītyarthaḥ | svāntarbāhyavijṛmbhitasthūlasūkṣma##-

parivrājakasthitiḥ 

svasvarūpajñaḥ parivrāṭ | parivrāḍekākī carati | bhayatrastasāraṅgavat tiṣṭhati | 
gamanavirodhaṃ na karoti | svaśarīravyatiriktaṃ sarvaṃ tyaktvā 

p. 134)

ṣaṭpadavṛttyā sthitvā svarūpānusaṃdhānaṃ kurvan sarvamananyabuddhyā 
svasminneva mukto bhavati | sa parivrāṭ sarvakriyākārakanivartako guruśiṣya##-
nirdhanikaḥ sukhī | dhanavān jñānājñānobhayātītaḥ sukhaduḥkhātītaḥ 
svayaṃjyotiḥprakāśaḥ sarvavedyaḥ sarvajñaḥ sarvasiddhidaḥ sarveśvaraḥ 
so'hamiti | tadviṣṇoḥ paramaṃ padaṃ yatra gatvā na nivartante yoginaḥ | sūryo na 
tatra bhāti na śaśāṅko'pi | na sa punarāvartate na sa punarāvartate | tatkaivalyam | 
ityupaniṣat || 23 ||

evaṃ muktibhājanaparivrājakasthitimāha- svasvarūpajña iti | svasvarūpaṃ 
svamatramiti jānātīti svasvarūpajñaḥ | svājñānatatkāryaṃ parityajyā##-
svājñadṛṣṭyā janasaṃbādhe'pi svadṛṣṭyā parivrāḍekāki carati | 
svājñadṛṣṭyā bhayatrastasāraṅgavat tiṣṭhati sāraṅga iva tiṣṭhati | tathā 
svagamanavirodhaṃ na karotīva | svajñadṛṣṭyā śarīrābhāve'pi parāropita##-
mādhūkarāsyapātravṛttyā sthitvāhorātraṃ svarūpānusaṃdhānameva kurvan 
sarvamananyabuddhyā svasminneva mukto bhavati | kriyākārakadvaitaśūnyaḥ 
guruśiṣyaśāstrādibhidāgandhavikalaḥ nityānandasvāntatayā na kadāpi 
saṃsāraduḥkhamohitaḥ | parivrāṭ kathaṃ punaḥ nirdhanikaḥ sukhī bhavati? 
brahmamātradhanavato nityasukhitopapadyate | jñānājñānobhayātītaḥ 
cidābhāsatāyā mṛgyatvena jñānājñānātītatvam jñānitājñānite 
cātmābhāsasyaiva na cātmanaḥ iti smṛteḥ | svayaṃjyotiḥ prakāśamātratvāt | 
yaḥ sarvāpahnavasiddhabrahmamātratayā avasthātumīśvaro bhavati so'haṃ 
sarveśvaraḥ | yogino yatpadaṃ prāpyādyāpi na nivartante tadviṣṇoḥ parivrājakasya 
paramaṃ padam | na hi tatra sūryaśaśāṅkau bhāsete | yatpadamapunarāvartakaṃ

p. 135)

tadeva hi kaivalyam | itiśabdo navamopadeśasamāptyarthaḥ | upaniṣacchabdaḥ 
nāradaparivrājakopaniṣatsamāptyarthaḥ || 23 ||

iti navamopadeśaḥ |

śrīvāsudevendraśiṣyopaniṣadbrahmayoginā |
nāradīyavivaraṇaṃ likhitaṃ syāt sphuṭaṃ laghu |
parivrājakopaniṣadvyākhyā granthasahasrayuk ||

iti śrīmadīśādyaṣṭottaraśatopaniṣacchāstravivaraṇe tricatvāriṃśatsaṃkhyā##-

p. 137)

nirvāṇopaniṣat

vāṅ me manasi - iti śāntiḥ 

mukhyāvadhūtalakṣaṇam 

atha nirvāṇopaniṣadaṃ vyākhyāsyāmaḥ || 1 || paramahaṃsaḥ so'ham || 2 || 
parivrājakāḥ paścimaliṅgāḥ || 3 || manmathakṣetrapālāḥ || 4 || gaganasiddhāntaḥ 
|| 5 || amṛtakallolanadī || 6 || akṣayaṃ nirañjanam || 7 || niḥsaṃśaya ṛṣiḥ || 8 || 
nirvāṇo devatā || 9 || niṣkulapravṛttiḥ || 10 || niṣkevalajñānam || 11 || 
ūrdhvāmnāyaḥ || 12 || nirālambapīṭhaḥ || 13 || saṃyogadīkṣā || 14 || viyogopadeśaḥ 
|| 15 || dīkṣāsaṃtoṣapāvanaṃ ca || 16 || dvādaśādityāvalokanam || 17 || vivekarakṣā 
|| 18 || karuṇaiva keliḥ || 19 || ānandamālā || 20 || ekāsanaguhāyāṃ 
muktāsanasukhagoṣṭhī || 21 || akalpitabhikṣāśī || 22 || haṃsācāraḥ || 23 || 
sarvabhūtāntarvartī haṃsa iti pratipādanam || 24 || dhairyakanthā | udāsīnakaupīnam | 
vicāradaṇḍaḥ | brahmāvalokayogapaṭṭaḥ | śriyāṃ pādukā | parecchācaraṇam |

p. 138)

kuṇḍalinībandhaḥ | parāpavādamukto jīvanmuktaḥ | śivayoganidrā ca 
khecarīmudrā ca paramānandī || 25 || nirguṇaguṇatrayam || 26 || vivekalabhyaṃ 
manovāgagocaram || 27 || anityaṃ jagadyajjanitaṃ svapnajagadabhragajāditulyam 
tathā dehādisaṃghātaṃ mohagaṇajālakalitaṃ tadrajjusarpavat kalpitam || 28 || 
viṣṇuvidhyādiśatābhidhānalakṣyam || 29 || aṅkuśo mārgaḥ || 30 || śūnyaṃ na 
saṃketaḥ || 31 || parameśvarasattā || 32 || satyasiddhayogo maṭhaḥ || 33 || amarapadaṃ 
na tatsvarūpam || 34 || ādibrahma svasaṃvit || 35 || ajapāgāyatrīvikāradaṇḍo dhyeyaḥ 
|| 36 || manonirodhinī kanthā || 37 || yogena sadānandasvarūpadarśanam || 38 || 
ānandabhikṣāśī || 39 || mahāśmaśāne'pyānandavane vāsaḥ || 40 || 
ekāntasthānamaṭham || 41 || unmanyavasthā śāradā ceṣṭā || 42 || unmanī gatiḥ || 43 
|| nirmalagātraṃ nirālambapīṭham || 44 || amṛtakallolānandakriyā || 45 || 
pāṇḍaragaganamahāsiddhantaḥ || 46 || śamadamādidivyaśaktyācaraṇe 
kṣetrapātrapaṭutā parāvarasaṃyogaḥ tārakopadeśaḥ || 47 || advaitasadānando 
devatā || 48 || niyamaḥ svāntarindriyanigrahaḥ || 49 || bhayamohaśokakrodhatyāga##-
|| svaprakāśabrahmatattve śivaśaktisaṃpuṭitaprapañcacchedanam tathā 
patrākṣākṣikamaṇḍalabhāvābhāvadahanam || 53 || bibhratyākāśādhāram || 54 || 
śivaṃ turīyaṃ yajñopavītam tanmayā śikhā || 55 ||

p. 139)

cinmayaṃ cotsṛṣṭiraṇḍaṃ saṃtatokṣikamaṇḍalam || 56 || karmanirmūlanaṃ 
kathā | māyāmamatāhaṃkāradahanaṃ śmaśāne || 57 || anāhatāṅgī || 58 ||

nirvāṇopaniṣadvedyaṃ nirvāṇānandatundilam |
traipadānandasāmrājyaṃ svamātramiti cintaye ||

iha khalu ṛgvedapravibhakteyaṃ nirvāṇopaniṣat 
pārivrājyadharmapūgaprakaṭana-pūrvakaṃ paramārthatattvaprakāśikā 
vijṛmbhate | asyāḥ svalpagranthato vivaraṇamārabhyate | iyaṃ śrutiḥ 
uttamādhikāriṇaḥ parivrājakānupalabhya svanāmnopaniṣadamupadiśati- 
athetyādinā | athaśabdaḥ āśramatrayā-nantaryāthaḥ | videhakaivalyameva 
nirvāṇaṃ tadbodhinīmupaniṣadaṃ vidyāṃ śrutayo vayaṃ vyākhyāsyāmaḥ 
vivaraṇaṃ kurma ityarthaḥ | vakṣyamāṇa-vidyāpratipādyaṃ kimityata āha##-
cāsau punaḥ svājñavikalpitasvātiriktabhramaṃ hantīti haṃsaśceti 
prasaktapratyagabhinnaparamātmā yo'yaṃ prakaṭitaḥ so'hamiti 
samyagjñānasiddhaṃ pratyagādyākhyāsahaṃ niṣpratiyogika-brahmamātraṃ 
pratipādyamityarthaḥ | ke atrādhikāriṇa ityatrāha- parivrājakāḥ 
paścimaliṅgā iti | bāhyasaṃsāraṃ parityajya daṇḍādidhāraṇalakṣaṇaṃ 
vyaktaviṣṇuliṅgamavalambya parito vrajantīti parivrājakāśca te 
paścimamantaḥ-saṃnyāsalakṣaṇamavyaktaviṣṇuliṅginaśceti 
svabāhyāntarvilasitavikṣepagrāsa-vyaktāvyaktaviṣṇuliṅgadhāriṇa ityarthaḥ 
sarva ete viṣṇuliṅgaṃ dadhānā vyaktāvyaktaṃ bahirantaśca nityam iti śruteḥ | 
teṣāmevaṃ viṣṇuliṅgasatve'pi viṣṇutvaṃ kuta iti tatrāha- 
manmathakṣetrapālā iti | madityasmatpratyayālambana##-
sarvamiti svātmamātradhiyā pālanādviṣṇutvaṃ niraṅkuśamityarthaḥ | viṣṇoḥ 
sākalyaprasiddheḥ tadbhāvāpattyā teṣāṃ siddhānto'pi tathetyata āha- 
gaganasiddhanta iti | viṣṇoḥ sākalyaṃ svājñānasāpekṣam | tadapāye sa 
eṣo'kalo'mṛtaḥ iti śrutisiddha-

p. 140)

niṣkalaviṣṇubhāvārūḍhānāṃ gaganavanniravayavaṃ niṣkalabrahmagocaro##-
niṣkalabrahma-bhāvāpannāntaḥkaraṇaṃ 
svamātrabhāvāmṛtataraṅgavadvirajānadīvaccideka-rasagocaraṃ 
tadantaḥkaraṇamityarthaḥ | teṣāṃ kṣayiṣṇutvādiguṇakāntaḥ-karaṇayogataḥ 
tatsvarūpamapi tathetyata āha- akṣayaṃ nirañjanamiti | kāmādi##-
ityata āha- niḥsaṃśaya ṛṣiriti | śrutyācāryaprasādamahimnā 
niḥsaṃśayaṃ yathā bhavati tathā niṣpratiyogikabrahmamātrabhāvam 
ṛṣatyavagacchati śiṣyān grāhayati veti niḥsaṃśaya ṛṣirācārya ityarthaḥ 
sarvaśarīrasthacaitanyabrahma-prāpako guruḥ iti śruteḥ | 
tathāvidhadeśikānuśiṣṭaparivrāṭpaṭalasevyadevatā ketyata āha- nirvāṇo 
devateti | nirvāṇamiti vaktavye nirvāṇa iti liṅgavyatyayaḥ | 
brahmamātrāvasthānalakṣaṇanirvāṇaṃ kaivalyaṃ tadrūpatayā dedīpyamānā 
vāsudevarūpiṇī devatetyarthaḥ |

sarvabhūtādhivāsaṃ yadbhūteṣu ca vasatyapi |
sarvānugrāhakatvena tadasmyahaṃ vāsudevaḥ ||

iti śruteḥ | evaṃ nirvāṇadevatābhāvamāpannānāmapi svakulārūpā pravṛttiḥ 
syādityata āha- niṣkulapravṛttiriti | svātiriktakulagotrādeḥ māyikatvena 
kāraṇa-tulyatvāt | na hi brahmamātrajñānasamakālaṃ svānyakulānurūpā 
pravṛttirnivṛttirvā astītyatra- utpannatattvabodhasya yathāpūrvaṃ na 
saṃsṛtiḥ iti bhagavatpādokteḥ | pravṛttisāmānyābhāve dehadhāraṇā kathamiti 
cenna svadṛṣṭyā dehataddhāraṇāvibhramavairalyāt | yadi prātibhāsikadṛṣṭyā 
sphuret tadā dehadhāraṇāmātrapravṛttinivṛttyorapi tathātvāt | na hi 
prātibhāsikapravṛtyādiḥ kāryakārī bhavati pratibhāsata evedaṃ na jagat 
paramārthataḥ iti śruteḥ | kiṃ tādṛśajñānaṃ kevalaśāstrajanyam? 
netyāha- niṣkevalajñānamiti | śāstrīyajñānasya svātiriktasattābādhakatve'pi 
kāryakāripravṛtterabādhakatvāt nedaṃ śāstrajaṃ bhavitumarhati kiṃtu 
tadupeyatatvajñānamevetyarthaḥ |

p. 141)

evaṃ jñānibhiḥ paṭhanapāṭhanādikaṃ na kāryam tato brahmavidyā##-
kartavyākartavya-tayā na kiṃcidapi kāryāntaraṃ vidyate | yadi 
prāṇyadṛṣṭataḥ syāt tadā adhobhāvaṃ 
gatakarmopāsanākāṇḍadvayagocarāmnāyajātapaṭhanapāṭhanā-bhāve'pi | 
ūrdhvaṃ brahma yatra upaniṣatkadambe āmnāyate so'yaṃ ūrdhvāmnāyaḥ 
īśādyaṣṭottaraśatopaniṣatpūgaḥ | gurutaḥ svayaṃ vā paṭhecchiṣyān vā 
pāṭhayet | evaṃ kṛte brahmavidyāsaṃpradāyāvichedo'pi syāditi yat tat 
sahajamityatra

sarveṣu vedeṣūpaniṣadamāvartayet |
sadopaniṣadaṃ vidyāmabhyasenmuktihetukīm |
kāyaḥ karotu karmāṇi vṛthā vāgucyatāmiha |
tāraṃ japatu vāk tadvat paṭhatvāmnāyamastakam ||

viṣṇuṃ dhyāyati dhīryadvā brahmānande vilīyatām |
sākṣyahaṃ kiṃcidapyatra na kurve nāpi kāraye || 

ityādiśruteḥ | evaṃ brahmavidyāsaṃpradāyapravartakānāmavasthānaṃ sālambaṃ 
syādityata āha- nirālambapīṭha iti | svātiriktālambanaśūnyabrahma##-
sadā sthitiḥ iti smṛteḥ | teṣāṃ kvābhiniveśa ityatra- saṃyogadīkṣeti | 
sacchiṣyapaṭalabrahmamātrajñānayogavitaraṇe dīkṣā abhiniveśa ityarthaḥ | 
evamabhiniveśābhāso'pi śiṣyādṛṣṭanimitto na svata iti bhāvaḥ | tadupadeśaḥ 
kīdṛśa ityatra- viyogopadeśa iti | prasaktasvātiriktāstitvabhramaviyogaḥ | na 
hi niṣpratiyogikasvamātre svātiriktamasti nāstīti vibhramāvakāśo'stītyupadeśaḥ 
ananyaprokte gatiratra nāsti iti śruteḥ | evaṃ śiṣyopadeśavyagratayā 
duḥkhādikaṃ syādityata āha- dīkṣāsaṃtoṣapāvanaṃ ceti | kutrāpyanabhi##-
pāvanakaraścetyarthaḥ | taddarśanamapi tathetyāha- 
dvādaśādityāvalokanamiti | pāvanahetudvādaśādityāvalokanavat 
brahmavitparivrājakāvalokanamapi tathetyarthaḥ | tathāca śrutiḥ- 

p. 142)

khecarā bhūcarāḥ sarve brahmaviddṛṣṭigocarāḥ |
sadya eva vimucyante koṭijanmārjitairaghaiḥ || 

iti | nirabhimānināṃ rakṣā kā? ityatrāha- vivekarakṣeti | 
brahmamātraviveko jñānameva rakṣā 

śrutyārcāryaprasādāttatattvajñānāstasaṃśayam |
brahmaviṣṇvādivibudhāḥ pālayanti tyajāṃ kulam ||

iti smṛteḥ | tatkeliḥ kutreti tatrāha- karuṇaiva keliriti | svājñapaṭalaṃ 
svapadaṃ prāpaṇīyamiti yā karuṇodeti saiva keliḥ | tanmālā kā? ityata āha##-
ekāsanaguhāyāmiti | sarvatraikameva āsanamavasthānamaṭanaṃ calanaṃ vā 
yeṣāṃ te ekāsanāḥ | teṣāṃ viharaṇabhūmiḥ guhā tasyāṃ muktaḥ parityaktaḥ 
siddhāsanādiparigrahaniyamo yaiste muktāsanāḥ | taiḥ svarūpasukhaṃ yallabhyate 
tadeva goṣṭhī na hi janasaṃbandhinī | tadarthaṃ kiṃ parairbhikṣā kalpanīyeti 
tatrāha- akalpitabhikṣāśīti | svārthaṃ gṛhiṇaḥ paktvā bhuktvā 
svasthāstiṣṭhanti grāmaikarātrādiniyamato godohanamātrakālākāṅkṣiṣu 
bhikṣuṣu bhikṣārthamāgateṣu punastadarthaṃ pākānavasarāt bhuktaśeṣameva 
dāsyantīti svārthamavikalpitāṃ bhikṣāmaśnātītyavikalpitabhikṣāśī | tathāca 
smṛtiḥ- 

grāmaikarātramaṭanaṃ praveśaṃ cāparāhṇake |
godohamātramākāṅkṣanniṣkrānto na punarvrajet ||

ityādi | tadācāraḥ kīdṛśa ityatra- haṃsācāra iti | haṃsaśabdena tattvaṃ##-
kiṃ pratipādayanti? ityatra- sarvabhūtāntarvartīti | svājñadṛṣṭi##-
pratyagabhinnaparamātmā paramārthadṛṣṭyā sarvāpahnavasiddhaṃ brahma 
niṣpratiyogikasvamātramiti pratipādanaṃ kurvanti | teṣāṃ 
kanthākaupīnadaṇḍayogapaṭṭapādukācaraṇa-bandhamokṣanidrāmudrāḥ 
kīdṛśāḥ? ityata āha- dhairyetyādinā |

p. 143)

brahmātiriktaṃ na kiṃcidastīti manodhairyameva kanthā | svātiriktodāsīnadhīreva 
kaupīnam | sarvavedāntārthavicāro daṇḍaḥ | pratyagabhedena brahmāvalokanameva 
yogapaṭṭaḥ | svātiriktabāhyasaṃpat śrīrucyate | tadasparśanāya tasyāṃ pādukā | 
parecchayaiva dehadhāraṇamātra-ceṣṭācaraṇam | tathāca śrutiḥ- 
parecchayā ca digvāsāḥ snānaṃ kuryāt parecchayā iti | suṣumnāyāṃ 
kuṇḍalinīpraveśo bhavitavya iti saṃkalpa eva bandhaḥ | svātirekeṇa 
nāḍīkuṇḍalinīcintāyāḥ brahmāvaraṇahetutayā bandhatvaṃ yujyata ityarthaḥ | 
tathāca śrutiḥ -

nāḍīpuñjaṃ sadāsāraṃ narabhāvaṃ mahāmune |
vimucyaivātmanātmānamahamityavadhāraya ||

iti | svātiriktāt paraḥ paramātmā svātiriktāstitvavibhrama eva parāpavādaḥ 
paramātmāvaraṇam | tasmājjīvannapi yo mucyate sa jīvanmukto bhavet | tathāca 
smṛtiḥ - 

svātiriktāstitābhrāntiḥ svamātrā vṛtirīritā |
svamātrajñānakhaḍgena tāṃ chittvā vicaredyatiḥ ||

iti | śivābhedenāvasthānaṃ śivayogaḥ | sa eva nidrā nirvikalpakasamādhi##-
svājñadṛṣṭyā svāvidyāpadakalpanāyāścaritatvāt khecarī svāvidyāpādaḥ | 
tatsvātirekeṇāstīti dhīḥ mucchabdenocyate | sarvāpahnavasiddhaṃ brahma 
niṣpratiyogikasvamātradhiyā khecarīmudaṃ drāvayatīti khecarīmuddrā  
tattvajñānam | caśabdāt bāhyakhecarīmuddrāpi gṛhyate | muddrāvakatayā 
duḥkharūpatā syādityata āha- paramānandīti | paramānandīti liṅgavyatyayaḥ | 
paramānandinī khecarīmudretyarthaḥ bhajatāmānandāptihetutvāt | tathāvidhā##-
brahmamātrasiddheḥ guṇatrayatatkāryāpahnavapūrvakatvāt | 
niṣpratiyogikanirguṇaṃ brahma kena labhyamityata āha- vivekalabhyamiti | 
brahmātiriktaṃ neti tattvajñānaṃ vivekaḥ tenaiva labhyamityarthaḥ nānyaḥ panthā 
ayanāya vidyate iti śruteḥ | labhyamityuktitaḥ

p. 144)

tat kiṃ sātiśayam? tatrāha- manovāgagocaramiti | yat svāvaśeṣatayā 
labhyaṃ tatkaraṇagrāmāpahnavasiddhaṃ niratiśayamityarthaḥ | brahmaṇaḥ 
karaṇagrāmā-gocaratvena brahmābhāvaprasaktau 
svājñānubhūtisiddhakāryaprapañcasya kāraṇasāpekṣatvāt | na hi brahma vinā 
tathāvidhakāraṇaṃ kiṃcidasti | ato jagatkāraṇatvahetunā brahmaṇo 
niṣpratiyogikabhāvarūpatvaṃ sadṛṣṭāntamāha- anityamityādinā | yato 
jagajjanitaṃ tadbrahma nityamityavagantavyam | jagato nityabrahmajatvena nityatvaṃ 
syādityata āha- anityamiti | kimivānityamityatra- svapneti | 
svapnopalakṣitāvasthātrayatatkāryātmakaṃ jagat abhraparidṛśya##-
tanmohagaṇajālakalitaṃ jagat rajjusarpavat kalpitam | tatkalapanādhiṣṭhānaṃ kiṃ 
viṣṇvādi? tatrāha- viṣṇuvidhyādiśatābhidhānalakṣyamiti | 
viṣṇvādiśabda-vācyaviṣṇvādayastallakṣyaṃ brahmetyarthaḥ | 
viṣṇvādimārgaprāpakahetuḥ kaḥ? ityatra- aṅkuśo mārga iti | yathā 
gajasvāmino'ṅkuśaḥ svepsitadeśagamanahetuḥ tathārcirādimārgo 
viṣṇvādiprāpakaheturityarthaḥ | kimarcirādi viṣṇvādivyatiriktatayā 
śūnyamityatrāha- śūnyaṃ na saṃketa iti | arcirādeḥ viṣṇvādyavyatirekāt na 
śūnyatvaṃ tadrūpatvena satyamityarthaḥ | tathā ca smṛtiḥ - 

svāropitākhilāṇḍādeḥ svābhedaśrutimānataḥ |
prāpyaprāpakabhede'pi sarvaṃ viṣṇvātmakaṃ jagat ||

iti | tathā cedviṣṇurityākhyā kiṃ na syādityatra tasya viṣṇutve'pi mārga iti 
vyavahārato vyāvahāriko'yaṃ saṃketaḥ vyāvahārikadṛṣṭyā vā 
bhūvaikuṇṭhayoradha ūrdhvapātitvaṃ mārgasya nirālambāntarikṣapātitvaṃ ca 
prasiddham | tatra gantṛpaṭalagamanayogyatāsaṃpādakaśaktiḥ kā? ityata 
āha- parameśvarasatteti | pareṣāṃ jīvānāmīśvaro viṣṇuḥ tatsattā 
sāmarthyam | gantṛnirālambamārgagamanaśaktipradatayā paṭvītyarthaḥ | 
sāṅkuśārcirā-dyuktvā brahmamātraprāpakopāyamāha- 
satyasiddhayogomaṭha iti | sanmātramasadanyat iti śrutisiddhasanmātro'hamiti 
bhāvanaiva yogaḥ | tadyogaviśrāntisthānaṃ videhakaivalyameva maṭhaḥ | tadeva 
nirviśeṣabrahmaprāpakamārga ityarthaḥ |

p. 145)

kiṃ tanmārgadvayaprāpyamamarapadam? tatrāha- amarapadaṃ na 
tatsvarūpamiti | na hi mārgadvayagamyamamarapadaṃ svargo bhavitumarhatītyarthaḥ | 
tathā cet tat kim? ityata āha- ādibrahma svasaṃviditi | 
sarvāditvādādikāraṇaṃ brahma | kāryasāpekṣakāraṇatāpi nāstīti yā saṃvidudeti 
saivādibrahma | svasaṃvit svamātrajñānasvarūpamityarthaḥ vijñānamānanda 
brahma iti śruteḥ | mumukṣubhiḥ kena rūpeṇātmā dhyeyaḥ? ityatrāha- 
ajapāgāyatrīvikāradaṇḍo dhyeya iti | mūlādhāraprabhavocchvāsaniśvāsātmikā 
haṃsaḥ so'hamiti bhāvanāmayī ajapetyucyate | gāyantaṃ trāyata iti gāyatrī 
svāvidyādvayaturyāṃśarūpā | svāvidyādvayasthūlādicaturaṃśo'pi tadvikāraḥ 
tatsarvāpahnavasiddhaparamātmaivājapāgāyatrīvikāradaṇḍaḥ parivrājakaiḥ 
niṣpratiyogikasvamātratayā dhyeya ityarthaḥ | evaṃ dhyātuḥ paramahaṃsapaṭalasya 
śītādidvandvatrāṇakarakanthā kā? ityata āha- manonirodhinī kantheti | 
manaḥ svāvidyātatkāryam | tannirodhinī brahmavidyā saiva kanthā vidyāyāḥ 
svāvidyāvikalpitaśītādigrāsatvāt | vidyayā kiṃ darśanīyam? ityata āha- 
yogena sadānandasvarūpadarśanamiti | pratyakpracito-raikyaṃ yogaḥ | tena 
saṃjātasadānandasvarūpadarśanaṃ vidyāniṣpannamityarthaḥ | 
evaṃdarśanasaṃpannaḥ kimaśnātītyata āha- ānandabhikṣāśīti | 
nirvikalpakāvasthāyāṃ svānandātiriktagrāmyabhikṣāyā asaṃbhavāt | 
tannivāsabhūmiḥ ketyata āha- mahāśmaśāne'pyānandavane vāsa iti | 
mahāśmaśāne kāśyāṃ tatrāpyānandavane brahmanālādipradeśe vāso vasatiḥ 
kartavyetyarthaḥ | yadvā 
mahadādipañcabhūtabhautikajātabhasmīkaraṇahetutvānmahāśmaśānaṃ 
pratyakcaitanyam | gāḍhabhūmānandaḥ ānandavanam | tasmin 
mahāśmaśāne'pyānandavane pratyagabhinne paramātmani sve mahimni 
svāvaśeṣatayā vāso vasatirbhavedityarthaḥ | tatsadanaṃ kutretyatrāha- 
ekāntasthānamaṭhamiti | svetarajanasaṃbādhaśūnyamekāntasthānaṃ tadeva 
maṭhaṃ sadanamityarthaḥ? tasya ceṣṭā kā? ityata āha- 
unmanyavasthā śāradā ceṣṭeti | samāhitadaśāyāmunmanī nirvikalpakāvasthā | 
tato vyutthānadaśāyāṃ sarvavedāntārthaprakāśinī śāradā brahmavidyā 
ceṣṭetyarthaḥ | tadgatiḥ kutra? ityatrāha-

p. 146)

unmanīgatiriti | pade pade nirvikalpakarūpāyāmunmanyāṃ gatirdhāvanam | 
tatpīṭhaṃ kim? ityatrāha- nirmalagātraṃ nirālambapīṭhamiti | 
unmanyavasthārūḍhasya yateḥ nirmalagātraṃ nirviśeṣajñānaṃ 
brahmamātragocaratvaṃ nirālambatvaṃ tatra pīṭhamāsanamityarthaḥ | tatkriyā 
kīdṛśaītyatra- amṛtakallolānandakriyeti | amṛtakallolavadānandasāgara 
iva mahāgambhīrataiva kriyā paramārthato niṣkriyatvāt | tatsiddhāntaḥ kaḥ? 
ityatra- pāṇḍaragaganamahāsiddhānta iti | pāṇḍaraśabdena ciducyate | saiva 
gaganaṃ cidākāśam | tat svamātramiti niścayo mahāsiddhāntaḥ | evaṃ 
siddhāntopadeśaḥ svārājyaprāpaka ityāha- śamadamādīti | 
yathoktādhikāriśiṣyoddeśena deśikopadiṣṭo manuḥ praṇavādiḥ tasya 
svātiriktāstitvabhramataḥ saṃtāraṇāt tārakatvam | evaṃ tārakopadeśaḥ 
śiṣyāṇāṃ śamādisādhanasaṃpattipuraḥsaraṃ pratyakparacidaikyahetuḥ | 
tadyathā svāntarindriyanigrahaḥ śamaḥ | bāhyendriyanigraho damaḥ | ādiśabdena 
uparatyādisādhanajātaṃ gṛhyate | evaṃ 
sādhanajātasyāsurasaṃpadgrāsadaivīsaṃpatprāpakatvāt divyaśaktitvaṃ 
tadācaraṇaṃ tadanuṣṭhānam | tannirvartyaśarīraṃ kṣetraṃ 
sarvasādhanaprarohabhūmitvāt | tatra śabdādiviṣayamadirāpātāraṃ jīvaṃ 
tanmadirāvāsanāto vimukhīkṛtya pālanāt trāṇāt pātram antaḥkaraṇam tayoḥ 
kṣetrapātrayoḥ śravaṇādisādhanānuṣṭhānakaraṇasāmarthyaṃ paṭutā taddhetuḥ 
ācāryopadiṣṭatāraka ityarthaḥ | tārakapratipādyadevatā kā? ityatrāha- 
advaitasadānando devateti | śiṣyācāryajaptṛjapādikalanāgrāsamadvaitaṃ brahma 
tatsvarūpabhūto yo'yamānandaḥ tasya dedīpyamānarūpatvāt devateti saṃjñā | na hi 
sātiśayā devatāstītyarthaḥ | tadāptyupāyaniyamaḥ kaḥ? ityatra- niyamaḥ 
svāntarindriyanigraha iti | svasyāntarindriyamantaḥkaraṇam | tadyathā 
kāmādivṛttyākāreṇa na pariṇamyate tathā brahmāham ahameva brahma iti 
nigraho brahmākārapariṇatiḥ saiva niyamaḥ | tathāca smṛtiḥ -

viṣayebhyaḥ parāvṛtya karaṇagrāmamañjasā |
brahmākāreṇa yujyasva taddhite niyamo bhavet ||

p. 147)

iti | evaṃ niyamavatā tyaktavyaṃ kimityatrāha- 
bhayamohaśokakrodhatyāgastyāga iti | jīveśabhidāsamudbhūtaṃ bhayam 
dehādāvātmabuddhirmohaḥ svābhilaṣitavastvapāyajaḥ śokaḥ 
kāmāpūraṇasaṃjātaḥ krodhaḥ teṣāṃ tyāgaḥ saṃnyāsa eva tyāgaḥ tenaiva 
jñānaparipanthi sarvaṃ tyaktamityarthaḥ | evaṃ tyāgataḥ kiṃ syāt? ityata 
āha- parāvaraikyarasāsvādanamiti | tattyāgato jīveśvaraikyarasāsvādanaṃ 
bhavedityarthaḥ | evaṃ rasāsvādanataḥ kiṃ bhavet? ityata āha- 
aniyāmakatvanirmalaśaktiriti | īśvareṇa svasvakārye niyamyata iti niyamyaṃ 
jīvajātam | tadantaryāmī niyāmaka īśvaraḥ | tayoḥ māyikatvena tadatītatvam 
aniyāmakatvaṃ sarvasākṣitvam tasya niyamyaniyāmakabhidā-grāsatvāt | tadeva 
nirmalaśaktiḥ sarvāvabhāsakatvasāmarthyamityarthaḥ | evaṃ śaktitaḥ kiṃ 
bhavet? ityata āha- svaprakāśabrahmatattva iti | 
svāvidyādvayatatkāryāpahnavasiddhe svaprakāśamātre brahmatattve tadajñaiḥ 
śivaśaktisaṃpuṭitaprapañcaḥ samāropitaḥ | tatratyasaccitsukhaṃ śivāṃśaḥ | 
nāmarūpe saccitsukhāvṛtī śaktyaṃśaḥ | tayościdacitostejastimiravat 
parasparaviruddhayoḥ yogo māyayā saṃpuṭitaḥ yo ghaṭapaṭādiprapañcaḥ 
tasyocchedanam ahaṃ brahmāsmi iti jñānāsinā yathā bhavet tathā 
brahmasamyagjñānāgninā patrākṣākṣikamaṇḍalabhāvābhāvadahanaṃ 
bhavedityarthaḥ | svakāryajātaṃ paritaḥ āvṛtya trāyate topāyatīti 
jīveśabhrāntijatādātmyāspadaṃ vyaṣṭisamaṣṭikāraṇaśarīraṃ patramityucyate | 
tatkāryaṃ viṃśatyavayavaśobhijīveśasahajatādātmyāspadaṃ 
vyaṣṭisamaṣṭiliṅgaśarīramakṣamityucyate | tatkāryatayā 
jīveśakarmajatādatmyāspadaṃ 
vyaṣṭisamaṣṭipiṇḍabrahmāṇḍākhyasthūlaśarīramakṣītyucyate | evaṃ 
patrākṣākṣyabhidhaśarīratrayaṃ yeṣāṃ te patrākṣākṣikāḥ 
prājñataijasaviśvābhinneśvarasūtravirājaḥ | teṣāṃ maṇḍalaṃ paṭalaṃ 
svadṛṣṭyā etat sarvaṃ sākṣyajātaṃ sākṣibhāsyaṃ sākṣyasāpekṣasākṣitāyā 
api dahanaṃ vilāpanaṃ bhavedityarthaḥ | tato brahma kiṃrūpaṃ bibhartītyata āha##-
svādheyākāśādipañcamahābhūtatatkāryādhāratvena 
ādheyasāpekṣādhāratāpahnavasiddhaniṣpratiyogikabrahmamātratayā 
yadavaśiṣyate svājñādidṛṣṭimohe satyasati tadevaṃrūpaṃ 
paramārthadṛṣṭyā bibhrati | ya evaṃvit so'yaṃ brāhmaṇo brahmavidvarīyān 
mukhyāvadhūto bhavatīti bhāvaḥ | śikhāyajño-

p. 148)

pavītaviralānāṃ kathaṃ brāhmaṇatā? ityata āha- śivaṃ turīyaṃ 
yajñopavītaṃ tanmayā śikheti | svātiriktāśivagrāsaṃ śivaṃ turīyaṃ turīyātītaṃ 
vā brahmaiva yajñopavītaṃ śikhā ca śivamayā śivamayītyarthaḥ | tathā ca 
śrutiḥ-

śikhā jñānamayī yasya upavītaṃ ca tanmayam |
brāhmaṇyaṃ sakalaṃ tasya iti brahmavido viduḥ ||

iti | itthaṃbhūtabrāhmaṇadṛggocaraṃ jagadapi cinmayamityāha- cinmayamiti | 
utsṛṣṭiḥ parvatavṛkṣalatāguñjādisamaṣṭiḥ | tajjātiraṇḍaṃ sthāvaram | 
samyak tataḥ saṃtataḥ vividharūpatvāt akṣī sthūlaśarīrādiryeṣāṃ te 
santatokṣikāḥ jīvāḥ jaṅgamātmakāḥ | teṣāṃ maṇḍalaṃ paṭalaṃ cinmayameva 
bhavedityarthaḥ jīvaścinmātravigrahaḥ iti śruteḥ -

yathā mṛtpiṇḍasaṃbhūto ghaṭādiḥ kiṃ na mṛnmayaḥ |
tathā sthiracaraṃ viśvaṃ cinmayaṃ citsamudbhavāt || 

iti smṛteśca | taddṛṣṭyā viśvaṃ cinmayamastu tasyāpi śarīratrayayogataḥ 
sāṃsārikī pravṛttiḥ syādityata āha- karmanirmūlanamiti | svāvidyādvaya##-
mukhyāvadhūtatvaprāptihetutattvajñānasūryodayasamakālaṃ svāvidyādvaya##-
saṃsārapravṛttinivṛttidhvānto'sti nāstīti kā kathā? kimāścaryamityarthaḥ 
| tathāpyādehapātaṃ saṃsārānuvṛttiḥ syāditi cenna tasya 
paradṛṣṭinimittatayākiṃcitkaratvāt | dehadhāraṇamātrasaṃsāro vā syāditi cenna 
dehadhāraṇamātrasaṃsārasya dehādāvātmātmīyābhimānābhāvāt asaṃsāratvāt 
-

dehaściraṃ tiṣṭhatu vā tatkāle layametu vā |
svajñānakālamuktasya punaḥ saṃsāritā katham ||

iti smṛteḥ | paramārthadṛṣṭyā dehatrayābhāve sa kathaṃ tiṣṭhet? ityata 
āha- anāhatāṅgīti | niṣpratiyogikabrahmamātrajñānena ā 
samantāddhatamāhatam avidyā-

p. 149)

padatatkāryajātamapahnavarūpaṃ tasyāpyapahnavasiddhamanāhatāṅgaṃ 
tadrūpeṇa sthitatvāt ayamanāhatāṅgī | brahmamātrajñānasamakālameva 
svaśarīratrayamasti nāstīti vibhramasyāpahnavagatatvāt mukhyāvadhūto 
videhamukto vicaredityarthaḥ || 1-58 ||

gauṇāvadhūtaḥ taccaryā tatphalaṃ ca

nistraiguṇyasvarūpānusaṃdhānaṃ samayaṃ bhrāntihananam [u u 1 
bhrāntiharaṇam] | kāmādivṛttidahanam | kāṭhinyadṛḍhakaupīnam | 
cirājinavāsaḥ | anāhatamantramakriyayaiva juṣṭam | svecchācārasvasvabhāvo 
mokṣaḥ || 59 ||

mukhyāvadhūtalakṣaṇamevamuktvā gauṇāvadhūtaṃ taccaryāṃ tatphalaṃ ca 
vyaktīkaroti- nistraiguṇyetyādinā | satvādiguṇānāṃ samāhārastraiguṇyam | 
svāvidyāpadatatkāryajātaṃ tadapavādādhikaraṇaṃ nistraigu yaṃ brahmāham 
ahaṃ brahma iti bhāvanamanusaṃdhānam | tadapi samayaṃ samāyamityarthaḥ | 
evamanusaṃdhānasya vidyāvṛttitvena brahmamātrāvṛtirūpatvāt bhrāntitvam 
taddhanam nāśanaṃ kuryādityarthaḥ | tathā kāmasaṃkalpādivṛttidahanaṃ 
vilāpanaṃ ca | dvividhabrahmacaryahetumṛdukārpāsakaupīnavilakṣaṇatayā 
kāṭhinyadṛḍhakaupīnāntaritaśeṣagatordhvaretastvaṃ ca | śītavātoṣṇatrāṇa##-
turīyoṃkāraṃ ca turīyoṃkārasya turyaturyatvena kenāpyanāhatatvāt 
turīyoṃkārāgravidyotaṃ turyaturyam iti śruteḥ | anāhatamantraṃ turyaturyaṃ 
brahma | akriyayā sarvavikriyāpahnavasiddhayā cinmātradhiyā juṣṭaṃ sevitam | 
yadvā gauṇāvadhūtaṃ brahmātmeti mantāraṃ trāyata iti mantraṃ samyagjñānaṃ 
ca svarūpānusaṃdhānato bhavedityarthaḥ | gauṇāvadhūto'pyevaṃ 
sādhanasaṃpannaścet mukhyāvadhūto bhavati | tadā tasya 
vidhiniṣedhapravṛttinivṛttyatītatvena śiṣṭaśikṣaṇarūpo'yaṃ svecchācāro 
bhavet | na tadunmārgaprāpako bhavitumarhati | so'pi svasvabhāvaḥ

p. 150)

kriyākārakabandhagrāsatvāt | sa eva mokṣaḥ svetarakalanāpahnavasiddha##-

brahmaivāsmīti yā vṛttiḥ saiva yoga itīritā |
yogena gatakāmānāṃ bhāvanā brahma cakṣate ||

iti smṛteḥ || 59 ||

mukhyāvadhūtopāyasaṃpattiḥ 

paraṃbrahmaplavavadācaraṇam | brahmacaryaśāntisaṃgrahaṇam | brahmacaryā##-
brahmākhaṇḍākāraṃ nityaṃ sarvasaṃdehanāśanam || 60 ||

mukhyāvadhūtatvaṃ yadupāyakaṃ tadupāyasaṃpattiṃ tatphalamapi prakaṭayati##-
svāśramācārasaṃpannaḥ san apāragambhīravistārasaṃsārasāgaro##-
plavaṃ tadvān mukhyāvadhūtaḥ tadācaraṇaṃ tatsevanaṃ kṛtvātha tannikaṭe 
svacittaśuddhiparyantaṃ dvividhabrahmacaryapuraḥsaraṃ gurukulavāsaṃ 
kṛtvātha śāntidāntyādigrahaṇaṃ sādhanacatuṣṭayopalakṣaṇārthaṃ 
tadabhyasyātha 
bāhyāntarvikṣepakabalitaśravaṇādyanuṣṭhānānarhakāmyāśramama##-
brahmacaryāśrame vānaprasthāśrame turyāśrame vā adhītyādhyayanaṃ 
śravaṇaṃ kṛtvātha mananaṃ nididhyāsanaṃ ca mukhyāvadhūtatāhetupūrvā##-
brahma bhūtvā mukhyāvadhūto videhamukto bhavatītyarthaḥ | nyāsa iti brahma | 
nyāsa evātyarecayat ||

akṣaratvādvareṇyatvāddhūtasaṃsārabandhanāt |
tattvamasyādilakṣyatvādavadhūta itīryate ||

brahma veda brahmaiva bhavati ityādiśruteḥ || 60 ||

p. 151)

adhikārinirūpaṇam

etannirvāṇadarśanaṃ śiṣyaṃ vinā putraṃ vinā na deyam | ityupaniṣat || 61 ||

etacchāstramanadhikāriṇe na deyaṃ yathoktasādhanasaṃpannāya deyamityupa##-
nāsyābrahmavit kule bhavati iti śrutyā brahmavitkulaprasūtasya yathokta##-
śiṣyo yathoktādhikārī tadā so'pyadhikriyate | yata evamataḥ putraṃ śiṣyaṃ vinā 
yasmai kasmaicinna deyamityarthaḥ nāpraśāntāya dātavyaṃ nāputrāyāśiṣyāya 
vai punaḥ ityādiśruteḥ | ityupaniṣacchabdau nirvāṇadarśanasamāptidyotakau ||

śrīvāsudevendraśiṣyopaniṣadbrahmayoginā |
nirvāṇopaniṣadvyākhyā likhitā harituṣṭaye |
nirvāṇopaniṣadvyākhyā pañcāśadyuk śatadvayam ||

iti śrīmadīśādyaṣṭottaraśatopaniṣacchāstravivaraṇe 
saptacatvāriṃśatsaṃkhyāpūrakaṃ nirvāṇopaniṣadvivaraṇaṃ saṃpūrṇaṃ ||

p. 153)

parabrahmopaniṣat 

bhadraṃ karṇebhiḥ - iti śāntiḥ 

variṣṭhā brahmavidyā

atha hainaṃ mahāśālaḥ śaunako'ṅgirasaṃ bhagavantaṃ pippalādaṃ vidhi##-
kathaṃ sṛjannityātmana eṣa mahimā vibhajya eṣa mahimā vibhuḥ kaḥ | eṣa tasmai 
sa hovāca | etat satyaṃ yat prabravīmi brahmavidyāṃ variṣṭhāṃ devebhyaḥ 
prāṇebhyaḥ parabrahmapure virajaṃ niṣkalaṃ śubhramakṣaraṃ virajaṃ vibhāti sa 
niyacchati [u: madhukaraḥ śveva vikarmakaḥ] madhukararāśyā nirmakaḥ 
akarmasvapurasthitaḥ karmakaḥ karṣakavat phalamanubhavati | karmamarmajñātā 
karma karoti | karmamarma jñātvā karma kuryāt | ko jālaṃ vikṣipedeke 
nainamapakarṣatyapakarṣati || 1 ||

parabrahmākhyopaniṣadvedyākhaṇḍasukhākṛti |
parivrājakahṛdgehaṃ paritastraipadaṃ bhaje ||

iha khalu atharvaṇavedapravibhakteyaṃ parabrahmopaniṣat 
jñānaśikhopavītaprakaṭanavyagrā brahmamātraparyavasannā vijṛmbhate | 
asyāḥ saṃkṣepato vivaraṇamārabhyate |

p. 154)

śaunakapaippalādapraśnaprativacanarūpeyamākhyāyikā vidyāstutyarthā | 
ākhyāyikāmavatārayati- atheti | papraccha kimiti | loke ye ye sṛjyamānāḥ 
padārthāḥ te sarve pūrvameva divye brahmapure hiraṇyagarbhahṛdayākāśe 
saṃpratiṣṭhitā bhavanti khalu | tatrākṣipati- kathamiti | svāntaḥsthapadārthān 
vibhāgaśaḥ pravibhajya eṣa mahimā aghaṭitaghaṭanāśaktisaṃpanno bhagavān 
svātmanaḥ sakāśāt kathaṃ tān sṛjannavatiṣṭhate | ka eṣa mahimā vibhuriti 
śaunakapraśnottarameṣa pippalāda āha- eṣa iti | ya eṣa pippalāda iti khyātaḥ 
tasmai śaunakāya sa hovāca | kimiti | yadahaṃ te variṣṭhāṃ brahmavidyāṃ 
prābruvi tadetadbrahma satyam asatyāsaṃbhavaprabodhasiddhatvāt paśyatehāpi 
sanmātramasadanyat brahma mātramasanna hi iti śruteḥ | tat kutropalabhyata ityatra 
brahmapure raja-ādiguṇatrayābhāvādvirajaṃ 
prāṇādināmāntaṣoḍaśakalā-vairalyānniṣkalam ata eva śubhramakṣaraṃ 
vibhāti | kiṃ kurvan vibhātītyatra śrotrādidevebhyaḥ indriyebhyaḥ 
prāṇāpānādidaśaprāṇebhyaśca svasvaviṣayagrahaṇaśaktiṃ diśat sat 
tadgataguṇadoṣāsparśanato virajaṃ vibhāti pratyagdṛṣṭerevaṃ sadopalabhyata 
ityarthaḥ | parāgbhāve sati pratyagdṛṣṭiḥ kathamudeti ityatra 
ihāmutrārthaphalahetumadhvākhyāni karmāṇi kurvantīti madhukarāḥ jīvāḥ | 
teṣāṃ rāśiḥ samuhaḥ | ābhūtasaṃplavaṃ bandhamokṣavvavahārārhatayā 
nirmitavāniti nirmakaḥ | ya evaṃ nirmātā parameśvaraḥ sa eva 
mumukṣupatalānukampayā tadgataparāgbhāvaṃ niyacchati nigṛhṇāti niḥśeṣaṃ 
grasati | tato mumukṣūṇāṃ pratyagdṛṣṭiḥ prasīdati pratyagdṛṣṭeḥ 
brahmopalabhyata ityarthaḥ | svātmānaṃ puraskṛtya tadbhāvabhāvanayā tiṣṭhatīti 
svapurasthitaḥ pratyagdṛṣṭiḥ kiṃkarmā ityarthaḥ | svātmānaṃ puraskṛtya 
tadbhāvabhāvanayā tiṣṭhatīti svapurasthitaḥ pratyagdṛṣṭiḥ kiṃkarmā ityatra 
svakartavyakarmasāmānyaṃ yasya

karmaṇā badhyate janturvidyayā ca vimucyate |
tasmāt karma na kurvanti yatayaḥ pāradarśinaḥ ||

iti śrutyarthaparyālocanayā na sphurati so'yamakarmakaḥ parivrāḍityarthaḥ | tasya 
kṛtakṛtyatvāt kartavyaṃ naiva tasyāsti iti śruteḥ | tadviparitaparāgdṛṣṭistu 
svehāmutraphaloddeśena vividhaṃ karmajātaṃ karotīti karmakaḥ karmakṛt 
karṣakavat

p. 155)

svakṛtoccāvacakarmaphalaṃ nānāyonijanmaprāpakamanubhavati | yata evamataḥ 
karmamarma janmādihetuḥ karmeti jñātā puruṣaḥ cittasya śuddhaye karmeti 
viditvā parameśvarārādhanadhiyā karma karoti | yaḥ svātiriktabhramato 
moktumicchati sa muniḥ karmamarma jñātvā niṣkāmadhiyā svāśramocitakarma 
kuryāt | eke ekasmin brahmaṇi niṣṇātaḥ ko vā vivekī vividhakarmajālaṃ vikṣipet 
nirviśeṣabrahmajñānaprāpakacittaśuddhihetuniṣkāmakarmānuṣṭhānaṃ vinā 
mudhā kāmyakarma kuryāt? ko'pi na kuryādityarthaḥ | niṣkāmadhiyā 
anuṣṭhitakarmāpyenamadhaḥ karṣatītyata āha- neti | enaṃ niṣkāmadhiyā 
karmānuṣṭhātāraṃ tadanuṣṭhitakarma sāṃsārikaviṣaye jātvapi naivāpakarṣati | 
dviruktitaḥ svānuṣṭhānataḥ cittaśuddhiprāpyajñānadvārā mahatpadaṃ prāpayet 
iti dyotyate || 1 ||

trīpādbrahmaprāpakopāyaḥ 

prāṇadevatāścatvāraḥ | tāḥ sarvā nāḍyaḥ suṣuptaśyenākāśavat | yathā 
śyenaḥ svamāśritya yāti svamālayaṃ kulāyam | evaṃ suṣuptaṃ brūtāyaṃ ca 
paraṃ ca | sa sarvatra hiraṇmaye pare kośe amṛtā hyeṣā nāḍītrayaṃ saṃcarati | 
tasya tripādaṃ brahma eṣātreṣya tato'nutiṣṭhati | anyatra brūtāyaṃ ca paraṃ ca | 
sarvatra hiraṇmaye pare kośe yathaiṣa devadatto yaṣṭyā ca tāḍyamāno 
naivetyeva-miṣṭāpūrtaśubhāśubhairna lipyate | yathā kumārako niṣkāma 
ānandamabhiyāti | yathaiṣa devaḥ svapna ānandamabhidhāvati | veda eva paraṃ 
jyotiḥ | jyotiṣā mā jyotirānandayatyevameva | tatparaṃ yaccittaṃ 
paramātmānamānandayati | śubhravarṇamājāyateśvarāt | bhūyastenaiva mārgeṇa 
svapnasthānaṃ niyacchati | jalūkābhāvavadvyarthākāmamājāyate-śvarāt | 
tāvatātmānamānandayati | parasandhi yadaparasandhīti | tatparaṃ nāparaṃ tyajati |

p. 156)

tadaivaṃ kapālāṣṭakaṃ saṃdhāya ya eṣa stana ivāvalambate | sendrayoniḥ sa 
vedayonirityatra jāgrati | śubhāśubhātiriktaḥ śubhāśubhairapi karmabhirna lipyate 
| ya eṣa devo'nyadevasya saṃprasādo'ntaryāmyasaṅgacidrūpaḥ puruṣaḥ 
praṇavahaṃsaḥ paraṃ brahma na prāṇahaṃsaḥ praṇavo jīvaḥ | ādyā devatā 
nivedayati | ya evaṃ veda | tatkathaṃ nivedayate | jīvasya brahmatvamāpādayati || 2 ||

nirviśeṣabrahmajñānaprāpyatripādbrahmaprāpakopāyaḥ kaḥ? ityata āha##-
brahmapadaṃ prāpayatītyuktaṃ tadbrahma kīdṛśam tadāptyupāyaśca kīdṛśa 
ityatra jīvasya prāṇādhāratayā viśvāditurīyāntabhedena praṇadevatāścatvāraḥ 
catasraḥ | tāstāsāmupalabdhināḍyo'pi ramāramecchāpunarbhavādibhedena catasra 
eva | tatra ramāramākhyanāḍīdvayamavaṣṭabhya khe saṃcāraśrāntaśyenavat 
jāgratsvapnavyavahāraśrāntaḥ suṣupto bhavati | tatra dṛṣṭāntastu yathā śyenaḥ 
khamāśritya cirasaṃcārataḥ śrāntaḥ san svanīḍaṃ prati yāti tathaivaṃ brūtā 
vaktā jīvo'pi ayaṃ jāgratprapañcastadapekṣayā paraṃ ca 
svapnaprapañcastayorvyavahṛtya śrāntaḥ san svaviśrāntisthānaṃ nāḍidvaya##-
ayamākāśastāvāneṣo'ntarhṛdaya ākāśaḥ ityādiśrutyanurodhena sarvatra 
sarvavyāpake hiraṇmaye pare kośe hṛdayākāśe vastuto'mṛtā hyeṣā 
jīvarūpiṇī devatā ramādināḍītrayamavaṣṭabhya jāgradādyavasthātraye 
bandhamokṣādivyavasthāyāṃ ca yaḥ saṃcarati tasyaikapadamāvidyakaṃ 
tatsaṃbandhavairalyena trayyantaiḥ padyate svāvaśeṣeṇa trāyata iti tripādaṃ 
traipadaṃ brahmāvaśiṣyate ityatra

trayyantaiḥ svāvaśeṣeṇa padyate jāyate ca yat |
tat traipadaṃ paraṃ brahma svamātramavaśiṣyate ||

iti smṛteḥ | yadevamavaśiṣṭamatraivaiṣā jīvākhyā devatā svarūpameṣya prāpya 
tatastanmātramanutiṣṭhati avatiṣṭhate mukto bhavati | tatastasmādanyatrāvidyakapade

p. 157)

ayaṃ ca paraṃ cetyupalakṣitāvasthātrayatatkāryaprapañce svātiriktamastīti brūtā 
svājño jīvaḥ paribhramati | sarvatra sarvadāyaṃ hiraṇmaye pare kośe ciraṃ 
carannapi svājñānāvaraṇacchannaḥ san jāgradādyavasthātrayagarte patati | 
tasyāpi śrutyācārya prasādato niṣkṛtirbhavet ityatra dṛṣṭāntaḥ- yathaiṣa 
devadatto nidrāluryaṣṭyā ca tāḍyamānaḥ san bodhitaḥ punaḥ naiva sahasā 
svāpameti tathā ayamapi jīvaḥ śrutyācāryaprasādalabdhavedāntajñānena na 
tvamavasthātrayabhāk jīvaḥ kiṃtu tadavasthātrayāropāpavādādhikaraṇaṃ 
brahmāsi iti bodhitaḥ san na punaravasthātraye muhyati | tatra vikalpiteṣṭāpūrtādi##-
kāmavṛttyanudayānniṣkāmaḥ yadṛcchāprāptavastuni ānandamabhiyāti | yathā 
caiṣa saṃprasādo devaḥ svapne jāgare ca vyavaharan śrāntaḥ svāpāvasthā##-
svānandamātraṃ brahmāhamasmīti yo veda so'yamevaṃ parākprapañcataḥ 
paraṃjyotiḥ pratyakprakāśo bhūtvā sūryādijyotiṣāmapyā samantāt bhāsaka##-
tat paraṃbrahmākārapariṇataṃ bhavati tatparamātmānametyānandayati svātmānaṃ 
prīṇayati tatparavaśaṃ sat tatraiva vilīyata ityarthaḥ | evaṃ cittaprasādaḥ kuto jāta 
ityatra īśvarādasya śubhravarṇaṃ varṇo nirvikalpabhāva ājāyate 
īśvarasyājaḍakriyājñānecchāśaktimattvena svabhaktāriṣṭagrā##-
bhūyastenaiva mārgeṇa svapnasthānaṃ tattvamasi ahaṃ brahmāsmi iti kiṃcit##-
niyacchati viśrāmayati | yathā jalūkā svādhiṣṭhitabhāvāt tṛṇāt bhāvaṃ 
tṛṇāntaraṃ gachati tathā ayamapi vidvān turyajāgaraṇasthaḥ 
turyasvapnamavalambya turyajāgaraṇaṃ tyajati | evaṃ turyāvasthāpravibhaktāva##-
savikalpakanirvikalpakasamādhibhyāṃ svātmānamānandayati | tataḥ pratyak##-
sandhīti saṃtyajati | yadevaṃ nirviśeṣaṃ jātaṃ tadeva

p. 158)

parabrahma tadatirekeṇa nāparamasti |  yadvā svātiriktamaparamastīti na tyajati 
brahmamātrasya niṣpratiyogikatvāt | yadaivaṃ kevalaśravaṇādimātreṇa 
nirviśeṣabrahmajñānaṃ nodeti tadaivam | kaṃ paramasukhamasukhakāmādi##-
yamaniyamāsanaprāṇāyāmapratyāhāradhāraṇādhyānasamādhyātmakaṃ 
kapālāṣṭakamaṣṭāṅgayogamanusaṃdhāya yathāvadabhyasya tadbalena 
cittagatamālinyaṃ saṃkṣālya nirviśeṣajñānamavāpya kṛtakṛtyo 
bhavatītyarthaḥ | yogadhyānādikaraṇaṃ kimityatra ya eṣa stana iva kadalīpuṣpamiva 
ca uraḥpradeśe sadā avalambate so'yaṃ yogakāle ūrdhvamuttiṣṭhan vikāsameti | 
atra hi khalu indrayoninā brahmaṇā saha vartata iti sendrayoniḥ | ya indrayonirityuktaḥ 
so'yamīśvaro vedayoniriti sarvairgīyamānaḥ parameśvaro jāgrati jāgarti | ya evaṃ 
svahṛtkamalāsanasthamīśvaramanudhyāyati sa vidvān śubhāśubhātiriktaḥ san 
kādācitkaprasaktaśubhāśubhairapi karmabhiḥ na lipyate | yaddhyāyi 
śubhāśubhātiriktaḥ sa devaḥ kīdṛśa ityatra anyadevasya brahmāderapi ya eṣa 
eva hi devaḥ taṃ devatānāṃ paramaṃ ca daivatam iti śruteḥ | 
dhyāyidhyeyayorabhedārthaṃ ya eṣa devaḥ so'yaṃ saṃprasādaḥ 
antaryāmyasaṅgacidrūpaḥ puruṣaḥ sa eva praṇavārthaturyaturya-haṃsaḥ 
paraṃ brahmetyucyate | atra na prāṇahaṃso mukhyaḥ prāṇovivakṣitaḥ 
parabrahmaprakaraṇatvāt | praṇavo jīvaḥ praṇavādyavayavākāravācyatvāt 
tatsthitirādyā devateti nivedayati | ya evaṃ praṇavayāthātmyaṃ veda tat kathaṃ sa 
kathaṃ jīvabrahmaṇoḥ bhedaṃ nivedayate nivedayati | kiṃtu jīvasya brahmatva##-

antarbāhyaśikhādilakṣaṇam

sattvamathāsya puruṣasyāntaḥśikhopavītitvam | brāhmaṇasya mumukṣorantaḥ##-
gṛhasthasya | antarupavītalakṣaṇaṃ tu bahistantuvadavyaktamantastattvamelanam || 3 
||

p. 159)

antarbāhyaśikhāyajñopavītalakṣaṇamucyate- sattvamiti | atha 
pratyagabhinna-brahmabhāvānantaramasya puruṣasya brahmībhūtasya yat 
sattvaṃ tadevāntaḥ-śikhopavītatvaṃ nirviśeṣajñānamityarthaḥ | 
taddhāraṇaṃ kasya? ityatra 
svāntarvidyotamānajñānaśikhopavītadhāraṇakarmiṇo brāhmaṇasya 
mumukṣoreva | bāhyaśikhopavītadhāraṇaṃ kasya? ityatra bahirlakṣyamāṇa##-
na bhavatītyāha- antariti | antarupavītalakṣaṇaṃ tu bahistantuvadavyaktaṃ 
vyaktaṃ na bhavati nirviśeṣabrahmajñānasya manovāgatītatvāt | yadi 
antastattvamelanaṃ svāvidyāśabalabrahmagocaraṃ syāttadā || 3 ||

nirviśeṣabrahmasvarūpam

na sannāsanna sadasadbhinnābhinnaṃ na cobhayam |
na sabhāgaṃ na nirbhāgaṃ na cāpyubhayarūpakam |
brahmātmaikatvavijñānaheyaṃ mithyātvakāraṇāt || 4 ||

iti |

tatrāvidyāṃśamanekopapattibhiḥ mithyeti nirasya nirviśeṣatvamāpādayedi##-
tathā nāsat kāryākāreṇa cākṣuṣatvāt | na sadasat tayorekatrānavasthānāt | tat kiṃ 
svabhinnam svapṛthaksattābhāvāt | tat kiṃ nābhinnam avastutvāt | na ca 
bhinnābhinnam durlabhatvāt | na sabhāgam kāraṇātmanā niravayavatvāt | na 
nirbhāgam kāryātmanā sāvayavatvāt | na cāpyubhayarūpakam pūrvokta##-
brahmavat satpadamarhatītyatra yāvadbrahmātmaikatvajñānaṃ nodeti tāvadasya 
sattvam jāte tu brahmātmaikatvavijñāne'sya mithyātvakāraṇāt brahmātiriktaṃ 
netyapahnavapadameva bhajedityarthaḥ || 4 ||

karmaṇaḥ cittaśuddhiprāpakatvam 

pañcapādabrahmaṇo na kiṃcana | catuṣpādantarvartino'ntarjīvabrahmaṇaḥ sthānāni 
catvāri | nābhihṛdayakaṇṭhamūrdhasu jāgratsvapnasuṣuptituryāvasthāḥ

p. 160)

āhavanīyagārhapatyadakṣiṇasabhyāgniṣu | jāgarite brahmā svapne viṣṇuḥ suṣuptau 
rudraḥ turīyamakṣaraṃ cinmayam | tasmāccaturavasthā caturaṅgula##-
dvātriṃśattattvaniṣkarṣamāpādya jñānapūtaṃ triguṇasvarūpaṃ trimūrtitvaṃ 
pṛthagvijñāya navabrahmākhyanavaguṇopetaṃ jñātvā navamānamitaṃ triḥ 
punastriguṇīkṛtya sūryendvagnikalāsvarūpatvenaikīkṛtya ādyantakatvamapi 
madhye trirāvartya brahmaviṣṇumaheśvaratvamanusaṃdhāya ādyantamekīkṛtya 
cidgranthāvadvaitagranthiṃ kṛtvā nābhyādibrahmabila-pramāṇaṃ 
pṛthakpṛthaksaptaviṃśatitattvasaṃbandhaṃ triguṇopetaṃ 
trimūrtilakṣaṇalakṣitamapyekatvamāpādya vāmāṃsādidakṣiṇakaṭyantaṃ 
vibhāvya ādyantagrahasaṃmelanamevaṃ jñātvā mūlamekam satyaṃ mṛnmayaṃ 
vijñātaṃ syādvācārambhaṇaṃ vikāro nāmadheyaṃ mṛttiketyeva satyam 
haṃseti varṇadvayenāntaḥśikhopavītitvaṃ niścitya brāhmaṇatvaṃ 
brahmadhyānārhatvam yatitvamalakṣitāntaḥśikhopavītitvam evaṃ 
bahirlakṣitakarmaśikhājñānopavītaṃ gṛhasthasya ābhāsabrāhmaṇatvasya 
keśasamūhaśikhāpratyakṣakārpāsatantukṛtopavītitvam | catuḥ caturguṇīkṛtya 
caturviṃśatitattvāpādanatantukṛttvam navatattvamekameva paraṃ brahma 
tatpratisarayogyatvādbahumārgavṛttiṃ kalpayanti | sarveṣāṃ brahmādīnāṃ 
devarṣīṇāṃ manuṣyāṇāṃ muktirekā brahmaikameva brāhmaṇatvamekameva | 
varṇāśramācāraviśeṣāḥ pṛthakpṛthak śikhā varṇāśramiṇāmekameva 
apavargasya yateḥ śikhāyajñopavītamūlaṃ praṇavamekameva vadanti | haṃsaḥ 
śikhā praṇavamupavītam nādaḥ saṃdhānam | eṣa dharmo netaro dharmaḥ |

p. 161)

tat kathamiti | praṇavo haṃso nādastrivṛtsūtraṃ svahṛdi caitanye tiṣṭhati | 
trividhaṃ brahma tadviddhi | prāpañcikaśikhopavītaṃ tyajet || 5 ||

svātiriktāvidyārūpamasti nāstīti bhrāntiḥ pañcapādabrahmaṇaḥ turyātītasya na 
kiṃcanāsti | vyaṣṭisamaṣṭyātmakacatuṣpādantarvartino'ntarjīvabrahmaṇa 
upalabdhisthānāni catvāri bhavanti- vyaṣṭicatuṣpādantarvartino viśvataijasa##-
teṣāmupalabdhisthānāni kānītyatra nābhihṛdayakaṇṭhamūrdhasu netrakaṇṭha##-
tathāca śrutiḥ -

netrasthaṃ jāgaritaṃ vidyāt kaṇṭhe svapnaṃ samāviśet |
suṣuptaṃ hṛdayasthaṃ tu turīyaṃ mūrdhni saṃsthitam || 

iti |

kiṃca āhavanīyagārhapatyadakṣiṇasabhyāgniṣu ca yathāyogamātmā bhāvayitavya 
ityarthaḥ | jāgaraṇādau vibhātacaitanyabhedamāha- jāgarita iti | 
bāhyayajñasūtrabrahmasūtrayorekatvāvagamāya | no cet bāhyayajñasūtraṃ 
dṛṣṭāntīkṛtya brahmasūtraṃ prapañcayati- tasmāditi | 
yasmādyajñabrahma-sūtrayoḥ sāmānādhikaraṇyaṃ bhavati sūtratvāviśeṣāt 
tasmāt jāgradādi-caturavasthācaturaṅgulaveṣṭanamiva vibhāvya yathā 
yajñasūtraṃ caturaṅgula-mānena ṣaṇṇavatisaṃkhyātaṃ tathā 
ṣaṇṇavatitattvāni śrotrādīśvarāntāni | evaṃ yajñasūtraṃ 
brahmasūtrabhāvanābhāvitaṃ karmabhiryadi dhṛtaṃ tadā tat karma 
cittaśuddhiprāpakaṃ bhavedityarthaḥ | brahmasūtrapraśaṃsanāyāsya 
vācārambhaṇatāmāha- mūlamiti | yanmṛdādivat kāraṇaṃ tat satyam | 
yattattadajñānavijṛmbhitaṃ kāryaṃ tadvācārambhaṇam mṛdatirekeṇa 
ghaṭādyabhāvāt kāraṇaṃ brahmaiva satyamiti | haṃseti varṇadvayenāntaḥ 
śikhopavītitvaṃ niścitya haṃsaḥ so'ham iti bhāvanāpūrvakaṃ sadā 
tanniṣṭhatvamantaḥśikhopavītitvaṃ | tena kiṃ syāt ityatra brāhmaṇatvaṃ 
brahmadhyānārhatvaṃ yatitvamalakṣitāntaḥśikhopavītitvaṃ bhavati | 
parivrāḍitarasya tu evamityādi | brahmasūtramekameva viśvavirāḍotrādibhedena 
catuścaturguṇīkṛtyeti |

p. 162)

ādyantayornirviśeṣatvena madhyamāvasthāyāmapi brahma nirviśeṣamekameve##-
niṣpratiyogikamapi svājñāstadāptyupāyaṃ bahudhā kalpayantītyāha- taditi | 
tasya brahmaṇaḥ svasvabudhyanurodhena pratisaraṇayogyatvāt | pratisaraṇaṃ 
kalpanādhikaraṇam tadavaṣṭabhya tatprāpakopāyatayā sāṅkhyādibahumārga##-
niṣprati-yogikasvamātramiti | jñānasamakālam | 
tanmātrāvasthānalakṣaṇamuktistu sarveṣāṃ brahmādīnāṃ devarṣīṇāṃ 
manuṣyāṇāṃ nirviśeṣabrahmamātra-jñānaṃ yadi jāyate tadā 
tatsamakālīnavidehamuktirekā brahmaikameva 
brahmaniṣṭhāprabhavabrāhmaṇatvamekameva | apavargasya apavargabhājanasya | 
haṃsaḥ śikhā praṇavamupavītaṃ viddhi haṃsapraṇavayoḥ nādaḥ saṃdhānam | 
praṇavaḥ turīyoṅkāraḥ tadarthaḥ | turyātītaṃ brahma haṃsaḥ iti mantrārthastu 
pratyakparaikyasiddhaḥ paramātmā nādalayādhāro'pi sa eva praṇavo haṃso 
nādaśca etat trayaṃ trivṛtsūtramityucyate | tat kutra āsanamarhati? ityatra 
svahṛdi caitanye tiṣṭhati sve mahimni svayaṃ tiṣṭhatītyarthaḥ | parāparabhedena 
dvividhaṃ brahma tadviddhi | yadi svātiriktibhramato bhoktumicchati tadā mumukṣuḥ 
prāpañcikaśikhopavītaṃ tyajet || 5 ||

mumukṣuṇā kartavyāni 

saśikhaṃ vapanaṃ kṛtvā bahiḥsūtraṃ tyajed budhaḥ |
yadakṣaraṃ paraṃ brahma tat sūtramiti dhārayet || 6 ||

punarjanmanivṛttyarthaṃ mokṣasyāharniśaṃ smaret |
sūcanāt sūtramityuktaṃ sūtraṃ nāma paraṃ padam || 7 ||

tat sūtraṃ viditaṃ yena sa mumukṣuḥ sa bhikṣukaḥ |
sa vedavit sadācārī sa vipraḥ paṅktipāvanaḥ || 8 ||

p. 163)

yena sarvamidaṃ protaṃ sūtre maṇigaṇā iva |
tat sūtraṃ dharayedyogī yogavid brāhmaṇo yatiḥ || 9 ||

bahiḥsūtraṃ tyajedvipro yogavijjñānatatparaḥ |
brahmabhāvamayaṃ sūtraṃ dhārayedyaḥ sa muktibhāk |
nāśucitvaṃ na cocchiṣṭaṃ tasya sūtrasya dhāraṇam || 10 ||

sūtramantargataṃ yeṣāṃ jñānayajñopavītinām |
te tu sūtravido loke te ca yajñopavītinaḥ || 11 ||

jñānaśikhino jñānaniṣṭhā jñānayajñopavītinaḥ |
jñānameva paraṃ teṣāṃ pavitraṃ jñānamīritam || 12 ||

agneriva śikhā nānyā yasya jñānamayī śikhā |
sa śikhītyucyate vidvānnetare keśadhāriṇaḥ || 13 ||

karmaṇyadhikṛtā ye tu vaidike laukike'pi vā |
brāhmaṇābhāsamātreṇa jīvante kukṣipūrakāḥ |
vrajante nirayaṃ te tu janma janmani janmani || 14 ||

vāmāṃsadakṣakaṭyantaṃ brahmasūtraṃ tu savyataḥ |
antargatapramārūḍhaṃ tattvatantusamanvitam |
nābhyādibrahmarandhrāntaṃ pramāṇaṃ dhārayet sudhīḥ || 15 ||

tebhirdhāryamidaṃ sūtraṃ kriyāṅgaṃ tantunirmitam |
śikhā jñānamayī yasya upavītaṃ ca tanmayam |
brāhmaṇyaṃ sakalaṃ tasya netareṣāṃ tu kiṃcana || 16 ||

p. 164)

idaṃ yajñopavītaṃ tu paramaṃ yat parāyaṇam |
vidvān yajñopavītī saṃdhārayedyaḥ sa muktibhāk || 17 ||

bahirantaścopavīti vipraḥ saṃnyastumarhati |
ekayajñopavītī tu naiva saṃnyastumarhati || 18 ||

tasmāt sarvaprayatnena mokṣāpekṣī bhavedyatiḥ |
bahiḥsūtraṃ parityajya svāntaḥ sūtraṃ tu dhārayet || 19 ||

bahiṣprapañcaśikhopavītitvamanādṛtya praṇavahaṃsaśikhopavītitvamavalambya 
mokṣasādhanaṃ kuryādityāha bhagavāñchaunaka ityupaniṣat || 20 ||

sarvāpavādādhikaraṇatayā sūcanāt sūtramityuktam | śaunakaḥ pippalādamukhato 
brahmatattvamavagamya svaśiṣyebhya evamāhetyarthaḥ | ityupaniṣacchabdaḥ 
parabrahmopaniṣatparisamāptyarthaḥ || 6-20 ||

śrīvāsudevendraśiṣyopaniṣadbrahmayoginā |
parabrahmopaniṣado vyākhyānaṃ likhitaṃ laghu |
prakṛtopaniṣadvyākhyāgranthastriṃśottaraṃ śatam || 

iti śrīmadīśādyaṣṭottaraśatopaniṣacchāstravivaraṇe 
aṣṭasaptatisaṃkhyāpūrakaṃ parabrahmopaniṣadvivaraṇaṃ saṃpūrṇaṃ ||
p. 165)

paramahaṃsaparivrājakopaniṣat 

bhadraṃ karṇebhiḥ - iti śāntiḥ 

parivrājakalakṣaṇajijñāsā 

atha pitāmahaḥ svapitaramādinārāyaṇamupasametya praṇamya papraccha | 
bhagavan tvanmukhādvarṇāśramadharmakramaṃ sarvaṃ śrutaṃ viditamavagatam | 
idānīṃ paramahaṃsaparivrājakalakṣaṇaṃ veditumichāmi | kaḥ 
parivrajanādhikārī? kīdṛśaṃ parivrājakalakṣaṇaṃ? kaḥ 
paramahaṃsaḥ? parivrājakatvaṃ katham? tat sarvaṃ me brūhīti | sa hovāca 
bhagavānādinārāyaṇaḥ || 1 ||

pārivrājyadharmavanto yajjñānādbrahmatāṃ yayuḥ |
tadbrahmapraṇavaikārthaṃ turyaturyaṃ hariṃ bhaje ||

iha khalvatharvaṇavedapravibhakteyaṃ paramahaṃsaparivrājakopaniṣat pārama##-
vijṛmbhate | asyāḥ saṃkṣepato vivaraṇamārabhyate | brahmanārāyaṇapraśna##-
viśvapālakaḥ tābhyāmāvirbhūto'rthaḥ kīdṛśo bhavatīti 
ākhyāyikāmavatārayati- atheti | atha 
brahmakṣatrādibrahmacārigṛhasthādi-dharmaśravaṇānantara 
kāśyapādinavaprajāpatayaḥ sarvalokapitaraḥ yasteṣāmapi

p. 166)

pitā sa sarvalokapitāmahaḥ svapitaramādinārāyaṇaṃ kāryasattve svayamādi##-
nāstyaramiti nāraṃ kāryakāraṇakalanāsaṃbhavaprabodhasiddhaniṣpratiyogika##-
so'yamādinārāyaṇaḥ taṃ svājñadṛṣṭyā mūrtimadavasthitam 

avyaktaṃ vyaktimāpannaṃ manyante māmabuddhayaḥ |
paraṃ bhāvamajānanto mamāvyayamanuttamam ||

iti smṛteḥ | tamupasametya daṇḍavat praṇamya papraccha | kimiti bhagavanniti | 
sarvaṃ yathāvat śrutam | paramahaṃsaparivrājakalakṣaṇaṃ yathāvat veditu##-
1 ||

adhikārinirūpaṇam 

sadgurusamīpe sakalavidyāpariśramajño bhūtvā vidvān sarvamaihikāmuṣmika##-
vamanānnamiva heyamupagamya mokṣamāgraikasādhano brahmacaryaṃ samāpya 
gṛhī bhavet gṛhādvanī bhūtvā pravrajet | yadi vetarathā brahmacaryādeva 
pravrajet gṛhādvā vanādvā | atha punaravratī vā vratī vā snātako vāsnātako 
votsannāgniranagniko vā yadahareva virajet tadahareva pravrajediti sarvasaṃsāreṣu 
virakto brahmacārī gṛhī vānaprastho vā pitaraṃ mātaraṃ kalatramāptabandhu##-
pāṇamevaitayā karoti | traidhātavīyāmeva kuryāt | etayaiva trayo dhātavo yaduta 
sattvaṃ rajastama iti |

p. 167)

ayaṃ te yonir-ṛtviyo yato jāto arocathāḥ |
taṃ jānannagna ārohāthā no vardhayā rayim ||

ityanena mantreṇāgnimājighret | eṣa vā agneryoniryaḥ prāṇaṃ gaccha svāṃ yoniṃ 
gaccha svāhetyevamevaitadāha | grāmācchrotriyāgārādagnimāhṛtya 
svavidhyuktakrameṇa pūrvavadagnimājighret | yadyāturo vāgniṃ na vindedapsu 
juhuyāt | āpo vai sarvā devatāḥ sarvābhyo devatābhyo juhomi svāheti 
hutvoddhṛtya prāśnīyāt sājyaṃ haviranāmayam | eṣa vidhirvīrādhvāne 
vānāśake vāpāṃ praveśe vāgnipraveśe vā mahāprasthāne vā | yadyāturaḥ 
syānmanasā vācā vā saṃnyaset | eṣa panthāḥ || 2 ||

tatkṛtapraśneṣvādau parivrajanādhikāriṇaṃ nirūpayati- saditi | na kadāpi 
saṃsāramaṇḍale sukhaleśo'stītyavagamya dārādyeṣaṇātrayaṃ dehādi##-
vamanānnamiva heyamupagamya svātiriktāsti tvabhramamokṣamārgaikasādhano 
brahmacaryaṃ samāpya gṛhī bhavet | jābālopaniṣadyuktārthametat | yadi sarva##-
pitrādya-numodanaṃ kṛtvā saṃnyasedityāha- pitaramiti | anumodayitvā 
pravrajedityarthaḥ | yadi svayamāhitāgnistadā carameṣṭyādikarmasamāptiḥ 
kāryetyatra- taddhaika iti | taddhaika ityādi jābālopaniṣadi padaśo vyākhyātam 
|| 2 ||

nirāmayasya saṃnyāsaḥ 

svasthaḥ krameṇaiva cedātmaśrādhaṃ virajāhomaṃ kṛtvā agnimātmanyāropya 
laukīkavaidikasāmarthyaṃ svacaturdaśakaraṇapravṛttiṃ ca putre samāropya 

p. 168)

tadabhāve śiṣye vā tadabhāve svātmanyeva vā brahmā tvaṃ yajñastvamityabhi##-
sarvavidyārthasvarūpāṃ brāhmaṇyādhārāṃ vedamātaraṃ kramād vyāhṛtiṣu 
triṣu pravilāpya vyāhṛtitrayamakārokāramakāreṣu pravilāpya 
tatsāvadhānenāpaḥ prāśya praṇavena śikhāmutkṛṣya yajñopavītaṃ chittvā 
vastramapi bhūmau vāpsu vā visṛjya oṃ bhūḥ svāhā oṃ bhuvaḥ svāhā oṃ 
suvaḥ svāhetyanena jātarūpadharo bhūtvā svarūpaṃ dhyāyan punaḥ pṛthak 
praṇavavyāhṛtipūrvakaṃ manasā vacasāpi saṃnyastaṃ mayā saṃnyastaṃ mayā 
saṃnyastaṃ mayeti 
mandramadhyamatāradhvanibhistrivāratriguṇīkṛtapraiṃṣocāraṇaṃ kṛtvā 
praṇavaikadhyānaparāyaṇaḥ sannabhayaṃ sarvabhūtebhyo mattaḥ 
svāhetyūrdhvabāhurbhūtvā brahmāhamasmīti tattvamasyādimahā##-

tadadhikārī na bhavedyadi gṛhasthaprārthanāpūrvakamabhayaṃ sarvabhūtebhyo 
mattaḥ sarvaṃ pravartate sakhā mā gopāyaujaḥ sakhā yo'sīndrasya vajro'si 
vārtaghnaḥ śarma me bhava yatpāpaṃ tannivārayetyanena mantreṇa praṇava##-
vivarṇavastramekaṃ parigṛhya sadgurumupagamya natvā gurumukhāt tattvamasīti 
mahāvākyaṃ praṇavapūrvakamupalabhya atha jīrṇavastravalkalājinaṃ dhṛtvā 
atha jalāvataraṇamūrdhvagamanamekabhikṣāṃ parityajya trikālasnānamācaran 
vedāntaśravaṇapūrvakaṃ praṇavānuṣṭhānaṃ kurvan brahmamārge samyak 
saṃpannaḥ svābhimatamātmani gopayitvā nirmamo'dhyātmaniṣṭhaḥ 
kāmakrodhalobhamohamadamātsaryadambhadarpāhaṃkārāsūyāgarvecchā##-

p. 169)

marṣamamatvādīṃśca hitvā jñānavairāgyayukto vittastrīparāṅmukhaḥ 
śuddhamānasaḥ sarvopaniṣadarthamālocya brahmacaryāparigrahāhiṃsāsatyaṃ 
yatnena rakṣañjitendriyo bahirantaḥsnehavarjitaḥ śarīrasaṃdhāraṇārthaṃ caturṣu 
varṇeṣvabhiśastapatitavarjiteṣu paśuradrohī bhaikṣamāṇo brahmabhūyāya bhavati | 
sarveṣu kāleṣu lābhālābhau samau bhūtvā karapātramādhukareṇānnamaśnan 
medovṛddhimakurvan kṛśībhūtvā brahmāhamasmīti bhāvayan gurvarthaṃ 
grāmamupetya dhrūvaśīlo'ṣṭau māṃsyekākī caret dvāvevācaret |

yadālaṃbuddhirbhavet tadā kuṭīcako vā bahudako vā haṃso vā paramahaṃso vā 
tattanmantrapūrvakaṃ kaṭisūtraṃ kaupīnaṃ daṇḍaṃ kamaṇḍaluṃ sarvamapsu 
visṛjyātha jātarūpadharaścaret | grāmaikarātraṃ tīrthe trirātraṃ paṭṭane 
pañcarātraṃ kṣetre saptarātramaniketaḥ sthiramatiranagnisevī nirvikāro 
niyamāniyamamutsṛjya prāṇasaṃdhāraṇārthamayameva lābhālābhau samau 
bhūtvā govṛttyā bhaikṣamācarannudakasthalakamaṇḍalurabādhakarahasya##-
bhūtalaśayanaḥ kṣaurakarmaparityakto muktacāturmāsyavrataniyamaḥ 
śukladhyānaparāyaṇo'rthastrīpuraparāṅmukho'nunmatto'pyunmattavadā##-
svarūpānusaṃdhānabrahmapraṇavadhyānamārgeṇāvahitaḥ saṃnyāsena 
dehatyāgaṃ karoti paramahaṃsaparivrājako bhavati || 3 ||

yadi nirāmayaḥ saṃnyastumicchati tadā nāradaparivrājakopaniṣaccaturthopade##-

p. 170)

śiṣye vā putrādeḥ pitrādisvatvādhikāratvāt tadabhāve svātmanyeva vā samā##-
pravilāpya | praṇavapūrvakaṃ salakṣaṇaṃ satvacaṃ samaparvakaṃ puṇyasthala##-
vaiṇavaṃ daṇḍamityādi | atha hastābhyāṃ jalāvataraṇaṃ saṃkalpena 
ūrdhvagamanaṃ manorājyam ekabhikṣāṃ parityajyeti | brahma niṣpratiyogikaṃ 
brahmātiriktaṃ na kiṃcidastīti prabodha eva brahmamārgaḥ | tatra saṃpanno bhūtvā 
paramasiddhāntamātmanyeva gopayitvā svātmaniṣṭho bhūtvā kādā##-
abhiśastapativarjiteṣu paśuḥ iva adrohī bhaikṣamāṇo brahmabhūyāya 
brahmabhāvāya bhavati | yo brahmāṇaṃ vidadhāti pūrvam iti śrutyanurodhena 
gururviṣṇuḥ naivedyārthaṃ mahāviṣṇoḥ svādu mādhūkaraṃ śuci iti 
smṛtyanurodhena gurvarthaṃ grāmamupetya dhruvaśīlaḥ acalasvabhāvo'pi aṣṭau 
māṃsyekākī cared dvāvevācaret | yadi śravaṇadhyānādhikārī na bhavati tadā 
cāturmāsya ekatrāsanaṃ śiṣṭamāse grāmaikarātram ityādyuktarītyāṭanam | 
etaddvayameva yatibhirācaraṇīyamityarthaḥ | yadā kuṭīcakādyāśrame 
alaṃbuddhirbhavet | pātre patitamaśnīyāt tatra kiṃcinna hi smaret iti smṛteḥ | 
kṛtsneyamupaniṣat nāradaparivrājakopaniṣadvyākhyānena prāyaśo vyākhyāteti 
mantavyā || 3 ||

brahmapraṇavasvarūpajijñāsā 

bhagavan brahmapraṇavaḥ kīdṛśa iti brahmā pṛcchati | sa hovāca nārāyaṇaḥ 
brahmapraṇavaḥ ṣoḍaśamātrātmakaḥ so'vasthācatuṣṭayacatuṣṭagocaraḥ | 
jāgradavasthāyāṃ jāgradādicatasro'vasthāḥ svapne svapnādicatasro'vasthāḥ 
suṣuptau suṣuptyādicatasro'vasthāḥ turīye turīyādicatasro'vasthā bhavantīti | 
vyaṣṭijāgradavasthāyāṃ viśvasya cāturvidhyaṃ viśvaviśvo viśvataijaso 
viśvaprājño viśvaturīya iti | vyaṣṭisvapnāvasthāyāṃ taijasasya cāturvidhyaṃ 
taijasaviśvastaijasataijasastaijasaprājñastaijasaturīya iti |

p. 171)

suṣuptyavasthāyāṃ prājñasya cāturvidhyaṃ prājñaviśvaḥ prājñataijasa 
prājñaprājñaḥ prājñaturīya iti | turīyāvasthāyāṃ turīyasya cāturvidhyaṃ 
turīyaviśvasturīyataijasasturīyaprājñaḥ | ete krameṇa ṣoḍaśamātrārūḍhāḥ | 
akāre jāgradviśva ukāre jāgrattaijaso makāre jāgratprājña arthamātrāyāṃ 
jāgratturīyaḥ bindau svapnaviśvaḥ nāde svapnataijasaḥ kalāyāṃ svapnaprājñaḥ 
kalātīte svapnaturīyaḥ śāntau suṣuptaviśvaḥ śāntyatīte suṣuptataijasaḥ 
unmanyāṃ suṣuptaprājñaḥ manonmanyāṃ suṣuptaturīyaḥ puryāṃ turīyaviśvaḥ 
madhyamāyāṃ turīyataijasaḥ paśyantyāṃ turīyaprājñaḥ parāyāṃ turyaturīyaḥ | 
jāgranmātrācatuṣṭayamakārāṃśaṃ svapnamātrācatuṣṭayamukārāṃśaṃ 
suṣuptimātrācatuṣṭayaṃ makārāṃśaṃ 
turīyamātrācatuṣṭayamardhamātrāṃśam | ayameva brahmapraṇavaḥ | sa 
paramahaṃsaturīyātītāvadhūtairupārayaḥ | tenaiva brahma prakāśate | 
videhamuktiḥ || 4 ||

brahmapraṇavadhyānamārgeṇeti praśnabījamavaṣṭabhya brahmapraṇaveyattā##-
bhagavanniti | sa hovāca nārāyaṇaḥ | kiṃ tat? ityatra- brahmapraṇava iti | 
tat kathamityatra- jāgradavasthāyāṃ jāgradādicatasro'vasthāḥ 
jāgrajjāgradityādi | svapne svapnādicatasro'vasthāḥ svapnajāgradityādi | suṣuptau 
suṣuptyādicatasro'vasthāḥ suṣuptijāgradityādi | turīye turīyādicatasro'vasthā 
bhavantīti turyajāgradityādi | vyaṣṭisamaṣṭyātmakajāgrajjāgradādiṣoḍa##-
vyaṣṭisvapnāva-sthāyāmiti | tathā vyaṣṭisuṣuptyavasthāyāmiti | tathā 
turīyāvasthāyāṃ turīyasya cāturvidhyamityatra turīyaviśvaḥ turīyataijasaḥ 
turīyaprājñaḥ iti traividhyaṃ jñeyam | saviśeṣanirviśeṣāvekīkṛtya 
cāturvidhyoktiḥ saviśeṣaprapañcāpahnavasiddhaṃ nirviśeṣaṃ

p. 172)

turyaturīyamiti pṛthak jñātuṃ yuktatvāt | tathā samaṣṭijāgrajjāgradāditurya##-
vayṣṭisamaṣṭyaikyasiddhajāgrajjāgradādipañcadaśāvasthārūḍhā otrotrādya##-
bhajanti tadavikalpāvikalpaṃ turyaturīyamiti jñeyam etadarthasya brahmapraṇava##-
jāgranmātrācatuṣṭayamakārāṃśaṃ viddhīti śeṣaḥ | tathā 
svapnamātrācatuṣṭayamukārāṃśaṃ suṣuptimātrācatuṣṭayaṃ makārāṃśaṃ 
turīyamātrācatuṣṭayamardhamātrāṃśaṃ jānīhītyarthaḥ | yata evamato 
vyaṣṭisamaṣṭitadubhayaikyasiddhajāgrajjāgradādituryasvāpāntakalanā##-
ityatra sarvavācyavastu praṇavātmakam iti śruteḥ | jāgrajjāgradādicatuṣpañca##-
tanniṣpratiyogikatayā svamātramavaśiṣyate | evamartho yatra avagamyate ayameva 
brahmapraṇavaḥ | sa paramahaṃsaturīyātītāvadhūtairupāsyaḥ brahmapraṇava##-
niṣpratiyogikaturyaturyamātragocaraḥ tenaiva brahmamātraprabodhena 
brahmamātrāvasthānalakṣaṇavidehamuktirbhavatīti prakaraṇārthaḥ || 4 ||

ayajñopavītino brāhmaṇatvam 

bhagavan kathamayajñopavītyaśikhī sarvakarmaparityaktaḥ? kathaṃ brahma##-
viṣṇuḥ | bho bho'rbhaka yasyāstyadvaitamātmajñānaṃ tadeva yajñopavītam | tasya 
dhyānaniṣṭhaiva śikhā | tatkarma sapavitram | sa sarvakarmakṛt sa brāhmaṇaḥ sa 
brahmaniṣṭhāparaḥ sa devaḥ sa ṛṣiḥ sa tapasvī sa śreṣṭaḥ sa eva sarvajyeṣṭhaḥ 
sa evāhaṃ viddhi | loke paramahaṃsaparivrājako durlabhataraḥ | yadyeko'sti sa

p. 173)

eva nityapūtaḥ sa eva vedapuruṣaḥ | mahāpuruṣo yastaccittaṃ mayyevāvatiṣṭhate | 
ahaṃ ca tasminnevāvasthitaḥ | sa eva nityatṛptaḥ | sa śītoṣṇasukhaduḥkha##-
ṣaḍbhāvavikāraśūnyaḥ | sa jyeṣṭhājyeṣṭhavyavadhānarahitaḥ | sa svavyatirekeṇa 
nānyadraṣṭā | āśāmbaro na namaskāro na svāhākāro na svadhākāraśca na 
visarjanaparo nindāstutivyatirikto na mantratantropāsako devāntaradhyānaśūnyo 
lakṣyālakṣyanivartakaḥ sarvoparataḥ saccidānandādvayaciddhanaḥ saṃpūrṇā##-
yaḥ kṛtakṛtyo bhavati sa paramahaṃsaparivrāḍityupaniṣat || 5 ||

brahmapraṇavasya paramahaṃsādyadhikāratvāt  paramahaṃsādeḥ sarvatra 
brāhmaṇatvaṃ śrūyate- yaḥ saṃnyāsī sa paramahaṃsaḥ so'vadhūtaḥ sa 
brāhmaṇa iti | prasiddhistu śikhāyajñopavītaviśiṣṭakarmaṭhānāmeva 
brāhmaṇatvamiti | tadviralasya yateḥ kathaṃ brāhmaṇyamiti brahmā bhagavantaṃ 
pṛcchatītyāha- bhagavanniti | praśnottaraṃ sa hovāca viṣṇuḥ | īdṛśo 
madbhāvāpanno loke paramahaṃsaparivrājako durlabhataraḥ | sa eva nityatṛptaḥ 
madbhāvāpatternityatṛptiprāpakatvāt | sa śītoṣṇasukhaduḥkhamānāvamāna##-
aśanāyādyatītatvāt | ṣaḍbhāvavikāraśūnyaḥ bhāvaṣaṭkāspadasthūladeha##-
kaniṣṭhaḥ iti śruteḥ | sa svavyatirekeṇa nānyadraṣṭā draṣṭavyānyasya 
mṛgyatvāt | visarjanīyābhāvāt na visarjanaparaḥ | na mantra-tantropāsako 
devāntaradhyānaśūnyaḥ mantratantradevopāsanābhiḥ bhavitavyārthābhāvāt | 
lakṣyālakṣyanivartakaḥ lakṣaṇayā bodhitaṃ lakṣyaṃ tadviparītamalakṣyaṃ 
vācyam | svātirekeṇa tadubhayaṃ nāsti ahamevedaṃ 

p, 174)

sarvamiti nivartakaḥ | brahmapraṇavārthaturyaturyasvamātramityanusaṃdhānato 
vidvān turyaturyarūpeṇāvaśiṣyate videhamukto bhavatītyarthaḥ | 
ityupaniṣacchabdaḥ prakṛtopaniṣatparisamāptyarthaḥ || 5 ||

śrīvāsudevendraśiṣyopaniṣadbrahmayoginā |
prakṛtopaniṣadvyākhyā likhitā turyaturyagā |
prakṛtopaniṣadvyākhyāgranthajātaṃ śataṃ smṛtam ||

iti śrīmadīśādyaṣṭottaraśatopaniṣacchāstravivaraṇe ṣaṭṣaṣṭi##-
p. 175)

paramahaṃsopaniṣat 

pūrṇamadaḥ - iti śāntiḥ 

paramahaṃsaparivrājakānāṃ mārgaḥ

atha yogināṃ paramahaṃsānāṃ ko'yaṃ margasteṣāṃ kā sthitiriti nārado 
bhagavantamupasametyovāca | taṃ bhagavānāha | yo'yaṃ paramahaṃsamārgo loke 
durlabhataro na tu bāhulyo yadyeko bhavati sa eva nityapūtaḥ sa eva vedapuruṣa iti 
viduṣo manyante mahāpuruṣo yaccittaṃ tat sadā mayyevāvatiṣṭhate | tasmādahaṃ 
ca tasminnevāvasthīyate | asau svaputramitrakalatrabandhvādī##-
brahmāṇḍaṃ ca hitvā kaupīnaṃ daṇḍamācchādanaṃ ca svaśarīropa##-
mukhya iti cedayaṃ mukhyaḥ || 1 ||

paramahaṃsopaniṣadvedyāpārasukhākṛti |
traipadaśrīrāmatattvaṃ svamātramiti cintaye || 

iha khalu paramahaṃsopaniṣadaḥ śuklayajurvedapravibhaktatvādīśāvāsyādi##-

p. 176)

yogyādhikāriṇa upalabhya teṣāṃ niśreyasāyākhyāyikākāreṇa pravṛttā- 
athetyādinā | atha svakṛtabhaktiśraddhātapobhiḥ bhagavatsāṃnidhyānantaraṃ 
devarṣiriti vikhyāto nārado muniryatra ṣaḍguṇaiśvaryasaṃpattiḥ paryavasannā taṃ 
bhagavantaṃ vinayenopasametyovāca | kimiti? yogināṃ paramahaṃsapari##-
kīdṛśī? iti nāradena pṛṣṭo bhagavān hariḥ taṃ pratyevamāha- tamiti | 
tamevaṃ pṛṣṭavantaṃ nāradaṃ prati bhagavān harirevamāha | kiṃ taditi | 
yathoktācāra-viśiṣṭakuṭīcakabahūdakahaṃsānāṃ mārga eva durlabho loke 
tāvat | tato'pi paramahaṃsamārgo durlabhataraḥ | durlabhatarārthaṃ śrutiḥ 
svayamevāha- na tu bāhulya iti | yadi kadācit etādṛśa eko bhavati tadā sa eva 
paramahaṃsaḥ | nityapūte viśuddhātmani sve mahimni tiṣṭhatīti nityapūtasthaḥ | sa 
eva vedapuruṣo vedārthaḥ paramātmeti viduṣo brahmavidvarīyāṃso manyante | ata 
eva paramahaṃso mahāpuruṣo bhavati yasya mahāpuruṣasya cittaṃ mayyeva 
nārāyaṇe tadākārākāritayāvatiṣṭhate | yasmādevaṃ tasmādahaṃ ca 
tasminnevāvasthīyate | paramātmani pratyakpratīci paramātmeti 
pratyagabhedenāsāvavasthitaḥ san svīyatayā bhātaputramitrakalatrabandhvādīn 
bahirlakṣyamāṇaśikhāṃ yajñopavītaṃ ca svādhītasvādhyāyavedajātaṃ ca 
tadbihitisarvakarmāṇyayaṃ saṃnyasya svājñadaśāyāṃ svāvāsadhiyā 
yadbhātaṃ taccaturdaśabhuvanālaṃkṛtabrahmāṇḍaṃ ca svātiriktadhiyā hitvā 
kaupīnaṃ daṇḍamācchādanaṃ nityakarmopayogibhikṣācārādivastrāṇi ca 
parigrahet | kimarthaṃ tatparigraha ityatra svaśarīropabhogārthāya | bhogārthaṃ 
śītamaśakādinivṛttyarthaṃ lokasyaivopakārārthāya ca lokonmārganirāsanāya 
kaupīnādikaṃ parigrahedityarthaḥ | kaupīnādiparigraha evāsya mukhya ityata āha##-
tarhi teṣāṃ ko'yaṃ mukhya iti cet kaupīnādityāga eva mukhya ityāha- ayaṃ 
mukhya iti || 1 ||

paramahaṃsaparivrājakānāṃ sthitiḥ 

na daṇḍaṃ na śikhāṃ na yajñopavītaṃ na cācchādānaṃ carati paramahaṃso na 
śītaṃ na coṣṇaṃ na sukhaṃ na duḥkhaṃ na mānāvamānamiti | ṣaḍūrmivarjito

p. 177)

nindāgarvamatsaradambhadarpecchādveṣasukhaduḥkhakāmakrodhalobhamoha##-
yatastadvapurapadhvastasaṃśayamithyājñānānāṃ yo hetustena 
nityanivṛttastannityabodhastatsvayamevāvasthitistaṃ 
śāntamacalamadvayānanda-ciddhana evāsmi tadeva mama paramaṃ dhāma 
tadeva śikhā tadevopavītaṃ ca paramātmātmanorekatvajñānena tayorbheda eva 
vibhagnaḥ sā saṃdhyā || 2 ||

sarvān kāmān parityajya advaite parame sthitiḥ |
jñānadaṇḍo dhṛto yena ekadaṇḍī sa ucyate ||

kāṣṭhadaṇḍo dhṛto yena sarvāśī jñanavarjitaḥ |
titikṣājñānavairāgyaśamādiguṇavarjitaḥ ||

bhikṣāmātreṇa yo jīvet sa pāpī yativṛttihā |
sa yāti narakān ghorān mahārauravasaṃjñakān ||

idamantaraṃ jñātvā sa paramahaṃsaḥ || 3 ||

āśāmbaro na namaskāro na svāhākāro na svadhākāro na nindāstutiryā##-
nopāsanaṃ ca | na lakṣyaṃ nālakṣyaṃ na pṛthaṅ nāpṛthagaharna sarvaṃ ca 
aniketasthiramatireva sa bhikṣuḥ sauvarṇādīnāṃ naiva parigrahenna lokanaṃ 
nāvalokanaṃ ca | na ca bādhakaḥ ka iti cedbādhako'styeva | yasmādbhikṣurhiraṇyaṃ 
rasena dṛṣṭaṃ cet sa brahmahā bhavet | yasmād-bhikṣurhiraṇyaṃ rasena 
spṛṣṭaṃ cet sa paulkaso bhavet | yasmādbhikṣurhiraṇyaṃ rasena grāhyaṃ cet sa 
ātmahā bhavet | tasmādbhikṣurhiraṇyaṃ rasena na dṛṣṭaṃ ca na spṛṣṭaṃ ca na 
grāhyaṃ ca sarve 

p. 178)

kāmā manogatā vyāvartante | duḥkhe nodvignaḥ sukhe niḥspṛhaḥ tyāgo rāge 
sarvatra śubhāśubhayoranabhisneho na dveṣṭi na modaṃ ca | 
sarveṣāmindriyāṇāṃ gatiruparamate ya ātmanyevāvasthīyate | 
tatpūrṇānandaikabodhastadbrahmaivāhamasmīti kṛtakṛtyo bhavati kṛtakṛtyo 
bhavatītyupaniṣat || 4 ||

na hi gārhasthyocitadaṇḍaśikhāyajñopavītācchādanaṃ parigṛhya 
paramahaṃsaścarati | na hi tasya śitoṣṇamānāvamānakalanāsti | seyaṃ kalanā 
dehaniṣṭhā | paramahaṃsasya pratyagabhinnabrahmabhāvārūḍhatvena dehatrayo##-
smayaḥ dhanavidyādiviṣayaḥ hṛdyarpitadṛḍhakrodho matsaraḥ dambho 
dharma-dhvajitvaṃ darpaḥ svānyatrālakṣyabuddhiḥ labdhavyaviṣayaspṛhā 
icchā svāhita-kāriṇi dveṣaḥ iṣṭaviṣayajaṃ sukham aniṣṭaviṣayajaṃ duḥkham 
iṣṭavastvabhi-lāṣaḥ kāmaḥ tatkuṇṭhanakāriṇi krodhaḥ 
svadravyatyāgānicchā lobhaḥ atasmiṃstadbuddhiḥ mohaḥ sveṣṭaviṣayāgamajo 
harṣaḥ paraśreyo'sahiṣṇutā asūyā uddhatavṛttirahaṃkāraḥ ādiśabdena svīyeṣu 
mamakāradirgṛhyate | etat sarvaṃ svātiriktadhiyā hitvā yaḥ 
svamātrāvasthitimīhate taddṛṣṭyā svavapuḥ kuṇapamiva dṛśyate | yato yasmāt 
brahmajñānāt apadhvastasaṃśayamithyā-jñānānāṃ svavavapurevaṃ 
dṛśyate tādṛśabrahmaviṣayakajñānasyāvirbhā-vāya yo hetuḥ 
pratyaktvena pratīcā pratyagabhinnabrahmabhāvena nityanivṛtta-svājñāno yat 
svājñānanivṛttyadhikaraṇaṃ tannityabodhaḥ paramātmāyaṃ 
nityabodhasvarūpaṃ tat svayamevāvasthitiḥ svamātrāvaśeṣatayā sthitirmuktiryo 
mukta ityabhihitaḥ taṃ svātiriktāvidyāpadatatkāryaśāntaniṣpratiyogikapūrṇa##-
śikhā tadevopavītaṃ ca keśakārpāsaśikhātantuvaccharīravilakṣaṇatvāt | tasya kā 
saṃdhyā? ityāta āha- paramātmeti | paramātmātmanoḥ

p. 179)

pratyakparacitoḥ brahmaivāham ahameva brahma ityekatvajñānena tayorbheda eva 
vibhagnaḥ tattvabhedaḥ tasya svarūpatvāt yā jīvabrahmaikyasthitiḥ saiva saṃdhyā

nodakairjāyate saṃdhyā na mantroccāraṇena tu |
saṃdhau jīvātmanoraikyaṃ sā saṃdhyā sadbhirucyate ||

iti smṛteḥ | itthaṃ svātiriktasarvān kāmān parityajya apahnavaṃ kṛtvā 
paramādvaite sthitistadrūpeṇāvasthānaṃ jñānadaṇḍaḥ svātmamātrāva##-
jñānagandhavaikalyena yena kāṣṭhadaṇḍo dhṛtaḥ sa hi sarvāśī 
kevalodaraṃbharī nirviśeṣajñānavarjito bhavati | kiṃca 
śītoṣṇādititikṣāpuraḥsaraṃ 
saviśeṣajñānataditaraviṣayavairāgyaśamādiguṇavarjitaḥ 
svāntarbāhyavyāpṛtiḥ san kevalabhikṣāmātreṇa yo jīvet so'yaṃ pāpī 
pāpakṛttamo bhūtvā sadvṛttayatīnāmapi vṛttihā bhavet satsaṃnyāsino'pi 
lokāḥ saṃnyāsyābhāsān matvā dṛṣṭvā upekṣāṃ kuryuḥ 
taddoṣeṇāyamābhāsayatiḥ mahārauravasaṃjñakān narakān yāti | idaṃ 
parāmārthikābhāsasaṃnyāsinorantaraṃ jñātvā āśāmbaro digambaraḥ na 
namaskāraḥ jyeṣṭhakaniṣṭhakalanāvairalyāt | na svāhākāro na svadhākāro 
daivapitryakarmasāmānyasya tyaktatvāt | na nindāstutiḥ 
nindanīyastutyaguṇavairalyāt | yādṛcchiko bhavet dehadhāraṇamātre##-
vidhīyate yathecchācaraṇasya icchāpūrvakatvena patanameva syāt | atra 
jñānavairāgya-saṃpannasya svasminneva muktiriti na sarvatrācāraprasaktiḥ 
tadācāravaśāt tattallokaprāptiḥ iti śruteḥ | evaṃ 
dehamātradhāraṇetarapravṛttinivṛttiśūnyasya bhikṣoḥ na hi 
svānyatrāvāhanaṃ visarjanaṃ mantradhyānam upāsanaṃ lakṣyamalakṣyādikaṃ 
vāstītyāha- bhikṣoriti | uktaviśeṣaṇaviśiṣṭasya bhikṣoḥ na hi pṛthaktvena 
apṛthaktvena vā tvamahaṃtacchabdagocaraṃ sarvaṃ svātiriktaṃ vastvasti | yadi 
vyāvahārikatvena prātibhāsikatvenāstīti bhrāntistadā aniketa-sthiramatiḥ 
vyāviddhātmīyaniketanābhimatiḥ svadehe tadanyatra vā ahaṃkāra##-

p. 180)

sauvarṇādīnāṃ naiva parigrahet na lokanaṃ nāvalokanaṃ ca | na ca bādhakaḥ ka iti 
cet suvarṇādiparigrahanimittābhāvāt tannimittamastīti svīkṛtya | na hi 
suvarṇādyālokanaṃ vā na hi kadā'pi kuryāt | evaṃ kṛte bādhakaḥ ka iti cet 
bādhako'styeva | tat katham? yasmādupabhoganimittāt bhikṣuḥ bhikṣuṇā 
hiraṇyaṃ kanakaratnādi rasena premṇā dṛṣṭaṃ cet sa brahmahā bhavet | 
yasmādityādi samānam | yadi tadrasena spṛṣṭaṃ tadāyaṃ paulkasaścarmākāro 
bhavet | yadi grāhyaṃ gṛhītaṃ tadā so'yamātmahā bhavet | tasmāt bhikṣuḥ 
hiraṇyaṃ rasena na dṛṣṭaṃ ca na spṛṣṭaṃ ca na grāhyaṃ ca | rasena suvarṇa##-
pathigatatṛṇava-drāgaṃ vinā darśanaṃ na doṣāya bhavati | 
sparśanagrahaṇayoḥ sadyatera-prasaktatvāt | mā gṛdhaḥ kasya sviddhanam iti 
śrutyanurodhena suvarṇādyanicchoḥ paramahaṃsasya 
svājñadṛṣṭiprasaktamanogatāḥ manasi vikalpitāḥ sarve kāmāḥ 
svajñadṛṣṭyā vyāvartante mithyātmatayā nivartante | yata evamataḥ 
paramahaṃsaḥ duḥkhaprārabdhodaye'pi nodvigno bhavati | tathā 
sukhaprārabdhodaye'pi tatra niḥspṛho bhavati | rāgadveṣaprasaṅge'pi tattyāgo 
bhavati | sarvatra svātiriktanivṛttimārgaḥ śubhaṃ pravṛttimārgo'śubhaṃ 
tayoranabhisnehaḥ pravṛttinivṛttimārgaparāṅmukhaḥ pravṛttimārge na 
dveṣṭi nivṛttimārge na modaṃ cānubhavati | sarveṣāṃ jñānakarmendriyāṇāṃ 
ca śabdādantaḥkaraṇasya ca gatistattadviṣayagrahaṇaśaktiryatrātmanyevoparamate 
svātmamātrāvaśeṣatayā avasthīyate tadadhikaraṇatvena yo'vaśiśyate so'yaṃ 
tatpūrṇānandaikabodhaḥ kāryakāraṇatāṃ hitvā pūrṇabodho'vaśiṣyate iti śruteḥ 
| yatpūrṇabodhatvenāvaśiṣṭaṃ tad brahmaivāhamasmīti tadbrahma svamātramiti 
jñānasamakālaṃ kṛtakṛtyo videhamukto bhavati | āvṛttiḥ ādarārthā | 
ityupaniṣaditi prakṛtopaniṣatparisamāptyarthaḥ || 4 ||

śrīvāsudevendraśiṣyopaniṣadbrahmayoginā |
paramahaṃsopaniṣadvyākhyeyaṃ likhitā sphuṭam |
paramahaṃsopaniṣadvyākhyāgranthaḥ śataṃ smṛtaḥ ||

iti śrīmadīśādyaṣṭottaraśatopaniṣacchāstravivaraṇe 
ekonaviṃśatisaṃkhyāpūrakaṃ paramahaṃsopaniṣadvivaraṇaṃ saṃpūrṇaṃ ||
p. 181)

brahmopaniṣat 

saha nāvavatu - iti śāntiḥ

catuṣpādbrahma

[1 : śaunako ha vai mahāśālo'ṅgirasaṃ bhagavantaṃ pippalādaṃ papraccha | 
divye brahmapure saṃpratiṣṭhitā bhavanti | kathaṃ sṛjanti? kasyaiṣa mahimā 
babhūva? yo hyeṣa mahimā babhūva ka eṣaḥ? tasmai sa hovāca 
brahmavidyāṃ variṣṭhām | prāṇohyeṣa ātmā | ātmano mahimā babhūva | 
devānāmāyuḥ saḥ | devānāṃ nidhanamanidhanaṃ divye brahmapure virajaṃ 
niṣkalaṃ śubhramakṣaraṃ yadbrahma vibhāti | sa niyacchati 
madhukararāja(makṣikāvat | yathā makṣikā madhukararājānamutkrāmantaṃ 
sarvā evotkrāmante tathaivaina-mutkrāmantaṃ te sarve devā anūtkrāmante | sa 
sṛjatyākarṣati) mākṣīkavat | yathā mākṣīkaikena tantunā jālaṃ vikṣipati 
tenāpakarṣati tathaivaiṣa prāṇo yadāyāti saṃsṛṣṭamākṛṣya | 
prāṇadevatāstāḥ sarvā nākhyaḥ suṣvape śyenākāśavat | yathā khaṃ śyena 
āśritya yāti svamālayamevaṃ suṣuptabhūte | yathaivaiṣa devadatto yaṣṭyāpi 
tāḍyamāno na vettyevamiṣṭā-pūrtaiḥ śubhāśubhairna lipyate | yathā kumāro 
niṣkāma ānandamupayāti tathaivaiṣa devadattaḥ svapna ānandamabhiyāti | veda eṣa 
paraṃ jyotiḥ | jyotiṣkāmo jyotirānandayate | bhūyastenaiva svapnāya gacchati 
jalaukāvat | yathā jalaukāgramagraṃ nayatyātmānam nayati param 
saṃdhayatyaparam nāparaṃ tyajati ....... sa jāgradabhidhīyate | yathaivaiṣa 
kapālāṣṭakaṃ saṃnayati ...... | ya eṣa stana ivāvalambata eṣa devayoniryatra jāgrati 
śubhāśubhamaniruktamasya devasya sa saṃprasādo'ntaryāmī khagaḥ karkaṭakaḥ 
puṣkaraḥ puruṣaḥ prāṇo haṃsaḥ brahmātmā devatā vedayati | ya evaṃ veda sa 
paraṃ brahmadhāma kṣetrajñamupaiti | prathamaḥ khaṇḍaḥ |] athāsya 
puruṣasya catvāri sthānāni bhavanti nābhirhṛdayaṃ kaṇṭhaṃ mūrdhā ca | tatra 
catuṣpādaṃ brahma vibhāti- jāgarite brahmā svapne viṣṇuḥ suṣuptau rudraḥ 
turīyamakṣaram | sa ādityo viṣṇuśceśvaraśca 
svayamamanaskamaśrotramapāṇipādaṃ jyotirviditam || 1 ||

p. 182)

yadbrahmopaniṣadvyaktavisphūliṅgi hṛdujjvalam |
traipadānandasāmrājyaṃ kalaye tat svamātrataḥ ||

iha khalu kṛṣṇayajurvedāntargatabrahmaśākhāyāṃ yat kāṇḍatrayaṃ 
prakāśitaṃ tatra sakāmasya kevalakarmakāṇḍānuṣṭhānato dhūmādi##-
karmopāsanā##-
tena saha tadbhāvāpattiḥ | yeṣāṃ cittaśuddhyādhikyānmārgadvaye'pi viraktirjāyate 
teṣāṃ jhaṭiti niṣpratiyogikabrahmamātrāvagataye jñānakāṇḍā-tmikeyaṃ 
brahmopaniṣat pravṛttā | upanipūrvakasya ṣad ḷdhātorarthānugamāt 
mumukṣoḥ svājñānaviśaraṇapūrvakaṃ niṣpratiyogikabrahmamātragama##-
evamuktalakṣaṇa-brahmopaniṣado'lpagranthato vivaraṇamārabhyate - atheti | 
atha yathoktabrahma-vidyāsādhanasaṃpattyanantaraṃ mumukṣoḥ 
svātiriktārūḍhabuddhitvena niṣpratiyogikabrahmamātropadeśānarhatvāt 
tanmātrabuddhyārohāya sopāya-brahmavidyā vaktavyeti paramadayāvatī 
śrutiḥ yataḥ pravṛttā ato brahmopalabdhisthānakalpanā yujyate | yaḥ 
pūrṇamevāvaśiṣyate iti puruṣānna paraṃ kiṃcit sā kāṣṭhā sā parā gatiḥ iti ca 
śrutisiddhaḥ puruṣo'vaśiṣyate tasyāsya puruṣasya paramātmana upalabdhisthānāni 
catvāri bhavanti | tāni kāni? kiṃ deśāntare vartante? ityākāṅkṣāyāṃ 
svaśarīre tāni vartanta ityāha- nābhiriti | cakārāt 
dakṣiṇākṣyādisthānāntaramastīti dyotyate | tatra kīdṛśaṃ brahma? ityata 
āha- tatra

p. 183)

catuṣpādaṃ brahma vibhātīti | catuḥsthānāśrayatvāccatuṣpāt vastutaḥ 
tatparicchedaśūnyaṃ brahma vibhātītyarthaḥ | svājñadṛṣṭiprasaktacatuṣpād##-
tadarthopalabdhiḥ tat jāgrat | tatra jāgarite brahmā nābhimaṇḍalamadhiṣṭhāya 
jāgratkalanāṃ kalayati | sa hi jagatsraṣṭā caturānanaḥ | yadā jāgratpralayajasvapno 
dṛśyate tadā viṣṇurhṛdayamadhiṣṭhāya svapne tatkalanākalito bhavati | yadā 
jāgradādi-vyāpṛtiḥ vilīyate tadā sa suṣuptirbhavati | tadānīṃ rudraḥ 
kaṇṭhamadhiṣṭhāya svājñavikalpitajāgratsvapnaprapañcamupasaṃharati | 
jāgradādyavasthātrayaṃ yatra vilīyate seyaṃ turīyāvasthā | tadānīṃ 
mūrdhānamadhiṣṭhāya yajjāgradādikalanābhāvābhāvaprakāśakaṃ bhavati 
tanmūrdhni saṃsthitaṃ turīyamucyate | yadyapi netrakaṇṭhahṛdayamūrdhasu 
jāgaritādīni vakṣyati tathāpyatra nābhyādīnāmuktatvādupalabdhyarthamevaṃ 
cintanīyam | yadvā nābhyādi yathākramamutsṛjya nābhinetre samuccitya 
jāgaritajāgaritaṃ cintyam | svapnasthānaṃ kaṇṭhaṃ suṣuptisthānaṃ hṛdayaṃ 
pūrvavat mūrdhni saṃsthitaṃ turīyaṃ yo mūrdhānamadhiṣṭhāya turyātmā bhavati 
tasmāt ādityādiḥ bhinna ityata āha- sa āditya iti | tadatirekeṇādityāderabhāvāt 
| cakārāt tadatirekeṇa na kiṃcidapyastīti dyotyate | tadyāthātmyaṃ kimityata āha##-

parasya brahmaṇaḥ akṣaratvam 

yatra lokā na lokā devā na devā vedā na vedā yajñā na yajñā mātā na mātā 
pitā na pitā snuṣā na snuṣā cāṇḍālo na cāṇḍālaḥ paulkaso na paulkasaḥ 
śramaṇo na śramaṇaḥ tāpaso na tāpasa ekameva tat paraṃ brahma vibhāti [1 : 
hṛdyākāśe tadvijñānamākāśam | tatsuṣiramākāśam | 
tadvidyāddhṛdyākāśe yasminnidaṃ saṃ ca vicarati yasminnidaṃ sarvamotaprotam 
| sa vibhuḥ prajāsu dhyānena yo veda tatparaṃ brahma bhavatīti |] nirvāṇam || 2 ||

svasya svātiriktamana-ādyantaḥkaraṇaśrotrādibāhyakaraṇajātāsaṃbhava##-
svātirekeṇa lokādi-

p. 184)

tāpasāntakalanā na saṃbhavati tannirvāṇarūpeṇa svamātramavaśiṣyata ityāha##-
ekamiti | niṣpratiyogikabrahmamātramekameva paraṃ brahma 
vikalebaranirvāṇarūpeṇa vibhāti svājñādidṛṣṭimohe sati asati 
kaivalyamekarūpeṇa cakāstītyarthaḥ || 2 ||

nirvāṇasya ekatvam 

na tatra devā ṛṣayaḥ pitara īśate pratibuddhaḥ sarvavidyeti || 3 ||

kathaṃ nirvāṇamekaṃ niṣpratiyogikam? tanniyantṛtvena devādeḥ sattvāt 
ityata āha- na tatreti | yat svamātramavaśiṣṭaṃ na hi tatra devarṣipitaraḥ santi | 
tanmātrāvasthāyāṃ svayamalabdhātmāno niyantṛniyamyatayā sthātuṃ 
kathamīśate samarthā bhavanti? kiṃtveka evātmā devarṣipitrādikalanāviralaṃ 
brahma svamātramiti pratibuddhaḥ devarṣipitrādibhirapi brahmāsmītyeva pratibuddho 
bhavati na hi bhedadṛṣṭyetyarthaḥ | yadyat svājñavikalpitaṃ tattat ahamevedaṃ 
sarvamiti śrutisiddhā yā sā sarvavidyā tayā svavikalpitasarvā##-

trivṛtsūtram 

hṛdisthā devatāḥ sarvā hṛdi prāṇāḥ pratiṣṭhitāḥ |
hṛdi prāṇāśca jyotiśca trivṛtsūtraṃ ca tadviduḥ ||
hṛdi caitanye tiṣṭhati || 4 ||

brahmamātraprabodhasahakāritvena saṃnyāsavidhitsayā bhūmikāṃ karoti- 
hṛdisthā devatā iti | svātiriktaṃ svamātratayā haratīti hṛcchabdena 
pratyakcaitanyamucyate | tasmin hṛdi tadadhiṣṭheyahṛdayakamale vā agnyādyāḥ 
sarvā devatāḥ pratiṣṭhitāḥ | tathā hṛdi prāṇāpānādibhedena prāṇāḥ pañca 
vāgādayaśca vidhātrā pratiṣṭhitāḥ | tathoktalakṣaṇahṛdaye nāsāpuṭa##-

p. 185)

cakāradvayato yadasti nāstīti vikalpitaṃ tat sarvaṃ hṛdaye pratiṣṭhitamiti dyotyate | 
bahiḥsūtratyāginastadetat trivṛtsūtramiti viduḥ jānanti | bahiḥsūtraṃ kva 
pratiṣṭhitamityata āha- hṛdīti sarvasyāpi hṛdayapratiṣṭhitatvāt || 4 ||

bahiḥsūtram

yajñopavītaṃ paramaṃ pavitraṃ prajāpateryat sahajaṃ purastāt |
āyuṣyamagryaṃ pratimuñca śubhraṃ yajñopavītaṃ balamastu tejaḥ || 5 ||

kīdṛśaṃ bahiḥsūtramityata āha- yajñopavītamiti | yajñasya viṣṇorupa 
sāmīpyena vītaṃ viśeṣeṇāgataṃ jīvasvarūpaṃ yajñopavītam | svagata##-
yadvyavahārakāraṇaṃ sahajam | yadvā dehendriyādivat sahajam | purastāt pūrvam | 
āyuṣyam agryaṃ śreṣṭhaṃ svātmānaṃ viditvā svānyatra matiṃ pratimuñca | 
yacchubhraṃ jyotiṣmadyajñopavītaṃ tadavalambya bāhyayajñopavītaṃ 
pratimuñceti vārthaḥ | yasmādetaddhṛdi caitanye tiṣṭhati tasmāt idaṃ 
yajñopavitaṃ trivṛtkārpāsajaṃ traivarṇikaiḥ dhāryam | tat kārpāsasūtraṃ balaṃ 
vīryavat karmakāraṇamastu tejo brahmavarcasādivṛddhikaraṃ bhūyādityarthaḥ || 5 
||

brahmasūtram 

saśikhaṃ vapanaṃ kṛtvā bahiḥsūtraṃ tyajed budhaḥ |
yadakṣaraṃ paraṃ brahma tat sūtramiti dhārayet || 6 ||

sūcanāt sūtramityāhuḥ sūtraṃ nāma paraṃ padam |
tat sūtraṃ viditaṃ yena sa vipro vedapāragaḥ || 7 ||

yena sarvamidaṃ protaṃ sūtre maṇigaṇā iva |
tat sūtraṃ dhārayedyogī yogavit tattvadarśivān || 8 ||

p. 186)

bahiḥsūtraṃ tyajedvidvān yogamuttamamāsthitaḥ |
brahmabhāvamidaṃ sūtraṃ dhārayedyaḥ sa cetanaḥ |
dhāraṇāt tasya sūtrasya nocchiṣṭo nāśucirbhavet || 9 ||

traivarṇikānāṃ śrautasmārtakarmasādhanatayā pratipādyātha parivrājakānāṃ 
bahiryajñopavītādityāgapūrvakaṃ mukhyaśikhā-yajñopavītaṃ 
dhāryamityāha- saśikhamiti | śikhāsahitakeśaśma-śrvādivapanaṃ 
kṛtvā yat bahiḥ trivṛt sūtraṃ karmāṅgabhūtaṃ nityādi##-
tyajet | tataḥ kimityata āha- yaditi | yat 
svātiriktakṣaraprapañcāpahnavasiddha-makṣaraṃ paraṃ nirupamotkṛṣṭaṃ 
svāvaśeṣatayā vṛhaṇāt brahma tat svamātramiti dhārayet | kiṃ tat? kathaṃ 
dhāryam? taddhāraṇaphalaṃ kīdṛśam? ityata āha- sūcanāditi | 
sanmātramasadanyat brahmamātramasanna hi ityādiśrutibhiḥ sūcanāt 
svātiriktagrāsaṃ brahmaiva sūtramiti brahmavida āhuḥ | sūtraṃ nāma kimityata 
āha- paraṃ padamiti | paraṃ niratiśayaṃ tadrūpeṇa padyata iti padaṃ 
brahmamātramityarthaḥ | tadetat sūtraṃ yena svamātratayā viditaṃ sa vipro 
brahmavidvarīyān svāropitātadapahnavamukhena vedā yatra paryavasyanti 
tadvedaparaṃ brahmamātraṃ gato bhavati brahmaiva bhavatītyarthaḥ | 
kathametādṛśaṃ padaṃ mandabuddhigamyaṃ bhavatītyāśaṅkya 
tatpadāroho-pāyatvena sūtrasvarūpamācaṣṭe- yeneti | 
svātiriktajagadāropādhikaraṇatayā yat sūtritaṃ sūtre maṇigaṇavat yenedaṃ sarvam 
avidyāpadatatkāryajātaṃ protamanuviddhaṃ tadetat sūtramīśvaracaitanyaṃ 
tattattvaṃ sarvāpavādādhikaraṇaṃ niradhikaraṇaṃ vā darśitavān yogavit 
tadevāsmīti dhārayet | kathaṃ punarevaṃ dhāryamityatra 
tadgataheyāṃśatyāgapūrvakaṃ śiṣṭāṃśaṃ dhāryamityāha- bahiriti | 
yaścetano vidvān bahiḥsūtraśikhopalakṣitasvātiriktāvidyāpadatatkāryajātaṃ 
tyajet tato'yaṃ yogī evaṃ tyāgaśiṣṭaṃ brahmabhāvamidaṃ sūtraṃ dhārayet 
so'yamevaṃ dhārayitā brahmamātrayogamāsthito bhavatītyarthaḥ | 
evaṃvido'pyucchiṣṭādiviśiṣṭopādhiyogāt tathātvaṃ syādityāśaṅkya

p. 187)

sūtrabhāvāpannasyopādhiyogatatkāryocchiṣṭādivairalyāmāha- dhāraṇāditi | 
navadvārapraveśanirgamābhyāmucchiṣṭaḥ asparśasaṃyogādaśuciḥ 
taddhetūpādhyayogāt ucchiṣṭādirna hyastītyarthaḥ || 6-9 ||

jñānaśikhādīnāṃ mukhyabrāhmaṇyaliṅgatā

sūtramantargataṃ yeṣāṃ jñānayajñopavītinām |
te vai sūtravido loke te ca yajñopavītinaḥ || 10 ||

jñānaśikhino jñānaniṣṭhā jñānayajñopavītinaḥ |
jñānameva paraṃ teṣāṃ pavitraṃ jñānamucyate || 11 ||

agneriva śikhā nānyā yasya jñānamayī śikhā |
sa śikhītyucyate vidvān netare keśadhāriṇaḥ || 12 ||

śikhāyajñopavītābhāve brāhmaṇyābhāvamāśaṅkya jñānaśikhopavīta##-
svātiriktakalanārahitaṃ sūtraṃ brahmāsmīti yeṣāṃ jñānayajñopavītināṃ 
naiṣkarmyapadamā-rūḍhānāṃ sūtramantargatamiva vibhāti loke te vai 
sūtrayāthātmyavidaḥ te ca yajñopavītinaḥ | ata evaite parivrājakāḥ jñānaśikhino 
jñānopavītinaḥ sūtrajñānaniṣṭhāśca | sūtrajñānaṃ hi teṣāṃ pavitramucyate | 
ata eva teṣāmucchiṣṭāśucī na sta ityuktam | yasāgniśikheva jñānamayī śikhā 
vidyate so'yaṃ vidvān śikhītyucyate | netare keśadhāriṇaḥ śikhino bhavanti || 10##-

kriyāṅgasūtram 

karmaṇyadhikṛtā ye tu vaidike brāhmaṇādayaḥ |
tebhirdhāryamidaṃ sūtraṃ kriyāṅgaṃ taddhi vai smṛtaṃ || 13 ||

evaṃ cet sarvairapi śikhāyajñopavītādikaṃ parityājyamityata āha- karmaṇīti | 
svājñānapuraḥsaramidaṃ mayā kartavyamiti ye tu traivarṇikā brāhmaṇādayo

p. 188)

vaidike karmaṇyadhikṛtāḥ tebhistaireva kārpāsatantunirmitamidaṃ yajñopavītaṃ 
kriyāṅgam iti dhāryam | tathāca śrutiḥ- yajñopavītyevādhīyīta yājayedyajeta 
vā yajñasya iti traivarṇikānāṃ kriyāṅgatvena yajñopavītaṃ smṛtam | 
hiśabdaḥ prasiddhidyotakaḥ || 13 ||

nirupacaritabrāhmaṇyam 

śikhā jñānamayī yasya upavītaṃ ca tanmayam |
brāhmaṇyaṃ sakalaṃ tasya iti brahmavido viduḥ || 14 ||

traivarṇikeṣu nirupacaritabrāhmaṇyaṃ kasyetyata āha- śikhā jñānamayīti | 
traivarṇikeṣu brāhmaṇajātereva pārivrājyavidhānāt tatra yasya brāhmaṇa##-
sakalaṃ nirupacaritaṃ brāhmaṇyamiti brahmavido viduḥ jānantītyarthaḥ || 14 ||

yajñopavītayāthātmyam 

idaṃ yajñopavītaṃ tu paramaṃ yat parāyaṇam |
sa vidvān yajñopavītī syāt sa yajñastaṃ yajvinaṃ viduḥ || 15 ||

etādṛśabrāhmaṇyāpādakayajñopavītayāthātmyaṃ kimityata āha- idamiti | 
idaṃ yajñopavītaṃ viṣṇupadaprāpakaṃ jñānaṃ kriyākārakādikalanopa##-
svagataheyāṃ-śāpāyataḥ tanmātratayāvaśeṣitaṃ bhavati yo vā 
idamahamasmīti vidvān sa hi yajñopavītī brahmamātravit syāt | 
jyotiṣṭomādiyajño'pi sa eva syāt | ya evaṃvit taṃ brahmībhūtaṃ vidavido 
yajvinamagnihotriṇaṃ viduḥ sa evāgnihotrī nānya ityatra 

prapañcamakhilaṃ yastu jñānāgnau juhuyādyatiḥ |
ātmanyagnīn samāropya so'gnihotrī mahāyatiḥ ||

p. 189)

iti śruteḥ | svātiriktaṃ svātmāgnau hutvā vidvān svayamevāvaśiṣyata ityarthaḥ || 
15 ||

brahmībhūto vidvān eka eva 

eko devaḥ sarvabhūteṣu gūḍhaḥ sarvavyāpī sarvabhūtāntarātmā |
karmādhyakṣaḥ sarvabhūtādhivāsaḥ sākṣī cetā kevalo nirguṇaśca || 16 ||

eko vaśī sarvabhūtāntarātmā ekaṃ rūpaṃ bahudhā yaḥ karoti |
tamātmasthaṃ ye'nupaśyanti dhīrāsteṣāṃ sukhaṃ śāśvataṃ netareṣām || 17 ||

kimayaṃ brahmībhūto vidvān aneka ityata āha- eka iti | ayaṃ brahmībhūto 
muniḥ eka eva niṣpratiyogikabrahmamātrabhāvāpannatvāt | sa kīdṛśa ityata 
āha- deva iti svayaṃprakāśaciddhātutvāt | prakāśamātraḥ kiṃ na dṛśyata 
ityata āha- sarvabhūteṣu gūḍha iti | svajñapratyagabhedena bhāsamāno'pi 
svājña-dṛṣṭivikalpitasarvabhūteṣu caturvidheṣu 
svāvṛtitrayāvṛtadṛṣṭīnāmabhānāt gūḍhaḥ | evaṃ cet paricchedyatā 
syādityata āha- sarvavyāpīti vyomavat sarvānusyūtatvāt | sarvasyānātmatvena 
tadyogāt tathātvaṃ syādityata āha- sarvabhūtāntarātmeti | 
caturvidhabhūtāntarvibhātāhaṃpratyayālambana-pratyagātmatayā vibhānāt na 
hyanātmanā saṃbadhyata ityarthaḥ | sarvabhūta-pratyaktve 
tadgatakartṛtvādisaṃsāritā syādityata āha- karmādhyakṣa iti pratīcaḥ 
sarvabhūtakṛtakartṛtvādyasparśitvena tatkṛtasarvakarmaphalapradātṛtvāt | 
tathā cet taṭasthatā syādityata āha- sarvabhūtādhivāsa iti | 
sarvabhūtānyātmatve-nādhikṛtya vasanāt sarvātmarūpa ityarthaḥ | 
sarvabhūtādhivāsatvena tattadbhūtāntaḥkaraṇavṛttyanuviddhatā syādityata 
āha- sākṣīti | sākṣiṇaḥ svasākṣyasparśitvena sarvavilakṣaṇatvāt na hyantaḥ 
karaṇavṛttyanuviddhatā syādityarthaḥ sarvasya sākṣī tataḥ sarvasmādanyo 
vilakṣaṇaḥ iti śruteḥ | sākṣyasāpekṣasākṣitve tadvānayamityata āha- 

p. 190)

ceteti | acetanāsākṣyacetayitṛtvāt | na hi sākṣyavikāraḥ taṃ spṛśati | tatra 
hetumāha- kevala iti | aśeṣaviśeṣaśūnya ityarthaḥ | guṇayogena guṇinaḥ 
kevalatā kuta ityata āha- nirguṇa iti | āvidyakaguṇānāṃ kāraṇatulyatvena 
tadyogasya durlabhatvāt nirguṇaḥ | caśabdaḥ niṣpratiyogikakevalatvakhyāpaka 
ityarthaḥ cinmātrasvarūpatvāt | yastu itthaṃbhūtanirguṇaḥ paramātmā 
niṣpratiyogikaikarūpo'pi so'yaṃ svājñadṛṣṭyāneka iva na vastuta iti jānatāṃ 
svātiriktaśāntipūrvakaṃ svamātrasthitiḥ syādityāha- eka iti | yaḥ paramātmā 
vastuta eko'pi svājñadṛṣṭiprasaktasarvavaśī sarvaniyantṛtvāt sarvabhūtānta##-
yaḥ karoti vastutaḥ cinmātramevāyamityarthaḥ | tadbahutvena gānaṃ svājñāna##-
sthitaḥ tamātmasthaṃ niṣpratiyogikasvamātratayā ye'nupaśyanti dhīrāḥ 
brahmavidvarīyāṃsaḥ teṣāṃ svamātrāvaśeṣalakṣaṇakaivalyasukhaṃ siddhaṃ 
bhavati | netareṣām svāvṛtadṛṣṭitvāt || 16-17 ||

brahmāptyupāyaḥ 

ātmānamaraṇiṃ kṛtvā praṇavaṃ cottarāraṇim |
dhyānanirmathanābhyāsād devaṃ paśyennigūḍhavat || 18 ||

tileṣu tailaṃ dadhanīva sarpirāpaḥ srotaḥsvaraṇīṣu cāgniḥ |
evamātmātmani jāyate'sau satyenainaṃ tapasā yo'nupaśyati || 19 ||

ūrṇanābhiryathā tantūn sṛjate saṃharatyapi |
jāgratsvapne tathā jīvo gacchatyāgacchate punaḥ || 20 ||

netrasthaṃ jāgaritaṃ vidyāt kaṇṭhe svapnaṃ samāviśet |

p. 191)

suṣuptaṃ hṛdayasthaṃ tu turīyaṃ mūrdhni saṃsthitam [1 : yadātmā 
prajñayātmānaṃ saṃdhatte paramātmani |
tena saṃdhyā dhyānameva tasmāt saṃdhyābhivandanam ||
nirudakā dhyānasaṃdhyā vākkāyakleśavarjitā |
saṃdhinī sarvabhūtānāṃ sā saṃdhyā hyekadaṇḍinām ||] || 21 ||

yato vāco nivartante aprāpya manasā saha |
ānandametajjivasya yajjñātvā mucyate budhaḥ || 22 ||

sarvavyāpinamātmānaṃ kṣīre sarpirivānvitam |
ātmavidyātapomūlaṃ tadbrahmopaniṣatpadaṃ tadbrahmopaniṣatpadamiti || 23 ||

tadāptyupāyaḥ ka ityata āha- ātmānamiti | ātmānaṃ antaḥkaraṇaṃ 
adharāraṇiṃ kṛtvā praṇavamoṃkāraṃ cottarāraṇiṃ kṛtvā 
dīrghaghaṇṭāni- nādavat praṇavamuccārya tadā 
pūrvottarāraṇisthānīyāntaḥkaraṇapraṇava-dhyānanirmathanābhyāsāt | 
ko'yaṃ praṇavārtha ityatra svājñadṛṣṭiprasakta##-
praṇavārthānusaṃdhānaṃ dhyānanirmathanābhyāsaḥ | tasmādabhyāsāt 
mathanāvirbhūtakāṣṭhanigūḍhāgnivat evaṃ 
jāgrajjāgradādicatuṣpañcadaśakalanāpahnavasiddhaṃ turyaturyaṃ 
svāvaśeṣadhiyā paśyet | mathanāt tatsāra āvirbhavatītyatra bahu 
dṛṣṭāntamāha- tileṣviti | yathā tilayantragharṣaṇabhramaṇopāyataḥ tileṣu 
tailaṃ spaṣṭamupalabhyate yathā dadhni mathite tajjanavanīte agninā saṃskṛte 
sarpirghṛtamupalabhyate yathā srotaḥsu bhūnāḍiṣu khananopāyataḥ āpa 
upalabhyante yathā araṇiṣu cāgniḥ mathanādupalabhyate | caśabdāt 
sūryakāntādiṣvapi sūryakiraṇayogato'gnirupalabhyata iti dyotyate | yathā 
dṛṣṭāntaparaṃparā tathaivamātmā turyaturya ātmanyantaḥkaraṇe 
śrutyācāryasaṃskṛte svātiriktajāgrajjāgradādicatuṣpañcadaśakalanāṃ 
grasitvā svamātraṃ

p. 192)

jāyate upalabhyate | asau turya ityarthaḥ | tadāptāvupāyāntaramāha- satyeneti | 
satyavacanena kṛcchracāndrāyaṇāditapasā satyaṃ brahmāhamasmi iti bodhena 
tadupāyaśravaṇāditapasā vā yo'dhikārī anupaśyati tenāpi labhya ityarthaḥ | 
avasthātraye'pi jīvānekatvaṃ syādityatra dṛṣṭāntena tannirākaroti- 
ūrṇanābhiriti | yathorṇanābhiḥ lūtākīṭaḥ svaśarīrataḥ tantūn sṛjate na kevalam 
evamupasaṃharati ca ārdratantūnāṃ lālāsamatayā sṛṣṭyupasaṃhārau yujyete 
ityarthaḥ | tathā jīvo'yaṃ jāgratsvapne jāgratsvapnau lūtākīṭavat 
sṛjannupasaṃharanneka eva bhavati | bahujanivāsanāvaicitryādahameka 
ityasmṛtiraviruddhā svapnādāvanubhūtasyānanubhūtasya ca smṛteḥ 
upalambhāt | gṛhāt gṛhāntaraṃ śiśurivāyaṃ punaḥ punaḥ jāgradādisthānāt 
sthānāntaraṃ gacchatyāgacchate | tasmādavasthāpūgasaṃcāryātmā eka 
evetyarthaḥ | purā jāgaritādisthānatayā nābhyādiruktaḥ | idānīṃ vispaṣṭamāha##-
viśvaviśvaḥ | tamātmānaṃ jāgaritaṃ jāgaraṇāvasthāgataṃ vidyāt | 
kaṇṭhapradeśe jāgratpravibhaktasvapnāvasthāpannaṃ viśvapravibhaktataijasaṃ 
samāviśet | jāgratpravibhaktasuṣuptyavasthāgataṃ viśvapravibhaktaprājñaṃ 
hṛdayasthaṃ tveva vidyāt | viśvapravibhaktaturīyaṃ daśamadvāri mūrdhni 
saṃsthitaṃ vidyāt ityanuṣajyate | turīyayāthātmyaṃ viśadayati- yata iti | yato 
yasmāt turyāt śrutīnāṃ vācaḥ saṃkalpādivṛttimanmanasā saha nivartante 
tamaprāpyāprakāśyetyarthaḥ | tadetajjīvasya turyānandarūpaṃ yat jñātvā budho 
mucyate tadeva turyānandarūpaṃ turyayāthātmyamityarthaḥ | turīyaṃ mūrdhni 
saṃsthitam ityuktitaḥ paricchinnatā syādityāśaṅkya tat pariharan 
śāstrārthamupasaṃharati- sarvavyāpinamiti | vyāpyavyāpakatā mithyā 
sarvamātmā iti śrutyanurodhena niṣpratiyogikacinmātramapyātmānaṃ 
svājñadṛṣṭiprasaktasvātiriktasarvaprapañcavyāpinamapi nopāyaṃ vinā labhyata 
iti dṛṣṭāntamāha- kṣīra iti | yathā kṣīre sarpiḥ svabhāvena samarpitamapi 
mathanādyupāyaṃ vinā na labhyate tathāyamātmā nopāyamantareṇa labhya 
ityarthaḥ | ko'yaṃ tadavagatyupāya ityata āha- ātmeti | 
anātmāpahnavamukhenātmamātrāvagatihetuvidyopaniṣattapaḥśravaṇādiḥ tayorapi 
mūlamāspadaṃ yadbrahma svamātratayā avaśiṣyate

p. 193)

taddhyupaniṣatpadamupaniṣadekagamyatvāt | upaniṣannāma brahmamātrajñānam | 
tatpadaṃ tu brahmamātram | abhyāsetiśabdau upaniṣattadarthaparisamāptyarthau || 
18-23 ||

śrīvāsudevendraśiṣyopaniṣadbrahmayoginā |
likhitaṃ syādvivaraṇaṃ brahmopaniṣado laghu |
brahmopaniṣado vyākhyāgranthastu dviśataṃ smṛtaḥ ||

iti śrīmadīśādyaṣṭottaraśatopaniṣacchāstravivaraṇe ekādaśasaṃkhyāpūrakaṃ 
brahmopaniṣadvivaraṇaṃ saṃpūrṇam ||

p. 195)

bhikṣukopaniṣat

pūrṇamadaḥ - iti śāntiḥ 

caturvidhā bhikṣavaḥ

atha bhikṣūṇāṃ mokṣārthināṃ kuṭīcakabahūdakahaṃsaparamahaṃsāśceti 
catvāraḥ || 1 ||

kuṭīcakāḥ

kuṭīcakā nāma gautamabharadvājayājñavalkyavasiṣṭhaprabhṛtayo'ṣṭau 
grāsāṃścaranto yogamārge mokṣameva prārthayante || 2 ||

bhikṣūṇāṃ paṭalaṃ yatra viśrāntimagamat sadā |
tat traipadaṃ brahmatatvaṃ brahmamātraṃ karotu mām ||

atha khalu śuklayajurvedapravibhakteyaṃ bhikṣukopaniṣat kuṭīcakādidharma##-
vivaraṇamārabhyate | yathoktādhikāriṇa upalabhya śrutiḥ kuṭīcakādidharma##-

p. 196)

atha bahūdakā nāma tridaṇḍakamaṇḍaluśikhāyajñopavītakāṣāyavastra##-
bhaikṣācaraṇaṃ kṛtvā yogamārge mokṣameva prārthayante || 3 ||

bahūdakadharmānāha- atha bahūdakā nāmeti || 3 ||

haṃsāḥ

atha haṃsā nāma grāma ekarātraṃ nagare pañcarātraṃ kṣetre saptarātraṃ tadupari 
na vaseyuḥ | gomūtragomayāhāriṇo nityaṃ cāndrāyaṇaparāyaṇā yogamārge 
mokṣameva prārthayante || 4 ||

haṃsadharmānāha- atha haṃsā nāmeti || 4 ||

paramahaṃsāḥ 

atha paramahaṃsā nāma saṃvartakāruṇiśvetaketujaḍabharatadattātreyaśuka##-
prārthayante | vṛkṣamūle śūnyagṛhe śmaśānavāsino vā | sāmbarā vā 
digambarā vā | na teṣāṃ dharmādharmau | na hi teṣāṃ lābhālābhakalanāsti | 
śuddhāśuddhadvaitavarjitāḥ samaloṣṭāśmakāñcanāḥ sarvavarṇeṣu 
bhaikṣācaraṇaṃ kṛtvā sarvatrātmaiva paśyanti | atha jātarūpadharā nirdvandvā 
niṣparigrahāḥ śukladhyānaparāyaṇā ātmamātraniṣṭhāḥ 
prāṇasaṃdhāraṇārthaṃ yathoktakāle bhaikṣamācarantaḥ śūnyāgāradeva##-
-##kandarakuharakoṭaranirjharasthaṇḍile tatra brahmamārge samyak 

p. 197)

saṃpannāḥ śuddhamānasāḥ paramahaṃsācaraṇena saṃnyāsena dehatyāgaṃ 
kurvanti | te paramahaṃsā nāmetyupaniṣat || 5 ||

paramahaṃsadharmān prakāśayati- atha paramahaṃsā nāmeti | teṣāṃ vasatiṃ 
caryāṃ cāha- vṛkṣamūla iti | na teṣāṃ dharmādharmau bhavataḥ 
pravṛttinivṛtti-parāṅmukhatvāt sarvatra harṣaviṣādābhāvāt | na hi teṣāṃ 
lābhālābhakalanāsti | viśiṣṭādvaitaṃ śuddhadvaitaṃ kevaladvaitam 
aśuddhadvaitaṃ ca yeṣāṃ nābhimataṃ te śuddhāśuddhadvaitavarjitāḥ 
niṣpratiyogikādvaitina ityarthaḥ | ata eva samaloṣṭāśmakāñcanāḥ sarvatra 
sāmyabhāvamāpannabrahmadṛṣṭitvāt | brāhmaṇādijātipravibhaktasarvavarṇeṣu 
cāturvarṇyadharmāśrayaṇato brāhmaṇābrāhmaṇādiṣu yathoktakāle 
bhaikṣācaraṇaṃ kṛtvā sarvatrātmaiva paśyanti | svātmano 
vyaṣṭisamaṣṭiprapañcādhikaraṇatvena pratyagabhinnabrahmarūpatvāt | atha 
jātarūpadharāḥ nirdvandvā niṣparigrahāḥ śukladhyānaparāyaṇāḥ 
śuklatejoniṣṭhaṃ (śuklatejorūpaṃ) brahmeti śrutyanurodhena 
brahmamātrabhāvāpannā ityarthaḥ | ata evaite 
anātmāpahnavasiddhātmamātraniṣṭhā ityarthaḥ | yadi bahiścittāstadā 
prāṇasaṃdhāraṇārthaṃ yathoktakāle bhaikṣamācarantaḥ | haṃsaśabdena 
pratyagabhīnnaparamātmocyate | 
parāksāpekṣapratyagabhedagatasaviśeṣāpāyasiddhaḥ paramaḥ sa cāsau 
haṃsaśceti paramahaṃsaḥ niṣpratiyogikaparamātmā | tadācaraṇaṃ 
tanmātreṇāvasthānam | tena paramahaṃsācaraṇena svātiriktakalanāsaṃnyāsena 
karmasaṃnyāsena vā dehatyāgaṃ dehopalakṣitasvāvidyāpadatatkāryajātamasti 
nāstīti vibhramābhimatityāgaṃ vā ye kurvanti te paramahaṃsā nāma brahmaiva 
bhavantītyarthaḥ | ityupaniṣacchabdo bhikṣukopaniṣatparisamāptyarthaḥ || 5 ||

śrīvāsudevendraśiṣyopaniṣadbrahmayoginā |
bhikṣukopaniṣadvyākhyā likhitā brahmagāminī |
bhikṣukopaniṣadvyākhyāgranthastu triṃśadīritaḥ ||

iti śrīmadīśādyaṣṭottaraśatopaniṣacchāstravivaraṇe ṣaṣṭisaṃkhyāpūrakaṃ 
bhikṣukopaniṣadvivaraṇaṃ saṃpūrṇaṃ ||

p. 199)

maitreyopaniṣat 

āpyāyantu - iti śāntiḥ 

saṃsāraviraktasya ātmajijñāsā

bṛhadratho vai nāma rājā rājye jyeṣṭhaṃ putraṃ nidhāpayitvedamaśāśvataṃ 
manyamānaḥ śarīraṃ vairāgyamupeto'raṇyaṃ nirjagāma | sa tatra paramaṃ tapa 
āsthāyādityamīkṣamāṇa ūrdhvabāhusthiṣṭhati | ante sahasrasya munerantika##-
uttiṣṭhottiṣṭha varaṃ vṛṇīṣveti rājānamabravīt | sa tasmai namaskṛtyovāca | 
bhagavannāhamātmavit taṃ tattvavit śṛṇumo vayam | sa tvaṃ no brūhīti | etad 
vṛttaṃ purastādaśakyaṃ mā pṛccha praśnam | aikṣvākānyān kāmān 
vṛṇīṣveti | śākāyanyasya caraṇāvabhimṛśamāno rājemāṃ gāthāṃ jagāda || 
1 ||

saṃsāranirvedagāthā

atha kimetairvānyānāṃ śoṣaṇaṃ mahārṇavānāṃ śikhariṇāṃ prapatanaṃ 
dhruvasya pracalanaṃ sthānaṃ vā tarūṇāṃ nimajjanaṃ pṛthivyāḥ sthānāda##-

p. 200)

surāṇām | so'hamityetadvidhe'smin saṃsāre kiṃ kāmopabhogairyairevāśrita##-
ivāhamasmin saṃsāre bhagavaṃstvaṃ no gatiriti || 2 ||

bhagavannidaṃ śarīraṃ maithunādevodbhūtaṃ saṃvidapetaṃ niraya eva 
mūtradvāreṇa niṣkāntamasthibhiścitaṃ māṃsenānuliptaṃ carmaṇāva##-
paripūrṇam | etādṛśe śarīre vartamānasya bhagavaṃstvaṃ no gatiriti || 3 ||

śrutyācāryopadeśena munayo yat padaṃ viduḥ |
tat svānubhūtisaṃsiddhaṃ svamātraṃ brahma bhāvaye ||

iha khalu maitreyasaṃjñikeyamupaniṣat sāmavedapravibhaktā | ato'syā upoddhātādi 
chāndogyādivat jñeyam | tīvrataravairāgyasvānubhūti##-
vivaraṇamārabhyate | bṛhadrathaśākāyanyādyākhyāyikā tu vakṣyamāṇa##-
bṛhadratho vai nāma rājā ityādi ko na mucyeta bandhanāt ityantaṃ 
maitrāyaṇīyopaniṣadi anyūnānadhikākṣaratayā tatra tatra vartate | 
tadvyākhyānenedamapi vyākhyātaprāyameva syāditi vyākhyā na kriyate | 
bṛhadratho vai nāma rājā yathoktasādhanasaṃpannaḥ san svīyarājyādikaṃ 
parityajya mahāraṇyapradeśamāsthāya ādityaṃ paśyannūrdhvabāhuḥ cirakālaṃ 
tapaścacāra | tattapasā tuṣṭo bhagavān śākāyanyamunimanupraviśya 
tadiṣṭasiddhyai coditavān | atha sa munistannikaṭaṃ jagāma | sa rājā 
taddarśanamātreṇa sahasā utthāya daṇḍavat praṇanāma | taṃ 
praṇatamuttiṣṭottiṣṭha svepsitavaraṃ vṛṇīṣveti munirabravīt | tato rājā 
brahmavidyāṃ yācitavān | tadyogyatāparīkṣaṇārthaṃ yat tvayā pṛṣṭaṃ māstu 
tat tasyānirvacanabrahmagocaratayā vaktumaśakyatvāt anyān kāmān vṛṇīṣva iti 
muninā pralobhyamāno'pi paramārthato na vicacāla || 1-3 ||

p. 201)

brahmaṇaḥ yāthātmyaprakaṭanam 

atha bhagavāñchākāyanyaḥ suprīto'bravīdrājānam | mahārāja 
vṛhadrathekṣvākuvaṃśadhvajaśīrṣātmajñaḥ kṛtakṛtyastvaṃ marunnāmnā 
viśruto'sītyayaṃ khalvātmā te | katamo bhagavan varṇya iti | taṃ hovāca || 4 ||

śabdasparśādayo ye'rthā anarthā iva te sthitāḥ |
yeṣāṃ saktastu bhūtātmā na smarecca paraṃ padam || 5 ||

tapasā prāpyate sattvaṃ sattvāt saṃprāpyate manaḥ |
manasā prāpyate hyātmā hyātmāpattyā nivartate || 6 ||

yathā nirindhano vahniḥ svayonāvupaśāmyati |
tathā vṛttikṣayāccittaṃ svayonāvupaśāmyati || 7 ||

svayonāvupaśāntasya manasaḥ satyagāminaḥ |
indriyārthavimūḍhasyānṛtāḥ karmavaśānugāḥ || 8 ||

cittameva hi saṃsārastatprayatnena śodhayet |
yaccittastanmayo bhāti guhyametat sanātanam || 9 ||

cittasya hi prasādena hanti karma śubhāśubham |
prasannātmātmani sthitvā sukhamavyayamaśnute || 10 ||

samāsaktaṃ yadā cittaṃ jantorviṣayagocare |
yadyevaṃ brahmaṇi syāt tat ko na mucyeta bandhanāt || 11 ||

hṛtpuṇḍarīkamadhye tu bhāvayet parameśvaram |
sākṣiṇaṃ buddhinṛttasya paramapremagocaram || 12 ||

p. 202)
 
agocaraṃ manovācāmavadhūtādhisaṃplavam |
sattāmātraprakāśaikasvabhāvaṃ bhāvanātigam || 13 ||

aheyamanupādeyamasāmānyaviśeṣaṇaṃ |
dhruvaṃ stimitagambhīraṃ na tejo na tamastatam |
nirvikalpaṃ nirābhāsaṃ nirvāṇamayasaṃvidam || 114 ||

nityaḥ śuddho buddhamuktasvabhāvaḥ satyaḥ sūkṣmaḥ saṃvibhuścādvitīyaḥ |
ānandābdhiryaḥ paraḥ so'hamasmi pratyagdhāturnātra saṃśītirasti || 15 ||

ānandamantarnijamāśrayantamāśāpīśācīmavamānayantam |
ālokayantaṃ jagadindrajālamāpat kathaṃ māṃ praviśedasaṅgam || 16 ||

varṇāśramācārayutā vimūḍhāḥ karmānusāreṇa phalaṃ labhante |
varṇādidharmaṃ hi parityajantaḥ svānandatṛptāḥ puruṣā bhavanti || 17 ||

varṇāśramaṃ sāvayavasvarūpamādyantayuktaṃ hyatikṛcchramātram |
putrādideheṣvabhimānaśūnyaṃ bhūtvā vaset saukhyatame hyanante || 18 ||

evaṃ svātiriktaviṣayaparāṅmukhaṃ brahmavidyāpātraṃ matvā ādau 
brahmavidyāsādhanatvena bāhyāntaḥkaraṇanigrahapūrvakaṃ śravaṇādi##-
prakaṭayituṃ bhūmikāṃ racayati- hṛditi | mumukṣuḥ 
saṃśayādipañcadoṣa-śāntyantaṃ sarvavedāntaśravaṇaṃ mananaṃ ca 
kṛtvātha svahṛdayapuṇḍarīka-madhye tu tuśabdo 
brahmābhivyaktisthānatvadyotakaḥ tatraiva paramo niratiśayaścāsau svamātratayā 
avasthātumīśvaraḥ samarthaśceti parameśvaraḥ | taṃ paramātmānam | sākṣiṇam 
ityādi nirvāṇamayasaṃvidam ityantaviśeṣaṇa-jātanirdhāritasvarūpaṃ 
niṣpratiyogikasvamātramiti bhāvayet dhyāyedityarthaḥ | tadviśeṣaṇānyāha- 
sākṣiṇamityādi | svājñavikalpitasākṣyarūpabuddhi-nṛttasya satteva

p. 203)

svajñadṛṣṭyā tadbhāvābhāvaprakāśakatayā sākṣiṇaṃ paramapremagocaraṃ 
svasyaiva sarvasmāt putravittāderapi paramapremāspadatvāt sarvasmāt priyatamaḥ 
ityādiśruteḥ | paramapremagocaratayā vāgādigocaratā syādityata āha- 
agocaraṃ manovācāmiti | vāgādikaraṇagrāmaprasaktānavagocaratvaṃ ca svataḥ 
niṣpratiyogikasvamātratvāt | yati brahma niṣpratiyogikaṃ tadā svājñānāṃ 
bhavasāgarataraṇaṃ tadbhāvāpattirvā kuta ityata āha- 
avadhūtādhisaṃplavamiti | avadhūtaśrutismṛtimaryādānāṃ 
svājñānāmādhivyādhyādijalacarajantujuṣṭabhavasāgaraplavam | yadvā 
avadhūtasvājñānānāṃ brahmavidāṃ 
bhavasāgarataraṇopāyabhūtasaṃplavasthānīyāparabrahmarūpamatītya vartata 
ityavadhūtādhisaṃplavaḥ | taṃ nirviśeṣaparamātmānamityarthaḥ | tatra hetuḥ 
sattāmātraprakāśakaikasvabhāvamiti svātiriktāsattāgrāsasattāmātratayā 
prakāśata iti sattāmātraprakāśa eva ekaṃ mukhyaṃ svabhāvo yasya tathoktam | 
evaṃ bhāvanāspadatvāt sākalyāpattiḥ tatrāha- bhāvanātigamiti | evaṃ 
bhāvanāhetutūlāvidyāsaṃbhavāt svāvidyātmakatulāvidyāpāye yadavaśiṣyate 
tadrūpaṃ kiṃ heyam? yadvā upādeyam? athavā sāmānyam? āhosvit 
viśeṣamiti | tatra nādyaḥ svāvidyāpadatatkāryasthūlāṃśasya heyatvena 
tatkalanāpahnavasiddhasya aheyatvādaheyaḥ tam | na dvitīyaḥ tatsūkṣmāṃśasya 
dṛśyatvenopādātuṃ śakyatvāt tadapahnavasiddho'nu-pādeyaḥ tam | na 
tṛtīyaḥ tadbījāṃśasyāvyaktaprakṛtirūpatvena sāmānya-rūpatvāt 
tadapahnavasiddho'sāmānyaḥ tam | nāpi caturthaḥ tatturīyāṃśasya 
sāmyavidyārūpatvena viśeṣarūpatvāt tadapahnavasiddho'viśeṣaḥ tam | evaṃ 
svājñadhruvānubhūtisiddhasvāvidyāpadāpahnavataḥ adhruvo'yamātmā 
bhavitumarhatītyata āha- dhruvamiti | svāvidyāpadasya svajñānubhūtyā 
adhruvatvam | tadapahnavasiddhasya dhruvatvaṃ niraṅkuśamityarthaḥ | ata eva 
stimitagambhīram nistaraṅgacidarṇavarūpatvāt | cidarṇavatve tatkiṃ tejaḥ? uta 
tamaḥ? yadvā tatam? nādyaḥ bhautikatejaso'pahnavānna tejaḥ | na dvitīyaḥ 
svājñānatamaso grāsatvānna tamaḥ | na tṛtīyaḥ vyāpyasāmānyābhāvānnāpi 
tatam | uktavikalpatadābhāsayorapahnavāt nirvikalpaṃ nirābhāsam | yadyevaṃ 
tadyāthātmyaṃ kimityata āha- nirvāṇamayasaṃvidamiti | nirvāṇamayaṃ 
vikalebarakaivalyasvarūpaṃ | na hyatra mayaṭśabdo 

p. 204)

vikāraprācuryārthābhidhāyī svarūpaparatvāt | saṃvit svarūpajñānaṃ 
pūrṇabodhasvarūpam satyaṃ jñānamanantam vijñānamānandaṃ brahma 
kāryakāraṇatāṃ hitvā pūrṇabodho'vaśiṣyate ityādiśruteḥ | evaṃ rājā 
śākāyanyamukhataḥ brahmamātrāvagatimavagamya ciraṃ samādhiniṣṭho bhūtvā 
brahmavidyāsaṃpradāyāvicchedāya svānubhavaṃ prakaṭayāmāsetyāha- 
nitya iti | nityaḥ kālatrayābādhyatvāt | śuddhaḥ aśuddhasvājñānāpāyāt | 
buddhaḥ pūrṇabodhasvarūpatvāt | muktasvabhāvaḥ svātiriktāstitābhramata 
ityarthaḥ | satyaḥ pāramārthikasadrūpatvāt | sūkṣmaḥ nirviśeṣatayā 
keśakoṭyekāṃśavat susūkṣmarūpatvāt | saṃvibhuśca paricchedatrayābhāvāt | 
advitīyaḥ svapratiyogidvaitasya mṛgyatvāt | caśabdo 
niṣpratiyogikatvakhyāpanārthaḥ | nistaraṅgānandābdhiḥ 
pūurṇānandasamudratvāt | yaḥ sarvasmāt paraḥ paramātmā so'hamasmi sa eva 
bhavāmi | parākprapañce sati kathaṃ paramātmā bhavasītyata āha- 
pratyagdhāturiti | parākprapañcaprātilomyenāñcanāt pratyakcāsau dhātuśceti 
pratyagabhinnaparamātmāsmītyatrāsminnarthe na hi saṃśītiḥ saṃśayo'sti | 
vastutaḥ pratyak para iti vibhāgaikyāsahaniṣpratiyogikabrahmamātratvāt | 
svātiriktaprapañcāpadaḥ sattvāt kathamevaṃ bhavasītyata āha- ānandamiti | 
svāntarhṛdaye nijaṃ pāramārthikasadrūpamānandaṃ saccidānandaṃ brahma 
svamātramityāśrayantamanavarataṃ bhāvayantam | svātiriktāśāsattvāt kathaṃ 
tadāśrayaṇamityata āha- āśeti | svātiriktamastītyāśaiva piśācī tāṃ 
brahmātiriktaṃ netyavamānayantam apahnavaṃ kurvantam | svātiriktajagatpratītau 
kathamevamityata āha- ālokayantamiti | kiṃ tat? pade pade 
janmasthitibhaṅgaṃ gacchatīti jagat | indrajālaṃ māyāmātram ityālokayantam | 
tatrāpyasaṅgaṃ māmetādṛśaṃ kathaṃ svātiriktāstitārūpeyamāpat 
svājñadṛṣṭipramāṇasiddhāpi vastumātradṛṣṭiṃ praviśedityarthaḥ | 
varṇāśramācāravyavasthāyāṃ satyāṃ kathamevaṃ sidhyatītyāśaṅkya 
svātirekeṇa varṇāśramādyastīti ye manyante ta eva badhyante | tadviparītāḥ 
tadbhramato mucyanta ityāha- varṇeti | brahmakṣatrādiḥ varṇaḥ | 
brahmacaryādirāśramaḥ | tatrātmātmīyābhimānayutā ye te mūḍhāḥ 
svātiriktāstitāmūlasvājñānārūḍhadṛṣṭitvāt 
svasvabhāvāñcitakarmānusāreṇa

p. 205)

phalgutvena bhogato yadvilīyate tat svarganarakādikaṃ phalaṃ kṣaṇabhaṅguraṃ 
labhante ghaṭīyantravadaviśrāntaṃ janmamaraṇe anubhavanti hi | ye tadviparītāḥ 
varṇāśramādāvātmātmīyamatiṃ tyajantaḥ santaḥ 
tattyāgādhikaraṇasvānandātmabhāvena tṛptā bhūtvā svena rūpeṇa sarvatra 
pūraṇāt puruṣāḥ brahmaiva bhavantītyarthaḥ | uktārthameva 
punarviśadayannupasaṃharati - varṇāśramamiti | varṇāśramaviśiṣṭaṃ 
śarīraṃ karacaraṇādisāvayavasvarūpam | ādiḥ utpattiḥ anto nāśaḥ tābhyāṃ 
yuktam | hi yasmāt atikṛchramātraṃ kaṣṭamātraparyavasannaṃ tatra svadehe 
putrādideheṣvapi ātmātmīyābhimānaśūnyaṃ manaḥ kṛtvā svayaṃ vidvān 
sarvāpahnavasiddhaniṣpratiyogikabrahmamātraṃ bhūtvā akhaṇḍānandataḥ 
saukhyatame paricchedatrayābhāvādanante sve mahimni vaset | iti śabdastu 
prathamādhyāyaparisamāptyarthaḥ || 4-18 ||

iti prathamo'dhyāyaḥ ||

maitreyaṃ prati mahādevasya upadeśaḥ 

atha bhagavān maitreyaḥ kailāsaṃ jagāma | taṃ gatvovāca | bho bhagavan 
paramatattvarahasyamanubrūhīti | sa hovāca mahādevaḥ || 1 ||

deho devālayaḥ proktaḥ sa jīvaḥ kevalaḥ śivaḥ |
tyajedajñānanirmālyaṃ so'haṃbhāvena pūjayet || 2 ||

abhedadarśanaṃ jñānaṃ dhyānaṃ nirviṣayaṃ manaḥ |
snānaṃ manomalatyāgaḥ śaucamindriyanigrahaḥ || 3 ||

brahmāmṛtaṃ pibedbhaikṣamācared deharakṣaṇe |
vasedekāntiko bhūtvā caikānte dvaitavarjite |
ityevamācareddhīmān sa eva muktimāpnuyāt || 4 ||

p. 206)

maitreyaḥ parāśaramukhāt viditatattvo'pi sarvalokapratyayajananārthaṃ kailāsaṃ 
gatvā yathāvidhi tanmūkhāt paramatattvarahasyabubhutsayā vidhivat 
papracchetyāha- atheti | muninā pṛṣṭaḥ sa hovāca mahādevaḥ | 
kimuvācetyatra dehajīvayoḥ śivālayaśivadṛṣṭyā 
svājñānanirmālyavisarjanapūrvakaṃ yaḥ so'haṃbhāvena pūjayet sa mukto 
bhavatītyāha- deha iti | spaṣṭo'rthaḥ || 1-4 ||

śaucavidhānam 

jātaṃ mṛtamidaṃ dehaṃ mātāpitṛmalātmakam |
sukhaduḥkhālayāmedhyaṃ spṛṣṭvā snānaṃ vidhīyate || 5 ||

dhātubaddhaṃ mahārogaṃ pāpamandiramadhruvam |
vikārākāravistīrṇaṃ spṛṣṭvā snānaṃ vidhīyate || 6 ||

navadvāramalasrāvaṃ sadā kāle svabhāvajam |
durgandhaṃ durmalopetaṃ spṛṣṭvā snānaṃ vidhīyate || 7 ||

mātrā sūtakasaṃbaddhaṃ sūtake saha jāyate |
mṛtasūtakajaṃ dehaṃ spṛṣṭvā snānaṃ vidhīyate || 8 ||

ahaṃ mameti viṇmūtralepagandhādilocanam |
śuddhaśaucamiti proktaṃ mṛjjalābhyāṃ tu laukikam || 9 ||

dehe devopabhogadevālayādidṛṣṭiṃ vinā ātmātmīyābhimānato dehasyā##-
syādityāha- jātamiti | atra yadi kadācit ātmātmīyābhimānena dehaṃ spṛśati 
tatra ātmātmīyābhimatityāga eva snānaṃ vidhicoditamityarthaḥ snānaṃ 
manomalatyāgaḥ ityuktatvāt | kiṃ ca dhātubaddhamiti | vātapittādidhātubaddham

p. 207)

nānārogāyatanatvāt | kiṃca navadvāreti | sūtakena saha jāyata ityarthaḥ jātasya hi 
dhruvo mṛtyuḥ iti smṛtitaḥ | tacchaucaprakāramāha- ahamiti || 5-9 ||

cittaśuddhiḥ

cittaśuddhikaraṃ śaucaṃ vāsanātrayanāśakam |
jñānavairāgyamṛttoyaiḥ kṣālanācchaucamucyate || 10 ||

advaitabhāvanā bhaikṣamabhakṣyaṃ dvaitabhāvanam |
guruśāstroktabhāvena bhikṣorbhaikṣaṃ vidhīyate || 11 ||

vidvān svadeśamutsṛjya saṃnyāsānantaraṃ svataḥ |
kārāgāravinirmuktacoravad dūrato vaset || 12 ||

evaṃ śaucataḥ kiṃ syādityāśaṅkya vāsanātrayakṣayapuraḥsaraṃ cittaśuddhiḥ 
syādityāha- citteti | brahmāmṛtaṃ pibed bhaikṣam iti yaduktaṃ tadanena 
mantreṇa viśadayati- advaiteti | itthaṃbhūto bhikṣuḥ 
kvāsanamarhatītyāśaṅkya jñātacaradeśāt bahireva caredityāha- vidvāniti || 
10-12 ||

ahaṃkārādityāgaḥ 

ahaṃkārasutaṃ vittabhrātaraṃ mohamandiram |
āśāpatnīṃ tyajedyāvat tāvanmukto na saṃśayaḥ || 13 ||

bāhyadāraputrādityāgamātreṇa muktirnāhaṃkārādityāgenetyāśaṅkya 
bāhyadārādityāgapūrvakamahaṃkārādityāgenaiva muktiḥ syādityāha- 
ahaṃkāreti | bāhyāntaḥsaṃnyāsābhyāmeva muktiḥ syāt nānyataratyāgata 
ityarthaḥ |

viṣṇuliṅgaṃ dvidhā proktaṃ vyaktamavyaktameva ca |
tayorekamapi tyaktvā patatyeva na saṃśayaḥ ||

iti śruteḥ || 13 ||

p. 208)

karmatyāgaḥ

mṛtā mohamayī mātā jāto bodhamayaḥ sutaḥ |
sūtakadvayasaṃprāptau kathaṃ saṃdyāmupāsmahe || 14 ||

hṛdākāśe cidādityaḥ sadā bhāsati bhāsati |
nāstameti na codeti kathaṃ saṃdhyāmupāsmahe || 15 ||

ekamevadvitīyaṃ yadgurorvākyena niścitam |
etadekāntamityuktaṃ na maṭhaṃ na vanāntaram || 16 ||

saṃdhyādikarmatyāgataḥ pratyavāyī syādityāśaṅkya svājñānahānāt 
svajñānodayataḥ cidādityasya udayāstamayābhāvācca saṃdhyādikarma##-
karma kartavyam | evaṃvidaścidādityasya udayāstamayābhāvāt 
sarvakarmābhāvaḥ iti śruteḥ | vasedekāntiko bhūtvā iti yaduktaṃ 
tadekāntasvarūpaṃ viśadayati- ekameveti || 14-16 ||

mukhyasaṃnyāsaḥ 

asaṃśayavatāṃ muktiḥ saṃśayāviṣṭacetasām |
na muktirjanmajanmānte tasmādviśvāsamāpnuyāt || 17 ||

karmatyāgānna saṃnyāso na praiṣoccāraṇena tu |
saṃdhau jīvātmanoraikyaṃ saṃnyāsaḥ parikīrtitaḥ || 18 ||

deho devālayaḥ ityādi mayā yaduktaṃ tatrāsaṃśayavatāṃ muktiḥ na hi 
saṃśayavatāmityāha- asaṃśayeti nāyaṃ loko'sti na paro na sukhaṃ 
saṃśayātmanaḥ iti smṛteḥ | praiṣataḥ karmatyāga eva mukhyasaṃnyāsa 
ityāśaṅkya jīvaparabhedatyāga eva mukhyasaṃnyāsa ityāha- karmeti || 17##-

p. 209)

saṃnyāsādhikārī

vamanāhāravadyasya bhāti sarveṣaṇādiṣu |
tasyādhikāraḥ saṃnyāse tyaktadehābhimāninaḥ || 19 ||

yadā manasi vairāgyaṃ jātaṃ sarveṣu vastuṣu |
tadaiva saṃnyasedvidvānanyathā patito bhavet || 20 ||

dravyārthamannavastrārthaṃ yaḥ pratiṣṭhārthameva vā |
saṃnyasedubhayabhraṣṭaḥ sa muktiṃ nāptumarhati || 21 ||

saṃnyāsādhikāri kīdṛśa ityāśaṅkya yasya vāntāśanamūtrapūrīṣādivat 
bāhyārtheṣu heyatodeti sa eva saṃnyāsādhikārītyāha- vamaneti | 
saṃnyāsamūlaṃ kimityāśaṅkya svātiriktaviṣayatīvrataravairāgyamevetyāha- 
yadeti | nimittāntareṇāpi saṃnyāsakaraṇaṃ śreya ityata āha- dravyārthamiti || 
19-21 ||

muktiṃ prati sādhanāntarāṇi 

uttamā tattvacintaiva madhyamaṃ śāstracintanam |
adhamā mantracintā ca tīrthabhrāntyadhamādhamā || 22 ||

tīrthamantraśāstratattvacintanaṃ muktiṃ prati samānasādhanamityata āha- 
uttameti | parasparopāyopeyatayā muktisādhanametaccatuṣṭayaṃ na 
samānamityarthaḥ | tīrthabhrāntyadhamādhamā ityatra visargalopaśchāndasaḥ || 22 
||

anubhavaḥ 

anubhūtiṃ vinā mūḍho vṛthā brahmaṇi modate |
pratibimbitaśākhāgraphalāsvādanamodavat || 23 ||

p. 210)

na tyajeccedyatirmukto yo mādhūkaramāntaram |
vairāgyajanakaṃ śraddhākalatraṃ jñānanandanam || 24 ||

kevalaśāstrajñānādeva brahmāvāptiḥ kimanubhavenetyata āha- anubhūtimiti 
| asti brahmeti śāstrīyajñānaṃ parokṣam | ahaṃ brahmetyaparokṣajñānamanu##-
itthaṃbhūtānubhūtiṃ vinā brahmānumodanaṃ jalapratibimbitaphalāsvādanavat na 
hi kāryakāri bhavatītyarthaḥ | śraddhābhaktijñānavairāgyapuraḥsaram 
advatabhāvanākhyāntaramādhūkarabhajanaṃ yaḥ karoti sa yatirmukto 
bhavatītyāha- na tyajediti || 23-24 ||

paramadharmopadeśaḥ 

dhanavṛddhā vayovṛddhā vidyāvṛddhāstathaiva ca |
te sarve jñānavṛddhasya kiṃkarāḥ śiṣyakiṃkarāḥ || 25 ||

manmāyayā mohitacetaso māmātmānamāpurṇamalabdhavantaḥ |
paraṃ vidagdhodarapūraṇāya bhramati kākā iva sūrayo'pi || 26 ||

pāṣāṇalohamaṇimṛnmayavigraheṣu pūjā punarjananabhogakarī mumukṣoḥ |
tasmādyatiḥ svahṛdayārcanameva kuryādbāhyārcanaṃ pariharedapunarbhavāya || 
27 ||

anta pūrṇo bahiḥ pūrṇaḥ pūrṇakuṃbha ivārṇave |
antaḥ śūnyo bahiḥ śūnyaḥ śūnyakumbha ivāmbare || 28 ||

mā bhava grāhyabhāvātmā grāhakātmā ca mā bhava |
bhāvanāmakhilāṃ tyaktvā yacchiṣṭaṃ tanmayo bhava || 29 ||

draṣṭṛdarśanadṛśyāni tyaktvā vāsanayā saha |
darśanaprathamābhāsamātmānaṃ kevalaṃ bhaja || 30 ||

p. 211)

dhanādivṛddhebhyo jñānavṛddhaṃ mahīkaroti- dhaneti | svajñāninaṃ 
jñānītvātmaiva me matam iti svoktyanurodhena mahīkṛtya tadviparītasvājña##-
janma ajāgalastanavadvyarthamityarthaḥ | so'haṃbhāvena pūjayet iti yaduktaṃ tatra 
svabhedadhiyā kṛtabāhyapūjā punarbhavakarīti nindanapūrvakabheda##-
paramatattvarahasyamanubrūhīti yat pṛṣṭaṃ tatra svasya svātiriktasya ca 
niṣpratiyogikapūrṇatvaṃ śūnyatvaṃ ca sadṛṣṭāntaṃ pratipādayati- antariti | 
arṇavāmbaramadhyapatitapūrṇaśūnya-kumbha iva svayamantarbahirantarāle'pi 
pūrṇaḥ antarbāhyāntarālakalanā-bhāvāt | tathā 
svātiriktamantarbāhyāntarālakalanāśūnyam svātiriktayoḥ 
niṣpratiyogikabhāvābhāvarūpatvāt | grāhyagrāhakatayā saviṣayakaraṇagrāma##-
paramārthato brahmātiriktaṃ nāstyeva yadi svājñadṛṣṭyā tatprasaktistadā 
grāhyagrāhakādikalanāviśiṣṭadraṣṭrādinānātripuṭyapahnavasiddhaṃ brahma 
svamātramiti bhajetyāha- mā bhaveti | grāhyaṃ viṣayajātam | grāhakaṃ 
karaṇajātam | tripuṭyādisarvavyāpṛtaprathamābhāsaṃ pratyañcaṃ 
parāgbhāvāpahnavasīdhaparamātmānaṃ kevalaṃ niṣpratiyogikasvamātramiti he 
maitreya tanmātraṃ bhava tadeva bhavetyarthaḥ || 25-30 ||

videhamuktasya sthitiḥ 

saṃśāntasarvasaṃkalpā yā śilāvadavasthitiḥ |
jāgrannidrāvinirmuktā sā svarūpasthitiḥ parā || 31 ||

iti |

tanmātrāvasthitavidehamuktasya sthitiḥ kīdṛśītyata āha- saṃśānteti | 
yasyāṃ svātiriktanānāviṣayagocarasarvasaṃkalpaḥ śāntaḥ apahnavaṃ gataḥ 
seyaṃ saṃśāntasarvasaṃkalpā yā pīvarī śilāvat sthirā avasthitiḥ yā 
jāgrannidropa##-

p. 212)

vinirmuktā yatprabodhasamakālamapahnavatāṃ gatā saiva parā kāṣṭhā 
svarūpasthitiḥ vikalebaramuktiḥ | svājñādidṛṣṭimohe satyasati 
seyamekarūpaivāvaśiṣyate | paramaśivopadeśamahimnā maitreyaḥ 
kṛtakṛtyo'bhavadityarthaḥ | itiśabdaḥ śivopadeśaparisamāptyartho 
dvitīyādhyāyaparisamāptyarthaśca || 31 ||

iti dvitīyodhyāyaḥ ||

maitreyasya svānubhavaprakaṭanam 

ahamasmi paraścāsmi brahmāsmi prabhavo'smyaham |
sarvalokaguruścāsmi sarvaloko'smi so'smyaham || 1 ||

ahamevāsmi siddho'smi śuddho'smi paramo'smyaham |
ahamasmi sadā so'smi nityo'smi vimalo'smyaham || 2 ||

vijñāno'smi viśeṣo'smi somo'smi sakalo'smyaham |
śubho'smi śokahīno'smi caitanyo'smi samo'smyaham || 3 ||

mānāvamānahīno'smi nirguṇo'smi śivo'smyaham |
dvaitādvaitavihīno'smi dvandvahīno'smi so'smyaham || 4 ||

bhāvābhāvavihīno'smi bhāṣāhīno'smi bāsmyaham |
śūnyāśūnyaprabhāvo'smi śobhanāśobhano'smyaham || 5 ||

tulyātulyavihīno'smi nityaḥ śuddhaḥ sadāśivaḥ |
sarvāsarvavihīno'smi sāttviko'smi sadāsmyaham || 6 ||

ekasaṃkhyāvihīno'smi dvisaṃkhyāvānahaṃ na ca |
sadasadbhedahīno'smi saṃkalparahito'smyaham || 7 ||

p. 213)

nānātmabhedahīno'smi hyakhaṇḍānandavigrahaḥ |
nāhamasmi na cānyo'smi dehādirahito'smyaham || 8 ||

āśrayāśrayihīno'smi ādhārarahito'smyaham |
bandhamokṣavihīno'smi śuddhaṃ brahmāsmi so'smyaham || 9 ||

cittādisarvahīno'smi paramo'smi parāt paraḥ |
sadā vicārarūpo'smi nirvicāro'smi so'smyaham || 10 ||

akārokārarūpoṣmi makāro'smi sanātanaḥ |
dhyātṛdhyānavihīno'smi dhyeyahīno'smi so'smyaham || 11 ||

sarvatra pūrṇarūpo'smi saccidānandalakṣaṇaḥ |
sarvatīrthasvarūpo'smi paramātmāsmyahaṃ śivaḥ || 12 ||

lakṣyālakṣyavihīno'smi layahīnaraso'smyaham |
mātṛmānavihīno'smi meyahīnaḥ śivo'smyaham || 13 ||

na jagat sarvadraṣṭāsmi netrādirahito'smyaham |
pravṛddho'smi prabuddho'smi prasanno'smi haro'smyaham || 14 ||

sarvendriyavihīno'smi sarvakarmakṛdapyaham |
sarvavedāntatṛpto'smi sarvadā sulabho'smyaham || 15 ||

muditāmuditākhyo'smi sarvamaunaphalo'smyaham |
nityaṃ cinmātrarūpo'smi sadā saccinmayo'smyaham || 16 ||

yatkiṃcidapi hīno'smi svalpamapyapi nāsmyaham |
hṛdayagranthihīno'smi hṛdayāmbujamadhyagaḥ || 17 ||

p. 214)

ṣaḍvikāravihīno'smi ṣaṭkośarahito'smyaham |
ariṣaḍvargamukto'smi antarādantaro'smyaham || 18 ||

deśakālavimukto'smi digambarasukho'smyaham |
astināstivimukto'smi nakārarahito'smyaham || 19 ||

akhaṇḍākāśarūpo'smi hyakhaṇḍākāramasmyaham |
prapañcamuktacitto'smi prapañcarahitoṣmyaham || 20 ||

sarvaprakāśarūpo'smi cinmātrajyotirasmyaham |
kālatrayavimukto'smi kāmādirahito'smyaham || 21 ||

kāyakāyivimukto'smi nirguṇaḥ kevalo'smyaham |
muktihīno'smi mukto'smi mokṣahīno'smyahaṃ sadā || 22 ||

satyāsatyavihīno'smi sanmātrānnāsmyahaṃ sadā |
gantavyadeśahīno'smi gamanādivivarjitaḥ || 23 ||

sarvadā samarūpoṣmi śānto'smi puruṣottamaḥ |
evaṃ svānubhavo yasya so'hamasmi na saṃśayaḥ |
yaḥ śṛṇoti sakṛdvāpi brahmaiva bhavati svayam || 24 ||

ityupaniṣat |

atha bhagavān maitreyaḥ paramaśivamukhataḥ paramatattvarahasyaṃ 
niṣpratiyogikabrahmamātrajñānaṃ yathāvadavagamya svātiriktāstitābhrama##-
bahiṣṭhaḥ prāṇipaṭalapuṇyodrekācca yacchravaṇādimātreṇa svājñalokaḥ 
svajño bhūtvā paramārthajñānasamakālaṃ videhamukto bhavet tathā 
tatparamaśivopadiṣṭasvānubhūtārthaṃ brahmavidyāsaṃpradāyasthāpanārthaṃ 
vā yathoktādhikāriṇa uddiśya svānubhavaṃ prakaṭayāmāsetyāha- 
ahamasmīti | dehāntaravabhāsakaḥ 

p. 215)

pratyagasmacchabdenocyate | svāntaravasthitaparākprapañcāpekṣayā ahaṃ 
pratyagasmi | dehādbahirvilasitaprapañcāpekṣayā paraścāsmi | caśabdaḥ 
pratyakparayoraupādhikabhedanirasanārthaḥ | pratyakparābhedāpekṣayā 
pratyagabhinnabrahmāsmi | svājñadṛṣṭyā jīveśādirūpeṇa prabhavāmīti 
prabhavo'smyaham | kiṃca- sarveti | īśvararūpeṇa sarvalokaguruścāsmi | 
caśabdaḥ sākṣyapyasmīti dyotakaḥ | vairājarūpeṇa sarvaloko'smi virājo 
brahmāṇḍakāyatvāt | vastuto yaḥ sarvakalanāpahnavasiddhaḥ so'smyaham 
niṣpratiyogikatvāt | kiṃca- ahamiti | svena rūpeṇa siddhaḥ | 
aśuddhasvājñānahānācchuddhaḥ | śiṣṭamuktārtham | kiṃca- ahamasmīti | 
yaḥ sadaikarasaḥ so'smi | anityamalaprapañcahānānnityo'smi vimalo'smi | 
nityavijñaptirūpato vijñāno'smi | yasmāccheṣaśeṣibhāvo vigataḥ so'haṃ 
viśeṣo'smi | rudrarūpeṇa umayā sahitaḥ somo'smi | catuḥṣaṣṭikalāvadīśvarā##-
sakalo'smi | kiṃca- śubha iti | nivṛttimārgagamyatvācchubhaḥ | 
śocanīyaviṣayābhāvācchokahīnaḥ | taḍadehādivilakṣaṇatvāccaitanyo'smi | 
nānopādhiṣu viṣameṣvapi sarvāntaryāmyādirūpeṇa samaḥ | 
mānāvamānavṛttimattūlāvidyāpralayāt mānāvamānahīno'smi | 
sattvādiguṇābhāvānnirguṇo'smi | svātiriktāśivābhāvācchivo'smi | kiṃca- 
dvaitādvaiteti | pravṛttimārgasidhaṃ dvaitam | nivṛttimārgasiddhamadvaitam | 
svātirekeṇa pravartanīyanivartanīyasvāvidyāpadatatkāryābhāvāt 
dvaitādvaitavihīno'smi | śītoṣṇādidvandvābhāvāt dvandvahīno'smi | 
bāhyāntaḥkaraṇagocarasadasatprapañcavairalyāt bhāvābhāvavihīnosmi | 
mahāmaunabrahmarūpatvāt bhāṣāhīno'smi | svayaṃprakāśarūpatvāt bhāsmyaham 
| kiṃca- śūnyeti | śūnyaṃ svātiriktam | aśūnyaṃ svayam | dvayamapi 
yatprabhāvasiddhaṃ so'haṃ śūnyāśunyaprabhāvo'smi | vidyātatkāryaṃ 
śobhanam | avidyātatkāryamaśobhanam | svājñādidṛṣṭyā tadubhayamasmi | 
tulyaṃ samam | atulyaṃ viṣamam | tadubhayavairalyāt tulyātulyavihīno'smi | nityaḥ 
śuddho vyākhyātam | svājñādidṛṣṭimohe satyasati sadaiva śivaḥ 
paramamaṅgalakaivalyarūpatvāt |

p. 216)

kiṃca- sarvāsarvavihīno'smi samaṣṭivyaṣṭikalanāvairalyāt | 
sthitikartṛviṣṇurūpeṇa sāttviko'smi | vastutaḥ sadā nirguṇo'smhyaham | 
ekasaṃkhyāvihīnoṣmi dvisaṃkhyāvānahaṃ na ca sāpekṣaikadvayābhāvāt 
ekābhāve dvitīyaṃ na na dvitīyena caikatā iti śruteḥ | sadasadbhedahīno'smi 
cākṣuṣācākṣuṣapadārthābhāvāt | saṃkalparahito'smyaham taddhetumanaso 
mṛgyatvāt | nānātmabhedahīno'smi ghaṭaśarāvādisthānīyanānopādhīnāṃ 
bhedabhinnatve'pi tadavacchinnākāśasthānīyapratyagātmano nirbhedarūpatvāt | 
ahaṃ hi ahameva akhaṇḍānandavigrahaḥ nistaraṅgānandasāgaratvāt | svātiriktaṃ 
nāhamasmi | na ca tasmādanyo'smi svātiriktasya śaśaviṣāṇavadavastutvāt | 
dehādiprasaktau dehādirahito'smyaham | āśrayamavidyāṇḍam 
tadgatabhuvanajātamanāśrayi tadubhayābhāvāt āśrayāśrayihīno'smi | 
ādhārarahito'smyaham svasyaiva sarvādhāratvāt svādheyābhāvato vā 
ādhāratvarahitaḥ | bandhamokṣavihīno'smi dehādāvahaṃbhāvo bandhaḥ 
tadahaṃbhāvābhāvo mokṣaḥ videhamuktatvāt tadrahitaḥ | śuddhaṃ brahmāsmi 
so'smyaham | uktārtham | cittādisarvahīno'smi 
cittādyantaḥkaraṇatadvṛttisahasrābhāvāt | paramo'smi parāt paraḥ param akṣaram 
tasmādapi paraḥ paramākṣararūpatvāt | sadā vicārarūpo'smi nirvicāro'smi 
so'smyaham jñānājñānavṛttimada-vidyāturyādibhāgacatuṣṭayavairalyāt | 
akārokārarūpo'smi makāro'smi sanātanaḥ praṇavārthatvena ciraṃtanatvāt | 
dhyātṛdhyānavihīno'smi  dhyeyahīno'smi so'smyaham dhyātrāditripuṭyabhāvāt | 
pratyagabhinnabrahmātmanā sarvatra pūrṇarūpo'smi | anṛtādiprapañcapūraṇāt 
tathātvaśaṅkāyāṃ saccidānandalakṣaṇaḥ satyajñānānandasvarūpatvāt | 
sārdhatrikoṭisarvatīrthasvarūpo'smi tīrthānāmapi tīrtharūpatvāt | 
paramātmāsmyahaṃ śivaḥ dehādeḥ parataratvāt brahmaiva paramātmā iti śruteḥ 
| lakṣyālakṣyavihīno'smi lakṣyaṃ mūrtaṃ lakṣaṇaikasiddhaṃ vā | 
tadviparītalakṣyam amūrtaṃ lakṣaṇāsiddhaṃ vācyaṃ vā | tatsarvakalanāvihīna 
ityarthaḥ | layahīnaraso'smyaham layo nāśaḥ

p. 217)

tadvihīnanityānandaraso'smītyarthaḥ | mātṛmānavihīno'smi meyahīnaḥ 
śivo'smyaham mātrāditripuṭīśūnyo'smi | na jagat sarvadraṣṭāsmi jagannāham 
kiṃtu taddraṣṭāsmi sarvasākṣitvāt | netrādirahito'smyaham netṛtvaṃ 
prerayitṛtvam | ādiśabdena bhāsakatvādirucyate | netṛtvabhāsakatvādikalanā##-
vijṛmbhito'smi brahmaivaikamanādyantamabdhivat pravijṛmbhate iti śruteḥ | 
svāvidyāsvāpāt prabuddhaḥ jāgarūko'smi | bhagavadrūpeṇa bhāgavatapaṭalasya 
prasanno'smi | svāvidyādvayatatkāryaṃ svāvaśeṣeṇa haro'smyaham | 
sarvendriyavihīno'smi śarīratrayābhāvāt | sarvakarmakṛdapyaham tattadindriyeṣu 
tattadindriyaṃ bhūtvā tattadindriyapravṛtti-nimittatvāt | yadvā 
sarvendriyābhāve'pi sarvendriyavyāpṛtikṛttvāt apāṇipādo'hamacintyaśaktiḥ 
paśyāmyacakṣuḥ sa śṛṇomyakarṇaḥ ityādiśruteḥ | sarvavedāntatṛpto'smi 
sarvadā sulabho'smyaham īśādyaṣṭottara##-
ananyabhavena bhajatāṃ sarvadā paramasulabho'smi sakṛdbhajatāṃ 
paramābhayapradaśrīrāmarūpatvāt

sakṛdeva prapannāya tavāsmīti ca yācate |
abhayaṃ sarvabhūtebhyo dadāmyetad vrataṃ mama ||

iti śrīrāmokteḥ | muditāmuditākhyo'smi satsu muditā asatsu amuditā apekṣādi##-
vikalebarakaivalyamasmītyarthaḥ | nityaṃ cinmātrarūpo'smi anityācinmātrasya 
mṛgyatvāt | sadā saccinmayo'smyaham saccidānandasvarūpatvāt | yatkiṃcidapi 
hīno'smi svalpamapyapi nāsmyaham svātirekeṇa yatkiṃcit svalpamapi nāsmi 
svātiriktasya mṛgyatvāt | hṛdayagranthihīno'smi hṛdityantaḥkaraṇam ayamiti 
sākṣī tayostādātmyaṃ hṛdayagranthiriti cidābhāsa ucyate jīvatvasya mṛgyatvāt 
| hṛdayāmbujamadhyagaḥ antaryāmyādirūpatvāt | ṣaḍvikāravihīno'smi 
ṣaṭkośarahito'smyaham | ariṣaḍvargamukto'smi 
śaiśavabālyakaumārādiṣaḍvikāra-

p. 218)

tvagādiṣaṭkośakāmādyariṣaḍvargādivikārāspadasthūlādiśarīrābhāvāt | antarāt 
sarvāntarāt īśvarāt antaraḥ sākṣyaham | deśakālavimukto'smi deśādi##-
niṣpratiyogikasanmātratvāt | akhaṇḍākāśarūpo'smi hyakhaṇḍākāramasmyaham 
cidākāśatvenākhaṇḍaikarasarūpatvāt | prapañcamuktacitto'smi 
prapañcarahito'smyaham niṣpratiyogikaniṣprapañcarūpatvāt | 
sarvaprakāśarūpo'smi cinmātrajyotirasmyaham prakāśamātratayā 
cinmātrajyotīrūpatvāt | kālatrayavimukto'smi kāmādirahito'smyaham 
amanaskarūpatvāt | kāyakāyivimukto'smi kāyatadavacchinnajīvābhāvāt | nirguṇaḥ 
vyākhyātam | kevalo'smyaham aśeṣaviśeṣaśūnyatvāt | muktihīno'smi mukto'smi 
mokṣahīno'smyahaṃ sadā pāramārthikabandhābhāvāt muktihīnaḥ | 
svājñadṛṣṭyā bandhaprasaktau svajñadṛṣṭyā mukto'smi | 
paramārthadṛṣṭyā bandhamokṣakalanāviralabrahmamātratvāt mokṣahīno'smi | 
satyāsatyavihīno'smi sāpekṣasatyāsatyāpahnavasiddhapāramārthikatvāt | sanmātrāt 
anyat nāsmyahaṃ sadā sanmātrameva syāmityarthaḥ | gantavyadeśahīno'smi 
gamanādivivarjitaḥ purṇarūpatvāt | sarvadā saccidānandātmanā 
nāmarūpavaiṣamye'pi samarūpo'smi | śānto'smi puruṣottamaḥ vastutaḥ 
svātiriktakṣarākṣarakalanāviralaparamākṣaratvāt | evaṃ mamaiveśabhāvāpattyā 
yasya svānubhavo bhavati so'hamasmītyatra na hi saṃśayo'sti | evaṃ 
paramaśivabhāvamāpannamaitreyamuneḥ svānubhūtivaibhavaṃ sakṛdvāpi yaḥ 
śṛṇoti so'yaṃ svayameva brahma bhavati | ityupaniṣacchabdaḥ 
maitreyopaniṣatsamāptyarthaḥ || 1-24 ||

iti tṛtīyo'dhyāyaḥ ||

śrīvāsudevendraśiṣyopaniṣadbrahmayoginā |
maitreyopaniṣaṭṭīkā likhiteśaprasādataḥ |
maitreyopaniṣaṭṭīkā ṣaṣṭyadhidviśatātmikā ||

iti śrīmadīśādyaṣṭottaraśatopaniṣacchāstravivaraṇe 
ekonatriṃśatsaṃkhyāpūrakaṃ maitreyopaniṣadvivaraṇam saṃpūrṇam ||
p. 219)

yājñavalkyopaniṣat 

pūrṇamadaḥ - iti śāntiḥ 

sarvakarmasaṃnyāsajijñāsā

atha janako ha vaideho yājñavalkyamupasametyovāca | bhagavan 
saṃnyāsamanubrūhīti | sa hovāca yājñavalkyaḥ | brahmacaryaṃ samāpya gṛhī 
bhavet | gṛhāt vanī bhūtvā pravrajet | yadi vetarathā brahmacaryādeva pravrajed 
gṛhādvā vanādvā | atha punaravratī vā vratī vā snātako vāsnātako vā 
utsannāgniranagniko vā yadahareva virajet tadahareva pravrajet || 1 ||

āhitāgnisaṃnyāsavidhiḥ 

tadeke prājāpatyāmeveṣṭiṃ kurvanti | athavā na kuryāt | āgneyīmeva kuryāt | 
agnirhi prāṇaḥ | prāṇamevaitayā karotī | traidhātavīyāmeva kuryāt | eta eva trayo 
dhātavo yaduta sattvaṃ rajastama iti |

ayaṃ te yonir-ṛtviyo yato jāto arocathāḥ |
taṃ jānannagna ārohāthā no vardhayā rayim || 

p. 220)

ityanena mantreṇāgnimājighret | eṣa ha vā agneryoniryaḥ prāṇaḥ prāṇaṃ gaccha 
svāṃ yoni gaccha svāhetyevamevaitadāha || 2 ||

niragnikasaṃnyāsavidhiḥ 

grāmādagnimāhṛtya pūrvavadagnimāghrāpayet | yadagniṃ na vindedapsu juhuyāt 
| āpo vai sarvā devatāḥ | sarvābhyo devatābhyo juhomi svāheti hutvoddhṛtya 
prāśnīyāt sājyaṃ haviranāmayam | mokṣamantrastrayyevaṃ vindet | tadbrahma 
tadupāsitavyam | śikhāṃ yajñopavītaṃ chittvā saṃnyastaṃ mayeti 
trivāramuccaret | evamevaitadbhagavanniti vai yājñavalkya || 3 ||

brāhmaṇasyaiva saṃnyāse'dhikāraḥ 

atha hainamatriḥ papraccha yājñavalkyam | ayajñopavītī kathaṃ brāhmaṇa iti | sa 
hovāca yājñavalkyaḥ | idamevāsya tadyajñopavītaṃ ya ātmā apaḥ prāśyācamya 
ayaṃ vidhiḥ || 4 ||

saṃnyāse'nadhikṛtānāṃ kartavyanirūpaṇam 

atha parivrāḍ vivarṇavāsā muṇḍo'parigrahaḥ śuciradrohī bhaikṣamāṇo 
brahmabhūyāya bhavati | eṣa panthāḥ parivrājakānām | vīrādhvāne vānāśake 
vāpāṃ praveśe vāgnipraveśe vā mahāprasthāne vā | eṣa panthā brahmaṇā 
hānuvittasteneti saṃnyāsī brahmaviditi | evamevaiṣa bhagavanniti vai yājñavalkya || 
5 ||

p. 221)

pāramahaṃsyapūgasya sarvotkṛṣṭatā

tatra paramahaṃsā nāma saṃvartakāruṇiśvetaketudurvāsa##-
avyaktācārā anunmattā unmattavadācarantaḥ || 6 ||

sāmbaraparamahaṃsalakṣaṇam 

parastrīpuraparāṅmukhāḥ tridaṇḍaṃ kamaṇḍaluṃ bhuktamātraṃ jalapavitraṃ 
śikhāṃ yajñopavītaṃ bahirantaścetyetat sarvaṃ bhūḥ svāhetyapsu 
parityajyātmānamanvicchet || 7 ||

digambaraparamahaṃsalakṣaṇam 

yathājātarūpadharā nirdvandvā niṣparigrahāḥ tattvabrahmamārge samyak 
saṃpannāḥ śuddhamānasāḥ prāṇasaṃdhāraṇārthaṃ yathoktakāle vimukto 
bhaikṣamācarannudarapātreṇa lābhālābhau samau bhūtvā karapātreṇa vā 
kamaṇḍalūdakapo bhaikṣamācarannudarapātrasaṃgrahaḥ pātrāntaraśūnyo 
jalasthalakamaṇḍaluḥ abādhakarahasyasthalaniketano lābhālābhau samau bhūtvā 
śūnyāgāradevagṛhatṛṇakūṭavalmīkavṛkṣamūlakulālaśālāgnihotraśālā#
śubhāśubhakarmanirmūlanaparaḥ saṃnyāsena dehatyāgaṃ karoti sa paramahaṃso 
nāmeti || 8 ||

saṃnyāsajñānasaṃpannā yānti yadvaiṣṇavaṃ padam |
tat traipadabrahmatattvarāmacandrapadaṃ bhaje ||

p. 222)

iha khalu śuklayajurvedapravibhakteyaṃ yājñavalkyopaniṣat 
pāramahaṃsyadharmapūgaprakaṭanavyagrā nirviśeṣabrahmatattvaparyavasannā 
vijṛmbhate | asyāḥ svalpagranthato vivaraṇamārabhyate | 
janakātriyājñavalkyapraśnaprativacanarūpeyamākhyāyikā vidyāstutyarthā | 
ākhyāyikāmavatārayati- atheti | atha varṇāśramadharmaśravaṇānantaraṃ 
janako ha vaideho yājñavalkyaṃ papraccha | kimiti? bhagavan 
saṃnyāsalakṣaṇamanubrūhīti | sa hovāca yājñavalkyaḥ | brahmacaryaṃ samāpya 
gṛhī bhavet ityādi paramahaṃso nāmetyantaṃ prāyaśo jābālopaniṣadi padaśo 
vyākhyātam || 1-8 ||

saṃnyāsinaḥ parameśvaratvam 

āśāmbaro na namaskāro na dāraputrābhilāṣī lakṣyālakṣyanivartakaḥ parivrāṭ 
parameśvaro bhavati | atraite ślokā bhavanti || 9 ||

yo bhavet pūrvasaṃnyāsī tulyo vai dharmato yadi |
tasmai praṇāmaḥ kartavyo netarāya kadācana || 10 ||

pramādino bahiścittāḥ piśunāḥ kalahotsukāḥ |
saṃnyāsino'pi dṛśyante vedasaṃduṣitāśayāḥ || 11 ||

nāmādibhyaḥ pare bhūmni svārājye cet sthito'dvaye |
praṇamet kaṃ tadātmajño na kāryaṃ karmaṇā tadā || 12 ||

īśvaro jīvakalayā praviṣṭo bhagavāniti |
praṇamed daṇḍavad bhūmāvāśvacaṇḍālagokharam || 13 ||

uktalakṣaṇalakṣitaḥ parivrāṭ parameśvara evetyāha- āśeti | lakṣaṇayā 
bodhitaṃ lakṣyam tadviparītamalakṣyam samāhitāsamāhitāvasthābhyāṃ 
tadubhayanivartakaḥ parivrāṭ nirāvṛtitrayasaṃpattitaḥ parameśvaro bhaveti | na 
namaskāro na dāraputrābhilāṣītyuktyā vividiṣāsaṃnyāsināmapi 
tyaktadāraputratvāt tairapi

p. 223)

jyeṣṭhakaniṣṭhādīnāṃ namaskāro na kartavya ityāśaṅkya dharmataḥ 
svatulyādhikāriṇo namaskāryā netara iti | atraite ślokā mantrā bhavantītyāha- 
atraite ślokā bhavantīti | ke namaskārānarhā ityatrāha pramādina iti ||

titikṣājñānavairāgyaśamādiguṇavarjitaḥ |
bhikṣāmātreṇa yo jīvet sa pāpī yativṛttihā ||

iti

daṇḍaṃ bhikṣāṃ ca yaḥ kuryāt svadharme vyasanaṃ vinā |
yastiṣṭhati na vairāgyaṃ yāti nīcayatirhi saḥ ||

iti ca | vedairyeṣāmāśayo dūṣitaḥ te vedasaṃdūṣitāśayā yatayo yadi 
vigītaśīlāstadā te jyeṣṭhā api na namaskāryā ityarthaḥ | yadi 
chāndogyasaptamādhyāyapaṭhitanāmādiprāṇāntakalanāviralabhūma##-
svātiriktajyeṣṭhakaniṣṭhabhidāvairalyānna tasya 
jyeṣṭhakaniṣṭhanamaskāraniyamo'sti icchā cennamaskuryāt no cet tūṣṇīṃ 
tiṣṭhedityāha- nāmeti | yadyanevaṃvittadā īśvaraḥ || 9-13 ||

stryādīnāṃ kutsanam 

māṃsapāñcālikāyāstu yantralole'ṅgapañjare |
snāyvasthigranthiśālinyāḥ striyāḥ kimiva śobhanam || 14 ||

tvaṅmāṃsaraktavāṣpāmbu pṛthak kṛtvā vilocane |
samālokaya ramyaṃ cet kiṃ mudhā parimuhyasi || 15 ||

meruśṛṅgataṭollāsigaṅgājalarayopamā |
dṛṣṭā yasmin mune muktāhārasyollāsaśālinaḥ || 16 ||

p. 224)

śmaśāneṣu diganteṣu sa eva lalanāstanaḥ |
śvabhirāsvādyate kāle laghupiṇḍa ivāndhasaḥ || 17 ||

keśakajjaladhāriṇyo duḥsparśā locanapriyāḥ |
duṣkṛtāgniśikhā nāryo dahanti tṛṇavannaram || 18 ||

jvalitā atidūre'pi sarasā api nīrasāḥ |
striyo hi narakāgnīnāmindhanaṃ cārudāruṇam || 19 ||

kāmanāmnā kirātena vikīrṇā mugdhacetasaḥ |
nāryo naravihaṃgānāmaṅgabandhanavāgurāḥ || 20 ||

janmapalvalamatsyānāṃ cittakardamacāriṇām |
puṃsāṃ durvāsanārajjurnārī baḍiśapiṇḍikā || 21 ||

sarveṣāṃ doṣaratnānāṃ susamudgikayānayā |
duḥkhaśṛṅkhalayā nityamalastu mama striyā || 22 ||

yasya strī tasya bhogecchā niḥstrīkasya kva bhogabhūḥ |
striyaṃ tyaktvā jagat tyaktaṃ jagat tyaktvā sukhī bhavet || 23 ||

alabhyamānastanayaḥ pitarau kleśayecciram |
labdho hi garbhapātena prasavena ca bādhate || 24 ||

jātasya graharogādi kumārasya ca dhūrtatā |
upanīte'pyavidyatvamanudvāhaśca paṇḍite || 25 ||

yūnaśca paradārādi dāridryaṃ ca kuṭumbinaḥ |
putradu.khasya nāstyanto dhanī cenmriyate tadā || 26 ||

p. 225)

saṃnyāsisāmānyasya dvividhabrahmacaryabhūṣitatvena tadbrahmacaryāskhalanāya 
strīsāmānyaṃ kutsayati - māṃsetyādinā | susamudgikayā peṭikārūpayā | 
māṃsapāñcālikāyā ityārabhya jagat tyaktvā sukhī bhavet ityantaṃ prāyaśo 
mahopaniṣadi nāradaparivrājakopaniṣadi ca vyākhyātam | parivrājakānāṃ 
dāraputrāderaprasaktatvāt viraktagṛhiṇāmapi putreṣaṇāyā dustyajatvena tatra 
vairāgyahetave putrabhāvābhāvagatiṃ kutsayati- alabhyamāna iti | 
āvayordampatyoḥ putro nāstīti alabhyamānastanayaḥ putrābhāvaḥ | 
putrotpattyāderbahudoṣaspṛṣṭatvena putrādyeṣaṇātyāga eva kartavya ityarthaḥ || 
14-26 ||

sadyatilakṣaṇaṃ 

na pāṇipādacapalo na netracapalo yatiḥ |
na ca vākcapalaścaiva brahmabhūto jitendriyaḥ || 27 ||

ripau baddhe svadehe ca samaikātmyaṃ prapaśyataḥ |
vivekinaḥ kutaḥ kopaḥ svadehāvayaveṣviva || 28 ||

apakāriṇi kopaścet kope kopaḥ kathaṃ na te |
dharmārthakāmamokṣāṇāṃ prasahya paripanthini || 29 ||

namo'stu mama kopāya svāśrayajvāline bhṛśam |
kopasya mama vairāgyadāyine doṣabodhine || 30 ||

yatra suptā janā nityaṃ prabuddhastatra saṃyamī |
prabuddhā yatra te vidvan suṣuptiṃ yāti yogirāṭ || 31 ||

cidihāstīti cinmātramidaṃ cinmayameva ca |
cittvaṃ cidahamete ca lokāściditi bhāvaya || 32 ||

p. 226)

yatīnāṃ tadupādeyaṃ pārahaṃsyaṃ paraṃ padam |
nātaḥ parataraṃ kiṃcidvidyate munipuṃgava || 33 ||

ityupaniṣat ||

namaskāryaḥ sadyatiḥ kīdṛśa ityāśaṅkya pāṇipādanetracāpalyavirala eva 
sadyatirityāha- na pāṇīti | paradravyakīkaṭadeśaharaṇagamanaspṛhī pāṇi##-
idamaramyamiti rūpadarśanotsukaṃ sa netracapalaḥ | tadviparīto 
brahmabhāvārūḍho yatiḥ na netracapalaḥ | idaṃ svādu idam asvādviti 
paraguṇāguṇaśaṃsanaṃ vā yasya vāk karoti sa vākcapalaḥ | tadviparīto na 
vākcapalaśca bhavati | evaṃviśeṣaṇaviśiṣṭasya yateḥ brahmabhūtatvāt ayaṃ 
brahmabhūto jitendriyaḥ sadyatirbhavatītyarthaḥ | sadyaterapi 
śarīratrayaviśiṣṭatvena kopādivṛttikabalitatvāt sadyatitvaṃ kuta ityāśaṅkya 
sadyateḥ kopādivṛttyasaṃbhavamāha- ripāviti | ripāvariṣaḍvarge svadehe ca 
brahmātiriktaṃ na kiṃcidastīti nirviśeṣabrahmajñānena baddhe satyatha 
samaikātmyaṃ nānāviṣagrāsasattāsāmānyaṃ brahma niṣpratiyogikasvamātramiti 
paśyato vivekinaḥ svadehāvayaveṣviva kutaḥ kopavṛttyavakāśaḥ? 
svātiriktakrodhādivṛttyasaṃbhavāt ityarthaḥ | svāpakāriṇamāśritya khalu 
krodhavṛttirudetīti | evaṃ cet svāpakāriṇi kope kutaste kopo nodetītyaha- 
apakāriṇīti | krodhatulyāpakārivairalyāt kope kopaṃ karoṣi cet 
svātiriktakalanāśāntaṃ brahmaiva avaśiṣyata ityarthaḥ | itthaṃbhūtakopāya 
namo'stvityāha- namo'stviti | mama kopasya tucchatayā vairāgyadāyine 
kopo'narthakara iti doṣabodhine gurubhūtāya svasya kopopari vilasitakopasya 
svāśrayaḥ kopaḥ taṃ bhṛśaṃ jvālayatīti svāśrayajvālī tasmai 
svāśrayajvāline kopakopāya namo'stu kopakopaṃ brahmāhamasmi  
ityanusaṃdhānaṃ karomītyarthaḥ | kopakopinoḥ svājñasvajñayoḥ mitho 
vailakṣaṇyamāha- yatreti | yatra nirviśeṣabrahmavidyāyāṃ kopinaḥ 
svājñajanāḥ suptā bhavanti tatraiva nirviśeṣabrahmavidyāyāṃ saṃyamī kopakopī 
svajñaḥ 

p. 227)

prabuddho jāgarūko bhavati | he vidvan ete kopinaḥ svājñāḥ yatra 
svātiriktaprapañce prabuddhā bhavanti tatraiva yogirāṭ kopakopī svajñaḥ suṣuptiṃ 
yāti ityatra

yā niśā sarvabhūtānāṃ tasyāṃ jāgarti saṃyamī |
yasyāṃ jāgrati bhūtāni sā niśā paśyato muneḥ ||

iti smṛteḥ | yata evamatastvaṃ cidatiriktaṃ na kiṃcidasti sarvaṃ cinmātrameveti 
cintayetyāha- ciditi | pūrvamantroktacinmātramevopādeyam | tadatirekeṇa 
tvamahamidamiti śabdavācyaṃ na kiṃcidastītyāha- yatīnāmiti | 
paramahaṃsapaṭalaprāpyatvāt pāramahaṃsyameva paramapadaṃ cinmātraṃ 
svāvaśeṣatayā niṣpratiyogikamityupādeyam | tasya niṣpratiyogikatvena tadatiriktaṃ 
na kiṃcidastītyarthaḥ | ityupaniṣacchabdaḥ yājñavalkyopaniṣatsamāptyarthaḥ || 
27-33 ||

śrīvāsudevendraśiṣyopaniṣadbrahmayoginā |
yājñavalkyopaniṣado vyākhyānaṃ likhitaṃ laghu |
yājñavalkyopaniṣado vyākhyāgranthastu saptatiḥ ||

iti śrīmadīśādyaṣṭottaraśatopaniṣacchāstravivaraṇe saptanavatisaṃkhyāpūrakaṃ 
yājñavalkyopaniṣadvivaraṇaṃ saṃpūrṇaṃ ||

p. 229)

śāṭyāyanīyopaniṣat 

pūrṇamadaḥ - iti śāntiḥ 

manasaḥ bandhamokṣahetutvam 

mana eva manuṣyāṇāṃ kāraṇaṃ bandhamokṣayoḥ |
bandhāya viṣayāsaktaṃ muktyai nirviṣayaṃ smṛtam || 1 ||

samāsaktaṃ yathā cittaṃ jantorviṣayagocare |
yadyevaṃ brahmaṇi syāt tat ko na mucyeta bandhanāt || 2 || 

cittameva hi saṃsārastatprayatnena śodhayet |
yaccittastanmayo bhavati guhyametat sanātanam || 3 ||

nāvedavinmanute taṃ bṛhantaṃ nābrahmavit paramaṃ praiti dhāma |
viṣṇuṃ krāntaṃ vāsudevaṃ vijānan vipro vipratvaṃ gacchate tattvadarśī ||

śāṭyāyanībrahmavidyākhaṇḍāpārasukhākṛti |
yatibṛndahṛdākāraṃ rāmacandrapadaṃ bhajet ||

iha khalu śuklayajurvedapravibhakteyaṃ śāṭyāyanīyopaniṣat 
kuṭīcakabahūdakahaṃsaparamahaṃsadharmaprakaṭanavyagrā 
brahmamātraparyavasannā vijayate | asyāḥ svalpagranthato 

p. 230)

vivaraṇamārabhyate | atrādau bandhamokṣahetuḥ mana evetyāha- mana eveti | 
yathā yanmano viṣayāsaktaṃ tathā brahmāsaktaṃ cet tadvān svātiriktabhramato 
mucyata ityāha- samāsaktamiti | kiṃca cittameveti | yasya cittaṃ yasmin līnaṃ sa 
yaccitaḥ tanmayaḥ tatsvarūpo bhavatītyarthaḥ | taṃ vivṛṇoti- nāvedaviditi | 
vedavinna bhavatītyavedavidajñaḥ bṛhantaṃ virājamahamiti na manute | 
abrahmavit paramaṃ dhāmaṃ na praiti | svājñaḥ saviśeṣaṃ nirviśeṣaṃ vā 
brahma parokṣatvenāpi na jānātītyarthaḥ | tattvadarśī viprastu viṣṇuṃ 
vyāpanaśīlaṃ krāntaṃ sarvajñaṃ vāsudevaṃ sarvāntaryāmiṇaṃ sarvādhāraṃ 
vā ahamasmīti vijānan vipratvaṃ jīvanmuktatvaṃ gacchate gacchatītyarthaḥ || 1##-

sādhanacatuṣṭayasaṃpattiḥ 

atha ha yat paraṃ brahma sanātanaṃ ye śrotriyā akāmahatā adhīyuḥ |
śānto dānta uparatastitikṣuryo'nūcāno hyabhijajñau samānaḥ |
tyektaṣaṇo hyanṛṇastaṃ viditvā maunī vasedāśrame yatra kutra || 5 ||

yadbrahma akāmahatapratyakṣaṃ tadbrahma yathāvadviditvā maunī bhavedityāha##-
viditaparamārthatattvatvāt śrotriyāḥ svātirekeṇa kāmāsaṃbhavaniścayatvāt 
akāmahatāḥ sanakādayo brahmādayo vā yat sanātanaṃ paraṃ brahma 
niṣpratiyogikasvamātramityadhīyuḥ adhītya jñātvā tajjñānasamakālaṃ tat 
prāpnuyuḥ paramātmaiva bhavanti | yathoktasādhanasaṃpanno yaḥ kaścana 
mumukṣuḥ | śānto dāntaḥ ityādi 
sādhanacatuṣṭayāmānitvādīnāmapyupalakṣaṇārtham | 
brahmavitkulaprasūtatvādanūcānaḥ mumukṣubhiḥ samānaḥ abhijajñau jñātavān 
| ṛṇatrayāpākaraṇādanṛṇastyakteṣaṇātrayaḥ saṃnyāsī taṃ paramātmānaṃ 
viditvātha maunī bhūtvā yatra kutra kuṭīcakādyāśrame āprārabdhakṣayaṃ vaset | 
hiśabdadvayadyotitārthastu nirviśeṣabrahmajñānasamakālaṃ 
karmatrayāsaṃbhavaprabodhasiddhabrahmamātratayāvaśiṣyediti || 5 ||

p. 231)

kuṭīcakadharmāḥ

athāśramaṃ caramaṃ saṃpraviśya yathopapattiṃ pañcamātrāṃ dadhānaḥ || 6 ||

tridaṇḍamupavītaṃ ca vāsaḥ kaupīnaveṣṭanam |
śikyaṃ pavitramityetadbibhṛyādyāvadāyuṣam || 7 ||

pañcaitāstu yatermātrāḥ sā mātrā brahmaṇe śrutāḥ |
na tyajedyāvadutkrāntirante'pi nikhanet saha || 8 ||

viṣṇuliṅgaṃ dvidhā proktaṃ vyaktamavyaktameva ca |
tayorekamapi tyaktvā patatyeva na saṃśayaḥ || 9 ||

tridaṇḍaṃ vaiṣṇavaṃ liṅgaṃ viprāṇāṃ muktisādhanam |
nirvāṇaṃ sarvadharmāṇāmiti vedānuśāsanam || 10 ||

athādau kuṭīcakadharmānāha- atheti | atha 
brahmacaryādyāśramatrayānantaram | brahmacaryādyapekṣayā kauṭīcakaṃ 
caramāśramaṃ praviśya yathopapattiṃ yathābalaṃ tridaṇḍādipañcamātrāṃ 
dadhānaḥ san bhuvaṃ vicaredityarthaḥ | vāsaḥ kaupīnaveṣṭanamityekā mātrā | 
tridaṇḍādipavitrāntamityetatpañca-mātrakaṃ 
bahūdakādipadamāroḍhumaśaktaścet yāvadāyuṣaṃ bibhṛyāt ityarthaḥ | 
kiṃca- pañcaitāstu kuṭīcakasya yatermātrāḥ tridaṇḍādirūpāḥ 
akārokāramakārabindunādabhedena sā mātrā brahmaṇe śrutāḥ tāḥ pañca 
mātrāḥ brahmaṇe brahmaṇi praṇave śrutāḥ | evaṃ vyaktāvyaktātmakapañca##-
vyaktāvyaktapañcamātrāyugmaṃ na tyajedyāvadutkrāntiḥ | ante'pi 
dehatyāgakāle'pi svaśarīreṇa saha nikhanet vyaktapañcamātrāḥ | 
mātrāpañcakayugmasya vyaktāvyaktaviṣṇuliṅgatvena tadanyataratyāgyapyadhaḥ 
patatītyāha- viṣṇuliṅgamiti | uktaviṣṇuliṅgadvayadhāraṇaphalamāha- 
tridaṇḍamiti || 6-10 ||

p. 232)

saṃnyāsināṃ cāturvidhyaṃ dharmaśca

atha khalu somya kuṭīcako bahūdako haṃsaḥ paramahaṃsa ityete 
parivrājakāścaturvidhā bhavanti | sarva ete viṣṇuliṅginaḥ śikhinopavītinaḥ 
śuddhacittā ātmānamātmanā brahma bhāvayantaḥ śuddhacidrūpopāsanaratā 
japayamavanto niyamavantaḥ suśīlinaḥ puṇyaślokā bhavanti | 
tadetadṛcābhyuktam- 

kuṭīcako bahūdakaścāpi haṃsaḥ paramahaṃsa iti vṛttyā ca bhinnāḥ |
sarva ete viṣṇuliṅgaṃ dadhānā vyaktāvyaktaṃ bahirantaśca nityam || 11 ||

pañcayajñā vedaśiraḥ praviṣṭāḥ
kriyāvanto'mī brahmavidyāṃ (śrayantaḥ) |
tyaktvā vṛkṣaṃ vṛkṣamūlaṃ śritāsaḥ 
saṃnyastapuṣpā rasamevāśnuvānāḥ |
viṣṇukrīḍā viṣṇuratayo vimuktā
viṣṇvātmakā viṣṇumevāpiyanti || 12 ||

kuṭīcakādicaturāśramabhedaṃ taddarmānapyāha- atheti | teṣāṃ 
dharmānāha- sarva iti | sarva ete viṣṇuliṅgina ityatra kuṭīcakasya 
vyaktāvyaktamātrāpañcaka-dvayameva viṣṇuli"gatvenābhihitaṃ yattat 
bahūdakasyāpi samam bahūdakaḥ kuṭīcakavat sarvadharmasamaḥ iti śruteḥ | 
haṃsaparamahaṃsayostu svācārya-kalebaraṃ vyaktaviṣṇuliṅgaṃ 
tadantaḥkaraṇamavyaktaviṣṇuliṅgam -

suvyaktaviṣṇuliṅgaṃ syād deśikendrakalebaram |
avyaktaviṣṇuliṅgaṃ tu tadantaḥkaraṇaṃ smṛtam ||

iti smṛteḥ | ataḥ sarve viṣṇuliṅgadhāriṇa ityarthaḥ | śikhinopavītina ityatra 
kuṭicakabahūdakayoḥ vrativat keśakārpāsamayaśikhāyajñopavītitvaṃ 
vyaktamupalabhyate keśasamūhaśikhāpratyakṣakārpāsatantukṛtopavītam iti 
śruteḥ |

p. 233)

haṃsasya jaṭādhāraṇameva śikhā vyaktarūpiṇī | yajñopavītaṃ tvavyaktaṃ 
tattvajñānamityarthaḥ | paramahaṃsasya tu śikhā yajñopavitaṃ cāvyaktam | 
nirviśeṣabrahmajñānamevāsya śikhā yajñopavītaṃ ca bhavati | tathā ca 
śrutiḥ- jñānaśikhino jñānaniṣṭhā jñānayajñopavītinaḥ iti | ata eva 
kuṭīcakādicaturṇāṃ yatīnāṃ vyaktāvyaktabhedena śikhāyajñopavītitvaṃ 
siddhamevetyarthaḥ | śuddhacittā ityādi puṇyaślokā bhavanti ityantaṃ 
kuṭīcakādicaturṇāmapi samānameveti mantavyam | brāhmaṇena yo'rtho'bhihitaḥ 
tametamarthaṃ mantro'pyanuvadati- tadetadṛcābhyuktamiti | kiṃca- 
pañcayajñā iti | pañcayajñā ityatra kuṭīcakapakṣe gāyatrījapayajño viśeṣaḥ | 
praṇavajapayajñastu caturṇāmapi samaḥ | 
praṇavajapayogatapaḥsvādhyāyajñānabhedena sarve'pi pañcayajñāḥ | 
vedaśirasāmupaniṣadāmarthaśravaṇādau praviṣṭāḥ kuṭīcakabahūdakayoḥ 
śravaṇaṃ haṃsaparamahaṃsayoḥ mananam ityādiśruteḥ | 
svāśramocitakarmānuṣṭhānaparā iti kriyāvantaḥ amī | paramahaṃsāstu 
brahmavidyāṃ viśeṣeṇa sevante | sarve'pi vraścanārhasaṃsāravṛkṣaṃ tyaktvā 
saṃsāravṛkṣamūlaṃ brahma yathā jñātaṃ tathā śritāsaḥ saṃśritāḥ 
saṃnyastakarmakāṇḍagocaravedatvāt saṃnyastapuṣpāḥ yāmimāṃ puṣpitāṃ 
vācaṃ pravadantyavipaścitaḥ iti smṛteḥ | rasaṃ sārāṃśamevāśnuvānāḥ raso 
vai saḥ | rasaṃ hyevāyaṃ labdhvānandī bhavati iti śruteḥ | 
svāttasaviśeṣanirviśeṣajñānānurūpeṇa saviśeṣanirviśeṣaviṣṇau krīḍā yeṣāṃ 
viṣṇuratayaḥ bāhyakrīḍārativimuktā viṣṇurevātmā yeṣāṃ viṣṇvātmakāḥ santo 
dāso'haṃ so'hamiti vā viṣṇumevāpiyanti viṣṇoḥ saviśeṣabhāvaṃ 
nirviśeṣabhāvaṃ vā pratipadyante kṛtakṛtyā bhavantītyarthaḥ || 11-12 ||

kuṭīcakānāṃ japayajñādi 

trisaṃdhyaṃ śaktitaḥ snānaṃ tarpaṇaṃ mārjanaṃ tathā |
upasthānaṃ pañcayajñān kuryādāmaraṇāntikam || 13 ||

daśabhiḥ praṇavaiḥ saptavyāhṛtībhiścatuṣpadā |
gāyatrī japayajñaśca trisaṃdhyaṃ śirasā saha || 14 ||

p. 234)

kevalakuṭīcakajapayajñalakṣaṇamāha- trisaṃdhyamiti | triṣavaṇasnānaṃ 
kuṭīcakasya bahūdakasya dvivāraṃ haṃsasyaikavāraṃ paramahaṃsasya 
bhasmasnānamiti |

parahaṃsāśramasthānāṃ snānāderavidhānataḥ |
aśeṣacittavṛttīnāṃ tyāgaṃ kevalamācaret ||

iti snānaṃ manomalatyāgaḥ iti ca śruteḥ | vyāhṛtiśiraḥsaṃpuṭitaturya##-
kartavyamityarthaḥ | paramahaṃsajapayajñastu saṃdhyātraye'pi praṇavajapa eva 
kāryaḥ yadi śravaṇādhikārī na bhavati tadā

yastu dvādaśasāhasraṃ praṇavaṃ japate'nvaham |
tasya dvādaśabhirmāsaiḥ paraṃ brahma prasīdati ||

iti śruteḥ |

svaśākhopaniṣadgītā viṣṇornāmasahasrakam |
śrīrudraṃ praṇavaṃ caiva nityamāvartayedyatiḥ ||

iti praṇavādaparaṃ japtvā kadā mukto bhaviṣyati iti smṛteśca || 13-14 ||

yogayajñādiyajñacatuṣṭayam 

yogayajñaḥ sadaikāgryabhaktyā sevā harerguroḥ |
ahiṃsā tu tapoyajño vāṅmanaḥkāyakarmabhiḥ || 15 ||

nānopaniṣadabhyāsaḥ svādhyāyo yajña īritaḥ |
omityātmānamavyagro brahmaṇyagnau juhoti tat || 16 ||

jñānayajñaḥ sa vijñeyaḥ sarvayajñottamottamaḥ |
jñānadaṇḍā jñānaśikhā jñānayajñopavītinaḥ || 17 ||

p. 235)

śikhā jñānamayī yasya upavītaṃ ca tanmayam |
brāhmaṇyaṃ sakalaṃ tasya iti vedānuśāsanam || 18 ||

ayameva hi paramahaṃsajapayajñaḥ | yogayajñādiyajñacatuṣṭayaṃ tu sarveṣāṃ 
samamityāha- yogayajña iti || 15-18 ||

parivrājakakartavyanirūpaṇam

atha khalu somyaite parivrājakā yathā prādurbhavanti tathā bhavanti | 
kāmakrodhalobhamohadambhadarpāsūyāmamatvāhaṃkārādīn nistīrya 
mānāvamānau nindāstutī ca varjayitvā vṛkṣa iva tiṣṭhāsecchidyamāno na 
brūyāt | tadevaṃ vidvāṃsa ihaivāmṛtā bhavanti | tadetadṛcābhyuktam- 
bandhuṃ putramanumodayitvānavekṣamāṇo dvandvasahaḥ praśāntaḥ | 
prācīmudīcīṃ vā nirvartayaṃścaret || 19 ||

pātrī daṇḍī yugamātrāvalokī
śikhī muṇḍī copavītī kuṭumbī |
yātrāmātraṃ pratigṛhṇan manuṣyā-
dayācitaṃ yācitaṃ vātha bhaikṣam || 20 ||

mṛddārvalābūphalaṃ tantuparṇa-
pātraṃ tattathā yathā tu labdham |
śāṇaṃ kṣaumaṃ tṛṇaṃ kanthājinau ca parṇa-
mācchādanaṃ syādahataṃ vā vimuktam || 21 ||

ṛtusaṃdhau muṇḍayenmuṇḍamātraṃ 
nādho na kakṣaṃ jātu śikhāṃ na vāpayet |

p. 236)

caturo māsān dhruvaśīlataḥ syāt 
sa yāvat supto'ntarātmā puruṣo viśvarūpaḥ || 22 ||

pañcayajñaprakāramuktvā anantaraṃ teṣāṃ dharmapūgaṃ tatphalaṃ 
copanyasyati- atheti | tathā bhavanti jātarūpadharā bhavantītyarthaḥ | taiḥ 
kartavyamāha- kāmeti | brahmātiriktaṃ na kiṃcidastīti jñānabalena vṛkṣavat 
dehādāvātmātmīyābhimānavaikalyapūrvakaṃ sarvāpahnavasiddhaṃ brahma 
niṣpratiyogikasvamātramiti yadā jānanti tadaivaṃ vidvāṃsaḥ ihaivāmṛtā 
bhavanti videhamuktā bhavantītyarthaḥ | brāhmaṇena yo'rtho'bhihitaḥ so'rthaḥ 
mantreṇāpyucyata ityāha- tadetadṛcābhyuktamiti | bandhuṃ 
putramanumodayitvā punastān jātvapi anavekṣamāṇaḥ dvandvasahaḥ praśāntaḥ 
prācimudīcīṃ vā svāśramocitadharmānuṣṭhānapūrvakaṃ 
svasvarūpānusaṃdhānaṃ nirvartayaṃścaret | kuṭīcakādisamudāyadharmānāha##-
dehadhāraṇopayogaṃ kiṃcit yātrāmātraṃ pratigṛhṇan | phalaṃ 
nālikerakaphalaṃ tantugrathitaparṇakṛtaṃ vā pātraṃ yathālabdhaṃ gṛhṇīyāt | 
śāṇaṃ cainapaṭaṃ kṣaumaṃ valkalaṃ tṛṇaracitapaṭam | kanthājine iti vaktavye 
kanthājināviti liṅgavyatyayaḥ | itthaṃbhūtavāsasālaṃkṛtasya ahataṃ grathitaṃ 
tadvimuktaṃ vā parṇamācchādanamuttarīyaṃ bhavedityarthaḥ | kakṣamiti 
kakṣadvayamucyate | haṃsetareṣāṃ kṣauraṃ tulyam haṃsasya jaṭādhāritvāt | 
kuṭīcakasyāyameva viśeṣa ityāha- jātu śikhāṃ na vāpayediti | 
cāturmāsyaniyamaḥ sarveṣāmapi tulya ityāha- catura iti | yāvadvirāṭ svapiti 
tāvaccaturo māsān vārṣikānekatra nivaset | no cet pakṣā vai māsāḥ iti 
māsadvayamekatra nivaset | punarasmin virājyutthite satyathānyānaṣṭau daśa vā 
māsān svāśramocitakarmalipsuḥ sarvatra viharet || 19-22 ||

vāsasthāne niyamaḥ 

anyānathāṣṭau punarutthite'smin 
svakarmalipsurviharedvā vaseta |

p. 237)

devāgnyagāre tarumūle guhāyāṃ 
vasedasaṅgo'lakṣitaśīlavṛtaḥ |
nirindhanajyotirivopaśānto 
na codvijedudvejayedyatra kutra || 23 ||

yadi śravaṇadhyānasamādhikaraṇecchuḥ tadā ekatra vā vaset | kimayaṃ 
saṃsāriṇāmāvasathe vasedityata āha- deveti | devālayādipraśastasthale vaset | 
tatrāpi mamatāṃ vihāyāsaṅgo bhūtvā parairalakṣitaśīlavṛttaḥ san 
svātiriktabhramato nirindhanajyotirivopaśānto bhavet | svasamānaṃ svāvaraṃ vā 
janaṃ dṛṣṭvā na kadāpyudvejanaṃ kuryāt | yatra kutrāpi 
prasaktasvātiriktadhiyamudvejayet sarvatra svātmadhiyaṃ kuryādityarthaḥ || 23 ||

ātmajñānavataḥ sthitiḥ

ātmānaṃ cedvijānīyādayamasmīti pūruṣaḥ |
kimicchan kasya kāmāya śarīramanusaṃjvaret || 24 ||

tameva dhīro vijñāya prajñāṃ kurvīta brāhmaṇaḥ |
nānudhyāyādbahūñchabdān vāco viglāpanaṃ hi tat || 25 ||

bālyenaiva hi tiṣṭhāsennirvidya brahmavedanam |
brahmavidyāṃ ca bālyaṃ ca nirvidya munirātmavān || 26 ||

yadā sarve pramucyante kāmā ye'sya hṛdi śritāḥ |
atha martyo'mṛto bhavatyatra brahma samaśnute || 27 ||

yāvadātmā na labhyate tāvadeva śarīraśoṣaṇādyupāyānuṣṭhānaṃ kāryam | 
jñāte svāvaśeṣadhiyātmanyatha śarīraśoṣaṇaṃ poṣaṇaṃ vā 
prayojanābhāvānna

p. 238)

kāryamityāha- ātmānamiti | yathāvat brahmavedanaṃ nirvidya 
brahmayāthātmyamavagamya svātiriktaviṣaye bālyena vairāgyeṇa tiṣṭhāset 
sthātumicchet | tato brahmavidyāṃ bālyaṃ ca nirvidyātha brahmātiriktaṃ na 
kiṃcidastīti niścityātmavān ātmamātratayāvaśiṣyedityarthaḥ | śiṣṭamantra##-

ārūḍhapātitye pratyavāyaḥ

atha khalu somyedaṃ pārivrājyaṃ naiṣṭhikamātmadharmaṃ yo vijahāti sa vīrahā 
bhavati sa brahmahā bhavati sa bhrūṇahā bhavati sa mahāpātakī bhavati | ya imāṃ 
vaiṣṇavīṃ niṣṭhāṃ parityajati sa steno bhavati sa gurutalpago bhavati sa 
mitradhrugbhavati sa kṛtaghno bhavati sa sarvān lokān pracyuto bhavati | 
tadetadṛccābhyuktam -

stenaḥ surāpo gurutalpagāmī
mitradhrugete niṣkṛteryānti śuddhim |
vyaktamavyaktaṃ vā vidhṛtaṃ viṣṇuliṅgaṃ 
tyajanna śudhyedakhilairātmabhāsā || 28 ||

tyaktvā viṣṇorliṅgamantarbahirvā
yaḥ svāśramaṃ sevate'nāśramaṃ vā |
pratyāpattiṃ bhajate vātimūḍho
naiṣāṃ gatiḥ kalpakoṭyāpi dṛṣṭā || 29 ||

tyaktvā sarvāśrayān dhīro vasenmokṣāśrame ciram |
mokṣāśramāt paribhraṣṭo na gatistasya vidyate || 30 ||

p. 239)

pārivrājyaṃ gṛhītvā tu yaḥ svadharme na tiṣṭhati |
tamārūḍhacyutaṃ vidyāditi vedānuśāsanam || 31 ||

evaṃ brahmasvarūpaṃ pratipādyātha yāvadupādhi pārivrājyadharme sthātavyam 
tadvihāya svacchandaṃ yo vartate sa pratyavaitīti taṃ kutsayati- atheti | 
ātmadharmaṃ yāvat svaparavivekaḥ tāvat viṣṇuliṅgadvayānukaraṇalakṣaṇaṃ yo 
vijahāti sa vīrahā bhavati |

yāvadupādhiparyantaṃ tāvacchuśrūṣayed gurum |
śubhaṃ vāśubhamanyadvā yaduktaṃ guruṇā bhuvi |
tat kuryādavicāreṇa śiṣyaḥ saṃtoṣasaṃyutaḥ ||

iti

saprāṇamathavāprāṇaṃ deśikendrakalebaram |
yasmin deśe vasedyogī tāṃ diśaṃ praṇamet sadā ||

yāvad dehe vaset prāṇastāvacchiṣyo'pramādataḥ |
gurucchandānuvartī cedvaiṣṇavaṃ padameti saḥ ||

iti śrutismṛtisiddhaviṣṇubāhyāntarliṅgānukaraṇalakṣaṇāṃ ya imāṃ 
vaiṣṇavīṃ niṣṭhāṃ parityajati | brāhmaṇena yaduktaṃ tanmantrā 
apyanukurvantītyāha- tadetadṛcābhyuktamiti | niṣkṛteḥ prāyaścittataḥ 
svarṇasteyādipañcamahāpātakino'pi śuddhiṃ yānti | 
brahmabhāvārūḍhadeśikendrasya yathoktalakṣaṇaṃ vyaktamavyaktaṃ vā 
vidhṛtam | deśikendrasthūladehaparicaraṇalakṣaṇaṃ vyaktaviṣṇuliṅgaṃ tadā 
jñānavaśavṛttitvalakṣaṇamavyaktaviṣṇuliṅgaṃ pūrvācāryairapi 
vidhṛtamanuṣṭhitaṃ yo nānutiṣṭhati so'yaṃ mahāpātakī akhilairapi 
prāyaścittairna śudhyet | svātmajñānamanyatra sarvapātakagrāsameva | atra 
tvayamātmābhāsajñānenāpi na śudhyet | deśikendraprasādaṃ vinā kenāpi na 
śudhyedityarthaḥ | viṣṇuliṅgayugmatyāginaḥ prāyaścittaṃ nāstīti 
kathamucyate? viṣṇuliṅgadvayetarasvāśramocitadharmānuṣṭhānāt 
daṇḍakamaṇḍaludhāraṇalakṣaṇapāramahaṃsyāśrama##-
deśikopadiṣṭamantratyāgapūrvakaṃ pratyā-

p. 240)

pattilakṣaṇādācāryāntaraparigrahadharmānuṣṭhānādvā śuddhimetya 
kṛtakṛtyo bhavedityata āha- tyaktveti | 
sarvāśramatyāgapūrvakamapramādena yatirmokṣāśrame vasedityāha- 
tyaktveti | svadharmatyāgina ārūḍhapatitatvaṃ nigamayati- pārivrājyamiti | yaḥ 
svadharme viṣṇuliṅgadvayānukaraṇalakṣaṇe na tiṣṭhati || 28-31 ||

viṣṇuliṅgadvayānuvartanam 

atha khalu somyemaṃ sanātanamātmadharmaṃ vaiṣṇavīṃ niṣṭhāṃ labdhvā 
yastāmadūṣayan vartate sa vaśī bhavati sa puṇyaśloko bhavati sa lokajño bhavati sa 
vedāntajño bhavati sa brahmajño bhavati sa sarvajño bhavati sa svarāḍ bhavati sa 
paraṃ brahma bhagavantamāpnoti sa pitṝn saṃbandhino bāndhavān suhṛdo 
mitrāṇi ca bhavāduttārayati || 32 ||

śataṃ kulānāṃ prathamaṃ babhūva tathā parāṇāṃ triśataṃ samagram |
ete bhavanti sukṛtasya loke yeṣāṃ kule saṃnyasatīha vidvān || 33 ||

triṃśatparāṃstriṃśadaparāṃstriṃśacca parataḥ parān |
uttārayati dharmiṣṭhaḥ parivrāḍiti vai śrutiḥ || 34 ||

saṃnyastamiti yo brūyāt kaṇṭhasthaprāṇavānapi |
tāritāḥ pitarastena iti vedānuśāsanam || 35 ||

atha khalu somyemaṃ sanātanamātmadharmaṃ vaiṣṇavīṃ niṣṭhāṃ nāsamāpya 
prabrūyānnānanūcānāya nānātmavide nāvītarāgāya nāviśuddhāya 
nānupasannāya nāprayatamānasāyeti ha smāhuḥ | tadetadṛcābhyuktam -

vidyā ha vai brāhmaṇamājagāma 
gopāya māṃ śevadhiṣṭe'hamasmi |

p. 241)

asūyakāyānṛjave śaṭhāya
mā mā brūyā vīryavatī tathā syām || 36 ||

yamevaiṣa vidyācchucimapramattaṃ
medhāvinaṃ brahmacaryopapannam |
asmā imāmupasannāya samyak 
parīkṣya dadyādvaiṣṇavīmātmaniṣṭhām || 37 ||

adhyāpitā ye guruṃ nādriyante 
viprā vācā manasā karmaṇā vā |
yathaiva tena na gururbhojanīya-
stathaiva tadannaṃ na bhunakti śrutaṃ tat || 38 ||

gurureva paro dharmo gurureva parā gatiḥ |
ekākṣarapradātāraṃ yo guruṃ nābhinandati || 39 ||

yasya deve parā bhaktiryathā deve tathā gurau |
sa brahmavit paraṃ preyāditi vedānuśāsanam || 40 ||

ityupaniṣat ||

evaṃ viṣṇuliṅgadvayaparāṅmukhaṃ kutsayitvātha 
pūrvoktaviṣṇuliṅgadvayā-nuvartinaṃ kṛtakṛtyatayā stauti- atheti | sa 
vaśī jitendriyo bhavati | kiṃ bahunā? sa paraṃ brahma bhagavantamāpnoti | 
brāhmaṇoktārthaṃ mantrā apyanuvadantītyāha- śatamiti | yadyayaṃ 
vidvatsaṃnyāśī bhavati tadā svasya śatapūrvāḥ svottaratastriśatasaṃtatyantāḥ 
kṛtārthā bhaveyurityarthaḥ | kiṃca- triṃśatparāniti | 
āturāvidvatsaṃnyāsato'pi tatpitrādayaḥ sukṛtino bhaveyuriti nigamayati- 
saṃnyastamiti |

p. 242)

kṛtārthādhiṣṭhiteyaṃ niṣṭhā vaiṣṇavī nānadhikāriṇe vaktavyā samyak ciraṃ 
parīkṣya saṃviditasuśīlāya vaktavyetyāha- atheti | svayametāṃ niṣṭhā##-
nānanūcānāyetyādi | imāṃ niṣṭhāṃ na brūyāditi brāhmaṇenoktārthaṃ 
mantrābhyāmapyuktamāhurityāha- ha smeti | brahmavādina iti śeṣaḥ | 
kimiti- vidyāha vai iti | kasmai vaktavyetyatra- yamiti | deśikaṃ ye na 
bahumanyante tadbhuktagṛhe yatayo bhikṣāṃ na gṛhṇīyurityāha- adhyāpitā 
iti | ye viprāḥ yatayo yena guruṇā praṇavamahāvākyādikamadhyāpitāḥ santo 
manovākkāya-karmabhiḥ svopadeṣṭāraṃ guruṃ nādriyante na bahumanyante 
helanaṃ paribhavaṃ vā kurvanti yathaiva tena tairgurudūṣakaiḥ sākaṃ 
śreyo'rthibhiḥ gṛhibhiḥ na kadāpi guruḥ bhojanīyaḥ gururapi tadgṛhe kadāpi na 
bhuṅkte tathaiva tadannaṃ teṣāṃ gurudūṣakabhikṣādāyināṃ nirduṣṭānāmapi 
tadgṛhe'nnamanye saṃpradāyapravartakāḥ sadyatayo na bhunakti śiṣyeṣu 
guruprasādāvadhi na bhunakti na bhuñjate | ekākṣarapradātāraṃ iti mantreṇa 
śrutetthaṃprabhāvavān guruḥ kīdṛśa ityatra gurureveti | omityekākṣaraṃ paraṃ 
brahma iti śrutisiddhaikākṣarapradātāram | tatpakṣīyāṇāmapi phalaṃ 
samānamityarthaḥ | tadviparītasacchiṣyagurusevāparamaphalaṃ 
darśayannupasaṃharati- yasyeti | yo viṣṇorvyaktāvyaktaliṅga##-
svamātramiti prakarṣeṇeyāt prāpnuyāt iti yattadvedānuśāsanaṃ sarvavedānta##-
32-40 ||

śrīvāsudevendraśiṣyopaniṣadbrahmayoginā |
śāṭyāyanīyopaniṣadvyākhyānaṃ likhitaṃ laghu |
śāṭyāyanīvṛttijātaṃ catvāriṃśādhikaṃ śatam ||

iti śrīmadīśādyaṣṭottaraśatopaniṣacchāstravivaraṇe ekonaśatasaṃkhyāpūrakaṃ 
śāṭyāyanīyopaniṣadvivaraṇaṃ saṃpūrṇam ||
p. 243)

saṃnyāsopaniṣat

āpyāyantu - iti śāntiḥ

prathamo'dhyāyaḥ

saṃnyāsavidhiḥ

athātaḥ saṃnyāsopaniṣadaṃ vyākhyāsyāmaḥ | yo'nukrameṇa saṃnyasyati sa 
saṃnyasto bhavati | ko'yaṃ saṃnyāsa ucyate? kathaṃ saṃnyasto bhavati? ya 
ātmānaṃ kriyābhirguptaṃ karoti mātaraṃ pitaraṃ bhāryāṃ putrān 
bandhūnanumodayitvā ye cāsyartvijastān sarvāṃśca pūrvavadvṛṇītvā 
vaiśvānareṣṭiṃ nirvapet | sarvasvaṃ dadyāt yajamānasya | gā ṛtvijaḥ | sarvaiḥ 
pātraiḥ samāropya yadāhavanīye gārhapatye vānvāhāryapacane sabhyāva##-
saśikhān keśān visṛjya yajñopavītaṃ chittvā putraṃ dṛṣṭvā tvaṃ brahmā 
tvaṃ yajñastvaṃ sarvamityanumantrayet | yadyaputro bhavatyātmānamevemaṃ 
dhyātvānavekṣamāṇaḥ prācīmudīcīṃ vā diśaṃ pravrajet | caturṣu varṇeṣu 
bhaikṣacaryaṃ caret | pāṇipātreṇāśanaṃ kuryādauṣadhavadaśanamācare##-
pañcarātram caturo 

p. 244)

māsān vārṣikān grāme vāpi nagare vāpi vaset | pakṣā vai māsā iti dvau māsau vā 
vaset | viśīrṇavastraṃ valkalaṃ vā pratigṛhṇīyāt nānyat pratigṛhṇīyāt 
yadyaśakto bhavati kleśatastapyate tapa iti | yo vā evaṃ krameṇa saṃnyasyati yo vā 
evaṃ paśyati kimasya yajñopavītaṃ kāsya śikhā kathaṃ vāsyopasparśanamiti | 
taṃ hovāca | idamevāsya yajñopavītaṃ yadātmadhyānam yā vidyā sā śikhā 
nīraiḥ sarvatrāvasthitaiḥ kāryaṃ nirvartayannudarapātreṇa | jalatīre niketanam | 
astamita āditye kathaṃ cāsyopasparśanamiti | yathāhani tathā rātrau nāsya naktaṃ 
na divā | tadapyetadṛṣiṇoktam | sakṛddivā haivāsmai bhavatīti | ya evaṃ 
vidvānetenātmānaṃ saṃdhatte || 1 ||

saṃnyāsopaniṣadvedyaṃ saṃnyāsipaṭalāśrayam |
sattāsāmānyavibhavaṃ svamātramiti bhāvaye ||

iha khalu sāmavedapravibhakteyaṃ saṃnyāsopaniṣat kuṭīcakādiṣaḍbhedadharma##-
vivaraṇamārabhyate | yathoktādhikārasādhanasampannānupalabhya śrutayaḥ 
svayameva saṃnyāsopaniṣadamupanyasyantītyāha- atheti | athaśabdahḥ 
adhikāri-lābhānantaryārthaḥ | yataḥ svātiriktasāmānyasaṃnyāsaṃ vinā 
niṣprati-yogikasvamātrajñānaṃ nodeti ataḥ tadupāyatayā śrutayo vayaṃ 
saṃnyāsopaniṣadaṃ vyākhyāsyāmaḥ viṣpaṣṭamākhyāsyāmaḥ vadāma ityarthaḥ 
| tatprakāraḥ kathamityatra- ya iti | brahmacaryaṃ samāpya gṛhī bhavet ityādi 
kuṭīcako bahūdakatvaṃ prāpyetyādi cānukrameṇa ya eṣaṇātrayaṃ saṃnyasyati sa 
eva saṃnyāsī bhavatītyarthaḥ | saṃyāsaṃ saṃnyāsinaṃ cākṣipati- ka iti | 
svāśaṅkottaraṃ svayamevāhuḥ- ya iti | ya ātmānaṃ 
vakṣyamāṇakriyābhirguptaṃ karoti | mātrādyanumodanādivakṣyamāṇavidhinā 
saṃskarotītyarthaḥ |

p. 245)

tat kathamityatra- mātaraṃ pitaraṃ bhāryāṃ putrān bandhūnanumodayitvā 
saṃnyāsaṃ kartumicchāmi bhavadbhirājñā deyeti | carameṣṭinirvapanārtha##-
sarvāṃśca pūrvavat vṛṇītvā atha taiḥ saha vaiśvānareṣṭiṃ nirvapet iti | tato 
yajamānasya yāvantaḥ putrāḥ syuḥ teṣāmātmanā saha svārjitaṃ dhanaṃ 
yathāvibhāgaṃ vidhāya svabhāgaprāptasarvasvamṛtvigbhyo deyamityāha- 
sarvasvamiti | yajamānasya svasya sarvasvaṃ ṛtvigbhyo yajamānaḥ svayaṃ 
dadyādityarthaḥ | tataḥ kimityatra yajñiyapātrato'gnisamāropaṇaṃ kuryādityāha##-
bhaikṣacaryaṃ caret | yadyaśakto bhavati tadā śītādibādhābādhakaṃ vastraṃ 
pratigṛhṇīyāt no cet śītādijanyakleśatastapyate tapa iti | svocitavastrādipratigrahe 
tu svāśramocitaṃ tapaḥ sukhaṃ tapyata ityarthaḥ | tṛṣādikāryaṃ nirvartayan 
nīrasya sarvatra vidyamānatvāt tadyācñā na kāryā kāmo mada udapānam iti 
śruteḥ | udarapātreṇa yathālābhāmaśnan jalatīre niketanamasti cet tatra 
vastavyamityarthaḥ | astamita āditye kathaṃ vāsyopasparśanamiti rātrau 
jalāśaya-sparśananiṣedhāt | evaṃ cidādityabhāvamāpannasya yathāhani tathā 
rātrau | tadapyetadṛṣiṇā mantreṇa uktam | kimiti | sakṛd divā haivāsmai bhavatīti 
| sadāsya divā bhavatītyarthaḥ | iti śabdo mantraparisamāptyarthaḥ | ya evaṃ 
vidvānetenātmānaṃ saṃdhatte yaḥ saṃnyāsajñānayogenānusaṃdhānaṃ karoti sa 
kṛtakṛtyo bhavatītyarthaḥ | śiṣṭamāruṇikanāradādau samyak 
prapañcitamityarthaḥ || 1 ||

iti prathamo'dhyāyaḥ ||

p. 246)

dvitīyo'dhyāyaḥ

saṃnyāsādhikārī

catvāriṃśatsaṃskārasaṃpannaḥ sarvato viraktaścittaśuddhimetyāśā##-
1 ||

kaḥ saṃnyastumarhatītyākāṅkṣāyāmādau saṃnyāsādhikāriṇaṃ nirūpayati##-
nāradaparivrājake vyākhyātam || 1 ||

patitalakṣaṇam 

saṃnyāse niścayaṃ kṛtvā punarna ca karoti yaḥ |
sa kuryāt kṛcchramātraṃ tu punaḥ saṃnyastumarhati || 2 ||

saṃnyāsaṃ pātayedyastu patitaṃ nyāsayettu yaḥ |
saṃnyāsavighnakartā ca trīnetān patitān viduḥ || 3 ||

kiṃca saṃnyāsaṃ karomīti saṃnyāse niścayaṃ kṛtvā yaḥ 
saṃnyāsamadhikṣipati patitaṃ nyāsayati saṃnyāsavighnamācarati te pratyavāyino 
bhavantītyāha- saṃnyāsamiti || 2-3 ||

saṃnyāsānadhikāriṇaḥ 

atha ṣaṇḍaḥ patito'ṅgavikalaḥ straiṇo badhiro'rbhako mūkaḥ pāṣaṇḍaścakī 
liṅgī vaikhānasaharadvijau bhṛtakādhyāpakaḥ śipiviṣṭo'nagniko 
vairāgyavanto'pyete na saṃnyāsārhāḥ | saṃnyastā yadyapi mahāvākyopadeśe 
nādhikāriṇaḥ || 4 ||

p. 247)

ārūḍhapatitāpatyaṃ kunakhī śyāvadantakaḥ |
kṣayī tathāṅgavikalo naiva saṃnyastumarhati || 5 ||

saṃpratyavasitānāṃ ca mahāpātakināṃ tathā |
vrātyānāmabhiśastānāṃ saṃnyāsaṃ naiva kārayet || 6 ||

vratayajñatapodānahomasvādhyāyavarjitam |
satyaśaucaparibhraṣṭaṃ saṃnyāsaṃ naiva kārayet |
ete nārhanti saṃnyāsamātureṇa vinā kramam || 7 ||

saṃnyāsānadhikāriṇo nirdiśati- atheti | śipiviṣṭaḥ vikasitaśephaḥ || 4-7 
||

saṃnyāsasvīkāraprakāraḥ 

oṃ bhūḥ svāheti śikhāmutpāṭya yajñopavitaṃ bahirna nivaset | yaśo balaṃ 
jñānavairāgyaṃ medhāṃ prayaccheti yajñopavītaṃ chittvā oṃ svāhetyapsu 
vastraṃ kaṭisūtraṃ visṛjya saṃnyastaṃ mayeti trivāramabhimantrayet || 8 ||

uktadoṣarahitāḥ saṃnyāsādhikāriṇo bhavantītyadhikārinirṇayānantaraṃ 
tatkaraṇaprakāramāha- omite || 8 ||

saṃnyastapuruṣastavaḥ 

saṃnyāsinaṃ dvijaṃ dṛṣṭvā sthānāccalati bhāskaraḥ |
eṣa me maṇḍalaṃ bhittvā paraṃ brahmādhigacchati || 9 ||

ṣaṣṭiṃ kulānyatītāni ṣaṣṭimāgāmikāni ca |
kulānyuddharate prājñaḥ saṃnyastamiti yo vadet || 10 ||

p. 248)

ye ca saṃtānajā doṣā ye doṣā dehasaṃbhavāḥ |
praiṣāgnirnirdahet sarvāṃstuṣāgniriva kāñcanam || 11 ||

evaṃ vidhivat saṃnyastapuruṣaṃ jñānādhikāriṇaṃ stauti- saṃnyāsinamiti | 
kiṃca- ṣaṣṭimiti | saṃtānajā doṣāḥ duṣputrasaṃjātāḥ || 9-11 ||

daṇḍaprigrahaḥ 

sakhā mā gopāyeti daṇḍaṃ parigrahet || 12 ||

yadyāturo jīvati tadā tena yathoktalakṣaṇaṃ daṇḍādikaṃ svīkāryamityāha- 
sakhā mā gopāyeti daṇḍaṃ parigrahediti || 12 ||

daṇḍalakṣaṇam 

daṇḍaṃ tu vaiṇavaṃ saumyaṃ satvacaṃ samaparvakam |
puṇyasthalasamutpannaṃ nānākalmaṣaśodhitam || 13 ||

adagdhamahataṃ kīṭaiḥ parvagranthivirājitam |
nāsādaghnaṃ śirastulyaṃ bhruvorvā bibhṛyādyatiḥ || 14 ||

daṇḍātmanostu saṃyogaḥ sarvathā tu vidhīyate |
na daṇḍena vinā gacchediṣukṣepatrayaṃ budhaḥ || 15 ||

daṇḍalakṣaṇamāha- daṇḍamiti || 13-15 ||

kamaṇḍaluparigrahaḥ 

jagajjīvanaṃ jīvanādhārabhūtaṃ māte mā mantrayasva sarvadā sarvasaumyeti 
kamaṇḍaluṃ parigṛhya yogapaṭṭābhiṣikto bhūtvā yathāsukhaṃ viharet || 16 ||

p. 249)

tyaja dharmamadhrmaṃ ca ubhe satyānṛte tyaja |
ubhe satyānṛte tyaktvā yena tyajasi tat tyaja || 17 ||

kamaṇḍaluṃ ca parigṛhya deśikamukhāt praṇavamahāvākyopadeśaṃ labdhvā 
svāśramācāraparo bhūtvā saṃśayādipañcadoṣaśāntyantaṃ vedāntaśravaṇaṃ 
kṛtvātha yogapaṭṭābhiṣikto muniḥ gurvanujñayā yathāsukhamāprārabdhaṃ 
viharedityāha- jagaditi | tatastena 
dharmādikartavyākartavyabuddhistyājyetyāha- tyajeti || 16-17 ||

saṃnyāsināṃ cāturvidhyam 

vairāgyasaṃyāsī jñānasaṃnyāsī jñānavairāgyasaṃnyāsī karmasaṃnyāsī ceti 
cāturvidhyamupāgataḥ || 18 ||

saṃnyāsaḥ katividha ityata āha- vairāgyeti || 18 ||

vairāgyasaṃnyāsī 

tadyatheti | dṛṣṭānuśravikaviṣayavaitṛṣṇyametya prākpuṇyakarmavaśāt 
saṃnyastaḥ sa varāgyasaṃnyāsī || 19 ||

dṛṣṭānuśravikaviṣayavaitṛṣṇyametya ihāmutrārthabhogatṛṣṇāviratimetya || 
19 ||

jñānasaṃnyāsī 

śāstrajñānāt pāpapuṇyalokānubhavaśravaṇāt prapañcoparato dehavāsanāṃ 
śāstravāsanāṃ lokavāsanāṃ ca tyaktvā vamanānnamiva pravṛttiṃ sarvāṃ 
heyāṃ matvā sādhanacatuṣṭayasaṃpanno yaḥ saṃnyasyati sa eva jñānasaṃnyāsī 
|| 20 ||

p. 250)

jñānavairāgyasaṃnyāsī 

krameṇa sarvamabhyasya sarvamanubhūya jñānavairāgyābhyāṃ 
svarūpānusaṃdhānena dehamātrāvaśiṣṭaḥ saṃnyasya jātarūpadharo bhavati sa 
jñānavairāgyasaṃnyāsī || 21 ||

karmasaṃnyāsī 

brahmacaryaṃ samāpya gṛhī bhūtvā vānaprasthāśramametya 
vairāgyābhāve'pyāśramakramānusāreṇa yaḥ saṃnyasyati sa karmasaṃnyāsī || 22 
||

ṣaḍvidhasaṃnyāsaḥ 

saṃnyāsaḥ ṣaḍvidho bhavati kuṭīcakabahūdakahaṃsaparamahaṃsaturīyā##-

kuṭīcakaḥ 

kuṭīcakaḥ śikhāyajñopavītī daṇḍakamaṇḍaludharaḥ kaupīnaśāṭīkanthā##-
piṭharakhanitraśivayādimātrasādhanapara ekatrānnādanaparaḥ 
śvetordhvapuṇḍradhārī tridaṇḍaḥ || 24 ||

bahūdakaḥ 

bahūdakaḥ śikhādikanthādharastripuṇḍradhārī kuṭīcakavat sarvasamo 
madhukaravṛttyāṣṭakabalāśī || 25 ||

haṃsaḥ 

haṃso jaṭādhārī tripuṇḍrordhvapuṇḍradhāryasaṃkḷptamādhūkarānnāśī 
kaupīnakhaṇḍatuṇḍadhārī || 26 ||

p. 251)

paramahaṃsaḥ

paramahaṃsaḥ śikhāyajñopavītarahitaḥ pañcagṛheṣu karapātryekakaupīna##-
bhasmoddhulanaparaḥ sarvatyāgī || 27 ||

turīyātītaḥ 

turīyātīto gomukhavṛttyā phalāhārī annāhārī ced gṛhatraye 
dehamātrāvaśiṣṭo digambaraḥ kuṇapavaccharīravṛttikaḥ || 28 ||

avadhūtaḥ

avadhūtastvaniyamaḥ patitābhiśastavarjanapūrvakaṃ 
sarvavarṇeṣvajagaravṛttyāhāraparaḥ svarūpānusaṃdhānaparaḥ || 29 ||

vairāgyasaṃnyāsī ityārabhya svarūpānusandhānaparaḥ ityantaṃ prāyaśo 
nāradaparivrājakopaniṣadi vyākhyātam || 19-29 ||

pratyagbrahmaikyabhāvanā 

jagat tāvadidaṃ nāhaṃ savṛkṣatṛṇaparvatam |
yad bāhyaṃ jaḍamatyantaṃ tat syāṃ kathamahaṃ vibhuḥ |
kālenālpena vilayī deho nāhamacetanaḥ || 30 ||

jaḍayā karṇaśaṣkulyā kalyamānakṣaṇasthayā |
śūnyākṛtiḥ śūnyabhavaḥ śabdo nāhamacetanaḥ || 31 ||

tvacā kṣaṇavināśinyā prāpyo'prāpyo'yamanyathā |
citprasādopalabdhātmā sparśo nāhamacetanaḥ || 32 ||

p. 252)

labdhātmā jihvayā tuccho lolayā lolasattayā |
svalpaspando dravyaniṣṭho raso nāhamacetanaḥ || 33 ||

dṛśyadarśanayorlīnaṃ kṣayi kṣaṇavināśinoḥ |
kevale draṣṭari kṣīṇaṃ rūpaṃ nāhamacetanaḥ || 34 ||

nāsayā gandhajaḍayā kṣayiṇyā parikalpitaḥ |
pelavo'niyatākāro gandho nāhamacetanaḥ || 35 ||

nirmamo'mananaḥ śānto gatapañcendriyabhramaḥ |
śuddhacetana evāhaṃ kalākalanavarjitaḥ || 36 ||

caityavarjitacinmātramahameṣo'vabhāsakaḥ |
sabāhyābhyantare vyāpī niṣkalo'haṃ nirañjanaḥ |
nirvikalpacidābhāsa eka evāsmi sarvagaḥ || 37 ||

mayaiva cetaneneme sarve ghaṭapaṭādayaḥ |
sūryāntā avabhāsyante dīpenevātmatejasā || 38 ||

mayaivaitāḥ sphurantīha vicitrendriyapaṅktayaḥ |
tejasāntaḥprakāśena yathāgnikaṇapaṅktayaḥ || 39 ||

anantānandasaṃbhogā paropaśamaśālinī |
śuddheyaṃ cinmayīṃ dṛṣṭirjayatyakhiladṛṣṭiṣu || 40 ||

sarvabhāvāntarasthāya cetyamuktacidātmane |
pratyakcaitanyarūpāya mahyameva namo namaḥ || 41 ||

kuṭīcakādeḥ svarūpānusaṃdhānavṛttiḥ kenopāyena jāyate? ityatra 
saṃśayā-dipañcadoṣaśāntyantamīśādyaṣṭottaraśatavedāntaśravaṇaṃ 
kṛtvā śrutārtha-

p. 253)

mananato'nusaṃdhānākhyanididhyāsanavṛttirudettityāha- jagaditi | 
jagatpravibhaktadehaḥ śabdādayoḥ vā tvamasītyata āha- kāleneti | lolasattayā 
lolamanoviśiṣṭayā | kṣayiṇyā kṣayaśīlayā | acetanaḥ 
svātiriktendriyendriyārthavairalyāt | cinmayadṛṣṭāvuditāyāṃ 
pratyagbrahmaikyaṃ bhavatītyāha- sarveti | pūrvārdhastatpadārthaḥ | 
uttarārdhapravibhaktadvādaśākṣarastvaṃpadārthaḥ | tadupari 
vidyamānākṣaracatuṣṭayaṃ tu asipadārthaḥ namastvaikyaṃ pravadet iti śruteḥ ||

citiśaktiḥ tatstutiśca 

vicitrāḥ śaktayaḥ svacchāḥ samā yā nirvikārayā |
citā kriyante samayā kalākalanamuktayā || 42 ||

kālatrayamupekṣitryā hīnāyāścetyabandhanaiḥ |
citaścetyamupekṣitryāḥ samataivāvaśiṣyate || 43 ||

sā hi vācāmagagyatvādasattāmiva śāśvatīm |
nairātmyasiddhāntadaśāmupayāteva śiṣyate || 44 ||

īhānīhāmayairantaryā cidāvalitā malaiḥ |
sā cinnotpatituṃ śaktā pāśabaddheva pakṣiṇī || 45 ||

icchādveṣamutthena dvandvamohena jantavaḥ |
dharāvivaramagnānāṃ kīṭānāṃ samatāṃ gatāḥ || 46 ||

cidvikalpitaṃ sarvaṃ cidevetyāha- vicitrā iti | uktaviśeṣaṇaviśiṣṭayā citā 
yataḥ pṛthivyādipañcabūtabhautikagatāḥ kāṭhinyādinānāvicitraśaktayo 
vartante samā yāḥ svātmaśaktimayāḥ kriyante tat sṛṣṭvā | sacca tyaccābhavat iti 
śruteḥ | cidvikalpitakāṭhinyādiśaktayaścidevetyarthaḥ | 
kālatrayakalanākalitavicitra-śaktīnāṃ viṣamarūpāṇāṃ cetyatvena 
vidyamānatvāt vicitraśakti hetuścidapi

p. 254)

viṣamā bhavitumarhatītyata āha- kāleti | kālatrayāvacchinnanānāvai##-
niṣprati-yogikamavaśiṣyata ityarthaḥ | viṣamavāggamyacitaḥ samatā kuta ityata 
āha- sā hīti | yato vāco nivartante iti śrutyanurodhena 
yasyāścitervācāmagamyatvāt yā hi punaścit svājñadaśāyāṃ dehādyatirekeṇa 
śāśvatīmasattāmāpanneva dṛṣṭā yā hi ca punaḥ 
svajñasvājñadṛṣṭivikalpitasapratiyogikātmānātma-kalanā 
yasmānnirgatāpahnavatāṃ gatā sa nirātmā tadbhāvo nairātmyam |

idaṃ caitanyameveti ahaṃ caitanyamityapi |
yasya prapañcabhānaṃ na brahmākāramapīha na ||

ityādiśrutyanurodhena niṣpratiyogikabrahmamātratayā sthitireva nairātmya##-
svarūpaśūnyatāmupayāteva | na hi paramārthadṛṣṭestathā bhavitumarhati 
ivaśabdadvayasya paramārthadṛṣṭyanukūlatvāt | evaṃ dyotyate 
hīvaśabdadvayataḥ | svājñādidṛṣṭimohe satyasati niṣpratiyogikaṃ 
cinmātramavaśiṣyata ityatra-

svājñasvajñadaśāyāṃ yadekarūpatayā sthitam |
taddhi nairātmyasiddhāntasattāsāmānyamucyate ||

iti smṛteḥ | evaṃ niṣpratiyogikacinmātramabuddhvā ye svātiriktehānīhādi##-
bhavantītyāha- īheti | nirviśeṣatayā sā cit notpatituṃ śakta yeṣāmevaṃ te || 
42-46 ||

abhedānubhavaḥ 

ātmane'stu namastubhyamavicchinnacidātmane |
parāmṛṣṭo'smi buddho'smi prodito'smyacirādaham || 47 ||

uddhṛto'smi vikalpebhyo yo'smi so'smi namo'stu te |

p. 255)

tubhyaṃ mahyamanantāya tubhyaṃ mahyaṃ cidātmane || 48 ||

namastubhyaṃ pareśāya namo mahyaṃ śivāya ca |
tiṣṭhannapi hi nāsīno gacchannapi na gacchati |
śānto'pi vyavahārasthaḥ kurvannapi na lipyate || 49 ||

sulabhaścāyamatyantaṃ sujñeyaścāptabandhuvat |
śarīrapadmakuhare sarveṣāmeva ṣaṭpadaḥ || 50 ||

na me bhogasthitau vāñchā na me bhogavisarjane |
yadāyati tadāyātu yat prayāti prayātu tat || 51 ||

manasā manasi cchinne nirahaṃkāratāṃ gate |
bhāvena galite bhāve svasthastiṣṭhāmi kevalaḥ || 52 ||

nirbhāvaṃ nirahaṃkāraṃ nirmanaskaṃ nirīhitam |
kevalaspandaśuddhātmanyeva tiṣṭhati me ripuḥ || 53 ||

tṛṣṇārajjugaṇaṃ chittvā maccharīrakapañjarāt |
na jāne kva gatoḍḍīya nirahaṃkārapakṣiṇī || 54 ||

yasya nāhaṃkṛto bhāvo buddhiryasya na lipyate |
yaḥ samaḥ sarvabhūteṣu jīvitaṃ tasya śobhate || 55 ||

yo'ntaḥśītalayā buddhyā rāgadveṣavimuktayā |
sākṣivat paśyatīdaṃ hi jīvitaṃ tasya śobhate || 56 ||

yena samyak parijñāya heyopādeyamujjhatā |
cittasyānte'rpitaṃ cittaṃ jīvitaṃ tasya śobhate || 57 ||

grāhyagrāhakasaṃbandhe kṣīṇe śāntirudetyalam |

p. 256)

sthitimabhyāgatā śāntirmokṣanāmnābhidhīyate || 58 ||

bhṛṣṭabījopamā bhyūyo janmāṅkuravivarjitā |
hṛdi jīvadvimuktānāṃ śuddhā bhavati vāsanā || 59 ||

pāvanī paramodārā śuddhasatvānupātinī |
ātmadhyānamayī nityā suṣuptistheva tiṣṭhati || 60 ||

cetanaṃ cittariktaṃ hi pratyak cetanamucyate |
nirmanaskasvabhāvatvānna tatra kalanāmalam || 61 ||

sā satyatā sā śivatā sāvasthā pāramārthikī |
sarvajñatā sā saṃtṛptirnanu yatra manaḥ kṣatam || 62 ||

pralapan visṛjan gṛhṇannunmiṣannimiṣannapi |
nirastamananānandaḥ saṃvinmātraparo'smyaham || 63 ||

malaṃ saṃvedyamutsṛjya mano nirmūlayan param |
āśāpāśānalaṃ chittvā saṃvinmātraparo'smyaham || 64 ||

aśubhāśubhasaṃkalpaḥ saṃśānto'smi nirāmayaḥ |
naṣṭeṣṭāniṣṭakalanaḥ saṃvinmātraparo'smyaham || 65 ||

ātmatāparate tyaktvā nirvibhāgo jagatsthitau |
vajrastambhavadātmānamavalambya sthiro'smyaham || 66 ||

nirmalāyāṃ nirāśāyāṃ svasaṃvittau sthito'smyaham |
īhitānīhitairmukto heyopādeyavarjitaḥ || 67 ||

kadāntastoṣameṣyāmi svaprakāśapade sthitaḥ |
kadopaśāntamanano dharaṇīdharakoṭare || 68 ||

sameṣyāmi śilāsāmyaṃ nirvikalpasamādhinā |

p. 257)

niraṃśadhyānaviśrāntamūkasya mama mastake |
kadā tārṇaṃ kariṣyanti kulāyaṃ vanapatriṇaḥ || 69 ||

saṃkalpapādapaṃ tṛṣṇālataṃ chittvā manovanam |
vitatāṃ bhuvamāsādya viharāmi yathāsukham || 70 ||

padaṃ tadanuyāto'smi kevalo'smi jayāmyaham |
nirvāṇo'smi nirīho'smi niraṃśo'smi nirīpsitaḥ || 71 ||

svacchatorjitatā sattā hṛdyatā satyatā jñatā |
ānanditopaśamatā sadā pramuditoditā |
pūrṇatodāratā satyā kāntisattā sadekatā || 72 ||

ityevaṃ cintayan bhikṣuḥ svarūpasthitimañjasā |
nirvikalpasvarūpajño nirvikalpo babhūva ha || 73 ||

yata evamavidvāṃso hīyante ataḥ pratyagabhinnaṃ brahmāsmīti bodhena 
nirvikalpakabrahmāhamasmītyāha- ātmana iti | evaṃ pratyakparacidaikyaṃ 
brahma bhavāmīti parāmṛṣṭo'smi | evaṃ pratyagabhedena ya āste so'yaṃ 
svājñalokavat tiṣṭhannapīti | yajjñānena munirlipto bhavati so'yamātmā 
brahmāhamasmīti jñātuṃ sulabhaḥ | sa kutrāsanamarhatītyatra- śarīreti | 
evamātmānaṃ jānato na me bhogasthitau vāñchā | kālakarmasaṃyogavaśāt 
yadāyāti tadāyātu | evaṃ manasā | purā svājñadaśāyāṃ svātiriktaṃ svarūpaṃ 
śūnyamapi satyavadātmani pratibhātam idānīṃ svajñadaśāyāṃ tat kva gatam##?
vicāryamāṇapurānubhūtasvātiriktaṃ nirbhāvam avastutvāt | nirahaṃkāraṃ 
dehābhāvāt | nirmanaskaṃ amanaskatvāt | nirīhitam īhanīyasya mṛgyatvāt | tathāpi 
svātiriktabhramaḥ satyavat kevalaspandaśuddhātmanyeva tiṣṭhati me ripuḥ | sthita iti 
bhūtārthe vartamānaprayogaḥ chāndasaḥ | idānīṃ śrutyācārya-

p. 258)

prasādato niṣpratiyogikabrahmamātrajñāne jāte'tha svātiriktāstitvabhrānti##-
yasyāḥ svātiriktabhrānteḥ seyaṃ nirahaṃkārapakṣiṇī kva gatā? ahameka 
evāvaśiṣya ityarthaḥ | yasyaivaṃ dehādāvahaṃbhāvo nodeti tajjīvitaṃ 
saphalamityāha- yasyeti | śītalayā buddhyā svātiriktatāpaśūnyayā | rāgādau 
sati dhiyastathātvaṃ kuta ityatra- rāgeti | cittasyānte cittāvasāne brahmaṇi | 
svātiriktavṛttyanudbhūtireva tanmokṣa ityāha- grāhyeti | sarvaprāṇināṃ 
vāsanāviśiṣṭatvena grāhyādiśāntiḥ kuta ityatra 
śuddhavāsanāvajjīvanmuktadṛṣṭyā tacchantirudetītyāha- bhṛṣṭeti | 
grāhyādikalanāsaṃbhavaṃ manyamānā śuddhā bhavati | yatra cittaṃ na 
saṃbhavati tadeva cetanamityāha- cetanamiti | yasyāṃ citi asatyaṃ 
manonmanībhāvaṃ bhajati sā sanmātrarūpiṇītyāha- seti | mānasatānave 
dehādivyāpṛtau satyasati saṃvinmātro'smītyāha- pralapanniti | 
nirastasvātirikta-mananānandaḥ viṣayajātaṃ utsṛjya | kiṃca- 
nirmalāyāmiti | tārṇaṃ tṛṇaracitam | acinmātrāpahnavasiddhacinmātrasya 
niṣpratiyogitaiva svacchatādisvamātramavaśiṣyata iti jñānānnirvikalpabrahmaiva 
bhavatītyāha- svacchateti | bhikṣuḥ svarūpasthitimañjasā prāpya | evaṃ 
sarvavedāntaśravaṇamanananididhyāsanaprabhavasamyagjñānāptisamakālameva 
svātiriktavikalpāpahnavasiddhaniṣpratiyogikanirvikalpātmanā vidvānavaśiṣyata iti 
sarvavedāntasiddhantasaṃgraho'rthaḥ || 47-73 ||

āturasaṃnyāsaḥ saṃnyāsināṃ prāpyasthānāni ca 

āturo jīvati cet kramasaṃnyāsaḥ kartavyaḥ | na śūdrastrīpatitodakyā##-
saṃnyāsamekalokaḥ | āturakuṭīcakayorbhūrlokabhuvarlokau | bahūdakasya 
svargalokaḥ | haṃsasya tapolokaḥ | paramahaṃsasya satyalokaḥ | 
turīyātītāvadhūtayoḥ svātmanyeva kaivalyaṃ svarūpānusaṃdhānena 
bhramarakīṭanyāyavat || 74 ||

p. 259)

āturo yadi jīvati tadā tena kiṃ kāryamityatrāha- ātura iti | kramasaṃnyāsa##-
kuṭīcakādi-ṣaṇnāṃ samānameva | turīyātītādeḥ ayaṃ viśeṣa ityāha- na 
yateriti | yasmādevaṃ tasmāt | kuṭīcakatvādisaṃnyāsabhedānurodhena 
tattajjñānānurodhena ca tattatprāpyalokabhedo'pi yujyata ityāha- ātureti | 
muniḥ brahma saṃpadyata ityarthaḥ || 74 ||

saṃnyāsibhiḥ svarūpānusaṃdhānaṃ vinā nānyat kimapi kāryam 

svarūpānusaṃdhānavyatiriktānyaśāstrābhyāsa uṣṭrakuṅkumabhārava##-
vidyādūraḥ | na parivrāṭ nāmasaṃkīrtanaparaḥ | yadyat karma karoti 
tattatphalamanubhavati | eraṇḍatailaphenavat sarvaṃ parityajet | na devatāprasāda##-

yata evamataḥ svarūpānusaṃdhānavyatiriktānyaśāstrābhyāsaiḥ 
tattatsiddhāntānurūpaṃ phalameti na paramārthaphalaṃ spṛśati adhītya gautamīṃ 
vidyāṃ sārgālīṃ yonimāpnuyāt ityādikutsitajanmaśravaṇāt | ataḥ 
śāstrāntarābhyāsastu uṣṭrakuṅkumabhāravat vyarthaḥ | yathā carmakāro 
vidyādūrastathā'yaṃ paramārthavidyātatphalaviralo bhavatītyarthaḥ | 
etannāmāhamāśramāntara iti parivrāṭ nāmasaṃkīrtanapara ityatra

nāmagotrādivaraṇaṃ deśaṃ kālaṃ śrutaṃ kulam |
vayo vṛttaṃ vrataṃ śīlaṃ khyāpayennaiva sadyatiḥ ||

iti śruteḥ | na hyasya vākyasya bhagavannāmaniṣedho'rtho bhavitumarhati | tathā ca 
śrutismṛtī bhavataḥ-

ekākī niḥspṛhastiṣṭhenna hi kena sahālapet |
dadyānnārāyaṇetyevaṃ prativākyaṃ sadā yati ||

iti

p. 260)

satataṃ kīrtayanto māṃ yatantaśca dṛḍhavratāḥ |
namasyantaśca māṃ bhaktyā nityayuktā upāsate ||

iti ca | kiṃca bhagavannāmasmṛtiviratau pratyavāyaśravaṇācca

nivṛttatarṣairupagīyamānād bhavauṣadhācchrotramanobhirāmāt |
ka uttamaślokaguṇānuvādāt pumān virajyeta vinā paśughnāt ||

iti | bhagavannāmnaḥ pratyagabhinnabrahmārthatvāt yatibhirviśeṣataḥ sadānu##-

rāśabdastvīśavācī syānmaśabdo jīvavācakaḥ |
tayoraikyaṃ paraṃ brahma rāma ityabhidhīyate ||

ityādiśruteḥ 

svānyaśryapahnavāt siddhā yā muktiśrīrvijṛmbhate |
tadrūpato rājamānaṃ mahaḥ śrīrāma īritam ||

iti nāmārthavivekokteśca | itthaṃbhūtabrahmaniṣṭhāṃ vinā yadyat karma karoti 
tattatphalamanubhavati eraṇḍatailaphenavat | ataḥ sarvaṃ parityajet | 
ihāmutrabhoga-sādhanecchayātyugraṃ tapaḥ kṛtvā tadanukūlena na 
devatāprasādagrahaṇaṃ kāryamityarthaḥ | 
niṣkāmabuddhyānuṣṭhitatapaso'nantaphalatvāt na bāhya-devārcanaṃ kuryāt | 
yat pratyagabhinnabrahmabāhyam pratyagabhinnaṃ brahma yatra nāvāhyate 
tadbāhyadevārcanam | tat kadāpi na kuryāt so'haṃbhāvena pūjayet iti śruteḥ || 75 ||

teṣāṃ caryādikam

svavyatiriktaṃ sarvaṃ tyaktvā madhukaravṛttyāhāramāharan kṛśo bhūtvā 
medovṛddhimakurvan viharet | mādhūkareṇa karapātreṇāsyapātreṇa vā kālaṃ 
nayet || 76 ||

ātmasaṃmitamāhāramāharedātmavān yatiḥ |
āhārasya ca bhāgau dvau tṛtīyamudakasya ca ||

p. 261)

vāyoḥ saṃcaraṇārthāya caturthamavaśeṣayet || 77 ||

bhaikṣeṇa vartayennityaṃ naikānnāśī bhavet kvacit |
nirīkṣante tvanudvignāstadgṛhaṃ yatnato vrajet || 78 ||

pañcasaptagṛhāṇāṃ tu bhikṣāmicchet kriyāvatām |
godohamātramākāṅkṣenniṣkrānto na punarvrajet || 79 ||

bhaktādvaraścopavāsa upavāsādayācitaḥ |
ayācitādvaraṃ bhaikṣaṃ tasmādbhaikṣeṇa vartayet || 80 ||

naiva savyāpasavyena bhikṣākāle viśed gṛhān |
nātikrāmed gṛhaṃ mohādyatra doṣo na vidyate || 81 ||

śrotriyānnaṃ na bhikṣeta śraddhābhaktibahiṣkṛtam |
vrātyasyāpi gṛhe bhikṣecchraddhābhaktipuraskṛte || 82 ||

mādhūkaramasaṃkḷptaṃ prākpraṇītamayācitam |
tātkālikaṃ copapannaṃ bhaikṣaṃ pañcavidhaṃ smṛtam || 83 ||

manaḥsaṃkalparahitāṃstrīn gṛhān pañca sapta vā |
madhumakṣikavat kṛtvā mādhūkaramiti smṛtam || 84 ||

prātaḥkāle ca pūrvedyuryadbhaktaiḥ prārthitaṃ muhuḥ |
tadbhaikṣaṃ prākpraṇītaṃ syāt sthitiṃ kuryāt tathāpi ca || 85 ||

bhikṣāṭanasamudyogādyena kena nimantritam |
ayācitaṃ tu tadbhaikṣaṃ bhoktavyaṃ ca mumukṣubhiḥ || 86 ||

upasthānena yat proktaṃ bhikṣārthaṃ brāhmaṇena tat |
tātkālikamiti khyātaṃ bhoktavyaṃ yatibhistadā || 87 ||

p. 262)

siddhamannaṃ yadā nītaṃ brāhmaṇena maṭhaṃ prati |
upapannamiti prāhurmunayo mokṣakāṅkṣiṇaḥ || 88 ||

carenmādhūkaraṃ bhaikṣaṃ yatirmlecchakulādapi |
ekānnaṃ na tu bhūñjīta bṛhaspatisamādapi |
yācitāyācitābhyāṃ ca bhikṣābhyāṃ kalpayet sthitim || 89 ||

na vāyuḥ sparśadoṣeṇa nāgnirdahanakarmaṇā |
nāpo mūtrapurīṣābhyāṃ nānnadoṣeṇa maskarī || 90 ||

vidhūme sannamusale vyaṅgāre bhuktavajjane |
kāle'parāhṇe bhūyiṣṭhe bhikṣācaraṇamācaret || 91 ||

abhiśastaṃ ca patitaṃ pāṣaṇḍaṃ devapūjakam |
varjayitvā cared bhaikṣaṃ sarvavarṇeṣu cāpadi || 92 ||

ghṛtaṃ śvamūtrasadṛśaṃ madhu syāt surayā samam |
tailaṃ sūkaramūtraṃ syāt sūpaṃ laśunasaṃmitam || 93 ||

māṣāpūpādi gomāṃsaṃ kṣīraṃ mūtrasamaṃ bhavet |
tasmāt sarvaprayatnena ghṛtādīn varjayedyatiḥ || 94 ||

ghṛtasūpādisaṃyuktamannaṃ nādyāt kadācana |
pāṇipātraścaran yogī nāsakṛd bhaikṣamācaret || 95 ||

āsyena tu yadāhāraṃ govanmṛgayate muniḥ |
tadā samaḥ syāt sarveṣu so'mṛtatvāya kalpate || 96 ||

mādhūkareṇetyuktārthaṃ śrutireva vyākaroti- ātmeti | bhikṣāniyamamāha##-

p. 263)

smṛtyuktasaṃskārarahito vrātyaḥ | bhikṣāṃ pañcadhā vibhajya tatraikena sthitiṃ 
nayedityāha- mādhūkaramiti | tatra mādhūkaralakṣaṇamāha- mana iti | 
prākpranītalakṣaṇamāha- prātariti | ayācitalakṣaṇamāha- bhikṣeti | 
tātkālika-lakṣaṇamāha- upasthāneneti | upapannalakṣaṇamāha- 
siddhamiti | ekānnāpekṣayā bhinnajātimādhukaraṃ śreṣṭhamevetyāha- 
carediti | yatīnāmannadoṣo nāstītyatropapattimāha- neti | bhikṣāvidhiḥ 
grāmaikarātrāṭanayativiśayaḥ | yatiridaṃ me syāditi icchāpūrvakaṃ 
gṛtādīnnāśnīyādityāha- ghṛtamiti | karodarapātralakṣaṇamāha- 
pāṇīti || 76-96 ||

yatīnāṃ varjyāni

ājyaṃ rudhiramiva tyajedekatrānnaṃ palalamiva gandhalepanamaśuddhalepanamiva 
kṣāramantyajamiva vastramucchiṣṭapātramivābhyaṅgaṃ strīsaṅgamiva 
mitrāhladakaṃ mūtramiva spṛhāṃ gomāṃsamiva jñātacaradeśaṃ 
caṇḍālavāṭikāmiva striyamahimiva suvarṇaṃ kālakūṭamiva sabhāsthalaṃ 
śmaśānasthalamiva rājadhānīṃ kumbhīpākamiva śavapiṇḍavadekatrānnam | na 
devatārcanam | prapañcavṛttiṃ parityajya jīvanmukto bhavet || 97 ||

mantroktārthaṃ brāhmaṇo'pyanuvadati- ājyamiti | brahmātirekāṇājyādikaṃ 
nāsti brahmaiva sarvamiti sarvātmabhāvārūḍho muniḥ jīvanmukto bhavatītyarthaḥ || 
97 ||

ṣaṭ yatipātakāni pātitye doṣanirūpaṇaṃ ca

āsanaṃ pātralopaśca saṃcayaḥ śiṣyasaṃcayaḥ |
divā svāpo vṛthālāpo yatīnāṃ pātakāni ṣaṭ || 98 ||

varṣābhyo'nyatra yat sthānamāsanaṃ tadudāhṛtam |
uktālābvādipātrāṇāmekasyāpīha saṃgrahaḥ || 99 ||

p. 264)

yateḥ saṃvyavahārāya pātralopaḥ sa ucyate |
gṛhītasya tu daṇḍāderdvitīyasya parigrahaḥ || 100 ||

kālāntaropabhogārthaṃ saṃcayaḥ parikīrtitaḥ |
śuśrūṣālābhapūjārthaṃ yaśo'rthaṃ vā parigrahaḥ || 101 ||

śiṣyāṇāṃ na tu kāruṇyācchiṣyasaṃgraha īritaḥ |
vidyā divā prakāśatvādavidyā rātrirucyate || 102 ||

vidyābhyāse pramādo yaḥ sa divā svāpa ucyate |
ādhyātmikīṃ kathāṃ muktvā bhikṣāvārtāṃ vinā tathā |
anugrahaṃ paripraśnaṃ vṛthājalpo'nya ucyate || 103 ||

ekānnaṃ madamātsaryaṃ gandhapuṣpavibhūṣaṇam |
tāmbūlābhyañjane krīḍā bhogākāṅkṣā rasāyanam || 104 ||

katthanaṃ kutsanaṃ svasti jyotiśca krayavikrayam |
kriyā karmavivādaśca guruśāstravilaṅghanam || 105 ||

saṃdhiśca vigraho yānaṃ mañcakaṃ śuklavastrakam |
śukrotsargo divā svāpo bhikṣādhārastu taijasam || 106 ||

viṣaṃ caivāyudhaṃ bījaṃ hiṃsāṃ taikṣṇyaṃ ca maithunam |
tyaktaṃ saṃnyāsayogena gṛhadharmādikaṃ vratam || 107 ||

gotrādi caraṇaṃ sarvaṃ pitṛmātṛkulaṃ dhanam |
pratiṣiddhāni caitāni sevamāno vrajedadhaḥ || 108 ||

sujīrṇo'pi sujīrṇāsu vidvān strīṣu na viśvaset |
sujīrṇāsvapi kanthāsu sajjate jīrṇamambaram || 109 ||

p. 265)

sthāvaraṃ jaṅgamaṃ bījaṃ taijasaṃ viṣamāyudham |
ṣaḍetāni na gṛhṇīyādyatirmūtrapurīṣavat || 110 ||

naivādadīta pātheyaṃ yatiḥ kiṃcidanāpadi |
pakvamāpatsu gṛhṇīyādyāvadannaṃ na labhyate || 111 ||

nīrujaśca yuvā caiva bhikṣurnāvasathe vaset |
parārthaṃ na pratigrāhyaṃ na dadyācca kathaṃcana || 112 ||

dainyabhāvāttu būtānāṃ saubhagāya yatiścaret |
pakvaṃ vā yadi vāpakvaṃ yācamāno vrajedadhaḥ || 113 ||

annadānaparo bhikṣurvastrādīnāṃ pratigrahī |
āvikaṃ vānāvikaṃ vā tathā paṭupaṭānapi || 114 ||

pratigṛhya yatiścaitān patatyeva na saṃśayaḥ |
advaitaṃ nāvamāśritya jīvanmuktatvamāpnuyāt || 115 ||

vāgdaṇḍe maunamātiṣṭhet kāyadaṇḍe tvabhojanam |
mānase tu kṛte daṇḍe prāṇāyāmo vidhīyate || 116 ||

karmaṇā badhyate janturvidyayā ca vimucyate |
tasmāt karma na kurvanti yatayaḥ pāradarśinaḥ || 117 ||

rathyāyāṃ bahuvastrāṇi bhikṣā sarvatra labhyate |
bhūmiḥ śayyāsti vistīrṇā yatayaḥ kena duḥkhitāḥ || 118 ||

prapañcamakhilaṃ yastu jñānāgnau juhuyādyatiḥ |
ātmanyagnīn samāropya so'gnihotrī mahāyatiḥ || 119 ||

p. 266)

pravṛttirdvividhā proktā mārjārī caiva vānarī |
jñānābhyāsavatāmoturvānarī bhāktameva ca || 120 ||

nāpṛṣṭaḥ kasyacid brūyānna cānyāyena pṛcchataḥ |
jānannapi hi medhāvī jaḍavalloka ācaret || 121 ||

sarveṣāmeva pāpānāṃ saṃghāte samupasthite |
tāraṃ dvādaśasāhasramabhyasecchedanaṃ hi tat || 122 ||

yastu dvādaśasāhasraṃ praṇavaṃ japate'nvaham |
tasya dvādaśabhirmāsaiḥ paraṃ brahma prakāśate || 123 ||

ityupaniṣat |

munerapīdamāsanādiṣaṭkaṃ bandhakaṃ bhavatītyāha- āsanamiti | 
svakṛtasūtrārthaṃ śrutiḥ svayameva vyācaṣṭe- varṣābhya iti | ekānnādi##-
jyotiśca daivajñatvam | etat sarvam | tyaktam ekānnādi niṣiddhācaraṇam | kadāpi 
striyaṃ vīkṣya tayā saha rahasi na saṃvadedityatropapattimāha- sujīrṇo'pīti | 
kedārabhṛtyabījasuvarṇaviṣāyudhaparigrahaṃ kadāpi na kāryamityāha- 
sthāvaramiti | anāpadi pātheyaṃ na grāhyamityāha- naiveti | 
punaryaterheyopādeyāvāha- nīrujaścetyādi | āvasathe saṃsārigṛhe | 
dhārṣṭyabhāvaṃ vihāya yastiṣṭhati svasmin dīno'yaṃ sādhurityanukampā bhaktiḥ 
śraddhā vā bhūtānāṃ yathā bhavet tathā dainyabhāvāt sādhubhāvāt 
yatirbhūtānāṃ saubhagāya śreyase caret | kadāpyudvejanaṃ na kuryādityarthaḥ | 
yadvā bhūtānāṃ dainyabhāvāt teṣvārtatvamavagamya tacchreyase 
yatiścaredityarthaḥ | kadāpi svadehadhāraṇamātretarapratigrahaṃ dānaṃ vā na 
kuryādityāha- pakvamiti | dvaitanadīmadvaitanaukayā tīrtvā 
tatpārabrahmabhāvametya jīvanmukto bhavedityāha- advaitamiti | 
vāṅmanaḥkāyavṛttau satyāṃ jīvanmuktatā kuta ityatra tannigrahopāyāmāha##-
karmaṇeti |

p. 267)

yasmādevaṃ tasmāt | yatīnāṃ duḥkhābhāvamāha- rathyāyāmiti | 
niragnerapyagnihotritvamāha- prapañcamiti | 
parāparabrahmaviṣayakapravṛttiḥ dvidhā bhidyata ityāha- pravṛttiriti | 
jñānābhyāsavatāṃ nirviśeṣabrahma-mātrajñāninām | 
jñānasamakālasvabhāvāpattidṛṣṭānto'yam- otuḥ biḍālaḥ tasya 
kṣaṇadhyānamātrato lakṣyagrāsatvāt | aparabrahmaviṣayā pravṛttistu vānarī 
bhāktameva ca markaṭamuṣṭinyāyena krameṇa kāryasādhikā bhavatītyarthaḥ | 
vidvān jaḍavalloka ācaredityāha- neti | pāparāśau sati vidvattā kuta ityatra 
praṇavaniṣṭhāgninā pāpakulaparvate bhasmāvaśeṣite'tha vidvān bhūtvā 
brahmamātraparyavasanno bhavatīti śāstramupasaṃharati - sarveṣāmiti | 
arthānusaṃdhānapūrvakaṃ tāraṃ dvādaśasāhasramabhyaset | tasya 
dvādaśabhirmāsaiḥ cittaśuddhiprāpyajñānadvārā paraṃ brahma 
svāvaśeṣadhiyā prakāśata iti | dvādaśasahasrapraṇavajapataścittaśuddhirudeti | 
tataḥ śrutyācāryaprasādalabdhajñānaṃ bhavati | nirviśeṣasamyagjñāna##-
saṃnyāsopaniṣatsamāptyarthaḥ || 98-123 ||

iti dvitīyo'dhyāyaḥ |

śrīvāsudevendraśiṣyopaniṣadbrahmayoginā |
saṃnyāsopaniṣadvyākhyā likhitā brahmagocarā |
saṃnyāsopaniṣadvyākhyāgranthastu dviśataṃ smṛtaḥ ||

iti śrīmadīśādyaṣṭottaraśatopaniṣacchāstravivaraṇe 
pañcaṣaṣṭisaṃkhyāpūrakaṃ saṃnyāsopaniṣadvivaraṇaṃ saṃpūrṇam ||





###########   END OF FILE  #######