####################################################
MUKTABODHA INDOLOGICAL RESEARCH INSTITUTE
Use of this material (e-texts) is covered by Creative Commons license BY-NC 4.0
Catalog number: M00576
Uniform title: saravatīstotram mantrabhāsyam aṣṭādaśajātinirṇaya
Manuscript : Shri Ragunatha Temple MSS Library Jammu no: 2674 k
Manuscript : Shri Ragunatha Temple MSS Library Jammu no: 2675 kh
Manuscript : Shri Ragunatha Temple MSS Library Jammu no: 2676 g

Description: 



Notes: 
Manuscript selected by Mark S.G. Dyczkowski. Data-entered by the staff of Muktabodha under the supervision of Anirban Dash.

Revision 0: October 9, 2021

Internet publisher : Muktabodha Indological Research Institute
Publication year : 
Publication city : 
Publication country : United States
####################################################



p. 1a) 
oṃ śrīgaṇeśāya namaḥ | oṃ namaḥ sarasvatyai | 

oṃ kathaṃ sārasvataḥ prāptikenopāyena subrata |
mahāsarasvatī devī tuṣṭā bhavati tadvada || 1 || 

śrī āśvalāyana uvāca ||

śṛṇudhvaṃ ṛṣayaḥ sarve guhyādguhyataraṃ mahat |
daśaśloketi vikhyātaṃ vadāmi dhyānapūrvakaṃ || 2 ||

aṃkuśaṃ cākṣamālāṃ ca pāśapustakadhāriṇīṃ |
jvālāmālāsamāyuktāṃ devīṃ dhyāyeccaturbhujāṃ || 3 || 

sitena darpaṇābhena vastreṇa paribhūṣitāṃ |
sustanīṃ vedi madhyāṃ tāṃ caṃdrārdhakṛtaśekharāṃ || 4 ||

jaṭākalāpasaṃyuktāṃ pūrṇacaṃdranibhānanāṃ |
kaṭake svarṇaratnāḍhyairmuktābalivibhūṣitāṃ || 5 ||

trilocanāṃ mahādevīṃ svarṇanūpuradhāriṇīṃ |
kaiyūrairmekhalādyaiśca dyotayaṃtīṃ jagatrayaṃ || 6 ||

śabdabrahmāraṇīṃ dhyāyejjñānakāmaḥ samāhitaḥ || 7 ||

oṃ asya śrīsarasvatīstotramaṃtrasya āśvalāyana ṛṣiḥ anuṣṭūpchaṃdaḥ 
śrīvāgvādinīdevatā daivīṃ vācamajamati bījaṃ yadvāgiti śaktiḥ praṇodevīti 
kīlakaṃ ātmanaḥ sarasvatī devī prasāda siddhyarthe parameśvara prītyarthe 
pāṭhe viniyogaḥ || 9 ||

oṃ paraṃbrahmātmikāṃ devimbhuktimuktiphalapradāṃ |
praṇamya staumi tāmeva jñānaśakti sarasvatīṃ || 10 ||

yā vedāṃtokta tatvaika svarūpā paramārthataḥ |
nāmarūpātmikā vyaktā sā māṃ pātu sarasvatī || 11 ||

yā sāṃgopāṃga vedeṣu caturṣvekaiva gīyate |
advaitā brahmaṇaḥ śaktiḥ sā māṃ pātu sarasvatī || 12 ||

yā varṇapadavākyārtha svarūpeṇa nigadyate |
p. 1b) 
anādinidhanānaṃtā sā māṃ pātu sarasvatīṃ || 13 ||

nāma jātyādikaṃ sarvaṃ yasyāmāveśyatāṃ punaḥ |
dhyāyaṃti brahmarūpasthā sā māṃ pātu sarasvatīṃ || 14 ||

nāmajātyādibhirbhaidairaṣṭadhā yā vikalpitā |
nirvikalpātmikaikaiva sā māṃ pātu sarasvatīṃ || 15 ||

yā pratyagdṛṣṭibhiḥ prajñairvyajamānānubhūyate |
vyāpinī jñapti rūpaikā sā māṃ pātu sarasvatīṃ || 16 ||

aṃtarvyāpyātmanā viśvaṃ trailokyaṃ yādhi gacchati |
rudrādityādi rūpasthā sā māṃ pātu sarasvatīṃ || 17 ||

adhyātmamadhidaivaṃ ca daivānāṃ samyagīśvarī |
pratyagāste vadaṃtī yā sā māṃ pātu sarasvatīṃ || 18 ||

vyaktāvyakta giraḥ sarve devādyā vyāharaṃti yāṃ |
sarvakāmadughādhenuḥ sā māṃ pātu sarasvatīṃ || 19 ||

yāṃ viditvākhilaṃ baṃdhaṃ nirmathyāmalavartmanā |
yogīyāti paraṃ sthānaṃ sā māṃ pātu sarasvatīṃ || 20 ||

yaḥ kavitvaṃ nirātaṃkaṃ bhuktimuktiṃ ca vāṃchati |
sobhyarcyaiva daśaślokyā bhaktyā stauti sarasvatīṃ || 21 ||

bhakti śraddhā viyuktasya ṣaṇmāsātpratyayo bhavet |
tataḥ pravartate vāṇī svechāyā lalitākṣarā || 22 ||

gadyapadyātmikavaśya prameyaiśca vivakṣitaiḥ |
aśrutaṃ budhyate graṃthaṃ prāyaḥ sārasvataḥ kaviḥ || 23 ||

śrutaṃ ca dhārayedāśu skhaladgīḥ spaṣṭa vāgbhavet |
prakhyātaḥ sarvalokeṣu vāgmī bhavati pūjitaḥ || 24 ||

ajayyaḥ pratipakṣyāṇāṃ svayaṃ jetā ca jāyate |
svayūthyairvedavāhyairvā vivāde prastute sati || 25 ||

ahaṃ vācaspatirviṣṇuḥ śivaścāsmīti bhāvayet |
evaṃ bhāvayatānena vācaspatirapi svayaṃ || 26 ||

na śaknoti samaṃ vaktuṃ nareṣvanyeṣu kā kathā |
p. 2a)
na kāṃcana striyaṃ niṃden na devān nāpi vai dvijān || 27 ||

parāpavādaṃ no kuryāt tiraskuryānna yoṣitāṃ |
anāryairnābhibhāṣeta sarvatraiva kṣamī bhavet || 28 ||

sarvatraiva priyaṃ brūyād yadīchet siddhimātmanaḥ |
ślokaireva tiraskuryād dviṣaṃ taṃ prativādinam || 29 ||

prativādi gajānāṃ ca siṃho bhavati mānavaḥ |
yadvāgiti dṛcenaiva devīṃ yorcayati sadā || 30 ||

tasya nāsaṃskṛtāvāṇī mukhānniḥsarati kvacit |
tvaṃ bhūtasannidhiḥ sākṣādyauścaiva pṛthivī dhṛtiḥ || 31 ||

lajjāpuṣṭiruṣā caiva kṣamātuṣṭistathaiva ca |
ye tvāṃ māteti durgeti devāgarbheṃbike pare || 32 ||

bhadreti bhadrakāleti kṣeme kṣema tareti ca |
prātaścaivāparāhne ca stoṣyaṃtyānamramūrtayaḥ || 33 ||

teṣāṃ hi prārthitaṃ sarvaṃ tvatprasādādbhaviṣyati |
kṣīredadhyupahāraiśca bhakṣyairbhojyaiśca pūjitā || 34 ||

nṛṇāmaśeṣakāmāṃstu prasannā sā prayacchati || 34 ||

yā kuṃdeṃdu tuṣāra hāra dhavalā yā śubhra vastrāvṛtā 
yā vīṇā varadaṃḍa maṃḍitakarā yā śveta padmāsanā |
yā brahmācyutaśaṃkaraprabhṛtirdevaiḥ sadā vaṃditā 
sā māṃ pātu sarasvatī bhagavatī niḥśeṣajāḍyāpahā || 35 ||

dorbhiryuktāścaturbhiḥ sphaṭikamaṇimayīmakṣamālā dadhānāṃ |
haste naikena padmaṃsitamapi ca śukaṃ pustakaṃ cāpareṇa ||
yā sā kuṃdeṃdu śaṃkhasphaṭikamaṇinibhābhāsamānāsamānā |
sā me vāgdevate yaṃ nivasatu vadane sarvadā suprasannā || 36 ||

yā devī stūyate nityaṃ brahmeṃdra surakinnaraiḥ |
sā me vasatu jihvāgre padmahastā sarasvatī || 37 ||

p. 2b) 
pāśāṃkuśadharāvāṇī vīṇāpustakadhāriṇī |
mama vaktre vasennityaṃ dugdhakuṃdeṃdu nirmalā || 38 ||

ityāśvalāyana idaṃ nijagādadevyā 
stotraṃ samānapadabhoganidhānabhūtaṃ |
etatpaṭhendvijavaraḥ śucitāmupaiti 
sadyaḥ suvāṃcchitaphalānyupayāti śighraṃ || 39 ||

iti śrīmaharṣiṇā āśvalāyanakṛtaṃ śrīsarasvati stotraṃ samāptam ||

śubhaṃ bhūyāt sarvajagatām ||

oṃ śārikā bhagavatyai namaḥ | 

oṃ namaskāro namaskaryo namaskartā na yatpṛthak |
namātmānaṃ namāmyevaṃ nityanevāhamātmanā || 1 ||

vijayeśvara vāstavya somānaṃdasya sūnunā |
maṃtrabhāṣyamidaṃ kḷptaṃ padavākyaiḥ suniścitaiḥ || 2 ||  

upanayana prabhṛti brahmacārisyāḥ || 1 || 

upanayanaṃ śiṣyasaṃbaṃdhi cittasya brahmātmaka guru kartṛkaṃ svasamīpa 
prāpaṇaṃ svacittena saṃyojanaṃ | yatpūrvamevoktaṃ | mama brate hṛdayaṃ te 
dadāmi | mama cittaṃ anucittaṃ te astu ityādi | tadādi bratacārī brahmacāriṇo 
brahmasvarūpagurusamīpaprāptiḥ gururūpeṇa sthitiśca mukhyaṃ brataṃ 
vartanaṃ sthitiriti yāvat | atha canupanayanaṃ brahmasvarūpagurusamīpaprāptiḥ 
tadananyatva prāptiriti yāvat | tadādi vakṣamānāni bratāni caritaṃ saṃbhavo 
nānyatheti bhāvavaḥ saṃbhāvanāyāṃ li"n || mārgavāsaḥ 2 ||

mārge śuddhādhvani brahmaikatā na tālakṣaṇe nivasan syā iti 
sarvatrānuṣaṃgaḥ || 2 || 

saṃhatakeśaḥ || 3 || 

naśvarasukhavitaraṇasamarthā bhagādi viṣayāḥ saṃhatā hiṃsinā yasya 
viṣayareseṣvatpannaṃ nirmūlitavāsanā ityarthaḥ | yadvā | kaṃ sukhaṃ 
viṣayādo biṃdurūpaḥ |

p. 3b) 
tasya īśaḥ svāmikāraṇaṃ sāgararūpo brahmānaṃdaḥ saṃhato 
dṛḍhasaṃdhisahitonubhavapathamagato yasya sa tathā vidhiḥ | cidānaṃdaghana 
ityarthaḥ | śudhādhvavāsanaṃtaramavaśyaṃ cidānaṃdalābha ityata eva 
mārgavāsa ityuktvā | saṃhatakeśa ityuktaṃ | dṛḍhasaṃdhistu saṃhata ityamaraḥ 
| vakṣamāṇaṃ dehādi damanaṃ kartuṃ sa tāṃ saṃgararcayetyupadiśati || 3 ||

bhaikṣyacāryavṛttiḥ || 4 || 

bhaikṣyaṃ punaḥ punastatvopadeśayācanā | ācāryebhyastatvamasyādi maṃtra 
vyākhyā kṛdbhyaḥ | sakāśādvṛttirvetanaṃ yasya saḥ | vedāntavākyaśravaṇe 
nityamudyatamatirityarthaḥ || 4 ||

saśalkvavaṃduḥ || 5 || 

saśalketvakparivṛtte he he viśvatra vā prameya daṃḍodamanaṃ | anātmani 
ātmābhimānatyāgena nisnehatvaṃ yasya saḥ | yadvā śalkeṣu 
śarīralapitaprāṇeṣu arthātkāyavā"nmanassvadamanaṃ yasya | tridaṃḍīsyā 
ityarthaḥ | uktaṃ ca | 

vāgdaṃḍotha manodaṃḍaḥ kāyadaṃḍastathaiva ca |
yasyai te niyatā daṃḍāḥ sa tridaṃḍīti kathyate || iti | 

kakāro vāyuvācakaḥ | prāṇadamanenaiva manodaṃḍaḥ | manaḥ prāṇayauḥ | 
nitya sāhacaritvāt || 5 ||

saptamuṃjāṃmekhalāṃ dhārayet || 6 || 

buddhimiti śeṣaḥ | mujiśabde iti dhātau | saptasaṃkhyakāḥ | muṃjā | vimarśāḥ 
| śubhechāyā bhūmikāḥ | yogaśāstre prasiddhāḥ |

jñānabhūmiḥ śubhechākhyā prathamā parikīrtitā | 
vicāraṇā dvitīyā syāt tṛtīyā tanumānasā || 

sattāpattiścaturthī syāt tato saṃsakti nāmikā |
padārthā bhāvanā ṣaṣṭhī saptamī turyagā smṛtā ||

ityevaṃ rūpābhūmikāḥ ||

tatra nityānitya vastu vivekādi purassarāphalaparyavasāyinī | 
molechānāmaprathamā bhūmikāḥ ||

p. 3b) 
tato gurumupetyavedāntavākyavicāraḥ | śravaṇamananātmako dvitīyā || 2 ||

tato nidadhyāsanābhyāsena cittaikagratayā sūkṣmatara vastuvimarśayogyitvaṃ 
tṛtī || 3 ||

tataḥ paramaśivādvai tu sākṣātkāraṇaṃ caturthabhūmikā || 4 ||

iyameva phalarūpā | asaṃsaktyādyāstu tisra asyā eva viśeṣaḥ | ādyāsu tisraṣu 
jāgradavasthātvaṃ | dvaitasya bhaidanā ca bhāsāt | caturthī punaḥ svapnāvasthā 
jagato mithyātvāvabhāsāt || 4 || 

nivikalpakasamādhyavasthā lakṣaṇā asaṃsaktiḥ suṣuptiḥ || 5 ||

ataḥ svayameva vyutthito bhavati yogī | tataḥ tadabhyāsaparipākena yā 
cirakālāvasthāyinī sā padārtha bhāvinī gāḍhasvaṣuptiḥ ||

ataḥ paraprayatnena vyutthānaṃ || 6 ||

yasyāmavasthāyāṃ na svato na vā parato vyutthito bhavati | 
bhevābhāsasyātyaṃtamanava bhāsāt | kiṃtu sarvatra sarvadā parameśvara maya 
eva paripūrṇaparamānaṃdaghana eva sarvatastiṣṭhati | sā saptamī turyāvasthā | 
iyameva mekhalārūpā śubhecchādi saptabhūmikāprakārairvimarśavatīṃ me 
vede khaṃ akāśaśarīraṃ brahmalāti gṛhṇātīti | tathā vidhāṃ buddhiḥ 
sūkṣmārtha bodhānubhāvadhārayeḥ | śuddhabrahma bhavedityarthaḥ | evaṃ 
śuddhaṃ brahmasāyujyaṃ prāptaḥ san dhanadārādi vimarśatyāgo vaśyaṃ 
saṃbhavedityāha || 6 || 

na madhumāṃsa ityādi || na madhumāṃse aśnīyāḥ || 7 || 

madhumakṣikā saṃcitamadhutulyodravi saṃcayaḥ | māṃsarudhirāthaṃ 
jagupsitaṃ dehaḥ | tau ubhau nāśnīyāḥ tadvimarśaṃ tyajeḥ | yadukta 
vāsiṣṭayoge | 

dhanāni nābhivāṃchaṃte tamāṃsīvavivekinā | iti | tathā ca 

p. 4a) 
kva māṃsarudhirādīni kva tvaṃ caitanya vigraha iti | kecit tu jīvādvyatiriktaḥ | 
sakalo deho māṃsaṃ | māṃse dehe | pumeya rūpe | madhunīvā | svādayati | 
nāśnīyāḥ | kiṃ tvanāsakta evāsvādabuddhimapahāya viṣayān 
prārabdhasaṃskārabalādyathā | prāptaṃ bhuṃjīthā ityāhuḥ || 7 ||

kṣāralavaṇavarjisyāḥ || 8 ||

kṣārāvinaśvarā bhāvāssrakvaṃdana nāyikāyāḥ | tadīyaṃ lavaṇaṃ 
bhāvapradhānatvena nirdeśasya lāvaṇyaṃ varjayati | tacchīlaḥ || 1 || 

kṣareṣu tuchatva bhāvanayānīrasā ityarthaḥ || 8 ||

ācāryasyā pratikkulaḥ || 9 ||

guroḥ brahmaika paratā bhāvaparyāya prātikūlya tyāgena sadṛśaḥ || 9 ||

sarvakāryāḥ svataṃtraḥ || 10 ||

sarvakāryeṣṭīśvarādhīnatvajñānena nirahaṃ matiḥ || 10 ||

pūrvotthāyī || 11 ||
pūrvasminkaraṇe'jenidadhyāsaṃnāyoḥ yuktamatiḥ || 11 ||

jaghanyasaṃveśī || 12 ||
jaghanye paścādbhāvini kārye nāstīti | pratyayādanā saṃgena svapnaḥ || 12 ||

yattvāṃmupeyāttadasmaidadyāḥ || 13 ||
yattvāṃ vikalpasaṃmataṃ sthūlasūkṣmaṃ vopeyātmanaḥ śrayet ||
tadā'cāryāya sakalapracodakāyeśvarāyadadyāḥ | mano yeneśvareṇa 
pracoditaṃ tadaṃtarmukhatve sakalaṃ vikalpitaṃ vilāpayeḥ || 13 || 

bahūnāṃ yena saṃyuktastadasmaidadyāt || 14 ||
bapunā bhavānāṃ vikalpitānāṃ vā madhye yena vastunā vikalpitena vāmaṃ 
yuktasteṣu teṣu vikalpeṣu nimagno bhavasi | tatsakalaṃ asmai | asmīti 
sarvānubhavaviṣayāyātmanodayā | aparyeḥ | ata evāgataṃ | etena sthiti ma da ta 
etadbhāvaṃ sarvaṃ nayeḥ || 14 ||

nāsya śayyāmāviśeṣaḥ || 15 ||
asyātmano layā'paraparyāyāṃ vismṛtirūpāṃ 

p. 4b) 
śayyāṃ nāviśeḥ āviṣṭacittaḥ satprabuddho bhaveḥ | yaduktaṃ | laye 
saṃbodhayeccitaṃ vikṣiptaṃ śamayet punariti vedāṃtiki dṛṣṭi 
bhāvayanupadiśati || 15 ||

narathamāruheḥ || 16 ||
nāpyati vegaṃ manorūpaṃ rathamāruheḥ tyakta saṃkalpaḥ syā ityarthaḥ | 
yadvā rathaṃ śarīraṃ nāruheḥ | śarīrārohanaṃ ca anātmani deheṃdriyādau 
viṣaye | atasmin tadbuddhilakṣaṇo'dhyāsa eva tvaṃ pratyagātmāsan putraṃ 
bhāryābhidheyeṣu vikalpeṣvahameva vikalassakaloveti | vāhyadharmādhyāsaṃ | 
tathā ca kṛśohaṃ sthūlohaṃ tiṣṭhāmi gachāmīti | dehadharmā dhyāsaṃ | 
tathā mukaḥkāaṇaḥklīvobadhirohamiti | indriya dharmādhyāsaṃ | tathā sukhī 
ahaṃ dukhīnprahasityantaḥ karaṇadharmādhyāsaṃ tyajerityarthaḥ | 
atyaṃtaviviktayostama prakāśavadvirudha svabhāvayoḥ pratyagātmā 
nātmanostaddharmāṇāṃ ca anyonyābhāva eveti jānīyāḥ | ātmānaṃ 
rathinaṃ viddhiśarīraṃ rathameva ceti śruteḥ | aṇyermāyādi kaṃcukaṃ 
vastrasthānīyamiti | śaivaśāsanamāha || 16 ||

na saṃvastrayethā || 17 ||
yathā na vastramivāvaraṇaṃ māyādi bhavet | tathā kuryāḥ kośatrayaveṣṭanaṃ 
tyajetyarthaḥ | varṇitaṃ ca kośatrayaṃ | yathā | paramāvaraṇaṃ mala iha 
sūkṣmaṃ māyādikaṃcukaṃ sthūlaṃ | bāhyaṃ vigraharūpaṃ kośatraya 
veṣṭito hyātmā | ājñānatimarayogādekamapi svaṃ svabhāvamātmānaṃ | 
grāhyagrāhaka vaicitryeṇāvabuddhyeta iti || 17 ||

sarvāṇi sāṃsparśakāni strībhiḥ sahavarjayeḥ || 18 ||
samāhitaḥ san sakalāni

p. 5a) 
manoniveśanotsādana maraṇādīnisaṃsaṃgakāraṇāstrībhiḥ 
rupabhogyābhiraṇimādi siddhibhissamaṃvarjayeḥ | brahmajñānaviṣayarasa 
pratibaṃdhaka tvātsiddhīnāṃ | kecit prayojakāminaḥ | puruṣā eva jñeyāḥ | 
bhogābhilākṣiṇo martyāḥ kāminyaḥ kathitāḥ budhaiḥ | tadbhogināṃ 
tyajetsaṃgaṃ kāminīsaṃgavannara ityuktatvādityācakṣate | 
prakṛtipuruṣavivekajñānaṃ sāṃkhyaśāstrasiddhasupadiśati || 18 ||

na muṣitāṃ prekṣeḥ || 19 ||
bhavataḥ puruṣasya guṇamayyāprakṛtyāsaṃyogepi sati | muṣitāṃ sarvai 
bhuktabhogāṃ prakṛtiṃ na prekṣeḥ | prakṛtirapi anyāpuruṣopi anya iti viveka 
jñānbhavetyarthaḥ | yadvā brahmaṇo'bhedaṃ buddhyāgrahītvena nissāraṃ 
siddhiṃ prekṣitumarpi na cocitaṃ | bhedānupadāne tu siddhimatvamapi na doṣāyeti 
bhāvaḥ || 19 || 

na vihārārtho jalpeḥ || 20 ||
yatastvaṃ keliṃ mapahāyānanyaprayojanaḥ | tataścāturya prakhyāpan | jalpanaṃ 
na vidadhyāḥ vāco viglāpanaṃ tat nānudhyāyedvapūnchabdānvāco 
viglāpanaṃ hi tat iti śruteḥ || 20 ||

na rucyarthaṃ kiṃcana dhārayethāḥ || 21 ||
yatra lokottarānaṃda janane īdṛśasyate ruciḥ | taduktaṃ | kimapi na dhārayethā 
eva | yadvā jīvanmuktadaśāyāṃ kiṃ ca | kimapi vasturucyarthena na 
dhārayethāḥ | yasmin vastunyabhilāṣo bhavet tatraivāvatiṣṭhetyarthaḥ | yatra 
rucistatra vidhi yatra ca nāsti tatra niṣedhaḥ | ityasmākaṃ viveko 
hṛdayaparispaṃdamātra śāstrāṇāmityukta tvāt | vijñānabhaṭṭārakepi | 

yatra yatra manoyāti tatra tatra dhārayet |
calitvā yāspate kutra sarvaṃ śivamayaṃ jagaditi ||

p. 5b) 
athavā | kiṃ ca na vastujātaṃ | abhilāṣārthaṃ na dhārayethāḥ | kasmiṃścidapi 
padārthe rāgonuvidheya iti tātparyam | etaścārurukṣudaśāyāṃmavagaṃtavyam 
|| 21 ||

nasnāyāḥ || 22 ||
viṣayeṣu na hradanīyaṃ | yadvā | svātmanaḥ śodhanaṃ tava na kartavyaṃ | svata 
eva nirmalā cidrūpatvānnaiva śaucāpekṣā iti ca | yaduktaṃ | nitya nirmala 
evāyaṃ svata suṃdara īśvaraḥ | ghaṭādi devagṛhavat kṣālanaṃ nārhati 
prabhuḥ || 22 ||

udakaṃ vābhyupeyāḥ || 23 ||
udakaṃ aśca duḥkhaṃ vauṣapikaṃ rasameva nāṃgī kuryāḥ | vākāro 
niṣedhārthaḥ |

dhātavaścopasargaśca nipātaśceti tattrayaḥ | 
anekārtha latāḥ sarve pāṭhasteṣāṃ nidarśanamiti || 

yadvā | udakaṃ jala jaḍaṃ viṣayātmakaṃ bhogyavargaṃ abhyupeyāḥ 
saṃmukhatvena bhoktṛrūpeṇāṃgī kuryāḥ | vākārotra 
viṣayakrīḍanātmakapakṣāṃtara vyāvṛtyarthaḥ || 23 ||

yadi snāyā daṃḍa evāpsu parilevethāḥ || 24 ||
yadi viṣayabhogaṃ vidadhyāḥ tarhi na tadraseṣvāsaktāḥ syāḥ || 24 ||

muṃḍo jaṭilo śikhi vā bhava || 25 ||
īdṛśasyate vahyadehadharme muṃḍādibhāvena grāhyaḥ | sarvathātvaṃ muktaḥ 
kiṃ muṃḍaḥ syāṃmunajaṭilo bhaveyamiti | vimarśe vāhyācāra viṣayaṃ tyaja | 
yathāruci | tathā bahi tiṣṭheti tātparyaṃ | yadvā | vācārthe 
muṃḍaḥkeśāparaparyāya sakalaviṣayatyāgī muṃḍikhaṃḍane iti pāṃḍavaḥ | 
jaṭilassakalaviṣayagrāhī | jaṭasaṃghāte | śikhījñānatejomayaśca syāḥ bāhye 
deha śirasi api śikhādhāraṇaṃ | abhyaṃtarāyā jñānajvālāyāssvarūpameva 
bodhayati | bāhyakapālaviṣaye sthitāḥ |

p. 6a) 
keśacaṃdrakarūpiṇī vāhyaśikhā | abhyaṃtarāyāḥ saṃvijvālāyāḥ 
śikhāśabda vācyāyāstatvaṃ jñāpayati | sarvātītājñānajvāleti | iti 
vāhyaśikhāpi | abhyaṃtarasya tatvasya jñāpikaiva | evaṃ 
vāhyayajñopavītādiṣu jñāpakatvameva bodhavyaṃ | yaduktaṃ | 
jñānadīpaśikhāyāsauhṛdvyomāṃtaracāriṇī bhitvā kapālakuharī 
dvādaśāṃtordhagāminī || 25 || 

sāyaṃ prātassaṃdhyāmupāsīthāḥ || 26 ||
avasite dinarūpe lokavyavahāre anudgatāyāṃ ca 
rātrirūpāyāmavidyāstamayātmikāyāṃ samādhi daśāyāṃ 
yomadhye'bhisūkṣmataro'nuścāryoddaśaścidekarūpa 
ātmāsaṃdhyātāmupāsīthāḥ anusaṃdadhyaḥ | yaduktaṃ | vijñānataṃtre | 

anāgatāyāṃ nidrāyāṃ pranaṣṭe vāhyagocare |
sāvasthā manasāgamyā parādevī prakāśate ||

pare tatve ca saṃdhānaṃ saṃdhyā iti ca kathyate || 26 ||

tiṣṭhe pūrvāṃ || 27 ||
pūrvāṃ saṃdhyāṃ lokavyavahāre kṣīyamāne aṃtarmukhatva lakṣaṇāyāṃ 
saṃdhyāyāṃ tiṣṭheḥ | aṃtarmukhabhāve utthānamudyogaṃ vidadyāḥ || 27 ||

āsīthā uttarām || 28 ||
aṃtarmukhasya yogino vyutthāna daśāyāṃ krameṇa saṃbhavaṃtyāṃ yā 
madhye saṃdhyā uttarā tasyāmevāsīthāḥ | aṃtamukha bhāvatyāgena 
vyutthāne vṛtti kuryā iti bhāvaḥ || 28 ||

oṃ bhūrbhuvasvarityuktvā | tatsavituriti sāvitrī manubrūyāḥ || 29 ||
oṃ brahmabhūrbhuvassvaḥ sakalaṃ viśvaṃ sarvaṃ khalvidaṃ brahma ityarthaḥ | 
ityuktvā | itthaṃ vimṛśya tatsavituvareṇyaṃ bhargo devasya dhīmahi dhiyo yonaḥ 
pracodayāt iti sāvitrīṃ gāyatrīṃ cidāditya saṃbaṃdhinī dīptimanu brūyāḥ | 
sarvatra sarvavā'navaratamabhyasyeḥ 

p. 6b) 
tatprākrāṃtaṃ | oṃkārākhyaṃ sarvatra prasiddhaṃ ca sarvairanubhūtaṃ ca 
cidādityasya devasya viśvanirmāṇe krīḍāśīlasya sarvakartuḥ sarvavyāpakatvena 
dyotamānasya sarvotkṛṣṭasya savaṃvaṃyasya sarvajñasyā * * ti prasiddhasya 
aṃtaryāmi rūpatayā sakaladhī prerakasya brahmaṇaḥ parapremāspadatvena 
ramanīyaṃ | tejo nijaṃ | prakāśarūpamātmatve | bhāvayāmena 
dehādiṣṭātmābhimānaṃ bhajāma ityanusaṃdadhyāḥ | etena savamātmatvena 
bhāvayerityuktaṃ bhavati || 29 ||

prāgastamayā niṣkramya | samidha āhāre | hariṇī brahmavarcasakāmaḥ || 30 ||
brahmatejaskāmassan | astamayātsamādheḥ | prāk niṣkramya vyutthāyahariṇīḥ | 
akhyāti hariṇī samidhaḥ | sādrāṇi dṛḍhayuktīni | brahmāgni saṃdīpanāni 
śāstrādijñānāni āhāreḥ | satyapi samidhau naivopayogyāni | iti śrutiriti 
śrūyate || 30 ||

sāyaṃ prātassaṃdhyāni smaraṇaṃ kartavyaṃ || 31 ||
sāyaṃ prātariti sakalopalakṣaṇaṃ | samastamahorātraṃ | saṃdhyopāsanā yāni 
smaraṇaṃ | nitarāṃ gamanaṃ | dehāt pṛthag bhūyaciti viśrāmaḥ kartavyaḥ yadi 
dehaṃ pṛthak kṛtyaciti viśramatiṣṭhasi | adhunaiva sukhī śāṃto baṃdhumukto 
bhaviṣyasi | iti vacanāt | saṃdhyā ca vidyāvidyayormadhyaṃ | tadubhaya bahistaṃ 
tadubhayavyāpakaṃ ca paraṃ tejaḥ || 31 ||

bhaikṣācaraṇaṃ kartavyam || 32 ||
sāyaṃprātaḥ bhikṣa tasya tatvopadeśasya caraṇamaṃtaścamatkāro vidheyaḥ || 
32 ||

agnīṃdhanaṃ kartavyam || 33 ||
tena ca brahmāgnerdīpanaṃ vidheyaṃ || 33 ||

sāyamevāgnirmaṃdhīthāḥ || 34 ||
ityeke sāyaṃmastamita

p. 7a) 
eva lokavyavahāre | brahmāgniropanaṃ kāryam | tatsatve tadasaṃbhāvādityeke || 
34 ||

bhaikṣasyācaraṇetyādi || 35 ||
....................... bhaikṣācaraṇāgnīṃdhanī || 35 ||

saptarātram || 36 || 
saptānāṃ srotasāṃ netragolakadvayaṃ karṇadvayaṃ nāsāraṃdhradvayaṃ 
sukhaṃ ca | iti saptasrotasāṃ rātrisaṃdhyāṃ | 
śabdādiviṣayabhogasyānanubhavo yathā bhavati | śabdādibhogān parihṛtya iti 
yathā bhavati | tathā acchutvā | yadvā |

 saptarātramiti ciramuktatvā | avakīrṇīkṣatabrato bhavet | iti brataṃ prāyaścittaṃ 
kuryāt | prāyaścittamātraṃ saptagāramiti | bahubhya ācāryebhyobhikṣitvā | 
satsaṃgavidhāya | sakarmoktaṃ parikīrtayan | vimṛśan | tebhyo labhyonopadeśena | 
ekakālakaṃ vartayet | vyutthānaṃmupahāya | samāhita eva vartate | upaspṛśya 
upasparśanaṃ śodhanaṃ | samādhilakṣaṇaṃ triṣavaṇamahorātraṃ vidhāya | 
kāmavakīrṇa ityādi ca vimṛśya | yathātvamīśvaratvāmāvakīrṇaḥ 
kāmeṣavikṣiptaḥ pracodakarūpeṇādau saṃvṛtta eva | atastaścodanā'tohamapi 
tādṛśobhūtaḥ kāmānāmabhilāṣāṇāṃmabhilāṣa bhūtāya te namaḥ | 
mamābhilāṣatastvaṃ yayanmāṃkārayasi | tanme doṣāya ityarthaḥ | kāmābhi 
dugdha iva | kāmairhiṃsitaḥ | kṛta saṃgatiḥ anyathāḥ | tatpracodakatvābhāvāt | 
anyat samānaṃ abdena meghena samādhinā | prasaṃkhyānepya'kusīdasyaṃ 
sarvadā vivekākhyāti dharmameghaḥ | samādhiriti | kṛtalakṣaṇena samādhinā | 
yadvā | 

abdena bahukālena | śuddhatīti bhadraṃ |

p. 7b) 
oṃ iha yadiṃdriyaiṣvāhyaigṛhṇāti vastu tadevāsya puruṣasyāṃtarvā 
sanārūpaṃ | sadbaṃdhatayāpariṇamanīti | brahmacāriṇo yadvāgādi | 
vāgādīṃdriya grāhyaṃ | tada(sya)hamidaṃ gṛhṇāmi ityapratyayena baṃdhakaṃ 
mābhūdityāśāste guruḥ || 36 ||

chṛṇu tu tvā vāk || 37 ||
ityādi | vākvedarūpatvā | tvā chṛṇu tu | uchṛdiradīptidīvanayoriti 
dhātvanusārāt | dīpayatu sarvatra brahmabhāvanayāhaṃ | paṭhāmyaḍi jānāmi 
saṃkalpayāmyahamityādyabhimānalakṣaṇajñānatamo bhedanenu 
prakāśayataṃ karodavaya taca | thak | haviṣamannaṃ ichāśaktirūpaṃ | 
payogīkṣīraṃ natvajapāḥ | jñānaśaktirūpaśca havihūyamānaṃ | 
ghṛtādiśabdasparśādikaṃ ca | rasā āsvādimāne | 
madhurādisaṃkalpakriyāśaktirūpaśca | somo'mṛtayajñaśeṣaḥ | 
viṣayānaṃdaśca | yajño devayajanaṃ | śabdāyāhuti | prakṣepeṇedriya tṛptiśca | 
brahmasacidānaṃdalakṣaṇaṃ | vedagamyaṃ prajāpatiḥ sṛṣṭikartā 
manolakṣaṇaḥ brahmacāri guruvacanamaśālirūpaṃ | 
āśīrvādirūpamupadeśaṃ śrutvā | sarvatra vāḍhamevamastvityāha | upadeśaṃ 
sanamya dhārayati || 38 ||

yadvedabrataṃ tadatra bratam || 39 ||
yadvede uktaṃ vakṣamāṇarūpaṃ bratamabhihitaṃ | tadatra brahmacāryye brataṃ 
bhavati | avaśyaṃ gṛhītavyamityarthaḥ || 39 ||

gururāha || 40 ||
brahmacārya'sīti || 40 ||

paṃcavikārānanukramiruṣyāmaḥ || 41 ||
brahmacāryasītyādīn paṃcavikārān viśeṣeṇa kāryān anukramiṣyāmaḥ | 
nānevāha

p. 8a) 
brahmacāryasi | satyaṃ | brahmasatyajñānātmakaṃ caranijānānīti | brahmacārī 
brahmavit | asīti bhavananubrahmacārī | madhurādirasān bhuṃjīta 
navetyāśakyāha || 41 ||

apośāna || 41 ||
apa iti āpyādīnāṃ sarveṣāṃmupalakṣaṇaṃ | tena sakalaṃ bhogyaṃ 
bhuṃkṣetyarthaḥ | nanu bhogyagraste manasi kuta eva 
brahmajñānavimarśadārḍhyaṃ bhavet tatrāha || 41 ||

karma kuru || 42 ||
karmaṇā bhavedityarthaḥ | kiṃ tatkarmetyapekṣāyāmāha || 42 ||

divāmāsuṣvāpsīḥ || 43 ||
divādivase cidāditya prakāśakāle māsuṣvapsīḥ | prakāśamane sarvavyāpake 
brahmaṇi pramatto mā bhūḥ | bhogyabhogadaśāyāmapi | 
āsvādyāsvādakarūpaṃ bhoktāraṃ brahmajānīyā | iti tātparyam | 
svaprakāśakaṃ svākāraṃ svasmiṃ sthitaṃ brahmakathamapahnava viṣayā | 
tadvyatirekena svayamevāvamaṃcovidaṣuriti bhāvaḥ | viṣayaciṃtāṃ 
nivārayanupadiśati || 43 ||

vācaṃ yaścha || 44 ||
vācamātyaṃrī madhyamālakṣaṇaṃ vācaṃ śāṃtā kuru vimarśaparityajya 
cidvimarṣaṃ manasi nidhāya sarvatrānāsakto bhukṣvetyarthaḥ | 
bhogyaciṃtādāyinamavidyāvatsaṃgaṃ tyājaya āha || 44 ||

māmalavadvāsodrākṣīḥ || 45 ||
malaṃ trividhaṃ | apūrṇamanyatā bhinne vayaprathya śubhāśubhavāsanā 
svarūpāṇavamāyīya | kāmaṃ svarūpeṇa triprakāraṃ malaṃ | upādhi viyate 
yasya tat malavat | evaṃ vidhivāsaḥ āvaraṇaṃ | māyā jagadaṃ paraparyāyaṃ 
eṣāṃ tān malavāsasaḥ na paśyeḥ || 45 ||

māsaṃ bhāṣethāḥ || 46 ||
tai sahasaṃbhāṣaṇamapyayogyaṃ ||

p. 8b) 
tat saṃgasya mohapravartakatvāt | arthādapalakṣadvāsasāṃ | 
śuddhabodhavimarśavatāṃ jātyākārāyupādhi śūnya brahmaika svarūpaṃ 
jagatpaśyatā saṃgo vidheya ityarthaḥ | taduktaṃ | saṃgassarvātmanātyājyaḥ 
sacetyaktvaṃ na śakyate | sasadbhireva kartavyassaṃgadoṣo harāhite | iti tataśca || 
46 ||

malavadvāsaso bhavaṃtyudakyāḥ sūtikāḥ āśucayaḥ | aṃtyāvasāyina iti || 47 ||
udakyāḥ rajasvalāḥ sūtikāḥ anullaṃghitadaśāhāḥ prasūtāḥ striyaḥ 
śvapākāḥ yukkasastriyaḥ āśucayaḥ suvarṇāśramadharmaśuddhi vikalāḥ 
aṃtyāvasāyinaḥ caṃḍālādyāḥ | etaśca | ye kepi saṃgaṃ nārhaṃti teṣāṃ 
sarveṣāmupalakṣaṇaṃ | udakyādyā | udakyā na bhavaṃti | malavadvāsasa eva 
jīvāḥ | udakyādyāna bhavaṃti | malavadvāsasa eva jīvāḥ | udakyādyā na 
bhavaṃtītyanvayaḥ | sarvaṃ vākyaṃ sāvadhāraṇaṃmityata evaivakāro 
gaṃtavyaḥ | amalavadvāsasaśce udakyāyā api bhaveyuḥ | tadā tatsaṃgo naiva 
dūṣyaḥ | yaduktaṃ vaiṣṇavaśāstre | 

viśatma ṣaḍguṇayutādarabiṃdanābha 
pādārabiṃdavimukhācchūpacaṃvariṣṭam | 
manyetadarpita manovacane hitārtha 
prāṇaṃ punāti sakulaṃ nanubhūrimāna iti || 

yathāloka udakyādi | saṃgaṃ pātakakaraṇatvāttyajati | tathā brahmacārī 
ajñānasaṃgaṃ tyajedityarthaḥ bhāvaḥ || 47 ||

na śmaśānaṃ gacheḥ || 48 ||
asthimāṃsādi saṃkula tvāt | śmaśāna dehaṃ na gacheḥ | dehosmīti | 
abhimānaṃ tyajediti bhāvaḥ || 48 ||

na śavaśarī paśyeḥ || 49 ||
śarīśarīropalakṣaṇaṃ sakalaṃ jagat | cidotaprotāṃgapratyaṃgatvā bhāvena 
dehamātreṇa paśyenna jānīyāstasya dehasya tadabhāve bhāvāt | cinmātratvāt | 
natvavidyayāvismṛtātma tatvasya tadajñāne

p. 9a) 
kiṃ vidheyamityāśaṃkyāha || 49 ||

anātṛṇaṃ śavaśarī dṛṣṭātrirātramupavaseḥ || 40 ||
anātṛṇa manāchāditaṃ | cinmātratvadarśanenānirastacetyabhāvam | 
śavakalpaṃ svadehaṃ jagatvā svadṛṣṭvā trirātraṃ bahukālaṃ trayāṇāṃ 
jñātṛjñānajñeḍhyānāṃ rātrirasphuraṇaṃ yathā bhavati tathā vā upavaseḥ 
upavāsaṃ cidekatā na tā cittavṛttitayā samasteṃdriyāṇāṃ | 
bāhyavastusparśābhāvalakṣaṇaṃ samādhiṃ vidadhyāḥ | yathātvāṃ punarapi 
nājñānāṃ spṛśet || 40 ||

madhumāṃse prāśyālabhya vā śarīraṃ punarbratamālabhethāḥ || 41 ||
madhumāṃse sakalabhogyopalakṣaṇe vā pūrvāpekṣe madhumāse 
prāśyasakalaṃ bhogyaṃ bhuṃjānaḥ | tena ca śarīramālabhyadehaṃ gṛhṇan 
dehābhimānī san | punarbrataṃ ttyāgalakṣaṇaṃ śuddhasvasvarūpāvasthānaṃ 
gṛhṇīyāḥ | madhumāṃse prāśanena karaṇaṃ tṛpti 
vidhāyakarasikabhogyapadārthabhogopalakṣate | bhogyabhogāveśaścet 
saṃpadyate tarhi śarīramālabhya mārayitvā punarbrata citasthitirūpaṃ 
vidadhyāḥ | ā"npūrvolabhirmāraṇārthaḥ | atra dehālaṃbhanaṃ dehadhikkāra 
eva na tu viśasanaṃ | tasyadhigimaṃdeha yadarthamadhaḥ pātanadetu 
rasikabhogyāveśo mama jāyate | kuta ityāha || 51 ||

yāni havirdūṣaṇāni tāni bhojana ḍū? || 52 ||
yāni agnau havirivātmani nārpitāni | tāni bhoktuṃ doṣa tadbhojanena pātityā 
petuḥ ātmārpita sakala vyavahāro bhuṃjerityarthaḥ || 52 ||

nocchiṣṭa bhuṃjīthāḥ || 53 ||
ucchiṣṭamatra śabdādi viṣayoktaṃ sukhaṃ sarvairupabhuṃjatvāt | tadbhogaḥ 
pātyatikaraṇaṃ || 53 ||

nocchiṣṭamanyasmaidadhyaḥ || 54 ||
ucchiṣṭamapi viṣaya sukhaṃ bhujyate | yadi tadānāsmai dadhyāḥ | kiṃtu 
cidātmanyevārpitaṃ kṛtvā nichayānāsakto bhujeḥ |

p. 9b) 
nanu etadgurubhiranubhūtatve nocchiṣṭaṃ sahajasukhamapi | tataśca 
kathamanubhavanīyamityāśaṃkyāha || 54 ||

kāmaṃ gurucchiṣṭamaśnīyāti hyācāryāḥ || 55 ||
gurubhiranubhūtasya paramārthika paramānaṃdānubhave yanno vidheya iti etat 
hyarthe | yato guruvanuśāsanamityarthaḥ | etenānāsakti bhoge pratiṣedhā bhāvāt 
prasaktaṃ bhodhikyaṃ pratiṣedhayati || 55 ||

mā gurubhuṃjīthā || 56 ||
citāvyayatopāya bhūtaprāṇasaṃdhāraṇārthaṃ | kiṃcid bhoktavyaṃ | na 
punarbhogādhikye vidhirityarthaḥ | kuryādāhāraṃ prāṇasaṃdhāraṇārthamiti 
vacanāt || 56 ||

vyādhitaviṣayametat || 57 ||
etadgurubhojanapratiṣedhavacanaṃ vyādhito'trādhikṛtamityarthaḥ | yasya 
gurubhoge viśiṣṭā ādhiścittapīḍā āśaktirūpā bhavet tasyāyaṃ niṣedhaḥ | na 
punarbhogeṣvanāsaktasya vidhirniṣedho vātreti bhāvaḥ | nanu kadācit saṃmṛti 
vyavahṛtirvāyunā tūlasyevetastato bhrāmyamānasya viṣayarasanimagnasya 
vismṛtātmano viṣayāsaktirbhavedyadi kastadā tannirākṛtāvupāya 
ityapekṣāyāmāha || 57 ||

yenechettena cikitsyet || 58 ||
yena svataṃtreśvara niyamena chedāsakto bhavet | tenaiva cikitsāṃ kuryāt | ayaṃ 
bhāvaḥ tvayā īśvaraikatānena bhāvyaṃ | īśvara eva tu yathā mithyāviṣayān 
grāhayati | tathā pāramārthika sahajasukhapraṇavaṃ manovidhāya | viṣayebhyo 
nivartayati ca na punarnijaḥ kopyapāyaḥ | īśvaropāsanānnivṛttistvayā kartavya iti 
| yadvā yena hetunā yasmin viṣaye ichānānnaiva kṛtvā cikitset | tameva 
bhogamātrayā datvā cittavālakaṃ vinodayet | anyathā kāṣṭāprāptaṃ 
viṣayārohaṇaṃ cittasya saṃbhavedityarthaḥ | atyaṃtaṃ viṣayatyāgena

p. 10a) 
viṣayātpraticittaṃ dhāvati | anichayā ichayadṛchāprāptena bhogena vā 
viṣayebhyovataraṃtyeva cittamiti svabhāva eva cittasyaiṣaḥ | yaduktaṃ | 

ahonuceta sacchitvāgatistyāgena yatkila |
ārohatyevarviṣayāñcheyāṃstāṃstu parityajet || iti || 58 ||

nanuktaṃ bhuṃjethāḥ || 59 ||
vaivārthe upajvālyaiva taddattamanaskatvena citprakāśaṃ sarvaprakaṭīkṛtyeva 
bhuṃjīthāḥ sarvetra cinmayatvabhāvanayāṃtarmukha eva vyutthānepi 
sansamādhisaṃskarā stutaḥ kṣīva eva bhogyaṃ bhuṃjīthā | na 
punarbhogabhāvanayeti bhāvaḥ || 59 ||

na mṛṇmaye bhuṃjīthāḥ || 60 ||
mṛṇmaye dehe nimitta saptamī yaṃ dehapuṣṭārthaṃ ye śabdādi viṣayāḥ 
tānbhuṃjīthāḥ viṣayatyāgaṃ kuryādityarthaḥ || 60 ||

na pratisaṃdadhyā ityeke || 61 ||
saṃdhānasya pratikūlaṃ pratisaṃdhānaṃ tyāgaḥ na tyāgaṃ kuryāt | 
anāsaktyā hi bhujyamānā api viṣayādūṣyāḥ syurityeke mukhyā ācāryā 
āhuḥ || 61 ||

sthānāsanaṃ || 62 ||
tiṣṭhatyasmindeheti sthānaṃ kāyaḥ tadāsanaṃ | tattyāgo dehābhimānavirahaḥ 
kartavyaḥ | asukṣepaso tiṣṭhatyaneneti vā sthānaṃ savit | tatrāsanaṃ 
ekatānatāvidheyetyarthaḥ | āsa upaveśane || 62 ||

pūrvāṃtareṣūpavāso vāgyasanaṃ ca || 63 ||
satsaptamī yaṃ pūrvoktaṃ vānthamanaṃ ca tadā bhavet | cetyarvāṃtaḥ 
parvāṇāṃ graṃthīnāṃ baṃdhanānāṃ kāmakrodhādīnāṃ mattānāśāḥ 
syuḥ saṃbadhibahutvādbahuvacanaṃ || 63 ||

kiṃcidagni yataṃ dṛṣṭvā prāṇāyāmaissaśuddhyate || 64 ||
kiṃ napi aprayataṃ | aśāṃtaṃ yathā bhavati tathā idamanojñaṃ paśyāmya 
manojñaṃ vānena hitaṃ me bhavatyahitaṃ vetyāsaktyādṛṣṭvā tena ca 
tadupahitatvenāpavitraḥ san | prāṇāyāmānvidhāya śudhyati | prāṇāyāmaśca 
prāṇānāṃ jīvabhūtānāṃ snehaviṣayānāṃ 
sragādisakalabhāvānāmāyāmaḥ

p. 10b) 
sarvatra brahmabhāvanayā nirviṣayatvena manaso vṛttinirodhaḥ | 
samādhyaparyāyāḥ bahuvacanaṃ ca viṣayāpahṛtacittasya sa taḥ punaḥ 
punabrāhmaikatā natāyā vidheyatvamāha | abhyāsena kauṃteyetyukteḥ | athavā 
prāṇasya prāṇaṃ cakṣuṣaścakṣuriti śruteḥ | sarva jīvasya dīrghīkaraṇaṃ ca 
saṃkucitatvaṃ vigālpa nikhile prameya paṭale citprakāśa khacitatvameva nānyat 
kiṃcit | prāṇasya sarvajīvasya paramīśvarasyāyā dīrghīkaraṇāni tai śodhanaṃ 
cidvimarśabāhulyenaiva śodhanaṃmiti yāvat || 64 ||

saṃdarśane trayaḥ kāryāḥ || 65 ||
traya iti mitita saṃkhyāḥ darśamātreṇeṣanmalinasya manācapayāsena 
śudhyāpatteḥ || 65 ||

saṃvyāhṛtyātho sapta || 66 ||
sapteti bahūpalakṣaṇaṃ | athodarśanāṃtaraṃ vyāhṛtau bāhye tadvacanarūpe 
abhyaṃttare taściṃtālakṣaṇe ca vyāharaṇe sati saptakāryāḥ 
darśanādanaṃtaraṃ ca tacciṃtayatotyāsaṃgenādhikaṃ mālinyamāpannasya 
bahunāyāsena śuddheḥ | atyarthaṃ brahmaikatānayā viṣayagatamapi manaḥ 
punaḥ pratyāhartavyam || 66 ||

samāsāya tu dvādaśa || 67 ||
dvādaśeti bahataropalakṣaṇaṃ | atho iti atrāpyanveti | darśanamaraṇāṃtaraṃ 
samāsādya tadviṣayadattamanaskena tattāṃ viṣayatāṃ āśratyadvādaśakāryaḥ 
adhikataraṃ malinasyāti bahunāyāsena śuddheḥ punaḥ punaḥ api atyaṃta 
samāhitena bhāvyaṃ | kathametena śuddhatītyāśaṃkyāha || 67 ||

sarvatra jyotirdarśanamudakopa sparśanam || 68 || 
sarvatra śuddhau jyotiṣaḥ prakāśasya darśanamevodakopa sparśanaṃ 
śuddhiheturityarthaḥ | kiṃtu jyotirityapekṣāyāmāha || 68 ||

sūryācaṃdramasaugau agniḥ brāhmaṇa ityeṣāmekenāpi śuddheti || 69 ||
yānīmāni sūryādīni | paṃcajyotīṃṣi | teṣāṃ 
sārabhūtamākābuddhityāgādātmarūpamekameva yajjyotirapi 
śabdādākārarūpatayā bhinnamapi asti | sūryādyākārāṇāṃ | 
tasminnāropitatvena | tadrūpatāvyatirekaṇāsatvāt |

p. 11a) 
tadbhāvanāpāyāt | tasminnaiva jyotiṣi pare tejorūpaṃ cidātmani dṛṣṭe 
svātmatayānubhūte śuddhyate jātyākārāyupādhimālinyaṃ tyajet | 
taddarśanārthameva ca | viṣayapratyahārāparaparyāya brahmaikabhāvarūpa 
prāṇāyāmakaraṇamupadiṣṭam | ityupadeśaṃ śrutvā brahmacārī bahvāyā 
sasādhyaṃ | brahmajñānamanvāno dīkṣāmeva śaraṇaṃ śrayati || 69 ||

avadhvaṃ manodaridraṃ cakṣusūryo jyotiṣā śreṣṭho dīkṣe māmāhiṃsīriti 
sūryaṃ divāgniṃ rātrau || 70 ||
avadhvaṃ caṃcalaṃ manaḥ naikatra brahmaṇi dṛḍhī bhavati | daridraṃ cakṣuḥ 
viṣayānubhavaṃ vidhāyāpi na nirākāṃkṣatāmeti | tena cānīteṣu viṣayeṣu 
manaḥ sajjati | yaśca sūryaścidarkaḥ śuddhikaraṇaṃ sajjyotiṣāṃ śreṣṭhaḥ | 
anuttamaṃ jyoti na punaḥ vāhyasūryādi divā baddhenāpi manasā 
daridraṇānāpi vā cakṣuṣā gṛhītuṃ śakyaḥ || 70 ||

dīkṣe māmāhiṃsīriti || 71 ||
sūryaṃ divāgniṃ rātrau iti śabde bhinnakrama iti hetoḥ | he dīkṣetvāmeva 
śaraṇaṃ śraye | tvamevokta vakṣamāṇopadeśarūpā | vismṛti māyā tāmasī | 
divāsūryamiva rātrau vahnimiva svaprakāśaṃ rātrirdivaṃ sakalaveya bhāsakaṃ 
brahma || 71 || 

māmāhiṃsī || 72 ||
vismārita svarūpatvena sarvatra bhavadasya bhāvamāpadyamānamiva | na kurvaiḥ | 
yadaiva me svātmarūpamapi brahmaviṣaya grahaṇena vismṛtamiva bhavet 
tadaivāgatya viṣayāpahāraṃ sarvatra brahmabhāvanayā vidhāya 
brahmaprakāśaṃ dadhyā iti bhāvaḥ | paratejaso vyāpakasyāpi vismṛti 
saṃbhāvanayā vihvalamiva dṛṣṭvā tannirākaraṇopāyamupadiśati || 72 ||

retasi skanne punarmāmaitviṃdriyamiti japet || 73 ||
retasi sakalabalarūpe | svātmaparaparyāye brahmaṇi skanne vismṛti sati | 
punarmāmaitviṃdriyamiti vimṛśet yathā || 73 ||

punarmāmaitviṃdriyaṃ punarāyuḥ punarbhagaḥ punarbrahmaṇamaitu māpuna 
draviṇamaitumā | yanmeyaretaḥ pṛthivīmaskanya doṣa dhīradhyasaradhyadayaḥ | 
yanme retaḥ prasicyate | 

p. 11b) 
yanma ājāyate punaḥ | yadvā me pratitiṣṭhasitena māmamṛtaṃ kuru | tena 
suprajasaṃ kuru || 74 ||

samādhi daśāyāṃ mṛteṃdriyamapi | iṃdriyaṃ cakṣurādi | māmaitu gachatu | na 
hyāgachatyapi tasminnāropitatvenāsatyabhūte | kāpi kṣatirme | 
kīdṛśamiṃdriyaṃ punarāyuḥ punariti vahvarthe | 
vahvāyuścirakālamāsamādhervartamānaṃ kālpanikena rūpeṇa punaḥ 
kīdṛśaṃ punarbhāgaḥ bahvaiśvaryaṃ nānāgrāhyāgrahaṇasamarthaṃ 
chāṃdaso liṃgaviparyayaḥ | punaśca viṣayāṃtarhitaṃ brāhmaṇaṃ 
brahmajñānaṃ | māmaitu | punardraviṇaṃ hṛdayaṃgajanihitaṃ | 
paratejorūpamaitu | samādhau vyutthāne ca na kāpi me hāniḥ samaṃ 
sarvatrāvasthitasyeti bhāvaḥ | yanmeyaretaḥ pṛthivīmaskan 
sakaṃdiragatiśoṣaṇayoḥ | askaniti chāṃdasamākhyātaṃ yanmamaretaḥ 
cidrūpaṃ balaṃ pṛthivīṃ gataṃ pṛthivīrūpaṃ sapannaṃ 
yaścoṣadhīradhyasarat | gataṃ yaścāpaḥ punastvarthe tadbahurūpamapi 
saṃpannaṃ ahamevādadhe | na tanmadrūpatāmati krātamapi bahubhūtamapi 
yenāha vismṛtātmevasyāṃ | yanme mama nijaṃ rūpaṃ retaḥ sakalabahurūpaṃ 
caitanyaṃ prasicyate | viṣayeṣu siktamiva bhavati | yanme ājāyate | āsamaṃtā 
prakaṭaṃ bhūyo bhavati | yaśca me pratitiṣṭhati viṣayā nanu bhavadapi | 
pratiṣṭhatamacyutamiva vartate | tena caitanyena māmṛta kuru | taccaitanya 
praṇavamanaso hi matto mṛtyurapi vibheti | tena ca suprajasaṃmatto yā 
prajāsaṃtatirūpecchājñānakriyālakṣaṇodeti | tāśobhanāṃ me 
hitāmatyaktamātmādṛśāṃ kuru | iti sakalapāpeṃdhana dāhakasya 
cidagnerabhyarthānā | etadvimarśena sadeva viśvasminkrīḍanmamrāḍiva 
nirdhanaṃ pratipakṣoriśśaṃkaṃ sarvaṃ bhrājayatīti śivam || 74 ||

atha cāturhotṛkavrataśikṣā || 75 ||

p. 12a) 
nanu cinmano buddhyahaṃkāralakṣaṇa vāsudevasaṃkarṣaṇa pradyumna 
aniruddhāścatvāraśceccāturhotṛke sakalaṃ jagat | ā *? nijvahvatā hotāraḥ 
upāsyā tat dvaitāpattiriti netyāha || 75 ||

na caturbhiḥ sahāsīthāḥ | na caturṇāṃ samakṣaṃ bhuṃjīthā | na caturbhiḥ 
sahāsīthāḥ || 76 ||

teṣu upāsya buddhya tatsaṃgaṃ gata iva nāsīthāḥ | āstāṃvopāsya buddhiryatra 
teṣāṃ sthitirbhavet tatra bījamivāṃkuru rūpatvayā pariṇataṃ | bhāvāneva | 
taduttīrṇena syāt | tadrūpatayā pariṇāmāt | tataśca na taissahāsīthāḥ | 
teṣūpāsya buddhā ca | tadapi tatvena bhuṃjīthāḥ kiṃ tu brahmabhāvanayaiva 
sakalaṃ bhogyaṃ bhuṃjīthāḥ | caturṇā teṣāṃ brahmarūpatvāvyatirekāt | 
brahmavai caturhotara iti | śruteścaturhotṛke | teṣāmupāsyatā kathanaṃ 
cidavyatiriktatvādhyāpanāya | etadeva viṣadayati || 76 ||

ekatamovā bhuṃjīthāḥ || 77 || 
ekaṃ brahmaivasanbhuṃjīthāḥ brahmajñānena brahmaiva bhavansakalaṃ 
karmakuryā iti śivaṃ | atra sphuṭasya bāhyārthasya 
traivarṇikāvaśyopeyasyācāryāterervyākhyā tatvepi | 
kuśakāśābalaṃvanenābhyaṃtarārtha kathanaṃ ruddhiti | prathamāśrama 
evatatvajñānajananārthaṃ | yadi brahmacāridaśāyāmeva kacidāyāta 
śaktipātasya vivekavaigāgyādi niṣṭhitā bhavet tarhi kaṃ 
prayojanāmāśramātturālaṃbane kleśena yadahareva virajettadahareva pravrajet | 
iti śruteḥ | tatkṣaṃtavyamatigahanakarmamārgapravartavaurgurubhiḥ || 79 || 

oṃ ekastu bhairavonārthaḥ prollasadvirūpakaḥ | 
ekāśivādi sakalaparyaṃta sthiti saṃgataḥ || 1 || 

soyaṃ samasta evādhvā bhairavābhedavṛttimān | 
tatsvātaṃtryāt svataṃtratvamaśnuvānovabhāsate || 2 || 

soyaṃ mātṛsvarūpastho maṃtrādhveti vibhājyate | 
pramārūpatayā soyaṃ varṇādeti sarucyate || 3 ||

p. 12b) 
pramāṇarūpatāmetyaprayātyeṣa padādhvatām |
pramāṇarūpatāveśamaparityajyameyatām || 4 ||

gachan salokanāyogāt kalādhvā mātṛsaṃgatāḥ |
śuddhaprameyatā yoge satatvādhveti gṛhyatāṃ || 5 ||

tatstholyādhāratā yogādbhuvanādhveti varṇita | 
nijānaṃdapramātraṃśamātraniṣṭinibaṃdhana |
śūnyatāmātraviśrāṃte nirānaṃdātmikā sthitiḥ || 1 ||

prameya pada viśrāṃteḥ parānaṃdobhyuvetyalam |
anaṃtameya saṃghadvāpūrṇe meye tu sarvataḥ || 2 ||

pramāṇāccarvaṇā yogān mahānaṃda iti sthiti |
pramātā sarvameyau ca kalanā grāsake vidaḥ || 3 ||

yadā viśrāṃtimabhyeti nirupādhi svanirbharām |
tadā khalu cidānaṃdo yojaḍānupavṛṃhitaḥ || 4 ||

na ca tatra sthitiḥ kāpi vibhaktā iḍarūpiṇī |
yatra kopi vyavacchedo nāsti tadviśvataḥ sphurat || 5 ||

yadanāhatasaṃvitti paramāmṛtasaṃhitaṃ |
tadeva jagadānaṃda dhāmāsmākaṃ gururjagau || 6 ||

iti śrī abhinavaguptagusvomālinīvarttāke ||

tathā tatraiva | 

tasmādunmeṣaśaktiryā pūrvamāsīdabhedinī |
bhāvonmeṣasvarūpāsau yā tātpuruṣa sthitiṃ ||

yadabhinnaṃ tadagrāhyaṃ yaścāgrāhakamīśvaraṃ |
adhunā tasthitaṃ grāhyaṃ bhadāttadgrāhakaṃ viduḥ ||

puruṣākhyaṃ yataḥ proktaṃ sṛṣṭe prāraṃbha yogataḥ |
svasphuṭha pratyabhijñānānmukhavaktraṃ ca bhaṇyate ||

jātopi bheda tanmātre saṃkocaṃ yadrupāgataḥ |
yato vyatinimīle te bhoktṛbhogyāvisphuṭam ||

ajātamiva tadviśvaṃ matra sadyovabhāsate |
sadyojāta padaṃ tena śūnyamavedanātmakaṃ ||

ataśca sadyojātesmin mukhyāraudra daśā smṛtā |
sā ca saṃkoca rūpāpi cidvikāse bhaviṣyati ||

yallīnā brahmaviṣṇīśo tenādhaḥ kurute balāt |
vastubhāvamayītyādi daśārudrādhidevatā ||

p. 13a) 
tasmādbodhabharollāsa vimṛṣṭamuparisthitaṃ |
cidanuprāṇānāṃ viśvaṃ svīcikīrṣa cidātmani ||

svabodhaśakti vasanāt sadevo vāma ucyateti śivam ||

oṃ strīṣu tattūlyavarṇāsu puruṣairjanitā sutāḥ |
te brahmakṣatraviḍ śudrā nāmāno varṇasaṃjñitāḥ || 1 ||

puṃbhiruttamavarṇaistu strīṣu hīnāsu yo sutāḥ |
utpāditā bhavatyeva ṣaḍvidhā anulomajā || 2 ||

puruṣairhīnavarṇaistu strīṣu siṣṭāsu yo sutāḥ |
utpāditā bhavatyete ṣaḍvidhā pratilomajā || 3 ||

parapuṃbhyaśca puṃsalyo mṛte jīvati vāpatau |
janayaṃti sutānyetā jārajān viddhitān dvidhā || 4 || 

varṇāścatvāra evoktā upavarṇaścaturdaśa |
anulomastu ṣaṭproktāḥ pratilomāśca tatsamāḥ || 5 ||

jārajātau ca dvau proktārityaṣṭādaśavarṇakāḥ |
upavarṇāsamānastu yoṣisujanayaṃti cet || 6 ||

sutāṃstajjāyatāstāṃstāṃ jāyate hyupavarṇakāḥ |
anyathā jātisaṃkaryājjāyaṃte mlechajātayaḥ || 7 ||

uttamāmlechajātebhyo jārajā parikīrttitāḥ |
pratilomāstu tacchiṣṭāstebhyaścāpyanulomajāḥ || 8 ||

tebhyaḥ siṣṭatarāvarṇā tebhyopi brāhmaṇodhikaḥ |
sasarveṣāṃ gurupūjyastattadbrahmaṇi darśakaḥ ||

ityaṣṭādaśajātinirṇayaḥ ||




###########   END OF FILE  #######