#################################################### MUKTABODHA INDOLOGICAL RESEARCH INSTITUTE Use of this material (e-texts) is covered by Creative Commons license BY-NC 4.0 Catalog number: M00095 Uniform title: tārārahasya Author : brahmānanda Alternate name : brahmānandagiri Description: Notes: Data-entered by the staff of Muktabodha under the supervision of Mark S. G. Dyczkowski. Revision 0: June 15, 2007 Publisher : Calcutta Press Publication year : Pre-1900 Publication city : Calcutta Publication country : India #################################################### tārārahasyam śrībrahmānandaparamahaṃsaparivrājakaviracitam tārārahasyam prathamaḥ paṭalaḥ oṃ namastārāyai | tārāṃ saṃsārasārāṃ tribhuvanajananīṃ sarvasiddhipradātrīṃ sarvādyāṃ sarvarūpāṃ sakalaguṇamayīṃ vanditāṃ devavṛndaiḥ | divye rāje saroje bhavabhayabhayadāṃ rājamānāṃ praṇamya brahmānandākhyako'haṃ bhuvanahitakṛte tadrahasyaṃ tanomi || brahmā viṣṇurumāpatistribhuvane sṛṣṭiṃ sthitiṃ prālayaṃ dhyātvemāṃ jagadambikāṃ vitanute mokṣapradāṃ rāriṇīm | bhaktyā tadgatamānaso yadi janastārāṃ bhajed yatnataḥ sa kṣemaṅkarametadeva labhate tattyāgato yātyadhaḥ || jñātvā tārārahasyaṃ bhajati yadi janastārakāmantrarājaṃ śreṣṭhāṃ siddhiṃ labhetāmaravaramanujairdurlabhāṃ tārakātaḥ | tyaktvā tārāṃ prayāti dhruvamativipadāmāspadaṃ mohakūpaṃ duḥkhaṃ śokañca samyak gatirapi sutarāṃ naiva bhavyā kadācit || tārāsāraṃ samālokya tārānigamameva ca | mahānīlaṃ mahācīnaṃ nīlatantraṃ śivapriyam || tārākalpaṃ śaktikalpaṃ śaktisāraṃ tathaiva ca | rudrayāmalakañcaiva nīlasārasvataṃ tathā || liṅgatantraṃ yonitantraṃ ṣoḍhātantraṃ mahāmatam | tārāyāḥ kulasarvasvaṃ ūrddhvāmnāyaṃ viśeṣataḥ || p. 2) nānāśāstrāṇi cālokya tārāyā mantrasiddhaye | vakṣye rahasyaṃ tārāyā brahmānando hitāya vai || iti prathamaṃ maṅgalācaraṇam | nānāśāstrārthavilokanapūrvakaṃ śrīmattārādevyā rahasyaṃ kāmārthamokṣāṇāṃ tārāmantreṇa dāyakaṃ sakalagurum? prātaḥkṛtyādikriyājñānārthaṃ devatāmantranirūpaṇādigranthaḥ *? kahitāya brahmānandena mayā yatnena vitanyate | prathame nigame kalpe ratnadvīpe surālaye | śrutvā kālīmukhād vākyaṃ na ca hṛṣṭaḥ sadāśivaḥ || punaḥ punaḥ pṛcchamānaḥ praśnañcaivākarocchivām | yadā mūrttyā karālāsyo rāvaṇo nāśitaḥ purā || varābhayakarā devī khadgamuṇḍadharā parā | lolajihvā cograrūpā tārā sarvaiḥ supūjitā || tadā cintānvitā devā rudrārthaṃ kṛtaniścayāḥ | devatābhiḥ samaṃ brahmā stutiṃ karttuṃ samāgataḥ || dṛṣṭvā tān mokṣadā devī kavitvadhanadāyinī | prāptalajjā mahādevī dakṣiṇe khaḍgamāvahat || lajjayā namravaktrā ca tasmāllambodarī parā | rudrādvigalitaṃ vāso brahmā carmāmbaraṃ dadhau || kāñcīmudrāṃ gṛhītvā ca kartīṃ kṛtvātha dakṣiṇe | bhūmau ca mukuṭaṃ kṣiptvā tatra rudraṃ samāhvayat || bhūmau nipatya deveśaḥ papāta caraṇāntike | ayutaṃ dvādaśaṃ devi ! pustakaṃ cāvalokitam | kalāṃ vaktuṃ na śakto'haṃ vada yogaṃ sureśvari ! || pūjye se kālike ! devi ! prasīda bhaktavatsale ! || śrutvā vākyaṃ śivasyāpi hasitvovāca tāriṇī | (p. 3) tvadrūpāḥ puruṣāḥ sarve madrūpāḥ sakalāḥ striyaḥ || idaṃ yogaṃ mahādeva ! bhāvayasva dine dine | pādapadme tato nīlapadmaṃ dattaṃ manoharam || gṛhītvā vāmahastena tattoyairabhiṣicya ca | rudradattaṃ pānapātraṃ vidhṛtaṃ vāmapāṇinā || etena tārā sā jātā śīrṣe'kṣobhyo bhujaṅgamaḥ | mahākālaḥ sa eva syāttārārūpe jagattraye || yasyāśca smaraṇe sadyo bhogamokṣau karasthitau | evambhūtā mahādevī brahmāṇḍaśūnyamadhyagā | sṛṣṭisthitikarī devī tārārūpā dayānvitā | dvitīye caiva śūnyānte suvirāḍrūpadhāriṇī || tṛtīye ca mahāśūnye taḍitkoṭisamaprabhā | nirākārā nirādhārā tārā sarvārthasādhikā | caturthe śūnyamāśritya viṣṇuḥ pālayate dhruvam | tasmājjātaścaturvaktraḥ sṛṣṭiṃ vitanute dhruvam || pañcaśūnye mahādevī śivarūpā trilocanā | layaṃ nayati brahmāṇḍaṃ mahākālena lālitā || punarbrahmāṇḍasiddhyarthaṃ mahāvidyā ca tāriṇī | sarvānte kālikāṃ mūrtiṃ tyaktvā vastraṃ punardadhau || ṣaṣṭhe śūnyamayaṃ brahma viśvaṃ viśveśvaraṃ tathā | mahāmahāśabdaparā kālikā vījatārakā || pañcaśūnye sthitā tārā sarvānte kālikā sthitā || iti śrīparamahaṃsaparivrājakācāryabrahmānandagiritīrthāvadhūta- viracite tārārahasye sarvarahasyottame haragaurīsaṃvāde prathamapaṭale sṛṣṭiprakaraṇapaṭalaḥ | p. 4) sādhako brāhme muhurtte utthāya yoṣādaśanaṃ kṛtvā ca uttarāsyaḥ svanābhau dakṣiṇahastopari vāmahastaṃ dattvā śirasi dvādaśārṇasarasiruhodarasahasradalakamalāvasthitaṃ śvetavarṇaṃ nānālaṅkārabhūṣitaṃ raktaśaktivāmabhāgaṃ trinayanaṃ vimbādharaṃ śaktivadanāravindaṃ guruṃ samālokayan hṛṣṭamānasaṃ svastikāsa *?sthaṃ vibhāvya mānasopacārairārādhya aiṃ iti aṣṭottaraśataṃ japtvā japaṃ samarpya praṇamet | oṃ akhaṇḍamaṇḍalākāraṃ vyāptaṃ yena carācaram | tatpadaṃ darśitaṃ yena tasmai śrīgurave namaḥ || oṃ ajñānatimirāndhasya jñānāñjanaśalākayā | cakṣurunmīlitaṃ yena tasmai śrīgurave namaḥ || utthāya paścime yāme bhāvayed brahmarandhrataḥ || raktaśaktyā samāyuktaṃ śukrarūpaṃ maheśvaram | sahasrāre mahāpadme karpūradhavalaṃ gurum || utthāya paścime yāme taccaitanyaṃ samācaret | sarvavidyāsu sarvatra prātaḥkṛtyādikarmasu || dyānayoge vāmahaste dakṣṇaṃ paridhārayet || iti nānāśāstrānukūlaprātaḥkṛtyādivacanāt tārāviṣaye vaiparītyamiti | tārāgame ca - svanābhau dakṣiṇe haste vāmahastaṃ pradāpayet | bhāvayecca sahasrāre śrīguruṃ śaktiyuktakam || mahānīle'pi ! tārāvidyāsu sarvāsu bhāvanādau vyatikramaḥ | svanābhau pāṇyoryogaśca bhūtaśuddhyādike śiva ! || sahasrāre mahāpadme kundendusadṛśaprabham | raktaśaktyā samāyuktaṃ bhāvayet sādhakāgraṇīḥ || tārānigame ca | prātaḥ śirasi śuklābje dvinetre dvibhujaṃ gurum | (p. 5) varābhayakaraṃ śāntaṃ devyācca vadanāmbujam || dṛṣṭvā dṛṣṭaṃ brahmamayaṃ parabrahmasvarūpiṇam | nānālaṅkārasaṃyuktaṃ bhāvayet svastikāsane || sarvajñānapradaṃ devaṃ jñānānandasvarūpiṇam | tathā ca vāgbhavaṃ bījaṃ sarvajñānaviśuddhaye | na japtvā vāgbhavaṃ bījaṃ tāriṇīṃ yastu bhāvayet | na siddhistasya deveśa ! vighnastasya kriyāsu ca || prātaḥ śirasi śuklābje guruṃ sambhāvya yatnataḥ | japtvā tu vāgbhavaṃ bījaṃ sarvajñānaviśuddhaye || saṃjaptvā vāgbhavaṃ bījaṃ praṇamecca punaḥ punaḥ || sarvasādhāraṇabrahmakhaṇḍoktamantreṇa vāradvayaṃ praṇamet | tatra prāṇāyāmacatuṣṭayasyāvaśyakatvam | mantradvayena yuktena praṇamet śrīguruṃ sadā | tārāmantraviśeṣeṇa kuloktena dvayena ca || tataḥ svastikāsanasthaḥ pṛthvīmaṇḍalāt sārddhatrivalayānvitāṃ ravikoṭisamaprabhāṃ candrakoṭisuśītalāṃ svayambhūliṅgaveṣṭitāṃ nirākārasvarūpāṃ parabrahmamayīṃ kuṇḍalinīṃ jñānānandamuditamānasāṃ mahāyogasvarūpiṇīṃ purataḥ svayammū kanakavarṇaśīrṣataḥ padmavanasamudbhavāṃ bahutarapraṇavānāmekakṛtaśabdavibhāgamayīṃ tattvasvarūpām iḍāpiṅgalayormadhye suṣumnāmadhyamadhyataḥ citriṇīṃ brahmanāḍīṃ praveśayet | dvitīyaṃ padmaṃ vāmato vibhāvya mṛdumandagatimayīṃ lolībhūtāṃ hṛtpadme viśrāmya guruyogaṃ vibhāvya mānasaiḥ pūjayet | vibhāvayet sadā bhaktyā sarvādyāṃ bhujagākṛtim | bhūpadme liṅgamāveṣṭya rājate brahmarūpiṇī || iti śaktisāre | (p. 6) tārāsārarudrādhyāyādau | svayambhūnāmni yonau ca liṅge na bhāvayecchive | śatakoṭiṃ japan devi! tasya siddhirna caiva hi || purato merudaṇḍasya triguṇāṃ guṇaśālinīm | iḍāpiṅgalayormadhye suṣumnāmadhyamadhyataḥ || cālayecchyāmalāṃ śuddhiṃ jñānasandīpanīṃ parām | vidyutkoṭiprabhāyuktāṃ viṣatantutanīyasīm || madhyato brahmanāḍyā ca ravikoṭisamaprabhām | dvitīye vāmato buddhyā gurorantikamānayet || tatrānīya parāṃ śuddhāṃ jñānasandīpanīṃ śivām | taḍitkoṭiprabhāyuktāṃ brahmaviṣṇuśivātmikām || parāṃ kuṇḍalinīśaktiṃ sākārāṃ paribhāvayet | tasya madhye samānīya raktavarṇāṃ vibhāvayet || tadā siddhimavāpnoti nānyathā kalpakoṭibhiḥ | jñānānandamayīṃ sākṣāt sarvānandapradāyinīm || nānālaṅkārabhūṣāḍhyāṃ bhāvayed gurusannidhau | mānasaiḥ pūjayitvā ca mūlamantraṃ śataṃ japet || kṛtāñjalipuṭo bhūtvā cintayet paradevatām | kālatripurasundaryā rūpaṃ tatra niyojayet || udyadbhānusahasrābhāṃ dvibhujāṃ śivasundarīm | prātaḥ?kṛtyaṃ vidhāyātha mūlamantraṃ japetta yaḥ || tasya siddhirmahādevi! hṛdaye yoginīgaṇaiḥ || etena gurusannidhau kuṇḍalinīṃ sākārāṃ vibhāvya mānasaiḥ saṃpūjya mūlamaṣṭottaraśataṃ japtvā samāpya praṇamet || tato bhūmau praṇamya kumārīṃ brāhmaṇāṃśca dṛṣṭvā paṭhet | (p. 7) oṃ ahaṃ devo na cānyo'smi brahmaivāsmi na śokabhāk | saccidānandarūpo'haṃ nityamuktasvabhāvavān || brahmānandasadānandaparo jñānavidhāyakaḥ | tārakābhakta ānandapūrṇānandaḥ sadāśivaḥ || bhairavo'haṃ sudhāḍhyo'haṃ tattvajño'haṃ kulastriyaḥ | guruprasādavānasmi śaktisādhakasevakaḥ || ratānandaḥ kulānandaḥ kumārīdāsa eva ca | kumārīvaṇiko'hañca tārācaraṇanāyakaḥ || iti tārānigamoktaṃ paṭhitvā vahirgacchet | prātaḥkṛtyaṃ vinā devi na siddhirjāyate śive || na pūjāphalamāpnoti mantrajāpasya niścitam || sarvā kriyā niṣphalā syād vaidikī tāntrikau tathā | prātaḥkṛtyavihīnasya śaucahīnā yathā kriyā || iti śrīparamahaṃsaparivrājakācāryabrahmānandagiritīrthasvāmi- kulāvadhūtasaṃracite tārārahasye sarvarahasyottame haragaurī- saṃvāde prathamapaṭale prātaḥkṛtyādipaṭalaḥ | tataḥ prātaḥkṛtyānantaraṃ snānam | sādhakānāṃ vaidikī tāntrikī prātaḥkālāvadhi mahāniśāparyantaṃ kriyā vaktavyā | śivapūjā tu vaidikatāntrikayoraikyatvāt tatpūjanañca | ato nadyādau gatvā majjanaṃ kṛtvā oṃ adyetyādi śrīmattārādevyāḥ prītaye'smin jale snānamahaṃ kariṣye iti saṅklpā jale trikoṇaṃ vilikhet || tathāca tārānigame - devyāśca prītaye snānaṃ kartavyaṃ tantravedibhiḥ | tīrthamāvāhya toye ca japtvā majjanapūrvataḥ || tatraiva rudrayāmale ca | (p. 8) yatra yatra mahāvidyā sādhakaiḥ samupāsitā | tatra tatra trikoṇañca adhomukhamudīritam | devatrikoṇe kartavyaṃ ūrddhvāsyaṃ vidhisammatam || tatra | gaṅge ca yamune caiva godāvari sarasvati | narmade sindhu kāveri jale'smin sannidhiṃ kuru || iti aṅkuśamudrayā sūryamaṇḍalāttīrthamāvāhya prāṇāyāmaṃ karāṅgaṣaḍaṅge vinyasya devīrūpaṃ vicintya ātmānaṃ tārāmayaṃ vibhāvyamūlaṃ śīrṣe daśadhā hṛdi daśadhā jale daśadhā japtvā trikoṇavṛttacaturasraṃ vilikhya dhenuyonimatsyāṅkuśamudrāḥ pradarśya sūryābhimukhaṃ dvādaśadhā vāri nikṣipya mūlena mūrddhānaṃ saptadhā abhiṣiñcet | tata iṣṭadevatācaraṇānniḥsṛtajalena udammukhaḥ snāyāt | tārārṇavādau tīrthamāvāhya toye ca prāṇāyāmaṣaḍaṅgakau | devīrūpaṃ jale dhyāyedātmānaṃ tāriṇīmayam || śīrṣe hṛdi jale japtvā daśadhā mūlamantrakam | jale trikoṇavṛttañca caturasraṃ likhedbudhaḥ || aṅkuśaṃ dhenumudrāñca yoniṃ matsyaṃ pradarśayet | ravau ravijalaṃ dattvā siñcecchīrṣaṃ tu saptadhā || iti snānam | tathāca mahācīnamahātārārṇavādau prakuryādvaidikasnānaṃ tāntrikaṃ tadanantaram | sandhyāñca vaidikīṃ kṛtvā tāntrikīṃ svayamācaret || jale trikoṇaṃ saṃlikhya tīrthānyāvāhayettataḥ | tattvenācamanaṃ kṛtvā vahnijāyāntamantrataḥ || kuśaiḥ samūlairudakaṃ dadyācchīrṣe ca sādhakaḥ | tatañca bhūmau dātavyaṃ saptadhā sādhakottamaḥ || vāmahaste jalaṃ nītvā cācchādya dakṣiṇena ca | mantaṃ vāratrayaṃ japtvā pañca varṇān japettataḥ || kṣāntaṃ candrasamāyuktaṃ saptavarṇādyameva ca | (p. 9) vahnibījaṃ pṛthivyāśca vāruṇaṃ tadanantaram || ha/ ya/ va/ la/ ra/ ityekajaṭāmantre'ghamarṣaṇamantrakam || mudrayā snāpayecchīrṣaṃ galitodakabindubhiḥ | mudrā tu tattvamudrā syāt sandhyāyāṃ kulatarpaṇe || tajjalaṃ dakṣahastena vāmanāḍīṃ praropayan | astrabījena mantreṇa puraḥ pāṣāṇavajrake || tāḍayet sādhakaḥ sarvasiddhaye jñānasiddhaye | kṛṣṇavarṇaṃ jalaṃ dhyātvā pāpena puruṣeṇa ca || nāḍīnāṃ chālanaṃ kṛtvā dehasya kṣālanaṃ tathā | tataśca tarpayeddevīmamṛtānandarūpiṇīm || devānṛṣīn pitṝṃścaiva guruṃ paraguruṃ tataḥ | parāparaguruñcaiva parameṣṭhiguruṃ tataḥ | tato mūlaṃ samuccārya devī tārāṃ tataḥ param || śrīmadekajaṭāṃ paścāt tarpayāmi tataḥ param || prakāśaśaktiyuktāya idamarghyamahaṃ dade || mārtaṇḍamaṇḍale dhyātvā tārāñcaikajaṭāṃ tathā | gāyattryārghyaṃ pradadyācca trayaṃ kusumasaṃyutam || gāyattrīñca tato dhyāyejjapedviṃśatisaṃkhyakam || jale'dhomukhaḥ trikoṇaṃ vilikhya oṃ gaṅge cetyādinā tīrthamāvāhya yonimudrāṃ pradarśya oṃ ātmatattvāya svāhā, oṃ vidyātattvāya svāhā, oṃ śivatattvāya svāhā, iti ācamya mūlena kuśena saptadhā śīrṣe bhūmau saptadhā dattvā vāmahaste jalaṃ nītvā dakṣahastenācchādya tejorūpaṃ jalaṃ dhyātvā mūlaṃ trivāraṃ tatra japtvā, haṃ yaṃ vaṃ laṃ raṃ iti trirabhimantrā galitodakavindubhiḥ tattvamudrayā mūrddhānaṃ saptadhā abhyukṣya śeṣajalaṃ dakṣahastenādāya iḍayā ākṛṣya dehāntaḥpadaṃ prakṣālya tajjalaṃ kṛṣṇavarṇaṃdhyātvā vāmakukṣisthitaṃ p. 10) pāpapuruṣeṇa saha puraḥkalpitavajraśilāyāṃ phaḍiti tāḍayet | tato hastaṃ prakṣālya tārāṃ smṛtvā ekaikāñjalinā oṃ devāṃstarpayāmi, oṃ ṛṣīṃstarpayāmi, oṃ pitṝṃstarpayāmi, oṃ gurūṃstarpayāmi, oṃ paramagurūṃstarpayāmi, oṃ parāparagurūṃstarpayāmi, oṃ parameṣṭhigurūṃstarpayāmi | mūlamuccārya devī tārāṃ śrīmadekajaṭāṃ tarpayāmi svāhā iti triḥ | tato dūrvākṣataraktapuṣpasahitamarghyaṃ gṛhītvā oṃ hrīṃ haṃ saḥ śrīsūryāya prakāśaśaktisahitāya idamarghyaṃ dade | iti sūryāyārghyaṃ dattvā sūryamaṇḍale devīṃ dhyātvā gāyatrīmuccārya sūryamaṇḍalasthāyai tārādevyai śrīmadekajaṭāyai idamarghyaṃ namaḥ iti triḥ | tataḥ kṛtāñjaliḥ | oṃ prātarādhārakamale hutabhuṅmaṇḍalopari | vāgvījarūpāṃ vidyāṃ tāṃ vidyutpaṭalabhāsvarām || puṣpavālekṣukodaṇḍapāśāṅkuśalasatkarām | svecchāgṛhītavapuṣīṃ guruvidyākarātmikām || madhyāhne hṛdayāmbhojakarṇikāsūryamaṇḍale | kāmabījātmikāṃ devīṃ alaktakarasāruṇām || prasūnabālapuṇḍrekṣucāpapāśāṅkuśānvitām | paristṛtāṃ ca mukhyābhiḥ ṣaṭtriṃśattattvasevitām || sāmayajñe sarojasthe candre candrasamdyutim | śaktibījātmikāṃ cāpavāṇapāśāṅkuśānvitām || cintayitvā bhagavatīṃ nityābhiḥ parivāritām | yuganityākṣarākārāṃ ghaṇṭikāvarasannibhām || tārāsāramato dhyāyed gāyattrīṃ tārakāmaṇau | tripurāyā viśeṣeṇa devyāścaikajaṭāmaṇau || iti tārāsāroktaśravaṇāt | tripurāsundarīviṣaye ca gāyattryā idaṃ dhyānam | p. 11) tathā nīlasarasvatītantre tārānigame ca | tārāyai ca padaṃ procya vidmahe tadanantaram | mahogrāyai tato dadyāddhīmahīti tataḥ param || tanno devīti coccārya tato dadyāt pracodayāt || oṃ tārāyai vidmahe mahogrāyai dhīmahi tanno devī pracodayāt iti tārānigamādinānāgranthasammatā gāyatrī japtavyā | sāmānyamādau japtvā ca daśadhā sādhakottamaḥ | viśeṣikāṃ japedvidyāṃ gāyatrīṃ sarvasiddhidām || śataṃ vā viṃśatiṃ vāpi yo japet sādhakāgraṇīḥ | sarvapāpavinirmuktaḥ svayaṃ tārāpure vaset || goghnaścaiva kṛtaghnaśca brahmastrīghnaśca yo naraḥ | gurutalparato vāpi snuṣāyāṃ vā rato yadi || etaiḥ pāpaivimucyeta satyaṃ satyaṃ sadāśiva ! | kumārīgamanāddoṣo na bhūto na bhaviṣyati || tataśca mucyate loko gāyatrīsmaraṇādapi | gāyatryā āgamoktāyāḥ śatamātrajapādapi || etaiḥ pāpairvimucyeta satyaṃ satyaṃ sureśvara ! || etaiḥ pāpairvimuktaśca viśeṣasmaraṇādapi || tasmānnigaditā vidyā japtavyā siddhimicchatā | kūrcabījaṃ samuddhṛtya bhagavatyekajaṭe tataḥ | vidmahe ghoradaṃṣṭre ca dhīmahīti tataḥ param || tannastāre tato japtvā tato gadyaṃ pracodayāt || huṃ bhagavatyekajaṭe vidmahe ghoradaṃṣṭre dhīmahi tannastāre pracodayāt iti śataṃ viṃśatiṃ vā japtvā samarpya mūlamaṣṭottaraśataṃ japet | gāyatrīṃ parijapyātha mūlamantraṃ japenna ca | (p. 12) sā sandhyā niṣphalā jñeyāmyabhicārāya kalpyate || prātaḥsandhyāvihīnaśca na ca snānaphalaṃ labhet | madhyāhnasandhyāhīnaśca na pūjāphalamāpnuyāt || sāyaṃ sandhyāvihīnasya japavighnaḥ sadā bhavet || tasmāt sundari! tattvajñaḥ sandhyātrayamupācaret || prātarna tarpaṇaṃ kāryaṃ na ca sāyaṃ viśeṣataḥ | madhyāhne tarpaṇaṃ kṛtvā yathoktaphalavān bhavet || arghyahīnā tu yā sandhyā śokaduḥkhapradā matā | arghyaṃ trisandhyaṃ dātavyamanyathā niṣphalo japaḥ || samantrāpi ca gāyatrī satyaṃ satyaṃ varānane! || tataḥ saṃhāramudrayā tattejaḥ svahṛdaye nayet praṇamya ca pūjāñcaret | ityevaṃ sandhyā śrīmadekajaṭāviṣayā iti | atha ugratārāsandhyā | mūlena trirjalaṃ devatāyai dattvā vāmahaste jalamādāya pūrvavadācchādanam | japāghamarṣaṇaṃ ca tatastathā ācamanam | tato mūlamuccārya śrīmadugratārāṃ devīṃ tarpayāmi namaḥ iti triḥ | tataḥ oṃ hrīṃ haṃ saḥ idamarghyaṃ śrīsūryāya namaḥ | iti gāyatryā sūryamaṇḍalasthāyai śrīmadugratārāyai idamarghyaṃ nama iti triḥ | tato gāyatrīṃ dhyāyet | mūlena trirjalaṃ dattvā devatāyai varānane! | tato devyā prakartavyamaghamarṣaṇamuttamam || tataḥ stutvācamaṃ kuryāt tataḥ syādiṣṭatarpaṇam | arghyaṃ dattvā ca gāyatryā dhyānaṃ kuryācca sādhakaḥ || devatātarpaṇe caiva tuṣṭāḥ syurgurupaṅktayaḥ | śarīre'syāstato devyāḥ santi śāśvatarājasāḥ || sarvasādhāraṇañcātra dhyānaṃ sarvajayāvaham | (p. 13) sarvadevamayī yasmāt tāriṇī triguṇātmikā || prātaḥ | udyadbhānusahasrābhāṃ pustakākṣakarāmbujām | kṛṣṇājināmbarāṃ brāhmīṃ dhyāyettārakitāmbare || madhyāhne | śyāmavarṇāṃ caturvāhuṃ śaṅkhacakralasatkarām | gadāpadmadharāṃ devīṃ sūryāsanakṛtāśrayām || sāyāhne varadāṃ devīṃ gāyatrīṃ saṃsmarettataḥ | śuklāṃ śuklāmbaradharāṃ vṛṣāsanakṛtāśrayām || trinetrāṃ varadāṃ pāśakapālaśūladhāriṇīm | sūryamaṇḍalamadhyasthāṃ dhyāyan devīṃ samabhyaset || lajjāvījaṃ samuddhṛtya ugratārāpadaṃ tataḥ | sambodhanāntaṃ deveśi! vidmahe tadanantaram || śmaśānavāsinipadaṃ dhīmahīti tataḥ param | tannastāre samuddhṛtya pracodayāt padaṃ tataḥ || sambodhanāntaṃ deveśi ! tataḥ syāttu pracodayāt || hrīṃ ugratāre vidmahe śmaśānavāsini dhīmahi tannastāre pracodayāt iti | tataḥ sāmānyagāyatrīṃ daśadhā japtvā samāpya viśeṣagāyatrīm aṣṭottaraśataṃ japet | tataḥ saṃhāramūdrayā tattejaḥ svahṛdaye nayet | iti ugratārāsandhyā | mūlena jalaṃ saṃśodhya sūryābhimukhaṃ pañcadhā japtvā jalañca pañcadhā dattvā oṃ hrīṃ svāhā ityācamya kṛtāñjaliḥ | oṃ śmaśānālayamadhyasthāṃ caturvargapradāyinīm | mahāmeghaprabhāṃ devīṃ nīlapadme virājitām || sarvābharaṇaśobhāḍhyāṃ locanaṃ haranetrataḥ || iti paṭhitvā jale ṣaṭkoṇaṃ vilikhya tīrthamāvāhya tattvenācamanaṃ kṛtvā mūlena trirjalaṃ bhūmau dadyāt ityaghamarṣaṇam | (p. 14) tataścaikajaṭāvat tarpaṇaṃ vidhāya arghyaṃ dadyāt | jalamūle ca saṃśodhya pañcadhā mūlamantrakam | pañca vārān jalaṃ dattvā pūjāvaccācamaṃ caret || sūryasya maṇḍale devīṃ dhyātvā vācamanaṃ caret | tataścaikajaṭāvacca sandhyāṃ kuryāt tu sādhakaḥ || arghye tu gāyatryā sūryamaṇḍalasthāyai tārādevyai śrīnīlasarasvatyai idamarghyaṃ svāhā | iti triḥ | tato dhyānam | prātaḥ | sūryamaṇḍalasaṃlagnāṃ muktāhāraviśobhitām | dvinetrāṃ dvibhujāṃ devīṃ caturvaktrāṃ sarojajām || madhyāhne viṣṇurūpāñca caturhastāñca bhairavīm | muktāmāṇikyasaṃyuktāṃ nānāhārādiśobhitām || mantrasiddhipradāṃ devīṃ gāyatrīṃ sādhakāgraṇauḥ || sāyāhne sūryasaṃsthāñca pañcavaktrāṃ trilocanām | māheśvarīṃ jagaddhātrīṃ jagajjaṅgamapālikām || tāraṃ pūrvaṃ samuddhṛtya nīlasarasvatipadam | dhīmahi prathamaṃ yojyaṃ sāradāyai ca vidmahe || tannaḥ śive padañcoktvā tato dadyāt pracodayāt || oṃ nīlasarasvati dhīmahi sāradāyai vidmahe tannaḥ śive pracodayāt iti gāyatrī yathāśakti japet | tataḥ sarvamekajaṭāvat | tārārṇave mahācīne ca viśeṣaḥ | strīṇāñcāpi ca śūdrāṇāṃ brāhmaṇānāṃ pṛthak pṛthak | brāhmaṇena prakartavyaṃ yadyad uktaṃ hi pustake || anyathā niṣphalaṃ vidyāt sarvā pūjādikā kriyā | prātaḥkṛtyaṃ tathā snānaṃ tathā sandhyātrayaṃ śivaḥ || strīśūdrayostāramantre lajjābījaṃ prakīrtitam | vahnijāyāmanuryatra namastatra prakīrtitam | (p. 15) sarvatra pūjāhomādāvaviśeṣo vidhirmataḥ || iti nīlasarasvatīsandhyā | tato devyā manuṃ vakṣye tārāyāśca sadāśive ! | yasya vijñānamātreṇa jīvanmukto bhavennaraḥ || atha bījakoṣamahānīlatārānigamādau - brahmā pṛthvī vāmanetraṃ candrabindusamanvitam | kāmabījaṃ samākhyātaṃ trailokyajayadāyakam || kṣāntarephasamāyuktaṃ vāmanetraṃ sacandrakam | lajjābījamiti khyātaṃ sarvasiddhipradāyakam || ṣaṣṭhasvarasamopetaṃ hakāraṃ candrakhaṇḍakam | kūrcabījamitikhyātaṃ triṣu lokeṣu viśrutam || pavargasya dvitīyañca ṭavargasyādyameva ca | sarvarakṣākaraṃ mantram asvabījaṃ prakīrtitam || candrakhaṇḍasamopetaṃ dvādaśasvaramīritam | vāgbhavaṃ tacca vijñeyaṃ vācaḥsiddhipradāyakam || trayodaśasvaraṃ devi! candrakhaṇḍavibhūṣitam | tāraṃ praṇavamityuktaṃ brahmaviṣṇuśivātmakam || pañcamasvarasaṃyuktaṃ hakāraṃ varmabījakam || jalāgnibindusaṃyuktaṃ caturdaśasvarānvitam | aṅkuśaṃ bījamākhyātaṃ trailokyasya śubhāvaham || nādibhāntaṃ visargāntaṃ hṛdbījaṃ parikīrtitam || hāntaṃ yasya caturthañca dvitīyasvarasaṃyutam | tadantyañca hakārañca vahnijāyāsamanvitam || brahmāgnirvāmanetrāntaṃ dvijarājasamanvitam | badhūbījamiti khyātaṃ badhrariva yaśasvinī || bālastvaṃ vandanīyastvaṃ dāsastvaṃ gurureva ca | (p. 16) mātā na gopayedvākyaṃ vālakebhyaḥ kadācana || tasmāttat pṛcchatāṃ nātha! yadyahaṃ devadurlabham | tārāmantraṃ mahādeva ! vasusiddhipradāyakam || kālī tārā mahāvidyā ṣoḍaśī bhuvaneśvarī | bhairavī chinnamastā ca mātaṅgī kamalātmikā | dhūmāvatī ca vagalā mahāvidyāḥ prakīrtitāḥ || etāsāṃ śravaṇādeva sarvasiddhīśvaro bhavet || viṣṇuvidyā-devavidyāśivavidyāvibhedataḥ | śaktividyāprabhedena vidyābahvyaḥ prakīrtitāḥ || satyādau triyugāntañca vidyā jāgarti nityaśaḥ | kalau jāgarti kālī ca kalau jāgarti nityaśaḥ | kalau kālī kalau kṛṣṇaḥ kalau gopālakālikā || kālī tārā mahāvidyā mahāsiddhipradāyinī | mahāvidyāsu sarvāsu kalau siddhiranuttamā || sarvavidyāmayi devi ! kalau siddhiranuttamā | kālikā tārakā vidyā sarvāmnāyairnamaskṛtā || tayoryajanamātreṇa siddhaḥ sākṣāt sadāśivaḥ || yathā kālī tathā tārā tathā nīlasarasvatī | sarvābhīṣṭaphalaṃ dadyāt tathā tripurasundarī || abhedamatamāsthāya yaḥ kaścit sādhayennaraḥ | triloke sa tu saṃpūjyaḥ syāttārāsuta eva saḥ || bhedaṃ kṛtvā tu yo mantrī sādhayedatra sādhanam | na tasya niṣkṛtirdevi! niraye pacyate hi saḥ || etāsāṃ sādhanenaiva yaśaḥ siddhiśca nityaśaḥ | kevalāṃ bhaktimāsthāya caturvargaṃ labhet kare || tripurā ca mahāvidyā bahusādhanasiddhidā | (p. 17) yasyāḥ prasādānmantreṇa bhogo mokṣaśca jāyate || kālikā tārakā vidyā kalau siddhisamṛddhidā | duḥkhaṃ vinā prasīdeta kalau jāgaraṇātmikā || na vā prayogavāhulyaṃ nyāsajālādike tathā | na tatra paśvācāraḥ syāt tasmāt tatsādhanaṃ śubham || kālikāsādhanaṃ devi! matkṛte kālikārcane | rājate taddhi tatraiva prabudhya sādhanañcaret || asyā mūrtirdvitīyā yā sṛṣṭimūle vyavasthitā | etasyāḥ sādhanañcaiva sarvasiddhipradāyakam || dhanaṃ dhānyaṃ śubhaṃ (sutaṃ) jāyāṃ bhogaṃ mokṣaṃ tathaiva ca | acirāllabhate vāṇīṃ yasyāḥ smaraṇamātrataḥ || nādhītya chandaḥśāstrāṇi vinālāpaṃ kaverapi | gadyapadyamayī vāṇī vaktrāt tasya prajāyate || aṇimā laghimā vyāptiḥ prākāsyaṃ mahimā tathā | adarśanaṃ sthaulyarūpaṃ vahnistambhaṃ jalasya ca || candrasūryāgnibhūtānāṃ stambhako vibhureva saḥ | mantrasiddhistathā siddhiḥ purāṇāgamasiddhibhāk || upacāraviśeṣeṇa rājapatnīṃ vaśaṃ nayet | catuḥṣaṣṭiprakāreṇa siddhirākāśagāminī || pañcaśūnye sthitā tārā sarvānte kālikā sthitā | siddhayaḥ santi yatrāpi tadānīya pradīyate || yadi sādhayituṃ devi ! śakyarta tārakākule | tadā siddhimavāpnoti sarvadā kulamaṇḍale || kulācāravihīnasya na siddhirna ca sadgatiḥ || brahmaghnaśca kṛtaghnaśca guruyoṣāgataśca yaḥ | kanyāgataḥ snuṣāgaśca brāhmaṇīgo gavīgataḥ || (p. 18) hiṃsāvān sarvajantūnāṃ brāhmaṇānāṃ viśeṣataḥ | pṛthivyāṃ retasāṃ pātaḥ śivapūjāvahirmukhaḥ || śṛṇu vatsa! mahādeva! mahāpātakino yathā | etebhyo mucyate deva! tārāmantraḥ śruto yadi || sarvapāpairvinirmuktaḥ sarvapāpayuto'pi saḥ || kuladīkṣāvihīnasya na siddhirna ca sadgatiḥ | tasmāt sarvaprayatnena tārāyā deśiko naraḥ || kulācāravihīnaścet sarvapāpairavāpyate || kulācārarato yastu tarpayet kuladevatām | nityaṃ śrītārakāṃ devīṃ tasya siddhiḥ kare sthitā || ācārajñānavān yaśca kriyate na kulakriyā | pacyate narake ghore kalpakoṭiśatairapi || paradārarato yaśca cakramadhye bhavennaraḥ | śunīviṣṭhākṛmirbhūtvā tiṣṭhet kalpāyutaṃ bhuvi || sādhanañca samāsādya parayoṣārato bhavet || māturyoniṃ parityajya viharet sarvayoniṣu | nirvikāro nirvikalpo bhavet sādhakasattamaḥ || mātṛpadaṃ saptamātṛparam | iti sadgurusiddhānandagirirjñātavān tārānigamādidarśanāt | śakyate yastu vai dātuṃ svayoṣāṃ bhaktavatsalām | tadā yoṣāṃ samānīya hyanyeṣāṃ sādhayet dhruvam || sa eva sādhakaśreṣṭho nirvikalpāya niścitam | sādhakebhyaḥ pradīyeta tadānyāṃ parigṛhyate || na dātuṃ śakyate yastu svayoṣāṃ devavatsalaḥ | naṭīṃ sa tu samānīya sādhayecchaktisādhanam || svayoṣāṃ dīyate yastu cakramadhye tu sādhakaḥ | (p. 19) gurubhyaḥ sādhakebhyaśca tasya śīrṣe vasāmyaham || sarvasiddhistasya deva ! cakṣuṣostasya gocarā || ityādi tārānigamādicīnāntam | atha vidyā vakṣyate | tārakatvāt sadā tārā tasya bhedavibhedataḥ || ādyākalpe muktakeśī rudrastvaikajaṭaḥ svayam | asmāccaikajaṭā proktā mantraścāsyā nirūpyate || vaśiṣṭhārādhitā vidyā na tu śīghraphalā yataḥ | atastenāpi muninā śāpo dattaḥ sudāruṇaḥ || tataḥ prabhṛti vidyeyaṃ phaladātrī na kasyacit || tattaduddhāritaṃ tena śivena guruṇā svayam || lajjāvījaṃ badhūbījaṃ kūrcavījamataḥparam | astrāntamanunā khyātaṃ pañcaraśmisvarūpakam || iti caikajaṭāvidyā sarvaśāstreṣu gopitā | sarvaśāstre gocarā ca kāminī siddhidāyinī || mahāpātakalakṣeṇa kṣitau yadi ca mānavaḥ | etasya śravaṇāddevi! jīvanmukto bhavet dhruvam || śrītārā naiva dātavyā bhūmisvargarasātale | yadi pradīyate devī niraye pacyate dhruvam || jyeṣṭhaputrāya śāntāya svarūpajñānaśāline | śrīyutāṃ yadi rādheta śūdro mohavaśaṃgataḥ | tārakādyāṃ mahāvidyāṃ patanaṃ tasya niścitam || strīṇāñcāpi varārohe ! niṣiddhaṃ sarvadaiva hi || ādau śrī ekajaṭā uddhāritā tataḥ śrītārā noktā sarvatra doṣaśravaṇāt svīyadharmatvācca | śrībījādyā yadā vidyā tadā śrīḥ sarvatomukhī || (p. 20) vāgbhavādyā yadā vidyā vāgīśatvapradāyinī | pañcaraśmirmahāvidyā labhyate yadi bhāgyataḥ || tasya bhogaśca mokṣaśca karastha eva śaṅkara ! || ityekajaṭādevyāḥ śaktisiddhimantraḥ | lajjādyā cāparā cāsau bhogamokṣapradāyikā | sārddhapañcākṣaraṃ mantraṃ mahāsiddhipradāyakam || etasyā gāyatrī | oṃ tārāyai vidmahe mokṣadāyai dhīmahi tanno nīle pracodayāt | iti tārāmantragāyatrī | kāmākhyā cāparā vidyā kāmatārā prakīrtitā | bhogamokṣapradā devī śarvaśāstre prapūjitā || iti kāmatārāmantraḥ | asyā gāyatrī tatraiva oṃ kāmākhyai vidmahe kulakaulinyai dhīmahi tannaḥ śyāme pracodayāt | iti ekajaṭābhedaḥ | atha ugratārā | kūrcādyā pañcaraśmiryā vidyā khyātā mahītale | ugratārā samākhyātā svarge martye rasātale || asyāstu smaraṇāt sadyaḥ sarvapāpaiḥ pramucyate | bhogamokṣapradā devī sarvatantreṣu pūjitā || asyā gāyatrī tatraiva | oṃ ugratāre dhīmahi siddhisā? vidmahe tanno nīle pracodayāt || ityugratārāgāyatrī | tatraiva mantraḥ | badhūlajjā tataḥ kūrcam astrānto'yaṃ mahāmanuḥ | śambhupatnī samākhyātā sarvatantreṣu gopitā || asyā gāyatrī tatraiva | oṃ śambhu patnyai vadmahe mahogrāyai dhīmahi tannastāre pracodayāt || iti ādau kūrcaṃ tato lajjā badhūvījamataḥ param | (p. 21) phaḍantaśca mahāmantraḥ sarvatantraśubhāvahaḥ | mahākālapriyā devī bhogamokṣapradāyinī | hūṃ hrīṃ strīṃ phaṭ || etasyā gāyatrī | oṃ tārakāyai vidmahe mahākālapriyāyai dhīmahi tannaḥ śaktiḥ pracodayāt || iti mahākālapriyāgāyatrīmantraḥ | atha nīlasarasvatyāḥ prakaraṇam | tārādyekajaṭāmantro nīlavāṇyāḥ prakīrtitaḥ | yasyāstu smaraṇāt samyag vāgīśatvaṃ labhed dhruvam || asyā gāyatrī | oṃ nīlasarasvatyai vidmahe śrītārāyai dhīmahi tanno devi pracodayāt iti || vāgbhavādyā caikajaṭā mahānīlasarasvatī | asyāśca smaraṇāt sadyaḥ sarvasiddhiśvaro bhavet || asyā gāyatrī | tṛtīyasandhyāyāṃ likhitā | ugratārāsandhyāyāṃ gāyatrī śrutā || atha kullukāprakaraṇam | kullukā vidyā mantrastu | sarvatra prayoge padmāvatī ca | lajjābadhūkūrcabījaprayogaḥ siddhidāyakaḥ | kullukeyaṃ samākhyātā sarvatantreṣu gopitā || praṇavaṃ pūrvamuddhṛtya padme padme padaṃ tataḥ | mahāpadme padaṃ procya padmāvatipadaṃ tataḥ | māye svāhā mahāmantraprayogaḥ siddhidāyakaḥ || oṃ padme padme mahāpadme padmāvati! śrīṃ hrīṃ svāhā atra śāstre māye iti śravaṇāllajjādvayaṃ bodhyam | ye tu sambodanāntamāyāśabdaṃ vadanti te mlecchāḥ | tārānigame padmāvatīprakaraṇe | tāraṃ padme ca padme ca mahāpadme tataḥparam | (p. 22) padmāvati tato lajjādvayaṃ svāhā tato manuḥ || tārakatvāt sadā tārā yā kālī saiva niścitā | bahavo'syāśca mantrāḥ syuḥ sarvatantrāgamādiṣu || śaktisiddhā mahāvidyāḥ sārāt sāratarāḥ smṛtāḥ | aṣṭavidyāsamo nāsti bhūtale siddhido manuḥ || etāsāṃ sarvamantrāṇāṃ devatāstritayāḥ smṛtāḥ | ādyā caikajaṭā proktā dvitīyā cogratārakā | tṛtīyā nīlavāṇī syād bhogamokṣapradā matā || $$$$$ tatra ekajaṭāmantroddhārādekalakṣaṇaṃ likhitaṃ saṃkṣepataḥ | ugrāpattāriṇī yasmādugratārā prakīrtitā | dattā vāk nīlayā yasmāttasmānīlasarasvatī || nīlayā ityatra lakārapāṭhastu na tadā nīlasarasvatīti bhavati | etattu bhrāntā vadanti | etāsāmaṣṭamantrāṇāṃ ṛṣicchandāṃsi sādhaka ! | śṛṇu cātra pravakṣyāmi rahasyaṃ mama sammatam || nīlācārādikaṃ dṛṣṭvā puraścaraṇameva ca | pratyekañca pravakṣyāmi aṣṭamantraśca tārake || akṣobhyo'sya ṛṣiḥ prokto vṛhatīcchanda eva ca | vījaṃ lajjāmanuḥ proktaṃ śaktiḥ kūrcamitīritam || kīlakaṃ nijabījañca badhūbījaṃ susiddhakam | lakṣasaṃkhyaṃ japenmantraṃ phalamūlairvane vasan || naktaṃ tāmbūlapūrṇāsyaḥ śaktisaṅgakule rataḥ || tatra śivena brahmānandarataṃ prapañcitam | nīlapadmaiśca juhuyānmadhureṇa trayeṇa ca | ādyāmantre tadbhede ca sarvavarṇeṣvayaṃ vidhiḥ || ugratārāmanau vatsa! vidhireṣa na saṃśayaḥ | (p. 23) lakṣadvayañca tadbhede puraścaraṇakarmasu || nīlavāṇī nīlakalpe mantrabhedasamanvite | lakṣadvayaṃ japenmantraṃ tadā siddhiranuttamā || sarvatārāsu vidyāsu puraścaraṇakarmasu | juhuyānnīlapadmaiśca vilvapatrairabhāvataḥ || ṛṣiśchandastathā vījaṃ śaktiṃ kīlakameva ca | sarvatraiva pṛthak viddhi nāmamantravibhedataḥ || japamantre ca tārāyāḥ sādhane śaktijaṃ kulam | vīrabhāvarahasyoktaṃ tyaktvā sākāramāpnuyāt || etāsāṃ nigamāgamapracalitaṃ saṃgṛhya śaivaṃ matam tārāyāḥ paripūjanaṃ japavidhiṃ bījaṃ tathā tarpaṇam | granthe'smin viniveśitaṃ khalu mayā saṃsmṛtya tārāvacaḥ atrāste kamalā kṛtāñjaliparā vīṇādharā sāradā || iti śrīparamahaṃsaparibrājakācārya brahmānandagiritīrtha- svāmikulāvadhūtaracite tārārahasye haragaurī- saṃvāde prathamapaṭale sṛṣṭyādipaṭalaḥ | atha dvitīyaḥ paṭalaḥ tārānigamādau kāmākhyāmūle ca- kālītārāmantradāne cakracintāṃ karoti yaḥ | āyurvidyāmokṣavādhaḥ śūlī viṣṭhākṛmirbhavet || yadi bhāgyavaśānnātha! tārāvidyā pralabhyate | icchāsiddhirbhavettasya kiṃ mokṣaścāṣṭasiddhaye || yadi mantre guruḥ sākṣāt sarvatantre svayaṃ haraḥ | na dadyāt tārakāṃ vidyāṃ dātuṃ naiva vadet kvacit || (p. 24) yadi bhāgyavaśādvatsa! koṭijanmatapobalāt | labheta tārakāṃ vidyāṃ sa bhavet kalpapādapaḥ || gopanīyo gopanīyastārāmantraḥ sadāśiva! | yantraṃ mantrañca paṭalaṃ stotraṃ kavacameva ca || rahasyaṃ guhyaṣoḍhāñca tārānigamameva ca | gopanīyaṃ prayatnena tārāṃ naiva prakāśayet || kulakarmarato yastu sattvabhāvavivarjitaḥ | mantre tantre gurau vipre latāyāṃ vīrabhāvataḥ || etādṛśāya kaulāya śaṭhāya na kadācana | yo dadāti varaṃ tasmai dātārañca śivājñayā | arthalobhī kāmalobhī karmalobhī naraḥ kvacit || dadāti yadi deveśi! niraye patati dhruvam | śivahā triṣu lokeṣu śaktihā brahmahā bhavet || sa eva bhraṣṭaḥ kauleṣu ko'nyo bhraṣṭo mahītale | kulīnāya mahecchāya śraddhābhaktiparāya ca || kaulasevāyutāyāpi śaktisevāratāya ca | tārābhaktāya śiṣṭāya sadānandāya śūladhṛk ! | etebhyaśca pradātavyaṃ hyanyathā mṛtyumāpnuyāt || sadguruṃ lakṣaṇākrāntaṃ svayaṃ lakṣaṇasaṃyutaḥ | prāpya dīkṣā prakartavyā hyanyathā niṣphalā kriyā || vilvamūle śmaśāne vā parvate vā nadītaṭe | gurugehe mahāpīṭhe siddhipīṭhe śivālaye || ekaliṅge taḍāge vā vṛṣaśūnyaśivālaye | dīkṣāṃ kuryāt sadā mantrī japañcāpi samācaret || pañcakrośāntare yatra na liṅgāntaramīkṣate | taccaikaliṅgamākhyātaṃ mantrasiddhipradāyakam || (p. 25) yadi bhāgyavaśāddevi! gaṅgātīraṃ pralabhyate | tatra cet kriyate dīkṣā koṭi koṭi guṇāyate || yaterdīkṣāṃ piturddīkṣāṃ dīkṣāṃ mātāmahasya ca | sodarasya kaniṣṭhasya vairipakṣāśritasya ca || viviktāśramiṇo dīkṣāṃ na gṛhṇīyāt kadācana || na patnīṃ dīkṣayedbhartā na pitā dīkṣayet sutām | na putrañca tathā jyeṣṭho kaniṣṭhaṃ na ca dīkṣayet || dīkṣātṛtīyadivase kṛtvā kṣaurādikaṃ śubham | haviṣyaṃ taddine kāryamupavāsaṃ pare'hani || gurorājñāṃ samādāya puṣpādi svayamāharet | pañca ghaṭāṃśca saṃsthāpya tatra devān prapūjayet || prathame gaṇanāthañca dvitīye ca sadāśivam | tṛtīye sundarīṃ devīṃ caturthe paradevatām | pañcame sarvadevāṃśca sarvajidgurusattamaḥ | svasti vācya tataḥ kuryāt saṅkalpaṃ vidhipūrvakam || muktāmāṇikyavaidūrya gomedān vajravidrumau | nīlaṃ marakataṃ padmarāgaṃ pañcaghaṭe nyaset | tato mūlaṃ sahasrañca prajapet sadguruḥ svayam | karanyāsaṃ tataḥ kṛtvā tattvanyāsaṃ tataḥparam || puṣpādyalaṅkṛtaṃ śiṣyaṃ candanena pralepayet | tato ratnādikumbhasthaistoyaiḥ śiṣyaṃ prasicya ca || śiṣyaśīrṣe tato hastaṃ dattvā cāṣṭottaraṃ śatam | japenmantraṃ guruśreṣṭhaḥ kapole mūlamuccaran || ṛṣicchandaḥ kīlakañca śaktibījamataḥparam | ekadā dakṣiṇe karṇe gāyatrīñca tridhā japet || tato mantraṃ pravaktavyaṃ strīdīkṣā vāmataḥ sakṛt | (p. 26) vidhireṣa dvijātīnāṃ strīśudrāṇāñca vāmataḥ || tataśca praṇameddevi! śrīguruṃ sarvalakṣaṇam | svayaṃ japtvā tato mantraṃ dakṣiṇādīn samācaret || tārāmantreṣu sarveṣu caiṣā dīkṣā prakīrtitā | śivasya pūjanaṃ kāryaṃ pārthivasya na cānyathā || sāmānyārghyaṃ prakartavyamāsanādīn viśeṣataḥ | yonipīṭhādviṣṇupīṭhaṃ liṅgāgrāttulyamūlakam | yonyadhaḥśeṣaparyantaṃ trisūtrīkaraṇantvidam || na pūjayet pārthivaṃ yaḥ śivaliṅgaṃ sureśvari ! || nānyapūjāphalaṃ tasya caṇḍālatvaṃ prajāyate || devadhyānaṃ tataḥ kṛtvā puṣpaṃ śīrṣe pradāpayet | praṇavasya ca pāśasya kalāsaṃkhyakajāpataḥ || viśvaṃ dehaṃ śodhayitvā bhūtaśuddhiṃ samācaret || svanābhau dakṣiṇaṃ pāṇiṃ vāme pāṇau vidhāya ca | caturviṃśatitattvena sārddhaṃ jīvasya tolanam || pradīpakalikākāraṃ sarvatejomayaṃ vibhum | pravibhidyākhilaṃ cakraṃ parabrahmaṇi yojayet || mulādhārāgniśikhayā sarvaṃ dehaṃ vidāhayet | sarvarūpaṃ śarīrañca pāpena puruṣeṇa ca || dakṣanāsāpuṭaṃ dhṛtvā kalāsaṃkhyaṃ japecca yaḥ | pūrayitvā tato vāyuṃ catuḥṣaṣṭijapena ca || kumbhayet paramaṃ vāyuṃ tato dvātriṃśataṃ japet || recayedvāmato vāyuṃ liṅgadehaṃ vināśayet || vahnibījaṃ japeddevi! pūrvasaṃkhyānusārataḥ | sarvaṃ bhasmamayaṃ dhyātvā tato bhasmavirecanam || pṛthvibījaṃ tato japtvā kalayā plāvayettanum | (p. 27) mahāviṣṇuḥ svayaṃ sākṣādityevaṃ jñānasaṃkulaḥ || punaśca candrabījena catuḥṣaṣṭijapena ca | sthirīkṛtya nijaṃ dehaṃ kumbhayedvāyumaṇḍalam || dvātriṃśadvāruṇajapādamṛtena virecayet | sādhayet parayā bhaktyā divyarūpaṃ manoharam || bhāle candrañca saṃbhāvya vibhūtiṃ paridhārayet | vāmahaste samānīya payaśca śuṣ.kabhasmakam || yajñabhasmasamāyogaṃ vṛṣabhasmani kārayet || prajapettatra mantrañca śivasyāpi ṣaḍakṣaram | śudraḥ pañcākṣaraṃ japtvā priye! ṣoḍaśasaṃkhyakam | paṭhettatra mahādevi! mantrametaddvayaṃ punaḥ || oṃ agniriti bhasmajalamiti bhasma sarvaharaṃ param | bhasma cakṣūṃṣaundriyāṇi bhasmani dadhyāt śāmbhavaṃ paśupāśavimokṣaṇāya | oṃ bhasmarūpaṃ parabrahma parā śaktiritīritā | bhasma jñeyaṃ paraṃ jñānaṃ paraṃ tattvasvarūpakam || paramānandadaṃ bhasma jñānakalpe vyavasthitam | vidhārayāmi tadbhasma paśupāśavimuktaye || tataśca brahmaṇe gadyaṃ mantraṃ tasya ṣaḍakṣaram | śūdraḥ pañcākṣaraṃ mantraṃ paṭhitvā dhārayet sadā || mṛgamudrāṃ samāsādya lalāṭe vibhṛyācchubham | mūlena praṇavenāpi prāṇāyāmaṃ samācaret || kaniṣṭhānāmikāṅguṣṭhairyannāsāpuṭadhāraṇam | prāṇāyāmaḥ sa vijñeyaḥ pūrakaiḥ kumbharecakaiḥ || kalācatuṣṭayaṃ tasya dviguṇena virecayet | kramāt kramāt trayaṃ kṛtvā mānasenāpi pūjayet || (p 28) jñānināmapi siddhiḥ syānnyāsametat samācaret | paśupataye namaḥ śīrṣe, mukhe ca haraye namaḥ || kaṇṭhe śrīnīlakaṇṭhāya rudrāya corasi nyaset | kapāle dhūmranetrāya mūle śrīśambhave namaḥ || pādayorbhairavāyaiva śivāya dakṣavāhutaḥ | kalāya vāmavāhau ca pṛṣṭhe jñānāya eva ca || krodhāya sarvagātreṣu vinyasecchivapūjane | ṣaḍdīrghabhājā bījena kuryādatha ṣaḍaṅgakam || karāṅgañca tathā nyasya daśadigbandhanañcaret || harāya nama uccārya mṛdañcaivāharet śuciḥ || maheśvaracaturthyantaṃ namo'ntaṃ gaṭhanañcaret | śūlapāṇe ihoccārya supratiṣṭho bhava svayam || pratiṣṭhāpya tataḥ siddhe dattvāvāhya prapūjayet || pādyamarghyañca gandhañca puṣpaṃ dhūpañca dīpakam | naivedyādīni dattvā ca pūjayet parameśvaram || mocāphalaṃ savṛntañca śivaliṅge dadāti yaḥ | tasya pūjāṃ mahādevi! gṛhṇāmi prayatātmanaḥ || tasya siddhirbhaveddevi! niyatā saphalā sadā || puraḥsthitvā mūlamantraṃ japeddaśasahasrakam | paśupataye nama iti liṅgaṃ saṃsthāpayed budhaḥ || vilvapatrasya māhātmyaṃ vaktuṃ kaḥ śakta eva hi | vilvapatrairvinā devi! liṅgapūjā tu nisphalā || pūjayet parayā bhaktyā cāṣṭamūrtiṃ śivasya ca | āgneyyāntāṃ prapūjyātha vedyāṃ liṅge śivaṃ yajet || liṅgavedī bhaveddevī liṅgaṃ sākṣāmmaheśvaraḥ | tayośca pūjanāt syātāṃ devīdevau supūjitau || (p. 29) oṃ sarvāya kṣitimūrtaye namaḥ, oṃ bhavāya jalamūrtaye namaḥ, rudrāya agnimūrtaye namaḥ, oṃ ugrāya vāyumūrtaye namaḥ, bhīmāya ākāśamūrtaye namaḥ, oṃ paśupataye yajamānamūrtaye namaḥ, oṃ mahādevāya somamūrtaye namaḥ, oṃ īśānāya sūryamūrtaye namaḥ | ityanenāṣṭamūrtīḥ pūjayet | puṣpāñjalitrayaṃ devi ! śaṅkarāya nivedayet | sa pūjāphalamāpnoti nānyathā lakṣapūjanāt || tato mūlaṃ prajaptavyaṃ devi! cāṣṭottaraṃ śatam | sajalairvilvapatraiśca japan liṅge samarpayet || oṃ guhyātiguhyagoptā tva gṛhāṇāsmatkṛtaṃ japam | siddhirbhavatu me deva ! tvatprāsādānmaheśvara ! || maheśvara ityatra tvayi sthite iti kvacit pāṭhaḥ | stotrañca liṅgārcanacandrikādāvanusandheyaṃ kavacañca | tato mukhavādyādikañcaret | saṃpūjya pārthivaṃ liṅgaṃ mukhavādyaṃ carettu yaḥ | śivasāyujyamāpnoti tathā karataladhvanim || arddhaṃ pradakṣiṇaṃ kṛtvā praṇamet pārvatīśvaram | yāmyācca gacchet kauverīṃ punastatrāgatiñcaret || pṛṣṭhe hastaṃ samādāya mahyāṃ jānudvayaṃ tathā | śīrṣāvanāmaṃ dattvā tu cārddhacandrākṛtirbhavet || yo dadyāt sambidāpātraṃ śaṅkarāya maheśvari ! | aśvamedhakṛtaṃ puṇyaṃ pātreṇaikena jāyate || dvādaśyāṃ śāṅkaraṃ devi! liṅgaṃ dṛṣṭvā tu pārthivam | sambidāpātramādāya sarvaṃ dadyāt kṛtāñjaliḥ || nārcayecchaṅkarasyāpi liṅgaṃ yastu naraḥ kvacit | na viṣṇubhaktaḥ śākto vā na śaivaḥ sa narādhamaḥ || (p. 30) nṛtyagītavādyanāmoccāraṇena śivaṃ santoṣya saṃhāramudrayā kṣamasveti visṛjya sthānaṃ saṃskuryāt | harasya pārthivaṃ liṅgaṃ pūjayitvā naro yadi | jale saṃsthāpayeddevi! sa daridro bhaved dhruvam || pūjayitvā tu yo liṅgaṃ pārvatīpriyamuttamam | sthāpayedbhuvi raudre ca dandaśūkaṃ prayāti saḥ || śivaliṅgaṃ pūjayitvā bhūmau saṃprāpayet kila | athavā sthāpayettoye dandaśūkaṃ vrajennaraḥ || yatra yatra narakaśrutistat sudhībhirna kāryam | daridrābhi bhavañca na kāryam | kintu mahāliṅgeśvaratantre ubhayatra doṣaśravaṇāt | dandaśūkaṃ vrajennaraḥ iti śravaṇācca | bhūmau prāpaṇameva kāryaṃ tadabhāve jale vā kṣipet | śambhuṃ bhāgīrathījalaṃ vinā na jale kūpodake pūjayet | na jale pūjayecchambhuṃ bhāgīrathījalaṃ vinā || iti yāmale | tripurānandena madguruṇā vyākhyātam | pūjane gaṅgājale vilvapatrādibhirvināpi na ca sāmānyajale | jale sāmānyajale na sthāpayet | mudrādarśanādibhirna pūjayedityarthaḥ | tathā tārānigame mahāliṅgeśvaratantre ca | pārthivaṃ nārcayitvā tu kālīṃ tārāñca sundarīm | arcayed yastrilokasthaḥ sa gacchedyamayātanām || etenādau mahāvidyāṃ pūjayitvā śivapūjāṃ vadanti, tanna liṅgārcanacandrikāyām | mahāvidyāṃ pūjayitvā śivapūjāṃ samācaret | anyathākaraṇāddevi ! na pūjāphalamāpnuyāt || iti mahāvidyānāṃ praśaṃsārthaṃ śivavākyam | tathāca tripurākalpe | yāvanna pūjayelliṅgaṃ pārthivaṃ sādhakādhamaḥ | (p. 31) tasya pūjāṃ na gṛhṇāti sundarī tārakāsitā || iti brahmānandaparamahaṃsaparivrājakācāryatīrthāvadhūtaviracite tārārahasye dvitīye paṭale śivaliṅgapūjanapaṭalaḥ | ---------------- śaktisāre - prātaḥkṛtyaṃ caredādau prātaḥsandhyāṃ tataḥparam | tataḥ snānaṃ vidhāyātha sandhyāṃ mādhyāhnikīṃ tathā || śivapūjāṃ tataḥ kuryāt tathāntaryajanaṃ śiva! | tataḥ pūjā vidhātavyā tato homaṃ samācaret || baliṃ dadyāttato daivyai homaṃ kuryāttataḥparam | bhogaṃ dattvā mahādevyai sāyaṃsandhyāṃ samācaret || tato yogo vidhātavyastataḥ sādhanamuttamam | evaṃ prakāramāsādya tārakāṃ sādhayed yadi || tadā siddhimavāpnoti nānyathā kalpakoṭibhiḥ || stavañca kavacañcāpi sahasrākhyaṃ paṭhettataḥ | prapaṭhet sādhakaśreṣṭhastrisandhyaṃ kāryasiddhaye || etena śivapūjāntaryajanasya kartavyatvaṃ tadeva likhyate | tārāsāre nigame ca - na pūjāphalamāpnoti vināntaryajanaṃ śiva! | tasmādarcanataḥ pūrvamantaryāgaṃ samācaret || tathācaikajaṭāpakṣe- svakīyahṛdaye dhyāyet sudhāsāgaramuttamam | ratnadvīpañca tanmadhye suvarṇavālukāmayam || pārijātavanaṃ tatra ratnānāñcāpi mandiram | śmaśānaṃ tatra saṃcintya tatra kalpadrumaṃ smaret || tanmadhye maṇipīṭhañca nānāmaṇivibhūṣitam | (p. 32) caturdikṣu śavairmuṇḍaiścitāṅgārāsthibhūṣitam || vibhāvya yatnato mantrī tattvadvīpe vaset svayam | brahmarandhre sadā dhyāyenmahādevaṃ jagadgurum || tasya vāmasthitāṃ devīṃ tārāṃ tārasvarūpiṇīm | vibhāvya praṇamedvidyāṃ prātaḥkṛtiritīritā || brahmarandhre bindurūpaṃ puṣkaraṃ tīrthamuttamam | prakuryāt sādhakastatra snānaṃ sarvamalāpaham || badhūbījasvarūpe ca śivatīrthaṃ hṛdi nyaset | madhye suṣumnānāḍyāṃ tu snāyāt sādhakasattamaḥ || iti snānam | svakīyahṛdaye dhyāyet siṃhāsanamananyadhīḥ | tatra saṃbhāvyate śayyā jñānānandasvarūpiṇī || śivaṃ tatra vibhāvyātha sarvālaṅkārabhūṣitam | digambaraṃ mahākāyamunmattaṃ kāmabhāvataḥ || śayyāyāmūrddhaliṅgañca bhāvayet sādhakāgraṇīḥ | bhāvayecca tato devīmamṛtānandarūpiṇīm || taptakāñcanavarṇābhāṃ nānālaṅkārabhūṣitām | pārijātānvitāṃ devyāḥ kavarīṃ paribhāvayet || trisandhyaṃ sandhyā kartavyā mantrasiddhimabhīpsatā | mātā kāmeśvarī devī pitā kāmeśvaraḥ śivaḥ | śraddhāvān bhāvayitvā ca aṣṭasiddhīśvaro bhavet || iti sandhyā | sarvatejomayīṃ devīṃ śivaśaktiṃ yatātmikām | jvalatsūryāgnicandrābhāṃ taḍitkoṭisamaprabhām | bhāvayet sādhako yastu dhyānayogena niścalaḥ | iti dhyānaṃ vidhātavyaṃ sādhakairmantrasiddhaye || iti dhyānam | (p. 33) brahmarandhracandrapātrāttarpayettāriṇīṃ parām | tatrasthasūryapātreṇa cārghyaṃ dadyānmanoharam || dayā jñānaṃ kṣamā puṇyaṃ puṣpamindriyanigraham | jñānadānaṃ puṇyapuṣpamahiṃsāpuṣpamuttamam || ācārapuṣpaṃ me devi! svayambhūpuṣpamuttamam | ānandapuṣpaṃ dātavyaṃ puṣpañca sādhakārcanam || daśapuṣpaṃ yaḥ pradadyāt sa gacchettārakāpadam | trilokasthaśubhadravyaiḥ pūjayet sādhakottamaḥ || tattvaṃ dadyāttārakāyai matsyamāṃsasamanvitam | tadā siddhimavāpnoti na japānna kulārcanāt || iti pūjā | prajapedvarṇamālābhirnyāsapūrvaṃ kuleśvaraḥ | hṛtpadme ṣoḍaśārañca vinyaset ṣoḍaśasvaram || pūrvāditaḥ samārabhya vahnikoṇāntapatrataḥ | ādhāre vinyasedvidvān kakārādicatuṣṭayam || paścimādidale nyasya cottarāntaṃ susādhakaḥ | liṅgamūle nyaset padme ṣaḍdale cottarakramāt || ṅakārādiñakārāntaṃ ṣaḍvarṇaṃ sādhakottamaḥ | nābhimūle nyasedvarṇaṃ ṭādiḍhāntaṃ manoharam || dakṣiṇādikramānnyasya varṇarūpānmahāmanūn | vinyasettālumūle ca caturdaśadalānvite || dhakārādisakārāntamindravarṇaṃ nyasedbudhaḥ | lalāṭe ca bhruvormadhye hakṣau varṇau nyaset sadā || ādau dakṣe tathā vāme śuklapatre suniścitam | dvādaśārṇe nyasedvidvān kādiṭhāntān susiddhaye || ḍakārādivisargāntān sahasrāre nyaset sadā | evañcāntarmātṛkāṇāṃ vinā nyāsena pārvati ! || (p. 34) antaḥpūjāṃ caredyastu sa gacchet yamasādanam || iti mātṛkāntanyāsaṃ kṛtvā varṇamālayā japet | sā tu | akārādikṣakārāntaṃ hakṣavarṇau ca madhyataḥ | nādavindusamāyuktaṃ varṇānte prajapenmanum || anulomavilomena japedaṣṭottaraṃ śatam | u ku cu ṭu tu pu yu śu aṣṭavargeṣu saṃjapet || u avargaḥ ṣoḍaśasvaravarṇaḥ | ku kavargaḥ, cu cavargaḥ, ṭu ṭavargaḥ, tu tavargaḥ, pu pavargaḥ, yu yavargaścaturvarṇaḥ, śu śavargaḥ ṣaḍvarṇaḥ tārārṇave - nādabindusamopetaṃ sarvavarṇe vyavasthitam | strīśudrayoretadeva nādabinduvivarjitam || nādabindusamāyuktaṃ japye nyāse ca mokṣadam || etena mokṣaśravaṇāt sarvavarṇānāmarddhacandrakhaṇḍabhūṣitavarṇa jape nyāse cādhikāraḥ | strīśudrayostu visargokārabindūnāṃ na candrakhaṇḍayogaḥ | tathā ca tārāsāre | niścandraṃ na caredvarṇaṃ jape nyāse ca śūladhṛk | anyathā karaṇānmūḍho narakaṃ yāti niścitam || svakīyahṛdaye dhyāyed yonimaṇḍalamuttamam | rājabhiśca samopetaṃ trikoṇaṃ sarvavarṇakam || kāmākhyāyoniṃ saṃbhāvya nīlapadmamanusmaran | hunet ṣoḍaśavārañca ghṛtairliṅgodbhavairdhiyā || tataḥ pradakṣiṇaṃ kuryānmānasena śivāṃ trayam | ityantaryajanaṃ mūḍho'kṛtvā yaḥ pūjayet parām | na pūjāphalamāpnoti tārāyāḥ koṭijanmatraḥ || ityantaryajanam | (p. 35) athogratārāntaryāgaḥ | athogratārakāyāśca antaryāgaṃ vadāmyaham | svakīye hṛdaye dhyāyet sudhāsāgaramuttamam || hṛtpadme ṣoḍaśāre ca tarpayedugratāriṇīm | dale dale mahādevīṃ mūlamantramanusmaran || tasyā yonau hunedvatsa ! mantreṇānena sāmpratam | oṃ nābhicaitanyarūpāmnau haviṣā manasā srucā || suṣumnāvartmanā nityamakṣavṛttirjuhomyaham | prakāśakāśahastābhyāmavalambyonmanā srucā || dharmādharmakalāsnehapūrṇavahnau juhomyaham || tataśca varṇamālābhirjapedaṣṭottaraṃ śatam | pradakṣiṇīkṛtya tataḥ praṇipatya sukhañcaret || ityugratārāntaryajanam | svakīye hṛdaye dhyāyet sāradāṃ nīlarūpiṇīm | pratyālīḍhapadāṃ devīṃ vyāghracarmāvṛtāṃ kaṭau || hāsyavaktrāṃ mahāghorāṃ yajennīlasarasvatīm | viparītaratāśaktāṃ vāgīśatvapradāyinīm || pāyayitvā sudhādhāraṃ matsyamāṃsasamanvitām | casakena dadedvaktre cāsavaṃ māṃsasaṃyutam || mahāhṛdi paraṃ dhyāyennīlavāṇīṃ sureśvarīm | āsavonmattahṛdayā śivavaktre punaḥ punaḥ || papāta vātayogena cumbanañca karoti hi | pādapadmaṃ mahādevi ! vidhṛtya nijahastataḥ || utthāya tāriṇīvaktraṃ sa cumbati punaḥ punaḥ | tasya vaktre pradadyācca matsyaṃ dagdhaṃ mahāsavam || dagdhamatsyaṃ dagdhamāṃsaṃ śoṇitaṃ paśudehataḥ | (p. 36) śukarasyoṣṭhamāṃsañca bhagaliṅgāmṛtaṃ tathā || dadyānnīlasarasvatyai cocchiṣṭaṃ haravaktrake | punaḥ punaḥ pūjayitvā pūjayedvarṇamālayā || ityantaryajanaṃ proktaṃ nīlavāṇyāḥ suśobhanam || yo'rcayet parayā bhaktyā haste tasya sadā vaset | sarvasiddhirmahādevi ! vaktre vāṇī vaset dhruvam || divārātrau kulācāre caivaṃ yastu vibhāvayet | tasya bhogaśca mokṣaśca vāñchāsiddhiḥ kare vaset || iti nīlasarasvatyā antaryajanam | atha ekajaṭāmantroddhāraḥ | brāhmaṇetaravarṇānāṃ ṣaṭkoṇaṃ karṇikāgatam | brāhmaṇānāṃ sadā lekhyaṃ trikoṇaṃ karṇikāgatam || madhye kūrcaṃ likhedvidvān vṛttadvayamataḥparam | tataścāṣṭadalaṃ lekhyaṃ caturbījasamanvitam || pūrve lajjā vadhūrdakṣe uttare phaḥ prakīrtitaḥ | paścime ṭaṃ samākhyātaṃ koṇe ca reṇukāyutam || caturasraṃ caturdvāraṃ likhedyantraṃ suśobhanam || evaṃ yantraṃ parityajya bhinnayantre prapūjayet | tasyai dattvā ruṣā śāpaṃ devī yāti haraṃ prati || asyā bhedena tārāyā vakṣyāmi tadanantaram | trikoṇañca trivṛttañca likheccāpi caturdalam || tataścāṣṭadalaṃ lekhyaṃ dvivṛttaṃ tadanantaram | caturasraṃ caturdvāraṃ kāmatārāprapūjane || etāsāṃ dhāraṇayantraṃ yathā - trikoṇaṃ sādhakākhyañca ṣaṭkoṇaṃ tadanantaram | likhedaṣṭadalaṃ padmaṃ ṣoḍaśasvarasaṃyutam || (p. 37) padmāvatyāśca mantreṇa saptavarṇena veṣṭayet | caturasraṃ caturdvāraṃ koṇe vajrasamanvitam || iti | athogratārāyantram | navakoṇaṃ likhedādau pañcapatrasamanvitam | dvivṛttaṃ dviguṇaṃ padmaṃ sarvatra reṇubhūṣitam || caturasraṃ caturdvāramugratārāprapūjane | ṣaṭkoṇañca ctuṣkoṇaṃ pañcavṛttasamanvitam || likhedaṣṭadalaṃ padmaṃ caturasrādikaṃ tathā | vartulaṃ bindusaṃyuktaṃ ṣaṭkoṇaṃ tadanantaram | likhedaṣṭadalaṃ padmaṃ bhūgṛhaṃ tadanantaram || atha nīlatāriṇīyantram | tritrikoṇaṃ samaṃ lekhyaṃ madhye bindusamanvitam | dvivṛttaṃ ṣaḍadalaṃ viddhi trivṛttaṃ dvādaśaṃ dalam || punarvṛttatrayaṃ lekhyaṃ caturdvārātmakaṃ gṛham | dvitrikoṇañca ṣaṭkoṇaṃ vṛttaṃ cāṣṭadalaṃ tathā || punarvṛttaṃ kalāpatraṃ caturdvārātmakaṃ gṛham | sādhāraṇayantramekajaṭāprakaraṇoktaṃ sarvatra iti narayantroddhāraḥ | atha yantrasaṃskāraḥ | tārānigame- tāmrapātre kapāle vā śmaśāne kāṣṭhanirmite | svarṇe raupye'thavā lauhe yantraṃ kuryādvidhānataḥ || saṃskārasya nityatāmāha tārāsāre- asaṃskṛte tu ye yantre pūjayanti narādhamāḥ | puṇyajñānasutaihīnāḥ sādhane siddhayaḥ katham? || yantraṃ likhitvā ye pūjāṃ na kurvanti dine dine | teṣāṃ pūjāṃ na gṛhṇanti devāḥ siddhiḥ kathaṃ bhavet ? || (p. 38) tatraiva | yantrasya lekhane'śaktaḥ puṣpayantre prapūjayet | aparāyāṃ javāyāñca droṇe ca karavīrake || gaurīpaṭṭe śivasyāpi tattvapātre'thavā punaḥ | abhāve sarvayantrāṇāṃ śālagrāme jale'rcayet || sumarttyāṃ sarvavarṇāśca tadyantre ca prapūjayet | śālagrāmetare yantre śasyate śūdrayoṣitaḥ || gaurīpaṭṭe tu pūjāyāṃ pāṣāṇādau na pārthive || tathā śaktiyāmale - pārthive yonivedyāstu pūjane reṇunāśakṛt | pacyate narake ghore na mokṣaḥ koṭijanmataḥ || iti || raktāsanasthito vīraḥ kāmākhyāmukha eva ca | likhedaṣṭadalaṃ padmaṃ kuṅkumena susiddhaye || tatra saṃsthāpayed yantraṃ pañcagavyena secayet | vīkṣaṇaṃ mūlamantreṇa astreṇa puṣpatāḍanam || mūlena nikṣipedvindūn lepayeccandanena ca | gandhapuṣpākṣatairyantraṃ samabhyarcya vilokayet || oṃ yantrarājāya vidmahe sarvādhārāya dhīmahi tanno yantraḥ pracodayāt | etayā vāpi gāyatryā śataistamabhimantrayet || devatābhāvamāsādya mūlamantraśataṃ japet | pratiṣṭhoktakrameṇāpi pratiṣṭhāpya nirīkṣayet || gāyatryā devatāyāstu śataṃ tamabhimantrayet | devīṃ tatra samāvāhya daśamūlena mantrayet || puṣpāñjalyaṣṭakaṃ dattvā copacāraiśca pūjayet | kalābhirdaśabhirvāpi pañcabhirvāpyaśaktitaḥ || tarpaṇantu tataḥ kṛtvā śatamaṣṭottaraṃ hunet | (p. 39) homakarmaṇyaśaktaśced dviguṇaṃ japamācaret || praṇamya dhāryaṃ tadyantraṃ sadā sadbhāvasiddhaye | guruṇā kārayedvāpi svayaṃ vāpi viśodhayet || brāhmaṇānāṃ kṣatriyāṇāṃ vaiśyānāṃ harasundari! | yoṣitāmapi śudrāṇāṃ cādhikāro'tra sadvidhau || sarvatra home pūjāyāṃ saṃskāre vālakasya ca | prayoge yatra saṃśuddho srajaḥ saṃskārakarmaṇi || śavānāñca citānāñca latānāñcāpi sādhane | lajjā tu praṇavasthāne hrīṃ bījaṃ vahnivallabhā || setusthāne kūrcabījaṃ ṣoḍhāyāṃ kāmabījakam | svargamokṣapradaṃ viddhi sarvatra śudrayoṣitaḥ || iti śrībrahmānandaparamahaṃsaparivrājakāvadhūtaviracite tārārahasye dvitīyaḥ paṭale yantrasaṃskāraḥ | atha mālāprakaraṇam | tārānigame - nṛkapālasya khaṇḍena racitā japamālikā | mahāśaṅkhamayī mālā akasmāt siddhidā smṛtā || dantajairvā prakartavyā tathā cāṅguliparvabhiḥ | kālī tārā mahāvidyā yantre tiṣṭhatyatandritā || abhāve sphāṭikī mālā mahāśaṅkhasya śaṅkara! | śodhayitvā jepenmantraṃ sarvakāmārthasiddhaye || mahāśaṅkhajapādvatsa! akasmāt siddhibhāg bhavet | mantrasiddhiḥ sphāṭike syādrudākṣe sarvasiddhibhāk || kuśagranthiḥ śāntike syāt svaradantā ca māraṇe | uccāṭane cāśvadantā vaśye pravālamālikā || vidyāyāñca dhane cāpi striyāmākarṣaṇe tathā | (p. 40) śatrūṇāṃ stambhane vāpi mālā raupyamayī tathā || saṃskāre nityatāmāha- yaścāsaṃskṛtamālābhirmantraṃ japati mānavaḥ | tasmai dattvā ruṣā śāpaṃ devī yāti haraṃ prati || trikoṇaṃ saṃlikhedbhūmau mālāṃ tatra nidhāpayet | devapratiṣṭhāmantreṇa tatra devīṃ pratiṣṭhayet | saṃskṛtya tattvaṃ tenaiva sahasrabindukaṃ kṣipet || sindūrakaravīrādyaiḥ pūjayettāriṇīṃ parām | tulasīgomayāspṛṣṭāṃ gaṅgāspṛṣṭāñca mālikām || gopayedvahuyatnena gurorapi na darśayet || apamṛtyu gatasyāpi cāsthi vipretarasya ca | strīkarṇavedhe deveśi cāsthi cādāya yatnataḥ | dhamanyā grathayenmālāṃ raktasūtreṇa vā punaḥ || iti mahāśaṅkhamālā | atha sāmānyamālā | māraṇe pañcadaśakamaṣṭādaśa sadoccaṭe | aṣṭāviṃśatimālābhirvaśye'pyākarṣaṇe tathā || dhanārthaṃ triṃśatā japyaṃ siddhau syāt pañcaviṃśatiḥ | ekapañcāśanmanubhiḥ sarvasiddhimavāpnuyāt || brāhmaṇī kanyakā yā tu anuḍhā syāt kalevare | kṛtasūtraiśca kartavyaṃ srajaṃ sarvasukhāvaham || śāntau kārpāsasūtraṃ syāt siddhau syādraktasūtrakam | jñānasūtraṃ varṇarūpe kṛṣṇasūtrantu māraṇe || ākarṣaṇe nīlasūtraṃ dhamanī sarvasiddhidā | triguṇaṃ triguṇīkṛtya dṛḍharajjusamanvitam || sārddhadvayāveṣṭanena granthiṃ kuryādyathā dṛḍham | (p. 41) brahmagranthiyutāṃ kuryādgranthiṃ vāpi triveṣṭitām || athavā granthikaṃ tatra dṛḍharajjusamanvitam | eṣā puṇyamayī mālā sarvasiddhipradā matā || atha śodhanam | aśvatthapatranavakaiḥ pakṣākārantu kārayet | tanmadhye sthāpayenmālāṃ mātṛkāmūlamuccaran || kṣālayet pañcagavyena vāmadevena gharṣayet || vāmadevastu mahākulārṇave - oṃ vāmadevāya sarvasiddhīśvarāya sarvapāpaharāya sarvamālikeśvarāya oṃ huṃ oṃ aiṃ klūṃ phaṭ ityanena candanakuṅkumagorocanādibhirgharṣayet | tattvājñairna tu netavyo vāmadevastu vaidikaḥ | kulācāravihīnānāṃ na vedāḥ phaladāyakāḥ || oṃ lajjā tu subhagā caiva vāgbhavā kāma eva ca | etena vīkṣaṇaṃ kuryāttārāmantrasusiddhaye || iti vīkṣayet | tataḥ śatābhimantritaṃ mūlena kuryāt | tato mātṛkāvarṇaiḥ pratyekabinduṃ nikṣipet pratimāsu mūlena devīṃ tarpayet | mūlena snāpayenmālāṃ kuṅkumenāpi lepayet | gharṣayedvidhivodhena kāmabījena pūjayet || tataśca mūlamantraṃ hi mālopari śataṃ japet | tatra devīṃ pratiṣṭhoktavidhinā pratiṣṭhāpayet || tata āvāhanamudrābhirāvāhayet | tataḥ ṣoḍaśopacāraiḥ pañcopacārairvā pūjayet | tata aṣṭottaraśataṃ hunet | tadaśaktau dviguṇajapaḥ | tataḥ saptapradakṣiṇaṃ kṛtvā prāṇāyāmaṃ kṛtvā karāṅgaṣaḍṅgnyāsau vinyasya mālāṃ śirasi saṃveṣṭya gopayet | mukhe mukhantu saṃyojya pucche pucchaṃ niyojayet | mukhataḥ prajapenmantrī pucchato na kadācana || (p. 42) pucchataḥ prajapitvā tu śokaduḥkhabhayādikam | kṛtāñjaliryasya devī tasyāpi narakaṃ kila || na sadgatirna vai siddhirvighnastasya sadā bhavet | śabde jāte bhavedrogo dhūnanaṃ bahuduḥkhadam | helanāt siddhihāniḥ syāttasmādyatraparo bhavet || iti mālāsaṃskāraḥ | atha homaḥ | prāgagrā udagagrāśca tisro rekhā vilekhayet | tanmadhye ca catuḥkoṣṭhaṃ lepaṃ kuryādvidhānataḥ || trikoṇamādau likhyātha madhye lajjāsamanvitam | vṛttaṃ tataśca ṣaṭkoṇaṃ koṇavajracatuṣṭayam || gajakumbhaṃ vāhyakoṇe dvāre yonidvayaṃ dvayam | aṣṭayoniyutaṃ cakraṃ gajakumbhacatuṣṭayam || evaṃ kuṇḍaṃ sthaṇḍilaṃ vā kṛtvā devīṃ vibhāvayet | agnau prapūjayedviṣṇuṃ aiśānyāṃ śūladhāriṇam || vāyavyāṃ cāpi brahmāṇaṃ nair-ṛtyāmindrameva ca | lakṣmīṃ sarasvatīṃ pūrve dve trikoṇe prapūjayet || śacīṃ kṛṣṇāṃ cottarasyāṃ chāyāṃ gaṅgāñca paścime | durgāṃ devīñca tripuṭāṃ dakṣiṇasyāṃ prapūjayet || prāgagreṣu yajeddevān mukundeśa purandarān | yajedvai cottarāgreṣu brahmavaivasvatendukān || devīṃ prapūjayet paścāt ṣaṭkoṇeṣu sadāśiva! | durgāṃ kāñcīṃ tathā kālīṃ tripurāṃ bhairavīṃ tathā || asitāṃ pūjayet koṇe tāriṇīṃ mokṣadāyinīm | madhye prapūjayedvatsa! yathāśaktyupacārakaiḥ || devyā yoniṃ vibhāvyātha bhāvayecca rajoyutām | (p. 43) puṣpāñjalitrayaṃ dattvā kāṣṭhaṃ tatra nipātayet || tato vahniṃ samānīya kāṃsyapātre sthitam śubham | oṃ kravyādebhyo huṃ phaṭ svāhā ityanena tyajedbudhaḥ || punarmūlena cānīya yonimadhye nidhāpayet | yonimudrāṃ pradarśyātha mūlaṃ tatra japeddaśa || tatra devīṃ cintayitvā rajasā yonimaṇḍalam | gandhapuṣpeṇa saṃpūjya devīṃ sarvārthasādhinīm || oṃ cit piṅgala hana hana paca paca matha matha vidhvaṃsaya vidhvaṃsaya mama duṣṭān pāpān sattvān śatrūn grasa grasa piba piba anena homena sarvājñāṃ jñāpaya mama sarvakāryāṇi sādhaya svāhā iti paṭhitvā vahniṃ dhmāpayet | rajoguṇasamudbhūtaṃ raktavarṇaṃ trilocanam | dvibhujaṃ sarvapāpaghnaṃ samiddhaṃ viśvatomukham || nānālaṅkārasaṃyuktaṃ bahujihvāsamanvitam || evaṃ dhyātvā agne tvaṃ varadanāmāsi iti nāma kṛtvā varadanāmāgne ihāgaccha iha tiṣṭha tiṣṭha mama sarvakarmāṇi sādhaya svāhā | ityāvāhayet | tato mūlena namaskuryāt | evaṃ ājyasyāpi śruvasya ca | ājyapātrasya dakṣiṇabhāgādājyaṃ gṛhītvā mūlena agnerdakṣiṇanetre juhuyāt | tathā vāmabhāgādājyaṃ gṛhītvā vāmanetre | madhyato madhyanetre | tato mahāvyāhṛtibhiḥ oṃ bhūḥ svāhā | oṃ bhuvaḥ svāhā | oṃ svaḥ svāhā | oṃ bhūrbhuvaḥsvaḥ svāhā | it strīśūdrayorvinā | tato mūlena ekādaśāhutiṃ hutvā śrītārādevyāḥ pīṭhadevatābhyaḥ svāhā | tataḥ akṣobhya ṛṣaye | tataḥ kāmyakarma cet saṅkalpya nityañcenna tathā | trimadhvanvitena prakṛtahomaṃ samāpya strī śūdretaro mahāvyāhṛtibhirhutvā āvaraṇadevatābhyaḥ aṣṭāhutīrhuṃtvā (p. 44) vahniṃ gandhapuṣpamālyatāmbūlairabhyarcya śrīsadāśivaṃ pūrvaśruvāhutitrayaṃ dattvā mūlena pūrṇāhutiṃ dattvā vahniṃ pradakṣiṇī kṛtya praṇamya kāmyadakṣiṇādiḥ | tilakantu mūlena saṃhāramudrayā kṣamasveti visarjayet | iti homaḥ || yatrāste kamalā kṛtāñjaliparā vīṇādharā sāradā tārāvākyamanusmaran priyatamaṃ vāmāvacaḥ kāraṇam | brahmānandakṛtau susādhanavidhau tārārahasye śubhe dīkṣādyaḥ paṭalo dvitīya iti saṃsiddhipradaḥ satvaram || atha tṛtīyaḥ paṭalaḥ atha mantravismaraṇaprāyaścittam | tārānigame tārārṇave ca | anyāsāṃ vyavasthā nyatraiva | kālītārāsu vidyāsu yadi syānmantravibhramaḥ | tārāpūjāṃ tataḥ kṛtvā caikaliṅge śivālaye || kuśāsanasthito vīro japet padmāvatīmanum | ekādaśasahasrāṇi tato mantrasmṛtirbhavet || kālītārāsu vidyāsu cakracintā na vidyate | aridoṣādidoṣādyairna loko lipyate kvacit || yadi bhāgyavaśāddevi! tārāmantraṃ pralabhyate | ṛṇidhanyādikaṃ cakraṃ na ca tatra parīkṣayet || tārāvidyācakramadhye na kadāciddhanī bhavet | mahācīnakramaṃ prāpya sarvasyaiva ṛṇī bhavet || tasmāddevyāśca tārāyāḥ prāṇānte'pi ca sādhakaḥ | sādhane pūjane vāpi mahācīnaṃ tyajenna ca || mahācīnaṃ mahānīlaṃ na sādhayati yo naraḥ | (p. 45) na tasya sādhane śaktiḥ kumbhīpāke mahīyate || vāmācāraṃ parityajya pūjanaṃ vā japaṃ caret | sa gacchennarakaṃ ghoraṃ yāvadindrāścaturdaśa || vāmācāraṃ vinā devi! tārāyāḥ paripūjanam | śokāya maraṇāyeha pare ca narakāya ca || na pūjā na japo yasya na sandhyā na ca tarpaṇam | mahācīnakramaṃ kṛtvā sa gacchettārakāpadam || pañcatattvaṃ vinā devi! brāhmaṇaḥ śūdratāmiyāt | pañcatattvayuto devi! śudro'pi vipratāṃ vrajet || brāhmaṇāḥ kṣatriyā vaiśyāḥ śūdrāścaivāntyajāstathā | mahācīnakramaṃ kṛtvā śivaḥ sākṣādbhavet svayam || kaulaṃ dṛṣṭvā yadā kaulastasya pūjāṃ na kārayet | cakre sthitvāthavā mantrī latāyogaṃ samācaret || madhye cakre sthitaḥ kaulaḥ śaktibhyaḥ sādhakāya ca | dātuṃ naiva manaścakre svayaṃ netuṃ pravartate || athavā divasaṃ prāpya kulapūjāṃ carenna ca | sādhakānapi śaktiśca svecchācārairna toṣayet || prasannamanasā vāpi satkaulāya pradīyate | svayaṃ svīyakulaiḥ sārddhaṃ kriyate ca kulakriyā || tasya yantraśca mālā ca pūjāpaddhatireva ca | dhāritaṃ kavacaṃ tasya hrīyate yoginīgaṇaiḥ || vahninā dahyate vāpi jale vāpi pralīyate | caurairvā nīyate kiñcit kiñcidvā yoginīgaṇaiḥ || evañcejjāyate vatsa! yantrādiharaṇaṃ śiva ! | pañca kaulān samānīya kumārīñca viśeṣataḥ || gandhākṣataiśca saṃpūjya vandayecchirasā nataḥ | (p. 46) homaṃ kuryāt sahasrantu cakramadhye susādhakaḥ || aṣṭottaraśataṃ kuryāttarpaṇaṃ sādhakottamaḥ | dagdhamīnāsavenāpi sarvadoṣairna lipyate || yantrādināśe caitattu prāyaścittaṃ śivoktitaḥ | prajapedvarṇamālābhiraṣṭottaraśataṃ matam || atha pañcatattvasaṃskāraḥ | lākṣāruṇagṛhe vāpi kāmākhyāvadane janaḥ | sarvaṃ śṛṅgāraveśañca kuryāt sādhakasattamaḥ || sindūraṃ kuṅkumaṃ vāpi dhāraṇaṃ kulacandanam | vāmabhāgakṛtā śaktiḥ sarvābharaṇaśobhanā || gandhapuṣpākṣataistāntu pūjayitvā tu sādhakaḥ | ṣaṭkoṇaṃ bindusaṃyuktaṃ vṛttañcāpi trikoṇakam || punarvṛttaṃ catuṣkoṇaṃ kuṅkumena vilekhayet | raktacandanasaṃliptaṃ raktavastreṇa veṣṭayet || mūlamantreṇa saṃvīkṣya yonimudrāṃ pradarśayet | devatāṃ bhāvayettatra paramānandarūpiṇīm || praṇamet pañcamudrābhiḥ kāraṇādhāramuttamam | hrīṃ namo yonimudrādau kṣaṃ namaśca kṛtā~jalau || vluṃ namaḥ kulamudrāyāṃ glauṃ namo matsyarūpake | hauṃ namaḥ saṃpuṭākāre pañca mudrāḥ samīritāḥ || prokṣayenmūlamantreṇa dhūpayettena kāraṇam | gandhapuṣpaṃ tato dattvā prāṇāyāmaṃ samācaret || ṛṣyādinyāsaṃ kṛtvā tu karāṅgañca ṣaḍaṅgakam | varṇanyāsaṃ tataḥ kṛtvā pañcamudrāḥ pradarśayet || dhenuṃ yoniñca matsyañca śaṅkhaṃ khaḍgamataḥparam | hastaṃ dattvā tataḥ pātre paṭhenmantramanuttamam || (p. 47) auṃ ekameva paraṃ brahma sthūlasūkṣmamayaṃ dhruvam | kacodbhavāṃ brahmahatyāṃ tena te nāśayāmyaham || oṃ sūryamaṇḍalasambhūte! varuṇālayasambhave! | amābījamayi! devi! śukraśāpādvimucyatām || oṃ devānāṃ praṇavo bījaṃ brahmānandamayaṃ yadi | tena satyena deveśi ! brahmahatyāṃ vyapohatu || oṃ vāṃ vīṃ vūṃ vaiṃ vauṃ vaḥ brahmaśāpādvimocitāyai sudhādevyai namaḥ | iti daśadhā japet | kakāro rephasaṃyuktaḥ ṣaḍdīrghaiścandrasaṃyutaḥ | kīṃ krīṃ krūṃ kraiṃ krauṃ kraḥ | sudhādevyāḥ kṛṣṇaśāpaṃ mocaya mocaya amṛtaṃ śrāvaya śrāvaya svāhā | iti daśadhā japet || oṃ chāṃ chīṃ chūṃ chaiṃ chauṃ chaḥ churikā bhavaśobhini sarvapaśujanamanaścakṣūṃṣīndriyāṇi stambhaya stambhaya nāśaya nāśaya ghātaya ghāataya iti triḥ || oṃ paramasvāmini ! paramākāśaśūnyavāhini ! candrasūryāgnibhakṣiṇi ! pātraṃ viśa viśa svāhā | iti triḥ | tanmadhye bhāvayeddevīmamṛtānandarūpiṇīm | sūryakoṭipratīkāśāṃ candrakoṭisuśītalām || raktavastraparīdhānāṃ sarvālaṅkārabhūṣitām | ratnakeyūrāṅgadādyaiḥ śobhitāṃ sarvarūpiṇīm || iti dhyānam | vidhātavyaṃ sudhāmadhye sādhanañca susādhakaiḥ | pūjayedvilvapatrādyairamṛtānandanandinīm || tanmadhye bhāvayeddevaṃ bhairavaṃ bhairavīpriyam | amṛtārṇavamadhyasthaṃ pañcavaktraṃ trilocanam || vṛṣārūḍhaṃ nīlakaṇṭhaṃ sarvābharaṇabhūṣitam | aṣṭādaśabhujairyuktaṃ gadāmuṣaladhāriṇam || (p. 48) khaḍgakheṭakapaṭṭīśamudgaraṃ śūladaṇḍakam | pāśāṅkuśaśaraṃ cāpaṃ mudrāṃ vidyāñca mālikām || mṛgaṃ kapālaṃ nāgañca vidhṛtaṃ sarvarūpiṇam | jaṭāmaṇḍalamadhyasthaṃ sudhāmadhye vibhāvayet || pūjayedgandhapuṣpādyairdevadevaṃ maheśvaram || oṃ ānandeśvarāya vidmahe sudhādedyai dhīmahi tanno'rddhanārīśvaraḥ pracodayāt || iti daśadhā japet | tadupari mūlaṃ ekaviṃśativāraṃ vaṃ iti sudhābījaṃ ekaviṃśativāraṃ ca japet | mūlena trirgandhaṃ gṛhṇīyāt | sudhāmadhye likhedyoniṃ yonimadhye halau tataḥ | tanmadhye bhāvayeddevīṃ tāriṇīṃ siddhidāyinīm || svavāme lekhayedvidvān binduyuktaṃ manoharam | trikoṇaṃ vāhyavṛttañca ṣaṭkoṇaṃ vṛttameva ca || aṣṭakoṇaṃ likhedbhadraṃ mūlena paripūjya ca | śrīpātraṃ tatra saṃsthāpya sudhāṃ tatra samānayet || svalpapātre tato nītvā sudhāṃ kiñcit samānayet | pātrāntaragṛhītañca śuddhañcāpi nivedayet || oṃ sarvapathikadevatā mama kalyāṇaṃ kurvantu hauṃ kṣauṃ svāhā | iti paṭhitvā vṛhatpātropari triḥ paribhrāmayitvā śrīpātre bhrāmayitvā vilvamūle patuṣpathe nadyāṃ taḍāge veśyāgāre vā kṣipet || tatastatra devīṃ samāvāhya svakalpoktavidhinā paradevatāṃ saṃpūjya sāmānyārghya viśeṣārghyādyaiḥ | tato bhāvayecca devīmamṛtānandanandinīm | sadā ṣoḍaśavarṣīyāṃ prasannāsyāṃ trilocanām || raktābharaṇaśobhāḍhyāṃ nānālaṅkārabhūṣitām | kāmadevena conmattāṃ kanyakārūpadhāriṇīm || (p. 49) sadāśivamayīṃ devīṃ ratyullāsahṛdānvitām | mahāmodapradāṃ devīṃ bhāvayet sādhakāgraṇīḥ || tataḥ puṣpā~jaliṃ dattvā tattatkalpoktanyāsādikaṃ kṛtvā kuṅkumakarpūragandhacandanairnānānandajanakaparadevatāyā mantraṃ tatra bhāvayet | dravyāṇi dāpayet | tataḥ kṛtāñjaliḥ oṃ namastasyai sudhādevyai tārakāsiddhidāyine | mātre puṇyapradāyai ca bhuktyai muktyai maheśvarīm || bhavayitvā mahādevīṃ kāmeśvarīṃ viśeṣataḥ | mātā kāmeśvarī devī pitā kāmeśvaraśca saḥ || dvayoryogaṃ vibhāvyātha pūjayet paradevatām | kālikāṃ tārakāṃ vāpi yo'rcayet sa narottamaḥ || mahācīnakrameṇaiva etadeva hi śodhanam | ye ca mūḍhāścarantyanyāṃ teṣāṃ sarvaṃ vṛthā bhavet || iti tattvasaṃskāraḥ | māṃsaṃ tatra samānīya śodhayenmūlamantrataḥ | sādhayet parayā bhaktyā mantrametat samuccaran || oṃ tadviprāso vipanyavo jāgṛvāṃsaḥ samindhate | viṣṇoryat paramaṃ padam || oṃ kolamāṃsaṃ mahāmāṃsaṃ māṃsaṃ chāgādikasya ca | yoṣāvarjaṃ sarvamāṃsaṃ tārāyāḥ śuddhihetave || paramānandadañcaiva māṃsaṃ paramakāraṇam | tārāyāśca priyaṃ dravyaṃ sarvadoṣavivarjitam || oṃ hauṃ kṣauṃ māṃsaṃ mahāmāṃsaṃ śodhaya śodhaya oṃ hauṃ kṣauṃ svāhā || iti māṃsaśuddhiḥ | tathā hiraṇyarūpañca viṣṇurūpiṇamaṇḍajam | mahāhivalayaṃ devaṃ matsyarūpiṇamavyayam || (p. 50) mahāmaheti vikhyātaṃ mīnaṃ tārāpriyaṃ sadā | oṃ hrīṃ klīṃ mauṃ vlaṃ saḥ saḥ saḥ imaṃ mīnaṃ śodhaya śodhaya svāhā || iti mīnaśuddhiḥ | yonimudrāṃ tato baddhvā dṛṣṭvā ca yonimudrikām | paṭhedimaṃ manuṃ vatsa ! sarvakarmasusiddhaye || yonividyāṃ mahāvidyāṃ kāmākhyāṃ kāmadāyinīm | kāmasiddhipradāṃ devīṃ kāmabījādikāṃ parām || oṃ klīṃ kāmeśvari! mahāmāye klīṃ kālikāyai namaḥ || oṃ yonividyāṃ mahāvidyāṃ caturvargapradāyinīm || kalākalāsu vijñānaṃ tārānāmatarormate || oṃ kṣauṃ vluṃ hrauṃ hraḥ yonividye yonisiddhe yonikāraṇakārike ! | kāmadākāmadā jñeyā tattvamadhye mahāmahā || oṃ sauṃ bāle bāle tripurasundari yonirūpe! mama sarvasiddhiṃ dehi dehi yonimudrāṃ kuru kuru svāhā | iti mudrāśuddhiḥ | tataḥ śaktiśodhanam | oṃ aiṃ klīṃ tripuradevi! sarvaśaktike ! śivatvaṃ dehi dehi oṃ auṃ iti tasyāḥ śīrṣe daśadhā japtvā tasyā dehe mātṛkānyāsaṃ kṛtvā ṛṣyādinyāsaṃ karāṅganyāsau ca vinyaset | mūlaṃ taddhṛdaye śataṃ japet | iti śaktisaṃskāraḥ | mūlaṃ coktvā svavāme tu trikoṇaṃ vilikhed budhaḥ | tatra madhye likhellajjāṃ kāmatattvasvarūpiṇīm || tatra pūjā vidhātavyā gandhapuṣpākṣatairapi | sādhakāṃścāpaśaktīśca praṇasya ca punaḥ punaḥ || lajjāpūrve jalaṃ dattvā cājñāṃ nītvā tu sādhakāt | tarpayāmīti coktvā tu tarpayanna samānayan || (p. 51) vāmahastānāmikayāpyaṅguṣṭhayogamāśrayet || ha sa kṣa ma la va ra yūṃ ānandabhairavīṃ tarpayāmi svāhā iti śuddhayuktāsavena brahmarandhre tristarpayet | evaṃ guruṃ paramaguruṃ parāparaguruṃ parameṣṭhiguruṃ ha sa kṣa ma la va ra yūṃ ānandabhairavaṃ svāhā iti triḥ | tato hṛdaye tadrūpeṇa mūlamuccārya bhīmāmekajaṭāṃ paramapadadātrīṃ tārādevīṃ tarpayāmi svāhā | evaṃ sarvatra devīviṣaye | tathāca tārānigame - tarpayettu yadā tārāṃ tarpayet kālikāṃ parām | tarpayet ṣoḍaśīṃ devīṃ hyanyathā niṣpalā kriyā || yatte kālī parā proktā sā tārā parikīrtitā | saiva śrīṣoḍaśī devī mahātripurasundarī || abhedaṃ bhāvayedyastu sa eva śrīsadāśivaḥ | anyathā bhāvayedyastu sa mūḍho'bhūnmaheśvara! || svarge marttye ca pātāle yaḥ pādayugamāśrayet | sa bhavet kalpavṛkṣaśca mahāmokṣānukūlakaḥ || yatrāsti bhogo na ca tatra mokṣo yatrāstri mokṣo na ca tatra bhogaḥ | śrīsundarītarpaṇatatparāṇāṃ bhogaśca mokṣaśca karastha eva || tataḥ svadakṣiṇakaratale trikoṇaṃ vilikhya śuddhiyuktāsarva trikoṇamadhye saṃsthāpya lajjābījaṃ daśadhā japtvā oṃ hrīṃ hrauṃ hrāṃ hrīṃ aṃ āṃ iṃ īṃ uṃ ūṃ ṛṃ ṝṃ ḷṃ ḹ eṃ aiṃ oṃ auṃ aṃ aḥ | bījatattvam adhaḥ koṇasthaparamatattvena śodhayāmi svāhā | iti śuddhikhaṇḍaṃ vāmahaste nītvā gṛhṇīyāt | vāmakhaṇḍaṃ nītvā oṃ hrīṃ hauṃ hrāṃ hrīṃ kaṃ khaṃ gaṃ ghaṃ ṅaṃ caṃ chaṃ jaṃ jhaṃ ñaṃ ṭaṃ ṭhaṃ ḍaṃ ḍhaṃ ṇaṃ taṃ thaṃ vāmatattvasthaparamatattvena śodhayāmi svāhā | (p. 52) iti pūrvavat | tato dakṣiṇakhaṇḍaṃ nītvā oṃ hrīṃ hauṃ hrāṃ hrīṃ daṃ dhaṃ naṃ paṃ phaṃ baṃ bhaṃ maṃ yaṃ raṃ laṃ vaṃ śaṃ ṣaṃ saṃ dakṣakoṇasthatattvena śaktitattvaṃ śodhayāmi svāhā | iti pūrvavat | tato madhyakhaṇḍaṃ nītvā oṃ hrīṃ hrauṃ hrāṃ hrīṃ laṃ kṣaṃ māyātattvena māyātattvaṃ śodhayāmi svāhā | iti pūrvavat | tataśca sādhakebhyaḥ śaktibhyaśca pātraṃ śuddhiñca dadyāt | sarve yathāvidhi karma kurvanti | tataḥ kuṇḍalinīmukhe pātraṃ gṛhītavyam | pātropari japenmantraṃ saptadhāsādhakottamaḥ | guruṃ smṛtvā pibenmadyaṃ sarvakāmārthasiddhidam || tataḥ kuṇḍalinīmukhe mantrapūrvakaṃ juhuyāt | prathamapātraṃ nītvā dvitīyapātre śaktyucchiṣṭaṃ nītvā ca pibet | tathāca- śaktyucchiṣṭaṃ pibenmadyaṃ vīrocchiṣṭantu carvaṇam | vīrocchiṣṭāt pṛthak pāne paśupānaṃ prakīrtitam || nindāśrutiḥ sādhakānāṃ hiṃsājñānaṃ kule yataḥ | nindā vā śaktikaulānāṃ sādhakānāṃ na pūjanam || anicchayā śaktiyogaṃ cakre vāpi ca maithunam | kāmataḥ śaktiyogaṃ vā na dhyānaṃ daivatena vā || japahomavihīnaṃ yadbhaktihīnaṃ kulārcanam | prakaṭaṃ sādhakānāñca asantuṣṭaśca sādhakaḥ || evaṃ dharmayutaḥ kaulo bhraṣṭaḥ kaulaḥ prakīrtitaḥ | pañcamaṃ purataḥ kṛtvā caturthe japamācaret | japapūjāṃ vinā pānaṃ paśupānaṃ prakīrtitam || atha pātrabandhanmantrāḥ | śrīmadbhairavaśekharapravilasaccandrāmṛtaplāvitaṃ kṣetrādhiṣṭhitayogibhirjanagaṇaiḥ siddhaiḥ samārādhitam | (p. 53) ānandārṇavakaṃ mahātmakamidaṃ sākṣāttrikhaṇḍāmṛtaṃ vande śrīprathamaṃ karāmbujagataṃ pātraṃ viśuddhipradam || haimaṃ nīlakalānvitaṃ sumahimāyogaṃ mahāmāṃsakaṃ kiñcinnetravicañcalaṃ ravivaracchāyāpradaṃ śāśvatam | ānandādimahārṇave vigalitaṃ jñānaṃ mahāmokṣadaṃ vande pātramahaṃ dvitīyamadhunā svātmāvabodhakṣamam || mahāpadme kare padme yonimālokayan dhiyā | dagdhamīnasamopetaṃ vande pātraṃ tṛtīyakam || mudrārūpāṃ yonimudrāṃ siddhidāṃ siddhirūpiṇīm | bhajāmi parayā bhaktyā caturthaṃ pārayāmyaham || yoninā liṅgamāprotaṃ pañcamaṃ parikīrtitam | tattadbhūtenāmṛtena kalpayāmīha pañcamam || sadānandapradaṃ dravyaṃ mahānandapradāyakam | gurupādagate dāne ṣaṣṭhe pātraṃ namāmyaham || samudrasaptasambhūtaṃ samudravārijaṃ śubham | samudre nigame prāpte gṛhṇāmi saptamīṃ sudhām || aṣṭadurgā śaktirūpā mahiṣāsuranāśinī | punāti sā jagaddhātrī navame śaṅkarapriyā || mahāvidyā daśa proktā mahāsiddhipradāyinī | mahāmohavināśañca mohinī daśame kare || ekādaśa mahārudrā vasusiddhipradāyakāḥ | catuḥṣaṣṭisiddhidāṃstān vande caikādaśe kare || dvādaśe dvādaśādityāḥ sadā tarpaṇatatparāḥ | vāmanetrasvarūpeṇa dvādaśaṃ vandayāmyaham || trayodaśe mahāvidyā sāradā paribhūyate | vācāṃ siddhipradā devī vande pātratrayodaśe || (p. 54) iti trayodaśapātravandanaṃ sadā sukhapradam | anyad yatprakārāntaraṃ pātravandanaṃ granthāntare dṛśyate tat kālītārāsundarītripuretaraviṣayam | yāvanna calate cakṣuryāvanna calate manaḥ | tāvat pānaṃ prakartavyaṃ mantrasiddhipradāyakam | pītvā pītvā punaḥ pītvā punaḥ patati bhutale | utthāya ca punaḥ pītvā punarjanma na vidyate || atha tārānigamoktakevala śrītārāviṣaye sarvapātravandanamantraścaikatraiva | oṃ nāhaṃ kartā kārayitā na ca me kāryaṃ nāhaṃ bhoktā bhojayitā vā na ca bhojyam | ahaṃ cidātmā svayameva tejaḥ svayaṃ gururviṣṇurahaṃ sarūpaḥ || nānyaṃ smarenna ca bhajet parihāya cādyāṃ nānyāṃ tapo na ca gatiḥ parihāya cādyām | iti pānaṃ sarvatra śuddhiyuktena | prathamaṃ yathāśakti pibet | tataḥ pañcatattvakramaḥ | prathamaṃ vāmahaste trikoṇākārapānamudrayā dravyaṃ nītvā dakṣiṇahaste śuddhiṃ nītvā mūlamuccārya idaṃ śuddhiyuktāsavaṃ śrīmattārā ekajaṭāmahādevyai namaḥ | sarvatra śuddhisaṃskāre mūlamantrajapaḥ | vāmahaste māṃsaṃ dhṛtvā mūlaṃ saptadhā japtvā eṣā māṃsaśuddhiḥ śrīmattārā ekajaṭādevyai namaḥ | tato mīnaṃ vāmahaste nītvā eṣā mīnaśuddhiḥ śrīmattārā ekajaṭādevyai namaḥ | tataḥ śaktiliṅgamudrāṃ pradarśya eṣā śaktiḥ śrīmattārā ekajaṭādevī mahānandakalpanāya rakṣa rakṣa paśya paśya prasīda prasīda asyā yonau mama siddhiṃ dehi dehi oṃ oṃ oṃ svāhā iti nivedya yathāyogyamānandaṃ kṛtvā cakrāditarasthāne śaktiṃ nītvā svapurataḥ puromukhīṃ saṃsthāpya tadupari binduvinikṣepaṃ kṛtvā yoniliṅgamudrāṃ pradarśya adīkṣitaścet karṇe lajjābījamuktvā kṛtāñjaliḥ | (p. 55) śaktirūpe! mahādevi! yonisiddhisvarūpiṇi! | prasīda jagatāṃ sṛṣṭikāriṇi! brahmarūpiṇi! || yonirūpā mahāvidyā yonisiddhipradāyinī | sṛṣṭiḥ prajāyate yasmāt puttratvenāpi pālyate || punaḥ pralīyate yonau sṛṣṭisthitilayālaye | sādhayāmi mahāmantraṃ tena siddhiṃ vidhehi me || oṃ hauṃ hrauṃ klīṃ kāmeśvari mahātripure tripurālaye! mamaiva siddhiṃ dehi dehi svāhā iti paṭhitvā liṅge śāpamantraṃ saptadhā japtvā digambaro bhūtvā tāṃ digambarīṃ kṛtvā padmaṃ dṛṣṭvā tatra bimbaṃ ravibimbaṃ cāmaraṃ sapharīñcāpi śikharaṃ tathā nābhau śataṃ japet | yonimadhye śataṃ japtvā praveśaṃ kārayedbudhaḥ | mahāyonimayīṃ devīṃ pārvatīṃ paribhāvayet || svayaṃ śivasvarūpaḥ syād ātmānaṃ śivarūpiṇam | bhāvayitvā nirvikāraṃ svayam āḍhyaṃ vighātayet || sādhako bhāvayedyastu kāmuko vā prajāyate | pacyate narake ghore na mokṣaḥ koṭijanmataḥ || tasmāt sarvaprayatnena nirvikāro bhavet svayam | anyathā siddhihāniḥ syāt patate narake svayam || oṃ nābhicaitanyarūpāgnau haviṣā manasā srucā | jñānaṃ pradīpyate nityamakṣavṛttirjuhomyaham || oṃ dharmādharmaharairdīpta ātmāgnau manasā srucā | suṣumnāvartanā nityamakṣavṛttirjuhomyaham || iti tyajet | tatastatrāsane sthitvā sahasraṃ japet | tataḥ pātraṃ prakṣālya ūrddhve ca jale māyābījaṃ vilikhya tatrasthena mṛdā oṃ yaṃ yaṃ spṛśāmi pādena yo māṃ paśyati cakṣuṣā | (p. 56) sa eva dāsatāṃ yāti yadi śakrasamo bhavet || iti lalāṭe ṭīkāṃ nītvā viharet | dravyaṃ vāraṇākṣitolakamitaṃ pātre sadāveśayet | sādhakebhyaśca śaktibhyo dattvā pātraṃ samānayet | sādhayettrividhairbhāvairdivyavīrapaśukramaiḥ || divyāstu devavatprāyāḥ sadācāraparāyaṇāḥ | ṛṇādhānaṃ tathā pāṭhyaṃ hiṃsāñcaiva viśeṣataḥ || snānaṃ sandhyāñca pūjāñca divā kuryāttrayaṃ trayam | parastrīmāharedvodhyāparaṃ puttravadiṣyate | sadā satvaguṇaṃ smṛtvā brahmacārī bhavet dhruvam || yoṣāvaktraṃ kucau vāpi ūruñca sādhakottamaḥ | dṛṣṭvā mantraṃ japellakṣaṃ dvādaśasvarṇamutsṛjet || tarpayet sudhayā devīṃ tārāṃ tārakadāyinīm | sākṣādindro bhavet so'pi yadi yoṣāṃ na ca spṛśet || yoṣāsparśanamātreṇa divyabhāvo vṛthā bhavet | yāvattapsyā kartavyā tāvadyoṣāṃ vivarjayet || matsyaṃ māsaṃ tathā tailaṃ snigdhānnaṃ modakaṃ tathā | strīśudrau naiva draṣṭavyau cānyathā patanaṃ bhavet || jāte siddhe ca tapasi ṛtukāle vrajet striyam | pañcaparva varjayitvā nacedbhraṣṭo bhaviṣyati || atrāyaṃ saṃkṣepaḥ bhāvasārāvalyāṃ vyākhyāto vīrācāro'pi saṃkṣepataḥ kāmākhyāmūle vyākhyātaḥ paśvācārastu | citīṃ vā kāminīṃ vāpi śavaṃ vā na ca sādhayet | kālītārāsu vidyāsu naivāntaryajanañcaret || pīṭhasthānaṃ bhāvayenna parayoṣāṃ na darśayet | vīrabhāvakulo divyastasmāddivyaṃ praśasyate || (p. 57) aśaktatvādbhavedvīro na paśuśca kalau kvacit | yena tena prakāreṇa paśubhāvaṃ vivarjayet || svecchā yadbhakṣaṇe cāsti kā siddhistena bhārate || atha tārānigamoktaślokamekaṃ śāntistotram | oṃ pāhi tvaṃ karuṇāmayi ! priyatamaṃ satsādhakaṃ rakṣa māṃ bhraṣṭānnāśaya nāśaya priyatamāvaktrāravindaṃ mama | nityaṃ dehi sudhāsudhācayamayīṃ siddhiṃ śive! siddhidam | jñānaṃ mokṣavidhāyakaṃ kuru śive! saṃhāriṇi! pāśave || śāntistotraṃ paṭhitvā tu yathecchaṃ viharennaraḥ | cakramadhye bhavedyā sā vaktavyā na ca kutracit || kathā prātarbhavet sāpi nāśāya narakāya ca | cakrākāraṃ careccakraṃ paṃktyākāramathāpi vā || praviṣṭe bhairavīcakre sarve varṇā dvijottamāḥ | nivṛtte bhairavīcakre tathā sarve pṛthak pṛthak || gantuṃ cakrāt samāyātaṃ natvā natvā punaḥ punaḥ | anyathā maraṇaṃ tasya gatiḥ syādyamasādane || anyacakrañca dūrasthaṃ svacakraṃ vā sakṛt vrajan | sa bhavettārakāputtro vasusiddhīśvaro bhavet || aśvamedhasahasrāṇi vājapeyaśatāni ca | lakṣaṃ vāpi taḍāgānāṃ cakraṃ dṛṣṭvā labhet phalam || yo dadāti mahādeva ! śaktibhyaḥ sādhakāya ca | kalāmātreṇa deveṣu koṭyaśvamedhajaṃ phalam || upavāsaṃ bhṛgoḥ pātaṃ sandhyā savratadhāraṇam | tīrthaparyaṭanañcaiva kaulaḥ pañca vivarjayet || mahāpīṭhaṃ vrajennityaṃ nacet pīṭhamanuttamam | tārāpuraṃ mahāpīṭhaṃ gantavyaṃ yatnataḥ sadā || (p. 58) lakṣatrayajapāddevi ! sarvasiddhīśvaro bhavet || īśāne cakranāthasya vaidyanāthasya pūrvataḥ | tārāpuramidaṃ khyātaṃ nagaraṃ bhuvi durlabham | tatra yatnena gantavyaṃ yatra tārāśivālayam || iti saṃkṣepaḥ || iti śrībrahmānandaparamahaṃsaparivrājakāvadhūtaviracite tārārahasye tṛtīyapaṭale tattvādirahasyam | atha pūjā | tathāca tārānigame tārāsāre ca | ādau jalañca saṃśodhya kṣālanaṃ hastapādayoḥ | mūlena tilakaṃ kuryādvibhūtyā tu tripuṇḍrakam || raktacandanaṭīkāṃ vā sindūrasyāpi vā punaḥ || oṃ maṇidhari! vajriṇi! sarvavaśaṅkari! huṃ phaṭ svāhā | ityanena śikhāṃ baddhvā oṃ hrīṃ svāheti ācamanam | guruḥ prathamaṃ pūjāgṛhadvāramāgatya oṃ vajrodake huṃ phaṭ svāhā iti jalamadhiṣṭhāya | oṃ viśuddhadharmāya trisarvapāpāni śamayāśeṣavikalpamapanīya huṃ phaṭ svāhā | iti hastau pādau ca prakṣālya | mūlena tilakaṃ vibhūtyā tripuṇḍraṃ sindūragorocanānyatamaṭīkāṃ gṛhītvā | oṃ maṇidhari ! vajriṇi ! sarvavaśaṅkari ! huṃ phaṭ svāhā iti śikhāṃ baddhvā oṃ hrīṃ svāhā ityācamya | tataḥ pīṭhaṃ cintayecca kṛtāñjaliparo bhavet | ācamanaṃ tataḥ kṛtvā sarvasiddhīśvaro bhavet | vairocanādīn vinyasya bhūmiṃ saṃśodhayettataḥ || tataśca bhūmiṃ saṃśodhya cāsanādhastrikoṇakam | saṃśodhya āsanaṃ paścāt sarvavighnān vināśayet || tataḥ prayogaḥ | śaśmānaṃ tatra saṃcintya tatra kalpadrumaṃ smaret | (p. 59) tanmadhye maṇipīṭhañca nānāmaṇivibhūṣitam || nānālaṅkārasaṃyuktaṃ maṇidevairvibhūṣitam | śivābhirbahumāṃsāsthimodamānaṃ samantataḥ || caturdikṣu śivāmuṇḍacitāṅgārāsthisaṃyutam | tanmadhye bhāvayeddevīṃ yathoktadhyānayogataḥ || tatastārācamanaṃ oṃ ugratārāyai svāhā | oṃ ekajaṭāyai svāhā | oṃ nīlasarasvatyai svāhā | ityācamya | oṃ hrīṃ svāhā iti karau saṃśodhya badhūbījena kūrcena oṣṭhau pariśodhayet | punarastreṇa hastau kṣālayet | mukhe oṃ vairocanāya namaḥ | nāsāyāṃ oṃ śaṅkhapāṇḍarāya namaḥ | oṃ padmanābhāya namaḥ | cakṣuṣoḥ oṃ asitāṅgāya namaḥ | oṃ māmakāya namaḥ | karṇayoḥ oṃ māmakāya namaḥ | oṃ pāṇḍavāya namaḥ | oṃ tārakāya namaḥ | hṛdi oṃ padmāntakāya namaḥ | śirasi oṃ yamāntakāya namaḥ | vāmabāhau oṃ vighnāntakāya namaḥ | dakṣabāhau oṃ narāntakāya namaḥ | iti tārācamanam | oṃ pavitre ! bhūmi ! huṃ phaṭ svāhā | iti yonimudrayā bhūmimabhimantrya | oṃ rakṣa rakṣa māṃ huṃ phaṭ svāhā iti jalasekādbhūmiṃ saṃśodhya | tataḥ āsanādhastrikoṇaṃ vilikhya oṃ āḥ surekhe! vajrarekhe ! huṃ phaṭ svāhā ityāsanamabhyarcya oṃ hrīṃ ādhāraśaktikamalāsanāya namaḥ | ityāsanamabhyarcya oṃ sarvavighnānutsāraya huṃ phaṭ svāhā ityāsanamabhyarcya | āsanaṃ tārārṇave | komalaṃ viṣṭaraṃ vāpi cūḍakaṃ mṛdukaṃ tathā | aṣṭamāsāntagarbhasya patanaṃ mṛdu cocyate || caturvarṣāntarālañca cūḍakañca vidhīyate || pañcāśatkuśapatranirmitaṃ bhasmavālukābhiḥ śodhitaṃ mārjitamiti | (p. 60) tataścāṇḍālinīgarbhajātañca brāhmaṇaurasāt | brāhmaṇīgarbhajātaṃ vā caṇḍālasyāpi caurasāt | kamalāsanamityuktaṃ mantrasiddhipradāyakam || ityādi kamalāsanaṃ saṃśodhya | oṃ sarvavighnānutsāraya huṃ svāhā iti puṣpākṣatakṣepairvighnānnāśayet | divyadṛṣṭyavalokanena khecarān vāmapādaghātatrayeṇa bhaumān vighnānapasārya - gaṇeśādīn praṇamyātha daśadigbandhanañcaret | karau ca gandhapuṣpābhyāṃ śodhayettadanantaram || phaḍiti gandha puṣpābhyāṃ karau saṃśodhya tālatrayaṃ dattvā choṭikābhirdaśadigbandhanañcaret | vastre granthiṃ baddhā kāyavākcittaṃ śodhayet | puṣpañca śodhayitvā tu bhūtaśuddhiṃ samācaret | tataḥ kartāramārādhya mūlaṃ śīrṣe japeddaśa || ekādaśa prajaptavyaḥ pratiṣṭhāmanureva ca | mātṛkānyāsakaṃ kṛtvā mātṛkāyāḥ ṣaḍaṅgakam || karāṅgaṃ mātṛkāyāśca yonidvādaśakaṃ nyaset || prāṇāyāmaṃ tataḥ kuryādṛṣyādinyāsa eva ca | oṃ maṇidhari! vjriṇi ! mahāpratisare rakṣa rakṣa huṃ phaṭ svāhā | iti kāyavākcittaṃ viśodhayet | oṃ puṣpaketurājārhate śatāya samyak sambaddhāya | oṃ puṣpe puṣpe mahāpuṣpe supuṣpe puṣpasambhave || puṣpacayāvakīrṇe huṃ phaṭ svāhā iti saṃśodhya bhūtaśuddhiṃ kuryāt | svāṅge uttānau karau kṛtvā haṃsaḥ iti kuṇḍalinīṃ jīvātmānaṃ caturviṃśatitattvāni suṣumnāvartmanā śiro'vasthitaparamātmani śive saṃyojya hrīṃ kāraṃ raktavarṇaṃ nābhau dhyātvā tadudbhūtenāgninā liṅgaśarīraṃ saṃdahya strīṃkāraṃ pītavarṇaṃ hṛdi vicintya tadudbhūtena vāyunā bhasma protsārya huṃkāraṃ śvetavarṇaṃ (p. 61) śirasi vicintya tadudbhūtenāmṛtena tadasthi plāvitaṃ kṛtvā tasmin viśvavyāpake vāriṇi āḥkārādraktapaṅkajaṃ tadupari ṭīkārāt śvetapaṅkajaṃ tadupari hūṃkāraṃ nīlasannibhaṃ tadupari hrīṃ bījabhūṣitāṃ mātṛkāṃ dhyāyet | oṃ pratyālīḍhapadāṃ ghorāṃ muṇḍamālāvibhūṣitām | khaḍgakartrīsamāyoge savyetarabhujadvayām || kapālotpalasaṃyuktasavyapāṇiyugānvitām | piṅgograikajaṭāṃ dhyāyenmaulāvakṣobhyabhūṣitām | akṣobhyo haramūrddhanyastrimūrtirnāgarūpadhṛk || candrasūryāgninayanāṃ mahāpānapramattikām || iti dhyātvā svaśirasi puṣpaṃ dattvāntaryajanaprakāreṇa mānasopacārairārādhya namaskuryāt | tataḥ svaśirasi oṃ āṃ hrīṃ kroṃ svāhā ityekādaśadhā japtvā pratiṣṭhāpya kṛtāñjaliḥ | pañcāśallipibhirvibhaktamukhadoḥpanmadhyavakṣaḥsthalāṃ bhāsvanmaulinibaddhacandraśakalāmāpīnatuṅgastanīm | mudrāmakṣaguṇaṃ sudhāḍhyakalasaṃ vidyāñca hastāmbujai- rbibhrāṇāṃ viśadaprabhāṃ trinayanāṃ vāgdevatāmāśraye || iti mātṛkāṃ dhyātvā | mātṛkānyāsaṃ kuryāt | aṃ namo lalāṭe | āṃ namo mukhe | iṃ namo dakṣiṇacakṣuṣi | īṃ namo vāmacakṣuṣi | uṃ namo dakṣakarṇe | ūṃ namo vāmakarṇe | ṛṃ namo dakṣanasi | ṝṃ namo vāmanasi | ḷṃ namo dakṣagaṇḍe | ḹṃ namo vāmagaṇḍe | eṃ namo oṣṭhe | aiṃ namo adhare | oṃ namo ūrddhvadante | auṃ namo adhodante | aṃ namo brahmarandhre | aḥ namo mukhe | kaṃ namo dakṣavāhumūle | khaṃ namaḥ kūrpare |gaṃ namaḥ kavace | ghaṃ namo'ṅgulimūle | ṅaṃ namo'ṅgulyagre | tathā dakṣahastena caṃ chaṃ jaṃ jhaṃ ñaṃ vāmabāhumūlacatuḥsandhyagreṣu | (p. 62) ṭaṃ ṭhaṃ ḍaṃ ḍhaṃ ṇaṃ dakṣapādamūlacatuḥsandhyagreṣu taṃ thaṃ daṃ dhaṃ naṃ vāmapādamūlacatuḥsandhyagreṣu | paṃ namo dakṣapārśve | phaṃ namo vāmapārśve | vaṃ namaḥ pṛṣṭhe | bhaṃ namo nābhau | maṃ nama udare | yaṃ namo hṛdaye | raṃ namo dakṣaskandhe | laṃ namaḥ kakudi | vaṃ namo vāmaskandhe | śaṃ namo hṛdādidakṣakare | ṣaṃ namo hṛdādivāmakare | saṃ namo hṛdādi dakṣapāde | haṃ namo hṛdādi vāmapāde | laṃ namo hṛdādi udare | kṣaṃ namo hṛdādi mukhe | lalāṭe mukhavṛtte ca cakṣuṣoḥ karṇayornasoḥ | gaṇḍayoroṣṭhayorvāpi dantapaṃktyorviśeṣataḥ || brahmarandhre punarvaktre akārādīn nyased budhaḥ | tarjanīmadhyamāyogaṃ akāre vinyased budhaḥ || madhyamānāmikāyogāt madhyaṃ vaktre nyaset tataḥ | madhyamāṅguṣṭhayogena vinyaseccakṣuṣostathā | anāmāṅguṣṭhayogena karṇayornyasanīyakam || tarjanyaṅguṣṭhayogena nāsāyoge parinyaset | anāmāmadhyamāyogād gaṇḍayovinyaset sadā || aṅguṣṭhaparvaṇā nyāsaḥ kartavyaścoṣṭhayorapi | madhyamāgraṃ samādāya dantayornyasanīyakam || aṅguṣṭhāgraṃ brahmarandhre mukhe karatalaṃ viduḥ | vidyāmudrāṃ samādāya hastayoḥ sādhakottamaḥ || vinyaseddhastapādeṣu pārśve pṛṣṭhe ca nābhitaḥ | hṛdākāraṃ talaṃ proktaṃ mātṛkānyāsakarmaṇi || kakudi skandhayorvāpi punaḥ sarvatra hastayoḥ || tato mūlena śira ādi pādāntaṃ pādādi śiro'ntaṃ śira ādi hṛdayāntaṃ hṛdādi mukhāntam it vyāpakatrayaṃ kuryāt | akārādipuṭaivargairnyasedaṅgakarāṅgakam || (p. 63) aṃ kaṃ khaṃ gaṃ ghaṃ ṅaṃ āṃ hṛdayāya namaḥ | iṃ caṃ chaṃ jaṃ jhaṃ ñaṃ īṃ śirase svāhā | uṃ ṭaṃ ṭhaṃ ḍaṃ ḍhaṃ ṇaṃ ūṃ śikhāyai vaṣaṭ | eṃ taṃ thaṃ daṃ dhaṃ naṃ aiṃ kacāya huṃ | oṃ paṃ phaṃ baṃ bhaṃ maṃ auṃ netratrayāya vauṣaṭ | aṃ yaṃ raṃ laṃ vaṃ śaṃ ṣaṃ saṃ haṃ laṃ kṣaṃ aḥ karatalapṛṣṭhābhyām astrāya phaṭ | aṃ kaṃ khaṃ gaṃ ghaṃ ṅaṃ āṃ aṅguṣṭhābhyāṃ namaḥ | iṃ caṃ chaṃ jaṃ jhaṃ ñaṃ īṃ tarjanībhyāṃ svāhā | uṃ ṭa ṭhaṃ ḍaṃ ḍhaṃ ṇaṃ ūṃ madhyamābhyāṃ vaṣaṭ | eṃ taṃ thaṃ daṃ dhaṃ naṃ aiṃ anāmikāmibhyāṃ huṃ | oṃ paṃ phaṃ baṃ bhaṃ maṃ auṃ kaniṣṭhābhyāṃ vauṣaṭ | aṃ yaṃ raṃ laṃ vaṃ śaṃ ṣaṃ saṃ haṃ laṃ kṣaṃ aḥ karatalapṛṣṭhābhyāṃ astrāya phaṭ | yonidvādaśavidyāñca vinyaset sādhakottamaḥ | mūrddhni vaktre tathā kaṇṭhe hṛdaye codare tathā || nābhāvādhārapadme ca padorbāhvośca sarvataḥ | yonivedyā yoninityā yonirūpā tathaiva ca || yonimadhyā yonisiddhā yonikḷptā ca yonidā | yonihā yonisādhyā ca yonijñānā ca yonipā || yonipuṇyā tathānyāsaścaturvargasya siddhaye || mṛgamudrayā mūrddhni oṃ yonivedyāyai namaḥ | vaktre oṃ yoni nityāyai namaḥ | kaṇṭhe oṃ yonirūpāyai namaḥ | hṛdaye oṃ yonimadhyāyai namaḥ | udare oṃ yonisiddhāyai namaḥ | nābhau oṃ yonikḷptāyai namaḥ | mūlādhāre oṃ yonidāyai namaḥ | dakṣapāde oṃ yonihāyai namaḥ | vāmapāde oṃ yonisādhyāyai namaḥ | dakṣabāhau oṃ yonijñānāyai namaḥ | vāmabāhau oṃ yonipāyai namaḥ | sarvāṅge oṃ yonipuṇyāyai namaḥ | iti vinyaset | iti dvādaśayoninyāsaḥ | dakṣahastāṅguṣṭhena dakṣanāsāpuṭaṃ dhṛtvā mūlaṃ ṣoḍaśavāraṃ japtvā vāyuṃ pūrayet | tato nāsāpuṭau dhṛtvā catuḥṣaṣṭivārajapena (p. 64) kumbhayitvā vāmanāsāyāṃ kaniṣṭhānāmikābhyāṃ dhṛtvā dvātriṃśadvārajapena dakṣiṇena recayet | punardakṣiṇenāpūrya vāmena recayet | kaniṣṭhānāmikāṅguṣṭhairyannāsāpuṭadhāraṇam | prāṇāyāmaḥ sa vijñeyaḥ pūrakumbhakarecakaiḥ || itthameva vāratrayaṃ kuryāditi prāṇāyāmaḥ | śirasi oṃ akṣobhya ṛṣaye namaḥ | mukhe oṃ vṛhaspaticchandase namaḥ | hṛdi śrīmattārāyai ekajaṭāyai devyai namaḥ | mūlādhāre huṃ bījāya namaḥ | pādayoḥ phaṭ śaktaye namaḥ | sarvāṅge nijabījakīlakāya namaḥ | iti ṛṣyādi nyāsaḥ | pīṭhanyāsaṃ tataḥ kṛtvā pīṭhaśaktiṃ nyasettataḥ | tattanyāsaṃ vidhāyātha bījanyāsaṃ samācaret || karāṅgañca ṣaḍaṅgañca nyastvā varṇānnyasettataḥ | saṃśodhya yantraṃ dehe tu pīṭhapūjāṃ samācaret || gaṇeśaṃ vaṭukañcaiva kṣetrapālañca yoginīm | pīṭhapūjāṃ tataḥ kṛtvā pīṭhaśaktiṃ prapūjayet || ṣoḍhāṃ kṛtvā tato mantrī arghyaṃ kṛtvā ca tat punaḥ | vyāpakaṃ pañcadhā kṛtvā pūjayet paradevatām || hṛdi hastaṃ dattvā mṛgamudrayā hṛtpadmasya keśareṣu oṃ śmaśānāya namaḥ | oṃ kalpavṛkṣāya namaḥ | oṃ maṇipīṭhāya manaḥ | oṃ nānālaṅkārebhyo namaḥ | oṃ munibhyo namaḥ | oṃ devebhyo namaḥ | oṃ bahumāṃsāsthimodamānaśivābhyo namaḥ | caturdikṣu oṃ śavamuṇḍacitāṅgārāsthibhyo namaḥ | iti pīṭhanyāsaḥ | hṛdi oṃ lakṣmyai namaḥ, oṃ sarasvatyai namaḥ, oṃ prītyai namaḥ, oṃ kīrtyai namaḥ, oṃ śāntyai namaḥ, tuṣṭyai namaḥ, oṃ puṣṭyai namaḥ, iti pīṭhaśaktinyāsaḥ | (p. 65) oṃ ātmatattvāya svāhā iti ādhārādi hṛtparyantam | oṃ vidyātattvāya svāhā iti hṛdādi mukhaparyantam | oṃ śivatattvāya svāhā iti mukhādi brahmarandhrāntam | iti tattvanyāsaḥ | mantraṃ pañcakhaṇḍaṃ kṛtvā brahmarandhrāt lalāṭāntam | ādyabījaṃ namo'ntaṃ nyaset | lalāṭāt mukhāntaṃ dvitīyabījaṃ namaḥ | mukhādākaṇṭhaṃ tṛtīyabījaṃ namaḥ | kaṇṭhāt hṛdayāntaṃ caturthavarṇaṃ namaḥ | hṛdayānmukhāntaṃ pañcamavarṇaṃ namaḥ | iti bījanyāsaḥ | hakāraṃ rephasaṃyuktaṃ ṣaḍdīrgheṇa samanvitam | candrakhaṇḍayutaṃ kṛtvā vinyaset sādhakottamaḥ || ekajaṭā tāriṇī ca nyasyā vajrodakā tathā | ugrajaṭā tato nyasyā mahāpratisarā tathā || piṅgograikajaṭā paścāt karāṅgeṣu ṣaḍaṅgataḥ || tathā hrāṃ ekajaṭāyai aṅguṣṭhābhyāṃ namaḥ | hrīṃ tāriṇyaitarjanībhyāṃ svāhā | hrūṃ vajrodake madhyamābhyāṃ vaṣaṭ | hraiṃ ugrajaṭe anāmikābhyāṃ huṃ | hrauṃ mahāpratisare kaniṣṭhābhyāṃ vauṣaṭ | hraḥ piṅgograikajaṭe karatalapṛṣṭhābhyām astrāya phaṭ | iti karāṅganyāsaḥ | hrāṃ ekajaṭāyai hṛdayāya namaḥ | hrīṃ tāriṇyai śirase svāhā | hrūṃ vajrodake śikhāyai vaṣaṭ | hraiṃ ugrajaṭe kavacāya huṃ | hrauṃ mahāpratisare netratrayāya vauṣaṭ | hraḥ piṅgograikajaṭe karatalapṛṣṭhābhyām astrāya phaṭ | iti ṣaḍaṅganyāsaḥ | aṃ āṃ iṃ īṃ uṃ ūṃ ṛṃ ṝṃ ḷṃ ḹṃ namo hṛdi | eṃ aiṃ oṃ auṃ kaṃ khaṃ gaṃ ghaṃ namo dakṣabāhau | ṅaṃ caṃ chaṃ jaṃ jhaṃ ñaṃ ṭaṃ ṭhaṃ ḍaṃ ḍhaṃ namo vāmabāhau | ṇaṃ taṃ thaṃ daṃ dhaṃ naṃ paṃ phaṃ baṃ bhaṃ namo dakṣapāde | maṃ yaṃ raṃ laṃ vaṃ śaṃ ṣaṃ saṃ haṃ laṃ kṣaṃ namo vāmapāde | tataḥ śrīmadekajaṭāyantram uddhṛtya saṃskuryāt | oṃ āḥ surekhe (p. 66) vajrarekhe huṃ phaṭ namaḥ | iti yonimudrāṃ pradarśya yantraṃ śodhayet | tataḥ pūjāmārabhet | pūrvāditaḥ oṃ hrīṃ gāṃ gaṇapataye namaḥ | dakṣiṇe oṃ hrīṃ vāṃ vaṭukāya namaḥ | paścime oṃ hrīṃ kṣeṃ kṣetrapālāya namaḥ | uttare oṃ hrīṃ yāṃ yoginībhyo namaḥ | pīṭhanyāsavat pīṭhapūjāṃ kṛtvā pūrvādyaṣṭadale pīṭhaśaktiṃ saṃpūjya madhye hasauḥ sadāśivamahāpretapadmāsanāya namaḥ | tataḥ svavāme bindumadhyatrikoṇavṛttacaturasramaṇḍalaṃ kṛtvā tatra śrīmadekajaṭādevyāḥ arghyasthānāya namaḥ | tatra tripadikāmāvāhya jalenābhyukṣya phaḍiti pātraṃ prakṣālya tatra saṃsthāpya śrīmadekajaṭādevyāḥ oṃ arghyapātrāya namaḥ | tato mūlenāpūrya raktacandanavilvapatradūrvākṣatādīnnikṣipya vilomamātṛkāvarṇairmūlena ca bindusutasudhāmayajalena śaṅkhamāpūrya tatra gaṅgecetyādinā aṅkuśamudrayā arghyamāvāhya vaṃ iti dhenumudrayā amṛtīkṛtya yonimudrāṃ pradarśya matsyamudrayā āchādya tatra devīṃ dhyātvā puṣpāñjaliṃ dattvā ṣaḍaṅgāni vinyasya mūlaṃ tatra daśadhā japtvā tajjalaiḥ puṣpādinā ātmānaṃ pūjopakaraṇaṃ cābhyukṣya pañcārghyaṃ kṛtvā pañcadhā vyāpakaṃ kṛtvā devīṃ dhyāyet | dhyāyet śrītārakādevīṃ karakacchapamudrayā | viśeṣataḥ phalārthī ca dhyāyet tāṃ yonimudrayā || pratyālīḍhapadārpitāṅghriśavahṛdghorāṭṭahāsā parā | khaḍgendauvarakartrikharparabhujā huṃkārabījodbhavā || kharvā nīlaviśālapiṅgalajaṭājūṭaikanāgairyutā jāḍyaṃ nyasya kapālake trijagatāṃ hantyugratārā svayam || iti dhyātvā yantre tat puṣpaṃ dattvā dhyānarahasyaṃ vibhāvya āvāhayet | yathā sarvāmabhinavajaladharanīlāṃ lambodarīṃ vyāghracarmāvṛtaśobhitakaṭīm, (p. 67) pīnonnatapayodharāṃ raktavartulanetratrayāṃ pṛṣṭhe'ti nīlajaṭājūṭāṃ śīrṣe'kṣobhyamahādevakṛtanāgaphaṇātiśobhitāṃ pārśvadvaye lambamānanīlotpalamālāṃ pañcamudrāsvarūpaśubhratrikoṇākārakapālapañcatamām atinīlajaṭājūṭāṃ vistīrṇacamarikākeśa iva mahāvigalitacikurāṃ śubhravarṇatakṣakanāgakṛtakaṅkaṇāṃ raktavarṇanāgakṛtasvalpahārāṃ citritavarṇaśeṣanāgakṛtahārāṃ svarṇavarṇasvalpanāgapādāṅgurīyakām īṣadraktanāgakṛtakaṭisūtrāṃ dūrvādalaśyāmalanāgakṛtavalayāṃ candrasūryavahnikṛtanetratrayāṃ koṭikoṭibālaravicchavikṛtadakṣiṇanetrāṃ koṭikoṭibālacandrakṛtavāmanetrāṃ lakṣalakṣadahanakṛtorddhanetrāṃ lalajjihvāṃ mahākālaśavarūpahṛdayasthitasaṅkucitadakṣiṇacaraṇāṃ śavapādadvayasthitaprasāritavāmacaraṇām etena pratyālīḍhapadāṃ sadyaścchinnagaladrudhirānyonyakeśagrathitamuṇḍamālāvalīramyāṃ sarvastryalaṅkāraśobhitāṃ mahāmohavimohinīṃ mahāmokṣavidāyikāṃ viparītaratāśaktāṃ ratyāveśasmerānanām | dakṣiṇahastādhodhṛtakartrikāṃ tadūrddhve lakṣacandrahāsakhaḍgadharāṃ vāmorddhve sarvaśiṣyāṇāṃ bhayaharaṇāya āsavagalitanīlotpalakiñcidvikasmararaktanāgadharāṃ tadadhaḥ kapālacasakasadyaḥkṛttamuṇḍaśobhitabhujāṃ huṅkārabījodbhavāṃ sarvabrahmāṇḍānāṃ kartrīṃ kṣapayatrīṃ ṣoḍaśābdāṃ sarvajñānavidāyinīṃ dhyātvā āvāhayet | oṃ deveśi! bhaktisulabhe ! parivārasamanvite ! | yāvattvāṃ pūjayiṣyāmi tāvattvāṃ susthirā bhava || ityuktvā ūrddhvāñjalinā śrīmadekajaṭe! devi! ihāgacchāgaccha adhomukhāñjalinā iha tiṣṭha tiṣṭha garbhāṅguṣṭhamuṣṭibhyām iha sannidhehi sannidhehi tadadhomukhena iha sanniruddhasvahastaṃ bhrāmayitvā atra adhiṣṭhānaṃ kuru mama pūjāṃ gṛhāṇa || (p. 68) ākāraṃ bindusaṃyuktaṃ māyāpāśavibhūṣitam | vahnijāyā ca haṃsāntaḥ pratiṣṭhāmantra īritaḥ || oṃ hrīṃ kroṃ svāhā haṃsaḥ śrīmadekajaṭādevatāyāḥ prāṇā iha prāṇāḥ evaṃ jīva iha sthitaḥ evaṃ sarvendriyāṇi iha sthitāni evaṃ vāṅmanaścakṣuḥśrotraghrāṇaprāṇā ihāgatya sukhaṃ cira tiṣṭhantu svāhā | ityanāmāṅguṣṭhasaṃyuktāgreṇa pratiṣṭhāpayet | tato mūlaṃ daśadhā japtvā dhenuyonimatsyāṅkuśaśaṅkhaḍgamṛgagālinīmudrāḥ pradarśya śrīmadekajaṭe ! devi ! vajrapuṣpaṃ pratīccha huṃ phaṭ svāhā | iti puṣpā~jalīn dattvā pūjayet | āsanaṃ svāgataṃ pādyamarghyamācamanīyakam | madhuparkācamanaṃ snānaṃ vasanābharaṇāni ca || sugandhi kusumaṃ dhūpadīpanaivedyavandanam | daśopacārairvā pañcopacārairvā pūjayet | puruṣadhiyā so'hamiti mattvā oṃ vajrapuṣpaṃ pratīccha huṃ phaṭ svāhā ityuccārya pūjayet | etat pādyaṃ namaḥ pādyaṃ gṛhītvā tadupari pūjāmantram ekajaṭādevatāyai etat pādyaṃ namaḥ | iti kṛtamuṣṭiprasāritāṅguṣṭhatarjanībhyāṃ dadyāt | tathā idamarghyaṃ svāhā | pādyañca pādayodadyāt maulau cārghyaṃ nivedayet | gandhaṃ bhāle tathā puṣpaṃ pādayośca nivedayet || idaṃ snānīyaṃ svadhā | mṛgamudrayā gandho'yaṃ namaḥ | añjalinā puṣpāṇi vauṣaṭ | tataḥ svavāme ghaṇṭāṃ cānīya gandhapuṣpābhyāṃ oṃ jayadhvanimantramātaḥ svāhā iti ghaṇṭāṃ saṃpūjya dhūpaṃ pātropari saṃsthāpya pūjāmantraṃ japtvā vāmahaste dhṛtvā eṣa dhūpaḥ svadhā | iti nivedya mṛgamudrāyāṃ nītvā vāmahastena ghaṇṭāṃ vādayan ānāsāmukhato dhūpasamīraṇaṃ ghnāpayet | tathā dīpo'yaṃ svāhā | dṛṣṭiparyantaṃ dīpaṃ dattvā nīrājayet | (p. 69) tathānyat sarvaṃ mālādikaṃ deyam | svavāme trikoṇaṃ vilikhya tatra naivedyamānīya ram iti dhenumudrayā amṛtīkṛtya yonimudrāṃ pradarśya tatra mūlaṃ daśadhā japtvā phaḍiti astreṇa saṃrakṣya gālinīmudrāṃ pradarśya vāmahastānāmikāṅguṣṭhābhyāṃ dhṛtvā arghyodakena etannaivedyaṃ sopakaraṇaṃ śrīmadekajaṭādevyai namaḥ | strīśūdretarastu oṃ amṛtopastaraṇamasi svāheti jalaṃ dattvā vāmahaste grāsamudrāṃ baddhvā dakṣahastena prāṇādimudrāḥ pradarśayet | tataḥ pānārthajalaṃ tatastāmbūlaṃ culvakādiśeṣaṃ samāpayet ghaṇṭāvādyaḥ | tathā yathāśaktyupacāraiḥ saṃpūjya yonimudrāṃ pradarśya devi! ājñāpaya parivārāṃste pūjayāmi ityuktvā ṣaḍaṅgāni saṃpūjya devyā maulau oṃ akṣyobhyaṃ vajrapuṣpaṃ pratīccha huṃ phaṭ svāhā ityādinā sarvatrābhyarcayet | devyā dakṣahastorddhve khaḍgaṃ tadadhaḥ kartrikāṃ vāmorddhve indīvaraṃ tadadhaḥ sadyaḥkṛttaśiraḥsahitacasakaṃ saṃpūjya vāyavyāt śivakoṇaparyantaṃ gurupaṃktiṃ prapūjayet | ūrddhvakeśavyomakeśanīlakaṇṭhavṛṣadhvajān | tatraivānandanāthāntān pūjayitvā phalaṃ labhet || tārāvatī bhānumatī jayā vidyā mahodarī | ambāntāḥ pūjayeccaitāḥ iṣṭamokṣārthasiddhaye || vaśiṣṭhamīnanāthaśca harināthakuleśvarau | virūpākṣamaheśvarasukhapārijātāḥ | mahākālarudrāṇī ugrā bhīmā ghorā bhrāmarī kālakartrī viśvarūpā ca | oṃ ūrddhvakeśānandanātha vajrapuṣpaṃ pratīccha huṃ phaṭ svāhā | evaṃ vyomakeśānandanātha-nīlakaṇṭhānandanātha-vṛṣadhvajānandanāthān evaṃ tārāvatyamba-bhānumatyamba-jayāvatyamba-vidyāvatyamba- mahodaryambāḥ tathāvaśiṣṭhānandanātha-mīnanāthānandanātha- harināthānandanātha-kuleśvarānandanātha-maheśvarānandanātha sukhānandanātha pārijātānandanāthān (p. 70) tathā mahākālarudrāṇyamba-ugrāmba-bhīmāmbaghorāmba- bhrāmaryamba-kālarātryamba-viśvarūpāmbāḥ | tataḥ pūrvādi vāmāvartenāṣṭadale pūjayet | oṃ virocana vajrapuṣpaṃ pratīccha huṃ phaṭ svāhā | evaṃ śaṅkhapāṇḍara padmanābha asitāṅganāmaka pāṇḍara tāraka padmāntaka vajrapuṣpaṃ pratīccha huṃ phaṭ svāhā iti pūrvadvāre | tathā udīcyāṃ yamāntakapaścādvighnāntakadakṣiṇe narāntaka etān saṃpūjya pañcapuṣpāñjalīn dattvā pādyārghyādinā devīṃ saṃpūjya vāme trikoṇaṃ ṣaṭkoṇaṃ vṛttaṃ caturasraṃ vilikhya tatra vibharitasādhārapātraṃ samāṃsataṇḍuladadhiharidrādagdhamīnāsava- piṇyākalavaṇārdrakānyamataṃ gṛhītvā dakṣahaste jalaṃ nītvā oṃ hrīṃ śrīmadekajaṭe devi mayopanītaṃ valiṃ gṛhṇa gṛhṇa gṛhṇāpaya gṛhṇāpaya mama śāntiṃ kuru kuru paravidyāmākṛṣyākṛṣya truṭa truṭa chindhi chindhi bhindhi bhindhi sarvajagadvaśamānaya oṃ hrauṃ svāhā iti triḥ paṭhitvā valiṃ dadyāt | yaduktaṃ kālikākalpe valiṃ svatanuśoṇitam | tat sarvaṃ kālikārcāyāṃ na tārāviṣaye kvacit || svagātrarudhiraṃ yattu tārakāyai pradīyate | tasya ruṣṭā sadā tārā na pūjāphalamāpnuyāt || trikoṇañcāṣṭakoṇañca vṛttaṃ koṇacatuṣṭayam | validāne tvidaṃ sthānaṃ śasyate tārakārcane || oṃ hrīṃ ekajaṭetyuktvā devīti tadanantaram | mahāyakṣādhipataye mayopanītakaṃ padam || valiñcoktvā gṛhṇa yugmaṃ śrāvayettadanantaram | gṛhṇāpaya padadvandvaṃ mama śāntiṃ samācaret || kurudvayaṃ paravidyāmākṛṣyākṛṣya eva ca | (p. 71) truṭayugmaṃ vadet paścāt chindhiyugmaṃ tataḥ param || bhindhiyugmaṃ samuccārya jagat sarvaṃ vaśaṃ naya | lajjatāraṃ samuccārya valiṃ dadyāt paṭhettrayam | tataḥ punararghyaṃ kṛtvā oṃ hauṃ aiṃ śrīmadekajaṭe devi mama sarvavidyāṃ siddhaya siddhaya gṛhāṇārghyaṃ sarvavācaspatitvaṃ dehi svāhā | ityuktvā jaya jaya ityuktvā nīrājanapuraḥsaraṃ devyā maulau dattvā yathāśakti japtvā samarpya jalaṃ devyā vāmahaste dadyāt || tatastavakavacādipāṭhaḥ sarvatra kulakriyādipūrvakaḥ || tataḥ pradakṣiṇaṃ kuryāt ghaṇṭāvādyapuraḥsaram | ūrddhvaṃ dakṣiṇakaṃ hastaṃ kṛtvā vāratrayaṃ naraḥ || yāmyācca vāyavyāṃ gacchet sthitvā kiñcicca śāṅkarīm | punaryāmyaṃ pragatvā tu praṇamecca puraḥsthitaḥ || praṇamet saptavārantu triḥ prakuryāt pradakṣiṇam | daṇḍākāraṃ nipatyātha kaḥ phalī bhūmimadhyataḥ || aṅgulānāñca agrāṇi ekīkṛtya sumānasaḥ | trikoṇākāramādhāya kiñcidvāmāṃśato namet || urasā śirasā paścāt pāṇibhyāṃ jānutastathā | nāsācibukayogena praṇamya siddhimāpnuyāt || atha japakramaḥ | kulvukāṃ prajapecchīrṣe daśadhā mantrasiddhaye | mukhe setuṃ saptadhā ca praṇavena puṭaṃ hṛdi || prāṇāyāmaparaḥ pūrvaṃ japet sādhakasattamaḥ | kulvu kā yathā svaṃ dvitīyaṃ candrāḍhyaṃ lajjā cāṅkuśa eva ca | āṃ hrīṃ krauṃ iti śirasi daśadhā japet | mukhe setuṃ oṃ iti saptadhā japet | hṛdi praṇavapuṭitamantraṃ saptadhā japet | (p. 72) sarvatra ādau prāṇāyāmaḥ | tataḥ setuṃ tato mahāsetuṃ tato mantraśikhām oṃ hauṃ aiṃ iti saptadhā japet | tato mantraprāṇaṃ kalarīṃ iti saptadhā | tataḥ sahasram aṣṭottaraśataṃ viṃśatiṃ vā japet | tato jalapuṣpaṃ karatale nītvā oṃ guhyātiguhyagoptī tvaṃ gṛhāṇāsmatkṛtaṃ japam | siddhirbhavatu me devi ! tvatprasādāttvayi sthite || iti japaṃ devyā vāmahaste samarpayet | tataḥ prāṇāyāmaḥ | iti japakramaḥ | kāmyajapaḥ puraścaraṇaprakaraṇe vaktavyaḥ | nityajape nigamam asyā eva | sahasraṃ prajapenmantraṃ dharmamokṣārthasiddhaye | aṣṭottaraśataṃ yattu tatpūjāyāḥ phalāptaye || viṃśatiñca japenmantraṃ pūjāsiddhyarthameva hi | pūjanetarajape tārāsāre | yāvanna kriyate karma puraścaraṇamuttamam | tāvannaiva prajaptavyaṃ sahasrādadhikaṃ śiva || prajapet sādhako yastu kṣobhayukto'pyananyadhīṃ | sahasrādadhikaṃ vatsa! sahasreṣu samarpayet || etena puraścaraṇahīnaḥ sahasrādūrddhvaṃ na japet | yadyekadā ayutaṃ japet tadā sahasraṃ sahasraṃ japtvā samarpayet | sahasraṃ prajapenmantraṃ puraścaraṇakarmaṇi | śataṃ tena prajaptavyaṃ hyadhikaṃ na kadācana || tato'rghyajalaṃ nītvā oṃ itaḥ pūrvaṃ prāṇabuddhidehadharmādhikārato jāgratsvapnasuṣuptyavasthāsu manasā vācā karmaṇā hastābhyāṃ padbhyāmudareṇa śisnā yat smṛtaṃ yaduktaṃ yat kṛtaṃ tat sarvaṃ brahmārpaṇaṃ bhavatu madīyaṃ sakalaṃ samyak śrīmadekajaṭādevatāyai sarvaṃ samarpitamastu | (p. 73) tataḥ saṃhāramudrayā kṣamasveti visṛjya aiśānyāṃ trikoṇe oṃ ucchiṣṭacāṇḍālinyai namaḥ | tatastena yantralepanacandanena ṭīkāpādādikaṃ naivedyaṃ kiñcit svīkṛtyānyacchaktibhyo dattvā yathecchaṃ viharediti ekajaṭāpūjāpaddhatiḥ | pratyālīḍhapadāṃ devīṃ mahāmāyāṃ trilocanām | sarvālaṅkārabhūṣāḍhyāṃ mahānīlaprabhāṃ parām || khaḍgaṃ pāśaṃ dakṣiṇe ca vāmendīvaramūrddhataḥ | dadhataṃ casakaṃ devyā bhāvayet sādhakottamaḥ || iti dhyātvā tatkalpoktayantre pūjayet || iti tārāpūjā | atha kāmatārāpūjanam | tatkalpoktayantre | ghorahāsyāṃ mahādevīṃ tāriṇīṃ tārarūpiṇīm | casakendīvarañcaiva khaḍgañcāpi varaṃ tathā || vyāghracarmaparīdhānāṃ sarvālaṅkārabhūṣitām | vakṣasā nāgahārāñca mahāyogasvarūpiṇīm || iti dhyātvā āvāhya pūrvavat sarvam | iti kāmatārāpūjanam | ugratārāprakaraṇoktayantre yā yā lakṣmyādipīṭhaśaktayaḥ | atra tāḥ tāna kintu, icchājñānakriyāñcāpi kāminīṃ kāmadāyinīm | ratiṃ ratipriyāñcaiva ratidāṃ paripūjayet || śavopari mahādevīṃ śaveśahāsyasaṃyutām | viparītaratāśaktāmugratārāṃ parātparām || kartrikākhaḍgasaṃyuktāṃ dakṣiṇe tāriṇīṃ parām | vāmabhāge nīlapadmaṃ casakaṃ tadadhaḥ smṛtam || muṇḍamālāvalīramyāṃ raktadhārāvibhūṣitām | ghorahāsyāṃ trinetrāñca sarvadā jñānadāyinīm || (p. 74) ekaveṇīṃ mahāveṇīṃ phaṇirājavibhūṣitām | suvarṇamukuṭairyuktāṃ śubhradantavibhūṣitām || iti dhyātvā pūrvavat | iti ugratārāpūjanam | śambhupatnīmahākālapriyāṇām prāṇāyāmaḥ vedakalāvasumantrayutaḥ | iyān viśeṣaḥ | - nīlavāṇīṃ sadā vande nīlāñjanacayaprabhām | stryalaṅkārasamopetāṃ vyāghracarmāvṛtāṃ kaṭī || nāgenāveṣṭitāṃ devīṃ phaṇihāravidhāriṇīm | phaṇimastakayogena dakṣapādaṃ prapañcitam | vāmapādaṃ śave nābhau ratyallāsahṛdānvitām || tāmasīṃ mahatīṃ viśvamohinīṃ ghorakāminīm | śivavaktrasya bhramarāṃ pratyālīḍhapadāṃ śubhām || camarīkeśasaṃskārasadāgalitakuntalām | nānāmaṇiyutāṃ śīrṣe mahāpāpavināśinīm || kapālañcāpi khaḍgañca nīlapadmāṃ sarasvatīm | bhāvayet sarvasiddhyarthaṃ nīlavāṇīṃ kapitthadām || evaṃ dhyātvā sarvaṃ pūrvavat | yantrasyāṣṭadikṣu padmakhaḍgadaṇḍapāśakapālaśūlagadāpadmacakrādīn pūjayet | iti viśeṣaḥ | iti pūjanaṃ nīlasāradāyāḥ mahānīlasarasvatyāśca | tato yathāśakti nityahomaḥ | tathā nigame | ekadhā hyāhutiryena tārakāyai pradīyate | koṭijanmakṛtaṃ pāpaṃ tatkṣaṇāt tasya naśyati || tato balidānam | chāgaṃ vā mahiṣaṃ vāpi śūkaraṃ vā patatriṇam | hastinaṃ mūṣikaṃ vāpi mārjārañcāpi meṣakam || dattvā devyai mahādevyai sa bhavet kulanāyakaḥ | (p. 75) valiṃ purata ānīya yonimudrāṃ pradarśya ca || dakṣiṇe tadgalaṃ dhṛtvā vāmapṛṣthe niyojayet | śrīmadekajaṭe ! devi ! valiṃ gṛhṇa surottame! | mantrāṇā~cāpi me siddhiṃ latāsiddhiñca dehi me || oṃ hrīṃ hāṃ huṃ aiṃ aiṃ sarvasiddhiprade! me caturvargasiddhiṃ dehi dehi valiṃ gṛhṇa gṛhṇa svāhā | iti nivedya khaḍgaṃ jalapuṣpādinā saṃpūjya ekaghātena chedayet | iti validānam | āsavaṃ saṃvidāñcāpi nivedyānandamācaret | tadā pūjā prakartavyā hyanyathā niṣphalā bhavet || saṃvidāṃ caturdhā vibhajya prathame tattvamudrayā oṃ saṃvide ! brahmasaṃbhūte ! brahmaputri ! sadānaghe ! | bhairavāṇāñca tṛptyarthaṃ pavitrā bhava sarvadā || oṃ brāhmyai namaḥ svāhā | iti bhūmau kṣipet | oṃ siddhimūlakare ! devi ! hīnabodhaprabodhini ! | rājaprajāvaśakari ! śatrukaṇṭhe triśūlini ! || aiṃ kṣatriyāyai namaḥ | oṃ namasyāmi namasyāmi yogamārgapradarśini ! | trailokyavijaye ! mātaḥ ! samādhiphaladā bhava || hrīṃ vaiśyāyai namaḥ | oṃ ajñānendhanadīptāgne ! jvālāgnibrahmarūpiṇi ! | ānandasyāhutiṃ prītiṃ samyag jñānaṃ prayaccha me || klīṃ śūdrāyai namaḥ svāhā | tatastanmadhye trikoṇaṃ vilikhya oṃ amṛte ! amṛtodbhave ! amṛtavarṣiṇi ! priye ! amṛtamākarṣaya ākarṣaya svāhā | tatastattvamudrayā pūrvavattarpayet || tato bhūmau kiñcinnikṣipya aiṃ aiṃ vada vada vāgvādini ! mama jihvāyāṃ sthirībhava sarvaśatrukṣayaṃ kuru kuru svāhā | ityanena juhuyāditi || (p. 76) yatrāste kamalā kṛtāñjaliparā vīṇādharā sāradā tārāvākyamanusmaran priyatamaṃ comāvacaḥkāraṇam | brahmānandakṛtau susādhanavidhau tārārahasye śubhe- 'pyācārādividhau tṛtīyapaṭalaḥ sarvārthasiddhipradaḥ || atha caturtha paṭalaḥ | atha ṣoḍhā | praṇavaṃ mātṛkāvarṇaiḥ puṭitaṃ mātṛkāsthale | tenaiva puṭitaṃ varṇaṃ nyasettatraiva pārvati ! || iti yāmale | kevalāṃ mātṛkāṃ kṛtvā mātṛkāṃ tārasaṃpuṭām | tāreṇa puṭitāṃ tāntu lajjā tu mātṛkāpuṭā || lajjayā puṭitā sā tu nyastavyā sādhakottamaiḥ | mātṛkayā puṭā yoṣā yoṣayā mātṛkā tathā || mātṛkayā puṭaṃ kūrcaṃ kūrcena puṭitārṇatām | mātṛkāpuṭitaṃ cāstaṃ hyastaṃ mātṛkayā tathā | mātṛkāpuṭitaṃ mantraṃ mantreṇa puṭitāntu tām || ayutaṃ vinyased yastu vāyukumbhakayogataḥ | mahāyogī bhavet so'pi devīṃ paśyati cakṣuṣā || ṣoḍhāhīnasya mantrasya durbalatvaṃ prajāyate | na siddhido bhavet so'pi mokṣado na kadācana || aṃ tāraṃ aṃ oṃ aṃ namaḥ | oṃ aṃ oṃ namaḥ | strīṃ aṃ strīṃ aṃ namaḥ | strīṃ aṃ strīṃ namaḥ | aṃ hrīṃ aṃ namaḥ | hrīṃ aṃ hrīṃ namaḥ | aṃ chaṃ aṃ namaḥ | hūṃ aṃ hūṃ namaḥ | aṃ phaṭ aṃ namaḥ | phaṭ aṃ phaṭ namaḥ | aṃ mūlaṃ aṃ namaḥ | mūlaṃ aṃ mūlaṃ namaḥ | aṃ namaḥ aṃ lajjā aṃ namaḥ lajjā aṃ lajjā namaḥ (p. 77) aṃ badhūm aṃ namaḥ aṃ kūrcaṃ aṃ namaḥ kūrcaṃ aṃ kūrcaṃ namaḥ | aṃ phaṭ aṃ namaḥ phaṭ aṃ phaṭ namaḥ aṃ mūlaṃ aṃ namaḥ mūlaṃ aṃ mūlaṃ namaḥ iti vāyudhāraṇena nyāsaṃ kṛtvā mūlena saptadhā vyāpakaṃ kuryāt | iti guhyaṣoḍhā | hrīṃ aiṃ hauṃ klīṃ huṃ phaṭ lajjā vāgbhavabījañca prāsādaṃ kāma eva ca | varmabījaṃ tato'pyastraṃ nyastasiddhimavāpnuyāt || iti mahāṣoḍhā | dhūṃ dhūṃ dhūmāvati ! svāhā iti mantraṃ japeddaśa | varṇanyāsakrameṇaiva māyayā puṭitā badhūḥ || badhvā saṃpuṭitān varṇān vinyaset sādhakottamaḥ | ṣaḍdhā nyāsaṃ tataḥ kṛtvā mahāsiddhimavāpnuyāt || iti pūrvavat puṭitaṃ kṛtvā varṇanyāsavat pañcāśat sthāne ṣaḍdhā nyaset | iti mahāṣoḍhā | pratyahaṃ kriyate yena ṣoḍhā vatsa ! mahāmahā | mantrasiddhirbhavettasya svapne vākyaṃ śṛṇoti hi || iti brahmānandaparamahaṃsaparivrājakāvadhūtaviracite tārā- rahasye caturthaṃ paṭale triṣodhāprakaraṇam | -------- ṣoḍhā naktaṃ matsyamāṃsaṃ paramānnādibhiryutam | sāyaṃsandhyāṃ tataḥ kṛtvā yogaṃ ca parikalpayet | ādhāramūlaṃ grīvāgraṃ merudaṇḍaṃ prakīrtitam || tadāśritya vaset loke koṭitīrthatrayaṃ tanau | vāme tadaṃśe nāḍī syāt īḍā sarvārthasiddhidā || dakṣiṇe piṅgalā nāḍī sarvatīrthamayī śubhā | suṣumnā merupurataḥ puṇyanāḍyakhilapradā || p. 78) tanmadhye citriṇī vajrā tanmadhyataḥ smṛtā | brahmanāḍī samākhyātā brahmānandapradāyinī || indīvaramṛṇāleva rājate madhyamadhyataḥ | sthiravāyusamāyogāttiṣṭhatyeva carācaram || sa tāvat kuṇḍalīśaktirnāsāvāyuḥ prakīrtitaḥ | māyāyogasamāyogāt tatra cāṣṭasthitāni vai || tilakākārarajataṃ tathā bhāti ca tiṣṭhati | caitanyarahitā nāḍyo vaddhāstiṣṭhanti dehataḥ || tīrthaṃ puṇyaṃ mahāpīṭhaṃ tadāśritya ca tiṣṭhati | yantraṃ ca devatā tatra mūle ca pariniṣṭhitā | merormūle yathā padmaṃ mūlādhāraṃ prakīrtitam || caturṅgulavistīrṇam ucchritaṃ caturaṅgulam | catuḥparṇaṃ śoṇaparṇaṃ trikoṇaṃ karṇikā tataḥ || tanmadhye bindurūpohi kākinīśaktisaṃyutā | svayambhū liṅgamākhyātaṃ svarṇavarṇaṃ suśobhanam || yavapañcakamānantu mahāliṅgaṃ manoharam | veṣṭayitvā ca viharet śaktiḥ kuṇḍalinī parā || vilolabhujagākārā brahmarūpavidhāriṇī | sārddhatrivalayākārā mahāyogamayī sadā || ṣaṭpadaiva procyamānā naiva liṅgaṃ spṛśet kvacit | sūryakoṭipratīkāśā candrakoṭisuśītalā || taḍiccañcalarūpābhā parabrahmasvarūpiṇī | virāṭamūrtirdeveśo viharet pūrvato dale || citkalāśaktisaṃyuktaḥ stūyate ca kṛtāñjaliḥ | mahākālo dakṣiṇe ca kālikāśaktisaṃyutaḥ || stayate parayā bhaktyā mahājñānasvarūpiṇīm | (p. 79) nārāyaṇaḥ paścime ca mahālakṣmīkuleśvaraḥ || stūyate parayā bhaktyā bhāvena kuṇḍalīṃ parām | uttare ca mahādevaḥ pārvatyā saha śaṅkaraḥ || stūyate tāriṇīṃ devīṃ sarpākārāṃ maheśvarīm | yadā kadācit tadvācāmekaṃ vākyaṃ śṛṇoti hi || tadā sṛṣṭiṃ sthitiñcāpi saṃhāraṃ kartumeva hi | te śaktāḥ syurmahādeva ! sādhu sādhu prakāśitam || yadā liṅge bhavelliptā tadā nidrāṃ vrajennaraḥ | sadā sā paramā śaktiḥ sthiralagne sthirā bhavet || tadā puṇyakaro loko bhaviṣyati na saṃśayaḥ | yadā mūrdhani liṅgasya sā dadāti sukhaṃ param || japaśakto bhavet jīvastatra śabde ca siddhidaḥ | yadā pucchaṃ liṅgamūrddhni dadāti brahmarūpiṇī || gurutalpaṃ brahmayoṣāṃ gacchedvālāñca kāminīm | ṣaḍdalaṃ liṅgamūle ca padmaṃ syādraktapāṇḍaram || tanmadhye raktapāṇḍuñca liṅgaṃ viśvodbhavātmikam | hākinīśaktisaṃyuktaṃ sarvasiddhipradāyakam || brahmā viṣṇustathā rudro bhagaścandraḥ śacaupatiḥ | rājate dalamadhye tu sarvaśaktisamanvitaḥ || stūyate paramaṃ liṅgaṃ sarvakāmārthasiddhidam | mūlādhārāt kuṇḍalinīṃ tatra yatnena cālayet || tasyāḥ sparśanamātreṇa dalaṃ tasyottaraṃ mukham | padmopari vrajennaiva mahāśakto maheśvari ! || kintu tatra sthitāḥ sarve svarvā gacchanti tatkule | ekatrībhūya te sarve stuvanti siddhidāyinīm || nābhāvaṣṭadalaṃ padmaṃ navīnajaladaprabham | (p. 80) viśvāntakastatra liṅgaṃ śākinīśaktisaṃyutam || indro vahniḥ pitṛpatirnnair-ṛto varuṇo marut | kuverastatra īśānaḥ svasvaśaktisamanvitaḥ || tatra padmasya madhye tu brahmanāḍīsamāśritām | kṛtvā tu tasya pātrāṇi cottarañca vibhāvayet || te te devāstato gatvā stuvanti bhaktisaṃyutāḥ | hṛdaye ca tato dhyāyet padmaṃ ṣoḍaśabhirdalaiḥ || mahāśuklaṃ mahāpadmaṃ gajakumbhākṛtiṃ dalam | indraścandro guruḥ śukro vāmadevaḥ śivāpatiḥ || īśvaraḥ śaṅkaraḥ kṛṣṇaḥ vāmadevaḥ kuleśvaraḥ | kamalānāyakaḥ kopaḥ kāmarūpaḥ kṛpāmayaḥ || karaṇe ṣoḍaśake ca svasvayoṣāsamanvitaḥ | stūyate sarvadā bhaktyā mahāliṅgaṃ maheśvaram || ḍākinīśaktisaṃyuktaṃ bhāvayecca parātparam | tat panthānaṃ samāruhya tatra devīṃ samānayet || tadvāme rājate jīvastadadhaḥ pāpa eva ca | surāpānahṛdā yuktaṃ gurutalpakaṭidvayam || vajradantasamopetaṃ mṛdudantavibhūṣitam | mahākāyaṃ mahādevarahitaṃ hṛdaye sadā || nakhe svarṇahṛtaṃ cihnaṃ sarvadoṣayutaṃ param | navākāraṃ mokṣahīnaṃ kulācāravihīnakam || kāmadaṃ kāmarūpeṇa ratidoṣapradaṃ tathā | tataḥparaṃ bhāvayecca daśapatraṃ suśobhanam || nīlavarṇaṃ mahāpadmaṃ sarvasiddhipradāyakam | mahāliṅgaṃ kāmanāma rājate kāminīyutam || kāmadevaśca śāmbaśca kāmācāraśca kāmukaḥ | (p. 81) kāminīnāyakaḥ kāmo brahmānandaḥ kuleśvaraḥ || trilokeśaḥ sadānandaḥ kaulo daśadale sthitaḥ | svasvaśaktisamopetāḥ stuvanti kuṇḍalīṃ parām || lalāṭe netrapatrañca brahmaliṅgasamanvitam | saśaktirviṣṇūrudraśca stauti tārāsamanvitaḥ || taṃ vibhidya gatā devī kuṇḍalī śaktiruttamā | adhomukhaṃ sahasrāraṃ merudaṇḍāgranāḍītaḥ || trilokasthāstato devāḥ santi tatraiva śaktibhiḥ | nāḍītrayasamopetaṃ sarojaṃ dvādaśaṃ dalam || trikoṇakarṇikā tatra brahmaviṣṇuśivānvitā | dantāvīkavatī śayyā śaktivajrasamanvitā || tatrāpi śrīguruḥ sākṣāt sarvabhūtahite rataḥ | karpūradhavalaṃ devaṃ brahmarūpiṇamavyayam || paramaṃ śivamākhyātaṃ kauverāsyaṃ vibhāvayet | mūlādidevatāḥ sarve stuvanti sarvakāraṇam | kuṇḍalinīṃ mahāśaktiṃ lalāṭe kamalāvatīm || bhāvayet śivarūpeṇa vāmabhāge samānayan | vāme ratiñca saṃsthāpya guroreva susiddhaye || samutthāya gurustāñca sākārāṃ mantrarūpiṇīm | tatrāpi guruṇā devi! vītaśaktā maheśvarī || upari sthīyate tena mahāmohavināśinī | vāmapādāṅguṣṭhato'syāḥ vakṣyate'mṛtamuttamam || tat pītvā sukhaduḥkhābhyāṃ jīvo jīvati nityaśaḥ | bhāvanābhyāsayogena yadi nāḍīṃ praveśayet | mahāsiddhiṃ sa labhate'pyamaro jayate dhruvam || iti tārāyoge yogasāraḥ | (p. 82) yatrāste kamalā kṛtāñjaliparā vīṇādharā sāradā tārārādhyamanusmaran priyatamaṃ comāvacaḥ kāraṇam | brahmānandakṛtau susādhanavidhau tārārahasye śubhe yogācāravidhau caturthapaṭalaḥ sarvārthasiddhipradaḥ || iti tārārahasyatantraṃ samāptam | ########### END OF FILE #######