####################################################
MUKTABODHA INDOLOGICAL RESEARCH INSTITUTE
Use of this material (e-texts) is covered by Creative Commons license BY-NC 4.0
Catalog number: M00534
Uniform title: troṭalottara
Secondary title: tottalottara
Manuscript : NGMCP 5-4844 Reel: B 126/15

Description: 
A Gāruḍa tantra.


Notes: 
Data-entered by the staff of Muktabodha under the supervision of Mark S.G. Dyczkowski.

Revision 0: Sept. 14, 2021.

Internet publisher : Muktabodha Indological Research Institute
Publication year : 
Publication city : 
Publication country : India
####################################################



p. 1a)

oṃ namaḥ śivāya ||

asmiṃstu troṭale taṃtre tvaritā nāma vā smṛtā |
siddhidā sā samuddiṣṭā vidyeyaṃ kāmarūpiṇī ||

suparṇasya mukhodgīrṇā devadevena bhāṣitā |
sā vidyā paramā guhyā guhyānāmapi guhyakā ||

guhyānāṃ ca parā vidyā sā vidyā sarvakāmikā |
daśalakṣasya taṃtrasya pūrvameva samuddhṛtā ||

anyataṃtrasahasrāṇi asya vidyā viniḥsṛtā |
etatastvaritā nāma vijeyāstu navākṣarā ||

mardanī sarvanāgānāṃ saptapātāla kṣobhaṇī |
utpattiḥ sarvabījānāṃ yonirevā prakīrtitā ||

eṣā vidyā parā guhyā guhyāguhyeśvarī smṛtā |
īśvarī sarvaguhyānāṃ yat tūrṇāsādhyamuttamā ||

hṛdayaṃ sarvadevīnāṃ siddhasiddheśvareśvarī |
sarvakarmakarī vidyā aśeṣabhuvanāyikā ||

siddhidā sarvakāmeṣu ihaloke paratra ca |
durlabhā sarvadevānāṃ ṛṣīṇāṃ yogināmapi ||

kalpe kalpe nayā siddhā devagandharvakinnarāḥ |
ṛṣayaśca tapo dṛṣṭvā munividyā dharādayaḥ ||

yakṣarakṣapiśācāśca siddhayogeśvareśvarī |
hṛdayaṃ sarvadevānāṃ siddhānāṃ yoginīṣu ca ||

mardanī sarvanāgānāṃ saptapātāla vāsinām |
trailokye ca imāṃ vidyāṃ daśalakṣeśvareśvari || 

mānuṣāṇāṃ hitārthāya phalametāvatāritā |
imāṃ vidyāpurā siddhā vratacaryā vivarjitā ||

klimpanti mānuṣā martye sarvakarme śubhāśubhe |
yena siddhyanti vai kṣipramokṣaṃ yānti parāparam ||

vidyādharatvamicchanti cakravarti sureśvaram |
nāgakrīḍā prakurvanti martye kautūhalānvitā ||

ye khecaratvamicchanti siddhayogeśvaraiḥ saha |
svacchandamṛtyumicchanti yāvadeva sadāśivam ||

rājyasiddhiṃ prayacchanti dravyasiddhistvanekadhā |
ākarṣaṇādikarmāṇi tat tavyā kurute dhruvam ||

māraṇoccāṭanaṃ vaśyaṃ staṃbhanaṃ chedabhedanam |
parasainyavibhedaṃ ca yaṃtrāṇāṃ ca nikṛntanam ||

mohanī sarvaduṣṭānāṃ bhayāhārākṣasādibhiḥ |
ya imāṃ dhārayed vidyāṃ sakṛduccāraṇādapi ||

jvalanto dṛśyate so hi suparṇo hi śūlinam |
śatamaṣṭottare japte pūrvasaṃdhyā tu mānavaḥ ||

yaḥ smareta imāṃ na sa rogaistu pīḍyate |
vāksiddhiḥ prathame paścādākarṣacchedana trayam ||

uttiṣṭha svanyavādaṃ ca viṣakarma caturthakam |
paṃcamaṃ khecaratvaṃ ca ṣaṣṭhaṃ nirvāṇadaṃ padam ||

vidyā kāmaduhā sṛṣṭā sarvakarmeśvareśvarī |
imāṃ vidyāṃ mahaṃ tārkṣa udgirāmi sa lakṣaṇam ||

yena karmamakurvanti vratayāgavivarjitam |
lakṣaṇaṃ saṃpravakṣyāmi saṃkṣepeṇa nibodhata ||

aiṃ hūṃkāradvaya saṃyuktaṃ khecadve padabhūṣitam |
vargātītaṃ visargaśca strīṃ hūṃ kṣaiṃ phaṭ ca vai smṛtā ||

eṣā vidyā mahāvidyā svayaṃ tārkṣa sureśvarī |
yena karma vinā nāsti tatprayogaṃ vadāmyaham ||

anuloma vilomena samastavyastayogataḥ |
prayogaṃ yena vindanti tatresmin trottalottare ||

aprayogāt kutaḥ siddhiḥ kutaḥ karma vipaścitam |
asmiñchāstre samutpannā maṃtrakoṭyāhyanekaśaḥ ||

p. 1b)

śāstre śāstre sthitā maṃtrāḥ prayogāstatra durlabhā | 
saṃprayogāṃ pravakṣyāmi saṃkṣepo na tu vistarāt || 

hūṃ sve ca che kṣaḥ | 

ityayaṃ prayogakāladaṣṭamapyutthāpayati | 
visargarahite na pātayati | binduyuktena nirviṣo bhavati | 
vāmahastamaṣṭamasahasrābhimaṃtritaṃ kṛtvā | 
bhūmyāṃ nāmamālikhya navavārān prokṣayet | 
yasya nāmnā sa tatkṣaṇādeva jvareṇa gṛhyati | 
visargasahitena nāmaṃ tāḍayed rājikāyāṃ taṃ hastamālipya yojanānāṃ 
śataṃ gatvātiḥ | 

atha svasthi kartukāma bhūrjapatre nāmaṃ kṣīreṇābhilikhya sakala vidyāyāṃ 
sakṛjjaptaṃ kṣīre kṣipet | athavā pivato dapyaṃ svastho bhavati mānavaḥ | 
hūṃchekṣaḥ | ayaṃ prayogastri daśairapi durlabhaḥ yasmiṃsthānesu carati 
saptapātālaḥ bhujaṅgeśvarā vidrāpayati | daṣṭakatpāpaṃ prayogastriṣu 
sthāneṣu cintayet | mūrdhni hṛdaye pādābhyāṃ nirviṣo bhavati tatkṣaṇāt | 
viṣapalaśatamāpya harati maṃtrecchati taṃtra saṃkrāmayati | anenaiva prayogeṇa 
hūṃkārādyanta yuktena pātikāstaṃbhayati | 
nāgagaṇagaṃdharvayakṣarākṣasasākinībhūtapretapiśācagajaturaṃgaśarabha-"
sārdūlasiṃhavyāghrādayoduṣṭacetasā staṃbhayati | vṛkṣanāmayati | śakaṭa 
yaṃtratā vā staṃbhayati | nāgamukhāśca nirviṣī karoti | sakala vidyayā manasā 
sakṛjjaptena asyaiva prayogasyānte hūṃkāra 
vimuktenākarṣaṇotkarṣaṇastaṃbhano staṃbhanaṃ chedato chedataḥ | yatkiṃcit 
svasthīkaraṇe ayameva prayogāmoghaḥ vācā siddhi pravartate | 
grahāhāpatedvālānāṃ vālagrahānāśayet | 

phaṭ strī kṣe hūṃ | 

ayaṃ prayogaṃ jñātvā kimartha kliṣyanti mānavāḥ | 
prayogaṃ sarvataṃtreṣu īdṛśaṃ na bhaviṣyati ||

ekānte nirjane gatvā śuciḥ snāno turāmukhaḥ | 
kṛtarakṣāparo bhūtvā lakṣāṃ cārabhya yatnataḥ | 

japet sādhako dhīrayadīcchet siddhimuttamām | 
caturthe tu tato lakṣe darśanaṃ dṛśyate niśi || 

nirghoṣaṃ ca mahāraudramaṭṭahāsaṃ mahāravam | 
āgacchanti mahāguhyā siddhayogeśvareśvarī ||

sādhakena tu dātavya marghaṃpādyaṃ susaṃskṛtam | 
aṃte maṃtra vaṣaṭkāraṃ tena tṛpyanti guhyakāḥ || 

vrajaputra mahāvīra khecaratvaṃ sudurlabham | 
taduttiṣṭha mahāvīro dehenānena sādhakaḥ || 

vicaredbhuvanāṃ divyāṃ śaktibhiḥ parivāritaḥ | 
mahāpralayamaṃte ca śivo bhūtvā tu khecaraḥ || 

ayaṃ siddha prayogantu na tu vijāyate kvacit | 
siddhāte bhāgahīno hi niyogaṃ ca manusmaraḥ || 

śatrūṇāṃ ghātanaṃ cakre sarvavidyāṃ samuddharet | 
ādyanteva prayogasya ṣaṭkāraṃ yojayedbudhaḥ || 

ghātaye nṛpati kṣipraṃ cakravarti s * * * ? | 
phaṭkāreṇa viyuktena hūṃkārādyanta yojitaḥ || 

kāladaṣṭaṃ ca saṃprāptaṃ satīrtham preṣayiṣyati | 
śarkaroṭaścaturgṛhya nāgakuṇḍe tu prakṣipet || 

ādi hūṃkāramante ca phaṭkārānte niyojayet | 
anenaiva prayogeṇa saptasaptābhi maṃtritā || 

prathamaṃ kṣobhayetkarṇa nāgarājā mahābalam | 
dvitīye calate sthāne nāgarājeśvaraḥ prabhuḥ ||

p. 2a)

tṛtīye dṛśyate chatraṃ trailokyaṃ sahanāntikam |
caturthe dṛśyate devaṃ nāgarājā sa vāsukiḥ ||

yadi dṛśyati yatnena nāgoyaṃ viṣadarpitaḥ |
jaṃbūdvīpaṃ muhūrtena bhasmarāśiṃ kariṣyati ||

ayaṃ saṃharate devaṃ prayogameva buddhimān |
ādyante ca vaṣaṭkāraṃ tṛpto rājā gamiṣyati ||

prayogame tadākhyātaṃ siddhidaṃ samyagepsitam |
sakalasya tu maṃtrasya prayogaṃ ca vadāmyaham ||

yena jñātaṃ suraiḥ sarvaiḥ siddhair-ṛṣibhikinnaraiḥ |
akleṣeṇa yathāsiddhirjambūdvīpe vadāmyaham ||

mānavāyena siddhyanti vratayāga vivarjitāḥ |

hūṃ khecachekṣa strīṃhūṃkṣe phaṭ ||

imāṃ vidyāṃ mayā tārkṣya dadhataṃ prāk sugopyataḥ |
prastāreṇa sureśāni sopade śaṃkhayeśvaraḥ ||

sakṛduccāritā devi sarvapāpa kṣayaṃkarī |
prāṇāyāma sahasreṣu yogadhyāna śateṣu ca ||

sakṛduccāritā vidyādharmādharmairnalipyate |
yāti vai paramaṃ sthānaṃ yatra devo maheśvaraḥ ||

karmaṃ cāsyā pravakṣyāmi yena siddhyanti mānavāḥ |
dehaśuddhiṃ purā kṛtvā paścāt karma samārabhet ||

sakṛduccāritā vidyā dehaśuddhirbhaveddhruvam |
vācā siddhirbhavettasya vai na teya samo bhavet ||

mudrā praṇītāṃ vaddhā tu maṃtrasaumya mudīrayet |
kāladaṣṭa samuttiṣṭheda kāle punakā kathā ||

phaṭkāreṇa visarga sa hi tena praṇītā yuktena pātayati |

visargasahita maṃtramuccārya praṇītāṃ vaddhāyāvaḍḍākinī bhūtapiśāca 
brahmarākṣasayo na jātayo yāvatpraṇītā na muṃcanti tāvaddahyanti vilayanti 
praṇītā muṃceyana saumyabhāvena vidyāmuccaret |

tataḥ saumyatvaṃ yāntite dhruvam |

japtvā cākṣara lakṣāṇi nidhānādhi patirbhavet |
dviguṇena bhavedrājā guṇaiśvarya samanvitaḥ ||

triguṇaiḥ paśyate devī yakṣiṇī kāmarūpiṇī |
tayā sahamahāvīra krīḍate kalpacoditaḥ ||

caturguṇairmahāsiddhiryāti yogeśvarī padam |
tatsamaḥ khecaro bhūtvā krīḍate ca yathecchayā ||

pañceguṇena brahmatvaṃ vicaredbrahmavadyathā |
ṣaḍguṇena tu viṣṇutvaṃ prāpyate nātrasaṃśayaḥ ||

tiṣṭhate yatra viṣṇustu siddhistasya dhruvaṃ bhavet |
krīḍate samāsatvo lakṣmīvāso mahātayāḥ ||

haristulyo mahāvīryo vicaredbhuvaneśvaraḥ |
japtvā saptaguṇaṃ vidyāṃ yānti devaṃ sadāśivam ||

dharmādharma vimuktaḥ sādhakeśvaraḥ |

vicaret sa mahāvīro mahādeva samo bhavet |
japtvā cāṣṭaguṇā vidyāgacchennirvāṇakaṃ padam ||

tvatpriyācca mayākhyātā mokṣamārga viśodhanī |
iyaṃ jñātvā ca yaṣṭvā ca bhūyo martyena jāyate ||

yāti vai paramaṃ sthānaṃ yaṃ gatvā na nivartate |
ekavīra mahāvidyā ekatastvaritā smṛtā ||

mānuṣāṇāṃ hitārthāya tārkṣate kathitā mayā |
ataḥ karma na kurvanti ālasyopahatā narāḥ || 

smaraṇā trīṇi kālāni guṇaiśvarya yathepsitam |
tasyāhaṃ dhanamicchāmi bhakti yukto japedyadi ||

p. 2b)

tasyāpi dhanado yakṣo devyādeśāddadedbhṛśam |
pūjāṃ kṛtvā hamekopi ekakālaṃ tu yaḥ smaret ||

tasya kāmaduhā dhenurgṛhenityaṃ pratiṣṭhitā |
sarvavrīhī tu yo nityamekakālaṃ tu cārcayet ||

āhūtyā nava saptastāḥ śriyāpratyakṣato gṛhe |
tilānāṃ nityahomena śatamūrdhvaṃ tribhāgatām ||

tasya vidyā parā devi pratyakṣa kāmadā bhavet |
dadāti vipralānbhogā yaccānyamanasepsitam ||

sakalī bhūto smaredyastu abhiyukto yathepsayā |
nāsau vadhyate kenāpi mṛtyukālairmahāgrahaiḥ ||

mahāvyādhibhiduṣṭairvānāsau vadhyati kena hi |
sakalī karaṇaṃ vakṣye vidyāyā parameśvarī ||

akṣarāṇāṃ vibhāgaṃśca devatārcana kalpanā |
pūjāgni maṇḍalaṃ caiva devyā saṃpravadāmyaham ||

karanyāsaṃ puraṣkṛtvāyastadaṃge niyojayet |
vāmāṃguṣṭhe tu hūṃkāraṃ khekāraṃ tarjanīṣu ca ||

cakāraṃ madhyamāyānnucchekāraṃ tu anāmikā |
kṣakārantu kaniṣṭhāyāṃ vāmahaste tu vinyaset ||

dakṣiṇe tu punarvakṣye yathāvadanu pūrvaśaḥ |
strīṃkāraṃ tu kaniṣṭhāyāṃ hūṃkāraṃ ca anāmikā ||

kṣekāraṃ madhyame dadyāt phakāraṃ tarjani nyaset |
ṭakāraṃ dakṣiṇāṃguṣṭhe karasaṃskāra kīrtitam ||

kathayiṣyāmi te tārkṣya aṅganyāsamataḥ param |
mūrdhni vinyasya hūṃkāraṃ khekāraṃ mukhamaṇḍale ||

cakāraṃ kaṇṭhadeśe tucchekāraṃ hṛdaye nyaset | 
kṣakāraṃ savisargantu nābhimadhye vyavasthitam ||

strīṃkāraṃ guhyadeśe tu hūṃkāradve tu ūrubhiḥ |
kṣekāraṃ jānunīdvetu phaṭkāraṃ pādayornyaset ||

etadakṣa ravinyāsādvidyā deho bhavet kṣaṇāt |
jvalanto dṛśyate sohi divyādivyaiḥ surāsuraiḥ ||

devatā kalpanaṃ vakṣye akṣarāṇāṃ maheśvarī |
hūṃkāraṃ sakalandevaṃ kālānna bhuvaneśvaram ||

khekāraṃ vāyudevatyamākāśe tu vyavasthitam |
cakāramindra devatyaṃ siddhayogeśvareśvaram ||

cchekāraṃ paramāśakti daśagranthi nikṛntanī |
kṣurikānāmasākhyātā paranirvāṇagāminī ||

chedanī sarvapāśānāṃ smṛtvā mohairna vādhyate |
vargātītaṃ visargeṇa mahātārkṣeśvareśvarīm ||

sa mahābhairavamiti ananteśo khageśvaram |
strīkāraṃ cātridaivatyaṃ yogināṃ hṛdayaṃ param ||

hūṃkāraṃ rudradaivatyaṃ sadāśivamanāmayam |
kṣekāraṃ paramāyoni siddhidā guhya saṃbhavā ||

phakāraṃ tu svayaṃ devīmumāṃ stri bhuvaneśvarīm |
sā yoniḥ sarvayogīnāṃ sarvayogeśvareśvarī ||

ṭakāraṃ paramandevamarddhamātreśvareśvaram |
ardhacandrākṛtiḥ sūkṣmaṃ paravyomaṃ parāparam ||

devatā kalpanā tārkṣa kathitaṃ ca vibhāgasaḥ |
arcanaṃ saṃpravakṣyāmi yena siddhyanti vai dhruvam ||

pūrvamakṣaravinyāsaṃ sakalī kṛtya cātmani |
vargātītaṃ visargeṇa diśā vandhayate mahī ||

āvāhanāsanaṃ cārghaṃ marcanaṃ preṣaṇaṃ tathā | 
sarvametantu kartavyaṃ savisargeṇa maṃtriṇaḥ ||

hūṃkāraṃ karṇike nyasya khekāraṃ pūrvaje dale |
cakāraṃ vahnije sthāne cchekāraṃ dakṣiṇe nyaset ||

p. 3a)

kṣakāraṃ savisargantu nair-ṛtyāṃdiśi vinyaset |
strīṃkāra caiva vāruṇyāṃ hūṃkāraṃ vāyavedale ||

kṣekāraṃ cottarenyasya maṃtrī dhyāna parāyaṇaḥ |
phaṭkāraṃ paramāśaktirīśānyāṃdiśi vinyaset ||

kṣakāraṃ savisargañca diśāsu vidiśāsu ca |
arcane cāgnikārye ca eṣa eva vidhiḥ smṛtā ||

siddhyante bhāgyahīnopi acireṇaiva sādhakaḥ |
aṣā vidyā mahāvīryā purāsṛṣṭā na vākṣarā ||

arthadā mokṣadā caiva viṣadarpa vināśanī ||

hūṃ cchekhe ca || ayaṃ prayogaḥ chāladaṣṭamapyuccārayati | utthāpayati ca || 
phaṭkārādyantayuktena pātayati || 

hūṃstrīṃhūṃ || ayaṃ prayogaḥ paramasiddhaḥ |
anena kathānikākhyānenotthāpayati || viṣaya laśatapihati || yatrecchati tatra 
saṃkrāmayati || anenaiva prayogeṇāṣṭa sahasrābhimaṃtrite na 
paṭenadaṣṭakamṛtakaṃ chādayet ||

ayaṃ prayogastriṣu sthāneṣṭha cintayet || tata uttiṣṭhati nirviṣo bhavati ||

anenaiva prayogeṇa striyaṃ dṛṣṭamadṛṣṭaṃ vā praṇītā mudrāṃ vaddhā yāvat 
sahasram āvartayet || tāvad yojanaśatādapyākarṣayati | hūṃkārādyantayuktena 
cakāraṃ datvā preṣayati ||

khe kṣaḥ || 

ayaṃ prayogamanasā dṛṣṭamātradaṣṭakaśīrṇapatito vādasu sthāpayati | 
kāladaṣṭamapi tīrthe preṣayati || ādyanta phaṭkārayuktena brahmarākṣasa 
yonayaḥ bhūtapretapiśāca cāturthaka prabhṛtayasmaraṇādevanikṛntayati || 
svecchayā karmakaroti || haḥ phaṭ hūṁ phaṭ cche phaṭ || ayaṃ prayogaściti 
bhasmanāhuti sahasreṇa yasya nāmaṃ datvā juhoti sa cakravartīśvaramapi 
praharārddhena mārayati || kākapakṣaśataṃ gṛhyonmattakarasena juhuyāt 
sadravyadhanapatīśvaramapi deśāduccāṭayati | na punaḥ purevartati ||

anenaiva prayogeṇa sarpakīṭakāṃ snānodakena nirviṣo bhavati | 
tilapuṣpaistvaritā pūjāṃ kṛtvā sarpakaṇṭhakānāmaṣṭasahasrānnirviṣo bhavati 
| yāvaccha tatrayaṃ homapatitāvat sarpasahasrāṇi āgacchanti | mahīṃ 
chādyadvāretiṣṭhanti || taiḥ saha krīḍayati | svecchayā karmakaroti | saptapātāla 
bhujaṃgeśvarāmākarṣayati | pṛṣṭhatonucarā bhavati | daṣṭabhayaṃ tasya 
kākathā | māraṇa prayogena karma karoti | hūṃ khephaṭ chedanaṃ | ādyanta 
hūṃ staṃbhanam | khestrīkhe | ayaṃ prayoga strilakṣaṃ 
japedākāśagāmitvavidyādharatvasiddhaḥ yogeśvaratulyo bhavati | mahārāja 
bhujaṃgeśvarāṇāṃmākarṣaṇotthāpanamāraṇoccāṭanasvedanodbheda na 
viṣadarpāpahāraṃ ca karoti | kāladaṣṭakasya chatrayaṣṭiṃ vā upānahau vā 
saptābhi maṃtritaṃ kṛtvā tīrtham preṣayati || kṣaḥstrīṃkṣaḥ || ayaṃ prayogaḥ 
śatruśastramudyatahastaṃ dṛṣṭvā vāmahasta trijaptaṃ kṛtvā darśayecchastraṃ 
staṃbhayati tatkṣaṇādevadāsavattiṣṭhati || 

p. 3b)

paṃ rocate taṃ dadāti || rocanālaktakamekataḥ kṛtvā trivāraṃ japya lalāṭe 
śikhā madhye tilakaṃ kārayitvā'yaṃ prayogo manasā japamāno nṛpatiṃ 
paśyet kruddhopi dravyaprasanno bhavati || 

gandhapuṣpaphalaṃ vāpi khaḍgavastramupānahau | 
trijaptaṃ nṛpate deyaṃ strīṣu kṣudreṣu kākathā || 

ekameva tu yo dadyād vaśaṃ karyāt purandaraḥ | 
strīṇāṃ maithunakāle tu yaḥ prayogamanusmaret || 

ayameva japet sohi nānyaṃ puruṣamicchati | 
gandhapuṣpavilepaṃ ca tāṃbūlaṃ rocanā tathā || 

sakṛjjaptaprayogeṇa strīṇāṃ vai svāmino bhavet | 
sakṛjjaptvā jale snāpya phalaṃ tīrthasahasraśaḥ ||

sarvavidyā japed yastu sarvamaṃtrābhiṣecanam | 
vyādhibhiḥ pīḍyate nāsau mahārogaistu dāruṇaiḥ || 

dharmādharmairna lipyeta padaṃ yānti manāmayam |
yaṃ gatvā na nivarteta śivo bhūtvā khageśvara || 

mudrāṇāṃ lakṣaṇaṃ vakṣyerārdhamudreśvareśvarī | 
karau kṛtvā gratonnānau madhyamāṃguṣṭha pīḍayet ||

tarjanyau cordhva saṃsṛtya vāhū dvau daṇḍavat kṛtau | 
vaddhātviyaṃ mahāmudrā siddhyarthā tena sā bhavet || 

yāvad vā japate vighātena sā siddhidā bhavet | 
sāramuddhṛtya taṃtrasya sahasraikādaśasya tu || 

troṭalasya samākhyātā tvaritā sarvakāmadā | 
dviśataṃ parimāṇena ślokānāṃ parikīrtitam || 

nākhyeyaṃ yasya kasyāpi rakṣaṇīyaṃ khageśvara |
arakṣaṇādbhaveddhāni corebhyo draviṇaṃ yathā || 

oṃ hiraṇya puruṣonāma gaṃbhīrākṣo mahābalaḥ |
tenaivaṃ preṣitā muktvā sthānaṃ muṃcatu ca svāhā || 

iti troṭalottare mahātaṃtre ekādaśasāhasrasya paṃcatriṃśatimodhyāyaḥ || 

iti tvaritājñānakalpa samāptaḥ || 

	

idānīṃ saṃpravakṣyāmi devyāmūrti khageśvaraḥ | 
niḥsandigdhaṃ ca suspaṣṭaṃ śṛṇuṣvāvahitodhunā || 

kṣīrābdhihārakundendutuṣārāmṛtasaṃnibhām ||
taḍitkoṭiprabhādīptā suduṣprekṣyā surāsuraiḥ || 1 || 

saḍvaktrāṣṭādaśadṛśā vivoṣṭhī cāruhāsinī |
ekaikamakṣaraṃ devyā dvau bhujau nayanāni ca || 2 ||

sarvalakṣaṇasaṃpūrṇā sarvābharaṇabhuṣitāḥ | 
nāgakaṅkaṇakeyūrahāranūpuramekhalā || 3 ||

khaḍgadaṇḍākṣicakraṃ ca gadāśūlaṃ ca mārgaṇam |
śaktiśca varadaṃ divyaṃ dakṣiṇena dhṛtāyudhā ||

ghaṇṭāpāśahaṃlaṃ śaṃkhaṃ padmāṃkuśaśarāsanam |
tarjanī vābhayaṃ devyā rājate vāmapāṇiṣu ||

dharmasiṃhāsanaṃ divyaṃ himādiśikharaprabham |
lalajjihvo jvalannetro tīkṣṇadaṃṣṭroti bhīṣaṇaḥ || 

tīkṣṇāgranakhaśuktyā ca bhuvanāni vidārayan |
pūrvakāyotthitorddhāsya prasanniva carācaram ||

tvaritā tatra cārūḍhā vāmajaṃghā pralaṃvitā |
dakṣiṇā dviguṇāntasyāpādapṛṣṭhe samarpitā ||

sahasradalacāṃbhoje vāmapādakṛtdarā |
devāṅgavastrasaṃchannā mukhavarṇantu brahmavat ||

madhyaṃ tu haritagauryā japamukuṭamaṇḍitā |
navaśīrṣāhichatra syāt saphaṇāmaṇimaṇḍitā |

p. 4)

kathitā sa rahasyantu sahasraikādaśe mate |
iti te kathitaṃ tārkṣa tvaritā troṭalāgame ||

spaṣṭena kathitaṃ sampadbhānyasmai saṃprakāśayet |
rakṣaṇīyaṃ prayatnena jananī jāragarbhavat ||

iti troṭalottaro nāma samāptaḥ ||



oṃ namastvaritāyai || 

hūṃkārerita mātṛcakra nikhilādhatte karairdakṣiṇeyāvajāśiśara 
triśūlavaradaṃ cakraṃ ca śaktiṃ gadām |
daṇḍaścāpisurāridarpadalanīṃ vā su pracaṇḍāṣudhā sā devī vidadhātu 
siddhimatulāṃtāṃ dhyāyatāṃ śāṃkarīm || 1 ||

khelaṃtyāpi ca vāmatopi vidhṛtaṃ pāśāṃkuśaṃ 
tarjanīghaṇṭāśaṃkhakaraṃ sarojamabhayaṃ bhīmaṃ dhanurbhāsuram |
tārācakrataraṃvitāṃ varanibhāpuṣpotkara bhrājitā yasyā 
mūrdhvatanūrūhābhikalitāsāme karotvīhitam || 2 ||

caṃ caddaṇḍaviśrāvanantakulikauyasyājvalat kuṇḍalau 
vispaṣṭasphuṭakaṇṭhapīṭhaluṭhitohārīkṛto vāsukiḥ |
cakre takṣaka śaṃkhapālarucirau saddhastayoḥ kaṃkaṇau sā pātu tvaritābhidhā 
bhagavatī lokatrayaṃ caṇḍikā || 3 ||

chedakṣābhava pāśajālamakhilaṃ tacchevakānāṃ yayā kāṃcīsthāna 
niveśito viṣadharaḥ karkoṭadaṃṣṭrotkaṭaḥ |
pādāṃbhojayuge ca padmakamahāpadmau latau nūpurau sā lokatrayakaraṇyaiṣu  
jananī puṣṇā tu puṣṭiṃ nṛṇām || 4 ||

kṣaḥkārāravahāsyabhāsuramukhī bhrūvāya cakrotkaṭā devendrāyudha 
sannibhāsakamalāṃ datta pramollāsinīm |
candrārkānalalolalocanavatīṃ dhyāyanti ye tvāṃ hṛdi te vidyādharacakravarti 
padavīṃ mātarlabhanteviram || 5 ||

strībhāvaṃ caritāpi yā bhagavatī lokatrayairvanditā brahmendrādi 
kirīṭimaṇḍalamaṇiprojāsitāṃghriprabhā |
candrārddhāṅkita mauli raṃbuja dalaprot sarpinetra trayā sā kālī vikarāli 
gaurisamarīmātaṃginī pātuvaḥ || 6 ||

kṣetrasyā labhanaṃ vidhāya vidhinā tatkṣīra vṛkṣodbhavāḥ kīlāṃdūti 
samāśrayāṃ daśadiśi āropitānnakṣitaḥ |
tat sannakṛta maṃtravigraha śuciryaccintayecchāṃbhavī nirvighnaḥ sa ca 
cinnitārthamacirādāpnoti yaddurlabhām || 7 ||

hūṃkṛtyudyutakatvarāntaravahaṣyaṣṭha 
prabhāmaṇḍalāduttuṃgadvipakuṃbhavibhramakucavyāśakta muktāphalām | 
śuklāṃbhoruhakarṇikoparikṛta prītābhirāmasthitiḥ 
tārjankeśaripṛṣṭhaniṣṭhitapadaṃ svaprāya vargapradā || 8 ||

phaṭkārāstra surakṣite trava puṣo dhyāyanti yetvāṃ nadye teṣāṃ hastatale 
sthitā iva bhavatyaṣṭau mahāsiddhayaḥ |
bhūtapretapiśācarakṣabhujagāvajñyāsadopāśate nirvāṇaṃ ca samāśrayanti 
sutarāṃ devyā prasādādatha || 9 ||

khyātaṃ sārdhana vākṣaraṃ tava śivebījaṃ janairdurlabhaṃ ye jānanti japanti 
sakramamatha vyastaṃ samastaṃ tathā |
arddhārdhaścatadardhamuddhatadhiyasteṣāmanaṅbhadrutā kāminyastupuraḥ 
patanti surasatkallola līlāvatī || 10 ||

p.5)

yaṃ yaṃ kāmamapekṣasikṣitivipatvāṃsevayannikṣitau taṃtreṣāṃ varade 
karāśritamiva prāyaḥ purāvartate |
tasyā dākṣutaraṃ vihāya sakalaṃ sevyātvamekāṃ janaḥ sākṣāt kalpalateva 
mātari punaḥ kiṃ varṇyase mādṛśaiḥ || 11 ||

ye nityaṃ parikīrtayanti janani stotraṃ tava śrīmate ye śṛṇvanti ca sādaraṃ yadi 
gṛhe saṃlikhyacādhāritam |
te nandanti nirākulāna ca bhayaṃ caurānalotpātajaṃ te sarvatra hi pūjitā vijayi 
narate vallabhā bhūtale || 12 ||

iti tvaritāstotraṃ śārdūlavikrīḍitaṃ dvādaśaślokaṃ samāptamiti ||
iti maṃgala mahāśrīḥ ||

oṃ namaḥ śivāya || 

pravālāṃkuravarṇābha muditārkasamaprabham |
ādhāre tiṣṭhate varṇaṃ hūṃkāraṃ ca surārcitam || 1 ||

kusuṃbhakuṃkumachāyaṃ pītavarṇaṃ mahādyutim |
staṃbhanaṃ sarvabhūtānāṃ khepadaṃ cāti durlabham || 2 ||

śuddhasphaṭikasaṃkāśaṃ saudāmaṇisamaprabham |
maṇipūre sthitaṃ devi ca varṇaṃ śāṃtikārakam || 3 ||

sajalajaladābhāsāṃlikulākāra saṃnibhām |
chedayaṃ tiṣṭhate devi nāhate mṛtyudaṃ priye || 4 ||

atasī puṣpasaṃkāśaṃ śuddhamākāśa varcasam |
vidveṣaṇaṃ mahāprītau viśuddhau kṣatpadaṃ priye || 5 ||

indragopakasaṃkāśaṃ jātihiṃgula varcasam |
vaśyākarṣaṇakartāraṃ ājñāsthāne tu strīpadam || 6 ||

devendrāyudhavarṇābhaṃ vicitravarṇasaṃkulam |
gadyapadyapravāhaṃ ca kurute kṣepadeśvare || 7 ||

haṃsasubhrājasaṃkāśaṃ puṣparāga samapratim |
adhvasthaṃ jāhnavī tatra huṃ padaṃ tu sadāśive || 8 || 

sadāśivorddha taścaiva vyāpakātu adhaḥ sthitam |
bhuktimuktipradātāraṃ phapadaṃ devadurlabham || 9 ||

vyāpakaṃ nirmalaṃ śuddhaṃ gatirāgativarjitam |
yena jñātvā bhavenmuktirardhamātrā su ucyate || 10 ||

evaṃ navātmikā vidyā navacakre vyavasthitāḥ |
yobhi jānāti dehasthaṃ tasya siddhirnadūrataḥ || 11 ||

yo jānāti sa yogendrajānīsyā"cca na saṃśayaḥ |
bhuktimuktipradaṃ divyaṃ nānyabhāvaṃ samāśrayet || 12 ||

iti sārddhanavākṣaryāsthānavinyāsadhyānasūtraṃ samāptamiti ||





###########   END OF FILE  #######