####################################################
MUKTABODHA INDOLOGICAL RESEARCH INSTITUTE
Use of this material (e-texts) is covered by Creative Commons license BY-NC 4.0
Catalog number: M00276
Uniform title: umāsaṃhitā
Manuscript : IFP transcript T0081

Description: 
Transcribed from IFP transcript T0081 which is acopy of MS 73868 belonging to the adhyar Library, Madras.  See Muktabodha digital library, IFP/EFEO collection at www.muktabodha.org for full bibliographic details.


Notes: 
Transcribed by the staff of Muktabodha under the supervision of Mark S. G. Dyczkowski.

Revision 0: Feb. 15, 2013

Internet publisher : Muktabodha Indological Research InstituteInternet publisher: Muktabodha
Publication year : 2013
Publication city : 
Publication country : United States
####################################################



umāsaṃhitā ||

locanaivamumukṣūṇāṃ manuṣyāṇāṃ kāśyāṃ śrotriya
* * * * * * * * *  dakṣyāmi hāmini |

tasyopadeśamantreṇa muktiṃ vindanti mānavāḥ |
uccārya * * * * * * * * * * mānavaḥ ||

amṛte kathayiṣyāmi itihāsaṃ purātanam |
avanti viṣaye kaścit brāhmaṇoveda * * * ||

śrutādhyayanasaṃpanno vidyādhara iti śrutaḥ |
dhanināṃ śrotriyādīnāṃ svādhyāyavrata ṣālinām ||

kule * to viśeṣeṇa snānānuṣṭhānatatparaḥ |
svayamasmai dvijagaṇairvedapāṭha paraśca saḥ ||

satkanyāṃ śrotriyakule pariṇīya śucismitām |
mandasāseti vikhyātāṃ rāmāṃ sarvāṅgasundarīm ||

dīkṣito * n sadākāle juhotisma vidhānataḥ |
evaṃ bhūto dvijavaro vedavādabahiṣkṛtaiḥ ||

p. 2)

kadācitkṛtasaṃvādastatra saṃkhyamarocata |
vihāya vaidikāndharmāñchrutismṛtyurarīkṛtān ||

pāṣaṇḍaiḥ kṛtsaṃsargaḥ paradāraparāyaṇaḥ |
veśyāpatirabhūnnityaṃ dravyatyāga kṛtādaraḥ ||

evaṃ dhaneṣu gacchatsu vibhajya bhrātaro dhanam |
upekṣāñcakuraniśaṃ taṃ dvijaṃ vedadūṣakam ||

naṣṭeṣu dravyajāteṣu svadāranirato bhavat |
sāpinī vurujā dagdhā pañcatvaṃ gamitā bhṛśam ||

* * * meti vijñāya cintayāno divāniśam |
* * * * * * ñcintya hārāmeti rurodaha ||

hārāma rāma rāmeti hārāmeti manorame |
iti śabdaṃ sa bahudhā kṛtvā sañcarati kṣitau ||

evaṃ kāle bahugate gatakalmaṣa pañjaraḥ |
rāmasmaraṇa māhāmtyājjīvanmuktaśca cāra saḥ ||

evaṃ bhūtadvijavaraṃ kiṃ karāḥ kālacoditāḥ |
sañcālya sarva prāṇāni kraṣṭumu * * * * * ||

* * prāṇeṣu saṃyojya prāṇastejasi yojitaḥ |
kṛṣyamāṇe tejasitu ta * vavilayaṃ gataḥ ||

p. 3)

vidyādharo na dṛṣṭotra kvagato brāhmaṇādhamaḥ |
iti śaktitacittāste mā gatesma parasparam ||

mārgitvā bahukālaṃ tu dūtāssvinna mukhā bhṛśam |
rājñe nivedayāmāsurbrāhmaṇānadhanakriyām ||

bho bho preta pate yuṣmadgaṇakasya mukhācchrutam |
vākyamākarṇya vegena gatāsma brāhmaṇāntikam ||

mahāntaṃ yatnamāsthāya brāhmaṇagrahaṇe sati |
na tatra kiñcinna dṛṣṭaṃ nirāśā jīvite vayam ||

asmānnukaṃ svarājendra tavājñākāriṇo vayam |
ityukta * * * * na citraguptamathāhvayat ||

yamaḥ-

citragupta tvayā sarvaṃ jñātaṃ sarvaja * * * |
* * * * * * paṃ vai pāpināṃ dharmiṇāṃ tathā ||

adya vidyādharākhyasya brāhmaṇasya viceṣṭitam |
ālocyā ca * * ṇaka pakṣapātavivarjitam ||

patrajālaṃ paraṃ mṛśya citro daṇḍadharaṃ vacaḥ |
provāca nātha madvākyaṃ yathāvacchṛṇu sūryaja ||

janmaprabhṛti vipreṇa paradārābhimarśanam |
vṛṣalīgamanaṃ caiva śūdrastrīgamanaṃ tathā ||

rajakīgamanaṃ caiva nartakī gamanaṃ tathā |

p. 4)

vaṃśakārāṅganāñcāpi sudhākārāṅganāṃ tathā ||

sūcikārasya lalanāṃ priyāṃ krākacikasya ca |
vṛṣalīgamanaṃ cāpi kṛtaṃ rāgavyaśādbhṛśam ||

ārūḍhapati tājjātā vardhakīvārayoṣitaḥ |
rajasodarśanātpūrvamanūḍhā brāhmaṇāṅganā ||

ūḍhā ca samagotreṇa vṛṣalyaḥ kīrtitā budhaiḥ |
yaḥ karotyekarātreṇa vṛṣalīsecanandvijaḥ ||

sabhaikṣa bhuñjapannityaṃ tribhirvarṣairviśudhyati |
vṛṣalīgamanādvipraḥ kuṃbhīpākeṣu pacyate ||

paradārānnigamanātkālasūtreṣu pacyate |
ayaṃ vidyādharo nāma pāpināmagrasaṃbhavaḥ ||

abhakṣya bhakṣaṇaṃ cakregrañca nānāṃ ca bhakṣaṇam |
khaṭvāṅga kabakaṃ cāpi śugrukaṃ laśunaṃ tathā ||

niṣpāvabhakṣaṇaṃ cāpi vyāghra parṇasya bhakṣaṇam |
upotakībhakṣaṇaṃ ca maurvā bhakṣaṇamādarāt ||

evamādīni pāpāni kṛtavāñchraddhayā saha |
ekoddiṣṭaṃ navaśrāddhaṃ sa piṇḍapreta bhojanam ||

godānagrahaṇaṃ cāpi kṛtavānviprapātakī |
vedamuccārya vādena dānagrahaṇa tatparaḥ ||

yatīnāṃ nindakaścāyaṃ mahatāṃ dūṣakastathā |

p. 5)

evamādīni pāpāni nityamācarate mudhā ||

tasmādvidehanirvāṇa padavīṃ nārhate dvijaḥ |
evamuktena citreṇa kālo daṇḍadharoruṣa ||

daṇḍamudrāṃ ca saṃgṛhya vedhasontikamabhyagāt |
satyalokaṃ gato rājā pretānāṃ kāryasādhakaḥ ||

praṇamya satyalokasthaṃ caturānanamastuvat |
jaya vāṇīśa lokānāṃ sṛṣṭikarma viśārada ||

caturmukhadayāsindho vedavedya jaganmaya |
sṛṣṭisthityanta karaṇe brahmaviṣṇvīśanāmaka ||

vijñāpanaṃ śṛṇuṣvādya dāsasya tava māriṣa |

evaṃ stuto daṇḍadhareṇa devo
vāṇīśvarī vedasamūhayoniḥ |
provāca kālaṃ paramāsanasthaḥ
saṃstūyamāno'psarasāṃ samūhaiḥ ||

ityumā saṃhitāyāṃ dvitīyodhyāyaḥ ||



|| atha tṛtīyodhyāyaḥ ||


umā-

sraṭhurantikamāsādya kiṃ kṛtaṃ ravisūnunā |
vadasva kṛpayā mahyaṃ yadyadguhyaṃ maheśvara ||

īśvaraḥ-

śṛṇu devi pravakṣyāmi viprasya caritaṃ mahat |
yacchrutvā sarvapāpebhyo mucyate narakādapi ||

vidyādharākhyo vipraṣū sāyujyaṃ muktimabhyagāt |

brahmā-

dharmarāja pravakṣyāmi viprasya caritaṃ mahat ||

yasya smaraṇamātreṇa jīvanmukto bhaviṣyati |
ayaṃ brāhmaṇadāyodo rāmanāma sadā smaran ||

sahasranāma sadṛśaṃ rāmanāma varānane |
koṭiyajñasamaṃ rāmacandro bhadretyayaṃ manuḥ ||

namontaśrutinā prokto vedānteṣu yathā kramam |
rāmāya rāmacandrāya rāmabhadrāya vā manum ||

yāvajjīvañjapanmartyo jīvanmukto na saṃśayaḥ |
tasmāt kauśikagotroyaṃ jajāpa paramaṃ manum ||

p.7)

citraguptaḥ-

anena sarvapāpāni buddhipūrvakṛtāni ca |
buddhi pūrvagate pāpe prāyaścittaṃ na vidyate ||

paradāra paradravya parānna grahaṇe rataḥ |
vedavādatriṣeṇaiva gṛhītaṃ dhanasañcayam ||

gavāṃ pratigrahaṃ kṛtvā vikrayaṃ kṛtavānayam |
durbhojanavidhau sakto duṣprati grahaṇe rataḥ ||

ajasraṃ viṣayāsaktaśśaucācārabahiṣkṛtaḥ |

brahmā-

rā śabdoccāraṇe jāte vaktrātpāpasya nirgamaḥ |
makāra smaraṇe jāte bhasmabhāvaṃ vrajanti te ||

brahmahatyā sahasrāṇi svarṇasteyaśatāni ca |
gurudāraśataṃ cāpi surāpānaśataṃ tathā ||

tatsaṃyogiśataṃ cāpi mucyate rāmadarśanāt |
aupāsanāgnirahitāḥ pañcayajña parāṅmukhāḥ ||

sandhyāvandanahīnāśca śuddhā rāmasya kīrtanāt |
abhakṣyabhakṣaṇāsaktā vṛṣalīgamane ratāḥ ||

uccārya satataṃ rāmaśabdaṃ muktā na saṃśayaḥ |
gacchantiṣṭhansvapannṛtyan bhuñjānovāpi mānasaḥ ||

mucyate raghunāthasya nāmnāṃ kīrtano dvijaḥ |

p. 8)

bhojanādau smaranmantraṃ pratigrāsaṃ yathāruci |
uccārya rāmavijayaṃ mucyate kṣatriyohaṃsaḥ ||

raghunāthasya nāmāni yo gṛhṇāti naro bhuvi |
vimukta sarvapāpassa viṣṇuloke mahīyate ||

rāmāyaṇasya ślokyaṃ vā pādaṃ vā padameva vā |
bhuktyanteṣu prayuñjāno brahmabhūyāya kalpate ||

rāmāyaṇa kathāmeva ye bhṛṇvanti narottamāḥ |
vidhūtapāpāste yānti brahmalokaṃ sanātanam ||

ye śṛṇvanti kathāṃ martyā rāghavendra jayārthitām |
pādaṃ vā sargamekaṃ vā kāṇḍamekamathāpi vā ||

aśvamedhasahasrāṇāṃ phalaṃ vindanti mānavāḥ |
caturviṃśatsahasrāṇāṃ ślokānāmuktavā nṛṣiḥ ||

tathā sargaśatānpañca ṣaṭkāṇḍāni tathottaram |
kṛtsnaṃ rāmāyaṇaṃ yo vā śṛṇoti śrāvayeta vā ||

sarvabandhavinirmukto brahmabhūyāya kalpate |
aputro labhate putraṃ kanyā satpatimāpnuyāt ||

vidyārthī labhate vidyāṃ vittārthī dhanavānbhavet |
striyo rajasvalā śrutvā putrān sūyuranuttamān ||

śrutvā rāmāyaṇamidaṃ bandhyā putramavāpnuyāt |
kaṭuṃbasya ca vṛddhissyāddhanadhānya samṛddhitā ||

p. 8)

mitrāṇāṃ caiva vṛddhissyāt putrāṇāṃ ca tathā bhavet |
ānukūlyaṃ kalatreṣu śravaṇādeva jāyate ||

mahādāna pratigrahaṃ mahāpāpaharaṃ bhavet |
caturviṃśati vārāṇāmādṛtyā niyameva ca ||

ṣaḍabdakṛcchre yatpuṇyaṃ yatpuṇyaṃ setudarśane |
tīrthācala prekṣaṇe ca tatpuṇyaṃ śravaṇādbhavet ||

jyotiṣṭomādi yajñānāṃ keṣāñcidadhikāritā |
śrīmadrāmāyaṇe kāvye sarveṣāmadhikāritā ||

arthitvādiviśiṣṭasya karmaṇyadhikṛtirmatā |
nityādi sādhanopāyo brahmajñāne yathā bhavet ||

tadvatsādhanasāpekṣā nāsti rāmāyaṇaśrutau |
śrutvā rāmāyaṇaṃ kāvyaṃ muktibhāgjāyate narā ||

gāyatrī vedamātṛtvādyathā śreṣṭhatamā matā |
tadvadrāmāyaṇākhyānaṃ caturviṃśati varṇakam ||

dharmamarthañca kāmañca gāyatrī japato labhet |
mokṣañca śravaṇādeva vindanti manujā bhuvi ||

saṃsāratāpayuktānāṃ jantūnāṃ hatacetasām |
śrīmadrāmāyaṇākhyānapīyūṣaṃ bheṣajaṃ bhavet ||

durānna dagdhajihvānāṃ durdānahatacetasām |
dussaṅgahatacittānāṃ kalipāśāvapāśinām ||

p. 10)

devapūjāvihīnānāṃ śrautasmārtā pavarjinām |
pitṛpūjāvihīnānāṃ viyuktāgnyarcināmapi ||

śrīmadrāmāyaṇakathā sarvapāpapraṇāśinī |
śrīmadrāmāyaṇaṃ martyā ye śṛṇvanti mahītale ||

sarvapāpa vinirmuktā viṣṇumandira gāminīḥ |
iti daṇḍadhara prakhyānuktavāṃścaturānanaḥ ||

śrutvā dharmo viśvasṛjoktavākyaṃ
nivartya lokāccaturānanasya |
bhṛtyairvṛtassaṃyaminīti saṃjñāṃ
purīṃ gato viśvasṛjaṃ praṇamya ||


ityumā saṃhitāyāṃ tṛtīyodhyāyaḥ ||


|| atha caturthodhyāyaḥ ||

umā-

bhūyo'pi śrotumicchāmi raghunāthasya vaibhavam |
laṅkāyāṃ rāvaṇaṃ hatvā pratiṣṭhāpya vibhīṣaṇam ||

kiṃ kṛtaṃ raghunāthena tatsarvaṃ vaktumarhasi |

śivaḥ-

hatvā daśagrīva mathāni madhye
āruhya yānammanasā visṛṣṭam |
dhātrā trikūṭācalasanniviṣṭe
laṅkāpure rāvaṇa sodarañca ||

kṛtvā rājānamavyagraṃ dṛṣṭvā rāmo maheśvaram |
ṛkṣagopucchaharibhiḥ rakṣobhiḥ parivāritaḥ ||

liṅgaṃ ratnamayaṃ tatra pratiṣṭhāpya maheśituḥ |
brahmahatyāpanodārthaṃ lokānugrahakāmyayā ||

dṛṣṭvā ratnamayaṃ liṅgaṃ rāmanātheti viśrutam |
vidhūta sarvapāpāste śivaloke mahīyate ||

pratiṣṭhāpya mahāliṅgaṃ brahmahatyāpanuttaye |
setumadhye sthitaṃ liṅgaṃ cāmīkara viniṣṭhitam ||

p. 12)

rāmanātheti vikhyātaṃ sarvapāpāpahārakam |
dṛṣṭvā māheśvaraṃ liṅgaṃ mahārajatanirmitam ||

avidyāpāśamuktāste sāyujyapadagāminaḥ |
vārdheruttarakūle ca saikataṃ liṅgamuttamam ||

sthāpya lokasya rakṣāyai mahāpātakaśāntaye |
rāmeṇa sthāpitaṃ liṅgaṃ gandhamādanamastake ||

brahmahatyādi pāpebhyo dṛṣṭvā mucyeta mānavaḥ |
kṛcchraṃ vā dvādaśābdaṃ vā brahmahatyā nivṛttaye ||

hayamedhakraturvāpi rāmasetoḥ pradarśanam |
munibhirveda tatvajñaissthitaṃ lokasya guptaye ||

ṣaṣṭikṛcchrasamaṃ prāhuśśrīśailasyāvalokanam |
tadvadrāmeśvarākhyasya darśanānmunayoviduḥ ||

bhaktvā setuṃ triḥ prakāraṃ tūṇīrāgreṇa rāghavaḥ |
puṣpakāśe samāruhya jagāma diśamuttarām ||

śrītīrtha śikharīndraśya śikhare samupasthite |
madhyāhna samaye rāmaḥ puṣpakādavaruhya ca ||

ākāśagaṅgāmāvāhya pūjāṃśaṃbhoścakāra ha |
gatvā tīrthagiriṃ martyaḥ snātvā mandākinī jale ||

dṛṣṭvā tīrthagirīśasya liṅgaṃ mukto bhaviṣyati |
phanarvimānamāruhya kiṣkindhāgirigaṃbare ||

p. 13)

puṣpakādavaruhyāśu snātvā nadyāṃ śubhodake |
virūpākṣābhidhānaṃ ca māṃ pūjayāmāsa śāstrataḥ ||

kirāto bahukālaṃ māṃ muktyarthaṃ samapūjayat |
savālirvānarendro bhūddhatvā vālinamāhave ||

rāmākhyena mayā tasmai muktirdattā śarāgninā |
bharadvājāśramaṃ gatvā rāmassatyaparākramaḥ ||

bharatasya sakāśāya preṣayāmāsa mārutim |
śrutvā hanūmato vākyaṃ bharatassatya vikramaḥ ||

paurairanugato dūraṃ rāmaṃ pratyudyayau purāt |
rāmo'pi bhrātṛbhissārdhamabhiṣikto varāsane ||

nyāyena kārayāmāsa rājyasya paripālanam |
śataṃ kratūnāmājahne vidhivadbhūridakṣiṇaiḥ ||

vājapeya śatairiṣṭvā tathā bahusuvarṇakaiḥ |
pratyahaṃ daśasāhasraṃ gavāṃ dānamakalpayat ||

brāhmaṇānāṃ viśiṣṭhānāṃ pratyahaṃ koṭi saṃkhyakam |
suvarṇamadadādrāmo brahmārpaṇadhiyādarāt ||

sṛṣṭapuṣṭajanapadā brāhmaṇā veda pālinaḥ |
rājāno bahuvīryāḍhyo vaiśyābahudhanādhipāḥ ||

śūdrā dānaparāścāsan rāme rājani bhūtale |

evaṃ sthito rāghavāṇāṃ variṣṭho

p. 114)

divārātraṃ brahmahatyākulobhūt |
tasyonmādaṃ cintayāno dante
mitrāvaruṇaṃ dudbhavaṃ prāhavākyam ||

rāmaḥ-

vīrahasyāpanodārthaṃ vadopāyaṃ guro mama |

vasiṣṭhaḥ-

śṛṇu rāghava rājendra sarvapāpāpanodakam |
purā kolāhalo nāma vṛṣalaḥ kālacoditaḥ ||

khaḍgena pitaraṃ hatvā gṛhītvā mātaraṃ yayau |
vedāraṇyaṃ samāsādya saraṃsītkāmamohitaḥ ||

sopi vedavaneśasya prabhāvātkṣemṛṇauravāt |
vedānta jñānamāsādya śivānugraha hetutaḥ ||

vimuktiṃ paramāṃ prāpta iti śāstreṣu śuśrumaḥ |
tvantu vedavanaṃ gatvā samārādhya vṛṣākapim ||

natvā guruṃ śamīmūle mucyateṃ ho gaṇādbhavān |
ityuktorundhatī bhartrā rāmo bhrātṛgaṇaissaha ||

mātṛbhissītayā sārdhaṃ balena mahatāvṛtaḥ |
vedāraṇyaṃ samuddiśya yayau puṣpavimānataḥ ||

vasiṣṭho vāmadevaśca jābālirathakāśyapaḥ |
bharadvājo gautamaśca ṛṣayo brahmavādinaḥ ||

p. 15)

śiṣyaiḥ praśiṣyaissahitā rāmasya tvanuyāyinaḥ |
dhṛṣṭirjayanto vijayassiddhārthohyartha sādhakaḥ ||

aśoko mantrapā * śca sumantraśca yayau drutam |
ṛkṣavānaragopucchaissaṃyuto vānarādhipaḥ ||

rāmapādāvalokārthaṃ gato vedavanaṃ priye |
vibhīṣaṇassamākarṇya khervaṃśavivardhanam ||

āgataṃ setu śirasi tūrṇamabhyarṇamabhyagāt |
rāma indīvaraśyāmaḥ puṣpakādavaruhya ca ||

niyamena samāgatya brahmatīrthe vagāhya ca |
vedatīrthe tatassnātvā snātvā tu maṇi karṇikām ||

liṅgaṃ svāyaṃbhuvaṃ dṛṣṭvā vimukto vīraghātakāt |
snātvā tīrthavare tatra santarpya pitṛdevatāḥ ||

brāhmaṇebhyo dhanaṃ datvā mahādānānyaśeṣataḥ |
ratnaṃ maṇiṃ suvarṇaṃ ca gajadānāni bhūriśaḥ ||

rāmacandrapurannāma bahugrāmamakalpayat |
svanāmnā sthāpayāmāsa liṅgaṃ sarvārtha siddhidam ||

sakṛttaddarśanādeva mucyate sarvapātakāt |
mahāpātaka yukto vā yukto vā kṣudrapātakaiḥ ||

śrīrāmaliṅgamāsādya jīvanmukto bhaviṣyati |
lakṣmaṇassthāpayāmāsa liṅgaṃ pāpāpanuttaye ||

p. 16)

hanumānapi tatraiva śāmbhavaṃ liṅgamuttamam |
svanāmnā sthāpya saṃpūjya vimuktaḥ pātakaughataḥ ||

sahyajāyāstaṭe ramye grāmaṃ bahuguṇānvitam |
kṛtvā vāyūdbhavaḥ pāpādvimukto rakṣasāṃ vadhāt ||

pañcāśataṃ mahāliṅgaṃ kāverī puṇyarodhasi |
tatra tatra pratiṣṭhāpya pūjayāmāsa rāghavaḥ ||

paṃpānadyāstaṭe vāpi subrahmaṇya nadī taṭe |
tathā kṣuranadītīre peṇṇātīre tathaiva ca ||

godāvaryāstaṭe ramye revānadyāstaṭeṣu ca |
tatra tatra pratiṣṭhāpya puṇyadeśeṣu rāghavaḥ ||

nyāyena kṛtavānrāmo rājyasya paripālanam ||

|| ityumāsaṃhitāyāṃ caturthodhyāyaḥ ||


|| atha pañcamodhyāyaḥ ||

īśvaraḥ-

śṛṇu vakṣyāmi he devi bālakāṇḍa kathāphalam |
tapassvādhyāyanirataṃ tapasvī vāgvidāṃ varam ||

nāradaṃ paripapraccha vālmīkirmunipuṅgavam |
idaṃ śrutvā naro bhaktyā tapassiddhimavāpnuyāt ||

svādhyāyaniratānāṃ ca phalaṃ prāpnoti mānavaḥ |
duranna bhakṣaṇānmuktaḥ pūto bhavati nityaśaḥ ||

śrutvā saṃkṣepamākhyānaṃ pratyahaṃ śrāvayet vā |
paṭhedvā pratyahaṃ martyo brahmabhūyāya kalpate ||

bhuktyante japatāṃ devi saṃkṣepakathanaṃ mahat |
kṣīyante sarvapāpāni kṛṣṇapakṣe yathāśaśī ||

dhanadhānya samṛddhiśca putravṛddhistathaiva ca |
kṣetrārāmābhivṛddhiśca bhaviṣyati na saṃśayaḥ ||

niyamena ca saṃyuktaḥ phalakāmanayā yutaḥ |
japansatvācya kṛcchrāśīti phalaṃ labhet ||

dvitīyaśravaṇādevamananoktaphalaṃ labhet |
anyeṣāṃ śravaṇādeva nididhyāsaphalaṃ labhet ||

p. 16)

tāniṣāda pratiṣṭhā tvamagamaśśāśvatīssamāḥ |
yatkrauñcamithunādekamavadhīḥ kāmamohitam ||

imaṃ ślokaṃ prathamato brahmaṇā prahitā satī |
vāṇī svayamṛṣervaktrānnissasāra kutūhalāt ||

tasmādidaṃ bālakānā pāṭhyamakṣarataḥ purā |
kṛtsnaśāstreṣu nipuṇassarva deveṣu vallabhaḥ ||

vāgmināṃ prathamo bhūtvā lokeṣu vicariṣyati |
sarvā pūrvamiyaṃ yeṣāmāsītkṛtsnā vasundharā ||

prajāpatimupādāya nṛpānāṃ jayaśālinām |
yeṣāṃ sa sagaro rājā nāmadharmaparāyaṇaḥ ||

ikṣvākūṇāṃ mahāvaṃśe rāmo rājā bhavitkṣitau |
mahadutpannamākhyānaṃ rāmāyaṇamiti śrutam ||

vatadiṃ vartayiṣyāmi sarvaṃ nikhilamāditaḥ |
dharmārthakāmasahitaṃ śrotavyamanasūyayā ||

ayodhyāvarṇanaṃ śrutvā mucyate sakalāghataḥ |
dīrghāyuṣo narāssarve dharmārthaphala bhāginaḥ ||

rājño guṇokti śravaṇādrājadoṣātpramucyate |
mantriṇāṃ mahimānoktyā mantrī mucyeta kilviṣāt ||

nādhyagacchadviśiṣṭaṃ vā tulya vā śatrumātmanaḥ |
iti śṛṇvanti ye martyāsteṣāṃ krodhādayo na hi ||

p. 19)

tasya tvevaṃ prabhāvasya ityādigranthavistaraiḥ |
parasya brahmaṇassūktimiti syāditi cintanam ||

sarayvāścottaretyuktvā vākyānāṃ vidiṣā matā |
ṛśya śṛṅgaguṇākhyānācchāntyādi guṇakīrtanam ||

anenānayanārthāya vāramukhyāssvalaṃkṛtāḥ |
preṣitā romapādena rūpayauvana pālinaḥ ||

tāsāṃ vaśye munirabhūtkā kathā prākṛte jane |
strīṇāṃ samakṣe vastavyaṃ saṃsārabhaya bhīrubhiḥ ||

na jātu tāsāṃ saṃparkaḥ patanāyaiva kevalam |
rūpaṃ guṇa kṣayaṃ caiva balaṃ prajñānameva ca ||

āyuḥ kīrtiñca nārīṇāṃ nāśayatyeva kevalam |
ṛṣerabhyāgamādṛṣṭirjāyate kathanādbhṛśam ||

avagraha vināśāya brāhmaṇānsamyagarcayet |
śāntāpāṇiṃ pratyagṛddhāddharmadvidhivatprītipūrvakam ||

kulīnā rūpasaṃpannā śāntyādiguṇa saṃyutā |
gṛhakarmaṇi dakṣā ca patiśu śrūṣaṇe ratā ||

yasya syādgehinī nārī sarvārthānlabhate hi saḥ |
dharmamarthaṃ ca kāmañca mokṣañca tripureśvari ||

yatrānukūlyaṃ daṃpatyostrī vargastatra vardhate |
sanatkumāropākhyānammantripravarabhāṣitam ||

śrutvā naro mokṣakāmī kaivalya padamāpnuyāt |
romapādapure vipraṃ draṣṭukāmena bhūbhujā ||

tatsakāśi pariprāpti śravaṇādgurumānbhavet |
sarvathā prāpsyase putrāṃścatvāra iti saṃkhyayā ||

yamaivaiṣeti vākyārthaḥ kathitaḥ kavinā purā |
yajñeneti śruterartho yajñopa kramaṇodbhavet ||

etasminnantare devā yajñabhāgārthamāgatāḥ |
brāhmaṇamagrataḥ kṛtvā kṣirābdhestaṭamantaram ||

gatvā śrutyuktamārgeṇa śrutvā cakradharaṃ harim |
prārthayāṃ cakrire rājanrāvaṇena bhṛśārditāḥ ||

devāḥ-

namaste viśvaguptāya śaṅkhine cakriṇe namaḥ |
saptāśvalocanāya tvaṃ saptasāmīrabhiṣṭutaḥ ||

saptārcita tavaktrāya saptalokaikanāyaka |
saptasālaprabhetre te saptamālāya te namaḥ ||

iti stuto devagaṇena devān
śrīśārgadhanvā jvaladaprakāśaḥ |
ālokyavṛndandivaṣadgaṇānāṃ
provāca gaṃbhīratara svareṇa ||

hariḥ-

p. 21)

bho bhomarā brūta kimarthamatra
kṣīrāmbudhestīramatīvakhinnāḥ |
upetya dhātrāvalasūdanena
pracetasā daṇḍadhareṇa devāḥ ||

namaste deva deveśa śaṅkhacakragadādhara |
vijñāpanaṃ diviṣadāmanugrāhyā yadi prabho ||

śrutvā cetasi niśritya tatsādhaya dayānidhe |
pulastyavaṃśaprabhavo rāvaṇo nāma rākṣasaḥ ||

gokarṇe ta (ya) sārādhya caturvaktramamuṃ purā |
labdhvā varandaśagrīvo lokapīḍāparāyaṇaḥ ||

vijitya vajriṇaṃ kālaṃ pāśiya kṣeśvarādikān |
vasūni bahudhā hṛtvā bhuṅkte laṅkāhvaye pure ||

vahnirāndhasiko jātaśśvasano gṛhamārjukaḥ |
varuṇo jalavāhastu tumbururgāyako'bhavat ||

guruḥ pratyahamāsādya dinaśuddhiṃ vadatyasau |
puṣpadantāvasya gṛhe dīpastaṃbhāviva sthitau ||

gandharvāpsarasāṃ mukhyā rājarṣīṇāṃ priyā api |
nāgānāṃ manujātānā kanyakāścedikā bhavan ||

śucī gṛhītu kāmosā devamātuśca kuṇḍa kle |
chatraṃ ca pāśahastasya grahaṇe kṛtakautukaḥ ||

p. 22)

vimānaṃ puṣpakannāma kuberasyā grahītpurā |
evamāste daśagrīvo lokapīḍāparāyaṇaḥ ||

taṃ hatvā rāva(ṇa)ñjanme asmanrakṣasva māciram |
bhavantaṃ śaraṇaṃ prāptā nānyo gatirihāstinaḥ ||

viṣṇo putra tvamāgaccha kṛtvātmānañcaturvidham |
rāvaṇasya vināśāya rāvaṇernidhanāya ca ||

lavaṇasya vadhārthāya gandharvāṇāṃ vadhāya ca |
kartavyannidhanaṃ deva caturṇāṃ devaśatruṇām ||

śrīhariḥ-

jānannapi surānevaṃ ślakṣṇaṃ vacanamabravīt |
upāyaḥ ko vadhe tasya rākṣasādhipatessurāḥ ||

śrīmadrāmāvatāreṣu aśvatkriyate mayā |
tatra śaṅkā na kartavyā sarvajñenāpi pṛcchate ||

iti dyotayituṃ viṣṇussama pṛcchanmarudgaṇān |
kenopāyena tasya syādvadho lokāhitaiṣiṇaḥ ||

janmāya yā mohitastu manuṣyānsamupekṣate |
anyathā tasya hananaṃ na bhavedyatra kutracit ||

purā kadācitkenā kṛto yuddho mahattaraḥ |
purā puṣpakamāruhya vicacāra sasainikaḥ ||

akṣohiṇī sahasreṇa caturbhiḥ parivāri(taḥ) |

p. 23)

yuddhonmatto durādharṣassācivaiḥ parivāritaḥ ||

mārīcena prahastena virūpākṣeṇa rakṣasā |
vajradaṃṣṭra piśācādyairnikuṃbhena balīyasā ||

kuṃbhe nikuṃbhātyena śoṇitākṣa prajaṃsthinā |
yudhyenmattena mattena davāntakayuto balī ||

nāgalokaṃ samāsādya nāgānāṃ vijayaṃ vyadhāt |
etasminnantare śeṣo madantikamupāgataḥ ||

nāgasya rakṣaṇārthāya dakṣohantārkṣya vāhanaḥ |
tenāsījjanyamatulaṃ lokakṣayakaraṃ mahat ||

tasminsudāruṇe yuddhe śastraṃ koṭi ravi prabham |
tadvadhārthammahāvegātprayuñje raṇamūrdhani ||

tena vakṣasya bhihitaścacālana mamārasaḥ |
varadā navaśātsraṣṭu khadhyasṛsarva devataiḥ ||

tādṛśandurvinītānā mahamagresara yudhi |
hatvābhayaṃ pradāsyāmi raghūṇāmanvaye'male ||

bhūtvā nakharaḥ kālaṃ saciraṃ paripālaye |
ityuktvā devatā viṣṇustatraivāntaradhīyata ||

etasminnantare rājā sāketa puranāyakaḥ |
putrārthamiṣṭimakaroddhayamedhā danantaram ||

mahābhūtasamutthānaṃ ye śṛṇvanti mahītale |

p. 24)

teṣāṃ bhūtādirogebhyo nāsti pīḍā kadācana |
nṛpāṅganānāṃ rājñā tu pāyasasya prabhedanam ||

śṛṇoti yā strī puṣpāḍhyā putraṃ sā labhate cirāt |
auṣadhagrahaṇaṃ śrutvā putrārthaṃ yāsabhartṛkā ||

karoti labhate nārī putraṃ vaṃśavivardhanam |
prāpte yūpochraye tāvadityādi granthavistaram ||

śrutvā yajñāyutaphalaṃ prāpnoti śraddhasānvitaḥ |
brahmahāmucyate pāpātpitṛdrohī ca mucyate ||

surāpānarato viprastathaiva gurutalpagaḥ |
prakīrṇakadiyuktāśca mucyate śravaṇādiha ||

prācīṃ hotretyupakramya ye śravanti ca dakṣiṇām |
teṣāṃ karma savaiguṇyaṃ krāmyatyeva na saṃśayaḥ ||

kausalyājanayatputraṃ sarvalakṣaṇalakṣitam |
caitre māsi site pakṣe navamyāmuccakeravau ||

punarvasudine madhye lagne karkaṭakābhidhe |
kausalyājanayatputraṃ viṣṇorardhasamanvitam ||

sākṣādviṣṇoścaturbhāgaṃ bharataṃ kaikayīsutam |
ajījanat sumitrā ca viṣṇorardhasamanvitau ||

putrau lakṣmaṇaśatrughnau janayāmāsa māgadhī |
puṣyejātastu bharato mīnalagne prasannadhīḥ ||

p. 25)

sarparkṣe lakṣmaṇo jātaśśatrughnohyanujo balī |
śrīmadrāmajayantīti bhaṇyate navamī tithiḥ ||

upavāsaṃ hareḥ pūjāṃ rātrau jāgaraṇaṃ tathā |
kṛtvā navamyāṃ bhūlokādviṣṇumandiragāminaḥ ||

navamī cāṣṭamī vidhyā tyājyā viṣṇuparāyaṇaiḥ |
daśamyāmupavāsena koṭiyajñaphalaṃ labhet ||

aṣṭapatraṃ samālikhya madhye śrīrāmamālikhet |
mātrā saha prapañcasya guptyarthaṃ nararūpiṇam ||

pūrve tu bharataṃ pūjya hareraṃśaṃ sudarśanam |
dakṣiṇe lakṣmaṇaṃ pūjya śatrughnaṃ paścime tathā ||

uttarasyāndiśi tathā sumitrāṃ kekayātmajām |
durgāṃ vināyakaṃ cāpi kṣetrapālaṃ sarasvatīm ||

koṇeṣu pūjayedbhaktyā viṣṇubhakto jitendriyaḥ |
bhakṣairbhojyairbahuvidhairaṃbhā vṛkṣaphalaistathā ||

nālikeraiśca panasairikṣukā paḍassodakaiḥ |
pāyasairghṛtasaṃmiśrairguḍakhaṇḍaiśca phāṇitaiḥ ||

apūpairekaviṃśabhirekaikaiḥ pūjanaṃ hareḥ |
evaṃ rāmadine pūjāṃ kṛtvā pāraṇamācaret ||

brāhmaṇānbhojayitvā tu yathāvittaṃ yathā balam |

p. 26)

rāmānugrahamāsādya rāmasāyujya bhāginaḥ |
cāndrāyaṇaśate hṛdyataptakṛcchraśate tathā ||

śrīmadrāmajayantyante vindanti phalabhāginaḥ |
bhuktvā rāmanavamyākhye tithau mūḍhamanānaraḥ ||

sahasravarṣaparyantaṃ pacyate kālasū ke |
brahmahatyādipāpānāṃ navamībhayabhīruṇām ||

annamādhāramākhyātamāme sarvātmanāmayā |
brahmahatyādi pāpānāṃ dṛṣṭvā śāstreṣu niṣkṛtiḥ ||

navamyāṃ raghunāthasya bhoktṝṇāṃ nāsti niṣkṛtiḥ |
sakṛcchrīnavamīmartya uproṣya śraddhayā saha ||

ekādaśī śatenāpi labhate mānavo dhruvam |
yathāvadupanītāste vedagrahaṇatatparāḥ ||

cakrurgurukulāvāsaṃ dhanurvidyāviśāradāḥ |
etasminnantarevipro gādhivaṃśasamudbhavaḥ ||

draṣṭukāmo mahīpālaṃ lokānugrahakāmyayā |
pratyutthāna mṛṣe śrutvā pāpānmucyeta mānavaḥ ||

ṛṣestavanamākarṇya ṛṇānmukto dvijo bhavet |
rājñaḥ pratijñā śravaṇājjīvanmukto bhaviṣyati ||

viśvāmitraṃ daśaratho na rāmaṃ netu marhasi |
ityū civāstrī prakāraṃ tasyārthā bhava īritaḥ ||

p. 27)

janmāntara sahasreṇa kṛtasya tapasaḥ phalam |
rāmaṃ parabrahma mahaṃ kṣaṇārdhamapi notsahe ||

viyoktuṃ viśvajagatā mādikartāramīśvaram |
viḍambya mānuṣīlīlāṃ putreṣu janakasya ca ||

ahaṃjāne vasiṣṭhāyā jānanti pararūpiṇam |
ityukta jñāna tatvoyamiti matvā visṛṣṭavān ||

balābalapradānasya śravaṇādbuddhimānbhavet |
tāṭakākhyānamārṇya pāpaṃ tāḍayate naraḥ ||

tāṭakāvadhamākarṇyā vidyānāśamavāpnuyāt |
maladāśca karūśāśca jātau janapadau purā ||

tasyākhyānamapi śrutvā mucyate malapañcarāt |
yathaiva maghavānindro vimuktaścābhiśāpataḥ ||

tadvadvimukto bhavitā abhiśapto'bhiśāpataḥ |
śrutvā siddhāśramākhyānaṃ carācaravidhāyinaḥ ||

śrīmannalinanābhasya śrotā siddhimavāpnuyāt |
tapassiddhiṃ jñānasiddhiṃ vidyāsiddhiṃ tathaiva ca ||

karmaṇāṃ palasiddhiṃ ca manujo labhate dhruvam |
upakrānte saptatantau brahmarṣipravareṇa vai ||

ṣaṣṭhe'hnisamanuprāpte vedirjajvālamaṇḍitā |
dakṣiṇasyānniśicarāḥ prādurāsīnmahābalāḥ ||

p. 28)

sa tena paramāstreṇa mānavena samāhataḥ |
saṃpūrṇaṃ yojanaśataṃ kṣiptassāgarasaṃplave ||

uktvā tape tacchabdaṃ phūkāro bodhyate'dhunā |
sakarāśravaṇānmartyassaṃsārantarati dhruvam ||

raghunātha prayuktena mānavena niśācaraḥ |
tadvada pratibhaṅgassyātsakārapariśīlanāt ||

hatvā niśācaranikāyamathāji madhye
snātvā kṛte tvavabhṛthe kṛta puṇyabhāji |
sthitvā dināni caturo munibṛndamadhye
provāca vākyanvikaranniyamena yuktaḥ ||

|| ityumā saṃhitāyāṃ paṃcamodhyāyaḥ ||


|| atha ṣaṣṭhodhyāyaḥ ||

īśvaraḥ-

rāmaṃ pratikṛtāṃ pūjāṃ praśaṃsāṃ muninā kṛtām |
śrutvā praśasto bhavati yathā rāmo jagattraye ||

sītāvivāhakalyāṇaṃ draṣṭukāmā maharṣayaḥ |
jagmurjanakarājasya purīmaikṣvākuṇā saha ||

p. 29)

śakaṭīśatamātrantu prayāṇe brahmavādinām |
agnihotraṃ purastutya śrīrāghavamanudrutam ||

yathā madhūni saraghā natyajantyapasāritāḥ |
tadvanmunigaṇāssarve raghunāthasya daivatam ||

śruvā kāmavanākhyānaṃ pravranto'pi śamaṃ vrajet |
kāśāṃkhyādi caturṇāṃ hi purīṇāṃ gaṇakīrtanam ||

śrutvā naro mokṣakāmī sādhanaṃ labhate ucirāt |
* ntānānnṛpakanyānāṃ vivāhasya ca kīrtanāt ||

viduṣāṃ viṣayāsaṅgo nāstīti parikīrtitam |
viśvāmitra ṛṣeśśrutvā viśuddhānvaya varṇanam ||

tasmātkulīna janmāno bhavanti pratilomajāḥ |
skandasya janma parikīrtitaṃ vākyajātaṃ śrutvā ||

cireṇa ihalokamanuvrajanti * * * * |
pūrvajā bhaginī cāpi mama rāghava suvratā ||

nāmnā satyavatī nāma ṛcīke pratipāditā |
saśarīrā gatā svargaṃ bhartāramanuvartinī ||

kauśikī paramodārā sā pravṛttā mahānadī |
etacchrutvā varaṃ kāpi sādhvīnāṃ lokagāminīṃ ||

p. 30)

bhavatyeva na sandeho nātra kāryā vicāraṇā |
evamanyānu yā kāntamanugacchati gāminī ||

agrajānāṃ gatā lokaṃ pūjyatepsarasāṃ gaṇaiḥ |
tisraḥ koṭyardhakoṭī ca yāni romāṇi mānuṣe ||

tāvatkālaṃ vasetsvarge bhartāraṃ yānugacchati |
vyālagrāhī yathā vyālaṃ vilāduddharate balāt ||

evaṃ lokāntaraṃ kāntamādāya svargagāminī |
gṛhātpitṛvanaṃ yāntyā pādasparśanajokṣitā ||

kṛtārthāmanyate bhūmirdurjana sparśadūṣitā |
vāyussvadehaśudhyarthaṃ candramā bhāskarastathā ||

nakṣatrāṇi ca bhūtāni draṣṭuṃ vāñchanti tāṃ satīm |
spṛṣṭvā kṛtārthatāṃ prāptā bhavanti patimanvagām ||

gacchetkāntaṃ brāhmaṇānī patimāliṅgya sādaram |
kṣatriyāṇī patiṃ grāhya kīkasaṃ vāpi kutracit ||

vaiśyā tathā śūdrayoṣitkīkasaṃ gātrameva vā |
uddiśya vā patiṃ gacchellokāntaragataṃ priyam ||

upāsya rātriśeṣaṃ tu śoṇākūle maharṣibhiḥ |
hutvā caivāgnihotrāṇi prāśyacāmṛtavaddhaviḥ ||

gatvā gaṅgātaṭaṃ rāmo viśvāmitramabhāṣata |
śailendro himavānnāma dhātūnāmākaro mahān ||

p. 31)

ityupaṃ kramagaṅgāyā vaibhava śravaṇādarāḥ |
vimuktabaddhāste sarve gaṅgāsāyujyamāpnuyuḥ ||

purā rāma kṛtobdāhaśśitikaṇṭho mahātapāḥ |
dṛṣṭvā ca spṛhayā devīṃ maithunāyopacakrame ||

ityupakramya devena kārtikeya samudbhavam |
surasenāpatitvaṃ ca pāpānmucyeta pātakaḥ ||

kumārasaṃbhavaṃścaiva dhanyaḥ puṇyastathaiva ca |
bhaktaśca yaḥ kārtikeye kā * stha bhuvi mānavaḥ ||

āyuṣmānputrapautraiśca skandasālokyamāpnuyāt |
atha varṣaśate pūrṇe tapasā rādhito muniḥ ||

sagarāya varaṃ prādādityo tadgranthavistaraiḥ |
brāhmaṇānāṃ varaṃ dātuṃ sāmarthyaṃ pratipāditam ||

yajñakarmaṇi vedajño yaṣṭuṃ samupacakrame |
śrutvā gandharva medhasya karaṇaṃ bhuvidāraṇam ||

brahmahatyādi pāpebhyo muktā syuśraddhanarāḥ |
tatastenāprameyena kapilena mahātmanā ||

bhasmarāśīkṛtāssasarve kākutstha sagarātmajāḥ |
tasmānnajātu viprāṇāṃ drohaṃ kuryānmanāgapi ||

sā tasminpatitā puṇyā puṇye rudrāsya mūrdhani |
śrutvā rudrasya māhātmyaṃ rudralokaṃ sa gacchati ||

p. 32)

tasyāṃ visṛjyamānāyā saptasrotāṃsi jajñire |

umā-

tyaktā jaṭācūḍataṭādbhagīratha tapaḥ phalāt |
kathaṃ tasya rathaṃ tyaktvā saptadhā gamanaṃ vada ||

maheśvaraḥ-

śṛṇu devi pravakṣyāmi gaṅgābhedanakāraṇam |
visṛṣṭāyāṃ tu gaṅgāyāṃ māyāṃ bindusarasyapi ||

krośamātre brahmāgre vṛṣabho nāma parvataḥ |
tena rudragatī gaṅgā stimitāsīnmahārayāt ||

bhagīrathāpi rājarṣistuṣṭāva parayā girā |
tena tuṣṭo mahādevaḥ prasādama karotpunaḥ ||

nandīśvaraṃ samāhūya preṣayatkāryasādhane |
nandī kuṭhāramādāya bhedayāmāsa parvatam ||

saptadhā bheditetāsmi saptasrotāṃsi jajñire |
saptamīcānvagāttāsāṃ bhagīrathamatho nṛpam ||

tacchaṃkaraśiro bhraṣṭaṃ bhraṣṭaṃ bhūmitale punaḥ |
vyarecata tadā toyaṃ nirmalaṃ gatakalmaṣam ||

tatrarṣigaṇagandharvā vasudhātalavāsinaḥ |
bhavāṅgapatitaṃ toyaṃ pavitramiti pavitramiti paspṛśuḥ ||

bhavāṅge patitaṃ yasmātkutrāpi salilaṃ narāḥ |

p. 33)

dhṛtvā vidhūtapāpāste śivamandiragāminaḥ |
dhṛtvā śivasya salilamabhiṣecana saṃbhavam ||

mucyante saṃsrati bhayāt brāhmaṇādyāḥ pibantu vā |
gaṅgā saṃplāvayāmāsa yajñavāṭammahātmanaḥ ||

tasyāvalepanaṃ jñātvā kruddho jahnustu rāghava |
apivattajjalaṃ sarvaṃ gaṅgāyāḥ paramādbhutam ||

hṛdi dhyāyanmahādevaṃ śivānugraha vaibhavāt |
apivaccodakaṃ vārdheryathā vai kuṃbhasaṃbhavaḥ ||

gaṅgāmupanayantisma duhi tṛtve mahātmanaḥ |
śivānugraha vai śiṣṭayācchrotrābhyāmasṛjatpunaḥ ||

tasyāvalepanam |

pitāmahānbhasmakṛtānapaśyaddīnacetanaḥ ||

atha tadbhasmanāṃ rāśiṃ gaṅgāpatanamuttamam |
plāvayatpūtapāpmānassvargaṃ prāptā raghūttama ||

brahmāṇḍastāḍitaḥ pūrvaṃ hariṇā chidratāṃ gataḥ |
brahmāṇḍaṃ bāhyato yena daśapāśabhṛtāpratam ||

tena chidreṇa tattoyaṃ viveśāṇḍaṃ varānane |
yathā kathaṃ cidvai dṛṣṭvā bhaktitaścinmayaḥ sakṛt ||

gaṅgā tārayate nṝṇāṃ kulānāṃ śatamaṃbhasā |
yaistu spṛṣṭā vaśiṣṭā ca gaṅgā bhaktyā sa kṛnna ||

p. 34)

kulānāntu sahasrantu teṣāṃ dhārayate bhayāt |
pītā madhudruvā martyairyairgaṅgā bhaktitassakṛt ||

teṣāṃ kulānāmayutaṃ bhavāttārayate dhruvam |
yaiḥ puṇya vāhinī gaṅgā sakṛdbhaktyā vagāhitā ||

teṣāṃ kulānāṃ lakṣantu bhavāttārayate śivā |
yairdinaṃ sevitā gaṅgā bhaktyā puṇyajanairnaraiḥ ||

kulānāṃ daśalakṣantu teṣāṃ dhārayate bhavāt |
gaṇge gaṅgeti gaṅgeti yaistrisandhyamudīritā ||

dūrastheścāpi tatpāpaṃ hanti janmatrayārjitam |
sahasrayojanastho'pi trisandhyaṃ yassamāhitaḥ ||

gaṅge gaṅgeti ca brūyātsagacchetparamāṃ gatim |
yojanānāṃ sahasreṣu gaṅgāṃ smarati yo naraḥ ||

api duṣkṛta karmāsau labhate paramāṃ gatim |
gaṅgāyāṃ vaiṣṇave śaktau parabrahmavibhāvanām ||

na kurvanti ca ye martyā na taistu sahasaṃ vaset |
nadīnāmavamantavyaṃ kadācidapi suvrate ||

gaṅgārayaṃ samākarṇya sāgarotha bhagīratham |
prārthayāmāsa gaṅgāyāḥ pravāho vegavattaraḥ ||

soduṃ na śakyate trāhi gādho me bhavitā prabho |
ityuktavantaṃ vārīśaṃ mābhīrityavadannṛpaḥ ||

p. 35)

asmatkulīnaissaṃvṛddho mayā kiṃ dūyase'dhunā |
bhagīratho'pi rājarṣiḥ provāca tanayānnijām ||

putrī vākyaṃ samākarṇya kurukāryamanantaram |
tvatpūrva prabhavaiḥ pūrvaṃ khānitaḥ prapitāmahaiḥ ||

pūrvairācarito dharmo na hantavyonvayodbhavaiḥ |
ityuktā svardhunī pitrā kariṣye vacanantava ||

sahasradhā nadī bhūtvā tadā sāgaramabhyagāt |
sa gatvā sāgaraṃ rājā ityupakramya śṛṇvatām ||

pitarassvargamāyānti nirayasthā anūdakāḥ |
gaṅgāvatāramārabhya śrāvayecchrāddhabhojane ||

pitarastena tṛptāssyuryāvadābhūtasaṃplavam |
trīn pathaḥ pāvayantīti tatastripathagā smṛtā ||

santāraṃ kathayāmāsā sarṣi saṃghassa rāghavaḥ |
bhavāmbudhau nimagnānāṃ vīkṣaṇāttārakasvayam ||

rāmassuranadīṃ nāvā tārayatkā vicitratā |
śrutvā pīyūṣamathanaṃ surāsuravinirmitam ||

auṣadhasvīkṛtiṃ kuryāttasya rogo vinaśyati |
dhanvantariṃ garutmantaṃ maṇirājaṃ ca kaustubham ||

acyutañcāmṛtaṃ caiva smaredauṣadhakarmaṇi |
uccaiśravā hariśreṣṭho maṇiratnaṃ ca kaustubham ||

p. 36)

udatiṣṭhannara śreṣṭha tathaivāmṛtamuttamam |
aditerindrasaṃvādaṃ śrutvā tu marutāñjanim ||

asapatno mahīṃ bhuṅkte rājā śakro yathā divam |
ahalyāmṛtukāle tu indreṇa kṛtasaṅgamām ||

ātmānaṃ māṃ ca deveśaṃ sarvadā rakṣamānada |
ityādi priyavārtāṃ ca śakrasya gamanaṃ tathā ||

gautamasya narendrasya sadṛśākṛtiśobhane |
śāpamindre ca bhāryāyā muninākṛtamañjasā ||

śrutvā mucyeta manujo nārī vā vyabhicāriṇī |
mucyate sarvadoṣebhyo vyabhicārakṛtānnijāt ||

imau kumārau bhadraṃ te deva tulyaparākramau |
jaga sihmagatīvīrau śārdūlāviva rūpiṇau ||

ityādi kṛtajālantu janakena subhāṣitam |
viśvāmitra-ṛṣerbhaktyā puṣkalaṃ brahmamāpnuyāt ||

brahmahāmucyate pāpānmitrahā mucyate tataḥ |
sāvitrī patitaścāpi vrātyā nācāradūṣitaḥ ||

tapasāṃ siddhimākarṇya viśvāmitrasya mānavaḥ |
tapaścaraṇi saṃsiddhiṃ labhante mānavā cirāt ||

viśvāmitro mahātejāḥ pālayāmāsa medinīm |
ityādi śravaṇādeva paṭhanādvijitendriyaḥ ||

p. 37)

kāmadhenu prasādā sarvānkāmānavāpnuyāt |
durannabhakṣaṇā tā bhaviṣyati na saṃśayaḥ ||

huṃkāreṇaiva tānsarvānnirdadāha mahānṛṣiḥ |
tasmādvipreṣu nāvajñā kāryā bhūtimihechatā ||

avajñātā dahantyete huṃkṛtyā vīkṣaṇena ca |
kena cittathakālena devadevo vṛṣadhvajaḥ ||

ityādi granthajālena śivo dhyeyaśśivaṃkaraḥ |
ityukta-ṛṣiṇā devo mahādevo mamepsitam ||

evamastviti deveśastaṃ varaṃ vṛṇuyādvaram |
brahmāstragrasanaṃ śrutvā daṇḍāgrerundhatī pateḥ ||

brāhmaṇyaṃ vardhate tasya pūrvapakṣe śaśī yathā |
anyāṃ gatiṃ gamiśyāmi svasti vostu tapodhanāḥ ||

śepuḥ paramasaṃkruddhāścaṇḍālatvaṃ gamiṣyasi |
tasmādguruṣu nāvajñā kāryā bhūtimihecchatā ||

ruṣṭe śive gurustrātā gurau ruṣṭe na kopi hi |
ikṣvāko svāgataṃ vatsa jānāmi tvāṃ sudhārmikam ||

śaraṇaṃ te bhaviṣyāmi mā bhaiṣī raghupuṅgava |
pūrvameva varo datto mayā tubhyammahīpate ||

tadidaṃ sādhayiṣyāmi durdaśāyāmihādhunā |
triṃśakoḥ kārayāmāsa vedāraṇye mahākratum ||

p. 38)

svarlokātpatitaṃ dṛṣṭvā triśaṅkuṃ kopadūṣitam |
sṛjadakṣiṇamārgasthān saptarṣī na parānpunaḥ ||

nakṣatra mālāmaparāmasṛjatkrodhamūrchitaḥ |
anyamindraṃ kariṣyāmi loko vāsyādanindrakaḥ ||

iti saṃkalpamakaronmadanugraha vaibhavāt |

umā-

bhaṇyatāṃ devadeveśa viśvāmitrāya dhīmate |
dattaṃ sraṣṭramaparaṃ vinā tu caturānanam ||

maheśvaraḥ-

śrūyatāṃ devi vakṣyāmi punassvargasya kāraṇam |
padmayoniṃ purā labdhvā sraṣṭutvaṃ matsakāśataḥ ||

lokānasṛkṣatsaṃkalpāt vīkṣaṇātpūrvahetutaḥ |
ahameva paro loke padārthāni pṛthak pṛthak ||

sṛṣṭā ṛkṣāṇi gagane vaiśvānarapathādbahiḥ |
avāk śirāstriśaṅkuśca tiṣṭhatvamara sannibhaḥ ||

umā-

vedestra tiṣu sarvatra brāhmaṇasyaiva yājanam |
śiṣṭāsre varṇikā yājyā kathametena kāritam ||

maheśvaraḥ-

śṛṇu devi pravakṣyāmi viśvāmitrastu saṃbhavam |

p. 39)

prajāpatisutaśśrīmānkuśonāma mahīpatiḥ ||

kuśasya putro balavānkuśanābhassudhārmikaḥ |
kuśanābhasutaśśrīmāngādhirityeva viśrutaḥ ||

anapatyo gādhirājā nāmnā satyavatīṃ sutām |
ṛcīka-ṛṣaye prādātkulasya trāṇakāraṇāt ||

so'pi putrārtha mamalāmiṣṭimārabdhavānṛṣiḥ |
pātre nidhāya haviṣāṃ dvitayaṃ putrasaṃbhavam ||

kṛpīḍayonā vajuhodekaṃ putrasya saṃpade |
datvā śeṣaṃ yajñapatnyaṃ anyadādātu maicchata ||

naṣṭhaṃ haviṣamālokya ṛṣiḥ patnīmavaikṣata |
sāpi bhartuḥ pade gṛhya praṇanāma bhayāturā ||

strībudhyā sāhasamidaṃ kṛtamekāhaṭhātprabho |
anapatyā hi me mātā tasyāpatyasya kāraṇāt ||

dattaṃ mayā sāhasena mantritaṃ haviruttamam |
prasīda mahyaṃ dayayā bhaktāṃ rakṣasva matprabho ||

ityevaṃ prārthitaḥ patnyā kauśikyā bhagavānṛṣiḥ |
kṛpāṃ cakāra dayayā so'pi brāhmaṇatāṃ vrajet ||

ityābhāṣya priyāṃ vipraḥ kratu śeṣaṃ samāpayat |

umā-

etādṛśaguṇopeta-ṛṣiḥ kauśikanandanaḥ |

p. 40)

ayājya yājane śraddhamakarottadvadasvame |

maheśvaraḥ-

satriśaṅkuḥ pūrvamabhūddurnayaṃ kalpamāsthitaḥ |
pituścāparitoṣeṇa gurordogdhrīvadhena ca ||

apreṣito payogācca trividhosya vyatikramaḥ |
evaṃ trīṇyasya śākuni tāni dṛṣṭvā maharṣayaḥ ||

prayuñjate śabdajālaṃ triśaṅkupadavācakam |
yauvasthassatīṃ bhāryāṃ na vrajedyadi mānavaḥ ||

sa jīvanneva caṇḍālo narmadānnaiva bhuktavān |
brāhmaṇyāṃ yo naro mauḍhyādbrāhmaṇīṃ kāmamohitaḥ ||

na parigrahet

yadi gṛhṇīta mūḍhātmā caṇḍālatvaṃ sa gacchati |

gatvā tu mātaraṃ martyassnuṣāṃ bhrāptṛ?traṃganāṃ tathā |
putrīṃ vā bhaginīṃ mauḍhyādvrajedyaḥ kāmamohitaḥ ||

sajīvanneva caṇḍālamāśu gacchati sānvayaḥ |

umā-

idānīṃ guruṇā śaptaḥ kathaṃ yājyo bhava dṛṣe |
caṇḍāla prokṣitaṃ duṣṭaṃ smṛtaṃ karmāntarālake ||

tatsarvaṃ niṣphalaṃ prāhurmunayastatvacintakāḥ |

maheśvaraḥ-

p. 41)

śṛṇu devi pravakṣyāmi triśaṃkoryajanaṃ prati |
purā triśaṅkurguruṇā pitṛśokācca tāpitaḥ ||

tasya śāpāpanodārthamṛṣibhissūkṣmadarśibhiḥ |
triṣaḍvāraṃ ṣaḍabdākhyaṃ kṛcchraṃ kṛtvā vidhānataḥ ||

tatassnānaṃ samādāya śivanirṇejane jale |
śivakṣetre śivaṃ pūjya tīrtheṣu ca nimajya ca ||

śuddhadehe mahīpāle hyayajatkṛtasattamaiḥ |
abālako devaloko na kṣatraḥ grāma yājakaḥ ||

karmacaṇḍālakā hyete mahāpātakapañcamāḥ |
gurudrohavaśājjātā karmacaṇḍālatā mayam ||

tasmātkṛcchrādi caraṇācchuddhirnānyasya kasya cit |
tadvatpūtaṃ kārayitvā yajñaṃ kauśikanandanaḥ ||

triṃśakoḥ kārayāmāsa śāstra dṛṣṭena vartmanā |
anāgatāndi viṣadānprekṣya krodhānalojjvalaḥ ||

svarlokaṃ prāpayāmāsa svakīya tapasaḥ phalāt |

umā-

svarlokātpatanaḥ kasmātprāyaścittagatainasaḥ ||

tanmamācakṣva deveśa yamāntaka purāntaka |

maheśvaraḥ-

prāyacitte kṛte puṃsāmenasāṃ nāśayiṣyate |

p. 42)

bhūlokaśuddhirnāstyeva śuddhissyātpāralaukikī |
tasmāttaddeha yuktatvātpātayanti sma bhūtale ||

umā-

aśuddho yadi bhūpālastasminprema kathaṃ muneḥ |
iti pṛṣṭhaḥ kathā madhye provāca kṛpayā śivaḥ ||

tapaḥ kartumanā devi viśvāmitra-ṛṣiḥ purā |
bhāryāṃ triśaṅkornikaṭe nidhāya tapase gataḥ ||

siddhe tapasi rājānaṃ prītobhūdgādhinandanaḥ |
varandadāmi gṛhṇīṣva bhāryābharaṇatoṣitaḥ ||

samākarṇya ṛṣervākyaṃ rājā provāca gādhijam |
māstvidānīṃ paraguro āpatkāle tathākuru ||

tasaṃ prārthito rājñā idānīṃ ca punaḥ punaḥ |
dayāṃ cakāra rājānaṃ caṇḍālākārarūpiṇam ||

umā-

ye dūṣayantya dūṣyaṃ māntapa ugraṃ samāsthitam |
bhasmībhūtā durātmāno bhaviṣyanti na saṃśayaḥ ||

adyate kālapāśena gatā vaivasvatakṣayam |
ityā(di) vākyanikaraṃ proktvā sadasikopanaḥ ||

virarāma mahātejā ṛṣimadhye mahāmuniḥ |
ityādivākyakathanādbrahmahatyā ṛṣeḥ katham ||

p. 43)

nāsītkathaṃ tatra bhavānuttaraṃ vaktumarhati |

maheśvaraḥ-

purā kadācidyajñāte mitrāvaruṇasaṃbhavaḥ |
raghoḥ putraṃ durādharṣaṃ saudā samaśapadbhṛśam ||

kalmāṣa pādassaṃśaptaḥ pravṛddhaḥ puruṣādakaḥ |
abhavadbhūpatitve'pi madhyāhne narabhojanaḥ ||

viśvāmitra-ṛṣiḥ kālye kālena tvā puraṃ vrajet |
tamasmaranmahātejāssaudāsaṃ puruṣādakaḥ ||

āgatasmaraṇādeva nikaṭaṃ gādhinandanaḥ |
taṃ me * * * * * ghnaṃ vāsiṣṭhānhantumudyatam ||

bhakṣitāstena rājñāte bhasmībhāvaṃ gatāḥ punaḥ |
ambarīṣa iti khyāto yaṣṭuṃ samupacakrame ||

etatsargaṃ sadā śṛṇvan brahmahā mucyateṃhasaḥ |
* * kasya kathāṃ śṛṇvan yovā kovā maheśvarī ||

putravikrayajāddoṣāttathā putrārpaṇāyataḥ |
vimuktañcarā loke śrīrāmasya prasādataḥ ||

ṛgvedasiddhedve gādhe tṛtīyāṣṭakacoditaḥ |
prayuñjāno naro nityaṃ bhavābaṃdhādvimucyate ||

ṛṇabandhādvimuktāsyurvyādhibandhāttathaiva ca |
tathaiva śṛṅkhalābandhānmucyate śravaṇādiha ||

p. 44)

viśvāmitro mahānbhūyastapastepe mahāmanāḥ |
tataḥ kālena mahatā menakā paramāpsarāḥ ||

tātparyavarṇakamidaṃ gāyatryāssarvakāmadam |
śṛṇvatāṃ sarvapāpaghnaṃ sarvapāpaharaṃ param ||

ahorātrāpadeśena gatāssaṃvatsarā daśa |
abbhakṣo vāyubhakṣo vā jīrṇaparṇāśano'pi vā ||

strīṇāṃ samakṣe vastavyaṃ na kadācinmaheśvari |
varadānaṃ viśvayonestapaḥ phalacikīrṣayā ||

śṛṇvatāṃ viphalaṃ yānti pāpāni tridaśeśvari |
brāhmaṇyaṃ yadi me prāptaṃ dīrghamāyustathā purā ||

umā-

aśraddhā brāhmaṇo vākye kiṃ kṛtaṃ gādhisūnunā |

maheśvaraḥ-

mayā yaṣṭhumupakrānte triśaṅkoryāgakarmaṇi |
vāsiṣṭhādūṣayantisma kathaṃ sadasi devatāḥ ||

tānhantu preṣitaḥ pūrvaṃ kruddhaḥ kalmāṣapādakaḥ |
bhakṣitāstena rājñā te bhasmībhāvaṃ gatāḥ punaḥ ||

tāndṛṣṭvā bhakṣitānrājñā mitrāvaruṇasaṃbhavaḥ |
putraśokābhibhūtastu pralalāpa bhṛśārditaḥ ||

prajñāmavaṣṭabhya śanaiḥ pūrvavattapasi sthitaḥ |

p. 45)

sopīdānīmadūṣyammāmugre tapasi saṃsthitam ||

ityukto bhāratīnāthaḥ provācārundhatī patim |
brahmarṣitvaṃ vadānena tapasā toṣito bhavān ||

brahmarṣistvaṃ na sandehassarvaṃ saṃpādyate tava |
viśvāmitrastutiṃ śṛṇvanśatānandena bhāṣitām ||

puṣkalaṃ brāhmya māsādya brahmaloke mahīyate |
dakṣayajñavadhe pūrvandhanurādāya vīryavān ||

vidhvaṃsya tridaśānroṣātsalīlamidamabravīt |
prasādayanti deveśannamaste rudramanyave ||

he rudradhanuṣastubhyamuto ta iṣave namaḥ |
bāhubhyānte nama iti stutibhiśśruti coditaiḥ ||

prasādito to mahādevaḥ prasādamakarochivaḥ |
bhūtalādutthitā sā tu vyavardhata mamātmajā ||

bhūtalādutthitāṃ devīnnārāyaṇa kuṭuṃbinīm |
rājāno bahuvīryāḍhyā vārayāmāsurādarāt ||

pratyākhyātā bhūpatayastṛṇata pravaṇachalāt |
arundha mithulāṃ sarve vīrya sandehamāgatāḥ ||

tasmādviśiṣṭaṃ yadvastu na dhāryaṃ dhīmatā kvacit |
dhṛte tu prāṇahānissyātsyamantaka maṇiryathā ||

yathā pīyūṣakhaṃ rakṣā yathā drupadajāsthitiḥ |

p. 46)

tasmācchreṣṭhaguṇopetaṃ na dhāryaṃ vastu mānavaiḥ ||

babhañja taddhanurmadhye naraśreṣṭho mahāyaśāḥ |
gṛhīte raghunāthena mahādevaśarāsane ||

śaktistu vaiṣṇavaṃ prāpte tasmā bhagnā maheśituḥ |
tasminnavasare pāśī vaiṣṇavaṃ dhanuruttamam ||

dattavānkosalendrasya kare prītipurassaram |
taddhanurvaruṇābhyarṇe punaḥ pratyarpayacchive ||

rājñā vaṃśānukathanaṃ śṛṇvatāṃ pāpanāśanam |
śrutvā godāna kathanaṃ godānaphalamāpnuyāt ||

prapāmadhyetyupakramya jānakyā maṅgalotsavam |
śrutvā vivāhaṃ kurvīta patnī dīrghāyuṣī bhavet ||

daṃpatyossatataṃ prītirvardhate nāyake vayaḥ |
tasmātkalyāṇasamaye śrotavyaṃ bhūtimicchatā ||

godānaṃ bhūmidānaṃ ca kanyādānaṃ tathaiva ca |
ātmanaśśriyamanvicchan prayacchetsarvavarṇakaḥ ||

tasmādvivāhaṃ prekṣeta ātmanāśriyamicchubhiḥ |
sarvotsave tu kalhāro madhūkastu svayaṃvare ||

sīmante garbhiṇī nārī yavāṅkuramayī bhavet |
dhāryā tu pretakārye vai mālā naladanirmitā ||

sītāyai pradadau ratnaṃ kausalyā vārisaṃbhavam |

p. 47)

tayā bhūṣitagātrā sā śuśubhendīvare kṣaṇā ||

bhārgavaṃ jāmadagnyaṃ ca rājarājavimardanam |
ityādiśravaṇātpuṃsāṃ brāhmantejobhivardhate ||

śitikaṇṭhasya viṣṇośca balābalaparīkṣayā |
abhiprāyantu vijñāya devatānāṃ pitāmahaḥ ||

virodhañjanayāmāsa tayossatvavatāṃ varaḥ |
adhikaṃ menire viṣṇuṃ devā ṛṣigaṇāstadā ||

umā-

tvatto viśiṣṭa bhāvastu viṣṇossaṃprati gaṇyate |
kathametaddayāsindho kṛpayā vada suvratam ||

maheśvaraḥ-

śṛṇu devi pravakṣyāmi viṣṇorādhikyatāṃ prati |
purā kadāciddeveśi paramānandakānane ||

krīḍāsakte mayi tadā viśvametadanāyaka |
upadrutaṃ sadā duṣṭairvedavādabahiṣkṛtaiḥ ||

svāhāsvadhā vaṣaṭkārarahite karmavarjitaiḥ |
brahmaṇā jñātavṛttāntaḥ kāryaśeṣamacintayam ||

cakrapāṇiṃ samāhūya ratnasiṃhāsane śubhe |
abhiṣicya varāndatvā praṇāmaṃ karavaṃ priye ||

sṛṣṭi sthiti vināśānāṃ kartṛtvamakuto bhayam |

p. 48)

sarvajñatādisiddhiṃ ca dattavānasmi viṣṇave |
mattodhiko bhavānājau bhava viṣṇo kvacit kvacit ||

iti datvā varānpūrvaṃ vārāṇasyāṃ hariṃ purā |
iti datvā varān pūrvaṃ vārāṇasyāṃ hariṃ purā ||

idaṃ jñātvā kaviḥ prāha menire dhipatiṃ priye |
śarañca pratisaṃgṛhya hastātkra?ghu parākramaḥ ||

āropya dhanuṣī rāmassaśaraṃ sannikarṣaha |

umā-

nirvīryo jāmadagnyosau rāmo rāmamavaikṣata ||

ityuktaṃ ṛṣiṇā kāvye nirvīryatvaṃ ṛṣeḥ katham |

maheśvaraḥ-

jāmadagnyāvatāroyaṃ hare rāveśamātrakaḥ ||

pūrṇāvatāramālokya śaktissāṅkramitā bhavat |
rātrau divākaraṃ tejo nihitaṃ havyavāhane ||

prātassūrya yathā gacchedvahnirahni yathāpuram |
kausalyā ca sumitrā ca kaikeyī ca sumadhyamā ||

vadhūpratigrahe yuktā yāścānyā rājayoṣitaḥ |
ityādi śravaṇātstrīṇāṃ snuṣābhūyaskaraṃ bhavet ||

snuṣāssyuḥ patimātṝṇāmiṣṭāḥ prītiṇu vallabhāḥ |
kāṇḍāntaṃ śrāvayedvāpi śṛṇuyādvā nararṣabhaḥ ||

upetya bhāryāṃ gṛdyāṃ ca ramate prīti pūrvakam |

p. 49)

kāṇḍānte brāhmaṇāḥ pūjyāḥ pūjyassītāpatiḥ prabhuḥ ||

sītāsameta pratimā rāghavasya manoramām |
caturviṃśatpalaiḥ kṛtvā tadardhaiḥ pādasaṃmitaiḥ ||

jāmbūnadaissamārādhya dadyādvidvaddvijanmane |
nidhāya pūrṇakalaśe kṣaumopari śucismite ||

sahasrasammitairvittaistadardhaiḥ pādamātrakaiḥ |
yathā śaktipramāṇena vittaśāṭhyavivarjitaḥ ||

dakṣiṇā sahitandadyādvāñchitārtha susiddhaye |
dhar'nīgarbhasaṃbhūte dharaṇīdharavallabhe ||

dharaṇīmme prayacchāśu prītābhava śucismite |
kausalyāgarbhasaṃbhūta bhūbhāroddhāraṇa prabho ||

pratimādāna tuṣṭassan vāñchitārtha susiddhaye |
vaktā prāṅmukha āsīta śrotācottaradiṅmukhaḥ ||

nityaṃ dvijānsamārādhya yathā vibhavavistaram |
viṣṭaraṃ māruteḥ kṛtvā bhakṣyairbhojyaiśca pūjayet ||

datvā tāmbūlamatulaṃ śṛṇo tu mukhatuṣṭaye |
haviṣyāśī svayaṃ bhūyādbhāryayā niyatātmavān ||

vakturmukhaṃ samālokya śṛṇuyātkārya siddhaye |
vaktāraṃ rāmabudhyā tu pūjayenvahaṃ priye ||

ityumā saṃhitayāṃ rāmāyaṇakathāphalaprastāve bālakāṇḍakathāphala 
varṇanaṃ nāma ṣaṣṭhodhyāyaḥ ||



maheśvaraḥ-

sahadevairudīrṇasya rāvaṇasya vadhārthibhiḥ |
arthito mānuṣe loke jajñe viṣṇussanātanaḥ ||

viśeṣaṇaṃ hareśśṛṇvan kvacitskandhānvayaṃ tathā |
kvacidrūpakathanaṃ kvacijjñāna pradarśanam ||

yo nityaṃ śṛṇuyādvāpi śrāvayedvā samāhitaḥ |
sarvabandhavinirmukto harimandirago bhavet ||

paṭṭābhiṣekasaṃbhārānvasiṣṭhena pracoditān |
sauvarṇādīni ratnāni balīnsarvauṣadhīrapi ||

ityādīni sadā śṛṇvan prātaḥ kāle mahīpatiḥ |
sthiraṃ rājyaṃ samāsādya priyaputraiśca modate ||

viproṣitaśca bharato yāvadeva purāditaḥ |
tāvadevābhiṣekaste prāptakālo mato mama ||

kāmaṃ khalusatāṃ vṛtte bhrātā te bharatassthitaḥ |
jyeṣṭhānuvṛttī dharmātmā sānukrośo jitendriyaḥ ||

kinnucittaṃ manuṣyāṇāmanityamiti me matiḥ |
jyeṣṭhasya rājatā nityamucitā hi kulasya ca ||

iti provāca bharatassarvānpaurajanānprati |

p. 51)

tādṛśe ko vicārosti svacchacittasya bhūpateḥ |

maheśvaraḥ-

śṛṇuvakṣyāmi tatvena rājā paṅktirathāhvayaḥ |
hṛdi śaṅkānnidhāyaiva girivrajapuraṃ prati ||

bharataṃ preṣayāmāsa rājā daśarathassutam |
kanyāmmanojñāmākarṇya kekayākhyasya bhūpateḥ ||

gatvā tāṃ varayāmāsa patnyarthaṃ kekayādhipaḥ |
so'pi vavre varaṃ rājā dāsyāmi tava kanyakām ||

asyāmutpatsyate yosau sa tu rājā vidhīyatām |
tathāstviti pratijñāya gṛhītā kekayātmajā ||

tasyāmutpāditaḥ putro bharato nāma viśrutaḥ |

umā-

rājño daśarathasyāsya mṛṣāvāditvamāgatam ||

pratijñollaṃghanaṃ rājñaḥ kāraṇadvitayādbhavet |
kekayādhipateścāpi tatputryāḥ kāraṇāntare ||

kaikeyyā grahaṇecāpi tasyāssāraśyakarmaṇi |

maheśvaraḥ-

vivāhasamaye rājñā pratijñātamidaṃ śṛṇu ||

paṭṭābhiṣekasamaye bhaveyaṃ smārito yadi |
tvayā vānyena bhūpāla tathā cetkaravāṇyaham ||

itthaṃ pratijñāmakaro papāta grahaṇe nṛpaḥ |

p. 52)

praṇamantaṃ samutthāpya taṃ pariṣvajya bhūmipaḥ ||

tasmāt pitrornamaskārassāṣṭāṅgaśśruticoditaḥ |
vinā sāṣṭāṅgamanyena kurvannarakamaśnute ||

devarṣi pitṛ viprāṇāmanṛṇosmi tathātmanaḥ |

umā-

jāyamānasya viprasya ṛṇānāṃ tritayaṃ saha ||

kṣatriyāṇāṃ viśāṃcaiva kathaṃ vedavinākṛtam |
maṅgalaṃ prāpyate martyaśśrutvā sāketavarṇanam ||

gurumānjāyate martye gurupūjā vidhiśrutau |
dhyāyannārāyaṇaṃ devaṃ svastīrṇe kuśasaṃstare ||

brāhmaṇānāṃ śivo dhyeyaḥ kṣatriyāṇāṃ harissmṛtaḥ |
hiraṇyagarbho vaiśyānāmupasyabdha dṛśasmṛtaḥ ||

iti dyotayi tuṃ rāmassvātmānamanusandadhe |
kubjā devaissamādiṣṭā kaikeyīṃ bhettumārabhet ||

bālya evahi mā tulyaṃ bharataḥ prāpitastvayā |
dhannikarṣācca sauhārdo jāyate sthāvareṣvapi ||

tasmātsamakṣe vastavyaṃ svasya bhūmimabhīpsataḥ |
āsannaṃ bhajate nārī āsannaḥ paripūjyate ||

āsannaṃ bhajate rājā āsannaṃ bhajate latā |
strīṇāṃ kauṭilyamākhyānaṃ śūlyālaṃkāravarṇanāt ||

p. 53)

devi kenābhi yuktāsi ityādigranthavistaraiḥ |
kāmācāro bhavetkāmo vṛddhānāṃ yūnikā kathā ||

kāmātu rāṇāṃ bhūloke adeyannāsti kutracit |
śapete jīvanārheṇa iti śāpaṃ vṛthāṃ nṛpaḥ ||

satyenāpi śapedyastu devagurvagnisannidhau |
tasyā vaivasvato rājā dharmasyārdhaṃ nikṛntati ||

evaṃ sthitopi rājarṣiḥ kāmabāṇena pīḍitaḥ |
aśapadrāmamuddiśya pāśabandhamṛgānvitaḥ ||

satyena lokāñjayati dīnāndānena rāghavaḥ |
gurūñchuśrūṣayā vīro dhanuṣā yudhi śātravān ||

satyandānantapastyāgo mitratā śaucamārjavam |
vidyā ca guruśuśrūṣā dhruvāṇyetāni rāghave ||

hariścandrastu satyena śibirdānena bhūtale |
kodaṇḍenārjunaśśatrūn raghuśśuśrūyayā gurūn ||

viśvāmitrastu tapasā ārjavena yudhiṣṭhiraḥ |
janako vidyayā cāpi ekaikaguṇayogataḥ ||

lokānāṃ vijayaṃ kṛtvā prasiddhā abhayannṛpāḥ |
dhruvāṇyetāni rājendra rāghave kṛtaketanāḥ ||

rāmopi bharatādbhūyaḥ tava śuśrūṣate sadā |
vahnīnāmekabhāryeṇāmekā putravatī yadi ||

p. 54)

sarvāstāstena putreṇa putravatyaḥ prakīrtitāḥ |
yathā mātari śuśrūṣāṃ vidadhyādaurasassutaḥ ||

tadvanmātṛsapatnyāṃ tu aihikaṃ pāralaukikam |
anārya iti māmāryāḥ putravikrayiṇaṃ dhruvam ||

dhikkariṣyanti rathyāsu surāpaṃ brāhmaṇaṃ yathā |
putranna vikrayaṃ kuryānna dadyāddravyalolupaḥ ||

dadyādyadi naro lobhāt pundi pacyeta vikrayī |
brāhmaṇonnṛsurā peyā gaulyādyāḥ pāpakāriṇaḥ ||

surāpaṃ brāhmaṇaṃ dṛṣṭvā kulatyāgo vidhīyate |
punvā jananavelāyāṃ śaṅkhacakragadādharam ||

dṛṣṭvā tuṣṭāva bahudhā kāśyapatvāt svayaṃ nṛpam |
tanmayā mohito bhūtvā bhaktyā rāmamanusmaran ||

māsma me bharataḥ kārṣīt pretakṛtyaṃgatāyuṣaḥ |
ityādi pralapannrājā kaikayīvaramohitaḥ ||

śrutvāvicitraṃ karuṇaṃ vilāpaṃ * * * * * * |
* * * * * bharturnṛśaṃsā na cakāra vākyam ||

devaissaṃprārthito devi māyāviśvaṃ bharasya tu |
kekayāpatya vādena jātā viśvasya guptaye ||

sāmayā bhedayāmāsa rājānamakuto bhayam |
caturaśro rathaśśrīmānnistriṃśo dhanuruttamam ||

p. 56)

vāhanannarasaṃyuktañchatraṃ ca śaśisannibham |
turīyaṃ varṇakamidaṃ brahmaviṣṇuśivātmakam ||

bhajatāṃ sarvadoṣaghnaṃ saṃsārabhayanāśanam |
tuṣṭidaṃ puṣṭidaṃ caiva sarvaiśvarya pravartakam ||

rāmābhiṣekasaṃbhārāṃ chrutvāmaṅgalamāpnuyāt |
rājyaṃ dvijātibhirjuṣṭaṃ rājasūyābhiṣecanam ||

kartumarhati te rājā vāsavasyeva lokakṛt |
imaṃ mantraṃ samuccārya preṣayeddūragaṃ priyam ||

sarvānkāmānavāpyaiva punarbandhuṣu yujyate |
pūrvāṃ diśaṃ vajradharo dakṣiṇāṃ pātu te yamaḥ ||

varuṇaḥ paścimāmāśāndhaneśastūttarāṃ diśam |
sītākavaca yuktāṃgo yāṃ yāṃ yāti diśaṃ prati ||

tāntānkāmānavāpyaiva labhate śāśvataṃ padam |
yaśca rāmanna paśyettu yaṃ ca rāmo na paśyati ||

ninditassa bhavelloke svātmāpyenaṃ vigarhate |
rāmaṃ vā rāmaberaṃ vā rāmanāmānyathāpi vā ||

vīkṣeta śṛṇuyādvāpi sa naro mukti bhāgbhavet |
yajñairdānaistapasā nāśanena badhvā viṣṇokhyayasya prasādam ||

labdhvā sākṣācchāśvataṃ kṛcchrāt moktuṃ devīṃ kāñcitenālpa kālam ||

p. 56)

śrutvā lakṣmaṇa vākyāni kausalyārāmayoḥ purā |
satyena dhanuṣā caiva datteneṣṭena te śape ||

haniṣye pitaraṃ vṛddhaṃ kaikeyyā vaśamāgatam |
ityādi śravaṇātpuṃsā kṣātrantejobhi vardhate ||

tvayā mayā ca vaidehyā lakṣmaṇena sumitrayā |
piturniyoge sthātavyameṣa dharmassanātanaḥ ||

atretihāsaṃ vakṣyāmi pāvanaṃ pūrvasaṃbhavam |
avantī viṣaye kaścit kirātānvaya saṃbhavaḥ ||

dharmavyādha iti khyātaḥ pitroḥ pūjāparāyaṇaḥ |
āpaṇasthaṃ sadā māṃsaṃ krītvākrayaṇa tatparaḥ ||

krayalabdhairbahudravyaiḥ pitṛpūjāparo bhavat |
abhyajya pitarau nityaṃ snāpanaṃ coṣṇavāriṇā ||

kṛtvā subhojyaṃ bhojyānnairvīṭikārpaṇa pūrvakam |
mañce nidhāya pitarau kṛtapādābhivandanaḥ ||

evaṃ dine dine kurvan vyādho'pi svargamabhyagāt |
śrutvā dhamārtha kāmeti dharmabhāgjāyate narāḥ ||

śrutvā rāghava vākyāni vanapravrājanaṃ prati |
rāmaprasādamāsādya rāmasāyujya gāminaḥ ||

śrutvā lakṣmaṇavākyāni rāghavendrasya sannidhau |
mitramabhyantaraṃ labdhvā śatrūṇāṃ vijayaṃ labhet ||

p. 57)

santi dharmo padā ślakṣṇā dharmātman ki budhyase |
tayossucaritaṃ svārthaṃ śāṭhyāt parijihīrṣatoḥ ||

purā tu brāhmaṇaḥ kaścit kaliṅga viṣaye mahān |
śrutādhyāya na saṃpanno vedādhyayana laṃpaṭaḥ ||

cūlyākhyo bahukālantu dravyārjanaparāyaṇaḥ |
pratigrahādhyāpanayā yājakebhyo dhanārjanam ||

dhanena pūrṇapratilabdhakāmaḥ
kiñciddhanaṃ brāhmaṇasānnakārṣīt |
dharmasya nāśātpiśunāśca corā
kṛpīḍayonirnṛpatiśca ruṣṭaḥ ||

vināśayā māsurathāsya vittaṃ savittanāśāt paritāpitobhūt ||

dharmasya lopānmadacittanāśo
babhūva ityuktiparo dvijobhūt |
dharmaṃ cariṣyāma iti bruvāṇo
vittārjunaṃ dharmamiṣeṇa cakreḥ ||

brāhmaṇān bhojayiṣyāmi taṭākān khātayāmyaham |
prapāḥ pravartayiṣyāmi kariṣye devapūjanam ||

taddravyeṇākarotsvasya saṃsāraparipūraṇām |
kiñciddharmaṃ hyayaṃ cakre noceddāsyanti te mama ||

p. 56)

parārthe dharmakārtāro dharmavikrayiṇastathā |
mataṅgajā bhaviṣyanti piśācā vā na saṃśayaḥ ||

etādṛśā mahīdevā kṣatraviṭchūdrajāstathā |
iti rāmeṇa kathitaṃ priye proktaṃ mayādhunā ||

śṛṇuṣvā paramākhyānaṃ svargasyāsya purātanam |
purā kaścinmahīpālaḥ kuntī bhoja iti śrutaḥ ||

pṛthivīṃ pālayāmāsa kṣatradharmamanusmaran |
tādṛśasya mahībhartuḥ rājānaḥ paripaṃthinaḥ ||

nyarundhantasya nagaraṃ caturaṅgabalairyutāḥ |
nirundhaṃ nagaraṃ vīkṣya hehayaistāla jaṃghajaiḥ ||

yuddhāya kṛtasannāho rathādi balasaṃyutaḥ |
purānnirgatya sa bahukṛtavāñjanyamuttamam ||

naṣṭeṣu dravyajāteṣu bhagneṣu gajavājiṣu |
puramāgamya bhūpālaḥ kiṃ kāryamiti cintayat ||

cintāviṣṭaṃ nṛpaṃ prāha purodhāḥ kāryasādhakaḥ |
rāghavendre vanaṃ gantuṃ pitrādiṣṭe kṛtatvare ||

kausalyā kārayāmāsa putramaṅgalavācakam |
tadidānīṃ prayuñjāno yuddhaṃ kuru yathā balam ||

brāhmaṇānsamyagāhūya svastivācanapūrvakam |
hutvā vaiṣṇavamantraiśca kṛtvā brāhmaṇabhojanam ||

p. 59)

āśiṣonte vidhāyaiva kṛtamaṅgalapūrvakam |
yuddhaṃ kuru mahābāho śatrūñjeṣyasi mā ciram ||

ityuktvā kārayāmāsa dvijaiśca sapurohitaiḥ |
sāpanīya tamāyāsamupaspṛśyajalaṃ śuci ||

cakāra mātā rāmasya maṅgalāni yaśasvinī |
ityupakramya maṅgalya jagāmetyantamāditaḥ ||

brāhmaṇairvācayāmāsa vijayārthaṃ nṛpasya ca |
yuddhāya kṛtasannaddho nirjagāma purottamāt ||

hehayaistālajaṅghaiśca yuddhamāsītkṛtāravam |
pravṛtte ghoratasi bāṇāsāra prapīḍitam ||

bhagnaṃ rāgakulaṃ sarvaṃ vidrutaṃ sarvato diśam |
kṣaṇamātreṇa teṣveko nahya dṛśyata bhūtale ||

prayāṇa samaye japtvā tu kāryasiddhirbhaviṣyati |
deśāntaragātānāṃ ca punarāvṛttisiddhidam ||

vratopavāsaratayā bhavitavyaṃ tvayā naye |
ityādi granthasandarbhai strīdharmaṃ prāharāghavaḥ ||

proṣite nāyake strībhirharidrākuṅkumaṃ tathā |
kañcukīṃ kaṅkaṇaṃ vāpi na dhāryaṃ bhūtimicchatā ||

keśasaṃskārakaraṇaṃ citrāṇi vasanāni ca |
ārya putra pitā mātā bhrātā putrastathāsnuṣā ||

p. 60)

svāni puṇyāni bhuñjānā svaṃ svaṃ bhāgyamupāsate |
bharturbhāgyaṃ tu bhāryaikāmāpnoti puruṣarṣabha ||

ataścaityādi sandarbhaissītā provāca rāghavam |
atreti hāsaṃ vakṣyāmi śṛṇu pārvati tatvataḥ ||

nalo nāma purā rājā cakravartī nararṣabhaḥ |
pṛthivīṃ pālayāmāsa yathāśāstraṃ yathā mati ||

tasya daivavaśāddyute pravṛttirūpapadyate |
kalinā jitasarvasvo rājya bhraṃśamavāptavān ||

tasyāṅganā tu vaidehī tadduḥkhādduḥkhinī bhavet |
hariścandraśca bhāryā ca bhartṛduḥkhamupeyitā ||

tasmādahaṃ tvayā sārdhaṃ vanaṃ yāsyāmirāghava |
kiṃ tvāmanyata vaidehaḥ pitā me mithilādhipaḥ ||

rāmaṃjāmātaraṃ prāpya striyaṃ puruṣavigraham |
atrāhaṃ kathayiṣyāmi purāvṛttaṃ raghūttama ||

purā narapatiḥ kaścidarakṣadavanīmimām |
svardhunī tanaye rājau parājayamavāptavān ||

gāṅgenyaṃ hantukāmosau śivārādhanako bhavat |
siddhe tapasi taṃ prāha śaṃbhurgaṅgādharassvayam ||

bho bho narendra kiṃ kāryaṃ tapaścarasi khedataḥ |
ityukte prāha bhūpālaḥ paramānandanirbharaḥ ||

p. 61)

bhīṣmahantāramicchāmi karṇe kālavaro mama |
ityukte dattavāndevo nirvitaṃ bhīṣmanāśane ||

katicitkālamāsādya strītvaṃ puṃstvamavāpsyasi |
iti dattavaro rājā puramāpa kutūhalāt ||

tasya bhāryāsutāṃ kāle janayāmāsa suprabhām |
rājā śivasya vākyena putro jāta iti bruvan ||

jātakarmādisaṃskāramakarot puruṣe yathā |
tāmantarā tu tanayāṃ śikhaṇḍīmudavāhayat ||

rātrau vinodasamaye jñātvā nārīṃ śikhaṇḍinam |
pitre saṃpreṣayāmāsa śīghraṃ sandeśahāriṇam ||

śrutvā vṛttāntamatyugraṃ caturaṅgabalairvṛtaḥ |
sambandhinagaraṃ roṣādākramyāniṣṭhadañjasā ||

evaṃ śuśrāva vṛttāntaṃ striyaṃ puruṣavigraham |
sītārāghavayorvākyaṃ ye śṛṇvanti mahītale ||

tau daṃpatī sadā khedātsyātāṃ muktau bhavāccave |
rāmopi vittaṃ viprāṇāṃ datvā vanagato bhavat ||

lokāntaraṃ gantukāmaiḥ kācamātrañca dīyate |
nava pañca ca varṣāṇi navavāsaṃ vihṛtyate ||

punaḥ pādau gṛhīṣyāmi pratijāno narādhipa |
vadhyevāradvayannāsti sthāpite nāsti cālanam ||

p. 62)

rāme vārtādvayaṃ nāsti nāsti yuktararāghava'pi |
śreyase vṛddhaye tāna punarāgamanāya ca ||

gacchasvāriṣṭamavyagraḥ panthāna makuto bhayam |
naivāhaṃ rājyamicchāmi na sukhaṃ na ca maithilīm ||

naiva sarvānimānkāmānsvargaṃ naiva ca jīvitam |
idaṃ proktvā prasthitānāṃ prasthāpanavidhirbhavet ||

te yānti siddhasaṃkalpā dṛḍhadehā dhanādhipāḥ |
punarbandhusametāśca modante divi devavat ||

pūrṇasya brahmaṇo rājye icchā tasmādbhaviṣyati |
lābhālābhe duḥkhasukhe kāryākārye priyāpriye ||

advaite nirviśeṣākhye māyāleśo na vidyate |
kaikeyī bhartsanaṃ śrutvā vasiṣṭhamuni bhāṣitam ||

naśyanti sarvapāpāni tārkṣyaṃ dṛṣṭvā yathoragāḥ |

umā-

etādṛśāstriyassanti kimvalodvegakārikāḥ |
bharturudvejinī nārī vyālī bhavati kānane ||

bharturagre tu bhuñjānā laṃpate jatu vartikā |
kathaṃ drohaṃ prakurvanti striyakānte svadaivate ||

etadācakṣva deveśa mama kāmaprapūraka |

maheśvaraḥ-

śṛṇu vakṣyāmi deveśi kiñcidākhyānamuttamam |
yasya śravaṇamātreṇa vibhyanti sakalāsstriyaḥ ||

jyeṣṭhā dāsīnnarapati priyaṃ vada iti bhutaḥ |
śrutādhyayana saṃpanno mahīṃ dharmeṇa pālayan ||

tasya bhāryādvayamabhūdekā tu sumukhābhidhā |
anyā kanaka varṇāṅgī dharmeṇoḍhā bhavatstriyaḥ ||

jyeṣṭhā prasūta tanayaṃ kadrūṃ kāmākṛtiṃ śubham |
anyātvajījanatputramambujā kṣeti viśrutam ||

priyaṃvadākhyo nṛpati raghu tatra tayaṃ samāḥ |
kṛtvā rājyaṃ jīrṇa vapuḥ putraṃ rājānamaicchata ||

prakṛtīssamyagāhūya cintayāmāsa vai hitam |
tasminnavasare dūtaṃ jñātvā rājñaścikīrṣitam ||

hemāṅgī kathayāmāsa kadrūrājyasya bhāvitām |
saḥ puṣyayoge jyeṣṭhāyā putraṃ kadrabhidhānakam ||

abhiṣekṣyati dharmeṇa prajāpālanakarmaṇi |
ityukte suprajajvāla kopena jvalitānanā ||

dyūtiṃ kanakavarṇāṅgī uttaraṃ samapṛcchata |
sā cintayitvā tāṃ prāha sāhasaṃ paramauṣadham ||

rātrau prasupte nṛpatau śiraḥ khaḍgena lāvaya |
mṛte pitari rājātu bhavitā tvatsuto naghe ||

mūlaṃ balaṃ tvatsutasya tasya nāsti hi kovi hi |
tathā prabodhitā rājñī tathā śraddhāñcakāra vai ||

siddhaḥ kaściddadau rājñe mantraṃ kambalikāṃ prati |
sā tasya karṇe japati sarvaṃ vṛttāntamāditaḥ ||

atha vedita vṛttāntaḥ kimetaditi cintayat |
sā niścitārthaḥ padati nānṛtaṃ vakti karhicit ||

kūṭamabhyantaraṃ śuddhaṃ śuddhāntacaralaṃpaṭam |
prāha bhṛtyamathājñapto talpādhaśśeṣvame niśi ||

itthaṃ śuddhānta sañcārakuśalaṃ kañcanaṃ vyadhāt |
rātrau kanakavarṇāṅgyā kṛtabhogo narādhipaḥ ||

nidrāvaśamagātsā ca mahiṣī nidritā bhavat |
piśācyā karṇabodhinyā bodhino nṛpasattamaḥ ||

utthāya śīghramabhyarṇe nidrāluṃ bhṛtyamañjasā |
talpe nidhāya tasyādhaḥ svayannidrāmupāgamat ||

etasminnantare sāpi prabuddhā cintayatsvayam |
kṛtvā vikośannistriṃśaṃ keśapakṣe parāmṛśat ||

strībudhyā sāhasānmaurkhyācciccheda śira uttamam |
itthaṃ prajñāta vṛttānto niśānte bhūpatissvayam ||

śūlāgre tāṃ samāropya śayiṣṭa sasukhaṃ samāḥ |
etādṛśyasstriyassanti sāhasa pravarānvitāḥ ||

p. 65)

sāketapuranāthasya piturdaśarathasya ca |
svarūpaṃ darśayāmāsa sahasrārkasamaprabham ||

sahasra śirasaṃ nityaṃ sahasrākṣamanāmayam |
sahasrabāhupādoruṃ sarvatassamavasthitam ||

jaṭāṃ triṇetraṃ gaṅgāṃ ca vibhrāṇaṃ pralayānalam |
śaṅkhaṃ cakrañca kaumodīnnandakañca kamaṇḍalum ||

pinākaṃ dhavalaṃ raktaṃ kārṣṇañcaiva vapurdharam |
grasantaṃ sarvabhūtāni vyāktānanamivāntakam ||

dṛṣṭvā rūpaṃ harestuṣṭāstuṣṭāva parameśvaram |

māṃ śivam |

madhuvannojasi tu vāñchāṃ kurvanti saraghā yathā ||

tadvanmāṃ jñātatatvoyaṃ na jahāti kadācana |
iti matvā svayaṃ māyāntatāna nṛpamohinīm ||

iyaṃ dhārmika kausalyā mama mātā yaśasvinī |
vṛddhā cākṣudraśīlā ca na tvāṃ deva vigarhite ||

mayā vihīnāṃ varada prapannāṃ śokasāgare |
adṛṣṭapūrvavyasanāṃ bhūyassamantu mahasi ||

itthaṃ māyāmohitastu gamanāya matiṃ dadhe |
sītākausalyayorvākyaṃ pātivratyopadarśanam ||

śrutvā strī prāpnuyānnityaṃ patiśuśrūṣaṇāphalam |

p. 67)

dānavendraṃ hatandṛṣṭvā timidhvajasutaṃ raṇe |
sa śūraḥ puruṣavyāghrassvabāhu balamāśritaḥ ||

asantrasthopyaraṇyasso veśmanīvanivatsvati |

umā-

anukto muninā kvāpi siddhavatkathyate katham |
etadā ca kṣvamannātha raghunātha parākramam ||

maheśvaraḥ-

kṛtodvāho dāśarathissāketanagare male |
pitṛśuśrūṣaṇarato mātṛśuśrūṣaṇe rataḥ ||

guruśuśrūṣaṇe saktaḥ prajāpālana tatparaḥ |
niyukto guruṇā rāmaḥ śikṣayansakalāḥ prajāḥ ||

dinānte janakaṃ sarvaṃ vijñāpyānuṣṭhitaṃ mahat |
gṛhaṃ praviśya rāmassa sītāyā sukhito bhavat ||

evaṃ dvādaśavarṣāṇi kṛtavānpariścanam |
timidhvajasya tanayaśatamāyo mahābalaḥ ||

daṇḍakāraṇyamabhyetya kosalānparyapīḍayat |
śrutvā daśarathastūrṇaṃ sannāhena samanvitaḥ ||

caturaṅgabalopetaḥ purāttūrṇaṃ viniryayau |
akṣauhiṇīdvayopeto daṇḍakānpratyapadyata ||

timidvajasya tanayaśśatamāyo mahābalaḥ |

p. 68)

balena mahatā yukto yuddhāyāśu viniryayau ||

daṇḍakāraṇyamāsādya tasthau yuddhāya niścitaḥ |
janyamāsīnmahāghoraṃ rakṣasāṃ manujāṃ tathā ||

etasminnantare rāmo dhanurviṣṣārayanmahat |
vavarṣa śatavarṣāṇi rakṣaratāṃ prāṇaśāntaye ||

te bhagnadehamūrdhāno bhinnāśchinnā vidāritāḥ |
tyaktvā prāṇānāji madhye yogi mṛgyaṃ padaṃ gatāḥ ||

tāndṛṣṭvā prāṇanirmuktān rākṣasānsa timidhvajaḥ |
timidhvajasuto vīro māyāṃ prāvartayadyudhi ||

chantamāyābalenājau vīkṣya rāmo mahāraṇe |
mumo cāstraṃ mahāvedaṃ śabda vedhyabhidhānakam ||

tena sañchinnahṛdayaḥ papāta ca mamāra ca |
etasminnantare devaiḥ puṣpavṛṣṭiravarṣataḥ ||

sraṣṭā sarvasya lokasya rāmaṃ prāha mudānvitaḥ |
astrandadāni divyante te yathā lakṣmaṇasya ca ||

dadāmi sarvadevānāṃ pathāvatpratibhāntu te |
iti datvā varaṃ vedhāstatraivāntaradhīyata ||

śānte janye daśaratho rāmādi sahito jayī |
puraṃ prāpya mudā yuktaḥ parāṃ prītimavāptavān ||

vartate cottamāṃ vṛttiṃ lakṣmaṇo'sminsadānaghaḥ |

p. 69)

dayāvānsarvabhūteṣu lābhastasya mahātmanaḥ ||

śrutvā devyā pañcamaṃ vṛttametat
vāṇī śakyaṃ prāpnuyātkīrtanācca |
ante vāṇī nātha lokaṃprapadya
ante lokaṃ śāśvataṃ yāti martyaḥ ||

ityumā saṃhitāyāṃ ayodhyākāṇḍaśravaṇaphalavarṇanannāma saptamodhyāyaḥ 
||


|| athāṣṭamodhyāyaḥ ||

mahādevaḥ-

gaṅgāmadhyagatā sādhvī prārthayāmāsa jāhnavīm |
surāghaṭasahastreṇa māṃsabhūtodanena ca ||

yakṣyo tvāṃ prayatā devī nagarīṃ punarāgatā |
pāyasena dvijaiḥ pūjyā kṣatriyairgavyasarpiṣā ||

vaiśyaiḥ pūjyā mākṣikeṇa surayā śūdrajātibhiḥ |
darśādīṣṭyādi tithiṣu pūjyā śaṅkaravallabhā ||

atideśena nārīṇāṃ śūdradharmoyamāgataḥ |

p. 70)

bharadvājo mahātejāḥ pūjayāmāsa rāghavam ||

nānāvidhānannarasān vanyamūlaphalāśrayān |
tebhyo dadau mahātejā vāsañcaivānvakalpayat ||

umā-

madhumūlaphalarjīvaṃ hitvā munivadāmiṣam |
iti rāmeṇa gaditaṃ jananyaigacchatā vanam ||

paścādrāmeṇa kathitaṃ gaṅgāsantāraṇātparam |

tau tatra hatvā caturo mahāmṛgān
varāha mṛgyaṃ pṛṣataṃ mahārurum |
ādāya medhyantvaritaṃ bubhukṣitā
vāsāya kāle yayaturvanaspatiḥ ||

phalamūlāśinau dāntau tāpasau dharmacāriṇau |
iti nānāprakāreṇa saṃśayo vartate mama ||

chindye tatsaṃśayaṃ kānta cāritre rāghavasya tu |

maheśvaraḥ-

śṛṇu devi pravakṣyāmi saṃśayaṃ chedmi suvrate |

etatsarvamabhipretya

nivārānnaṃ kvacidrāmaḥ kvacidāmiṣabhojanam |
madhunā kvacidāhāraṃ phalamūlaiḥ kvacidbhavet ||

vane nivasatā tatra kṛtaṃ rāmeṇa suvrate |

p. 71)

etatsarvamabhipretya munivatpadamaṅganne |

umā-

tīrtvā himodbhavāṃ gaṅgāṃ rāmo lakṣmaṇamabravīt |
jāgartavyamatandribhyāmadya prabhṛti rātriṣu ||

yogakṣemo hi sītāyā vartate lakṣmaṇāvayoḥ |
ityuktaṃ raghunāthena gaṅgāsantāraṇātparam ||

tañjāgrataṃ guṇairyuktaṃ varacāpeṣu dhāriṇam |
bhrātṛ guptyarthamarthamahaṃ lakṣmaṇamabruvam ||

itthaṃ niṣādādhipatiḥ proktavānbharataṃ prati |
itthaṃ dhanurdharobhūtvā uṭajadvāri lakṣmaṇaḥ ||

atiṣṭhatsarvamāvṛtya iti prāha mahāmuniḥ |
idānīṃ bhaṇyate tena muninā lakṣmaṇaṃ prati ||

mahau nidrāṃ ca tandrīṃ ca prasaktaṃ ca pariśramam |
rātrau dhanurdharo bhūtvā rakṣatyatulavikramaḥ ||

maheśvaraḥ-

triyāmāyāḥ tṛtīyāṃśe nidrāṃ kiñcitkarotyasau |
śrutvā vedavaraṃ kālye munivṛndaissamīritam ||

rakṣasānnavakāśo'sti vedadhvani vijṛṃbhaṇāt |
tasmātpracetasāpyuktaṃ kiñcinnidrā pradarśakam ||

atha rātryāṃ vyatītāyāmavasuptamanantaram |

p. 72)

prabodhayāmāsa śanairlakṣmaṇaṃ raghunandanaḥ |
kausalyā nṛpatiṃ prāha putravyasanakarśitā ||

bhojayanti kila śrāddhe ke svāneva bāndhavān |
tataḥ paścātsamīkṣante kṛtakāryāndvijarṣabhān ||

tatra ye guṇavantaśca vidvāṃsaśca dvijātayaḥ |
na paścātte bhimanyante sudhāmapi suropamāḥ ||

brāhmaṇeṣu vitṛpteṣu paścādbhoktuṃ dvijarṣabhān |
nābhyupetumalaṃ prājñāḥ śṛṅgachedamivarṣabhāḥ ||

evaṃ kanīyasā bhrātrā bhuktaṃ rājyaṃ viśāṃpate |
bhrātā jyeṣṭho variṣṭhaśca kimarthañcābhimaṃsyati ||

atreti hāsaṃ vakṣyāmi śṛṇu śailendrakanyake |
purā duryodhano nāma rājā dharmabhṛtāṃ varaḥ ||

sūryavaṃśasamudbhūto dharme satye ca niṣṭhitaḥ |
śāṇḍilyākhyo mahātejāḥ purodhā abhavanmuniḥ ||

tasyaivaṃ vartamānasya rājño duryodhanasya vai |
piturdinaṃ haridine babhūva mṛtiyogataḥ ||

śāṇḍilyaṃ varayāmāsa pitrarthaṃ brahmavittamam |
etasminnabhyayādvipro vārṣagaṇya iti śrutaḥ ||

tandṛṣṭvā pūjayāmāsa rājā duryodhanābhidhaḥ |
pitrarthe prārthayāmāsa vipraṃ brahmavidāṃvaram ||

p. 73)

omiti prāha rājñe tu snātuṃ godāvarīṃ gataḥ |
cirāyite vārṣagaṇye rājā cintākulo bhavat ||

prātaḥ pāraṇamākhyātaṃ dvādaśyāṃ tatvadarśibhiḥ |
dvādaśīguṇayogena tatkāle havyakavyayoḥ ||

smṛti śāstraṃ hṛdi dadhau śāṇḍilyokta maharniśam |
anāgate vārṣagaṇye śrāddhaṃ kartumathārabhat ||

nirvartya pitryaṃ vidhivadṛṣerāgamanaṃ nṛpaḥ |
pratīkṣya pāraṇāṃ kṛtvā jalenātiṣṭhadāsane ||

etasminnantare vārṣagaṇyākhyaḥ kṛtamajjanaḥ |
abhyarṇaṃ bhūpateḥ prāptaḥ pāraṇe kṛtaniścayaḥ ||

tandṛṣṭvā kṛta satkāraṃ brāhmaṇānāṃ mahīpatim |
krodhena mahatāviṣṭho vyāhartumupacakrame ||

nimantrya pitrye māṃ rājannupekṣyā kriyate katham |
dadmiśāpaṃ mahīpālamavamāna kṛto yataḥ ||

bhūpatiḥ-

śrutvā śāṇḍilyavacanaṃ śāstraṃ dvādaśivāsare |
idaṃ vṛtaṃ mayā vipra śāstraṃ te śrāvayāmyaham ||

ekādaśīdine prāpte anne tiṣṭhanti pātakāḥ |
annāśī pāpamaśnāti dadyānnānnaṃ harerdine ||

annavastrarato vāpi dadyānnānnaṃ harerdine |

p. 74)

ekādaśyāmannadātā rauravaṃ narakaṃ vrajet ||

havyakavyāni karmāṇi na dadyāddharivāsare |
dvādaśyāmeva kurvīta taddinaśrāddhameva ca ||

prātaḥ kālamati kramya kuryācchrāddhādikaṃ yadi |
upavāsodbhavaṃ puṇyaṃ na dharmañcādhigacchati ||

nāśnanti pitaraḥ kavyaṃ kālāti kramaṇaṃ yadi |
iti śāstraṃ samālokya dattaṃ śrāddhamiha dvija ||

nṛpeṇoktamidaṃ śrutvā kopena jvalitānanaḥ |
tāntrikāṇāmayaṃ dharmo vedaniṣṭhairbahiṣkṛtaḥ ||

tantreṣu dīkṣito bhūtvā tantrācārarato bhava |
iti śāpaṃ nṛpe kṛtvā gatavān svarasya cāśramam ||

hā rāghava mahābāho hā mamāyāsanāśanaḥ |
hā pitṛpriya me nātha hā mamādhigatassuta ||

iti mātuśca rāmasya sumitrāyāśca sannidhau |
rājā daśarathaśśocan śayānontamupāgamat ||

yaṃ bhāvaṃ hṛdi vinyasya dehaṃ tyajati mānavaḥ |
tanna māpnoti dehānte bhāvaṃ bhāvanayā yutaḥ ||

rāghavasmaraṇe naiva mṛtiṃ prāpto mahīpatiḥ |
tathāpi gatavānsvargaṃ kāśyapatvāddhareḥ pitā ||

putraśokāturāṃ bandhau śepurdaśarathannṛpam |

p. 75)

tvāmaptyātādṛśo bhāvaḥ kṣiprameva gamiṣyati ||

jīvitāntakaro yoro dātāramiva dakṣiṇāḥ |
tasmāddrohaṃ na kurvīta ṛṣiṣva jñānato'pi vā ||

yadi duḥkhānprapadyante yathā daśaratho nṛpaḥ |
sametya rājakartāraḥ sabhāmīyurdvijātayaḥ ||

nārājake janapade ityādi grantha vistaraiḥ |
śrutvā mahīpatīnāṃ tu vināśo nāstyakālataḥ ||

svapnānāṃ gatayāḥ proktāḥ kālajā rogajāstathā |
vātajāḥ pittajāścaiva śleṣmajā mantrajāstathā ||

devatā veśavaśagā svapnānāṃ gatayo hyamūḥ |
dussvapnānāmapi tathā bhavanti pratibhā balāt ||

samudraśoṣaṇaṃ cāpi nadīśoṣaṇameva ca |
parvatātpatanañcāpi āhvānaṃ kṛṣyāyoṣitā ||

śakṛnmayahrade snānaṃ śiraso muṇḍanaṃ tathā |
vṛkṣaparvatabhedañca mūrdhnivajrasya pātanam ||

evamādīni duḥkhāni dṛṣṭvā santaptamānasaiḥ |
taddoṣaśamanārthāya japtavyaṃ prayatātmabhiḥ ||

yāmeva rātriṃ te dūtā praviśanti sma tāṃ purīm |
bharatenāpi tāṃ rātriṃ svapne dṛṣṭo yamapriyaḥ ||

idaṃ sargaṃ prayoktṝṇāṃ dussvapnaśamanaṃ bhavet |

p. 76)

śrutvā śūnya purākhyānaṃ bharatena prabhāṣitam ||

rājñā tu nagaraṃ śūnyanna kadācit bhaviṣyati |
grahāṇāṃ na vināśassyāt sarvathā grahamedhinām ||

bharatasya ca kaikeyyāssaṃvāda śravaṇānnṛṇām |
pātakāni ca vibhyanti tārkṣyaṃ dṛṣṭvā yathoragāḥ ||

somātyamadhye saṃkruddho jananīmabhyakutsayat |
jyeṣṭho hyakṛtadāre ca hyakṛtāgniparigrahe ||

dārāgniyogaṃ cakrusteye narā mūḍhacetanāḥ |
parivettā parityājya iti śāstreṣu ninditaḥ ||

tadvajjyeṣṭhe vidyamāne kṛtabhūmi parigrahaḥ |
parirājakatāṃ prāpya ninditassyājjagattraye ||

taddoṣaśamanārthāya jananīmabhyakutsayat |
gurorapyavaliptasya kāryākāryamajānataḥ ||

utpathaṃ pratipannasya parityāgo vidhīyate |
iti śāstraṃ samālocya mātaraṃ pratyakutsayat ||

kausalyāyāśca purato bharate na prabhāṣitam |
śapatha prārthanaṃ sargaṃ yasyāryonumate gataḥ ||

ityādi śravaṇāt puṃsāmabhiśāpo na vidyate |
atra te kathayiṣyāmi itihāsaṃ purātanam ||

* * * na pratiṃ kaścit kṛtvā rājyammahattaram |

p. 77)

rājye'bhiṣecya tanayaṃ tapase gatavānvanam ||

viraktasya pravṛddhasya svarṇaromākhya bhūpateḥ |
nirviśeṣaṃ paraṃ brahma dhyāyatassatatassuraiḥ ||

preṣitāḥ katiciccorā dhanā rājño niveśane |
gṛhītvā bhūribahavo nirgatā rājaveśmanaḥ ||

pālakāssamyagājñāya anujagmurmalimlacān |
taskarānpālakāñjñātvānturṇitandhanasañcayam ||

nidhāya jagmurvegena svarṇa romṇassamīpataḥ |
moṣito vittanikaraḥ svarṇaromṇeti vādinaḥ ||

rājño nikaṭamāninyū rājarṣi pravaraṃ śubham |
jñātvā suvarṇaromāṇaṃ praṇipātapurassaram ||

prasthāpayanmahīpālastasya māhātmya gauravāt |
svarṇaste yasya viṣaye mithyāśāpoyamāgataḥ ||

iti budhyā svarṇaromaḥ prāyaścittamacintayat |
arundhatī patiṃ gatvā prāyaścittamapṛcchata ||

upadiṣṭo vasiṣṭhena śapathaṃ bharatasya saḥ |
jajānato na pūtātmā prāptavāndivyamandiram ||

prāgdvāre bhūttadā kubjā sarvābharaṇabhūṣitā |
liptā candanacāreṇa rājavastrāṇi bibhratī ||

svajanmanaḥ phalaṃ hema svayaṃ vā manikā satī |

p. 78)

nirvāpayāmāsa śanairdevānāṃ hitamicchati ||

tasmādbhaṣaṇa saṃkārai bhūṣaṇaṃ yujyate bhṛśam |
bharatasya sasainyasya bharadvājasya satkṛtim ||

paṭhandadyāt pitṝṇāṃ hi akṣayya phalasiddhidam |
jaṭilaṃ cīravasanaṃ prāñjaliṃ patitaṃ bhuvi ||

dadarśa rāmo durdarśaṃ yugānte bhāskaraṃ yathā |
gāyatryā svarasaṃkhyātaṃ varṇakaṃ śṛṇu yādyat ||

tasya dharmārtha mokṣāṇāṃ phalaṃ hastagatā bhavet |
kvaccit sargaṃ prayoktṝṇāṃ sāyaṃ prātaraharniśam ||

tasya vibhyanti sakalāḥ yuvarāja mukhā bhṛśam |
citrakūṭe girivare bhrātṛṇāntu samāgamā ||

śṛṇvatāṃ japatāṃ cāpi teṣāṃ sidhyanti siddhayaḥ |
deśāntaragatānāntu punarāgamanaṃ bhavet ||

śrutvā daśarathaṃ vṛttamaraudīdrāghavo bhṛśam |
mātā pitrorvināśe tu rodanaṃ śāstracoditam ||

deśāntaramṛtiṃ śrutvā pitṛṇāṃ tanayastadā |
taddine vapanaṃ kṛtvā nivāpādīni kārayet ||

akurvanyadi mūḍhātmā deho śuddho bhaviṣyati |
taddinopakramaṃ kuryāddaśāhaṃ tilavāri ca ||

añjalistaddine vāpi kuryāddaśadinoditam |

p. 79)

rājñāmekadine kuryāt kvacidbhinne'pi tarpaṇam ||

karkandhusahitaṃ piṇḍamiṅgudi kṣo nirvitam |
pitṝṇāṃ tṛptidaṃ prāhuryājñavalkyādayo dvijāḥ ||

etatte rājaśārdūla vimalantoyamakṣayam |
pitṛlokaṃ gatasyādya maddattamupatiṣṭhatu ||

pitṝṇāmudakaṃ datvā putra ekādaśe'hani |
śruṇuyādvipravākyena tāṃ śrūtvityādi sargakam ||

pitarastena tṛptāssyurakṣayyagati gāminaḥ |
tamevaṃ duḥkhitaṃ vīkṣya vilapantaṃ yaśasvinam ||

rāmākṛtātmā bharataṃ samāśvāsayadātmavān |
ityādi śravaṇaṃ puṃsāṃ vairāgyaṃ jāyate bhṛśam ||

evamuktvā tu virate rāme vacanamarthavat |
uvāca bharataścitra vacanaṃ dhārmiko yathā ||

iti sargaṃ prayoktṝṇāṃ rāghave jāyate bhṛśam |
śrutvā rāmasya bhaṇitaṃ jābālimatabhañjanam ||

asacchāstraratistasya naiva jāyeta karhicit |
kruddhāmājñāya rāmantu vasiṣṭhaḥ pratyuvācaha ||

ākāśaprabhavo brahmā śāśvato nitya avyayaḥ |
tasmānmarīcissaṃjajño marīceḥ kāśyaparassutaḥ ||

tvanmāyayā viśvamidamudbhūtaṃ sacarācaram |

p. 80)

jyeṣṭhasya putratā proktā kāmajānitarānviduḥ ||

tasmāttvaduktamaryādā na bhettavyā yathā purā |
tathā kuru mahāviṣṇo varāheṇoddhṛtā purā ||

rājadharmamanuprekṣya kuladharmānusantatim |
vaktumarhasi kākutstha mama mātuśca yācanam ||

strīṇāṃ tu hṛdayannityaṃ vajraṃ bhavati rāghava |
ṛcā tathā samyaguktamavadhāraya suvrata ||

śiṣyastu śarabhaṅgasya pādukāṃ kuśanirvitām |
datvā rāghavahaste tu gurornikaṭamabhyagāt ||

tasminnavasare rāmaḥ pratijñāṃ sañcakāra ha |
lakṣmīścandrādapeyābdā himavānvā himaṃ tyajet ||

atīyātsāgaro velānna pratijñāmahaṃ pituḥ |
evaṃ bruvāṇaṃ bharataḥ kausalyāsutamabravīt ||

tejasā nityasaṃkāśaṃ pratipaccandradarśanam |
adhirohārya pādābhyāṃ pāduke hemabhūṣite ||

ete hi sarvalokasya yogakṣemaṃ vidhāsyata |
adhiruhya naravyāghraḥ pāduke hyavaruhya ca ||

prāyacchatsumahātejā bharatāya mahātmane |
kausalyā prārthitastu vasiṣṭhena tu coditaḥ ||

* * * * * * * *?rāmo dātkeśapāduke |##?
raghunāthasya mātuśca bharatasya ca bhāṣitam ||

śṛṇvatāṃ sarvakāryāṇi sidhyantyeva na saṃśayaḥ |
raghunātha prasādena rāmasāyujyamāpnuyuḥ ||

putrapautra prapautraiśca kṣetrārāmāṇi bhūriśaḥ |
sidhyantyeva prasādena raghunāthasya śrīghrataḥ ||

yathā kṛtārtho bharato raghunāthaprasādataḥ |
tadvatkṛtārtho bhavati rāghave prasādataḥ ||

atrestu darśanaṃ paścādanasūyābhidarśanam |
anasūyā prabhāvaṃ ca pātivratyasatutiṃ tathā ||

sītākalyāṇa saṃpraśnamaṅgarāgasya cārpaṇam |
vivāhātpūrva divase bhavānyā darśanātparam ||

śrutvā kanyā sadā bhartrā ramate rundhatī yathā |
sāketakāṇḍasya phalaṃ vaktuṃ varṣāyutairapi ||

na śakyate mayā devi kvacit kvacit pradarśitam |
ayodhyākāṇḍamakhilaṃ ye śṛṇvanti narottamāḥ ||

te sarve harisāyujyaṃ prāpnuvanti na saṃśayaḥ |
bharata pratimāṃ kṛtvā caturviṃśatsuvarṇakaiḥ ||

kumbhe nidhāya radbera maha tena tu veṣṭayet |
bharatāya namomantramapūrvaṃ pūjayennaraḥ ||

kāṇḍānte tu sahasraṃ syāditi vedavido viduḥ |

p. 82)

dadyāddvijātaye sarva sahasradravyasaṃyutam ||

tadardhairvā tadardhairvā tadardhadravyamātrakaiḥ |
yathā śaktidhanairvāpi pratimādānamācaret ||

sahasrārasahasrāṃśo prabhayā tulita prabha |
vāñchitaṃ yacca bharata prīto bhava dayānidhe ||

iti mantraṃ sakuryārya pratimāmarcayennaraḥ |
kāṇḍānte tu sahasraṃ syādbrāhmaṇānāntu bhojanam ||

yathā śakti dvijātīnāṃ bhojanaṃ samyagācaret |
pratyahaṃ brāhmaṇānpūjya vaktāraṃ prathamaṃ yajet ||

tāmbūladānaṃ viprāṇāṃ śrotṝṇāṃ prītipūrvakam |
apūpairikṣukhaṇḍaiśca kharjūraiḥ kadalī phalaiḥ ||

pratyahaṃ rāghavendrāya māruteḥ pūjanantathā |
kurvanna bhīṣṭamamalaṃ prāpnuyāddhihaherbalāt ||

ityumā saṃhitāyāmayodhyākāṇḍe śravaṇaphalavarṇanannāma aṣṭamodhyāyaḥ 
||



|| atha navamodhyāyaḥ ||

praviśya tu mahāraṇyaṃ daṇḍakāraṇyamātmavān |
dadarśarāmo durdharṣāstāpasāśramamaṇḍalam ||

maheśvaraḥ-

āraṇyakāṇḍoditamarthajātaṃ saṃkṣipya vakṣye nagarājakanyake |
śṛṇuṣva taccodita puṇyarāśiṃ sahetihāsaṃ mama vikramāṇām ||

praviśyamāno vipinaṃ virādhannāma rākṣam |
dadarśarāmo duṣprekṣyaṃ kṛtapuṇyaphalodakam ||

sopi tau jānakī yuktā dṛṣṭvā sañjātavibhramaḥ |
iyaṃ parā mahāśaktiriyaṃ sargasya kāraṇam ||

asyāpi bodhanaṃ mukteḥ kāraṇaṃ bandhane'pi ca |
tasmādimāṃ bhajiṣyāmi yāvatprārabdhanāśanam ||

iti darśanamātreṇa vimuktābodhapañjaram |
itthaṃ bhūtvā mahāraināṃ sītāñcaitanya rūpiṇīm ||

rāmastatpāpa śāntyarthaṃ prāyuṅka niśitānśarān |
na pīḍāñca krurāhatya krūrā rākṣasavakṣasi ||

umā-

rāmakodaṇḍanirmuktā śitāgrāśca śilīmukhāḥ |

p. 84)

balāttu varadānasya na prāṇānghnanti sāyakāḥ |
iti pracetasā proktaṃ kathame tanmaheśvaraḥ ||

īśvaraḥ-

śivapūjā prabhāvena varadānavaśādapi |
mahābalā mahāvīryā rākṣasāḥ piśitāśanāḥ ||

tānkiñciddarśayiṣyāmi śṛṇu śailendrakanyake |
virādho hāṭakapure vidhivanmāmapūjayat ||

sūryapuṣkaraṇītīre sthāpayāmāsa dhūrjaṭim |
atikāyaśśaktipure valmīkeśasya dakṣiṇe ||

pūjayāmāsa vidhivatpratiṣṭhāpya maheśvaram |
dundubhiḥ pūjayāmāsa tasya devasya vāmake ||

sārdhayojanamātre tu dundubheśābhidhaṃ śivam |
kharaḥ kharapure liṅgaṃ kṣīranadyāstu dakṣiṇe ||

dūṣaṇo'pi samāsādya saruhyajāyāstu dakṣiṇe |
śrīmadratnagirīśānamagastyena supūjitam ||

triśirā dakṣiṇe tīre sahyayonyā mamohare |
supūjya balino jātā lokopadrava kārakāḥ ||

dakṣiṇāśāmuninnityaṃ matsamārādhane sthitāḥ |
brahmarṣintamupāsante durādharṣāssurairapi ||

umā-

bhavadārādhakāssarve sātvikā jñānapūjitāḥ |
durātmānaḥ kathaṃ jātā lokopadrava kārakāḥ ||

maheśvaraḥ-

mamārādhanamākhyātaṃ trividhaṃ munisattamaiḥ |
sātvikaṃ rājasaṃ cāpi tāmasaṃ ceti tattridhā ||

sātvikā jñānavantaśca rājasā balagarvitāḥ |
tāmasāstu janā hīnā lokopadravakārakāḥ ||

dakṣiṇāśāmuninnityaṃ matsamārādhane sthitāḥ |
brahmarṣintamupāsante indrādyā devatā gaṇāḥ ||

rājasena samārādhya jamadagnikulodbhavaḥ |
abhūdrājasayogena kṣatriyāṇāṃ kulāntakaḥ ||

kevalaṃ tāmasāssarve virādhādyā mahābalāḥ |
bahissatvaṃ mama sadā antastāmasameva ca ||

māṃ hi satvaguṇodriktamupāsante hi sātvikāḥ |
tāmasāstāmasenaiva bhajante bhuvi nityaśaḥ ||

maheśvaraḥ-

rāmakodaṇḍanirmuktā viphalā mārgaṇāḥ katham |
ityarthe saṃśayachedaṃ karomi tava pārvati ||

vadhyeśanadvayaṃ nāsti sthāpite nāsti cālanam |
rāme vārtādvayannāsti nāstītyuktirarāvapi ||

p. 86)

kāṇḍāvalirvirādhasya niṣṭhurorasi tāḍitaḥ |
na vyathāñca krurāhatya avadhya kavacāvṛte ||

kādambaḥ kevalālakṣye patanti na patanti ca |
nāmāṅkitaṃ lakṣyavedhaṃ kurvantyeva na saṃśayaḥ ||

nāmamantreṇa saṃyuktāśśarā barhiṇa vāsasaḥ |
hatvā yānti punastūṇīṃ praviśanti na saṃśayaḥ ||

kevalā nāma saṃyuktāḥ pakṣatriyata gāminaḥ |
yo virādhavadhaṃ nityaṃ śṛṇoti śrāvayeta vā ||

tasya pāpāni sarvāṇi vilīnāni bhavanti hi |
na jātu mahatāṃ drohaṃ kuryāttacchedadhogatim ||

munibhirnityamākhyātaṃ matvāśvabhre khanatkṣitau |
virādho'pi gato muktiṃ kākathā jñānapūrite ||

bhaktyā kecinmahātmānaḥ kecijjñānena yoginaḥ |
apare santata dveṣāt saṅgrāmāditare janāḥ ||

śarabhaṅgāśramaprāptiṃ puruhūtasamāgamam |
darśanaṃ śarabhaṅgasya raghunāthasya pūjanam ||

rāmeṇa samanujñāto lokāntaragatintathā |
śṛṇvatāṃ tridaśānāṃ tu lokaprāptirna saṃśayaḥ ||

daṇḍakāraṇyanilayā ṛṣayassaṃśritavratāḥ |
rāmamāsaṃ bhojayiṣyantaścakrurmelānamādarāt ||

p. 87)

rāmarāma mahābāho śṛṇu vṛttāntamāditaḥ |
paulastyo rāvaṇo nāma daśagrīvo mahābalaḥ ||

tenādiṣṭā niśicarā ṛṣīṇāṃ prāṇahāriṇaḥ |
santyatra daṇḍakāraṇye kara triśiradūṣaṇaiḥ ||

tāṭakātanayenāpi sahitā rākṣasarṣabhāḥ |
bhakṣaṇaṃ bhartsanaṃ cāpi śirasāṃ lavanaṃ tathā ||

vetāna vahneśśamanaṃ bahirvedipradūṣaṇam |
tādṛśānāṃ mahābāho hananaṃ kuru rāghava ||

rāmo ṛṣigaṇaidītaṃ pūrṇakuṃbhodakaṃ śuci |
jaṭācūḍāṅkite maulau prokṣya sītāñca lakṣmaṇam ||

rāmaḥ pratijñāmakarot ṛṣīṇāmagni tejasām |
rakṣasāṃ nidhanaṃ janye ṛṣīṇāmabhayandadau ||

prapannānāntanu bhṛtāṃ rāmaśśaraṇadassadā |
ṛṣīṇāmagni kalpānāndaṇḍakāraṇyavāsinām ||

śaraṇaṃ pradadau rāma ityukte kā vicitratā |
prapattirdvividhā proktā jārjārī caiva vānarī ||

tavāhamityupagatā stannāma kṛtalāñchanāḥ |
tadarcāpūjanaratāstadadṛṣṭānnena bhuñjataḥ ||

garbhabhūtā vayamiti procyastatra maharṣayaḥ |
tasmāddāsyaṃ gatāssarve ṛṣayo brahmavādinaḥ ||

sītātha raghunāthasya hitakāmā tapasvinī |
śastratyāganimittāya kathāmuktavatī kila ||

apyahaṃ jīvitaṃ jahyāṃ tvāṃ vā sīte salakṣmaṇām |
na tu pratijñāṃ saṃśrutya bāhmaṇebhyo viśeṣataḥ ||

etacchravaṇa mātreṇa rāmātkāṃkṣitamāpnuyāt |
kvacinmāsaṃ kvacitpakṣaṃ kvacinmāsacatuṣṭayam ||

ṣāṇmāsaṃ vatsaraṃcāpi vatsaratritayaṃ tathā |
uṣitvā darśanaṃ kartuṃ dakṣiṇāmuniṃ yayau ||

gatvāgastyāśramaṃ prāha śiṣyaṃ prājño mahājasakam |
te vayaṃ vanamatyugraṃ praviṣṭāḥ pitṛśāsanāt ||

draṣṭumicchāvahe sarve bhagavantannivedyatām |
yaṅkāroyaṃ nigaditaṃ devyā aṣṭamavarṇakam ||

yaṃkāro vāyudaivatyo vāyurbrahmeti gīyate |
hṛdi dhyāyanmahādevamāste hi tapasāṃ nidhiḥ ||

dhyāyantaṃ śaṅkaraṃ sarve brahmādyā devatāgaṇāḥ |
bhajante śaṅkaraṃ draṣṭuṃ kāṃkṣayā bhaktapūjanam ||

kailāse bhaktahṛdaye pārvatyāḥ kelimaṇṭape |
nityamāste śivo yasmāttasmādbhaktaṃ samāśrayet ||

agastyenābhyanujñāto madhye pañcavaṭīṃ prati |
gacchandadarśa rājānaṃ gṛdhrāṇāṃ cirajīvinam ||

p. 89)

bahuṣānmūlanilayaṃ rāmaḥ papraccha ko bhavān |
gṛdhrohaṃ vainate yasya dvitīyasya suto balī ||

jaṭāyuṃ viddhi rājendra rakṣiṣye jānakī maham |
sargāṇāṃ kathanāddevī vaṃśasargavilopanaḥ ||


na jāyate kadāciccaḥ kulavṛddhirbhaviṣyati |
rāmaḥ pañcavaṭīṃ gatvā śaradāṃ tritayāsukham ||

uvāsa daivatairīḍyo godāvaryāstaṭe śubhe |
snātvā kadāciddhemante lakṣmaṇena ca sītayā ||

kathāṃ cirantanāṃ tatra śrāvayannuṭajāṃ kaṇe ||
sthitavān jānakī vaktre svabimbamavalokayan ||

tandeśaṃ rākṣasī kācidā jagāma yadṛcchayā |
sītāmuṭajamadhyasthāṃ rāmaṃ vīkṣya ca sundaram ||

sā manmatha śarairviddhā vṛddhā phalita mūrdhajā |
sukumāraṃ virūpā sā susvaraṃ bhairavasvanām ||

taruṇandāruṇā vṛddhā akāmayata vegitā |
sā rāmābhyarṇamabhyetya prāheyantyajyatāmiti ||

svarūpaṃ bimbitaṃ vīkṣya jānakyāmukhadarpaṇe |
imāṃ virūpāmasatīṃ karālānnirnatodarīm ||

sītāṃ vihāyamānnityaṃ rāma kāntarabhūmiṣu |
kṛtadāro'smi subhage yavīyānlakṣmaṇābhidhaḥ ||

p. 90)

tasya tvaṃ gehinī bhūtvā bhuṅkta?bhogānyathecchayā |
lakṣmaṇenāpi sākṣiptāḥ kathaṃ dāsaṃ śrayiṣyasi ||

dāsitvañca dṛśīnāntu ninditaṃ subhrugamyatām |
iti ḍolāyitā caṇḍī śīghrukṣurjanakātmajām ||

uṭajadvāranikaṭe rāmeṇa pratiṣedhitā |
lakṣmaṇastūrṇamutthāya karavālena vīryavān ||

karṇaustanau nāsikāṃ cācchinadrāma śāsanāt |
karṇanāsāpaharaṇaṃ śṛṇvatāṃ paṭhatāṃ sadā ||

na jātu mānabhaṅgassyāt raghunāthaprasādataḥ |

kharaṃ janasthānagataṃ kharasvanā
kharādirakṣaḥ kulanāśakāriṇī |
kharāṃśu malestanayasya rakṣasā-
masau prahārāya kṛte vadūtikā ||

kharaḥ kharānkhaṭṭajanārivargān
vyagraḥ prayāṇāya samādideśa |
rāmopi tānrukya suvarṇa puṃkhaiḥ
vyasūṃścakārāpratimaprabhāvaḥ ||

caturdaśasahasrāṇāṃ saṅgrāmeṣvanivartinām ||

rakṣasāṃ himakarmāṇāṃ pradhānānāṃ baliyasām |
ekaikasya sahasrāṇāṃ santyeva piśināśanāḥ ||

p. 91)

tānmelayitvā tu kharaḥ palalaṃśana saṃhatim |
samarāya samāśritya rāghavābhyāṃśamabhyagāt ||

rāmo'pi jānakīṃ nyasya dayyāṃ bhrātṛsamanvitām |
sannaddhaḥ kavacī khaṭgī yudhāya samupasthitaḥ ||

khareṇa prahitāśśūrāḥ saṃgrāmeṣva nivartinaḥ |
rāmamāvṛtya bāṇaughaiḥ vavaṣurmuktigāminaḥ ||

sānubandhā niśicarā bāṇairdāritakilviṣāḥ |
rāmamāsādya samare sāyujya padavīṃ gatāḥ ||

kharasya samare rāmaṃ dadṛśussiddhacāraṇāḥ |
taṃ sarve tejasāviṣṭaṃ prādravan vanadevatāḥ ||

rudraśaktyā vilasitandṛṣṭvā rāmakalevaram |
śaṅkhaṃ cakraṃ ca śūlañca pinākaṃ khaiṭameva ca ||

khaṭvāṃ ghaṇṭāṃ ca ḍamarūṃ bāṇaṃ pāśāṅkuśaṃ tathā |
ṭaṃkaṃ vajraṃ ca khaḍgañca paraśuṃ trāṇakāraṇam ||

jaṭāṃ triṇetraṃ bibhrāṇāṃ datiśussiddhacāraṇāḥ |
raṇe rāmeṇa bāṇaughaiḥ chinnābhinnā vidāritāḥ ||

prabhagnaṃ tadbalaṃ sarvaṃ rāmeṇādbhutakarmaṇā |
dṛṣṭvā niṣūditaṃ sarvaṃ sainyaṃ rākṣasapuṅgavaḥ ||

tyaktvā kathaṃ mahāvegāt rāghavaṃ śīghramāyayau |
apāsarpatpratipadaṃ kiñcit tvaritavikramaḥ ||


p. 92)

sthūladehāvavisrasya nāsti kaivalyamaṇvapi |
tasmātprārabdhanāśāya vimokṣyentakaraṃ śaram ||

gṛhītvā vaiṣṇavaṃ cāpaṃ kaṭhorāṃśonvayodbhavaḥ |
kharaṃ prati mahāvegātsasarjaniśitānśarān ||

tānacintya mahāvegānrukmapuṃkhāñchilāśitān |
sakāśaṃ raghunāthasyaṃ vegena pratyapadyata ||


rāmaśśareṇāśujahāra mauliṃ
kirīṭajuṣṭaṃ maṇikuṇḍalāḍhyam |
kalebarā bhūmitaleta pāpātakhaṃ jyotiṣā
dyotitamāśu kurvan ||

utpatejastabako viśāla
murasthalaṃ prāpa raghūttamasya |

smṛtvā raghūttamaṃ martyastyajatyante kalebaram |
rāmasāyujyamāpnoti dṛṣṭe'rthe kiṃ vicitratā ||

vavarpurdevagandharvāssiddhavidyādhararṣayaḥ |
prasūnanikarairvarṣaṃ rāghavaṃ kharadhāninam ||

rājyābhiṣeka samaye śrotavyaṃ vipravākyataḥ |
sthiraṃ rājyamathāsādya ramatendro yathā divam ||

śrutvā śrīrāmavijayaṃ pāpabandhādvimucyate |
tathaiva śṛṅkhalābandhādraṇa bandhāttathaiva ca ||

p. 93)

śrutvā puṣpavatī nārī tanayaṃ vaṃśavardhanam |
labhate rāghavendrasya prasādātkīrtivardhanam ||

purā viśāṃ patiḥ kaścit maṇigupta iti śrutaḥ |
śrutādhyayana saṃpanno vitto vittapatessamaḥ ||

nijāśramocitāndharmān tyaktvārṣīko babhūvaha |
niṣūro nirghṛṇo mūrkho nirātaṅko vaṇikpatiḥ ||

bhikṣukāṇāsrāsamātrandaridrāṇāṃ varāṭakam |
na dadāti ghṛṇāśūnyo ratnaguptābhidho vaṇik ||

ekadā grāmamabhyetya bhikṣurannamayācata |
tantāḍayata vegena daṇḍena sa vaṇikpatiḥ ||

smitvā bhikṣurathaprāha khinnaste pāṇilāghavaḥ |
varāṭakaṃ pragṛhyatvaṃ yantā kiṃ yamamandiram ||

ityuktvā tasya bhavanānniścakrāma dayānidhiḥ |
janmāntarārjitaiḥ puṇyaiḥ cittaśuddhimupāgataḥ ||

vṛdhāmāṃsāni jagdhāni kṛsarāṇi payodanam |
śaṣkulīpiṇḍikāścāpi tilodanamataḥ param ||

sūpodanaṃ pāyasaṃ ca vṛddhā jagdhānyābhukṣṇaśaḥ |
pratyabdaṃ pitṛtṛptiṃ ca na kṛtā dravyavāñchayā ||

taddoṣaśamanārthāya prāyaścittaṃ vidhīyatām |
iti vijñāpitaṃ śrutvā vaiśyasya dvijapuṅgavāḥ ||

p. 94)

āloḍhya sarvaśāstrāṇi cakruḥ pāpavimocanam |
pūrṇakuṃbhaḥ pratiṣṭhāpya kṣaumavastreṇa veṣṭitam ||

śrīrāmapratimāṃ kṛtvā samārādhya yathā vidhi |
tandeśaṃ rākṣasī kācidājagāma yadṛcchayā ||

ityupakramya sarvāṇi jepurdvādaśapuṅgavāḥ |
tandṛṣṭvā śatruhantārammaharṣīṇāṃ sukhāvaham ||

babhūva hṛṣṭā vaidehī bhartāraṃ pariṣasvaje |
ityantairmantranikarairjaptā dvādaśabhūṣurāḥ ||

siṣṭi cu kuṃbhatoyena mukto bhūtpātakaudhataḥ |
aṃkapanoditaṃ śrutvā rāvaṇo rākṣasādhipaḥ ||

mārīcāśrama māsādya vasantantāṭakāsutam |
sahāyaṃ varayāmāsa mārīcannāma rākṣasam ||

vāryamāṇassu bahuśo mārīcena sa rāvaṇaḥ |
nivṛtya laṅkāṃ vegena tūrṇaṃ pratya prapadyata ||

laṅgāṃ śūrpaṇakhī gatvā rāvaṇaṃ prāharākṣasī |
na ca devī na gandharvī nāsurī na ca rākṣasī ||

dṛṣṭapūrvā mayā nārī tvadarthe hartukā mayā |
tadābhyarṇagatā tena vinā sā kāritā balāt ||

tasya bhāryāṃ hara kṣipraṃ tasmā * kṣyati jīvitam |
yuddhena nāvakāśo'sti jetuṃ rāvaṇa karhicit ||

p. 95)

śrutvā daśagrīva guṇānuvarṇanaṃ
sargaṃ viśiṣṭo bhavitā paritryām |
śrīpārvatī śasya padānusevināṃ
na labhyamastyaṇḍa vikṛtsnaloke ||

punarmārīca māsādya varayāmāsa rāvaṇaḥ |
sāhāyyaṃ bahudhā sopi vārayāmāsa rāvaṇam ||

mārīcoktamupaśrutya gurumānbhavati kṣitau |
jānakīmmohayāmāsa mārīcoṣṭāpado mṛgaḥ ||

bhūtvā māyā vikāreṇa sītāṃ māyāsvarūpiṇīm |
māyā sarvānkṣobhayati vinārāghavasevinam ||

rāmo'pi bhāryāvākyena dūraṃ vanamadhāvata |
rāmepuṇā hatasso'pi vissvanaṃ krośanaṃ vyadhāt ||

māṃ rantukāmo vipinaṃ bharatena svayantu vā |
preṣitastava kāmānāṃ nāsti siddhiḥ kadācana ||

upadhāya karantasya kathamanyasya saṃśraye |
na sidhyati mariṣyāmi tavaṭacchanacediha ||

sītākaṭhoravākyena tāḍito rāghavānujaḥ |
visṛjya sītāṃ vegetya pārśvaṃ rāmasya jagmivān ||

tadantare khare yukto rāvaṇenāhṛto rathaḥ |
sītānikaṭamabhyetya darśanaṃ samapadyata ||

p. 96)

taṃ visṛjya śikhi chatrī tridaṇḍī bhikṣuveṣadhṛt |
sītānikaṭamāsādya tasthau brahma udīrayan ||

āgataṃ yatinaṃ vīkṣyā narcacāyatalocanā |
yatīnāṃ pūjanaṃ kāryaṃ striyā vā puruṣeṇa vā ||

yasya gehe yatirbhuṅkte tasya bhuṅkte harissvayam |
yasya gehe harirbhuṅkte tasya bhuṅkte jagattrayam ||

sītārāvaṇasaṃvādaṃ ye śṛṇvanti narottamāḥ |
na jātu teṣāṃ pāpebhyaḥ pīḍā tasya bhaviṣyati ||

daśagrīvaṃ pratiprāha tadā sītā yaśasvinī |
mama bhartā mahātejā vayasā pañcaviṃśakaḥ ||

aṣṭādaśa ca varṣāṇi gaṇyante mama janmani |
bhakārārṇamuniḥ prāha navamaṃ munisiddhidam ||

yadantaraṃ sihmasṛgālayorvane
yadantaraṃ syandinikā samudrayoḥ |
yadantaraṃ kāñcana sīsalohayoḥ
yadantaraṃ madgumayūrayorvane ||

yadantaraṃ hasti viḍālayorvane
tadantaraṃ dāśarathestavaiva ca |

ityādi vākyanikaraṃ śṛṇvatāṃ bhūtanāśanam |
raghunāthasamā loke sati kimmanujeśubham ||

p. 97)

svarūpaṃ rāvaṇaṃ prāpya gṛhītuñjanakātmajām |
prāptavānnikaṭaṃ tūrṇaṃ gṛhaḥ khe rohiṇī viva ||

vāmena sītāṃ padmākṣīṃ mūrdhajeṣu kareṇa saḥ |
ūrvāstu dakṣiṇenaiva parijagrāha pāṇinā ||

tandṛṣṭvā giriśṛṅgābhaṃ tīkṣṇadaṃṣṭraṃ mahābhujam |
prādravanmṛtyusaṃkāśaṃ bhayārtā vanadevatāḥ ||

chāyā grāhitvamasyāsti sarvavidyāviśārade |
keśacchāyāṃ parāmṛśya jānuchāyāntathaiva ca ||

gṛhītvā jānakīṃ hṛṣṭo laṅkāṃ prāyātsarāvaṇaḥ |
sītāpahāraśravaṇaṃ ye kurvanti narottamāḥ ||

na teṣāṃ vimukhā devī bhaviṣyati kadācana |
ajñānaṃ vilayaṃ yāti rāghavasya prasādataḥ ||

krośantīṃ rāmarāmeti vīkṣyanyagrodhamāśritaḥ |
rāvaṇaṃ yodhayāmāsa sītāmokṣaṇakāraṇāt ||

chatraṃ bāhuṃ tasya mauliṃ cāpaṃ sāṅgrāmikaṃ rathaṃ |
kharānkeśānnakhaistuṇḍairalāvīdrāmahetave ||

śrutvā khageśvarasyāpi rakṣasāmīśvarasya ca |
āyodhanaṃ raṇānmukto bhṛtya svāmikṛtānnijāt ||

rāvaṇo khaṇḍayatpakṣau candrahāsena vīryavān |
sītāṃ gṛhītvā ca punardakṣiṇāśāṃ yayau balāt ||

p. 98)

rāvaṇāṅkagatā sītā śuśubhe madirekṣaṇā |
kālikā madhyagā śaṃpā yathā vyomni prakāśate ||

tasyāḥ kauśeyamuddhutamākāśe hāṭakaprabham |
pāṭitaṃ vāyunā pārśvāt kucamaṇḍalamaṇḍanam ||

tasminnābharaṇaṃ badhvā celakhaṇḍe mahīsutā |
giripravaramadhyasthān pañcavānarasattamān ||

uddiśya pātayāmāsa rāvaṇo naiva buddhavān |
visrastaṃ bhūsutāyāstu kvaciddhammikasaṃhati ||

galitaṃ bhūsutāyāstu kvacitkañcukabandhanam |
abalena yutandevyā kvacittāmbūlacarvitam ||

kvacitstriyaḥ kvacitpuṃsaḥ tattadvastu vilepanam |
cakrurdavyā kṛtaṃ yasmāttasmātsarve priye ime ||

sītāpahāramārabhya laṅkāyāṃ sthāpanāvadhi |
śravaṇācchāstravihitājjeṣṭhā devī vimuñcati ||

sītārāvaṇasaṃvādaṃ rākṣasīnāñca tarjanam |
sītā pratyuktikathanaṃ ye śṛṇvanti narottamāḥ ||

vidhūtapāpāste yānti brahmalokaṃ sanātanam |
aśokavanikāmadhye pūjitā janakātmajā ||

āste maghavatā datta pāyasānnena jīvikā |
rāmo māyāmṛgaṃ hatvā nyavartana mahāpathi ||

p. 99)

śakunaṃ vāyasaṃ cāpi lakṣmaṇasya ca darśanam |
sītādurukti kathanaṃ lakṣmaṇasya mukhācchrutam ||

śrutvā na jātu pīḍā syādabhiśāpakṛtaṃ maha |
atra te kathayiṣyāmi itihāsaṃ jagātmaje ||

purā purūkhābhikhyo rājā dharmaparāyaṇaḥ |
tapastaptvā makhairiṣṭvā kṛtvā dānānyabhīkṣṇaśaḥ ||

urvaśīṃ lokavikhyātāṃ rantukāmena bhūbhujā |
prasādo bhavitā niyamurvaśyā me salokatā ||

vihāro bhavitā nityamiti kāmārṣaṇaṃ vyadhāt |
labdhvācāpsarasāṃ mukhyamaramadbahuvatsaram ||

indreṇa bheditā veśyā tasyotkarṣāsahiṣṇunā |
caraṇe nāhananmaulau purūsvasamurvaśī ||

na jātustraiṇasakhyāni santi sālāvṛkāssamṛtāḥ |
rājānamapi kāmārtaṃ padā śīghramatāḍayat ||

papāta bhūtale svargādurvaśīcaraṇāhataḥ |
bhūmau sthitvā parāmṛśya jñātvā divyena cakṣuṣā ||

aśapatkrodhatāmrākṣasvarveṇyāṃ madagarvitām |
he jāye mannasātiṣṭha iti proktammayāpurā ||

tvayā vimṛśya madvākyaṃ haṭhādindreṇa coditā |
pādena tāḍito yasmāt bhage rogaḥ prajāyatām ||

p. 100)

ye veśīmupayāntyajñā vedaniṣṭhairbahiṣkṛtāḥ |
bhaveyuḥ karmma vimukhā grandhilaśśūlarogiṇaḥ ||

apivā mātaraṃ gacchennagaccheddeva dārikām |
mātṛkalpāṃ svaliṅgasya chedanammunibhissmṛtam ||

rūpā jīvāsunā satye niṣkṛtirmunibhiḥ smṛtā |
iti śapte tāndevānśarajālena rāvaṇaḥ ||

viṣedurdevagandharvā dānavāścāraṇaissaha |
rāmamārtantadā dṛṣṭvā tyaktvā tūṣṇīnnyavīviśan ||

vasiṣṭho nṛpaśāpena tyaktvā dehamacetanam |
satyalokeśvaraṃ natvā punardehamayācata ||

vasiṣṭhena samājñaptaḥ kṣetraśuddhimathākarot |
brahma diviṣadāṃ guptyai śāpaśuddhimatanvata ||

punarevoditaśśāpo hyapsarassu na duṣyati |
mānuṣīṣu bhaveddoṣo rūpā jīvāsu kāmiṣṭha ||

parṇaśālāmathāgatya śūnyāṃ prekṣyātha rāghavaḥ |
cakrośa sītāmudvīkṣya pakvatālaphalastanīm ||

bimboṣṭhīṃ kadalīkāṇḍajaṅghāṃ bilvopamastanīm |
kāmāturāṇāṃ kāmyeṣu prītiritthaṃ bhaviṣyati ||

itthaṃ brahmaṇī cedvṛttistasya muktirbhaviṣyati |
iti dyotayituṃ rāmo rurododdiśya gehinīm ||

p. 101)

sītāmanvekṣamāṇau tau dadṛśāte raṇakṣitau |
kṣatajārdrammahākāyammumurṣuṃ pakṣipārthivam ||

dayāñcakāra śrīrāmo bhāryā rakṣaṇatoṣitaḥ |
bāṇamokṣeṇa pāpānāṃ gṛdhraṃ dagdhumathaicchata ||

darśanājjātamājñāya tasmindṛṣṭeti śāsanāt |

gṛdhrarājaḥ-

he rāma bhavatājñapto rakṣitā janakātmajā ||

daśagrīvo jahāraināṃ vaide lagne vimūḍhadhīḥ |
hatvā pakṣau māmakau sa candrahāsena vīryavān ||

keśachāyāṃ parāmṛśya jānuchāyāṃ tathaiva ca |
dakṣiṇādiśamākramya laṃkāyāṃ gatavānprabho ||

devīmāmāha rājendra yāvatsaṃbhāṣaṇammama |
bhavatā tāvadāstāmme prāṇā ityāha jānakī ||

ityuktvā sa jahau prāṇānrādhavendrasya sannidhau |
kaṅkācale samārādhya maheśaṃ labdhavānvaram ||

tasmātsvarūpaṃ gatavānraghunāthasya pakṣirāṭ |
jayayossaṃskṛtiṃ śrutvā svarlokaṃ yātimānavaḥ ||

pluṣṭissañcitapāpānāṃ prārabdhānāṃ bhaviṣyati |
dāhodyuktaṃ raghuvaraṃ prāha vāgaśarīriṇī ||

śmaśānarahite rāma kuru saṃskāramasya tu |

p. 102)

ityukto divyayā vāṇyā rāmassaumitriṇā saha ||

dagdhumudyogamāsthāya jaṭāyossamahītale |
tatra cāpyaśarīrākhyā vāṇī provāca rāghavam ||

atra pūrvaṃ śatandagdhaṃ jaṭāyūnāṃ tvayā purā |
ityuktaṃ kṣmātalaṃ sarvaṃ vilokya pitṛkānanam ||

vāmorau dāhamakarojjaṭāyormuktihetave |
lakṣmī tadbhāgamutsṛjya gatā vakṣasthalaṃ hareḥ ||

dakṣiṇaṃ kaustubhākrāntaṃ rāghavendrasya sarvadā |
vinā śrāddhaṃ samākarṇya pitarastṛptigāminaḥ ||

yajjātayo mṛtiṃ yāyāttajjātīyāṃśca pūjayet |
brāhmaṇaḥ prathamaṃ pūjyajātīyāstadanantaram ||

rāmo nārāyaṇo devassītālakṣmīti kīrtitā |
rāvaṇena parāmṛṣṭā keśādvedavatī vibho ||

sītāvedavatī deva daśagrīveṇa rakṣasā |
śritavai kuṇṭhabhavanā pūrṇāṃśenāvatīrṇavān ||

lakṣmīḥ kutrasthitā deva hariṃ nityāśritā svayam |
sītālakṣmyorbhidākantu abhedo vā vadasva me ||

bhede kutra sthitā lakṣmīrabhede dūṣaṇaṃ śṛṇu |
kena bhūlokagamanaṃ bhavatritayasaṃbhavaḥ ||

kasmallaṅkānivāsaśca rākṣasīnāṃ ca tarjjanam |

p. 103)

haraṇaṃ rāvaṇenāpi kena viṣṇoḥ priyā bhavet |

maheśvaraḥ-

bhedābhedo'sti sītāyā ramāyāḥ kāraṇāntarāt |
purā vihārasamaye lakṣmī kaustubhamadhyagā ||

svachāyāṃ vīkṣya sāpatnaśaṅkayā kupitā bhavat |
tāṃ harissāntvayāmāsa kupitāmitarāṃ bhṛśam ||

anyāṃ vibharṣi daurātmyāmmāmati kramya vakṣasi |
satyantvatsadṛśīmanyāṃ lokānugrahakāmyayā ||

sānityaṃ śatrubhirhṛtā bhavejjanmani janmani |
tatsarvaṃ lokarakṣāyai nityaṃ bhavatu sundari ||

sāhi vedavatī jātā sañjātā janakātmajā |
indirā raghunāthasya nityamāste suvakṣasi ||

vāmañjaṭāyu saṃskārāttyaktvā dakṣiṇatasthitā |
rāmo godāvarītīre vicinvanjanakātmajām ||

lakṣmaṇena yuto dhanvī sūriṃ pratyapadyata |
tatra liṅgaṃ pratiṣṭhāpya pūjayāmāsa dhūrjaṭim ||

rāmeśvaramiti khyātaṃ sarvāghaughavināśanam |
yandṛṣṭvā manujāssarve brahmajñānaṃ bhajanti te ||

nīvārānnaiḥ praśastaistu praśastaistulasīdalaiḥ |
nīlotpala prasūnaiśca pūjayāmāsa śaṅkaram ||

p. 104)

ārādhito mahādevaḥ prasādamakarotprabhuḥ |
śṛṇu rāghava rājendra yena prāpsyasi jānakīm ||

ito dakṣiṇabhāge tu ṣaṣṭiyojanamātrake |
virūpākṣasya savidhe tuṅgabhadrāsarittaṭe ||

kiṣkindheti purī ramyā nānā plavagasaṅkulā |
tatra vānararājānau vālisugrīvanāmakau ||

tatraiko harirājyārthī mokṣārthīcāparo hariḥ |
tayosteṣāṃ rājyamokṣaṃ vadasva mama śāsanāt ||

samudramadhye setuñca kuru macchāsanādbhavān |
rāvaṇaṃ śivapūjāḍhyaṃ sarvavedopabrahmitam ||

brahmāṇaṃ sarvaśāstrāṇāṃ saṃhartāraṇabhūtale |
hatvā sītāṃ samāsādya svapuraṃ yāsyasi dhruvam ||

itthaṃ rāmeśvarasyājñāṃ prāpyarāmo mahīpatiḥ |
krauñcāraṇyaṃ samāsādya jagāma vipināntaram ||

krośamātre dadarśāgre rākṣasīṃ vikaṭānanām |
tasyāstanau ca karṇau ca nāsikāṃ caiva lakṣmaṇaḥ ||

alāvītkhaḍgadhāreṇa sādradrāvātivegitā |
kabandharāmasaṃvādaṃ ye śṛṇvantyādarānnarāḥ ||

viprāvamānajanitaṃ nāśaṃ kṣipraṃ gamiṣyati |
atretihāsa mākarṇya avadhāraya cetasi ||

p. 105)

purā bhojakaṭe rājā kuntibhoja iti smṛtaḥ |
pṛthivīṃ pālayāmāsa dharmeṇa saminiñjayaḥ ||

tasyābhyarṇaṃ samāsādya viprodaṅkāhvayo vadat |
imāṃ kanyāṃ pratīkṣasva yāvadāgamanaṃ mama ||

kṛtsnaṃ bhūmaṇḍalaṃ dṛṣṭvā kṣipramekṣyāmi bhūpate |
iti rājñe samādihya gatodaṅko mahāmuniḥ ||

dvitrisaṃvatsarātīto śunaśśepābhidho dvijaḥ |
ayācata mahīpālaṃ bhāryeyaṃ dīyatāṃ mama ||

idaṃ śrutvāvanīpālaścintāviṣṭovadadvijam |
nyāsa bhūtā dvijeneyaṃ kanyā yāvatsamāgamaḥ ||

paścādgṛhvīṣva he vipra udaṅkāgamane sati |
ityuktaḥ kupitaḥ prāha śunaśśepo'vanīpatim ||

avicāryaiva śāstraṃ māmajjñānānmūḍhajalpasi |
kanyā bhartṛvaśe deyā kanyāyā bhṛtimicchatā ||

gṛhīte kulahānissyāt mānahānirbhaviṣyati |
ṛtusnātāṃ satīṃ bhāryāṃ na vrajedyadi mānavaḥ ||

brahmahatyāmvāpnoti yāvadārtavya saṃkhyayā |
atretihāsaṃ vakṣyāmi purāvṛttaṃ narādhipa ||

purā kalavaraḥ kaścidvṛkṣaśākhāgra saṃsthitaḥ |
madanena parītāṅgo bhāryāṃ rantumathāhvayat ||

p. 106)

vṛkṣāgre saṃsthito nāthāgeyaṃ kiṃ śākhinaśśikhā |
pateyaṃ patitā bhūmāvadhyāste brāhmaṇabruvaḥ ||

tasya gātreṇa saṃparkaḥ patanāyaiva kevalam |
sādhvīṃ bhāryāṃ vihāyāsau tapastaptuṃ kṛta tvaraḥ ||


tapovanamupāgamya ṛtūnāṃ ṣaṭsamatyagāt ||

brahmahatyāṃ gato vipro ṛtusaṃkhyā yathā bhavet |
tadvadbhavenmama droho dīyatāṃ gehinīṃ mama ||

idaṃ vākyaṃ samākarṇya brāhmaṇāya priyāṃ nṛpaḥ |
na dattavānyācyamāno gehinīṃ praṇayīmapi ||

krodhāddharāpatiṃ prāha śunaśśepābhidho dvijaḥ |
piśāco bhava rājendra bhāryādrohaḥ kṛtoyataḥ ||

kanyāṃ yacchati vṛddhāyanīcāya dhanalipsayā |
kuśīlāya kurūpāya sapreto jāyate naraḥ ||

kanyā yuti pradātavyā yuvatyāḥ prītimicchatā |
tasmādbhartṛvaro deyā pitṛgehe na vāsayet |
sthitāyāṃ mānahānissyādṛtvati kramaṇaṃ tathā ||

nityādīnāṃ ca lopaśca bhaviṣyati na saṃśayaḥ |
ityuktamātre rājāpi piśācatvamupeyivān ||

mantriṇo brāhmaṇaṃ natvā prārthayāñcadrurañjasā |
śunaśśepo vyājahāra kṛpāluśśāpaśāntaye ||

p. 107)

śrutvā rāghavasaṃvādaṃ kabandhena kṛtaṃ mahat |
piśācatvādvimucyeta rājyañcāpi sagacchati ||

ityanugrāhya tāṃ bhāryāṃ gṛhītvā svatapovanam |
śunaśśepe gate rājā piśācatvaṃ samāsthitaḥ ||

gṛhītvā kṣatriyasutaṃ pīḍayāmāsa vegataḥ |
nityaṃ śṛṇoti bhuktyante śrīmadrāmāyaṇaṃ pitā ||

so'pi śrutvā sahaivāste śrīmadrāmāyaṇaṃ dinam |
āraṇyakāṇḍasamaye śrutvā dānavaceṣṭitam ||

vimuktaśāpabandhaśca kuntibhojobhavannṛpaḥ |
śabaryāssakṛtiṃ śrutvā sādhvīnāṃ lokabhāk bhavet ||

śabarīraghunāthasya pādapadmamavandana |
bhakto hariṃ priyaṃ dṛṣṭvā prapattiṃ samyagācaret ||

pādyamaṅgulivicchedamurovinyastamakṣaram |
tannāmakaraṇaṃ cāpi dāsyametaccaturvidham ||

sadbhaktavandanaṃ cāpi bhaktānaṃ ca prapūjanam |
darśanaṃ smaraṇaṃ cāpi hariprītikaraṃ bhavet ||

na kuryājjāti niyamaṃ na vayaḥ prekṣaṇaṃ tathā |
kuryānnamaskṛtiṃ so'pi namaskuryādhareriti ||

bhaktānāṃ melanaṃ yatra yatra bilvavantathā |
tulasīkānanañcāpi phullapadmavanaṃ tathā ||

p. 108)

nityamāste haristatra ramayā śaṅkhacakrabhṛt |
paṃpātīraruhānvṛkṣān phulla puṣpairalaṃkṛtān ||

kāsārānphullakamalānnīlotpala jhaṣākulān |
vidyādharānucaritān kinnarībhistathaiva ca ||

gajasihma samākīrṇamudīrṇa śarabhāyutam |
upetamamalaiścaiva mṛgairmṛdunināditam ||

viśatuḥ kramaśo vīrau araṇyaṃ śubhakānanam |
jānavyā rahitau vīrau kodaṇḍapravarānvitau ||

śṛṇvantau prītijananammayurānmadhukāñchubhān |
śrotraramyānsumadhurāñchabdānnaramukheritān ||

sarvatra phaladānramyān sarvatrakusumojjvalān |
paśyantau pādapāṃścāpi phalabhārābhinamritān ||

āmrānāmrātakān phullānnālikerānsatindukān |
ajñātakāṃstathā jīrān ḍāḍimān bījapūrakān ||

panasālli kucānmocān kharjūrānāmravetasān |
pārāvatāṃśca jambīrān nimbāścāpi manoramān ||

bilvānkapitthajambūkān kāṣmarīvadarīstathā |
plakṣānuduṃbarānvaṃśānvakulānkṣīriṇastathā ||

bhallātakānāmalakānhārītakavibhītakān |
iṅgudānkaravīrāṃśca tilakāṃśca mahāphalān ||

p. 109)

etānanyāṃśca vividhāndadarśa nalinītaṭe |
tathiva caṃpakāśokānketakānvakulāstathā ||

pārijātānkovidārāndevadārutarūṃstathā |
dadarśa rāghavastatra paṃpātīrasamutthitān ||

āraṇyakāṇḍa māhātmyaṃ ye śṛṇvanti mahītale |
śrīrāghavaprasādena viṣṇulokavināsinaḥ ||

śālmalīstindukāśoka śiṃśupāṃstaralāṃstathā |

iti śrīmamāsaṃhitāyāṃ śrīmadāraṇyakāṇḍakathāphalavarṇanaṃ nāma  
navamodhyāyaḥ ||

(śrīrāmaśśaraṇaṃ mama)


|| atha daśamodhyāyaḥ ||

satāṃ puṣkaraṇīṃ gatvā padmotpala jhaṣākulām |
rāmassaumitrisahito vilalāpākulendriyaḥ ||

maheśvaraḥ-

kiṣkindhākāṇḍamāhātmyaṃ pravakṣyāmi girīndraje |
rāmo vasantamālakṣya vilalāpākulendriyaḥ ||

anaṅgabāṇābhihataḥ kākathā prākṛte jane |

p. 110)

vasanto malayo vāyuḥ puṣpāṇi surabhīṇi ca ||

jyotsnā ca candanaṃ pakṣī kāmo dyotakarāṇi vai |
vai mukhyaṃ gataphalyāstu bhramarānaśapatprabhuḥ ||

kokāgnibhiśīthe viśleṣaṃ pikamanyavivardhanam |
candanaṃ sarpanilayaṃ vāyuṃ sarpāśanaṃ tathā ||

jyotsnāṃ kalaṅkasahitāṃ śaśāpa raghunandanaḥ |
kāmināṃ gatirākhyātā sarvācāravidhāyinā ||

sītāvirahasantapto rāmo duḥkhīvadṛśyate |
viśiṣṭacāpaṃ śrīmaṃ dṛṣṭvā vegena dudruve ||

sugrīvo mārutiṃ tatra preṣayāmāsa rāghave |
māruti preṣaṇaṃ bhutvā sadguruṃ labhate naraḥ ||

rāmamārutisaṃvāda śravaṇādrājyamāpnuyāt |
kuṇḍalaṃ vāyutanaye dṛṣṭvā dṛśya raghūdvahaḥ ||

prāśaṃsata hanūmantaṃ rāghavonayalaṃpaṭaḥ |

umā-

bhavadrūpasya rāmasya sugrīve praṇatiḥ katham |
vadanissaṃśayaṃ deva deveśa mama vallabha ||

maheśvaraḥ-

vidyate hṛdayagranthiḥ chidyante sarvasaṃśayāḥ |
kṣīyante cāsya karmāṇi tasmindṛṣṭe parāvare ||

p. 111)

rāmadarśanamātreṇa gatakarmanibandhanaḥ |
svābhinnatvānnamaskāratve sve mahimni pratiṣṭhitaḥ ||

harī ṛkṣarajā nāma brahmaṇo mānasassutaḥ |
satyaloke mahodyāne sañcacāra yadṛcchayā ||

sūryātapaparipluṣṭasvinnagātraḥ pipāsitaḥ |
kalyāṇasarasisnātastenāsīttaruṇī vadhūḥ ||

darśanārthaṃ padmayone rindrogacchadyadṛcchayā |
tāṃ dṛṣṭvā kāmayadvajrī brahmaṇo viṣaye prabho ||

putramutpātayāmāsa bhaviṣyatkāryagauravāt |
bhāskaro'pi vidhiṃ draṣṭumāgataḥ prekṣya sundarīm ||

ramayāmāsa kāmārtaḥ putrojajñe diviśrutaḥ |
jyeṣṭho vālīti vikhyātassugrīvastadanantaraḥ ||

mahāvaṃśa prasūtānāṃ namaskāropi yujyate |
paribhraṣṭo daśāntena daśābhāgena sevyate ||

daśābhāgagato hīne namaskāro vidhīyate |
yadyadācarati śreṣṭhastattadevetaro janaḥ ||

iti dyotayituṃ prokto lakṣmaṇena namaskriyā |
rāghavendraharīndrasya sakhyamagnipuraskṛtam ||

apāṃsulo bhavecchrutvā agnisākṣikṛto yataḥ |
sītā kapīndra kṣaṇadācarāṇāṃ rājīva hemajvalanopamāni ||

p. 112)

sugrīvarāma praṇaya prasaṅge vāmāni netrāṇi saptaṃ sphuranti |
tasminkṣaṇe dakṣiṇamāyatākṣyā mayodbhavāyāḥ paritonanarta |
dṛṣṭvā vicitraṃ paritāpayuktaṃ viṃśadbhujaṃ vākyamuvāca sādhvī ||

kālekāle vicitrāṇi dṛśyante kṣaṇadācara |
aśubhāni nimittāni teṣāṃ śāntiṃ vadāmite ||

sītā pradeyā rāmāya namaskāra purassaram |
anyonya duḥkhasallāpaṃ śrutvā duḥkhādvimucyate ||

vidhābalaṃ daivabalaṃ jñānaṃ bandhubalaṃ tathā |
senābalaṃ bhavettasya vālino balakīrtanāt ||

ātmaślāghā ca maraṇaṃ paranindā ca tatsamaḥ |
viśvāsapātakaścaiva akriyasya vadhastathā ||

sugrīvadattaṃ vīkṣyaiva sītāyā divyabhūṣaṇam |

lakṣmaṇaḥ-

nāhaṃ jānāmi keyūre nāhaṃ jānāmi kuṇḍale ||

nūpuretvabhijānāmi nityaṃ pādābhivandanāt |

śākhā mṛgendravacasāraghunāyako'pi
kodaṇḍaraktakaramāttaśaraṃ vidhāya |
pādāgrapīḍanavaśena phaṇidharendramauli
sthitān kṣiti ruhānṛjumeva cakre ||

saptabhūmiṃ saptagiriṃ saptasālānmahābalān ||

p. 113)

kadambo vegasaṃpanno bhitvā tūṇīramāviśat |
sugrīvāśvāsanaṃ caiva vālino balavarṇanam ||

girīṇāṃ bhedanaṃ caiva kiṣkindhāgamanaṃ tathā |
vālisugrīvayoryuddhaṃ śrutvā niyamapūrvakam ||

yuddhe vijayamāpnoti vālino vijayo yathā |

umā-

vālisugrīvayoryuddhe adṛśyaḥ kena rāghavaḥ ||

saṃśayaṃ vada mannātha saṃśayachedako bhavān |

maheśvaraḥ-

asurāśca surāścāpi saṃbhūya brahmaṇo'ntikam |
gatvā papracchuramarā yotsyāmaḥ kena karmaṇā ||

manthānaṃ mandaraṃ kṛtvā yoktraṃ kṛtvā ca vāsikim |
manthane kriyatāṃ yatno yāvatpīyūṣadarśanam ||

itthaṃ padmabhuvā proktāḥ sametya asurāssurāḥ |
mamanthuḥ kalaśāṃbhodhiṃ pīyūṣotpattilipsayā ||

vaktraṃ devāsurāḥ pucchaṃ vicakarṣurarindamāḥ |
viṣāgninā dahyamānānvīkṣya devo harissurān ||

uttamānāḥ karṣayadhvamuttamā itaraṃ pare |
ityūcivāñchārṅgapāṇirvaktraṃ daityā athāgrahīt ||

pucchākarṣaṇa saktānāṃ surāṇāṃ kleśaśāntaye |

p. 114)

āhūya vālinaṃ devo datvā varamanuttamam ||

pratīvartino bhūyādardhaṃ balamarindrama |
iti datvā varandevaḥ kāñcanaṃ kamalasrajam ||

pradāya vānarendrāya mamarddhikalaśāṃbudhim |
tayā bhūṣitakarṇasya balaṃ prajñānameva ca ||

śobhante vardhate nityaṃ kāñcanāṃ nujadhāraṇāt |

umā-

rāmeṇa nidhanaṃ bāleranyena pariyudhyataḥ ||

ayuktañchadmanā yuddhaṃ pracchanna nidhanaṃ tathā |
vihāra bharaṇārthāya devakāryacikīrṣayā ||

avatīrṇo haririti śrūyate bālakāṇḍake |
na tasya mitraṃ na dveṣṭā lābhālābhe priyā priye ||

kalaśābdhestaṭe devaṃ śaṅkhacakragadādharam |
saṃprāpya vedhasādiṣṭāssṛjadhvaṃ kāmarūpiṇaḥ ||

asaṃhāryaguṇopetā na prameya parākramān |
vālīrindrātsamutpannassugrīvo bhāskarāttataḥ ||

kṛpīḍayonerutpanno nīlo haricamūpatiḥ |
mṛtyossakāśādrudrāṃśādutpanno hanumānkapiḥ ||

umā-

somāyanni-ṛterjātassuṣeṇo varuṇātmajaḥ |

p. 115)

mṛtyossakāśādutpannāḥ pañcavānarasattamāḥ ||

indrātmaje harīndre tu nidhanaṃ lokagatam |

maheśvaraḥ-

lakṣmīścandrādapeyādvā himavānvā himaṃ tyajet ||

rāmastyajenna pratijñāṃ samudro vijalo yadi |
sugrīvāya pratijñātaṃ vālino nidhanaṃ prati ||

śrīmatā sahasaṃbandho na me lakṣmaṇa rocate |
gate tu mānahānissyādāgate tu dhanakṣayam ||

tasmātsugīva sakhyaṃ tu rocate mama sāṃpratam |
adṛśyenaiva gantavyamanyathā śaraṇaṃ vrajet ||

manasā vacasā vāpi kāyenāpi namedyadi |
sakṛdeva prapannāya tavāsmīti ca yācate ||

abhayaṃ sarvabhūtebhyo dadāmyetadbratammama |
abhaye vārthine datte pratijñā parihīyate ||

rāvaṇasya sahāyācca rāvaṇopi vrajet mām |
rāvaṇasya vadhābhāvādavatāraphalaṃ na hi ||

pūrvāparabhavaṃ vīkṣya vālernidhanamiṣyate |
anyathā raghunāthasya yaśo hīyeta pārvati ||

tārāpralāpamākarṇya vālino nidhanaṃ tathā |
kapīndrasaṃskṛtiṃ śrutvā nārī avidhavā bhavet ||

p. 116)

dīrghāyuṣyaṃ bhavedbhartuḥ putriṇī sā bhaviṣyati |
hanūmatpramukhairvīrairlakṣmaṇapramukhairdvijaiḥ ||

abhiṣekañca tārāyā rumāyāḥ prāptimuttamām |
sugrīvasya sadā śrutvā rājyalābhaṃ sa gacchati ||

śṛṇoti yā strī tārāyāssugrīveṇa samāgamam |
achinnaprītisaṃyuktā ramate nāyakena sā ||

umā-

putrabhāryā śiṣyabhāryā kaniṣṭhabhrātureva ca |
snuṣā ca jyeṣṭhabhāryā ca mātulasya kuṭumbinī ||

mātṛkalmā iti khyātāḥ kathantārāsamāgamaḥ |
snuṣāgame vidhikṛtā saṃsargaṃ lokaninditam ||

maheśvaraḥ-

ayonijāsvaṅganāsu gamane naiva kilviṣam |
śāpātpurastāddoṣāya śvetaketoḥ purāṅganā ||

tārāyāssaṃbhavaṃ devi śṛṇu kṣīrābdhimanthane |
tāralakṣmī paśuścaiva kalmavṛkṣastathaiva ca ||

ahalyāpsarasaścaiva samutpannāhi sundrari |
karāgraṃ dakṣiṇaṃ vālī suṣeṇo vāmamagrahīt ||

mameyamiti niścitya kaliranyonyamudvabhau |
devaissuṣeṇasya kare pratīti pratipādita ||

p. 117)

suṣeṇo duhitāyāstu svayaṃ varamakalpayat |
brāhme muhūrte utthāya pūrvapaścima vāridhau ||

dakṣiṇe uttare caiva snātvā natvāmahe ciram |
virūpākṣābhidhaṃ nityaṃ kalpavṛkṣaprasūnakaiḥ ||

arcayedyadi tasyeyaṃ bhāryā syādvaravarṇini |
evaṃ kṛte vānarendranāśe kuspandituṃ padam ||

vālī krameṇa trirvāraṃ kṛtavānaśrameṇa tu |
itthamuḍhā kapīndreṇa tārā sarvāṅgasundarī ||

sugrīvamekadā rātrau rūpasādṛśya mohitā |
prārthayāmāsa kāmārtā rantuṃ ratipatiprabham ||

ahalyā draupadī sītā tārā mandodarī tathā |
nityayauvanasaṃpannāḥ pātivratyasurānvitāḥ ||

rumāyā yonijātāyā gamanaṃ lokagarhitam |
diśaḥ prasthāpayāmāsa didikṣurjanakātmajām ||

sarvaiḥ pratyakṣadṛṣṭvāt siddhavatkathanaṃ bruvan |
sarve laṅkāpurīṃ gatvā ūṣurvālī padānugāḥ ||

śākhācaṃ kramaṇa nyāyātsarvatra parimārgitum |
udayācalamārabhya yāvastamayācalam ||

mārgitvābhyagamanvīrā yāvatkailāsaparvatam |
nīloṅgado hanūmāṃśca jāmbavānnalakesarī ||

p. 118)

samudratīramāgatya na śekusspandituṃ padam |
rāvaṇasya balaṃ jñātvā tīre nadanadīpateḥ ||

rāmāyaṇa taroskandhāṣṣaṭkāṇḍāni tathottaram |
jānakīraghunāthākhyau phalau nityaphalapradau ||

sugrīvādyā harivarāśśākhā anye dalāssmṛtāḥ |
bharatādyāḥ prasūnāni bradhnaṃ kosalavaṃśajau ||

prācetasā vardhitosau sevyo nityaṃ mumukṣubhiḥ ||

iti śrīmadumāsaṃhitāyāṃ kiṣkindhākāṇḍaphalavarṇanaṃ nāma 
daśamodhyāyaḥ ||


|| atha ekādaśodhyāyaḥ ||


maheśvaraḥ-

tato rāvaṇanītāyāssītāyāśśatrukarśanaḥ |
iyeṣa padamanveṣṭuṃ cāraṇā carite pathi ||

madhye samudramutpannā hyantarāyā pṛthak pṛthak |
tāni sarvāṇi naṣṭāni dānamaśrotriye yathā ||

śrīrāmasevināṃ nṝṇāṃ na kadācidbhayaṃ priye |

p. 119)

śrīrāmasmaraṇā deva taranti bhavasārān ||

rāmāṅkitakaro vārdhintīrṇavāñcitrameva kim |
sundaraṃ prathamaṃ śrutvā hanūmadvikramāṅkitam ||

jvarāpasmārakuṣṭhādi bhūtavetālanāśanam |
bhuktyante japato madavisāyujyaṃ bhavati dhruvam ||

purā kāmbojaviṣaye yauvanāśva iti śrutaḥ |
brāhmaṇo jaṭilo nityaṃ śivapūjāparāyaṇaḥ ||

upavāsamiṣeṇaiva mohayāmāsa laukikān |
śaktikṣetraṃ samāsādya uvāsa bahuvatsaram ||

arcitaṃ kusumaṃ cāpi pañcagavyaphalāni ca |
kenāpi naiva bhojyāni andhakūpe vinikṣipet ||

ṣaṇmāsaṃ tatphalāśī ca kṣīrājya madhusevakaḥ |
apasmārī sa janitā tasminjanmani sa dvijaḥ ||

evaṃ gate bahudine brāhmaṇaṃ gādhivaṃśajam |
praṇamya svasya vṛttāntaṃ svadehasthitimeva ca ||

so'pi dhyātvopadiśati sundaraṃ prathamaṃ manum |
sundara prathamamantrasya vālmīki ṛṣiḥ anuṣṭupchandaḥ añjaneyo devatā

|| dhyānam ||

āñjaneyamati pāṭalānanaṃ kāñcanādri kamanīyavigraham |
pārijātatarumūlavāsinaṃ bhāvayāmi pavamānanandanam ||

p. 120)

iti dhyātvā japenmartyo mārutermanumādarāt |
hanumānañjanāsūnurvāyuputro mahābalaḥ ||

kapīndraḥ piṅgalākṣaśca laṅkādvīpabhayaṃkaraḥ |
prabhañjanasuto vīrassītāśokavināśanaḥ ||

akṣahantā rāmasakho rāmakāryadhurandharaḥ |
mahauṣadhigirerhārī vānara prāṇadāyakaḥ ||

vārīśatārakaścaiva mainākagiribhañjanaḥ |
nirañjano jitakrodhaḥ kadalīvanasaṃvṛtaḥ ||

ūrdhvaretā mahāsatvassarvatantra pravartakaḥ |
mahāliṅgapratiṣṭhātā bhāṣyakṛjjapatāṃ varaḥ ||

śivadhyānarato nityaṃ śivapūjāṃ parāyaṇaḥ |
itthameva japennityamuvāsa katicitsamāḥ ||

tena śāntissamabhavadapasmāraśca sundari |
pradoṣe prāviśatlaṅkā moturmānadharo hariḥ ||

laṃkā praveśasamaye laṅkānāma niśācarī |
padmāsanāllabdhavarā tāḍayāmāsa vānaram ||

nārītimanyamānena tāḍitā vāmabāhunā |
vihvalā vītadaśanā papāta samarakṣitau ||

vihvalāṃ bhaginīṃ jñātvā brahmalokaṃ niśācarī |
hanūmadgrahaṇavyagrā karkaṭā tāḍayatsvayam ||

p. 121)

tāṃ jñātvā lokasaṃhārīṃ taddhastādvaktradaṇḍakam |
gṛhītvā tāḍayāmāsa papāta ca mamāra ca ||

tasminkṣaṇe samāyāto brahmā lokapitāmahaḥ |
provāca rāmadūtantaṃ krodhaviṣphāritoṣṭakam ||

jñānitvaṃ doṣarāhityamākalpa parivartanam |
datvā madantike baddhā sthāpitā lokaghātinī ||

māmanādṛtya sā caṇḍī viṣūciloka māriṇī |
iyaṃ lokahitāyaiva pavanātmajatāḍitā ||

anayā pīḍyamānānāṃ narāṇāṃ martumicchatām |
tvannāmasmaraṇādeva tvanmantra paṭhanādapi ||

tvadarcā pūjanāccāpi brāhmaṇānāṃ tu pūjanāt |
śāntinityaṃ bhavetyeva iyañjīva tu mārute ||

ityuktvā tāṃ samādāya vedhā lokapitāmahaḥ |
cacāra mārutirlaṅkāṃ rākṣasānāṃ kulekule ||

dadarśa rākṣasāṃstatra vedaghoṣa samanvitān |
agnihotrāśca vedāśca rākṣasānāṃ kule kule ||

dayā satyaṃ ca śaucañca rākṣasānāṃ na vidyate |
darbhamuṣṭipraharaṇāndadarśa brahmarākṣasān ||

dadarśarākṣasendrasya ṛ mantaḥ puraṃ mahat |
prasuptaṃ strivaṇantatra yauvataṃ mājiṇaṃ tathā ||

p. 122)

tatra mandodarīṃ nāma bhāryāmantaḥ pureśvarīm |
prekṣya sītādhiyā tatra vānaratvaṃ pradarśivān ||

sṛkviṇyā jalanisrāvādvidhaveyaṃ bhaviṣyati |
naiva sītā viśiṣṭāṅgī rāvaṇasya priyā bhavet ||

madyaśālāṃ dadarśātha mārgamāyurakukkuṭān |
ardhārdha bhakṣitāṃścāpi dadarśa sphuṭitāntathā ||

umā-

brāhmaṇairna surā peyā gau prānnadyā pāpakāriṇī |
surakalmānya bhakṣyāṇi śrutistu na surāṃ pibet ||

ārdrakaṃ saguḍaṃ madyaṃ saikṣavaṃ vā darantathā |
nālikerāṃbukāṃsye ca radhnā sammiśrito guḍaḥ ||

sarṣapaṃ caiva takresyāttāmre gavyaṃ surāsamamam |
tāmre guḍarasaṃ caiva surayā tulitaṃ budhaiḥ ||

saśabdabhakṣaṇaṃ cāpi tarjanyā dantadhāvanam |
mūdraprekṣita bhuktiśca puṣpiṇīmukhasevanam ||

akālebhyañjanaṃ cāpi śiṣṭatailasya bhakṣaṇam |
palaṇḍuñca palāṇḍuñca pīyūṣaṃ gṛñjanaṃ tathā ||

kandāñca raktaṃ kandāṃ ca raktaśigruntathaiva ca |
kośātakīṃ kambalākhyāṃ strībhirbhuktāvaśiṣṭakam ||

ityādi varjanīyam ||

p. 123)

na doṣo mātṛkalpāsu paralokapradīpakaḥ |

maheśvaraḥ-

śukraśāpātpurādevi surāpānaṃ na duṣyati |
śvetaketoḥ purā śāpāt paradārā na duṣyati ||

aśokavanikāmadhye śiṃśupāmūlamāśritām |
dadarśa hanumāṃstatra nirānandāṃ rupasvinīm ||

sītādarśanamākarṇya vītaśoko bhaṣyati |
lakṣmīstasya gṛhe nityamanapāyā bhaviṣyati ||

putravṛddhirjñānavṛddhirdhanavṛddhistathaiva ca |
gṛhārāmakalatrāṇāṃ nityaṃ vṛddhirbhaviṣyati ||

niśātṛtīye madapūrṇadṛṣṭiḥ
sītāṃ smaranyauvanamanvitassaḥ |
anantadīpaprabhayā prakāśayan
samāyayā śokavanasthalīṃ tataḥ ||

aśokaparṇe maśaka pramāṇaḥ
sītānduruktāṃ paribhatsyamānām |
virāvaṇaṃ rāvaṇa mātatāyinaṃ
provāca sādhvī vṛtamārgadarśinī ||

natvāṃ kurmi daśagrīva bhasma bhasmārhatejasā |
tapaḥ kṣayādyaśohāvermatpatessahyate mayā ||

p. 124)

umā-

sītāyā grahaṇaṃ nityaṃ durukti kathanaṃ tathā |
sītā tarjitavākyena saṃśayo jāyate mama ||

pativratāyā niśvāso vīkṣaṇaṃ kopasaṃyutam |
abhrūṇāṃ caiva patanaṃ kulandahati vahnivat ||

citā dhūmākulapathā gṛdhramaṇḍalamaṇḍitā |
hatanāthā hatajanā śmaśānasadṛśī bhavet ||

iti śaptaṃ bhūsutayā iyaṃ sā duḥkhinī katham |

maheśvaraḥ-

rāme viraladantatvaṃ lakṣmaṇe pādakiṅkiṇī |
sītāyā bhinnaromāṇi tasmātkleśasahiṣṇutā ||

atretihāsaṃ vakṣyāmi śṛṇu śailasute priye |
purā rāthantare kalpe vartamāne kalau yuge ||

kalpāsukhadhārthāya gate mayi śucismite |
andhako nāma daityendro brahmadattavaro balī ||

brahmāṇaṃ vajriṇaṃ jitvā cakrapāṇimanantaram |
govardhanaṃ girivaraṃ prāptavāñjayakāṃkṣayā ||

śailādinā samajani janyamanyonyamulbhaṇam |
triśūlakṣatagātrebhya andhakā bahavo bhavan ||

tatra tatrāpi bahavaḥ andhakākāra varcayaḥ |

p. 125)

samutpannāstu taiḥ pūrṇaṃ trailokyaṃ sacarācaram |
parāṅmukho bhavannandī śivasyāntaḥ puraṃ gataḥ ||

tvadgṛhe śemuṣīṃ kṛtvā tvāndhyāyan tripureśvarīm |
tvadrakṣaṇārthaṃ nirdoṣo viṣṇurmāyāvināṃ varaḥ ||

abhyarṇamāgataṃ jñātvā aparṇe sṛjakāminīḥ |
devyo visṛṣṭā deveśi tvadrūpiṇyo varānane ||

tāsvekāṃ parijagrāha mṛḍānīśaṅkayā kila |
vinirgate virūpāsā viṣṇumāyāvaśādabhūt ||

punaranyāṃ ca sāpyevaṃ punaranyā ca sāpyabhūt |
evaṃ kāle bahugate devī krodhavaśaṃgatā ||

navadvārāndurādharṣānnityapuṣṭāṃ karīṣiṇīm |
pīyūṣaparighāṃ divyāṃ divyasaṃskārasaṃskṛtām ||

sraṣṭādhiṣṭhāya nagarī sraṣṭā devyā mahābalāḥ |
nityā ca nityaklinnā ca bhāruṇḍā vahnivāsinī ||

madasruvāyā yoginyo vaśinyādyadyāśśucismitāḥ |
tāssarvā bhakṣayāmāsurdaityānantakavasthitān ||

nityaklinnā ca sahasā jaṭhare rākṣasarṣabham |
kalpaṃ babhāra kalpānte jīrṇobhūdrākṣasarṣabhaḥ ||

tadvaddevyā rāmadevyāḥ pratibimbasamutthitā |
nīlā vedavatī jātā sā jātā janakātmajā ||

p. 126)

lokasaṃrakṣaṇārthāya sodvā tiṣṭhati śobhane |
nirgate rākṣasendre tu rākṣasyaḥ krodhamūrchitāḥ ||

bhartsanārthāya tāṃ sītāṃ pṛthagvācamudīrayan |
tṛṇavadbhāsitaṃ tāsāṃ gaṇayāmāsa jānakī ||

svapnādhyāyamupāśrutya dusvapnannaśyati dhruvam |
rājā daśaratho nāma rathakuñjaravājimān ||

sītā saṃbhāṣaṇaṃ cāpi rāmalakṣmaṇasaṃśanam |
śrīrāmamudrādānaṃ ca ye śṛṇvantyādareṇa tu ||

nirjitya śatrūnsaṅgrāme sthiraṃ rājyaṃ vrajanti te |
abhijñānaṃ dadāmi tvāṃ yena jñāsyati rāghavaḥ ||

matsakāśādanuprāptaṃ citrakaṃ gairikeṇa me |
palālañcandanañcāpi karaṭākṣinibarhaṇam ||

darśanaṃ śvaśurasyāpi matkāṃkṣāṃ lakṣmaṇasya tu |
praviśya daṇḍakāraṇyaṃ śarabhaṅganirīkṣaṇam ||

sutīkṣṇe nābhyanujñātastīrthāṭanadhiyābhuvaḥ |
maṇḍalaṃ paricakrāma rāghavassahasītayā ||

gaṅgāṃ mandākinīṃ caiva citrakūṭagiriṃ tathā |
sītākūpaṃ sadācoṣṇaṃ haridrāsārameva ca ||

revāṃ godāvarīṃ caiva virūpākṣaṃ maheśvaram |
śrīśailaṃ nārasiṃhañca ahovalamanuttamam ||

p. 127)

śrīveṅkaṭaṃ kālahastiṃ kāñcyāṃ hastigirīśvaram |
kāmākṣīṃ cūtanilayāṃ śoṇādriṃ vāmanaṃ tathā ||

śrīmuṣṇaṃ puṇḍarīkaṃ ca vaidyanāthamanuttamam |
śvetāraṇyaṃ mayūrākhyaṃ kāveryā uttare taṭe ||

pīyūṣakalaśaṃ caiva tathā nāgacatuṣṭaye |
pheravākhyanadītīre svardhunītīra eva ca ||

śaktiśokāśvakavane sundarī śrīnivāsake |
kuṃbhaghoṇe sāranāmni śivaliṅgaṃ yathāvidhi ||

pañcāśataṃ mahāliṅgaṃ kāveryāḥ puṇyarodhasi |
mahāliṅgaṃ pratiṣṭhāpya pūjayāmāsa rāghavaḥ ||

nārāyaṇagiriṃ gatvā subrahmaṇyamanuttamam |
kollāpure mahādurgā nāsikāyāṃ tryambakam ||

godāvaryāṃ raghupatissiṃhasthe devamantriṇi |
snātvā santarpya devān tatra śrāddhamakalpayat ||

svayaṃ daśarathastatra bhuktavāṃchrāddhabhojanam |
ṣaṣṭirvarṇasahasrāṇi bhāgīrathyāvagāhanam ||

sakṛdgodāvarīsnānaṃ sihmasthe ca vṛhaspatau |
śaktikṣetragataṃ rāmaṃ provāca bharatānujaḥ ||

madīyaṃ triṇataṃ rāma gṛhnīṣva saśaraṃ bhavān |
labdhvābhijñānamatulaṃ hatvā rākṣasapuṃgavān ||

p. 128)

dagdhvā laṅkāpurīṃ tatra dṛṣṭvā rāvaṇamādarāt |
vānarendrairmadhuvanaṃ bhuṅktā rāghavamāyayau ||

dṛṣṭvā devī mayā mātā akṣatā niyamasthitā |
iti mārutivākyena prīto raghupatirbhṛśam ||

sarvasvabhūtaṃ gṛhṇīṣva pariṣvaṅgo mayā kṛtaḥ |
varaṃ dadāmi piṅgākṣa sarvakāryakaro bhavān ||

tvanmantrajāpināṃ nityaṃ tvannāmasmṛtikāriṇām |
tvadarcāpūjakānāṃ ca janānāṃ niyatātmanām ||

matkathopasthitiryāvadyāvat parvatasaṃsthitiḥ |
yāvaccandraśca sūryaśca tāvattvaṃ sukhito bhava ||

yatra yatra raghunāthakīrtanaṃ tatra tatra kṛtamastakāñjalim |
vāṣpavāriparipūrṇalocanaṃ mārutiṃ namana rākṣasāntakam ||

mocāvane tapastaptvā suciraṃ brahmacintakaḥ |
paścāccaturmukho bhūtvā sṛṣṭvā lokānyathā vidhi ||

tvallokavāsibhissākaṃ matsvarūpamupeṣyasi |
iti datvā varaṃ rāmo māruteḥ kāryagauravāt ||

prasthānaṃ rocayāmāsa rāvaṇasya vadhāya vai |
śrutvā tu pañcamaṃ kāṇḍaṃ hanūmādvijayāṃkitam ||

añjaneya prasādena brahmalokaṃ sa gacchati ||

iti śrīmadumā saṃhitāyāṃ sundarakāṇḍakathā śravaṇaphala 
mahimānuvarṇanaṃ nāmaikādaśodhyāyaḥ ||

śrīrāmaśśaraṇaṃ mama ||


atha dvādaśodhyāyaḥ ||

maheśvaraḥ-

yuddhakāṇḍasya māhātmyaṃ pravakṣyāmi śubhānane |
śrutvā hanūmato vākyaṃ yathāvadanubhāṣitam ||

rāmaḥ prītisamāyukto vākyamuttaramabravīt |
sītāvṛttāntasantuṣṭo rāmo mārutimādarāt ||

abravīnmama bhaktānāmagraṇīrbhava mārute |
prapattiṃ pañcadhā prāpya dehānte muktimeṣyasi ||

lāñchanañcordhva puṇṭraṃ ca madarcāpūjanaṃ tathā |
madbhaktapūjanaṃ cāpi gurau bhaktistathaiva ca ||

devālayakṛtiñcaiva madbhaktānnasya bhakṣaṇam |
tulasī bhakṣaṇaṃ nityaṃ sālagrāmodakāśanam ||

rāmāyaṇādipaṭhanaṃ tasya pūjanameva ca |
abhakṣyāṇāṃ parityāgo vaiṣṇavānāṃ tu sevanam ||

na śūdrā bhagavadbhaktā viprā bhāgavatāssmṛtāḥ |
sarvavarṇeṣu te śūdrā ye hyabhaktā janārdane ||

sarvadharmānparityajya māmekaṃ śaraṇaṃ vraja |
sarvapāpādvimucyante tvāmuddhariṣyāmi saṃsṛteḥ ||

p. 130)

abhakṣyāṇi vadāmyadya paryuṣitaṃ laśunaṃ tathā |
alābugranjanañcaiva śigrukadvitayantathā ||

kūśmāṇḍadvitayaṃ caiva alābudvitayantathā |
kandañca raktakandaṃ ca bṛhatīcaiva jātrakam ||

āśvayujyāṃ paṭolī ca niṣpāvaṃ kārtite tathā |
aṣṭamyāṃ nālikerañca tṛtīyā bhānuvāsare ||

ekādaśyāmahorātraṃ naiva bhojanamācaret |
viśeṣaṃ mama mantrāṇāṃ pravartaka nivartakaḥ ||

bhavānsarvayuge bhūyānmatkūpā paripūritaḥ |
rāmaprasthānamākarṇya pātakā dehapañcajarāt ||

naśyanti tatkṣaṇādeva siṃhastā mṛgā iva |
vāhi vātayataḥ kāntā tāṃ dṛṣṭvā māmapi spṛśa ||

ityādi śravaṇādrāmadarśanādgata kilviṣāḥ |
rāmasandarśanādeva utpanna brahmavedanāḥ ||

parābhavātparādanyānnahi syuriha va vānarāḥ |
darśayanmānuṣīṃ līlā maraudītkāmiva prabhuḥ ||

laṅkādāhe puṣpakāgre viṣṇupadyāmavasthinaḥ |
rāvaṇaḥ punarāgamya mayaṃ dānava sattamam ||

āhūya viśvakarmāṇaṃ kārayāmāsa pattanam |
triṃśadyojana vistāraṃ catvāriṃśatamāyatam ||

p. 131)

raupya prākārasaṃpannaṃ durvarṇa racitaṃ tathā |
aṣṭāpadamayāścāpi prākārā bahuvistṛtāḥ ||

nānā yantreṇa sahitāṃ nānāṭṭālakaśobhitām |
nānāgopurasaṃkīrṇāṃ nānātoraṇa maṇḍitām ||

jājvalyamāna viśikhāṃ kṛtākṛta gṛhāntarām |
agādhāśśakunākīrṇāḥ parighā mīnasevitāḥ ||

saṅkramā vipulāstatra upadvāriṣu bhūriśaḥ |
dvāre dvāre rākṣasānāṃ koṭi koṭi niveśitāḥ ||

atha hemasabhāmadhye vasannrākṣasapuṃgavaḥ |
āhūya mantriṇassarvānmantraṃ samupacakrame ||

sītāyāḥ padavīṃ rāmo mārgamāṇo vanālayaiḥ |
saha sindhupatestīre mūlanna chettumāgataḥ ||

tatropāyañca paśyadhvaṃ yena śreyo gamiṣyatha |
rājānaṃ rakṣasāṃ madhye mālyavān prāha pūrvavit ||

śṛṇu rājanpravakṣyāmi sarveṣāṃ śobhanāya vai |
purā devayuge śaṃbhuḥ kailāsācarumūrdhani ||

vasatyaparṇayā devo viśveśo viśvabhāvanaḥ |
ṣaṅkupādassamāgamya tvarāyuktaśśivapriyaḥ ||

pañca saptativarṣāṇāṃ kāloyaṃ samupasthitaḥ |
anujñāṃ kurumatpīḍāṃ darśane lokahetave ||

p. 132)

ityuktaḥ pārvatīnāthaḥ chāyāsūnumakalmaṣam |
madanyeṣāṃ bhavetpīḍā tvatpīḍāsaṃbhavo'sti vai ||

punardaṇḍaṃ pradāsyāmi mudrāṃ muṣmākameva ca |
bhavānsatyanna gacchet syādvelāmambudhi sa tyajet ||

ityukto dhūrjaṭissiddhaveṣeṇādigate jale |
mamajja śaninā dṛṣṭaḥ pañcasaptati vatsarān ||

sarvathā rakṣa bhagavan gaurīṃ garuḍavāhana |
iti sandiśya bhūteśo ramākāntaṃ jagadgurum ||

etasminnantare daityo vakaḥ kalpāntajīvanaḥ |
labdhvā varaṃ padmayonessakāśāllokapūjitāt ||

trilokavijaye yatnamāsthāya prasthito gṛhāt |
indrādīnprathamaṃ jitvā brahmāṇaṃ viṣṇumeva ca ||

śaṅkarasya jayārthī saḥ kailāsaṃ samapadyata |
pramathānprathamaṃ jitvā bhavānyā bhavanaṃ bakaḥ ||

prāpya strīvanamādātumupakrāmata vegataḥ |
devīṃ gṛhītukāmantaṃ dṛṣṭvā cakradharo hariḥ ||

devī svarāpā asṛjadyauvataṃ mohanāya vai |
tāssarvā api jagrāha devī budhyā bakosuraḥ ||

tāssarvā mohayāmāsurasuraṃ bakanāmakam |
nātra devīti niścitya śarvāṇi grahaṇonmukhaḥ ||

p. 133)

bhadrakālī pariṇatā sahasrabhujamaṇḍitā |
vīkṣaṇenaiva saṃhṛtya trailokyaṃ sacarācaram ||

vīkṣaṇe naiva sasṛje śarvāṇī savamaṅgalā |
bakaṃ vinā kṛtsnalokamasṛjaścchaṃkara priyā ||

tadvajjanakajā rāja lokānāṃ prabhavāpyaye |
śaktā tasmādimāṃ muñca rāmaṃ śaraṇamābraja ||

vibhīṣaṇokta śravaṇāddharmābhyāṃ saphalaṃ labhet |
dhiktvāṃ pāpasamācāramityādi śravaṇena tu ||

dharmatyāga samudbhūtānmucyate pātakānnaraḥ |
kṣaṇāccaturbhissahito rākṣasendrairakalmaṣaiḥ ||

rāmapādaṃ samuddiśya jagāmottara rodhasi |
vibhīṣaṇaḥ parigrāhya āhosvidaparigrahaḥ ||

etasminnantare vārdheruddhoṣaṃ vīkṣya rāghavaḥ |
varayāmāsa sahasā vāridhiṃ vegavattaram ||

adyāpi stabdhasalilo dṛśyate daśayojanam |
dṛśyate rāmavākyena loke viśvāsasūcakam ||

vibhīṣaṇaparīkṣāyā śravaṇānmananaṃ bhavet |
vibhīṣaṇo vā sugrīvo yadi vā rāvaṇassvayam ||

ānayainaṃ hariśreṣṭha dattamasyābhayaṃ mayā |
sakṛdeva prapannāya tavāsmīti ca yācake ||

p. 134)

abhayaṃ sarvabhūtebhyo dadāmyetadvratammama |
pravṛttirdvividhā proktā mārjārī caiva vānarī ||

jñānābhyāsavatāmo turvānarī bhāktameva ca |
pādyamaṅguliviccheda uro vinyastamakṣaram ||

tannāmakaraṇaṃ caiva dāsyametaccatuṣṭayam |
aṅkitaṃ śaṅkhacakrāyai rūrdhva puṇṭrasya dhāraṇam ||

gurau bhakti samāveśaḥ prapannānāntu lakṣaṇam |
aṣṭākṣaraṃ mahāmantraṃ sadgurupratipāditam ||

ye japanti sadā bhaktyā te prapatamāsmṛtāḥ |
nindāstutī same eṣāṃ samavuddhiḥ parā api ||

vyarthāhaṃkāra rāhityaṃ prapannasya ca lakṣaṇam |
pārāyaṇaṃ ye kurvanti śrīmadrāmāyaṇasya tu ||

punarvasudine pūjāṃ prapanneṣvadhikā matā |
jñānāgnissarvakarmāṇi yathā bhasma karoti vai ||

tadvadbhaktyagninā pāpaṃ naśyatyeva na saṃśayaḥ |
tasmādgrāhyo rākṣasebhya abhiṣicya ca sarvathā ||

setumārabdhavānrāmaḥ abhiṣicya vibhīṣaṇam |
pūrvaṃ vedavane seturbhagnassaṅganraraṃhasā ||

durgādevyāstu nagare dvitīyasseturucyate |
timirivālibhissatvaiḥ pīḍitā harisattamāḥ ||?

p. 135)

tṛtīyo rāmasetussyādgandhamādana mastare |
sarvalokaśaraṇyo'pi rāmo mānuṣalīlayā ||

śiṣye darbhāstṛtabhūmau sarinnātha prasādakaḥ |
rāmo nadanadī nāthavākyāddakṣiṇasāgare ||

nalena kārayāmāsa setuṃ saṃsāratārakam |
kadāciddhanuṣā setuṃ kadāciddviśikhena tu ||

dārvādinā kadācittu kalpe kalpe vyavasthitaḥ |
dvau samudreti vedo'pi setuṣāma tathaiva ca ||

anādi setustavanaṃ trayībhiranugīyate |
brahmahatyā surāpānaṃ svarṇasteyastathaiva ca ||

gurvaṅganābhigamanantatsaṃsargatvameva ca |
darśanādrāma setostu sarve naśyanti pātakāḥ ||

brahmahatyā samānāni pravadāmi śucismite |
vedakrayaṃ brahmanindā devatācalanaṃ tathā ||

brahmahatyāsamāḥ prāhū-ṛṣayo vedadarśinaḥ |
gaṇānnaṃ gaṇikānnaṃ ca brahmahatyāsamaṃ smṛtam ||

śūdreṇa prekṣitaṃ bhuktvā caṇḍāla prekṣitaṃ tathā |
puṣpiṇyā abhyanujñātaṃ brahmahatyā samaṃ viduḥ ||

maṇikāñcanamuktānāṃ pravālaharaṇaṃ tathā |
suvarṇasteya sadṛśaṃ prāhurvedavido janāḥ ||

p. 136)

rajasvalāmukhāghrāṇaṃ kārutīrtha niṣevaṇam |
surāpānasamaṃ prāhurvedāntapariniṣṭhitāḥ ||

ātreyī gamanaṃ caiva yajñapatnī niṣevaṇam |
bhrātustrīgamanaṃ caiva gurutalpasamaṃ smṛtam ||

sarvadoha prahāṇaṃ ye vañchanti śraddhayānvitaḥ |
setau snānaṃ dhanuṣkoṭyāṃ kurvantyagha nivṛttaye ||

setunā sāgaraṃ tīrtvā ariṣṭācala mastake |
rāmassukhaṃ vānarāṇāṃ skandhāvāramakalpayat ||

agastyādyāssamāgamya rāmaṃ ratnamaye śubhe |
pīṭhe niveśya cakruste vijayāyābhiṣecanam ||

ṛgbrāhmaṇoktairvividhairlaṅkāyāṃ lakṣmaṇāgrajaḥ |
rāmābhiṣeka śravaṇāddhanavānputravānbhavet ||

pārthivo vijayī bhūyācchrutvā rāmābhiṣecanam |
vānarānrāghavaḥ prāha dāhena paripīḍitān ||

samudratīre sarvatra khanyatāṃ jalasiddhaye |
yatra vānarasañcārastatrāsannamṛtā iva ||

rāmassuvelaśikharaṃ rākāyā madhyarohata |
rāmo laṅkāṃ samudvīkṣya patāka dhvajamālinīm ||

caityaprāsādaśikhare dṛṣṭvā rākṣasapuṅgavam |
trāsanaṃ sarvabhūtānāṃ bhrājamānaṃ svatejasā ||

p. 137)

trāsanaṃ sarvabhūtānāṃ viṣṇucakragatavraṇam |
airāvata viṣāṇāgraiḥ kiṇīkṛta bhujāntaram ||

rāmaśśareṇa ciccheda chatrāṇāmayutaṃ kṣaṇāt |
śrutvā sugrīva vijayaṃ trailokya vijayaṃ bhavet ||

kāmakrodhau lobhamohau madaṃ mātsaryameva ca |
asūyāstena paiśunye ḍaṃbhohaṃkṛtireva ca ||

kadāhaśca bubhukṣā ca nindāmauḍhya parābhavau |
alakṣmīḥ kālakarṇī ca rāgadveṣāśubhāstathā ||

anācāraśrutidveṣa brahmadveṣāśubhāstathā |
ajñāna rūpaṃ rājānaṃ rāvaṇaṃ samupāśritāḥ ||

śāntiḥ kṣāntistitikṣā ca anasūyā tathaiva ca |
akrodho hiṃsanaṃ lābho dānaṃ vijñānameva ca ||

aḍaṃbhamanasūyā ca apaiśunyaṃ tathaiva ca |
śraddhā ahiṃsanañcaiva brāhmaṇānāṃ ca pūjanam ||

agnihotrādidharmāśca śraddhābhaktistathaiva ca |
jñānapakṣāssamākhyātā rāmo nandamayo yataḥ ||

tasmāttatpakṣamutsṛjya dharmarūpo vibhīṣaṇaḥ |
parabrahmamayaṃ rāmamāśritya sukhamāptavān ||

agnihotrāśca vedāśca rākṣasānāṃ gṛhe gṛhe |
dayā satyaṃ ca śaucaṃ ca rākṣasānāṃ na vidyate ||

p. 138)

vaijñānināṃ harīṇāṃ ca mohinā rakṣasāmapi |
prathamādiṣu tithiṣu pravṛtto janya uttamaḥ ||

pakṣe dve brahmaṇā sṛṣṭe dharmādharma maye śubhe |
surāṇāṃ dharmapakṣassyādadharmohyāsuro mataḥ ||

adharmasya kṣayo yatra tadākṛtayugo bhavet |
bhaveddharmassya nāśaścettadā tiṣyaḥ pravartate ||

nāgabrahmāstrayorbandhamanubhūtammahātmanoḥ |
varadānaṃ mānayantau padmayonerjagadguroḥ ||

dhūmrākṣādyā niśicarā adharma pratibimbakāḥ |
hanūmatpramukhairvīrairvṛṣarūpairniṣūditāḥ ||

rāmasāyakanirbhinnā rākṣasāḥ pāpavarjitāḥ |
ye hatā lakṣmaṇenaiva sāyujyaṃ prāpyadurlabham ||

modante śaṅkhacakreṇa śārṅgeṇa gadayojvalāḥ |
bhaktyā kecidgatāssvargaṃ keciddveṣeṇa kutracit ||

maitreṇa svāmibhāvena sambandhātkarmayogataḥ |
jñānena tapasā caiva hananādviṣṇuhastataḥ ||

adhikāravatāṃ muktistāvannāstyeva kutracit |
kuṃbhakarṇasya nidhanaṃ śrutvā sadguruvaktrataḥ ||

kuṃbhīpākagatān sarvānuttārayati pūrvikān |
rāvaṇernidhanaṃ śrutvā lakṣmaṇātprītipūrvakam ||

p. 139)

svargasthāḥ pitarassarve viṣṇumandiragāminaḥ |
daśaśīrṣāśśataśirāssahastrāyutamaulinaḥ ||

tāvaddhastāddhatā maulā rāmeṇa raṇamūrdhani |
rathānāṃ daśakoṭi syādgajānāṃ koṭi ṣoḍaśa ||

koṭi koṭi padātīnāṃ gandharvāṇāṃ trayodaśa |
rākṣasā rāmanihatā kṣaṇārdhena raṇakṣitau ||

viṣṇuloke virājante śaṅkhacakrāṃkitā kṣaṇāt |

śaṅkhaṃ kapālaṃ karakañca pāṇau
dhṛtvāridaṇḍañca pinākamādyam |
ekaṃ catuḥ pañcakaśīrṣayukta
maulaṃ balaṃ hatavānsakṣaṇena ||

gaganaṃ gaganākāraṃ sāgarassāgaropamaḥ ||

rāmarāvaṇayoryuddhaṃ rāmarāvaṇayoriva |
pradhānaṃ rākṣasendrasya rāghavendrasya cobhayoḥ ||

śrutvā naraḥ pāpa bṛndānmucyate janmakoṭibhiḥ |
āditya hṛdayaṃ nityaṃ japetprekṣya divākaram ||

triḥ prakāraṃ śarīrānte śivamandirago bhavet |
chinnāni daśaśīrṣāṇi kuṇḍalādyāni saṃyuge ||

ekottaraśataṃ vāraṃ sahasrottarato daśa |
tāni tānya bhavasya vedhaso varagauravāt ||

p. 140)

brhmāstraṃ yojayāmāsa mātalervākyagauravāt |
vibheda hṛdayantasya papāta ca mamāra ca ||

chinnānāṃ punarutpattirbrahmaṇo varadānikā |
hṛdayasya vibhedena maraṇaṃ brahmanirmitam ||

abhedyakavacaṃ dhatte rāvaṇo hṛdayasya tu |
naptāraṃ brahmaṇo rāmo hatvā lokasya guptaye ||


setau tīrthaṃ dhanuṣkoṭyāṃ kṛtavānpāpaśāntaye |


vibhīṣaṇādyāssu hṛdo hatāmitraṃ raghūttamam |
vidhivatpūjayāmāsuḥ pādyārghyāsana vandanaiḥ ||

rāvaṇāntakamāvṛtya bṛndārakagaṇā divi |
tatra maulau raghuvaraṃ daśaśīrṣaripuṃ raṇe ||

vavarṣuḥ puṣpavarṣāṇi sāntānika samudbhavaiḥ |

nidhāya bāhuṃ triṇatasya koṭyā
māyodhanodbhūtarajokṣitāṅgam |
jaṭāñcitaṃ phullamukhāravindaṃ
paśyanti rāmaṃ kṛtapuṇyapuñjāḥ ||

mitraissametaṃ hataśatrusāgaraṃ
kṛpākaraṃ śyāmaladehakāntam |
kodaṇḍadīkṣāgurumādareṇa
bhajanti ye dhanyatamā dharaṇyām ||

p. 141)

jaṭādharaṃ phullamanojñahāsaṃ saumitriṇā sevitavāma bhāgam |
śarāsanaṃ bāṇavaraṃ ca haste vibhrāmādyaṃ gurumānato'smi ||

praśāntapīḍābahulā nirmalā abhavandiśaḥ |
nāgakanyā nāgalokamapsarāssvargamandiram ||

tumburarvṛṣanikaṭaṃ nāradassañcariṣṇutām |
hāhā hūhū mukhāssarve kubera bhavanaṃ gatāḥ ||

gārhapatyaṃ gato vahnirvaruṇo gānmaṇīvatam |
vāyurvāyugṛhaṃ somassvasthānaṃ pratyapadyata ||

bhānusvābhānorvistaraṃ hayānāṃ viśramaṃ tathā |
jyotiṣāñcaiva sañcāro madhyāhne viśramo bhavet ||

śrutvā vānarasatkāraṃ sītāvāsimareḥ pure |
achinnamodasaṃyuktammodante divi devavat ||

puṣpakāgraṃ samāruhya sītayā saharāghavaḥ |
vānarai rākṣasaistasmārdukkurān prapyapadyata ||

atrapūrvaṃ mahādevaḥ prasādamakarodvibhuḥ |
sandhyānaṭaḥ purākalpe mayasamyagabhiṣṭunaḥ ||

vānarāntārayāmāsa pinākena kapālaṃ bhṛt |
vānarāntārayāmāsa pinākaprabhave kvacit ||

pūrṇe caturdaśe varṣe pañcamyāṃ raghunandanaṃ |
bharadvājāśramaṃ prāpya vavande niyato munim ||

p. 142)

ityādi śravaṇānnṝṇāṃ yāvatpaṭṭābhiṣecanam |
sarvakāryāṇi sidhyanti pāparāśiḥ praṇaśyati ||

putravṛddhirdhānyavṛddhirdhanavṛddhistathaiva ca |
āntaṃ rāmāyaṇaṃ vindatyeva na saṃśayaḥ ||

sāketanagaraṃ rāma bhadro bhadrāsane sthitaḥ |
ṛṣibhissarvatatvajñairbhātṛbhirmantribhistathā ||

pauraissāmantarājanyai rākṣasairvānaraistathā |
abhiṣiktaśriyā juṣṭaḥ śvetachatra virājitaḥ ||

anarghamuktābharaṇastaptahāṭakamaṇḍitaḥ |
pītāmbaradharassragvī divyagandhena carcitaḥ ||

aṅgadī kuṇḍalīrāmaḥ sītayā sevitassadā |
prabhañjanasutastasya apādāna pravartakaḥ ||

nyāyena kārayāmāsa rājyasya paripālanam |
prātaḥ kāle samutthāya sarakhāṃ kṛtamajjanaḥ ||

bhasmāvakuṇṭhito rāmo lasatphālordhvapuṇṭrakaḥ |
darpaṇādīnsamudvīkṣya sandhyākarma samāpya ca ||

śrīraṅgaśāyinaṃ devaṃ samabhyarcya yathāvidhi |
śaṅkhakālahanirghoṣairbherīpaṭahanissvanaiḥ ||

puraskṛtya yayau rāmo mandiraṃ sarayūtayat |
tūṣṭavarāghavasyāgre sūtamāgadhavandinaḥ ||

p. 143)

ayodhyādhipatī rāmo daśakandharakhaṇḍanaḥ |
sarvatantrapratiṣṭhātā sarvācāra pravartakaḥ ||

iti kāhalanādena sarvānānandayan prabhuḥ |
nityaṃ cacāra bhagavān yogidhyayo maheśvaraḥ ||

hutvā vaitānikānagnīnsuvarṇaṃ koṭisaṃkhyakam |
pauṣṭhauhīnāṃ sahasrañca nityadānaṃ prakīrtitam ||

daśavarṣasahasrāṇi daśavarṣaśatāni ca |
rāmo rājyamupāsitvā brahmalokaṃ gamiṣyati ||

anekakoṭiliṅgāni śaivānāṃ vidhipūrvakam |
pratiṣṭhāṃ kṛtavānrāmo lokasantānahetave ||

rāghaveṇābhyanujñātaṃ rājanyakamaninditam |
* * * tānsamuddiśya gatā rāghavacintakāḥ ||

uṣitvā vatsaraṃ sarve rākṣasā vānarāstathā |
anujñātā rāghaveṇa * * prāpto vibhīṣaṇaḥ ||

madhyāhne viṣṇupūjārthaṃ kāveryā madhyato harim |
nidhāya vidhivatsnānaṃ nityaṃ sarvaṃ samāpya ||

* * ṣāmadhyagaṃ viṣṇuṃ pūjayāmāsa bhaktitaḥ |
tasminkṣaṇe pariṇataṃ vimānaṃ praṇavākṛti ||

vimānaṃ praṇavākāraṃ vedaśṛṅgaṃ ma * dbhutam |
śrīraṅgaśāyī bhagavān praṇatārtha prakāśakaḥ ||

p. 144)

raṅgaṃ raṅgamiti brūyātkṣudha prasskhalādiṣu |
tasya doṣāḥ praṇasyanti āyurvṛddhirbhaviṣyati ||

deśāntaragato vāpi dvīpāntaragato'pi vā |
śrīraṅgābhimukho bhūtvā praṇipatya na sīdati ||

raṅgamuddhartukāmasya rāvaṇāvarajasya ca |
āpātālaṃ praviṣṭasya tolate nābhavabdalam ||

vibhīṣaṇa mahāprājña mā viṣādaṃ kuru prabho |
sahyajānūpadeśoyaṃ vaikuṇṭhādadhikaṃ priyam ||

ramaṇīyoyamatulo nadyormadhye vibhīṣaṇa |
kāveryā vimale kaccha yathā vaikuṇṭhamandire ||

icchāmi vastumatraiva sarveṣāṃ mokṣadassukham |
śrīraṅgadarśanātsarve krimīkīṭapataṅgamāḥ ||

manujāstiryagāścāpi mokṣagā rāvaṇānuja |
ikṣvākuṇā prārthitosmi purā vaikuṇṭhamandirāt ||

ayodhyāmavasaṃ pūrvaṃ rāghavaiḥ parisevitaḥ |
tvayāpi sevito nityaṃ vasāmyākalpamatravai ||

laṅkāstho rākṣasaśreṣṭha rākāyā māsi mādhave |
sahyajāyā jale snātvā śrīraṅganilayaṃ harim ||

vaiśākhyāmāmraphalakaṃ payopetannivedayet |
tena vatsarapūjāyāḥ phalaṃ prāpnu hi rākṣasa ||

vibhīṣaṇo rākṣasendro vaiśākhyāṃ raṅgamandire |
pūjayatyaniśaṃ devi saṃvatsaraphalāptaye ||

raṅgadhāmne rākṣasendro mandiraṃ viśvakarmaṇā |
kārayāmāsa vidhivatsaptaprākāraśobhitam ||

candrapuṣkaraṇītīre śrīdevīṃ śrītaroradhaḥ |
saṃpūjya hariṇādiṣṭo laṅkāṃ prāpya vibhīṣaṇaḥ ||

snātvā kaverajātoye dṛṣṭvā śrīraṃgaśāyinam |
mokṣalakṣmī pariṇatā muktāsyuramarā iva ||

nyāyena kārayāmāsa rājyasya paripālanam |
prachannā sañcarantyeva mānuṣā iva rākṣasāḥ ||

kāle varṣati parjanyaḥ kāle sasyāni * * * |
rāṣṭrāni ca supuṣṭāni khanibhiśśobhitāni vai ||

durbhikṣāvagṛhairmuktā dasyupīḍāvivarjitāḥ |
śṛṇvanrāmāyaṇaṃ bhaktyā yaḥ pādaṃ padameva vā ||

sa yāti brahmaṇassthānaṃ brahmaṇā pūjyate sadā |
yaḥ karṇāñjali saṃpuṭairaharahaḥ samyak pibantyādarāt ||

vālmīkervadanāravindagalitaṃ rāmāyaṇākhyaṃ madhu |
janmavyādhijarāvipattimaraṇairatyantasopadravaṃ ||

p. 146)

saṃsāraṃ savihāya gacchāti pumānviṣṇoḥ padaṃ śāśvatam |
sakṛdrāmāyaṇaṃ śrutvā putrabāndhanavābhavet ||

striyo rajasvalāḥ śrutvā putrānsūyuranuttamān |
rāmāyaṇaṃ vadedyastu tasya dehe ramāpatiḥ ||

vāci brahmā maheśohaṃ hṛdaye nivasāmyaham |
tasyākṣīṇi raviścandaromakūpeṣṭha devatāḥ ||

vaktā prāṅmukha āsīta śrotācottaradiṅmukhāḥ |
mārutiṃ puratassthāpya pūjayetpratyahaṃ dvijaḥ ||

yathāśakti dvijānbhojya bhakṣyaṃ vyañjanasaṃyutam |
tāmbūladānaṃ sarveṣāṃ śrotṛṇāṃ parikalpayet ||

natvā natvā dvijānrājā śṛṇuyādvipravākyataḥ |

asya śrīrāmāyaṇa mahāmantrasya vālmīki ṛṣiḥ | anuṣṭupchandaḥ | śrīrāmo 
devatā | haṃ bījam | saḥ śaktiḥ | buddhirbījam | jīvaśśaktiḥ | ilā bījam | 
piṅgalāśaktiḥ | suṣumnānāḍimadhyavartī sarasvatī kīlakam | śrīrāmacandra 
prasādasidhyarthe jape viniyogaḥ | oṃ dharmātmannaṃ guṣṭhābhyānnamaḥ | 
satyasandhaśca tarjanībhyāṃ namaḥ | rāmo madhyamābhyāṃ namaḥ | dāśarathiḥ 
anāmikābhyāṃ namaḥ | pauruṣecāpratidvandvaḥ kaniṣṭhikābhyāṃ namaḥ | 
śarainaṃ jahi rāvaṇiṃ karatalakarapṛṣṭhābhyāṃ namaḥ | evaṃ 
hṛdayādinyāsaḥ |

p. 147)

dhyānam

sahasrā * * saṃkāśaṃ sarvaśatrunibarhaṇam |
rāmaṃ śaktimayaṃ dhyāyedrāghavaṃ rāmasāyakam ||

dharmātmā satyasandhaśca rāmo dāśarathiryadi |
pauruṣecāprati dvandvaḥ śarainañjahirāvaṇim ||

daśakṛtvo japenmantraṃ paścādrāmāyaṇaṃ caret |
rāmacandraprasāsena * * * * * * * * * 
* * * * * * * * * ||

* * * * * * * * * * śoḥ * * 
* yaḥ |
śrīrāmaśśaraṇaṃ mama hariḥ om

* * śrīgurubhyo namaḥ (śrīsāmbasa) * * 

granthākṣarālaṃkṛta tālapatrakośaṃ dṛṣṭvā likhitamidam aḍaiyārlaibrarītaḥ 
naṭarājaśarmaṇā ||




###########   END OF FILE  #######