####################################################
MUKTABODHA INDOLOGICAL RESEARCH INSTITUTE
Use of this material (e-texts) is covered by Creative Commons license BY-NC 4.0
Catalog number: M00219
Uniform title: vatullotarāgama
Main title: vatullotaratantra
Manuscript : IFP transcript 624

Description: 



Notes: 
Transcribed by the staff of Muktabodha under the supervision of Mark S. G. Dyczkowski from IFP transcript 624

Revision 0: Sept. 18, 2010 



Internet publisher : Muktabodha Indological Research Institute
Publication year : 
Publication city : 
Publication country : India
####################################################



|| śrīḥ ||

[1ā]

svasti śrīgaṇādhipataye namaḥ |

nirvighnamastu |

mātāmahamahāśailaṃ mahastadapitāmaham |
kāraṇaṃ jagatāṃ vande kaṇṭhādupari vāraṇam ||

aiśvaraṃ paramaṃ tattvamādimadhyāntavarjitam |
ādhāraṃ sarvalokānāmanādhāramavikriyam ||

anantānandabodhāmbunidhimadbhutavikramam |
ambikāpatimīśānamaniśaṃ praṇamāmyaham ||

vande hālāsyanagarīṃ vande vande hemābjinīmapi |
vande sumīnanayanāṃ vande sundaranāyakam ||

śivāya paripūrṇāya śītalāya cidātmane |
cittanāthāya nāthāya tejase brahmaṇe namaḥ ||

ānandasāgararasā kulaśailakanyā
vakṣojakumbhayugalīparirambhaṇena |
romāñca * * * pariṣkṛtagātrayaṣṭiṃ
vede bhajāmi madhurāpuranāthamīśam ||

p. 2)

ikṣukodaṇḍapuṣpeṣu pāśāṅkuśakarojvalām |
udyatsūryanibhāṃ vande mahātripurasundarīm ||

namaḥ sundaranāthāya tasmai hālāsyavāsine |
catuṣṣaṣṭividhā līlā yena pratyakṣitāḥ kṣitau ||

śrīmatsundaranāthasya devīṃ śapharalocanīm |
kalaye hṛdaye nityaṃ kadambavanavāsinīm ||

kāruṇyamadaniṣyandaṃ kaivalyavanacāriṇam |
kālāmbudaśyāmalāṅgaṃ kalabhānanamāśraye ||

āmnāyācalamañcasthamānanaiḥ ṣaḍbhiranvitam |
himādritanayāstanyakukṣiṃbharamaye śiśum ||

śrīkailāsa iti khyātaḥ śrīmatāṃ bhūbhṛtāṃvaraḥ |
śrīpatipramukhairdevaiḥ śriyai muktyai ca sevitaḥ ||

śrīdādīnāmapi śrīdaḥ śrīkaṇṭhaprathitālayaḥ |
śriyo'pi hetoḥ kṣīrābdhe svayaṃ jitvā samunnataḥ ||

janānāṃ śravaṇādeva janmamṛtyujayāpahaḥ |
p. 3) sarvaśaktisamāyuktaḥ sarvalokanamaskṛtaḥ ||

bhūḥ surākīrṇanaṃ vāpi kurvatāṃ sarvasiddhidaḥ |
tapovanena mahatā paśyatāmapavargadaḥ ||

vividhairbhūtasaṃghātaiḥ paritaḥ parirakṣitaḥ |
vibudhairapyagamyasya viśvabharturanujñayā ||

viṣṭapatrayavikhyāto vidhumaṇḍalapāṇḍaraḥ |
vidyate bhuvi diśyaiśāṃ vidvajjanamanasyapi ||

tasya madhye mahāmerormadhyaśṛṅgaṃ mahattaram |
praśastamasti śikharaṃ mahāmaṇḍalamaṇḍitam ||

tadūrdhve pavano'tyarthaṃ darpaṇodaravatsamam |
vyomavadvimalībhūtaṃ viśālaṃ bhavati sthalam ||

tapo'ntarāyai kāmādyairamaraiḥ paripanthibhiḥ |
ajeyaṃ tatsthalaṃ pāti munīndrāṇāṃ mano yathā ||

kānanaḥ kalpavṛkṣāṇāṃ phalapuṣpasamanvitaiḥ |
cintāmaṇimayaiḥ śailaiḥ kāmadhenu bhavairapi ||

payodadhighṛtakṣaudrasudhāmayasaridvaraiḥ |
p. 4) nānāratnavicitraiśca kuṭṭimairatimañjulaiḥ ||

pramathānāṃ mandiraiśca meroḥ śikharasaṃnibhaiḥ |
śātakumbhamayānekaprākāradvāragopuraiḥ ||

sūryakoṭipratīkāśaiścandrakoṭisamaprabhaiḥ |
va * * * * * * * * * * * * * * * ||




|| svasti ||

| śrīgaṇādhipataye namaḥ |

śubhamastu

[1a] krodhisaṃvatsarada vaiśākhaśuddha 12? śukravāra 
īpustakavabaravadakke prārambha | nirvighnamastu | śrīmahāgaṇapataye 
namaḥ ||

viśvarūpa namastubhyaṃ bhaktavatsala śāśvata |
mama liṅge ca bimbe vā chinne nāśādhikaṃ katham ||

yadi doṣādike prāpte pūjāṃ kartuṃ kathaṃ śiva |
vistarādbrūhi bhagavan śrotumicchāmi sāmpratam ||

śrībhagavān uvāca

śṛṇu devi pravakṣyāmi bhinnadoṣādikān kramāt |
svayambhuve sāṃba liṅge bimbe vā yatra kutracit ||

doṣaṃ śāntiphalaṃ devi vistarācca pṛthak pṛthak |
bhinne ca sphuṭite liṅge vahnināśanināhate ||

p. 2) paraṃ rāṣṭrabhayaṃ devi trivarṣāntaṃ na saṃśayaḥ |
rājā ca duḥkhaśokārtaḥ jāyate ca balakṣayaḥ ||

khaṇḍite śakalībhūte yadi nāśe ca hīnake |
deśatyāgo bhavetsadyaḥ rājā bhaṅgatvamāpnuyāt ||

nidhanaṃ prāpnuyāddevi trimāsāntaṃ na saṃśayaḥ |
pāṣāṇairāyudhādyairvā corvā śatrubhirhate ||

rājā tu maraṇaṃ yāyāt caturaṅgabalaṃ rathā |
rodhane rudhirotpattiḥ svedakampe ca nādate ||

tadrāṣṭraṃ paṭṭaṇaṃ devi rājadānī vinaśyati |
bahudhā śatrubādhāsyādanāvṛṣṭirbhaviṣyati ||

durbhikṣaṃ durbhayaṃ mārī jvarāpasmārakādayaḥ |
vivarṇedhumasaṃjāte vahiśvadudakaṃ payaḥ ||

raktasrāvaṃ kīṭakādyairyadiliṅge maheśvari |
prajāpīḍā garbhapīḍā nṛpapīḍā dvijādiṣu ||

nirghātasarpādibhayaṃ vātabādhā masūśikā |
evaṃ doṣādi saṃprāpte navaliṅge ca pārvati |
p. 3) ātmaśūnyaṃ yathā dehaṃ saṃpraviśyeha rākṣasāḥ ||

tathaiva devatāśūnyaṃ bhinna liṅge maheśvari |
doṣāḍhye pūjite hanti nihanti tadapūjite ||

tasmāt sarvaprayatnena tavaliṅgaṃ rakṣayet |
yadyasmācca sa saṃprāpte sandhānaṃ śāntimācaret ||

liṅge bhinne khaṇḍite ca cihnite ca gurūttamaḥ |
ekāṅgulaṃ tadardhaṃ vā caturasraṃ ca pārvati ||

bandhena bandhayelliṅgaṃ sandhānaṃ ca gurūttamaḥ |
mahāśāntiṃ kramāṇitvā talliṅgaṃ pūjayetpunaḥ ||

pramādācchakalībhūte svarṇaraupyādisūtrataḥ |
sandhayetsudṛḍhaṃ mahāśāntiṃ samācaret ||

dahite secayenmantrī snapanādyairgurūttamam |
corairvā śatrubhirdevi bhaye prāpte ca rakṣayet ||

kumbhe kalāṃ samāvāhya sikatena nigūhayet |
tatkumbhaṃ pūjayeddevi bhayāntaṃ tava liṅgake ||

nirgate cettato mantrī śāntiṃ kuryādvidhānataḥ |
p. 4) tatkumbhasthakalāṃ devi punarāvāhya liṅgake ||

yathāvidyuktamārgeṇa guruḥ kuryānmaheśvari |
yadi nāśo bhavelliṅgaṃ pramādācca maheśvari ||

navaliṅgaṃ ca saṃsthāpya yadvā tadguṇavatyapi |
tadrūpaṃ tanmayaṃ saumyaṃ tanmānaṃ nānyathā śubham ||

evaṃ jñātvā prayatnena jīrṇamuddhṛtya yojayet |
pratiṣṭhoktena kurvīta mahāśāntiṃ samācaret ||

rodanādiṣu liṅgeṣu jāte yadi maheśvari |
liṅgaṃ saṃkṣālya saṃśodhya pañcaśuddhiṃ yathoktavat ||

mahāśāntiṃ ca kurvīta navaliṅgaṃ ca pūjayet |
yadi bimbe ca saṃprāpte vakṣyāmi śṛṇu pārvati ||

balau nityoktabimbe vā mūlaberādike tathā |
yadyakasmābhūtale ca patite khaṇḍite sati ||

taskarebhyaśca śatrubhyaḥ vāgninā vā maheśvari |
bhinne ca sphuṭite bimbe sarvāṅge śithile pṛthak ||

khaṇḍite khaṇḍanaṃ rājñāṃ patite sarvanāśanam |
p. 5) dahite dahanaṃ rāṣṭraṃ rājño bhogaṃ vinaśyati ||

bhinne bhaṅgatvamāpnoti sphuṭite ca dhanakṣayam |
sarvāṅge śithile jāte sarvārthaṃ naśyati dhruvam ||

pādo bhinne sthānanāśaṃ janujaṅghe janakṣayaḥ |
nissatirbhavedrājā kaṭibhinne maheśvari ||

bāhubhinne śatrubādhā vijayaṃ nāpnuyātkvacit |
chinne kaṇṭhe tataḥ śīghraṃ rājā maraṇamāpnuyāt ||

mūrtarūpāṅgavicchede rāṣṭranāśo dhanakṣayaḥ |
mukhyāṅgaṃ bhaṅgamāpanne tāṃ mūrtiṃ ca parityajet ||

navāṃ mūrtiṃ pratiṣṭhāpya śāntiṃ kuryādgurūttamaḥ |
tadupāṅgādi bhagne tu sandhānaṃ yattato nayet ||

svarṇapittalatāmrādyaiḥ niścalaṃ hi yathā tathā |
mahāśāntiṃ vidhāyātha sandhānātpūjayetpriye ||

aṅgulordhve yadā bhinne tāṃ mūrtiṃ salile tyajet |
pratiṣṭhoktena mārgeṇa śāntiṃ kuryādvidhānataḥ ||

navāṃ mūrtiṃ pratiṣṭhāpya karṣaṇaiśca yathoktavat |
p. 6) taskarebhyaśca śatrubhyaḥ bimbe cāpahṛte sati ||

sarvanāśo bhavetsadyaḥ rāpyāṃ kūpataṭākayoḥ |
prāsādādiṣu sarvatra yadi sthāne samudbhavāḥ ||

dahane khaṇḍite sphoṭe calite nimnage śive |
patite nāmṛte bhinne vāhane parivārake ||

dhvajādakalaśe bhinne balipīṭhe pramādataḥ |
kṣetrapāle dvārapālau calite patite sati ||

dīpastambhe cordhvamālā bhinne jāte pramādataḥ |
prākere ca bahiścaiva antaḥprākārakeṣu ca ||

vīthimadhye bahiścaiva ārāme maṇṭape sthale |
utsave balikāle vā nityanaimittike'pi vā ||

kāmye vā yadi kāleṣu jāyate ca śṛṇu priye |
balibimbe ca patane chinne bhinne pramādataḥ ||

pādukeṃ balipātrāṇi chatracāmarakādi ca |
patākā vijanaṃ devi darpaṇaṃ jalapātrakam ||

parṇapātraṃ taducchiṣṭaṃ * * dīnāṃ girīndraje |
p. 7) udbhavaṃ cedidaṃ devi tattasthāne pracakṣate ||

teṣāṃ nāmāni vakṣyāmi utpātān śṛṇu pārvati |
svayambhuvādiliṅge ca bimbe vā yadi pārvati ||

rodhanaṃ rudhirotpattiḥ svedakampaṃ ca nādakam |
sphuṭitaṃ pātitaṃ devi vivarṇaṃ dhūmasaṃbhavaḥ ||

vahniśvedudakaṃ raktaṃ payaḥ kīṭakadarśanam |
tiṣṭhatyūrdhvamukho devaḥ karapādavihīnakaḥ ||

adhomukhādyanekāni hīnāsyaḥ kṛśavāmanaḥ |
liṅganāśe ca bimbe vā corairvā śatrubhiḥ priye ||

garbhāgārādi vakṣyāmi utpātān śṛṇu pārvati |
garbhagehe prāṅkaṇe vā lakṣmīmaṇṭapasaṃjñake ||

prākāre gopure devi śikhare śikharāntare |
maṇṭape vāhane devi parivārālayādike ||

dvāradeśe sabhāsthāne īśānyāmaṣṭakoṇakam |
aindraśāṅkarayormadhye vṛttakuṇḍaṃ tu kārayet ||

yāvanmānaṃ tu vistāraṃ tāvanmānaṃ pramāṇakam |
p. 8) trimekhalāsamāyuktaṃ sarvalakṣaṇalakṣitam ||

hastadvayayutaṃ khātaṃ ūrdhvamekhalayā saha |
ityevaṃ kārayetkuṇḍaṃ dvātriṃśa  mbhasaṃyutam ||

cūtapallavaramyaiśca patākadhvajaśobhitam |
prāgdvāre pītavarṇaṃ ca dakṣiṇe kṛṣṇavarṇakam ||

paścime raktavarṇaṃ ca uttare śvetameva ca |
pūrvādidvāradeśaṃ ca tauraṇaiścāpyalaṅkṛtam ||

kadalīṃ sthāpya matimān navavastreṇa veṣṭayet ||
paṇṭapañcāpyalaṅkṛtya saphalaṅkurapuṣpakaiḥ |
ityevaṃ maṇṭape ramye śāntiṃ kuryādvicakṣaṇaḥ ||

navāhaṃ saptarātraṃ vā pañcatri * * * * * |
* * * * * * * * * * * * * * * * * * ||

* sūrye samutpanne svasthānaṃ nāśamāpnuyāt |
rāṣṭradurgabalaṃ devi pararājñāhṛta bhavet ||

dvijādiśca trayovarṇāḥ śūdratvaṃ prāpnuvanti hi |
nissatvaṃ nirjanatvaṃ ca sarvakarmāṇi nāśanam ||

p. 9) iti doṣaharaṃ devi darśayecca nṛpottamaḥ |
candratārānukūle ca nakṣatrakaraṇānvite ||

rājño rāṣṭrānukūle ca uddiśya divase guruḥ |
maṇṭapān kārayeddevi tava liṅgādike sthale ||

pūrve vā cottare vāpi īśānyāṃ maṇṭapaṃ guraḥ |
viṃśaddhastapramāṇaṃ tu caturaśraṃ savedikam ||

navakuṇḍaṃ ca paritaḥ pūrvādiṣu yathākramam |
tatpūrve caturaśraṃ syāt āgneyāṃ tu bhagākṛtiḥ ||

ardhacandraṃ tu yāmyāyāṃ nai-ṛ-ṛtyāṃ tu trikoṇakam |
vāruṇe vartulaṃ kuṇḍaṃ ṣaṭkoṇaṃ caiva vāyave ||

uttare padmakuṇḍaṃ tu * * * * * * * * |
* * * ṣādisaṃprāpte śāntiṃ kuryādgurūttamaḥ ||

sarvadoṣaharaṃ sadyaḥ apamṛtyunivāraṇam |
sarvabhogāṃśca labhate satyaṃ satyaṃ macoditam ||

o iti śrīvātulottare

prāyaścittakhaṇḍe utpātajātasthānavidhirnāma catvāriṃśatpaṭalaḥ ||




śrīdevyuvāca -

samyaguktaṃ tvayā śambho utpātā * * yodbhavāḥ |
tatsarvaṃ ca śrutaṃ deva doṣaṃ śāntiṃ pṛthak katham ||

vadasva kṛpayā deva sarvalokahitāya ca |

śivaḥ -

athātaḥ saṃpravakṣyāmi doṣaṃ śāntiṃ pṛthak pṛthak ||

tatphalaṃ ca krameṇaiva vistarācchṛṇu pārvati |
bhūmikampe diśāṃdāhe jāte yadi mahadbhayam ||

tadrāṣṭraṃ nāśamāpnoti trimāsāntaṃ na saṃśayaḥ |
paṭṭaṇe rājadhānyādi sarvasthāne ca kampane ||

rājñastu maraṇaṃ sadyaḥ sarvanāśaṃ bhavetpriye |
prati * * * * devi rājadānī vinaśyati ||

bahudhā śatrubādhāsyuḥ anāvṛṣṭirnasaṃśayaḥ |
nadī gehe ca saṃprāpte trimāsā mṛtyumāpnuyāt ||

prajāpīḍā garbhapīḍā nṛpapīḍā dvijādiṣu |
vetālakṣetrapālāśca jvarāpasmārakādayaḥ ||

p. 11) evamādīni cānyāni deśe tatra prajāyate |
taddoṣaśamanārthāya śāntiṃ kuryānnṛpottamaḥ ||

devyauvāca -

mahadutpātajanane ariṣṭe cāgate sati |
śāntiṃ kṛtāceddeveśa nāśanaṃ ca kathaṃ vada ||

śivaḥ -

yathā bhujagadaṣṭastu gāruḍenauṣadhena ca |
svastho bhavati deveśi tathā śāntirtṛṇā priye ||

tasmāt sarvaprayatnena auṣadhaṃ bhiṣajā sadā |
tathā dau* * * * * * * * * raṇe sati ||

pattanādi gṛhe devi vane copavane sthale |
parvate codbhave devi śṛṇu devi yathākramam ||

govadhe strīvadheścaiva dvijādīnāṃ ca nāśane |
vyāleterpāvaduṣṭebhyaḥ śastrādyaiśca maheśvari ||

maṇḍūkena mṛtedevi kūpe kūbhasamudbhave |
anaḍvān mahiṣavyāghrakharoṣṭrādi praveśane ||

p. 12) agādhe bhūmipatane grāmādīnāṃ maheśvari |
gambhīraiśca nadīsrotaiḥ liṅge grāmādināśane ||

caityavṛkṣādipatane vane vā sarvapādapaiḥ |
parvate śakalairbhinnairyadi bhūme nipātite ||

evamādīni nāmāni utpātāni maheśvari |
tatra doṣaṃ pravakṣyāmi śṛṇu devi varānane ||

rājñastu maraṇaṃ sadyaḥ caturaṅgabalakṣayaḥ |
tadrāṣṭrapattanaṃ * * āyudhānāṃ maheśvari ||

vetraṃ ca balidīpaṃ ca śaṅkhabheryādipātane |
deśike pārake devi bimba dāruka eva vā ||

vādyake sevake devi patite ca maheśvari |
śibike rathabhaṅge ca vāhane patite tathā ||

vāhanārthaṃ gajāśvādyaiḥ vṛṣabhaiścāpyalaṅkṛtaiḥ |
senānāyakavastrāṇāṃ dhārakaiśca nṛbhiḥ priye ||

parasparavirodhena patite raktapātane |
muṣṭiyuddhe daṇḍayuddhe nakhadantakṣate sati ||

p. 13) śastrairvāhataduṣṭebhyaḥ etaiḥ prāṇi mṛte sati |
praveśe maraṇe prāpte śṛṇudevi samudbhavam ||

vanyairvā prāṇibhirduṣṭaiḥ dūṣite ca catuṣpadaiḥ |
dvipadaiḥ kṣudrajantū nadīṃ vyālairpā haṃsagṛdhrakaiḥ ||

madhupañjarasaṃbhūtaiḥ valmīkaiśca samudbhavam |
bṛhatpipīlikā kṣudrapraveśetekameva vā ||

śāntikarmaprakurvīta dīkṣāṃ kuryādguruḥ priye |
vapanaṃ snānamaunaṃ ca śuklāmbaradharaṃ śuciḥ ||

kṣīrānnabhojanaṃ nityaṃ dussaṅgādivivarjitaḥ |
brahmacaryavrataṃ kuryāt ācāryādi dvijāṃ priye ||

dīkṣākarma prakartavyaṃ navarātrau yathāvidhi |
trirātraṃ caikarātraṃ ca dīkṣākarma na kārayet ||

yāgadravyāṇi saṃpādya hotṛbhirjāpakādibhiḥ |
prātarutthāya vidhivaddantadhāvanapūrvakam ||

prātassnānaṃ prakurvīta ācāryo yajamānakaḥ |
sandhyākarma prakurvīta nityakarmavidhāya ca ||

p. 14) mṛttikāsnānapūrvaṃ ca kuśagomayabhasmanā |
sarvaghoṣasamāyuktaṃ puṇyastrībhiḥ samanvitam ||

nānāmaṅgalavādyaṃ ca vedaghoṣaiśca sūktakaiḥ |
snānaṃ kṛtvā vidhānena śāntiṃ kuru maheśvari ||

tato devālayaṃ gatvā phalapuṣpaṃ samarpya ca |
prārthayenyajamānena namaskāraiśca bhaktitaḥ ||

ācāryaḥ sahavipraiśca praviśedyāgamaṇṭapam |
ācāryavandanaṃ pūrvaṃ pūrvevā caiśakoṇake ||

darbhāsane copaviśya prāṇāyāmaṃ samācaret |
pūṇyāhaṃ pañcagavyaṃ ca prokṣayetpraśana priye ||

daśadigbandhanaṃ kṛtvā mātṛkānyāsapūrvakam |
dinasaṅkhyaṃ samuddiśya saṅkalpya vidhipūrvakam ||

gaṇeśaṃ ca samārādhya nāndīkarma samācaret |
puṇyāhaṃ pañcagavyaṃ ca prokṣayetprāśana priye ||

varaye bhūsurān devi ācāryādidvijottamān |
svaśākhoktaratān sarvān brahmadeśikahotṛkān ||

p. 15) ghoṣakān jāpakān devi svasvaśākhayutāḥ priye |
varaye bhūsurān mantrī phalaṃ datvā pṛthak pṛthak ||

alaṅkāraṃ suvastraṃ ca madhuparkaṃ ca dāpayet |
aṅkurārpaṇapūrvaṃ ca śodhayenmaṇṭape gurūḥ ||

dvāratoraṇakumbhāṃśca sthāpayet pūjayet priye |
rākṣa(so)ghnaṃ vāstuhomaṃ ca pūjā bali samācaret ||

gaṇeśakṣetrapālaṃ ca bhūsūktaṃ vāstusaṃjñakam |
rākṣoghaṃ caturastraṃ ca mṛtyuñjayanavagraham ||

mahāsauraṃ saptaśatiṃ prāsādaṃ ca maheśvari |
śaktipañcākṣarīṃ japya vedapārāyaṇaṃ pṛthak ||

vinidrākarma kurvīta punaḥ sūryodaye priye |
nityakarmāṇi kurvīta puṇyāhaṃ prokṣaṇādikam ||

maṇṭapaṃ pūrvadigbhāge grahamaṇḍalamullikhet |
caturasraṃ samaṃ kṛtvā grahākāraṃ vicakṣaṇaḥ ||

grahasaṃkhyāni kurvīta tatra koṣṭhe maheśvari |
tattadvarṇavibhedaiśca likhettaṃ pañcaraṅgikam ||

p. 16) godhūmādīni dhānyāni tattatsthāneṣu pūrayet |
karṣamātrasuvarṇaiśca ardhaṃ vāpi tadardhakam ||

tattadgrahavibhedaiśca pratimāṃ ca prakalpayet |
kumbhaṃ tatra pratiṣṭhāpya grahasaṃkhyāni pārvati ||

sūryādigrahabhedaiśca pūjayecca vidhānataḥ |
tadagre padmamālikhya pūrayecchālitaṇḍulaiḥ ||

likhedyantraṃ sūryabījaṃ dvādaśādityarūpakam |
saṃpūjya vidhinā mantrī pratisūryasya darśane ||

īśānakoṇe saṃlikhya padmamaṣṭadalaṃ priye |
dhānyadroṇamitaṃ pūrya ādhārādi yathākramam ||

suvarṇapratimāṃ kuryāllakṣaṇāni yathākramam |
kandaṃ nālaṃ ca padmaṃ ca diggajaiścāṣṭabhiryutam ||

pūrṇaṃ kūrmaṃ ca dharaṇiṃ kṛtvā sthāpayetpūjayedgurūḥ |
dikpāla paritaḥ pūjya prāgādiṣu yathāvidhi ||

bhūkampe cetpidaṃ pūjya tattannāmādibhiḥ priye |
vedimadhye ca saṃsthāpya sahasraṃ vā tadardhakam ||

p. 17) kalaśān pūjayenmantrī pūrvoktena vidhānataḥ |
tataḥ kuṇḍāntikaṃ gatvā hotṛbhissaha deśikaḥ ||

brahmāṇaṃ dhanadaṃ devi upaviśya yathākramam |
kuṇḍasaṃskārapūrvaṃ ca janayetpāvakaṃ priye ||

tadagniṃ vibharenmantrī prāgādiṣu yathākramam |
agnikāryoktavatkuryāttattatkuṇḍeṣu mūrtipāḥ ||

pradhānakuṇḍe juhuyāt mūlamantraṃ maheśvari |
ayutaṃ ca tadardhaṃ vā sahasraṃ vā maheśvari ||

bhūbījaṃ bhuvaneśīṃ ca ādhārādīśca pūrvake |
aghoraṃ cāgnikoṇe ca tadardhārdhaṃ maheśvari ||

mṛtyuñjayaṃ ca yāmye ca nair-ṛtyāṃ ca varāhakam |
prāsādaṃ vāruṇe kuṇḍe vāyavyai śāntidaurgakam ||

pañcabrahmā ca some ca īśāne tatvamantrakān |
sahasraṃ ca huneddevi tattanmantraṃ pṛthak pṛthak ||

samidājyacarudravyaiḥ sarṣapaiśca tilaissaha |
vrīhibhissaktubhiścaiva godhūmaiḥ pṛthukairhunet || 

p. 18) kuṇḍasya parito dikṣu hutasaṃkhyāśca hotṛkān |
vibhajya ca yathā mantrī dinasaṃkhyena pārvati ||

pūrvoktasaṃkhyayā hutvā uddiśya divase guruḥ |
upahomaṃ tataḥ kuryāt rutvigbhissaha deśikaḥ ||

gaṇeśaṃ kṣetrapālaṃ ca triyambakanavagrahān |
dikpālamantrairhutvātha sviṣṭakṛttadanantaram ||

pūrṇāhutiṃ hunedante bhūkampe cetpidaṃ priye |
pratisūrye darśane ca hunenmantrī  yathākramam ||

ādityaṃ pūrvakuṇḍe tu aghoraṃ cāgnigocare |
vāme mṛtyuñjayaṃ hutvā nair-ṛtyāṃ ca navagraham ||

vāruṇe dikpatīn mantrān vāyavyeśāntidaurgakām |
some ca dvādaśādityān īśe pañcākṣarīṃ hunet ||

pūrvoktadravyasaṃkhyaiśca hunenmantraṃ pṛthak priye |
homānte sviṣṭakṛnmantrī pūrṇāhutimathācaret ||

sthāpitān kalaśān mantrī secayettava liṅgake |
mahārudrāṃśca vidhivanmahāpañcāmṛtaṃ priye ||

p. 19) secanānte ca udvartya mahāpūjāṃ samācaret |
nānāpuṣpaiśca gandhaiśca naivedyaṃ bahudhā priye ||

nīrājanaṃ ca saṃbhrāmya upacāraissamarpayet |
daśadānaṃ ca datvātha sūryaṃ svarṇena nirmitam ||

dvādaśa pratimāṃ kṛtvā brāhmaṇebhyaḥ pradāpayet |
bhūcakraṃ kārayeddevi daśaniṣkapramāṇataḥ ||

brāhmaṇāya pradātavyaṃ dakṣiṇābhiḥ samanvitam |
ācāryaṃ pūjayitvātha gobhūvāso hiraṇyakaiḥ ||

tatropakaraṇaiḥ sārdhaṃ pradadyācca maheśvari |
dakṣiṇāṃ dāpayedbhaktyā mūrtipebhyo yathākramam ||

brāhmaṇān bhojayetpaścāt yathā vibhavavistaram |
bhūmidānaṃ tato dadyāt rātrau dīpotsavaṃ guruḥ ||

bhūtebhyaśca baliṃ datvā kṛcchradānaṃ pradāpayet |
ityevaṃ kārayedbhaktyā bhūkampe ca maheśvari ||

pratisūrye darśane ca śāntiṃ kuryādidaṃ priye |
āyurārogyamaiśvaryaṃ sarvasampatkaraṃ nṛṇām ||

p. 20) subhikṣaṃ bhavedbhūmau āyurvṛddhikaraṃ nṛṇām |
brahmakṣatriyavaiśyānāṃ svadharmamabhivṛddhaye ||

sarvaprāṇihitaṃ puṇyaṃ sarvāghaughanivāraṇam |
prāyaścittamidaṃ devi tava prītyā mayoditam ||

iti śrīvātulottare prāyaścittakāṇḍe 
bhūkampādipratisūryadarśanaśāntividhirnāma ekacatvāriṃśatpaṭalaḥ ||




ataḥ paraṃ pravakṣyāmi indukṣayadinaṃ śive |
niśi nakṣatranāśe ca rātrāvindradhanūtthite ||

divā nakṣatradarśe ca yadi jāte maheśvari |
māṃsau cedadhike nyūnā ubhau prāpte ca vatsare ||

krūrādi grahayoge ca pañcame vātha saptame |
dvātriṃśatketurutpanne rūdhirasrāvapātane ||

vahnivṛṣṭistathā bhūmau yadi jāte maheśvari |

p. 21) masauce |

doṣaṃ śāntiṃ labhandevi krameṇa śṛṇu pārvati ||

indukṣaye ṛkṣanāśe rātrāvindradhanūtthite |
divā nakṣatradarśe cet yatrakutra sthale śive ||

deśe deśapatiścaiva mantrisenādhipakṣayaḥ |
māsau cedadhike nyūna ubhau prāpte ca vatsare ||

senājano grāmapaśca durbhikṣasyānmaheśvari |
krūrārigrahayoge cet jāte rāśau nṛṇāṃ priye ||

mṛtyubādhā bhavecchīghraṃ ṣaṇmāsāntaṃ na saṃśayaḥ |
yadi ketuśca ye dṛṣṭe tvakasmādvividhe śive ||

kṣāmakṣayau bhavedrājye bhūpāmṛtyumṛtiṃ yayuḥ |
vahnivṛṣṭistathā bhūmau rudhirasrāvapātane ||

anāvṛṣṭistathā devi phalanāśaṃ ca sarvataḥ |
sasyanāśaṃ bhavelloke vatsarāṇāṃ na saṃśayaḥ ||

tasmāttaddoṣaśāntyarthaṃ rājadhānyāṃ tavālaye |
deśe deśe pṛthaggrāme śāntikarma samācaret ||

daśahastamitenādau maṇṭapaṃ kārayedguruḥ |
p. 22) ekaṃ vā pañcakuṇḍaṃ vā hastatrayasamanvitam ||

lakṣaṇaṃ pūrvavaddevi pramāṇena vicakṣaṇaḥ |
dvārādi bhūṣaṇādīni racayenmaṇṭapaṃ gurūḥ ||

sutithau ca sunakṣatre rājagrāmānukūlake |
tataḥ prāta samutthāya snānasandhyāditarpaṇam ||

samāpya vidhinā mantrī brāhmaṇaissaha bhaktitaḥ |
devālayaṃ praviśyātha vighneśārcanapūrvakam ||

puṇyāhaṃ pañcagavyaṃ ca nāndīkarma samācaret |
varayedbhūsurān mantrī ācāryādi yathoktavat ||

alaṅkāraṃ bhūṣaṇādivastrahemāṅgulīyakaiḥ |
tāmbūlaṃ ca phalaṃ datvā madhuparkaṃ yathoktavat ||

aṅkuraṃ tu prakurvīta sadyo vātha maheśvari |
maṇṭapaṃ śodhayedrātrau tatkumbhān sthāpya homayet ||

vāsturākṣoghnahavanaṃ balipūjāṃ samācaret |
vedapārāyaṇaṃ dikṣu vidikṣvastramanuṃ śive ||

kṣetrapālaṃ vāstumantraṃ mṛtyuñjayanavagraham |
p. 23) mūlamantraṃ diśāmantraṃ bhūsūktaṃ viṣṇusūktakam ||

abhayaṅkaraṃ śāntidurgāprāsādaṃ bhuvaneśvarīm |
saptaśatīn ketumantrān aṣṭau vākyaṃ tadukṣakān ||

japet homāvasānāntaṃ rakṣābandhaṃ samācaret |
tataḥ prāta samutthāya nityakarma vidhāya ca ||

brāhmaṇaissaha saṃyuktaḥ saṃkalpya vidhipūrvakam |
puṇyāhaṃ vācayeddevi svakuṇḍe vidhivadguruḥ ||

jananāgniṃ ca kurvīta brahmāṇaṃ hotṛbhissaha |
tadagniṃ cānyakuṇḍeṣu sthāpayecca yathākramam ||

agnikāryoktavatkuryāt kuṇḍasya paritaḥ pṛthak |
upaviśya yathānyāyyaṃ prayutaṃ mūlamantrakam ||

pradhānakuṇḍe juhuyādaghoraṃ pūrvakuṇḍake |
grahamantraṃ dakṣiṇe ca paścimecābhayaṅkaram ||

triyambakaṃ cottare ca tatanmantraṃ hunet pṛthak |
khadiraṃ ca palāśaṃ ca arkamaudumbaraṃ tathā ||

dūrvā ca samidhaṃ hutvā prādhānādi yathākramam |
p. 24) ghṛtaṃ caruṃ tilaṃ ceti sarṣapaṃ pṛthukaṃ priye ||

saktuṃ vrīhiṃ ca godhūmaṃ madhukṣīraṃ yathākramam |
pūrvoktasaṅkhyayā hutvā ṛtvigbhiḥ saha deśikaḥ ||

upahomaṃ tato hutvā pradhānādi yathākramam |
śāntidurgāmanuṃ homaṃ tattanmāsarkṣadevatāḥ |

pañcabrahmaṃ ca prāsādaṃ sahasraṃ ca hunetpriye |
sthāpayedvedi madhye tu sahasraṃ cottamaṃ śive ||

tadardhārdhaṃ ca saṃpūjya kalaśān vidhivadguruḥ |
japapārāyaṇaṃ kuryāt uddiśyadivasāntakam ||

pūrṇāhuti hunedante tadghaṭān secayedguruḥ |
śatarudraṃ cātirudraṃ tattatkalpoktamārgataḥ ||

secayettava liṅgaṃ ca mahāpañcāmṛtaiḥ pṛthak |
nānāsūktaiścābhiṣicya tato gandhavilepayet ||

pūjayettava liṅgaṃ ca nānāpatraiḥ prasūnakaiḥ |
dhūpadīpaṃ ca naivedyaṃ ṣaḍrasānnaiśca bhakṣakaiḥ ||

phalapakvaṃ ca tāmbūlaṃ nīlājanamanantaram |
p. 25) balidānaṃ tato dadyāt brāhmaṇān bhojayedbahūn ||

rātrau dīpotsavaṃ devi raṅgapūjāṃ samācaret |
mahābhūtabaliṃ dadyāt daśadānaṃ pradāpayet ||

indu-ṛkṣādināśe ca tadrūpapratimāṃ priye |
kārayetsvarṇajaṃ dadyāddakṣiṇāṃ ca viśeṣataḥ ||

bhūridānaṃ tato dadyāt kṛcchradānaṃ tataḥ param |
ācāryaṃ pūjayedbhaktyā vāhanairbhūṣaṇādikaiḥ ||

gobhūmyādini datvā tu dakṣiṇāṃ ca svaśaktitaḥ |
brāhmaṇaṃ ca sadasyaṃ ca hotṛkādi yathākramam ||

tattadaṃśaṃ dakṣiṇāṃ ca dāpayecca pṛthak pṛthak |
ityevaṃ kārayecchāntiṃ sarvamaṅgalaṃ nṛṇām ||

rājāmātyaprajānāṃ ca sarveṣāṃ vṛddhidaṃ śive |

iti śrīvātulottare prāyaścittakāṇḍe śivapārvatīsaṃvāde 
indunakṣatranāśaketudarśanaśāntividhirnāma dvicatvāriṃśatpaṭalaḥ ||



śrīdevyuvāca -

śrutaṃ deva mayā sarvaṃ nityanaimitikādhikam |
prāyaścittavidhiṃ samyak tvayokto me sadāśiva ||

idānīṃ śrotumicchāmi utpātā bahavo bhuvi |
kathate dudbalaṃ deva kāraṇaṃ vada sāmpratam ||

teṣāṃ nāma kathaṃ deva doṣāṇāṃ ca kathaṃ pṛthak |
tacchāntiśca kathaṃ śambho vadasva kṛpayā śiva ||

īśvara uvāca -

sādhu devi tvayā pṛṣṭha utpātā bahavodbhavāḥ |
kathaṃ cedudbhavaṃ devi kāraṇaṃ śṛṇu tatvataḥ ||

kecit sthānavināśāya kecinmṛtyubhayaṃ śive |
kecicchatrubhayaṃ nṝṇāṃ durbhikṣaṃ jāyate bhuvi ||

kecidvasuharaṃ nṝṇāṃ grāme janapurakṣayam |
evamādiṣu kāleṣu utpādyante mayā bhuvi ||

tasmājjñātvā nṛṇāṃ śreṣṭhaḥ taddoṣaśamanāya ca |
śāntiṃ kurvīta vidhivat sarvaprāṇi hitāya ca ||

p. 27) teṣāṃ nāmāni vakṣyāmi krameṇa śṛṇu pārvati |
bhūmikampaṃ diśāṃ dāhaṃ pratisūryasya darśanam ||

divā nakṣatramutpannaṃ rātrāvindradhanusthitam |
niśinakṣatranāśe ca indukṣayadine śive ||

māsau cedadhike nyūnā ubhau prāpte ca vatsare |
krūrārigrahayoge ca pañcame vātha saptame ||

dvātriṃśatketurutpanne anyaiśca bahubhiśśive |
vahnivṛṣṭistathā bhūmau rudhirasrāvapātanam ||

divyantarikṣabhūmyāṃ ca jāyate ca maheśvari |
devālaye gṛhe vāpi grāmevā nagare sthale ||

pattane rājadhānyāṃ ca vane copavane'pi vā |
nadītīre taṭāke vā kānane parvate sthale ||

sindhutīre ca diksthāne bhūmyā * * * * * * |
* * * * * * * * rājalakṣmībahirgate ||

tadbimbaṃ ca prayatnena punaḥ prāpte guruḥ priye |
śānti kuryācca saṃpūjya utsavaṃ ca samārabhet ||

p. 28) yadi nāśādike bimbe yathāpūrvoktalakṣaṇam |
navaṃ bimbaṃ ca kurvīta pratiṣṭhāśāntimācaret ||

tiṣṭhatyūrdhvamukhe bimbe karapādavihīnake |
adhomukhādyanekāni hīnāsyakṛśavāmanāḥ ||

darśanaṃ cedidaṃ bimbaṃ vismayīkṛtya tatkṣaṇāt |
vetālakṣetrapālāśca bhūtabādhā ca vardhate ||

sarpavyādhibhayaṃ rājñaḥ deśe tatra prājāyate |
taddoṣaśamanārthāya prāyaścittaṃ samācaret ||

tavaliṅgādibimbe ca bimbadoṣādikān kramāt |
samyaguktaṃ mayā devi tacchāntiṃ vistarācchṛṇu |

bhinnadoṣādike prāpte yathāvadanupūrvaśaḥ |
ācāryaṃ bhojayetpūrvaṃ pāyasena ghṛtena ca ||

hemaratnādikaṃ tasya dātavyaṃ vāhanādikam |
maṇṭapaṃ devadakṣasthe kalaśaṃ pūrvavadyajet ||

homaṃ kṛtvā vidhānena saṃhāroktena deśikaḥ |
liṅgamabhyarcya santarpya tritatvaṃ ca visarjayet ||

p. 29) dvāramācchādya vastreṇa phalapakkaṃ nivedayet |
tataḥ sandhāya pūrvoktaṃ liṅgaṃ vā bimbameva vā ||

prāyaścittaṃ prakartavyaṃ guruḥ kuryānmaheśvari |
tavāgre ceśabhāge ca uttamottamamaṇṭapam ||

navakuṇḍaṃ prakalpyātha yathāpūrvoktamārgataḥ |
racayenmaṇṭapaṃ devi dvāratoraṇabhūṣaṇaiḥ ||

sutithau ca sunakṣatre suyogakaraṇānvite |
prāyaścittaṃ prakurvīta sadyovāthamaheśvari ||

tataḥ prātaḥ samutthāya brāhmaṇaiḥ saha deśikaḥ |
nityakarmāṇi nirvartya mṛttikāsnānapūrvakam ||

dhautavastrāmbaracchannaḥ vibhūtyādyairalaṅkṛtaḥ |
devālayaṃ tato gatvā prārthayecca maheśvari ||

upaviśyāsane mantrī pūrve vā caiśakoṇake |
prāṇāyāmaṃ tataḥ kuryānmātṛkādi yathākramam ||

nyāsaṃ kṛtvā tato mantrī guruvandanapūrvakam |
dinamuddiśya saṃkalpya pañcasapta navāhakam |

p. 30) mamātmajaṃ prapūjyātha nāndīpuṇyāhamācaret |
varayedbhūsurān devi pūrvoktalakṣaṇairyutān ||

guruṃ vidhiṃ ca dhanadaṃ sadasyaṃ cāṣṭamūrtipān |
homasaṅkhyamitān devi hotṛbhiśca yathoktavat ||

japārthaṃ ca tadardhaṃ syāt vedapāṭhārthaṣoḍaśān |
parārthaṃ daśa viprāṃśca rudrasaṃkhyāṃśca secakān ||

pūjārthaṃ daśaviprāṃśca namaskārapradakṣiṇe |
ṣaḍjanān varayenmantrī madhuparkaṃ ca dāpayet ||

vastrālaṅkārakaṃ dadyāt phalatāmbūlameva vā |
aṅkurārpaṇapūrvaṃ ca mṛttikāharaṇaṃ guruḥ ||

dhvajārohe tataḥ paścāt navarātrau maheśvari |
eka tripañcarātrau tu dhvajaṃ vā pūjayedguruḥ ||

sāyaṃ sandhyāmupāsyātha yāgagehaṃ praviśya ca |
puṇyāhaṃ pañcagavyaṃ ca kuṇḍamaṇḍapaśodhanam ||

vidyeśādighaṭān sthāpya dvāratoraṇakumbhakam |
taṇḍulāḍhyaṃ jalāḍhyaṃ ca rākṣoghnaṃ vāstuhomakam ||

p. 31) baliṃ ca vikiredvāsto rakṣabandhakriyāṃ nayet |
sthānaśuddhighaṭān nyastvā bimbaśuddhiṃ tathaiva ca ||

liṅgaśuddhiṃ ghaṭān sthāpya pūjayedvidhinā guruḥ |
vedapārāyaṇaṃ dikṣu vidikṣustamanuṃ japet ||

sarvamantrān japeddevi tattatsūktāṃśca mantrataḥ |
adhivāsaṃ ca kurvīta yathā pūrvoktavadguruḥ ||

liṅgaśuddhiṃ tataḥ paścāt pūrvoktadravyamantrakaiḥ |
vinidrāṃstu tataḥ kṛtvā tatpare prātarutthitaḥ ||

snānasandhyākriyā nītvā puṇyāhaṃ vācayettataḥ |
deśikāgniṃ samānīya prādhāne ca nyaset priye ||

tadagniṃ janayenmantrī hotṛbhirjāpakādikaiḥ |
vedapārāyaṇaṃ sārdhaṃ homakarmasamācaret ||

mūlamantrapradhānaṃ syāt lakṣaṃ vātha tadardhakam |
pūrvādikuṇḍe juhuyāt kalāvṛddhiṃ ca tatvakam ||

śāntidurgāṃ mṛtyujitaṃ tadardhaṃ ca yathākramam |
vidikṣu kuṇḍe juhuyāt caturastraṃ pṛthak pṛthak ||

p. 32) samidājyādikairmantrī daśadravyeṇa homayet |
upahomaṃ tataḥ paścāt pradhānādi yathākramam ||

liṅgaśuddhiṃ bimbaśuddhiṃ sthānaśuddhimanuṃ priye |
prāsādaṃ ca diśāmantraṃ grahahomaṃ ca mantravit ||

mūrtihomaṃ gaṇeśaṃ ca kṣetrapālamanuṃ śive |
sahasraṃ ca tadardhaṃ vā sarpiṣā juhuyāt pṛthak ||

japapārāyaṇaṃ kuryāt tattanmantrān bahūn priye |
sthāpayet kalaśān mantrī sahasraṃ ca yathoktavat ||

pūjayecca tataḥ paścāt spṛṣṭenmūlamanuṃ priye |
uddiśya divasāntaṃ ca hotṛbhiśca pṛthak pṛthak ||

pūrvoktasaṃkhyayā hutvā tataḥ pūrṇāhutiṃ hunet |
homānte tava liṅge ca kalāṃ saṃyojya deśikaḥ ||

sthāpitaṃ jīvakumbhaṃ ca secayenmantravittamaḥ |
nirīkṣākarma kartavyaṃ mukhavastraṃ visarjayet ||

tataḥ pañcāmṛtairliṅgaṃ secayedrudramantrataḥ |
nānāsūktaṃ pāvamānaiḥ tattanmantreṇa pārvati ||

p. 33) snāpayetkalaśairmantrī sahasraiśca yathākramam |
secanānte tadudvṛtya aṣṭagandhaṃ vilepayet ||

mahāpūjāṃ ca kurvīta nānāpuṣpaiśca nāmabhiḥ |
bilvapatrairdrāṇapuṣpaiḥ kamalaiśca maheśvari ||

svarṇena nirmitaiḥ kuryāt pūjayettavaliṅgake |
naivedyaṃ bahudhāpānnaṃ bhakṣabhojyaiśca pāyasaiḥ ||

nivedayettato mantrī mūlamantreṇa pārvati |
tāmbūlaṃ ca samarpyātha nīrājanamanantaram ||

balidānaṃ tataḥ kuryāt utsavaṃ ca viśeṣataḥ |
dine dine prakartavyaṃ uddiśya divasāntakam ||

daśadānaṃ tato dadyāt liṅgaṃ svarṇamayaṃ priye |
bimbaṃ vātha prakurvīta dakṣiṇāṃ ca svaśaktitaḥ ||

dadyācca gurave bhaktyā kṛcchradānaṃ pradāpayet |
brāhmaṇān bhojayeddevi yathā cāhutisaṃkhyayā ||

dakṣiṇāṃ dāpayedante ācāryādi yathoktavat |
bhūmidānaṃ tato dadyāt gurupūjāṃ samācaret ||

p. 34) gobhūmyādīni datvā tu tantropakaraṇaissaha |
ityevaṃ kārayecchāntiṃ liṅganāśādike priye ||

bhinne ca sphuṭite dagdhe khaṇḍite yatrakutracit |
tadardhārdhaṃ ca kurvīta bimbe vātha maheśvari ||

rodanādiṣu doṣeṣu kīṭakādi nidarśane |
karapādavihīne tu darśane kṛśavāmane ||

patanādiṣu doṣeṣu tasyārdhaṃ ca tadardhakam |
śāntiṃ kurvīta pūrvoktaṃ sarvadoṣanivāraṇam ||

sarvaśāntikaraṃ loke sarvasampatkaraṃ nṛṇām |
caturaṅgābhivṛddhiḥ syāt rājño rājyābhivardhanam ||

putrapautrādi vṛddhiśca sarvatra vijayo bhavet |
sarvamṛtyuharaṃ śīghraṃ āyurvṛddhikaraṃ priye ||

sannidhānaṃ bhavelliṅge sarvābhīṣṭapradaṃ śive |
garbhāgārādi vakṣyāmi doṣaṃ śāntiṃ kramācchṛṇu ||

garbhagṛhe maṇṭape ca prākāre gopure tathā |
prāsādādiṣu sarvatra dahane sphuṭite sati ||

p. 35) chinne bhinne khaṇḍite ca prāveśe maraṇe sati |
vāhane parivārāṇāṃ dhvaje vā kalaśe yadi ||

balipīṭhe kṣetrapāladvārapālau maheśvari |
dīpastambhe cordhvamālāśchatracāmarakādiṣu ||

śibike vāhanādīnāṃ pāduke vādyakādiṣu |
patite khaṇḍite dagdhe corairapahṛte sati ||

evamādi samutpanne rājārāṣṭrabhayaṃ bhavet |
garbhagṛhe ca saṃprāpte rāṣṭranāśaṃ janakṣayaḥ ||

maṇṭape gopure devi trimāsān sacivakṣayaḥ |
prāsādādiṣu saṃprāpte senānāyakanāśanaḥ ||

vārnane parivāreṣu yadi prāpte maheśvari |
coramāribhayaṃ tatra duṣṭabādhā ca vardhate ||

vastuvāhananaśyanti trivarṣāntaṃ na saṃśayaḥ |
dhvaje vā kalaśe bhaṅge balipīṭhe pramādataḥ ||

kṣetrapāle dvārapāle dīpastambhādike priye |
śatrubādhādbhavetsadyaḥ bhūtabādhā ca vardhate ||

p. 36) na sannidhyaṃ bhavelliṅge tatsthānaṃ nāśamāpnuyāt |
chatracāmarasevādi śibike pādukādiṣu ||

balidīpe vādyakādi patite khaṇḍite sati |
rājñāṃ bhogavināśaḥ syāt gajāśvapaśunāśanam ||

sarvabhaṅgaṃ bhavetsadyaḥ grāmalakṣmīrbahirgatā |
evaṃ doṣādike prāpte śāntiṃ pūrvoktamācaret ||

aghoraṃ niyutaṃ hutvā mūlamantraṃ ca pārvati |
diśāhomaṃ śāntidurgāmṛtyuñjayamanuṃ guruḥ ||

tadardhārdhaṃ ca hutvātha yathādoṣabalābalam |
sahasrārdhaṃ ghaṭaṃ mantrī tadardhārdhaṃ ca secayet ||

dānaṃ ca vividhaṃ dadyāt sarvaṃ pūrvoktamācaret |
śāntikarmamayetyuktaṃ liṅgabimbādināśane ||

sarvasampatpradaṃ nṝṇāṃ sarvadā maṅgalapradam |
deśakośābhivṛddhiḥ syāt mama loke vasecciram ||

iti śrīvātulottare prāyaścittakāṇḍe śivapārvatīsaṃvāde 
liṅgabimbādidoṣaśānti sandhānavidhirnāmatricatvāriṃśat paṭalaḥ ||




| svastu |

p. 37) rathabhaṅgapravakṣyāmi kāmye naimittike yadi |
vatsarādyutsavādīnāṃ ādimadhyāvasānake ||

śakaṭādirathe bhinne pathite śithile sati |
dagdhe naṣṭe khaṇḍite ca tadaṅge ca maheśvari ||

tavotsave cādbhute ca yadi prāpte pramādataḥ |
doṣaṃ śāntiṃ ca sandhānaṃ tatphalaṃ śṛṇu pārvati ||

cakre hīne tvalakṣmī syāt tadgrāmaṃ nāśanaṃ bhavet |
rājñā daṇḍe balaṃ hanti dhananāśaṃ ca pārvati ||

tiryadgāṇḍe ca sacivaṃ nāśanaṃ paṭṭikā bhavet |
mūrtiyukpalake stambhe svarājyaṃ pattanakṣayam ||

pāntarāle ca madhye vā yadi namre ca pārvati |
rogabādhā ca tadrājñaḥ svastrīnāśanamāpnuyāt ||

rathadvārādike nāśe rājalakṣmī bahirgatā |
rathabhittau vihīnettanantale ca vihīnake ||

durbhikṣaṃ prāpnuyussarve mṛtyubādhāṃ ca pārvati |
p. 38) śalāke rajjubandhe ca senānāyakamantriṇām ||

nāśanaṃ ca bhavenmṛtyuḥ baliberasthale śive |
bhaume cāntaramadhye vā khaṇḍite mriyate'pi vā ||

ākuñcite vā patane tadrājā mṛtyumāpnuyāt |
balibimbe ca patane deśikādijane sati ||

deśanāśo bhavetsadyaḥ caturaṅgabalakṣayaḥ |
rājadānī vinaśyeta śatrubādhā bhavennṛṇām ||

chatre caiva patāke vā alaṅkāravihīnake |
yaśaḥ kīrtyādikaṃ hanti rājabhogaṃ ca naśyati ||

rathāgrakalaśe bhinne rathāgre pātite sati |
tadrājñaḥ sarvabhaṅgatvaṃ daridratvaṃ na saṃśayaḥ ||

trimāsānmṛtyumāpnoti rājalakṣmīrbahirgatā |
rajjucchede dhvaje bhaṅge tajjanena nipātite ||

jayābhigamanaṃ nāsti bandhunāśaṃ ca pārvati |
sarvāṅge śithile jāte sarvārthaṃ naśyati dhruvam ||

rathe vā patite devi khaṇḍite bhūtale yadi |
p. 39) tadrājamaraṇaṃ sadyaḥ caturaṅgabalakṣayaḥ ||

tadrāṣṭraṃ nāśamāpnoti trivarṣāntaṃ na saṃśayaḥ |
dikpālaṃ tu tato vakṣye patite ca maheśvari ||

sārvabhaumakṣayaprāpyāṃ gehāgneyyāṃ ca bhūpatiḥ |
yame kṣayaścakravarti maṇḍalikastathā sure ||

prabhukṣayaśca vāruṇyāṃ vāyavyāṃ prabhusārathiḥ |
some mṛtirmaṇḍalikaḥ īśe bhūpasatikṣayaḥ ||

tasmācchāntiṃ prakartavyā sarvalokahitāya ca |
sarvadoṣaharaṃ nṝṇāṃ śāntiṃ kuryānnṛpottamaḥ ||

rathabhaṅgaṃ tadā rājñaḥ darśayenna kadācana |
ācāryaḥ śilpibhiścaiva saśiṣyaiścārakādibhiḥ ||

rathabhaṅgaṃ tadā dṛṣṭvā punastatraiva sandhayet |
sudṛḍhaṃ śilpibhiḥ kuryāt * * * * * * * * ||

puṇyāhaṃ vācayettatra vighneśārcanapūrvakam |
cakrādimantraṃ juhuyāt sāṣṭottaraśatāhutim ||

ghoramantraṃ ca tasyārdhaṃ mūlamantraṃ ca pārvati |
p. 40) prāyaścittaṃ ca śāntiṃ ca diśāmantraṃ hunedguruḥ ||

samidājyacarudravyai tuṭikaissarṣapaissaha |
pṛthaṅmantreṇa hotavyaṃ tadaṅge śithile guruḥ ||

snāpayedghaṭatoyena sāṣṭottaraśataṃ guruḥ |
bhinnasthānaṃ ca tadbimbaṃ snapayecca maheśvari ||

tadrathaṃ snapayetpaścāttadardhaṃ ca pṛthak pṛthak |
pūjayecca tato mantrī vedapārāyaṇādikaiḥ ||

daśadhā dāpayeddānaṃ kṛcchradānaṃ maheśvari |
rathasya parito dikṣu praśastāścānnarāśayaḥ ||

kūśmāṇḍaśakalaissārdhaṃ tato bhūtabaliṃ haret |
lāṅgulyādisphalaistāḍya śeṣaṃ cotsavamācaret ||

mahāśāntiṃ tataḥ kuryāt vidhānaṃ na gurūttamaḥ |
tadrathaṃ yadi sandhānaṃ na kṛte cettadā śive ||

tava bimba cāvaropya svastisūktena deśikaḥ |
śibikādyaissamāropya utsavaṃ ca samācaret ||

śeṣaṃ karma samāpyātha navaṃ kṛtvā dṛḍhaṃ ratham |
p. 41) yathā pūrvoktavatkuryāt trimāse saptame śive ||

tadūrdhve vatsare māse tadṛkṣe tattithāvapi |
bījakarmādi tīrthāntaṃ punarūtsavamācaret ||

mahāśāntiṃ ca pūrvedyuḥ guruḥ kuryādvidhānataḥ |
rathotsavaṃ tataḥ kuryāt dhvajārohādipūrvakam ||

mahāśāntiṃ pravakṣyāmi vistarācchṛṇu pārvati |
tavāgre maṇṭapaṃ kuryāt īśānye vātha deśikaḥ ||

dvātriṃśaddhastaparyantaṃ caturaśraṃ samantataḥ |
hastamātraṃ connataṃ syāt madhye vediṃ salakṣaṇām ||

dvātriṃśastambhasaṃyuktāṃ caturdvāraṃ prakalpayet |
daṇḍaṃ saṃsthāpya kudalīṃ toraṇaiścāpyalaṅkṛtam ||

dvihastasaṃmitaṃ kuṇḍaṃ caturaśraṃ caturdiśi |
vidikṣu vṛttakuṇḍaṃ syāt vedikoparikalpayet ||

indracaiśānayormadhye vṛttakuṇḍaṃ pradhānakam |
kuṇḍanābhisamāyuktaṃ mekhalopari śobhitam ||

ityevaṃ maṇṭapaṃ ramyaṃ śāntiṃ kuryānmaheśvari |
p. 42) etaddineṣu niścitya satyavādī jitendriyaḥ ||

dīkṣāvān karmaniṣṭhajjñaḥ viprānāhūya deśikaḥ |
prātaḥ snānaṃ prakurvīta nityakarma samāpya ca ||

tato devālayaṃ gatvā phalapuṣpaṃ samarpya ca |
prārthayecca tato mantrī śāntiṃ kuryāttavājñayā ||

tataḥ karmāṇi kurvīta ācāryādi dvijaissaha |
niśi sāyaṃ divā prātaḥ karmārambhaṃ samācaret ||

maṇṭapaṃ ca praviśyātha āsane copaviśya ca |
guruvandanapūrvādi prāṇāyāmaṃ samācaret ||

dinamuddiśya saṃkalpya yathāvibhavavistaram |
vighneśamarcanāndyādi puṇyāhaṃ pañcagavyakam ||

madhuparkaṃ ca varayedācāryaṃ yajamānakam |
brahmaṇaṃ mūrtipān devi yathā cāhutisaṃkhyayā ||

dinasaṅkhyamitaṃ jñātvā varayedvṛtvijān kramāt |
vedapārāyaṇārthaṃ tu ṣoḍaśabrāhmaṇān śive ||

japārthaṃ ca śatārdhaṃ syāt sevanārthaṃ ca pārvati |
p. 43) rudrasaṅkhyān pūjanārthaṃ daśaviprān pṛthak pṛthak ||

pradakṣiṇa namaskārān ṣaḍghanāṃśca maheśvari |
cārārthaṃ daśaviprāṃśca pratyekaṃ varayedguruḥ ||

vastraṃ ca bhūṣaṇaṃ datvā phalatāmbūlameva vā |
deśikaṃ makuṭādyaiśca svarṇayajñopavītakaiḥ ||

dukūlapādukādyaiśca chatravyajanapātrakaiḥ |
suvarṇakuṇḍalaṃ caiva aṅgulīyaṃ maheśvari ||

datvā vibhavasāreṇa deśikaṃ tu samarcayet |
maṇṭapaṃ śodhayetpaścāt saṃmārjya vipragomayaiḥ ||

devālaye vitānādyaiḥ toraṇaiścāpyalaṅkṛtam |
darbhadāmnā ca tānveṣṭya saṃskāraṃ ca daśāṣṭakān ||

maṇṭapāntasthakumbhānāṃ sthāpayetpūjayedguruḥ |
aṅkuraṃ tu prakurvīta sadyo vātha maheśvari ||

vāsturākṣoghnahavanaṃ balipūjāṃ samārabhet |
rakṣāsūtraṃ bandhayitvā ācāryādi dvijān pṛthak ||

vedapārāyaṇaṃ kuryāt tattanmantraṃ japetpriye |
p. 44) rātrau jāgaraṇaṃ kṛtvā nirāhāro jitendriyaḥ ||

tataḥ prātassamutthāya nityakarma samāpya ca |
puṇyāhaṃ ca tataḥ kuryātkalaśān sādhayetpriye ||

sahasraṃ cottamaṃ devi pūjayecca yathāvidhi |
jananāgniṃ pratiṣṭhāpya gurukuṇḍasthapāvake ||

viharedanyakuṇḍeṣu agnikāryoktamācaret |
agnimadhye samāvāhya tava mūlena pārvati ||

aghoraṃ pūrvakuṇḍe tu āgneyyāṃ ca sudarśanam |
mṛtyuñjayaṃ dakṣiṇe syāt pañcadurgāṃśca rākṣase ||

devyāstraṃ vāruṇe devi prāsādaṃ ca mamātmakam |
vāyavyakuṇḍemāvāhya some tattvaṃ kalāṃ hunet ||

īśānye śāntidurgāṃ ca tattanmantreṇa pārvati |
aṣṭamūrtīssamāvāhya mūrtipāśca tato hunet ||

ghoramantraṃ cāyutaṃ syāt mūlamantraṃ tathaiva ca |
tasyārdhārdhaṃ ca juhuyāt tattatkuṇḍe ca pārvati ||

gaṇeśakṣetrapālāṃśca dikpālāṃśca hunet pṛthak |
p. 45) navagrahān mūrtimantrān rathadevān hunedguruḥ ||

samidājyacarudravyaiḥ truṭikaissarṣapaissaha |
godhūmaṃ ca pṛthak lājān saktuṃ vrīhiṃ ca pārvati ||

tattanmantreṇa hotavyaṃ uddeśatyāgapūrvakam |
pūrṇāhutiṃ hunedante uddiśya divase guruḥ ||

snapayedghaṭasāhastraiḥ rudramantraiśca sūktakaiḥ |
mahāpūjāṃ prakūrvīta bahudhā ca nivedayet ||

balidānaṃ tataḥ kuryāt daśadānaṃ pradāpayet |
brāhmaṇān bhojayetpaścāt yathā cāhutisaṅkhyayā ||

kumbhasaṃkhyāthavā devi bhakṣabhojyairyathepsitam |
bhinnasthānaṃ ca tadgātrau saṃhāroktena mārgataḥ ||

rathapūjāṃ ca hotavyaṃ snapanaṃ kārayetpriye |
taddevāṃśca visṛjyātha mahābhūtabaliṃ haret ||

svarṇaṃ vā rājataṃ vātha rathaṃ kṛtvā tu dāpayet |
dānāni buhudhā datvā bhūridānaṃ ca kārayet ||

mahotsavaṃ tataḥ kuryādācāryaṃ pūjayetpriye |
p. 46) gobhūmyādīni datvātha draviṇaṃ ca yathepsitam ||

tatropakaraṇaṃ devi savastrapratimānvitam |
kalaśān maṇṭapaṃ devi dāpayetpūrvakaṃ ratham ||

deśikaṃ toṣayeddevi sarvadoṣanivāraṇam |
dakṣiṇāṃ dāpayedbhaktyā karma kuryācca bhūsurān ||

śāntikarma samāpyātha tava liṅge gurūttamaḥ |
itthaṃ kurvīta yo bhaktyā rathabhaṅge ca pārvati ||

sarvadoṣaharaṃ nṝṇāṃ sarvāriṣṭanivāraṇam |
cirāyuṣyaṃ mudaṃ bhūpo putrapautrasamanvitaḥ ||

sthirāṃ lakṣmīmavāpnoti caturaṅgabalānvitaḥ |
bhuktvā ca vipulān bhogān kīrtimān dhanavān bhavet ||

rathabhaṅgetvidaṃ devi prāyaścitamidaṃ śubham |

iti śrīvātulottare prāyaścittakāṇḍe rathabhaṅgaprāyaścitta 
nirūpaṇavidhirnāma catuścatvāriṃśatpaṭalaḥ ||




p. 47) ataḥ paraṃ pravakṣyāmi śṛṇu devi yathākramam |
vāhanārthaṃ gajāśvādyaiḥ vṛṣabhaiścāpyalaṅkṛtaiḥ ||

etatprāṇivirodhena patite raktapātane |
nakhadantakṣate śṛṅgī ghāte yadi mṛte sati ||

yadi vighne ca saṃprāpte nityabalyādi cotsave |
pakṣe māsotsave devi ayane vatsarotsavaiḥ ||

ādimadhyāvasāne tu yadi prāpte maheśvari |
bahudhā śatrubādhā syādanāvṛṣṭirbhaviṣyati ||

durbhikṣaṃ saṃbhavelloke mahāmāribhayaṃ nṛṇām |
nidhanaṃ prāpnuyādrājā rājalakṣmīrbahirgatā ||

na sānnidhyaṃ bhavelliṅge yadi naṣṭe ca pārvati |
tasmāttaddoṣa śāntyarthaṃ mahāśāntiṃ samācaret ||

na kṛte karmabāhulye tatkāle śāntimācaret |
karmārambhāvasānāntaṃ śeṣaṃ cotsavamācaret ||

tadūrdhvamāse saṃprāpte tadṛkṣe tattithāvapi |
trimāse pañcame vāpi saptame navame śive ||

p. 48) mahāśāntiṃ ca kurvīta vidhānaṃ śṛṇu pārvati |
gururdevāgrataḥ kuryāt uttamottamamaṇṭapam ||

savedikāsamāyuktaṃ sarvabhūṣaṇabhūṣitam |
dvihastaṃ saṃmitaṃ kuṇḍaṃ sayoninābhisaṃyutam ||

vedikāyā madhyamasya paritaḥ kuṇḍakalpanam |
caturaśraṃ tu vṛttaṃ vā pradhānaṃ parikīrtitam ||

caturdikṣu prakurvīta caturaśraṃ ca kuṇḍakam |
trimekhalā samāyuktaṃ gurūstallakṣaṇoktavat ||

dvijānāhvāpayedrātrau vighneśārcanapūrvakam |
nāndīmukhaṃ ca puṇyāhaṃ madhuparkasamanvitam ||

varayedbrāhmaṇān sarvān ācāryādīn pṛthak pṛthak |
sadyo'ṅkuraṃ prakartavyaṃ kuṇḍamaṇṭapaśodhanam ||

vāsturākṣoghnahavanaṃ baliṃ vāstossamācaret |
vidyeśādi ghaṭānyaṣṭvā toraṇaṃ gaḍḍukādikam ||

sthāpanaṃ ca tataḥ kuryādrakṣābandhaṃ samācaret |
sthānaśuddhiṃ tataḥ kuryāttatsthāne ca maheśvari ||

p. 49) khananaṃ haraṇaṃ dāhaṃ pūraṇaṃ gonivāsanam |
viprocchiṣṭaṃ ca gavyaṃ ca sthānaśuddhiriyaṃ priye ||

saṃmārjanopalepaṃ ca vikiretsarvapāṭikān |
rakṣābandhaṃ tataḥ kuryāddarbhadāmnā ca veṣṭayet ||

vāstoṣpateti mantrābhyāṃ pāvamānamudīrayet |
bhūsūktabrahmasuktābhyāṃ tatsthānaṃ prokṣayedguruḥ ||

vedapārāyaṇaṃ kuryājjapenmantraṃ yathoktavat |
tataḥ prātassamutthāya nityakarma samāpya ca ||

vighneśamarcya puṇyāhaṃ saṅkalpavidhipūrvakam |
dinamuddiśya saṅkalpya homakarma samārabhet ||

brahmāṇaṃ ca sadasyaṃ ca śatārdhān hotṛkā priye |
nānāsūktādi mantrajñān daśapañca maheśvari ||

caturo vedapāṭhārthaṃ caturdikṣu yathākramam |
parārthaṃ ṣaḍghanān devi rudrasaṃkhyaṃśca secakān ||

pūjārthaṃ daśaviprāṃśca namaskārapradakṣiṇe |
ekamekaṃ pṛthak mantrī brāhmaṇaiśca samanvitaḥ ||

p. 50) yāgagehe copaviśya āsaneṣu yathākramam |
pradhāne madhyame kuṇḍe hotṛbhirdaśabhissaha ||

dhanadena sadasyena brahmaṇā saha deśikaḥ |
kuṇḍasaṃskārapūrvaṃ ca janayetpāvakaṃ śive ||

aghoreṇāyutaṃ homaṃ uddeśatyāgapūrvakam |
pratyekaṃ daśabhirvipraiḥ caturdikṣu pṛthak pṛthak ||

homayenmanunā devi ṛtvigbhiḥ saha deśikaḥ |
udumbaraśamīdūrvā khadiraṃ ca palāśajam ||

tattatkuṇḍeṣu juhuyātpradhānādi yathākramam |
ghṛtaṃ caru tilaṃ caiva sarṣapaṃ tuṭikaṃ tathā ||

marīcaṃ jīrakaṃ lājaṃ pṛthukaṃ ca hunetpṛthak |
pūrvoktasaṃkhyayā hutvā anyamantran yathākramam ||

mṛtyuñjayamanuṃ pūrve dakṣe pāśupataṃ manum |
śāntidurgā paścime ca mūlamantramantraṃ tu cottare ||

pratyekamayutaṃ caiva kuṇḍe kuṇḍe yathākramam |
homayenmanunā devi japeyurbrāhmaṇottamāḥ ||

p. 51) navagrahaṃ vāstuśāntiṃ rākṣoghnaṃ bhuvaneśvarīm |
caturastraṃ kṣetrapālaṃ gaṇeśaṃ ca sarasvatīm ||

mṛtyuñjayaṃ ca prāsādaṃ saptaśatyādikaṃ japet |
snapayedghaṭasāhasraiḥ tadardhairvā maheśvari ||

pūrvoktenaiva saṃpūjya savastrapratimādikaiḥ |
auṣadhaṃ ca vinikṣipya mūlamantraṃ japetpriye ||

homānte secayeddevīṃ rudramantraiśca sūktakaiḥ |
liṅgaṃ pañcāmṛtaiḥ snāpya gandhairālipyadeśikaḥ ||

pūjayedbahudhā mantrī naivedyaṃ bahudhā śive |
valyutsavaṃ tataḥ paścādgobhūmyādīni dāpayet ||

gajāśvavṛṣabhaṃ gatvā punassandhānamācaret |
dakṣiṇāṃ ca tato dadyādyathā vibhavavistaram ||

brāhmaṇān bhojayet paścāt sahasraṃ ca maheśvari |
deśikaṃ toṣayedante tatropakaraṇaissaha ||

śāntikarmamayetyuktaṃ sarvadoṣanivāraṇam |
sarvapāpaharaṃ devi subhikṣaṃ tatkṣaṇādbhavet ||

p. 52) rājyadurgādivṛddhissyāccaturaṅgabalapadam |
sarvaśatruharaṃ sadyaḥ sthirāṃ lakṣmīmavāpnuyāt ||

iti śrīvātulottare prāyaścittakāṇḍe śivapārvatīsaṃvāde 
gajāśvavṛṣabhādiśāntividhirnāma pañcacatvāriṃśatpaṭalaḥ ||



athātaḥ saṃpravakṣyāmi śastradhāranṛṇāṃ priye |
senānāyakabhṛtyānāmanyeṣāṃ samavāyinām ||

parasparavirodhena yuddhe jāte maheśvari |
muṣṭiyuddhe daṇḍayuddhe nakhadantakṣate sati ||

pāṣāṇairāyudhādyaiśca kṣate jāte maheśvari |
patite raktajāte ca manuje ca mṛte yadi ||

vighne jāte tatkāle nityanaimittike'pi vā |
utsave balikāle vā doṣaṃ śāntiṃ śṛṇu priye ||

muṣṭiyuddhe mahārogaṃ daṇḍayuddhe kulakṣayam |
nakhadantakṣaye devi durbhikṣaṃ jāyate bhuvi ||

p. 53) pāṣāṇasaṃbhave yuddhe prajā nāśatvamāpnuyāt |
anāvṛṣṭirathānyatvaṃ śoṇite patite yadi ||

kṣate jāte manuṣyāṇāṃ mānino bhaṅgamāpnuyuḥ |
maraṇaṃ ca yadi prāpte rājā maraṇamāpnuyāt ||

tava liṅgena sānnidhyaṃ caturaṅgabalakṣayam |
śriyamāyurharecchīghraṃ grāmantaṃ nāśamāpnuyāt ||

taddoṣaśamanārthāya prāyaścittaṃ vadāmyaham |
pūrvoktamaṇṭapaṃ kuryānnavakuṇḍaṃ ca pañca vā ||

salakṣaṇaṃ ca kurvīta dvāratoraṇabhūṣitam |
tavālayaṃ ca saṃbhūṣya kṣālayedgomayodakaiḥ ||

tataḥ prātassamutthāya nityakarma samāpya ca |
ādau gaṇapatiṃ pūjya nāndīkarma tataḥ param ||

puṇyāhaṃ pañcagavyaṃ ca prokṣayenmanunā guruḥ |
varayedbhūsurān devi pūrvoktadvijasaṃkhyayā ||

madhuparkaṃ ca datvātha śodhayenmaṇṭapo guruḥ |
dvāratoraṇakumbhāṃśca pūjayetsvasvanāmabhiḥ ||

p. 54) vedapārāyaṇaṃ kuryāccaturastraṃ japetpriye |
vāsturakṣoghnahavanaṃ balipūjāṃ samācaret ||

dehaśuddhiṃ tataḥ kuryāttatsthānaṃ śodhayedguruḥ |
khananādi viśuddhiṃ ca saṃmārjya prokṣaṇādibhiḥ ||

bhūsūktaṃ pāvamānaṃ ca viṣṇusūktaṃ ca pārvati |
vāstusūktena vikiretsarṣapañcāstramantrataḥ ||

rakṣābandhaṃ tataḥ kuryādadhivāsanamārabhet |
pūrvoktena vidhānena tattatkuṇḍāṃśca homayet ||

bhūbījaṃ ca tato hutvā aṣṭottaraśataṃ priye |
bhūtebhyaśca baliṃ datvā gehasya parito guruḥ ||

nṛttagītasamāyuktaṃ punassūryodayāntikam |
punaḥ prātasamutthāya nityakarma samāpya ca ||

puṇyāhaṃ vācayetpaścālliṅgaśuddhiṃ samācaret |
bimbaprāsādaśuddhiṃ ca tattanmantraiśca dravyakaiḥ ||

śodhayecca tato mantrī yāgagehaṃ praviśya ca |
brahmaṇā dhanadenātha hotṛbhiśca yathoktavat ||

p. 55) upaviśya yathānyāyaṃ pratikuṇḍe maheśvari |
jananāgniṃ ca kurvīta viharedanyakuṇḍake ||

homayenmūlamantreṇa ayutaṃ ca maheśvari |
ādhāraṃ pūrvakuṇḍe tu āgneyyāṃ tu tavāstrakam ||

yāme mṛtyuñjayaṃ caiva diśāhomaṃ tu rākṣase |
prāsādaṃ vāruṇe devi vāyavye śāntidaurgakām ||

kalāvṛddhiṃ saumyadeśe pañcabrahmāṇamīśake |
homayecca pṛthaṅmantrī yathāpūrvoktasaṅkhyayā ||

pūrvoktadravyahomāñca upahomaṃ ca pūrvavat |
pūrṇāhutiṃ hunedante snapayetkalaśaiḥ priye ||

sahasrairvidhivanmantrī tadardhārdhena vā śive |
pañcāmṛtaṃ droṇamitaṃ kṣīrādidravyapañcakam ||

phalapañcāmṛtaṃ devi mahārudrairyathāvidhi |
anyasūktaiśca saṃsnāpya udvartyāmalakaiśśive ||

aṣṭagandhaṃ samālipya nānāpuṣpaiśca pūjayet |
śālyānnaṃ pañcabhakṣādyaiḥ naivedyaṃ ca samarpayet ||

p. 56) nīrājanaṃ ca tāmbūlaṃ prasannayajanaṃ caret |
dānaṃ daśavidhaṃ datvā yathāśaktyā bahūn priye ||

tilaṃ ca puruṣaṃ kṛtvā svarṇaṃ vātha maheśvari |
dakṣiṇāṃ dāpayedbhaktyā yathāvibhavavistaram ||

balidānaṃ cotsavaṃ ca brāhmaṇān bhojayedbahūn |
rātrau dīpotsavaṃ kuryādbhūtebhyaśca baliṃ haret ||

kriyāsamarpaṇaṃ devi kṛcchradānaṃ ca dāpayet |
dakṣiṇāṃ dāpayedbhaktyā ācāryādiyathākramam ||

ityevaṃ kārayeddevi sarvadoṣaharaṃ nṛṇām |
putrapautrādisampattissarvatra vijayo bhavet ||

sarvamṛtyuharaṃ śīghraṃ āyurvṛddhikaraṃ muhuḥ |
tava liṅge ca sānnidhyaṃ sarvaprāṇisukhaṃ bhavet ||

kṣate jāte nṛṇāṃ devi nāśanaṃ ca midaṃ mahat |
catuṣpadāñca dvipadāṃ vanyānāṃ duṣṭajīvinām ||

praveśe maraṇe prāpte pūrvavaddoṣasaṃyute |
prāyaścittaṃ tadardhaṃ vā yathā doṣabalābalam ||

p. 57) śāntiṃ kurvīta mantrajñaḥ yathāpūrvoktamārgataḥ |

iti śrīvātulottare prāyaścittakāṇḍe 
dvipadacatuṣpadapraveśamaraṇamuṣṭiyuddhavirodhaśāntividhirnāma 
ṣaṭcatvāriṃśatpaṭalaḥ ||



ataḥ paraṃ pravakṣyāmi pattanādigṛheṣu ca |
utpāte codbhave devi prāyaścittaṃ śṛṇu priye ||

pattane rājadhānyāṃ ca tava kṣetre ca durgake |
rājñāṃ gehe cānyagṛhe dvijādīnāṃ maheśvari ||

anaḍvān mahiṣa vyāghra kharoṣṭrādi praveśane |
yadi gehe cādhirohe yadyakasmānmaheśvari ||

tatsthānaṃ nāśamāpnoti mahiṣī mṛtimāpnuyāt |
praveśe maraṇe prāpte yatra kutra sthale śive ||

trimāsānmṛtyumāpnoti rājapīḍā bhavetsadā |
madhupañjarasaṃbhūte chatrakai ca pipīlike ||

p. 58) valmīke yatra dṛśyante tadgṛhe pīḍyate sadā |
mṛtyubādhā bhavecchīghraṃ yajamānasya pārvati ||

govadhe strīvadhe caiva saraṭoḍupraveśane |
vyālājagaragṛdhrādi praveśe maraṇe sati ||

tadgrāmanāśanavathe yajamānaṃ na saṃśayaḥ |
tasya putrasya bhrātrā vā vyādhinā pīḍite bhṛśam ||

maṇḍūke'gnimṛte devi kuṇḍe kumbhasamudbhave |
kapotakāka-ṛkṣādi yadi gehe praveśane ||

gonāśaṃ jananāśaṃ ca arthanāśaṃ ca pārvati |
rājapīḍā ripubhayaṃ mṛtyubādhā ca vardhate ||

anyairvā prāṇibhirduṣṭaiḥ dūṣite ca maheśvari |
praveśe maraṇe tasmin sarvārthaṃ naśyati dhruvam ||

dikphalaṃ ca pravakṣyāmi praveśādi yathākramam |
pūrve pūtravināśaṃ syādāgneye strīvināśanam ||

dakṣiṇe śatruvṛddhisyānnai-ṛ-ṛte cārthanāśanam |
vāruṇe mṛtyubādhā syādvāyavye vyādhipīḍanam ||

p. 59) some nṛpabhayaṃ devi īśe sarvārthanāśanam |
praveśadvārato gacche māsamekaṃ gṛhaṃ tyajet ||

yadi dvārāntaraṃ devi ṣaṇmāsaṃ tu vivarjayet |
gṛhamadhye praveśe ca vatsarāṇāṃ na saṃśayaḥ ||

tadgṛhaṃ varjayeddevi śayanāsanabhojanam |
gamanaṃ devi taccaiva viśeṣeṇa vivarjayet ||

dvāre kaṇṭakapāṣāṇa loṣṭānyanyāni pūrayet |
devālaye rājagṛhe varjayenna kadācana ||

sadyaḥ  śāntiṃ prakartavyaṃ yathāpūrvāktamārgataḥ |
pattane vā gṛhe devi saptarātraṃ vivarjayet ||

tataḥ śāntiṃ ca kurvīta sarvadoṣanivṛttaye |
tacchāntiṃ ca pravakṣyāmi rājñaḥ gehe dvijādiṣu ||

praveśasthānadeśe vā pūrve vātha gṛhottare |
maṇṭape vā prapāṃyāṃ vā kurvīta samalaṅkṛte ||

toraṇairaṅgavālyādi kuṇḍaṃ vā sthaṇḍilaṃ śive |
tatsthānaṃ śodhayetpūrvaṃ khananaṃ ca mṛdaṃ tyajet ||

p. 60) lavaṇaṃ vā mṛdaṃ pūrya kṣālayedgomayodakaiḥ |
candratārānukūle ca rudrakṣetra tithāvapi ||

taddine ca prakartavyaṃ śāntiṃ caiva vidhānataḥ |
tataḥ prātaḥ samutthāya ācāryo bhūsuraissaha ||

mṛttikāsnānapūrvaṃ ca kuśagomayabhasmanā |
snānaṃ kṛtvā vidhānena sandhyādi japatarpaṇam ||

nityakarmaṃ vidhāyātha gṛhamāgatya deśikaḥ |
gurvādivandanaṃ kṛtvā vighneśārcanamācaret ||

puṇyāhaṃ pañcagavyaṃ ca prokṣaṇaṃ prāśanaṃ priye |
nāndīṃ saṃvācya pūrvoktaṃ madhuparkaṃ yathāvidhi ||

ācāryaṃ varayetpaścādbrāhmaṇaṃ dhanadaṃ śive |
ṛtvijān varayetprājñaḥ tripañca-ṛṣisaṃkhyakān ||

japārthaṃ vedapāṭhārthaṃ varayecca pṛthak pṛthak |
gṛhaśuddhiṃ tataḥ kuryātprokṣaṇaiḥ pāvamānakaiḥ ||

yavaṃ ca sarṣapaṃ caiva māṣamudgaṃ vikīrya ca |
saṃmārjyālipya gandhaiśca vāyumantreṇa cāstrataḥ ||

p. 61) bhūsūktaṃ pāvamānaṃ ca sarvatra prokṣayedguruḥ |
dvārastambhau ca saṃpūjya rākṣoghnaṃ homayettataḥ ||

vāstuhomaṃ tataḥ kṛtvā vikirecca baliṃ guruḥ |
rakṣābandhaṃ tataḥ kuryāttatpare divase guruḥ ||

gṛhaśuddhiṃ tataḥ kuryādācāryo ṛtvijaissaha |
kalaśasthāpanārthāya vrīhirāśiṃ prakalpayet ||

khāridvayaṃ tadardhaṃ vā tato nyūnaṃ na kārayet |
tadroṇakumbhaṃ suślakṣṇaṃ sthāpayedavraṇaṃ ghaṭam ||

navapañcaikakalaśaṃ pūjayedvidhinā guruḥ |
pañcapallavasaṃyuktaṃ pañcagavyasamanvitam ||

pañcaratnasamāyuktaṃ pūrayetīrthavāriṇā |
palārdhena suvarṇena karṣeṇātha svaśaktitaḥ ||

pratimāṃ kārayedbhaktyā tryambakaṃ ca śacīpatim |
aghoraṃ lokapālāṃśca gaṇeśaṃ ca navagrahān ||

durgāṃ ca kṣetrapālāṃśca tattadrūpān pṛthak pṛthak |
kalaśeṣu vinikṣipya vastrayugmena veṣṭayet ||

p. 62) pūjayitvā tato mantrī tattanmantraṃ japet pṛthak |
upacāraiḥ ṣoḍaśabhiḥ yadvā pañcopacārakaiḥ ||

tataḥ kuṇḍāntikaṃ gatvā sthaṇḍile vā gurūttamaḥ |
svagṛhyoktaprakāreṇa kuryādagnimukhāntikam ||

ayutaṃ ca sahasraṃ vā mṛtyuñjayamaghorakam |
navagrahaṃ vāstumantraṃ śāntidurgāmanuṃ hunet ||

abhayaṅkaradikpālān kṣetrapālaṃ hunet priye |
pālāśasamidājyaṃ ca caru vrīhi tilān pṛthak ||

hutvā pūrvoktavān mantrī japapārāyaṇaṃ śive |
tataḥ pūrṇāhutiṃ hutvā kalaśaiśca yathākramam ||

prokṣayedyajamānādīn snapayetkalaśodakaiḥ |
daśadānaṃ tataḥ kṛtvā bhūridānaṃ tu dāpayet ||

brāhmaṇān bhojayeddevi yathāśaktyā bahūn tataḥ |
dakṣiṇāṃ dāpayedante ācāryādi yathākramam ||

ityevaṃ kārayecchāntiṃ sarvāriṣṭavināśanam |
sarvamṛtyupraśamanaṃ āyurvṛddhikaraṃ nṛṇām ||

p. 63) iti śrīvātulottare prāyaścittakāṇḍe śivapārvatīsaṃvāde devālaya 
rājagṛhadvijaveśmādiduṣṭaprāṇi praveśanamaraṇaśāntividhirnāma 
saptacatvāriṃśatpaṭalaḥ ||





devyauvāca -

mahādeva namastubhyaṃ mahīpatisukhāya ca |
mahājanamudārthāya rājyakośābhivṛddhaye ||

pūjakādyāśca saṃproktā tvalliṅge snānakarmaṇi |
sahasrārdhaṃ ghaṭārcāntaṃ snānakarma tvayeritam ||

navādhikasahasrāntakalaśasnapanakriyām |
kathaṃ vada mahābhāga vistareṇa ca māṃ prati ||

śrīsadāśivaḥ -

śṛṇu devi pravakṣyāmi rājyārthaṃ vibhavāya ca |
sahasrasnapanaṃ karma navakumbhādhikaṃ priye ||

sūtrasaṃkhyāśca vīthiśca tatsandhīn vyūhasaṃkhyakāḥ |
p. 64) vyūhanāmānyauṣadhāni vistarātkumbhadevatāḥ ||

tāsāṃ pūjādi sarvāṇi homakāryāṇi śaṅkari |
tava liṅgāgrataḥ kuryānmaṇṭapaṃ cottamottamam ||

caturaśrasamāyuktamaṣṭadvārasamanvitam |
veditoraṇabhūṣādi stambhabhūmau manuttamaḥ ||

kuṇḍakhātādikaṃ sarvaṃ mama liṅge yatheritam |
tathā kurvīta matimān snānakarmavidhānavit ||

nityanaimittike kāmye pratiṣṭhāyāṃ mahotsave |
prāyaścitte tathotpāte yuddhādau tajjayādike ||

sarvasandigdhakāryeṣu bandhakarmaṇi śāmbhavi |
durbhikṣādiṣu kāleṣu snapanaṃ kārayetpriye ||

kumbhasaṃsthāpanārthāya sūtrapātaṃ samācaret |
catuścatvāriñca sūtrāṇi ṣaṭsūtrāṇyadhikāni ca ||

prāgagrāṇyudagagrāṇi susamāni likhedbudhaḥ |
teṣu sūtreṣu manuvinmadhye madhye pṛthak pṛthak ||

hitvā caiva catussūtraṃ mārjayīta padaikataḥ |
p. 65) dṛśyante ca gatavyūhā caiva viṃśādhikāstadā ||

navakoṣṭhasamāyuktāḥ prativyūhe pṛthak pṛthak |
mārgadvādaśa pūrvāgraścottarāgrāstathaiva ca ||

catvāriṃśacca catvāratsvadhikāḥ śatasandhayaḥ |
sandhisaṃkhyāśca vīthīnāṃ mayetyuktā tavānaghe ||

uccastambha catuṣkasya madhyavedyuccatikramāt |
sarvavyūhāḥ samāḥ kuryuḥ madhyavyūhāstavātmakāḥ || 

tanmadhye ca navavyūhāḥ tadbāhye kālikā vṛtiḥ ||

tanmadhye ṣoḍaśavyūhāsteṣāṃ bāhye ramāvṛtiḥ |
caturviṃśatitanmadhye vyūhaśce parikīrtitāḥ ||

tadbāhye śāradāvyūhāḥ dvātriṃśatsaṃyutā gaje |
vanadurgāvṛtisteṣāṃ bāhye vyūhā maheśvari ||

catvāriṃśaditi khyātā madhyavyūhaṃ vinā priye |
vyūhāvaraṇa pañcātra navavyūhāśca madhyame ||

vīthiṃ vinātha saṃmārjya koṣṭhalīnaṃ ca thā bhavet |
rajobhiḥ pañcabhiḥ paścāt śvetapītādikaiḥ padam ||

p. 66) rañjayetsarvakoṣṭhāni padmadaṣṭadalādikaiḥ |
vīthiśca śyāmalābheti rajasā pūrayettataḥ ||

tanmadhyasthāpanavyūhe madhyame ca navākṣarīm |
kālikāvṛttimadhyastha vyūhānāṃ madhyato'ṣṭake ||

svarān ṣoḍaśa saṃlikhya prācyādiṣu yathākramam |
ramāvaraṇavyūhānāṃ vyañjanaṃ madhyame likhet ||

śāradāvyūhamadhye tu digvidikṣu ca deśikaḥ |
mādi sāntākṣarān likhya bālābījatrayaṃ param ||

avaśiṣṭavyūhamadhyakoṣṭhake lekhayedbudhaḥ |
navadurgāvṛtisthānāṃ vyūhānāṃ madhyame pade ||

dhāraṇākhyāṃśca nādādi prāgādi manuvittamaḥ |
varṇanyāsakramo hyevaṃ pūrayecchālitaṇḍulaiḥ ||

tavātuka navavyūha madhye dhānyaṃ nagodbhave |
prasthatrayaṃ pṛthak pūrva dhānyārdhaṃ taṇḍulaṃ tilam ||

taṇḍulārdhaṃ ca saṃpūrya pūjayetta samūlataḥ |
kālikāvaraṇavyūha madhyakoṣṭhe manūttamaḥ ||

p. 67) dhānyaprasthadvayaṃ devi sārdhaprasthaṃ taṇḍulam |
prasthaṃ tilaṃ ca saṃpūrya kālikāmanunā yajet ||

ramayāvaraṇavyūhamadhyakoṣṭheṣu śaṅkari |
sārdhaprasthamitaṃ dhānyaṃ taṇḍulaṃ prasthamucyate ||

taṇḍulārdhatilaṃ yojya ramābījena cārcayet |
śāradāvaraṇavyūha madhye dhānyayutaṃ guruḥ ||

pṛthak prasthaṃ taṇḍulaṃ ca dhānyārdhaṃ tatra kovidaḥ |
tilaṃ tadardhaṃ saṃproktaṃ śāradāmukhyabījakam (taḥ) ||

pṛthavyaṣṭvā subhaktyārthaḥ ṣaṇmudrāṃ darśayetparam |
navadurgāvṛtirvyūha madhyakoṣṭhe tataḥ param ||

pādaṃ nyūtamitaṃ prasthaṃ dhānyaṃ dhānyārdhamucyate |
taṇḍulaṃ taṇḍulasyārdhaṃ tilaṃ saṃpūrya buddhimān ||

tairbījairnavabhiryaṣṭvā yonimudrāṃ maheśvari |
koṣṭhajāleṣu sarveṣu prasthaṃ dhānyaṃ pṛthak pṛthak ||

dhānyārdhaṃ taṇḍulaṃ pūrya taṇḍulārdhaṃ tilaṃ guruḥ |
tāni koṣṭhāni saṃpūjya tava mūlena vallabhe ||

p. 68) tālamānayutaṃ darbhaṃ pṛthakkoṣṭhopari nyaset |
suvarṇaraupyatāmrādyaiḥ mṛdā mauktika śuktibhiḥ ||

caṣakaiḥ kalaśāḥ kāryāḥ droṇārdhārdhajalānvitāḥ |
jalena kṣālayetsarvān veṣṭayedguṇatantunā ||

grahadigraniṣaddarbhaiḥ bāṇasaṃkhyādikairguruḥ |
kūrcaṃ kurvīta mūlena tava bījena vā priye ||

ghaṭamantastadūrdhvādaḥ pṛthak kūrcaṃ trayaṃ nyaset |
madhyavyūheṣu navasu droṇamānaghaṭān nyaset ||

sarveṣu madhyakoṣṭheṣu droṇārdhārdhamitān ghaṭān |
paritaścopakoṣṭheṣu prasthatrayamitān priye ||

pramādeva ghaṭānnyasthāṃ pṛthak pūjīta koṣṭhake |
ādāvadhomukhān sarvān tataḥ sandhūpyaconmukhān ||

madhyavyūhādi sarveṣu madhyakoṣṭhādito guruḥ |
yathākrameṇa kumbhaughān nyastvā saṃpūjayet kramāt ||

navagandhāṣṭakaṃ devi lolayitvā śubhodake |
tattoyena ghaṭān sarvān pūrayenmanunā guruḥ ||

p. 69) candanañcaiva karpūramagaruṃ kuṅkumaṃ tathā |
kapimāṃsirocanaṃ ca coragandhāṣṭakaṃ tava ||

madhyakumbheṣu navasu na varaṇaṃ pṛthak nyaset |
śeṣavyūhaghaṭeṣvantaḥ pañcaratnāni caṇḍike ||

sārdhaniṣkapramāṇena suvarṇapratimā nava |
pṛthak kṛtvātha tadbījaṃ tāsusaṃlekhya māntrikaḥ ||

madhyastha navakumbheṣu pṛthaṅnyastvā yathākramam |
pratimāniṣkamānena durgābījasamanvitaḥ ||

kālyādivyūhamadhyastha ghaṭāntarnikṣipedbudhaḥ | 
upakoṣṭhastha kumbheṣu niṣkārdhapratimāṃ nyaset ||

auṣadhāni pravakṣyāmi madhyakumbhāditaḥ param |
elāpatraṃ lavaṅgaṃ ca uṣiraṃ nāgaraṃ jaṭham ||

jātīpalaṃ ca marugaṃ davanāntaṃ nava kramam |
kumbheṣu navasu nyastvā pallavāṃśca phalāni ca ||

sapta ṣaṭpañcahastaiśca yuktaṃ vastraṃ dukūlajam |
śvetādivarṇabhedena nūtanaṃ guṇitaṃ pṛthak ||

p. 70) navakumbhopari nyastvā yaṣṭvā mūlena bhaktitaḥ |
kālikāvaraṇavyūha madhyakumbheṣvatha priye ||

pṛthak dravyāṇi vakṣyāmi kṣīraṃ dadhi ghṛtaṃ madhu |
śarkarā pañcagavyaṃ ca pañcavṛkṣodakaṃ tathā ||

tiladarbhayavāścaiva sarṣapaṃ dāḍimaṃ vacaḥ |
mātulaṅgaṃ niśākhyaṃ ca lājacūrṇaṃ tathaiva ca ||

dravyāṇi ṣoḍaśaitāni madhyageṣu ca vinyaset |
kāśmīraṃ rocanaṃ koṣṭhaṃ vilaṅgaṃ ca marīcakam ||

candanaṃ jīrakaṃ rāsnā dravyāṇyaṣṭa maheśvari |
taṃ teṣāṃ paritaścāṣṭa kumbhajāleṣu vinyaset ||

ramāyāvaraṇa vyūha madhyakumbheṣvathocyate |
sahadūrvāramābhadra viṣṇukrāntā śatāvarī ||

śakravallī tathā kāśo vārāhī bhṛṅgapatrakam |
śamīpatramapāmārgadvayaṃ karṇidvayaṃ tathā ||

gopuraṃ bhasmacaṇakamudgacūrṇaṃ tathāḍhakī |
māsapiṣṭaṃ ca panasa śrīphalaṃ nālikerakam ||

p. 71) caturviṃśati saṅkhyāntaṃ dravyāṇyetāni śaṅkari |
prāguktamadhyakumbheṣu pṛthaṅmūlena vinyaset ||

tulasī bilvapatraṃ ca pārijātaṃ tamālakam |
hibeṃ bhadramustā ca padmaṃ nīlotpalaṃ tathā ||

ramāvyūhāṣṭakumbheṣu sarveṣu paritaḥ kramāt |
dravyāṣṭakaṃ pativyūhe nyasedbhaktyā vicakṣaṇaḥ ||

śāradāvaraṇavyūhamadhyakoṣṭhagateṣu ca |
dvātriṃśadudakaṃ vakṣye punaḥ prāgāditaḥ kramāt ||

tulasīmarugākhyaṃ ca bilvapatraṃ ca tairyutam |
patrodakamiti khyātaṃ padmaṃ nīlotpalaṃ tataḥ ||

raktākhyamutpalaṃ ceti smṛtaṃ puṣpodakaṃ tava |
nāraṅgavikacāmotthaphalairyuktaṃ phalodakam ||

kapitthasārasaṃ yuktaṃ valkaṃ bodhipalāśayoḥ |
pippalākhyamidaṃ toyaṃ śucirbhūtaṃ tavātmakam ||

palāśāśvatthacūtānāṃ pallavaiḥ pallavodakam |
prāgādipañcakavyūhamadhyakumbheṣu vinyaset ||

p. 72) hrīberaṃ bhadramustā ca kuśākhyamiti tairyutam |
mūlodakamiti khyātaṃ tava sannidhyadāyakam ||

priyaṅguśālinīvārairyuktaṃ bījodakaṃ smṛtam |
vidāryutpalapadmānāṃ tribhiḥ kandaiśca saṃyutam ||

kandodakamiti khyātaṃ śrīgandhaṃ cāgaruṃ tathā |
nimākhyaṃ ceti tairyuktaṃ gandhāmbhastviti kīrtitam ||

tilairyavaiśca siddhārthaissiddhāmbaḥ kathitaṃ mayā |
vahnyādidakṣiṇavyūha paṃcake madhyakeṣu ca ||

nikṣipenmūlamantrā ca vadan bhaktyā manuttamaḥ |
māṇikkamuktavaiḍūryairyuktaṃ ratnodakaṃ smṛtam ||

svarṇadurvarṇatāmraiśca yutaṃ lohodakaṃ matam |
ravikāntamayaskāntaṃ candrakāntaṃ catairyutam ||

kāntāmbhastūcyate devi makṣikatrayasaṃyutam |
mākṣikāmbhastu madhyasthe tvabhrakatrayasaṃyutam ||

abhrakodakamākhyātaṃ daityeśavyūhapañcake |
madhyakoṣṭhagateṣveśi tava mūlamanuṃ vadan ||

p. 73) nyāsasūktādimantreṇa prāṇamantraṃ vadan tadā |
kālayāñjanasaurāṣṭraissaṃyutaṃ jñānavāri ca ||

sindhūragairikābhyāṃ ca dhātunā sahitaṃ tribhiḥ |
dhātūdakamiti khyātaṃ haritālaṃ manaśśilā ||

kucandanaṃ ca tairyuktaṃ raktodakamiti smṛtam |
saritpatiḥ saritkṣetramṛdbhiryuktaṃ ca mṛjjalam ||

triphalāsaṃyutaṃ vāri kaśāyāmbhaḥ samīritaḥ |
pṛthak pañcodakānītthaṃ paścimavyūhapañcake ||

madhyakumbheṣu vinyasya durgāsūktaṃ vadan guruḥ |
kṣīraṃ dadhi ghṛtaṃ ceti tairyuktaṃ ca rasodakam ||

tribhiḥ kuśaiśca saṃyuktaṃ kuśodakamidaṃ bhavet |
vrīhinīvāramāṣaiśca yuktaṃ dhānyodakaṃ tvidam ||

kapikuṅkumakarpūragandhaiḥ saṃmiśratairyutam |
kardamodakamākhyātaṃ kāntimaṅgaladāyakam ||

tamālagūṃ ca dūrvāgraṃ kuśāgraṃ ceti tairyutam |
aṅgurodakamityuktaṃ mārutāśādipañcake ||

p. 74) vyūhamadhyasthakumbheṣu vinyasedarpayettadā |
drākṣākharjūrakadalī tribhiḥ pakvaiśca saṃyutam ||

pakvodakamidaṃ mugdhe vyūhamadhye gate ghaṭe |
taṇḍulaṃ mudgagodhūmapṛthakpūrṇaiśca saṃyutam ||

cūrṇodakamiti khyātaṃ lokacañcalanāśadam |
tilairyavākṣataiścaiva taṇḍuleśvatikairyutam ||

akṣatodakamityuktaṃ vyūhamadhyasthakumbhake |
śakravalli sahālakṣmī strībhirvalyudakaṃ bhavet ||

campakāśokanāśānāṃ kudmaletaiśca saṃyutam |
kudmalodakamākhyātaṃ janasampatpradāyakam ||

jalanyaivaṃ ca somādi prativyūhaśca pañcake |
madhyakumbheṣu vinyasyet āryāsūktādikaṃ vadan ||

tintriṇīpakvasaṃpanna gulaṃ cūtagulaṃ guḍam |
guledekaṃ ca tairyuktaṃ rajodakamathocyate ||

khurāgarupaṭīrāṇāṃ rajobhiśceti tairyutam |
rajodakamidaṃ devi prāgyugmavyūhamadhyayoḥ ||

p. 75) kumbhayorvinyasettāṃ ca bālā bījatrayanyaset |
dvātriṃśadvyūhamadhyastha kumbhānāṃ dravyamīritam ||

prāgādi paritasteṣāmaṣṭakumbheṣvathocyate |
devadāruṃ ca penaṃ ca tālīsāṃkhyaṃ ca māṃsikam ||

rāsnā rūtthābhidhānaṃ ca kurundraṃ nāgakesaram |
kumbhāṣṭakeṣu vinyasya dravyāṣṭakamidaṃ priye ||

śvetākambakulaṃ caiva mallikākaravīrakam |
padmaṃ jātiśca kaṃkoṣṭha caturaṅgulasaṃjñakam ||

dakṣiṇasthāṣṭakavyūha pṛthagaṣṭaghaṭeṣu ca |
kramāddravyāṣṭakaṃ nyastvā mādhavī kuravastathā ||

bandhūkaṃ pāṭalaṃ caiva nandyāvartaṃ ca ketakī |
jalaṃ hemākhyapuṣpaṃ ca paścimasthāṣṭavyūhake ||

dravyāṣṭakasamākhyātamaṣṭakumbheṣu vinyaset |
saktuṃ sasaktūṃ śiṃ pañca kulatthaṃ māṣacūrṇakam ||

pakvaṃ jambūdvayākhyaṃ ca lākṣācūrṇaṃ tathaiva ca |
udgvyūhāṣṭake cāṣṭakumbheṣu parito nyaset ||

p. 76) navadurgāvṛtivyūhamadhyakumbheṣvathocyate |
campakaṃ mallikāṃ puṣpaṃ punnāgaṃ ketakī tathā ||

pārijātaṃ kadambākhyaṃ puṣpaṃ govindasaṃjñakam |
sevantikā droṇapuṣpaṃ padmaṃ nīlotpalaṃ tathā ||

maṇī ca kuñcagoraṇṭaṃ mandāraṃ karavīrakam |
japāpuṣpadvayaṃ devi nandyāvartaprasūnakam ||

aśokaṃ damanaṃ caiva pāṭaliṃ bakulaṃ tathā |
palāśākhyaṃ kusumbhaṃ ca loghrāṇyaṃ cilikāsumam ||

śvetārkaṃ caiva raktārkaṃ bṛhatī vanamallikā |
tato duttūrakusumaṃ nālikeraprasūnakam ||

pūpapuṣpadvayaṃ caiva śaṅkhapuṣpasumaṃ tathā |
karṇidvayaṃ ca kalhāraṃ paṅkajaṃ raktasaṃjñakam ||

arjunākhyaprasūnaṃ ca catvāriṃśatsumaṃ bhavet |
madhyakumbheṣu vinyasyet vyūhānāṃ balirāvṛteḥ ||

candanaṃ ghanasāraṃ ca kapimāṃsīpacorakam |
kuṅkumaṃ cāgaruṃ devi rocanāntamathāṣṭakam ||

p. 77) teṣāṃ ca madhyakumbhānāṃ paritaḥ pṛthagaṣṭasu |
nyasetsarveṣu kumbheṣu tava mūlamanuṃ vadan ||

sarvavyūhastha kumbheṣu dravyamevaṃ mayeritam |
kūrcāni pallavāṃścaiva nālikeraphalāni ca ||

pṛthak pūgaphalāneśi yugmavastrāṇi tatvam |
ghaṭānane ca parito veṣṭayedvanyasedguruḥ ||

devatāssaṃpravakṣyāmi madhyavyūhādi śailaje |
śāmbhavī mūladurgā ca vedamātā sukhapradā ||

oṅkārarūpiṇī viśvā jaganmāyā janapriyā |
madhyādi navakumbheṣu jūṣaṇīyāntamarcayet ||

prāgādi kālikāvyūha madhyakumbheṣu devatāḥ |
kālī karālī kalyāṇī kāntidā ca kalāvatī ||

kīrtidā kāminī kāntā kamalotpalagandhinī |
kumadvatī kamalinī kṛśānutapanadyutiḥ ||

kṛśāvatī kāñcanākṣī kulavṛddhikarā kriyā |
devatāḥ ṣoḍaśaitāśca teṣu kumbheṣu pūjayet ||

p. 78) mādhavī māninī manyā mahāmāyā maheśvari |
mātaṅgī mohadā vāṇī devatāṣṭasamīritāḥ ||

prāk ca vyūhāṣṭakumbheṣu pṛthak saṃpūjayedguruḥ |
viśvamātā ca viśveśi viśālākṣā vinodinī ||

brahmaṇyā vimalādbrāhmī varadāntāṣṭadevatāḥ |
dakṣiṇavyūhakumbheṣu pṛthagaṣṭasu pūjayet ||

jāhnavī ca janmāyā japyā jaṅghālavīcikā |
jayā janārdanaprītā hlādinī mohinī punaḥ ||

paścimavyūhakumbhānāṃ madhyasthānāṃ kalādhare |
parite'ṣṭaghaṭeṣveṣu yajedbhaktyā sukhānvitaḥ ||

gaṅgā gandhavatī gaurī guṇātītā guṇāvatī |
goparāgahinī durgā udgvyūheṣu caṇḍike ||

madhyagānāṃ ca paritaḥ pṛthagaṣṭasukhārcayet |
kālikāvaraṇavyūhadevatāḥ parikīrtitāḥ ||

kamalāvaraṇavyūha madhyakoṣṭhādidevatāḥ |
prāgādi saṃpravakṣyāmi ramā rājīvalocanā ||

p. 79) rājyapradā rogahartrī mahākośapradāyakī |
mokṣapradā mahālakṣmīḥ bhāgyādā bhogavavardhinī ||

dhanyadā dhanadā devī duritaghnī durāpahā |
dhairyadā dhanadā dakṣā dharmadā viśvanāyikā ||

viśvātītā nirātaṅkā nijānandasvarūpiṇī |
niṣkalaṅkāhagotpannā ramāvyūha kāmbake ||

yajenmadhyastha kumbheṣu caturthyantaṃ namontikam |
pṛthaksvanāmabhisteṣāmaṣṭakumbheṣu devatāḥ ||

lāvaṇyā lalitā padmā lokeśī sarvasākṣigā |
kāmukī kāmyadā tṛṣṇā tatprāgādyaṣṭasu kramāt ||

koṣṭhageṣu samabhyarcya śāntā śokaharā umā |
śubhadā śaṅkhinī raudrī bhavyā bhadrāntamucyate ||

dakṣiṇavyūhajāleṣu madhyagānāṃ svanāmabhiḥ |
pūjayetparitaścāṣṭa pṛthak kumbheṣu suvrate ||

jayapradā jāḍyaharā jagajyeṣṭhā nitambinī |
bhayaṅkaraharo bhoktā bhūtidā bhūti bhūṣaṇā ||

p. 80) paścimavyūha madhyānāṃ koṣṭhagānāṃ punarguruḥ |
saṃpūjya paritaścāṣṭakoṣṭhageṣu pṛthak priye ||

sukhandyāmaraśreṣṭhā śauryadā ca suvāsinī |
śūlinī śītalā bālā brahmiṣṭhāntāṣṭadevatāḥ ||

madhyagānāmudagvyūha paritoṣṭasu pūjayet |
evaṃ ramāvṛtisthānāṃ kumbhānāṃ devatāḥ pṛthak ||

saṃproktā samyagīrāṇi śāradāvaraṇe yathā |
prāgādi madhyagānāṃ ca vākpādā vākyanāyakī ||

vāgīśvarī vajrahastā kumārī vindhyavāsinī |
sarasvatī ca sarveśī sāmagānapriyā parā ||

kalā kāṣṭhā tuṣṭidā ca puṣṭivṛddhipradāyinī |
varcaskarī balakarī prabalā balavardhinī ||

sthairyadā subhagā saukhyastriṣu saubhāgyadāyinī |
varṇātmikā varṇamayī varṇātītā manonmanī ||

munistutā mohahantrī daityahṛtsaudarī malā |
dvātriṃśaddevatāḥ proktāḥ guṇādhārāntamambike ||

p. 81) śāradāvṛttivyūhastha madhyakumbheṣu pūjayet |
cinmayī citirūpā ca cañcalā bodhinī prabhā ||

candrikā dhāriṇī sūkṣmā devatāṣṭa mayeritāḥ |
prākvaṃstha vyūhajāleṣu paritoṣṭaghaṭeṣu ca ||

pṛthak svanāmabhiryaṣṭvā namontaṃndentikaṃ guruḥ |
jñānātmikā kriyāśaktiricchāśaktiśca niścalā ||

nityā nirañjanā nandā maṅgalāṣṭāntadevatāḥ |
tadrakṣasthavyūhajālamadhyagānāṃ kramāt pṛthak ||

paritaścāṣṭakumbheṣu svanāmādyairyajettataḥ |
nandinī nādinī jāyā gāndhārī ca taraṅgiṇī ||

mālinī dāhinī mānyā madhyagānāṃ ca paścime |
parito'ṣṭasu kumbheṣu pṛthak taṃ nāmabhiryajet ||

dhanvī dhīrā matirmedhā śuddhā buddhistapasvinī |
ghorāntā devatāścāṣṭa udagvyūhakadambake ||

madhyagānāṃ ca parito veṣṭiteṣu prapūjayet |
śāradāvaraṇe'pyevaṃ devatāssamyagīritāḥ ||

p. 82) navadurgāvṛtau vakṣye prāgādivyūhadevatāḥ |
durgā kapālinī cāryā siṃharūḍhā tathāmbikā ||

mahiṣasthā caṇḍikā ca vāṇī vastupradāyinī |
cāmuṇḍī sarasā sarvā vaiṣṇavī caṇḍavikramā ||

kalyāṇakāriṇī ramyā pratiṣṭhā ca jitendriyā |
vahnyātmikā caṇḍaghaṇṭā skandamātā malāpahā ||

kuśmāṇḍā śivadūtī ca śaṅkarī śaṅkarapriyā |
nirāmayā nirābhāsā sarvagā sarvagocarā ||

kātyāyinī ca kāmākṣī viṣṇumāyā vimāninī |
nārasiṃhī ca vārāhī vāmamārgapradāyinī ||

pavitrā pāvamānī ca paramaiśvaryabhāvinī |
catvāriṃśamimā māye māyā proktā tavānaghe ||

bahirāvaraṇavyūhamadhyage ca samarcayet |
sanātani sadānandā sāvitrī ca guṇāgraṇīḥ ||

gaganasthā ca nākasthā trikūṭasthākhilottamā |
bahirāvaraṇavyūhamadhya nāṃ ghaṭāṣṭasu ||

p. 83) pūrvādiparitasteṣu yajettannāmabhirguruḥ |
dakṣiṇe tvatha vakṣyāmi rucirā rogahāriṇī ||

bhedinī daṇḍinīdrā vinidrā tripurāntake |
caṇḍavegāścāṣṭadeviśca paritaḥ pūjayetkramāt ||

mahānādāṭṭahāsī ca madhurā madhurapriyā |
pāśahastā padmahastā jñānapustakadhāriṇī ||

mahopāyāṃtadeviśvapratīcīvyūhasaṃcaye |
madhyagānāṃ ca paritaḥ pṛthagaṣṭasu pūjayet ||

jñānapradā jñānarūpā jñānapañjarasaṃsthitā |
sthāvarā jaṅgamākhyā ca kalātītā kalāmayā ||

śabdātītāṣṭade viśve udagvyūhasamūhake |
paritastanmadhyagātāmaṣṭakumbheṣu pūjayet ||

evaṃ pañcāvṛtistheṣu vyūhakumbheṣu kālike |
devatāśca mayetyuktāḥ pratikumbhe pṛthak kramāt ||

guruḥ svasāmpradāyena ndeṃtrikañca namontikam |
svanāmabhi pṛthakpūjya madhyakumbhe gaṇādikāḥ(taḥ) ||

p. 84) āvāhanādi ṣaṇmudrāṃ yonimudrāṃ ca kālinīm |
dhenumudrāṃ ca liṅgākhyāṃ prasannākhyāṃ pradarśya ca ||

yajetsaptopapāśāṃśca pratikumbhericakṣaṇaḥ |
ādivā sughaṭān sarvān niśāyāmacaturthake ||

arghyaṃ gandhaṃ ca puṣpaṃ ca akṣataṃ dhūpameva ca |
dīpaśceti nivedyāntaṃ upacārāśca sapta ca ||

prātasnānādikaṃ kṛtvā svanityāni samāpya ca |
tavālaye paṇṭape ca nāndīpuṇyāhavācanam ||

varaṇaṃ madhuparkaṃ ca nītvā karma dvijaissaha |
vedikāṃ paritastheṣu kuṇḍeṣu navasu kramāt ||

homakarmāṇi kurvīta mūrtipaiḥ pāragādibhiḥ |
samidājya caruvrīhi yavaidūrvāgrakaistilaiḥ ||

tava mūlena mantreṇa vāruṇāstreṇa deśikaḥ |
hunetsaṅgavakālāntamaṣṭottaraśatāhutiḥ ||

punaḥ pūrṇāhutiṃ kuryāt saṃpātaṃ yojayedghaṭe |
liṅgaśuddhyādikaṃ kṛtvā nityapūjāṃ samarpayet ||

p. 85) kumbhastha devatāḥ paścāt prasannārthaṃ yajetparam |
punaḥ ṣoḍaśanāḍyādau bhūsuraiḥ karmavittamaḥ ||

chatracāmarabhūṣādyai bhūmipādyairjanairnaraḥ |
brahmaghoṣairvādyaravairvīṇā veṇuravaissaha ||

navakumbhān samuddhṛtya śiṣyaskandhopari nyaset |
gehaṃ pradakṣiṇīkṛtya bahirāvaraṇe tava ||

praviśedgarbhagehāntasthaṇḍilopari vinyaset |
navakumbhasthakūrcāni nyastvā tvalliṅgamastake ||

vastrāṇi vastramantreṇa tvalliṅge bhrāmayettriśaḥ |
phalamantraistatphalāni vāyubījena pallavān ||

navakumbhodakaiḥ siñcet suvarṇapratimādibhiḥ |
evaṃ samyak ghaṭān sarvān kālikāvaraṇāditaḥ ||

pūrvādi madhyakumbhāṃśca tataścāṣṭau samuddharet |
snānamaṇṭapamārabhya liṅgadvārāvasānakam ||

pārśvayorubhayorviprāḥ pantirūpeṇa saṃmukhe |
vyavasthitāḥ śucirbhūtāḥ vadantastān manūn dvijāḥ ||

p. 86) sarvapaṅktisthakāḥ sarve ghaṭān sarvān yathākramam |
samuddhṛtyānayeyuste dāpayeyurguruṃ prati ||

tairghaṭaissaicayelliṅgaṃ sūktamantrān vadan budhaḥ |
punastūdriktakumbhāṃśca tadvastrāṇi phalānyapi ||

vāmapaṅktyā nayeyuste maṇṭape vedikopari |
nyastā samūharūpeṇa kālīsūktādikān vadan ||

ramāsūktaṃ śāradākhya ambhasyādi manūn tadā |
navadurgāsūktamantrān vadeyurvedapāragāḥ ||

secanānte mahāpūjāṃ vidhāyoktaṃ prakārataḥ |
tavotsavaṃ tataḥ kuryāt mūlabimbe niyojayet ||

kriyājālaṃ samarpyānte daśadānāni tatparam |
tadante dakṣiṇāṃ dadyādbhojayedbhūsurottamān ||

navaniṣkaṃ ghaṭān sarvān vastrāṇi ca phalānyapi |
ratnāni pratimāṃścaiva maṇṭapaṃ sarvabhūṣaṇam ||

tatropakaraṇaissārdhaṃ deśikendrāya vallabhe |
svasampatyai sukhārthāya pradadyānmanujeśvaraḥ ||

p. 87) yajamānāya ṣaṇṇiṣkaṃ brahmaṇe pañca ucyate |
niṣkatrayaṃ sadasyāya mūrtipe ca pṛthak dvayam ||

sārdhaniṣkaṃ pāragebhyo jāpināṃ niṣkamucyate |
cārakebhyaḥ sārdhaniṣkaṃ tadante bhūridakṣiṇām ||

pṛthak pṛthak pradātavyaṃ phalaṃ vakṣyāmi tacchṛṇu |
tvaliṅge snānakarmeti saśaktyā manujādhipaḥ ||

sarvasampadbalaṃ kośaṃ vaṃśavṛddhiśriyaṃ yaśaḥ |
putra pautraprapautrāṃśca pararāṣṭrajayādikam ||

kṛpayānantarājyāni tadā prāpnotyasaṃśayaḥ |
viśeṣamatha vakṣyāmi sugopyaṃ suradurlabham ||

purato * dhikārārthaṃ tvatkaṭākṣākṣamambike |
tvalliṅge snapanaceti kṛtaṃ śakreṇa bhaktitaḥ ||

punardevagaṇenetthaṃ svapadarthaṃ kṛtaṃ priye |
daityasomau bhāgyārthaṃ kṛtaṃ mātṛgaṇena ca ||

sarvasaubhāgya sampattyai mahīvṛddhyai jayāya ca |
tasmādvīkṣyeti kurvīta pratyaptaṃ tava liṅgake ||

p. 88) iti śrīparamarahasye vātulottare śivapārvatīsaṃvāde 
naimittikakarmakāṇḍe durgāsahasrakalaśakarmakathanaṃ nāma 
trayoviṃśati paṭalaḥ ||


snāna karmamayetyuktaṃ navadurgāvidhikriyām |
tavotpatyādi vakṣyāmi pṛthagbhedādikāṃ kriyām ||

ādyutpannā mahānandā mūladurgā sukhapradā |
jayapradā śatruharā prasannā lokarakṣakā ||

śaktijālātmakaṃ devi koṭisūryasamaprabhā |
kālī lakṣmīti vāṇīti tayā mūrtitrayo bhavat ||

tasya pādādi guhyāntā kālikākhyā samudbhavā |
ramā nābhyā galāntā ca kaṇṭhādyā mastakāntakā ||

sarasvatīti sañjātā tuṣṭipuṣṭiprakīrtitā |
durgetyāryā śūlinīti kumārī cāmbikābhidhā ||

mahiṣāsuranāśī ca caṇḍiketi sarasvatī |
p. 89) vāgītyantaḥ kramāttābhyāṃ pṛthagdānasamanvitāḥ ||

navadurgātrimūrtibhyo sadā sampatpradāyakāḥ |
durgā ca kālikā guhye āryā nābhau samudbhavā ||

kālīmukhe bhagavatī rāmā pādātkumārikā |
ramā nābhau cāmbikākhyā tanmukhe mahiṣāntakī ||

vāṇī kaṇṭhe caṇḍikākhyā jihvāyāṃ ca sarasvatī |
nāsikāyāṃ ca vāgīśī pṛthagetāḥ samudbhavāḥ ||

tābhyaḥ pṛthak navotpannāḥ prasannā nāmadhārikāḥ ||
śailajā caṇḍaghaṇṭīti sundarī brahmacāriṇī ||

kūśmāṇḍā skandamāteti kārtyākhyā kālarātrikā |
gaurīti śivadūtyākhyā māhendrī cāgnisaṃjñakā ||

vārāhī khaḍgadhārīti vāruṇī mṛgavāhikā |
kauberī śūlahastā ca brahmāṇī vaiṣṇavī parā ||

cāmuṇḍeti śavārūḍhā jayeti vijayeti ca |
jitā parā jitetyākhyā rocaneti digambarā ||

udyotanītyumāsaṃjñā mālādhārī yaśasvinī |
p. 90) citranetrā śaṅkhinīti yamaghaṇṭā manasvinī ||

daṇḍinī vindhyasaṃstheti gahinīti trilottamā |
śaṅkhinī śarabhetyākhyā suvrateti sugandhinī ||

toyeśī somapā devī bhrāmarī haṃsavāhinī |
kārmukhā maṅgalā śoṇā hrādinī mohinī kṣamā ||

rakṣaṇī ramaṇī rambhā rogahantrī surapriyā |
dhanurdharī balā bālā prabalā sthūlanāsikā ||

vajriṇī śaktihastā ca daṇḍahastā ca māninī |
kāpālinī kāmanīti bhīmādevīti bhairavī ||

jvālāmukhī nādanīti haṃsagā ghoṣiṇī śubhā |
māheśvarī mahānandā jagadāhlādakāriṇī ||

ityetā navadurgākhyāścaikāśīti samudbhavāḥ |
pṛthak kramāḥ samutpannāḥ tābhyāścānantaśaktayaḥ ||

tavotpattiritikhyātā caṇḍībhedo mayocyate |
ekacaṇḍī tricaṇḍīti pañca sapta naveti ca ||

triṃśaccaikāśītisaṃjñā śatākhyeti sahasrakā |
p. 91) caṇḍikābheda ityetāstvayutā lakṣasaṃjñayā (kā) ||

tathaiva daśalakṣāṇāṃ koṭyāntānantacaṇḍikā |
bhedāśca vividhā jñeyā sampatsānnidhyakārakāḥ ||

daśalakṣādi koṭyāntāḥ suraloke samīritāḥ |
bhūtaletvayutānteśi samyaguktā kriyā saha ||

ekatripañca caṇḍyāntā naittikecāthamāsikāḥ |
triṃśāntā saptacaṇḍyādi varānaimittike priye ||

ekāśīti śatetyākhyā sahasrākhyā śubhapradāḥ |
kāmyakarmaṇi saṃproktā vaṃśavṛddhipradāyakāḥ ||

ayutākhyeti lakṣāntā daśalakṣābhidhāgaje |
caṇḍikā caiva koṭyāntā saṃproktā japakarmaṇi ||

ekatripañca caṇḍyāntā naittike ca mayeritā |
naimittike ca saptādi navatriṃśāntakāḥ param ||

ekāśīti śatākhyeśi sahasrākhyā śubhapradāḥ |
kāmyākarmaṇi saṃproktāḥ daityabādhānivṛttaye ||

putradārādi vṛddhyarthaṃ prabhutvārthaṃ ca yaḥ pumān |
p. 92) ekacaṇḍī sadā bhaktyā jape naimittikarmaṇi |

dhanarājyābhi vṛddhyarthaṃ maṇḍale kārthamambike |
tricaṇḍi vidhinā nityaṃ pararāja bhayāya ca ||

bhūpārthaṃ sarvabhogārthaṃ pañcacaṇḍījapakriyām |
saptākhyāṃ caṇḍibhūmyārthaṃ śatrunāśāya sampade ||

akaṇṭakamahīprāptyai śatrusenākṣayāya ca |
sārvabhaumādhikārārthaṃ balakośābhivṛddhaye ||

pratyabde ca śaratkāle tathā cānyādine priye |
navacaṇḍīṃ jape bhaktyā japapārāyaṇādikaiḥ ||

vaṃśavṛddhye ca rājyārthaṃ caturaṅgabalāya ca |
dhanalābhāya sampattyai triṃśaccaṇḍijapakriyā ||

kadācidadbhutotpanne saṅkaṭe viṣamādike |
mahāpāpavināśārthaṃ vāñchitārthāya kāminī ||

caṇḍiñcekāśīti saṃkhyāmapamṛtyu harāya ca |
sampajjālāya yaśase puṣṭyai rogaharāya ca ||

rājyasampādanārthāya sarvaśatrujayāya ca |
p. 93) gatarājyepsitārthāya naṣṭadravyasya siddhaye |

subhikṣārthāya vaśyārthaṃ mahāmṛtyuharāya ca |
kāntyai sarvajaneṣṭāya śatacaṇḍitriyā śubhā ||

sahasrākhyāṃ vāñchitārthaṃ ripusenā kṣayāya ca |
paramaiśvaryakāṅkṣārthaṃ mahāmaṇigaṇāya ca ||

balavṛddhyādi dārārthaṃ magaṇyadravyasiddhaye |
rājyadurgādi vṛddhyarthaṃ durbhikṣe ripunāśane ||

ayutākhyāṃ mahāmārī bhayādau ripusaṅkaṭe |
dvīpāntaragatadravyalābhārthaṃ suravandite ||

paśujālasamuddhyarthaṃ gajavājīrathāya ca |
suratnajālasiddhyarthaṃ kāmitārthāya śaṅkari ||

caṇḍī caivātha lakṣākhyaṃ sarpabādhāsu māraṇe |
bhūgatadravyasidhyarthaṃ yadi dvīpasthameva vā ||

sindhusthaṃ parvatasthaṃ ca nadīmadhyagataṃ tu vā |
sarvasampatsamṛddhyarthaṃ bījakarmāṇi sādhayet ||

caṇḍījapavidhiṃ kartuṃ dravyalābhe ca māninī |
p. 94) ekacaṇḍyādi pañcāntaṃ navābdāntaṃ japet priye ||

saptābdāntaṃ ca saptādi triṃśāntaṃ menakātmaje |
ekādhikamaśītyādi sahasrāntaṃ japet kriyām ||

nītvā bhaktyā vakṣyamāṇā vidhinā manuvittamaḥ |
yugmāṣṭāntaṃ cāyutākhyaṃ japaṃ kurvīta bhaktitaḥ ||

lakṣacaṇḍījapaṃ karma vatsarāṇāṃ mayocyate |
tadardhantaṃ trimāsāntaṃ yāvattāvadayāvadhi ||

caṇḍībhedādikāśceti mayākhyātā nagodbhave |
tavālayapurobhāge prākāre caiśakoṇake ||

catuṣpathe tathodyāne japavīthisthamaṇṭape |
grāmasīmni nadītīre rājadhānyāṃ ca parvate ||

sindhutīre grāmahāre japasthānamidaṃ śubham |
ekacaṇḍikriyāḥ prātaḥ tricaṇḍīsaṅgave japet ||

madhyāhne pañcasaptākhya japārcana hutakriyām |
tavayāme navatriṃśamekāśītikriyāṃ guruḥ ||

śatasaṅkhyāvidhiṃ rātrau gānarātrau sahasrakām |
p. 95) ayutākhyaṃ madhyarātrau japahomatavārcanam ||

lakṣasaṃkhyākriyāṃ devi vāme kurvīta buddhimān |
sarvāsāṃ caiva caṇḍīnāṃ karma kartuṃ varānane ||

tava yāmaḥ śubhaḥ śreṣṭhaḥ kṣipramiṣṭārthadāyakaḥ |
tasmājjñātveti deveśi sarvacaṇḍi kriyāṃ guruḥ ||

tvalliṅge tava yāme ca prakuryācchuddhacetasā |
japārcanaṃ homakarma tarpaṇaṃ bhojanaṃ pṛthak ||

pravakṣyāmi śṛṇu snigdhe tava sānnidhyahetave |

iti śrīvātulottare naimittikakarmakāṇḍe śivapārvatī saṃvāde 
durgotpattyādi caṇḍī bhedakarma nirūpaṇaṃ nāma pañcaviṃśatiḥ 
paṭalaḥ ||



atha vakṣyāmyahaṃ devi nitya caṇḍi japakriyām |
tvalliṅgāgre śāṅkare ca maṇṭapaṃ caturaśrakam ||

pañcahastamiti kuryāccatudvārasamanvitam |
[asmin patre etāvadeva vartate | itaḥ paraṃ alekhaḥ]
p. 96) caṇḍī bhedāḥ kriyāścāstassamyaguktā mayāgaje ||

sampadrājyajayārthāya navadurgāvidhiṃ śṛṇu |
karmārambhadinātpūrvapakṣe caiva prabhūttamaḥ ||

tavāṅge śāṅkare bhāge navahastaiśca maṇṭapam |
caturaśrasamāyuktaṃ dikṣu dvāropaśobhitam ||

pañcatribhūmabhittyādi vātāyanayutaṃ priye |
darpaṇodarasaṃkāśaṃ tadagre kalaśānvitam ||

tatribhāgaika bhāgena vedikāṃ caturaśrakām |
tanmadhyame prakurvīta paritaḥ kuṇḍakarma ca ||

caturaśrāṇi vṛttāni digvidikṣu vicakṣaṇaḥ |
śivendrayoḥ pradhānākhyaṃ vṛttakuṇḍaṃ sureśvari ||

vidhinā navakuṇḍāni yoninābhiyutāni ca |
kuṇḍasadmāni sadmāntarmekhalātritayāni ca ||

kuṇḍamānāni khātāni bhūṣaṇāni puroktavat |
krijārthaṃ dravya jālāni sarvadravyāṇi suvrate ||

sampādya bahudhā bhaktyā saṃśodhya kṣālitāni ca |
p. 97) śubhasthale nyasettāni tanmūlamanunā guruḥ ||

devyālayamalaṃkṛtya tataḥ karma samārabhet |
āśvayujyāṃ site pakṣe navamyāntaṃ manūttamaḥ ||

pratipatprātarutthāya snātvā nadyāṃ dvijaissaha |
śuddhātmānaścārakādyāstadādau gomayodakaiḥ ||

lepanaṃ prokṣaṇaṃ kuryuḥ tava gehaṃ nagātmaje |
samyak saṃśodhya mūlena vāruṇāstreṇa haṃsahe ||

raṅgavālyai rañjayitvā tavāgre maṇṭapādike |
rajobhiḥ pañcabhistatra pūrayet kamalāni ca ||

svanityādisamālyānte gurvādyāste dvijottamaḥ |
vapayeyuśca mūlena kṣuramantreṇa sundari ||

sunadyāṃ caiva loṣṭādyaiḥ sacelaṃ snānamācaret |
tantrevācamya saṃjapya svarṇaraupyādikaṃ ghaṭam ||

nadījalena saṃpūrya gaṅgāmantreṇa taṃ(saṃ) jayet |
rathayānādike nyastvā vedaghoṣaidvijaissaha ||

sarvavādyaravairnāṭyaistava gehaṃ praviśya ca |
p. 98) nadītoyaṃ ca vardhinyāṃ yojayenmanuvittamaḥ ||

pūjayetprārthayeddevīṃ vakṣyamāṇavidhānataḥ |
śaktijālātmakaṃ devi namaste bhogadāyakī ||

navadurgākriyāṃ kartuṃ anujñāṃ dehi caṇḍike |
iti saṃprārthya sadbhaktyā tavāgre yogamaṇṭape ||

maṇḍalāni likhetpūrvaṃ sampūjya gaṇanāyakam |
gururnāndyādikaṃ gavyaṃ puṇyāhaṃ vacayetparam ||

deśikaṃ varayedādau dhanadaṃ brahmasaṃjñakam |
homārthamaṣṭamūrtīśān vedārthaṃ ṣoḍaśa dvijān ||

viṃśaddvijān japārthāya nava sūktaprajāpakān |
tarpaṇārthaṃ caikavipraṃ rudrasaṃkhyāṃśca secakān ||

trīn viprān cārakārthaṃ ca tanmūlamanunā kramāt |
madhuparkaṃ ca kṛcchraṃ ca datvā mūlena kautukam ||

badhnīyānmūlaberādi rakṣāmantreṇa śāṅkarī |
vidhinā mṛdamānīya nyastvā tadbījamaṇṭape ||

ketuṃ mantreṇa yaṣṭvātha phalādyaiśca nivedayet |
p. 99) yāgabhūmiṃ samāsādya brahmaṇā dhanadādikaiḥ ||

puṇyāhaṃ vācya tanmantraiḥ kuryānmaṇṭapasaṃskṛtam |
sthānaśuddhiṃ ca bimbākhyaṃ hutvā tanmaṇṭape guruḥ ||

vedikāpūrvabhāgādi dvārakumbhādikā nyaset |
koṇākhyaṃ gaṇḍakā devi vidyeśyākhya ghaṭāṣṭakam ||

kumbhatrayaṃ kālikādi yāgākhyaṃ mūlasaṃjñakam |
dvāradeśeṣu koṇeṣu dvārakumbhasamīpage ||

vedikāyāṃ cāṣṭadikṣu madhyadeśe ca madhyame |
kamalāni likhetteṣu cakramaṣṭadalāni ca ||

śaṅkhamāvartapadmāni trikoṇaṃ vartulaṃ tathā |
yathākrameṇa saṃlekhya pūrayecchālitaṇḍulaiḥ ||

pṛthakprasthamitaṃ dhānyaṃ tadardhaṃ taṇḍulaṃ tilam |
tasyārdhaṃ caiva saṃpūrya yajettanmūlamantrataḥ ||

tantunā veṣṭitaghaṭān vinyasettaṇḍulopari |
gandhodakaiścandanādyaiḥ payobhiśca himodakaiḥ ||

kaṣāyairmadhunā pūrya mūlakumbhaṃ tu sarpiṣā |
p. 100) pūrayitvā kramāddevīṃ mātṛkābhirvilottamaḥ ||

maṇīcakaṃ ca mūlena kramukāni nyasetpunaḥ |
kūrcādi navaratnāni pallavāṃśca phalāni ca ||

nikṣipya mūlamantreṇa suvarṇaṃ pratimāstataḥ |
niṣkaṃ niṣkārdhamānena kartavyāḥ pratimāḥ śubhāḥ ||

dukūlaṃ tantujaṃ vāpi śvetapītādi bhedataḥ |
navavastre saptabhirvā kumbhavastramitaṃ priye ||

tenaivācchādya kalaśān procyante devatā pṛthak |
prāgādigaṅgāyamunāṃ yajedgodāvarīṃ guruḥ ||

sarasvatīṃ nirmadāṃ ca sinduṃ kāverikāṃ tataḥ |
tāmraparṇīṃ kramādvārā kumbheṣvāvāhya pūjayet ||

kāntidāṃ karuṇāṃ bālāṃ kalyāṇīṃ kogeśū ca |
gāndhārīṃ gāṇi durgāṃ ca gāyatrīṃ gānahāyakīm ||

gaḍḍukākhya ghaṭeṣvetāḥ pṛthaktaṃ nāmabhissaha |
viśveśīṃ vītarāgākhyāṃ vajrahastāṃ vaśaṅkarīm ||

vāgīśīṃ vasudāṃ(dhāṃ) vegāṃ vārāhīṃ ca tataḥ punaḥ |
p. 101) vedikāṣvaṣṭaghaṭeṣvaṣṭa vidyeśīrarcayetpunaḥ ||

ghaṭatraye ca mūlena kālīṃ lakṣmīṃ sarasvatīm |
yāgakumbhe ca yāgeśīṃ mūladurgāṃ ca taṭghaṭe ||

āvāhanādisaṃskārairupacāraiśca pañcabhiḥ |
kumbhatrayapurobhāge svarṇaraupyādi pittalaiḥ ||

palatrayamite nālau yantraṃ kurvīta bhaktitaḥ |
likhedaṣṭadalaṃ tatra pūrayecchālitaṇḍulaiḥ ||

navākṣaraṃ likhedyantre svarayuktaḥ prakārataḥ |
prāṇākhya manunā yaṣṭvā nyasettanmaṇḍalopari ||

yajetprāguktamārgeṇa vedikāparitastvadhaḥ |
navārṇa sāmpradāyajñāścopaviśya pṛthak janaḥ ||

argalādi rahasyāntāṃ navākṣaryā samanvitām |
japeyuste saptaśatiṃ trivāraṃ saṃpuṭānvitān ||

brahmāstraṃ śaṅkare koṇe vahnau vahnyastramucyate |
daityakoṇe ca cakrāstraṃ mārutāstraṃ tathānile ||

pradhānakuṇḍasāmīpye yāgamantrajapedvijaḥ |
p. 102) devīsūktaṃ ca tadrakṣe navavāraṃ japet param ||

tarpayet saumyadigbhāge daśāṃśaṃ ca payombubhiḥ |
catudvāre caturvedān vadeyuścāṣṭabhūsurāḥ |

tavagehe caturdikṣu tathaivāṣṭapraghoṣakāḥ |
paritaḥ prāṅkaṇe devi navadurgāprajāpakāḥ ||

vināyakamanuṃ dakṣe kālīsūktaṃ ramātmakam |
gosūktaṃ śāradākhyaṃ ca durgasūktaṃ japetparam ||

sūktaṃ pratyaṅgirākhyaṃ ca śāntidurgākhyamucyate |
pṛthak sahasraṃ prajapedyāvaddhomāvasānakam ||

secakān secanaṃ kuryuḥ tavaliṅgaṃ sudhārasaiḥ |
payombubhiśca tanmantraiḥ homakarma samārabhet ||

śodhayennavakuṇḍāni vīkṣaṇādi prabhedataḥ |
prāgāmi paritastheṣu kuṇḍeṣu navasu kramāt ||

mūrtipādigurun yaṣṭvā brahmāṇaṃ ca vasupradam |
kuṇḍādi devatāḥ sarvā vakṣyāmāṇavidhānataḥ ||

gandhapuṣpādibhiryaṣṭvā pṛthak tāsāṃ ca nāmabhiḥ |
p. 103) vāmadevī vajriṇīti vaṃśadā balavṛddhidā ||

jayapradā jaganmātā niṣkalā ca nitambinī |
mahāmāyeti saṃproktāḥ kuṇḍānāṃ devatā imāḥ ||

pṛthagāvāhya saṃpūjya pratikuṇḍe dhanapradaḥ |
kṣitimūrtiṃ pūrvakuṇḍe agnyākhyāmagnigocare ||

dakṣiṇe yajñamūrtiṃ ca sūryākhyāṃ daityakuṇḍake |
vāruṇyāṃ jalamūrtiṃ ca mārutākhyāmathānile ||

somākhyāṃ saumyadeśasthe vyomasaṃjñāṃ ca śaṅkare |
kuṇḍeṣvaṣṭasu saṃpūjya pradhāne mūlasaṃjñakām ||

uṣādimūrtipān devi dvijeṣvaṣṭasu pūjayet |
vijayā janayedagniṃ jvālākāṣṭhādi bhedataḥ ||

pradhānakuṇḍayonau ca nyastvā saṃskāramācaret |
kuṇḍamadhye nyasedagniṃ garbhādhānādi ṣoḍaśa ||

kriyāḥ kuryādyathānyāyaṃ mūrtikuṇḍāṣṭasu kramāt |
tadagniṃ sarvakuṇḍeṣu viharecca mukhakriyāḥ ||

gururādau svakuṇḍe ca samidājya caruṃ priye |
p. 104) sarṣapaṃ caiva godhūmaṃ tilaṃ ca tuṭikaṃ tataḥ |

jātīphalaṃ ca durvāgraṃ pāyasānnaṃ daśa kramāt |
kālikādistribhirmantraiḥ samidājyacarūn hunet ||

mūlena ca navānnena ṣaḍdravyaṃ sarṣapādikam |
khali(gi)nyādi daśaślokaiḥ pāyasānnaṃ tataḥ param ||

sarvadravyāṇi durgāṇi yāminyāmanuvittamaḥ |
homayeyurmūrtipāste pṛthak kuṇḍāṣṭake punaḥ ||

śatāhutiḥ kālikāyā ramāyā dviśatāhutiḥ |
triśatāśca sarasvatyā mūlamantrāhutistataḥ ||

sahasrārdhāśca saṃproktā navākṣaryā sahasrakāḥ |
durgāmantreṇa sarveṣu kuṇḍeṣu navaja pṛthak ||

sahasrāhuti saṃkhyātāḥ pratikuṇḍe nagodbhave |
pūrṇāhutiśca homānte hutvā kuṇḍabaliṃ haret ||

mekhalāyāḥ pṛthak kuṇḍapūrve ca haviṣā param |
navapiṇḍān prakurvīta gurukuṇḍādyathā kramam ||

nyastvā piṇḍe parisnigdhe kāṣṭhadīpān prabodhya ca |
p. 105) homakarma samākhyātā vedikumbhān yajedguruḥ ||

tato navākṣarīyantraṃ yaṣṭvā sacātamarcayet |
vedikādhaśca paritaḥ kamalāni likhedbhuvi ||

pṛthak prasthamitaṃ dhānyaṃ tadardhaṃ taṇḍulaṃ tilam |
saṃpūryāṣṭaghaṭān paścāddigvidikṣu nyasettataḥ ||

pradhānakuṇḍasāmīpye ghaṭaṃ vāgīśisaṃjñakam |
pūrayedgandhatoyena pallavāṃśca phalāni ca ||

ratnamantaḥ suvarṇena pratimāpaṇamānataḥ |
pṛthak pṛthak parinyastvā vastramācchādya pūjayet ||

durgākumbhaṃ samādāyā vedamaṅgalanisvanaiḥ |
mūrtipādi dvijaissārdhaṃ prākāre ca tavālayam ||

pradakṣiṇavaśānmantrī ghaṭamantaḥ praveśayet |
liṅgaṃ saṃpūjya mūlena durgākumbhodakena ca ||

tasyāḥ sūktena saṃsiñcet yathāvidhi purassaram |
mahāpūjā prakartavyā mātṛkānyāsa pūrvakam ||

golakā piṇḍikānyāsamadhvanyāsamanantaram |
p. 106) ṣoḍhā nyāsādi sarvāṇi pūjākāle samācaret ||

tribhirmantraiḥ kālikādyaiḥ kālīṃ lakṣmīṃ sarasvatīm |
dinadurgāṃ samāvāhya ṣaṇmudrāṃ darśayedguruḥ ||

tāsāṃ ca nāmabhiḥ paścāt sahasraiśca pṛthak param |
pūjāṃ prāguktamārgeṇa vidhāya vidhivadguruḥ ||

naivedyaṃ dhūpadīpābhyāṃ mūlena ca nivedayet |
samidājyacarūn hutvā mūlenāṣṭottarāhutiḥ ||

tavāgrasthaṃ ca naivedyaṃ visarjya vidhivattataḥ |
dadyānmūlena tāmbūlaṃ dīpaughān bhrāmayetpunaḥ ||

vāhanaṃ ca dhvajaṃ yaṣṭvā parivārān samarcayet |
bhūtānāhūya ghaṇṭādyaiḥ baliṃ dadyādatho guruḥ ||

tadante cotsavaṃ kuryādyathā vibhavavistaram |
padmadīpaiḥ paribhrāmya devīmantaḥ praveśayet ||

prasannārghyaṃ ca datvā yuścandradīpaṃ pradarśayet |
karmaṃ śālaṃ cārpayitvā bhūsurān bhojayetprabhuḥ ||

śuddhātmānaśca tatsāyaṃ deśikādyā dvijottamāḥ |
p. 107) devīṃ pañcopacārādyaiḥ bhaktyā saṃpūjya lālase ||

liṅgasyeśānadigbhāge prāṅkaṇe dvijamaṇṭape |
saṃśodhya vidhivattatra tasminnavapadaṃ likhet ||

śāliṃ ca taṇḍulaṃ pūrya prasthaṃ prasthārdhameva ca |
tava bījenārcayitvā tripade ca tripālikāḥ ||

madhya pañcamukhī nyasyet śarāvāśca padatraye |
saṃpūjya gandhapuṣpādyairnavabījāni caṇḍike ||

śāliṃ ca sarṣapaṃ śimbaṃ māṣaṃ mudgaṃ yavaṃ tilam |
niṣpāvaṃ ca kulatthāntaṃ salilāplāvitāni ca ||

sudhābījena payasā secayitvātha nirvaset pe |
navadevi samāvāhya somaṃ saṃpūjayetparam ||

pañcavādyakhaiḥ sārdhaṃ dhūpadīpau pradarśayet |
kṣīrānnaṃ bhakṣasaṃyuktaṃ ghṛtapāyasasaṃyutam || 

nivedayetsudhāmantraiḥ pṛthaṅmūlena māninī |
somakumbhaṃ ca payasā saṃpūryātha vidhānavit ||

bījakarma samāpyānte garbhagehaṃ praveśayet |
p. 108) siñcetpañcāmṛtairliṅgaṃ śrīsūktena payodakaiḥ ||

devīsūktena durgāyāḥ sūktena ca śubhodakaiḥ |
tvaritākhyena sūktena niśāsūktena mātrikaḥ ||

secanānte mahāpūjāṃ gururāsanapūrvakam |
nyāsajālādikān devi vidhāya vidhivat priye ||

kālīṃ ramāṃ śāradāṃ ca pṛthak mūlena saṃjayet |
mūladurgāṃ dineśīṃ ca ḍāmare ca yatheritam ||

tatkalpoktaprakāreṇa pūjākarma samācaret |
nāmabhiḥ pūjayet paścāt sāhasraiḥ kālikādikāḥ ||

durgā nāmasahasraitāṃ dinadevīṃ yajetparam |
śālyānnaṃ saghṛtaṃ bhakṣaṃ pāyasaṃ ca payodadhi ||

madhuśarkarayā yuktaṃ sūpaśākasamanvitam |
citrāntaṃ kusumānnaṃ ca mūlenāgre nyaset kramāt ||

phalāni pañcajālāni navamantreṇa nāyakī |
nivedayedathāmbāya dhūpadīpādideśikaḥ ||

raṅgapūjā prakartavyā tava tṛptipradāyakī |
p. 109) dhvajāntaṃ gopurāntaṃ vā yathāvidhi vidhānavit ||

tatho naivedyamudvāsya tāmbūlānyarpayettataḥ |
dīpaughān bhrāmayet paścāt himāntaṃ girisaṃbhave ||

mantrāśiṣā mumaṃ dadyādakṣatāṃśca niśāmayān |
tavāgre vātha paritaḥ prāṅkaṇāntarmanūttamaḥ ||

suvāsinī dampatīśca kanyakāśśatasaṃkhyakāḥ |
abhyaṅgodvartanādyaiśca toṣaye strījanādikān ||

pūjayeddhūpadīpāntaṃ tato vastrāṇi dāpayet |
navavastre saptabhirvā dānavastramidaṃ priye ||

śvetapītādi vastrāṇi kambukāni tathaiva ca |
dukūlādīni vastrāṇi navatantūdbhavāni ca ||

saṃśodhya prokṣayettāni prājāpatyādimantrakaiḥ |
gandhapuṣpādikairarcya tavamūlaṃ samuccaran ||

dānakarma tataḥ kuryādindrādīśāvadhi kramāt |
diksthānāṃ ca śvetavastraṃ kañcukāni tathaiva ca ||

kālīmantraṃ vadan bhaktyā koṇapārśvagayostataḥ |
p. 110) kañcukaṃ pītavastraṃ ca ramāmantraṃ samuccaran ||

raktavastraṃ pradātavyaṃ antarāle pṛthak tayoḥ |
citravastraṃ kañcukādi śāradāmūlamuccaran ||

tṛptyarthaṃ mūladurgāyā mithunārcā tataḥ param |
yathāvittānusāreṇa datvā pūjāṃ vidhāya ca ||

durgādidinadevīśca navamyāntaṃ kramāt pṛthak |
ekaikottaravṛddhyā tā yaṣṭvā vastraṃ tathā guruḥ ||

kañcukaṃ kaṇṭhasūtrāṇi pradadyānnūpurādikam |
devatāvarṇavastrāṇi kañcukāni tathaiva ca ||

dampatīḥ kanyakāścaiva bhojayestrīkudambakān |
bījaṃ ketuṃ vāhanaṃ ca parivārānyajedatha ||

jayaghaṇṭādikairnādaiḥ pañcavādyaravaissaha |
balidevīssamāhūya tattaddravyasamanvitaḥ ||

dvārādi balipīṭhāntaṃ dikpālānāṃ ca mātṛkam(ṇām) |
śāstādi balidevīnāṃ dhvajāntaṃ dāpayedbalim ||

pālikāntaṃ pṛthak datvā svanāmādyairgurūttamaḥ |
p. 111) tadante cotsavaṃ kuryāt bahudhā vibhavādikaiḥ ||

sabhāpūjāṃ vidhāyātha baliberaṃ ca bhaktitaḥ |
praviśya prāṅkaṇaṃ paścāt pradakṣiṇavaśāt priye ||

garbhagehaṃ nayedbimbaṃ nyastvā liṅgastu dakṣiṇe |
liṅge saṃyojya caitanyaṃ himadīpaṃ pradarśayet ||

namaste jagadādhāre namaste lokapāvane |
pratipatkarmajālāni gṛhāṇa parameśvari ||

prārthayitveti sadbhaktyā kṛtaṃ karmasamarpayet |
deśikādi janāssarve vīṇāveṇukhādikaiḥ ||

vedaghoṣādikaiḥ śaṅkhaiḥ vividhairvādyanissvanaiḥ |
purāṇaśravaṇairbhaktyā vandimāgadhapāṭhakaiḥ ||

kuryarvinidrāṃ bhaktyādyā nartakairhāsakaissaha |
dvārakumbhādikān sarvān gurukuṇḍasthapāvakam ||

vedimadhyagataṃ yantraṃ bījavāpaṃ taraṅgiṇīm |
navamyāntaṃ ca saṃrakṣya japapārāyaṇādikam ||

homakriyāṃ vedikastha ghaṭārcāṃ yantrapūjanam |
p. 112) sūktādi secanaṃ karma pṛthak kalpoktapūjanam ||

vastradānaṃ cotsavaṃ ca sabhāpūjāṃ ca bhojanam |
navamyantaṃ kramādevaṃ sarvaṃ karma kudambakam ||

prakurvīta jaganmāye viśeṣamadhunocyate |
dvitīyāyāṃ tithau prātaḥ snātvā karma dvijaissaha ||

tavālayaṃ praviśyātha puṇyāhaṃ vācya bhaktitaḥ |
liṅgaṃ yantraṃ ca saṃsecya prokṣyadurgādisūktakaiḥ ||

pūjāṃ pañcopacārādyaiḥ vidhāya vidhivattamaḥ |
pūrvaghasrārcitāṃ durgāṃ tanmūlamanunāttataḥ ||

svadehe ca samāropya kālīṃ lakṣmīṃ sarasvatīm |
āryāmūlena tāṃ devīṃ liṅge yantre ca tatparam ||

yaṣṭvā bījaṃ niśātoyairūkṣṇaṃ kārayettataḥ |
secanādi kriyājālaṃ japapārāyaṇādikam ||

homaṃ prāguktavanmantrī āryāmūlena tatparam |
kumbhānyantaṃ yajetpaścāt saṃpātājyaṃ samarpya ca ||

homakarma samarpyāryaḥ āryākumbhaṃ samuddharet |
p. 113) gehaṃ pradakṣiṇīkṛtya ghaṭamantaḥ praveśya ca ||

āryāsūktena saṃsecya śeṣaṃ pūrvoktamārgataḥ |
tadrātrau te vaśūddhātmā kālikādyaśca devatāḥ |

kalpoktavadyajettāśca tathācāryāṃ samarcayet |
śeṣaṃ pūrvoktavatkuryāt karmajālārpaṇaṃ tataḥ ||

namastubhyaṃ sadānande jagadāhlādakāriṇī |
dvitīyā karmajālāni gṛhāṇa suravandite ||

trivāramiti saṃprārthya kṛtaṃ karma samarpayet |
tṛtīyā prātarutthāya snātvā viprottamaissaha ||

puṇyāhaṃ vācya garbhāntaṃ liṅgaṃ secya vidhānataḥ |
yantraṃ ca vedikāmadhyasthaṃ prokṣya pañcopacārakaiḥ ||

saṃpūjya mūlamantreṇa prāgāryā svayamātmani |
saṃyojya śūlinīṃ tatra samāvāhya yajedguruḥ ||

sevanādikriyājālaṃ homakarmāvasānakam |
hutaśeṣaṃ samarpyātha śūlinīghaṭamuddharan ||

liṅgaṃ prāguktamārgeṇa secayitvā samarcayet |
p. 114) kṛtakarmāṇi tadrātrau prārthanādi maheśvari ||

namastubhyaṃ kalādhāre maṅgale maṅgalaprade |
tṛtīyāyāṃ kṛtaṃ karma gṛhāṇedaṃ sureśvari ||

bahudhā prārthayitveti kriyājālaṃ samarpayet |
bherīpaṭahaśaṅkhādyairvinidrāmācayettataḥ ||

caturthe'hniguru prātaḥ snātvā nityaṃ nivartya ca |
etadeveti mantreṇa puṇyāhaṃ yāgasadmani ||

liṅgagehe ca saṃvācya yantraliṅgaṃ samarcya ca |
śūlinīṃ yojayedehe kumārīmarcayettadā ||

bījāni gandhatoyena secayitvā vidhānataḥ |
vidhāya homakarmāntaṃ kumārīkumbhamuddharet ||

praveśya garbhagehāntaḥ kumārīsūktamuccaran |
siñcelliṅgaṃ śanairbhaktyā śeṣaṃ prāguktavat priye ||

devīṃ saṃprārthya mūlena vakṣyamāṇena māninī |
bhadrakālī namaste'stu mahābhayavināśinī ||

gṛhāṇedaṃ kāmyakarma caturthyāṃ ca mayā kṛtam |
p. 115) vinidrākarma kartavyaṃ pañcamyāṃ prātarutthitaḥ ||

snātvā liṅgaṃ yajedyantraṃ upacāraiśca pañcabhiḥ |
kumārīṃ hṛdi saṃyujya mūlenāvāhya cāmbikām ||

sarvaṃ karmātha homāntamambikāghaṭasecanam |
bījaṃ payodakaiḥ secyaṃ rātrau karma samarpaṇam ||

sugandhīni namastubhyaṃ sampajjālapradāyikī |
pañcamyāmāmbake karma gṛhāṇedaṃ tilottame ||

iti prārthya mahādevīṃ paścājjāgaraṇaṃ nayet |
ṣaṣṭyāṃ prātaḥ samutthāya susnātvā bhūsuraissaha ||

pavamānādi mantreṇa prokṣayetparitastataḥ |
saṃprokṣya yantraliṅgaṃ ca siñcetpañcopacārakaiḥ ||

yaṣṭvāmbikāṃ ca mūlena hṛdi saṃyojayedguruḥ |
mahiṣaghniṃ samāvāhya liṅge yantre ca tāṃ yajet ||

jalodakena bījāni secayitvā kriyāḥ param |
homakarma samāpyāryaḥ prāguktavidhināgaje ||

mahiṣagnī ghaṭenātha tatsūktenaiva secayet |
p. 116) karmaughaṃ madhyarātrāntaṃ kṛtvā sadbhaktipūrvakam ||

tuṣṭyarthaṃ prārthayeddevīṃ vaṃśavṛddhipradāyakīm |
mahiṣaghnī namastubhyaṃ kāmitārthapradāyinī ||

mayā ṣaṣṭyāṃ kṛtaṃ karma gṛhāṇa surapūjite |
ityarcayetkriyājālāmarcayenmūlamantrataḥ ||

tato nidrāṃ nivāryaiśi saptamī prātarutthitaḥ |
snānādīni svanityāni samāpya vidhinā tataḥ ||

puṇyāhasalilairādaugururliṅgālayādike |
yāgabhūmau ca sarvatra prokṣya mūlājanā varam |

yantraṃ liṅgāṃśca kumbhāṃśca saptabhiścopacārakaiḥ |
yaṣṭvā tā mahiṣaghnīṃ ca hṛdi saṃyojya mūlataḥ ||

mūlena liṅge yantre ca punarāvāhya caṇḍikām |
homāvadhi kriyājālaṃ caṇḍikāghaṭasecanam ||

niśi pūjāmarcayitvā tuṣṭyarthaṃ prārthayettadā |
namaste girisaṃbhūte sarvaśatrubhayaṅkarī ||

saptamyāṃ kṛtakarmaughaṃ gṛhāṇāśu dhanaprade |
p. 117) iti kriyāssamarpyānte bodhayeyurmahājanāḥ ||

tathāṣṭamī prabhāte ca gururutthāya bhaktitaḥ |
cārakākādyairdijassārdhaṃ snātvā nityakriyāṃ nayet ||

puṇyāhaṃ manunā vācya liṅgaṃ yantraṃ ca secayet |
saṃprokṣyataṃ navāstena yajetsaptopacārakaiḥ ||

caṇḍikāṃ hṛdi saṃyojya mūlamantreṇa māninī |
sarasvatīṃ samāvāhya manunā liṅgayantrayoḥ ||

bījāni secayedante homakarmoktavatpunaḥ |
maṇṭapasthaghaṭān yantraṃ śāradākumbhameva ca ||

yaṣṭvā tatkumbhamādāya sarvaghoṣairdvijaissaha |
punaḥ praveśya garbhāntaḥ tatsūktena manuttamaḥ ||

siñcet prāguktavatpūjāṃ vidhāya manunāpriye |
bhūtarātrāvasānānta muktakarma kadambakaḥ ||

prārthanādyarpaṇaṃ paścāt śāradāmanunā tataḥ |
kalāvati namastubhyamakārādyakṣarātmike ||

dināṣṭake kṛtaṃ karma gṛhāṇasuranāyaki |
p. 118) iti tvāṃ prārthya sadbhaktyā kriyāssarvāssamarpayet ||

nidrāṃ ninatihāsādyaiḥ navamyāṃ prātarutthitaḥ |
snānaṃ vidhāya viprādyaissva nityāni nivartayet ||

punarnāndīṃ ca gavyaṃ ca gehe bimbe ca maṇṭape |
pṛthak puṇyāha toyena prokṣya tanmunā guruḥ ||

liṅgaṃ yantraṃ samabhyarcya prokṣaṇaṃ secanādikam |
śāradāṃ hṛdi yojyātha vāgīśīmarcayetpunaḥ ||

bījāṅkurāṇi sampūjya sudhābījena tatparam |
homaṃ pūrvoktavatkuryuḥ pratikuṇḍe ca bhūsurāḥ |

pratiślokaiḥ pradhānākhye pāyasaṃ ca ghṛtaṃ tilam |
yathoktaṃ ḍāmare tantre sarvatantrottamottamam ||

argalādyaistribhiḥ ślokaiḥ saptaśatyā punarguruḥ |
juhuyādāhutiḥ sarvā suvastraṃ kañcukaṃ punaḥ ||

tataḥ pūrṇāhutim paścānnavakuṇḍeṣu suvrate |
samāpya homakarmāṇi saṃpātājya sureśvari |

kumbhe yantre ca liṅge ca samarcyātha pṛthagyajet |
p. 119) yātrārthaṃ pūrṇayāgārthaṃ pūrayetkalaśadvayam ||

prāgghaṭodakamādāya vedimadhye ghaṭānvitā |
pṛthak tanmūlamantreṇa pūrvavitvekakumbhake ||

tatkumbhaṃ caiśabhāge ca nyastvā yaṣṭvā janā param |
dvāragaḍḍukakoṇasthān vidyeśyantū ghaṭān guruḥ ||

sudhābījena mūlena pūrayetkuṅkumodakaiḥ |
brahmaghoṣādikairghoṣaiḥ vāgīśākhyaghaṭaṃ dvijaḥ ||

deśikādi samādāya praviśedgarbhamandiram |
vāgīśīsūktamantreṇa liṅgaṃ saṃsicya bhaktitaḥ ||

pūjāṃ baliṃ cotsavaṃ ca bhojanaṃ pūrvavaccaret |
tatkṣapāyāñca susnātvā liṅgaśuddhiṃ vidhāya ca ||

secaye vividhaiḥ sūktaiḥ nāmapūjādibhiḥ param |
mahākālyādidevīśca yathākalpaṃ yajedguruḥ ||

naivedyamuktavaddevyāḥ kusumāni niśākṣatān |
samarcya mūlamantreṇa vastradānamataḥ param ||

bhojayedvipramukhyāṃśca kanyakāśca suvāsinīm |
p. 120) dampatī bhojayitvānte balidānādyathotsavam ||

sabhāpūjāvidhācānte pūrṇayāgaṃ samārabhet |
tavāgre kaṭakaṃ nyastvā yaṣṭvā mūlena śaṅkari ||

rocanaṃ kuṅkumaṃ gandhaṃ niśācūrṇaṃ ghanaṃ guruḥ |
tavāgrasthe ca kaṭake lolayecca śubhodakaiḥ ||

pūjayetprārthayedbhaktyā cūrṇaṃ mūlena mantravit |
navarātravratasthānāṃ saṃpūrṇaphaladāyikī ||

navadurgātmake devi namastubhyaṃ śubhaprade |
cūrṇotsavaṃ kariṣyāmi gṛhāṇa suravandite ||

iti saṃprārthya saṃjapya cūrṇatoyaṃ manūttamaḥ |
mūlaliṅgaṃ ca bimbaughaṃ pālake vāhanaṃ dhvajam ||

digīśānmātaraścaiva balideviścatatparam |
kṣetreśīmaṅkuraṃ devi parivārāmarān pṛthak ||

dvārakumbhādikān sarvān tadyantraṃ kuṇḍadevatāḥ |
pṛthak saṃprokṣya tāḥ sarvāḥ sabhābimbaṃ punarguruḥ ||

tadbimbamanunā prokṣya svakaṃ dehaṃ tataḥ param |
p. 121) dhanadāya sadasyāya brahmaṇe ca kramāt priye ||

mūrtipebhyaḥ pāragebhyo jāpakebhyastataḥ param |
pradadyāccūrṇasalilaṃ bhūsurebhyaḥ pṛthak punaḥ ||

nṛpādibhyaśca sarvebhyaḥ tattoyaṃ caiva sampade |
bhūtabalyutsavaṃ kuryādgrāmasīmāntameva vā ||

grāmāntaṃ rathavīthyāntaṃ muṣṭinā vikiredbalim |
mahābaliṃ samāpyāryaḥ prākāraṃ ca praveśayet ||

āsujālātmikāmante tanmūlamanunā prabhuḥ |
pūjya santarpya santāḍya nālikeraphalādikaiḥ ||

bimbe ca garbhagehāntaṃ nyastvā liṅgasya dakṣiṇe |
taccaitanyaṃ mūlaliṅge bhojayitvā subhaktitaḥ ||

bhrāmyatāṃ himadīpena prasannārghyaṃ pradāpayet |
tato mantrī sarvaghoṣa.iḥ yāgagehaṃ praveśya ca ||

svakuṇḍāgniṃ ca saṃprokṣya vahnimantreṇa deśikaḥ |
jātādi pūrṇahomāntaṃ mayādattāhuti prabho ||

svīkṛtya vāñchitārthaṃ me datvā gaccha hutāśana |
p. 122) ityuktvāgniṃ visṛjyātha yantraṃ saṃprārthya bhaktitaḥ ||

ramādevi namastubhyaṃ rājyamaṅgaladāyakī |
pūjāṃ gṛhāṇa kṛpayā rājyaiśvaryaṃ prayacchame ||

iti yantraṃ prārthayitvā yāgeśākhyaghaṭaṃ param |
yāgeśvari namastubhyaṃ sarvayāgaphalaprade ||

gṛhāṇa tava kumbhārcāṃ dehi me dhanasampadam |
mūlena prārthayitveti pūjayecchāradāghaṭam ||

sarasvati namastubhyaṃ vidyasampatpradāyikī |
ghaṭārcanaṃ gṛhāṇedaṃ sarvavidyāḥ prayaccha me ||

mahālakṣmi namastubhyaṃ dhanarājyapradāyinī |
kośaṃ vīyaṃ jayaṃ dehi gṛhāṇedaṃ kṛtārcanam ||

mahākāli namaste'stu tava kalpoktapūjanam |
gṛhītvā putradārādi vaṃśavṛddhiṃ ca dehi me ||

namastubhyaṃ mūlamāye nijānandasvarūpiṇī |
vividhān vibhavān dehi gṛhaṇa tava pūjanam ||

namo vidyeśī nāmākhyaḥ sadā kumbheṣu saṃsthitaḥ |
p. 123) kumbhāṣṭakārcanaṃ yūyaṃ gṛhṇantu suranditāḥ ||

kumbheśvari namastubhyaṃ sarvakumbhādhivāsinī |
sarvakumbhārcanaṃ devi gṛhāṇa kulavṛddhide ||

dvārakumbhādikān sarvān iti prārthya visarjayet |
karma dvijaiścārakādyaiḥ vedamaṅgalanisvanaiḥ ||

vādyajālaravaissārdhaṃ hāsakairgītanartakaiḥ |
chatracāmarasaṃyuktaiḥ ghaṇṭānādairjanaissaha ||

cārakumbhādikān sarvān tadyantraṃ ca tadaṅkuram |
samuddhṛtya kramādbhaktyā malamantraṃ vadan tadā ||

pradakṣiṇavaśādgehaṃ nītvā garbhaṃ praveśya ca |
yantraṃ pīṭhe ca vinyasya tanmantraṃ pūjayecchatam ||

prāgghaṭasthodakairādau siñcetpāṭājanāpadam |
dvārakumbhajalaiḥ pīṭhaṃ pīṭhamantreṇa bhaktitaḥ ||

tatkoṇaṃ koṇakumbhasthaiḥ koṇamantreṇa caṇḍike |
granthimantrerantarālaṃ gaḍḍukasthodakaiḥ param ||

liṅgaṃ prāguktasūktena vidyeśyādighaṭodakaiḥ |
p. 124) kālikādyaistribhiḥ sūktaiḥ tattrikumbhodakaiḥ param ||

devīsūktaṃ vadan paścānmūladurgāghaṭodakaiḥ |
kautukādi parityajya mūlabimbādi mānini ||

nyastvā liṅgottare bhaktyā kautukaṃ mūlamuccaran |
yāgakumbhasthodakena cūrṇayātrā ghaṭodakaiḥ ||

balibimbaṃ ca tadyantraṃ yāgamantreṇa secayet |
ramāsūktena tatsecya daśasaṅkhyopacārakaiḥ ||

yaṣṭvā bījāṅkuraiḥ paścātsudhābījena cāryayet |
bhrāmayedbahudīpaughān mantraiḥ puṣpākṣaṇān punaḥ ||

samarcya mūlamantreṇa navamyantaṃ gurūttamaḥ |
prasannārthaṃ punaḥ pūjāṃ vidhāya prārthya śāmbhavīm ||

namo devyai mahāmāye sarvadānandarūpiṇī |
navarātroktakarmaughaṃ navamyantaṃ mayā kṛtam ||

samyak svīkṛtya tatsarvaṃ kriyāpūrṇaṃ phalaṃ śriyam |
dehi me putradārādi vaṃśavṛddhiṃ nagodbhave ||

ityuktvā mūlamanunā kriyāssarvāssamarpayet |
p. 125) dakṣiṇāṃ dāpayettatra gurvādibhyaḥ kramāt priye ||

navaniṣkaṃ deśikāya pradadyāddhanadāya ca |
pañca tribrahmaṇe devi sārdhaniṣkaṃ ca niṣkakam ||

hotṛbhyaḥ cārakebhyaśca jāpakebhyaśca tatparam |
niṣkārdhaṃ sūktajāpibhyaḥ secakebhyastathaiva ca ||

tathā tatpūjakebhyaśca tattarpaṇa kṛte tathā |
niṣkārdhārdhaṃ prabhū bhaktyā cārakebhyastathaiva ca ||

dakṣiṇāṃ ca pṛthak datvā tāsāṃ te bhūridakṣiṇam |
śaktyā vittānusāreṇa karmopakaraṇādikam ||

dadyāttanmaṇṭapaṃ sarvaṃ mantriṇe maṅgalāya ca |
gobhūmyādīni dānāni bhūsurebhyaḥ śubhāya ca ||

dānānte bhūmipādīnāṃ putradārādikāṅkṣiṇām |
pādodakaṃ cāṅkurāṇi kautukāni pradāpayet ||

sahadevīṃ samabhyarcya savastraṃ kañcukādikam |
suvāsinyai ca datvānte gurukuṇḍastha pāvakam ||

gṛhītvā dhanadaḥ paścāddeśikādi dvijaissaha |
p. 126) vedaghoṣairvādyaravaiśśaṅkhaghaṇṭāravādikaiḥ ||

prabhūttamādikaissārdhaṃ praveśyāryālayaṃ punaḥ |
deśikāgnau tu saṃyujya pūjayedupacārakaiḥ ||

navamyāntaṃ kṛtaṃ karma mayetyuktaṃ tavānaghe |
sarvapāpaharaṃ divyaṃ sarvadā maṅgalapradam ||

rājyadurgapradaṃ rājño dhanakośabalapradam |
putrapautraprapautrādi vaṃśavṛddhipradaṃ priye ||

āyurārogyadaṃ puṃsāṃ dhairyaṃ vīryaṃ manojayam |
yaśaḥ pradaṃ śokaharaṃ sarvadāridryanāśanam ||

navarātroktakarmedaṃ caturvarṇodbhave nare |
pratyabdaṃ caiva yaḥ kuryātsadbhaktyā śuddhacetasā ||

vipraścedaihike jñānaṃ śriyaṃ bhogān bahūnapi |
mokṣamāpnoti dehānte rājyaiśvaryaṃ jayaṃ yaśaḥ ||

dhanāni ratnajālāni sarvasampadbalāni ca |
dravyajñānāni dharmāṇi sārūpyaṃ kṣatriyottamaḥ ||

vaiśyaśceddhanadhānyāni sāmīpyaṃ labhate dhruvam |
p. 127) śūdrasukhaṃ sadārogyaṃ vṛddhiṃ sālokyamāpnuyāt ||

itthaṃ jñātveti karmaughaṃ navamyantaṃ payaḥ pumān |
samyak kurvīta sampattyai vaṃśavṛddhyai śubhāya ca ||

navadurgākramo hyevaṃ tūlākarma vadāmyaham |

iti śrīvātulottare durgābhedeśivapārvatīsaṃvāde kāmyakāṇḍe 
navarātriyajanavivaraṇaṃ nāma ekonatriṃśatpaṭalaḥ ||




devī -

śrutaṃ deva mayā sarvaṃ tvatprasādānmaheśvara |
idānīṃ micchāmi tulābhāraṃ kada vadā ||

kiṃ nimittaṃ tadārohaḥ kiñca dravyaṃ ca kiṃ phalam |
tadvidhānaṃ kathaṃ samyak vistareṇa vada prabho ||

īśvaraḥ -

p. 128) sādhu pṛṣṭaṃ mahādevi tvayā yatparibhāṣitam |
tatsarvaṃ ca pravakṣyāmi śṛṇu śvekāgramānasā ||

purā gaṅgānadītīre ṛṣidevagaṇāśrite |
puṇyaṃ pāpaṃ ca papraccha loke ko hyadhiko bhavet ||

ahaṃ puṇyasyādhika syāt loke'haṃ pāpapūruṣaḥ |
parasparavirodhena viṣṇuṃ śaraṇamāgatau ||

kimarthamāgatau brūtamiti prāha janārdanaḥ |
iti tadvacananaṃ śrutvā mā virodhaḥ parasparam ||

tataḥ sarvagato viṣṇuḥ śūlārohaṇamabravīt |
tatra puṇyaṃ vādhikaṃ syādathavā pāpapūruṣaḥ ||

taṃ dṛṣṭvā tau viniścitya manaśśāntiṃ samāgatau |
kupitau sāntvayan tau hi tulāmuddhārayeddhariḥ ||

ubhau sthitau tulāpātre madhye dhṛtvā janārdanaḥ |
atholayadyathā nyāyyaṃ tulite tena viṣṇunā ||

puṇyaṃ samādhikatvacca bhūbhāgaṃ ca samāviśat |
pāpaṃ ca lāghavādgauri tacchatvāducchritaḥ khilā |

p. 129) tulāyāmadhikaṃ dṛṣṭvā lajjitaḥ pāpapūruṣaḥ |
avaruhya tulāpātrān svayaṃ bhūmiṃ samāgamat ||

tadārabhya tulaṃ dṛṣṭvā dūrādeva palāyate |
tasmāttulāmāruhanti devaśce manujāstathā ||

dharmādharmakṛtaṃ bhāraṃ tulayā vijigīṣayā |
etasmāt karaṇālloke tulābhāraṃ viśiṣyate ||

tasyā smaraṇamātreṇa sarvapāpavināśanam |
kadācicca tulārohe sarvamṛtyubhayaṃ nṛṇām ||

apasmārādi saṃprāptaṃ tatkṣaṇādeva naśyati |
brahmahatyādipāpānāṃ prāyaścittamidaṃ smṛtam ||

iti datvā varaṃ viṣṇuḥ tulāyai lokarakṣakaḥ |
śivālayādiṣu sthitvā tule tvaṃ pāpahāriṇī ||

nuda pāpaṃ nṛṇāṃ nityaṃ bhaktānāṃ ca hitaprade |
ityājñayā mayā viṣṇuḥ tulābhāramidaṃ priye ||

taddravyaṃ ca pṛthagbhedaṃ tadvidhaṃ tatphalaṃ śṛṇu |
krameṇa saṃpravakṣyāmi nimittāni pṛthak pṛthak ||

p. 130) svarṇena vittaśaktaścettulāmārohayettadā |
cakravartī nṛpaśśreṣṭhaḥ sa bhavetsaptajanmani ||

tadante śivasāyujyamihāpi sukhamaśnute |
rājate vyādhināśaḥ syāt putrapautrādisaṃyutaḥ ||

ciraṃ bhuktvā bahūn bhogān viṣṇuloke mahīyate |
tāmreṇa śatrunāśaṃ syāt ihaloke sukhaṃ bhavet ||

tadante brahmalokaṃ syāt phalaṃ guhyaṃ varānane |
kāṃsyena jvaranāśaṃ syāt sarvaśāntikaraṃ nṛṇām ||

trapuṇā roganāśāya kīrtaye dhanavṛddhaye |
sīsena pāpanāśāya apasmāravināśanam ||

dāruṇā sarvanāśaḥ syāt śilayā svakulakṣayam |
mṛṇmayaṃ putranāśāya taddravyaṃ varjayetpriye ||

kṣīreṇa sarvasaubhāgyaṃ hṛdrogādi vināśanam |
daghnā ca dhanavṛddhiḥ syāt sarvaśatrujayo bhavet ||

āyurvṛddhikaraṃ cājye subuddhiśca manohare |
mākṣikeṇa tulārohe bhūtagrastādi śānti yuk ||

p. 131) guḍaśarkarayā vāpi sthiralakṣmīmavāpnuyāt |
pañcagavyatulārohe brahmahatyādināśanam ||

tilatailasamārohe apamṛtyuvināśanam |
nālikeraphalārohe śīghraṃ putrādisaṃpadaḥ ||

kadalīpanasāmrādyaiḥ putramitrasamṛddhidam |
drākṣākharjūrakaistuṣṭaḥ ihaloke paratra ca ||

candanāgarukarpūratulārohe maheśvari |
śīghraṃ śriyamavāpnoti sarvatāpanivāraṇam ||

kramukaṃ nāgavallībhiḥ tulārohe śubhapradam |
śvetavastratulārohe tuṣṭipuṣṭipradaṃ śive ||

etaddravyāṇi sampādya yathā śaktyānusārataḥ |
sāmbaliṅgādikai kṣetre harīśe śumbhavidviṣe ||

ṣaṇmukhe ca gaṇādhyakṣe tatsamāruhya bhaktitaḥ |
brahmakṣatriyavaiśyairvā śūdraiśca manujottamaiḥ ||

ṛṣidevagaṇairdevi māmuddiśya yathoktavat |
sudinaṃ caiva niścitya candratārānukūlakam ||

p. 132) devālayapurobhāge śā"kare vā viśeṣataḥ |
maṇṭapaṃ kārayedbhaktyā kuṇḍe vā sthaṇḍile'pi vā ||

puṣpamaṇṭapikāṃ vāpi dvāratoraṇa bhūṣitam |
stambhaṃ tatra dṛḍhībhūtaṃ sāradārumayaṃ tu vā ||

pañcalohena tulayā rajvā patrai prayujya ca |
tulāṃ saṃyojya kūṭasthaṃ viśvakarmokta śāstrataḥ ||

tataḥ prātaḥ samutthāya nityakarma samāpya ca |
brāhmaṇaiḥ saha śuddhātmā maṅgalasnānamācaret ||

vastrāharaṇamālyaiśca alaṅkṛtya varānane |
devālayaṃ samāgatyā maṇṭapaṃ praviśetpriye ||

gaṇeśvaraṃ samārādhya nāndīpuṇyāhamācaret |
madhuparkaṃ tataḥ kuryādvarayedbhūsurottamān ||

ācāryaṃ yajamānaṃ ca ṛtvijaṃ vedapāragam |
brāhmaṇaṃ ca sadasyaṃ ca japapārāyaṇa dvijān ||

suvarṇaṃ ca phalaṃ vastraṃ datvā ca varayet priye |
tato niśīthe saṃprāpte saṃskṛte maṇṭape guruḥ ||

p. 133) dvāratoraṇakumbhāṃśca pūjayecca manohare |
vāsturākṣoghnahomaṃ ca baliṃ vāstossamācaret ||

japapārāyaṇaṃ kuryāccaturastraṃ tathaiva ca |
gaṇeśakṣetrapālaṃ ca mṛtyuñjaya navagraham ||

ācārya yajamānādyairupavāsaṃ ca jāgaram |
pañcagavyaṃ ca pītvā tu jitendriyadṛḍhavrataḥ ||

tataḥ prātaḥ samutthāya nityakarma samāpya ca |
tato maṇṭapamāsādya gaṇeśaṃ pūjayedguruḥ ||

homayenmūlamantreṇa aṣṭottarasahasrakam |
mṛtyuñjayaṃ diśāhomaṃ gṛhahomaṃ samācaret ||

caturdikṣu krameṇaiva samidājyacarūn kramāt |
tilaṃ ca sarṣapaṃ mantrī homayedṛtvijaissaha ||

īśānye pūrvabhāge ca kalaśān sthāpayet guruḥ |
yāvadvarṣamitaṃ mugdhe śivakumbhaṃ ca vardhinīm ||

tāvatsaṃkhyān susaṃpūjya homānte secayeccamām |
aṣṭagandhaissamālipya vastrābharaṇapuṣpakaiḥ ||

p. 134) naivedyaṃ dīpajālaiśca toṣayecca sureśvari |
prārthayedyajamānastu svarṇapuṣpakarasthitaḥ ||

devadeva jagannātha saṃsārābdhi bhayāpaha |
tulāmāroḍhumicchāmi tvatprītyarthaṃ tvadājñayā ||

iti puṣpāñjaliṃ datvā tulāmaṇṭapamāviśet |
saṃpūjya ca tulāṃ mantrī brahmāviṣṇuśivādikān ||

viṣṇumāyāṃ jagaddhātrīṃ pratimāṃ svarṇanirmitām |
tulākūṭe ca madhye ca sthāpayetpūjayecca mām ||

dakṣiṇe viṣṇumabhyarcya vāme brahmāṇamarcayet |
dikpālakāṃśca sampūjya paritaśca yathākramam ||

tulāpātre ca rajvośca aśvinyau candrabhāskarau |
śūlapāṇiṃ paraśupāṇiṃ caturvedān yathākramam ||

mṛtyuñjayaṃ tulādravye pūjayetsvasvanāmabhiḥ |
gandhapuṣpaiḥ samabhyarcya naivedyāntaṃ sureśvari ||

prārthayedyajamānastu kṛtāñjalipuṭa sthitaḥ |
namaste jagadādhāre namaste sarvasākṣiṇe |

p. 135) māmuddhara tulādevi rakṣa rakṣa namo'stute |
iti saṃprārthayedbhaktyā phalasvarṇakara svayam ||

pradakṣiṇatrayaṃ kṛtvā vedamaṅgalanisvanaiḥ |
tulādravyaṃ ca pūrvoktaṃ svasya dakṣiṇato nyaset ||

vāme tulāṃ samāropya upaviśya gurūttamaḥ |
kiñciddravyaṃ viśeṣeṇa svasmādbhāraṃ sureśvari ||

karatālairvedaghoṣaiḥ govindeti samuccaret |
kṣaṇamātraṃ tata sthitvā manasā cintayecca mām ||

trirāvṛtyā ca santolya tulāpātramadho nayet |
avaruhyaṃ phalaṃ svarṇaṃ gurave ca samarpayet ||

alaṅkāraṃ ca vastraṃ ca gobhūmyādi viśeṣataḥ |
pūjayecca yathā bhaktyā dānāni vividhāni ca ||

brāhmaṇebhyaśca datvā tu savatsāṃ gāṃ sureśvari |
dakṣiṇāṃ dāpayedbhaktyā karmakṛdbhyaśca deśikaḥ ||

tulādravyaṃ ca vibhajeddevatārthaṃ vibhāgakam |
bhūmidānārthamekaṃ ca dāpayecca pṛthak pṛthak ||

p. 136) brāhmaṇān bhojayetpaścāt yathāśaktyā varānane |
viprāśīrvacanaṃ gṛhya tadante ca samarpaṇam ||

tulābhāraṃ mayetyuktaṃ devatārthaṃ sureśvari |
tava snehena vaktavyaṃ kimanyat śrotumicchasi ||

iti śrīvātulottare durgābhede śivapārvatisaṃvāde kāmyakāṇḍe 
tulābhārakriyāvivaraṇaṃ nāma dvātriṃśatpaṭalaḥ |





|| svasti ||

vande vighneśvaraṃ devaṃ sarvavighnādidaivatam |
tannamāmi gaṇādhyakṣa vande vāñchitasiddhaye ||

devyuvāca -

bhasmoddhūlitasarvāṅga jaṭājūṭa digambara |
paṣapradoṣakāleṣu viṣṇubrahmādikaiśśiva ||

sarvadevagaṇaiśśambho siddhavidyādharaissaha |
kinnarairyakṣagandharvairmunisaṅghaissamāvṛta ||

parivāragaṇaissārdhaṃ sarvalokahitāya ca |
guhyādguhyatamaṃ samyak rahasyaṃ suradurlabham ||

paripṛcchāmi deveśa prasannātman jagatpate |
aṣṭāviṃśatimantrāṇi vātulāntāni śaṅkara ||

tvayeritāni gopyāni tāni bhedāni samyak |
yeṣa tantreṣu malliṅgalakṣaṇādi kathaṃ vada ||

lakṣaṇaṃ pañca sūtrāṇāṃ sakṛnmalliṅgapīṭhayoḥ |
liṅgāṅgakalpanaṃ samyaggehabandhanalakṣaṇam || 6 ||

p. 138) liṅgagehādimānāni maṭapaṃ prāṅkaṇādikam |
prākāradvāraharmyādi mūlaprāsādalakṣaṇam ||

dvārādibalidevānāṃ vāhanasya dhvajasya ca |
teṣāṃ pṛthak padaṃ deva vāpī kūpataṭākayoḥ ||

paritaḥ parivārākhyavimbānāṃ lakṣaṇaṃ katham |
teṣāṃ ca nilayānāṃ cedāyataṃ connataṃ vada ||

dravyāmbara nāgāragehe bandhana lakṣaṇam |
snāna yāga sabhāsthāna kuṇḍānāṃ caiva lakṣaṇam ||

āyudhānamathāstrāṇāṃ lakṣaṇaṃ tatpadaṃ vada |
prāsādagopurāgrādi kumbhanyāsakramaḥ katham ||

deśikādi dvijātīnāṃ padaṃ tadgehabandhanam |
nṛpādīnāṃ ca sarveṣāmālayānāṃ ca lakṣaṇam ||

gośālādi gajāśvānāṃ kathamāpaṇikādinām |
cārāṇāṃ sevakādīnāṃ vādyakānāṃ gṛhādikam ||

kathaṃ ratisthalaṃ deva vaiśyānāṃ nilayaṃ vada |
svarṇakārādijātīnāṃ kāṃsyatāmrakṛtāṃ padam ||

p. 139) rajakādyambarakṛtā cakriṇāṃ dhvajināṃ gṛhān |
śilpināmambarāṇāṃ ca padaṃ sandhikṛtāṃ vada ||

puṣpodyānasthalaṃ kutra sūtrasopānalakṣaṇam |
puṣpanyāsasthalaṃ deva tulasyā vāla lakṣaṇam ||

śibikādirathāṅgānāṃ nilayaṃ lakṣaṇādikam |
ātitheyānna saṃsthānaṃ dīpastambhasya lakṣaṇam ||

dīpajālādimālānāṃ rathavīthyādi lakṣaṇam |
sopānasyopavīthīnāṃ lakṣaṇaṃ ca kathaṃ vada ||

pūjakāsparśakāścaiva liṅgasyā sparśakāṃ pada |
ācāryalakṣaṇaṃ kiṃ vā nityakarmakramaḥ katham ||

naimittikārcanaṃ karma pavitrāropaṇaṃ katham |
nityanaimittike kāmye snānakarmakramaḥ katham ||

tavotpattiḥ kathaṃ bhedaṃ navadurgāvidhiḥ katham |
tulābhārakriyāṃ deva kṛtikādīpalakṣaṇam ||

vatsarodyutsavaṃ kālaṃ rathārohakramaṃ vada |
damanāropaṇaṃ deva vasantotsavalakṣaṇam ||

p. 140) bandhotsavakriyājālaṃ bandhanatpeṣaṇaṃ vadā |
taddravyaṃ sāmpradāyaṃ ca bandhe jīrṇe kathaṃ vada ||

jayaghaṇṭā mahāghaṇṭā kṣudraghaṇṭādināṃ hara |
karakāpātrajālādi karaṇānāṃ ca lakṣaṇam ||

bherīpaṭahaśaṅkhādi vādyānāṃ mauriṇāṃ tathā |
vīṇāmṛdaṅgatālādi tittivīṇādinādakam ||

nityādi karmalopānāṃ prāyaścittavidhiḥ katham |
liṅge bimbe tadaṅgecedbhinne naṣṭe hṛte katham ||

mūlaprāsādaśikhare maṇṭape gopurādike |
tadagrakalaśe deva prākāre prāṅkaṇādike ||

dīpastambhe dhvaje dvāre parivāre ca vāhane |
balipīṭha gaṇe yatra pātrajālādike'thavā ||

deśikādijanastome cārake sevakādike |
vādyajāle vādake cetpatite ca mṛte katham ||

halite khaṇḍite bhinne palite dahane yathā |
kadācidadbhutotpāte pararājabhaye katham ||

p. 141) yasmin tantre ca yadguhyaṃ mantramudrādilakṣaṇam |
devatāvivṛtiṃ sarva karmaṇāṃ naitrikādinām ||

etattantre ca tatsarvaṃ vistarā prāṇavallabhā |
prītyā mudā mahādeva mama sānnidhya hetave ||

sasāmpradāya yuktātman brūhi me bhogadāyaka |

iti śrīparamarahasye vātulottare śivaṃ prati pārvatīsaṃvāde praśne 
nirūpaṇa paṭalaḥ prathamaḥ ||




athātaḥ saṃpravakṣyāmi tava liṅgādilakṣaṇam |
kalābhedaṃ codbhavaṃ ca sakṛttvalliṅgapīṭhayoḥ ||

lakṣaṇaṃ pañcasūtraṃ ca gehabandhanalakṣaṇam |
tadaṅge kalpanaṃ devi krameṇa śṛṇu pārvati ||

layaṃ gacchanti bhūtāni saṃhāre tvakhilaṃ yataḥ |
sṛṣṭikāle yathā sṛṣṭistasmālliṅgamudāhṛtam ||

dvividhaṃ liṅgamākhyātaṃ niṣkalaṃ sakalaṃ priye |
p. 142) niṣkalaṃ mama rūpaṃ ca sakalaṃ tava rūpakam ||

ubhayossaṃpuṭaṃ yatra liṅgākārasamudbhavam |
parātparataraṃ hyasmāt śivaśaktessamudbhavam ||

niṣkalaṃ hi kalāhīnaṃ sakalaṃ tu kalānvitam |
sakalaṃ niṣkalopetaṃ liṅgākāraṃ maheśvari ||

munidevamanuṣyaiśca pūjitaṃ liṅgamādarāt |
yogināṃ rakṣaṇārthāya śāstrāṇāmudbhavāya ca ||

prāṇināmupakārāya devatānāṃ hitāya ca |
rākṣasānāṃ vadhārthāya tasmālliṅgasamudbhavam ||

svayambhuvaṃ sāmbaliṅgaṃ durlabhaṃ ca varānane |
svarṇarekhā ca madbhedaṃ tava bhedaṃ ca cihnitam ||

tava bhāge cādhike ca sarvaliṅgottamottamam |
sarvābhīṣṭapradaṃ liṅgaṃ tava loke praśasyate ||

rājataṃ yatra dṛśyante cihnaṃ viṣṇośca śaktayaḥ |
pravālaṃ yatra dṛśyante brahmaśaktyā sarasvatī ||

ūrdhvarekhā bhavecchaktiḥ tiryagrekhā śiva smṛtaḥ |
p. 143) iti cihnāni vartante durlabhaṃ śṛṇu pārvati ||

tryaṅgulordhve yadā liṅgaṃ dṛśyate ca maheśvari |
pañcāṅgulaṃ navāntaṃ ca bhuktimuktipradaṃ nṛṇām ||

phakvajambūphalākāraṃ nālikerākṛtiṃ śive |
vartulaṃ paṅkajākāraṃ tvalliṅgaṃ putrapautradam ||

nadītīre saṅgame ca udyāne parvate taṭe |
eṣu sthāne samudbhūte navaliṅge maheśvari ||

sarvābhīṣṭapradaṃ loke rājño rājyābhivṛddhidam |
liṅgalakṣaṇamākhyātaṃ pīṭhalakṣaṇamucyate ||

liṅgasya vistaraṃ pīṭhaṃ unnataṃ vā maheśvari |
tatsamaṃ caturaśraṃ syāttannālaṃ ca tadardhakam ||

unnataṃ ca tadardhaṃ syāt ekaditri ca paṭṭikām |
vāṇīṃ lakṣmīṃ mahākālīṃ brahmāviṣṇuṃ ca rudrakān ||

tava pīṭhaṃ ca śaktiśca āśritaṃ ca ubhau sthitaḥ |
liṅgamūlena saṃsthāpya sarvalakṣaṇa lakṣitam ||

ūrdhvabhāgaṃ ca tyaktvādau liṅgaṃ saṃyojya pīṭhake |
p. 144) pūrvāsyaṃ ca sthitaṃ liṅgaṃ praṇālaṃ cottare nyaset ||

pratyaṅmukhasya liṅgasya praṇālaṃ dakṣiṇe nyaset |
udaṅmukhasya liṅgasya paścimābhimukhe nyaset ||

dakṣiṇābhimukhe liṅge pūrvasyābhimukhe nyaset |
pīṭhādhike bhavenmṛtyuḥ hīne liṅge maheśvari ||

pañcasūtravihīnaścet kulakṣayakaraṃ nṛṇām |
pīṭhasya lakṣaṇaṃ proktaṃ gehabaddhaṃ tataḥ śṛṇu ||

prītasya triguṇaṃ garbhaṃ tadardhaṃ cāntaraṃ priye |
dvāradvayasamāyuktaṃ lakṣmīmaṇṭapabāhyataḥ ||

garbhasya dviguṇaṃ kuryāt taddvāraṃ ca prakalpayet |
maṇṭapasya triguṇitaṃ prākāraṃ parita priye ||

vāhanaṃ maṇṭapaṃ kuryāt tadardhāṃ ca pārvati |
prākāraṃ ca triguṇitaṃ bahiḥ prākārakalpanam ||

maṇṭapasyādhikaṃ dvāraṃ bahidvāraṃ tu pārvati |
prathame liṅgabhittisyāddvitīye dvārabhittikā ||

tṛtīye gopure devi caturthe pīṭhabhittikā |
p. 145) bahi prākārabhitti syāt pañcamāvaraṇaṃ priye ||

garbhagṛhe catustambhaṃ tadbāhye cāṣṭabhiḥ priye |
maṇṭape dvādaśastambhaṃ prākārādiṣu sarvataḥ ||

aṣṭottaraśatastambhaṃ dviśataṃ triśataṃ priye |
mūtiyuk paṭṭikādīni antaraṃ ca tadantaram ||

gehārdhaṃ śikharaṃ kuryāt tadardhaṃ kalaśe nyaset |
svarṇaraupyāditāmrādyaiḥ kumbhaṃ kṛtvā ca śilpinā ||

eka tripañca kumbhaṃ syāt saptakumbhaṃ nyaset priye |
prāsādādiṣu sarvatra tatkumbhaṃ sthāpayedguruḥ ||

śilpiśāstroktamārgeṇa gehaṃ kṛtvā vidhānataḥ |
yadi hīne kṛtaṃ gehe lakṣaṇaṃ pūrvamuktavat ||

pūjā nārhati talliṅgaṃ piśāca brahmarākṣasaiḥ |
sa bhavecca mahāmārī tadgrāme pīḍyate sadā ||

tasmāt sarvaprayatnena lakṣaṇaṃ vīkṣya muktavat |
upadeśadgurośśilpī kurvīta tava cālayam ||

śilāyā nirmitaṃ gehaṃ kulakoṭi samuddharet |
p. 146) ante mama puraṃ prāpya ihaiva sukhamaśnute ||

ceṣṭake dārujaṃ vāpi putrapautrādi sampadaḥ |
sarvabhogāṃśca labhate sarvatra vijayo bhavet ||

dehānte mama lokaṃ tu āpnotyeva na saṃśayaḥ |
lakṣaṇaṃ cālayasyoktaṃ tadāṅgāni nigadyate ||

kumbhaṃ pīṭhaṃ ca vāstuṃ ca vāhanadhvajasaṃyutam |
etatpañcāṅgamityuktaṃ tatra doṣo mayocyate ||

kumbhanāśe kīrtināśaṃ pīṭhanāśe dhanakṣayam |
vāstuvāhananāśe tu dhvajanāśe bhavedyadi ||

nityādi sarvakarmāṇi pūjā nārhanti ca tadālaye |
dharmārthaṃ kāmamokṣāṇāṃ na praśastaṃ ca pārvati ||

devatāṃ sannidhānārthamasurāṇāṃ ca nāśanam |
tasmāt pañcāṅgayuktaṃ ca ālayaṃ parikalpayet ||

ālayaṃ cāṅgamityuktaṃ dvārapālādikān śṛṇu |

iti śrīvātulottare nityakāṇḍe liṅgalakṣaṇādi 
gehabandhanalakṣaṇavidhirnāma dvitīyaḥ paṭalaḥ |




ataḥ paraṃ pravakṣyāmi dvārapālādi lakṣaṇam |
vāhanaṃ dhvajapīṭhaṃ syāt parivārālayaṃ śṛṇu ||

śilāditāmrakaṃ vāpi kāṃsyaṃ vā pittalaṃ priye |
rājataṃ svarṇajaṃ śreṣṭhaṃ tava liṅge viśeṣataḥ ||

liṅgasya pañcaguṇitaṃ ucchritaṃ ca maheśvari |
tripañcahastamānaṃ vā tava bimbākṛtiṃ guruḥ ||

haste daṇḍaṃ ca dhṛtvātha śaṅkhacakrādidhāriṇaḥ |
antardvāre gopure ca dvārasyobhayapārśvataḥ ||

caṇḍikāmambikānnāma dvārapāle maheśvari |
ślādinī mohinī nāma gopurobhaya pārśvataḥ ||

kātyāyinī jayantī ca lakṣaṇena samanvite |
sudṛḍhaṃ sthāpayeddevi yathā vidhyukta mārgataḥ ||

tava liṅge dvārapāle lakṣaṇaṃ kathitaṃ priye |
vāhanaṃ ca pravakṣyāmi śilādi dravya bhedataḥ ||

li"gasyordhvaṃ ca kurvīta vistāraṃ sārdhahastakam |
liṅgasya triguṇaṃ vātha pañcasyo lakṣaṇoktavat ||

p. 148) sthāpayedvidhinā mantrī pīṭhamaṇṭapayordhvaje |
iti bhedasthale devi vāhanasya tu lakṣaṇam ||

dhvajasya lakṣaṇaṃ vakṣye tava liṅge maheśvari |
śilādaṇḍaṃ candanaṃ ca devadāruṃ ca gandhajam ||

padmasāraṃ garbhasāraṃ dṛṣṭvā daṇḍaṃ parigrahet |
śikharastha ghaṭāgrasya midaṃ daṇḍāyataṃ priye ||

pañcahastādhikaṃ kṛtvā khātvā stambhaṃ ca bhūtale |
caturaśraṃ daṇḍamūle ekadvitriṃ ca paṭṭikām ||

tadūrdhve cāṣṭadhārāśca tasyordhve vartulākṛtiḥ |
mastake vāhanaṃ nyasya dhvajavediṃ prakalpayet ||

śilāceṣṭakayā baddhvā sārdhahastapramāṇataḥ |
pañcatrayāntaraṃ kuryāt sthāpayedvidhinā guruḥ ||

śilādaṇḍaṃ sthāpanaṃ ca vaṃśavṛddhikara priye |
dārujaṃ sarvasaṃpattiḥ tāmrādyaiḥ kavace kṛte ||

sarvaśatrujayaṃ nṝṇāṃ svarṇaṃ rājyapradaṃ śive |
dhvajalakṣaṇamityuktaṃ balipīṭhaṃ tataḥ śṛṇu ||

p. 149) śilādi nirmitaṃ pīṭhaṃ tripañcāṅgulavistṛtam |
tasyordhvaṃ ca prakurvīta caturaśraṃ ca vṛttakam ||

tattanmūrtyaṅkitaṃ pīṭhaṃ padmaṃ vātha maheśvari |
caṇḍikādyā devatāśca kalpaye sthāpayedguruḥ ||

devatāṃśca tato vakṣye śṛṇu devi yathākramam |
caṇḍikāmambikāṃ siṃhaṃ dvārasyobhaya cāgrataḥ ||

dakṣiṇe gaṇanāthaṃ ca śaṃkaraṃ ca maheśvari |
svasvadikṣu ca dikpālān brahmāṇaṃ śāṅkare diśi ||

anantaṃ nair-ṛte sthāne prathamāvaraṇe śive |
dvitīye saptamātṛśca pīṭhalakṣaṇamucyate ||

hastamātraṃ ca vistāraṃ ūrdhvaṃ saptāṅgulaṃ priye |
vīrabhadraṃ gaṇeśaṃ ca tatpīṭhe dvāradeśataḥ ||

paṅktirūpaṃ ca tatpīṭhe kamalākṛtisaptakam |
tadbahiśca caturdikṣu ūrdhvādhaśca sthale śive ||

mātṛbhyo lokamātṛbhyaḥ sarvamātṛgaṇeṣvapi |
sarvamātṛgaṇādhyakṣo lakṣmī bhūcari khecarī ||

p. 150) yamadeśe ca saṃprāpya śāstāraṃ ca samīpataḥ |
vāyośca purato durgā durgāsāmīpyato guham ||

dhanadaṃ somasāmīpye sthāpayecca maheśvari |
someśānantare madhye muṇḍinīṃ sthāpayedguruḥ ||

liṅgapīṭhākṛtiṃ kuryāt saptāṅgulasuvistaram |
saptāṅgulaṃ tadūrdhve tu pañcasūtraṃ salakṣaṇam ||

gopuradvārapārśve tu bahirantaśca sthāpayet |
gopurāgre mahākālīṃ karālīṃ vahnigocare ||

yamadeśe ca virajāṃ daityadeśe ca mandarām |
vindhyākhyāṃ caiva vāruṇyāṃ suprabhāṃ vāyugocare ||

saumyasthāne siṃhavaktrāṃ śāṅkare daityamardinīm |
prāgādi sthāpayetpīṭhaṃ kṣetrapālaṃ ca śāṅkare ||

vistāraṃ hastamātraṃ ca caturaśraṃ supaṅkajam |
tripīṭhaṃ ca samāyuktaṃ tadūrdhvaṃ hastamātrakam ||

kṣetrapālaṃ ca saṃsthāpya mahāpīṭhaṃ tataḥ śṛṇu |
sārdhahastamitaṃ kuryāt caturaśraṃ savistaram ||

p. 151) tadūrdhvaṃ ca samaṃ liṅgaṃ aṣṭapatraṃ ca mūrdhani |
tripīṭhaṃ ca samāyuktaṃ paṭṭikāṃ kārayet priye ||

adhaḥ pīṭhe cāṣṭadikṣu kamalākṛtimuktavat |
liṅgagre dhvajasāmīpye gopuradvāra bāhyataḥ ||

sthāpayecca mahāpīṭhaṃ devatāḥ parikalpayet |
brahmaghoṣīṃ sughoṣīṃ ca yatheṣṭaṃ sukharāgiṇīm ||

sumukhīṃ subhujāṃ caiva pramodihyātmanīṃ punaḥ |
prāgādi paritaḥ pīṭhe kalpayecca maheśvari ||

piṅgalākhyāṃ tvadhaḥ pūjya sukeśīmūrdhvataḥ priye |
evaṃ saṃsthāpya tatpīṭhe tava gehe guruḥ śive ||

pīṭhasya lakṣaṇaṃ proktaṃ parivārālayaṃ śṛṇu |
bahiḥ prākāraparitaḥ īśānādi yathākramam ||

garbhagṛhaṃ maṇṭapaṃ ca pañca saptakaraṃ priye |
caturaśrāyataṃ kuryāddhastamātraṃ taducchrayam ||

bhityantaradvayaṃ kuryāttatra dvāraṃ prakalpayet |
catustambhaṃ cāntarāle tadbahiścāṣṭabhiḥ priye ||

p. 152) kūṭākāraṃ ca kurvīta śilpiśāstroktamārgataḥ |
tadagre kalaśaṃ nyasya kumbhamekaṃ ca svarṇajam ||

sthāpayetparivārāṃśca vīreśādi yathākramam |
ṣaṇmukhaṃ ca gaṇeśaṃ ca gopālaṃ mārutātmajam ||

tattanmūrtiṃ prakurvīta śilādidravyabhedataḥ |
ekahastaṃ trihastaṃ vā pañcahasta nava priye ||

lakṣaṇena samāyuktaṃ tattadāyudhabhūṣaṇam |
tattadvāhanasaṃyuktaṃ śilpiśāstre yathoktavat ||

sthāpayedvidhinā mantrī yathāpūrvoktamārgataḥ |
parivārālayaṃ śreṣṭhamanyaiśca bahubhiḥ śive ||

kārayedbahudhā bhaktyā tattanmūrtiṃ tadālayam |
sthāpayedvidhinā mantrī bahiḥ prākāradeśake ||

parivārālayaṃ proktaṃ kūpasthānaṃ śṛṇu priye |
tavālaye caiśabhāge prākāre ca maheśvari ||

bhūmiṃ khātvā jalāntaṃ vā caturaśraṃ ca vṛttakam |
vistāraṃ ca tripañcā vā badhvā ceṣṭaśilādibhiḥ ||

p. 153) puruṣāntaṃ jalaṃ cāntaḥ dvitripūrṣamitaṃ priye |
matsyaḥ kūrmaṃ paṅkajaṃ ca svarṇaṃ vā rājataṃ priye ||

nikṣipejjalamadhye tu chādayetphalakaṃ priye |
darśanaṃ ca na kurvīta śodhayedvarṣavarṣake ||

kūpalakṣaṇamityuktaṃ taṭākālakṣaṇaṃ śṛṇu |
tavālayāgrataḥ kuryāt paścime vātha cottare ||

aśītihastaṃ khātvātha caturaśra samantataḥ |
sopānaṃ ca caturdikṣu śilābhiśceṣṭakaiḥ priye ||

badhvā ca paṭṭikāṃ śilpī tripañcanavakaṃ pṛthak |
jalāntaṃ ca dṛḍhaṃ vadhvā jalaṃ ca puruṣāvadhi ||

pañcatrīṇimitaṃ khātvā jalasthānaṃ prakalpayet |
matsyaṃ kūrmaṃ paṅkajaṃ ca kārayellakṣaṇānvitam ||

vinyasecca tato mantrī madhye maṇṭapalakṣaṇam |
kārayettava liṅgāgre taṭākaṃ ca manoharam ||

yaḥ kuryāddevadeveśi nṛpo vā bhūsurottamaḥ |
vaiśyaḥ śūdro'thavā devi sarvān kāmānavāpnuyāt ||

p. 154) anye ca mama sāmīpyaṃ satya satyaṃ varānane |

iti śrīvātulottare nityakāṇḍe dvārapālādi taṭākalakṣaṇavidhirnāma 
tṛtīyaḥ paṭalaḥ |




athātaḥ saṃpravakṣyāmi dravyāgārādilakṣaṇam |
dhanāgārāmbaragṛhaṃ snānayāgagṛhaṃ pṛthak ||

namaste devadeveśa sarvadevanamaskṛta |
liṅgasaṃpūjakākke ca rathādyutsavakarmaṇi ||

ācāryatve ca ka śreṣṭhaḥ ke janāsparśakā vada |
tathaivā sparśakā deva garbhāgārādi bhedataḥ ||

tatra doṣaṃ phalaṃ śāntiṃ śrotumicchāmyahaṃ guro |

śivaḥ -

śṛṇu vakṣyāmyahaṃ devi sarvaṃ lokahitāya ca ||

rājyakośābhivṛddhyarthaṃ rahasya suradurlabham |
caturaṅgabalārthāya subhikṣārthaṃ manohare ||

dīkṣāvān sakulīnaśca vedaśāstrāgamānvitaḥ |
p. 155) vaṃśavān tattvavedī ca sa dvijo liṅgapūjakaḥ ||

kuṭumbī satyavādī ca liṅgārcanarataḥ śuciḥ |
liṅgasānnidhyavettā ca mitabhāṣī jitendriyaḥ ||

yājñikaścāstiko dharmī kṛtasaṃskārapūrvakaḥ |
varṇāśramācāraparaḥ tava liṅgārcanārhakaḥ ||

madamātsaryarahitaḥ kṛtadīkṣodhidīkṣitaḥ |
dayāvān dānaśūraśca sadā santuṣṭavān kṣamī ||

janānusāramatimān sāmbaliṅgārcane varaḥ |
sthiraliṅgādiliṅgānāṃ pūjakā sparśakā ime ||

ācāryalakṣaṇaṃ vakṣye śṛṇu devi varānane |
āryāvartodbhava śrīmān sarvalakṣaṇalakṣitaḥ ||

yatra viprāssadācārāḥ yatayaśca tapodhanāḥ |
santi vedāstathā yajñāḥ āryāvarta iti smṛtaḥ ||

vayaṣṣoḍaśakādūrdhvamadhassaptatirucyate |
kriyādijñānaparyantamekatantre suniścitam ||

adhyāpanaṃ ca kartavyamaṣṭāviṃśati saṃhitāḥ |
p. 156) uktāni pratisiddhāni punaḥ saṃbhāvitāni ca ||

sāpekṣa nirapekṣāṇi mama vākyāhyanekadhā |
pratiṣṭhādyutsavannṛtta karma kuryādvicakṣaṇaḥ ||

devāgnipūjako nityaṃ gurubhaktiparāyaṇaḥ |
sāṃpradāya viśuddhātmā dīkṣāṃ dadyācca śiṣyake ||

devatāvyāptitatvajñaḥ ṣaḍvidhādhva viśāradaḥ |
āstikaḥ karma kurvīta ācāryaḥ śreṣṭha ucyate ||

anyathā tu kṛtaṃ yattu ābhicārastathaiva ca |
tatphalaṃ devadeveśi karturvaṃśasya nāśanam ||

devī -

ācārya vaṃśa deveśa bhavedbahujane yadi |
tatkarmakena kartavyaṃ vadaśambho mayi priya ||

śivaḥ -

śṛṇu devi varārohe tava snehānmayādhunā |
pravakṣyāmi samāsena śivadaṃ vṛddhidaṃ priye ||

vayovṛddhena tadvaṃśe tāntrikaṃ tu samācaret |
p. 157) tadanyena kṛtaṃ cettu śatrabhirbhayamādiśet ||

rogabādhā bhavetsadyo tadrāṣṭre tu viśeṣataḥ |
tasmādyatnena girije vayohīno na kārayet ||

tadvṛddhenaiva kurvīta kīrti śrīrājyasiddhaye |
rājavaṃśe tathā devi prabhuvaṃśe tathaiva ca ||

gṛhiṇā yajvinā vaṃśe tattadāryeṇa kārayet |
anyathā doṣamāpnoti tasmādyatnena varjayet ||

iti samyak samākhyātaṃ praśnottaramahaṃ priye |

devi -

yadyakasmādvaya śreṣṭho pūjāñcotsavakarmaṇi ||

na kṛte cettadādeka kathaṃ karmakṛtaṃ vada |
deśikendreṇa na kṛte yadyakasmānmaheśvara ||

utsavādīni karmāṇi kartavyaṃ kena ca prabho |

śivaḥ -

utsavādīni karmāṇi na kṛte ca guruḥ priye ||

deśikendrasya sahajaḥ kaniṣṭho vā maheśvari |
p. 158) tatputro vātha pautro vā bāndhavo vā tadājñayā ||

sadīkṣitāstadādeśāḥ āgamārtha viśāradāḥ |
sagotrajāṃśca kurvīta noktadoṣaḥ kathañcana ||

āryakenārcite mūḍhaiḥ gāyatryākṣara samanvitam |
yāvadvarṣasahasrāṇi tavannirayamaśnute ||

tatkarma niṣphalaṃ devi na sānnidhyaṃ na saṃśayaḥ |

devī -

idānīṃ śrotumicchāmi ācāryasya jaṭādhara ||

brahmahatyādi pāpe ca yadi prāpte kathaṃ vada |

śivaḥ -

śṛṇu devi pravakṣyāmi ācāryasya dvijasya ca ||

brahmahatyādi pāpaṃ vā upapātakameva vā |
jñānādajñānato vāpi yadi prāpte varānane ||

tatra karma na kurvīta ācāryaḥ sarvakarmasu |
prāyaścittaṃ kadā nāsti brahmahatyādi saṃbhave ||

yadyakasmātparokṣeta pātake copapātake |
p. 159) prāyaścittena śuddhiḥ syāt yathā doṣabalābalāt ||

tatpāpaṃ ca nivṛtyātha nṛpasyānujñayā śive |
tataḥ karmārhako devi tatra karma samācaret ||

prāyaścittādvinā tantra karma kuryānna buddhimān |
na spṛśelliṅgabimbe vā nārcayecca maheśvari ||

yadi bimbaṃ spṛśelliṅgaṃ pūjāṃ cotsavamācaret |
na sānnidhyaṃ bhavelliṅge lakṣmīrgrāmādbahirgatā ||

caturaṅgabalaṃ hanti tadrājā mṛtyumāpnuyāt |
śatrubhiḥ pīḍyate devi jvarāpasmārakādibhiḥ ||

tasmād jñātvā guruḥ samyak prāyaścittaṃ samācaret |
ācāryalakṣaṇaṃ proktaṃ aspṛśyān śṛṇu pārvati ||

liṅgasyā sparśakān devi kṛtadoṣajanānapi |
adīkṣitorcite liṅge tvasānnidhyaṃ bhaveddhruvam ||

adīkṣitaścaturvedī na spṛśeccāpi mārcayet |
bubhukṣurvā mumukṣurvā samayī sādhako'pi vā ||

ācāryo dīkṣito devaṃ pūjayetsvarthasiddhaye |
p. 160) yathā mṛgapatiṃ dṛṣṭvā bhīto yāti vane gajaḥ ||

adīkṣite'rcite liṅge tathā bhīto maheśvari |
śraddhāhīno'ti kṛpaṇo bahubhāṣitadīkṣitaḥ ||

kṛtaghno vedahīnaśca durācārī ca durjanaḥ |
liṅgamasparśakāścaite satyahīnādayo dvijāḥ ||

tava liṅgādikaṃ liṅgaṃ sthirākhyaṃ sampadātmakam |
tasmād jñātvā dvijā hyete na spṛśeyuḥ kadācana ||

pramādā sparśayeyuste tvasānnidhyaṃ bhaveddhruvam |
tasmāditthaṃ muhurjñātvā śāntikarma samācaret ||

gehapraveśakān vakṣye mukhanāsyādi bhedataḥ |
śrotriyāssukhanāsyantaṃ gantuṃ yogyaṃ varānane ||

ramāmaṇṭapamadhyantaṃ dvijāssarve'pi vanditāḥ |
pramādādagragatiṣu mūlaṃ prāṇamanuṃ japet ||

pṛthak sahasrasaṃjapya śatakumbhaiśca secayet |
dvijetarā khā(pā)likāntaṃ kṣatriyā vāhanāntakāḥ ||

vaiśyāḥ śūdrāḥ prāṅkaṇāntaṃ tadagragamanādiṣu |
p. 161) mahāśāntiṃ prakartavyaṃ nāndī gavyādi māntrikaḥ ||

puṇyāhaṃ vācya varayeddeśikaṃ ca hiraṇyadam |
catvāro hotṛkānvedapāragāṃśca tathā guruḥ ||

jāpakaṃ daśaviprāṃśca secakān rudrasaṃkhyakān |
varayenmūlamantreṇa liṅgapañcāmṛtādikaiḥ ||

rudramantraiśca sūktādyaissalilairgandhasaṃyutaiḥ |
homayettava mūlena tavāstreṇa kalādhare ||

manunā śāntidurgāyā ghoradurgādimantrakaiḥ |
samidājyaṃ caruṃ kṣaudraṃ tuṭikaṃ sarṣapaṃ tilam ||

gokṣīraṃ caiva dūrvāgramayutārdhāhuti kramāt |
japapārāyaṇaissārdhaṃ homayennanuvittamaḥ ||

tavamūlaṃ tavāstraṃ ca pañcadurgāmanūn kramāt |
gaṇeśaṃ yoginīmantrān caṇḍīn saptaśatīn guruḥ ||

ayutārdhaṃ sahasraṃ ca pṛthak mantraṃ japettadā |
punaḥ pūrṇāhutiṃ kuryātsampātaṃ ca samarpayet ||

sahasrārdhaghaṭaissiñcet tasyārdhaiśca tadardhakaiḥ |
p. 162) bahudhā pūjayeddevīṃ śālyādyannaṃ nivedayet ||

dīpajālaṃ paribhrāmya dānaṃ daśavidhaṃ punaḥ |
datvā vipragaṇān bhojya kriyājālaṃ samarpayet ||

dakṣiṇāṃ dāpayedante praveśāghaharāya ca |
śāntiṃ vināśadurbhikṣaṃ sannidhānaṃ vinaśyati ||

tasmācchāntiṃ prakartavyā guruḥ prāguktamārgataḥ |
rajako nāpitaścaiva karmakārī dhvajī priyā ||

citratāraḥ kulālaśca punarambarasandhikṛt |
kaivartakaḥ svarṇakārī dhvajāntaṃ praviśetsadā ||

doṣabhāgagragamane rāṣṭranāśo balakṣayaḥ |
rājā ca nidhanaṃ yāyāranāvṛṣṭirbhaviṣyati ||

mūlena ghoradurgāyā mantreṇa ca gurūttamaḥ |
śāntiṃ prāguktavatkuryāt sahasrārdhaghaṭaiḥ śivām ||

vipramukhyāṃśca saṃbhojyāṃ mahābhūtabaliṃ haret |
mṛtajātādikotpannasūtakāviṣṭamānuṣe ||

balidvārādiliṅgāṅgaṃ praviṣṭe cetkathaṃ vada |
p. 163) prākāre prāṅkaṇe devi vāhanākhye ramā sthale ||

nāsyaṅgabhīsabhāsthāne parivārālayādike |
dravyambara dhanāgāramātitheyānnasadmani ||

naivadyabhakṣaśālāyāṃ prāsādaśikharādike |
dhvajālaye mahāpīṭhe gopure dharmamaṇṭape ||

tavālaye ca sarvatra rathavīthyāṃ ca māninī |
vṛddhikṣaya maghāriṣṭajane caiva praveśite ||

pṛthak doṣaṃ pravakṣyāmi vistareṇa nagodbhave |
durbhikṣaṃ rogabādhā syācchatrubādhā bhavetsadā ||

pararājabhayaṃ rājño rājasainyaṃ vinaśyati |
tadrājā mṛtimāpnoti balanāśo dhanakṣayaḥ ||

nidhanaṃ kośanāśaśca rājadāni vinaśyati |
dhānyanāśaṃ ca sasyādi rājyanāśaṃ na saṃśayaḥ ||

kīrtināśo bhūtabādhā mahāmārī bhayaṃ nṛṇām |
sampajjālādikaṃ sarvaṃ nāśamāpnotyasaṃśayaḥ ||

ityadyāṃśca mahurjñātvā dhanarajyābhivṛddhaye |
p. 164) sūtakāviṣṭamanujaḥ kadācinna praveśayet ||

sakṛpa * * kṣyāmi śāntiṃ vighneśārcanapūrvakam |
nāndīgavyādi puṇyāhaṃ vācayettadanantaram ||

guruṃ ca dhanadaṃ caiva hotṛkān ghoṣakān pṛthak |
caturo varayeddevi jāpakān navasaṃkhyakān ||

sūtakāṃśca tathā viprān secakārudrasaṃkhyakān |
liṅgaśudhyan gavyamantrairādau gavyena secayet ||

punaḥ puṇyāhatoyena liṅgaṃ pañcāmṛtaiḥ param |
rudramantraiśśuddhajalaiḥ sūktaiśca navabhiḥ śivām ||

sūktanāmāni vakṣyāmi śrīsūktaṃ tava saṃjñakam |
pañcadurgādisūktāṃśca sūktaṃ pratyaṅgirākhyakam ||

ramāsūktādibhiḥ snigdhe sūktanāma mayeritam |
gavyamantreṇa tadgavyaṃ prāṇākhyena payo guruḥ ||

carubhiḥ samidājyādyaiḥ gavyena payasā hunet |
tathā sahasrasaṃkhyāntaścāhutirmanuvittamaḥ ||

sahasrārdhāhutibhirvā śatamaṣṭottarāhutiḥ |
p. 165) punaḥ pūrṇāhutiṃ kuryāt sampātājyaṃ samarpayet ||

sūtakāviṣṭamatye cet yatra yatra gamiṣyati |
tattanmūlena hotavyaṃ pṛthagevaṃ vicakṣaṇaḥ ||

śatakumbhe tadā siñcet sarṣapaṃ lavaṇaṃ tilam |
kūśmāṇḍaṃ māṣadhānyaṃ ca bhūsurebhyaḥ pradāpayet ||

bahuviprāṃśca saṃbhojya pūjayenmūla devatā |
sādhāraṇakramo hyevamadhipaṃ procyate'dhunā ||

garbhe nāsyāṃ ramāsthāne pratiṣṭhe sūtakānvite |
dvije caiva mahāśāntikriyā prāguktamārgataḥ ||

prāṇamantreṇa mūlena tavāṅgamanubhistataḥ |
ayutārdhaśca tasyārdhatadardhaścāhutīrhunet ||

snapaye ghaṭasāhasraissahasrārdhestadardakaiḥ |
gobhūmyādīni dānāni dadyāttaddoṣa śāntaye ||

viprāṃścaiva bahūn bhojyā śeṣaṃ karma puroktavat |
brahmahā madyapā svarṇasteyī ca gurutalpagaḥ ||

tatsaṃyogādayo viprāḥ liṅgagehaṃ nagātmaje |
p. 166) na viśeyurna sandeho pramādāddevatālayam ||

yadi praveśayeyuste prākārādiprabhedake |
pṛthak doṣaṃ ca tacchāntiṃ śṛṇu devi yathākramam ||

brahmahatyāpite mantye prākārānta praveśite |
rājño rāṣṭrasya bhaṅgatvaṃ durbhikṣa syānna saṃśayaḥ ||

tajjanaṃ ca parityajya vidhivacchāntimācaret |
tatra śānti prakurvīta akṛte bahudoṣa bhāk ||

maṇṭape sukha nāsye cet praviṣṭe brahmaghātake |
pararājabhayaṃ rājño virājyatvaṃ na saṃśayaḥ ||

dhanadārādi nāśasyāt rājabhogastathaiva ca |
tasmājjñātveti doṣaughān tatkṣaṇāttaṃ parityajet ||

śāntiṃ ca vidhivat kṛtvā mahābhūtabaliṃ haret |
brahmahā garbhagehāntaḥ praviṣṭe cenmaheśvari ||

pramādālliṅgasaṃsparśe sannidhānaṃ vinaśyati |
rājño mṛtirbhavetsadyo rājadānī tathaiva ca ||

śatrubādhā virājyatvaṃ rājavaṃśakṣayo bhavet |
p. 167) tasyāmātyāssainyapādyāḥ vinaśyanti na saṃśayaḥ ||

mahāmārībhayaṃ nṝṇāṃ prajānāśo bhaviṣyati |
parityajya tadai śū brahmahādi janān guruḥ ||

punaḥ śāntiṃ prakartavyā vakṣyamāṇena mārgataḥ |
tacchāntiṃ saṃpravakṣyāmi saṃkṣepeṇa kalādhare ||

vināyakaṃ samabhyarcya nāndīkarma tataḥ param ||

puṇyāhaṃ vācayettatra pavamānādimantrakaiḥ |
prākāraveśanī devamaṣṭottaraśatairghaṭaiḥ ||

secayettadvidhānena na prāṅkaṇe ca praveśite |
snapaye dviśataiḥ kumbhaiḥ aṣṭāyugmādhikaiḥ śivān ||

maṇṭape bhūsurābhye ca sukhaśālāṃ praveśite |
sahasrārdhaghaṭaiḥ siñcaiḥ deva devīṃ ca śāmbhavīm ||

liṅgagehaṃ praviṣṭaścelliṅgasaṃsparśane yadi |
vidhivadghaṭasāhasraiḥ sāmbaliṅgaṃ tavātmakam ||

tato homaṃ prakurvīta mama gāyatrimantrataḥ |
mūlamantreṇa ghoreṇa prāṇamantreṇa deśikaḥ ||


p. 168) ayutārdhārdhāhutibhiḥ ayutārdhāhutirhunet |
ayutaṃ maṇṭapenāsyāṃ liṅgagehapraveśane ||

samidājyādibhirdravyaiḥ hunet sārdhāyutāhutiḥ |
gāyatrīṃ mūlamantraṃ ca ghoramantrīṃ navākṣarīm ||

brahmamantraṃ ca dikpālān parivāramanūnapi |
japeddhomāvasānāntaṃ daśadānaṃ tataḥ param ||

annadānādikaṃ dadyāttaddoṣaśamanāya ca |
bhojayedbahuviprāṃśca prākārādi sthale śucā ||

iti śrīvātulottare durgābhede nityakarmakāṇḍe śivapārvatīsaṃvāde 
liṅgapūjakādi nirūpaṇaṃ nāma aṣṭādaśa paṭalaḥ |




mahādeva namastubhyaṃ mahīpati hitā (sukhā)ya ca |
namaste jagadādhāra namaste phālalocana ||

malliṅge naittikaṃ karma ghaṭibhedena śaṅkara |
tatkarmanivṛtirnāma ghaṭibhedena vistarāt ||

p. 169) uṣatkālādi rātrāntaṃ guruḥ kālādi māninī |
śṛṇu vakṣye viśeṣeṇa sampadrājyābhivṛddhaye ||

uṣaḥkāle kamutthāya svaguruṃ cintayedbudhaḥ |
namaste devadeveśa sarvadevanamaskṛta ||

liṅgasaṃpūjakāḥ ke ca rathādyutsavakarmaṇi |
ācāryatve ca kaḥ śreṣṭhaḥ ke janā sparśakā vada ||

tathaivāsparśakā deva garbhāgārādi bhedataḥ |
tatra doṣaṃ phalaṃ śāntiṃ śrotumicchāmyahaṃ guro ||

śrīśaṅkaraḥ -

śṛṇu vakṣyāmyahaṃ devi sarvalokahitāya ca ||

rājyakośābhivṛddhyarthaṃ rahasya suradurlabham |
caturaṅgabalārthāya subhikṣārthaṃ manohare ||

dīkṣāvān satkulīnaśca vedaśāstrāgamānvitaḥ |
vaṃśavān tattvavedī ca sa dvijo liṅgapūjakaḥ ||

kuṭumbī satyavādī ca liṅgarcanarataḥ śuciḥ |
liṅgasānnidhyavettā ca mitabhāṣī jitendriyaḥ ||

p. 170) yājñikaścāstiko dharmī (iduhindi sammandha) kannaḍalipi
mahādeva namastubhyaṃ mahīpatisukhāya ca ||

mahājanamudārthāya rājyakośābhivṛddhaye |
namaste jadādhāre namaste phālalocana ||

malliṅge naittikaṃ karma ghaṭibhedena śaṃkara |
tatkarmavivṛtirnāma kathaṃ karmamitaṃ śiva ||

viprasaṃkhyāndaiśikādi pṛthak teṣāṃ ca dakṣiṇām |
tattanmantraṃ tatpalaṃ ca śrotumicchāmyahaṃ vada ||

śaṅkara uvāca -

tvalliṅge naittikaṃ karma ghaṭibhedena vistarāt |
uṣaḥkālādi rātrāntaṃ guruḥ kālādi māninī ||

śṛṇu vakṣye viśeṣeṇa sampadrājyābhivṛddhaye |
uṣaḥkāle samutthāya svaguruṃ cintayedbudhaḥ ||

cārakādi dvijaissārdhaṃ nadīṃ gatvāruṇodaye |
śaucācāravidhiṃ nītvā snātvā vipragaṇaissaha ||

nāḍyāñca nava pañcāśat svanityāni samāpayet |
p. 171) tavālayaṃ samāgatya viprabṛndādikaissaha ||

pālike prārthayitvāryaḥ kavoṭodghāṭanaṃ kriyāt |
jayaghaṇṭādi nādena śaṅkhabheryādi nissvanaiḥ ||

sarvavādyaravaissārdhaṃ stotraṃ gītaṃ ca nartanam |
vīṇīveṇuravairdevi vādayettava bodhane ||

samyak prabodhya dīpāṃśca dīpamantraṃ vadan budhaḥ |
deśikānujñayā viprāḥ liṅgaṃ pīṭhaṃ ca tadgṛham ||

saṃśodhya kṣālayeyuste siddhisādhanamasūyakaiḥ |
saṃmārjya vāyubījena prokṣaṇaṃ saudhabījataḥ ||

kṣālanaṃ vāruṇāstreṇa tava mūlena śailaje |
sukhanāsiṃ maṇṭapaṃ ca vāhanākhyaṃ ca gopuram ||

sabhāmaṇṭapaharmyādi parivārālayādikam |
ṣaṣṭināḍyāṃ dvijādyāśca varṇabhedena cārakāḥ ||

tatra tatra pṛthak kuryuḥ bahirdvārāvadhi priye |
tavāgre dvāradeśe ca dharmaśravaṇa maṇṭape ||

ghaṭisthāne sabhākhye ca parivāra niketane |
p. 172) rañjayedraṅgavālyādyaiḥ rajobhiḥ pañcabhiḥ param ||

naḍikā prathamādau tu ghaṭikāpātramarcayet |
tanyastvā sauramantreṇa vedaghoṣādibhi svanaiḥ ||

nadītoyaṃ samānīya vardhanyāṃ yojya mūlataḥ |
svaśākhokta dvijaissārdhaṃ tavavandanapūrvakam ||

gururantaḥ praviśyātha liṅgadakṣiṇa bhāgake |
maṇḍalāni likhedādau samārādhya vināyakam ||

nāndī karmādi puṇyāhaṃ mūlaliṅgagṛhāditaḥ |
sūpadhānyādi sarvatra vāpayedvarayeddvijān ||

guruṃ pitāmahaṃ dravyadāyakaṃ bimbavāhanam |
sadasyaṃ caturo vedaghoṣakān pañcasūktakān ||

śrīrudrasevakan pañca pūjakān jāpakān tathā |
pradakṣiṇa kṛtastrīṃśca nṛtyarthaṃ trīn janān tadā ||

cārārthaṃ daśaviprāṃśca pṛthak tanmūlamantrataḥ |
pavamāna ghaṭaṃ nyasya kumbhaṃ yaṣṭvā vidhānataḥ ||

kālī ghaṇaṃ(ṭaṃ) rudrakumbhaṃ yajetpañca sudhārasān |
p. 173) gavyakumbhastha gavyena gavyamantramudīrayet ||

pāvamānena sūktena tadghaṭasthodakena ca |
siñcelliṅgañca gaṅgāyāḥ sahasrairnāmabhiḥ param ||

yaṣṭvā pañcopacārādyaiḥ tava bījasamanvitaiḥ |
sārdhadvināḍyā dadhyannaṃ samarpya manunā tava ||

tāmbūlaṃ dāpayeddevyāḥ savatsāgāṃ nirīkṣayet |
pañcāṅgaśravaṇaṃ paścāt nīrājyaṃ bhrāmayettataḥ ||

mantraiḥ puṣpaṃ samabhyarcya punaḥ pañcāmṛtaiḥ śivām |
tairmantraissecayelliṅgaṃ rudramantreṇa tatparam ||

rudrasaṃkhyāvṛtaṃ rudraṃ tvadantaḥ secya bhaktitaḥ |
kālīsūktena durgāyāḥ sūktenāryābhidhena ca ||

śūlinīsūktamantreṇa secayitvā pṛthak guruḥ |
rudrakumbhodakenānte kālīghaṭajalena tu ||

tavālaya caturdikṣu vedapārāyaṇādikam |
kālīmanuṃ ca sauraṃ ca natikaṃ tarpaṇaṃ tadā ||

durgāmanuṃ ca vahnyastraṃ śūlinimanumuttamam |
p. 174) japettavopahārāntaṃ pṛthak pallavasaṃyutam ||

pradakṣiṇaṃ natiṃ caiva balidānāvadhi priye |
kālīmālāmanuṃ paścāddurgāmālābhidhaṃ guruḥ ||

āryā bhagavatī mālāṃ tava mālāmanuṃ kramāt |
japan sahasramardhaṃ vā śatamaṣṭottaraṃ tu vā ||

tvalliṅgadakṣiṇe bhāge paścime vātha cottare |
koṇe koṇāntarāle vā mūlagehe tvathāpi vā ||

maṇṭape vāhanākhye ca pṛthaṅmantrān japet tadā |
karvīta manunā prārthya kālīkalpoktavadguruḥ ||

yaṣṭvā tannāmabhirliṅgaṃ sahasraiḥ bījasaṃyutaiḥ |
durgāryaśūlinīnāṃ ca sahasrairnāmabhiryajet ||

pañca puṣpāñjalirdatvā sāmpradāyoktavadyathā |
upacāraiṣṣoḍaśabhiḥ tava mūlaṃ japecchatam ||

mudgānnaṃ ghṛtasaṃyuktaṃ sūpaśākarasānvitam |
madhuśarkarayā yuktaṃ bālacūtaphalairyutam ||

pāyasaṃ bhakṣapānīya lehyacoṣyādi saṃyutam |
p. 175) pañcanāḍyañca mūlena dhūpadīpādikaṃ guruḥ ||

nivedayettato bhaktyā dvāramācchādya vastrataḥ |
homagehaṃ praviśyātha mūlenāṣṭottaraṃ śatam ||

hutvā sampātamādāya tava mūlan vadan budhaḥ |
prakṣālya pādāvācamya ghaṇṭātāḍanapūrvakam ||

tyajedācchādanaṃ paścānnivedyāni visarjayet |
prasannārghyāṃ ca datvānte tāmbūlārpaṇamāditaḥ ||

bhrāmayeddīpajālāṃśca nīrājyāntaṃ ca buddhimān |
nīradīpaṃ darśayitvā mantrapuṣpārcanaṃ tataḥ ||

parivārān samabhyarcya jayaghaṇṭāravādikaiḥ |
bhūtānāhūya mūlena mālāmantreṇa deśikaḥ ||

balidānaṃ ca ṣaṇṇāḍyāmutsavaṃ ca pracārayet |
padmadīpaṃ samarcyeśi pādaprakṣālanāditaḥ ||

tava bimbaṃ praviśyāntaḥ candradīpaṃ pradarśayet |
karmajālaṃ samarpyānte sadbhaktyā mantravittamaḥ ||

karma saṃpūrṇatāvācyai kṛcchraṃ dadyātparaṃ guruḥ |
p. 176) pañcottaraṃ ṣaṣṭikarma prātaḥkāle mayeritam ||

sarvabhogapradaṃ divyaṃ sarvāghaughavināśanam |
subhikṣadaṃ śokaharaṃ sarvaśatrujayapradam ||

vaṃśavṛddhikaraṃ sadyaḥ kāmitārthapradaṃ priye |

iti śrīvātulottare durgā bhede nityakarmakāṇḍe śivapārvatīsaṃvāde 
ghaṭibhedena durgāḥ prātaḥkāla nityakarma vivṛtividhānanirūpaṇaṃ 
nāma ekonaviṃśati paṭalaḥ |




madhyāhna naimittika karma pravakṣyāmyatha sundari |
saṅgavī saptanāḍyādi dvādaśāntaṃ manūttamaḥ ||

śuddhātmā bhūsuraissārdhaṃ svanityāni samāpya ca |
deśakālau ca saṃkīrtya tava putraṃ yajetparam ||

puṇyāhaṃ vācya varayeduktavadbhūsurottamān |
guruṃ ca dhanadaṃ caiva sadasyaṃ sarvato'dhikam ||

secakān rudrasaṃkhyāṃśca vāhakaṃ vedavādikam |
p. 177) sūktakān pūjakān devi pṛthak pañca dvijottamān ||

mantrapallavasaṃyuktān jāpakān pañcaviṃśatiḥ |
pradakṣiṇa janān pañca natyarthaṃ pañca bhūsurān ||

dharmaśāstra pravaktāraṃ jyotiṣajñaṃ janapriye |
varayettava mūlena kṛcchraṃ dadyātsvaśaktitaḥ ||

rudrasaṃkhyadvijaissārdhaṃ yaṣṭvā rudraghaṭaṃ punaḥ |
sudhārasairamākumbhaṃ nyastvā tadvidhinārcya ca ||

liṅgaṃ sudhārasaissiñcet te sarve nyāsapūrvakāḥ |
rudramantrāmbadantasthe pṛthagaikādaśāhutiḥ ||

secayitvā janairliṅgaṃ mantrajālān japet kramāt |
caturvedān gehadikṣu vidikṣvastramanūn punaḥ ||

brahmāstraṃ vāruṇāstraṃ ca tavāstraṃ cakrasaṃjñakam |
ramāmantraṃ kumāryākhyamambikā manusaṃyutam ||

navadurgāmanuṃ devi vāhanākhyaṃ gaṇeśvaram |
skandaṃ ca vīrabhadraṃ ca vāyuputramanuṃ guruḥ ||

pālike parivārākhyaṃ tava mūlamanuṃ tadā |
p. 178) caṇḍīṃ saptaśatīṃ tatra vivārṇajñā dvijottamāḥ ||

tava saṃkhyāśca te proktāḥ sāmpradāyavidastadā |
ramākumbhasya pūrvādi paritaḥ pariveṣṭitāḥ ||

japeyustaṃ spṛśeyuste secanāntaṃ vicakṣaṇāḥ |
nati pradakṣiṇaṃ caiva dīpāntaṃ parivartayet ||

dharmaśāstra purāṇāni vācayitvā tadagrake |
rudrakumbhodakenānte liṅgaṃ secya manūttamaḥ ||

naivedyaṃ vividhaṃ sthāpya dīpajālāṃśca darśayet |
trayodaśe ca nāḍyādau siñcetpañcāmṛtaiḥ punaḥ ||

pañcapuṣpaissamabhyarcya ramāsūktena tatparam |
kumāryāścaiva sūktena devīsūktena mantravit ||

ambikāsūktamanunā ghanasārodakādikaiḥ |
vanākhyāyāśca sūktena ramākumbhodakena ca ||

ramānāmasahasrādyaiḥ kumārīnāmabhistadā |
sahasrairambikāyāśca mahiṣāntakyāścanāmabhiḥ ||

gāyatrīnāmabhiḥ paścāt sahasraiḥ kusumākṣataiḥ |
p. 179) yaṣṭvā saṃprārthya bahudhā liṅgamudrāṃ pradarśayet ||

naivedyaṃ dhūpadīpādyamarpayitvā vidhānataḥ |
ghaṭikātithisaṃkhyāntaṃ bhaktyā pūjāṃ vidhāya ca ||

mahāpūjā prakartavyā ramākalpoktavadguruḥ |
pūjayetsopacārādyaistava mūlā janā tadā ||

śālyānnaṃ sūpaśākādyaṃ ghṛtabhakṣasamanvitam |
pāyasaṃ lehya coṣyādi ṣaḍrasaiḥ saṃyutaṃ priye ||

devasyatveti mantreṇa puṣpākṣatajalānvitaḥ |
nivedayettato devyai dvārācchādanapūrvakam ||

pālike vāhanaṃ yaṣṭvāhavirdadyātsvanāmabhiḥ |
brahmaṇā dhanadenāryaḥ sadasyena sadehavat ||

yāgabhūmiṃ tato gatvā kuṇḍe vā sthaṇḍilādike |
samidājyaiśca payasā sarpiṣā caruṇā saha ||

tava mūlena juhuyāt aṣṭottaraśatāhutiḥ |
pūrṇāhutiṃ hunedante homakarma samāpya ca ||

taccheṣaṃ ca samādāya mūlamantraṃ vadan guruḥ |
p. 180) liṅgagneyyāṃ ca nikṣipya sampātājyasamanvitaḥ ||

saṃkṣālya hastau pādau ca ācamya saha bhaktitaḥ |
ghaṇṭātāḍana pūrvādi dvārasyācchādanaṃ tyajet ||

naivedyaṃ visṛjedante tatra saṃkṣālya tatparam |
prasannārghyaṃ ca tāmbūlaṃ tatvārcya gururācamet ||

kapilāṃgāṃ samānīya pradakṣiṇavaśāttataḥ |
savatsāṃ maṇḍanaiyuktāṃ mūlenāgre yajettadā ||

nirīkṣyārcya havirdatvā prārthayitvā vidhānataḥ |
vedamaṅgalaghoṣādyaiḥ pañcavādyaravaissaha ||

sadbhaktairgāyakādyaiśca vandimāgadhapāṭakaiḥ |
prabhūttamairjanaissārdhaṃ dīpaughān bhrāmayedguruḥ ||

dhūpaṃ dadyātpaṭākāraṃ dīpaṃ vṛttena bhrāmayet |
trivāraṃ caikadīpaṃ ca pañcavāraṃ śarākhyakān ||

sapta śeṣākhyakān devi cakradīpāṃstathaiva ca |
navavāraṃ bhaumadīpān daśa nīrājanaṃ tataḥ ||

trivāraṃ caiva candrākhyaṃ tattanmantrān vadan budhaḥ |
p. 181) pṛthak saṃbhrāmayedante mantrapuṣpārcanānvitaḥ ||

parivārān samabhyarcya dhūpadīpādikaiḥ param |
bhūtānāhūya ghaṇṭādyaiḥ nāḍyānaṣṭādaśa kramāt ||

dvārādi balipīṭhāntaṃ baliṃ dadyāt svanāmabhiḥ |
kṣetrapāya tato datvā tattanmantreṇa deśikaḥ ||

tadante cotsavaṃ kuryādutsavānte tadagrake |
tava bimbaṃ paribhrāmya padmadīpena suvrate ||

tatpāṅkaṇaṃ praviśyātha niśāmantreṇa mantravit |
niśātoyaṃ samādāya tava beraṃ triśaḥpunaḥ ||

tava mantraṃ vadan bhrāmya visṛjedvāmagocare |
tava bimbaṃ praveśyāntaḥ pādaprakṣālanāditaḥ ||

liṅgasya dakṣiṇe nyastvā taccaitanyaṃ niyojayet |
arghyaṃ datvā prasannārthaṃ candradīpaṃ pradarśya ca ||

karmajālaṃ samarpyānte tava mūlaṃ japecchatam |
pādodakaṃ tu nirmālyaṃ viprāṇāṃ karmacāriṇām ||

bhaktānāṃ caiva sarveṣāṃ dadyādvāhana dakṣiṇe |
p. 182) valabhyāṃ bandhayedvāraṃ nāḍyaṃ viṃśati deśikaḥ ||

caturviṃśati nāḍyānta ātitheyādi bhūsurān |
dampatiṃ kanyakāścaiva vipramukhyān nagātmaje ||

kṛśānandhāṃśca badhirān daridrāṃśca kuṭumbinaḥ |
ananyagatikāṃścaiva bhojayettoṣya bhaktitaḥ ||

karmasaptati vikhyātaṃ madhyāhnāntaṃ naittikam |
sarvapāpaharaṃ divyaṃ rājyakośābhivṛddhidam ||

sarvarogaharaṃ saukhyaṃ tāpatrayavināśakam |
trailokyavaśyadaṃ devi bhūpatervibhavapradam ||

dehānte tava rūpatvapradaṃ sāyujyadaṃ priye |

iti śrīvātulottare durgā bhede nityakarmakāṇḍe śivapārvatīsaṃvāde 
ghaṭibhede navadurgamadhyāhna nityakarmavivṛti vidhānanirūpaṇaṃ 
nāma viṃśatiḥ paṭalaḥ |




Page ṇo. 182 is missing

p. 183) sāyādi bhūrūrātrāntaṃ karmajālaṃ ca naittikam |
pravakṣyāmi nagodbhūte vistarācchṛṇu sāṃpratam ||

viprottamaiścārakādyaiḥ sārdhaṃ snātvā gurūttamaḥ |
tava gehaṃ praviśyātha bherīśaṅkharavādibhiḥ ||

saptaviṃśati nāḍyāśca dvārabandhaṃ tyajetpunaḥ |
saṃmārjya prokṣya garbhādi sarvatra kṣālayettadā ||

prājāpatyādi mantreṇa puṇyāhaṃ vācya bhūsurān |
varayeddeśikādīṃśca tava mūlena suvrate ||

deśikaṃ dhanadaṃ caiva brahmāṇaṃ sarvabodhakam |
tvaritākhyaṃ rudrasaṃkhyān balyarthaṃ bimbadhārakam ||

sūktārtha nāmapūjārthaṃ pañca pañca pṛthak dvijān |
pradakṣiṇārthaṃ natyarthaṃ ṣaḍghanān varayet param ||

dharmaśāstrapurāṇāya nyāyaśāstrāya caṇḍike |
dvau viprau varayetpaścāccārārthaṃ daśa bhūsurān ||

tvaritākhyaghaṭaṃ yaṣṭvā śāradākhyaṃ sudhārasān |
samarcyoktavidhānena rudrasaṃkhyādvijāstadā ||

p. 184) namo rudrebhya ityādi vadanti nyāsapūrvakam |
siñcetsudhārasairliṅgaṃ punaḥ śuddhodakairdvijāḥ ||

tadghaṭasthodakenānte gurustadvidhinārcayet |
ardhāmbikeśamantreṇa sahasrairnāmabhiḥ param ||

bahūnyantāni naivedyaṃ vividhaṃ bhakṣasaṃyutam |
pāyasaṃ sūpaśākādyaṃ kṣīramadhvājyasaṃyutam ||

nāḍyāṃ caikonaviṃśatyāṃ samarpya tava mūlataḥ |
darśayeddīpajālāṃśca mantraiḥ puṣpārcanaṃ param ||

tato godhūlikākāle triṃśannāḍyāvasānake |
ghaṭiyantraṃ samuddhārya tanmūlamanunā guruḥ ||

gosūktaṃ pravadan secya samarcoktavidhānataḥ |
bhūṣitāṅgān samānīya lakṣaṇairvatsasaṃyutām ||

gehaṃ pradakṣiṇīkṛtya samarcyokta havirdadet |
naivedyamarcya mūlena dīpajālāṃ pradarśayet ||

pañcapuṣpārpaṇāntā ca balidīpanatiṃ tadā |
punaḥ sudhārasaiḥ siñcedrātrisūktena mantravit ||

p. 185) caṇḍikāyāśca sūktena vāṇīsūktena tatparam |
sūktena bhuvaneśvaryāḥ liṅgaṃ saṃsecayetpṛthak ||

vāṇīghaṭodakenānte secayitvārcayet tataḥ |
vāṇīkalpoktavanmantrī pūjākarma samācaret ||

pārāyaṇaṃ dikṣu kuryātpurāṇa paṭhanādikam |
vidiṅmantran caṇḍikādi vāṇī vāgīśasaṃjñakān ||

pratyaṅgiraḥ pañcadurgāṃ mṛtyostulyaṃ ca sundarīm |
rakṣāghnaṃ vāstumantraṃ ca dhāraṇākhyāṃ ca bālakām ||

indrākṣīṃ śivakavacaṃ tu sādhyanāmā sahaiva tu |
natiṃ pradakṣiṇaṃ caiva bhūtāhvānāntamucyate ||

caṇḍikānāmabhiścādau śāradāyāśca nāmabhiḥ |
sahasrairvākyanāyakyā lalitānāmabhiḥ param ||

sahasraiśca pṛthak pūjya japenmūlamanuṃ gatam |
tato nāḍyā trayastriṃśe naivedyaṃ vividhaṃ guruḥ ||

samarpya tava mūlena dīpaughān bhrāmayettadā |
pañcapuṣpāṇi mūlena datvā natvā vidhānataḥ ||

p. 186) tadante ca mahāpūjāṃ nyāsajālādi māntrikaḥ |
mātṛkāṃ golakānyāsamadhyanyāsaṃ ca pīṭhakām ||

ṣoḍānyāsādi sarvāṇi vidhāya tava mūlataḥ |
yaṣṭvā liṅgaṃ ca bahubhiḥ patraiḥ puṣpaistilākṣataiḥ ||

upacāratvasaṃkhyāyāṃ dhūpadīpasamanvitam |
nivedayettato devyā homagehaṃ praviśya ca ||

mūlena samidājyādi havi vrīhīn payastilān |
dūrvāgraṃ ca hunedagnau śatamaṣṭottarāhutiḥ ||

vyāhṛtyā mūlamanunā punaḥ pūrṇāhutiṃ hunet |
homaśeṣaṃ gave datvā sampātājyasamanvitaḥ ||

prakṣālitāṅghrī hastau ca mantreṇācamanīyakam |
nītvā dvāraṃ ca yaṣṭvāryaḥ tadvastraṃ ca visarjayet ||

havirudvāsya taccheṣaṃ muṇḍinyai ca pradāpayet |
prasannārghyaṃ ca datvānte tāmbūlānyarpya bhaktitaḥ ||

raṅgapūjā prakartavyā dhvajāntaṃ ca viśeṣataḥ |
purāntaṃ gopurāntaṃ vā gehadvārāvasānakam ||

p. 187) pārśvayoḥ paritaścaiva bahudīpān prabodhayet |
bodhayeccandradīpāntaṃ dīpajālān vicakṣaṇaḥ ||

mantraiḥ puṣpaṃ samarcya(rpyā)nte parivārān yajettadā |
jayaghaṇṭādikairvādyairbhūtānāhūya mūlataḥ ||

aṣṭatriṃśadguruṃ nāḍyāṃ balidānaṃ svanāmabhiḥ |
datvā samāpya balyante vīṇākāhalanisvanaiḥ || 

pañcavādyaravaissārdhaṃ dutsavaṃ bahirāvṛtau |
nītvā bimbaṃ cotsavānte nijabhaktajanaissaha ||

catvāriṃśadvināḍyādau praviśyāsthānamaṇṭapam |
tadantarādibhedena pravakṣyāmi manohare ||

devāntaraṃ ca dīpākhyaṃ tadante deśikāntaram |
viprāntaraṃ ca daṇḍākhyaṃ pañcāntaramṛdāhṛtam ||

devāntaraṃ ca deveśi nyastvā saṃpūjayetpunaḥ |
dīpastambhau ca dīpākhye tava dakṣiṇavāmayoḥ ||

vinyasettāṃ devasaghyau dīpapātratrayānvitau |
sa gurorantare devi tathaiva guruvāhakau ||

p. 188) pratiṣṭhetāṃ gurorvāme dhanadaśca pitāmahaḥ |
jyotiṣajña sama(da)syādi vipramukhyā vyavasthitāḥ ||

tava pṛṣṭhe gurośśiṣyāścārā vāhakadakṣiṇe |
punarviprāntare devi dakṣiṇe vedapāragāḥ ||

bimbapṛṣṭhe jāpakādyāḥ tadvāme stotravācakāḥ |
tavāgre pārśvayoścaiva dharmaśāstraprabodhakau ||

daṇḍāntare svarṇadaṇḍabibhrakau stotravācakau |
vyavasthitau ca taddakṣe pṛṣṭhe vāmapradeśake ||

vyavasthitāḥ śucirbhūtāḥ balidīpadharā janāḥ |
daṇḍāntarādadhasthāne tavāgre ca samasthale ||

pañcahastāntaraṃ tiryagghitvā bhūmiṃ sureśvari |
tatpārśvayordvayordevi paṅktirūpeṇa vāgyatāḥ ||

ardhahastāntaraṃ madhye paṅktisthānānyathākramāt |(mam) |
nītvā pṛthak pṛthak tatra sevakādi prabhedataḥ ||

chatrakau vāyupaṭakau maṅgalāyudhasaṃyutau |
daṇḍavījanamartyau ca gāyakau vāyubījakau ||

p. 189) rūpayauvana saṃpanna cāmarastrīkadambakau |
tāmbūlabibhrake devi tāmbūlocchiṣṭapātrake ||

bibhrake jalapātre ca punarādarśadarśake |
balidīpadharau martyau puṣpavṛṣṭikarau narau ||

viprottamā dakṣapaṅktau vāmapaṅktau nṛpādikāḥ |
vādyakā nāṭyakā snigdhe gaṇikā nṛttavedikāḥ ||

vyavasthitāḥ payauḥ paṅktau gajāśvādyā dhvajānvitāḥ |
bhaktā bhaṭā darśakādyā tayoragre vyavasthitā ||

tato devīṃ samārādhyā caṇakaiśca phalādikaiḥ |
pakvaiśca vividhaissārdhaṃ dhūpadīpāyutaṃ guruḥ ||

naivedyaṃ cārpayettasmāttāmbūlaṃ dāpayetparam |
bhaumākhyān cakradīpāṃśca padmanīrājasaṃjñakam ||

himāntaṃ bhrāmayeddevīṃ manupuṣpārcanaṃ tataḥ |
sevājālaṃ ca vedādi śrāvayetprārthanādikam ||

namastubhyaṃ mahākāli siddhagandharvasevite |
rājño rājyābhivṛddhyarthaṃ ṛggṛcaṃ śṛṇu pārvati ||

p. 190) mahālakṣmi namastubhyaṃ brahmādi surasevite |
dhanakośābhivṛddhyarthaṃ yajurvedamanuṃ śṛṇu ||

sarasvati namastubhyaṃ sarvadevagaṇānvite |
kīrtikānti subhikṣārthaṃ sāmagānaṃ śṛṇu priye ||

mūrtitrayātmakaṃ devi namastubhyaṃ maheśvari |
atharvaṇa ṛcaṃ śrutvā vāñchitārthaṃ prayacchame ||

kramādvedamanūn śrāvya puṣpaṃ dadyāt pṛthak pṛthak |
vedānte gāyakau gāne śaṅkhanādaṃ tadantare ||

maukhīcakravādyāni pañcavādyāni tatparam |
vādayedgativādyāni nartanaṃ bharatoktataḥ ||

nartako mardakaścaiva gāyako vaṃśakastathā |
tato mauralikāścaite pañcācāryāḥ prakīrtitāḥ ||

rūpayauvanasaṃpannāstrī nāṭye kuśalānvitāḥ |
nartako mardakaścaiva tava dakṣe vyavasthitau ||

gāyako vaṃśakākhyaśca vāmabhāge vyavasthitau |
agre mauralikā saumye vādayenmukhaṃ tathā ||

p. 191) gaṇikā nartanaṃ kuryuḥ sarvalakṣaṇasaṃyutāḥ |
nartanante padmadīpān vakṣyamāṇa vidhānataḥ ||

svarṇadaurpaṇa tāmrāttha dīpapātrāṇi kārayet |
tālamānāni vṛttāni dalāṣṭakayutāni ca ||

karṇikābhiḥ saṃyutāni teṣāṃ madhye vicakṣaṇaḥ |
navapātrāṇi vā sapta pañca trīṇyekameva vā ||

teṣu dīrghān prabodhyānte trivāraṃ bhrāmayetpriye |
divā rātrau sahārcāyāṃ gaṇikā nṛttalālasāḥ ||

gānaśāstroktamārgeṇa bhrāmayeyuḥ striśaḥ param |
dīpānte sarvavādyāni vādayeyuśca vādakāḥ ||

caṇakādiphalaṃ pakvaṃ navadhā vibhajetpunaḥ |
tava nirmālyadānānte deśikādi prabhedataḥ ||

ekabhāgaṃ deśikāya bhāgārdhaṃ vāhakāya ca |
dvau bhāgau vipramukhyebhyaḥ nṛpādibhyastathaiva ca ||

trīn bhāgān sevakādibhyaḥ pradadyāddaṇḍadhārakaḥ |
ardhabhāgaṃ svayaṃ gṛhya sevājālaṃ samāpya ca ||

p. 192) sevājālaṃ samanteta * * * * * * * * |
* * * tava bimbaṃ ca prāṅkaṇaṃ praviśedguruḥ ||

pradakṣiṇavaśāttatra mūlamantraṃ vadan priye |
tato gānena niśśabdaiśśanairgehaṃ tavātmakam ||

catvāriṃśatpañcanāḍyāṃ bimbamantaḥ praveśya ca |
tava bimbātu caitatanya mūlaliṅge niveśayet ||

punaḥ pañcopacārādyairarcayitvā maheśvarīm |
kṣīrānnaṃ ca kaśāyotthaṃ jalatāmbūlasaṃyutam ||

samarcya tava mūlena nīrājyaṃ himasaṃjñakam |
dīpaṃ pradarśayitvāryaḥ prasannārthaṃ yajetvaram ||

kriyānyūnātiriktārthaṃ suviprāya svaśaktitaḥ |
kṛcchraṃ datvā pratoṣyātha karmajālaṃ samarpayet ||

bhaktānāṃ parivārāṇāṃ sevakādi nṛṇāṃ priye |
kpāthodakaṃ tu nirmālyaṃ dadyāt tvalliṅgavāmake ||

catvāriṃśat saptanāḍyāṃ kavāṭaṃ bandhayedguruḥ |
parito geharakṣārthaṃ śatasaṃkhyajanāḥ param ||

p. 193) vaseyuśca vinidrāste gṛhaṃ gacchenmanuttamaḥ |
viṃśottaraṃ śataṃ karma niśārdhe samyagīritam ||

sampajjālapradaṃ saukhyaṃ rājño rājñāṃ ca vaṃśadam |
nityaṃ kālatrayepyevamuktaṃ karma nagodbhave ||

niyamenaiva yaḥ kuryāt kasyaṃ puṇyaṃ vadāmyaham |
aihike ca bahūn bhogān subhikṣaṃ ca jayaṃ yaśaḥ ||

prāpnuyātsārvabhaumatvaṃ saptajanmasya saṃśayaḥ |
dehānte tava rūpatvaṃ mamatvaṃ ca manohare ||

rahasyaṃ tatra vakṣyāmi trikāle nāḍi bhedataḥ |
kāle kāle prakartavyamuktaṃ karmavicakṣaṇaḥ ||

kālātīte niṣphalaṃ syāddurbhikṣaṃ rājyanāśanam |
tasmād jñātvā mayoktena nāḍī bhedena pārvati ||

kāle samyagguruḥ kuryāt kriyājālamatandritaḥ |
saptadeveṣvidaṃ karma kartavyaṃ manuvittamaḥ ||

pṛthak tanmantrabhedena kriyābhedena śāmbhavi |
karmapūrṇaphalāvāptyai rājñaḥ śreyo'bhivṛddhaye ||

p. 194) tvalliṅge nityakarmārthaṃ pratyabde dakṣiṇāṃ kramāt |
dhanadādi pravakṣyāmi sevakāntaṃ maheśvari ||

viṃśottaraśataṃ niṣkaṃ dhanadāya pradāpayet |
śataniṣkaṃ deśikāya karmopadraviṇaissaha ||

niṣkasaptatikaṃ devi brahmaṇe dāpayetparam |
śatārdhaṃ ca sadasyāya sarvabodhakakarmiṇe ||

catvāriṃśadvāhakāya jyotiṣajñāya tatparam |
ghaṭikāsthāpanārthāya triṃśaniṣkaṃ kalādhare ||

dharmaśāstrapurāṇāni vaktṛbhyāṃ pañcaviṃśati |
viṃśanniṣkaṃ caturvedaghoṣakebhyaḥ pṛthak pṛthak ||

śrīrudrajāpakebhyaśca niṣkaṃ caikonaviṃśakam |
dadyātteṣāṃ sevanārthaṃ pṛthak dadyāt prabhūttamaḥ ||

niṣkaṃ cāṣṭādaśa proktaṃ sūktakebhyaḥ sureśvari |
tvannāmapūjakebhyaśca niṣkamaṣṭādaśaṃ pṛthak ||

saptaśatyādi viprebhyaḥ niṣkasaptadaśa kramāt |
jāpakebhyaḥ kalāsaṃkhyaniṣkaṃdadyācca tatparam ||

p. 195) pradakṣiṇa namaskāra kṛdbhyaśca tithisaṃkhyakam |
pṛthak kumbhārcakebhyaśca taddravyai saha buddhimān ||

niṣkaṃ caturdaśaṃ proktaṃ cārakebhyaśca tatparam |
pṛthak daṇḍadharābhyāṃ ca niṣkaṃ dvādaśa ucyate ||

daśaniṣkaṃ chatrakebhyaḥ paṭakebhyastathaiva ca |
daṇḍavījanamartyānāṃ nava niṣkaṃ ca dāpayet ||

viṃśanniṣkaṃ gāyakābhyāṃ vījakābhyāṃ navaṃ pṛthak |
vārastrīṇāṃ cāmarādi pṛthak ṣaṇṇiṣkamucyate ||

balidīpajanebhyaśca pañcaniṣkaṃ punaḥ param |
dhūpadhūmakarābhyāṃ ca caturniṣkaṃ prabhūttamaḥ ||

niṣkatrayaṃ puṣpavṛṣṭikṛdbhyāṃ datvātha sundari |
vandibhyo māgadhebhyaśca pāṭakebhyaḥ pṛthak pṛthak ||

daśaniṣkaṃ pradātavyaṃ niṣkaṃ sārdhaśataṃ punaḥ |
vādyakebhyo nṛttavidbhyaḥ pṛthak dadyācca vetanām ||

vaijantī bibhṛkebhyantrī niṣkaṃ caiva vallabhe |
rakṣakebhyo gajāśvādīn pṛthak dvādaśasaṃkhyakān ||

p. 196) dvārādi pālakebhyaśca dadyācca manusaṃkhyakam |
dravyāmbara dhanāgāra pālakebhyastrayodaśa ||

nava niṣkaṃ cātitheyādyannakṛdbhyaḥ pradāpayet |
paritaḥ parivārāṇāmarcakebhyaścaturdaśa ||

niṣkaṃ pṛthak pradatvānte toṣayedbahudhā janān |
tvadgeharakṣakādibhyaḥ saptaniṣkaṃ nageśvari ||

sarvamuktaṃ mayādevi dakṣiṇā karmacāriṇām |
cārādi sevakādīnāṃ sarveṣāṃ vetanaṃ kramāt ||

pratyabdaṃ niyamānetthaṃ datvā toṣya mahājanān |
bhaktyā natvā natyakarma kartavyamiti vācayet ||

karma nyūnaṃ na kartavyaṃ kāle kāle ca deśikaḥ |
yadi nyūne tu saṃprāpte rājasampatkṣayo bhavet ||

tasmānmantrī muhurjñātvā sarvalokahitāya ca |
dhanadhānyādi vṛddhyarthaṃ subhikṣārthaṃ varānane ||

sampadrājyasamṛddhyarthaṃ sarvabhogārthameva vā |
nyūnaṃ vinā prakartavyaṃ kriyājālaṃ nagātmaje ||

iti śrīvātulottare durgābhede nityakarmakāṇḍe śivapārvatīsaṃvāde 
ghaṭibhede navadurganiśi karmavivṛtinirūpaṇaṃ nāma ekaviṃśati 
paṭalaḥ 




devadeva jagannātha lokānugrahakāraka |
malliṅge prātarārabhya nityārcanavidhiḥ śrutaḥ ||

samyaguktastvayā deva sarvalokahitāya ca |
idānīṃ śrotumicchāmi kāmyārthaṃ sādhakāya ca ||

naimittikārcanavidhiḥ vaktavyaḥ parameśvara |

śivaḥ -

tatsarvaṃ tava vakṣyāmi yattvayā paripṛcchitam ||

tvalliṅge ca viśeṣeṇa kāmyārthaṃ tava pūjanam |
vidhānaṃ vistarāddevi śṛṇuṣvaikāgramānasaḥ ||

sarvavṛddhikaraṃ loke śrīkaraṃ putrapautradam |
akālamṛtyuśamanaṃ śatruṇāṃ vijayo bhavet ||

p. 198) sarvavyādhipraśamanaṃ āyurvṛddhikaraṃ nṛṇām |
sādhakānāṃ tvayā devi kalau sidhyati nānyataḥ ||

smaraṇāddarśanāccaiva trayolokaścakampire |
bhaktyā saṃpūjite liṅgaṃ trailokyaṃ ca vaśī bhavet ||

cintitārtha pradaṃ nṝṇāṃ bhogamokṣapradaṃ śive |
tasmāt sarvaprayatnena kāmyārthaṃ tava pūjanam ||

kasyāṃ tithau ca pūjāyāṃ vakṣyāmi śṛṇu pārvati |
māghe vā phālgune māse caitre vaiśākhamāsake ||

jyeṣṭhamāse cāśvayuje kārtikeṣṭaśubhe dine |
dvitīyā pañcamī caiva aṣṭamī navamī śubhā ||

daśamī ca trayodaśyāṃ caturdaśyāṃ ca paurṇamī |
somo bṛhaspatiḥ śukraḥ bhaumavāre śubhaṃ bhavet ||

candratārānukūle ca pūjādravyaḥ samāharet |
prātarutthāya vidhivat nityapūjāṃ vidhāya ca ||

brāhmaṇaiḥ sahasaṃyuktaḥ deśikādi janaiḥ priye |
nadīsnānaṃ prakartavyaṃ ṣaṭkoṇaṃ bījapūrvakam ||

p. 199) likhatvā tīrthamadhye tu snānārthaṃ tarpaṇaṃ caret |
tava prītyai ca saṃkalpya nimajjecca trivārakam ||

dhautavastrāmbaracchannaḥ vibhūtyādyairalaṅkṛtaḥ |
mūlamantraṃ japettatra aṣṭāviṃśatisaṃkhyakaiḥ ||

svarṇapātrādi saṃpūrya tava mūlena caṇḍike |
tattīrthaṃ ca samādāya aghamarṣaṇamantrataḥ ||

vedamaṅgalapāṭhaiśca nṛttagītādi vādyakaiḥ |
devālayamalaṅkṛtya phalapallavatoraṇaiḥ ||

siñceyurgandhavāribhyaḥ sthalaśuddhiṃ vidhāya ca |
bhūṣayitvā gṛhaṃ gatvā vandayetparamāṃ śivām ||

namaste devi kalyāṇi vāñchitārthapradaṃ śive |
naimittikasya pūjārthaṃ anujñāṃ bhaktavatsale ||

iti saṃprārthya sadbhaktyā tadagre sthāpayetphalam |
nirvighnārthaṃ ca saṃpūjya gaṇeśaṃ ca samārabhet ||

nāndīṃ saṃvācya puṇyāhaṃ dravyaśuddhiṃ tu kārayet |
karmārthaṃ varayetprājñaḥ deśikādi dvijottamān ||

p. 200) karmajālaṃ prakartavyaṃ śrīrudraṃ pāvamānakam |
lakṣmīsūktaṃ prakartavyaṃ tattatkalpoktamārgataḥ ||

secayettava liṅgaṃ ca pañcāmṛtavidhānataḥ |
prasthādi droṇamānāntaṃ dravyasaṃkhyamitīritam ||

vidhinā secayenmantrī liṅgaśuddhiridaṃ bhavet |
devāgre cerābhāge ca racaye padmamuttamam ||

aṣṭottaraśataṃ devi tadardhaṃ pañcaviṃśatiḥ |
nava dvādaśa pañcaiva sthāpayetkumbhamuttamam ||

vidhinā pūrayetpaścāt ratnāṇīṃ gandhavāribhiḥ |
kṣīraṃ ca pañcagavyaṃ ca kaṣāyaṃ ca sutailakam ||

phalodakaiśca vividhaiḥ savastrapratimānvitaiḥ |
caturthyante ca mantreṇa devamāvāhya pūjayet ||

kalāmantrairmūlamantrai spṛṣṭvā japya gurūttamaḥ |
gaṇeśaṃ kṣetrapālaṃ ca mṛtyuñjayanavagraham ||

adhorāstraṃ saptaśatiṃ navadurgāmanuṃ śive |
tava mūlena mantreṇa sahasraṃ saṃjapedguruḥ ||

p. 201) pradakṣiṇanamaskāraṃ śatamaṣṭottaraṃ priye |
kuṇḍaṃ vā sthaṇḍilaṃ kuryāccaiśabhāge viśeṣataḥ ||

jananāgniṃ ca saṃsthāpya mūlamantreṇa homayet |
śāntidurgāmanuṃ paścāttadardhaṃ juhuyādguruḥ ||

śatamaṣṭottaraṃ devi sahasraṃ cottamaṃ bhavet |
samidājyaṃ pāyasaṃ vā saptadravyeṇa homayet ||

arpaṇaṃ mūlamantreṇa sugandhapayasāmbubhiḥ |
pūrṇahutiṃ tataḥ kuryāt abhiṣekaṃ samācaret ||

snāpayedghaṭatoyena tava liṅgaṃ manūttamaḥ |
snānaṃ vicitratailena sugandhena manoharaiḥ ||

udvartya piṣṭacūrṇaiśca niśāpūrṇairmaheśvari |
uṣṇodakena saṃsthāpya kastūrīkuṅkumodakaiḥ ||

aṣṭagandhaṃ samālipya akṣatāṃśca manoharān |
tilakaṃ ca sa kastūrī haridrācūrṇamañjanaiḥ ||

paṭṭavastraiḥ svarṇayutaiḥ navatantusamudbhavaiḥ |
vastradvayaṃ tato dadyāt kañcukaṃ ca samarcayet ||

p. 202) muktāvaiḍūryakhacitatāṭaṅkaṃ bhūṣaṇādibhiḥ |
sugandhapuṣpamālābhiḥ pūgapuṣpaṃ sarpayet ||

āvāhanādi saṃpūjya ṣoḍaśairupacārakaiḥ |
sahasrairnāmabhiḥ pūjya praṇavādi samanvitaiḥ ||

bilvapatraiśca kamalaiḥ droṇapuṣpaistilākṣataiḥ |
mallikādyaiśca puṣpaiśca pūjayenmantravittamaḥ ||

tadante svarṇajaṃ devi yathā śaktyā samarpayet |
dhūpadīpaṃ ca naivedyaṃ ṣaḍrasānnaṃ sabhakṣakam ||

phalaṃ nānāvidhaṃ devi sūpaśākasamanvitam |
pānīyaṃ ca sakarpūraṃ tāmbūlaṃ ca samarpayet ||

nīlāñjanaṃ mantrapuṣpaṃ stotrapāṭhaṃ gurūttamaḥ |
balidānaṃ tato dadyānnaimitye ca viśeṣataḥ ||

brāhmaṇān bhojayeddevi homasaṃkhyān maheśvari |
dampatīn pūjayetpūrvaṃ navasaṃkhyasuvāsinīḥ ||

sahasraṃ cottamaṃ devi śatamaṣṭottaraṃ pṛthak |
gurupatnīṃ samāyukta pativratadharāstriyaḥ ||

p. 203) tailābhyaṅgaṃ vidhāyātha śucirbhūtvā pṛthak pṛthak |
tavālayasya paritaḥ paṅktirūpaṃ supīṭhake ||

upaviśya yathānyāyaṃ gurupūjāṃ samācaret |
mama rūpaṃ ca saṃpūjya tava rūpaṃ samanvitam ||

śivaṃ śaktiṃ samāvāhya pādyamācamanādikam |
vastrālaṅkārakaṃ dadyādubhayośca pṛthak pṛthak ||

yathāvibhavasāreṇa pūjayitvā yathākramam |
upāyanaṃ tato dadyātparamānnaṃ saśarkaram ||

apūpaṃ ca phalaṃ devi caṇḍikā priyatāmiti |
tataḥ suvāsinīpūjāṃ kuryādbhaktiyutaḥ priye ||

āvāhanārghyapādyādi pṛthak sahasranāmabhiḥ |
śatamaṣṭottaraṃ vāpi navasaṃkhyāni pārvati ||

tavamaṣṭottaraśataṃ navadurgāṃśca pūjayet |
nāmabhiśca caturthyantaiḥ pṛthak saṃpūjya dāpayet ||

nālikeraphalaṃ devi nāgavallidalairyutam |
pūgapuṣpaṃ niśāmūlaṃ taṇḍulaṃ kañcukādibhiḥ ||

p. 204) suvastraṃ ca dadedbhaktyā mūlamantraṃ vadan guruḥ |
tava prītyā ca datvātha āśiṣaṃ pratigṛhya ca ||

bhojayedbhakṣa bhojyādyaiḥ tāmbūlaṃ ca dadat pṛthak |
rātrau saṃpūjayet paścāt raṅgapūjāṃ samācaret ||

gehalī toraṇādyeṣu dīpamugdhodaye priye |
balidānaṃ tato dadyāt naimitye cāhutirdadet ||

rathe vā śibikāyāṃ vā vāhane vā vibhūṣite |
utsavaṃ ca tataḥ kuryāt grāmasīmāntameva vā ||

praviśya devīṃ saṃpūjya kriyājālaṃ samarpayet |
tataḥ prāta samutthāya snānasandhyāditarpaṇam ||

vidhāya devatāgāraṃ tava liṅge maheśvari |
saṃpūjya snapayenmantrī karmalopārthamambike ||

tavamaṣṭottaraśataṃ japenmūlamanuṃ guruḥ |
savatsāṃ gāṃ tato dadyāt dakṣiṇāṃ dāpayedguruḥ ||

bhūridānaṃ tato dadyāt kṛcchradānaṃ tataḥ param |
ityevaṃ kārayedbhaktyā brāhmaṇaśca nṛpottamāḥ ||

p. 205) kāmitārtha pradaṃ śīghraṃ satyaṃ satyaṃ mayoditam |
manasā cintitaṃ kāryaṃ pūjayāśca prabhāvataḥ ||

sarvān kāmānavāpnoti vidhinā pūjite priye |
mahāpūjāvidhiḥ samyak tavasnehena coditam ||

iti śrīvātulottare durgābhede śivapārvatīsaṃvāde nityakarmakāṇḍe 
naimittikapūjāvidhirnāma dvāviṃśatiḥ paṭalaḥ ||




|| svasti ||


devī -

devadeva mahādeva sarvajña karuṇānidhe |
acinyaguṇa rūpāḍhya śiva sarvajagatprabho ||

saptakoṭiṣu mantreṣu pratiṣṭhādyutsaveṣu ca |
vahnihomavidhiḥ proktaḥ tvayā guhyaḥ sadāśiva ||

pṛthak vidhānaṃ vahneśca havanaṃ ca kathaṃ vada |
kinnimittaṃ kathaṃ homaḥ kiṃ ca dravyaṃ ca tatphalam ||

p. 206) tvanmukhācchrotumicchāmi vistareṇa vada prabho |

śivaḥ -

sādhu pṛṣṭaṃ tvayā devi guhyādguhyatamaṃ mahat ||

agnikāryaṃ suraśreṣṭhaṃ sarvakāmaphalapradam |
mama tejomayo vahniḥ tavarūpaṃ na saṃśayaḥ ||

jiṃhvārūpeṇa nau devi tattaddravyaṃ hi bhujyate |
anyatra bhujyate dṛṣṭvā tṛpti bhavetpriye ||

etasmātkāraṇācchreṣṭhaṃ vahnihomaṃ ca kārayet |
rahasyaṃ paramaṃ devi muktidaṃ ca dvijanmanā ||

havyadattaṃ tu bhuñjīta yadi śreṣṭhaṃ dvijottamaḥ |
śūdratvaṃ karmahīnatvaṃ patitatvaṃ na saṃśayaḥ ||

sāyaṃ pratarnityahomaṃ prakurvīta dvijottamaḥ |
ihāpi sukhamāpnoti ante sāmīpyamīśvari ||

lakṣahomādi koṭyantaṃ kāmyakarmaṇi kārayet |
homāddaśāṃśaṃ tanmantrajapasaṃkhyā maheśvari ||

śatāṃśaṃ tarpaṇaṃ kuryātsahasraṃ kumbhapūjanam |
p. 207) ayutaṃ bhojayedviprān pradakṣiṇanamaskṛtim ||

dānāni vividhaṃ dadyāt gobhumyādi viśeṣataḥ |
itthaṃ kuryādvidhānajñaḥ sarvamṛtyunivāraṇam ||

sarvaśāntikaraṃ caiva śatrūṇāṃ nāśakāraṇam |
āyurārogyadaṃ dehe dejobalavivardhanam ||

lakṣmīpradaṃ viśeṣeṇa santānādi vivardhanam |
tuṣṭidaṃ puṣṭidaṃ rājñāṃ rājyakośavivardhanam ||

gajāśva sainyadurgādi vṛddhidaṃ kīrtidaṃ tathā |
divyantarikṣādyutpātadussvapnādi vināśanam ||

grahabhūtapiśācādi vināśanakaraṃ param |
bhuktidaṃ muktidaṃ caiva sarvavāñchāphalapradam ||

amunā homavidhinā bahuprīti bhavenmama |
brahmādyā mayi saṃtuṣṭe tuṣṭā devā na saṃśayaḥ ||

itthaṃ śreṣṭhaṃ homakarma kalau siddhipradāyakam |
tasmāt sarvaprayatnena kārayeddhomamarthavān ||

tadvidhānaṃ pravakṣyāmi lakṣahomavidhaiḥ pṛthak |
p. 208) tatkālaṃ tatsthalaṃ kuṇḍamaṇṭapādi salakṣaṇam ||

dinasaṃkhyāṃ ca tatkarmaṇyācāryādīṃśca ṛtvijaḥ |
homadravyaṃ tatphalaṃ ca vistareṇa śṛṇu priye ||

kārtike māsi kurvīta paurṇamyādinduvāsare |
māghamāse kṛṣṇapakṣe caturdaśyāṃ maheśvari ||

phālgune māsi kurvīta aṣṭamī daśamī dine |
caitre māsi trayodaśyāmekādaśyāmathāpi vā ||

vaiśākhe ca tṛtīyāyāṃ jyeṣṭhamāsi śubhe dine |
anyatpuṇyatithau mantrī grahaṇe ravisomayoḥ ||

amauḍhye nādhimāse ca candratārānukūlake |
śubhalagnagrahayute duṣṭagrahavivarjite ||

kartuścaivānukūlarkṣe śubhagrahanirīkṣite |
evaguṇayute kāle lakṣahomaṃ ca kārayet ||

sāmbaliṅgaśivakṣetre ārāme parvate taṭe |
udyāne śrotriyāgāre saṅgame ca nadītaṭe ||

anyatpuṇyasthale devi homaṃ kuryā nṛpottamaḥ |
p. 209) tatsthalaṃ ca samāvīkṣya pūrve vahne tathaiśake ||

khananādi prakurvīta śodhayedduṣṭavarjite |
caturaśraṃ samaṃ kṛtvā ṣaṭtriṃśaddhastamātraka ||

ekaviṃśati hastaṃ vā saptottaradaśa priye |
tāvanmaṇṭapavistāraṃ yāvatkuṇḍamitirbhavet ||

ratnimātrasamutsedhaṃ darpaṇodarasannibham |
tattribhāgaikabhāgena maṇṭapasya maheśvari ||

kuṇḍāni racayenmantrī nava pañcaikameva vā |
pūrve ca caturaśraṃ syādāgneyāṃ tu bhagākṛtiḥ ||

ardhacandraṃ tu yāmyāyāṃ nair-ṛtyāṃ tu trikoṇakam |
vāruṇe vartulākuṇḍaṃ vāyavyāṃ ca ṣaḍaśrakam ||

uttare padmakuṇḍaṃ tu īśānyāmaṣṭakoṇakam |
aindra śāṅkarayormadhye vṛttakuṇḍaṃ tu kārayet ||

caturdikṣu ca catvāri caturaśraṃ tu kārayet |
vṛttakuṇḍaṃ tathaiśānyāṃ pañcakuṇḍe'thavā śive ||

kuṇḍamekaṃ ca kurvīta vṛttaṃ vā caturaśrakam |
p. 210) īśāne pūrvabhage vā kalpayecca maheśvari ||

caturhastaṃ caikakuṇḍaṃ trihastaṃ pañcakuṇḍakam |
dvihastaṃ navakuṇḍaṃ ca tāvaṃ khātapramāṇataḥ ||

vistāraṃ tāvadūrdhvaṃ syādūrdhvamekhalayā saha |
kuṇḍasya yādṛśaṃ rūpaṃ tādṛśī mekhalā bhavet ||

trimekhalaṃ ca yuktaṃ syādaṣṭaṣaṭcaturaṅgulaiḥ |
ṣaḍbhiścaturbhiśca tathā dvikara trikarasya tu ||

mekhalopari madhye tu yoniḥ pippalapatravat |
ṣaḍaṅgulasya vistārā vistārārdhaṃ tadūrdhvataḥ ||

muṣṭerevaṃ tathānyeṣāmaṅgulāṅgulavardhanāt |
ekāṅgulaṃ samutsedhamaṣṭāṅgulasavistṛtam ||

praṇītā sthānametaddhi brahmasthānaṃ tathā bhavet |
caturaśraṃ praṇītāyāṃ brahmaṇe padmameva ca ||

itthaṃ kuṇḍaṃ prakalpyātha lakṣaṇena maheśvari |
sthaṇḍile ca na kartavyaṃ devatāśāpadaṃ bhavet ||

alakṣaṇakṛtaṃ kuṇḍaṃ kulakṣayakaraṃ bhavet |
p. 211) pūrvoktana vidhānena kuṇḍaṃ kuryādvicakṣaṇaḥ ||

tanmadhye vedikāṃ kuryāddhastamātraṃ tadūrdhvataḥ |
catustambhaṃ ca tanmadhye parito dvādaśa kramāt ||

tadbahirviṃśatistambhāḥ unnataṃ cāṣṭa ṣaṭkaraiḥ |
tadbahi pañcahastaṃ syāt sthāpaye potikādibhiḥ ||

ekabhaumaṃ tribhaumaṃ vā kārayenmaṇṭapaṃ śive |
catudvārasamāyuktaṃ catustoraṇabhūṣitam ||

prāgdvāre pītavarṇaṃ ca dakṣiṇe kṛṣṇavarṇakam |
paścime raktavarṇaṃ ca uttare śvetavarṇakam ||

cakratriśūlaḍamarupadmanandivicihnitam |
evaṃ dvāraṃ prakurvīta pūrvādikramataḥ priye ||

caturdikṣu dhvajaṃ kuryātpatākāsyurdiśi sthitāḥ |
daśastodhvaje daṇḍaḥ caturaśraśca vṛttakaḥ ||

saptahastāḥ patākāḥsyuḥ dīrghadaṇḍapramāṇataḥ |
saptahastadhvajapaṭaḥ vasanā nūtanena ca ||

tattadvāhanacihnāni lekhayecchilpinā guruḥ |
p. 212) viṃśatyaṅgulavistārāḥ patākā syurmaheśvari ||

lokapālānuvarṇena vāhanāyudhalāñchanaiḥ |
digvidikṣu prakurvīta sthāpayedvidhinā guruḥ ||

vastrairācchādayestuṅgān vitāna phalaśobhitān |
dvāre dvāre ca kumbhau dvau kumbhau tāraṇamūlakau ||

cūtapallavaśobhāḍhyau pratyekaṃ kaṇṭhavāsasau |
kadalīstambhavinyāsai sragdāmā cūtapallavaiḥ ||

śobhayitvā bahiḥ paścāddarbhadāmnā ca veṣṭayet |
evaṃ maṇṭapakuṇḍāni kurvīta vidhinā priye ||

navāhaṃ saptarātraṃ vā pañca tryekāhameva vā |
lakṣahomaṃ prakurvīta uttamaṃ madhyamaṃ bhavet ||

adhamaṃ ca na kurvīta dinasaṃkhyavidhau śive |
vapanaṃ snānamaunaṃ ca śuklāmbaradharaḥ śuciḥ ||

kṣīrānnabhojanaṃ nityaṃ dussaṅgādi vivarjitaḥ |
brahmacaryavrataṃ kuryādṛtvigbhiḥ saha deśikaḥ ||

itthaṃ dīkṣā prakartavyā navarātre maheśvari |
p. 213) trirātre caikarātre ca dīkṣākarma na kārayet ||

yāgadravyāṇi sampādya hotṛbhiḥ jāpakān dvijān |
dīkṣāvān karmatatvajñaḥ satyavādī jitendriyaḥ ||

sapatnīkān dvijaśreṣṭhān āhūya yajamānakaḥ |
tailābhyaṅgādikaṃ kṛtvā ācāryartviksamanvitaḥ ||

sutithau ca suniścitya pūrvoktena maheśvari |
prātarutthāya vidhivaddantadhāvanapūrvakam ||

prātaḥ snānaṃ prakurvīta ācāryāya dvijottamaiḥ |
sandhyākarma prakurvīta nityakarma samāpya ca ||

mṛttikāsnānapūrvaṃ ca kuśagomayavāriṇā |
sarvaghoṣasamāyuktastattanmantreṇa lepayet ||

nānāmaṅgalavādyaiśca vedaghoṣaiśca suktakaiḥ |
snānaṃ kṛtvā tato mantrī homārthaṃ ca dvijottamaiḥ ||

dhautavastrāmbaracchannaḥ vibhūtyādyairalaṅkṛtaḥ |
devarṣitarpaṇaṃ kṛtvā namaskṛtvā divākaram ||

tato devālayaṃ kṛtvā phalapuṣpasuvarṇakaiḥ |
p. 214) mamāgre vinyaseddevi yajamānaḥ subhaktitaḥ ||

pañcopacārairabhyarcya prārthayecca kṛtāñjaliḥ |
śivādi sarvadevānāṃ sadyaḥ tuṣṭikaraṃ bhavet ||

lakṣahomaṃ karomīti svāmivijñāpanaṃ caret |
iti vijñāpya deveśaṃ praviśedyāgamaṇṭapam ||

prakṣālya pāṇipādau ca pūrve vā caiśakoṇake |
padmapīṭhaṃ ca saṃsthāpya navavastroparinyaset ||

tasyopari nyasau * bhān āsaneṣūpaviśya ca |
guruvandanapūrvādi prāṇāyāmaṃ samācaret ||

dinamuddiśya saṃkalpya yathāvibhavavistaram |
vighneśamarcya nāndyādi puṇyāhaṃ pañcagavyakam ||

madhuparkaṃ vidhāyātha varayeddeśikādikān |
ācāryandhanaṃ devi brahmāṇaṃ ca sadasyakam ||

bhavādi mūrtipānaṣṭau hotṛbhiśca yathoktavat |
dinasaṃkhyamitān jñātvā varayecca pṛthak pṛthak ||

japārthaṃ tu śatārdhaṃ syādvedapārāyaṇaṃ śive |
p. 215) ṣoḍaśa brāhmaṇaḥ kuryāt tarpaṇārthaṃ daśa dvijān ||

kumbhārcane caikamevaṃ namaskārapradakṣiṇe |
daśa viprāṃśca varaye"rarcārtha dvādaśa dvijān ||

ācāryādīn svaśākhādi pravaraprocya gotrakam |
śarmātha vṛṇuyātkartā ślokairebhiśca tān kramāt ||

sarvakarmadhurīṇastvaṃ śivatuṣṭyai dvijottamaḥ |
tvāmāhaṃ gurumācāryamasmin homavidhau vṛṇe ||

kartuḥ pratinidhitve tu dvijamanyaṃ tadājñayā |
ācāryo vṛṇuyādatra ślokenaiva tato'munā ||

kartuḥ pratinidhitvena karmakārayituṃ dvija |
tvāmahaṃ yajamānārthaṃ tasmin homavidhau vṛṇe ||

yathā caturmukho brahmā svargeloke pitāmaha |
brahmāṇaṃ cāmahaṃ sākṣāttasmin homavidhau vṛṇe ||

mantratantrādilopāṃśca draṣṭuṃ nasyuryathā tathā |
asmin homavidhau vipra sadasyaṃ tvāmahaṃ vṛṇe ||

homārthaṃ mūlamantrāṃśca tattanmantraṃ śivasya tu |
p. 216) ṛtvijo'smin homavidhau dvijā yuṣmānahaṃ vṛṇe ||

tarpaṇārthaṃ ca pūjārthaṃ kalaśasya maheśvari |
mūlamantrajapārthāya vedapārāyaṇārthakam ||

pradakṣiṇa praṇāmārthaṃ dvijā yuṣmānahaṃ vṛṇe |
ityevaṃ varaṇaṃ kṛtvā tebhyaḥ pādyādikaṃ dadet ||

pādyamarghyaṃ tathācāmaṃ madhuparkaṃ tathaiva ca |
kuṇḍale cāṅgulīyādi bhūṣāśca vividhā api ||

rudrākṣamakuṭādyaiśca svarṇayajñopavītakaiḥ |
dukūlapādukaṃ devi chatravījanajāmaraiḥ ||

ācamaṃ jalapātrāṇi yāgopakaraṇāni ca |
phalaṃ svarṇaṃ ca tāmbūlaṃ dāpayenmanunā śive ||

mūlena mama gāyatryā pañcabrahmāṇubhistathā |
ācāryāya pradatvauvaṃ gandhādyaistaṃ samarpayet ||

evaṃ brahma sadasyādīn tathaivānyān dvijān kramāt |
yathā yathocitaṃ vastrabhūṣaṇādyaiśca toṣayet ||

aṅkurārpaṇapūrvaṃ ca mṛttikāmāharettataḥ |
p. 217) sadyoṅkuraṃ vā kurvīta dinasaṃkhyamitaṃ śive ||

dhvajasthāpanapūrvoktaṃ patākān sthāpayetpriye |
vṛṣayāgaṃ tataḥ kuryātpatākadhvajadevatāḥ ||

sampūjya vidhivanmantrī tattanmantreṇa pārvati |
pañcagavyaṃ hunedante gaṇeśaṃ ca navagrahān ||

tattanmūlena hotavyaṃ tattaddravyaṃ pṛthak pṛthak |
etatkarma divākāle guruḥ kuryānmaheśvari ||

sāyaṃ sandhyāmupāsyātha śucirbhūtvā gurūttamaḥ |
prakṣālya pāṇipādau ca mūrtipādyairdvijottamaiḥ ||

praviśya paścime dvāraṃ yāgagehaṃ maheśvari |
astradṛṣṭyā vilokyātha dikpatīn rakṣoṇadyattat ||

nai-ṛtyāṃ diśamāsādyā upaviśyāsane guruḥ |
guruvandanapūrvādi diśadigbandhanaṃ śive ||

bhūtaśuddhiṃ nyāsajālān saṅkalpaṃ ca vidhāya ca |
gaṇeśa sthaṇḍile pūjya sugandhakusumādibhiḥ ||

sthāpayetkalaśaṃ devi yojayetpañcagavyakaiḥ |
p. 218) ekāṃśakaṃ tu gomūtraṃ gomayaṃ ca tadardhakam ||

saptāṃśakaṃ tu gokṣīraṃ tryaṃśakaṃ tu dadhi smṛtam |
ājyamekāṃśamityevaṃ sadyojātādi pañcakaiḥ ||

astramantreṇa saṃspṛṣṭvā śatamaṣṭottaraṃ japet |
puṇyāhaṃ vācayetpaścādṛtvigbhiḥ sahito guruḥ ||

maṇṭapaṃ mārjayeddevi vāyumantreṇa deśikaḥ |
pālāśapallavairdarbhaiḥ vahnyādīśāvasānakam ||

mama gāyatrimantreṇa lepayedgomayāmbhasā |
astramantraṃ śatāvṛtyā tato rājīśca deśikaḥ ||

vikīrya mārjayenmuṣṭyā maṇṭape manuvittamaḥ |
prakṣālyaṃ hastau deveśi puṣpāṇi daśa dikṣu ca ||

nikṣipya mama gāyatryā cakramudrāṃ pradarśayet |
sasūtradarbhamālāṃ ca yuktaṃ bodhidupallavaiḥ ||

astramantraśataṃ japtvā veṣṭayaṃ maṇṭapaṃ śive |
abhyukṣya pañcagavyena mūlamantreṇa deśikaḥ ||

vikīrya mārjanaṃ mantrī punaḥ pūrvoktamantrataḥ |
p. 219) gandhatoyena saṃprokṣya gururāpaḥ punantviti ||

dvārapūjantataḥ paścādakṣataiḥ kusumādibhiḥ | kaiḥ |
astratoyena saṃprokṣya pūrvādrikramataḥ priye ||

śānti bhūti balārogyā saṃjñābhistoraṇe nyaset |
yugmātvidānyajedūrdhve śūleṣvarkapuroditān ||

praśāntaśiśirādīṃśca pratyūṣādi vasūnapi |
bhūrbhuvādikalokāṃśca somabhaumādikān grahān ||

śāntirnidrānivṛttiśca pratiṣṭhādvāramūrdhani |
gaṇeśaṃ bhāratīṃ lakṣmīṃ sarvadvāropari nyaset ||

pūrvadvāraṃ samārabhya śāyayordakṣavāmayoḥ |
nandyādidvārapālāṃśca gaṅgādisaritastathā ||

saṃpūjya tān caturthyantān śivajñāṃ śrāvayedathā |
yajñasya rakṣaṇārthena sthātavyaṃ mahadādaraiḥ ||

vajrādīni patākā syuḥ kumudādi dhvajeṣu ca |
pūrvoktān vinyaseddevi sarvavighna bhayaṅkarān ||

dvāratoraṇasaṃpūjya prārthayenamunā guruḥ |
p. 220) maṇṭapastambhapūjāṃ ca prārabhe tu tataḥ priye ||

antastambheṣu sarveṣu ādhārādi yathākramam |
praṇavādi namontaiśca dharmādiṣu samarcayet ||

vidyeśādi ghaṭaśceṣu dvāratoraṇakumbhakān |
yāgeśvaraṃ ca dikpālān sthāpayetpūjayetpriye ||

niṣkaṃ niṣkārdhahemnā vā pratimān vinyasedguruḥ |
suvastraṃ suphalaṃ nyastvā prārthayeddeśikottamaḥ ||

bho bho śakra tvayā svasyāṃ diśi vighnapraśāntaye |
sāvadhānena yāgāntaṃ sthātavyaṃ tu śivājñayā ||

sarveṣāṃ lokapālānāṃ anekakramayogataḥ |
iti vijñāpya dikpālān yāgeśaṃ prārthayettataḥ ||

śaṅkarāya namastubhyaṃ viśvarūpadharāya ca |
mayā pravartitaścāyaṃ lakṣahomaḥ kṛte tava ||

lakṣaṇīyaḥ tvayaitarhi samāptiryāvadasya hi |
iti saṃprārthya yāgeśamakṣatairavakīrya ca ||

ataḥ saṃpūjya vāstuṃ ca rākṣoghnaṃ vāstuhomakam |
p. 221) baliṃ ca vikireddevi svasvamantrairgurūttamaḥ ||

tataḥ pratisaraṃ badhvā yāgārthaṃ ca yathoktavat |
ācāryaṃ yajamānaṃ ca brahmāṇaṃ ca sadasyakam ||

mūrtipān tarpaṇaṃ devi yāgeśapratimādiṣu |
badhnīyurūrṇāsūtraiśca tanmantraṃ ca puroktavat ||

vahnisādhanakaṃ paścāt hotṛbhiḥ saha deśikaḥ |
sūryakāntodbhavaṃ śreṣṭhakāṣṭhajño madhyo bhavet ||

śrotriyāgārajo vahniradhamaḥ parikīrtitaḥ |
sūryakāntaśilāyāṃ vā bodhivṛkṣādivā śive ||

ādāya mantaḥ sārāṇi kṛtvā maraṇikadvayam |
saṃyogaḥ kramataḥ kuryāt śilpiśāstroktamārgataḥ ||

trihastarajjunā veṣṭyā sudṛḍhaṃ triguṇīkṛtam |
gomayālepitaṃ bhūmiṃ śatapatraṃ sukarṇikam ||

likhet saṃpūrayeccūrṇaṃ pañcavarṇaṃ vibhedataḥ |
śālisaṃpūrayetpīṭhaṃ droṇamātraṃ maheśvari ||

araṇiṃ vinyasetpīṭhe darbhadāmnā ca veṣṭayet |
p. 222) gandhapuṣpaiḥ samabhyarcya ācāryo ṛtvijaiḥ saha ||

āvayośca samāvāhya naivedyāntaṃ maheśvari |
mūlamantrajapaṃ kuryātpañcabrahmādi sūktakaiḥ ||

mathitvā praṇavenāgniḥ tuṣakārpāsakādibhiḥ |
karīśaṃ ca samāyojya agnijātakaṇādikaiḥ ||

jvalayecca tato mantrī tāmrapātre śarāvake |
agnibījena caitanyaṃ hṛdā saṃhāramudrayā ||

ādāya yojayedbindau pūrakeṇa tato hṛdi |
sthāpayenmanunā devi agniśca citimantrataḥ ||

tejorūpamahaṃ vahniṃ sākṣādbrahmasvarūpakam |
evaṃ dhyātvā tato mantrī saṃpūjya ca hutāśanam ||

dāpayedguruṇā paścāt yajamānāya bhaktitaḥ |
devasyatvā tatoddhṛtvā ṛtvijāṃśca tato dadet ||

rakṣaṇīyaṃ dvijaḥ śreṣṭhāḥ homārthaṃ ca maheśvari |
ityuktvā yajamānāya kṛtāñjalipuṭa sthitaḥ ||

ācaryaṃ pūjayeddatvā śayyāvāhanabhūṣaṇaiḥ |
p. 223) dhenuśca ṛtvijāṃ dadyāt athavā vāsasīṃ dadet ||

itthaṃ datvā tu deveśi vahniḥ suprītado bhavet |
tato jāgaraṇaṃ paścāt vedapāṭhaṃ dvijottamaiḥ ||

itthaṃ kṛtvā tu deveśi punaḥ sūryodayāntike |


iti śrīvātulottare kāmyakāṇḍe umāmaheśvarasaṃvāde 
lakṣahomamaṇṭapādi vidhirnāma pañcacatvāriṃśatpaṭalaḥ |




athātaḥ saṃpravakṣyāmi karaṇānāṃ ca lakṣaṇam |
kuṇḍaśodhanapūrvaṃ ca vahnerjananakarma ca ||

pātrāṇāṃ sādhanavidhiṃ krameṇa śṛṇu pārvati |
ācāryastu śucirbhūtvā kṛtvā caivāhnikakriyām ||

ṛtvigbhiḥ saha deveśi yāgagehaṃ praviśya ca |
sampūjyādau gaṇeśānaṃ phalādyaistoṣayettataḥ ||

puṇyāhavācanaṃ kuryāt mūrtipaiśca dvijottamaiḥ |
gatvā kuṇḍāntikaṃ mantrī viṣṭare pūrvadiṅmukhaḥ ||

p. 224) upaviśya samānīya sādhanānyuñcitāni vai |
guruvandanapūrvādi ātmaśuddhiṃ samācaret ||

tato juhvāṅgamanunā nyāsajālaṃ vidhāya ca |
tataḥ saṃpūjayenmūrdhni svagurūn deśikottamaḥ ||

hṛtpadme pūjayeddevaṃ gaṇeśānamathorcayet |
kuṇḍaśuddhiṃ prakurvīta vakṣyamāṇena vartmanā ||

mūlamantran japan mantrī tatkuṇḍaṃ ca samīkṣayet |
astramantreṇa saṃtāḍya daśadigbandhanaṃ tataḥ ||

saṃprākṣya varmaṇā mantrī tāreṇakhananaṃ śive |
mṛttike hana mantreṇa uddhare mṛttikāṃ tataḥ ||

pūjayecca hṛdā mantrī samīkṛtidṛśāṇunā |
secayedamunā kuryāt kuṭṭayedastramantrataḥ ||

mārjayetkavacenātha lepanaṃ hetināṇunā |
kalātmakaṃ kalābhistu trisūtrīkaraṇaṃ śive ||

kavacenārcayenmantrī hṛnmantreṇa ca pārvati |
astreṇa vajrīkaraṇaṃ hṛnmantreṇa kuśaistataḥ ||

p. 225) catuṣpathaṃ tanutreṇa tanuyādakṣapāṭanam |
ityete kuṇḍasaṃskārāḥ aṣṭādaśa maheśvari ||

caturaśraṃ purā kṛtvā kuṇḍamadhye ca vālukaiḥ |
devasyatveti mantreṇa hrādakena śalākayā ||

ādāya ca likhedrekhāṃ pūrvāgre cottarāgrake |
tisraḥ pūrvamukhā rekhāstadvatsaumyamukhāstathā ||

brahmā vaivasvataḥ somo madhye dakṣiṇavāmayoḥ |
rudro viṣṇuśca śakraśca madhye paścimapūrvayoḥ ||

brahmajajñānamantreṇa nāke manu yathākramam |
ṣaḍrekhāṃ ca likhenmantrī bhūśuddhyarthamiheśvari ||

gandhapuṣpādibhiścaiva tato nāmnaiva pūjayet |
tato yantraṃ samuddhṛtya pūrvāgre cottarāgrake ||

bhavatyekona pañcāśatpadādyantra tadāsphuṭam |
bahirīśānakoṣṭhādi tanmadhya ca maheśvari ||

mātṛkāṃ varṇasaṃlekhya pradakṣiṇyena deśikaḥ |
tanmadhye'ṣṭadalaṃ padmaṃ karṇikākesarairyutam ||

p. 226) viṣṭarārthaṃ sukūrcaṃ tu viṃśaddarbhakṛtaṃ tataḥ |
pīṭhapūjāṃ ca tatraiva āvāhya puruṣaṃ param ||

tataḥ pārśve mahādevyā cintayecca guru priye |
dvinetrāṃ dvibhujāṃ ramyāṃ pīnīnnatapayodharām ||

muktābharaṇasaṃyuktāṃ padmahastāṃ sulocanām |
śuddhasphaṭikasaṃkāśāṃ raktāvāhogribhūṣitām ||

ṛtusnātāṃ sukūrcasthāṃ vāgīśasya ca vāmake |
kāraṇaṃ jagatāṃ devaṃ sarvajñaṃ sarvasākṣiṇam ||

anādinidhanaṃ śuddhaṃ sākṣādbrahmasvarūpiṇam |
evaṃ dhyātvā tato mantrī samarcya ca maheśvari ||

devadevau ca saṃpūjya mūlamantreṇa pārvati |
pādyamarghyādikaṃ dadyāt kuṅkumaṃ raktacandanam ||

raktapadmāni saṃpūjya dhūpadīpādikaṃ priye |
śivabījena tārādi namontena tataḥ param ||

tadekatāṃ samāpannāṃ bhūvayetnaṃ vicintayet |
darśayodyoni mudrāṃ ca liṅgamudrāṃ tathā hṛdā ||

p. 227) ityevaṃ manasā bhāvyā krīḍārthaṃ ca pradarśayet |
tadā ratistrayoryāvat tāvadagnimathāṅguruḥ ||

pāṇinā sāmbhasā yoniṃ sa mṛjyādastramantrataḥ |
paścāddevasya devyāśca dadyādācamanīyakam ||

vadhnīyāṃ garbharakṣārthaṃ darbhaṃ kaṅkaṇavatkare |
ekīkṛtya tradarbheṇa badhnīyānmūlamantrataḥ ||

sādhitaṃ ca tato vahniṃ bhasmadhūmādivarjitam |
gurupatnyā ca ṛtvigbhyaṃ ādāya ca maheśvari ||

kuṇḍayonau pravinyasya devasyatveti mantrataḥ |
vahnibījajapan mantrī kravyādāśaṃ parityajet ||

astramantreṇa saṃprokṣya dakṣadruṣpādi vīkṣaṇaiḥ |
śoṣadāhapravanāni tatanmantreṇa pārvati ||

akuñcanaṃ tato dīptaṃ bahiḥ piṅgalayā guruḥ |
vyavargasya dvitīyā tu bindunā bhūṣitaṃ ca yat ||

vahnibījamidaṃ proktaṃ trivāraṃ ca samuccaran |
bibhāvya nirgataṃ tatra yojayedāntarā * nam ||

p. 228) spṛṣṭvā darbhadvayenaiva japtvā tāreṇa cāṣṭaśaḥ |
dhenumudrāṃ pradṛśyātha rakṣayedastramantrataḥ ||

avakuṇṭhya tanutreṇa mūlamantreṇa pārvati |
pañcopacārairabhyarcya jānuyugmaṃ * * * ||

kuṇḍordhvaṃ triḥ paribhrāmya mūlamantramanusmaran |
tanmadhye vinyasedagniṃ ātmano'bhimukhaṃ guruḥ ||

saṃprokṣya kāṣṭhaśirasā nikṣipecca maheśvari |
citpi"galaṃ ca manunā jvalayedanalaṃ śanaiḥ ||

vyajanaṃ dhamanīṃ vātha praṇayenmantravittamaḥ |
agniṃ prajvalitaṃ vande manunānena prāñjaliḥ ||

prārthayitvāpyupasthāya gurustanmupasīdatu |
guruvandana pūrvaṃ ca daśa digbandhanaṃ tataḥ ||

tato nyāsaṃ vidhāyātha kṛśāno manubhirnyaset |
jiṃhāṅgamūrtimanubhiḥ hiraṇyādi yathākramam ||

liṅgepāne tathā mūrdhni vadane ca gurūttamaḥ |
nāsikānayanadvandve sarvāṅgeṣu ca vinyaset ||

p. 229) ṛṣyādimaṅgavinyāsaṃ hṛdayādi nyasedguruḥ |
jātavedāḥ saptajihvo havyavāhanasaṃjñakaḥ ||

dhruvāgnaye padādyāścandreṇamontāḥ kramādamūn |
mūrdhāṃsa pārśvakaṭyādi pradakṣiṇavaśādbudhaḥ ||

itthaṃ nyāsaṃ vidhāyātha prāṇāyāmaṃ samācaret |
pañcasaṃkhya samadbhiśca sādhayecca maheśvari ||

tataḥ saṃkalpamuccārya juhuyācca pṛthak pṛthak |
sadyojātādibhirmantraiḥ samidbhiśca yathākramam ||

idhmabandhanarajjūṃśca badhvā caikīkṛtaṃ priye |
dakṣiṇe ca pravinyasya darbhamuṣṭiṃ tathottare ||

pālāśodumbarāśvattha plakṣanyagrodhajodbhavaḥ |
aṣṭādaśa punastisro kuṇḍamānasamucchritāḥ ||

aṣṭottarasahasraṃ vā paristaraṇadarbhakaiḥ |
ṣaḍaṅgulasuvistāraṃ muṣṭidarbhaṃ śataṃ guruḥ ||

rajjudve tatvasaṃcaiśca prokṣaṇī saptadarbhakaiḥ |
praṇītārṇavadarbhaiśca dvādaśairbrahmakūrcakam ||

p. 230) sruksruvau mānunaṃ sapta ājyasaṃskāra ṣaṭkuśaiḥ |
dvedarbhe caruśuddhiḥ syāt pātrāṇāṃ sādhanārthake ||

śatārdhaṃ ca tadardhaṃ vā kuśakuptividhīyate |
svarṇaṃ vā rājataṃ vāpi tāmraṃ vātha śarāvakam ||

pūritaprasthamekaṃ vā tanyūnaṃ ca na kārayet |
sruk sruvau hastamātrau ca śuktimātraprapūritam ||

etatpātrāṇi saṃpādya kālabhinnāni varjayet |
tataḥ parisamūhyāgniṃ juṣṭedāhutimantrataḥ ||

pariṣicya jalenātha astramantreṇa deśikaiḥ |
dikparistaraṇaṃ kuryāt devasyatveti mantrataḥ ||

dakṣiṇānuttarān devi nuttarānadharān guruḥ |
mekhalāpari madhye tu vinyasecca yathākramam ||

pātrāṇāṃ sādhayet paścāt kuṇḍasyottara pārśvage |
bhūtale kuśamāstīrya praṇītāṃ prokṣaṇāṃ tathā ||

ājyapātraṃ carusthālīṃ sruksruvau kuśamuṣṭikam |
idhmapravaścanaṃ devi sādhayeddeśikottamaḥ ||

p. 231) dvandvarūpeṇa hastābhyāṃ mantreṇāsminnadhomukham |
arghyodakena saṃprokṣya darśayedastramudrikām ||

prokṣaṇīmanmukhaṃ kṛtyā sukūrcaṃ vinyasettataḥ |
jalerāpaḥ punantveti pūrayeddhenumudrayā ||

karābhyāṃ tattrirutpūya tajjalaiḥ prokṣya cāstrataḥ |
vidhmaṃ visrasya granthiṃ ca varmaṇā ca maheśvari ||

pātrāṇyetāni tāsukṣya unmukhīkṛtya prokṣayet |
dakṣiṇe padmapīṭhaṃ ca darbhakūrcaṃ nyasettataḥ ||

āvāhya ca dvijaśreṣṭhaṃ bhūpatetvatha mantrataḥ |
arvāvasoḥ samāvāhya gandhapuṣpaiḥ samarcayet ||

tatpurastātpraṇītānāṃ nidhāyādbhiḥ prapūrayet |
brahmabījau mantreṇa siddhamantreṇa pārvati ||

āvāhya varuṇaṃ paścādbrahmāṇaṃ ca samarcayet |
dorbhyāṃ nāsāntamuddhṛtya brahmaṇaścāpyanujñayā ||

dhaneśeśvarayormadhye pūrvapīṭhaṃ kuśopari |
nidhāya darbhamācchādya * * * aṣṭavāraṃ guruḥ ||

p. 232) ghṛtasthālīṃ samādāya prokṣayedastramantrataḥ |
tatra goghṛtamāpūrya netramantreṇa vīkṣayet ||

vāyavyāṃ diśi māsthāpya mekhalasya samīpataḥ |
tanutreṇa ca nīrājyaṃ tadagnau nikṣipedguruḥ ||

punardarbhadvaye mantrī astramantreṇa pārvati |
trivāraṃ darśayitvā tu manunāgnau vinikṣipan ||

ādāya yonau vinyasya aṅgārān saha yojayet |
darbhau prādeśamātreṇa madhye granthiyutena ca ||

śukramasīti mantreṇa vahnimadhye ca nikṣipet |
caruṃ ca śrapayetpaścāt nirvapāmīti mantrataḥ ||

agnaye vo juṣṭaṃ prokṣyāmi agnaye vo juṣṭaṃ nirvapāmiti devatā ca 
pradhānakam |

trivāramiti muccārya darbhau sandarśa gāmayet |
abhighāryottare nyasya jananāgnirna karma ca ||

sruksruvau śodhayetpaścāt dakṣavāmakaradvaye |
agramadhyamamūleṣu kuśayugasya śodhayet ||

p. 233) agnau niṣṭapya saṃmṛjya mūlamantreṇa vai triśaḥ |
evameva srucaṃ śodhya nyasettatraiva tān punaḥ ||

paridhīṃśca gṛhītvātha varmanetrāsumantrakaiḥ |
paścime dakṣiṇe nyasya uttare ca maheśvari ||

tadūrdhvasamiddhanyasya kavacena dvayaṃ guruḥ |
anuyājasamittatra praṇītordhve nyasedguruḥ ||

pāvakaṃ gandhapuṣpādyaiḥ jiṃhvādi paripūjayet |
lokapālādikān pūjya kuṇḍamekhaladevatāḥ ||

brāhmī vajrī tathā caindrī dhanvirākṣī maheśvarī |
śabalā ca tathā vegā kramātkuṇḍāni devatāḥ ||

paridhiṃ paristaraṇaṃ devi brahmāṇaṃ ca yathākramam |
vāṇīṃ lakṣmīṃ pārvatīṃ ca kramādāvāhya pūjayet ||

samidhaṃ ca tato hutvā pariṣecanamārabhet |
aditetyādi mantreṇa paritaśca yathākramam ||

agnaye jātavedāśca arcayeduktamārgataḥ |
grāhyaṃ pañcadaśedhmaṃ tu gandhapuṣpaiḥ samarcayet ||

p. 234) praśnītāyāmimāṃ rajjuṃ nyasedvalayavattataḥ |
samitsamūhamājyena samyagāplāvya deśikaḥ ||

dviśīrṣaṃ caikahṛdayaṃ catuśrotra dvināsikam |
āsyadvayaṃ ca ṣaṇṇetraṃ piṅgalaṃ saptahastakam ||

trimekhalaṃ tripādaṃ ca saptajiṃhvābhirāvṛtam |
catuśṛṅgaṃ vṛṣārūḍhaṃ balādityasamaprabham ||

upavītasamāyuktaṃ jaṭāmakuṭamaṇḍitam |
savyabhāge caturhastaṃ trihastamapasavyake ||

sruksruvau cākṣamālāṃ ca śaktiṃ dakṣiṇahastake |
tomaraṃ vyajanaṃ caiva ghṛtapātraṃ tu vāmake ||

evaṃ dhyātvā tato mantrī brahmaṇo'nujñayā purā |
idhmahomaṃ tataḥ paścāt sruveṇājyaṃ hṛdāṇunā ||

nāḍīsandhau tu vijñeyā vaktrodghāṭanamādarāt |
dakṣanetregnaye svāhetyudaran juhuyāt guruḥ ||

vāmatastvājyamādāya vahne vāmavilopane |
hṛdā juhotu somāya svāheti ca guruḥ priye ||

p. 235) madhyanetra tato vahne gṛhītvā madhyato ghṛtam |
agnīṣomābhyāṃ svāheti sṛvanmantreṇa netrataḥ ||

ghṛtamādāya deveśi dakṣabhāgāddhṛdāṇunā |
vahnivaktre'gnaye sviṣṭakṛte svāheti homayet ||

vahnimantraṃ tato hutvā tāravyāhṛtibhistriśaḥ |
jiṃhvāṅgamūrtimanubhiḥ juhuyācca yathākramam ||

ṛṣi triṣṭubha mantrairṇaissaṃjapya ca guru priye |
ādau mūlena saṃpūjya upacāraiśca deśikaḥ ||

juhuyāt samidhaṃ paścāttanmūlamanuvittamaḥ |
aṣṭāṣṭājyāhutirhutvā krameṇa ca pṛthak pṛthak ||

garbhādhānādikāḥ kuryāt vivāhāntāḥ kriyāḥ kramāt |
garbhādhānaṃ puṃsavanaṃ sīmantaṃ balijātake ||

syānnāmakaraṇaṃ paścādupaniṣkramaṇaṃ tataḥ |
annaprāśanakaṃ caulamupanītaṃ tato guruḥ ||

catvāri vedaprathitā vratāni snānakarma ca |
vivāhāntamiti proktāḥ garbhādhānādi karmaṇām ||

p. 236) paścāt karma karomīti pratyekaṃ samidhaṃ hunet |
ājyena homayedante vahno pūrṇāhutiṃ hunet ||

tataḥ sūtakaśuddhyarthaṃ jātakarmavidhau kṛte |
tatparistaraṇādīni sādhanāni parityajet ||

saṃprokṣya gomayajalaiḥ tatkuṇḍaṃ ca maheśvari |
pūrvavatsādhanaṃ kuryādyathāvadanu deśikaḥ ||

jiṃhvāmantrairmūrtimantraiḥ daśabhedavibheditaiḥ |
mahāgaṇapatermantraiḥ pūrvapūrvāpitairhunet ||

pīṭhapūjyātha tadvahnau devaṃ dhyātvā tato guruḥ |
uddiśya devatārūpaṃ yajetsāvaraṇādikaiḥ ||

saṃmukhīkaraṇārthaṃ ca pañcaviṃśāhutirhunet |
devatāhyatanāmaikyaṃ bhāvayenmūlamantrataḥ ||

ekādaśāhutirnāḍī sandhānāya hunettataḥ |
ekaikamāvṛtīnāṃ ca devatābhyo ghṛtāhutiḥ ||

ityevaṃ ca guruḥ kuryāt vahnerjananakarmaṇi |
na kuryācca huneddhomaṃ taddhomo niṣphalaṃ bhavet ||

p. 237) iti śrīvātulottare umāmaheśvarasaṃvāde kāmyakāṇḍe 
agnijananavidhānaṃ nāma pañcacatvāriḥ paṭalaḥ |



ataḥ paraṃ pravakṣyāmi mūrtipaiḥ sahito guruḥ |
dravyahomādi pūrṇāntaṃ tarpaṇaṃ kumbhapūjanam ||

tattajjapaṃ tatphalaṃ ca krameṇa śṛṇu pārvati |
maṇṭapāntasthakumbheṣu mūrtipāścopaviśya ca ||

āsanādi viśuddhiṃ ca nyāsaṃ kuryānmaheśvari |
kuṇḍaśuddhiṃ prakurvīta sadyojātādi pañcakaiḥ ||

śodhanaṃ kṣālanaṃ caiva śoṣaṇaṃ pālanaṃ tathā |
abhyukṣaṇaṃ ca pañcaite stvanyakuṇḍeṣu saṃsmaraiḥ ||

ācāryakuṇḍādanalaṃ pūrvādi viharettataḥ |
agnimīleti mantreṇa pūrvopasthāya cānalam ||

iṣe tvorjeti mantreṇāgneyāñca nyasettataḥ |
dakṣiṇe ca tvamagneti upatvāgne ca nair-ṛte ||

p. 238) vāruṇe jātavedādi vāyavye vyāhṛtiṃ priye |
agniṃ dūtaṃ cottare ca agnimagnīti caiśake ||

viharedanalaṃ paścāt prāṇāyāmaṃ samācaret |
jiṃhvāṅgamūrtinyāsādi tataḥ saṃkalpapūrvakam ||

hutvā dravyāṇi saṃkhyābhiḥ devatānāmamoccaran |
abādhānādi deveśi gurumūrtidharā pṛthak ||

svasvakuṇḍe ca taissarvairuktavatkārayet kramāt |
caruṃ vinā na kartavyaṃ brūhitā brahmapakvakam ||

paridhiṃ ca maheśāni mūrtipaiśca na kārayet |
bhavādyaṃ mūrtimāvāhya pūjayetpīṭhamantrakaiḥ ||

ekaikaśaśca juhuyuḥ jiṃhvādi manubhistathā |
ṛtvijo deśikādyāśca ṛṣicchandāṃsi mūlataḥ ||

pakvāhutiṃ ca juhuyuḥ pañcabhiścāghṛtāhutim |
dravyāṇāmāhutiṃ paścājjuhuyurdeśikādikāḥ ||

hṛdaye vaṃśaśūnyaṃ ca udare vṛṣṭināśanam |
kaṭau tu sthānanāśaṃ ca jānumuccāṭanaṃ bhavet ||

p. 239) maraṇaṃ bāhumūle tu jiṃhvāyāṃ sarvakāmadam |
tasmādagnerviśeṣeṇa jiṃhvāyāṃ homamācaret ||

hutvā mudrāṃ ca deveśi mṛgī haṃsī ca sūkarī |
mayūrī kukkuṭī caiva homadravyagṛhe priye ||

mudrāhīnastu yo homaḥ sa sarvo niṣphale bhavet |
ājyaṃ samiddhaviścaiva godhūmaṃ sarṣapaṃ śive ||

tilaṃ ca truṭikaṃ lājān saktuṃ kṣīraṃ daśa kramāt |
dvisahasraṃ goghṛtaṃ ca kuḍupaṃ ca maheśvari ||

pālāśī khādirī vātha ṣaḍaṅgulasuvistṛtā |
anādrā vakrahīnā ca śobhitā ca samidbhavet ||

śālyudbhavaistaṇḍulaiśca prasthaṃ pañcaśataṃ bhavet |
haridrāsaṃyutaṃ pakvaṃ kliṣṭadoṣādivarjitam ||

godhūmādi dravyamanyat tadardhaṃ parikīrtitam |
kṣālitaṃ śodhitaṃ pātre pūrayenmūlamantrataḥ ||

uddiśyadevatāmantraṃ praṇavādi yathākramam |
mūlamantraṃ ca juhuyāt gurumūrti dharāḥ pṛthak ||

p. 240) sahasrordhvaṃ pañcaśataṃ cāṣṭāhuti guruṃ priye |
pradhānakuṇḍe juhuyāduddeśyatyāgapūrvakam ||

homayeyurmūrtipāste pṛthak kuṇḍāṣṭake punaḥ |
sahasraṃ triśataṃ devi daśasapta catustathā ||

mūrtipānāṃ pṛthak homoditaṃ pratididinaṃ prati |
pṛthak dravyaṃ lakṣamitaṃ pūrvājyaṃ cāparājyakam ||

uttamaṃ ca huneddhomo uddiśya divasāntakam |
daśa dravyāṇi vā devi hunerlakṣaṃ gurūttamaḥ ||

dravyānte homayedājyaṃ madhyamaṃ ca maheśvari |
sarvadravyaṃ hunerlakṣaṃ adhamaṃ parikīrtitam ||

tato vai vedikāmadhye pañcaviṃśottaraṃ śatam |
padaṃ pūrvoktavat kuryāt padmamālikhya deśikaḥ ||

pañcavarṇakacūrṇaiśca pūrayecca pṛthak pṛthak |
śālitaṇḍulamāpūrya droṇārdhaṃ ca tadardhakam ||

prasthaṃ prasthaṃ ca sarveṣāṃ pradhānādi yathākramam |
svarṇādikumbhaṃ saṃgṛhya pañcaviṃśottaraṃ śataṃ ||

p. 241) droṇavāri dhṛtaṃ kumbhaṃ tadardhaṃ ca tadardhakam |
anyeṣāṃ pūritaṃ prasthaṃ chinnabhinnādi varjitam ||

kṣālitān kalaśān devi astramantreṇa deśikaḥ |
varmaṇā tantunāveṣṭyā dhūpaiḥ saṃdhūpya mūlataḥ ||

sthāpayetkalaśaṃ paścāt kavacena maheśvari |
adhomukhaṃ ca kumbhaṃ ca pūjayecca kalātmakam ||

astramantreṇa saṃprokṣya kumbhamuddhṛtya conmukham |
ṣaṭtriṃśadarbhakūrcaṃ ca pañcaviṃśatikurcakam ||

saptaviṃśati kūrcaṃ ca pañca pañca yathākramam |
darbhakūrcaṃ ca vinyasya payasā pūrayedghaṭam ||

vāriṇābhyaṣṭagandhaṃ ca pañcagavyaṃ kuśodakam |
pañcāmṛtaṃ kaṣāyaṃ ca pūrayennarmalodakam ||

navaratnaṃ pañcaratnaṃ vinyase mātṛkādikān |
daśaniṣkaṃ suvarṇaṃ ca pradhānakalaśe nyaset ||

aṣṭavidyeśakumbheṣu pratimāṃ pañcaniṣkakām |
niṣkeṇa pratimāṃ hemnāṃ bahirāvaraṇe nyaset ||

p. 242) paṇena hemnā pratimāmanyeṣu kalaśeṣu ca |
vinyaset prāṇamantreṇa auṣadhāni vinikṣipet ||

cūtapallavameteṣu vinyase netramantrataḥ |
nālikeraphala nyastvā kavacena maheśvari ||

dukūlavāsasācchādya astramantreṇa pārvati |
vicitrairnavavāsobhiḥ śvetavastrairyathākramam ||

sarvakumbhān samācchādya kūrcaṃ śirasi mantrataḥ |
prāṇāyāmādi vinyāsaṃ pīṭhapūjāṃ samācaret ||

kumbheṣvāvāhya deveśān vidyeśādi yathākramam |
sarvān devān samāvāhya pra * māvaraṇādikān ||

pañcaviṃśottaraśatam āvāhyābhyarcya māntrikaḥ |
kalān saṃpūjya deveśi ṣaṭtriṃśattatvamantrataḥ ||

pañcabrahmamanūn paścādupacāraissamarcayet |
daśa viprāṃśca parito japeyurmūlamantrataḥ ||

sahasraṃ pañcaviṃśatyā ṛṣyādinyāsapūrvakam |
caturastraṃ caturdikṣu gaṇeśaṃ kṣetrapālakam ||

p. 243) durgāmanuṃ ca vāṇīṃ ca prāsādaṃ ca triyambakam |
bhuvaneśīṃ ca vāstuṃ ca rākṣoghnaṃ ca navagrahān ||

śrīrudraṃ pāvamānaṃ ca śrīsūktaṃ viṣṇusūktakam |
bhūsūktaṃ brahmasūktaṃ ca dhṛtasūktamanuṃ tataḥ ||

japet saptaśatiṃ devi paritaśca yathākramam |
caturdvāre caturvedān vadeyurbhūsurottamān ||

tarpayet saumyadigbhāge daśāṃśaṃ ca payombubhiḥ |
daśaviprāṃścopaviśya padmamālikhya maṇḍale ||

śālitaṇḍulamāpūrya tatra pātrāṇi vinyaset |
payasā vāriṇāpūrya gandhapuṣpaṃ ca nikṣipet ||

āvāhya pūjayeddevaṃ tarpayettilataṇḍulaiḥ |
sahasraṃ dviśataṃ sārdhaṃ mantrī mūlāṇunā yutaḥ ||

yāvaddhomāvasānāntaṃ navaṃ kuryānmaheśvari |
homānte sviṣṭakṛddhomo yadasyetyaṇunā guruḥ ||

kṛtvānuyājasamidhaṃ rajjuṃ hutvā tataḥ param |
jayādiṃśca tato hutvā prāyaścittāhutiṃ tataḥ ||

p. 244) tato mahāvyāhṛtibhirekaikāṃ sarpiṣāhutiḥ |
tataḥ pūrṇāhutiṃ devi brahmāṇaṃ ca visṛjya ca ||

hāmaṃ samāpayedante balidānaṃ samācaret |
navapiṇḍān prakurvīta ājyena haviṣā tataḥ ||

gurukuṇḍādikā nyastvā kāṣṭhadīpān prapadya ca |
vedikumbhān yajet paścādācāryo yajamānakaḥ ||

śiṣyamāhūya tatkumbhaṃ pradhānaṃ ca maheśvari |
śirasā dhārayenmantrī vedamaṅgalavisvanaiḥ ||

sarvān kumbhān samādāya mūrtipādi dvijottamaiḥ |
pradakṣiṇavaśānmantrī ghaṭamantaḥ praveśayet ||

liṅgaṃ saṃpūjya mūlena pradhānādi yathākramam |
tasyāḥ sūktena saṃsiñcet mūlamantreṇa pārvati ||

mahāpūjā prakartavyā prāguktena maheśvari |
sarvebhyaśca baliṃ datvā tatsarvaṃ ca samarpayet ||

sahasradviśataṃ sārdhaṃ bhūsurān bhojayet priye |
śālyānnaṃ saghṛtaṃ kṣīrasūpaśākasvādusamanvitam ||

p. 245) bhakṣaṃ pāyasasukṣīraśarkarā madhusaṃyutam |
bhūkteṣu teṣu deveśi tāmbūlaṃ ca pradāpayet ||

mantrāśīrvacanaṃ grāhyaṃ yajamānena bhaktitaḥ |
evameva samuddiṣṭadināntaṃ ca dine dine ||

pūrṇāhutistadante tu kṛtvā cāvabhṛtakriyām |
visujya kaṅkaṇaṃ paścāt śuddhasnānaṃ samācaret ||

yāgagehaṃ praviśyātha gurukuṇḍasamīpataḥ |
bhūsurebhyaścopaviśya yajamāne guruḥ priye ||

gobhūmyādīni dānāni chāgaṃ ca mahiṣaṃ tathā |
khaḍgaṃ ca tilatailaṃ cānaḍvāhaṃ ca dāpayet ||

puṣpaṃ phalaṃ ca tāmbūlaṃ pānīyaṃ śayanādikam |
dadhyodanaṃ yajñasūtraṃ kanyādānaṃ maheśvari ||

vijanaṃ pādukaṃ chatraṃ cāmaraṃ svarṇakumbhakam |
tadante guptadānaṃ ca kṛcchraṃ dadyānmaheśvari ||

bhūsurāṇāṃ deśikādi dakṣiṇāṃ vidhivadbudhaḥ |
pañcaviṃśatiniṣkaṃ ca vijanaṃ vāhanaṃ tathā ||

p. 246) chatraṃ ca cāmaraṃ caiva tantropakaraṇaiḥ saha |
guptadānaṃ ca dāsaṃ ca deśikāya pradāpayet ||

taduktaṃ māntrikāyātha dadyādvibhavavistaram |
saptaṃ ca daśaniṣkaṃ ca paryaṅkaṃ śayyayāvṛtam ||

svayaṃ gṛhya maheśāni ācāryāya pradāpayet |
daśaniṣkaṃ suvastraṃ ca brahmaṇe dāpayet priye ||

saptaniṣkaṃ pādukaṃ ca sadasyāya pradāpayet |
mūrtigānāṃ pañcaniṣkaṃ pṛthak dadyācca kuṇḍalam ||

sārdhaniṣkaṃ dvijātibhyaḥ tarpakebhyaḥ pṛthak pṛthak |
sārdhaniṣkadvayaṃ vedaghoṣakāṇāṃ pradāpayet ||

jāpakānāṃ sārdhaniṣkaṃ mūlamantrasya pārvati |
anyeṣāṃ jāpakādīnāṃ cārāṇāṃ niṣkamucyate ||

pradakṣiṇakṛtāṃ caiva pūjakānāṃ tathaiva ca |
dīnāndhabadhirādīnāṃ yathāśaktyātha dakṣiṇām ||

iti datvā krameṇaiva saṃpūrṇaphalamaśnute |
uktārdhe ca phalārdhaṃ syāduktāṃśe ca phalāṃśakam ||

p. 247) jñātvā dharmamiti prājño svavaṃśasyābhivṛddhaye |
lakṣahomamimaṃ devi yaḥ kuryācca nṛpottamaḥ ||

brahmahatyādi pāpaghnaṃ sarvamṛtyunivāraṇam |
sarvaduḥkhopaśamanaṃ sarvadā maṅgalapradam ||

sarvaśāntikaraṃ jñeyaṃ putrapautrābhivṛddhidam |
tuṣṭipuṣṭipradaṃ devi kīrtidaṃ kānti vṛddhidam ||

āyurvṛddhikaraṃ saukhyaṃ sarvatra vijayaṃ bhavet |
bhūmidānena yatpuṇyaṃ tatphalaṃ bahubhirmakhaiḥ ||

dehānte mama sāyujyaṃ trissaptakulasaṃyutaḥ |
kāmitārthaphalaṃ śīghraṃ satyaṃ satyaṃ mayoditam ||

iti śrīvātulāgame umāmaheśvarasaṃvāde kāmyakāṇḍe 
lakṣahomavidhi karmavidhivivara vidhānaṃ nāma saptacatvāriṃśat 
paṭalaḥ ||



|| svasti ||

yasmin deve bhaveddevi nityakāryabalidvayam |
tadā naimittike mantrī trikālaṃ balimāharet ||

nitye vā vartamāne tu trikālaṃ balikarmaṇi |
tadā naimittikaṃ kuryānnityabalyā sahaiva tu ||

athavānyaprakāreṇa bhave naimittike baliḥ |
prātareva vinirvatya baliṃ nityaṃ maheśvari ||

madhyāhne caiva sāyāhne baliṃ naimittikaṃ haret |
nityamādau vinirvartya baliṃ nāḍīdvayātparam ||

naimittikabalimantrī prakuryādevameva vā |
kāmye balividhau devi viśeṣaḥ kvacidiṣyate ||

madhyāhne vātha sāyāhne kuryāttaddvitaye'pi vā |
nityabalyā sahaivātra pṛthagvā pūrva tadbalim ||

evaṃ nityādike devi balikrama itīritaḥ |
parivārāmarāṇāṃ ca saṃtṛptirnityakarmaṇām ||

paripūrṇaphalāvāptirdevasya ca bhavedyataḥ |
p. 259) sukhaṃ ca sarvajantūnāṃ tasmānnityaṃ caredbalim ||

brahmalokādilokeṣu saṃsthitā ye surādikāḥ |
teṣāṃ prītirbhavedyena bhūpateḥ sarvasampat ||

śivasyātipriyaḥ kuryāttasmānnaimittikaṃ balim |
kartuḥ kāmyaphalāvāptiḥ sarvaśatrunivāraṇam ||

sarvaśāntirbhavedyena tasmātkāmyabaliṃ caret |
pūrvāhve brahmaṇaḥ prītiḥ viṣṇormadhyandine bhavet ||

sāyāhne śaṅkarasyaiva balidānaṃ hi pārvati |
sṛṣṭyādi bhedataḥ kalpya baliḥkālatraye tridhā ||

atrādhidevā vijñeyā brahmaviṣṇuśivastathā |
dvivaraṃ ca trivāraṃ ca caturvāraṃ pṛthak kramāt ||

nitye naimittike kāmye devatābhyo baliṃ haret |

|| svasti ||

ataḥ paraṃ pravakṣyāmi kālabhedena sāmpratam ||

śivādīnāṃ ca devānāṃ krameṇa śṛṇu pārvati |
p. 250) nityādi karmabhedeṣu balidānavinirṇayam ||

balibhugdevatāścāpi balidravyaṃ tathaiva ca |
balimantrāṃśca balyuktavādyāni trividhāni ca ||

indrāditālagānānāṃ nāmānyatra vadāmyaham |
tṛptyarthaṃ sarvadevānāṃ sukhārthaṃ sarvadehinām ||

rājñāṃ vijaya rājya śrīputrāyuṣyādi vṛddhaye |
sarvāriṣṭanivṛttyai ca sarvalokahitāya ca ||

balidānaṃ prakartavyaṃ tasmāddevi prayatnataḥ |
prātaḥkāle ca madhyāhne sāyāhne ca krameṇa vai ||

balidānaṃ prakurvīta nitye naimittike tathā |
kāmye cāpi vidhau mantrī yathāvidhi maheśvari ||

madhyandine ca sāyāhne nityakarmaṇi cāthavā |
baliṃ dadyānmahotpāte mahāsnapanakarmaṇi ||

prāyaścitte gurau caiva pratiṣṭhāyāṃ viśeṣataḥ |
mahotsavādi kāleṣu trikālaṃ balimāharet ||

śaive śāstari caivaṃ syāt balidānavidhikramaḥ |
p. 251) durgāyāṃ gaṇanāthe tu balinnityādi karmasu ||

madhyāhne caiva sāyāhne kuryādvācotsavādiṣu |
kālatraye ca viṣṇau tu ṣaṇmukhe śaṅkarācyute ||

dvikālaṃ vā trikālaṃ vā nityādiṣu baliṃ haret |
evaṃ śivādi devānāṃ nityanaimittikādiṣu ||

balikālavibhedoktā balidevān śṛṇu priye |
nandī caiva mahākālo gaṇeśo dakṣiṇeśvaraḥ ||

śūlapāṇiṃ paraśupāṇiṃ dikpālāḥ sasurādhipāḥ |
tataḥ paraṃ mahānandī vīrabhadro vināyakaḥ ||

brāhmī māheśvarī caiva kaumārī vaiṣṇavī tathā |
vārāhī ca tathendrāṇī cāmuṇḍāssaptamātaraḥ ||

mātaraśca tathā lokā mātarassarvamātaraḥ |
sarvamātṛgaṇā lakṣmīrbhūcarī khecarī tathā ||

śāstā durgā guhaḥ śrīdaścaṇḍanāthastathaiva ca |
tīkṣṇa dauṃṣṭra mṛgāsyau ca gopuradvārapālakau ||

bhṛṅgī caiva mahākālo bhūtanātho mahīdharaḥ |
p. 252) parvateśo guheśaśca kālapāśakapālinau ||

tadantye kṣelapālaśca mahāpīṭhe tu tatparam |
bhūtido durnirīkṣaśca bhīmarūpaṃ sulocanaḥ ||

sumukhaśca subāhuśca kālapāśakapālinau |
adhaḥpiṅgalakeśāśca harasenastadūrdhvataḥ ||

ete balibhujo nitye devāḥ śaive samīritāḥ |
caṇḍaḥ pracaṇḍo garuḍo'nanto vighneśvaraḥ śivaḥ ||

dikpālavīrabhadraikadantau brāhmyādikastathā |
śāstā durgā ca dhanado viṣ.vakseno'tha gopure ||

cakrapāṇiḥ śaṅkhapāṇiḥ śrībhūmiḥ parito bahiḥ |
kumudaḥ kumudākṣaśca puṇḍarīko'tha vāmanaḥ ||

śaṅkukarṇaḥ sarpanetraḥ sumukhaḥsaṃpratiṣṭhitaḥ |
kṣetreśontye cātha balipīṭhe kiṣkandhapūrvakāḥ ||

kiṣkindhaḥ śaṅkaro bhaumo bhīmaśca sukumārakaḥ |
tato bāhulakaścaiva vijayo'nantavikramaḥ ||

p. 253) punaḥ piṅgalakeśākṣo harasenastu madhyataḥ |
dvārādi balipīṭhāntaṃ balidevā ime harau ||

caṇḍikā cāmbiko siṃho dakṣiṇe gaṇapeśvarau |
dikpā vīreśa vighneśamātṛkādyāḥ puroditāḥ ||

śāstā durgā ca dhanado muṇḍinī gopure tataḥ |
hlādinī mohinī dvāri vijayantī tataḥ param ||

kātyāyanī bahiratho kālyādyā bali devatāḥ |
kālī karālī virajā mandarā vindhyavāsinī ||

suprabhā siṃhavaktrā ca daityamardinyataḥ param |
kṣetreśo balipīṭhe tu brahmaghoṣyādi devatāḥ ||

brahmaghoṣī sughoṣī mā yatheṣṭī sukharāgiṇī |
saṃmukhī subhagā dikṣu pramodinyatha cātmani ||

brāhmī madhye caivamuktā durgāyā bali devatāḥ |
vajrapāṇiḥ śaktipāṇiḥ sukumārāhvayastataḥ ||

p. 254) bhadrasenaḥ śikhī bhāsya dakṣiṇāmūrtilokapāḥ |
mātṛśāstrambikāḥskando dhanado dhūrtasenakāḥ ||

agniketuḥ sūryaketuḥ gopuradvāri tadbahiḥ |
devasenāpatiścāgninetro dagdhosidhāryatha ||

pāśahastāṃ hayaḥ ketuhastasaṃjño gadādharaḥ |
tataḥ śūlavilāsinyādīśānyantastathopari ||

viprapriyo'tha kṣetreśo balipīṭhe tataḥ param |
bhūtidādyāstu śaivoktā deva atraiva coditāḥ ||

bali devā iti proktāḥ skandasya paramātmanaḥ |
kṣurikā khaḍgapāṇyantadvārapālau bahistathā ||

vīrabāhurmahāvīro nīlāśmebhāsyaśaṃkarau |
dikpālamātaraḥ śāstā dhanado ghoṣavāṃstathā ||

tīkṣṇaśca tīkṣṇadantaśca gopure parito bahiḥ |
goptā ca piṅgalākṣaśca vīrasenaśca śāmbhavaḥ ||

tridik śūlī dakṣabhīmarūpā kṣetrapa eva ca |
p. 255) vīrabāhurmahāvīro vidyudvāsavilāsinau ||

tīkṣaśca tīkṣṇadantaśca tārākṣaśca bhavodbhavaḥ |
adhaḥ piṅgalakeśākṣaḥ śāstrasenastathopari ||

balipīṭhe tvime śāstra balidevā itīritāḥ |
vajradantagajāsyau ca mahāpāśo vināyakaḥ ||

śivadikpā mātṛśāstṛdurgāskandāṃ hayāstataḥ |
kumbhodaro gopure tu caṇḍavikramasaṃjñakaḥ ||

tato vighnakaro dikṣu vajradanto gajāsyakaḥ |
bhīmaśca mahiṣāsyaśca meghanādastathaiva ca ||

virūpākṣaśca varadaḥ sarvabhakṣaka eva ca |
tadāntyakṣetrapālaśca gajavaktrādikastataḥ ||

gajavaktragaṇeśākhyau tataścaiva vināyakaḥ |
caṇḍavikramako vighnakaraśūrpāyumekhalāḥ ||

śūrpakarṇastato nāgadantī syādrudravaktrajaḥ |
balipīṭhasya dikṣu syuradha urdhve tvime smṛtāḥ ||

p. 256) evaṃ dvārādi saṃproktā vighneśabalidevatāḥ |
nandī caṇḍa jayatsena viṣvaksena vṛṣāstathā ||

garuḍo'nanta vighneśau śiva dikpālamātaraḥ |
śāstā durgā guhaścaiva caṇḍaseno'tha gopure ||

śūlāriṇau bahirdikṣu nandī caiva samantataḥ |
mahākālāṃ hayaḥ paścādbhūtanātho mahīdharaḥ ||

kumudaḥ kumudākṣaśca puṇḍarīko'tha vāmanaḥ |
kṣetrapālastathaiśānyāṃ balipīṭhe tataḥ param ||

āyāntu pāśadāḥ sarve śāṅkarā vaiṣṇavāśca ye |
balipīṭhe'tra santuṣṭā nivasantu yathāsukham ||

onnamo yukpārṣadebhya ityārādhya baliṃ haret |
itaḥ paraṃ ca śarvādi balidravyaṃ śṛṇu priye ||

ghṛtānnaṃ bilvapatraṃ ca jātīkusumameva ca |
śrīgandhaṃ cākṣataṃ vāri dhūpadīpau tathaiva ca ||

balidravyamidaṃ śaive dadhyannaṃ tulasī tathā |
p. 257) kalhārakusumaṃ raktacandanādyaṃ samīritam ||

agaruṃ jambupatraṃ ca mallikākusumaṃ tathā |
kṣīrodanaṃ ca durgāyāmanyatsarvaṃ ca pūrvavat ||

skande gorocanopetaṃ gandhaṃ caiva guḍodanam |
śatapuṣpaṃ ca nirguṇḍī patrañcāpagaṇādhipe ||

kucandanaṃ ca madhvannaṃ punipuṣpaṃ tathaiva ca |
nyagrodhacchandanaṃ vātha mudgānnaṃ śaṅkaracyate ||

karpūrāgaruyuggandhaṃ droṇapuṣpaṃ tathaiva ca |
apāmārgadalaṃ proktaṃ śāstarcyatha nigadyate ||

kṛsarānnaṃ ca karpūramiśracandanameva ca |
nandyāvartasumaṃ bilvapatraṃ cānyat puroktavat ||

deveṣu nikhileṣūktadravyālābhe'thavaiṣu ca |
śuddhodanaṃ vā dravyeṣu yathālabdhāni kevalam ||

gandhapuṣpāṇi patrāṇi bhaveyurbalikarmaṇi |
balidravyamiti proktaṃ balimantrān śṛṇu priye ||

dhyātvādau devamabhyarcya mantrī gandhādi mudrikāḥ |
p. 258) pradṛśya tattaduktaiśca balimantrairbaliṃ haret ||

gandhaṃ kaniṣṭhayā puṣpa aṅguṣṭhāgreṇa deśikaḥ |
dhūpaṃ dadyācca tarjanyā dīpaṃ madhyamayā tathā ||

anāmayānnamityuktā mudrāgandhādikāḥ kramāt |
onnamontaṃ savedādi devanāma jalaṃ tataḥ ||

arcayāmuccareddevaṃ patraṃ puṣpaṃ tathaiva ca |
evamannaṃ vadenmantrī vahnijāyāvasānakam ||

pṛthak pṛthak dvārapādi devānāṃ ca yathākramam |
balimantrā ime nityavidhau sarvāmareṣu ca ||

santi naimittikādye tu balikarmaṇi kenacit |
upasthānānnavaścaiva mālāmantrāḥ sadāṃ tathā ||

manavaḥ pārṣadāṃ caiva mātṝṇāṃ tatra tatra vai |
balidevagaṇādhīśāḥ kecitpārṣadādikāḥ ||

nocyaṃ tatra mayoktatvādutsaveṣu savistaram |
balimantrā iti proktā vādyāni śṛṇu sāmpratam ||

śreṣṭhaṃ dvādaśavādyaṃ syā saptavādyaṃ ca madhyamam |
p. 259) adhamaṃ pañcavādyaṃ syā vādyāni trividheti ca ||

bherīśaṅkhamṛdaṅgāśca paṇavo maddalastathā |
vīṇāveṇuśca tālaṃ ca kahalaṃ nāgavādyakam ||

yallarī kambuvādyaṃ syādevaṃ dvādaśavādyakam |
śaṅkho mṛdaṅgaḥ paṇavo vīṇā tālaṃ tathaiva ca ||

kahalaṃ dundubhiśceti saptavādyaṃ prakīrtitam |
maddalaścaiva tālaṃ ca tathaiva jayaghaṇṭikā ||

śaṅkhaśca kalahaṃceti pañcavādyaṃ prakīrtitam |
indrādi tālanāmāni procyante'tha yathākramam ||

samatālaṃ sureśasya vahnerbandhāpaṇāṃhvayam |
yāmyaṃ syā bhṛṅgitālaṃ tu mallatālaṃ tu nair-ṛtam ||

vāruṇaṃ nava tālaṃ syānnāgatālaṃ tu mārutam |
kauśikākhyaṃ tu saumyaṃ syāddakkarīśānatālakam ||

vṛṣatālaṃ mahokṣasya mātṝṇāṃ śaśitālakam |
skandasyotkalatālaṃ syāddaurgaṃ taṭaprahārakam ||

caṇḍanāthasya viṣamamathagānaṃ samīryate |
p. 260) prācyāṃ tu gānaṃ gāndhāraṃ kolli cāgneyagocare ||

dakṣiṇe kauśikī caiva naṭabhāṣā ca nair-ṛte |
vāruṇaṃ kāmaraṃ gānaṃ karkaśī vāyugocare ||

tattadrāgaṃ cottare tu śālāpāṇī ca gocare |
evaṃ tālāni gānāni nitye balyutsave vidhau ||

nityamūrtiṃ bhrāmayettu yadā naimittikādike |
naimittikyā sahaivaināṃ balimūrtyā gurusstadā ||

asurājena saṃyuktāmantaliṅgena cāthavā |


iti parameśvaratantre aṣṭatriṃśatpaṭalaḥ ||




oṅkāraṃ bhuvaneśvarīṃ kṣitipāraṃ gorocanāḍhyam
vande dvākāraṃ tu virūḍhasaṃpuraṃ padam |

nityotsavāya berāṇi kalpitāni vadhūni cet |
tadardhaṃ kalpayetteṣu yatheṣṭaṃ beramunnatam ||

ekakālaṃ dvikālaṃ vā tricatuḥpañcakālam |
p. 261) ṣaṭ saptavasukālaṃ vā sarvadā cārcayecchivām ||

nityetvevaṃ samādiṣṭasarvābhīṣṭaphalapradā |
prātaḥkāle tu madhyāhne sāyāhne yadi pārvati ||

balikarmaṇi hīne tu prāyaścittaṃ samācaret |
puṇyāhaṃ vācayitvā tu nāndīkarma vidhāya ca ||

aghorāstreṇa vaṅkuryādaṣṭottaraśataṃ tathā |
pañcabrahmaṣaḍaṅgaiśca homaṃ kuryādyathā vidhi ||

snāpayetkalaśairdevaṃ pañcabhirnavabhistu vā |
devaṃ sāvaraṇaṃ pūjyā nivedyaṃ madhuraṃ dadet ||

devatābhyo baliṃ dadyādbrāhmaṇān bhojayettataḥ |
evaṃ prātarvidhi prokto madhyāhne dviguṇaṃ bhavet ||

sāyāhne tatsamaṃ devi prāyaścitavidhikramāt |

iti candrajñāne |

###########   END OF FILE  #######