####################################################
MUKTABODHA INDOLOGICAL RESEARCH INSTITUTE
Use of this material (e-texts) is covered by Creative Commons license BY-NC 4.0
Catalog number: M00083
Uniform title: śivasūtravārttika
Secondary title: śivasūtra
Commentator : bhāskara
Author : vasugupta author śivasūtra
Editor : Chatterji J C

Description: 
E-text transcribed from volume 4 of the Kashmir Series of Texts and Studies.


Notes: 
This e-text was transcribed by the staff of Muktabodha under the supervision of Mark S.G. Dyczkowski.    Revision 0: Nov. 29, 2005    

Publisher : Research Department, Jammu and Kashmir State
Publication year : 1916
Publication city : Srinagar
Publication country : India
####################################################



oṃ tatsat

atha
śivasūtravārtikasūtrapāṭhaḥ |


1 me prakāśe

1	caitanyamātmā 
2	jñānaṃ bandhaḥ
3	yonivargaḥ kalāśarīram
4	jñānadhiṣṭhānaṃ mātṛkā
5	udyamo bhairavaḥ
6	śakticakrasaṃdhāne viśvasaṃhāraḥ
7	jāgratsvapnasuṣuptabhede turyābhogasaṃvit
8	jñānaṃ jāgrat
9	svapno vikalpāḥ
10	aviveko māyāsauṣuptam 
11	tritayabhoktā vīreśaḥ
12	vismayo yogabhūmikāḥ
13	icchāśaktitamā kumārī
14	dṛśyaṃ śarīram 
15	hṛdaye cittasaṃghaṭṭāddṛśyasvāpadarśanam
16	śuddhatattvasaṃdhānādvā
17	svapadaśaktiḥ
18	vitarka ātmajñānam
19	lokānandaḥ samādhisukham
20	śaktisaṃdhāne śarīrotpattiḥ
21	bhūtasaṃdhāna-bhūtapṛthaktva-viśvasaṃghaṭṭāḥ
22	śuddhavidyodayāccakreśatvasiddhiḥ
23	mahāhradānusaṃdhānānmantravīryānubhavaḥ

iti prathamaprakāśasūtrāṇi

2 ye prakāśe

1	cittaṃ mantraḥ
2	prayatnaḥ sādhakaḥ
3	vidyāśarīrasattā mantrarahasyam
4	garbhe cittavikāso viśiṣṭo'vidyāsvapnaḥ
5	vidyāsamutthāne svābhāvike khecarī śivāvasthā
6	gururupāyaḥ
7	mātṛkācakrasaṃbodhaḥ
8	śarīraṃ haviḥ
9	jñānamannam
10	vidyāsaṃhāre tadutthasvapnadarśanam

iti dvitīyaprakāśasūtrāṇi

3 ye prakāśe

1	ātmā cittam
2	jñānaṃ bandhaḥ
3	kalādīnāṃ tattvānāmaviveko māyā
4	śarīre saṃhāraḥ kalānām
5	nāḍīsaṃhāra-bhūtajaya-bhūtakaivalya-bhūtapṛthaktvāni
6	mohāvaraṇātsiddhiḥ
7	mohajayādanantābhogātsahajavidyājayaḥ
8	jāgraddvitīyakaraḥ
9	nartaka ātmā
10	raṅgo'ntarātmā
11	prekṣakāṇīndriyāṇi
12	dhīvaśātsattvasiddhiḥ
13	siddhaḥ svatantrabhāvaḥ
14	yathā tatra tathānyatra
15	visargasvābhāvyādabahiḥ sthitestatsthitiḥ
16	bījāvadhānam
17	āsanasthaḥ sukhaṃ hrade nimajjati
18	svamātrānirmāṇamāpādayati
19	vidyāvināśe janmavināśaḥ
20	kavargādiṣu māheśvaryādyāḥ paśumātaraḥ
21	triṣu caturthaṃ tailavadāsecyam
22	magnaḥ svacitte praviśet
23	madhye'varaprasavaḥ
24	prāṇasamācāre samadarśanam
25	mātrāsvapratyayasaṃdhāne naṣṭasya punarutthānam
26	śivatulyo jāyate
27	śarīravṛttirvratam
28	kathā japaḥ
29	dānamātmajñānam
30	yovipastho jñāhetuśca
31	svaśaktipracayo'sya viśvam
32	sthitilayau
33	tatpravṛttāvapyanirāsaḥ saṃvettṛbhāvāt
34	sukhāsukhayorbahirmananam
35	tadvimuktastu kevalī
36	mohapratisaṃhatastu karmātmā
37	bhedatiraskāre sargāntarakarmatvam
38	karaṇaśaktiḥ svato'nubhavāt
39	tripadādyanuprāṇanam
40	cittasthitivaccharīrakaraṇabāhyeṣu
41	abhilāṣādbahirgatiḥ saṃbāhyasya
42	tadārūḍhapramitestatkṣayājjīvasaṃkṣayaḥ
43	bhūtakañcukī tadā vimukto bhūyaḥ patisamaḥ paraḥ
44	naisargikaḥ prāṇasaṃbandhaḥ
45	nāsikāntarmadhyasaṃyamāt kimatra savyāpasavyasauṣumneṣu
46	bhūyaḥ syātpratimīlanam

iti tṛtīyaprakāśasūtrāṇi ||
samāpto'yaṃ śivasūtravārtikasūtrapāṭhaḥ ||



atha

śivasūtravārtike sūtreṣu pratipāditaviṣayasaṃgrahaḥ
tatrādau prathamaprakāśe


1	jñānakriyātmakatvena ātmanaḥ svarūpapratijñānam
2	ahantā-mamatātmadvaitaprathāhetukasyātmasvarūpāvaraṇasya 
lakṣaṇam
3	aṇorjñānalopakartrīṇāṃ śaktīnāṃ nirūpaṇam
4	dvaitaprathā-tatkartṛśaktisaṃśrayādernirūpaṇam
5	svarūpāvaraṇakṛtproktajñānābhāsanivṛttyai 
svarūpavijñānāya ca hetoranuśāsanam
6	svarūpaparijñāne bāhyāntarato'pi advaitajñaptyaparihāni-
nirūpaṇam
7	jāgradādyavasthāsu tulyatayā svarūpopalabdhidārḍhya-
kathanam
8	sarvabhāveṣu cidātmana eva grahītṛ-grahaṇa-grāhya-tayā 
sphuraṇātmajñānaśaktirūpāyā jāgarāvasthāyā lakṣaṇam
9	paśorāvarakanānāvidhabhāvollekhanātmavikalparūpasvapnā-
vasthāyā lakṣaṇam
10	jñāna-jñeyasvarūpaśaktyanabhivyakteḥ svarūpāpohaka-
māyāśaktyudbhāvitasuṣuptāvasthālakṣaṇam
11	svasvarūpābhiniviṣṭasya proktāvasthātraye samakakṣyatayā 
sattvādiguṇacamatkartṛtvādvīreśvaratvābhidhānam
12	viśvātmanā sphuraccidātmasamīkṣāpariniṣṭhasyānuttara-
bhūmikādhirohātmasiddhyabhivyaktikathanam
13	itthaṃ parabhūmikādhirūḍhasya nirāvaraṇacidrūpa-
samāveśādakhaṇḍitasvātantryāvāptinirūpaṇam
14	asyaiva (yoginaḥ) viśvasmiṃstādātmyasaṃpattyā 
antarbahirvyāpitvakathanam
15	viṣayaviṣayyādyādhārabhūte hṛdi samastavāsanāvilayanāt-
sarvabhāvānāṃ yāthātmyāvabodhanirūpaṇam
16	proktaśivacaitanyalābhāyopāyakathanam
17	śakticaitanyalābhāyopāyakathanam
18	ātmacaitanyādhigamanirūpaṇam
19	bāhyāntarataḥ svaprakāśasphuraṇātmānandātiśayodbhāva-
kasamādhisukhasya nirūpaṇam
20	asyaitādṛśaḥ siddhayogino nirāvaraṇacidrūpasamāveśādya-
theṣṭaśarīrādyudbhāvane'khaṇḍitasvātantryanirūpaṇam
21	asyaiva svātantryasaṃpattyā yatheṣṭakrīḍana-racanādivaibhava-
siddhyabhidhānam
22	mitasiddhyupekṣaṇottaraṃ svātmasāmrājyāvāptinirūpaṇam
23	samastabhāvodbhavahetuśaktimacchaktyātmacitsvarūpa-
parāmarśapariśīlanāt mahāvīryavattvanirūpaṇam

iti prathamaḥ prakāśaḥ || 1 ||


atha dvitīye prakāśe

1	sarvajñatādiguṇaśivātmacittasyaiva mantratvenābhidhānam
2	cittātmamantrasamāveśe upāyakathanam
3	svaprakāśavikāsātmavidyāyā mantrarahasyatvanirūpaṇam
4	manasaḥ prākṛtaguṇalope anuttarapadārūḍhyupāyasya 
tadanyathātve aśuddhavidyodgamādvicitrabhrāntisaṃbhava-
nirūpaṇam
5	svālokātmaśuddhavidyodayāt svātmacidākāśasaṃcāritvā-
vāptinirūpaṇam
6	proktamāntrādivīryādau sadgurvāptyādiśaktipātādhigamāt-
mopāyapradarśanam
7	sadgurvāśrayaṇādiśaktipātātsanmārgābhijñānātmapha-
lānuśāsanam
8	itthaṃ māntratādātmyalakṣaṇe prajvalajjñānāgnau 
punarbhavahetukakārmamalopādānakaśarīrasyāpunarbhavāya 
haviṣṭvakathanam
9	labdhasvātmavaibhavasya yoginaḥ paratṛptyupapādaka-
jñānasyaiva bhojyadravyatayātideśanam
10	aviśiṣṭavidyāsaṃhāre 
tatpūrvāvasthāśrayavikalpotthabhāvānāṃ svaprakāśodaya-
sattayā svapnavatpratyavekṣaṇāt svālokakalanātmanityatṛpta-
tādeśanam

iti dvitīyaḥ prakāśaḥ

atha tṛtīye prakāśe

1	svarūpaprathanādinā vivakṣite vibhūtiprakaraṇe prathamataḥ 
saṃkalpana-mananādidharmasyāṇusaṃbandhicittasyātmatayā-
lakṣaṇam
2	cittasya rāgādiviṣayasaṃśleṣādvikṣiptatayā avāstavajñānasya 
bandhakatvanirūpaṇam
3	tattvānāṃ yāthātmyabodhābhāvarūpāyā māyāyāḥ 
svarūpakathanam
4	tattvasaṃghātopādānakadehasyāṃśānāṃ svakāraṇe 
layabhāvanādārḍhyāt svātmasvarūpāvāptyā 
āṇavopāyaphala-parabodhātmadehādhigamanirūpaṇam
5	pṛthivyādibhūtamayadehasyāpyasya 
tattadbhūtadhāraṇābhyāsapāṭavāttattadbhūta-bhautikasthiti-
saṃcāra-nirmāṇa-saṃyojana-viyojanādau 
svātantryanirūpaṇam
6	proktatattvadhāraṇādipāṭavāt yogino mohakartṛkāvaraṇena 
tattattattvabhogasiddhyabhilaṣaṇasya, tadanyathātve 
prācyaśuddhāvasthāvimarśanena sarvajñyādisiddhyabhyupa-
gamasya ca nirūpaṇam
7	anantatayā vistṛtākhyātyātmamohapraśamanātsuprabuddhasya 
svaprakāśātmaśuddhavidyodayanirūpaṇam
8	itthamadhigatasahajavidyatayā viśvaṃ svadīdhitikalpaṃ 
samīkṣamāṇasya nityaprabuddhāvasthayā pariniṣṭhākathanam
9	viśvasmin yāvattattadbhāvarasāveśādyatheṣṭatayā 
ceṣṭamānasya ātmano jagannāṭyalīlābhibhāvakatva-
nirūpaṇam
10	proktaguṇakātmakartṛkapravṛttisthityādijagannāṭyalīlādhāra-
tayā puryaṣṭakasya raṅgatvābhidhānam
11	asyaiva suprabuddhatayā vaśavartināmindriyāṇāṃ 
jagannāṭyalīlāprekṣakatvena samabhivyāharaṇam
12	śuddhacidrūpādhyavasāyibuddhisadbhāvātsarvotkṛṣṭatānu-
śāsanam
13	uktaguṇasyātmanaḥ svātantryasiddhisaṃpannatvanirūpaṇam
14	adhiṣṭhīyamānadehavat anvāśritaparakīyadehādāvapi 
sārvajñya-svātantryādiguṇāvirbhāvanirūpaṇam [2-1 4] 15 
parakāyapraveśādisvatantrasyāsya svadhāmno 
vibhraṃśānavāptyādinirūpaṇam
16	viśvakāraṇaśāktapade nirantarābhyāsena vidātmavimarśana-
samāhitatvasyaiva svadhāmāpracyutinimittatayādeśanam
17	śāktapadasamāveśādhigamātparasvarūpasugamatāni-
darśanam 
18	uktāvadhāna-praveśātmopāyadvayapariśīlanātsvātantrya-
dhāmavikrāntatvadyotakasyāpūrvavastusaṃpādanasāmarthya-
vattvasya nirūpaṇam
19	uktopāyapariśīlanācchuddhavidyodayasyāpunarjanmātma-
phalānuśāsanam
20	prāptasiddhikasyāpyaṇoravadhānaskhalanāt śabdānuvedhanato 
ghorādisaṃjñakamāheśvaryādimātṛkā śaktīnāṃ 
mohakatvanirūpaṇam
21	uktamātṛbhedeṣu cidrasāśyānabhāvena 
śuddhaśivatattvānusaṃdhānadārḍhyānnityasamāhitatāpari-
śīlananirūpaṇam
22	varṇānupraveśajanyaśuddhaśivatattvānusaṃdhānadārḍhyā-
dhigamopāyanirūpaṇam
23	varṇānāmādyantakoṭyavasthāvimarśaparihānāt madhyakoṭi-
viśrame vicitravikalpanādyāpātāt mohādhigamanirūpaṇam
24	paranādātmaprakāśasamāpattau parāto vaikharyantaṃ 
prasaratpadamantrādīnāmabhedānubhavadārḍhyādanuttara-
sāmarthyādhigamanirūpaṇam |
25	māyāditattvagrāmānusaṃdhānāttattadbhūmisamāveśa-
balādhigamena naṣṭabhāvaśarīrānuprāṇanātmasarvajñatva-
sarvakartṛtvādiparamaiśvaryalābhanirūpaṇam
26	itthaṃ śivasvarūpapariśīlanātiśayāccharīrādisadbhāvepi 
śivasārūpyanirūpaṇam
27	evaṃ dhruvasamādhānavataḥ śarīravyāpārasyāpi 
vratatayātideśanam
28	tathaivaṃ parāhaṃbhāvabhāvanāpadārūḍhasaṃbandhi-
sāmānyasaṃbhāṣaṇasyāpi japatayā nirūpaṇam
29	asyaiva paśuṣu ātmasvarūpajñaptiprakāśanasya dānatayā 
atideśanam
30	uktasaṃsiddhiyogino 
viśvollāsanādisāmarthyavaiśvarūpyabhogānmokṣapradatvā-
dinirūpaṇam |
31	śivatulyatāpatternijānuttaraśaktimayaviśvātmanā 
sphurattānirūpaṇam
32	viśvātmatvādhigamāt kriyāśaktyunmīlitaviśvasya svecchayā 
sthiti-layakartṛtvanirūpaṇam
33	sṛṣṭisthitidhvaṃsakālepi aviluptasvasvarūpatvādeśanam
34	svavimarśāpracyutyā ādhyātmikādinānāvidhasukhaduḥkhā-
virbhāve'pi tadasparśanirūpaṇam |
35	sukhādyasaṃspṛṣṭasyāviluptasvātmavibhavatayā 
kevalacinmātraviśrāntatvakathanam
36	śarīrādyahaṃ bhāvavijṛmbhaṇe sukhādimohābhighātāt 
karmātmasaṃsāripaśutvanirūpaṇam
37	svavyatiriktaṃ kiṃcanāpyaparyālocayataḥ 
svasvarūpapratyāpattyā navanavollekhasaṃniveśacitritāpūrva-
sargakartṛtvasāmarthyāvāaptinirūpaṇam
38	vicitrabhāvollāsanātmasargāntarotpādanasāmarthye 
svānubhavasyaiva hetūpadeśanam 
39	jāgarādyavasthāmukhyabhūtaturyāvasthāyā bhāvānāṃ 
svabalārpaṇe nidānādeśanam
40	cittasya svarūpādapracyuteḥ karaṇagrāmepi svarūpaprathayā 
cidātmatābhivyañjanakathanam
41	adharāvasthāyāṃ darśanaśravaṇādipravṛttīcchorātmano 
buddhikarmendriyeṣu cidvalādhānecchātmābhilāṣeṇa 
saṃbāhyākaraṇacakrasya preraṇāt śabdasparśādiviṣayeṣu 
pravartananirūpaṇam
42	svabalodyogādhiṣṭhānāt rūḍhavijñānasya pāśavābhilāṣa-
hānāt saṃbāhyātmapuryaṣṭakapraśamasaṃbhavādeśanam
43	abhilāṣātmamalaprakṣaye sarvajñatvasarvakartṛtvādibhūmyā-
rūḍhasya bhautikadehasaṃbandhasattayā 
śivatulyatāpraśaṃsanam
44	svaprakāśasaṃvinniṣṭhatvāt puryaṣṭakābhimānapraśamepi 
yāvatkarmopabhogaṃ prākṛtikatayā prāṇatatsaṃbaddhabhūta-
kañcukāvasthiternirūpaṇam
45	śivatulyatāvāptau anuttarasvātmasiddhyabhyasanārthaṃ 
prāṇātmānāhataśabdabrahmopāsanānirdeśaḥ
46	māyāśaktivaśādabhedakhaṇḍanāmupapannasya vibhoḥ 
proktopadeśamārgeṇa kāluṣyaprakṣayātsvātmāvabodhādhi-
game pūrṇaghanānandaśivatābhyupagamānuśāsanam

iti tṛtīyaḥ prakāśaḥ || 3 ||

samāptaśca śivasūtravārtikasūtrāṇāṃ viṣayārtha
saṃgrahaḥ ||





oṃ namaḥ śrīśaṃbhave svātmānandaprakāśavapuṣe |

atha

śivasūtrāṇi |

śrībhaṭṭabhāskarācārya-viracitavārtikopetāni |

tatrāyaṃ prathamaḥ prakāśaḥ





--------------- Page 1 -------------------
 	himagiritanayākāntaṃ śaśadharakalikottaṃsam |
sthitilayajanikartāraṃ praṇamata varadaṃ devam [atisvacchatarāt 
anuttaradhruvapadāt unmiṣitayā svasvātantryaśaktyā kamanīyam, 
viśvasaṃjīvinī amākhyā kalā uttaṃso mukhyamupakaraṇaṃ yasya 
tādṛśam, sṛṣṭyādipañcakṛtyakaraṇaśīlaṃ, devaṃ 
dyotanādisatattvaṃ viśvollāsanādikriḍāparaṃ ca, 
protkṛṣṭasvātmalābhātmavaradaṃ svātmānaṃ samāviśatetyarthaḥ | 
bāhyārthastu spaṣṭaḥ | atra prathamapāde 
śaktimatsvarūpapradhānatayā sāmānyacitsvarūpasya, dvitīye 
śāktasvarūpaprādhānyena sahajavidyodayasya, śiṣṭe 
viśvanāṭyollāsirūpamukhyatayā vibhūtervarṇanāt 
vakṣyamāṇaprakāśatrayopakṣepaṇaṃ kṛtam |] || 1-1||

--------------- Page 2 -------------------
 nityoditanijābhāsasphurattānihnutātmane |

śivāya paripūrṇaikacidrūpavapuṣe namaḥ [sadoditasvaprakā-
śāt anavarataṃ prasaradrūpiṇyā svābhinnocchaladviśadatamanīlā-
disphurattayā āvṛtākṛteḥ śivasya saṃkucitāṇ.vātmaprakaṭī-
karaṇam, vastutaḥ tāvadasthye'pi pūrṇasacciddhanabhāvasyāna-
pahānirityāśayaḥ, anena tṛtīyaprakāśe upakramābhyāsādiṣu 
vakṣyamāṇasārārthasarva-svaṃ sūcyate |
	ādarśapustakaviśeṣe upalakṣyamāṇo gurupāramparyopa-
diṣṭārthastu yathā-svātmaiva śiva iti, tathā copanibatsyate 
'tatrātmanyeva śivatā sarvasyākhaṇḍitaiva hi' iti | atha kathaṃ 
saṃsāriṇaḥ śivatvaṃ ? atrocyate-vimohinīśaktivaśāt 
ayamācchādita iva bhavati, na tvācchāditaḥ paramārthataḥ sadā 
prakāśamānatvāt, tadācchādane sarvavyavahārocchedaḥ syāt tathā ca 
vakṣyate 

'sā cāstyahaṃtedantādi jñānābhāsādināvṛtā |'

iti | kiṃ tarhi tadapasaraṇakāraṇam?-īśvarānugraha eva | tathā ca 

'śaktipātavaśāddevi nīyate sadguruṃ prati'

iti | tatrānugrahe sati svasvarūpaṃ kathitarūpaṃ sphuṭībhaviṣyati | tathā 
tasya caivaṃ-vidhasya svavaśe eva sarvaṃ bhavati | tadvakṣyate 

svasvarūpaṃ śivaḥ sākṣāt |

ityādi |] || 1-2 ||


śrīmanmahādevagirau vasuguptaguroḥ purā |

siddhādeśātprādurāsan śivasūtrāṇi tasya hi || 1-3 ||

sarahasyānyataḥ so'pi prādādbhaṭṭāya sūraye |

śrīkallaṭāya so'pyevaṃ catuḥkhaṇḍāni tānyatha || 1-4 ||

--------------- Page 3 -------------------
 vyākarottrikametebhyaḥ spandasūtraiḥ svakaistataḥ |

tattvārthacintāmaṇyākhyaṭīkayā khaṇḍamantimam (ka:-ṭīkāyāḥ 
khaṇḍamiti) || 1-5 ||

evaṃ rahasyamapyeṣa mātuleyāya cāvadat |

śrīmatpradyumnabhaṭṭāya so'pi svatanayāya ca || 1-6 ||

śrīmatprajñārjunākhyāya prādātso'pyevamāvadat |

śrīmahādevabhaṭṭāya svaśiṣyāyāpyasau punaḥ || 1-7 ||

śrīmacchrīkaṇṭhabhaṭṭāya pradadau svasutāya ca |

tasmāt prāpya karomyeṣa sūtravārtikamādarāt || 1-8 ||

daivākarirbhāskaro'hamantevāsigaṇeritaḥ |

yasmādāgamavibhraṃśādbhānterbhramitabuddhayaḥ || 1-9 ||

sukumārā atastāni sūtrāṇi vivṛṇomi ca |

--------------- Page 4 -------------------
 tatrātmanyeva śivatā sarvasyākhaṇḍitaiva [svātmaiva śivaḥ 
cidātmā na tu vyatirikto vādyantarābhimata iva, śivatā hi sarvasya 
svānubhavasiddhā paripūrṇālaukikakāryakāraṇātmaiśvaryā-
śrayā sarvaviśrāntisthānaṃ yatpratyabhijñāpanāyānukṣaṇaṃ 
vyavahāradaśāyāṃ bhāvasarjanādikṛtyasvātantryamupalakṣaṇaṃ 
cidaṇuṣu sahṛdayaikāvagamyamasti | saiva svecchāvirbhāvitamāyā-
pramātṛtāvaśāt idantājñānasaṃpāditāvṛtiriva pudgalairupa-
labdhuṃ na pāryate, atastadvijñānāyānugrāhyajanānujighṛkṣoḥ 
śrīśivāt sūtrāṇāmavatāraḥ |] hi || 1-10 ||

sadāstyahantedantādijñānābhāsādināvṛtā |

tasyāvṛtivināśāya svarūpajñaptaye śivaḥ || 1-11 ||

sakramajñānapūrvāṇi (k: saṃkrāme jñāneti-) sūtrāṇyāha 
kṛpākulaḥ [tīvrataraśaktipātinaḥ śāṃbhavajñānena, 
tīvramadhyaśaktyanu-gṛhītāḥ śāktajñānena, mandaśaktipātavanta 
āṇavajñānena ūrdhvordhvatarādisopānādhirohaṇakrameṇa 
sarvordhvapadavīmā-sādayanti ityato'dhikārijanāpekṣayā 
sūtrāṇāṃ sakramamupanyāsaḥ |] |

svasvarūpaṃ śivaḥ sākṣāttasyonmeṣanimeṣataḥ [unmeṣo nāma 
śaktiprasaraḥ , nimeṣo nāma tatsaṃkocaḥ, tannibandhinyāveva 
viśuddhasaṃvinmātrarūpasya jagataḥ cidicchādikalācakrasya 
tannimittasya śivāditattvapañcakasya vā khecaryādiśaktiprasaraṇasya 
vā sṛṣṭisthitī |] || 1-12 ||

--------------- Page 5 -------------------
 śaktiprasarasaṃkocanibaddhāvudayavyayau |

jagato jñānadehasya kalācakrasya codbhavaḥ || 1-13 ||

tatsvarūpasyopanyāse (k: tatsvarūpa-upanyāsa) bahvyo 
vipratipattayaḥ [malapratibandhatāratamyāt vādināṃ vimatayaḥ santi | 
tatra laukikāḥ caitanyaviśiṣṭaṃ śarīraṃ, naiyāyikā 
jñānādiguṇinaṃ buddhitattvaprāyaṃ, mīmāṃsakāḥ puryaṣṭakaṃ, 
saugatā jñānasaṃtānaṃ, kecit śrutividaḥ 
śūnyamabhāvabrahmātmakaṃ, mādhyamikā apyevaṃ, 
pāñcārātrā avyaktaṃ, sāṃkhyā vijñānakalāvasthāṃ, kecit 
vedavida īśvaratattvaṃ, vaiyākaraṇāḥ sadāśivatattvaṃ, 
viśvottīrṇatanmayatādisvabhāvaṃ trikādidarśina ātmānaṃ 
partipadyante | sarve amīpāramārthikasvātantryavañcitā māyayā 
bhedabhūmimāpannāḥ |] |

saṃsthitāstadvyudāsārthaṃ śivaḥ sūtramarīracat (kh: śivasūtramiti-
; g: śivasūtrāṇyarīracat) || 1-14 ||


caitanyamātmā || 1-1 ||


cautanyamātmano rūpaṃ siddhaṃ jñānakriyātmakam |

tasyānāvṛtarūpatvācchivatvaṃ kena vāryate || 1-15 ||


tadāvṛterupanyāsasūtramāha (k: tadāvṛta upanyāseti-) maheśvaraḥ |


jñānaṃ bandhaḥ || 1-2 ||


--------------- Page 6 -------------------
 ahaṃ mamedamiti yajjñānaṃ bhedaprathātmakam (g:-
jñānabhediti-) || 1-16 ||

śavdānuvedhato jātaṃ māyīyamalamūlakam (kh: 
māyīyamalapūrvakam) [parameśarvasyaiva nityavibhusvarūpasya 
durghaṭanāsaṃpādayitryā svamāyāśaktyā 
viśvātmanāṭyodbhāsanāya naṭasyevākalpena svātmaiśvaryamapahna 
ya saṃkocagrahaṇenāṇ.vātmabhūmikā-madhyāsīnasya 
prakāśānvayavyatirekānuvidhāyitayā sattvāsasattvavikalpopahatatvāt 
svātmā vyatirekiṣu bhāveṣu ahaṃ mamedamiti-
kḷptaśavdasaṃbandhitayā bhinnabhinnaprathātmakaṃ yajjñānaṃ 
tadeva nijaiśvaryāvaraṇalakṣaṇāṇavamalaṃ bandhātmakaṃ 
māyīyaṃ malamuktamityarthaḥ |] |

tadvandhanaṃ samākhyātamavidyāvṛtilakṣaṇam || 1-17 ||

śavdānuvedhane tvasminkāraṇaṃ (k: śavdāvidyābhidhe 
tvasminkāraṇe) kimato'vadat |

sūtraṃ paśormohikānāṃ (g: mohakīnāmiti) kalānāṃ pratipādakam 
|| 1-18 ||


yonivargaḥ kalāśarīram || 1-3 ||


yonayaḥ śaktayo jñeyāścatasraḥ sarvakāraṇam |

--------------- Page 7 -------------------
 ambā jyeṣṭhābhidhā raudrī vāmā ca śivamūrtayaḥ || 1-19 ||

tāsāṃ vargaḥ samūhaḥ syāttaccharīraṃ kalāsu ca |

akārādikṣaparyantā kalāstāḥ śavdakāraṇam || 1-20 ||

mātaraḥ śaktayo devyo raśmayaśca kalāḥ smṛtāḥ |

etāḥ śabdānuvedhena pratyayodbhāsikāḥ paśoḥ || 1-21 ||

tenāsau bhogyatāṃ yāti tāsāṃ, svavibhavaṃ yataḥ |

tasya luptaṃ tadutthena jñānābhāsena sarvadā [sarvaśaktikāraṇāt 
śakticatuṣkādeva ādikṣāntakalācakrodayaḥ, tadeva kalācakraṃ 
sthūlaṃ varṇātmakaṃ padavākyasaṃghaṭanayā aśeṣavicitra-
laukikālaukikaśabdarūpeṇa pariṇataṃ paśūnāṃ pratyayajanayitṛ, 
yena viluptavibhavāste tadbhogyabhāvaṃ yānti iti yonaya ityārabhya 
kārikācatuṣṭayābhiprāyaḥ |] || 1-22 ||

jñānābhāsasya tāsāṃ (kh: jñānābhāsaḥ sa tāsāmiti) ca 
kimādhāro hyato'vadat |


jñānādhiṣṭhānaṃ mātṛkā || 1-4 ||


jñānasyaiva dvirūpasya parāparavibhedataḥ || 1-23 ||

--------------- Page 8 -------------------
 syādadhiṣṭhānamādhāraḥ śaktirekaiva mātṛkā [abhedābhāsa-
bhedaprathanabhāvena dvividhajñānasya parāpara-rūpatā, 
ubhayavidhasyāsya viśvajananī śaktirevādhiṣṭhātrī, tatra parajñāne 
aghorākhyā śaktiḥ antarbahiḥ svātmamayatābhāsayi-tṛtvāt | 
aparasmin abhedānusaṃdhānavaikal-yāt bāhyaunmukhyasaṃpādinī 
ghorākhyā śaktiḥ śivatācchāda-yitrotyarthaḥ |] || 1-4 ||

itthamāvṛtirūpaṃ yajjñānaṃ tadvinivṛttaye || 1-24 ||

vyaktaye svasvarūpasya sūtramīśo'bhyabhāṣata |


udyamo bhairavaḥ || 1-5 ||


paripūrṇasvarūpasya śivasyetthaṃ cidātmanaḥ || 1-25 ||

svasvarūpāparityāgaṃ kāryaṃ pratyudbubhūṣataḥ (kh: 
pratibubhūṣatā) |

bhāva udyoga unmeṣa udyamaḥ paribhāṣyate || 1-26 ||

tadeva jagadākhyātaṃ śārvaṃ tattvaṃ ca bhairavam (g: bhauvanam) |

tatrāpi svaparispandasphurattāyāṃ sa bhairavaḥ || 1-27 ||

--------------- Page 9 -------------------
 bharaṇādramaṇādatra vamanādapi cocyate |

akhaṇḍitanijābhāsaprathanādapi cidvibhoḥ [atra śāṃbhavopāyau-
cityavaśāt tīvrataraparaśaktipātapūtasvāntānāṃ siddhādidarśana-
carvādyabhyavahārādinānugrāhyāṇāṃ janānāṃ japadhyānā-
dyanuṣṭhānayantraṇānirapekṣaṃ bharaṇaravaṇavamanātmaka-
paramabhairavāveśaśālinām avirataprasarajjñānakriyātmaśāktā-
mṛtaraniḥṣyandacarvaṇāt punarapi navanavāmṛtarasāsvādaśālinī 
svarūpāveśapratyāpattiḥ saṃjāyate | evamudyatānāṃ 
svabhāvonmeṣe saṃvitprakāśāvaraṇābhāvaḥ siddha eva |] || 1-28 ||
 										 || 1-5 ||

evamudyaminaścāsya cidvapurbhairavātmanaḥ |

unmeṣe'pi svasvarūpaprakāśo na prahīyate (k: pratīyate; kh: pralīyate) || 
29 ||

ityuktvāpi nimeṣasya yathā na parihīyate |

svasthitistatprasiddhyarthaṃ sūtramāha maheśvaraḥ || 1-30 ||


śakticakrasaṃdhāne viśvasaṃhāraḥ || 1-6 ||




--------------- Page 10 -------------------
 śaktayaśca jagatkṛtsnaṃ tāśca jñānakriyātmikāḥ |

vṛttayaḥ pūrvanirdiṣṭāstaccakraṃ cakanādataḥ (kh: cakraṃ 
caśanāditi) || 1-31 ||

tatsaṃdhānaṃ svīkaraṇaṃ svātmanyeva nimeṣataḥ |

saṃhāraḥ pravilīnatvaṃ śivatvaṃ tena tasya tat || 1-32 ||

evaṃ śavdārtharūpāderjñānasyonmeṣasaṃbhṛtau |

kāraṇaṃ paramātmaiva bhairavaḥ sa śivastadā [jñānakriyāśakti-
mayasya jagataḥ prākāśavimarśātmānuttararūpāt apṛthaktayā 
parāmarśane paramasaṃvinmayaśivāgnisādbhāvātmā pravilayo 
bhavati, evaṃ kāraṇe kāryasyāvibhinnabhāvena sthitasya 
nimeṣāvasthāyāmapi svasthitirnāvriyate iti bhāvaḥ |] || 1-33 ||

	
svasvarūpaparispandādacyutasya cidātmanaḥ |

jāgradādivibhedo'yaṃ syādanāvarako (g: syādavāvāraka) yathā || 34 
||

tadarthamiha deveśaḥ sūtramāha yathārthavat |


jāgratsvapnasuṣuptabhede turyābhoga saṃvit 
(śivasūtravimarśinyāṃ hi mūlasūtrapāṭhaḥ 
'turthābhogasaṃbhavaḥ') || 1-7 || 

--------------- Page 11 -------------------
 svasvarūpaikaghanatāvimarśasturyabhūḥ smṛtā || 1-35 ||

sarvānusyūtarūpatvād galitabhramasaṃsthiteḥ |

turyābhogākhyasaṃvitsā hyupalabdhṛsvarūpatā || 1-36 ||

sthitaiva jāgradādīnāṃ bhede sarpatyapi sphuṭam (k: bhede satyapi ca 
sphuṭe) [smṛtyādyavasthāḥ svapnena madamūrchādyavasthāḥ 
suṣuptena gṛhyante, ato'tra tisṛṇāmavasthānāmavasthāntarā-
kṣepiṇīnāṃ nirdeśāt na pṛthak tannirdeśāpekṣaṇam | evameṣāṃ 
trayāṇāṃ vijṛmbhamāṇe vibhinnavyāprāre vyutthitasya yoginaḥ 
svarūpaikaghanavimarśanāt etadavasthātrayakṛtapāramārthikavastu-
samāvṛtirnāsti; tasmāt samādhyanuṣṭhānaprayāso'syānupayuktaḥ 
paripūrṇasvarūpe'vadhānasya vidhānānaucityāt, apūrṇe tu 
pārimityāspadāvadhānasya pūrṇatāprāyakatāvirodhāt-
ityayamāśayaḥ svasvarūpeti kārikādvayasya |] || 1-7 ||

evamuktvā jāgradādivyaktaye parameśvaraḥ || 1-37 ||

sūtratrayamanvavadajjīvanmuktatvasiddhaye (kh:-paryavadad-) |

jñānaṃ jāgrat || 1-8 ||

--------------- Page 12 -------------------
 bauddhaṃ gārvaṃ ca sākalpaṃ (kh: bauddhaṃ 
saugatasāṃkalpam) śābdaṃ spārśaṃ ca rūpajam || 1-38 ||

rasajaṃ gandhajaṃ cānyadaindriyajñānameva yat |

atra gṛhītṛgrahaṇagrāhyarūpā cidātmanaḥ || 1-39 ||

sphuratyeva jñānaśaktirjāgradvṛttirihaiva sā |

paśoḥ svarūpahānyaiva sā vṛttiḥ paribhāṣyate [ niścayanābhimānana 
- saṃkalpana-śabdana-spaśana-darśana -rasanagandho-
pādānātmakaṃ bāhyendriyavṛttijaṃ jñānaṃ, 
draṣṭrādyupādhyupahitā jāgradvṛttiḥ paśūnāṃ 
svātmavyavadhāyinī, patīnāṃ tu svarūpasphūrtidāyinītyarthaḥ |] || 40 
||


svapno vikalpāḥ || 1-9 ||


dṛṣṭisvabhāvasya vibhorantarnavanavodayaḥ |

vikalpānāṃ smṛtaḥ svapnastadbāhyārthanirāsataḥ (k: 
bāhyārthanirāsanam) [bāhyārthābhāve tadvattyupaśāntau 
bāhyārthanirapekṣamantarvi-sṛtvarāṇāṃ 
puragirivanopavanādyullekhavaicitryeṇābhāsamānā-nāṃ 
svārthakriyākāriṇāṃ vikalpānāṃ navanavāvirbhāvaḥ svapnaḥ 
paśoḥ svarūpāmāvṛṇotītyarthaḥ |] || 1-41 ||

patibhāvādvikalpānāṃ dṛḍhatādṛḍhatā punaḥ |

--------------- Page 13 -------------------
 paśutvādāvṛtiḥ saiva jñeyā śaktyātmanaḥ prabhoḥ || 1-42 ||


aviveko māyāsauṣuptam || 1-10 ||


jñānajñeyasvarūpāyāḥ śakteranudayo yadā |

cidrūpasyāvivekaḥ syādasāvevāvimarśataḥ || 1-43 ||

saiva māyāvṛtijālapoṣakatvātprakīrtitā |

arthasmṛtī svātmasaṃsthe cidrūpe sā suṣuptatā || 1-44 ||

patyurevaṃ svaviśrāntyā paśorāvṛtirūpataḥ |

itthaṃ tisrastriprakārāḥ pratyekānyonyayogataḥ || 1-45 ||

mukhyagauṇatvabhedena jñeyāḥ samyak cidātmanaḥ |

evaṃ jñānajñeyamayaḥ patiratra padadvaye || 1-46 ||

suṣuptaturye tvanyasmiṃścinmayaśca vibhuḥ smṛtaḥ [ubhayatra 
vedyavedanātmatayā vilasantyāḥ śakteḥ viratyā kiraṇasaṃhṛtyā 
raveriva cidrūpasyātmano'navabhāsanaṃ sā āvaraṇajālamayī 
māyātmikā suṣuptiḥ, yatrārthatatsmṛtī avyavahitasvātmamātra-
saṃsthe, na tu tasyāpyasattā tadvyutthitasya sukhasvāpākiṃciñjñā-
nayoḥ smṛtyanupapatteḥ | evamāsu tisṛṣu daśāsu patipaśvoḥ 
svarūpāvabhāsānavabhāsanaṃ svabhāvasiddham iti 
jñānetyādipadyajātasyābhiprāyaḥ |] |

--------------- Page 14 -------------------
 athāsāmeva tisṝṇāmavasthānāṃ guṇatrayam || 1-47 ||

sthitamevānuṣaṅgeṇa tadarthaṃ sūtramuktavān |


tritayabhoktā vīreśaḥ || 1-11 ||


sattvaṃ rajastamaśceti tritayaṃ guṇasaṃjñitam || 1-48 ||

avasthānuguṇaṃ taddhi svasvarūpādudetyalam |

ācchādakaṃ (k: ādhāragam; g: āvārakam) paśūnāṃ tatsvasthitestu 
vibhoḥ punaḥ || 1-49 ||

sarvānusyūtarūpatvātsvarūpācchādanaṃ na tat |

itthamevaṃ guṇaspandaniḥṣyandānāṃ ca cidvapuḥ || 1-50 ||

bhoktā svīkaraṇātproktaḥ prasarasya vibhutvataḥ |

ata eva hi vīreśaḥ svaprakāśaikavṛttitaḥ [guṇasāmyāvasthātma-
prakṛtitattvotpannānāṃ sattvādīnāṃ guṇānāmekaikaprādhānyāt 
trividhasya jāgradādidaśātrayasya prakāśa-pravṛtti-moha-mayasya 
svavaibhavaprasaraṇātmatayā camatkartṛtvādvīreśaḥ procyate ityarthaḥ 
|] || 1-51 ||

evaṃ marīcinicayo guṇatrayasamudbhavaḥ |

vaikalpike jagatyasminvamanagrāsatatparaḥ || 1-52 ||

tatrāpi grāsakṛdyasmāttena vīreśvaraḥ smṛtaḥ |

--------------- Page 15 -------------------
 evaṃ svasya svabhāvasya vyutthāne'pi yathā sthitiḥ || 1-53 ||

svakā na pracyavatyasya tadarthaṃ sūtramādiśat |


vismayo yogabhūmikāḥ || 1-12 ||


evaṃ sarvasya sargādeḥ kāraṇaṃ cidvapuḥ prabhuḥ || 1-54 ||

tadadhiṣṭhitamevedaṃ jagatsamavalokayan |

vismayāviṣṭa iva yastiṣṭhati pratibhānavān || 1-55 ||

tasya bindvādibhāvaughasaṃvandhādvismayodayaḥ |

samādhivyaktayastāḥ syuryā etā yogabhūmayaḥ [vedyavastujātā-
mṛtarasasāracarvaṇe cidghanasvātmāveśasadbhāvāt 
vikasitākṛtrimakaraṇaiḥ svātmavibhūtiṃ nityoditavikasitāṃ 
paśyato'sya yogino'pūrvālaukikavismāpakavastudarśanāt yā 
āścaryāyamāṇatā bindvādisthānāvadhānapariśīlanādivarjaṃ 
saṃjāyate sā paratattvabhūmikādhirūḍhijñāpikā, 
bindvādibhāvaughasaṃbandhāditi lyablope apādānavibhaktiḥ |] || 1-56 || 
12 ||

evamasyāpratihatā sarvecchā ca vijṛmbhate |

tadarthaṃ bhagavānsūtramabhyabhāṣata śaṃkaraḥ || 1-57 ||


icchāśaktitamā ('icchā śaktirumā') kumārī || 1-13 ||

--------------- Page 16 -------------------
 sarvātiśāyinī śaktiricchaiva paramātmanaḥ |

sarvadṛkkartṛtāyogātkutsāvatsṛtimāriṇī || 1-58 ||

nirāvaraṇacidrūpasamāveśādbhavatyataḥ |

tadeva kāraṇaṃ tasya sarvatrākhaṇḍitaṃ vibhoḥ [nikhilaśakti-
garbhiṇyā icchāśakteryogādevāsya sarvatra dṛśyamaye jagati 
apratihataṃ svātantryaṃ samasti, yadyathecchati tathā prathate | yena 
viśvamanāśritādi pṛthvyantaṃ svāṅgakalpaṃ 
nirāvaraṇacidghanarūpaṃ prasphūret ityarthaḥ |] || 1-59 ||

evaṃ sarvātmakasyāsya kimekaṃ dehidehavat |

śarīramuta vā sarvamatrovāca sureśvaraḥ || 1-60 ||


dṛśyaṃ śarīram || 1-14 ||


sarvabhāvodbhavasyāsya [sarvavedyākāraḥ paramaśiva eva sphaṭika iva 
svapratiphalitānāṃ svādhiṣṭhānānāṃ kvacit 
saṃkucitabhūmikāyāmapi bahirantaḥ satāṃ bhāvānāṃ vyāpitvāt 
tatprakāśasattāpradāna-tatsthityanyathānupapattisad-bhāvena 
jīvitadeśīya iti sūtrāśayaḥ |] sarvabījātmanaḥ prabhoḥ |

--------------- Page 17 -------------------
 cidrūpasya vyāpakatvānnaikaṃ tasya śarīrakam || 1-61 ||

tanna bāhyārtha (k: tena bāhyārtha) evāsya yo yo dṛśyo vikalpajaḥ |

sa sa deho vyāpakatvātsarvabhāvodbhavatvataḥ || 1-62 ||

svavargacitsvarūpeṇa tādātmyātsarvadehabhṛt |

śarīravyatirekeṇa darpaṇapratibimbavat || 1-63 ||

dṛśyaṃ yasya vyāpakatvātsa mokṣaśrīniketanam |

uktvaivaṃ jñānasadbhāvastadyogaśca (k, g: uktveti jñānasadbhāvaṃ 
tadyoga) kathaṃ bhavet || 1-64 ||

svahṛnmandiragasyāsya (k: suhṛnmandiragamyasye) tadarthaṃ sūtramāha 
ca |


hṛdaye cittasaṃghaṭṭāddṛśyasvāpadarśanam || 1-15 ||


ādhārabhūte [sarvendriyanāḍisaṃtatīnāmadhiṣṭhānabhūte hṛdi 
aihikāmuṣmikebhyo bāhyārthebhyo virajyoparatasya 
cittasyābhyāsādināvadhānāt dṛśyānarthavilayaḥ | yadvā 
śuddhāśuddhādhvanorūrdhvādhastanayoravadhikalpatayā sthitaṃ 
sauṣuptaṃ vyoma hṛdayamucyate, tatra vṛttivilayanāt auṣṇyābhāve 
vahneriva manaso'pi layaḥ | tasmin nirmanaske atejastamomaye (yatra 
dehādyahantābhāvāt tadapekṣibrahmakṣatraśabdopalakṣyamāṇa-yoḥ 
vedādhyayanavyavahāravyavasthāpanakarmaṇorānuṣaṅgikī nivṛttiḥ ) 
turīyākāśe avyavahitasvasvabhāvasyopalabdhiḥ, 
janmamaraṇādisaṃsārānarthamūlājñānanivṛttiśca | 
aprabuddhamatestu tatra svāpānubhava iti ādhārabhūte ityādīnāṃ 
sūtrārthajñāpakakārikāpadyānāṃ saṃgrahāśayaḥ |] hṛdaye 
cetasaḥ sthityupagrahaḥ || 1-65 ||

--------------- Page 18 -------------------
 saṃghaṭṭa iṣyate tena syāddṛśyasvāpadarśanam |

sauṣuptaṃ vyoma (k: sauṣumṇaṃ vyometi; g: sauṣuptyamiti) hṛdayaṃ 
madhyasthatvātprabhāṣyate || 1-66 ||

atrātmanaḥ samādhānaṃ yatsaṃghaṭṭaḥ sa cetasaḥ |

tadutthavṛttijālasya svātmanyaikyādudīritaḥ || 1-67 ||

śarīrāpekṣayā tasmin vyomni līno yadā tadā |

brahmakṣatravadhastasya sthita evānuṣaṅgataḥ || 1-68 ||

dṛśyaṃ syādupalabhyaṃ yannirāvaraṇalakṣaṇam |

svasvarūpaṃ prabuddhaṃ tattatprāptirdarśanaṃ smṛtam || 1-69 ||

svāpakārasya mohasya hānāvatra ca darśanam |

divyamudrāsamāveśātprabuddhaḥ sarvadā vibhuḥ || 1-70 ||

aprabuddhamatestasya syātsvāpasyaiva darśanam |

somapānātprabuddhasya svapnasvātantryameva tat || 1-71 ||

--------------- Page 19 -------------------
 tamovaraṇanirbhedaḥ so'yaṃ ca pratibhodayaḥ |

antarbahirvicāryaiva svarūpaṃ tadvivarjanāt || 1-72 ||

akhaṇḍamaṇḍalākāraṃ paripūrṇaṃ karasthitam |

tadarthaṃ śivaśaktyātmabhede sthitiryathā sthitā || 1-73 ||

svālokaśca (k: svo lokaśca) na hīyeta prāha sūtratrayaṃ vibhuḥ |


śuddhatattvasaṃdhānādvā (vimarśinyāṃ tu 
mūlaśivasūtreṣu 'śuddhatattvasaṃdhānādvā'paśuśaktiḥ' 
ityekasūtrātmā bhedaviśiṣṭaśca pāṭho'sti | asmingranthe 
śuddhatattvasaṃdhānādvā iti, 'svapadaśaktiḥ' iti ca 
vibhaktasūtradvayyātmā pāṭhaḥ etadgranthakṛtā saṃvyākhyāto'sti |) 
[atra viśrāmabhūmisaṃjñakasya parānadātmaśivacaitanyasya 
nirūpaṇapūrvakamupāyakathanam |] || 1-16 ||

śuddhaṃ nirupadhi jyotīrūpaṃ tattvaṃ śivābhidham || 1-74 ||

tatsaṃdhānaṃ tadātmatvavimarśastena vā bhavet |

tamovaraṇanirbhedaḥ paripūrṇaikarūpataḥ || 1-75 ||

bāhyāhaṃbhāvasaṃtyāgādakhaṇḍitanijasthitiḥ (k:-nijasthiteḥ) |


iti śivacaitanyanirūpaṇam ||

--------------- Page 20 -------------------
 	
svapadaśaktiḥ [asmin 
parānandātmalābhabhūmisaṃjñakaśāktacaitanyanirdeśaḥ 
saṃvyākhyāto'sti |] || 1-17 ||


svapadaṃ satpadaṃ jñeyaṃ (g: 'satpadaśaktisthitiḥ') śivākhyaṃ 
yadudīritam || 1-76 ||

tadvīryaṃ dṛkkriyārūpaṃ yatsā śaktiḥ prakīrtitā |

tasyāḥ kartraṃśasaṃveśo līnatā syātsthitiśca sā || 1-77 ||

tadeva pratibhālokaḥ syātprakāśaikamantharaḥ |

iti śakticaitanyanirūpaṇam ||

vitarka ātmajñānam [anena 
prollāsabhūmisaṃjñakātmacaitanyadhvananapuraḥsaram svālokasya 
pāptyupāyo nirūpyate |] || 1-18 ||

upādhyupādhisaṃbhede vivekaḥ pratyavekṣaṇam || 1-78 ||

sa vitarkaḥ svasvabhāvavimarśaikaghanātmanaḥ |

ātmanaḥ śivarūpasya pratyabhijñāprasādhane || 1-79 ||

--------------- Page 21 -------------------
 paraṃ tatsādhanaṃ jñeyaṃ tasminsatyātmavedanam |

tasmādvā pratibhonmeṣaḥ syācchuddhasyātmanaḥ paraḥ || 1-80 ||


iti ātmacaitanyanirūpaṇam ||


nirānanda-parānanda-mahānandasvarūpakam |

śivaśaktyātmacaitanyatrayametannirūpitam || 1-81 ||

viśrāmalābhaprollāsabhūmisaṃjñaṃ trayeṇa ca |

sūtrāṇāṃ ...................		|| 1-16-1-18 ||


............punarapyāha yathāsya pratibhodaye || 1-82 ||

svarūpalābhasaukhyaikyaprakāśaikyaṃ kacatyalam |


lokānandaḥ samādhisukham [sphuritasvātmasphūrteryoginaḥ 
svarūpalabdhisukhaṃ, viśvatra bhāveṣu prākaśaikyakacanaṃ ca 
proktopāyasevanāt jhaṭiti prasphuratītyāśayaḥ |] || 1-19 ||


citprakāśaḥ paraḥ śuddhaścāntarbahirivoditaḥ || 1-83 ||

nityaḥ sarvātmakaḥ sarvaḥ sarvabhāvodbhavo vibhuḥ |

sa loka iti vijñeyaḥ sa evānanda ucyate || 1-84 ||

citprakāśaikakacanaṃ niryantraṇasphuradvapuḥ |

--------------- Page 22 -------------------
 tadāsvādaikatānatvātsamādhisukhamīryate || 1-85 ||

yadvā grahītṛgrāhyaikavargaprasaraṇātmake |

padadvaye svapramodastatsamādhisukhaṃ smṛtam 
(niryatraṇetyādyārabhya smṛtamityetatparyantaṃ pādonapadyadvayaṃ 
pustakāntareṣvavidyamānaṃ ga pustakāśrayeṇa pūritam |) || 1-86 || 1-19 ||


evaṃ svatantrasya (kh: tasya svatantrasya) sataḥ svecchākartṛtvasūcakam |

sūtraṃ provāca bhagavānakṛtrimaphalodaye || 1-87 ||

yataḥ kriyātmikā śaktirbandhayitrī paśuṣvataḥ |


śaktisaṃdhāne śarīrotpattiḥ [śaktirūpāṇāṃ bhāvānāṃ 
nirupādānādisāmagrījātaṃ svabhittāveva nirbhāsanāddhetoḥ 
śaktimāṃścitsvarūpa eva svecchayā svātmani prakāśaikyena 
sthitamarthajātamunmīlayati, ataḥ prāguktatatsvātantryākhyaśaktiṃ 
tādātmyena parāmṛśan svatantro'yaṃ yogī 
yathecchamamarādivilakṣaṇāṃ kāyasaṃbhūtiṃ racayatītyarthaḥ |] || 
20 ||


śaktimānnirupādānaḥ saccidrūpaḥ prakāśakaḥ (k: 
cidrūpor'thaprakāśaka) || 1-88 ||

antaḥsthitānāṃ bhāvānāmicchayaiva bahiryataḥ |

--------------- Page 23 -------------------
 icchājñānakriyāpūrvāḥ śaktayaḥ pañca saṃsthitāḥ || 1-89 ||

īśānyāpūraṇī hārdī vāmā mūrtiśca tā matāḥ |

anyā vijñānadehākhyā āsāmevānugāḥ smṛtāḥ || 

prakriyādehanirmāṇamāsāṃ saṃdhānamucyate || 1-90 ||

tasminsati śarīrasya yasya yasya yathā sthitā || 1-91 ||

syādutpattistathā tiryaṅnarāmaravilakṣaṇā |

itthaṃ kartṛtvamevāsya sarvatrākṣayyakhaṇḍitam || 1-92 ||

satyāloke'pi kāryasya kṣayitvaṃ ca nirūpitam || 1-20 ||


svātantryātpunarasyaiva vibhavapratipādakam || 1-93 ||

avocadbhagavānsūtraṃ sveṣṭakrīḍānirūpitam |

bhūtasaṃdhānabhūtapṛthaktvaviśvasaṃghaṭṭāḥ [ya eṣa cidātmanaḥ 
śuddhādhvopādānabhūto viśadatamaścidānande-
cchājñānakriyāśaktinicayaḥ sa evādhastanādhvani pañcakapañca-
kātmanā tattvakramāvataraṇanibandhanam, tadyathā ākiṃcanya-
daśāvabhāsane saṃkucitatayā svaśaktyā māyābhāvamāśritayā 
cidātmā puṃstattvabhūmikāmāpannaḥ | śaktinicayastu 
taddaśaucitīparimitavaibhavopabhogāyakañcukībhūtaḥ | tadanu 
tadadharatattvajālasaṃtānāya triśakticchāyopajīvinyā tayā 
guṇapariṇatyunmiṣattayā tatsāmyāvasthāṃ prakṛtimadhyāsīnayā 
puryaṣṭakabhāvasamāpattiḥ | icchāditritayopādānāni manobuddhya-
haṃkṛttattvāni, śaktipañcakānuṣaṅgenaiva jñānaśaktiprādhā-nyāt 
dhīndriyāvirbhāvaḥ, kriyāśaktiprādhānyāt karmendriyot-pattiḥ; 
bahirapi sthūlabhāvena athaḥ saha tadutpādaḥ | itthaṃ 
bhinnabhinnaprakāreṇa viśvaracanā, tathā teṣu tattveṣvanugatamekaṃ 
sāmānyaprakāśasvarūpaṃ bhinneṣvabhinnaṃ vilakṣaṇāṃ 
puryaṣṭakabhūmikāsaṃśrityā viśvanāṭyanirvahaṇaṃ cāsya 
cidātmanaḥ sveṣṭakrīḍanavisphuritaṃ nirūpyate iti |] || 1-21 ||

--------------- Page 24 -------------------
 śavdaśaktyādyavayavaiḥ khādibhūtavinirmitiḥ || 1-94 ||

saṃdhānamuktaṃ tatteṣāṃ mūrtibhedavivakṣayā |

pratibhūtaṃ ca bhūtaṃ ca svasattaikyaṃ (kh: svamarthaikyam) viviktatā 
|| 1-95 ||

pṛthaktvamucyate taddhi kartraṃśapravaro yataḥ |

vṛttyāhlādaprakāśākhyasparśānubhavabhūjuṣaḥ || 1-96 ||

jñeyau jñānakriye'rkendū yajamānasya cidvibhoḥ (k: yajamānaśca 
cidvibhuḥ) |

catasṛbhistathābhūta-viśvasaṃghaṭṭa (k: -tathā bhūtairviśva-) iṣyate 
|| 1-97 ||

pratimūrtikriyāyogaṃ kacanaṃ cidvibhorataḥ |

etāvadviśvameveha yadaṣṭakasamāgamaḥ || 1-98 || 1-21 ||

--------------- Page 25 -------------------
 kathaṃ sarvasya jagataḥ kāraṇaṃ śaktayastathā |

ātmanastatprabhutvaṃ syāttadarthaṃ sūtramuktavān || 1-99 ||


śuddhavidyodayāccakreśatvasiddhiḥ || 1-22 ||


śuddhaṃ nirupadhi jyotiḥ sarvābhāsāvabhāsakam (k, kh: jyotiḥ 
sarvabhāsetyādikapadajātaṃ tatprathanamityantaṃ nābhūt, ga 
pustakādupanyastam |) || 1-100 ||

tasyānantārthasraṣṭṭatvātparasvātantryadharmiṇaḥ |

vedanā varṇitā vidyā sarvāhaṃbodharūpiṇī || 1-101 ||

tasyodayastatprathanaṃ tasmāccakreśalakṣaṇā |

siddhirbhavati viśvatra māheśvaryavikasvarā (k: siddhirbhavti 
cakrākhyetyevaṃ rūpaḥ, māheśvaryeti-pādahīnaśca pāṭhaḥ |) 
[viśvamayānuttaraciddhanaparamaśivasya svātmanaḥ sākṣātkaraṇāt 
parāparasvātantryamāsādya yoginaḥ paramamāheśvaryavikasvara-
tacchaktisamāpattyā aṇimādyaṣṭaiśvaryātmikānāṃ 
cakreśvarīṇāmīśvaratāprāptiḥ | yatra aṇimnā svecchayā sadya eva 
avayavāpacayena dehasaukṣmyasaṃpādanāt paramāṇuṣvapi 
samāveṣṭuṃ śaktatā | laghimnā gariṣṭhavapuṣaḥ iṣīkātūlavat 
vāyuskandheṣu saṃcāraḥ | mahimnā mahatparimāṇatvam | prāptyā 
bhūmiṣṭhasyāpyavayavopacayenāṅgulyagradairdhyāt 
candrādisparśanam | prākāmyena icchānabhighātatayā udaka iva 
bhūmāvapi nimajjanonmajjanayornāsya rūpaṃ bhūtarūpairvihanyate | 
vaśitayā sarvabhūtānyādeśakārīṇi bhavanti | īśitṛtayā 
bhūtānāṃ prabhavāpyayavyūhānāmīṣṭe | yatrakāmāvasāyi-tayā 
yathāsaṃkalpaṃ bhūtaprakṛtīnāmavasthānam iti |
	yadvā cakraṃ saṃviddevīrūpaṃ brāhyādiśakticakraṃ, 
tadīśvaratvenāsya prātibhādayo yogaśāstraprasiddhā jñānaprakarṣā 
jāyante, ityakhaṇḍitaiśvaryaparipūrṇaścakreśvaro virājate ityāśayaḥ 
|] || 1-102 ||
				|| 1-22 ||

--------------- Page 26 -------------------
 itthaṃ sati kathaṃ mantravīryasaṃvidbhavatyataḥ |

sūtramāha mahāvīryasvarūpapratipādakam || 1-103 ||


mahāhradānusaṃdhānānmantravīryānubhavaḥ 
[śaktimacchaktisaṃghaṭṭasyaiva utpatsyamānavisargaprasaraṇā-
dhārānavagāhyasvabhāvatayā mahāhradopacāraḥ | 
tadantaḥsārasarvasvabhūtaḥ svasaṃvedyo'haṃparāmarśamayo 
nirapekṣo'vikalpamahāmantramaṇiḥ ( yat viśvāvaṣṭambhakamādi-
māntyarūpamasāmānyaṃ vīryaṃ tadupabhogapātraiḥ 
mahāyogibhirevāsvādyate proktarūpānusaṃdhānāt ) parāvāgrapo 
garbhīkṛtānantavācyavācakātmā prāpyasthānīyaṃ 
viśrāntidhāmetyarthaḥ |] || 1-23 ||


cidātmaiva paraḥ śuddhaḥ śaktimacchaktivigrahaḥ |

sṛṣṭisvabhāvo bhāvānāmudbhave paramaiva bhūḥ || 1-104 ||

dikkālakalanāhīno hyanavacchinnasaṃtatiḥ |

mahāhradasamānatvātsa mahāhrada ucyate || 1-105 ||

tadakṛtrimamākhyātaṃ balamātmani tatra ca |

--------------- Page 27 -------------------
 dṛgānandāraṇīsāramadhyasvarasalakṣaṇaḥ || 1-106 ||

vikasvaronmiṣattātmaśāktākhyena balena ca |

somāṃśe sthairyalābhaḥ syāttadudānapraveśanam || 1-107 ||

anusaṃdhānametattattena tatra sthitiryadā |

tadā garbhīkṛtābhīṣṭavedyākāranijasthitiḥ || 1-108 ||

samyagucchūnatārūpollasitāṅkurarūpakaḥ |

pronmeṣaḥ sūkṣmavāgrūpaḥ so'nabhivyaktavarṇakaḥ || 1-109 ||

kakārārdhavṛttiyogādbhavenmantrodayaḥ sphuṭam |

sa eva vīryānubhavo māntraḥ sādhakasiddhidaḥ (k: mantraḥ sādhaka-) || 
110 ||
  || 1-23 ||


sāmānyacitprakāśaikasvarūpapratipādakam |

śivasūtraprakaraṇaṃ samāptamidamādimam || 1-111 ||

--------------- Page 28 -------------------
 ataḥ parataraṃ māntraṃ svarūpamupavarṇyate |

vakṣyamāṇaprakaraṇe vidyodayasamanvitam || 1-112 ||

iti śrīmadbhaṭṭadivākarātmaja-śrīmadācārya-bhaṭṭabhāskara-
viracite śivasūtravārtike sāmānyacitprakāśasvarūpanirūpaṇā-khyaḥ 
prathamaḥ prakāśaḥ || 1 ||


atha

sahajavidyodayākhyaḥ

dvitīyaḥ prakāśaḥ


--------------- Page 29 -------------------
 uktakrameṇa śivatāṃ sarvajñānakriyāvataḥ |

upapādyātmanastatra māntraṃ vīryaṃ ca yādṛśam || 2-1 ||

punarāhātra vaktavyaṃ māntraṃ svaṃ rūpameva yat |

ko'sau mantro yasya vīryaṃ tadarthaṃ bhagavānajaḥ || 2-2 ||


cittaṃ mantraḥ 
[uktopāyaḥ tīvratarādiśaktipātavatāṃsuprāpyaḥ | 
mandaśaktipātavatāṃ tu mantravīryaṃ samāpattuṃ paunaḥpunyena 
śrutasmaraṇādivaśāt asphuṭatādikrameṇa 
sphuṭatamatvādyāpattiparyantaṃ vikalpasaṃskaraṇāt 
mantrādinibhālanātmakamupāyāntaraṃ ( yena parasphurattāsaṃvedana 
- bhedaprathanopaśamane sahajavidyodayaḥ ) upeyapadaprāptaye 
ārabhyate cideva prāk viśvakrīḍanaprārip-sāyāṃ 
nijākālakalitacinmayapadavītaḥ adhobhuvamavatarantī 
parimitabhāvaparigrahaṇapuraḥsaramullāsitasaṃkucitacetyaṃ prati 
aunmukhyaṃ gṛhṇānā cittamiti procyate | saiva punaḥ 
svapadārurukṣāyāṃ sopānādyadhirohaṇa-krameṇa 
pārimityamujjhatī īśanaśīlā citprakāśaghanaśivatāmayī saṃpadyate 
| ataḥ tanmano vedyamupasaṃhṛtyāntarmukhībhāvena svatantratvāt 
svaṃ mahaḥ parāmraṣṭuṃ paryāptaṃ, tatparāmarśanadharmitvāt 
cittamantrayorabhedopacāraḥ |] || 2-1 ||

--------------- Page 30 -------------------
 cittameva śivo jñeyaḥ pramātā nirupādhikaḥ |

sarvajñatādiguṇavān dikkālakalanojjhitaḥ || 2-3 ||

svātmānubhavadharmitvātsa mantra iti gīyate |


tatkathaṃ (tatkathāmiti padyārdhaṃ pustakāntareṣvavidyamānaṃ ga 
pustakāatprakṣiptam |) yogināṃ siddhyettadāha parameśvaraḥ |


prayatnaḥ sādhakaḥ || 2-2 ||


cittarūpasamāveśe [bhūyo bhūyo bāhyavṛttisaṃharaṇāt 
jñātrādibhīnnasaṃvedanavilayapūrvaṃ proktamantrasvarūpāt-
madhyeyākāratādātmyapratyayaikatānatāyāḥ pravahadrūpatva-meva 
sādhyaprāptau prakṛṣṭāpakārakamityarthaḥ |] prayatno'tiśayaḥ 
smṛtaḥ || 2-4 ||

pūrvoktavīryavṛttyāsau punaruktanibhālanāt |

sa eva sādhakastatra prakṛṣṭaḥ parikīrtitaḥ || 2-5 ||

--------------- Page 31 -------------------
 cittattvamātmanaḥ siddhaṃ vakṣyamāṇanayena ca |

trikasāre ṣaṭsahasre śivenaiva nirūpitam || 2-6 ||

cicchakteḥ svasvabhāvo yaḥ sa mantraḥ parigīyate |

yannairantaryamananādyogī rūḍhaśivāvaniḥ |

yadvaśātparamārthajñā yogino yogacintakāḥ || 2-7 || 2-2 ||

evamādiśya bhagavānvācakānāṃ svarūpakam |

vācyavācakayo rūpamabhinnaṃ bhedayogi vā || 2-8 ||

syāttadarthaṃ prāha sūtraṃ sa tadarthaprakāśakam |


vidyāśarīrasattā mantrarahasyam || 2-3 ||


śuddhe cinmātratāveśādunmeṣaḥ sahasaiva yaḥ || 2-9 ||

svaprakāśavikāsākhyā sā vidyeti nirūpitā |

śarīrasattā sā māntrī rahasyaṃ paramaṃ ca tat [itthaṃ 
mantravīryapravivikṣāyāṃ sādhakasya bhedāspadatayā 
prakāśamāno vācakātmā mantraḥ svavyāpārasamantaram 
aśeṣaviśvābhedamayena pūrṇāhaṃvimarśanasārasphuraṇātmanā 
vācyenābhinna eva | 'prāksaṃvitprāṇe pariṇatā' ityuktanītyā 
bindusvarūpiṇī parāvāṅmayī śaktiḥ kriyāśaktisphāramayanāda-
rūpeṇa sūkṣmaprāṇatāmāśritya paranādagarbhā citprakāśasya 
prādhānyena anuditavācyavācakakramāṃ paśyantīrūpatāmun-mīlya, 
tadanu buddhyādhiṣṭhānāṃ kramasya sphuṭāsphuṭatayā 
madhyamāṃ, tato'pi karaṇapradhānāṃ vaikharīṃ ca sphuṭakramāṃ 
pronmīlayati-ityetāvataḥ prasarakramasya prācyatararūpānugatatayā 
prakāśamānatānyathānupapatteḥ parataravācyābhinnameva 
mantracakramityarthaḥ |] || 2-10 ||
								|| 2-3 ||	

--------------- Page 32 -------------------
 evaṃ sthite rahasye'rthe mantrarūpe yathāyatham (k: 'evaṃ sthite 
yasya yasya mantrarūpo yathāyatham | tathā sa dehibhirmāntra upāyaḥ 
paramodayam') |

eṣṭavyo dehibhirmāntra udayaḥ paramodayaḥ || 2-11 ||

kathaṃ syādatra ca vibhuḥ sūtramāha yathārthavat |

garbhe cittāvikāso viśiṣṭo'vidyāsvapnaḥ 
(śivasūtravimarśinyāṃ hi 'garbhe cittavikāso'viśiṣṭavidyā-svapanaḥ' 
ityevaṃvidhaḥ pāṭho'sti) || 2-4 ||

prakāśānandasārāntarvyāvartanabalādbhṛśam || 2-12 ||

viṣayebhyo nivṛttasya manasaścinmayī sthitiḥ ('viṣayebhya' 
ityādyārabhya 'vilopanam' ityantaṃ sārdhapadyadvayaṃ; ga 
pustakātsaṃgṛhītam |) |

paro vikāsaściccandracandrikāmṛtanirbharaḥ || 2-13 ||

sravacchāktāmṛtāpūrāplutānandijaganmayaḥ |

--------------- Page 33 -------------------
 tatsadbhāvādavidyāyāḥ prathayantyā dharādibhiḥ || 2-14 ||

tattvajālairalaṃgrāsayuktyā svapno volopanam |

tadevaṃ sati vidyaiva yathāvatpratipāditā || 2-15 ||

sopāyeyamataḥ sarvamantramudrāsvarūpiṇī (k: sopadeśamataḥ sarva- |) 
[māntrodaye cittasya prākṛtasvabhāvavināśena tadguṇāpāditānāṃ 
visṛṇāmavasthānāṃ svarūpavipralopāt atyunnataparapadāveśā-
ruḍhirupāyaḥ | evaṃ vīryalābhe sati mantrāntarāṇāṃ 
tatsaṃjīvitānāmadhikāryasamṛddhau śaktyādhānaṃ prayojyate, 
anyathā auttarādharyeṇa sthitayorātmaśivayormantraniyojanā 
jāḍyanaiṣphalyamādadhanā vaiyarthyamiyāditi bhāvaḥ |] || 2-4 ||

māntraṃ vīryaṃ tatsvarūpaṃ tadvimarśaṃ tathodayam || 2-16 ||

pratipādya punarmudrāvīryārthaṃ prāha śaṃkaraḥ ||


vidyāsamutthāne svabhāvike khecarī śivāvasthā [yayā 
paracidākāśe yogī carati sā khecarī mudrā, sākṣāt śivāvasthaiva | 
atra mudrāmantravīryayormāyīyasamastakṣobhapraśāntyā 
cidātmakasvarūponmajjanaikalakṣaṇamavasthāsāmyamasti kevalaṃ 
bāhyārthajñāne kāryabhedāt pṛthagarthatā jñāyate ityarthaḥ |] || 2-5 ||

svālokalakṣaṇā śuddhā yaiva vidyā nirūpitā || 2-17 ||

--------------- Page 34 -------------------
 samutthāne tadudayo yathāvatprāgudīritam |

svābhāvikaṃ syātsahajaṃ balamātmanyakṛtrimam || 2-18 ||

tadevaṃ sati tasmiṃstanmudrāvīryaṃ vijṛmbhate |

khecarī sā śivāvasthā śivavyomnyuditā yataḥ (tadevamiti 
padyārdhaṃpustakāntareṣu avidyamānaṃ ga' pustakādhāreṇa 
pūritamasti |) || 2-19 ||

khe svacidgaganābhoge caraṇātkhecarīti sā |

dhyeyānukāratādātmyapratipattyudayātmikā (k, g: dhyeyākārasya 
tādātmyā-) || 2-20 ||

ata eva śivāvasthā svarūpāveśaśālinī || 2-5 ||

evaṃ maudraṃ ca māntraṃ ca vīryaṃ syādekarūpakam || 2-21 ||

kāryabhedādbhedayogi bāhyārthapratipattitaḥ |

ato mudrāmāntravīryavyāptyupāyārthamāha ca || 2-22 ||


gururupāyaḥ [gururatra mantrādibalalābhe pārameśvarī 
anugrāhikā śaktirupeyapadaprāpiṇī, yayā anuttare paramaśivākhye 
aunmanasapade viśrāntibhāgbhavati bhaktajanaḥ |] || 2-6 ||


--------------- Page 35 -------------------
 prāptāvatra guruḥ śaktirupāyaḥ paramaḥ smṛtaḥ |

yataḥ sā śāmbhavī śaktiranugrahakarī sadā || 2-23 ||

utpātādrakṣitorajantuḥ kriyate bhavanispṛhaḥ |

tadadhiṣṭhitadeho'sau (k: tadadhiṣṭhitadehasya) nīyate sadguruṃ prati || 24 
||

vaktṛtvāttātvikārthānāmupeyapadalambhanāt (vaktṛtvādityārabhya 
sārdhapadyaṃ pustakāntareṣvanupalakṣyamāṇaṃ ga. pastakāt 
saṃgṛhyopanyastam |) |

gururaunmanase dhāmni viśrāntipathadarśakaḥ || 2-25 ||

evaṃ gurau prasanne tu kiṃ bhavettatpradarśyate |


mātṛkācakrasaṃbodhaḥ || 2-7 ||



svābhāsā mātṛkā jñeyā kriyāśaktiḥ prabhoḥ parā || 2-26 ||

tasyāḥ kalāsamūho yastaccakramiti (k: tasya kālaḥ samūhaśca-) 
kīrtitam [anuttaramūrteḥ paramaśivasya svecchayā viśvaṃ sisṛkṣoḥ 
prathamaspandātmikā svarūpapratyavamarśanalakṣaṇā tadabhinnā 
mātṛkākhyā kriyāśaktirasti, saiva ambā-jyeṣṭhā-vāmā-
raudrīrūpaṃ śakticatuṣṭayaṃ vibhāvya dhruvecchonmeṣādi-
kalānāṃ prasaraviśrāntyādau anyonyavyatimiśraṇāt udbhaviṣyantaṃ 
bījātmakaśuddhādhvānaṃ tadabhedavedanarūpaṃ binduṃ ca 
prollāsya utsrakṣyadadharabhūmeḥ visisṛkṣārūpaṃ visargaṃ 
pradarśitavatī, yonyātmaśāktollāsamayamaśuddhā-dhvānaṃ 
prapañcayati | tatra sarvaśakticakrakroḍīkāriṇyā icchāśakteḥ 
prāṇanātmatāvatāre anāhatadhvanivivartanapūrvaṃ 
padavākyādigarbhaprāṇakriyāsamudbhavaḥ | ato mātṛkaiva etāvato 
vācyavācakātmakasya viśvasya prapañcayitrī mantrāṇāṃ 
mukhyamādikāraṇam ityarthaḥ |] |

--------------- Page 36 -------------------
 tasya samyak parijñānaṃ yatsaṃbodhaḥ sa iṣyate || 2-27 ||

sati tena vivarto yo vācyavācakalakṣaṇaḥ |

kriyāśaktyuditatvātsa bhinno'bhinnaḥ sadāyataḥ || 2-28 ||

nityoditānastamitaprakāśavapuṣaḥ purā |

viryaunmukhyātprabhoricchāśakteḥ samudayo bhavet || 2-29 ||

tataḥ saṃvedanasparśau prādurbhūtau tataḥ punaḥ |

sarvārthapratibhāsaśca tato dhvaniranāhataḥ || 2-30 ||

padavākyārthagarbhaḥ syāttataḥ prāṇātmikā (k: tataśca 
padavākyārthagarbhā prāṇātmikā) kriyā |

pañcāśadvarṇagarbhā vāk tataḥ sarvasya (k, g: 
pañcāśadvarṇagarbhāntarviśvasargasya) saṃbhavaḥ || 2-31 ||

--------------- Page 37 -------------------
 mantrādivastujātasya mūlamekaṃ tataḥ smṛtā |

mātṛkaiva kriyāśaktiḥ śivasyetthaṃ vijṛmbhate || 2-32 ||

mātṛkācakrasaṃbodha (k: pramātṛcakrasaṃbodha) evaṃ jāto yadā 
tadā |

yadyadvakti prabuddhaḥ sanprabhurmantrendratāmiyāt [evaṃ 
saṃbodhavataḥ prabuddhasya yatkiṃcana niranvayaṃ laukikaṃ vā 
bhāṣaṇamayamapi, tat mantravat svakāryasaṃpattau niryantraṇaṃ 
prasarediti |] || 2-33 || 2-7 ||

itthaṃ prajvālite māntre tejasi prajvalatyalam |

kārmaṃ punarbhavakaraṃ vapustatrāha śaṃkaraḥ || 2-34 ||


śarīraṃ haviḥ || 2-8 ||


jñānānale [māntraṃ divyadehamāśrityāsīnasyāsya 
sarvabhāvajālacidagnisātkaraṇalakṣaṇeṣṭiṃ kurvato yajamānasya 
māyīyapramātṛtāpraśāntyā sarvāhaṃbhāvaparavīryātma-
māntraśarīrasaṃpattau dehabandhanahetoḥ kārmamalasya 
vinasṭirityāśayaḥ |] prajvalite mantratādātmyalakṣaṇe |

śarīraṃ pragalatyeva bhautikaṃ karmabandhanam || 2-35 ||

havirbhūtamataścātha (k: havirbhūtamaya-) divyadehāśrayādyataḥ |

--------------- Page 38 -------------------
 eṣa eva paro deho yajamānasya cidvibhoḥ (k: yajamānaśca 
cidvibhuḥ) || 2-36 ||

nirargale mahāsattve nityoditamahānale |

yadarparṇaṃ śarīrāderbhāvajātasya sarvadā || 2-37 || 2-8 ||

evaṃ paraṃ jñānakāyasthitasyānnaṃ kimāha ca |


jñānamatram [parāvasthāyāṃ svātmavaibhavavijṛmbhaṇaṃ 
pariśīlayan asāvatyantaṃ nirākāṅkṣaḥ, antarbahiḥsvātma-
visphuraṇamaye viśvasmin bharitasvabhāvatvāt; vyavahāre tu kadācit 
śarīrabhūmikāyāṃ vartamānaḥ prabuddhanaṭavat svātmacamat-
karaṇapūrvaṃ pātrībhūya abhinayān nirvahan viṣayendriyaiḥ 
viṣayajātaṃ parāmṛtarasācchuritamāhṛtya svātmane samarpayati, na tu 
viṣayāsaktyā svarūpasphūrtiṃ vismṛtya paśuriva 
adharāvasthāmadhitiṣṭhatīti bhāvaḥ |] || 2-9 ||

jñānamatra paraṃ samyaguktaṃ prakaraṇadvaye (k, kh: 
prakaraṇadvayam) || 2-38 ||

tadevānnamiva jñeyaṃ paritṛptyupapādakam |

--------------- Page 39 -------------------
 yataḥ prapūrṇataiva syādasakṛttannibhālanāt || 2-39 ||

tadevaṃ satyavidyāyāḥ saṃhārastena kiṃ bhavet |

tadarthaṃ cāsya niṣpattyai khaṇḍamāhāmarārcitaḥ (k: khaṇḍasyāha 
maheśvara) || 2-40 ||


vidyāsaṃhāre tadutthasvapnadarśanam [ 
itthamuktaprakriyārtha-nibhālanena kiṃcijjñatvalakṣaṇāyā 
aviśiṣṭavidyāyā nimajjane tadutpannānāṃ 
svarūpaśūnyārthanirbhāsanavikalpamayānāṃ 
bhavābhavādijagatāṃ svapnavat nirupādānasāmagyaṃ 
svasvātantryāt girinagaropavanādivaicitryeṇa 
saṃvedanasvacchatamadarpaṇe nimagnonmagnānāṃ 
citsattāvyatirekitāṃ pratyavekṣamāṇo yogī niraṅkuśaṃ śivavat 
nityasarvajñatādiśaktiḥ sahajavidyodayapade viharatītyarthaḥ |] || 2-10 ||


saṃsāravedanī (k: saṃhāre vedanī) vidyā hyaviśiṣṭā nirūpitā || 2-41 ||

tasyāḥ saṃhāra eva syātsvaprakāśodaye sati |

saṃhāre satyavidyotthaṃ bhāvajātaṃ vimohakam || 2-42 ||

svapnarūpaṃ (k: svapnajātam) smṛtaṃ tasya darśanaṃ pratyavekṣaṇam 
|

ityevaṃ parameśena saṃgṛhya ca nirūpitam || 2-43 ||

--------------- Page 40 -------------------
 prabuddhatā vṛttyudaye sā niraṅkuśavatsthitiḥ |

svālokakalanātmatvaṃ dhyeyaikyaṃ nityatṛptatā || 2-44||
   || 2-10 ||


dvitīyametat sahajavidyodayanirūpakam |

śivasūtraprakaraṇaṃ samāptamiha sāṃpratam || 2-45 ||

pravaktavyamataścātra vibhūtispandalakṣaṇam ||

jñānayogabalaprāptau cintāmaṇirivāparaḥ || 2-46 ||

iti kāśmīrikaśrībhatṭadivākarātmaja-bhaṭṭabhāskarācāryaviracite 
śivasūtravārtike sahajavidyodayākhyo dvitīyaḥ prakāśaḥ || 2 ||


atha

vibhūtispandākhyaḥ

tṛtīyaḥ prakāśaḥ



--------------- Page 41 -------------------
 svarūpapratyabhijñānānmāntrācca sahajodayāt |

vibhūtayaḥ pravartante kīrtyante tāśca sāṃpratam ||

pūrvāparavimarśena yo bodho'sya ('yo bodho'sya' ityata ārabhya 
'samācaṣṭa tadarthakam' ityantaṃ pādonapadyadvayamitareṣvādarśa-
mūlapustakeṣvavidyamānam; ga. pustakātsagṛhya pratyupanyastam |) 
vijṛmbhate |

tadvikāsādavicchinnaparānandaḥ svayaṃ bhavet ||

yenākhaṇḍitasvātantryaśaktiḥ svābhāvikī sphuṭā |

vibhūtiḥ prathate, khaṇḍaṃ samācaṣṭa tadarthakam ||

tatra cittātmanaḥ pūrvaṃ pratyavekṣārthamāvadat |


ātmā cittam || 3-1 ||

--------------- Page 42 -------------------
 manaḥparyāyamākhyātaṃ [manaso bahirmukhatāyāṃ 
parāmarśanaṃ saṃkalpaḥ, antarmukhatāyāṃ tu svātmamananātmako 
mantraḥ | āntarmukhye vikṣepābhāvāt saṃkucitāṃ cittatāṃ 
parityajya sahajaṃ svaṃ cidātmasvabhāvattva-mādīyate | tatra 
naiviḍyena abhyāsadaśāyāmindriyavṛttyadhīnatā-virahāt 
avyavahitajñānakriyaḥ tadbalākramaṇāt yathāsvecchaṃ śivavat 
kṣitivāryanalādyanapekṣaṃ saṃkalpitaṃ vastu bahiḥ sarvajanadṛśyaṃ 
sraṣṭuṃ śaknoti | ayuktasya saṃkalpādayo'nanya-dṛśyā 
abahiḥprakāśyāḥ, yuktasya tu mantrādayo'pi 
śaivāsādhāraṇaguṇitvāt yat kiṃcit suduṣkaramapi arthajātaṃ 
prakāśayitaṃ prabhaviṣṇava ityāśayaḥ |] cittaṃ sarvatra śāsane |

indriyatvātsa saṃkalpaḥ syāttu mantrastaducyate || 

ātmaiva cittaṃ vijñeyaṃ vāgādirahitaṃ yadā |

tadā mantraḥ sa vijñeyaḥ saṃkalpānuvidhāyakaḥ ||

naiva saṃkalpasiddhiḥ (k, kh: tena saṃkalpasiddhi) 
syāttatsvarūpanibhālanāt || 3-1 ||


kutaścittasya saṃkalpa siddhirnāsti tadāha ca ||


jñānaṃ vandhaḥ || 3-2 ||


--------------- Page 43 -------------------
 jñānaṃ [rāgādinā viṣayeṣu vyāsaṅgāt 
avigalitarajastamomalaṃ vikṣiptaṃ cetaḥ 
prācyavāstavasvarūpākramaṇatmasvabalālābhe 
prakāśavaraṇakṣityabhāvāt janasādhāraṇān saṃkalpān nirmātuṃ 
na prabhavti, ato viṣayāsaktireva 
yathecchanirmāṇapratibandhamūlamityarthaḥ |] 
viṣayasaṃśleṣādrāgādijñaptilakṣaṇam |

tadeva bandhaścittasya svarūpāvaraṇātmakam ||

antarbahiśca (antarbahirityādi padyārdham itaramūlādarśapustake-
ṣvavidyamānaṃ 'ga' pustakādhāreṇopanyastam |) 
viṣayānāsaktyābhyāsapāṭavāt |

yadā mantavyatā (k: tadā mantavya) tasya taddraṣṭā mukta eva hi || 3-2 ||

itthaṃ nityasya ca draṣṭuḥ kimāvaraṇamucyate ||


kalādīnāṃ tattvānāmaviveko māyā || 3-3 ||


kalādikṣitiparyantastattvagrāmo'sya socyate |

tatametairjagatsarvamatastattvāni tatra ca ||

kalā katṛtvasāmarthyaṃ kiṃcinmātraṃ prakīrtitam |

--------------- Page 44 -------------------
 tādṛśaṃ jñānasāmarthyaṃ vidyātattvamiti smṛtam ||

idameveṣṭamastītthaṃ rāgaḥ pāśo'sti bandhanam |

idānīṃtanabhāve'smin kālo'pyākalanaṃ matam (kālo'pyākalanaṃ 
matam ityato'nantaram 'alpeṣu bhāvajāteṣu vidyā jñānasamarthatā | 
kālo'dhunāditābuddhipravṛttiḥ kalanātmikā ||' iti padya kha. pustake 
samupalakṣyamāṇa pakṣiptamadhikaṃ pratibhāti |) ||

niyatatvaṃ karmaphale niyatyātmakatātmanaḥ |

samaduḥkhasukhajñatvamantastattve pradhānatā ||

sukhaduḥkhavimohitvaṃ guṇāḥ syurmantṛtā (k: syuḥ smartṛtā) ca 
dhīḥ |

saṃrambhatvamahaṃkāro manaścākṣaprayoktṛtā ||

akṣairviśeṣitaṃ jñatvaṃ buddhīndriyagaṇaḥ smṛtaḥ |

taireva bhinnaṃ kartṛtvaṃ karmendriyagaṇastvayam ||

śavdamātrāvabhāsitvaṃ tanmātrakagaṇastathā |

bhinnaśavdāditodvṛttaṃ (k: śavdādinodvṛttam) gaṇaḥ 
syātpāñcabhautikaḥ ||


--------------- Page 45 -------------------
 eteṣāmaviveko yaḥ sā māyā [māyayaiva kalādibhiḥ tattvajālai 
racitakañcuka-puryaṣṭaka-bhautika-śarīreṣu 
parimitapramātṛbhāvābhimānaṃ grāhitānāmaṇūnāṃ 
sadoditasvaprakāśadraṣṭṭasvarūpaṃ samāvriyate | 
vivekābhyāsālambināṃ tu māyāpado parigatānāṃ 
śuddhavidyāsaṃśrayitvāt anāvṛtasvātmapratyavabhāsaḥ | tadanu 
bandhanivṛttyā prāguktamantrādyadhikāraḥ |] mohanī yataḥ |

vivekaḥ punaratraiva śuddhavidyādisaṃśritaḥ ||

ataḥ śuddhāni tattvāni procyante tattvavedibhiḥ (k: procyante'to vivekata 
iti; kh: procyante sāñjanādaṇu) |

svajyotiṣṭvaṃ śivaṃ tattvaṃ dṛkkriye śaktirucyate ||

sarvājñānakriyāvattvayogyatā (k: kriyāvarte yogyatā) 
syātsadāśivaḥ |

preryatvamaiśvaraṃ tattvaṃ taddvārā preṣaṇā (kh: tadvārapreraṇam) 
yataḥ ||

śivaśāstrādivoddhṛtvaṃ vidyā śuddheha kīrtitā |

itthamātmanyavastābhiretābhistattvakalpanā ||

tattvānāṃ tadavasthātvamucyamānaṃ na duṣyati |

--------------- Page 46 -------------------
 sarvānusyūtarūpattvādvimarśaḥ paramastvataḥ || 3-3 ||

itthaṃ tattvātmakakalārūpaṃ prasaramātmanaḥ |

nirūpya punarapyāha tatsaṃkocādyathodayaḥ ||


śrīre saṃhāraḥ kalānām || 3-4 ||


tattvānāṃ yatsvasāmarthyaṃ kalāstāḥ parikīrtitāḥ |

tatsaṃghātaḥ [tattvasaṃghātātmake śarīre tattvāvayavānāṃ 
prātilomyena svasvakāraṇanupraveśalayabhāvanayā tadāvasānike 
sarvādhiṣṭhānacinmaye svātmani samāpattyā parabodhadehodayaḥ |
	yadvā haṭhātsarvavṛttyupasaṃhārātmanā ullaṅghanavṛttyā 
vikalpahānaikāgrayavṛttisaṃpattipurassaram avikalpasaṃvidātmai-
śvaryapadāvāptiḥ | itthaṃ pramātṛtvena abhimatasya kalāprasarasya 
svarūpāvaraṇānaiśvaryanidānasya upasaṃharaṇena siddhyaṅkuraḥ 
pallavitaḥ prasphuredityarthaḥ |] śarīraṃ syātsakalatvamato'sya tat ||

ādhāra ātmanastatra kalānāṃ karaṇātmani |

svake svake'nupraveśaḥ saṃhāraḥ parikīrtitaḥ ||

evaṃ yāvadvodhadehaprāptistatrodayaḥ paraḥ |

--------------- Page 47 -------------------
 athollaṅghanavṛttyā vā śivatattvāvalambanam ||

tatsa saṃhāra eva syātkalānāṃ tena codayaḥ || 3-4 ||

tattvaprasarasaṃkocasvarūpe'pītthamātmani ||

vṛttyullaṅghanayogena svasvarūpodayaṃ śivaḥ |

pratipādya punaḥ prāha bhūtasiddhyudayaḥ katham ||

nāḍīsaṃhāra-bhūtajaya-bhūtakaivalya-bhūta-
pṛthaktvāni || 3-5 ||

cidādhāre [antarbahirvā dvādaśānte prāṇāpānopasaṃhārāt 
iḍādināḍyupa-śamanena siddhīcchoḥ 
tantroktaprakriyopavarṇitakandādyadhiṣṭhāne 
trayasravartulādisaṃsthānāṃ svasvabījākṣaracihnitāṃ 
pṛthivyādidhāraṇāṃ dhārayato niyatakālāṃśābhyāsena bhūtāni 
vaśībhavanti, yena pāñcabhautikeṣu gamāgamaviharaṇādi asya na 
pratihanyate | tathā ācarato'pi asya tadaiśvaryānāsaktyā 
bhūtānuparaktasvacchacidānandaghanasvātmasaṃsthitisiddhirapi 
aprayāsasiddhā bhavati | tathā tattvasaṃghaṭitaṃ vastu tadicchayā 
viyujyate saṃyujyate ca | evaṃ svātmavivartanātmabhāvajātānāṃ 
vividhāmavasthāṃ vikṛtāṃ ca anyathā ca kartumasau 
prabhuśaktipratihatasvātantryā ityarthaḥ |] śarīre'sminsaṃsthite 
pāñcabhautike |

svātantryādātmanaḥ svāmyaṃ gṛhe gṛhapateryathā |

--------------- Page 48 -------------------
 tatra cidākāśalayānnāḍīsaṃhāra iṣyate |

yataḥ sarvatra sarvāsāṃ nāḍīnāṃ mukhamucyate ||

nāḍyādhārā vāyavaḥ syustadādhāraśca cidvibhuḥ |

tasya vṛttilayānmadhye ṣaḍguṇā vṛttiruttamā ||

sthiradravoṣṇacalatā sauṣiryaviparītatā |

tattvasvarūpamathavā sthānalakṣyaprabhedataḥ ||

vibhāvayanbhūtajayaḥ syātprabuddhasya ca prabhoḥ |

tannirāsata evāsya kaivalyamanupādhikam ||

ṣaṭtriṃśattattvasāmarthyayuktaṃ bhūtaṃ pṛthak pṛthak |

karotyātmabalasparśātsvavivartavivartanāt ||

saṃghātasthamathātmasthaṃ vikarotyathavā vibhuḥ |

prabhuśaktirataḥ seyaṃ sarvatrākhaṇḍitātmanaḥ || 3-5 ||

tathāpyasyātmano mohe vahuśākhe visarpati |

svarūpasiddhirasya syānna syādvā prāha śaṃkaraḥ |


mohāvaraṇātsiddhiḥ [pāramārthikavicārāt adharabhūmisthaṃ 
siddhyādyāvirbhavanaṃ bhedaprathāspadaṃ māyākoṭipatitameva, 
taddhi yogijanasya svarūpācchādakam ataḥ tadupalabdhaye 
tadavasthāyāṃ praharṣakāmādivṛttyudgamasya 
svarūpatirodhāyitāyāṃ satyāṃ teṣāṃ prācyakoṭau caramakoṭau vā 
cetaḥsamādhānena sarvajñatvādilakṣaṇā parasiddhirbhavedityarthaḥ |] 
|| 3-6 ||

--------------- Page 49 -------------------
 kāmakrodhalobhaharṣabhayatrāsamadodgame |

praharṣe'pi ca sarvatra moha eva vijṛmbhate ||

tadevāvaraṇaṃ jñeyaṃ svarūpācchādakatvataḥ (k: 
svarūpācchādakaṃ hyata) |

hetubhūtāttatastasmātprākkoṭipravimarśataḥ ||

siddhiḥ syādātmanaḥ sarvajñatvakartṛtvalakṣaṇā || 3-6 ||

sati mohe siddhirevaṃ tajjayātsyātkimāha tat |

mohajayādanantābhogātsahajavidyājayaḥ [aparicchinnaparipūrṇāt 
bahuśākhabhedapraśamanākhyamohajayāt suprabuddhasya 
pūrṇāhaṃvimarśasaṃvidākhyākṛtrimavidyodayo bhavati | yadvā 
mohajayāt hetoḥ anantabhaṭṭārakākhyarudrapramātradhiṣṭhitaṃ 
śuddhavidyāpadamadhyāsya sahajālokasaṃpatprāptiḥ, 
śuddhavidyāpade hi anantanāmnā rudrapramātrā samantataḥ 
sāmrājyaṃ bhujyate iti atra lyablope apādānakārakam iti |] || 3-7 || 

--------------- Page 50 -------------------
 bahuśākho moha uktastajjayaḥ suprabuddhatā |

nityaṃ svālokavaśatastvasaṃkucitacidgateḥ ||

tasmādanantābhogākhyātsvaprakāśodayaḥ sphuṭam |

jayasyānantatā yasmādvahuśākho vijṛmbhate ||

sa evābhoga ityuktaḥ paripūrṇasvarūpataḥ |

svaprakāśātmikā vidyā sahajā prāgudīritā ||

udbhavaḥ prodgamastasyāstenātmāloka (k: udayaḥ prodgamāttasya) 
uttamaḥ || 3-7 ||

evaṃsiddhiḥ prabuddhaḥ saṃstiṣṭhennityamatandritaḥ |

ekatrāropayansarvaṃ tadarthaṃ proktavānajaḥ ||


jāgraddvitīyakaraḥ || 3-8 ||


jñānaṃ jāgraditi proktaṃ tenālocya svagocaram |

ādadyādekataḥ sarvaṃ tato mohabahiṣkṛtam ||

prabuddhaḥ sarvadā tiṣṭhedyogirāḍ bhedavarjitaḥ |

karavatkara evāto jāgradādānagauravāt ||

--------------- Page 51 -------------------
 ata eva dvitīyatvaṃ vicitratvādudīritam [jñānaṃ jāgrat iti 
prāguktasūtranītyā jāgradatra jñānaśaktiḥ | pūrvaṃ tu 
anuvādyavidheyabhāvena idaṃ vyākhyāya adhunā 
vidheyānuvādyatvena vyākhyāyate sūtrāṇāṃ viśvatomukhatvāt | 
ādānakriyāsādṛkṣyeṇa jñānaśaktirūpe kare rūpālokamanas-
kāraiḥ bhāsitaṃ viśvaṃ yatkiṃcit paraprakāśāt 
bhedābhedavikalpopahatanyāyena abhinnaṃ paryālocya samādīyate 
ityevaṃ prabuddhaḥ ekasmin saṃvedane bahirantaḥ svātmamayaṃ 
viśvaṃ viśrāntaṃ saṃjānāno mokṣalakṣmībhājanaṃ 
jīvanmuktivyavahṛtimācaran svātmanyeva viharedityarthaḥ |] || 3-8 ||

itthaṃ nityaprabuddhasya mohalakṣmīściroṣitā |

śarīramāśrayatyeva jīvanmuktasya sarvadā ||

ataḥ parānandarasakṣīva ātmā sadā katham |

ceṣṭate sūtramācaṣṭe tadarthaṃ candraśekharaḥ ||


nartaka ātmā || 3-9 ||


rasabhāvanayābhijño (k: rasabhāvanavābhijña; kh: bhāvanayā vedya) 
vāgaṅgāhāryasattvayuk |

yadvatprauḍhanaṭaḥ samyaganugantā prakīrtitaḥ ||

--------------- Page 52 -------------------
 tadvadātmā svarūpeṇa sphuransphurati sarvataḥ |

tattadbhāvarasāveśāt tattacceṣṭāvilāsavān |

sa nartakaḥ smṛto yasmāt sarvāvasthāvalambakaḥ [itthaṃ vihṛtau ayaṃ 
parānandarasena ghūrṇan prauḍhanaṭa iva rasabhāvatadā-
bhāsādyabhijñaḥ mitamātṛtātmapātratāmupagatya 
anukāryarasabhāvādīn āṅgikābhinayādibhiḥ svātmānamavi-
smṛtyaiva vyañjayan sarvāvasthānukārī vibhāvādibhiḥ 
āsvādipadavīmupanītaḥ iṣṭāniṣṭaprāptiparihārecchāmantareṇa 
indriyaparispandānupūrvyā jagannāṭyamabhinayan sarvatra 
svātmabhānena aviluptadṛkśaktisaṃtoṣitamanā vilasatītyarthaḥ |] || 3-9 ||

nṛtyato'syātmanaḥ samyagādhārārthamato'vadat ||


raṅgo'ntarātmā || 3-10 ||


bahirunmeṣabhāgyo'yamātmā (k: bahirunmeṣabhogyastu ātmā) 
nartaka ucyate |

tasyaivāntarnimeṣo yaḥ so'ntarātmā prakīrtitaḥ ||

sa eva raṅga ākhyātaḥ puryaṣṭakasamāśrayāt 
[vividhavitatanāṭyakrīḍāpradarśanāśayena yatra rajyate sa raṅgaḥ 
tattadvicitrabhūmikāgrahaṇasthānaṃ puryaṣṭakarūpāntarātmā | 
tadāśrayaṇenaiva naratiryagādidehabhūmikāsu racitāspadaḥ 
karaṇapravṛttyā sṛṣṭayādipañcakṛtyakṛt cidātmā parinṛtyati |] |

--------------- Page 53 -------------------
 pravṛttisthitisaṃhārairnṛtyatīvātra cidvibhuḥ |

evaṃ satīndriyagaṇastasyānācchādako bhavet ||

tadarthaṃ punarāpyāha sūtraṃ kāntārdhadehabhṛt |


prekṣakāṇīndriyāṇi || 3-11 ||


suprabuddhaḥ svatantraśca cidātmaiva yataḥ paraḥ |

tatsāmarthyād indriyāṇi ceṣṭante svāsu vṛttiṣu (k: ceṣṭante 
svasvavṛttiṣu) ||

preṣakāṇīva tānyatra cidvibhoḥ parinṛtyataḥ |

svarūpāvaraṇe cāsya tāni na prabhavanti hi [svatantraścidātmaiva 
karaṇadyavabhāsayitā, tadbhāsaiva sarvasya prakāśamānatvāt tameva 
bhāntamanupajīvya viśvamidaṃ sarvaṃ jaḍāndhamūkaprāyaṃ 
bhavediti, ataḥ tadanuprāṇitāni karaṇāni 
trailokyanāṭakaprakaṭanāhlādātiśayanirbharaṃ 
galitāhamidantātmavibhāgaṃ svarūpaṃ sākṣātkṛtya 
sahṛdayaprekṣakajanavat pratyagātmadṛśe yogine 
parāmṛtamayarasacamatkaraṇamarpayanti, yena nāsya paśujanasyeva 
khecaryādibhiḥ ācchādyamānābhedaprathāmṛtarasaṃ karaṇacakraṃ 
duḥkhamayaviśvasaraṇau parivartyate | ataḥ parinṛtyataḥ cidātmanaḥ 
svarūpaṃ na tirodhīyate ityarthaḥ |] || 3-11 ||


--------------- Page 54 -------------------
 tadevaṃ sati yadbuddhivaśātsarvotkaṭaḥ pumān |

prabhavatyeva bhagavāṃstadarthaṃ sūtramuktavān ||

dhīvaśātsattvasiddhiḥ (k: sattvaśuddhiḥ; kh: 
sattvabhitti) || 3-12 ||

śabdādiviṣayā [satataprasaratsvabhāveṣu karaṇeṣu satsu 
vṛttipratiphalitān śavdādīn viṣayān āgamoktayuktyādibhiḥ 
cinmayasvabhāvāvyatiriktān adhyavasyantī buddhiḥ 
anuśayāntaraprakṣayāt rajastamovṛttyamalinatā svajyotirmayaṃ 
viśvatra paraprakāśaṃ samavekṣamāṇā sphurattātmasattva-
prakāśāspadaṃ yoginaṃ niṣpādayati ityarthaḥ |] 
vṛttiścidrūpābhiniveśinī |

yadā bhavettadā buddhistatraivādhyavasāyinī ||

pūrvaṃ bhavatyataḥ śuddhā saiva dhīśaktirucyate |

tyaktāśayatvātsattvasya bhittiḥ so'vadhirucyate ||

tadvaśātsattvasiddhiḥ (k: sattvabhittiḥ, sattvaśuddhi) syādata eva 
nirūpitam || 3-12 ||

--------------- Page 55 -------------------
 itthaṃ sati svatantratvamātmanaḥ syādato'vadat |

siddhaḥ svatantrabhāvaḥ || 3-13 ||

svātantryamasya saṃsiddhamātmanaḥ proktarītitaḥ (k: proktanītita) [yena 
śivādidharaṇyantamaśeṣaṃ viśvaṃ bhriyate dṛśyate bhāsyate 
svavaśe sthāpyate ca so'sya svatantrabhāvaṃ sahajajñatvakartṛtvāt-
makaḥ sarvavaśīkaraṇaśīlaḥ | yathā rāsāyanikyā oṣadhyā 
saṃsiddhayā yat kiṃcana vastu āviddhaṃ sat hematāmeti evaṃ 
śivasvarūpabhāvanayā viśvaṃ bhāvitamasya vaśe tiṣṭhatītyarthaḥ |] 
|| 3-13 ||

sarvajñatvakriyāvattvāccharīre'sminyathā tathā ||

sarvatra syānna vā tatra prāhātra śaśibhūṣaṇaḥ |

yathā tatra tathānyatra || 3-14 ||

ātmanādhiṣṭhite dehe yadvatsarvajñatādayaḥ |

sphuranti tadvatsarvatra svādhiṣṭhānabalena ca [adhikāriṇo'sya yathā 
asmin adhikṛtaśarīre svātmaśivatāṃ parāmṛśataḥ sthitasya 
sarvajñatvakriyāvattvādayaḥ, evaṃ svātmabalākramaṇaśaktyā 
sarvatra parakīyatvābhimateṣu deheṣu sarvajñatvādayo'vyavahitāḥ 
prasphuranti iti |] || 3-14 ||

--------------- Page 56 -------------------
 karturevaṃ svatantrasya viśato'nyapurādiṣu ||

taddharmopahitasyāsya syādakālapadasthitiḥ (viśata iti taddharmopahiteti 
ca padadvayaṃ mūlādarśapustakāntareṣvavidyamānaṃ; g: 
pustakāśrayeṇa samupanyastam |) |

kathaṃ ? tadarthaṃ kālāriḥ prāha sūtraṃ yathārthavat ||

visargasvābhāvyādabahiḥsthitestatsthitiḥ ('visargasvābhāvyāt' iti 
sūtraṃ tu vimarśinīgranthe na vidyate, etadgranthe eva granthakṛtā 
saṃgṛhya vyākhyātamasti |) || 3-14 || 3-2 ||

sṛṣṭisvabhāvāccidrūpātpravṛttikalanātmanā |

jātasya kālavapuṣaḥ spandasyaivātra citpade ||

janma na syāt saṃkalanāttasya saṃkalpajasya ca || 3-61 ||

bahirbāhyapadārthānāṃ pṛthaksaṃsthityabhāvataḥ 
(bahirbāhyetyādita ārabhya yoganibhālanāt ityantaḥ 
sārdhapadyātmapāṭhaḥ pustakāntareṣvavidyamānaḥ; g: 
pustakātsaṃgṛhya samupanyasto'sti |) |

prakāśyānāṃ prakāśaikyabhāvanāpathasevinām |

--------------- Page 57 -------------------
 svasmāddhāmnaḥ pracyavanaṃ nāsti yoganibhālanāt |

akālakāmajā saiva syādakālapadāśrayāt [visisṛkṣāśīlo hi 
parameśvaraḥ sṛjyavastuviṣayaṃ svasmin ādhārabhūte samunmagnaṃ 
svāvyatirekitvena ālocyamānaṃ paribibhrat api naiva svātmavismṛtiṃ 
juṣate | yāvatā māyābhūmāvapi vedyaprakāśanaṃ vastutaḥ 
paraprakāśānāntarīyakatayā antaḥsthitaṃ sat svātantryāt bahiḥ 
prakāśate | tasmāt pratipannatāttvikasvarūpasya dharmidharmopahitatā 
na kadācit ākrāmyedityarthaḥ |] ||

akālapadasaṃprāptau yo hetustamato'vadat (k: prāptau hetumatra 
tathāvadat) |

bījāvadhānam || 3-15 ||

bījaṃ sarvasya jagataścidātmaiva paraṃ smṛtam |

avadhānaṃ tadvimarśaḥ sāvadhānena cetasā ||

tadākālapadaprāptirmohādyāgrahahānitaḥ [evaṃ 
parimitāhaṃbhāvanirasanapuraḥsaraṃ viśvakāraṇaśākta-pade 
nirantaratayā dṛḍhābhyāsena cittāvadhānameva 
akālakalitasvarūpaprāptyupāya iti bhāvaḥ |] |

--------------- Page 58 -------------------
 sarvabhāvodbhavabhuvaḥ praveśo'ntaścidātmanaḥ ||

kathaṃ punaryogivṛttyā syādatra prāha śaṃkaraḥ |


??????? vyākhyā kahā kā hai nahīpatā


āsanasthaḥ sukhaṃ hrade nimajjati ??? [vijñānavatāṃ 
yogināṃ cidātmāntaḥpraveśopāyātmayogocita-
prayatnādhigamyavṛttyā draḍhimnā pariśīlanaṃ vidadhatāṃ 
satyāmapi ubhayavāhocchedātmakumbhakavṛttau ravīndusaṃghṭṭa-
janyodānāgniparyāyasya śucerūrdhvotkṣepaṇātmanā recakavāhena 
adharādharādhārādipadānikramaśa ullaṅghya yāvatā 
dvādaśāntapade viśrāntirjanyate, ata evodānasya 
dvaitendhanaploṣakāritvāt caṇḍatvam, paramaśuddhikāraṇatvācca 
pavamānatvam tadāśrityaiva dvādaśāntasthaśivacaitanyāmṛtāb-dhau 
procchaladviśvavaicitryataraṅge nirāyastāvagāhamānatā, 
yannirantarasaṃbhogarasaparicarvaṇodyuktānām 
akālakalitānuttaraśāktapadasaṃprāptiḥ uktopāyasevanato bahirantaḥ 
kalanāvikalam akhaṇḍasvātantryamayī kalpate iti |] || 3-16 ||

pavamānaḥ śuciścaṇḍo madhyamaḥ prāṇa āsanam |

yogināṃ jñānapūrvāṇāṃ sanmatsyavalanātmanā ||

pūrvamuktaṃ ca tatrasthaḥ sukhaṃ majjati taddhrade |

hradatvamatra prāguktaṃ sarvabhāvodbhavatvataḥ ||

cidrūpasya ca bījatvamata eva nirūpitam |

avadhānānupraveśāvatropāyāvudāhṛtau ||

kālakāmajayāyaivamajāmarapadāptaye || 3-16 ||

--------------- Page 59 -------------------
 evaṃ kartraṃśaviśrāmastatsvātantryamakhaṇḍitam ||

tena kartṛtvamasya syāttadāha vṛṣalāñchanaḥ |

svamātrā nirmāṇamāpādayati || 3-17 ||

svā śaktiḥ parameśasya jñatvakartṛtvalakṣaṇā |

yāvadvīryaṃ balaṃ tasya bhavaprabhavakāraṇam ||

ataśca sā jaganmātā tasya śaktimataḥ parā |

tayā svamātrā nirmāṇaṃ yathāsvaṃ rocate vibhoḥ (k: yathāsvaṃ 
racati vibhuḥ) ||

tathā saṃpādayatyāśu tatsvātantryabalādalam [prāguktayoḥ 
avadhānapraveśātmanorupāyayoḥ anuśīlanamahātm-yāt 
yathābhimataṃ vedyavedakāvabhāsanātmakaṃ vastu 
apūrvollekhāvabhāsanaśīlinyā kartṛtvādisatattvayā svaśaktyā 
tatpadaviśrānto nirmātuṃ prabhavati, tannirmāṇameva asya 
svātantryadhāmaviśrāntisūcakamiti |] || 3-17 ||


evamasya ca yadrūpaṃ tadā buddhyā malāvṛtam ||

tadvināśātpunarjanma na bhavettatra cāvadat |

vidyāvināśe janmavināśaḥ || 3-18 ||

--------------- Page 60 -------------------
 sopādhikā vedanīyā (k: sopādhikā bodhanīyā) 
padārthaviṣayaiva yā |

aśuddhā sā smṛtā vidyā punaḥ saṃbhavakāraṇam ||

syāt tadvināśaḥ sahajavidyodayanibhālanam |
 
sati tena svatantratvavyaktiḥ syādātmanaḥ parā ||

ata eva punarjanma na bhavetsvabalāśrayāt |

jīvanmuktiriyaṃ siddhirakālapadadāyinī [vṛttijñānaṃ 
vedyaphalaprāptisādhanaṃ vastvākārakhacitatayā aśuddhavidyā-
ityucyate saiva bandhayitro, tadviparītaśuddhavidyānusaṃdhānena 
sahajasaṃvitsamāsādanāt svavīryalābhe sati 
āṇavamāyīyamaladvayasahakṛtaṃ dehendriyādisamudāyātmakaṃ 
kārmabandhanaṃ parilupyate ityarthaḥ |] || 3-18 ||

vedanīyaparā yeyaṃ bāhyārthopādhirañjanāt |

vidyā tatpreraṇe hetuḥ ka ityatroktavānajaḥ ||

kavargādiṣu māheśvaryādyāḥ paśumātaraḥ || 3-19 ||

sarvātmakasvarūpasya śabdarāśeḥ kalāmayam |

yadrūpaṃ pūrvamādiṣṭaṃ paśoḥ śabdānuvedhataḥ ||

--------------- Page 61 -------------------
 pratyayotpādakaṃ samyak taddvirūpaṃ prakīrtitam |

bījayoniprabhedena tatra bījaṃ śivaḥ svayam ||

śaktirmāyābhidhā yoniḥ kādikṣāntāṣṭavargiṇī |

māheśyādyaṣṭakaṃ tatra parāparaphalapradam ||

adhiṣṭhāya paśūnāṃ ca bāhyārthāvagame sthitam |

miśrakarmaphalāsaktijanakaṃ ghoralakṣaṇam ||

viṣayāsaktacittānāmadho'dhaḥ pātakārakam |

ghoraghorataraṃ tatsyādaghoraṃ śivadāyakam ||

evaṃ mātrāṣṭakaṃ (k: evaṃ mātraṣṭakam) caitatprativargaṃ 
tribhedavat |

pūrvavarge bhairavatā saṃsthitaivānapāyinī [parā vākśaktiḥ 
śivābhinnasvarūpā icchāditrikamudbhāvya vargavargyādirūpāṃ 
mātṛkāṃ samunmīlayantī paśupramātṛṣu 
savikalpakasaṃvedanadaśāyām antaḥsthūlasūkṣmaśabdaparāmar-
śanaṃ kurvatī vargādyadhiṣṭhātrībhiḥ māheśvaryādibhiḥ 
rāgadveṣakāmalobhādīn ātanvānā teṣāṃ dehāditādātmyameva 
niṣpādayati ityataḥ karaṇadvāraiḥ prasarantyāṃ vṛttau 
ghorādisaṃjñikā māheśvaryādyāḥ mātaraḥ paśūn 
svātmavimukhān viṣayāsaktyā adhaḥ pātayanti, patibhyastu 
svātmavikāsarasaṃ tathā tathā camatkaraṇapūrvaṃ samarpayantyo 
naiva bhedaprathanamutpādayanti ityarthaḥ |] || 3-19 ||

--------------- Page 62 -------------------
 tadevaṃ śabdarāśiśca trisvarūpo'ṣṭavargajaḥ ||

uccārasyādimadhyāntabhedā varṇavraje'pi ca |

tatrābhedena śivatā yathā syātprāha tattathā ||

triṣu caturthaṃ tailavadāsecyam || 3-20 ||

ukteṣu mātṛbhedeṣu triṣu varṇātmakeṣu ca |

yo'vaśiṣyata evātra caturthaḥ sa śivaḥ paraḥ ||

so'nusaṃdheya āsecyastriṣu (k: so'nusaṃbandha āsevya-) 
tailavadambhasi |

tadanusyūtarūpatvātsyātsiddhiranapāyinī [prāksūtre nirṇītābhiḥ 
ghorāghorādisaṃjñakapaśumātṛbhiḥ adhiṣṭhitānāṃ 
sthūlasūkṣmavarṇātmakavikalpānāmādyanta-koṭau 
adhiṣṭhānātmanā pratīyamānena cidrasena pariṣecanaṃ vidheyam | 
arthāt cidrasāśyānabhāvena tadavasthitiḥ punaḥ bhedaprathāṃ 
vigālya tailavat adhikādhikaprasaradāśrayavyāptyā cidrasamayī 
anusaṃdheyā yena teṣāṃ svavyāpṛtirbandhanātmikā apeyādityarthaḥ 
|] || 3-20 ||

atra varṇānupraveśe ka upāyastato'vadat (k: ka upāya ito'vadat) |


--------------- Page 63 -------------------
 magnaḥ svacitte praviśet (k: magnaḥ svacitte'nupraviśet) 
??????[bahiridantaunmukhyaṃ jigamiṣoḥ cinnāthasya 
udyuktaprasaraddṛkkriyāśaktimattvāt yeyam arthācchuritā vṛttirasti, 
tasyāḥ pratyāharaṇāt yogī aṅgāravahninyāyena avikalpasaṃvittyā 
varṇānupraveśaṃ kuryāt | varṇānupraveśe saṃsiddhayā 
bhairavamudrayā mantrādyanuprāṇanamapi siddhyediti |] || 3-21 ||


bāhyārthākāratā yeyaṃ pravṛttiṃ bhajato vibhoḥ |

pūrvavṛttyudayenālaṃ tatpratyāhṝtiyogataḥ ||

svātmanyeva nimagnaḥ syātpravṛttyuparame sati |

evaṃ nimeṣavaśataḥ śivo bhūtvā svacetasā ||

aṅgārakalpavarṇānāṃ vahninavaccāntaraṃ viśet |

punarbhairavavṛttyaiva mantrānuprāṇanaṃ param ||

na kevalaṃ yāvadayaṃ vidhiḥ parapurādiṣu |

itthaṃ sati ca mantrāṇāṃ śivabhairavatā sphuṭam ||

sphuratyevānyathā kasmādvarṇātmā mantra īśvaraḥ || 3-21 ||

tadevaṃ varṇamātrasya pūrvāparanirāsataḥ |

--------------- Page 64 -------------------
 sthitatvātkiṃ bhavatyāha tadarthaṃ sūtramīśvaraḥ ||


madhye'varaprasavaḥ (k: -prasara) || 3-22 ||


varṇasyoccāryamāṇasya pūrvamadhyāntalakṣaṇam |

bhāgatrayaṃ yattatrādiparyante śivarūpatā ||

saṃsthitaivodbubhūṣākhyaviśramākhyasvarūpataḥ |

madhye ca prasavo bhraṃśaḥ (kh: madhye ca prasaro bhraṃśa ityevaṃ 
eva pāṭho vyākhyāto'pyasti |) syātpaśorvarṇamātrake ||

patyuḥ śāktaṃ sphuradrūpametadevopadiśyate [uccicārayiṣāyāṃ 
tadviratau ca ādyantakoṭilakṣaṇāyāṃ madhyamādivāgviṣayāṇāṃ 
sthūlasūkṣmasaṃniveśavatāṃ varṇānāṃ paśyantyādāva-
vibhaktapade nilayanāt aprayāsasaṃsiddhā śivarūpatā asti | 
madhyakoṭau tu teṣāṃ tattadvicitrākārasaṃniveśasphuraṇāt 
avikalpasaṃvidaḥ sakāśāt paribhraṃ-śitvamityarthaḥ |] || 3-22 ||

itthaṃ sati trisvarūpe yathā sāmyaṃ bhavatyalam ||

tathā pradarśayannāha pārvatīdayitaḥ punaḥ ||

--------------- Page 65 -------------------
 	prāṇasamācāre samadarśanam || 3-23 ||

sarvajñānakriyārūpaṃ yatsvasāmarthyamuttamam |

sa prāṇaḥ paranādākhyaḥ sarvānuprāṇanakṣamaḥ ||

tatsamācāra āveśo varṇaśabdāṇuṣu sphuran (k: śavdavarṇāṇuṣu 
sphuṭam) |

tenābhedaścānubhavaḥ samadarśanamucyate ||

evaṃ tadvalamākramya sarvajñānabalānvitāḥ |

varṇamantrādikāḥ sarve bhavantīti kimadbhutam [sarvaprakāśānaṃ 
jīvitabhūte paranādākhye svatantraprakāśe samāpattyā 
vaikharīparyantaṃ prasṛtānāṃ padamantrādīnāma-
bhedānubhavanābhyāsadhārādhirūḍheḥ paravīryalābhaḥ irtyarthaḥ 
|] || 3-23 ||

varṇānuprāṇanaṃ śaṃbhurnirūpyāha prasaṅgataḥ |

yathā bhāvaśarīrādeḥ syādanuprāṇanaṃ tathā ||

mātrāsvapratyayasaṃdhāne naṣṭasya punarutthānam || 
24 ||

māyādyavaniparyantatattvagrāmakalāstu 
[māyātattvādipṛthivīparyantatattvakalā bhūtaśarīropādānabhū-tāḥ 
svātmābhinnatāpratyayānusaṃdhānena cidrasamayīḥ niṣpādya 
śabdādiviṣayāspadaṃ bhāvaśrīramapi cidānandaghanarasamayamudeti 
yena sarvakartṛtvādibhūmisamāveśa-vīryaṃ labdhvā sarvatra 
paripūrṇajñatvakartṛtvādirūpaṃ paramaiśvaryamadhyāsyate ityarthaḥ 
|] yāḥ |


--------------- Page 66 -------------------
 tā mātrā vyaktayo yāśca pratitattvaṃ svagocare ||

tāsu svapratyayaṃ jñānaṃ pratisvaṃ tena pūraṇam ||

anusaṃdhānametattatkartustadbhūmyupāśrayam ||

sati tasminvinaṣṭasya bhāvāderudayaḥ punaḥ |

evaṃ kartṛdharāveśabalato (k: kartṛvarādeśabalata) yatra yatra ca ||

mātrāpratyayasaṃdhānaṃ kuryāttatkartṛtā bhavet |

sarvajñasarvakartṛttvabalāveśadṛḍhasthitiḥ || 3-24 ||

ya evaṃ nityayuktaḥ sa bhavetkīdṛktadāha ca |


śivatulyo jāyate || 3-25 ||


sarvasminkāraṇakule śivaḥ śirasi vartanāt |

sadā nirupadhijyotīrūpatvāccitsvarūpataḥ ||

tattulyo nityayuktatvātkurvannapi viceṣṭitam |

--------------- Page 67 -------------------
 jīvanmuktaḥ sādhakaḥ syātpūrvoktajñānavīryataḥ [evaṃ 
nityayuktasya śivasvarūpapariśīlanātiśayāsāditatatpadatvāt 
dehakalāsadbhāvepi jīvanmuktisukhāsvādanena śivatā upamīyate | 
prārabdhopanīyamānabhogātikrāntyā videhamukto tu tādātmyameva 
prāpyate iti bhāvaḥ |] |

evamabhyasyataścāsya (k, kh: evamabhyasya taccāsya) kīdṛśī 
nityayuktatā |

tadarthaṃ bhagavānsūtramāha vratanirūpakam ||


śarīravṛttirvratam || 3-26 ||


śarīrameva kaṅkālaṃ kapālaṃ kaṅkarasthitam |

pṛṣṭhadaṇḍaṃ daṇḍamatra karapādagalasthitāḥ (k: daṇḍamātrakareti; 
kh: daṇḍapātra |) ||

asthikhaṇḍāḥ pañca mudrā bhasma dīptiḥ parā smṛtā |

guṇatrayaṃ copavītaṃ dhvajikā syānmahāpatham ||

bhūṣaṇānīndriyāṇyatra vihṛtirviṣayeṣvalam |

hṝcchmaśāne sadāsaktiḥ kāyavākcetasā sphuran (k: cetasā sphuṭam; 
kh: sadā śaktirityevaṃvidhaḥ |) ||


--------------- Page 68 -------------------
 yo yaśceṣṭāparispando vīreśasyotsavaḥ sadā ||

mahāvratamidaṃ jñeyaṃ nirargalanijasthiteḥ [prāṅnirdiṣṭanayena 
abhyasyato mahāvrataṃ pāśupatākhyaṃ prasiddhyet yatra kaṅkāla-
kapāla-daṇḍa-pañcamudrā-bhasma-upavīta-dhvaja-bhūṣaṇa-
nivāsa-vihṛtyādisāmagrījātamavyakta-dravyamayamupayujyeta | 
vyaktaliṅgitayā tu dharmadhvajī bhūtvā malakālikayopasaṃlipyate |] |

itthaṃ vratadharasyāsya japaḥ kīdṛktadāha ca ||


kathā japaḥ || 3-27 ||


yadyatkartṛdharārūḍhaḥ prabuddhaḥ sanprabhāṣate |

tattajjapaḥ syādvratinaḥ sa japātpuruṣottamaḥ ||

vīryāvalambanoccārasaṃcārākhyā kathā japaḥ |

evaṃ caturdhā vijñeyaḥ śākto haṃsaśca (k: pudgala; kh: hāṃsa ca 
pāṭho'sti |) paudgalaḥ ||

[niṣkalo'pyatha] śākto'tra yeyaṃ svā [haṃ] kriyā citeḥ (paudgala 
ityato'nantaraṃ ka. kha. pu. avidyamānaḥ, (.....śākto'tra yeyaṃ 
svā...kriyā citeḥ, ityetāvānādya madhyato naṣṭākṣaro'pi 
padyārthapāṭhaḥ ga. pustakātsaṃpūrito'sti |) |

--------------- Page 69 -------------------
 niṣkalaḥ praṇavāṅgastho haṃso nādakalātmakaḥ ||

jīvasaṃjño marudrūpaḥ svapravṛttyāyutadvayam (k: 
mahadrūpasvapravṛttyā-) |

sahasraṃ ṣaṭśatānyeva vahatyacchinnasaṃtatiḥ [evaṃ 
mahāvratavato'sya vīreśasya parāhaṃbhāvabhāvanāpada-
madhirūḍhasya paravīryānuprāṇitatayā caturvidhānāṃ niṣkalahaṃsa 
- paudgala-śāktarūpāṇāṃ mantrāṇāṃ 
svātmadevatāparāmarśanasārārthavattvāvartanātmā japo'navarataṃ 
pravartamāno naiva vicchidyeta |] || 3-27 ||

ya evaṃ jñānavānsiddho japavrataparāyaṇaḥ |

kena dānena teneha bhāvyaṃ tatrāha śaṃkaraḥ ||


dānamātmajñānam || 3-28 ||


ātmasvarūpaprajñaptirjñānaṃ tatparamuttamam |

uktaṃ ca vakṣyamāṇaṃ ca tasya samyak prakāśanam ||

śaktipātaprabudhānāṃ yattaddānamihottamam |

taddānātkṣapaṇaṃ samyakpāśānāṃ syātpaśostataḥ (k, kh: 
pāśyānāṃ syātpaśuṣṭuta) ||

--------------- Page 70 -------------------
 dīkṣāśabda iha prokto dānakṣapaṇalakṣaṇaḥ 
[tīvraśaktipātavatāṃ proktajapavratināmuktavakṣyamāṇaprakriyayā 
varṇitamātmajñānameva paśuṣu prakāśanīyaṃ tadeva dānaṃ, yataḥ 
svarūpajñāpanasya āṇavādipāśānāṃ ca 
dānakṣapaṇalakṣaṇāyāṃ dīkṣāyāmadhikāritvamanugrāhyeṣu 
pravarte iti |] || 3-28 ||

evaṃ sṛṣṭisthitidhvaṃsarakṣānugrahakṛdvibhuḥ ||

ātmaiva śivarūpatvāttatsvarūpanirūpaṇe |

sūtraṃ vyastaṃ samastaṃ ca provācendukalādharaḥ ||


yovipastho jñāhetuśca (k: yonistho jñānahetuśca) || 3-29 ||


yonitvena ca viśvasya para eva sthitaḥ prabhuḥ |

jñānakriyātmā heyasya tucchīkaraṇahetutaḥ ||

ato yogī viśvarūpapadastho jñānapūrvakaḥ |

heturbhogasya mokṣasya prakṛṣṭaḥ pratipāditaḥ ||

ya evaṃ yogirāṭ samyakkatraṃśābhiniveśataḥ |

labdhasthitiḥ sa vipasthastajjñāne (k: labdhasthitiḥ sa viśvastha) 
heturuttamaḥ ||


--------------- Page 71 -------------------
 atra ye paśavasteṣu patirmātṛgaṇaḥ smṛtaḥ |

tatstha ātmā prasphurati tena cakreśvarastvasau [viśvakāraṇaṃ paraśiva 
eva jñānakriyātmā heyatucchīkaraṇa-prayojakakartā tatprasādādeva 
hi viśvollāsadhāmni saṃsthito yogyeva pūrṇajñātṛtvādisadbhāvena 
bhogamokṣabhājanam | yadvā kartṛbhūmyadhirohaṇāt labdhasthitiḥ 
yogīndraḥ svajñānaśaktyā upadeśyān pratibodhayituṃ śaktaḥ | atha 
vā paśupramātradhiṣṭhā-neṣu māheśvaryādimātṛkāgaṇeṣu 
taccakreśvara ātmaiva prasphurati | tameva nijaraśmirūpā 
mātṛkādhiṣṭhitacidvṛttayo viṣayasārāṃśāharaṇena sadā pūjayanti | 
tasmāt tadāśritā imā mātṛkāḥ tadvyatiriktatayā 
svasattāmalabhamānāḥ svaprakāśanāya tamupajīvanti ityasau 
śāktollāsamaya evetyarthaḥ |] ||

itthaṃ cidbhairavasyaitā vṛttayo raśmayaḥ smṛtāḥ |

śabdādiviṣayairbhogaiḥ pūjayantyaḥ sadā sthitāḥ ||

etanmātṛgaṇajñānamatra hetuḥ svacidvibhuḥ || 3-29 ||

evaṃ śaktimayasyāsya viśvākāratvamāha tat (k: viśvākāratayāha 
tam) ||

svaśaktipracayo'sya viśvam || 3-30 ||


--------------- Page 72 -------------------
 evaṃ śaktimataścāsya śaktayaḥ svāścidādayaḥ (k: 
svāścidātmanaḥ; kh: svāccidātmana) | 

tāsāṃ navanavollāsaspandā ye pracayāḥ smṛtāḥ (k, kh: pracayāśca 
ye) ||

ta eva viśvaṃ vijñeyaṃ yataḥ śaktyātmanā vibhuḥ |

jagadrūpaḥ prasphurati sphurannevātmanā sadā [yathā śivasya viśvaṃ 
nijānuttaraśaktimayam evamasya yoginaḥ śivatulyatvāt 
svasaṃvicchakteḥ vicitranavanavollāsaspandamayakriyā-
śaktisphuraṇātma vikasitamasti | tattannīlasukhādi vedyajātaṃ 
bahirantaśca prathamānaṃ prakāśaviśrāntimāśritya 
svavyavasthāpanaṃ prāpnuvat anyathā svasiddhyanupapattiṃ prathayediti 
svasaṃvideva tathā tathā viśvavaicitryeṇa sarvatra svayaṃ 
svairamanorathavat prasphurati | śaktitadvatorabhedāt śiva eva tathā 
vibhāyaditi bhāvaḥ |] || 3-30 ||

evaṃ sṛṣṭikṛdevātmā sthitikṛllayakṛdyathā |

tathā pradarśayannāha sūtraṃ tripurasūdanaḥ ||

sthitilayau || 3-31 ||

taireva śaktipracayairvṛttyullāsasvarūpakaiḥ |
 

--------------- Page 73 -------------------
 cidātmaiva sthitilayau prakaroti nijecchayā [evaṃ svecchāśaktyaiva 
cidātmā sthitipralayau racayati kriyāśaktyunmīlitasya viśvasya | tatra 
śaktitattvāvadhi tattatpadādhyakṣānāśritādipramātṝn apekṣya 
tattatparārdhakālapramitāyuṣkālaṃ yāvat bahirmukhatvena 
svādharasthaviśvasya avabhāsanaṃ nāma sthitiḥ | yathāsvamupari-
tanapadanimeṣavaśāt svasyāpi vilayaḥ, kā kathā svasmāt adhastanasya 
viśvasya | evaṃ citpramātṛviśrāntyātmako layaḥ | itthametāvubhau 
avabhāsamānau svaśaktipracaya eva | yataḥ tattadvedyajātaṃ 
nimīlyamānamunmīlyamānaṃ ca prakāśanānyathānupapatteḥ 
saṃvicchaktyātmakamevetyarthaḥ |] || 3-31 ||

evaṃ sṛṣṭisthitidhvaṃsakāle'pyātmā nijasthitiḥ |

yathā bhavati tatrāha sūtraṃ śāstrārṇavo haraḥ ||


tatpravṛttāvapyanirāsaḥ saṃvettṛbhāvāt || 3-32 ||


teṣāṃ sṛṣṭyādibhāvānāṃ pravṛttāvapi cidvibhuḥ |

svasthitiṃ na jahātyeva sadā saṃvettṛbhāvataḥ ||

anirāso'trāvilopaḥ (k: anirāso'trāvalupta) saṃvettṛtve viśeṣaṇam |

itthaṃ lopo vyavasthānāṃ nāvasthātuḥ kadācana ||


--------------- Page 74 -------------------
 nirūpitaṃ syātsarvatrānusyūtatvasvarūpataḥ 
[sṛṣṭyādyunmajjane'pi citsvabhāvasthitiḥ 
turyacamatkaraṇavimarśanamayāt saṃvettṛbhāvāt sakāśāt naiva jātu 
kila nirasyate | tadityupalakṣaṇaṃ pañcakṛtyasya | pañcakṛtyakārī 
cidātmā tattatkṛtyollasanātmasvātmaiśvaryaṃ prakaṭayan 
vinaśyatsvabhāvānāṃ teṣāṃ bhāvānāṃ pūrvāparakoṭyoḥ 
camatkartṛtayā sadoditaḥ svasya tatsākṣisvabhāva-tāmavagamayet | 
itthamavināśino'vasthāturavasthā eva vividhā naṣṭoditā asakṛt 
viparivartante na tu tasya vināśaḥ | tathātve hi 
tadvilayādayo'sākṣikatvāt asaṃbhāvyāḥ pratīyeran ityarthaḥ |] || 3-32 ||

evaṃ sukhāsukhe atra nirūpayitumāha ca ||

sukhāsukhayorbahirmananam (k: sukhāsukhatve bahira) || 3-33 ||

adivyaviṣayāsvādādiṣṭaprāptyādinoditam [itthamupalabdhṛpadasthi-
tasya laukikapreṣṭhatamaviṣayasparśaprāpti-janyā ānandavṛttiḥ | 
tadaprāptyā tadviparyastāpattyā ca utpannā anānandavṛttiḥ duḥkham | 
tat punarādhyātmikādibahubhedaiḥ bahuvidham | evamubhe ete 
āvirbhūte'pi vimarśadārḍhyāt anahaṃmamatāvattvena nīlādivat 
saṃvedyamāne svarūpānāvarake staḥ, na punaḥ paśupramāturiva asya 
ahantāsparśo bhavati tatretyarthaḥ |] |

--------------- Page 75 -------------------
 pratyagātmani bāhyāntaḥsukhasya (k: bāhyāntarmukhasya; kh: 
bāhayo'ntarmukhasya) mananaṃ matam ||

duḥkhaṃ tridhā pañcādhā ca punarbhedairanantakam |

ādhyātmikāditritayaṃ tāpatritayameva tat ||

tamo moho mahāmohastāmisraśca caturthakaḥ |

andhatāmisra evānyadatrāṣṭaprakṛtiḥ sthitaḥ ||

ātmābhimānastu tamo moho dehātmatā mataḥ |

mahāmohastu bāhyasya putrāderātmarūpatā ||

tāmisraḥ syātkuṭumbādibādhākartaryamarṣaṇam (kh: 
kuṭumbādernāśakarturāmarṣa) |

pañcamastvandhatāmisro maraṇatrāsa eva yaḥ ||

ata eva vibhedena punargacchatyanantatām |

citaḥ kartṛdharāveśadārḍhyāttādātmyarūpataḥ (kh: citeḥ 
kartṛdharādeśadārḍhyatādrūpyabhāgitā) ||

sukhaduḥkhādyavasthākhyamananaṃ yadudetyalam |

kutaścitkāraṇādvāpi tadanāvarakaṃ bhavet || 3-33 ||

--------------- Page 76 -------------------
 atastanmananaṃ vāhyamantarviśati no yadā |

tadā tanmukta ātmaiva (k, kh: tadā tanmukha ātma) kīdṛśaḥ 
syāttadāha ca ||


tadvimuktastu kevalī || 3-34 ||


tābhyāṃ ca sukhaduḥkhābhyāṃ (k: tasyāṃ ca sukhaduḥkhābhyām, 
tasyāṃ tādātmyadaśāyāmiti paryāyopetaḥ pāṭhaḥ |) 
mūḍhabhāvena ca prabhuḥ |

vimuktaḥ kevalaḥ svasthaḥ sarvānusyūtavṛttitaḥ [yadā 
sukhādimananamantarnaiva viśati, tadā sukhādinā tatkṛtamohena ca 
asaṃspṛṣṭaḥ san aviluptasvātmavibhavaḥ kevalacinmātraparapramā-
tṛrūpe viśrāntyā yogī yogaphalamanubhavatītyarthaḥ |] || 3-34 ||

mūḍhabhāvaśchādakaḥ (k: mūḍhabhāvācchādaka) syānna vā 
tannijagāda ca |


mohapratisaṃhatastu karmātmā || 3-35 ||


moho maurkhyamanudyogastvavidyā (k: maurkhyamanudvega; kh: 
mohamaurkhyādyanudyogaścāvidyā) jāḍyamāvṛtiḥ [yadā 
avidyāparyāyeṇa mohena śarīrādiṣu ātmābhimānitāṃ vijṛmbhya 
nairantaryeṇa vyāpto bhavati, tadā dehāvayavasahakṛta-
śubhāśubhamiśrakarmāṇi samācaran pūrṇaṃ cidvyomaikarūpaṃ 
svātmānamapahnuvāno vividhavicitrakarmaphalebhyaḥ abhiniveśena 
spṛhayāluḥ nānāvidhanarādiyonīḥ saṃsaratītyarthaḥ |] |


--------------- Page 77 -------------------
 avivekaśca mūrchādiparyāyairebhirucyate ||

śarīrāderahaṃbhāvo yasminsati vijṛmbhate |

pratisaṃhata evātmā vyāptastena nirantaram ||

karmātmā tasya ca proktaḥ saṃsārī paśurityasau |

tadā bhedāvabhāsitvamabhedākhyātilakṣaṇam (k: 
abhedābhātilakṣaṇam; kh: bhedābhāvasya lakṣaṇam) || 3-35 ||

mohe satyātmano'hantedantārūpaṃ sadā sthitam |

tadudveṣṭanayogena kartṛbhūmisamāśrayāt ||

prabuddhaḥ śivarūpaḥ syādātmā nityaṃ nijasthitiḥ ||

bhedābhāve bhavatyasya kiṃ tadāhātra śaṃkaraḥ ||


bhedatiraskāre sargāntarakarmatvam || 3-36 ||


p 78) ātmaivaṃ sarvaṃ buddhatvādbhinnaṃ nehāsti kiṃcana 
[śivaśaktipātāviddhahṛdayatvāt hetoḥ karmabandhanodveṣṭanaśiva-
yogāśrayaṇena prabuddhaḥ san paramaśivasvabhāvāt vyatiriktaṃ 
kiṃcanāpi aparyālocayan dehādyahantātma-sakalapralayākalādi-
pramātrāspadāṃ bhedaprathāṃ nyakkaroti | evaṃvidho'yaṃ 
svasvarūpapratyāpattyā niścalasthitiḥ labdhaparaśāktabalo 
mantramantreśvarādipramātrucitamahāvaibhavaprāptau satyāṃ 
svecchānatikrāntyā navanavollekhasaṃniveśādicitritān apūrvasargān 
kartuṃ prabhavedityarthaḥ |] |

viśvamātṛbhiretacca svasūtreṣu nirūpitam ||

nivṛttasya pravṛttasya niścalaiva yadā sthitiḥ |

viṣayasya hi buddhānāṃ tatsāmyamajamavyayam ||

itthaṃ bhedatiraskāre satyekākāratātmanaḥ |

tena sargāntaraṃ sṛṣṭerapūrvollekha eva yaḥ (k: apūrvollekhanena yaḥ) 
||

tatkarmatvaṃ kartṛtā syādyathāruci cidātmanaḥ || 3-36 ||

atra hetuṃ surādhīśaḥ prāha sargāntaraṃ prati ||


karaṇaśaktiḥ svato'nubhavāt || 3-37 ||


p 79) śaktiḥ sargāntarotpāde sāmarthyaṃ (k: sargāntarotpādaḥ 
sāmarthyam; kh: sargāntarotpādasāmarthyam) karaṇeṣu yat |

tatsvato'nubhavātsiddhamakṛtrimabalāśrayāt ||

yataḥ karaṇasāmarthyamātmāveśabalādbhavet |

tena satyadharārūḍho yādṛśaṃ kāryamicchati ||

tādṛśaṃ prakarotyeva saṃkalpaṃ parameśvaraḥ |

yadyapyuktamidaṃ sarvaṃ tathāpi vyaktaye punaḥ (kh: vyaktaye tata) ||

prakārāntaramatroktaṃ vicitrāḥ siddhayo yataḥ [yathā sādhāraṇyena 
krimyāderapi svapnasvairavikalpādau viśvavaicitryanirmāṇaśaktyā 
kayācidapi tattadudyānavanagirisaro-nagarādīnāmasādhāraṇānāṃ 
padārthānāṃ nirmātṛtvaṃ svānubhavagamyam | evaṃ yoginā 
gāḍhatarābhiniveśāt akṛtrimavīryamāśrayatā tadbhūmikārūḍhena 
yathāsvasaṃkalpaṃ yādṛśaṃ kāryamiṣyate tatsarvaṃ karaṇaśaktyā 
nirmīyate | prāgabhihito'pi viśvavaicitryotpādanasāmarthyopāyaḥ 
siddhīnāṃ bahuprakārāntarajñāpanāya idānīṃ punaranūdyate |] || 
37 || 


--------------- Page 80 -------------------
 evaṃ svānubhavasturyapadarūpaḥ sphuratyalam ||

yadā sarvatra sargādau tadā labdhātmasaṃsthitiḥ (k: tadā 
labdhātmasaṃsthitim) |

bhavatyātmā tadāhātra jagatāṃ patirādarāt ||


tripadādyanuprāṇanam || 3-38 ||


trīṇi jāgratpadādīni ādibhūtāni yasya tat |

tripadādi smṛtaṃ turyaṃ yugapatpūrṇatābhidham ||

tenānuprāṇanaṃ samyagbhāvānāṃ svabalārpaṇam (k: bhāvānāṃ 
svabalārpaṇāt) [proktopāyajālasevanena jāgarādīnāṃ 
tisṛṇāmavasthānāmanu-prāṇakaṃ turīyaṃ cidānandaghanaṃ 
śivatattvameva paripūrṇaṃ sarvabhāvavyavasthāpakaṃ yadā 
upalabhyate, tadā vyavahāradaśā-yāṃ 
tattadiṣṭasaṃgītādiviṣayāṇāmāsvādādyavasareṣu 
antarmukhavimarśāvasthityā boddhṛtattvaṃ nirāvaraṇaṃ vidyudvat 
prasphuredityarthaḥ |] || 3-8 ||

kathaṃ kuryāttadāhātra sūtraṃ hārdatamoharaḥ ||


cittasthitivaccharīrakaraṇabāhyeṣu || 3-39 ||


--------------- Page 81 -------------------
 cittasyoktasvarūpasya sthitirniścalataiva yā [vedyaunmukhye 
saṃkucadrūpatayā cittībhūtasya cittattvasyaiva upāyādyanuvṛttyā 
svabhāvacidānandaghanatāpratyāpatteḥ kalpitasya 
dehāderapitāttvikasvabhāvāpracyutiḥ | prāgavasthāyāṃ hi sarvaṃ 
bhāvajātaṃ cidrasasamakakṣyaṃ bahirmukhatāyāṃ 
kāṭhinyamāpannamiva svapnamanorathavat prakāśate | vastuto 
bāhyābhyantaraṃ svarūpaprathaiva tattadbhāvena āśyānībhūya 
avabhāsamānā punarvilīya cidrasībhavatītyarthaḥ |] |

apracyutiḥ svasvarūpāditi tadvaccharīrake ||

yathāsvaṃ kalpite cātra sabāhyābhyantare sthite |

karaṇagrāma evālaṃ sthitiryā prāṇanaṃ hi tat (k: prāṇanaṃ mahat) ||

evaṃ bāhyeṣu bhāveṣu yeṣu yeṣu (kh: bāhyeṣu bhogyeṣu) prakalpanam 
|

kurute teṣu teṣveva prathanaṃ syāttathaiva tat || 3-39 ||

evamantaḥ sthitasyaiva bhavedvāhyavisarpaṇam (k: bāhyavisarpaṇā iti 
strīliṅganirdiṣṭaḥ pāṭhaḥ) |

bhāvavrātasya kasmāttatprovāca girijādhavaḥ ||


--------------- Page 82 -------------------
 abhilāṣād bahirgatiḥ saṃvāhyasya || 3-40 ||

ātmanaḥ svabalodrekātkriyāveśaprapūraṇe |

yaivecchā so'bhilāṣaḥ syāttasmādasya bhavatyalam ||

karaṇādisamūhasya saṃvāhyasya bahirgatiḥ |

savyāpārapravṛttiḥ sā preryasyātmabaleraṇāt ||

athābhilaṣitavyaṃ yatsaṃvāhyaṃ tadudāthṛtam |

kākākṣinyāyatastūktaṃ paśoreva paśoḥ punaḥ ||

sarge satyabhilāṣo yaḥ sa sarvaviṣayeṣvalam |

tasmātkarmātmanaḥ proktā saṃvāhyasya bahirgatiḥ ||

svasvarūpaparityāgo bāhyo vaiṣayikavrajaḥ |

gatiḥ prasaraṇaṃ tatra saṃvāhyasya bhavatyataḥ ||

viṣayādibhirevāsau sadā saṃvāhyate yadā |

tadā durabhilāṣākhyo moha evāsya jṛmbhate [yaiva 
svātmaviryākramaṇātiśayāt adharasyāṃ daśāyāmapi 
darśanaśravaṇādikriyāṃ virvoḍhuṃ kāmayamānasya ātmano 
dhīkarmendriyagaṇeṣu cidbalādhānecchā sa eva abhilāṣaḥ, tenaiva 
saṃvāhyākhyasya karaṇacakrasya preraṇāt śabdasparśādiviṣayeṣu 
pravṛttilābhaḥ |
	yadvā khecarī-gocarī-dikcarī-bhūcaryākhyaśaktivṛndā-
dhiṣṭhitaiḥ kañcukādibhiḥ saha yoneryonyantaraṃ saṃvāhyate 
prāpyate yaḥ sa saṃvāhyaḥ karmātmā paśuḥ | tasyaiva 
pāśarāśimūlabhūtābhilāṣākhyāṇavamalasaṃbandhāt 
svasvarūpānubhavaṃ parityajya bāhye viṣayajāte riraṃsayiṣayā 
prasaraṇaṃ bhavati | uttarottaraṃ sa eva ghanībhūtatāvasthāyāṃ 
mohakāryaṃ vidadhāno bhūcarīśakticakramāśritya paśūn 
saṃvāhayatītyarthaḥ |] || 3-40 ||


--------------- Page 83 -------------------
 jīvasaṃjñaśca karmātmā sati duṣṭe tadeṣaṇe ('duṣṭe tadeṣaṇe' 
itīyānpāṭhaḥ pastakāntareṣu truṭisaṃbhavāda-vidyamānaḥ; ga 
pustakātsamupalabhya saṃniveśito'sti |) ||

tatkṣayādātmanaḥ kiṃ syādathovāca maheśvaraḥ ||


tadārūḍhapramitestatkṣayājjīvasaṃkṣayaḥ || 3-41 ||


abhilāṣodgatau pūrvā koṭirdraṣṭṭadharā smṛtā |

tadā tasminnāvasati prabuddhaḥ paramārthavit ||

yadā draṣṭṭadharākrāmī svabalodyogavīryataḥ |

tadāsau rūḍhavijñānaḥ pramātā buddha ucyate ||

pramātuḥ pramitistasya svasaṃvijjñānameva yat |

tadāpyārūḍhapramiterabhilāṣakṣayo bhavet ||


--------------- Page 84 -------------------
 tatkṣayājjīvasaṃjñasya kṣayaḥ karmātmanaḥ smṛtaḥ [evaṃ 
dureṣaṇāyāṃ mitāhantāsaṃyogena mohānubhavāt kadācit 
sukṛtasaṃcayoditaśaktipātaḥ śaivaśāsanavivekaparo 
draṣṭabhūmikāyāṃ prarūḍhasaṃvit khecaryādibhiḥ śaktibhiḥ 
paśukāryavaiparītyena kañcukādārabhya tanmātrāvadhi 
bāhyābhyantaraṃ svasaṃvinmarīcikacanaṃ prakāśyamānaṃ 
svarūpānandamayaṃ rasayan yadā pāśavābhilāṣaṃ jahāti tadaiva 
asya saṃvāhyātmanaḥ puryaṣṭakasya praśamaḥ |] || 3-41 ||

jīvasaṃjñaḥ smṛto badhyaḥ saṃsārī paśurityataḥ ||

pāśarāśikṣatau satyāṃ kīdṛgātmā tadāha ca ||


bhūtakañcukī tadāvimukto bhūyaḥ patisamaḥ paraḥ || 
42 ||


mahābhūtāni pañcaiva pāśarūpāṇi kañcukam |

kañcukaṃ cāvṛtirjñeyā tadāsau bhūtakañcukī ||

avimukto baddha eva bhūyaḥ pūrvoktarītitaḥ |

sarvajñasarvakṛdbhūmirūḍhyā (k: sarvajñaḥ sarvakṛt iti 
vyastapāṭhaḥ) patisamaḥ paraḥ ||


--------------- Page 85 -------------------
 syādasau nātra saṃdehaḥ samyak svānubhavādalam 
[itthamabhilāṣātmakamalaprakṣaye bhautikadehasaṃbandhasthityā 
avimuktatāyāṃ bhāsamānāyāmapi sarvakartṛjñātṛtvabhūmi-
prarūḍhyā nairantaryeṇa anuttaracidānandaghanasvātmaśivatā-
manubhavan badhyapaśubhāvaniṣkrānto dehakalāyā avigalanāt 
śivasadṛkṣo bhavati, na tu śiva eva dehapātānantaraṃ tadbhāvaprāpteḥ 
|] || 3-42 ||

bhūtakañcukinaścāsya saṃbandhaḥ prāṇasaṃjñakaḥ ||

sa kathaṃ prāha bhagavānatra sūtraṃ vṛṣākapiḥ |


naisargikaḥ prāṇasaṃbandhaḥ || 3-43 ||


sa ca bhūtaśarīrasya prāṇasaṃbandha eva yaḥ |

nisargasiddho'sau jñeyaḥ prāṇaḥ prāṇamayo yataḥ (k: nisargasiddhyai 
saṃjñeyaḥ prāṇāpānamayo yadā) [proktārthanītyā 
tadārūḍhasaṃvittvāt puryaṣṭakābhimānavigala-nena tatsaṃbaddhasya 
bhūtakañcukasyāpi avaśyaṃ bhraṃśaprāptau satyāmapi, 
tatsthairyanimittaprāṇapuryaṣṭakasaṃbandho 
nisargasiddho'bhyupagamyate | saṃvideva kila saṃkocāvabhāsa-
pūrvakaṃ viśvavaicitryāvabhāsanāt prāṇanātmakagrāhaka-bhūmiṃ 
śritvā grāhyarūpajagadātmanā sphurantī svayameva 
svavibhavavismaraṇapūrvaṃ jīvadavasthāyāṃ svotthāpitaiḥ 
śubhāśubhavikalpaiḥ puṇyāpuṇyakarmopacayaṃ vidhāya tatsamucitā 
naratiryagdevatāyonīḥ bhrāmyantī kadācit 
nirapekṣaśaktipātādhiṣṭhānāt śaivajñānasopānapaddhatikrama-
samārohaṇena anuttarorddhvadhāmābhilāṣukā jñānāgnidagdheṣu 
karmasu satsvapi daṇḍāpagame cakrabhramivat yāvatprārabdha-
karmopabhogaṃ prāṇatatsaṃbaddhabhūtakañcukāt naiva nivartate 
ityarthaḥ |] || 3-43 ||


--------------- Page 86 -------------------
 bindunādātmakasyāsya mārgatrayavisarpiṇaḥ |

jayaḥ kāryo na vā kāryaḥ svasiddhyai prāha cātra tat (k: saṃsiddhyai 
prāha cātra tām; kh: svasiddhiṃ prāha cātra tām) ||


nāsikāntarmadhyasaṃyamātkimatra 
savyāpasavyasauṣumneṣu || 3-44 ||


nāsāntardvādaśāntaḥ syāttatra saṃnyastacetasām |

niyamāttajjayaḥ siddhastataḥ svātmasthitiḥ sphuṭam ||

madhyaṃ hṛdayamevātra tatra prāṇanirāsataḥ |

cetaso līnavṛttitvādbhavatyātmodayaḥ paraḥ |

evaṃ prāṇajaye siddhe syātkimatra prayojanam |

vāmadakṣiṇasauṣumnamārgeṣu prāṇavāhiṣu ||


--------------- Page 87 -------------------
 yasmātprāṇaḥ prāṇasamaḥ samarthaḥ sarvasiddhidaḥ |

śrīmatsvacchandatantrāntargītametacchivena tu ||

prāṇaḥ prāṇamayaḥ prāṇo visargāpūraṇaṃ prati |

prāṇanāḍījayaścaiva sānuṣaṅgika īritaḥ (k, kh: sānuṣaṅgikamīrita) 
||

yasmācchivamayaḥ śuddha ātmā svacchanda ityataḥ [patibhāvaprāptau 
svātmasiddhighanābhyasanārthaṃ prāṇātmā-
nāhataśabdabrahmopāsanāṃ nirdiśati nāsikāntariti, dvādaśāntā-
diṣu prāṇārkāstamanasthāneṣu yuktacetasāṃ yogināmabhyāsāati-
śayaparicayāt iḍādimārgatrayasṛptasya kroḍīkṛta bindunādasya 
prāṇasya vilayāt nāḍījayaḥ saṃpadyate | prāṇavṛttyuparatau 
anāhatabrahmaṇi cetovṛttiviśrānteḥ spaṣṭatatpratyayaikatāpravāha-
vaśāt tanmayībhūtatvāt dhyātrādibhedavigalanataḥ paramasvātma-
śivodayaḥ | evaṃ sādhyasiddhau āṇavopāyanirdiṣṭoccārādiṣu 
adharapadopāsāviśrāntyā alaṃprāptordhvapadasya 
arvācīnapadāntarānapekṣaṇāt iti kārikāsamudāyāśayaḥ |] || 3-44 ||

evamasminprakaraṇatraye'tha vibhunoditaḥ (k: prakaraṇe 
yo'trāpyavibhunā; kh: vibhubodhita) ||

upāyaghaṭanābandhastatra siddhāntamāha ca |


--------------- Page 88 -------------------
 bhūyaḥ syātpratimīlanam || 3-45 ||


itthamuktadṛśaivedaṃ jagadicchāvijṛmbhitam (k, kh: jagadicchā 
vijṛmbhate) |

sarvaṃ vibhorato māyāśaktivīryādaṇuḥ pṛthak ||

ātmānaṃ bubudhe bhūyaḥ proktarītyupadeśataḥ |

kāluṣyaprakṣayeṇa syātpratimīlanamīśvare (k: pratimīlanamīśvaraiḥ) 
||

apṛthagbhāvamāpanno yadasau parameśvare |

tadasau paripūrṇaikaghanānandaḥ śivo bhavet 
[itthamuktaśaivaprakriyāyāḥ sārasaṃkṣepo'tra nirdiśyate bhūya iti, 
saṃvinmayānuttararūpaḥ paramaśiva eva svecchāvīryākramaṇāt 
śivaśaktyādipallavodgamān visphārya śuddhādhvānamadhiṣṭhitaḥ | 
etāvati adhvani nijacidghanasvabhāvādapracyutaḥ, adharāadhvani tu 
svarūpavismaraṇātmakriḍāpradarśanāśayena māyāpramātṛtā-
madhiśrito viśvanāṭyamabhinayati | sa eva tīvratamaśaktipātā-
virbhatajñānakriyātmāluptaśaktivibhavaḥ śaivajñānapaddhatyā 
kṣetrajñabhāvaṃ nimajjya kāluṣyaprakṣaye paripūrṇacidānanda-
ghanānuttaraparamaśivībhāvamunmajjya svasthitiṃ pratyāpadyate iti 
śam |] || 3-45 ||

iti saṃkṣepataḥ samyak sūtravārtikamuttamam |

śatatrayeṇa ślokānāṃ navatyā copavarṇitam ||


--------------- Page 89 -------------------
 iti prakaraṇatrayaṃ sughaṭamīṣadunmīlitaṃ 

mayā śivamukhodgataṃ sumatisiddhaye sāṃpratam |

vicārya gatamatsarbudhairjanairguṇagrāhibhiḥ

susevyamiha teṣvalaṃ bhavatu siddhimokṣapradam ||


iti kāśmīrika-śrīmadācāryabhaṭṭadivākarātmaja-
bhaṭṭaśrībhāskara-viracite śivasūtravārtike 
vibhṛtispandākhyastṛtīyaḥ prakāśaḥ || 3 ||

samāptaścāyaṃ śivasūtravārtikākhyo granthaḥ ||

śrīśivārpaṇaṃ bhūyāt ||


atha

akārādikrameṇa śivasūtravārtikagranthasūtrāṇāṃ 
sūcī |

						pra. sū. saṃ. 		pṛ.
--------------- Page 91 -------------------
 abhilāṣādvahirgatiḥ 
saṃvāhyasya 					(3-40)			82
aviveko māyāsauṣuptam			(1-10)			13
ātmā cittam					(3-1)				41
āsanasthaḥ sukhaṃ hrade nimajjati		(3-16)			58
icchā śaktitamā kumārī 			(1-13)			15
udyamo bhairavaḥ 				(1-5) 			8
kathā japaḥ 					(3-27)			68
karaṇaśaktiḥ svato'nubhavāt 		(3-37)			78
kalādīnāṃ tattvānāmaviveko māyā	(3-3)				43
kavargādiṣu māheśvaryādyāḥ 
paśumātaraḥ 					(3-19)			60
garbhe cittavikāso viśiṣṭo'vidyā-
svapnaḥ						(2-4)				32

--------------- Page 92 -------------------
 gururupāyaḥ 				(2-6)				34
cittaṃ mantraḥ					(2-1) 			29
cittasthitivaccharīrakaraṇabāhyeṣu		(3-39)			80
caitanyamātmā					(1-1)				5
jāgratsvapna-suṣuptabhede turyābhoga- 
saṃvit						(1-7)				10
jāgraddvitīyakaraḥ				(3-8)				50
jñānaṃ jāgrat					(1-8)				11
jñāmannam					(2-9)				38
jñānaṃ bandhaḥ				(1-2)				5
jñānaṃ bandhaḥ 				(3-2)				42
jñānādhiṣṭhānaṃ mātṛkā 		(1-9)				7
tatpravṛttāvapi anirāsaḥ 
saṃvetṛbhāvāt 					(3-32)			73
tadārūḍhapramitestatkṣayājjīva-
saṃkṣayaḥ 					(3-41)			83
tadvimuktastu kevalī				(3-34)			76
tritayabhoktā vīreśaḥ 				(1-11)			14
tripadādyanuprāṇanam			(3-38)			80

--------------- Page 93 -------------------
 triṣu caturthaṃ tailavadāsecyam	(3-20)			62
dānamātmajñānam 				(3-28)			69
dṛśyaṃ śarīram				(1-14)			16
dhīvaśāt sattvasiddhiḥ				(3-12)			54
nartaka ātmā					(3-9)				51
nāḍīsaṃhāra-bhūtajaya-bhūta- 
kaivalya-bhūtapṛthaktvāni			(3-5)				47
nāsikāntarmadhyasaṃyamāt kimatra
savyāpasavyasauṣumneṣu			(3-44)			86
naisargikaḥ prāṇasaṃbandhaḥ		(3-43)			85
prayatnaḥ sādhakaḥ				(2-2)				30
prāṇasamācāre samadarśanam		(3-23)			65
prekṣakāṇīndriyāṇi				(3-11)			53
bījāvadhānam					(3-15)			57
bhūtakañcukī tadā vimukto bhūyaḥ
patisamaḥ paraḥ					(3-42)			84
bhūtasaṃdhāna-bhūtapṛthaktva-
viśvasaṃghaṭṭāḥ				(1-21)			23
bhūyaḥ syātpratimīlanam			(3-45)			88

--------------- Page 94 -------------------
 bhedatiraskāre sargāntarakarma-
tvam							(3-36)			77
magnaḥ svacitte praviśet			(3-21)			63
madhye'varaprasavaḥ				(3-22)			64
mahāhradānusaṃdhānānmanravīryā-
nubhavaḥ						(1-23)			26
mātṛkācakrasaṃbodhaḥ			(2-7)				35
mātrāpratyayasaṃdhāne naṣṭasya
punarutthānam					(3-24)			65
mohajayādanantābhogāt sahajavidyā-
jayaḥ							(3-7)				49
mohapratisaṃhatastu karmātmā		(3-35)			76
mohāvaraṇāt siddhiḥ				(3-6)				48
yathā tatra tathānyatra				(3-14)			55
yonivargaḥ kalāśarīram			(1-3)				6
yo'vipastho jñāhetuśca			(3-29)			70
raṅgo'ntarātmā				(3-10)			52
lokānandaḥ samādhisukham			(1-19)			21
vitarka ātmajñānam				(1-18)			20
vidyāvināśe janmavināśaḥ		(3-18)			59
vidyāśarīrasattā mantrarahasyam		(2-3)				31

--------------- Page 95 -------------------
 vidyāsamutthāne svābhāvike
khecarī śivāvasthā				(2-5)				33
vidyāsaṃhāre tadutthasvapnadarśanam	(2-10)			39
visargasvābhāvyādabahiḥsthitestat-
sthitiḥ						(3-142)			39
vismayo yogabhūmikāḥ			(1-12)			15
śakticakrasaṃdhāne viśvasaṃhāraḥ	(1-6)				9
śaktisaṃdhāne śarīrotpattiḥ		(1-20)			22
śarīraṃ haviḥ					(2-8)				37
śarīravṛttirvratam				(3-26)			67
śarīre saṃhāraḥ kalānām			(3-4)				46
śivatulyo jāyate					(3-25)			66
śuddhatattvasaṃdhānādvā			(1-16)			19
śuddhavidyodayāccakreśatvasiddhiḥ	(1-22)			25
siddha svatantrabhāvaḥ				(3-13)			55
sukhāsukhayorbahirmananam			(3-33)			74
sthitilayau						(3-31)			72
svapadaśaktiḥ					(1-17)			20

--------------- Page 96 -------------------
 svapno vikalpāḥ				(1-9)				12
svamātrānirmāṇamāpadayati		(3-17)			59
svaśaktipracayo'sya viśvam			(3-30)			71
hṛdaye cittasaṃghaṭṭād dṛśyasvāpa-
padarśanam					(1-15)			17

iti śivasūtravārtikasūtrāṇāmakārādikramasūci samāptā ||


atha

śivasūtravārtikāntarvartināṃ
pāribhāṣikapadānāṃ vivaraṇam |

pṛ. saṃ.

88	aṇuḥ			saṃkucitapramātā | parimitatvāt aṇuḥ |
24	anubhavabhūḥ	prakāśabhūmiḥ | cicchaktiḥ 
75	andhatāmisraḥ	maraṇatrāsaḥ |
7	ambā		parābhaṭṭārikā | śaśāṅkaśakalākārā 
śaktiḥ |
24	arkaḥ			jñānaśaktiḥ | jñānaśaktiḥ prabhoreṣā 
tapatyādityavigrahā | iti (ta.)| pramāṇam 
prāṇaḥ
33	alaṃgrāsayuktiḥ	praśamaviśeṣaḥ | yatra alamatyarthaṃ 
sārvātmyena sṛṣṭayādīnāṃ grāsaḥ 
svātmasātkāraḥ (ta. 3 ā. |
--------------- Page 98 -------------------
 
6	avidyā		bhedaprathātmā bandhaḥ | mohaḥ (76 pṛ.)
76	avivekaḥ		mohaḥ |
44	ahaṃkāraḥ	saṃrambhaḥ |
27	ānandaḥ		apānaśaktiḥ | āhlādaśaktiḥ |
23	āpūraṇī		visargasaṃghaṭṭitā kaulikī śaktiḥ | aindrī 
śaktiḥ | yoginīvaktram |
6	āvṛtiḥ		avidyā | vikalpānāmudayaḥ (13 pṛ.) | mohaḥ 
(76 pṛ.) |
58	āsanam		udānābhidhaḥ prāṇaḥ | 
26	icchāśaktiḥ	sarvātiśāyī śaktiviśeṣaḥ | yadvā parasya 
pramātuḥ sisṛkṣātmā parāmarśaḥ | (ta. 3 ā. )
--------------- Page 99 -------------------

24	induḥ			kriyāśaktiḥ | prameyaḥ | apānaḥ | 
23	īśānī 		iṣyamāṇa sphuṭasamāpattimatī 
akṣubdhecchāśaktiḥ | yadvā 
vaiṣṇavyaparaparyāyā śaktiḥ |
45	īśvaratattvam	preryatvam, tasyaiva bhedaprathā- 
prarohaṇāyāṃ preṣaṇāhetutvāt |
64	udbubhūṣā	ādyakoṭiḥ |
8	udyamaḥ		prasaradrūpāyā vimarśamayyāḥ 
saṃvido jhagiti ucchalanātmaka-
parapratibhonmajjanam |
8	udyogaḥ		unmeṣaḥ | udyamaḥ | sṛṣṭiḥ | icchāśaktiḥ |
8	unmeṣaḥ		udyogaḥ |

--------------- Page 100 -------------------

47	ullaṅghanavṛttiḥ	śaktisaṃkocaḥ |
35	aunmanasaṃ 
dhāma		śāṃbhavapadam |
84	kañcukam		pāśaḥ | avṛtiḥ | māyādiniyatyantaṃ tattva-
jālam |
46	kalāḥ		tattvāni | tattvānāṃ svasāmarthyaṃ | 
ādicchānta varṇasamūhaḥ (6 pṛ.)| 
nivṛttyādayaḥ |
5	kalācakram		mātṛcakram | śakticakram devīcakram | 
raśmicakram | ādicchāntavarṇasamūhaḥ |
44	kalātattvam		kiṃcitkartṛtvasāmarthyam |
44	karmendriya-
gaṇaḥ		akṣairbhinnaṃ kartṛtvam |
44 	kālatattvam		idānīntanabhāve | ākalanam |
23	kriyāśaktiḥ	viśvākāravaicitryadhāritvayogyatā |

--------------- Page 101 -------------------

34	khecarī		mudrāviśeṣaḥ, yena cidgaganābhoge gatir-
bhavati | śivāvasthā |
24	guṇaspandāḥ	sattvādivṛttayaḥ |
44	guṇāḥ		sukhaduḥkhavimohitvāni |
35	guruḥ		śāmbhavī anugrahaśaktiḥ |
35	cakram		kalāsamūhaḥ |
72	cakreśvaraḥ	mātṛgaṇeśvaraḥ |
58	caṇḍaḥ		madhyaprāṇaḥ |
11	jāgrat		grāhyagrahaṇagrahītṛrūpā aindriyajñāna-
śaktiḥ |
76	jāḍyam		mohaḥ | 
23	jñānaśaktiḥ 	āmarśātmatā (taṃ-sā. 2 ā.)
7	jyeṣṭhā		saṃhārātmaśaktiviśeṣaḥ, yayā suprabu-
ddhānāṃ śivībhāvāpattiḥ | taduktam jyeṣṭhā 
svātantryaleśaṃ tu tanute jñāna karmaṇoḥ | iti. 
(taṃ. 6 ā.) jyeṣṭhā śivamayī yataḥ | iti ca 
(mū. taṃ. 6 ā.)

--------------- Page 102 -------------------

43	tattvam		viśeṣarūpāṇāṃ vargāṇāmekīkaraṇa-
kāraṇam, sāmānyasaṃvit |
44	tanmātraka-
gaṇaḥ		śabdamātrādyavabhāsitvam |
75	tamaḥ		ātmābhimānaḥ |
75	tāmisraḥ		kuṭumbādibādhākartari amarṣaṇam |
22	turyabhūḥ		svasvarūpaikaghanatāvimarśaḥ |
86	dakṣiṇamārgaḥ	sūryamārgaḥ | 
37	divyadehaḥ		paradehaḥ |
18	divyamudrā	khecarīmudrā |
70	dīkṣā		saṃskāraviśeṣaḥ | svarūpajñaptidāna-
pāśakṣapaṇātmā |
27	dṛk			prāṇaśaktiḥ | prakāśaśaktiḥ |

--------------- Page 103 -------------------

7	devyaḥ		śaktayaḥ |
83	draṣṭṭadharā	abhilāṣodgateḥ pūrvā koṭiḥ |
86	dvādaśāntaḥ	prāṇāpānayoḥ viśrantisthānam |
44	dhītattvam 		mantṛtā |
86	nādaḥ		apānaḥ |
86	nāsā		antardvādaśāntaḥ |
9	nimeṣaḥ		śakticakrasya svātmani vilīnatāpādanam |
44	niyatitattvam 	mamedaṃ kartavyaṃ puṇyahetutvāt, nedaṃ 
kartavyamapuṇyakāraṇatvāt iti niyatyātmakatā |
21	nirānandaḥ		pramātṛsaṃmatādānandāt niṣkrānto 
daśāviśeṣaḥ (ta. 5 ā.) |
64	niṣkalajapaḥ	praṇavāṅgaparāmarśaḥ |

--------------- Page 104 -------------------

13	patiḥ			śuddhādhvapramātā mantrādirūpaḥ | 
muktāṇuḥ śaktibhiranāvṛtasvasvabhāvaḥ |
80	padam		jāgradādi |
38	paradehaḥ		parapramātṛbhāvaḥ |
21	parānandaḥ	pareṇa prameyena kṛta ānandaviśeṣaḥ (ta. 5 
ā.)
8	parispandaḥ		asāṃketikaḥ parāhaṃparāmarśaḥ
58	pavamānaḥ	madhyamaprāṇaśaktiḥ |
16-77	paśuḥ	aṇuḥ | jīvaḥ | karmātmā | āṇavādi- 
pābaddhaḥ (84 vṛ.) |
60	paśumātaraḥ 	ghorābhidhāḥ śaktayaḥ |
44	pāñcabhautika-
gaṇaḥ		bhinnaśabdāditodvṛttatvam |
52	puryaṣṭakam	sūkṣmadehaḥ |
68	paudgalajapaḥ	ajapāparāmarśaḥ |
23	prakriyādehaḥ	adhikāraśarīram |

--------------- Page 105 -------------------

20	pratibhālokaḥ 	dṛkkriyārūpiṇī śivasya śaktiḥ |
44	pradhānatattvam	sukhaduḥkhādijñānasya sāmyāvasthā |
83	prabuddhaḥ		dṛṣṭṭadharānivāsī |
48	prabhuśaktiḥ	svātantryaśaktiḥ |
65	prāṇaḥ		paranādaḥ |
21	prollāsabhūmiḥ	mahānandaḥ | ātmacaitanyāvasthā |
15	binduḥ		avibhaktaḥ śivaprakāśaḥ | yadvā bhrūma- 
dhyādau pradeśe dhyānābhyāsaprakarṣeṇa 
pravardhamānottarottaraḥ tejoviśeṣaḥ |
86	binduḥ		prāṇaḥ |
57	bījam			cidātmā |
83	buddhaḥ		draṣṭṭadharākramaṇaśīlaḥ pramātā |
44	buddhīndriya-
gaṇaḥ		akṣairviśeṣitaṃ jñatvam |

--------------- Page 106 -------------------

8	bhairavaḥ		paramaśivaḥ, bharaṇaravaṇavamanasva-
bhāvatvāt |
63	bhairavavṛttiḥ	śaktivikāsaḥ 
58	matsyavalanam	adhaḥ śaktiḥ |
44	manaḥ		akṣaprayoktṛtā |
30	mantraḥ		parapramātā | cicchakteḥ svasvabhāvaḥ 
(31 pṛ.) |
27	mantravīryam	parāvākparāmarśaḥ |
37	mantrendratā	mantreśvarākhyapramātṛbhāvaḥ |
14	marīciḥ		śaktiḥ | guṇaspandaḥ |
21	mahānandaḥ	mahān pramāṇādidaśādhiśāyinirānandā- 
divailakṣaṇyāt utkṛṣṭaḥ pramātṛsaṃmata 
ānandaviśeṣaḥ (ta. 5 ā.)
75	mahāmohaḥ	putrādiṣu ātmābhimānaḥ |
26	mahāhradaḥ	śuddhacidātmā, viśvalaharīprasaraṇāśraya- 
tvāt |
7	mātaraḥ		yoginīgaṇaḥ | śaktayaḥ | raśmayaḥ | kalāḥ |
devyaḥ |
7	mātṛkā		jñānādhārabhūtā śaktiḥ | viśvajananī 
parāvākśaktiḥ |
13	māyā		svāṅgakalpeṣu bhāveṣu vibhedabuddhiḥ | 
mīnāti hinasti iti māyāśaktirucyate (ta. 9 ā.) | 
svarūpagopanaśīlā śaktiḥ (ta. 5 ā.) 
kalāditattvānāmavivekaḥ (45 pṛ.)
6	māyīyamalaḥ	ahaṃ mamedamiti bhedaprathātmakaṃ 
jñānam | bhinnavedyaprathā (ī. pra. 3|1ā.)
60	māheśvaryā-
dyāḥ		parādibhedabhinnāḥ śaktayaḥ |
33 	mudrāvīryam	khecaryavasthā |
77	mūrchā		mohaḥ | dehātmatā |

--------------- Page 108 -------------------
 
23	mūrtiḥ		sphuṭatamakriyāśaktiḥ | śūlaśaktiḥ | 
yogeśīśaktiḥ |
24	mūrtikriyā-
yogaḥ		bhuvanādirūpo mantrādirūpo vā adhvā | 
amūrtāyāḥ sarvagatvānniṣkriyāyāśca 
saṃvidaḥ | mūrtikriyābhāsanaṃ yat sa 
evādhvā maheśituḥ iti (ta. 5 ā.) |
75	mohaḥ		dehātmabhāvaḥ |
76	maurkhyam		mohaḥ | dehātmabhāvaḥ |
6	yoniḥ			śaktiḥ, sā caturdhā-ambā-jyeṣṭhā-
raudrī-vāmābhidhaiḥ bhedaiḥ| māyāśaktiḥ 
(61 pṛ.) 
7	raśmayaḥ		śaktayaḥ | cidbhairavasya vṛttayaḥ (71 pṛ.) |
44	rāgatattvam	idameva iṣṭamasti ityākalanam | pāśaḥ | 
bandhanam |

--------------- Page 109 -------------------

7	raudrī		sthityātmikā śaktiḥ, yayā bubhukṣūṇāṃ 
śivībhāvaunmukhyena saṃsāra evāvasthānam 
| taduktaṃ raudrī sāṃsārikānandaṃ 
kadācidvitaredapi | iti (ta. 6 ā.) drāvayitrī 
rujāṃ raudrī roddhrī cākhilakarmaṇām | iti 
(mū. ta. 6 ā.)
21	lābhabhūmiḥ	parānandaḥ | parāśaktyavasthā |
21	lokaḥ			vastugrāmaḥ | grāhakavargaḥ | 
śuddhacitprakāśaḥ |
31	vācakam		mantrādi |
31	vācyam		kalādi |
86	vāmamārgaḥ 	somamārgaḥ |
7	vāmā		sṛṣṭyātmikā śaktiḥ, yayā 
saṃsāriṇāmadhodhaḥ pāto bhavet | vāmā 
saṃsāravamanā iti (mū. ta. 6 ā.) taduktam 
aṇusvarūpādṛśvānaṃ vāmādho vinipātayet | 
iti (ta. 6 ā.) |

--------------- Page 110 -------------------
 
32	vāmā		vijijñāsyonmeṣācchuritā yāmalaśaktiḥ | 
sphuṭataraśṛṅgāṭaśaktiḥ | śūlaśaktiḥ | 
yogeśīśaktiḥ |
23	vijñāna- 
dehākhyāḥ	(vijñānadeho viśuddhasaṃvinmātramūrtiḥ 
maheśvaraḥ ākhyāyate pratyabhijñāyate 
yābhiḥ iti vijñānadehākhyāḥ) 
saumyaśaktayaḥ |
20	vitarkaḥ 		(viśvātmā śiva evāsmi iti) vicāraḥ |
31	vidyā		śuddhacinmātratāveśāt sahasonmeṣaḥ | 
svaprakāśavikāsaḥ |

--------------- Page 111 -------------------

44	vidyātattvam	kiṃciñjñānasāmarthyam |
64	viśrāmaḥ		annakoṭiḥ |
21	viśrāma-
bhūmiḥ		nirānandaḥ | śivāvasthā |
78	viśvamātaraḥ	māheśyādiśaktayaḥ |
14	vīreśaḥ		marīcinicayasya grāsakartā | (yadvā guṇa-
spandānāṃ bhoktṛtvena camatkaraṇāt) 
patipramātā |
36	vīryam		parā vimarśaśaktiḥ | jñatvakartṛtva-
śaktiḥ (59 pṛ.)
12	vṛttiḥ		jāgrat |
7	śaktayaḥ		mātaraḥ | māheśvaryādyāḥ | kalāḥ | 
raśmayaḥ | aghorādyāḥ śaktayaḥ | 
parāparādyāḥ | cidādayaḥ (71 pṛ.) |
5	śaktiḥ		svātantryam | parāśaktiḥ |

--------------- Page 112 -------------------

9	śakticakram	khecaryādicakram | sṛṣṭyādidevīcakram | 
viśvam | indriyavargaḥ | mantragaṇaḥ | 
mudrāgaṇaḥ | cidādiśaktayaḥ |
45	śaktitattvam	dṛkkriyāsaṃghaṭṭātmā daśāviśeṣaḥ |
69	śaktipātaḥ	śivaraśmisparśaḥ (yasya āpatane 
yathārkaraśmispṛṣṭaḥ sūryakāntaḥ 
svakāmābhijvalanalakṣaṇāṃ kriyāṃ 
samāviśet tathā aṇurapi śivaśaktipāta-pūtaḥ 
svake pūrṇe jñānakriye, samabhivyaktasva 
sāṃvidvibhavo bhavedityarthaḥ) |
68	śāktajapaḥ	parāhaṃbhāvaparāmarśaḥ |
45	śivatattvam		svajyotiṣṭvam |
58	śuciḥ		udānaḥ |
18	śuddhatattvam	paramaśivaḥ |

--------------- Page 113 -------------------

45	śuddhavidyā	kalāditattvānāṃ vivekaḥ | śivaśāstrādi-
boddhṛtvam | svātantryaśaktiḥ (25 pṛ.) | 
bhedābhedamayī tattvadaśā |
82	saṃvāhyaḥ	karmātmā | paśuḥ |
36	saṃvedanam	ādyo'nubhavaḥ |
45	sadāśivatattvam	sarvajñānakriyāvattvayogyatā |
15	samādhi -
vyaktayaḥ		yogabhūmikāḥ |
22	samādhisukham	padadvaye svātmavikāsapramodaḥ |
13	suṣuptatā		kṣānajñeyaśakteranudaye cidrupasya 
avivekaḥ |
27	somāṃśaḥ	prameyabhāgaḥ | apānaḥ |
18	sauṣuptavyoma 	hṛdayam |
86	sauṣumna-
mārgaḥ		madhyavāhaḥ |
36	sparśaḥ		parasaṃvitsākṣātkāraḥ | (ta. 5 ā.) |
24	sparśabhūḥ	āhlādaḥ | ānandaśaktiḥ | sukhādisaṃ-
bandhinyā ādyāyāḥ saṃvido yat ādyaṃ 
saṃvedanaṃ sa nāma anuttarasaṃvidaḥ 
sparśabhūḥ, parasaṃvitsākṣātkāraḥ (ta. 5 
ā.) |

--------------- Page 114 -------------------

87	svacchandaḥ	svatantraḥ | śivaḥ |
12	svapnaḥ		bāhyārthaviṣayābhāve antarvikalpānāṃ 
navanavodayaḥ |
55	svātantryam	prabhuśaktiḥ |
68	haṃsajapaḥ	nādakalāparāmarśaḥ |
23	hārdī		siddhayoginīmelāpaśaktiḥ | yāmyā śaktiḥ |
58	hradaḥ		cidātmā |

iti śivasūtravārtikāntarvartīni pāribhāṣikapadāni savivaraṇāni 
samāptāni ||




###########   END OF FILE  #######