####################################################
MUKTABODHA INDOLOGICAL RESEARCH INSTITUTE
Use of this material (e-texts) is covered by Creative Commons license BY-NC 4.0
Catalog number: M00348
Uniform title: śivastotravalī
Author : utpaladeva
Commentator : kṣemarāya
Editor : Rai Pramadasa Mitra Bahadur

Description: 



Notes: 
Data entered by the staff of Muktabodha under the direction of Mark S. G. Dyczkowski.

Revision 0: June 26, 2016

Publisher : Chowkhamba Sanskrit Book Depot
Publication year : 1902
Publication city : Benares
Publication country : India
####################################################



p. 1) 


śrīśrīśivastotrāvalī |

śrī utpaladevācārya viracitā |

oṃ tatsat

oṃ na dhyāyato na japataḥ syādyasyāvidhipūrvakam |
evameva śivābhāsastaṃ namo bhaktiśālinam || 1 ||

oṃ tatsat | śrīvighnahartre namaḥ | śrīgurave śivāyoṁ namaḥ | oṃ 
uddharatyandhatamasādviśvamānandavarṣiṇī | paripūrṇā jayatyekā devī 
ciccandracandrikā || atyarthitosmi bahubhirbahuśo bhaktiśālibhiḥ | vyākaromi 
manāk śrīmatpratyabhijñākṛtaḥ stutīḥ || īśvarapratyabhijñākāro 
vandyābhidhānaḥ śrīmadutpaladevācāryo'smatparameṣṭhī 
satatasākṣātkṛtasvātmamaheśvaraḥ svaṃ rūpaṃ tathātvena 
parāmraṣṭumarthijanānujighṛkṣayā 
saṃgrahastotrajayastotrabhaktistotrāṇyāhnikastutisūktāni ca kānicinmuktakānyeva 
babandha | atha kadācittāni tadvyāmiśrāṇi labdhvā śrīrāma ādityarājaśca 
pṛthak pṛthak stotraśayyāyāṃ nyaveśayat | śrīviśvāvartastu viśaṁtyā 
stotraiḥ svātmotprekṣitanāmabhirvyavasthāpitavāniti kila śrūyate | tadetāni 
saṃgrahādistotrāṇi sūktānyeva prasiddhavārtikaśayyopārūḍhāni spaṣṭaṃ 
vyākurmaḥ | mokṣalakṣmīsamāśleṣarasāsvādamayasya 
parameśvarasamāveśasyaiva paramopādeyatāṃ darśayituṃ 
parameśasvarūpāvibhinnatatsamāviṣṭabhaktajanastutikrameṇa stotramāha

p. 2) 

na dhyāyata iti | yasyaivameva māyīyopāyaṃ vinā śivābhāsaḥ 
śivarūpasvātmaprathā syāttaṃ bhaktyaiva samāveśamayyā śālinaṃ 
ślāghamānaṃ na tu tadatiriktaphalākāṃkṣākalaṅkitaṃ bhaktajanaṃ namo 
bhakticamatkāravaśaprathitaśivabhaṭṭārakābhedabhaktimannatimukhena 
tadabhinnaśivāveśamayā bhavāma iti yāvat | evameve tyanena 
sūcitamalaukikakramaṃ darśayati na dhyāyata ityādinā | sarvasya hi dhyānajapa 
pramukhaṃ dhyeyajapyasvarūpaṃ niyatākārameva prathate 
bhaktiśālinastvanupāyameva nirākāraṃ sarvākāraṃ cidānandaghanaṃ 
śivātmasvarūpaṃ sarvadā sphurati | ata evāha avidhipūrvakamiti | vidhīyata iti 
vidhirijyādhyayanādiḥ pūrvaḥ kāraṇaṃ yatra | tathākṛtvā sarvavidhīnāṃ 
saṃkucitatvādasaṃkucitasvarūpaṃ pratyupāyatvābhāvāt 
tattvasamāveśadhanaireva pratibhāprasādanapramukhamāpyate | yathoktam 
śrīpūrvaśāstre na cātra vihitam kiñcidityādi akiñciccintakasyetyādi gītāsvapi 
mayyāveśyetyādikaṃ | dhyānajapābhyāṃ prakāśavimarśasvarūpābhyāṃ 
pūjanahavanādi sarvaṃ saṃgṛhītamiti prādhānyāttāvevehoktau || 1 ||

ātmā mama bhavadbhaktisudhāpānayuvā'pi san |
lokayātrārajorāgātpalitairiva dhūsaraḥ || 2 ||

ātmeti | he maheśvara mamātmā jīvo bhavadbhaktisudhāpānena yuvā 
samuttejitasahajaujaḥprakarṣo'pi saṁllokayātrayaiva rajasā lokavyavahāradhūlyā 
kṛto yo rāga uparāgastato hetoryāni palitāni jarāprakārastairdhūsaro vicchāya iva 
na tu vastuvṛtena bhaktisudhāpānena nityataruṇīkṛtatvāt yathā ca taruṇasya 
dhūlidhūsaratayā sañjātapalitamiva dṛśyamānaṃ nāntarmlāniṃ 
manāgapyādadhāti

p. 3) 

api tu vinodahāsarasacamatkārameva puṣṇāti tathā lokavyavahāro mameti 
rūpakopamayā dhvanati | pūrvaśloke āmantraṇapadābhāvādbhavadbhaktīti na 
saṅgatameveti kathamiyaṁ stotraśayyeyti śrīviśvāvarta eva praṣṭavyaḥ vayaṃ tu 
sūktavyākhyānodyatāḥ || 2 ||

labdhatvatsaṃpadāṃ bhaktimatāṃ tvatpuravāsinām |
sañcāro lokamārge'pi syāttayaiva vijṛmbhayā || 3 ||

labdhatvaditi | ye samāveśamayapraśastabhaktiyuktāḥ ata eva labdhatvatsaṃpadaḥ 
tvatpure viśvapūrake tvatsvarūpe vasanti tacchīlāḥ teṣāṃ lokamārge'pi yaḥ 
sañcāro vyavahāraḥ sa tayaiva samāveśarasānandamayyā vijṛmbhayā 
vikasvaratayā syāt bhavatyeva | atha ca ye labdhalaukikaśriyaḥ tvadbhaktāḥ 
tvanmaṇḍalavāsinaḥ te sarve spṛhaṇīyatvāt sadā vibhūtimuditā iti samāsoktyā 
gamayati || 3 ||

sākṣādbhavanmaye nātha sarvasmin bhuvanāntare |
kiṃ na bhaktimatāṃ kṣetraṃ mantraḥ kvaiṣāṃ na siddhyati || 4 ||

sākṣādbhavaditi | bhaktimatāṃ vyākhyātarūpabhaktiśālināṃ sarvatra 
bhuvanaviṣaye kiṃ na kṣetraṃ parasiddhisamudayasthānaṃ kva ca eṣāṃ 
mananatrāṇadharmā mantro na siddhyati yataḥ sākṣāditi samāveśadṛṣṭyā na 
kathāmātreṇa bhavanmayameva sarvaṃ bhuvanameṣām || 4 ||

jayanti bhaktipīyūṣarasāsavavaronmadāḥ |
advitīyā api sadā tvaddvitīyā api prabho || 5 ||

jayanti bhakti iti | bhaktipīyūṣarasa evāsavavaraḥ utkṛṣṭaṃ pānaṃ tena 
udgataharṣāḥ ye te jayanti sarvotkarṣeṇa vartante kīdṛśāḥ 

p. 4) 

advitīyā asādhāraṇasvarūpā api tvaddvitīyāḥ tvameva dvitīyastulyarūpo yeṣāṃ 
atha ca tvaddvitīyā api bhaktisamāveśenātyantamabhedāsādhanatvāttvameva 
dvitīyaḥ prabhutvena pariśīlito yeṣāṃ tathābhūtā api advitīyāḥ viśvābhedinaḥ | 
advitīyāśca kathaṃ tvaddvitīyāḥ tvaddvitīyāśca kathamadvitīyā iti virodhacchāyā 
|| 5 ||

anantānadasindhoste nātha tattvaṃ vidanti te |
tādṛśā eva ye sāndrabhaktyā'nandarasāplutāḥ || 6 ||

bhaktyānandarasaḥ samāveśānandaprasarastena plutā ārdrāśayāḥ ata eva 
tādṛśā iti aparimitānandarasasamudratvāttvadrūpasarūpāḥ tava tattvaṃ jānanti | 
yo hi yatra vidvān sa hi tadvettyeva || 6 ||

tvamevātmeśa sarvasya sarvaścātmani rāgavān |
iti svabhāvasiddhāṃ tvadbhaktiṃ jānañjayejjanaḥ || 7 ||

tvamevātmeśa iti | sarvastāvadātmane spṛhayāluḥ vastutastu tvameva 
cidrūpo'syātmā iti atastvayyātmani svataḥsiddhā bhaktiḥ kevalaṃ 
samāveśaśaktyā tāṃ jānāti tajjayet sarvotkarṣeṇa vartata eva niyoge liṅ || 7 ||

nātha vedyakṣaye kena na dṛśyo'syekakaḥ sthitaḥ |
vedyavedakasaṃkṣobhepyasi bhaktaiḥ sudarśanaḥ || 8 ||

nātha vedyakṣaya iti | antarmukhatvāvasthāyāṃ sarvavedyopaśame kasya nāma 
svātmarūpastvaṃ kevalo na sphurasi | bhaktaiḥ punaḥ saṃsārapāte'pi 
vedyavedakasaṃkṣobhe asi tvaṃ(sudarśanaḥ)sukhena dṛśyase 
samāveśakāṣṭhādhivāsitairhi satatametaiḥ bhoktaiva bhogyarūpeṇa sadā sarvatra 
saṃsthita iti nītyā śivamayameva viśvamīkṣyate | vedyavilāpanaprayāsavyudāsāya 

p. 5) 

suśabdaḥ | taduktaṃ śrīpūrvaśāstre mokṣopāyamanāyāsalabhyamiti || 8 ||

anantānadasurasī devī priyatamā yathā |
aviyuktāsti te tadvedakā tvadbhaktirastu me || 9 ||

anantānanda iti | upamāśleṣoktyā parameśvarasāmyamāśāste | bhaktipakṣe devī 
dyotamānā ekā phalākāṃkṣāvirahitā | aparatra krīḍādiśīlā paraiva śaktiḥ | 
ahaṃ bhaktyā aviyuktaḥ syāmiti vaktavye mama aviyuktāstu iti bhaktiṃ prati 
premaprasaraḥ prakāśitaḥ || 9 ||

sarva eva bhavallābhaheturbhaktimatāṃ vibho |
saṃvinmārgo'yamāhlādaduḥkhamohaistridhā sthitaḥ || 10 ||

sarva eva bhavallābha iti | vyākhyātaprakṛṣṭabhaktiśālināṃ 
ayamāhlādaduḥkhamohairupalakṣito loke yaḥ saṃvinmārgaḥ nīlapītādibodharūpaḥ 
panthāḥ sthitaḥ sa sarva eva tvatprāptihetuḥ | vedyasopānanimajjanakrameṇa 
paramavedakabhūmilābhāt || 10 ||

bhavadbhaktyamṛtāsvādādbodhasya syātparāpi yā |
daśā sā māṃ prati svāminnāsavasyeva śuktatā || 11 ||

he svāmin tvacchaktipātasamāveśamayabhaktyānandāsvādamanā sādya bodhasya 
parā dehapātaprāpyā prakṛṣṭā'pi yā śāntaśivapadātmā daśā syāt kaiścit 
sambhāvyate sā taiḥ sambhāvyamānā māṃ prati āsavasya yathā śuktatā 
paryuṣitatā tathā bhātīti yāvat | yatastairbhaktyamṛtamanāsvādyaiva 
śuktīkṛtaṃ | yaiḥ punarāsvādyate taiḥ 
svacamatkārānandaviśrāntīkṛtatvātkāśuktatāsambhāvanā | āsvādāditi lyab 
lope pañcamī |

p. 6) 

svādāditi lyab lope pañcamī | atha vā tvadbhaktyamṛtāsvādādapi parā 
mokṣarūpā yā kācdiddaśāstīti sambhāvyate sā mahyaṃ na rocate 
bhaktyamṛtāsvādasyaiva niratiśayacamatkāravattvādityevaṃ parametat || 11 ||

bhavadbhaktimahāvidyā yeṣāma'bhyāsamāgatā |
vidyā'vidyobhayasyāpita ete tattvavedinaḥ || 12 ||

bhavadbhakti iti | vidyāvidyobhayasyāpīti vidyā'vidyālakṣaṇasyobhayasya tatra 
śivamantramaheśvaramantreśvamantrātmano vidyārūpasya 
vijñānākalapralayākalasakalatadvedyātmanaśca avidyārūpasyobhayasyāpi tattvaṃ 
vidanti yeṣāṃ tvadbhaktireva mahāvidyā prakarṣaṃ prāptā | mahatpadena 
śabdavidyāto'pi bhakterutkarṣāttattvavedakatvam || 12 ||

āmūlādvāglatā seyaṃ kramavisphāraśālinī |
tvadbhaktisudhayā siktā tadrasāḍhyaphalā'stu me || 13 ||

āmūlādvāgiti | mūlaṃ parābhūmiḥ kramavisphāritvaṃ paśyantyādiprasaraḥ 
tadraso bhaktyānandarasa eva āḍhyaṁ sphītaṃ tvadātmyaikyāpattilakṣaṇaṃ phalaṃ 
yasyāḥ || 13 ||

śivo bhūtvā yajeteti bhakto bhūtveti kathyate |
tvameva hi vapuḥsāraṃ bhaktairadvayaśodhitam || 14 ||

śivobhūtvā iti | śivo bhūtvā śivaṃ yajediti yadāmnāyeṣūcyate tatra dehapāta eva 
śivateti ye manyante teṣāṃ sati dehe śivībhāvābhāvādyajamānatānupapatteḥ 
svasvarūpaśivasamāveśabhaktiśālyeva yajanaṃ jānātītitātparyam 
anenaivāśayenāha tvameva yataḥ 

p. 7) 

sārabhutkṛṣṭaṃ vapuḥ svarūpaṃ advayena bhedaśaṅkāśaṅkuśataśātinā 
śodhitaṃ nirmalīkṛtaṃ bhaktairiti || 14 ||

bhaktānāṃ bhavadadvaitasiddhyai kā nopapattayaḥ |
tadasiddhyai nikṛṣṭānāṃ kāni nāvaraṇāni vā || 15 ||

vyākhyātānāṃ bhaktānāṃ bhavadadvayasādhanāya kā na yuktayaḥ yato 
mūḍhairudīryamāṇānyapi śivādvayadūṣaṇāni 
dūṣayatsvabhāvacidrūpaśivasvarūpasiddhiṃ vinā na kānicit syuriti yuktyā 
bhaktānāṃ sādhanānyeva paryavasyanti | nikṛṣṭānāṃ tu bhedamayānāṃ 
tadasiddhyai śivādvayasādhanābhāvāya kāni nāvaraṇāni 
tīkṣṇatamayuktyastrāṇyapi 
samāveśarasavipruṣo'pyanabhijñatvādasañcetyamānāni 
mahāndhakārapātayitṝṇyeva || 15 ||

kadācitkvāpi labhyo'si yogenetīśa vañcanā |
anyathā sarvakakṣyāsu bhāsi bhaktimatāṃ katham || 16 ||

kadāciditi | kadā cit kasyāṃ cit samādhidaśāyāṃ kvāpi hṛdayacakrādau yogena 
cittavṛttinirodhena īśa svāmin asi tvaṃ labhya ityeṣā vañcanā | anyathā 
samādhivyutthānādyabhimatāsu kakṣyāsu kathaṃ bhaktimatāṃ prakāśase || 16 ||

pratyāhārādyasaṃspṛṣṭo viśeṣosti mahānayam |
yogibhyo bhaktibhājāṃ yadvyutthāne'pi samāhitāḥ || 17 ||

viṣayebhya indriyāṇāṃ pratyāvṛtya niyamanaṃ pratyāhāraḥ 
ādiśabdāddhyānadhāraṇādayaḥ tairasaṃspṛṣṭaḥ akadarthitaḥ tanniṣṭhebhyo 
yogibhyo mahānasāmānyaḥ viśeṣaḥ atiśayo bhaktibhājāmasti yadete

p. 8) 

yogyapekṣayā vyutthānābhimate'pi samaye samāhitāḥ mayyāveśya mano ye 
māmiti gītoktanītyā nityayuktāḥ || 17 ||

na yogo na tapo nārcākramaḥ ko'pi praṇīyate |
amāye śivamārge'smin bhaktirekā praśasyate || 18 ||

na yogo na iti | śivamārge pare śākte pade asminniti niratiśaye 
svānubhavaikasākṣike māyīyaniyatayogādyupāyaparipāṭī na kācidupadiśyate 
tasyāḥ māyāmayatvena andhatamasaprakhyā yāstvatra 
śuddhavidyāprakāśātiśāyinyupāyatvābhāvāt bhaktireva pratibhāprasādanātmā 
uktacarī praśasyate upāyatvenocyate || 18 ||

sarvato vilasadbhaktitejodhvastāvṛtermama |
pratyakṣasarvabhāvasya cintānāmāpi naśyatu || 19 ||

sarvatovilasaditi | antarbahiśca vilasatā jṛmbhamāṇena bhaktitejasā 
samāveśaprakāśena dhvastā āvṛtiḥ akhyātiryasya tata eva 
māyīyabhūmivismṛteḥ pratyakṣabhairavamudrāpraveśayuktyā 
ālocanamātragocarībhūtāḥ sarve bhāvāḥ yasya tasya mama cintāyā 
vikalpavṛttasya nāmā'pi abhidhānamapi naśyatu nityameva 
sākṣātkṛtaparabhairavasvarūpānupraviṣṭo bhūyāsamityarthaḥ || 19 ||

śiva ityekaśabdasya jihvāgre vasataḥ sadā |
samastaviṣayāsvādo bhakteṣvevāsti kopyaho || 20 ||

śiva ityeka iti | ukteṣveva bhakteṣu yo 
mahāprakāśamayanijasvarūpaparāmarśātmā śiva ityekaḥ asāmānyaḥ sadā 
śivosti aho āścaryaṃ tasya śabdamātrasyāpyekakasya viṣayasya 
paramānandavyāptidāyitvātsamastaviṣayāsvādo jagadānandacamatkāraḥ ko'pi 

p. 9) 


svānubhavasiddho'si ekatra ca śabdalakṣaṇe viṣaye jihvāgravartini 
samastaviṣayāsvāda iti virodhacchāyā || 20 ||

śāntakallolaśītācchasvādubhaktisudhāmbudhau |
alaukikarasāsvāde susthaiḥ ko nāma gaṇyate || 21 ||

śāntakallola iti | śāntāḥ nivṛttāḥ vikalpamayāḥ kallolā yatra tathābhūte 
saṃsāratāpāpūrṇatvācchīte viśvapratibimbāśrayatvādacche nirmale 
ānandavikāsitvātsvādau bhaktyamṛtasamudre alaukikarasāsvāde 
samāveśacamatkāre sukhena tiṣṭhanti susthāḥ taiḥ bhedagalanāt ko nāma gaṇyate 
tadā vyatiriktasya kasya cidapyapratibhāsāt | sukhasthitāḥ na 
kiñcidgaṇayantītyucitaivoktiḥ || 21 ||

mādṛśaiḥ kiṃ na carvyeta bhavadbhaktimahauṣadhiḥ |
tādṛśī bhagavanyasyā mokṣākhyo'nantarorasaḥ || 22 ||

mādṛśairiti | mādṛśaiḥ bhaktitattvajñaiḥ tādṛśī iti alaukikī 
bhavadbhaktireva abhīṣṭapradatvānmahauṣadhiḥ kiṃ na carvyeta kiṃ na dhāryeta 
vicāreṇāsvādyeta iti yāvat | kīdṛśī | yasyāścarvaṇaparāmarśānantarameva 
jīvanmuktākhyaḥ anantaraḥ avyavahito rasaścarvaṇānandaḥ || 22 ||

tā eva paramarthyante sampadaḥ sadbhirīśa yāḥ |
tvadbhaktirasasambhogavisrambhaparipoṣikāḥ || 23 ||

tā eva iti | sadbhiḥ bhaktiśālibhiḥ tā eveti asamatvatsamāveśamayyaḥ sampadaḥ 
paraṃ kevalamarthyante na tu aṇimādyāḥ | kīdṛśyo yāḥ tvadbhaktirasasambhoge 
bhavatsamāveśāmṛtacamatkāre visrambhaṃ

p. 10) 

svairaṃ svīkāraṃ puṣṇanti | atra priyāsambhogapoṣikā eva sarvasya 
sampado'rthanītyā ityanuraṇanavyaṅgyopamādhvaniḥ || 23 ||

citraṃ nisargato nātha duḥkhabījamidaṃ manaḥ |
tvadbhaktirasasaṃsiktaṃ niḥśreyasamahāphalam || 24 ||

citraṃ nisarga iti | nātha svāmin idaṃ citraṃ duḥkhakāraṇamidaṃ manaḥ sarvasya 
heyaṃ yadabhimataṃ tadeva tvadbhaktirasāyanena siktaṃ 
paramānandamokṣamahāphalam | na hi kadācillokaṃ prati viṣādeḥ madhura 
āsvādaḥ atastvadbhakterevāyamalaukikaḥ krama iti dhvanita iti śivam || 24 ||

iti śrīmadīśvarapratyabhijñākārācāryacakravartivandyābhidhānotpaladevācā##-
śrīkṣemarājaviracitā vivṛtiḥ || prathamam 1 ||


oṃ tatsat

atha sarvātmaparibhāvanākhyaṃ dvitīyaṃ stotram |

agnīṣomaravibrahmaviṣṇusthāvarajaṅgama |
svarūpa bahurūpāya namaḥ saṃvinmayāya te || 1 ||

agnīṣomaravibhiḥ dāhāpyāyaprakāśakārīcchākriyājñānarūpasya śaktitrayasya 
brahmaviṣṇubhyāmadhiṣṭhātṛdevatāvargasya 
sthāvarajaṅgamābhyāmadhiṣṭhitasya prameyapramātṛrāśeśca 
svīkṛtatvādviśvātmanaḥ āmantraṇamidaṃ svarūpetyantaṃ | tena 
agnīṣomaravibrahmaviṣṇusthāvarajaṅgamasvarūpa he parameśvara | 
pañcabhūtāni jaṅgamānāmapi bhūtadehatvāt | evaṃ ca 
agnisomasūryasthāvarajaṅgama aṣ'mūrtitayā | 
brahmaviṣṇūpalakṣitā'śeṣādhiṣṭhātṛtayā

p. 11) 


viśvamayatvam | ata eva bahurūpāyetyuktam | evaṃ viśvarūpatve'pi pradhānamasya 
svarūpamāha saṃvinmayāyeti | etadeva hi saṃvinmayatvaṃ 
yatsvātantryollāsitāśeṣaviśvanirbharatvam || 1 ||

viśvendhanamahākṣārānulepaśucivarcase |
mahānalāya bhavate viśvaikahaviṣe namaḥ || 2 ||

viśvendhana iti | bhavate mahānalāya paramapramātṛvahnaye namaḥ | 
kīdṛśāya | viśvasya bhedarāśerindhanarūpasya sambandhi yanmahākṣāraṃ 
bhasma tatsaṃhāraśeṣaḥ saṃskāraḥ tena yadanulepanam saṃskārasaṃhāreṇāpi 
pramātruttejanaṃ śuci śuddhamadvayarūpaṃ varcastejo yasya tasmai | atha 
śucirnāmāgniruditaḥ saṃgharṣātsomasūryayorityāgamikabhāṣayā śucināmne 
tejase | viśvamekaṃ haviḥ yasyetyanena atyantadīptatvamucyate | 
śrīmataṅgādyāgamasthityā rahasyacaryārthasyātra sūcanādvirodhacchāyā'pi || 2 
||

paramāmṛtasāndrāya śītalāya śivāgnaye |
kasmai cidviśvasaṃploṣaviṣamāya namo'stu te || 3 ||

paramāmṛta iti | cidānandaghanatvātparamāmṛtasāndratvam | 
bhavatāpahāritvācchitalatvam | agneśca kathamārdratvaśītalatve iti 
virodhābhāsacchāyā | kasmai cidityalaukikasvarūpāya || 3 ||

mahādevāya rudrāya śaṅkarāya śivāya te |
maheśvarāyā'pi namaḥ kasmai cinmantramūrtaye || 4 ||

devaḥ sṛṣṭyādikrīḍāparaḥ viśvotkarṣaśālitayā vijigīṣuḥ 
aśeṣavyavahārapravartakaḥ dyotamānaḥ sarvasya stotavyo gantavyaśca dīvyate 
krīḍādyarthatvāt | sa ca mahān brahmādīnāmapi sargādi-

p. 12) 


hetutvāt viśvasya | citpade rodanāddrāvaṇācca rudraḥ | 
pūrṇā'hantāparāmarśamayatvānmantramūrtiḥ || 4 ||

namo nikṛttaniḥśeṣatrailokyavigaladvasā |
'vasekaviṣamāyā'pi maṅgalāya śivāgnaye || 5 ||

namo nikṛtta iti | nikṛttaṃ akhyātilakṣaṇānmūlātprabhṛti khaṇḍaśaḥ 
kṛtaṃ bhavābhavātibhavalakṣaṇaṃ yantrailokyaṃ tatsaṃbandhinī 
bodhānaloddīpinī āntararasasārarūpā yā vasā tatkṛto yo'vasekaḥ āhutiḥ tato 
viṣamāyātyantaṃ jājvalyamānāya ata eva 
saṃsārāmaṅgalyaparihṛtipradatvānmaṅgalāya śivavahnaye namaḥ | 
śarīraprāṇādiparimitapramātṛpadaṃ tatraiva samāveśayāma ityarthaḥ | 
sarvavasāvasekaviṣamaḥ śmāśānikāgniḥ kathaṃ maṅgala iti virodhacchāyā || 5 
||

samastalakṣaṇāyoga eva yasyopalakṣaṇam |
tasmai namo'stu devāya kasmai cidapi śambhave || 6 ||

samastalakṣaṇeti | samastānāṃ lakṣaṇānāmabhijñānānāṃ ca 
tathā'dhigamahetūnāmuccārakaraṇadhyānādīnāṃ yaḥ ayogaḥ asambandhaḥ sa eva 
yasya upa ityātmasamīpe lakṣaṇaṃ hṛdayaṅgamīkaraṇaṃ 
samastacintāvismaraṇasyaiva tatprāptihetutvāt ata eva kasmai ciditi 
saṃvṛtivakratayā svātmavisphuradrūpāyeti dhvanati || 6 ||

vedāgamaviruddhāya vedāgamavidhāyine |
vedāgamasatattvāya guhyāya svāmine namaḥ || 7 ||

vedāgama iti | niḥśeṣaniyamayantraṇātroṭanālabhyatvādvedaviruddhaḥ 
yaścayadviruddhaḥ sa kathaṃ tadvidhatte tasya ca satattvarūpaḥ cittārthastu 

p. 13) 

svātantryājjagaduttiṣṭhāpayiṣurvedaṃ vidhatte vedāntadṛṣṭyā 
tatparamārtharūpaśca ata eva sarvasya aviṣayatvādguhyaḥ || 7 ||

saṃsāraikanimittāya saṃsāraikavirodhine |
namaḥ saṃsārarūpāya niḥsaṃsārāya śambhave || 8 ||

māyādeḥ kṣityantasya saṃsārasya eka eva nimittaṃ tasya virodhī saṃhartā sa eva | 
tathā saṃsārarūpatayā bhāti na punaścidrūpaśivavyatiriktaṃ saṃsārasya 
nijarūpaṃ kiṃ cit | evamapi saṃsārānniṣkrāntaṃ niḥsaṃsāraṃ 
tenāsaṃspṛṣṭarūpamiti virodhābhāsaḥ || 8 ||

mūlāya madhyāyāgrāya mūlamadhyāgramūrtaye |
kṣīṇāgramadhyamūlāya namaḥ pūrṇāya śambhave || 9 ||

mūlāyeti | viśvasya kāraṇatvātsvarūpatvādviśrāntisthānatvācca mūlaṃ 
madhyamagraṃ ca | yathā pṛthak mūlādirūpaḥ tathā yugapadapi 
akramānantaviśvarūpatvāt | na cāsya svātmani mūlādi kiñciccinmātraikarūpatvāt 
| ata eva sarvaṃsahatvātpūrṇaḥ | virodhābhāsaḥ prāgvat || 9 ||

namaḥ sukṛtasaṃbhāravipākaḥ sakṛdapyasau |
yasya nāmagrahaḥ tasmai durlabhāya śivāya te || 10 ||

namaḥ sukṛta iti | yasya sakṛdeva nāmagrahaḥ asāviti lokottaraḥ 
pūrṇaviśrāntipradatvātpuṇyarāśeḥ paripākaḥ | tasmai durlabhāyeti 
mahāyogigamyāya namaḥ || 10 ||

namaścarācarākāraparetanicayaiḥ sadā |
krīḍate tubhyamekasmai cinmayāya kapāline || 11 ||

p. 14) 

namaścarācarā iti | kapālivratitvaṃ yadbhagavati prasiddhaṃ tattattvato vyanakti | 
carācarākārāḥ jaṅgamasthāvararūpāḥ ye paretāḥ paraṃ cinmayasvarūpaṃ itāḥ 
prāptāḥ | tadvinā ca nirjīvatvādapi paretāḥ | teṣāṃ nicayaiḥ sadā yugapacca 
krīḍate tatsaṃyojanaviyojanavaicitryasahasravidhāyine cinmayāya citparamārthāya 
kapāline niḥśeṣakapālayuktāya asthiśeṣībhūtaviśvadhāriṇe namaḥ || 11 ||

māyāvine viśuddhāya guhyāya prakaṭātmane |
sūkṣmāya viśvarūpāya namaścitrāya śambhave || 12 ||

māyāvine iti | bhedollāsahetuḥ svātantryaśaktiḥ māyā yasyāsti sa 
cidrapatvādviśuddhaḥ | māyāvī vyājī ca kathaṃ viśuddha iti virodhābhāsaḥ | 
evamanyatra | guhyaḥ sarvasyāgocaraḥ | prakaṭaḥ prakāśaghanasvātmarūpaḥ | 
sūkṣmo dhyānādiniṣṭhairapyalakṣyaḥ | viśvarūpaḥ 
svātantryādgṛhītaviśvākāraḥ | ata eva citro vicitra āścaryarūpaśca || 12 ||

brahmendraviṣṇunirvyūḍhajagatsaṃhārakelaye |
āścaryakaraṇīyāya namaste sarvaśaktaye || 13 ||

brahmendra iti | brahmendraviṣṇubhiḥ sṛṣṭyadhiṣṭhitisthitikaraiḥ kathamapi 
nirvāhitatvādyat nirvyūḍhaṃ saṃpannaṃ jagat | tasya sarvaiḥ sandhāryamāṇasya 
saṃhāraḥ krīḍāmātraṃ yasya | ata eva āścaryakaraṇīyaḥ sarvaśaktiḥ 
brahmādīnāmapi svakarmaṇyetadīyasaṃjihīrṣābhāvābhāvamukhaprekṣitvāt 
sarvasāmarthyayukto yastasmai namaḥ || 13 ||

taṭeṣveva paribhrāntaiḥ labdhāstāstā vibhūtayaḥ |
yasya tasmai namastubhyamagādhaharasindhave || 14 ||

p. 15) 

taṭeṣveva iti | teṭaṣveva mantramudrācakrabhūmikādijñāneṣu 
cidrasaprasarabāhyabhūmiṣu paribhrāntaiḥ | 
pavanabhramaṇaprāṇavikṣepādikṛtaśramāḥ kuhakādiṣu ye bhrāntā bhrāntāste 
parame pade ityāmnāyasthityā antaḥsārānāsādanādbhrāmyadbhiḥ | tāstā iti 
bhedamayyo'ṇimādikāḥ | agādhaharasindhave iti paricchedyāntastatvāya 
maheśvarasamudrāya | samudre ca taṭeṣveva ye bhrāmyanti te 
tanmauktikādyāpnuvanti ye tu antarvikṣepakṣamāḥ te 
mahānirvṛtipradamamṛtamapyaśnantīti rūpakaśleṣeṇa dhvanati || 14 ||

māyāmayajagatsāndrapaṅkamadhyādhivāsine |
alepāya namaḥ śambhuśatapatrāya śobhine || 15 ||

māyāmaya iti | māyā cinmayatvākhyātiḥ saiva prākṛtaṃ rūpaṃ yasya jagataḥ 
tadeva sāndraḥ paṅko ghanaḥ kardamaḥ tanmadhyādhivāsine'pi 
vyāpakatvāttadvyāpnuvate'pi alepāya śuddhacidekarūpāya | śambhureva 
śatapatraṃ anantaśaktidalaṃ tattatsaṅkocavikāsadharmakaṃ kamalaṃ tasmai 
namaḥ | paṅkamadhyasthiterapyalepatā bhagavataścidghanatvena 
tadasaṃsparśāditi virodhābhāsaḥ || 15 ||

maṅgalāya pavitrāya nidhaye bhūṣaṇātmane |
priyāya paramārthāya sarvotkṛṣṭāya te namaḥ || 16 ||

maṅgalāyeti | maṅgaletyādi spaṣṭaṃ | sarvotkṛṣṭāyeti sarvatra yojyaṃ | yena 
yena mukhena vicāryate tena tenottamatvaṃ sarvotkṛṣṭatvāt || 16 ||

namaḥ satatabaddhāya nityanirmuktibhāgine |
bandhamokṣavihīnāya kasmai cidapi śambhave || 17 ||

namaḥ satata iti | bhagavata eva baddhamuktatayā'vagamāttathātvam 

p. 16) 

vastutastu cidghanatvāttaddhīnatvam | virodhābhāsaḥ pūrvavat | evamuttaratrāpi || 17 
||

upahāsaikasāresminnetāvati jagattraye |
tubhyamevādvitīyāya namo nityasukhāsine || 18 ||

upahāsaika iti | tuccharūpatvādupahasanīyaparamārthe etāvati ativitate jagattraye 
bhavābhavātibhavātmani | advitīyāya asādhāraṇaikarūpāya nityasukhāsine 
ānandaghanāyopādeyatamāya tubhyameva namaḥ || 18 ||

dakṣiṇācārasārāya vāmācārābhilāṣiṇe |
sarvācārāya śarvāya nirācārāya te namaḥ || 19 ||

dakṣiṇācāra iti | dakṣiṇācāro bhairavatantraṃ aviparītānuṣṭhānaṃ ca sāraḥ 
sāratvenābhimato yasya | vāmācāraṃ vāditantraṃ viparītakramaṃ cābhilaṣati 
yastasmai | sarva ācāro nijaḥ parispando yasya | niṣkrāntā ācārā yasmāt 
ācārebhyaśca dhyānapūjādibhyo niṣkrānto yastasmai | atha ca 
śrīmadācāranirācārarūpaṃ yanmatakramādi śāstrārthatattvaṃ tadrūpāya namaḥ 
|| 19 ||

yathā tathā'pi yaḥ pūjyo
yatra tatrā'pi yo'rcitaḥ |
yo'pi vā so'pi vā yo'sau
devastasmai namo'stu te || 20 ||

yathā tathā iti | yena yena prakāreṇa yatra kvacidyatkiñcidācaryate tatra 
svātmadevatāviśrāntirūpā pūjā anāyāsenaiva siddhā

p. 17) 

tattvavidāmiti tātparyam | yattacchabdāḥ niyamavyudāsāya | yathāgamaḥ 
yathālābhaṃ prapūjayediti || 20 ||

mumukṣujanasevyāya sarvasantāpahāriṇe |
namo vitatalāvaṇyavārāya varadāya te || 21 ||

mumukṣu iti | sādhakānāṃ mantrāṇāṃ prāṇatvānmumukṣubhireva 
samanantaroktayuktyā niryantraṇaṃ sevituṃ śakyāya | sarveṣāṃ bhedamayānāṃ 
santāpānāṃ hāriṇe apahantre | vitatetyuktiḥ 
paramānandaghanatvenātispṛhaṇīyatvāt | vāraḥ samūhaḥ 
samūhanivahavyūhavārasaṅghātasañcayā ityamaraḥ | varadāya 
saṃvinnairmalyasāraprasādapradāya || 21 ||

sadā nirantarānandarasanirbharitākhila |
trilokāya namastubhyaṃ svāmine nityaparvaṇe || 22 ||

sadā nirantarānanda iti | prāgvattrilokasya viśvasya svasyānandarasena 
pūraṇātsvāmine ityucitoktiḥ | nityaparvaṇe sadā viśvapūrakarūpāya | parva 
pūraṇe ityasyaprayogaḥ | sarvaśca parvaṇi ānandarasanirbharitaṃ nikhilaṃ karoti || 
22 ||

sukhapradhānasaṃvedyasambhogairbhajate ca yat |
tvāmeva tasmai ghorāya śaktivṛndāya te namaḥ || 23 ||

sukhapradhānaṃ yat śaktivṛndaṃ saṃviddevīcakraṃ 
camatkāreṇānandaghanapramātṛviśrāntyā sukhapradhānasaṃvedyasaṃbhogaiḥ 
ānandasāraviṣayagrāsāsvādaiḥ tvāmeva bhajate tvayyeva viśvamarpayati | tasmai 
ghorāya sarvasaṃhartre te tava sambandhine namaḥ || 23 ||

munīnāmapyavijñeyaṃ bhaktisambandhaceṣṭitāḥ |
āliṅgantyapi yaṃ tasmai kasmai cidbhavate namaḥ || 24 ||

p. 18) 

munīnāmiti | tapoyogādiniṣṭhānāṃ kapilādīnāmapi jñātumaśakyaṃ | 
bhaktisambandhaceṣṭitāḥ samāveśarasānuviddhavyāpārāḥ | āliṅgantyapi 
dṛḍhāvaṣṭambhayuktyā svasambhogapātraṃ kurvantyapi yaṃ tasmai kasmai 
citsvātmani sphurate namaḥ || 24 ||

paramāmṛtakośāya paramāmṛtarāśaye |
sarvapāramyapāramyaprāpyāya bhavate namaḥ || 25 ||

paramāmṛta iti | paramānandarasasya kośo gañjamiva atastatpūrṇatvādrāśiśca 
bahirapi tanmayatvāt | sarvasya māyādeḥ pāramyaṃ paramatvaṃ prakāśamānatā | 
tasyāpi pāramyaṃ ānandaghanaścamatkāraḥ śāktaḥ samullāsaḥ tena prāpyāya || 
25 ||

mahāmantramayaṃ naumi rūpaṃ te svacchaśītalam |
apūrvāmodasubhagaṃ parāmṛtarasolvaṇam || 26 ||

mahāmantramayeti | mahāmantramayaṃ akṛtrimāhamparāmarśamayaṃ tava 
rūpaṃ naumi iti prāgvat | svacchaṃ viśvapratibimbadhāraṇāt | śītalaṃ 
saṃsāratāpahāritvāt | apūrveṇa āmodena alaukikena vyāpiparimalena hlādinā 
svarūpeṇa | subhagaṃ spṛhaṇīyaṃ | paramāmṛtarasena paramānandenolvaṇaṃ 
bṛṃhitam || 26 ||

svātantryāmṛtapūrṇatvadaikyakhyātimahāpaṭe |
citraṃ nāstyeva yatreśa tannaumi tava śāsanam || 27 ||

svātantryā iti | svātantryāmṛtena sampūrṇā svatantratā ānandaghanā yā 
tvadaikyakhyātiḥ bhavadabhedaprathā saiva viśvacitratantuvyāptyā mahāpaṭaḥ 
tatra viṣaye yat śāsanaṃ śāsyate'neneti kṛtvā tvadupadeśako ya āgamaḥ taṃ 
naumi | yatra viśvamāścaryamayaṃ tvadaikyaprathanasāre'pi citraṃ nānārūpaṃ 
nāstyeva tvadaikyakhyātipratipādanaparatvāt 

p. 19) 


citramadbhutaṃ ca nāsti anuttaratvādāgamasya sarvasaṃbhāvanābhūmitvāt atha ca 
paṭe sthitaṃ śāsanamavicitrarūpaṃ ceti cittram || 27 ||

sarvā'śaṅkāśaniṃ sarvā'lakṣmīkālānalaṃ tathā |
sarvā'magaṃlyakalpāntaṃ mārgaṃ māheśvaraṃ numaḥ || 28 ||

sarvāśaṃkā iti | sarvāsāmāśaṅkānāṃ 
dravyapūjāmaṃntrādisaṅkīrṇatvādyuktānāṃ vicitrasaṃsārabījabhūtānāṃ 
cittavṛttimlānidānāṃ aśaniṃ svarūpadhvaṃsakaṃ | āmnāye'pi ca śaṅkāpi na 
viśaṅketa niśśaṁkatvamidaṃ sphuṭamityuktaṃ | alakṣmīṇāṃ 
anānandadaśānāṃ kālānalaṃ mahādāhakaṃ 
sarvāmaṅgalyānāmaśubhasūcakānāṃ kalpāntaṃ niḥśeṣeṇa nāśakaṃ 
māheśvaraṃ mārgaṃ śāktaṃ prasaraṃ numaḥ || 28 ||

jaya deva namo namo'stu te
sakalaṃ viśvamidaṃ tavāśritam |
jagatāṃ parameśvaro bhavān
paramekaḥ śaraṇāgato'smi te || 29 ||

jayadeveti | paramekosmīti dehādyabhimānena tvanmāyāśaktikḷptena 
viśvavibhedena tvattaḥ pṛthagiva kṛtaḥ ata eva śaraṇamāgataḥ | yuktaṃ caitat 
yato viśvamidaṃ tavāśritaṃ cinmayatvatsvarūpamagnaṃ tataśca jagatāṃ 
bhavāneva parameśvaraḥ brahmādibhyaḥ sadāśivāntebhyaḥ uttamaḥ ata eva he 
deva krīḍādiśīla jaya dehādyabhimānamimamudasya svarūpeṇa prathasva iti 
prāgvat || 29 ||

iti śrīmadutpaladevācāryaviracitastotrāvalyāṃ sarvātmaparibhāvanā-
nāmakaṃ dvitīyastotram || 2 ||

p. 20) 

oṃ sadasattvena bhāvānāṃ yuktā yā dvitayī gatiḥ |
tāmullaṅghya tṛtīyasmai namaścitrāya śambhave || 1 ||

oṃ sadasattveneti | bhāvānāṃ prameyādīnāṃ janmasattādirūpatayā 
prākpradhvaṃsābhāvādirūpatayā ca dvitayīrūpā dvitayīyuktā yataste bhāvā 
bhāvanīyāḥ sampādanīyāḥ tāmullaṅghya ujjhitvā yastṛtīyaḥ 
sadasattābhyāmavyapadeśyatvātturyādivatsaṃkhyayaiva vyapadeśyaḥ sthitaḥ 
tasmai citrāya āścaryāya viśvacitrāya namaḥ iti prāgvat || 1 ||

āsurarṣijanādasminnasvatantre jagattraye |
svatantrāste svatantrasya ye tavaivā'nujīvinaḥ || 2 ||

āsurarṣi iti | jagattrayaṃ prāgvat | surarṣijanāt marīcyādidevarṣijanāt | ā āṅ 
abhividhau | asvatantratvaṃ sṛṣṭisaṃhāragocaratvaṃ | sraṣṭādirūpastu 
śambhureva svatantraḥ | tasya ca ye'nujīvinaḥ tadātmakasvātmasākṣātkāri'naḥ te'pi 
tatsamāveśāt svatantrā eva || 2 ||

aśeṣaviśvakhacitabhavadvapuranusmṛtiḥ |
yeṣāṃ bhavarujāmekaṃ bheṣajaṃ te sukhāsinaḥ || 3 ||

aśeṣeti | bhavarujāṃ sāṃsārikopatāpānāṃ | bheṣajamauṣadhaṃ | 
viśvakhacitatvātsarvopakṛtikaraṇakṣamā bhavadvapuranusmṛtiḥ 
cidātmanastvatsvarūpasyānugatatayā smaraṇaṃ samāveśamayaṃ yeṣāmasti te 
sukhāsinaḥ | satsvapi dehādināntarīyakeṣu duḥkhasparśeṣu paramānandaghane 
sukha eva tiṣṭhanti || 3 ||

sitātapatraṃ yasyenduḥ svaprabhāparipūritaḥ |
cāmaraṃ svardhunīsrotaḥ sa ekaḥ parameśvaraḥ || 4 ||

p. 21) 

sitātapatramiti | induḥ sarvameyarūpaḥ prakāśadaśāyāṃ 
svaprabhābhiścaitanyamarīcibhiḥ paripūrṇatāṃ prāpitaḥ yasya sitaṃ śuddhaṃ 
svātmalagnatvācca baddhaṃ pāśavaheyopādeyatādikalpanotthāt ātapāt trāyate 
ityātapatraṃ | tathā svaḥ svargaṃ tadupalakṣitaṃ ca nirayaṃ dharmādharmaphalaṃ 
dhunoti svardhunī madhyavāhinī cicchaktiḥ saiva prasaradrūpatvātsrotaḥ tadyasya 
cāmaraṃ māhātmyaprathāhetuḥ | sa eko na tu anyaḥ parama īśvaraḥ | 
sthūladṛṣṭyā tu nijaraśmipūrṇaḥ khaṇḍenduḥ gaṅgā ca yasyāsādhāraṇaṃ 
chattraṃ cāmaraṃ ceti spaṣṭam || 4 ||

prakāśāṃ śītalāmekāṃ śuddhāṃ śaśikalāmiva |
dṛśaṃ vitara me nātha kāmapyamṛtavāhinīm || 5 ||

prakāśāṃ śītalāmiti | prakāśāṃ svaprakaṭāṃ śītalāṃ santāpaharāṃ 
śuddhāṃ bhedaśaṅkāśātinīṃ ca ekāmadvitīyāṃ kāmapyapūrvāṃ 
amṛtavāhinīṃ ca amṛtasyandinīṃ dṛśaṃ saṃvidaṃ me mahyaṃ nātha vitara 
prayaccha | śaśikalāpakṣe śliṣṭokteḥ spaṣṭo'rthaḥ || 5 ||

tvaccidānandajaladheścyutāḥ saṃvittivipruṣaḥ |
imāḥ kathaṃ me bhagavannāmṛtāsvādasundarāḥ || 6 ||

tvaccidānanda iti | tvattaḥ cidānandasamudrāt yāḥ saṃvittivipruṣaḥ 
nīlasukhādijñānakaṇikāḥ prakāśamānatvāccidānandasārā eva cyutā niryātāḥ 
samakālamamṛtāsvādasundarāḥ imā visphurantyo no kathaṃ bhavanti 
bhavantyevetyarthaḥ || 6 ||

tvayi rāgarase nātha na magnaṃ hṛdayaṃ prabho |
yeṣāmahṛdayā eva te'vajñāspadamīdṛśāḥ || 7 ||

tvayi rāgeti | tvadviṣaye rāgaraso bhaktiprasaraḥ | tatra yeṣāṃ hṛdayaṃ na magnaṃ 
samāviṣṭaṃ te avidyamānatāttvakahṛdayāḥ

p. 22) 

īdṛśā iti saṃsārakleśabhājanabhūtāḥ avajñāspadaṃ bhaktimatāmagaṇanīyā 
eva || 7 ||

prabhuṇā bhavatā yasya jātaṃ hṛdayamelanam |
prābhavīṇāṃ vibhūtīnāṃ paramekaḥ sa bhājanam || 8 ||

prabhuṇeti | uktārthaprātipakṣyeṇoktiḥ | yasyeti kasyacideva | ahṛdayāstu prāyo 
bahava iti bahuvacanamatra noktaṃ | hṛdayamelanaṃ samāveśenaikatvam | 
vibhūtayaḥ advayānandasampadaḥ | yasya ca laukikeśvareṇa hṛdayaemelanaṃ 
bhavati sa evaikastu vibhūtīnāṃ pātraṃ nānya iti śleṣeṇa dhvanati || 8 ||

harṣāṇāmatha śokānāṃ sarveṣāṃ plāvakaḥ samam |
bhavaddhyānāmṛtāpūro nimnanimnabhuvāmiva || 9 ||

harṣāṇāmiti | bhavaddhyānaṃ samāveśarūpaṃ tvaccintanameva amṛtāpuraḥ | sa 
yathā nimnānimnabhuvāmaśuddhetararūpamāyāvidyābhūmīnāṃ samaṃ 
yugapatplāvakaḥ sāmarasyāpādakaḥ tathā laukikaśokaharṣādīnāmapi | 
samāviṣṭasya hi yugapadeva nikhilaṃ paramānandavyāptimayaṃ jāyate | 
jalāpūraśca nimnonnatāśca bhūmīḥ plāvayati || 9 ||

keva na syāddaśā teṣāṃ sukhasambhāranirbharā |
yeṣāmātmādhikeneśa na kvāpi virahastvayā || 10 ||

keva na syāddaśeti | yeṣāmātmādhikeneśa dehādi nimajjya cidghanatvena sphuratā 
tvayā kadācidapi na viyogaḥ teṣāṃ sukhasambhāranirbharā paramānandapūrṇā kā 
iva daśā na syāt sarvaiva bhavatītyarthaḥ | jīvantaḥ īśvarāviyuktāśca sadā 
sukhino bhavanti || 10 ||

p. 23) 

garjāmi bata nṛtyāmi pūrṇā mama manorathāḥ |
svāmī mamaiṣa ghaṭito yattvamatyantarocanaḥ || 11 ||

garjāmi bateti | atibhaktirasānandaghūrṇitasyeyamuktiḥ | atyantaṃ rocanaḥ atiśayena 
priyaḥ | eṣa iti vaktumaśakyaḥ svānubhavasaṃsiddhaḥ | tathā ca atyantarocanaḥ 
viśvagrāsakatvena atidīptaprakāśavapuryatastvaṃ svāmī mama ghaṭitaḥ 
samāveśena mayā'sāditaḥ | tatogarjāmi mahāravamuccārayāmi nṛtyāmi 
harṣaprasarabhareṇa sarvatomāyāpramādabhāvadhūnanasāraṃ gātravikṣepaṃ 
karomi | mama ca manorathāḥ pūrṇāḥ nirākāṅkṣosmi jāta ityarthaḥ | bata iti 
anuttaracitsvarūpapratyabhijñānādvismayamudrā'nupraveśaṃ dhvanati || 11 ||

nānyadvedyaṃ kriyā yatra nānyo yogo vidā ca yat |
jñānaṃ syāt kintu viśvaikapūrṇaṃ cittvaṃ vijṛmbhate || 12 ||

nānyadvedyamiti | tathāvidho mama svāmī ghaṭito yatra svāmini sati anyadbhinnaṃ 
vedyaṃ anyā kriyā anyo yogaḥ anyā ca vidā saṃvinnāsti ghaṭitasvāmivyatiriktaṃ 
mama na kiṃ cidapi bhātītyarthaḥ | kriyā vidā ityatra anyā iti yojanā | tantra pūrṇaṃ 
tvastyeveti āha | kintu yajjñānaṃ syāttadviśvasyaikā pūrṇāhutiḥ 
bodhāgniprajvālinī pūrṇāhaṃparāmarśakriyāśaktisvarūpametajjñānamiti yāvat 
| yaccedṛkjñānaṃ tadevaṃ cittvaṃ śivaprakāśarūpatvaṃ vijṛmbhate nānyat | 
yathāgamaḥ na yogo'nyaḥ kriyā nānyā tattvārūḍhā hi yā matiḥ | 
svacittavāsanāśāntau sā kriyetyabhidhīyate || 12 ||

durjayānāmanantānāṃ duḥkhānāṃ sahasaiva te |
hastātpalāyitā yeṣāṃ vāci śaśvacchivadhvaniḥ || 13 ||

p. 24) 

durjayānāmiti | hastātpalāyitā ityanena śivadhvaniśūnyavācaḥ 
sarvaduḥkhākrāntā iti dhvanati | tathā cocyate ābrahmaṇaśca kīṭāccetyādi | 
ābrahmaṇaśca kīṭācca na kaścit tattvataḥ sukhī | karoti tāstā vikṛtīḥ sarva eva 
jijīviṣuḥ || 13 ||

uttamaḥ puruṣo'nyo'sti yuṣmaccheṣaviśeṣitaḥ |
tvaṃ mahāpuruṣastveko niḥśeṣapuruṣāśrayaḥ || 14 ||

uttamaḥ purus' iti | hariḥ puruṣottama iti prasiddhaḥ sa yuṣmaccheṣeṇa tāvakena 
abhedasāravidyā'dhiṣṭhātṛṣu pramātṛṣu ca labdhādanyena adhiṣṭhānātmanā 
svarūpeṇa viśeṣitaḥ sampāditaviśeṣaḥ | tathā cāgamaḥ - vaiṣṇavyāstu 
smṛto viṣṇuriti | tvaṃ 
sakalādisadāśivāntaniḥśeṣapuruṣāśrayatvānmahāpuruṣaḥ | anyaśabdaḥ 
kaścidarthaḥ | ekaḥ advitīyaḥ | iti ekaḥ ślokārthaḥ | aparastu vyākaraṇaprakriyayā 
uttamapuruṣaḥ asmadarthe yaḥ sa yuṣmaccheṣābhyāṃ 
madhyamaprathamapuruṣābhyāṃ viśeṣitaḥ sañjātaviśeṣo'sti tasya ca 
taṭasthaparāmṛśyātprathamapuruṣādyuṣmadarthonmukhācca 
madhyamapuruṣādayaṃ viśeṣaḥ yadaśeṣapuruṣāśrayatvaṃ 
tadviśrāntidhāmatvaṃ | sarvasyedantāvimṛśyasyāhantāyāmeva viśrānteḥ | sa 
pacati tvaṃ pacasi ahaṃ pacāmīti vivakṣāyāṃ vayameva pacāma ityādau 
prayoge'yamevāśaya ityāstāṃ | tvaṃ tu viniḥśeṣāṇāṃ 
prathamamadhyamottamapuruṣāṇāṃ kalpitānāmakalpitacidrūpāśrayaḥ | 
yathoktaṃ pratyabhijñāyāṃ grāhyagrāhakatābhinnāvarthau bhātaḥ pramātari iti 
ata eva mahāpuruṣo maheśvaro mahādevavanmahacchabdasya tvayyeva 
pravṛttatvāt || 14 ||

jayanti te jagadvandyā dāsāste jagatāṃ vibho |
saṃsārārṇava evaiṣa yeṣāṃ krīḍāmahāsaraḥ || 15 ||

p. 25) 

jayantīti | jagadvandyatvaṃ śivasamāveśamātratvāt | jagatāṃ vibho tava dāsāste 
jayanti yeṣāṃ saṃsārasamudra evaiṣa ityatighoro'pi cidrūpatayā jñātaparamārthaḥ 
san krīḍāmahāsaraḥkalpaḥ | yathoktaṃ iti vā yasya saṃvittiḥ krīḍātvenākhilaṃ 
jagat sampaśyannityādi || 15 ||

āsatāṃ tāvadanyāni dainyānīha bhavajjuṣām |
tvameva prakaṭībhayā ityanenaiva lajjyate || 16 ||

āsatāṃ tāvaditi | anyāni dainyāni aṇimādiprārthanā | bhavajjuṣāṃ 
satatasamāveśaprathamānatvatsvarūpāṇāmata 
evārthanīyāntaravirahātprakaṭībhūyā ityanenaiva kadācitsamāviṣṭaiḥ 
prārthanīyena yato lajjyate tato daṇḍāpūpīnyāyena dainyāntarasambhāvanaiva nāsti 
|| 16 ||

matparaṃ nāsti tattrāpi jāpako'smi tadaikyataḥ |
tattvena japa ityakṣamālayā diśasi kvacit || 17 ||

matparaṃ nāsti tantreti | maheśiturapi japyaṃ devatāntaramasti akṣamālāyogāditi 
ye muhyanti tān bodhayitumāha | matparaṃ tāvannāsti tathā'pi jāpako'smi yat tat 
tasmāt aikyata aikyena cidabhedena paramārthato japaḥ pūrṇāhantāvimarśātmā 
nityodito bhavatīti akṣamālayā kvacidgaurīśvarādyakṛtau diśasi kathayasi | 
tacchabdādyacchabda ākṣepyaḥ | atha vā akṣamālayā karaṇeśvarīpaṃktyā 
samastārthasārthe sargasaṃhāraparamparāsampattaye punaḥ punarāvartamānayā 
aikyato mahārthanayā bhedasāreṇaikattvena ca japo'nuttaravimarśasāro 
bhavatītyakṣamālayaiva varṇalipinyāyena yuktyā śikṣayasi || 17 ||

p. 26) 

sato'vaśyaṃ paramasatsacca tasmātparaṃ prabho |
tvaṃ cāsatassataścānyastenā'si sadasanmayaḥ || 18 ||

satovaśyamiti | bhāvābhāvau parasparabhinnau | tvamasataḥ khapuṣpādeḥ sataśca 
nīlasukhāderanyo vilakṣaṇaḥ cidānandaghanaḥ ata eva sadasanmayaḥ 
sadrūpopyasadrūpo'pi sadasadrūpo'pi viśvātmakastvaṃ natu sadrūpa eva vā 
asadrūpa eva vā ubhayojjñita eva vā | tathā śrībhargaśikhāyāṃ - na sanna 
cāsatsadasannaiva tadubhayojjñitamityupakramya durjñeyā hi sā'vasthā 
kimapyetadanuttaramityanirvacanīyatayaiva 
viśvottīrṇaviśvamayacidānandaghanamanuttarasvarūpaṃ sadasattveneti ślokena 
bhāvanīyasadasattākoṭidvayavailakṣaṇyamuktam anena tu 
sarvabhāvābhāvottaratvam || 18 ||

sahasrasūryakiraṇādhikaśuddhaprakāśavān |
api tvaṃ sarvabhuvanavyāpako'pi na dṛśyase || 19 ||

sahasrasūryakiraṇebhyopyadhikaḥ teṣāmapi tatprakāśatvāt | śuddhaścidekarūpaḥ 
prakāśo bhūmnā prāśastyena ca yasya | ata eva sarvabhuvanavyāpakatvaṃ | 
māyāvyāmūḍhairna dṛśyase bhāsamāno'pi na pratyabhijñāyase iti yāvat || 19 ||

jaḍe jagati cidrūpaḥ kila vedye'pi vedakaḥ |
vibhurmite ca yenāsi tena sarvottamo bhavān || 20 ||

jaḍe jagatīti | jagati kṣityādisadāśivāvasāne jaḍe vedye mite ca asi tvaṃ cidrūpo 
vedako vyāpakaśca yatastataḥ sarvottamosīti sambandhaḥ || 20 ||

p. 27) 

alamāktanditairanyairiyadeva puraḥ prabhoḥ |
tīvraṃ viraumi yannātha muhyāmyevaṃ vidannapi || 21 ||

alamiti | vyutthānadaśāparavaśaḥ samāveśatattvaṃ jānannapi muhyāmīti 
vyutthāne samāveśavaśo bhavāmīti śivam || 21 ||

iti śrīmadutpaladevācāryaviracitastotrāvalau praṇayaprasādanāmake 
tṛtīyastotre śrīkṣemarājaviracitā vivṛtiḥ ||


oṃ capalamasi yadapi mānasa
tatrāpi ślāghyase yato bhajase |
śaraṇānāmapi śaraṇaṃ
bhuvanagurumambikākāntam || 1 ||

oṃ capalamasīti | cāpalādyadyapi bhagavadbhajane na prarohasi tathā'pi 
kṛtārthamasi | kṣaṇamātramapi tatsevāyāḥ pūrṇavyāptipradatvāt | ata eva 
śaraṇānāmapītyasāmānyatāṃ bhagavataḥ prathayati | śaraṇānāṃ 
brahmaviṣṇvādīnāmapi śaraṇaṃ samāśrayaṃ tribhuvanaguruṃ 
viśvasyopadeṣṭāraṃ pūjyaṃ ca | ambikā parā śaktiḥ || 1 ||

ullaṅghya vividhadaivatasopānakramamupeyaśivacaraṇān |
āśrityāpyadharatarāṃ bhūmiṃ nādyā'pi citramujjñāmi || 2 ||

ullaṅghyeti | vividhāni brahmaviṣṇurudreśvarasadāśivādirūpāṇi daivatānyeva 
sopānakramaḥ tamullaṅghya viśrāntipadīkṛtya upeyasyopagantavyasya

p. 28) 

ātmasamīpe prāptavyasya śivasya caraṇān marīcīn āsamantāt śritvā 
samāveśayuktyā svīkṛtyāpi cittraṃ yadadyāpi adharatarāṃ bhūmiṃ 
vyutthānapatitāṃ māyīyadehādipramātṛtāṃ na tyajāmi | daivatānāṃ 
sopānakrameṇānupādeyatāṃ bhagavatastu caraṇasamāśrayeṇopādeyatamatāṃ 
prakāśayannātmanastatsamāśrayeṇa ślāghyatāṃ dhvanati || 2 ||

prakaṭaya nijamadhvānaṃ
sthagayatarāmakhilalokacaritāni |
yāvadbhavāmi bhagavaṃ-
stava sapadi sadodito dāsaḥ || 3 ||

prakaṭayeti | nijamadhvānaṃ svaṃśāktaṃ mārgaṃ | akhilasya 
lokyalokayitṛrūpasya meyamātṛvargasya sadāśivāntasya | caritāni 
sthagayatarāṃ niḥśeṣeṇa śamaya | yāvat tava sadodito dāso bhavāmi 
tvaccaraṇasaparyāparo nityasamāviṣṭaḥ sphurāmi iti yāvat || 3 ||

śiva śiva śambho śaṅkara
śaraṇāgatavatsalāśu kuru karuṇāṃ |
tava caraṇakamalayugala-
smaraṇaparasya hi sampado'dūre || 4 ||

śivaśiveti | tava caraṇayugalaṃ jñānakriyāmayaṃ marīcidvayaṃ | sampadaḥ 
samāveśasārāḥ paramānandamayyaḥ | adūre nikaṭe || 4 ||

tāvakāṅghrikamalāsanalīnā
ye yathāruci jagadracayanti |

p. 29) 

te viriñcimadhikāramalenā-
'liptamasvavaśamīśa hasanti || 5 ||

tāvakāṅghrīti | saṅkocavikāsaparatvanmarīciviśrāntāḥ tata eva 
āsvāditasvātantryā yathāruci karaṇeśvarīprasarayuktyā ye jagadracayanti te 
viriñciṃ brahmāṇamadhikāramalena āsamantālliptamata eva 
niyatiparatantratvādasvavaśamasvatantraṃ | he īśa svatantra | hasanti kamalāsano'pi 
teṣāṃ hāsāspadamityarthaḥ || 5 ||

tvatprakāśavapuṣo na vibhinnaṃ
kiṃ ca na prabhavati pratibhātum |
tatsadaiva bhagavanparilabdho
'sīśvara prakṛtito'pi vidūraḥ || 6 ||

tvaprakāśavapuṣa iti | he īśvara asi tvaṃ prakṛtitaḥ vidūro'pi 
svagopanādaprāpyo'pi sadaiva parilabdhaḥ asmābhiriti śeṣaḥ | yataḥ yat 
kiñcitpratibhātuṃ prabhavati bhāsate tattvataḥ prakāśavapuṣaścidrūpāt na 
bhinnaṃ prakāśamayasyaiva prakāśārhatvāt | yathoktaṃ yasmātsarvamayo jīva 
ityādi bhoktaiva bhogyabhāvena sadā sarvatra saṃsthita ityantam || 6 ||

pādapaṅkajarasaṃ tava ke cid
bhedaparyuṣitavṛttimupetāḥ |
kecanā'pi rasayanti tu sadyo
bhātamakṣatavapurdvayaśūnyam || 7 ||

pādapaṅkajeti | tava jñānakriyāmarīcidvayamayacaraṇakamalarasaṃ

p. 30) 

kecit dvaitaniṣṭhāḥ bhedena paryuṣitā jhagiti upabhogānāsādanena 
śuktīkṛtaprāyā vṛttiḥ svarūpaṃ yasya tamupetāḥ prāptāḥ na tu sadya 
āsvādayanti | ke citpunaḥ paraśaktipātapavitritāḥ sadyo bhātaṃ jhagiti upanataṃ 
akṣatavapuṣaṃ nityasphuratsvarūpaṃ dvayaśūnyaṃ cidānandaikaghanaṃ rasayanti 
camatkurvanti | kecidityapakarṣaḥ kecanāpītyutkarṣaṃ dhvanati || 7 ||

nātha vidyudiva bhāti vibhā te
yā kadācana mamāmṛtadigdhā |
sā yadi sthirataraiva bhavettat
pūjito'si vidhivatkimutānyat || 8 ||

nātha vidyudiveti | he nātha tava vibhā paraḥ śāktaḥ spandaḥ | amṛtadigdhā 
paramānandopacitā | vidyudiva kṣaṇamātraṃ kadācinmamāvabhāti samāveśe 
sphurati | sā yadi balavadvyutthānamapahastya nityoditā syāttadvidhivadyathātattvaṃ 
pūjito'si | kimutānyat parisamāptaṃ karaṇīyaṃ kṛtakṛtyatā ca jāyate ityarthaḥ || 
8 ||

sarvamasya'paramasti na kiṃcid
vastvavastu yadi veti mahatyā |
prajñayā vyavasito'tra yathaiva
tvaṃ tathaiva bhava suprakaṭo me || 9 ||

sarvamasīti | asi tvaṃ sarvamaparaṃ vastu yadi vā 'vastu na kiṃ cidasti sarvasya 
cidghanatvātprakāśamayatvena prakāśanāt ityevaṃ śuddhavidyāmayyā yathaiva 
mahatyā prajñayā'trajagati tvaṃ 

p. 31) 

niścitastathaiva me suṣṭhu vyutthāne'pi samāveśavaśāt prakaṭo bhava || 9 ||

svecchayaiva bhagavannijamārge
kāritaḥ padamahaṃ prabhuṇaiva |
tatkathaṃ janavadeva carāmi 
tvatpadocitamavaimi na kiṃcit || 10 ||

svecchayaiveti | he bhagavan ahaṃ prabhuṇaiva na tu anyena kena cit | svecchayaiva 
nirapekṣaśaktipātayuktyā | nijamārge vikasvaraśaktivartmani | padaṃ kāritaḥ 
viśrāntiṃ lambhitaḥ | tatkathaṃ janavadeva lokavadeva | carāmi vyutthāne 
vyaharāmi | tvatpadocitaṃ tvanmarīciparicayasamucitaṃ samāveśavaśānna kiṃ 
cidavagacchāmi || 10 ||

ko'pi deva hṛdi teṣu tāvako
jṛmbhate subhagabhāvaḥ uttamaḥ |
tvatkathāmbudaninādacātakā
yena te'pi subhagīkṛtāściram || 11 ||

kopīti | he deva teṣu keṣu cit prāguktabhaktimatsu hṛdi tāvakaḥ uttamaḥ 
utkṛṣṭaḥ subhagabhāvaḥ ko'pi ucchaladānandarasolbaṇatvaṃ 
kimapyujjṛmbhate yena te'pīti samāveśasambhinnahṛdayā api ata eva 
tvatkathaiva ambudaninādaḥ tantra cātakā iva 
samāveśaśālipratanyamānaśivakathā'karṇanaprahṛṣṭahṛdayā api ciraṃ 
subhagīkṛtāḥ samāveśabhūmiṃ lambhitāḥ | yatkathāmātreṇa 
samāveśo'vataratītyarthaḥ || 11 ||

p. 32) 

tvajjuṣāṃ tvayi kayā'pi līlayā
rāga eṣa paripoṣamāgataḥ |
yadviyogabhuvi saṅkathā tathā
saṃsmṛtiḥ phalati saṃgamotsavam || 12 ||

tvajjuṣāmiti | kayapīti anuttarasamāveśaśālinyā līlayā tvajjuṣāṃ tvāṃ prītyā 
sevamānānām | eṣa iti asāmānyo rāgaḥ paripoṣaṃ prāptaḥ | tvadviyogabhuvi 
vyutthāne | saṅkathā saṃsmṛtiśca kartrī sambhogotsavaṃ sambhogadaśāṃ 
phalati | viyogabhuvi saṅgamotsavamityuktyā alaukikatvamanurāgasya dhvanati || 12 ||

yo vicitrarasasekavardhitaḥ 
śaṅkareti śataśo'pyudīritaḥ |
śabda āviśati tiryagāśaye-
ṣvapyayaṃ navanavaprayojanaḥ || 13 ||

te jayanti sukhamaṇḍale bhraman
asti yeṣu niyataṃ śivadhvaniḥ |
yaḥ śaśīva prasṭato'mṛtāśayāt 
svādu saṃsravati cāmṛtaṃ param || 14 ||

yo vicitreti te jayantīti yugalakam | te jayanti yeṣu sukhamaṇḍale niyataṃ niścitaṃ 
kṛtvā bhraman śivadhavanirasti | yaḥ svādu paraṃ cāmṛtaṃ samyak sravati 
ānandarasaṃ samucchalayati | kīdṛk amṛtāśayāt 
sākṣātkṛtacidghanaparameśvararūpātprasṛtaḥ svarasenoccāritaḥ | yathā 
amṛtāśayāt śaśī candramāḥ prasṛtaḥ maṇḍale

p. 33) 

sphuran paraṃ svādvamṛtaṃ sravati yaccaiva vicitreṇa samāveśarasasekena 
vardhito'ta eva śataśopyudīritaḥ śaṅkaretyayaṃ śabdaḥ tiryagāśayeṣu 
paśuhṛdayeṣvapi navanavaprayojanaḥ pratikṣaṇaṃ tattadapūrvacamatkārakārī 
āviśati parisphurati || 13 || 14 ||

parisamāptamivogramidaṃ jagad
vigalito'viralo manaso malaḥ |
tadapi nāsti bhavatpuragopurā-
rgalakavāṭavighaṭṭanamaṇvapi || 15 ||

parisamāptamiveti | sphuratpratyagrasamāveśasaṃskārasya 
vyutthānabhūmimavatitīrṣoriyamuktiḥ | ugraṃ bhedamayatvādbhīṣaṇaṃ | 
jagadviśvaṃ parisamāptamiva | samāviṣṭasya hi na bāhyaṃ viśvaṃ vibhāti atha ca 
saṃskāraśeṣatayā'ste iti iva śabdaḥ | manasaśca aviralo ghanaḥ malaḥ 
avidyākalātmā vigalitaḥ | tathā'pi 
niḥśeṣaśāntāśeṣaviśvamayapraphullamahāvidyodyajjagadānandamayasya 
pūrakatvātpurarūpasya yadgopuraṃ puradvāraṃ paramaśaktirūpaṃ 
tantrārgalayuktakavāṭavighaṭṭanamatidṛḍhākhyātipuṭavipāṭanaṃ mama 
manāgapi nāsti | anena pravigalitaniḥ śeṣadehādisaṃskārāṃ parāṃ 
bhūmimevopādeyatvena dhvanati | yaduktaṃ sarvathā tvantarālīnetyādi 
śrīpratyabhijñāyāṃ | sarvātītaḥ śivo jñeyo yaṃ viditvā vimucyate iti 
pūrvaśāstre || 15 ||

satataphullabhavanmukhapaṅkajo-
daravilokanalālasacetasaḥ |
kimapi tatkuru nātha manāgiva
sphurasi yena mamābhimukhasthitiḥ || 16 ||

p. 34) 


satateti | satataṃ phullaṃ nityaṃ vikasitaṃ yatvanmukhakamalaṃ 
śaivīmukhamihocyate iti sthityā tvatparāśaktirūpaṃ yatpadmaṃ tasya yadudaraṃ 
madhyaṃ paraṃ tāvakaṃ paraśaktisāmarasyamayaṃ śāṃbhavaṃ rūpaṃ tasya 
vilokanaṃ samāveśaḥ tantra lālasaṃ sātiśayābhilāṣaṃ ceto yasya tasya me 
kimapi tadasambhāvyamupāyapradarśanaṃ manāgiva helāmātreṇa kuru yena 
mamābhimukhasthitiḥ san sphurasi || 16 ||

tvadavibhedamateraparaṃ nu kiṃ
sukhamihāsti vibhūtirathā'parā |
tadiha tāvakadāsajanasya kiṃ
kupathameti manaḥ parihṛtya tām || 17 ||

tvadavibhedamateriti | samāveśasphuritāyāstvadadvayasaṃvidaḥ aparaṃ sukhaṃ 
vibhūtyādi ca na kiṃ cidasti | tasyā eva sarvātiśāyitvāt | tataḥ kimiti 
tāvakadāsajanasya tāṃ tvadavibhedasaṃvidaṃ parihṛtya manaḥ kupathameti 
vyutthānabhūmimevā'dhāvati || 17 ||

kṣaṇamapīha na tāvakadāsatāṃ
prati bhaveyamahaṃ kila bhājanam |
bhavadabhedarasāsavamādarā-
davirataṃ rasayeyamahaṃ na cet || 18 ||

kṣaṇamapīti | yadi bhavadadvayānandarasāsavamahamavirataṃ nāsvādayeyaṃ 
tattava dāsatāṃ prati kṣaṇamapi bhājanaṃ na bhaveyam | 
ānandaghanatvatsvarūpāparicitatvāt || 18 ||

na kila paśyati satyamayaṃ jana-
stava vapurdvayadṛṣṭimalīmasaḥ |

p. 35) 


tadapi sarvavidāśritavatsalaḥ
kimidamāraṭitaṃ na śṛṇoṣi me || 19 ||

na kileti | ayaṃ tāvajjanaḥ bhedadṛṣṭimalīmasatvāttava satyaṃ cidghanaṃ vapuḥ 
na paśyati | tathā'pi tvaṃ sarvavitsarvajñaḥ āśritavatsalo bhaktānukūlaḥ ata eva 
svayamevocitasvātmadarśanadāne'pi me kimityāraṭitaṃ ākranditaṃ na śṛṇoṣi | 
darśanaṃ tāvajjhagiti mama āraṭitaṃ bhaktivivaśacittasyākranditamātraṃ tu 
śṛṇviti prārthayate || 19 ||

smarasi nātha kadā cidapīhitaṃ
viṣayasauravyamathāpi mayā'rthitam
satatameva bhavadvapurīkṣaṇā-
mṛtamabhīṣṭamalaṃ mama dehi tat || 20 ||

smarasīti | īhitaṃ prayatnenārjitaṃ athāpyarthitaṃ kāṅkṣitaṃ kadā cidapi mayā 
viṣayasaukhyamiti nātha smarasīti niryantraṇoktyā gāḍhaprabhuparicayaṃ dhvanati | 
kevalaṃ mama deva bhavadvapurīkṣaṇāmṛtaṃ 
tvatsvarūpaprakāśanarasāyanamalamabhīṣṭaṃ | tadeva ca dehi prayaccha || 20 ||

kila yadaiva śivādhvani tāvake
kṛtapado'smi maheśa tavecchayā |
śubhaśatānyuditāni tadaiva me
kimaparaṃ mṛgaye bhavataḥ prabho || 21 ||

kileti | śivādhvani śreyaḥśataśālini | parame śākte mārge | kṛtapadaḥ 
prāptaviśrāntiḥ || 21 ||

p. 36) 


yantra so'stamayameti vivasvāṁ-
ścandramaḥprabhṛtibhiḥ saha sarvaiḥ |
kā'pi sā vijayate śivarātiḥ
svaprabhāprasarabhāsararūpā || 22 ||

yantreti | sā kāpi lokottarā śivarātriḥ śivasamāveśabhūmiḥ | 
samastamāyīyaprathāyāḥ saṃharaṇādrātririva rātriḥ | kīdṛśī 
svaprabhāprasareṇa citprakāśajṛmbhaṇena bhāsanaśīlaṃ rūpaṃ yasyāḥ 
tādṛśī | sa ityeśeṣaprapañcaprathamāṅkuraḥ vivasvān prāṇaḥ | candramaḥ 
- prabhṛtibhirapānādibhiḥ sahā'stameti praśāmyati | yadi vā | vivasvān 
pramāṇaprakāśaḥ | candramaḥ prabhṛtayaḥ prameyādayaḥ || 22 ||

apyupārjitamahaṃ triṣu loke-
ṣvādhipatyamamareśvara manye |
nīrasaṃ tadakhilaṃ bhavadaṅghri-
sparśanāmṛtarasena vihīnam || 23 ||

apīti | trailokyarājyamapi tvanmarīcisaṃsparśaṃ vinā virasaṃmanye || 23 ||

bata nātha dṛḍhoyamātmabandho
bhavadakhyātimayastvayaiva kḷptaḥ |
yadayaṃ prathamānameva me tvā-
mavadhīrya ślathate na leśato'pi || 24 ||

bateti | āścaryaṃ ayamātmabandho dehādiṣu pramātṛtābhimānaḥ 
tvadaprathārūpaḥ | tvayaiva atidurghaṭakāriṇā dṛḍhaḥ kḷptaḥ | na tu anyasya 
śaktiḥ |

p. 37) 

yasmāttvāṃ prathamānameva samāveśe bhāntameva avadhīrya nyagbhāvya 
leśato'pi na ślthate vyutthāne prādhānyamevāvalambate ityarthaḥ || 24 ||

mahatāmamareśa pūjyamāno
'pyaniśaṃ tiṣṭhasi pūjakaikarūpaḥ |
bahirantarapīha dṛśyamānaḥ
sphurasi draṣṭṛśarīra eva śaśvat || 25 ||

mahatāmiti | bahirantaḥ pūjādyavasare | āpātabhedenaiva prakāśamānatvāt | 
pūjyamāno dṛśyamānaśca tvamamareśa devadeva mahatāṃ bhaktimatāṃ 
pūjakaikarūpo draṣṭṛśarīraśca 
samāveśasāmarasyādbodhamayapramātrekarupastiṣṭhasi sphurasi ceti śivam || 25 ||

iti śrīmadutpaladevācāryaviracitastotrāvalyāṃ surasodbalanāmaka-
caturthastotre kṣemarājakṛtā vivṛtiḥ ||


p. 38) 

oṃ tvatpādapadmasamparkamātrasambhogasaṅginam |
galepādikayā nātha māṃ svaveśma praveśaya || 1 ||

oṃ tvaditi | pādāḥ marīcayaḥ | samparkamātrasambhogaḥ samāveśāsvādaḥ | 
galepādikā haṭhaśaktipātakramaḥ | svaveśma citsvarūpaṃ aucityāt || 1 ||

bhavatpādāmbujarajorājirañjitamūrdhajaḥ |
apārarabhasā'rabdhanartanaḥ syāmahaṃ kadā || 2 ||

bhavaditi | bhavadīyena 
pādāmbujarajasā'nugrahapravṛttaparaśaktikamalaparāgeṇa | rañjitamūrdhajaḥ 
adhivāsitāntaḥ | prasaradūrdhvāṣṭaśaktyaṃkuraḥ | tata eva 
praharṣavaśādapāramaparyantaṃ rabhasā'rabdhaṃ jhagiti pravartitaṃ nartanaṃ 
gātravikṣepo māyāpramātṛtāvidhūnanaṃ yena | 
nityasamāveśavikasvaratāmāśāste || 2 ||

tvadekanātho bhagavanniyadevārthaye sadā |
tvadantarvasatirmūko bhaveyaṃ mā'nyathā budhaḥ || 3 ||

tvadekanātha iti | iyadeva nāparamarthaye | yattvamevaiko nātho nāthyamānaḥ 
samabhilaṣaṇīyo yasya saḥ | tvadantarvasatiściddhanatvatsvarūpasamāviṣṭo 
mūko'pi syām | anyathā budho'pi vidvānapi mābhūvam || 3 ||

aho sudhānidhe svāmin aho mṛṣṭa trilocana |
aho svādo virūpākṣetyeva nṛtyeyamāraṭan || 4 ||

aho iti | prāgvannityasamāviṣṭatāmāśāste | sudhānidhe ānandābdhe | mṛṣṭa 
camatkārapadapatita | svādo avicchinnamādhurya | nṛtye yamiti prāgvat | āraṭan 
sphuṭaṃ parāmṛśan || 4 ||

p. 39) 

tvatpādapadmasaṃsparśaparimīlitalocanaḥ |
vijṛmbheya bhavadbhaktimadirāmadaghūrṇitaḥ || 5 ||

tvatpādapadmeti | tvacchaktyānandena antarmukhīkṛtakaraṇaḥ | vijṛmbheya 
citsvarūponmajjanādgātraṃ vinamayeya cidguṇībhāvaṃ nayeyam | kīdṛk - 
bhavati sākṣātkṛte yā bhaktirāsavā saiva madirāmadaḥ kādambarīcamatkāraḥ 
tena ghūrṇito mahāvyāptiṃ lambhitaḥ || 5 ||

cittabhūbhṛdbhuvi vibho vaseyaṃ kvāpi yattra sā |
nirantaratvatpralāpamayī vṛttirmahārasā || 6 ||

cittabhūbhṛditi | cittameva anullaṅghyatvavāsanāśrayatvakaṭhoratvābhiḥ 
bhūbhṛt | tasya sambandhinyāṃ kasyāṃ cidvivivekapradāyāṃ bhuvi 
bhūmikāyāṃ vaseyaṃ | yattra sā iti prāk pariśīlitā mahārasā 
samāveśānandamayī nirantaro ghanaḥ tvatpralāpo bhavatparāmarśaḥ prakṛtaṃ 
rūpaṃ yasyāstādṛśī vṛttiḥ sthitiḥ || 6 ||

yattra devīsametastvamāsaudhādā ca gopurāt |
bahurūpaḥ sthitastasminvāstavyaḥ syāmahaṃ pure || 7 ||

yattreti | tasmin pure tvadīye pūrake cidātmani rūpe | vāstavyaḥ samāviṣṭaḥ syām | 
yattra āsaudhādāntarātsudhāsamuharūpātpratibhālakṣaṇāduccāddhāmnaḥ | āca 
gopurādindriyaviṣayarūpāddvārāt | tvaṃ devyā paraśaktyā sameto nityapramudito 
na sā jīvakalā kā cidityādi nītyā vasasi | bahurūpo viśvātmā | atra 
anuraṇanaśaktyā laukikaiśvāryaparicāryarthaḥ spaṣṭaḥ | 
tathottaratrāpyanusartavyaḥ || 7 ||

samullasantu bhagavan bhavadbhānumarīcayaḥ |
vikasatveṣa yāvanme hṛtpadmaḥ pūjanāya te || 8 ||

p. 40) 

samullasantviti | marīcayaḥ anugrāhikāḥ śaktayaḥ | vikasatu vyāptimāsādayatu | 
tava pūjanāya tvatpadasamāveśāya || 8 ||

prasīda bhagavan yena tvatpade patitaṃ sadā |
mano me tattadāsvādya kṣīvediva galediva || 9 ||

prasīdeti | prasādoṃbhasa iva svayamevāvilībhāvaśāntyā nairmalyagamanaṃ | 
evamuttaratra | tvatpade śākte mārge patitaṃ luṭhitaṃ tattaditi te te locana iti 
yadvarṇayitumaśakyatāṃ sphītatāṃ cāsvādya vastuto dhvanati | kṣīvediva galediva 
iti sasandehotprekṣayā sambhāvanāliṅā ca 
svānubhavasākṣikānuttarānandarasaparavaśatāśasāṃ dhvanati || 9 ||

praharṣādvā'tha śokādvā yadi kuḍyādghaṭādapi |
bāhyādathāntarādbhāvātprakaṭībhava me prabho || 10 ||

praharṣāditi | vā prabhṛtiśabdaiḥ yataḥ kutaścitsphuṭībhava nāsmākaṃ 
kvacidgrahaḥ ityāha | prabho sarvataḥ prabhavanaśīla || 10 ||

bahirapyantarapi tatsyandamānaṃ sadā'stu me |
bhavatpādāmbujasparśāmṛtamatyantaśītalam || 11 ||

bahirapīti | pādāmbujaṃ śītalamiti prāgvat || 11 ||

tvatpādasaṃsparśasudhāsarasontarnimajjanam |
kopyeṣa sarvasambhogalaṅghī bhogo'stu me sadā || 12 ||

tvatpādasaṃsparśa iti | tvatpādasaṃsparśo rudraśaktisamāveśaḥ | sa eva 
sudhāsaraḥ rasāyanābdhiḥ | tatra antarnimajjanaṃ bruḍanaṃ yat eṣa mama ko'pi 
asāmānyaḥ bhogaḥ sadā'stu | kīdṛk | sarvān sadā śivaparyantān bhogān 
laṅghate virasatvādabhibhavati tacchīlaḥ || 12 ||

p. 41) 

niveditamupādatsva rāgādi bhagavanmayā |
ādāya cāmṛtīkṛtya bhuṅkṣva bhaktajanaiḥ samam || 13 ||

niveditamiti | he bhagavan cinmayasvātman | āsaṃsāraṃ yat mayārjitaṃ rāgādi 
tadvittaśāṭhyavivarjanayā niveditaṃ tvayyarpitaṃ niḥśeṣeṇa veditaṃ ceti | 
tatsvarupamupādatsva gṛhāṇa svaprakāśātmatāmadhiṣṭhāya samīpe kuru | 
amṛtīkṛtyeti paraśaktisparśāmṛtena āplāvya | bhaktajanaiḥ samamityuktyā 
svasamāveśatāvyāptisamaye samastabhaktānāmapi tanmayatāmāśaṃsati || 13 ||

aśeṣabhuvanāhāranityatṛptaḥ sukhāsanam |
svāmin gṛhāṇa dāseṣu prasādālokanakṣaṇam || 14 ||

aśeṣeti | he svāmin aśeṣabhuvanāhāreṇa nityatṛptaḥ paramānandaghanaḥ | 
dāseṣu vyākhyātarūpaprasādālokanāvasaraṃ gṛhāṇa 
prakāśārhatvamadhiṣṭhāpaya | kīdṛśaṃ - sukhena āsyate yatra tat 
ānandavyāptimayam || 14 ||

antarbhakticamatkāracarvaṇāmīlitekṣaṇaḥ |
namo mahyaṃ śivāyeti pūjayan syāṃ tṛṇānyapi || 15 ||

antarbhaktīti | antaḥ pūrṇāhantāyāṃ bhakticamatkārāmīlitekṣaṇa iti prāgvat | 
mahyaṃ cidrūpāya śivāya namaḥ iti kṛtvā tṛṇānyapi pūjayan syāṃ 
śivatayā parāmṛśeyam || 15 ||

api labdhabhavadbhāvaḥ svātmollāsamayaṃ jagat |
paśyan bhaktirasābhogairbhaveyamapi yojitaḥ || 16 ||

apīti | labdho bhavadbhāvaḥ tvadaikātmyaṃ yena | ata eva svātmanaḥ 

p. 42) 

śivarūpasyollāsa eva prakṛtaṃ rūpaṃ yasya tathāvidhaṃ jagat viśvaṃ paśyan 
bhaktirasābhogaiḥ samāveśaprabalacamatkāraiḥ aviyojitaḥ syām | tamanityeṣu 
bhogeṣu yojayanti vināyakāḥ ityāmnāyasthityā mā kadā cit 
svātmābhimānavināyako bhaktyantarāyaṃ me kārṣīditi yāvat || 16 ||

ākāṅkṣaṇīyamaparaṃ yena nātha na vidyate |
tava tenā'dvitīyasya yuktaṃ yatparipūrṇatā || 17 ||

ākāṅkṣaṇīyamiti | sarvato nirākāṅkṣatvāttvameva paripūrṇa ityarthaḥ || 17 ||

hasyate nṛtyate yatra rāgadveṣādi bhujyate |
pīyate bhaktipīyūṣarasastatprāpnuyāṃ padam || 18 ||

hasyata iti | nṛtyate antaḥ praharṣabhareṇa dehādipramātṛtā doghūyate | bhujyate 
grasyate rāgadveṣādītyanena puryaṣṭakapramātṛtāyā guṇībhāva uktaḥ | pīyate 
camatkriyate bhaktipīyūṣarasaḥ samāveśānandaprasaraḥ | sarvasya ca 
hāsanṛtyapradhānabhojanapānakriyā spṛhaṇīyā sā tviha alaukikatvenoktā || 18 
||

tattadapūrvāmodatvaccintākusumavāsanā dṛḍhatām |
etu mama manasi yāvannaśyatu durvāsanāgandhaḥ || 19 ||

tattaditi | sa sa iti vicitra apūrvo'laukikaḥ āmodaṃ harṣo yasyāḥ tvaccintāyāḥ saiva 
spṛhaṇīyatvātkusumavāsanā | dṛḍhatā prarūḍhatvaṃ | mamaitu manasi | 
yāvadrāgādidurvāsanā naśyatu || 19 ||

kvanurāgādiṣu rāgaḥ kva ca haracaraṇāmbujeṣu rāgitvama |
itthaṃ virodharasikaṃ bodhaya hitamamarame hṛdayam || 20 ||

p. 43) 

kvanviti | mama hṛdayaṃ virodharasikaṃ samāveśe tvatparaṃ vyutthāne tu 
viṣayonmukhaṃ | hitaṃ bodhaya vivekitaṃ kuru yena vyutthāne rāgādirasikatāṃ 
tyaktvā tvadanuraktamevāste || 20 ||

vicaranyogadaśāsvapi viṣayavyāvṛttivartamāno'pi |
tvaccintāmadirāmadaralīkṛtahṛdaya eva syām || 21 ||

vicaranniti | yogadaśāḥ bhūmikājñānāni | viṣayebhyo vyāvṛttayaḥ | 
indriyanāma pratyāhārāḥ | tatra vartamānaḥ | tvaccintā tvatprāptireva 
madirāmadaḥ | tena taralīkṛtaṃ tyājitamitabhūmikāprarūḍhi kṣīvasyeva 
ghūrṇamānaṃ nijacamatkāravyatirekeṇa kutra cidai bhūmikājñānādāvarohat 
hṛdayaṃ yasya tādṛgeva syām | apiśabdena prasaṅgāpatitatvena 
anādaraṇīyatāmāha || 21 ||

vācimanomatiṣu tathā śarīraceṣṭāsu karaṇaracitāsu |
sarvatra sarvadā me puraḥsaro bhavatu bhaktirasaḥ || 22 ||

vācīti | manomatayaḥ kalpanāpradhānā dhiyaḥ | karaṇaracitāsu 
buddhikarmendriyakāryāsu | darśanaśravaṇādipūrvakatvātsarvapravṛttīnāṃ | 
sarvatra sarvāvasthāsu | puraḥsara ādāveva sphuran | bhaktirasaḥ 
samāveśacamatkāraḥ || 22 ||

śiva śiva śiveti nāmani
tava niravadhi nātha japyamāne'smin |
āsvādayan bhaveyaṃ
kamapi mahārasapunaruktam || 23 ||

śiveti | japyamāne prakṛṣṭamantramayatayā parāmṛśyamāne | asminniti

p. 44) 

svānubhavaikasākṣike anuttare | bhūyo nāmagrahaṇaṃ samāveśavaivaśyaṃ 
dhvanati | kamapīti alaukikam | ata evamahapracchabdaḥ apunaruktaṃ navanavānanda 
|| 23 ||

sphuradanantacidātmakaviṣṭape
parinipītasamastajaḍādhvani |
agaṇitālayacinmayagaṇḍike
pravicareyamahaṃ bhavato'rcitā || 24 ||

sphuraditi | sphurat anantamaparicchinnaṃ yaccidātmakaṃ viṣṭapaṃ bhuvanaṃ 
viśvaviśrāntisthānaṃ tatra | kīdṛśe-paritaḥ samantānnipītaḥ samasto 
niḥśeṣo jaḍo vedyarūpo'dhvāntatvādiprasaro yena | tathā na gaṇitā aparā cinmayī 
gaṇḍikā purī yatra | śivātmakacidrūpavyatirekeṇānyasyābhāvāt | anena 
bhinnaśivavādanirāsa uktaḥ | tatra prakarṣeṇa vicareyaṃ samāveśena prasareyaṃ | 
kīdṛk | bhavataḥ prabhoraciṃtā advayarupatvatpūjaikaniṣṭhaḥ || 24 ||

svavapuṣi sphuṭabhāsini śāśvate
sthitikṛte na kimapyupayujyate |
iti matiḥ sudṛḍhā bhavatāt paraṃ
mama bhavaccaraṇābjarajaḥśuceḥ || 25 ||

svavapuṣīti | svasmin anapāyini apuṣi cidātmasvarūpe | sphuṭabhāsini prakāśaghane 
| śāśvate nitye | sthitiṃ kartuṃ na kimapi dhyānajapādikamupayujyate 
uktarūpatvādeva | etādṛśī | mama bhavaccaraṇāmbujarajaḥśuceḥ 
tvacchaktikamalaprasarapariśīlaena śuddhasya | sudṛḍhāmatiḥ 
niścalaniścayarūpā dhīḥ | paramatiśayena bhavet | nityoditasamāveśaikaghanaḥ 
syāmiti yāvat || 25 ||

p. 45) 

kimapi nātha kadācana cetasi
sphurati tadbhavadaṃghritalaspṛśām |
galati yatra samastamidaṃ sudhā-
sarasi viśvamidaṃ diśa me sadā || 26 ||

kimapīti | he nātha bhavadaṅghritalaspṛśāṃ tvacchaktisparśaśālināṃ | 
kadācidavasare | tatkimapi asāmānyaṃ vastu cetasi sphurati yatra samastamidaṃ 
viśvaṃ paramānandasāgare galati tanmayī sudhīsarasi bhavati | tattathāvidhamidaṃ 
vastu mahyaṃ sadā diśa prayaccha | yathā nityasamāveśānandaghana eva bhavāmi 
iti śivam || 26 ||

iti śrīmadutpaladevācāryaviracitastotrāvalau svabalanideśanābhidhāne
pañcamastotre śrīkṣemarājakṛtā vivṛtiḥ ||


oṃ tatsat oṃ

kṣaṇamātramapīśāna viyuktasya tvayā mama |
nibiḍaṃ tapyamānasya sadā bhūyā dṛśaḥ padam || 1 ||

kṣaṇamātramiti | vyutthānarūpe kṣaṇamātraviyoge | 
gāḍhānurāgavaivaśyānniviḍamatyarthaṃ tapyamānasya svayameva 
santāpamanubhāvayato na tu viṣayavivaśasya | mama sadā dṛśo jñānasya | 
padaṃ bhūyāḥ parisphuretyarthaḥ || 1 ||

viyogasāre saṃsāre priyeṇa prabhuṇā tvayā |
aviyuktaḥ sadaiva syāṃ jagatā'pi viyojitaḥ || 2 ||

p. 46) 

viyogeti | aviyuktaḥ samāviṣṭaḥ | jagatā kṣtyādiśivāntena viśvenāpi viyojito 
viśleṣitaḥ | samāveśe ca viśvaṃ pratyastamayo vastuto bhavatyeva || 2 ||

kāyavāṅmanasairyatra yāmi sarvaṃ tvameva tat |
ityeṣa paramārtho'pi paripūrṇo'stu me sadā || 3 ||

kāyeti | yatra viṣaye tvameva taditi cidekasāratvāt ityeṣa paramārtha iti yatra yatre 
tyupakramya sarvaṃ śivamayaṃ yata ityāmnātatvāt | paripūrṇa iti samāveśena 
sākṣātkṛtaḥ || 3 ||

nirvikalpo mahānandapūrṇo yadvadbhavāṁstathā |
bhavastutikarī bhūyādanurūpaiva vāṅmama || 4 ||

nirvikalpa iti | nirvikalpaḥ śuddhacidrūpaḥ | tatheti nirvikalpā mahānandamayī ca | 
ata eva stutye samucitatvādanurūpā || 4 ||

bhavadāveśataḥ paśyan bhāvaṃ bhāvaṃ bhavanmayam |
vicareyaṃ nirākāṅkṣaḥ praharṣaparipūritaḥ || 5 ||

bhavaditi | bhāvaṃ bhāvamiti vīpsayā viśvākṣepaḥ | nirākāṅkṣa iti 
viśeṣaṇadvārako hetuḥ praharṣetyādiḥ | prakṛṣṭena mahānandātmanā harṣeṇa 
paripūritatvādeva hi nirākāṅkṣatā bhavati || 5 ||

bhagavanbhavatā pūrṇaṃ paśyeyamakhilaṃ jagat |
tāvataivāsmi santuṣṭastato na parikhidyase || 6 ||

bhagavanniti | bhavataścinmayasya sambandhitayā pradeśo'pi brahmaṇaḥ 
sārvarūpyamanatikrāntaścāvikalpaśceti sthityā'khilaṃ jagat pūrṇaṃ paśyeyam | 
bhavatā pūrṇamitipāṭhe tu spaṣṭo'rthaḥ | santuṣṭaḥ 

p. 47) 

paramānandamayī prītimitaḥ | ato hetorna parikhidyase he bhagavan cidrūpasvātman 
aṇimādiprārthanābhiḥ na vyākulīkriyase ityarthaḥ || 6 ||

vilīyamānāstvayyeva vyomni meghalavā iva |
bhāvā vibhāntu me śaśvatkramanairmalyagāminaḥ || 7 ||

vilīyamānā iti | yata evollasitāḥ tatra tvayyeva kramātkramaṃ saṃskāraśeṣatayā'pi 
vigalante | yathā vyomni meghalavāḥ | te hi tata eva prasṛtāstatraiva vilīyantī | 
śaśvatsadā krameṇa nairmalyaṃ śuddhacidrūpatvaṃ gacchanti tacchīlā ityanena 
cidātmataiva teṣāṃ tāttvikaṃ rūpamiti dhvanati || 7 ||

svaprabhāprasaradhvastaparyantadhvāntasantatiḥ |
santataṃ bhātu me ko'pi bhavamadhyādbhavanmaṇiḥ || 8 ||

svaprabheti | bhavamadhyāt viśvasya madhyataḥ | ko'pīti śuddhacidrapaḥ | 
bhavāneva maṇiḥ sarvābhiṣāṣapūrakatvānmama santatamavyutthānaṃ kṛtvā 
bhātu samāveśena sphuratu | svaprabhāprasareṇa nijaraśmiparispandena 
dhvastā'paryantā dhvāntasantatirakhyātipravṛttiryena || 8 ||

kāṃ bhūmikāṃ nādhiśeṣe kiṃ tatsyādyanna te vapuḥ |
śrāntastenā'prayāsena sarvatastvāmavāpnuyām || 9 ||

kāmiti | śrānta ityapratyabhijñātasvarūpatvācciraṃ saṃsāre khinnaḥ | tvāṃ 
cidūpamaprayāsena dhyānapūjādyāyāsaṃ vinā | sarvato yataḥ 
kutaścidavāpnuyām samāveśena svīkuryām | yataḥ kāṃ bhūmikāmavasthitiṃ 
nādhiśeṣe nādhitiṣṭhasi | tadbāhyamāntaraṃ vā vastu kiṃ yattava

p. 48) 

vapuḥ svarūpaṃ na syāt || 9 ||

bhavadaṅgapariṣvaṅgasambhogaḥ svecchayaiva me |
ghaṭatāmiyati prāpte kiṃ nātha na jitaṃ mayā || 10 ||

bhavaditi | aṅgapariṣvaṅga paramasamāveśasparśaḥ | svecchayā na tu 
kādācitkatvena | kiṃ na jitaṃ sarvotkṛṣṭena mayaiva sthitamityarthaḥ || 10 ||

prakaṭībhava nānyābhiḥ prārthanābhiḥ kadarthanāḥ |
kurmaste nātha tāmyantastvāmeva mṛgayāmahe || 11 ||

prakaṭīti | anyābhirarthanābhiryācñābhiḥ kadarthanāḥ vyākulatāḥ tava 
cidrūpasya svātmanaḥ na kurmaḥ yatastāmyanto gāḍhānurāgavivaśāḥ tvamiva 
cidrūpaṃ na tvanyaṃ kaṃ cit mṛgayāmahe anviṣyāmaḥ ataḥ prakaṭībhava 
prakāśasveti śivam || 11 ||

iti śrīmadutpaladevācāryaviracitastotrāvalau adhvavisphuraṇākhye
ṣaṣṭhe stotre śrīkṣemarājaviracitā vivṛtiḥ || 6 ||


oṃ tvayyānandasarasvati samarasatāmetya nātha mama cet |
pariharatu sakṛdiyantaṃ bhedādhīnaṃ mahā'nartham || 1 ||

tvayīti | ānandasarasvati harṣasamudre | samarasatāṃ samāveśaivaṃ | 
sakṛdekavāraṃ | pariharatu yathā na punarbhavatītyarthaḥ | iyantagāryantam || 1 ||

etanmama natvidamiti rāgadveṣādi nigaḍadṛḍhamūle |
nātha bhavanmayataikyapratyayaparaśuḥ patatvantaḥ || 2 ||

p. 49) 

etaditi | etatsukhaṃ taddheturūpaṃ mama astu idaṃ tu duḥkhaṃ taddheturūpaṃ mama 
mābhūdityevaṃ bhedāvagraharūparāgadveṣādyātmano nigaḍasya bandhanasya 
dṛḍhe kaṭhine mūle antarmadhye | bhavanmayataikye pratyayaḥ cidaikyapratītireva 
paraśuḥ kuṭhāraḥ || 2 ||

galatu vikalpakalaṃkāvalī samullasatu hṛdi nirargalatā |
bhagavannānandarasaplutā'stu me cinmayī mūrtiḥ || 3 ||

galatviti | vikalpānāṃ bhedaprādhānyātkalaṅkatā | nirargalatā niḥśaṅkatā 
svātantryaṃ | mama cinmayī mūrtiḥ pramātṛtā ānandarasaplutā 
samāveśānandocchalitā astu || 3 ||

rāgādimayabhavāṇḍaka-
luṭhitaṃ tvadbhaktibhāvanāmbikā taistaiḥ |
āpyāyayatu rasiarmāṃ
pravṛddhapakṣo yathā bhavāmi khagaḥ || 4 ||

rāgādīti | rāgādimaye bhavāṇḍake saṃsāragolake | luṭhitamadhodhaḥ patantaṃ 
māṃ | tvadbhaktibhāvanaivāmbikā mātā | taistaiḥ paramānandasāraiḥ 
rasairāpyayayatu tarpayatu | yathā pravṛddhapakṣaḥ 
prakarṣeṇāsāditavyāptijñānakriyāmayasvātmapakṣaḥ | khago 
nirmalacidgaganagatirbhavāmi | aṇḍaluṭhitaśca pakṣī mātrā rasairāpyāyitaḥ khe 
gacchatīti śleṣopamādhvaniḥ || 4 ||

tvaccaraṇabhāvanā'mṛta-
rasasārāsvādanaipuṇaṃ labhatām |

p. 50) 

cittamidaṃ niḥśeṣita-
viṣayaviṣāsaṅgavāsanā'vadhi me || 5 ||

tvaditi | tvaccaraṇabhāvanā tvadbhakticintā saivāmṛtarasasāra utkṛṣṭaḥ 
ānandaprasaraḥ tatra āsvāde camatkāre naipuṇaṃ vaidagdhyaṃ mamedaṃ cittaṃ 
labhatām | kīdṛśam - niḥśeṣitaḥ samāpto viṣayaviṣāsaṃgavāsanānāṃ 
vedyahālāhalavyasanasaṃskārāṇāmavadhirmaryādā yena || 5 ||

tvadbhaktitapanadīdhitisaṃsparśavaśānmamaiṣa dūrataram |
cetomaṇirvimuñcatu rāgādikataptavahnikaṇān || 6 ||

tvaditi | mama cetomaṇiraucityāccittasūryakāntaratnaṃ 
tvadbhaktitapanadīdhitisaṃsparśavaśādbhavatsamāveśasūryakarāsaṅgāt 
rāgādikāneva taptavahnikaṇān draṣṭumaśakyān sphuliṅgān 
dūratarasmatyarthaṃ muñcatu jahātu || 6 ||

tasminpade bhavantaṃ satatamupaślokayeyamatyuccaiḥ |
hariharyaśvaviriñcā api yatra bahiḥ pratīkṣante || 7 ||

tasminniti | tasminnatyuccaiḥ pade paraśaktimārge tvāmupaślokayeyaṃ ślokaiḥ 
staveyaṃ samyak parāmṛśeyam | haryaśvaḥ indraḥ | bahiḥ pratīkṣante | lipsavo'pi 
vārtānabhijñā iti yāvat || 7 ||

bhaktimadajanitavibhrama-
vaśena paśyeyamavikalaṃ karaṇaiḥ |
śivamayamakhilaṃ lokaṃ-
kriyāśca pūjāmayīḥ sakalāḥ || 8 ||

p. 51) 

bhaktīti | bhaktimadena samāveśapraharṣeṇa janito yo vibhramo lokottaro 
vilāsastadvaśena | karaṇaiścakṣurādibhiḥ | avikalaṃ pūrṇaṃ kṛtvā | 
karaṇaprasarātmani vyutthāne'pi śrībhairavīyamudrāpraveśayuktyā samāviṣṭa eva 
bhūtvā'khilaṃ lokaṃ viśvaṃ lokaṃ śivamayaṃ kriyāśca 
vāṅmanaḥkāyavyāpṛtīḥ sakalāḥ pūjāmayīścinmayasvarūpollāsarūpāḥ 
paśyemam || 8 ||

māmakamanogṛhīta-
tvadbhaktikulāṅganā'ṇimādisutān |
sūtvā subaddhamūlā
mameti buddhiṃ dṛḍhīkurutām || 9 ||

māmaka iti | māmakena manasā gṛhītā prāṇeśatvena svīkṛtā yeyaṃ bhaktireva 
atispṛhaṇīyatvātsarvajanāgocaratvācca kulāṅganā patnī atha ca āgamabhāṣayā 
kuleśvarīrūpā | sā āṇamādīneva sutān sūtvā antaḥ sthitāneva abhivyaktiṃ nītvā 
mahāvyāptyā susphuṭatayā parāmṛśya suṣṭhu baddhamūlā prarūḍhā satī 
mama iyadviśvaṃ na tu anyasyeti buddhiṃ dṛḍhīkurutāṃ prarūḍhiṃ nayatu | atra 
ca abhedasārā aṇimādayo'bhipretāḥ | tathāhi citpada eva sa 
cāntarbhāvakṣamatvādaṇimā | vyāpakatvānmahimā | 
bhedamayagauravābhāvāllaghimā | viśrāntisthānatvātprāptiḥ | 
viśvavaicitryagrahaṇātprākāmyaṃ | akhaṇḍitatvādīśitvaṃ | 
sarvasahatvādyatrakāmāvasāyitvaṃ ca | satyataḥ paripūrṇatayā vidyate'nyatra tu 
tvatprasādādatiparimitamitikṛtvā pūrṇamevātra tadabhipretaṃ na tvanyat 
pūrṇatvena nairākāṅkṣyāt | āsatāṃ tāvadanyāni dainyānītyukte 
vyāghātaprasaṅgācca |

p. 52) 

evamuttaratrāpi smartavyamiti śivam [sphuṭārthastvayameva pratibhāti yathā 
- kulāṅganāyāṃ kulavatyāṃ satyāṃ patnyāṃ putravatyā jātāyāṃ yathā 
patyurmamatā dṛḍhatarā bhavati tathā svabhāvato na tu madicchayā 
prasūtāṇimāvikāyāṃ bhaktyāṃ mama cetaso mamatā sudṛḍhā bhavatu mama 
manasi tava bhaktiḥ parāṃ sthiratāṃ labhatāmiti yāvat | asya padyasya bhaktidārḍhe 
tātparyamiti śivam ||] || 9 ||

iti śrīmadācāryotpalaviracitāyāṃ stotrāvalau vidhuravijayanāmadheye 
saptamastotre śrīkṣemarājakṛtā vivṛti ||


oṃ yaḥ prasādalava īśvarasthito
yā ca bhaktiriva māmupeyuṣī |
tau parasparasamanvitau kadā
tādṛśe vapuṣi rūḍhimeṣyataḥ || 1 ||

ya iti | māyākāluṣyopaśāntyā cito nairmalyaṃ prasādaḥ | tasya lavaḥ alpatā | 
pūrṇatāyāṃ tu dehāpagamācchivataiva | īśvara iti saptamyananyabhāve | īśvare 
eva sthita ityarthaḥ sa eva hi cidrūpaḥ tathā svayameva prasīdati bhaktiprasidet | 
īśvarasvarūpopasāvyaṅyatvam | ivaśabdo bhakteḥ parimitatāmāha | 
kāṣṭhāprāptā hyasau mokṣāsvādamayyeva | upeyuṣī upagatavatī | tau 
bhaktiprasādau parasparaṃ samyaganvitau taruṇāviva premanirbharatayā 
svānurūpyeṇa sambaddhau | tādṛśe vapuṣīti parānandaghanataikamaye pūrṇe 
svarūpe | rūḍhiṃ viśrāntim [yaḥ prasādakaṇo madviṣayaka īśvare sthitaḥ | 
īśvaraprasādakaṇikāṃ vinā alpīyasya api bhakterasambhavāt | yā ca bhaktiriva 
apūrṇatvād bhaktyābhāso mayi sthitā | īśvara prasādakaṇikaiva 
gauṇabhaktirūpeṇa yā māṃ prāptavatītyarthaḥ | te ime prasādabhaktī parasparaṃ 
baddhayantyau kadā pūrṇasvarūpalābhāt paramānandaikavapuṣi pariṇatiṃ 
gamiṣyata iti spaṣṭo'rthaḥ] || 1 ||

p. 53) 

tvatprabhutvaparicarvaṇajanmā
kopyudetu paritoṣaraso'ntaḥ |
sarvakālamiha me paramastu
jñānayogamahimādi vidūre || 2 ||

tvaditi | tvatprabhutvasya tvatsvāmikatvasya garjāmi bateti prāguktaślokayuktyā 
yatparicarvarṇaṃ tato janma yasya samama kopyalaukikaḥ paritoṣarasa 
ānandaprasaraḥ | iheti jagati | sarvakālaṃ vyutthānāvasare'pi | paraṃ kevalamudetu 
ullasatu | jñānaṃ viśvamayasvātmapratipattiḥ | yogastattadbhūmikālābhaḥ | 
tayormahimā prakarṣaḥ | ādipadāttatsiddhayudayarūpaḥ phalam || 2 ||

lokavadbhavatu me viṣayeṣu
sphīta eva bhagavanparitarṣaḥ |
kevalaṃ tava śarīratayaitān
lokayeyamahamastavikalpaḥ || 3 ||

lokavaditi | mahārthamudrāmudritasyoktiḥ | he bhagavan mama lokasyeva viṣayeṣu 
rūpādiṣu sphīto bahala eva paritarṣaḥ spṛhayālutā astu | kiṃ tu etānviṣayānahaṃ 
astavikalpo galitabhedapratipattiḥ san tava cidātmanaḥ śarīratayā ahaṃtāsāratvena 
lokayeyaṃ paśyeyam || 3 ||

dehabhūmiṣu tathā manasi tvaṃ
prāṇavartmani ca bhedamupete |

p. 54) 

saṃvidaḥ pathiṣu teṣu ca tena
svātmanā mama bhava sphuṭarūpaḥ || 4 ||

dehabhūmiṣu iti | jarāmaraṇādyavasthāsu | manasi kalpanāsāre | 
prāṇavartmaniduḥkhasukhādisparśamaye | saṃvidaḥ pathiṣu nīlādijñāneṣu | teṣu 
iti vicitreṣu | bhedamupete iti napuṃsakaśeṣaḥ | sarvasminnasminnabhihite prakāre 
bhedamaye satīti yāvat | teneti svātmani camatkṛtena | ciddhanena svātmanā 
svarūpeṇa | mama sphuṭarūpaḥ svaprādhānyena sphuran bhava || 4 ||

nijanijeṣu padeṣu patantvimāḥ
karaṇavṛttaya ullasitā mama |
kṣaṇamapīśa manāgapi maiva bhūt
tvadavibhedarasakṣatisāhasam || 5 ||

nijeti | imāḥ mama karaṇavṛttayaścakṣurādisaṃviddevyaḥ | ullasitāḥ alaukikena 
nijaujasā sollāsāḥ | sveṣu sveṣu rūpādiṣu viṣayeṣu prasarantu | 
tvadavibhedarasakṣatiḥ samāveśacyutiḥ saiva sāhasamavimṛśyakāritā 
maivābhūt | pūrvaṃ sarvatra viṣayeṣu paritarṣaḥ ākāṅkṣā | iha tu tatra 
saṃvidāmprasara iti viśeṣaḥ || 5 ||

laghumasṛṇasitācchaśītalaṃ
bhavadāveśavaśena bhāvayan |
vapurakhilapadārthapaddhate-
rvyavahārānativartayeya tān || 6 ||

p. 55) 

laghviti | bhavadāveśavaśena māyīyagurūtvahānyā laghu 
sukhasparśatvānmasṛṇaṃ prakāśaghanatvātsitaṃ acchaṃ śītalaṃ ceti prāgvat 
bhāvayan sampādayan nikhilāyāḥ padārthapaddhateḥ mātṛmeyarāśeḥ 
sambandhino vyavahārān laukikān parispandān ativartayeya nivartayeya || 6 ||

vikasatu svavapurbhavadātmakaṃ
samupayāntu jaganti mamāṅgatām |
vrajatu sarvamidaṃ dvayavalgitaṃ
smṛtipathopagamepyanupākhyatām || 7 ||

vikasatviti | svaṃ cinmayaṁ bhavadātmakaṃ vapuḥ svarūpaṃ vikasatu | ata eva 
jaganti dharādisadāśivāntāni | mama aṅgatāmabhinnatāṃ samyak 
apunarutthānenopayāntu | tataśca sarvaṃ dvayavalgitaṃ bhedavijṛmbhitaṃ 
smṛtipathopagame anupākhyatāṃ smṛterviṣayatāṃ vrajatu || 7 ||

samudiyādapi tāvaka tādaśākā-
nanavilokaparāmṛtasaṃplavaḥ |
mama ghaṭeta yathā bhavadadvayā-
prathanaghoradarīparipūraṇam || 8 ||

samudiyāditi | bhavadadvayāprathanaṃ cidaikyāprathā saia ghorā duṣpūrā 
saṃsārabhayapradā darī khadā tasyāḥ paripūraṇam cidaikyasākṣātkāraḥ mama 
yathā ghaṭeta yathā tādṛśaṃ paramānandanadaprasarahetuḥ yattāvakamānanaṃ 
śaivīmukhamityādi sthityā paraśaktirūpaṃ

p. 56) 

tena yo viloko vilokanaṃ anugrahaḥ tasya vā vilokaḥ smaraṇaṃ sa eva 
parāmṛtasaṃplavaḥ parasparśarasaugho'pi samudiyāditi 
rudraśaktisamāveśaprakarṣamāśāste || 8 ||

api kadācana tāvakasaṅgamā-
'mṛtakaṇācchuraṇena tanīyasā |
sakalalokasukheṣu parāṅmukho
na bhavitāsmyubhayacyuta eva kim || 9 ||

apīti | tāvakasaṅgamastvatsamāveśa evāmṛtakaṇācchuraṇaṃ 
sudhāśīkarāplāvaḥ | tanīyasā prasarannirmalasvarūpeṇa | sakaleṣu laukikeṣu 
sukheṣu sarvaṃ duḥkhaṃ vivekina iti sthityā heyeṣvapi 
parāmṛtācchuritatvātparāṅmukho na bhavitāsmi saṃmukha eva bhaviṣyāmi | 
kīdṛk - ubhayasmāddvaitāccyuta eva heyopādeyahānyā sarvamabhedena 
paśyannityarthaḥ [neyaṃ vyākhyā vicārakāṇāṃ hṛdayaṃ gacchati | 
tathāhi laukikasukheṣu sammukhībhāvo neṣyate 
śivāveśāramāmṛtakaṇadigdhenā'pi | tādṛśapravṛtte prākṛtajanasthaiva 
svabhāvasiddhatvāt | na cobhayaśabdo dvaite rūḍhaḥ tasya 
nirdiṣṭavastudvayabodhakatvāt dvaitaśabdasya 
brahmātiriktanikhilaprapañcabodhane prasiddhatvāt | ubhayasmāddvitāccyuta iti 
viśeṣaṇañca nirastadvaitadarśane puruṣe naiva kathañcidapi saṅgacchate cyuta 
iti viśeṣaṇasyottamadātpatita eva prayogaucityāt vidhūtadvaite paramapadārūḍhaṃ 
prayogāyogācca | kākimiti padasya padyānte paṭhitasyopekṣā ca dṛśyate | 
ko'rthastarhi padyasyāsyetyākāṅkṣāyāmucyate | 
paramaśivaikyadhyānānandamavicchinnaṃ labdhukāmasya bhaktasya stotrakṛto 
vyutthānadaśāyāṃ viṣayasukhaleśecchayā'pi kathañcidutpannayā tapyamānasya 
vilapitametat tāvakasaṅgama eva tvatsamāveśa evā'mṛtaṃ tatkaṇasya tanīyasā'pi 
ācchuraṇena sūkṣmaṇāpyabhyukṣaṇena tṛptobhūtvetiśeṣaḥ | api kadācana 
sakalalokasukheṣu parāṅmukho bhavitāsmi kiṃ sakalavaiṣayikasukhāni 
kadācinnahāsyāmi kim | kimiti kā nairvedyavairāgyaṃ vyajyate | tathā ca 
śrīśaṅkarācāryasvāmikṛtaśataślokyām nairvedyaṃ jñāna 
dvividhamabhihitaṃ tatra vairāgyamādyaṃ | prāyoduḥkhāvalokādbhavati 
gṛhasuhṛtputravittaiṣaderityādi (14) | sampratyahaṃ kīdṛśaḥ 
śaivamārgāt laukikapadavyāścacyuta eveti śivam] || 9 ||

p. 57) 

satatameva bhavaccaraṇāmbujā-
karacarasya hi haṃsavarasya me |
upari mūlatalādapi cāntarā-
dupanamatvaja bhaktimṛṇālikā || 10 ||

satatamiti | mama haṃsavarasya bhedābhedayoḥ hānasamādānadharmiṇo 
vyākhyātadṛśā satatameva bhavaccaraṇāmbujamākara utpattisthānaṃ 
parāśaktibhūstatra vicāriṇaḥ | bhaktireva mṛṇālikā bisāṅkuraḥ | upanamatu 
upabhogyamastu | uparītyādi praveśamadhyaviśrāntibhūmibhyaḥ sarvābhyaḥ 
evetyarthaḥ | haṃsa ātmā || 10 ||

upayāntu vibho samastavastū-
nyapicintāviṣayaṃ dṛśaḥ padaṃ ca |
mama darśanacintanaprakāśā-
'mṛtasārāṇi paraṃ parisphurantu || 11 ||

upayāntu iti | cintāviṣayavikalpattām | dṛśaḥ padaṃ sākṣātkāryatvāt | 
darśanacintanayoravikalpasavikalpayoḥ | prakāśāmṛtaṃ bodharasāyanameva 
sāramutkṛṣṭaṃ rūpaṃ yeṣāṃ | tāni heyopādeyakalaṅkaśūnyāni samastāni 
vastūni | paraṃ kevalaṃ | paritaḥ samantāt sphurantu || 11 ||

parameśvara teṣu teṣu kṛcchre-
ṣvapi nāmopanamatsvahaṃ bhaveyam |
na paraṃ gatabhīstvadaṅgasaṅgādu-
pajātādhikasammado'pi yāvat || 12 ||

p. 58) 

parameśvareti | kṛcchreṣu kevaleṣu kevalamahaṃ gatabhīḥ 
tyaktabhayastvadaṅgasaṅgāt rudraśaktisamāveśāt yāvadupajātaḥ adhikaḥ 
prakṛṣṭaḥ sampado harṣo yasya tādṛgapi bhaveyam | 
adhikaśabdasyāyamāśayaḥ | yat tattadduḥkheṣvapyuditeṣvaviluptasthitiḥ || 12 ||

bhavadātmani viśvamumbhitaṃ
yadbhavataivā'pi bahiḥ prakāśyate tat |
iti yaddṛḍhaniścayopajuṣṭaṃ
tadidānīṃ sphuṭameva bhāsatām || 13 ||

bhavaditi | yadviśvaṃ vyomakalātaḥ kālānalāntaṃ bhavadātmani umbhitaṃ 
tvaccitsūtraprotaṃ tadbhavataiva na tu anyena | bahiriti tatpramātrapekṣayā 
bāhyatvena prakāśyate | apiśabdo bahiḥprakāśane'pi antaḥprakāśāvirahamāha | 
iti yadvastu vākyārtharūpaṃ dṛḍhena niścayena upa ātmasamīpe juṣṭaṃ prītyā 
sevitaṃ samāveśenāsvāditaṃ tadidānīmiti vyutthāne'pi sphuṭameva bhāsatām 
pratyakṣībhavatu iti śivam || 13 ||

iti śrīmadutpaladevācāryaviracitastotrāvalāvalaukikodbalananāmāṣtamastotre 
śrīkṣemarājakṛtāvivṛtiḥ ||


oṃ tatsat | kadā navarasārdrārdra-
sambhogāsvādanotsukam |
pravarteta vihāyānyan-
mama tvatsparśane manaḥ || 1 ||

kadeti | navarasena nūtanabhaktiprasareṇa ārdrārdraḥ sātiśaya spṛhaṇīyo yaḥ 
samāveśātmā sambhogaḥ tadāsvāde utsu

p. 59) 

sotkaṇṭhaṃ mama manaḥ anyat kalpanājālaṃ vihāya tvatsparśane pravarteta 
tvatsamāveśamayaṃ bhavet || 1 ||

tvadekaraktastvatpādapūjāmātramahādhanaḥ |
kadā sākṣātkariṣyāmi bhavantamayamutsukaḥ || 2 ||

tvaditi | tvayyevaikatra na tu vibhūtiṣu raktaḥ ata eva tvatpādapūjāmātraṃ 
tvanmarīcisaparyaiva mahat sphītaṃ dhanaṃ yasya | pramā samāptotsava mitisthityā 
kṣaṇamātramapi vyutthānamasahamānaḥ utsukaḥ san kadā tvāṃ sākṣātkariṣyāmi 
|| 2 ||

gāḍhānurāgavaśato
nirapekṣībhūtamānaso'smi kadā |
paṭapaṭitivighaṭitākhila-
mahārgalastvāmupaiṣyāmi || 3 ||

gāḍheti | nirapekṣībhūtamuccārakaraṇadhyānādyantarmukhaṃ tatsarvaṃ pariharat 
mānasaṃ yasya sa tathāvidhaḥ | kadā tvāmupeṣyāmi aikadhyena prāpsyāmi | 
kīdṛk - paṭapaṭa iti vighaṭitāni jhaṭiti truṭitāni akhilāni māyīyānyargalāni 
avidyādipāśā yasya | paṭapaṭitītyādyuktyā apunarutthānaṃ 
truṭitapāśāntarasādharmyamuktam || 3 ||

svasaṃvitsārahṛdayādhiṣṭhānāḥ sarvadevatāḥ |
kadā nātha vaśīkuryāṃ bhavadbhaktiprabhāvataḥ || 4 ||

svasaṃviditi | svasaṃvitsāraṃ prakāśavimarśātmakaṃ 
hṛdayamadhiṣṭhānamāśrayo yāsāntāḥ sarvāḥ brāhmyādikāḥ devatāḥ 
yābhiḥśakticakrasya bhogyatāṃ gata iti sthityā paśavaḥ pāśitāḥ |

p. 60) 

tāḥ kadā bhavadbhakteḥ samāveśātmanaḥ prabhāvādvaśīkuryāṃ 
taccakraiśvaryaṃ prāpnuyāmiti yāvat || 4 ||

kadā me syādvibho bhūri bhaktyā'nandarasotsāḥ |
yadā'lokasukhā'nandī pṛthaṅnāmāpi lapsyate || 5 ||

kaḍheti | bhūri prabhūtaḥ | utsavoktyā 
atispṛhaṇīyatvāttadekavyagramātmānamāśāste | pṛthaṅnāmetyanena paraṃ 
sāmarasyaṃ sūcayati || 5 ||

īśvaramabhayamudāraṃ
pūrṇamakāraṇamapahnutātmānam |
sahasā'bhijñāya kadā 
svāmijanaṃ lajjayiṣyāmi || 6 ||

īśvaramiti | aśeṣavibhūtyāspadatvādīśvaram | apratiyogitvādabhayam | 
sarvapradatvādudāram | nirākāṅkṣatvātpūrṇam | nityatvādakāraṇam | atha ca 
akāraṇaṃ nirnimittameva jagadrūpatāgrahaṇena 
svarūpagopanasāratvādapahnutātmānam | yo hi anīśvarādirūpaḥ sa 
gopāyatāmātmānaṃ bhagavāṃstu naivaṃ | atha ca gopitātmaiveti | īdṛśaṃ 
svāmijanaṃ nijaprabhuṃ sahaseti śāmbhavāveśayuktyā kadā'bhijñāya 
sākṣātkṛtya lajjayiṣyāmi | apahnutipradhānatadrūpaguṇīkāreṇa 
pūrṇacidekarūpatayaiva pratheyetyarthaḥ || 6 ||

kadā kāmapi tāṃ nātha tava vallabhatāmiyām |
yathā māṃ prati na kvāpi yuktaṃ te syātpalāyitum || 7 ||

kadeti | tava vallabhatāmityuktyā idamāha - mama tāvadatyantavallabhosi tava tu 
ahamalaukikabhaktiprakarṣātkadā kāmapya

p. 61) 

sāmānyāṃ prasādapātratāṃ prāpnuyāṃ yayā vallabhatayā māṃ prati sadā 
ābhimukhyena tava na kvāpi palāyituṃ svātmānaṃ gopāyituṃ yuktaṃ syāt | 
satatamevāntarāviśya tiṣṭherityarthaḥ || 7 ||

tattvato'śeṣajantūnāṃ bhavatpūjāmayātmanām |
dṛṣṭyā'numoditarasā'plāvitaḥ syāṃ kadā vibho || 8 ||

tatvata iti | sarve jantavaḥ paramārthato yatkiñcitkurvāṇāḥ 
svātmadevatāviśrāntisārabhavatpūjāmayāḥ | eteṣāṃ sambandhinyā tatvato 
dṛṣṭyā tvadanugrahamahimāstathena? svātmapratyabhijñānena hetunā 
tairevānumoditaḥ ślāghito yo raso bhaktyānandaprasarastena āplāvito vyāptaḥ 
kadā syām | tattvata ityāvṛtyā yojyam | atha vā aśeṣajantūnāmiti karmaṇi 
ṣaṣṭhī | tataścāyamarthaḥ | kadā aśeṣajantūn tattvato bhavatpūjāmayān 
dṛṣṭvā anumodanarasena ānandaprasareṇāplāvitaḥ syāmiti | atrānumodita iti 
bhāvektaḥ | ubhayatrāpi vyākhyāne matsamaḥ sarvostvityāśaṃsātātparyam || 8 ||

jñānasya paramā bhūmiryogasya paramā daśā |
tvadbhaktiryā vibho karhi pūrṇā me syāttadarthitā || 9 ||

jñānasyeti | sarvaśāstreṣu muktihetutvenoktaṃ mukteśca samāveśasatatvatayaiva 
vyavasthāpanāt tadrūpā yā bhaktiḥ jñānasya paramā bhūḥ | 
yogamekatvamicchanti vastuno'nyena vastune tyāgamalakṣitasya 
vicitrasamāveśātmano yogasya paracaitanyabhairavaikyāpattirūpā daśā ca yā 
tvadbhaktiḥ tadarthitā kadā karhi pūrṇā kṛtakṛtyā syāt || 9 ||

p. 62) 

sahasaivāsādya kadā gāḍhamavaṣṭabhya harṣavivaśo'ham |
tvaccaraṇavaranidhānaṃ sarvatra prakaṭayiṣyāmi || 10 ||

sahasaiveti | jhaṭiti pratibhāvikāsena āsādya āsamantāt 
svātmasambhogapātrīkṛtya tathā gāḍhamavaṣṭabhya vyutthānaparikṣayārthaṃ 
prayatnenātmīkṛtya tata eva harṣavivaśaḥ paramānandanirbharo'haṃ kadā 
tvaccaraṇavaranidhānaṃ samastasampanmayaṃ bhavatparaśaktinidhiṃ sarvatra 
prakaṭayiṣyāmi channatayāntaḥsthitamapi sūcitopadeśayuktyā unmudrayiṣyāmi | 
parapratibhābalaprayatnāvaṣṭambhapūrvamanugrahāvalokanādikaṃ 
yatsamāveśasaṃkramopadeśe tattvaṃ tatparamasarvānugrahasamarthaṃ 
syādityarthaḥ | anena svātmanaḥ pūrṇatvādviśvajanānujighṛkṣāparatāṃ 
sūcayati || 10 ||

paritaḥ prasaracchuddhatvadālokamayaḥ kadā |
syāṃ yatheśa na kiñcinme māyācchāyābilaṃ bhavet || 11 ||

parita iti | paritaḥ samantāt śuddho'dvayarūpo yastvadā lokaścitprakāśaḥ 
tanmayaḥ kadā syām | yathā māyāchāyābilamadvayākhyātikuharaṃ mama na 
kiñcidbhavet na kiñcicchiṣyeta | chāyāśabdena māyābilasyāvāstavatāmāha | 
māyāchāyayā'vilaṃ kaluṣaṃ na kiṃciditi vā yojyam || 11 ||

ātmasātkṛtaniḥśeṣamaṇḍalo nirvyapekṣakaḥ |
kadā bhaveyaṃ bhagavaṃstvadbhaktagaṇanāyakaḥ || 12 ||

ātmeti | ātmasātkṛtāni cidaikadhyamāpitāni niḥśeṣāṇi sadāśivādikṣityantāni 
maṇḍalāni bhuvanāni yena | nirvyapekṣakaḥ advitīyaḥ | tvadbhaktagaṇanāyakaḥ 
pradhānaṃ kadasyām || 12 ||

p. 63) 

nātha lokābhimānānāmapūrvaṃ tvaṃ nibandhanam |
mahābhimānaḥ karhi syāṃ tvadbhaktirasapūritaḥ || 13 ||

nātheti | sraṣṭāsmi sthāpayitāsmi saṃhartāsmi tathā paṇḍitaḥ śūro 
yajñavānasmi iti nānāvidhānāṃ rudrakṣetrajñābhimānānāṃ tvameva cidrūpo 
nibandhanaṃ kāraṇam | apūrvaṃ nirnimittaṃ kṛtvā svasvātantryeṇaiveti yāvat | 
vastuto hi tavaiva sarvakartṛtvānna brahmādīnāṃ sraṣṭṛtvādi na vā 
pāṇḍityādi kasya cit | kevalaṃ tvameva tatra tatra tathābhimānamutthāpayasi | yathā 
caiva tathā karhi kadā tvadicchāta eva mahābhimāno viśvātmā cidānandaghanaḥ 
śiva evāsmīti dṛḍhotsāhāvaṣṭaṃbho bhaktirasena pūrito vyāptaḥ syām | 
bhaktirasapūrita iti vadatoa'yamāśayaḥ yadāsāditamahābhimānasyāpi 
samāveśāsvādamayaḥ prabhuviṣaye dāsabhāva evocitaḥ || 13 ||

aśeṣaviṣayāśūnyaśrīsamāśleṣasusthitaḥ |
śayīyaśiva śītāṅghrikuśeśayayuge kadā || 14 ||

aśeṣeti | śītāṅghrikamalayuge prāgvat śayīyaṃ viśrāmyām kīdṛk - 
aśeṣaviṣayāśūnyā viśvanirbharā yeyaṃ śrīrbhaktilakṣmīḥ tatkṛtena 
samāśleṣeṇa dṛḍhāvaṣṭambhena susthitaḥ | kāvyārthāḥ spaṣṭaḥ || 14 ||

bhaktyāsavasamṛddhāyāstvatpūjābhogasampadaḥ |
kadā pāraṃ gamiṣyāmi bhaviṣyāmi kadā kṛtī || 15 ||

bhaktyāsaveti bhaktyāsavena sevārasena samṛddhā sphītā yā 
tvatpūjābhogasampat samāveśaviśrāntiśrīḥ tasyāḥ pāraṃ prāntakoṭiṃ kadā 
gamiṣyāmi ata eva kadā kṛtārthaḥ syām || 15 ||

p. 64) 

ānandabāṣpapūra-
skhalitaparibhrāntagadgadākrandaḥ |
hāsollāsitavadana-
stvatsparśarasaṃ kadā'psyāmi || 16 ||

ānandeti | ciravyutthānāntaritāṃ samāveśadaśāmevākāṅkṣati | 
ānandavāṣyapūreṇa antaḥ samāveśaharṣāveśavisaradaśrusantatyā skhīlataḥ 
asthānapratihataḥ paribhrāntaściramanuraṇan gadgadaḥ aspaṣṭākṣaraḥ ākrando 
mahānāravo yasya | hāsena vikāsenollasitaṃ vadanaṃ śaktimārgo yasya | ata eva 
hāsenollasitaṃ vyāttaṃ śobhitaṃ ca vaktraṃ yasya || 16 ||

paśujanasamānavṛttāmavadhūyadaśāmimāṃ kadā śambho |
āsnādayeya tāvakabhaktocitamātmano rūpam || 17 ||

paśviti | vyutthānapatitabhedamayīmimāmiti sphuṭaṃ bhāntīṃ daśāmavadhūya 
nivārya athaca samāveśaprasaratsarvāṅgāvadhūnanenābhibhūya 
tāvakabhaktocitaṃ nityoditaparamānandamayamātmano na tu anyasya kasyacid 
rūpaṃ svarūpaṃ kadā āsvādayeya camatkuryām || 17 ||

labdhā'ṇimādisiddhi-
rvigalitasakalopatāpasantrāsaḥ |
tvadbhaktirasāyanapāna-
krīḍāniṣṭhaḥ kadā'sīya || 18 ||

labdheti | aṇimādisiddhiḥ prāgvadabhedamayī | ata eva vigalitaḥ śānta upatāpaḥ 
santrāsaśca yasya | brahmādīnānta

p. 65) 

bhedamayāṇimādiyoge'pi maraṇāditrāsasyāvaśyaṃbhāvāt | tathābhūto'pi 
tvadbhaktyamṛtapānapramodaparaḥ syām || 18 ||

nātha kadā sa tathāvidha
ākrando mama samuccaredvāci |
yatsamanantarameva 
sphurati purastāvakī mūrti || 19 ||

nātheti | ciravyutthitasyoktiḥ | sa tathāvidha iti vaktumaśakyaḥ | ākrando 
mahānādaḥ samuccaret svayamevollaset | sphurati samāveśena dīpyate mūrtiḥ 
svarūpam || 19 ||

gāḍhagāḍhabhavadaṅghrisarojā-
liṅganavyasanatatparacetāḥ |
vastvavastvidamayatnata eva
tvāṃ kadā samavalokayitāsmi || 20 ||

gāḍheti | vīpsayā vyasanatatparaśabdābhyāṃ ca bhaktiprakarṣavaivaśyamāha | 
vastvavastvidamiti bhāvābhāvarūpaṃ viśvam ayatnata eva dhyānajapādi vinā 
tvāmapi tvadrūpaṃ samyak tattvato'valokayitāsmi drakṣyāmi iti śivam || 20 ||

iti śrīmadutpaladevācāryaviracitastotrāvalau svātantryavijayanāmadheye navame 
stotre śrīkṣemarājakṛtā vivṛtiḥ || 9 ||


oṃ na soḍhavyamavaśyaṃ te jagadekaprabhoridam |
māheśvarāśca lokānāmitareṣāṃ samāścayat || 1 ||

neti | māheśvarāḥ viśveśvarasvarūpasamāviṣṭāḥ itareṣāṃ bheda-

p. 66) 


mayānāṃ brahmādīnāṃ samā iti idaṃ te tava na soḍhavyaṃ tvayaivatanna sahyate 
svabhāvasiddhamevaitat | yatastvamevaikaḥ advitīyo jagataḥ prabhuḥ | cakāro 
virodhahetumāhatuḥ | itareṣāṃ lokānāṃ samā iti tava na soḍhuṃ yuktamityanye || 1 
||

ye sadaivānurāgeṇa bhavatpādānugāminaḥ |
yatra tatra gatā bhogāṃste kāṃścidupabhuñjate || 2 ||

ya iti | anurāgeṇa āsaktyā ye tvanmarīcisaṃbaddhāste yatra tatreti 
sarvāvasthāsthitāḥ kāṃścitparānandamayānbhogānupabhuñjate || 2 ||

bhartā kālāntako yatra bhavāṃstatra kuto rujaḥ |
tatra cetarabhogāśā kā lakṣmīryatra tāvakī || 3 ||

bharteti | kālāntaka ityanena mahākālasañcāryamāṇāḥ sarvā rujaḥ kālagrāsini 
prabhau sati kutaḥ | mūlocchedānnaiva bhavantītyarthaḥ | itarabhogāśā 
sadāśivādipadalakṣmīspṛhā na kā cit yatra bhedasya grastatvāt | 
lakṣmīradvayaprakāśasampat || 3 ||

kṣaṇamātrasukhenāpi vibhuryenāpi labhyase |
tadaiva sarvaḥ kālo'sya tvadānandena pūryate || 4 ||

kṣaṇamātreti | yena bhaktena kṣaṇamātreṇa samāveśaspandena hetunā'pi tvaṃ 
labhyase asya bhaktasya tvayā tadaivāvasare sarvaḥ kālo vyutthānadaśābhāvyapi 
ānandena pūryate | akālakalita cidānandasvarūpānupraveśena tanmayīkriyate | 
uttarakālaśca tatsaṃskāreṇāplāvyate | vibhuḥ svāmī vyāpakaśca || 4 ||

ānandarasabinduste candramā galito bhuvi |
sūryastathā te prasṛtaḥ saṃhārī tejasaḥ kaṇaḥ || 5 ||

p. 67) 


baliṃ yāmastṛtīyāya netrāyāsmai tava vi(pra)bho |
alaukikasya kasyāpi māhātmyasyaikalakṣmaṇe || 6 ||

ānandeti | te tava bhuvi agnīṣomātmakamadhaśaktimārge ānandarasavinduryaḥ sa 
evāhlādakāritvāccandamāḥ | galito drutasvabhāvaḥ | binduścandramāśca galitaḥ | 
manaḥ prameyarāśisahitaṃ tatraiva vilīnaṃ | tathā tatraiva saṃhārī bhedagrāsī 
tejasaḥ kaṇaḥ paramāgnisphuliṅgo yaḥ sa eva prakāśakatvatamopahatvādeḥ 
sūryaḥ prasṛtaḥ | sūryaśca prāṇe vilīnaḥ | drāvitasomasūryāhi parā 
śaktibhūmiḥ | asmai śakti rūpāya netrāya baliṃ yāmaḥ | api ca bhuvi 
yaścandramāḥ sa tvadīya ānandabinduḥ galitaḥ srutaḥ sūryaśca tava 
sambandhinaḥ tejasaḥ kaṇaḥ prasṛtaḥ sphuritaḥ | yathāgamaḥ jñānaśaktiḥ 
prabhoreṣā tapatyādityavigrahā | tapate candrarūpeṇa kriyāśaktiḥ parasya sā iti | 
asmai etadarthaṃ sūryacandrollāsanāya tava tṛtīyaṃ netraṃ tasmai baliṃ yāmaḥ | 
atraiva mahāvahnimaye māyīyadehādipramātṛtāṃ samarpayāmaḥ | kīdṛśāya 
kasyāpyasāmānyasya brahmopendrādyagocarasya alaukikasya 
māhātmyasyaikalakṣmaṇe asādhāraṇābhijñānāya | asmai iti tādarthye caturthī || 
5-6 ||

tenaiva dṛṣṭo'si bhavaddarśanādyoti hṛṣyati |
kathaṃ cidyasya vā harṣaḥ ko'pi tena tvamīkṣitaḥ || 7 ||

teneti | uccārarahitaṃ vastu cetasaiva vyacintayan iti śāktasamāveśayuktyā 
bhavantaṃ dṛṣṭvā yo'tihṛṣyati ānandamayo bhavati tenaiva kvāpi 
abhedopāsanāpareṇāsi tvaṃ dṛṣṭaḥ | kathaṃ ciditi akiñciccintakasyeti 
śāmbhavasamāveśakrameṇa vā yasya ko'pi harṣo na tu bhedopāsāpareṇa harṣaḥ | 
tena ko'pi iti cidghanastvamīkṣitaḥ pratyabhijñātaḥ || 7 ||

p. 68) 

yeṣāṃ prasanno'si prabho yairlabdhaṃ hṛdayaṃ tava |
ākṛṣya tvatpurāttaistu bāhyamābhyantarīkṛtam || 8 ||

yeṣāmiti | prasanno'sīti prāgvat | ata eva hṛdayaṃ prakāśavimarśātmakaṃ 
rūpaṃ labdhamātmīkṛtaṃ yastaistvatpurāttvadīyātpūrakāccidrūpādākṛṣya 
visphārya dehādyapekṣayā vāhyaṃ viśvamidaṃ punarābhyantarīkṛtaṃ 
cinmayīkṛtaṃ sṛṣṭiṃ tu sumpuṭīkṛtya iti śrī triṃśakoktatatvārthadṛśā 
saṃvida uditaṃ saṃvidabhedana cābhāsamānaṃ viśvaṃ cinmayamevaiṣāmiti 
yāvat | anuraṇanaśaktyā laukikeśvarārthaḥ prāgvat || 8 ||

tvadṛte nikhilaṃ viśvaṃ samadṛgyātamīkṣyatām |
īśvaraḥ punaretasya tvameko viṣamekṣaṇaḥ || 9 ||

tvadṛte iti | samadṛgiti samā tulyā bhedamayī dṛk saṃvittiryasya tat 
dvinayanaṃ cekṣyatāṃ prameyatāṃ yātaṃ | eka ityadvitīyaḥ | viṣamaṃ 
bhedaploṣakamīkṣaṇaṃ jñānaṃ yasya trinetraśca || 9 ||

āstāṃ bhavatprabhāveṇa vinā sattaiva nāsti yat |
tvadduṣaṇakathā yeṣāṃ tvadṛte nopapadyate || 10 ||

āstāmiti | yeṣāṃ bauddhasāṃkhyamīmāṃsakādīnāṃ tvadduṣaṇakathā 
dūṣayitrātmakaprasphuraccidrūpaṃ tvatsvarūpaṃ vinā nopapadyate teṣāṃ 
vicitratanukaraṇaprajñānāṃ buddhimatprabhāvaṃ vinā sattaiva nāstītyādi 
yuktivṛndaṃ patitapārṣṇyāghātakalpamāstām || 10 ||

bāhyāntarāntarāyālīkevale cetasi sthitiḥ |
tvayi cetsyānmama vibho kimanyadupayujyate || 11 ||

bāhyeti | bāhyāḥ śarīrapramātṛtāpeks'tattadvastusaṃyogaviyogādayaḥ 

p. 69) 


āntarā buddhyādyapekṣakā manaḥkalpanādayaḥ ye antarāyāḥ 
svaviśrāntyuparodhinaḥ teṣāmālī paṅktistayā kevale rahite tvadviṣaye cetasi yadi 
mama sthitiḥ samāveśaikāgratā syāt tatkimanyadupayujyate prāptavyasyaiva 
prāptatvāt || 11 ||

anye bhramanti bhagavannātmanyevātiduḥsthitāḥ |
anye pramanti bhagavannātmanyevātisuthitāḥ || 12 ||

anya iti | nairātmyajaḍātmavādinaḥ saṃsāriṇaśca ātmani nija eva svarūpe 
bhramanti viparyasyanti janmamaraṇādiparamparā maparyantāṃ bhajante | 
atiduḥsthitāstattvajñatvābhāvātkliśyante | anye iti kecidevāpaścimā ātmanyeva 
cidrūpe na tu paratra kvacidapi atisusthitāḥ paramānandaikaghanāḥ santo bhramanti 
viharanti || 12 ||

apītvā'pi bhavadbhakti-
sudhāmanavalokya ca |
tvāmīśa tvatsamācāramātrāt
siddhyanti jantavaḥ || 13 ||

apītveti | tvadbhaktisudhāṃ śāktasamāveśānandarasamapītvā'pi acamatkṛtyā'pi 
anavalokya ca tvāmiti citsvarupaṃ tvāṃ manāgapyapratyabhijñāya jantavo 
janmādibhājo'pi tvatsamācāramātrāditi tattadāmnāyacaryāpādoktātsiddhyanti 
parasiddhibhājo bhavanti | apiśabdena mātraśabdena ca vismayo dhvanyate | 
tathāhyāgame kadācidbhaktiyogena caryayetyupakramya saṃsāriṇo'nugṛhṇāti 
viśvasya jagataḥ patirityantam asmadgurubhirapi tantrasāre'bhihitaṃ paramesaru 
sacchandu bahukoṇabi-a appā-i-iccha cari-āsi tu ṇaṇijajapāhuṃ 
ki abhavaṇo a-i-accheti || 13 ||

p. 70) 


bhṛtyā vayaṃ tava vibho tena trijagatāṃ yathā |
bibharṣyātmānamevaṃ te bhartavyā vayamapyalam || 14 ||

bhṛtyā iti | trijagatāmiti | prāgvat | bibharṣīti dhārayasi poṣayasi ca | ātmānaṃ 
svaṃ rūpaṃ | vayamapyalamityatrāyamāśayaḥ - yathā tvayā 
viśvamantarabhedena bibhratā'pi dehādyabhimānagrahaṇena vastu tastvanmayā api 
vayaṃ vyatirekocitā-iva yat na bhinnameva viśvaṃ jānīmaḥ tato'lamatyarthaṃ 
te vayaṃ dhāraṇīyāḥ poṣaṇīyāśca yato bhṛtyāḥ smaḥ || 14 ||

parānandāmṛtamaye dṛṣṭe'pi jagadātmani |
tvayi sparśarase'tyantataramutkaṇṭhito'smite || 15 ||

pareti | tvayi paramānandasāre nīlapītādirūpeṇa jagadātmani dṛṣṭe'pi vyutthāne 
tanmukhena pratyabhijñāte'pi sparśarase gāḍhasamāveśasparśaprasare te tava 
bhṛśamutkaṇṭhito'smi || 15 ||

deva duḥkhānyaśeṣāṇi yāni saṃsāriṇāmapi |
dhṛtyākhyabhavadīyātmayutānyāyānti sahyatām || 16 ||

deveti | he deva krīḍādisvabhāva aśeṣāṇi kīṭabrahmādivispanditāni 
tāvadduḥkhāni bhedamayatvāt tānyapi saṃsaraṇaparāṇāṃ pramātṝṇāṃ 
soḍhavyatāṃ yānti | yato dhṛtyākhyena idamadya mayā labdhamidaṃ prāpsye 
manoratha ityādyabhimānāvaṣṭambhagrāhiṇā tvadīyenātmanā yuktāni 
saṃpṛktānyetāni || 16 ||

sarvajñe sarvaśaktau ca tvayyeva sati cinmaye |
sarvathāpyasato nātha yuktā'sya jagataḥ prathā || 17 ||

sarvajña iti | asya jagato viśvasya sarvathā'pi deśakālā

p. 71) 


kārārthakriyākāritvādinā svarūpeṇa 
prakāśavāhyasyānupadṛśyamānatvādavidyamānasya tvayi cinmaye sarvaśaktau 
svatantre sarvāvabhāsake ca sati sarvathā'pi prathā yuktā | sarvathetyubhayatra 
yojyam || 17 ||

tvatprāṇitāḥ sphurantīme guṇā loṣṭopamā api |
nṛtyanti pavanoddhūtāḥ kārpāsapicavo yathā || 18 ||

yadi nātha guṇeṣvātmābhimāno na bhavettataḥ |
kena hīyeta jagatastvadekātmatayā prathā || 19 ||

tvatprāṇitā iti | guṇāḥ buddhyādiparispandāḥ loṣṭopamā api jaḍāḥ tvatprāṇitāḥ 
tvajjīvitāḥ santaḥ sphuranti | anyathā na kathañcitkāḥ syuḥ | atra dṛṣṭāntaḥ | 
yathā kārpāsānāṃ picavaḥ leśāḥ pavanena vāyunoccairdhūtāḥ santo nṛtyanti 
nabhasi vilasanti | evaṃ ca he nātha yadi bhakteṣu guṇeṣu tvanmayaḥ śaktidatta 
ātmābhimāno na bhavettato'sya jagataḥ tvadekātmatayā tvadabhedena yā prathā sā 
kena hetunā hīyate na kena cinnivāryate | bhaktānāṃ viśvasya tvadaikyena 
sphuraṇāt | guṇādispandaniṣpandāḥ syurjñasya paripaktinaḥ ityuktam || 18-19 
||

vandyāste'pi mahīyāṃsaḥ pralayopagatā api |
tvatkopapāvakasparśapūtā ye parameśvara || 20 ||

vandyā iti | te'pīti kālakāmatripurāndhakādyāḥ | na kevalaṃ sākṣādanugṛhītāḥ 
bhaktimanta ityapiśabdārthaḥ | mahīyāṃsa ityalaukikamāhātmyayuktāḥ pralayaṃ 
vināśamupagatā api ye tava śrīkaṇṭhādyavatāravapuṣaḥ sambandhinā 
nigrahadvārakānugrahātmanā krīḍākopāgnisparśena pavitritāḥ || 20 ||

p. 72) 


mahāprakāśavapuṣi vispaṣṭe bhavati sthite |
sarvato'pīśa tatkasmāttamasi prasarāmyaham || 21 ||

mahāprakāśeti | vyutthānavaivaśyātsākṣātkārabhūmimalabhamānasyoktirityam | 
yataḥ kānicidatra samāveśotkarṣaśaṃsīni anyāni 
vyutthānaprahāṇākāṃkṣāparāṇi | aparāṇi sārvātmyaprathāprathayitṝṇi | 
parāṇi niḥśeṣabhedopaśamayaśivatāśaṃsāparāṇyasya sūktāni | tāni ca 
yathāyogaṃ saṃyojitāni niyojayiṣyante ca iti nāsya satparameṣṭhina īdṛguktiṣu 
pūrṇatā mantavyā | vispaṣṭepīti viśvaprakāśamaye | tamasi 
prasarāmītivyutthānavivaśo bhavāmīti || 21 ||

avibhāgo bhavāneva svarūpamamṛtaṃ mama |
tathā'pi martyadharmāṇāmahamevaikamāspadam || 22 ||

avibhāga iti | iyamapyuktavadevoktiḥ | bhavāneveti na tu 
anyatkiñcidamṛtamānandaghanaṃ | martyadharmāṇāṃ 
hānādānādiprayāsānāṃ | ahamiti vyutthāne dehādyabhimānamayaḥ na tu cidrūpa 
eka eveti prāgvat || 22 ||

maheśvareti yasyāsti nāmāṅkaṃ vāgvibhūṣaṇam |
praṇāmāṅkaśca śirasi sa evaikaḥ prabhāvitaḥ || 23 ||

maheśvareti | nāmāṅkaṃ yadvandinaḥ paṭhanti tat maheśvara 
brahmādiviśveśvara prabho iti yasya ca vāco vibhūṣaṇamasti tathā śirasi 
praṇāmāṅkaḥ parasvabhāvaprahvatābhijñānaṃ ca yasyāsti sa-evaikaḥ 
advitīyaḥ prabhau maheśvare itaḥ sambaddhaḥ | atha vā ayaṃ praṇāmāṅkitaḥ 
samāviṣṭo bhaktiśālī bhagavadabhedasparśaprāpteḥ nāmāṅkatvātprabhāvitaḥ 
prakhyātaḥ || 23 ||

p. 73) 


sadasacca bhavāneva yena tenāprayāsataḥ |
svarasenaiva bhagavaṃstathā siddhiḥ kathaṃ na me || 24 ||

sadasaditi | bhāvābhāvarūpaṃ viśvaṃ tvameva yataḥ tato mama aprayāsata 
upāyajālaṃ vinā svarasenaiva nityoditatvena kathaṃ tathā na 
siddhistvatsākṣātkāraḥ sadodito na kasmādasti || 24 ||

śivadāsaḥ śivaikātmā kiṃ yannāsādayetsukham |
tarpyo'smi devamukhyānāmapi yenāmṛtāsavaiḥ || 25 ||

śivadāsa iti | yata eva śivadāsaḥ tata eva samāviṣṭatvācchivaikātmā kiṃ 
yatsukhaṃ nāsādayet paramānandamayo bhavatyevetyarthaḥ | yato 
devamukhyānāmanyastarpaṇīyānāmapi brahmādīnāṃ 
hṛdayādisthānasthitānāmindriyadevatānāṃ ca amṛtāsavaiḥ 
prameyaprathāsamayasphūrjadadvayaprakāśānandaprasaraiḥ tarpyaḥ 
paripūraṇīyo'smi na tu paśuvadbhogyaḥ || 25 ||

hṛnnābhyorantarālasthaḥ prāṇināṃ pittavigrahaḥ |
grasase tvaṃ mahāvahniḥ sarvaṃ sthāvarajaṅgamam || 26 ||

hṛnnābhyoriti | hṛnābhyorantarāle ghaṭasthāne sthitaḥ prāṇināṃ sarveṣāṃ 
pittavihagraḥ pittarūpaḥ uṣṇānnādyāharaṇādvāhyastejaso'pi 
grasanānmahāvahnistvamata eva sthāvarajaṅgamamaśnāsi tvam anena sarvatra 
pramātṛjaṭharādisthānena viśvabhakṣa eva parameśvaraḥ paramārthasanniti 
śivam || 26 ||

iti śrīmadutpaladevācāryaviracitastotrāvalau avicchedabhaṅgākhye daśame stotre 
śrīkṣemarājācāryaviracitā vivṛtiḥ || 10 ||


p. 74) 


oṃ jagadidamatha vā suhṛdo
bandhujano vā bhavati na me kimapi |
tvaṃ punaretatsarvaṃ
yadā tadā ko'paro me'stu || 1 ||

oṃ jagadidamiti | oṃ jagadāditrayaṃ lokakrameṇāntaraṅgamapi mama na kiṃcit 
tadvilakṣaṇacinmātraikarūpatvāt yadā punaḥ prakāśamayatvādetatsarvaṃ tvameva 
tadā mama aparaḥ vyatiriktaḥ ko'stu na kiñcit jagadapi svarūpameveti yāvat || 1 ||

svāminmaheśvarastvaṃ sākṣātsarvaṃ jagatvameveti |
vastveva siddhimetviti yācñā tatrāpi yācñaiva || 2 ||

svāminniti | maheśvara iti prāgvat sākṣāditi advayadṛṣṭyā cādhiṣṭhānena iti 
vastveva pāramārthikamevaitat tatrāpi evameva sthite'pi etatsiddhimetviti yā yacñā 
sā yācñaiva tvameva prakaṭī bhūyā ityanenaiva lajjyate iti sthityā na 
yuktaivetyarthaḥ honti kamalā-i kamalā-i iti nyāyena dvitīyo 
yācñāśabdaḥ acārutvaniṣprayojanatvādimāvratādhvananapuraḥsaraḥ || 2 ||

tribhuvanādhipatitvamapīha ya-
ttṛṇamiva pratibhāti bhavajjuṣaḥ |
kimiva tasya phalaṃ śubhakarmaṇo
bhavati nātha bhavatsmaraṇādṛte || 3 ||

tribhuvanādhipatitvamiti | bhavajjuṣaḥ samāveśayuktān iti pratiyoge śas iheti 
asminneva samaye tribhuvanādhipatitvaṃ bhūrbhuvassvassvāmitvamapi

p. 75) 

tṛṇamiva pratibhāti tasya tathā pratibhānalakṣaṇasya śubhakarmaṇo 
bhavatsmaraṇādṛte bhavatsmaraṇaṃ vinā kiṃ phalaṃ na kiñcidanyat 
vyartiriktamastīti yāvat prāptavyasyaiva prāptatvāt || 3 ||

yena naiva bhavato'sti vibhinnaṃ
kiñcanāpi jagatāṃ prabhavaśca |
tvadvijṛmbhitamatodbhutakarma-
svapyudeti na tava stutibandhaḥ || 4 ||

yeneti | tvatto bhinnaṃ kiñcanāpi nāsti sarvasya prakāśarūpatvāt jagatāṃ 
prabhavaḥ api brahmādyāḥ tavaiva jṛmbhā yena hetunā'taḥ adbhuteṣu 
viśvasargasaṃhārādiṣvapi karmasu tava na stutibandhaḥ stotrādibhedābhāvāt 
tvameva stutyastotrastutirūpatayā bhāsītyayamatra tatvārthaḥ || 4 ||

tvanmayo'smi bhavadarcananiṣṭhaḥ
sarvadāhamiti cāpyavirāmam |
bhāvayannapi vibho svarasena
svapnago'pi na tathā kimiva syām || 5 ||

tvanmaya iti | tvameva prakṛtaṃ rūpaṃ yasya tathā bhūto'smi tvayyeva cinmaye 
viśvārpaṇakrameṇāhaṃ sarvadā arcananiṣṭha ityavirāmaṃ kṛtvā bhāvayannapi 
vyutthāne'nusandadhadapi svapnago'pi svarasenaiva svecchāvaśenaiva kimiti na 
tathaiva bhavāmi kasmātsvapne'pi saṃskāraprabodhasāre'pi jāgaravattvadarcāparo na 
bhavāmi na samāveśāmi iti yāvat || 5 ||

p. 76) 

ye manāgapi bhavaccaraṇābjo-
dbhūtasaurabhalavena vimṛṣṭāḥ |
teṣu vistamiva bhāti samastaṃ
bhogajātamamarairapi mṛgyam || 6 ||

ya iti | caraṇābjaṃ prāgvat saurabham avasthāsnurāmodasaṃskārastasya lavo 
leśamātraṃ na tu pūrṇaṃ rūpaṃ tena ye vimṛṣṭāḥ manāṅmātreṇa 
pātrīkṛtāsteṣu samastaṃ sadāśivāntabhogajātaṃ devairaprārthanīyaṃ vistaṃ 
durāmodamiva pratibhāti | evaṃ ca pūrṇasamāveśaśālināṃ daṇḍāpūpikayaiva 
dūrotsāritaḥ siddhyabhilāṣaḥ || 6 ||

hṛdi te na tu vidyate'nyadanya-
dvacane karmaṇi cānyadeva śambho |
paramārthasato'pyanugraho vā
yadi vā nigraha eka eva kāryaḥ || 7 ||

hṛdīti | cidadvayaprathārūpo mahādevaḥ yatra prathituṃ pravṛttaḥ tatra 
hṛdayānuṣṭhānaparyantaṃ prathate yatra tu gūhitātmā tatra hṛdi vacasi ca 
karmaṇi ca gūhitātmaiva yataḥ paramārthe na sataḥ sādhoḥ sātvikasya vastutaḥ 
nigrahānugrahayormadhyādekameva kartavyaṃ bhavati na tu śabalaceṣṭitatvamiti 
arthāntaranyāsasambhedaḥ prakṛte'rthe nigrahānugrahau svarūpanimīlanonmīlane 
aprakṛte'pyapakāropakārāviti śleṣacchāyā'pi || 7 ||

mūḍho'smi duḥkhakalito'smi jarādidoṣa-
bhīto'smi śaktirahito'smi tavāśrito'smi |

p. 77) 

śambho tathā kalaya śīghramupaimi yena
sarvottamāṃ dhuramapojjhitaduḥkhamārgaḥ || 8 ||

mūḍho'smīti | vyutthānāpekṣayoktamityuktaprāyaṃ tavāśrito'smītyatra bhaṅgaṃ 
kṛtvā uttarārdhaṃ yojyaṃ kalaya sampādaya sarvottamāṃ 
sampūrṇasamāveśamayīm || 8 ||

tvatkarṇadeśamadhiśayya mahārghabhāva-
mākranditāni mama tucchatarāṇi yānti |
vaṃśāntarālapatitāni jalaikadeśa-
khaṇḍāni mauktikamaṇitvamivodvahanti || 9 ||

tvaditi | adhiśayya prāpya mahārghabhāvamanarghatvam tucchatarāṇīti 
anauddhatyaṃ dhvanati yāntīti tu atibhaktitvena niścitapratipattitvāt vaṃśāntare 
ityarthāntaranyāsaḥ spaṣṭaḥ || 9 ||

kimiva na labhyate bata na tairapi nātha janaiḥ 
kṣaṇamapi kaitavādapi ca ye tava nāmni ratāḥ |
śiśiramayūkhaśekhara tathā kuru yena mama
kṣatamaraṇo'ṇimādikamupaimi yathā vibhavam || 10 ||

kimiti | kaitavādvyājādapi ye janāstava nāmni na tu tātvike svarūpe ratāstairapi kiṃ 
na labhyate pūjāsatkārādyabhīṣṭamaparijñātatadāśayebhyaḥ sakāśātprāpyata 
eva ye tu paramārthataḥ satataṃ ca tvayi ratāḥ te arthādeva paramārthamayā evāto 
he śiśiramayūkhaśekhara sarvasantāpahārin tathā kuru yathā 
prāgvyākhyātarūpāṇimādikaṃ vibhavamupaiṣi kṣatamaraṇaḥ akālakalitaḥ asya 

p. 78) 


padasyāyamāśayaḥ yadbrahmādayaḥ aṇimādivibhūtiyuktā api mṛtidharmāṇa 
eva yathoktamasmadgurubhiḥ kramakelau śrīmatsadāśivapde'pi gatograkālī 
bhīmotkaṭabhrukuṭireṣyati bhaṅgabhūmiḥ iti ato māṃ kṣatamaraṇaṃ 
cidānandaghanamadvayāṇimādipātraṃ kuru | ye tu 
vibhūtispṛhaṇīyatvenaitaddhyākurvate teṣāṃ smarasi nātha kadācidapīhitamiti 
satyena bhagavanniti visramiva bhāti samastabhogajātamityādi ca vyāhatameva || 10 ||

śambho śarva śaśāṅkaśekhara śiva tryakṣāk'mālādhara
prīmannugrakapālalāñchana lasadbhīmatriśūlāyudha |
kāruṇyāmbunidhe trilokaracanāśīlogra śaktyātmaka
śrīkaṇṭhāśuvināśayāśubhabharānāthatsvasiddhiṃ parām || 11 ||

śambho iti | ugrāṇi bhīṣaṇāni aśeṣabrahmādisambandhīni kapālāni lāñchanaṃ 
yasya aśubhabharān bhedollāsān parāṃ paramādvayānandarūpām || 11 ||

tatkiṃ nātha bhavenna yatra bhagavānnirmātṛtāmaśnute 
bhāvaḥ syātkimutasya cetanavato nāśāsti yaṃ śaṅkaraḥ |
itthaṃ te parameśvarākṣatamahāśakteḥ sadā saṃśritaḥ 
saṃsāre'tranirantarādividhuraḥ kliśyāmyahaṃ kevalam || 12 ||

tatkimiti | tatvabhūtabhāvo bhuvanādibhāvaḥ sattā cetanavataḥ 
sakalādermantramaheśvarāntasya āśāstīti pravṛttirbhūtā nāmaiśvarīti sthityā 
sarvapramātṛniyāmakatvarūpaṃ śāsitṛtvaṃ bhagavata eva sadeti | na u kadācit 
nirantarādhividhuratvaṃ vyutthāne samāveśānāsādanāt ahaṃ kevalam 
ityatrāyamabhiprāyaḥ māyīye'yaṃ 

p. 79) 

dehādipramātṛtā cedgalitā tatsarvamidaṃ tvanmayamevocyate 
dehādyahantaivonmūlanīyā vartate || 12 ||

yadyapyatra varapradoddhatatamāḥ pīḍājarāmṛtyavaḥ
ete vā kṣaṇamāsatāṃ bahumataḥ śabdādirevāsthiraḥ |
tatrāpi spṛhayāmi santatasukhākāṅkṣī ciraṃ sthāsnave
bhogāsvādayutatvadaṅghrikamaladhyānāgryajīvātave || 13 ||

yadyapyeti | atreti saṃsāre uddhatatamā asahyāḥ kṣaṇamāsatāṃ sāmprataṃ 
tiṣṭhantviti laukikyuktiḥ bahumato viśvasyābhilaṣitaḥ santatamadvayānandarūpaṃ 
sukhamākāṅkṣatīti tacchīlaḥ cirasthāsnave ciramavasthānaśīlāya jīvātave 
jīvitāya spṛhayāmi kīdṛśāya 
bhogāsvādayutatvadaṅghrikamaladhyānāgryāya 
paramānandacamatkārayuktatvanmarīcipadmacintanapradhānāya ata eva 
spṛhaṇīyatvam || 13 ||

he nātha praṇatārtināśanapaṭo śreyonidhe dhūrjaṭe
duḥkaikāyatanasya janmamaraṇatrastasya me sāṃpratam |
tacceṣṭasva yathā manojñaviṣayāsvādapradā uttamāḥ
* * *? vasamaśnuve'hamacalāḥ siddhīstvadarcāparaḥ || 14 ||

* *? tthanātheti | manojñaṃ cidānandasundaraṃ viṣayāṇāṃ 
rūpādī- * * *? kārāsvādaṃ dadati yāstā uttamā acalāḥ 
siddhiriti * * *? jīvanneveti na dehapāte api tu jīvadavasthāyāmeva 
* * *? evāhaṃ tvadarcāpara iti tvayi cidātmani viśvārpaṇa * 
* *? || 14 ||

p. 80) 

namo mohamahādhvāntadhvaṃsanānanyakarmaṇe |
sarvaprakāśātiśayaprakāśāyendulakṣmaṇe || 15 ||

namo moheti | mahāmohadhvāntasya māyātamasaḥ dhvaṃsane ananyakarmā 
sadodyuktaḥ sarvān agnīṣomasūryaprakāśānatiśete yastathābhūtaḥ prakāśo 
yasya tasmai dhvāntadhvaṃse prakāśanavyāpāre 
cānuguṇamabhidhānamindulakṣmaṇe iti śivam || 15 ||

iti śrīmadutpaladevācāryaviracitastotrāvalau 
autsukyaviśvasitanāmanyekādaśastotre vipaścidvaraśrīkṣemarājaviracitā 
vivṛtiḥ || 11 ||


p. 81) 

oṃ sahakāri na kiñcidiṣyate
bhavato na pratibandhakaṃ dṛśi |
bhavataiva hi sarvamāplutaṃ
kathamadyāpi tathāpi nekṣase || 1 ||

oṃ sahakārīti | bhavato dṛśi tvatprakāśane malaparipākādikaṃ sahakāri na 
kiñcit nāpi pratibandhakaṃ kiñcidasti yasmātsahakāryādyabhimataṃ tvayaiva 
vyāptaṃ tathā'pi kathamadyāpīti iyativyutthāne nekṣase na 
prakāśase'smākamityarthaḥ bhavata iti karmaṇi ṣaṣṭhī || 1 ||

api bhāvagaṇādapīndriya-
prathamādapyavabodhamadhyataḥ |
prabhavantamapi svataḥ sadā
paripaśyeyamapoḍhaviśvakam || 2 ||

apīti | bhāvebhyaḥ indriyebhyaḥ jñānebhya ātmanaśca sakāśāttvāmeva prabhuṃ 
nityaṃ paritaḥ samantātpaśyeyaṃ katham apoḍhaviśvakaṃ 
tiraskṛtāśeṣabhedam kṛtvā || 2 ||

kathante jāyerankathamapi ca te darśanapathaṃ
* * * * * * pi prakṛtimahatā kena khacitāḥ |
tathotthāyotthāya sthalajalatṛṇāderakhilataḥ
padārthādyāndraṣṭisravadamṛtapūrairvikirasi || 3 ||

kathamiti | akhilataḥ padārthāt utthāyotthāyeti vīpsā yatyalaukikena 
prakāreṇotthāyotthāyeti tattadvedyadaśāyāṃ bhedaṃ 

p. 82) 

nimajjya cidrūpatayā sphuritvā yān jñānātmakaprasaradamṛtotkaraiḥ 
ācchurayasi te kenāpi prakṛtimahatā iti nityavikasita-romāñcitatvādinā 
prakāśena cihnena prakāśitāḥ na janmabhājo nāpi lakaiḥ lakṣyante 
kathamityasaṃbhāvanāyām || 3 ||

sākṣātkṛtabhavadrūpaprasṛtāmṛtatarpitāḥ |
unmūlitatṛṣo mattā vicaranti yathāruci || 4 ||

sākṣāditi | amṛtamānandaḥ unmūlitatṛṣo apunarutthānena śamitā tṛṭ 
vibhūtyādispṛhā yaiḥ mattā hṛṣṭāḥ svātantryeṇa viharanti anye tu 
ākāṅkṣāyāḥ paratantrā eva || 4 ||

na sadā na tadā na caikade-
tyapi sā yatra na kāladhīrbhavet |
tadidaṃ bhavadīyadarśanam
na ca nityaṃ na ca kathyate'nyathā || 5 ||

neti | sadā iti ekadā iti parasparaprayogitayā ekadetyasya prakārastadā ityapi 
evaṃprakārā api yadeti idānīmityādikā ca yatra na sā kācit kāladhīrakālakalitatvāt 
tadityasāmānyam idamiti sphuradrūpaṃ jñānaṃ tvadīyaṃ na nityaṃ kathyate 
nāpyanityaṃ nityatvānityatvayoḥ parasparapratiyogitvāt sarvātmakasākṣātkāriṇi 
rūpe vyavahārānupapatteḥ || 5 ||

tvadvilokanasamutkacetaso
yogasiddhiriyatī sadā'stume |
yadviśeyamabhisandhimātrata-
stvatsudhāsadanamarcanāya te || 6 ||

p. 83) 

tvaditi | iyatī iti na tu parimitaphalonmukhī abhisandhimātrataḥ icchāmātrāt tvadīyaṃ 
sudhāsadanaṃ paramānandadhāma sadā viśeyaṃ tatsamāviṣṭaḥ syāmiti arcanaṃ 
prāgvat || 6 ||

nirvikalpabhavadīyadarśana-
prāptiphullamanasāṃ mahātmanām |
ullasanti vimalāni helayā
ceṣṭitāni ca vacāṃsi ca sphuṭam || 7 ||

nirvikalpeti | kavalitavikalpatvadīyasākṣātkāraprāptyā vikasitamanasāṃ 
bhaktibhājāṃ vimalānīti jagaduddharaṇakṣamāṇi helāmātreṇa caritāni vākyāni 
ca sphuṭaṃ kṛtvā samullasanti | yadāgamaḥ darśanātsparśanādvā'pi 
vitatādbhavasāgarāt | tārayiṣyanti vīrendrāḥ kulācārapratiṣṭhitāḥ iti || 7 ||

bhagavanbhavadīyapādayo-
rnivasannantara eva nirbhayaḥ |
bhavabhūmiṣu tāsu tāsvahaṃ
prabhumarceyamanargalakriyaḥ || 8 ||

bhagavanniti | pādayoḥ jñānakriyāśaktyoḥ madhya eva nivasan ata evāhaṃ tāsu 
tāsu ati vitatāsu bhavabhūmiṣu nirbhayaḥ san aniyantritaceṣṭitaḥ sarvadaśāsu 
prāgvatpūjāparaḥ syām || 8 ||

bhavadaṅghrisarorūhodare
parilīno galitāparaiṣaṇaḥ |

p. 84) 

bhavadaṅghrīti | aṅghrisaroruhodaraṃ prāgvat tatra paritaḥ samantāllīnaḥ kliṣṭaḥ 
san icchayā vicareyaṃ padātpadaṃ tadākrāntibhāgbhaveyam kīdṛśaḥ galitāḥ 
śāntā aparāḥ tvanmarīcyāśleṣābhilāṣavyatiriktāḥ eṣaṇā ākāṅkṣā yasya 
tādṛk yato'timātraṃ bhṛśaṃ madhunaḥ ānandarasasyopayogena āsvādena 
paritastṛptaḥ || 9 ||

yasya dambhādiva bhavatpūjāsaṅkalpa utthitaḥ |
tasyāpyavaśyamuditaṃ sannidhānaṃ tavocitam || 10 ||

yasyeti | yasyeti ārtādeḥ dambhādiva na tu nirdainyaikabhaktiyogena saṅkalpa iti 
vikalpamātram 
atraikavārāvalepamātrasampannaliṅgāccāparirakṣitasakalanarakapātastrilokījano 
dṛṣṭāntaḥ ucitamiti tāvanmātrārthitā paripūrtikṣamam || 10 ||

bhagavannitarānapekṣiṇā
nitarāmekarasena cetasā |
sulabhaṃ sakalopaśāyinam 
prabhumātṛpti piveyamasmi kim || 11 ||

bhagavanniti | kimasmiṃ tvāṃ prabhuṃ sakalopaśāyinaṃ sarvagatamata eva 
sulabhamātṛpticetasā * * * tvadaikātmyamanubhaveyaṃ kīdṛśena 
cetasā nitarāmatiśayena ekatraiva tvatsamāveśabhaktau na tu kvacidapi phale 
rasobhilāṣo yasya tena anena viśeṣaṇena prāguktaślokārthavaiparītyena 
nirvyājabhaktiruktā || 11 ||

p. 85) 

tvayā nirākṛtaṃ sarvaṃ heyametattadeva tu |
tvanmayaṃ samupādeyamityayaṃ sārasaṅgrahaḥ || 12 ||

tvayeti | yatkiñcittvadaikyapratyabhijñāṃ vinā heyaṃ tadeva tvanmayaṃ 
pratyabhijñātamupādeyam sārasaṅgraha iti sarvasampradāyasatattvam || 12 ||

bhavatontaracāri bhāvajātam
prabhuvanmukhyatayaiva pūjitaṃ tat |
bhavato bahirapyabhāvamātrā
kathamīśāna bhavetsamarcyate vā || 13 ||

bhavata iti | bhavatontaracāri tvadaikyena sthitaṃ yadbhāvajātaṃ tat mukhyatayā 
prādhānyenaiva prabhuriti pūjitaṃ bhavati tattvajñena bhavatastu prakāśātmano 
bahirapyaprakāśātmano bahirāstāṃbhāvaḥ abhāvamātrā'pi na bhavati kutaḥ 
punarabhyarcyate sarvasya citprakāśātmanaiva satvādanyathātvacitvāt 
mātraśabdo'tiśayoktiparaḥ abhāvo'pi buddhyamāno bodhātmaivetyādi hi 
pratyabhijñāyāṃ nirṇītameva anena bhedavādināmarcanānupapattiḥ sūcitāḥ || 13 
||

niḥśabdaṃ nirvikalpaṃ ca
nirvyākṣepamathāniśam |
kṣobhepyadhyakṣamīkṣeyaṃ
tryakṣa tvāmeva sarvataḥ || 14 ||

niḥśabdamiti | he tryaks' kṣobhe'pi grāhyagrāhakaprasare'pi adhyakṣamavikalpaṃ 
kṛtvā tvāmeva citprakāśaikarūpamaniśaṃ sadā nirvyāpekṣaṃ

p. 86) 

vītavighnaṃ kṛtvā sarvatra īkṣeyamātmasākṣātkuryām kīdṛśaṃ niḥśabdaṃ 
vaiyākaraṇādyuktaśabdabrahmavilakṣaṇaṃ mama yonirmahadbrahma iti nītyā 
bhagavataḥ parabrahmaṇotyuttamatvāt ata eva vikalpebhyo bhāvanādirūpebhyo 
niḥkrāntam anantacinmātrarūpam || 14 ||

prakaṭaya nijadhāma deva yasmiṃ-
stvamasi sadā parameśvarīsametaḥ |
prabhucaraṇarajaḥsamānakakṣyāḥ
kimu viśvāsapadaṃ bhavanti bhṛtyāḥ || 15 ||

prakaṭayeti | nijadhāma cidrūpaṃ parameśvarī parā bhagavatī bhṛtyā iti dhāryāḥ 
poṣyāśca prabhucaraṇetyādi dāsasyocitaivoktiḥ rajassamānakakṣyatvena 
nityasaṃlagnatāmāha || 15 ||

darśanapathamupayāto'pya'pasarasi-
kuto mameśa bhṛtyasya |
kṣaṇamātrakamiha na bhavasi
kasya na jantordṛśorviṣayaḥ || 16 ||

darśanapathamiti | darśanapathaṃ sākṣātkāragocaramapi prāpto mama bhṛtyasya 
āśvastasya dāsasya kuto'pasarasi naivāpasarasi tvāmavaṣṭabhyaivāhaṃ sthita iti 
yāvat nanu māṃ sākṣātkṛtvaiva kiṃ na tuṣyasītyata āha kasya jantordṛśo 
jñānasya ajñāta'pi kṣaṇamātramatikruddhaḥ prahṛṣṭo vetyādibhūmiṣu viṣayo 
nanu bhavasi sarvasya hi kadācitsphurasi ahaṃ tu anupacarito bhṛtyaḥ kṣaṇamapi na 
tvāṃ tyajāmi yadi vā sāks.ātkṛto'pi tvaṃ vyutthānāvarohaṇe kimiti me 
bhṛtyasya āśvastasyāpi apasarasīti yojyam || 16 ||

p. 87) 

aikyasaṃvidamṛtācchadhārayā
santataprasṛtayā sadā vibho |
plāvanātparamabhedamānayaṃ-
stvāṃ nijaṃ ca vapurāpnuyāṃ mudam || 17 ||

aikyeti | aikyasaṃvidadvayadṛṣṭiḥ saivāmṛtasya paramānandasya sambandhinī 
acchā viśvaprativimbanakṣamā dhārā tayā santatamavicchedena prasṛtayā 
kṛtaṃ yatplāvanaṃ sarvata āpūraṇaṃ tasmāttvāṃ svaṃ ca vapuḥ 
saṅkucitābhimataṃ svarūpaṃ paramatiśayena abhedamekātmatāmānayan kadā 
mudaṃ santoṣamāpnuyām || 17 ||

ahamityamuto'varuddhalokā-
dbhavadīyātpratipattisārato me |
aṇumātrakameva viśvaniṣṭham
ghaṭatāṃ yena bhaveyamarcitā te || 18 ||

ahamiti | viśvaniṣṭhamiti yadyanmama kutracidbhāti tatra sarvatrāvaruddhalokaṃ 
svīkṛtāśeṣanirbharamahamiti yadetattvadīyaṃ sarvatra pratipattīnāṃ sāram 
utkṛṣṭaṃ svarūpaṃ tato'ṇumātrakaṃ mṛgamadakaṇakalpamapi kiṃcinmahyaṃ 
ghaṭatāmupatiṣṭhatāṃ yena ghaṭitena tattadvedyagrāsīkārakrameṇa tava arcitā 
bhavāmi aṇumātrakamiti atispṛhayālutayoktiḥ na tu pūrṇā'hantāyā bhāgāḥ 
santi || 18 ||

aparimitarūpamahaṃ taṃ taṃ bhāvaṃ pratikṣaṇaṃ paśyan |
tvāmeva viśvarūpaṃ nijanāthaṃ sādhu paśyeyam || 19 ||

aparimiteti | taṃ tamiti yaṃ kaṃcit tvāmeveti tasya prakāśamānatvena tvadrapāt 
viśvarūpamiti pradeśo'pi brahmaṇa iti 

p. 88) 

sthityā pūrṇaṃ sādhviti niṣprayāsaṃ satyasvarūpatayā ca || 19 ||

bhavadaṅgagataṃ tameva kasmā-
nna manaḥ paryaṭatīṣṭamarthamartham |
prakṛtikṣatirasti no tathā'sya
mama cecchāparipūrtaye paraiva || 20 ||

bhavaditi | tameveti yaṃ yamabhilaṣitamarthaṃ manaḥ paryaṭati taṃ taṃ 
bhavadaṅgagataṃ cinmayatvena jñānamata eveṣṭam abhilaṣitamarthaṃ kimiti na 
paryaṭati tathā kuru yathaivaṃ paryaṭatītyarthaḥ evaṃ sati asya na prakṛtikṣatiḥ 
kācit icchāvyāghātābhāvāt mama ca paraiva cidghanasvarūpalipsāsārecchā 
paripūryate | anenaitadāha manasi yathāruci paryaṭati ahaṃ pūrṇaprathāsāra eva 
yathā syāmiti || 20 ||

śataśaḥ kila te tavānubhāvā-
dbhagavankepyamunaiva cakṣuṣā ye |
api hālikaceṣṭayā carantaḥ
paripaśyanti bhavadvapuḥ sadā'gre || 21 ||

śataśa iti | hālikaceṣṭayā'pi carantaḥ tavānubhāvāt 
tvatprayuktādanubhavanavyāpārāt bhavadvapustvadīyaṃ citsurūpamamunaiva 
cakṣuṣā karaṇonmīlanadaśāyāmapi sadā'gre paritaḥ paśyanti samāviśanti 
śataśaḥ sahasramadhyātke'pi viralā alaukikā ityarthaḥ || 21 ||

na sā matirudeti yā na bhavati tvadicchāmayī
sadā śubhamayetaradbhagavataivamācaryate |

p. 91) 

ato'smi bhavadātmako bhuvi yathā tathā saṃcaran 
sthito'niśamabādhitatvadamalāṅghripūjotsavaḥ || 22 ||

neti | sarveṣāṃ jñānāṃ prathamena pādena paramārthataḥ śivabhaktimayatvam 
dvitīyena vyāpārāṇāṃ bhagavatkṛtatvamuktam yathā tatheti gatasaṅkocam 
abādhito na kenacidapyapasāritastanmarīdhyarcanapramodo yasya || 22 ||

bhavadīyagabhīrabhāṣiteṣu
pratibhā samyagudetu me puro'taḥ |
tadanuṣṭhitaśaktirapyatasta-
dbhavadarcāvyasanaṃ ca nirvirāmam || 23 ||

bhavadīyeti | gabhīrabhāṣiteṣviti | āmukhye bhedārthatvena bhāsamāneṣvapi 
garbhīkṛtarahasyārtheṣu vākyeṣu tāvakeṣu mama puraḥ pūrvaṃ pratibhā 
navanavollekhinī prajñā samyagaviparyastatvenodetu atopyanantaraṃ taditi alaukikaṃ 
nirvirāmaṃ kṛtvā bhavadarcāyāṃ vyasanamudetu || 23 || 

vyavahārapade'pi sarvadā
pratibhātvarthakalāpa eṣa mām |
bhavatovayavo yathā na tu
svata evādaraṇīyatāṃ gataḥ || 24 ||

vyavahāreti | eṣaḥ arthakalāpaḥ vyavahāre'pi bhagavataścinmayasya yathā'vayavaḥ 
aṅgakalpo'bhedena sthitastathā māṃ rpatibhātu mama pratibhāsatām na 
punastvanmayamaviditvā svata eva sukhādihetutvenādaraṇīyatāṃ gataḥ || 24 ||

p. 90) 

manasi svarasena yatra tatra
pracaratyanvahamasya gocareṣu |
prasṛtopyavilola eva yuṣma-
tparicaryācaturaḥ sadā bhaveyam || 25 ||

manasīti | yatra tatreti heyādiviṣayeṣu prasṛto'pi graha *? pravṛtto'pi 
avilolaḥ alampaṭaḥ yuṣmatparicaryā tvadarcā tatra catura eva kuśala eva syām 
evaśabdo bhinnakramaḥ || 25 ||

bhagavanbhavadicchayaiva dāsa-
stava jāto'smi parasya nātra śaktiḥ |
kathameṣa tathāpi vaktrabimbaṃ
tava paśyāmi na jātu citrametat || 26 ||

bhagavanniti | bhagavadicchayaiveti evakāreṇa śaktipātasya svatantratāmāha 
tathā'pīti evamapi dāsye labdhe'pi vaktrabimbaṃ sundaraṃ paraśaktimārgam eṣa iti 
vyutthānāvasthocitadehādipramātṛrūpaḥ jātu kadācit vyutthāne na paśyāmi 
nāsādayāmi || 26 ||

samutsukāstvāṃ prati ye bhavantaṃ
pratyartharūpādavalokayanti |
teṣāmaho kiṃ tadupasthitaṃ syāt
kiṃ sādhanaṃ vā phalitaṃ bhavet tat || 27 ||

samutsukā iti | samyagutsukāḥ bhaktibhareṇotkaṇṭhitāḥ pratyartharūpāditi viṣayaṃ 
viṣayamāsādya kiṃ taditi tenaivānubhāvyaṃ na vaktuṃ śakyaṃ kiṃ 
tatsādhanamiti asmābhirasaṃbhāvyam || 27 ||

p. 91) 

bhāvābhāvatayā santu bhavadbhāvena me bhava |
tathā na kiṃcidapyastu na kiṃcidbhavato'nyathā || 28 ||

bhāvābhāveti | ye bhāvā ityabhidhīyante te mama tvanmayatvena bhāvā vidyamānā 
bhavantu yatra kiṃciducyate tat tvanmayatāṃ vinā na kiṃcidastu || 28 ||

yanna kiṃcidapi tanna kiṃcida-
pyastu kiṃcidapi kiṃcideva me |
sarvathā bhavatu tāvatā bhavān
sarvato bhavati labdhapūjitaḥ || 29 ||

yanneti | lokena na kiṃcidapīti yat na kiñcidevānupādeyatayā kathyate tat mama na 
kiṃcit api tu sarvabhedamayaṃ na kiṃcidbhavatu yattūpādeyatayā'bhimataṃ 
kiñciditi bhaṇyate tanmama kiñcideva kiñcidityasāmānyaṃ 
svānubhavaikasākṣikaṃ vastu sarvathā'stu yadvā yalloke kiñciccidghanaṃ rūpaṃ 
yat tadapratyabhijñānāt na kiñcitvena bhāti yattu bhedamayamavastu na kiṃcit 
tanmāyāvyāmohātkiñcitvena sphurati mama tu na kiñcit kiṃcicca na kiñcidastu 
laukikavadviparyayo mā bhūdityarthaḥ etāvatā bhavān cidrūpaḥ sarvatra labdhaśca 
pūjitaśca śivam || 29 ||

iti śrīmadutpaladevācāryaviracitastotrāvalau rahasyanirdeśanātmaka-
dvādaśastotre śrīkṣemarājakṛtā vivṛtiḥ ||


p. 92) 

oṃ tatsat |

saṃgraheṇa sukhaduḥkhalakṣaṇaṃ
māṃ prati sthitamidaṃ śṛṇu prabho |
saukhyameṣa bhavatā samāgamaḥ 
svāminā viraha eva duḥkhitā || 1 ||

saṃgraheṇeti | atha stotrakāraracitacāruracanāviśiṣṭaṃ saṃgrahastotraṃ 
vyākurmaḥ | atra tu yā prayogarūḍhiriti saṃjñā pustakeṣu dṛśyate sā'vāntaraiva 
sākṣātkāreṇa cidbhairavaṃ samāviśya vyutthāne'pi 
valavattatsaṃskārāttamabhimukhībhāvya pratibhātaṃ vastu vijñātumāha | he 
prabho māṃ prati sthitaṃ na tu anyasya kasyāpi sphuritaṃ saṃgraheṇa saṃkṣepeṇa 
sukhaduḥkhalakṣaṇaṃ śṛṇu prabho ityāmantraṇam 
svātmasamāveśakrameṇaiva parameśituḥ 
susaṃmukhīkaraṇāyālaukikapādaśabdāntarahasyamantravat tallakṣaṇamāha 
bhavatā svāminā cinnāthena eṣa iti sākṣātkāreṇa sphuran samāgamaḥ 
samāveśyaikyaṃ yat tatsaukhyaṃ sukhaṃ svārthe ṣyañ sa eva saukhyaṃ sa ca 
saukhyameva uttaratra sthita evaśabdaḥ ihāpyubhayathā yojyaḥ prabhuṇā hi yo 
virahaḥ prabhusvarūpāpratyabhijñānaṃ sa eva duḥkhitā || 1 ||

antarapyatitarāmaṇīyasī
yā tvadaprathanakālikā'sti me |
tāmapīśa parimṛjya sarvataḥ 
svaṃ svarūpamamalaṃ prakāśaya || 2 ||

antariti | yata evaṃ tataḥ apirbhinnakramaḥ atitarāmaṇīyasyapi yā mama 
tvadaprathanakālikā bhavadakhyātimalinatā antariti 

p. 93) 

samāveśe prāṇādisaṃskārarūpā'sti tāmapīti vahvī tāvadasau 
śaktipātātprabhṛtyeva me tvayā apahastitā atisūkṣmāmapi tāṃ 
parimṛjyotprochya sarvata iti antarbahiśca svaṃ cinmayaṃ sarvasyātmīyaṃ 
svarūpaṃ nirmalaṃ prakāśaya sphāraya || 2 ||

etadeva ca me paramabhilaṣitamityāha -

tāvake vapuṣi viśvanirbhare
citsudhārasamaye niratyaye |
tiṣṭhataḥ satatamarcataḥ prabhuṃ
jīvitaṃ mṛtamathānyadastu me || 3 ||

tāvaka iti | yatprakāśate tatprakāśarūpameva satprakāśayitumarhati prakāśasya 
ca deśakālādiprakāśamānatvāt tatsvarūpameva sambhedakaṃ nopapadyate 
ityayatnasiddham viśvarūpatvaṃ cidāhlādātmanaḥ svarūpe niratyaye avināśini 
tiṣṭhannevārcāsamarthaḥ arcanneva ca sthātuṃ kṣama iti hetau śatārau tau ca 
nityapravṛttatāṃ vyaṅktaḥ sthitistattadbhamilābhaḥ arcā 
tadekaparāmarśavyagratvam evamuttaratra anyadityanena cidrūpatāsthitibahumānena 
avasthāviṣayamanādaraṃ dhvanati || 3 ||

nanu jīvadādibhūmayaḥ abhimānamayyaḥ tāḥ kimitīṣyante ityāśaṅkya 
tvatsvarupe'vasthitasyābhimānā apyalaukikacamatkārayuktā eva itarathā tu 
nirabhimānatā'pi na kāciditi vaktumāha-

īśvarohamahameva rūpavān
paṇḍito'smi subhago'smi ko'paraḥ |
matsamo'sti jagatīti śobhate
mānitā tvadanurāgiṇaḥ param || 4 ||

p. 94) 

īśvaro'hamiti | tvadanurāgiṇaḥ tvatsamāveśena prāptatvadaikyasya paramiti tasyaiva 
na tu brahmāderapi īśvaraḥ sarvasvatantro'ham ahameva ca rūpavān cidātmanā 
praśastena svarūpeṇa yuktaḥ paṇḍā samyak tattvadarśinī prajñā sañjātā yasya 
so'smi subhagaḥ paramānandarasolvaṇatvena sarvasya spṛhaṇīyo'smi tatkiṃ 
bahunā matsamaḥ ko'paro'sti na kaścit mayaiva cidānandātmanā 
viśvasyātmasākṣātkārāditīdṛśī mānitā sābhimānitvaṃ śobhate dīpyate 
anyathā punarbodhādyabhimatā saṅkocavatī avikalpitā'pi malinaiva 
svasopānapadārūḍhyābhartuḥ syādantike sthitiḥ | itarastu vikalpānāṃ 
vaimukhyādbāhyabhūmiga iti tvadanurāgiṇo yata evaṃ mānitā'pi śobhate tataḥ || 4 
||

devadeva bhavadadvayāmṛtā-
khyātisaṃharaṇalabdhajanmanā |
tadyathāsthitapadārthasaṃvidā
māṃ kuruṣva caraṇārcanocitam || 5 ||

deveti | he devadeva aśoṣādhipate bhavadadvayāmṛtākhyāteḥ 
tvadaikyānandāprathāyāḥ saṃharaṇena labdhaṃ janma yayā tayā yathāsthitānāṃ 
cidekātmanāṃ padārthānāṃ saṃvidā māṃ svamarīcyarcitaṃ kuru tacchabdaḥ 
pūrvaślokāpekṣayā hetau || 5 ||

kīdṛśyasāvarcā yaducitaṃ tvāṃ karomīti bhagavaduktiṃ sambhāvayan āha -

dhyāyate tadanudṛśyate tataḥ
spṛśyate ca parameśvaraḥ svayam |
yatra pūranamahotsavaḥ sa me
sarvadā'stu bhavatonubhāvata. || 6 ||

p. 89) 

ato'smi bhavadātmako bhuvi yathā tathā saṃcaran
sthito'niśamabādhitatvadamalāṅghripūjotsavaḥ || 22 ||

neti | sarveṣāṃ jñānānāṃ prathamena pādena paramārthataḥ śivabhaktimayatvam 
dvitīyena vyāpārāṇāṃ bhagavatkṛtatvamuktam yathā tatheti gatasaṅkocam 
abādhito na kenacidapyapasāritastanmarīcyarcanapramodo yasya || 22 ||

bhavadīyagabhīrabhāṣiteṣu
pratibhā samyagudetu me puro'taḥ |
tadanuṣṭhitaśaktirapyatasta-
dbhavadarcāvyasanaṃ ca nirvirāmam || 23 ||

bhavadīyeti | gabhīrabhāṣiteṣviti | mukhye bhedārthatvena bhāsamāneṣvapi 
garbhīkṛtarahasyārtheṣu vākyeṣu tāvakeṣu mama puraḥ pūrvaṃ pratibhā 
navanavollekhinī prajñā samyagaviparyastatvenodetu atopyanantaraṃ taditi alaukikaṃ 
nirvirāmaṃ kṛtvā bhavadarcāyāṃ vyasanamudetu || 23 ||

vyavahārapade'pi sarvadā
pratibhātvarthakalāpa eṣa mām |
bhavatovayavo yathā na tu
svata evādaraṇīyatāṃ gataḥ || 24 ||

vyavahāreti | eṣaḥ arthakalāpaḥ vyavahāre'pi bhagavataścinmayasya yathā'vayavaḥ 
aṅgakalpo'bhedena sthitastathā māṃ pratibhātu mama pratibhāsatām na 
punastvanmayamaviditvā svata eva sukhādihetutvenādaraṇīyatāṃ gataḥ || 24 ||

p. 90) 

manasi svarasena yatra tatra
pracaratyanvahamasya gocareṣu |
prasṛtopyavilola eva yuṣma-
tparicaryācaturaḥ sadā bhaveyam || 25 ||

manasīti | yatra tatreti heyādiviṣayeṣu prasṛto'pi grahaṇe pravṛtto'pi avilolaḥ 
alampaṭaḥ yuṣmatparicaryā tvadarcā tatra catura eva kuśala eva syām evaśabdo 
bhinnakramaḥ || 25 ||

bhagavanbhavadicchayaiva dāsa-
stava jāto'smi parasya nātra śaktiḥ |
kathameṣa tathāpi vaktrabimbaṃ
tava paśyāmi na jātu citrametat || 26 ||

bhagavanniti | bhagavadicchayaiveti evakāreṇa śaktipātasya svatantratāmāha 
tathā'pīti evamapi dāsye labdhe'pi vaktrabimbaṃ sundaraṃ paraśaktimārgam eṣa iti 
vyutthānāvasthocitadehādipramātṛrūpaḥ jātu kadācit vyutthāne na paśyāmi 
nāsādayāmi || 26 ||

samutsukāstvāṃ prati ye bhavantaṃ
pratyartharūpādavalokayanti |
teṣāmaho kiṃ tadupasthitaṃ syāt
kiṃ sādhanaṃ vā phalitaṃ bhavet tat || 27 ||

samutsukā iti | samyagutsukāḥ bhaktibhareṇotkaṇṭhitāḥ pratyartharūpāditi viṣayaṃ 
viṣayamāsādya kiṃ taditi tenaivānubhāvyaṃ na vaktuṃ śakyaṃ kiṃ 
tatsādhanamiti asmābhirasaṃbhāvyam || 27 ||

p. 95) 

dhyāyata iti | uccārarahitaṃ vastu cetasaiva vicintayan iti sthityā dhyāyate 
tadanudṛśyate samāveśātprakāśate tato'pi spṛśyate 
gāḍhagāḍhasamāśleṣeṇaikīkriyate svayameva na tu uccārakaraṇādipāramparyeṇa 
svayaṃ cānupacitena cinmayena vapuṣā ananyākāraviśeṣeṇa yatreti 
pūjanamahotsave mahotsavaśabdenātyantamupādeyatāmasya 
vadannātmanastadāsaktyā pramodanirbharatāṃ dhvanati anubhāvata iti 
mamānubhāvatastvadīyānubhavakavyāpārāt || 6 ||

etadeva ślāghamāna āha-

yadyathāsthitapadārthadarśanam
yuṣmadarcanamahotsavaśca yaḥ |
yugmametaditaretarāśrayam
bhaktiśāliṣu sadā vijṛmbhate || 7 ||

yaditi | yathāsthitānāṃ padārthānāṃ darśanaṃ vijñānaṃ na 
tvadadvayapūjāmahotsavaḥ taṃ ca vinā na yathāsthitavastujñānamitīdaṃ 
dvayamitaretarāśrayam bhaktiśāliṣu sadā vijṛmbhate tvayaivāsyobhayasya 
yugapatprakāśāt || 7 ||

tattadindriyamukhena santatam
yuṣmadarcanarasāyanāsavam |
sarvabhāvacaṣakeṣu pūrite-
ṣvāpivannapi bhaveyamunmadaḥ || 8 ||

taditi | sphuradupāyapuraḥsarametadāśaṃsāpara āha sarvabhāvā eva caṣakāṇi 
pānapātrāṇi teṣu cakṣurādimukhena mahārthadṛṣṭyā cidaikyāmṛtena 
pūriteṣu bhṛteṣu tadāharaṇakrameṇa turyāroharūpaṃ 

p. 96) 

yuṣmatpūjārasāyanapānaṃ āsamantātpiban udgatamado'pi nāma bhaveyam 
etatprārthaye prabhumevārthaye || 8 ||

anyavdyamaṇumātramasti na
svaprakāśamakhilaṃ vijṛmbhate |
yatra nātha bhavataḥ pure sthitim 
tatra me kuru sadā tavārcituḥ || 9 ||

anyavedyamiti | yatra bhavatpure pūrake cidātmani rūpe vyatiriktasya 
kasyacidevābhāvāt anyadbhinnaṃ vedyam aṇumātramapi nāsti api tu akhilaṃ 
grāhyagrāhakarūpaṃ svaprakāśameva vijṛmbhate tatra me tvadarcāparasya 
sadā'vasthitiṃ gāḍhasamāveśarūpāṃ kuru || 9 ||

dāsadhāmni viniyojitopyaham
svecchayaiva parameśvara tvayā |
darśanena na kimasmi pātritaḥ
pādasaṃvahanakarmaṇā'pi vā || 10 ||

dāsadhāmnīti | evamarthite'pi jagatīpsitamanāpnuvan khinna ivāha dāseti | 
svecchayaiva na tu anyapreraṇādinā nirapekṣo hi śaktipāta ityuktameva darśanena 
śāmbhavasamāveśātmanā parasākṣātkārānupraveśena pātrito bhājanīkṛtaḥ 
pādasaṃvahanakarmaṇā rudraśaktisamāveśāhlādanena anuraṇanoktyā 
laukikeśvarārthaḥ prāgvat || 10 ||

śaktipātasamaye vicāraṇam
prāptamīśa na karoṣi karhicit |

p. 97) 

adya māṃ prati kimāgataṃ yataḥ
svaprakāśanavidhau vilambase || 11 ||

śaktipāteti | sopālambhamiva prabhumabhimukhayitumāha śaktipātoti | 
prāptamityucitam īśetyāmantraṇaṃ svatantraśaktipātakramānurūpaṃ karhicit 
kadācit adyeti sampannepyanugrāhātmani śaktipāte kimāgatamiti ka eṣa prakāraḥ 
yat cidātmakasvātmaprakāśātmani vidhau avaśyakārye'pi vilambase adyāpi 
kālakṣepaṃ karoṣi mā kṛṣāḥ || 11 ||

tatra tatra viṣaye bahirvibhā-
tyantare parameśvarīyutam |
tvāṃ jagattritayanirbharaṃ sadā
lokayeya nijapāṇipūjitam || 12 ||

tatreti | punarapi bhagavatsamāveśāśaṃsāpara āha tatreti | bahiriti bāhye nīlādau 
āntare ca sukhādau ca vibhāsati tvāṃ pārameśvaryā paraśaktyā yutaṃ 
nityasambaddhaṃ prāgvajjagattrayeṇa viśvena nirbharaṃ lokayeya sākṣātkuryāṃ 
nijena pāṇinā 
pañcāvartamadhyamadhyamaprāṇaśaktyudbodhanakramāddhṛtaviśvārpaṇasam
edhenārcitam atra pāṇiḥ śaktiḥ yathoktamāmnāye hastaḥ śaktiḥ prakīrtita iti 
etatpūjocitam || 12 ||

svāmisaudhamabhisandhimātrato
nirvibandhamadhiruhya sarvadā |
syāṃ prasādaparamāmṛtāsavā-
pānakena parilabdhanirvṛtiḥ || 13 ||

p. 98) 

svāmīti | nityodityasamāveśarūpameva phalamākāṅkṣannāha svāmīti | svāminaḥ 
sambandhinaṃ saudham atispṛhaṇīyaṃ svadhāmasamūhamatyuccaiḥ śāktaṃ 
padamabhisandhimātrata ityuccārakaraṇādyanapeks'm icchāmātreṇaiva 
vinirbandhaṃ kṛtvā'dhiruhya dehādibhūminyagbhāvena svīkṛtya 
prāgvyākhyātaprasādaparamāmṛtāsavāpānakrīḍayā parilabdhanirvṛtiḥ 
ānandaparipūrṇaḥ sadā syām anuraṇanaśaktyā dṛṣṭāntālaṅkāradhvaninā 
laukikeśvarārthaḥ prāgvat || 13 ||

yatsamastasubhagārthavastuṣu
sparśamātravidhinā camatkṛtim |
tāṃ samarpayati tena te vapuḥ
pūjayantyacalabhaktiśālinaḥ || 14 ||

yaditi | pratipāditapūjopāyamāha yaditi | māyāśaktyā yadyapi 
heyopādeyatābhāñji tathā'pi 
vastutaścinmayatvātsubhagārthānisubhagaprayojanānyeva samastāni vastūni teṣu 
viṣayabhūteṣu yatkiñcidindriyapathagataṃ tadīyarūpasparśādi 
sparśamātravidhinā saṃvitsaṅkalpavikalpena saṃvidvyāpāreṇa tāmiti 
asāmānyāṃ camatkṛtiṃ samyagarpayati vitarati tena yacchabdaparāmṛṣṭena 
vastusvarūpeṇa te vapuścinmayarūpam acalabhaktyā navanavasamāveśena 
śālamānāḥ pūjayanti tarpaṇakrameṇa tvayyevaṃ viśrāmyanti || 14 ||

sphārayasyakhilamātmanā sphuran
viśvamāmṛśasi rūpamāmṛśan |
yatsvayaṃ nijarasena ghūrṇase
tatsamullasati bhāvamaṇḍalam || 15 ||

p. 99) 

sphārayasīti | nanu malinairarthaiḥ kathaṃ śuddhasvarūpabhagavadarcā 
ityāśaṅkya sarvadaśāsu arthānāṃ bhagavatsvarūpatayā śuddhatāṃ vaktumāha 
sphārayasīti | ātmanā cinmayena sphuran bhāsamānaḥ akhilaṃ viśvaṃ sphārayasi 
vikasvarasvātmaprathāsphuraṇena phullayasi tathā 
svarūpamāmṛśannijasvarūpaṃ camatkurvan nikhilaṃ viśvamāmṛśasi 
āsvādanena ānandaghanaṃ ghaṭayasi yaśca svayaṃ nijena cidrasena ghūrṇase 
pūrṇatvātsamucchalattayā spandase tadbhāvamaṇḍalamakhilaṃ padārthajātaṃ 
samullasati cidbhūmāvumīlati evamanena viśvasyābhedasārāḥ 
paradaśocitāḥsthitisaṃhārasargāḥjñānecchākriyāśaktiparispandarūpāḥ 
krameṇoktāḥ akrame'pi hi saṃvittatve vyāvṛttibhedena 
sṛṣṭisthitisaṃhāraśaktyaviyogaḥ sanātanatvena varṇyetāpi yadapekṣāyā'yaṃ 
kramavyavahāraḥ | tathā ca śrīpūrvaśāstreṣūktam savyāpārādhipatvena 
taddhīnaprerakatvataḥ | icchānivṛtteḥ svasthatvādabhinnamapi pañcadhā | iti | 
sṛṣṭisthitisaṃhārāṇāṃ viparyastatvena pratipādanaṃ 
cinmayatvenākramatāparamārthaprakāśānāya || 15 ||

yo vikalpamidamarthamaṇḍalaṃ
paśyatīśa nikhilaṃ bhavadvapuḥ |
svātmapakṣaparipūrite jaga-
tyasya nityasukhinaḥ kuto bhayam || 16 ||

ya iti | nanu parameśvarabhūbhāvabhinnānāmarthānāmastu śuddhatvaṃ 
māyāpade tu bhedavighnavyākulite kathametadityāśaṅkya 
bhedavighnaprasarakṣayamāha ya iti | he īśa arthamaṇḍalaṃ 
prameyajātamavikalpaṃ kṛtvā hānādānādibuddhiparihāreṇa 
śrībhairavīyamudrāvīryasthityāyo yogivaro bhavadvapuścidrūpameva kṛtvā 
paśyati darpaṇodaronmīlanapratibimbavatsākṣātkaroti 

p. 100) 

asya svātmapakṣeṇa cidaikyena paritaḥ samantāt pūrite svābhedamāpādite jagati 
bhedavighnasyonmūlanānnityasukhinaḥ paramānandaghanasya kuto bhayaṃ na 
kutaścidevetiyuktamuktaṃ prāktena te vapuḥ pūjayantyacalabhaktiśālina iti || 16 ||

kaṇṭhakoṇaviniviṣṭamīśa te
kālakūṭamapi me mahāmṛtam |
apyupāttamamṛtaṃ bhavadvapu-
rbhedavṛtti yadi me na rocate || 17 ||

kaṇṭheti | imāmevādvayadṛṣṭiṃ praśaṃsannāha kaṇṭheti | kālakūṭaṃ 
mahāviṣamapi te kaṇṭhakoṇaviniviṣṭaṃ tvadaṅgasaṅgatatayā sthitaṃ 
tvadabhedena prathamānaṃ me mahāmṛtaṃ paramavyāptipradatvāt uktaṃ hi 
viṣamapyamṛtāyate iti amṛtaṃ tu pātumapi labdhumapi yadi bhavadvapuṣo 
bhedavṛtti cidadvayadṛśamaspṛśadbhāti tadavāstavatvānmahyaṃ na rocate 
nābhilāṣapadaṃ mameti yāvat || 17 ||

tvatpralāpasayaraktagītikā-
nityayuktavadanopaśobhitaḥ |
syāmathāpi bhavadarcanakriyā-
preyasīparigatāśayaḥ sadā || 18 ||

tvaditi | evamadvayasamāveśamātmani sadocitatvenepsannāha tvaditi | 
samāveśavaivaśyādanabhisandhānamuccarantībhistvatpralāpamayībhirbhaktyanurā
gābhivyañjanādraktābhirmadhurasundarābhirgītikābhirnityayuktena 
vadanenopaśobhito'tisundararuciḥ syām athāpīti api ca vyākhyātasatatvatayā 
bhavadarcanakriyayaiva preyasyā paramava-

p. 101) 

llabhayā parigataḥ svīkṛtaḥ āśayaścittaṃ yasya tasyāśca parigataḥ 
samyagjñātaḥ āśayaḥ svarūpaṃ yena tathā bhūtaḥ sadā syām || 18 ||

īhitaṃ na bata pārameśvaraṃ
śakyate gaṇayituṃ tathā ca me |
dattamapyamṛtanirbharaṃ vapuḥ
svaṃ na pātumanumanyate tathā || 19 ||

īhitamiti | nanu ca labdhasamāveśacamatkāro'pi kimarthaṃ bhūyo bhūyaḥ 
samāveśākāṅkṣāparo'sīti śaṅkitvevāha īhitamiti | parameśvarasambandhīhitaṃ 
vilasitaṃ batāścaryaṃ gaṇayituṃ kalayituṃ na śakyate tathā ca me 
mahyamamṛtanirbharamānandaghanaṃ vapuḥ svarūpaṃ pātuṃ rasayituṃ 
dattamapi prasādīkṛtamapi tatheti yathāruci nirvirāmaṃ pātuṃ nānumanyate 
nāṅīkaroti punarvyutthānabhūmimeva prerayatītyata iyamākāṅkṣetyarthaḥ yata 
evaṃ tataḥ || 19 ||

tvāmagādhamavikalpamadvayaṃ
svasvarūpamakhilārthaghasmaram |
āviśannahamumeśa sarvadā
pūjayeyamabhisaṃstuvīya ca || 20 ||

tvamiti | agādhamaparicchedyamavikalpaṃ cidrapamadvayamabhedasāraṃ svaṃ 
sarvasyātmīyaṃ svarūpamakhilānāṃ ṣaḍadhvamayānāmarthānāṃ 
ghasmaramadanaśīlaṃ tvāmāviśan he umeśa parābhaṭṭārikāsvāminnahaṃ sadā 
pūjayeyaṃ sā pūjāhyādarāllayaḥ iti sthityārcaye abhitaḥ 
samantātsamyagabhedaparāmarśasāratayā stuvīya ceti śivam || 20 ||

iti śrīmadutpaladevācāryaviracitastotrāvalyāṃ saṅgrahastotranāmani
trayodaśastotre śrīkṣemarājaciracitā vivṛtiḥ || 13 ||


p. 102) 

oṃ jaya lakṣmīnidhānasya nijasya svāminaḥ puraḥ |
jayodghoṣaṇapīyūṣarasamāsvādaye kṣaṇam || 1 ||

jaya lakṣmīti | idamapi jayastotraṃ granthakārāśayyameva | jayalakṣmyāḥ 
sarvotkarṣaśriyo nidhānaṃ samucitamāspadaṃ pura iti sākṣātkārasamanantarameva 
jayodghoṣaṇamevānandapradatvātpīyūṣarasamāsvādaye camatkaromi kṣaṇaṃ 
muhurmuhuḥ kṣaṇaśabdaścāsyāsvādasya sulabhatāṃ dhvanati || 1 ||

jayaikarudraikaśiva mahādeva maheśvara |
pārvatīpraṇayiñśarva sarvagīrvāṇapūrvaja || 2 ||

jayaiketi | prathamamāmantraṇadvayamadvayatāprathanāya eko rudra iti śrutirasti 
ekaḥ śivo na tu bhedavādasthityā bahavaḥ pārvatī parā śaktiḥ sarveṣāṃ 
gīrvāṇānāṃ devanāṃ pūrvaja ādya || 2 ||

jaya trailokyanāthaikalāñchanālikalocana |
jaya pītārtalokārtikālakūṭamaṅkakandhara || 3 ||

jaya trailokyeti | trailokyanāthatve ekamadvayasūcakādvitīyamalaukikaṃ 
lāñchanamalikalocana lalāṭanetraṃ yasya 
bhagavadvyatirekeṇānyasyādhomukhādholocanānunmīlanātpītamārtalokānāṃ 
sarveṣāṃ surāsurāṇāmārtihetutvāttadrūpaṃ kālakūṭaṃ mahāviṣaṃ tadaṅkā 
kandharā yasya kālakūṭamārtirūpatayotprekṣitam atha ca kālakūṭagalatvena 
bhagavataḥ sarvasaṃsārārtiharatvaṃ sūcyate || 3 ||

jaya mūrtatriśaktyātmaśitaśūlollasatkara |
jayecchāmātrasiddhārthapūjārhacaraṇāmbuja || 4 ||

jaya mūrteti | mūrtāḥ tisra icchājñānakriyārūpāḥ śaktaya

p. 103) 

ātmā yasya tathābhūtena śitena saṃsāracchedakena śūlenollasan karaḥ 
pāṇiryasya anena śaktitrayasya bhagavadekādhīnatvamuktam icchāmātreṇa 
siddho'rthaḥ prayojanaṃ yābhyāṃ sakāśāt tathābhūte ata eva pūjārhe 
prāgvaccaraṇāmbuje yasya || 4 ||

jaya śobhāśatasyandilokottaravapurdhara |
jayaikajaṭikākṣīṇagaṅgākṛtyāttabhasmaka || 5 ||

jaya śobheti | śobhāḥ prakāśāhlādakarucayaḥ vapuḥ svarūpam alpaikajaṭā 
ekajaṭikā tatra kṣīṇā yeyaṃ gaṅgākṛtistadevāttaṃ bhasma yena tathāmūtaṃ 
kaṃ śiro yasya bhagavataḥ śirasi bhasmāstītyādyamavigītameva || 5 ||

jaya kṣīrodaparyastajyotsnācchāyānulepana |
jayeśvarāṅgasaṅgottharatnakāntāhimaṇḍana || 6 ||

jaya kṣīrodeti | kṣīrode paryastā prasṛtā yā'sau jyotsnā candrakāntistacchāyaṃ 
śubhramanulepanaṃ yasya aṅgasaṅgotthaiḥ ratnaiḥ kāntāḥ ahayaḥ 
śeṣavāsukiprabhṛtayo maṇḍanaṃ yasya īśvarāṅgasaṅgādbhujaṅgamānāṃ 
ratnaprāptiriti hyāgamaḥ || 6 ||

jayākṣayaikaśītāṃśukalāsadṛśasaṃśraya |
jaya gaṅgāsadārabdhaviśvaiśvaryābhiṣecana || 7 ||

jayākṣayaiketi | akṣayāyāḥ amānāmnyāḥ ekasyāḥ śitāṃśukalāyāḥ 
sadṛśo'nurūpo bhagavāneva saṃśrayaḥ tasyāpyakṣayaikarūpatvāt candrakalayā 
hi bhagavataḥ etatparamārthataiva sūcyate gaṅgayā sadā'rabdhaṃ 
viśvaiśvaryābhiṣecanaṃ yasya || 7 ||

jayādharāṅgasaṃsparśapāvanīkṛtagokula |

p. 104) 

jaya bhaktimadārabdhagoṣṭhīniyatasannidhe || 8 ||

jayādharāṅgeti | adharāṅgaṃ pādastatsparśena pavitrīkṛtaṃ gokulaṃ yena 
bhagavatā vṛṣabhavāhanena yato vṛṣabhaḥ padbhyāṃ spṛṣṭastataḥ sarvatra 
gojāteḥ pavitratvamavigītaṃ bhaktimadbhiḥ ābaddhāyāṃ goṣṭhyāṃ 
niyato'vaśyaṃbhāvi sannidhiryasya || 8 ||

jaya svecchātapoveṣavipralambhitabāliśa |
jaya gaurīpariṣvaṅgayogyasaubhāgyabhājana || 9 ||

jaya sveti | svecchayā krīḍayā kṛtena upamāveśena ca vipralambhitāstrāsitāḥ 
bāliśā yena krīḍāmātreṇa bhagavatā jaṭādi vidhṛtaṃ yattanmūrkhāḥ 
brahmaśiraśchedotthakiliviṣaśuddhyarthamiti pratipannāḥ 
siddhyarthametadityapare idametadbhagavataḥ satyaṃ rūpamiti pare tanna sat 
bhagavataḥ svatantracitparamārthasyaivaṃ rūpatvānupapatteḥ gaurī parā śaktiḥ 
tatpariṣvaṅgayogyasaubhāgyasya sarvaspṛhaṇīya tvasya bhājana || 9 ||

jaya bhaktirasārdrārdrabhāvopāyanalampaṭa |
jaya bhaktimadoddāmabhaktavāṅnṛttatoṣita || 10 ||

jaya bhaktiraseti | bhaktirasenārdrārdraḥ saraso galito yo bhāva āśayaḥ sa 
evopāyanaṃ ḍhaukanikā tatra lampaṭa jhaṭityātmasātkārin bhaktimadenoddāmāḥ 
garjitā ye bhaktāḥ tadīyena vāṅnṛttena sphūrjatstutimālābhistoṣita || 10 ||

jaya brahmādideveśaprabhāvaprabhavavyaya |
jaya lokeśvaraśreṇīśirovidhṛtaśāsana || 11 ||

jaya brahmeti | brahmādideveśānāṃ yaḥ prabhāvaḥ sṛṣṭyādisāmarthyaṃ tasya 
prabhavavyayau utpādanāśau yataḥ lokeśvaraśreṇyā 

p. 105) 

indrādilokapālamālayā śirasā vidhṛtaṃ śāsanamājñā yasya 
parameśājñānuvartibhirindrādibhirdīkṣādau sthīyata iti śataśaḥ āgamoktayaḥ 
santi || 11 ||

jaya sarvajagannyastasvamudrāvyaktavaibhava |
jayātmadānaparyantaviśveśvara maheśvara || 12 ||

jaya sarveti | sarvatra jagati nyastayā 
svamudrayā'nandasārajñānakriyāśaktivyāptimayyā'vaṣṭambharūpayā vyaktaṃ 
vaibhavaṃ vyāpakatvaṃ prabhutvaṃ ca yasya | yadāgamaḥ na cakrāṅkā na 
vajrāṅkā dṛśyante jantavaḥ kvacit | bhagaliṅgāṅkitaṃ viśvaṃ tena 
māheśvaraṃ jagat || iti | āstāṃ tāvadbrahmādīnāṃ vibhūtyādidānaṃ tvattaḥ 
sarvasya tvamātmānaṃ sattāmapi dadāsi svaprakāśamayatvatsvarūpaṃ vinā 
nīrūpatvāpatterityātmānaṃ paryantaṃ kṛtvā viśveśvara ata evānyasyaiva 
rūpatvābhāvāttvaṃ mahānīśvaraḥ || 12 ||

jaya trailokyasargecchāvasarāsadvitīyaka |
jayaiśvaryabharodvāhadevīmātrasahāyaka || 13 ||

jaya trailokyeti | trailokyasargāvasare'san dvitīya upādānasahakāryātmā'pekṣaṇīyo 
yasya dvitīyaścennāsti | kathaṃ śaktiḥ śaktimāṃścetyudghoṣyate ityāha 
aiśvaryabharodvāhe svecchāvabhāsitāśeṣalokayātrātmane iti nayena devīmātraṃ 
nijasāmarthyātmā parāśaktireva sahāyo yasya aiśvaryaṃ 
pañcavidhakṛtyakāritvam || 13 ||

jayākramasamākrāntasamastabhuvanatraya |
jayāvigītamābālagīyamāneśvaradhvane || 14 ||

jayākrameti | sākṣādvibhātatvādyugapatsadā samyagākrāntaṃ samastaṃ 
niravaśeṣaṃ prāgvadbhuvanatrayaṃ yena viṣṇunā kramābhyāṃ bhūrbhuvaḥ-

p. 106) 

svarākrāntamadhiṣṭhitaṃ bhagavatā tvakramameva bhavābhavātibhavatrayaṃ 
vyāptam iti vyatirekadhvaniḥ avigītamavipratipattiṃ kṛtvā āvālaṃ gīyamāna 
īśvara iti dhvaniḥ nādāmarśo yasya || 14 ||

jayānukampānuguṇānapekṣasahajonnate |
jaya bhīṣmamahāmṛtyughaṭanāpūrvabhairava || 15 ||

jayānukampeti | anukampādiguṇānapekṣā sahajā svābhāvikī avicchinnā 
unnatirmāhātmyaṃ yasya anyeṣāṃ tu yo hi yasmādguṇotkṛṣṭaḥ sa 
tasmādūrdhvamucyate ityāmnāyasthityā apūrvaivonnatiḥ bhīṣmasya 
sakalajagatkampakāriṇo mahāmṛtyoḥ ghaṭane svarūpacalanātmani grasane 
apūrvo'pi bhairavaḥ bhīṣaṇīyasyāpi bhīṣaṇīyaḥ bhīrūṇāṃ bhayamiti taddhitena 
mṛtyubhītānāṃ hṛdi sphurannabhayapradaśca || 15 ||

jaya viśvakṣayoccaṇḍakriyāniṣparipanthika |
jaya śreyaḥśataguṇānuga nāmānukīrtana || 16 ||

jaya viśveti | viśvakṣaye saṃhāre uccaṇḍāyāṃ kriyāyāṃ nirgataḥ paripanthiko 
niroddhā yasya śreyāṃsaḥ śataguṇā anugāḥ paścāddhāvinaḥ yasya 
tathāvidhaṃ nāmānukīrtanaṃ yasya || 16 ||

jaya helāvitīrṇaitadamṛtākarasāgara |
jaya viśvakṣayāks.epiṇakopāśuśukṣaṇe || 17 ||

jaya heleti | helayā vitīrṇo bhaktebhyo dattaḥ etadityeṣa śreyaḥ śataguṇānugaḥ 
amṛtākarasāgaro yena upamanyave kṣīrodo vitīrṇaḥ yena 
viśvakṣayākṣepikṣaṇakopāśuśukṣaṇiḥ kṣaṇiko'pi kopānniryasya || 17 ||

p. 107) 

jaya mohāndhakārāndha jīvalokaikadīpaka |
jaya prasuptajagatījāgarūkādhipūruṣa || 18 ||

jaya moheti | mohāndhakāreṇa akhyātitimireṇa andha 
upasaṃhṛtābhedadṛṣṭiryo jīvalokastasyaikaḥ advitīyo dīpaḥ 
paramārthaprakāśakaḥ prakarṣeṇa suptāyāṃ māyāprasvāpajaḍīkṛtāyāṃ 
jagatyāṃ viśvaprajāgarūko nityaprabuddho'ta evādhipūruṣodhiṣṭhātṛsvarūpaḥ || 
18 ||

jaya dehādikuñjāntarnikūjajjīva jīvaka |
jaya sanmānasavyomavilāsivarasārasa || 19 ||

jaya dehādīti | deha eva jaḍatvādadrikuñjaṃ parvatadarīgṛhaṃ tatra nikūjataḥ 
krandato jīvān prāṇino jīvayati jīvatāṃ lambhayati yaḥ parvataguhāyāṃ ca 
nikūjanto jīvajīvākhyāḥ pakṣiṇo bhavantītyanuraṇanaśaktyā kṣiptortho'pi satāṃ 
bhaktānāṃ mānasaṃ cittameva nirmalatvādidharmatvādvyoma tatra vilasattacchīlaḥ 
varasārasaḥ paramātmarājahaṃsaśca śobhamānaśca vyomacārī bhavati || 19 ||

jaya jāmbūnadodagradhātūdbhavagirīśvara |
jaya pāpiṣu nindolkāpātanotpātacandramāḥ || 20 ||

jaya jāmbūnadeti | jāmbūnadaṃ kanakaṃ tena udagra ūrjito dhātūdbhavaśca 
rasadhātusambhūto girīśvaro meruryasya tathā ca avadhūtaḥ yenāmalasphuritetyādi 
pāpiṣvatiśayavilayaśaktigocareṣu nindaiva viṣamadaśāhetutvādulkā vidyut 
bhagavadvilayaśaktipātena hi pāpino bhagavantaṃ nindanti utpātane 
utpātacandramā iva aśubhasūcaka induriva indurūpeṇa nityamāhlādahetutvaṃ 
sūcyate || 20 ||

jaya kaṣṭatapaḥ kliṣṭamunidevadurāsada |
jaya sarvadaśārūḍhabhaktimallokalokita || 21 ||

p. 108) 

jaya kaṣṭeti | kaṣṭatapaḥ kliṣṭatvādevāgastyabrahmādibhirduḥkhenāsādyate uktaṃ 
hi prāgvat na yogo na tapa iti bhaktireva tatropāya ityāha sarvāsu 
jāgradādidaśāsvārūḍhena prāgvyākhyātena bhaktimallokena lokita sākṣātkṛta 
|| 21 ||

jaya svasampatprasarapātrīkṛtanijāśrita |
jaya prapannajanatālālanaikaprayojana || 22 ||

jaya svasampatprasareti | paramānandasāre svasampatprasare 
pātrīkṛtastadāsvādabhājanatāṃ prāpitaḥ nijāśrito bhaktajano yena lālanaṃ 
teṣāṃ nityābhiyuktānāṃ yogakṣemaṃ vahāmyaham iti sthityā yogakṣemodvahaḥ || 
22 ||

jaya sargasthitidhvaṃsakāraṇaikāpadānaka |
jaya bhaktimadālolalīlotpalamahotsava || 23 ||

jaya sargasthitīti | sṛṣṭyādikāraṇaṃ sadā sṛṣṭivinodāya iti nyāyena 
ekamevāvadānamuttamaṃ caritaṃ yasya bhaktimadena samāveśodrekeṇa ālolā 
spṛhaṇīyā vyāptā ca līlāparispaṃdo yasya tathā bhūtasyotpalasyaitannāmnaḥ 
asmatparameṣṭhino mahotsavaḥ || 23 ||

jaya jayabhājana jaya jitajanma-
jarāmaraṇa jaya jagajjyeṣṭha |
jaya jaya jaya jaya jaya jaya jaya
jaya jaya jaya jaya jaya jaya tryakṣa || 24 ||

jaya jayeti | jayabhājanatvaṃ cidrūpatvena sarvottamatvāt svātmana eva 
cidrūpeśvarasya vastutaḥ sarvotkarṣavṛtterapi svātantryeṇa 

p. 109) 117

viṣayavyagratāvasthāyāṃ gūhitātmatvātparāṅmukhasyeva 
sammukhīkaraṇātmakaprārthanārūpo jayeti loḍartha ihādvayanaye aivocita 
ityāśayenāpi uktaṃ jayabhājaneti dvayanaye tu bhedamayatvādeveśvaro na 
sarvotkarṣeṇa vartate tato jayetyāśīrvyarthaiva athāpi varteta kiṃ parakṛtayā 
prārthanayā vidhyādiśca loḍartha īśvaraviṣaye'nucita eveti bhedena 
yajjayetyudīraṇamanupapannameva jitāni janmajarāmaraṇāni jayamāśritye'rthaḥ 
jagajjyeṣṭhatā anāditvāt bhūyo bhūyo jaya 
jayetyudghoṣaṇamudghoṣayiturbhaktisamāveśavaivaśyaṃ sūcayati 
tryakṣetyāmantraṇaṃ niḥsāmānyotkarṣaśālitāṃ prakāśanāyeti śivam || 24 ||

iti śrīmadutpaladevācāryaviracitastotrāvalau jayastotre 
śrīkṣemarājaviracitā vivṛtiḥ ||

tadetaiścaturdaśabhirekadeśaiḥ sahajonmudraṇānām stotram || 14 ||


p. 110) 

oṃ tatsat

trimalakṣālino granthāḥ santi tatpāragāstathā |
yoginaḥ paṇḍitāḥ svasthāstvadbhaktā eva tatvataḥ || 1 ||

trimaleti | trīn āṇavamāyīyakārmamalān kṣālayanti ye te 
jñānakriyāyogacaryāpadarūpā granthāḥ pārameśvarāḥ tathā 
tatpāragāsteṣāmādyantadarśino vyākhyātrādayo'pi santisatyataḥ punastvadbhaktā 
eva tatpāragāḥ yatasta eva tatvato yoginaḥ paṇḍitāḥ svasthāśca tatpārgāḥ tatvata 
iti cāvṛtyā yojyaṃ tatra yogamekatvamicchanti iti mayyāveśya mano ye mām 
ityādi yogino nityasamāveśayuktāḥ praśaṃsāyāṃ nityayoge ceniḥ anena 
yogapādarahasyaniṣṭhatvameṣāmuktam paṇḍitatvaṃ vidyāpādakriyāpāda 
satatvarūḍhiḥ tatra vidyāpādena jñāyate'neneti vyutpatyā upāyātmakaṃ 
paraśaktiśivasvarūpaṃ jñānamekaṃ jñaptijñānamiti vyutpatyopeyātmakaṃ 
cidānandaghanasvarūpaṃ viśrāntisatatvaṃ dvitīyamabhidhīyate kriyāpādenāpi 
vīryasāramantratantrataditi kartavyatādyupāyarūpā 
tadupāyakramāvāptasvātmavimarśasārā ca kriyā'bhidhīyate tantramantrāṇāṃ 
samastavācyavācakabhedāmarśasāraparamānandaghanaśabdarāśisatatvamahaṃ 
vimarśasāraṃ paraṃ vīryam etadabhinnasphuratāmayī ca 
mahāsāmānyaspandarūpā pratibhātmā vimarśaśaktiḥ 
sṛṣṭisaṃhārapradhānaparavīryam aparaṃ tu 
viśleṣaṇādiyuktivaśasphuritatattaddhyeyadevatākārā bhedapratipattiḥ mudraṇā 
tattatsaṃvitsārataiva hṛdayaṃ kuṇḍamaṇḍaletikartavyatāderapi 
parameśajñānakriyāśaktivyāptireva tattvam evaṃ 
vidyāparamārthasatatvaviśrāntipāṇḍityam svasthatvaṃ tu 
caryāpādābhidheyoktaṃ karaṇonmīlananimīlanakrameṇaiva parameśvaravatsatataṃ 

p. 111) 

sṛṣṭisaṃhārādikāri svasvarūpāvasthitatvam etacca sarvaṃ tvadbhaktānāmeva 
tatvato'stītyalam || 1 ||

māyīyakālaniyatirāgādyāhāratarpitāḥ |
bhavanti sukhino nātha bhaktimanto jagattaṭe || 2 ||

māyīyeti | kālādīnāṃ pañcānāṃ grasanena tarpitatvaṃ tatprātipakṣyeṇa 
yadakālakalitavyāpakanirākāṅkṣasarvakartṛsarvajñasvasvarūpaprāptiḥ sukhina 
ānandaghanāstṛptāśca sukhasañcāriṇo bhavanti || 2 ||

rudanto vā hasanto vā tvāmuccaiḥ pralapantyamī |
bhaktāḥ stutipadoccāropacārāḥ pṛthageva te || 3 ||

rudanta iti | amī iti samāveśaśālino bhaktā rudranto vā hasanto veti 
sarvāvasthāvartinastvāmuccairutkṛṣṭatayā pralapanti sphuṭaṃ vimṛśanti amī 
eva satyato bhaktāḥ stutipadoccāra evopacāraḥ sevāprakāra uparañjanaprakāro 
yeṣāṃ te pṛthageva bhaktā janebhyo bāhyā evetyarthaḥ || 3 ||

na virakto na cāpīśo mokṣākāṅkṣī tvadarcakaḥ |
bhaveyamapi tūdriktabhaktyāsavarasonmadaḥ || 4 ||

virakto nivṛttidharmā īśo vā vibhūtiyuktaḥ san |
nijanijenaucityena tvadarcako mokṣamākāṃkṣan || 5 ||

neti | viraktaḥ nivṛttidharmā īśo vibhūtiyuktaḥ nijanijenaucityena tvadarcako 
mokṣamākāṅkṣan na tu jīvanmuktaḥ na bhaveyaṃ mā bhūvamityarthaḥ api tu 
udriktena ūrjitena bhaktyāsavarasena samāveśacamatkṛtiprakarṣeṇonmada 
udbhūtānando bhaveyam || 4-5 ||

p. 112) 

bāhyaṃ hṛdaya evāntarabhihṛtyaiva yo'rcati |
tvāmīśa bhaktipīyūṣarasapūrairnamāmi tam || 6 ||

bāhyamiti | hṛdaya eva prakāśaparāmarśātmani svarūpa evāntarmadhya viśvaṃ 
bāhyamabhihṛtya samantātsvīkṛtyaiva na tu kiñcidavaśeṣya he īśa svāmin 
yastvāṃ bhaktireva paramāhlādavikāsahetutvātpīyūṣapūrāstairarcati taṃ 
bhaktiśālinaṃ namāmīti pūrvavat || 6 ||

dharmādharmātmanorantaḥ kiyayorjñānayostathā |
sukhaduḥkhātmanorbhaktāḥ kimapyāsvādayantyaho || 7 ||

dharmeti | loke śubhāśubharūpatayā prasiddhatvena dharmādharmatvaṃ na tu 
bhaktimadbhistathā'nuṣṭhīyamānatvāt antariti madhye sthitā api kimapīti 
asāmānyaparamānandakarūpam || 7 ||

carācarapitaḥ svāmin apyandhā api kuṣṭhinaḥ |
śobhante paramuddāmabhavadbhaktivibhūṣaṇāḥ || 8 ||

carācareti | apyandhā api kuṣṭhina iti loketyantaṃ garhitā apītyarthaḥ || 8 ||

śiloñchapicchakaśipuvicchāyāṅgā api prabho |
bhavadbhaktimahoṣmāṇo rājarājamapīśate || 9 ||

śiloñcheti | śiloñchamuñchitaṃ śilaṃ picchaṃ pakṣaḥ kaśipuḥ bhojane 
ācchādane śiloñchapicche eva kaśipustena vicchāyānyaṅgāni yeṣāṃ te 
evamatikṛśavṛttayo'pi yato bhavadbhaktyā mahoṣmāṇaḥ 
atidīptorjitasvarūpāstato rājarājaṃ vaiśravaṇamīśate 
aiśvaryeṇābhibhavantītyarthaḥ || 9 ||

p. 113) 

sudhārdrāyāṃ bhavadbhaktau luṭhatāpyārurukṣuṇā |
cetasaiva vibho'rcanti kecittvāmabhitaḥ sthitāḥ || 10 ||

sudhārdrāyāmiti | sudhā paramānandarasaḥ ārdrā siktā bhaktisamāveśaḥ tatra 
luṭhatā samyak tatpādānākramātsthitiṃ jahatā'pi ārurukṣuṇā 
akṛtakāvaṣṭambhajighṛkṣuṇā cetasaiva na tu bāhyena kusumādinā keciditi 
paramayoginaḥ tvāmabhitaḥ sthitā antarbahiśca sarvatra tvayyeva viśrāntāḥ || 10 ||

rakṣaṇīyaṃ vardhanīyaṃ bahumānyamidaṃ prabho |
saṃsāradurgatiharaṃ bhavadbhaktimahādhanam || 11 ||

rakṣaṇīyamiti | rakṣaṇaṃ vyutthānenānapahāraḥ vardhanaṃ 
kramātkramamantaramanupraveśe sphītatāpādanam bahumānaḥ 
sarvotkṛṣṭatayā'daraḥ || 11 ||

nātha te bhaktajanatā yadyapi tvayi rāgiṇī |
tathāpīrṣyāṃ vihāyāsyāstuṣṭā'stu svāminī sadā || 12 ||

nātheti | bhaktajanatā rāgiṇī nāyikeva īrṣyātyāgaḥ avadānaṃ tuṣṭā vikasitā 
svāminī paraśaktiriti prakṛte aprakṛte tu svāminī mahādevī || 12 ||

bhavadbhāvaḥ puro bhāvī prāpte tvadbhaktisambhave |
labdhe dugdhamahākumbhe hatā dadhani gṛdhnutā || 13 ||

bhavadbhāva iti | bhaktisambhave tvatsamāveśe bhavadbhāvaḥ puro bhāvī 
tvadrūpatā samāsannaiva na tu prārthanīyā yato mahati kṣīraghaṭe prāpte dadhni yā 
gṛdhnutā abhilāṣukatā sā hatā vyarthaiva dugdhenaiva dadhno garbhīkārāt || 13 ||

p. 114) 

kimiyaṃ na siddhiratulā
kiṃvā mukhyaṃ na saukhyamāsravati |
bhaktirupacīyamānā
yeyaṃ śambhoḥ sadātanī bhavati || 14 ||

kimiti | śambhorbhaktirupacīyamānā parāṃ dhārāṃ prāpyamāṇā yā sadātanī 
bhavati parābhaktirūpatāmāsādayati kiṃ neyamatulā siddhirapi tvatulaiva paraiva 
bhaktiḥ mukhyaṃ saukhyaṃ paramānandaṃ vā kiṃ na āsamantātsravati 
sravatyevetyarthaḥ || 14 ||

manasi maline madīye
magnā tvadbhaktimaṇilatā kaṣṭam |
na nijānapi tanute tān
apauruṣeyānsvasampadullāsān || 15 ||

manasīti | maline vyutthānakalaṅkite magnā vyutthānācchāditā tvadbhaktireva 
maṇilatā sarvasiddhiprasūḥ ratnaśākhāḥ nijān sahajān tāniti samāveśena 
sphuritān alaukikān sarākāṅkṣāparihāriparamānandamayān namitāṇimādirūpān 
kimiva na siddhiratuletīdānīmevoktatvāt || 15 ||

bhaktirbhagavati bhavati
trilokanāthena nanvamāsiddhiḥ |
kintvaṇimādikavirahāt
saiva na pūrṇeti nāsti cintā me || 16 || [ādarśapustake'sya ślokasya ṭī 
nopalabhyate |]

p. 115) 

bāhyato'ntarapi cotkaṭonmiṣa-
ttryambakastavakasaurabhāḥ śubhāḥ |
vāsayantyapiviruddhavāsanān
yogino nikaṭavāsino'khilān || 17 ||

bhaktiriti | utkaṭamatidīptam unmiṣata ullasataḥ tryambakastavakasya 
śivakusumagucchasya sambandhi saurabhamāmodo yeṣāṃ yogināṃ te śubhāḥ 
bahirantaśca pūjanenādhivāsitāḥ viruddhavāsanān anāśvastānapi 
akhilānnikaṭavāsino janān vāsayanti tu bhavatpūjonmukhān sampādayanti bāhye 
tryambakārthaṃ stavakaḥ antastu tryambaka eva stavaka evaṃ 
saurabhamāmodaścamatkāraśca atha ca utkaṭena tryambakastavakasya 
dhattūrakasya saurabheṇādhivāsitāḥ nikaṭasthānvibhinnāmodānapi 
vāṭamarcayantīti anuraṇanavyaṅgyorthaḥ || 16-17 ||

jyotirasti kathayā'pi na kiṃ-
cidviśvamapyatisuṣuptamaśeṣam |
yatra nātha śivarātripade'smi-
nityamarcayati bhaktajanastvām || 18 ||

jyotiriti | jyotirvāhyāntarajaṃ jñānaṃ yatra nāmnā kiñcinnāsti 
samastamāyīyaprathāyāḥ saṃharaṇādviśvamapi sakalamatisuptam atra 
śivarātripade śivasamāveśabhūmau samastākhyātiprathāyāḥ 
saṃharaṇādrātririva rātristasyāḥ pade sthāne || 18 ||

satvaṃ satyaguṇe śive bhagavati sphārībhavatvarcane 
cūḍāyāṃ vilasantu śambhucaraṇaprochadrajaḥ sañcayāḥ |

p. 116) 

rāgādismṛtivāsanāmapi samucchettuṃ tamo jṛmbhatām 
śambho me bhavatāttvadātmavilaye trailokyavargothavā || 19 ||

satvamiti | satyāḥ pāramārthikāḥ sarvajñatvādayo guṇā yasya tatra śive bhagavati 
yadarcanaṃ cidviśrāntiparamārthasvarūpaṃ tatra satvaṃ prakāśaḥ sphārībhavatu | 
cūḍāyāṃ madhyaśikhāyāṃ śivaśaktyuditāḥ rajaḥ 
prakāśapravṛttiniyamārthā iti sattvarajastamaḥprasarāḥ kiraṇanikarāḥ 
svarūponmīlakāḥ vikasannu | tanuścākhyātmā mohaḥ rāgādismṛtihetuṃ 
vāsanāmapi samyagucchettupunarbhavāya jṛmbhatām | athavā 
traiguṇyavatastvadātmani yo vilayaḥ niḥśeṣamupaśāntistatra bhavatāt tvayyeva 
vilīno bhūyādityarthaḥ || 19 ||

saṃsārādhvā sudūraḥ kharataravividha-
vyādhidagdhāṅgayaṣṭiḥ
bhogānaivopabhuktā yadapi sukhamabhū-
jjātu tanno cirāya |
itthaṃ vyartho'smi jātaḥ śaśidharacaraṇā-
krāntikāntottamāṅga-
stvadbhaktaśceti tanme kuru sapadi mahā-
sampado dīrghadīrghāḥ || 20 ||

saṃsāreti | sudūraḥ kṛcchraprāpyaparyantaḥ bhogā iti uttamā iha vivakṣitāḥ 
jātu kadācinno niṣedhe asmīti dehādipramātṛrūpaḥ yatastu 
śaśidharacaraṇākrāntyā īśvaraśaktipātena kāntaṃ dīpraṃ saṃvitpradhānam ata 
evottamāṅgaṃ svarūpaṃ yasya tvadbhakta-

p. 117) 

śceti | tathā bhūto'pi tvāmeva sevamānaḥ tasmānme dīrghadīrghāḥ 
śāśvatīrmahāsampadaḥ prāgvadadvayamayīḥ kuriviti śivam || 19 ||

iti śrīmadutpaladevācāryaviracitastotrāvalau bhaktistotranāmani
pañcadaśe stotre śrīmadrājānakakṣemarājācārya-
viracitā vivṛtiḥ || 15 ||


p. 118) 

oṃ na kiñcideva lokānāṃ bhavadāvaraṇaṃ prati |
na kiñcideva bhaktānāṃ bhavadāvaraṇaṃ prati || 1 ||

na kiñciditi | bhavadāvaraṇaṃ prati cinmayatvatsvarūpāvaraṇāya lokānāṃ 
saṃsāriṇāṃ na kiñcideva kākvā api tu sarvameva bhedena viśvameva 
paryantasamastaśakticakravyavahitatvāt bhaktānāṃ tu na kiñcideva naiva 
kiñcidityarthaḥ śivatatvaparyantasyāśeṣasya svāṅgakalpanayā 
prameyīkṛtatvāt || 1 ||

apyupāyakramaprāpyaḥ saṅkulo'pi viśeṣaṇaiḥ |
bhaktibhājāṃ bhavānātmā sakṛcchuddho'vabhāsate || 2 ||

apyupāyeti | upāyakramastattacchāstroktajñānakriyāyogacaryādirviśeṣaṇaiḥ 
sarvajñatvasarvakartṛtvasarvaśaktimayādibhirasaṃkhyaiḥ yathoktamapi 
sargasiddhivācaḥ kṣayeran ityādi ca tathābhūtānāṃ śaktibhājāṃ sakṛtsantataṃ 
śuddhacidekaparamārtho'vabhāsate samāveśena sphurati yaśca kramaprāpyaḥ 
saṅkulaśca sa kathaṃ sakṛcchuddhaśca bhātīti virodhābhāsaḥ || 2 ||

jayanto'pi hasantyete jitā api hasanti ca 
bhavadbhaktisudhāpānamattāḥ kepyeva ye vibho || 3 ||

jayanto'pīti | jayanta iti bhedānāspadīkaraṇena samāviśantaḥ hasanti vikasanti jitā 
apīti vyutthānevākṛṣyamāṇā api samāveśasaṃskārādbahiśca vikasanti 
laukajayaparājayayorhasantyeva mattā hṛṣṭā atha ca ye mattāḥ kṣīvāste 
jayaparājayayorhasanto bhavanti kepītyalaukikāḥ || 3 ||

śuṣkakaṃ maiva siddheya maiva mucyeya vā'pi tu |
svādiṣṭhaparakāṣṭhāptatvadbhaktirasanirbharaḥ || 4 ||

p. 119) 

śuṣkakamiti | śuṣkameva śuṣkakaṃ kriyāviśeṣaṇaṃ śuṣkakaṃ 
bhaktisamāveśarahitaṃ kṛtvā tādṛśau bhogamokṣau bhedavādināṃ 
svādiṣṭau niratiśayacamatkāro dhārādirūḍhaśca yastvatsamāveśarasaḥ tena 
nirbharaṃ pūrṇaṃ kṛtvā ata eva śūṣkatānivṛttiḥ || 4 ||

yathaivājñātapūrvo'yaṃ bhavadbhaktiraso mama |
ghaṭitastadvadīśāna sa eva paripuṣyatu || 5 ||

yathaiveti | ajñātapūrva iti janmakoṭimadhye'pyavidita ayamiti sphuradrūpaḥ 
bhaktirasaḥ samāveśaprasaraḥ īśāna svatantra tadvaditi jhaṭityajñātapūrvaḥ 
yathaiveti yaṃ prakāraṃ tvameva jānāsītyarthaḥ || 5 ||

satyena bhagavannānyaḥ prārthanāprasaro'sti me |
kevalaṃ sa tathā ko'pi bhaktyāveśo'stu me sadā || 6 ||

satyeneti | atipraṇayaparicayādiyamuktiḥ | anya iti prārthanāto vyatiriktaḥ sa tathā 
ko'pīti vāgvikalpātītaḥ bhaktyāveśaḥ samāveśakaivalyam || 6 ||

bhaktikṣīvo'pi kupyeyaṃ bhavāyānuśayīya ca |
tathā haseyaṃ rudyāṃ ca raṭeyaṃ ca śivetyalam || 7 ||

bhaktīti | bhavāya saṃsārāya kupyeyaṃ grāmyatvena 
saṃsāramavalokayeyamityarthaḥ anuśayīyeti kathamiyantaṃ kālaṃ vyāmūḍha 
āsamiti paścāttāpamanubhaveyam haseyaṃ pramodena vikaseyam rudyāṃ 
ānandāśruplutaḥ syām ra.etyamiti śiva śiveti mukharaḥ syām kṣīvasyeva me 
nānāvṛtyudayo bhavatu || 7 ||

viṣamastho'pi sustho'pi rudannapi hasannapi |
gabhīro'pi vicitto'pi bhaveyaṃ bhaktitaḥ prabho || 8 ||

p. 120) 

viṣamastha iti | viṣamastho'pi daurgatyopahato'pi bhaktitaḥ svānandaviśrāntaḥ 
sūcīpuñjopaviṣṭa iva laukikaṃ sukhaṃ duḥkharūpeṇa paśyan tathā 
bāndhavamaraṇādyavasthāyāṃ rudannapi tathā antaścidvikāsalābhātprahṛṣyan 
tathā sāṃsārikapramodeṣu tathā hasannapi rudan śocanīyatāṃ manyamānastathā 
laukikavyavhāre gabhīro'pi parairanālakṣyo'pi vicittaḥ tāṃ daśāmutpātamiva 
manyamānastathā vicitto'pi kvacana sannipātādyavasare naṣṭasmṛtirapi gabhīraḥ 
parairālocitopyantardaśāvyāptipramodanirbharaḥ syām || 8 ||

bhaktānāṃ nāsti saṃvedyaṃ tvadantaryadi vā bahiḥ |
ciddharmā yatra na bhavānnirvikalpaḥ sthitaḥ svayam || 9 ||

bhaktānāmiti | saṃvedyaṃ saṃsāralīlādi ciddharmā citsvayamiti sākṣātsphuran 
nānyādhiṣṭhānena || 9 ||

bhaktā nindānukāre'pi tavāmṛtakaṇairiva |
hṛṣyantyevāntarā viddhāstīkṣṇāromāñcasūcibhiḥ || 10 ||

bhaktā iti | tava nindānukāre'pi upahatajantūpakḷptāmapraśaṃsāmanukurvanto 
bhaktā hṛṣyantyeva sphurattātvikarūpāḥ paramānandavyāptiṃ labhanta eva ata 
eva pāśanirbhedinībhistīkṣṇābhīromāñcasūcibhirāsamantādvidddhāḥ || 10 ||

duḥkhāpi vedanā bhaktimatāṃ bhogāya kalpate |
yeṣāṃ sudhārdrā sarvaiva saṃvittvaccandrikāmayī || 11 ||

duḥkhāpīti | vedanā saṃvit duḥkhāpi duḥkhakāriṇyapi bhogāyeti duḥkhasya 
camatkāryatvāccamatkartṛtāsārānandaghanapramātṛpadavittaye tata evāhaṃ 
sarvaiva saṃti citiśaktiḥ yeṣāṃ sudhārdrā paramānandaghanatvāccandrikāmayī 
parāśaktirūpā || 11 ||

p. 121) 

yatra tatroparuddhānāṃ bhaktānāṃ bahirantare |
nirvyājaṃ tvadvapuḥsparśarasāsvādasukhaṃ samam || 12 ||

yatreti | sukhaduḥkhataddhetvādirūpe uparuddhānāmavasthitānāṃ bhaktānāṃ 
nirvyājamantarvicitravāsanākāluṣyaśūnyaṃ tvadvapuścinmayatvātvatsvarūpasya 
saṃbandhi yatsparśarasāsvādasukhaṃ tatsamaṃ sarvatulyaṃ uktaṃ ca 
samavuddhirviśiṣyate iti || 12 ||

taveśa bhakterarcāyāṃ dainyāṃśaṃ dvayasaṃśrayam |
vilupyāsvādayantyeke vapuracchaṃ sudhāmayam || 13 ||

taveti | tavārcāyāṃ prāgvyākhyātāyāṃ yā bhaktiḥ sevā tasyāḥ 
dvayasaṃśrayaṃ bhedasambaddhaṃ dainyāṃśaṃ dīnatāleśamapi vilupya chitvā 
eke kecideva bhedavigalanādacchaṃ nirmalaṃ tadvadeva 
sudhāmayamānandarasasāraṃ vapurāsvādayanti camatkurvanti dainyāṃśamiti | 
atrāyamāśayaḥ dvaitabhakteradvaitabhaktiḥ sadyaḥ samāveśamayī 
dviatabhaktistvatathātvācchivatā'kāṅkṣāmayī || 13 ||

bhrāntāstīrthadṛśo bhinnā bhrāntereva hi bhinnatā |
niṣpratidvandvi vastvekaṃ bhaktānāṃ tvaṃ tu rājase || 14 ||

bhrāntā iti | tīrthadṛśaḥ śāstradṛṣṭayo yato bhrāntāstato bhinnāḥ 
yasmādbhinnatā nāma bhrānteraikyākhyāterheturbhavati na tu vastutaḥ bhaktānāṃ 
tattvamekamadvitīyaṃ vastutatvaṃ niṣpratidvandvitvāniccadghaṃ rājase dīpyase || 14 
||

mānāvamānarāgādiniṣpākavimalaṃ manaḥ |
yasyāsau bhaktimāṃllokastulyaśīlaḥ kathaṃ bhavet || 15 ||

mānāvamāneti | yasya bhaktimato mānāvamānayoḥ rāgādīnāṃ 

p. 122) 

ca yo niṣpākaḥ niḥśeṣeṇa pacanaṃ dagdhavījakalpatāpādanaṃ tena hetunā manaḥ 
svāntaṃ vimalamakalaṅkam || 15 ||

rāgaddveṣāndhakāro'pi yeṣāṃ bhaktitviṣā jitaḥ |
teṣāṃ mahīyasāmagre katame jñānaśālinaḥ || 16 ||

rāgeti | mahīyasāmiti īyasuno'yamāśayaḥ samavyāptikatvaṃ jñānināṃ 
bhaktānāṃ ca tatra bhaktānāṃ tu rāgadveṣāndhakārasya jayādviśeṣaḥ || 16 ||

yasya bhaktisudhāsnānapanādividhisādhanaṃ |
tasya prārabdhamadhyāntadaśāsuccaiḥsukhāsikā || 17 ||

yasyeti | bhaktireva sudhā amṛtaṃ sā yasya snānapānādividheḥ 
śuddhatṛptyādiphalasya vyāpāragrāmasya sādhanaṃ 
prārabdhamadhyāntadaśāsu ādau madhye cānte cārthātsarvavyāpārāṇāmuccaiḥ 
sukhāsikā paramānandaviśrāntitvam || 17 ||

kīrtyaścintāpadaṃ mṛgyaḥ pūjyo yena tvameva tat |
bhavadbhaktimatāṃ ślāghyā lokayātrā bhavanmayī || 18 ||

kīrtya iti | yeneti hetau uditi tasmāllokayātrā ca kīrtanādimatī ca || 18 ||

muktisaṃjñā vipakvāyāḥ bhaktereva tvayi prabho |
tasyāmādyadaśārūḍhā muktakalpā vayaṃ tataḥ || 19 ||

muktiriti | vipakvāyāḥ paraṃparipūrṇāyā ādyadaśāruḍheti 
uttarottaraprakarṣasādhanāyodyuktā api prathamabhūmikāyāṃ labdhasthitayaḥ 
muktakalpā iti manāṅmātreṇa sampūrṇamuktayo na tu muktāḥ || 19 ||

p. 123) 

duḥkhāgamo'pi bhūyānme tvadbhaktibharitātmanaḥ |
tatparācī vibho mābhūdapi saukhyaparamparā || 20 ||

duḥkhāgama iti | tvatparācī tvatparāṅmukhī || 20 ||

tvaṃ bhaktyā prīyase bhaktiḥ prīte tvayi ca nātha yat |
tadanyonyāśrayaṃ yuktaṃ yathā vettha tvameva tat || 21 ||

tvamiti | yāvanna parameśvaraḥ prīyate na tāvadbhaktiḥ yāvacca samāveśamayī 
bhaktiḥ na tāvatparameśvaraḥ prīyate bhaktimataścidānandamayaṃ vapuḥ 
prakaṭayati tadetadanyonyāśrayaṃ yathā yena prakāreṇa yathā yuktaṃ bhavati 
tathā tvameva atidurghaṭakāriṇaḥ svātantryādubhayaṃ ghaṭayasi na tvatra 
puruṣayuktayaḥ prabhavanti || 21 ||

sākāro vā nirākāro vāntarvā bahireva vā |
bhaktimattātmanāṃ nātha sarvathā'si sudhāmayaḥ || 22 ||

sākāra iti | bhaktyā mattaḥ prahṛṣṭa ātmā yeṣāṃ teṣāṃ sarvatra tvaṃ 
sudhāmayaḥ te hi sarvātmatvena paśyanti || 22 ||

asminneva jagatyantarbhavadbhaktimataḥ prati |
harṣaḥ prakāśanaphalamanyadeva jagatsthitam || 23 ||

asminniti | sarvajanātighore tena āpātamātre yadyapi bhaktimatāṃ lokavadeva 
jagadbhāti tathā'pi mṛgyamānametadeṣāṃ prakāśānandaghanameva || 23 ||

guhye bhaktiḥ pare bhaktirbhaktirviśvamaheśvare |
tvayi śambho śive deva bhaktirnāma kimapyaho || 24 ||

guhye iti | guhye rahasyarūpe pare pūrṇe asādhāraṇanāmodīraṇaṃ 
niratiśayatākhyāpanāya kimityasāmānyaṃ vastu || 24 ||

p. 124) 

bhaktirbhaktiḥ pare bhaktirbhaktirnāma samutkaṭā |
tāraṃ viraumi yattīvrā bhaktirme'stu paraṃ tvayi || 25 ||

bhaktiriti | vīpsāyāmeva vaivaśyaṃ prathayati paraṃ tīvrā dhārārūḍhā samutkaṭā 
abhyāsādyanapekṣaṃ pradīptāgnijvālāvajjhaṭityullasantī yuktaṃ caitat || 25 ||

yato'si sarvaśobhānāṃ prasavānirīśa yat |
tvayi lagnamanarghaṃ syādratnaṃ vā yadi vā tṛṇam || 26 ||

yato'sīti | asi tvaṃ yataḥ sarvāsā śobhānāṃ dīptānāñca prasavabhūḥ ato 
lokāpekṣayā yadratnamiti jātyutkṛṣṭaṃ tṛṇaṃ vetyanupādeyaṃ vā tattvīya 
cellagnaṃ samāveśena sambaddhaṃ tadanarghameva bhavati || 26 ||

āvedakādācavedyādyeṣāṃ saṃvedanādhvani |
bhavatā na viyogo'sti te jayanti bhavajjuṣaḥ || 27 ||

āvedeti | saṃvedanādhvani saṃvinmaye vedyavedakakṣobheṣapi yeṣāṃ tvayā na 
viyogaḥ te bhavantaṃ prītyā sevamānā jayaṃti || 27 ||

saṃsārasadaso bāhye kaiścittvaṃ parirabhyase |
svāminparaistu tatraiva tāmyadbhistyaktayantraṇaiḥ || 28 ||

saṃsāreti | saṃsārasadaso bāhye saṃsārasabhāmullaṅghya niyata eva pade 
kaiściditi dvādaśāntādipadasthaiḥ nimīlanasamādhiparairyogibhiḥ parirabhyase 
samāliṅgyase parairanubhāvato yuktitatvajñatayonmīlanasamādhānavidagdhaiḥ 
punastatraiva saṃsārasabhāmadhye eva tyaktayantraṇaiḥ 
parihṛtadhyānoccārakaraṇādyāyāsaiḥ tāmyadbhirgāḍhānurāgavivaśaiḥ 
gāḍhānurāgiṇāṃ hīdṛśyeva sthitiḥ || 28 ||

p. 125) 

pānāśanaprasādhana-
sambhuktasamastaviśvayā śivayā |
pralayotsavasarabhasayā
dṛḍhamupagūḍhaṃ śivaṃ vande || 29 ||

pānāśaneti | śivayā dṛḍhamupagūḍhaṃ āśliṣṭaṃ śivaṃ cidbhairavaṃ vande 
naumi samāviśāmīti yāvat kīdṛśyā 
pānāśanaprasādhanasambhuktasamastaviśvayā pānena rakṣaṇena sthityā aśanena 
kavalīkārātmanā saṃhāreṇa prasādhanena prakarṣeṇa siddhisampadādinā sargeṇa 
ca samyk bhuktaṃ pālitamabhyavahṛtaṃ ca tathā samastaṃ samyak kṣiptaṃ 
viśvaṃ yayā turyarūpayā śreyaḥsvabhāvayā śivayā ata eva pralayotsavena 
saṃsṛṣṭisthitisaṃhārāṇāmapi saṃharaṇātmanā'bhyudayena sarabhasayā 
sātiśayaṃ sphārayantyā tathā pānena sārāharaṇena aśanena 
avaśiṣṭaśalkaprāyavastubhakṣaṇena prasādhanenaitadavaśiṣṭaṃ samastaṃ 
saṃskāraśeṣamapi viśvaṃ yathā ata eva viśvasya pralayotsave sarabhasayā 
satvarayā bāhyakrameṇāpi taknādeḥ pānena māṃsāderaśanena asthyādeḥ 
prasādhanena bhūṣaṇatākaraṇena sambhuktaṃ svopayogapātrīkṛtaṃ 
samyagastaṃ cātmanyeva kṣiptaṃ samastaṃ ca ṣaṭtriṃśattatvamayaṃ viśvaṃ 
yayā pralayotsave kalpitasaṃhartṛpadapralīnatākaraṇakrīḍāyāṃ sarabhasayā 
prodyuktayā anuraṇanaśaktyā'pi pānacarbaṇamaṇḍanaiḥ saṃbhuktaṃ 
sambhogyatāṃ nītaṃ samastaṃ vibhavarūpaṃ viśvaṃ yayā sundaryā sā layotsave 
ubhayānandasamāpattyātmani sarabhasāsatī śaktimantamāśliṣyantī bhavati || 29 ||

parameśvaratā jayatyapūrvā
tava viśveśa yadīśitavyaśūnyā |

p. 126) 

aparā'pi tathaiva te yayedaṃ
jagadābhāti yathā tathā na bhāti || 30 ||

parameśvareti | he viśveśa tava apūrvā paramā prakṛṣṭā paramaśivarūpā 
īśvaratā jayati yadyasmādiyamīśitavyena bhinnena īśanīyena vastunā śūnyā 
svātmasātkṛtāśeṣaviśvatvāt aparā'pi paramaśivāpekṣayā sthūlā'pi 
sadāśiveśvararūpā tava sambandhi nīśvaratā tathaiveti apūrvā jayati ityarthaḥ 
yayedaṃ jagadyathetinīlasukhādidehādibhedena ābhāti tathā tenaiva prakāreṇa 
bhāsamānaṃ sat ahantāprakāśasamarasībhūtatvādevamātmanyasaṅkalpāḥ 
prakāśasyaiva santyamī jaḍāḥ prakāśa evāsti svātmanaḥ svaparātmabhiritisthityā 
bhātītyarthaḥ || 30 || iti śivam ||

iti śrīmadutpaladevācāryaviracitastotrāvalau
pāśānudbhedanāmani ṣoḍaśe stotre śrīkṣemarāja-
viracitā vivṛtiḥ ||


p. 127) 

oṃ tatsat | aho ko'pi jayatyeṣa svādupūjāmahotsavaḥ |
yato'mṛtarasāsvādamaśrūṇyapi dadatyalam || 1 ||

oṃ aho iti | eṣa ityanubhavasākṣikaḥ svādurānandamayaḥ ko'pīti samāveśātmā 
pūjotsavo jayati yataḥ pūjāmahotsavādasrūṇi bāṣpā api amṛtāsvādamalaṃ 
dadati ānandaprabhavāccamatkārameva puṣṇanti || 1 ||

vyāpārāḥ siddhidāḥ sarve ye tvatpūjāpuraḥsarāḥ |
bhaktānāṃ tvanmayā sarve svayaṃ siddhaya eva te || 2 ||

vyāpārā iti | ye tvatpūjopakramavyāpārāste tāvatsiddhidāḥ | bhaktānāṃ tu 
sākṣāt eva siddhayaḥ tvanmayatvena prakāśamānatvāt || 2 ||

sarvadā sarvabhāveṣu yugapatsarvarūpiṇam |
tvāmarcayantyaviśrāntaṃ ye mamaite'dhidevatāḥ || 3 ||

sarvadeti | yugapatsarvarūpiṇam akramakroḍīkṛtāśeṣanirbharaṃ tvāṃ 
sarvakālaṃ sarvatra ye aviśrāntaṃ kṛtvā arcayanti te mama 
adhiṣṭhātṛdevarūpāḥ || 3 ||

dhyānāyāsatiraskārasiddhastvatsparśanotsavaḥ |
pūjāvidhiriti khyāto bhaktānāṃ sa sadā'stu me || 4 ||

dhyānāyāseti | dhyānamuccārakaraṇādīnapyupalakṣayati tena 
tenoccārakaraṇadhyānādyāyāsasya tiraskāreṇa apahastanena 
yastvatsparśanotsavaḥ siddho prayatnasiddhaḥ sa eva bhaktānāṃ pūjāvidhiriti 
khyātaḥ yathoktam nirvikalpe mahāvyomni sā pūjā hyādarāllayaḥ iti eṣa sa eva 
pūjāvidhirmama sadā'stu || 4 ||

p. 128) 

bhaktānāṃ samatāsāraviṣuvatsamayaḥ sadā |
tvadbhāvarasapīyūṣarasenaiṣāṃ tadarcanam || 5 ||

bhaktānāmiti | viṣuvati pūjākartavyatvenāmnātā saiva viṣuvatsamayaḥ 
śivaikyaprathātmasamatāsārabhaktānāṃ sadaivāsti tathā tvadbhāvanārasa eva 
pīyūṣarasaḥ tena sadaiṣāmarcanamasti || 5 ||

yasyānārambhaparyantau na ca kālakramaḥ prabho |
pūjātmā'sau kriyā tasyāḥ kartārastvajjuṣaḥ param || 6 ||

yasyānārambheti | na ca kālakrama iti madhye'pi kramavattā nāsti asau 
samāveśaviśrāntyātmā kriyā tasyāśca tvajjuṣaḥ tvatsamāveśatatvajñā eva 
paraṃ kartāro nānye || 6 ||

brahmādīnāmapīśāste te ca saubhāgyabhāginaḥ |
yeṣāṃ svapne'pi mohe'pi sthitastvatpūjanotsavaḥ || 7 ||

brahmādīnāmiti | 
niḥsāmānyamaheśvarasamāveśaśālitvādbrahmādīnāmapīśvarā iti vastvevaitat 
na tvarthavādaḥ saubhāgya bhāgina iti ānandarasanirbharatvātsarvaspṛhaṇīyāḥ 
svapne'pi mohe'pīti na kevalaṃ jāgrati yāvatsvapnasuṣuptayoriti 
svarasoditastvatsparśanotsavastvatsamāveśābhyudayaḥ || 7 ||

japatāṃ juhvatāṃ snātāṃ dhyāyatāṃ na ca kevalam |
bhaktānāṃ bhavadabhyarcāmaho yāvadyadā tadā || 8 ||

japatāmiti | japadhyānādipade tāvadīśvarapūjāparā bhavanti bhaktā punaḥ sadaiva 
tvatpūjanotsavāviṣṭāḥ || 8 ||

bhavatpūjāsudhāsvādasambhogasukhinaḥ sadā |
indrādīnāmathā brahmamukhyānāmasti kaḥ samaḥ || 9 ||

p. 129) 

bhavatpūjeti | bhavatpūjaiva sudhāsvādasambhogastena yaḥ sukhī bhaktimān tasya 
brahmādīnāṃ madhyāt kaḥ samaḥ na kaścit atra yuktiruktaiva || 9 ||

jagatkṣobhaikajanake bhavatpūjāmahotsave |
yatprāpyaṃ prāpyate kiṃcidbhaktā eva vidanti tat || 10 ||

jgaditi | jagataḥ ṣaṭtriṃśattatvamayasya sthūlasūkṣmāderdehasya taddvāreṇa 
viśvasya kṣobhaṃ vigalatsvarūpatayā vaivaśyameva janayati yo 
bhavatpūjāmahotsavaḥ tatra yatkiñcitparamānandātmakaṃ pūrṇaṃ svaṃ 
svarupaṃ prāpaṇārhaṃ prāpyate tadbhaktā eva vidanti || 10 ||

tvaddhāmni cinmaye sthitvā ṣaṭtriṃśattatvakarmabhiḥ |
kāyavākcittaceṣṭādyairarcaye tvāṃ sadā vibho || 11 ||

tvaddhāmnīti | dhāma tejaḥ ṣaṭtriṃśattatvānāṃ karmāṇi 
kāyavākcittaceṣṭākhyāni tairitthaṃ pratyabhijñātavyāptikairahaṃ prabho 
tvāmarcaye dehādiṣaṭtriṃśattatvamayaṃ 
kaṭhinatvadravatvaprakāśamānatvādāgameṣu bahuṣu patipāditaṃ tathā 
triśiraḥśāstre sarvadevamayaḥ kāya ityupakramya pṛthivī kaṭhinatvena 
dravatve'mbhaḥ prakīrtitam ityādi triśiro bhairavaḥ sākṣādvyāpya viśvaṃ 
vyavasthitaḥ ityantamupadiṣṭam || 11 ||

bhavatpūjāmayāsaṅgasambhogasukhino mama |
prayātu kālaḥ sakalo'pyanantopīyadarthaye || 12 ||

bhavaditi | bhavatpūjāmayo ya āsaṅgaḥ tena tatparatvena yaḥ sambhogastena 
sukhino nirvṛtasya me sakalo niravaśeṣaḥ ananto niravadhiḥ prayātviti iyadarthaye 
na tvanyat || 12 ||

p. 130) 

bhavatpūjāmṛtarasā bhogalampaṭatā vibho |
vivardhatāmanudinaṃ sadā ca phalatāṃ mama || 13 ||

bhavatpūjeti | yāvadyāvadbhavatpūjāmṛtarasasambhogo mayā prāpyate 
tāvattāvadadhikamadhikaṃ tatra spṛhaṇīyālutāmeva vivardhatāṃ 
tadutkarṣasamāsādanaphalena ca sadā phalatu || 13 ||

jagadvilayasañjātasudhaikarasanirbhare |
tvadabdhau tvāṃ mahātmānamarcannāsīya sarvadā || 14 ||

jagaditi | jagato viśvasya vilayena saṃhāreṇa jāto yaḥ sudhāmaya eva rasaḥ tena 
nirbhare paripūrṇe tvatsamudre tvāmeva mahātmanaṃ viśvavyāpakaṃ sadā arcan 
ahamāsīya stheyām || 14 ||

aśeṣavāsanāgranthivicchedasaralaṃ sadā |
mano nivedyate bhaktaiḥ svādupūjāvidhau tava || 15 ||

aśeṣeti | tava pūjāvidhau bhaktaiḥ svādu camatkārasāraṃ sadā mano nivedyate 
tvayyevārpyate kīdṛk aśeṣā vāsanātmāno granthayo bandhāsteṣāṃ vicchedena 
vidalanena saralaṃ spaṣṭaṃ tyaktakusṛtikauṭilyam || 15 ||

adhiṣṭhāyaiva viṣayānimāḥ karaṇavṛttayaḥ |
bhaktānāṃ preṣayanti tvatpūjārthamamṛtāsavam || 16 ||

adhiṣṭhāyaiveti | imāḥ karaṇavṛttayo'pi cakṣurādidevyaḥ viṣayān 
rūpādīnadhiṣṭhāyaiva ākramyaiva sṛṣṭirakṣādidevatodayakrameṇa bhaktānāṃ 
tvatpūjārthamantaramamṛtāsavaṃ preṣayanti || 16 ||

bhaktānāṃ bhaktisaṃvegamahoṣmavivaśātmanām |
ko'nyo nirvāṇahetuḥ syāttvatpūjāmṛtamajjanāt || 17 ||

p. 131) 

bhaktānāmiti | bhaktisaṃvegamahoṣmā bhaktyudriktatejastena vivaśātmanāṃ 
prajvalitātmanāṃ tvatpūjāmṛtamajjanādanyo nirvāṇaheturna kaścit || 17 ||

satataṃ tvatpadābhyarcāsudhāpānamahotsavaḥ |
tvatprasādaikasamprāptirheturme nātha kalpyatām || 18 ||

satatamiti | tvatpadārcā prāgvat sadaiva 
ānandavyāptipradatvātsudhāpānamahotsavaḥ kīdṛk tvatprasādasya 
cidānandātmakatvāt svarūpanairmalyasyekaḥ samprāptiheturyasya sa me satataṃ 
kalpatāṃ ghaṭatām || 18 ||

anubhūyāsamīśāna pratikarma kṣaṇātkṣaṇam |
bhavatpūjāmṛtāpānamahāsvādamahāmudam || 19 ||

anubhūyeti | pratikarma prativyāpāre kṣaṇāt kṣaṇaṃ bhūyo bhūyaḥ 
bhavatpūjāmṛtāpānasya sambandhī madapradhāno harṣaprabalaḥ 
āsvādastadutthāṃ mahāmudaṃ paramānandamanubhūyāsam āmudaṃ mudaḥ 
paryante mahatī mut pūjāsvādasya ca || 19 ||

dṛṣṭārtha eva bhaktānāṃ bhavatpūjāmahodyamaḥ |
tadaiva yadasambhāvyaṃ sukhamāsvādayanti te || 20 ||

dṛṣṭārtha iti | prāptavyasya prāptatvānnaiṣāmākāṅkṣā kvacidasti yatastato 
dṛṣṭārtha eva tvatpūjāyāṃ mahānudyamaḥ tathā hi tadaiva pūjāsamaya eva 
asambhāvyaṃ sukhaṃ paramānandaṃ te bhaktā āsvādayanti || 20 ||

yāvanna labdhastvatpūjāsudhāsvādamahotsavaḥ |
tāvannāsvādito manye lavo'pi sukhasampadaḥ || 21 ||

p. 132) 

yāvaditi | lavo'pītyatredamākūtaṃ laukikasukhāni asukhānyeva kṛtrimatvāt 
yastvakṛtrimaḥ samāveśānandaḥ saiva pāramārthikī sukhasampat || 21 ||

bhaktānāṃ viṣayānveṣābhāsāyāsādvinaiva sā |
ayatnasiddhaṃ tvaddhāmasthitiḥ pūjāsu jāyate || 22 ||

bhaktānāmiti | pūjāsu samāveśakāleṣu dhyānādiyatnaṃ vinā siddhaṃ 
prasphurantī tvaddhāmani sthitiḥ seti lokottarā bhaktānāṃ jāyate kathaṃ 
viṣayāṇāṃ kusumadhūpavilepanādīnāmanveṣābhāso mārgaṇapratītiḥ sa 
evāyāsastaṃ vinaiva tadviraheṇetyarthaḥ || 22 ||

na prāpyamasti bhaktānāṃ nāpyeṣāmasti durlabham |
kevalaṃ vicarantyete bhavatpūjāmadonmadāḥ || 23 ||

neti | pūrṇaśivātmakasvasvarūpalābhādbhaktānāṃ prāpaṇīyaṃ durlabhaṃ vā na 
kiṃcidasti bhaktyāsavakṣībāśca kevalamaprayojanameva vicaranti || 23 ||

aho bhaktibharodāracetasāṃ varadatvayi |
ślāghyaḥ pūjāvidhiḥ ko'pi yo na yāñcākalaṃkitaḥ || 24 ||

aho iti | udāracetastvaṃ tvata eṣāmeva ye varadamapi tvāṃ na kiṃcana yācante 
ko'pītyalaukikaḥ || 24 ||

kā na śobhā na ko hlādaḥ kā samṛddhirnavāparā |
kovānamokṣaḥ ko'pyeṣa mahādevo yadarcyate || 25 ||

kā iti | ko'pīti cidātmā maheśvaro yadarcyate sā śobhādīptiḥ kā na sarvetyarthaḥ 
evamanyat ko vā na mokṣa iti 
sāṃkhyavaiṣṇavaśāktanākulapāśupātādimokṣātiśāyinaḥ paramānandasārasya 
viśvaparipūrṇatāmayasya mokṣasya lābhāt || 25 ||

p. 133) 

antarullasadacchācchabhaktipīyūṣapoṣitam |
bhavatpūjopayogāya śarīramidamastu me || 26 ||

antariti | antaḥ saṃvitpade ullasatā acchācchena viśvapratibimbakṣameṇa 
bhaktipīyūṣeṇa samāveśāmṛtena poṣitaṃ pāradena tāmramiva 
kālikākṣapaṇena didīpyamānakalyāṇamayīkṛtaṃ idaṃ mama śarīraṃ 
bhavatpūjopayogāyāstu samāveśarasaṃ siddhamapi tvayyeva cidānandaghane 
praviśya vilīyatām || 26 ||

tvatpādapūjāsambhogaparatantraḥ sadā vibho |
bhūyāsaṃ jagadīśāna ekaḥ svacchandaceṣṭitaḥ || 27 ||

tvaditi | jagatāṃ kālāgnyādisadāśivāntānāmīśaḥ svāmī svatantro'haṃ 
tvatpādapūjāhlādaparatantraḥ syām etadeva hi tadasādhāraṇaṃ jagadaiśvaryaṃ 
svātantryaṃ ca ye tvatpādasamāveśavaivaśyam anyapādaṃ pārataṃtrye'pi 
niḥsāmānyamaiśvaryaṃ svātantryaṃ cetyadbhutarasadhvaniḥ || 27 ||

tvaddhyānadarśanasparśatṛṣi keṣāmapi prabho 
jāyate śītalasvādu bhavatpūjāmahāsaraḥ || 28 ||

tvaddhyāneti | parameśvaraṃ cidānandaghanamapi paśyeyamapi spṛśeyamiti 
yattvaddhyāne darśanasparśanatṛṭ tasyāṃ satyāṃ keṣāmapīti 
sākṣāttvadanugṛhītānāṃ śītalasvādu bhavatpūjāmahāsaro jāyate 
santāpahārisacamatkāratvadarcā paripūrṇaḥ samudro nava evotpadyata ityarthaḥ || 
28 ||

yathā tvameva jagataḥ pūjāsambhogabhājanam |
tathaiva bhaktimāneva pūjāsambhogabhājanam || 29 ||

p. 134) 

yatheti | jagato viśvasya madhyāttvameva vyākhyātarūpasya pūjāsambhogasya 
bhājanamāśrayo yathā he īśa svāmin tathā bhaktimāneva samāveśaśālyeva 
tādṛśaḥ pūjāsambhogasya bhājanaṃ nivartaka ityarthaḥ || 29 ||

ko'pyasau jayati svāminbhavatpūjāmahotsavaḥ |
ṣaṭtriṃśato'pi tattvānāṃ kṣobho yatrollasatyalam || 30 ||

ko'pīti | nītisamāveśaśālī hyasāviti svāminnitīritaḥ ṣaṭtriṃśato'pīti 
dehāśrayāṇāṃ taddvāreṇa tadbāhyānāṃ tatvānāṃ kṣobha iti 
saṃvidagniploṣavaiṣamyam || 30 ||

namastebhyo vibho yeṣāṃ bhaktipīyūṣavāriṇā |
pūjyānyeva bhavanti tvatpūjopakaraṇānyapi || 31 ||

namastebhya iti | tvatpūjārthamupakaraṇāni kusumādīni yeṣāṃ 
bhaktipīyūṣavāriṇā samāveśāmṛtarasena pūjyāni bhavanti tvadāplavanena 
śivatādivyakteḥ pūjārhāṇi jāyante tebhyo namaḥ || 31 ||

pūjārambhe vibho dhyātvā mantrādheyāṃtvadātmatām |
svātmanyeva pare bhaktā mānti harṣeṇa na kvacit || 32 ||

pūjeti | mantreṇa mananatrāṇadharmeṇa cinmāhātmyaprakarṣakeṇa ādhātavyāṃ 
śivo bhūtveti sthityā sampādyāṃ tvadātmatāṃ pūjārambhe dhyātvā cintayitvā 
mantroccicārayiṣātmakapūjāpravivṛtsāyāmevāyamevodayastasyeti nītyā 
bhaktiprakarṣācchivībhūya bhaktāḥ svātmanyeva pare pūrṇarūpeṇa na mānti na 
vartante || 32 ||

rājyalābhādivotphullaiḥ kaiścitpūjāmahotsave |
sudhāsavena sakalā jagatī saṃvibhajyate || 33 ||

p. 135) 

rājyeti | utphullairiti mahāvikāsayuktyā śrībhairavīyamudrānupraviṣṭaiḥ 
sudhāsavenāmṛtapānena jagatī samastā vedyavedakabhūḥ saṃvibhajyate 
paripūryate svānandamayīkriyate rājyalābhotphullaiścotsave sarvā bhūḥ āsavena 
saṃvibhajyate iti spaṣṭam || 33 ||

pūjāmṛtāpānamayo yeṣāṃ bhogaḥ pratikṣaṇam |
kiṃ devā uta muktāste kiṃ vā kepyeva te janāḥ || 34 ||

pūjeti | bhogaścamatkāraḥ pratikṣaṇamitravicchedena kepyeveti stotraśatairapi 
stotumaśakyāḥ || 34 ||

pūjopakaraṇībhūtaviśvāveśena gauravam |
aho kimapi bhaktānāṃ kimapyeva ca lāghavam || 35 ||

pūjeti pūjāyāṃ yadupakaraṇībhūtaṃ parikarībhūtaṃ viśvaṃ 
ṣaṭtriṃśattattvarūpaṃ śarīraṃ bāhyaṃ ca tasya ya 
āveśaścidbhūmāvanupraveśastena ata aho āścaryaṃ kimapyasāmānyaṃ 
bhaktānāṃ gauravaṃ prabhāvitatvam lāghavaṃ ca 
prayatnenaivāśeṣasvīkāritvamatha ca māyīyabhedabhāranivṛttiḥ gaurave ca 
kathaṃ lāghavamiti virodhacchāyā || 35 ||

pūjāmayākṣavikṣepakṣobhādevāmṛtodgamaḥ |
bhaktānāṃ kṣīrajaladhikṣobhādeva divaukasām || 36 ||

pūjāmayeti | pūjāmkayāni viśvasya cidbhūmiviśrāntidāyīni 
devatācakrodayamayāni akṣāṇi indriyāṇi teṣāṃ vikṣepaḥ 
svaviṣayagrahaṇaparatvaṃ sa eva kṣobho vyākulatā tata 
evālpabodhāpeks'yā'bhimatādapi bhaktānāmamṛtasya mahānandasyodgama 
ullāso grāhyagrāhakaviplave'pi bhaktānāṃ cidānandābhivyaktireve-

p. 136) 

tyarthaḥ taduktam grāhyapravṛttāvapi tatsvabhāva iti yathā devānāṃ 
kṣīrasamudrakṣobhādamṛtasya sudhāyā ullāsaḥ atrāpi pūjāsavasya pūjyasya 
nāgarājātmanaḥ akṣasya netrasya yo vikṣepaḥ ākars.āpakarṣakramaḥ sa eva kṣobha 
iti || 36 ||

pūjāṃ kecana manyante dhenuṃ kāmadughāmiva |
sudhādhārādhikarasāṃ dhayantyantarmukhāḥ pare || 37 ||

pūjāmiti | yathā kāmadhenurabhīṣṭaṃ pūrayati tathā kecitphalakāṅkṣiṇaḥ 
pūjāṃ manyante niścinvanti pare kecideva sudhādhārādhikaḥ 
amṛtadhārātiśāyī rasaḥ prasaro yasyāstāṃ pūjāmeva 
kāmadhenumantarmukhāḥ santo dhayanti pivanti sadya eva camatkurvantītyarthaḥ || 
37 ||

bhaktānāmakṣavikṣepo'pyeṣa saṃsārasaṃmataḥ |
upanīya kimapyantaḥ puṣṇātyarcāmahotsavam || 38 ||

bhaktānāmiti | akṣavikṣepaḥ indriyaprasaro loke saṃsāratvena saṃmataḥ 
kimapītyalaukikamānandarūpam upanīya prāpayya bhaktānāṃ karaṇe 
śrīcakraprasarasamāviṣṭānām arcāmahotsavaṃ pūrṇasvarūpabiśrāntiṃ puṣṇāti 
tathā ca mamaiva 
prajñāmandaramaktitāsamamahābhedodadherudgatānyakṣakṣepavivartanābhi##-
bhūtīranādṛtya ye pāyaṃ pāyamalaṃ pivanti jagati ślāghyāsta evāmarā iti || 38 
||

bhaktikṣobhavaśādīśa svātmabhūte'rcanaṃ tvayi |
citraṃ dainyāya no yāvaddīnatāyāḥ paraṃ phalam || 39 ||

bhaktīti | tvayi svātmabhūte yadbhaktikṣobhasamāveśavaivaśyādarcanaṃ 
taccitramāścaryaṃ dainyāya na bhavati na kāṃciddinatāṃ phalati 

p. 137) 

anyeṣāṃ hyetadākāṅkṣāpradhānamevaṃ na kevalamevaṃ yāvatpratyuta dīnatayā 
laukikyāḥ spṛhāyāḥ paraṃ pāryantikamānandarūpaṃ vibhavādiphalasyāpi 
phalabhūtaṃ paraṃ ca pūrṇaṃ phalam || 39 ||

upacārapadaṃ pūjā keṣāṃcittvatpadāptaye |
bhaktānāṃ bhavadaikātmyanirvṛtiprasarastu saḥ || 40 ||

upacāreti | keṣāṃciditi bhedaniṣṭhānāṃ tvatpadāptaye tvadīyaṃ padaṃ 
prāptamupacārapadaṃ kriyābhūrārādhanopāyamātrameva bhaktānāṃ tu 
bhavadaikātmyarūpāyā nirvṛteḥ sa prasaro vikāsaḥ sa iti vidheyāpekṣaṃ 
puṃliṅgam || 40 ||

apyasambaddharūpā'rcā bhaktyunmādanirargalaiḥ |
vitanyamānā labhate pratiṣṭhāṃ tvayi kāmapi || 41 ||

apīti | pūjāyāṃ manāgapīti kartavyatā'nyathābhāve pratyavāyaḥ yaḥ 
prakriyāśāstre yuktaḥ āścaryaṃ punaridaṃ bhaktyunmādena 
samāveśavaivaśyena nirargalaiḥ vismṛtetikartavyatāniyamairasambaddharūpāpi 
asamañjasā'pi arcā vitanyamānā prasāryamāṇā kāmapīti kriyāniṣṭhaiḥ 
sambhāvayitumapyaśakyāmasāmānyāṃ pratiṣṭhāṃ 
samyagābhimukhyenāvasthitiṃ tvayi labhate ityadbhutadhvaniḥ || 41 ||

svādubhaktirasāsvādastabdhībhūtamanaścyutām |
śambho tvameva lalitaḥ pūjānāṃ kila bhājanam || 42 ||

svādviti | svāduścamatkārasāro yo bhaktirasastasyāsvādanena stabdhībhūtaṃ 
calitacāñcalyaṃ yanmanastataścyut cyavanaṃ prasaro yāsāṃ pūjānāṃ 
viśvārpaṇakriyāṇāṃ tāsāṃ lalito hṛdyucitastvameva cidātmā śambho 
śreyonidhe bhājanamāśrayaḥ 

p. 138) 

kileti yuktau etadeva yujyata ityarthaḥ anyasya 
brahmāderbhedamayatvenedṛgarcāpātratvābhāvāt pūjānāmiti bahuvacanaṃ 
vicitraviśrāntisāratāprathanāya || 42 ||

paripūrṇāni śuddhāni bhaktimanti sthirāṇi ca |
bhavatpūjāvidhau nātha sādhanāni bhavantu me || 43 ||

paripūrṇānīti | bhavataścinnāthasya pūjāvidhau avaśyakāryāyāmarcāyāṃ mama 
sādhanāni cakṣurādīni ata eva cinmarīcimayatvācchuddhāni bhaktimanti 
viśvārpaṇena tvatsevāparāṇi kadācidapi pāśavavāsanā'spṛṣṭatvāt sthirāṇi 
nityamīdṝṃśyeva bhavantu || 43 ||

aśeṣapūjāsatkośe tvatpūjākarmaṇi prabho |
aho karaṇavṛndasya kā'pi lakṣmīrvijṛmbhate || 44 ||

aśeṣeti | imāmeva daśāṃ vimṛśannāha 
śaktīnāmullāsaprasarādiprabhavaśīlaprabho aśeṣāṇāṃ pūjānāṃ vicitrāṇāṃ 
satkośe śobhanagañjarūpe tvatpūjākarmaṇi 
pūrṇacidānandaghanaśrīmannāthabhairavasvarūpaviśrāntau karaṇavṛndasya 
raśmicakrasya aho kā'pi svasaṃvitsākṣikā lakṣmīḥ dīptirvijṛmbhate sphuratīti 
mahārthaparipūrṇasyāsya sāropadeśavarṣīṇi imāni sūktānyullasanti || 44 ||

eṣā peśalimā nātha tavaiva kila dṛśyate |
viśvevaro'pi bhṛtyairyadarcyase yaśca labhyase || 45 ||

eṣā iti | tānyevāha peśalimā saralatā tavaiveti cidghanatvena sarveṣāmātmano 
viśveśvaratve'pi sadāśivādīnāmapi svāmī arcyase samāviśyase labhyase 
nirargalamātmīkriyase || 45 ||

sadā mūrtādamūrtādvā bhāvādyadvāpyabhāvataḥ |
uttheyānme praśastasya bhavatpūjāmahotsavaḥ || 46 ||

p. 139) 

sadeti | mūrto bhāvo ghaṭādiḥ amūrtaḥ sukhādiḥ mūrto bhāvo ghaṭasya kapālāni 
abhāvo vikalpakalpitaprasajyapratiṣedhātmā tata uttheyāditi samastaṃ 
bhāvābhāvapadamadharīkṛtya unmajjyāmityarthaḥ 
bhavatpūjāmahotsavastvadviśrāntyudayaḥ bhāvādityādikā lyablope pañcamī || 46 
||

kāmakrodhābhimānaistvāmupahārīkṛtaiḥ sadā |
ye'rcayanti namastebhyasteṣāṃ tuṣṭo'si tattvataḥ || 47 ||

kāmakrodheti | sarvacittavṛttīnāṃ kāmādibhiḥ 
svīkārātteṣāmevopādānamupahārīkṛtairvicārya tvayyevārpitaiḥ tatvatastuṣṭo'si 
harṣāmarṣabhayakrodhairmukto yaḥ sa ca me priyaḥ ityabhidhānāt nanu ca 
śrīmanmahārthasāroktimaye svakṛtastotre'yaṃ śloko dadrusthānīyaḥ satyam 
aśeṣavāsanāgranthītyādikasyāpi smartavyaṃ lokavadbhavattame nijanijeṣu 
asminneva jagati āvedakatpānāśanasamullāsa na kvāpi gatve'tyādayastvanuguṇā 
apyatra ślokā na santi udayamasamañjasaśayyāprastāriṇaḥ viśvāvartasyaiva 
prasādaḥ evamanyeṣvapi stotreṣvevaṃprāyaṃ bahuracitamasti na 
tvasmābhirnodghāṭitamityalam sūktānyevānusarāmaḥ || 47 ||

jayatyeṣa bhavadbhaktibhājāṃ pūjāvidhiḥ paraḥ |
yastṛṇaiḥ kriyamāṇo'pi ratnairevopakalpate || 48 ||

jayatīti | apirbhinnakramastena tṛṇairapi kriyamāṇaḥ yo ratnairevopakalpate 
pūrṇaviśrāntiprado bhavati sa bhagavadbhaktibhājāṃ tvatsamāveśena śālināṃ 
paraḥ pūrṇaḥ pūjādhirjayatīti śivam || 48 ||

iti śrīmadīśvarapratyabhijñākārotpaladevācāryaviracitasaptadaśastotre 
parameśvarastotrāvalau divyakrīḍābahumānanāmani
śrīkṣemarājaviracitā vivṛtiḥ || 17 ||


p. 140) 

oṃ tatsat | jagatontarato bhavantamāptvā
punaretadbhavatontarāllabhante |
jagadīśa tavaiva bhaktibhājo
na hi teṣāmiha dūrato'sti kiṃcit || 1 ||

oṃ jagata iti | he jagadīśa ye tavaiva cidrūpasya svātmano bhaktibhājaste jagato 
viśvasyāntarato madhyāt bhavantamāptvā prakāśamānavyavahārapadādeva 
prakāśarūpaṃ tvāṃ labdhvā punarasya te jagadbhavataścidrūpasyāntarato 
madhyāllabhante yasmātteṣāṃ bhaktibhājāṃ samyak 
pratyabhijñātaviśvātmakatvatsvarūpāṇāmiha jagati dūre na kiṃciditi sarvasya 
svāṅgakalpatvena sphuraṇāt taduktam yo māṃ paśyati sarvatra sarvaṃ ca mayi 
paśyati | ityādi gītāsu || 1 ||

kvacideva bhavānkvacidbhavānī
sakalārthakramagarbhiṇī pradhānā |
paramārthapade tu naiva devyā
bhavato nāpi jagattrayasya bhedaḥ || 2 ||

kvaciditi | muktau kvaciditi tadupāyatāyāṃ bhoge ca bhavānī parā śaktiḥ sakalaḥ 
kālādikṣityantaḥ arthakramaḥ prameyarāśirgarbhe'ntaḥ 
śimbikābījavatsaṃspṛṣṭau yasyāḥ paramārthapade galitakalpanāyāṃ 
tātvikyāṃ dṛṣṭau punaḥ jagattrayasyāpi bhavātibhavābhayātmanaḥ tvatto bhedo 
nāsti kiṃ punaḥ śakteḥ || 2 ||

no jānate subhagamapyavalevapanto
lokāḥ prayatnasubhagā nikhilā hi bhāvāḥ |

p. 141) 

cetaḥ punaryadidamudyatamapyavaiti
naivātmarūpamiha hā tadaho hato'smi || 3 ||

no jānata iti | lokāstāvadavalepavantaḥ santaḥ subhagamapi cidātmakaṃ rūpaṃ 
bhāvānāṃ na jānanti yataḥ prayatnane sarvathā niścayena subhagā utkṛṣṭā eva 
nikhilāḥ sarve bhāvāḥ prakāśamānatvena cinmayatvātpunarāstāṃ 
bhāvasvarūpajñānaṃ āścaryamātmano'pi rūpamudyatamapi ceto yatraivāvaiti 
samāveśadhārārurukṣāraṇakākrāntamapi yaścidaikātmyaṃ na labhate tat 
hato'smi iti jagati samāveśaprakarṣamalabhamānasya tāmyata iyamuktiḥ || 3 ||

bhavanmayasvātmanivāsalabdha-
sampadbharābhyarcitayuṣmadaṅghriḥ |
na bhojanācchādanamapyajastra-
mapekṣate yastamahaṃ namāmi || 4 ||

bhavanniti | bhavān cidrūpaḥ prakṛtaṃ rūpaṃ yasya tathābhūte svātmani 
nivāsena viśrāntyā labdhena sampadbhareṇa paramānandabhūtiprasareṇābhyarcitau 
gāḍhamabhedenāvaṣṭabdhau yuṣmadaṅghro yena tathā bhūto'jastraṃ yo 
bhojanācchādanamapi nāpeks'te aśnanyadvātadveti sthityā vyavahārānapekṣaḥ 
pūjāpara eva tamahaṃ naumi || 4 ||

sadā bhavaddehanivāsasvastho-
pyantaḥ paraṃ dahyata eṣa lokaḥ |
tavecchayā tatkuru me yathā'tra
tvadarcanānandamayo bhaveyam || 5 ||

sadeti | sadā bhavadīye dehe upacite svarūpeti vasanena vastutaḥ svasthaḥ 
ānandamayopyeṣa lokaḥ tavecchayā bhedapravāharūpayā

p. 142) 

tvanmayyā śaktyā ataḥ paramatiśayena dahyate tadduḥkhairāyāsyata yata evaṃ 
yasmāttavecchayā'nujighṛkṣayā'tra kalpite viṣaye tvaṃ me bhaktasya taditi tathā 
kuru yathā'haṃ tvadarcanānandamayaḥ syām || 5 ||

svarasoditayuṣmadaṅghripadma-
dvayapūjāmṛtapānamuktacittaḥ |
sakalārthacayeṣvahaṃ bhaveyaṃ
sukhasaṃsparśanamātralokayātraḥ || 6 ||

svaraseti | svarasenāprayatnamevoditā yā yuṣmadaṅghripūjā 
tvatsamāveśasampatsaivāmṛtapānaṃ tatra saktacitto viśrāntimānasaḥ sakaleṣu 
heyopādeyādyabhimateṣu arthacayeṣu vyavahāreṣu ahaṃ 
sukhasparśanamātralokayātro bhaveyaṃ svānandollāsasārajagadvyavahāraḥ syām 
|| 6 ||

sakalavyavahāragocare
sphuṭamantaḥ sphurati tvayi prabho |
upayāntyapayānti cāniśam 
mama vastūni vibhāntu sarvadā || 7 ||

sakaleti | sarvadā sadā'niśaṃ nirvirāmaṃ vyavahāraviṣayasyāntarmama tvayi 
cidrūpe sphuṭaṃ sphurati sati sarvāṇi vastūni upayāntyapayānti ca sṛjyamāṇāni 
saṃhriyamāṇāni ca sphurantu tvadāviṣṭo'haṃ sadā 
bhāvasargasaṃhārakṛtsyāmityarthaḥ upayāntyapayānti ceti pāṭhe āgacchanto'pi 
darpaṇapratibimbavadvilīyamānā eva na tvavasthitiṃ manāgapi bhajamānā bhāntu 
iti vyākhyeyaṃ ca evārthe udyanto vinaśyantaśca lokavadyathā bhānti tathā 
bhāntviti vā yojyam || 7 ||

p. 143) 

satatameva tavaiva pure'thavā'-
pyarahito vicareyamahaṃ tvayā |
kṣaṇalavopyatha mā sa bhavet sma me 
na vijaye nanu yatra bhavanmayaḥ || 8 ||

satatamiti | tavaiva sambandhini pure pūrake śānte pade vicareyaṃ 
śāktasamāveśaśālī syām athavā tvayā virahita iti śāmbhavasamāveśamayaḥ 
athavā bhavanmaya iti tvadrūpo vimuktasvabhāvo yatra na vijaye na sarvotkarṣeṇa 
varte sa kṣaṇalavo'pi me mā bhūdityuttarottarasātiśayadaśāśaṃsāparametat nanu 
vitarke || 8 ||

bhavadaṅgaparisravatsuśītā-
mṛtapūrairbharite samantato'pi |
bhavadarcanasampadeha bhaktā-
stava saṃsārasarontare caranti || 9 ||

bhavaditi | tava bhaktāḥ bhavadarcanasampadā tvadviśrāntisampadopalakṣitā iha 
saṃsārasaraso bhavasamudrasyāntare madhye caranti vyavaharanti kīdṛśi 
bhavadīyātparaśaktirūpādaṅgātparitaḥ samantātsravadbhiḥ suṣṭu śītalaiḥ 
duḥkhānalatāpopaśāntidairamṛtapūrairānandollāsaiḥ samantādbharite pūrite iti 
yāvat || 9 ||

mahāmantratarucchāyāśītale tvanmahāvane |
nijātmani sadā nātha vaseyaṃ tava pūjakaḥ || 10 ||

mahāmantreti | mahāmantraḥ paravāgrūpaḥ śuddhā'haṃvimarśa eva 
śaktiśākhāśataiḥ prasṛtatvāttarustasya chāyayā kāntyā śītale 

p. 144) 

bhedasantāpahāriṇi tvanmahāvane tvameva cidānandātmā mahāvanaṃ vipulaṃ 
viśrāntisthānaṃ tatra nijātmani svasvabhāve nātha sadā tava pūjakaḥ tvadarcāparo 
vaseyaṃ sthitiṃ badhnīyām || 10 ||

prativastu samastajīvataḥ
pratibhāsi pratibhāmayo yathā |
mama nātha tathā puraḥ prathāṃ
vraja netratrayaśūlaśobhitaḥ || 11 ||

prativastviti | prativastu pratibhāvaṃ samastajīvataḥ sarveṣāṃ jīvānāmasi tvaṃ 
yathā pratibhāmayaḥ saṃvidrūpaḥ nīlādigrahaṇānyathānupapatyā pratibhāsi 
apratyabhijñāto'pi vastutaḥ sphurasi tathā mama dāsasya nātha puro'gre sarvatra 
netratrayeṇa śūlena ca śobhitaḥ niratiśayāsādhāraṇābhijñānena samyak 
pratybhijñātaḥ san prathāṃ vraja prakaṭībhava samāveśena sphuretyarthaḥ 
netratrayaśūle asādhāraṇābhijñānopalakṣaṇapare na punaratrākāre bharaḥ 
samastajīvata iti yoge śam || 11 ||

abhimānacarūpahārato
samatābhaktibhareṇa kalpitāt |
paritoṣagataḥ kadā bhavā-
nmama sarvatra bhaveddṛśaḥ padam || 12 ||

abhimāneti | abhimāno'haṅkāra eva caruḥ sthālīpākastasyopahāro 
bhagavatyarpaṇaṃ parāhaṃbhāvagrahaṇaṃ tataḥ kīdṛśānmama maheśvaraḥ 
svāmī astītyevaṃ samatāpradhānaḥ yo bhaktirasaḥ sevāprasarastena 
kalpitātsampāditātparitoṣaṃ gataḥ prasannaḥ san bhavā-

p. 145) 

nkadā sarvatra mama dṛśo darśanasya padaṃ viśrāntibhūrbhavet galite 
dehādyabhimāne tvanmayameva viśvaṃ sākṣātkuryāmityarthaḥ || 12 ||

nivasanparamāmṛtābdhimadhye
bhavadarcāvidhimātramagnacittaḥ |
sakalaṃ janavṛttamācareyaṃ
rasayansarvata eva kiṃcanāpi || 13 ||

nivasanniti | ahaṃ bhavadarcanavidhimātre magnacittaḥ āsaktaḥ san 
paramāmṛtābdhimadhye cidānandasamudrasyāntarvasan sakalaṃ janavṛttaṃ 
lokaceṣṭitamācareyaṃ kīdṛk sarvataḥ sarvasyaiva madhyāt kiṃcanāpi 
alaukikamānandasvarūpamabhīṣṭaṃ rasayan || 13 ||

bhavadīyamihāstu vastutatvaṃ
vivarītuṃ ka ivātra pātramarthe |
idameva hi nāmarūpaceṣṭā-
dyasamante harate haro'si yasmāt || 14 ||

bhavadīyamiti | iha jagati yāvatkiṃcidvastu tatsarvaṃ bhavadīyaṃ 
tvadvibhūtirūpamiti etadomityevāstu atrārthatatvaṃ vivarītuṃ ka iva bhaktimān 
pātraṃ na kaścit yato yāvadvayaṃ etadvicārayituṃ prakramāmahe 
tāvadyadupakramavicāraḥ tattvadīyamidamevāsāmānyamanubhavasiddhaṃ 
nāmarūpaceṣṭādi maheśvara ityādi nāmacidghanaṃ rūpaṃ 
sarvasṛṣṭisaṃhārakāriṇī ceṣṭādigrahaṇātsarvajñatā 
svatantrādirūpastatprathamameva sphurat taddharate samāveśavaikalyāpādanena 
vismṛtavyāpārānasmānsampādayati yuktaṃ caitat yatastvaṃ haratīti hara 
ityanvarthanāmnā || 14 ||

p. 146) 

śāntaye na sukhalipsutā manā-
gbhaktisambhṛtamadeṣu taiḥ prabho |
mokṣamārgaṇaphalā'pi nārthanā
smaryate hṛdayahāriṇaḥ puraḥ || 15 ||

śāntaya iti | bhaktyā sambhṛto mado yatra teṣu tvaddāseṣu viṣaye śāntaye 
duḥkhanivṛttaye yā sukhalipsutā bhogaspṛhā sā manāgapi nāsti 
bhaktisambhṛtamadatvādeva taiśca puraḥ prabho iti sākṣātkṛtasyāgre 
mokṣamārgaṇaphalāpyarthanā na smaryate kīdṛśaprabhoḥ hṛdayahāriṇaḥ 
māyāpramātṛṇāṃ śamayataḥ ata eva yeṣāṃ hṛdayameva hṛtaṃ te 
kathamanyatsmareyurityeṣāṃ samāveśaparataivoktā || 15 ||

jāgaretaradaśāthavā parā
yā'pi kācana manāgavasthiteḥ |
bhaktibhājanajanasya sā'khilā
tvatsanāthamanaso mahotsavaḥ || 16 ||

jāgareti | avasthiterjagadvyavasthāyāḥ sambandhinī yā kācit 
jāgarasvapnasuṣuptadaśā manāgiti saṅkucitā'pi sā sarvā 
bhaktimatastvatsanāthamanasaḥ tvadadhiṣṭhitacittasya mahotsavo mahābhyudayaḥ 
tvatsanāthatvādeva || 16 ||

āmano'kṣavalayasya vṛttaya-
ssarvataḥ śithilavṛttayo'pi tāḥ |
tvāmavāpya dṛḍhadīrghasaṃvido
nātha bhaktidhanasoṣmaṇāṃ katham || 17 ||

p. 147) 

āmana iti | he nātha āmanormanaḥparyantaṃ akṣavalayasyendriyagrāmasya 
vṛttayo vyāpārāḥ sarvatra śithilavṛttayaścañcalā api yāstāḥ bhaktidhanena 
soṣmaṇāmūrjasvināṃ tvāṃ cidrūpaṃ prāpya dṛḍhā aśithilā dīrghāśca 
tvadaikātmyena tvadvadevāvasthāpnavaḥ śuddhabodharūpāḥ kathamiti 
svātmanyevāsya vismayaḥ || 17 ||

na ca vibhinnamasṛjyata kiñcida-
styatha sukhetaradatra na nirmitam |
atha ca duḥkhica bhedi ca sarvathā-
'pyasamavismayadhāma namo'stu te || 18 ||

na ceti | ādisargādau tvayā na ca naiva kiṃcidbhinnam asṛjyata sṛṣṭaṃ nāpyasti 
svato vibhinnaṃ kiṃcit athaśabdo'pyarthe sarvasya cetyamānatvena 
cinmayatvādbhedāsambhavaḥ atha ca sukhetaraduḥkharūpaṃ na kiṃcinnirmitam 
uktādeva hetoḥ kiṃcicchabdastriryojyaḥ atha caivaṃ sarvathaiva duḥkhi ca bhinnaṃ 
cāpireva śabdārthaḥ tvadaikātmyāpratyabhijñānāccaiva 
evamasamavismayadhāma asāmānyāścaryabhūme te tubhyaṃ namo'stu || 18 ||

kharaniṣedhakhadāmṛtapūraṇo-
cchalitadhautavikalpamalasya me |
dalitadurjayasaṃśayavairiṇa-
stvadavalokanamastu nirantaram || 19 ||

khareti | kharā viṣamā yā niṣedhakhadā tvadakhyātidarī tasyā amṛtena 
tvadadvayapīyūṣeṇa yatpūraṇaṃ tenocchalitamutplāvitamata eva dhautaṃ 
vikalpamalaṃ yasya tasya tathā dalitaścūrṇito durjayaḥ saṃśaya eva vairī ripuryena 
tādṛśaḥ sato mama tvadavalokanaṃ cidghanatvadātmasphuraṇaṃ niraṃtaraṃ 
ghanamastu || 19 ||

p. 148) 

sphuṭamāviśa māmathāviśeyaṃ
satataṃ nātha bhavantamasmi yasmāt |
rabhasena vapustavaiva sākṣā-
tparamāsattigataḥ samarcayeyam || 20 ||

sphuṭamiti | he nātha tvaṃ tāvatsphuṭaṃ prakaṭaṃ kṛtvā na tu gūhitatvena 
samāviśa athānantaramevaṃvidhe tvai sati upajātasāmarthyo'smi ahaṃ bhavantaṃ 
satatamāviśeyaṃ gāḍhāvaṣṭambhena svīkaromyeveti niyoge liṅ yasmāditi evaṃ 
sati paramāsattigato'tinikaṭaṃ prāptastavaiva rabhasena tvarayā 
sākṣādvapustātvikaṃ svarūpaṃ samyagarcayeyaṃ samāviśeyamiti yāvat || 20 ||

tvayi na stutiśaktirasti kasyā-
pyathavā'styeva yatoti sundaro'si |
satataṃ punararthitaṃ mamaita-
dyadaviśrānti vilokayeyamīśam || 21 ||

tvayīti | kasyāpīti brahmopendrarudrāderapi bhedamayatvena 
cidghanaparameśvararūpāpratyabhijñānāt atisundara iti 
cidānandaghanasvātmarūpatvādatispṛhaṇīyo hṛdayahārī ato yastvāmātmānaṃ 
pratyabhijānāti tasya kasyāpyasāmānyasya tvayi stutiśaktirastyeva 
kasyāpītyāvartya yojyaṃ mama punaḥ stotussatatametadarthitaṃ vāñchitaṃ 
yadaviśrānti nirvirāmaṃ tvāmīśaṃ samavalokayeyam sākṣātkuryāmiti śivam || 
21 ||

iti śrīmadutpaladevācāryaviracitau stotrāvalau āviṣkāranāmnyaṣṭādaśe 
stotre śrīrājānakakṣemarājaviracitā vivṛtiḥ || 18 ||


p. 149) 

oṃ prārthanābhūmikātītavicitraphaladāyakaḥ |
jayatyapūrvavṛttāntaḥ śivaḥ saṅkalpapādapaḥ || 1 ||

oṃ prārthaneti | saṅkalpatarurvāñchitameva dadāti śivastu 
prārthayitumaśakyamapītyapūrvavṛttāntaḥ || 1 ||

sarvavastunicayaikanidhānā-
tsvātmanastvadakhilaṃ kila labhyam |
asya me punarasau nija ātmā
na tvameva ghaṭase paramāstām || 2 ||

sarvavastviti | tvaditi tvattaḥ svātmanaḥ sarvārthaikāśrayātkila viśvaṃ labhyam 
asyeti sadā svarūpanibhālanapravaṇasya mama punaḥ paraṃ labhyamāstāṃ tvameva 
nija ātmā svaṃ svarūpaṃ na ghaṭase vyutthānasamaye na prakāśase iti yāvat || 2 ||

jñānakarmamayacidvapurātmā
sarvathaiṣa parameśvara eva |
syādvapustu nikhileṣu padārthe-
ṣveṣu nāma na bhavet kimutānyat || 3 ||

jñānakarmeti | sarvavastuṣu cidvapurjñānakriyātmā parameśvara ātmaiva sarveṇa 
prakāreṇa tvadhiṣṭhānena vapuḥ svarūpaṃ syādastīti sambhāvyate eṣa iti 
sphuradrūpaḥ nanu vicitrakāryakaraṇānāṃ nānādeśasvarūpāṇāṃ 
kathamekeśvarātmatā sambhāvyate ityāha eṣa vastuṣu anyathā punarnāmaiva 
saṃjñaiva na bhavet kimutānyatkāryakāraṇasvarūpādikaṃ prakāśamayatvaṃ 
vinā kasyāpyasiddheranyathā ityadhyāhāryam || 3 ||

p. 150) 

viṣamārtimuṣā'nena phalena tvaddṛgātmanā |
abhilīya pathā nātha mamāstu tvanmayī gatiḥ || 4 ||

viṣameti | viṣamārti saṃsāratāpaṃ muṣṇāti yastvaddṛgātmā 
tvatsākṣātkārarūpaḥ panthā tena me abhilīya phalena phalataḥ tvanmayī 
tvadekarūpā gatiḥ prāptirastu bhuktā devadattagamanamiti vat abhilīyetyatra 
ktāpratyaye yojayitvā parato'stviti yojyam abhilīleti pāṭhe 
abhilīlasphuraccidānandavilāseti vyākartavyam || 4 ||

bhavadamalacaraṇacintāratnalatā-
'laṅkṛtā kadā siddhiḥ |
siddhajanamānasānāṃ vismayajananī
ghaṭeta mama bhavataḥ || 5 ||

bhavaditi | bhavato'malāḥ śuddhā ye caraṇāḥ jñānakriyādimarīcayasteṣu cintā 
punaḥ punarnibhālanaṃ saiva sarvasampatpradatvādratnalatā alaṅkṛtā 
samprāptatattadanekaśaḥśobhā kadā mama pūrṇā siddhirghaṭeta bhavataḥ 
sakāśātkīdṛśī siddhajanamānasānāṃ yogicittānāṃ vismayajananī || 5 ||

karhi nātha vimalaṃ mukhabimbaṃ
tāvakaṃ samavalokayitāsmi |
yatsravatyamṛtapūramapūrvaṃ
yo nimajjayati viśvamaśeṣam || 6 ||

karhīti | vyutthānāvasthitasyeyamuktiḥ karhi nātha vimalaṃ mukhabimbaṃ paraṃ 
śāntarūpaṃ tava samavalokayitāsmi sākṣātkariṣyāmi

p. 151) 

amṛtapūramānandaprasaramapūrvamalaukikaṃ lokayitṛlokyarūpaṃ viśvaṃ 
nimajjayati || 6 ||

dhyātamātramuditaṃ tava rūpaṃ
karhi nātha paramāmṛtapūraiḥ |
pūrayettvadavibheda vimokṣā-
khyātidūravivarāṇi sadā me || 7 ||

thyātamātramiti | tvadavibheda eva mokṣaḥ bhedabandhāpagamaḥ 
tasyākhyātiraprathā tadīyāni dūrāṇi vivarāṇi gahanānyākāṅkṣāmayāni gartāni 
karhi kadā me dhyātamātramuditaṃ cintanānatarameva viakasitaṃ tattava sambandhi 
rūpaṃ kartṛ sadā paramāmṛtapūrairānandavisaraiḥ pūrayedāplāvayet || 7 ||

tvadīyānuttararasāsaṅgasantyaktacāpalam |
nādyāpi meṃ mano nātha karhi syādastu śīghrataḥ || 8 ||

tvadīyeti | tvadīyo'nuttaro rasaḥ paracitprasaraḥ tadāsaṅgaḥ tatparatvaṃ tenāpi 
santyaktacāpalaṃ galitavyutthānam adyāpīti asakṛdāsvādite'pi samāveśe karhi 
śīghraṃ syādityādi gāḍhotkaṇṭhāparatvaṃ sūcayati || 8 ||

mā śuṣkakaṭukānyeva paraṃ sarvāṇi sarvadā |
tavopahṛtya labdhāni dvandvānyapyāpatantu me || 9 ||

meti | tavopahṛtya labdhāni cinmayatvena tvayyanupraviśya vyutthāne 
samāveśasaṃskārarasāsvādānyāsāditāni paraṃ sarvakālaṃ sarvāṇi dvandvāni 
śītoṣṇādīnyapi āpatantu śuṣkakaṭukānyeva 
punastvadadvayasparśāmṛtapūrṇatvādrūkṣaduḥsvādaprāyāṇi || 9 ||

p. 152) 

nātha sāmmukhyamāyāntu viśuddhāstava raśmayaḥ |
yāvatkāyamanastāpatamobhiḥ parilupyatām || 10 ||

nātheti | sāṃmukhyamāyāntu dehādiprathāṃ nimajya prasphurantu śuddhā 
anugrahaparā raśmayaḥ śaktayaḥ kāyamanastāpatamobhiriti kāyamanastāpā eva 
tamāṃsi taiḥ parilupyatāṃ samantānnaśyatām || 10 ||

deva prasīda yāvanme tvanmārgaparipanthikāḥ |
paramārthamuṣo vaśyā bhaveyurguṇataskarāḥ || 11 ||

deveti | prasādaḥ prāgvat tvanmārgaparipanthikāḥ 
paramārthaśāktabhūmipraveśarodhinaḥ ata eva paramārthaṃ cidabhedaṃ 
muṣṇantyapaharantyanupabhogyaṃ sampādayanti ye guṇāḥ sattvādaya eva taskarāḥ 
te vaśyā bhūyāsuḥ taduktam guṇādisyandaniṣpandāḥ syurjñasyāparipanthinaḥ iti 
prasīda bhūyāsuriti loḍliṅau sambhūya āśīrviśiṣṭāṃ prārthanāṃ gamayataḥ 
yathā lunīhītyādau loḍvacane karmavyatihārādevamanyatrāpi smartavyam svāmini 
prasanne caurā vaśyā bhavantīti laukikorthaḥ spaṣṭa eva || 11 ||

tvadbhaktisudhāsārairmānasamāpūryatāṃ mamāśu vibho |
yāvadibhāstuhyante niḥśeṣāsāravāsanāḥ plutvā || 12 ||

tvadbhaktīti | mānasaṃ cittaṃ saraśca asārāḥ kutsitāḥ sarasyapyāsāraiḥ pūrite 
asāravāsanāḥ kaṭūdakavāsanāḥ plutvotpatya svayameva tuhyante bahirniḥsaranti || 
12 ||

mokṣadaśāyāṃ bhakti-
stvayi kuta iva martyadharmiṇo'pi na sā |

p. 153) 

rājati tato'nurūpā-
māropaya siddhibhūmikāmaja mām || 13 ||

mokṣeti | mokṣadaśā paramaśivatā jīvanmuktatā tantroktaprāyatā 
yadanenaivoktam tāmāsādya daśāṃ rūḍhā muktakalpā vayaṃ tata iti 
martyadharmiṇa ityapratyabhijñātātmasvarūpasya anurūpāmiti 
prāgvadrudraśaktisamāveśamayīṃ paramasiddhibhūmiṃ tatraiva 
prabhudāsabhāvasya sphuṭaṃ sphuraṇāt || 13 ||

siddhilavalābhalubdhaṃ
māmavalepena mā vibho maṃsthāḥ |
kṣāmastvadbhaktimukhe
prollasadaṇimādipakṣato mokṣaḥ || 14 ||

siddhīti | samāveśātmakapūrṇasiddhyapekṣayā bhedamayāṇimādayaḥ 
siddhilavāstalābhe lubdhaṃ mā maṃsthāḥ avalepeneti māṃ 
siddhilavalubdhamākalayya māvalepaṃ kuryā iti yāvat nanu pārameśanaye 
sādhakānāṃ siddhyupabhogānantaraṃ bhuktā bhogāṃśchivaṃ vrajet 
ityāmnāyeṣu śivataiva śrūyate tarhi mandā rucirityāśaṅkya yuktimāha 
prollasadaṇimādipakṣādanantaraṃ yo mokṣastvadbhaktimukhe 
tvatsamāveśānandasya purataḥ kṣāmaḥ atyalpaḥ || 14 ||

dāsasya me prasīdatu
bhagavānetāvadeva nanu yāce |
dātā tribhuvananātho
yasya na tanmādṛśāṃ dṛśo viṣayaḥ || 15 ||

dāsasyeti | etāvaditi na tu āṇimādi prasīdatu

p. 154) 

iti tribhuvanaṃ prāgvat yasyetyasambhāvyasya phalasya tatphalaṃ sadṛśamiti na 
mādṛśāṃ dṛśa iti buddheḥ || 15 ||

tvadvapuḥ smṛtisudhārasapūrṇe
mānase tava padāmbujayugmam |
māmake vikasadastu sadaiva
prasravanmadhu kimapyatilokam || 16 ||

tvaditi | pādāmbujayugmaṃ prāgvat vikasadbhedasaṅkocamujjñat madhu 
paramānandarūpaṃ mādhuryam atilokamalaukikaṃ rasapūrṇe ca mānase ambujaṃ 
vikasanmadhu sravati || 16 ||

astu me prabhurasau janako'tha
tryambako'tha jananī ca bhavānī |
na dvitīya iha ko'pi mamāstī-
tyeva nirvṛtatamo vicareyam || 17 ||

astviti | asāviti cidghano me prabhuranugrāhakaḥ janakaḥ pramātṛtollāsakaśca 
tryambakastathā bhavānī parāśaktiḥ jananī prabhvī cāstu īdṛśasyaiva 
pratyabhijñātamaheśvarasvarūpasya me iha jagati na dvitīyaḥ ko'pyasti mameti 
śeṣe ṣaṣṭhī ityeva etāvataiva nirvṛtatamo'tyarthaṃ pramudito vicareyaṃ 
vihareyamiti śivam || 17 ||

iti śrīmadutpaladevācāryaviracitastotrāvalāvudyotanābhidhānaikonaviṃśastotre 
śrīkṣemarājaviracitā vivṛtiḥ || 19 ||


p. 155) 

oṃ nāthaṃ tribhuvananāthaṃ
bhūtisitaṃ trinayanaṃ triśūladharam |
upavītikṛtabhogina-
mindukalāśekharaṃ vande || 1 ||

oṃ nāthamiti | tribhuvanaṃ prāgvat bhūtirviśvamayī vibhūtistayā sitaṃ 
sambaddhaṃ ṣiñ bandhane ityasya sitaśabdaḥ trīṇi icchājñānakriyākhyāni 
nayanāni yasya bhedoddalanahetoḥ prajvaladjñānarūpasya triśūlasya dhārakam upa 
samīpe vītīkṛtāḥ viśeṣeṇetāḥkṛtāḥ saṃhṛtāśca bhoginaḥ prasarā yena 
vītaḥ vīgatāvityasya prayogaḥ indukalā viśvajīvinī citiśaktiḥ śekharaṃ mukhyaṃ 
rūpaṃ yasya samagrameyamayī indukalā vā svātantryaprathane hetutvāt śekharaḥ 
krīḍārthamāhāryaṃ maṇḍanaṃ yasya taṃ vande iti prāgvat bāhyakrameṇa 
spaṣṭārthaḥ || 1 ||

naumi nijatanuvinissaradaṃśuka-
pariveṣadhavalaparidhānam |
vilasatkapālamālā-
kalpitanṛttotsavākalpam || 2 ||

naumīti | nijatanuścinmayaṃ rūpaṃ tato viniḥsaran sphuran aṃśukapariveṣo 
raśmipuñjaprasara eva dhavalaṃ śuddhaṃ paridhānaṃ prāvaraṇaṃ yasya 
prasaratprakṛtiḥ śiva iti sthityā svaśakticakreṇa satatamāśliṣṭamityarthaḥ 
vikasantyā svātmaniyojanena dedīpyamānayā vilasantyā sphurantyā kapālamālayā 
sadāśivādisakalāntāśeṣapramātṛmuṇḍamālayā kalpito nṛttotsave 
svātantryavijṛmbhābhyudaya ākalpo maṇḍanaṃ yena bāhyakramaḥ spaṣṭaḥ || 2 ||

p. 156) 

vande tān daivataṃ yeṣāṃ
haraśceṣṭā harocitāḥ |
haraikapravaṇāḥ prāṇāḥ
sadā saubhāgyasadmanām || 3 ||

vande iti | harocitāḥ sṛṣṭisaṃhārānugrahādirūpāḥ haraikapravaṇāḥ 
nityatatsamāveśarasikāḥ prāṇā jīvitamata eva saubhāgyasadmatvaṃ 
paramānandapūrṇatvena viśvaspṛhaṇīyatvāt || 3 ||

krīḍitaṃ tava maheśvaratāyāḥ
pṛṣṭhato'nyadidameva yathaitat |
iṣṭamātraghaṭiteṣvavadāne-
ṣvātmanā paramupāyamupaimi || 4 ||

krīḍitamiti | samāveśasphāreṇa jagatkrīḍātvena paśyateyamuktiḥ | tava 
maheśvaratāyāḥ pṛṣṭhataḥ evoparyevānyadidaṃ krīḍitaṃ yathaitaditi 
pradarśanārthe iṣṭamātraghaṭiteṣu icchāmātrasampanneṣu avadāneṣu 
adbhutakarmasu tvadīyapañcavidhakṛtyātmasu cariteṣvahamātmanā svayameva 
paripūrṇamupāyaṃ svabalākramaṇamukhe'pi prāpnomi tvatsamāveśātsvaṃ 
cidbalamākramya tvadvadahaṃ pañcavidhakṛtyakārī yat tattavāparaṃ 
krīḍitamityarthaḥ evakāro bhinnakramaḥ || 4 ||

tvaddhāmni viśvavandye'smi-
nniyati krīḍane sati |
tava nātha kiyān bhūyā-
nānandarasasambhavaḥ || 5 ||

p. 157)

tvaditi | viśvavandyaṃ yattvaddhāma tvanmahaḥ tatrāntariyati 
viśvātmanyasminniyati krīḍane sati tava bhūyāniti analpaḥ svānandānurūpameva 
sarvaḥ krīḍati yasya cedviśvaṃ krīḍā tasya aparyanta evānanda iti 
svātmanastaddāsatayā ślāghāṃ vyanakti ata eva nāthetyāmantraṇam || 5 ||

kathaṃ sa subhago mā bhū-
dyo gauryā vallabho haraḥ |
haro'pi mā bhūdatha kiṃ
gauryāḥ paramavallabhaḥ || 6 ||

kathamiti | subhagaḥ sarvasya spṛhaṇīyaḥ gauryāḥ parasyāḥ śakteḥ vallabhaḥ 
spṛhaṇīyaḥ sa ānandaghanaḥ parayā bhaṭṭārikayā'liṅgita ityarthaḥ haraḥ 
samāveśacamatkāreṇa hṛdayahārī dvaitapadasya saṃhartā ca yaḥ paraśakteḥ 
paramavallabha eva || 6 ||

dhyānāmṛtamayaṃ yasya
svātmamūlamanaśvaram |
saṃvillatāstathārūpā-
stasya kasyāpi sattaroḥ || 7 ||

dhyāneti | yasya samāveśaśālinaḥ svātmano mūlaṃ kāraṇaṃ 
dhyānāmṛtamayaṃ 
svarūpagopanonmukhacidānandasārapratyabhijñātaśivabhaṭṭārakasvarūpaṃ 
yathoktamasti prabhurasau janako vā ityādi anaśvaraṃ cidrūpatayaiva nityaṃ tasya 
kasyāpyatidurlabhasya sattaroḥ santāpahāriṇaḥ śobhanapādapasya saṃvillatāḥ 
nīlasukhādijñānāni tathārūpā iti dhyānāmṛtamayya eva || 7 ||

p. 158)

bhaktikaṇḍūsamullāsā-
vasare parameśvaraḥ |
mahānikaṣapāṣāṇa-
sthūṇāpūjaiva jāyate || 8 ||

bhaktīti | bhaktirbhagavadanurāga eva vaivaśyadāyitvātkaṇḍūstasyāḥ samullāse 
pūrvanirṇītā pūjaiva mahānikaṣapāṣāṇasthūṇā nigharṣopalamayo mahāstambaḥ 
bhaktikaṇḍūṃ yaḥ praśamayya ānandaghanasvātmaviśrāntiheturjāyate ityarthaḥ || 
8 ||

sadā sṛṣṭivinodāya
sadā sthitisukhāsine |
sadā tribhuvanāhāra-
tṛptāya svāmine namaḥ || 9 ||

sadeti | tadevaṃ vyavahāre'pi prabhurdehādimāviśan | 
bhāntamevāntararthaughamicchayā bhāsayedbahiriti sthityā dehādimāviśato'pi 
bhagavataḥ pratikṣaṇaṃ 
tattadanantagrāhyagrāhakādyābhāsasaṃyojanāviyojanakrameṇa 
sṛṣṭyādihetutvaṃ ca mayā spandasandohe vitanya nirṇītamiti sa evāvekṣyaḥ || 9 ||

na kvāpi gatvā hitvā'pi
na kiṃcidimameva ye |
bhavaṃ tvaddhāma paśyanti 
bhavyastebhyo namo namaḥ || 10 ||

neti | ekāntadvādaśāntādipadaṃ paralokaṃ cāgatvā bhogānadharabhūmīḥ

p. 159)

śarīraṃ ca tyaktvā imamevāprabuddhānāṃ heyābhimataṃ tvaddhāma cidghanaṃ 
ye paśyanti bhavyāḥ divyamahārthadṛṣṭayāviṣṭāstebhyo namo namaḥ 
vīpsayaiṣāmeva paratattvavitvaṃ dhvanati || 10 ||

bhaktilakṣmīsamṛddhānāṃ
kimanyadupayācitam |
etayā vā daridrāṇāṃ
kimanyadupayācitam || 11 ||

bhaktīti | kimanyaditi prāptavyasya prāptatvānnāstyevānyadyācitavyaṃ kimanyaditi 
paramārthasyānāsādanātkimanyenāsāraprāyeṇetyarthaḥ || 11 ||

duḥkhānyapi sukhāyante
viṣamapyamṛtāyate |
mokṣāyate ca saṃsāro
yatra mārgaḥ sa śāṅkaraḥ || 12 ||

duḥkhānīti | tryayamapyetaccidānandaghananijabalākramaṇādeva bhavati 
mārgapadaṃ śāktapadavācakam || 12 ||

mūle madhye'vasāne ca
nāsti duḥkhaṃ bhavajjuṣāṃ |
tathā'pi vayamīśāna
sīdāmaḥ kathamucyatām || 13 ||

mūle iti | prāgvat vyutthānāvasthitasyoktiḥ mūle madhye'vasāne iti 
saṃvidudayaprasaraviśrāntiṣu sīdāmaḥ vyutthānenābhibhūyāmahe || 13 ||

p. 160)

jñānayogādinā'nyeṣā-
mapyapekṣitumarhati |
prakāśaḥ svairiṇāmeva
bhavānbhaktimatāṃ prabho || 14 ||

jñāneti | prabho keṣāṃcit jñānayogakriyādyupāyairbhavān sphurati bhaktānāṃ 
punaḥ svairiṇāmupāyānapekṣiṇāṃ tvatsamāveśātprāptatvanmahimnāṃ ca 
bhavānprakāśasvabhāvaḥ sadeti yāvat || 14 ||

bhaktānāṃ nārtayo nāpya-
styādhyānaṃ svātmanastava |
tathāpyasti śivetyeta-
tkimapyeṣāṃ bahirmukhe || 15 ||

bhaktānāmiti | ārtayaḥ kleśāḥ ādhyānaṃ prāptyabhilāṣeṇa cintanaṃ tava 
svātmana iti svātmatayaiva sphurataḥ tathāpīti bhaktatvādeva kimapīti 
paramānandaikātmyavyañjakaṃ nirnimittaṃ ca || 15 ||

sarvābhāsāvabhāso yo
vimarśavalito'pi san |
ahametaditi staumi
tāṃ kriyāśaktimīśa te || 16 ||

sarveti | ahametaditi akhilaṃ yaḥ sarvābhāsā'vabhāsaḥ sadā viśveśvaraprakāśaḥ 
kīdṛg vimarśena paramānandacamatkāreṇa valito bṛṃhitaḥ 
kriyāśaktimīśaśaktimīśa te staumi iti prāgvat || 16 ||

p. 161)

vartante jantavo'śeṣā
api brahmendraviṣṇavaḥ |
grasayamānāstato vande
deva viśvaṃ bhavanmayam || 17 ||

vartante iti | api brahmendraviṣṇava iti sṛṣṭisthitikāriṇaḥ prasiddhāḥ āsatāṃ 
rudrādayaste'pi yāvadaśeṣā jantavaḥ kṣetrajñāḥ grasamāṇāḥ sadā svaviṣayā 
atipravaṇā vartante || 17 ||

sato vināśasambandhā-
nmatparaṃ nikhilaṃ mṛṣā |
evamevodyate nātha
tvayā saṃhāralīlayā || 18 ||

sata iti | he nātha saṃhārakrīḍayā evamevocyate 
mattaccidekarūpātparamullāsitasvabhāvatvādadhikamiva yatkiñcitsadāśivāntaṃ 
tanmṛṣā na pṛthagbhavatītyarthaḥ yataḥ sato'nadhikasyāpyādhikyena 
ābhāsamānasya vināśena sambandhāccidātmanyeva vigalitatvena sthitirbhavati 
taduktam yatsadāśivaparyantam ityādi vināśotpattisaṃyutam ityantaṃ tathā 
kāryatākṣayiṇī tatra ityādi || 18 ||

dhyātamātramupatiṣṭhata eva
tvadavapūrvarada bhaktighanānām |
apya'cintyamakhilādbhutacintā-
kartṛtāṃ prati ca te vijayante || 19 ||

dhyātamātramiti | mitayogibhiścintayitumaśakyamapi yatsvarūpaṃ 

p. 162)

bhaktidhanānāṃ dhyātamātramupatiṣṭhate dhyānasamanantarameva sannidhīyate 
ityarthaḥ te ca bhaktāḥ ākhilāyāḥ adbhutacintāyāḥ kartṛtāṃ prati vijayante ta 
evāsāmānyavismayapravartakāḥ sarvotkarṣiṇa ityarthaḥ || 19 ||

tāvakabhaktirasāsava-
sekādiva sukhitamarmamaṇḍalasphuritaiḥ |
nṛtyati vīrajano niśi
vetālakulaiḥ kṛtotsāhaḥ || 20 ||

tāvaketi | bāhyo'rthaḥ spaṣṭaḥ | vīrajanaḥ vidāritasaṃsāramahāpaśuḥ bhaktaloko 
niśi māyāmadhya eva nṛtyati cidvikāsena vilasatitarām kathaṃ 
tāvakabhaktirasāsavasekāt tvatsamāveśāmṛtasekādiva sukhitāni 
ānandananditāni marmamaṇdalāni pāśaḥ sañcayāsteṣāṃ sambandhibhiḥ 
sphuritairāsanamudrāsadṛśaiḥ vetālakulaipaśuhṛdayācca 
dṛkpratyayodayānuvartiśaktiśataiḥ kṛtotsāhaḥ paripoṣitacidabhyudaya iti 
śivam || 20 ||

ārabdhā bhavadabhinati-
ramunā yenāṅgakena mama śambho |
tenāparyantamimaṃ kālaṃ
dṛḍhamakhilameva bhaviṣīṣṭa || 21 ||

ārabdheti | kvacidapyasadṛśaśailīdarśanādanārṣa ivāyaṃ 
ślokastathā'pivyākhyāyate | amunā cidadvayasamāveśotkarṣapradarśinā 
yenāṅgakena sarvānāsaṃlakṣyeṇa prakāreṇa śambho tava stutirārabdhā tena 
prakāreṇāparyantamimamakhilaṃ kālaṃ dṛḍhamavicalaṃ kṛtvā'sau 
bhavipīṣṭa prāpnuyāt bhūprāptāvityasya rūpamiti śivam || 21 ||

iti śrīmadutpaladevācāryaviracitastotrāvalau carvaṇāstotre
viṃśaṃ śrīkṣemarājakṛtā vivṛtiḥ || 20 ||


oṃ tatsat | kleśānvināśaya vikāsaya hṛtsaroja-
mojo vijṛmbhaya nijaṃ narinartayāṅgam |
cetaścakoraciticandramarīcicakra-
mācamya samyagamṛtīkuru viśvametat || 1 ||

śrutipathamitāsūktiśreṇī dhunoti bhavātapaṃ
nirupamaparānandavyāptiṃ tanoti ca tatkṣaṇāt |
iyamiti vibhoḥ śambhorbhaktyā paraṃ parameṣṭhino 
vihitalalitavyākhyā'smābhiḥ kṛtārthijanārthitaiḥ || 2 ||

viśvatraye'pi viśadairasamasvarūpaiḥ
śāstraistathā vivaraṇaiḥ grathitaiva kīrtiḥ |
tasmādgurorabhinavātparameśamūrteḥ
kṣemo niśamya vivṛtiṃ vyatanodamutra || 3 || oṃ tatsat ||





###########   END OF FILE  #######