####################################################
MUKTABODHA INDOLOGICAL RESEARCH INSTITUTE
Use of this material (e-texts) is covered by Creative Commons license BY-NC 4.0
Catalog number: M00268
Uniform title: prāṇāgnihotra
Manuscript : BHU C4257

Description: 



Notes: 
Data entered by the staff of Muktabodha under the supervision of Mark S.G. Dyczkowski.

Revision 0: April 7, 2012

Internet publisher : Muktabodha Indological Research Institute
Publication year : 
Publication city : 
Publication country : India
####################################################




p. 251a)

oṃ namo gurave ||


alpavittānarā ye ca agnihotraṃ na kurvate |
teṣāṃ prāṇāgnihotraṃ tu prasādaṃ kuru śūlabhṛt || 1 ||

śarīresmin katyagnayaḥ ko yajamānaḥ kā patnī ka ṛtvik |
ko dhvayuḥ? | ko hotā | ka utgataḥ | ka upadraṣṭā | kaḥ pratiprasutā | kaḥ snātakaḥ 
| ka indraḥ | ka indrāgnī | kiṃ havirdhānaṃ | kimindhanaṃ | kaḥ kalaśaḥ | kā 
āpaḥ | korghaḥ | kimarghapātraṃ |

p. 250b) ko gandhaḥ | kiṃ puṣpam | ko dhūpaḥ | ko dīpaḥ | kā vediḥ | kā 
antarvediḥ | imidhmaṃ | ke paridhayaḥ | ko yūpā | kāraṇiḥ | kaśca samaḥ | kaḥ 
paśuḥ | ko homaḥ | kā rasanā | ka upayāmaḥ | kau sruk sruvau | kaḥ puroḍāśaḥ | 
kāni bhuvanāni | ke lokāḥ | kāni lokāntarāṇi | kiṃ juhoti | ka umādevatāḥ | 
prītā bhavaṃti | ityetatsṛṣṭi tatvaṃ tu bhagavanvaktu marhasi || ||

ati guhyataraṃ praśnaṃ yattvayā coditaṃ param |
yanna kasya cidākhyātaṃ śṛṇu vakṣyāmi ṣaṇmukha ||

idaṃ rahasyaṃ paramaṃ na deyaṃ yasya kasya cit |
parikṣya tu pradātatavyaṃ gurudevāgni pūjake ||

p. 252a) asmiñśarīre saptāgnayo bhavanti *? |

mukhe cāhavanīyognirdakṣiṇāgnirmanasthitaḥ |
hṛdaye gārhapatyognirnābhyāsaupasadasmṛtaḥ |
uttarognirbhruvormadhye ūrdhvāgnirdvādaśāntare |
adhogniḥ pādayormadhye iti saptāgnayaḥ smṛtāḥ ||

eteṣāṃ tu śarīreṣu | puruṣo yajamānaḥ | prakṛtiḥ patnī | prāṇa ṛtvikā | 
prāṇodhva *?ḥ | apāno hotā | samāna udgātā | upānatā | draṣṭāvyānaḥ | 
pratiprasthātā | manaḥ snātakaḥ | ātmendraḥ | tṛṣṇendrāṇī | haviryānaṃ | 
mūlamantraḥ vahniḥ | sūryodayo homaḥ | mūrddhādroṇaḥ | kalaśaḥ 
śoṇitamāpaḥ | 

p. 252b) keśādarbhāḥ brahmanāḍi rājyasthālikā puryaṣṭakaṃ grahāḥ | dantā 
arghaḥ | kapālamarghapātraṃ | paramānvivapaḥ? | paramātmā dīpaḥ | 
tanmantraḥ | puṣpam | vāto gandhaḥ | nāmāvediḥ | jihvāntarvediḥ | idhmamasthīni 
| antrāṇi paridhayaḥ | śotre ca samaḥ | ahaṅkāro dhūpaḥ | araṇi prāṇaśaktiḥ | 
buddhī bhruvau | upayāmaḥ | netre puroḍāśaḥ | cittaṃ paśuḥ | hastau sruk sruvau | 
indriyāṇyā hṛtayaḥ ||

anenaiva krameṇeti vidvānyadiju hoti vai ||

atha trayastriṃśaddeva koṭyastṛptā bhavanti |
ya evaṃ vetti sa vedavit |
sa ā hitāgniḥ sahathya kavyayoḥ samarthaḥ |

p. 253a) tasmāccharīreyeṣṭa sarve devatā yaṣṭā bhavanti |
ataḥ paraṃ pravakṣyāmi ātmajñānaṃ śivoditam |
jñānino yena mucyante ghorātsaṃsārasāgarāt ||

atra śarīre pādayorviṣṇurjaṅghayormarutaḥ |
jānvoḥ pṛthvī ūrdhoḥ mittrāvaruṇau |
kaṭyamindrāgni | gudevāyuḥ | liṅge bhadraḥ | asthi śīrṣe | kuvīraḥ | nāḍyā 
agniḥ | udare samudraḥ | antreṣu nāgāḥ | pārśvayoḥ hariḥ | pṛṣṭhe pitaraḥ | 
oṣṭhayoḥ dharmādharmau | nāsāgre tvaṣṭyā bāhvorvāyuḥ | grīvāyāṃ 
kālarātriḥ | hastayorindraḥ | hastatale krodhaḥ | aṅgulīṣu sarpāḥ | nakheṣu 
nakṣatrāṇi |

p. 253b) jihvāyāṃ śarasvatī | hanyoḥ? guruḥ | dakṣiṇa daṃṣṭrāsayamaḥ | 
vāmadaṃṣṭrāsu bṛhaspatiḥ | danteṣu marutaḥ | cakṣuṣoḥ candrādityau | 
śrotrayordiśaḥ | nāsāpuṭayoḥ dvāvaśvinau | aṅgapratyaṅgeva sarva hṛdaye 
brahmā | bhruvormadhye nārāyaṇaḥ | śirasi maheśvaraḥ | tasyoparyavyaktaḥ | 
sārāstisro romakoṭayaḥ tārakā bhavanti | atra nābhi prabhṛti śirontaṃ 
yāvatsaptalokāḥ kathitāḥ nāḍyāṃ bhūrlokaḥ | hṛdaye bhuvolokaḥ | kaṇṭhe 
svarlokaḥ | jaṭhare maholokaḥ | *? mūrdhni satyalokaḥ ||

ābhāsatālamuttalaṃ śrītālaṃ ca nabhastalam |
nāḍyadhastāllatābhāsaṃ guhye bhūtālasaṃjñitam |
p. 254a) kuḍprade *? śrītālaṃ gulphadeśerasātalam |
pādayośca tathaivānyā pātālāssaptasaṃjñitāḥ ||

jambudvīpastu nidrā syād vyatiḥ kaumāryasaṃjñitāḥ |
kuśaddīpaśca ciddhā tu krauñca dvīpastvahaṅkṛtiḥ ||

adānte siṃhaladvīpo manaḥ puṣkarasaṃjñitaḥ |
buddhiḥ śākaladvīpaḥ syād dvīpāḥ saptatathoditāḥ ||

yathā hyasmiñśarīre tu saptanadyo vasanti ca |
tathā caiva samāsīnaṃ śṛṇu vakṣyāmi ṣaṇmukha ||

gaṅgā ca śirasi proktā lalāṭe sindhureva ca |
nāsāgre ca vitastātu kaṇṭhe syācchatarudrikā |
hṛdaye yamunā proktā nāḍyāṃ caiva sarasvatī |
airāvatī tu guhye syād vipāśā tadadhaḥ sthitā ||

sarvatīrtha mayaṃ hyetaccharīramadhunā śṛṇu |
brahmadvāre brahmatīrthaṃ kedāraṃ śirasi sthitam ||

vārāṇasī lalāṭe tu hṛdaye puṣkaraṃ tathā |
nāḍyāṃkanakhalaṃ caiva sarvatīrthāni cātmani ||

brahmāvartaṃ dakṣahaste tīrthānyetāni dehinaḥ |
devatīrthaṃ pitṛtīrthaṃ vāyutīrthamataḥ param ||

somatīrthamagnitīrthaṃ śarīre tu sadāsthitam |
satyatīrthaṃ dayātīrthaṃ tīrthamindriya nigrahaḥ ||

sarvabhūtadayātīrthaṃ nānyatīrthaṃ prakalpayet |
tīrthānāmadhikaṃ tīrthaṃ yatra bhāvo hi nirmalaḥ ||

p. 255a) hṛaye merumāśritya candrādityau ca tiṣṭhataḥ |
yā buddhissa ca ādityo yanmanaḥ sa ca candramāḥ ||

agniścaivatvahaṅkāro devārkarmendriyāṇi ca |
sarvadeva mayo hyātmā sarvatīrthamayastathā ||

tasmāt sarvaprayatnena ātmasthamarcayet sadā |
ātmastho yena hūyante nātmānaṃ nārcayanti ye ||

mūḍhāśayādurācārā anyadevārane ratāḥ |
na te vidanti taṃ devaṃ sarva vyāpi namīśvaram ||

janmanā paśavaste hi iti satyaṃ ṣaḍānana |
nārcayenmṛṅmayaṃ liṅgaṃ na śailaṃ na ca kāñcanam ||

arcayeddehajaṃ liṅgaṃ bhuktimukti phalapradam |
p. 255b) svadehā yatanaṃ liṅgaṃ mano yatra svayaṃ prabhuḥ ||

hṛdpīṭhe karṇikāmadhye tatra liṅgaṃ prapūjayet |
hṛtpīṭhe bhadrapīṭhoyaṃ sarvaratnavibhūṣitam ||

taṃ jñātvā caiva ṣaṇmāsāt sarvapāpakṣayo bhavet |
amaṇḍale na bhoktavyaṃ na ca vai vāmapāṇinā ||

nagno mukta śikhaścaiva bhakṣayenna kadācana |
viṣṇusomaśca sūryaśca hrī hutāśaḥ śacīpatiḥ ||

maṇḍalādupajīvanti tasmāt kurvīta maṇḍalam |
asurāyātu dhānāśca krūrakarmaṇi rākṣasaḥ ||

balamannasya hiṃsanti maṇḍalena vivarjitam |
maṇḍalāni prakurvanti caturaśraṃ trikoṇakam ||

p. 256a) kramadvayaṃ parimāṇaṃ vistīrṇaṃ munipuṅgava |
nakhenaktanakhī bhutvā kāṣṭhena vyādhimicchati ||

aśmanā dhanahāniḥ syān mṛṇmayena kalirbhavet ||

ataḥ paraṃ pravakṣyāmi ātmajñānaṃ vidhānataḥ |
yajjñātvā mucyate janturghorātsaṃsārasāgarāt ||

astreṇa sodhayetpātraṃ praṇaveṇāsanaṃ dadet |
sakalaṃ haṃsa rūpaṃ ca śarīraṃ cintayedbudhaḥ ||

hṛdisthāne sthitaṃ kuṇḍaṃ praṇave naiva śodhayet |
somasūryāgni kuṇḍe tu madhyasthaṃ jyotiruttamam ||

haṃsohaṃsākṣaro devo jīvādityastu suvrate |
yatra jvālā kalāpeto bhāsayennābhi maṇḍalam ||

eṣā jvālā pradhānāsyājjihvāgraṃ pāti sarvadā |
p. 256b) jaṭharāgnirvicintyosau pāvakaḥ parameśvaraḥ ||

anaṅgadhenu dugdhā ca dvādaśānte samāhitaḥ |
prāṇādyā āhutīḥ pañca juhuyādyadi pāvake ||

pātre saṅgṛhya taccainaṃ recakaṃ naiva śodhayet |
pūrakena vicintyai tatsomaṃ rūpaṃ ṣaḍānana ||

āpyāyakaḥ smṛta eṣā pūrṇenātha kuśena vā |
prollikhellakṣaṇaṃ vipraḥ siddhākāmastu karmasu ||

ataḥ paraṃ pravakṣyāmi kalāḥ ṣoḍaśasaṃyutaḥ |
sandhayodvaktramadhye tu svāhā nairāhutī bhavet ||

nābhi madhye smaret kuṇḍaṃ vaktra vahnendu mekhalā |
tanmadhye saṃsthitaṃ jyotiśśivāgniḥ sarvabhakṣakaḥ ||

p. 257a) padmasaṃpuṭake līna jvālāmālā vapuḥ sthite |
dvāsaptati sahasrāṇi nāḍayaḥ parikīrtitāḥ ||

annaḥ somaḥ sruvohastau dātā sūryo yajeddharim |
brāhmīṃ samādhimāsthāya bhuṅke hyannaṃ caturvidham ||

prāṇopānaḥ samānaśca udāno vyāna eva ca |
etyetā vāyavaḥ pañca śarīreṣu śarīriṇām ||

praṇamya hṛdayaṃ sthānamapānasya punargudam |
samāno nābhi deśasthamudānaḥ kaṇṭhamāśritaḥ ||

pañcamastatra vijñeyo vyānaḥ sarvāṅga sandhiṣu |
eteṣāṃ juhuyādannaṃ śarīraṃ mantrayed dvijam ||

etaistṛptaistu turvidhamāhāraṃ śuklaṃ pītaṃ jīrṇaṃ samānaṃ nayati |
p. 257b) * *? karaṇātmamānaḥ sthāpanādvāsamānaḥ |
udāno nāma hikkāśabdaścharisphārakāsa *? sotkrānti codanaḥ |
ūrdhaṃ nāmagamanādbodānaḥ? |

vyānonāmaprasāraṇā kuñcanollaṅghana plavanagamanaśamanorthāpana hasana 
gītanṛttavāditrābhilāṣa carita pravartako bhavati |
vyāpanādvyāyaśchanādvāvyānaḥ |
prāṇo hyaditya daivatyaḥ |
* * *? somadaivatyaḥ samānasya tu parjanya udāno bhadra? daivataḥ |
vyānaṃ? *? viṣṇu daivatya itye *? devatāḥ pṛthak ||

prāṇāgnihotra yatnena kuryāccaiva vidhānataḥ |
p. 260) sarvapāpavinirmukto brahmaloke mahīyate ||

anena vidhinā yacca bhuṅke hyannaṃ samāhitaḥ |
tena tṛptena tṛpyante devatāḥ pitṛbhiḥ saha ||

hṛdisthā devatāssarvā hṛdi prāṇāḥ pratiṣṭhitāḥ |
caturviṃśati tatvāni puruṣo hṛdaye paraḥ ||

nābherūrdhvamadhasthāśca kaṇṭhā dhastāt ṣaḍaṅgulam |
hṛdayaṃ tadvijānīyādviśasyā yatanaṃ mahat ||

yognistṛpyati cāgnistu ekastiṣṭhati saptadhā |
trailokyaṃ vyāpitaṃ tena yajante brahmavādinaḥ ||

viprādi śvapacāntānāṃ bhūtānāṃ ca hito nalaḥ |
tasmaitā āhutīrdadyāt tṛptirbhavati cārdhayā ||

sa 
###########   END OF FILE  #######