####################################################
MUKTABODHA INDOLOGICAL RESEARCH INSTITUTE
Use of this material (e-texts) is covered by Creative Commons license BY-NC 4.0
Catalog number: M00608
Uniform title: vīrāgama
Manuscript : IFP transcript T000031 copied from a MS belonging to Kunnakkudi

Description: 
viraśaiva text


Notes: 
Data-entered by the staff of Muktabodha under the supervision of Dr. Anirban Dash.

Revision 0: August 22, 2021 
Revision 1: March 27, 2022

Internet publisher : Muktabodha Indological Research Institute
Publication year : 
Publication city : 
Publication country : India
####################################################



ifp t0031
vīrāgamaḥ 

viṣayānukramaṇikā

kra0 saṃ0 paṭalanāma				puṭasaṃkhyā
	ślokasaṃkhyā 
	
1. tantrāvatārapaṭalaḥ prathamaḥ			
	1	83
2. pañcākṣarapaṭalaḥ, dvitīyaḥ 			
	18	33	
3. mantroddhārapaṭalaḥ, caturthaḥ			
	25	98.5	
4. puṣpalakṣaṇapaṭalaḥ, pañcamaḥ			
	45	35
5. dīkṣāmaṇḍalavidhiḥ  (karṣaṇa, vāstulakṣaṇa, bali, 
dīkṣāmaṇḍalavidhayaḥ)	52	176
6. dīkṣāvidhiḥ, navamaḥ paṭalaḥ			
	87	99.5	
7. grahābhiṣekavidhiḥ, daśamaḥ paṭalaḥ			107
	12	
8. śaucācamana snānapaṭalaḥ, ekādaśaḥ			110
	38
9. bhasmasnānapaṭalaḥ				117
	41
10. mantranyāsavidhiḥ, agnikāryavidhiḥ			125
	131.5
11. nityotsavavidhiḥ				151	66
12. parivāralakṣaṇavidhiḥ				164
	29
13. rakṣādīpapaṭalaḥ				170
	41.5
14. a"nkurārpaṇavidhiḥ				179
	54.5
15. utsavasūcanam 				190	65.5	
16. vṛṣayāgaḥ					203
	34
17. dhvajārohaṇavidhiḥ				210
	41
18. bherītāḍanam (asamagraḥ)				218-222
	23
						1102

pṛ0 1) paṭalaḥ 1 śrīḥ
śubhamastu
oṃ śrīsaccidānanda umāmaheśvarābhyāṃ namaḥ
vīrāgamaḥ

samastavidyākusumairalaṃkṛtāṃ
śaśiprabhāṃ bālaśaśā"nkaśekharām |
ayugmanetrāmaravindajapriyāṃ
namāmi devīṃ varadāṃ sarasvatīm || 1 ||

praṇamya bhagavantaṃ hi paripṛcchat pitāmaham |
tantrāṇāmudbhavaṃ kiñcit tatsarvaṃ brūhi me prabho || 2 ||

īśvara uvāca-

tatsarvamakhilaṃ vakṣye śrṛṇuṣva kamalāsana |
tanoti vipulānarthān tattvamantrasamāśritān || 3 ||

pṛ0 2) trāṇaṃ ca kurute puṃsāṃ tena mantramiti smṛtam |
kāmikaṃ yogajaṃ cintyaṃ kāraṇaṃ tvajitaṃ tathā || 4 ||

dīptaṃ sūryasahasraṃ ca aṃśumān suprabhedakam |
vijayaṃ caiva niśvāsaṃ syāyaṃbhuvamathānilam || 5 ||

vīraṃ ca rauravaṃ caiva makuṭaṃ vimalaṃ tathā |
candrajñānaṃ ca bimbaṃ ca prodgītaṃ lalitaṃ tathā || 6 ||

siddhaṃ santānaṃ sarvoktaṃ pārameśvarameva ca |
kiraṇaṃ vātulaṃ caiva aṣṭāviṃśatisaṃhitā || 7 ||

kāmikādīni mantrāṇi teṣāṃ bhedaṃ ca tacchṛṇu |
* * * caiva viprendra trividhaṃ bhedamucyate || 8 ||

pṛ0 3) yogajaṃ ca viśeṣeṇa pañcabhedena cocyate |
cityaṃ ca ṣaḍvidhaṃ proktaṃ saptadhā kāraṇaṃ bhavet || 9 ||

ajitaṃ ca viśeṣeṇa caturṇāṃ bhedamucyate |
dīptaṃ caiva tu viprendra navadhā bhedamucyate || 10 ||

sūkṣme ca ekamantraṃ syāt sāhasraṃ daśadhā bhavet |
aṃśumān dvādaśaṃ bhedaṃ procyate kamalāsana || 11 ||

suprabhedaṃ ca vikhyātaṃ bhedamanyanna vidyate |
śivabhedaṃ mayā proktaṃ upabhedaṃ śrṛṇuṣvathā || 12 ||

vijayaṃ ca viśeṣeṇa aṣṭadhā bhedamucyate |
niśvāsaṃ ca viśeṣeṇa aṣṭadhā bhedamucyate || 13 ||

pṛ0 4) svayaṃbhuva viśeṣeṇa dvividhena pravakṣyate |
āgneyamekarudraṃ tu bhedamanyanna vidyate || 14 ||

vīratantraṃ ca viprendra trayodaśabhedamucyate |
rauravaṃ ṣaṭsu bhedena procyate kamalāsana || 15 ||

makuṭākhyamahātantraṃ dvividhena vidhīyate |
vimalākhyaṃ mahātantraṃ caturdaśavidhaṃ bhavet || 16 ||

candrajñānaṃ ca bimbaṃ ca caturdaśavidhaṃ bhavet |
mukhaṃ vipraṃ ca viprendra bhedapañcadaśa bhavet || 17 ||

protgītākhyaṃ mahātantraṃ ṣoḍaśaṃ bhedamucyate |
lalitākhyaṃ mahātantraṃ tridhā bhedena cocyate || 18 ||

pṛ0 5) siddhatantraṃ ca viprendra caturvidhena cocyate |
santānākhyaṃ mahātantraṃ saptabhedena cocyate || 19 ||

sarvoktaṃ tu mahātantraṃ pañcabhedena cocyate |
pārameśvaratantraṃ tu saptabhedena vakṣyate || 20 ||

kṣaraṇākhyaṃ mahātantraṃ navadhā bhedamucyate |
vimalākhyaṃ mahātantraṃ bhedaṃ dvādaśamucyate || 21 ||

tantrakāyaṃ pravakṣyāmi tava snehādviśeṣataḥ |
dvihastau ca dvipādau ca ṛtvā vāta sthitaṃ bhavet || 22 ||

jaṭāmakuṭasaṃyuktaṃ bhedavanmukhamucyate |
śuklavastraparīdhānaṃ yajñopavītasaṃyutam || 23 ||

pṛ0 6) mukhaṃ prati triṇetraṃ syāt sarvā"ngaṃ lakṣaṇairyutam |
padmamadhye sthi(taṃ) daivaṃ sarvābharaṇabhūṣitam || 24 ||

tantrakāyaṃ mayā proktaṃ sarvakāmārthasādhanam |
pustakasya pramāṇaṃ ca śrṛṇuṣva kamalāsana || 25 ||

caturdaśā"ngulaṃ vāpi pañcadaśyā"ngulaṃ tu vā |
aṣṭādaśā"ngulaṃ vāpi navadaśā"ngulaṃ tu vā || 26 ||

athavā viṃśatirvāpi ekaviṃśatireva ca |
dvāviṃśatirvā viprendra kārayet deśikottamaḥ || 27 ||

evaṃ pustakamākhyātaṃ mānā"ngulena kārayet |
utsedhaṃ cāṣṭadhā hitvā ekāṃśaṃ caiva vistaram || 28 ||

pṛ0 7) vistāradvayataṃ proktaṃ pārśvau kampadvayau nyaset |
tribhāgaṃ tu caturbhāgaṃ madhye suṣuramucyate || 29 ||

evaṃ pustakamānāṃ tu āyāmādikaṃ śṛṇu | 
labdhauccaṃ caiva viprendra mānā"ngulana bhājayet || 30 ||

ekā"ngulaṃ padaṃ proktaṃ hīnā"ngula vivarjayet |
samaṃ cet tatparigrāhyamāyavyayamihocyate || 31 ||

vasubhirgaṇitaṃ tatra rāśibhiśca harettataḥ |
śeṣamāyamidaṃ proktaṃ guṇenaiva vivardhayet || 32 ||

hareccaturdaśenaiva śeṣaṃ vyayamihocyate |
padaṃ prati gaṇairvṛddhiraṣṭabhirgrāsayettataḥ || 33 ||

pṛ0 8) śeṣaṃ yoniriti khyātamaṣṭabhirvṛddhidaṃ padam |
saptaviṃśatibhirgrāsaṃ labdhamiṣṭamiti smṛtam || 34 ||

śeṣaṃ nakṣatramevoktamaṣṭabhirvṛddhidaṃ padam |
triṃśadbhirhāsayoktāni śeṣaṃ sthitirihocyate || 35 ||

aṣṭābhirvṛddhidaṃ caiva sa * * hāsayettataḥ |
śeṣaṃ vāramiti proktaṃ āyavyaya cayeti ca || 36 ||

āyuṣyaṃ caiva nakṣatraṃ tithivāramudāhṛtam |
āyādhikaṃ vyayaṃ hīnaṃ saṃpatkaramihocyate || 37 ||

āyahīne vyayādhikye doṣākāramihocyate |
tasmātsarvaprayatnena āyahīnanna kārayet || 38 ||

pṛ0 9) dhvajaṃ siṃhaṃ ca vṛṣabho hastiśceddhyayanāya ca |
dhūmraśca gardabhaḥ kāko doṣāṇyetāni varjayet || 39 ||

yajamānasya ṛkṣeṇa nakṣatraṃ cānukūlakam |
evaṃ parīkṣya bahudhā kartavyaṃ pustakaṃ param || 40 ||

ṛkchandodhidevānāṃ vakṣye tu kamalāsana |
viśvāmitro'tha bālmīkiḥ kāśyapāṃścā"ngirastathā || 41 ||

gautamo gālavo gārgyo vasiṣṭhaścośanāstathā |
caturdaśā"ngulādīni kramādvinyasya deśikaḥ || 42 ||

triṣṭup caiva anuṣṭup ca prakṛtirvikṛtistathā |
gati catvāridaścaiva kati catvārireva ca || 43 ||

pṛ0 10) uttamaṃ tyaktamevaṃ tu chandasānāṃ vidhīyate |
brahmā viṣṇuśca rudraśca īśvaraśśiva eva ca || 44 ||

kālarudro nīlarudraḥ pralayāni sadāśiva |
* * * śāṃgulādīni vedanāmiha cocyate || 45 ||

ṛṣīṇāṃ lekhayedvāpi varṇenaiva tu lekhayet |
ṣaṭpatirvātha pañcairvā lekhayet pustakaṃ tataḥ || 46 ||

ṛṣayo vasavaścaiva grahaditvaika * * * |
pa"nktirevaṃ samākhyātaṃ tattannāmnādhidaivataḥ || 47 ||

evaṃ lakṣaṇasaṃyuktaṃ rājarāṣṭravivardhanam |
ṛṣīṇaṃ bhujapatre tu lekhayettu dvijottamaḥ || 48 ||

pṛ0 11) svarṇe vā tāmrapatre tu lekhayeddeśikassadā |
dvau pārśve kaḥ pa * * * pustakāyāma tatsamam || 49 ||

pratiṣṭhā vidhiṃ pravakṣyāmi lakṣaṇena samanvitam |
śivāgre maṇṭapaṃ kuryādīśāne dakṣiṇe'pi vā || 50 ||

maṇṭapaṃ trividhaṃ madhye vediṃ kṛtvā vicakṣaṇaḥ |
vedi bāhye tu paritaḥ parivārāni kārayet || 51 ||

vṛttaṃ vā caturaśraṃ vā kuṇḍānyetāni kārayet |
sthaṇḍilaṃ vā prakartavyaṃ lakṣaṇena samanvitam || 52 ||

maṇṭape nairṛte bhāge śālīnā sthaṇḍilaṃ kuru |
athā"nkurārpaṇaṃ kuryāt pañcāhe saptake'pi vā || 53 ||

pṛ0 12) vedikumbhaṃ ca taṃ madhye śivāstraṃ sāpi dhānakam |
sahiraṇyaṃ sakūrcaṃ ca somarājādhidevatam || 54 ||

kṛtvā tava padaṃ tatra madhyame somakumbhakam |
vinyasettu viśeṣeṇa pālikā aṣṭadikṣu vai || 55 ||

māṣamudgakulasthaṃ ca sarṣapaṃ caiva dāpayet |
puṇyāhaṃ vācayettatra pavamānena prokṣayet || 56 ||

suvarṇatantunā vipra kautukaṃ baddhayeddhṛdā |
elālava"ngatakkolamuśīraṃ candanairyutam || 57 ||

lepayet pustakaṃ tatra śayane śāyayettataḥ |
śālinā vikaredveti padmamaṣṭadalaṃ likhet || 58 ||

pṛ0 13) śālyardhaṃ taṇḍulaṃ nyasya taṇḍulārdhaṃ tilā nyaset |
pañcadhā śayanaṃ kalpya śāyayet pustakaṃ tathā || 59 ||

tattadāgamabījena śāyayecchayanopari |
hrasva brahma samākhyātaṃ dīrghā"ngāni na cocyate || 60 ||

ādyakṣarasamāyuktaṃ anusvārasamanvitam |
brahmama"ngamiha proktaṃ sarveṣāṃ ca vidhīyate || 61 ||

vastreṇa veṣṭayettatra pustakaṃ ca viśeṣataḥ |
darpaṇaṃ caiva viprendra evameva krameṇa tu || 62 ||

sarasvatīṃ nyasettatra pustakasya tu madhyame |
pustakasyendra digbhāge vinyasetkumbhameva ca || 63 ||

śuddhodakena saṃpūrya sakūrca syā vidhānakam |
sarvatra sahiraṇyaṃ ca sarasvatīṃ nyasettataḥ || 64 ||

pṛ0 14) mūlamantreṇa vinyasya arcayettu viśeṣataḥ |
pūrvādīśānaparyantaṃ vinyasedvardhanīṣu ca || 65 ||

savastraṃ sahiraṇyaṃ ca sakūrcādīni vinyaset |
vāmā jyeṣṭhā ca raudrī ca balavīṃ balapramathanīṃ
? sarvabhūtamanonmanīm	|| 66 ||

pūrvādīni ca vinyasya pustake ca manonmanīm |
hṛdayādi ṣaḍa"ngaiśca pūjayettu vidhānataḥ || 67 ||

havirnivedayettatra paścāddhomaṃ samācaret |
pālāśaṃ pūrvato bhāge aśvatthaṃ dakṣiṇe tathā || 68 ||

paścime * * * vaṃ tu apāmārgaṃ tathottare |
audumbaraṃ tathaiśānyaṃ pālāśairvāpi homayet || 69 ||

pṛ0 15) samidājya carūn lājān sarṣapāṃśca yavāṃstilān |
samidhā sadyamantreṇa īśānenājya homayet || 70 || 

caruṃ vai hṛdayenaiva lājaṃ vai śirasā hunet |
sarṣapaṃ sadyamantreṇa netreṇa tu yavāṃstathā || 71 ||

kavacena tilān hutvā saptadravyamihocyate |
sahasraṃ vā tadardhaṃ vā tadardhaṃ vāpi hūyate || 72 ||

aṣṭottaraśataṃ vāpi pañcāśat pañcaviṃśatiḥ |
dravyānte vyāhṛtiṃ hutvā pustakaṃ sparśayeddhṛdā || 73 ||

sarvadravyasamāyuktaṃ havyavāhaṃ samuccaran |
sviṣṭamagneti mantreṇa juhuyāttadanantaram || 74 ||

pṛ0 16) tataḥ prabhāte vimale pūrvabhūti viśeṣataḥ |
tattāgamaṃ ca bījena prokṣayedvardhanīṃ tataḥ || 75 ||

sannidhau darpaṇaṃ tasya abhiṣekaṃ tu kārayet |
havirnivedayet paścāt tāmbūlaṃ dāpayettataḥ || 76 ||

ācāryaṃ pūjayetpaścādvastrahemādireva ca |
brāhmaṇān bhojayettatra saptakanyāṃśca pūjayet || 77 ||

bauddhamārhataṃ caiva śaivaṃ pāśupataṃ tathā |
kapālaṃ pāñcarātraṃ ca ṣaḍaite samayā smṛtāḥ || 78 ||

eteṣāṃ saṃkaraṃ caiva tatra saṃkaramucyate |
mantrasaṃkaradoṣeṇa rājā rāṣṭraṃ vinaśyati || 79 ||

pṛ0 17) tasmāt sarvaprayatnena saṃkarannaiva kārayet |
aṣṭāviṃśati bhedena śaivabhedaṃ vidhīyate || 80 ||

eteṣāṃ saṃkaraṃ caiva na doṣāya prakalpyate |
dīkṣitasya sudhīrasya śivabhaktiparasya ca || 81 ||

tasmai devaṃ tato grāhyaṃ traivarṇikamihocyate |
adīkṣitaṃ tat srota syānna deyaṃ yasya kasyacit || 82 ||

evaṃ yaḥ kurute martyaḥ śivalokaṃ mahīyate |
tantrāvatāramevoktaṃ pañcākṣaravidhiṃ śṛṇu || 83 ||

iti vīratantre ṣaṭsahasrasaṃhitāyāṃ tantrāvatārapaṭalo(laḥ) prathamaḥ 
|| 

pṛ0 18) paṭalaḥ 2 (pañcākṣarapaṭalaḥ)

pitāmahauvāca(ha uvāca)-

namastutvā jagannāthaṃ parīpṛcchat pitāmahaḥ |
śrīpañcākṣarakalpaṃ ca tatsarvaṃ vada me prabho || 1 ||

īśvara uvāca-

tatsarvamakhilaṃ vakṣye śṛṇuṣva caturānana |
namaskāreṇa saṃyuktaṃ śiva ityakṣaradvayam || 2 ||

ādivargaṃ catuthyantaṃ yavargaṃ ca dvitīyakam |
tadvargāntaṃ saptamaṃ syāt pañcākṣaramiti smṛtam || 3 ||

etanmantramanusmṛtya bindunādasamāyutam |
caturthyā tu samāyuktaṃ pañcākṣaramiti smṛtam ||

nakāraṃ ca makāraṃ ca śikāraṃ ca vakārakaḥ |
yakāreṇa samāyuktaṃ pañcākṣaramihocyate || 4 ||

pṛ0 19) praṇavena samāyuktaṃ ṣaḍakṣaramiti dvayam |
ṛgvedājjāyate vipra nakārākṣaramucyate || 5 ||

makāraṃ tu yajurvedaṃ śikāraṃ sāmavedakam |
atharveda tu vakāraṃ yakāramitihāsake || 6 ||

nakāraṃ śvetavarṇaṃ tu īśvareṇa samāyutam |
sāvitrīchandasā yuktaṃ gatamena samāyutam || 7 ||

sthānaṃ sadyamukhaṃ caiva nakārākṣaramucyate |
makāraṃ pītavarṇaṃ tu brahmāṇa trādhidaivatam || 8 ||

śikāraṃ śyāmavarṇaṃ tu viṣṇustatrādhidaivatam |
triṣṭupchandassamāyuktaṃ viśvāmitrasamanvitam || 9 ||

pṛ0 20) sthānaṃ aghoravaktraṃ syāt śikārākṣaramucyate |
vakāraṃ raktavarṇaṃ tu skandastatrādhidaivatam || 10 ||

bṛhaspatisamāyuktaṃ viśvāmitrasamanvitam |
sthānaṃ aghoravaktraṃ syāt śikārākṣaramucyate || 11 ||

bṛhaspatisamāyuktaṃ ā"ngīrasasamanvitam |
puruṣasya mukhaṃ sthānaṃ vakārākṣara kīrtitam || 12 ||

yakāraṃ śuklavarṇaṃ tu vighneśastatra daivatam |
sāvitrīchandasāyuktaṃ bhāradvājena saṃyutam || 13 || 

īśānasya mukhaṃ sthānaṃ yakārākṣaramucyate |
pañcākṣaramiha proktaṃ śṛṇu tatvākṣaratvataḥ || 14 ||

pṛ0 21) akāraśca ukāraśca makāraśca tridhā bhavet |
akāraṃ brahmadaivatyaṃ ukāraṃ viṣṇudaivatam || 15 ||

makāraṃ maheśvarastatra adhidevāḥ prakīrtitāḥ |
ṛgvedaṃ tu akārassyāt yujurvedaṃ makārakam || 16 ||

makāraṃ sāmavedaṃ tu idamanyat śṛṇuṣva tu |
akāraṃ sātvikaṃ vidyādukāraṃ rājasaṃ bhavet || 17 ||

makāraṃ tāmasaṃ jñeyaṃ makāraṃ śāntikaṃ bhavet |
ikāraṃ pauṣṭikaṃ vidyāt akāraṃ mābhicārakam || 18 ||

akāraṃ śvetavarṇaṃ syādukāraṃ raktameva ca |
makāraṃ pītavarṇaṃ syāt devamevaṃ krameṇa tu || 19 ||

pṛ0 22) guṇena saṃdhikāryaṃ syādoṃkāraṃ śivamucyate |
oṃkāreṇa samāyuktaṃ ṣaḍakṣaramihocyate || 20 ||

rudrākṣeṇa japaṃ kuryāt pañcākṣarasamāyutam |
a"ngulyāṃ tu japedekaṃ pañcāyāmramayaṃ bhavet || 21 ||

rekhe aṣṭaguṇaṃ proktaṃ dīpairdaśaguṇaṃ bhavet |
śataśayaistu vijñeyaṃ pravālaṃ tu sahasrakam || 22 ||

sphaṭikaṃ daśasāhasraṃ mauktikairlakṣameva ca |
padmākṣaṃ koṭiguṇitaṃ sauvarṇaṃ daśakoṭikam || 23 ||

kuśagranthyā koṭiśataṃ rudrākṣeṇa tvanāyakam |
nyāsaṃ kuryāttato mantrī pañcākṣaramihocyate || 24 ||

pṛ0 23) a"nguṣṭhādi kaniṣṭhāntaṃ sṛṣṭinyāsamudāhṛtam |
kaniṣṭhādya"ngulānāṃ tu saṃhāranyāsamucyate || 25 ||

yakāraṃ karatale vipra nyāsaṃ kuryāttato budhaḥ |
karanyāsaṃ purā kṛtvā a"nganyāsamatha śṛṇu || 26 ||

yakāraṃ mūrdhni vinyasya vakāraṃ tu lalāṭake |
śakāraṃ kaṇṭhadeśe tu makāraṃ hṛdaye nyaset || 27 ||

nakāraṃ nābhideśe tu vinyasettu viśeṣataḥ |
sarvā"ngeṣu ca viprendra oṃkāraṃ vinyasettataḥ || 28 || 

sahasraṃ vā tadardhaṃ vā aṣṭottara śataṃ tu vā |
pañcāśat pañcaviṃśairvā japaṃ kuryādviśeṣataḥ || 29 ||

pṛ0 24) prāsādena tu mantreṇa hṛdayena samanvitam |
japaṃ kuryāttu viprendra praṇavena samāyutam || 30 ||

gṛheṣu phalamekaṃ syāt goṣṭhe daśaguṇaṃ bhavet |
nadītīre śataṃ vidyāt sahasraṃ devatālaye || 31 ||

japtvā viṃśatibhirlakṣaissvāyambhuvamavāpnuyāt |
lakṣalakṣaṃ tatā japtvā raudraṃ padamavāpnuyāt || 32 ||

praveśe śivamīśānaṃ tyaktvā saṃsārasāgarāt |
śrīpañcākṣaramevoktaṃ mantroddhāraṇa śṛṇuṣvatha || 33 ||

iti vīratantre śrīpañcākṣarapaṭalo dvitīyaḥ ||

pṛ0 25) paṭalaḥ 3 (mantroddhārapaṭalaḥ)

ajñānāṃ tava magnānāṃ sarveṣāṃ prāṇināmatha |
sarvapāpaviśuddhyarthaṃ mantroddhāraṃ kathaṃ bhavet || 1 ||

īśvara uvāca-

mantroddhāraṃ pravakṣyāmi śṛṇuṣva kamalāsana !|
mananaṃ sarvavaktrāṇāṃ trāṇaṃ saṃsārasāgarāt || 2 || 

mananatrāṇadharmitvaṃ mantramityabhidhīyate |
mahendre malaye caiva sahye vindhye tathaiva ca || 3 ||

kedāre nirmade caiva gṛhe vāpi viśeṣataḥ |
ga"ngākūle samudre vā prāsāde vā viśeṣataḥ || 4 ||

gavāṃ goṣṭhe viśeṣeṇa nadyāṃ vāpi taṭākake |
anyeṣu śuddhadeśeṣu mantramuddhārayetkramāt || 5 ||

pṛ0 26) ācāryaśca śucirbhūtvā kṛtopavāsasaṃyutaḥ |
pūrvarātrādhivāsaṃ ca prabhāte mantramuddharet || 6 ||

raktena dhātunā vipra akṣaraṃ lekhayeddhṛdā |
śivatattve pare sūkṣme bindurutpadyate tathā || 7 ||

bindornādassamutpanno nādācchaktirajāyata |
śaktestu vāk bhavannādaṃ vāk bhavāt ṣoḍaśā kalāt || 8 ||

kaladhātvañjanaṃ jātaṃ vyañjanāt sarvatantrakam |
śāntaṃ sarvagataṃ śūnyaṃ śivarūpamiti bruvan || 9||

avargaṃ ca kavargaṃ ca cavargaṃ ca ṭavargakam |
tavargaṃ ca pavargaṃ ca yavargaṃ ca śavargakam || 10 ||

pṛ0 27) ādivargeṣu ṛ ṛ ca caturakṣara varjayet |
varjayeccaiva viprendra avargaṃ ca daśākṣaram || 11 ||

pūrvaṃ hrasvaṃ samākhyātamaparaṃ dīrghamucyate |
hrasva brahma samākhyātaṃ dīrghā"ngāni ca cocyate || 12 ||

sadyojātaṃ tu gokṣīra sadṛśaṃ varṇamucyate |
japāpuṣpanibhaṃ vāmamaghoramañjanaprabham || 13 ||

puruṣaṃ ku"nkumaprakhyamīśāna sphaṭikaṃ bhavet |
brahmavarṇa samākhyātaṃ tadrūpaṃ vakṣate'dhunā || 14 ||

dvinetrāṃ cāruvadanāṃ sustanāṃ ca suyauvanām |
dvipādāṃ ca dvihastāṃ ca pañcabrahmamihocyate || 15 ||

pṛ0 28) ṣaḍa"ngāni pravakṣyāmi hṛdayaṃ ca śirastathā |
śikhā kavaca netraṃ ca astramantreṇa saṃyutam || 16 ||

indudhūmaṃ tathā caiva kiṃciddhūmraṃ tathaiva ca |
ravinibha yugāntāni saṃprāpyaṃ tu pitāmahā || 17 ||

ṣaḍa"ngānyaiva sarveṣāṃ mantravarṇaṃ vicintayet |
dvinetrāṃ ca dvihastāṃ ca dvipādena samanvitām || 18 ||

jaṭāmakuṭasaṃyuktāmupavītasamāyutām |
śuklavastrasamāyuktāṃ ṣaḍa"ngānāmihocyate || 19||

strīrūpaṃ bhāvayet brahma ṣaḍa"ngān puruṣo bhavet |
japākusumasaṃkāśaṃ kundapuṣpanibhaṃ bhavet || 20 ||

pṛ0 29) atasīpuṣpasaṃkāśaṃ padmapuṣpanibhaṃ bhavet |
nīlajīmūtasaprakhyaṃ ku"nkumaṃ brahmameva ca || 21 ||

raktapa"nkajasaṃyuktaṃ bhinnāñjanasamaprabham |
vidyeśvarāṇāṃ varṇaṃ ca tava snehāt prakāśitaḥ || 22 ||

akārasyādisaṃyuktaṃ binduścaiva samāyutam |
aṣṭavargaṃ tṛtīyaṃ tu ṣaṣṭhasvarasamanvitam || 23 ||

śivaviṣṇusamārūḍhaṃ prathamaṃ cāṣṭavargakam |
ādivargaṃ tṛtīyaṃ tu bindunādasamanvitam || 24 ||

śivaviṣṇusamārūḍhamaṣṭamasyā susaṃyutam |
prathamasya dvitīyaṃ tu bindunādasamanvitam || 25 ||

pṛ0 30) vipreśvarāṇāṃ bījāni kramaśo vakṣyate'dhunā |
gaṇāmbikā ca caṇḍeśo nandīśaśca tathaiva ca || 26 ||

mahākālaśca vṛṣabho vighneśaśca tathaiva ca |
bhṛ"ngīśaśca mahāsena svanāmādyakṣarairyutam || 27 ||

indraścāgniryamaścaiva nirṛtirvaruṇa eva ca |
vāyussomastathaiśānaḥ bahmā viṣṇuśca saṃyutam || 28 ||

svānāmādyena bījena bindunādasamanvitam |
vajraṃ śaktiṃ ca daṇḍaṃ ca khaḍgaṃ pāśaṃ tathā"nkuśam || 29 ||

gadā triśūlī cakraṃ ca padmaṃ caiva daśāyudham |
svanāmādyena bījena bindunādasamanvitam || 30 ||

pṛ0 31) darpaṇaṃ pūrṇakumbhaṃ ca vṛṣabhaṃ yugacāmare |
śrīvatsaṃ svastikaṃ śa"nkhaṃ dīpo devāṣṭama"ngalam || 31 ||

svanāmādyena bījena bindunādasamanvitam |
ṣaṣṭhavargāt dvitīyaṃ tu caturthyādyena saṃyutam || 32 ||

dvitīye pañcamaṃ caiva ādyakṣarasamāyutam |
visargeṇa samāyuktaṃ pāśupadāstramucyate || 33 ||

oṃ chi ci ri kṣī kūrcaiva kṣurikāstramihocyate |
bhūtānāṃ piśācānāṃ gandharvā yakṣakinnarāḥ || 34 ||

mantrāṇāṃ ca rākṣasānāṃ anyeṣāṃ gaṇameva ca |
svanāmadyakṣaraṃ vipra bindunādasamanvitam || 35 ||

pṛ0 32) bindunādasamāyuktamācāryaṃ bījamucyate |
mūrttipānāṃ ca śiṣyāṇāmevameva krameṇa tu || 36 ||

akārādi pañcavargaṃ pañcākṣaramihocyate |
yakārādi dvayaṃ vargaṃ catvāryakṣaramucyate || 37 ||

vakāradvayaṃ tvādyasya bindunādasamanvitam |
anantāsanaṃ tu viprendra yogāsanaṃ tathaiva ca || 38 ||

siṃhāsanaṃ tathaiva syāt padmāsanamataḥ param |
vimalāsanaṃ tu viprendra svanāmādyakṣarairyutam || 39 ||

bindunādasamāyuktaṃ tattanmantramihocyate |
āgneyamaṇḍalaṃ caiva vinyasettu viśeṣataḥ || 40 ||

pṛ0 33) tattvasya maṇḍalaṃ caiva rajomaṇḍalameva ca |
tato maṇḍalamevoktaṃ svanāmādyakṣarairyutam || 41 ||

bindunādasamāyuktaṃ tattanmantramihocyate |
vyomavyāpimahāmantra ṣaṇṇavatyakṣarairyutam || 42 ||

asti tatraiva viprendra kathayāmi tavākhilam |
dvādaśārasya padmasya bahissyādvividhā punaḥ || 43 ||

caturābharaṇairyuktaṃ abhyantarādibāhyakam |
mantramuddharate vipra sarvakāmamavāpnuyāt || 44 ||

bhūtāntaṃ caiva bhūtānnaṃ bhūta bhūtāntameva ca |
śivaviṣṇusamārūḍhaṃ śivamantramihocyate || 45 ||

pṛ0 34) cakramadhye sthitaṃ vipra sarvalokahitāya ca |
vyomarūpāśca pañcaiva rūpā yaścata eva ca || 46 ||

? ghoraśca deśca maṃ cevaccarā ca bhaye va ca |
taccayaṃ caiva ghnāyaśca vṛśca yaśca bhramaṃ ca ca || 47 ||

vyomaśca yośca īśaśca mūrchī ṛṣayaśca ca |
daśca pāśca vineraśca meśca bhiśca na yeva ca || 48 ||

yaśca naśca vakāraśca trāścā vāyaśca eva ca |
evaṃ krameṇa viprendra vinyasedastramantravit || 49 ||

vaśca taśca samūdhiśca viścaiva o ma eva ca |
niśca taśca dhipaścaiva kūrmarājagatāśca tā || 50 ||

pṛ0 35) guṇaścasya na rogāśca taśca naśca iha eva ca |
vyomaśca ścaiva ye yo śca o mi ca śca ya eva ca || 51 ||

adaśca yośca moścaiva vaśca saṃ ca sa eva ca |
vaśca oṃ bhūśca aśceti niśca vā ya ni ni śca ca || 52 ||

pradakṣiṇa krameṇaiva vinyaseddeśikassadā |
evaṃ krameṇa vinyāsaṃ sarvakāmamavāpnuyāt || 53 ||

vyomavyāpini tanmantraṃ ṛṣicchande svi śruṇu |
agastyena samāyuktaṃ jagati cchandasaṃyutam || 54 ||

īśvareṇa samāyuktaṃ vyomavyāpimihocyate |
vasiṣṭhena samāyuktaṃ prakṛticchandasaṃyutam || 55 ||

pṛ0 36) śivarūpeṇa saṃyuktaṃ śivamantramihocyate |
ācāryasya ca bījaṃ ca ṛṣichando'dhidevatāḥ || 56 ||

kauśikaḥ kāśyapaścaiva bharadvājaśca gautamaḥ |
atrīyaśca samāyuktaṃ pañcavaktreṣu dīkṣitāḥ || 57 ||

tattatkuleṣu jātānāṃ tattat dṛṣṭiradāhṛtaḥ |
jagadī śakvarī caiva anuṣṭup  tṛṣṭupeva ca || 58 ||

prakṛtiścaiva viprendraśchandasānāmihocyate |
āgamasyaiva bījāni pravakṣyāmyanupūrvaśaḥ || 59 ||

dvitīyasyādisaṃyuktaṃ dvitīyasvarabhāṣitam ||
bindunādasamāyuktaṃ kāmikākṣaramucyate || 60 ||

pṛ0 37) kāmikākṣaramevoktaṃ yogajaṃ ca śṛṇuṣvatha |
saptamena ca saṃyuktaṃ ekādaśa samanvitam || 61 ||

bindunādasamāyuktaṃ yogajākṣaramucyate |
tṛtīyasyādimaṃ grāhya saptamasya dvitīyakam || 62 ||

ādimadhyacaturthyāṃ tu bindunādasamanvitam |
cintyākṣaramidaṃ proktaṃ dvitīyasyādisaṃyutam || 63 ||

saptamasya tṛtīyaṃ tu bindunādasamanvitam |
kāraṇākhyamidaṃ proktaṃ prathamasyādisaṃyutam || 64 ||

ākārabījasaṃyuktaṃ saptamasya dvitīyakam |
bindunādasamāyuktamajitaṃ tviha cocyate || 65 ||

pṛ0 38) pañcamasya tṛtīyaṃ tu saptamasyādisaṃyutam |
dvādaśākṣarasaṃyuktaṃ bindunādasamanvitam || 66 ||

dīptabījamidaṃ proktamaṣṭavargaṃ tṛtīyakam |
dvādaśākṣarasaṃyuktaṃ bindunādasamanvitam || 67 ||

sūkṣmabījamidaṃ proktamaṣṭamasya tṛtīyakam |
saptamasya dvitīyaṃ tu māyābījena saṃyutam || 68 ||

bindunādasamāyuktaṃ sahasraṃ cocyate mayā |
antyākṣarasamāyuktaṃ bindunādasamanvitam || 69 ||

suprabhedākṣaraṃ proktaṃ saptavargasya cāntikam |
tṛtīyasvarasaṃyuktaṃ bindunādasamanvitam || 70 ||

pṛ0 39) vijayaṃ caiva viprendra pañcamasyāntasaṃyutam |
māyālepasamāyuktaṃ bindunādasamanvitam || 71 ||

niśvāsatantramevoktaṃ aṣṭavargatṛtīyakam |
saptamasya caturthaṃ tu māyābījasamanvitam || 72 ||

bindunādasamāyuktaṃ syāyaṃbhuvamiti smṛtam |
antyākṣaramiti proktaṃ dvitīyasvarabhūṣitam || 73 ||

bindunādasamāyuktamāgneyamiha cocyate |
saptamasyādimaṃ bījaṃ māyānalasamanvitam || 74 ||

bindunādasamāyuktaṃ vīratantramihocyate |
saptamasya dvitīyaṃ tu dvādaśasvarabhūṣitam || 75 ||

pṛ0 40) ākāśabījasaṃyuktaṃ bindunādasamanvitam |
akṣarāṇāṃ paraṃ śreṣṭhaṃ rauravaṃ procyate mayā || 76 ||

ṣaṣṭhamasyāntimaṃ bījaṃ antyākṣarasamāyutam |
māyānalasamāyuktaṃ makuṭākṣaramucyate || 77 ||

saptamasyādimaṃ bījaṃ māyānalasamanvitam |
bindunādasamāyuktaṃ vimalaṃ caiva kathyate || 78 ||

tṛtīyasyādimaṃ bījaṃ māyānalasamanvitam |
bindunādasamāyuktaṃ candrajñānamihocyate || 79 ||

aṣṭavargāttṛtīyaṃ tu dvādaśasvarabhūṣitam |
bindunādasamāyuktaṃ bimbasyākṣaramucyate || 80 ||

pṛ0 41) ṣaṣṭhamasyādimaṃ caiva dvādaśe cānalo bhavet |
bindunādasamāyuktaṃ protgītamiha cocyate || 81 ||

saptamasya tṛtīyaṃ tu ekādaśena saṃyutam |
bindunādasamāyuktaṃ lalitasvara bhūṣitam || 82 ||

aṣṭavargatṛtīyaṃ tu saptamasvarasaṃyutam |
analena samāyuktaṃ siddhāṃ tantramihocyate || 83 ||

aṣṭavargatṛtīyaṃ tu aṣṭasvara vibhūṣitam |
saptamasya dvitīyena bindunāda samanvitam || 84 ||

santānasya tu mantro'yamaṣṭavargādimaṃ yutam |
dvādaśasvarasaṃyuktaṃ bindunādasamanvitam || 85 ||

pṛ0 42) śarvot gītamidaṃ proktaṃ pṛṣṭhavargādisaṃyutam | 
māyānalasamāyuktaṃ bindunādasamanvitam || 86 ||

pārameśvaramevoktaṃ dvitīyasyādimaṃ yutam |
dvādaśasvarasaṃyuktaṃ bindunādasamanvitam || 87 ||

kiraṇasyākṣaraṃ proktaṃ saptamaṃ ca caturthakam |
māyānalasamāyuktaṃ bindunādasamanvitam || 88 ||

vātulasya tu mantro'yamaṣṭāviṃśatibhedakam |
chandadaivatānvakṣye āgamānāṃ viśeṣataḥ || 89 ||

vasiṣṭhena samāyuktaṃ catvāri chandasaṃyutam |
tava rūpeṇa saṃyuktaṃ kāmikādīni sapta ca || 90 ||

pṛ0 43) sahasrādīni saptaite vyāsenaiva samāyutam |
ajitaśchandasaṃyuktaṃ viṣṇustatrādhidaivatam || 91 ||

evameva krameṇaiva mantrāṇāṃ procyate mayā |
adīkṣitairna śrotavyaṃ na deyaṃ na prakāśitam || 92 ||

śiṣyāṇāṃ caiva dātavyaṃ samāsāt kathayāmi te |
aṣṭavargāttṛtīyāntaṃ ādyakṣarasamāyutam || 93 ||

aṣṭavarga tṛtīyaṃ tu ādyakṣaravivarjitam |
śaktibījamidaṃ proktaṃ sarvakāmārthasādhanam || 94 ||

sadāśivasya rūpaṃ tu vakṣyāmi śṛṇu tattvataḥ |
śuddhasphaṭikasaṃkāśaṃ tryakṣaṃ daśabhujairyutam || 95 ||

pṛ0 44) pañcavaktrayutaṃ deva jaṭāmakuṭamaṇḍitam |
divyāmbaradharaṃ devaṃ sarvābharaṇabhūṣitam || 96 ||

paraśuṃ khaḍga vajraṃ ca abhayaṃ dakṣiṇe kare |
pāśaṃ cā"nkuśa ghaṇṭā ca nāgaṃ vahniṃśca vāmake || 97 ||

padmāsanāsino devaṃ netraiḥ pañcadaśairyutam |
etatsakalamākhyātaṃ dharmakāmārthamokṣadam || 98 ||

mantroddhāraṃ mayā proktaṃ puṣpāṇāṃ ca śṛṇuṣvatha || 98.5 ||

iti vīratantre mantroddhārapaṭalaścaturthaḥ || ?

pṛ0 45) paṭalaḥ 4 (puṣpalakṣaṇapaṭalaḥ)

puṣpāṇāṃ caiva sarveṣāṃ patrāṇāṃ ca tathaiva ca |
viśeṣaṃ śrotumicchāmi taṃ me brūhi maheśvara || 1 ||

īśvara uvāca-

yāvatpuṣpasya saṃkhyāni pūjānāṃ yogyameva ca |
ayogyaṃ hi ca puṣpāṇāṃ tāvacchṛṇu tapodhana || 2 ||

arkapuṣpasahasrācca karavīraṃ viśiṣyate |
karavīra sahasrebhyaḥ bilvapatra viśiṣyate || 3 ||

bilvapatrasahasrebhyaḥ padmapatraṃ viśiṣyate |
padmapuṣpasahasrebhyaḥ puṇḍarīkaṃ viśiṣyate || 4 ||

puṇḍarīkasahasrebhyaḥ śatapatraṃ viśiṣyate |
śatapatrasahasreṇa * srakarṇaṃ viśiṣyate || 5 || 

pṛ0 46) sahasrakarṇaṃ viśiṣṭebhyaḥ bakapuṣpaṃ viśiṣyate |
bakapuṣpasahasrebhyaḥ dhūddhūrakaṃ viśiṣyate || 6 ||

dhūddhūrakaṃ sahasrebhyaḥ droṇapuṣpaṃ viśiṣyate |
droṇapuṣpa sahasrebhyaḥ apamārgaṃ viśiṣyate || 7 ||

apāmārga sahasrebhyaḥ kuśapuṣpaṃ viśiṣyate |
kuśapuṣpa sahasrebhyaḥ śamīpuṣpaṃ viśiṣyate || 8 ||

śamīpuṣpasahasrebhyaḥ vyāghātaṃ tu viśiṣyate |
vyāghātānāṃ sahasrebhyo śa"nkhapuṣpaṃ viśiṣyate || 9 ||

śa"nkhapuṣpa sahasrebhyaḥ vyāghrapuṣpaṃ praśasyate |
vyāghrapuṣpa sahasrebhyo sadābhadraṃ viśiṣyate || 10 ||

pṛ0 47) śvetārkasya ca viprendra bṛhaddroṇaṃ viśiṣyate |
bṛhaddroṇaviśiṣṭebhyaḥ nīlotpalaṃ viśiṣyate || 11 ||

? suvarṇa dhūddhūrapuṣpa nīlotpala samudbhavet |
prakṣālya pañcagavyena nīlotpalaṃ tu kāñcanam || 12 ||

punaḥ pūjāṃ prakartavyāṃ sarvalokahitāya ca |
japāpuṣpakadambaṃ ca punnāgaṃ ca tathaiva ca || 13 ||

droṇapuṣpasamaṃ jñeyaṃ viṣṇukrānti japastathā |
aṃjayaṃ mallikā jājī jātī javantireva ca || 14 ||

dhūddhūrakasamaṃ jñeyaṃ campakaṃ kaṭakaṃ tathā |
bilvapatrasamaṃ jñeyaṃ punnāgaṃ ca viśiṣyate || 15 ||

pṛ0 48) kobjaṃ mālatī caiva karavīraṃ samutbhevet |
padmapuṣpasamaṃ jñeyaṃ vakulaṃ parameva ca || 16 ||

aśokaṃ śokamandāraṃ vyāghātaṃ samamucyate |
śvetaṃ kusumaṃ raktotpalamapāmārga samaṃ bhavet || 17 ||

paṭṭikā raktakaṃkhyā ca vyāghrapuṣpasamaṃ bhavet |
gandhapuṣpaṃ gaṇḍapuṣpaṃ padmapuṣpasamaṃ bhavet || 18 ||

indravallī ca tulasī arkapuṣpasamaṃ bhavet |
koraṇḍakasya puṣpaṃ ca apāmārgasamaṃ bhavet || 19 ||

bakapuṣpasamaṃ jñeyaṃ ambikā atha śiṃśukā |
sūryavarttā nāga * * * * ñca śa"nkhameva ca || 20 ||

pṛ0 49) dhūrddhūrakasamaṃ jñeyaṃ mahābhadranṛṇāvapi |
vajraṃ ca padmarāgaṃ ca marakataṃ mauktikāni ca || 21 ||

indranīlaṃ mahānīlaṃ vaiḍūryaṃ ca pravālakam |
nīlotpalasamaṃ jñeyaṃ sarvaratnāni caiva hi || 22 ||

saṃke pari pālāśaṃ ca kadambapuṣpameva ca |
aṃkolaṃ sakaraṃ caiva priya"ngu jambu caiva ca || 23 ||

arkapuṣpasamaṃ jñeyaṃ pūjayettu viśeṣataḥ |
palāśapuṣpaṃ viprendra raviraśmisamāyutam || 24 || 

navasāṇḍe parigrāhya ṣāṇmāsaṃ pūjayecchivam |
yavagodhūmanīvāra vrīhi vaiṇavakāni ca || 25 ||

pṛ0 50) niṣpāva mānaśyāmaṃ ca nīlamudgaka eva ca |
a"nkurāṇi prakartavyaṃ pūjayecchivamādarāt || 26 ||

vyāghātaka samevaṃ tu idamanyat śṛṇuṣvatha |
kadambārjunasindūraṃ * * * kusumāni ca || 27 ||
 
śvetastu girikarṇī ca nandyāvarttaṃ ca śārikā |
kadalīpuṣpapunnāganāganandī tathaiva ca || 28 ||

giriberi ca patrī ca karavīrasamaṃ bhavet |
giriyārkau girikarṇī ca dhūrddhūraka samaṃ bhavet || 29 ||

nirgandhātyagragandhāni kusumāni vivarjayet |
puṣpāṇāmapyalabhettu phalānāṃ pūjayettataḥ || 30 ||

pṛ0 51) phalānāmapyalābhettu mūlenaiva tu pūjayet |
mūlānāmapyalābhe tu bhaktyā caiva tu pūjayet || 31 ||

evamevakrameṇaiva pūjayedevakaṃkaṇī |
ketakī mādhavī kundamadhudīmradayaṃtikā || 32 ||

śirīṣasarja bandhūka kiṃśukaṃ dhuritaṃ tathā |
nīlakarṇakamevātha poṭakāmenvameva ca || 33 ||

madhyākṣīṃ caiva śigruṃ ca varjayelli"ngakarmaṇī |
evameva krameṇaiva yo naraḥ pūjayet sadā || 34 ||

sa muktassarvapāpebhyo rudralokaṃ sa gacchati |
puṣpādhyāyamidaṃ proktaṃ karṣaṇasya vidhiṃ śṛṇu || 35 ||

iti vīratantre puṣpalakṣaṇapaṭalaḥ pañcamaḥ || ?

pṛ0 52) paṭalaḥ 5 (dīkṣāmaṇḍalavidhiḥ) ?
(karṣaṇa, vāstulakṣaṇa, bali, dīkṣāmaṇḍala vidhayaḥ) ?

pitāmaha uvāca-

karṣaṇaṃ kīdṛśaṃ deva vāstulakṣaṇameva ca |
etatsarvaṃ samāsena brūhi me parameśvara || 1 ||

īśvara uvāca-

karṣaṇasya vidhiṃ yāvat tāvat śṛṇu tapodhana |
puṣyamāsādiṣāṇmāsaṃ devānāṃ tu divā bhavet || 2 ||

āṣāḍhādiṣu ṣāṇmāsaṃ rātrirityabhidhīyate |
divāmāsaṃ ca gṛhṇīyāt rātrimāsaṃ ca varjayet || 3 ||

prājāpatyaśca yatsaumya hastaścaiva triruttarāḥ |
? maitryāditya maghāsyādivaṣṭādrāśravaṇāḥ śubhāḥ || 4 ||

eṣāmeva dinaṃ śreṣṭhaṃ dhanadhānya vivardhanam |
? dvitīyāṃ tṛtīyāṃ pañcamī ṣaṣṭhī saptamī || 5 ||

pṛ0 53) daśamyekādaśairvāpi śuklapakṣe trayodaśī |
pratipatpūrṇamāvāsyāṃ kārayettu śivadvijaḥ || 6 ||

rāśayaścaravajyaśca grāhyā dhanuraśobhanā |
somabhārgavasaumyāyāṃ vārā śreṣṭhatamā smṛtāḥ || 7 ||

eṣāmeyodayaṃ śastaṃ tatra somodayaṃ vinā |
aṣṭamasthā grahāssarve sarvaṃ kurvanti dusthitam || 8 ||

khaṇḍaspūṇāntanakṣatre gulikā viṣṭayasyajet |
grahaṇe viṣuve caiva ayane vyatipātake || 9 ||

(dusthitaḥ)
ṣaḍaśītimukhe vāpi kṛtaṃ kāryaṃ vinaśyati |
evaṃ parīkṣya kartavyaṃ sarvasaṃpatkarāya ca || 10 ||

pṛ0 54) atha bhūmiṃ parīkṣyaiva paścātkarma samārabhe |
ūṣaraṃ kṛmibhirjuṣṭaṃ valmīkāḍhyaṃ ta varjayet || 11 ||

śvetā tu brahmabhūmi syāt raktā vai kṣatriyasya tu |
pītā vaiśyā iti proktā kṛṣṇā śūdrā iti smṛtāḥ || 12 ||

hastamātraṃ khanitvā tu pūrayettena pāṃsunā |
adhikaṃ cottamaṃ jñeyamadhamaṃ nyūnameva ca || 13 ||

ārāddhya viṣamantreṇa hemaśṛ"ngakhurānvitau |
kṣīravṛkṣayugaṃ badhvā gocarmeṇaiva baddhayet || 14 ||

asanaṃ khādiraṃ vā halaṃ kṛtvā yalehakaḥ |
ācāryassakalīkṛtya navavastreṇa veṣṭayet || 15 ||

pṛ0 55) sarvābharaṇa saṃpūjya arcayecchivamantrataḥ |
oṃ tīkṣṇaśṛ"ngāya vidmahe vedapādāya dhīmahi |
tanno vṛṣabhaḥ pracodayāt |
ārādhya vṛṣabhaṃ tatra karṣayet śivamantrataḥ || 16 ||

oṃ - prāgukta karṣayettatra ācāryaṃ pūjayettataḥ |
śālimudgakulasthaṃ ca bhūtale vinyasettataḥ || 17 ||

ācāryāya pradātavyaṃ sahagau vṛṣabhau tathā |
teṣu pakṣeṣu kāleṣu gogaṇānāṃ nivedayet || 18 ||

śālyaṃ vimocayettatra lakṣaṇe * samanvitam |
puṇyāhaṃ vācayettatra prokṣayet śivamantrataḥ || 19 ||

pūjānāṃte spṛśā kartā yada"ngastaṃ nirīkṣyate |
vāstudehe'pi tatraiva śalyaṃ brūyādyathākramāt || 20 ||

pṛ0 56) asthiśalyaṃ śirasparśaṃ tadaddhastadvamānataḥ |
karasparśe gale tacca vṛddhasta trayamānataḥ || 21 ||

trihaste śṛ"ngalā śalyamurasparśāttu deśikaḥ ||
hastamātre karasparśāt kha vā pādaṃ samādiśet || 22 ||

a"ngārakaṃ trihaste tu bhāvasparśanamucyate |
? gulphena pādanirdiṣṭaṃ vitasti dvaya vita 
pramāṇāpāde karṇā"ngamucyate || 23 ||

kaniṣṭhā"nguṣṭhayoḥ sparśāt karā pekākamucyate |
kaṭasparśā tu lohaṃ ca karadvayapramāṇataḥ || 24 ||

? nābhikorparaṃ ha jānusparśameva ca |
evaṃ parīkṣya bahudhā śalyamuddharate kramāt || 25 ||

pṛ0 57) ghanaṃ kṛtvā tu viprendra gomayenānulepayet |
puṇyāhaṃ vācayettatra ṣaṇṇavatyā tu prokṣayet || 26 || 

aśvatthodumbaraṃ vātha śa"nkuṃ vai grāhayettataḥ |
āyāmadvādaśā"ngulannāḍīṃ syāttu ṣaḍa"ngulam || 27 ||

tatra madhye sthitaṃ śa"nkuṃ tanmānena tu bhrāmayet |
sūtradvayaṃ tanaiva * * * * * * mānataḥ || 28 ||

pūrvāhṇe ca parāhṇe ca śa"nkuchāyaṃ ca laṃghayet |
tatassūtradvayaṃ prāci pādayoścakramadhyame || 29 ||

prageta sūtramānena madhyasthenaiva kārayet |
udāt sūtraṃ bhavettatra kṛtvā tu caturaśrakam || 30 ||

pṛ0 58) pañcagavyena saṃprokṣya ṣaṇṇavatyena mantrataḥ |
vāstudevān samabhyarcya puruṣaṃ pūjayettataḥ || 31 ||

asurāṇāṃ hatārthāya śukraḥ kṛtvā mahātapāḥ |
? mahattapa sasaṃ * * * * * bhūtakāṃ balaḥ || 32 ||

bhūmyāmayo mukhastaṃ tu dadyāttu puruṣo bhavet |
evameva kramaṃ jñātvā vāstu tatraiva kalpayet || 33 ||

madhye navapadaṃ brahmā caturdikṣu ca vinyaset |
brahmāṇaṃ pūrvato bhāge samayyaka tu ṣaṭpadam || 34 ||

dakṣiṇe tu vivasvāṃśca ṣaṭpaṃdaṃ caiva pūjyate |
mitraścaiva tu viprendra paścime ṣaṭpadastathā || 35 ||

pṛ0 59) uttare ṣaṭpadaṃ bhu"nkte pṛthivīdhara eva ca |
āpaścaivāpavatsaśca aiśānyāṃ tu padadvaye || 36 ||

sāvitrī savitā caiva āgneye tu padadvaye ||
indraścendrajayaścaiva nairṛtyāṃ tu padadvaye || 37 ||

rudro rudrapadaścaiva vāyavyāṃ tu padadvaye |
īśānaścaiva parjanyo jayantaśca mahendrakaḥ || 38 ||

? ādityaka bhṛṃgāvantarikṣaśca pūrvagā |
agniḥ pūṣā ca vitatho grahaḥ kraturyamastathā || 39 ||

gandharvo bhṛ"ngarājaśca mṛgaścaiva tu dakṣiṇe |
pitṛdauvārikaścaiva tathā sugrīvameva ca || 40 || 

pṛ0 60) puṣpadantaśca varuṇo asuraśca tathaiva ca |
śoṣaśca pāpa yakṣmā ca paścime tu vyavasthi * || 41 ||

uttare tu tathā rogānnāgo mukhyastathaiva ca |
bhalloṭaśca tathā somo ṛgoditi ditistathā || 42 ||

pūtanā naiṛte caiva pāparākṣasi . vāyave |
vāstavānāṃ tu sarveṣāṃ brahmabhirmukha eva ca || 43 ||

evaṃ vinyasya devāṃśca puruṣaṃ procyate mayā |
samānīya śiraṃ vidvān brahmakāyamihocyate || 44 ||

mitraścaiva tu li"ngaṃ syādvṛṣaṇaṃ pṛṣṭhameva ca |
evaṃ vāsturidaṃ proktaṃ caravāsa śṛṇuṣvatha || 45 ||

pṛ0 61) māse bhādre pade svādipūrvaśīrṣamucyate |
mārgaśīrṣakamāsādi trayo māsāstu dakṣiṇe || 46 ||

phalgunyādi trayo māsaṃ paścime śira ucyate |
jyeṣṭhamāsādisaṃjñeyā uttare śīrṣaṃ tathā || 47 ||

pūrva śīrṣamadhyāhne sāye dakṣiṇaśīrṣakam |
madhyarātrau tu viprendra paścime śira ucyate || 48 ||

uṣaḥ kāle tu sarve tu uttare śira ucyate |
evaṃ puṣpaiśca dhūpaiśca dīpaiścaiva supūjayet || 49 ||

vakṣye vidhi baliryāvat tāvacchṛṇu tapodhana |
sarveṣāṃ bali dātavya pāyasānnaṃ ghṛtaplutam || 50 ||

pṛ0 62) pradadyāt phalabhakṣyaṃ tu samaryaka viśeṣataḥ |
tilamaṣṭānnasaṃyuktaṃ vivasvāti baliṃ tataḥ || 51 ||

pūrvāpadadhi mitre ca mahiṣa kṣīrameva ca |
parjanye caiva sarpiśca jayante navanītakam || 52 ||

mahendre piṣṭamevaṃ tu * * * madhurucyate |
madhu citrodaraphalaṃ satye balimihocyate || 53 ||

? kaṃkvānnaṃ ca vidhe bimbā * vināṃ ca grahakṣite |
kṛsaraṃ yamadevaṃ tu gandharve khilamucyate || 54 ||

samudramatsya viprendra bhṛ"ngarājabaliṃ tataḥ |
dadhyānnaṃ ca mṛge dadyat pitṛpiṇḍākatailakam || 55 ||

pṛ0 63) iṣṭe vāyu śataṃ piṣṭe dau * vari sugrīvake |
puṣpadante ja kusumaṃ pāyasaṃ varuṇe tathā || 56 ||

asure madhukaṃ vidyāt śoṣe tu tilataṇḍulaiḥ |
? rogobhi śuṣkamasyaṃ hi nāgau cārcaṃ baliṃ tathā || 57 ||

prakhye pi dhānyavarṇaṃ tu dadhisaṃyutameva ca |
bhalloṭe tu gulaṃ saṃ syāt some gulānnameva ca || 58 ||

ṛbhedave gulaṃ caiva diti devastumomakaiḥ |
ditau ca tilabhakṣyeṇa kṣīrānnaṃ sarvarīśake || 59 ||

āpe tayā pavatseva ajamāṃsaṃ ca matsyakam |
savitā sāvitrake caiva ja"ngamaṃ dhodanaṃ tataḥ || 60 ||

pṛ0 64) indro balistadā dadyāt indrajaye tu mudgakam |
rudro rudrajaye caiva māsaṃ kṣīraṃ baliṃ dadet || 61 ||

carakī ghṛtamevaṃ tu vidārī lavaṇaṃ tathā |
tilapiṣṭaṃ pūtanā caiva gulmāṣa pāparākṣasī || 62 ||

sthāpitaḥ kṛtopavāsaśca evameva baliṃ dadet |
devatānāmasaṃyuktaṃ caturthyantaṃ samāyutam || 63 ||

namaskārasamāyuktaṃ balamadvi vinirdiśet |
ācāryairbali dātavyaṃ vāstuhomādikarmasu || 64 ||

brāhmaṇaḥ sudhā pitā kṛṣṇā śūdrasya saṃsmṛtā |
madhurā brahmaṇo bhūmiḥ karṣayā kṣatriyasya vai || 65 || 

pṛ0 65) vaiśyasya kṣadasā jñeyā śūdrastu kāmakā smṛtāḥ |
ājyagandhaṃ tu viprasya raktagandhā nṛpasya tu || 66 ||

mūtragandhā tu vaiśyasya śūdrasyeṣṭā sugandhinī |
varṇagandharasānāṃ ca tattajjātyarhakaṃ bhavet || 67 ||

hastamātraṃ khanet bhūmiṃ pūrayettena pāṃsunā |
adhikā cottamaṃ vidyāt madhyamā samapāṃsulā || 68 || 

uttamaṃ vidyahīnāccāpyadhamaṃ jñeya varjayet |
bhāsatkarā tuṣā keśā hastamuddharate tathā || 69 ||

pañcagavyena saṃprokṣya śivamantreṇa deśikaḥ |
pañcaratna kṣipettatra ṣaṇṇavatyā ca mantritam || 70 || 

pṛ0 66) pāṃsubhiścāda * * tu dhiṇyaṃ sāmyaṃ prakalpayet |
darpaṇodarasaṃkāśa caturaśraṃ samantataḥ || 71 ||

pūrvāgraṃ saptasūtraṃ syāt udagagraṃ tathaiva ca |
karṇasūtradvayopetaṃ tasyāgre mukhamucyate || 72 ||

īśe jayantamāditye satyakaśca bhṛśastathā |
agniśca vitathaścaiva grahakṣata yamastathā || 73 ||

bhraṃśaṃ ca pitṛ sugrīvo varuṇaścāsurastathā |
roganāgaśca mukhyaśca . . . . momaścāditaro'pi ca || 74 ||

ardhārdha dvipadaṃ bhu"nkte * * * samarīyakam |
vivasvān dakṣiṇaścaiva mitraścaiva tu paścime || 75 ||

pṛ0 67) ardhārdhā dvipadaṃ bhu"nkte uttare pṛthivīdharā |
āpa vatsaśca sāvitrī indrajastaṃ tathaiva ca || 76 ||

rudraṃ jayaśca viprendra īśāne kapadastithā |
brahmaścatuṣpadaṃ bhu"nkte ṣaṭtriṃśatpadabhāginī || 77 ||

carakī cārakī caiva pūtanā pāparākṣasī |
catuśśūle nyasettatra gandhapuṣpādinārcayet || 78 ||

puruṣaṃ pūrva saṃkalya sarīryake śiro bhavat |
brahmakāyamiti proktaṃ vāmāmbāyavatsakeṃ || 79 ||

sāvitryantaṃ ca viprendra dakṣiṇe bāhurucyate |
rudre jayastathā caiva vāmabhāgaḥ prakīrtitaḥ || 80 ||

pṛ0 68) indraṃ jayastathā ca syāt dakṣiṇo pāda ucyate |
mitraścaiva tu li"ngaṃ syādayomukhaṃ tu kārayet || 81 ||

gandhaiḥ puṣpaiśca dhūpaiśca varuṇaścaiva pūjayet |
maṇḍalaṃ vardhayeddhīmān puṇyāhaṃ vācayettataḥ || 82 ||

pūrve catuṣpade caiva aṣṭāṃśaṃ tu vibhājite |
ekāṃśaṃ vartayettatra tattanmadhyādi bhrāmayet || 83 ||

evameva krameṇaiva caturdikṣu ca bhrāmayet |
madhyāt karṇe parigṛhya tadardhenaiva bhrāmayet || 84 ||

abhyantaraṃ karṇapade vartayeddalameva ca |
evameva krameṇaiva catvāro dalamucyate || 85 ||

pṛ0 69) vāhyakarṇapade cārdho vardhayedvṛttameva ca |
aṣṭābhirdalamevaṃ tu dalāgraṃ tatra yojayet || 86 ||

prativāraṇarekhā ca ekā"ngulena kārayet |
a"ngulītrayakārye tu śobhāṃ caiva tu varjayet || 87 ||

a"ngulenaiva viprendra ubha śobhāṃ ca varttayet |
madhyātpūrvadalāntaṃ tu varttayetkesaraṃ tataḥ || 88 ||

kesaraṃ tu tribhāgaikaṃ karṇikāścaiva varttayet |
evameva krameṇaiva vartayenmaṇḍalaṃ tataḥ || 89 ||

mokṣadaṃ maṇḍalaṃ proktaṃ ākāśaṃ ca śṛṇuṣvatha |
pūrvāgramuttarāgraṃ ca sūtradvayaṃ prasārayet || 90 ||

pṛ0 70) nirṛtyaiśānakoṇe ca vāyavyāgneyameva ca |
sūtraprakārayormadhye śakraṃ tatraiva vinyaset || 91 ||

khādirāśśa"nkavaḥ kāryā bilvacūtakadambakaiḥ |
madhūkaṃ devadāruṃ vā yājñikaṃ vṛkṣameva ca || 92 ||

aṣṭā"ngula samutsedhaṃ tadardhaṃ nāhamucyate |
kartavyāccatura"ngulyaṃ kebarāśca ṣaḍa"ngulī|| 93 ||

dalāyāmaṃ ca viprendra caturdaśā"ngulaṃ bhavet |
prativāraṇa cā"ngulyaṃ vidhāyā"ngulireva ca || 94 ||

śobhamapyapa śobhāṃ ca vartta * da"ngulāntaram|
evameva krameṇaiva varttayenmaṇḍalaṃ tataḥ || 95 ||

pṛ0 71) maṇḍalaṃ saṃpravakṣyāmi muktācūrṇena saṃyutam |
śāligodhūmapiṣṭaiśca pañcarāgaṃ ca cūrṇakaiḥ || 96 ||

gairikaiṣṭakacūrṇaiśca indranīlasya cūrṇakaiḥ | 
tuṣā"ngārakacūrṇaiśca marakatasya ca cūrṇakaiḥ || 97 ||

haridrācūrṇasaṃyuktaṃ maṇḍale vinyasettataḥ |
kesarasya tu mūle tu śuklavarṇaṃ prakīrtitam || 98 ||

madhyame pītavarṇaṃ tu agre pītamihocyate |
pūrvāyāṃ tu dalaṃ caiva śvetavarṇamiti smṛtam || 99 ||

āgneyyāṃ raktavarṇāṃ ca yāmye kṛṣṇamihocyate |
nairṛte dhūmravarṇaṃ tu vāruṇe mauktikaṃ bhavet || 100 ||

pṛ0 72) vāyavyāṃ śyāmavarṇaṃ tu some tu rajanī bhavet |
aiśānyāṃ nīlamevaṃ tu dalavarṇamihocyate || 101 ||

śvetavarṇena viprendra vinyaset prativāraṇe |
tadante rajanī yasya śālipiṣṭaṃ tadantake || 102 ||

caturdvārasamāyuktaṃ lekhayettu śivadvijaḥ |
ekahastaṃ dvihastaṃ vā caturhasta tathopi va || 103 ||

aṣṭau vā dvādaśaṃ haste ṣoḍaśaṃ viṃśatistu vā |
hastau triṃśatibhirvāpi idamiddhanna kārayet || 104 ||

aṣṭau vā ṣoḍaśaṃ vāpi dvātriṃśaddalameva ca |
aṣṭottaraśataṃ vāpi dalasaṃkhyā vidhīyate || 105 ||

pṛ0 73) mantranyāsaṃ pravakṣyāmi śṛṇuṣva kamalāsana |
puruṣaṃ parvadale nyasya aghoraṃ dakṣiṇe dale || 106 ||

sadyaṃ tu paścime nyasya vāmadevaṃ tathottare |
āgneyyāṃ hṛdaye nyasya śiramīśānake dale || 107 ||

nairṛtyāṃ tu dale vipra śikhāmantraṃ tu yojayet |
kavacaṃ vāyudeśe tu netramīśānadeśake || 108 ||

astraṃ diśāsu saṃpūjya evameva kramānnyaset |
dainyake tu pade caiva śiṣyādivāsanaṃ bhavet || 109 ||

manuṣye'pi vikuṇḍassyāt peśāce guru tiṣṭhati |
brūhi me maṇḍalaṃ kuryāt evameva krameṇa tu || 110 ||

pṛ0 74) karṇikāyāṃ śivaṃ pūjya īśānaṃ kesare nyaset |
prokṣayedambhasā caiva puṇyāhaṃ vācayettataḥ || 111 ||

gandhaiḥ puṣpaiśca dhūpaiśca hṛdayena tu pūjayet |
āvāhayettato devaṃ sadyojātena mantrataḥ || 112 || 

sthāpayedvāmadevena aghoreṇa nirodhayet |
sānnidhyaṃ puruṣeṇaiva īśānena tu pūjayet || 113 ||

pañcāvaraṇamārgeṇa pūjayedvidhipūrvakam |
nivedayeccaruṃ tasya sarvopadaṃśasaṃyutam || 114 ||

ardhaṃ nivedayeddeve cātyātthyaṃ baliragnibhiḥ |
pātraśeṣaṃ caturthyantaṃ śataṃ śiṣyāya pradāpayet || 115 || 

pṛ0 75) pañcabrahmairanusmṛtya pañcapiṇḍaṃ kuruṣvatha |
ācamya ca vidhānena dantairaspṛśya prāśayet || 116 ||

vyomavyāpiṃ japettatra ācamya ca vidhānataḥ |
dantakāṣṭhaṃ tataḥ kuryāddvādaśā"nguladairghyakam || 117 || 

pippalaṃ vaṭavṛkṣaṃ ca khādiraṃ vāpi kārayet |
kṣīravṛkṣamapāmārgaṃ dantadhāvanamucyate || 118 ||  

pāśupatāstramantreṇa japitvā khāta(da)yettataḥ |
śodhayitvā malaṃ vipra ācamya ca vidhānataḥ || 119 || 

vyomavyāpiṃ japettatra śivā"ngaṃ vinyasettataḥ |
aghoramantreṇa bhasma śirasi vinyasettataḥ || 120 ||

pṛ0 76) pañcagavyaṃ tato dadyācchivamantrasamāyutam |
śivā"ngairbrahmabhiryuktaṃ japitvā paścāt prāśayet || 121 ||

ācamya ca vidhānena pūto bhavati nityaśaḥ |
śiṣyaṃ cādhivasenmantrī maṇḍalasya tu dakṣiṇe || 122 ||

bhasmadarbhasamārūḍha śivadhyānaparāyaṇaḥ |
agnikuṇḍaṃ prakartavyaṃ dvātriṃśatṣoḍaśaṃ tu vā || 123 || 

? aṣṭau ca pañcasaṃkhyā vā dik drāva ca * * * * |
vṛttaṃ vā caturaśraṃ vā sarvakuṇḍāni kārayet || 124 ||

bilvo dumba śamīścaiva vaikataṃkata samittadā |
pālāśakhādirāśvatthapakṣanyagrodhameva ca || 125 ||

pṛ0 77) apāmārgaṃ ca vikhyātaṃ samidbhissamudāhṛtam | 
samidājyacarūlājān śālīṃ ca sarṣapaṃ tathā || 126 ||

yavāṃścaiva tu viprendra homayettantrapāragāḥ | 
samidhassadyamantreṇa ājyaṃ hṛdayameva ca || 127 ||

śikhayā vātra homaṃ tu lājaṃ vāmena caivahi |
tilāṃ dhatte yamaṃ caiva śālīṃ ca puruṣeṇa tu || 128 || 

sarṣapaṃ śiramantreṇa kavacena yavāṃstathā |
śivāya daśa hotavyamavidye dviguṇaṃ bhavet || 129 ||

gaṇeśān lokapālāśca triguṇaṃ homayettataḥ |
triguṇaṃ lokapālāstraṃ homayeddeśikottamaḥ || 130 || 

pṛ0 78) maṇḍalasya tu pūrveśa kalaśānvinyasennava |
savastrān sāpidhānāṃśca samantrān hemasaṃhitān || 131 || 

navaratnaṃ ca viprendra navakumbheṣu vinyaset |
dhānyopari vidhātavyaṃ candanodakapūritam || 132 || 

śivamantreṇa saṃsthāpya pradhānakalaśastathā |
puruṣaṃ pūrvataḥ sthāpya aghoraṃ dakṣiṇena vā || 133 || 

sadyaḥ paścimataḥ sthāpya vāmadevaṃ tathottare |
aiśānyāmīśamantreṇa āgneyyāṃ hṛdayena tu || 134 ||

śikhāmantreṇa nairṛtyāṃ kavacaṃ vāyugocare | 
tattanmantrasamāyuktaṃ tattatkumbheṣu deśikaḥ || 135 ||

pṛ0 79) gandhaiḥ puṣpaiśca dhūpaiśca dīpairarghyairviśeṣataḥ | 
hṛdayena tu mantreṇa naivedyān dāpayettataḥ || 136 ||

paśyate vijayaṃ svapne mahadaddhyamavāpnuyāt |
padmaṃ puṣpaṃ ca vṛṣabhaṃ makuṭaṃ bhūmilābhakam || 137 || 

arpitaṃ phalitaṃ vāpi pakvaṃ vā śubhavṛkṣakaiḥ |
dṛṣṭe mṛṣṭaphalaṃ caiva labhate'tra na saṃśayaḥ || 138 ||

śālikṣetre mahat pakvaṃ dṛśyate śālilābhakam |
arpitaṃ phalitaṃ vāpi anyairvā śubhavṛkṣakaiḥ || 139 || 

? dṛṣṭe mṛṣṭaphalaṃ caiva labhate'tra na saṃśayaḥ |
śālikṣetre mahatpakvaṃ dṛśyate śālilābhakam || 140 ||

pṛ0 80) svapne mahodakaṃ dṛśye dhanadhānyamavāpnuyāt |
dṛśyate puṣpamālāyāṃ arthalābhaṃ vinirdiśet || 141 ||

dhenuṃ vāpi varāhaṃ vā śuklaṃ vā mṛgameva ca |
śārikāṃ vā bhayaṃ vāpi dṛśyet kuḍumbabandhanam || 142 ||

yastu śvetena darpeṇa dṛśyate dakṣiṇe bhuje |
patraṃ vā cārthalābhaṃ vā labhate'tra na saṃśayaḥ || 143 ||

gandhaśāli mahāśāli kalimāśāli reva ca |
dātavyamapi svapne tu duḥkhanāśā bhavanti vai || 144 ||

savatsāṃ surabhīmudrāṃ paśyedāyuśca varddhata |
janaṃ vā vānaraṃ vāpi sarpaṃ vā dṛśyate'thavā || 145 || 

pṛ0 81) dhanadhānyamavāpnoti putrapautravivardhanam |
prāsādarohaṇaṃ vāpi samudramuttīryate naraḥ || 146 ||

sa rājyaṃ labhate'vaśyaṃ svapnāntaṃ dṛśyate naraḥ |
candrasya maṇḍalaṃ dṛśye bhakṣaṇe vā viśeṣataḥ || 147 ||

bhakṣaṇādrājyamāpnoti darśanādardhamāpnuyāt |
suraṃ vāpyasuraṃ vāpi pānaṃ vā dṛśyate yadi || 148 || 

vidyālābhaṃ dvijānāṃ tu itarastu dhanaṃ labhet |
tarate sṛkniśī vāpi mahadarthamavāpnuyāt || 149 ||

amedhyadarśanaṃ vakṣye arthalābhaṃ vinaśyati |
kṣīrapāne mahāvyādhirghṛtapāne mahadbhayam || 150 ||

pṛ0 82) raktapānena syādvyādhī rājyaṃ ca dadhibhojanam |
pāyasaṃ caiva vaiśvānaraṃ vā vāda līyate tataḥ || 151 ||

mahatsukhamavāpnoti māsānmaraṇamāpnuyāt |
śyenaṃ vā kapiṃ vāpi dhūrttaṃ caiva samūlakam || 152 ||

mūrdhni vā līyate bhakṣe māsānmaraṇamāpnuyāt | 
svadante patite caiva bandhurmaraṇamāpnuyāt || 153 ||

? mataṃ malinavastraṃ saṃyutaṃ * * * * * * |
te tu mahāvyādhi raktaṃ vā bhāmavāpnuyāt || 154 ||

nigale cātra dṛṣṭe tu mahāvyādhimavāpnuyāt |
raktavastraiśca mālyairvā kṛṣṇaṃ vāpi ca dhāryate || 155 ||

pṛ0 83) pādadeśe sthitā nārī vyādhito maraṇaṃ bhavet |
kathayukta rathāru * * * te tu yamālayam || 156 || 

māsānmaraṇamāpnoti svapnānte dṛśyate yadi |
rūpe tu patite dṛśye maraṇaṃ tasya nirdiśet || 157 ||

sanyāsaṃ kṣapaṇaṃ bodhyaḥ dṛśyate maraṇaṃ bhavet |
śai . . . . . cānyadvayaṃ vāpi raktasa(va)strāṃ suma"ngalīm || 158 ||

* * * maghā strīyamavāpnoti dṛśyate yadi |
tālavṛkṣaphalaṃ caiva phalānāṃ varjayettataḥ || 159 ||

kiṃśukaṃ raktapuṣpāṇi karavīraṃ tu varjayet |
dhūrddhūrakaṃ vinā vipra śvetapuṣpaṃ pradṛśyate || 160 || 

pṛ0 84) narāṇāṃ brāhmaṇaśśreṣṭha rājñāṃ tu madhyamaṃ bhavet |
śukahastaṃ ca viprendra pakṣīṇāṃ tu pradarśayet || 161 || 

dhenuṃ ca vṛṣabhaṃ caiva siṃhaṃ caiva mṛgaṃ tathā |
svapne pradṛśyate vipra āyuṣyaṃ caiva vardhanam || 162 || 

marīcaṃ sarṣapaṃ mudgaṃ dṛśyate vyādhimāpnuyāt |
kadalī nālikeraṃ vā panasaṃ mātula"ngakam || 163 || 

eteṣāṃ tu phalaṃ dṛśye dhanadhānyamavāpnuyāt |
devānāṃ ca ṛṣīṇāṃ vā devapatnī ca vā sthirā || 164 ||

yastu paśyati svapnānte dhanamāyuryaśo bhavet |
āyaṃ cāhanaṃ vāpi dṛśyāt kuḍumbavardhanam || 165 || 

pṛ0 85) māsaṃ vāpi ca matsyaṃ vā labdho śubhapradaṃ bhavet |
ṛkṣāṃ vā taskaraṃ vāpi mahiṣaṃ vyāghrameva ca || 166 || 

rājā pīḍāmavāpnoti prātarevādhimādiśet |
snānakāryaṃ prakuryāttu sadyo vyādhirvimucyate || 167 ||  

raṇḍāṃ ca muṇḍanaṃ vāpi nagnāṃ strīṃ vāpi paśyati |
dhānyakṣayaṃ bhavettasya svapnānte'pi na saṃśayaḥ || 168 || 

puruṣaṃ vāpi mūtraṃ vā svapne saṃdarśayettataḥ | 
vāstu naśyati svāpānte arthahānimavāpnuyāt || 169 || 

śālyannaṃ bhuñjate yastu āyuśśrīkīrtivardhanam | 
strībhissuma"ngalībhistu saṃyogaṃ maithunaṃ śubham || 170 || 

pṛ0 86) śubhe tu pravite dīkṣāmaśubhe homamācaret |
sahasra paramāṃ devī śatamūlā śatā"nkurā || 171 || 

sarvaṃ haratu me pāpaṃ dūrvā duḥsvapnanāśinī |
idaṃ mantraṃ japitvā tu dūrvāṃ śirasi nikṣipet || 172 || 

svapnaṃ tu prathame yāme vatsaratrayasākinaḥ |
dvitīyena dvayaṃ caiva dviyāme caikavatsaram || 173 || 

caturthe'pi ca yāme ca ṣaṇmāsātsidhyate tataḥ |
uṣāyāṃ tu daśāhe tu prāhe pañcadaśaṃ dinam || 174 ||

aruṇodaya velāyāṃ saptāhāt siddhimāpnuyāt |
evameva krameṇaiva svapnaṃ caiva parīkṣayet || 175 || 

evaṃ parīkṣya bahudhā prabhāte snapanaṃ bhavet |
dīkṣāyā maṇḍalaṃ proktaṃ dīkṣāvidhimatha śṛṇu || 176 || 

iti vīratantre dīkṣāmaṇḍalapaṭalo'ṣṭamaḥ ?

(karṣaṇa, vāstulakṣaṇa, bali dīkṣāmaṇḍalavidhayaḥ) ?

pṛ0 87) paṭalaḥ 6 (dīkṣāvidhiḥ)

pitāmaha uvāca-

dīkṣāmārgaṃ kathaṃ devaṃ mantranyāsa kathaṃ prabho |
śaivāssaptavidhā ke vā tatsarvaṃ brūhi me prabho || 1 || 

īśvara uvāca-

pitāmaha mahāprājña yat tvayā paricoditam |
tatsarvamakhilaṃ vakṣye śṛṇuṣva kamalāsana || 2 || 

śrīyate satvasadbhāvaṃ śrīyate pāśapañcaram |
tayostu saṃpuṭīkṛtya sā dīkṣā iti kathyate || 3 || 

saptadhā śaivamuddiṣṭaṃ matāni gadataśśrṛṇu |
anādi śaivaṃ prathamaṃ ādiśaiva dvitīyakam || 4 || 

mahāśaivaṃ tṛtīyaṃ tu caturthaṃ cānuśaivakam |
avāntaraṃ tu śaivaṃ tu pañcamaṃ ca vidurbudhāḥ || 5 || 

pṛ0 88) ṣaṣṭha pravara śaivaṃ tu saptamaṃ cāntya śaivakam |
śaivāssapta tayā proktāsteṣāṃ bhedaṃ śṛṇuṣvathā || 6 || 

anādi śaiva vijñeyaṃ ahameva na saṃśayaḥ |
śivadvijāśca viprendrā ādiśaivāḥ prakīrtitāḥ || 7 || 

kauśikaḥ kāśyapaścaiva bhāradvājo'trireva ca |
gautamaścāpyagastyaśca pañcavaktreṣu dīkṣitāḥ || 8 || 

eteṣāṃ tu ṛṣīṇāṃ tu jātā ye ca śivadvijaḥ |
punardīkṣāṃ na kurvanti kartavyā cettu niṣphalam || 9 || 

upanayīta kāle tu maṇḍale pūjayecchivam |
snapanaṃ cā"nga śuddhyarthaṃ kārayettu śivadvijān || 10 || 

pṛ0 89) mahāśaivaṃ tu viprāṇāṃ * * ñcaiva samanvitam |
adīkṣitaścaturvedī śivapūjāṃ na kārayet || 11 || 

śrutyarthaṃ parameśānaṃ dīkṣāparahito dvijaḥ |
ṣāṇmāsātpatanaṃ yāti yajeddevalaka smṛtāḥ || 12 ||

trīṇi varṣāṇi bhṛtyarthamanyali"nge'pi dīkṣitāḥ |
pūjayedvṛti vipraistu sa vai devalako bhavet || 13 ||

eteṣāṃ caiva sarveṣāṃ malakānāṃ ca sarvaśaḥ |
sthitali"nge tu yatpūjā na kurvīta kadācana || 14 || 

kṣatriyaścaiva vaiśyaśca anuśaivamihocyate |
śūdro'pyantara śaivastu ucyate kramaśo'dhunā || 15 || 

pṛ0 90) savarṇāmbaṣṭhamadhye stho kulālo pāraśivastathā |
pravara śaivamiti khyātamidamanya śṛṇuṣvathā || 16 || 

anyeṣāṃ caiva jātīnāmanyaśaivamihocyate | 
? ādiśaiva na kartavya pratiṣṭhā arcanāntakam || 17 || 

anyathā kārayedvastu niṣphalaṃ caivamāpnuyāt |
śaivabhedaṃ mayā khyātaṃ dīkṣāvidhimatha śṛṇu || 18 || 

rohiṇī śravaṇārdrā ca śraviṣṭhā trīṇi cottarā |
puṣyaśśatabhiṣak caiva dīkṣānakṣatramucyate || 19 || 

vṛṣabhaṃ vātha siṃhaṃ vā vṛścikaṃ kumbhameva ca |
mithunaṃ vāpi kanyā vā dhanurvā mīnameva ca || 20 || 

pṛ0 91) ete ca rāśayaḥ proktāścararāśiśca varjayet |
dvitīyā pañcamī vāpi ṣaṣṭhā vāpi viśeṣataḥ || 21 || 

dvādaśīṃ vātha kartavyaṃ trayodaśyāmathāpi vā |
eteṣāṃ tithayaḥ proktā vārāṃścaiva śṛṇuṣvatha || 22 || 

somaśśukrabudho vāpi jīvavāramathāpi vā |
bṛhaspatyudayaṃ vāpi śukrodayamathāpi vā || 23 || 

śukrodaye tu kurvīte somodayamathāpi vā |
? ṣaṣṭhasvaragṛhāṇāttu paścāt śiṣyāṃstu preṣitān || 24 || 

sa śuddhahṛdayān bhaktān kṛtaśauco jitendriyaḥ |
pādaprakṣālanaṃ kuryādācamya ca vidhānataḥ || 25 || 

pṛ0 92) netre bandhaṃ prakartavyaṃ hṛdayena tu mantrataḥ |
dukūlapaṭṭasaṃyuktaṃ kārpāsikamathāpi vā || 26 || 

uttamaṃ dvādaśaṃ hastaṃ madhyamaṃ daśahastakam |
adhamaṃ navahastaṃ tu catustālaṃ tu vismṛtam || 27 || 

jīrṇena sphaṭikenaiva daṇḍe tu maraṇaṃ bhavet |
sa daśāhatavastreṇa netre baddhaṃ tu kārayet || 28 ||

vastradvayena saṃyuktaṃ netramantradaśaṃ japet |
vyomavyāpiṃ japettatra tatpuruṣeṇa samāyutam || 29 || 

netrabaddhaṃ prakartavyaṃ svarṇapuṣpasamāyutam |
uttamaṃ daśaniṣkaṃ tu aṣṭaniṣkaṃ tu madhyamam || 30 || 

pṛ0 93) adhamaṃ pañcaniṣkaṃ tu lakṣaṇaṃ cocyate mayā |
daridrāṇāṃ tu sarveṣāṃ yathālābhena kārayet || 31 || 

uttarābhimukho bhūtvā ekacittena buddhimān |
īśānena tu mantreṇa puṣpahaste nidhāpayet || 32 || 

pradakṣiṇatrayaṃ kṛtvā vāmadevena mantrataḥ |
dhyātvā tu parameśānaṃ śivamantreṇa buddhimān || 33 || 

maṇḍale vikiretpuṣpaṃ svastima"ngalavācakaiḥ |
yasminmantre padet puṣpaṃ nāmagotraṃ tu tanmatam || 34 ||

samantraṃ sadyate tasya kurute * * vyāpya tu |
īśānasya dale dvyādhirāgneyyāṃ śodhanaṃ tathā || 35 || 

pṛ0 94) nairṛtyāṃ śrīkaraṃ proktaṃ manāyuṣyaṃ tu vāyudik |
caturdikṣu ca viprendra tantrikāramiti smṛtam || 36 || 

karṇike patite puṣpe sukhaṃ caiva bhavettadā |
īśānasya dale caiva netrannāma mihocyate || 37 || 

udakena samāyuktaṃ bhasmaṃ śirasi nikṣipet |
gandhādibhiryamabhyarcya hṛdayena tu mantrataḥ || 38 || 

śivāgre caikakumbhaṃ tu śālyopari ca vinyaset |
sasūtrān sāpidhānāṃśca savastrān hemasaṃyutān || 39 || 

śivamantramanusmṛtya sthāpayet kumbhameva ca |
tasyodakena viprendra prokṣayet śiṣyamūrdhani || 40 || 

pṛ0 95) īśānaṃ mūrdhni vinyasya mukhe tatpuruṣaṃ nyaset |
aghoraṃ hṛdaye nyasya guhye vāmaṃ prakalpayet || 41 ||

sadyojātaṃ nyasetpāde vinyaset śiṣyadarśake |
hṛdaye hṛdayaṃ nyasya śiraśśirasi vinyaset || 42 || 

śikhāyāṃ tu śikhāṃ nyasya kavacaṃ stanamadhyataḥ |
astraṃ hastapradeśe tu netraṃ netreṣu vinyaset || 43 || 

devasya dakṣiṇe bhāge kamaṭhākāramākramam |
kūrcenaiva samāyuktamāsanaṃ tatprakīrtitam || 44 || 

āsanasya tu śiṣyaśca pūrvābhimukhameva ca |
agnibījena viprendra trikoṇamaṇḍale sthite || 45 || 

pṛ0 96) pādā"nguṣṭhaṃ samārabhya dehe dadyāt śiro'ntakam |
amṛtena plāvayettatra ekacittena vai budhāḥ || 46 || 

candramaṇḍalasaṃkāśamakāraṃ janmasaṃbhavam |
vidyātattvamukāraṃ tu śivatattvaṃ makārakam || 47 || 

omityanena kamalaṃ yogapīṭhamadhomukham |
cintayedamṛtaṃ toyaṃ suṣumnābhinnaṃmastakam || 48 ||

tena plāvitamātmānamāpūryaṃ taṃ vicintayet |
imāṃ yo'bhyasate nityaṃ samādhiṃ mṛtyunāśakam || 49 || 

na tasya jāyate mṛtyuriti śāstrasya niścayaḥ |
ṣaḍadhva vinyasetpaścāt śiṣyadehe viśeṣataḥ || 50 || 

pṛ0 97) mantrādhvā ca padādhvā ca tattvādhvā bhuvanātmakam |
varṇādhvā ca kalādhvā ca viṃśatyekapadaṃ śivam || 51 || 

sattvaṃ rajastamaścaiva ātmā dindriyameva ca |
brahmā viṣṇuśca rudraśca īśvaraścāṣṭaśaktibhiḥ || 52 || 

pañcabrahma śivā"ngāni prasādānte sadāśivaḥ |
śiṣye dehe nyasedvipraḥ praṇavādi namo'ntakam || 53 || 

tattanmantramanusmṛtya yojayet śiṣyadehake |
mantrādhvā vinyasenmūrdhni kalādhvā mukhameva ca || 54 || 

tattvādhvā hṛdaye nyasya nābhe tu bhuvanātmakam |
varṇādhvā meḍhradeśe tu pādayostu kalādhvakam || 55 || 

pṛ0 98) padādhvā tu punaryojya pādārabhya śirontakam |
sadyaṃ kalābhiraṣṭābhirvāmadevaṃ trayodaśa || 56 || 

aghoramapi cāṣṭau tu caturvṛttastathaiva ca |
īśānasya kalāḥ pañca aṣṭatriṃśatkalā nyaset || 57 || 

vidyeśvarāṇāmaṣṭau ca gaṇeśānāṃ catuṣṭayam |
prāsādaṃ lokapālānāṃ astrāṇāṃ padamekaḥ || 58 || 

evaṃ padādhvā vinyasya tattvādhvā ca punarnyaset |
pṛthivyāpastathā tejo vāyurākāśameva ca || 59 || 

śrotraṃ tvak cakṣu jihvā ca ghrāṇaścaiva tu pañcamaḥ |
vākpāṇipādapāyūrupasthaṃ caiva tu pañcamam || 60 || 

pṛ0 99) śabdasparśe rūparase gandhaścāpi ca pañcamam |
mano'haṃkārabuddhiśca prakṛtiḥ puruṣastathā || 61 ||

raso māyā ca vidyā ca kālā niyatireva ca |
vi * * * barakāśca śuddhamāyā tathaiva ca || 62 ||

śuddhavidyā śuddhakalā sadāśiva śivaḥ paraḥ |
ṣaṭtriṃśatattvamevaṃ tu krameṇaiva tu vinyaset || 63 || 

bhuvanādhvā tato nyasya kālaṃ nālā śivāntakam |
bhuvanādhvā nyasetpaścāt paścādūrdhvaṃ krameṇa tu || 64 || 

adhasthāddhṛdayādīni kalpayetkalpavittamaḥ |
kālāgniścāndhakāraṃ ta narako neka viṃśatiḥ || 65 || 

pṛ0 100) rauravaṃ kumbhipākaṃ ca mahā * * * eva ca |
kṣuradhārāsikādīni jalaṃ ca śītalena ca || 66 ||

uṣṇasantāpanaṃ caiva lohataptaṃ tathaiva ca |
kūṭaṃ śālmali kūpaṃ ca tilayantreṣu yantrakam || 67 || 

dhanurnirayamādhānaṃ kṣurikānirayameva ca |
pāṣāṇaṃ taptapāṃsurvai dharaṇī ca tathaiva ca || 68 || 

talaṃ ca vitalaṃ caiva nitalaṃ ca talātalam |
sutalaṃ ca talātalaṃ rasātalamathopari || 69 ||

bhūlokaśca bhuvarlokassuvarlokastathaiva ca |
maharlokaśca vijñeyo janalokastathaiva ca || 70 || 

pṛ0 101) tapolokaṃ satyalokaṃ gandharvā yakṣalokakaḥ |
vidyādharaṇāṃ lokaṃ ca siddhacāraṇalokakān || 71 || 

asurāṇāṃ lokaṃ ca karṇikānāṃ ca lokakam |
indulokāgnilokaṃ ca yamo nirṛtilokakama || 72 ||

varuṇaṃ vāyulokaṃ ca somalokaṃ tathaiva ca |
īśānaṃ devalokaṃ ca brahmalokaṃ tathaiva ca || 73 || 

brahmalokoparistasya viṣṇulokamataḥparam |
ananteśasya lokaṃ tu sūkṣmalokamataḥparam || 74 ||

śivottamasya lokantu ekanetrasya lokakam |
ekarudrastrimūrtiśca śrīkaṇṭhaśca śikhaṇḍi ca || 75 || 

pṛ0 102) maheśvarasya lokaṃ tu sadāśivasya lokakam |
lokaṃ ca śivalokaṃ ca kramameṣāṃ prakīrtitam || 76 || 

śivalokopariṣṭāttu lokamanyanna vidyate |
nābhimūlātsamārabhya yāvaddhṛdayadeśikam || 77 ||

varṇādhvā vinyasedviprā kapotāntarameva ca |
akāraṃ mūrdhni deśe tu ukāraṃ tu lalāṭake || 78 ||

ukāraṃ dakṣiṇe netre īkāraṃ vāmalocane |
ukāraṃ dakṣiṇanāsāyāṃ ūkāraṃ vāmanāsike || 79 || 

ṛkāraṃ dakṣiṇe śrotre ṛkāraṃ vāmakarṇake |
ḷkāraṃ dakṣiṇe gaṇḍe ḷlkāraṃ vāmagaṇḍake || 80 || 

pṛ0 103) e ai ca tālurandhre tu o au oṣṭhadvayorapi | 
dantapa"nktidvaye nyasya aṃ aḥ ityakṣaradvayaḥ || 81 || 

kavargaṃ dakṣiṇe haste cavargaṃ vāmahastake |
ṭavargaṃ dakṣiṇe pāde tavargaṃ vāmapādake || 82 || 

pā pau dakṣiṇapārśve vā vāmapārśve ba bhau nyaset |
makāraṃ hṛdaye nyasya yakāraṃ tvak ca vinyaset || 83 || 

rephaṃ raktakamevoktaṃ lakāraṃ māṃsamucyate |
makāraṃ meda vinyasya cakāraṃ ca sudeśike || 84 || 

majjādeśe ṣakāraṃ tu śakāraṃ śaklameva ca |
hakāraṃ prāṇamityāhuḥ kṣakāraṃ meḍhrameva ca || 85 || 

pṛ0 104) lakāre vṛṣaṇe proktaṃ sarvānyetāni vinyaset |
navatriṃśatkalānvipra kādipādāntaṃ vinyaset || 86 || 

rasutārā ramaṇīya tarayaṃ tu sudāruṇī |
nivṛttaśca pratiṣṭhā ca vidyā śāntistathaiva ca || 87 || 

śāntyatītaṃ paraṃ vyoma kramādvinyasya tattvavit |
tato mohā kṣudhā nidrā mṛtyu māya jarā bhayā || 88 ||

rājā rakṣā ratiḥ pālyā ramyākṣaṇamiti kriyā |
dhṛtiṃ kāryā parā trī ca bhrāmiṇī mohinī tathā || 89 || 

siddhaṃ ṛddhirdyutirlakṣmī medhā kāṃ tu sthirā sthitaḥ |
navatriṃśatkalā hyetā devadeva na dhīmahi || 90 || 

pṛ0 105) hṛdaye cāgni vinyasya mukhe vāyuśca ta nyaset |
ākāśaṃ mūrdhni vinyasya pañca ta kramaṇā nyaset || 91 || 

mantrādhvā sadyamantreṇa vāmenaiva padādhvakam |
varṇādhvā cā hyaghoreṇa tattvādhvā puruṣeṇa tu || 92 | 

bhuvanādhvā kalādhvā ca īśānena tu vinyaset |
evameva krameṇaiva śiṣyadehe nyasettataḥ || 93 || 

īśānaṃ mūrdhni vinyasya mukhe viṣṇuriti smṛtam |
hṛdayaṃ brahmaṇā proktaṃ acintyāṃ hastayornyaset || 94 || 

indraścaiva tu kukṣi syādvāmāgnau pārśvayornyaset |
vṛṣaṇe nirṛtiścaiva vāyū varuṇa pādayoḥ || 95 || 

pṛ0 106) pṛṣṭhe candra iti khyātaṃ śiṣya ho tu vinyaset |
evaṃ yaḥ kurute martyaḥ pūto bhavati mānavaḥ || 96 ||

deśikaścānmanā viprā śivastatraiva tiṣṭhati |
tasmāt sarvaprayatnena deśikaḥ pūjayettataḥ || 97 || 

yaddravyaṃ pātraśeṣādi śivasya parameṣṭhinam |
hotavyaṃ deśikasyāpi taddoṣāya prakalpayet || 98 || 

śivamuddiśya sarvaṃ tu vastra dhānyādi kāñcanam |
dadyādācārya haste tu śivalokamavāpnuyāt || 99 ||

dīkṣāvidhiriti proktamabhiṣekaṃ tataśśṛṇu | 99.5 

iti vīratantre dīkṣāvidhipaṭalo navamaḥ || ? 

pṛ0 107) paṭalaḥ 7 (grahābhiṣekavidhiḥ)

īśvara uvāca-

grahābhiṣekaṃ vakṣyāmi śṛṇuṣva kamalāsana |
śucau deśe samaṃ kṛtvā gomayenānulepayet || 1 || 

śālistasyopari nyasya * * * * ghaṭaṃ nyaset |
sasūtrān sāpidhānāṃśca savastrānvāripūritān || 2 || 

pūrvādīśānaparyantaṃ sthāpayetkalaśānnava |
madhyame sthāpayetkumbhaṃ gandhapuṣpādinārcayet || 3 || 

kumbhadakṣiṇapārśve tu sthāpayettu navagrahān |
ādityaṃ madhyame sthāpya śukraṃ pūrve tu vinyaset || 4 ||

āgneyaṃ candradaivatyaṃ a"ngārakaṃ tu dakṣiṇe |
rāhuṃ ca nairṛte bhāge paścime śanirucyate || 5 || 

pṛ0 108) ketuścaiva tu vāyavyāduttare tu bṛhaspatī |
aiśānyā budhadevastu sthāpayetkumbhakaissaha || 6 || 

svasvanāmo tu saṃyuktaṃ hṛdayena samanvitam |
arcayeccaiva viprendra havirnivedayettataḥ || 7 || 

bilvapatraṃ tu śiṣyaṃ ca dūrvā caiva palāśakam |
viṣṇukrāntiśśamīpatraṃ padmapatraṃ tathaiva ca || 8 || 

vakulārkasya patraṃ ca aśvatthodumbarastathā |
karavīraṃ bhṛ"ngarājaṃ kumbhe caiva tu nikṣipet || 9 ||

gandhapuṣpādinābhyarcya pūrvedyuradhivāsayet |
evamabhyarcya vidhivat grahapīḍāṃ vyapohya tu || 10 || 

pṛ0 109) upanayanādikāryeṇa evamevābhiṣecayet |
sarve doṣānvinaśyanti evamevaṃ samācaret || 11 ||

ācāryaṃ pūjayettatra vastradhānyādikāñcanaiḥ |
grahābhiṣekamidaṃ proktaṃ śaucamārgavidhiṃ śṛṇu || 12 || 

iti vīratantre grahābhiṣekavidhirdaśamaḥ paṭalaḥ ||

pṛ0 110) paṭalaḥ 8 (śaucācamana snānapaṭalaḥ)

pitāmaha mahāprājña yattvayā paricoditam | 
tatsarvamakhilaṃ vakṣye śṛṇuṣva kamalāsan || 1 || 

utthāya tattathā prātaḥ maunavratasamanvitaḥ |
śrīmān prācīmudīcīṃ vā tattvācāryo viśeṣataḥ || 2 ||

uttarābhimukho vāpi dakṣiṇābhimukhaṃ tu vā |
navamābhimukhasyaṃ tu malaṃ caiva visarjayet || 3 || 

varjayedasthiviṇmūtravarjanaṃ śirovakuṇḍanam |
dakṣiṇena tu hastena mṛdaṃ saṃgrāhayettataḥ || 4 || 

vāme śiśnaṃ gṛhītvā tu kaṇṭhe yajñopavitakam |
nadyāṃ vāpi taṭāke vā puṣkare vā hrade'pi vā || 5 || 

pṛ0 111) śuddhasnāne jalaṃ prāpya ācamye tu yathāvidhiḥ |
gade ca daśathā dadyāt mṛdaṃ caiva viśeṣataḥ || 6 || 

pañcabhiḥ kṣālayedvāmaṃ kārayetpañcamūrttikāḥ |
meḍhre caikamṛdaṃ dadyāt karaṃ pañcaiva kṣālayet || 7 || 

amṛtaṃ phalamātreṇa pādau prakṣālayettataḥ |
triḥ prāśyodvidaṃ mṛjya ācamya ca vidhānataḥ || 8 ||

mṛtpiṇḍaṃ ca tridhā kṛtvā hṛdayena tu mantrataḥ |
tatpuruṣeṇa tu mantreṇa pūrvaṃ piṇḍaṃ tridhā bhavet || 9 || 

dakṣiṇe ghora mantreṇa uttare vāmamantrataḥ |
pūrveṇaiva mṛdaṃ dadyāt astreṇa daśadikṣu vai || 10 || 

pṛ0 112) dakṣiṇena mṛdā caiva sarvā"ngamupalipya ca | 
hṛdayena tu sarvā"ngamastramantreṇa lepayet || 11 || 

uttareṇa mṛdā caivā śivatīrthaṃ tu kalpayet |
jalamadhye sthitaṃ caiva pañcabrahmeṇa deśikaḥ || 12 ||

tailaṃ cāmalakaṃ yuktama"ngaṃ lālipya sarvaśaḥ |
gomayena punaścaiva upalipya ca snāpayet || 13 || 

mārjayecchiramīśānaṃ puruṣeṇa mukhaṃ tathā | 
hṛdayaṃ caiva ghoreṇa vāmenā"nguṣṭhameva ca || 14 || 

pādayossadyamantreṇa mārjayeddeśikottamaḥ |
vyomavyāpiṃ japettatra mārjayitvā tu mantravit || 15 || 

pṛ0 113) kalaśamudrāṃ tu badhvā tu prāsādenābhiṣiñcayet |
gomayena mṛdā caiva sarvā"ngaṃ lepayeddhṛdā || 16 || 

nābhimātrodake sthitvā ācamya ca vidhānataḥ |
triḥ prāśyāpo dvirāmṛjya ūrdhvādhaśca krameṇa ca || 17 || 

a"nguṣṭhānāmikābhyāṃ ca cakṣuṣī samupaspṛśet |
prāṇadvayaṃ ca śrotraṃ ca madhyamā"ngulinā spṛśet || 18 || 

a"nguṣṭhatarjanībhyāṃ tu bāhuṃ caiva spṛśettataḥ |
sarvābhira"ngulībhiśca mūrdhānaṃ caiva saṃspṛśet || 19 ||

dakṣiṇena tu hastena udakaṃ grāhayettataḥ |
vāmadevena saṃyuktaṃ sūryaśceti jalaṃ pibet || 20 || 

pṛ0 114) īśānenā cāgniśceti sāyāhne tu jalaṃ pibet |
ācamya vidhinānena īśānena samāyutam || 21 ||

sāvitrīṃ ca bhavettatra sūryasyo vodakaṃ dadet |
devānvai tarpayettatra vāmadevena mantrataḥ || 22 || 

ṛṣīṃśca tarpayettatra aghoreṇa tu mantrataḥ | 
pitrāṇāṃ tarpayettatra sadyamantreṇa deśikaḥ || 23 ||

prāsādena samāyuktaṃ sāvitrīṃ ca śatāṣṭakam |
mitrassatyena varcasvī hṛdayena samāyutam || 24 ||  

japadvai śirasastatra dhautavastraṃ ca veṣṭayet |
ācamye pūrvavattatra soṣṇīṣaṃ cottarīyakam || 25 || 

pṛ0 115) tīre samatalaṃ kṛtvā hastamāteṇa * * * |
sūryamāvāhayettatra ṣaḍakṣareṇa mantrataḥ || 26 || 

pādyamācamanaṃ caiva arghyaṃ tasmai nivedayet |
devikena tu tīrthena devān saṃtarpayettataḥ || 27 ||

ākarṣṇe tu ca tīrthena ṛṣīṇāṃ caiva tarpayet |
pitṛrṇāṃ caiva pūrveṣāṃ paitrakeṇa tu tarpayet || 28 || 

vimānaṃ praviśettatra puṣpahasto viśeṣataḥ |
pradakṣiṇatrayaṃ kṛtvā praviśettu kavāṭakam || 29 ||

praṇamya daṇḍavadbhūmau arcayettu kavāṭakam |

gandhaiḥ puṣpaiśca dhūpaiśca dīpaiścaiva hṛdā tadā |
pūjayedvidhinā kṛtvā kavasthā tu devatāḥ || 30.5 ||

pṛ0 116) bhuja"ngaśca pada"ngaśca kavaṭasyādhidevatāḥ |
tato garbhagṛhaṃ gatvā śivaṃ praṇamya eva ca || 31.5 ||

evaṃ yaḥ kurute nityaṃ sarvapāpādvimucyate |
snāne devārcane caiva samādhau ca jape tataḥ || 32.5 ||

bhojane devakārye ca maunaṃ ṣaṭsu vidhīyate |
cardite'pyudite sūrye śmaśrukarmaṇi maithune || 33.5 || 

duḥsvapne durjanasparśe snānaṃ ṣaṭsu vidhīyate |
snānaṃ tu dvividhaṃ jñeyaṃ vāruṇasnānameva ca || 34.5 ||

āgneyyāṃ divyamevaṃ tu vāyavyaṃ mānasaṃ tathā |
vāriṇā snāna kāryaṃ ca vāruṇaṃ snānamucyate || 35.5 ||

āgneyaṃ bhasmanā snānaṃ sātapaṃ varṣayettataḥ |
divyasnānamiti proktaṃ vāyavyaṃ tu rajo bhavet || 36.5 ||

mantre mānasamityuktaṃ pañcasnānaṃ vidhīyate |
evameva prakāreṇa kuryādvai deśikottamaḥ || 37.5 ||

snānakarma mayā proktaṃ bhasmasnānamathaśṛṇu || 38 ||

iti vīratantre śaucācamanasnāna ekādaśaḥ paṭalaḥ ||

pṛ0 117) paṭalaḥ 9 (bhasmasnānapaṭalaḥ)

bhasmasnānaṃ kathaṃ devaṃ tatsnānaṃ kīdṛśo bhavet |
etatsarvaṃ samāsena brūhi me parameśvara || 1 || 

īśvara uvāca-

bhasmasnānaṃ pravakṣyāmi śṛṇuṣva kamalāsana |
bhāsakatvaṃ manuṣyāṇāṃ bhāsakābhā śubhasya ca || 2 || 

bhasmanat sarvapāpānāṃ bhasmeti parikīrtitāḥ |
kramādgrahāśca bhūtāśca asurā yātudhānakāḥ || 3 || 

piśācā guhyakādyāśca ḍakinyā vividhāstathā |
sarva * ga samutpannā vyāghra sarva bhayeṣu ca || 4 || 

? anyaiścakramukairbhasmasnānena naśyati |
āgneyaṃ prathamaṃ caiva dvitīyaṃ mārutaṃ bhavet || 5 || 

pṛ0 118) tṛtīyaṃ śaivamityuktaṃ caturthaṃ bhogadaṃ bhavet |
pañcamaṃ śrīkaraṃ proktaṃ teṣāṃ bhedaṃ śṛṇuṣvatha || 6 || 

nandā bhadrā ca surabhi suśīlā sumanāstathā |
teṣāṃ vargeṣu saṃjñātaṃ gomayaṃ caiva saṃgṛhe . . || 7 || 

uttamaṃ śvetavarṇaṃ tu madhyamaṃ raktamucyate |
adhamaṃ raktavarṇaṃ tu anyadvāraṃ tu varjayet || 8 || 

vikaṭā"ngaṃ ca viprendra a"ngahīnaṃ ca varjayet |
patitaṃ gomayaṃ grāhya hṛdayena tu mantrataḥ || 9 || 

kapilā gomayaṃ caiva uttamottama ucyate |
gomayaṃ vāyusaṃbandhaṃ śāntikaṃ brahmamantrakaiḥ || 10 || 

pṛ0 119) ākāśe grāhayeda"ngairdahet tatpauṣṭikaṃ bhavet |
bhūtale patitaṃ yattu prāsādena tu kāmadama || 11 ||

paurṇamāsyāmamāvāsyāṃ ṣaṣṭhyāṃ śuklakṛṣṇayoḥ |
śivāgninā da * * * * * * pi tuṣaistathā || 12 || 

aṇḍaṃ kṛtvā tu viprendra śikhāmantreṇa deśikaḥ |
śuklaṃ ca śirasā caiva daṇḍaṃ vai śikhayā tathā || 13 || 

sadyojātena mantreṇa grāhayettu viśeṣataḥ |
sauvarṇamuttamaṃ pātraṃ madhyamaṃ rajataṃ bhavet || 14 || 

adhamaṃ tāmrapātraṃ syāt alābhe mṛṇmayaṃ tathā |
alābapātre saṃgrāhya vāmadevena mantrataḥ || 15 || 

pṛ0 120) etadāgneyamityuktaṃ mārutaṃ ca śṛṇuṣvatha |
a"nge vā tena codbhūtamathanācca dahettataḥ || 16 || 

mārutākhyamiti proktaṃ śaivalakṣaṇamucyate |
śivāgniṃ kuṇḍa viprendra sajātaṃ bhasmameva ca || 17 || 

bhogadaṃ ca pravakṣyāmi kulālāṃ dahedyataḥ |
etaccaturvidhenoktaṃ śrīkaraṃ ca śṛṇuṣvatha || 18 || 

catvāri bhedasaṃyuktaṃ bhasmanā ca viśeṣataḥ |
evameva prakāreṇa bhasmanāṃ lepayettataḥ || 19 || 

* * bhyomasamāyuktaṃ brahmama"ngena saṃyutam |
īśānena tu mantreṇa śivamuddhūlayettataḥ || 20 || 

pṛ0 121) mukhaṃ tatpuruṣeṇaiva śikhāyā hṛdaye nyaset |
bāhubhyāṃ kavacenaiva jaṭharaṃ nābhivāmake || 21 || 

meḍhraṃ caiva tu pṛṣṭhe ca vāmadevena dhūlayet |
ūrū ca jānunī caiva sphikau caiva kaṭī tathā || 22 || 

pārśvayorubhayoścaiva pādayorubhayoratha |
sadyojātena mantreṇa uddhūlayedviśeṣataḥ || 23 || 

uddhūlayettu sarvā"ngaṃ brāhmaṇānāṃ viśeṣataḥ |
tripuṇḍraṃ kārayettatra nṛpāṇāṃ vaiśya eva ca || 24 || 

śūdrāṇāṃ caiva sarveṣāmevameva krameṇa tu |
madhyāhnātprāk jalairyuktamatoyādanuvarjayet || 25 || 

pṛ0 122) sthānabhedaṃ pravakṣyāmi mūrdhanī lalāṭa eva ca |
karṇau ca cakṣuṣī caiva nāsikau cāsya eva ca || 26 || 

(hṛdayeye caiva nābhau ca)

grīvāskandhau ca bāhubhyāṃ koparau ca tathā maṇau |
hṛdi nābhau ca meḍhrau ca pāṭhayūrūpajānunī || 27 || 

ja"nghayo svikapātaśca tathā pṛṣṭhau ca eva ca |
dvātriṃśasthānamevoktaṃ bhasmanā lepayettataḥ || 28 || 

lalāṭaṃ grīvāskandhau ca bāhukorparayorapi |
hṛdaye jaṭhare caiva nābhau pārśve tu pṛṣṭhake || 29 || 

pādayoścaiva viprendra ṣoḍaśasthānamucyate |
mūrdhnī caiva lalāṭe ca kaṇṭhe bāhvostathaiva ca || 30 || 

pṛ0 123) hṛdaye caiva nābhau ca pṛṣṭhe caiva viśeṣataḥ |
jānunyoraṣṭasthāneṣu vinyasedbhasmameva ca || 31 || 

brahmā skande ca vighneśaṃ viṣṇuṃ caiva śivaṃ tathā |
vasundharā ca pitaro adhidevāḥ prakīrtitāḥ || 32 || 

ṣaḍa"ngulya ca catvāro strya"ngulyā vātha cā"ngulā |
brahmaṇādīni varṇāni vistāramiva cocyate || 33 || 

strīṇāṃ tathaiva mārgeṇa bhasmanā lepayettataḥ |
jñānārthaṃ candanaṃ lipya vaśyārthaścūrṇameva ca || 34 || 

jayārthī caiva viprendra lepayedraktacandanaiḥ |
deśikānāṃ tu sarveṣāṃ anāmikā madhyatarjanī || 35 || 

pṛ0 124) bhasmanā lepayettatra sarvapāpātpramucyate |
dusvapnavarjanasparśe ānurāṇāṃ tu sarvaśaḥ || 36 || 

bhasmanā tena śuddhyanti rakṣārthamiha cocyate |
bhojane tuṣakeśaṃ ca citā"ngāra nakhānyapi || 37 || 

matkuṇaṃ makṣikāścāpi sarīsṛpāṃśca sarvaśaḥ |
dadhikṣīraghṛtaistailairmiśrite tu viśeṣataḥ || 38 || 

bhasmāt śuddhimavāpnoti siṃhasyeva yathā gajaḥ |
pūrvāhṇe bhojane kāle gamane'pi tathaiva ca || 39 || 

bhasmano dhāraṇaṃ yattu sarvarakṣā vidhīyate |
evameva krameṇaiva bhasmaṃ dadyāttu bhaktitaḥ || 40 || 

sarvapāpavinirmuktaśśivalokamavāpnuyāt |
bhasmasnānaṃ mayā proktaṃ mantranyāsaṃ śṛṇuṣvathā || 41 || 

iti vīratantre bhasmasnānapaṭalaḥ || 

pṛ0 125) paṭalaḥ 10 (mantranyāsavidhiḥ, agnikāryavidhiśca)

pitāmaha uvāca-

praṇamya śirasā devamapṛcchacca pitāmahaḥ |
mantranyāsaṃ kathaṃ deva tatsarvaṃ brūhi me prabho || 1 || 

īśvara uvāca-

yatsarvaṃ tu tvayā pṛṣṭaṃ martyānāṃ tu hitāya ca |
tava snehādidaṃ vakṣye śrūyatāṃ kamalāsana || 2 || 

śivāgre maṇṭapaṃ kuryānmaṇṭapāddakṣiṇe tataḥ |
maṇḍalaṃ caiva viprendra gomayenānulepayet || 3 || 

gandhaṃ puṣpaṃ ca dhūmaṃ ca dīpaṃ caiva samāyutam |
pūrvaṃ caiva tu nikṣipya pūrvāgraṃ vidhipūrvakam || 4 || 

uttarābhimukho bhūtvā tatrānte kūrcamadhyame |
sadyena prokṣayettatra kuśakūrcena vā tataḥ || 5 || 

pṛ0 126) gandhapuṣpādinā vipra svadevīṃ pūjayeddhṛdā |
śikhāgre dvādaśā"ngulye śivatattvaṃ vicintayet || 6 || 

svātmānaṃ yojayettatra tanmaṃ caiva dahettataḥ |
trikoṇaṃ maṇḍale vidyāṃ dvitīyaṃ vicintayet || 7 || 

pādā"nguṣṭhaṃ samārabhya dehedyāvacchiro'ntakam |
bhasmībhutamimaṃ dhyātvā amṛtaplāvanaṃ kuru || 8 ||

śikhādhvastapramāṇena ūrdhvaṃ caiva vicintayet |
śvetapadmopariṣṭaṃ tu candrabimbamadhomukham || 9 || 

turīyamamṛtaṃ dhyāyet oṃkāreṇa samanvitam |
cintayedamṛtaṃ toyaṃ suṣumnābhinnamastakam || 10 || 

pṛ0 127) tenāplāvitamātmānaṃ pūrayantaṃ vicintayet |
mṛtyunāśanamevaṃ tu iti śāstrasya niścayaḥ || 11 ||

paścātsvadehe saṃcintya gandhapuṣpādinārcayet |
recakaṃ pūrakaṃ caiva kumbhakaṃ ca tridhā matam || 12 || 

na muñcati na gṛhṇāti vāyurantarbahisthitam |
āpūrya kumbhakaṃ tiṣṭhedacalaṃ syāttu kumbhakam || 13 || 

evameva prakāreṇa kārayeddeśikottamaḥ |
hastābhyāṃ saṃspṛśetpūrvaṃ kādipādāntameva ca || 14 || 

a"nguṣṭhatarjanībhyāṃ tu astramantreṇa saṃyutam |
dik vidikṣu ca dātavyaṃ mūrdhā yaścaiva vinyaset || 15 || 

pṛ0 128) ācāryānu pṛthivī jñeyā sphuyinnābhideśitaḥ |
galādvai tejassaṃśuddhi lalāṭādvāyu śudhyati || 16 || 

tadūrdhve dvādaśā"ngulye ghanaśuddhirudāhṛtam |
prathamaṃ sṛṣṭi vinyasya sthitinyāsaṃ dvitīyakam || 17 || 

saṃhāraṃ tu tṛtīyaṃ syāttrividhaṃ cocyate mayā |
gṛhasthaṃ sṛṣṭimārgeṇa brahmacārī sthito bhavet || 18 ||

vānaprasthayatīnāṃ ca saṃhāranyāsamucyate |
a"nguṣṭhādikaniṣṭhāntaṃ sṛṣṭinyāsamudāhṛtam || 19 || 

īśānādipañcamantrāṇi a"nguṣṭhādīni vinyaset |
īśānaṃ mūrdhni vinyasya mukhe tatpuruṣaṃ nyaset || 20 || 

pṛ0 129) aghoraṃ hṛdaye nyasya guhye vāmaṃ prakalpayet |
sadyojātaṃ nyasetpāde punara"ngāni vinyaset || 21 || 

hṛdaye hṛdayaṃ nyasya śiraśśirasi vinyaset |
śikhāṃ śikhāyāṃ vinyasya kavacaṃ stanamadhyataḥ || 22 || 

astraṃ hastapradeśe tu netraṃ netreṣu vinyaset |
vinyasettu ṣaḍa"ngāni devatānyāsakaṃ śṛṇu || 23 || 

brahmāṇaṃ mūrdhni vinyasya lalāṭe viṣṇurucyate |
candrasūryau tu nayane nāsikāṃ pṛthivī tathā || 24 ||

sarasvatīṃ tu vāgdvāre tu hṛdaye īśvaraṃ tathā |
haste vai indradaivatyaṃ vāyussyātkukṣireva ca || 25 ||

pṛ0 130) subrahmaṇyasya li"nge ca pārśvayoraśvinau tathā |
pādayormarutaścaiva evameva kramāṃ nyaset || 26 ||

akāraṃ mūrdhni vinyasya ākāraṃ tu lalāṭake |
ikāraṃ dakṣiṇe netre īkāraṃ vāmalocane || 27 || 

ukāraṃ dakṣiṇanāsāyāṃ ūkāraṃ vāmanāsike |
ṛkāraṃ dakṣiṇe śrotre ṛkāraṃ vāmakarṇake || 28 || 

ḷkāraṃ dakṣiṇe gaṇḍe ḷrkāraṃ vāmagaṇḍake |
e ai tālurandhre ca o au oṣṭhadvayorapi || 29 || 

dantapa"nktirdvayornyasya aṃ aḥ dvau parikīrtitau |
kavargaṃ dakṣiṇe haste cavargaṃ vāmahastake || 30 || 

pṛ0 131) ṭavargaṃ dakṣiṇe pāde tavargaṃ vāmapādake |
papau dakṣiṇapārśve tu vāmapārśve bahau nyaset || 31 || 

makāraṃ hṛdaye nyasya yakāraṃ tvaci vinyaset |
rephaṃ raktaṃ ca mevoktaṃ lakāramasameva ca || 32 ||

vākāramāsadaivaṃ tu śakāraṃ cāsyadeśike |
majjādeśe ṣakāraṃ tu sakāraṃ śuklameva ca || 33 || 

bhakāra prāṇamityāhuḥ kṣakāraṃ meḍhrameva ca |
lakāraṃ vṛṣaṇaṃ caiva sarvānetān kramānnyaset || 34 || 

sṛṣṭinyāsamiti proktaṃ sthitinyāsamatha śṛṇu |
madhyāditaṣṣaḍa"ngaṃ ca pañcabrahma nyasettataḥ || 35 || 

pṛ0 132) īśānaṃ madhyamaṃ caiva anāmike puruṣaṃ nyaset |
kaniṣṭhikāyāṃ ca ghoraṃ syādvāmama"nguṣṭhake nyaset || 36 || 

sadyojātaṃ tu tarjanyāṃ vinyasedbrahmameva ca |
hṛdayaṃ madhyame nyasya śiromantraṃ tvanāmike || 37 || 

śikhā kaniṣṭhike nyasya kavacama"nguṣṭhake nyaset |
netraṃ tu tarjaniṃ nyasya astraṃ karatale nyaset || 38 || 

evaṃ ṣaḍa"nga vinyasya vidyeśānvisettataḥ |
anantaṃ mūrdhni vinyasya lalāṭe sūkṣmamucyate || 39 || 

śivottamaṃ mukhe nyasya ekanetraṃ tu karṇayoḥ |
? ekanetraṃ tu bāhau tu trimūrtiṃ hṛdaye nyaset || 40 || 

pṛ0 133) li"nge śrīkaṇṭhamityuktaṃ śikhaṇḍī pādayornyaset |
hṛdaye hṛdaye nyasya śiraśśirasi vinyaset || 41 || 

śikhāyāṃ tu śikhāṃ nyasya kavacaṃ stanamadhyataḥ |
astraṃ hastapradeśe tu netraṃ netre tu vinyaset || 42 || 

hastau tu maṇibandhau tu īśaṃ brahmāṇameva ca |
sthitinyāsamiti proktaṃ saṃhāraṃ ca hyatha śṛṇu || 43 || 

sadyojātaṃ kaniṣṭhāṃ tu vāmadevamanāmikā |
aghoraṃ madhyame nyasya puruṣaṃ tarjanīṃ nyaset || 44 || 

īśama"nguṣṭhake nyasya ṣaḍa"ngānvinyasettataḥ |
hṛdayaṃ kaniṣṭhike nyasya śiromantramanāmike || 45 || 

pṛ0 134) śikhāmantraṃ tu madhye syāt kavacaṃ tarjanī nyaset |
netrama"nguṣṭhake nyasya astraṃ karatale nyaset || 46 || 

pādayossadyamantraṃ tu kukṣau vāmaṃ nyasettataḥ |
aghoraṃ hṛdaye nyasya mukhe tatpuruṣe nyaset || 47 || 

īśānaṃ mūrdhni vinyasya pādayorhṛdaye nyaset |
meḍhraṃ tu śiromantraṃ tu kukṣau śikhāṃ tu vinyaset || 48 || 

kavacaṃ hṛdaye nyasya netraṃ bāhudvayornyaset |
mukhe cāstramiti proktaṃ śivamantraṃ tu sarvaśaḥ || 49 || 

indrantu pādayornyasya meḍhraṃ tu pāvake nyaset |
yamaṃ kukṣau tu vinyasya nirṛtiṃ hṛdaye nyaset || 50 || 

pṛ0 135) bāhvorvaruṇadaivatyaṃ kaṇṭhe vāyuriti smṛtam |
mukhe tu somadaivatyamīśānaṃ śirasi nyaset || 51 || 

evameva kramaṃ jñātvā vinyaseddeśikassadā |
ācāryastvādi śaivassyādgrahastho vā dvijottamaḥ || 52 || 

sṛṣṭisthitikaṃ saṃhāraṃ nyāsaṃ kuryādvicakṣaṇaḥ |
evaṃ nyastvā vidhānena deśikāścāpi bhāvayet || 53 || 

gandhaiḥ puṣpaiśca dhūpādyaissvadehaṃ pūjayeddhṛdā |
dvārapālānsamabhyarcya gandhapuṣpādinā saha || 54 || 

pūrve ca dvārapālau tu nandikālastathaiva ca |
dakṣiṇadvārapālau tu daṇḍī muṇḍīstathaiva ca || 55 || 

pṛ0 136) paścimadvārapālau tu kirīṭī vijayastathā |
uttaradvārapālau tu anantapaśupatistathā || 56 || 

nandiṃ tu dakṣiṇe sthāpya śyāmavarṇasamanvitam |
daṇḍahastasamāyuktaṃ huṃkāraṃ mantramucyate || 57 || 

kālaṃ ku"nkumavarṇābhaṃ uttare tu pratiṣṭhitam |
vaṭavṛkṣāyudhairyuktaṃ mantra hiṃkārameva ca || 58 || 

daṇḍiṃ pūrve tu vinyasya indrakopasya sannibhaḥ |
khaḍgāyata samāyukto hrauṃkāraṃ mantramucyate || 59 || 

daṇḍī tu paścime nyasya śuddhasphaṭikasannibhaḥ |
bhiṇḍipālasamāyuktaṃ hrūṃkāraṃ mantramucyate || 60 || 

pṛ0 137) bhṛ"ngīriṭiṃ dakṣiṇe tu durddhūvagrīva sannibhaḥ |
śaktyāyu samaṃ yuktaṃ mantraṃ hruṃkāramucyate || 61 || 

vijayaṃ caivottare sthāpya raktavarṇasamāyutam |
śūlāyudhasamāyuktaṃ hraṃkāraṃ mantramucyate || 62 || 

anantaṃ paścime sthāpya kanakābhaṃ tathaiva ca |
vajrāyudhasamāyuktaṃ hrīṃkāraṃ mantramucyate || 63 || 

paśupatiḥ pūrvatassthāpya nīlarūpasamanvitam |
pāśāyudhasamāyuktaṃ hrīṃkāraṃ mantramucyate || 64 || 

evameva kramātsthāpya etairmantraiśca pūjayet |
sarvāṃśca caturbhujāṃścaiva triṇetreṇaiva saṃyutān || 65 || 

pṛ0 138) sarvānṛjvāgatā sthitvā krūradṛṣṭīn bhayāvahān |
makuṭaiḥ kuṇḍalairyuktān prokṣayedambhasā tataḥ || 66 ||

uktakramaṃ tataḥ kṛtvā abhyukṣya kavacena tu |
tisraḥ pūrvamukhā rekhā udagrekhāṃ tathaiva ca || 67 || 

brahmā viṣṇuśca rudraśca dakṣiṇodyadhidevatāḥ |
arcayedgandhapuṣpaiśca hṛdayena tu mantrataḥ || 68 || 

araṇyudbhavate vātha suryakānto bhavaṃ tu vā |
śrotriyasyāgnihotreṇa yajana jātavedasam || 69 || 

arīṃ caiva ca viprendra ṣoḍaśā"nguladairghyakam |
vistāraṃ tu ṣaḍa"ngulyaṃ viṣkambhaṃ tu triya"ngulam || 70 || 

pṛ0 139) śamīpippalapatraṃ ca kārayedaraṇī tataḥ |
mayitvā pañcabrahmeṇa pātraṃ vinyasya deśikaḥ || 71 || 

tadagniṃ sarvakāryeṣu upanayanādi kāryake |
hṛdā cāgniṃ pratiṣṭhāpya agnyādhānaṃ tu kārayet || 72 || 

agnyādhānamupasthānaṃ paristaraṇameva ca |
pātrāṇāṃ sādhanaṃ caiva prokṣaṇīṃ prokṣaṇīṃ tathā || 73 || 

kūrcādhānaṃ praṇītā ca ghṛtasaṃskārameva ca |
idhmaṃ praveśanaṃ cāpi tattanmantreṇa deśikaḥ || 74 || 

prāsādena tu mantreṇa upasthānaṃ tu kārayet |
agnau kāṣṭhaṃ vinikṣipya śikhāmantreṇa deśikaḥ || 75 || 

pṛ0 140) paristaraṇaṃ punaḥ kuryāt pragagraṃ cottarāgrakaḥ |
kuśairnaiva paristīrya pūrve tu cottarāgrakam || 76 || 

tadūrdhvadarbhā nāstīrya paścime cottarāgrakam |
uttare pūrvamūrdhnī vinyaseddeśikassadā || 77 ||

paridhīnvinyasettatra dakṣiṇe paścimottare |
ūrdhva samidha dvayaṃ caiva āgneyyāmīśadeśake || 78 || 

madhyamaṃ caiva saṃsthāpya vāgīśaṃ tu viśeṣataḥ |
ṛtusnānaṃ ca saṃkalpya yonimārgeṇa jāyate || 79 || 

hṛdayenāhutīssapta garbhādhānaṃ bhavanti cet |
? tatpuruṣeṇa puṃsavanaṃ bhavanti vai || 80 || 

pṛ0 141) śiromantreṇa viprendra samantātsaptabhiryate |
vāmadevena mantreṇa jātakarmaṃ ca hūyate || 81 || 

ekahṛdayaṃ tripādaṃ ca dvivaktraṃ ca dvināsikam |
catuśśṛ"ngasamāyuktaṃ ṣaṇṇetreṇa samanvitam || 82 ||

saptajihvā saptahastā upavītasamanvitam |
jaṭāmauñjīsamāyuktaṃ kṛṣṇājina samanvitam || 83 || 

hiraṇyā kanakā raktā kṛṣṇā caiva tu suprabhā |
atiraktā bahurūpā saptajihvā prakīrtitā || 84 || 

hiraṇye varuṇe jihvā kanakā madhyame sthitā |
uttarottaramākhyātaṃ yāmyā kṛṣṇe iti smṛtāḥ || 85 || 

pṛ0 142) suprabhā pūrvadeśe tu atiraktāgnau vyavasthitā |
īśāne bahurūpā ca saptajihvāḥ prakīrtitāḥ || 86 || 

kanakākhyāyāṃ jihvāyāṃ sarpahomaṃ tu kārayet |
jātakarmamidaṃ proktaṃ nāmakaraṇaṃ hṛdayena tu || 87 || 

niṣkrāmaṇaṃ tu śirasā prāsādaṃ hṛdayena tu |
caulaṃ śikhāya kartavyaṃ upanayanaṃ hṛdayena tu || 88 || 

vratānāṃ caiva sarveṣāṃ śirasā caiva hūyate |
hṛdayena tu mantreṇa samāvartavivāhakaḥ || 89 || 

pṛthak pṛthak kriyāṇāṃ ca sapta vai vāhutirbhavet |
dakṣiṇe brahmasthānaṃ ca darbhāsanopari nyaset || 90 || 

pṛ0 143) praṇītāmuttare sthāpya sapavitrasamāyutam |
viṣṇustatrādhidaivatyaṃ gandhapuṣpādinārcayet || 91 || 

prokṣaṇīpātramādāya udakaṃ secayeddhṛdā |
kuśenaiva tu viprendra udako plāvanaṃ kuru || 92 || 

praṇītāpātramādāya udakaṃ secayeddhṛdā |
utplīvanaṃ tataḥ kuryāt praṇavenaiva nikṣipeta || 93 || 

ājyapātraṃ samādāya ājyaṃ caiva tu pūrayet |
agneruttarabhāge tu a"ngāroparinyaset || 94 || 

svadeśe vinyasettatra darbheṇotpavanaṃ kuru |
ājyādhiśravaṇaṃ kāryaṃ darbhānagnau vinikṣipet || 95 || 

pṛ0 144) darbhānagnau ca prajvālya prokṣayedambhasā tataḥ |
sruvaṃ caiva tu viprendra kṣālayeddhṛdayena tu || 96 || 

kuśenaiva samāyuktaṃ agramagreṇa vinyaset |
madhyaṃ madhyena saṃspṛśya mūlaṃ mūlena saṃspṛśet || 97 || 

prokṣayedambhasā caiva pariṣecanaṃ tu kārayet |
adite'numanyasveti dakṣiṇe pariṣiñcati || 98 || 

anumate'numanyasveti paścime pariṣiñcati |
sarasvate'numanyasveti uttare pariṣiñcati || 99 || 

deva savitaḥ prasave samantāt pariṣiñcati |
palāśa samidhā caiva idhmāṣṣoḍaśameva ca || 100 || 

pṛ0 145) kṛṣṇamidhmaṃ tu dātavyaṃ ghoraṃ caiva tu hūyate |
prajāpate svāheti dakṣiṇārdhapūrvārdhake || 101 || 

agnimukhaṃ ca hotavyaṃ pañcabrahmeṇa mantravit |
evameva krameṇaiva hotavyaṃ dīrghajīvinā || 102 || 

nityahomaṃ ca dātavyaṃ lakṣaṇena samanvitam |
agnimarcayate caiva ājye cānnena saṃyutam || 103 || 

? prāsādena tu visyāṃti homayet na śatāhutiḥ |
? gerivajo tadvarca pañcabrahma śivā"ngake || 104 || 

vidyeśvarāṃśca mantrāṃśca lokapālān sahasrakaiḥ |
homayeccaiva viprendra nityahomamihocyate || 105 || 

pṛ0 146) punaḥ pariṣecanaṃ kṛtvā nityotsavamathācaret |
varṇāni gandhaśabdāni lakṣayeccaiva deśikaḥ || 106 ||

ādityodayapūrṇābhaṃ padmarāgasamaprabham |
raktapa"nkajasaṃkāśaṃ kiṃśukasya samaprabham || 107 || 

ete dvādaśa varṇāni jātavedāstu siddhidaḥ |
uśīraṃ kuṣṭhagandhaṃ ca karpūrāgarumeva ca || 108 || 

candanaṃ cāti takkolaṃ kaṭukastuṭireva ca |
patraṃ kusumabandhaṃ ca śubhānyetāni nirdiśet || 109 || 

śikhāyāṃ lakṣayettatra pūrva caivārthasiddhidaḥ |
vāruṇe śāntikaṃ proktaṃ saumyāyāṃ mṛtyunāśanam || 110 || 

pṛ0 147) ūrdhve tu sarvakāmārthaṃ labhate nātra saṃśayaḥ |
āgneyamagnidaṇḍaṃ ca mṛtyuṃ caiva tu yāmyake || 111 ||

nairṛtyāṃ yuddhamaraṇaṃ vāyavyāṃ kalahaṃ bhavet |
īśānyāmājñalābhoya śikhāniṣkrāntalakṣaṇam || 112 || 

kāka dhvani te śabdaṃ māsānmaraṇamāpnuyāt |
ulūka dhvani te vahni āgamyāgamanaṃ bhavet || 113 || 

pi"ngala dhvani te vahni nṛpasya maraṇaṃ bhavet |
vaṭa dhvani yute vahniḥ svaputramaraṇaṃ bhavet || 114 ||

vṛṣabha dhvani te vahni āgamyāgamanaṃ bhavet |
aśani dhvani te vahni ṣaṇmāsānmaraṇaṃ bhavet || 115 || 

pṛ0 148) kharavaddhvanane vahni apamṛtyuvaśaṃ gataḥ |
kaṭibhirdhvani te vahnirmāryāyā maraṇaṃ bhavet || 116 || 

ghoravat bhavate śabdaṃ svadravyaṃ taskaraprabham |
samudraghoṣavat śabdaṃ māsānmaraṇamāpnuyāt || 117 || 

? gogavadhvani te vahni (kārāgṛhamavāpnuyāt) sarveṣāṃ maraṇaṃ bhavet |
jhallarīva bhavet śabda caṇḍālagamanaṃ bhavet || 118 || 

bhāṇḍavaddhvanite śabdaḥ viṣūcyā maraṇaṃ bhavet |
agnigandho bhavedagni kṣayarogamavāpnuyāt || 119 || 

hi"ngugandhaṃ bhavedagniṃ pramehaṃ caiva jāyate |
atigandhaṃ bhavedagnirmahājvaramavāpnuyāt || 120 || 

pṛ0 149) medhyagandhaṃ bhavedagnirbha"ngaṃ maraṇaṃ bhavet |
mūtragandhaṃ bhavedagniḥ kukṣiṃ rogamavāpnuyāt || 121 || 

tasmātsarvaprayatnena lakṣaleddeśikassadā |
śubhāśubhaṃ mayā proktamagnidevasya padmajam || 122 || 

grahaṇādyuktakāleṣu pratiṣṭhādimuhūrtake |
pariṣecana kuryāttu taddoṣa śamanāya ca || 123 || 

homaṃ kuryāttu viprendra lakṣaṇena samanvitam |
samidājyacarun lājān sarṣapāṃśca yavāṃstilān || 124 || 

prāsādena tu mantreṇa pañcāśatsamidhaṃ hunet |
hṛdayenājyahomaṃ tu calaṃ ca śikhayā hunet || 125 || 

pṛ0 150) jālamānena mantreṇa sarṣapaṃ sadyamantrataḥ |
aghoreṇa yavāhutvā kavacena tilānapi || 126 || 

saptadravyeṇa hotavyaṃ pañcāśatāhutiṃ tathā |
sarvadravyasamāyuktaṃ havyavāhaṃ samuccaran || 127 || 

sviṣṭamagnetimantreṇa juhuyāttadanantare |
hutvānte tu yadasyeti sviṣṭakṛccaiva hūyate || 128 || 

pūrveśa dakṣiṇe caiva paścime cottare tathā |
īśānyāṃ caiva hotavyaṃ kuṇḍe vā sthaṇḍile'pi vā || 129 || 

evaṃ kṛte mahāśānti rājarāṣṭrasukhāvaham |
indradhanuśca dṛṣṭaścettaddoṣa śamanāya ca || 130 || 

evameva krameṇaiva anyairdoṣaiśca saṃbhavet |
ācāryapūjanaṃ kṛtvā vastrā"ngulīyakādibhiḥ || 131 || 

agnikāryaṃ mayā proktaṃ nityotsava tataśśṛṇu || 131.5 ||

iti vīratantre agnikāryapaṭalaḥ ?
(mantranyāsavidhiḥ, agnikāryavidhiśca)

pṛ0 151) paṭalaḥ 11 (nityotsavavidhiḥ)

pitāmaha uvāca-

lokanāthaṃ praṇamyātha brahmā vacanamabravīt |
nityotsavaṃ kathaṃ deva tatsarvaṃ brūhi me prabho || 1 || 

īśvara uvāca-

śrūyatāmabhidhāsyāmi nityotsavaviśeṣataḥ |
sarvapāpahāraṃ puṇyaṃ sarvalokahitāvaham || 2 || 

sarvaśāntikaraṃ caiva sarvāriṣṭavināśanam |
nityanityārcanante tu nityotsavamathācaret || 3 || 

rākṣasāścāsurāścaiva piśācā brahmarākṣasāḥ |
ucchiṣṭāścaiva vetālā kūśmāṇḍā hata * * * || 4 || 

tathā kumāra grahāṃścaiva matāṃścānye marudgaṇāḥ |
nityotsavaśca śabdāṃśca śrutvā gacchanti tatra vai || 5 || 

pṛ0 152) prathamaṃ pradakṣiṇaṃ vipra tava prītikarāya vai |
dvitīya pradakṣiṇenaiva mama prītikarāya vai || 6 || 

tṛtīya pradakṣiṇaṃ caiva viṣṇu prītikarāya ca |
pūrvāhnī ca tava prītiḥ puṣpa li"ngasamanvitam || 7 || 

madhyāhne cānnali"ngaṃ ca mama prītikaraṃ bhavet |
sāye taṇḍulali"ngaṃ syāt nārāyaṇa priyaṃ tathā || 8 || 

sthitali"ngaṃ tu viprendra śrībaliṃ caiva kārayet |
calali"ngeṣu sarveṣu śrībaliṃ ca prakārayet || 9 || 

? āḍhakārddhīna vaiśyaṃ śrīśrībaliṃ ca na kārayet |
evameva krameṇaivaṃ nityotsavaṃ tu kārayet || 10 || 

pṛ0 153) sauvarṇaṃ rājataṃ vāpi tāmrakāṃsyaṃ ca naiva ca |
balipātraṃ tu kartavyaṃ lakṣaṇena samanvitam || 11 || 

mātrā"ngulena kartavyaṃ dvitālamuttamaṃ bhavet |
ekatālena hīnaṃ tu madhyamaṃ pātramucyate || 12 || 

dvaya"ngulena hīnaṃ tu madhyamaṃ pātramucyate |
pātraṃ caiva tridhā bhajya madhye pātraṃ tu kārayet || 13 || 

oṣṭhavyo mā"ngulenaiva kārayettu vicakṣaṇaḥ |
padmasyotsedhamānaṃ tu ekā"ngulamihocyate || 14 || 

aṣṭapatrasamāyuktaṃ vidyeśā hyatra devatāḥ |
evameva krameṇaiva balipātraṃ tu kārayet || 15 || 

pṛ0 154) pūrvoktena vidhānena caruṃ caiva tu vā caret |
dviprasthamadhamaṃ proktaṃ āḍhakaṃ madhyamaṃ bhavet || 16 || 

uttamaṃ śivamevāhuḥ śālīnāṃ caiva pā(vā?) caret |
atyuṣṇamati śītaṃ ca ājyaṃ lavaṇavarjitam || 17 ||

pāṣāṇaṃ pādhitaṃ caiva śodhakaṃ tuṣameva ca |
kaṇakambu samāyuktaṃ māraṇaṃ tu vinirdiśet || 18 || 

evameva kramaṃ jñātvā pācayedvidhipūrvakaḥ |
śivāgre maṇḍalaṃ kṛtvā maṇṭapasyottarā diśi || 19 || 

gomayenopalipyātha baliṃ pātraṃ nyaseddhṛdā |
prokṣayedastramantreṇa kuśenaiva tu vāriṇā || 20 || 

pṛ0 155) caruṃ vai hṛdayenaiva balipātraṃ tu vinyaset |
kṣīraṃ vā dadhisaṃyuktaṃ ājyenaiva samāyutam || 21 || 

kadalīgulasaṃmiśraṃ annali"ngaṃ tu kārayet |
aṣṭā"ngulaṃ tu cotsedhā dviguṇaṃ tasya mūlakam || 22 ||

agramaṣṭā"ngulaṃ nāhamuttamaṃ śṛṇu tattvataḥ |
dvādaśā"ngulamutsedha dviguṇaṃ mūlanāhakam || 23 ||

agraṃ daśā"ngulaṃ nāhamannali"ngamihocyate |
tryakṣaṃ caturbhujaṃ devamūrdhvakeśaṃ sudaṃṣṭrakam || 24 ||

dakṣiṇe tu kare śūlaṃ vāme pāśaṃ tathaiva ca |
abhayaṃ dakṣiṇe haste vāmahastaṃ kuṭispṛśam || 25 || 

pṛ0 156) padmamadhye sthitaṃ devaṃ sarvābharaṇabhūṣitam |
evaṃ vai rūpiṇaṃ dhyātvā bali li"nge tu vinyaset || 26 || 

gandhaiḥ puṣpaiśca dhūpaiśca dīpaiścaiva supūjayet |
gandhaṃ hṛdayamantreṇa śikhāyāṃ puṣpamucyate || 27 || 

sauvarṇaṃ rajataṃ tāmramāyasaṃ vāpi kārayet |
hastamātraṃ bhaveddaṇḍamagre vajradvayaṃ bhavet || 28 || 

evaṃ lakṣaṇasaṃyuktaṃ daṇḍahastaṃ vicakṣaṇaḥ |
prokṣayedambhasā caiva hṛdayena tu mantrataḥ || 29 || 

īśānaṃ mūrdhni vinyasya mukhe tatpuruṣaṃ nyaset |
aghoraṃ hṛdaye nyasya guhye vāmaṃ prakalpayet || 30 || 

pṛ0 157) sadyojātaṃ nyasetpādau punara"ngāni vinyaset |
hṛdaye hṛdayaṃ nyasya śiraśśirasi vinyaset || 31 ||

śikhāṃ śikhāyāṃ vinyasya kavacaṃ stanamadhyataḥ |
astraṃ hastapradeśe tu netre netraṃ tu vinyaset || 32 || 

sarvā"ngeṣu ca viprendra astramantraṃ nyasettataḥ |
sthālikāṃ caiva coddhṛtya hṛdayena tu mantrataḥ || 33 || 

śiromantreṇa saṃyuktaṃ tasyāṃ śirasi nikṣipet |
japetpāśupatāstraṃ ca śargaiścetpradakṣiṇam || 34 || 

nimiṣaṃ tanna śīghraṃ ca gacchet padātpadaṃ tataḥ |
purastātpratimaṃ gacchet li"ngaṃ tu tadanuvrajet || 35 || 

pṛ0 158) āyaṃ tu pṛṣṭhato vāpi pādukaṃ ca pradettataḥ |
śivasyābhimukhe caiva gomayenānulepayet || 36 ||

bherīṃ tatraiva vinyasya hṛdayena tu mantrataḥ |
gandhapuṣpādinābhyarcya vādyakaṃ pūjayettataḥ || 37 || 

vādyakān vādayettatra pañcadhvanisamāyutam |
suṣiraṃ cānakhaṃ caiva carmabhedaṃ tathaiva ca || 38 || 

taṃ tritaṃ taṃ tato vādyaṃ pañcadhvanirihocyate |
evaṃ vidhi samāyuktaṃ vādyakān vādayettataḥ || 39 || 

prathamaṃ pradakṣiṇaṃ kuryāt aṃgīrṇaṃ tālavādyakam |
dvitīyaṃ pradakṣiṇaṃ kuryāt aṣṭatālasamanvitam || 40 || 

pṛ0 159) pūrve tu samahastaṃ syāt āgneyāṃ bhṛ"ngiṇī tathā |
dakṣiṇe kadravādyaṃ syānnairṛtyāṃ saṃkarī tathā || 41 || 

vāruṇyāmutkaṭaṃ caiva vāyavyāṃ kubjatālakam |
taṭaprahāraṃ saumyāyāṃ aiśānyāṃ mallatālakam || 42 || 

gopure vādyaniśśabdaṃ śa"nkhadhvanisamāyutam |
bāhyapīṭhe kramāvṛtya prāsādaṃ tripradakṣiṇam || 43 || 

trividhaṃ balipīṭhaṃ syāt pūrvataścaiva dakṣiṇe |
paścime vā trisandhyāyāṃ pradakṣiṇamathācaret || 44 || 

pūrvāhne pūrvapīṭhe tu madhyāhne dakṣiṇe tathā |
sāyāhne paścime caiva balimevaṃ visarjayet || 45 || 

pṛ0 160) athavā cāgrapīṭhe tu dakṣiṇe balirucyate |
sarvadvāre tu kartavyaṃ pūrve tu balipīṭhakam || 46 || 

indrasya balitālaṃ tu āgnermadhyāvanaṃ bhavet |
yamaṃ ca bhṛ"ngiṇītālaṃ nairṛtyā mallatālakam || 47 || 

vāruṇyāṃ navatālaṃ tu vāyavyāṃ nāgatālakam |
some kāṭṭārikā proktā īśānyāṃ kakarī tathā || 48 || 

evameva krameṇaiva prāsādaṃ triḥ pradakṣiṇam |
pūrve gāndhārameva syāt dakṣiṇe kauśikaṃ tathā || 49 ||

paścime kamaraṃ caiva tarkarāgaṃ tathottare |
āgneyāṃ caiva kollī ca nairṛtyāṃ naṭabhāṣayā || 50 || 

pṛ0 161) takkeśiṃ caiva vāyavyāṃ cālā prāṇīśa gocare |
dvāradeśamanuprāpya pādukārcanamārabhet || 51 || 

pādaprakṣālanaṃ kṛtvā pādukāṃ pūjayettataḥ |
devasya sannidhau vidvān maṇḍalaṃ kārayettataḥ || 52 || 

tripādaṃ tatra saṃsthāpya vṛṣabhasyādhidaivatam |
pādukaṃ vinyasettatra prokṣayedambhasā tataḥ || 53 || 

nirmālyaṃ ca visarjīta jalamevābhiṣecayet |
hṛdayena tu mantreṇa gandhaṃ dadyācca pāduke || 54 || 

prokṣayedambhasā caiva kṛśāssarvadeśikā |
puṣpaṃ tu śirasā caiva dhūmaṃ vāmena dāpayet || 55 || 

pṛ0 162) aghoreṇa tu dīpaṃ syāt sadyenārghyaṃ tu dāpayet |
arcayetpādukāṃ vidvān * * * * * * dvayoḥ || 56 || 

pātraṃ caiva tu pūrve tu dharaṇīṃ dakṣiṇena tu |
pṛthivīṃ paścime nyasya medinīṃ cottare nyaset || 57 || 

vāme jyeṣṭhā ca raudrī ca kālī kalivikaraṇī tathā |
balavikarṇīṃ balapramathinīṃ sarvabhūtamanonmanī ||  58 ||

pūrvādīśānaparyantaṃ vinyasedaṣṭaśaktibhiḥ |
manonmanīṃ nyasetmatsye(dhye) acaryadgandhapuṣpakaiḥ || 59 || 

praviśedālayaṃ tatra vinyasetpūrvamaṇḍale |
visarjayettu śāstreṇa namaskṛtvā tu kārayet || 60 || 

pṛ0 163) tadante kārayennṛttaṃ bharatoktena mārgataḥ |
gaṇikāssnāpayettatra gandhapuṣpādinārcayet || 61 || 

aṣṭottaraśataṃ nṛttaṃ bhāvayedgaṇikā tataḥ |
nṛttasyānte tu viprendra devaṃ devīṃ visarjayet || 62 || 

abhimukhīkaraṇaṃ yattu tadā vāhanamucyate |
pūjāparisamāpte tu vimukhaṃ tadvisarjayet || 63 || 

pradakṣiṇatrayaṃ kṛtvā namaskārastathaiva ca |
li"nge savyāpasavyaṃ tu prāsādiṣu visarjayet || 64 || 

evaṃ yaḥ kurute martyaśśivalokamavāpnuyāt |
paryaṣṭiparicāraśca tato nyāse vitāśanaḥ || 65 || 

śivalokamavāpnoti śivavanmādane sadā |
nityotsavamidaṃ proktaṃ parivāraśśṛṇuṣvatha || 66 ||

iti vīratantre nityotsavavidhiḥ paṭalaḥ ||

pṛ0 164) paṭalaḥ 12 (parivāralakṣaṇapaṭalaḥ)

praṇamya śirasā devaṃ pṛcchatī sa pitāmahaḥ |
parivārāḥ kathaṃ devaṃ tatsarvaṃ brūhi me prabho || 1 ||

īśvara uvāca-

yatsarvaṃ tu tvayā pṛṣṭaṃ śrūyatāṃ kamalāsana |
parivāraṃ pravakṣyāmi yathāvidhipurassaram || 2 || 

antarmaṇḍalake kuryāt deśe caṇḍeśvarālayam |
purato vṛṣabhasthānaṃ sthāpayedvṛṣabhaṃ tataḥ || 3 || 

āgneyāṃ caiva deśe tu durgāṃ sthāpya viśeṣataḥ |
dakṣiṇe mātṛdevīṃśca vighneśaṃ nairṛte tathā || 4 || 

vāruṇyāṃ sthāpayettatra kumāraṃ vāpyajaṃ bhavet |
jyeṣṭhāṃ vāyavyadeśe tu viṣṇuṃ cottaradeśataḥ || 5 || 

pṛ0 165) aiśānyāṃ caiva viprendra bhāskaraṃ vinyasettataḥ |
evamantarahāre tu vinyasedaṣṭadaivatān || 6 || 

idamanyatprakāreṇa vakṣye'haṃ caturānana |
paścime dvāradehasya paścime vṛṣabhaṃ nyaset || 7 || 

vāyavyāṃ caiva jyeṣṭhā ca sarvayatnena deśikaḥ |
uttarāyāṃ diśayoścaiva durgādevīṃ ca vinyaset || 8 || 

aiśānyāṃ caiva viprendra kṣetrapālo vidhīyate |
pūrve tu bhāskarasthānaṃ kumāraṃ cāgnigocare || 9 || 

dakṣiṇadvāragehasya dakṣiṇaṃ vṛṣabhālayam |
mātṛsthānaṃ tu nairṛtyāṃ subrahmaṇyaṃ tu vāruṇe || 10 || 

pṛ0 166) jyeṣṭhāṃ tu vāyudeśe tu uttare viṣṇurucyate |
durgāṃ caṇḍeśa digbhāge bhāskaraṃ pūrvato nyaset || 11 || 

āgneyyāṃ gaṇapatisthānaṃ vinyaseddaivatāni ja |
uttaradvāragehasya uttare vṛṣabhālayam || 12 || 

aiśānyāṃ bhāskarasyaiva pūrvato viṣṇurucyate |
durgāmāgneya digbhāge yāmye mātṛgaṇā sthitāḥ || 13 || 

nairṛtyāṃ vighnarājaṃ tu kumāraṃ vāruṇe bhavet |
vāyavyāṃ vinyasejjyeṣṭhāṃ viśeṣeṇa vicakṣaṇaḥ || 14 || 

evameva krameṇaiva antarhāre tu vinyaset |
ṣoḍaśadvāradevāṃśca vakṣyāmi munisattama || 15 || 

pṛ0 167) maryādau īśadigbhāge kṣetrapālaṃ suvinyaset |
yamanairṛtayormadhye pitṛsthānaṃ vidhīyate || 16 || 

nirṛtivaruṇayormadhye apsarogaṇamucyate |
varuṇavāyavyayormadhye ṛṣīṇāṃ sthānamucyate || 17 || 

vāyavyasomayormadhye vasūnaṣṭau ca vinyaset |
somīśānayormadhye aṣṭanāgān prakalpayet || 18 || 

indrīśānayormadhye dvādaśādityamucyate |
evameva prakāreṇa maryādau ca vidhiṃ nyaset || 19 || 

antarmaṇḍalake vāpi mahāmaryādau viśeṣataḥ |
indrādīn sthāpayedvipra pūrvādīśāntaṃ vinyaset || 20 || 

pṛ0 168) anantamīśadigbhāge saṃsthāpyaṃ nirṛtau tathā |
evameva prakāreṇa parivārāṇi vinyaset || 21 || 

prāsādāhitamāśritya maṇṭape vā viśeṣataḥ |
dvāradevāṃ susaṃsthāpya pūrvādikramayogataḥ || 22 || 

pūrvavaddvārapāle tu nandīkālastathaiva ca |
nandiṃ tu dakṣiṇe sthāpya kālaṃ cottaradeśake || 23 || 

dakṣiṇadvārapālau tu daṇḍirmuṇḍistathaiva ca |
daṇḍiṃ tu paścime sthāpya muṇḍiṃ tu pūrvato nyaset || 24 || 

paścimadvārapālau tu bhṛ"ngiṇīṃ vijayaṃ tathā |
bhṛ"ngiṇī cottare sthāpya dakṣiṇe vijayaṃ tathā || 25 ||

pṛ0 169) uttare dvārapālau tu anantaḥ paśupatistathā |
anantaṃ pūrvata sthāpya paśupatiṃ paścime nyaset || 26 || 

evameva prakāreṇa sthāpayeddvāradevatāḥ |
vṛṣabhasyāgrato vāpi pṛṣṭhato'tha viśeṣataḥ || 27 || 

śūlasthānaṃ prakalpyātha tadagre puṣpapīṭhake |
* * * mamāvyādau va sthāpayettu śivāgrataḥ || 28 || 

mahāmaryāmahāpīṭhe sthāpayeddeśikottamaḥ |
parivāravidhiḥ proktaṃ rakṣādīpaṃ śṛṇuṣvathā || 29 || 

iti vīratantre parivāralakṣaṇaḥ paṭalaḥ || 

pṛ0 170) paṭalaḥ 13 (rakṣādīpapaṭalaḥ)

pitāmaha uvāca-

praṇamya śirasā devī paryapṛcchat pitāmahaḥ |
rakṣādīpaṃ kathaṃ devaṃ tatsarvaṃ brūhi me prabho || 1 || 

īśvara uvāca-

yattvayā paripṛṣṭaṃ hi tatsarvaṃ śṛṇu padmajaḥ |
rakṣādīpaṃ viśeṣeṇa trividhaṃ cocyate mayā || 2 || 

śāntikaṃ pauṣṭikaṃ caiva kāmadaṃ ca tridhā bhavet |
sauvarṇaṃ rajataṃ vāpi tāmrajaṃ mṛṇmayaṃ tu vā || 3 || 

sthalikaṃ ca prakartavyaṃ triṃśada"ngulavistaram |
pūrvaṃ ca dakṣiṇaṃ caiva paścimaṃ cottaraṃ tathā || 4 || 

madhyame tu samāyuktaṃ pañca kumbhāni vinyaset |
aṣṭabandhasamutsedhaṃ vistaraṃ dvādaśaṃ bhavet || 5 || 

pṛ0 171) kumbhordhve dīpa vinyasya śilpinaṃ kārayettataḥ |
pādaṃ caiva daśā"ngulyamutsedhaṃ tu vidhīyate || 6 || 

vistāraṃ tāvadevāhurdīpapātraṃ ca kārayet |
* * * * * saṃyojya rakṣādīpaṃ tu kārayet || 7 || 

etat śāntidamityuktaṃ pauṣṭikaṃ ca śṛṇuṣvatha |
vistāraṃ tu caturviṃśat a"ngulā sthalikā bhavet || 8 || 

śālipiṣṭaṃ vā vinyasya * sapapātrake * * |
teṣāmūrdhve tu * * * * * * * * * tathā || 9 || 

etat * * * mityuktaṃ trividhaṃ cocyate mayā |
nityanityārcane kuryāt tasyāṃ taddīpamucyate || 10 || 

pṛ0 172) sāyāhne śayane kuryāt yakṣeśvarīṃ ca pūjayet |
nityāgnikuṇḍaṃ viprendra * * * * * dīpayet || 11 || 

tasya dakṣiṇabhāge tu maṇḍalaṃ caturaśrakam |
sthālikāṃ vinyasettatra śikhāmantreṇa saṃyutam || 12 || 

goghṛtena samāyuktamavā tailena vā punaḥ |
vartiṃ tatraiva vinyasya sannidhau dīpayettataḥ || 13 || 

prāsādena tu mantreṇa madhyame dīpamucyate |
pūrṇena puruṣeṇaiva aghoraṃ dakṣiṇena tu || 14 || 

sadyaḥ paścimato nyasya vāmadevaṃ tu cottare |
vyomavyāpi sama * * pañcabrahmeṇa saṃyutam || 15 || 

pṛ0 173) pūjayettu viśeṣeṇa śirasopari dhārayet |
gaṇikāṃ devadāsī vā dhārayeddīpamuttamam || 16 || 

madhukeyasamāyuktaṃ gaṇikāṃ nṛttasaṃyutam |
sarvama"ngalasaṃyuktaṃ śa"nkhadhvanisamāyutam || 17 || 

bherīmṛda"ngavādyaiśca stotraśabdasamanvitam |
gacchetpradakṣiṇaṃ tatra ninayet śivasannidhau || 18 || 

tripādīṃ madhyate nyasya prokṣayet śuddhavāriṇā |
īśānena tu mantreṇa arcayeddīpameva ca || 19 || 

puṣpeṇa dīpaṃ saṃyojya li"ngamūrdhnī ca varttayet |
ekaṃ vāpi trayaṃ vāpi pradakṣiṇamathācaret || 20 || 

pṛ0 174) visarjayettu nirmālyaṃ bāhyapīṭhe tu vinyaset |
etat śāntikamityuktaṃ pauṣṭikaṃ ca matha śṛṇu || 21 || 

śivāgre maṇṭapaṃ kuryāt tripādaṃ tatraiva vinyaset |
vinyaset sthālikāṃ tatra hṛdayena tu mantrataḥ || 22 || 

piṣṭaṃ vāmena saṃsthāpya prokṣayettu hṛdā tathā |
garbhagehe sthite dīpe vartiṃ saṃyojayettataḥ || 23 || 

pūjayedastramantreṇa prokṣayedambhasā tataḥ |
hṛdayena tu mantreṇa dīpaṃ dadyāt śivasya tu || 24 ||

ekaṃ vāpi trayaṃ vāpi li"ngaṃ caiva pradakṣiṇam |
visarjayettato mantrī bhasmaṃ śirasi nikṣipet || 25 || 

pṛ0 175) śivasya rakṣo kurvīta sarvaprāṇihitāya ca |
evaṃ pauṣṭikamevaṃ tu kāmadaṃ śṛṇu tattvataḥ || 26 || 

agnikuṇḍe'thavā kuryāt garbhagehe'thavā punaḥ |
saptapātraika viprendra dīpaṃ saṃyojayettataḥ || 27 || 

pauṣṭikasya krameṇaiva kuryādvai deśikottamaḥ |
śive dīpaṃ susaṃyojya visarjayetpūrvavatkramāt || 28 || 

evaṃ kāmadamityuktaṃ samāsātkathayāmite |
uttamaṃ dīpamākhyātaṃ saptā"ngulasamucchrayam || 29 || 

pañcā"ngulaṃ tu madhyaṃ syāttriya"ngulamathocyate |
uttamaṃ goghṛtenaiva madhyamaṃ ajasaṃbhave || 30 || 

pṛ0 176) adhamaṃ tailajaṃ vāpi sūtrapātaṃ tu kārayet |
dūrvākṣataiśca saṃyuktaṃ darpaṇaṃ bhasmameva ca || 31 || 

pādyamācamanaṃ cārghyaṃ gandhapuṣpaiśca dhūpakam |
dīpasya darśanaṃ mūrdhni śive dadyāt viśeṣataḥ || 32 || 

yakṣeśvarīsvarūpaṃ tu śṛṇuṣva kamalāsana |
yāntenaiva samāyuktaṃ ikārasvarasaṃyutam || 33 || 

oṃkārādi namo'ntaṃ ca madhye yakṣeśabījakam |
etanmantraṃ paraṃ guhyaṃ stavastrotraprakāśikam || 34 || 

dvibhujaṃ caikavaktraṃ ca dvipādaṃ ca dvinetrakam |
karaṇḍamakuṭaṃ yuktaṃ saumyarūpaṃ sulocanam || 35 || 

pṛ0 177) dīpamadhye nyaseddevīmañjalyā ca namaskṛtvā |
evaṃvidhaṃ svarūpaṃ tu dhyātvā vai pūjayettataḥ || 36|| 

vāmā jyeṣṭhā ca raudrī ca kālī kalavikaraṇī tathā |
? balavikaraṇīṃ balapramathanīṃ sarvabhūtadamanīṃ manonmanīm || 37 || 

pūrvādīśānaparyantaṃ pūjayedgandhapuṣpakaiḥ |
madhye manonmanīṃ nyasya pūjayeddevabāhyataḥ || 38 || 

someśānasamāyuktaṃ tadbāhye pūjayettataḥ | 
evameva krameṇaiva svasvarnāmena pūjayet || 39 ||  

bhasmaṃ dadyāt śive ttatra kramāccheṣa samācaret |
sāyāhne śayanaṃ kuryādevameva krameṇa tu || 40 || 

pṛ0 178) pariṣecanakāle tu rakṣādīpaṃ karoti hi |
sarvapāpairvinirmuktaśśivalokamavāpnuyāt || 41 ||

rakṣādīpaṃ mayā proktaṃ a"nkurārpaṇakaṃ śṛṇu || 41.5 || 

iti vīratantre rakṣādīpapaṭalaḥ ||

pṛ0 179) paṭalaḥ 14 (a"nkurārpaṇam ||)

praṇamya śirasā devaṃ pa(rya) ? pṛcchat pitāmahaḥ |
a"nkurārpaṇaṃ kiṃ vā tatsarvaṃ brūhi me prabho || 1 || 

īśvara uvāca-

nāgalā"nkurakarmaṃ tu yattvayā paricoditam |
tatsarvamakhilaṃ vakṣye śṛṇuṣva kamalāsana || 2 || 

prathamaṃ dhvajā"nkuraṃ jñeyaṃ dvitīyaṃ cā"nkurādikam |
utsavā"nkuramevoktaṃ tṛtīyaṃ tu viśeṣataḥ || 3 || 

tīrthā"nkuraṃ caturthaṃ syāt caṇḍā"nkuraṃ tu pañcamam |
athā traya"nkuraṃ vidyāt dhvajā"nkuraṃ tu cocyate || 4 || 

tīrthā"nkuraṃ tu samāyuktaṃ a"nkurā"nkuramucyate |
sthāpane prokṣaṇe yāge utsave snapane tathā || 5 || 

pṛ0 180) anye ca ma"ngalākārye ma"ngalā"nkuramucyate |
śrīkaraṃ śrīnivāsaṃ ca śrīpadaṃ ca tridhā bhavet || 6 || 

pūrvāgraṃ tu catussūtramuttarāgraṃ tathaiva ca |
kṛtvā navapadaṃ tatra devatāśca śṛṇuṣvatha || 7 || 

pade pūrve ca ṛgvedaṃ āgneyāṃ teja ucyate |
dakṣiṇena yajurvedamākāśaṃ caiva nairṛte || 8 || 

paścime tu pade pūrve sāmamuttarataṃ tathā |
vāyavye pavanaṃ caiva atharvaṃ somake pade || 9 || 

āpaścaiva tu īśānyāṃ madhye meraḥ pratiṣṭhitaḥ |
madhyame tu pade caiva somakumbhapratiṣṭhitam || 10 || 

pṛ0 181) ghaṭikā dikṣu vinyasya pālikā vā vidikṣu vai |
etat śrīkaramityuktaṃ śrīnivāsamatha śṛṇu || 11 || 

pūrvāgraṃ pañcasūtraṃ syāduttarāgraṃ tathaiva ca |
ṣoḍaśātpādamevāhurdevatānāṃ śṛṇuṣvatha || 12 || 

īśe jayanta ādityo agniśca vitato mayā |
sugrīvo varuṇaśśeṣo mukhyassomoditastathā || 13 || 

brahmā catuṣpadaṃ caiva madhyame tu vyavasthitā |
īśānaṃ caiva sugrīvo mukhyasya tu padāni ca || 14 || 

pālikādvinyasettatra ghaṭikāsthānamucyate |
jayanto vijayaścaiva varuṇo soma eva ca || 15 || 

pṛ0 182) ghaṭikāsthānamevoktaṃ śarāvasthānakaṃ śṛṇu |
ādityaśca yamaścaiva śoṣaśca vādini sthitā || 16 || 

madhyame somakumbhaṃ tu parito dvādaśā nyaset |
etadvai śrīnivāsaṃ tu śrīpadaṃ ca śṛṇuṣvatha || 17 || 

ṣaṭrasūtraṃ caiva pūrvāgramuttarāgraṃ tathaiva ca |
pañcaviṃśatpadaṃ kṛtvā pūjayetkramaśastathā || 18 || 

īśo jayanta ādityo pūṣogninnirvitā yamaḥ |
bhṛ"ngaṃ ca mṛgasugrīvo varuṇaśśoṣamārutau || 19 || 

mukhya somo ditiścaiva bāhyadevāḥ prakīrtitāḥ |
āpa vatsārdha sāvitri vivasvāgnilamitrakaḥ || 20 || 

pṛ0 183) rudro bhūtataraścāntaṃ madhye brahmāṇamucyate |
brahmāṇaṃ ca pade caiva sthāpayet somakumbhakam || 21 || 

īśānanto jayantaśca aśvinī vitatastathā |
pitṛdauvārikaścaiva mārutaścaiva mukhyakaḥ || 22 || 

pālikā vinyasettatra śarāvaṃ ca śṛṇuṣvatha |
āpavatsādi devāṣṭau ghaṭikā sthānamucyate || 23 ||

lakṣaṇaṃ saṃpravakṣyāmi śṛṇuṣva kamalāsana |
sauvarṇaṃ rajataṃ tāmraṃ mṛṇmayaṃ vāpi kārayet || 24 || 

mātrā"ngulena kartavyaṃ pālikādīni caiva hi |
pālikāmukhavistāraṃ viṃśatya"ngulamuttamam || 25 || 

pṛ0 184) dvādaśā"ngulamadhye tadvalaya dvādaśā"ngulam |
vistāreṇa samotsedhaṃ tadardhaṃ pādavistaram || 26 || 

parito'ṣṭau ca viprendra ṣaḍbhāgekamiti smṛtam |
madhyame bilasaṃyuktaṃ darpaṇodaravatkṛtam || 27 || 

ghaṭistasyotsedhamānaṃ tu pālikāsamameva ca |
ghaṭikodara vistāraṃ dvādaśā"ngulamucyate || 28 || 

vaktraṃ caiva ṣaḍa"ngulyaṃ pañcavaktrasamanvitam |
pālikāpādavatkuryāt ghaṭilakṣaṇamucyate || 29 || 

aṣṭā"ngulaṃ tu vistāraṃ śārāvasya mukho bhavet |
tadardhaṃ pādavistāraṃ tripādaṃ vā samucyate || 30 || 

pṛ0 185) bhedaṃ codaṃ ca kālaṃ ca suṣiraṃ caiva varjayet |
ghaṭikā brahmadaivatyaṃ pālikā viṣṇurucyate || 31 || 

śārāvasyeśvaraḥ proktaḥ ityete adhidevatāḥ |
caturviṃśatisaṃkhyāttu uttamaṃ tu vinirdiśet || 32 || 

pālikā ṣoḍaśaṃ caiva madhyamaṃ tu vinirdiśet |
pālikā cāṣṭa vinyasya madhyamaṃ tadihocyate || 33 || 

utsavasyādirātrau tu bījānirvāhamucyate |
navame saptame vāpi pañcame taṃ yajetsadā || 34 || 

bījānāmadhipassomastasmāttu niśivāpayet |
grāmapradakṣiṇaṃ kuryāt triśūlena samāyutam || 35 || 

pṛ0 186) pratimena samāyuktaṃ caṇḍeśena samāyutam |
tadante pālikādīni dhārayet śivabhaktakān || 36 ||

prā"nmukhoda"nmukho vātha dakṣiṇe vā viśeṣataḥ |
suśuddhaṃ bhūtalaṃ prāpya prokṣayet śuddhavāriṇā || 37 || 

puṇyāhaṃ vācayitvā tu arcayet hṛdayena tu |
kundāliṃ caiva saṃpūjya hṛdayena tu mantrataḥ || 38 || 

hṛdayena tu mantreṇa khādayeddeśiko bhuvi |
mṛdaṃ saṃgrāhya vāmena hṛdīnā mṛdamarcayet || 39 || 

sarvatotyasamāyuktaṃ praviśedālayaṃ prati |
prāsādasyograto vāpi īśāne dakṣiṇe tathā || 40 ||

pṛ0 187) uttareṇāpi viprendra gomayenānulepayet |
aṣṭadroṇena śālissyāt sthaṇḍilaṃ kārayettataḥ || 41 || 

padmamaṣṭadalaṃ likhya prokṣayeddhṛdayena tu |
madhyame somakumbhaṃ tu vinyasetsomabījakaiḥ || 42 ||

sakūrcaṃ sahiraṇyaṃ ca savastraṃ vāripūritam |
gandhapuṣpādinābhyarcya naivedyaṃ dāpayettataḥ || 43 || 

tadbāhye pūrva vinyasya pālikādīni sarvaśaḥ |
darbheṇa suṣiraṃ nyasya mṛdaṃ tatraiva pūrayet || 44 ||

toyena ca samāyuktaṃ pūjayeddhṛdayena tu |
puṇyāhaṃ tatra kurvīta tāmbūlaṃ dāpayettataḥ || 45 ||

pṛ0 188) mudgamāṣakulutthaṃ ca tilanīvārameva ca |
* * vaśipi saṃyuktaṃ apāmārgaṃ ca sarṣapam || 46 || 

śyāmagodhūmasaṃyuktaṃ yavaveṇuṃ tathaiva ca |
payasā kṣālayettatra hṛdayena tu mantrataḥ || 47 ||

prā"nmukhoda"nmukho vāpi ācāryo mantravigrahaḥ |
pāpayet śivamantreṇa * * * * stu vāpayet || 48 || 

rudragaṇikā dāsī ca vāpayettu viśeṣataḥ |
somādhidevatākumbhān abhiṣicya tato jalam || 49 || 

pālikādīni sarvāṇi satatāpa vivarjite |
suṣuptadeśe saṃsthāpya somakumbhena saṃyutam || 50 ||

pṛ0 189) tat dinīdīni tīrthāntaṃ somarājasya deśikaḥ |
havirnivedayettatra tāmbūlaṃ dāpayettataḥ || 51 || 

kṛṣṇadhūmranibhaścettu prāsādena śatāhutiḥ |
homayeccaiva viprendra apūpāni tathaiva ca || 52 || 

evameva krameṇaiva a"nkurārpaṇamucyate |
a"nkurārpaṇahīne tu rājarāṣṭrasya doṣakṛt || 53 || 

tasmātsarvaprayatnena kuryāttanma"ngalākaram |
evaṃ yaḥ kurute martyaśśivaloke mahīyate || 54 || 

a"nkurārpaṇamevoktaṃ utsavasya vidhiṃ śṛṇu || 54.5 ||

iti vīratantre a"nkurārpaṇavidhiḥ paṭalaḥ ||

pṛ0 190) paṭalaḥ 15 (utsavasūcanam)

utsavaṃ yattvayā pṛṣṭaṃ tava snehādviśeṣataḥ |
tatsarvamakhilaṃ vakṣye śṛṇuṣva kamalāsana || 1 || 

sarvaduḥkhaharaṃ puṇyaṃ sarvapāpanivāraṇam |
utgataṃ tutsavo yasmāt tasmādutsavamucyate || 2 || 

dīkṣāṃ caiva pratiṣṭhānte prokṣaṇānte tathaiva ca |
jvara * māryāpravarttaṃ tu śatrupīḍaneṣu ca || 3 || 

dhanadhānyasamṛddhyaiva kṣāmakṣayakarāya ca |
sarveṣāmiṣṭakāmārthaṃ sarvavyādhivināśanam || 4 || 

eṣu kāleṣu kuryāttu utsavaṃ vidhinādhunā |
dvividhaṃ utsavaṃ caiva tayorbhedaṃ śṛṇuṣvatha || 5 ||

pṛ0 191) mārgaśīrṣaṃ ca māse tu ārdrāntaṃ syāt śivotsavaḥ |
puṣyamāse tu puṣyāntaṃ māghamāse maghāntakam || 6 || 

phālgune cottarāṃ ca caitra citrāntamucyate |
vaiśākhe tu viśākhāntaṃ mūlāntaṃ śreṣṭhamāsake || 7 || 

āṣāḍhaṃ cottarāṣāḍhaṃ śrāvaṇe śrāvaṇāntakam |
pūrvāṣāḍhaṃ ca mevoktaṃ pūrvabhādreti māsake || 8 || 

āśvayuje va māse ca aśvinyāntaṃ tu kārayet |
kṛttike kṛttikāntaṃ tu kārayettu śivotsavam || 9 || 

rājñā janmadinānte vā grāmanakṣatrameva vā |
kartuśca janmanakṣatre kuryādutsavamucyate || 10 || 

pṛ0 192) sarvamāseṣu kartavyamārdrāntaṃ hi śivotsavam |
śaivaṃ gauṇaṃ vibhūtaṃ ca bhauvanaṃ devikaṃ tathā || 11 ||

pañcabhedena kartavyaṃ śivotsavavidhikramam |
eteṣāṃ bhedakaṃ vakṣye śṛṇuṣva kamalāsana || 12 || 

śaiva bhedaṃ samākhyātaṃ ekāhaṃ utsavaṃ tataḥ |
triyāhena samāyuktaṃ gauṇamityabhidhīyate || 13 || 

pañcāhaṃ bhautikaṃ proktaṃ saptāhaṃ bhauvanaṃ smṛtam |
navāhena samāyuktaṃ daivikaṃ utsavaṃ smṛtam || 14 || 

sūryavāreṇa kuryāttu vārotsavamiti smṛtam |
śanaiścarasya vāre tu tathā kāmadamucyate || 15 || 

pṛ0 193) vārotsave tu * * * mārtāṇḍīyamiti smṛtam |
eteṣāṃ tu krameṇaiva vakṣyate vidhinā'dhunā || 16 || 

sāyaṃkāle samārabhya tatpūrve rātrisaṃyutam |
homaṃ kuryāttu tadrātrau bali bhramaṇamācaret || 17 || 

balirekaṃ mayā proktaṃ ekāhe utsave tathā |
aparedyuścaiva viprendra tīrthaṃ kuryāttu deśikaḥ || 18 || 

evameva krameṇaiva dvividhaṃ cocyate mayā |
triyaheṣu ca viprendra sāyaṃkāle samārabhet || 19 ||

prātaḥkāle tu tīrthaṃ syāt * * * * * * * * |
idamanyatprakāreṇa triyahaṃ vakṣyate'dhunā || 20 || 

pṛ0 194) sāyaṃkāle tadārabhya tadrātrau adhivāsayet |
homaṃ kuryāttu tadrātrau tadrātrau balimārabhet || 21 || 

dine dine dine caiva balirekaṃ vidhīyate |
balyante caiva viprendra cūrṇotsavaṃ tu kārayet || 22 || 

cūrṇotsavānte tīrthaṃ syāt dvividhaṃ cocyate mayā |
pañcāhaṃ tu pravakṣyāmi śṛṇuṣva kamalāsana || 23 ||

aṣṭāhe caiva sāyāhne adhivāsanamārabhet |
homaṃ kuryāttu tadrātrau baliṃ caiva dadet punaḥ || 24 || 

caturdaśabaliṃ dadyāt sūrṇotkārayet |
tīrthaṃ kuryādviśeṣeṇa idamanya śṛṇu || 25 || 

pṛ0 195) sāyaṃkālaṃ samārabhya tatpūrve dinamārabhet |
ṣaṣṭhāhe tu ca pūrvāhṇe cūrṇotsavaṃ tu kārayet || 26 || 

tīrthaṃ caiva prakartavyaṃ idamanyat śṛṇuṣva hi |
sāyaṃkāle samārabhya pañcāhaṃ syāt dine tathā || 27 || 

homaṃ kuryāttu tadrātrau balirekā vidhīyate |
dvitīye ca tṛtīye ca caturthaṃ tu balidvayam || 28 || 

pañcame balirekaṃ syāt cūrṇotsavaṃ tu kārayet |
kuryādvai tīrthakarmaṃ tu dvividhaṃ cocyate mayā || 29 || 

saptāhaṃ caiva vakṣyāmi śṛṇuṣva kamalāsana |
aṣṭāhe caiva sāyāhne adhivāsanamārabhet || 30 || 

pṛ0 196) homaṃ kuryāttu tadrātrau baliṃ caiva dadetpunaḥ |
caturdaśabaliṃ dadyāt cūrṇotsavaṃ tu kārayet || 31 ||

tīrthaṃ kuryādviśeṣeṇa idamanyat śṛṇuṣvatha |
saptāhe sāyamārabhya adhivāsya tato budhaḥ || 32 ||

homaṃ kuryāttu tadrātrau balirekaṃ dadetpunaḥ |
dvitīye divase caiva tṛtīye'pi caturthake || 33 ||

pañcame ṣaṣṭhame caiva balidvayasamācaret |
saptāhaṃ balirekā syāt balyante cūrṇamucyate || 34 ||

tatra tīrthaṃ samārabhya yāvatkālaukamuttamam |
saptāhaṃ dvividhaṃ proktaṃ navāhaṃ ca śṛṇuṣvatha || 35 || 

pṛ0 197) tatpūrvarātrimārabhya tadrātrau cādhivāsayet |
homaṃ kuryāttu tadrātrau baliṃ caiva tu dāpayet || 36 ||

tat dinādīttu tīrthāntaṃ tatkāle va baliṃ dadet |
cūrṇotsavaṃ tataḥ kuryāt tīrthaṃ kuryāttate budhaḥ || 37 || 

idamanyatpravakṣyāmi śṛṇuṣva kamalāsana |
navāhe caiva sāyāhne adhivāsanamārabhet || 38 || 

a"nkuraṃ kuryāt tadrātrau baliṃ caiva tu dāpayet |
dvitīya divase caiva tṛtīye'pi caturthakam || 39 || 

pañcame caiva ṣaṣṭhāhe saptāhe dvitayaṃ balim |
navāhe'pi ca viprendra daśāhe tu baliṃ kṣipet || 40 || 

pṛ0 198) cūrṇotsavaṃ tataḥ kuryāt tīrthakarma samārabhet |
navāhe dvividhaṃ kuryāt procyate kamalāsana || 41 || 

evameva krameṇaiva kuryāt pañcavidhānataḥ |
vārapūjāṃ pravakṣyāmi śṛṇuṣva kamalāsana || 42 ||

prātaḥkālaṃ samārabhya dviguṇaṃ pūjayecchivam |
puṇyāhaṃ vācayettatra havirnivedayettataḥ || 43 || 

indrādyeśānaparyantaṃ lokapālabaliṃ dadet |
nityotsavasya kāle tu kuryāt grāmapradakṣiṇam || 44 ||

rathaṃ vā śibikāṃ vātha śirasā vāhayettataḥ |
praviśedālayaṃ tatra pādukārcanamucyate || 45 || 

pṛ0 199) sūryavāramidaṃ proktaṃ śanivāramathāpi vā |
li"nge vā pratimāyāṃ vā tailābhya"ngamihocyate || 46 ||

abhiṣekaṃ tu kartavyaṃ hṛdayena tu mantrataḥ |
havirnivedayetpaścāt lokapālabaliṃ kṣipet || 47 ||

śaivān saṃbhojaye paricārakramaṃ kuru |
grāmapradakṣiṇaṃ kuryāt sarvatodya samanvitam || 48 || 

mārtāṇḍīyaṃ pravakṣyāmi śṛṇuṣva kamalāsana |
sāyaṃkālaṃ samārabhya prātaḥkāle baliṃ dadet || 49 ||

tīrthānte pūrvarātrau tu lokapālabaliṃ kṣipet |
maṇṭapāt dakṣiṇe pārśve sthāpayet kalaśaṃ nava || 50 ||

pṛ0 200) tato homaṃ prakartavyaṃ lakṣaṇena samanvitam |
samidājyacarūṃścaiva suhutvā pañcaviṃśatiḥ || 51 || 

annali"ngasamāyuktaṃ astrarājena saṃyutam |
baliṃ dadyāttu viprendra sāyaṃkāle viśeṣataḥ || 52 ||

tataḥ prabhāte pratimāṃ kuryāt grāmapradakṣiṇam |
tīrthaṃ kuryāttato vidvān praviśedālayaṃ prati || 53 || 

evameva krameṇaiva budhavāre viśeṣataḥ |
mārttāṇḍīyamidaṃ proktaṃ * māraṃ ca śṛṇu dvija || 54 || 

a"nkurārpaṇapūrvaṃ ca dhvajārohaṇasamanvitam |
samidājyacarūṃśvaiva * * * * * pūrvakam || 55 ||

pṛ0 201) bherītāḍanapūrvaṃ tu trividhaṃ cocyate mayā |
a"nkurānarpayedvidvān dhvajamāropayettataḥ || 56 || 

bherīṃ tu tāḍayitvā tu a"nkurārpaṇa pūrvakam |
dhvajamāropayet paścāt bherīṃ caiva tu tāḍayet || 57 || 

a"nkurānarpayedvidvān dhvajārohaṇa pūrvakam |
bherīṃ tu tāḍayitvā tu dhvajamāropayettataḥ || 58 || 

a"nkurānarpayedvidvān bherītāḍana pūrvakam |
evameva krameṇaiva trividhaṃ cocyate mayā || 59 ||

nandinaṃ caiva viprendra triguṇīkṛtya ropayet |
dviguṇīkṛtya vā kuryāddhvajamāropayettataḥ || 60 || 

pṛ0 202) utsavasyādirātrau tu dhvajāropaṇamucyate |
bhauvane daivike kuryādanyeṣu ca vivarjayet || 61 || 

samudrasnāna utpanne parvayuktirvidhīyate |
yaddineṣu prabhā kuryāt tatpūrve vā pare'pi vā || 62 || 

itareṣāṃ pare vipra tattaddineṣu kārayet |
nadīnada taṭākeṣu nakṣatre tīrthamucyate || 63 ||

yatpakṣe yaddine vāre hastarvādi divākaraḥ |
taddine saṃkramo bhāge divā tīrthaṃ ca niścayaḥ || 64 || 

śivasyāvabhṛthaṃ kuryāt snapanaṃ tadanantare |
evameva krameṇaiva utsavaṃ kārayettataḥ || 65 || 

utsavārambhamevoktaṃ vṛṣayāgamatha śṛṇu |

iti utsavasūcanaṃ samāptaḥ ||

pṛ0 203) paṭalaḥ 16 (vṛṣayāgaḥ)

vṛṣayāgaṃ pravakṣyāmi śṛṇuṣva kamalāsana |
prāsādasyāgrataḥ kuryāt maṇṭapaṃ caturaśrakam || 1 || 

maṇṭapasya tu tanmadhye kuryādvṛṣabhayāgakam |
darbhamālābhirāveṣṭya puṣpamālāvalambitam || 2 || 

indrādīśānaparyantaṃ aṣṭadikṣu dhvajāṣṭakam |
lokapālādhidaivatyaṃ svasvarūpaṃ tu lāñcayet || 3 || 

vinyasettu dhvajaṃ sūtraṃ catustoraṇabhūṣitam |
vitānenordhvamācchādya muktādāmairalaṃkṛtam || 4 || 

vṛṣadevaṃ samabhyarcya gandhapuṣpādinā tataḥ |
mudgānnaṃ caiva dātavyaṃ upadaṃśa samanvitam || 5 || 

pṛ0 204) tadagre sthaṇḍilaṃ kṛtvā śālibhirvimalaistataḥ |
aṣṭadroṇena śāliṃ tu tadardhaṃ taṇḍulairapi || 6 || 

tadardhaṃ tu tilā nyasya padmaṃ kṛtvā viśeṣataḥ |
tasyopari nyasettatra kalaśānnavasaṃkhyayā || 7 || 

madhyasthapadamekaikaṃ sasūtrān sāpidhānakān |
pūrayet gandhatoyena svarṇaṃ tatra vinikṣipet || 8 || 

vṛṣabījaṃ samuddhṛtya gandhapuṣpādinārcayet |
pūrvādīśānaparyantaṃ vinyasedaṣṭakumbhakān || 9 || 

pādyaṃ pūrvaṃ nyasedyatra āgneyyāṃ puṣpamucyate |
ācamanaṃ dakṣiṇe tasya phalodakaṃ tu nairṛte || 10 || 

pṛ0 205) arghyaṃ paścimato nyasya balidānaṃ tu vāyavye |
uttare pañcagavyaṃ tu īśe ratnodakaṃ nyaset || 11 ||

gandhādinārcayettatra devatā vinyasettataḥ |
vṛṣabhaṃ madhyame nyasya ukṣāṇaṃ pūrvato nyaset || 12 || 

gopatiṃ cāgnidigbhāge śṛ"ngiṇaṃ caiva dakṣiṇe |
nairṛtyāṃ caiva nandī syāt paścime tu vaśet patim || 13 || 

vṛṣāṇi vāyudigbhāge śa"nkukarṇastathottare |
mahodaraṃ tu īśānyāṃ vinyaset kalaśeṣu ca || 14 ||

kalaśān pūrvadigbhāge śālinā sthaṇḍilaṃ kuru |
aṣṭapatraṃ samālikhya darbhaiścaiva paristaret || 15 ||

pṛ0 206) dhvajapaṭaṃ vinyasettatra * ṇena samanvitam |
uttamaṃ daśahastaṃ tu madhyamaṃ navahastakam || 16 || 

adhamaṃ cāṣṭahastaṃ syāt madhyamaṃ navahastakam |
ardhādhike tritālaṃ tu paṭadairghya mihocyate || 17 || 

ṣaṭtālamuttamaṃ proktaṃ pañcatālaṃ tu madhyamam |
ardhādhike tritālaṃ tu kanyastaṃ tviha cocyate || 18 || 

paṭavistāramānaṃ tu caturbhāgaikameva tu |
brāhmaṇasya bhavet śvetaṃ kṣatriyasya tu raktakam || 19 || 

pītaṃ vaiśyasya ityuktaṃ kṛṣṇavarṇaṃ tu śūdrakam |
vistāreṇa samaṃ pucchaṃ pucchārdhaṃ śikharaṃ bhavet || 20 || 

pṛ0 207) madhyamaṃ vṛṣabhaṃ pucchāt sthitaṃ vā śayanaṃ tu vā | 
vṛṣabhaṃ śvetavarṇaṃ tu raktavarṇaṃ tu śṛ"ngakam || 21 || 

khurāṇāṃ raktavarṇaṃ tu pītaṃ lā"ngūlameva ca |
netre śvetamayī caiva madhyaraktamayī yathā || 22 || 

vṛṣabhaṃ madhyapīṭhaṃ tu maṇimālāvibhūṣitam |
paśudīpadvayo nyasya citramūrdhve tu vinyaset || 23 || 

dvau pārśvau cāmarābhyāṃ tu lekhayet vṛṣabhaṃ tataḥ |
pūrvedyuradhivāsaṃ ca dhvajadaṇḍena saṃyutam || 24 || 

prokṣayedambhasā caiva hṛdayena tu mantrataḥ |
gandhapuṣpādinā pūjya vṛṣagāyatrimantrataḥ || 25 || 

pṛ0 208) pūrvādīśānaparyantaṃ vṛṣamūrtiṃ nyasettataḥ |
tadante lokapālāṃśca pūjayettu viśeṣataḥ || 26 || 

tadbāhye pūjayettatra lokapālāstrameva ca |
tasyaiva pūrvadigbhāge śālikā sthaṇḍilaṃ kuru || 27 || 

padmamaṣṭadalaṃ likhya darbhaiścaiva paristaret |
tadūrdhve vinyasenmūlaṃ pūjayettu viśeṣataḥ || 28 || 

vāmādīnāṃ tu śaktīnāṃ śūlamūle pratiṣṭhitam |
kumāraṃ pālike nyasya kumbhe tu varuṇaṃ nyaset || 29 || 

tāsi caivāgnidaivatyaṃ sarasvatī caiva daṇḍakam |
pīṭhe tu pārvatīṃ nyasya bhūmibhāge vasundarīm || 30 || 

pṛ0 209) gandhapuṣpaiśca dhūpaiśca ṣaṇṇavatyena pūjayet |
puṇyāhaṃ vācayettatra tāmbūlaṃ dāpayettataḥ || 31 || 

tato homaṃ prakurvīta sthaṇḍilaṃ caturaśrakam |
śivāgnimānayettatra agnimukhaṃ ca hūyate || 32 ||

samidājyacarūn lājān sarṣapāṃścaiva hūyate |
pañcabrahmeṇa saṃyuktaṃ īśānādīni hūyate || 33 || 

pratyekaṃ śatamardhaṃ vā tadardhaṃ vāpi hūyate |
vṛṣāśivāsanaṃ proktaṃ dhvajārohaṇakaṃ śṛṇu || 34 || 

iti vṛṣayāgassamāptaḥ ||

pṛ0 210) paṭalaḥ 17) (dhvajārohaṇavidhiḥ)

dhvajārohaṇamevaṃ tu vakṣyāmi śṛṇu sattamaḥ |
śvetavarṇaṃ dhvajaṃ caiva rājarāṣṭra vivardhanam || 1 || 

vaśyaṃ vai raktavarṇaṃ tu stambhanaṃ pītamucyate |
vijayaṃ kapilābhaṃ ca kṛṣṇaṃ caivābhicārakam || 2 || 

dhūmraṃ vyādhipradaṃ caiva evameva krameṇa tu |
? dhānyān kāmānyakāmāya toṃ tāntānvai sādhayet dhvajaḥ || 3 || 

varṣārthaṃ śyāmavarṇaṃ tu kṣīrābhaṃ sarvaśāntikam |
śa"nkhasphaṭikamuktābhaṃ rakṣārthaṃ śāntipuṣṭikam || 4 || 

pūrvāhṇe brahmaṇaḥ prītirmadhyāhne rājyavṛddhidam |
rātrau vaiśyasya śūdrāṇāṃ vardhate kramaśastathā || 5 || 

pṛ0 211) dhvajasthānamahaṃ vakṣye śrūyatāṃ kamalāsana |
pīṭhagopurayormadhye vṛṣasya ca purato'pi vā || 6 || 

pīṭhāgre vātha kuryāttu dhvajasthānaṃ vidhīyate |
kramukaṃ veṇudaṇḍaṃ ca candanaṃ vāpi khādiram || 7 || 

campakaṃ devadāruṃ ca stambakairbilvakairapi |
avakraṃ nirvraṇaṃ caiva kṛmikoṭaravarjitam || 8 || 

prāsādasya samaṃ vāpi prāsādagrīvameva ca |
vṛṣabhasthala samaṃ vāpi gopurotsedhameva ca || 9 ||

tulāntaṃ ca tulāntaṃ vā daṇḍasyotsedhamucyate |
hastasaṃkhyena vā kuryāt triṃśaddhastamathāpi vā || 10 || 

pṛ0 212) dvādaśaṃ daśahastaṃ vā dhvajasyotsedhamucyate |
saptatriṃśā"ngulaṃ vāpi caturviṃśatireva vā || 11 || 

dvāviṃśatibhirvātha nāhaṃ tasya vidhīyate |
veṇuyaṣṭiṃ tato grāhya avakraṃ nirvraṇaṃ tataḥ || 12 || 

ekaparvaṃ vināśārthaṃ dviparveṇa bhayaṃkaram |
triparvaṃ vyādhinaṃ pīḍyaṃ catuṣparva vināśinaḥ || 13 || 

pañcaparvāt bhayaṃ loke ṣaṭparvaṃ syā śriyaṃ bhavet |
saptaparvān gavāṃ nāśaḥ aṣṭaparvaistu vardhate || 14 || 

navaparvān kulaṃ kṣīṇaṃ daśamaḥ sarvakāmadaḥ |
ekādaśaṃ putrakāmaḥ dvādaśaṃ puṣṭikāmadam || 15 ||

pṛ0 213) idaṃ ūrdhvaṃ na kartavyaṃ hastamānaṃ tataśśṛṇu |
ṣaṭtālaṃ pañcatālaṃ vā tasyāgre ghaṭikāṃ nyaset || 16 || 

ādhāraphala trīṇi ca yājñikairvṛkṣasaṃbhavaiḥ |
hastamātrāntaraṃ jñeyaṃ hastaṃ vā suṣiradvayam || 17 || 

evameva pramāṇena tantunā rajjurucyate |
agraghaṭikāmūlāntaṃ rajjudviguṇaṃ kārayet || 18 || 

māṇavakaśśucirbhūtvā prokṣayedambhasā tataḥ |
navavastraparīdhānā soṣṇīyaṃ cottarīyakam || 19 || 

anyadhvajāṃśca kuryāttu evameva pradakṣiṇam |
tasyānte cāstrarājānamannali"ngasamāyutam || 20 ||

pṛ0 214) nānādhvajasamāyuktaṃ nānāpiñchasamāyutam |
nānājanasamākīrṇaṃ nānāvādyasamāyutam || 21 ||

nānācitrasamāyuktaṃ brahmaghoṣasamanvitam |
ma"ngalā"nkurasamāyuktaṃ nṛttageyasamanvitam || 22 || 

agrataḥ pṛṣṭhato gatvā ācāryo yajamānakaḥ |
śanaiḥ pradakṣiṇaṃ kṛtvā dhvajasthānaṃ praverayet || 23 ||

aṃ cātamāghatāttatra hastadvayapramāṇataḥ |
tasya mūle prakartavyaṃ vedilakṣaṇasaṃyutam || 24 || 

ṣaṭtālamadhye vinyasya svarṇakūrmaṃ tu meva ca |
puṇyāhaṃ vācayettatra prokṣayet śuddhavāriṇā || 25 || 

pṛ0 215) hṛdayena tu mantreṇa kṣālayet dhvajadaṇḍakam |
darbhamālābhirāveṣṭya puṣpamālāsamanvitam || 26 || 

vṛṣagāyatrimantreṇa prokṣayetkalaśodakaiḥ |
utthāya dhvajadaṇḍaṃ tu vyomavyāpi samuccaran || 27 || 

vālukena hṛdā caiva pūrayedāghatāṃ tataḥ |
tasya mūle prakartavyaṃ vedikālakṣaṇaṃ tataḥ || 28 || 

ṣaṭtālaṃ pañcatālaṃ vā catustālamathāpi vā |
vistaraḥ procyate vipra utsedhaṃ tu tadardhakam || 29 ||

tadūrdhve padma saṃkalpya aṣṭapatra suśobhanam |
evamekhalamevaṃ syāt mekhalātrayameva ca || 30 ||

pṛ0 216) utsedhaṃ tu tridhā bhajya ekaikamekhalocchrayam |
adhastamekhalā caiva bhūmidevīṃ tu vinyaset || 31 || 

śrīdevīṃ madhyame pūjya tṛtīye ca sarasvatī |
trimekhaleṣu viprendra śaktīnāṃ traya kalpayet || 32 || 

ekamekhalayā kuryāt bhūmidevīṃ nyasettataḥ |
pūjayedgandhapuṣpeṇa dhūpadīpaissamanvitam || 33 ||

sthaṇḍilaṃ kārayettatra caturdroṇena śālinā |
puṇyāhaṃ kārayettatra kalaśān vinyasennavam || 34 || 

madhyame vṛṣabhakumbhaṃ tu vṛṣamantreṇa vinyaset |
indrādīśānaparyantaṃ vinyaset kalaśaṃ tataḥ || 35 || 

pṛ0 217) savastrān sāpidhānāṃśca lokapālādhidevatāḥ |
snāpayitvā yathānyāyaṃ vṛṣayantrī ca mantrataḥ || 36 ||

nivedayettu mudgānnaṃ dadhyopadaṃśasaṃyutam |
? etatkāle tu pūjātīnāṃ piṇḍānyān bhojayettataḥ || 37 || 

kukkuṭāṇḍapramāṇena piṇḍaṃ kuryāttu deśikaḥ |
vṛṣagāyatrimantreṇa piṇḍaṃ dadyāttu deśikaḥ || 38 || 

vṛṣabhaṃ bhartṛvat samṛtvā triḥ kṛtvā tu pradakṣiṇam |
namaskāraṃ tu kartavyaṃ dhvajamūle samāśritaḥ || 39 || 

evaṃ kuryāttu viprendra cāturvarṇaṃ tu dāpayet |
anyajātistu sarveṣāṃ pratilomāśca kārayet || 40 || 

ācāryaṃ pūjayettatra vastrahemā"ngulīyakaiḥ |
tāmbūlaṃ dāpayettasmai janānsarvānviśeṣataḥ || 41 || 

iti vīratantre dhvajārohaṇavidhiḥ samāptaḥ|| 

pṛ0 218) paṭalaḥ 18 (bherītāḍanam ?)

idaṃ ūrdhvaṃ prakartavyaṃ bherītāḍanamuttamam |
prātarmadhyāhnasāyāhne dhvajamāropayettataḥ || 1 || 

tadrātrau tāḍayedbherīṃ lakṣaṇena samanvitam |
lakṣaṇaṃ saṃpravakṣyāmi śṛṇuṣva kamalāsana || 2 || 

āsanaṃ candanairvāpi vakulaiśca śirīṣakaiḥ |
vyadhavṛkṣeṇa vā kuryāt bherīṃ vā paṭahaṃ tu vā || 3 || 

āyāmaṃ tu trihastaṃ syāt uttamaṃ tu vidhīyate |
pañcatālaṃ tu madhyaṃ syāt ṣaḍa"ngulavihīnakam || 4 || 

āyāmaṃ ce taduddiṣṭaṃ trividhaṃ cocyate mayā |
āyāmasya samaṃ nāhaṃ madhye paṭahamucyate || 5 || 

pṛ0 219) vaktraṃ vai dvādaśā"ngulyaṃ navabhissaptabhiśca vā |
evameva krameṇaiva kṛtvā paṭahamuttamam || 6 || 

gocarmeṇa tu bandhaṃ syāt mahādhvanisamāyutam |
maddalaiḥ kāhalaiścaiva kāṃsyadhvanisamāyutam || 7 ||

jhallarī jharjharī montaiḥ khaṇḍikā ca samanvitam |
anyaiśca sarvavādyaiśca yathālābhena tāḍayet || 8 || 

prāsādasyāgrataścaiva maṇṭapaṃ kārayettataḥ |
maṇṭapasya tu madhye tu gomayenānulepayet || 9 || 

sthaṇḍiladvitayaṃ kṛtvā śālinā ca tathaiva ca |
aṣṭadroṇena śālī syāt sthaṇḍilau dvau tu kārayet || 10 || 

pṛ0 220) tadardhaṃ taṇḍulairyuktaṃ prokṣayedambhasā tataḥ |
padmapatraṃ samālikhya darbhaiścaiva paristaret || 11 ||

paṭahasya dalaṃkāraṃ sthaṇḍilaṃ kārayettataḥ ||
paṭahaṃ vinyasettatra navavastrasamanvitam || 12 ||

tadagre sthāpayecchūlaṃ astramantreṇa deśikaḥ |
gandhaiḥ puṣpaiśca dhūpaiśca dīpaiścaruṃ nivedayet || 13 || 

evaṃ vai pūjayecchūlaṃ paścādbherīṃ samarcayet |
uttarābhimukho bhūtvā arcayedgandhapuṣpakaiḥ || 14 ||

āpohiṣṭhetimantreṇa prokṣayitvā kuśāmbhasā |
paṭahaṃ vinyasettatra hṛdayena tu pūjayet || 15 || 

pṛ0 221) dakṣiṇe rudramabhyarcya vāme viṣṇuṃ tathaiva ca |
brahmāṇaṃ pūjayenmadhye evameva krameṇa tu || 16 || 

vāsukīcarmasūtre tu valayau ravicandramau |
mātarassanti kīle tu udare tu vyavasthitaḥ || 17 || 

kodaṇḍena samāyuktaṃ pūjayet satramantrataḥ |
vādyakaṃ ca samāhūya sthānakarma samācaret || 18 || 

śuklavastra parīdhānaṃ gandhamālānulepanam |
nandikeśvaramāvāhya nandimantrasamanvitam || 19 ||

arcayitvā yathānyāyaṃ gandhapuṣpādinā tataḥ |
paṭahasyaiva viprendra havirnivedayettataḥ || 20 || 

pṛ0 222) ācāryaṃ pūjayettatra vādyaṃ saṃpūjayettataḥ |
vāmadevena mantreṇa arcayitvā viśeṣataḥ || 21 ||

tāḍayecchivamantreṇa ācāryo mantravigrahaḥ |
vādyakastāḍayetpaścāt nandimantreṇa saṃyutam || 22 ||

kulodgato viditātmā tāḍayettālameva ca |
carcapuṭaṃ tu brahmāṇaṃ cācapuṭa dvitīyake || 23 ||

indrasya sa * * * * * * * * * * * *

śubhamastu 
oṃ śrī saccidānanda umāmaheśvarābhyāṃ namaḥ||
vīrāgamam ||

samastavidyākusumairala"nkṛtāṃ
śaśiprabhāṃ bālaśaśāṃ"nkaśekharām |
ayugmanetrāmaravindajaprabhāṃ
namāmi devīṃ varadāṃ sarasvatīm || 1||
praṇamya bhagavantaṃ hi paripṛcchatpitāmaham |
taṃtrāṇāmadbhavaṃ kiñcit tatsarvaṃ brūhi me prabho || 2 ||

īśvara uvāca-

tatsarvamakhilaṃ vakṣye śṛṇuṣva kamalāsana |
tanoti vipulānarthān tatvamantrasamāśritān || 3 ||
trāṇañca kurute puṃsāṃ tena mantramiti smṛtam |
kāmikaṃ yogajaṃ ciṃtyaṃ kāraṇaṃ tvajitaṃ tathā || 4 ||
dīptaṃ sūryasahasrañca aṃśumān suprabhedakam |
vijayañcaiva niśvāsaṃ svāyaṃbhuvamayānilam || 5||

śrī gurubhyo namaḥ| śrī aṃbāsahāyam |
makuṭataṃtra|
ataḥ paraṃ pravakṣyāmi aṣṭabandhavidhikramam |
sarvapāpaharaṃ puṇyaṃ sarvavighnaharaṃ śubham || 1 ||
rājarāṣṭrābhivṛddhyarthaṃ sarvalokaśubhapradam |
aṣṭabandhaṃ tato hīne rājarāṣṭrasya doṣakṛt || 2 ||
niśvāsatantre -
pramādādbandhane hīne pūjā naivedyaniṣphalam |
darśane bandhane hīne santānaṃ nāśayetkramāt || 3||
pramādātpūjanaṃ kuryādrājāreṇamavāpnuyāt |
baliṃ nityotsavañcaiva varjyaṃ prādakṣiṇaṃ tapam || 4||
nṛttagītañca vādyañca nityanaimittikaṃ tathā |
upacārāṇi sarvāṇi niṣphalañca tathā bhavet || 5 ||
makuṭatantre-
aṣṭo bandhanamityukto tatra śāstroktamārgataḥ|
phālgune caivavaiśākhe puṣyamāte tu cottamaḥ || 6 ||
varjayecānyamāteṣu viṣaye ca vihīnake || 7 ||
niśvāse-
sarvamāseṣu kartavyaṃ aṣṭabandhamihocyate|
dinavāramuhūrtañca varjayeddeśikottamaḥ || 8 ||





###########   END OF FILE  #######