####################################################
MUKTABODHA INDOLOGICAL RESEARCH INSTITUTE
Use of this material (e-texts) is covered by Creative Commons license BY-NC 4.0
Catalog number: M00611
Uniform title: vīraśaivānandacandrikā
Author : maritoṇṭadārya

Description: 



Notes: 
Data-entered by the staff of Muktabodha under the supervision of Dr. Anirban Dash.

Revision 0: August 22, 2021        
Revision 1: March 27, 2022

Publisher : 
Publication year : 1936
Publication city : Varanasi
Publication country : India
####################################################



vīraśaivānandacandrikā
(vādakāṇḍaḥ)

śrījagadguru
mūrusāviramaṭhagranthamālāyāḥ
aṣṭamaṃ puṣpam
vīraśaivānandacandrikā
śrīmannirañjana maritoṇṭadārya
śivayogiviracitā

belagāṃva śrīcandraśekharamaṭhādhyakṣa �nyāyācārya� �darśanaviśārada� 
śrīguruli"ngadevamahodayaiḥ pariṣkṛtya saṃśodhitā

prathamaṃ saṃskaraṇam

bhrūlatāpuryāṃ 
śrījagadguruga"ngādharasaṃskṛtamahāvidyālayanyāyaśāstrādhyāpakena, 
śrīsomaśekharaśāstriṇā prākāśyaṃ nītā
vārāṇasyāṃ
kṛ0 ba0 pāvagīti nāmakena hitacintakayantrālayādhipatinā mudritā

śākaḥ 1858 sanābdāḥ 1936


pṛ0 1) namaḥ śivāya
vīraśaivānandacandrikāyāṃ
vādakāṇḍaḥ

śrīmantaṃ sadguruṃ vande mandā yaddṛṣṭivīkṣaṇaiḥ |
bhajanti sarvavijñatvaṃ sarvavyākhyātṛtāmapi || 1 ||
nānāprameyagahaneṣu mateṣu pāra-
maprāpya saṃśayavaśātparito bhramantīm |
buddhiṃ prasādya varaṣaṭsthalatattvaniṣṭhāṃ
kurvāṇamātmagurumanvahamānato'smi || 2 ||
brahmāhuḥ śā"nkarā yatpaśupatimapare pāñcarātrāśca viṣṇuṃ
karmeḍyaṃ jaiminīyāḥ kaṇabhuganugatāśceśvaraṃ gautamīyāḥ |
avyaktaṃ kāpileyāḥ phaṇipamatavidastvīśvaraṃ tannidānaṃ
svābhinnācintyaśaktisphuraṇasamarasaṃ śrīmahāli"ngamīḍe || 3 ||
svāmin ! vaktravinirgatena bhavato jñeyaṃ samastaṃ kriyā-
kāṇḍenādhigataṃ tataśca hṛdaye harṣaprakarṣo'bhavat |
sotkaṇṭhaṃ mama vīraśaivasumahāsiddhāntavākpaddhatiṃ
nānāvādimatāni tannirasanārītiñca boddhuṃ manaḥ || 4 ||

pṛ0 2) sa"nkīrtayāmi basavakṣitipāla ! tubhyaṃ
siddhāntamanyamatamapyatha tannirāsam |
citte'vadhāraya budhairapi durvibodha-
mīśārcanātiśayaśuddhatarāntara"nga || 5 ||

iha khalu dharmārthakāmamokṣeṣu caturvidheṣu puruṣārtheṣu 
śrutyāgamasmṛtītihāsapurāṇairlokadṛṣṭyā ca sarvābhīpsitatvena 
siddheṣu caramasya sarvānarthasamūlakāṣa"nkaṣaṇātmakanivṛttirūpatayā, 
niṣpratibandhāmandānandasandohasudhāsindhunirargalanirgalallaharīparipākaśiv
ādvaitāvasthitisvabhāvatayā, 
niratiśayanivṛttisantatisantatānubhavaikālokajīvalokābhīpsitatamattvena ca, 
tatra cāpratibaddhaśivādvaitāparokṣasākṣātkārasya sākṣātsādhanatvena, 
tatra ca śravaṇa-manana-nididhyāsanānāṃ svasvottara sādhanattvena 
kramikatayā siddhānāṃ trayāṇāṃ sākṣātparamparayā ca kāraṇatvaṃ 
pratipādayatāṃ 
nigamāgamadharmmaśāstretihāsapurāṇavacanānāmaprāmāṇyaṃ prāmāṇyañca 
pratipādayantaḥ, cārvāka, sautrāntika-vaibhāṣika-yogācāra-
mādhyamikarūpacaturvidhabauddhā, hartasaṃjñakā avaidikāḥ, lākula kāpāla-
bhairava-kālāmukhātmakabhedacatuṣṭayagarbhitapāśupata, mādhva-
rāmānujabhedabhinnobhayavidhapāñcarātrāvāntara ṣaḍbhedabhinnadvividhatānt
rikākṣapādakāṇādarūpadvividhatārkika, 
seśvaranirīśvarātmakadvirūpasāṃkhyaṃ, yoga, 
jaiminīyārṣacatuṣṭayātmakā vaidikāśca 
vivartavādasiddhāntapaddhatiparyālocanājanitasandehaviparyāsavirodhaparihāre.
na tāvatpramāṇaikavākyatāsampattisampādakabrahma-   
mīmāṃsāśāstrapraṇetṛbhagavadbādarāyaṇamunitātparyānukūlavīraśaivasa
mpradāyasāratarapariṇāmavādaviśiṣṭādvaitaprakriyāviśeṣaṣaṭsthalatattv
ānubaddhaśraddhānupāsitaśivasiddhāntasārānvīraśaivavibudhavarān 
vyākulayantīti tannivarttakaniravagrahānugrahaikāgrahṛdayena 
nikhilanigamāgametihāsasmṛtipurāṇapadavākyapramāṇapārāvārapārīṇena 
śrīmatkeladibasavakṣitīndrahṛdayānandakāripratyuttarapradānonmukhena 

pṛ0 3) siddheśvaraprasādāsāditanirmalajñānavaibhavena 
nirañjanaja"ngamāparāvatāreṇa nirābhāravīraśaivasāmrājyadhuryyeṇa 
śrīmaritoṇṭadāryeṇa 
li"ngā"ngasāmarasyopapādakaḥ ṣaṭsthalatattvabodhotpādakaḥ 
vimatamatikalpitavividhavikalpāpanodakaḥ ṣaḍvidhali"ngabhaktivaibhavodbodhakaḥ 
niratiśayapuruṣārthasādhakaḥ sakalakalmaṣabādhakaḥ 
saṃsāraviṣatarumūlocchedakaḥ samānanditasakalavīraśaivabudhasvāntaḥ 
siddhāntastāvadādau prastūyate ||
nanu- śāstre'sminprekṣāvatāṃ kathaṃ pravṛttiḥ 
viṣayaprayojanādhikāritatsambandhānāmanupalambhāt, �prayojanamanuddiśya na 
mando'pi pravartata� iti nyāyāditi cenna 
viṣayaprayojanādhikārisambandhānāmatrāpi sattvātpravṛttirupapadyata eva | 
tathāhi- 
vakṣyamāṇalakṣaṇalakṣitaviśuddhāntaḥkaraṇāvacchinnasyā"ngaśabditasya 
jīvasya li"ngaśabditasaddṛkriyānandādisvābhāvaśivābhedaḥ śāstrasya 
viṣayaḥ | īśvarecchāśaktiniyamitapuruṣatattvaniṣṭhā'vidyātattvasya 
svakāraṇībhūtasarvajñatāśaktisāmarasyasthitirūpanivṛttidvārā 
svātmaśivabhāvalakṣaṇā kaivalyalakṣmīḥ prayojanam | 
anekajanmārjitaśivapūjādisatkarmamahimnā'ṣṭāvaraṇa-pañcācāraniṣṭhaḥ 
śamādisādhanacatuṣṭayasampanno'dhikārī | viṣayasya śāstrasya ca 
pratipādyapratipādakabhāvaḥ, śivādvaitasya sākṣātkārasya ca 
viṣayaviṣayibhāvaḥ sambandha ityanubandhacatuṣṭayam ||
sādhanacatuṣṭayantu-nityānityavastuvivekaḥ, ihāmutraphalabhogavirāgaḥ, 
śamadamasantoṣatitikṣāśraddhāsamādhānāni, mumukṣā ca | eṣu ca caturṣu 
sādhaneṣu pūrvapūrvamuttarottaraṃ prati kāraṇam | �tadyatheha karmacito 
lokaḥ kṣīyata evamevāmutra puṇyacito lokaḥ kṣīyate� iti śruteḥ 
�traividyā māṃ somapāḥ pūtapāpā yajñairiṣṭvā svargatiṃ prārthayante | 
te taṃ bhuktvā svargalokaṃ viśālaṃ kṣīṇe puṇye martyalokaṃ viśanti ||�
iti bhagavadgītāvacanāt, śhvarge'pi pātabhītasya ślathākṣṇo 
nāstinirvṛti� riti viṣṇupurāṇavacanācca, 
rājasevādivyāpārajanyapaśugṛhārāmakṣetrādiva dvidhivihitakarmaphalānāṃ 
svargādīnāmapi kṣayiṣṇuttvena

pṛ0 4) śarīraprāṇasaṃyogaviyogarūpajananamaraṇādiduḥkhajanakattvena 
pratipādanāt, �tato yaduttarataraṃ tadarūpamanāmayaṃ� �ṛtaṃ satyaṃ paraṃ 
brahma� �yadā tamastanna divā na rātrirna sannacāsacchiva eva kevalaḥ� 
ṅiṣkalaṃ niṣkriyaṃ śāntaṃ viravadyaṃ nirañjanaṃ amṛtasya paraṃ setuṃ 
dagdhendhanamivānala� mityādyanekaśrutivacanaparyālocanayā anāmayattvena 
satyatvena amṛtasetuttvena virūpākṣa śivādiśabdairabhihitasya śivatattvasya 
ca nityattvena śravaṇācca, tajjanyanityānityavastuvivekaḥ prathamaṃ 
sādhanaṃ bhavati | tenaihikāmuṣmikaphaleṣvarucidvārā vairāgyaṃ dvitīyaṃ 
sādhanamutpadyate | tenāntarindriyasya manaso viṣayavaimukhyarūpaḥ śamaḥ, 
tena cakṣurādīnāṃ svasvaviṣayavaimukhyarūpodamaḥ, tena 
prāṇadhāraṇamātrasādhanaviṣayalābhajanitaviṣayāntarālambuddhiḥ 
santoṣaḥ, tena śītoṣṇādidvandvasahanecchārūpā titikṣā, tayā ca 
guruvedāntavākyādiviśvāsarūpaḥ śraddhā, tayā 
guruvedāntavākyādisiddhaśivatatve viṣayāntaraparihāreṇa 
manovinyāsaviśeṣarūpaṃ samādhānamutpadyate | evaṃ śamādiṣaṭkarūpaṃ 
tṛtīyaṃ sādhanamaṣṭāvaraṇa-pañcācāraniṣṭhāca vairāgyeṇa 
dvitīyasādhanenotpadyate | tena sakaladuḥkhavrātaprahāṇecchārūpā mumukṣā 
caturthaṃ sādhanam | etādṛśasādhanacatuṣṭayasampanno   
vīraśaivābhimataśivādvaitādhyātmaśāstravicārarūpaśravaṇamananayoradhik
ārī | evaṃ rūpeṇādhikāriṇā śivādvaitatatvavicārarūpaṃ śravaṇaṃ 
mananañca kartavyam | tadidamuktaṃ bhagavatā bādarāyaṇena muninā 
sūtrakāreṇa �athāto brahmajijñāsā� iti |
atha= 
anekajanmācaritaśivapūjādisatkarmasamprāptasādhanacatuṣṭayasampatyanantara.
m, ataḥ= vakṣyamāṇarītyā vaidikāvaidikamatānāṃ niryuktikatvena 
nirākaraṇāddhetoḥ, brahma svatantradṛkkriyātmakaṃ 
mahāli"ngasvarūpamadvaitaṃ śivacaitanyaṃ, tasya jijñāsā tajjijñāseti 
karmaṇi ṣaṣṭhī, tasya vicāraḥ śravaṇamananātmakaḥ kartavya iti śeṣaḥ 
|
śravaṇaṃ nāma gurumukhānnigamāgamavākyānāṃ sarveṣāmadvaite brahmaṇi 
tātparyaparyavasāyi arthaparyālocanam | mananañca vedāntāgamavākyānāṃ

pṛ0 5) pūrvatantranyāyopabṛṃhitabrahmasūtrapratipāditayuktibhiradvaite 
brahmaṇi asambhāvanāviparītabhāvanānivartakatvena tatra 
tātparyadārḍhyāvasāyi arthaparyālocanam | 
vijātīyapratyayatiraskārapūrvakasajātīyapratyayapravāhīkaraṇaṃ 
nididhyāsanam | tacca yogaśāstre samādhirityucyate | sa ca dvividhaḥ 
savikalpako nirvikalpakaśca | savikalpako nirvikalpopakārakaḥ,

nirvikalpaṃ paraṃ brahma sākṣātkartumanīśvarāḥ |
ye mandāste'nukampyante saviśeṣa nirūpaṇaiḥ ||

iti kalpatarūkteḥ | savikalpakaśca 
yamaniyamāsanaprāṇāyāmapratyāhāradhāraṇādhyānasahitaḥ | yamastu 
ahiṃsāsatyāsteyabrahmacaryāparigraharūpeṇa pañcadhā | 
śaucasantoṣatapaḥsvādhyāyeśvarapraṇidhānāni pañca niyamāḥ | 
padmāsanasvastikāsanasiddhāsanagomukhāsanagaruḍāsanavīrāsanādi 
pātañjalayogaprasiddhaḥ haṭhayogapradīpikādyuktarītyā veditavyam | 
satyāsanajaye prāṇāyāmasiddhiḥ | prāṇāyāmastu 
śvāsapraśvāsayorgativicchedalakṣaṇaḥ | sa ca recakapūrakakumbhakabhedena 
trividhaḥ | bāhyavṛttiśvāso recakaḥ | antarvartipraśvāsaḥ pūrakaḥ | 
antastambhavṛttiḥ kumbhakaḥ | sa trividho'pi 
nāsādvādaśāntādideśopalakṣitaḥ, dvātriṃśanmātrādikālopalakṣitaśca 
| manodhāraṇayogyatā ca prāṇāyāmaphalam | tadetaduktamabhiyuktaiḥ,

dehendriyādivairāgyaṃ yama ityucyate budhaiḥ |
anuraktiḥ pare tattve niyamaḥ parikīrtitaḥ ||
sarvavastunyudāsīnabhāvaścāsanamucyate |
jagatsarvamidaṃ mithyāpratītiḥ prāṇasaṃyamaḥ ||
cittasyāntarmukhībhāvaḥ pratyāhāraḥ sa ucyate |
cittasya nirmalībhāvo dhāraṇā'sau nigadyate ||

pṛ0 6) so'haṃ cinmātrameveti dhyānaṃ cintanamucyate |
dhyānaṃ tvamiśraṇaṃ yatra samādhiriti gīyate || ityādinā ||

indrayāṇi svasvaviṣayebhyaḥ pratīpamāhniyanta iti pratyāhāraḥ | 
abhyasyamāne pratyāhāre vaśyānīndriyāṇi bhavanti | 
nāsāgranābhicakrādideśe cittasya sthirīkaraṇaṃ dhāraṇā | yatra 
hṛdayakamalaniṣṭhaprāṇali"ngādau cittaṃ dhṛtaṃ tatra pratyayasya 
visadṛśapariṇāmaparihāradvāreṇālambanīkṛtasya nairantaryaṃ dhyānam | 
arthamātranirbhāsaṃ svarūpaśūnyamiva samādhiḥ | arthastviṣṭali"ngādikam 
| yamādiṣvaṣṭasu yamaniyamau sādhanacatuṣṭaye yathāsambhavamantarbhavataḥ 
| pūrvapūrvasādhanenottarottaraṃ sādhyamutpadyate | evañca-

vīraśaivamatasthasya jñānayogo hi sādhanaṃ |
na jñānena vinā yogo na yogo jñānato vinā ||

iti vacanādvīraśaivānāmetādṛśayogasahitajñānasyaiva kaivalyasādhanatvaṃ 
veditavyam | evamuktakrameṇa nididhyāsane 
śravaṇamananayorasādhāraṇakāraṇattvāt, śravaṇa mananātmakaḥ 
śivatattvavicāraḥ kartavyaḥ, svātmābhedenaparāmarśaḥ śivatattvavicāraḥ 
kartavyaḥ, svātmābhedena parāmarśaḥ kartavya ityarthaḥ |
asminsūtre'taḥ śabdena vakṣyamāṇasamanvayāvirodhaphalādhyāyārthassarvo'pi 
saṃkṣiptaḥ | athaśabdena sādhanādhyāyārthaḥ saṃgṛhītaḥ | 
brahmaśabdena jaḍajīvavilakṣaṇa svaprakāśasvatantratāśaktisvabhāvattvaṃ 
tātparyaviṣayīkṛtamiti vimarśanīyam |
nanu parasya brahmaṇaḥ asa"ngodāsīnacitsvabhāvasya kathaṃ svatantratā 
cidādiśaktimatvaṃ, śaktimattve pramāṇābhāvāt | na ca �parāsya 
śaktirvividhaiva śrūyate svābhāvikī jñānabalakriyāca� iti 
śvetāśvataropaniṣadi śravaṇāt,

pṛ0 7) �na śivena vinā śaktirna śaktirahitaḥ śivaḥ |
puṣpagandhavadanyonyaṃ mārutāmbarayoriva ||

ityupabṛṃhaṇācca śivasya śaktimattvaṃ pramāṇasiddham | ata eva śhivaḥ 
śaktyāyukto yadi bhavati śaktaḥ prabhavitum� ityādyabhiyukta sandarbho'pi 
sa"ngacchata itivācyam, śvetāśvatarādi śrutivākyānāṃ �māyāntu 
prakṛtiṃ vidyānmāyinantu maheśvaram, yadā tamastanna divā na rātriḥ� 
ityādi pūrvasandarbhaparyālocanayā, �pradhānakṣetrajñapatirguṇeśa� 
ityuttara sandarbhaparyālocanayā ca, māyā tamaḥ pradhāna 
śabdairbhāvarūpājñānābhinna jaḍāvidyāyā eva pratipādane 
tātparyāvasāyāt | kiñca bhavadabhimatā śaktiḥ śivādabhinnā vā na vā ? 
ādye śivādvaitahāniḥ | dvitīye �tama āsīttamasā mūḍhamagre� �āsīdidaṃ 
tamobhūtamaprajñātamalakṣaṇaṃ� ityādinā 
dṛśyamānāndhakāravadāvarakattvena 
pratipāditāyāśśakterasa"ngodāsīnaprakāśarūpaśivādvaitasvarūpattvasya 
vaktumasambhāvitattvāt | apica vīraśaivamatānusāreṇa ṣaṭtriṃśattattveṣu 
pañcaviṃśatitamatattvātmakaṃ puruṣamabhidhāya, tasya �kalāvidyākālarāgau 
niyatiśceti kañcukāḥ� iti pañcakañcukatvena pañcatattvānyabhidhāya, tato 
māyā-śuddhavidyā-sadāśiva-
maheśvara-śakti-śivākhyāni ṣaṭtattvānyurarīkurvatāṃ bhavatāmapi 
śaktitattvavailakṣaṇyena māyātattvasyaikatriṃśattamatatvasya           
jaḍa?śaktera"ngīkāryatvādāvarakājñānarūpāyāstasyāścitsvarūpaśivatā
dātmyānupapattiḥ | naca �parāsyaśakti� rityādinā śaktisiddhiḥ, śaktiḥ 
svabhāvo nisargaḥ svarūpamiti paryāyaśabdaiḥ svarūpasyaiva vivakṣitatvena 
bhinnatayā abhinnatayā vā nirvaktumayogyattvāt | mama śaktiḥ, śivasya 
śaktirityādivyavahārastu rāhoḥ śiraḥ, mamātmā, mama svabhāvaḥ, mama 
svarūpamityādivadabheda eva paryavasānāt sā pārthakyena tatvāntaraṃ na 
sādhayitumīṣṭe | ataḥ śrutismṛtyādiṣu 
śaktiśabdavyavahārastvasmadabhimatāyāṃ māyāyāmeva paryyavasyatīti cenna, 
māyāśabditāyā jaḍāvidyāyā brahmaṇi sambandhasya 
vaktumaśakyatvenāsmadabhimatāyāḥ

pṛ0 8) śaktereva śrutismṛti tātparyaviṣayattvāt, avidyāsadbhāve 
pramāṇābhāvācca tathāhi- avidyāsadbhāve kimmānaṃ 
pratyakṣamanumānamāgama āntarānubhavo vā ? nādyaḥ, ghaṭamahaṃ 
sākṣātkaromītivadavidyāṃ sākṣātkaromītyanuvyavasāyasyādarśanāt | na 
dvitīyaḥ, tadvyāpyali"ngābhāvāt | nanu tasyā acākṣuṣatve'pi 
dṛśyakāryānyathānupapatyā anādiranirvacanīyā brahmāśritā 
jīvaviṣayiṇī bhāvarūpā kācidavidyā'stīti cenna, avidyāviṣayaka 
pramāṇasya satyatve'dvaitahāneḥ | ateva �vidyāvidye īśata� ityāgamaḥ, 
ahamajña ityanubhavaśca pramāṇamiti nirastam | tathā sati 
tatpramāṇasyāvidyāyāśca bhedo'bhedo vā ? tatra nādyaḥ, brahmaṇaḥ 
avidyāyāḥ tatpramāṇasya ca pramāṇatvena trisatyatvaprasa"ngāt | naca 
tatpramāṇasyāvidyākāryattvena bhedā"ngīkārānna doṣa iti vācyam 
kāryakāraṇayorbhede tantughaṭayoriva 
bhinnasvabhāvatvenākāraṇatvaprasa"ngāt | abhede satyekarūpatvena kāryamiti 
kāraṇamiti vibhāgāsambhavāt, yadi bheda eveṣṭastadā tādātmyāsambhavāt, 
daṇḍanāśe'pi ghaṭasthitiriva kāraṇībhūtā'vidyānivṛttāvapi 
tatkāryarūpaprapañcanivṛttirnna syāt | iṣṭāpattau muktireva na syāt, 
bandhasya                   prapañcāntargatatvāt | na dvitīyaḥ, 
pramāṇaprameyayorabhedādidaṃ pramāṇamidaṃ prameyamiti vibhāgāsambhavāt | 
yadi svasadbhāve svayameva pramāṇaṃ tadā svaprakāśatāpattiḥ, 
ātmavadanyanirapekṣatayā bhāsamānatvāt | na ceṣṭāpattiḥ, avidyāyā 
vidyāttvena avidyeti vārtaiva na syāt | tasmāddvisatyatva 
prasaṃgādbrahmātirekeṇa kācidavidyā'stītyakaraṇīyatvābhāvāt | na 
cādhiṣṭhānagata sattaivāvidyāyāṃ tatkārye ca bhā"ngītīti noktadoṣa iti 
vācyamasambhavāt | svarūpato hi satyāmavidyāyāṃ sā sattā bhāsate 
utāsatyāṃ vā ? nādyaḥ, pūrvameva sadrūpeṇa sthitāyāṃ tasyāṃ punaḥ 
sattāntarasambandhānapekṣaṇāt | nāpi dvitīyaḥ, asatyāssattā 
sambandhāsambhavāt, sadasatorvirodhāt | na cāvidyā sadasadvilakṣaṇeti 
noktadoṣa iti vācyaṃ, tadrūpeṇāpi satyāmasatyāṃ veti vikalpe 
pūrvoktadoṣatādavasthyāt |

pṛ0 9) atha yathākathañcidavidyā"ngīkāre'pi 
brahmāvidyayorāśrayāśrayibhāvo na sambhavati; tathā hi- brahmāvidyayoḥ 
kaḥ sambandhaḥ ? saṃyogaḥ samavāyaḥ svarūpasambandho'nyo vā | nādyaḥ, 
avidyāyā adravyatvāt | na dvitīyaḥ, avayavāvayavibhāvādyanupapatteḥ | na 
tṛtīyaḥ, brahmasamasattākasvarūpābhāvāt | nāpyādhyāsikaḥ sambandhaḥ, 
śuktāvidaṃ rajatamiti bhramasthale āpaṇastharajatapramāhitasaṃskārava 
dāropyapramāhitasaṃskārābhāvāt, brahmātiriktasthale avidyāyā 
ana"ngīkārāt, purovarti jñānābhāvāt, sādṛśyajñānābhāvācca | 
tasmādbrahmaṇyavidyā māyā vā nādhyasyā | kiñca brahmaṇaḥ 
prakāśarūpattvādavidyāyāstimirarūpatvāt parasparasambandho na yujyate | na 
colūkanetratejasyandhakārākrāntatvena tejastimirayossarvatra virodhābhāvāt 
tadvatsambhavatīti vācyam,

divāndhāḥ prāṇinaḥ kecidrātrāvandhāstathāpare |
keciddivā ca rātrau ca prāṇinastvalpadṛṣṭayaḥ ||

iti smṛtyā tasyālpadṛṣṭitvena sauratejo'bhibhūtattvena 
vedyagrahaṇāpāṭavāt; anyathā rātrāvapi candracandrikādarśanaśūnyatvena 
sadāndhatve tasya divāndha iti vyapadeśo na syāt | nāpi candrakala"nkanyāyena 
sambandhassambhavati, 
brahmaṇastāvanniraṃśatvenordhvādhastiryagbhāgaśūnyattvāt | yadi 
tayoravirodhastadā avidyāyāstattvadarśanādapi nivṛttirna syāt, 
�avirodhitayā karma nāvidyāṃ vinivartaye� dityuktatvāt, 
brahmaṇo'jñatvaprasa"ngaśca | nāpyaṃśataḥ, tasya niraṃśatvāt | 
avidyākalpitāṃśabhedo'pi na sambhavati, kalpanāyāḥ 
prāgavasthānāsambhavāt | brahmabāhyadeśasyaivābhāvāt | uktarītyā 
tatraiva sthiterasambhavāt | anirvacanīyatvamapi tasyā na sambhavati, 
anādibhāvarūpattvena nirvacanasambhavāt | anāditvamapi na sambhavati, 
ghaṭādivatsāṃśatvena jaḍatvena ca svataḥsiddhattvāsambhavāt | 
tada"ngīkāre ca svaprakāśatāpattiḥ | parataḥ siddhatve ghaṭādivat 
kāryatvena kāraṇāntaramukhenānavasthāprasa"ngāt |

pṛ0 10) atha bhāvarūpatvamapi na sambhavati, nañarthollekhidhīviṣayatvāt | 
tathā viśvopādānatvamapi na sambhavati, svasattāśūnyatvāt; jaḍatvena 
prerakatvābhāvācca | brahmaṇaścetanasya nissa"ngatayā prerakatvābhāvāt, na 
cāyaskāntadṛṣṭāntena caitanyasānnidhyavaśādavidyāyāḥ kāraṇatvaṃ 
sambhavatīti vācyaṃ, bhinnadeśasthayoreva sānnidhyaniyamāt, tadvat 
brahmabāhyadeśābhāvāt | brahmaṇyeva sthitāyāstu 
lohamaṇipraviṣṭasūcikeva nirvyāpāratayā viśvākāreṇa 
pariṇamanakriyāsambhavāt | yadi nirāśrayaiva sā kāryaṃ janayettadā 
svatantratāpatyā durnivāryyā syāt | iṣṭāpattau muktireva na syāt | 
avidyāyā jīvaviṣayakatvamapi na sambhavati, tasyāstāvajjaḍattvena 
viṣayatvāt, jīvasya cetanatvena viṣayitvāt | ato 
vaiparītyāttada"ngīkāre'pi jīvasyāvidyākrāntahṛdayattvena 
nityānityavastuviveka eva na syāt | nāpi gurutaḥ śāstrataśca, 
gurorapyavidyākrāntahṛdayatvāt, śāstrasyāvidyākāryattvena 
tadekarūpatvāt, tasmādavidyāsadbhāve mānābhāvaḥ | yathā 
kathañcittada"ngikāre'pi dvisatyatvaprasa"ngaḥ | 
brahmāvidyayostejastimirayoriva virodhenāśrayāśrayibhāvāsambhavaśca | 
avirodhe tu tayornivartyanivartakābhāvā- sambhavaḥ, 
brahmaṇo'jñatvaprasa"ngaśca | ato'vidyāyā anāditvaṃ bhāvarūpatvañca na 
sambhavati; brahmaṇastatprerakttvāsambhavādviśvopādānatvaṃ 
jīvaviṣayakatvañca nirastam | anyathā jīvasya 
nityānityavastuvivekāsambhavāt �anarthahetoḥ prahāṇāya sarve vedāntā 
ārabhyanta� ityuktamayuktaṃ syāt, vedāntānāṃ tadārambhasya 
cāvidyaikarūpatvena nivartyanivartakabhāvāsambhavāt |
atha śmṛtirūpaḥ paratra pūrvadṛṣṭāvabhāsa� ityuktādhyāsalakṣaṇañca 
na sambhavati, tathāhi- yathā 
purovartirajvādibāhyavalmīkādipradeśadṛṣṭabhuja"ngādiḥ 
purovartirajvādāvāropyate tathātra brahmabāhyadeśābhāvenāropāsambhavāt | 
loke tatraiva dṛṣṭasya tatraivārāpasya kvāpyadarśanāt, 
śa"nkhapītimādhyāse'pi pītimno'nyatra dṛṣṭatvāt, anyathā śa"nkhaḥ pīta 
iti pratītirna syāt, pūrvaṃ pītādarśanāt; anyathā bhramapramāviveko na

pṛ0 11) syāt, tatraiva dṛṣṭasya tatraivāropā"ngīkārāt | na 
cottarakṣaṇabādhyamānatvameva bhramatvamiti vācyam, ghaṭapaṭayoriva 
śuktirajatayorapivastutvena bādhyabādhakabhāvāsambhavāt | nāpi 
śuktijñānena rajatajñānasya bādhaḥ, ghaṭapaṭajñānayoriva 
tayorbhinnakālabhinnaviṣayatvāt; anyathā ghaṭajñānena paṭajñānaṃ 
bādhyeta | naca nedaṃ rajataṃ kintu śuktirevetyautarakālikajñānaṃ 
pūrvotpannarajatajñānasya bādhakamiti vācyam, ghaṭajñānānantaraṃ ghaṭaṃ 
tyaktvā paṭaṃ paśyataḥ pramāturnāyaṃ ghaṭaḥ paṭa eveti niścayo'pi 
pūrvotpannaghaṭajñānasya bādhakassyāditi sarvasyāpi vikalpasya 
pratiyoginiṣedhapūrvakaniścayarūpattvāt | na ca tādṛgvikalpasya 
bhinnadharmikatvena virodhābhāvānna tatra bādhyabādhakabhāvaḥ, iha 
tvekasminneva dharmiṇi idaṃ rajataṃ, nedaṃ rajatamiti viruddhāvabhāsadvayasya 
prāmāṇyāsambhavādauttarakālikarajatābhāvajñānena 
pūrvotpannarajatajñānasya bādho'"ngīkriyata iti vācyam, 
bādhyabādhakabhāvasya daṇḍabhāṇḍanayena parasparānvayasāpekṣatvena 
tadabhāvāt, tayorbhinnakālīnatvāt | nanu jñānānāṃ 
trikṣaṇāvasthāyitvaniyamena rajatābhāvajñānotpattikṣaṇe 
vinaśyadavasthāpannapūrvotpannarajatajñānasya vidyamānatvāttayoḥ 
parasparānvayaḥ sambhavatīti      cenna, jñānānāṃ guṇatvena saṃyogena 
samavāyena vā tayoḥ parasparamanvayābhāvāt | jaḍatvena 
tādṛśaunmukhyaśūnyatvācca bādhyabādhakabhāvo na sambhavati | kintu 
ghaṭaṃ tyaktvā paṭaṃ paśyataḥ pramāturicchāvaśāt ghaṭajñānasya 
nimeṣaḥ paṭajñānasyonmeṣa iti vadekasminneva dharmiṇi 
sānnidhyavaśānnīlapṛṣṭhatvādiviśeṣaṃ paśyataḥ 
dūratvādinodbhūtapraktanarajatajñānasya nimeṣa, nedaṃ rajataṃ 
śuktirevetyuttarakālajñānasyonmeṣa itya"ngīkaraṇīyatvena tulyatvāt |
atha �arthakriyāyā ayogyatvameva bhramattva� miti cenna, gaganakusumāderapi 
śamarthaḥ padavidhi� riti 
śabdānuśāsanavaśādekārthībhāvalakṣaṇasāmarthyakṛtasamāsayogādvastutv
ama"ngīkaraṇīyameveti tajjñānasyāpi bhramattvaprasaktyā gaganakusumāderapi 
śuktirajatādivadidamiti

pṛ0 12) nayanagocaratāprasa"ngāt, yogyāyogyatayoḥ 
prabhusṛṣṭivicitrattvātsvātantryaparikalpitaśaktitaratamabhāvanibandhanattva
at | �satyañcānṛtañca satyamabhavaditi� śruteḥ śadasaccāhamarjune� ti 
smṛteśca sarvasyāpi saccidānandaghanatvāt | tasmādavidyā 
jagadupādānakāraṇamiti jagato mithyātvavādo nirastaḥ |
ata eva �yuṣmadasmatpratyayagocarayorviṣayaviṣayiṇo� rityādinā 
avidyākṛtajaḍacetanavibhāgo'pi na ghaṭate | tathāhi- 
asmatpratyayavyatirekeṇānubhūyamānasukhādivattadgocarasya 
kasyacidadṛśyatvāt, asmatpratyayasya mithyātvāt | pratyayasya 
saviṣayatvānyathānupapatyā'numīyate cedanumāturapyadṛśyatvāt | 
tasmāttadabhimatacaitanyasya vandhyāputraprāyatvena 
�asmatpratyayaviṣayatvādaparokṣatvācca pratyagātmaprasiddhe� 
rityukteratitucchatvāt |
atha yuṣmatpratyayagocarasya jaḍatvamapi na sambhavati, caitramaitrayorvivāde 
jāte parasparaṃ tatprayukta tva"nkāreṇa 
tayorahaṃprakārakabodhasyaivopalabdheścetanaviṣayakatvāt | �idaṃ 
sarvamasṛjata� �idaṃ śarīraṃ kaunteya kṣetramityabhidhīyate� 
ityādipramāṇabalācca | kiñca tvaṃpratyayagocaratve tattvamasītyupadeśo 
jaḍaṃ pratyeva syāt | tasmāttvamahaṃpratyayayoścetanaikaviṣayatvāt 
�idamahamiti vaktavye yuṣmadgrahaṇamatyantabhedopalakṣaṇārtha� miti vadannapi 
pratyuktaḥ | tayoścaitanyaikaviṣayatvenātyantābhedāt ṅa tvevāhaṃ jātu 
nāsaṃ na tvaṃ neme janādhipāḥ | na caiva na bhaviṣyāmaḥ sarve vayamataḥ 
para� miti bhagavatā 
vayamityuttamamadhyamaprathamākhyapuruṣatrayasyāpyasmatpratyayāntargatatvena 
kroḍīkṛtatvācca | ata eva tvamahaṃ pratyayagocarayorviṣayaviṣayibhāvo'pi na 
sambhavati vaijātyābhāvāt, caitanyasya caitanyāntarāgocaratvāt, 
caitanyagocaraghaṭādivajjaḍatvaprasa"ngāt | na ca vyavasāyaṃ 
pratyanuvyavasāyasya prāmāṇyā"ngīkārānnāyaṃ niyama iti vācyam, 
vyavasāyasya vyavasātari viśrāntatvena jñānasya 
ghaṭādivatkadāpīdamityapratīyamānatvena sadā prameyapadavīmuttīrṇatvāt,

pṛ0 13) vyavasāyānuvyavasāyayorghaṭasyaiva viṣayatvāt | anuvyavasāyasya 
vyavasāyapratibhātaghaṭahṛdaya"ngamībhāvarūpatvānmayā ghaṭo'yaṃ jñāta 
iti | anyathā ghaṭe ghaṭāntarasyāpi prāmāṇyama"ngīkaraṇīyaṃ syāt | 
yadi ghaṭatvāvacchinnaghaṭasyedamiti sadā prameyapadaniṣṭhatvena kadāpi 
taduttīrṇatvābhāvāt ghaṭe ghaṭāntaraṃ na pramāṇamiti cedatrāpi 
taulyāt, jñānasya jñātṛviśrāntatvena kadāpīdamiti 
prameyapadapraviṣṭatvābhāvāt; 
tasmātsajātīyapadārthayorviṣayaviṣayibhāvo na sambhavatyeva | anyathā 
pramāṇamiti prameyamiti vyavasthaiva na syāt, pramāṇarūpapramiterapi 
prameyatā"ngīkārāt pramitiḥ pramāṇamityapya"ngīkṛtatvāt |
evamātmano'pi prameyatvaṃ na sambhavati, pramātṛtvāt, anyathā tasyāpi 
prameyatve pramātrantarasāpekṣatvenānavasthāprasa"ngassyāt | 
prameyapramātrorbhedaghaṭitatvāt | ata eva tvamahaṃpratyayagocarayorvirodho'pi 
na sambhavati, caitanyasyaikarūpatvāt, tejastimirayoriva virodhābhāvāt | yadi 
tvaṃpratyayasya lakṣaṇayedaṃrūpatvameva vivakṣitaṃ 
tadāpīdaṃpratyayagocarasya jaḍasya �mayāvalokyate, mamāvabhāsata� 
ityātmaprakāśārūḍhatayā bhāsamānatvānna tayorvirodhaḥ | evaṃ 
tejastimirayorapi na virodhaḥ, tayorapyātmaprakāśamavalambya bhāsamānatvāt | 
anyathā tayorvirodha iti sphūrtireva na syāt | �tasya bhāsā sarvamidaṃ 
vibhāti, tameva bhāntamanubhāti sarva� miti śruteśca | nāpi 
tayoritaretarabhāvānupapattiḥ smṛtyanyathānupapatyā prameyasya pramādvārā 
pramātṛviśrāntera"ngīkaraṇīyatvāt | saṃskārādeva smṛtiḥ sambhavatīti 
cet, tasyāpi saviṣayatvena tena sahaivātmaviśrāntatvāt | 
nacānubhūtaghaṭasya naṣṭatvena sahātmaviśrānterasambhavāt 
tadviṣayatāsāhityamātreṇānubhūtapadārthaviṣayiṇī smṛtiḥ 
saṃskārātsambhavatīti vācyam, viṣayatāyā viṣayadharmatvena tena vinā 
tatsāhityāsambhavāt | yadi tayoraikyopapattirna syāt, tadā ghaṭo'yamiti na        
sphuret, tejobāhyāndhakāravatprakāśabāhyatvāt | naca 
tejobāhyaghaṭavatprakāśaviṣayatvaṃ sambhavatīti 

pṛ0 14) vācyam �ātmana ākāśaḥ sambhūta� ityādiśruteruttarottarabhūtasya 
pūrvaparvabhūtakāryatvena mṛdghaṭanyāyena paramparayā tayostādātmyāt | 
api cāntaḥkaraṇāvacchinnatve 
caitanyasyāntaḥkaraṇapradeśamātrasthitatvādviṣayāvacchinnacaitanyasya 
viṣayapradeśamātrasthitatvādubhayoḥ sambandhābhāvaḥ | naca vṛttidvārā 
sambandhaḥ sambhavatīti vācyam, caitanyasya traividhyā"ngīkāreṇa 
vṛttiviṣayāvacchinnacaitanyayorekalolībhāvepyantaḥkaraṇāvacchinnaśārīrak
asya viṣayāvacchinnacaitanyenaikalolībhāvābhāvāt, 
tasyāpariṇāmitvenāntaḥkaraṇena saha bahirnirgamanāsambhavāt | 
pradeśabhedena caitanyabhedādbhedadarśanepi jñānasyātmaguṇatvena 
parakīyaguṇadravyaiḥ saṃyogena samavāyena vā 
saṃsparśābhāvānnīlāderviṣayatvasya jñānasya viṣayitvasya cāsambhavāt |
evañcoktarītyā nityānityavastuvivekaśūnyatvena svaśāstrasya 
vaiyyarthyaprasa"ngāt, brahmaṇo nirviśeṣatvena �asmi, prakāśe, nandāmi� 
ityuttamāntargatākarmakākramasvasattācittāmuttāsphuraṇaśūnyatvena 
sphaṭikādiprakāśavajjaḍatvāt, tatvajñānena prapañcasya 
bādhā"ngīkāreṇa 
chāndogyopadiṣṭaikavijñānoditasarvavijñānapratijñābha"ngaprasa"ngāt, 
�athāto brahmajijñāse�tyatra nirviśeṣabrahmaṇa eva 
jijñāsyatayoddiṣṭatvena tasya kartṛtvādiśūnyatayā 
anuddiṣṭapadārthalakṣaṇasya 
śāstrakṛdbhirana"ngīkṛtatvātsamanantarasūtrokta 
tadasādhāraṇajagajjanmādilakṣaṇasyāpyasa"ngatatvāt, tata eva 
śhāstrayonitvā�dityuttaraśāstrapravṛtteḥ kuṇṭhitatvācca 
prāmāṇikairvidvadbhistaduktamanādaraṇīyamiti saṃkṣepaḥ |
atra kriyāsārakārāḥ punarevamupavarṇayanti-kaiścidathāto 
brahmajijñāsetyatrāsautrika evādhyāsaḥ prapañcitaḥ | na cādyasūtrasya 
viṣayaprayojanasūcakatvādviṣayasya ca jīvabrahmaṇoḥ svarūpaikyalakṣaṇasya 
tajjñānasya cādhyāsādhīnatvāt sa tathātra sautrika eveti vācyam, 
jīvabrahmaṇoḥ svarūpaikyasyaivābhāvena tasya viṣayatvāsampratipatteḥ | na 
hi jīvabrahmaṇoḥ svarūpaikyaṃ kvacitsūtritaṃ, pratyuta �aṃśo 
nānāvyapadeśā� dityatra jīvo- 

pṛ0 15) brahmaṇoṃ'śo bhinno'bhinnaścāgneriva visphuli"ngā ityuktaṃ | 
nahyagnivisphuli"ngayoḥ svarūpaikyamasti yena taddṛṣṭāntena 
jīvabrahmaṇorapi tad bhavet | na ca 
bhedābhedayorvirodhenaikatrāsambhavādavidyālakṣaṇopādhikṛto mithyābheda 
eva tatrābhihita iti vācyam, �ubhayavyapadeśāttvahikuṇḍalavat� 
�prakāśāśrayavadvā tejastvāt� �pūrvavadvā� �anujñāparihārau 
dehasambandhājjotirādivat� śābhāvyāpattirupapatteḥ� 
�pradīpavadāveśastathāhi darśayatī� ti ca bhedābhedayoḥ 
pramāṇasiddhatvena dṛṣṭānte sudṛṣṭatvena cāvirodhasyaiva vyavasthāpanāt 
| tathā ca tatraiva vakṣyate | 
tathā �bhoktrāpatteravibhāgaścetsyāllokava� dityatrāpyavirodhaḥ samarthitaḥ 
| tathāhīdaṃ sūtraṃ tairevaṃ vyākhyātaṃ �anyathā 
punarbrahmakāraṇavādastarkabalenaivākṣipyate | yadyapi śrutiḥ pramāṇaṃ 
svaviṣaye bhavati; tathāpi pramāṇāntareṇa 
viṣayāpahāre'nyaparābhavitumarhati, yathāmantrārthavādau | 
tarkopisvaviṣayādanyatrāpratiṣṭhitaḥ syāt, yathā dharmādharmayoḥ | 
kimatoyadyevamata idamayuktaṃ yatpunaḥ pramāṇāntarasiddhārthabādhanaṃ 
śruteḥ | kathaṃ punaḥ pramāṇāntarasiddhorthaḥ śrutyā bādhyata iti; 
atrocyate prasiddhohyayaṃ bhoktṛbhogyavibhāgo loke bhoktā cetanaḥ śārīraḥ, 
bhogyāḥ śabdādayo viṣayā iti, yathā bhoktā devadatto bhojya odana iti | 
asya ca bhoktṛbhogyavibhāgasyābhāvaḥ prasajyeta, yadi bhoktā 
bhogyabhāvamāpadyeta, bhogyaṃ vā bhoktṛbhāvam | 
tayoścetaretarabhāvāpattiḥ paramakāraṇād 
brahmaṇo'nanyatvābhāvātprasajyeta | na cāsya prasiddhasya vibhāgasya 
bādhanaṃ yuktaṃ yathātvadyatve bhoktṛ bhogayorvibhāgo 
dṛṣṭastathātītānāgatayorapi kalpayitavyaḥ | tasmātprasiddhasyāsya 
bhoktṛbhogyavibhāgasyābhāvaprasa"ngādayuktaṃ 
brahmakāraṇatvāvadhāraṇamiti cetkaściccodayettaṃ prati brūyāt 
syāllokavaditi | upapadyata                   evāyamasmatpakṣe'pi vibhāgaḥ, 
evaṃ loke dṛṣṭatvāt | tathāhi samudrādudakātmano'nanyatve'pi 
tadvikārāṇāṃ phenavīcyādīnāmitaretaravibhāga 
itaretarasaṃśleṣādilakṣaṇaśca vyavahāra upalabhyate | na ca 

pṛ0 16) samudrādudakātmano'nanyatve'pi tadvikārāṇāṃ 
phenavīcyādīnāmitaretarabhāvāpattirbhavati | na ca teṣāmitaretara 
bhāvānāpattāvapi samudrādudakātmano'nanyatvaṃ na bhavati, evamihāpi | na ca 
bhoktṛbhogyayoritaretarabhāvāpattiḥ, nāpi brahmaṇassadātmakādanyatvaṃ 
bhaviṣyati� iti |
nanvidamavirodhasamarthanamabhyupagamavādamātraṃ 
�tadananyatvamārambhaṇaśabdādibhya� iti sūtreṇa vācārambhaṇādiśrutyā 
sarvasyāpi bhedaprapañcasya bādhitatvasamarthanāditi cenna, na hyanenasūtreṇa 
kṛtsnasyāpi prapañcasya bādhitatvaṃ samarthyate | tathāhi-
pratyakṣādipramāṇasiddhabhedaprapañcaḥ śrutyā bādhituṃ na śakyate, 
pratyakṣavirodhe śrutīnāmevānyaparatvadarśanāt, yathā �kṛṣṇalaṃ 
śrapaye� diti vidheḥ svarṇamāṣe pratyakṣeṇa vikaḷtibādhe 
uṣṇīkaraṇamātraparatā; yathā vā śomena yajeta� ityatra yāgena 
bhāvayedityarthā"ngīkārāt somena yāgenetyanayossāmānādhikaraṇyenānvaye 
sati somalatāyāgayorabhedasya pratyakṣabādhitatvāt somavatā yāgeneti 
somaśabdasya lakṣaṇayā tatsambandhiparatā śrutā | ata eva parairapi 
tattvamasīti vākye vācyārthayorabhedasya pratyakṣabādhitatvāt 
lakṣyārthābhedaparatā"ngīkṛtā |
api ca yadi kṛtsnasya prapañcasya bādho'bhyupagamyeta tarhi śrutisvarūpasya 
tajjanyapadārthasmaraṇasya vākyārthajñānasya ca prapañcāntaḥ pātitvāt 
teṣāmapi bādhe sati kathaṃ prapañcabādhasiddhiḥ ? kathaṃ vā me jananī 
bandhyā, mama jihvā nāstītivanna vyāhatiḥ ? na ca prapañcabādhe'pi 
tatsvarūpaṃ tiṣṭhatyeva, tatastatkāryamapyupapadyata iti vācyaṃ, 
pratiyogyapratiṣedhake abhāvavyapadeśasya paribhāṣāmātratvāt | na ca 
śrutyā na prapañcasvarūpaṃ bādhyate, yena vyāghātaḥ syāt, kintu 
satyatvamiti vācyaṃ, svarūpabādhābhāve'bādhitatvarūpasatyatvasyāpi 
prapañce'bhyupagamena satyatvabādhasyāpyanupapatteḥ | tasmānnānena 
prapañcabādhassamarthyate kintvabheda eveti nāsti bhedābhedayorvirodha iti 
sthitam |

pṛ0 17) tathānyatrāpi �itaravyapadeśāddhitākaraṇādidoṣaprasakti� riti, 
tattvamasīti jīvabrahmaṇorabhedavyapadeśāt brahmakartṛkā 
sṛṣṭirjīvakartṛkaiveti jīvassvasya hitameva sṛjennāhitaṃ 
narakādītyāśa"nkya, �adhikantu bhedanirdeśā� dityanena jīvo na kartā kintu 
tadadhikaṃ brahmaiva kartṛ, tacca jīvasyāhitamapi sṛjatyevetyuktam | yadyevaṃ 
kathamabhede hīnādhikabhāvaḥ ? kathaṃ veśvarassarvajñatayā sarvān jīvān 
svātmatvena paśyan teṣu śokamohādikaṃ sṛjet ? 
śokādessvavṛttitayānubhavaprasa"ngādityāśa"nkya, �aśmādivacca 
tadanupapatti� rityanena yathāśmanāṃ vaiḍūrya-sūryakāntaprabhṛtīnāṃ 
pāṣāṇatvena sāmānyātmanābhedepi vyaktibhedāddhīnamadhyamottamasvabhāvena 
svarūpavaicitryaṃ kāryavaicitryañca, evaṃ jīvaparamātmanorapi 
vyaktibhedāddhinādhikabhāvaḥ kāryavaicitryañcopapadyata ityuktam | na ca 
pāṣāṇatvasāmānyamabhinnaṃ vyaktayastu bhinnā eveti naikatra 
bhedābhedāviti vācyaṃ, 
pāṣāṇatvasāmānyāvacchinnapratiyogikabhedābhāvarūpābhedasya, 
vaiḍūryatvādyavacchinnapratiyogikabhedasya ca vyaktiṣveva sampratipannatvāt | 
na caivaṃ vajravaiḍūryayorapi sāmānādhikaraṇyavyavahāraprasa"ngaḥ, 
sāmānyābhedollekhinastasyāvaśyābhyu-    peyatvādviśeṣābhedasya 
cābhāvāt | ata eveśvare'pi ātmatvenaiva jīvābhedadṛṣṭissṛtritā �ātmeti 
tūpagacchanti grāhayanti ce�ti | ateva ca parairapi 
vyaktisthānīyamahantāṃśamapahāya sāmānyasthānīyasya 
caitanyasyaivābhedo'bhyupagataḥ | 
evañca yadyapi sāmānādhikaraṇyavyavahārasya bhedābhāvopalakṣitaṃ 
viśiṣṭaṃ vā svarūpaṃ viṣayaḥ, tathāpi sarvātmanā yatra bhedagrāhi 
pramāṇaṃ nāsti tatra svarūpaikyaṃ viṣayaḥ so'yaṃ devadatta ityādau | 
yatra tu bhedagrāhakapramāṇamasti kāryakāraṇādau tatra 
pṛthaksattāvacchedakabhedābhāvopalakṣitasvarūpadvayaṃ 
sāmānyābhāvopalakṣitasvarūpadvayaṃ vā viṣayaḥ | prakṛte ca �uta 
tamādeśamaprākṣya� ityekavijñānena sarvavijñānoktyā sarvātmakatvaṃ 
pratijñāya, tadupapādake granthe �aitadātmya-

pṛ0 18) midaṃ sarva�miti navakṛtvo'bhyasto'pi sāmānādhikaraṇyavyapadeśo 
yathā na brahmaprapañcayossvarūpaikyaṃ viṣayīkaroti evaṃ tattvamasīti 
vyapadeśo'pi, bhedābhedavyapadeśasyobhayatrāpi tulyatvāt ṅānyo'to'sti 
draṣṭā; yatra nānyatpaśyati; yasmātparaṃ nāparamasti kiñci� diti 
bhedaniṣedhasya cetanatvācetanatvābhyāṃ saṃsāritvāsaṃsāritvābhyāṃ 
viruddhadharmavatvasya cobhayatrāpi tulyatvāt | tadasya 
bhedaniṣedhabhedapratipādanācca bhedābhedau sidhyataḥ | tasmānnāsti 
bhedābhedayorvirodhaḥ | 
yaduktamavidyālakṣaṇopādhikṛto mithyābheda iti tanna, 
avidyāyāstadupādhikatvasya mithyātvasya ca kutrāpyasūtritatvāt | na ca 
�ānumānikamapyakeṣāmiti cenna śarīrarūpakavinyastagṛhīterdarśayati ca� 
śūkṣmantu tadarhatvāt� ityatra cāvidyāsūtriteti vācyaṃ, tatra �mahataḥ 
paramavyakta� mityatra, avyaktaśabdena triguṇaṃ pradhānaṃ gṛhyata iti 
śa"nkāyāṃ śharīrarūpakavinyastagṛhīte� rityanena �ātmānaṃ rathinaṃ 
viddhi śarīraṃ rathameva ce�ti mantre rathatvena nirūpitaṃ śarīrameva 
gṛhyate, na tu pradhānamityuktvā śarīrasya 
vyaktatvātkathamavyaktatvamityākā"nkṣāyāṃ śūkṣmantu tadarhatvā� 
dityanena sūkṣmaśarīramevāvyaktaśabdena gṛhyate, na 
sthūlaśarīramityevoktyā triguṇāyā avidyāyā avyaktaśabdenāgrahāt, 
sampratipannasūkṣmaśarīrasambhave aprasiddhāvidyāgrahaṇāyogāt | avidyāyā 
upādānatayā brahmāṇḍavyāpitvasya ahamajña iti sarvapratyakṣasya 
cābhyupagamena sūkṣmatvāvyaktaśabdārhatvayorayogācca | anyathā pūrvasūtre 
avyaktaśabdena śarīraṃ gṛhyata ityuktvottaratrāvidyā gṛhyata ityucyamāne 
vyāghātāpatteḥ, pradhānavādāpatteśca | na ca �tadadhīnatvādarthava� 
dityanena pradhānaṃ svatantramavidyā-tvīśvarādhīneti vailakṣaṇyamuktamiti 
vācyaṃ, seśvarasā"nkhyānāṃ yogānāñca mate 
pradhānasyāpīśvarādhīnatāyā abhyupagamena tāvanmātreṇa 
vailakṣaṇyāsiddheḥ | yathendriyapravṛtterarthādhīnatvādindriyebhyaḥ 
paratvamarthānāmevamātmapravṛtteśśarīrādhīnatvāccharīrasyātmanaḥ 
paratvamityevamarthaka-

pṛ0 19) tvātsūtrasya | kiñca yadyatrāvidyā sūtritā 
syāduttaratrādhikaraṇamanārambhaṇīyaṃ syāt, ajāmantre'pi tasyā eva 
grahaṇasambhavena pradhānagrahaṇe viśeṣakāraṇābhāvena 
pūrvapakṣānutthānāt | pratyuta pūrvatra �devātmaśaktiṃ 
svaguṇairnigūḍhā� miti, uttaratra ca �māyāntu prakṛtiṃ vindyānmāyinantu 
maheśvara� mityādinā ceśvarādhīnatāyāḥ prakṛteḥ pratipādanena madhye 
ajāmantre'pi tatparāmarśasyaiva nyāyyatvāt | evaṃ �jyotirupakramāttu 
tathāhyadhīyata eke� �kalpanopadeśācca madhvādivadavirodha� iti ca 
sarvathāpyanupapannaṃ syāt, anādibhūtāyā avidyāyā ajāśabdena 
mukhyatvācca prakṛtatvācca grahaṇasambhave tatparityāgena 
tejo'vannalakṣaṇāṃ prakṛtimajāśabdena śākhāntarānusārādgṛhītvā 
tasyājanimatvādajātvābhāvāccājāśabdānupapattiriti śa"nkāyāṃ yathā 
amadhuna evādityasya �asau vā ādityo devamadhvi� ti madhutvakalpanaṃ, 
evamanajāyā eva 
tejo'bannaprakṛterajāvadajetyajātvakalpanamityasyāsambhavaduktikatvāt 
tasmāttejo'bannalakṣaṇaprakṛtivyatirekeṇānādibhūtāvidyā na 
sūtrābhimatā; na cāsti, pramāṇābhāvāt | na cāvidyāṃ vinā niravayavasya 
brahmaṇo jagatpariṇāmānupapattiriti vācyaṃ, �kṛtsna         
prasaktirniravayavatvaśabdakopo ve� tyādinā sūtreṇaivāśa"nkya parihṛtatvāt 
| tathāhi pariṇāmo nāma padārthānāṃ pūrvarūpaparityāgena 
rūpāntarāpattiḥ tatra kiṃ brahma sarvātmanā pariṇamate, utāvayavenaikena 
pariṇamate avayavāntareṇāvatiṣṭhata iti vaktavyaṃ tatrādye prapañcakāle 
brahma na syāt, svarūpaparityāgena kṛtsnasya kāryarūpāpannatvāt | antye 
niravayavatvaśrutivyākopa ityāśa"nkya śhrutestu śabdamūlatvā� dityanena 
parihṛtaṃ bhavet, evaṃ pramāṇāntaragamye'rthe evaṃvidhatarkasyāvakāśaḥ | 
śrutyekasamadhigamye tu śrutyaivārthatatvaṃ vyavasthāpanīyaṃ, na tu tarkeṇa 
prayojanamasti yathoktaṃ �acintyāḥ khalu ye bhāvā na tāṃstarkeṇa yojaye� 
diti | śrutiśca niravayavaṃ brahma pariṇamate ghanasvarūpaṃ jahātītyāha | 
tathāhi- tejo'bannānāṃ sṛṣṭimuktvānantaramevāmnāyate śeyaṃ

pṛ0 20) devataikṣata hantā hamimāstisro devatā anena jīvenātmanānupraviśya 
nāmarūpe vyākaravāṇi� iti | evañca 
tejo'bannalakṣaṇapariṇāmavyatirekeṇekṣituḥ parameśvarasya 
pṛthagavasthānamabhihitam | loke'pi na pūrvarūpaparityāgena 
rūpāntarāpattiḥ pariṇāmaḥ | upādānanāśe nirāśrayasya 
pariṇāmasyāsambhavāt; kintu sthita evopādāne tadabhinna 
vyavahārayogyakāryotpattireva pariṇāmaḥ śarādau gatyādirivetyuktaṃ 
�ātmani caivaṃ vicitrāścahī�ti | yathā jīvātmani 
jīvasvarūpānupamardenaiva vicitrā buddhicchādayaḥ pariṇāmaviśeṣā 
utpadyante yathā ca mṛttantvādiṣu ghaṭapaṭādayaḥ | iyāṃstu viśeṣaḥ, 
yatrotpādane utpatsyamānakāryāntaraṃ vartate tatrotpatyarheṇaiva 
kāryāntaraṃ vartate, tatra copamardena ghaṭādyutpattiḥ | yatra tu 
virodhikāryāntaraṃ nāsti tatrābhāvopamardenaiva kāryāntarotpattiḥ, yathā 
tantuṣu paṭābhāvopamardenaiva paṭotpattiḥ | a"nkurādāvapi na 
bījādikamupādānaṃ kāryānanvayitvāt, kāryānvayina evopādānatvāt | 
kintūbhayānusyūtāvayavā eva | tathā ca śrutiḥ �etasya vai somyaiṣo'ṇimna 
evaṃ mahānnyagrodhastiṣṭhati� iti | teṣāṃ ca svarūpānupamardenaiva 
a"nkurādijanakatvam | uktañca sūtrakṛtā tarkapāde     
ṅāsato'dṛṣṭatvā�diti | vivṛtañca tairapi tathaiva | evaṃ brahmaṇo 
niravayavasya svarūpānupamardenaiva jagatpariṇāma upapadyate | vipakṣe ca 
bādhakamuktaṃ śvapakṣadoṣācca� iti | pradhānasya satvādīnāñca 
kārtsnyena pariṇāme svarūpanāśāpattiḥ | ekadeśapariṇāmābhyupagame ca 
niravayavatvābhyupagamavyākopaḥ | so'yamavidyāyāmapi samāno doṣaḥ, 
avidyāyā api pradhānatulyatvāt | na cāvidyāyā 
vicitraśaktiyogātpariṇāmassambhavati na brahmaṇa iti vācyaṃ, �parāsya 
śaktirvividhaiva śrūyata� iti śrutyā śarvopetā ca taddarśanā�diti 
sūtreṇa ca brahmaṇa eva vicitraśaktipratipādanāt | avidyāyāṃ 
tādṛśaśaktau ca pramāṇābhāvāt ||
evaṃ sūtrārthe brahmapariṇāme sthite'pi, avidyā pariṇamate brahma

pṛ0 21) vivartata ityabhidhānamayuktam | �ātmakṛteḥ pariṇāmā� diti 
sūtraviruddhañca | yadyavidyaiva pariṇamate na brahma tadā ṅa 
vilakṣaṇatvādasya tathātvañca śabdā�dityadhikaraṇamanupapannaṃ syāt, 
avidyājagatorvailakṣaṇyābhāvāt | brahmaṇaśca pariṇāmānabhyupagamāt | 
kiñca yadyavidyā nāma kācidanādisiddhā vāśrīyate tasyā 
brahmavikāratvābhāvena brahmābhedābhāvāt brahmaṇi vijñāte'pi sā na 
vijñāteti ekavijñānena sarvavijñānapratijñā pīḍyeta | 
tasmānnāstyevāvidyā | nāpi jīvaparabhedasyaupādhikatvam | na ca �ata eva 
copamā sūryakādiva� dityatraupādhikatvaṃ kvacitsūcitamiti vācyaṃ, tatrahi 
jīvaparabhedasyaupādhikatvaṃ na sūcyate, kintarhi brahmaṇa eva 
�aṇoraṇīyānmahato mahīyā� nityādināṇutva 
mahatvādipratītestadubhayamastīti śa"nkāyāṃ ṅa sthānato'pi 
parasyobhayali"ngaṃ sarvatra hī� ti ekatvādbrahmaṇyasminviruddharūpadvayaṃ na 
sambhavatītyuktvā kṣetrāṇāṃ bhinnaparimāṇatvādantaranupraviṣṭasyāpi 
paramātmano bhinnaparimāṇatvapratibhāse dṛṣṭānta upādīyate 
sūryakādivaditi | atra jalasūryayormūrtadravyatvādrūpavatvācca tatra 
pratibiṃbassambhavati, brahmaṇastvamūrtatvādarūpatvācca pratibiṃbānupa-       
pattiriti �ambuvadagrahaṇāttu na tathātva� mityanenāśa"nkya, nahyatra 
biṃbapratibiṃbabhāvena jīveśvarabhedo'bhipretaḥ, kintu brahmaṇa eva 
kṣetraparimāṇānurūpaparimāṇapratibhāsa ityayamevārtho 
dṛṣṭāntopapādanena vivakṣita iti spaṣṭīkṛtaṃ 
�vṛddhihrāsabhāktvamantarbhāvādubhayasāmañjasyādeva�miti | tasmānnāsti 
bhedopādhikatvam | ata evaikasminnevāntaranupraviṣṭayorjīveśvarayorbhedaḥ 
pratipādyate �guhāṃ pratiṣṭāvātmānau hi taddarśanā� dityādau | 
tasmājjīvaparabhedasya svābhāvikatvānnāsti jīvaparayossvarūpaikyaṃ, nāsti 
ca sa śāstrasya viṣayaḥ |
kiñca jīvaparayoryadi svarūpaikyaṃ śāstraviṣayaḥ, tarhi tadeva 
pratyadhikaraṇaṃ pratipādyeta | naca pratipādyate, kintu pratyadhikaraṇaṃ 
tena tena vākyena jīvaḥ pratipādyate, īśvaro veti saṃśaye jīva iti 
pūrvapakṣaṃ

pṛ0 22) kṛtvā tattadvākyapratipādyadharmāṇāṃ jīve'sambhavāt 
tadvyatirikta īśvaraḥ pratipādyata iti pratiṣṭhāpyate, ṅetaro'nupapatteḥ | 
bhedavyapadeśāccānyaḥ | jīvamukhyaprāṇali"ngānneti 
cennopāsātraividhyādāśritatvādiha tadyogāt | suṣuptyutkrāntyorbhedena | 
anupapattestu na śārīraḥ | karmakarttṛvyapadeśācca | smṛteśca | 
śabdaviśeṣāt | arbhakaukastvāttadvyapadeśācca neti cenna nicāyyatvādevaṃ 
vyomavacca | sambhogaprāptiriti cenna vaiśeṣyāt | anavasthiterasambhavācca 
netaraḥ | śārīraścobhaye'pi hi bhedenainamadhīyate | 
viśeṣaṇabhedavyapadeśābhyāñca netarau | prāṇabhṛcca | bhedavyapadeśācca 
| prakaraṇācca | sthityadanābhyāñca | īkṣatikarmavyapadeśātsaḥ | 
itaraparāmarśātsa iti cennāsambhavāt | uttarāccedāvirbhūtasvarūpastu | 
anyārthaśca parāmarśaḥ | nāṇuratacchratereti cennetarādhikārāt | 
adhikantu bhedanirdeśāt | adhikopadeśāttu bādarāyaṇasyaivaṃ taddarśanāt� 
ityādinā | naca jīvasyaupādhikatvāttena rūpeṇa pratipādyatā paraṃ 
niṣidhyate, na svarūpeṇeti vācyaṃ, evaṃ hīśvarasyaupādhikatvāttenāpi 
rūpeṇa pratipādyatā na syāt | svarūpamānasyaiva svābhāvikatvena 
pratipādyatā     syāt | naca tathā pratipādyate, tatpratipādane 
hetvasambhavāt | kintu jīvavyāvṛtteneśvaratvenaiva rūpeṇa pratipādyate 
�antastaddharmopadeśāt� �antaryāmyadhidaivādiṣu taddharmavyapadeśāt� 
ityādinā | tasmānna jīvabrahmaṇossvarūpaikyaṃ śāstrasya viṣayaḥ | 
nāpīdaṃ prayojanaṃ �jagadvyāpāravarjaṃ prakaraṇādasannihitatvācca� 
�bhāgamātrasāmyali"ngācce� tyādinā tasyānyathoktatvāt | tasmādadhyāsasya 
viṣayaprayojanānupayogitvādasūtritatvaṃ siddham |
tathā �janmādyasya yata� iti brahmaṇo jagatkāraṇatvaṃ lakṣaṇamuktaṃ | 
kiṃvidhaṃ tatkāraṇatvamiti pṛcchāyāṃ �prakṛtiśca 
pratijñādṛṣṭāntānurodhā�dityādinā nimittatvamupādānatvaṃ cetyuktaṃ | 
evaṃ brahmaṇa evobhayavidhakāraṇatve sūtrite kaiścidavidyopādānamityuktaṃ 
| anyaissūkṣma

pṛ0 23) bhūtapañcakamupādānamiti | aparaiḥ prakṛtirupādānamiti | 
tadetadupādānāntarābhidhānaṃ sūtrāsambaddham ||
tasmādadvaitedamparyapravṛttavaiyāsikasūtrasandarbhānanvitatvena 
vivartavādasyāpātaramaṇīyatayā pratīyamānatvātsa 
vīraśaivaistatvavidbhiḥ padapadārthasa"ngatijñairanādaraṇīya eva |
nanu vīraśaivasiddhāntasya 
li"ngā"ngasāmarasyātmakapariṇāmyupādānarūpaśaktiviśiṣṭaśivādvaitasya 
sakaladvaitavilakṣaṇatvena sādhanīyatayā 
vivartavādipratipāditādvaitasandarbhasyādhyāsādhinatvena tasya 
dūṣitatvāttadatiriktādvaitanirvāhasyānupalabhyamānatvātsvābhimatādvaitani
rvāha eva na sidhyet, viśvopādānakāraṇībhūtamithyāpratyayarūpāvidyāyā 
ana"ngīkārāt, brahmaṇo nirvikāratvena pariṇamanāsambhavāt, 
vikāritvādidoṣaprasa"ngācca | 
prakāśabāhyopādānakāraṇāntarasyābhāvāt, advaitasiddhāntavirodhāditi 
cet, atredaṃ vīraśaivābhimataśivādvaitasaraṇi sārūpyeṇa sārasvataṃ 
sūtraṃ-

san hṛdayaprakāśo
bhavana kriyayāśrito bhavati kartā |
saiva kriyāvimarśaḥ
svasthā kṣubhitā ca viśvavistārā || iti ||

asyāyamarthaḥ | hṛdayaprakāśassan, a"ngīkaraṇīyaḥ | �hṛdayaṃ 
tadvijānīyādviśvasyāyatanaṃ mahadi�ti śruteratra hṛdayaśabdena hṛdaye 
prakāśamāna ātmā vivakṣitaḥ �hṛdyaya� miti chāndogye 
hṛdayaśabdārthaniruktiṃ manasi nidhāya 
śivādvaitamañjarīkāreṇaitatsūtraṃ vyācakṣāṇena �hṛdayaṃ 
tadvijānīyā�diti śrutirudāhṛtā | hṛdaye prakāśamānaḥ parameśvarassan 
sadrūpeṇāstīti vyākhyātrā vivaraṇaṃ kṛtaṃ | san, hṛdayaprakāśa iti 
śabdadvayena sadātmakatvaṃ cidātmakatvañca kroḍīkṛtaṃ | anyathā 
sadātmakatvāna"ngīkāre vaktussvasyaiva sattāhāniprasa"ngāt, svasyaiva

pṛ0 24) brahmābhedāt | prakāśarūpatvāna"ngīkāre jagatāmajñatvarūpaṃ 
kasminnapi viṣaye'grāhakatvaṃ syāditi ṭīkārthaḥ | tadanukūlā śrutiḥ 
�asanneva sa bhavati, asadbrahmeti veda cet | asti brahmeti cedveda santamenaṃ 
tato vidu�riti | prakāśāṃśe śrutirnodāhṛteti na bhramitavyaṃ, 
pūrvoktāyā �hṛdayaṃtadi�tyādiśrutereva chāndogyaniruktyanusāreṇa 
prakāśarūpatvābhiprāyatvāt | ata eva cittvenānandatvaṃ mūlasūtre 
uktaprāyamiti ṭīkāyāmānandaśrutirudāhṛteti na prakṛtāsa"ngatiḥ | 
�asyaivānandasyānyāni bhūtāni mātrāmupajīvantī�tyānanda śrutiḥ | atha 
bhavanakriyayā āśritaḥ= bhavanakriyāyā āśrayo bhavati kartetyasyāṃśasya 
vyākhyātustātparyamucyate | asa bhuvīti dhātoḥ śhnasorallopa� ityallope 
�laṭaśśatṛśānacāvaprathamāsamānādhikaraṇa� iti śatṛpratyaye sanniti 
śabdaḥ �asti brahmeti cedvede�ti śrutipratyabhijñāpaka iti matvā, asa 
bhuvīti dhātupāṭhasiddhārthikabhavanakriyāyā āśrayatveneti vyākhyātam |
nanu śivādvaitaṃ siṣādhayiṣuṇā vyākhyātrā dvaitameva sādhitamāsīt, 
�vināyakaṃ prakurvāṇo racayāmāsa vānara�miti nyāyāt | pacatītyādau 
dhātvarthākhyātārthakriyākartṛrṇāṃ parasparaṃ bhedasya 
vyutpattisiddhatvena prakṛte'stītyatrāpi 
dhātvarthapratyayārthayorbhedasyāvaśyaṃ vaktavyatvāditi cennaivaṃ anyatra 
pacatītyādau bhede satyapi prakṛte'stītyādāvanupalambhabādhakena 
dhātvarthākhyātārthakriyākartrorabhedasya vaktavyatvāt, anyathā 
nirvāhābhāvānnādvaitahāniḥ | ateva kūlaṃ pipatiṣatītyādau 
sanarthastyaktaḥ | jānātītyādāvākhyātārthastyaktaḥ | tadidaṃ manasi 
nidhāyāha san hṛdayaprakāśa evāstītyādinā | bhavanakriyāśrayatvāditi 
vyākhyānena dhātvarthākhyātārthayoḥ prakṛte bhedaḥ parihṛtaḥ | kartā 
bhavatītyanena dhātvarthasyākhyātārthavyāpārasya ca bhedaḥ parihṛtaḥ |
nanu śivādvaite kiṃ pramāṇaṃ ? �asmi prakāśe nandāmī� 
tyahantāsāmānādhikaraṇyena sattājñānānandānubhavaḥ pramāṇaṃ | 
anyathā brahmaṇā jaḍaprakāśavailakṣaṇyaṃ na syāt | tadyathā �vahnirasti 
prakāśata� ityādau

pṛ0 25) pratyagātmānavagāhena jaḍatvasyānubhavasiddhatvaṃ jaḍatvasya 
bhedasya ca vahnyādau vidyamānatvāt | evamasmi prakāśa iti 
jaḍavailakṣaṇyenānubhavo vaktavyaḥ | evañca sati prakāśaviṣayakajñānasya 
ghaṭajñānaviṣayakajñānavadanuvyavasāyatvena bheda eva syāt, na tu 
śivādvaitasiddhirityāśa"nkāyāṃ satyāṃ saiva kriyā 
svasthācetyādiṭīkayānuvyavasāyaprayukto bhedaḥ parihṛtaḥ | asti 
kriyāyāssaiveti tacchabdena kroḍīkaraṇādvimarśasyānubhavarūpasya, 
asdhātvarthakriyāyāśca bhedo nāstīti ṭīkāmūlayostātparyam | anena 
vimarśasābhilāpaprakāreṇa śivādvaitasya sapramāṇakatvamuktameveti 
śivādvaitaṃ samarthitamasmi prakāśe, nandāmīti vimarśa ityādinā | tathā 
ca paramātmanassvasthatādaśāyāṃ saccidānandātmanaivāvasthitiḥ 
cidādiśaktīnāmapi kāraṇātmanāvasthānamiti ṭīkāmūlayoḥ 
paramoniṣkarṣaḥ | kṣubhitā cet sṛṣṭyunmukhī cet, �dṛśyate tvi� ti 
brahmasūtrasthityā gomayādvṛścikādyutpattiriva 
śivādibhūmyantaṣaṭtriṃśattatvātmakavicitraviśvasphuraṇamayī bhavatīti | 
tathāhi �parāsya śaktirvividhaiva śrūyate, svābhāvikī jñānabalakriyā 
ce�ti 
śrutisthānuktārthaprakāśakacakāracamatkārānmaheśvarasvabhāvabhūtaparāś
akteścidā-       nandecchājñānakriyādinānārūpatāvagamāt | naca 
�kāmassa"nkalpo vicikitsā 
śraddhāśraddhādhṛtiradhṛtirhrīrdhīrbhīrityetatsarvaṃ mana eve�ti 
śrutericchādīnāṃ manodharmatvāt, ata eva 
śārīrakaniṣṭhatvenānubhūyamānatvātkathamātmasvabhāvateti vācyaṃ, 
naiyāyikādibhirapi aśarīrasyāpīśvarasya 
guṇatvenecchādīnāma"ngīkṛtatvāt, anyathā 
ghaṭādibhiścāviśeṣatvaprasa"ngāt | kiñca jijñāsābandhamokṣāṇāṃ 
sāmānādhikaraṇyaniyamānmanasastadviśiṣṭasyaiva vā muktiprasa"ngāt, 
tayordvayorapi mithyātvāt | jijñāsābandhaviśiṣṭasya tadviśeṣyāṃśe 
mokṣa ityapi vaktuṃ na śakyate, vaiyadhikaraṇyaprasa"ngāt | 
viśiṣṭaviśeṣyayoraikye mithyātvena mokṣākṣamatvāt | 
tasmātkṛtrimapramāturicchādermano'bhivyaktatāpratipādane 
śrutestātparyamitya"ngī-

pṛ0 26) karaṇīyatvena virodhābhāvāt | �tasminkāmāḥ samāhitā� iti 
śrutyantare samupasargasvārasyenātmasvabhāvatāvagamācca |
evaṃ sthite tatra cidānandayorna kadācidvikṣobhaḥ, akramasvabhāvatvāt | 
icchādiśaktīnāṃ sakramākramasvabhāvatvena vikṣobhabhāktvāt | naca 
sakramākramayorvirodha iti vācyaṃ, vadato vyāghātāt | bhedābhedayorvirodha 
iti jñātvaiva vaktavyatvena tadjñāne 
bhedābhedarūpaviṣayayorbhāsamānatvāt, tasya saviṣayatvāt | anyathā 
virodhasphūrtireva na syāt | tasmātprakāśasya pratiyogyabhāvāt | 
kiñcānyonyābhāvanibandhanabhedasyaivābhedena virodhaḥ | na vayaṃ tādṛśaṃ 
bhedaṃ brūmaḥ, tasyāsambhavāt | tatrānyatvasya 
padārthasvabhāvatānupapatteḥ, padārthasya padārthānyatvaprasa"ngāt | naca 
padārthasya padārthāntarānyatvaṃ svabhāva iti noktadoṣa iti vācyaṃ, tasya 
viśeṣaghaṭitatvenāpraśnaviṣayatvāt 
bhedasāmānyalakṣaṇaghaṭakānyatvasyaiva praśnaviṣayatvāt | kiñca 
ghaṭānyatvaṃ paṭasvabhāvaḥ, paṭānyatvaṃ ghaṭasvabhāva 
ityasādhāraṇapratītirghaṭapaṭayorbhede siddhe satyevopapadyata iti 
tasyādyāpyabhilaṣyamāṇasvabhāvatvāt | naca tantumayatvamṛṇmayatvādinā 
tayorbhedasya siddhatvamiti vācyaṃ, ghaṭa eva mṛṇmayatvaṃ paṭa eva 
tantumayatvamiti niścayasyāpi ghaṭapaṭabhedasiddhyanantarabhāvitvāt | kiñca 
tantumayatvamṛṇmayatvayorapi bhedastāvattattadavayavabhedāt,           
tadavayavabhedastadavayavabhedāditi paramāṇuparyantaparyālocanāyāṃ 
niraṃśatvādatīndriyatvācca tatra 
bhedāgrahānmūlakṣayakāryanavasthāprasa"ngāt | nacānyatvaṃ 
bhedanibandhanaḥ kaścidupādhiḥ, bhedasya 
manorathāyamānatvenātmāśrayādidoṣaprasa"ngāt | kintu 
svarṇakuṇḍalanyāyena vibhāgo bheda iti brūmaḥ | tatra kuṇḍalaṃ svarṇaṃ 
na bhavatīti parihartumaśakyatvāt, svarṇārthinaḥ kuṇḍale 
pravṛttidarśanāt | evaṃ svarṇamapi kadāpi kuṇḍalaṃ na bhavatīti 
parihartumayuktaṃ, kuṇḍalayogyatvāt, kuṇḍalākāreṇa svarṇasyaiva 
bhāsamānatvāt | svarṇe kuṇḍalaṃ nāstītyapi vaktuṃ na śakyate, svarṇaṃ 
kuṇḍalaṃ jāyata

pṛ0 27) ityādivyavahāre vartamānakālarūḍhajanikriyāyāḥ 
nirāśrayatvaprasa"ngāt, janmakāle kuṇḍalādivastusthityabhāvāt, asti 
cedutpatyasambhavāt | 
utpannavastusthityabhāve'pyutpadyamānavastusthitya"ngīkāre vyaktatayā 
sthityasambhavāt, uktadoṣāt, avyaktatayā svakārāṇabhedena 
kuṇḍalādivastusthitera"ngīkaraṇīyatvāt |
evaṃ sthite vibhāganibandhanabhedasyābhedena virodhābhāvāt, tasmādeva 
vibhajyamānatvena tadupajīvitvāt | citrakakauśalavaśādālekhyaviśeṣe 
gajavṛṣabhayoḥ pratibhāsa ivāhikuṇḍalamiva brahmaṇassvatantratvena 
śaktiśaktimadrūpatayā bhāsamānatvāt | cetana ityatra pratyayasya 
bhāvārthakatvenānabhivyaktakriyārūpadhātvarthābhivyañjakatvāt, 
kriyāyāssāśrayatvaniyamena tadāśrayasya karturapi tenaivākṣiptatvāt | 
tadantargatakriyāyāḥ kṛtirūpatvātkṛtessaviṣayatvāt | citsvabhāvatvena 
kṛtessvaprakāśatvāt | evaṃ vidhasvatantraprakāśatāśakteḥ 
prakāśaikarūpatvāt |
ata eva vibhāgasya saṃyogapūrvakatvāt, brahmaṇi 
prapañcasambandhābhāvānniṣprapañcatvādvaibhāsikabhedo na sambhavatīti 
śa"nkākala"nkasyānavakāśāt | ṅeha nāne�ti śruteḥ 
prāpañcikabhedanirāsaparatvāt, 
vimarśaśaktessakalasāmarasyātmakatvādbhedena sthityasambhavāt, 
tasyāssamavāyasaṃyogānyatarasambandhasāpekṣatvāt, 
guṇaguṇitvādyana"ngīkāreṇa samavāyasyāsambhavāt | saṃyogasya 
kriyāpūrvakatvāt, anyatarobhayakarmajaśca 
saṃyogastāvadbhinnadeśasthitayorevopapadyata iti brahmabāhyadeśābhāvena 
tadasambhavāt | akriyāpūrvakasaṃyogasyāprasiddhatvāt |

etasmājjāyate prāṇo manassarvendriyāṇi ca |
khaṃ vāyurjyotirāpaśca pṛthvī viśvasya dhāriṇī ||

iti śrutervyomādīnāñca kāryakoṭipraviṣṭatvena 
paramāṇvākāśasaṃyogadṛṣṭāntasyāpi 
dūrāpāstatvādanubhayavādisiddhatvāt, sadā parabhāravāhakatvena 
svātantryabha"ngaprasa"ngāt | sambandhasyaikatvena dviniṣṭha-

pṛ0 28) tvāsambhavāt, niraṃśatvāt, sāṃśatve dravyatvāpattyā 
sambandhitvena tasyāpi sambandhāntarānveṣaṇamukhenānavasthāprasa"ngācca | 
ṅiṣkala� mityādiśrute ssvavyatiriktaprākṛtaheyakalādirāhitye tātparyāt | 
anyathā tvacetanatvaprasa"ngāt, sphaṭikādiprakāśavannirvimarśatvāditi 
sūcitatvāt |
tasmādbrahmaṇaścetanatvāt śa ekākī na ramate, sa dvitīyamaicchat | sa 
etāvānāsa, tatsṛṣṭvā tadevānuprāviśat, tadanupraviśya sacca 
tyaccābhavadi�ti śruteḥ, �lokavattu līlākaivalya� miti brahmasūtrasthiteśca, 
svakrīḍārthaṃ viśvabhavananirmāṇe svātiriktakāraṇāntarasāpekṣatve 
kulālādivatsvātmaunmukhyavigalanenānyatraunmukhyāt, 
adṛṣṭādiparatantratvenānīśvaratvaprasa"ngāt, 
svātiriktakāraṇāntaranairapekṣyeṇepsitārthapradacintāmaṇyādivadyogivadūr
ṇanābhavacca mayūrāṇḍarasagatapādapakṣādivarṇavaicitryanyāyena 
tādātmyena cidvyāptirūpatvena svatantratālakṣaṇaspandanarūpatvena 
cidujvalanarūpatvena cidāpyāyanarūpatvena cidrūpatvena ca 
svātmāmalamukuramaṇḍalatādātmyāpannavimarśaśaktikroḍīkṛtavyomādipañca
prameyaviśvādicaturātmalakṣaṇajaḍājaḍātmakaṃ viśvaṃ 
svecchāśaktirūpāpohanaṭa"nkavaśācchivādidharaṇyantaṣaṭtriṃśattatvātma
nā vicitrīkṛtya 
sṛṣṭisthitisaṃhārabandhamokṣalakṣaṇapañcakṛtyamahānāṭyarasikassan 
krīḍatīti rāddhāntaḥ | icchāśaktessaviṣayatvāt | viśvasyāntassthitiṃ 
vinā tadunmeṣānupapatteḥ |
nanu viśvasya brahmābhedena sattā"ngīkāreṇa nityatvāt, 
tadantargatabandhasyāpi tathātvena tasya tatvajñānādapi nivṛttyasambhavena 
muktirna syāt, muktasyāpi bandhasa"ngaḥ, 
prapañcasya ṣaḍbhāvavikārabhāktvena 
brahmaṇastadabhedenānityatvaprasa"ngaśceti ceducyate | ghaṭo naśyatītyatra 
nāśakriyā na ghaṭaniṣṭhā bhavitumarhati svata eva nāśāsambhavāt, 
kālakaraṇādhīnatvāt | karaṇānāṃ karmendriyasāpekṣatvāt, teṣāṃ 
jñānendriyasāpekṣatvāt, teṣāmantarindriyasāpekṣatvāt, tasya 
kṛtrimapramā- 

pṛ0 29) tṛsāpekṣatvāt tasya deśakālādiparatantratvena svātantryeṇa vinā 
na sambhavatīti tasyāstannirūpitatvena tanniṣṭhatāyā 
akāmenāpya"ngīkaraṇīyatvena kartṛmaheśvarasvabhāvatvāt, darśitadiśā 
kāryasya kuṇḍalādessvarṇādikāraṇātmanāvasthitera"ngīkaraṇīyatvena 
kāryasya kāryanāśasya kāraṇātmanāvasthitirūpatvāt, na 
vikāritvādidoṣaprasaktiḥ | dugdhādau pariṇamanakriyāyāḥ 
kālakaraṇakartṛsāpekṣatvena dṛṣṭatayā kartṛsvabhāvatvāt, 
guṇadoṣayorapi svātmaikarūpatvāt |
kiñca loke pariṇāmivastuṣu na sarvatra sarvātmanā svarūpaparityāgaḥ, 
svarṇādirūpapariṇāmidravyasya kuṇḍalākāreṇa pariṇatau 
svarṇādirūpatvāparityāgasyānubhūyamānatvāt | ito'pi 
svatantrabhūtavastupariṇamanasya kūrmā"ngabha"ngīnyāyena 
vikāraleśasyāpyasambhavāt | �kriyā hi karmaṇaiva viśrāmyenna tu kartarīti� 
nyāyānnānirmokṣatvaprasa"ngaśca |

avyaktādīni bhūtāni vyaktamadhyāni bhārata |
avyaktanidhanānyeva tatra kā parivedanā ||

iti bhagavadukterbhogāpavargalakṣaṇapūrvāparakoṭyorviśvasya 
cidānandaikarasatvena svasvarūpatayā pratibandhakatvābhāvāt | 
icchādibhūmipraviṣṭaghaṭādivadarthakriyāśūnyatvāt madhyakoṭāveva 
pratibandhakaṃ, arthakriyāviśiṣṭatvāt |

mātṛmeyamiti sādhanātmikā
tvatkṛtonmiṣati yā vikalpadhīḥ |
tvatsvarūpamakala"nkitaṃ tayā
tasya devi viduṣo na muktatā ||

iti cidgaganacandrikāyāṃ kālidāsokteśca | īśvarecchāyā eva 
niyāmakatvānmuktasya na punarbandhaprasaktiriti na kācidanupapattiriti 
śaktipātapavitritahṛdayairvidvadbhirvimarśanīyam |

pṛ0 30) evaṃ sthite brahmamīmāṃsāyāṃ bhagavatā bādarāyaṇena 
prathamasūtre śadeva saumyedamagra āsīdekamevādvitīyaṃ, tadaikṣata 
bahusyāṃ prajāyeya� iti śruteḥ, �īkṣadarśanā"nkanayo�riti dhātugatyā 
īkṣaṇalakṣaṇadarśanasvabhāvatvena jaḍavilakṣaṇatayā bṛhattvāt; �bahu 
syā� miti bahubhavanakriyāmarśanarūpatvena 
darśanasvabhāvajīvalakṣaṇānyanirapekṣaṇakartṛtālakṣaṇānandaparibṛṃhi
tatvācca, jñānakriyāsvatantraṃ brahma jijñāsyatvenoddiṣṭamiti 
samanantarasūtroktatadasādhāraṇajagajjanmādilakṣaṇamapyupapadyate |
tathāhi �athāto brahmajijñāsā� ityatra ātmā vā are draṣṭavyaśśrotavyo 
mantavyo nididhyāsitavyaḥ� iti viṣayavākyam | 
śāstramanārambhaṇīyamārambhaṇīyaṃ veti sandehaḥ | �ato'smi loke vede ca 
prathitaḥ puruṣottamaḥ� iti bhagavataiva gītatvāt, atra 
lokaprasiddhirnānumānena; pāmarādīnāṃ vyāptyādijñānaśūnyatvāt | 
kintvahamityābālaviditatvena | vede'pi �ahaṃ brahmāsmi� śatyaṃ 
jñānamanantaṃ brahma� �ahamasmi prathamajā ṛtasya� �pūrvaṃ devebhyo'mṛtasya 
nābhiḥ� ityādiśrutermaheśvarasya prasiddhatvādasandigdhatayā 
vicāraviṣayābhāvāt, jīvāśritāvidyāyā api brahmaikarūpatvena 
nivṛttyasambhavāt, brahmabāhyapadārthāntarābhāvāt, 
janyānandāvāpteranityatvena heyatvāt, nityānandasya 
anavāptavyatvānnityaprāptatvāt, prayojanābhāvācca 
śāstramanārambhaṇīyamiti pūrvaḥ pakṣaḥ |
siddhāntastu brahma tāvadubhayatrāpyahamiti prasiddhameva | tathāpīha loke 
avaidikeṣu vivekino vijñānavādino hi kṣaṇikajñānasantānāpekṣayā nityaḥ 
kaścidbuddhimān, tadbuddhiprerakaḥ kaścidīśvaraśca nāstyeveti vadanti | 
tayorbuddhibhinnatve sati buddhibāhyatayā tatsatve mānābhāvāt | yadi 
mānamasti tasya buddhyantargatatvena ghaṭādibhāvavadbuddhitulyatāyā 
anivāryatvāditi | evaṃ vaidikeṣvapi kāpilāstu �ajā� mityādiśruteḥ 
pradhānasya viśvakāraṇatvaśravaṇātpuruṣapradhānātirekeṇa kaścidīśvaro 
nāstītivadanti | jaiminīyāstu sukhalakṣaṇasvargaṃ prati jyotiṣṭo-

pṛ0 31) mādikarmmaiva vidhīyate | tajjanyayajamānaniṣṭhāpūrvavaśādeva 
tatsādhanībhūtapadārthotpattisambhavāt, vedāntāḥ 
kartṛdevatādravyaparāḥ, anuṣṭhānopayogitvena sārthakyātkarmaśeṣā eva na 
brahmaparā iti vadanti | tasmādevaṃvidhavādināṃ vede'pi vipratipannatvāt, 
evaṃ vidhavaidikāvaidikapraviṣṭapākhaṇḍamatanirākaraṇadvārā 
vakṣyamāṇaśaktivikāsalakṣaṇamokṣāvāptaye śāstramārambhaṇīyamiti | 
evañcāsya sūtrasyāyamarthaḥ | atha= 
anekajanmārjitaśivapūjādisatkarmamahimnā 
samprāptaśamadamādisādhanasampannasyādhikāriṇo 
mokṣaviṣayakātyutkaṭecchāśaktyāvirbhāvānantaraṃ, ataḥ= athāto 
dharmajijñāsetyādisvavyatiriktadevatopāsanālakṣaṇayāgayogādikarmaṇāṃ 
�eṣa karmacito lokaḥ kṣīyata� ityādiśruteranityatvena heyatvāt, karmaṇo 
jaḍatvena apūrvotpādanodyamaśūnyatvāt, devatāyāśca śabdamayatvena 
jaḍatvāt, tata eva phalasādhanayorgaganakusumāyamānatvāt, anenaiva nyāyena 
pradhānakāraṇatāvādikāpilamatasyāpi pratyākhyātatvāt, vedāntānāṃ 
bhinnaprakaraṇapaṭhitatvena tātparyaniścayahetuli"ngaṣaṭkena brahmaparatvāt, 
etada"ngīkṛtātmatatvasya nānātvena parasparavyāvṛttarūpatvāt, ateva 
svaviṣayasvarūpamātraniṣṭhatvāt, paraviṣayaparasvarūpeṣvandha-  
badhiraprāyatvāt, �caitro maitrādbhinnaḥ, maitraścaitrādbhinnaḥ, 
caitrassukhī, maitro duḥkhī�ti parasparabhedānusandhānabheditānāṃ 
caitrādiprakāśānāṃ �caitramahaṃ jānāmi, maitramahaṃ jānāmi� 
ityekasaṃvillagnatvenāntaranusandhānasyāpyasambhavāt, �caitro'ha� miti 
prakāśasya svātmaviṣayamātraprakāśatvāt, 
evamavaidikā"ngīkṛtakṣaṇikavijñānātmano'pi nīlādirūpeṇa nānātvāt, 
tajjanyasaṃskārāṇāmapi tathātvāt, 
bhinnakālaniṣṭhatvenaparasparasaṃgatiśūnyatvāt, atevoktarītyā 
svaviṣayasvamātraniṣṭhatvāt, 
paraviṣayaparasvarūpeṣvandhabadhirādiprāyatvāt, �nīlaṃ pītādbhinnaṃ, 
�pītaṃ nīlādbhinnaṃ, nīlamahaṃ jānāmi, pītamahaṃ jānāmi, yo'haṃ 
bālyepitarāvanvabhūvaṃ sa evāhamidānīṃ 
praṇaptṛrnanubhavāmītyahamityekasaṃvillagnatvena 
bāhyābhyantarānusandhānānupapatteḥ,

pṛ0 32) ubhayakṣaṇagrāhakasaṃvidantarābhāvāt, suṣuptyādau 
hānādānalakṣaṇaprāṇavāyuparispandasya vidyamānatvena tasya 
kartṛpurassaratvāt, kartṛjñānapurassaratvāt, sukhamahamasvāpsamityutthitasya 
sukhasmṛteḥ saṃskāradvārānubhavānubhavitṛmūlatvāt, anubhavituḥ 
svatantrasvaprakāśatvāt, �na kiñcidavediṣa� miti śūnyaprakāśasyāpi 
vidyamānatvāt, viśeṣaṇavimuktāhamātmanaḥ 
svaprakāśatāṃśasyāprākaṭyena sthitera"ngīkaraṇatayā loke 
chidādikriyāṇāṃ darśitadiśā parapramātṛviśrāntimantareṇāsambhavācca, 
proktanyāyena 
svātmatādātmyāpannasvavimarśakroḍīkṛtānekabhāvābhāvamaṇḍalaḥ, 
jñānasmṛtyapohanādibahuvidhaśaktīnāmekasaṃghaṭṭaḥ, anubhavitṛsmarttṛ-
vikalpayitṛ-pratyabhijñātṛrūpaḥ, 
śuddhānubhavānusandhānātmapūrṇāhaṃsphuraṇarūpasvatantrasvaprakāśo 
maheśvaro'"ngīkaraṇīya iti hetoḥ, tādṛ"nmaheśvarecchāśaktiniyamitatvena 
puruṣatatvaniṣṭhāvidyātatvasya 
svakāraṇībhūtasarvajñatāśaktisāmarasyasthitirūpanivṛttidvārā 
svātmaśivatālakṣaṇaṃ phalamuddiśya, brahma= 
svatantrasvaprakāśatālakṣaṇākhaṇḍāmarśaparibṛṃhitaṃ, tasya jijñāsā, 
anena padena vicāro lakṣyate, kartavya iti śeṣaḥ | svātmābhedena 
parāmarśaḥ kartavya ityarthaḥ,     parābhimatabhedasya nirākṛtatvāt |
asminsūtre ataḥ śabdena 
vakṣyamāṇasamanvayāvirodhaphalādhyāyārthassarvo'pi saṃkṣiptaḥ | 
athaśabdena sādhanādhyāyārthaḥ saṃgṛhītaḥ | brahmaśabdena 
jaḍajīvavilakṣaṇasvaprakāśasvatantratāśaktisvabhāvatvaṃ 
tātparyaviṣayīkṛtamiti sūkṣmadṛśānusandheyaṃ | 
evametatsūtrārthaparāmarśanamātreṇātyuttamādhikāri kṛtakṛtyo bhavatīti 
paramo niṣkarṣaḥ ||
ateva �janmādyasya yataḥ� ityuttarasūtrārtho'pi sa"ngacchate | itthaṃ khalu 
tatsūtrārthaḥ | janma ādiryeṣāmiti vigrahe kṛte 
tadguṇasaṃvijñānabahuvrīhisamāsaḥ | tathā ca 
sṛṣṭisthitisaṃhāratirodhānānugrahākhyapañcakṛtyakartṛtvaṃ brahmaṇo 
lakṣaṇaṃ paryyavasyati | evañca sṛṣṭikartṛtvaṃ brahmaṇaḥ, 
sṛṣṭisthityubhayakartṛtvaṃ viṣṇoḥ, sṛṣṭisthitisaṃhārakartṛtvaṃ 

pṛ0 33) rudrasya, sṛṣṭisthitisaṃhāratirodhānakartṛtvamīśvarasya, 
sṛṣṭisthitisaṃhāratirodhānānugrahakartṛtvaṃ sadāśivasya | 
etatpañcakṛtyakartṛtvarūpaṃ taṭasthalakṣaṇaṃ sadāśivasya 
pañcabhūtādhināyakasya sadyojātādipañcamukhaviśiṣṭasyaivopapadyate | 
etatpañcakṛtyakarturniyāmakasya 
nirguṇasyāsa"ngodāsīnanityamuktaśuddhasvabhāvasya 
parabrahmaṇaścidādiśaktisvabhāvasya ṣaḍa"ngadaśāvyayaprakṛtikasya 
paramaśivasya mahāli"ngaśabditasya tu saccidānandasvarūpameva lakṣaṇaṃ 
tasya tadaikarasatvāt | tasmātpañcakṛtyādhipatikāraṇatvaṃ 
lohaceṣṭāyāmayaskāntamaṇeriva paramaśivasya lakṣaṇāntaramapi sambhavati |
yataḥ kāraṇāt, arthaprapañcakāraṇatvaṃ brahmaṇaḥ pratipāditaṃ, ata eva 
śabdaprapañcasyāpi kāraṇatvaṃ siddhaprāyamiti 
darśayitumanupadamevottarasūtraṃ śhāstrayonitvāt� iti pratipāditam | atra 
śāstrāṇāṃ yoniriti vyutpattyā vedādijanakatvaṃ tasya siddham | athavā 
śāstrayonitvādityatra �tantvaupaniṣadaṃ puruṣaṃ pṛcchāmi� ityādi 
śrutiparyālocanayāpi śāstrapratipādyatvamarthaḥ paryyavasyati | athavā 
śāstṛ= brahma, ayonitvāt= prapañcavadakāraṇakatvāt | 
pūrvasūtrasthayacchabdanirdiṣṭaṃ brahma śāstraśikṣakam | 
viṣṇvāderanyasya ca śikṣakatvaṃ lokavedasiddhaṃ na bhavatīti śivasyaiva 
tadubhayasammatamiti, pūrvoktajagajjanmādikāraṇatvamapi śivasyaiveti, tadeva 
jijñāsyamityanena sūtreṇa dhvanitam | athavā, ayonitvāt, akāravācyasya 
viṣṇorbrahmaṇo rudrasya vā �akāro brahmaviṣṇvīśakamaṭheṣva"ngaṇe raṇe� 
iti kośāt | yonitvāt= kāraṇatvāt | �yoniśca hi gīyata� iti 
vakṣyamāṇasūtraparyālocanayā yoniśabdena kāraṇatvaṃ niścīyate | 
tathāca tadarthaparyālocanayā �brahmaviṣṇurudrendrāste samprasūyante� 
ityādi śrutyarthakroḍīkaraṇahetutvena śiva eva śāstraśikṣaka iti 
pūrvoktārthaḥ paryavasannaḥ ||
nanu śāstrayonitvāditisūtreṇa vedāntapratipādyatvaṃ brahmaṇa uktaṃ, tanna 
sambhavati teṣāmuktakarmānuṣṭhānaparatvāt | tathāhi-
brahmapratipādakānāṃ 

pṛ0 34) vākyānāṃ yogā"ngabhūtadevatāparatvaṃ, 
sṛṣṭisthitipratipādakānāṃ keṣāñcidvākyānāṃ 
yāgā"ngabhūtadravyaparatvaṃ, jīvātmapratipādakānāṃ 
yajamānaparatvamityevaṃ karmaparavidhiparatve sambhavati kathaṃ brahmaṇaḥ 
śāstrapratipādyatvaṃ sambhavatīti cedatrocyate, 
upakramopasaṃhārāditātparyanirṇāyakaiṣṣaḍvidhali"ngaiḥprakaraṇāntareṇa 
brahmaviṣayakatvasya ghaṇṭāghoṣatvena vaktuṃ śakyatayā tvaduktaṃ sarvamapi 
katipayapāmarasammohanārtham | tathāhi- śadeva saumyedamagra 
āsī�dityupakramya, śa ya eṣo'ṇimā, aitadātmyamidaṃ sarvaṃ tatsatyaṃ sa 
ātmā tattvamasi� ityupasaṃhāraḥ | anayorbrahmaviṣayakatvenaikaṃ li"ngam | 
asakṛttattvamasītyabhyāsaḥ | mānāntarāgamyamahadaiśvaryamapūrvatvam | 
�yenāśrutaṃ śrutaṃ bhavati, amataṃ matamavijñātaṃ vijñāta� 
mityādyekavijñāne sarvavijñānaṃ phalam | yathā mṛttikāyāṃ jñātāyāṃ 
ghaṭaśarāvādikaṃ tatkāryatvāttadabhinnamiti vijñātaṃ bhavati 
tathaivetyarthaḥ | sṛṣṭisthitilayapraveśaniyamanāni pañcārthavādāḥ | 
mṛdādidṛṣṭāntā upapattayaḥ | etairli"ngairbrahmaparatvāt | 
nacānumānamantareṇa prayojanābhāvaḥ, dehādyahantānimajjanadvārā 
paripūrṇāhantonmajjanarūpamahāphalasya sambhavāt |
nanvevaṃ vedāntānāṃ brahmaparatve'pi te brahmaṇyeva na paryavasyanti | kintu 
śatyaṃ jñānamanantaṃ brahme�ti pārokṣyeṇa brahmatatvaṃ pratipādya 
paścādaparokṣaṃ vidadhati | evaṃ sati vedāntānāṃ śāsanāt 
śāstratvamupapadyate | anadhigatārthagantṛtvāt | kiñca śrotavya iti 
śabdajñānātmakaṃ śravaṇaṃ vidhāyāntaraṃ mantavyo nididhyāsitavya 
ityanubhavo jñānātmā vidhīyate | tasmādvedāntāḥ pratipattividhāyakā iti 
cenna | kartumakartumanyathākartumaśakyatvena 
apuruṣārthatvātpratipattividhirna sambhavatyeva | anuṣṭheyaśāsanādeva 
śāstratvaṃ nānyatheti niyamo nāsti, siddhavastusādhanenāpi tadupapatteḥ | 
na ca śabdena jñāte paścādanubhavātmakaṃ mananādikaṃ vidhīyata iti 
vaktuṃ yuktaṃ, daśamastvamasītivacchabdasyaivāparokṣajñānajanakatvena 
śābdabodhātpuraiva asambhāvanādinivṛttaye kartṛvyā-

pṛ0 35) pārarūpamananādervidhānāt | pramāṇānāṃ 
mohāpasaraṇamātraprayojanatvāt | ghaṭo'yamagragaḥ pratyakṣatvādityādau 
tathānubhūyamānatvāt | atra ghaṭo na kriyate, siddhatvāt | nāpi jñāpyate, 
pratyakṣeṇaiva jñāpyamānatvāt | kintvagragatvasādhanena nāgragamiti 
moho'panīyate | evaṃ dhūmali"ngena vahnimatvasādhanena 
avahnimatvarūpamoho'pasāryata iti vedāntā brahmaṇyeva paryavasitāḥ | ata eva 
�aitadātmyamidaṃ sarvaṃ tatsatya�miti śrutatvena, san ghaṭaḥ, san paṭa 
ityādirūpeṇa sarvatra sāmānyādiṣu 
sattājātivilakṣaṇasvarūpasattānuvṛttidarśanena 
satkāryatvāduktakṣaṇamupapadyate | jaḍasya 
svatassiddhasattānuvṛtyasambhavāt, svatantratāpattyā paratassiddha 
sattānuvṛtyasambhavaprakārasya darśitatvāt, 
saccidghanatvamakamevāpya"ngīkaraṇīyamiti karmaṇo 
jaḍatvenādṛṣṭotpādanodyamaśūnyatvāt, adṛṣṭasyāpi jaḍatvena 
svargatatsādhanībhūtadravyotpādanodyamaśūnyatvāt, 
sarvaprapañcasattārūpasvatantrasvaprakāśabrahmaiva 
sarvavedāntapratipādyamiti siddhāntaḥ ||
evaṃ sati tātparyaniścayahetuli"ngaṣaṭkena vedāntānāṃ brahmaṇi 
samanvayāt, tadbrahma uktalakṣaṇapramāṇagamyamahaiśvaryamiti bhāvaḥ |
evaṃ catussūtryā vicārakartavyatālakṣaṇapramāṇasamanvayaparayā 
vicārakartavyatādiṣu teṣu teṣu pratipāditeṣu 
saguṇanirguṇasampatpratīkopāsanāvyavasthāpanāpūrvakaṃ 
sā"nkhyamatanirākaraṇapūrvakañca sarvavedāntānāṃ brahmaṇi 
samanvayanirṇāyakasya prathamādhyāyasya, sā"nkhya-pātañjala-kāṇādā-
kṣapāda-sautrāntika-vaibhāṣika-yogācāra-mādhyamikārhata-pāśupata-
pāñcarātramatanirāsapūrvakaṃ pañcabhūtadaśendriyasṛṣṭisvarūpa 
niścāyakasya dvitīyādhyāyasya, 
karmaphalakṣayiṣṇutvavividhaduḥkhānubhavatātparyeṇa pañcāgnividyādīnāṃ 
vairāgyadārḍhyārthakatvapratipādanapūrvakaṃ 
svapnasuṣuptimūrchājīvāntaḥkaraṇaśārīradharmasvarūpanirṇayapūrvakañca 
guṇopasaṃhārapūrvakaṃ brahmavicārasādhakasādhanacatuṣṭayapratipādakasya 
tṛtīyādhyāyasya, tattadupāsanāphalanirṇāyakasya caturthādhyāyasya ca 
pariṇāmavādaviśiṣṭādvaitasiddhānta'pratipādanaidamparatvāt | tadaidaṃ 
paryasya ca 

pṛ0 36) kriyāsārādiṣu 
kārikārūpeṇopanyasanāttatprakārastatraivāvagantavya iti 
granthavistarabhayānneha likhyate |
upāsanāprakārastu | �asthūlamanaṇvahrasvamadīrgha� mityādi 
bṛhadāraṇyakaśrutyā, 
�yattadadreśyamagrāhyamagotramavarṇamacakṣuḥśrotraṃ tadapāṇipādaṃ | 
nityaṃ vibhuṃ sarvagataṃ susūkṣmaṃ tadavyayaṃ tadbhūtayoniṃ paripaśyanti 
dhīrāḥ� | iti muṇḍakopaniṣadvacanenaḥ,

niṣkalaṃ niṣkriyaṃ śāntaṃ niravadyaṃ nirañjanam |
amṛtasya paraṃ setuṃ dagdhendhanamivānalam ||
yadā carmavadākāśaṃ veṣṭayiṣyanti mānavāḥ |
tadā śivamavijñāya duḥkhasyānto bhaviṣyati ||

iti śvetāśvetaropaniṣadvacanena,
nāntaḥprajñaṃ na bahiḥprajñaṃ nobhayataḥprajñaṃ na prajñāghanaṃ na 
prajñaṃ 
nāprajñamadṛśyamavyavahāryamagrāhyamalakṣaṇamacintyamavyapadeśyamekātmapr
atyayasāraṃ prapañcopaśamaṃ śāntaṃ śivamadvaitaṃ caturthaṃ manyante sa 
ātmā sa vijñeyaḥ || amātraścaturtho'vyavahāryaḥ prapañcopaśamaḥ 
śivo'dvaita evamo"nkāra ātmaiva saṃviśatyātmanātmānaṃ ya evaṃ veda ||
iti māṇḍūkyopaniṣadvacanena,

cidrūpaṃ hi paraṃ tatvaṃ śivākhyaṃ viśvakāraṇam |
nirastaviśvakāluṣyaṃ niṣkalaṃ nirvikalpakam ||
sattānandaparisphūrtisamullāsakalāmayam |
aprameyamanirdeśyaṃ mumukṣubhirupāsitam ||
parabrahmamahāli"ngaṃ prapañcātītamavyayam |
tadetatsarvabhūtānāmāntarasthānagocaram ||

iti siddhāntaśikhāmaṇivacanāt,

pṛ0 37) praṇavo vācakastasya śivasya paramātmanaḥ |
akārastu mahadbījaṃ rajaḥ sraṣṭā caturmukhaḥ ||
ukāraḥ prakṛtiryoniḥ satvaṃ pālayitā hariḥ |
makāraḥ puruṣo bījī tamaḥ saṃhārako haraḥ ||
nādaḥ paraḥ pumānīśo nirguṇo niṣkriyaḥ śivaḥ |
evaṃ tisṛbhirevaitanmātrābhirakhilaṃ tridhā ||
abhipretya śivātmānaṃ bodhayatyardhamātrayā |
śivo vā praṇavo hyeṣa praṇavo vā śivaḥ smṛtaḥ ||
vācyavācakayorbhedo nātyantaṃ bhidyate kvacit |

iti śaive vāyavīyasaṃhitāvacanācca, 
praṇavavācyaparabrahmāparaparyāyaparamaśivasya mahāli"ngatvenopapādanāt, 
praṇavasya tāraka-danḍa-kuṇḍalārdhacandrajyotirūpatvena, 
akārokāramakārabindunādārdhamātrārūpattvena ca, 
tādṛśapraṇavaveṣṭinakārādīnāṃ mantrāṇāṃ 
samaṣṭirūpapraṇavātmakattvāttādṛśapraṇavasyaivamahāli"ngasvarūpattvāt, 
tadaṃśarūpācārādili"ngānāṃ pañcānāṃ grahaṇādindriyamukheṣu 
dṛḍhatarabhāvanāpūrvakabhāvali"ngākhyamahāli"ngabhāvanaivopāsaneti 
viśiṣṭādvaitivīraśaivānāṃ brahmasūtrārthavidāṃ nyāyābhijñānāṃ 
tātparyamiti tadanurodhena mahāli"ngādīnāṃ lakṣaṇānyabhidhīyante-
vyaṣṭipañcākṣarīrūpānandaunmukhyasūkṣmabahirmukhasthūlodyamakriyāsvabha
avaparādīcchājñānakriyātmakaśāntyatītādyupakalpitapañcakṛtyapariniyāma
katve sati, 
pañcākṣarīsamaṣṭipraṇavarūpacinmayaśāntyatītottarāsamarasattve sati, 
ānandajñānasatyābhinnamahāsādākhyaśivasādākhyalakṣaṇaniṣkalāmūrtasā
dākhyamūrtasādākhyarūpaniṣkalasakalakartṛsādākhyakarmasādākhyarūpasakal
abhāvaprāṇeṣṭalakṣaṇatrividhavilāsāsāditamahāli"ngādiṣaḍvidhavilāsav
attve sati, sarvapadārthānusandhātṛhṛdayagopyamukhavilāsittve sati, 
śabdādipratiniyatapadārthānusandhānakṛta-prakaṭeśāna-tatpuruṣā-ghora-
vāmadeva-sadyojāta-mukhavilāsittve sati,

pṛ0 38) nityattvaparipūrṇattvanirastasamastopaplavakala"nkattvaṃ 
mahāli"ngatvam, tadeva brahmattvamiti lakṣaṇam | lakṣaṇaṃ hi 
kevalavyatirekidharmaḥ | sa cetaravyāvartakaḥ |
nanu prapañcamātrasya brahmātmakattvena kathamitaravyāvṛttiriti cenna, 
prapañcasya viśiṣṭabrahmopādānakattvena viśiṣṭabrahmābhede'pi 
śuddhāvanyattvenetaravyāvṛttisambhavena tadarthaṃ 
lakṣaṇasyāvaśyakattvādvyāvṛttirvyavahāro vā lakṣaṇasya prayojanam ||
atra jīva īśo viśuddhaciditi cittttraividhyaṃ kecidupavarṇayanti | vayantu 
a"ngali"ngasthalamiti vadāmaḥ | tatra sthalaśabda āśrayavācī, tatra 
nityasambaddhā śaktiḥ pūjyapūjakalīlayā nyūnādhikabhāvāpannā satī 
sthalasya li"ngā"ngabhāvena 
dvaividhyamāpādayatītya"ngatattvādvyāvṛttirlakṣaṇasya prayojanamiti 
brūmaḥ ||
atra lakṣaṇe bhāvārthakapratyayāntānāṃ pratyekaṃ vyāvartakattve'pi 
viśiṣṭopāsanāprakaraṇapaṭhitayāvadguṇavatvaniyamasyāgameṣūpapāditatvā
dvaiśvānarādyupāsanā"ngatvena yāvadguṇavaiśiṣṭyavadyāvatāṃ 
viśeṣaṇānāṃ sārthakyam || guṇaviśiṣṭopāsanā nirguṇopāsanopakāriketi 
nirviśeṣabrahmavādinaḥ | �eṣa ātmāpahatapāpmā 
vijarovimṛtyurviśoko'vijighatso'pipāsaḥ satyakāmaḥ satyasaṃkalpaḥ || 
satyātmaprāṇārāmaṃ mana ānandam || parāsya śaktirvividhaiva śrūyate 
svābhāvikī jñānabalakriyā ce� tyādi śravaṇāt, 
�athavānantakalyāṇaguṇaikaghana īśvaraḥ | śiva ityucyate sadbhiḥ 
śivatatvārthavedibhi� riti smaraṇācca, 
vidhisamarpitayāvadguṇaviśiṣṭopāsanāyāḥ svataḥ 
puruṣārthasādhanatvamiti vastutatvam |

nakārastārakasthānaṃ makāro daṇḍa ucyate |
śikāraḥ kuṇḍalākāro vakāraścārdhacandrakaḥ ||
yakāro bindurūpo ya ūṃ kāraḥ pañcavarṇakaḥ |

pṛ0 39) ityādikaṃ pañcākṣarīvyaṣṭinakārādīnāṃ 
praṇavākārāvayavatārakadaṇḍakuṇḍalārdhacandrabindubhedopavarṇane 
pramāṇam | visturastu cidambaropaniṣadādiṣu draṣṭavyaḥ | yogapātañjale'pi 
�kleśakarmavipākāśayairaparāmṛṣṭaḥ puruṣaviśeṣa īśvaraḥ | tatra 
niratiśayaṃ sārvajñyabījam | sa pūrveṣāmapi guruḥ kālenānavacchedāt | 
tasya vācakaḥ praṇavaḥ | tajjapastadarthabhāvanami� ti 
pañcasūtrīprakriyayā ca praṇavasya tadvācyali"ngatattvasya ca nityasambandho 
varṇitaḥ | śrutyāpi �yo vedādau svaraḥ prokto vedānte ca pratiṣṭhitaḥ | 
tasya prakṛtilīnasya yaḥ paraḥ sa maheśvaraḥ ||� iti 
sadyojātādipañcabrahmamantraiḥ prakaṭapañcamukhavilāsittvamupavarṇitam | 
�yaḥ sarvajñaḥ sarvavidyasya jñānamayaṃ tapa� iti sarvajñattvamupavarṇitam 
| tacca 
bāhyakaraṇānapekṣanityāparokṣaniṣkala"nkānubhavaviṣayanikhilavastutvam | 
anena 
sakalacetanabahuvidhakarmabhogānukulatattaccharīranirmāṇapaṭīyastvamuktam | 
�ānando brahme�ti śruternityatṛptatvaṃ sidhyati | tacca 
nirastasamastopaplavakala"nkaniratiśayānandaparipūrṇatvarūpam | 
nityajñānattvamanādibodhattvam | śatyaṃ jñānamanantaṃ brahme�ti 
sāmānādhikaraṇyāt siddham | �vidyāvidye īśate yastu       so'nya� iti 
śruteḥ svātantryaṃ sidhyati | taccānyapreṣyatvakārpaṇyarahitattve sati 
vaśīkṛtasvetarasakalavastuttvarūpam | parāsya śaktirvividhaiva śrūyate | 
ākāśaśarīraṃ brahma | satyāttmaprāṇārāmaṃ mana ānandaṃ | 
śāntisamṛddhamamṛta� mityādinā anantaśaktikattvaṃ siddham | 
taccāparimitānantaśaktiviśiṣṭatvarūpam | evamanyānyapi 
lakṣaṇaśarīrapraviṣṭānyarthajātāni tatra tatra draṣṭavyāni ||
lakṣaṇāntargatamahāli"ngādilakṣaṇānītthaṃ vimarśanīyāni- 
mūlapraṇavābhinnasūkṣmakāryakāraṇaprapañcopādānakāraṇacicchaktyaparapa
ryāyaśāntyatītottarakalāsamarasatve sati, 
mahāsādākhyaniṣkalabhāvali"ngābhinna pañcakṛtyapariniyāmakattve sati, 
śuddhasarvapadārthānusandhātṛhṛdayalakṣaṇagopyamukhavilāsittvaṃ 
mahāli"ngatvam || 1 ||
ānandarūpaparāśaktyaparaparyāya-

pṛ0 40) yakāramantramayaśāntyatītakalāsamarasattve sati, 
śivasādākhyaniṣkalabhāvali"ngābhinnapratiniyataśabdaviṣayapadārthānusandh
ātṛprakaṭeśānamukhavilāsittvaṃ prasādali"ngatvam || 2 ||
aunmukhyalakṣaṇādiśaktyabhinnavākārābhinnamantramayaśāntikalāsamarasattve 
sati, 
amūrtasādākhyaniṣkalasakalaprāṇali"ngābhinnapratiniyatasparśaviṣayapadārt
hānusandhātṛprakaṭatatpuruṣamukhavilāsitvaṃ ja"ngamali"ngatvam || 3 ||
sūkṣmakriyecchāśaktyaparaparyāyaśikāramantramayavidyākalāsamarasatve sati, 
mūrtasādākhyaniṣkalasakalaprāṇali"ngābhinnapratiniyatarūpapadārthānusandh
ātṛprakaṭāghoramukhavilāsittvaṃ śivali"ngatvaṃ || 4 ||
bahirmukhajñānaśaktyaparaparyāyamakāramantramayapratiṣṭhākalāsamarasattve 
sati, 
kartṛsādākhyasakaleṣṭali"ngābhinnapratiniyatarasapadārthānusandhātṛpraka.
tavāmadevamukhavilāsittvaṃ guruli"ngatvam || 5 ||
mūlodyamakriyāśaktyaparaparyāyanakāramantramayanivṛttikalāsamarasatve sati, 
karmasādākhyasakaleṣṭali"ngābhinnapratiniyatagandhaviṣayānusandhātṛprakaṭ
asadyojātamukhavilāsitvamācārali"ngatvam || 6 ||
eṣāñca lakṣaṇānāṃ sarvatra lakṣye samanvayaḥ |
nanvevaṃ lakṣaṇalakṣitaṃ li"ngatatvaṃ prasiddhamaprasiddhaṃ vā ? ādye, 
prasiddhaviṣayavicārārthaṃ prabandho nārambhaṇīyaḥ, siddhasādhanāpatteḥ 
| dvitīye'pi, śaśaśṛ"ngāyamāṇaviṣayavicārārthaṃ prabandho 
nārambhaṇīyaḥ, vicārasya vyarthatvāditi cenna, 
yathāvidhyadhītavedāgamasa"ngṛhītapadapadārthasa"ngatikasya �brahmavidāpnoti 
para�mityādinā paramapuruṣārthasādhanatatvasvarūpe sāmānyataḥ parijñāte 
�annaṃ brahma | prāṇo brahma | mano brahma | vijñānaṃ brahma | ānando 
brahme�tyādāviva, sāmānyato li"ngatatvaparijñāne satyapi bhāvali"ngaṃ 
prāṇali"ngamiṣṭali"ngaṃ prasādali"ngaṃ śivali"ngaṃ 
guruli"ngamācārali"ngamiti bahūnāṃ li"ngatatvānāṃ śravaṇāt, tathā 
�ekameva paraṃ brahma paramānandalakṣaṇam | śivatatvaṃ śivācāryāḥ 
sthalamityāhurādarāt� ityādāvadvitīyatvaśravaṇācca, li"ngatatvaṃ 
kimekamanekaṃ veti sandehe, tathā �athavānantakalyāṇaguṇaikaghana īśvaraḥ� 
ityādinā kalyāṇa-

pṛ0 41) guṇaparipūrṇatvaśravaṇāt, ṅirguṇaṃ niṣkriyaṃ 
śānta�mityādinā nirguṇatvaśravaṇācca, li"ngatatvaṃ saguṇaṃ nirguṇaṃ 
vetyādibahuvidhasandehadolāsamārūḍhamanasthairyasamarpakāvirodhaphalakaparama
arthaprabandha ārambhaṇīyaḥ | tathāca 
sakalacidacitprapañcākāraṣaḍakṣarīmayaparamaśaktiviśiṣṭādvitīyavaibhav
asya, sakalanimāgamasārarahasyanidhānasya 
bhavaśarvarudrapaśupatyugramahādevabhīmeśānātmakāṣṭābhidhānaśaktipraka
aśitaparamamahimavilāsasya, 
svavibhūtiviśeṣanikhilacetanasamupāsanānuguṇasamuditanijaprasādasamarpitapur
uṣārthasārthasya, li"ngatatvasyā"ngatatvābhedapratipādakaśāstrārthavicāro 
nigamāgamaireva kartavya iti śrotavyavākyānniyamaḥ sidhyati | tataśca 
�juṣṭaṃ yadā paśyatyanyamīśamasya mahimānamiti vītaśoka� 
ityādiśravaṇāt, bhinnātmajñānānmuktiriti bhramasambhavena 
muktisādhanajñānāya bhinnātmapratipādakaśāstrāntaraśravaṇe'pi 
pravṛttiḥ syāditi tadvyāvṛttiḥ phalaṃ sidhyati | 
nanūpakramopasaṃhārāditātparyagrāhakairevādvitīye vastuni sarveṣāṃ 
nigamāgamavākyānāṃ samanvayādbhinnātmapratipādakaśāstravicārasya 
vyāvṛttiḥ sidhyatīti na tanniyamaḥ phalamiti cenmantrairaiva 
mantrārthasmṛtiryathākalpasūtrātmīyagrahaṇakavākyādīnāmapi pakṣataḥ 
prāptau tadvyāvṛttiṃ sampādayati, tadvadatrāpi śrotavyavidhiḥ 
pauruṣeyaprabandhabhāṣāprabandhānāmapi pakṣataḥ prāptau tadvyāvṛttiṃ 
sampādayatīti tanniyamavidhiphalam | 
pauruṣeyaprabandhabhāṣāprabandhādīnāṃ phalantu 
nigamāgamārthagrahaṇāsamarthasya cittaśuddhivairāgyādisampādakatvena 
kālāntarīyanigamāgamārtharahasyavicāradvārā mokṣasādhanamiti 
vastusthitiḥ ||
evaṃvidhali"ngatatvasyā"ngatatvasya ca sāmarasyaṃ śāstrasya viṣaya iti 
li"ngatatvanirūpaṇānantarama"ngatatvamabhidhīyate | tallakṣaṇānitu- 
guruli"ngaja"ngamaikyajñānatadarpitaparamopādeyaprasādasvīkārasukhapariṇaman
a, 
tadviṣayakakramikāvañcanāvaśyakatanumanodhanatyāgarūpayogabhogasākṣilakṣa
ṇaikya-śaraṇa-prāṇali"ngi-prasādi-māheśvara-bhakta-līlāpādaka-

pṛ0 42) samarasānandānubhavāvadhānaniṣṭhāśraddhālakṣaṇaṣaḍbhakti, 
bhāvajñānamano'ha"nkārabuddhicittāntaḥkaraṇaṣaṭkajñānendriyaṣaḍviṣaya
tṛptivācakaṣaḍakṣarakarmendriyatanmātrasadbhāvasujñānasumanoniraha"nkāras
ubuddhisucittaṣaṭkarūpaśaktimatvama"ngatvam || 1 ||
tatra 
māheśvaralīlākalpitasa"nkucitacidādiśaktisvabhāvasūkṣmarūpamānasavyomava
ayutejojalāvanyupahitatve sati, 
ūrdhvasṛṣṭivibhāganibandhanabhedapradaśuddhavidyāprakāśitvamupāsakatvam 
|| tasyopāsakasya bhaktatvādibhedastvittham-
guruli"ngaja"ngamaikyadhīpūrvakabhasmarudrākṣādiśivalāñchanaśivaśaraṇavi
ṣayatattanmāhātmyajñānopahitaniratiśayadṛḍhapremavatvaṃ bhaktatvam || 1 ||
śivanirūpitatādātmyasaṃbandhāvacchinnaguruli"ngaja"ngamaikyaniṣṭhādhiṣṭh
itatvaṃ māheśvaratvam || 2 ||
guruli"ngaja"ngamapādodakaprasādabhūtirudrākṣamantralakṣaṇāṣṭāvaraṇapa~
ncācāraviṣayakavismṛtiśūnyāvadhānavatvaṃ prasāditvam || 3 ||
vyādhyādivighnānulla"nghitapādodakaprasādavatve sati, tadananyabhogitve sati, 
prāṇali"ngatādātmyābhiniveśaviśeṣaśālitvaṃ prāṇali"ngitvam || 4 ||
prāṇali"ngobhayaviṣayakasatīpatibhāvāpāditasvādhikaraṇasatītvavatve sati, 
svopabhogyasatyantarābhāvaprakārakajñānanivṛttasatyantarabhogavatve sati, 
svacicchaktisammelanānandabharitatve sati, 
nivṛttimārgāvalambabhaktijñānavairāgyabharitatvaṃ śaraṇatvam || 5 ||
satīpatibhāvanivṛtyanantarabhāvanirbhāratvanirābhāratvanirvikalpatvārjitaś
ivasarvātmyavimarśalakṣaṇaśikhikarpūrayogopamitāntarmukhamahāli"ngaikalolat
vamaikyatvam || 6 ||
ātmā draṣṭavya ityādinā 
mokṣasādhanasyopakramopasaṃhārāditātparyali"ngopasthāpitasamanvayānuguṇāb
hinnātmajñānasya śravaṇamanananididhyāsanārūpopāsanārūpatvena, 
tadapekṣitopāsyaprāṇabhūtali"ngatatvasvarūpamabhidhāya, 
tada"nganirūpaṇamukhena 
tasminnupāsakatvamapyabhidhāyopāsanāprakārastāvadabhidhīyate-li"ngatatvasya 
śaraṇatatvama"ngaṃ; śaraṇasya li"ngaṃ prāṇa iti bījavṛkṣanyāyena 
sa"nkocavikāsābhyāmabhedapra-

pṛ0 43) tipattinairantaryaṃ 
sāmānyato'"ngatatvasya ṣaḍvidhali"ngatatvasāmyabhāvanārūpā 
prāthamikopāsanā | evaṃvidhaśaraṇasya 
svavimarśalakṣaṇagurukaṭākṣasamprāptopāsanārūpasvātmyapratyabhijñānaś
ālino 
bāhyendriyalakṣaṇaśrotrādyekaikendriyaviṣayaśabdādisakalapadārthānubhavas
ādhanāntarmukhamanovṛkṣasya praṇavarūpoktalakṣaṇamahāli"ngākhyabījasya 
cābhedapratipattinairantaryaṃ viśeṣopāsanā prāthamikī || 1 ||
vivakṣādhyavasāyoktirūpapaśyantyādikramikānugrahahetunādasunādamahānādar
ūpadeśikavākyalakṣaṇaśāstraśravaṇasādhanaśrotrasya 
yakārarūpaprasādali"ngasya ca bījavṛkṣavadabhedapratipattinairantaryaṃ 
viśeṣopāsanā dvitīyā || 2 ||
carali"ngaja"ngamali"ngamitiparyāyaśabdopasthāpitasya 
śītoṣṇādisparśapadārthagrahaṇasādhanībhūtasarvā"ngavyāpi tvagindriyaṃ 
vākāramayaja"ngamali"ngamityabhedapratipattinairantaryaṃ viśeṣopāsanā 
tṛtīyā || 3 ||
netragolakānupraviṣṭasakalarūpapadārthaprakāśanasādhanamahāprakāśo 
netrameva śikāramayaśivali"ngamityabhedapratipattinairantaryaṃ viśeṣopāsanā 
caturthī || 4 ||
madhurādiṣaḍrasabhāvāpannagurumūrtisvarūpaṣaḍakṣarīmantroccāraṇarasās
vādasādhanaṃ jihvaiva makāramayaguruli"ngamityabhedapratipattinairantaryaṃ 
viśeṣopāsanā pañcamī || 5 ||
īḍāpi"ngalākhyanāḍīdvayadvārakaprāṇavāyusañcārāśrayasatkarmācaraṇa
hetubhūtadehaśuddhirūparecakādikramotpannaprāṇāyāmācaraṇasādhanaṃ 
ghrāṇameva nakāramayācārali"ngamityabhedapratipattinairantaryaṃ 
viśeṣopāsanā ṣaṣṭhī || 6 ||
tathā ca sāmānyaviśeṣabhedabhāvanā dvividhāpyupāsanā ṣaḍvidhā 
bhavatīti ṣaḍvidhā apyupāsanāḥ prakāśitāḥ |
nanu ṣaḍvidhopāsanāvaṣṭambhāddehopādhinivṛtyanantaraṃ 
saptadaśatatvātmakasthūlopādhestanmūlapāśarūpakāraṇaśarīrasya ca 
nāmarūpātmakasya li"ngatatve kimaikyaṃ nāma hiraṇye kaṭakamukuṭādīnāmiva 
mṛtpiṇḍādau ghaṭādināmiva nivṛttiḥ ? kācakāmalādidoṣakalpitasya 
śuktikādau rajatāderiva 
nidrāvaśājjivātmasvāpnikaprapañcasyevādhiṣṭhānatatvasākṣātkārādvā 
bādhaḥ ? nādyaḥ, hiraṇyamṛdādau kāraṇe

pṛ0 44) nivṛttasya nāmarūpātmakakaṭakamakuṭaghaṭakapālādiprapañcasya 
kālāntare svarṇakārakumbhakārāditattatkartṛvyāpārādhīnā punarjaniriva 
muktasya kāraṇātmanāvasthitasya punaḥ saṃsāritvāpatteḥ | nāpi dvitīyaḥ, 
li"ngatatvasākṣātkārasya 
prapañcapariṇāmyupādānakāraṇanivṛttinibandhanatvena tvanmate 
prapañcapariṇāminyāḥ śakteḥ paramatatvadharmarūpāyā 
nāśābhyupagamāsambhavāt | na ca śikhikarpūrayogavatpūrvabhāvanivṛttiriti 
vācyaṃ, tatrāpi bhūtaviśeṣakarpūrasya svakāraṇe tejasi 
nivṛttisadbhāvāpattiriti kāraṇātmanāvasthānānnātiricyate | 
bījavṛkṣanyāyo'pi ṅyagrodhaphalamata āhare� tyādinā śvetaketuṃ prati 
navakṛtvaḥ punaḥ punardṛṣṭāntaiḥ �mahān nyagrodhastiṣṭhatī� tyantena 
śanmūlāḥ saumyeyāḥ sarvāḥ prajā� iti satkāryatva pratipādane paryavasita 
iti sacchabdavācyali"ngatatve'"ngatatvasya bādha ityapi vaktumaśakyatvāt | 
tarhi kinnāma sāmarasyamiti cenna | anirvacanīyāṃ khyātima"ngīkṛtya 
anādisāntamāyāli"ngatatvasambandhasya jagadātmanā pariṇamanasya 
cā"ngīkāre'pyekatriṃśattamamāyātatvasya tadviśeṣarūpāvidyāyāśca 
sadbhāvāttadvirodhividyodayena pāśaśābditāvidyānivṛttau jaḍānāṃ 
cetanānāñca kāraṇībhūtasadātmanā-vasthānaṃ sāmarasyam | 
pāśanivṛttiścādhikaraṇātmikaiva | etena kā punaḥ pāśanivṛttiḥ, 
sadrūpā asadrūpā vā sadasadrūpā vā ? nādyaḥ, advitīyatvahāniprasa"ngāt 
| na dvitīyaḥ, pāśanivṛtterasadrūpatve vidyāyāḥ phalābhāvaprasa"ngāt | 
na tṛtīyaḥ, baddhamuktayoranirvacanīyasambandhānuvṛtteraviśeṣaprasa"nga 
ityādi nirastam | tathā ca 
manaḥśrotratva"nnetrarasanāghrāṇalakṣaṇaṣaḍindriyāṇāṃ 
jñānakaraṇānāṃ jaḍānāṃ cetane 
mahāli"ngaprasādali"ngaja"ngamali"ngaśivali"ngaguruli"ngācārali"ngalakṣaṇe 
bījavṛkṣanyāyena 
kāraṇātmanāvasthānarūpasāmarasyānusandhānalakṣaṇopāsanāpratipādanena 
cetanādutpannānāmacetanānāṃ punaścetanatāpattau paryavasānam | tato 
jaḍeṣu karaṇeṣu li"ngaśabdavyavahāro'pi ṣaṇṇāṃ 
tattadavacchinnacaitanyānāṃ pramāṇacaitanyākhyānāmuktarītyā

pṛ0 45) jaḍopādhinivṛttau pūrvabhāvāpatyābhiprāyasūcanārthaḥ | tato 
nivṛttipratiṣṭhāvidyāśāntiśāntyatītaśāntyatītottarābhiḥ ṣaḍbhiḥ 
kalābhiḥ 
sahācārali"ngaguruli"ngaśivali"ngaja"ngamali"ngaprasādali"ngamahāli"ngānyeva 
ghrāṇajihvānetratvakśrotramānasaiḥ saha 
bhaktamāheśvaraprasādiprāṇali"ngiśaraṇaikyarūpatāmāsādya 
gandharasarūpasparśaśabdasarvagrāhakatvena 
ghrātṛrasayitṛdraṣṭṛspraṣṭṛśrotṛsarvagṛhītatvena ṣaḍbhedamāpannāni 
pramātṛli"ngatatvābhinnānīti sāmānyataḥ pramātṛviṣayiṇī 
viśiṣṭopāsanā prāthamikī | evaṃ ghrātrādirūpeṇa 
tattatpramātṛviśeṣābhedopāsanāḥ ṣaḍapi yathāsambhavamuktakrameṇa 
tadviśiṣṭatvenohanīyāḥ ||
etāsāmupāsanānāṃ phalantu pāśanivṛttiḥ | pāśastu paśudharmaḥ | 
paśutvantu kāṣṭhagatāgnivisphuli"ngavadīśvaracikīrṣāsāditabhedavatve 
sati, 
īśvaramāyāvaṣṭabdhavāsanāpratibimbitatvāṇavakārmamāyikamalāvṛtatve 
sati, 
sarvakartṛtvasarvajñatvaparipūrṇatvanityatvavyāpakatvavilakṣaṇakiñcitkartṛ
tvakiñcijjñatvāpūrṇatvānityatvāvyāpakatvāpāditakalāvidyārāgakālaniyat
irūpapañcakañcukavatve sati, aunmukhyagarbhitecchā 
śaktisphuritajñānakriyānyā'nyabhāvalakṣaṇamāyāpratisphuritasukhaduḥkha 
mohapradasatvarajastamassāmyāvasthālakṣaṇapañcaviṃśatitatvarūpa 
pāśavatvam | tadeva jīvatvam ||
nanu paśuśabdito'yaṃ jīva eko'neko vā ? ādye eko jīvaḥ, ekameva ca 
śarīraṃ sajīvaṃ, anyāni tu svapnāvasthopakalpitavicitra 
taraśarīravannirjīvāni | tadajñānaparikalpitañca sarvaṃ jagatsvapnopalabdhi 
viṣayavadyāvadavidyāvasthāyi, tāvadeva ca sarvo vyavahāraḥ | baddho mukta 
iti vyavahāro'pi svāpnapuruṣāntaramuktyādikamiva kalpita eva 
jīvasyaikatvāditi kecidāhustanna, �adhikantu bhedanirdeśāt� 
�lokavattulīlākaivalyam� �aṃśonānāvyapadeśāt� ityādisūtrairvirodhāt | 
tathā ca hiraṇyagarbha eko mukhyo jīvaḥ, anye tu 
citrapaṭalikhitamanuṣyadehārpitapaṭābhāsakalpāstatpratibiṃbabhūtā

pṛ0 46) jīvābhāsāssaṃsārādibhāja iti 
saviśeṣānekaśarīraikajīvavādinaḥ || tadapi na, hiraṇyagarbhasya 
mukhyajīvābhimatasya bimbabhūtasya pratikalpaṃ bhedātkasya hiraṇyagarbhasya 
tathātvamityatra niyāmakābhāvāt | evameka eva jīvaḥ 
sarvaśarīramadhitiṣṭhatīti nirviśeṣānekaśarīraikajīvavādinaḥ | naca 
tathā sati śarīrāvayavabhedāccharīrabhede satyapi 
parasparasukhaduḥkhādyanusandhānaprasa"ngaḥ, 
janmāntarasukhaduḥkhādyanusandhānavajjīvaikye'pi 
parasparasukhaduḥkhādyananusandhānopapatteḥ | nanu yogināṃ kāyavyūhavaśena 
sukhaduḥkhādyanusandhānadarśanāccharīrabhede'pi jīvaikyena 
sukhaduḥkhādyanusandhānavatvena, naiyatvaṃ kalpyata iti cenna, yogamahimnā 
vyavahitārthagrahaṇavattasyānudāharaṇatvāt | tato 
nirviśeṣānekaśarīraikajīvavādaḥ sa"ngata iti tadapyāpātaramaṇīyam, 
baddhamuktavyavasthābhāvasya tulyatvāt | �tadyo devānāṃ pratyabuddhyata sa 
eva tadabhavadi�tyādiśruteḥ, �pratiṣedhāditi cenna śārīrādi�tyadhikaraṇe 
śukamuktatvapratipādakabhāṣyavirodhācca | etena, avidyāpratibimbabhūto jīva 
ekaḥ, avidyāvacchinno jīva eka iti pakṣadvayepyekajīvavādo nirastaḥ || 
dvitīye'pyantaḥkaraṇasya jīvopādhitvama"ngīkṛtya, anekajīvavādānusāreṇa 
baddhamuktavyavasthāyāmapi teṣāṃ jīvānāṃ brahma-    
vidyānivartyamajñānamekamanekaṃ veti viṣaye tatra kecit- 
śuddhabrahmāśrayaviṣayamekamevājñānaṃ tannāśa eva ca mokṣaḥ | na ca 
tathāsatyekasminsādhanasampanne vidyodayenājñānanāśātsarvamuktiprasa"ngaḥ, 
ekasyaivājñānasya sāṃśatvamabhyupagamya, jīvanmuktatādaśāyāṃ 
ajñānaleśānuvṛttyabhyupagamātsāṃśasyājñānasya 
kvacidupādhāvantaḥkaraṇe brahmāvagamotpattāvaṃśenaiva nivṛttiḥ, tata 
upādhyantareṣu yathāpūrvamanuvṛttiriti vaktuṃ śakyatvāt, 
tatassāṃśamevājñānamekamevetyāhuḥ; tanna, 
ekasyājñānasyāṃśanānātvābhyupagame bahutarāṃśanāśakalpanāyāṃ 
gauravāt | niraṃśamekamevājñānamiti pakṣastvitthaṃ nirvahaṇīyaḥ- 
nyāyaikadeśimate bhūtale ghaṭātyantābhāvasya vṛttau ghaṭasaṃyogābhāvo 
niyāmakaḥ, tathā ca satyanekeṣu pradeśeṣu saṃsṛjya

pṛ0 47) vartamāno ghaṭātyantābhāvaḥ kvacitpradeśaviśeṣe 
ghaṭasaṃyogotpattyā svānivṛttau na saṃsṛjyate, evamajñānasya caitanye 
vṛttau mano niyāmakamiti tadupādhinā caitanyapradeśeṣu saṃsṛjya 
vartamānamajñānaṃ brahmadarśanotpattyā �bhidyate hṛdayagranthi� 
rityādiśrutyuktarītyā manaso nivṛttau na saṃsṛjyate, anyatra 
yathāpūrvamavatiṣṭhate | ajñānasaṃsargāsaṃsargāvevabandhamokṣāviti 
niraṃśamevājñānamiti | tanna, mayyajñānamastīti 
bhāvarūpeṇājñānamanubhūyata iti bhāvarūpājñānasya vṛttau 
manaḥsambandhasya niyāmakatvakalpanāyāṃ dṛṣṭāntavaiṣamyāt; 
mayyajñānamastīti jīvāśrayatvena anubhūyamānatvācca | brahmāśrayatve ca 
jīvāviśeṣādbrahmaṇo'pi baddhatvaprasa"ngaḥ | nahyadhiṣṭhānatvena 
brahmaṇo'jñānāśrayatvaṃ baddhatvāpādakaṃ, jīvasya tu mamedamiti 
kartṛtvenājñānāśrayatvasya baddhatvavyavasthāpanāt | tato nājñānaṃ 
śuddhacaitanyāśrayaṃ kintu jīvāśrayaṃ brahmaviṣayaṃ | 
taccāntaḥkaraṇapratibiṃbarūpeṣu sarvajīveṣu vyaktiṣu 
jātivadbhāvarūpeṇa pratyekaparyavasitatayā vartamānamutpannavidyaṃ 
kañcideva puruṣaṃ naṣṭāṃ vyaktiṃ jātiriva tyajati, sa cājñānatyāgeva 
pāśavicchedalakṣaṇo mokṣaḥ | anyatropādhyantareṣu            vyaktantareṣu 
jātiriva yathāpūrvamāśrayatīti dṛṣṭāntāvaiṣamyādbhāvarūpājñānaṃ 
niraṃśamekameveti | tadapi na, dṛṣṭānte jāternityatvena naṣṭāṃ vyaktiṃ 
visṛjatyapi svayamāśrayanāśāt, tatsaṃsargarahitā sarvatra vartate na 
naśyati | tadvadatrāpi svāśrayajīvanāśe sati taṃ tyajati nityatvena svayaṃ 
vartata iti vaktumaśakyatvena tatrāpi dṛṣṭāntavaiṣamyāt | tataḥ 
pratijīvaṃ bhinnabhinnamajñānamabhyupagamya baddhamuktavyavasthāyāḥ 
samarthanīyatvenājñānaśabditasyāpi pāśasya nānātvamiti vastusthitiḥ |
nanvasminpāśanānātvapakṣe kasya jīvasya pāśena prapañcaḥ kṛta iti 
cedvinigamanāvirahātsarvapāśakṛto'yaṃ prapañcaḥ, anekatantvārabdhapaṭavat 
| ekasya pāśavicchede ekatantunāśe tatsādhāraṇapaṭanāśavat | 
tatsādhāraṇaprapañcanāśaḥ | tathaiva tantvantaraiḥ paṭāntarasadbhāva iva 
pāśāntarārabdhaḥ  

pṛ0 48) sakaletarasādhāraṇaprapañcāntarasadbhāva upapadyata iti 
prakṛtamanusarāmaḥ ||
tadevaṃ pāśanānātvapakṣānusāreṇa 
prapañcasyāśeṣajīvāvidyāparikalpitatvapratipādanātpratijīvaṃ bhinna 
bhinnamajñānaṃ puraskṛtya bandhamokṣayorupapādanasambhavena, tasya 
cājñānasya jāteriva nityatvapratipādanānaucityāt, 
tatsaṃsargāsaṃsargāveva bandhamokṣāviti bhāvarūpamekamevājñānaṃ 
kartṛtvena jīvāśrayaṃ brahmaviṣayaṃ, tadavacchinno jīvo nānā | 
antaḥkaraṇameva jīvopādhiḥ, tadupahitopajīvaḥ paśuḥ | 
pāśaścoktalakṣaṇānusāreṇa 
māyāpratisphuritasukhaduḥkhamohapradasatvarajastamassāmyāvasthālakṣaṇapañc
aviṃśatitatvarūpaḥ | pāśanivṛttistu li"ngā"ngasāmarasya 
viṣayakoktadvādaśavidhopāsanānibandhanā | taddvārā 
pañcācārāṣṭāvaraṇaviśiṣṭasyādhikaraṇātmikā muktiriti 
śaktipariṇāmyupādānakāraṇavādivīraśaivasiddhāntasaraṇiriti sarvaṃ 
samañjasam ||

iti 
śrīmadanādinirañjanaja"ngamāparāvatāratoṇṭadasiddheśvaraprasādāsādita"
sāmbhavāgamāmbodhimathanajanitaniruttaraikottaraśatasthalabhedabhinnaṣaṭsthal
atattvabodhasudhā 
svādānandasandohapradāyakācāryavaryaśrīmaritoṇṭadāryaviracite 
yaḍavamurārikoṭekolāhalaikā"ngivīravairisaptā"ngaharaṇapaścimasamudrādhī
śvaraviśuddhavaidikādvaitasiddhāntapratiṣṭhāpanācāryakeladisadāśivarāya
nāyakavaṃśadugdhārṇavacandravīrabhadradharaṇīndradharmmapatnīmallāmbāhṛ
dayānandabasavavasudhāsa"nkrandanopadeśe vīraśaivānandacandrikāyāṃ 
vādakāṇḍe prathamaṃ prakaraṇam ||

pṛ0 49) vīraśaivānandacandrikāyāṃ 
vādakāṇḍe
dvitīyaṃ prakaraṇam

svāminnaśeṣaśāstrārtharahasyajñānaśevadhe |
vīraśaivasabhāmadhye muṭikākṣepapūrvakam ||
śrīvīraśaivasiddhāntapratiṣṭhāpanakāriṇam |
āditaśśīlavadvaryaṃ bhṛ"ngī kiṃkimabhāṣata ||
hāsaṃ sabhāsadāṃ tanvan śīlavadvacanasya ca |
prakāśayanvaiparītyaṃ kākuvaktrakriyādibhiḥ ||
asāntvayatkathaṃ tañca śīlavānucitoktibhiḥ |
etatsarvaṃ samācakṣva guro mayi dayāvaśāt ||
rājannabhyāgatatvena gurostadvādapūrvakam |
śīlavān bhṛ"ngiṇaḥ sāntvamakaroditi tadbruve ||

śrīguroḥ 
puruṣārthacatuṣṭayābhyarhitamokṣāsādhāraṇakāraṇali"ngā"ngasāmarasyaru
upaviśiṣṭādvaitajñānapradātṛtvena sarvābhyarhitatayā, tadupasadanasya, 

pṛ0 50) �tadvijñānārthaṃ sagurumevābhigacchetsamitpāṇiḥ śrotriyaṃ 
brahmaniṣṭha�miti muṇḍakopaniṣadvihitasya 
a"ngāptasthānasadbhāvādirūpasyābhyarhitatvāt, �yasya deve parā 
bhaktiryathā deve tathā gurau | tasyaite kathitā hyarthāḥ prakāśante 
mahātmana� iti śvetāśvataropaniṣadi guroḥ svopāsyeṣṭadevatātādātmyena 
bhāvanāyā gurūpadiṣṭavadanupadiṣṭasyārthasya 
prakāśanasādhanatvakathanācca, gurureva 
niḥśreyasārthibhirmumukṣubhirvīraśaivaiḥ prathamamupāsyaḥ | 

tallakṣaṇantu śivasūtravārtike-

agādhasaṃśayāmbodhitārakānugrahapradaḥ |
paramajñānarūpatvād gurureva paraḥ śivaḥ ||

śivadharmottare-

sa eva vandyaḥ paripūjanīyaḥ 
sa eva mātā jagatāṃ pitā ca |
sa eva bandhuḥ sa guruḥ śivassyāt 
jñānāmṛtaṃ yaḥ paramaṃ pradadyāt ||

sūtasaṃhitāyāṃ śaivaratnākare ca-

gurumūrtiḥ śivaḥ sākṣānnānyathā ca sureśvara |
vartate pādayugme tu trailokyaṃ sacarācaram ||

iti vacanena 
nānāviṣayatattvajñānaprayuktaprākṛtajanadurnivārasakalaśāstrārthasaṃśa
yanivartakavātsalyaviśeṣapraṇītānugrahakartṛtayā sarva-

pṛ0 51) śarīribandhurūpatayā paripūjanīyatvena, 
sacarācaratrailokyādhārapādayugmaśālitayā, śivābhinnattvena 
pratipādanādgurureva sarvottaraḥ ||
nanu padārthatatvajñānapūrvaka 
paramātmaviśeṣyaketarabhinnatvaprakārakajñānamekaviṃśatividhasvasamānādhi
karaṇaduḥkhaprāgabhāvāsamānakālīnaduḥkhadhvaṃsarūpamokṣasādhanamiti 
tārkikā manyante ||
prakṛtipuruṣavivekajñānaṃ sātvikadharmajñānavairāgyaiśvaryanimittaka 
prakṛtivilayo'pratihatagatiphalakakramikordhvagamanarūpamokṣasādhanamiti 
nirīśvarasā"nkhyasampradāyavidaḥ ||
pātañjalāstu prakṛtiṃpuruṣobhayādhiṣṭhātṛtvena 
sakalendriyasamaṣṭivyaṣṭisūtrātmano hiraṇyagarbhasya tadvyatiriktatvenāpi 
jñānaṃ mokṣasādhanamiti manyante ||
codanālakṣaṇadharmānuṣṭhānadvārā dehātmabhedajñānaṃ 
duḥkhaprāgabhāvaparipālanarūpamokṣasādhanamiti pūrvamīmāṃsakāḥ ||
pañcavidhabhedaghaṭitajagatsatyatvajñānapūrvakatāratamyakṛtasevyasevakabhāv
abhedajñānapūrvikā sarvadevottamatvena prakṛteḥ paratvena ca nārāyaṇe 
jñānapūrvikā bhaktirnirāvaraṇanijasukhānubhavarūpamokṣasādhanamiti 
bhedavādino mādhvāḥ ||
tāpādipañcasaṃskārayuktatayā vīravaiṣṇavatvaṃ prāpya, 
śravaṇamanananididhyāsanadvārā nikhilaprapañcaśarīrasya 
paravyūhavibhavārcyāntaryāmi rūpasya paravāsudevasya sarvaśeṣatvena 
sarvaśarīratvena bhaktirūpaviśiṣṭādvaitajñānaṃ, 
aṇḍabhitteruparyaprākṛtavaikuṇṭhe aprākṛtasahasrastambhamaṇḍape 
drāviḍaprabandhakartṛnammālvarprabhṛti bahuprapannādhiṣṭhite 
sudarśanadvārā brahmāṇḍādudgatya virajāmuttīrya, 
amānavakarasparśaparipūtatayā 
lakṣmīpatitvarahitetarasarvasārūpyadāsyānubhavanairantaryeṇāvasthānarūpam
uktisādhanamiti viśiṣṭādvaitavādino rāmānujāḥ ||

pṛ0 52) 
nīlakaṇṭhatvatrinetratvomāsāhāyatvacandraśekharatvādiviśiṣṭanityadivyama
"ngalavigrahaṣaḍa"ngadaśāvyayaṣaḍguṇaiśvaryaparipūrṇasya ṣaṭtriṃśatta
tvottīrṇasvabhāvasiddhanityanirmalaniratiśayasarvārthajñānakriyāśaktiyukta
tayā pañcakṛtyapariniyāmakasya patiśabditasya paramaśivasya 
prapañcaśarīrasya sarvaśeṣatvarūpaviśiṣṭādvaitajñānaṃ, 
śivaprasādajanyabhaktidvārā brahmāṇḍādbahiḥ 
paramapadākhyāprākṛtakailāse nandyādipramathagaṇapariṣkṛte 
pārvatīpatitvarahitaparamaśivasāmyenāvasthānarūpamokṣasādhanamiti 
nīlakaṇṭhācāryamatāvalambinaḥ ||
prapañcasyānirvacanīyatvarūpamithyātvenāntaḥkaraṇapratibiṃbarūpajīvanirv
iśeṣabrahmaikyajñānaṃ, avidyānivṛttidvārā 
saccidānandarūpakūṭasthasvarūpāvāptirūpa 
kaivalyasādhanamityadvaitavādinaḥ ||
ityetādṛśabahuvidhabhedābhedamuktijanakajñānopadeśakagurūṇāṃ bahūnāṃ 
vidyamānatvādvīramāheśvaraguroreva sarvottamatvamiti kathamadhyavasīyata iti 
ceducyate, 
li"ngā"ngasāmarasyarūpamuktisādhanībhūtatatsāmarasyānusandhānasyāsādhār
aṇatayā mokṣahetutvena tādṛśaviśiṣṭādvaitajñānapradāyakasya 
vīramāheśvarasampradāyapravartakasyaikottaraśataprabhedabhinnaṣaṭsthalajñā
nasampannasyā"ngali"ngamukhahastaśaktibhaktimantrapadārthākhyāṣṭavidhārpaṇ
arūpamānasānusandhānaviśeṣaniṣṭhasya 
śāntyādyasādhāraṇagurulakṣaṇalakṣitasya 
gurorevetarāpekṣayābhyarhitatvam |

tathāhi siddhāntaśikhāmaṇau-

upaiti loka vikhyātaṃ lobhamohavivarjitam |
ātmatattvavicārajñaṃ vimuktaviṣayabhramam ||
śivasiddhāntatattvajñaṃ chinnasandehavibhramam |
sarvatantraprayogajñaṃ dhārmikaṃ satyavādinam ||

pṛ0 53) kulakramāgatācāraṃ kumārgācāravarjitam |
śivadhyānaparaṃ śāntaṃ śivatattvavivekinam ||
bhasmoddhūlananiṣṇātaṃ bhasmatattvavivekinam |
tripuṇḍradhāraṇotkaṇṭhaṃ dhṛtarudrākṣamālikam ||
li"ngadhāraṇasaṃyuktaṃ li"ngapūjāparāyaṇam |
li"ngā"ngayogatattvajñaṃ nirūḍhādvaitavāsanam ||
li"ngā"ngasthalabhedajñaṃ śrīguruṃ śivavādinam |
seveta paramācāryaṃ śiṣyo bhaktisamanvitaḥ || iti ||

�aśmādivacca tadanupapattiḥ� �adhikantu bhedarnideśāt� �aṃśo 
nānāvyapadeśā�dityādisūtrairyathāśmanāṃ 
vaiḍūryasūryakāntaprabhṛtīnāṃ pāṣāṇātmanā abhede'pi 
vyaktibhedāddhīnamadhyamottamasvabhāvena svarūpavaicitryaṃ 
kāryavaicitryañca, evaṃ jīvaparamātmanorapi vyaktibhedāddhīnādhikabhāvaḥ 
kāryavaicitryañcopapadyata ityuktam | naca pāṣāṇatvasāmānyamabhinnaṃ 
vyaktayastu bhinnā eveti naikatra bhedābhedāviti vācyaṃ, 
pāṣāṇatvasāmānyāvacchinnapratiyogikabhedābhāvarūpābhedasya 
vaidūryatvādyavacchinnapratiyogikabhedasya ca vyaktiṣveva sampratipannatvāt | 
na caivaṃ vajravaidūryayorapi sāmānādhikaraṇyavyavahāraprasa"ngaḥ, 
sāmānyābhedollekhinastasyāvaśyābhyupeyatvāt, viśeṣābhedasyacābhāvāt | 
ata eveśvare'pi ātmatvenaiva jīvābhedadṛṣṭiḥ sūtritā �ātmeti 
tūpagacchanti grāhayanti ce�ti | evaṃ 
sthalatvāvacchipratiyogikabhedābhāvarūpābhedasya 
li"ngā"ngasthalayorubhayorvidyamānatvenābhinnatve'pi, 
a"ngatvali"ngatvāvacchinnapratiyogikabhedasyobhayatra 
vidyamānatvenobhayorbhinnatvādekatraiva bhedābhedau staḥ | evaṃ savimarśaṃ 
sayuktikaṃ li"ngā"ngasāmarasyarūpaviśiṣṭādvaitajñānasya 
mahāli"ngābhedarūpamokṣasādhanatvāt, etā-

pṛ0 54) dṛśajñānamuktyoḥ 
pūrvoktavādivrātapratipāditajñānamuktyapekṣayā 
sopapattikattvenātyantābhyarhitattvāttadupadeṣṭā vīraśaivagurureva 
lokottara iti siddham ||

iti 
śrīmadanādinirañjanaja"ngamāparāvatāratoṇṭadasiddheśvaraprasādāsādita"
sāmbhavāgamāmbodhimathanajanitaniruttaraikottaraśatasthalabhedabhinnaṣaṭsthal
atattvabodhasudhāsvādānandasandohapradāyakācāryavaryaśrīmaritoṇṭadāryavi
racite 
yaḍavamurārikoṭekolāhalaikā"ngivīravairisaptā"ngaharaṇapaścimasamudrādhī
śvaraviśuddhavaidikādvaitasiddhāntapratiṣṭhāpanācāryaṃ 
keladisadāśivarāyanāyakavaṃśadugdhārṇavapūrṇacandravīrabhadradharaṇīnd
radharmapatnīmallāmbāhṛdayānandabasavavasudhāsa"nkrandanopadeśe 
vīraśaivānandacandrikāyāṃ vādakāṇḍe dvitīyaṃ prakaraṇam ||

pṛ0 55) vīraśaivānandacandrikāyāṃ
vādakāṇḍe
tṛtīyaṃ prakaraṇam |

vīraśaivagurūtkarṣaṃ guruvādoktivistaraiḥ |
śrutvā hṛṣṭo'bhavaṃ svāminyadanyattacca kīrtaya ||
śṛṇu rājan vadāmyadya li"ngadhāraṇavaibhavam |
vādarūpeṇa suśrāvyaṃ śrutyāgamavaconvitam ||

vīraśaivamatapravṛttānāṃ li"ngā"ngasāmarasyānusandhānasyaiva 
mokṣajanakatvenāpekṣitatayā 
tatreṣṭali"ngadhāraṇasyāntara"ngatvenābhyarhitatvāttaddhāraṇe bahūnāṃ 
pramāṇānāṃ jāgarūkatvālli"ngadhāraṇamavaśyaṃ kartavyam ||

tathāhi vātulatantre-

atisthireṇa manasā yāvajjīvaṃ jagadguroḥ |
śivasya li"ngaṃ dhatte yastadetatparamaṃ vratam ||

pārameśvare-

sadā vibhūtisamparkātsadārudrākṣadhāraṇāt |
dhāraṇānmama li"ngasya so'hameva na saṃśayaḥ ||

pṛ0 56) vibhūtiryasya phāle'sti kaṇṭhe li"ngaṃ madātmakam |
rudrākṣadhāraṇaṃ dehe so'haṃ devi na saṃśayaḥ ||
vibhūtirapi rudrākṣaṃ li"ngaṃ yasya trayaṃ tanau |
sa sākṣādrudra īśāni so'hameva na saṃśayaḥ ||

siddhāntaśekhare-

li"ngañca trividhaṃ proktaṃ sthūlaṃ sūkṣmaṃ parātparam |
iṣṭali"ngamidaṃ sthūlaṃ tadbahirdhārayettanau ||
prāṇali"ngantu tatsūkṣmaṃ yadantarbhāvanāmayam ||
parātparantu yatproktaṃ tṛptili"ngaṃ taducyate |
bhāvanātītamavyaktaṃ paraṃ brahma śivābhidham ||
iṣṭali"ngamidaṃ sākṣādaniṣṭaparihārakam |
dhārayedavadhānena śarīre sarvadā budhaḥ ||

vātulatantre-

mūrdhni vā kaṇṭhadeśe vā kakṣe vakṣassthale'pi vā |
kukṣau hastasthale vāpi dhārayelli"ngamaiśvaram ||
dhārayanniyate deśe pavitraṃ li"ngamaiśvaram |
mūtrādyutsarjane yāne bhojane ca sadā śuciḥ ||
gacchaṃstiṣṭhan svapan jāgradunmiṣannimiṣannapi |
śucirvāpyaśucirvāpi li"ngaṃ sarvatra dhārayet ||

ityādyāgamavacanaprāmāṇyānusāreṇa 
mumukṣubhirvīraśaivavrataparāyaṇaiḥ,

tanutrayagatānādimalatrayamasauguruḥ |
dīkṣātrayeṇa nirdahya li"ngatrayamupādiśat ||

pṛ0 57) iti vacanāvagatavedhāmantrakriyārūpabhedabhinnadīkṣātrayeṇa 
sthūlasūkṣmakāraṇaśarīratrayānusyutāṇavamāyeyakārmikarūpamalatrayonmū
lanapūrvakaṃ tanutrayasya tyāgā"ngabhogā"ngayogā"ngatvamāpādya 
gururiṣṭali"ngaprāṇali"ngabhāvali"ngasvarūpamupadiṣṭavāniti 
li"ngadhāraṇasya paramapuruṣārthasādhakatvaṃ prasādhayatsu vacaneṣu 
viśvāsapūrvakaṃ li"ngadhāraṇasyāvaśyakāryatvaṃ, tasya ca 
sārvakālikaśucitvāpādakatvena sadā dhāryatvaṃ, li"ngadhāraṇa 
vratānuṣṭhānaniṣṭhasya sākṣācchivarūpatvaṃ, vratasya ca 
yāvajjīvasambandhitvamityādikaṃ pratīyata ityavaśyaṃ li"ngadhāraṇaṃ 
kartavyam ||
nanvantarli"ngadhāraṇamevābhyarhitam | tathāhi siddhāntasāre-

ārādhayāmi maṇisannibhamātmali"ngaṃ
māyāpurīhṛdayapa"nkajasanniviṣṭam |
śraddhānadīvimalacittajalābhiṣekai-
rnityaṃ samādhikusumairapunarbhavāya ||

siddhāntaśikhāmaṇau-

cidrūpaṃ paramaṃ li"ngaṃ śā"nkaraṃ sarvakāraṇam |
yadasya dhāraṇaṃ citte tadāntaramudāhṛtam ||
cidrūpaṃ hi paraṃ tattvaṃ śivākhyaṃ viśvakāraṇam |
nirastaviśvakāluṣyaṃ niṣkalaṃ nirvikalpakam ||
sattānandaparisphūrtisamullāsakalāmayam |
aprameyamanirdeśyaṃ mumukṣubhirupāsitam ||
paraṃ brahma mahāli"ngaṃ prapañcātītamavyayam |
tadeva sarvabhūtānāmāntarasthānagocaram ||

pṛ0 58) mūlādhāre ca hṛdaye bhrūmadhye sarvadehinām |
jotirli"ngaṃ sadā bhāti tadbrahmetyāhurāgamāḥ ||
dahraṃ vipāpmaṃ paraveśmabhūtaṃ 
yatpuṇḍarīkaṃ puramadhyasaṃstham |
tatrāpi dahraṃ gaganaṃ viśokaṃ 
tasminyadantastadupāsitavyam ||

ityādinā hṛtpuṇḍarīkāntaravartino jotirli"ngasya bhāvanārūpeṇa dhṛtasya 
mānasikairevopacāraiḥ mumukṣubhirdevṛṣibhiryogibhiścopāsyamānatvena 
mokṣapradatvaṃ sarvajanaprasiddhamiti 
taddhāraṇenaiveṣṭasiddherbahirli"ngadhāraṇaṃ na kartavyamiti cenna,

bāhye jāgradavasthāyāmanubhūtārtha eva hi |
antaḥ svapnadaśāyāntu yathaiva paridṛśyate ||
tathāntaryajanaṃ nityaṃ bahiryajanapūrvakam |
bahiryāgavihīnaścedantaryāgo na sidhyati ||
tadbāhyā"nge cāntara"nge paramaprītipūrvakam |
kartavyaṃ sveṣṭali"ngasya pūjanañca manīṣibhiḥ ||
gavāṃ sarpiḥ śarīrasthaṃ na karotyātmapoṣaṇam |
nissṛtaṃ karmaṇā bāhye punastāsāntu bheṣajam ||
evamantaśśarīrasthaḥ parātmā parameśvaraḥ |
vinārcanāṃ bahirdevo hitaṃ na kurute nṛṇām ||

iti vacanādādau saguṇamāśritya paścānnirguṇamāśrayediti 
nyāyeneṣṭali"ngaprāṇali"ngabhāvali"ngānāṃ sakala-sakalaniṣkala-
kevalaniṣkala 
svarūpāṇāmiṣṭali"ngasyānandānubhavanirguṇārādhanayoradhiṣṭhānatvena,

pṛ0 59) iṣṭali"ngaṃ prāṇali"ngamekīkṛtya yajetsudhīḥ |
maṇimālāṃ mātṛmālāmekīkṛtya japetpunaḥ ||
maṇimāleṣṭali"ngasya mātṛkāprāṇali"ngake |

ityukteḥ prāṇali"ngeṣṭali"ngapūjanaṃ samuccitya kartavyam | 
etādṛśapūjāhīṣṭali"ngadhāraṇaṃ vinā nopapadyata iti li"ngadhāraṇaṃ 
kartavyam ||
nanu li"ngadhāraṇādīnāmetadvacanānurodhena tāntrikairevānuṣṭheyatvena 
śrutismṛtītihāsapurāṇeṣvapratipādanena 
cāvaidikatvādvaidikānuṣṭheyatvaṃ nāsti | tathāhi-

vedamārgapracyutānāṃ tantramārgapraveśanam |
strīśūdrabrahmabandhūnāṃ tantramārgādhikāritā ||
śrutipathagalitānāṃ mānavānāṃ hi tantraṃ |
śrutipathaniratānāṃ tatsadā naiva sevyam ||
śrutibhraṣṭaḥ śrutiproktaprāyaścitte bhayaṃ gataḥ |
krameṇa śrutisidhyarthaṃ manuṣyastantramāśrayet ||
tantreṣu dīkṣito martyo vaidikaṃ na spṛśetsadā |
vaidikaścāpi tantreṣu dīkṣitaṃ na spṛśetsadā ||
rājā tu vaidikānsarvāṃstāntrikānakhilānapi |
asaṃkīrṇatayā nityaṃ sthāpayenmatimattamaḥ ||

ityādi smaraṇālli"ngadhāraṇaṃ vaidikairnānuṣṭheyamiti cenna, vaidikānāṃ 
paurāṇikānāñca vacanānāṃ bahūnāṃ jāgarūkatvāt | tathāhi 
śivarahasye-

śivali"nge śarīrasthe śivavattopapadyate |
tacchivānubhavaprepsuśśivali"ngaṃ hi dhārayet ||

pṛ0 60) śā"nkarasaṃhitāyāṃ-

svapnakāle kṛtaṃ pāpaṃ brahmahatyādikaṃ ca yat |
yathā prabodhasamaye tanmithyā bhavati svayam ||
tathā kṛtaṃ mahāpāpaṃ li"ngadhāraṇataḥ purā |
tatsarvaṃ vilayaṃ yāti li"ngadhāraṇataḥ param ||
malli"ngaṃ mastakādya"nge dhṛtvā śakrapurogamāḥ |
devā māṃ li"ngamadhyasthaṃ sampūjya svaṃ padaṃ yayuḥ ||

punastatraiva-

hastasiṃhāsane li"ngamapramādena dhārayet |
pramādātpatite li"nge saha prāṇānparityajet ||

prakaraṇāntare-

kā"nkṣanti sarve pitaraḥ kulīnāḥ 
sambhūya putrāḥ śivabhaktiyuktāḥ |
santo bhaveyuḥ pariśuddhabhāvā
steṣāmathaiko bibhṛyāccali"ngam ||

gāruḍe-

adhamādhamabhāvānāṃ pāpināṃ cābhicāriṇām |
yamalokādbhayaṃ nāsti sadā vai li"ngadhāraṇāt ||

skānde-

ūṃ miti brahmaparamaṃ li"ngākāraṃ maheśvaram |
sarvāvasthāsu sarveṣu kāleṣu nimiṣārdhataḥ ||
aviyogena bhuktiñca muktimicchandvijottamaḥ |
dhārayetpañcasu sthāneṣvasmin saṃlagnamānasaḥ ||

pṛ0 61) ityādi śa"nkarasaṃhitāśivarahasyagāruḍādipurāṇavacanaiḥ 
śrutyarthopabṛṃhaṇarūpairli"ngadhāraṇasya 
śivacintānairantaryasampādakatvena pūrvakṛtapāpanivartakatvena devānāṃ 
svasvapadaprāpakatvena svoddhārāya pitṛbhirākā"nkṣaṇīyatvena svasmin 
pramādasyāniṣṭasampādakatvena ca pratipādanāt li"ngadhāraṇaṃ vaidikameva 
||
nanu purāṇeṣveva li"ngadhāraṇaniṣedhakānāṃ bahūnāṃ vacanānāṃ 
vidyamānatvātkathaṃ li"ngadhāraṇaṃ vaidikamityucyate ? tathāhi hemādrau 
prāyaścittakāṇḍe nāradīye-

cakrā"nkitatanuryatra rājan li"ngā"nkitopi vā |
japecca pauruṣaṃ sūktamanyathā rauravaṃ vrajet ||

devīpurāṇe-

li"ngaṃ dvijo mudā dhṛtvā svadehe bhayavarjitaḥ |
sa eva narakasthāyī yāvadābhūtasaṃplavam ||

skānde-

dvijo yadi svadehe tu li"ngaṃ dhṛtvā svakāmataḥ |
sa bhuktvā narakānugrānante māta"ngagatāṃ vrajet ||

śivapurāṇe-

dvijo yaḥ svatanau dhṛtvā li"ngaṃ śudrārpitaṃ mudā |
tasya vai niṣkṛtirnāsti saṃskārairbahubhirnṛpa ||

padmapurāṇe-

śṛṇu rāma mahābāho li"ngaṃcakrādidhāriṇām |
śūdradharmaratānāñca teṣāṃ nāstyapunarbhavaḥ ||
viprasyaitadvigarhyatvātprāyaścittamudīritam |
ādau kṛtvā manaḥkarma ṣaḍabdaṃ kṛchramācaret ||

pṛ0 62) tebhyo gṛhṇan dvijaḥ kāmātsuvarṇaṃ pādameva vā |
tatparigrahaśudhyarthaṃ prājāpatyaṃ samācaret ||

ityādivacanālli"ngacakrā"nkadhāraṇe prāyaścittavidhānāt, tebhyaḥ 
pratigṛhitṛrṇāṃ prāyaścittavidhānāt, niṣiddhacakrā"nkanasāhacaryācca, 
li"ngadhāraṇasyākartavyatvaṃ siddhamiti cenna, 
li"ngadhāraṇaniṣedhakavacanānāṃ li"ngadhāraṇavidhāyakavacanānāñca 
parasparavirodhe sati li"ngadhāraṇavidhāyakavacanānāṃ vedamūlakatvena 
prābalyālli"ngadhāraṇaniṣedhakavacanānāṃ vedāmūlakatayā durbalatvāt | 
taptacakrā"nkanasāhacaryeṇa teṣāṃ 
pāśupatavihitataptali"ngā"nkanaviṣayatayā vā yojayituṃ śakyatvāt | 
taduktaṃ pūrvatantre �virodhetvanapekṣaṃ syādasatihyanumānam� 
�hetudarśanācca� iti | tatra hi �audumbarīṃ spṛṣṭvodgāyet� iti śrutiḥ 
�audumbarīsarvāveṣṭayitavye�ti smṛtiḥ | anayorvirodhe sati kiṃ 
samaprābalyena vikalpaḥ, uta śruteḥ prābalyāt smṛtivihitasyārthasya bādha 
iti viśaye prāpte pūrvapakṣaḥ-vaidikaiḥ 
smaryamāṇatvāttatparigrahadārḍhyataḥ sambhāvyavedamūlatvāt smṛtīnāṃ 
vedamūlateti sarvaveṣṭanasmṛterapi vedamūlatvātsarvaveṣṭanaṃ kartavyam | 
�audumbarīṃ spṛṣṭvodgāye�diti śrutivihitatvātsparśanamapi kartavyam | 
ubhayorekadā kartavyatāyāṃ prāptāyāṃ virodhe sati 
vrīhiyavavattulyabalatvādvikalpa iti prāpte rādhāntaḥ-
pratyakṣaśrutiviruddhāyāḥ smṛterna svātantryeṇa pramāṇyaṃ kintu 
mūlaśrutiṃ kalpayitvā prāmāṇyaṃ vaktavyam, tatra pratyakṣaśrutivirodhe 
mūlabhūtaśrutyākā"nkṣayā svārthe prāmāṇyaṃ nāsti | ato vikalpo'pi na 
sa"ngacchate, śrutestu svatantratayā prāmāṇyaṃ svārthe jhaṭiti sa"ngacchate 
| tena vilambitapravṛttikasmṛtibādhakatvaṃ śruteḥ svataḥ siddhameva | 
taduktaṃ bhagavadbhirbhaṭṭapādaiḥ-

yāvadekaṃ śrutau karma smṛtau cānyatpratīyate |
tāvattayorviruddhatve śrautānuṣṭhānamiṣyate ||

pṛ0 63) iti | tannyāyenātrāpi li"ngadhāraṇasya pratyakṣaśrutivihitatvena 
prāmāṇye dṛḍhīkṛte sati li"ngadhāraṇasya 
pratyakṣaniṣedhakavacanānāmaprāmāṇyam | athavā 
taptacakrā"nkanasamabhivyāhārādavaidikapāśupatānuṣṭhīyamānataptali"ngā"
nkanaparāṇi | athavā vīraśaivadīkṣāvirahitatayā 
āgamoktali"ngadhāraṇānadhikāraparāṇi ||
nanu li"ngadhāraṇaṃ śrutivihitamityuktaṃ 
tādṛśaśruteranupalabhyamānatvātkathaṃ vaidikatvamiticenna 
pai"ngāyanaśrutermūlatvāt | tathāca śrutiḥ-

yeha vā amṛtaṃ satyena dhīrāḥ sukṛtasya loke 
grīvāyāṃ baddhā api kakṣa āsani |
atipāpmānamatimṛtyuṃ taranti ||

asyāḥ śruterarthaḥ- ye dhīrāḥ sukṛtasyaloke= manuṣyaloke, satyena= 
śapathena, amṛtaṃ= li"ngaṃ �brahma prajananaṃ kāṭaṃ pavitramamṛtaṃ 
srapaḥ | prastaro janima prāṇo devo li"ngaṃ tathaiva ca | paryāyavācakā 
hyete li"ngasya paramātmanaḥ |� iti vaidika nighaṇṭoḥ | grīvāyāṃ= kaṇṭhe 
kakṣe, āsani= mukhe, api śabdo vā'rthakaḥ, baddhā= badhnantaḥ vartanta iti 
śeṣaḥ te pāpmānaṃ= pāpaṃ, atitaranti, mṛtyaṃ= ajñānamatitarantīti | 
baddhā ityatra śatṛpratyayasthāne ktapratyayaśchāndasaḥ | 
kaṇṭhādyanyatamasthāneṣu sakalapāpanivṛtyarthaṃ 
saṃsāramūlānādyavidyāniravaśeṣanivṛtyarthaṃ li"ngadhāraṇamavaśyaṃ 
mumukṣubhiḥ kartavyamityasyāḥ śruteḥ tātparyam | tasmādavaśyaṃ 
vaidikairli"ngadhāraṇaṃ kartavyam ||
nanu pai"ngāyanaśākhāyāḥ kalpasūtrakāraiḥ pramāṇatvenodāhṛtatve'pi 
paṭhyamāneṣvāmnāyeṣvaśravaṇādanāśvāsa iti cenna, paṭhyamāna 
śākhāsveva taittirīyādiṣu li"ngadhāraṇe asādhāraṇyena tatparāṇi 
vākyāni śrūyante |

pṛ0 64) tathāhi-

pavitraṃ te vitataṃ brahmaṇaspate prabhurgātrāṇi paryyeṣi viśvataḥ |
ataptatanūrnatadāmo aśnute śṛtāsa idvahaṃtastatsamāśata || iti ||

asyāḥ śruterayamarthaḥ- he brahmaṇaspate= caturmukhaniyantaḥ mahādeva, 
�brahmādhipatirbrahmaṇo'dhipati� riti śruteḥ | tvaṃ viśvataḥ= 
viśvasya ṣaṣṭhyarthe tasiḥ, prabhuḥ | te pavitraṃ= li"ngaṃ, 
pavitraśabdasya li"ngārthakatve vaidikanighaṇṭuḥ prāguktaḥ | vitataṃ= 
vistṛtaṃ, śivaśaktyātmakali"ngākāratayāvyāptamityarthaḥ | ataḥ, 
gātrāṇi= sthūlasūkṣmakāraṇaśarīrāṇīndriyādīni ca, 
iṣṭali"ngaprāṇali"nga bhāvali"ngādyātmanā paryeṣi= vyāpnoṣi, 
ataptatanuḥ= vīraśaivadīkṣāsaṃskārarahitaḥ, ata evāmaḥ= apakvaḥ 
saṃskāravarjita ityarthaḥ | tat= li"ngaṃ, nāśnute= na prāpnoti, 
taddhāraṇādhikārī na bhavati, tasmālli"ngā"ngasāmarasyarūpamuktiyogyo na 
bhavatītyarthaḥ | śṛtāsaḥ= dīkṣāsaṃskāreṇa pakvāḥ, malapākasahitā 
ityarthaḥ | it= iṣṭali"ngam, vahantaḥ= uktasthāneṣu dhārayantaḥ, tat= 
li"ngaṃ sarvavyāpakaṃ li"ngam, samāśata= prāpnuvantīti | tasmāt 
pratyakṣapaṭhyamānaśrutivihitatvālli"ngadhāraṇaṃ vaidikatvātkartavyam ||
nanu śrutiriyaṃ li"ngadhāraṇapratipādikā na bhavati, kintu 
taptacakrā"nkanasyāvaśyakartavyatāpratipādikā | tathāhi-pavitranta 
ityasyāyamarthaḥ- he brahmaṇaspate viṣṇo, tvaṃ prabhuḥ san viśvato 
gātrāṇi paryeṣi vyāpnoṣi | te vitataṃ vistṛtaṃ pavitraṃ cakram, 
�pavitraṃ caraṇaṃ cakraṃ lokadvāraṃ sudarśanam | paryāyavācakā hyete 
cakrasya paramātmanaḥ ||� iti kośāt | yadasti tena ataptatanuḥ, ata evāmaḥ 
aparikṣīṇapāpaḥ, tat mokṣaṃ nāśnute | it= evaṃprakāraṃ taccakram, 
vahantaḥ śṛtāsaḥ paripakvāḥ, tatsamāśata tatphalaṃ prāpnuvanti | 
asminnarthe mantrāntarañca pramāṇam-

pṛ0 65) caraṇaṃ pavitraṃ vitataṃ purāṇam 
yena pūtastarati duṣkṛtāni |
tena pavitreṇa śuddhena pūtā 
atipāpmānamarātiṃ tarema ||

tenā"nkanena pūtāḥ pāpmānamarātiṃ śatruñca atitarema, yena cakrā"nkanena 
pūtāḥ duṣkṛtāni pāpāni taranti taccaraṇaṃ cakraṃ pavitraṃ 
śuddhikāraṇaṃ vitataṃ vistṛtam, purāṇaṃ anādipravāhāgatamiti 
dvitīyamantrārthaḥ ||
mantrāntarañca-

lokasya dvāramarciṣmatpavitraṃ jotiṣmadbhrājamānaṃ mahasvat |
amṛtasya dhārā bahudhā dohamānaṃ caraṇaṃ no loke suhitān dadhātu || iti 
||

asyārthaḥ- lokasya svargalokasya dvāraṃ sādhanaṃ, amṛtasya dhārā bahudhā 
dohamānaṃ nānāprakāramokṣasyāpi sādhanabhūtaṃ, arciṣmat śobhamānaṃ, 
jyotiṣmat jvālākiraṇaprakāśairyuktaṃ, bhrājamānaṃ 
agnitāpanānantaramatyantajvālākalitam, pavitraṃ pariśuddhikāraṇaṃ, 
caraṇaṃ cakraṃ naḥ asmākaṃ loke suhitāndadhātviti ||
etāsāṃ śrutīnāṃ madhye pavitraśruterapi 
taptacakrā"nkanaparatvātkathamasyāḥ śruterli"ngadhāraṇe viniyoga iti cenna, 
�brahmaṇaspatyāṃ babhrukarṇīmālabhet� iti śrutivihitapaśuyāge 
vihitamantrasya kathaṃ taptacakrā"nkanaparatvenārthanirṇayaḥ kriyate ? 
kathañca taptacakrā"nkanaparatve arthasa"ngatirvartate ? tathāhi- atra 
viniyuktamantrasyāpi li"n-loṭ-tavya-pratyayābhāve'pi vidhāyakatvaṃ kalpyam | 
pavitraśabdasyāpi vyākaraṇādiprasiddhapariśuddhivācakatvaṃ 
vihāyāprasiddhanighaṇṭukalpanāpurassaramaprasiddhārthacakravācakatvaṃ 
kalpyam | brahmaṇaspatyāṃ babhrukarṇīmālabheteti vidhyanantaravākyaśeṣe 
�brahmaṇaspate brahmaṇopasamṛdhyā� iti śruterbrahmaparatvaṃ vaktavyaṃ | 
bhāgavate dvitīyaskandhe 

pṛ0 66) tṛtīyādhyāyādau �brahmavarcasakāmastu yajet brahmaṇaspati� mityatra 
caturmukhaparatvena vyākhyātatvena, tasya brahmaparatvam | �brahmā devānā� 
mityanantaraśrutimahimnāpi tatparatvāvaśyakatvañca | tadvihāya 
svakalpitācārasthāpanāya viṣṇuparatvaṃ kalpyam | yadasti teneti 
padatrayādhyāhāraḥ | taptatanurityatra karaṇākā"nkṣāyāṃ kevalasya 
cakrasya dehadāhakatvābhāvādagnitaptenetyadhyāhāryam | tanuśabdasya 
dehamātraparatve dehamātradāhe jīvanameva na syāditi tanuśabdasya 
tadekadeśabhūtabhujamūlalakṣakatvaṃ kalpyamityādyanekadoṣaduṣṭatvam || 
kāṭhake apāghānāmikāsu iṣṭiṣu pañcamyāṃ citacaraṇaṃ 
pañcamamityādiprasiddhasya caraṇaśabdasya caryata iti caraṇamiti 
karmavācitvena prasiddhasya, �ramaṇīyacaraṇā abhyāśohayatte ramaṇīyāṃ 
yonimāpadyeran, kapūyacaraṇā abhyāśoha yatte kapūyāṃ yonimāpadyeran, 
ityatra �caraṇāditi cennopalakṣaṇārtheti kārṣṇyājiniḥ� śukṛtaduṣkṛte 
eveti tu bādariḥ� iti sūtrābhyāṃ brahmamīmāṃsāyāṃ 
tadbhāṣyavyākhyāne ca caraṇaśabdasya karmaparatvena 
nirṇītasyāprasiddhārthacakravācitvaṃ kalpyam | 
caraṇapavitraśabdayoścakravācakatvena paunaruktyaṃ, yena pūta 
ityatrāprastutacakrā"nkanaparatvañca     kalpyamiti || atrāpi agnitaptaṃ 
caraṇaṃ, agnitaptena tena pūtaḥ, tenāgnitaptenetyadhyāhāro 
viniyuktamantrasya vidhiniyāmakapratyayābhāve'pi vidhāyakatvañca kalpyamiti 
sarvamantreṣu samānam | etādṛśacaraṇasambandho yasya kasyacitpuruṣasya 
kalpyaḥ, sakalasmṛtipurāṇetihāsādiniṣiddhārthasvīkāraścetyādayo 
doṣāstaptamudrādhāraṇavādināṃ bhaveyuḥ | 
tasmāccakradhāraṇaparatvenodāhṛtaśrutīnāmarthāsa"ngatiḥ ||
kiñca cakrā"nkananiṣedhakasmṛtipurāṇavacanānyapi bahūni santi | tathāhi- 
hemādrau prāyaścittakāṇḍe, li"ngapurāṇe ca-

tāpitaḥ śa"nkhacakrābhyāṃ yasya dehaḥ pradṛśyate |
sa jīvan kuṇapastyājyaḥ sarvadharmabahiṣkṛtaḥ ||

pṛ0 67) ādityapurāṇe-

vedeṣu yajñabhāgeṣu yasya nāstyadhikāritā |
sa tāpayitvā cakrādīn dhārayetsvabhujadvaye ||
brāhmaṇo yadi mohena dhārayettaptamudrikāḥ |
tasya darśanamātreṇa kuryātsūryāvalokanam ||

nāradīye-

brāhmaṇasya tanurjñeyā sarvadevamayī tataḥ |
sā cetsantāpitā tasya kiṃ vakṣyāmi mahainasaḥ ||

ādityapurāṇe-

brāhmaṇo yadi mohātmā tāpayedvahnimudrayā |
na karmārho bhavedatra sa vai pākhaṇḍasaṃjñitaḥ ||

parāśaropapurāṇe-

na dāhayed dvijaśreṣṭhaṃ na daheccakrapūrvakaiḥ |
a"nkito yaḥ svadeśāttaṃ rājā śīghraṃ pravāsayet ||
adhyāpane cādhyayane śrautasmārteṣu karmasu |
sambhāṣaṇe ca sambandhe nādhikārī sa lāñchitaḥ ||

ātreyadharmaśāstre viṣṇuḥ-

yathā smaśānagaṃ kāṣṭhamanarhaṃ sarvakarmasu |
tathā cakrā"nkito vipraḥ sarvakarmasu garhitaḥ ||
śa"nkhacakraṃ mṛdā yastu kuryāttaptāyasena vā |
sa śūdravadbahiṣkāryaḥ sarvasmād dvijakarmaṇaḥ ||

pṛ0 68) bodhāyano'pi-

nā"nkayenna daheddehaṃ daheccetkāmacārataḥ |
na svīkurvīta dagdhā"ngaṃ śrautasmārteṣu karmasu ||

bāṣkalasaṃhitāyām-

a"ngeṣu nā"nkayedvipro devatāyudhalāñchanaiḥ |
a"nkayedyadi vā mohātpatito nātra saṃśayaḥ ||
śa"nkacakrādya"nkanañca nṛttagītādikaṃ tathā |
hīnajāterayaṃ dharmo na jātu syād dvijanmanaḥ ||
pākhaṇḍaṃ patitācāraṃ taptacakradharaṃ dvijam |
sūtrikāmagnidaṃ dṛṣṭvā sacelo jalamāviśet ||
taptacakradharā ye ca tān dvijo nāvalokayet ||

anyatra ca-

kukkuṭaśca varāhaśca taptacakrā"nkitastathā |
rajasvalā ca ṣaṇḍaśca pañcaiṃte śrāddhadūṣakāḥ ||
ye veśyāpatayo viprāstaptacakradharāśca ye |
nāstikāḥ śūdradāsāśca te vai bhasmāntasūtakāḥ ||
jaṭinaścaiva muṇḍāśca lūnakeśāḥ kapālinaḥ |
taptacakradharāścaiva vedanindāparāstathā ||
ete mārgaparibhraṣṭāstatsa"ngātpatito dvijaḥ |
spṛṣṭvaitānaśucīn snātvā ghṛtaṃ prāśya viśudhyati ||
cakrā"nkitāya dattāni havyakavyāni yāni vai |
rakṣāṃsi tāni gṛhṇanti na devāḥ pitaro na ca ||

pṛ0 69) pākhaṇḍinaśca prathitā ya vai cakrā"nkitā janāḥ |
puṇyakarmaṇi teṣāṃ vai sannidhirneṣyate kvacit ||
taptacakrā"nkitaṃ vipraṃ na paśyetpuṇyakarmaṇi |
tatsamparkāttathā bhūmiḥ sahasā naiva śudhyati ||
brāhmaṇaḥ śa"nkhacakrādyaira"nkayanna"ngama"nkanaiḥ |
api viṣṇvādisambaddhaistaptairvā patito bhavet ||
ajñānādatha vā lobhādrāgato vā sudarśanam |
dhatte kulaghnaṃ taṃ dṛṣṭvā savāsā jalamāviśet ||
sudarśanena vilikhedbhujāgre sahasaiva yaḥ |
vedāgnijñānavānso'pi dahatyāsaptamaṃ kulam ||

vahnipurāṇe-

pūrvajāḥ svatanuṃ dagdhvā śa"nkhacakrādibhiḥ pṛthak |
bhavanti patitāssatyaṃ sarvasmād dvijakarmaṇaḥ ||
tasya vai niṣkṛtirnāsti snānadānajapādibhiḥ |
tasya niṣkṛtirutpannā parāśaryeṇa coditā ||
vikeśaṃ vāpayitvainaṃ punassaṃskāramācaret |
garbhagolātsamudbhṛtya garbhādhānādipūrvakam ||
ṣoḍhāvṛtyaiva kṛchrāṇāṃ prāyaścittamudīritam |

iti taptacakrā"nkitāḥ pariṣadupasthānapūrvakaṃ ṣaḍabdaṃ kṛcchrāṇi 
kṛtvā śuddhimāpnuvanti, prāyaścittākaraṇe tebhyaḥ pratigrahe'pi 
prāyaścittamuktam |

pṛ0 70) kūrmapurāṇe-

ajñātvā mukhajo yatra mudrādagdhebhya ādarāt |
suvarṇamātrasa"ngrāhī prājāpatyaṃ samācaret ||
tadardhe'rdhaṃ punaḥ kṛtvā hyannamātramupoṣaṇam |
kṛtvā śuddhimavāpnoti śuddhirnānyatra dṛśyate || iti ||

evaṃ santaptacakrādidhāraṇe'yogyatvaṃ pātityaṃ prāyaścittādikañca 
smṛtipurāṇeṣu bahuśaḥ pratipāditam |
kiñca paṭhyamāneṣu kośeṣu �pavitraṃ caraṇaṃ cakra� miti 
tvaduktakośavacanasya kutrāpyadarśanāt 
tvaduktāsatyatāntrikārthamūḍhaśraddhayā lokasammohanāya tvayaiva 
tatkalpitam | yadyakalpitamityabhimānastathāpi natvadabhimatārthasiddhiḥ | 
pratyuta tavaiva vyāghātaḥ | tathāhi- ṛkpariśiṣṭe-sarvapāpanivartakatvena 
paṭhyamāneṣu mantreṣu �pāvakaṃ caraṇebhyastatvāvamānibhirahaṃ punāmi� 
iti mantrasthitasya caraṇaśabdasya bhavaduktakośānusāreṇārthakalpane 
taptamudrādhāraṇe prāyaścittaṃ kartavyamiti mantrārthaḥ paryavasyati | 
tathāhi- caraṇebhyaḥ cakebhyaḥ, nimittārthe pañcamī | 
taptacakrā"nkananimittakaṃ yatpātakaṃ tattvāvamānibhiḥ punāmi, 
pāpānnivartya ātmānaṃ punāmityarthaḥ | dhātoḥ sakarmakatvādātmanaḥ 
pāpa nivṛttirarthalabhyā | pavitraśabdasya cakrārthakatve ca 
vyāghātāntaramāpatati | tathāhi mantraviniyogapravṛttānāṃ 
kalpasūtrakārāṇāṃ bodhāyanādīnāṃ viniyogaṃ vinā, 
mantrārthavivaraṇaparāṇāṃ bhaṭṭabhāskaravidyāraṇyādīnāṃ vivaraṇaṃ 
vinā, prasiddhakośavacanamantarā, upabṛṃhaṇaṃ vinā, yadi 
svasvabudhyanusāreṇa svasvamatābhimānena arthāntarakalpanaṃ tadāsyāḥ 
pavitraśruteranyo'pyarthaḥ syāt | tathāhi- he brahmaṇaspate 
brāhmaṇaśreṣṭha,        �brahmā vipraḥ prajāpati� ritikośāt | te tvaṃ 
prathamārthe ṣaṣṭhī | viśvataḥ sarvatra, prabhuḥ samartho'si, 
tāntrikavacanairmohaṃ na prāpnoṣītyarthaḥ |

pṛ0 71) kiñca pavitraṃ yathā bhavati tathā, vitataṃ vistṛtāni, 
vacanavyatyayacchāndasaḥ, gātrāṇi paryyeṣi prāpnoṣi, gātrāṇāṃ 
pavitratvantu �yāvatīrvai devatāstāḥ sarvā vedavidi brahmaṇi vasantī�ti 
śrutivacanāt | ataptatanurityatra akāro viṣṇuvācakaḥ, �akāro 
brahmaviṣṇavīśakamaṭheṣva"ngaṇe raṇe� iti kośāt | āya viṣṇave, 
taptatanuḥ bāhumūle dagdhaśarīraḥ, ata eva āmaḥ- 
śamadamavairāgyādyasampannaḥ, tatparaṃ padaṃ nāśnute na prāpnoti | 
śṛtāsaḥ-taptacakreṇa pakvāḥ, śrai pāke iti dhātoḥ ktaḥ, 
asugāgamaśchāndasaḥ, it-dāhajanyaṃ kiṇaṃ vahantaḥ, 
tatpūrvoktadhātvarthaṃ pākaṃ kumbhīpākamityarthaḥ | nāmaikadeśe 
nāmagrahaṇaṃ, satyabhāmetyatra bhāmetivat | samāśata-prāpnuvanti, 
taptaśa"nkhacakradhārī pumānkumbhīpākaṃ prāpnotīti niṣkṛṣṭo'rthaḥ | 
tasmāt śrutestaptacakrā"nkanaparatvena svānukūlavarṇane 
bahudoṣaduṣṭatvenāsmaduktali"ngadhāraṇaparatvakalpanameva sādhīyaḥ ||
syādetat, pavitraśruteḥ pratipāditānekadoṣaduṣṭatayā 
cakrā"nkanaparatvāsambhavepi, 
avaidikaśaivapāṣaṇḍadharmataptaśūlā"nkanaparatvamapi netuṃ suśakam | 
tathāhi- pavitraṃ triśūlaṃ, śhūlaṃ pavitraṃ paramaṃ mahāstraṃ 
lavitramaṃhaḥ puravairiśastram | 
etānyasādhāraṇanāmadheyānyāhustriśūlasya śivāyudhasya� iti 
pāśupatāgamavacanena triśūlasya pavitraśabdavācyatvaṃ prasiddham | he 
brahmaṇaspate śiva, �brahmādhipatirbrahmaṇo'dhipatiri�ti śrutisiddhaṃ 
brahmapatitvaṃ śivasya | te tvatsambandhi yadasti, tena agnitaptena śūlena 
ataptatanuḥ, atevāmaḥ- apakvaḥ tatpāśupataṃ padaṃ nāśnute | śṛtāsaḥ 
taptaśūlā"nkanena bhujamūle paripakvāḥ, ata eva it- dāhajanyavraṇajanitaṃ 
kiṇaṃ vahantaḥ, tatpāśupatapadaṃ samāśata prāpnuvantītyarthaḥ | 
spaṣṭamanyat | tathā ca pratipāditārthayojanānusāreṇa 
taptaśūlā"nkanasyāpi vaidikānuṣṭheyatā bhavati | taptaśūlā"nkanaṃ 
vaidikairanuṣṭheyam, mantravarṇapratipādyatvāt | darbhagranthiviśeṣavat | 
ityanumānamapyetadanukūlamiti cedatrocyate-

pṛ0 72) a"ngeṣu nā"nkayedvipro devatāyudhalāñchanaiḥ |
a"nkayedyadi vā mohātpatito nātra saṃśayaḥ ||
nā"nkayenna daheddehaṃ daheccetkāmacārataḥ |
na svīkurvīta dagdhā"ngaṃ śrautasmārteṣu karmasu ||
a"nkitaḥ śa"nkhacakrādyaiḥ śarīre devatāyudhaiḥ |
tripuṇḍradhāraṇādeva bhasmanā pūyate naraḥ ||
śrautasmārtaparo vipro nā"nkayeda"ngama"nkanaiḥ |
api viṣṇvādisambaddhairanyathā patito bhavet ||
cakrā"nkitatanurvāpi rājan li"ngā"nkito'pi vā |
nādhikārī sa vijñeyaḥ śrautasmārteṣu karmasu ||

ityādya"nkananiṣedhakavacanānāṃ vidyamānatvāt | �vitanyamānamanu mantrayate 
yajamāna� iti daśāpavitrākhyasomarasagālanakṣamavastraviśeṣānumantraṇe 
�pavitranta� ityasya mantrasya viniyogadarśanāt, asminnarthe 
viniyogābhāvādupabṛṃhaṇābhāvācca, 
taptaśūlā"nkanaparatvakalpanamasamañjasameva | ata 
evāvaidikapāśupataikadeśijanānuṣṭheyataptali"ngā"nkanadhāraṇamapi 
nirastam ||
asyāḥ pavitraśruteḥ �vitanyamānamanumantrayate yajamāna� iti bhagavatā 
sūtrakāreṇāpastambamuninā 
daśāpavitrākhyasomarasagālanakṣamavastraviśeṣānumantraṇe viniyuktatvāt; 
�pavitro'gnau harau pūte klībe tāmre'psu gomaye | mantre dadhni brahmasūtre 
sāmnyarke kalaśe kuśe | daśāpavitravastre ca triśūle devatāsu ca ||� iti 
daśāpavitravastraparatvena vaijayantīnighaṇṭukāreṇa prayuktatvācca, 
li"ngadhāraṇaparatve kathamartho'bhidhīyate ? 
daśāpavitravastraparatvenārthavivaraṇañca yuktaṃ | tathāhi- he 
brahmaṇaspate soma, �vedastatvaṃ tapo brahme� tyamaraḥ |

pṛ0 73) yadvā �brahmā vipraḥ prajāpati� rityanuśāsanād brahmaṇaḥ 
brāhmaṇasya pate, �yasya vedaśca vedī ca vicchidyete tripūruṣam | sa vai 
durbrāhmaṇo jñeyaḥ sarvakarmabahiṣkṛtaḥ� || iti smṛti paryālocanayā, 
�indrāgnaṃ punarutsṛṣṭamālabheta ya ātṛtīyātpuruṣātsomaṃ na 
pibedvicchinno vā etasya somapītiḥ� yo brāhmaṇaḥ 
sannātṛtīyātpuruṣātsomaṃ na pibatītyādi śrutyā tripuruṣaparyantaṃ 
somapānābhāve prāyaścittavidhānācca, daurbrāhmaṇyanivṛttidvārā 
brāhmaṇyātiśayāpādakatvena somasya brāhmaṇapatitvamupapadyate | ata eva 
śrutyantarañca- �tasmātsomo rājā no brāhmaṇa� iti | tasmāt he 
brahmaṇaspate brāhmaṇaprabho soma, te tava pavitraṃ daśāpavitrākhyaṃ 
vastraṃ vitataṃ vistṛtaṃ tvaṃ prabhuḥ pītaḥ san gātrāṇi paryeṣi 
vyāpnoṣi | ataptatanuḥ �tapo nānaśanātpara�miti 
smaraṇātpayaḥpānamātrasya vidhānenānaśanameva tapa ityucyate | tataḥ 
ataptā anaśanātmakena tapasā ataptā tanūryasya saḥ ataptatanūḥ 
payovratākartā atevāmaḥ somadīkṣārahitaḥ tat-karmaphalaṃ nāśnute na 
prāpnoti; śṛtāsaḥ payovratena paripakvāḥ it-evaṃ prakāreṇa karma 
vahantaḥ tat-karmaphalaṃ, samāśata prāpnuvanti | ata eva            
bhagavānāpastambaḥ sūtrakāro dīkṣāviṣaye praśaṃsāmāha �yadā vai 
dīkṣitaḥ kṛśo bhavati, atha medhyo bhavatī�ti | tasmādiyaṃ 
pavitraśrutirli"ngadhāraṇaparatvena kathaṃ netuṃ śakyata iti cennaivam, 
upabṛṃhaṇavaśena śrutyarthanirṇayasyāvaśyakatvāt | 
li"ngadhāraṇaparatvena bahūnāṃ mantrārthaprakāśakānāṃ 
purāṇavacanānāṃ śrūyamāṇatvāt | na ca sūtrakāreṇa sākṣādviniyukte 
mantre tatsamaprābalyena nopabṛṃhaṇavacanamucyata iti vācyaṃ, 
sūtravadupabṛṃhaṇasyāpi caturdaśavidyāntaḥpātitvena vedārthanirṇaye 
samaprābalyāt | ata eva smṛtikāraiḥ �itihāsapurāṇābhyāṃ vedaṃ 
samupabṛṃhayet | bibhetyalpaśratādvedo māmayaṃ prataredi�ti pratipāditam | 
ata eva chāndogyaśrutirapītihāsapurāṇānāṃ vedatvaṃ pratipādayati | 
�ṛgvedaṃ yajurvedaṃ sāmavedamatharvaṇañcaturthamitihāsapurāṇaṃ pañcamaṃ 
vedānāṃ 

pṛ0 74) veda�miti tasmādupabṛṃhaṇasyāpi vedārthanirṇāyakatvaṃ 
kalpasūtravadupapadyate | na ca karmaṇi sūtreṇa viniyuktasya 
mantrasyopabṛṃhaṇenānyatraviniyogaḥ kathamupapadyata iti vācyaṃ, 
agnicayanaprakaraṇe-ajākṣīrahome īśānakoṇe carameṣṭikāyāṃ kartavye 
home viniyuktānāṃ śatarudrīyamantrāṇāṃ,

śatarudraṃ japedyastu dhyāyamāno maheśvaraṃ |
saptasāgaraparyantaṃ saśailadvīpakānanāṃ ||
dadyātkāñcanasaṃyuktāṃ bhūmimauṣadhisaṃyutāṃ |
tasmātkoṭiguṇaṃ puṇyaṃ sakṛdrudrajapādbhavet ||
rudrādhyāyena ye devaṃ snapayanti maheśvaram |
tajjalaiḥ kurvate snānaṃ ye mṛtyuṃ santaranti te ||
śatarudrābhiṣekeṇa śatāyurjāyate naraḥ |
aśeṣapāpanirmuktaḥ śivasya dayito bhavet ||
surāpaḥ svarṇahārī ca rudrajāpī jale sthitaḥ |
sahasraśīrṣajāpī ca mucyate sarvakilbiṣāt ||

ityādyupabṛṃhaṇavaśena jape'bhiṣeke ca viniyogadarśanāt prakṛte 
pavitraśruterbhinnakarmaṇi viniyuktatve'pyupabṛṃhaṇavaśālli"ngadhāraṇe 
viniyogassa"nghaṭate | tathāhi-

brahmaṇaspatirīśo vai brahmaitalli"ngamucyate |
pavitraṃ taddhi vikhyātaṃ tatsamparkāttanuḥ śuciḥ ||

iti skāndapurāṇe li"ngasya yāvajjīvasambandhena 
śarīrapāvitryapratipādakavacanasya pavitraśrutyupabṛṃhaṇatvamasādhāraṇam 
| etadupabṛṃhaṇānusāreṇa he brahmaṇaspate īśvara, kaskāditvātsaḥ |  
�brahmādhipati-

pṛ0 75) rbrahmaṇo'dhipati�riti śruteḥ | te tvatsvarūpaṃ 
rāhośśīritivadabhede ṣaṣṭhī | pavitraṃ li"ngaṃ �brahma prajananaṃ 
kāṭaṃ pavitrapamṛtaṃ srapaḥ | prastaro janima prāṇo devo li"ngaṃ tathaiva 
ca || paryāyavācakā hyete li"ngasya paramātmanaḥ� iti vaidikakośāt | 
vitataṃ sarvatra vyāptaṃ yadasti, viśvataḥ viśvaśabdena viśvāntarvartinaḥ 
paśuśabdavācyā brahmādyā jīvā lakṣyante, cetanācetanaprapañcavācakasya 
viśvaśabdasya tadekadeśe cetane lakṣaṇāyāḥ sambhavāt | taduktaṃ- 
li"ngapurāṇe

brahmādyāḥ sthāvarāntāśca devadevasya śūlinaḥ |
paśavaḥ parikīrtyante saṃsāravaśavartinaḥ ||
teṣāṃ patitvāddeveśaḥ śivaḥ paśupatiḥ smṛtaḥ | iti ||

patitvañcāsya- śarvān yacca paśūnpāti taiśca yadramate punaḥ | teṣāmapi 
patiryacca tasmātpaśupatiḥ smṛtaḥ� iti droṇaparvaṇi śatarudrīyādhyāye 
nāmanirvacanāt, pātīti patiriti rakṣaṇārthakātpādhātorḍatipratyaye 
patiśabdaniṣpattervyākaraṇasiddhatvāt, tadarthasya pālakatvasyoktavacanenaiva 
sphuṭīkaraṇācca veditavyam | 
pavitraśrutisthaprabhuśabdārthāvadhāraṇapravṛttopabṛṃhaṇaskandapurāṇava
canasthitasyeśaśabdasya �īśvaraḥ patirīśite� tikośapāṭhamahimnā 
ādhipatyavācakasya, vyākaraṇa-mahābhārataniruktibhyāṃ pālakasyāpi 
vācakena patiśabdena samānārthakatvāvaśyambhāvādādhipatyaṃ pālanañca 
prabhuśabdārtha iti vaktavyam | teṣāṃ jīvānāṃ prabhuḥ-
adhipatīrakṣakaśca tvaṃ pavitraśabdavācyali"ngarūpaḥ | 
tādṛśapaśuśabdavācyajīvaparipālanaprakāraḥ prakāśyate �gātrāṇī� 
tyādinā | gātrāṇī sthūlasūkṣmakāraṇaśarīrāṇi, gātrapadaṃ 
jñānendriyakarmendriyāntaḥkaraṇādīnāmupalakṣakam | etāni 
śabdādiviṣayebhyo vinivartya svayaṃ 
teṣvabhimānidevatātvenācārādili"ngātmanā sthitvā, tān 
śabdādīnviṣayān svīkṛtya,

pṛ0 76) paścātprasādātmakāṃstānviṣayāṃstebhyo'"ngaśabdavācyebhyaḥ 
śuddhāntaḥkaraṇebhyo jīvebhyo datvā, paryeṣi-pariśuddhaprasādopabhoginaḥ 
karoṣi | asminnarthe pramāṇaṃ vātulāgame-

indriyādāgataṃ kiñcidyatsukhaṃ tacchivārpitam |
kṛtvā prasādo bhoktavyastadindriyamukhena saḥ ||
iṣṭali"ngantu bāhyā"nge prāṇali"ngaṃ tathāntare |
bhāvali"ngaṃ sadaivāsminnātmā"nge supratiṣṭhitam ||
hṛdayā"nge mahāli"ngaṃ śrotrā"nge suprasādakam |
tvaga"nge carali"ngañca dṛga"nge śivali"ngakam ||
jihvā"nge guruli"ngantu nāsikā"nge tathaiva ca |
ācārali"ngamaśrāntaṃ supratiṣṭhitameva hi ||
yathā jñānendriyā"ngeṣu kramālli"ngaṃ pratiṣṭhitam |
tathā karmendriyā"ngeṣu kramālli"ngaṃ pratiṣṭhitam || iti ||

li"ngasaṃyogābhāvādindriyajayavihīnānāṃ taporahitānāṃ 
paramapadaprāptirnāstītyāha �atapte� tyādinā �tapasā brahma vijijñāsasve� 
ti taittirīyavākyāt, �ātmavidyā tapomūla�miti brahmopaniṣadvākyācca | 
ataptatanūḥ, śrotranetrādīndriyavyatiriktāyāstanorabhāvādatra 
tanuśabdenendriyāṇyucyante, ataptā-anigṛhītā tanūrindriyāṇi 
yenāsāvataptatanūrajitendriyo'jña ityarthaḥ | āmaḥ-malapākarāhityena 
śivadīkṣāvihīnaḥ puruṣaḥ, talli"ngaṃ nāśnute | śṛtāsaḥ-
vīraśaivadīkṣayā paripakvā vigatapāpāḥ, it-iṣṭali"ngaṃ vahantaḥ-
uktasthāneṣu dhārayantaḥ, tat-sarvavyāpakali"ngaṃ samāśata-prāpnuvanti | 
anye taporahitāḥ śivasaṃskāravarjitāste li"ngadhāraṇavihīnāḥ 
paramapadaṃ nāpnuvantītyarthaḥ | asminnarthe skandapurāṇe-

pṛ0 77) brahmaṇaspatirīśo vai brahmaitalli"ngamucyate |
pavitraṃ taddhi vikhyātaṃ tatprabhurviśvataḥ svayam ||
tatsamparkātpravitratvaṃ gātrāṇi kurute svayam |
ataptatanurajño vai āmaḥ saṃskāravarjitaḥ ||
dīkṣayā rahitaḥ sākṣānnāpnuyālli"ngamuttamam |
śivadharmāśritāḥ śāntāḥ śivācāraparāyaṇāḥ ||
ye vahanti sadā li"ngaṃ te yānti paramaṃ padam |
anyathā na hi māṃ prāptuṃ śakyaṃ devi tathā śrutiḥ || iti ||

tatraiva pradeśāntare-

śastaṃ vipāpaṃ paramaṃ gaganaṃ dehasaṃsthitam |
janmamṛtyujarātītaṃ tatpavitraṃ pracakṣate ||
patanāttrāyate yasmādatīva narakārṇavāt |
yatpavitraṃ pavitrāṇāṃ talli"ngaṃ jyotiraiśvaram ||
tatsamparkātpavitratvaṃ gātreṣveva kariṣyati |
tadetatparamaṃ jyotirli"ngaṃ devi madātmakam ||
śivānandaḥ paraṃ dhāma duṣprāpyamakṛtātmabhiḥ |
evaṃ śritāḥ sadā li"ngaṃ te vahantaḥ sadādarāt ||
te prāpnuvanti sarve'pi māmevātra na saṃśayaḥ |
ṛgityāha pavitrante vitataṃ brahmaṇaspate ||
tasmātpavitraṃ talli"ngaṃ dhāryaṃ śaivamanāmayam || iti ||

pṛ0 78) brahmāṇḍapurāṇe-

tapastaptā tanuryasya sa taptatanurucyate |
paripakvo vimokṣāya so'śnute li"ngadhāraṇam ||
na karoti tapaḥ pūrvaṃ so'taptatanurucyate |
apakvo'yaṃ vimokṣāya nāśnute li"ngadhāraṇām || iti ||

tasmātskāndapurāṇabrahmāṇḍapurāṇopabṛṃhitapavitraśrutiparyālocanayā 
li"ngadhāraṇaṃ vaidikairmumukṣubhirādaraṇīyameva || asminnarthe 
nārāyaṇopaniṣadi śrutyantarañca pramāṇam | tathāhi-

namo brahmaṇe dhāraṇaṃ me astvanirākaraṇaṃ dhārayitā bhūyāsam, 
karṇayoḥ śrutaṃ mācyoḍhvaṃ mamāmuṣya ūṃ || iti ||

asya mantrasyāyamarthaḥ-namo brahmaṇa iti | �brahmaṇaspatirīśo vai 
brahmaitalli"ngamucyata� iti skāndapurāṇavacanāt, �brahmeti li"ngamākhyātaṃ 
brahmaṇaspatirīśvara� iti siddhāntaśikhāmaṇivacanāt, �ali"ngamekamavyaktaṃ 
li"ngaṃ brahmeti niścita� mitīśvaragītāvākyāt, �brahmaṇe li"ngamūrtaya� 
iti li"ngapurāṇavākyācca, brahmeti li"nganāma | brahmaṇe li"ngamūrtaye nama 
iti vedapuruṣeṇa namaskārapūrvakaṃ li"ngadhāraṇaṃ yācitam || dhāraṇaṃ 
tat-brahmasvarūpaśivali"ngasya dhāraṇaṃ me'stu | nanvatra 
tacchabdābhāvādbrahmaṇo dhāraṇamiti kathaṃ labhyate ? na ca brahmaśabdasya 
sākā"nkṣatvāddhāraṇena sākamanvayasyāvaśyaṃ vaktavyatvāt, 
brahmaśabdavācyasya li"ngasya dhāraṇamiti labhyata iti vācyaṃ, 
brahmaśabdasya namaśśabdena sahānvitatvenākā"nkṣāyā evābhāvāditi cenna, 
dhāraṇaśabdasya sasambandhipadārthavācakasya 
sambandhyantaravācakapadasākā"nkṣatvena 
namaḥśabdenānvitasyāpyutthāpitākā"nkṣābalena 
dhāraṇaśabdenānvayasyocitatvād brahmadhāraṇaṃ li"ngadhāraṇamityarthaḥ | 
pratiyogisavyapekṣārthaśabdanirdiṣṭe sannihitasya pratiyogitayānvayo yuktaḥ 
|

pṛ0 79) �ekā deyā ṣaḍ deyā dvādaśa deyāścaturviṃśatirdeyā śataṃ 
deyaṃ sahasraṃ deyamaparimitaṃ 
deya�mityādhānadakṣiṇākalpabhedaśrutāparimitaśabdasya 
pratiyogisāpekṣabahutvasāmānyavācinaḥ 
sannihitasahasrādhikabahutvaparyavasānasya �adhikaṃ vā 
syādbahvarthatvāditareṣāṃ sannidhānā�diti pūrvatantre 
nirṇītatvātsannidhānād brahmaśabdavācyali"ngasya dhāraṇena sahānvayaḥ | 
anirākaraṇaṃ purāṇāgamokte ṣaṭsthānānyatamasthāne 
kadācidapyajahanamaviyogaḥ, astu-bhavatu prārthanāyāṃ loṭ | dhārayitā 
bhūyāsamityuktirmumukṣūṇāṃ li"ngadhāraṇadārḍhyārthaṃ �śatakṛtvo'pi 
vaditavya� miti nyāyenāmreḍayatīti na paunaruktyam | karṇayoḥ śrutam, 
vīraśaivadīkṣākāle karaṇīyamiṣṭali"ngadhāraṇaṃ 
pañcākṣarīmantropadeśapūrvakamiti tanmantrasya śabdarūpatvena 
śrotrendriyagrāhyatvātkarṇayoḥ śrutamityanena mantraḥ pratipāditaḥ | sa ca 
li"ngadhāraṇaprakaraṇayogyatvāt pañcākṣarīrūpaḥ | karṇayoḥ 
śrutamityasya karṇābhyāṃ śrutamityarthaḥ | 
dakṣiṇakarṇamātrasyopadeśayogyatve'pi karṇadvayasyāpi 
śravaṇayogyatvamastīti dvivacanopapattiḥ | �ghṛtasya yajatī�tyatreva 
tṛtīyārthe ṣaṣṭhī | nanu 
śeṣādyarthe ṣaṣṭhīvidhānāttṛtīyārthe ṣaṣṭhī vibhaktiḥ   
kathamupapadyata iti cenna śvarustvanekaniṣpattiḥ svakarmaśabdatvā�diti 
caturthādhyāye dvitīyapādādhikaraṇe �yūpasya svaruṃ karotī�tyatra 
yūpātsvaruṃ karoti, yūpātsvarumādatta ityevaṃ siddhāntekṛte bhagavatā 
pūrvamīmāṃsāsūtrabhāṣyakṛtā śrīśabarasvāminā 
kathaṃ ṣaṣṭhīvibhakteḥ pañcamyarthattvamityākṣipya, 
aprāṇinaḥ ṣaṣṭhī pañcamyarthe bhavati yūpasya svaruṃ karoti 
yūpātsvaruṃ karotīti, kvacittṛtīyārthe ghṛtasya yajati, ghṛtena yajatīti, 
pañcamyarthe vā ghṛtādyajati ghṛtasya yajatīti, kvacid dvitīyārthe somasya 
pibati somaṃ-pibati, somātpibatītyuktam | tannyāyenātrāpi 
tṛtīyārthe ṣaṣṭhī | karṇābhyāṃ śrutaṃ gurūpadiṣṭhaṃ 
pañcākṣarīmantraṃ japataḥ amuṣya me mācyoḍhvaṃ mācyotiṣṭa, cyu"n 
cyavana iti dhātorlu"ni dhvami sijlope guṇaḥ, dhasya ca ḍhaḥ | 
puruṣavacanavyatyayaśchāndasaḥ | pañcākṣarīmantrajapaḥ sadā-

pṛ0 80) bhavatu mācyavatāmityarthaḥ | ūṃ iti mantrāvasānam | yadvā 
brahman, gurūpadiṣṭaṃ pañcākṣarīmantraṃ me mācyoḍhvaṃ mācyāvaya, 
antarbhāvitaṇijarthaḥ | vacanavyatyayaśchāndasaḥ | ateva śamendro medhayā 
spṛṇotvi� ti mantraviṣaye avismaraṇaṃ parameśvarāyattamiti dṛḍhatayā 
dyotyate || 
etadupabṛhaṇaṃ skānde-

namaste brahmaṇe deva ācāryāya mahātmane |
tannirākaraṇaṃ viśvajanyattvānmṛtyunaiva hi ||
anirākaraṇaṃ me'stu dhāraṇaṃ deśikottama |
vedaśāstrapurāṇeṣu prasiddhaṃ karṇayoḥ śrutam ||
acyoṣṭa mama me li"ngaṃ mā cyāvaya śivāśrayam |
upadiṣṭañca gurūṇā karṇe taddivyarūpabhāk ||
vedasiddhaṃ mantraratnaṃ japetpañcākṣaraṃ sadā | iti ||

atha vīraśaivamate pañcākṣarīmantropadeśapūrvakaṃ li"ngadhāraṇaṃ 
kartavyamiti siddhāntaḥ | tatpratipādake'sminmantre prathamato li"ngadhāraṇaṃ 
pratipādyate, tataḥ paraṃ karṇayoḥ śrutamiti pañcākṣarīmantropadeśaḥ 
pratipādyata ityetanmantraparyālocanayā li"ngadhāraṇānantaraṃ 
pañcākṣarīmantropadeśaḥ kuto nānuṣṭhīyata iti cenmaivam, pūrvameva 
pañcākṣarīmantropadeśasya yuktatvāt, pāṭhakramāpekṣayārthakramasya 
balavattvāt | taduktaṃ pūrvatantre pañcamādhyāye prathamapāde 
dvitīyādhikaraṇe �arthācce� ti sūtre | agnihotrahomādanantaraṃ pūrvaṃ vā 
yavāgūpākaḥ kartavya iti sandehe, pañcaprayājeṣu pāṭhāpekṣayā kramasya 
darśanātpratyakṣaśrūyamāṇasya pāṭhasya bādhāyogād 
dravyāntareṇāgnihotrahomamanuṣṭhāyānantaraṃ yavāgūpākaḥ kartavya iti 
prāpte siddhāntaḥ-dravyāntareṇāgnihotrahome'nuṣṭhite tadanantaraṃ 
kriyamāṇasya yavāgūpākasya dṛṣṭaprayojanābhāvādadṛṣṭaṃ 
prayojanamavaśyaṃ kalpanīyam | taccānucitam, 
dṛṣṭaphalasaṃbhave'dṛṣṭaphalakalpanāyā

pṛ0 81) anyāyyattvāt | ataḥ pāṭhakramaṃ bādhittvā 
yavāgūpākasyāgnihotrahoma nirvartakattvarūpārthavaśādyavāgūṃ pacati, 
agnihotraṃ juhotīti pāṭhāntaraṃ kalpanīyamiti || yadyapyasmin pakṣe 
pāṭhāntarakalpanamekaṃ bādhakam, tathāpi adṛṣṭaphalakalpanaṃ pakvasya 
yavāgūdravyasya vaiyarthyaṃ, upasthitayavāgūdravyaṃ 
vinānupasthitadravyāntarasaṃpādanayatnaśceti 
doṣatrayavaśādarthakramānusāreṇa pāṭhāntarakalpanamekodoṣaḥ svīkriyate, 
�ekohidoṣo guṇasannipāta� iti nyāyāt | tannyāyenātrāpi karṇayoḥ 
śrutamiti pañcākṣarīmantropadeśapūrvakaṃ dhāraṇaṃ me'stviti 
li"ngadhāraṇamavaśyaṃ kartavyamityarthakramānusāreṇa pāṭhāntaraṃ 
kalpanīyam ||
nanvayaṃ kramavicāro'tra na saṃpratipadyate, 
pañcākṣarīmantropadeśali"ngadhāraṇayora"ngā"ngibhāvābhāvāt, 
a"ngānāmeva kramikāṇāṃ pradhānopakartṛttvamiti mīmāṃsānyāyāditi 
cenmaivam, �yadā bhāraṃ tandrayate sa bhartuṃ nidhāya bhāraṃ punarastameti� 
�pramādātpatite li"nge saha prāṇānparityaje�diti śrutismṛtiparyālocanayā 
li"ngadhāraṇasyaiva 
prādhānyālli"ngadhāraṇayogyatāsaṃpādakapañcākṣarīmantropadeśasyā"ngat
vam, mantrasya sarvasyāpya"ngatvāt, 
tathaivārthavādādhikaraṇamantrādhikaraṇayornirṇītattvātkvacidapi 
prādhānyasyābhāvāt, kriyāyā eva yāgādirūpāyāḥ 
prādhānyasyāsakṛddarśanālli"ngadhāraṇasyāpi kriyārūpatvena 
prādhānyamavaśyaṃ vaktavyam ||
atha pradhānānuṣṭhānakāla evā"ngānāmavaśyamanuṣṭheyatvāt 
prayājādīnāṃ darśapūrṇamāsapradhānakāla 
evānuṣṭhānadarśanālli"ngadhāraṇātpūrvaṃ kṛtasya 
pañcākṣarīmantropadeśasya tatkāle'nuṣṭhānābhāvācca 
kathama"ngatvamucyata iticet, nyāyānabhijñasya tavākṣepo yukta eva | 
ādhānasya jyotiṣṭomayāgātpūrvaṃ kṛtasya kathaṃ 
jyotiṣṭomā"ngatvama"ngīkriyate | na cāgnīnādadhīteti vihitasyādhānasya 
�karturīpsitatamaṃ karma� �tathā yuktañcānīpsita�miti, 
bhagavatpāṇinyanuśāsanavaśena dvitīyā-

pṛ0 82) saṃyogavaśādagniniṣpatyarthatvena jyotiṣṭomādikarmā"ngatvaṃ 
nāstīti vācyam, �guṇānāñca parārthatvādasambandhaḥ samattvātsyā� diti, 
tṛtīyādhyāyādhikaraṇe, �yasmin prītiḥ puruṣasya tasya lipsārtha 
lakṣaṇāvibhaktatvā�diti, caturthādhyāyadvitīyasūtre caturthavarṇake 
ādhānakarmā"ngatvapratipādanāt | taduktaṃ bhāṣyakāraiḥ śabarasvāmibhiḥ 
ṅacādhānavadbhavitumarhati, tatrahi vacanamasti �vasante 
brāhmaṇo'gnīnādadhīte�ti | na caitada"nga�miti | athavā �vājapeyeneṣṭvā 
bṛhaspatisavena yajete�ti, vacanena bṛhaspatisavasya jyotiṣṭomaprakṛtikatvena 
vasantakāle kriyamāṇasya śharadi vājapeyena yajete�ti 
śaratkālakriyamāṇavājapeyā"ngatvavat, śaṃsthāpya paurṇamāsīṃ 
vaimṛdhamanunirvapatī�ti vacanena paurṇamāseṣṭisamāptyanantaraṃ 
kriyamāṇāyā vaimṛdheṣṭeḥ paurṇamāsā"ngatvavadvā, prakṛte'pi 
kālabhedena kriyamāṇasyāpi pañcākṣarī mantropadeśasya 
paścādanuṣṭhīyamānali"ngadhāraṇā"ngatvaṃ, �pañcākṣarīṃ guroḥ 
prāpya paścālli"ngaṃ dharedbudha� iti vacanena yujyate || 
nacodāhṛtasthaladvayepyuttaratrā"ngānuṣṭhānasya darśanātpūrvā"ngasya 
pradhānāsamakālamanuṣṭhānaṃ kathaṃ sambhavatīti śa"nkanīyam, 
pradhānāsamakālama"ngānuṣṭhānasyaitannyāyaviṣaya-tvena 
pūrvā"ngamuttarā"ngamiti vinigamanāvirahāt pūrvā"ngasyānuṣṭhānam || 
athavā ādhānasya jyotiṣṭomākhyayāgā"ngasya 
pradhānātpūrvamanuṣṭhānasya darśanātpūrvā"ngasyāpyanuṣṭhānamastīti 
siddhameva || na ca dvitīyayā ādhānasyāgniniṣpatyarthatvam, na tu 
kratvarthatvamiti prāguktamiti vācyaṃ, ādhānaśabdasya lakṣaṇayā 
āhavanīyādyagnivācakatvenāgnīnāṃ kratva"ngatvaṃ sambhavatīti 
bhagavadbhirācāryairbhaṭṭapādaiṣṭīkāyāṃ vyākhyātatvādagnīnāṃ 
pradhānasamakāle'nuṣṭhitānāṃ pradhānā"ngatvasya sambhavāt; 
tannyāyenātrāpyupadyata iti na kāpyanupapattiḥ ||
asminnarthe śrutyantarañca nārāyaṇopaniṣadi-nidhanapataye namaḥ |
nidhanapatāntikāya namaḥ | ūrdhvāya namaḥ | ūrdhvali"ngāya namaḥ |

pṛ0 83) ityupakramya, etatsomasya sūryasya sarvali"nga ? sthāpayati | 
pāṇimātraṃ pavitram || iti ||

atra li"ngasvarūpanirūpaṇaprastāve sarvali"ngaṃ sthāpayatīti 
somasūryasvarūpaśaktiśivātmakali"ngaṃ sthāpayatīti li"ngasya dhāraṇaṃ 
vidhāya, tacca kutretyākā"nkṣāyāṃ pāṇimantramiti pāṇau mananāt trāyata 
iti vyutpatyā pāṇireva li"ngasyādhāra iti pratipādyate, 
li"ngadhāraṇayogyānāṃ ṣaṇṇāṃ sthānānāṃ madhye hastatalasyāpi 
dhāraṇayogyatvena parigaṇitatvāt | taduktaṃ śa"nkarasaṃhitāyām-

yo hastapīṭhe nijamiṣṭali"ngaṃ
vinyasya tallīnamanaḥpracāraḥ |
bāhyakriyāsaṃkulanispṛhātmā
sampūjayatya"nga sa vīraśaivaḥ || iti ||

na ca kāmanayā kartavyasya mārtikali"ngasya pūjārthaṃ pāṇisthāpana 
paramidamiti vācyaṃ, sarvali"ngamiti sarvaśabdasyāsa"nkucitasarvaparasya 
sa"nkoce pramāṇābhāvāt | tathācaitadupabṛṃhaṇaṃ skandapurāṇe-

somasyaitacchaktirūpaṃ sūryasyaitacchivātmakam |
pāṇau ca mananāttrātaṃ sarvaṃ li"ngaṃ śivālayam ||
saṃsthāpayetsadā dehe pavitra mupavītavat || iti ||

apāvitryakāle'pi pāvitryasampādakatvātsadopavītavatpavitramityarthaḥ || 
asminnarthe śrutyantarañca ṛgvede-

ayaṃ me hasto bhagavānayaṃ me bhagavattaraḥ |
ayaṃ me viśvabheṣajo'yaṃ śivābhimarśanaḥ |
ayaṃ mātā ayaṃ pitā ayaṃ jīvāturāgamāt |

asyāḥ śruterarthaḥ- ayaṃ me hastaḥ bhagavān bhago'syāstīti

pṛ0 84) bhagavān māhātmyavānityarthaḥ | bhagavattaraḥ 
atyantamāhātmyavānityarthaḥ | viśvabheṣajaḥ, viśvasya māyāprapañcasya 
bheṣajaḥ bheṣajavān vaidyaḥ, arśa āditvādac | śivābhimarśanaḥ | 
abhimarśanaśabdo na kevalaṃ sparśamātravācī, kintu abhitaḥ paritaḥ 
spṛśatītyabhimarśanaḥ nijakaratala śākhābhirli"ngamūrteḥ sarvā"ngaṃ 
spṛśatītyarthaḥ | ayaṃ mātā ayaṃ pitā ayaṃ jīvāturjīvanauṣadharūpaḥ 
| asminnarthe upabṛṃhaṇam-

ayaṃ me hasto bhagavānayaṃ me bhagavattaraḥ |
śivābhimarśanānnityaṃ śivali"ngasya dhāraṇāt || iti ||

asminnarthe śrutyantarañca-

yajñopavītaṃ paramaṃ pavitraṃ 
prajāpateryatsahajaṃ purastāt |
āyuṣyamagryaṃ pratimuñca śubhraṃ
yajñopavītaṃ balamastu tejaḥ || iti ||

asyāḥ śruterarthaḥ- yat-yajñopavītaṃ, yajño-viṣṇuḥ, �yajño vai viṣṇu� 
riti śruteḥ, �yajñeśvarastvamasi yajñamamuṃ gṛṇantī�ti caturvedatātparya 
saṃgrahakṛdvacanācca | yajñena viṣṇunā pīṭharūpaṃ prāptena, upa-samīpe 
vītaṃ-āvṛtaṃ, śaṃvītaṃ ruddhamāvṛta�mityamaraḥ | itthañca 
yajñopavītaṃ śivaśaktyātmakaṃ li"ngamityarthaḥ | �viṣṇuryoniṃ 
kalpaya�tviti śrutyā viṣṇoḥ śaktyaṃśatvāt | li"ngasya 
śivaśaktyātmakatayā viṣṇoḥ 
śaktyaṃśatvenādhiṣṭheyapīṭhātmakatvālli"ngasya 
tadadhiṣṭhātṛtvādyajñopavītaśabdena śivali"ngamucyate | paramaṃ-
sarvotkṛṣṭaṃ, pavitraṃ-pariśuddhaṃ, prajāpaterbrahmaṇaḥ purastātpūrvam 
| �hiraṇyagarbhaṃ janayāmāsa pūrvaṃ� �yo brahmāṇaṃ vidadhāti pūrvaṃ | 
yo vai vedāṃśca prahiṇoti tasmai� iti śrutyā 
prajāpaterhiraṇyagarbhātpūrvakālavartitvaṃ prasiddhaṃ | sahajaṃ 
svabhāvasiddhaṃ | yadvā prajāpateḥ sahajam, prajāpatinā-brahmaṇā 
sahajātam, �ghṛtena yajatī� tyatra ghṛtasya 

pṛ0 85) yajatītivadatra tṛtīyārthe ṣaṣṭhī | prajāpatinā sahotpannamiti 
yāvat | nanu �ajāta ityeva kaścidbhīruḥ prapadyate rudra yatte dakṣiṇaṃ 
mukhaṃ tena māṃ pāhi nitya� miti śrutyā sarvakāraṇatvena 
�ajamīśānamavyaktaṃ kāraṇātmānamavyaya� miti bhārate droṇaparvaṇi 
vacanājjanirahitasya li"ngarūpasya śivasyoktaśrutyā janimatā brahmaṇā saha 
sahajaśabdena sahajāyata ityarthe utpannenotpattikathanaṃ kathamupapadyate, 
virodhāditi cenna, �tvaṣṭārantūpalakṣaye�diti tṛtīyādhyāye 
bhakṣapeṭikāsthādhikaraṇe, �agnā3ipatnīvantsajūrdevena tvaṣṭrā somaṃ 
pibasvāhe�ti mantre pātnivatagrahe patnivadagnerdevatātve'pi tatsaha 
pātustvaṣṭurdevatvamasti vā na veti saṃśaye agneriva tvaṣṭurapi somaṃ 
pibeti mantravarṇena pānakartṛtvaśravaṇāddevatātvamastīti prāpte 
siddhāntaḥ �sahaiva daśabhiḥ putrairbhāraṃ vahati gardabhī� tyatra yathā 
bhāravahanāyogyānāṃ tatputrāṇāṃ sahaiveti sahabhāve śrūyamāṇe'pi 
gardabhyā saha vahanakriyāyāmanvayo nāsti tadvadatrāpi tvaṣṭuḥ saha 
bhāve'pi pānakriyānvayābhāvāddevatātvaṃ nāstītyuktam | tannyāyenātrāpi 
prajāpatisahotpattipratipādakamantre prajāpaterjanimatve'pi śivasya 
janimatvābhāve'pi sahajaśabdavācyatvamupapadyate | āyuṣyaṃ-āyuṣkaraṃ, 
agryaṃ-agrebhavaṃ, �ahamekaḥ prathamamāsa�miti śruteḥ | śubhraṃ nirmalaṃ 
tadyajñopavītaṃ-li"ngaṃ, pratimuñca-dhāraya, pratipūrvakasya 
muñcaterdhāraṇārthakatvasiddheḥ | te balaṃ tejaśca astu | asminnarthe 
upabṛṃhaṇam-

tadāhūya munīn dṛṣṭvā pūjadhvaṃ munipu"ngavāḥ |
bhasmarudrākṣaniṣṇātāḥ sphāṭikaṃ śailajantu vā ||
śivaviṣṇumayaṃ li"ngaṃ trivṛtsūtraṃ sanātanam |
yajñopavītaṃ paramaṃ pavitraṃ śraddhayāsaha ||
karābjapīṭhe pīṭhe vā bhajadhvaṃ śrutikovidāḥ |

pṛ0 86) ityuktvā bhagavān brahmā satyalokaṃ samāgamat ||
saṃsyūtatvātsamasteṣu vastuṣvapi ca santatam |
sūcanātparameśasya sūtraṃ li"ngamiti smṛtam ||
yadakṣaraṃ paraṃ brahma tatsūtramiti dhārayet |
dhāraṇādasya sūtrasya nocchiṣṭaṃ nāśucirbhavet || iti ||

asminnarthe śatarudrīye-

yā te rudra śivā tanūraghorāpāpakāśinī |
tayā nastanuvā śantamayā giriśantābhicākaśīḥ || iti ||

asyārthaḥ- he rudra, �rudduḥkhaṃ duḥkha heturvā taṃ drāvayati naḥ prabhuḥ 
| rudra ityucyate sadbhiḥ śivaḥ paramakāraṇam ||�
iti sūtasaṃhitāvacanāt,

�rodayasyakhilān jīvānantakāle yadṛcchayā |
ataḥ prājñairmunivarairudra ityabhidhīyase ||�

iti śaivapurāṇavacanācca, rudaṃ bhaktānnāṃ tāpatrayātmakaṃ duḥkhaṃ 
drāvayasi yāpayasīti rudra, yā te tava śivātanūḥ �rudro vā eṣa yadagniḥ 
| tasyaite tanuvau ghorānyāśivānye�ti śrutyā, �li"ngaṃ śivā tanūḥ 
proktaṃ mūrtirghoratanūḥ smṛtā | apāpeṣu ca bhakteṣu tayormadhye śivā 
tanūḥ ||� ityupabṛṃhaṇānusāreṇa li"ngarūpā tanūḥ, aghorā 
nityama"ngalasvarūpā apāpeṣu-pakvāntaḥkaraṇeṣu kāśata ityapāpakāśinī 
| he giriśanta, śantamayā atyantasukharūpayā tayā li"ngarūpayā tanuvānaḥ, 
asmān abhicākaśīḥ li"ngadhāraṇena li"ngā"ngasāmarasyarūpaṃ paramaṃ 
sukhaṃ datvā prakāśayetyarthaḥ |

pṛ0 87) asminnarthe upabṛṃhaṇam-

yā te rudra śivātanūraghorāpāpakāśinī |
yajuṣā gīyate yasmāttasmācchaivo'ghavarjitaḥ || iti ||

asminnarthe śrutyantaram-

brahmaṇaścodanyasi | brahmaṇa āṇīsthaḥ | brahmaṇa āvapanamasi | 
dhāriteyaṃ pṛthivī | brahmaṇā mahīdhāritamenena | mahadantarikṣaṃ divaṃ 
dādhāra pṛthivīṃ sadevāṃ | yadahaṃ vededahaṃ dhārayāṇi | 
māmadvedo'dhivisrasat | medhāmanīṣe mā viśatāṃ samīcī bhūtasya 
bhavyasyāvaruddhyai sarvamāyurayāṇi sarvamāyurayāṇi || iti ||

asyāḥ śruterarthaḥ- brahmaṇaḥ-li"ngasya �brahmetili"ngamākhyāta� 
mityupabṛhaṇāt, �brahmaprajananaṃ kāṭa� mityādivaidikakośavacanācca | 
tasya li"ngasya codanī prerikā, cudpreraṇa iti dhātorlyuṭpratyayāntāt "nīp 
| asi bhavasi, he pṛthivi punaśca brahmaṇaḥ li"ngasya āṇī-aṇiḥ kīlakam 
�kīlaketudvayoraṇiḥ� ityamaraḥ | ekavacane dvivacanabahuvacanādīnāñca 
mantrāntareṣu dṛṣṭatvādekavacanārthe dvivacanaṃ chāndasam | āsthaḥ 
ā"nityupasargaḥ | vyavadhānenopasargaśchāndasaḥ | brahmaṇaḥ-li"ngasya 
āvapanaṃ pātraṃ ādhārabhūtā asi; �bhūmirāvapanaṃ maha� ditiśruteḥ | 
ādhāratvaṃ samavāyikāraṇatvena | anena taijasānāṃ li"ngānāṃ 
dhāraṇanivṛttissūcitā | brahmaṇa āṇīstha ityanena pīṭhe 
kṛtasandhānasya li"ngasya dhāraṇaṃ sūcyate, tenākṛtasandhānānāṃ 
sphaṭikali"ngānāṃ dhāraṇānnivṛttissūcitā | brahmaṇaścodanyasītyanena 
siddhasya li"ngasya preraṇāsambhavāttatsambandhivyāpāro lakṣyate, sa ca 
vyāpāro vīraśaivadīkṣārūpaḥ, dīkṣāprerikāsītyarthaḥ | 
tasmādvākyatrayeṇa vīraśaivadīkṣādvārākṛtasandhānameva pāthivaṃ 
li"ngaṃ dhāraṇayogyamiti varṇitam | dhāriteyaṃ pṛthivī pārthivaṃ 
li"ngamityarthaḥ, prakṛtivācakena strīli"ngāntena pṛthivīśabdena      
pārthivaṃ li"ngamiti  

pṛ0 88) vikṛtirupacaryate, mantrāntare tathā dṛṣṭatvāt | �pṛthvī 
pūtāpunātu mā� mityatra strīli"ngāntena pṛthvīśabdena 
pārthivaśarīravyavahārasya dṛṣṭatvāt | enena anenopāsakena dhāriteyaṃ 
pṛthvī pārthivali"ngaṃ brahmaṇā dhāritaṃ bhavatītyarthaḥ | tathāca 
brahmaśabdavācyali"ngadhārī �brahmavidbrahmaivabhavatī� 
tivadbrahmābhinnobhavatītyarthaḥ | enenetidhāraṇakarturupāsakasya 
nirdiṣṭatvātpunaśca brahmaṇeti brahmaśabdenaikyaprāptyartha eva, anyathā 
brahmaśabdasya vaiyyarthyaṃ syāt | prāktanavākyatrayeṇa pṛthivī śabdena ca 
iṣṭali"ngadhāraṇapūrvakameva prāṇali"ngabhāvali"ngadhāraṇaṃ 
li"ngā"ngasāmarasyarūpabrahmaprāptikaraṃ, na kevalaṃ 
prāṇali"ngabhāvali"ngadhāraṇamiti sūcitam | nanu 
tathāpyenenetīdaṃśabdasāmānādhikaraṇyena brahmaśabdenopāsakasya 
nirdeśaḥ kathaṃ mukhyārthaḥ | brahmaprāpteḥ 
prārabdhakṣayānantarabhāvitvena jīvanmuktatvasyāpyaupacārikatvena 
mukhyatayā brahmaśabdena nirdeśāsambhavāditi cenna, pavamāneṣṭau 
�agnihotrahavaṇyā havīṃṣinirvapatī� tyatrāgnihotrahavaṇīśabdena 
nirvāpasādhakasya pātraviśeṣasya nirdeśaḥ kathaṃ sambhavati 
ādāvādhānapavamānābhyāmagnī nipaṣpatyanantaramagnihotrahomasyānena 
pavamāneṣṭiha- virnirvāpasādhakapātreṇa kartavyatvena 
pavamāneṣṭivelāyāmagnihotrasyākṛtatvāt, agnihotraṃ hūyate'nena 
pātraviśeṣeṇetyagnihotrakṣavaṇīśabdasya yaugikatvena rūḍhatvābhāvāditi 
prāpte, pātraviśeṣe bhaviṣyadgatyā homasambandhasya 
sambhāvitatvenāyogyatvābhāvāttatpūrvakāle'pi nirdeśaḥ sambhavati | 
tannyāyenātrāpīṣṭali"ngaprāṇali"ngabhāvali"ngadhāraṇena 
li"ngā"ngasāmarasyarūpamuktiyogye upāsake brahmaśabdena nirdeśaḥ 
sambhavatīti | tataḥ paramupāsakasya li"ngadhāriṇaḥ sakalajagaddhārakatvena 
praśaṃsā kriyate mahadityādinā | mahat-antarikṣaṃ mahīdhāritaṃ, mahyā 
antarikṣa 
dhārakatvantvādheyānāmuparitanatvādādhārasyādhastanatvādaupacārikam | 
antarikṣamākāśaṃ divaṃ svargaṃ sadevāṃ bahudevasahitāṃ pṛthvīṃ 
dādhāra, dadhāretivaktavye dādhāreti chāndasaṃ rūpam | atra dhātoḥ 
kartrākā"nkṣāyāṃ 

pṛ0 89) satyāṃ pūrvamidaṃ śabdanirdiṣṭa iṣṭali"ngadhāraṇakriyākartaiva 
praśaṃsanīyatvena sannidhānavaśādanveti | vibhaktivipariṇāmaḥ kalpanīyaḥ 
| tasmādayamiti kartṛnirdeśaḥ | upāsakaḥ jagattrayañca dhārayati, 
anenāpijagattrayadhāraṇaśabdeneṣṭali"ngaprāṇali"ngabhāvali"ngadhāraṇaṃ 
sūcitam | yalli"ngaṃ pūrvoktalakṣaṇalakṣitatvena ahaṃ veda, it etalli"ngaṃ 
dhārayāṇi | nanu pūrvaṃ dhāriteyaṃ pṛthivītyanena 
pārthivali"ngadhāraṇasya pratipādanātpunarli"ngadhāraṇapratipādanaṃ 
kimarthamiti cenna, pūrvoktajñānavato li"ngadhāraṇe yogyatānānyasyeti 
pratipādayituṃ, aihikañca phalamastīti ca vaktumāmreḍanamiti na ko'pi doṣaḥ 
| tadaihikaphalameva pratipādayati medhāmanīṣa iti | medhā dhāraṇātmikā 
buddhiḥ, manīṣā kevalā buddhiḥ te medhāmanīṣe samīcītyekavacanaṃ 
chāndasam | samīcīne viṣayādiparityāgena 
pratyagābhimukhyakāriṇyāvityarthaḥ | mā māṃ āviśatāṃ 
āsamantādviśatāṃ sarvadā mayi āsātām | mat mattaḥ 
pañcākṣarīmantrarājo vedaḥ mādhivisrasat srasto mābhūt, sraṃsu 
avasraṃsana iti dhātormā"nyogādaḍāgamaniṣedhaḥ, "nitvānnalopaḥ | punaśca 
phalāntaraṃ vakti bhūtasyetyādinā | bhūtasyetilabdhasya pālanamucyate, 
bhavyasyetyanena yoga ucyate �ananyalabhyo yogaḥ syāt kṣemastatparirakṣaṇa� 
mityuktatvāt | yogasya kṣemasya cāvaruddhyai prāptyai sarvamāyurayāṇi, 
sarvamāyurayāṇi, vedoktaṃ śatamāyuḥ prāpnuyām | tasmādanayā śrutyā 
kṛtasandhānasya pārthivasyaiva li"ngasya dīkṣāpurassaraṃ dhāraṇe 
li"ngā"ngasāmarasyarūpamokṣaprāptirāmuṣmikaphalaṃ, 
pañcākṣarīmantrādyavismaraṇe viṣayatyāgapūrvakaṃ 
samyagjñānasiddhiryogakṣemaprāptiḥ śrutyuktasarvāyuḥprāptiśca phalamiti 
nirṇīyate ||

purastātprastara"ngṛhṇāti mukhyamevaina"nkaroti | tasminpavitre api sṛjati | 
yajamāno vai prastaraḥ prāṇāpānau pavitre yajamāna eva prāṇāpānau 
dadhāti |

pṛ0 90) ityanayāpi śrutyā li"ngadhāraṇaṃ vidhīyate | tathāhi- prastaraṃ 
li"ngākāramupalaviśeṣaṃ �prastaro janima prāṇo li"nga�miti kośāt | 
purastāt prathamaṃ gururgṛhṇāti; tasminpavitre api sṛjati, pavitraśabdasya 
devatāsāmānyavācakatvasya vaijayantīkośasiddhatvena pavitre devate 
śivaśaktī gṛhyete | te tāvad gururdīkṣākāle kalāvāhanakrameṇa 
pīṭhagolakayoḥ, api sṛjati, api śabdo bhinnakramaḥ | sṛjatyapītyanvayaḥ, 
yojayatyapītyarthaḥ | gṛhṇātinā saha samuccayārthaḥ | anena kalāvāhana 
pūrvakaṃ śivaśaktyātmakaṃ guruṇā dattaṃ li"ngaṃ gṛhṇāti 
dhāyedityarthaḥ || nanu gṛhṇātītyatra li"nloṭtavyadādipratyayābhāvena 
vartamānāpadeśena laṭā na dhāraṇaṃ vidhīyata iti cenmaivam, �audumbaro 
yūpo bhavati, vrīhīnprokṣatī�tyādivalleṭpariṇāmena vidhāyakatvasambhavāt 
| nanvastu vidhāyakapratyayaḥ, 
dhāraṇavācakaśabdābhāvādgrahaṇavācakagṛhṇāteḥ śravaṇātkathaṃ 
dhāraṇaṃ vidhīyeta | na ca gṛhṇātinā dhāraṇaṃ lakṣyata iti vācyaṃ, 
ṅa vidhau paraḥ śabdārtha� iti nyāyāt | tasmātkathaṃ dhāraṇaṃ vidhīyata 
iti cenna, etaduparitane �dhārayan prastaram | paridhīn paridadhātī�ti 
veṣṭanavidhāyake vākye dhāraṇasya śatṛpratyayenānūdya 
mānatvādanuvādasya purovāda-    sāpekṣatvādgṛhṇātītyatra dhāraṇaṃ 
vidhīyata eva, anyathā anuvādasyākasmikatvaṃ syāt | tasmāt 
siddhavannirdeśabalāddhāraṇaṃ vidhīyata evetyabhyupagantavyam || atha ṅa 
vidhau paraḥ śabdārtha� iti nyāyena gṛhṇāterlakṣaṇayā dhāraṇaparatvaṃ 
kathaṃ kalpyata iti cainmaivam, �vāyavyaṃ śvetamālabheta bhūtikāmaḥ | 
sauryaṃ caruṃ nirvaped brahmavarcasakāma� ityatrālabhatinirvapatibhyāṃ 
yajatyabhāve'pi yathā yogaṃ vācakaśabdaṃ kalpayitvā yāgau vidhīyete, 
anyathā ālabhati nirvapatyoḥ sparśanapṛthakkaraṇarūpārthayoryoge 
kartavye'nyathānupapatyā yāgīyadravye 
prāptayorvidhānāyogyatvādvaiyyarthyaṃ syāt | vaiyyarthyādvaraṃ 
yathākathañcidarthakalpanam | tasmādālabhati nirvapatī arthaprāptau svārthā 
vanūdya yāgakalpanāṃ sūcayata iti dvitīyādhyāye tṛtīyapāde nirṇītam ||

pṛ0 91) tannyāyenātrāpi kevalagṛhṇāterdhāraṇe kartavye'nupapattyā 
prāptatvena vidhātumayogyatvāddhāraṇaṃ kalpyate || kiñca pañcamādhyāye 
dvitīyapāde �dvirhaviṣo'vadyatī�ti viṣayaḥ śrūyate | tatra kiṃ 
padārthānusamayaḥ kāṇḍānusamayo veti saṃśaye prāpte padārthānusamaya 
eva, avadyatimātrasya śrūyamāṇatvāt | tasmādāgneyasya 
puroḍāśasyāvadānaṃ kṛtvā yāgamanuṣṭhāya, punaśca 
havirantarasyāvadānaṃ kṛtvā yāgāntaramapyanuṣṭhāya havirantare'pi tathā 
kartavyamiti pūrvapakṣe prāpte, arthataḥ prāptasya avadānamātrasya vidhau 
vidhervaiyyarthyaṃ syāt, avadānasyādṛṣṭārthatā ca syāt | ato'vadānaṃ na 
vidhīyate, kintu dvitvasaṃkhyā vidhīyate; avadānantu pradhānasya 
yāgasyaikadeśaḥ, dṛṣṭe sambhavatyadṛṣṭasyānyāyyatvāditi nyāyena 
yāgārthaśca | tasmādavadānamātrānuṣṭhānasyaikadeśarūpatvena 
yāgānanuṣṭhāne sati padārthānuṣṭhānasyaiva 
jātatvāddhavirantarasyāvadānamakṛtvā yāgo'nuṣṭheya iti kāṇḍānusamaya 
ityuktam | tannyāyenātrāpi kevalaṃ li"ngagrahaṇamātravidhau 
grahaṇasyaikadeśatvena padārthatvābhāvena 
dhāraṇaparyantānudhāvanamāvaśyakaṃ, anyathā grahaṇamadṛṣṭārthaṃ syāt 
| ato dhāraṇena militaṃ grahaṇamekaḥ padārthaḥ |       
tasmāddṛṣṭārthatāpi siddhyati | ata ekapadārthasiddhyarthaṃ dhāraṇaṃ 
vidhīyate | api ca gṛhṇāterdhāraṇe lakṣaṇā"ngīkriyate | na ca ṅa vidhau 
paraḥ śabdārtha� ityuktamiti vācyaṃ, prācīmāharatītyatra caturthādhyāye 
śhākhāyāṃ tatpradhānatvā�diti dvitīyapāde dvitīyādhikaraṇe 
vidhivākyasya lakṣaṇā"ngīkārāt || itthaṃ khalu tatra 
nirṇayaḥ-�prācīmāharatī�ti śākhāharaṇaprakaraṇe vidyamānena vākyena 
śākhāyā āharaṇaṃ vidhīyate vā ? uta svārtho vidhīyate ? iti viśaye 
prāpte ṅavidhau paraḥ śabdārtha� iti nyāyena śākhāyā āharaṇaṃ na 
kartavyaṃ, kintu mukhyārthasya vidhānamiti prāpte, rāddhāntaḥ- yadi svārtha 
eva tātparyamasya vākyasya syāttadā agninā 
siñceditivadvākyasyāyogyārthadigāharaṇapratipādakatvenāprāmāṇyaṃ syāt, 
ato mukhyārthaṃ parityajyā- 

pṛ0 92) mukhyārthaḥ kalpanīyaḥ | tatrāmukhyārthakalpane'pi prācīṃ diśaṃ 
pratiśākhāmāharatīti prakaraṇabaśādyadyarthaḥ kalpeta tadā 
padadvayādhyāhārasya kartavyatvena mahāndoṣa āpatet | yadi 
prakaraṇavaśācchākhā labhyata iti tadvācakaḥ śabdo nādhyāhartavyastadāpi 
pratiśabdādhyāhāradoṣo durvāra eva | tasmātprācīṃ śākhāmāharatīti 
prācīśabdasya prā"nmukhyāṃ śākhāyāṃ lakṣaṇāma"ngīkṛtya 
pūrvoktadoṣāḥ pariharaṇīyāḥ | tannyāyenātra gṛhṇāteḥ svārthe 
paryavasāne satyatyantavaiyyarthyenādṛṣṭārthakalpanāgauravādhāraṇe 
lakṣaṇāvaśyama"ngīkartavyaiva || athavā �dhārayan prastaraṃ 
paridhīnparidadhātī�tyuttaravākya eva li"ngadhāraṇavidhiḥ kalpyate | naca 
dhārayanniti śatṛpratyayasya vidyamānatvāttasya laḍarthe 
vidhīyamānatvāttasya ca vidhāyakatvābhāvātkathamatra dhāraṇavidhiriti 
vaktuṃ śakyat iti vācyaṃ, �tāvabrūtāmagnīṣomāvājyasyaiva 
nāvupāṃśupaurṇamāsyāṃ yajan� ityatreva vidheḥ sambhavāt | athavā �upari 
hi devebhyo dhārayatī� tivadatrāpi vidhera"ngīkārāt || naca tatra 
dhārayatīti ti"n vibhakteḥ śrūyamāṇatvāttatra leṭ tvapariṇāmasya kartuṃ 
śakyatvāttatra vidhiḥ sambhavati, atrākhyātapratyayābhāvātkathaṃ 
vidhirastīti pratipādayituṃ śakyata iti vācyaṃ, upari hi devebhyo 
dhārayatītyatra hiśabdaśravaṇena śrūyamāṇe'pyākhyāte kuṇṭhitaśaktike 
leṭ tvapariṇāmasyaiva kartumaśakyatvāttatra kathaṃ vidhira"ngīkriyatāṃ, 
a"ngīkriyate tu | tannyāyena dhārayanprastaramityatrāpi vidhira"ngīkriyate | 
taduktaṃ dvitīyādhyāye- �devāṃśca yābhiryajate dadāti ce� tyatra yajata 
ityādiṣu yacchabdāmantraṇahiśabdottamapuruṣāṇāṃ 
vidhikalpanakuṇṭhakatvasya pratipādanādvidhikalpanamayuktaṃ || nanu tathāpi 
vaiṣamyamasti subantatvena śravaṇādvidherevābhāvāt, tatra ti"nantasya 
śrūyamāṇatvena yathākathañcidvidhikalpanā sambhavatīti cenna, 
svarūpāyogyasya viśīrṇadaṇḍasya yathā ghaṭajanakatvaṃ na bhavati, 
tadvadatrāpi ti"nantatvena paridṛśyamāne'pi �devebhyo dhārayatī�tyatra 
sarvathā vidherabhāvāt, 

pṛ0 93) dhārayan dhārayatītyubhayorvaiṣamyameva nāstīti pratibandī | nanu 
pratibandyā anuttaratvena kathaṃ tatra samādhānamiti ceditthaṃ �vidhistu 
dhāraṇe'pūrvatvā�diti tṛtīyādhyāye caturthapāde pañcamādhikaraṇe 
dhārayannityatra vidhiranuvādo veti saṃśaye, hiśabdaśravaṇādvidhirna 
sambhavatītyanuvāda eveti pūrvapakṣe, vidherevāyaṃ, anuvādasya purovāda 
sāpekṣatvena devatoddeśyakadravyasya samidha upari dhāraṇasya 
lokato'prāptatvāt | naca yadyadantarhitaṃ dravyaṃ tattadācchādayatīti 
nyāyena samidha upari dhāraṇaṃ siddhamiti vācyaṃ, 
vidheryatrakutrāpyabhāvāt | ato hiśabde 
śrūyamāṇe'pyapūrvatvādapraptatvādvidhirastīti nirṇayaḥ | evaṃ 
tādṛśadhāraṇaprāpteratra śatṛpratyayasthale'pi samānatvādvidhiḥ 
kalpanīya eva | ata evaitādṛśadhāraṇaṃ dṛṣṭāntīkṛtya bhagavatā 
bādarāyaṇena brahmamīmāṃsāsūtrakāreṇa tṛtīyādhyāye caturthapāde 
�brahmasaṃstho'mṛtatvametī�ti vākye �vidhi rvā dhāraṇava�diti sūtreṇa 
sanyāsavidhiḥ samarthitaḥ | tasmādatra prakṛte'pi dhārayanprastaramityatra 
śatṛpratyayāntena dhārayanniti padena vidhivipariṇāme, rātrisatrasthale 
�pratitiṣṭhanti havā ete, ya etā rātrī rupayantī�ti vākye ye 
pratitiṣṭhāsanti, ta etā    rātrīrupeyuriti vidheḥ 
sanpratyayavipariṇāmavat, dhārayanprastaramityatrāpi prastaraṃ dhārayediti 
vidheḥ śatṛpratyayavipariṇāme na kiñcidapi bādhakam | tasmādanayāpi 
śrutyā vaidikairvīraśaivairmumukṣubhiravaśyaṃ li"ngadhāraṇaṃ kartavyamiti 
siddham | �purastātprastaraṃ gṛhṇāti, mukhyamevainaṃ karoti�-�prastaraṃ 
li"ngaṃ dhāraṇārthaṃ gṛhṇāti guruḥ, enaṃ prastaraṃ yāvajjīvaṃ 
dhāraṇārthatvānmukhyaṃ karotyukhāvadityarthaḥ | tasmin li"nge pavitre devate 
śivaśaktī sṛjati kalāvāhanavidhinā li"ngapīṭhayoḥ śivaśaktī 
āvāhayatītyuktamevārthamuparitanavākyaṃ praśaṃsati, �vidhinā tvekavākyaṃ 
syā� diti nyāyādarthavādasāpekṣatvādāvāhanavidheḥ | �yajamāno vai 
prastaraḥ� yajamāno li"ngadhāraṇakartā prastaro li"ngameva, li"ngā"ngayoḥ 
sāmarasyasya guruṇā kṛtatvāt |

pṛ0 94) �prāṇāpānau pavitre� pavitre śivaśaktī prāṇāpānau, li"ngasya-
ūrdhvaṃ vidyamānatvena prāṇasvarūpatvaṃ, 
pīṭhasyādhasthatvādapānasvarūpatvaṃ | ata etādṛśadevatāvāhanena li"nge 
prāṇāpānau yajamāna eva dadhāti | tasmālli"nge devatāvāhanaṃ 
yajamānakṛtaprāṇāpānadhāraṇatvena praśasyate | evaṃ guruṇā 
vīraśaivadīkṣāpuraḥsaraṃ śivaśaktyātmakatāmāpāditaṃ prastaraṃ= 
li"ngaṃ dhārayan= dhārayet | �upāṃśupaurṇamāsyā�miti vadatraivaṃ 
li"ngadhāraṇavidhiḥ | �paridhīnparidadhāti� paridhiriva pariveṣa iva 
vidyamānatvātparidhiḥ, agnirmāṇavaka iti vadgauṇaprayogaḥ | paridadhāti 
kaṇṭhe badhnāti, paridhiśabdasvārasyātkaṇṭhe bandhanaṃ dyotyate; 
paridhīniti bahuvacanaṃ �aditiḥ pāśānpramumoktudeva� ityatrevaikasmin 
li"ngadhāraṇaguṇe sambhavati | etacchrutipratipadārthavaśena, 
pūrvoktanyāyopabṛṃhitavākyārthavaśena ca, 
li"ngadhāraṇamavaśyamācaraṇīyamiti siddham ||
asminnarthe śrutyantarañca pramāṇam-

bhartā sanbhriyamāṇo bibharti | eko devo bahudhā niviṣṭaḥ | yadābhāraṃ 
tandrayate sa bhartuṃ nidhāya bhāraṃ punarastameti || iti ||

asyāḥ śruterarthaḥ- bhartā san rakṣakaḥ san, ḍubhṛñ 
dhāraṇapoṣaṇayoriti dhātuḥ | �bhartā dhātari poṣṭarī�ti 
nānārthe'maraḥ | bhriyamāṇaḥ dhriyamāṇaḥ, bhṛñaḥ karmaṇi śānac | eko 
devaḥ mahādevaḥ, �eka eva rudro na dvitīyayāya tasthe� iti 
taittirīyaśrutyā, �eko hi rudro na dvitīyāya tasthu�riti 
śvetāśvataraśrutyā, śhiva eko dhyeyaḥ śiva"nkara� ityarthaśikhayā, 
�ekamevādvitīyaṃ brahme�ti chāndogyopaniṣadā ca, ekaśabdasya 
śivaśabdasāmānādhikaraṇyena bahuṣu sthaleṣu śivaikaparatvasya 
prasiddhatvāddevaśabdasya ca satyabhāmetyatra bhāmetivanmahādeva iti vaktavye 
deva iti nāmaikadeśe nāmagrahaṇena mahādeva ityarthe, śivali"ngamiti 
phalito'rthaḥ | dīvyati prakāśata iti devaḥ,

pṛ0 95) bahudhā bahuprakāraṃ niviṣṭaḥ sthito bhaktān bibharti puṣṇāti, 
sthūlasūkṣmakāraṇaśarīreṣviṣṭaprāṇabhāvali"ngarūpeṇa, 
etadvilāsarūpatāpannācārādimahāli"ngāntaṣaḍvidhali"ngasvarūpeṇa, 
jñānendriyāntaḥkaraṇaprāṇadhātucakreṣu ca tatprakāśarūpeṇa 
niviṣṭastattadindriyasamāgatatattadviṣayajātaṃ teṣu teṣu sthitvā 
gṛhṇātīti bhāvaḥ | bibharteḥ sakarmakatvātkarmākā"nkṣāyāṃ bhaktaḥ 
karmatvena, bhriyamāṇā ityatra dhāraṇakartṛtvena copasthitaḥ | bhāraṃ 
bhriyata iti vyutpattyā karmaṇi ghañ | bhāraṃ bhriyamāṇaṃ li"ngaṃ bhartuṃ 
dhārayituṃ yadā yasminkāle tandrayate ālasyādinā pramādayukto bhavati sa 
upāsakaḥ punastvarthaḥ, bhāraṃ bhriyamāṇaṃ devaṃ nidhāya 
śarīrādviyojya kvacinnikṣipya astameti śarīrādarśanadvārā kaivalyaṃ 
prāpnoti | ayaṃ bhāvaḥ-li"ngā"ngasāmarasyavato 
vīraśaivasyeṣṭali"ngasyaiva prāṇarūpatvena, 
pramādāttatkalānyūnatāsampādakacchedabhedādivaikalye prāpte 
mahāli"ngaikyarūpakaivalyaprāptaye śarīraśoṣaṇadvārā adarśanīyatvaṃ 
prāpnuyāditi | asminnarthe pramāṇāni-

nādarūpaḥ śivaḥ sākṣālli"ngamityabhidhīyate |
pīṭhikā paramā śaktiḥ sā ca vai bindurūpiṇī ||
tayoḥ sammelanāddevi kalā tatra pratiṣṭhitā |
sā kalā paramā sūkṣmā vyāptā sarvatra sarvadā ||
tileṣu tailaṃ puṣpeṣu gandho yadvadvibhāsate |

kāmike-

bindunādātmakaṃ sarvaṃ jagatsthāvaraja"ngamam |
binduḥ śaktiḥ śivo nādaḥ śivaśaktyātmakaṃ jagat ||
nādādhāraḥ svayaṃ bindurbindvādhāramidaṃ jagat |
jagadādhārabhūtau hi bindunādau vyavasthitau ||

pṛ0 96) bindunādayuktaṃ sarvaṃ sakalīkaraṇaṃ bhavet |
sakalī karaṇājjanma jagatprāpnotyasaṃśayam ||
bindurvediḥ śivo nādaḥ śivali"ngantu kathyate |
vīraśaivakramaḥ proktaḥ prāyaścittavivarjitaḥ ||
yaddatta guruṇā li"ngamavadhānena dhārayet |
pramādātpatite li"nge prāṇānapi parityajet ||

vātulatantre-

prāṇatyāgabhaye prāpte corabhūtagrahairjalaiḥ |
apramāde pramāde ca prāṇali"ngaṃ na varjayet ||
prāṇali"nge tu vicchinne li"nge prāṇādgamiṣyati | 
parokṣe prāṇasaṃsthāyāṃ rauravaṃ narakaṃ vrajet ||
prāṇali"nge tu vicchinne li"nge prāṇānparityajet |
punardīkṣāṃ prāpya tiṣṭhan rauravaṃ narakaṃ vrajet ||
tasmātprāṇamayaṃ li"ngaṃ yāvajjīvaṃ samarcayet |
tasminnaṣṭe tava prāṇānparityaja mahāmate ||

candrajñānāgame-

prāṇāstu vīraśaivānāmiṣṭali"nge vasanti hi |
rakṣaṇīyaṃ prayatnena li"ngaprāṇairatandritaiḥ ||
pramādātpatite bhinne prāyaścittaṃ na vidyate |
prāṇatyāgātparaṃ tasmādavadhānena dhārayet ||
li"nge naṣṭe'pyanyali"ngaṃ vimohāddhārayedyadi |
patito li"ngavibhraṣṭo rauravaṃ narakaṃ vrajet ||

pṛ0 97) li"ngaṃ patiriti proktama"nganā"ngamudāhṛtaṃ |
yaścānyali"ngadṛgbhraṣṭastvanyagā vidhavā yathā ||

umāmaheśvarasaṃvāde-

kāyasambandhili"ngena rahitaścetpiśācavat |
nimiṣārdhaviyogena viśeṣātpātakī bhavet ||
galite prāṇali"nge yaḥ prāṇāndhatte vimūḍhadhīḥ |
sa caṇḍāla iti jñeyaḥ śivadrohī na saṃśayaḥ ||

sūkṣme-

li"ngalopādidoṣeṣu vratacaryādilopane |
prāṇāndhatte prāṇali"ngī so'ndhe tamasi majjati ||
daivādvinaṣṭe talli"nge na dhāryaṃ li"ngakāntaram |
tasminneva punarlabdhe nirduṣṭaṃ dhārayecca tat ||

yogaje-

iṣṭali"ngaṃ vibhinnaṃ cedbhūyo bhoktuṃ yadīcchati |
tīrthapānaṃ surāpānamannaṃ gomāṃsabhakṣaṇam ||
śiro yonirgomukhañca madhyaṃ vṛttañca pīṭhakam |
ṣaṭsthāne chidrayoge tu talli"ngaṃ naiva dhārayet ||
tathāpi dhāraṇādyogī rauravaṃ narakaṃ vrajet |
vrīhivrīhyardhavicchinnaṃ keśagrāhyaṃ pramādataḥ ||
pīṭhādili"ngaparyantaṃ tyajetprāṇānnagātmaje ||

candrajñānāgame-

yavapramāṇamātrantu bhinne li"nge maheśvari |
ātmasaṃśoṣaṇāddehaṃ visṛjenmama tuṣṭaye ||

pṛ0 98) pīṭhasthāne bhidyate cedvṛttasthāne ca bhidyate |
gomukhe yadi bhedaḥ syādyonau golaka eva vā ||
bālāgramātraṃ sūkṣmañcedathavā trasareṇuvat |
atha reṇupramāṇaṃ vā na doṣaśchedabhedayoḥ ||
dṛṣṭvaivaṃ dhārayeddevi sarvaśāstre viniścayaḥ ||

kiraṇāgame-

yavamātraṃ yadicchinnaṃ tadardhārdhamathāpi vā |
pīṭhādili"ngaparyantaṃ tyajetprāṇānnagātmaje ||
taṇḍulārdhaṃ pīṭhamadhye tadardhaṃ vṛttagomukhe |
tilamātraṃ yonili"nge tadādhikye tyajedasūn ||
taṇḍulasya dvibhāgena vṛttagomukhagolake |
tristhāne sphuṭite li"nge talli"ngaṃ naiva dhārayet ||
li"ngārthameva yaḥ prāṇāṃstyajedaikyaṃ dṛḍhaṃ mayi |
sa prāpnoti na sandehaḥ satyaṃ satyaṃ varānane |
li"ngārthaṃ vāpi gurvarthamācārārthaṃ tathaiva ca ||
carārthaṃ vā prasādārthaṃ tanutyāgo vidhīyate |
evaṃ niṣṭhāpi yasyāsti gṛhastho'pi vimucyate ||
iṣṭali"ngasya vaikalye prāṇatyāgaṃ samācaret |
śastraśailapayaḥ pāśasamādhyagnivivarjitaḥ ||
tyaktvānnaṃ bhasmarudrākṣadhāraṇaṃ niyamānvitaḥ |
kṛtvā japanmanuṃ śaivaṃ dehaṃ rudreṇa yojayet ||

ityuktaśrutyāgamasmṛtipurāṇeṣu śrūyamāṇānāmeteṣāṃ vacanānāma-

pṛ0 99) yamabhiprāyaḥ- 
pīṭhagolakayorbindunādasvarūpayorguruvaryakṛtamelanānantaraṃ 
śiṣyakṛtabrahmarandhrasthitacitkalāṃ suṣumnāmārgeṇa 
kṛtabhāvamanodṛṣṭidvārā svarūpatāmāpādya sthāpitayoḥ 
sakalīkṛtali"ngaśabditatvāt, tasyaiva jagatkāraṇatvāt, tasya li"ngasya 
dīkṣāsamaye ātmano bhāvali"ngaṃ prāṇānāṃ prāṇali"ngaṃ 
sthūlaśarīrasyeṣṭali"ngaṃ niṣkalaṃ sakalaniṣkalaṃ sakalañca 
yadāprabhṛti guruṇā yojitaṃ tadāprabhṛti talli"ngaṃ śiṣyasya 
prāṇali"ngaṃ bhavati | tasmāttasya li"ngasya vaikalye prāṇaviyogo 
mumukṣūṇāṃ vīraśaivānāṃ yukta eva | ata evoktaṃ prāyaścittavivarjita 
iti | tasmādavahitena manasā li"ngaṃ dhartavyam | pramādādyenakena ciddhetunā 
li"ngaviyoginaḥ prāṇatrāṇārthaṃ li"ngāntaradhāraṇe taddhāraṇakartuḥ 
śivadrohitvena, karmacaṇḍālatvena coravyāghrādibhītyā 
prāṇabhayaprasaktāvapyapramādapūrvakatvena punardhāraṇārthaṃ 
dīkṣāntarasya akāryatvena tasya ca narakasādhanatvena, 
li"ngadhāraṇakarturvīraśaivasya li"ngapatikatayā li"ngaviprayoge 
pativiyuktatayā vidhavāsāmyena, li"nge cchedabhedādivaikalye sambhāvite 
vratācaraṇaniyamānāṃ vimohavismaraṇādinā lopasambhave'pi prāṇān 
dhārayiturandhatamasa praveśayogyatvena, pramādānnaṣṭasya     
punardṛṣṭasya tasyaiva nirdṛṣṭasya dhāryatvena, iṣṭali"ngasya vaikalye 
samprāpte'pi bhoktuḥ pātuśca bhojyapeyayorgomāṃsasurāsamānatvena, li"ngasya 
ca śirovṛttādiṣaṭsthānānyatamasthāne chidrayoge adhāryasya tasya dhāraṇe 
tadhārayitū rauravanarakapatanabhāktvena, li"nge sthānabhedena 
chedādiparimāṇeyattayā li"ngasya grāhyatvāgrāhyatvavivekena, li"ngārthaṃ 
gurvarthaṃ śivācārārthaṃ carārthaṃ prasādārthaṃ 
dehaśoṣaṇapūrvakaprāṇatyāgasya vaidhatvena śivasāmarasyaprāpakatvena, 
prāṇatyāgasya śastrādisādhanavyatirekeṇa annatyāgapūrvakaṃ 
dehaśoṣaṇena 
bhasmarudrākṣadhāraṇādiśaivadharmānuṣṭhānaniyamapūrvakaṃ kartavyatvena 
ca śravaṇālli"ngadhāraṇaṃ vīraśaivairmumukṣubhiravaśyaṃ kartavyamiti 
siddham ||

pṛ0 100) idaṃ li"ngadhāraṇaṃ bhagavato vedavyāsasyāpyabhimatamiti 
tatsūtrārthasa"ngatiḥ kriyāsārakāraiḥ pradarśitaḥ-

tanniṣṭhasya ca mokṣo'tra hyupadeśādvidhīyate |
tanniṣṭhā brahmaniṣṭhā hi te vai mokṣādhikāriṇaḥ ||
tasmādvidhānamiti ca yaduktaṃ tanmṛṣāṃ bhavet |
jagataḥ kāraṇaṃ brahma copāsyaṃ hi mumukṣubhiḥ ||
nāyamātmeti vākyena śivasya varaṇaṃ tanoḥ |
varaṇaṃ nāma tadrūpadhāraṇaṃ vidhimārgataḥ ||
li"ngā"ngetyādivākyena mokṣamārgaikatatparaiḥ |
amṛtasyeti vākyena dhāraṇaṃ pratipāditam ||
tanniṣṭhā eva manujā ativarṇāśrame ratāḥ |
athomityādi vākyena niścitaṃ li"ngadhāraṇam ||
tanmokṣasādhanaṃ puṇyaṃ taddhāryaṃ hṛdayāmbuje || iti ||

tathā �chandobhidhānā�dityādisūtre'pi �ceto'rpaṇaṃ dhāraṇaṃ ca 
hṛdayāmbhojamadhyame� iti || tathaiva �jīvamukhyaprāṇali"ngā�dityādi 
sūtre'pi �ahaṃ saṃjñāvinirdiṣṭaṃ hṛdabjamatidurlabha�mityupakramya, 
�tasmāddhṛdyambuje dhāryaṃ brahmali"ngaṃ parātparaṃ | prāṇādapyadhikaṃ 
li"ngaṃ yasmācchreyaḥ paraṃ bhavet || tatprāṇali"ngaṃ mokṣārthī 
vidadhyāddhṛdayāmbuje� iti prathamādhyāye prathamapādānte pratipāditam ||
kriyāsāre �tanniṣṭhasya mokṣopadeśāt� iti sūtre kārikārūpeṇa 
nibaddhānāṃ vacanānāmayamabhiprāyaḥ-
pradhānakāraṇatvanirākaraṇaprastāvanāyāmīkṣatyadhikaraṇe �tadaikṣata 
bahusyāṃ prajāyeye�tīkṣati śravaṇaṃ �kūlaṃ pipatiṣatī�tivatpradhāne 
aupacārikamiti cenna, īkṣaṇakartuḥ 

pṛ0 101) śa eṣo'ṇimaitadātmyamidaṃ sarvaṃ tatsatyaṃ sa 
ātme�tyātmaśabdena vyavahārāt |
na ca mamātmā bhadrasena iti rājavacane senāpatau bhadrasene 
ātmaśabdavyavahārādātmaśabdo'pi gauṇa iti vācyaṃ, �tanniṣṭhasya 
mokṣopadeśāt |� iti sūtrasya tanniṣṭhasyātmaśabditabrahmaniṣṭhasya 
mokṣopadeśāt, �tasya tāvadeva ciraṃ yāvanna vimokṣye, atha sampatsye� iti 
śruterityarthamupavarṇya, jagatkāraṇaṃ mumukṣubhirupāsyaṃ | brahmaniṣṭhā 
sā ca śivavaraṇarūpā, tathāca śrutiḥ- ṅāyamātmā pravacanena labhyo na 
medhayā na bahunā śrutena | ya me vaiṣa vṛṇute tena labhyastasyaiṣa ātmā 
vivṛṇute tanūṃ svā�miti | tacca śivavivaraṇaṃ vidhyuktena mārgeṇa 
tadrūpadhāraṇaṃ, tacca �li"ngaṃ śivā tanuḥ proktaṃ sā cāghoratanuḥ 
smṛte� tyupabṛṃhaṇānurodhālli"ngasya dhāraṇam | tatra kiṃ 
pramāṇamityāśa"nkya, dhāraṇapratipādakamupaniṣadvākyadvayamudāharati | 
vedāntasāropaniṣadi-
athāśvalāyano bhagavantaṃ parameṣṭhinaṃ parisametyovācāvimuktaṃ sadyo 
muktikaraṃ brūhīti | saho vāca yājñavalkyaḥ parameṣṭhī 
śivādvaitaścaturthaḥ śāntaḥ sa eva dhyeyaḥ sa eva 
pūjyastaddhyānādavimuktā bhavanti || ayaṃ viśeṣaḥ, atyāśramiṇaḥ 
sākṣādamṛtībhūtvā mokṣībhavanti | na karmaṇā na prajayā dhanena śivaṃ 
prapūjyāmṛtatvamānaśuḥ | pareṇa śuddhena hṛdabjamadhye li"ngaṃ dhṛtvā 
jyotiṣi saṃviśati | atyāśramasthāḥ parimucyanti sarve li"ngā"ngaśobhā 
mokṣamārgaikaniṣṭhāḥ | te brahmaloke tu parāntakāle 
śivaprasādātparimucyanti sarve || iti ||
tathā ca tairevopakramopasaṃhāradaśāyāṃ dvitīyakhaṇḍānte pratipāditaṃ- 
�li"ngā"ngasāmarasyaṃ ca śarīre li"ngadhāraṇaṃ | niyamenaiva kṛtvā te 
muktāḥ saṃsārasāgarāt ||� iti || mokṣamārgaikaniṣṭhā iti 
vākyasiddhamarthamudañcayati śrutyantaraṃ- �mokṣamārgaikatatparā� iti, 
�amṛtasya 

pṛ0 102) devadhāraṇo bhūyāsamiti ca | tathā codāhṛtopaniṣadvākyadvayena 
li"ngadhāraṇaṃ pratipāditam || itthaṃ 
sakalaśrutyāgamapurāṇabrahmasūtreṣu pratipādyatayā li"ngadhāraṇaṃ 
mumukṣubhirvīraśaivairavaśyamanuṣṭheyamiti siddham ||

iti 
śrīmadanādinirañjanaja"ngamāparāvatāratoṇṭadasiddheśvaraprasādāsādita"
sāmbhavāgamāmbodhimathanajanitaniruttaraikottaraśatasthalabhedabhinnaṣaṭastha
latattvabodhasudhāsvādānandasandohapradāyakācāryavaryaśrīmaritoṇṭadāryav
iracite 
yaḍavamurārikoṭekolāhalaikā"ngivīravairisaptā"ngaharaṇapaścimasamudrādhī
śvaraviśuddhavaidikādvaitasiddhāntapratiṣṭhāpanācāryakeladisadāśivarāya
nāyakavaṃśadugdhārṇavapūrṇacandravīrabhadradharaṇīndradharmapatnī 
mallāmbāhṛdayānandanabasavavasudhāsa"nkrandanopadeśe 
vīraśaivānandacandrikāyāṃ vādakāṇḍe tṛtīyaṃ prakaraṇam ||

pṛ0 103) vīraśaivānandacandrikāyāṃ
vādakāṇḍe
caturthaṃ prakaraṇam |

śrīmadguro tvayā samyag li"ngadhāraṇavaibhavaṃ |
udīritaṃ saprapañcaṃ śrutvā vyāpto'smi harṣataḥ ||
tataḥ paraṃ nirūpyaṃ yattaninnarūpaya vistarāt |
śṛṇu rājan bravīmyadya sphuṭaṃ ja"ngamavaibhavam ||

anādibhaktapaścimahṛdayasthacinmayanirañjanatattvasya vicāraḥ prastūyate || 
āgamapurāṇavacanairanādibhaktapaścimahṛdayacinmayamaṇḍalatrayamadhyasthacit
padmāntaścitpraṇavābhyantarasthitaśūnyali"nganiṣkalali"ngapraṇavali"ngādip
ravartakanirguṇanirākāropāsakopāsanārthakalpitākārasakalacetanācetanaprapa
ñcanirmāṇapārīṇacicchaktisāmarasyasampannanirañjanaja"ngamatattvasyotkṛṣ.
tatvaṃ pratipādyate, tathā hi-

paścādanādibhaktasya hṛtpadmasyāntare sadā |
cinmaṇḍalatrayopetapraṇavāsanamadhyagaḥ ||
nirañjanaḥ sapraṇavasvarūpo'tra nigadyate |
nirākṛtaṃ rañjanaṃ yanmāyāmohavijṛmbhitaṃ ||

pṛ0 104) yena svarūpasiddhena sa bhaveddhi nirañjanaḥ |
idaṃ tasya nirālambasvarūpaṃ samudīritam ||
caturvedāśca tadgarbhaṃ purāṇaṃ tasya madhyamam |
yogino munayaḥ sarve ja"ngamā"nghrisamāśritāḥ ||
tasya dehe samastāni bhuvanāni caturdaśa |
pādayoratalaṃ vindyātpadordhve vitalaṃ tathā ||
ja"nghayoḥ sutalaṃ jñeyaṃ jānudeśe mahātalam |
talātalaṃ tadūrvośca guhyasthāne rasātalam ||
kaṭibandheṣu pātālaṃ saptalokā itīritāḥ |
bhūloko nābhimadhye tu bhuvarloko'sya codare ||
hṛdaye cāpi svarloko janalokaḥ śirodhigaḥ |
tālvoścāpi tapo lokaḥ satyaloko lalāṭake ||
maho lokastasya mūrdhni caturdaśa samīritāḥ |
brahmāṇḍaṃ mukuṭaṃ tasya vadanaṃ gaganaṃ śṛṇu ||
tadbāhavo diśaḥ sarvā netre candradivākarau |
śarīraṃ vyomarūpaṃ ca pātālaṃ pādapa"nkajam ||
karasthale śūnyali"ngaṃ meghaḥ sarvajaṭāḥ śubhāḥ |
candrajyotsnā vibhūtiśca devāḥ sarve kriyāmayāḥ ||
nakṣatrāṇi ca puṣpāṇi rudrākṣāḥ kulaparvatāḥ |
sāgaro jalapātraṃ ca kanthā sṛṣṭimayaṃ jagat ||
āsanaṃ pṛthivī tasyāpyahorātraṃ guhāmaṭhāḥ |
trikālajñānasaubhāgyamṛtavaḥ ṣaṭsthalaṃ priye ||

pṛ0 105) śeṣastasya kaṭīsūtraṃ jñānamudrā ca vā"nmayī |
merurdaṇḍo guṇaḥ sūtraṃ gotraṃ śivakulaṃ bhavet ||
vanaspatiśca lomāni evametāni pārvati |
idaṃ tasya tu sākāraṃ svarūpaṃ parikīrtitam ||

ityāgamavacanasandarbheṇa 
anādibhaktahṛdayapāścātyabhāgasthitacinmaṇḍalatrayopetapraṇavapīṭhamadhy
asya māyāvijṛmbhaṇanirākariṣṇutayā nirañjanaja"ngamaśabdābhidheyasya 
nirākārasākārasvarūpadvayānurūpatayā sarva 
padārthayojanākramapratipādanāttasyaiva 
kriyākāṇḍoktadaśā"ngasṛṣṭyuddharaṇākhyagranthoktavacanaparyālocanayā 
nirguṇabrahmāparaparyāyānādibhaktapaścimahṛdayamadhyagatanirañjanaja"ngama"
sabditāccitsvarūpād brahmaṇaḥ śūnyali"ngaśabditasya nirguṇatatvasya, 
tasmānniṣkalali"ngaśabditasya nirguṇatatvasya, 
tasmāccinnādacidbinducitkalātmakākhaṇḍagolakākāratejassvarūpamahāli"ngaś
abditasya nirguṇatattvasya, 
tasmādanāhatanādākhyāvāgjapraṇavali"ngaśabditasya nirguṇatatvasya, 
tasmātsaccidānandanityaparipūrṇatvarūpapañcalakṣaṇalakṣitaṣaḍa"ngadaśā
vyayāviṣṭasya nandi-bhṛ"ngi-vīrabhadra-ghaṇṭākarṇa-gajakarṇa-reṇuka-
dārukapramukhapramathanāthayūthadhyātavyasya nirguṇaśivatatvasya, 
tasmātpañcasādākhyapañcakalāpañcaśaktipañcamantrapañcabrahmātmakasakalan
iṣkalātmakasya 
sanakasanandasanatkumārasanatsujātādiyogipu"ngavasa"nghopāsyasya 
vaśiṣṭhāgastyanāradabharadvājātrigautamabhṛgukaṇvadadhīcyādimaharṣiniva
hamahanīyasya sadyojātādimukhapañcakaviśiṣṭasya sadāśivatatvasya, tatra          
cicchaktyādiśaktyornirākāratvāttadvatoḥ 
śivasādākhyāmūrtasādākhyayorniṣkalatve icchājñānakriyāśaktīnāṃ 
sākāratvāpādakaguṇarūpatvāttadvatāṃ mūrtakartṛkarmasādākhyānāṃ 
sakalatatve tasmātsadāśivatatvasya sakalaniṣkalatve ca siddhe 
tasmātsomadhāritvādimahāli"ngāntapañcaviṃśatilīlāmūrtipravartakasya 
śuddhasphaṭikasa"nkāśasya trilocanasyomāsametasya 
mṛgaparaśuvarābhayahastasya 

pṛ0 106) brahmaviṣṇurudrādisarvasuparvopāsyasya maheśvaratatvasya, 
tasmādekādaśarudraniyāmakasya bhavamṛḍaharābhidhānavyūhātmakasya 
rudrasya, tasmānmatsyakūrmādidaśāvatāraviśiṣṭasya 
śa"nkhacakragadāpadmaśaṃśobhicaturbhujasya, nīlotpaladalaśyāmasya 
lakṣmīpatervaiṣṇavakoṭisaṃstūyamānasya vaikuṇṭhavāsino nārāyaṇasya, 
tasmāccaturmukhasya navabrahmaniyāmakasya sarasvatīsametasya satyalokavāsino 
brahmaṇaḥ, 
tasmātpañcabhūtapañcīkaraṇadvārāṇḍajasvedajodbhijjajarāyujātmakacetanap
rapañcasya girinadīpāṣāṇadyacetanaprapañcasya cotpattiriti 
sarvatatvotpattikāraṇatvaṃ nirañjanaja"ngamasya śrūyata iti tasya 
sarvottamatvaṃ mumukṣuvīraśaivaprāpyatvaṃ pratīyate ||
nanu nirañjanaja"ngamasakāśācchūnyali"nganiṣkalali"ngādīnāṃ 
śivatatvaparyantānāṃ nirguṇānāṃ niravayavānāṃ vyāpakānāṃ sṛṣṭiḥ 
sṛjyamānatvañca pratipādyamānaṃ kathaṃ sa"ngacchata iti ceducyate-
niravayavānnirañjana ja"ngamatatvānniravayavānāṃ 
śūnyali"ngādīnāmutpattirna sa"ngacchata iti yaduktaṃ tadatimandam |

śrīmanmahānādibhaktaḥ svaprakāśako'dvitīyakaḥ |
yo'sau brahmeti samproktaḥ śivatatvārthavedibhiḥ ||
tasmātsvayaṃ prādurabhūtsa nirañjanaja"ngamaḥ |
tacchikhāyāṃ śūnyali"ngaṃ sañjātaṃ viśvakāraṇam ||
tasmānniṣkalali"ngāttu mahāli"ngamabhūtsvayam |
tasmātpraṇavali"ngantu sṛṣṭyunmukhamajāyata ||
etasmācchivatatvantu sādākhyañca tato'bhavat |
tasmānmaheśvaro jātastasmādrudraḥ samudbhavaḥ ||
tasmājjanārdano jātastasmājjātaḥ pitāmahaḥ |
pitāmahātsamudbhūtaṃ jagadetaccarācaram ||

pṛ0 107) iti 
kāmikādyāgamasa"ngṛhītadaśā"ngasṛṣṭyuddharaṇākhyagranthasthitavacanānu
rodhena niravayavānnirañjanaja"ngamānniravayavānāṃ 
śūnyali"ngādīnāmutpattiravaśyaṃ pramāṇabalāda"ngīkriyate | anyathā 
paśuyāgādīnāmapi hiṃsātvaṃ syāt | tathā hi- ekādaśapaśoravadānāni 
tāni dviravadyatīti, hṛdayaṃ jihvā vakṣo yakṛdvakyau savyaṃ dorubhepārśve 
gudatṛtīyamityekādaśāvadāneṣu satsu ahiṃsātvaṃ kathaṃ syāt | parantu 
dīkṣito �yadagnīṣomīyaṃ paśumālabheta� iti śrutyā, �yajñārthaṃ 
paśavaḥ sṛṣṭāḥ svayameva svayambhuvā | yajño hi bhūtyai sarvasya 
tasmādyajñe vadho'vadhaḥ ||� itismṛtyā cāhiṃsātvama"ngīkaroti | ata eva 
kratvantarvartinī hiṃsā adharmasādhikā, hiṃsātvāt 
kratubāhyahiṃsāvadityanumāne niṣiddhatvamupādhiriti pratipādya hetoḥ 
sopādhikatvādvyabhicāronnāyakatvena sādhyāsādhakatvama"ngīkṛtantārkikaiḥ 
| ata evāśaucādyācārāṇāṃ sakalajanānuṣṭheyenāṃ yuktiṃ vinā 
vacanamātrapramāṇakānāṃ sarvaśiṣṭajanā"ngīkāro dṛśyate | ata eva 
narakapālaṃ śuci prāṇya"ngatvāccha"nkhavadityanumānaṃ ṅāraṃ 
spṛṣṭvāsthisasnehaṃ savāsā jalamāviśe�diti 
vacanabalādbādhitama"ngīkṛtaṃ tārkikaiḥ | 
śha"nkhāsthipāvanamapāvanamasthinṛṇāmitthaṃ sthite      vacanamatra 
parāyaṇaṃ na� ityabhiyuktavacanabalādeva 
śa"nthāsthnipāvanatvamapāvanatvañca mānuṣāsthnāmiti nirṇīyate | 
tasmātpramāṇataravacanagamye'rthe yuktirvaktavyeti durabhimānamātraṃ | 
yadyevaṃ candraprādeśikatvasya sarvajanānabhūyamānatvena 
sopapattikatvādaṣṭāśītisahasrayojanātmakacandramaṇḍalapratipādakānāṃ 
jyotiśśāstrādivacanānāmaprāmāṇyaṃ syāt | ato'trāpi 
niravayavānniravayavotpattau 
paramāptaparaśivapraṇītakāmikādyāgamavacanameva pramāṇam |
kiñcātmano niravayavatvādākāśasyāpi niravayavatvāttasmāttasyotpattirna 
syāt | na ceṣṭāpattiḥ, �tasmādvā etasmādātmana ākāśaḥ sambhūta� iti 
śrutivirodhāpatteḥ | api cākāśācchabdasyotpattirna 

pṛ0 108) syāt | tasmādetādṛśayuktibalācca 
niravayavānnirañjanaja"ngamānniravayavānāṃ 
śūnyali"ngādīnāmutpattiravaśyama"ngīkriyate| tasmātsarvatatvottīrṇo 
nirañjanaja"ngama eva muktaprāpya iti sa eva sarvasevyaḥ | nandipurāṇe-

ahaṃ mamatvaśūnyatvānnijabodhaikarūpadhṛt |
svayameva svayaṃ bhūtvā caratīti caraḥ smṛtaḥ ||

pārameśvare-

īṣaṇatrayanirmuktā jñānavijñānatatparāḥ |
dṛḍhavairāgyasampannā dhīrāste śivayoginaḥ ||

siddhāntaśikhāmaṇau-

svarūpajñānasampanno dhvastāhaṃmamatākṛtiḥ |
svayameva svayaṃ bhūtvā caratīti carābhidhaḥ ||
antardhāya lalāṭākṣiśaśā"nkaṃ sampidhāya ca |
avāmabhāgalalano ja"ngamaḥ parameśvaraḥ ||

vīrāgame-

ahameva maheśāni dhṛtvā ja"ngamavigrahaṃ |
madbhaktānugrahārthāya paryaṭāmi mahītale ||
hastapādādisāmyena martyān rudravapurdharān |
prākṛtāneva manvānā naiva jānantyapaṇḍitāḥ ||
dhārayetsamatākanthāṃ kṣamākhyaṃ bhasmaghuṇṭikāṃ |
dayākamaṇḍaluṃ vatsa jñānadaṇḍaṃ manoharaṃ ||
vairāgyabhikṣāpātrañca bhaktibhikṣāñca yācate |

pṛ0 109) kanthākamaṇḍalurdaṇḍaḥ kharparo bhasma bhastrikā ||
etāḥ pañca mahāmudrā ja"ngamānāñca lakṣaṇam ||

ityādivividhavacanabalānnirañjanaja"ngamasya 
kanthākamaṇḍaludaṇḍapātrabhasmabhastrikākhyāntara"ngabahira"ngapañcamudrā
samanvitāṣṭāvaraṇapañcācāraviśiṣṭasya 
viśiṣṭādvaitajñānakriyāvataścaraśabditasya ja"ngamasyābhedo'"ngīkriyate 
|| tasmāccaraśabdito ja"ngama eva sarvottamaḥ, 
tasyadarśanasparśanasambhāṣaṇasampūjanataccaraṇatīrthaprasādasevanādīnā
ṃ muktisādhanatvamiti siddham ||

iti 
śrīmadanādinirañjanaja"ngamāparāvatāratoṇṭadasiddheśvaraprasādāsādita"
sāmbhavāgamāmbhodhimathanajanitaniruttaraikottaraśatasthalabhedabhinnaṣaṭstha
latattvabodhasudhāsvādānandasandohapradāyakācāryavaryamaritoṇṭadāryaviraci
te 
yaḍavamurārikoṭikolāhalaikā"ngivīravairisaptā"ngaharaṇapaścimasamudrādhī
śvaraviśuddhavaidikādvaitasiddhāntapratiṣṭhāpanācārya 
keladisadāśivarāyanāyakavaṃśadugdhārṇavapūrṇacandravīrabhadradharaṇīnd
radharmapatnīmallāmbāhṛdayānandabasavavasudhāsakrandanopadeśe 
vīraśaivānandacandrikāyāṃ vādakāṇḍe caturthaṃ prakaraṇam ||

pṛ0 110) vīraśaivānandacandrikāyāṃ
vādakāṇḍe
pañcamaṃ prakaraṇam |

aśrauṣaṃ ja"ngamotkarṣamahṛṣyaṃ nitarāṃ guro |
madīyaṃ hṛdayaṃ jātamāścaryarasanirbharam ||
nirūpaṇīyaṃ yatpaścātsaṃkīrtaya tadadya me |
vadāmi śṛṇu rājendra pādodakamahonnatim ||

sakalaśrutismṛtipurāṇāgametihāseṣu paramaśreyaḥsādhanatayā 
śivaprasādasya devṛṣigaṇasevyatvādyathātathaiva śivapādodakasyāpi 
nikhilakaluṣanivṛttidvārā sakalaśreyaḥsādhanatayā pratipādyate ||
tathā hi-

pṛthivyāṃ yāni tirthāni yā nadyaḥ puṇyadāḥ śubhāḥ |
matpāde sthāpitā nityaṃ taddhāryañca padodakaṃ ||

śivarahasye-

mama pādodakaṃ puṇyaṃ sadā dhāryaṃ madāśritaiḥ | 
tryakṣā daśabhujā jñeyā mama tulyaparākramāḥ ||

pṛ0 111) ādityapurāṇe-

abhiṣiktajalaṃ prātaḥ pibennityaṃ dinedine |
śūlakuṣṭhādyapasmārajvarāṇāṃ bheṣajaṃ priye ||
himodakaṃ mahātīrthaṃ ga"ngā ca yamunā nadī |
sadā sannihitāstvaitāḥ śambhoḥ pādodake mune ||
agamyāgamanāścaiva pāpācāraratāśca ye |
te'pi pūtā bhavantyāśu śivapādāmbudhāraṇāt ||
pādodakaṃ dharedyastu li"ngamūrteḥ śivasya yat |
prakṣālayati tattasya brahmahatyādipātakam ||

brahmāṇḍapurāṇe-

kurukṣetre naimiṣe ca bhūmibhāge ca ye śubhāḥ |
pādatīrthodakasyaite kalāṃ nārhanti ṣoḍaśīm ||
akālamṛtyumathanaṃ sarvavyādhi vināśanam |
sarvapāpapraśamanaṃ śambhoḥ pādodakaṃ śubham ||
sarvama"ngalamā"ngalyaṃ sarvapāvanapāvanam |
sarvatīrthaphalaṃ sadyaḥ prāpyate mūrdhni dhāraṇāt ||
pādodakaṃ purabhidaḥ pāśajālaharaṃ param |
pāṇiśuktibhirādāya papuḥ kāmaṃ gaṇeśvarāḥ ||
śambhoḥ pādodakaṃ pītvā paścādaśuciśa"nkayā |
yadyācāmati mohena taṃ vidyādbrahmaghātinam ||

ādityapurāṇe-

pādau prakṣālya devasya karābhyāṃ kamalekṣaṇa |
abhyukṣedātmano mūrdhanyatitheśca gurostathā ||

pṛ0 112) śivarahasye-

matprasādodakaṃ puṇyaṃ sadā dhāryaṃ madāśritaiḥ |
tryakṣā daśabhujā jñeyā mama tulyaparākramāḥ ||

ityādibodhāyanasūtraśivarahasyādityaskāndādipurāṇavacanaiḥ 
śivapādodakasyetikartayatāpūrvakaṃ vidhānāt, 
bhūtalasthitāśeṣatīrthāśrayatvāt, śivasārūpyaprāptisādhanatvāt, 
sakalaroganivartakauṣadharūpatvāt, sarvamahāpātakopapātakanivartakatvāt, 
sakalapramathagaṇasevitatvāt, mumukṣubhiḥ śirasi dhāryatvaṃ peyatvañca 
pratipādyate | tasmādavaśyaṃ śivapādodakaṃ mumukṣubhiḥ sevanīyam ||

nanu-

sālagrāmaśilāvāri pāpahāri viśeṣataḥ |
ājanmakṛtapāpānāṃ prāyaścittaṃ vidhīyate ||

gāruḍe-

pādodakaṃ pibennityaṃ naivedyaṃ bhakṣayeddhareḥ |
yadīyaṃ bhuktanaivedyaṃ pādāmbukusumaṃ jalam ||
dharmamarthañca kāmañca mokṣañca kurute kramāt |
agrāhyaṃ śivanirmālyaṃ patraṃ puṣpaṃ phalaṃ jalam ||
sālagrāmasya saṃsargātsarvaṃ yāti pavitratām |

itivacanaiḥ śivanirmālyasya śivapādodakasya ca sālagrāmanivedanasahitasyaiva 
grāhyatvaśravaṇātkevalaṃ nirmālyādikaṃ sarvathā na grāhyam | tathaiva 
kevalaśivapādodakasvīkāraniṣedhaḥ śrūyate || tathāhi-

sālagrāmādibhiḥ śambhorveṣṭitasya yadarpitam |
tadbhoktavyaṃ dvijairnityaṃ tattoyamapi dhārayet ||

pṛ0 113) śive niveditaṃ bhaktaṃ sālagrāmādyaveṣṭite |
heyaṃ tadbhojane cāndrāyaṇakṛnnātra saṃśayaḥ ||
anyathā māṃsatulyaṃ syāttattoyamasṛjā samam |

ityādivacanaiḥ kevalaśivapādodakasya 
pratyavāyasādhanatvenāparigrāhyatvaśravaṇāt, viṣṇupādodakasya 
sakalapāpanivartakatvena śravaṇāt, sālagrāmasahitaśivābhiṣekodakasya 
grāhyatvaṃ kevalaśivābhiṣekodakasyāsṛksadṛśatayā agrāhyatvaṃ siddhamiti 
śivapādodakaṃ na grāhyamiti cenna, kevalaśivapādodakasya bodhāyanena 
grāhyatvapratipādanāt | tathāhi-

athāto mahādevasya pādodakavidhiṃ vyākhyāsyāmaḥ |

bhagavataḥ pādau prakṣālya śa"nkhaṃ pātraṃ vāpūrya 
gandhādibhirabhyarcyāthābhimantrayet �imaṃ me ga"nge yamune� ityādinā | sarvo 
vai rudraḥ, kadrudrāyetidvābhyāṃ mārjanaṃ kṛtvā ṛtaṃ satyaṃ paraṃ 
brahmeti prāśayet | ya eva 
kuryātsvakulajāndaśapūrvāndaśāparānātmānañca tārayedityāha 
bhagavānbodhāyanaḥ || iti ||
etadupabṛṃhaṇe purāṇāgamavacanāni, ādityapurāṇe-

pādau prakṣālya devasya karābhyāṃ kamalekṣaṇa |
abhyukṣedātmano mūrdhanyatitheśca gurostathā ||

skānde-

sarvatīrthābhiṣekā dyā śuddhirmanasi jāyate |
gurora"nghrijalasparśātsā smānmūrdhni dhārayet ||
pṛthivyāṃ yāni tīrthāni yā nadyaḥ puṇyadāśśubhāḥ |
matpāde sthāpitaṃ nityaṃ tasmāddhāryaṃ padodakam ||

pṛ0 114) śivarahasye-

matprasādodakaṃ puṇyaṃ sadā dhāryaṃ madāśritaiḥ |
tryakṣā daśabhujā jñeyā mama tulyaparākramāḥ ||

siddhāntaśekhare-

avidyāmūlanāśāya janmakarmanivṛttaye |
jñānavairāgyasiddhyarthaṃ guroḥ pādodakaṃ pibet ||

ādityapurāṇe-

abhiṣiktajalaṃ prātaḥ pibennityaṃ dine dine |
śūlakuṣṭhādyapasmārajvarāṇāṃ bheṣajaṃ priye ||

skānde-

prāṇali"ngā"ngasambandhipādaprakṣālanodakam |
li"ngā"ngasa"ngasahitaḥ pibettattasya puṇyadam ||

ādityapurāṇe-

li"ngodakañca pādāmbu prasādāmbu ca tattridhā |
namaskṛtyāpi śirasā dhāryaṃ peyaṃ śivārthibhiḥ ||
dāsyamārgaprapannā ye śrautapāśupate sthitāḥ |
taireva peyaṃ dhāryañca ghrātavyañca mumukṣubhiḥ ||

vīrāgame-

svarṇodakasahasraiśca ratnodakaśatairapi |
snāpite carapādāmbu vinā li"nge nirarthakam ||
carapādodakasnānaṃ viśiṣṭaṃ mama kathyate |
etadbhaktiviśiṣṭasya rocate mama pūjanam ||

pṛ0 115) iṣṭali"ngapratiṣṭhāyāṃ śrīrudrācchatarudriyāt |
abhiṣeko na kartavyaḥ kartavyaḥ pādatīrthataḥ ||
pādatoyañca nirmālyaṃ prasādañca carasya tu |
yo'pi li"ngārpitaṃ bhu"nkte sa rudro nātra saṃśayaḥ ||

śivarahasye-

prasādānnaṃ pādatīrthaṃ kṛtvā li"ngārpitaṃ sadā |
yaḥ seveta sa bhaktānāṃ mama rūpastu pārvati ||

nandikeśvaraprastāve-

pādodakaprasādānnaṃ nityamāsevatāṃ nṛṇām |
daśapātakanāśastu kathyate gaṇapu"ngavāḥ ||

śivarahasye-

pākāraḥ paramaṃ jñānaṃ dokāro doṣanāśanaḥ |
dakāro janma dahati kakāraḥ karmanāśanaḥ ||

vīrāgame-

ga"ngādisarvatīrthāni mālinyaṃ ghnanti bāhyakam |
ja"ngamasya padāmbhojasalilaṃ pāpanāśanam ||
prāyaścittaṃ yadi prāptaṃ kṛcchraṃ vāpyaghamarṣaṇam |
sa prasādodakaṃ pītvā śuddhimāpnoti tatkṣaṇāt ||

skānde-

dhṛtali"ngasya martyasya padaprakṣālanodakam |
pāpaśuddhipradaṃ proktaṃ tattīrthaṃ śikhivāhana ||

brahmāṇḍapurāṇe-

śivātmakapadadvandvaprakṣālanajalaṃ narāḥ |
ye pibanti punastanyaṃ na pibanti kadācana ||

pṛ0 116) śivarahasye-

śoṣaṇaṃ pāpapa"nkasya dīpanaṃ jñānatejasaḥ |
gurupādodakaṃ citraṃ saṃsāradrumanāśanam ||
ja"ngamā"nghristhatoyotthabindusaṃyutamārutam |
bubhuje bhujagastena dṛṣṭaścoro vimuktavān ||

iti bodhāyanasūtrapurāṇāgamavacanaiḥ kevalaśivapādodakasya 
niḥśreyasasādhanatayā sevyatvaṃ pratipādyate ||
nanu viṣṇupādodakasya grāhyatvaṃ kevalaśivapādodakagrahaṇasya 
pratyavāyasādhanatvaṃ śrūyata iti pūrvoktadoṣatādavasthyamiti cenna, 
bhagavadbodhāyanasūtravacanena kevalaśivapādodakagrāhyatve niścite 
bahupurāṇāgamavacanairdṛḍhīkṛte ca sati, 
kevalaśivapādodakaniṣedhavacanaṃ �na hi nindā� nyāyena sālagrāmodakasya 
prāśastyaparaṃ, na tu nindāparam | taduktaṃ daśame-
jartilayavāgvā juhuyāt, gavīdhukayavāgvā juhuyāt, na grāmyānpaśūn 
hinasti, nāraṇyān | atho khalvāhuranāhutirvai jartilāgavīdhukāśceti | 
ajākṣīrairjuhotītyatra vikalpena jartilagavīdhukayavāgvorhome ajākṣīreṇa 
sākaṃ vrīhiyavavadvikalpo vā uta sarveṣāmekavākyatāṃ kṛtvā 
ajākṣīramātrasya śatarudrīyahomasādhanatvaṃ veti viśaye tatra 
pūrvapakṣaḥ-ubhayatrāpi li"ngaśravaṇādubhayorapi homasādhanatvena 
vidheyatvāvaśyambhāvādvrīhiyavavacchatarudrīyahome vikalpa iti prāpte tatra 
rāddhāntaḥ- ekavākyatve sambhavati bhinnavākyatvasyānyāyyatvena 
vikalpasyāṣṭadoṣaduṣṭatvenātyantānyāyyatvāccaikavākyatayā 
ajākṣīramātrasya homasādhanatvamavaśyama"ngīkartavyam | nava 
�jartilayavāgvā vā juhuyā�diti vidhiśravaṇāttasyaiva �anāhuti rvai 
jartilāśca gavīdhukāśce�ti nindāśravaṇātkathamekavākyatā sambhavatīti 
vācyaṃ, nahi li"ngaśravaṇamātreṇa vidhānama"ngīkartavyaṃ, kintu 
arthaprāptyaprāptiparyālocanayā |

pṛ0 117) ata eva �upāṃśu yājamantarā yajatī�ti liṭo leṭtvapariṇāmena 
vidhāyakatvama"ngīkṛtya pratyakṣavidhitvena śrūyamāṇānāṃ 
�viṣṇurupāṃśu yaṣṭavyo jāmitvāya, prajāpatirupāṃśu yaṣṭavyo 
jāmitvāya, agniṣṭoma upāṃśu yaṣṭavyo jāmitvāye�ti vidhīnāṃ 
trayāṇāmapi anuvādakatvama"ngīkṛtam ||
ata evottaratantre samanvayasūtraṭīkāyāṃ 
bhāmatyāmācāryavācaspatimiśraiḥ śrotavyo mantavyo nididhyāsitavyaḥ 
sākṣātkartavya iti tavyapratyayānāṃ upāṃśu 
yājatavyapratyayavadvidhāyakatvaṃ, 
gāndharvaśāstrābhyāsāt ṣaḍjādisākṣātkāra iva śravaṇādīnāmeva 
sākṣātkārasādhanatvena prāptatvāditareṣāmupāyānāṃ tatra 
prasakterabhāvāditya"ngīkṛtam ||
tadvadatra �jartilayavāgvā vā juhuyā�diti li"ngopi 
prāśastyaparatvama"ngīkartavyam | anāhutitvavacanamapi vihitasyārthasya 
nindāparaṃ na bhavati, kintu sannihitasyājākṣīrahomasyānyanindāvyājena 
prāśastyaparam | ata evoktaṃ vācaspatimiśraiḥ- ṅa hi somaśarmaṇi prakṛte 
tadguṇābhidhānaṃ viṣṇuśarmaṇo guṇavattāṃ parisañcaṣṭa� iti ||
ata eva harivaṃśārambhe- �asatsallāpakāntāraparivartanapāṃsulāṃ | vācaṃ 
śaurikathālāpaga"ngayaiva punīmaha� iti viṣṇumātrakathārūpasya 
harivaṃśasya stutau kartavyāyāṃ bhārate asatsallāpakāntāratvanindā 
bhāratādhyayanātpuṇyādapi pādamadhīyate | śraddhādānasya pūyante 
sarvapāpānyaśeṣataḥ �vedānadhyāpayāmāsa mahābhāratapañcamān� �catvāra 
ekato vedā bhārataṃ caivamekataḥ | surarṣibhiḥ samāyātaistulāmāropitaṃ 
purā || mahatve ca gurutve ca bhriyamāṇaṃ tatodhikam | mahatvādbhāravatvācca 
mahābhāratamucyate� ityādibhārata prāśastyapratipādakabahuvacanavirodhāt, 
harivaṃśastutiparā, na tu bhāratanindāparā || tannyāyenātrāpi 
śivapādodakasya nindā 
bodhāyanasūtratadanusāribahuvacanavirodhātsālagrāmodakaprāśastyaparā, na 

pṛ0 118) tu kevalaśivapādodakanindāpareti śivapādodakaṃ 
mumukṣubhirvaidikairgrāhyamiti siddham ||
nanu śivapādodakagrahaṇaprāśastyapratipādakavacanasandarbhamadhye 
śivapādodakavadgurucarapādodakayoḥ prāśastyapratipādakānāṃ 
vacanānāmaśravaṇāttanmadhye śivapādodakasyaiva sopamardaṃ sayuktikaṃ 
grāhyatvamiti gurucarapādodakayoḥ kathaṃ tatsāmyena grāhyatvaṃ, 
gurucaraṇayoḥ śivasamānatvāśravaṇāditi cenna, gurucarayoḥ śivābhedena 
pratipādanasya bahuṣu vacaneṣu darśanāt | tathāhi-

kiraṇāgame-

jānīyātsaccidānandāndeśikeśvaraja"ngamān |
nityaṃ pūrṇaṃ tatprasādaṃ svātmabhāvena bhāvayet ||

siddhāntaśikhāmaṇau-

eka eva śivaḥ sākṣātsarvānugrāhakaḥ prabhuḥ |
guruja"ngamali"ngātmā vartate bhuktimuktidaḥ ||

śivarahasye-

li"ngasyādiṣṭarūpantu ja"ngamaḥ prāṇali"ngakam |
bhāvali"ngaṃ guruḥ proktastrividhantvekamucyate ||
sarvalokopakārāya yo devaḥ parameśvaraḥ |
caratyatithirūpeṇa namaste ja"ngamātmane ||

ityādipurāṇavacanairgurucarayoḥ śivābhedapratipādanāt, 
śivapādodakavadgurucarapādodakasyāpi grāhyatvaṃ siddhameva || 
tadgrahaṇaprakārastvitthaṃ, pārameśvaratantre-

praṇamya svagataṃ bhūyaḥ pādaprakṣālanaṃ caret |
prathamaṃ pūjayedgandhapuṣpadhūpādibhiḥ kramāt ||

pṛ0 119) punaḥ sampūjayedgandhapuṣpaiḥ sa"nkṣālayettataḥ |
pibetsa"nkṣālitaṃ toyaṃ pītvā śirasi dhārayet ||
na pātayedadho binduṃ pādaprakṣālanāmbhasaḥ |
a"nguṣṭhe bhāvayedrudraṃ tarjanyāṃ śa"nkaraṃ smaret ||
madhyamāyāṃ mahādevamanāmikyāṃ triyambakam |
kaniṣṭhikāyāmīśānaṃ pādopari kapardinam ||
pādādhaḥ pañcavadanaṃ gulphayo rudrabhargakau |
sarvaṃ li"ngamayaṃ dhyātvā pādau ja"ngamali"nginaḥ ||

ityādivacanajātena gurucarayoḥ pādā"ngulyādyavayaveṣu 
rudrādyanekaśivamūrtiviśeṣābhinnatvena 
bhāvanānantaraṃ ṣoḍaśopacārapūjāpūrvakaṃ pādodakagrahaṇārthaṃ 
pādābhiṣekodakamekasminpātre sāvadhānaṃ saṃgṛhya 
gandhākṣatādibhirabhyarcya ekapātrasthitaṃ pādodakaṃ 
purātanabasaveśvarapramukhapramathasampradāyānurodhena vīraśaiva-dīkṣita-
bhaktamāheśvarāḥ krameṇaikaikaśaḥ �ṛtaṃ satya� miti pibeyuḥ | 
tatrocchiṣṭadoṣo nāsti, yathā somarasapānena na somenocchiṣṭā 
bhavantītyāpastambasūtravacanena ṛtvigbhirbahubhirekasmin 
camasarūpapātraviśeṣe sthitaḥ somarasaḥ paryāyataḥ pīyata iti 
tatrocchiṣṭadoṣo nāsti |
nanu ṅa paryuṣitamaśnīyānnocchiṣṭaṃ na 
kadarthi�mityādivacanairucchiṣṭagrahaṇasya niṣedhaśravaṇānnaño 
niṣedhārthakatvaṃ vaktavyam, niṣedhasya prasaktipūrvakatvādaprasakte 
rniṣedhāyogātprasaktiravaśyaṃ vaktavyā, sā ca prasakti rlaukikī vaidikī 
ceti ubhayathāpyasti | tatra laukikī cenniṣedhasyātyantikanivṛttau 
paryavasyati, yathā na surāṃ pibedityādau | vaidikī prasaktiścenna niṣedhe 
paryavasyati, tadyathā �atirātre ṣoḍaśinaṃ gṛhṇāti, 
nātirātre ṣoḍaśinaṃ gṛhṇāti� iti | tadvadatrāpi 
ucchiṣṭaprasaktervācanikatvena lokato'bhāvātkathamātyantikanivṛttau 
paryavasānam, 

pṛ0 120) ato vikalpa itya"ngīkāryam | sa cāṣṭadoṣaduṣṭatvenānyāyya iti 
cenna, ekasminneva viṣaye sāmānyaviśeṣabhāvaṃ vinā śāstraprasaktau 
vikalpo yukta eva, yathā grahaṇāgrahaṇayoḥ | sāmānyaviśeṣabhāvena 
prasaktipratiṣedhayossato rna vikalpaḥ, pratiṣedhābhāvāt | yathā yajatiṣu 
ye yajāmahaṃ karoti nānuyājeṣvitivat | na somenocchiṣṭā ityatra nañaḥ 
paryudāsārthakatvam, na niṣedhārthakatvam, evaṃ 
pādodakasevanepyucchiṣṭadoṣanivartakanañaḥ paryudāsārthakatvameva na 
niṣedhārthakatvam | tasmātpādodakaṃ sarvai rmumukṣubhi 
rvīraśaiverekasminpātre paryāyato nityameva grāhyamiti siddham || anenaiva 
nyāyena prasādagrahaṇe ca ucchiṣṭadoṣo nāstīti 
bahupramāṇamūlakācārabalena jñātavyamiti sarvaṃ samañjasam ||

iti 
śrīmadanādinirañjanaja"ngamāparāvatāratoṇṭadasiddheśvaraprasādāsādita"
sāmbhavāgamāmbhodhimathanajanitaniruttaraikottaraśatasthalabhedabhinnaṣaṭstha
latattvabodhasudhāsvādānandasandohapradāyakācāryavaryamaritoṇṭadāryaviraci
te yaḍavamurārikoṭe 
kolāhalaikā"ngivīravairisaptā"ngaharaṇapaścimasamudrādhīśvaraviśuddhavaid
ikādvaitasiddhāntapratiṣṭhāpanācāryakeladisadāśivarāyanāyakavaṃśadugdh
ārṇavapūrṇacandravīrabhadradharaṇīndradharmapatnīmallāmbāhṛdayānandanab
asavavasudhāsakrandanopadeśe vīraśaivānandacandrikāyāṃ vādakāṇḍe 
pañcamaṃ prakaraṇam ||

pṛ0 121) vīraśaivānandacandrikāyāṃ
vādakāṇḍe
ṣaṣṭhaṃ prakaraṇam ||

pādodakasvīkaraṇavidhimutkarṣapūrvakam |
ācakarṇañca karṇābhyāṃ śrīguro bhavadīritam ||
madīyaṃ hṛdayaṃ jātamānandabharatundilaṃ |
yadanyacchravaṇārhaṃ me tanmahyamumavarṇaya ||
vedāgamapurāṇānāṃ matenālocya yuktibhiḥ |
citte kuru mahīpāla prasādotkarṣa ucyate ||

paramapuruṣārthabhūtaniśreyasaprepsubhiḥ 
prāktanānekajanmārjitasukṛtaparipākapariśuddhabuddhibhiḥ 
sakalaśiṣṭācārasampradāyānuṣṭhānagariṣṭhaiḥ sadbhiḥ 
śivaprasādasvīkāraḥ kartavyaḥ || tathāhi jābālaśākhāyāṃ śrūyate-

rudreṇa bhuktamaśnanti rudreṇa pītaṃ pibanti rudreṇāghrātaṃ jighranti 
tasmād brāhmaṇāḥ praśāntamanaso nirmālyameva bhakṣayantīti ||

tathaiva skānde-

śiṣṭāḥ śāntāśca rudreṇa bhuktameva hi bhuñjate |
ghrātameva hi jighranti pītameva pibanti ca ||

iti śruti samānārthakamupabṛṃhaṇavacanam || evaṃ kaṭhaśākhāyāṃ-

pṛ0 122) trigupsātamaśnīyādyādipāpmanā śivānarpitamaśnīyāttadeno 
bhu"nkṣva krimiṃ bhu"nkṣva malaṃ bhu"nkṣva aghaṃ bhu"nkṣva adho gacchādho 
gaccheti |

asyārthaḥ- tisro gāvo netrāṇi yasya sa trigustrinetraḥ tena triguṇā 
trinetreṇa psātaṃ bhakṣitaṃ svīkṛtamiti yāvat, psā bhakṣaṇa iti dhātoḥ 
karmaṇi niṣṭhā | aśnīyādbhakṣayet | pāpmanā pāpena śivānarpitaṃ 
aśnīyāt bhakṣayedyadi, enaḥ mahāpāpaṃ bhu"nkṣva bhuñjīyāt | 
aghamityupapātakaṃ bhu"nkṣva bhuñjīyāt | �vyatyayo bahula� 
mityanuśāsanācchandasi lakārapuruṣavyatyayaḥ; evamagrepi | adho gacchādho 
gaccheti vākyadviruktyā asakṛdadho gamanasya vivakṣitatvāt ||
tathā śatarudrīye śrūyate-
yacchañca yośca manurāyaje pitā tadaśyāma tava rudra praṇītāviti ||
asyārthaḥ- he rudra tava praṇītau prajāyāṃ yo manuḥ pañcākṣarīlakṣaṇo 
mantrastena tvāṃ āyaje | 
yadyasmādrudraprasādarūpamadhyamapiṇḍabhakṣaṇādahamutpannastatastvaṃ pitā 
tatastvatprasādamaśyāma, tena śaṃ svargādilakṣaṇaṃ sukhañca yoḥ 
paramātmarūpañca prāpnuyāmiti ||
tathā ṛgvede yajurvede ca śrūyate-
tvādattebhī rudra śantamebhiḥ śataṃ hi mā aśīya bheṣajebhiriti ||

asyāḥ śruterarthaḥ- he rudra tvādattebhiḥ tvayā dattaiḥ 
pādodakapuṣpānnarūpaiḥ prasādaiḥ śantamebhiḥ atisukhakaraiḥ bheṣajebhiḥ 
auṣadha prāyaiḥ śataṃ hi mā aśīya | śatāyuḥ prāpnuyāmiti | tasmāt 
śivaprasādo mumukṣubhiḥ sakalaśiṣṭaiḥ yathāsampradāyaṃ sevanīyamiti ||
nanu tatra bahuṣu smṛtyāgamapurāṇeṣu nirmālyaṃ nindyate | tathāhi 
vāsiṣṭhasaṃhitāyāṃ-

niveditañca yaddravyaṃ puṣpaṃ phalamathāpi vā |
tannirmālyamiti proktaṃ yatnenaiva vivarjayet ||
bhūmau vā nikhanettattu vahnau vāpsu vinikṣipet | iti ||

pṛ0 123) pāñcarātre viṣṇusaṃhitāyāṃ-

nirmālyaṃ na spṛśeddadyāla"nghayedvāśanaṃ kutaḥ |
sarveṣāmapi devānāṃ nirmālyamaśuci smṛtam || iti ||

bhāgavate ekādaśaskandhe-

api dīpāvalokaṃ me nopayuñjyānniveditam || iti ||

pāñcarātrasaṃhitāyāṃ-
pañcaviṃśe jīrṇoddhārapaṭale-

yadeva devapūjāyāṃ viniyuktamaninditaṃ |
tadeva dūṣitaṃ paścānnirmālyamiti nindyate ||
anarhaṃ mama naivedyaṃ pādāmbu kusumaṃ dalam || iti ||

manusmṛtau ca-

śudrānnaṃ sūtakasyānnaṃ naivedyaṃ śrāddhameva ca |
patitānnaṃ samūhānnaṃ rājānnaṃ caiva varjayet || iti ||

śivapurāṇe-

nirmālyolla"nghane doṣo dhāraṇe ca viśeṣataḥ | iti ||

tathā śivarahasye'pi-

nirmālyañca nivedyañca viśeṣeṇa vivarjayet |
rudropabhuktaṃ nirmālyaṃ na tathā devatāntaraiḥ ||
naivedyaṃ viṣṇunā bhuktamamṛtañcānyadaivataiḥ |
nirmālyañca nivedyañca bhuktvācāndrāyaṇaṃ caret ||

ityādivacanajātena śivopabhuktaviṣṇūpabhuktayornirmālyanaivedyākhyayo 
rdvayorapi sparśanadhāraṇabhakṣaṇādyayogyatvaṃ pratipāditam | viśiṣya ca 
śivanirmālyasyāparigrāhyatvaṃ spaṣṭaṃ pratipādyate | tathāhi hemādrau 

pṛ0 124) prāyaścittakāṇḍe devalaḥ-

śambho rniveditaṃ bhaktaṃ tattīrthaṃ śākameva vā |
vipraḥ kadā na bhuñjīyādbhuktvā kṛcchraṃ samācaret || iti ||

mārkaṇḍeye-

śive niveditaṃ bhaktaṃ pratyekaṃ devatāṃ vinā |
dvijo'jñānādyadā bhu"nkte tadā taptaṃ samācaret || iti ||

kālikāpurāṇe-

spṛṣṭvā rudrasya nirmālyaṃ savāsā āplutaḥ śuciḥ | iti ||

skānde-

śivanirmālyabhoktāraḥ śivanirmālyala"nghakāḥ |
śivanirmālyadātāraḥ sparśasteṣāṃ na puṇyadaḥ ||
lobhānna dhārayecchambhornirmālyaṃ na ca bhakṣayet |
na spṛśedapi pādena la"nghayedvāpi nārada ||
jyotirli"ngaṃ vinā li"ngaṃ yaḥ pūjayati mānavaḥ |
tasya naivedyanirmālyabhakṣaṇāttaptakṛcchrakam ||

iti bahupramāṇavyatikarānuyogena śivanirmālyasya agrāhyatvaṃ siddhamiti 
cenna, atra 
nirmālyasvīkāravidhitanniṣedhapravṛttānāmāgamapurāṇavacanānāṃ 
parasparavirodhenāprāmāṇyaprasaktāvaprāmāṇyasvīkārānaucityādubhayeṣā.
m prāmāṇyaṃ viṣayavyavasthākalpanena sampādanīyam | sā ca vyavasthā na 
kevalaṃ yauktikī, kintvāgamasmṛtipurāṇamūlā | tathā ca vacanāni 
nirmālyañca ṣaḍvidhamityuktaṃ śaivatantre-

devasvaṃ devatādravyaṃ naivedyañca niveditam |
caṇḍadravyañca nirmālyaṃ nirmālyaṃ ṣaḍvidhaṃ bhavet ||

pṛ0 125) grāmakṣetrādidevasvaṃ devadravyaṃ paṭādikam |
naivedyaṃ kalpitaṃ tasmai devocchiṣṭaṃ niveditam ||
caṇḍadravyantu taddattaṃ nirmālyaṃ preritaṃ bahiḥ |
piṇḍikāsthantu nirmālyamapi deve visarjite || iti ||

piṇḍikāpīṭham, ataḥ pīṭhasthitaṃ puṇyatīrthādikaṃ 
devavisarjanānantaramapi nirmālyamityavigānena śiṣṭāḥ svīkurvanti | atra 
nirmālyapadaṃ devasambandhidravyasāmānye tadviśeṣe bahiḥ 
preritarūpe ṣaṣṭhe ca prabhede pravartate | tasmādviśiṣya śivanirmālyaṃ 
sarvathā śiṣṭai rna grāhyamiti || atra vicāryate- śivanirmālyaṃ 
kathamasevyam, śrutiniṣiddhatvādvā, smṛtipurāṇāgamaniṣiddhatvādvā, 
vidhāyakābhāvādvā ? nādyaḥ śivaprasādo na sevya iti 
śrutiniṣedhādarśanān | pratyuta pūrvodāhṛtaśrutiṣu prāśastyena 
śivanirmālyasvīkārasyāvaśyakatvapratipādanāt | na dvitīyaḥ, smṛtyā 
niṣedhasyānadhikāriviṣayatvena vyavasthāyāḥ kalpanīyatvāt | anyathā 
prasādasvīkārasyāvaśyagrāhyatvapratipādanaparāṇāṃ bhūyasāṃ 
vacanānāmaprāmāṇyamāśrayaṇīyaṃ syāt | na tṛtīyaḥ, ṅirmālyaṃ 
dhārayenmūrdhni naivedyaṃ cāpi bhakṣayet | tatprasādodakaṃ pītvā 
gāṇāpatyamavāpnuyāt ||� ityādiśivadharmādipurāṇavacanānāṃ śataśaḥ 
śrūyamāṇatvāt || tathāhi śrutiḥ-

tvādattebhī rudra śantamebhiḥ śataṃ hi mā aśīya bheṣajebhiḥ |
vyasmadveṣo vitaraṃ vyaṃho vyamīvāścātayasvāviṣūcīḥ ||

etadarthapratipādanapravṛttaṃ brahmāṇḍapurāṇe śaivasaṃhitāyāṃ 
vyāsajaiminisaṃvāde vyāsavacanam-

ṛksūktasyāsya gūḍhārthaṃ kathayāmyahamādarāt |
he rudra tvā tvayāśīya bhuktvā dhattebhirādarāt ||

pṛ0 126) dattaiḥ prasāditaiḥ śaṃtamebhiḥ sukhatamaistathā |
vyāsaṃsārākhyarogasya bheṣajebhistadauṣadhaiḥ ||
saṃsārasya virodhitvātproktaiḥ saṃsārabheṣajaiḥ |
itthambhūtaistvatprasādairatiśuddhaiḥ śataṃ hi māḥ ||
śataṃ samā avitaramananyaṃ svīyamunnatam |
vīraśaivaṃ bhaktajanaṃ cātaya svātmanā saha ||
yojayāyaṃ yadasmadveṣohaṃkṛtivivarjitaḥ |
vyaṃho vigatapāpāgho vyamīvā bhaktisaṃyutaḥ ||
aviṣūcīstamevāpi bhavettadvatkṛpānidhe || iti ||

yajurvede-

rudreṇānnamamṛtaṃ devā vai bhoktukāmā vedāśca kāmayante || iti ||

asyārthaḥ- rudreṇa parameśvareṇa annamiti ada= bhakṣaṇa iti dhātoḥ 
karmaṇi niṣṭhā tadrūpamannaṃ na vidyate mṛtaṃ maraṇaṃ yena tadamṛtam, 
tasmātkāraṇātprasādaṃ devā vai bhoktukāmā vedāśca kāmayante, 
viṣṇvādayo devā ṛgādayo vedāśca tatprasādamamṛtaṃ 
anubhavitumabhilaṣantītyarthaḥ || tathaiva śrutyantare-

imaṃ paśuṃ paśupate te adya badhnāmyagre sukṛtasya madhye anumanyasva suyajā 
yajāma juṣṭandevānāmidamastu havyam || iti ||

śivopabhuktasya sarvajanopādeyatve sviṣṭakṛdāhutividhāyikā śrutiḥ 
pramāṇam-

yadagnaye sviṣṭakṛdavadyati bhāgadheyenaiva tadrudraṃ samarthayati | 
sakṛtsakṛdavadyati | sakṛdiva hi rudraḥ uttarārthādavadyati | eṣā vai 
rudrasya dik | svāyāmeva diśi rudraṃ niravadayate || iti ||

pṛ0 127) asyārthaḥ- 
yat-yasmātkāraṇāt sviṣṭakṛte suṣṭhu iṣṭaṃ hutaṃ pūrvahutaṃ dravyaṃ 
karotīti sviṣṭakṛdagniḥ rudraḥ avadyati | haviḥ khaṇḍanaṃ karoti, do= 
avaṇḍana iti dhātorlaṭ | tasmāt sviṣṭakṛtvakaraṇāt 
pūrvāhutisārthakīkaraṇāt bhāgadheyena bhāgena svārthe 
bhāgaśabdāddheyapratyayaḥ | rudraṃ samarthayati sampūrayati | sakṛt sakṛt 
ekavāramekavāramevāvadyati vibhajati | sakṛdiva hi rudraḥ sakṛt 
kriyamāṇānāṃ sarveṣāṃ rudra eva svāmī uttarārthāt haviṣa 
īśānyabhāgāt avadyati | īśānyabhāga eva rudrasya digiti 
lokaprasiddhamityarthaḥ | tathāca sviṣṭakṛtvakaraṇāt 
sakṛdavadānādaiśānyāṃ diśi avadānācca rudropabhuktatvaṃ siddham | 
sviṣṭakṛdanantarameva sarveṣāṃ haviṣāṃ sarveṣāmṛtvijāṃ yajamānasya 
ca prāśanavidhānāt śivaprasādasevanamāvaśyakam |
nanvatra sviṣṭakṛdvidhāyakavākyasyāgniparatvāt 
rudraparāṇāmuparitanānāṃ vākyānāmarthavādarūpatvātkathaṃ 
śivaparatvena nirṇayaḥ kriyata iti cenna, śandigdhe tu 
vākyaśeṣā�dityadhikaraṇe yathā �aktāḥ śarkarā upadadhātī� 
tyatrāñjanasādhanadravyaṃ kimityapekṣāyāṃ 
ghṛtatailavasādīnāmañjanasādhanānāṃ pratīyamānatvena nirṇayābhāvāt 
�tejo vai ghṛta�miti vākyaśeṣādghṛtenaivāñjanaṃ kṛtvā upadhānaṃ 
kartavyamiti nirṇayaḥ tathā arthavādasthitenāpi rudraśabdena agniśabdasyāpi 
rudraparatvaṃ nirṇīyate | �rudro vā eṣa yadagni�riti agne 
rudratvapratipādanāt, sviṣṭakṛtvakaraṇasāmarthyācca |
nanu bhāgadheyenetyatra yāgahomapratipādakaśabdābhāvādrudropabhuktatvaṃ 
haviṣaḥ kathamiticenna �pūṣāprapiṣṭabhāga� ityatra bhāgabdasya 
tyāgavacanatayā tṛtīyādhyāye pauṣṇādhikaraṇe 
vyavasthāpitatvāttannyāyenātrāpi bhāgaśabdasya yāgaparatvam | kiñca 
saṃsrāvahome mantrasya tada"ngasya viśvedevaparatve'pi śarve vai rudrā 
ādityāḥ saṃsrāvabhāgāḥ 

pṛ0 128) teṣāṃ tadbhāgadheyaṃ tāneva tena prīṇātī�ti bhāgaśabdenaiva 
vasurudrādityadevatākatvena nirṇayāt ||
nanu �rudro vā eṣa yadagni�rityādīnāṃ bahuṣu sthaleṣu śrūyamāṇānāṃ 
vākyānāṃ arthavādarūpatvena svārthe tātparyābhāvāt kathaṃ 
rudraparatvamiti cenna, �abhyāse hi sati bhūyastvamarthasya bhavati 
nālpatvamapi, prāgevopacaritārthatvamiti� uttaratantre 
brahmasūtrabhāṣyaṭīkāyāṃ bhāmatyāṃ 
ācāryavācaspatimiśrairmahāvākyānāṃ 
tatvamasītyādīnāmadvaitaparatvapratipādanāt ||
nanu sviṣṭakṛdyāgā"ngamantrasyāgniparatvena 
kevalāgniśabdaśravaṇādbrāhmaṇaparyālocanayāsya homasya rudradevatākatvaṃ 
kathamiti cenna, saṃsrāvahomā"ngabhūtamantrasya viśvedevaparatvepi 
brāhmaṇaparyālocanayā vasurudrādityaparatvena nirṇītatvāt tathaiva 
loke'nuṣṭhānasya dṛśyamānatvāt | tadvadatrāpi agniśabdasya rudraparatvena 
nirṇayaḥ | aspaṣṭārthatayā vidyamānasya mantrasya brāhmaṇarītyā nirṇaya 
āvaśyakaḥ | �aindryā gārhapatyamupatiṣṭhata� ityatra brāhmaṇavaśena 
gārhapatyopasthāne asamarthasyāpi lakṣaṇāṃ parikalpya, 
�vacanāttvayathārthamaindrī syā� dityadhikaraṇe nirṇītatvena 
brāhmaṇasyaivārthanirṇāyakatvāt ||
nanvevaṃ tatra tatra ṛci vidyamānasyāgniśabdasya sarvasyāpi uktarītyā 
rudraparatve'gniparatvameva na syāditi cenna, yatrāgniśabdasya rudraparatve 
āhatyavacanaṃ li"ngaṃ prakaraṇaṃ vā vartate tatraiva tatparatvena 
nirṇayenātiprasa"ngābhāvāt | anyathā uttaratantre upakramopasaṃhārābhyāṃ 
ananyasādhāraṇali"ngena tātparyeṇa ca brahmaparatve 
nirṇītānāmākāśaprāṇajyotirvaiśvānarādiśabdānāṃ tasyāṃ 
tasyāṃ ṛci vidyamānānāṃ eteṣāṃ tattaddevatāparatvaṃ na syāt | kiñca 
smārte nityakarmaṇi saptapākayajñāntargatīśānabalāvāpastambena ṛṣiṇā 
bhagavatā śthālīpākaṃ brāhmaṇān bhojayet | kṣaitrapatyaṃ prāśnantīti� 
sarveṣāṃ 

pṛ0 129) skandapārvatīnandikeśvarādibahuvidhapramathagaṇakṣetrapālānāṃ 
balisthāpanānantaraṃ śiṣṭasyānnasya brāhmaṇabhojanārhatvena svasya 
prāśanīyatvena vidhānācca ||
nanu sviṣṭakṛdāhutau caturavattamātrasya hutatve tasyaiva rudrasambandhitvena 
prāśanāyogyatayā śiṣṭasya prāśanayogyasya devatā sambandhābhāvena 
niveditānnavaiṣamyena śivaniveditānnabhojanasādhakayuktitvena 
kathamupanyastam, etena īśānabaliviṣayo'pi nirastaprāya iti cenmaivam, 
sviṣṭakṛdāhutau caturavattamātrasya home śiṣṭasya haviṣo 
devatāsambandho'styeva | loke'pi strīśeṣaśūdraśeṣādau tatsambandhasya 
vidyamānatvādeva niṣedhaḥ pravṛttaḥ | tasmācchiṣṭasya haviṣaḥ 
devatāsambandho'sti | pratyuta śiṣṭasyānnasya devatāsambandhitāviṣaye 
āhatya śrutireva vartate | strīśeṣaśūdraśeṣodāharaṇapradarśanantu 
sarvajanaspaṣṭīkaraṇāyābhyuccayatvena likhitam | tathāhi �āgneyaṃ 
caturdhā karotī�ti vihitam | caturdhākaraṇantu ṛtvijāṃ prāśanārthaṃ 
tathāca śrutiḥ- catvārohyete haviryajñasya ṛtvijaḥ, brahmā 
hotādhvaryuragnīt | tamabhimṛśet, idaṃ brahmaṇaḥ, idaṃ hotuḥ, 
idamadhvaryoḥ, idamagnīdha iti | āgneyaṃ caturdhā karotītyatra 
caturavattamātrasya agnaye hutatvena śiṣṭasya tatsambandhābhāvāt, 
agnirūpadevatāsambandha pratipādakaśrutinirvāhārthaṃ 
tatsaṃbandho'stītyavasyama"ngīkaraṇīyam | na ca devatāsambandhe āgneyamiti    
taddhitapratyayo na bhavati | kintu sarvatra �agnikalibhyāṃ ḍhagvaktavya� iti 
vārtikāttasyedamiti sambandhārthe ḍhakpratyayaḥ | sambandhamātrantu 
caturavattāvadānaprakṛtitvarūpaparamparayāpi bhavatīti vācyam, sāsya 
devateti devatārtha evāyaṃ taddhitaḥ | ata evāgniṣomīyasya 
puroḍāśasyāgnisambandhitve vidyamāne'pi 
devatāsambandhābhāvāccaturdhākaraṇaṃ nāsti | samarthaḥ 
padavidhirityadhikārānnirapekṣāgnidevatākatva eva 
taddhitapratyayavidhānenāgnīṣomīye sāpekṣāgnidevatāke āgneyamiti 
vaktumaśakyatvāt, 

pṛ0 130) agnīṣomīye puroḍāśe caturdhākaraṇaṃ nāstīti tṛtīyādhyāye 
caturdhākaraṇādhikaraṇe pratipāditam | tasmācchiṣṭasya 
taddevatāsambandho'styeva | sa tu sambandhaḥ sākṣātsambandha eva na tu 
caturavattāvadānaprakṛtitvarūpaparamparāsambandhaḥ, 
śabarasvāmibhāṣyakṛnmate �tadukte śravaṇājjuhotirāsecanādhikaḥ syā� 
dityadhikaraṇe tyāgapūrvakaprakṣepasyaiva homatvena nirṇayāt | 
tadekadeśabhūtatyāgarūpamānasavyāpāraviṣayībhūtatvasya sarvasmin 
puroḍāśe vidyamānatvāt | śrībhaṭṭapādamate tyāga eva yāgaḥ sa eva 
pradhānam | prakṣepamātrantu guṇastyāgasyā"ngamiti spaṣṭameva sarvasya 
puroḍāśasya tyāgaviṣayatvam | tasmācchiṣṭasya devatāsambandhaḥ 
sākṣātsamyagevāsti ||
nanu śrautasmārtayoryāgahomayorvidyamānatvāt tvaduktarītistanmarmārohati, 
tāvatā śivanivedanasthale kimāyātaṃ yāgahomādīnāmabhāvāditi cenna, 
yāgasyaiva nivedanaśabdārthatvāt, anyathā nivedanaśabdārthasya 
nirvoḍhumaśakyatvāt | tathāhi- nivedanaśabdārthaḥ kaḥ ? annasya 
devatāpurataḥ sthāpanaṃ vā, tadviśiṣṭamantroccāraṇaṃ vā, uta 
tadviśiṣṭahastaceṣṭāviśeṣo vā, āhosvittadviśiṣṭaghaṇṭānādo vā, 
tadviśiṣṭanetranimīlanaṃ vā ? athavā ko'pi mānasābhisandhiḥ ? nādyaḥ, 
purataḥ sthāpanamātreṇa niveditatvaprasidhyabhāvāt | anyathā 
strījanakṛtadevatāpurasthāpanamātreṇa 
nivedanasiddheritaravyāpāranairarthakyaṃ syāt | na dvitīyaḥ, tathāsati 
vyādhivaśena mantroccāraṇasamarthasya nirantarabhaktiyuktasya 
nivedanakartṛtvaṃ na syāt | na tṛtīyaḥ, vyādhyupahatahastena puruṣeṇa 
kriyamāṇaṃ hastaceṣṭāviśeṣābhāvānniveditaṃ na syāt, 
tātkālikānnasthamaśakamakṣikādyutsāraṇārthahastavyāpāro'pi nivedanaṃ 
syāt | na caturthaḥ, anyāpahṛtaghaṇṭasya pathi gacchato vā 
ghaṇṭānādābhāvānnivedanakartṛtvaṃ na syāt | na pañcamaḥ, 
akṣirogadūṣitasya maśakapātabhītyā tatkālanimīlitākṣasya vā 
bhaktiyuktasya nivedanakartṛtvaṃ na syāt | tasmādetadupa-      lakṣito vā 
etadviśiṣṭo vā 

pṛ0 131) na mama tvadīyamidaṃ tvaṃ bhu"nkṣvetimānasābhisandhireva 
nivedanaśabdārthaḥ ||
nanu tarhi nivedanayāgaśabdayoḥ ghaṭakumbhādiśabdavatparyāyatvaṃ syāditi 
cet, yāgahomaśabdavat mukhabhedena śabdabhedasambhavāt | yāgo nāma 
devatāmuddiśya na mameti mānasiko'bhisandhiviśeṣaḥ | homo nāma 
devatoddeśyakamānasadravyatyāgapūrvakakāyikāgnyādhārakadravyaprakṣepaḥ | 
nivedanaṃ nāma 
devatoddeśyakadravyatyāgaviśiṣṭakriyāviśeṣopahitadevatākartṛkatṛptisādh
akabhuktirūpamānasābhisandhiviśeṣaḥ || 
tasmāt śivaprasādasya nyāyopabṛṃhitaiḥ śrutismṛtipurāṇāgamavacanaiḥ 
grāhyatvaṃ siddham || asminnarthe upabṛṃhaṇabhūtāni 
āgamapurāṇasmṛtyāyurvedādivacanāni bahuśaḥ śrūyante | tathāhi 
śivadharmottare-

nirmālyaṃ dhārayenmūrdhni naivedyañcāpi bhakṣayet |
tatprasādodakaṃ pītvā gāṇāpatyamavāpnuyāt ||

skandapurāṇe-

matprasādodakaṃ puṇyaṃ sadā dhāryaṃ madāśritaiḥ |
rogibhiścaviśeṣeṇa rogadagdhaiśca yatnataḥ ||
śirasā dhārayedbhaktyā yo nirmālyamalobhataḥ |
ahameva dhṛtastena somaḥ somakalādharaḥ ||

śaivapurāṇe-

śivasyaiva tu nirmālyaṃ bhaktyā dhāryaṃ dvijātibhiḥ |
nirmālyaṃ paramaṃ puṇyaṃ naivedyaṃ pāpanāśanam ||
brahmacārigṛhasthānāṃ yatīnāṃ bhuktimuktidam |

siddhāntaśikhāmaṇau-

bhuñjīyādrudrabhuktānnaṃ rudrapītaṃ jalaṃ pibet |
rudrāghrātaṃ sadā jighrediti jābālikī śrutiḥ ||

pṛ0 132) āyurvede-

nirmālyasalilaṃ prāśya devadevasya śūlinaḥ |
kṣayakuṣṭhajvaraśvāsairmucyate kilbiṣairapi ||

ityādiśrutismṛtipurāṇāyurvedavacaneṣu śivaprasādasvīkārasya 
karaṇe'bhyudayasya akaraṇe pratyavāyasya ca śravaṇāt, sarvadā sa 
śivabhaktaistatparāyaṇairādarātsvīkāryaḥ ||
nanvetādṛśaśrutyāgamasmṛtipurāṇādivacanabalaiḥ 
śivaprasādasvīkārasyāvaśyakartavyatvepi gurucarayoḥ prasādasya 
svīkāravidhāyakavacanānāmadarśanātkathaṃ tatprasādasvīkāraḥ kriyata iti 
cenna, pādodakasvīkaraṇe śivapādodakasyeva gurucarapādodakasyāpi 
śivagurucarāṇāṃ parasparābhedapratipādakabahuvacanapramāṇānusāreṇa 
avaśyasvīkāryatvapratipādanāt | tannyāyena

prasādastrividhaḥ proktaḥ śuddhaḥ siddhaḥ prasiddhakaḥ |
śuddho gurumukhātprāptaḥ siddho li"ngamukhāttathā ||
prasiddho ja"ngamamukhātprasādastrividho mataḥ |

ityādiviśeṣavacanānusāreṇa ca śuddhasiddhaprasiddhākhyastrividhaḥ prasādo 
guruli"ngacaropabhukto vīraśaivaiḥ sarvadā svīkaraṇīya iti siddhamiti 
nirvivādam ||

iti 
śrīmadanādinirañjanaja"ngamāparāvatāratoṇṭadasiddheśvaraprasādāsādita"
sāmbhavāgamāmbodhimathanajanitaniruttaraikottaraśatasthalabhedabhinnaṣaṭsthal
atattvabodhasudhāsvādānandasandohapradāyakācāryavaryaśrīmaritoṇṭadāryavi
racite 
yaḍavamurārikoṭekolāhalaikā"ngivīravairisaptā"ngaharaṇapaścimasamudrādhī
śvaraviśuddhavaidikādvaitasiddhāntapratiṣṭhāpanācāryakeladisadāśivarāya
nāyakavaṃśadugdhārṇavapūrṇacandravīrabhadradharaṇīndradharmapatnī 
mallāmbāhṛdayānandanabasavavasudhāsa"nkrandanopadeśe 
vīraśaivānandacandrikāyāṃ vādakāṇḍe ṣaṣṭhaṃ prakaraṇam || 

pṛ0 133) vīraśaivānandacandrikāyāṃ
vādakāṇḍe
saptamaṃ prakaraṇam ||

prasādavaibhavaṃ svāmin dayayā bhavadīritaṃ |
śrutvā prasādaṃ prāpyeva nitarāmasmi nanditaḥ ||
yadbodhanīyaṃ tatpremṇā kuru karṇapathātithiṃ |
bhūtervibhūtiṃ rājendra nistandraḥ śṛṇu kīrtaye ||

niḥśreyasaikasādhanabrahmavidyāntara"ngacittaśuddhisampādakatvena 
vaidikaśivapūjā"ngatvena ca bhasmadhāraṇaṃ kartavyam | tatra śrutiḥ | 
taittarīyopaniṣadi gurūṇāṃ śiṣyaṃ 
pratyāvaśyakadharmācaraṇopadeśaprakaraṇe śatyaṃ vada dharma care� 
tyārambha �yānyanavadyāni karmāṇi tāni sevitavyānī�ti anavadyānāṃ 
karmaṇāṃ sevanīyatvamu uktvā ṅo itarāṇī� ti 
vaidiketarapāñcarātrādipratipāditordhvapuṇḍradhāraṇādīnāmasevanīyataya
a heyatvamuktvā ca tatraivāvaśyakartavyācāravidhānaprakaraṇe śatyānna 
pramaditavyam, kuśalānna pramaditavyaṃ, bhūtyai na pramaditavya� mityanena 
bhasmadhāraṇasya apramādena kartavyatvavidhānāt | na ca bhūtyai na 
pramaditavyamityatra bhūtiśabdasyaiśvaryaparatvena vyākhyātuṃ 
śakyatvātkathaṃ bhasmaparatvamabhidhīyate ? �bhūtirbhasmani sampadī� 
tikośena sampadarthasyāpi 

pṛ0 134) vaktuṃ śakyatvāditi vācyam, bhagavatā sūtrakṛtā bodhāyanena 
bhūtiśabdasya bhasmaparatvenaiva sūtritatvāt | tathāhi-

athāto bhasmadhāraṇavidhiṃ vyākhyāsyāmo bhūtyai na pramaditavyamiti 
vijñāyate tathāpyudāharanti-madhyamānāmikā"nguṣṭhaistripuṇḍraṃ 
bhasmanā kṛtaṃ | tattripuṇḍraṃ bhavecchastaṃ mahāpātakanāśanaṃ || iti 
||
atha triyambakamiti sarvā"ngaṃ sammṛjetpūto bhavati, daśapūrvān 
daśāparānātmānaṃ caikaviṃśatiṃ pa"nktiñca punāti brahmaṇaḥ sāyujyaṃ 
salokatāmāpnotyatha yadidaṃ bhasmoddhūlanamāpādatalamastakaṃ sarvakarmasu 
kartavyamityāha bhagavān bodhāyanaḥ || iti || satyadharmācca 
kuśalādbhasmanoddhūlanādapi | tripuṇḍradhāraṇāccaiva 
svādhyāyādhyayanādapi || daivācca pitṛkāryācca na pramādyediti śrutiḥ || 
iti ||
tathā kālāgnirudropaniṣadi-

atha kālāgnirudraṃ bhagavantaṃ sanatkumāraḥ papracchādhīhi bhagavan 
tripuṇḍravidhiṃ satatvaṃ kiṃ dravyaṃ kiyat sthānaṃ kati pramāṇaṃ kā 
rekhā ke mantrāḥ kā śaktiḥ kiṃ daivataṃ kaḥ kartā kiṃ phalamiti ca | 
taṃ hovāca bhagavān kālāgnirudraḥ | yaddravyaṃ tadāgneyaṃ bhasma, 
sadyojātādipañcabrahmamantraiḥ parigṛhya, agniriti bhasmetyanena 
cābhimantrya, mānastoka iti samuddhṛtya, mānomahāntamiti jalena saṃsṛjya, 
triyāyuṣamiti śirolalāṭavakṣaḥskandheṣu 
triyāyuṣaistryambakaistriśaktibhistiryak tisro rekhāḥ prakurvīta 
vratametacchāmbhavaṃ sarvavedeṣu vedavādibhiruktaṃ bhavati 
tasmāttatsamācarenmumukṣurapunarbhavāya || atha sanatkumāraḥ papraccha 
pramāṇamasya tripuṇḍradhāraṇasya tridhā rekhā

pṛ0 135) bhavatyālalāṭādācakṣuṣorāmūrdhnorābhruvormadhyataśca prathamā 
rekhā sā gārhapatyaścākāro rajo bhūrlokaḥ svātmā kriyāśaktiḥ ṛgvedaḥ 
prātaḥ savanaṃ maheśvaro devateti | yāsya dvitīyā rekhā sā 
dakṣiṇāgnirukāraḥ satvamantarikṣamantarātmā cecchāśaktiḥ yajurvedo 
mādhyandinaṃ savanaṃ sadāśivo devateti, yāsya tṛtīyā rekhā sā''havanīyo 
makārastamo dyaurlokaḥ paramātmā jñānaśaktiḥ sāmavedastṛtīyaṃ savanam, 
mahādevo devateti | evaṃ tripuṇḍraṃ bhasmanā karoti yo vidvān brahmacārī 
gṛhī vānaprastho yatirvā sa samastamahāpātakopapātakebhyaḥ pūto bhavati, 
sa sarveṣu ca tīrtheṣu snāto bhavati, sa sarvān devān jñāto bhavati, sa 
sarvān vedānadhīto bhavati, sa santataṃ sakalarudramantrajāpī bhavati, sa 
sakalabhogabhugdehaṃ tyaktvā śivasāyujyameti na sa punarāvartate na sa 
punarāvartata ityāha bhagavān kālāgnirudraḥ yastvaitadvādhīte so'pyevameva 
bhavatītyoṃ satyamityupaniṣat || iti ||
etameva bhasmadhāraṇāvaśyakatāpratipādakāni smṛtītihāsapurāṇavacanāni 
bahūśaḥ śrūyante | tathāhi śivarāghavasaṃvāde-

tadbhasmadhāraṇaṃ śastaṃ sarvaṃ taddvattrili"ngakam |
brahmaviṣṇumaheśānāṃ triyajñānāñca sādhanam ||
guṇalokatrayāṇāñca dhāraṇaṃ tena vai kṛtam |
dhāryaṃ pañcadaśasthāne śuddhaṃ bhasmābhimantritam ||
kaṇṭhopari kṛtaṃ pāpaṃ naṣṭaṃ syānmukhadhāraṇāt |
kaṇṭhe ca dhāraṇātkaṇṭhabhogādikṛtapātakam ||

pṛ0 136) bohvorbāhukṛtaṃ pāpaṃ vakṣasā manasā kṛtam |
nābhyāṃ nābhikṛtaṃ pāpaṃ pṛṣṭhe pṛṣṭhakṛtaṃ haret ||
pārśvayordhāraṇādrāma parastryāli"nganādijam |
bhasmāsano bhasmaśayyo bhasmoddhūlitavigrahaḥ ||
bhasmasnānāt sadā pāpairmucyate nātra saṃśayaḥ |

vāyavīyasaṃhitāyām-

bhasmacchanno dvijo vidvānmahāpātakasambhavaiḥ |
doṣairvimucyate sadyo mānavo nātra saṃśayaḥ ||
tasmātsarveṣu lokeṣu vīryavān bhasmasaṃyutaḥ |
rudrāgneryatparaṃ vīryaṃ tadbhasma parikīrtitam ||
bhasmaniṣṭhasya dahyante doṣāstasyāgnisa"ngamāt |
bhasmasnānaviśuddhātmā bhasmaniṣṭha iti smṛtaḥ ||
bhasmanā digdhasarvā"ngo bhasmadīptatripuṇḍrakaḥ |
bhasmasnāyī ca puruṣo bhasmaniṣṭha iti smṛtaḥ ||
bhūtāḥpretāḥ piśācāśca rogāścātīva duḥssahāḥ |
bhasmaniṣṭhasya sānnidhyādvidravanti na saṃśayaḥ ||
bhāsakaṃ bhasitaṃ proktaṃ bhasma kalmaṣabhartsanāt |
bhūtirbhūtikarī puṃsāṃ rakṣā rakṣākarī yataḥ ||
paramāstrañca śaivānāṃ bhasma tatpārameśvaram |

lai"ngye-

smaraṇādeva rudrasya yathā pāpaṃ vinaśyati |
tathāsya dhāraṇādeva sarvaṃ pāpaṃ vinaśyati ||

pṛ0 137) yadyakāryasahasrāṇi kṛtvā yaḥ snāti bhasmanā |
tatsarvaṃ dahate bhasma yathāgnistejasā vanam ||
kṛtvāpi cātulaṃ pāpaṃ mṛtyukāle'pi yo dvijaḥ |
bhasmasnāyī bhavetso'pi sarvapāpādvimucyate ||
bhasmasnānaviśuddhātmā jitakrodho jitendriyaḥ |
matsamīpaṃ samāgatya na bhūyo vinivartate ||
dhṛtatripuṇḍraḥ pūtātmā mṛtyuṃ jayati mānavaḥ |
tripuṇḍraṃ yadyadhṛtvā tu kuryādyatkarma tadvṛthā ||
bhasmanoddhūlanaṃ tiryak tripuṇḍraṃ muktisādhanam |
etadāgneyakaṃ snānamuditaṃ paramarṣibhiḥ ||
sarvakarmasamṛdhyarthaṃ kuryādādāvidaṃ budhaḥ |
anyathā sarvakarmāṇi na phalanti kadācana ||

kātyāyanasmṛtau-

śrāddhe yajñe jape home vaiśvadeve surārcane |
dhṛtatripuṇḍraḥ pūtātmā mṛtyuṃ jayati mānavaḥ ||
varṇānāmāśramāṇāñca mantrato'mantratopi ca |
tripuṇḍroddhūlanaṃ proktaṃ jābālairādareṇa tu ||
sadyojātādibhirmantrairbhūtyā tiryak tripuṇḍrakam |
dhūlanaṃ cācaredevaṃ mumukṣurjñānasiddhaye ||

ityādiśrutismṛtītihāsapurāṇavacanairbhasmadhāraṇasya 
sarvapāpanivartakatvaṃ sarvakarmasamṛddhisampādakatvam, akaraṇe 
karmavaiyarthyāpādakatvañca pratīyate ||

pṛ0 138) nanu-

jāhnavītīrasambhūtāṃ mṛdaṃ phāle bibharti yaḥ |
bibharti rūpaṃ so'rkasya tamonāśāya vai smṛtam ||
ūrdhvapuṇḍraṃ mṛdā sūtre lalāṭe yasya dṛśyate |
sa caṇḍālo'pi śuddhātmā pūjyate na hi saṃśayaḥ ||
yajño dānaṃ tapo homaḥ svādhyāyaḥ pitṛtarpaṇam |
vṛthā bhavati viprendra ūrdhvapuṇḍraṃ vinā kṛtam ||
pūjākāle ca home ca sāyaṃ prātaḥ samāhitaḥ |
nāmānyuccārya vidhivaddhārayedūrdhvapuṇḍrakam ||
ūrdhvapuṇḍradharo martyo vartate yatra kutracit |
taddeśa eva viprendra kāśīkṣetrasamo bhavet ||

mārgaśīrṣamāhātmye-

śṛṇu brahman pravakṣyāmi trividhaṃ nāma dhāraṇam |
tulasīmṛtsnayā sārdhaṃ śrīgopīcandanena ca ||
haricandanataḥ kāryaṃ puṇḍraṃ tatra vicakṣaṇaiḥ |
gopīcandanamāhātmyaṃ nibodha gadato mama ||
śrīkṛṣṇatulasīmūlamṛdamādāya bhaktimān |
dhārayedūrdhvapuṇḍrāṇi haristasmai prasīdati ||
yo mṛttikāṃ dvāravatīsamudbhavāṃ 
kare samādāya lalāṭapaṭṭake |
pumān karotīha sadordhvapuṇḍrakam 
kriyāphalaṃ koṭiguṇaṃ tadā bhavet ||

pṛ0 139) kriyāvihīnaṃ yadi kālavarjitam
kṛtvā lalāṭe yadi gopikāmṛdam |
prāpnoti tatkarmaphalaṃ sadā'vyayam 
gopīpateḥ puṇyatamaḥ prasādataḥ ||
gopīcandanasambhavaṃ suruciraṃ kṛtvā lalāṭe dvijo 
nityaṃ dhārayate yadi pratidinaṃ rātrau sadā sarvathā |
yatpuṇyaṃ kurujā"ngale ravigṛhe māghyaṃ prayāge tathā
tatprāpnoti tato'dhikaṃ mama gṛhe santiṣṭhate devavat ||
yasmin gṛhe tiṣṭhati gopicandanam 
kṛtvā lalāṭe manujo bibharti cet |
tasmingṛhe'haṃ nivasāmi sarvadā
śriyā sameto muditaścaturmukha ||
yo dhārayed dvāravatīsamudbhavam 
puṇyaṃ pavitraṃ kalikalmaṣāpaham |
nityaṃ lalāṭe mama mantrapāvitam 
yamaṃ na paśyedapi pāpasaṃyutaḥ ||
ūrdhvapuṇḍraḥ samaḥ saumyo lalāṭe yasya dṛśyate |
sa caṇḍālo'pi pūtātmā pūjya eva na saṃśayaḥ ||
asnāto yaḥ kriyāṃ kuryādaśuciḥ pāpasaṃyutaḥ |
gopīcandanasamparkātpūjya eva na saṃśayaḥ ||
aśucirvāpyanācāro mahāpāpasamanvitaḥ |
śucireva bhavennityamūrdhvapuṇḍrā"nkito naraḥ ||

pṛ0 140) ūrdhvapuṇḍravihīnasya smaśānasadṛśaṃ mukham |
avalokya mukhaṃ teṣāmādityamavalokayet ||
rudrārcanaṃ tripuṇḍrasya dhāraṇaṃ yatra dṛśyate |
tacchūdrāṇāṃ vidhiḥ prokto na dvijānāṃ kadācana ||
na bhasma dhārayedvipraḥ paramāpadgato'pi vā |

ityādipurāṇavacanairūrdhvapuṇḍrasya setikartavyatākasya 
abhyudayaprāpakatayā sarvapāpanivartakatayā ca bahutaraṃ śrūyamāṇatvāt, 
bhasmadhāraṇasya śudrādikartavyatāpratipādanācca, 
ūrdhvapuṇḍradhāraṇameva kartavyaṃ na bhasmadhāraṇamiti cenna, 
ūrdhvapuṇḍradhāraṇādīnāṃ gautama-dadhīci-durvāso-bhṛgu-
brahmopamanyunandikeśvarapramukhadevamuniśāpadagdhadvijaviṣayatvasya bahuśaḥ 
sūtasaṃhitāyādiśrutismṛtipurāṇeṣu 
śrūyamāṇatvādavaidikatāntrikadvijādhamānāmevordhvapuṇḍradhāraṇaṃ na 
tu vaidikānāmiti siddham | ūrdhvapuṇḍradhāraṇaniṣedhaḥ parāśare-

ūrdhvapuṇḍraṃ triśūlañca vartulaṃ caturasrakam |
ardhacandrādikaṃ cihnaṃ vedaniṣṭho na dhārayet ||
janmanā labdhajātistu śrautaṃ panthānamāśritaḥ |
puṇḍrāntaraṃ bhramādvāpi lalāṭe naiva dhārayet ||
khyātilābhādisiddhyarthamapi viṣṇavāgamādiṣu |
sthitaṃ puṇḍrāntaraṃ naiva dhārayedvaidiko janaḥ ||
na dāhayed dvijaśreṣṭhaṃ na daheccakrapūrvakaiḥ |
a"nkito yaḥ svadeśāttaṃ rājā śīghraṃ pravāsayet ||
atīva patitānāṃ hi svapadenā"nkanaṃ nṛṇām |
vidhīyate na śuddhānāmataḥ śuddhaṃ na cā"nkayet ||

pṛ0 141) adhyāpane cādhyayane śrautasmārtādikarmasu |
sambhāṣaṇe ca sambandhenādhikārī hi lāñchitaḥ ||
śa"nkhacakrādya"nkanañca nṛttagītādikaṃ tathā |
hīnajāterayaṃ dharmo na jātu syād dvijanmanaḥ ||

skānde muktikhaṇḍe-

pāñcarātre ca kāpāle tathā kālāmukhe'pi ca |
bauddhe'pi cārhate caiva vāme pāśupate'pi ca ||
śākte ca dīkṣitā yūyaṃ bhavata brāhmaṇādhamāḥ |

iti gautamaśāpaḥ | sūtasaṃhitāyāṃ yajñavaibhavakhaṇḍe 
dvātriṃśattamādhyāye sūtaḥ-

adya vakṣye mahādeva śraddhābhāvasya kāraṇam |
manuṣyāṇāṃ muniśreṣṭhāḥ śṛṇuta śraddhayā saha ||

ityārabhya,

tadjñātvā tu muniḥ śrīmān gautamo munisattamaḥ |
mahākrodhena saṃyuktaḥ śaśāpa brāhmaṇādhamān ||
mahādevasvarūpe ca mahādevasya vigrahe |
mahādevasya bhaktau ca mahādevasya nāmni ca ||
mahādevasya vijñāne mahādevaparigrahe |
mahādevasya ca sthāne mahādevasya kīrtiṣu ||
mahādevapradhāne ca mahādevāśrameṣu ca |
mahādevasya cotkarṣe tripuṇḍroddhūlanādiṣu ||
rudrākṣadhāraṇe rudrali"ngasyaiva tu pūjane |
rudrālayadidṛkṣāyāṃ rudrayātrādikarmasu ||

pṛ0 142) yadyattu rudrasambandhi tatra tatrāpi durjanāḥ |
bhaveta vimukhā yūyaṃ sarvadā brāhmaṇādhamāḥ ||
śrutismṛtipurāṇokteṣvartheṣu nikhileṣvapi |
bhaveta vimukhā yūyaṃ sarvathā brāhmaṇādhamāḥ ||
viṣṇavādidevatāḥ sarvā viśiṣṭāḥ śa"nkarāditi |
bhrāntivijñānasampannā bhavata brāhmaṇādhamāḥ ||
vartulāśvatthapatrārdhacandradīpādili"nginaḥ |
bhaveta śraddhayā sārdhaṃ satataṃ brāhmaṇādhamāḥ ||
pāñcarātre ca kāpāle tathā kālāmukhe'pi ca |
śākte ca dīkṣitā yūyaṃ bhavata brāhmaṇādhamā ||
pākhaṇḍeṣu tathānyeṣu mārgeṣvaśrautakeṣu ca |
śraddhayā dīkṣitā yūyaṃ bhavata brāhmaṇādhamāḥ ||
bahunoktena kiṃ sākṣācchive saṃsāramocake |
tatsambandhiṣu sarveṣu śrutismṛtyuditeṣu ca ||
yuṣmākaṃ vaṃśajātānāṃ yuṣmākañca tathaiva ca |
śraddhābhāvaḥ sadaivāstu śāpastīvraḥ kṛto mayā ||

ādityapurāṇe dakṣayajñe brāhmaṇānprati dadhīciśāpaḥ-

eteṣu brāhmaṇāḥ sarve yaddviṣanto maheśvaram |
bhavantu vedabāhyāste pāpopahatacetasaḥ ||
pākhaṇḍācāraniratāḥ sarve nirayagāminaḥ |

sāmbapurāṇe dakṣayajñe dadhīciśāpaḥ-

tripuṇḍradhāraṇe bhasmaguṇṭhane vedamantrite |
bhaveta vimukhā yūya yuṣmākaṃ vaṃśajāstathā ||

pṛ0 143) vedabāhyeṣu tantreṣu pāñcarātrādiṣu dvijāḥ |
bhaveta dīkṣitā yūyaṃ sarvadā brāhmaṇādhamāḥ ||
a"ngeṣu cā"nkitā yūyaṃ śa"nkhacakragadādibhiḥ |
bhavata śraddhayā sārdhaṃ vedabāhyā dvijādhamāḥ ||
ūrdhvapuṇḍre tathā śūle vartule caturasrake |
cihne vedaviruddhe tu bhaveta brāhmaṇādhamāḥ ||

parāśaropapurāṇe dvitīyādhyāye brahmaviṣṇvoḥ parasparaśāpaprakaraṇe 
viṣṇuṃ prati brahmavacanam-

krodhena mahatāviṣṭo brahmā sarvajagatpatiḥ |
śaśāpa viṣṇuṃ garbhastho bhava tvamatimohitaḥ ||
tvadbhaktā brāhmaṇāḥ sākṣāttripuṇḍre bhasmaguṇṭhane |
bhaveyurvimukhā nityaṃ vedasiddhe vimuktide ||
tvadīye pāñcarātre ca tantre bhāgavate tathā |
dīkṣitāśca hare nityaṃ bhaveyurnirbhayāḥ punaḥ ||

skānde kālikākhaṇḍe bhṛgoḥ svapatnīghnaṃ viṣṇuṃ tadbhaktānprati ca 
śāpaḥ-

ekadaṇḍāstridaṇḍāśca ye ca bhaktā hare tvayi |
te'dya pākhaṇḍinaḥ santu draṣṭṛrṇāṃ narakapradāḥ ||
durvāsaso muneḥ śāpātkupitasya mahātmanaḥ |
kaṇvaśāpātbhṛgoḥ śāpādupamanyośca śāpataḥ ||
brahmaśāpāttathā vipra nandikeśvaraśāpataḥ |
dvijānāṃ dākṣiṇātyānāṃ pāpopahatacetasām ||

pṛ0 144) śive bhasmani rudrākṣe kiñcicchraddhā na vidyate |

vaidikācāranirṇaye bhasmamāhātmyaprastāve-

śrutyuktabhasmarudrākṣarudrādhyāyaśivadviṣaḥ |
vedamārgaparibhraṣṭā bhaviṣyanti kalau yuge ||
mahāpātakayuktānāṃ jantūnāṃ pūrvajanmasu |
tripuṇḍroddhūlane dveṣo jāyate sudṛḍhaṃ budhāḥ ||

tatraiva brahmagītāyām-

mahāpāpavatāṃ puṃsāṃ śivajñānasya sādhane |
sarvā"ngoddhūlane tiryak tripuṇḍrasya ca dhāraṇe ||
rudrākṣadhāraṇe rudrali"ngasyaiva tu pūjane |
pradveṣo jāyate nityaṃ śivaśabdajape'pi ca ||

skānde muktikhaṇḍe

yasya syādbhasmani dveṣaḥ tripuṇḍroddhūlane'pi ca |
utpattau tasya sā"nkaryamanumeyaṃ vipaścitaḥ ||
teṣāṃ caṇḍālato janma samyagūhyaṃ vipaścitā |
śrutau caiva mahādeve tripuṇḍre bhasmaguṇṭhane ||
śraddhāṃ na kurute martyaḥ puṇyaleśavivarjitaḥ |
pāpiṣṭhānāṃ manuṣyāṇāṃ tripuṇḍroddhūlane śrutau ||
mahādeve ca vidveṣaḥ svata eva hi jāyate |
bhasmanā vedasiddhena tripuṇḍrasya ca dhāraṇam ||
vinā vedoditācārāḥ smārtāścānarthakāraṇam |
tripuṇḍradhāraṇaṃ muktvā karmāṇi kurute tu yaḥ ||

pṛ0 145) tenaivācaritaṃ sarvaṃ vyarthañcānarthakāraṇam |
tripuṇḍrahīnaṃ viprasya smaśānasadṛśaṃ mukham ||

cakrā"nkananiṣedhaḥ smṛticandrikāyām-

śrautasmārtaparo vipro nā"nkayeda"ngama"nkanaiḥ |
api viṣṇavādi sambaddhaistaptairvā patito bhavet ||
ajñānādathavā lobhādrāgato vā sudarśanam |
dhatte kulaghnaṃ taṃ dṛṣṭvā savāsā jalamāviśet ||
cakrā"nkitatanurvāpi rājan li"ngā"nkito'pi vā |
nādhikārī sa vijñeyaḥ śrautasmārteṣu karmasu ||
śa"nkhaṃ cakrañca li"ngañca yo mūḍho dhārayettanau |
pākhaṇḍaḥ sa hi vijñeyaḥ sarvakarmabahiṣkṛtaḥ ||
uddhūlanaṃ tripuṇḍrañca manasā'pi na la"nghayet |
śrutyā vidhīyate yasmāttattyāgī patito bhavet ||
ūrdhvapuṇḍrā"nkitāśvatthapatravartulali"ngadhṛt |
tripuṇḍradhāraṇādeva bhasmanā pūyate naraḥ ||
ataḥ kiṃ śa"nkhacakrādyaiḥ śarīre devatāyudhaiḥ |
rudraṃ puruṣasūktañca japettiryak tripuṇḍrakam ||
dhṛtvātha bhasmanā vipro brahmahatyāṃ vyapohati |
svalpaṃ bhasma dvijaśreṣṭhāḥ bahudhā parikīrtitam ||
śrautamekaṃ tathā smārtamaparaṃ paṇḍitottamāḥ |
śrautaṃ bhasma dvijā mukhyaṃ smārtaṃ gauṇaṃ prakīrtitam ||

pṛ0 146) anyaccāpi dvijā bhasma laukikaṃ kevalaṃ param |
śrautaṃ bhasma tathā smārtaṃ dvijānāmeva kīrtitam ||
anyeṣāmeva sarveṣāmaparaṃ bhasma kīrtitam |
sarvā"ngoddhūlanaiścaiva tathā tiryak tripuṇḍrakaiḥ ||
bhasma dhāryamiti proktaṃ munibhiḥ sarvamānavaiḥ |
dhāraṇaṃ mantrataḥ proktaṃ dvijānāṃ munipu"ngavāḥ ||
kevalaṃ dhāraṇaṃ vipra anyeṣāmapi kīrtitam |
agnirityādibhirmantrairjābālopaniṣadgataiḥ ||
saptabhirdhūlanaṃ kāryaṃ bhasmanā sajalena ca |
triyāyuṣeṇa mantreṇa dvijāstiryak tripuṇḍrakam ||
dhāryaṃ proktaṃ dvijaśreṣṭhairdhārmikairvedapāragaiḥ |
medhāvītyādibhirmantrairbrahmacārī dine dine ||
bhasmanā sajalenāpi dhārayecca tripuṇḍrakam |
triyambakena mantreṇa praṇavena śivena ca ||
gṛhasthaśca vanasthaśca dhārayecca tripuṇḍrakam |
ūṃkāreṇa triruktena sahaṃsena tripuṇḍrakam ||
dhārayedbhikṣuko nityamiti jābālikī śrutiḥ |
lalāṭe caiva dordvandve tathaivorasi buddhimān ||
tripuṇḍraṃ dhārayennityaṃ bhuktimuktiphalapradam |
uddhūlanaṃ tripuṇḍrañca jñānā"ngatvena kevalam ||
āmananti dvijaśreṣṭhāḥ śvetāśvataraśākhinaḥ |
ayamatyāśramo dharmo yaiḥ samācarito mudā ||

pṛ0 147) teṣāmeva śivajñānaṃ saṃsāracchedakāraṇam |
uddhūlanaṃ tripuṇḍrañca māyāpāśanivṛttaye ||
āmananti muniśreṣṭhā atharvaśirasi sthitāḥ |
vrataṃ pāśupataṃ yena samyagācaritaṃ budhāḥ ||
tasya jñānaṃ vijāyeta yena pāpavimocanam |
uddhūlanaṃ tripuṇḍrañca jñānā"ngatvena kevalam ||
āmananti muniśreṣṭhāḥ sākṣātkaivalyaśākhinaḥ |
ato'pi pāśavicchedajñānalābhāya siddhaye ||
uddhūlanaṃ tripuṇḍrañca mumukṣuḥ samyagācaret |
bhasmanoddhūlanaṃ caiva tathā tiryak tripuṇḍrakam ||
mahāpātakanāśāya vidhatte vaidikaṃ vacaḥ |
bhasmanoddhūlanaṃ caiva tathā tiryak tripuṇḍrakam ||
tapastvenaiva sarveṣāṃ vidhatte vaidikaṃ vacaḥ |
bhasmanoddhūlanaṃ caiva tathā tiryak tripuṇḍrakam ||
vratatvenaiva sarveṣā vidhatte vaidikaṃ vacaḥ |
bhasmanoddhūlanaṃ caivaṃ tathā tiryak tripuṇḍrakam ||
yajñatvenaiva sarveṣāṃ vidhatte vaidikaṃ vacaḥ |
bhasmanoddhūlanaṃ caiva tathā tiryaka tripuṇḍrakam ||
jñānārthenaiva sarveṣāṃ vidhatte vaidikaṃ vacaḥ |
bhasmanoddhūlanaṃ caiva tathā tiryak tripuṇḍrakam ||
śivena viṣṇunā caiva vajriṇā brahmaṇā tathā |
devatābhirdhṛtaṃ bhasma tripuṇḍroddhūlanātmanā ||
yakṣarākṣasagandharvasiddhavidyādharādibhiḥ |

pṛ0 148) munibhiśca dhṛtaṃ bhasma tripuṇḍroddhūlanātmanā ||
brāhmaṇaiḥ kṣatriyai rvaiśyaiḥ śūdrairapi ca sa"nkaraiḥ |
apabhraṃśairdhṛtaṃ bhasma tripuṇḍroddhūlanātmanā ||
bhasmanoddhūlanaṃ caiva yaiḥ samācaritaṃ mudā |
ta eva śiṣṭā vidvāṃso netare munipu"ngavāḥ ||
uddhūlanaṃ tripuṇḍrañca śraddhayā nācaranti ye | 
teṣāṃ nāsti vinirmokṣaḥ saṃsārājjanmakoṭibhiḥ ||
uddhūlanaṃ tripuṇḍrañca śraddhayā nācaranti ye |
te mahāpātakairyuktā iti śāstrasya niścayaḥ ||
uddhūlanaṃ tripuṇḍrañca śraddhayānācaranti ye |
taiḥ samācaritaṃ sarvaṃ viparītaphalāya hi ||
bhasmadhāraṇamāhātmyaṃ mayā vaktuṃ na śakyate |
guruṇāpi ca he viprāḥ kalpakoṭiśatairapi ||
brahmaṇā viṣṇunā caiva rudreṇāpi munīśvarāḥ |
bhasmadhāraṇamāhātmyaṃ na śakyaṃ paribhāṣitum ||
tripuṇḍradhāraṇaṃ muktvā muktimicchati yaḥ pumān |
viṣapānena nityatvaṃ kurute hyātmano hi saḥ ||
tripuṇḍroddhūlane dveṣastadanuṣṭhānavarjanam |
rudrākṣadhāraṇābhāvo jñānānutpattikāraṇam ||

skānde muktikhaṇḍe jñānānutpattikāraṇādhyāye śivavacanam-

vedavedāntavidveṣastadadhyayanavarjanam |
vāmapāśupatādīnāmaśrautānāṃ parigrahaḥ ||

pṛ0 149) pāñcarātrādayaścāpi jñānānutpattikāraṇam |
umādevyā ca lakṣmyā ca vāṇyānyābhirdvijottamāḥ ||
sarvastrībhirdhṛtaṃ bhasma tripuṇḍroddhūlanātmanā |
puṇyaṃ bhasma paraṃ brahma dvayaṃ saṃsāratārakam ||
tayoranyataratsevyaṃ saṃsārabhayabhīrubhiḥ |
tenādhītaṃ śrutaṃ tena tena sarvamanuṣṭhitam ||
yena vipreṇa śirasi dhāryate ca tripuṇḍrakam |

muṇḍakopaniṣadi bhasmadhāraṇavatāmeva brahmavidyādhikāritvamuktam-

teṣāmaivaitāṃ brahmavidyāṃ vadeta śirovrataṃ vidhivadyaistu cīrṇamiti ||

etasyopaniṣadvākyasyopabṛṃhaṇaṃ purāṇe-

śirovratavihīnastu sarvadharmasamanvitaḥ |
api brahmātmavidyāyāṃ nādhikārī na saṃśayaḥ ||

saurasaṃhitāyām-

agnirityādibhirmantraiḥ ṣaḍbhiḥ śuddhena bhasmanā |
sarvā"ngoddhūlanaṃ kāryaṃ śirovratasamāhvayam ||
idaṃ śirovrataṃ cīrṇaṃ vidhijñaiḥ śraddhayā punaḥ |
teṣāmeva parā vidyā nānyeṣāmiti hi śrutiḥ ||
etacchirovrataṃ nāma śrutamātharvaṇaśrutau |

skānde muktikhaṇḍe-

etacchirovrataṃ kuryāt sandhyākāleṣu sādaram |
yāvadvidyodayaṃ tāvattasya vidyāḥ khalūttamāḥ ||

pṛ0 150) kaurme-

sraṣṭā sṛṣṭicchalenāha tripuṇḍrasya praśastatām |
sasarja sa lalāṭaṃ hi tirya"nnordhvaṃ na vartulam ||

dharmasārasudhānidhau-

tripuṇḍrakaṃ sadā kuryānmantrapūtena bhasmanā |
vedoktena vidhānena śivasāyujyamāpnuyāt ||

śrutibhāskare-

vanaspatigate some bhasmoddhūlitavigrahaḥ |
taṃ śa"nkaraṃ sakṛdṛṣṭvā sarvapāpaiḥ pramucyate ||

śrutisārasamucyaye-

aśucirvāpyanācāro manasā pāpamācaran |
śucireva bhavennityaṃ tripuṇḍrasya ca dhāraṇāt ||

mahābhārate-

āyuṣkāmo'thavā rājan bhūtikāmo'thavā naraḥ |
nityaṃ vai dhārayedbhasma mokṣakāmī ca vai dvijaḥ ||

nāradīyasmṛtau-

tripuṇḍraṃ paramaṃ brahma brahmaviṣṇuśivātmakam |
ye ghorā rākṣasāḥ pretā ye cānye kṣudrajantavaḥ ||
tripuṇḍradhāriṇaṃ dṛṣṭvā palāyante na saṃśayaḥ |
tasya vyarthamidaṃ janma yastripuṇḍraṃ na dhārayet ||
bhūtirbhūtikarī puṃsāṃ bhūtiraṃho vināśinī |
vibhūtireṇumātreṇa sarvasnānaphalaṃ bhavet ||
yasya phāle na vā bhūtirnā"nge rudrākṣadhāraṇam |

pṛ0 151) pañcākṣaraṃ na yo jāpī taṃ tyajedantyajaṃ yathā ||

candrikāyāmāhnike-

bhasmasnānaṃ jalasnānādasa"nkhyeyaguṇānvitam |
tasmādvāruṇamutsṛjya snānamāgneyamācaret ||
sarvatīrtheṣu yatpuṇyaṃ sarvayajñeṣu yatphalam |
tatphalaṃ labhate sarvaṃ bhasmasnānānna saṃśayaḥ ||
nāsti bhasmasamaṃ tejo nāsti bhasmasamaṃ tapaḥ |
ye bhaktāstu mahābhāgā ye dvijāḥ pāpakarmiṇaḥ ||
te'pi bhasmaviśiṣṭā"ngāḥ prayānti paramāṃ gatim |
yaśca phāle vinā bhūtiṃ vinā rudrākṣadhāraṇam ||
na śambhoḥ sadane pūjyaḥ sa vipraḥ śvapacādhamaḥ |
yatīnāṃ jñānadaṃ proktaṃ vanasthānāṃ viraktidam ||
gṛhasthāśramayuktānāṃ dharmavṛddhikaraṃ tathā |
brahmacaryāśramasthānāṃ svādhyāyapradameva ca ||
śūdrāṇāṃ puṇyadaṃ proktamanyeṣāṃ pāpanāśanam |
yasya pa"nktau dvijo bhu"nkte śivabhaktastripuṇḍradhṛt ||
satāṃ pa"nkiṃ punātyekaḥ sakalāṃ caturānanaḥ |
bhasmadhāraṇamāhātmyaṃ sākalyena likhedyadi ||
trilokī tālapatrāṇi nālamāyuḥ śataṃ nṛṇām |

ityādiśrutipurāṇavacanabalādāyurbhūtimuktipradatayā 
āyuṣkāmabhūtikāmamuktikāmadhāryatvasya, bhasmadhāraṇadveṣe 
utpattisā"nkaryamūlakatvasya, bhasmadhāraṇaśraddhābhāve 
prācīnānekajanmārjitamahāpātakamūlakatvasya, 
bhasmadhāraṇaparityāgapūrvakasakalakarmānuṣṭhānavaiyarthyasya,

pṛ0 152) sambhāvitabrahmahatyādimahāpātakaparihārakaprāyaścittarūpatvena 
sarvavratadānatapoyajñānuṣṭhānarūpatvasya, tripuṇḍradhāraṇānuguṇatayā 
tiryaktvena lalāṭanirmāṇasya sraṣṭustātparyaviṣayatvasya, 
aśucitvāpādakavyāpāradaśāsvapi śucitvaprāpakatvasya, 
bhasmadhāraṇābhāve jñānānutpattikāraṇatvasya, 
rākṣasabhūtapretapiśācādinivartakatvena sakalabhītinivārakatvasya, 
śivaviṣṇubrahmādinikhiladevatādhṛtatvasya, sakalamunijanadhṛtatvasya, 
umālakṣmīvāṇīpramukhasuparvastrījanadhṛtatvasya, svadhāraṇavyatirekeṇa 
janmavaiphalyāpādakatvasya, 
vedamantraikasādhyasvadhāraṇetikartavyatākatvasya, 
atharvaśirorājābālakaivalyakālāgnirudropaniṣatpratipadoktetikartavyatākatva
sya, śāmbhavavratatvena pāśupatavratatvena śirovratatvena pratipāditatvena 
brahmaviṣṇuśivapramukhanikhilabahirmukhānirūpaṇīyamahimāśālitvasya ca 
pratipādanādbhasmadhāraṇamavaśyaṃ kartavyam ||

nanu �agnirityādinā bhasma gṛhītvā vimṛjyā"ngāni 
saṃspṛsedvratametatpāśupataṃ paśupāśavimokṣāye� tyatharvaśirasi 
pāśupatavidyāprakaraṇe samāmnātam | bhasmoddhūlanaṃ 
prakaraṇavaśāttanmātrā"ngaṃ, natu sakalabrahmavidyā"ngam | nahi 
�pūrvo'tithibhyo'śnīyā� ditivaiśvānaravidyāprakaraṇe 
samāmnātamatithibhyaḥ prākbhojanaṃ sakalabrahmavidyā"ngamiti cenna, 
sakalabrahmavidyāpekṣitacittaśuddhirūpapāpakṣayopakārajanakaṃ 
bhasmoddhūlanaṃ sakalabrahmavidyā"ngam | tasya hi jābālaśrutau �pāpaṃ 
nāśayate kṛtsnamapi janmaśatārjita� mityādinā 
pāpakṣayopakārahetutvasyāvadhṛtatvāt | agnirityādimantravidheyaṃ 
bhasmoddhūlanaṃ sakalabrahmavidyā"ngam, vidyā"ngatve sati 
sakalabrahmavidyāpekṣitopakārajanakatvāt, śamadamādivat ||

�madyaṃ pītvā gurudārāṃśca gatvā steyaṃ kṛtvā brahmahatyāñca kṛtvā |
bhasmacchanno bhasmaśayyāśayāno rudrādhyāyī mucyate sarvapāpai ||�

pṛ0 153) riti śātātapasmṛtau prāyaścittaprakaraṇe 
svatantraprāyaścittatayā vihite śrīrudrajape tada"ngabhasmoddhūlanādau ca 
vidyāpekṣitopakārajanake vyabhicāravāraṇārthaṃ vidyā"ngatve satīti 
viśeṣaṇam | atithiprāgbhojanādau vyabhicāravāraṇārthaṃ viśeṣyam | na 
codāhṛtajābālaśruteḥ 
svatantrabhasmoddhūlanaviṣayatvasambhavādviśeṣaṇāsiddhiriti śa"nkanīyam, 
�agniriti bhasma vāyuriti bhasme� tyādibhasmoddhūlanamantrāṇāṃ 
atharvaśirasyāmnātānāṃ jābālaśrutau bhasmoddhūlanārthatayā 
samāmnānena pāśupatavidyā"ngasyaiva bhasmoddhūlanasya 
pāpakṣayadvārakatvaṃ jābālaśrutāvucyata iti mantrapratyabhijñāyā 
avagamyamānatvāt ||

nanu prakaraṇaniyantritaṃ bhasmoddhūlanaṃ 
prakṛtivikṛtibhāvādikamantareṇāpekṣāmātrānna pāriplavaṃ bhavitumarhati 
| nahi sā upadeśātideśapramāṇeṣvantarbhavati, na ca pāśupatavidyā 
sakalavidyāprakṛtiriti vaktuṃ śakyam, tasyāṃ 
vidyā"ngavidyāsahakārikarmagaticintanādīnāmanāmnānāt | kṛtsnavidhānena 
hi prakṛtirbhavati | na ceha pramāṇāntaraṃ vāsti | tasmādaprayojakaṃ 
tvadanumānamiti-bhasmoddhūlanaṃ na sakalabrahmavidyā"ngaṃ, 
vidyāviśeṣaprakaraṇaniyantritatvāt, atithiprāgbhojanavaditi cenna 
yaduktamapekṣā nopadeśātideśapramāṇeṣvantarbhavati, na ceha 
pramāṇāntaramastīti yadayuktam, apekṣāyāstu sāmarthya 
paryālocanāmūlatayā li"ngāntarbhāvāt | tayaiva khalvavahananasya 
yavādisādhāraṇyam, anyathā vrīhyuddeśyena vihitasya tasya kuto 
yavasādhāraṇyaṃ syāt ? tayaiva ca vidyāviśeṣaprakaraṇāmnātānāṃ 
yajñadānatapaḥprabhṛtīnāṃ 
śamadamādīnāmarcirādigatiparvaṇāmanyeṣāñcaitādṛśānāṃ 
sakalabrahmavidyāsādhāraṇyam | tasmādapekṣāsāmarthyaṃ tāvadihaikaṃ 
pramāṇaṃ bhavatyeva | tathā �vratametatpāśupataṃ paśupāśavimokṣāye�ti 
śrutirapi tatra pramāṇam | tatra hi vimokṣaśabdena vimuktisādhanaṃ 
vidyāmātramucyate yathā �etāvadare khalvamṛtatva�mityatrāmṛtatvaśabdena 
amṛtatvasādhanamucyate | nahi vidyaikasādhyāyāṃ  

pṛ0 154) vimuktau bhasmoddhūlanasya sākṣātsādhanatvaṃ sambhavati | tathā 
�teṣāmevaitāṃ brahmavidyāṃ vadeta śirovrataṃ vidhivadyaistu cīrṇa�miti 
muṇḍakavākyamapi tatra pramāṇam | tatra hi 
śirovrataśabdenātharvaśirasyuktaṃ pāśupatavrataṃ pratyabhijñāpyate | 
tasmānnāprayojakaṃ madanumānam | tvadanumāne prakaraṇaniyantritatvaṃ kiṃ 
prakaraṇāmnānamātraṃ uta prakaraṇividyāviśeṣamātravaśīkṛtatvam ? ādye 
heturaprayojakaḥ, ādhānaprakaraṇāmnātānāṃ yajñapātrāṇāṃ �vāraṇo 
yajñāvacaro vaika"nkato yajñāvacara� iti vākyavaśena yajñā"ngatvavat, 
śrutili"ngavākyaiḥ bhasmoddhūlanasya sakalavidyā"ngatvopapatteḥ | 
vidyā"ngavidyāsahakārikarmaśamadamādiṣu vyabhicārī ca | dvitīye 
heturasiddhaḥ | prakaraṇādbalavadbhiḥ śrutili"ngavākyaiḥ 
sarvavidyā"ngatvāpādanāt | nanu ekatra nibaddhamanyatrāpyapekṣāmātreṇa 
pāriplavaṃ bhavati cet, codakapramāṇavicāra eva vyarthaḥ syādato na 
tanmātraṃ pramāṇam | na cāvahananasya apekṣāmātrādyavasādhāraṇyam, 
kintu dvitīyā śrutyavagataṃ vrīhīṇāmavahananasādhyatvaṃ 
prāksiddhavrīhitvākāreṇa na sambhavatīti 
tasmātsādhyatāvacchedakatvenāpūrvīyatvaṃ lakṣaṇīyam | kiñca 
avahananavākye vrīhīpadasya laukikāpūrvīya-  sādhāraṇyena 
vrīhimātraparatve bhūtabhāviviniyogarahiteṣu laukikavrīhiṣu 
avahananasyārthakarmatvaṃ, apūrvīyavrīhiṣu viniyuktasaṃskārarūpatayā 
guṇakarmatvamiti vidhivairūpyāpattiḥ | laukikavrīhimātraparatve dvitīyā 
śrutyavagatadravyaprādhānyabha"ngāpatiritti 
tatparihārārthatvenāpyapūrvīyatvaṃ lakṣaṇīyam | tatra vrīhitvasyāpi 
vivakṣāyāṃ viśiṣṭānuvādadoṣaḥ syāditi 
pravṛttinimittaikyādyavasādhāraṇyam | yajñādīnāṃ śamadamādīnāñca 
�vividiṣanti yajñane�tyādau tṛtīyā śrutyā śamāhito 
bhūtvātmanyevātmānaṃ paśye� dityatra ktvā śrutyā ca 
sakalavidyāsādhāraṇyam | tatra hi vividiṣantīti paśyediti ca 
vidyāmātramupāttam | arcirādigatīnāṃ sakalavidyāsādhāraṇyamapi �tadya 
itthaṃ vidurye ceme araṇye śraddhā tapa ityupāsata� ityādivākyena | śruti-

pṛ0 155) vākye ca prakaraṇādvalīyasī | tasmādapekṣāmantreṇa na kvāpi 
viniyogaḥ | paśupāśavimokṣāyetyatra vimokṣaśabdo na śrutyā 
sarvasādhāraṇaḥ tasya muktivācitvāt | dvāratvena vidyā niveśyate 
cetprakaraṇāvirodhena prakṛtā pāśupatavidyaiva tathā niveśayitumucitā | 
teṣāmevaitāmiti vākyaṃ 
śirasya"ngāradhāraṇarūpamuṇḍakādhyayanā"ngabhūtavratamācaṣṭe, na 
tvatharvaśirasyuktaṃ pāśupatavratam | tatrātharvaṇikānāṃ 
śirovrataśabdaprasiddheḥ | tasmādaprayojakaṃ tvadanumānam | maddhetordvitīya 
evārthaḥ | śrutili"ngavākyavirodhābhāvena bhasmoddhūlanasya 
prakaraṇavidyāviśeṣavaśīkṛtatvopapatteriti cenna, apekṣāsāmarthyaṃ 
tāvatpramāṇaṃ bhavatyeva | tadbaśādeva akṛtsnavidhānānāmanyato 
dharmagrahaṇaṃ, tadapekṣāmūlameva ca codakavākyakalpanaṃ; 
prakṛtiviśeṣavyavasthārthastvāṣṭamiko viśeṣātideśavicāraḥ | 
nirapekṣasyāpyanyadīyadharmagrahaṇe somasyāpyaiṣṭikadharmagrahaṇaṃ 
prasajyeta | avahananasya yavasādhāraṇyamapyapekṣayaiva 
nāpūrvīyatvalakṣaṇayā | lakṣaṇāhetvostvadupanyastayorayuktatvāt | 
tathāhi ādyo hetustāvadayuktaḥ, sādhyatāvacchedakānupasthitāvapi 
svargajyotiṣṭomayoriva vrīhyavahananayoḥ śabdena 
sādhyasādhanabhāvabodhanasambhavāt |       dvitīyo'pyayuktaḥ, 
avahananavākyajanyaśābdabodhasya vrīhītvaprakārakatve'pi dvitīyā 
śrutinirdiṣṭavrīhiguṇatayā vidhīyamānamavahananaṃ 
bhūtabhāvyupayogarahitalaukikavrīhiviṣayaṃ bhavituṃ na yogyamiti 
vidheyasāmarthyācchābdabodhānantaramapūrvīyavrīhīṇāṃ 
viṣayatvāvagatisambhavāt | �yasyobhāvagnī anugatāvabhinimlocedabhyudiyādvā 
punarādheyaṃ tasya prāyaścitti�rityatra 
havirārtyadhikaraṇanyāyenāgnyubhayatvasyāvivakṣāyāṃ, agnyanugatimātrasya 
śābdabodhavelāyāṃ nimittatvāvagatāvapi nimitte vidhīyamānamādhānaṃ 
sahitayorevāgnyorutpādanakṣamaṃ na tvekaikasyāgneriti 
vidheyasāmarthyādubhayāgnyanugamasyaiva nimittatvaparyavasānā"ngīkārāt | 
�tapte payasi dadhyānayatī� tyatra śābdabodhasya payastvamātraprakārakatve'pi 
śā vaiśvadevyāmīkṣe�ti tadanantaravākye tasya 

pṛ0 156) payaso yāgānvayavidhāne sati tatsāmarthyācchābdabodhāntaraṃ 
tadapūrvasambandhinaḥ payaso viṣayatvāvagatirityavaśyavaktavyatvācca | 
yajñādīnāṃ śamadamādīnāṃ ca sādhāraṇyaṃ na śrutyā, �tametaṃ 
vedānuvacanena brāhmaṇā vividiṣanti yajñena dānena tapasā nāśakene� 
tiśrutau-tametaṃ vividiṣantīti, �tasmādevaṃ vicchāntodānta 
uparatastitikṣuḥ samāhito bhūtvātmanyevātmānaṃ paśye�diti śrutovevaṃ 
vitpaśyediti ca prakṛtavidyāviśeṣasambandhabodhanāt; kintvapekṣayaiva | 
arcirādigaterapyapekṣayaiva sarvasādhāraṇye siddhe �ye ceme araṇye� 
itivākyaṃ pañcāgnividyāyāmarcirādigatisadbhāve dṛṣṭāntārthaṃ, 
jīvagatāgataviṣayā, na brahmavidyeti divyavasthānaprāptiphalābhāvena 
tasyādevayānagatyabhāvaprasaktau tatsadbhāvavidhānārthaṃ | �tadya itthaṃ 
vidu�riti vacane pravartanīye tatra dṛṣṭāntārthaṃ dīpakāla"nkāreṇa 
brahmavidyā api sahopāttāḥ paśupāśavimokṣāyetyatra vimokṣaśabdaḥ 
śrutyaiva sarvavidyāsādhāraṇaḥ, tasya bhāvārthapratyayāntayā muktāviva, 
karaṇārthapratyayāntatayā vidyāyāmapi śaktisadbhāvāt | śhirovrataṃ 
vidhivadyaistu cīrṇa�miti vākyamatharvaśirovarṇitapāśupatavrataviṣayameva, 
saurapurāṇādiṣu tathā vyākhyā-    tatvāt | upabṛṃhaṇānusāreṇa 
śrutyarthasya grāhyatvāt | adhyāpakaprasiddhitaḥ purāṇaprasiddhervalavatvāt 
| tasmānnāprayojakatvaṃ madanumāne | tvadanumāne ca hetvasiddhiriti | 
tasmāduddhūlanatripuṇḍrayoḥ sakalapāpanivartakatvena cittaśuddhidvārā 
brahmavidyā"ngatvena mumukṣuvīraśaivadhāryatvaṃ siddhamiti sarvaṃ 
samañjasaṃ bhavatīti bhasmadhāraṇavādaḥ ||

iti śrīvīraśaivānandacandrikāyāṃ vādakāṇḍe saptamaṃ prakaraṇam ||

pṛ0 157) vīraśaivānandacandrikāyāṃ
vādakāṇḍe
aṣṭamaṃ prakaraṇam ||

vismayāpādakaṃ svāmin bhasmotkarṣaṃ vibhāvayan |
ahaṃ mahattarānandamavindaṃ dayayā tava ||
yadanyadabhidhātavyaṃ bhavatā tadudīryatām |
śruṇu rājendra rudrākṣamahotkarṣaṃ prakīrtyate ||

rudrākṣadhāraṇasyāpi sakalamahāpātakopapātakanivartakatvena 
cittaśuddhidvārā brahmavidyā"ngatvaṃ sakalaśrutismṛtipurāṇāgameṣu 
bahuśaḥ pratipāditamiti mumukṣubhirvīraśaivaistaddhāraṇamavaśyaṃ 
kartavyam ||
bṛhajjābālopaniṣadi-
atha hainaṃ bhagavantaṃ kālāgnirudraṃ bhusuṇḍaḥ papraccha kathaṃ 
rudrākṣotpattistaddhāraṇātkiṃ phalamiti | taṃ hovāca bhagavān rudraḥ-
purā tripuravadhāyonmīlitākṣo'hantebhyo jalabindavo bhūmau patitāste 
rudrākṣā jātāḥ sarvānugrahārthāya teṣāṃ nāmoccāraṇena 
daśaśatagodānaphalaṃ bhavati, darśanasparśanābhyāṃ dviguṇaṃ triguṇaṃ 
phalaṃ bhavati | ata ūrdhvaṃ vaktuṃ na śaknomi |

pṛ0 158) tatraite ślokāḥ-

kasmājjātantu kiṃ nāma kathaṃ vā dhāryate naraiḥ | 
kati vaiṣāṃ mukhānyatra ke mantrāḥ kathayasva me ||
divyavarṣasahasrāṇi cakṣurunmīlitaṃ mayā |
ubhābhyāṃ cārupakṣmabhyāṃ patitā jalabindavaḥ ||
tatrāśrubindavo jātā mahārudrākṣavṛkṣakāḥ |
sthāvaratvamanuprāpya bhaktānugrahakāraṇāt ||
hanyādrātrau divā pāpaṃ divā rātrikṛtaṃ haret |
lakṣantu darśanātpuṇyaṃ koṭistatsparśanādapi ||
tasya koṭiśataṃ puṇyaṃ labhate dhāraṇānnaraḥ |
lakṣakoṭisahasrāṇi lakṣakoṭiśatāni ca ||
tajjapāllabhate puṇyaṃ naro rudrākṣadhāraṇāt |
rudrākṣāṇāntu bhadrāṇāṃ dhāraṇe syānmahāphalam ||
dhātrīphalapramāṇantu śreṣṭhametadudāhṛtam |
badarīphalamātrantu madhyamaṃ procyate budhaiḥ ||
adhamaṃ caṇamātraṃ syātprakriyaiṣā mayocyate |
brāhmaṇāḥ kṣatri?āḥ vaiśyāḥ śūdrāśceti śivājñayā ||
vṛkṣā jātāḥ pṛthivyāntu tajjātīyāḥ śubhākṣakāḥ |
śvetāstu brāhmaṇā jñeyāḥ kṣatriyā raktavarṇakaḥ ||
pītā vaiśyāstu vijñeyāḥ kṛṣṇāḥ śūdrā udāhṛtāḥ |
brāhmaṇo bibhṛyācchvetān raktānrājā tu dhārayet ||
pītān vaiśyastu bibhṛyātkṛṣṇān śūdrastudhārayet |
tāmrāḥ snigdhā dṛḍhā sthūlāḥ kaṇṭakaiḥ sahitāḥ śubhāḥ ||

pṛ0 159) krimidaṣṭaṃ chinnabhinnaṃ kaṇṭakairhīnameva ca |
vraṇayuktavṛttaṃ ca ṣaḍ rudrākṣāṇi varjayet ||
grahaṇe viṣuve caiva ayane sa"nkrame tathā |
darśe ca pūrṇimāyāñca puṇyeṣu divaseṣu ca ||
rudrākṣadhāraṇātsadyaḥ sarvapāpakṣayo bhavet |

ityādibṛhajjābālopaniṣadvacanai rudrākṣāṇāṃ tripuravadhāya tadeka 
niviṣṭadṛṣṭermahādevasya 
nayanatrayaniṣyandibhirudakabindubhirutpattimatvenātipāvanatvasya, 
nāmoccāraṇadarśanasparśanaiḥ sahasraguṇagodāna phalasya dhāraṇena 
ceyattānavacchinnaphalatvasya śivasāyujyaprāptitātparya paryavasitasya 
sarvapāpakṣayadvārā paramapuruṣārthasādhanatvasya 
pratipādanānmumukṣubhirdhāraṇīyatvaṃ siddham ||

nanu rudrākṣāṇāmivānyeṣāmapi padmākṣādīnāṃ mantrajapasa"nkhyeyattā 
parigaṇanasādhanatvena prātisvikatattatphalaviśeṣaḥ śrūyate | tathā hi-

śa"nkhākṣamaṇayaḥ śrīdāḥ sphāṭikā mokṣadāyakāḥ |
padmākṣāḥ puṣṭilakṣmīdā rudrākṣā bhuktimuktidāḥ ||
putrajīvabhavāḥ putrapaśudhānyasamṛddhidāḥ |
vidrumā vaśyadhanadāḥ saubhāgyārthāścamauktikāḥ ||
pāpāpahāḥ kuśamayāḥ kāmadāḥ svarṇaraupyajāḥ |
pravālamuktāsphaṭikai rjapakoṭiphalapradāḥ ||
tulasīmaṇinā yacca gaṇitantvakṣayaṃ bhavet |
tulasīkāṣṭhasambhūtāṃ yo mālāṃ vahate dvijaḥ ||
apyaśaucopyanācāro mamaiveti na saṃśayaḥ |
dhātrī phalakṛtāmālā tulasīkāṣṭhasambhavā ||

pṛ0 160) dṛśyante yasya dehe tu sa vai bhāgavato naraḥ |
tulasīkāṣṭhasambhūtāṃ yo mālāṃ vahate naraḥ ||
phalaṃ yacchāmyahaṃ tasmai pratyahaṃ dvārakodbhavam |
nivedya bhaktyā me mālāṃ tulasīkāṣṭhasambhavām ||
vahate yo naro bhaktyā tasya nāstīha pātakam |
ahaṃ prītamanāstasya mama bhaktavaro hi saḥ ||
tulasīkāṣṭhasambhūtāṃ mālāṃ vakṣasi dhārayan |
bāhau kare ca martyaśca śūdro viprasamo bhavet ||
tulasīkāṣṭhamālābhirbhūṣitaḥ puṇyamācaret |
tulasīkāṣṭhamālāṃ tu pretarājasya dūtakāḥ ||
dṛṣṭvā naśyanti dūreṇa vātoddhūtaṃ tṛṇaṃ yathā |
yadgṛhe tulasīkāṣṭhaṃ patraṃ śuṣkamathārdrakam ||
tadgṛhe tu bhavennaiva pāpaṃ sa"nghaṭate kalau |
padmākṣairnirmitā bhaktyā phalairdhātryā ca puṇyadā ||
sā cordhvapuṇḍraśa"nkhādyaiḥ yuktā tu tulasīdalaiḥ ||�

ityādidharmaśāstrakāralikhitairvacanaiḥ padmākṣādīnāṃ 
pratiniyataphalasādhanatvena dhāryatvaśravaṇāt | kiñca 
dakṣiṇāmūrtirūpeṇa parameśvareṇa dakṣiṇāmūrtidhyāne 
�sphāṭikīmakṣamālāñca jñānamudrāṃ ca pustaka�� miti vacanena dhṛtatvam, 
vāgdevatayā �dorbhiryuktā caturbhiḥ sphaṭikamaṇimayīmakṣamālāṃ dadhāne� 
tyādinā dhṛtatvam, nāradena muninā �vibhāntamacchasphaṭikākṣamālaye� 
tyādinā dhṛtatvam, ambāstave-

śarajjyotsnāśubhrāṃ śaśiyutajaṭājūṭamukuṭāṃ
varābhītitrāṇasphaṭikaghuṭikāpustakakarām |

pṛ0 161) sakṛnnatvā stutvā kathamapi satāṃ sannidadhate |
madhukṣīradrākṣāmadhurimadhurīṇā bhaṇitayaḥ ||
yaḥ sphāṭikākṣaguṇapustakakuṇḍikāḍhyām 
vyākhyānamudritakarāṃ śaradinduśubhrām |
padmāsanāñcahṛdaye bhavatīmupāste
mātaḥ sa viśvakavitārkikacakravartī ||

iti ca devyā dhṛtatvam, śphāṭiko mokṣadāyaka� iti pratipadoktatvena 
mokṣadāyakatvañca śrūyate | atha kathaṃ rudrākṣadhāraṇasyaiva 
mokṣasādhanatvamiti cenna, rudrākṣāṇāṃ 
sākṣātparameśvaranayanajalabindusandohaprabhavatvena dhāraṇīyatvena 
phalaviśeṣasādhanatvena parigaṇitānāṃ padmākṣādīnāṃ madhye 
paramotkarṣasya śrūyamāṇatvāt | tathāhi skānde-

tripurasya vadhārthāya devānāṃ rakṣaṇāya ca |
dhanurvedamayaṃ dhṛtvā devānāṃ mātaraṃ parām ||
gāyatrīṃ bāṇamuddhṛtya sarvavedamaye rathe |
divyaṃ varṣasahasrantu cakṣurunmīlitaṃ sadā ||
puṭābhyāṃ cārupakṣmabhyāṃ nipeturjalabindavaḥ |
tadambubindavo jātā mahārudrākṣavṛkṣakāḥ ||
surāsuragaṇānāñca vandanīyaḥ śivo yathā |
avadhyaḥ sarvabhūtānāṃ rudravadvicaredbhuvi ||
yastu rudrākṣavṛkṣasya phalānya"ngeṣu dhārayet |
nikaṣe hemarekhābhā yasya rekhā pradṛśyate ||
tadakṣamuttamaṃ vidyāttaddhāryaṃ śivapūjakaiḥ |
pṛṣṭhe brahmā harirnāle tadagre ca sadāśivaḥ ||

pṛ0 162) kesare sarvadevāśca tasmādrudrākṣamuttamam ||
rudrākṣān kaṇṭhadeśe daśanaparimitān mūrdhni ṣaṭtriṃśadevaṃ 
ṣaṭ ṣaṭ karṇapradeśe karayugalapade dvādaśa dvādaśaiva |
bāhvorindoḥ kalābhiḥ pariguṇitamathaikākṣamekaṃ śikhāyāṃ
vakṣasyaṣṭottaraṃ yaḥ kalayati śatakaṃ sa svayaṃ nīlakaṇṭhaḥ ||

lai"ngye-

rudrākṣaṃ dhārayedvipraḥ sandhyādiṣu ca karmasu |
tatsarvaṃ samavāpnoti koṭi koṭi guṇaṃ sadā ||
snāne dāne jape home vaiśvadeve surārcane |
prāyaścitte tathā śrāddhe dīkṣākāle viśeṣataḥ ||
arudrākṣadharo bhūtvā yatkiñcitkarma vaidikam |
kuryādviprastu yo mohānnāsāvāpnoti tatphalam ||
khādanmāṃsaṃ piban madyaṃ sa"ngacchannantyajeṣvapi |
sadyo bhavati pūtātmā rudākṣe śirasi sthite ||
tasmāttaṃ dhārayenmartyaḥ sarvakarmasamṛddhaye |
rudrākṣamālikāṃ kaṇṭhe dhārayanbhaktivarjitaḥ ||
pāpakarmāpi yo martyo rudraloke mahīyate |
rudrākṣaṃ dhārayan kaṇṭhe śvāpi vā mriyate yadi ||
so'pi rudratvamāpnoti kiṃ punarmānuṣādayaḥ ||

pārāśaropapurāṇe-

mahādevaśca viṣṇuśca brahmā teṣāṃ vibhūtayaḥ |
devāścānye sadā bhaktyā khalu rudrākṣadhāriṇaḥ ||

pṛ0 163) gotrarṣayaśca sarveṣāṃ kūṭasthāḥ kulalakṣitāḥ |
vedoktavartmanā nityaṃ khalu rudrākṣadhāriṇaḥ || 
teṣāṃ vaṃśaprasūtāśca munayaḥ sakalā api |
śrautadharmaparāḥ śuddhāḥ khalu rudrākṣadhāriṇaḥ ||
pāpiṣṭhānāṃ manuṣyāṇāṃ rudrākṣāṇāñca dhāraṇe |
śraddhā na jāyate sākṣādvedasiddhe vimuktide ||
vedamārgātpare mārge svatantre pāpakarmaṇām |
narāṇāṃ jāyate vāñchā svabhāvena ca sattama ||
vedavādetarāsaktā bahavo munisattamāḥ |
ājñayā devadevasya śivasya narakaṃ gatāḥ ||
vedoditasamācāraniratā bahavo janāḥ |
prasādādeva rudrasya vimuktā bhavabandhanāt ||
yathā mātā svaputrāṇāṃ kevalaṃ kṛpayaiva tu |
rakṣikā tadvadevāyaṃ vedaḥ sarvajanasya tu ||
yathā śatrujanaḥ sākṣādbādhakaḥ sarvadehināṃ |
tathā vedetaro mārgo vaidikasya janasya tu ||
tantrāṇi tantraniṣṭhānāṃ rakṣakāṇyapi ca kramāt |
bādhakāni viśeṣeṇa vedamārgaikavartinām ||
ataḥ śrutyaditaṃ karma gṛhṇīyādeva vaidikaḥ |
tantraṃ siddhaṃ na gṛhṇīyānmohādvāpi kadācana ||
yantratantrānurodhena kathitaṃ tatparityajet |

pṛ0 164) satyāṣāḍhasūtre-
atha brāhmaṇakṣatriyavaiśyaśūdrāpabhraṃśasa"nkarā vā sarveṣāṃ 
rudrākṣadhāraṇam, sarvakarmasu yatnena kartavyam | mumukṣuścetsatataṃ 
dhārayetpaśupāśavimocanam ||
ityādiśrutyāgamasmṛtipurāṇai rudrākṣāṇāṃ dhāraṇasya 
sākṣātparameśvaranayanajalabindusandohaprabhavatvena, 
brahmaviṣṇurudrādisarvadevatādhiṣṭhātṛtvena, tattatsa"nkhyāviśiṣṭatayā 
tattatsthānadhāraṇasya śivābhedaprāpakatvena, 
nityanaimittikādidharmānuṣṭhānasamaye 
dhāraṇanaiyyatyātphalasākalyasampādakatvena, tadvyatirekeṇa anuṣṭhitānāṃ 
dharmāṇāṃ naiṣphalyāpādakatvena, 
samastamahāpātakopapātakanivartanadvārā pariśuddhisampādakatvena, 
sarvakarmasamṛddhisampādanadvārā brahmavidyā"ngatvena, 
paśupāśavimocakatvena ca niśreyasasādhanatvasya 
pratipādanādrudādisarvadevṛṣisevitatvena, 
anadhikāritāntrikajanāviśvasanīyatvena ca rudrākṣadhāraṇaṃ 
mumukṣubhiravaśyaṃ kartavyam | tadakaraṇe pratyavāyaśravaṇāt, karaṇe 
cābhyudayaśravaṇācca nityatvam | na ca 
sphāṭikādimaṇīnāmudāhṛtavacanairdevatādhāryatvena prāśastyaṃ 
viśiṣṭamiti vācyam, phalaviśeṣaprāpakatattaddhyeyavastuguṇaviśeṣatvena 
taddhāraṇasya nāradādidhāraṇasya ca līlāviśeṣaparatvapratipādanaucityāt 
| naca śphāṭiko mokṣadāyaka� iti vacanena tadanusārināradādimunidhāraṇena 
ca mokṣapradatvaṃ samānamiti vācyam, sphāṭikamaṇīnāṃ mokṣadāyakatvaṃ 
paurāṇikaṃ tatrāpi kvācitkaṃ, rudrākṣāṇāntu bahutara-    
śrutyāgamasmṛtipurāṇeṣu bahutaraṃ dhāraṇamabhyastam | atastadanurodhāt 
sphaṭikadhāraṇapratipādakapramāṇasyaiva daurbalyamiti vastusthitiḥ | 
tathācotaratantre abhyāse sati hi bhūyastvamarthasya bhavati nālpatvamapi, 
prāgevoccaritārthatvam | navakṛtvastatvamasītyabhyāsādadvaitameva 
mahāvākyārthaḥ | anyaviṣayatvantu vaktuṃ na śakyata iti tasya tvamasi tena 
tvamasītilakṣaṇayā viśiṣṭā-

pṛ0 165) dvaitaparatvamapi kalpayituṃ na śakyate | vibhaktilopo'pyavidyamāno na 
kalpanīyaḥ || abhyāsādyathā ānandamayasya parameśvaratvaṃ 
�etamānandamayamātmānamupasa"nkrāmati, ānando brahmeti vyajānāt, ānandaṃ 
brahmaṇo vidvānna bibheti kutaścana, ko hyevānyātkaḥ prāṇyādyadeṣa 
ākāśa ānando na syāt� ityādyabhyāsairyathā ānandamayasya parameśvaratvaṃ 
nirṇītaṃ tathātrāpirudrākṣadhāraṇe mokṣaḥ 
sidhyatītyavyavahitapratipāditabahutaraśrutismṛtipurāṇavacanairabhyāsātprā
balyaṃ, sphaṭikamaṇiprāśastyasya kvācitkatvenābhyāsābhāvāddaurbalyañca 
siddham ||

iti 
śrīmadanādinirañjanaja"ngamāparāvatāratoṇṭadasiddheśvaraprasādāsādita"
sāmbhavāgamāmbodhimathanajanitaniruttaraikottaraśatasthalabhedabhinnaṣaṭsthal
atattvabodhasudhāsvādānandasandohapradāyakācāryavaryaśrīmaritoṇṭadāryavi
racite 
yaḍavamurārikoṭekolāhalaikā"ngivīravairisaptā"ngaharaṇapaścimasamudrādhī
śvaraviśuddhavaidikādvaitasiddhāntapratiṣṭhāpanācāryakeladisadāśivarāya
nāyakavaṃśadugdhārṇavapūrṇacandravīrabhadradharaṇīndradharmapatnī 
mallāmbāhṛdayānandabasavavasudhāsa"nkrandanopadeśe 
vīraśaivānandacandrikāyāṃ vādakāṇḍe aṣṭamaṃ prakaraṇam ||

pṛ0 166) vīraśaivānandacandrikāyāṃ
vādakāṇḍe
navamaṃ prakaraṇam ||

guro rudrākṣamahimā bahudhā harṣayanmanaḥ |
bodhanīyamito yattatpunaḥ prakramyatāṃ tvayā |
rājan pañcākṣarīnāmno mantraratnasya vaibhavam |
kathayāmi sadiṣṭārthapradhānaḥ praṇavaṃ śṛṇu ||

paṭhitapañcamaprapāṭhakāṣṭakayajurvede caturthakāṇḍamadhyamānuvākāva 
sthitaḥ pañcākṣaramantraḥ 
sarvadevarṣisiddhasādhyadānavamānavābhīṣṭaphalabhogamokṣadānodarkatayā 
sarvairupāsanīyaḥ saptakoṭimahāmantreṣvatiśayena paratatvapratipādakaḥ 
praṇavasahitaḥ ṣaḍakṣaromantraḥ | tathā hi siddhāntaśekhare-

śivatatvātparaṃ nāsti yathā tatvāntaraṃ mahat |
tathā pañcākṣarīmantrānnāsti mantrāntaraṃ mahat ||

sūkṣmāgame-

alpavarṇasamāyuktamadhikārthamasaṃśayaṃ |
sārātsārataraṃ śaivaṃ vākyaṃ mokṣaikasādhanam ||

pṛ0 167) sarvasiddhipradaṃ divyaṃ sarvatatvaprakāśakam |
ādyaṃ bījamidaṃ devi vidyānāmāpya śeṣataḥ ||
sūkṣmātsūkṣmataraṃ caiva vaṭavījaṃ yathā bhuvi |
mantro'yaṃ vāci yasyāsti sa evāhaṃ na saṃśayaḥ ||

granthāntare-

vidyāsu śrutirutkṛṣṭā tatraikādaśanī śrutau |
tatra pañcākṣarī tasyāṃ śivityakṣaradvayam ||

śivarahasye-

anena manunā li"ngaṃ sampūjyāṣṭaśataṃ japet |
tena sarve mahāmantrā japtā eva na saṃśayaḥ ||
anena mantritaṃ bhasma dhārayetsnānapūrvakam |
ga"ngādisarvatīrtheṣu snāto bhavati mānavaḥ ||
ūṃ kāraḥ sarvamantrāṇāṃ mantrarāṭparikīrtitaḥ |
pañcākṣarayuto devi sākṣātsāyujyakāraṇam ||
loke pañcābhidheyāni prasiddhāni viśeṣataḥ |
jñeyāni tāni sarvāṇi pañcākṣaramayāni hi ||
cirābhyastena yogena ṣaḍakṣaramayena ca |
jīvanmukta iti jñeyo madanugrahabhāgbhavet |
tasmātsarvaṃ parityajya japetpañcākṣaraṃ śubham ||
vedāḥ sā"ngāḥ purāṇāni mantrāśca bahavastathā |
āgamā vividhā devi vidyāsthānāni yāni ca ||
pañcākṣare pralīyante nirgacchanti punastataḥ |

pṛ0 168) etāṃ pañcākṣarīvidyāṃ hṛdyāṃ mama samāśritāḥ ||
kalāvapi pramucyante mahātmāno dṛḍhavratāḥ |
mahāpātakavicchityai śiva ityakṣaradvayam ||
alaṃ namaskriyāyukto muktaye kalpito manuḥ |

ityādipurāṇāgamavacanaiḥ sarvotkṛṣṭaśivatatvasāmyena 
sarvamantrotkṛṣṭatvasya, 
sarvavidyotkṛṣṭaśrutimadhyapaṭhitarudrādhyāyamadhyagatatayā 
śivaśabdānvitatvasya, svajapena sarvamantrajapaphaladātṛtvasya, 
svamantritabhasmasnānena sarvatīrthasnānaphalaprāpakatvasya, svasya 
pañcavarṇaviśiṣṭatayā pañcasa"nkhyāviśiṣṭatayā 
vedāgamasmṛtipurāṇaprasiddhapañcamahābhūta-pañcatanmātra-pañcatatva-
pañcabrahmamantra-pañcavaktra-pañcāgnipañcaprāṇa-pañcajñānendriya-
pañcakarmendriyapañcakalā-pañcaśakti-pañcakośādirūpatvasya, 
vedādisarvavidyāsthānotpattilayādhiṣṭhānatvasya, pāpabhūyiṣṭhe kalāvapi 
muktisādhakatvasya, 
mahāpātakanirvartakanamaḥśabdasamabhivyāhṛtaśivaśabdayuktatayā 
muktisādhanatvasya ca śravaṇātpañcākṣarīmantraḥ sarvamantrotkṛṣṭo 
vaidikairmumukṣubhirupāsyaḥ ||
nanu 
nārāyaṇāṣṭākṣarīrāmaṣaḍakṣarīnarasiṃhamantrādimahāmantrāṇāṃ 
vedamadhyavartināṃ mumukṣūpāsyatvena śravaṇātkathaṃ 
pañcākṣarīmantrasyaiva prāśastyam ? tathāhi 
dvātriṃśadupaniṣanmadhyapraviśaddaśopanīṣadvyatirikta nārāyaṇopaniṣadi-
ūṃ mityekākṣaraṃ, nama iti dve akṣare, nārāyaṇāyeti pañcākṣarāṇi | 
etadvai nārāyaṇasyāṣṭākṣaraṃ padam | yo vai nārāyaṇasyāṣṭākṣaraṃ 
padamadhyeti, anapabruvaḥ sarvamāyureti, vindate prajāpatyaṃ rāyaṣpoṣaṃ 
gaupatyaṃ tato'mṛtatvamaśnute tato'mṛtatvamaśnute || iti 
nārāyaṇopaniṣatpratipādyatvena śo'mṛtatvamaśnuta� iti 
mokṣasādhanatvaśravaṇāt ||

pṛ0 169) māghamāhātmye-

garbhajanmajarārogaduḥkhasaṃsārabandhanaiḥ |
na bādhyate naro nityaṃ nārāyaṇamanusmaran ||

itihāsottame-

japa nārāyaṇamanuṃ paṭha tannāmama"ngalam |
pāhi prapannajanatāṃ brūhi tathyaṃ hitaṃ nṛṇām ||
gāyatryāstriguṇaṃ viṣṇuṃ dhyāyannaṣṭākṣaraṃ japet |
praṇamya devānviprāṃśca guruṃśca haripārśvagān ||

rāmatāpanīye-

śrīrāmasya manuṃ kāśyāṃ jajāpa vṛṣabhadhvajaḥ |
mantrāntarasahasrañca japahomārcanādibhiḥ ||

padmapurāṇe śivarāghavasaṃvāde-

mumūrṣormaṇikarṇikyāmardhodakanivāsinaḥ |
ahaṃ diśāmi te mantraṃ tārakabrahmasaṃjñitam ||
śrīrāma rāma rāmeti hyetattārakamucyate |
atastvaṃ jānakīnātha parabrahma suniścitam ||

ityādinā nārayāṇāṣṭākṣarasya jananamaraṇādisakaladuḥkhanivartakatvena 
tathā avaśyajapyatvena vidhānāt, gāyatrīdṛṣṭāntena 
tajjapanaiyatyapratipādanācca sarvottamatvam | evaṃ rāmaṣaḍakṣaryāśca 
muktipradatvena sakalajanasampratipannavārāṇasīkṣetre �atra hi jantoḥ 
prāṇeṣūtkramamāṇeṣu rudrastārakaṃ brahma vyācaṣṭe 
yenāsāvamṛtībhūtvā mokṣībhavatī� tiśruteḥ, �atraiva bhagavān 
rudrastārakaṃ brahma vyācaṣṭa� iti laghujābālaśruteśca mokṣasādhanatvena 
mumukṣukarṇopadeśayogyatārakamantra- 

pṛ0 170) tvena tadupabṛṃhaṇapadmapurāṇavacanena paryavasitatvāt, tathaiva 
nṛsiṃhamantrasyāpi pūrvatāpinyāṃ mokṣasādhanatvapratipādanācca, kathaṃ 
pañcākṣarī mantrasyaiva sarvātiśāyitvamiti cedatrabrūmaḥ- 
sakalasūtrakāramūrdhanyabodhāyanāpastambasatyāṣāḍhabharadvājavaikhānasā
gniveśyasaṃjñakaṣaṭsūtrakāravidhīyamānāgneyavratānuṣṭhānapūrvakakā.
nḍopakaraṇotsarjananiyamapurassarādhyetavyataittirīyaśākhopalabhyamānatvāt, 
�ekādaśaguṇānvāpi rudrānāvṛtya dharmavit | mahāpāpairapi spṛṣṭo 
mucyate nātra saṃśayaḥ || vedamekaguṇaṃ japtvā tadahnaiva viśudhyati | 
rudraikādaśanīṃ japtvā tatkṣaṇādeva śudhyatī�ti 
sakalasmṛtikartṛcakravartiyamātrya"ngiraḥśātātapayājñavalkyādibhirdharma"
sāstrapraṇetṛbhirmahāpātakanivartakaprāyaścittatvena rudraikādaśanyā 
vidhānāt, vijñāneśvaramādhavahemādriprabhṛtibhirvyākhyātṛbhirapyevaṃ 
vivaraṇācca, rudraikādaśanyāḥ sarvottamatvaṃ siddham || 
nanūktarītyā rudraikādaśanyāḥ sarvottamatve pañcākṣaryāḥ kimāgatamiti 
cedbhrānto'si, sarvasyā rudraikādaśanyāḥ prāśastye siddhe 
tanmadhyapaṭhitasya pañcākṣarīmantrasya prāśastyaṃ kaimutikanyāyenaiva 
śarīre mūrdhna iva siddham | pratyuta pañcākṣarīyogenaiva 
rudraikādaśanyāḥ sarvottaratvaṃ pratipādyate || tathāhi-

pañcākṣarī śivapadena vibhāti rudrā-
dhyāyastayā sphurati tena caturthakāṇḍaḥ |
kāṇḍena sarvayajureva vibhāti tena 
ṛksāmamadhyamaṇinā ca vibhānti vedāḥ ||
vidyāsu śrutirutkṛṣṭā rudraikādaśanī śrutau |
tatra pañcākṣarī tatra śiva ityakṣaradvayam ||
saiṣā pañcākṣarīvidyā śatarudrīyamadhyagā |
pañcākṣare mahādevo sarvadā supratiṣṭhitaḥ || iti ||

pṛ0 171) tasmātpañcākṣaryāḥ sarvottaratvam | nahi 
nārāyaṇāṣṭākṣaryādīnāmetādṛśaṃ māhātmyam, 
nārāyaṇopaniṣadrāmatāpanīyanṛsiṃhatāpanīyādīnāmupakramotsarjanādiniy
amapūrvakamadhyayanasya 
bodhāyanādikalpasūtrakārairavidhānādavaśyamadhyetavyatvābhāvāt, 
pañcasaṃskārasaṃskṛtavīravaiṣṇavasyāpi 
pañcākṣarīmantrādhyayanābhāve 
styenaklībapatitanāstikaninditakarmābhyāsinirākṛtādyekonapañcāśadapā"nkt
eyamadhye parigaṇanādāpā"nkteyatvaprasa"ngācca | 
nārāyaṇopaniṣadrāmatāpanīyanṛsiṃhatāpanīyādhyayanavidherabhāvāttadana
dhyayane pratyavāyābhāvācca | pratyuta �yaḥ svaśākhāṃ parityajya 
śākhāmanyāṃ samāśrayet | śākhāṣaṇḍaḥ sa vijñeyaḥ 
sarvakarmabahiṣkṛtaḥ� iti yajuradhyayanaṃ parityajya 
nārāyaṇopaniṣadadhyayane śākhāṣaṇḍatvāpātācca | tasmātpañcākṣaryā 
avaśyādhye yatvādanadhyayane pratyavāyavidhānācca | sarvottaratvaṃ siddham |
nanūktarītyā bahunāyāsena pañcākṣaryā avaśyādhyayanīyatve'pi 
karmakāṇḍapaṭhitamantrāntaravadyajñānā"ngattvena 
naśvarasvargādiphalasādhanatayā mokṣahetutvābhāvena ca kathaṃ 
prāśastyamiti cenna,

viviktadeśe nirdoṣe nirbhaye nirupadrave |
padmāsane samāsīnaḥ prā"nmukho vāpyudanmukhaḥ ||
samaḥkāyaśirogrīvastvarālasyādivarjitaḥ |
śivaṃ dhyāyan japedyogī jīvanmukto na saṃśayaḥ ||
mumukṣūṇāṃ yathā śambhuḥ saṃsārabhayamocakaḥ |

iti mokṣasādhakatvaśravaṇātkarmakāṇḍamantrāpekṣayā vailakṣaṇyāt | na 
ca śrutāveva nārāyaṇāṣṭākṣaryādimantrasya �tato'mṛtatvamaśnuta� 
ityādinā mokṣasādhanatvaśravaṇāt, evaṃ pañcākṣarīmantrasya śrutau 
mokṣasādhanatvāśravaṇānmokṣasādhanatvaṃ sandigdhameveti cenna, 
atha hainaṃ brahmacāriṇa ūcuḥ kiṃ japyenāmṛtatvaṃ brūhīti sa 

pṛ0 172) hovāca yājñavalkyaḥ śatarudrīyeneti | etāni vā 
amṛtānāmadheyāni eteṣu vā amṛto bhavati || iti laghujābālopaniṣadvacanena 
|
yaḥ śatarudrīyamadhīte so'gnipūto bhavati, sa vāyupūto bhavati, 
surāpānātpūto bhavati, kṛtyākṛtyātpūto bhavati, sarvabandhanānmukto 
bhavati, tasmādavimuktamāśrito bhavatyatyāśramī sarvadā sakṛdvā japet | 
anena jñānamāpnoti saṃsārārṇavanāśanam | tasmādevaṃ viditvaivaṃ 
kaivalyaṃ padamaśnute kaivalyaṃ padamaśnute ||
iti kaivalyopaniṣadvacanena ca, śatarudrīyasya mokṣasādhanatvasya 
sphuṭataraṃ śrūyamāṇatvena pañcākṣarīmantrasya mokṣasādhanatve kasyāpi 
vivādābhāvāt | kiñca 
sakalatatvotīrṇanirguṇaparaśivatatvapratipādakānitarasādhāraṇamāhātmyabo
dhakaśivaśabdasamabhivyāhṛtatvātpañcākṣarīmantrasya sarvottamattvam ||
śivaśabdo'tra śobhanavacanaḥ, śhvaḥśreyasaṃ śivaṃ bhadraṃ kalyāṇaṃ 
ma"ngalaṃ śubha� mityamarakośāt | śivāḥ śobhanāḥ sarvajñatvādayo guṇā 
asya santīti śivaḥ | arśāderākṛtigaṇatvādac pratyayaḥ | 
hetvala"nkāravidhayā abhedopacārādvā sarvajñatādayaścā"ngāvyayabhedena 
dvividhāḥ śivapurāṇāgamaprasiddhāḥ | yathoktaṃ-

sarvajñatā tṛptiranādibodhaḥ 
svatantratā nityamaluptaśaktiḥ |
anantaśaktiśca vibho rvidhijñāḥ 
ṣaḍāhura"ngāni maheśvarasya ||
jñānaṃ virāgataiśvaryaṃ tapaḥ satyaṃ kṣamā dhṛtiḥ |
sraṣṭṛtvamātmasambodho hyadhiṣṭhātṛtvameva ca ||

pṛ0 173) avyayāni daśaitāni nityaṃ tiṣṭhanti śa"nkare || iti ||

yadyapi paraśivasya niṣkalatvādguṇāstasmin na sambhavanti | ṅiṣkriyaṃ 
niṣkalaṃ śāntaṃ niravadyaṃ nirañjana�miti śruteḥ, śhivatatvaṃ mahāsena 
niṣkalantviti kīrtita�miti vātulaśuddhavacanācca | tathāpi śṛṣṭyarthaṃ 
sarvatatvānāṃ lokasyotpattikāraṇāt | yogināmupakārāya svecchayā gṛhyate 
tanu�riti, tathā �yogināñca yatīnāñca jñānināṃ mantriṇāmapi | 
japapūjānimittāya niṣkalaṃ sakalaṃ bhave�diti ca tatraiva 
vātulaśuddhavacanāttadāśritaparāśaktikalpitān guṇānādāya tathā 
vyapadeśaḥ || athavā svayameva śivaḥ śobhanatvāt | śobhanatvañca 
sarvajīvavartyāṇavakārmaṇamāyeyākhyānādimalatrayābhāvarūpanairmalyalak.
saṇaṃ śuddhatvam | aṇu= rjīvaḥ, tasyānādirjīvatāpādako'vidyāsambandha 
āṇavaṃ malam; anādikarmaphalaṃ vāsanārūpaṃ kārmaṇaṃ malam; asti 
prakāśata iti vyavahārasāmagryāṃ satyāṃ, nāsti na prakāśata iti 
vyavahārasāmagryāmasatyāñca nāsti na prakāśata iti 
vyavahārayogyatvarūpamāvaraṇaṃ māyeyaṃ malamiti sakalaśivāgamaprasiddham | 
tādṛśamalatrayābhāvātparamātmani akarmavaśye sarvajñe nirmalatā 
sambhavati | 
yathoktaṃ vāyusaṃhitāyām-

athavāśeṣakalyāṇaguṇaikaghana īśvaraḥ |
śiva ityucyate sadbhiḥ śivatatvārthavedibhiḥ ||
anādimalasaṃśleṣayogābhāvātsvabhāvataḥ |
atyantapariśuddhātmyetyato'yaṃ śivaṃ ucyate || iti ||

tathā tatraiva pradeśāntare'pi �viśuddhaḥ śivabhāsata� iti | 
vātulaśuddhepyuktam śhuddhatvācchiva ityukta� iti || yadvā śete'smin 
sarvamiti śivaḥ, sarvakāraṇībhūtacicchakterapyādhāratayā paramaśivasyeva 
jagadādhāratvāt | śarvanīghṛṣvariṣvalaṣvaśivapaṭva-

pṛ0 174) prahveṣvā asvatantra� iti tantrapadavācyakṛdbhinnādhikaraṇe 
auṇādikanipātanātsādhuḥ | �yo yoniṃ yonimadhitiṣṭhatyeko yasminnidaṃ 
sañcavicaiti viśvam | tamīśānaṃ varadaṃ devamīḍyaṃ nicāyyemāṃ 
śāntimatyantametī�ti śruteḥ || athavā śāmyatīti śivaḥ | 
śhivādayaśce�ti jainendravyākaraṇasūtreṇa kvanipītvāllopayośca rūpamiti 
nirvikāra ityarthaḥ | ṅiṣkriyaṃ niṣkalaṃ śāntam | trilocanaṃ 
nīlakaṇṭhaṃ praśānta�miti ca śruteḥ || athavā vaṣṭīti śivaḥ, vaśa= 
kāntāviti dhāto pacādyaci pṛṣodarāditvādvarṇavyatyaye akārasya 
ikārādeśa ca sati śiva iti rūpam | �hisi dhātoḥ siṃhaśabdo vaśakāntau 
śivasmṛtaḥ | varṇavyatyayataḥ siddhaḥ kaśyapaḥ paśyako 
yathe�tyabhiyuktokteḥ | tasya cecchāśraya ityarthaḥ | yadyapi kartari 
kṛdityanuśāsanātkartṛtvasya ca dhātvarthaviṣayakṛtyāśrayatvarūpatvāt, 
prakṛte pacādyacpratyayasya āśrayārthakatvamalabhyam, tathāpi 
jñānādigocarakṛterabhāvena jñānādibodhakadhātūttarakartṛpratyayānāṃ 
jānātīcchati yatata ityādiṣu āśrayalakṣakatayā sampratipannatvena 
icchāśrayatvaparyavasānāt | sā cecchā śivasya cidrūpāyāḥ 
parāśakterabheda eva | �parāsya śaktirvividhaiva śrūyate svābhāvikī 
jñāna-balakriyā ca� iti śruteḥ; vātulaśuddhe'pi-

tacchive tu parā śaktiḥ sahasrāṃśasamudbhavā |
parāśakteḥ sahasrāṃśādādiśaktisamudbhavaḥ ||
ādiśaktisahasrāṃśādicchāśaktisamudbhavaḥ |
icchāśaktisahasrāṃśājjñānaśaktisamudbhavaḥ ||
jñānaśaktisahāsrāṃśātkriyāśaktisamudbhavaḥ |

ityabhidhānāt;

śaktirājñā parā śaivī cidrūpā pārameśvarī |
śive'vatiṣṭhatyakhilaṃ yayā karaṇabhūtayā |

pṛ0 175) tasyā"nkamaṇḍalāruḍhā śaktiricchāhvayā parā |
mahālakṣmīriti khyātā śyāmā sarvamanoramā ||

iti śivapurāṇavacanācca || parantu parāśaktyāśrayasya paramaśivasya 
sākṣādeva tadāśrayatve vaktavye tadabhedātkathaṃcit samarthanīyasya 
icchāśaktyāśrayatvakathanam || athavā vaṣṭi lokahitamiti śivaḥ, 
rūpasiddhiḥ prāgvat |

samedhayati yannityaṃ sarvārthānāmupakramaṃ |
śivamicchanmanuṣyāṇāṃ tasmādevaṃ sadāśivaḥ ||

iti mahābhāratokteḥ || yadvā śivaṃ ma"ngalaṃ karotīti śivaḥ, 
śivaśabdāttatkarotīti ṇyantātpacādyaci rūpam | tathā ca śrutiḥ- śhiva 
eko dhyeyaḥ śiva"nkaraḥ sarvamanyatparityajye�ti | mahābhārate'pi-

samā bhavanti me sarve dānavāścāmarāśca ye |
śivo'smi sarvabhūtānāṃ śivatatvaṃ tena me surāḥ || iti |

tadayamatra saṃgrahaślokaḥ-

śete'smin jagadīhate diśati ca śreyaḥ prajānāmasau
śāntiṃ yāti samastama"ngalaguṇagrāmasya sīmāyate |
icchāśaktimupaiti nirmalataraścāste prakṛtyeti ca 
vyācaṣṭe śivanāma yasya caritaṃ tasmai parasmai namaḥ || iti ||

yāvanto'rthā darśitāstāvatsvapi tātparyaṃ śivapadasyāsti, stotrārthaṃ 
pravṛtte tasmin bahuprakārastutikroḍīkārasya 
nānākathāśeṣakāvyasthapadeṣu tatkāryocitārthakroḍīkārasyaiva guṇatvāt 
| evameteṣāṃ yogārthānāṃ rūḍhimacchabdena pratipādanaṃ 
rūḍhivadyogārthānāṃ āsādhāraṇyakhyāpanābhiprāyakamiti yuktameva | 
kevalayaugikānāṃ bhaktavatsalādipadānāmapi 
rūḍhanāmasaṃvalitapāṭhanādeva tadvadyogārthasādhāraṇyā-

pṛ0 176) bhiprāyakatvaṃ sphuṭameva | 
tathācātrāsādhāraṇayogārthaparāṇāṃ bhaktavatsalādipadānāṃ 
svārthāsādhāraṇyābhiprāyaḥ | yadyapyanye'pi bhaktavatsalāḥ santi, 
tathāpi te tu na śivavadbhaktavatsalāḥ, asya hi vātsalyamanyādṛśamiti 
dṛṣṭyā samarthane �bhedakātiśayoktiḥ syāttasyaivānyatvavarṇana, 
ityuktalakṣaṇābhedakātiśayoktiḥ | bhaktavātsalyaṃ śivasyaivāsti anyasya 
tu kasyāpi nāstītyapalāpadṛṣṭyā samarthane �yoge'pyayogaḥ 
sambandhātiśayoktiritīryata� ityuktalakṣaṇāsambandhātiśayoktiśca vyajyata 
iti dik | sarveṣvapi nāmasu tattadgamyamānādbhutādirasasya 
parameśvaraviṣayaratibhāvā"ngatayā rasavadala"nkāro veditavyaḥ | 
tatrāsminnāmani śleṣāla"nkāra ekaḥ, �nānārthasaṃśrayaḥ 
śleṣovarṇyāvarṇyobhayāspada� iti tallakṣaṇāt | sa ca prathamaḥ, 
varṇaikaviṣayatvāt | tathā śete'smin jagaditi śiva iti vyutpattau prasiddhaṃ 
yajjagadativistṛtaṃ tadapyasmin śete asambādhena vartata 
ityarthādadhikāla"nkāraḥ | �pṛthvādheyādyadādhārādhikyaṃ tadapi 
tanmata�miti tallakṣaṇāt | ata eva 
tādṛśavyāpakatāśālitānibandhanādbhutarasasya 
parameśvaraviṣayaratibhāvā"ngatayā rasavadala"nkāraḥ, �rasasya parā"ngatve 
rasavadala"nkāra� iti tallakṣaṇāt | śiva"nkara ityarthe kalyāṇavācinaḥ 
śivaśabdasya tajjanake lakṣaṇayā prayoga iti samarthane hetvala"nkāraḥ, 
�hetuhetumatoraikyaṃ hetuṃ kecit pracakṣata� iti tallakṣaṇāt | na ca 
śivaśabdasya ma"ngalavācino lakṣaṇayā taddhetau napuṃsakali"ngataiva syānna 
tu pulli"ngateti vācyam, lākṣaṇikānāṃ śakyali"nganiyamāsiddheḥ | 
ga"ngāyāṃ ghoṣa ityādiṣu kvacittatsadbhāve'pi 
guṇavacanānāmatvarthalakṣaṇāyāṃ sarveṣāṃ puṃyogalakṣaṇāyāñca 
tādṛśaniyamābhāvasya sarvasampratipannatvāt | na ca puṃyogasthale na 
prakṛterlakṣaṇā, kintu strīpratyaya eva prakṛtyarthasambandhinīṃ 
striyamāheti vācyaṃ, tathā sati tasyedamiti taddhitaṃ nāprāpte 
ārabhyamāṇe "nīṣā tasya bādhāt | tathāpi prāṣṭīti 
taddhitāntarūpāsiddhi 

pṛ0 177) prasa"ngāt | ataḥ prakṛtireva yadā tatsāhacaryāttatsambandhinyāṃ 
striyāṃ lakṣaṇayā pravartate tadā strīli"ngāyāḥ 
tasyāstryadhikāravihitaḥ svārthiko "nīṣiti siddhāntaḥ | 
spaṣṭañcaitatpratipāditaṃ puṃyogasūtre mahābhāṣye 
�atasmiṃstacchabdaścaturdhā bhavati | tātsyāt, tāddharmyāt, tatsāmīpyāt, 
tatsāhacaryācce�tyādinā | etacca padamañjaryāmapi spaṣṭam | trayāṇāṃ 
caiteṣāṃ saṃsṛṣṭiḥ | yadvā ekavācakānupraveśalakṣaṇaḥ sa"nkaraḥ | 
yadyapyekasminneva saṃsarge lakṣaṇadvayayogādyatrāla"nkāradvayaṃ tatraiva 
tayorekavācakānupraveśasa"nkaraḥ | yathā 
�himakaraparirambhādāttaniṣyandapūraiḥ | 
śaśidṛṣadupakḷptairālavālaistarūṇāṃ | 
viphalitajalasekapratyayāgauraveṇa vyaraci suhṛtacittastatra 
bhaimīvanene�tyatra sphaṭikālavālānāṃ 
candrikāsambandhaprayuktaniṣyandavarṇanasamṛddhimadvastuvarṇanarūpodāttāla"
nkārasya, asambandhe sambandharūpātiśayokteśca 
satvāttayorekavācakānupraveśalakṣaṇasa"nkara iti | iha tu yadyapi śete'smin 
jagaditi śiva iti saṃsarge rasavadala"nkāraḥ | asmin saṃsarge saṃsargāntare 
ca vyāsajya vartate śleṣaḥ, saṃsargāntara eva vartate hetvala"nkāra iti 
vartate vaiṣamyaṃ, tathāpyekavācakānupraveśa-   sa"nkaro'vyāhata eva | 
tathāhi- udāhṛtaśloke'pi 
sa"nkīryamāṇāla"nkārayoradhikaraṇībhūtasaṃsargaikyaṃ 
noktasa"nkaraprayojakam | tathāhi sati ekavācakānupraveśasa"nkaraḥ, 
sāmānādhikaraṇya sa"nkara ityādireva vyapadeśaḥ syānna tu 
vācakaikyaghaṭito'pi; kintu 
sa"nkīryamāṇāla"nkārayoradhikaraṇībhūtasaṃsargopasthāpakaikyamevoktasa"nk
araprayojakam, tasyaivaikavācakānupraveśaśabdārthānugamāt | tacca 
kvacitsaṃsargaikye bhavati, kvacittadbheda ityanyadetat | prakṛte ekasmin 
śivaśabdarūpe vācake tadupasthāpyasaṃsargadvayāśrayatayā śleṣaḥ | 
tadupasthāpyaika saṃsarganiṣṭhatayā rasavadala"nkārāvanupraviṣṭāviti 
yuktameva tayorekavācakānupraveśaḥ | āstāmaṃśatastu 
rasavadala"nkārādhikāla"nkārayorekavācakānupraveśasa"nkara ityalaṃ 
prasaktānuprasaktyā ||

pṛ0 178) idañca śrutisiddhaṃ nāma | ṅamaḥ śivāya ca śivatarāya ca; 
tasmātsarvagataḥ śivaḥ, na sannacāsacchiva eva kevala� ityādi 
bahuśrutiprasiddheḥ | māhātmyañcāsya śrutisiddham �api vā yaścaṇḍālaḥ 
śiva iti vācaṃ vadettena saha saṃvadettena saha bhuñjīte�ti śruteḥ |

yaddvyakṣaraṃ nāma gireritaṃ nṛṇām 
sakṛtprasa"ngādaghamāśu hanti tat |
pavitrakīrtiṃ tamala"nghyaśāsanam
bhavānaho dveṣṭi śivaṃ śivetaraḥ ||
mahāpātakavicchityai śiva ityakṣaradvayam |
alaṃ namaskriyāyukto muktaye kalpito manuḥ ||

ityādiśrutibhāgavatapurāṇebhya etasminneva nāmni, śivanāmaghaṭite 
pañcākṣaramantre ca jīvaratnavyavahāraśśivāgamavidām | �tasmātsaha tayā 
śaktyā hṛdi paśyanti ye śivam | teṣāṃ śāśvatikī śāntirnetareṣāmiti 
śruti�riti śivapurāṇoktarītyā 
sakalaśreyaḥkāraṇībhūtasakalatatvottīrṇaśrīsāmbaśivapratipādakatayā 
cāsya nāmraḥ sarvātiśāyitvaṃ siddhaṃ, 
etādṛśaśivanāmasamabhivyavahārādapi pañcākṣaryāḥ ||
api ca 
praṇavāvayavabhūtabrahmaviṣṇurudreśvarasadāśivatadātmyāpannatārakadaṇḍ
akuṇḍalārdhacandrabindurūpākṛtyabhinnanakāramakāraśikāravākārayakāravi
śiṣṭatayā paratatvavācakapraṇavasārūpyātpañcākṣaryāḥ, praṇavasya 
cākārokārabindunādakalāsattātmanā ṣaḍrūpasya, 
nivṛttipratiṣṭhāvidyāśāntiśāntyatītottarākhyaṣaṭkalātmakasya, 
kriyājñānecchādiparācidākhyaṣaṭśaktyātmakasya, 
karmasādākhyakartṛsādākhyamūrtasādākhyāmūrtasādākhyaśivasādākhyamaha
asādākhyanāmaṣaṭsādākhyarūpasya, 
sadyojātavāmadevāghoratatpuruṣeśānagopyābhidhānaṣaṇmukhātmakasya, 
sucittasubuddhisumanaḥ 
sujñānaniraha"nkārasadbhāvāhvayaṣaḍvidhahastarūpasya,

pṛ0 179) 
śraddhāniṣṭhāsāvadhānasamarasānandānubhavātmakaṣaḍbhaktirūpasya, 
ācārali"ngaguruli"ngaśivali"ngacarali"ngaprasādali"ngamahāli"ngābhidhānaṣa.
dvidhali"ngātmakasya, 
bhaktamaheśvaraprasādiprāṇali"ngiśaraṇaikyarūpaṣaḍvidhā"ngātmakasya, 
ghrāṇarasanacakṣustvakśrotramanorūpaṣaḍindriyātmakasya, 
gandharasarūpasparśaśabdatṛptirūpaṣaḍviṣayātmakasya, 
sarvajñatānityatṛptyanādibodhasvatantratāluptatānantaśaktisamāhvayaṣaḍa"n
gātmakasya, varṇapadamantrabhuvanatatvakalātmakaṣaḍvidhādhvarūpasya, 
mūlādhārasvādhiṣṭhānamaṇipūrakānā 
hataviśudhyājñābhidhānaṣaṭcakranilayasya, 
rudhiramāṃsamado'sthimajjāśukranāmakaṣaḍdhātunivāsasya, 
samaṣṭivyaṣṭirūpatvāditareṣāṃ 
mantrāṇāmetādṛśamahimātiśayābhāvātpañcākṣaryā eva sarvātiśāyitvam 
| ata eva pañcākṣaryāṃ jīvaratnamiti vyavahāraḥ | praṇavāditvena 
namaśśabdayogena vaidikatvena ca 
mantragīrvāṇamantradevatāprakāśakaśāradātilakaprapañcasārādimantraśās
tranibandhanoktasiddhasādhyasusiddhāricatuṣkātadavāntarabhedacatuṣkarāśiko.
sṭhanakṣatrakoṣṭhabhūtakoṣṭhṛṇṛṇībhāvadaśavidhasaṃskārasuptādidoṣ
avicāranairapekṣyādapi sarvottaratvam | bālānāmapi 
prathamamakṣaraprārambhakāle | ūṃ namaḥ śivāyetipañcākṣaropadeśasyaiva 
kamalākarādinibandhanakāraiḥ  kartavyatvena vidhānāt, ṅamo'ntaṃ praṇavaṃ 
vine�tyādinā strīśūdrāṇāmapi 
vaidikapāṭhavyatyastakramasyopadeśyatvavidhānātsarveṣāṃ japyatvavidhānāt, 
kriyākārakayojanayārthavatvācca | tasmātpañcākṣaramantrasyaiva 
sarvottaratvamiti sarvaṃ ramaṇīyamiti pañcākṣaramantravicāraḥ ||

iti śrīvīraśaivānandacandrikāyāṃ vādakāṇḍe navamaṃ prakaraṇam ||

pṛ0 180) vīraśaivānandacandrikāyāṃ
vādakāṇḍe
daśamaṃ prakaraṇam ||

kalaketabrahmanāmnā purā śīlavatā sphuṭam |
sthāpitaṃ basaveśādipramathānāṃ sabhāntare ||
guruvarya tvayā proktamaṣṭāvaraṇavaibhavam |
nipīya bahudhā karṇapuṭābhyāṃ harṣito'bhavam ||
kathañcidaviruddhānāṃ vaidikānāñca yuktibhiḥ |
matānāṃ vedaśāstrārthagarbhitābhirnnīrākṛtiḥ ||
vyatāni tatprakāraṃ me pradarśaya yathākramam |
rājanmanīṣā bhavataḥ santoṣaṃ popuṣīti naḥ ||
mahādevadayālabdhamīdṛkṣaṃ buddhikauśalam |
ādāvavaidikamatanirākaraṇamārabhe ||
pratyakṣasarvānubhavaprasiddha-
prameyajāte sati manmate'pi |
śrutyāgamādyeṣu nijānukūla-
marthaṃ prakalpyānyavilobhanārtham ||

pṛ0 181) bho śīlavadvarya samīrya kiñci-
nmataṃ svakīyaṃ parihāsayogyam |
bhavetkatha"nkāramihendrajāla-
svarūpa etadbhavadiṣṭasiddhiḥ ||
itīdṛśaṃ bhṛ"ngivareṇa sādhu
lokāyatānāṃ matamīryamāṇam |
vadāmi rājendra vitandracitto 
nayādhunā śrotrapathātithitvam ||

tatra lokāyatārhatabauddhabhedena trīṇyavaidikāni matāni | tatra 
lokāyatāparaparyāyāścārvākā itthamāhuḥ- pṛthivyaptejovāyavaścatvāri 
bhūtāni, nānyat | svabhāvatastadvikārā eva ghaṭādayaḥ | śiśutva 
bālatvakumāratvavṛddhatvaviśiṣṭo deha eva ātmā | tadvilakṣaṇa ātmā 
nāsti | yadi dehādbhinna ātmāstītyabhyupagamyeta tadā rājabhaṭairnīyamāna 
iva kṛtākrandaḥ kaścid dehabhinno yamabhaṭairnīyamāna upalabhyeta, 
nopalabhyate, tato deha evātmā | jaḍabhūtasamudāyavikāre dehe 
pūgaparṇacūrṇāmbusaṃyogādrāga iva svataścaitanyamutpadyate | 
satyajīvanameva saṃsāraḥ svābhāvikaḥ, nānyādhīnaḥ | anicchato'pi 
mṛtirūpā muktiḥ svata eva prāpyā | paṇḍitena tadarthaṃ vyarthāyāso na 
vidheyaḥ | pratyakṣopalabhyamānā ghaṭādaya eva vāstavāḥ | 
adṛṣṭamadarśanādeva hetornābhyupagamyate | parairapi 
dharmādharmarūpamadṛṣṭaṃ dṛṣṭamiti na vyavahriyate, 
dṛṣṭatvādṛṣṭatvayorvirodhāt | naca 
kāryabhūtasukhaduḥkhānubhavavaicitryadarśanāttatkāraṇatvena 
dharmādharmarūpādṛṣṭakalpanā nyāyyeti vācyaṃ, svabhāvaviśeṣavaśādeva 
sukhaduḥkhānubhavavaicitryopapatteḥ 
śaśaśṛ"ngāyamāṇataditaradharmādharmarūpādṛṣṭakalpanāpekṣābhāvāt | 
ata eva bake dhāvalyam, kāke kārṣṇam, śuke haritatvam,   marapiccheyū

pṛ0 182) varṇavaicitryam, kokile pañcamasvaraḥ, kṛkavākau tāmracūḍatvam, 
bhuja"ngeṣu cakṣuḥśravastvam, kramelake dīrghakaṇṭhatvañca 
svabhāvaviśeṣavaśādevopapadyate | anyathā tattadvaicitryamūlatvena 
bahūnāṃ dharmādharmarūpādṛṣṭaviśeṣāṇāṃ kalpanāpatteḥ | evaṃ 
pṛthivyāṃ kāṭhinye, jale śaitye, vahnāvūrdhvajvalanoṣṇasparśayoḥ, 
vāyāvanuṣṇāśītasparśe ca svabhāvavyatirekeṇa kiñcitkāraṇaṃ na 
paśyāmaḥ | tasmādvihitaniṣiddhakarmakalpitaṃ puṇyāpuṇyarūpamadṛṣṭaṃ 
na kalpanīyameva | yadīpsitaṃ tadeva vihitaṃ karma, yadyanīpsitaṃ 
tatpratiṣiddhaṃ karma | etābhyāṃ karmabhyāṃ jāyamānamadṛṣṭaṃ 
nopalabhyate | pratyakṣasukhaduḥkhānubhavasādhanādasmāllokādbhinnaṃ 
svarganarakākhyaṃ lokāntaraṃ sukhaduḥkhānubhavāspadaṃ vartata iti 
dhūrtakalpitaḥ prakāra eva | mṛṣṭānnayuvatīkṣaumacandanādiniṣevaṇam, 
sudeśo vā svargaḥ | śatrurogadanyādyupadravo duṣṭadeśo vā narakaḥ | yadi 
dūrasthaṃ jalaṃ tīrthaṃ syāt, mṛddāruśilātāmrādipratimā devatā 
syāttarhi tīrthasnānānmīno'pi śucitāmāpadyeta; tatra dhyānādbako'pi 
vimucyeta; maunācaraṇānmūko'pi muniḥ syāt; 
udgānātkroṣṭāpyātmavidbhavet; nakhalomani kṛntanābhāvādbhallūko'pi 
brahmacaryaṃ vindeta; jvaladagnimadhyapraveśācchalabho'pi mahāvrataṃ 
prāpnuyāt; kamaṭho'pi strīsa"ngābhāvājjitendriyatāmāsādayet; 
pavanāśanādbhujago'pi yogitāṃ yāyāt; badhirādayo'pi 
gītavāditraśravaṇādivaimukhyena virāgitāmāpadyeran; kapotaḥ 
sikatāhāreṇa, cātako jalabindupānena, vānarādyāḥ phalāśanena, 
gavādyāstṛṇabhakṣaṇena, pipīlikāḥ kaṇabhojanena ca tapasvitāṃ 
prāpnuyuḥ | ki"nca jalakā raktapānena, paśavaḥ pakṣiṇo 
mṛgāśvāgamyāgamanena, abhakṣyabhakṣaṇena ca nārakitāṃ vinderan | 
naitāvatā teṣāṃ sukhaduḥkhasādhane puṇyapāpe kalpanīye | 
tasmādyamaniyamavratopavāsādirūpaistapobhiḥ kāyakleśasādhanairnirarthakaḥ 
śramo na kāryaḥ | ateva śarīrabhinnaḥ kaścidātmāsti, saca 
puṇyakarmaviśeṣātsvargaṃ

pṛ0 183) vrajati; pāpakarmakaraṇānnarakaṃ yāti, puṇyapāpamiśraṇānmahīṃ 
prāpnotītyasa"ngataṃ vādaṃ kalpayadbhirdehānte 
svargādirbhavatītyāśāmodakāśanairvastuto nāstikairāstikammanyairdhūrtaiḥ 
satyavādī cārvāko nāstika iti vyavahniyate || yathā suśikṣito'pi śilpī 
ghaṭaṃ paṭayituṃ na kṣamate tathā svamanīṣāmātreṇa 
dhūrtajano'smānyathārthavādino nāstikānkartuṃ na śaknoti | yadyapi 
pratyakṣapramāṇāviṣayaṃ svargādikaṃ nāstyeva, tathāpi paraprasiddhyaiva 
paro bodhanīya iti nyāyamavalambya parābhimataṃ paralokama"ngīkṛtya 
parābhimataṃ śabdaprāmāṇyama"ngīkṛtya dehātmatvaṃ prasādhyate | 
tathāhi- chāndogye �indro ha vai devānāmabhipravavrāja virocano'surāṇā� 
mityupakramya, �dvātriṃśadvarṣāṇi brahmacaryamuvāse� tyuktvā, �ya ātme� 
tyādinā pretasya śarīraṃ bhikṣayā vasanenāla"nkāreṇeti saṃskurvanti, 
etena hyamuṃ lokaṃ jeṣyanto manyanta� ityantena virocanena dehātmavidyā 
prāptepi śravaṇāt | tathā tattirīye'pi- �ayamātmā idaṃ pucchaṃ 
pratiṣṭhe�ti, �ardho vā yasya ātmano yatpatnī�tyatra, tathā śūlagavākye 
karmaṇi śiṃśumāraśarīre �yasmai namastacchira� ityādināpi deha 
evātmaśabdenābhidhīyate | tathā    mādhvamatānusāribhiściddeha eva ātmeti 
vyavasthāpyate | tathā sarvamātmeti vadatāṃ sārvātmyaśruteḥ ghaṭādau 
bādhitārthakatvena śarīramātre ātmatvasya paryavasānāt | anyathā 
grāvāṇaḥ plavanta ityādivākyavadaprāmāṇyaprasa"ngaḥ | ahaṃ sthūlaḥ 
kṛśaḥ sukhī duḥkhītyādi 
pratyakṣabādhitamanaṇvasthūlamahrasvamityādikaṃ 
bhedapratyakṣānubhavabādhitābhedavannetavyam | yadi dehādbhinna ātmā, sa 
cānādiritya"ngīkriyeta tadā nityamuktasvabhāvasya tasyāgantukaḥ saṃsāraḥ 
kiṃ nibandhanaḥ | yadi ca saṃsāro'pyanādistadā ātmavatsaṃsārasyāpi 
nityatvamāpadyeta | yadi cetpravāhānāditvaṃ tadā pralaye'pi nāśo na syāt | 
yadi pralayasyāpi pravāhānāditvaṃ tadā jagataḥ sthitireva na syāt | 
tathāhi- �brahmaṇā saha 

pṛ0 184) te sarve samprāpte pratisañcare | parasyānte kṛtātmānaḥ 
praviśanti paraṃ pada�miti smṛteḥ pūrvamatītānāṃ brahmaṇāṃ muktisamaye 
anantānāṃ jīvānāṃ sahaiva mukteravaśyaṃ vaktavyatvena muktānāñca 
jīvānāṃ punaḥ saṃsṛtisambandhasya bhavaduktarītyaiva vaktumaśakyatvena 
idānīṃ saṃsārasthitereva durnirūpatvāt || yadi bahūnāṃ prāgatītānāṃ 
brahmaṇāṃ satyalokādau svānandānubhavamātrama"ngīkṛtya prāpte'pi vidhitve 
teṣāmadyāpi na sārvātmyena muktistanmuktisahabhāvo vāvaśyaṃ bhāvī, 
anantajīvamuktipratirodhisaṃsārasthiteritya"ngīkriyeta tadānīmalpāyuṣāṃ 
jīvānāṃ prācīnānantajanmasu 
bahutarakāyakleśātmakavihitācārānuvartanapūrvakasthūlasūkṣmopāsanāsahit
amuktisādhanībhūtaśravaṇamanananididhyāsaneṣu bahuśaḥ kṛteṣvapi 
mukterabhāvādagre'pi teṣu sādhaneṣu satsvapi muktireva na syāt | 
tādṛśamukterāśāmodakāyamānatvāt | atevaikamuktau 
sarvamuktiprasa"ngādvasiṣṭhavāmadevādāvekasyāpi na muktiḥ | 
brahmaṇyekasmin sādhanabharite kāmacāriṇāmapi mūḍhānāṃ sulabhā tena 
saha sārvātmyarūpā muktiḥ | 
atastatsādhanaviśeṣapratipādakaśrutismṛtipurāṇetihāsādikaṃ sarvaṃ 
dhūrtaprakalpitamiti sthitiḥ | tato dehāti-     riktātmapakṣe bahūnāṃ 
dūṣaṇānāṃ jāgarūkatayā śarīramevātmā nānya iti siddham |
śrutyādīnāṃ prāmāṇye'pi vyarthaśramaparyavasāyitvena kāmacāropapatteḥ, 
pratyakṣabādhitārthadhūrtaprakalpitaprāmāṇikatvabhrāntirlokapratāraṇamāt
ram | ateva �pratimanvantaraṃ caiṣā śrutiranyā vidhīyate� iti 
paurāṇikoktiḥ sa"nghaṭatetarām | apica pratimanvantaraṃ 
satkarmabhirhomārcanadhyānarūpaiḥ sambhāvitā indrādayo devatā munayo vasavo 
rudrā ādityāśca svāyambhuvādiṣu bhinnāḥ; tatastatprakāśakamantrāḥ 
pṛthakpṛthagvaktavyā iti viśvāmitrādibhī racito daśamaṇḍalo hi ṛgvedaḥ 
| anyaśca vedavyāsādibhiḥ kaṇādagautamādibhiḥ praṇītaḥ 
paramātmapraṇīta iti mṛṣoktiḥ | pratyakṣabādhitārtho'yaṃ vedaḥ 
kathamātmodito bhavet |

pṛ0 185) ajāyāṃ brāhmaṇasya dakṣiṇe haste darbhastambe apsu vā 
juhuyādityupakramya agnāvevāsyāgnihotraṃ 
bhavatītyajāviprakaradarbhastambajalānāmagnibhinnānāṃ 
pratyakṣabādhitāgnitvapratipādanam, �dagdho yajvā yajñāyudhīsvargaṃ 
vraje�diti svargagamanam, agnau dagdhasya haviṣo dāvāgnidagdhānāṃ bhūruhāṃ 
bhūriphalāpādanavatsvargasādhanatvam, �uttānā vai devagavāvahantī�ti 
gavāmuttānagamanaṃ, śhṛṇota grāvāṇa� iti grāvṇāṃ śrotṛtvam, 
�apāṇipādo javano grahītā paśyatyacakṣuḥ sa śṛṇotyakarṇaḥ� 
ityādyayogyārthakathanam || kiñcāgnīndrādayo devā na santi, yadi santi 
haviriva te naśyeyuḥ, aśarīrā yadi te kathaṃ havirbhuñjīran ? śabdarūpā 
yadi havirbhuktvātaḥ kathaṃ phaladāḥ syuḥ ? artharūpāścet �adbhyaḥ 
svāhā, oṣadhibhyaḥ svāhā, vanaspatibhyaḥ svāhe�ti haviḥ 
sampradānajalādayo jaḍāḥ kathaṃ phalaṃ dadyuḥ ? 
tatrāgnāvabdevatāgamādagnirnaśyet, oṣadhyādayo dahyeran, abādīnāmanāgame 
ca sampradānābhāvātkarmaṇo vaiyarthyamāpatet | tathā śarvasmai 
svāhe�tyādau sarvasyāpi sampradānatvātko dātā kiṃ haviḥ kasmai phalaṃ 
dadyāt ? tasmātpratyakṣāviṣayībhūtā devatā nāyānti, na havirbhuñjate, 
na phalaṃ dadatīti    yāgātsvargo bhavatītyāśāmātram | tataḥ sarvamapi 
karma havirdāhāyaiva na svargaphalāyeti tatvam ||
tathā yadi dāruśilālohapratimādiṣu devatā syātsā paricchinnā 
aparicchinnā vā ? nādyaḥ- yaugapadyena sarvamūrtisambandhābhāvāt | 
ekasyāṃ pratimāyāṃ sānnidhyādekenava pūjyā, pratipūruṣaṃ pratigṛhaṃ 
pūjā vaiphalyaṃ syāt | na dvitīyaḥ- devatāsānnidhyasya sahajasiddhatvena 
saṃskāraviśeṣasahitapratiṣṭhādivaiyyarthyāt | na ca 
pratiṣṭhāmātreṇābhimānaviśeṣaḥ sidhyatīti vācyaṃ, acetanapratimādau 
cetanarūpadevatā kathamahamiti abhimanyeta ? tathāsati 
puruṣavadgamanāgamanādivyavahārāpatteḥ | yadi svākṛtimati citre 
rājāhamityabhimanyeta 

pṛ0 186) tādṛśabuddheḥ pratiṣṭhānapekṣaṇāt | na vā citre 
rājapratiṣṭhāṃ kurvanti | kāṣṭhamathanasambhūtavahnivatpratiṣṭhayā 
citirudetīti cettarhi niveditaṃ sarvamannaṃ bhujyeta tataḥ pūrvava deva 
vidyamānamṛcchilādāruvikāreṣu svabhogāyaiva dhūrtairvyarthaiva pūjā 
kalpyate | ateva vañcakairnityanaimittikaṃkṛtaṃ pitṛtṛptikaraṃ 
śrāddhādikaṃ svabhogāyaiva kalpyate, nehānyena bhukte satyanyasyodaraṃ 
pūryate | jīvati brāhmaṇe bhuktavati vā vidyamānasvapitrādyudaraṃ pūryeta 
| kiṃ cābdāntare pramitānāṃ bahukālānantaraṃ jīvate 
dīyamānamannādikaṃ tṛptikarañca syāt, evameva jvalate dīpāya dattaṃ 
ghṛtatailādikaṃ parutparārivānaṣṭadīpavṛddhyai prakalpayeta | 
tasmādyathā jatugṛhe dagdhānpāṇḍuputrān śrutvā dhṛtarāṣṭrakṛtaṃ 
śrāddhādikaṃ vyarthaṃ tathetaradapi śrāddhādikaṃ pitṛvargodyeśena 
kriyamāṇaṃ vyartham | svabandhurakṣaṇāsaktaiḥ 
hiṃsāsamarthairahiṃsādharma ityucyate | hiṃsā tu dharma eva | ateva 
śrutyāpi vividhahiṃsā vidhīyate | jāmadagnyo jananīṃ, dhṛṣṭadyumno 
guruṃ droṇaṃ, arjunaḥ sodaryaṃ, kṛṣṇo bandhūn, abhayamapi datvendro 
vṛtrāsuraṃ, kārtavīryo dhenvarthaṃ jamadagniñcāvadhītyādi pratyakṣamupa-
labhyate | tataḥ samarthasya hiṃsaiva paramo dharmaḥ | tathā anṛtamapi 
dharmaḥ | �varṇināṃ hi vadho yatra tatra sākṣyanṛtaṃ vade diti� 
śravaṇānnānṛtaṃ vadediti tu pratāraṇamātram | kāryārthamanṛtameva vadet 
| brahmāstrārthaṃ karṇena, jayārthaṃ yudhiṣṭhireṇa, kauravanāśārthaṃ 
bhīmasenena, subhadrārthaṃ dhanañjayena cānṛtamevoktamiti prasiddheḥ | 
tathā steyamapidharmaḥ | asteyaṃ dharma iti 
svadravyarakṣaṇāsaktakalpanāmātram | cauryeṇāpi sveṣṭaṃ sampādanīyam | 
yuyumindro hyacūcurat, śambaraḥ pradyumnam, aniruddhaṃ citralekhā, sītāṃ 
daśānano'pajahāra, ṣaṇḍatvagopanaparā janā brahmacaryaṃ svīkurvanti | 
aṣṭācatvāriṃśadabdaparyantaṃ brahmacaryasvīkāraṃ mahāvrate brahmacārī 
puṃścalīyogapratipādanāttyajati | evaṃ kuṭumbabharaṇāsamarthā 
aparigrahamicchanti | ato'ga-

pṛ0 187) styasaubharijaratkārupramukhā aparigrahaṃ parityajya 
strīparigrahamakurvan | evaṃ kṣutkṣāmodarairdaridraiḥ 
suvarṇabhūmigovastramṛṣṭānnadānaṃ varṇitam | mārgaśramāsahiṣṇavaḥ 
pānthā devālayavāpīkūpataṭākārāmaprapāsatrādikaraṇaṃ praśaṃsanti | 
vāpīkūpataṭākādiṣu paśu pakṣimṛgādīnāṃ jalapānena 
karturmahatpuṇyaṃ bhavedityapi na, vāpīkūpataṭākādiṣu tatra yadā 
pramādena pateyuḥ paśavastadā �yāvanti paśuromāṇi tāvannarakamṛcchatī�ti 
śravaṇādatra kartuḥ, devālaye suptasya 
śithilatadālayapāṣāṇapatanānmaraṇe brāhmaṇasya devālayakartuḥ, bhoktuḥ 
puruṣasyājīrṇādgalalagnādbalādvā maraṇa mṛṣṭānnadātuḥ, evaṃ 
parigrahīturdhanalubdhairdasyubhirmaraṇe'pi 
mṛtikāraṇībhūtaśastranirmāṇācchastrakarturiva 
dhanavastrādidātustanmaraṇanimittatayā govadhabrahmahatyādipātakaprasa"ngaḥ 
| evaṃ śvetaketukalpitaḥ pātivratyasa"nkalpo mātṛsaṃrakṣaṇāyeti 
sambhavaparvaṇi ekaṣaṣṭhitame'dhyāye kuntīṃpāṇḍurāha-

atha tvimaṃ pravakṣyāmi pūrvaṃ dharmaṃ nibodha me |
purāṇamṛṣibhirdṛṣṭaṃ sarvadharmabhṛtāṃ varaiḥ ||
anāvṛtāḥ kila purā striyaścāsanvarānane |
kāmacārapracāriṇyaḥ svatantrā ścāruhāsini ||
tāsāṃ vyuccaramāṇānāṃ kaumāre subhage patīn |
nāstyardhamastu sa tadā sa hi dharmaḥ sanātanaḥ ||
tañcaiva dharmaṃ dharmajñe tiryagyonigatāḥ prajāḥ |
pālayanti varārohe yathāvadasitekṣaṇe ||
uttareṣvapi rambhoru kuruṣvadyāpi vartate |
strīṇāmanigraho dharmaḥ sa eva hi sanātanaḥ ||

pṛ0 188) nāgnistṛpyati kāṣṭhānāṃ nāpagānāṃ mahodadhiḥ |
nāntakaḥ sarvabhūtānāṃ na puṃsāṃ vāmalocanāḥ ||
evaṃ tṛṣṇāturāṇāñca puruṣaṃ puruṣaṃ prati |
agamyāgamanaṃ strīṇāṃ nāsti nityaṃ śucismite ||
putraṃ vā kila pautraṃ vā kāsāṃcidbhrātaraṃ tathā |
rahasīha naraṃ dṛṣṭvā yonirutsvidyate tadā ||
etatsvābhāvikaṃ strīṇāṃ na nimittakṛtaṃ śubhe || iti ||
kiñca pārāśarasmṛtau-

naṣṭe mṛte pravrajite klībe ca patite patau |
pañcatsvāpatsu nārīṇāṃ patiranyo vidhīyate || iti ||

atra parisaṃkhyā tu na bhavati kintvavaśyavidheyā saiva | kalau 
pārāśarasmṛtiriti kaliyugaviṣayatvenāsya yugāntaraviṣayatvakalpanāyogāt | 
yadyapi śvetaketunā ṛtvatikrameṇānyagamane ādyaprabhṛti hi strīṇāṃ 
bhrūṇahatyāpātakaṃ syādityuktaṃ tadapi tadyuktya"ngīkāra eva, 
bhūyasāmṛtukālānāmatikramaṇadbahvyo bhrūṇahatyāḥ prasajyeran | 
santatyucchedo'pi syāt | śrutyuktasyāpi brāhmaṇālambhanādeḥ parityāgaṃ 
kurvatā śvetaketūktasya parityāge ko doṣaḥ | evaṃ 
munyantaroktānāmarthānāmanācāre'pi na doṣaḥ | na ca ṅaikā dvau patī 
vindata� iti vedavirodha iti vācyaṃ, tasyārthavādatvā"ngīkārāt | anyatra 
śrutāveva gāyatryā ekasyā vasūnāṃ triṣṭubho rudrāṇāṃ jagatyā 
ādityānāmarundhatyā ṛṣīṇāṃ patnītvaśravaṇāt || tathā draupadyāḥ 
pañcapatnītvaṃ svadhāyāḥ pitṛṇāñca patnītvaṃ prasiddham || 
strīmātrasādhāraṇyena somagandharvavahnīnāṃ patnītvaṃ śrūyate | 
evamagamyāgamanavyavasthāpyasamarthajanakalpitaiva-candro gurupatnīṃ, 
viśvāmitro menakāṃ, vasiṣṭho madayantīṃ, dīrghatapāśśūdrāṃ, 
parāśaraḥ satyavatīṃ, vyāsaḥ śūdrāṃ, gatavān | naca 
kalāvevāgamyāgamanaṃ doṣāya na 

pṛ0 189) yugāntara iti vācyam, evaṃ viṣayavyavasthāpako vedo hi na śrūyate 
|| brahmasvāpahāro doṣāyetyapyavicāritaramaṇīyam, purā balinā vāmanāya 
brahmacāriṇe sarvāpi bhūmirdattā, saiva bhūḥ paraśurāmeṇāśvamedhe 
dakṣiṇātvena kaśyapāya dattā, ateva kāśyapīti bhūmernāma prasidhyatīti 
brahmasvāpahāritvaṃ siddham | yasya dravyaṃ tasyaiva phalāya kalpitamiti 
niyamādbhūmau sarvaiḥ kriyamāṇaḥ sarvo'pi dharmaḥ kaśyapasya syāt | na ca 
sā bhūmiḥ kaśyapenānyebhyo dattā, ato na pūrvoktadoṣa iti vācyam, sā kiṃ 
kaśyapena kṣatriyebhyo dattā vā brāhmaṇebhyo vā ? nādyaḥ, kṣatriyāṇāṃ 
pratigrahānarhatvāt | na dvitīyaḥ, brahmasvāpahāratvānapāyena 
pūrvoktadoṣatādavasthyāt || kiñca �brahmasvaṃ putrapautraka� mitivacanād 
brahmasvāpahāratatparāṇāṃ kṣatriyāṇāṃ 
putrapautrādisantativicchedadarśanāt | evaṃ varṇāśramadharmavibhāgo'pi 
mūḍhajanakalpitaḥ | tathāhi- kaśyapaputrādvivasvato 
devaśilpisutāyāmutpanno vaivasvatamanuḥ kathaṃ kṣatriyaḥ syāt ? 
tādṛśamanuvaṃśe jātā haritādayaḥ kathaṃ vā brāhmaṇāḥ syuḥ ? 
vasiṣṭhānmadayantyāmutpanna āśmako nāma rājā kathaṃ vā ajāyata ? 
yayāteḥ kṣatriyādviprakanyāyāṃ devayānyāṃ pratilomajo yadurnāma kathaṃ 
kṣatriyaḥ syāt ? śudrāyāmutpannāḥ kakṣīvadādayo vā kathaṃ 
brāhmaṇāḥ syuḥ ? venākhyasya nṛpasya putrayormadhye kathameko niṣādaḥ, 
anyaḥ pṛthuḥ kṣatriyaḥ kathaṃ vā syāt ? brahmacārī jāmadagnyaḥ 
anadhikāryapi kathamaśvamedhaṃ kṛtavān ? svāgrajasya vivāhābhāve'pyanujo 
bhīmaseno hiḍimbāṃ kathamagrahīt ? viśvāmitraścaṇḍālaṃ triśa"nkuṃ 
kathaṃ vā yajñe nyayojayat | tasmādvarṇāśramavibhāgo'pi nādaraṇīyaḥ | 
loke bahavo niyamāḥ śrūyante | tatrāvahitā api kāṃścin niyamāṃstyajanti, 
sākalyenānuṣṭhātuṃ brahmaṇāpi na śakyate, tasmātpatanamāvaśyakam | 
śūdra eva sādhuḥ | ye keśavena pratāritā jainā bauddhā dhūrtapratāritā 
lokāśca durdhare saṃkaṭe 

pṛ0 190) patitāḥ santo bhaktyā vyarthāni vratāni kurvanti | 
cārvākāṇāmasmākaṃ mate tu naitādṛśo niyamaḥ | anyeṣu mateṣu 
niyamānāṃ bahūnāṃ śravaṇena tadācaraṇābhāve pāpasambhavātpatanameveti 
kadāpi na muktiḥ | asmanmate tu 
tādṛśaniyamābhāvātpāpaprasakterabhāvādanicchato'pi muktirbhavati | 
brāhmaṇādiṣu bhaginīśvaśrūsnuṣājāyāśabdairvyavahartavyāsu strīṣu 
samadarśī lokāyataḥ sthito'nyebhyaḥ samayibhyo viśiṣyate | eteva manunāpi 
�apyakāryaśataṃ kṛtvā bhartavyāḥ strīsutādaya� itivacanena 
svapoṣyastrīsutādibharaṇārthe'pyakāryaśatakaraṇābhyanujñānādātmārthe 
akāryakaraṇaṃ kaimutyanyāyenā siddham || tasmāt yāvajjīvaṃ 
sukhānubhavāya ṛṇaṃ kṛtvāpi sukhaṃ bhoktavyam, na tena 
śarīratyāgānantaraṃ duḥkhaprasaktiḥ sukhaduḥkhānubhoktṛśarīrasya 
bhasmībhūtatvena punarāvṛtyabhāvarūpasya mokṣasya jātatvāt | 
tasmādyāvajjīvamagnihotrānuṣṭhānaṃ, sā"ngavedatrayādhyayanaṃ, 
tridaṇḍādisanyāsavratānuṣṭhānaṃ, bhasmarudrākṣādidhāraṇaṃ 
śvetamṛttikāgopīmalatulasīmaṇidhāraṇādikaṃ, buddhipauruṣahīnānāṃ 
jīvanasādhanasampādanārthameveti siddhamiti |
tadetanmūḍhasammohanamātram | tatrādau dehātmatvamatyantāsambhāvitam | 
śarīrasyaivātmatve bālabhāve dṛṣṭipathamavatīrṇasya padārthasya, 
yauvanadaśāyaṃ yuvabhāve'nubhavapatha"ngatasya, sthavirabhāve smaraṇaṃ 
nodayamāsādayet, śarīrāṇāmupacayāpacayairutpādavināśaśālitayā 
bālādiśarīrāpekṣayā sthaviraśarīrasya ca parasparaṃ bhinnatvāt | na ca 
teṣāṃ parasparaṃ bhinnatve'pi pūrva pūrvaśarīrotpannasaṃskāreṇa 
dvitīyādiśarīreṣu saṃskārotpattyā bālabhāvānubhūtasyānantaraṃ 
yuvabhāvādiṣu smaraṇaṃ sambhavatīti vācyam, anukalamupacayāpacayadarśanena 
pratikṣaṇaṃ bhinneṣu teṣu saṃskārotpatyabhyupagame 
anantasaṃskārakalpanāyāṃ mahadgauravamāpatet || kiñca yadi deha eva ātmā 
tadā bālasya stanyapānādau pravṛttirna syāt, iṣṭasādhanatājñānasya 
pravṛttihetutvena tadānībhiṣṭasādhanatvānubhāvakābhāvāt | na ca 
śarīrabhinnātmavādināṃ bhavatāmapi

pṛ0 191) stanyapānādau pravṛttyupapādanaṃ duṣkaramiti vācyam, 
janmāntarīyānubhavajanyasya jīvaniṣṭhasya saṃskārasyodbodhena 
smṛtirūpeṣṭasādhanatājñānena pravṛttisambhavāt | na caivaṃ tarhi 
janmāntarānubhūtamanyadapi caritaṃ smaryeteti vācyam, 
tatsaṃskārodbodhakābhāvāt | bālasya stanyapānādau tu jīvanādṛṣṭameva 
smṛtibījasyodbodhakaṃ kalpyate | tasmāddehātirikta 
ātmāstītya"ngīkaraṇīyaḥ | asminnarthe gītāvacanaṃ pramāṇam-

vāsāṃsi jīrṇāni yathā vihāya
navāni gṛhṇāti naro'parāṇi |
tathā śarīrāṇi vihāya jīrṇā-
nyanyāni gṛhṇāti navāni dehī || iti ||

na ca pratyakṣātiriktāprāmāṇyama"ngīkurvāṇaṃ nāstikaṃ prati 
śabdaprāmāṇyopapādanaṃ gaganakusume 
saurabhaviśeṣavarṇanamivāsambhāvitamiti vācyam, śabdāprāmāṇyavādinaṃ 
bhavantaṃ pṛchāmo, �bhavadīyaṃ śabdo na pramāṇa�miti vacanaṃ 
pramāṇamapramāṇaṃ vā ? nādyaḥ, yadi pramāṇaṃ tadā śabdaprāmāṇyaṃ 
siddhameva | na dvitīyaḥ, yadi śabdo na pramāṇamiti vacanaṃ na pramāṇaṃ 
tadānīmapi śabdasya prāmāṇyaṃ siddhameva || evamanumānamapi pramāṇam- 
deho nātmā dṛśyatvāt, rūpatvāt, bhautikatvāt | ghaṭādivat | kiñca dehaḥ 
svabhinnadraṣṭṛko dṛśyatvāt, ghaṭavat | ityādyanumānena 
dehānātmakatvasyātmano dehavilakṣaṇasya ca siddhe rdehādanya eva ātmā || na 
ca prāṇendriyādisaṃghāta evātmeti vācyam, 
andhabadhirapa"ngvādāvekaikendriyarahite 
tatsa"nghātābhāvādanātmatvaprasa"ngāt | na ca deho nātmetyādyanumānaṃ na 
pramāṇaṃ bālo'haṃ sthūlo'haṃ kṛśo'hamityādipratyakṣānubhavabādhāditi 
vācyam, bālo'haṃ na yuvā na vṛddhaśca, yuvāhaṃ na bālo na vṛddhaśca, 
vṛddho'haṃ na yuvā na bālaśceti pratyakṣeṇa tasya bādhitatvāt, yo'haṃ 

pṛ0 192) bālye pitarāvanvabhūvaṃ so'haṃ sthāvire naptṛrnanubhavāmīti 
pratyabhijñānācca, 
bālyādyavasthānusyūtadehabhinnātmasiddherdehātmajñānasya bhramatvena 
bādhaucityāt | yadi dehādibhinna ātmā na syāttarhi 
prāguktapratyabhijñānaṃ na syādityanukūlatarkasanāthena 
dṛśyatvādityādisādhanena dehabhinno'nādiranaśvara ātmā sidhyati | yo'haṃ 
purādrākṣaṃ sa evāśrauṣam, sa evāhametarhi smarāmīti 
pratyabhijñānāccendriyasa"nghātasya nātmatvaṃ, anyadṛṣṭaśrute'nyasya 
smaraṇāsambhavāt | tasmā�dannamayādanyo'ntara ātme�ti śruteḥ 
pañcakośavilakṣaṇaścidrūpaḥ sakaladraṣṭātmetyavaśyaṃ vaktavyam || 
�ajño janturanīśo'yamātmanaḥ sukhaduḥkhayoḥ | īśvaraprerito gacchet 
svargaṃ vā śvabhrameva vā� iti vacanādajñānāvṛtaḥ 
sukhaduḥkhayorasvatantraḥ sukṛtaduṣkṛtānurodheneśvarapreraṇādhīnaḥ 
svarganarakasukhaduḥkhānubhavavān janturiti siddham ||
yadapi naṣṭasya jyotiṣṭomādeḥ kathaṃ kālāntarīyaphalahetutvamiti tadasat- 
pūrvānubhavanāśe'pi saṃskāradvārā smaraṇavajjyotiṣṭomādi 
janyādṛṣṭadvārā nikhilapuruṣārthasiddheḥ | svakīyapūrvānubhavasya 
svakīyasmṛtijanakatvavat, svopārjitasatkarmaṇa eva svasya phaladātṛtvam; 
sukhaduḥkhādivaicitryañca karmavaicitryanibandhanam | na ca 
kadācitkramatāmākasmikatvamiti vācyam, hetuviraheṇa ghaṭādyanudayāt, 
saṃskārātprāk smṛtyanudayācca, jyotiṣṭomādyanuṣṭhānāt 
prāksvargānudayaḥ | yadi prāgjaniḥ paścādapi na jāyeta | 
svasmātsvājanirityapi na paurvāparyavirodhaḥ | tasmātkāraṇanirapekṣā 
kāryotpattirityasamañjasam | svabhāvo'pi svasya bhāvaḥ svabhāvaḥ, nahi 
svasmātsvajanisambhavaḥ | yadyanyo hetuḥ karmavaicitryamevaitaditi siddham || 
svabhāvasyaiva hetutve kāraṇavaicitryābhāvātsukhaduḥkhādau sāmānyameva 
syāt, sārvakālikaṃ tadapi vā syāt | tasmādātmanaḥ kādācitkaṃ 
sukhaduḥkhavaicitryaṃ prāṇikarmānurūpameva ||
yadapi �paramātmedaṃ pucchami�tyādivaidikoktereva dehātmavādaḥ sidhyatīti 

pṛ0 193) tadapi na yathā nānārthakagośabdāt bhāskare gopatiśabdaprayogo'pi 
paśugocaro na bhavati yathā mṛdātmā ghaṭa iti svarūpamātre 
prayujyamāno'yamātmaśabdo'gnamayādikośasvarūpavācako'pyantepucchabrahmādini
ṣṭhatvena nirṇīta iti na dehātmaparaḥ | tasmādātmeti kathito'pi deho na 
cetanaḥ ||
yadapyuktaṃ dehabhinnasyātmano'nādisaṃsāre muktirajātā cedagre'pi tathā 
muktirna syāditi tadasat, pūrvaṃ kadāpyanutpannasya 
dehasyotpattivatpūrvamanutpannāyā mukteridānīmutpattisambhavāt | etena 
dehasyotpattivilayavanmukterapyutpattivināśāpatyā dehavināśo muktiriti 
nirastaṃ, apetabandhano vatso mukta iti padaprayogācca mukto mṛta iti nemau 
paryāyaśabdau |
yadapi maraṇakāle pratyakṣeṇa bandhubhirdehādanyo na dṛśyata iti, atredaṃ 
vaktavyam- pratyakṣātiriktānumānapramāṇasyāpalāpāyogāt | 
nacānumānāprāmāṇye vyāghāto hetuḥ, vā"nmātreṇa vyāghātāyogāt | naca 
vyabhicārādvyāghātaḥ, śuktau rajatapratyakṣe'pi 
vyabhicārātprāmāṇyābhāvāt | tasmādadṛṣṭavijñānakaraṇātpramāṇamiti 
nirdoṣakaraṇam | evaṃ śrutirapi svārthe pramāṇameva, etena dhūrtaprakalpito 
veda iti nirastam | brahmaṇaḥ śāstrayonitvasya bhagavatā bādarāyaṇena 
sūtritatvāt || atyantāsatyapyarthe śabdasya jñānajanakatvasvābhāvyasya 
prāmāṇyasyaudārṇakatve siddhe doṣābhāvātprāmāṇyam | ateva 
codanālakṣaṇe dharme vedaprāmāṇyaṃ bhaṭṭācāryaiḥ prapañcenoditam | 
tataḥ, apauruṣeyo'yaṃ vedaḥ, śivādayo'sya smartāro na kartāraḥ | tasya 
prayogahetubhūtavākyārthajñānājanyaśabdatvena apauruṣeyatvam | 
ṅiśvasitametadṛgvedo yajurvedaḥ sāmavedaḥ | tasmādyajñātsarvahutaḥ ṛcaḥ 
sāmāni jajñire |� ityādikamapi smartṛtvamātraparam | 
tādṛśaśāstrayonitvameva bhagavatā bādarāyaṇenāpi sūtritam | yaccoktaṃ 
dhūrtaprakalpito veda iti, pratimanvantaramanya ityādi tanna śivādīnāṃ 
smartṛtvamātrapratipādanā- 

pṛ0 194) tpratimanvantaraṃ vedarāśervidyamānasyaiva tridhā caturdhābhinnasya 
yugānuguṇenādhyayanasidhyarthaṃ vedavyāsādayo'dhikāriṇo maharṣayaḥ 
parameśvaraprasādādvibhajya taṃ prakāśayanti, natūtpādayanti | na cānantā 
vai vedā iti vacanena, āruṇaṃ kāṭhakamiti samākhyayā ca, pratimanvantaraṃ 
vedasyotpattirucyata iti vācyam, sahasradhā sāmaśākhā 
ityādivacanaprāptaśākhābahutvapratipādanaparaṃ natūtpattiparam | 
kāṭhakādisamākhyā tu proktṛpratyayaparā | tathāca svataḥ 
pramāṇamapauruṣo vedo nirmalaḥ, pramāṇāntaranairapekṣyāt | nityatvādeva 
doṣābhāvācca vedānāṃ prāmāṇyaṃ siddham | tena vede 
nāprāmāṇyaśa"nkāvakāśaḥ | tathāca vaktranadhīnatvena prāmāṇye siddhe 
vedasyābhyarhitatvam | pauruṣeye tu pramāṇāntarāpekṣaṃ prāmāṇyam | 
pramāṇāntarābhāve pauruṣeyatvameva neṣyate | apauruṣeyamāpta 
praṇītatvābhāve'pi pramāṇameva | nanvekadeśasaṃvādādvedaprāmāṇyamiti 
buddhārhaduktāgamayorapyekadeśasaṃvādātprāmāṇyamiti cetsatyaṃ, 
kārīryādyekadeśasaṃvādātsarvo vedabhāgaḥ 
pramāṇamityapratipādanādadṛṣṭatvenāpauruṣeyatvena svataḥ 
pramāṇamityabhyarhitatvāt, ekadeśasaṃvādasya prāmāṇyasādhakatvāyogāt, 
anyathā vipralambhakavākyānāmapyekadeśasaṃvādātprāmāṇyāpatteḥ | 
saṃvādārthaṃ vedoktameva kiñcitkiñcidbauddhādāvapyuktam | naca 
bauddhoktameva vedenānūditamiti vācyaṃ, loke ratnākarādeva ratnāni labdhvā 
ratnavanto janā bhavanti, na hyanyato labdhvā ratnākarāḥ syuḥ | tathāca 
sarve samayāḥ vedāṃśāṃśopajīvinaḥ | nahi sanātano vedaḥ 
śrāvakaikāṃśopajīvī asmadādibhiḥ kvāpi sarvajñasyādarśanāt 
bauddhāgamasya sarvajñāptamūlatvaṃ na sambhavati, nacāsīditi kalpanāpi 
nirākaraṇavacchakyate | naca buddhasyāgamanirmāṇātsarvajñatā, 
bauddhāgamayoranyonyāśrayāt | kiñca yo'yamasarvajñaḥ sa tatsarvajñatvaṃ na 
vijānāti, yaḥ sarvajñaḥ sa kenāpi nāvabudhyate, taṃ prati tadvākyānāṃ 
prāmāṇyaṃ na sambhavati | mūlajñāne'nyavākyavadrāgadveṣādirahite 
nirvyāpāratvena vyavasthite vaidike viṣaye upadeśaśca pratibiṃbāhṛte anya-

pṛ0 195) praṇīta eva | cintāmaṇisannidhānādivapuṃsaḥ | sānnidhyamātreṇa 
sarvajñatvam | evamindriyādyapekṣayā jīvasya kevalaṃ jñānaṃ 
sūkṣmātītādiviṣayakajñānañcāgamaṃ vinā na sidhyati | sarvajñena 
vināgamo na sidhyati | etena nityāgamāvabodho nirākṛtaḥ | evaṃ vedānāmeva 
prāmāṇye siddhe varṇāśramācāradharmaniyamādayaśca 
svargāpavargaphaladāḥ | agnāvevāsyāgnihotraṃ hutaṃ bhavatīti 
kāryaśeṣo'rthavādaḥ tathāpi tasya svārthe nātyantamaprāmāṇyam | 
guṇānuvādabhūtārtharūpeṇa traividhyasambhavāt | 
tathācābhiyuktasandarbho'pi- �virodhe guṇavādasyānuvādo'vadhāraṇe | 
bhūtārthavādaśca tathā hyarthavādastridhā mataḥ� || iti || �yathā ādityo 
yūpa� ityādityavatpūtatvaguṇavān yūpa ityarthaḥ | agnirhimasya bheṣajamiti 
lokaprasiddhārthānuvādo vidhyupayogī | medhātitherjahārendra ityādi 
bhūtārthavādaḥ | siddhārthapramitau mantranāmnorapyayaṃ nyāyo yojyaḥ | 
evaṃ kāryaśeṣāṇāṃ prāmāṇyam | ananyaśeṣāṇāṃ vedāntānāntu 
cidātmake paramātmani sārvātmyabodhasyānitarasāpekṣaṃ 
sarvottaraprāmāṇyam | tasmānmantrārthavādānāṃ tadarthapratipādane 
pūrvoktarītyā prāmāṇyaṃ sambhavati | evaṃ yajñāyudhī svargaṃ             
vrajedityatrātmanaḥ śarīradvārā yajñāyudhasambandhaḥ | ātmaśarīrasya 
svargayānavadupacaritārthapratipādakatvena sa"ngacchate |
yaduktamoṣadhibhya ityādi tanna-purandaro vajrahasta ityādinā śruto vigraho 
haviṣāṃ bhoga aiśvaryaṃ prasannatā varapradātṛtā ceti 
devatāyāścarūpapañcakamiti bādarāyaṇādibhiḥ svīkārādoṣadhyā 
abhimānadevatāviṣayakatvena pratipādanāt | aiśvaryayogāddevatānāṃ 
dāhacākṣuṣatvābhāvāt |
yaccoktaṃ ajīrṇādbrāhmaṇabādhe kūpādau paśupatane taddharmakartuḥ 
pāpamityādi tadasat, jalapāne puṇyasmaraṇāt, annadāne 
cātyantasukṛtaśravaṇāt, paśorbrāhmaṇasya vā tena bādhe 
duṣkṛtānāmāmnāyāt, kutarkamātreṇa puṇyapāpe na staḥ | 
patyantarasvīkāraḥ kalau niṣiddho brāhmaṇā-

pṛ0 196) lambhanavat | strīṇāmanigraho mahājanāparigrahāttyājyaḥ, 
gautamenāhalyāśāpāt | bhīṣmeṇāmbā visṛṣṭā, pitṛvākyādrāmo 
jananīṃ jaghāna, devareṇa sutotpattirityādinā teṣāṃ tejoviśeṣeṇa ca 
pratyavāyo nāstīti smaraṇāt | yatkiñcidetat | vyarthahiṃsāyāṃ 
doṣaśravaṇāt hiṃsāpi na kāryā sūtapaurāṇikahatyādoṣopaśāntyarthaṃ 
halino bhūbhramaṇadarśanāt, munisutahatyayā daśarathasya putraśokasmṛteḥ, 
mṛṣāvādena karṇasya jāmadagnyaśāpāt, tathaiva 
dharmasūnornarakadarśanāt, kāmadhenucauryeṇa vasūnāṃ manuṣyayonau 
praveśāt, dattāpahāreṇa nṛgasyāndhakūpe godhātvaprāpteḥ, 
ahalyādharṣaṇenendrasya tejohāneḥ, śacīkāmanayā 
nahuṣasyājagaratvaprāpteḥ, parigraheṇa saubharyādīnāṃ taponāśāt, 
pānavaśena yādavānāṃ yugapanmaraṇāt, atyantastrīsambhogena 
vicitravīryasya rājayakṣmaparigrahāt, dyūtavyasanena pāṇḍavānāṃ 
rājyabhraṃśāt, mṛgayāvyasanena kalmāṣapādasya rākṣasatvaprāpteḥ, 
vedadevadvijanindayā devāpeḥ pātityāt, samayātikrameṇa śantanorga"ngāyāḥ 
parityāgāt draupadīdroheṇa jayadrathasya paribhavadarśanādityādestatra tatra 
purāṇeṣu pratipādanāddhiṃsādikaṃ na kāryamityāstāṃ vistaraḥ |
yaccoktamapyakāryaśataṃ kṛtvā bhartavyetyādi tadasat | avaśyarakṣaṇe 
tātparyāvadhāraṇāt | �āpadyapi ca kaṣṭāyāṃ śūdravṛttiṃ na cāśraye� 
diti niṣedhāt | sarvopāyabhraṣṭasya prāṇātyayo vidhiriti 
cāndrāyaṇādikṛtocchiṣṭakulutthagrahaṇādyupanyāso nirastaḥ | tasmānna 
kāmacāraḥ kartavya iti siddham | ayamatra niṣkarṣaḥ- yajurāraṇyake śatyaṃ 
vada dharmaṃ cara svādhyāyānmā pramadaḥ | ityādiśravaṇāt, kaṭhavalyāṃ 
�yeyaṃ prete vicikitsā manuṣye astītyeke nāyamastīti caike | 
etadvidyāmanuśiṣṭastvayāhaṃ varāṇāmeṣa varastṛtīyaḥ� iti naciketasā 
pṛṣṭena yamena �taṃ durdarśaṃ gūḍhamanupraviṣṭaṃ guhāhitaṃ 
gahvareṣṭhaṃ purāṇam | adhyātmayogādhigamena devaṃ matvā dhīro 
harṣaśokau jahāti || na jāyate mriyate vā vipaścinnāyaṃ kutaścinna 
babhūva

pṛ0 197) kaścit | ajo nityaḥ śāśvato'yaṃ purāṇo na hanyate hanyamāne 
śarīre || avidyāyāmantare vartamānāḥ svayaṃ dhīrāḥ paṇḍitaṃ 
manyamānāḥ | dandramyamāṇāḥ pariyanti mūḍhā andhenaiva nīyamānā 
yathāndhāḥ || na sāṃparāyaḥ pratibhāti bālaṃ pramādyantaṃ vittamohena 
mūḍham | ayaṃ loko nāsti para iti mānī punaḥ punarvaśamāpadyate me ||� 
ityādinā pratipāditatvāt, tathā �agnirjyotirahaḥ śuklaḥ ṣaṇmāsā 
uttarāyaṇam | tatra prayātā gacchanti brahma brahmavido janāḥ || dhūmo 
rātristathā kṛṣṇaḥ ṣaṇmāsā dakṣiṇāyanam | tatra cāndramasaṃ 
jyotiryogī prāpya nivartate ||� iti brahmopāsakānāṃ yogināṃ 
arcirādimārgagamanasya, tathā yāgādisaddharmānuṣṭhānaniṣṭhānāṃ 
dhūmādimārgagamanasya ca etadbhinnānāṃ 
hiṃsāsteyaparadāragamanādyadharmaniratānāṃ 
anekavidhatatkarmānurūpaghoranarakayātanānubhavasya bahuśaḥ 
śrutismṛtipurāṇetihāsādiṣu śrūyamāṇātvāt | ataḥ 
śrutyāgamasmṛtipurāṇetihāsacoditadharmācaraṇaṃ niḥśreyasasādhanaṃ 
tanniṣiddhācaraṇañca sakaladuritasādhana māstheyam | ata etadviruddhaṃ 
lokāyatamataṃ śreyorthibhirna parigrāhyamitisarvamavadātam ||

iti 
śrīmadanādinirañjanaja"ngamāparāvatāratoṇṭadasiddheśvaraprasādāsādita"
sāmbhavāgamāmbodhimathanajanitaniruttaraikottaraśatasthalabhedabhinnaṣaṭsthal
atattvabodhasudhāsvādānandasandohapradāyakācāryavaryaśrīmaritoṇṭadāryavi
racite 
yaḍavamurārikoṭekolāhalaikā"ngivīravairisaptā"ngaharaṇapaścimasamudrādhī
śvaraviśuddhavaidikādvaitasiddhāntapratiṣṭhāpanācāryakeladisadāśivarāya
nāyakavaṃśadugdhārṇavapūrṇacandravīrabhadradharaṇīndradharmapatnīmallām
bāhṛdayānandanabasavavasudhāsa"nkrandanopadeśe vīraśaivānandacandrikāyāṃ 
vādakāṇḍe daśamaṃ prakaraṇam ||

pṛ0 198) vīraśaivānandacandrikāyāṃ
vādakāṇḍe
ekādaśaṃ prakaraṇam ||

he śīlavadvarya bhavadvacobhi-
rlokāyatānāntu mataṃ samagram |
udbhāvanaṃ tatra ca dūṣaṇānā-
mākarṇya vismeramanā abhūvam ||
śrutyāgamaviruddhatvādeva tasya hi dūṣyatā |
bhavatā kalpitā sāstāmanyadāgamamūlakam ||
matamasti kṣitāvarhandevo yasya pravartakaḥ |
yasya sarvajña ityākhyā śivasyaiva tvayāpica ||
likhyate paṭhyate nityamādāvamarakośagā |
tvadāgame yāti samūlabhāvam 
yatastvahiṃsānṛtavarjanādyāḥ |
jināgamoktā bahavo'tha dharmā-
stiṣṭheyurete parataḥ kathaṃ vā ||

pṛ0 199) ityālapannārabhatābhidhātum
bhṛ"ngī kramārdāhatasaugate ca |
rājan śṛṇu tvaṃ prayato'smi hṛṣṭa-
stava bravīmi praṇayātirekāt ||

jaināparaparyāyā ārhatā itthaṃ pratipādayanti | jīvo'jīvaśceti dvau 
padārthau | jīvaścetanaḥ śarīraparimāṇaḥ sāvayavaḥ | 
ajīvaḥ ṣaḍvidhaḥ tatra mahīdharādirekaḥ, 
āsravasaṃvaranirjarabandhamokṣākhyāḥ pañca | āsravatyanena jīvo 
viṣayeṣviti āsrava indriyasa"nghātaḥ | saṃvṛṇoti gṛhṇātīndriyāṇīti 
saṃvaraḥ vivekaḥ | niśśeṣeṇa jīryatyanena kāmakrodhādiriti 
keśolluñchanataptaśilārohāhiṃsāpañcamaladhāraṇamayūrapicchadhāraṇapā.
nipātrabhojananagnatvādikaṃ tapo nirjaraḥ | karmāṣṭakenāpāditā 
janmamaraṇaparamparā bandhaḥ | catvāri ghātikarmāṇi pāpaviśeṣarūpāṇi, 
catvāri cāghātikarmāṇi puṇyaviśeṣarūpāṇi | viśvamevaṃrūpameveti 
nirdhāraṇātmakaṃ jñānamaikāntikam | 
jinoktasnānasantaptapāṣāṇārohaṇādikaṃ dharmo na bhavatīti viparyayo 
viparītajñānam | yāgīyavaidhapaśuhiṃsādikaṃ dharma iti 
jñānamājñānikam | sarvāṇyapi darśanāni samānānīti vijñānaṃ 
vainayikam | etāni pañca bandhasādhanāni | śraddhājñānavadbhiḥ sādhubhiḥ 
kriyamāṇo hiṃsādiparityāgādiniyamaḥ samyakcāritram | tatvārthaviṣayiṇī 
śraddhā samyagdarśanam | tatvārthayathārthajñānaṃ samyagjñānam | 
etattrayaṃ mokṣasādhanam | etadeva ratnatrayamityucyate | 
āsravaśabditasyendriyasa"nghātasya nirodhaḥ   saṃvaraḥ, tasya hetuḥ 
samyagguptiḥ | sā tridhā manoguptiḥ, vacoguptiḥ, kāyaguptiśceti | evaṃ 
guptyā pravṛttīnāṃ nigrahe sati saṃvaro jāyate | saṃvarācca nirjaro 
jāyate | sa dvividhaḥ, svataḥ paripākajanyaḥ akāle'pi 
tapassāmarthyajanyaśceti | evametādṛśanirjareṇa 
pūrvoktakarmāṣṭakajanitabandhanivṛttau satyāṃ nigīrṇa- 

pṛ0 200) niśśeṣapūrvasañcitakarmaṇa ātmanaḥ svataḥ 
paripakvatapanātapasamparkasphuṭaderaṇḍaphalādvimuktakośotpatadbījavadūrdhv
agamanena svātmyasampatirmokṣaḥ || anantajñānānantaguṇādhāraḥ 
paramātmābhidheyaḥ, prayojanañca 
vyavahāreṇa ṣaḍdravyapañcāstikāyasaptatatvanavapadārthamokṣamārgasvarūpa
parijñānam | niścayena ca 
nijanirañjanaśuddhātmasaṃvittisamutpannanirvikāraparamānandaikalakṣaṇasukha
amṛtāsvādarūpa svasaṃvedanajñānam | paramaniścayena ca tatphalarūpā 
kevalātmajñānānantaguṇāvinābhūtanijātmopādānasiddhāntasukhāvāptiḥ | 
pratyakṣānumānāgamābhidhānāni bhagavatpādairarhatparameṣṭhibhiḥ 
pratyapādiṣata | asti ca paralokaḥ || acyutādyāḥ 
preraṇāntāḥ ṣoḍaśoparyupari vartamānāḥ svargāḥ | tadupari vimānāni 
trīṇi | tadupari ca jyotirmayī mokṣaśilā | tatra khalu vimuktajīvākāro 
bhagavān 
dānaśīlakṣāntivīryadhyānaśāntibalopāyapraṇidhānajñānarūpadaśabalavi
lasito 
divyacakṣurdivyaśrotrapūrvanivāsānusmṛtiparacittajñānāsravakṣayardhirūpa
ṣaḍabhijñāsadhrīcīnaḥ sakalalokajetṛmāravijayī 
śrīmadācāryopādhyāyasādhuparameṣṭhī vibudhatarumadhyapārijāto 
dedīpyate | ta ete saptapadārthāḥ saptabha"ngīrūpeṇa nyāyena 
vyavasthāpyante | syādasti,           syānnāsti, syādasti ca nāsti ca, 
syādavaktavyaḥ, syādasticāvaktavyaśca, syānnāsticāvaktavyaśca, syādasti 
ca nāsticāvaktavyaśceti saptabha"ngīnayaḥ | asyāyamarthaḥ syācchabda 
īṣadarthavācī ti"nantapratirūpako nipātaḥ | prativādino hi caturvidhāḥ- 
sadvādinaḥ, asadvādinaḥ, sadasadvādinaḥ, anirvacanīyavādinaśceti | te 
punarapyanirvacanīyamatena miśritāni sadabhimānāni matānyādāya 
sadanirvacanīyavādinaḥ, asadanirvacanīyavādinaḥ, 
sadasadanirvacanīyavādinaśceti trividhāḥ | tānetānsaptavidhānvādinaḥ 
prati saptavidhāḥ prayoktavyāḥ sadvādī samāgatyārhataṃ prati kintvanmate 
mokṣo'stīti pṛcchati, tatrārhata uttaraṃ brate syādastīti; asadvādinaṃ 
prati syānnāstīti; 

pṛ0 201) sadasadvādinaṃ prati syādasti nāsticeti; anirvacanīyavādinaṃ prati 
syādavaktavya iti; sadanirvacanīyavādinaṃ prati syādasti cāvaktavyaśceti; 
asadanirvacanīyavādinaṃ prati syānnāsti cāvaktavyaśceti; | 
sadasadanirvacanīyavādinaṃ prati syādasti ca nāsti ca vaktavyaśceti tāvatā 
vādinaḥ sarve niviṇṇāḥ santo nottaraṃ pratipadyante | ato'sya 
saptabha"ngīrūpasya sādhakanyāyasya sadbhāvājjīvādīnāṃ 
saptapadārthānāṃ siddhiḥ | 
tasmādasmanmatamavyāhatamanubandhacatuṣṭayasatvādādartavyamiti || 
ityārhatānāṃ siddhāntapaddhatiḥ ||
muktakacchā aruṇāmbarā bāhyāstitvavādino bauddhāstu pratyakṣānumāne dve 
pramāṇe | bāhya ābhyantaraśceti dvau samudāyau, tatra bāhyo 
bhūgirinadīsamudrādiḥ, āntaraścittacaittātmakaḥ | 
tadetatsamudāyadvayamevāśeṣaṃ jagat | tatra bāhyasamudāyasya paramāṇavaḥ 
kāraṇaṃ; te ca paramāṇavaścaturvidhāḥ | kecitkharāḥ pārthivākhyāḥ; 
apare snigdhāḥ āpyākhyāḥ; anye coṣṇāstaijasākhyāḥ, anye ceraṇātmakā 
vāyavīyāḥ | tebhyaścaturvidhebhyaḥ paramāṇubhyo yugapatpuñjībhūtebhyo 
bāhyaḥ samudāyo jāyate | antarasya ca samudāyasya skandhapañcakaṃ kāraṇam 
| rūpaskandho, vijñānaskandho, vedanāskandhaḥ, saṃjñāskandhaḥ, 
saṃskāraskandhaśceti pañcaskandhāḥ | tatra cittena nirūpyamāṇāḥ 
śabdasparśādayo rūpaskandhaḥ; tadabhivyaktirvijñānaskandhaḥ; 
tajjanyaduḥkhaṃ vedanāskandhaḥ; devadattādināmadheyaṃ saṃjñāskandhaḥ; 
eteṣāṃ vāsanā saṃskāraskandhaḥ | tebhyaḥ pañcabhyaḥ skandhebhyaḥ 
puñjībhūtebhya āntarasamudāyo jāyate | eteṣu skandheṣu ātmaśabdaḥ 
pragīyate | vastutaḥ kṣaṇikasvaprakāśālayasaṃvidākāra eva ātmā | 
kṣaṇikā eva sarve bhāvāḥ | cakṣurāyatana-śrotrāyatana-ghrāṇāyatana-
jihvāyatana-kāyāyatana-mana āyatana-rūpāyatana-śabdāyatana-gandhāyatana-     
rasāyatana-sparśāyatana-dharmāyatanarūpāṇi dvāyaśāyatanāni | 
dehendriyabuddhayaḥ kṣaṇikāḥ; tatra pramāṇam-

pṛ0 202) kṣāṇādūrdhvaṃ na tiṣṭhanti śarīrendriyabuddhayaḥ |
dīpārciriva vartante skandhāḥ kṣaṇavilambinaḥ ||
pratyakṣaṃ jāyate cittaṃ jātaṃ jātaṃ praṇaśyati |
naṣṭaṃ nāvartate kintu jāyate ca punaḥ punaḥ ||
adhikārānuguṇyena bauddhaśāstraṃ caturvidham |
pratyakṣagamyaṃ bāhyārthaṃ bauddhassautrāntiko'bravīt ||
budhyākārānumeyārtho bāhyo vaibhāṣikoditaḥ |
buddhimātraṃ vadatyatra yogācāro na cāparam ||
na sannāsanna sadasanna cobhābhyāṃ vilakṣaṇam |
catuṣkoṭivinirmuktaṃ tatvaṃ mādhyamikā viduḥ || iti ||

samagraiśvaryadharmayaśaḥ śrīvairāgyamokṣarūpabhagālayaḥ sarvajño buddho 
mokṣasādhanaṃ śāstraṃ praṇītavān | tadidaṃ śāstraṃ parigrāhyamiti || 
iti bauddhānāṃ vedāgamaviruddhānāṃ mataprakriyā ||

ityevaṃ bhṛ"ngiṇā proktamārhataṃ saugataṃ matam |
ākarṇya śīlavān sarvaṃ nirākartuṃ pracakrame ||
bhṛ"nginnidaṃ madvacanaṃ nidhehi 
citte sakṛttena samāhitaḥ syāḥ |
sāmyaṃ bhavetkiṃ vada nīlakaṇṭha-
padoktayoścandrakicandramaulyoḥ ||
ārhataṃ matamihādimamantyam
saugataṃ matamiti kramato dve |
yuktibhistu nigamāgamayugbhi-
rdūṣayāmi paribhāvaya citte ||

pṛ0 203) ityūciṣā śīlavatā sabhāyām
samya"nnirākartumudīritāni |
vākyāni tāvatkumataṃ vadāmi 
rājan śṛṇu tvaṃ viniveśya citte ||

atrācakṣmahe nāyamabhyupagamo yukta iti kutaḥ, �ekasminnasambhavāt� 
nahyekasmin dharmiṇi yugapatsadasattvādiviruddhadharmasamāveśaḥ sambhavati 
śītoṣṇavat | ya ete sapta padārthā nirdhāritā etā vanta evaṃ rūpāśceti 
te tathaiva vā syuḥ, naiva vā tathā syuḥ | itarathā hi tathā vā syuratathā 
vetyanirdhāritarūpaṃ jñānaṃ saṃśayajñānavadapramāṇameva syāt | 
nanvanekātmakaṃ vastviti nirdhāritarūpameva jñānamutpadyamānaṃ 
saṃśayajñānavannāpramāṇaṃ bhavitumarhati | neti brūmaḥ | nira"nkuśaṃ 
hyanekāntatvaṃ sarvavastuṣu pratijānānasya nirdhāraṇasyāpi 
vastutvāviśeṣāt syādasti 
syānnāstītyādivikalpopanipātādanirdhāraṇātmakataiva syāt | evaṃ 
nirdhārayiturnirdhāraṇaphalasya ca syātpakṣe'stitā, syācca pakṣe nāstitā 
ca | evaṃ sati kathaṃ pramāṇabhūtaḥ san tīrthakaraḥ 
pramāṇaprameyapramātṛpramitiṣvanirdhāritāsūpadeṣṭuṃ śaknuyāt ? kathaṃ 
vā tadabhiprāyānusāriṇastadupadiṣṭe'rthe'nirdhāritarūpe pravarteran ? 
aikāntikaphalatvanirdhāraṇe hi sati tatsādhanānuṣṭhānāya sarvo 
loko'nākulaḥ pravartate, nānyathā | ataścānirdhāritārthaṃ śāstraṃ 
praṇayanmattonmattavadanupādeyavacanaḥ syāt; tathā pañcānāmastikāyānāṃ 
pañcatvasa"nkhyāsti vā nāsti veti vikalpyamānā syāttāvadetasminpakṣe, 
pakṣāntare tu na syādityato nyūnasa"nkhyatvamadhikasa"nkhyatvaṃ vā 
prāpnuyāt | na caiṣāṃ padārthānāmavaktavyatvaṃ sambhavati | 
avaktavyāścennocyeran | ucyante cāvaktavyaśceti vipratiṣiddham | 
ucyamānāśca tathaivāvadhāryante nāvadhāryanta iti ca | tathā 
tadavadhāraṇaphalaṃ samyagdarśanamasti vā nāsti vā | evaṃ 
tadviparītamasamyagdarśanamapyasti vā

pṛ0 204) nāsti veti pralapanmattonmattapakṣasyaiva 
syānnapratyāyayitavyapakṣasya | svargāpavargayośca pakṣe bhāvaḥ, pakṣe 
cābhāvaḥ | tathā pakṣe nityatā, pakṣe cānityatetyanavadhāraṇāyāṃ 
pravṛttyanupapattiḥ | anādisiddhajīvaprabhṛtīnāṃ ca 
svaśāstrāvadhṛtasvabhāvānāmayathāvadhṛtatvaprasa"ngaḥ | evaṃ jīvādiṣu 
padārtheṣvekasmin dharmiṇi sattvāsattvayorviruddhadharmayorasambhavāt, satve 
caikasmin dharma asatvasya dharmāntarasyābhāvādasatve caivaṃ 
satvasyāsambhavādasa"ngatamidamārhataṃ matam | 
etenaikānekanityānityavyatiriktāvyatiriktādyanekāntābhyupagamā nirākṛtā 
mantavyāḥ | yaccoktaṃ padārthau dvāvityuktvā tatrādyaścetano jīvaḥ 
śarīraparimāṇaḥ śarīrādvyatirikta iti tadatyantāsa"ngatam | jīvasya 
śarīraparimāṇatve śarīravanmadhyamaparimāṇavatve sāvayavatvāt | 
yatsāvayavaṃ tadanityamiti vyāptyā anityatvāpatteḥ | naceṣṭāpattiḥ 
kṛtahānākṛtābhyāgamaprasa"ngāt | kiñca karmavaicitryeṇa 
gajādiśarīrapraviṣṭasyātmanastatparimāṇavataḥ 
pipīlikādisūkṣmaśarīreṣu praveśo na syāt | nanu yanmadhyamaparimāṇavat 
tatsāvayavamityatra niyāmakābhāvādaprayojako heturiti cenna, yadi 
sāvayavatvaṃ na syāttarhi madhyamaparimāṇavatvaṃ na  syāt, yathā ākāśa 
iti vipakṣe bādhakatarkasya jāgarūkatvāt | kiñca ekasminnapi janmani 
jīvānāṃ sāvayavānāmanantāvayavā"ngikāreṇa kaumāre teṣāmavayavānāṃ 
sa"nkocaḥ kalpanīyaḥ syāt, yauvane ca pūrvaṃ sa"nkucitānāṃ 
jīvāvayavānāṃ vikāsaḥ kalpanīyaḥ syāt | sa"nkacitānāṃ 
jivāvayavānāṃ śarīramātraparicchinnānāmānantyaṃ notprekṣituṃ śakyam | 
athaikasmin janmaviparyāyeṇa bṛhaccharīrapratipattau kecijjīvāvayavā 
upagacchanti, tanuśarīrapratipattau ca kecidapagacchantīti cenna jīvasya 
vikāritvāpatteḥ | 
avayavopagamāpagamābhyāmaniśamāpūryāmāṇe'pakṣīyamāṇe ca jīve 
vikriyāvatvasyāparihāryatvāt | na ceṣṭāpattiḥ, carmavadanityatvaprasa"ngāt 
| naca tatrāpīṣṭāpattiriti vācyam, bandhamokṣābhyupagamo hi bādhyet | 
karmāṣṭakapariveṣṭitasya jīvasyālābuvatsaṃsāra-

pṛ0 205) sāgare nimagnasya bandhanocchedādūrdhvagāmitvaṃ bhavati | 
kiñcānyat | 
āgacchatāmapagacchatāñcāvayavānāmāgamātyayā"ngīkārādapāyadharmavatvā
devānātmatvaṃ śarīravat | tataścāvasthitaḥ kaścidavayava ātmeti syāt | 
naca sa nirūpayituṃ śakyate'yamasāviti | kiñcānyat | āgacchanto 
jīvāvayavāḥ kutaḥ prādurbhavanti, apagacchantaśca kva līyanta iti vaktavyam 
| nahi bhūtebhyaḥ prādurbhaveyurbhūteṣu ca vilīyeran, abhautikatvājjīvasya 
| nāpi kaścidanyaḥ sādhāraṇo'sādhāraṇo jīvānāmavayavādhāro 
nirūpyate, pramāṇābhāvat | kiñcānyat | anavadhṛtasvarūpaścaivaṃ 
satyātmā syāt | āgacchatāmapagacchatāñcāvayavānāmaniyataparimāṇavatvāt 
| ata evamādidoṣaprasa"ngānnaparyāyeṇāpyavayavopagamāpagamāvātmana 
āśrayituṃ śakyate | apica antyasya mokṣāvasthābhāvino jīvaparimāṇasya 
nityatvamiṣyate jainaiḥ, 
tadvatpūrvayorapyādyamadhyamayorjīvaparimāṇayornityatvaprasa"ngādaviśeṣapra
sa"ngaḥ syāt | ekaśarīraparimāṇataiva 
syānnopacitāpacitaśarīrāntaraprāptiḥ | athavāntyasya 
jīvaparimāṇasyāvasthitatvātpūrvayorapyavasthitayoravasthitaparimāṇa eva 
jīvaḥ syāt, tataścāviśeṣeṇa sarvadaivāṇurvā mahānvā 
jīvo'bhyupagantavyo na śarīra parimāṇaḥ | ataśca saugatavadārhatamapi 
mataṃ asa"ngatamityupekṣitavyam ||
evaṃ saugatamatamapi nopapadyate | kimaṇūnāṃ skandhānāṃ sa"nghātotpattau 
nimittabhūtaścetanaḥ kimanyo'sti, kiṃ vā paramāṇavaḥ svayameva saṃhanyante 
? ādye'pi sacetanaḥ sthāyī vā kṣaṇiko vā ? 
sthāyitvā"ngīkāre'pasiddhāntaḥ | sarveṣāṃ bhāvānāṃ 
kṣaṇikatvā"ngīkāreṇa sthāyitvāna"ngīkārāt | kṣaṇikatve prathamaṃ 
svayamalabdhātmakaḥ paścātsa"nghātotpattiṃ karotīti vaktumaśakyam | 
dvitīyatve cetanāḥ skandhāḥ aṇavaśca niyāmakaṃ cetanamantareṇa 
pratiniyatākāreṇa kathaṃ saṃhanyantām | tasmānnayuktaṃ samudāyadvayam | 
kiñca sarveṣāṃ bhāvānāṃ kṣaṇikatvamiti yaduktaṃ tadatyantāsa"ngataṃ, 
mānābhāvāt | na tāvatpratyakṣaṃ so'yaṃ devadatta iti 

pṛ0 206) pratyabhijñāvirodhāt | naca seyaṃ dīpajvālā, saiveyaṃ 
gurjarītivajjātyabhedamātraviṣayatvena vyaktyaikyāsiddhau tasyā 
apramāṇatvamiti vācyam, tarhi tajjātīyo'yamiti pratītiḥ syāt | yo'yaṃ 
pāṭaliputre nagare dṛṣṭo devadattastameva māhiṣmatyāṃ paśyāmīti 
vyaktyālambanaṃ pratyabhijñānaṃ syāt | kāladeśayorvyaktāveva 
sākṣātsambaddhatvena jātestathāvidhasambandhasyābhāvāt | kiñca 
pratyabhijñā yadi jātyālambanetyucyate tadā tvanmate jāterapi kṣaṇikatvena 
pratyabhijñāyā upapattikalpanamatyantāsa"ngataṃ syāt | nāpyanumānam, 
tadvyāpyali"ngābhāvāt | nāpiśabdaḥ, bhavanmatarītyā tasyāpi 
kṣaṇikatvenāvasthānāsambhavena pramāṇatvasyātyantāsambhāvitatvāt | 
tasmātsaugatamataṃ śāstralokānubhavaviruddhamiti vidvajjanai 
rvaidikairanādaraṇiyamevetyāstāṃ vistaraḥ ||

iti 
śrīmadanādinirañjanaja"ngamāparāvatāratoṇṭadasiddheśvaraprasādāsādita"
sāmbhavāgamāmbhodhimathanajanitaniruttaraikottaraśatasthalabhedabhinna ṣaṭsth
alasudhāsvādānandasandohapradāyakācāryavaryaśrīmaritoṇṭadāryaviracite 
yaḍavamurārikoṭekolāhalaikā"ngivīravairisaptā"ngaharaṇapaścimasamudrādhī
śvaraviśuddhavaidikādvaitasiddhāntapratiṣṭhāpanācārya keladi 
sadāśivarāyanāyakavaṃśadugdhārṇavapūrṇacandravīrabhadradharaṇīndradhar
mapatnīmallāmbāhṛdayānandanabasavavasudhāsakrandanopadaśe 
vīraśaivānandacandrikāyāṃ vādakāṇḍe arhata saugatamataprakriyā 
tannirākaraṇanāmaikādaśaṃ prakaraṇam ||

pṛ0 207) vīraśaivānandacandrikāyāṃ
vādakāṇḍe
dvādaśaṃ prakaraṇam ||

anantaraṃ guro kiṃ vā prakrāntaṃ bhṛ"ngiṇā tadā |
kiṃ vā śīlavatā tatra samyaguttaritaṃ vada ||
svaśemuṣīnirjitanirjarendra 
guruprabhūtapratibhāviśeṣa |
rājannidhehīdamaśeṣameva 
citte tadāścaryarasaṃ vidhatte ||
nigamāgamapaddhaterviruddham 
bhavatītyeva hi dūṣitaṃ mataṃ prāk |
bhavatā''rhatasaugatābhidhānam
na tavābhīṣṭamanena siddhimeti ||
adhunāmatamanyadīrayāmi
śrutibodhyārthavicāraṇānukūlam |
ayi śīlavadagratassara tvam 
bhava saṃśrutya ciraṃ pramodamānaḥ ||

pṛ0 208) iti bhṛ"ngivareṇa sapramodam 
dhuri mīmāṃsakasammataṃ mataṃ yat |
upapāditamatra dūṣaṇaṃ ya-
dracitaṃ śīlavatā bravīti tattat ||

athāto dharmajijñāsā | pramāṇasvarūpasādhanaphalairdharmo 
vicāraṇīyatvena pratijñātaḥ | tatra pramāṇāni 
codanārthavādamantranāmadheyāni | codanāpratipādyo'rtha iti dharmalakṣaṇam 
| tatra codanā �jyotiṣṭomena svargakāmo yajete� 
tyevamādirli"ngaloṭtavyapratyayātmakaḥ || arthavādaścaturvidhaḥ-nindā 
praśaṃsā parakṛtiḥ purākalpaśca | tatra nindā- �jartilayavāgvā juhuyāt, 
gavīdhukayavāgvā juhuyāt� iti vākya vihitasya jartilayavāgūhomasya, �atha 
khalvāhuḥ- anāhutirvai jartilā gavīdhukāśce� tyanāhutitvavacanam | anayā 
nindayā ajakṣīrahomasya prāśastyaṃ pratipādyate || praśaṃsā- �vāyurvai 
kṣepiṣṭhā devatā� ityevamādi, kṣipradevatāsādhyakaṃ karma kṣiprameva 
phalaṃ dāsyatīti prāśastya pratipādakam || pūrvaṃ vihitasya 
vāyudevatākayāgasya �iti ha smāha vaṭkurvāṣṇirmāṣānme pacate�ti 
parakṛtiḥ | �prācīnavaṃśakarotītye� vamādiḥ 
purākalpo'nuṣṭheyārthasmārakaḥ | �imāmagṛbhṇan raśanāmṛtasya� 
ityevamādirmantraḥ | vājapeyena śyenenetyevamādiḥ karma nāmadheyam | evaṃ 
śrutipramāṇaṃ caturvidham | smṛtipramāṇaṃ dvividham-dharmaśāstrātmakaṃ 
prayoganirṇāyakañca; mānavādismṛtirdharmaśāstram, śikṣākalpavyā- 
karaṇādiḥ śabdanirṇāyakaḥ | ācāro dvividhaḥ- śabdaprayogācāraḥ, 
arthaprayogācāraśceti | tatra prathamo vyākaraṇabodhāyattaḥ 
suśabdaprayogaḥ, dvitīyastu vasantotsavādirdharmaśāstraviruddhaḥ | evaṃ 
dharmapramāṇāni pratipāditāni ||
tatra pramāṇābhāsā 
jainabauddhacārvākāgamapāñcarātrapāśupataśāktakaulavāmādayaḥ || nanu 
pāñcarātrapāśupatādīnāṃ pramāṇatvena kaiścicchiṣṭaira"ngīkṛtatvena 

pṛ0 209) pramāṇābhāsatvaṃ kathaṃ, tadvihitācārasya 
kaiścicchiṣṭairanuṣṭhīyamānatvācceti cenna, teṣāṃ 
dharmaśāstrapurāṇādiṣu ninditatvenāpramāṇatvāt | taduktaṃ 
kūrmapurāṇe-

kāpālaṃ pāñcarātrañca yāmalaṃ vāmamārhatam |
evaṃvidhāni cānyāni mohanārthāni tāni tu ||
evaṃ śāstrānuyogena mohayantīha mānavān |
māyāniṣṭhāni śāstrāṇi mohāyaiṣāṃ bhavāntare ||

parāśaropapurāṇe-

pāñcarātraṃ praśaṃsanti kecidbhāgavataṃ mune |
kecicchāktaṃ praśaṃsanti kecidvāmaṃ tathaiva ca ||
anyāni yāni śāstrāṇi viruddhāni mahāmune |
svataḥ pramāṇabhūtena vedenākṛtakena vai ||
tānyeva śraddhayā yuktāḥ parigṛhya dvijātayaḥ |
ācaranti mahāpāpā yugānte samupasthite ||

brahmavaivarteca-

viḍbhakṣāścaiva ye kecitkapālakṛtabhūṣaṇāḥ |
śaivāḥ pāśupatāścānye pāñcarātrāstathāpare ||
tathā'nye ca durātmānaḥ sarve'pyasuradaivatāḥ |
pāśabdena trayīdharmo jagataḥ pālanānmataḥ ||
taṃ khaṇḍayanti yasmātte pākhaṇḍāstena hetunā |

sūtasaṃhitāyāñca-

pāñcarātrādimārgāṇāṃ vedamūlatvamāstikāḥ |
nahi svatantrāstenaite bhrāntimūlanibandhanāḥ ||

pṛ0 210) tatraiva sthalāntare-

vāmapāśupatādīnāmaśrautānāṃ parigrahaḥ |
pāñcarātrādayaścāpi jñānānutpattikāraṇam ||

tathaiva kaurme sthalāntare-

vāmapāśupatācārāstathā vai pāñcarātrakāḥ |
bhaviṣyanti kalau tasmin brāhmaṇāḥ kṣatriyāstathā ||
jñāne karmaṇyuparate loke niṣkriyatāṃ gate |
kīṭamūṣikasarpāśca darśayiṣyanti mānavān ||

ityevamādīni parassahasraṃ vacanāni vidyante, vistarabhayānneha likhyante | 
pūrvottaramīmāṃsārītyā ca pāñcarātrādikamapramāṇam | taduktaṃ 
bhaṭṭācāyairvirodhādhikaraṇe �yānyetāni trayīvidbhirna parigṛhītāni 
kiñcittanmiśradharmacchāyāpatitāni 
lokopasaṃgrahapūjālābhakhyātiprayojanaparāṇi trayīviparītāni 
dṛṣṭaśobhādiphalāni 
pratyakṣānumānopamānārthāpattiprāyayuktimūlopanibaddhāni 
pāñcarātrapāśupataśākyanirgandhādiparigṛhītadharmādharmanibandhanāni 
puruṣacikitsāvaśīkaraṇoccāṭanonmādanādisamarthakatipayamantrauṣadhādikā
dācitkasiddhinidarśanabalena 
ahiṃsāsatyavacanaśamadamadayādānādiśrutismṛtisaṃvādistokārthagandhavāsi
tajīvikāprāyārthāntaropadeśīni, yāni ca bāhyāni 
mlecchācāramiśrakubhojanācaraṇanibandhanāni, 
teṣāmevaitacchṛtihetudarśanābhyāmanapekṣaṇīyatvaṃ pratipādyate | yadi 
hānādareṇaiṣāṃ na sādhyetāpramāṇatā | aśakyaiveti matvānye bhaveyuḥ 
samadṛṣṭayaḥ || śobhāsaukaryahetūktikalikālavaśena ca | 
yaccoktapaśuhiṃsādityāgabhrāntimavāpnuyuḥ | trayīmārgasya siddhasya ye 
hyatyantavirodhinaḥ | anirākṛtya tān sarvān dharmaśuddhirna labhyate ||� iti 
||
nanu śrutismṛtiviruddhapāñcarātrādīnāmaprāmāṇye'pyaviruddhāṃśe 
prāmā-

pṛ0 211) ṇyamastviticet | śhiṣṭākope'viruddhamiticet� iti sūtrārtha 
ākṣepaḥ | tatrottaram ṅa śāstraparimāṇatvā�diti | śāstrasya 
parimitatvādityarthaḥ || tathāhi- �a"ngāni vedāścatvāro mīmāṃsā 
nyāyavistaraḥ | purāṇaṃ dharmaśāstrañca vidyā hyetāścaturdaśa ||� iti 
śāstrasya parimitatvapratipādanāt || nahi yenakenacitpramito dharmaḥ phalaṃ 
dāsyati, kintu vedatanmūlasmṛtitadupabṛṃhaṇapurāṇatada"ngapramito dharmaḥ 
| tasmāt śamadamādikaṃ śrutismṛtyaviruddhaṃ tatra sthitamapi śunaka 
bhastrikākṣiptakṣīravadanupabhogyamavisrambhaṇīyañca | 
ahiṃsāsatyavacanādiṣu lokavikhyāteṣu dharmeṣvapi vidhānasamaye 
manvādivākyamudāhṛtyaiva dharmavidhānaṃ kāryam | na 
tvidānīntanaracitapratisaṃskṛtaiḥ | 
taduktamācāryaiḥ-

pratikañcukarūpeṇa pūrvaśāstrārthagocaram |
yadanyatkriyate tasya dharmaṃ pratyapramāṇatā || iti ||

tasmādvīramāheśvaramatasya �amṛtasya devadhāraṇo bhūyāsam | pavitrante 
vitataṃ brahmaṇaspate | namo brahmaṇe dhāraṇaṃ me'stu |� ityādi 
śrutisiddhatvāt, pāśupatānantarbhūtatvācca pramāṇavatvameva, natu 
pramāṇābhāsagocaratvam | tasmāt prathamādhyāyasya pramāṇavicāraparatvam 
||
dvitīyādhyāyasya tu, dharmabhedaviṣayakatvaṃ | tathāhi- 
śabdāntarābhyāsasa"nkhyāguṇasaṃjñāprakaraṇāntarādīnāṃ 
dharmasvarūpabhedasiddhikārakatvam | tatra �yajati, dadāti, juhotī�tyatra 
śabdāntarātkarmabhedasiddhiḥ | śamidho yajati tanūnapātaṃ yajatī� 
tyādāvabhyāsātkarmabhedaḥ | �tisra āhutīrjuhotī� tyādau sa"nkhyayā 
karmabhedaḥ | śā vaiśvadevyāmikṣe� tyādau guṇātkarmabhedaḥ | �athaiṣa 
jyotiḥ, athaiṣa viśvajyoti� rityādau saṃjñayā karmabhedaḥ | 
�māsamagnihotraṃ juhotī� tyādau prakaraṇāntarātkarmabhedaḥ | evaṃ 
dvitīyādhyāyasya karmabhedapratipādakatvamuktam |

pṛ0 212) tṛtīyādhyāyasya śeṣatvapratipādakatvamucyate | tathāhi- 
śrutili"ngavākyaprakaraṇasthānasamākhyānāṃ śeṣatāyāṃ pramāṇatvam | 
�aindryā gārhapatyamupatiṣṭhata� ityādau śrutyā 
gārhapatyopasthānaśeṣatvam | �bhakṣehimāviśe� tyādau śomasya tṛpyatu� iti 
paryantaṃ mantrasya li"ngavaśena grahaṇāvekṣaṇabhakṣaṇeṣu viniyogaḥ | 
�prajāpatirvaruṇāyāśvamanaya�dityādau ekavākyatayā 
dāturiṣṭikartavyatānirṇayaḥ | prayājānuyājājyabhāgādīnāṃ 
prakaraṇena darśapūrṇamāsayorviniyogaḥ | �ubhāvāmindrāgnī� 
ityevamādīnāṃ mantrāṇāṃ krameṇa 
sthānasādeśyalakṣaṇenaindryāgnyeṣṭyādiṣu viniyogaḥ | agnicayanasannidhau 
vidyamānānāṃ �indrāya rājñe sūkara� ityevamādīnāṃ samantrakāṇāṃ 
karmaṇāṃ aśvamedhā"ngatvamāśvamedhikamiti samākhyayā | evaṃ 
tṛtīyādhyāyaviṣayaḥ ||
caturthādhyāyaviṣayastvevam- prathamaṃ kratvarthapuruṣārthavicāraḥ 
prayuktivivekāya kriyate | dravyārjananiyamaḥ | nekṣetodyantamādityamiti 
niyamaḥ | paśunā yajetetyatra paśugataitatvam | ete kratvarthāḥ, 
puruṣārthāveti vicāraḥ | tataḥ �tapte payasi dadhyānayati, sā 
vaiśvadevyāmikṣāvājibhyo vājina� mityādau prayojakatvāprayojakatvavicāraḥ 
| tataḥ �yasya varṇamayī juhūrbhavati na sa pāpaṃ ślokaṃ śṛṇoti� 
ityādau phalavidhyarthavādavicāraḥ | tataḥ �rājasūyena yajeta, 
vājapeyeneṣṭvā bṛhaspatisavena yajete�tyādau 
kālārthā"ngapradhānavicāraḥ | evaṃ caturthādhyāyavicāraḥ ||
anantaraṃ pañcamādhyāye kramavicāraḥ kriyate | prathamaṃ 
śrutikramavicāraḥ �adhvaryurgṛhapatiṃ dīkṣāyitvā brahmāṇaṃ 
dīkṣayatī� tyādau | tato'rthakramavicāraḥ, �agnihotraṃ juhoti, yavāgūṃ 
pacatī� tyādau | tataḥ pāṭhakramavicāraḥ śamidho yajatī�tyevamādyau | 
pravṛttikramaḥ prājāpatyapaśau | mukhyakramaḥ 
prathamamauṣadhatantrapravṛttiḥ | tataḥ śrutyarthapāṭhapravṛttiḥ | 
mukhyādīnāṃ kramapramāṇānāṃ prābalyadaurbalyavicāraḥ | evaṃ 
pañcamādhyāyaḥ ||

pṛ0 213) tataḥ ṣaṣṭhādhyāya evam- prathamaṃ 
devatirya"nmanuṣyādhikāravicāraḥ, tato niṣādasatrayāgādhikāravicāraḥ, 
tato nityanaimittikakāmyādhikāravicāraḥ, paścāt 
pratinidhyadhikāravicāraḥ, paścādabhyudayeṣṭyadhikāravicāraḥ, 
paścādapacchedanimittakādhikāraḥ, tataḥ sārasvatasatrādyadhikāraḥ, tato 
viśvajidadhikāraḥ | evaṃ ṣaṣṭhādhyāyena adhikāravicāraḥ kṛtaḥ ||
sāmānyātideśaḥ saptamādhyāyārthaḥ | prathamaṃ 
pāriplavavicāro'"ngānāṃ, tataḥ �etadbrāhmaṇānyeva pañcahavīṃṣī� 
tyevamādau vidhyatideśaḥ, tataḥ kāryamukhena a"ngātideśaḥ | evaṃ 
saptamādhyāyaḥ ||
aṣṭamādhyāyavicāraḥ- viśeṣātideśaḥ prathamam, sauryayāgādīnāṃ 
darśapūrṇamāsaprakṛtitvavicāraḥ, paśośca tato'gnīṣomīyasya 
savanīyapaśuprakṛtitvaṃ | savanīyasya paśvaikādaśinīprakṛtitvam | 
paśvekādaśinyāḥ paśugaṇaprakṛtitvam | avyaktadevatākānāṃ yāgānāṃ 
somaprakṛtitvam | somasyātirātravājapeyādidvādaśāhādiyāgaprakṛtitvam | 
dvādaśāho dvividhaḥ, ahīnaḥ satrayāgaśca | ekakartṛko bahusutyākaśca, 
bahuyajamānako'nekasutyākaśca | dvirātratrirātrādīnāṃ 
ahīnadvādaśāhaprakṛtitvam | satrāṇāñca satradvādaśāhaprakṛtitvam | 
saṃvatsarasādhyānāṃ kratūnāṃ kuṇḍapāyināmayanādīnāṃ 
gavāmayanaprakṛtitvam | paśūnāṃ sarveṣāṃ sānnāyyavikāratvaṃ | 
ekadevatākānāṃ yāgānāṃ, āgneyavikāratvaṃ | dvidevatānāṃ 
agniṣomīyavikāratvam | evamaṣṭamādhyāyaprameyam ||
atha navamādhyāyaviṣaya ucyate | 
ulūkhalamusaladṛṣadupalavrīhyādiśabdānāṃ 
apūrvasādhanalakṣaṇā"ngīkāraḥ | anantaraṃ devatā"ngatvavicāraḥ | 
tato'vahananādyūhavicāraḥ | tato dvitīyapāde sāmohavicāraḥ | tato adhrig 
praiṣohavicāraḥ | evaṃ navamodhyāyaḥ ||
tato daśamādhyāyavicāraḥ- ādau kāryamukhena padārthātideśaḥ | tataḥ 
kṛṣṇalacarāvavahanananivṛttiḥ | svayaṃ dine barhiṣi lavananivṛttiḥ | 
śharamayaṃ barhi rbhavatī�tyādau kuśabādhaḥ | gṛhamedhīyādau codakapari-

pṛ0 214) lopādājyabhāgavyatiriktā"ngabādhaḥ | anantaraṃ 
caturthyantaśabdaviśiṣṭārthasya devatātvam | tato nañarthavicāraḥ | tataḥ 
paryudāsapratiṣedhaśca, nahi nindānyāyaḥ, sāmānyaviśeṣanyāyaḥ | evaṃ 
daśamādhyāyaḥ ||
tata ekādaśe tantravicāraḥ | tantratvaṃ anekapradhānoddeśena 
sakṛda"ngānuṣṭhānam ||
tato dvādaśe prasa"ngavicāraḥ | prasa"ngonāma 
pradhānoddeśānuṣṭhitānāmārādupakārakā"ngānāṃ 
pradhānatantramadhyapatitā"ngānuddeśena kṛtānāmapi tadupakārakatvam || 
evaṃ dvādaśādhyāyarūpiṇī mīmāṃsā leśato nirūpitā ||
tatra devatādhikaraṇaṃ vinā anyeṣāṃ 
śrutismṛtipurāṇavākyārthanirṇāyakatvena sarvavādisammatatve'pi, 
śabdavidyāyāṃ sphoṭavāda iva devatācaitānyāṃśe'ti viruddhā mīmāṃsā 
|| evaṃ khalu teṣāṃ tātparyam- śabdaviśiṣṭārtho devatā, 
caturthyantaśabda eva devateti | idamatyantamayuktam | tathāhi- �jagṛhāte 
dakṣiṇamindrahastam, vajrahastaḥ purandaraḥ, sahasrākṣo 
gotrabhidvajrabāhuḥ, tribhirdevaistridaśatā, vajrabāhurjaghānavṛtram, viduro 
vavāre�tyādau cetanatvena spaṣṭatayā pratīyamānatvāt | �ghṛtapratīko 
ghṛtayoniredhivṛṣo'gniḥ samidhyate | aśvo na devavāhanaḥ� ityādau 
cetanatvenāgneḥ sphuraṇābhāvāccetanatve prāmāṇyaṃ nāstīti na ca 
vācyaṃ, kvacidevaṃ satyapi �catvāri śṛ"ngā strayo 'sya pādā� ityādau 
pādaśīrṣahastānāṃ cetanāsādhāraṇadharmāṇāṃ samyagbālānāmapi 
jñāyamānatvāddevatācaitanyamastyeva | kiñca ṅamo hiraṇyabāhave 
hiraṇyavarṇāya hiraṇyarūpāya hiraṇyapataye'mbikāpataya umāpataye 
paśupataye namonamaḥ ||� itimantre śa tasminnevākāśe striyamājagāma 
bahuśobhamānāmumāṃ haimavatīm� iti spaṣṭaṃ kenopaniṣadā 
himavatputrītvena strītvena pratipāditāyā umāyāḥ patyuḥ śivasya 
cetanatvena tatrāpi puṃstvena jñāyamānasya ṅamo rudrāya mīḍhuṣe� iti 
mantrāntare dayālutvenāpi vedyamānasya kathamacetanatvaṃ vaktuṃ śakyam | na 
ca 

pṛ0 215) upaniṣanmantrasyopāsanārthasākāradevatāparatve'pi 
karmā"ngamantrāṇāṃ tathātvaṃ nāstīti vācyam, karmā"ngabhūtasyaiva 
śatarudrīyasya �daridraṃ nīlalohitaḥ | nīlagrīvo vilohitaḥ� ityādau mantre 
cetanaparatvena sphuṭaṃ darśanāt | na ca śabdātiriktadevatā"ngīkāre 
�ī"nkārāya svāhā dadbhyaḥ svāhā | hanūbhyāṃ svāhe�tyādāvapi 
śabdātiriktadevatā"ngīkārāpattiritivācyaṃ, 
bādhakavaśātkvacittada"ngīkāre'pi sarvatra tathā"ngīkāre pramāṇābhāvāt 
| anyathā �āgneyīṃ kṛṣṇagrivīṃ� ityādau strīpaśorālambhanaṃ na syāt 
| nadīkādambinīkhaṭvāvīthītyādau strīli"ngasyā vivakṣitatvena 
prakṛte'pi tathaivā"ngīkārasyāvaśyakatvāt | siṃhaḥ siṃhī kukkuṭaḥ 
kukkuṭītyādau "nībādibhiḥ pratyayaiḥ strītvādirbodhito'stīti 
strīpaśoreva yadyālambha ityucyate tarhi prakṛte'pi dīyatāṃ dṛṣṭiḥ | 
kiñcaikatvadvitvabahutvasa"nkhyānāmapi vibhaktyā pratipādanaṃ na syāt, 
dārā ityādau vyabhicārāt | tasmāt kvacidbādhakāpāditasyārthasya 
abādhitasthala'pya"ngīkartavyatāstīti mūrkhapralapitameva | ata ī"nkārāya 
svāhetyādau devatābhāve'pi �vajrahastaḥ purandara� ityādau 
cetanadevatāsiddhau bādhakaṃ nāstyeva | na ca devatācaitanyā"ngīkāre 
�agnirvaiśvānaro vahni� rityamarakośe agnirvaiśvānarādiśabdānāṃ 
paryāyeṇa pāṭhāt, āgneyapuroḍāśayāge- vaiśvānarāyedaṃ na 
mametītyādya"ngīkārāpattiḥ, śabdabhede'pyarthasyaikatvāditi vācyaṃ, 
atiriktadevatā"ngīkārapakṣa'pi śabdaviśiṣṭasyaiva devatātvena 
atiprasa"ngānavakāśāt | nanu mantrasyānuṣṭheyārthasmaraṇadvārā 
kratva"ngasyākratuvidhāyakaprayogavidhyekavākyatāpannasvavidhāyakavākyasya 
svopakṛtapradhānayāgatātparyakasya devatācaitanye'pi tātparye sati 
tātparyabhedaprayuktavākyabhedaḥ pradhānavidheḥ syāditicenna, iṣṭatvāt | 
naca vākyabhedo doṣāvaha iti vācyam, vidhyāvṛttirūpavākyabhedasyaiva 
doṣāvahatvāt | tathāhi- vākyabhedo dvividhaḥ- 
vidhyāvṛttiprayuktastātparyabhedaprayuktaśca | gṛhaṃ sammārṣṭītyādau 
gṛhamuddiśya sammārjanavidhāne gṛhagataikatvasyāpi 

pṛ0 216) vidhānasyāvaśyakatvādvidhyāvṛttyaiva dvayorvidhānāt, 
dviruccāraṇaṃ doṣāvahaṃ bhavati | tātparyabhede tu 
vākyasyāvṛttirnāstyeva | tadyathā- �yadāgneyo'ṣṭākapālo'māvasyāyāñca 
paurṇamāsyāñcācyuto bhavatī� tyatra 
dravyadevatākālaviśiṣṭayāgavidhya"ngīkāre sati viśiṣṭatātparyakasya 
vidherviśeṣaṇeṣvapi tātparyāt, tātparyabhede'pi vidhidviruccāraṇaṃ nāsti 
| evamihāpya"ngavidhisahitaprayogavidhera"ngabhūtasya mantrasya śabdarūpasya 
svārthe tātparye'pi na vidhyāvṛttidoṣaḥ ||
nanu devatāyāścaitanyā"ngīkāre tasyā rājavatsvataḥ pradhānatvāt, 
dravyavadyāganirvartakatvena tada"ngatvaṃ nasyāditi cenna, yajamānasya phalopa 
bhoktuḥ sarvapradhānasyāpi yajeteti vidhinā sakartṛtvenākṣiptasya 
svanirvartanasamarthasya yathā kratva"ngatvamevamihāpi sambhavati ||
nanva"ngatvaṃ yatrāsti na tatra pradhānatvaṃ yathā prayājādīnāṃ, yatra 
pradhānatvaṃ na tatrā"ngatvaṃ yathā somayāgasyeti kathamatra dvayamapi 
viruddhama"ngīkriyata iti cenna, vikalpāsahatvāt | tathāhi- anyapratipādanasya 
tadanyaṃ pratya"ngatvaṃ nāstīti kimucyate, uta yaṃ prati pradhānatvaṃ taṃ 
pratya"ngatvaṃ nāstīti ? ādye jyotiṣṭomayāge vyabhicāraḥ, 
dīkṣaṇīyādikaṃ prati pradhānasyāpi phalaṃ pratya"ngatvāt | na dvitīyaḥ, 
sviṣṭakṛtpaśupuroḍāśāntyaprayājādiṣu vyabhicārāt, 
sviṣṭakṛdyāgasyāgneyāgnīṣomīyānantaraṃ kriyamāṇasya pradhānayāge 
kṛte 
taddeśasa"nkaṭatākartṛsthalāntaraprāsanāpekṣiśiṣṭahavirvyayarūpapratipa
ttikaratvena havira"ngasyāpi yāgarūpatvena yāgarūpasya 
śiṣṭadravyanirvartyatvena pradhānatvañcāsti || tathaiva 
paśupuroḍāśasyāpi �yaddaivatyaḥ paśustadvai tato bhavati� iti vacanena 
paśudevatāsmaraṇakāritvena paśudevatā guṇasyāpi yāgamātrasya 
devatānirvartyatvenāpi pradhānatvamapyasti tathaivottamaprayājasyāpi 
śvāhā'gniṃ svāhā soma� miti mantravaśena devatāsmaraṇadvārā 
devatārthatvena tadgaṇatve'pi yāgamātrasya devatā nirvartyatvanyāyena 
pradhānatvamapyasti | idaṃ sarvamapi �āśrayiṣvaviśe- 

pṛ0 217) ṣaṇabhāvo'rthaḥ pratīyete� tyadhikaraṇe caturthādhyāye spaṣṭam 
| tasmātpramāṇavaśena viruddhasyāpya"ngīkārasambhavāt, atra devatāyāḥ 
pradhānatve'pi yāgaṃ prati guṇatvama"ngīkriyata iti na kopi virodho bhavati | 
nanu devatācaitanyā"ngīkāre'pi tasya pradhānatvaṃ katham | guṇatvameva 
yāganirvartakatvena avaśyaṃ vaktavyamiti cenna | cetanatvasiddhivelāyāmeva 
pradhānatvasyāpi siddhatvāt | yāgādikantu karmā"ngameva | tadyathā-loke 
bhṛtyasevādikaṃ pradhānarājaprasādakāritvena rājārthaṃ, 
tadvadyāgādikaṃ karmadevatāprasādadvārā devatārtham | naca śabdagamye'rthe 
pramāṇaṃ vinā lokadṛṣṭāntena siddhiḥ kathamiti vācyam, �tṛpta 
evainamindraḥ prajayā paśubhistarpayati, ghṛtaṃ pītvā madhu cāru gavyam, 
piteva putramabhirakṣatādima� mityādimantrārthavādānāmanekeṣāṃ 
pramāṇāṃ vidyamānatvāt, �kva karma pradhvastaṃ phalati 
puruṣārādhanamṛte� ityādikānāṃ purāṇavacanānāñca satvāt | kiñca 
prasanno'sya paśupatiḥ putro'sya samutpanna iti lokavyavahārādapi 
devatāprasādasya phalajanakatvam | mantravarṇo'pīmamarthamāha 
�mīḍhvastokāya tanayāya mṛḍaye� ti | asyārthaḥ- mīḍhvannitivaktavye 
�miha= secana� iti dhātormīḍhva iti chāndasaṃ     rūpam | mīḍhvaḥ- 
dayārdra he śiva, tokāya tanayāya putrarūpāpatyāyetyarthaḥ | �apatyaṃ 
tokaṃ tayoḥ same | ātmajastanayaḥ sṛnu� rityapyamaraḥ | mṛḍaya-sukhaya | 
�mṛḍa= sukhana� iti dhātorṇijantasya loṭi parasmaipadī madhyamapuruṣaḥ | 
dayāvan, pumprajotpādanena asmān ānandayetyarthaḥ | karmaṇā janitasya 
parameśvaraprasādasyaiva putraphalajanakatvam | natu kevalaṃ jaḍasya karmaṇaḥ 
| devagrāmo'yaṃ devakṣetramiti vyapadeśādapi devatāyāṃ pradhāna tvam, natu 
guṇatvam | yāganirvartakatvena guṇatvamapyadhikam, tāvatā na 
pradhānatvahānirdevatāyāḥ ||
nanu devatācaitanyā"ngīkāre bahuṣu sthaleṣu yāgeṣu kriyamāṇeṣvindrādi 
devatānāṃ pratyekaṃ pratyekamekarūpāṇāṃ yugapadāhvāne sati kathaṃ 
viruddhaṃ gamanaṃ sambhavatīti cenna, 
svasvatapoviśeṣāśvamedhādikratuviśeṣā-

pṛ0 218) nuṣṭhānasampāditaparameśvaraprasādānāṃ 
tajjanitaniratiśayaiśvaryāṇāṃ yugapadanekakāyavyūhasambandhasambhavena 
yugapadanekasthaleṣu gamanasyāpi sambhavānna virodhaḥ | athavā 
yugapadanekabhaṭakartṛkanamaskāroddeśyatvamekasyaiva rājño loke dṛṣṭam, 
tadvadekaikakāyaparigṛhītṛrṇāṃ 
devānāmanekakartṛkayāgoddeśyatvasambhavānna virodhaḥ | tatsarvaṃ �virodhaḥ 
karmaṃṇīti cenna, anekapratipatterdarśanāt� ityuttaratantre devatādhikaraṇe 
evamevākṣipya samāhitam | tasmāddevatācaitanyaṃ nāstītivacanaṃ svargasya 
niratiśayasukhatvavacanavanniryuktikaṃ bahupramāṇaviruddhañca | svargasya 
niratiśayaprītiviṣayatvaṃ kathaṃ viruddhamiticenna, �iṣṭāpūrtaṃ 
manyamānā variṣṭaṃ nānyachreyo vedayante pramūḍhāḥ | nākasya pṛṣṭhe 
sukṛte te'nubhūtvā imaṃ lokaṃ hīnataraṃ vā viśanti || tasmin 
yāvatsampātamuṣitvā yathaitamevādhvānaṃ punarnivartanta� ityādi 
śrutiparyālocanayā śvarge'pi pātabhītasya śatākṣṇo nāsti nirvṛtiḥ | te 
taṃ bhuktvā svargalokaṃ śiśālaṃ kṣīṇe puṇye martyalokaṃ viśantī� 
tyādismṛtiparyālocanayā ca svargasukhasya svānubhavānantaraṃ 
saṃsārasukhavadanarthahetorniratiśayaprītiviṣayatvaṃ kathaṃ sambhavati ? na 
caitatsukhāpekṣayā atiśayasukhasatve pramāṇā bhāvādidameva 
sukhamanantaraṃ sopadravamapi svānubhavavelāyāmatiśayitatayā 
anubhavitṛrṇāṃ bhāsamānatvānniratiśayamityucyata iti vācyam, 
vikalpāsahatvāt | kimetadadhikasukhe pramāṇaṃ nāstītīdaṃ 
niratiśayasukhamityucyate, kiṃvā'nubhavitṛrṇāṃ tathā bhāsamānamiti ? 
ādye daharādividyāphalasyāpunarāvṛtyādyanekābhīṣṭarūpasya satve 
pramāṇānāṃ bahūnāṃ vidyamānatvātsvargasya nirātaśayatvahāniḥ || 
tathāhi- �atha yadi pitṛlokakāmo bhavati sa"nkalpādevāsya pitaraḥ 
samuttiṣṭhanti, tena pitṛlokena sampanno mahīyate� ityuktvānantaramevameva 
�atha yadi mātṛlokakāmo bhavati, bhrātṛlokakāmo bhavati, svasṛloka kāmo 
bhavati, strīlokakāmo bhavati, sakhilokakāmo bhavati, gandha-

pṛ0 219) mālyalokakāmo bhavati, gītavāditralokakāmo bhavatī� tyuktvā tasya 
tasyānantaraṃ saṃkalpādevāsya mātaraḥ samuttiṣṭhantītyādikamuktvā tena 
mātṛlokenasampanno mahīyata ityādikaṃ phalaṃ chāndogye pratipādyate | 
punaśca tatraiva �yaṃ yaṃ kāmamabhikāmo bhavati, yaṃ janapadamayaṃ 
kṣetrabhāgaṃ so'sya sa"nkalpādeva samuttiṣṭhati, tena sampanno mahīyate | sa 
ekadhā bhavati tridhā bhavati caturdhā pañcadhāṣṭadhā navadhā, 
tadairammadīyaṃ sarastadaśvatthaḥ somasavanastatadaparājitā pūrbrahmaṇaḥ 
prabhuvimitaṃ hiraṇmayaṃ | tatpuruṣo mānavaḥ | sa enāṃ brahma gamayati, 
naca punarāvartate, naca punarāvartata� iti mahatsvātantryaṃ, 
tajjanmānubhūtanaṣṭapitṛmātṛsvasṛbhrātṛputrabhāryāsakhisamāgamaḥ, 
anekakāyavyūhaparigrahasāmarthyaṃ, manodhyāteṣṭaprāptiḥ, 
sveṣṭadeśasañcāraḥ, sopāsyeśvarasārūpyam, tatsamīpāvasthānam, 
tadvatsṛṣṭisāmarthyamapunarāvṛttiścetyādyatyadbhutasukhāvāptau 
pramāṇasatvena tatsukhamapekṣya tasya svargarūpasukhasya sukhatvasyaiva 
vaktumaśakyatvāt | na dvitīyaḥ, pāmakaṣaṇajanyasukhānāṃ 
niratiśayasukhatvāpatteḥ, tadanubhūtikāle pāmakaṣaṇasukhasya 
niratiśayatvenaivānubhūyamānatvāt | tasmātsvargasya niratiśayatvavādo 
bālasammohaka ityupekṣaṇīya iti  sarvaṃ samañjasam ||

iti 
śrīmadanādinirañjanaja"ngamāparāvatāratoṇṭadasiddheśvaraprasādāsādita"
sāmbhavāgamāmbhodhimathanajanitaniruttaraikottaraśatasthalabhedabhinnaṣaṭstha
lasudhāsvādānandasandohapradāyakācāryavaryamaritoṇṭadāryaviracite 
yaḍavamurārikoṭekolāhalaikā"ngivīravairisaptā"ngaharaṇapaścimasamudrādhī
śvaraviśuddhavaidikādvaitasiddhāntapratiṣṭhāpanācāryakeladisadāśivarāya
nāyakavaṃśadugdhārṇavapūrṇacandravīrabhadradharaṇīndradharmapatnīmallām
bāhṛdayānandabasavavasudhāsa"nkrandanopadeśe vīraśaivānandacandrikāyāṃ 
vādakāṇḍe mīmāṃsakamatanirūpaṇatannirākaraṇaprakāro nāma dvādaśaṃ 
prakaraṇam ||

pṛ0 220) vīraśaivānandacandrikāyāṃ
vādakāṇḍe
trayodaśaṃ prakaraṇam ||

tataḥ kiṃ bhṛ"ngiṇā'rabdhaṃ sabhāyāṃ tatra sadguro |
kimuttaraṃ tadā'dāyi tena śīlāvatā vada ||
rājannaśeṣavidyābdhi saṃvardhanakalānidhe |
idamākarṇaya śrīman bhṛ"ngiśīlavato rvacaḥ ||
mīmāṃsakamataṃ śrautamapi yuktyā pramāṇataḥ |
dūṣitaṃ tāvatā naiva bhavatpakṣavyavasthitiḥ ||
matamanyatpravakṣyāmi smṛtyarthāśrayasa"ngatam |
avyaktakartṛtāvādi śṛṇu śīlavadagraga ||
iti bhṛ"ngīvarārabdhaṃ sabhāyāṃ kāpilaṃ matam |
dūṣaṇaṃ śīlavatproktaṃ vadāmi sakalaṃ kramāt ||

kāpilāḥ punarevamupavarṇayanti-

avyaktaṃ buddhirahaṃkāro rūparasagandhasparśaśabdākhyāni 
pañcatanmātrāṇi ceti prakṛtayaḥ | ghaṭapaṭādivannavyajyata ityavyaktamiti 
vyutpatyā �anādi madhyaṃ mahataḥ paraṃ dhruvaṃ pradhānametatpravadanti 
sūrayaḥ� |

pṛ0 221) kiñca śūkṣmaṃ li"ngamacetanamanādinidhanaṃ tathā prasavadharmi | 
niravayavamekameva hi sādhāraṇametadavyakta� miti | etadevāvyaktaṃ pradhānaṃ 
brahmabahudhānakamakṣaraṃ kṣetraṃ tamaḥ prasūnamiti 
paryāyaśabdairabhidhīyate | buddhistvevamevametannānyathā gaurevāyaṃ 
nāśvaḥ, sthāṇurevāyaṃ na puruṣa ityadhyavasāyātmikā | adhyavasāyāttu 
gavādiṣu pravattiḥ | asyā buddherdharmo jñānaṃ vairāgyamaiśvaryamiti 
sātvikāni catvāri rūpāṇi; adharmo'jñānamavairāgyamanaiśvaryamiti 
tāmasāni catvāri rūpāṇītyevamaṣṭau rūpāṇi | 
śrutismṛtiśiṣṭācārāviruddhaḥ śubhalakṣaṇo'dharmaviparyayo dharmaḥ | 
tatvabhāvabhūtānāṃ samyagbodhaḥ śabdādiviṣayeṣu prasaktirajñāna 
viparyayo jñānam | vairāgyaṃ rāgaviparyayaḥ | aṇimādyaṣṭaguṇā 
anaiśvarya viparyaya aiśvaryam | 
śrutismṛtiśiṣṭācāraviruddho'śubhalakṣaṇo dharma viparyayo'dharmaḥ | 
tatvabhāvabhūtānāmanavabodho jñānaviparyayo'jñānam | śabdādiṣu 
viṣayeṣvabhiṣa"ngo vairāgyaviparyayo'vairāgyam | 
aṇimādirāhityamaiśvaryaviparyayo'naiśvaryam | 
dharmajñānavairāgyaiśvaryanimittaiḥ krameṇordhvagamanaṃ 
mokṣapravṛttivilayo'pratihatagatiśca, adharmādibhiradhogatiśca phalāni 
bhavanti | evaṃ buddheraṣṭau rūpāṇi mano    matirbuddhiḥ khyātiḥ prajñā 
dhṛtiḥ prajñānamiti paryāyaśabdairvyavahriyante | ahamākarṇaye'haṃ 
rūpaye'haṃ rasaye'haṃ jighrāmyahaṃ spṛśāmyasau mayā hata 
ityevamādyabhimāno'haṃkāra ityucyate | avaikārikastaijaso bhūtādiriti 
paryāyaśabdairahaṃkāra evābhidhīyate | śabdatanmātraṃ sparśatanmātraṃ 
rūpatanmātraṃ rasatanmātraṃ gandhatanmātraṃ ceti tanmātrāṇi | tatra 
śabdatanmātrācchabdasāmānyopalabdhiḥ | 
natūdāttānudāttasvaritakampitaṣaḍjarṣabhagāndhārādiśabdaviśeṣopalabdhi
ḥ | tathā sparśatanmātrasparśasāmānyopalabdhiḥ, natu 
mṛdukaṭhinaśītoṣṇādisparśaviśeṣopalabdhiḥ | tathā 
rūpatanmātrādrūpasāmānyopalambhaḥ, natu 
śuklakṛṣṇaharitapītādirūpaviśeṣopalambhaḥ | tathā 
rasatanmātrādrasasāmānyopalambhaḥ, natu kaṭutiktādirasaviśeṣopalambhaḥ | 
gandhatanmātrādgandhasāmānyapratipattiḥ, 

pṛ0 222) natu surabhitvāsurabhitvarūpagandhaviśeṣapratipattiḥ | tanmātrāṇi 
viśeṣāṇi mahābhūtaprakṛtayaḥ bhogyānyaṇava iti 
paryāyaśabdarvyavahriyante | evamavyaktabudhyaha"nkāratanmātrasaṃjñitā 
aṣṭau prakṛtaya upapāditāḥ || atha śrotraṃ tvakcakṣuṣī jihvā ghrāṇaṃ 
vākpāṇipādapāyūpasthaṃ manaścetyekādaśendriyāṇi | 
pṛthivyaptejovāyvākāśākhyāni mahābhūtāni ceti ṣoḍaśavikārāḥ | 
śabdasparśarūparasagandhāḥ śrotrādīnāṃ pañcānāmindriyāṇāṃ 
viṣayāḥ | vacanādānagamanavisargānandā vāgādīnāṃ karmendriyāṇāṃ 
pañcānāṃ viṣayāḥ | manasassa"nkalpavikalpādayo viṣayāḥ | indriyāṇi 
karaṇāni vaikārikāṇi khāni niyatāni padāni ārayaḥ akṣāṇīti 
paryāyaśabdairvyavahriyante | dhāraṇabhāvena pravartamānā 
svetarabhūtacatuṣṭayopakāriṇī 
śabdasparśarūparasagandhākhyapañcaguṇayuktā pṛthivī; sa"ngahabhāvena 
pravartamānāḥ svetarabhūtacatuṣṭayopakāriṇyaḥ 
śabdasparśarūparasākhyacaturguṇayuktā āpaḥ; pācakabhāvena pravartamānaṃ 
svānyabhūtacatuṣṭayopakārakaṃ śabdasparśarūparasākhyaguṇatrayayuktaṃ 
tejaḥ; vāhakabhāvena pravartamānaḥ svātiriktabhūtacatuṣṭayopakārakaḥ 
śabdasparśavānvāyuḥ; avakāśadānena pravartamānaḥ 
svātiriktabhūtacatuṣṭayopakartā śabdaikaguṇavānākāśaḥ | bhūtāni 
viśeṣā vikārā ākṛtayastanavo vigrahāḥ śāntā ghorā mūḍhā iti 
paryāyaśabdairvyavahriyante | ityevaṃ ṣoḍaśa vikārāḥ | anādiḥ sūkṣmaḥ 
sarvagataḥ cetano nirguṇo nityo draṣṭā bhoktā kartā 
kṣetravidamalo'prasavadharmā ca purātanatvātpuriśayanātpurohitavṛttitvācca 
puruṣa ityucyate | ādimadhyāntaśūnyatvādanādiḥ | 
niravayavatvādatīndriyatvācca sūkṣmaḥ | sarvaṃ prāptamanena, asya gamyaṃ 
nāstītyataśca sarvagataḥ | sukhaduḥkhamohopalabdhimatvāccetanaḥ | 
satvarajastamāṃsyasminna santītyato nirguṇaḥ | 
akṛtakatvādanutpādyatvāccanityaḥ | prakṛtivikārānupalabhata iti draṣṭā | 
cetanabhāvātsukhaduḥkha vijñānācca bhoktā | 
udāsīnatvādaguṇatvāccākartā | kṣetraṃ svaguṇagataṃ vettīti kṣetrebhyo 
guṇagataṃ vettīti vā kṣetravit | śubhāśubhakarmāsya 

pṛ0 223) nāstītyamalaḥ | nirbījatvānna kiñcidutpādayatītyaprasavadharmā | 
evameṣaḥ sā"nkhyapuruṣa ātmā pumān bahulo janturjīvaḥ kṣetrajño naraḥ 
kavirbrahmākṣaraḥ prāṇo'ja ityādiparyāyaśabdairvyahriyate | evamaṣṭau 
prakṛtayaḥ ṣoḍaśavikārāḥ puruṣaśceti pañcaviṃśatitatvāni | 
tathācoktaṃ sāmpradāyikaiḥ-

mūlaprakṛtiravikṛtirmahadādyāḥ prakṛtivikṛtayaḥ sapta |
ṣoḍaśakaśca vikāro na prakṛtirna vikṛtiḥ puruṣaḥ || iti ||
pañcaviṃśatitatvajño yatrakutrāśrame rataḥ |
muṇḍī jaṭī śikhī vāpi mucyate nātra saṃśayaḥ || iti ca ||

etasya puruṣasya yadi kartṛtvaṃ tadā śubhānyeva kuryāt, nāśubhāni 
karmāṇi | nāsminvṛttitrayaṃ dṛśyate, kintu prakṛtiguṇānāmeva 
satvarajastamasāṃ carācarakartṛtvaṃ siddham || tadāhuḥ sampradāyavidaḥ-

dharmākhyaṃ sāhityaṃ yamaniyamaniṣevaṇaṃ prasa"nkhyānam |
jñānaiśvaryavirāgāḥ prakāśanaṃ sātvikī vṛttiḥ ||
rāgaḥ krodho lobhaḥ paraparivādo'tiraudratātuṣṭiḥ |
vikṛtākṛtipāruṣyaṃ prakhyātaiṣā rajo vṛttiḥ ||
unmādamadaviṣādā nāstikyaṃ strīprasa"ngitā nidrā |
ālasyaṃ nairghṛṇyaṃ tvaśaucamiti tāmasī vṛttiḥ ||
atastvakartā puruṣaḥ samīritaḥ 
pravartamānaḥ prakṛterimānguṇān |
rajastamobhyāṃ viparītadarśanā-
daha"nkaromītyabudho'bhimanyate || iti ||

pṛ0 224) tṛṇakubjīkaraṇāsamartho'pi sarvañcedaṃ 
mayākṛtamitivadannabhimānādabuddha unmattavadbhavati | bhavati cātrāgamaḥ-

prakṛteḥ kriyamāṇāni guṇaiḥ karmāṇi sarvaśaḥ |
aha"nkāravimūḍhātmā kartāhamiti manyate ||
anāditvānnirguṇatvāt paramātmāyamavyayaḥ |
śarīrastho'pi kaunteya na karoti na lipyate ||
prakṛtyaiva ca karmāṇi kriyamāṇāni sarvaśaḥ |
yaḥ paśyati tathātmānamakartāraṃ sa paśyati || iti ||

sukhaduḥkhamohasa"nkaraviśuddhikaraṇaniyamajanmamaraṇānāṃ 
nānātvāllokāśramavarṇabhedācca bahavaḥ puruṣāḥ | yadyekaḥ puruṣaḥ 
syādekasmin sukhini sarve sukhinaḥ syuḥ, ekasmin duḥkhini sarve duḥkhinaḥ 
syuḥ, ekasmin mūḍhe sarve mūḍhāḥ syuḥ, ekasmin sa"nkīrṇe sarve 
saṃkīrṇāḥ syuḥ, ekasmin śuddhe sarve śuddhāḥ syuḥ, ekasya 
karaṇāpāṭave sarveṣāṃ karaṇāpāṭavaṃ syāt, ekasmin jāte sarve 
jāyeran, ekasminmṛte sarve mriyeran, nāsti caivaṃ | ata 
ākṛtigarbhāśayabhāvasagatiśarīravibhāgali"ngabahutvācca puruṣā bahava 
iti sā"nkhyācāryāḥ 
kapilahariharahiraṇyagarbhapañcaśikhapatañjaliprabhṛtayo varṇayanti || 
triguṇā eva traiguṇyamiti vyutpattyā satvarajastamāṃsyeva 
traiguṇayamityucyate | tatra 
prasādalāghavābhisamprītituṣṭititikṣāsantoṣādilakṣaṇamanantabhedaṃ 
samāsataḥ sukhātmakaṃ satvam | śokatāpasvedastambhodvegaroṣadveṣādi 
lakṣaṇamanantabhedaṃ sa"nkṣepaṇaduḥkhātmakaṃ rajaḥ | 
chādanāvaraṇabībhatsadainyagauravālasyanidrāpramādādilakṣaṇamanantabheda.
m sa"ngraheṇa mohātmakaṃ tamaḥ | tatra sampradāyavida āhuḥ-

satvaṃ prakāśakaṃ vidyādrajo vidyātpravartakam |
vināśakaṃ tamo vidyāt traiguṇyaṃ nāmasaṃjñitam || iti ||

pṛ0 225) avyaktānmahataḥ pareṇa puruṣeṇādhiṣṭhitā buddhiḥ, 
aṣṭaguṇāyā buddheraha"nkāraḥ syāt, 
vaikārikataijasabhūtādilakṣaṇabhedena trividhādahaṃkārātkrameṇa 
vaikārikādindriyāṇāṃ, bhūtādestanmātrāṇāṃ, taijasādindriyāṇāṃ 
tanmātrāṇāṃ krameṇotpattiḥ sañcara ityucyate | atha bhūtānāṃ 
tanmātreṣu, tanmātrāṇāṃ cendriyāṇāṃ cāha"nkāre, aha"nkārasya ca 
buddhau, buddheścāvyaktatatve kutaścidanutpanne, āpralayanilayaḥ pratisañcara 
ucyate | buddhiradhyātmaṃ boddhavyamadhibhṛtaṃ brahmā tatrādhidaivatam | 
aha"nkāro'dhyātmamabhimantavyamadhibhūtaṃ rudrastatrādhidaivatam | 
śrotramadhyātmaṃ śrotavyamadhibhūtamākāśastatrādhidaivatam | evaṃ 
tvaksparśayitavyavāyavaḥ, cakṣurdarśayitavyasūryāḥ, 
jihvārasayitavyavaruṇāḥ, nāsāghrātavyapṛthivyaḥ, vāgvaktavyāgnayaḥ, 
pāṇyādātavyendrāḥ, pādagantavyaviṣṇavaḥ, pāyutsraṣṭavyamitrāḥ, 
upasthānandayitavyaprajāpatayaḥ, buddheraha"nkārasya 
jñānendriyakarmendriyāntaḥkaraṇabhedena trividhasya karaṇajātasya 
cādhyātmādhibhūtādhidaivatāni jñeyāni | tathāhuḥ-

tatvāni yo vedayate yathāva-
dguṇasvarūpāṇyadhidaivatañca |
vimuktapāpo gatadoṣasa"ngo 
guṇāṃstu bhu"nkte na guṇaiḥ sa bhujyate || iti ||

abhibuddhirbuddhikriyābhimāna icchā kartavyatā kriyeti pañcābhibuddhayaḥ | 
abhi mukhībuddhirabhibuddhiḥ idaṃ kartavyamityadhyavasāyo buddhikriyāḥ; 
karomītyaha"nkārakriyābhimānaḥ, icchā vāñchā, sa"nkalpo manaso buddheḥ 
kriyā, śabdādiviṣayālocanaśravaṇādilakṣaṇākartavyatā 
buddhīndriyāṇāṃ kriyā, vacanādilakṣaṇā karmendriyāṇāṃ kriyā | 
evametāḥ pañcābhibuddhayaḥ || dhṛtiḥ śraddhā sukhāvidiṣā vividiṣeti 
pañca karmayonayaḥ | tāśca-

pṛ0 226) vāci karmaṇi saṃkalpe pratiṣṭhāṃ yābhirakṣati |
tanniṣṭhā tatpratiṣṭhā ca dhṛteretaddhi lakṣaṇam ||
anasūyā brahmacaryaṃ yajanaṃ yājanaṃ tapaḥ |
dānaṃ pratigraho homaḥ śraddhāyā lakṣaṇaṃ smṛtam ||
sukhārthī yastu seveta vidyākarmatapāṃsi ca |
prāyaścittaparo nityaṃ sukheyaṃ parikīrtitā ||

viṣadhūmamūrchitavadavidiṣā | vividiṣā ca dhyāyināṃ prajñāyoniḥ | 
tadāhuḥ-

ekatvañca pṛthaktvañca nityañcedamacetanam |
sūkṣmasatkāryasaṃkṣobhyaṃ jñeyā vividiṣā hi sā || iti ||

kāryakāraṇakṣayakarī vividiṣā prākṛtikī vṛttiḥ | dhṛtiḥ śraddhā 
sukhāvidiṣā ca catasro bandhāya, vividiṣā mokṣāyeti karmayonayaḥ ||

prāṇo'pānaḥ samānaścodānākhyo vyāna eva ca |
ityete vāyavaḥ pañca śarīreṣu śarīriṇām ||

mukhanāsikayoradhiṣṭhātā vāyuḥ prāṇanātprakramaṇācca prāṇaḥ, 
apanayanādadhogamanācca nābheradhiṣṭhātā vāyurapānaḥ, 
samānayanātsamamananācca hṛdadhiṣṭhātā vāyuḥ samānaḥ, 
ūrdhvagamanādutkramaṇācca kaṇṭhādhiṣṭhātā vāyurudānaḥ, 
vikṣepaṇādvijṛmbhaṇācca sandhyadhiṣṭhātā vāyurvyānaḥ | te pañca 
vāyavaḥ || vaikārikastaijaso bhūtādiḥ sānumāno niranumānaśceti 
pañcakarmātmānaḥ śubhakarmakartā, aśubhakarmakartā, mūḍhakarmakartā, 
śubhamūḍhakarmakartā, aśubhamūḍhakarmakartā ceti krameṇa veditavyam | tamo 
moho mahāmohastāmisro'ndhatāmisraśceti pañcaparvāvidyā | tamo nāmāṣṭasu 
prakṛtiṣvavyaktabudhyaha"nkārapañcatanmātrasaṃjñitāsvanātma-

pṛ0 227) 
svātmajñānābhimānastato'ṣṭadhāṇimādyaṣṭaguṇaiśvaryaprāptaye'bhimāno
'ṣṭadhāmohaḥ | dṛṣṭānuśravikeṣu daśasu viṣayeṣu nivṛtteṣu 
mukto'hamityabhimāno daśadhā mahāmohaḥ | 
aṇimādyaṣṭaiśvaryadaśavidhaviṣayaśabdādipratihatasya 
duḥkhodayo'ṣṭādaśadhā tāmisra ityucyate || aṣṭaiśvaryeṣu viṣayeṣu ca 
siddhe maraṇakāle viṣādo'ṣṭādaśadhāndhatāmisra ityucyate | evameṣā 
pañcaparvāvidyā catuṣṣaṣṭidhā bhavati | ekādaśendriyavadhāḥ 
saptadaśabuddhivadhāḥ | saiṣāṣṭāviṃśatidhā śaktiḥ | yathā- śrotre 
bādhiryyam, jihvāyāṃ jāḍyaṃ, tvaci kuṣṭham, cakṣuṣyāndhyama, 
nāsikāyāmaghrāṇatā, vāci mūkatvam, pādayoḥ pa"ngutvam, hastayoḥ 
kuṇitvam, pāyāvudāvartatvam, upasthe klaibyam, manasyunmādaḥ | atha 
saptadaśabuddhivadhāḥ- tāstuṣṭiviparyayāḥ | yathā-nāsti pradhānamiti 
pratipattiranantā, evamahamajña ityajñānatāmasalīlā, 
tathāha"nkārasyādarśanamāropyeṇaiva santi pañcatanmātrāṇi 
bhūtakāraṇānītyadṛṣṭiḥ, śarvaṃ khalvidaṃ brahme�ti 
vedāntoktaviṣayāṇāṃ pravṛttiranuttarā, rakṣaṇetu pravṛttiḥ supārā, 
kṣaye doṣamapaśyato dhane pravṛttiranunetrā, bhogaśaktiḥ samāritvakā, 
hiṃsādidoṣamapaśyato bhogārambho'nuttamāmbhasikā ||    athāṣṭadhā 
siddhiviparyayāḥ- nānātvamohamānasaikatvamāvirbhūtamatāramucyate; 
śabdamātraśravaṇādviparītagrahaṇamasutāram, yathā nānātvajño mukta iti; 
śrutvā viparītapratipanno nānātvajñohyamukta 
ityadhyayanaśravaṇābhijñāniviṣṭasyāpi jaḍatvādasacchāstropahatatvādvā 
pañcaviṃśatitatvajñānasiddhirna bhavati tadajñānamatāratāram | 
kasyacidādhyātmikena duḥkhenābhibhūtasyāpi saṃsāre'nudvegādajijñāsorna 
jñānasiddhiḥ | tadajñānamapramāṇam | evaṃ pramuditaṃ āmodamānaṃ 
cānayordraṣṭavyam | 
suhṛdupadiṣṭe'pyaniścayabuddhirajñānamaramyakamasamyagvacanamapi | 
parā"nmukhaiḥ gurau durbhagasya na jñānasiddhiḥ, tadajñānamasadāpramuditam 
| evametāḥ siddhiviparyayā asiddhayo'ṣṭau vijñeyāḥ | tathā 
catuṣṣaṣṭisiddhiviparyāyāḥ saptadaśabuddhivadhā ekāda-

pṛ0 228) śendriyavadhāścetyaśaktiraṣṭāviṃśatidhā varṇitā | atha 
navadhā tuṣṭiḥ- prakṛtiṃ paramārthatvena pratipadya parituṣṭo 
mādhyasthyaṃ labhate | tasyāstuṣṭerambha iti tāntrīkī saṃjñā sambhavati 
| aparo buddhiṃ paramārthatvena pratipadya parituṣṭaḥ, tasyāstuṣṭeḥ 
salilamiti saṃjñā | anyo'ha"nkāraṃ paramārthatvenābhyupagamya parituṣṭaḥ, 
tasyāstuṣṭerāpa iti saṃjñā | itarastanmātrāṇi bhogyāni paramārthatvena 
niścitya parituṣṭaḥ, tasyāstuṣṭervṛṣṭiriti saṃjñā | 
evamādhyātmikāścatasrastuṣṭayaḥ | etāsu caturṣvapi nāsti mokṣaḥ, 
tatvajñānasyābhāvāt | 
bāhyāstvarjaṃnarakṣaṇakṣayasa"ngahiṃsādoṣadarśanādviṣayopabhogāḥ 
pañca tuṣṭayo bhavanti | arthānāmārjanadoṣadarśanātpravrajitastuṣṭaḥ | 
tasya na mokṣaḥ, tatvajñānābhāvāt; sā pañcamī tuṣṭiḥ 
sutetyabhidhīyate | anyo'rthānāṃ rakṣaṇadoṣadarśanātpravrajitastuṣṭaḥ | 
tasyāpi na mokṣaḥ, tatvajñānābhāvāt; sā ṣaṣṭhī tuṣṭiḥ 
suparetyabhidhīyate | anyo'rthānāṃ kṣayadoṣadarśanātpravrajitastuṣṭaḥ | 
tasyāpi na mokṣaḥ, tatvajñānābhāvāt; sā saptamī tuṣṭiḥ 
sunetretyabhidhīyate | anyo'rthānāṃ sa"ngadoṣadarśanānnivṛttastuṣṭaḥ | 
tasyāpi na       mokṣaḥ, tatvajñānābhāvāt; sāṣṭamī tuṣṭiḥ 
kumārīcakraketyabhidhīyate | 
anyo'rthabhūtānāmarthanimittahiṃsādidoṣadarśanānnivṛttastuṣṭaḥ | 
pravrajitasyāpi tasya na mokṣaḥ, tatvajñānābhāvāt, sā navamī 
tuṣṭiruttamāmbhasiketyabhidhīyate | iti navatuṣṭayaḥ || 
athāṣṭasiddhayaḥ- tatvabhāvabhūteṣu yacchabdamātrasya śravaṇaṃ sā 
prathamā tārā | tatvabhāvabhūteṣu yadarthasyāgrahaṇaṃ sā dvitīyā 
sutārā | yadādhyātmikasya duḥkhasyāpanodaṃ kṛtvā tatvabhāvabhūteṣu 
jñānamutpadyate sā ca tṛtīyā siddhistāratāretyucyate | yadadhyayanena 
jñānamutpadyate tatvabhāvabhūteṣu sā caturthī siddhiḥ pramoda ityucyate | 
yadādhibhautikasya duḥkhasyāpanodaṃ kṛtvā jñānamutpadyate 
tatvabhāvabhūteṣu sā pañcamī siddhiḥ pramuditetyucyate | yadādhidaivikasya 
duḥkhasyāpanodaṃ kṛtvā jñānamutpadyate tatvabhāvabhūteṣu sā ṣaṣṭhī 
siddhiḥ pramodamānetyucyate |  

pṛ0 229) yatsnigdhasaṃsargavyapāyāt jñānamutpadyate tatvabhāvabhūteṣu sā 
saptamī ramyaketyabhidhīyate | yat paricaryayā dānena ca 
paritoṣitādgurorjñānamutpadyate tatvabhāvabhūteṣu sāṣṭamī siddhiḥ 
sadāpramuditetyucyate | evametā aṣṭasiddhayaḥ || atha daśamūlakārthāḥ-

astitvamekatvamapāyavatvam
pārārthyamanyatvamakartṛtā ca |
yoge viyoge bahavaḥ pumāṃsaḥ 
sthitiḥ śarīrasya ca śeṣavṛttiḥ ||

asyārthaḥ- sa"nghātaparārthatvāt puruṣāṇāmastitvaṃ siddham | 
kṛtakṛtyāyā iva nartakyāstasyā nivṛttirityapāyavatvaṃ siddham | 
bhedānāṃ pariṇāmātkāraṇamasya vyaktamityārthatvena pradhānasyāstitvaṃ 
siddham | hetumadanityamityekatvaṃ siddham | nānāvidhairupāyairiti 
parārthatvaṃ siddham | triguṇamavivekiviṣaya ityanyatvaṃ siddham | tasmācca 
viparyāsādityakartṛtvaṃ siddham | puruṣasya darśanārthaṃ kaivālyārthaṃ 
tathā pradhānasyeti yogasiddhiḥ | prāpte śarīrabhede caritārthatvāditi 
viyogasiddhiḥ | jananamaraṇakaraṇānāmityādinā puruṣabahutvaṃ siddham ||
athānugrahasargaḥ- bāhyānpañcabhyastanmātrebhyaścotpādya, 
anugrahasargadhyānotpatyucitān putrān dṛṣṭvā, 
tebhyastanmātrebhyo'nugrahasargamasṛjadbrahmā | atha caturvidho bhūtasargaḥ-
tatrāṣṭa vikalpāḥ- paiśācaṃ rākṣasaṃ yākṣaṃ gāndharvamaindraṃ 
prājāpatyaṃ saumyaṃ brāhmamiti | pañca tiryagyonisargaḥ- 
paśupakṣimṛgasarīsṛpasthāvarāḥ | mahiṣyādimūṣikāntāḥ paśavaḥ; 
garuḍādimaśakāntāḥ pakṣiṇaḥ; siṃhādisṛgālāntā mṛgāḥ; 
śeṣādyalagardāntāḥ sarīsṛpāḥ; parvatāditṛṇāntāḥ sthāvarāḥ; 
mānuṣyaṃ caikavidhaṃ brāhmaṇādicāṇḍālāntamiti bhautikasṛṣṭiḥ | 
etatsaṃsāramaṇḍalam ||

pṛ0 230) atha trividho bandhaḥ- prakṛtibandho vaikārikabandho 
dakṣiṇābandhaśceti | tatrāṣṭadhā prakṛtiḥ | paratvenābhimanyamānasya 
prakṛtayaḥ prakṛtibandha ucyate | pravrajitānāṃ laukikānāṃ 
vaikārikendriyairvaśīkṛtānāṃ śabdādiṣu viṣayeṣu 
pravṛttānāmajitendriyāṇāmajñānināṃ kāmamohitānāṃ vaikāriko bandha 
ityucyate | gṛhasthabrahmacāribhikṣuvaikhānasānāṃ 
kāmopahatacetasāmabhimānapūrvakāriṇāṃ dakṣiṇāṃ prayacchatāṃ 
dakṣiṇābandha ityucyate | uktañca-

prākṛtena ca bandhena tathā vaikārikeṇa ca |
dakṣiṇābhistṛtīyena baddho janturvivartate ||

atha trividho mokṣaḥ- jñānodrekādindriyavāguropaśamāt 
kṛtsnavāsanākṣayācca trividho mokṣaḥ | uktañca-

ādyo vimokṣo jñānena dvitīyo rāgasa"nkṣayāt |
kṛtsnakṣayāttṛtīyastu vyākhyātaṃ mokṣalakṣaṇam ||

atha trividhaṃ pramāṇam-dṛṣṭamanumānamāptavacanañca | 
yāvadindriyāṇāmarthāḥ pratyakṣāḥ taddṛṣṭam | meghodayena 
vṛṣṭirbalakādibhissalilaṃ dhūmenāgniḥ sādhyate tadanumānam | indro 
devānāṃ rājā, uttarāḥ kuravaḥ, sauvarṇo merurityādyāptavacanam | 
ukrañca-

svakarmaṇābhiyukto yo rāgadveṣavivarjitaḥ |
jñānavān śīlasampanna āpto jñeyaśca tādṛśaḥ ||

atha trividhaṃ duḥkhamādhyātmikamādhibhautikamādhidaivikañceti | 
tatrādhyātmikaṃ dvividham, śārīraṃ mānasañca | 
vātapittaśleṣmavaiṣamyādduḥkhaṃ śārīraṃ jvarātisāraviṣūcikādi | 
kāmakrodhalobhamoherṣyādikaṃ mānasaṃ duḥkham | athādhibhūtebhyo 
bhavamādhibhautikam | manuṣyapaśupakṣimṛgasarīsṛpasthāvarebhyo yadduḥkhaṃ 
tadādhibhautikam | adhidevebhyo bhavamādhidaivikam | yakṣarākṣasavināyaka- 

pṛ0 231) grahāveśanimittaṃ duḥkhamādhidaivikam || evaṃ trividhena 
duḥkhenābhibhūtasya pravrajitasya jijñāsotpadyate | tayā ca jijñāsayā 
tatvabhāvabhūtānāṃ vijñānam | jñānodrekādindriyarāgopaśamaḥ | 
indriyārāmopaśamācca kṛstnadharmādharmakṣayaḥ | dharmādharmaṃkṣayācca 
puruṣasya kaivalyamiti kapilamunipraṇītaḥ siddhāntaḥ ||
atrocyate- śadeva saumyedamagra āsīdekamevādvitīya� mityādinā 
chāndogyopaniṣadā nikhilaprapañcapūrvakālavṛttitvena kāraṇatvena 
śrūyamāṇaṃ satpadavācyaṃ brahmaiva na pradhānam, acetane pradhāne 
tadaikṣatetyādinā śrutasya 
vīkṣaṇasyotpatsnyamānakāryānukūlālocanārūpasya 
cetanadharmasyopapādanāyogāt ||
nanvacetanasya pradhānasyaiva jagadākāreṇa pariṇāmo yuktaḥ, na cetanasya | 
pariṇāmo hi kṣīrasya dadhibhāvenāvasthānavanmṛtpiṇḍasya ghaṭabhāvavat 
pūrvabhāvaparityāgena rūpāntarasvīkāraḥ | tathāca nirvikārasya cetanasya 
parameśvarasya kāraṇavikṛtirūpaḥ pariṇāmo yukta iti nyāyavirodhaḥ | 
�ajāmekāṃ lohitaśuklakṛṣṇāṃ bahvīṃ prajāṃ sṛjamānāṃ sarūpā� miti 
śrutyantare lohitaśuklakṛṣṇāmiti lohitādivarṇairanumeyāyāḥ 
sā"nkhyaprakṛteretatsājātyena bahuprajājanakatvaṃ śrūyate | 
tadānurūpyeṇātrāpi satpadavācyasya pradhānasyaiva 
jagatpūrvakālavṛttitvena kāraṇatvam | ata eva tamorāhityena 
rajassatvayoryogāt kramikaṃ kriyāśaktimatvaṃ jñānaśaktimatvañca yujyata 
iti kāryānukūlakriyājñānavatvarūpaṃ kartṛtvaṃ prakṛte siddham || tataḥ 
śrutatvātpūrvoktapariṇamananyāyānurodhācca pradhānasyaiva 
jagatkāraṇatvaṃ sidhyatīti cenna, 
anumānamātrasamadhigamyatvādīkṣatidharmavirodhāt, parameśvarādutpannāyāḥ 
ṣaṭtriṃśattatveṣvekatriṃśatsthānīyāyāḥ prakṛteracetanatvamiti 
�camasavadaviśeṣādi�ti sūtrabhāṣyeṣūpapādanācca | rajassatvarūpeṇa 
kriyāśaktijñānaśaktimatvena kartṛtvamapi na yujyate | guṇatrayātmikāyā 
māyāyāstamoviraheṇa satvarajasoḥ sambandhāyogāt | naca 

pṛ0 232) rajassatvayorudreke tamaso'nudrekādbhede sati 
kriyāśaktijñānaśaktisambandhaḥ pradhānasya yujyata iti vācyam, 
satvarajastamasāṃ trayāṇāṃ guṇānāṃ sāmyāvasthā 
prakṛtiritya"ngīkārāt ||
yaccoktaṃ nirvikārasya cetanasya jagadākāreṇa pariṇāmā"ngīkāre 
vikāritvāpattiriti tadapi na, parameśvarasya 
nāmarūpavibhāgānarhajñānaśaktikriyāśaktiparaparyāyasūkṣmacidacicchaktiv
aiśiṣṭyaṃ kāraṇatvam; tasyaivaparameśvarasya 
nāmarūpavibhāgārhasthūlacidacicchaktināmakajñānakriyāśālitvaṃ 
kāryatvam | tathā ca nirvikārasya pariṇamanāyoga iti parāstam | 
ayamevādvaitibhyo'smākaṃ viśeṣaḥ ||
nanu śadeva saumyedamagra āsī�dityādāveva kāreṇa vastuni sanmātre 
nirviśeṣatvamavadhāryate | tathā ca kāraṇāvasthāyāṃ nirviśeṣatve sati 
kathaṃ sūkṣmaprapañcavaiśiṣṭyamavagamyata iti cenna, sadevetyevakāro na 
sadātmake brahmaṇi viśeṣavyavacchedaphalakaḥ | kintu �asadvā idamagra āsīt 
| tato vai sajjāyate�tyādinā śrutasyāsatkāraṇavādasya vyavacchedakaḥ | api 
ca sadeva saumyedamagra āsīdityādau na nirviśeṣatvam | āsīditi 
kriyāviśeṣo'vagamyate, agraśabdena kālaviśeṣo'bhidhīyate, 
ekamevetyavadhāraṇamahimnā prapañcasya adhiṣṭhātrantaravyavacchedena 
karttantaraṃ niṣidhyate, advitīyapadena jagadupādānakāraṇatvamavagamyate || 
kāryātpūrvavartina ekatvāśrayasya kāraṇatvapratipādanaucityāt | ata eva 
sarvajñatvasarvaśaktimatvarūpaviśeṣamantareṇābhinnanimittopādānatvarūpobh
ayakāraṇatvāyogātsarvajñatvamanantaśaktimatvañca sidhyati || kiñca 
prapañcapūrvakālavartino'sya satpadavācyasya prakṛtyarthapratyayārtharūpasya 
dharmadharmibhāvenobhayātmakatvamantareṇaikavastuparatvaṃ nopapadyate | 
prakṛtyā pratyayena ca satpadavācyasya vastudvayapratipādanaparatvaucityāt | 
śhaktiḥ śivaśca sacchabdaprakṛtipratyayoditau | cidbrahmasāmarasyena samasta-        
jagadātmakā� viti smaraṇāt | 
sūkṣmacidacidaparaparyāyajñānakriyāviśiṣṭaṃ li"ngatatvameva 
nikhilajagadabhinnani- 

pṛ0 233) mittopādānakāraṇaṃ satpadavācyamiti vastusthitiḥ ||
nanu nikhilajagadālocanārūpasyekṣaṇasyācetane pradhāne'sambhavāccetanameva 
jagatkāraṇamityupapannam | samanantarasandarbheṇa �tatteja aikṣata, tā āpa 
aikṣata, bahusyāṃ prajāyeye�ti śrutau tejasa apāṃ śrūyamāṇaṃ 
gauṇamīkṣaṇamīva satpadena pradhānasyaiva gauṇekṣaṇasambhavāditi cenna, 
śa ātmā tatvamasi śvetaketo� ityupasaṃhāradaśāyāṃ cetanavācina 
ātmaśabdasya śravaṇāt | tejasyapsu ca na gauṇamīkṣaṇam | 
kintvabhinnanimittopādānakāraṇasya li"ngatatvasyānuvṛttestadabhiprāyeṇa 
mukhyamevekṣaṇam | tathā ca cetanakartṛkaṃ gauṇamīkṣaṇamabhyupagamya 
saddrūpamacetanaṃ jagatkāraṇamityupapādanamayuktam, 
īkṣaṇakarturupasaṃhāradaśāyāmātmaśabdena cetanatvapratipādanāt ||
nanu jīva eva satpadavācyaḥ san jagatkāraṇamiti cenna, �tasya tāvadeva ciraṃ 
yāvanna vimokṣye atha sampatsya� iti 
satpadavācyaviṣayakānusandhānavanmokṣasyopadeśāt | 
jīvāda"ngatatvādbhinnameva li"ngatatvaṃ jagatkāraṇamiti vastusthitiḥ || 
kiñca jīvaniṣṭhasya mokṣo na pradhānakāraṇavādo'bhimataḥ | sa ātmā 
tatvamasīti satpadavācyābhedaḥ mokṣa ityupadiśyate | sa ca 
li"nganiṣṭhāyaiva bhāvyaḥ | api caikavijñānena sarvavijñānaṃ 
pratijñāyate | satpadavācyali"ngatatvajñānāttatkāryatayā 
nikhilacetanācetanavastuviṣayakajñānaṃ bhavatīti �yenāśrutaṃ śrutaṃ 
bhavati, amataṃ matamavijñātaṃ vijñāta� mityādinābhidhīyate | pradhānasya 
jagatkāraṇatve tannopapadyate | cetanātmakasya prapañcasya 
jaḍapradhānakāraṇatvāyogāt | nanu jaḍasya pradhānasya jagatkāraṇatve 
vijñāte jaḍavikārāspadaṃ tatkāryamapi sarvaṃ vijñāyate, mṛdi 
jñātāyāṃ tatkāryaghaṭādau mṛṇmaya iti jñānavaditicenna, śvapnānte me 
saumya vijānīhī� tyupakramya, �yatraitatpuruṣaḥ svapiti nāma satā saumya 
tadā sampanno bhavati svamapīto bhavati tasmādenaṃ svapitītyākṣate svaṃ 
hyapīto bhavatī� tyantena śrutivākyena satā sampannasya svasya tasminnapi yaḥ 
pralayo'bhihitaḥ 

pṛ0 234) sa cācetane pradhāne na sambhavatīti cetanaṃ li"ngatatvameva 
sacchabdavācyam | ateva �puruṣo vai rudraḥ sanmaho namaḥ nama� ityādau 
li"ngatatvamevāmnāyate | kiñcātmanaḥ ākāśa ityādinā 
upasaṃhārātsatpadavācyasya jagatkāraṇatvaṃ tathaivāmnāyate | 
tasmājjaḍaprakṛterjagatkāraṇatvāyogāt satpadavācyasya cetanasyaiva 
jagatkāraṇatvamiti nirvivādam ||

iti 
śrīmadanādinirañjanaja"ngamāparāvatāratoṇṭadasiddheśvaraprasādāsādita"
sāmbhavāgamāmbodhimathanajanitaniruttaraikottaraśatasthalābhinnaṣaṭsthalatat
vabodhasudhāsvādānandasandohapradāyakācāryavaryamaritoṇṭadāryaviracite 
yaḍavamurārikoṭekolāhalaikā"ngivīravairisaptā"ngaharaṇapaścimasamudrādhī
śvaraviśuddhavaidikādvaitasiddhāntapratiṣṭhāpanācāryakeladisadāśivarāya
nāyakavaṃśadugdhārṇavapūrṇacandravīrabhadradharaṇīndradharmapatnī 
mallāmbāhṛdayānandabasavavasudhāsa"nkrandanopadeśe 
vīraśaivānandacandrikāyāṃ vādakāṇḍe 
sā"nkhyamatanirūpaṇatannirākaraṇaprakāro nāma trayodaśaṃ prakaraṇam ||

pṛ0 235) vīraśaivānandacandrikāyāṃ
vādakāṇḍe
caturdaśaṃ prakaraṇam ||

śrīmadguro tataḥ kiṃ vā prakrāntaṃ bhṛ"ngiṇā vada |
yaddūṣitaṃ śīlavatā tadapi tvamudīraya ||
vadāmi bhūpālaka bhṛ"ngiṇā yat
prakrāntamitthaṃ hi mataṃ vivicya |
yaddūṣaṇaṃ tatra ca śīlinoktaṃ 
tattatsamākarṇya bhava prahṛṣṭaḥ ||
avyaktasaṃjñā prakṛtirjagatyāḥ 
kartrīti pakṣaḥ sa mayodito yaḥ |
doṣairnnirasto bhavatādyaśīlin
nācetanasyāsti hi kartṛteti ||
yā śaktirādyā tripuretyumeti 
śrutiprasiddhā jagadambiketi |
tāmeva sṛṣṭyādimakṛtyakartrīṃ
bruvanti yetanmatamīrayāmi ||

pṛ0 236) taddūṣyate śāktamataṃ kathaṃ vā 
paśyāmi yuṣmatpratibhāviśeṣam |
pūrvoktatattanmatavacca śīlin 
nāpātato dūṣaṇayogyametat ||

yatovetyādyanekasmṛtinicayapratipāditajagadāvirbhāvahetubhūtaṃ kimiti 
jijñāsamānā bahudheśādhīnenaivatatvenāmananti || 
tatrādvitīyānirvācyaśaktibhājāmeva teṣāṃ sraṣṭṛtvādikaṃ ghaṭate 
nānyeṣāmiti bahudhā śrutyāgamādipratipādyā parameśvaryeva 
nikhilajagaddhetutvena pratipādyate | tathāhi- śrīnavārṇopaniṣadi śrūyate- 
śarve vai devā devīmupatasthuḥ | kā'sitvaṃ mahādevīti | sā'bravīdahaṃ 
brahmasvarūpiṇī | mattaḥprakṛtipuruṣātmakaṃ jagacchūnyaṃ cāśūnyaṃ 
cāhamahamātmāhamakhilaṃ jaga�dityādinā parabrahmarūpatvasya 
kāryabhūtaprapañcapraviṣṭaparameśvaryutpādakatvasyāpi śravaṇāt | na ca 
prakṛtyavacchinnaḥ parameśvara eva jagatkartā, na kevalā parā śaktireveti 
vācyaṃ, �māyāntu prakṛtiṃ vidyānmāyinantu maheśvara� miti 
prakṛtyavacchinneśvarasyāpi janakatvaṃ śrutyā pratyapādīti 
tadanupapatterabhāvāt | kiñca mārkaṇḍeyapurāṇe saptaśatyām-

sā cāha dhūmrajaṭilamīśānamaparājitā |
dūta tvaṃ gaccha bhagavan pārśve śumbhaniśumbhayoḥ ||
brūhi śumbhaṃ niśumbhaṃ ca dānavāvatigarvitau |
trailokyamindro labhatāṃ devāḥ santu havirbhujaḥ ||

ityādyārabhya-

yato niyukto dautyena tayā devyā śivaḥ svayam |
śivadūtīti loke'smin tataḥ sā khyātimāgatā ||

ityādinā śivasya bhagavatīdūtatvapratipādanācca | kiñca tata eva 

pṛ0 237) devyā �ekaivāhaṃ jagatyatra dvitīyā kā mamāpare� ti svasyā 
advitīyatva pratipādanācca | na ca dvitīyā kā mamāparetyanena 
strīli"ngāparāśabdena svabhinnaśakterevābhāvaḥ pratīyate na 
śivādipuruṣavyakteriti vācyam, ṅapuṃsakaṃ pumān stryasmi sthāvaro'smyatha 
ja"ngama� iti śrutyā strītvapuṃstvādyavicchinnavastujātasya 
svānatirekapratipādanāt | na ca nārāyaṇopaniṣadādau tasya sarvagatvaṃ 
pratīyata iti tadvirodha iti vācyam, �yā brahmādipipīlikāntajananī�tyādinā 
sarvāntargataviṣṇumātṛtvasyāpi śravaṇāt | �yā devī sarvabhūteṣu 
mātṛrūpeṇa saṃsthite�ti vacanācca | apica �visṛṣṭau sṛṣṭi rūpā tvaṃ 
sthitirūpā ca pālane | tathā saṃhṛtirūpānte jagato'sya jaganmayī� ti 
brahmaṇaiva devyā sṛṣṭisthititirobhāvādikartṛtvapratipādanācca | na ca 
tadbrahma yato vivartate jagaditi sāmānyataḥ niyantṛtvaṃ kiṃ paramavaseyamiti 
na niyama miti vācyaṃ, śrūtyā pūrvatantrasthaprathamādhyāye nāmadheyapāde 
�aktāḥ śarkarā� ityadhikaraṇe dravyadravyasyāñjanayogyatayā 
ghṛtatailavasānāmanyatamenāñjanamiti prāpte �tejo vai ghṛta� miti 
vākyaśeṣeṇa ghṛtaparatvavat, sarvasyāpi devīparatvāt | kiñca śrutyā 
kartṛtva- syānyaparatayā pratipāditasyāgamaḥ pramāṇam, 
tādṛśaśrutyātmakatvañca devyā eva | �yā devī sarvabhūteṣu śrutirūpeṇa 
saṃsthite� ti pratipādanāt | tathā ca viṣṇavādikartṛtvasya śrutirūpayā 
devyaiva pratipādanamarthavādarūpama"ngīkaraṇīyaṃ, svatantratvāt | 
anumānamapyatrapramāṇam- idaṃ jagad devyaikakartṛjanyaṃ taditarājanyatve 
sati tajjanyatvāt | yathā dahanetarājanyo dhūmo dahanamātrajanya ityādi 
bahuvicāraṇīyaṃ vistarabhayāduparamyata iti pūrvapakṣaḥ |
atrocyate- yattāvaduktaṃ navārṇopaniṣadvacanameva śakteḥ kartṛtve mānamiti 
tanna, tatraiva �mama yonirapsvantaḥ samudra� iti | anena mama yonirmama 
kāraṇabhūtaḥ parameśvaraḥ apsvantarudakamadhye vartata iti pratipādanena 
devyā asvatantratva pratīteḥ | kiñceśānasya devīdūta- 

pṛ0 238) tve'pi śivasya devyadhiṣṭhātṛtve bādhakābhāvāt | �īśāno 
jaṭilaḥ śambhustapaśyantamupāntike | taṃ prāha bhagavān śambhuḥ putra 
rakṣa madālayam | ānandakānanaṃ nāma mama premavivardhana� mityādinā, sa 
īśānaḥ parameśvareṇaiva muktaḥ san tatra mahāli"ngaṃ pratiṣṭhāpya tatra 
tapaḥ paramaṃ tatāpeti bahudhā jñānavāpīpraśaṃsāyāṃ 
kāśīkhaṇḍe'bhidhāneneśānākhyāgaṇaviśeṣaparatvāt | na ca 
sṛṣṭyādikartṛtvaṃ viruddhamiti vācyam �madadhīnā mahābhāge 
madvīryaparibṛṃhitā | sṛja sarvamidaṃ prāgvatprāṇijātaṃ svakarmata� iti 
śivasya vacanenaiva preritāyā bhagavatyāḥ sṛṣṭihetutvasambhavāt | na 
cādhikaraṇavirodhaḥ, evaṃ sakalaśrutīnāṃ devīparāṇāmanyathātve siddhe 
tāsāmapīśvaraparatve bādhakābhāvāt | na cānumānaṃ pramāṇam, 
taditarājanyatvasyāsiddhatvenāsiddhihetvābhāsāntargatatvāt, 
śaktiviśiṣṭaparameśvarādeva jagadutpattiśravaṇācca | śivasya 
jagannirmātṛtve tu bahūni pramāṇāni santīti sarvamupapannamiti siddhāntaḥ 
||

iti 
śrīmadanādinirañjanaja"ngamāparāvatāratoṇṭadasiddheśvaraprasādāsādita"
sāmbhavāgamāmbhodhimathanajanitaniruttaraikottaraśatasthalabhedabhinnaṣaṭstha
lasudhāsvādānandasandohapradāyakācāryavaryamaritoṇṭadāryaviracite 
yaḍavamurārikoṭe 
kolāhalaikā"ngivīravairisaptā"ngaharaṇapaścimasamudrādhīśvaraviśuddhavaid
ikādvaitasiddhāntapratiṣṭhāpanācārya 
keladisadāśivarāyanāyakavaṃśadugdhārṇavapūrṇacandravīrabhadradharaṇīnd
radharmapatnīmallāmbāhṛdayānandabasavavasudhāsa"nkrandanopadeśe 
vīraśaivānandacandrikāyāṃ vādakāṇḍe 
śaktimatanirūpaṇatannirākaraṇaprakāro nāma caturdaśaṃ prakaraṇam ||

pṛ0 239) vīraśaivānandacandrikāyāṃ
vādakāṇḍe
pañcadaśaṃ prakaraṇam ||

śāktābhidhasya bhavatādya guro matasya 
saṃsthāpanaṃ taduparīritadūṣaṇañca |
āsītpradarśitamaharṣi mayā niśamya 
tattvaṃ vadeha yadanantarabhāvi vṛttam ||
rājannupākrāmyata bhṛ"ngiṇā ya-
nmataṃ tataḥ śīlavatāpyadūṣi | 
vadāmi tatte kramato viśiṣya
vibhāvaya tvaṃ vimalātmabuddhe ||
matāntarasthā api śaktimantaṃ
vinā jagatkāraṇatāṃ na śakteḥ |
bruvanti sarve parameka eva 
tvamevamātmā sadṛśī matiste ||
īdṛkṣavanyanmatamāśu bhṛ"ngin
savistaraṃ brūhi vilokayāmi |

pṛ0 240) mateṣu sarveṣvapi nirnirodha-
vicārasāmarthyaviśeṣamasmin ||
bravīmyahaṃ tādṛśameva śīlin
jñānaṃ tathecchā kṛtirityamī ca |
sarvajñatāpīṣyata eva yatra
mate mahānīśvara eva kartā ||

gautamīyamatānusāriṇastvitthamāhuḥ- 
�pramāṇaprameyasaṃśayaprayojanadṛṣṭāntasiddhāntāvayavatarkanirṇayavādaj
alpavitaṇḍāhetvābhāsacchalajātinigrahasthānānāṃ 
tatvajñānānniśreyasādhigama� iti nyāyasyādimaṃ sūtram | yatra yadasti 
tasya tattatvam | tadjñānamuddeśāditrikādhīnam | uddeśastu 
lakṣyatāvacchedakamātraprakārakapratīti janakaḥ śabdaḥ | lakṣaṇa vākye 
ca vākyārthajñānasya lakṣyatāvacchedakātiriktaprakārakatayā 
nātiprasa"ngaḥ | na ca lakṣaṇavākyāntargatalakṣyabhāge'tivyāptiḥ, 
tasyāpyuddeśatvāt | ateva pratilakṣaṇamuddiṣṭā eva dharmiṇa iti ṭīkā | 
nacaivaṃ pṛthaguddeśyavaiyarthyaṃ 
nyūnādhikasa"nkhyāvyavacchedatātparyakatvāt | yadvā 
lakṣyaṇābhidhānaprayojakajijñāsājanakaḥ śabda uddeśa iti | 
lakṣyatāvacchedakasamaniyatadharmavacanaṃ lakṣaṇam ||
lakṣaṇopapattyanupapatyanyataraphalako vicāraḥ parīkṣā || tatra 
pramākaraṇaṃ pramāṇam | yathārthanubhavaḥ pramā | 
viśeṣyāvṛtyaprakārakaṃ jñānaṃ yathārtham | yathā ghaṭo'yamiti | atra hi 
jñāne viśeṣyo ghaṭaḥ | taditaravṛttipaṭatvādikaṃ 
tatprakārakatvamatranāsti, ghaṭatvasyaivātra prakāratvāt, tasya ca 
ghaṭavṛttitvāt | idaṃ rajatamiti bhrame 
viśeṣyabhūtaśuktikāśakalāvṛttirajatatvaṃ prakāra eveti nātivyāptiḥ || 
prakāratvañca bhāsamānavaiśiṣṭyapratiyogitvam, tacca 
pratīyamānaviśeṣaṇaviśeṣyasambandhaḥ, tadadhīnapratītiviṣayatvam || 
ananyathā siddha-

pṛ0 241) niyatapūrvavṛttijātīyatvaṃ kāraṇatvam | 
araṇyasthadaṇḍādāvavyāptivāraṇāya jātīyapadam | tadrāsabhe'tivyāpti 
vāraṇāya ananyathāsiddhapadam | ananyathāsiddhatvañcānyathāsiddhivirahaḥ | 
anyathāsiddhistridhā-yena sahaiva yasya pūrvabhāvo gṛhyate tasya 
tenānyathāsiddhiḥ | yathā tantunā tanturūpasya, daṇḍena ca daṇḍatvasya | 
anyatra kaḷptaniyatapūrvavartina eva kāryasambhave 
tatsahabhūtatvamaparānyathāsiddhiḥ | yathā etadghaṭaṃ pratyetadrāsabhasya | 
etadghaṭatvāvacchinnādanyatra ghaṭāntare 
kḷptapūrvavartidaṇḍāderevaitadghaṭasambhavāt | anyaṃ prati pūrvavartitve 
jñāta eva yasyānyaṃ prati pūrvabhāvo'vagamyate taṃ prati 
tasyānyathāsiddhiḥ | yathā ghaṭaṃ pratyākāśasya | tathāhi ghaṭaṃ 
pratyākāśasya kāraṇatvamākāśatvena grāhyam | ākāśatvañca na jātiḥ, 
tasyaikavṛttitvāt | kintu śabdasamavāyikāraṇatvamākāśatvam | 
kāraṇatvañca kāryaniyatapūrvavartitvaghaṭitam | evañca śabdaṃ prati 
pūrvavartitve gṛhīta eva ghaṭaṃ prati pūrvavartitvagrahādanyathāsiddhiḥ | 
tacca kāraṇaṃ trividham | samavāyikāraṇāsamavāyikāraṇanimittabhedāt | 
yatsamavetaṃ kāryamutpadyate tatsamavāyi kāraṇam | yathā tantavaḥ paṭasya | 
kāryeṇa kāraṇena vā sahaikasminnarthe samavetatve sati yatkāraṇaṃ 
tadasamavāyikāraṇam | yathā tantusaṃyogaḥ paṭasya tanturūpaṃ paṭarūpasya 
| tadubhayabhinnaṃ kāraṇaṃ nimittakāraṇam | yathā turīvemādikaṃ paṭasya 
| tāni ca pramāṇāni catvāri, pratyakṣānumānopamānaśabdabhedāt | tatra 
jñānākaraṇakaṃ jñānaṃ pratyakṣam | taddvividham-savikalpakaṃ 
nirvikalpakamiti | tatra saprakārakaṃ jñānaṃ savikalpakam | niṣprakārakaṃ 
jñānaṃ nirvikalpakam | tatkaraṇamapi pratyakṣaṃ ṣaḍvidham | 
ghrāṇarasanacakṣuḥśrotratva"nmanobhedāt | 
gandharasarūpaśabdasparśasukhādīni krameṇa viṣayāḥ | saṃyogaḥ, 
saṃyuktasamavāyaḥ, saṃyuktasamavetasamavāyaḥ, samavāyaḥ, samavetasamavāyo, 
viśeṣaṇa- 

pṛ0 242) viśeṣyabhāvaśceti 
pratyakṣajñānaheturindriyārthasannikarṣaḥ ṣaḍvidhaḥ | tadevaṃ 
vyākhyātaṃ pratyakṣam ||
vyāptiprakārakapakṣadharmatājñānajanyaṃ jñānamanumitiḥ | 
tatkaraṇamanumānam | 
pratiyogyasamānādhikaraṇasādhanādhikaraṇātyantābhāvāpratiyogisādhyasāma
anādhikaraṇyaṃ vyāptiḥ | tadanumānaṃ trividham | 
anvayavyatirekikevalavyatirekikevalānvayibhedāt | yathā parvato vahnimān 
dhūmāt | jīvaccharīraṃ sātmakaṃ prāṇādimatvāt | ghaṭo'bhidheyaḥ 
prameyatvāditi ca | ityanumānam || 
gosādṛśyaviśiṣṭapiṇḍajñānādikamupamitiḥ | upamitikaraṇamupamānam ||
svārthatattvajñānajanyaḥ śabdaḥ pramāṇam | padajñānaṃ karaṇam | 
padārthasmaraṇaṃ vyāpāraḥ | vākyārthajñānaṃ phalam | 
ākā"nkṣāyogyatāsannidhiśca sahakāriṇaḥ | śabdo dvividhaḥ | 
laukiko'laukikaśca | yathā goṣṭhe gāvaḥ, jyotiṣṭomena svargakāmo yajeteti 
ca | arthāpattyunupalabdhisambhavetyādīnāṃ yathāyathameteṣvantarbhāvo 
mūlagranthe spaṣṭaḥ |
ātmaśarīrendriyārthabuddhimanaḥpravṛttidoṣapretyabhāvaphaladuḥkhāpavargā
stu dvādaśavidhaṃ prameyam | tatrātmatvajātimānātmā | sa 
dvedhaīśo'nīśaśca | nityajñānavānīśaḥ | anityajñānavānanīśaḥ | 
jñānajanakamanassaṃyogavadvṛtyantyāvayavimātravṛttijātimaccharīram | 
dravyānārāmbhakaṃ dravyavatsāvayavi śarīraṃ dvividham-yonijamayonijañca | 
śukraśoṇitasannipātajamasmadādīnāṃ yonijam | tadanapekṣamayonijaṃ 
devarṣināradādīnām | 
smṛtyajanakajñānakaraṇamanaḥsaṃyogāśrayatvamindriyatvam | 
tacca ṣaḍvidham-pārthivaṃ ghrāṇam, āpyaṃ rasanam, taijasaṃ cakṣuḥ, 
gaganaṃ śrotram, vāyavīyaṃ tvak, ātmagrāhakamindriyaṃ manaḥ | 
rūparasagandhasparśaśabdā arthāḥ || vaiśeṣikāstu 
dravyaguṇakarmasāmānyaviśeṣasamavāyābhāvāḥ saptapadārthā ityāhuḥ | 
guṇāśrayo dravyam | tāni pṛthivyaptejovayvākāśakāladigātmamanāṃsi nava 
| gandhavatī pṛthivī, śītasparśāśrayo jalam, uṣṇasparśāśrayastejaḥ, 
nīrūpaḥ

pṛ0 243) sparśāśrayo vāyuḥ, śabdaguṇakamākāśam, 
digviparītaparatvāparatvānumeyaḥ kālaḥ, aniyataparatvāparatvānumeyā dik, 
ātmatvajātimānātmā, sukhādyupalabdhisādhanamindrayaṃ manaḥ || guṇāstu-
rūparasagandhasparśaśabdasa"nkhyāparimāṇapṛthaktvasaṃyogavibhāgaparatvāpa
ratvabuddhisukhaduḥkhecchādveṣaprayatnagurutvadravatvasnehasaṃskāra 
dharmādharmāḥ | nityāvṛttisattāvyāpyajātimatkarma | 
utkṣepaṇāpakṣepaṇākuñcanaprasāraṇagamanāni pañcakarmāṇi | 
nityamekamanekānugataṃ sāmānyam | tacca paramaparamiti dvividham | antyo 
nityadravyavṛttirviśeṣaḥ | nityasambandhaḥ samavāyaḥ | bhāvabhinno'bhāvo 
dvividhaḥ, anyonyābhāvaḥ saṃsargābhāvaśca | antyastrividhaḥ, 
prāgabhāvaḥ pradhvaṃsābhāvo'tyantābhāvaśceti | buddhiruktāmanopyuktameva 
| adṛṣṭajanakānityaprayatnaḥ pravṛttiḥ | pravṛttirvāgbuddhiśarīrārambha 
iti sūtram | śivanāmasmaraṇaprayatno vāgārambhaḥ | 
śivasmaraṇānukūlayatnaḥ buddhyārambhaḥ | śivābhiṣekādiprayatnaḥ 
śarīrārambhaḥ | doṣarāgadveṣamohāḥ pravṛttihetavaḥ | 
pūrvadehaviśleṣānantaramuttaradehasaṃśleṣaḥ pretyabhāvaḥ | phalaṃ 
punarbhogaḥ | ātmāpavargānyatve sati duḥkhasambandhiprameyaṃ duḥkham | 
duḥkhatvajātimadduḥkhamiti    navīnāḥ | 
svasamānādhikaraṇaduḥkhaprāgabhāvāsahavṛttiḥ duḥkhadhvaṃso mokṣaḥ | 
idānīntanaduḥkhadhvaṃsastu bhaviṣyadduḥkhaprāgabhāvasamānakālīna eva, 
nātaḥ saṃsāritādaśāyāṃ muktiḥ | sa cāyaṃ tattvajñānasādhyaḥ | 
tattvasākṣātkārasāmarthyācca 
prācīnānādibhavasañcitadharmādharmapracayamaniyatavipākasamayamapyavagatya 
parito vividhakāyānnirmāya tatkālopabhogātpratikṣiṇoti | 
acintyasāmarthyātiśayo hi samādhiḥ | tattvajñānakarmaṇoḥ 
samaprādhānyamiti kecit | tattvajñānadvārā karmaṇāṃ hetutvamityapare | 
vastutastu tattvajñānameva mithyājñānadhvaṃsadvārā mokṣahetuḥ | karma tu 
tattvajñānajananopakṣīṇatvenānyathāsiddham | ekasmin dharmiṇi 
samānayordharmayoḥ parasparavirodhāvagāhijñānaṃ saṃśayaḥ | sa tredhā-
samānadharmajo'samānadharmajo vipratipattijaśca | yadicchayā 
pravṛttistatprayojanam | 

pṛ0 244) taddvividham-mukhyaṃ gauṇamiti | ādyaṃ sukhaṃ duḥkhābhāvaśca | 
tatsādhanaṃ gauṇam | vyāpyavyāpakatvābhimatavattayā niścito'rtho 
dṛṣṭāntaḥ | sa dvedhā-sādharmyavaidharmyabhedhāt | udāharaṇe prasiddhe 
prāmāṇikatvenābhyupagato'rthaḥ siddhāntaḥ | sa ca 
sarvatantrapratitantrādhikaraṇābhyupagamabhedāccaturdhā | yathā gandhādaya 
indriyārthā iti sarvatantrasiddhāntaḥ | tantrāntarapratikūlo'rthaḥ 
pratitantraḥ | yathā naiyāyikānāṃ śabde'nityatvaṃ 
prabhākarairana"ngīkṛtam | pakṣadharmatābalalabhyo'rtho'dhikaraṇasiddhāntaḥ 
| yathā kṣityādau sakartṛkatve sādhite īśvare sārvajñyam | paratantre 
sādhitaḥ svatantre'dhikṛto'rtho'bhyupagamasiddhāntaḥ | yathā 
vaiśaiṣikasādhitasya manasa indriyatvasya naiyāyikairabhyupagamaḥ | 
anumiticaramakāraṇali"ngaparāmarśaprayojakaśābdajñānajanakavākyaṃ 
nyāyaḥ | pratijñādipañcakavākyairekavākyatayā mahāvākyārthajñānam; 
tato dhūmaviśiṣṭe vahnivaiśiṣṭyamiti mānasaṃ jñānam; tato 
vahnivyāpyadhūmavāniti mānasa li"ngaparāmarśaḥ; tato'numitiriti | 
nyāyajanyajñānajanakaśābdajñānajanakaṃ vākyamavayavaḥ | 
khaṇḍavākyārthajñānānantaraṃ mahāvākyārthajñānābhyupagamāt | te ca 
pratijñāhetūdāharaṇopanayanigamāḥ | hetva- 
bhidhānaprayojakajijñāsājanakaṃ vākyaṃ pratijñā | 
pañcamyantalākṣaṇikapadavannyāyapraviṣṭaṃ vākyaṃ hetuḥ | 
dṛṣṭāntavacanamudāharaṇam | parāmarśavacanamupanayaḥ | 
li"ngasambandhaprayuktaniścitasādhyavacanaṃ nigamanam | vyāpyāropeṇa 
vyāpakāropastarkaḥ | arthatatvāvadhāraṇaṃ nirṇayaḥ | 
tattvanirṇayoddeśapravṛttakathā vādaḥ | ubhayasādhanavatī vijigīṣukathā 
jalpaḥ | svapakṣasthāpanāhīno vitaṇḍā | yadjñāne 
satyanumityabhāvaniyamastadvatvaṃ hetvābhāsatvam | te ca 
savyabhicāraviruddhasatpratipakṣāsiddhabādhitāḥ pañcaiva | 
sādhyavanmātravṛttitvaniścayavirodhihetvābhāsatopādhimatvaṃ 
savyabhicāratvam | sa ca sādhāraṇāsādhāraṇānupasaṃhāribhedāttrividhaḥ 
| sapakṣavipakṣavṛttiḥ sādhāraṇaḥ, yathā śabdo nityaḥ prameyatvāt | 
samānabalopasthityā pratiruddhakāryakali"ngatvaṃ satpratipakṣatvam | balañca 
vyāptipakṣadharmate | 

pṛ0 245) yathā kṣityādikamakartṛkaṃ śarīrājanyatvāt | kṣityādikaṃ 
sakartṛkaṃ janyatvāditi ca | vyāptipakṣadharmatānyataravikalo heturasiddhaḥ 
| sa ca tridhā-āśrayāsiddhasvarūpāsiddhavyāpyatvāsiddhabhedāt | 
āśrayāsiddho yathā- kāñcanamayī taruṇī sadhanasvāmikā, 
vividhāla"nkāraśālitvāt | svarūpāsiddho yathā- kāmini karādimatī 
puruṣatvāt | vyāpyatvāsiddho yathā- parvato vahnimān nīladhūmāt | 
sopādhiko'pi vyāpyatvāsiddhaḥ | yathā- yāgīyā hiṃsā adharmasādhanaṃ 
hiṃsātvāt, kratubāhyahiṃsāvat | atra niṣiddhatvamupādhiḥ | 
sādhyavyāpakatve sati sādhanāvyāpakatvamupādhiḥ | pakṣe sādhyābhāvo 
bādhaḥ, yathā vahniranuṣṇaḥ kāryatvāditi | paratātparyāviṣayatve sati 
śabdatātparyasañcāreṇa dūṣaṇābhidhānaṃ chalam | yathā navapatnīko 
devadatta ityukte ekaivānena patnī bahutaraprayāsena labdhā kuto'sya navapatnya 
iti | vyāptimapuraskṛtya sādhakatvasādhanābhiprāyeṇa prayuktamuttaraṃ 
jātiḥ | yathā yadi paṭasādharmyāt 
kṛtakatvādayamanityastadā''kāśasādharmyāt prameyatvānnitya eva kasmānneti 
| nigrahanimittaṃ nigrahasthānam | nigrahaḥ parājayaḥ | yathā śabdo'nityaḥ, 
pratyakṣaguṇatvāt, ghaṭavaditi prayukte pareṇa pratyabhijñā- bādhena 
dūṣite tu tarhi ghaṭo'nitya iti pakṣaparityāgaḥ | 
ityevaṃrūpaṣoḍaśapadārthatattvajñānānmokṣa iti gautamīyāḥ | 
saptapadārthatattvajñānānmokṣa iti vaiśeṣikāḥ ||
atra vicāryate- prathamantāvadgautamīyapramāṇaprameyetyādi 
sūtroktamevāsa"ngatam | tathāhi- 
ātmaśarīrendriyārthabuddhimanaḥpravṛttidoṣapretyabhāvaphaladuḥkhāpavargā
stu prameyamiti 
prameyavibhājakasūtrāntarvibhaktārthābhidhacaturthaprameyāntargatatvātpramā
ṇādīnāmitareṣāṃ pañcadaśānāṃ tadabhimatānāṃ padārthānāṃ 
prameyāpekṣayā pṛthagbhāvābhāvena ṣoḍaśatvasyāsiddhatayā jñānasya 
tato'pyasiddhatayā tataśca mokṣaprāptirgaganakusumāyamānā | 
kiñcātmaśarīrendriyārthabuddhimanaḥpravṛttītyādi 
prameyavibhājakasūtroktamapyasa"ngatam | 
ātmetyādivibhajanīyapadārthāntargate arthanāmani  

pṛ0 246) prameye ātmādīnāṃ pūrveṣāṃ trayāṇāṃ budhyādīnāṃ 
pareṣāmaṣṭānāṃ dravye guṇarūpāṇāṃ prameyāṇāmuttaratra 
vibhajiṣyamāṇānāṃ 
yathāyathamantarbhāveṇārthapadārthavibhāgādetatsūtre ānarthakyena 
vibhāgāsa"ngatiḥ | nanvarthāḥ ṣaṭpadārthā 
ityartharūpaprameyasvarūpaparavibhāgajñānārthaṃ 
prameyasūtroktānāmātmādīnāṃ punargrahaṇam | prameyasūtre'pyuttaratra 
vibhajiṣyamāṇānāmātmādīnāmuddeśaḥ, ātmanaśca 
vyatiriktapadārthāpekṣayetarabhedajñānena 
mokṣayogyatayābhyarhitatvadyotanāya śatakṛtvo'pi pathyaṃ vaditavyamiti 
śabarasvāmibhāṣyoktanyāyenoddeśa iti cenna | 
śrutismṛtipurāṇetihāsādibhirātmano jaḍājaḍavivekenābhyarhitatve 
mokṣayogyatve ca siddhe tvatpāribhāṣiko vibhaktasya punaḥ punarvibhāgo 
vedavedā"ngāgamābhyāsapratyūhatayā pratyavāyakara eva | tathaiva 
rāmāyaṇe- �dharmaśāstreṣu mukhyeṣu mūḍhāḥ paṇḍitamāninaḥ | 
buddhimānvīkṣikīṃ prāpya nirarthaṃ pravadanti te ||� iti bhagavatā 
bālmīkinā pratipāditam | etena prathamasūtre'pi prameyasūtrapraviṣṭānāṃ 
saṃśayādīnāṃ pṛthaggrahaṇaṃ 
tattvāvadhāraṇaprayuktavādakathopayogitvenāvaśyakamityapi parāstam | kiñca 
pramāṇaprameyetyādisūtre dvandvasamāsānupapattiḥ | pāṇininā �cā'rthe 
dvandva� iti sūtreṇa padārthabhedasthala eva dvandvasamāsānuśāsanāt | naca 
padārthabhedābhāve'pi padārthatāvacchedakabhedamādāya dvandvaḥ 
sambhavatīti vācyam, sarūpāṇāmekaśeṣavidhāyakasūtravaiyarthyāpatteḥ | 
ghaṭā ityādau padārthabhede'pi padārthatāvacchedakasya ghaṭatvasyaikatvena 
tadabhāvāt | dvandvapravṛttiyogyasthala eva tadapavādasyaikaśeṣasyāpi 
vaktavyatvāt | naca nānārthasthale saindhavādipadeṣu 
padārthatāvacchedakabhedasatvena tatraikaśeṣasūtrapravṛtternaṃ 
sūtravaiyarthyamiti vācyam, tarhi dvandvatadapavādasūtrayoḥ 
kvacitpadārthabhede kvacitpadārthatāvacchedakabhede 
pravṛttirityananugamamapya"ngīkṛtya pāṇinisūtramapi 
svapāribhāṣikaṣoḍaśapadārthasiddhipratipādakasūtrasamāsasādhanānukūlat
ayā kliṣṭagatyā mūḍhaśraddhayā yojayitumayuktam 
|| ṣoḍaśapadārthatattvajñānādātmano mokṣaprāptirityuktam | sa 

pṛ0 247) cātmā'ṇuparimāṇo madhyamaparimāṇo vā ? nādyaḥ | 
aṇuparimāṇatve apratyakṣatāpatteḥ, mahatvābhāvāt | nacodbhūtarūpavatve 
sati bāhyendriyajanyapratyakṣaṃ pratyeva mahattvasya kāraṇatvānnoktadoṣa iti 
vācyam, kāryatāvacchedakagauravāt; pratyakṣatvena mahatvena 
kāryakāraṇabhāve lāghavāt | tathāsatyātmano'pratyakṣatāpattiranivāritā 
syāt | nanu vāyau mahatvasya darśane'pi tasyāpratyakṣatvāt, jīvasya 
bāhyendriyāpratyakṣatve'pyantarindriyapratyakṣatvādaṇuparimāṇatvaṃ 
sambhavatīti cenna, yatra mahatvaṃ tatrāvaśyaṃ pratyakṣeṇa bhāvyamiti na 
niyamaḥ | kintu pratyakṣaṃ prati mahatvaṃ kāraṇamityucyate | tathā cāṇau 
mahatvābhāvānna pratyakṣateti | nā'pi dvitīyaḥ-
madhyamaparimāṇasyānityatvena vyāptatvāt | kintu pāriśeṣyādvibhuriti 
vaktavyam | ki"nca deśāntareyaddravyamasmadbhogāyopapadyate, tadasmadadṛṣṭena 
janitamiti vaktavyaṃ | asmadadṛṣṭasyāsmadātmaniṣṭhatvena tasya 
paricchinnatve sati vastūtpattideśe 
adṛṣṭavadātmasaṃyogābhāvāttadvastubhogāya kathamupapadyate ? 
tasmādvastūtpattideśepyadṛṣṭavadātmasaṃyogo vaktavyaḥ | tena 
vibhutvasiddhiḥ | sa cānyonyasukhaduḥkhādivaicitryā-     tpratiśarīraṃ 
bhinnaḥ, vyāpakatvānnityaḥ | ahamitimānasapratyakṣam | vipratipattau 
budhyādili"ngānumeyaḥ, jñānādiguṇāśrayaḥ | 
etādṛśasyātmanaḥ ṣoḍaśapadārthatattvajñānānmuktiriti cenna, 
jñānādiguṇānāmātmanaśca bhedo vā syādabhedo vā syāt | nā'ntyaḥ 
ātmano'nityatvāpatteḥ, anityabudhyādyabhinnatvāt, 
vyāpakatvabha"ngaprasa"ngaśca paricchinnabudhyādyabhinnatvāt | nā'pi 
prathamaḥ bhede ghaṭapaṭayoriva tādātmyasambandhā'sambhavena 
tadguṇatvāpatterna jñānādiguṇāśrayatvamato jaḍatvamiti | 
yaccoktamātmanaḥ pratiśarīraṃ bhinnatvaṃ vibhutvañca tannopapadyate | 
tathāhi- pratiśarīraṃ bhinnasya vyāpakatvāyogāt | yadi vyāpakatvaṃ tadā 
pratiśarīrabhinnatvaṃ na sambhavati; vyāpakatvasya 
sakalamūrtadravyasaṃyogitvenoktatvāt | tathā satyekasmin śarīre 
nikhilātmasambandho vaktavyaḥ; tanna sambhavati yatraikaḥ sambadhyate 

pṛ0 248) tadavacchedenāparaḥ sambadhyate vā na vā na 
cedvyāpakatvabha"ngaprasa"ngaḥ | yadi sambadhyate anantānāmātmanāmekatra 
saṃyogāt śarīramevonmathyeta | kiñcaikasmin śarīre nikhilātmasaṃyogasya 
vidyamānatvādekasya sukhe sarveṣāṃ sukamekasya duḥkhe sarveṣāṃ duḥkhaṃ 
syāt | sakalaśarīreṣu sakalātmasambandhasya vidyamānatvāt, 
śarīrāvacchedenaivātmanāṃ sukhaduḥkhādidarśanāt | pratiśarīraṃ 
manassaṃyogasyāpi bhinnatvānnabhogasā"nkaryāpattiriti cenna, 
manassaṃyogasyāpi sarveṣāṃ tulyatvāt | naca yaccharīraṃ yadadṛṣṭena 
janitaṃ tattasyaiva bhogāyatanamiti niyamānnabhogasā"nkaryāpattiriti vācyam, 
ekasyaiva tadadṛṣṭaṃ nānyasyetyatrāpi niyamābhāvāt | na 
cādṛṣṭotpādakaṃ karma yena kṛtaṃ tasyaiva tadadṛṣṭamiti noktadoṣa iti 
vācyam, sarvātmasambandhenotpannaṃ karma ekasyaiva nānyasyeti 
niyamāsambhavādbhogasā"nkaryāpattirdurnivāraiva | kiñcātmanāṃ vyāpakatve 
utkrāntigatyādyanupapattiḥ | naca li"ngaśarīrasya 
yāvadjñānasthāyitvāttasyaivotkrāntigatyādikam, ātmanāṃ tadvārā 
tūpacaryata iti vācyam, �tamevotkrāmantaṃ prāṇā utkrāmantī�ti śrutyā 
ātmanāṃ prathamato gamanaṃ paścātprāṇopalakṣitali"ngaśarīrasya gamana-    
mucyate tadvirudhyeta | tasmāccharīragatagamanāgamanamapyātmanyupacaryata 
ityayuktam | sātmana eva gamanāgamanaṃ śrūyate natu jaḍasya kevalaṃ 
li"ngaśarīrasya | ateva �dvāvimau puruṣau loke sūryamaṇḍalabhedinau | 
parivrāḍyogayuktaśca raṇe cābhimukho hataḥ ||� ityātmana eva 
sūryamaṇḍalabhetṛtvopapatteḥ | deśāntarīyabhogyataravastuniyamastu 
parameśvarasya niyataśaktisāmarthyavaśādbhavatītyagre 
nipuṇataramupapādayiṣyāmaḥ | yaccoktamātmāhamiti mānasa pratyakṣaviṣaya 
iti tattucchaṃ, tathāhi- mānasapratyakṣaviṣayatvaṃ nāma 
manojanyajñānaviṣayatvam | ahamityetatprakāśakaṃ mānasaṃ jñānamiti 
vaktavyam, tathāsati tadbhinnatve sati tadviṣayasyādṛśyatvāt; tadabhinnatve 
satyanityatāpasiddhāntatādoṣau syātāmiti | kiñcātmanastāvadahamiti 
mānasajñānaviṣayatve jñānasyātmamātraprakāśakatvenā"ngīkṛta-

pṛ0 249) tvāt | evaṃ ghaṭādijñānānāmapi svamātraniṣṭhatvāt | ateva 
paraviṣayaparasvarūpāndhaprāyatvāt | parasparabhinnānāmaparasparavedināṃ 
jñānānāmanyonyaṃ bhedanaṃ bheditānāñca 
vyavasāyarūpāṇāmantaranusandhānenānuvyavasāyarūpabhedanamapi na syāt | 
ātmano ghaṭavadgrāhyakoṭiniviṣṭatvena grāhakatvābhāvāt | yasya yasya 
jñānaviṣayatvaṃ tasya tasya jaḍatvamiti niyamāt | na ca 
bahirindriyajanyajñānaviṣayasya ghaṭāderjaḍatve'pyātmanastadaviṣayatvāt, 
mānasajñānamātraviṣayatve jaḍatvābhāvānnoktadoṣa iti vācyam, 
tadviṣayatve'pi sukhādeḥ smaryamāṇaghaṭādeśca jaḍatvam, tathā 
jaḍatvāpattirdurnivāraiva | iṣṭāpattau jaḍasya ghaṭavatkadāpi samavāyena 
jñānotpattyanadhikaraṇaniyamāt ṣoḍaśapadārthatatvajñānānmokṣaprāptiḥ 
kasyeti na vidmaḥ || kiñcātmano jaḍatvā"ngīkāre'pi śākyaprayuktarītyā 
nityatvāsatkalpatvadoṣau na jahitaḥ | kiñcātmaviṣayakamānasajñānameva na 
yujyate | kutaḥ manasastāvadaṇutvena niraṃśatvādātmano vibhutvena 
niravayavatvādanayorniravayavayoḥ saṃyoga eva na sambhavati, 
saṃyogasyāvyāpyavṛttitvaniyamāt | tathā cātmamanassaṃyogāsambhavena 
tajjanyajñānābhāvādahamityātmakhyātireva na syāt | evaṃ manasa indriyeṇa 
saṃyogo'pi na    sambhavati | saṃyogasya dviniṣṭhatvena manaso niraṃśatvāt | 
bāhyapratyakṣe'pīndriyasannikarṣo nopayujyate | tathāhi- 
indriyāvayavānāmarthāvayavinaḥ, arthāvayavānāmindriyāvayavinaḥ khalu 
sambandhaḥ | saca na sambhavati, kutaḥ indriyaṃ sāvayavaṃ vā niravayavaṃ vā 
? nādyaḥ- sāvayavaṃ cedindriyāvayavaḥ sāvayavo niravayavo vā ? tasyāpi 
sāvayavatve'navasthāprasa"ngaḥ | avayavasyāvayavitvena avayavyavayavisaṃyogo 
na sambhavati | evamarthāvayavasyāpīndriyeṇa sambandho na sambhavati, 
arthāvayavasyāpi sāvayavatvenāvayavitvādubhayoravayavinoḥ sambandhābhāvāt 
| tasmādindriyārthayoravayavā niravayavāḥ | pūrvapūrveṣāmuttarottaraṃ 
pratyavayavitvena niravayavā ityevā"ngīkartavyāḥ | tathā sati niravayavayoḥ 
saṃyogo 

pṛ0 250) nopayujyate | tasya vyāpyavṛttitvaniyamenaikadeśavartitvāt | 
niravayavayordeśakālavibhāgābhāvāt | na dvitīyaḥ- indriyaṃ niravayavaṃ 
cedavayavasaṃyogasya vaktumaśakyatvāt | indriyaṃ tāvadgolakaṃ 
vihāyārthapradeśaṃ gacchati vā'rtha eva golakapradeśamāyāti vā ? nādyaḥ-
andhabadhiratvāpatteḥ, indriyasya gatatvādvedanāpyucchidyeta | nā'pi 
dvitīyaḥ arundhatīdhruvamaṇḍalādyarthastu saptalakṣayojanātkṣaṇena 
golakapradeśamāgatya punarjhaṭiti gacchatīti 
sarvānubhavavirodhenāyuktataratvāt | tasya dhruvamaṇḍalādeḥ svasthāna eva 
sthitatvāt | tasmādindriyajanyaṃ jñānaṃ pratyakṣamityetadanupapannamiti 
mantavyam | tasmādetanmūlakamanumānādikamapi khapuṣpaprāyamiti cintanīyam | 
eteneśvarasiddhirapi dūrāpāstā, tatsādhakapramāṇābhāvāt | astu 
tāvadanumānaṃ tathāpyatrānumitirna sambhavati, tasyā 
vyāptijñānasāpekṣatvāt | tatsvarūpasya jñātumaśakyatvāt | tathāhi-
lakṣaṇena khalu vyāptisvarūpaṃ jñātavyam | lakṣaṇantu 
sadasaddhetusādhāraṇatayoktañcedvyāptijñānameva na syāt | 
tasmātsakalasaddhetusādhāraṇyena lakṣaṇaṃ vaktavyam, tathā sati 
lakṣaṇakathanātprāguddeśāvasare sadasaddhetuvibhāgajñānaṃ vinā 
saddhetugatatvena lakṣaṇakathanaṃ nopapadyate, lakṣyajñānābhāvāt | 
lakṣyajñānaṃ kena jātamiti vicāre lakṣaṇeneti vaktavyam | 
lakṣaṇajñānārthaṃ lakṣyajñānamapekṣitam | lakṣaṇasya 
prayojanamitaravyāvṛttatayā lakṣyajñānameva | 
tasmādanyonyāśrayaprasa"ngāt | tatrāpi lakṣaṇāntarakathane 
cakrakādidoṣaḥ syāt | tasmādvyāptijñānābhāvādanumitirna sambhavati | 
nanu mahānase dhūmavahnyoḥ sāmānādhikaraṇyasya bhūyo bhūyo darśanena 
vyāptigrahādanumitiḥ sambhavatīti cenna, 
ekasambandhijñānamaparasambandhismārakamiti nyāyena 
dhūmasambandhijñānādvahnisambandhismṛtireva, natu tvaduktarītyā pūrvaṃ 
mahānase yatra dhūmastatrāgniriti bhūyo bhūyo vyāptigrahaṇapūrvakaṃ 
samyaganubhūtatvādanumitiriti | nacaivaṃ cetsmarāmīti pratītiḥ 
syānnatvanuminomīti vyavahāra iti vācyam, tādṛśavyavahārastu 
naiyāyikānāmeva natu sarva- 

pṛ0 251) sādhāraṇyena pāmarāṇāṃ 
vyāptipakṣadharmatāli"ngaparāmarśanādijñānābhāvānnānuminomīti 
vyavahāraḥ, kintu smṛtirūpameveti sarvānubhavasiddhatvādanavadyam | 
tasmādvyāptijñānābhāvānnānumitiḥ | kiñca kṣityādikaṃ sakartṛkaṃ 
kāryatvādghaṭavadityanumānena kileśvarasiddhiḥ | keyaṃ siddhirnāma 
kārakavyāpāro vā jñāpakavyāpāro vā ? nādyaḥ-nityasiddhaparameśvare 
kārakavyāpārāsambhavāt | na dvitīyaḥ- aparicchinnaprakāśe parameśvare 
deśakālādyupadiṣṭaparicchinnāntaḥkaraṇavyāpārātmakenānumānena 
jñāpakavyāpāro'pi na sambhavatīti | api ca 
paricchinnamānasikajñānavedyatvādīśvarasya jaḍatvādyāpattiranivāritā 
syāt | parañcānumānotthāpanameva na sambhavati, anumāturaprasiddhatvāt | 
nanvahamiti prasiddha iti cenna, tadahaṃ pratyayasya mānasikajñānarūpatvena 
tadbhinnatayā tadviṣayatvasyādṛśyatvāt | tadabhede śabdabuddhikarmaṇāṃ 
trikṣaṇāvasthāyitvanimenānityatvādidoṣa āpatediti | ayaṃ ghaṭa 
ityādijñānakāle suptimūrcchādau ca tadabhāvāt | na cānumātrānumīyate 
budhyādiguṇali"ngairiti vācyam, kenānumīyata iti na vidmaḥ, 
tasyaivāprasiddhatvāt | kiñca sa parādhīnaprakāśo vā svaprakāśo vā ? 
nādyaḥ-      parādhīnaprakāśasya ghaṭatulyayogakṣematvenānanumātṛtvāt | 
na dvitīyaḥ- sūryādiprakāśavajjaḍassvaprakāśo vā 
tatprakāśakasvatantracitprakāśo vā ? nādyaḥ- punarapi 
ghaṭṭakuṭīprabhātanyāyāt | na dvitīyaḥ- apasiddhāntāt | citprakāśasya 
guṇapadārthatvena ātmano dravyapadārthatvenā"ngīkṛtatvāt | nanu 
citprakāśabhinnatvepyātmanaściddharmayukta itya"ngīkṛtatvānna jaḍatvamiti 
cenna, ghaṭādivaccidbhinnasya samavāyena ciddharmaśūnyatvayinamāttathāpi 
paricchinnāntaḥkaraṇavyāpārātmakānumitijñānaviṣayasya jaḍatvaniyamāt 
śākyaproktadūṣaṇagrastatvācceti sa"nkṣepaḥ ||
etena vaiśeṣikā api pratyākhyātāḥ | tathāhi- te khalu dravyaguṇa 
karmasāmānyaviśeṣasamavāyābhāvākhyāḥ saptaiva padārthāḥ iti vadanti 
tadapyayuktaṃ, ṣoḍaśapadārthakhaṇḍanarītyaiva khaṇḍitatvāt | 
viśeṣatastu

pṛ0 252) te dravyasya guṇāśrayo dravyamiti lakṣaṇaṃ varṇayanti | 
guṇāśrayatvaṃ nāma guṇātyantābhāvānadhikaraṇatvaṃ, 
tenādyakṣaṇāvacchinne ghaṭe nāvyāptiriti tadayuktam, rūpasyāpi 
sa"nkhyārūpaguṇāśrayatvāt | nīlātpītaṃ pṛthagiti nīlapītādeḥ 
pṛthaktvarūpaguṇāśrayatvācca lakṣaṇamativyāptam | na ca rupādau 
sa"nkhyāpṛthaktvādikamekāśrayasamavetatvasambandhena dravyaniṣṭhameva 
pratīyata iti vācyam, vaiparītyasyāpi suvacatvātpramāṇābhāvācca | na ca 
guṇe guṇāna"ngīkārānyathānupapattereva pramāṇamiti vācyam, lakṣaṇa 
mukhena lakṣyajñāne jāte sati khalvidaṃ dravyamayaṃ guṇa iti vibhāgaḥ | 
tataḥ pūrvaṃ guṇa iti nirṇaya evāstu kathaṃ guṇe guṇāna"ngīkārāditi 
hetuprayogaḥ ? svarūpajñānābhāvāt | pūrvaṃmeva vibhāgo 
jñātaścellakṣaṇakathanaṃ vyarthameva | na ca lakṣaṇasya prayojanaṃ 
padārthasvarūpajñānameveti vācyam, pūrvamevoddeśakāle 
padārthasvarūpajñānasya vṛttatvāt | anyathā padārthasvarūpajñānaṃ vinā 
tadvibhāgajñānāsambhavātpadārthavibhāgajñānaṃ vinā 
padārthasvarūpajñānāsambhavādevamanyonyāpekṣāyāmanyonyāśrayādidoṣapra
sa"ngāt | kiñcaikasminneva ghaṭe rūpadvayamiti pratītirjāyate | tatra 
dvitvasa"nkhyā na ghaṭaniṣṭhā    bhavati, ekasmin ghaṭe dvitvābhāvāt | 
tasmādrūpagataiva dvitvasa"nkhyā bhāsata iti guṇāśrayatvalakṣaṇaṃ 
rūpādāvativyāptam | etena samavāyikāraṇaṃ dravyamiti lakṣaṇamapi 
nirastaṃ veditavyam, rūpādīnāṃ 
sa"nkhyāpṛthaktvādiguṇasamavāyikāraṇatvāt | naca svarūpasambandhena 
sa"nkhyādikaṃ rūpādau pratīyata iti vācyam, tathā sati dravyaguṇayorapi 
svarūpasambandha evāstu pramāṇābhāvena samavāyasya nirākariṣyamāṇatvāt 
| atha dravyatvaṃ nāma jātiriti cenna, jātisadbhāve pramāṇābhavāt | 
nacedaṃ dravyamidaṃ dravyamiti nikhiladravyeṣvanugatākārapratītireva 
pramāṇam dravyaguṇakarmasu 
dravyatvaguṇatvakarmatvasvarūpadharmamantareṇānugatākārapratītyanudayāt, sa 
ca dharmaḥ pariśeṣājjātirevasyāditi vācyam, 
kḷptenaikapadopāttatvenānugatavyavahāropapattau tadanyathānupapattyā 
jātikalpanamayuktam | naca saṃyogatāvacchedakatayā

pṛ0 253) vibhāgatāvacchedakatayā kāryatāvacchedakatayā 
pratibadhyapratibandhakatvāvacchedakatayā ca jātisiddhiriti vācyam, 
tattadavacchedakatayā kaściddharmo'"ngīkartavyo natu jātiḥ | jātivyaktyoḥ 
samavāyasambandhasyoktatvāt | samavāyaḥ khapuṣpāyamāṇa iti 
vakṣyamāṇatvāt | atrāpi saṃyogādiṣvekapadopāttatvasya vidyamānatvācca | 
tasmāddravyasvarūpanirūpaṇamanupapannam | ateva dravyakarmabhinnatve sati 
jātimatvaṃ guṇatvamiti tadapyayuktam | dravyasvarūpasyaiva 
jñātumaśakyatvāttadbhinnatvaṃ sutarāṃ jñātumaśakyam | sati kuḍye 
citrakarmasiddhiriti nyāyāt | kiñca bhedasvarūpamapi jñātuṃ na 
śakyamityagre mādhvasiddhāntabha"ngaprakaraṇe nipuṇataramupapādayiṣyate | 
ateva karmabhinnatvamapi vaktuṃ naśakyate, 
bhedavādasyāgre'pavadiṣyamāṇatvāt | tasmādetādṛśalakṣaṇena 
guṇasvarūpaṃ jñātumaśakyam | kimidaṃ 
karmatvamutkṣepaṇādipañcānyatamatvamiti tadapyayuktam | �idaṃ sarvamasṛjata� 
ityādi śrutyā, kriyata iti karmeti vyutpattyāca sarvasyāpi jagataḥ karmatvāt 
pañcaiva karmeti niyamo na yuktaḥ | karmatvaṃ jātiriti cettatsadbhāve 
pramāṇaṃ nāstīti pradarśitatvāt | sāmānyamapi kimucyate ? 
nityamekamanekānugataṃ     sāmānyamiti tadayuktam | samavāyepyativyāpteḥ, 
tasyāpi tathātvā"ngīkārāt | naca nityatve satyanekasamavetatvaṃ taditi 
vācyam, samavetatvannāma samavāyasambamdhena vidyamānatvamiti tasya 
dūṣyamāṇatvādidaṃ lakṣaṇamanupapannam | jātisadbhāve pramāṇābhāvasya 
darśitatvāt | viśeṣo'pi kimucyate ? nityadravyāṇāṃ 
parasparavyāvartakatvena kila viśeṣo'"ngī kriyate | svasya vyāvartakaṃ 
kimityapekṣāyāṃ svayameva cedātmāśrayaḥ | 
anyonyāpekṣāyāmanyonyāśrayādidoṣaprasa"nga iti | apica 
lāghavānnityadravyāṇi svata eva vyāvartakānīti na vyāvartakāntarāpekṣeti 
na viśeṣasiddhiḥ ||
samavāyasadbhāve'pi pramāṇaṃ na paśyāmaḥ | naca 
ghaṭo'yamitiviśiṣṭabuddhirviśeṣaṇaviśeṣyatatsambandhaviṣayā 
viśiṣṭabuddhitvāt,

pṛ0 254) yathā daṇḍī puruṣa ityanenānumānena kaścana sambandhaḥ siddhaḥ 
| guṇaguṇinoḥ saṃyogo na sambhavati, dravyayoreva saṃyoganiyamāt, 
ayutasidhyabhāvāt | anantānāṃ svarūpāṇāṃ sambandhatvakalpane 
gauravāllāghavādekasamavāyasiddhiḥ | sa ca guṇaguṇinoravayavāvayavinoḥ 
kriyākriyāvatorjātivyaktyorviśeṣanityadravyāṇāñcaika evā"ngīkriyata iti 
vācyam, samavāyasyaikatve vāyau rūpavattāpratītiḥ syāt, sparśasamavāyasya 
rūpasamavāyasya caikatvāt | na ca sambandhasya vidyamānatve'pi sambandhino 
rūpasyābhāvānna rūpavattāpratītiriti vācyaṃ, tathā sati tasya 
sambandhatvameva na syāt; sambandhiniṣṭhatvābhāvāt, tasmādvāyau 
rūpavattāpratītiḥ syādeva | nanu samavāyasyaikatve'pi vāyau 
rūpanirūpitasamavāyo nāstīti cenna, rūpanirūpitasamavāyasya 
sparśanirūpitasamavāyasya ca bhede 
lāghavādekasamavāyasiddhirityuktivyāghāto'pasiddhāntaśca syāt | 
lāghavātkilaikaḥ samavāyo'"ngīkṛtaḥ, nānātve lāghavaṃ kutaḥ ? tathā ca 
mahadgauravaṃ syāt | tathāhi- pratyekapadārthatayā"ngīkṛtassamavāyo 
ghaṭādau kena sambandhena vartata ityākā"nkṣāyāṃ, dravyayoreva 
saṃyogasambandhaniyamātsambandhasambandhinorna saṃyogaḥ | nāpi samavāyaḥ, 
samavāyasya samavāyāntarābhāvāt |     tathā"ngīkāre'navasthāprasa"ngaḥ | 
tathā cānanyagatikatvāt svarūpasambandha eva śaraṇīkaraṇīyaḥ | tathā 
sati dharmadvayakalpanamatigauravaṃ tavaiva | nanu ekasminneva ghaṭe 
pratīyamānarūpādiguṇānāṃ ghaṭatvādijātīnāmevaikeṣāṃ 
svarūpasambandhatvakalpane 
gauravāllāghavādekasamavāyastattatpadārthaniṣṭhatvena svīkriyata iti cenna, 
tadgatarūpagrāhakanetrendriyeṇa tadgatagandho'pi gṛhyatām, 
samavāyasyaikatvena rūpasamavāyābhinnagandhasamavāyasya netrapradeśe 
vidyamānatvāt | na ca rūpāvacchinnasamavāyo bhinnaḥ, 
gandhāvacchinnasamavāyo bhinna iti vācyaṃ, punarapi ghaṭṭakuṭyāṃ 
prabhātaḥ syādeveti svarūpasambandha eva śaraṇīkaraṇīyo lāghavāt,

pṛ0 255) gauravānna samavāyaḥ | kiñca 
viśiṣṭabuddhitvādityudāhṛtahetusvarūpamapi jñātuṃ na śakyate | tathāhi- 
viśiṣṭatvantu viśeṣaṇaviśeṣyatatsambandhebhyaḥ kimanatiriktamatiriktaṃ 
vā syāt | na dvitīyaḥ, atiriktaṃ daṇḍinamānayetyukte'tadānayanaprasa"ngāt 
| tadbhinnatvādeva | nāpi prathamaḥ; anatiriktatve viśeṣaṇādau pratyekaṃ 
viśiṣṭabuddhiḥ syāt tattatsvarūpānatiriktatvāt | na ca 
samudāyaniṣṭhamiti vācyam ? tadeva 
vaiśiṣṭyamityātmāśrayādidoṣaprasa"ngāt ||
ko'yamabhāvo nāma ? bhāvabhinnatvamiti cetkimidaṃ bhāvatvam ? 
vidhimukhapratyayavedyatvamiti cenna, iha bhūtale ghaṭābhāvo netyatra 
ghaṭasyāpi niṣedhamukhapratyayavedyatvena 
tadanullikhitadhīviṣayatvābhāvādbhāvatvaṃ na syāt | na ca 
ghaṭābhāvābhāvo na ghaṭātmakaḥ, kintvatirikta iti vācyam, evamanenaiva 
krameṇa tadabhāvo'pyatirikta ityanavasthāpatteḥ | naca 
ghaṭābhāvābhāvastvatiriktaḥ, tadabhāvastvadhikaraṇātmaka iti vācyaṃ, 
yayā yuktyā ghaṭābhāvābhāvastvatirikta itya"ngīkriyate tayaiva yuktyā 
tadbhāvo'pyatirikta itya"ngīkartavyaḥ | tathā satyanavasthāpattiriti | 
nacānavasthādoṣavaśādeva ghaṭābhāvābhāvasya nātiriktatvama"ngīkriyata 
iti vācyam, lāghavādghaṭābhāvābhāvasya ghaṭarūpatvamevā"ngīkriyatām, 
atiriktābhāvakalpane gauravāt | iha bhūtale ghaṭa eva vartate, ghaṭābhāvo 
neti ghaṭābhāvābhāvasya ghaṭābhedena bhāsanādanubhavavirodhaśca | etena 
nañarthollikhitadhīviṣayatvamabhāvatvamityapi dūrāpāstam, 
ghaṭābhāvābhāvarūpasya ghaṭasya nañarthollikhitadhīviṣayatvaṃ vartata 
ityabhāvatvaṃ syāt | ghaṭābhāvo'stītyatrābhāvasyāpi 
nañarthānullikhitadhīviṣayatvādabhāvatvaṃ na syāt | naca bhāvatvaṃ nāma 
satvameveti vācyam, satvaṃ nāma svarūpasattvaṃ vā sattāviśiṣṭatvaṃ vā ? 
nādyaḥ,        abhāve'pi svarūpasattvasya vidyamānatvādativyāptiḥ | na 
dvitīyaḥ, sāmānyādiṣu tadabhāvenāvyāpteḥ; sāmānyāditrayaṃ 
nissāmānyamitya"ngīkṛtatvāt | tasmādbhāvatvaṃ durvijñeyaṃ 
tadbhinnatvamabhāve sutarāṃ durvi-

pṛ0 256) jñeyamiti | na cābhāvatvamakhaṇḍopadhiriti vācyam, bhāvapadārthe 
jñāne tadbhinnasyābhāvatvamakhaṇḍopādhiriti vaktuṃ śakyate | adyāpi 
bhāvābhāvapadārthavibhāgābhāvāt | tasmāt pāribhāṣikeṣu padārtheṣu 
saptasu ṣoḍaśasu ca kecana nityāḥ, kecanānityā iti varṇayanti | 
pṛthivyādiparamāṇava ākāśādayaḥ pañca nityāḥ | dvyaṇukādikāḥ 
kāryarūpāḥ śarīrendriyaviṣayāstvanityāḥ | rūpādayo guṇāścānityāḥ 
| tatrāpi jalādiparamāṇuguṇo nityaḥ | kāryagatastvanityaḥ | karmāpyanityam 
| sāmānyāditrayaṃ nityameva | tatrānityānāṃ padārthānāṃ paramāṇubhya 
utpattiṃ varṇayanti | īśvarasya nimittatvaṃ jīvādṛṣṭasyāpi tadeva | 
evaṃ jīvādṛṣṭavaśādīśvarecchayā niścaleṣu paramāṇuṣu kriyotpadyate, 
kriyāto vibhāgaḥ, vibhāgātpūrvasaṃyoganāśaḥ, tata 
uttarasaṃyogotpattiriti krameṇa paramāṇudvayasaṃyogād dvyaṇukamutpadyate | 
tādṛśaistribhirdvyaṇukaistrasareṇuḥ | caturbhistryaṇu 
kaiścaturaṇukādikrameṇa mahāpṛthivyādijagadutpattiriti | tadayuktaṃ | 
tathāhi- saṃyogastu svāśrayaṃ vyāpya vartate vā kimavyāpya vartate ? 
nādyaḥ, dvyaṇukādiprathimānupapatteḥ | saṃyogasya svāśrayavyāpakatvāt | 
dvayoḥ paramāṇvoreka- rūpatvaprāptyā aṃśataḥ 
saṃyogāsambhavātparamāṇutaiva syānna dvyaṇukatā | nāpi dvitīyaḥ, 
niravayavayoḥ paramāṇvoravyāpyavṛttisaṃyogo na sambhavati, niravayavatvena 
deśakālavibhāgābhāvāt | nanvīśvarecchāvaśānniravayavayorapi 
paramāṇvoḥ saṃyogaḥ sambhavatīti cenna, īśvaraḥ kiṃ svatantro vā 
paratantro vā ? svatantratve jīvādṛṣṭaparamāṇusaṃyogayornirapekṣatvāt | 
tadapekṣāyāṃ tadadhīnatvātsvātantryabha"ngaprasa"ngaḥ | anyanirapekṣayā 
kartṛtvameva hi svātantryam | ata evoktaṃ bhagavatā pāṇininā �svatantraḥ 
karte�ti | asvatantraścetparatantratvādanīśvaratvaprasa"ngo 
niyatapadārthādhīnakumbhakāravaditi | adṛṣṭasyāpi paramāṇusaṃyogaṃ 
prati na kāraṇatvaṃ tasyāpi jaḍatvāt | īśvarecchayā kāraṇatvaṃ 
sambhavatīti cettadasa"ngatamiti pūrvameva pradarśitatvāt |

pṛ0 257) yadi jaḍenaiva svātantryeṇa kāryotpattistarhi mṛtpiṇḍo'pi 
kumbhakāramantrareṇa ghaṭamutpādayet | nanu nirjane'raṇyādau 
cetanavyāpāramantareṇa bījāda"nkurotpattirdṛśyate, tadvadatrāpi 
bhaviṣyatīti cenna; tatra bījaṃ vā santama"nkuramutpādayatyasantaṃ vā ? 
nādyaḥ, svataḥsiddhasyotpādanāsambhavāt | na dvitīyaḥ, tathāsati 
panasabījātsahakārādyutpattiḥ syādityapi prasa"ngāt | tasmāttatrāpi 
jaḍena bījena svātantryeṇa nā"nkurotpattiḥ, īśvarecchāyā eva 
niyāmakatvāt | nanu tathaiva sarvatra jīvādṛṣṭavaśātparamāṇubhyaḥ 
prapañcotpattāvīśvarecchaiva niyāmikā bhavatviti cenna, bhavanmate 
tāvadīśvarasya niyatapadārthādhīnakumbhakāravadasvatantratvasya jaḍatvasya 
ca pradarśitatvāt | kiñca śadeva saumyedamagra āsīdekamevādvitīyam | 
tadaikṣata bahu syāṃ prajāyeyeti, sa vai naiva reme tasmādekākī na ramate na 
dvitīyamaicchat |� ityādiśrutibhiḥ sṛṣṭeḥ prāgīśvarasyaiva 
jagatkāraṇatvakathanāt, evakārādibhiritarasya padārthasya 
nirasanadvārānanyamukhaprekṣakatvalakṣaṇaṃ svātantryamevāvagamyate | 
tasmājjīvādṛṣṭavaśātparamāṇubhirjagadutpattirityayuktam | anyadvicāryate 
| ghaṭādīnāmutpattirnāmādyakṣaṇa-     sambandha iti cenna, sambandhasya 
dviniṣṭhatvāt | ādyakṣaṇe ghaṭābhāvāttallakṣaṇamanupapannamiti | na 
cādyakṣaṇe ghaṭo vartata iti lakṣaṇamupapannamiti vācyam, yadyādyakṣaṇe 
ghaṭo vartate tarhi tadutpattireva na syāta; siddhatvāt | utpattyanantaraṃ 
ghaṭaḥ, prāk ghaṭo nāstīti bhavanmatam | mṛddaṇḍacakrasalilacīvarādinā 
pūrvamavidyamāna eva ghaṭa utpadyata ityukteḥ | tasmādutpattikṣaṇe 
ghaṭābhāvādādyakṣaṇasambandha utpattirityayuktam | kiñca 
ghaṭasyotpattirapi bhavanmatarītyā na sambhavati, utpatteḥ sapratiyogikatvāt | 
utpatteḥ pūrvaṃ ghaṭasyābhāvānniṣpratiyogikotpattiḥ syāt, 
nirviṣayakotpattiḥ syāditi yāvat | kathamasataḥ sajjāyateti śrutivirodhaḥ, 
nāsato vidyate bhāva iti smṛtivirodhaśca | tasmādghaṭasya 
nityatvamevā"ngīkartavyam | nanu tarhi yato vetyādiśrutibhirlau- 

pṛ0 258) kikānubhavena ca ghaṭopalakṣitaprapañcasya tāvadutpattiḥ 
pratīyate, sā nopapadyeta | tathāsati brahmaprapañcayoḥ kāryakāraṇabhāvo 
na syāt | ghaṭopalakṣitanikhilaprapañcasyāpi nityatvāditi cenna, śrutau 
jāyanta iti śabdastāvadāvirbhāvaparaḥ, ananyagatikatvāt | janī= 
prādurbhāva ityukterutpattirāvirbhāva ityavagatam, 
ādyakṣaṇasambandhalakṣaṇotpatteḥ khaṇḍitatvāt | āvirbhāvo nāma 
mṛddaṇḍasalilacakracīvarādinā pūrvaṃ 
sūkṣmarūpeṇobhayendriyāṇāmagocaratayā svātmatādātmyena vidyamānasya 
ghaṭasyobhayendriyagocaraṃ yathā bhavati tathā sthūlarūpeṇa 
vyaktīkaraṇameveti śrutismṛtyanubhavabalena ca siddhaṃ bhavati, asata 
utpattyayogāditi śrutiyuktibhyāṃ nirṇītatvādasadutpattipakṣastvasamañjasa 
eva, śaśaviṣāṇādīnāmapyasatāmutpattiḥ syādityatiprasa"ngāt | ateva 
brahmaprapañcayoḥ kāryakāraṇabhāvo'pi sambhavati, utpattisvarūpasya 
pradarśitatvāt | uktalakṣaṇasya ghaṭasyārthakriyāvatvena 
yāvatsañjihīrṣamebādhitasthairyaṃ sthitiriti | evaṃ vināśo'pi na 
dhvaṃsaḥ, kintu tirobhāva eva | �adarśanaṃ lopa� iti smṛteḥ | 
mudgaraprahārādinobhayendriyottīrṇatayā 
sūkṣmarūpeṇārthakriyāśūnyatayā pramātṛtādātmyenāvasthānamiti 
mantavyam | padārthasvarūpasyaiva nāśe punastadviṣayiṇī smṛtirna syāt | 
smṛteḥ saviṣayakatvaniyamāt | saṃskārasyāpi tathaiveti | 
tasmādutpattivināśayoḥ sapratiyogikatvādāvirbhāvatirobhāvaparāvetāviti 
vimarśanīyam | taduktaṃ śrīmadvirūpākṣapañcāśikāśāstre- �dyāvā 
pṛthvī deśaḥ kālo'horātra iti yayoḥ prasaraste bhānatirodhikṛtiśaktirme 
bhāvavṛndasyeti ||�
evaṃ tvaduktamokṣalakṣaṇamapi na sambhavati | tathāhi- 
ātyantikaduḥkhanivṛttirmokṣa iti | tatra vicāryate | 
ekaviṃśatividhaduḥkhānāmatyantanāśaḥ punarutpattiśa"nkārāhityena 
tatsvarūpanāśo dhvaṃsa iti yāvat, sa eva mokṣa iti khalu te matam | tathāca 
sukhaduḥkhayormanojanyajñānaviṣayatvena ṣaḍviṣayāntaḥpatitatvādekaviṃśa
tisa"nkhyāvatvamanupapannam | 

pṛ0 259) tathāpi manasastāvannityatvā"ngīkāreṇa 
tannāśāsambhavādanirmokṣaprasa"ngaḥ | kiñca buddhisukhayorapi nāśe 
pāṣāṇavajjaḍatayātmano'vasthānaprasa"ngaḥ | iṣṭāpattau 
tadvadanityatvaprasa"ngaśca | nanu jaḍasyāpyākāśavannityatvaṃ sambhavatīti 
cenna, tasyāpyanityatvāt; �ātmana ākāśaḥ sambhūtaḥ | etasmājjāyate 
prāṇo manobuddhīndriyāṇi ca | khaṃ vāyurjyotirāpaśca pṛthvī viśvasya 
dhāriṇī�tyādiśrutibhirutpatteḥ śravaṇādityalamatiprapañcena | 
tasmādgautamakaṇādamate jaḍacetanavivekaḥ, taddvārā jīveśvaravibhāgaḥ, 
taddvārā bandhamokṣavyasthā ca na sambhavatīti 
pradarśitatvādetacchāstradvayaṃ janamohanāya praṇītamiti mantavyam || ateva 
śrutismṛtipurāṇādiṣu tannindā śrūyate | tathāhi- ṅaiṣā tarkeṇa 
matirāpaneyā� iti śruteḥ | �tarkāpratiṣṭhānādi� ti vyāsasūtram | 
�tarko'pratiṣṭhaḥ śrutayo'pi bhinnā mahāmunīnāṃ matayo'pi bhinnāḥ | 
dharmasya tattvaṃ nihitaṃ guhāyāṃ mahājano yena gataḥ sa panthāḥ� iti 
mahābhārate yakṣaṃ prati dharmarājoktiḥ | �haitukānbakavṛttīṃśca 
vā"nmātreṇāpi nārcayet |� iti yājñavalkyaḥ | �ānvīkṣikyāṃ sadā 
saktaṃ naraṃ śvānaṃ ca taṃ viduḥ |� iti padme śukaṃ prati vyāsoktiḥ |  
ṅāsūyakāyānṛjave na vā nirdagdhakāriṇe | na tarkaśāstradagdhāya na 
vācyaṃ piśunāya ce�ti | �krūro'lpavidyo vyasanī kṛtaghno dambhī 
punarbhūrgurubhaktiśūnyaḥ | mātsaryayukto vyasanī prasakto 
bhavetpratiṣṭhādiṣu tārkikaśce�ti śaivatāntrikoktiriti sa"nkṣepaḥ ||

iti vīraśaivānandacandrikāyāṃ vādakāṇḍe 
tarkamatanirūpaṇatannirākaraṇaprakāro nāma pañcadaśaṃ prakaraṇam ||

pṛ0 260) vīraśaivānandacandrikāyāṃ
vādakāṇde
ṣoḍaśaṃ prakaraṇam ||

guro tarkamataṃ tasya nirākaraṇamuttamam |
tvayā proktaṃ niśamyāhaṃ prahṛṣṭahṛdayo'bhavam ||
keṣāṃ matamupakrāntaṃ bhṛ"ngiṇā ca tataḥ param |
yuktyā śīlavatā tacca khaṇḍitaṃ kathamīraya ||
bho śīlavadvarya tavāsti garvaḥ 
pradūṣaṇāttarkamatasya bhūyān |
mahattaraṃ yogamataṃ vadāmi 
yuktyā kathaṃ dūṣayati tvamīkṣe ||
ityuktavantaṃ kila bhṛ"ngiṇaṃ drāk
sa śīlavānāha vadādyatacca |
bhṛ"nginnahaṃ yogamataṃ praśastam 
pradūṣayāmi tvamihaiva paśya ||
itthaṃ basavabhūpāla śṛṇu tvaṃ bhṛ"ngiśīlinoḥ |
vacanaṃ vismayakaraṃ kathayāmyahamādarāt ||

pṛ0 261) �yogaścittavṛttinirodhaḥ |� draṣṭuḥ puruṣaṣya 
svarūpacinmātratāyāmavasthānaṃ cittaśabdārthaḥ | vṛttisamudāyo'vayavī 
cittamityucyate | ghaṭādyākāreṇa cittapariṇatirvṛttiḥ | sā ca vṛttiḥ 
kliṣṭākliṣṭāceti dvidhā | tāśca 
pramāṇaviparyayavikalpanidrāsmṛtibhedena pañcadhā | tatra 
pramāṇamavisaṃvādijñānam | tacca pratyakṣānumānāgamabhedāttridhā | 
indriyadvāreṇa bāhyavastūparāgāccittasya tadviṣayā 
sāmānyaviśeṣātmano'rthasya viśeṣāvadhāraṇapradhānā vṛttiḥ pratyakṣam 
| gṛhītasambandhālli"ngali"nginoḥ sāmānyātmanā'dhyavasāyo'numānam | 
āptavacanamāgamaḥ | atathābhūte'rthe tathotpadyamānaṃ jñānaṃ viparyayaḥ 
| saṃśayo viparyayabhedaḥ | devadattasya kambalamityādau ṣaṣṭhyā 
yo'dhyavasito bhedastaṃ puruṣasya caitanyaṃ svarūpamityādāvavidyamānamapi 
samāropyādhyavasāyo vikalpaḥ | santatodriktāttamasaḥ sarvaviṣayaparityāgena 
pravartamānā vṛttirnidrā | pramāṇenānubhūtasya viṣayasya 
saṃskāradvāreṇa buddhāvārohaḥ smṛtiḥ | tatra pramāṇaviparyayavikalpā 
jāgradavasthā | ta eva yadānubhavabalātprakṣīyamāṇāḥ sa svapnaḥ | evaṃ 
pañcavṛttayaḥ ||
sā"nkhyamatasiddhajaḍapariṇāmitvamanumanvānāḥ pātañjalāḥ 
punarevamupavarṇayanti-yogaścittavṛttinirodhaḥ | draṣṭuḥ puruṣasya 
svarūpacinmātratāyāmavasthānaṃ cittaśabdārthaḥ | yogādanyasmin kāle sā 
ghaṭādyākārā | yathā jalatara"ngeṣu calatsu candraścalanniva pratibhāsate 
tadvaccittamapyabhyāsavairāgyābhyāṃ nivṛttabāhyābhiniveśānāṃ 
vṛttīnāmantarmukhatayā svakāraṇa eva citte śaktirūpeṇāvasthānaṃ 
nirodhaḥ | vṛttinihatasya svarūpaniṣṭhapariṇatirūpatāyāṃ yatna utsāhaḥ 
| punaḥ punastathātvena cetasi viniveśanamabhyāsaḥ | sa eva bahukālaṃ 
nairantaryeṇā''darātiśayena ca sevyamāno dṛḍhabhūmiḥ ihaivopalakṣyamāṇe 
śabdādau dṛṣṭa ānuśravike devalokādau ca 
pariṇativirasatvadarśanādviraktasya mamaite vaśyā nāhameteṣāṃ vaśya iti 
vimarśo vairāgyam | evaṃvidho yogaḥ | samprajñātāsamprajñātabhedena 
dvividhaḥ samādhiḥ | samyak saṃśayaviparyaya- 

pṛ0 262) rahitatvena prajñāyate prakarṣeṇa jñāyate bhāvasya svarūpaṃ yena 
sa samprajñātasamādhirbhāvanāviśeṣaḥ | 
savitarkasavicārasānandasāsmitabhedāt sa caturvidhaḥ | samādhirbhāvanā 
bhāvyasya viṣayāntaraparihāreṇa cetasi punaḥ punarniveśanam | bhāvyañca 
dvividhamīśvarastattvānīti, tāni ca tattvāni jaḍājaḍabhedāddvidhā | 
jaḍāni caturviṃśatirajaḍaḥ puruṣaḥ | tatra yadā mahābhūtendriyāṇi 
sthūlāni viṣayatvenādāya pūrvāparānusandhānena śabdārthollekhasambhedena 
ca bhāvanā pravartate tadā savitarkasamādhiḥ | asminnevālambane 
pūrvāparānusandhānaśabdollekhanaśūnyatvena yadā bhāvanā pravartate tadā 
nirvitarkaḥ samādhiḥ | tanmātrāntaḥkaraṇalakṣaṇaṃ sūkṣmaṃ 
viṣayamālambya tasya deśakāladharmāvacchedena yadā bhāvanā pravartate tadā 
savicāraḥ | tasminnevālambane deśakāladharmāvacchedaṃ vinā 
dharmimātrāvabhāsitvena kriyamāṇā bhāvanā nirvicārasamādhiḥ | ete 
grāhyasamādhayaḥ, yadā tu rajastamoleśānuviddhamantaḥkaraṇasattvaṃ 
bhāvyate tadā guṇabhāvāccitiśakteḥ sukhaprakāśamayasya sattvasya 
bhāvyamānasyodrekātsānandaḥ samādhiḥ | asminneva samādhau ye 
baddhadhṛtayastattvāntaraṃ pradhānapuruṣaṃ na paśyanti te 
vigatadehāha"nkāratvādvidehaśabdavācyāḥ | iyaṃ   grahaṇasamāpattiḥ | 
tataḥ paraṃ rajastamoleśānabhibhūtaṃ śuddhasattvamālambanīkṛtya yā 
pravartate bhāvanā tasyāṃ grāhyasya sattvasya 
nyagbhavāccitiśakterudrekātsattāmātrāvaśeṣatvena samādhiḥ sāsmita ucyate 
| na cāha"nkārāsmitayorabhedaḥ śa"nkanīyaḥ, yato 
yatrāntaḥkaraṇamahamityullekhena viṣayānvedayate so'ha"nkāraḥ | 
yatrāntarmukhatayā pratilomapariṇāme prakṛtilīne cetasi 
sattāmātramavabhāti sā'smitā | asminneva samādhau ye prakṛtiparitoṣāḥ 
paraṃ paramātmānaṃ puruṣaṃ na paśyanti teṣāṃ cetasi svakāraṇe 
layamupāgate prakṛtilayā ityucyante | ye paraṃ puruṣaṃ jñātvā 
bhāvanāyāṃ pravartante teṣāmiyaṃ vivekakhyātirgṛhītasamāpattirityucyate 
| tatra samprajñātasamādhau catasro'pyavasthāḥ śaktirūpatayā'vatiṣṭhante 
| tatraikaikasyāstyāga uttarottarā iti catura-

pṛ0 263) vastho'yaṃ samprajñātaḥ samādhiḥ | virāmapratyayābhyāsapūrvaḥ 
saṃskāraśeṣo'samprajñātasamādhiḥ | ayamarthaḥ- viramyata iti virāmo 
virāmaścāsau pratyayaśceti virāmapratyayaḥ tasya paunaḥpunyena cetasi 
niveśanamabhyāsaḥ | tatra yā kācidvṛttirullasati tasyā neti neti 
nairantaryeṇa paryudāsapūrvakaṃ saṃskāraśeṣo'samprajñātasamādhiḥ | na 
tatra kiñcidvedyata ityasamprajñāto nirbījaḥ samādhiḥ | 
cittapariṇāmaścaturdhā-vyutthānaṃ samādhiprārambha ekāgratā nirodha iti 
bhedāt | tatra kṣiptamūḍhe cittabhūmī vyutthānam | vikṣiptā bhūmiḥ 
sattvodrekātsamādhiprārambhaḥ | ekāgratāniruddhe tu paryantabhūmī | 
pratipariṇāmañca saṃskārāḥ | tatra vyutthānajanitāḥ saṃskārāḥ 
samādhiprārambhajaiḥ saṃskāraiḥ pratyāhanyante | te caikāgratājaiḥ, te ca 
nirodhajanitaiḥ saṃskāraiste ca saṃskārāḥ svarūpañca hanyante | yathā 
suvarṇasaṃvalitaṃ dhyāyamānaṃ sīsakamātmānaṃ suvarṇamalañca nirdahati, 
evamekāgratājanitān saṃskārānnirodhajāḥ svātmānañca nirdahanti | evaṃ 
sa"nkṣepato yogasvarūpaṃ tadupāyāśca veditavyāḥ ||
atha yogābhyāsapradarśanapūrvakā vistareṇopāyāḥ | videhāḥ 
prakṛtilayāśca pūrvamāmnātāsteṣāṃ paratattvādarśanādāvirbhūta eva 
saṃsāre bhavapratyayaḥ samādhiḥ | ataḥ paraṃ tattvajñāne 
tadbhāvanāyāñca muktikāmena yatno vidheya ityetadarthamupadiṣṭam | 
videhaprakṛtilayavyatiriktānāṃ yogināṃ 
śraddhāvīryasmṛtisamādhiprajñāpūrvakaḥ samādhiḥ | tatra yogaviṣaye 
cetasaḥ prasādaḥ śraddhā, vīryamutsāhaḥ, smṛtiranubhūtāsaṃpramoṣaḥ, 
samādhirekāgratā, jñātavyapravivekaḥ prajñā | tatra śraddhayā vīryaṃ 
jāyate, sādhako yogaviṣaya utsāhavānbhavati | sotsāhasya 
pāścātyānubhūtiṣu bhūmiṣu smṛtirupajāyate | tatsmaraṇāccetaḥ 
samādhīyate | samāhitacittaśca bhāvyaṃ samyagvijānāti | ta ete 
samprajñātasamādherupāyāḥ | tasyābhyāsātparācca 
vairāgyādbhavatyasamprajñātaḥ | athoktopāyavatāṃ 
yogināmupāyabhedādbhedaḥ | kriyāheturdṛḍhataraḥ saṃskāraḥ | 
sastīvrasaṃvegānāṃ yogināmāsannaḥ samādhiḥ, samādhiḥ phalañca 
śīghramutpadyate | atha viṣayasukhādikaṃ 

pṛ0 264) phalamanicchatāṃ sarvāsāṃ kriyāṇāṃ parameśvare 
samarpaṇamutkṛṣṭopāyaḥ | teneśvarapraṇidhānena samādhilābhaḥ | 
avidyādikleśairvihitapratiṣiddhamiśrarūpaiḥ karmabhiḥ, jātyāyurbhogaiḥ 
karmaphalarūpairvipākairvāsanākhyasaṃskāraviśeṣarūpairāśayaiśca 
triṣvapi kāleṣvasaṃspṛṣṭaḥ, ateva viśiṣṭaḥ puruṣa īśanakṣama 
īśvara icchāmātreṇa jagaduddharaṇakṣamaḥ | sarveṣāmātmanāṃ 
yoddhṛgatajayaparājayau svāmina ivābhimānamātreṇa 
cittagatakleśādisambandho'sti | asyeśvarasya tu tādṛśasukhaduḥkhādikaṃ 
nāstīti puruṣebhya īśvarasya viśeṣaḥ | tasya ca tathāvidhamaiśvaryaṃ 
sattvotkarṣātsattvotkarṣaśca prakṛṣṭajñānādeva | na 
cānayorjñānaiśvaryayoritaretarāśrayatvam, parasparānapekṣatvāt | te dve 
jñānaiśvarye īśvarasatve vartamāne anādibhūte, tena ca tathāvidhena 
sattvena tasyānādireva sambandhaḥ | 
prakṛtipuruṣasaṃyogaviyogayorīśvarecchāvyatirekeṇānupapatteḥ | 
yathetareṣāṃ prāṇināṃ sukhaduḥkhamohātmakatayā pariṇataṃ cittaṃ 
nirmale sāttvike dharmātmaprakhye yogiśarīre pratisa"nkrāntaṃ 
cicchāyāsa"nkānte savedyaṃ bhavati, naivamīśvarasya | tasya ca kevala eva 
sātvikaḥ pariṇāma utkarṣavānanādisambandhena bhogyatayā vyavasthitaḥ | 
ataḥ      puruṣāntaravilakṣaṇatayā sa eveśvaraḥ | na 
ceśvarāṇāmanekatvam, teṣāṃ tulyatve 
bhinnabhinnābhiprāyatvātkāryasyaivānupapatteḥ; utkarṣāpakarṣavatve'pi ya 
evotkṛṣṭaḥ sa eveśvaraḥ | yathā paramāṇāvakāśe cālpatvaṃ mahatvañca 
dṛśyate; evaṃ jñānādayo'pi cittadharmāstāratamyena paridṛśyamānāḥ 
kvacinniratiśayatāmāpādayanti; yatra caite jñānādayo niratiśayāḥ sa 
īśvara iti niratiśayajñānitvaṃ sarvajñatvabījam | tasya 
paramakāruṇikatvādbhūtānugraha eva prayojanam | kalpapralayamahāpralayeṣu 
niśśeṣān saṃsāriṇa uddhariṣyāmīti tasyādhyavasāyaḥ | yadyasyeṣṭaṃ 
tattasya prayojanam | ādyānāṃ sraṣṭṛrṇāṃ brahmādīnāmapi sa 
gururupadeṣṭā, yataḥ sa kālena nāvacchidyate, anāditvāt || tasya ca 
vācakaḥ praṇavaḥ | tayorvācyavācakabhāvasambandho nityaḥ | sa"nketena 
prakāśyate natu kenacitkriyate | yathā'syāyaṃ pitā'syāyaṃ 

pṛ0 265) putra iti kenacitprakāśyate naivamityarthaḥ | sārdhatrimātrasya 
tasya praṇavasya yathāvaduccāraṇaṃ japaḥ | tadvācyasyeśvarasya punaḥ 
punaścetasi niveśanañcaikāgratāyā upāyaḥ | tajjapabhāvanābhyāṃ 
pratyakcetanajñānaṃ vakṣyamāṇāntarāyābhāvaśca phalamutpadyate | 
vyādhistyānasaṃśayapramādā''lasyāviratibhrāntidarśanālabdhabhūmikatvā'n
avasthitatvāni cittavikṣepakā antarāyāḥ | dhātuvaiṣamyanimitto 
jvarādirvyādhiḥ | cittasyākarmaṇyatā styānam | ubhayakoṭyālambanaṃ 
jñānaṃ saṃśayo yogaḥ sādhyo navetyevaṃrūpaḥ | anutthānaśīlatā 
pramādaḥ samādhisādhaneṣvaudāsīnyam | kāyacittayorgurutvaṃ yogaviṣaye 
pravṛttyabhāvaheturālasyam | cittasya viṣayasaṃyogātmā'viratiḥ | 
viparyayajñānaṃ bhrāntidarśanam | 
kutaścinnimittātsamādherabhāvo'labdhabhūmikatvam | labdhāvasthāyāmapi 
samādhibhūmau cittasya tatrāpratiṣṭhā'navasthitatvam | etaiḥ 
cittavikṣepaiḥ saha duḥkhadaurmanasyā"ngamejayatvaśvāsapraśvāsāḥ pañca 
bhavanti | duḥkhaṃ bādhanālakṣaṇam | manodausthyaṃ daurmanasyam | 
a"ngavepathura"ngamejayatvam | prāṇasya bāhyavāyusambandhaḥ śvāsaḥ | 
koṣṭhavāyorniśvasanaṃ praśvāsaḥ | ta ete vikṣepaissaha pravartamānā 
abhyāsavairāgyābhyāṃ niroddhavyāḥ | athopāyāntaramapi teṣāṃ 
vikṣepāṇāṃ nirodhārthamekasminnabhimate tattve cetasaḥ punaḥ 
punarniveśanaṃ kuryāt | tadbalātpratyuditā caikāgratā vikṣeparahitā 
bhavati | cittasaṃskārāpādakaṃ parikarma caturdhā | maitrī karuṇā 
muditopekṣeti | tatra maitrī-sauhārdam, karuṇā-kṛpā, muditā-harṣaḥ, 
upekṣā-cāvamānyam | yathā sukhiṣu sādhveṣāṃ sukhitvamiti maitrīṃ 
kuryānna tvīrṣyām | duḥkhiṣu kathannu nāmaiṣāṃ duḥkhavimuktiḥ syāditi 
kṛpāmeva kuryānna tāṭasthyam | puṇyavatsu puṇyānumodanena harṣameva 
kuryānnatu kimete puṇyavanta iti vidveṣam | apuṇyavatsu caudāsīnyameva 
bhāvayennānumodanaṃ na vā dveṣaḥ | tadevaṃ maitryādiparikarmaṇā cittaṃ 
prasīdati | dveṣarāgādiprati pakṣabhūtamaitryādibhāvanayā 
samutpāditaprasādaṃ cittaṃ samprajñātādisamādhiyogyaṃ  

pṛ0 266) bhavati | upāyāntarañca | kauṣṭhyasya vāyoḥ 
prayatnaviśeṣānmātrāpramāṇena bahirnissāraṇarūpeṇa pracchardanābhidhena 
recakeṇa, bāhyābhyantaravāyupūraṇena pūrakopāyena, 
pūritavāyunirodhātmakena kumbhakena vidhāraṇanāmnā vā cittaikāgratā 
niṣpadyate |
atha samprajñātasamādheḥ pūrvā"ngaḥ | 
gandharasarūpaśabdasparśākhyaphalavatī manovṛttirekāgratāmāpādayati | 
yathā nāsāgre cittaṃ dhārayato divyagandhasaṃvidupajāyate | jihvāgre 
rasasaṃvit, tārāgre rūpasaṃvit, jihvāmadhye sparśasaṃvit, jihvāmūle 
śabdasaṃvit, tattadindriyadvāreṇa tasmiṃstasmindivyaviṣaye jāyamānā 
saṃviccittasyaikāgratāyai prabhavati | praśasto bhūyānsāttvikaprakāśo 
yasyāṃ sā jyotiṣmatī pravṛttiḥ sukhamayatvābhyāsabalādrajaḥ 
pariṇatirūpaśokarahitacittaikāgryaṃ sampādayati | ayamarthaḥ- 
hṛtpadmasampuṭamadhye praśāntakṣīrodadhiprakhyaṃ cittasattvaṃ bhāvayataḥ 
prajñālokātsarvavṛttiparikṣaye cetasaḥ sthairyamutpadyate | ayameko yogaḥ | 
vītarāgasya cittamapi sthairyahetuḥ pratyastamitabāhyendriyavṛtterātmano 
manomātreṇaiva bhoktṛtvarūpasvapnālambanamuktanidrālambanaṃ vā jñānaṃ 
cittasthairyāya bhavati | yathābhimate vastuni bāhye candrādāvābhyantare 
nāḍīcakrādau vā bhāvyamāne cetasaḥsthairyaṃ bhavati | ebhirupāyaiścitte 
sthairyaṃ bhāvayato yoginaḥ sūkṣmaviṣayabhāvanādvāreṇa paramāṇvanto 
vaśīkāraḥ phalam | tattadbhāvayataścittaṃ na pratihanyate | evaṃ 
saṃskṛtasya cetasaḥ kṣīṇavṛtteḥ grahītṛgrahaṇa- 
grāhyeṣvātmendriyaviṣayeṣu krameṇa tatsthatvaṃ tanmayatvaṃ 
tadrūpapariṇāmaśca | nirmalasphaṭikasya 
tattadāśrayavaśāttadrūpavannirmalasya cittasya 
tattadbhāvanīyavastūparāgāttattadrūpatvāpattiḥ |
athoktā samāpattiścaturdhā | śrotrendriyagrāhyaḥ sphoṭarūpo vā śabdaḥ | 
artho jātyādiḥ | jñānaṃ sattvapradhānā buddhivṛttiḥ | vikalpa 
uktalakṣaṇaḥ | taiḥ sa"nkīrṇā savitarkā samāpattiḥ | 
śabdārthasmṛtipravilaye sati pratyuditaspaṣṭagrāhyākārapratibhāsitayā 
nyagbhatajñānāṃśatvena svarūpaśūnyeva nirvitarkā

pṛ0 267) samāpattiḥ | sūkṣmatanmātrāntaḥkaraṇādiviṣayā 
śabdārthaviṣayatvena śabdārthavikalpasahitatvena dvedhā 
deśakāladharmādyavacchinnasūkṣmārthapratibhāvanavatī savicārā | 
deśakāladharmādirahitatanmātrāntaḥkaraṇarūpadharmimātrapratibhāvanavatī 
nirvicārā samāpattiḥ | sūkṣmaviṣaye 
samāpattirviśiṣṭali"ngabhūtādiviṣayāḥ, 
aviśiṣṭali"ngatanmātrendriyaviṣayā, li"ngamātrabuddhiviṣayā, 
ali"ngapradhānaviṣayā ca | nātaḥ paraṃ sūkṣmamasti | tā evoktalakṣaṇāḥ 
samāpattayaḥ saha bījena vartate iti sabījaḥ samprajñātassamādhiḥ | tathā 
ca savitarkāṃ sthūlaviṣayāmapekṣya nirvitarkāyāḥ prādhānyam | tato'pi 
sūkṣmaviṣayāyāḥ savicārāyāḥ, tato'pi nirvikalparūpāyā nirvicārāyāḥ 
| tasyāḥ prakṛṣṭābhyāsavaśānnairmalye satyadhyātmaprasādaḥ sambhavati | 
cittaṃ kleśavāsanārahitaṃ sthirapravāhayogyaṃ bhavati | evaṃ 
cittavaiśāradyarūpe dārḍhye sati, ṛtaṃ satyaṃ bibharti kadācidapi na 
viparyayeṇācchādyata iti ṛtambharā prajñā tasminbhavati | tasmācca 
prajñālokātsarvaṃ yathāvatpaśyanyogī prakṛṣṭaṃ yogaṃ prāpnoti | 
śruteranumānācca sāmānyaviṣayā prajñā | na hi 
śabdali"ngayorindriyavadviśeṣapratipattau sāmarthyam | iyaṃ punarni-   
rvicāravaiśāradyasamudbhavā prajñā tābhyāṃ vilakṣaṇā 
viśeṣaviṣayatvāt | asyāṃ hi prajñāyāṃ 
sūkṣmavyavahitaviprakṛṣṭānāmapi viśeṣaḥ sphuṭenaiva rūpeṇa bhāsate | 
atastasyāmeva yoginā paraḥ prayatnaḥ kartavyaḥ | tayā prajñayā janitaḥ 
saṃskāra anyānvyutthānajānsamādhijāṃśca saṃskārānpratibadhnāti | 
svakāryakaraṇākṣamān karoti ||
athāsamprajñātaḥ | samprajñātasya pravilaye sati sarvāsāṃ 
cittavṛttīnāṃ svakāraṇe pravilayādyā saṃskāramātrādvṛttirudeti 
tasyāṃ neti neti kevalaṃ paryudāsānnirbījaḥ samādhirbhavati | yasminsati 
puruṣaḥ svarūpaniṣṭhaḥ śuddho bhavati | tadatrādhikṛtasya yogasya 
lakṣaṇaṃ cittavṛttinirodhapadānāñca vyākhyānamabhyāsavairāgyalakṣaṇaṃ 
tasyopāyadvayasya svarūpaṃ bhedañcābhidhāya 
samprajñātā'samprajñātabhedena yogasya mukhyāmukhya-

pṛ0 268) bhedamuktvā yogābhyāsapradarśanapūrvakaṃ 
vistareṇopāyānpradarśya sugamopāyapradarśanaparatayeśvarasya 
svarūpapramāṇaprabhāvavācakopāsanākramaṃ tatphalāni ca nirṇīya cittasya 
vikṣepāṃstatsahabhuvaśca duḥkhādīnvistareṇa 
tatpratiṣedhopāyānekatattvābhyāsamaitryādīnprāṇāyāmādīnsamprajñātās
amprajñātapūrvā"ngabhūtaviṣayavatī 
pratipattirityādīnā''khyāyopasaṃhāradvāreṇa ca samāpattīḥ salakṣaṇāḥ 
phalasahitāḥ svasvaviṣayasahitāṃścoktvā 
samprajñātāsamprajñātayorupasaṃhāramabhidāya sabījapūrvako nirbījaḥ 
samādhirabhihita iti yogapātañjalaprathamapādaprakriyā ||
tadevaṃ samāhitacittasya sopāyo yogo'bhihitaḥ | idānīṃ vyutthitacittasyāpi 
sopāyābhyāsapūrvakayogasādhanānuṣṭhānāni pratipādyante- 
�tapaḥsvādhyāyeśvarapraṇidhānāni kriyāyogaḥ� tapaḥ 
kṛcchracāndrāyaṇādi, svādhyāyaḥ praṇavādimantrajapaḥ, 
īśvarapraṇidhānaṃ sarvakriyāṇāṃ tasminparamagurau phalanirapekṣatayā 
samarpaṇam | ete tapaḥ 
prabhṛtayo'bhyasyamānāścittagatānavidyādīnkleśāñchithilīkurvantaḥ 
samādherupakārakāḥ | �avidyāsmitārāgadveṣābhiniveśāḥ pañca kleśāḥ� 
avidyā mohaḥ, anātmanyātmatvābhimānaḥ | sā 
prasuptatanuvicchinnodārabhedāccaturvidhānāmasmitādīnāṃ prasavabhūmiḥ | 
tatra ye kleśāścittabhūmau sthitāḥ prabodhakābhāve svakāryaṃ 
nā''rabhante te suptāḥ, yathā bālye vāsanārupeṇa sthitāḥ kleśāḥ 
prabodhakasahakāryabhāve nābhivyajyante | abhyāsavatāṃ 
yogināmavidyāditattatpratipakṣabhāvanayā 
śithilīkṛtakāryasampādanaśaktayo vāsanā'vaśeṣatayā cetasyavasthitāḥ 
prabhūtāṃ sāmagrīmantareṇa svakāryamārabdhumakṣamāḥ tanavaḥ | yena 
kenacidbalavatā kleśenābhibhūtaśaktayastiṣṭhanti ye te vicchinnāḥ | yathā 
dveṣāvasthāyāṃ rāgaḥ, rāgāvasthāyāṃ vā dveṣaḥ | 
prāptasahakārisannidhayaḥ svakāryanirvartakā udārā yogapari-     panthino 
vyuttthānadaśāyāṃ | yeṣāṃ pratyekañcaturvidhānāmapi mūlabhūtatvena 
sthitāpyavidyā'nvayitvena pratīyate | tasyāñca mithyābhūtāyāṃ 
samyagjñānena nivartitāyāṃ dagdhabījakalpānāṃ teṣāṃ

pṛ0 269) na kvacitpraroho'sti | tatastaducchede prathamaṃ prayatnaḥ kāryaḥ | 
tatrātasmiṃstaditi pratibhāso'vidyetyavidyāyāḥ sāmānyalakṣaṇam | 
anityeṣu ghaṭādiṣu nityatābhimānaḥ, aśuciṣu kāyādiṣu 
śucitvābhimānaḥ, duḥkheṣu ca viṣayeṣu sukhatvābhimānaḥ, anātmani 
śarīre ātmatvābhimānaḥ, apuṇye puṇyabhramo'narthe cārthabhrama ityādi | 
�dṛgdarśanaśaktyorekātmataivāsmitā� dṛkśaktiḥ puruṣaḥ darśanaśaktī 
rajastamobhyāmanabhibhūtaḥ sāttvikaḥ pariṇāmo'ntaḥkaraṇarūpaḥ, 
tayorbhogyabhoktṛtvena jaḍājaḍatvena 
cātyantabhinnarūpayorekātmatābhimāno'smitā | yathā prakṛtirvastutaḥ 
kartṛtvabhoktṛtvarahitā'pi kartryahaṃ bhoktryahamityabhimanyate 
so'yamasmitārūpaḥ kleśaḥ | sukhajñasya sukhasmṛtipūrvakaḥ sukhasādhaneṣu 
tṛṣṇārūpo gardho rāgaḥ | duḥkhābhijñasya tadanusmṛtipūrvakaṃ 
tatsādhaneṣu yo'yaṃ nindātmakaḥ krodhaḥ sa dveṣalakṣaṇaḥ kleśaḥ | 
pūrvajanmānubhūtamaraṇaduḥkhānubhavavāsanābalādbhayarūpaḥ 
samupajāyamānaḥ śarīraviṣayādibhirmamaviyogo mā 
bhūdityanvahamanubandharūpaḥ sarvasyaivā''kṛmerbrahmaparyantaṃ vinā 
nimittaṃ vartamāno'bhiniveśākhyaḥ kleśaḥ | tadevaṃ vyutthānasya 
kleśātmakatvādekāgratābhyāsakāmena prathamaṃ kleśāḥ        
parihartavyāḥ | te vāsanārūpeṇa sthitāḥ sūkṣmāḥ kleśāḥ pratilomena 
pariṇāmena tyaktavyāḥ | sthūlānānteṣāmārabdhakāryāṇāṃ yāḥ 
sukhaduḥkhamohātmikā vṛttayastāścittaikāgratālakṣaṇena dhyānenaiva 
hātavyāḥ | cittaparikarmābhyāsamātreṇaiva sthūlānāṃ tāsāṃ 
nivṛttirbhavati | yathā vastrādau ghanaḥ sthūlo malaḥ 
prākṣālanamātreṇaiva nivartate | yastu tatra sūkṣmaḥ sa 
taistairupāyairuttāpanādibhirnivartayitavyaḥ | vāsanārūpāṇi karmāṇi 
śubhāśubharūpāṇi kleśasādhyānyasmiñjanmani janmāntare vā vedanīyāni 
phalajanakāni || evamuktalakṣaṇeṣu kleśeṣvanabhibhūteṣu satsu karmaṇāṃ 
vipāko jātyāyurbhogā bhavanti | jātirmanuṣyatvādiḥ, 
āyuścirakālamekakāyasambandhaḥ, bhogā viṣayā indriyāṇi 
sukhasaṃvidduḥkhasaṃvicca, karmakaraṇabhāvasādhanavyutpattyā 
bhogaśabdārthāḥ |

pṛ0 270) cittabhūmāvanādikālasañcitāḥ karmavāsanā 
jātyāyurbhogalakṣaṇaṃ kāryamārabhante | puṇyakarmārabdhā 
jātyāyurbhogāḥ sukhaphalāḥ, apuṇyakarmārabdhāḥ paritāpaphalāḥ, 
prāṇimātrāpekṣayāśāṃ dvaividhyam | parijñātakleśādivivekasya yoginaḥ 
paridṛśyamānaṃ sakalameva bhogasādhanaṃ saviṣānnavadduḥkhameva | 
yasmādatyantābhijāto yogī duḥkhaleśenāpyudvijate, yathā hi 
netramūrṇātantusparśamātreṇaiva mahatīṃ pīḍāmanubhavati netarada"ngaṃ | 
pariṇāmatāpasaṃskāraduḥkhairviṣayāṇāmupabhujyamānānāṃ yathāyathaṃ 
gardhābhivṛdbhestadaprāptikṛtaduḥkhasyāparihāryatayā 
duḥkhāntarasādhanatvāccāstyeva duḥkhasvarūpateti pariṇāmaduḥkhatvam | 
upabhujyamāneṣu sukhasādhaneṣu tatparipanthinaṃ prati dveṣasya 
sarvadaivāvasthitatvātsukhānubhavakāle'pi tāpaduḥkhaṃ duṣpariharamiti 
tāpaduḥkhatā | svābhimatānabhimataviṣayasannidhāne 
sukhasaṃvidduḥkhasaṃviccopajāyamānā tathāvidhameva svakṣetre 
saṃskāramārabhate, saṃskārācca punastathāvidhasaṃvidanubhava 
ityaparimitasaṃskārotpattidvāreṇa saṃsārānucchedātsarvasyaiva duḥkhatvam | 
guṇavṛttivirodhācca guṇānāṃ sattvarajastamasāṃ yā vṛttayaḥ 
sukhaduḥkhamoharūpāḥ parasparamabhibhāvyābhibhāvakatvena viruddhā jāyante, 
tāsāṃ sarvatraiva duḥkhānubandhā-   dduḥkhatvam | ayamabhiprāyaḥ- 
aikāntikīmātyantikīñca duḥkhanivṛttimicchato vivekina 
uktarūpakāraṇacatuṣṭayaṃ yāvatsarve viṣayā duḥkharūpatayā pratibhānti 
| tasmātsarvakarmavipāko duḥkharūpa eva | 
uktakleśamūlāvidyocchedakasamyagjñānasya 
sādhanaheyopādeyāvadhāraṇarūpatvena heyasvarūpamucyate | bhūtasya 
vyatikrāntatvādanubhūyamānasya ca tyaktumaśakyatvādanāgatameva duḥkhaṃ 
heyam | cidrūpasya draṣṭurdṛśyabuddheścāvivekakhyātipūrvako 
bhogyabhoktṛtvarūpo yo'yaṃ saṃyogaḥ sa heyasya duḥkhasya guṇapariṇāmasya 
saṃsārasya hetuḥ; tannivṛttyā saṃsāranivṛttiḥ | prakāśakriyāsthitayaḥ 
dṛśyasvarūpam | prakāśaḥ sattvasya dharmaḥ, kriyā pravṛttirūpā rajaso 
dharmaḥ, sthitirniyamarūpā tamaso dharmaḥ, etattrayaṃ svarūpam | 
sthūlasūkṣmabhedena dvividhāni pṛthivyādīni gandhatanmātrādīni ca |

pṛ0 271) buddhīndriyakarmendriyāntaḥkaraṇabhedena trividhānīndriyāṇi ca, 
grahaṇagrāhyarūpeṇa svarūpato'bhinnaḥ pariṇāmo dṛśyasya kāryam | 
uktarūpo bhogaḥ, vivekakhyātipūrvikā saṃsāranivṛttiśca dṛśyasya phalam | 
evaṃ bhūtasya nānāvasthārūpapariṇāmātmakasya heyasya dṛśyasya ca 
catasro'vasthāḥ | tatra mahābhūtendriyāṇi viśeṣāvasthāḥ, 
tanmātrāntaḥkaraṇānyaviśeṣāvasthāḥ, li"ngamātraṃ buddhiḥ, 
avyaktamali"ngam | evaṃ sarvatra triguṇarūpasyāvyaktasyānvayitvena 
pratyabhijñānādavaśyaṃ yogakāle jñātavyāni catvāryetāni guṇaparvāṇi | 
puruṣaścetanāmātraḥ pariṇāmitvādyabhāvena śuddhaḥ supratiṣṭho'pi 
viṣayoparaktāni jñānāni pratisa"nkramādyabhāvena paśyati | 
jātaviṣayoparāgāyāmeva buddhau sannidhimātreṇaiva puruṣasya dṛṣṭṛtvam | 
prāguktalakṣaṇasya dṛśyasya svarūpaṃ puruṣasya bhoktṛtvasampādanaṃ nāma 
svārthaparihāreṇaiva prayojanam | na hi pradhānaṃ pravartamānamātmanaḥ 
kiñcitprayojanamapekṣya pravartate, kintu puruṣasya bhogaṃ sampādayāmīti | 
yadyevaṃ puruṣasya bhogasampādanameva prayojanaṃ tadā sampādite 
tasmiṃstanniṣprayojanaṃ prati viratavyāpāraṃ syāt | tasmiṃśca 
pariṇāmaśūnye śuddhatvātsarve  draṣṭāro bandharahitāḥ syuḥ | tataśca 
saṃsāroccheda iti cedidamatrākūtam- 
vivekakhyātiparyantādbhogasampādanātkamapi kṛtārthaṃ puruṣaṃ prati 
tannaṣṭaṃ viratavyāpāram, tathā'pi 
sarvapuruṣasādhāraṇatvādanyānpratyanaṣṭavyāpāramavatiṣṭhate | ataḥ 
pradhānasya sakalabhoktṛsādhāraṇatvānna kadācidapi vināśaḥ ekasya muktau 
vā na sarveṣāṃ muktiprasa"ngaḥ | svasvāmiśaktyoḥ 
dṛśyasvabhāvadṛṣṭasvarūpayoḥ saṃvedyasaṃvedakatvena vyavasthitayoḥ yā 
svarūpopalabdhistasyāḥ kāraṇaṃ sahajabhoktṛtvam | 
bhogyatvasvarūpānatiriktaḥ saṃyogaḥ | na hi tayornityayorvyāpakayośca 
svarūpātiriktaḥ kaścitsaṃyogaḥ | yadeva bhogyasya bhogyatvaṃ bhoktuśca 
bhoktṛtvamanādisiddhaṃ sa eva saṃyogaḥ | tasyāpi saṃyogasya heturavidyā | 
tasyā avidyāyāḥ svarūpaviruddhena samyagjñānenonmūlitāyā yo'

pṛ0 272) yamabhāvastasminsati tatkāryasya saṃyogasyopyabhāvaḥ, tasya 
dṛśyasya ca hānam | ayamabhiprāyaḥ- naitasya mūrtadravyavatparityāgo yujyate 
| kintu jātāyāṃ vivekakhyātāvavivekanimittaḥ saṃyogaḥ svayameva nivartate 
| saṃyogahānameva puruṣasya kaivalyaṃ vyapadiśyate | tadevaṃ saṃyogasya 
svarūpaṃ kāryaṃ kāraṇañcābhihitam | anye guṇā anyaḥ puruṣa iti 
vivekasya khyātirdṛśyasya parityāgopāyaḥ | 
pratipakṣabhāvanābalādavidyāpravilaye 
vinivṛttajñātṛtvakartṛtvābhimānāyāḥ rajastamomalānabhibhūtāyā 
buddherantarmukhā yā sa"nkrāntiḥ sā rvivekakhyātiḥ | tasyāñca santatatvena 
pravṛttāyāṃ satyāṃ dṛśyasyādhikāranivṛtterbhavatyeva kaivalyam | 
utpannavivekakhyāteḥ puruṣasya prāntabhūmau prajñā saptadhā bhavati | 
tasyotpannavivekajñānasya jñātavyavivekarūpā prajñā prāntabhūmau 
sakalasālambanasamādhibhūmiparyante saptaprakārā ca bhavati | tatra 
kāryavimuktirūpā caturdhā-jñātaṃ mayā jñeyaṃ na jñātavyaṃ kiñcidasti, 
kṣīṇā me kleśā na me kiñcitkṣetavyamasti, adhigataṃ mayā jñānam, 
prāptā mayā vivekakhyātiriti pratyayāntaraparihāreṇa 
tasyāmavasthāyāmīdṛśyeva prajñā jāyate | īdṛśī prajñā 
kāryaviṣayaṃ nirmalaṃ jñānaṃ kāryavimuktirityucyate | cittavimuktistridhā- 
caritārthā me buddhiḥrguṇā hṛtādhikārā giriśikharanipatitā grāvāṇa 
iva na punaḥ sthitiṃ yāsyanti; svakāraṇe pralayābhimukhānāṃ guṇānāṃ 
mohābhidhānamūlakāraṇābhāvānniṣprayojanatvāccāmīṣāṃ kutaḥ praroho 
bhavet, sātmībhūtaśca me samādhistasminsati svarūpapratiṣṭho'hamiti | 
īdṛśī triprakārā cittavimuktiḥ | tadevamīdṛśyāṃ 
saptavidhaprāntabhūmiprajñāyāmupajātāyāṃ puruṣaḥ kevalo bhavati | 
vakṣyamāṇayogā"ngānāṃ 
jñānapūrvakābhyāsāccittasattvaprakāśāvaraṇalakṣaṇakleśarūpāśuddhik.
saye tāratamyena sāttvikapariṇāmarūpā jñānadīptirvivekakhyāterūtpādikā 
||
atha yogā"ngāni- 
yamaniyamāsanaprāṇayāmapratyāhāradhāraṇādhyānasamādhayo'ṣṭau | tatra 
kāniciddhāraṇādīni samādheḥ sākṣādupakāra-

pṛ0 273) katvenāntarāṇya"ngāni, kānicidyamaniyamādīni 
pratipakṣabhūtahiṃsādivitarkonmūlanadvāreṇa samādherupakurvanti | 
satyāsanajaye prāṇāyāmasthairyamityāsanādīnāmuttarottaraṃ 
pratyupakārakatvam || tatrāhiṃsā satyamasteyaṃ brahmacaryamaparigrahaśca 
pañca yamāḥ | prāṇaviyogaprayojanavyāpāro hiṃsā, sā ca 
sarvānarthahetuḥ, tadabhāvo'hiṃsā | vā"nmanasoryāthārthyaṃ satyam | 
parasvāpaharaṇābhāvo'steyam | upasthasaṃyamo brahmacaryam | 
bhogasādhanānāmasvīkāro'parigrahaḥ | ete yamāḥ | 
brāhmaṇatvādijātibhiḥ, tīrthādideśaiḥ, caturdaśyādikālaiḥ, 
brāhmaṇaprayojanādibhiḥ samayairanavacchinnā ahiṃsādayo yamā 
mahāvratamityucyante | tadyathā- brāhmaṇaṃ na haniṣyāmi, tīrthe na kañcana 
haniṣyāmi, caturdaśyāṃ na haniṣyāmi, devabrāhmaṇaprayojanavyatirekeṇa 
kamapi na haniṣyāmītyādirūpāḥ | evaṃ caturvidhāvacchedavyatirekeṇa 
kañcitkvacitkadācitkasmiṃścitkasyacidapyarthe na haniṣyāmītyanavacchinnāḥ 
| evaṃ satyādiṣu yathāsambhavaṃ yojyam | itthamaniyatīkṛtāḥ sāmānyenaiva 
pravṛttā mahāvratamityucyate | 
śaucasantoṣatapaḥsvādhyāyeśvarapraṇidhānāni pañcaniyamāḥ | śaucaṃ 
dvividham- bāhyamābhyantarañca | bāhyaṃ mṛjjalādibhiḥ kāya-     
prakṣālanam, maitryādibhiścittamalaprakṣālanamābhyantaram | 
santoṣastuṣṭiḥ | śeṣāḥ pūrvaṃ vyākhyātāḥ | �vitarkabādhane 
pratipakṣabhāvanam� vitarkyanta iti vitarkāḥ yogaparipanthino 
hiṃsādayasteṣāṃ pratipakṣabhāvane sati yadā bādhā bhavati tadā yogaḥ 
sukara ityeteṣāmahiṃsādīnāṃ yogā"ngatvam | te ca hiṃsādayo vitarkāḥ 
kṛtāḥ kāritā anumoditā iti traividhyena nava prakārāḥ | navānāṃ 
lobhakrodhamohāḥ kāraṇam | lobhastṛṣṇā | 
kṛtyākṛtyavivekonmūlakaścittadharmaḥ prajvalanātmakaḥ krodhaḥ | 
moho'nātmanyātmatvābhimānaḥ | evañca pratyekaṃ kṛtyādibhedabhinnā 
hiṃsādayo mohādikāraṇatvena tridhā bhidyante | te ca punaravasthābhedena 
mṛdavo madhyā adhimātrā iti triprakārāḥ | mṛdavo mandā na tīvrā nāpi 
madhyamāḥ | madhyā nāpi mandā nāpi tīvrāḥ |

pṛ0 274) adhimātrāstīvrā na madhyā nāpi mandāḥ | ete 
duḥkhājñānānantaphalāḥ pratipakṣabhāvanayā yoginā teṣāṃ parihāraḥ 
kartavyaḥ | evamahiṃsāṃ bhāvayataḥ sahajavirodhināmapyahinakulādīnāṃ 
vairatyāgaḥ | hiṃsāratā api hiṃsakatvaṃ parityajantītyarthaḥ | 
satyābhyāsavato yogino'gniṣṭāmādikriyāphalaṃ bhavati | asteyābhyāsino 
divyāni ratnānyupatiṣṭhante | brahmacaryavatāṃ niratiśayaṃ sāmarthyaṃ 
bhavati | aparigrahasthairye janmāntare ko'hamāsa"nkīdṛśaḥ ki"nkāryakārīti 
jijñāsāyāṃ sarvameva samyagjānāti | atha niyamaphalāni- śaucavataḥ 
svā"ngeṣvapi kāraṇasvarūpaparyālocanayā jugupsā bhavati, aśucirayaṃ kāyo 
nātrā''grahaḥ kārya iti; anenaiva hetunā paraiḥ kāyavadbhirasaṃsargaḥ | 
kiñca prakāśasukhātmakasattvaśuddhiḥ rajastamobhyāmanabhibhavaḥ | 
saumanasyaṃ khedānanubhavena mānasī prītiḥ | niyatendriyaviṣaye cetasaḥ 
sthairyamekāgratā, indriyajayo 
viṣayaparā"nmukhāṇāmindriyāṇāmātmanyavasthānam | ātmadarśane cittasya 
yogyatvaṃ samarthatvamityetāni pañca śaucābhyāsinaḥ phalāni | ayaṃ 
kramaḥ- sattvaśuddheḥ saumanasyaṃ, tasmādaikāgryaṃ, tasmādindriyajayaḥ, 
tasmādātmadarśanayogyatvamiti santoṣaprakarṣeṇa yogina 
ābhyantarasukhamāvirbhavati | tapaḥ      samabhyasyamānaṃ cetasaḥ 
kleśādilakṣaṇāśuddhikṣayadvāreṇa kāyendriyāṇāṃ 
siddhimutkarṣamādadhāti | abhipretamantrajapādilakṣaṇe svādhyāye 
prakṛṣyamāṇe iṣṭayā devatayā samprayogo bhavati, sā devatā 
pratyakṣībhavatītyarthaḥ | īśvare yo'yaṃ 
bhaktiviśeṣastasmātsamādheruktalakṣaṇasyāvirbhāvo bhavati | yasmātsa 
bhagavānīśvaraḥ prasannaḥ sannantarāyarūpānkleśānparihṛtya 
samādhimudbodhayati | padmāsanadaṇḍāsanasvastikāsanādi yadā niṣkampaṃ 
sukhamanudvejanīyaṃ ca bhavati tadā yogā"ngatāṃ bhajate | 
tasyaivopāyāntarañca �prayatnaśaithilyāṅantyasamāpattibhyāṃ� tadāsanaṃ 
prayatnaśaithilyenāṅantyasamāpattyā ca sthiraṃ sukhaṃ bhavati || āsanajaye 
sati na samādhyantarāyāḥ, śītoṣṇakṣattṛṣṇādibhirdvandvairyogī 
nābhihanyate | āsanasthairye sati 

pṛ0 275) tannimittakaḥ prāṇāyāmo'nuṣṭheyo bhavati | sa ca 
śvāsapraśvāsayorgativicchedalakṣaṇaḥ | bāhyapravṛttiḥ śvāso recakaḥ, 
antarvṛttiḥ praśvāsaḥ pūrakaḥ, antastambhavṛttiḥ kumbhakaḥ | sa 
trividho'pi deśena kālena sa"nkhyayā copalakṣito dīrghasūkṣmasaṃjño 
bhavati | deśenopalakṣito yathā nāsādvādaśāntādau | kālenopalakṣito 
yathā- ṣaṭtriṃśanmātrādi pramāṇaḥ | iyato vārānkṛta ityādirūpaḥ 
sa"nkhyopalakṣitaḥ | prāṇasya bāhyo viṣayo nāsādvādaśāntādiḥ, āntaro 
viṣayo hṛdayanābhicakrādiḥ, tau dvau viṣayāvākṣipya paryālocataḥ 
stambharūpo gativicchedaḥ sa caturthaḥ prāṇāyāmaḥ | 
tasmātprāṇāyāmāccittasattvagatasya prakāśasyāvaraṇaṃ kleśarūpaṃ 
tatkṣīyata ityarthaḥ | phalāntarañca dhāraṇāsu ca yogyatā manasaḥ || atha 
pratyāhāraḥ- indriyāṇi svasvaviṣayebhyaḥ pratīpamāhniyanta iti 
pratyāhāraḥ | cakṣurādīnāmindriyāṇāṃ svasvaviṣayo rūpādistena 
samprayogastadābhimukhyena vartanam, tadabhāvastadābhimukhyaṃ parityajya 
svarūpamātre'vasthānam, tasminsati cittasvarūpamātrānukārīṇīndriyāṇi 
bhavanti | abhyasyamāne ca pratyāhāre vaśyānīndriyāṇi bhavanti, yathā- 
bāhyaviṣayābhimukhatāṃ nīyamānānyapi na         yāntītyarthaḥ | tadevaṃ 
prathamapādoktalakṣaṇasya yogasyā"ngabhūtaṃ kleśatanūkaraṇaphalaṃ 
kriyāyogamabhidhāya kleśānāmuddeśaṃ svarūpaṃ kāraṇaṃ kṣetraṃ phalaṃ 
coktvā karmaṇāmapi bhedaṃ svarūpaṃ kāraṇaṃ phalaṃ cābhidhāya vipākasya 
svarūpaṃ kāraṇaṃ cābhihitam | tatastyājyatvātkleśādīnāṃ 
jñānavyatirekeṇa tyāgasyāśakyatvājjñānasya ca 
śāstrāyattatvācchāstrasya ca 
heyahānakāraṇopādeyopādānakāraṇabodhakatvena caturvyūhatvāddheyasya ca 
hānavyatirekeṇa svarūpāniṣpatterhānasahitaṃ caturvyūhaṃ 
svasvakāraṇasahitamabhidhāyopādānakāraṇabhūtāyā vivekakhyāteḥ 
kāraṇabhūtānāmantara"ngabahira"ngabhāvena sthitānāṃ yogā"ngānāṃ 
yamādīnāṃ svarūpaṃ phalasahitaṃ vyākṛtya 
dhāraṇāparyantānāñcāsanādīnāṃ parasparamupakāryopakāraka-

pṛ0 276) bhāvenāvasthitānāmuddeśamabhidhāya 
parasparalakṣaṇakaraṇapūrvakaṃ phalamabhihitam | tadayaṃ yogo 
yamaniyamādibhiḥ prāptabījabhāva āsanaprāṇāyāmaira"nkuritaḥ, 
pratyāhāreṇa kusumito dhyānadhāraṇāsamādhibhiḥ phaliṣyatīti 
sādhanapādābhiprāyaḥ ||
tadevaṃ pūrvoddiṣṭaṃ dhāraṇādya"ngatrayaṃ nirṇetuṃ 
saṃyamasaṃjñābhidhānapūrvakaṃ bāhyābhyantarādisiddhipratipādanāya 
lakṣayitumupakramate | tatra dhāraṇāyāḥ svarūpamevam- 
nāsāgranābhicakrādideśe cittasya sthirīkaraṇaṃ dhāraṇā | 
maitryādicittaparikarmavāsitāntaḥkaraṇena yamaniyamavatā jitāsanena 
parihṛtaprāṇavikṣepeṇa pratyāhṛtendriyagrāmeṇa 
nirbādhapradeśe ṛjukāyena nirjitadvandvena yoginā nāsāgrādau 
samprajñātasya samādherabhyāsāya cetasaḥ sthirīkaraṇaṃ kartavyamiti || 
atha dhyānam- yatra cittaṃ dhṛtaṃ tatra pratyayasya 
visadṛśapariṇāmaparihāradvāreṇa dhāraṇāyāmālambanīkṛtasya 
nairantaryaṃ dhyānam | tadeva dhyānamarthamātranirbhāsaṃ 
svarūpaśūnyamivāpadyate sa samādhiḥ | ekasmin viṣaye 
dhyānadhāraṇāsamādhayaḥ pravartamānāḥ saṃyamaḥ | saṃyamābhyāsena 
jñātavyavivekaprasavo bhavati | tasya saṃyamasya sthūlasūkṣmālambanabhedena 
sthitāsu cittavṛttiṣu viniyogaḥ kartavyaḥ | pūrvebhyaḥ pañcabhyo 
yamādibhyo dhyānāditrayamantara"ngaṃ, tadapi nirbījasya bahira"ngam | yadā 
vyutthānasaṃskārarūpo dharmastirobhūto bhavati, 
nirodhasaṃskārarūpaścā''virbhavati, dhārmirūpatayā ca 
cittamubhayatrānvayitvenā'vasthitaṃ pratīyate, tadā sa 
nirodhapariṇāmaśabdena         vyavahriyate | calatvādguṇavṛttasya yadyapi 
cedaso niścalatvaṃ nāsti, tathāpyevaṃvidhapariṇāmasthairya mucyate | asyaiva 
phalamucyate- tasya cetasa uktānnirodhasaṃskārātpraśāntavāhitā bhavati | 
parihṛtavikṣepatayā sadṛśapravāhapariṇāmi cittaṃ bhavati || atha 
samadhipariṇāmaḥ- nānāvidhārthagrahaṇaṃ cittadharmaḥ, 
ekasminnevā''lambane sadṛśapariṇāmitaikāgratā, sā'pi cittadharmaḥ, tayoḥ 
kṣayodayau samādhipariṇāmaḥ | athai-

pṛ0 277) kāgratāpariṇāmaḥ- samāhitasyaiva cittasyaikapratyayo 
vṛttiviśeṣaḥ śānto'tītamadhvānaṃ praviṣṭaḥ, aparastūdito 
vartamāne'dhvani sphuritaḥ, dvāvapi samāhitacittatvena 
tulyāvekarūpālambanatvena sadṛśau pratyayāvubhayatrāpi samāhitasyaiva 
cittasyānvayitvenāvasthānaṃ, sa ekāgratāpariṇāmaḥ | 
sthūlasūkṣmabhūteṣu buddhikarmalakṣaṇabhedenāvasthiteṣu 
dharmalakṣaṇāvasthābhedena trividhaḥ pariṇāmo'vagantavyaḥ | avasthitasya 
dharmiṇaḥ pūrvadharmanivṛttau dharmāntarāpatti dharmapariṇāmaḥ | yathā- 
mṛllakṣaṇasya dharmiṇaḥ piṇḍarūpadharmaparityāgena 
ghaṭarūpadharmāntarasvīkāro dharmapariṇāmaḥ | atha lakṣaṇapariṇāmo 
yathā- tasyaiva ghaṭasyānāgatādhvaparityāgena vartamānādhvasvīkāraḥ, 
tatparityāgena cātītādhvaparigrahaḥ | avasthāpariṇāmo'pi yathā- tasyaiva 
ghaṭasya prathamadvitīyayoḥ sadṛśayoḥ kṣaṇayoranvayitvena; yataśca 
guṇavṛttirnāpariṇamamānā kṣaṇamapyasti | atha dharmilakṣaṇam- 
śhāntoditāvyapadeśyadharmānupātī dharmī�
athoktasya saṃyamasya viṣayapradarśanadvārā siddhayo'bhidhīyante- 
dharmalakṣaṇāvasthābhedena yatpariṇāmatrayamuktaṃ tatra 
saṃyamādyogino'tītānāgatajñānaṃ bhavati | ayamabhiprāyaḥ- 
asmindharmiṇyayaṃ dharma idaṃ lakṣaṇamiyamavasthā cānāgatādadhvanaḥ 
sametya vartamāne'dhvani svaṃ vyāpāraṃ vidhāyātītamadhvānaṃ 
praviśatītyevaṃ parihṛtavikṣepatayā yadā saṃyamaṃ karoti tadā 
yatkiñcidatikrāntamanutpannaṃ vā tatsarvaṃ yogā jānāti || 
śabdārthajñānānāṃ vyavahāra itaretarādhyāsādbhinnānāmapi 
buddhyekarūpatāsampādanātsa"nkīrṇatvam | idaṃ śabdasya tattvaṃ 
yadvācakatvaṃ nāma; idamarthasya yadvācyatvamidaṃ jñānasya 
yatprakāśakatvamiti pravibhāgaṃ vidhāya tasminpravibhāge 
saṃyamātsarvaśabdajñānamutpadyate | anenaivābhiprāyeṇāyaṃ śabda anena 
prāṇinā samuccārita iti sarvaṃ jānāti || 
śaṃskārasākṣātkaraṇātpūrvajātijñānam� | evaṃ mayā so'rtho'nubhūta 
evaṃ mayā sā kriyā niṣpāditeti sarvamatītaṃ smarati || 
kenacinmukharāgādinā li"ngena gṛhītaparacittasya saṃyamātparacittajñānaṃ 
bhavati ||

pṛ0 278) asminkāye rūpamastīti saṃyamāttasya rūpasya cakṣurgrāhyatvarūpā 
yā śaktistasyāḥ stambhe bhāvanāvaśātpratibandhe cakṣuṣprakāśāsaṃyoge 
yogino'ntardhānaṃ bhavati, na kenacidasau dṛśyata ityarthaḥ | 
sopakramanirupakamabhedena dvividhe karmaṇi 
saṃyamādamuṣminkāle'muṣminpradeśe mama śarīraviyogo bhaviṣyatīti 
jñānamutpadyate | ādhyātmikādhibhautikādhidaivikāriṣṭebhyo vā 
śarīraviyogajñānaṃ jāyate | tatrādhyātmikāni karṇapidhāne 
kauṣṭhavāyoraśravaṇādīni | ādhibhautikāni 
akasmādvikṛtapuruṣadarśanādīni | ādhidaivikāni-akāṇḍa eva 
draṣṭumaśakyasvargādipadārthadarśanādīni || candre kṛtasaṃyamasya 
tārāṇāṃ jñānaṃ sidhyati | jyotiṣāṃ pradhāne dhruve kṛtasaṃyamasya 
tārāṇāṃ gatijñānaṃ bhavati || imāḥ kālajñānāntā bāhyāssiddhaya 
āntarāstu- śarīramadhyavartinābhisaṃjñakaṃ yatṣoḍaśāraṃ cakraṃ 
tasminkṛtasaṃyamasya yoginaḥ kāyagato yo'sau vyūho 
viśiṣṭarasamaladhātunāḍyādīnāmavasthānaṃ tatra jñānamutpadyate || 
kaṇṭhakūpe kṛtasaṃyamasya kṣutpipāsādayo nivartante || 
kaṇṭhakūpasyādhastādyā kūrmākhyā nāḍī tasyāṃ kṛtasaṃyamasya 
cittasthairyaṃ bhavati || śiraḥ kapāle brahmarandhrākhyaṃ chidraṃ 
prakāśādhāratvājjyotiḥ; tatra kṛta- saṃyamasya siddhadarśanaṃ bhavati || 
nimittānapekṣaṃ manomātrajanyamavisaṃvādakaṃ drāgutpadyamānaṃ jñānaṃ 
pratibhāḥ; tasyāṃ saṃyame kriyamāṇe prātibhaṃ vivekakhyāteḥ pūrvabhāvi 
tārakaṃ jñānamudeti || hṛdayaṃ śarīrasya 
pradeśaviśeṣastasminnadhomukhasvalpapuṇḍarīkābhyantare'ntaḥkaraṇasattvasya 
sthānam, tatra kṛtasaṃyamasya svaparacittajñānamutpadyate || sattvaṃ 
prakāśasukhātmakaḥ prādhānikaḥ pariṇāmaviśeṣaḥ, puruṣo 
bhoktā'dhiṣṭhātṛrūpaḥ, 
tayorbhogyabhoktṛsvarūpatvāccetanācetanatvāccātyantāsa"nkīrṇatvaṃ 
bhinnatvamityarthaḥ; tayoryaḥ pratyayasyāviśeṣo bhedenāpratibhāsanaṃ 
tasmātsattvasyaiva kartṛtāpratyayaḥ sukhaduḥkhasaṃvidāṃ bhogaḥ, sattvasya 
svārthanairapekṣyeṇa parārthaḥ puruṣārthanimittastasmādanyo yaḥ svārthaḥ 
puruṣasvarūpamātrālambanaḥ parityaktāhaṃkārasattve yā cicchāyā-

pṛ0 279) sa"nkāntistatra kṛtasaṃyamasya puruṣaviṣayaṃ jñānamutpadyate | 
tatra tadevaṃrūpaṃ svālambanaṃ jñānaṃ sattvaniṣṭhaḥ puruṣo jānāti na 
punaḥ puruṣo jñātā jñānasya viṣayabhāvamāpadyate, 
jñeyatvāpatterjñātṛjñeyayoścātyantavirodhāt | tataḥ 
puruṣasaṃyamādabhyasyamānāt vyutthitasyāpi jñānāpi jāyante | tatra 
prātibhaṃ pūrvoktaṃ jñānaṃ, tasyā''virbhāvātsūkṣmādikamarthaṃ 
paśyati| śrāvaṇaṃ śrātrendriyajaṃ jñānaṃ, tasmācca 
prakṛṣṭāddivyaṃ-divi bhavaṃ-śabdaṃ jānāti | vedanāsparśendriyajaṃ 
jñānaṃ, tasmin kṛtasaṃyamāddivyaṃ sparśaviṣayaṃ jñānaṃ jāyate | 
ādarśaścakṣurindriyajaṃ jñānaṃ, tasmin saṃyamāddivyaṃ rūpajñānaṃ 
jāyate | āsvādo rasanendriyajaṃ jñānaṃ, tasmin saṃyamāddivye rase 
saṃvidupajāyate | vārtā gandhasaṃvittiḥ, tasyāṃ 
saṃyamāddivyagandho'nubhūyate | etā uktāḥ siddhayaḥ prakarṣaṃ gacchata 
upasargā vighna kāriṇa ityarthaḥ | tatra harṣavismayādikaraṇena samādhiḥ 
śithilībhavati | vyutthāne tu punarvyavahāradaśāyāṃ 
viśiṣṭaphaladāyakatvātsiddhayo bhavanti | 
vyāpakatvādātmacittayorniyatakarmavaśādeva 
śarībhāntargatayorbhoktṛbhogyabhāvena yatsaṃvedanamupajāyate sa eva śarīre 
bandha ucyate |     tadyadā samādhivaśādbandhakāraṇaṃ dharmādharmākhyaṃ 
karmajātaṃ śithilabhāvamāpadyate, cittasya ca yo'sau pracārau 
hṛdayapradeśādindriyadvāreṇa viṣayābhimukhyena prasarastasya saṃvedanaṃ 
jñānamiyaṃ cittavahanāḍī, anayā cittaṃ vahati, iyañca 
rasaprāṇādivahābhyo nāḍībhyo vilakṣaṇeti, svaparaśarīrayoryadā 
sañcāraṃ jānāti tadā parakīyaṃ śarīraṃ mṛtañjīvaccharīraṃ vā 
cittasañcāradvāreṇa praviśati | cittaṃ paraśarīre 
praviśadindriyāṇyapyanuvartante madhukararājamiva madhumakṣikāḥ | tataḥ 
paraśarīrapraviṣṭo'yaṃ yogī svaśarīravattena vyavaharati, yato 
vyāpakayościttapuruṣayorbhogasa"nkoce kāraṇaṃ karmādhibhūtam, 
taccetsamādhinā kṣiptaṃ tadā svātantryātsarvatraiva bhoganiṣpattiḥ | 
samastānāmindriyāṇāṃ tuṣajvālāvadyā yugapadutthitā vṛttiḥ | sā 
jīvanaśabdavācyā, tasyāḥ 
kriyābhedātprāṇāpānādisaṃjñābhirvyapadeśaḥ | tatra hṛda-

pṛ0 280) yānmukhānāsikādvāreṇa vāyoḥ praṇayanātprāṇa ityucyate | 
evamapānādisaṃjñā'pyunneyā | tatrodānasya saṃyamāditareṣāṃ vāyūnāṃ 
nirodhājjalādau majjito'pi tūlapiṇḍavadudgacchati | 
samānajayānnirāvaraṇasyāgnerudbhutatvāttejasā prajvalanniva yogī 
pratibhāti || śrotrākāśayoḥ 
sambandhasaṃyamādyugapatsūkṣmavyavahitaviprakṛṣṭaśabdagrahaṇasamarthaṃ 
divyaṃ śrotraṃ bhavati | kāyākāśayoḥ sambandhasaṃyamāllaghuni tūlādau 
samāpattistanmayībhāvalakṣaṇā tāñceti vidhāya prāptātyantalaghubhāvo 
yogī prathamaṃ yathāruci jale sañcarankrameṇorṇanābhatantujālena 
sañcaramāṇa ādityaraśmibhiśca viharanyatheṣṭamākāśena gacchati || 
śarīrādbahiryā manasaḥ śarīranairapekṣyeṇa vṛttiḥ sā mahāvidehā nāma 
vigataśarīrāhaṃkāradārḍhyadvāreṇocate | tatra 
saṃyamātprakāśāvaraṇakṣayaḥ || atha 
svadarśanopayogisabījanirbījasamādhisiddhaye vividhopāyaḥ-pañcānāṃ 
pṛthivyādīnāṃ bhūtānāṃ ye pañcāvasthāviśeṣarūpā dharmāḥ 
sthūlatvādayastatra kṛtasaṃyamasya bhūtajayo bhavati, bhūtānyasya vaśyāni 
bhavantītyarthaḥ | tathāhi- bhūtānāṃ paridṛśyamānaṃ 
viśiṣṭākāravatsthūlarūpaṃ, svarūpañcaiṣāṃ yathākramaṃ kāryaṃ 
gandhasnehoṣṇatāpreraṇāvakāśapradānalakṣaṇam | sūkṣmañca yathākramaṃ   
bhūtānāṃ kāraṇatvena vyavasthitāni gandhāditanmātrāṇi | anvayino 
guṇāḥ prakāśapravṛttisthitirūpatayā sarvatraivānvayitvena samupalabhyante 
| arthavatvaṃ teṣveva guṇeṣu bhogāpavargasampādanākhyā śaktiḥ | 
tadevaṃbhūteṣu pañcasūktalakṣaṇāvasthābhinneṣu pratyavyavasthaṃ 
saṃyamaṃ kurvanyogī bhūtajayī bhavati | tadyathā- prathamaṃ sthūlarūpe 
saṃyamaṃ vidhāya tadanu sūkṣmarūpa ityevaṃkrameṇa tasya kṛtasaṃyamasya 
sa"nkalpānuvidhāyinyo vatsānusāriṇya iva gāvo bhūtaprakṛtayo bhavanti || 
atha bhūtajayasya phalam- tatrāṇimā paramāṇurūpatāpattiḥ, mahimā 
mahattvaṃ, laghimā tūlapiṇḍavallaghutvaprāptiḥ, garimā gurutvaṃ, 
prāptira"ngalyagreṇa candrādisparśanaśaktiḥ | prākāmyamicchānabhighātaḥ, 
śarīrāntaḥkaraṇeśvaratvamīśitvaṃ, sarvatra prabhaviṣṇutā vaśitvaṃ, 
sarvāṇyeva 

pṛ0 281) bhūtānyanugāmitvāttaduktaṃ nātikrāmanti, ete'ṇimādyāḥ 
samādhyupayogino bhūtajayādyoginaḥ prādurbhavanti | atha kāyasampattiḥ- 
�rūpalāvaṇyabalavajrasaṃhananatvāni kāyasampat� rūpalāvaṇyabalāni 
prasiddhāni | vajrasaṃhananatvaṃ vajravatkaṭhinā saṃhatirasya śarīre 
prādurbhavanti || �grahaṇasvarūpāsmitānvayārthavatvasaṃyamādindriyajayaḥ� 
grahaṇamindriyāṇāṃ viṣayābhimukhīvṛttiḥ, svarūpaṃ sāmānyena 
prakāśakatvaṃ, asmitā'ha"nkārānugamaḥ, anvayārthavattve pūrvavat, 
eteṣāmindriyāṇāmavasthāpañcake pūrvavatsaṃyamaṃ kṛtvendriyajayī bhavati 
|| tataḥ śarīrasya manovadanuttamagatilābho manojavitvaṃ, 
kāyanirapekṣāṇāmindriyāṇāṃ vṛttilābho vikaraṇabhāvaḥ, sarvavaśitvaṃ 
pradhānajayaḥ | etāstisraḥ siddhayo jitendriyasya prādurbhavanti || 
athāntaḥkaraṇajayaḥ- śattvapuruṣānyatākhyātimātrasya 
sarvabhāvādhiṣṭhātṛtvaṃ� sarvajñātṛtvañca tasmin śuddhe sāttvike 
pariṇāme kṛtasaṃyamasya yā sattvapuruṣayorutpadyate vivekakhyātirguṇānāṃ 
kartṛtvābhimānaśithilībhāvarūpā tanmāhātmyāttatraiva sthitasya yoginaḥ 
sarvabhāvādhiṣṭhātṛtvaṃ sarvajñātṛtvañca samādherbhavati | sarveṣāṃ 
guṇapariṇāmānāṃ bhāvānāṃ svāmivadākramaṇaṃ sarvabhāvā-     
dhiṣṭhātṛtvaṃ, teṣāmeva ca śāntoditāvyapadeśyadharmitvenāvasthitānāṃ 
yathāvadvivekajñānaṃ sarvajñātṛtvaṃ | eṣāñcāsmiñśāstre parasyāṃ 
vaśīkārasaṃjñāyāṃ prāptāyāṃ viśokā nāma siddhirityucyate || atha 
krameṇa bhūmikāntaraṃ- �tadvairāgyādapi doṣabījakṣaye kaivalyam� | 
etasyāṃ viśokāyāṃ siddhau yadā vairāgyamutpadyate yoginastadā 
tasmāddoṣāṇāṃ rāgādīnāṃ yadbījamavidyādayasteṣāṃ kṣaye 
cātyantikī duḥkhanivṛttiḥ tasya puruṣasya guṇānāmadhikāraparisamāptau 
svarūpapratiṣṭhatvam || evaṃbhūtasya yogino devā upanimantrayitāro bhavanti 
| divyastrīrasāyanādikaṃ ḍhaukayanti, tena vismayasa"ngamau na kāryau | 
kṣaṇānāṃ paurvāparyeṇa pariṇāme saṃyamādvivekajñānamutpadyate | 
padārthānāṃ bhedahetavo jātilakṣaṇadeśā bhavanti | yatra kenacidapāyena 
bhedo nāvadhārayituṃ śakyastatra

pṛ0 282) saṃyamādbhavatyeva bhedapratipattiḥ | uktasaṃyamabalādantyāyāṃ 
bhūmikāyāmutpannaṃ jñānaṃ 
tārayatyagādhātsaṃsārasāgarādyoginamityānvarthikyā saṃjñāyā 
tārakamityucyate | tacca mahadādisarvaviṣayaṃ, sarvābhiravasthābhiḥ 
sthūlasūkṣmādiśarīrabhedena taistaiḥ pariṇāmaiḥ 
sarvaprakāreṇāvasthitāni tattvāni viṣayo yasyeti sarvathā viṣayaṃ | 
niśśeṣanānāvasthāpariṇāmanyūnādhikabhāvagrahaṇe nāsya kramo vidyata 
ityakramam | sarvaṃ karatalāmalakavadyutapatpaśyatītyarthaḥ | 
phalabhidhīyate- śattvapuruṣayoḥ śuddhisāmye kaivalyam� cittasatvasya 
sarvakartṛtvābhimānanivṛtyā svakāraṇe'nupraveśaḥ śuddhiḥ, puruṣasya 
śuddhirupacaritabhogābhāva iti dvayoḥ samānāyāṃ śuddhau puruṣasya 
kaivalyamutpadyate, mokṣo bhavatītyarthaḥ | tadevamantara"ngaṃ 
yogā"ngatrayamabhidhāya tasya ca saṃyamasaṃjñāṃ kṛtvā saṃyamasya ca 
viṣayapradarśanārthaṃ pariṇāmatrayamupapādya saṃyamabalotpadyamānāḥ 
pūrvāntaparāntamadhyabhavāḥ siddhīḥ pradarśya samādhau viśvāsotpattaye 
bāhyā bhuvanajñānādirūpā ābhyantarāśca kāyavyūhajñānādirūpāstāḥ 
pradarśya samādhyupayogāyendriyaprāṇajayādipūrvikāḥ 
paramapuruṣārthasiddhaye 
yathākramamavasthāsahitabhūtajayendriyajayasattvajayodbhavāśca vyākhyāya 
vivekajñānotpattaye tāṃstānupāyānupanyasya tārakasya 
sarvasamādhyavasthāparyantabhavasya rūpamabhidhāya tatsamāpatteḥ 
kṛtādhikārasya cittasattvasya svakāraṇe'nupraveśātkaivalyamutpadyata iti 
vibhūtipādīyo'bhiprāyaḥ ||

yadājñayaiva kaivalyaṃ vinopāyaiḥ prajāyate |
tamekamajamīśānaṃ cidānandamayaṃ stumaḥ ||

atha vipratipattisamutthabhrāntinirākaraṇena yuktyā kaivalyasvarūpajñānāya 
kaivalyapādo'yamārabhyate- �janmauṣadhimantratapaḥ samādhijāḥ siddhayaḥ� 
pakṣyādīnāmākāśagamanādirjanmamātranimittā siddhiḥ | yathā 
kapilādīnāṃ janmamātreṇa jñānasiddhiḥ | 
pāradādirasāyanādyupayogādauṣadhasiddhiḥ | 
keṣāñcinmantrasiddhirākāśagamanādiḥ |

pṛ0 283) tapassiddhirviśvāmitrādīnāṃ | samādhisiddhiḥ prāk pratipāditā 
| etāḥ siddhayaḥ pūrvajanmakṣapitakleśānāmevopajāyante | 
tasmātsamādhisiddhāvivānyāsāmapi siddhīnāṃ janmāntarīyasamādhireva 
kāraṇam | mantrādīni nimittamātrāṇi | nanu nandīśvarādīnāṃ 
jātyādipariṇāmo'sminneva janmani dṛśyate tatkathaṃ janmāntarābhyastasya 
samādheḥ kāraṇatvamiti cedyo'yamihaiva janmani nandīśvarādīnāṃ 
jātyantarapariṇāmaḥ sa prakṛtyā purot | 
dharmādharmādiprakṛtīnāmarthāntarapariṇāme tu na prayojakam, nahi kāryeṇa 
kāraṇaṃ pravartate | yathā kṛṣīvalaḥ kedārātkedārāntaraṃ jalaṃ 
ninīṣurjalapratibandhakavaraṇabhedamātraṃ karoti, tasmin bhinne jalaṃ 
svayameva prasaradrūpaṃ pariṇāmaṃ gṛhṇāti, natu jalaprasaraṇe tasya 
kaścidvyāpāraḥ, evaṃ dharmāderanuṣṭhīyamānādadharmādivaraṇakṣayaḥ 
kriyate; tasmin pratibandhake kṣīṇe prakṛtayaḥ svayamabhimatakāryāya 
prabhavanti | yadā sākṣātkṛtatattvasya yogino 
yugapatkarmaphalabhogāyā''tmīyaniratiśayavibhūtyanubhavādyugapadanekaśarīra
nirmitasāyāmagnervisphuli"ngā iva kāyeṣu tanmūlakāraṇādasmitāmātrādeva 
tadicchayā cittāni prasaranti | teṣāṃ cetasāṃ vyāpāranānātve ekaṃ 
yoginaścittaṃ prayojakamadhi- ṣṭhātṛtvena, tena na bhinnamatatvam | yathā 
svīyaśarīre manaścakṣuḥpāṇyādīni yathecchaṃ prerayatyadhiṣṭhātṛtvena 
tathā cittaṃ kāyāntareṣvapi || janmādiprabhaveṣu pañcasu citteṣu 
samādhijaṃ cittaṃ karmavāsanārahitam | yathetaracittebhyo yoginaścittaṃ 
vilakṣaṇaṃ kleśādirahitaṃ tathā karmāpi | dānatapaḥsvādhyāyādimatāṃ 
puruṣāṇāṃ śubhaphaladaṃ yāgādi śuklaṃ karma | brahmahatyādi kṛṣṇaṃ 
karma nārakiṇām | śuklakṛṣṇaṃ karma somayāgādiratānām | yogināntu 
trividhakarmaviparītaṃ yatphalatyāgānusandhānenaivānuṣṭhānānna 
kiñcitphalamārabhate | asyaiva karmaṇaḥ phalantu yena karmaṇā 
yādṛgdevamanuṣyādiśarīramārabdhaṃ tasyānurūpā vāsanāḥ 
prakaṭībhavanti; itarā jātyāyurbhogaphalā vāsanāstu 
satyā'pyavyaktasaṃjñāstiṣṭhanti; na tasyāṃ daśāyāṃ 
nārakādiśarīrasyo-

pṛ0 284) pabhogabhavā vāsanā vyaktimāyānti | kāryakāraṇabhāvopapattirapi- 
iha nānāyoniṣu bhramatāṃ saṃsāriṇāṃ kāñcidyonimanubhūya yadā 
yonyantarasahasravyavadhānena punastāmeva yoniṃ pratipadyate tadā tasyāṃ 
yonau pūrvānubhūtāyāṃ tathāvidhaśarīrādivyañjakāpekṣayā vāsanā 
yāḥ prakaṭībhūtā āsaṃstāstathāvidhavyañjakābhāvāttirohitāḥ 
punastathāvidhavyañjakaśarīrādilābhe prakaṭī bhavanti | 
jātideśakālavyavadhāne'pi tāsāṃ svānurūpasmṛtyādiphalasādhane 
nairantaryameva, smṛtisaṃskārayorekarūpatvāt | tathāhi- 
anuṣṭhīyamānātkarmaṇaścittasattve vāsanārūpaḥ saṃskāraḥ samutpadyate 
| sa ca svarganarakādīnāṃ phalānāma"nkurībhāvaḥ karmaṇāṃ 
śaktirūpatayā'vasthānam | kartustathāvidhabhogyabhoktṛtvarūpaṃ sāmarthyam 
| saṃskārātsmṛtiḥ smṛteśca sukhaduḥkhopabhogastadanubhavācca punarapi 
saṃskārasmṛtyādayaḥ | evaṃ sati yasya smṛtisaṃskārādayo 
bhinnāstasyāṅantaryābhāve durlabhaḥ kāryakāraṇabhāvaḥ | asmākantu 
yadā jātānubhava eva saṃskārībhavati saṃskāraśca smṛtirūpatayā 
pariṇamate tadaikasyaiva cittasyānusandhātṛtvena 
sthitatvātkāryakāraṇabhāvo na durghaṭaḥ | bhavatvānantaryaṃ 
kāryakāraṇabhāvaśca vāsanānāṃ yadā tu prathamamevānubhavaḥ pravartate 
tadā kiṃ vāsanā-     nimitta uta nirnimitta iti śa"nkāviṣaye tāsāṃ 
vāsanānāṃ pravāhānāditvamāśiṣo nityatvāt | yeyamāśīrmahāmoharūpā 
sadaiva sukhasādhanāni me bhūyāsurmā kadācana tairme viyogobhūditi yaḥ 
sa"nkalpaviśeṣo vāsanānāṃ kāraṇaṃ tasyānāditvāt | ayamabhiprāyaḥ- 
kāraṇasya saṃnihitatvādanubhavasaṃskārādīnāṃ pravṛttiḥ kena vāryate ? 
anubhavasaṃskārādyanuviddhaṃ sa"nkocavikāsadharmicittaṃ 
tattadabhivyañajakavipākalābhāttattatphalarūpatayā pariṇamata iti | 
athānantānāṃ vāsanānāṃ hānopāyaḥ- vāsanānāmanantarānubhavo 
hetustasyāpyanubhavasya rāgādayasteṣāmavidyeti sākṣātpāramparyeṇa hetuḥ 
| śarīrādi smṛtyādi ca phalam | āśrayo buddhisattvam | ālambanaṃ 
yadevānubhavasya 

pṛ0 285) tadeva vāsanānāmatastairhetuphalāśrayālambanairanantānāmapi 
vāsanānāṃ sa"ngrahītatvātteṣāṃ hetvādīnāmabhāve jñānayogābhyāṃ 
dagdhabījatve vihite tannirmūlatvānna vāsanāḥ prarohanti na kāryamārabhanta 
iti tāsāmabhāvaḥ | �atītānāgataṃ svarūpato'styadhvabhedāttaddharmāṇām� 
ihātyantamasatāṃ bhāvānāmutpattirna yuktimatī, teṣāṃ 
sattvasambandhāyogāt | nahi śaśaviṣāṇādīnāṃ kvacidapi sattvasambandho 
dṛṣṭaḥ | nirūpākhye ca kārye kimuddiśya kāraṇāni pravarteran | nahi 
viṣayamanālocya kaścitpravartate | satāmapi virodhānnābhāvasambandho'sti | 
yatsvarūpeṇa labdhasattākaṃ tatkathaṃ nirupākhyatāmabhāvarūpatāṃ vā 
bhajate ? 
tasmātsatāmabhāvāsambhavādasatāñcotpattyabhāvāttaistairdhamairvipariṇamam
āno dharmī sadaivaikarūpatayā'vatiṣṭhate | dharmāstu tryadhikatvena 
traikālikatvena hi vyavasthitāḥ svasminsvasminnadhvani vyavasthitā na 
svarūpaṃ tyajanti, vartamāne'dhvani vyavasthitāḥ kevalaṃ bhogyatāṃ bhajante 
| tasmāddharmāṇāmevātītānāgatādhvabhedastenaiva ca svarūpeṇa 
kāryakāraṇabhāvo'smindarśane pratipādyate | tasmādapavargaparyantamekameva 
cittaṃ dharmitayā'nuvartamānaṃ na nihnotuṃ pāryate | te dharmadharmiṇo 
vyaktasūkṣmabhedena vyavasthitā ye sattvarajastamorūpā guṇāstadātmānaḥ 
sattvarajastamobhiḥ sukhaduḥkhamoharūpaiḥ sarvāsāṃ 
bāhyābhyantarabhedabhinnānāṃ bhāvavyaktīnāmanvayānugamo dṛśyate | 
yadyapi trayo guṇāḥ sarvatra mūlakāraṇam, tathāpi kvacitsattvama"ngi 
kvacidrajaḥ kvacicca tama ityevaṃrūpastasyai katvādvastunastattvamekatvamucyate 
| yatheyaṃ pṛthivī, ayaṃ vāyurityādi | nanu jñānavyatirikte satyarthe 
vastvekamanekaṃ vā vaktuṃ śakyate | yadā vijñānameva 
vāsanāvaśātkāryakāraṇabhāvenāvasthitaṃ tathā tathā pratibhāti tadā 
kathametacchakyate vaktumityāśa"nkāyāṃ jñānajñeyayoviviktaḥ panthāḥ | 
kathaṃ ? vastusāmye cittabhedāt | samāne vastuni stryādāvupalabhyamāne 
nānāpramātṛrṇāṃ cittasya bhedaḥ sukhaduḥkhamoharūpeṇopalabhyate, yathā 
ekasyāṃ yoṣiti sarāgasya sukham, sapatnyāstu dveṣaḥ, parivrājakasya  

pṛ0 286) ghṛṇā | tasmānna cittakāryaṃ vastu || yadyevaṃ jñānaṃ 
cetprakāśakatvādgrahaṇasvabhāvamarthaśca 
prakāśyatvādgrāhyasvabhāvastatkathaṃ yugapatsarvānarthānna gṛhṇātīti 
cet, yenaivārthenāsya jñānasya svarūpoparāgaḥ kṛtastamevārthaṃ jñānaṃ 
vyavahārayogyatāṃ nayati tataśca so'rtho jñāta ityucyate | yena cā''kāro na 
samarpitaḥ so'jñātatvena vyavahriyate | yasmiṃścānubhūte'rthe 
sadṛśādirarthaḥ saṃskāramudbodhayansahakārikāraṇatāṃ pratipadyate 
tasminnevārthe smṛtirupajāyata iti | na sarvatra jñānaṃ nā'pi sarvatra 
smṛtiriti na kaścidvirodhaḥ | yadyevaṃ pramātā'pi puruṣo yasminkāle nīlaṃ 
saṃvedayati na tasminneva kāle pītamataścittasattvasyāpi kādācitkatvaṃ 
grahītṛrūpatvādākāragrahaṇe pariṇāmitvamiti 
cetpramāṇaviparyayādicittavṛttayaḥ sarvadā jñātāḥ, tadgrahītuḥ 
puruṣasyāpariṇāmāt | yadyasau pariṇāmī syāttadā pariṇāmasya 
kādācitkatvātpramātustāsāṃ cittavṛttīnāṃ sadā jñātatvaṃ na 
syāttasmātpuruṣo na pariṇāmī | nanu cittameva sattvotkarṣādyadi 
prakāśakaṃ tadā svaparaprakāśakatvādātmānamarthañca prakāśayatīti 
tāvataiva vyavahārasamāpteḥ kiṃ grahītrantareṇeti cet, taccittaṃ     
svaprakāśakaṃ na bhavati kintu puruṣavedyaṃ bhavati dṛśyatvāt | nanu 
sādhyāviśiṣṭo'yaṃ hetuḥ, dṛśyatvameva cittasyāsiddham | kiñca 
svabuddhisaṃvedanadvāreṇa puruṣāṇāṃ hitāhitaprāptiparihārarūpā 
vṛttayo dṛśyante | tathāhi- kruddho'haṃ bhīto'hamatra me rāga 
ityevamādyāḥ saṃvido buddherasaṃvedane tu nopapannā iti cet, arthasya 
saṃvittiridantayā vyavahārayogyatāpādanamayamarthaḥ 
sukhaheturduḥkhaheturveti | buddheśca saṃvidahamityevamākāreṇa 
sukhaduḥkharūpatayā vyavahārakṣamatāpādanam | evaṃvidhañca 
vyāpāradvayamarthapratyakṣakāle na yugapatkartuṃ śakyaṃ virodhāt | nahi 
viruddhayorvyāpārayoryugapatsambhavo'sti | ata ekasminkāle ubhayasya 
svarūpasyārthasya cāvadhārayitumaśakyatvānna cittaṃ svaprakāśam | nanu mā 
bhūdbudheḥ svayaṃ grahaṇaṃ buddhyantareṇa bhaviṣyatīti  

pṛ0 287) cet, �cittāntaradṛśye buddhibuddheratiprasa"ngaḥ smṛtisa"nkaraśca� 
rūpe rase vā samutpannāyāṃ buddhau tadgrāhikāṇāmanantānāṃ buddhīnāṃ 
samutpatterbuddhijanitaiḥ saṃskārairyadā yugapadbahvyaḥ smṛtayaḥ kriyante 
tadā buddheraparyavasānādbuddhismṛtīnāñca bahvīnāṃ yugapadutpatteḥ 
kasminnarthe smṛtiriyamutpanneti jñātumaśakyatvātsmṛtīnāṃ sa"nkaraḥ syāt 
| iyaṃ rūpasmṛtiriyaṃ rasasmṛtiriti na jñāyeta | nanu buddheḥ 
svaprakāśatvābhāve buddhyantareṇa cāsaṃvedane | kathamayaṃ 
viṣayasaṃvedanarūpo vyavahāra iti cet, puruṣaścinmayatvāccitiḥ, 
sā'nyenāsa"nkīrṇā sadaikarūpatayā'vatiṣṭhate | atastatsannidhāne yadā 
buddhistadākāratāmāpadyate cetanevopajāyate | buddhivṛttipratisa"nkrāntā ca 
yadā cicchaktirbuddhivṛttiviśiṣṭatayā sampadyate tadā buddheḥ 
svasyā''tmano vedanaṃ sambhavati | itthaṃ svasaṃviditaṃ cittaṃ 
sarvārthagrahaṇasāmarthyena sakalavyavahāranirvāhakṣamaṃ bhavati || 
śāstraphalakaivalyasvarūpantvittham-sattvapuruṣayoranyatve siddhe 
yastayorviśeṣamahamasmādanya iti paśyati tasya citte yā''tmabhāvabhāvanā 
sā nivartate-cittameva kartṛjñātṛbhoktṛ cetyabhimāno nivartate | 
tasminsatyajñānanimnapathaṃ bahirmukhaṃ cittaṃ 
vivekanimnamārgamābhyantaramukhaṃ kaivalyaphalaṃ sampadyate | 
asminvivekavāhini citte ye'ntarāyāḥ prādurbhavanti teṣāmitthaṃ 
tyāgopāyaḥ | tathāhi- samādhau sthitasyāntarāleṣu yāni vyutthānarūpāṇi 
jñānāni tāni prāktanebhyo vyutthānānubhavajebhyaḥ saṃskārebhyo'haṃ 
mametyevaṃ rūpāṇi kṣīyamāṇebhyo'pi prabhavanti-
antaḥkaraṇocchittidvāreṇa teṣāṃ jñānaṃ kartavyamityuktaṃ bhavati | 
yathā kleśānāmavidyādīnāṃ hānaṃ pūrvamuktaṃ tathā saṃskārāṇāmapi 
kartavyam | yathā te jñānāgninā pluṣṭā dagdhabījakalpā na 
punaścittabhūmau prarohaṃ labhante tathā saṃskārā api || evaṃ 
pratyayāntarānudayena sthirībhūte samādhau yādṛśasya yoginaḥ 
samādhiprakarṣaprāptirbhavati tādṛśopāyaḥ | yāvatāṃ tattvānāṃ 
yathākramaṃ vyavasthitānāṃ parasparavilakṣaṇasvarūpaparibhāvane 
satyapyakusīdasya phalamalipsoḥ pratyayāntarāṇāmanudaye  

pṛ0 288) sarvaprakāravivekakhyāteḥ paripoṣāddharmameghaḥ samādhirbhavati | 
avidyādyabhiniveśāntakleśānāṃ śuklāditrividhakarmaṇāṃ 
jñānodayātpūrvapūrvakāraṇanivṛttyā nivṛttirbhavati | tadā 
sarvāvaraṇanivṛttau jñānanairantaryādakleśenaiva sarvaṃ jñeyaṃ jānāti | 
tato niṣpāditabhogāpavargalakṣaṇapuruṣārthānāṃ satvarajastamasāṃ 
pariṇatikramasamāptirbhavati | alpīyasaḥ kālasya yo'sau 
pratiyogyekakṣaṇavilakṣaṇaḥ pariṇāmāparāntanirgrāhyo'nubhūteṣu 
kṣaṇeṣu paścātsa"nkalanabuddhyaiva yo gṛhyate sa kṣaṇānāṃ krama ucyate, 
nahyananubhūteṣu kṣaṇeṣu kramaḥ parijñātuṃ śakyaḥ || phalabhūtasya 
kaivalyasyāsādhāraṇaṃ svarūpamitthaṃ vijñeyaḥ | 
samāptabhogāpavargapuruṣārthalakṣaṇānāṃ guṇānāṃ yaḥ pratiprasavaḥ 
tasya samāptau vikārānudbhavaḥ, yadi vā citiśaktervṛttisārūpyanivṛttau 
svarūpamātre'vasthānaṃ kaivalyamucyate | tadevaṃ siddhyantarebhyo 
vilakṣaṇāṃ sarvasiddhimūlabhūtāṃ samādhisiddhimabhidhāya 
jātyantarapariṇāmalakṣaṇasya ca siddhiviśeṣasya prakṛtyāpūraṇameva 
kāraṇamityupapādya dharmādīnāṃ pratibandhakanivṛttimātra eva 
sāmarthyamiti padarśya nirmāṇacittānāmasmitāmātrādudbhava ityuktvā 
teṣāñca yogicittamevādhiṣṭhāpakamiti pradarśya yogicittasya 
cittāntaravailakṣaṇyamabhidhāya tatkarmaṇāmalaukikatvañcopapādya 
vipākānuguṇānāñca vāsanānāmabhivyaktisāmarthyaṃ 
kāryakāraṇayoścaikyapratipādanena vyavahitānāmapi 
vāsanānāmānantaryamupapādya tāsāmānantye'pi hetuphalādidvāreṇa 
hānamupadarśyātītādiṣvadhvasu dharmāṇāṃ sadbhāvamupapādya 
vijñānavādaṃ nirākṛtya sākāravādañca pratiṣṭhāpya puruṣasya 
jñātṛtvamuktvā cittadvāreṇa sakalavyavahāraniṣpattimupapādya 
puruṣasiddhau pramāṇamupapādya kaivalyanirṇayāya daśabhiḥ sūtraiḥ 
krameṇopayogino'rthānabhidhāya śāstrāntare'pyetadeva kaivalyamityupapādya 
kaivalyasvarūpaṃ nirṇītamiti kramiko'yaṃ yogapātañjalānāṃ 
yāvānrāddhāntaḥ ||
atrocyate- aṣṭā"ngayoge tātparyavattvātpramāṇabhūtāpi satī 
yogasmṛtiravaidike pradhānādau na pramāṇam; tatra tātparyābhāvāt | 
tathāhi-

pṛ0 289) �atha yogānuśāsanami�ti pratijñāya �yogaścittavṛttinirodha� iti 
yogasyaiva lakṣaṇamuktvā tameva kṛtsnaśāstreṇa prapañcayāmāseti tatra 
yoge tātparyam | pradhānādīni tu na pratipādyatayā pratijajñe kiṃ tarhi ? 
dvitīyapāde yamaniyamādisādhanapratipādake jñeyaṃ jñeyahetuṃ jñānaṃ 
jñānahetuñca vivecayanprasa"ngātsā"nkhyasmṛtiprasiddhāni pradhānādīni 
vyājahāra, tato na tatra tātparyam | tasmānna yogasmṛtyā vedasya sa"nkocaḥ | 
yaccoktaṃ sarūpāṇāmeva janyajanakabhāvadarśanādacetanaṃ 
jagaccetanādbrahmaṇo na jāyate; vilakṣaṇatvāt | yadyena vilakṣaṇaṃ 
tattasmānna jāyata iti tattucchaṃ, ye ye kāryakāraṇe te tena salakṣaṇa 
ityasyā vyāptervṛścikādau vyabhicāro dṛśyate- acetanādgomayādvṛścikasya 
cetanasyotpatteḥ | cetanācca puruṣādacetanānāṃ 
keśanakhādīnāmutpadyamānatvāt | ato vedanirapekṣaḥ śuṣkatarko na kvāpi 
pratitiṣṭhati | taduktamācāryaiḥ- �yatnenānumito'pyarthaḥ 
kuśalairanumātṛbhiḥ | abhiyuktatarairanyairanyathaivopapādyata� iti | 
tasmādvailakṣaṇyaheturna bādhakaḥ || yattu 
nirīśvarasā"nkhyaseśvarasā"nkhyayormatamupanyasya 
tanmatakhaṇḍanaprastāvanāyāṃ dvitīyollāse 
paramatagirivajradaṇḍakāreṇābhihitama-tredaṃ vicāryyata ityādinā 
bimbapratibimbabhāve rūpavaddarpaṇe rūpavadghaṭādipratibimbavat, 
samānadharmatvaṃ ghaṭādirūpabimbāpekṣayā 
darpaṇādernaimalyañcāpekṣitamiti prasiddham | atra 
nirmalasyāpyasaṃvedyapakṣapatitasya puruṣasya 
sukhaduḥkhamohāndhakārakaluṣitasya buddhitattvasya ca vaiparītyena virodhānna 
tatpratibimbatvaṃ puruṣasya tatpratibimbakāraṇībhūtanīlādibimbapadārthasya 
buddhivyatiriktabuddhipradeśavartamānāsambhavāt | sarvasya 
bodhakalakṣaṇabudvyantargatatvena tadanantargatapradeśasyābhāvāt, na 
svaprakāśātmakatamoguṇabhāge sthitā nīlādayo bimbabhūtāḥ 
prakāśātmakasattvaguṇabhāgalakṣaṇabuddhidarpaṇe pratiphalantīti cenna, 
tamoguṇabhāgasyāpi budvyantargatatayā bhāsanāt | anyathā tama iti raja iti 
sattvamityasa"nkīrṇavibhāgasphuraṇaṃ na 

pṛ0 290) syāt | yadyatsphuraṃti tatsarvaṃ sphuraṇātmakaṃ budvyantargatamiti 
nyāyāt | yadi bhavati buddhau pratibiṃbastadā tasyā mukhaprakāśatvena 
darpaṇādipratibiṃbitavahnyādestṛṇadāhakatvataṇḍulapācakatvādyarthakriyā
yā asambhava iva kartṛtvajñātṛtvabhoktṛtvādyarthakriyākāritvaṃ na syāt | 
buddhipuruṣayoḥ parasparabhedāgrahāttadabhimānamātramiti vācyam, 
japākusumalauhityaṃ yathā sphaṭikādau pratīyate tadvadbuddhiniṣṭhaṃ 
kartṛtvaṃ puruṣe pratīyata iti vaktavyam, tathāsati 
buddhivyatiriktapuruṣakalpanamaprāṇikaṃ syāt, karttṛtvāderbuddhidharmatvāt 
| naca kartṛtvāderapi jñātṛdharmatvānna tatkalpanamapi yuktaṃ 
buddhitattvasyeti | naca puruṣaniṣṭhameva kartṛtvādikaṃ buddhau 
pratiphalatīti vācyam, svabhāvasya nirākartumaśakyatvādanirmokṣaprasa"ngaḥ 
| na cāyaḥkāntaharidrācūrṇadṛṣṭāntena 
parasparasammelanātkartṛtvādikamutpadyata iti vācyam, mukhyapuruṣasya 
buddhitattvasya ca sambandhābhāvāttatpratibimbasyaiva 
sambandhāttatpratibimbasyārthakriyākārikatvābhāvāt | nanu 
mukhyapuruṣasyaiva sambandho buddhitattvena vartata iti cenna, tathā 
pratibiṃbābhāvāt | yadyatra vartate na tatra pratiphalati   
darpaṇarekhāvaditi nyāyāt | iṣṭāpattau 
puruṣasvabhāvatvādbuddherviṣayoparāgāderanapahnavanīyatvenānirmokṣaprasa"n
go durvāra eva | kiñca tadabhimānamapi na sambhavatīti buddhipratibimbitasya 
ghaṭāderyathā kartṛtvādyabhimāno nāsti tathā buddhipratibimbitasya 
puruṣasyāpi kartṛtvādyabhimānaṃ na syāt | naca ghaṭasya 
jaḍatvāttadabhimāna upapadyata eva, tatpratibimbasya sutarāṃ nopapadyata iti | 
nanu ghaṭavatpuruṣaḥ kevalaṃ niṣkriya iti nocyate, kintu vikṛtispṛśi 
viśvasmin prakṛtiṃ prerayatīti cettatrocyate �tathā sā cettato yuktyā 
tasyaudāsīnyaprakalpanā | anudāsīnataivāstāṃ sūkṣmamadhyamamāśritaḥ | 
yadyasau niṣkriyo na syādyadasūkṣmāpi sā kriyā | sva viyoge kriyāṃ sūte 
prakṛtau vikṛtirjaḍā || jaḍā api svabhāvena dehākṣabhuvanādayaḥ | 
yatprabhāvātpravartante sa kathaṃ niṣkriyo bhavet ||� tasmāt 

pṛ0 291) kriyāyāḥ saviṣayatvena nirañjanatvalakṣaṇāpavargo na syāditi 
dūṣaṇaṃ vajralepāyate | etena yogaśāstramapi pratyuktam | 
tada"ngīkṛteśvarasya 
mūrcchāparaparyāyasamādhipakṣapatitatve na jaḍatvaprasa"ngāditi sa"nkṣepa 
iti | tadavicāritaramaṇīyam | tathāhi- yatta bimbapratibimbabhāve 
rūpavadupādhau rūpavata eva darpaṇādau ghaṭāderiva pratiphalananiyama iti na 
niyamaḥ, jale nīrūpasya gaganasya pratiphalanadarśanāt, dhvanau nirūpe 
varṇapratiphalanadarśanācca | atevoktamabhiyuktairadvaitavādibhiḥ- �bimbatvaṃ 
pratibimbatvaṃ yathā pūṣaṇi kalpitam | ātmatvamīśvaratvañca 
brahmaṇyekatra kalpita�miti | siddhāntaleśasa"ngrahakārā appayadīkṣitā 
apyāhuḥ-vivaraṇānusāriṇastvāhuḥ- �vibhedajanake jñāne nāśamātyantikaṃ 
gate |� ityādismṛtyā ekasyaivājñānasya 
jīveśvaravibhāgopādhitvapratipādanāt, bimbapratibimbabhāvena 
jīveśvarayorvibhāgaḥ | ata ubhayorapi pratibimbabhāvo na, 
upādhidvayamantareṇobhayoḥ pratibimbatvāyogāt | tatrāpi pratibimbo jīvaḥ 
bimbasthānīya īśvaraḥ | tathāsatyeva 
laukikabimbapratibimbabhāvadṛṣṭāntena svātantryamīśvarasya 
tatpāratantryaṃ jīvasya ca yujyate | �pratibimbagatāḥ 
paśyannṛjuvakrādivikriyāḥ | pumān krīḍedyathā brahma tathā 
jīvasthavikriyāḥ |� iti kalpatarūktyā lokavattu līlākaivalyamiti sūtramapi 
sa"ngacchate | ajñānapratibimbitasya jīvasyāntaḥkaraṇarūpo 
jñānapariṇāmabhedo viśeṣābhivyaktisthānaṃ sarvatra prasṛtasya 
savitṛprakāśasya darpaṇa iva | atastasya tadupādhikatvavyavahāro'pi | 
naitāvatā'jñānopādhiparityāgaḥ | antaḥkaraṇopādhiparicchinnasyaiva 
caitanyasya jīvatve yoginaḥ kāyavyūhādhiṣṭhānānupapatteḥ | ityādinā 
rūpānupahitacaitanyasya pratibimbasvīkārāt | tathā ca bimbapratibimbabhāvo 
dvividhaḥ- laukiko'laukikaśceti | laukikaghaṭādipratibimbe rūpavadupādhau 
rūpopahitatvaniyamaḥ | alaukike rūpānupahitacaitanyasyāpi pratiphalane 
bādhābhāvāt | kalpataruvivaraṇādigranthānurodhaśca | 
pratibimbatvakhaṇḍane siddhā- 

pṛ0 292) ntaśikhāmaṇiśivādvaitamañjaryādivirodhaśca | 
paramatakhaṇḍanamātrapravṛttau svapakṣasthāpanāhīnatvaṃ vaitaṇḍikatvaṃ 
sphuṭameva | iyānviśeṣaḥ-puruṣāntapañcaviṃśatitattvavādino 
nirīśvarasā"nkhyāḥ puruṣasya prakṛtirañjitasya 
sukhaduḥkhayorasvātantryātteṣāṃ bahūnāṃ puruṣāṇāṃ 
sukhaduḥkhaniyāmako nirlepaḥ | cintāmaṇisannidhāne bhāgyodaya iva 
nirvyāpāro'pi svatantraḥ sarvajña īśvaro'nyaḥ ṣaḍviṃśa iti 
seśvarasā"nkhyāḥ pātañjalāḥ | sā"nkhyasiddhapradhāne jaḍatvena 
jagatkāraṇatvābhāve'pi parabrahmādhiṣṭhitatvenānityatvamityadvaitavādinaḥ 
| sūkṣmacidacicchaktivaiśiṣṭyavādino nīlakaṇṭhīyāḥ | vayantu brūmaḥ- 
cidacicchaktijñānakriyāparaparyāyatvena vyavahṛte tayormūlaśaktibheda iva 
mūlaśaktidharmarūpaparameśvarābhinneti sarve bimbapratibimbavādinaḥ tanneti 
vadanvādī svayamanirvacanīya iti yatkiñcidetat | vastutastu 
visṛmarasavitṛkiraṇānāṃ pratiphalane gagane bimbabuddhibhramaḥ | 
dhvanervarṇapratibimbagrāhitvamapi vyañjakamātreṇopapadyate | evaṃ 
rūpānupahitacaitanyaṃ buddhau na pratibimbamarhatīti mahānāgrahastadā 
avidyāvacchinno jīvaḥ | antaḥkaraṇāvacchinno jīva iti pakṣadvaye'pi 
ghaṭākāśamahākāśayoriva dvitvasya    suvacatvātpuruṣasya buddheśca 
bhedādbuddheranyaḥ puruṣaḥ puruṣādanyā buddhiriti vivekakhyātiḥ sādhanam 
| tayā kaivalyaṃ muktiḥ, dvayorbhedāgraho'yamavivekakhyātiḥ saṃsāra iti hi 
sā"nkhyayoḥ siddhāntaḥ | bhedāgrahāddurvāre dvitve siddhe ghaṭādigataṃ 
dvitvamākāśe gṛhyate ghaṭākāśo maṭhākāśa iti | tadbuddhigataḥ 
kartṛtvādiḥ sarvo'pi prapañcaḥ puruṣe varteta, viveke sati kaivalyamapi 
syādeva dagdhavaṭanyāyena jīvanmuktasya krameṇāvyakte buddhau līnāyāṃ 
satyāṃ nirviśeṣamuktiriti nirdūṣaṇaṃ sā"nkhyadvayam || 
yaccoktamasaṃvedyapakṣapatita iti tadasat, sākṣiṇo'pi tasya 
vivekagrahādanyathābhūtasya dehādibhāvamāpannasya śāstragurudvārā 
saṃvedyatvāt | naca pāramārthikadaśāyāmasaṃvedya iti vācyam, 
ananyabhūtacittasya nivṛttavṛttikasya vā kasyāpi saṃvedyasyābhāvāt, 
saṃsāradaśāyāmeva sarvasyāpi saṃvedyatvāt |

pṛ0 293) puruṣasya nairmalyavirodho'pi na, savitṛkiraṇavatprakāśarūpasya 
niṣkriyatvādinā nairmalyavatvāt, sakriye jale pratiphalanavat 
svacchatvamātreṇa pratiphalanavirodhābhāvāt | 
buddhivyatiriktadeśavartamānāsambhavādityapi na | ghaṭāntaḥ pradeśasya 
ghaṭajale pratiphalanadarśanāt | buddhivyatiriktapuruṣakalpane pramāṇaṃ neti 
vadato vyāghātaḥ, buddhiniṣṭhamāndyādikhyātidarśanāt, 
prakṛtermahānityādiśabdapramāṇasadbhāvācca | evaṃ pratipadaṃ 
skhalansvapakṣasthāpanārahita iti yatkiñcidetat, taduktarītyā 
bimbapratibimbabhāvādyana"ngīkāre'pi 
pūrvoktapariṇamanādyanurodhādajāmekāmityādiśruteśca pradhānakāraṇavādi 
sā"nkhyadvayamapi duṣparihāryamityasmaduktarītyā 
svamatānyamatasādhāraṇyena pratyākhyānaprakāro'vadheya iti vajradaṇḍakāro 
barbaraḥ | etena buddhipratibimbe kartṛtvādikaṃ na syāditi nirastam, 
upādhiguṇārope bādhābhāvāt | buddhivyatiriktapuruṣakalpane 
mānābhāvāditi ca na, �indriyebhyaḥ parā hyarthā arthebhyaśca paraṃ manaḥ 
| manasastu parā buddhirbuddherātmā mahānparaḥ || mahataḥ paramavyaktaṃ sā 
kāṣṭhā sā parā gati�riti bhagavadukteḥ, tadanurodhena bahūnāṃ 
pramāṇānāṃ sadbhāvāt | puruṣaniṣṭhakartṛtvaṃ buddhau pratīyata 
ityanuktāpādanaṃ doṣaḥ | etena sammelanātkartṛtvamiti vadanbuddheḥ 
puruṣasya ca sambandhābhāvāditi nirastaḥ, bhedāgraheṇa sambandhasadbhāvāt 
| yadapyuktamaudāsīnyakalpane sūkṣmakriyāvatvena nirlepatvaṃ na syāditi 
tadapyajñānavilasitam | tādṛśaudāsīnyakalpane'pi 
bahirmukhakriyābhāvānnirlepatvasiddheḥ | tasmādasmaduktānusaraṇameva 
nyāyyamiti sarvaṃ samañjasam ||

iti vīraśaivānandacandrikāyāṃ vādakāṇḍe 
yogamatanirūpaṇatannirākaraṇaṃ nāma ṣoḍaśaṃ prakaraṇam ||

pṛ0 294) vīraśaivānandacandrikāyāṃ
vādakāṇḍe
saptadaśaṃ prakaraṇam || 

śrutyāgamapurāṇaughasarasvatpāradarśinā |
udīritaṃ tvayā svāminkaruṇāsārdracetasā || 
svāminyogamatasyādya prakriyāṃ bhṛ"ngiṇeritām |
taddūṣaṇaṃ śīlinoktaṃ niśamya mudito'bhavam ||
upakrāntaṃ tataḥ paścādbhṛ"ngiṇā kasya vā matam |
dūṣitaṃ śīlinā tacca kathaṃ tadvaktumarhasi ||
śṛṇu rājanpravakṣyāmi bhṛ"ngiṇā kathitaṃ matam |
kīrtitaṃ śīlinā tatra dūṣaṇaṃ śṛṇu sādaram ||
kartṛtvaṃ prakṛternirākṛtamiti vyaktā tavāhaṃkṛti-
rbho bho śīlivarādya mā'stu bhuvane śrutyāgamodīritam |
brūmo mādhvamataṃ hi tāvakaśiraḥ kuṭṭākayuktyanvitaṃ 
tadduṣyeta kathaṃ tvayā tava matiprāviṇyamīkṣāmahe ||
tacca mādhvamatamīrayādhunā
bhṛ"ngivarya sṛṇumaḥ kṛtādaram |

pṛ0 295) dūṣyate tadapi yuktibhirmayā 
paśya māmakamateḥ pravīṇatām ||

mādhvāḥ svamataprakriyāmevaṃ varṇayanti-dvāparayuge sarveṣu dharmeṣu 
vyākulībhūteṣu taddharmasaṃsthāpanāya brahmarudrādibhirabhyarthito 
bhagavānnārāyaṇo vyāsarūpeṇāvatīrṇaḥ, 
iṣṭāniṣṭaprāptiparihārāpekṣiṇāṃ tadupāyamalabhamānānāṃ 
māyāvādapramukhamatāntareṣu pravikṣūṇāṃ tattvamajānatāṃ 
lokānāmanugrahāya paramakāruṇikatayā dharmāvabodhāyotpannaṃ vedarāśiṃ 
caturdhā vibhajan, pṛthagekaikaṃ caturviṃśatidhā, ekottaraśatadhā, 
sahasradhā, dvādaśadhā, vibhājya tadarthanirṇayāya ca brahmasūtrāṇi 
caturadhyāyātmanā praṇināya | uktañca skānde-

nārāyaṇādviniṣpannaṃ jñānaṃ kṛtayuge sthitam |
kiñcittadanyathā jātaṃ tretāyāṃ dvāpare'khilam ||
gautamasya ṛṣeḥ śāpājjñāne tvajñānatāṃ gate |
sa"nkīrṇabuddhayo devā brahmarudrapurassarāḥ ||
śaraṇyaṃ śaraṇaṃ jagmurnārāyaṇamanāmayam |
tairvijñāpitakāryastu bhagavānpuruṣottamaḥ ||
avatīrṇo mahāyogī satyavatyāṃ parāśarāt |
utpanno bhagavānvedānuddadhāra hariḥ svayam ||
caturdhāpyabhajattāṃśca caturviṃśatidhā punaḥ |
śatadhā caikadhā caiva tathaiva ca sahasradhā ||
kṛṣṇo dvādaśadhā caiva punastasyārthavittaye |
cakāra brahmasūtrāṇi yeṣāṃ sūtratvamañjasā ||

pṛ0 296) alpākṣaramasaṃdigdhaṃ sāravadviśvatomukham |
astobhamanavadyañca sūtraṃ sūtravido viduḥ ||
nirviśeṣitasūtratvaṃ brahmasūtratvamapyataḥ |
yathā vyāsatvamekasya kṛṣṇasyānyaviśeṣaṇāt ||
saviśeṣaṇasūtrāṇi hyapārāṇi vido viduḥ |
mukhyasya nirviśeṣeṇa śabdo'nyeṣāṃ viśeṣataḥ ||
iti vedavidaḥ prāhuḥ śabdatattvārthavedinaḥ |
sūtreṣveteṣu sarve'pi nirṇayāḥ samudīritāḥ ||
śabdajātasya sarvasya yatpramāṇañca nirṇayaḥ |
evaṃ vidhāni sūtrāṇi kṛtvā vyāso mahāyaśāḥ ||
brahmarudrādideveṣu manuṣyeṣvapi pakṣiṣu |
jñānaṃ saṃsthāpya bhagavān krīḍate puruṣottamaḥ ||

iti svoktā'rthe skāndavacanāni pramāṇayan, �prathamastu hanūmānsyāddvitīyo 
bhīmasenakaḥ | pūrṇaprajñastṛtīyastu bhagavatkāryasādhakāḥ ||� iti 
vacanāvagamitavāyutṛtīyāvatāratāprakāśitamahimātiśayatayā 
bhagavatkāryasādhakatvena pratipādyamānaḥ pūrṇaprajñāparasaṃjño 
mādhvācāryo 
nārāyaṇāparāvatārabhagavadvedavyāsapraṇītabrahmasūtrāṇāṃ 
nārāyaṇaikatatparatayā bhāṣyaṃ praṇayansvābhimatānusāreṇa 
śāṇḍilyamunipraṇītaprakriyopāśrayalabdhasāhāyyakaṃ 
prameyajātamevamacīkathat | tathāhi- tattvaṃ dvividhaṃ 
svatantramasvatantrañca | tatra svatantro bhagavānviṣṇureka eva | 
asvatantrañca tattvaṃ dvividhaṃ bhāvo'bhāvaśca | bhāvo 
dvividhaścetano'cetanaśca | cetano dvividho duḥkhaspṛṣṭā 
duḥkhāspṛṣṭaśca | tatra nityaduḥkhāsaṃspṛṣṭā ramā, tadanye cetanā 
duḥkhasaṃspṛṣṭāḥ | duḥkhasaṃspṛṣṭā api cetanā dvividhāḥ, 
duḥkhopalakṣitā duḥkhaviśiṣṭāśca |

pṛ0 297) upalakṣitā muktāḥ, duḥkhaviśiṣṭā baddhāḥ | duḥkhaspṛṣṭāḥ 
punardvividhā muktiyogyā muktyayogyāśca | muktiyogyā api 
devarṣipitṛgandharvamānavabhedātpañcavidhāḥ | muktyayogyā api daityā 
rākṣasāḥ piśācā mānavādhamā iti caturvidhāḥ | te ca 
punarandhatamasthitāḥ saṃsārasthitā iti dvividhāḥ | acetanamapi tattvaṃ 
dvividhaṃ nityamanityañca | nityaṃ trividhaṃ vedapurāṇādiśabdarāśiḥ 
kālaḥ prakṛtiśceti | anityamapi dvividhamasaṃspṛṣṭaṃ saṃspṛṣṭañca | 
asaṃspṛṣṭañca punarmahattattvamaha"nkāro buddhirmano daśendriyāṇi 
pañcatanmātrāṇi pañcabhūtāni ca | saṃspṛṣṭañca tattvaṃ brahmāṇḍaṃ, 
brahmāṇḍāntargataṃ jagacceti | abhāvo'pi trividhaḥ prāgabhāvaḥ 
pradhvaṃsābhāvaḥ sanātanābhāvaśceti || sarvasyaitasyāsvatantraprapañcasya 
sṛṣṭisthitisaṃhāraniyamanajñānāvaraṇabandhamokṣākhyāṣṭakṛtyakartā 
svatantraḥ svabhinnānantakalyāṇaguṇaparipūrṇaḥ prākṛtaheyaguṇarahito 
lakṣmīsametaḥ śa"nkhacakragadāpadmahastaḥ 
śvetadvīpakṣīrasāgarānantāsanavaikuṇṭhavāsakalitotkaṇṭhaḥ 
śrīkaṇṭhaparameṣṭhipraṣṭhasarvasuparvasaṃsevyamāno bhagavānnārāyaṇa 
eva nikhilāmnāyaikakaṇṭhyapratipādyo muktaprāpyaḥ | jagatsatyameva | 
jīvāḥ sarve    nārāyaṇādbhinnāḥ parasparañca bhinnāḥ | ajīvā api 
parasparaṃ bhinnā nārāyaṇādapi bhinnā jīvebhyo'pi bhinnāḥ | 
lakṣmībrahmavāyusarasvatigaruḍaśeṣarudrādīnāṃ devānāṃ, 
viśvāmitrādīnāṃ tapodhanānāṃ, priyavratādīnāṃ rājñāñca 
nīcoccabhāvenāvasthānam | 
muktiścānekajanmārjitasaddharmānuṣṭhānaviśuddhacittatayā 
labdhahariprasādānāṃ svasvarūpānatikrameṇa paramapadavaikuṇṭhe 
nijasukhānubhavena punarāvṛttirahitamavasthānam | yathārthaṃ pramāṇam | 
tadvividhaṃ kevalamanupramāṇañca | tatra yathārthajñānaṃ kevalaṃ, 
tatsādhanamanupramāṇam | kevalaṃ caturvidhaṃ īśalakṣmīyogyayogibhedena | 
pūrvadvayamanādi nityaṃ, svātantryapāratantryābhyāṃ tadviśeṣaḥ | 
pūrvaṃ paragatākhilaviśeṣaviṣayaṃ, 
dvitīyamīśe'nyebhyo'dhikamasārvatrikaṃ, anyatra sarvaviṣayam | spaṣṭatve 
bhedaḥ | yogijñānamṛjūnāmanādinityaṃ, īśe jīvebhyo'dhikaṃ, 
anyatrālocane sarva- 

pṛ0 298) viṣayaṃ krameṇa vartamānamāmuktestato'vyayaṃ, tato vā 
syātkrameṇa prasitaṃ sādi ca | 
tātvikebhyo'nyatrāyogijñānamutpattivināśavadalpam | anupramāṇaṃ trividhaṃ 
pratyakṣamanumānamāgama iti | tatra nirdoṣendriyasannikarṣaḥ pratyakṣaṃ, 
nirdoṣopapattiranumānaṃ, nirdoṣaḥ śabda āgamaḥ | arthāpatyupama 
anumānaviśeṣau | nārāyaṇaśabdavācyaṃ brahma saguṇameva | atha 
kasmāducyate brahmeti praśne bṛhanto hyasmin guṇā iti | 
anantakalyāṇaguṇaśālitvasya �bṛhi= vṛddhā�viti 
dhātorauṇādikamanpratyayāntena brahmaśabdena pratipādyamānādaucityāt | 
�parāsya śaktirvividhaiva śrūyate svābhāvikī jñānabalakriyā ce�ti 
śruteḥ, �mayyanantaguṇe'nante guṇato'nantavigrahe�ti bhagavadvacanāt, 
�tejobalaiśvaryamahāvabodhasadvīryaśaktyādiguṇaikarāśiḥ | 
samastakalyāṇaguṇātmako'sau svaśaktileśātkṛtabhūtasargaḥ ||� 
ityādismṛteśca | tathā �antastaddharmopadeśāt | antaryāmyadhidaivādiṣu 
taddharmavyapadeśāt | adṛśyatvādiguṇako dharmokteḥ | 
sarvadharmopapatteśce�tyādibhagavadbādarāyaṇasūtrebhyaśca brahmaṇi 
dharmādiśabdairguṇavatvasyaiva pratipādyamānatvāt 
brahmadharmisattāsamānasattākaguṇayuktatvaṃ, 
uktasattākabhāvarūpaguṇayuktatvaṃ vā sādhyaṃ padārthatvāt, 
abhāvavilakṣaṇatvādvā | iti krameṇa sādhyadvayasādhakaṃ hetudvitayam | 
ghaṭavaditi dṛṣṭānta iti śrutismṛtisūtropodvalitenānenānumānena 
brahmaṇi guṇavatvasiddheḥ | nacānando brahmeti 
guṇaguṇyabhedapratipādanānupapatteritivācyaṃ, 
tayorabhedasyaivāsmābhirurarīkṛtatvāt | na ca guṇaguṇinorabhede rūpī 
ghaṭa ityādi pratyayānupapattiḥ rūpaṃ ghaṭa iti pratyayāpattiśceti 
vācyaṃ, tasyāsmada"ngīkṛtabhedasthalīyaviśeṣaviṣayastvā"ngīkārāt | 
naca viśeṣa eva mānābhāvaḥ, abhinnatvena 
pramitayordharmadharmibhāvavyavahārasyaiva tatra mānatvāt | anyathā 
ghaṭatatsvarūpayorabhedasya pramāṇasiddhatayā tatra jāyamānasya ghaṭasya 
svarūpamiti vyavahārasya bhedaviṣayakatvāsambhavena viśeṣāviṣayakatve 
nirviṣayakatvāpattiḥ | kiñca �brahmaṇa- 

pṛ0 299) stadguṇānāñca bhedadarśakarantamaḥ | bhedābhedapradarśī ca 
madhyamastu tamo vrajet || yathodakaṃ durge vṛṣṭaṃ parvateṣu vidhāvati | 
evaṃ dharmānpṛthakpaśyaṃstānevānuvidhāvati ||� ityādipramāṇāni 
brahmaṇastaddharmāṇāñcābhedaṃ vinā'nupapannāni tamabhedameva 
sthirīkurvanti | nanu tarhi brahma svaguṇebhya iva jīvebhyopyabhinnaṃ 
�tattvamasi, sa ātmā, neha nānā'sti kiñcane� tyādi śruteriti cenna, 
dvāsuparṇetyādiśruteḥ | �dvāvimau puruṣau loke kṣaraścākṣara eva ca | 
uttamaḥ puruṣastvanyaḥ paramātmetyudāhṛtaḥ ||� �daivo vistaraśaḥ prokta� 
iti daivamupasaṃhṛtya, �āsuraṃ pārtha me śṛṇu� ityupakramya, 
�īśvaro'hamahaṃ bhogī siddho'haṃ balavānsukhī | āḍhyo'bhijanavānasmi 
ko'nyo'sti sadṛśo mayā || yakṣye dāsye ca modiṣya ityajñānavimohitāḥ� 
ityanteneśvaro'hamityupakramāgateśvarābhedajñānasyāsuratvena 
nindyatvapratipādanenābhedāyogāt | naca muktau tāratamyānupapattiḥ, 
taittirīyakaśrutau tāratamyasya pratipādanāt | tathāhi- śa eko mānuṣa 
ānanda� ityupakramya śa eko brahmaṇa� iti taratamabhāvaśruteḥ | kiñca 
�brahmeśānādibhirdevairyatprāptuṃnaiva śakyate | tadyatsvabhāvaḥ kaivalyaṃ 
svabhāvātkevalo hare� riti smṛteḥ, jagadvyāpāravarjasūtreṇa 
sṛṣṭyādikartṛtvābhāvasya muktiṣu pratipādanena ca jīveśayorjīvānāñca 
tāratamyasiddheḥ | api ca jīvā apyanantā eva, naikaścetanaḥ | tathaiva 
mahābhārate- �bahavaḥ puruṣā brahmanutā'ho eka eva ve�ti praśnapūrvakaṃ, 
ṅaikamicchanti puruṣameke kurukulodvahe�ti bahudhā jīvanānātvakathanācca 
jīvānāṃ nānātvamiti siddhāntaḥ ||
jagacca satyameva �viśvaṃ satyaṃ vaśe viṣṇornityameva pravāhataḥ |� 
viśvaṃ sthāvaraja"ngamādibhedena bahudhā bhinnaṃ jagadviṣṇorvaśe 
vartamānaṃ pravāhākāreṇa satyaśabdavācyamityarthapratipādakoktavacanāt | 
tathoktañca bhagavataiva gītāyāṃ- �asatyamapratiṣṭhante 
jagadāhuranīśvaram | aparasparasambhūtaṃ kimanyatkāmahaitukam || etāṃ 
dṛṣṭimavaṣṭabhya naṣṭātmāno'lpabuddhayaḥ | 

pṛ0 300) prabhavantyugrakarmāṇaḥ kṣayāya jagato'hitāḥ ||� ityādibhiḥ 
pramāṇairjagadasatyatāvādināmāsuratvādyuktyā tatsatyatāvagamyate | kiñca 
śrutayo'pyatra pramāṇāni- �maghono'sya mahato mahīyāṃsi satyāsatyasya 
karaṇāni vācyaṃ� asyārthaḥ- asya mahataḥ parameśvarasya satyāni karmāṇi 
prāvocameva | karmaṇāñca satyatvaṃ viṣayasatyatāṃ vinā nopapadyata iti 
viśvasatyatāsiddhiḥ | �kavirmanīṣī paribhūḥ 
svayambhūryathātathyato'rthānvyadadhācchāśvatībhyaḥ� iti tattvodyote 
bahudhābhidhānena �viṣṇuḥ sarvottamo'tha prakṛtiratha vidhiḥ 
prāṇanāthāvathokte brahmāṇī bhāratī ca dvijaphaṇipamṛḍāḥ syuḥ 
striyaḥ ṣaṭ ca viṣṇoḥ | sauparṇī vāruṇī parvatapatitanayā 
cendrakāmāvathosmānprāṇo'tho yo'niruddho ratimanuguravo dakṣaśacyau ca 
pāntu || trāyantāṃ nassadaite pravaha uta yamau mānavī candrasūryau 
cāpyo'tho nārado'tho bhṛguranalakulendraprasūtiśca nityam | viśvāmitro 
marīcipramukhavidhisutāḥ sapta vaivasvatākhyāścaivaṃ vai mitratāre 
varanirṛti nāmāpravahī prasannāḥ || viṣvakseno'śvino'tho 
gaṇapatidhanapāvyaktaśeṣāḥ śatasthāḥ devāścoktetarāye 
tadavaramanavaścāvanaucithyasaṃjñā vainyo yaḥ kārtavīryaḥ 
kṣitipatiśaśibindupriyādi-    vrato'tho ga"ngāparjanyasaṃjñau 
śaśiyamadayite mā virāṭ cāśu pāntu ||� iti �viśvaṃ satyaṃ maghavānau 
yuvayorvidāpaśca na praminanti vrataṃ vā� asyārthaḥ- he maghavānau 
dhanādimantau yuvayorviśvaṃ satyameva, na kevalamahameva jānāmi, kintvāpo'pi 
satyajagatsarjanādi jānanti || śatyaḥ so'sya mahimā gṛṇeśavo yajñeṣu 
viprarājye� | jagatsṛṣṭyādilakṣaṇo'sya parameśvarasya mahimā satyaḥ taṃ 
viprapradhāneṣu śavaḥ sukhamuddiśya staumīti | evaṃvidhānekaśrutibhiśca 
jagataḥ satyatvāvadhāraṇānnamithyābhūtam | 
jagataścāsatyatve'"ngīkriyamāṇe nikhilajanānuṣṭhīyamānaṃ 
tattatkarmajātaṃ tattatphalāvāptisādhakamiti śāstramanupapannaṃ syāt | 
nanu jagato'satyatvamevāstu asatvañcānirvacanīyatvaṃ śuktirajatavaditicenna, 
śuktirajatasyaiva 

pṛ0 301) nirvacanīyatve mānābhāvāt, asadeva rajatamabhāditi 
pratītimahimnā'sata eva rajatasya bhānā"ngīkārāt | ateva muktāvapi 
sarveṣāṃ padārthānāṃ satyatvamevā"ngīkriyate | ateva �evaṃ muktiphalāni 
yamastadavasthāvadhṛtestadavasthāvadhṛte� rityadhikaraṇe �tadiha vyāghro vā 
kīṭo vā pata"ngo vā daṃśo vā maśako vā varāho vā yadyadbhavanti tathā 
bhavantī�ti śrutimahimnā mokṣadaśāyāṃ tiryagjantūnāṃ tadavasthataiva | 
kiñca bhagavato'ntaryāmitve'"ngīkriyamāṇe �antaryāmī pareśaḥ svayamiha 
bhagavānāttacakrastu lakṣmyā bhaktāntaḥsaṃsphuratyapratimaguṇagaṇaḥ 
sarvalokeṣu devaḥ |� ityādibhagavatstutau bahuśo 
lakṣmīsahāyasyaivāntaryāmitvaṃ pratipāditam | yuktameva 
viṣṇorlakṣmīsahāyasyaivānavaratāvabhāsamānatvam | 
dīpatatprabhayoragnyauṣṇyayorjalaśaityayoryathā tathaiva svasya 
devyavinābhāvāt | �rāghavatve bhavetsītā rukmiṇī kṛṣṇajanmani | anyeṣu 
cāvatāreṣu viṣṇoreṣā sahāyinī || devatve devadeheyaṃ manuṣyatve ca 
mānuṣī | viṣṇordehānurūpāṃ vai karotyeṣātmanastanu� iti viṣṇupurāṇe, 
tathā �evaṃ sarvāsvavasthāsu viṣṇorevānapāyinī� ti 
bhāratādivacanaiścāvatārādiṣveva 
sarvāvasthāsthitisāmānyavacanenāntaryāmitve'pi sāhacaryasya 
niyamenāvabodhāt | ateva pūrvatantre pañcamādhyāye 
pūrvapādāntyādhikaraṇe �ṣoḍaśīcokthyasaṃyogā� dityatra sūtre 
pratipāditam | tathāhi- jyotiṣṭome śrūyate ṣoḍaśinaṃ prakṛtya �taṃ 
parāñcamukthyebhyo nigṛhṇātī� ti, yadā vā daivādvā mānuṣādvā 
pratibandhādukthyānyutkṛṣyante tadā ṣoḍaśyutkraṣṭavyo na veti bhavati 
saṃśayaḥ | tatra pūrvapakṣaḥ notkraṣṭavyaḥ kutaḥ evaṃ 
svasminkāle ṣoḍaśinaḥ stotraṃ kṛtaṃ bhavati | śamayādhyuṣite 
sūrye ṣoḍaśinaḥ stotramupākaroti� tasmādanutkarṣaḥ ṣoḍaśina ityevaṃ 
prāpte'bhidhīyate | ṣoḍaśī cotkraṣṭavyaḥ | kasmādukthyasaṃyogāt, 
ukthyasaṃyogo hi ṣoḍaśino bhaviṣyati, taṃ parāñcamukthyebhyo 
nigṛhṇātīti | tasmādutkraṣṭavyaḥ ṣoḍaśī | samayādhyuṣitaḥ sa 
kālohanaiteti | 

pṛ0 302) tatrocyate stotrakramamanurudhyamānasyapradhānakramo virudvyet | 
tasmānna stotrakramo'nuroddhavyaḥ | na śakyamubhayamanugrahītuṃ 
tasmādutkraṣṭavyaḥ ṣoḍaśotyatrokthyotkarṣāptaṣoḍaśyutkarṣeṇa yathā 
tayorapi nābhāva evaṃ viṣṇoranapāyinīti 
vacanādviṣṇorlakṣmyavinābhāvapratipādanāllakṣmīsametasyaiva 
sarvāntaryāmitvam | muktau ca tāratamyamastyeva | nanu muktau na tāratamyaṃ, 
mānābhāvāt | paramaṃ sāmyamupaitīti sāmyaśruteśca | sātiśayatve ca 
mukteḥ svargādivadanityatvaṃ syāt | adhikadarśane duḥkhadveṣerṣyādikañca 
syāditi ceducyate | muktāvatāratamyaṃ kiṃ tatra bhedabhogāderevāsatvāt, 
kiṃ vā tasya satve'pi sāmyāt ? nādyaḥ- 
bhedaprastāvoktaśrutyādibhistatsiddheḥ | antye'pi kiṃ 
muktajīveśayorapyatāratamyaṃ kiṃ vā muktajīvānāmeva ? nādyaḥ- tanmate'pi 
tayorvibhutvāṇutvaśeṣaśeṣitvasvātantryādinā tāratamyāt, 
anekeśvaratāpattyā jagatpravṛtyayogācca | 
alpaśaktirasārvajñamityādibhedaprastāvoktaśrutibhiḥ, 
�brahmeśānādibhirdevairyatprāptuṃ naiva śakyate | tadyatsvabhāvaḥ 
kaivalyaṃ sabhavānkevalo hari� 
rityādismṛtibhirjagadvyāpāramityādisūtrairmuktajīva-  bhogo nikṛṣṭaḥ 
jīvabhogatvātsaṃsārabhogavat | evaṃ muktajīvajñānādikamapi pakṣīkṛtya 
prayoktavyam | īśvarānando jīvānandādutkṛṣṭaḥ 
tadavaśyatanniyāmakānandatvāt, yadevaṃ tadevaṃ yathā 
sevakānandātsevyānandaḥ | īśvaro 
jīvasvabhāvānandādutkṛṣṭasvābhāvikānandavān, tatprepsutve sati tatra 
śaktatvāt, yo yatpretsutve sati yatra śaktaḥ sa tadvān yathāsammata 
ityādyanumānaiścavirodhācca | na dvitīyaḥ- tvanmate'pi jīvānprati 
śeṣiṇo'pi lakṣitatvāt | tānprati 
niyāmakādviṣvaksenāditaścetarajīvānāma"ngīkṛtatvāt | śaiṣānandasya 
mīmāṃsā bhavatī� tyādinā �ye śataṃ mānuṣā ānandā� iti 
tāratamyaśravaṇāt | tasmānmuktau tāratamyamastīti yuktametat || 
�tāpādipañcasaṃskāramantraratnārthatattvavit | vaiṣṇavassa jagatpūjyo 
yāti viṣṇoḥ paraṃ padam || tāpaḥ puṇḍraṃ tathā nāma yāgo mantraśca 
pañcamaḥ | amī vai pañca 

pṛ0 303) saṃskārā vaiṣṇavatvasya hetavaḥ |� iti vacane 
tāpādipañcasaṃskārasaṃskṛtasyaiva vaiṣṇavatve muktiyogyatvaṃ, nānyasyeti 
| �yasya deve parā bhaktiryathā deve tathā gurau | tasyaite kathitāhyarthāḥ 
prakāśante mahātmana� iti | śhraddhābhaktidhyānayogādavehī� ti | ṅā'haṃ 
prasannastapasā na dhyānena na cejyayā | na jñānena na dānena vaśyo'haṃ 
śraddhayā vinā ||� ityādivacanācca viṣṇuviṣayiṇyanitarasādhāraṇī 
sandehaviparyāsānākrāntā bhaktirevā''varaṇanirāsadvārā 
nijasukhānubhavarūpamokṣasya sākṣātsādhanam | atevābhiyuktavacanamapi- 
śhrīmanmadhvamate hariḥ parataraḥ satyaṃ jagattattvato bhinnā jīvagaṇā 
hareranucarā nīcoccabhāvaṃ gatāḥ | muktirnaijasukhānubhūtiramalā 
bhaktiśca tatsādhanaṃ tvakṣāditritayaṃ pramāṇamakhilāmnāyaikavedyo hari 
|| riti� tasmācchrutismṛtītihāsapurāṇāgameṣu bahudhā 
pratipādyamānārthānurodhitvānmādhvamatameva sarvaiḥ śiṣṭaiḥ 
parigrāhyamiti ||
iha khalu kecidvijābhāsāḥ paṇḍitammanyā vaiṣṇavābhimāninaḥ 
śrutismṛtītihāsapurāṇapratipāditasakalapuruṣārthasādhanasvasvavarṇāśra
madharmeṣu vaidikeṣvaśraddadhānāḥ parityaktasvadharmāḥ 
samudrayātrādipariprāptapātityena nivṛttaśrautasmārtādhikāratayā 
parigṛhītapāñcarātrādyāgamoktadīkṣātaptaśa"nkhacakrādya"nkanordhvapuṇ.
draviśeṣādilakṣaṇaikajātidharmaṃ madhvanāmānaṃ 
yatyābhāsamācāryatvenāśritya tenānuṣṭhitaṃ tadupadiṣṭañca 
mudrādīkṣādikaṃ śūdradharmān dvijadharmatayā'tyādareṇānutiṣṭhantaḥ 
svadharmaparityāgaparadharmānuṣṭhānanagnatvādikaṃ svakīyaṃ tantraṃ 
dravyārjanopayogārthaṃ paravyāmohanaprayojanāyopasthakuṣṭhīnī 
svopasthakuṣṭhamiva 
vaiṣṇavābhidhānasālagrāmārcanasnānādivyājenācchādya pravartamānāḥ 
svayaṃ naṣṭāḥ svadharmāvabodhanatadanuṣṭhāpanadvārā 
svakīyatvāpādanena parānapi vināśayituṃ pravṛttāḥ, 
tāṃstadīyācārāṃstadīyaśāstrāṇi ca viśvasyānye'pi 
taddharmānācarantastaddarśanāni cādhīyānā dīrghakālaṃ narake patitā 
mābhūvanniti teṣvanujighṛkṣayā kalpitapramāṇamūlakaveda-

pṛ0 304) 
mārgaviruddhataptamudrādidhāraṇapratipādakamuninavakaśāpadagdhadurmatamatani
rākaraṇamārabhyate || tathāhi- anyāḥ 
sampratipannasvamātraparigṛhītakamaṭhamāṭharakauṇāravyakauṇḍinyamāṇḍav
yamārkaṇḍivyamaudgalyapauṣyāyaṇasautrāyaṇasaukarāyaṇapārāśaryāyaṇama
adhyandināyanakāṣāravakauṣāyāgniravakoṣaṇabṛhaduddālakauddālakāyanakau
śikasauvarṇavātsagaupavanabhāllaveyāgnivaiśyacaturvedaśikhācaturvedasaṃhit
endradyumnaparamāśrutyādikalpanaṃ, 
tadanusāreṇādhyātmanārāyaṇātmanārāyaṇasaṃhitābrahmasaṃhitānārāyaṇ
atantrabrahmatantrapuruṣottamatantramāyāvaibhavabrahmavaivartabhaviṣyatparvādi
vacanānāmatyantāprasiddhānāmeva vacanānāṃ tanmūlapramāṇatvenopanyāsaḥ 
tadupanyāsaprayuktasvānāptatvaśa"nkāparihārāya hanūmadbhīmasenakrameṇa 
vāyoḥ svayaṃ tṛtīyāvatāra ityudghoṣastatra sākṣitayā �prathamo 
hanumānnāma dvitīyo bhīmasenakaḥ | pūrṇaprajñastṛtīyastu 
bhagavatkāryasādhakaḥ ||� iti vacanasya tretāyuge mukhyaprāṇo 
hanūmadrūpeṇāvatīrṇaḥ svayaṃ rāmarūpeṇāvatīrṇasya bhagavato 
nārāyaṇasya dharmaikatatparatvarāvaṇasaṃhārādikāryasādhakaḥ, tato 
dvāpare sa eva bhīmasenarūpeṇāvatīrṇaḥ śrīkṛṣṇarūpeṇāvatīrṇasya 
bhagavato nārāyaṇasya 
bhūbhāranivāraṇapūrvakakauravādiduṣṭasaṃhārarūpakāryasādhakaḥ, 
tathaivānantaraṃ kaliyuge sa eva mukhyaprāṇaḥ 
pūrṇaprajñāparaparyāyamadhvācāryarūpeṇāvatīrṇaḥ, tadānīṃ 
buddharūpeṇāvatīrṇasya bhagavato nārāyaṇasya 
dharmaparityājanapūrvakānyadharmānuṣṭhāpanarūpaśrutimārgātivartidharmaś
abditādharmabodhanarūpakāryasādhaka iti 
tretādiyugakramasamucitamarthamācchādya 
tretādvāparayoryathākramamuktamarthamurarīkṛtya kalau 
samucitārthakramolla"nghanena tṛtīyapādasya svānukūlyenārthaṃ parikalpya 
prathamo hanūmāniti vacanasya pramāṇatvenodāharaṇaṃ, asminnarthe �viṣṇoḥ 
pade parame madhva utsaḥ� ityādiśrutivākyānāmarthāntarayojanaṃ, tathā 
nārāyaṇenātivistareṇa kṛtaṃ punastenaiva vyāsarūpeṇa saṃkṣiptaṃ tacca 
brahmatarkābhidhānaṃ śāstraṃ, tadeva caturdaśavidyāsthānaṃ 
sakalaguṇaparipūrṇo bhagavāneva mukhyo'rtha iti nirṇayāya pravṛttamiti svā- 

pṛ0 305) bhimataparavyāmohanārthānekapramāṇavidhirūpatvenaivaṃ 
praṇālīkalpanam ||
kiñca vyākaraṇaśāstrāpariśīlanaprayuktaṃ 
svakṛtagrantheṣvapaśabdaprayogabāhulyaṃ dṛśyate | tathāhi- 
bhāratatātparyanirṇaye- hariṃ vadantīti samarthayitvetyuktam | atra samāse 
lyabantaprayogaṃ vihāya ktvāpratyayāntatayā prayogo vyākaraṇaviruddhaḥ | 
madhyabhāṣye īkṣatyadhikaraṇena tacchabdagocaramiti prayuktam | gocara iti 
pulli"ngatvena prayogo yuktaḥ | tathāca li"ngānuśāsane pumānityadhikāre 
sūtritam | jñājantaśceti, udāhṛtañca vṛttikṛdbhiḥ, gocaro viṣaya iti | 
prayuktañca śrīharṣeṇa �parikhāvalayacchalena yā na pareṣāṃ grahaṇasya 
gocara� iti | aṇuvyākhyāne āryatvamaryataiva syādityatra �ṛ� dhātoḥ 
karmaṇi śānajante'ryamāṇapadasamānārthakatayā bhrāntyā prayuktamaryapadam 
| �aryaḥ svāmivaiśyayo�riti sūtreṇārthaviśeṣe nipātitatvāt, 
tadbhinnārthe āryapadasya prayogayogyatvādvyākaraṇaviruddham || tathā 
śabhāsabhāpaprāśnike pūrvastutyarthināmapī� ti śloke 
prāśniketyatraikārasya prayogo viruddhaḥ | tathā śākṣādanubhavārūḍhaṃ 
śakyate'podituṃ kvaci� dityatrāpavaditumiti vaktavye apoditumiti prayogo 
viruddhaḥ | tathā śṛṣṭyādīcchāsanātene� tyatra ṭāp prayuktaḥ | yattu 
jayatīrthena sanātaneti nemau ṭyuṭyulau, kintu bhavārthe tanapratyaya 
ityuktam, tadapi svaśiṣyapratāraṇamātram | tathā �chando'bhidhānā� diti 
sūtre �li"ngabhūyastvā� diti sūtre ca jayatīrthenāvaśyāpekṣita iti 
prayuktam, tatra malopo'sa"ngataḥ | sa"nkhyādhikaraṇe sudhāyāṃ me 
caitanyamiti prayuktam | �abhyupagame'pyarthābhāvā� diti sūtre 
tattvaprakāśikāyāṃ me māteti prayuktam | mameti tu yuktam | 
padātparatvābhāvena me ityaprāpteḥ | evamācāryakṛtadvādaśastotre 
�nārāyaṇāmalakāraṇaṃ vande� ityatra dodhakavṛttenopakrānte 
vṛttocitādigurvātmakabhagaṇārhagurulaghuvinyāsānurodhena 
nārāyaṇaśabdasya dvitīyākṣararephagatākāradairghānuccāraṇe 
nārayaṇetyapaśabdaprayogaḥ | yadi śabdasādhutvasampādanāya 
nārāyaṇetyuccāraṇe gurulaghuvinyāsa- 

pṛ0 306) vyatyāsena chandobha"nga iti 
daridradampatyākṛṣṭakaccarapaṭavadekaṃ sandhisto'paraṃ pracyavata iti 
nyāyaḥ prasajyeta | kiñca navadyunāthapratimaprabhāyetyatra navadyunāthasya 
sūryasya sadṛśī prabhā yasyetyarthavivakṣāyāṃ sūryasya dharmiṇaḥ 
prabhārūpadharmasya ca sādṛśyaṃ nibaddham | 
idañcāla"nkāraśāstraviruddhaṃ dharmiṇoreva sūryanārāyaṇayoḥ 
sūryaprabhānārāyaṇaprabhayordharmayorvā sādṛśyaṃ varṇanīyam | prakṛte 
tu sūryasya nārāyaṇaprabhāyāśca pratimaśabdena sādṛśyaṃ pratipāditam | 
dyunātha itipadaṃ svargāntarikṣapatyarthakaṃ sūryaparatvena kośādau 
yatrakutrāpyaprayogādasa"ngataṃ ghaṭapadaṃ paṭādāviva | asminneva padye 
ṅārāyaṇākhilakāraṇāya śrīprāṇanāthāya namaskaromī� tyatra kevala 
namaḥ śabdaprayoge �namaḥ svastī�tyādinā caturthīvidhānādatra 
kevalanamaḥśabdābhāvena caturthyā asambhāvitattvāt | kintūpapadavibhakteḥ 
kārakavibhaktirbalīyasīti niyamānmunitrayaṃ namaskṛtyetyatra 
dvitīyāprayogavat, śrīprāṇanāthaṃ hi namaskaromītyeva sādhuḥ | evaṃ 
rāmāyaṇatātparyanirṇaye- �athābhyavardhaṃścaturaḥ kumārā nṛpasya gehe 
puruṣottamādyāḥ� | ityatrābhyavardhanniti vṛdhu (vṛdh) = vṛddhāviti 
dhātorātmanepaditvenābhyavardhanteti la"ni prayoktavye tadvihāyāvardhanniti 
parasmaipadaprayogaḥ śabdaśāstraviruddhaḥ | tatraiva caturaḥ kumārā iti, 
catvāra iti vaktavye catura ityasya dvitīyābahuvacanarūpatvamavijñāya 
prathamābahuvacanaṃ bhrameṇa prayogaḥ kṛtaḥ | tāratamyastave sauparṇī 
vāruṇī parvatapatitanayetyatra suparṇavaruṇaśabdābhyāṃ 
puṃyogādākhyāyāmiti "nīpi 
varuṇaśabdādindravaruṇabhavaśarvetyādinānugāgame varuṇānīti syāt | 
suparṇaśabdāt "nīpi suparṇīti syāt | parvatapatitanayetyatra sragdharāyāṃ 
saptasvakṣareṣu vicchedasyoktatvātprakṛteyatibha"ngo doṣaḥ | naca 
madhvācāryāṇāmṛṣitvena tatprayukteṣu śabdeṣu vyākaraṇavirodhādikaṃ 
nāśa"nkanīyaṃ, chandastulyatvāt | bahulaṃ chandasītyanuśāsanāditi 
vācyaṃ, teṣāmṛṣimadhye kenāpi parigaṇanāyā akṛtatvāt | tathā 
nārāyaṇaśabdāvayavārthanirvacane arā = doṣāḥ, tadviruddhā

pṛ0 307) guṇā nārāsteṣāmayanamiti nirṇītam, tanna sambhavati | nañ 
samāsena lopo naña iti nakāralope tasmānnuḍacīti nuḍāgame | anarāyaṇa iti 
syāt | naca naganaukādiśabda iva nalopābhāvo nipātyata iti vācyaṃ, 
nabhrāṇnapānnavedānāsatyetyādinā nago'prāṇiṣvanyatarasyāmityādinā ca 
paṭhitādanyatra nalopāvaśyaṃbhāvaniyamāt | �āpo nārā iti proktā āpo vai 
narasūnavaḥ | tā yasyāyanaṃ proktaṃ tena nārāyaṇaḥ smṛtaḥ� iti 
nārāyaṇaśabdanirvācakamanusmṛtivirodhācca | tasmādanarā ityeva 
vaktavyatayā nārā iti rūpasya vyākaraṇaviruddhatayā'pabhraṃśatvāt ||
evaṃ mīmāṃsakamatolla"nghanena bahudhā vyavahāro dṛśyate | tathāhi- 
śabdādeva pramita ityuttaramīmāṃsādhikaraṇe 
śrutili"ngavākyaprakaraṇasthānasamākhyānāṃ ṣaṇṇāma"ngatvābodhakapramā
ṇānāṃ sarvamīmāṃsakaviditānāmitthamitthamanyathā nirvacanaṃ kṛtam | 
tatra prathamaṃ nāmamātreṇa nirdeśaḥ śrutiriti tattuccham | 
karaṇatvakarmatvādibodhakavibhaktīnāṃ śrutitvena �aindryā 
gārhapatyamupatiṣṭhata� ityādiṣu dṛṣṭatvāt | tārkikamatasiddhoddeśasya 
nāmamātreṇa vastunirdeśasya śrutitvasya kairapyana"ngīkārāt | 
yadapyasādhāraṇadharmo li"ngamiti tadatyantājñānavilasitaṃ, mantrāṇāṃ 
śabdarūpāṇāṃ devasyatvetyādīnāmarthapratipādakatāsāmarthyamātrasya 
li"ngatvena mīmāṃsakaira"ngīkṛtatvāt | avyutpannairabhyāsadaśāyāṃ 
paṭhyamāneṣu tarkabhāṣādiṣvasādhāraṇadharmasya lakṣaṇatvenābhidhānāt 
| tasya li"ngatvavyavahārasya mīmāṃsakamaryādātivartitvāt | yadapyuktaṃ 
nirākā"nkṣapadāni vākyamiti tadapyavicāritaramaṇīyaṃ, ghaṭaḥ 
karmatvamānayanaṃ kṛtirityādīnāmapi vākyatvaprasa"ngāt | 
pratyutārthaikatvādekaṃ vākyaṃ sākā"nkṣañcedvibhāge syāditi 
jaiminīyasūtreṇa sākā"nkṣāṇāmeva vākyatvapratipādanāt | 
nirākā"nkṣāṇāṃ padānāṃ vākyatvapratipādanaṃ    muktānāmapi śunāṃ 
bhūṣaṇā"ngīkāravat, vyutpannāvyutpannasādhāraṇyenātihāsyāspadamiti 
yatkiñcidetat | yaccoktamekaprameyapratipādakānekavākyāni prakaraṇamiti 

pṛ0 308) taccātyantabhrāntivijṛmbhitaṃ, iti kartavyatā''kā"nkṣārūpasya 
prakaraṇasyārtharūpatvena śabdarūpatvābhāvāt | pavitraśabdasya 
cakravācakatvavadekaprameyapratipādakānekavākyānāṃ 
prakaraṇatvavyavahārasya yathājātatvamūlatvāt | 
yaccoktamanekaprameyapratipādakamekārthe tātparyayuktaṃ sthānamiti tadapyasat, 
dabdhirasītyādimantrāṇāṃ hutānumantraṇānāṃ 
sthānasāmyalakṣaṇakramarūpasya 
pradhānakratusamīpā"ngāmnānalakṣaṇasannidheśca sthānatvena vyavahārāt | 
bhavadīyasthānasvarūpavyavahārasyotyantamauḍhyāyattatvāt | yadapi 
samānoktiḥ samākhyeti tattvatprakāśiketi tadapi na, āśvamedhikaṃ 
pauroḍāśikamiti nāmamātravyavahārapradhānakratusambandhitayā'rthānāṃ 
śabdarūpāṇāṃ mantrāṇāñcā"ngatvabodhakasya na saṃjñāviśeṣasya 
samākhyāvyavahāraviṣayatvena pūrvatantreṣu 
vyavahārādbhavaduktasamākhyānirvacanasya mūrkhapralāpamātratvāt | ateva 
�dvādaśāhavadi� ti sūtre dvādaśāhaḥ kratvātmakaḥ 
sūtrātmakaścetyuktamayuktam | gobalīvardanyāyena kratusatraśabdayoḥ 
sāmānyaviśeṣaparatayā virodhābhāvenāhīnasatrātmakatayā dvividhasya 
dvādaśāhasyoktaprakāreṇa dvaividhyopapādanaṃ 
kalpasūtrānabhijñatāmūlatvādupekṣaṇīyam | �bhūmnaḥ kratuva�diti sūtre 
yathā khalu dīkṣaṇīyā prāyaṇīyodayanīyā savanatrayāvabhṛthātmakasya 
kratoḥ sarvayāgeṣvanuvartana eva sāphalyam | anyathā vaiphalyājjyāyastvaṃ 
jyotiṣṭomasya tataśca tasya sarvaiḥ kartavyatvamiti yatpralapitaṃ 
tadavyutpannamanoharam | tathāhi- dīkṣaṇīyādīnāṃ jyotiṣṭomā"ngānāṃ 
pradhānajyotiṣṭomātmakatvā"ngīkāre satya"ngā"ngibhāvavyavahāraḥ kutrāpi 
na syāt | śarīrasyā"nginaḥ 
jñānendriyakarmendriyādya"ngavatastadātmakatvāt | pradhānakratoranuvartamiti 
yaduktaṃ tadatideśaṣaṭkānavabodhamūlaṃ, kāryamukhenā"ngānāṃ vikṛteḥ 
prakṛtāvatideśa ityatideśaṣaṭkasya nirṇayaḥ | pradhānayāgasya 
vikṛtāvanuvartanaṃ kvāpyadṛṣṭacaram | pradhānasyetarayāgānuvartanena 
jyāyastvaṃ tena sarvakartavyatvañca mṛgatṛṣṇāmbhasi snātasya 
vandhyāsutasya gaganakusumamālāla"nkāra iva bhāsate | jyotiṣṭomasya 

pṛ0 309) jyāyastvañca �eṣa vāva prathamo yajño yajñānāṃ yajjyotiṣṭoma� 
iti vacanaprayuktaṃ sarvaṃ dvijātikartavyatvañca �vasante vasante jyotiṣā 
yajete�ti vīpsāyuktavacanaprayuktaṃ svāminaḥ phalaśruterityadhikaraṇe 
ayajamānānāmapi ṛtvijāṃ satrayāgaphalamityādi yaduktaṃ tadati tuccham | ye 
yajamānāste ṛtvija iti vacanena yajamānānāmeva ṛtviktvasya 
prāptatvādayajamānānāṃ satre ṛtviktvaṃ kutastyam ? tuṣyatu durjana iti 
nyāyenāyajamānānāmṛtviktvama"ngīkurmaḥ, tathāpi teṣāṃ 
satraphalaprāptiḥ kutastyā ? karmakaratvena vidyamānānāṃ loke 
vetanavatāmiva tatphalaprāpteranucitatvāt | vastutastu 
yajamānānāmeva ṛtviktvāddakṣiṇāpi na vidhīyate | ateva �ṛddhikāmāḥ 
satramāsīran, pratitiṣṭhanti ha vā etā rātrīrupayantī� ti bahuvacanamapi 
śrūyate ||
yacca jijñāsāsūtre prathamamasaṃhitatayā ūṃkāranirdeśaṃ 
sūtrāvayavabhūtama"ngīkṛtyāsaṃhitāprayojanamuttarasūtreṣvanugatisūcanami
ti vyutpādanārthaṃ nyāyasudhāyāṃ sarvāṇi sūtrāṇi 
pratyekamanekavedavākyavicāraparatvādavāntarā brahmavidyā 
śravatyanoṃkṛtaṃ brahma parastācca viśīryata� iti 
śrautārthavādasāmarthyātsa sarvāsvapi brahmavidyāsvādyaṃ 
tayoroṃkārasyohaḥ kartavya iti gamyate | nacohyamānavākpṛthagiti śakyate 
vaktum | mantreṣvapyūhyamānasya mantrānavayavatvaprasa"ngāditi 
tadajñānavijṛmbhitaṃ, sūtrādāvoṃkāraprayogasya tatprayojanakalpanasya ca 
bhāṣyāntareṣu keṣvapyapratipādanādoṃkārasadbhāvameva na paśyāmaḥ | 
astu vā bhavanmatarītyā ūṃkāraprayogaḥ | tathāpi tasyāsaṃhitatve kiṃ 
niyāmakam ? astu vā'saṃhitatvaṃ tathāpi sūtrāvayavatvaṃ katham ? astu 
vā'vyavahitapūrvoccāraṇātsūtrāvayavatvabhramaḥ, tathāpi sūtrāṇāṃ 
brahmavidyāpratipādakatayā 
śrutyarthanirṇāyakanyāyapratipādakaśabdasandarbhaviśeṣarūpāṇāṃ 
mānasavyāpārarūpavidyātmakatvaṃ kathaṃ, vedāpā"ngatvena 
parigaṇitānāmeṣāṃ vedātmakatvaṃ katham ? astu vā 
naṣṭavaidikādhvamadhvopadeśajanitamūḍhabhaktyā bhrāntyā vā vedatvoktiḥ, 
tathāpi śravatyanoṃkṛtaṃ brahma    parastācca  

pṛ0 310) viśīryata� iti mānavasmṛtivākye śrautārthavādoktirvā katham ? 
tathāṅandamayādhikaraṇe nyāyasudhāyāṃ jyotiṣāṃ stomo jyotiṣṭoma iti 
jyotiṣṭomaśabdanirvacanaṃ kṛtaṃ, tadapi vedārthānabhijñānavilasitam | 
�trivṛtpañcadaśaḥ saptadaśa ekaviṃśaḥ, etāni vā vratāni jyotīṃṣi ya 
etasya stoma� iti stomānāṃ jyotiḥśabdavācyānāñcābhedaparatvena spaṣṭaṃ 
śrutinirvacanasya vidyamānatvāt, jyotiṣāṃ stoma iti 
bhedapratipādakayā ṣaṣṭhyā tayorubhayoḥ śabdapratipādanaṃ śrutiviruddham 
| ṣaṣṭhīsamāsapakṣe cāntodāttatā syāt | ādyudāttatayā sarvairapi 
vaidikaiḥ paṭhyate | tasmānmadhvapratipāditaṃ sarvaṃ 
pūrvottaramīmāṃsāśāstraviruddham || yaccoktaṃ jagataḥ satyatvamiti 
śrutiviruddhatvāttadasa"ngatam | tathāhi- �athāta ādeśo neti neti | mṛtyoḥ 
sa mṛtyumāpnoti ya iha nāneva paśyati | neha nānāsti kiñcane�tyādiśruteḥ, 
�tamevārthasvarūpeṇa bhrāntidarśanataḥ sthita� miti smṛteśca 
jagato'satyatvasya spaṣṭaṃ pratipādanāt | naca �viśvaṃ satya� miti śrutyā, 
�asatyamapratiṣṭhante jagadāhuranīśvara� miti smṛtyā ca virodhaḥ syāditi 
vācyaṃ tadvaca nasya 
śaśaśṛ"ngasadṛśāpahnavarūpāsatyatvapratipādananindāparasyā-  sadeva 
rajatamabhādityasato bhānama"ngīkurvastavaiva dūṣaṇaparatvāt, na 
tvanirvacanīyatvarūpāsatyatvapratipādakādvaitidūṣaṇaparatvam | 
tathaivābhiyuktavacanam-mithyāśabdo dvyarthaḥ- 
anirvacanīyavacano'pahnavavacanaśceti | apahnavarūpāsatyatvaṃ jagataḥ 
satyatvasādhakasya tavaiva paryavasyati | tathāhi- prapañco mithyā 
dṛśyatvāta, śuktirajatavadityanumāne śuktirajataṃ śuktyajñānopādānakaṃ 
śuktitaḥ pṛthaktvena nirvaktumaśakyam | taddṛṣṭāntena 
jagato'nirvacanīyatve sādhanīye śuktirajatavadasadeva rajatamabhāditi 
śuktirajatasyāsatyatvaṃ bruvāṇasyānirvacanīyatvaṃ nirākurvatastava 
dārṣṭāntikasya jagato'satyatvaṃ paryavasannam | tasmājjagataḥ 
satyatvasādhanamasa"ngatam | yaccoktaṃ bṛhi = vṛddhāviti 
dhātorauṇādikamatpratyayāntena brahmaśabdena bṛhantā hyasmina guṇā iti 
śvābhāvikījñānabalakriyā 

pṛ0 311) ce�tyādivacanajātena brahmaśabdavācyasya 
viṣṇoranantakalyāṇaguṇaparipūrṇatvaṃ pratipāditamiti tadasamañjasaṃ, 
bṛhi = vṛddhāviti dhātorauṇādikamanpratyayāntasya brahmaśabdasya 
svarūpamahatve sambhavati, 
guṇaparipūrṇatvaprayuktamahatvakalpanamaprāmāṇikam | bṛhanto hyasmin guṇā 
iti kiṃ śrutirvā smṛtirvā ? nā'dyaḥ- paṭhyamānāsu śrutiṣvanupalambhāt 
| yathākathañcidupalambhe vā śākṣī cetā kevalo nirguṇaśca | niṣkalaṃ 
niṣkriyaṃ śāntam | asthūlamanaṇvahrasvam | agotramavarṇamacakṣuḥ-śrotram 
| agrāhyamalakṣaṇa� mityādiśrutivirodhena tadvacanasyānyārthaparatvena 
svārthe tātparyābhāvāt | �parāsya śaktirvividhaiva śrūyate� 
ityādiśrutericchājñānakriyācidādisvarūpamātraśaktiparatvena 
guṇaparatvāsambhavāt | ateva svābhāvikī jñānabalakriyā ceti 
śrutirasmaduktasvarūpaparatvameva prakāśayati | yaccoktaṃ 
�antastaddharmopadeśāt | adṛśyatvādiguṇako dharmokte� 
rityādisūtraparyālocanayā guṇapūrṇatvaṃ siddhamiti tadapyatimandaṃ 
ṅirviśeṣaṃ paraṃ brahma sākṣātkartumanīśvarāḥ | ye 
mandāste'nukampyante saviśeṣanirūpaṇai� rityupāsanārthaṃ mandānāṃ 
vyāvahārikaguṇamātrakalpanena teṣāṃ        tātvikatve uktaśrutivirodhena 
sūtrakṛtāṃ tatra tātparyābhāvāt | yaccoktaṃ 
brahmadharmisattāsamānasattākaguṇayuktaṃ padārthatvāt, ghaṭavat | 
brahmadharmisattāsamānasattākabhāvarūpaguṇayuktaṃ, abhāvavilakṣaṇatvāt, 
ghaṭavadityanumānadvayenāpi guṇavatvaṃ sādhitaṃ tadaramaṇīyaṃ, 
anumānadvaye'pi vyabhicāro bādhaśca doṣaḥ | tathāhi- 
padārthatvasyābhāvavilakṣaṇatvasya ca hetordravyavinākṛteṣu 
guṇādiṣu ṣaṭsu padārtheṣu vidyamānatvāt | guṇe guṇāna"ngīkāreṇa 
guṇāśrayo dravyaṃ guṇātyantābhāvānadhikaratvamiti lakṣaṇadvayena ca 
dravyamātrasya guṇavatvā"ngīkāreṇa guṇādipadārthānāṃ 
yuṣmadasmanmadhyasthatārkikairana"ngīkārādvyabhicāro doṣaḥ | 
pūrvoktaśrutismṛtivaśādbādhaśca | yaccoktaṃ �antaryāmī pareśaḥ 
svayamiha bhagavānāttacakrastu lakṣmyā bhaktāntaḥ saṃsphuratyapratimaguṇa� 
ityādinā lakṣmīsametasya nārāyaṇasya sarvāntaryāmitvamiti 
tadapyatitucchaṃ, 

pṛ0 312) lakṣmīsametasya nārāyaṇasya sarvāntaryāmitve lakṣmyā 
apyantaryāmitvamavaśyaṃ vaktavyam | tathāca lakṣmyāpi tayā 
sākamantaryāmitve vaktavye tatrāpi tathaivetyanavasthāpattiḥ | 
taddoṣabhayāttasyāṃ tayā sākamantaryāmitvaṃ yadi parityajasi tarhi sarvatra 
tathaivānugrahaḥ kriyatām | yadyevaṃ vadasi svasiddhāntavirodhaḥ | 
kiñcāntaryāmibrāhmaṇādiṣu bhagavanmātrāntaryāmitvatātparyakeṣu 
lakṣmīsametasya nārāyaṇasyāntaryāmitvamatyantāśrutacaram | yaccoktaṃ 
guṇaguṇinorbhedo'bhedaśceti tadapyayuktam | bhedābhedayorekatra virodhāt | 
kiñca yadyabhedastadā guṇānāmānantyāttadvato'pyānantyaṃ syāt | 
guṇivadguṇānāmapyekatvāpattiḥ | yadi bhedastayostadā bhedasya 
tatprayoginaśca bhedo'sti vā na vā ? ādye tatrāpi tathaivetyanavasthāpattiḥ 
| dvitīye bhedasya svarūpatve ekatra nirṇītaḥ śāstrārthaḥ sarvatreti 
jīvabrahmaṇorbhedasya svarūpatvā"ngīkāreṇādvaitamatapraveśāpattiḥ | naca 
bhedābhedayorekatra sthitirviśeṣabalātsambhavatīti vācyaṃ, tādṛśaviśeṣo 
guṇaguṇitvavyavahāramātreṇa kalpyate vā sarvatra kalpyate vā ? nādyaḥ, 
tanmātrakalpane mānābhāvāt | na dvitīyaḥ, ghaṭapaṭādikaṃ svabhinnaṃ     
svābhinnamiti vyavahārāpattiḥ | vyāvṛttisampādakaviśeṣe bhedo'sti vā na 
vā ? yadi bhedo'sti tadā tasyāpi vyāvartakāntarasāpekṣatvena 
tasyāpītyevamanavasthā syāt | yadyabhedastadāmukhyadharmasvarūpatvābhāvāt 
| ghaṭatvādiṣu tathā dṛṣṭatvādvyāvartakatvabha"ngaprasa"ngaḥ || 
yaccoktaṃ- ukthotkarṣe ṣoḍaśyutkarṣavadviṣṇorantaryāmitve 
lakṣmīsahitasyaivāntaryāmitvamapītyatra pūrvatantrādhikaraṇopanyāsaḥ 
kṛtaḥ, tatprakṛtavaiṣamyādanupapannam | tathāhi- lakṣmyavinābhāve vaktavye 
avinābhūtapadārthayoreva dṛṣṭāntatvena grahaṇaṃ yuktam | tatra 
tathāvinābhāvābhāvāt | ukthyanāmake kratau ṣoḍaśigrahābhāvāt | na 
cokthyagrahasya ṣoḍaśinā sākaṃ vyāptyabhāve'pi ṣoḍaśigrahasyokthyena 
sākaṃ vyāptirastīti na prakṛtavaiṣamyamiti vācyaṃ, prakṛte 
lakṣmīnārāyaṇayoḥ samavyāptau vaktavyāyāṃ 
viṣamavyāptapadārthadṛṣṭāntasyātyantamanucitatvāt |

pṛ0 313) tasmādetadadhikaraṇadṛṣṭāntena lakṣmīsametasya 
nārāyaṇasyāntaryāmitvamanupapannameva | yaccoktaṃ- jīveśvarādipañcabhedā 
a"ngīkaraṇīyā iti tadapyatyantāsa"ngataṃ, tattvamasyādiśrutivirodhāt | 
naca pramāṇavirodhājjīveśvarayorbhedaḥ siddha eveti vācyaṃ, 
pratyakṣavirodhāttyajyata iti ceccandraprādeśikatvādikamapi lokasiddhaṃ 
jyotiśśāstraviruddhama"ngīkriyatām | kiñca cārvākamatapraveśāpattiḥ | 
ata evānumānenāpi na bhedaḥ sidhyati | na tāvat �dvā suparṇā sayujā 
sakhāyā� vityādiśrutivirodha iti | asyāḥ śruteḥ pai"ngarahasyabrāhmaṇe 
jīvāntaḥkaraṇayorbhedapratipādanena jīveśvarayorbhedapratipādanābhāvāt | 
nanu satyaṃ bhideti kāṭharāyaṇaśākhāyāṃ vartata iti bhedaṃ 
yathārthama"ngīkurma iti cet, śākhāsu kāṭharāyaṇasaṃjñāyāḥ 
gaganakusumāyamānatvena bhedasyāpāramarthikatvāt | naca 
pai"ngarahasyabrāhmaṇamiti śākhāsaṃjñākalpanamapi 
śaśaśṛ"ngaprāyameveti vācyaṃ, śākhāsaṃjñāvivāde kalpasūtrakārā eva 
śaraṇaṃ yuṣmākamasmākañca, asmākaṃ śākhāsaṃjñātvādhānasūtre 
bhagavatā''pastambasūtrakāreṇa pai"ngāyanabrāhmaṇaṃ bhavatīti gṛhītā 
vartate | tathā bhavadīyakāṭharāyaṇādisaṃjñāyāḥ kutrāpi 
kalpasūtre'gṛhītatvātsā bhavadīyaśrautamaryādājñānakṛtaiveti bhede 
pramāṇameva nāsti | vistṛtatayā bhedanirākaraṇaṃ rāmānujamatanirākaraṇe 
kariṣyata ityuparamyate | evameva jaḍeśvarabhedā'pi 
śrutiviruddhatvādaprāmāṇikaḥ | śa ya eṣo'ṇimaitadātmyamidaṃ sarva� miti 
chāndogyopaniṣadi, �idaṃ sarvaṃ yadayamātmā� ityupaniṣadantare coktam | 
tasmājjaḍeśvarabhede pramāṇābhāvāttadapyasa"ngatameva | evameva 
jaḍajīvabhedo'pyanupapannaḥ | ṅeha nānā'sti kiñcana, yadāhyevaiṣa 
etasminnudaramantaraṃ kurute atha tasya bhayaṃ bhavati� iti 
bhedaśabdaparyāyāntaranānāśabdaissampratipādya kiñcicchabdena sarva syāpi 
jagato'nyonyaṃ bhedaniṣedhasya kṛtatvāt, bhedadṛṣṭimataḥ puruṣasya 
bhayamṛtyuprāptivarṇanācca | dvaitino'tathādarśina iti 
viṣṇupurāṇasmṛteśca bhedaḥ sarvathānupapanna eva | anumānañca bhedo 
mithyā dṛśyatvāt,

pṛ0 314) śuktirajatavat | tasmādbhedaḥ sarvathā yuktibhiḥ pramāṇaiśca 
sādhayituṃ na śakyata iti nirasta eva ||
yaccoktaṃ �viṣṇuḥ sarvottamo'tha prakṛtiratha vidhi� rityādinā 
devatātāratamyanuktaṃ tadapyatimandabudhyā kalpitam | tathāhi- 
�brahmaviṣṇurudrendrāste samprasūyante | somaḥ pavaterjanitā matīnā� 
mityādiśrutivacanavirodhāt | naca �puruṣo ha vai nārāyaṇo'kāmayata prajāḥ 
sṛjeyeti | nārāyaṇādbrahmā'jāyata nārāyaṇādrudro'jāyata� ityādinā 
rāyaṇopaniṣadvacanena, �eko ha vai nārāyaṇa āsīnna brahmā neśāno 
nāgnī�tyādimahopaniṣadvacanajātena ca nārāyaṇasya 
rudrādisakaladevatājanakatvena 
sarvottamatvapratipādanādbhaktasaulabhyārthāvatāraparatvena 
pūrvoktavacanadvayasyāpyanyathānayanaṃ kriyata iti vācyaṃ, asmābhiḥ 
kāryakāraṇarudradvayābhyupagamavat, 
kāryakāraṇātmakanārāyaṇadvayābhyupagame pramāṇābhāvāt, 
pūrvoktavacanasya bhaktasaulabhyaparatvenānyathā netumaśakyatvānna 
nārāyaṇasya sarvottamatvam | vistarastu śaivavaiṣṇavavāde pradarśyata 
ityatroparamyate | etena sarvadevatātāratamyamapi nirastam | nanu tāratamye 
śaiṣāṅandasya mīmāṃsā bhavati� tyupakramya, yuvā 
syātsādhuyuvādhyāyakaḥ | āśiṣṭho draḍhiṣṭo baliṣṭhaḥ | tasyeyaṃ 
pṛthivī sarvā vittasya pūrṇā syāt sa eko mānuṣa ānandaḥ | te ye śataṃ 
mānuṣā ānandāḥ | sa eko manuṣya-  gandharvāṇāmānandaḥ | śrotriyasya 
cākāmahatasye� tyādikā 
manuṣyagandharvadevagandharvakarmadevājānajadevendrabṛhaspatiprajāpatibrahmapa
ryantamānandatāratamyapratipādikā śrutireva pramāṇamiti cenna, tasyāṃ 
śrutau devatānandatāratamyasya satve'pi 
bhavadabhimataviṣṇusarvottamatvaprakṛtividhivāyubrahmāṇībhāratīgaruḍaśe.
samṛḍādidevatātāratamyapratipādanābhāvāt | na 
cānandatāratamyapratipādanādevādhikārataratamabhāvavaddevatātāratamye'smad
ukte iyameva śrutirniyāmiketi vācyaṃ, 
loke'dhikāritāratamyenānandatāratamyavaddevādīnāmadhikāriṇāṃ brahmavida 
iva nistara"ngānandābdhyanubhavavatsopadravānandānubhavamātreṇa tattalyatva- 

pṛ0 315) meva nāstīti vaktaṃ śrutiriyaṃ pravṛttā natu taratamabhāvaḥ 
satyamiti vaktuṃ, tasmāttāratamyakalpanamaprāmāṇikam ||
yaccoktaṃ-muktiphalāniyamastadavasthāvadhṛtestadavasthāvadhṛterityadhikaraṇe 
�tadiha vyāghro vā kīṭo vā pata"ngo vā varāho vā daṃśo vā maśako vā 
yadyadbhavanti tathā bhavatī� ti śrutimahimnā mokṣadaśāyāṃ sarveṣāṃ 
tiryagādīnāṃ tadavasthataiva mokṣa iti, tadatyantāsa"ngataṃ 
saṃsāradaśāyāmiva mokṣadaśāyāmapi śvā bhaṣanneva kīśaḥ kilakilāṃ 
kurvanneva maśaka utpatannipatanneva pheravopyuccataramāruvanneva hayo 
hreṣamāṇa eva vāraṇo bṛṃhamāṇa eva varāho viṭara eva kākaḥ 
krā"nkurvanneva rāsabho rāraṭanneva khalaḥ paiśunyamācaranneva 
bhuja"ngamo'pi viṣamudgiranneva evamete svasvavyāpāraṃ kurvāṇā eva 
tiṣṭhanti cetsaṃsāradaśāto viśeṣābhāvānmuktyarthaṃ kasyāpi 
pravṛttirna syāt, muktitatsādhanapratipādakānāṃ śāstrāṇāñca 
vaiphalyaṃ syāt | naca muktau tiryagādīnāṃ śarīramātrasya 
tādavasthyamātrama"ngīkriyate natu tadīyānāṃ heyānāṃ 
bhūṣaṇādivyāpārāṇāṃ tādavasthyama"ngīkriyata iti vācyaṃ, 
pramāṇābhāvāt | heyaguṇatyāgavaddheyaśarīrasyāpi samānanyāyatayā 
tyāgaucitye kimarthamardhajaratīyenetyalam | yadapi bhakteḥ 
sākṣānmokṣasādhanatvamityuktaṃ tadapyatyantāsamañjasaṃ, �tameva 
viditvā'timṛtyumeti | tamevaṃ vidvānamṛta iha bhavati | brahmavid brahmaiva 
bhavati | jñātvā taṃ mṛtyumatyeti | nānyaḥ panthā vimuktaye | tarati 
śokamātmavit | yadā carmavadākāśaṃ veṣṭayiṣyanti mānavāḥ | tadā 
śivamavijñāya duḥkhasyānto bhaviṣyatī�tyādiśrutimahimnā jñānasatve 
mokṣaḥ jñānābhāve mokṣābhāva ityanvayavyatirekayoḥ śrutyaiva 
pratipādanāt | jñānasyaiva sākṣānmokṣasādhanatvaṃ; natu tvaduktāyā 
bhakteḥ | naca śhraddhābhaktidhyānayogādavaihī�ti bhaktermokṣasādhanatvaṃ 
pratipādyata iti vācyaṃ, paramparāsādhanatvapratipādakatvena śruternetuṃ 
śakyatvāt | anyathā śraddhāyā api tatsahapaṭhitāyāstathātvaṃ 

pṛ0 316) syāt | ateva �yasya deve parā bhaktiryathā deve tathā gurau | 
tasyaite kathitā hyarthāḥ prakāśante mahātmana� iti 
gurūpadiṣṭārthāvabodharūpaśravaṇamananādivyāpāra eva pratipāditam ||
yaccoktaṃ tāpādipañcasaṃskārasaṃkṛtasyaiva muktiyogyatvamiti 
tadatyantānupapannam | śha"nkhacakrādya"nkanañca nṛtyagītādikaṃ tathā | 
hīnajāterayaṃ dharmo na jātu syāddvijanmanaḥ |� iti, yathā smaśānagaṃ 
kāṣṭhamanarhaṃ sarvakarmasu | tathā cakrā"nkito vipraḥ 
sarvakarmabahiṣkṛtaḥ || nindanto hyaiśvarānmārgānkuśāstrāsaktamānasāḥ 
| pāñcarātre ca kāpāle tathā kālāmukhe'pi ca || śākte ca dīkṣitā 
yūyaṃ bhavata brāhmaṇādhamāḥ | ekadaṇḍāstridaṇḍāśca ye ca bhaktā 
hareriha | te'dya pākhaṇḍinaḥ santu draṣṭrūṇāṃ narakapradāḥ ||� 
ityādidevīvīrabhadranandī 
dadhīcigautamadurvāsādidevarṣiśāpadagdhajanaviṣayatvena 
skāndalai"ngyakūrmādipurāṇeṣu pratipādanāt | tāpādipañcasaṃskārasya 
śāpadagdhadurvipraviṣayatayā teṣāṃ muktiyogyatvaṃ dūrāpāstam | 
vistarastu li"ngadhāraṇavāde draṣṭavyaḥ | kiñca 
śrutismṛtinyāyamūlakatvābhāvenātyantāsa"ngatasyāsya 
mādhvamatasyā''rhatamatameva mūlam | tathāhi- tatra tāvadevaṃ hi kalpanā- 
syādasti, syānnāsti, syādasti ca nāsti ca, syādavaktavyaḥ, 
syādastyavaktavyaḥ, syānnāstyavaktavyaḥ, syādasti ca nāsti cāvaktavyaśceti 
saptabha"ngīnaya iti | evaṃ saptabha"ngīnyāyamāśrityaiva     mādhvamataṃ 
pravṛttam | tathāhi- �ajāyamāno bahudhā vijāyata� ityatra 
sāmānyātmanā'jāyamānaḥ svānekaparyāyātmanā jāyata ityarthaḥ | �eko 
devo bahudhā niviṣṭa ityatra sāmānyātmanā ekatvaṃ viśeṣātmanā'nekatvam 
| tathā caikasmin brahmaṇyaikatvānekatvayoryugapadevā"ngīkārāt | ekatvasya 
syādastitvaṃ syānnāstitvañca | tadasadeva sanmano'kurutetyatra 
kāryākāreṇāsataḥ kāraṇātmanā sattvam | anyathā syāmiti 
mano'kurutetyādau karturatyantāsattvaprasa"ngāt | śadeva somyedamagra āsī� 
dityatrāpi kāraṇātmanā sadeveti vivakṣitam |

pṛ0 317) anyathā bahu syāmityuttaravākyavirodhāt | �taddhaika asadevedamagra-
āsī�dityatrāpi sattvamevānūdya kathamasataḥ sajjāyeteti pratikṣiptam | 
tathā ṅāsadāsīnno sadāstīttadānī� miti śrutivaśādapi kāraṇasya 
kathañcitsattvaṃ paryavasyati | tathā sati kṣarākṣaratvā"ngīkārāt, 
svarūpeṇāsti paramātmā kṣarākṣarātmanā nāstīti | evañca syādasti 
syānnāstīti mūlabha"ngīdvayamāgatam | tathā �aṇoraṇīyā� nityatrāpi 
kathañcidaṇutvaṃ, anyathā mahatvonupapatteḥ | na cāṇutvamahatvayorekatra 
virodhaḥ | cittvenaikye'pi viśeṣāparanāmnaḥ kathañcidbhedasyeṣṭatvāt, 
anyathā mahato mahīyāniti pṛthaganuktiprasa"ngāt | 
sarvathā'ṇutve'sthūlamanaṇviti paryudāsānupapatteḥ tathā ca syādaṇuḥ 
syādanaṇurmahānveti mūlabha"ngīdvayamāgatam | evañca syādasti, syānnāsti, 
syādasti ca nāsti ca, syādavaktavyaḥ, syādastyavaktavyaḥ, 
syānnāstyavaktavyaḥ, syādasti ca nāsti cāvaktavyaśceti saptabha"ngīnayaḥ | 
asminnarthe samantabhadravacanāni mūlabhūtānīti 
samantabhadravacanamasminnarthe vilikhyate-

ekānekavikalpādāvuttaratrāpi yojayet |
prakriyābha"nginīmenāṃ nayairnayaviśāradaḥ ||
pracchannajaino madhvo'yaṃ syādvāditve'pi vastutaḥ |
āvṛttikṣataye tasya saptabha"ngī pradarśate ||
sarvajña ātmā syādeka eva sa syādanekaśaḥ | 
syādekaścāpyanekaśca syādavācyastathaiva saḥ ||
syādekaścāpyavācyaḥ syādanekaścāpyavācyakaḥ |
syādekaścāpyanekaścā'vaktavyaśca sa eva hi ||
ityuktā saptabha"ngyeva saptabha"ngyantarāṇyapi |
mūlabha"ngānusāreṇa vaktavyānīha tadyathā ||

pṛ0 318) syādaṇuḥ syānmahānevaṃ syādaṇuśca mahānapi |
syādbhinnaḥ syādabhinnaśca syādbhinnā'bhinna eva ca || 
bahunātra kimuktena yaḥ sarvajña ihoditaḥ |
sa tu svarūpeṇāstyeva na kṣarādyātmanāstyataḥ ||
anantāḥ sapta bha"ngyaḥ syuḥ syādastītyādikā iha |
tato jainādhikaraṇe yannaikasminnasambhavāt ||
ityādibhiścaturbhistu sūtrairvā samudīritān |
doṣānaśeṣānākṣipya madhvena gatasādhvasam ||
brahmānekāntamevāha jinoktiśraddhayoditaḥ |
ātmalokau sāṃśanityāviti proktau jinairataḥ ||
vaikuṇṭhavaikuṇṭhalokau sāṃśanityamanena ca |
brahmānaikāntikaṃ proktaṃ tathā ṣāḍguṇyavādinā ||
jinaśāsanamulla"nghya naivābhyāṃ brahma kathyate |
advaitaikāntabha"nge tau matsahāyau ca tiṣṭhatām ||
na vedasya pramāṇatvaṃ jinairabhyupagamyate |
pramāṇatvepyanekāntasiddhireveti varṇitam || iti ||

ayameṣāmāśayaḥ- 
mādhvānāmārhatakalpitasyādastītyādisaptabha"ngīnyāyānurūpaprakriyākalpa
nāpaṭūnāṃ pracchannajainatve, taduktasaptabha"ngīnyāyācchādanāya 
śabdāntaravyavahāreṇa svasvāmimatārthagopanaparatve ca 
saptabha"ngīnyāyamūlakatvasphūṭīkaraṇāya tadupapādanaṃ kriyate- vādī 
samāgatya bhavanmate kiṃ paramātmā eka iti pṛcchati cettatrottaraṃ 
syādeko'stīti | kiṃ paramātmā eko na bhavatīti pṛtīti cettatrottaraṃ 
syādeko nāsti kintvaneka iti | kiṃ paramātmā eko'neko

pṛ0 319) veti pṛcchati cettatrottaraṃ syādasti nāsti ceti | eko'pyaneka 
ityarthaḥ | kiṃ paramātmā'vaktavya iti pṛcchati cettatrottaraṃ syādavaktavya 
iti | kiṃ paramātmā eko'vaktavya iti pṛcchati cettatrottaraṃ syādasti 
cāvaktavya iti | kiṃ paramātmā'neko'vaktavya iti pṛcchati cettatrottaraṃ 
syānnāsti cāvaktavya iti | kiṃ paramātmā eko'neko'vaktavya iti pṛcchati 
cettatrottaraṃ syādasti ca nāsticāvaktavyaśceti paramātmanaḥ 
sāmānyātmanā'bhedaḥ rāmakṛṣṇādyavatāraviśeṣātmanā bheda 
itya"ngīkārātsaptabha"ngīnyāyamanukaroti | 
evamevāṇutvamahatvaguṇatvaguṇitvādiviruddhadharmāṇāmekatrā"ngīkāreṇa 
bahūni saptabha"ngyantarāṇi syuḥ | etadvistarastu vaidikamatanirṇaye 
draṣṭavyaḥ, vistarabhayānneha likhyate | tasmādārhatamatānusārāt, 
śrutismṛtyādivirodhānmādhvamataṃ sadbhiranādaraṇīyam ||

iti 
śrīmadanādinirañjanaja"ngamāparāvatāratoṇṭadasiddheśvaraprasādāsādita"
sāmbhavāgamāmbhodhimathanajanitaniruttaraikottaraśatasthalabhedabhinnaṣaṭstha
latattvasudhāsvādānandasandohapradāyakācāryavaryamaritoṇṭadāryaviracite 
yaḍavamurārikoṭekolāhalaikā"ngivīravairisaptā"ngaharaṇapaścimasamudrādhī
śvaraviśuddhavaidikādvaitasiddhāntapratiṣṭhāpanācāryakeladisadāśivarāya
nāyakavaṃśadugdhārṇavapūrṇacandravīrabhadradharaṇīndradharmapatnī 
mallāmbāhṛdayānandabasavavasudhāsa"nkrandanopadeśe 
vīraśaivānandacandrikāyāṃ vādakāṇḍe madhvamatanirūpaṇa 
tannirākaraṇaprakāronāma saptadaśaṃ prakaraṇam ||

pṛ0 320) vīraśaivānandacandrikāyāṃ
vādakāṇḍe
aṣṭādaśaṃ prakaraṇam ||

deśikendra bhavatā nirūpitaṃ
bhṛ"ngiśīlivacanaṃ savistaram |
mādhvaśāstraviṣayaṃ vibhāyayan
modamānahṛdayo'dhunā'bhavam ||
bhṛ"ngiṇā kimumakrāntaṃ mataṃ tatra hi dūṣaṇam |
śīlinā vā kathaṃ dattaṃ tattacchrotuṃ mano mama ||
basavendramahīpāla vacanaṃ bhṛ"ngiśīlinoḥ |
yajjātaṃ tadahaṃ vacmi śṛṇu tvaṃ vismayāvaham ||
mādhvānāṃ yadadūṣamuktamahitaśrutyadhvanākalpitā-
nekāmnāyasarūpavākyaracanāmūlatvadoṣāspadam |
sākalyena mataṃ bravīmyabhimataṃ vedāgamānāṃ paraṃ 
dūṣyetādyakathaṃ tvayā paramidaṃ rāmānujīyaṃ matam ||

pṛ0 321) he bhṛ"ngivarya bhavatā yadudīritaṃ ta-
drāmānujīyamatamadya hi dūṣayāmi |
dantīndrakumbhadalanaṃ khalu yasya līlā
haryakṣa eṣa kimu bhītimajādupaiti ||

rāmānujā itthamāhuḥ- bhagavannārāyaṇa eva jagatkāraṇam, na vidhirudrau 
ṅārāyaṇādrudro jāyate, nārāyaṇādbrahmā jāyate� iti 
śrutiparyālocanayā | naca brahmarudrādikāraṇatvamātrapratipādanena 
sarvajagatkāraṇatvasiddhiḥ kathamiti vācyam, sarvasraṣṭṛtvena 
lokavedaprasiddhasya vidheḥ, sarvasaṃhartṛtvena vedajagadvikhyātasya rudrasya 
ca kāraṇatvenābhihitasya bhagavato jagatkāraṇatvābhidhāne nissandehāt | na 
copari punaḥpunarindrādidevamanuṣyādikāraṇatvaṃ kimarthaṃ pratipādyata iti 
vācyam, mandadhiyāṃ spaṣṭārthatvāt | athavā siddhasyānuvādaḥ | ateva 
mahopaniṣadi �eko ha vai nārāyaṇa āsīt, na brahmā neśāna� 
ityādisandarbheṇa vidhiśivayoreva kāraṇatvamanūditam | 
tasmātsamastajagatkāraṇaṃ bhagavannārāyaṇa eva | sa ca pañcavidho bhavati, 
arcāvibhavavyūhāntaryāmiparavāsudevarūpeṇa | arcā 
śrīra"ngave"nkaṭācalādisthaleṣu 
vidyamānave"nkaṭeśvarādipratikṛtirbhagavānnārāyaṇa eva | vibhavaḥ 
śrīrāmakṛṣṇādyavatāraḥ | sa ca bhagavāneva | vyūho'pi bhagavāneva | sa 
ca caturdhā sa"nkarṣaṇavyūhaḥ, pradyumnavyūhaḥ, aniruddhavyūhaḥ, 
vāsudevavyūhaśceti | sa"nkarṣaṇapradyumnāniruddhavāsudevāścatvāro 
vyūhapatayaḥ | vyūhāstu bhagavatsarūpā eva | sa"nkarṣaṇādya-  
niruddhāntaśca sakalajīvarāśirjaḍaśarīrī, tanniyantā cāntaryāmī 
bhagavāneva | aṇḍabhitterūpanyaprākṛtavaikuṇṭhe sahasrastambhamaṇḍape 
paramapadākhye pañcasaṃskārasaṃskṛtairdraviḍavedapāragaiḥ 
pāñcarātratadanukūlavedavedāntārthaśravaṇamanananididhyāsanakaribhirvaiṣ.
navaiḥ svaśeṣabhūtairanyaiśca 
nammālvārprabhṛtibhirdraviḍavedapravartakaiḥ 
śeṣabhūtairapyatyantāra"ngairanantagaruḍādibhirapi 

pṛ0 322) saha nityavāsī sarvaśeṣī lakṣmīpatirvaiṣṇavābhīṣṭavarṣī 
śa"nkhacakrādyāyudhadhārī bhagavānvāsudeva ityucyate | itthaṃ parijñātuḥ 
paramapadaprāptirvaiṣṇavasya, itthamajānato vaiṣṇavasya na 
paramapadaprāptiḥ | kintu tadbahirdeśe'prākṛtacaṇḍālavāṭikāprāptiḥ | 
smārtānāntu nityanarakāvāptiḥ, 
samāśrayaṇādipañcasaṃskārabhagavacchāstradraviḍavedaparijñānābhāvāt | 
ātmā jīvaḥ paramāṇuḥ, �bālāgraśatabhāgasya śatadhā kalpitasya ca | 
bhāgo jīvaḥ sa vijñeyaḥ sa cānantyāya kalpate ||� iti śruteḥ | 
bhagavānnārāyaṇaḥ paramātmā vyāpakaḥ, �antaryāmyadhidaivādiṣu 
taddharmopadeśā� diti nyāyāt || itthamuttaratantre vicāraḥ- 
�antaryāmyadhidaivādiṣu taddharmopadeśāt |� bṛhadāraṇyake tṛtīyādhyāye 
antaryāmibrāhmaṇe �yaḥ pṛthivyāṃ tiṣṭhanpṛthivyā antaro yaṃ pṛthvī na 
veda yasya pṛthivī śarīraṃ yaḥ pṛthivīmantaro yamayatyeṣa ta 
ātmā'ntaryāmyamṛtaḥ | evameva �yo'psu tiṣṭhan, yo'gnau tiṣṭhan, yo vāyu 
tiṣṭhan, ya āditye tiṣṭhan, yo retasi tiṣṭhannityuktvā, upari yasya retaḥ 
śarīram, yasyādityaḥ śarīram, yasya pṛthivī śarīra mityuktvā, sarvānte 
yaḥ sarvaṃ tiṣṭhansarvamantaro yamayati, sarvasyāntaraḥ, yaṃ sarvaṃ na 
veda, yasya sarvaṃ śarīram, eṣa ta ātmā'ntaryāmyamṛta� iti śrūyate | 
atratyāntaryāmiśabdo jīvapratipādako vota parameśvarapratipādako veti 
viṣaye'tra pūrvapakṣaḥ- jīvapratipādaka eva, kutaḥ svakarmadvārā tasya 
pṛthivyādiniyantṛtvasambhavāt; yogaiśvaryavaśena ca 
pṛthivyādivyāpakatvasambhavācceti prāpte siddhāntaḥ- antaryāmī 
parameśvara eva viṣṇuḥ, na tu jīvaḥ | adhidaivādiṣu taddharmopadeśāt | 
devagandharvasiddhavidyādharādiṣu taddharmasya niyantṛtvasya 
śarīratvasyājñeyatvasya ca dharmasyopadeśāt, tādṛśadharmasya jīvātmani 
mukhyatvenāsambhavāt | kathañcidyogaiśvaryavaśena devādivyāptikalpane'pi 
taccharīratvasya tatprerakatvasya tadajñeyatvasya ca sutarāṃ 
jīvātmanyasambhavāt | kiñca śhārīraścobhaye'pi hi bhedenainamadhīyate |� 
kāṇvā mādhyandināścobhaye'pi jīvaṃ bhedenā-

pṛ0 323) ntaryāmibhedenādhīyate paṭhanti | �yo vijñāne 
tiṣṭhanvijñānamantaro yamayati, yasya vijñānaṃ śarīramiti kāṇvāḥ | ya 
ātmani tiṣṭhan, ātmānamantaro yamayati, yasyātmā śarīramiti 
mādhyandināḥ | tasmācchākhādvaye'pi jīvabhedenāntaryāmiṇa 
upadeśādantaryāmī bhagavāneva na jīvaḥ | jagatsarvaṃ cetanācetanātmakaṃ 
bhagavataḥ śarīram | sarvaśarīrī bhagavānvāsudevaḥ | ataḥ 
sarvaśabdavācyo bhagavān | loke śarīravācakasyāpi devadattādiśabdasya 
śarīrādhiṣṭhātṛjīvātmavācakatvasyāpya"ngīkāradarśanāt | �eko devaḥ 
sarvabhūteṣu gūḍhaḥ sarvavyāpī sarvabhūtāntarātmā | tatsṛṣṭvā 
tadevānuprāviśat | tattvamasi | ahaṃ brahmāsmi | ekena mṛtpiṇḍena sarvaṃ 
mṛṇmayaṃ vijñātaṃ syā� dityādikaṃ sarvamapyasmākamapyupapadyate | 
śarīrasya viśeṣaṇatvena bhagavataḥ śarīriṇo viśeṣyatvena 
viśeṣaṇaviśeṣyayorekatvasya ghaṭaghaṭatvādiṣu dṛṣṭatvena jagataḥ 
paramātmano vāsudevasya ca bhedo'pi vaktuṃ śakyate, bhedo'pi 
pāramārthikatvena vaktuṃ śakyate, viśiṣṭādvaitā"ngīkāreṇa jagataḥ 
pāramārthikatvañca vaktuṃ śakyate | bhedaśrutīnāmapyupapattirasti | 
abhedaśrutīnāmapyupapattirasmanmate | evaṃ siddhe'rthe bhedo vyāvahāriko natu 
tātvikaḥ | abhedaḥ           
pāramārthikastattvamasītyādiśrutiparyālocanayeti yaduktaṃ 
tatpramāṇasiddhaṃ na bhavati | kutaḥ tattvamasītyādiśruterevaṃ yojayituṃ 
śakyatvāt-taditi luptaṣaṣṭhīkaṃ padam, tasya tvamasi tatsambandhyasi | 
tacchabdaḥ parameśvaravācī sarvasminnapi mate, atastasya bhagavato 
nārāyaṇasya tvamasi sambandhyasi | sambandhaśca śarīraśarīribhāvaḥ | 
nārāyaṇaśarīramasi, tasmānnārāyaṇavijñānena sarvavijñānamapi 
sambhavati, sarveṣāṃ nārāyaṇaśarīratvena sambhavāt | 
tasmātsarvamavadātamiti | nanu �yatra hi dvaitamiva bhavati, taditara itaraṃ 
paśyati | yatra tvasya sarvamātmaivābhūttatkena kaṃ paśyet |� iti śrutyā 
dvaitino'tathyadarśina iti viṣṇupurāṇopabṛṃhaṇaparyālocanayā ca, 
dvaitāpāramārthikatvasya spaṣṭaṃ pratīyamānatvātkathaṃ 
viśiṣṭādvaitama"ngīkṛtya 

pṛ0 324) dvaitaśrutīnāṃ pāramārthikabhedaviṣayatvam, 
svarūpābhedapratipādakaśrutīnāmaupacārikatvañca vadasi | prastutaṃ 
tattvamasyādyadvaitaśrutiparyālocanayā yuktisanāthayā śarīraśarīribhāva 
eva kālpanika iti vaktuṃ śakyate | tathāhi- bhedo'pāramārthiko dṛśyatvāt, 
śuktirajatavaditi | ata eva tṛtīyādhyāye dvitīyapāde ādyādhikaraṇe 
�māyāmātrantu kārtsnyenānabhivyaktasvarūpatvā� diti | svāpnikāyāṃ 
vastūnāmapāramārthikatvamevābhihitam ṅa tatra rathā narathayogā na 
panthāno bhavantī�ti | tasmātsvāpnikapadārthadṛṣṭāntena 
śuktirajatadṛṣṭāntena cānumānena dvaitasyāpāramārthikatvaṃ siddhamiti 
cenna, yuṣmākaṃ dṛṣṭāntasyaivābhāvāt | naca 
śuktirajatasvāpnikapadārthā dṛṣṭāntā iti vācyaṃ, teṣāṃ 
pratinidhipeṭikānyāyena satyatvenāpāramārthikatvasyaivābhāvāt | tathāhi- 
śuktau rajatatvapratītiḥ kiṃ viṣayiṇī na 
tāvaddhaṭṭapaṭṭanastharajataviṣayiṇī tasya cakṣuḥsannikarṣābhāvena 
bhāvaviṣayatvāsambhavāt, na tāvajjñānaṃ pratyāsattiḥ, 
saṃyogasamavāyayoreva sambandhatvena pratyāsattitve'pi 
jñānasyātmaguṇasyāsambandhasya pratyāsattitvakalpanāyāṃ pramāṇābhāvāt 
| naca pratyāsattirdvividhā laukikyalaukikī ca | laukikānāṃ 
saṃyogasamavāyādīnāṃ sambandhatve'pi 
jñānasyāsambandhasyālaukikapratyāsattitvama"ngīkriyata iti vācyaṃ, 
pratyāsatterlaukikālaukikatvasya 
laukikaparibhāṣāmātrasiddhatvenāsambandhasya jñānasya 
pratyāsattitvasyātyantamasambhāvitatvāt | tasmānnānyathākhyātivādaḥ 
sopapattikaḥ | na tāvadakhyātivādaḥ sopapattikaḥ, idaṃ rajatamitijñānasya 
satyarajatajñānavatpurovartini rajatavaiśiṣṭyāvagāhino bhāvarūpatvena 
gauravakarabhedāgraharūpābhāvatvakalpanāyā atyantamaprāmāṇikatvāt | na 
tāvadhiṣṭhānaśuktyajñānopādānakam, ata eva 
śuktyabhinnatvenānirvacanīyaṃ rajatamutpadyate, tadevedamiti cakṣuṣā 
pratyakṣīkriyata iti sādhīyānayaṃ pakṣa iti vācyaṃ, yuṣmanmate 
vyāvahārikasatyatvasthalevāntaḥkaraṇanirgamā"ngīkāreṇa śuktirajatasya 
pratibhāsamāna- 

pṛ0 325) yogakṣematvena vastutvābhāvāt, vṛttinirgamasyāna"ngīkāryatvena 
pratyāsatterevā bhāvāt, śuktirajatamaprāmāṇikameva | na tāvadasadeva 
rajatamabhāditipratītyā śuktau rajataṃ 
śaśaśṛ"ngavadasadevapratyakṣīkriyata iti mādhvapakṣaḥ sādhīyān, asato 
bhānāyogāt | anyathā śaśaśṛ"ngasyāpi bhānaṃ syāt | tasmācchuktau 
rajataṃ sadeva pratīyate | tasya ca cakṣuṣā sannikarṣaḥ saṃyoga eva | 
purovartino rajatasya dravyatvena cakṣuṣaśca dravyatvena tayoḥ sambandhasya 
saṃyogasyaiva vaktumucitatvāt | atastena saṃyogena pratyāsattibhūtena 
cakṣuṣā śuktau sadeva rajataṃ pratyakṣīkriyata iti taddṛṣṭāntena 
prapañcasyāpi satyatvama"ngīkriyate | bhedaśrutiḥ 
prāmāṇikabhedaviṣayiṇī, abhedaśrutistu viśiṣṭādvaitaviṣayiṇīti na 
ki"ncidapyasatyamasmanmate | ateva svapnasyāpyasatyatvaṃ nāsti, anyathā 
śukrotsargaḥ sukhānubhavaśca prāmāṇiko na syāt; tatkāraṇasya 
svāpnikataruṇīsambhogasyāprāmāṇikatvāt | atastatkāryānyathānupapattyā 
tatkāraṇasya satyatvamavaśyaṃ vācyameva | ata eva tṛtīyādhyāye bhagavatā 
bādarāyaṇamuninā brahmamīmāṃsāsūtrakāreṇa 
svāpnikasṛṣṭeryāthārthyamabhyadhāyi | śrutirapi tamevārthamanugṛhṇāti | 
�atha rathānratha-yogānpathaḥ sṛjata� iti | naca �māyāmātrantu 
kārtsnyenānabhivyaktasvarūpatvāt� | ityuttarasūtreṇāyāthārthyaṃ 
pratipādyata iti vācyaṃ, tasya sūtrasya purvapakṣotthāpakatvena 
siddhāntasūtratvābhāvāt, śandhye sṛṣṭirāha hī� ti sūtrasyaiva 
siddhāntasūtrattvāditi paramaṃ rāmānujarahasyam | ateva 
pūrvatantre ṣaṣṭhādhyāye tṛtīyacaturthapādayoḥ 
pratinidhipeṭikārūpayormukhyābhāve pratinidhinā'nuṣṭhānaṃ pratipāditam | 
keṣāṃ dravyāṇāṃ pratinidhitvamityākṣepe sati yasmindravye yena yena 
dravyeṇa sādṛśyaṃ tattasya pratinidhiḥ, yathā vrīhīṇāṃ nīvārāḥ 
pratinidhayaḥ | tatra nīvāre vrīhīṇāṃ bahusādṛśyamasti | 
vrīhyavayavānāṃ bahūnāṃ sādṛśyasya nīvāre vidyamānatvāt | ato 
mukhyābhāve tadgatabahvavayavavanto nīvārā yathā pratinidhīyante, evaṃ 
śuktikāyāmapi 

pṛ0 326) rajatāvayavānāṃ bahūnāṃ vidyamānatvādrajatapratītiḥ 
satyaviṣayiṇyeva jāyate | atastaddṛṣṭāntena bhedasyāpi satyatvam, 
prapañcasyāpi satyatvameva | bandho'pi sanneva sākṣātkārādbhagavato 
nivartyate, �tameva viditvātimṛtyumeti nānyaḥ panthā vidyate'yanāye� ti 
śruteḥ | sa ca sākṣātkāraḥ śhrotavyo mantavya� ityādi śrutivaśena 
śravaṇamanananididhyāsanajanya eva mokṣadaḥ, natvāpātato jātaḥ | sa ca 
sākṣātkāraḥ karmasamuccita eva mokṣakāraṇam | tathā ca śrutiḥ 
�kurvanneveha karmāṇi jijīviṣecchataṃ samāḥ� iti | tāni ca karmāṇi na 
kevalavaidikāni mokṣasādhanāni, kintu 
pañcasaṃskārādibhagavacchāstroktadharmasahitānītyudakkūlā rāmānujāḥ | 
vaidikāni karmāṇi vinā bhagavacchāstroktānyeva muktisādhanānīti 
dakṣiṇakūlā rāmānujāḥ | sākṣātkārastu yathā 
vedapurāṇadharmaśāstrārthaśravaṇamanananididhyāsanādijanyo 
mokṣasādhanam, tathā 
bhagavacchāstradraviḍavedārthaśravaṇamanananididhyāsanajanyasyāpi 
mokṣasādhanatvamityudakkūlā rāmānujāḥ, dakṣiṇakūlā rāmānujāstu 
bhagavacchāstradraviḍavedārthaśravaṇamanananididhyāsanajanyo vā 
kevaladraviḍavedārthaśravaṇamanananididhyāsanajanyo vā sākṣātkāro 
muktisthānamiti vadanti ||          muktistu na sayugbhāvaḥ, �tadā vidvān 
puṇyapāpe vidhūya nirañjanaḥ paramaṃ sāmyayupaiti | jakṣatkrīḍan 
ramamāṇaḥ strībhirvā yānairvā jñātibhirvā vayasyairvā� 
ityādiśrutibhirbhagavacchāstrapāñcarātrānukūlābhiḥ sārūpyameva 
paravāsudevaśeṣatvasya svabhāvasiddhatvena dāsyasya śeṣiṇā svāminā 
bhagavatā vaikyasya sarvathā vaktumanucitatvāt || tasmāditthaṃ paramo 
niṣkarṣaḥ-antaryāmibrāhmaṇamahopaniṣadvākyaiśca śarīriśarīrabhāvo 
bhagavajjīvātmanoḥ pāramārthikaḥ | viśeṣaṇaṃ śarīraṃ 
jīvātmāntaryāmī bhagavānvāsudevaḥ śarīrī viśeṣyaḥ 
viśeṣaṇaviśeṣye nātīva bhinne, ato viśiṣṭamekameva | 
viśiṣṭādvaitajñānaṃ mokṣasādhanam | tattvamasyādivākyāni na 
svarūpābhedaparāṇi, kintu viśiṣṭādvaita-

pṛ0 327) parāṇi | atastaditi ṣaṣṭhīlopaḥ, tasya tvamasi tasya bhagavataḥ 
sambandhyasi, bhagavatatsambandhiśarīramasīti vākyārthaḥ | 
pratinidhipeṭikānyāyena śuktikāyāmidaṃ rajatamiti jñānaṃ 
sadrajataviṣayakam | taddṛṣṭāntena prapañcasya satyatvamevānumānena 
sādhayituṃ śakyam | advaitaśrutiḥ sarvā'pi lākṣaṇikī, dvaitaśrutiḥ 
sarvā'pi pāramārthikī; ato 
bhagavacchāstratadanukūlabhagavatpratipādakavedadraviḍavedārthaśravaṇādikra
majanyasākṣātkārajñānaṃ viśiṣṭādvaitaviṣayakaṃ kevalaṃ na 
mokṣasādhanam, kintu bhagavacchāstroktapañcasaṃskārādīni tadaviruddhāni 
vaidika karmāṇi ca | bhagavatsvarūpañca, 
arcāvibhavavyūhāntaryāmiparavāsudevabhedena pañcadhā | 
muktiścāṇḍabhitteruparyaprākṛtavaikuṇṭhe bhagavatsārūpyaṃ prāptasya 
nityaśeṣasya nityadāsasyāprākṛtasakalabhogaprāptiriti 
rāmānujamatānuyāyinaḥ ||
tadatyantamanupapannam | tathāhi- �atyantanirmalajñānasvarūpaṃ paramārthataḥ 
| tamevārthasvarūpeṇa bhrāntidarśanataḥ sthitam ||� iti 
viṣṇupurāṇopakramavākyena �yattadadreśyamagrāhyamagotramavarṇamacakṣuḥ 
śrotraṃ tadapāṇipādam | nityaṃ vibhuṃ sarvagataṃ susūkṣmaṃ 
yadbhūtayoniṃ paripaśyanti dhīrāḥ ||� iti śrutyā ca bhagavato 
jñānānandasatsvarūpasya 
mūrterevābhāvenārcādisvarūpakalpanamatyantamaprāmāṇikam | 
tatrāpyarcāyāṃ bhagavatsvarūpakalpanamatituccham, �agnau tiṣṭhati 
viprāṇāṃ hṛdi tiṣṭhati yoginām | pratimāsvaprabuddhānāṃ sarvatra 
samadarśinā� miti vacanena tavāprabuddhatvātpratimāyāṃ 
bhagavadabhedakalpanaṃ yuktameva | naca tarhi śālagrāmādiṣu bhagavadbuddhiḥ 
kathaṃ kriyata iti vācyam, śāstramahimnā 
bhagavadabhedaviṣayiṇyā''hitāroparūpā dṛṣṭiḥ kriyate, tāvatā tasya 
tattvaṃ kimupapannaṃ pratyakṣavirodhāt | nahi śrāddhe pitṛtvena bhāvito 
brāhmaṇaḥ sākṣātpitā bhavati ? śāstrāttu pravṛttiviśeṣaḥ kāmaṃ 
kriyatāṃ, śreyo vā'pyedhasva, na hi tāvatā tasya tattvaṃ bhavati |
yaduktaṃ rāmakṛṣṇādyavatārā bhagavadrūpā iti tadaṃśenāsmākaṃ 
vivādaḥ, 

pṛ0 328) bahūnāṃ śrutismṛtītihāsapurāṇavacanānāṃ vidyamānatvāt | 
taduktaṃ śrīmadrāmāyaṇe vālmīkīye- śa hi devairudīrṇasya rāvaṇasya 
vadhārthibhiḥ | arthito mānuṣe loke jajñe viṣṇuḥ sanātana� iti ||
yaduktaṃ sa"nkarṣaṇapradyumnavāsudevāniruddhā vyūhapatayo bhagavanta eveti 
tadatyantamanupamannam | kiṃ vyūhā jīvarāśayaḥ 
sa"nkarṣaṇādayastadadhipatayaḥ, kiṃ vā te'pi bhagavanta eva tadadhipatayaḥ 
sa"nkarṣaṇādayo'pīti ? nādyaḥ- jagatpatervāsudevasya 
rājanikaṭavartināmadhipatīnāṃ svasvavyūhānāmivālpādhipatvakalpanena 
parameśvaratvahāniḥ | naca bhavanmate śivasya jagatpaterīśānadigādhipatyaṃ 
yathā tadvadatrāpīti vācyam, �brahmaviṣṇurudrendrāste samprasūyante� 
ityatharvaśikhāvacanena ekātmapratyayasāraṃ prapañcopaśamaṃ śivamadvaitaṃ 
caturthaṃ manyanta� iti māṇḍūkyavacanena ca kāryakāraṇarudrayorbhedena 
kāryarudrasya parimitādhikārasambhavāt | bhavanmate nārāyaṇasyaiva 
jagatkāraṇatvā"ngīkāreṇa tasya kāryakāraṇarūpāna"ngīkārātkathamidaṃ 
sambhavati ? na dvitīyaḥ- svasya svapatitvasyātyantamasa"ngatatvāt | kiñca 
sa"nkarṣaṇādiṣvapi kintāratamyaṃ kiṃ vā sāmyam ? nādyaḥ- svāpekṣayā 
svasyātiśayatvamekasyaiva vastunaḥ ko vā prekṣāvānvadet ? naca rāmāvatāre 
rāmalakṣmaṇabharataśatrudhnānāṃ bhagavatāmeva bhavadbhiryathā"ngīkṛtaṃ 
tāratamyaṃ tadvadihāpya"ngīkriyata iti vācyaṃ, avatārādiṣu bhagavato 
brahmadattarākṣasavaraparipālanārthaṃ 
prākṛtamānuṣarūpā"ngīkāravadrūpa-  bhedena 
prākṛtataratamabhāvā"ngīkārasambhave'pyaprākṛtadaśāyāṃ 
bhagavatastathā"ngīkārasyā tyantamanucitatvāt | tasmādanirvāhakṣamameva 
dustantrapāñcarātre bhagavatsvarūpakalpanam | ato bhagavatsvarūpanirṇayāya 
śuddhavaidikaśiṣṭairbhavitavyaṃ rāmānujaiḥ, 
evamevātaptacakrā"nkanānāmuṣmikaśreyaḥsādhanatvamapi | kiñca 
pāñcarātraviṣaye'prāmāṇyaṃ bhāṣya evoktam, lokaprasiddhatvānnehocyate | 
na dvitīyaḥ- bhagavān vāsudevo nirañjana ekaḥ paramārthatattvamiti 
tatpāñcarātravacanavirodhāt | apicāprākṛtavaikuṇṭhe 

pṛ0 329) pañcasaṃskārasaṃskṛtā draviḍavedāntavido vaiṣṇavāḥ paramapade 
ṅirañjanaḥ paramaṃ sāmyamupaitī� ti śrutyuktasāmyaṃtena bhajante 
paramavāsudeveneti vācyaṃ, tarhi sa"nkarṣaṇādīnāṃ hīnatvaṃ spaṣṭameva 
paryavasitam ||
yaduktamantaryāmī bhagavadrūpa iti tatrocyate, itthaṃ khalu bhavatāṃ 
rāmānujānāmāśayaḥ �yaḥ pṛthivyāṃ tiṣṭhan pṛthivyā antaro yaṃ 
pṛthivī na veda yasya pṛthivī śarīraṃ yaḥ pṛthivīmantaro yamayatyeṣa ta 
ātmāntaryāmyamṛta� ityādiṣu vākyeṣu bhagavato'ntaryāmibhāvaḥ 
śarīraśarīribhāvaśca pratipādyate | loke 
śarīraśarīriṇornātibhedavyavahāraḥ | śarīraṃ viśeṣaṇaṃ 
bhagavānviśeṣyaḥ, viśiṣṭamekaṃ �tattvamasyahaṃ brahmāsmī� tyādiśrutayo 
viśiṣṭādvaitaparāḥ, tattvamasi tasya tvamasi 
bhagavatsambandhiśarīramapītyabhedaśrutīnāmarthaḥ, abhyāse hi sati 
bhūyastvamarthasya bhavatīti nyāyenāsakṛdantaryāmibrāhmaṇe'ntaryāmīti 
śarīramityupadeśādviśiṣṭādvaita eva sa"ngacchata iti | bhavedayaṃ 
manoratho yadyantaryāmibrāhmaṇaṃ rāmānujajīvātuśarīraśarīribhāvaparam, 
antaryāmitvaparañca bhavennāntaryāmitve tātparyam | kintu jīvabrahmaikya eva 
| antaryāmitvantvanūdyate, jīvabrahmaikyaṃ vidhīyate | tasmāttatraiva 
śrutestātparyamavaśyaṃ vaktavyam | tathāhi- yasya pṛthivī śarīram, 
yasyādityaḥ śarīramityuktvā tadupari eṣa ta ātmāntaryāmyamṛta iti 
śrūyate | maitreyīṃ prati �yo'ntaryāmyamṛtaḥ, eṣa te tavātmā 
svarūpa�mityupadeśaḥ kriyate |   atastattvamasītivadabhedopadeśa eva 
paryavasānam, natu śarīraśarīribhāve'ntaryāmitve ca | naca yasya pṛthivī 
śarīram, yasyādityaḥ śarīram, yasya vāyuḥ śarīram, yasyātmā śarīram, 
yassarvasmiṃstiṣṭhansarvamantaro yamayati, yasya sarvaṃ śarīramiti 
śarīratve'syaivābhyāsadarśanāt, �abhyāse hi sati bhūyastvamarthasya 
bhavati, nālpatvamapi, prāgevopacaritārthatva�miti nyāyena 
śarīraśarīribhāva eva tātparyaviṣayībhūta ityucyata iti vācyaṃ, tathaiva 
śarīraṃ śarīramityuktvā tattadvākyopari eṣa ta ātmāntaryāmyamṛta 
ityabhyāsasyāpi darśanādabhyāse  

pṛ0 330) hi satīti nyāyaḥ svarūpābhedopadeśe'pi sādhāraṇaḥ | parantu 
nipuṇataraṃ vicāryamāṇa eva ta ātmetyupadeśānantaraṃ 
vākyavirāmādabhedopadeśa eva tātparyaviṣayībhūta iti niścīyate | 
yasyātmā śarīraṃ yasya pṛthivītyanantaraṃ eṣa ta ātmāntaryāmyamṛta 
ityupadeśāt, śarīramityanantaraṃ vākyasamāpterabhāvāt | 
śarīraśarīribhāvo'ntaryāmibhāvaścānūdyeta iti dṛḍhaṃ niścīyate | 
asmāt śa eṣa iha praviṣṭa ānakhāgrebhya� itivatsvarūpābheda eva 
vākyarītiviśeṣaṇaṃ paramābhimatam | tava tu 
tādṛśavākyāśayaviśeṣajñānābhāvādantaryāmibrāhmaṇasyāntaryāmibhāv
a eva tātparyamiti niścayo yukta eva ||
yaduktaṃ tattvamasyahaṃ brahmāsmīti vākyānāṃ tasya 
tvamasīti ṣaṣṭhīlopama"ngīkṛtya viśiṣṭādvaite tātparyamiti tattava 
buddhilopādyuktam | natu ṣaṣṭhīlopāt | yadi vibhaktilopo'trā"ngīkriyet, 
tarhi pūrvavākye'pi �tatsatyaṃ sa ātmā� ityatrāpi 
vibhaktilopama"ngīkṛtyānyathānyathā vākyārthavarṇanaṃ 
kartavyamavyutpannasammohanārtham | tasmātsamādhikaraṇabuddhyā 
paryālocyamāne'rthe tatsatyaṃ tacchabdavācyabrahma satyam, sa ātmā śa ya 
eṣo'ṇimaitadātmyamidaṃ sarva� miti pūrvaparāmarśātsa ātmā paramātmā 
tadbrahma tvaṃ bhavānasīti svarūpādvaita eva vākyatātparyaṃ pratīyate | 
kiñcāntaryāmibrāhmaṇasyādvaite paryavasānena sarvadā viśiṣṭādvaite 
uktarītyā tātparyābhāvena ca tattvamasyādivākyānāṃ nirāta"nkaṃ 
pratīyamānārthe tātparyam | api ca �yatra hi dvaitamiva bhavati taditara 
itaraṃ paśyati | yatra tvasya sarvamātmaivābhūttatkena kaṃ paśyet |� iti 
śrutyā dvaitamasatyamiti bhāti | yatra hi dvaitamiva bhavati | vastuto dvaitaṃ 
nāsti śuktirajatavad dvaitaṃ vyavahāradṛṣṭau buddhiviṣaya iti 
svarasatastātparyamasyāḥ śruteḥ | �dvaitino'tathyadarśena� iti 
viṣṇupurāṇavākyācca dvaitamasatyamiti    niścitameva | ata uparibhāgena 
yatra tvasya sarvamātmaivābhūttatkena kaṃ paśyedityanenādvaitameva 
nirvyalīkamucyate | tasmāddṛḍhīkṛtamadvaitam | anumānenāpi 

pṛ0 331) dvaitāsatyatvaṃ suvacam ||
yaccoktaṃ śuktirajatadṛṣṭāntama"ngīkṛtya khalu dvaitāsatyatvaṃ 
sādhanīyam | pratinidhipeṭikānyāyena śuktau rajataṃ satyameva vartata iti 
tadatimandam | yathā pratinidhau nīvāre vrīhyavayavāḥ katipaye vartante, tena 
puroḍāśaniṣpattirapi kriyate, tadvadatrāpi satsu rajatāvayaveṣu tena 
kaṭakamakuṭādikamapi kriyet | tasmādrajatasatyatvoktirasatyoktirjātā | kiñca 
laukikānāṃ prātītikaṃ śuktau rajatamityanubhavānna śuktirajataṃ satyam ||
yaccoktaṃ svāpnikānāṃ padārthānāṃ satyatvamiti, tadyathā 
caramadhātūtsargādeḥ satyakāryasya 
satyakāraṇajanyatvāvaśyaṃbhāvātsvāpnikayuvatīsambhogādessatyatvaṃ 
tadvaditi tadasat, asatyaśuktirajatadarśanena 
satyapuruṣakutūhalāderutpattidarśanena tādṛśaniyamasyāprayojakatvāt | naca 
tatrā'pi śuktirajataviṣayajñānasya satyatvānniyamabha"ngo nāstīti vācyaṃ, 
jñānānāṃ viṣayoparāgaṃ vinā svataḥ satyatvasya vaktumaśakyatvena 
viṣayāgrāhitvenāsatyatvasya vaktumucitatvāt | tasmātsatyakāraṇajanyatvaṃ 
satyakāryasyeti niyamabha"nga eva | kiñca yadā kṛṣṇadantaṃ puruṣaṃ 
paśyati, tadainaṃ nihantīti vacanenāsatyakṛṣṇadantapuruṣadarśanena 
satyamaraṇaṃ jāyate | tatra tava niyamabha"nga eva, tatra puruṣasyāsatyatvāt 
|| yaccoktaṃ śandhye sṛṣṭirāha hī� ti �atha rathān rathayogānpathaḥ 
sṛjatī�ti svapnasṛṣṭeryathārthatvamucyata iti tadasa"ngatam, �māyāmātrantu 
kārtsnyenānabhivyaktasvarūpatvādi�ti 
sūtreṇoparitanenāyāthārthyapratipādanāt | naca māyāmātramiti sūtraṃ 
pūrvapakṣasūtrānantaraṃ khalu siddhāntasūtrābhidhānam | iha kathaṃ 
vyatyāso bhavet | na ca �vaiśvānaraḥ sādhāraṇaśabdaviśeṣā� ditivat 
siddhāntenopakramaḥ | �sandhye sṛṣṭirāha        hī�tyanantaraṃ 
śhabdādibhyo'ntaḥ pratiṣṭhānācce�tyādisūtravanmāyāmātramiti sūtreṇa 
pūrvapakṣaḥ kriyata iti vācyaṃ, tadvadatra ṅeti cenna tathā 
dṛṣṭyupadeśādasambhavātpuruṣamapi cainamadhīyata� iti 

pṛ0 332) spaṣṭaṃ śa"nkottarasūtrābhāvāt | kintu �māyāmātrantu 
kārtsnyenānabhivyaktasvarūpatvā� dityetāvanmātrasya vidyamānatvāt | ataḥ 
sṛṣṭirāha hīti svapnayāthārthyapratipādakaṃ pūrvapakṣasūtram, 
māyāmātrantukākārtsnyenānabhivyaktasvarūtvādityupariṣṭāt | 
kārtsnyenānabhivyaktasvarūpatvādityaṃśena vyaktaṃ 
svapnāyāthārthyābhidhāyakaṃ siddhāntasūtramiti buddhyārjavayuktānāṃ 
dyotate | tvayā tu vakrabuddhinā tattvamasyādivākyaṃ yathā vyākulīkṛtaṃ 
tathā pūrvapakṣasūtraṃ siddhāntasūtramiti sūtramapi vyākulīkriyate | 
tatprajñāvaiparītyāyattamityupekṣya sudhībhiḥ sthātavyam | tasmād 
dvaitamapāramārthikaṃ dṛśyatvāt, śuktirajatavadityanumānaprayogaḥ 
sambhavatyeva | yaduktaṃ śuktirajate sannikarṣābhāvātpratyakṣatvaṃ na 
sambhavatīti tattuccham, prātibhāsikasthale 
vṛttinirgamābhāve'pyavidyāvṛttiviṣayatvaṃ vā sākṣibhāsyatvaṃ 
vā'"ngīkriyate | kiñcāpratyakṣe'pyākāśe loke tanmalinatā jñāyate | tatra 
satkhyātivādināmāyuṣmātāṃ kathaṃ nirvāhaḥ ? ākāśasya purovṛttitvena 
gṛhītumaśakyatvāt | rajatāvayavā iva śuktau kasyāvayavā ākāśe vartante 
| atra tava        mūkataivocitā | ato bhrānternānāvidhatvādekaṃ rūpaṃ 
vaktumevāśakyam | naca dṛśyatvamastvapāramārthikatvaṃ 
māstvityaprayojakatvaśa"nkā kriyata iti vācyam, vipakṣe bādhakatarkasya 
vidyamānatvāt | dvaitasya yadyapāramārthikatvaṃ syāttarhi caitanyavad 
dṛśyatvamapi na syāditi | kiñca bhedo yadi 
pāramārthikastambhakumbhayostadgrahaṇaṃ katham ? stambhekumbhabhedagrahārthaṃ 
kumbhajñānamāvaśyakam, abhāvajñānasya pratiyogijñānasāpekṣatvāt | 
kumbhajñānañca na nirvikalpakamabhāvajñānajanakam, kintu savikalpakamiti 
vācyam; taccetaravyāvṛttaghaṭatvakambugrīvādimatvaprakārakamiti vācyam; 
taddharma kumbhetaravyāvartakatvajñānārthaṃ kumbhe stambhabhedo grāhyaḥ 
kumbhe stambhabhedajñānārthaṃ pratiyogistambhajñānamāvaśyakaṃ vācyam, 
tathā ca kumbhe stambhabhedajñānārthaṃ pratiyogistambhajñānamavaśyaṃ 
vācyam, kumbhabhedajñānārthaṃ stambhe kumbhajñānamāva- 

pṛ0 333) śyakamityanyonyāśrayaḥ | api ca yadi bhedaḥ svarūpameva na bhavati 
bhinnaṃ; ghaṭātpadārthāntaramityucyate tarhi ghaṭasyāpi tasyāpi bhedo 
vācyaḥ, tadbhedasyāpi bhedastattadbhedasyāpi bheda ityanavasthā, tasmāddvaite 
yuktireva nāsti | �dvaitino'tathyadarśina� iti 
pramāṇaniṣiddhañcetyādibhedadhikkāranirūpaṇaleśaḥ | tasmādadvaitameva 
pāramārthikamiti sarvaṃ susiddham ||
yaduktaṃ karmaṇāṃ mokṣasādhanatvamiti tadapyatimandam, 
sākṣātkārāntara"ngasādhane nididhyāsane 
yamaniyamaprāṇāyāmādīnāmantara"ngasādhanānāṃ madhye 
prāṇāyāmābhyāsavelāyāṃ karmācaraṇamasa"ngatam; karma ca na 
prāṇāyāmavad dṛṣṭaṃ sādhanam, kiṃntvadṛṣṭam | tatra dṛṣṭaiḥ 
prāṇāyāmādibhiḥ kāryasambhave kimadṛṣṭārthaiḥ karmabhiḥ | kiñca yamo 
nāma vaidikāni nityanaimittakāni karmāṇi, niyamo nāma dayādayo guṇāḥ, 
tatra karmāṇi sarvāṇi sanyasya khalu brahmavicāraḥ kāryaḥ, na 
cedbahmaviṣayakānanyavyāpārābhāvāttattvasākṣātkāraḥ kathaṃ bhavet ? 
atha karmaṇāṃ brahmavicāre prasaktireva nāsti, pratyuta vighna eva 
karmācaraṇam | karmācaraṇe 
sākṣātkārasādhakaśravaṇādivyāpārāṇāmaidaṃ paryabha"ngāt || ataḥ 
śravaṇecchātaḥ prāk cittaśuddhisampādane karmaṇāmupayogaḥ | 
niyamasaṃjñitānāṃ dayādiguṇānāmadhikāriviśeṣaṇeṣu 
śamadamādiṣvantarbhāvaḥ | yuktañca tat; itaḥ pratyūhābhāvācchravaṇena 
mananaṃ bhavati, tataḥ paraṃ mananena nididhyāsane janayitavye 
yogaśāstravihitānyāsanādīni pūrvapūrvāṇyuttarottaraṃ prati 
dṛṣṭakāraṇāni kartavyāni | tathāhi- āsanaṃ prāṇāyāmā"ngam, 
prāṇāyāmena 
yogaśāstrapramāṇānuṣṭhitenopāsyabrahmadhāraṇāpratibandhaka-         
kṣuttṛṣṇānidrālasyādinivṛtteḥ 
pañcaprāṇendriyadaśakasvādhīnatārūpaprattyāhāro bhavati; 
pratyāhārāddhāraṇā saguṇaviṣayiṇī nirantarā bhavati; tato 
vijātīyapratyayatiraskāreṇa 
sajātīyapratyayapravāhīkaraṇarūpanididhyāsanaṃ bhavati; tato vidhurasya 
kāminībhāvanayā kāminīsākṣātkāra iva saguṇabrahmasākṣātkāro 

pṛ0 334) bhavati; tadanantaraṃ nirguṇasākṣātkārarūpā 
cākhaṇḍākāravṛttiravidyānivartikā bhavati | itthaṃ 
sādhanacatuṣṭayasampannasya sakalanityanaimittikāni sanyasya 
brahmaviṣayaśravaṇamananādikurvataḥ, karmācaraṇaprasaktiḥ kutra vartate ? 
tasmātkarmamokṣasādhanamiti 
vacanametādṛśādhyātmayogaśāstrānabhijñakevalalaukikasammohanamātram | 
�kurvanneveha karmāṇi jijīviṣecchataṃ samāḥ |� ityādivacanaṃ 
brahmavicārānāsasaktakevalagṛhasthaviṣayakam ||
yaccoktaṃ pañcasaṃskārasahitairnityanaimittikaiścittaśuddhiḥ 
sampādaniyetyudakkūlā rāmānujāḥ, tadatimandam | 
āśramadharmavadvaidikatāntrikāṇāṃ bahūnāmekatra 
sthātumasambhavātsvasamagrānuṣṭhānāyādhikāriṇaḥ sāmarthyātkalpayanti 
karmāṇi tāni tāni | tathaiva vacanāni �atyantaskhalitānāṃ hi narāṇāṃ 
vedamārgataḥ | pāñcarātrādayo mārgāḥ kālenaivopakārakāḥ ||� ityādīni 
vaidikānarhāṇāṃ tantramārgapraveśaṃ vadanti | ateva dakṣiṇakūlā 
rāmānujāḥ śrutimārgaṃ tyaktvā pañcasaṃskāraiḥ draviḍaprabandhaiśca 
sa"nkīrṇatayā vartante | etena draviḍavedakevalavedobhayavedārthajñānaṃ 
mokṣasādhanamiti nirastam | ekena sādhanena sambhave sādhanāntarasya 
vaiyarthyāt | adhikāribhedena dvayorvedayoḥ svīkārasambhavāt | ateva 
draviḍavedapravaktāro nammālvārarprabhṛtayaḥ śūdrā iti gāthāpyupapannā 
||
yaccoktaṃ ṅirañjanaḥ paramaṃ sāmyamupaitī�ti śrutyā sārupyameva muktiḥ, 
na tu sāyujyaṃ tasya bhagavatā śeṣiṇā sarvasvatantreṇa lakṣmīpatinā 
nityadāsasya nityaśeṣasya jīvātmano'sambhavāditi tadatimandam, �yatra hi 
dvaitamiva bhavati | tattvamasi | ahaṃ brahmāsmī�ti śrutibhiḥ, 
�kṣetrajñañcāpi māṃ viddhi sarvakṣetreṣu bhārata | 
dvaitino'tathyadarśinaḥ |� ityādibhiḥ smṛtibhiḥ, 
�tadananyatvamārambhaṇaśabdādibhyaḥ� itisūtreṇa ca brahmādvaite 
caitanyamātrasya vāstavikatve vikārāṇāṃ śuktirajatavadanṛtatve ca siddhe, 
jīve vidyamānakiñcijñatvasya vāsudeve 

pṛ0 335) vidyamānasarvajñatvasya lakṣmīpatitvasya ca vyāvahārikamātrasya 
paramārthadaśāyāṃ, vaktumanucitatvena sāyujyasya sambhavāt | ateva śrutiḥ 
�brahmavidbrahmaiva bhavati, brahmaiva san brahmāpyetī�ti | nanu brahmaṇā 
jīvasya sāyujyā"ngīkāre �jakṣyakrīḍan ramamāṇaḥ strībhirvāyānairvā 
jñātibhirvā vayasyairve� tyādiśrutyuktabhogopapattiḥ kathaṃ sambhavati, 
tasmātsārūpyameva muktira"ngīkriyatām | tatra caitā bhogaśrutaya upapadyanta 
iti cenna, upāsakasya vāsudevavatsarvasvatantrasya �jagadvyāpāravarjaṃ 
prakaraṇā�diti sūtranyāyena jagadvyāpāretarakarmaṇi sāmarthyavataḥ 
prayāgamaraṇe sāmrājyaprāptirivāha"ngrahopāsanāphalatvena 
sakalabhogasambhavena tasya muktitvābhāvāt | �vijñānamānandaṃ brahma | 
satyaṃ jñānamanantaṃ brahma� ityādiśrutibhiḥ 
saccidānandakūṭasthacaitanyāvasthānasyaiva muktitvāt | ateva �brahmaṇā saha 
te sarve samprāpte pratisañcare | parasyāntañca gacchantī�ti smṛtyā 
�parāmṛtātparimucyanti sarve� iti śrutyā ca saguṇopāsakānāṃ 
brahmakalpaparyantamavasthāya brahmaṇā saha muktiriti pratipādanamasa"ngatameva 
| yadi sārūpyamevamuktiḥ, sā cāṇḍabhitteruparyaprākṛtavaikuṇṭhe      
bhagavatkalpitasakalāprākṛtabhogaprāptistarhi 
punarapyaprākṛtaśabdavācyasaṃsāraprāptyā ghaṭṭakuṭyāṃ prabhātamiti 
nyāyena tasyāmuktitvameva spaṣṭam | pratyuta bandha eva syāt, tathāhi 
aprākṛtavaikuṇṭhe'prākṛtapuruṣairvaiṣṇavaissaha sakalabhogaprāptiḥ 
kathaṃ sambhavati, bhogasādhanānāmabhāvādityaprākṛtayuvatyaḥ, tābhiḥ 
sahāprākṛtasambhogaḥ, 
aprākṛtagarbhotpattyā'prākṛtaputrotpattirityevamādikaṃ sarvamapi syāt | 
bhavatu ko doṣa iti cetsukhamātrasya duḥkhānuṣa"ngitvasya 
siddhavyāptikatvādaprākṛtayuvatībhogā"ngīkāre'prākṛtabhāryāviyogajanyad
uḥkhamapi syāditi hanta hanta 
tattvamasyādivākyārthavarṇanavanmuktivarṇanamapi vyākulīkṛtameva ||
nanu yuṣmākaṃ tarhi śtrīlokakāmo bhavatī� tyādinā kathaṃ 
bhogaprāptirityucyate ? tatrāpyete doṣāḥ samānā eveti cenna saguṇo- 

pṛ0 336) pāsanānāṃ nirguṇe paryavasānārthatvāt, 
niṣkāmakṛtanityanaimittikakarmaṇāṃ cittanairmalyārthamanuṣṭhitānāmapi 
śarīrapuṣṭirogādinivṛttirūpānekaphalajanakatvavattatphalajanakatve'pi 
tatphalasyāntarālikatvena muktitvābhāvāt | 
muktirakhaṇḍasaccidānandasvarūpatvena svarūpānande teṣāmapi 
bhogasādhanānāmanapekṣitatvena punararthaprāptyasambhavena 
saṃsāradaśāvilakṣaṇatvena muktyupapādanasyādvaitināṃ sambhavāt | 
upāsanāphalānāṃ vilakṣaṇatvenāpi varṇanāt, 
brahmasākṣātkārasyāpāsanāvilakṣaṇatvavarṇanācca na 
kāpyanupapattirasmanmate sarvāpyanupapattī rāmānujasyaiveti sarvaṃ 
ramaṇīyam ||

iti 
śrīmadanādinirañjanaja"ngamāparāvatāratoṇṭadasiddheśvaraprasādāsādita"
sāmbhavāgamāmbhodhimathanajanitaniruttaraikottaraśatasthalabhedabhinnaṣaṭstha
latattvasudhāsvādānandasandohapradāyakācāryavaryamaritoṇṭadāryaviracite 
yaḍavamurārikoṭekolāhalaikā"ngivīravairisaptā"ngaharaṇapaścimasamudrādhī
śvaraviśuddhavaidikādvaitasiddhāntapratiṣṭhāpanācārya 
keladisadāśivarāyanāyakavaṃśadugdhārṇavapūrṇacandravīrabhadradharaṇīnd
radharmapatnīmallāmbāhṛdayānandabasavavasudhāsa"nkrandanopadeśe 
vīraśaivānandacandrikāyāṃ vādakāṇḍe 
rāmānujamatanirūpaṇatannirākaraṇaprakāro nāmāṣṭādaśaṃ prakaraṇam ||

pṛ0 337) vīraśaivānandacandrikāyāṃ
vādakāṇḍe
ekonaviṃśaṃ prakaraṇam ||

guro rāmānujamataṃ kṛtaṃ tatra ca dūṣaṇam |
uktipratyuktisahitaṃ bhāṣitaṃ bhṛ"ngiśīlinoḥ ||
tvayānūditamākarṇya prahṛṣṭahṛdayo'bhavam |
pravartante vicitrāṇi matāni prakriyāntaraiḥ ||
anantaraṃ tataḥ kiṃ vā prakrāntaṃ bhṛ"ngiṇāvada |
śīlinā vā tadubhayaṃ jijñāsati mano mama ||
vadāmi śṛṇu bhūpāla tayorvāggumbhajṛmbhaṇam |
ākṣepottararūpeṇa sabhāyāṃ sampravartitam ||
āropya kintulāyāṃ
śivaviṣṇū śīlinā tulinau |
jñātuṃ sampratyanayo-
rutkarṣaṃ cāpakarṣañca ||

pṛ0 338) hereryadiha dūṣitā pratipadaṃ parabrahmatā
tvayā samavalambya tanmatagatāṃ khalu prakriyām |
alaṃ na tadidaṃ bhavenmama hṛdo'ti visrambhaṇe 
pṛthak prayatatāṃ bhavānnirasituṃ tadīyonnatim ||
śivasya paratattvatāṃ sphuṭayituṃ harerunnatim 
nivārayitumutsahe śṛṇu viśiṣya bhṛ"nginnidam |
anekanigamāgamasmṛtipurāṇavāggumbhanaiḥ |
suyuktiśatajṛmbhitairavahitaṃ kuru tvaṃ manaḥ ||

vīraśaivamatābhijñaiḥ sārahṛdayaiḥ 
sakalanigamāgamarahasyānusandhānasamunmiṣitabhaktiviśeṣopāsyaṃ 
paramarahasyaṃ paraṃ brahma śiva eveti tasyaiva pārabhyānusandhānaprakāraṃ 
śrutismṛtipurāṇetihāsaprasiddhaṃ 
prativādipratibhāvitadūṣaṇanirāsapūrvakamabhidhīyate- �yato vā imāni 
bhūtāni jāyante, yena jātāni jīvanti, yatprayantyabhisaṃviśanti; 
tadvijijñāsasva, tadbrahmeti taittirīyopaniṣadi jijñāsyaṃ vastu 
brahmaśabdenābhihitam | tacca kiṃrūpamityākā"nkṣāyāmuktaṃ 
śvetāśvataropaniṣadi�ki"nkāraṇaṃ brahma kutaḥ sma jātā jīvāma kena kva 
ca sampratiṣṭhāḥ | adhiṣṭhitāḥ kena sukhetareṣu vartāmahe brahmavido 
vyavasthā� mityādyupakramya, keṣā"ncidbrahmavādināmṛṣīṇāṃ 
brahmajagatkāraṇamityetāvadavagacchatāṃ viśiṣya tadajānatāṃ 
tannirṇayārthavicārapravṛttau satyāṃ tatra kiṃ kāraṇaṃ brahmeti 
sāmānyakāraṇe brahmaṇi sandeho'bhihitaḥ | kutaḥ sma jātā ityādibhiḥ 
pañcabhirvākyaiḥ sa eva kāraṇaviṣayaḥ sandehaḥ 
kāryatajjananajīvanādipratiyogibhedena pañcadhā prapañcitaḥ | tatra 
brahmavido vyavasthāmiti pañcame vākye kenetyasyānuṣa"ngaḥ, brahmedamiti 
vimṛśatāmeva parasparasambodhaḥ; athavā brahmavida iti ṣaṣṭhī | nanvevaṃ 
viśeṣavicāro nirālambaḥ, brahmakāraṇamityasyaivāsiddheḥ |

pṛ0 339) 
kāryāṇāmanyakāraṇakatvasyākāraṇakatvasyaivopapatterityāśa"nkānirāsārt
haṃ teṣāmeva svakīyasandehadharmisiddhipradarśanārthamanantaramāmnātam 
�kālaḥ svabhāvo niyatiryadṛcchā bhūtāni yoniḥ puruṣa iti cintyam | 
saṃyoga eṣāṃ na tvātmabhāvādātmāpyanīśaḥ sukhaduḥkhaheto� riti | 
yadṛcchetyakāraṇakatvapakṣaḥ | evaṃ sandehānāmarthato 
nirṇetumaśaktānāṃ brahmavidyādhidevatāyā gauryāḥ prasādena 
tannirṇayamicchatāṃ tatprasādārthaṃ taddhyānasya tatprasādena tatkāraṇaṃ 
brahma śiva eveti teṣāṃ nirṇaya āsīdityarthasya pradarśanārthaḥ �te 
dhyānayogānugatā apaśyan devātmaśaktiṃ suguṇairnirgūḍhām | yaḥ 
kāraṇāni nikhilāni tāni kālātmayuktānyadhitiṣṭhatyekaḥ |� 
ityādiruttarasandarbhaḥ | tatra hyagrimamantreṣu �kṣaraṃ 
pradhānamamṛtākṣaraṃ haraḥ, tasmātsarvagataḥ śivaḥ, viśvādhiko rudro 
maharṣiḥ, māyinantu maheśvaram, tamīśvarāṇāṃ paramaṃ maheśvaraṃ taṃ 
devatānāṃ paramañca daivatam | patiṃ patīnāṃ paramaṃ parastādvidāma 
devaṃ bhuvaneśamīḍyam ||� 
ityādiṣvāmnātairharaśivarudramaheśvarādināmabhirjagatkāraṇavākyānāṃ 
śivaparatāṃ nayantyāḥ śvetāśvataropaniṣadaḥ 
sākṣibhūtānyatharvaśikhādivacanānyapi dṛśyante | śarvamidaṃ brahma-   
viṣṇurudrendrāste samprasūyante sarvāṇi cendriyāṇi sahabhūtairna 
kāraṇaṃ kāraṇānāṃ dhyātā kāraṇantu dhyeyaḥ sarveśvaryasampannaḥ 
sarveśvaraḥ śambhurākāśamadhye� 
ityādibhiratharvaśikhāvākyairanugṛhītaiḥ śvetāśvataropaniṣanmantraiḥ 
preritāni sadātmaśabdādisāmānyaśabdaprayuktāni sarvāṇi kāraṇavākyāni 
śivameva jagatkāraṇaṃ paraṃ brahma pratipādayanti | 
udāhṛtaśrutīnāmanyaparatvaśa"nkānirāsārthaṃ 
paurāṇikavacanarūpopabṛṃhaṇāni bahūni samudāhriyante ca | tathāhi kaurme 
kiṃ kāraṇaṃ brahmetyādyupabṛhaṇāni-

sametya te mahātmāno munayo brahmavādinaḥ |
vitenire bahanvādānātmavijñānasaṃśrayān ||

pṛ0 340) kimasya jagato mūlamātmā vā'smākameva hi |
kimu syātsarvabhāvānāṃ heturīśvara eva ca ||
ityevaṃ manyamānānāṃ dhyānakarmāvalambinām |
āvirāsīnmahādevī gaurī girivarātmajā ||

ityārabhya

nirīkṣitāste parameśapatnyā
tadantare devamaśeṣahetum |
paśyanti śambhuṃ kavimīśitāraṃ 
rudraṃ bṛhantaṃ puruṣaṃ purāṇam || iti ||

śivapurāṇe'pi-

mumukṣavaḥ purā kecinmunayo brahmavādinaḥ |
saṃśayāviṣṭamanaso vimṛśanti yathā katham ||
kiṃ kāraṇaṃ kuto jātā jīvāmaḥ kena vā vayam |
kva cāsmākaṃ sampratiṣṭhā varddhitāḥ kena vā vayam ||
kena vartāmahe śaśvatsukheṣvanyeṣu vā'niśam |
avila"nghyā ca viśvasya vyavasthā kena vā kṛtā ||
kālaḥ svabhāvo niyatiryadṛcchā vā pravartate |
bhūtāni yoniḥ puruṣo yogo vaiṣāṃ paro'thavā ||
acetanatvātkālādeścetanatve'pi cātmanaḥ |
sukhaduḥkhābhibhūtatvādanīśatvādvicāryate ||
te dhyānayogānugatāḥ prāpaśyan śaktimaiśvarīm |
pāśavicchedikāṃ sākṣānnigūḍhāṃ svaguṇairbhṛśam ||

pṛ0 341) tayā vicchinnapāśāste sarvakāraṇakāraṇam |
śaktimantaṃ mahādevamapaśyandivyacakṣuṣā ||
yaḥ kāraṇānyaśeṣāṇi kālātmasahitānyapi | 
aprameyomayā śaktyā sākameko'dhitiṣṭhati || ityādi ||

atharvaśikhopabṛṃhaṇamapi śivapurāṇe-

yasmātsarvamidaṃ brahma viṣṇurudrendrapūrvakam |
sahabhūtendriyaiḥ sarvaiḥ prathamaṃ samprasūyate ||
kāraṇānāñca yo dhyātā dhyātā paramakāraṇam |
na samprasūyate'nyasmātkutaścana kadācana ||
sa sarvaiśvaryasampūrṇo nāmnā sarveśvaraḥ svayam |
sarvairmumukṣubhirdhyeyaḥ śambhurākāśamadhyagaḥ || iti ||

atharvaśiraḥkaivalyopaniṣadādīnāmapi 
śivaikāntikakāraṇatvādibrahmali"ngasamarpakānyupabṛṃhaṇānyapi 
śivapurāṇādiṣu draṣṭavyāni | evaṃvidhāni vacanāni śabdato'rthataśca 
mūlaśrutyekavākyatayā mūlaśrutīnāmapyavicalaṃ śivaparatvaṃ 
pratiṣṭhāpayanti, vanasiṃhanyāyena svayamapi balavanti, śivaikāntikameva 
jagatkāraṇaparabrahmabhāvaṃ vyavasthāpayanti | devatāntarapurāṇebhyaḥ 
śivapurāṇāṃ bhūyastvamapi prābalyahetuḥ, 
taduktam-

aṣṭādaśapurāṇeṣu daśabhiḥ kathyate śivaḥ |
caturbhirbhagavān viṣṇurdvābhyāṃ brahmā prakīrtitaḥ ||

ityuktapurāṇasa"nkhyayā, śaivaṃ lakṣaṃ skāndaṃ 
lakṣamityādigranthasa"nkhyayā ca, 
parasparamanugrāhyānugrāhakabhāvamāpannaiḥ śrutitadupabṛṃhaṇaiḥ śivasya 
parabrahmabhāvaḥ siddhaḥ || yadvā muṇḍakaitareyachāndogyādyupaniṣatsu 
jagatkāraṇatvapratipādakavākyeṣu śrūyamāṇānāṃ brahmātmasadakṣa- 

pṛ0 342) rādiśabdānāṃ nighaṇṭuprasiddhaśivādiśabdasāmānādhikaraṇyāt 
| ateva pūrvatantre nāmadheyapeṭikāyām- �ājyaiḥ stuvate, pṛṣṭhaiḥ 
stuvate, bahiṣpavamānaiḥ stuvate, citrayā yajeta paśukāma� 
ityādāvājyapṛṣṭhabahiṣpavamānacitrādiśabdānāṃ stuvate yajata 
ityādistotrayāgādivācakaśabdasāmānādhikaraṇyāt 
stotrayāgavācakatvama"ngīkṛtam | atra pārthasārathimiśrāḥ- 
vākyabhedasa"ngena sāmānādhikaraṇyavato'nvākhyānārthavādācca 
nāmataivopapadyata iti | ateva �dadhnā juhotī�tyādau 
sāmānādhikaraṇyābhāvāt homādivācakatvaṃ nāstīti dvitīyādhyāye 
aghorāgnihotrādhikaraṇe pratipāditam | kiñca nāmadheyatāpādakeṣu 
yaugikavākyabhedatatprakhyatadvyapadeśeṣu bhinneṣvapi sāmānādhikaraṇyameva 
sarvatranugatatayā nāmadheyatāpādakatvena niścitam | ataḥ prakṛte'pi 
brahmādiśabdānāṃ śivavācakatvena 
prasiddhaśivādiśabdasāmānādhikaraṇyabalena śivavācakatvamiti yuktameva ||
nanu kathaṃ sadātmākṣarādiśabdānāṃ sāmānyataḥ śrutānāṃ 
śivādiśabdasāmānādhikaraṇyam, yena pūrvatantranyāyenātra nāmatvaṃ 
syāditi cennaivam �ṛtaṃ satyaṃ paraṃ brahma puruṣaṃ kṛṣṇapi"ngalam | 
ūrdhvaretaṃ virūpākṣaṃ viśvarūpāya vai namaḥ ||� iti 
mantre ṛtādiśabdānāṃ virūpākṣaśabdasāmānādhikaraṇyamiti 
brahmaśabdasya śivaparatvam | evameva �tataḥ paraṃ brahmaparaṃ bṛhantaṃ 
yathā nikāyaṃ sarvabhūteṣu gūḍham | viśvasyaikaṃ pariveṣṭitāramīśaṃ 
taṃ jñātvā'mṛtā bhavantī�tyatra 
prasiddhanighaṇṭusiddheśaśabdasāmānādhikaraṇyācca | evameva 
�aṇoraṇīyānmahato mahīyānātmā guhāyāṃ nihito'syajantoḥ | tamakratuṃ 
paśyati vītaśoko dhātuḥ prasādānmahimānamīśa� 
mitīśaśabdasāmānādhikaraṇyādātmaśabdasya śivaparatvam | tathaiva 
māṇḍūkyopaniṣadi śhivādvaitaṃ caturthaṃ manyante | sa ātmā sa 
vijñeyaḥ� iti, evameva sthalāntare �amātraścaturtho'vyavahāryaḥ 
prapañcopaśamaḥ śivo'dvaita evo"nkāra ātmaive�ti 
śivaśabdasāmānādhikaraṇyā- 

pṛ0 343) ccātmaśabdasya śivaparatvam || �yadā tamastanna divā na rātrirna 
sannacāsacchiva eva kevalaḥ | tadakṣaraṃ tatsaviturvareṇyaṃ prajñā ca 
tasmātprasṛtā purāṇī� tyatrākṣaraśabdasya 
śivaśabdasāmānādhikaraṇyācchivaparatvam || evañca 
jagatkāraṇatvapratipādakānāṃ sarveṣāṃ sāmānyavācakānāṃ viśeṣataḥ 
śive paryavasānam || �chāgo vā mantravarṇā�diti ṣaṣṭhāntyādhikaraṇe 
agniṣomīyaṃ paśumālabheteti śrūyate | tatra paśuśabdena gavādīni 
sarvāṇyucyante uta chāgamātramiti saṃśaye pūrvapakṣaḥ-vidhivākye 
śrutasya gavāśvādisādhāraṇasya paśuśabdasya 
sa"nkocāyogātsarvavācakatvamiti | siddhāntastu-chāgasya vapāyā medasa iti 
mantravarṇe chāgaśabdasya vidyamānatvāt, tadvaśena paśuśabdasya viśeṣe 
paryavasānam | tadvatsadeva saumyedamagra āsīdityādau śivaparatvam | 
�brahmaiva bhūtānāṃ jyeṣṭhaṃ tena kohīti spardhitum� 
ityetadvākyānurodhena ṅa vā vo yo rudra tvadasti� iti śivasāmyaṃ kasyāpi 
nāstīti pratipādyate | �ātmā vā idameka evāgra āsīnnānyatkiñcana miṣat 
| sa īkṣata lokānnu sṛjā iti | sa imān lokānasṛjata | 
ambhomarīcīrmaramāpa iti śrūyate | �etasyaivākṣarasya praśāsane gārgi 
sūryācandramasau vidhṛtau       tiṣṭhata� iti sarvapraśāsakatvamiti | tathā 
ca muṇḍakopaniṣadi- �yathorṇanābhiḥ sṛjate gṛhṇate ca yathā 
pṛthivyāmoṣadhayaḥ sambhavanti |� ityādi sarvakāraṇavākyānāṃ śive 
paryavasānam ||
nanu mahābhārate- �yudhiṣṭhiro dharmamayo mahādrumaḥ skandho'rjuno 
bhīmaseno'sya śākhāḥ | mādrīsutau puṣpaphale samṛddhe mūlaṃ kṛṣṇo 
brahma ca brāhmaṇāśca� iti yudhiṣṭhirasya vṛkṣatvarūpeṇa brahmamūlamiti 
vyapadiśan bhagavān vyāsaḥ śrīkṛṣṇo brahmeti kṛṣṇasya brahmabhāvaṃ 
vyaktameva viśeṣaṇagatyoktavān | kṛṣṇasya brāhmaṇānāñca 
pṛthaggrahaṇādvedatapasoracetanayoścetanamadhyapāṭhā"ngīkāre 
pāṭhavirodhāt, brahmaśabdasya vedatapaḥparatve'pi nātra tayorgrahaṇaṃ 
yuktam, kintu tebhyo'nyasyaiva  

pṛ0 344) kasyacidvṛkṣasthitau mūlasyeva 
rājabhāvopagūḍhayudhiṣṭhirasthitau kāraṇabhūtasyaiva grahaṇaṃ yuktam, 
tathābhūtaśca viṣṇureveti vyāsahṛdayam | tasmānnārāyaṇa eva brahma 
śabdavācyaḥ | na ca droṇaparvaṇi nārāyaṇakṛtaśivastotre- �rūpaṃ jyotiḥ 
śabda ākāśa vāyuḥ sparśo rasaḥ salilaṃ gandha urvī | kāmo dharmo brahma 
ca brāhmaṇāśca tvatsambhūtāḥ sthāsnu cariṣṇu ceda�miti brahmaśabdasya 
brāhmaṇaśabdasamabhivyāhāre'pi vedaparatvaṃ dṛṣṭam, tatheha kiṃ na 
syāditi vācyaṃ, tatra rūpaṃ jyotirityādyacetanasamabhivyāhāreṇa tatra 
cetanaprāyapāṭhābhāvāttatra yogyatayā vedaparatvaṃ yuktam, iha tu mūlaṃ 
kṛṣṇo brahma ca brāhmaṇāśceti cetanamarthapāṭhātkṛṣṇa eva 
brahmaśabdavācya iti cenmaivam | kṛṣṇo brahma ca brāhmaṇāścetyatra 
kṛṣṇo brahma cetyuttaratra samuccayārthakatve dṛṣṭasya ca śabdasya tathaiva 
nirṇetuṃ yogyatvena kṛṣṇaparatve samuccayālābhāt, śivaparatva 
uktakṛṣṇasamuccayalābhādatratya brahmaśabdaśśivaparatvena 
nirdhārayitumucita eveti siddhāntinaḥ prathamā kakṣyā ||
atha pūrvapakṣiṇaḥ prathamā kakṣyā- ṅanu nārāyaṇaḥ paraṃ brahma 
tattvaṃ nārāyaṇaḥ paraḥ | nārāyaṇaparo jyotirātmā nārāyaṇaḥ paraḥ 
|| ityādivākyeṣu nārāyaṇasya parabrahmatvenātmaśabdavācyatvena 
sāmānādhikaraṇyasyāpi vidyamānatvāt | itareṣāmapi 
sadakṣarādiśabdānāṃ subālādyupaniṣatsu siddhaprāyatvāt | sāmānyataḥ 
śrutānāṃ jagatkāraṇatvapratipādakānāṃ vākyānāṃ nārāyaṇe 
paryavasānam | kiñca �yacca kiñcijjagatsarvaṃ dṛśyate śrūyate'pi vā | 
antarbahiśca tatsarvaṃ vyāpya nārāyaṇaḥ sthita� iti śrutiparyālocanayā 
nārāyaṇasya sarvavyāpakatvena śravaṇācca || aitareyopaniṣadi-
ātmaśabdanirdeśena, brahma devānajanayadityādibrahmasūkte 
brahmaśabdanirdeśena śrūyamāṇānāṃ 
jagatkāraṇatvasarvavyāpakatvasarveśvaratvādīnāṃ pārameśvaradharmāṇāṃ 
nārāyaṇe paryavasānasambhavātkathaṃ śive paryavasānam | naca 
�hiraṇyagarbhaṃ 

pṛ0 345) janayāmāsa pūrvam | somaḥ pavate janitā matīnāṃ janitā divo 
janitā pṛthivyā janitā'gnerjanitā sūryasya janitendrasya janitā'tha 
viṣṇo�riti brahmanārāyaṇayoḥ śivasṛṣṭatvapratipādanāttasya 
sarvajagajjanayitṛtvaṃ siddhamiti vācyaṃ, taittirīyopaniṣadi �yo devānāṃ 
prathamaṃ purastādviśvādhiko rudro maharṣiḥ | hiraṇyagarbhaṃ paśyata 
jāyamānaṃ sa no devaḥ śubhayā smṛtyā saṃyunaktvi� ti mantre, tatraiva 
śvetāśvataropaniṣadi tṛtīyādhyāye �yo devānāṃ prathamaṃ 
purastādviśvādhiko rudro maharṣiḥ | hiraṇyagarbhaṃ paśyata jāyamānaṃ sa 
no devaḥ smṛtyā śubhayā saṃyunaktvi� ti mantre, tatraiva 
śvetāśvataropaniṣadi tṛtīyādhyāye �yo devānāṃ prathamaṃ 
purastādviśvādhiko rudro maharṣiḥ | hiraṇyagarbhaṃ paśyata jāyamānaṃ sa 
no budhyā śubhayā saṃyuktvi�ti mantre svayamutpannasya 
hiraṇyagarbhakarmakaśivakartṛkadarśanamātraśravaṇāt, 
svayambhūścaturānana iti kośasiddhasaṃjñayā ca hiraṇyagarbhasya 
janyatvāsambhavāt, janayāmāseti svārthaṇijantatvena vyutpādanaṃ kṛtvā 
hiraṇyagarbhamiti vibhaktivipariṇāmena kartṛtvañcā"ngīkṛtya 
śrutyantaraparyālocanayā hiraṇyagarbhasya svayañjāyamānatvameva nirvyūḍham 
| ateva manuḥ- �tasminprādurabhūdbrahmā svayameva pitāmahaḥ� ityādinā 
tasyetarājanyatvaṃ pratipāditam | tasmāddhiraṇyagarbhasya śivajanyatvaṃ na 
sambhavatyeva | evameva viṣṇorapi śivajanyatvaṃ na sambhavati | somaḥ pavata 
iti mantro'pi somalatāprakāśako na śivaparaḥ | kiñca chāndogyapaṭhitāyā 
pāvamānyā ṛco rudrasaṃhitādivatsāmavidhau viniyojanābhāvena 
śivaparatvasya vaktumaśakyatvāt | tasmāddhiraṇyagarbhaviṣṇujanakatvena 
śivasya jagatkāraṇatvapratipādanāsambhavātsarvakāraṇavākyānāṃ 
nārāyaṇe paryavasānamiti pūrvapakṣiṇāṃ prathamā kakṣyā ||
siddhāntinastu- �brahmaviṣṇurudrendrāste samprasūyanta� 
ityatharvaśikhāvākye spaṣṭameva brahmaviṣṇavādidevānāṃ sṛṣṭatvaṃ 
śrūyate | �kāraṇantu 

pṛ0 346) dhyeyaḥ sarveśvaraḥ sarvaiśvaryasampannaḥ śambhurākāśamadhya� 
iti śivasyaiva brahmaviṣṇurudrādikāraṇatvapratipādanāt, śomaḥ pavate 
janitā matīnām | hiraṇyagarbhaṃ janayāmāsa pūrva� mityādiṣu 
tasyaivārthasya pratyabhijñāyamānatvena, yo devānāmiti taittirīyamantre 
śvetāśvataramantre ca kevalaṃ hiraṇyagarbhasyaiva svata utpattirna tu 
śivasṛṣṭatvam, somaḥ pavata iti mantrasya latāparatvamiti ca kathaṃ vaktuṃ 
śakyate | naca taittirīyaśvetāśvataramantraparyālocanayā 
brahmaviṣṇurudrendrāste samprasūyanta ityatra brahmaṇaḥ 
svayamutpatteravaśyama"ngīkartavyatvena śivasṛṣṭatvābhāvāt, 
tatsamānapaṭhitasya viṣṇorapi śivasṛṣṭatvaṃ nāstītya"ngīkriyata iti 
vācyaṃ, tarhi rudrendrādīnāmapi sṛṣṭatvaṃ na syāt | 
viṣṇuvadbrahmasamānapaṭhitatvāt | na ceṣṭāpattiḥ, 
vṛścikabhayātpalāyamānasyāśīviṣamukhanipāta iva 
subālamahopaniṣannārāyaṇādyupaniṣatsu viṣṇupurāṇādiṣu ca 
sarvakāraṇatvena pratipāditasya 
viṣṇorhiraṇyagarbhasamānapāṭhenendrasāmyā"ngikārasyātyantahāsyāspadatva
at | ato'sminvākye'nicchatāpyacchamatinā pañcasaṃskārasaṃskṛtena 
vaiṣṇavottamena rudrendrayoḥ sṛṣṭatvamavaśyama"ngīkartavyam tarhi  
brahmanārāyaṇayorapi sṛṣṭatvama"ngīkriyatām | na cendrasya 
jīvakoṭipraveśasyetihāsapurāṇādiṣu sutarāṃ spaṣṭatvenāsminvākye 
śivasṛṣṭatvama"ngīkriyate, natu viṣṇubrahmaṇoriti vācyaṃ, 
kimardhajaratīyama"ngīkriyate | tasmātsakṛduccaritaḥ śabdaḥ sakṛdevārthaṃ 
pratyāyayatīti nyāyena vākyaṃ śive sṛṣṭatvaparañcetsarvatra 
tathātvama"ngīkriyatām, nocetparityajyatām | ekasminneva vākye ekasya 
sṛjyatvamekasminnaṃśe'sṛjyatvamiti bhrāntapralāpa eva, tasmādatra 
sarveṣāṃ sṛjyatvama"ngīkṛtyaitadarthaṃpratyabhijñāyā �hiraṇyagarbhaṃ 
janayāmāsa pūrvaṃ, somaḥ pavata� ityādiṣu sṛjyatvamevā"ngīkartavyam, natu 
mantradvayaparyālocanayā'sṛjyatvaṃ 
brahmaviṣṇvormantradvayasyaivaitadarthakatvama"ngīkartavyam, anyathā 
pūrvoktadoṣatādavasthyāt | kiñca somaḥ pavata iti mantrasya 
latāparatvā"ngīkāre janitā matīnāmityādinā'-

pṛ0 347) sakṛduktānāṃ janivācakānāṃ bahūnāṃ śabdānāṃ kāraṇaṃ 
vinā lakṣaṇā"ngīkāraḥ syāt | ato 
mukhyārthasyāvaśyama"ngīkārāyāsminmantre somaśabdasya 
śivaparatvama"ngīkartavyam | mantrāntare'pi ṅamaḥ somāya ce�ti vākye tathā 
darśanāt | li"ngapurāṇe-

matīnāñca divaḥ pṛthvyā agneḥ sūryasya vajriṇaḥ |
sākṣādapi ca vai viṣṇoḥ somo janayiteśvaraḥ ||

kālikākhaṇḍe-

dyāvāpṛthivyorindrāgnyorviyatastu yamasya ca |
varuṇasya śaśā"nkasya somo janayiteśvaraḥ ||

ityādipurāṇopabṛṃhaṇena viṣṇujanakatvameva 
parameśvarasyā"ngīkartavyamiti dvitīyā kakṣyā ||

atha pūrvapakṣiṇaḥ-

caturvedatātparyasaṃgrahe-

some latātmani maheśvaragauṇavṛtyā
viṣṇoravādi janakatvamṛcā kayā'pi |
tvayyeva tadbhavitumarhati mukhyavṛttyā 
nendre na pa"nkajabhave nitarāṃ murārau ||

nanu �puruṣo ha vai nārāyaṇo'kāmayata prajāḥ sṛjeyeti | 
nārāyaṇādbrahmā jāyate | nārāyaṇādrudro jāyata� 
ityādinārāyaṇopaniṣadā, �eko ha vai nārāyaṇa āsīnna brahmā neśāno 
nāgnīṣṭomau neme dyāvāpṛthivī� ityādinā mahopaniṣadā, ṅaiveha 
kiñcanāgra āsīdamūlamanādhāramimāḥ prajāḥ prajāyante | divyo deva eko 
nārāyaṇa� ityādisubālopaniṣadā ca, nārāyaṇasyaiva 
sakalaprapañcasraṣṭṛtvena śravaṇād brahmarudrayostajjanyatvapratyāyanācca 
śivasya kathaṃ sraṣṭṛtvena jagatkāraṇatvama"ngīkriyate ? nārāyaṇasya tu 
sṛjyatvapratipādakāni 

pṛ0 348) vacanāni sarvāṇyaupacārikāṇi | ateva kālidāsenāpi 
�brahmā"ngabhūrbrahmaṇi yojitātme�ti kumārasambhave tṛtīye sarge brahmaṇa 
utpattipratipādanācca | nanu subālopaniṣadi nārāyaṇasya prāthamyamātraṃ 
pratipāditam, tāvatā sraṣṭṛtvakalpanāsambhavācchivasya kathaṃ 
sṛjyatvamucyate | naca na brahmā neśāno nāgnīṣomāvityādinā 
brahmeśānābhyāmapi prāthamyaśravaṇena tayoḥ sṛjyatvaṃ dyotyata iti 
vācyaṃ, prāthamyamātreṇa sraṣṭṛtvapratipādanāsambhavāt | tathaiva loke 
yajñadattaḥ prathamo na tadānīṃ caitramaitrāvāstāmityādau yajñadattasya 
prāthamyamātraṃ dyotyate, caitramaitrayoranantarotpannatvamātraṃ pratīyate | 
naitāvatā tatra janyajanakabhāvaḥ kalpayituṃ śakyate | pratyuta nārāyaṇa 
āsīdityanena nārāyaṇasya mukhyatayā prathamamutpattiḥ pratīyate, 
anantarametayo rudranārāyaṇayorutpattiḥ pratīyate | ataḥ kramāvivakṣayā 
brahmaviṣṇurudreśāste samprasūyanta ityutpattau pratipāditāyāṃ satyāṃ 
kramākā"nkṣāyāṃ �eko havai nārāyaṇa āsīnna brahmā neśāna� 
ityutpattikramaḥ pratipādyata iti vaktumucitatvāditi cenna || nārāyaṇādrudro 
jāyata iti nārāyaṇopaniṣadi spaṣṭameva nārāyaṇādrudrasya 
janyatvaśravaṇāt | etadanurodhenaivātra subālopaniṣado neyatvācchivasya 
sṛjyatvaṃ siddhamiti pūrvapakṣiṇastṛtīyā kakṣyā ||
atha siddhāntinaścaturthī kakṣyā- śa kāraṇaṃ karaṇādhipādhipo na cāsya 
kaścijjanitā na cādhipaḥ� iti śvetāśvataropaniṣadvacanena śivasyaiva 
kāraṇatvaṃ pratipādya, anyacchivasya kāraṇaṃ nāstīti 
pratyakṣaniṣedhaśravaṇānnārāyaṇādrudro jāyata iti vacanena śivasya 
kathamutpattira"ngīkartuṃ śakyate | naca nārāyaṇādrudro jāyata iti 
śrutivacanena na kāraṇamiti vacanamaupacārikamiti kalpayituṃ śakyata iti 
vācyaṃ, somaḥ pavate janitā matīnāmiti, brahmaviṣṇurudrendrāste 
samprasūyanta iti ca vacanadvayena, na kāraṇamiti śivasya 
kāraṇāntaraniṣedhavacanena ca, nārāyaṇādrudro jāyata iti 
vacanasyaivānyathā neyatvāt |

pṛ0 349) anyathānayanaprakārastu- bhaktasaulabhyārthaṃ viṣṇoḥ 
sakāśādutpattiriti vaktumucitatvāt | naca brahmaviṣṇurudrendrāste 
samprasūyanta ityatraiva bhaktasaulabhyapradarśanārthaṃ 
śivasakāśādviṣṇorutpattiraupacāriṃkīti kalpyatāṃ, brahmasṛjyatvasyāpi 
purāṇāntare viṣṇupurāṇamahābhāratayordarśanācchivasyaiva janyatvaṃ 
mukhyaṃ vaktavyamiti vācyaṃ, bhaktatvaṃ yasya spaṣṭaṃ tasyaiva 
saulabhyārthamutpattiḥ prāmāṇikī | bhaktasaulabhyārthamavatāraśśivasya 
kalpyatāṃ vā viṣṇorveti viśaye prāpte śivasyaiva 
bhaktasaulabhyārthamutpattiriti vaktumucitaṃ, tadyathā hiraṇyagarbhādapi 
śivasyotpattirviṣṇupurāṇādau śrūyate | upaniṣatsu viṣṇorutpattiḥ 
śrūyate | bahuṣu sthaleṣūtpattirbhaktasaulabhyārtheti kalpayituṃ yuktam | 
parairapi rāmakṛṣṇādyavatāreṣu vasudevadaśarathakāśyapādibhyo bahubhya 
utpattiṃ dṛṣṭvā bhaktasaulabhyārthaṃ bhagavato nārāyaṇasya janirna 
tātvikītya"ngīkriyate | loke'pi sārvabhaumasya rājño bahūnāmāśritānāṃ 
gṛhāgamana āśritavātsalyaviśeṣādāgamanamiti rājña āśritasaulabhyaṃ 
kathayanti | natvekatrāgamane sati tathātvamāśritasaulabhyasyāvyaktatvāt, 
kalpanānaucityācca | ato nārāyaṇasya śivādeka-   smādevotpattiśravaṇena, 
hiraṇyagarbhasya tasmādutpattyaśravaṇāt, bhaktasaulabhyārthaṃ 
nārāyaṇasyotpattiriti kalpanānupapannaiva | kiñca brahmaviṣṇurudrendrāste 
samprasṛyanta iti vākye bhaktasaulabhyārthamāvirbhāvā"ngīkāre 
brahmendrādīnāmapi bhaktasaulabhyārthamavatāra itya"ngīkartavyaṃ syāt | 
ardhajaratīnyāyaprasaktyaikarītyaivaikasminvākye śrūyamāṇānāṃ 
padānāmarthakalpanaucityāt | api ca puruṣo ha vai nārāyaṇo'kāmayatetyatra 
ha vaiśabdāpabandhenaitasyā anuvādatvakalpanāyogyatve sati śivasya janyatvaṃ 
brahmaviṣṇurudrendrāste samprasūyanta iti śrūyamāṇaṃ purovādatvena 
kalpyam | na ca vaiparītyaṃ śa"nkyaṃ brahmaviṣṇurudrendrāste samprasūyanta 
iti yāvatāmarthānāṃ nārāyaṇādrudro jāyata iti vākye'śrūyamāṇatvena 
purovādatvakalpanā-

pṛ0 350) yogāt | ateva pūrvatantre pratipāditaṃ, 
aṣṭāvupabhṛtigṛhṇātītyatra vihitasyāṣṭagṛhītājyasya 
purovādānuvādasaṃśaye sati, yadupabhṛti prayājānuyājebhyastaditi 
vākyameva purovādaḥ | yadupabhṛtigṛhṇātyanuyājebhyastadgṛhṇātīti 
vacanamanuvādakam | tannyāyena ha vaiśabdaśravaṇena 
nārāyaṇopaniṣadvākyasyaivānuvādakatvenaupacārikatvasya kalpayitumucitatvāt 
| ateva pūrvatantre'nuvāde lakṣaṇā na doṣa iti pratipāditam | nanu ṅaiveha 
kiñcanāgra āsīdamūlamanādhāramimāḥ prajāḥ prajāyante divyo deva eko 
nārāyaṇa� iti subālopaniṣadi prapañcotpatteḥ prāk 
nārāyaṇavyatiriktasamastadevatānāmasatvamupavarṇya nārāyaṇasyaikasya 
sarvajagatkāraṇapratipādanānnārāyaṇa eva paraṃ brahma | naca �ahamekaḥ 
prathamamāsaṃ vartāmi ca bhaviṣyāmi ca nānyaḥ kaścinmattau vyatirikta� 
ityādinā devānprati śivavacanena sarvadevatāniṣedhapurassaraṃ 
śivasyāvasthānavarṇanāttasyaiva jagatkāṇatvaṃ yuktamiti vācyaṃ, 
saubālaśrutivirodhāt | na cobhayatretaraniṣedhapūrvakaṃ 
sarvakāraṇatvavarṇanāsambhavenaikasyopacaritārthakatvāvaśyaṃbhāvātsubālo
paniṣado'tharvaśirovacanānurodhācchivaparatvamucitamiti vācyaṃ, �āpo nārā 
iti proktā āpo vai narasūnavaḥ | tāsu tasyāyanaṃ     proktaṃ tena 
nārāyaṇaḥ smṛta� ityādinirvacanānusāreṇa devatāviśeṣasya 
saṃjñāyāmeva ṇatvavidhānādanitarasādhāraṇanārāyaṇaśrutibalādavadhṛt
ajagatkāraṇabhāvasya saubālaśrutisiddhasya viṣṇoreva 
sarvakāraṇabhāvavarṇanaparatvocityādatharvaśirovacanasthitasya śivaśabdasya 
nārāyaṇaparatvaucityāttasyaiva jagatkāraṇatvamitipūrvapakṣiṇaścaturthī 
kakṣyā ||
siddhāntinastu saubālaśrutau nārāyaṇaśabde 
saṃjñāyāmeva ṇatvavidhāyakavyākaraṇanirbandhātsaubālopaniṣadanusāreṇā
tharvaśirovacanasya viṣṇuparatve'hamekaḥ 
prathamamāsamityuttamapuruṣaprayogāsa"ngatistathā vartāmi ca bhaviṣyāmiti 
ceti | tathāhi- �devā ha vai svargaṃ lokamagaman | 

pṛ0 351) te devā rudramapṛcchan ko bhavāniti | sā'bravīdahamekaḥ 
prathamamāsaṃ vartāmi ca bhaviṣyāmi ca nānyaḥ kaścinmatto vyatirikta iti 
so'ntarādantaraṃ prāviśaddiśaścāntaraṃ samprāviśat | so'haṃ nityānityo 
brahmā'haṃ prāñco'haṃ pratyañco'ha� miti śrūyate | tatra rudrasya 
sargādyasamaye sarvakāraṇabhāvenāvasthāyinaḥ svātmābhiprāyeṇa 
sārvātmyopadeśo yuktaḥ, �asmatsāmānādhikaraṇye'smadyuttama� iti 
sūtreṇottamapuruṣavidhānānurūpyāt ||
nanvahaṃ sūryaśceti vāmadevasārvātmyopadeśa iva 
svāntaryāmiparamātmābhiprāyeṇa sārvātmyopadeśaḥ | ateva paramātmanaḥ 
khalu kāraṇatvādiprasiddham | tava kathamahamekaḥ prathamamāsamityādyuktiriti 
śa"nkāvyavachedāya rudrasyaiva vacanaṃ so'ntarādantaraṃ prāviśaditi | tatra 
sa iti paramātmocyate, buddhisannihitatvāt | antaryāmibrahmaṇoktarītyā 
sarvaśarīragasya paramātmano devamanuṣyādiśarīrādhiṣṭhānadvārā 
devamanuṣyādiśabdavācyatvavatsarvaśabdavācyatvasyābhyupagamenāhamekaḥ 
prathamamāsamitipūrvavākye'haṃśabdasya svaśarīragaparamātmaparatayā 
prakṛtatvāt, so'ntarādityāderayamarthaḥ sa 
paramātmāntarātprāṇāderapyantaraṃ jīvavargamantaryāmibhāvena 
prāviśadityarthaḥ | tataḥ paramātmanārāyaṇābhiprāyeṇa rudrasya 
sarvakāraṇatvopadeśa iti cenna so'ntarādivākyasya rudrasyaiva 
sarvāntaryāmitayā praveśakathanaparatve bādhakābhāvāt | pūrvavākyamapi 
rudrasyaiva ca sarvakāraṇatvapratipādanaparam | naca tathāsati 
so'ntarādityāde rudravacanatvā"ngīkāre, ahaṃ prāviśaditi prayogāpattiriti 
vācyaṃ, nānyaḥ kaścinmatto vyatirikta ityanantaramitikaraṇena 
rudravacanasamāptyavagamāt | so'ntarādityādeḥ śrutivākyatvena praviśaditi 
prayogopapatteḥ | nāpi sa prāviśadityetadanantaramapi so'haṃ nityānitya 
ityādirudravacanānuvṛttyā rudravacanasamāptyasiddhiḥ | anyathā madhye 
śrutivacanena rudravacanasandarbhavicchede punaḥ 
sā'bravīdityādyapekṣaṇāttadadhyāhāraprasa"ngāditi vācyaṃ,

pṛ0 352) kṛtsnarudravākyaparisamāptyanantaraṃ so'ntarādityāderanvaye 
so'bravīdityādyadhyāhārānapekṣaṇāt | naca vyavahitānvaye kaściddoṣaḥ, 
bhavanmate'pītiśabdasya kṛtsnarudravacanasamāptāvanvaye 
vyavahitatvānvayadoṣasya tulyatvāt || naca hetvarthakatvenetikārasya 
svasthāne'nvayo labhyet | paramātmānupraveśane'hamekaḥ 
prathamamāsamityuktiriti sandarbhasa"ngateriti vācyaṃ, rudrādanyasya 
paramātmanaḥ pratipādakaśabdābhāvāt | naca sa iti tacchabdena buddhisthaḥ 
paramātmā parāmṛśyate, �tena raktaṃ rāgā�dityādau tacchabdena 
buddhisannihitakaṣāyādidravyaparāmarśavaditi vācyaṃ, tena 
raktamityādāvavyavasthitānekārthaparāmarśena 
dṛṣṭāntavaiṣamyādvyavasthitaikārthaparasya so'ntarādityādau tacchabdasya 
buddhisannihitaparāmarśāyogāt | naca paramātmanaḥ sarvaśadvavācyatvenāhaṃ 
śadvaḥ paramātmapara iti vācyaṃ, �rudramapṛcchan, so'bravī� diti 
praśnottarayorvaiyadhikaraṇyāpātadoṣaprasa"ngāt | naca rudraśabdo'pi 
paramātmanārāyaṇaparaḥ tataḥ praśnottarayorna vaiyadhikaraṇyadoṣa iti 
vācyaṃ, devairantaryāmiṇi paryavasānasya prāganavagatatvāt | avagatatve sati 
paramātmanaḥ khalu kāraṇatvādiprasiddhaṃ, tava kathamahamekaḥ 
prathamamāsamityuktiriti     śa"nkānudaye na taduttaratvena so'ntarādantaraṃ 
prāviśaditi prativacanānutthānāt | tataḥ so'ntarāditi śrutivacanameveti 
rudrasyaivāntaryāmitvapratipādanaucityāttasminmantre 
svātmābhiprāyeṇāhamekaḥ prathamamāsaṃ vartāmi ca bhaviṣyāmi 
cetyuttamapuruṣaprayogānurodhāt, nārāyaṇapadasyaikasyaiva lakṣaṇayā 
śivaparatvācchivasyaiva sarvakāraṇatvena parabrahmabhāvo yukta iti 
siddhāntaḥ | �viṣṇurātmābhagavato bhavasyāmitatejasa� iti bhāratavacanantu, 
tasmādātmānamevāgre rudraṃ sampūjayāmyahamiti mokṣadharme 
viṣṇuvacanasthitātmaśabda iva mukhya upacarite vā'bhede 
tātparyādyatkiñcidetat ||
nanu �avyaktamakṣare līyate, akṣaraṃ tamasi, tamaḥ pare deva ekībhavatī�ti 
saubālaśrutiparyālocanayā sargādyakāle'vyaktādi- 

pṛ0 353) krameṇa parasminnārāyaṇe ekībhavanānuvarṇanānnārāyaṇasyaiva 
parabrahmabhāvo yuktaḥ, evamanyatra śrutismṛtipurāṇādiṣu nārāyaṇasyaiva 
tamaḥ prerakatvaśravaṇātsa eva paraṃ brahma | na ca �yadā tamastanna divā na 
rātrirna sanna cāsacchiva eva kevalaḥ | tadakṣaraṃ tatsaviturvareṇyaṃ 
prajñā ca tasmātprasṛtā purāṇī�ti śivasyaiva tamaḥprerakatvena 
sarvakāraṇatvapratipādanātsa eva paraṃ brahmeti vācyaṃ, 
śvetāśvataramantrasyāpi nārāyaṇaparatvāt | tathā hi- yadā tama iti 
śvetāśvataramantre yadeti kālaviśeṣe prāptasya tamaso'nuvādaḥ 
svaprāpakamavyaktamakṣare līyate, akṣaraṃ tamasi, tamaḥ pare deva 
ekībhavatīti subālopaniṣadvākyamapekṣate, anuvādasya purovādasāpekṣatvāt 
| tasya tamaso'dhiṣṭhātṛtvena pratipādanānnārāyaṇa eva so'pi mantraḥ 
paryavasyati, upacitya purovādānurodhāya | nanu �tamo vedamekamāsīdi�ti 
maitrāyaṇīyaśrutivākyamiha purovādaḥ kiṃ na syāditi cenna, tasyā api 
sāmānyaśruteḥ saubālaśrutipratipannaviśeṣaparyavasāyitvenāviśeṣāt | 
evañca śiva eva kevala iti mantrasthaḥ śivaśabdaḥ śubhatayā rūḍhyā vā 
devatāntaravācako'pi lakṣaṇayā nārāyaṇe vartayitavyaḥ | śarvāṇīha vā 
imāni bhūtānyākāśādeva samutpadyante | ākāśaṃ  pratyastaṃ yāntī� 
ityādivākyeṣu ha vaiśabdopanibandhena kāraṇatvānuvādasya 
purovādānurodhānnārāyaṇaviṣayatayā''kāśādiśabdānāmacetanavācināmapi 
kathañcinnārāyaṇe vṛttirabhyupagamyate | 
devatāntaravācakatvenātiviprakṛṣṭasya tatra vṛtyabhyupagame ko bhāraḥ ? 
kiñca sarvaḥ śarvaḥ śivaḥ sthāṇuriti nāmasahasramadhyapāṭhānnārāyaṇe 
śivaśabdasya vṛttirupapannā | tasmānmantropaniṣannārāyaṇapareti tasyaiva 
jagatkāraṇatvamiti pūrvapakṣiṇaḥ || 
siddhāntinastu- �eko hi rudro na dvitīyāya tasthuḥ, viśvādhiko rudro 
maharṣiḥ, māyinantu maheśvaram, tamīśvarāṇāṃ paramaṃ maheśvara� 
mityādimantrāntaraparyālocanayā kārtsnyena mantropaniṣadaḥ śivaparatvaṃ 
pratīyate | naca �vedāhametaṃ puruṣaṃ mahānta� mityādipuruṣa-

pṛ0 354) sūktamantrapratyabhijñānānmatropaniṣannārāyaṇaparā | ubhayoḥ 
pratipādyabhede ṅānyaḥ panthā ayanāya vidyata� iti dvayoritaravyavacchedena 
muktyupāyatvāvadhāraṇāsambhavāditi vācyaṃ, 
śvetāśvataramantrapratyabhijñānādeva puruṣasūktasya śivaparatvaucityāt ||
nanu śahasraśīrṣā puruṣa� ityupakrame puruṣasaṃjñe śarīre'smin 
śayanātpuruṣo hariḥ, śhakārasya ṣakāro'yaṃ vyatyayena prayujyate | 
bhagavāniti śabdo'yaṃ tathā puruṣa ityapi || nirupādhi ca varteta vāsudeve 
sanātane |� iti purāṇavacanāvagamitanārāyaṇaikāntyasya 
puruṣaśabdasyāmnānena madhye �vedāhametaṃ puruṣaṃ mahānta�mityatra 
�mahādevaṃ mahāpuruṣaṃ vārcaye�diti kalpasūtrāvagamitatannāmabhāvasya 
mahāpuruṣaśabdasyāmnānena puruṣasūktapratipādyasya mahāpuruṣasyaiva 
pratipādakatayā, tadekavākyatāpannasya �adbhyaḥ sambhūta� iti 
samanantarānuvākasyānte �hrīścate lakṣmīśca patnyā�viti 
lakṣmīpatitvali"ngāmnānācca chāndogyabrāhmaṇe �idaṃ viṣṇuḥ prakṣasya 
viṣṇuḥ prakāmyamuśane bruvāṇa� iti �vārāhamantaṃ puruṣavrate caiṣā 
vaiṣṇavī nāma saṃhitā, etāṃ prayuñjanviṣṇuṃ prīṇātī�ti 
vaiṣṇavyāṃ saṃhitāyāṃ niveśanena, 
ātharvaṇe'ṣṭādaśamahāśāntiprakaraṇe tattaddaivatyāsu śāntiṣu 
�vaiṣṇavyāṃ puruṣasūkta�miti vaiṣṇavyāṃ śāntau viniyojanena, 
śaunakādismṛtau nārāyaṇasamārādhane viniyojanena, viṣṇupurāṇādau 
puruṣasūktaprakriyayā viṣṇustutidarśanena, �puruṣeṇa nārāyaṇena 
yajamāna upatiṣṭhate, atha nārāyaṇābhyāmupasthāna� mityā-dikalpasūtre 
nārāyaṇasamākhyayā vyavahāreṇa ca, puruṣasūktaṃ nārāyaṇaparamiti 
cenna, asyāmevopaniṣadi �tato yaduttarataraṃ tadarūpamanāmayam | ya 
etadbiduramṛtāste bhavanti | athetare duḥkhamevopayanti | 
sarvānanaśirogrīvaḥ sarvabhūtaguhāśayaḥ | sarvavyāpī ca 
bhagavāṃstasmātsarvagataḥ śiva |� iti mantrāmnānena 
puruṣasūktapratipādyanārāyaṇāduttaratvena śivasya pratipādana 
evāsyāstātparyāvasānāt �tasmādyadā tama� iti mantraḥ śivasya 
tamoviśeṣā"nkitasargādyasamaya- 

pṛ0 355) vartitvena sarvakāraṇatvaṃ pratipādayati | yaduktaṃ �yadā tama� 
ityanuvāda iti tatsatyaṃ, �tamo vā idamekamāsa, prajāpatirvā 
idamekamāsīnnāha āsīnna rātrirāsī� dityādīnāṃ purovādatvasambhavāt | 
na divā na rātrirityādirnānuvādaḥ, tadvṛttayogena tatkāle 
kasyacidvidheyatāpratīteḥ, vidheyaśca na divāniśāvibhāgābhāvaḥ 
sadasadātmakaprapañcābhāvo vā, udāhṛtapurovādadvayādeva tatpratīteḥ | 
nahi kiñcidanūdya kiñcidvidhātuṃ pravṛttaṃ vākyamanuvādāyāpekṣate | 
purovādādeva prāpte'rthe paryavasyet, sāphalyamaśnuvīta | evañca yadi 
śivaśabda autsargikaṃ parameśvaraparatvaṃ hitvā purovādaviśeṣaprāpte 
nārāyaṇa eva paryavasyettadā �yadā tama� iti 
kiñcidvidhātumudyamyārdhapathaparyantamāgataṃ vākyaṃ kiṃ tatraiva 
viśrāmyatu | nahi śivaśabdasya nārāyaṇavṛttitve purovādāprāptaṃ 
kañcidarthaṃ paśyāmaḥ, tataḥ paramate vākyamevedaṃ vyartham | 
tasmātsargādyasamaye tamaḥ prāpakeṣu vākyeṣu kvacittadadhiṣṭhātā 
nārāyaṇaśabdenocyate kvacitprajāpatiśabdena kvacitsādhāraṇena 
paramātmaśabdena | viruddhaviśeṣadvayaśravaṇādanirṇītaparyavasāne 
vyutthānapratibhāse teṣāmekaviṣayatvaṃ darśayituṃ tebhyaḥ prāptaṃ 
sargādyakālīnaṃ       tamo'nūdya śivaśabdena tadadhiṣṭhātuḥ 
parameśvaratvaṃ tebhyo'prāptaṃ vidadhātīti tatsārthakatvasya vaktavyatvāt, 
tadutthāpya purovādasthitanārāyaṇaśabdasyaiva śive vṛttirvaktavyā | varaṃ 
hi vākyavaiyarthyātpadamātrasya lakṣaṇā | abhyupagatañca pūrvatantre 
�ekādaśapaśoravadānāni tāni, dviravadyatī�ti paśau 
codakaprāptāvavadānadvitvasya punarvidhāyakavākyavaiyarthyaparihārāya 
yadyapi �caturavattī yajamānaḥ pañcāvatta iva vapā kārye�ti vākye 
vapāpadasya hṛdayādisādhāraṇyena pāśukahavirmātre lakṣaṇā | tathāhi- 
hṛdayādiṣvavadānapañcakasidhyarthamupastaraṇābhidhāraṇayoḥ satoḥ 
hṛdayādiṣu triravadānaprasaktau havirdvirevāvadeyaṃ, upastaraṇādivṛdhyā 
tu bhavatu sa"nkhyāpūraṇamiti niyamena bhavati tatsārthakamiti | evamuktena 
prakāreṇa yadā tama iti pūrvārdhaṃ tamo vā idamekamāsīdityādīnāṃ 
keṣāñcitkā-

pṛ0 356) raṇavākyānāṃ śive paryavasānaṃ pratipādayati | tathottarārdhe 
tadakṣaramiti bhāgo �yathā sudīptātpāvakādvisphuli"ngāḥ sahasraśaḥ 
prabhavante sarūpāḥ | tathākṣarādvividhāḥ somya bhāvāḥ prajāyante tatra 
caivāpiyantī� tyādimuṇḍakādiśrutīnāṃ �tatsaviturvareṇya� miti bhāgaḥ 
savitṛmaṇḍalamadhyavartini paramapuruṣe jagatkāraṇatvaniyataṃ 
sarvāntaryāmitvali"ngaṃ �dhiyo yo naḥ pracodayā� dityupavarṇayantyāḥ 
sāvitryā ṛcaḥ �prajñā ca tasmātprasṛtā purāṇī�ti bhāgaḥ �tadaikṣata 
bahusyāṃ prajāyeya, sa aikṣata lokānnu sṛjā iti, so'kāmayata bahu syāṃ 
prajāyeyeti, tapasā cīyate brahma tato'nnamabhijāyata� iti 
sraṣṭurādisargapūrvakāle sraṣṭavyavastujātālocanamokṣaṇādiśabdaiḥ 
pratipādayatāṃ chāndogyādiśrutikāraṇavākyānāṃ śive paryavasānaṃ 
pratipādayati | evamayaṃ mantraḥ kṛtsnakāraṇavākyānāṃ 
śivaviṣayatvamāviṣkaroti || 
yattu puruṣasūktapratyabhijñānāditi tadgarbhaśrāveṇa nirastam | �yā te 
rudra śivā tanūḥ, mānastoka� ityādi śrīrudramantrapratyabhijñānena 
śivaparatvāt | ṅānyaḥ panthā ayanāye�ti tu śvetāśvatare'pi 
śrūyamāṇatvāt, śivasya muktyupāyatvavyavasthiteḥ, �utāmṛtatvasyeśāna� 
itīśānaśabdaśravaṇādvastutaḥ puruṣasūktamapi śivaparam | śhabdādeva 
pramita� iti sūtre īśānaśabdaśrutyā brahmaparatvamiti nirṇayācca | 
puruṣaśabdo'pi na nārāyaṇavācakaḥ �puruṣāvātmamānavā�viti 
sāmānyaśaktita eva devatāviśeṣaparatvasa"ngateḥ | barhirājyādhikaraṇe 
barhirājyādiśabdānāmasaṃskṛtadarbhaghṛtādau śaktānāṃ saṃskṛte 
viśiṣya śaktyana"ngīkārāt | citrādhikaraṇe stotraviśeṣanāmatvena 
siddhasya pṛṣṭhaśabdasya kvacitpṛṣṭhairupaciṣṭhata ityādau lakṣaṇayā 
prasiddhirastītyetajjñāpanena caritārthasyāpo vā ṛtviyamārcchattāsāṃ 
vāyuḥ pṛṣṭhe vyavartatetyāderārthavādikanirvacanasya viśiṣya 
vāmadevyādau śaktikalpakatvamiti sarvamīmāṃsakairabhyupagamāt | 
tasmātpuruṣaśabdasya viśiṣyaśaktyabhāvātsāmānyaśaktasya 
śvetāśvaramantreṇa viśeṣe paryava- 

pṛ0 357) sānapratipādanāt śivaparatvameva yuktam | ateva mahāpuruṣaśabdasya 
nārāyaṇaparatvaṃ nirastam | lakṣmīpatitvamapi śhriyaṃ 
lakṣmīmaupalāmambikā"ngāṃ | tasyāṃ kamaṇḍalārūḍhā śaktirmāheśvarī 
parā | mahālakṣmīriti khyātā śyāmā sarvamanohare�ti 
ghṛtasūktaśivapurāṇopabṛṃhaṇābhyāṃ śivasyaiva li"ngamāmnāyate | 
nārāyaṇasamākhyāpi puruṣasūktasya nārāyaṇarṣitvenopapadyate | 
nārāyaṇasamārādhane viniyogastvagnirmurdheti 
mantrasyāgneyasyā"ngārakasamārādhane viniyogavadupapanna eva | anyathā 
�yajetpuruṣasūktena dhanadaṃ viśvarūpiṇa�miti 
viniyogādanyaparatvaprasa"ngāt | �jeṣṭhasāmnāntrayeṇaiva tathā 
devavratairapi | rathantareṇa puṇyena sūktena puruṣeṇa ce�ti 
śivābhiṣekaviniyojakali"ngapurāṇavacanādapi śivaparatvaṃ sidhyati | 
tasmātpuruṣasūktasya śivaparatvāttanmantrapratyabhijñānādapi 
śvetāśvataropaniṣadaḥ śivaparatvāttadanurodhena sarvakāraṇavākyānāṃ 
śivaparatvameveti siddhāntaḥ ||
atha pūrvapakṣaḥ- mahopaniṣadi �eko ha vai nārāyaṇa āsīnna brahmā 
neśāno nāgnīṣomau neme dyāvāpṛthivyā�vityādinā 
brahmeśānāgniṣomadyāvāpṛthivīnāṃ sattvaniṣedhapūrvakaṃ janyatvaṃ 
varṇayitvā sargādyasamaye'sahāyasyaikasya nārāyaṇasyaiva 
sarvakāraṇabhāvenāvasthānamupavarṇyate | vidhyapekṣayā niṣedhasya 
prabalatvādīśānasya sarvakāraṇatvavarṇanāsambhavānnārāyaṇa eva 
sarvakāraṇavākyānāṃ paryavasāne tasyaiva parabrahmabhāvo yuktaḥ | ateva 
chāgapaśunyāyenāpi sadeva saumyedamagra āsīdityādi 
sadātmākṣarabrahmaśabdaiḥ sarvakāraṇatvapratipādakānāṃ 
sāmānyakāraṇavādānāṃ nārāyaṇa eva paryavasānasya yuktatvānnārāyaṇa 
eva paraṃ brahmeti pūrvapakṣaḥ ||
siddhāntastu- �eko ha vai nārāyaṇa āsī� dityādiśrutiṣu nārāyaṇasya 
prapañcasraṣṭṛtvavacanaṃ kvacitkalpaviśeṣe kalpādau prathamaṃ 
paraśivādutpannasya nārāyaṇasya taditaraprapañcasraṣṭutvaparatayā 
yojayituṃ śakyatvānna kathañcidapi paramaśivasya 
paramakāraṇatvā"ngīkāreṇa virudhyate | 

pṛ0 358) eko ha vai nārāyaṇa āsīdityasya �prādurāsīttamonuda� iti 
mānavīyopabṛṃhaṇānusāreṇa sargādyasamaye brahmarudrendrādyutpatteḥ 
pūrvameko'sahāyo nārāyaṇaḥ paramaśivādāsīdutpanna ityarthapratīteśca | 
mahopaniṣadi pratipāditasya bhūtendriyādisṛṣṭikrameṇa salilamadhye 
sṛṣṭabrahmāṇḍe nārāyaṇena caturmukhaḥ sṛṣṭa ityāderarthajātasya 
mānavavacaneṣvapi spaṣṭatvāt | tasmātsarvaśrutismṛtipurāṇādyavirodhena 
paramaśivasya jagajjanmādikaraṇatvavyavasthiteḥ śiva eva paraṃ brahma | 
tathā ca mantravarṇaḥ- �ṛtaṃ satyaṃ paraṃ brahma puruṣaṃ kṛṣṇapi"ngalam 
| ūrdhvaretaṃ virūpākṣaṃ viśvarūpāya vai namaḥ ||� iti | asya hi 
mantrasya virūpākṣamityabhidhānaśrutyā ṅamaskṛtya mahādevamṛtaṃ 
satyamitīśvara� miti kaurme śivanamaskāre viniyogena �athāto mahādevasya 
pādodakavidhiṃ vyākhyāsyāmaḥ� ityupakramya ṛtaṃ satyaṃ paraṃ brahmeti 
mantreṇa prāśayediti bodhāyanasūtre śivapādodakaprāśane viniyogena, 
�athavā paramātmānaṃ paramānandavigraham | gurūpadeśādvijñeyaṃ puruṣaṃ 
kṛṣṇapi"ngalam | brahma brahmapure gārgī daharābjakhamadhyame | 
abhyāsāttaṃ prapaśyanti santastvañca tathā kuru ||� iti yogayājñavalkye 
pūrvānuvākavihita- śaivadaharavidyopāsyarūpasamarpakatayā tadekavākyatayā 
sphuṭīkaraṇena vyaktaṃ śivaparatvam | 
tasmādetanmantrānurodhātparamaśivasya jagatkāraṇatve siddhe �eko ha vai 
nārāyaṇa āsī� diti mahopaniṣadvacanamapi na virudhyata iti siddhāntaḥ ||
nanu mahopaniṣadi- �atha punareva nārāyaṇaḥ so'nyatkāmo manasā dhyāyata, 
tasya dhyānāntasthasya lalāṭāttryakṣaḥ śūlapāṇiḥ puruṣo'jāyate� ti 
rudrasya nārāyaṇādutpattiśravaṇāt, tathā nārāyaṇopaniṣadi 
ṅārāyaṇādbrahmā jāyate nārāyaṇādrudo jāyata� iti rudrasya 
nārāyaṇādutpattiśravaṇāt, tasya paramakāraṇatvaṃ sa"ngacchate | ateva 
mahābhārate- �brahmā sthāṇurmanurdakṣā bhṛgurdharmastapo dama�ityādinā, 
�ekaviṃśatirutpannāste prajāpatayaḥ smṛtāḥ | tasya devasya maryādāṃ 

pṛ0 359) pūjayanti sanātanī�miti 
brahmeśayordakṣamanvādivadbhagavannārāyaṇakṛtamaryādānuvartitvokteśca | 
tayorapi brahmā jyāyān, anupadodāhṛtaśrutyopabṛṃhaṇa eva 
prathamamutpattiśravaṇāt, �etau dvau vivudhaśreṣṭhau prasādakrodhajau mama | 
mayā darśitapanthānau sṛṣṭisaṃhārakārakau || eṣa lokagururbrahmā 
jagadādikaraḥ prabhuḥ | eṣa mātā pitā caiva yuṣmākaṃ prapitāmahaḥ || 
asyaiva yo'nujo rudro lalāṭādyaḥ samutthitaḥ | mayā'nuśiṣṭo bhavitā 
sarvabhūtavarapradaḥ� iti śivasya brahmānujatvokteśca, viṣṇupurāṇādiṣu 
tasya brahmaṇa evotpattipratipādanācca | tasmānnārāyaṇasya 
sarvakāraṇabhāvena sarvotkṛṣṭatvādbrahmaśivādīnāṃ tatparatantratvācca 
sthirapuruṣārthaḥ prepsubhiḥ sa evopāsanīyaḥ sa eva prapattavyaḥ 
�kāraṇantu dhyeya� ityātharvaṇaśruteḥ, �yo brahmāṇaṃ vidadhāti pūrvaṃ 
yo vai vedāṃśca prahiṇoti tasmai | taḥ ha devamātmabuddhiprakāśaṃ 
mumukṣurvai śaraṇamahaṃ prapadya� iti śvetāśvataramantravarṇanācceti 
pūrvapakṣaḥ ||
siddhāntastu- �triyakṣaḥ śūlapāṇiḥ puruṣo'jāyate� tyādi śrutismṛtiṣu 
rudrasya nārāyaṇasṛjyatvavarṇanaṃ tatsarvaṃ kalpaviśeṣeṣu 
saṃhārarudrarūpeṇa tataḥ prādurbhāvaparam | �ahañca 
bhavatotkrāntātkalpānte ghorarūpadhṛk | śūlapāṇirbhaviṣyāmi 
krodhajastava putrakaḥ� iti kaurme nārāyaṇaṃ prati śivasya varadānuvacanena 
tathā sphuṭīkaraṇāt | evameva �prādurāsītprabhora"nke kumāro 
nīlalohitaḥ� ityādiṣu rudrasya brahmaṇaḥ prādurbhāvavarṇanaṃ tadapi 
lokasṛṣṭyabhivṛdhyupāyapradarśanena brahmaṇo'nugrahāya tataḥ 
prādurbhāvaparam | ṅirdiṣṭaḥ parameśena maheśo nīlalohitaḥ | putro 
bhūtvānugṛhṇāti brahmāṇaṃ brahmaṇo'nuja� iti vāyūkteḥ, �anādinidhano 
devaścaitanyādisamanvitaḥ | jñānāni ca vaśe yasya karaṇādīnyaśeṣataḥ 
|| aṇimādiguṇopetamaiśvaryaṃ na ca kṛtrim | sṛṣṭyarthaṃ brahmaṇaḥ putro 
lalāṭādutthitaḥ prabhuḥ || iti bhāratokteḥ, evameva rudrasya 
niyamyatvavacanaṃ brahmanārāyaṇāṃśaviṣayamavatārarudraparamiti vā 
mantavyamiti siddhāntaḥ ||

pṛ0 360) nanu taittarīyaśrutau ṅārāyaṇaparaṃ brahma tattvaṃ nārāyaṇaḥ 
paraḥ | nārāyaṇaparo jyotirātmā nārāyaṇaḥ paraḥ || nārāyaṇaparo 
dhyātā dhyānaṃ nārāyaṇaḥ paraḥ | yacca kiñcijjagatsarvaṃ dṛśyate 
śrūyate'pi vā || antarbahiśca tatsarvaṃ vyāpya nārāyaṇaḥ sthitaḥ� 
ityādinā nārāyaṇasyaiva parabrahmabhāvaḥ spaṣṭameva pratipādyate | naca 
nārāyaṇātparaṃbrahmeti pañcamī samāsāśrayaṇena nārāyaṇātparasya 
paramaśivasya parabrahmatvaṃ vyavasthāpyatāmiti vācyaṃ, mahopaniṣadi 
parabrahmapratipādanaprakaraṇe nārāyaṇaḥ paraṃ brahmeti 
padavicchedenādhyayanapradarśanāttadaikārthyasampādanāya 
śupāṃsulukpūrvasavarṇāccheyāḍāḍyāyājāla� iti sūtreṇa chāndase 
prathamāvibhakterlugādeśe kṛte nārāyaṇetyasya nārāyaṇaparaṃ brahmeti 
pratipādane tātparyāvasānāt | nārāyaṇaparaṃ brahmeti samastapadatve'pi 
niṣādasthapratyadhikaraṇanyāyena samānādhikaraṇasamānasyaiva grāhyatvāt | 
niṣādasthapatyadhikaraṇe vibhaktyarthe lakṣaṇā, gauravābhāvena 
vyadhikaraṇatatpuruṣāpekṣayā �tatpuruṣaḥ samānādhikaraṇaḥ karmadhāraya� 
ityanuśāsanasiddhasya karmadhārayasamāsasyaiva 
paramābhyarhitatvavyavasthāpanāt | kiñca �ahameva paraṃ brahma paraṃ tattvaṃ 
pitāmaha | ahameva paraṃ jyotiḥ paramātmā tvahaṃ      vibhuḥ ||� iti 
li"ngapurāṇe brahmāṇaṃ prati bhagavadvākyena nārāyaṇasya parabrahmatā 
pratipādakatayaivāsya mantrasyopabṛṃhaṇena 
vyadhikaraṇatatpuruṣasamāsakalpanāsambhavācca | tasmānārāyaṇa eva paraṃ 
brahmeti tasyaiva sarvadevatotkarṣaḥ ||
siddhāntastu- nārāyaṇaparaṃ brahmetyādinā nārāyaṇasya 
parabrahmatvapratipādanaṃ śivaprasādalabdhaśivābhedāt | 
paramaśivābhedabhāvanāsiddhatadbhāvaparatvena vā śivasyaiva 
parabhāvopavarṇanaparam | ekasyāṃ vidyāyāmupāsyopāsakabhāvena 
pradhānopasarjanaparatayā nibaddhayostayorvastutaḥ parabrahmabhāvāyoge 
satya"ngaguṇavirodhādhikaraṇanyāyenopasarjanatadbhāvopavarṇanasyaiva 
mukhyatayā neyatvāt | �a"ngaguṇavirodhe ca tādarthyā�dityadhikaraṇe 
pratipāditam- ekāhādidīkṣāpakṣeṣu dīkṣi-

pṛ0 361) ṇīyāsomayāgayoranyatarasya �ya iṣṭyā� 
divākyaprāptapūrvakālasyāsambhavādāvaśyake somayāge 
pradhānānugrahasyocitatvādguṇabhūtāyā dīkṣiṇīyāyā eva 
pūrvakālatyāgo yukta iti nirṇītam | tathaiva nārāyaṇātparaṃ brahmeti 
vyadhikaraṇatatpuruṣasamānāśrayaṇe'pi na doṣaḥ, 
a"ngaguṇādhikaraṇanyāyena pradhānānurodhenārthavyavasthiterneyatvāt || naca 
nārāyaṇaḥ paraṃ brahmeti śrutyantare 
padavicchedenādhyayanadarśanātpañcamīsamāsāsa"ngatiriti vācyaṃ, 
nārāyaṇaḥ paraṃ brahmeti śrutyantara eva supāṃ sulugityādisūtreṇa 
nārāyaṇāditipañcamyāḥ svādeśakalpanayā nārāyaṇātparaṃ brahmeti 
śrutyaikārthapratipādanasambhavāt | nāpyahameva paraṃ brahmeti 
li"ngapurāṇavacanavirodhaḥ, mahāli"ngaprādurbhāvātpūrvaṃ 
brahmanārāyaṇayorahameva sarvotkṛṣṭa iti parasparavivādaprastāve 
paṭhitasya tadanantaraṃ 
tadvivādapraśamanārthodbhūtamahāli"ngamadhyasannihitasya paśupateḥ 
�paśyantaṃ māṃ mahādevaṃ bhayaṃ sarvaṃ vimucyatām | yuvāṃ prasūtau 
gātrābhyāṃ mama pūrvaṃ mahābalau || tridhā bhinno'smyahaṃ viṣṇo 
brahmaviṣṇu bhavākhyayā | sargarakṣālayaguṇairniṣkalaḥ parameśvaraḥ || 
sammohaṃ tyajaviṣṇo tva�mityāditatvopadeśenāpāditasya 
brahmotkarṣavacanajātasyaiva tathātvāvyavasthāpakatvāt śrutisiddhaṃ 
śivasya sarvakāraṇatvamiti siddhāntaḥ ||
nanu �agnirvai devānāmavamo viṣṇuḥ paramastadantareṇa sarvā anyā devatā� 
iti bahvṛcabrāhmaṇe dīkṣiṇīyāyāmiṣṭau 
yakṣyamāṇadevatāparigrahānuvarṇanadaśāyāmagneravamatvaṃ pratipādya 
sarvāsāmanyāsāṃ devatānāmāntarālikatvamupavarṇya viṣṇuḥ parama iti 
viṣṇoḥ pāramyaśravaṇāttasyaiva paramakāraṇatvaṃ na tadbhinnasya 
paramaśivasya paramakāraṇatvaṃ, viṣṇoḥ 
pāramyapratipādakabahvṛcabrāhmaṇavirodhāt | na cāgnirvai devānāmavamo 
viṣṇuḥ parama iti dīkṣiṇīṣṭaviṣayārthavādaḥ, �virodhe guṇavādaḥ 
syādanuvādo'vadhārite | bhūtārthavādastaddhānādarthavādastridhāmata ||� 
iti nyāyena stāvakatayā neyatvānna tasya svārthe tātparyaṃ, tasmādviṣṇoḥ 
pāra-

pṛ0 362) myavarṇanasyārthavādatvena svārthe tātparyābhāvānna 
paramaśivasya pāramyapratipādanena virodha iti vācyaṃ, agneravamatvasya 
taditarasarvadevatānāṃ tanmadhyagatatvasya ca vastuvṛttatvābhāve �agniravamo 
devatānāṃ viṣṇuḥ paramo devatānāṃ tadubhayataḥ parigṛhya dīkṣita� iti 
śruterdīkṣiṇīyāyāḥ some yakṣyamāṇasarvadevatāparigrahārthatvaṃ na 
sidhyet, tadasiddhau ca pūrvatantre �grahaṇārthañca pūrvamiṣṭestadarthatvā� 
dityadhikaraṇasiddhaṃ somā"ngadevatāparigrahārthamanvādhānaṃ na kartavyam | 
some yakṣyamāṇadevatāparigrahārthayā dīkṣiṇīyayaiva 
prasa"ngātsarvadevatāparigrahasiddheriti nirṇayasya sa"nkarṣaṇakāṇḍe 
dīkṣiṇīyā nirdhārya 
saṃskārasaṃyogāddevatāntaraparigrahaṇaśruterityadhikaraṇasiddhasya some 
dīkṣiṇīyāyāṃ vihitasyaivāgneḥ somayāgārthadhāraṇaṃ na 
pratikarmoddharaṇaṃ dīkṣiṇīyā 
parigṛhītadevatākoṭisaṃskārasaṃyogāditi nirṇayasya ca bādhaḥ 
syādityagnirvai devānāmiti nārthavādaḥ | tasmādviṣṇuḥ parama iti 
pūrvapakṣaḥ ||
siddhāntastu- �agniravamo devatānāṃ viṣṇuḥ parama 
ityasyātiprabalānekaśrutivirodhādupacaritārthatve'pi dīkṣiṇīyā 
devatāparigrahārthatvapratipādanāṃśe virodhābhāvena svārthe 
prāmāṇyā"ngīkārasambhavāt | nacāgniviṣṇvoradharottaratvābhāve, 
ubhayataḥ parigrahālābhātsarvadevatāparigraho na sidhyatīti vācyaṃ, 
tayoradharottarakoṭitvenobhayataḥ parigrahalābhe'pi tadasiddhitādavasthyāt | 
nahyadharottarakoṭibhūtadevatāyajane tanmadhyagatadevatāntaraparigrahassidhyati 
| vacanabalādubhayataḥ parigraheṇa sarvadevatāparigraha iti cettarhi 
vacanabalādagnāvaiṣṇavayajanena sarvadevatā grāhya ityetāvāṃśca | tatra 
ca yathā śhūrpeṇa juhoti tena hyannaṃ kriyata� ityatra 
śūrpasyānnakaraṇatvakīrtanaṃ stāvakatayā na tasya 
homasādhanatopayogitayā, tathā'gnāvaiṣṇavayoravamatvaparamatvakīrtanamiha 
stāvakatayā na devatāntaraparigrahopādhikatayopapadyata iti na kaścidvirodhaḥ 
| vastuto'trāvamaparamaśabdau na nikarṣotkarṣaparau, �agniragre prathamo 
devatānāṃ saṃyātānāmuttamo viṣṇarāsī� ditimantre 

pṛ0 363) dīkṣiṇīyāyā devatāparigrahārthatvapratipādaka eva, 
prathamottamaśabdābhyāṃ tathā sphuṭīkaraṇāt | tatra cottamaśabdasya 
�triḥ prathamāmanvāha triruttamā�mityatreva 
prathamaśabdasamabhivyāhārātprāthamyapratikoṭibhūtapaścātparatvāt | 
agniretu prathamo devatānāṃ, agnirmukhā vai devā� 
ityādyanekamantrabrāhmaṇeṣvagneḥ prāthamyapratipādanenāvamaśabdasya 
tātparyāvasānāvaśyaṃ bhāvācca | tasmātparamaśabdasya pāścātyaparatvāt 
| tāvataiva vakṣyamāṇadevatāparigrahāsambhavenārthavādatvasya siddhatvāt, 
viṣṇoḥ pāścātyadevatātve'pi paramaśivasya paramakāraṇatvena 
virodhābhāvātparamaśivasyaiva parabrahmatvamiti siddhāntaḥ ||
nanu �janmādyasya yata� iti jagajjanmādikāraṇatvaṃ brahmalakṣaṇaṃ 
sūtritavato brahmamīmāṃsāsūtrakṛtastātparyaṃ nārāyaṇa eva 
paryavasyatīti nārāyaṇasyaiva jagatkāraṇatvaṃ yuktam | tathāca 
�asṛjatsalilaṃ pūrvaṃ sa tu nārāyaṇaḥ prabhuḥ | tatastu bhagavānadbhyo 
brahmāṇamasṛjatsvayam ||� ityādi nārāyaṇasyaiva jagatkāraṇatvaṃ 
lakṣaṇānurodhāditi pūrvapakṣaḥ ||
siddhāntastu-brahmamīmāṃsāsūtrakṛtā bhagavatā bādarāyaṇena 
svābhimataparabrahmakhyāpanārthaṃ pravṛtte mahābhārate bhīṣmaparvaṇi 
sabhāparvaṇi ca śivasyaiva sarvajagatkāraṇatvena parabrahmatvaṃ 
kaṇṭharaveṇa pratipāditam | tathāhi-

yatra bhūtapatiḥ sṛṣṭā sarvalokānsanātanaḥ |
upāsyate tigmatejāvṛto bhūtaiḥ sahasraśaḥ ||

ityādi mainākavarṇanavacanaiḥ, �īśvaraścetanaḥ kartā� iti 
śāntiparvavacanaiḥ,

sa eṣa bhagavānīśaḥ sarvatattvādiravyayaḥ |
sarvatattvavidhānajñaḥ pradhānapuruṣeśvaraḥ ||

pṛ0 364) so'sṛjaddakṣiṇāda"ngādbrahmāṇaṃ lokasambhavam |
vāmapārśvāttathā viṣṇuṃ lokarakṣārthamīśvaraḥ ||
yugānte caiva samprāpte rudraṃ prabhumathāsṛjat |

ityadyānuśāsanikavacanaiḥ,

ahaṃ brahmā kapilo'thāpyanantaḥ purā sarve brahmaṇaścātivīrāḥ |
tvattaḥ sarve devadevaprasūtāḥ sarveśastvaṃ kāraṇātmā tvamīḍya ||

iti kṛṣṇakṛtaśivastotramadhyagataharivaṃśavacanaiśca, śivasyaiva 
sarvakāraṇatvena �janmādyasya yata� ityadhikaraṇasiddhaṃ 
brahmalakṣaṇamāviṣkṛtam | tasmātparamaśiva eva paramakāraṇaṃ 
kvacichrutipurāṇabhārateṣu nārāyaṇasya paramakāraṇatvopavarṇanantu 
paramaśivābhedena kṛṣṇādyavatārā nārāyaṇasyaiveti prāñcaḥ ||
vayantu brūmaḥ- paramaśivānnārāyaṇo'yaṃ bhinna eva, 
tasminparabrahmadharmakathanañcetthamupapadyate | taduktaṃ sudarśanācāryaiḥ-

ātmocyate paramasau paramañca tattvaṃ 
jyotiḥ parañca parameśvarapadmanābhaḥ |
tadbhāvanaikarasikastvadananyabhāvā-
nmantrī yathā garuḍabhāvanayā garutmān || iti ||

naca vaiparītyena nārāyaṇasyaiva paramakāraṇatvena śivasyaiva 
nārāyaṇabhāvanāsiddhaṃ paramakāraṇatvopavarṇanamiti śa"nkyam, 
jagatkāraṇe tattaddevatāviṣayaviruddhānekaviśeṣaśravaṇena kasya 
jagatkāraṇatvamiti viśaye devatāviśeṣaniścayaidaṃparyeṇa 
pravṛttaśrutyanurodhenaiva tannirṇayo yuktaḥ, ananyaparaśruteḥ prābalyāt | 
ateva paurṇamāsyāmāgneyāgniṣṭomayoḥ krameṇānuṣṭhāne'pekṣite 
śrutikrame'nuṣṭheyārthasmṛtyekaprayojanamantrapāṭhakrama eva niyāmakaḥ, na 
tadvirodhividhānena caritārtha-

pṛ0 365) yorbrāhmaṇayoḥ pāṭhakrama iti �mantratastu virodhe syā�diti 
pañcamādhikaraṇe nirṇītaṃ, tathāsati prakṛte'pi subālādyupaniṣatsu 
sṛṣṭiprakaraṇeṣu 
sraṣṭṛsadbhāvasraṣṭavyapadārthajātakramādipratipādanena caritārtheṣu 
tattaddevatāviśeṣavācakaśrutibalāddevatāntarasya kāraṇatvapratītāvapi 
śrutyantarapratipāditaṃ sraṣṭṛsadbhāvādikaṃ siddhaṃ kṛtvā 
sraṣṭṛbrahmaṇo devatāviśeṣarūpeṇa niṣkarṣārthaṃ pravṛttāyāṃ 
mantropaniṣadi haraśivādiśabditasya paramaśivasya 
jagajjanmādikāraṇatvapratipādanasya prabalatvātparamaśivasyaiva 
jagatkāraṇatvena parabrahmabhāvanirṇayo vyavatiṣṭhate | etena 
sṛṣṭiprakaraṇeṣu nārāyaṇapadaprayogo balavāniti pareṣāmabhimāno 
galitaḥ | naca tatra tatra sṛṣṭiprakaraṇe nārāyaṇapadābhyāso balīyāniti 
vācyaṃ, sṛṣṭiprakaraṇeṣu bahuśo'bhyastasyāpi nārāyaṇaśabdasya 
nārāyaṇaviṣayakaprāṇākāśākṣarādiśabdavatsambhavāt, 
ananyaparaśrutivirodhe durbalatvāt | kiñcātharvaśikhāyāṃ 
�brahmaviṣṇurudrendrāste samprasūyanta� ityādinā brahmādīnāṃ 
paramaśivasya ca kāryakāraṇabhāvena viśeṣapratipādanena 
vaiparītyaśa"nkāvirodhāt | nahi nārāyaṇasya janiśravaṇātkāryakoṭau 
nikṣipya paramaśivasya jagatkāraṇatvapratipādanaṃ nārāyaṇaviṣaya- tayā 
yojayituṃ śakyam | naca �brahmaviṣṇurudrendrāste samprasūyanta� iti 
brahmarudramadhyapaṭhito 
viṣṇuśabdastadavatārabhūtarāmakṛṣṇādipratipādaka iti vācyaṃ, 
pramāṇābhāvāt | kiñca �yadā tama� iti mantro'pi 
sākṣātkāraṇavākyānāṃ śivaviṣayatvaṃ darśayan subālopaniṣadādiṣu 
nārāyaṇakāraṇatvapratipādanasyāpi śivaviṣayatvaṃ spaṣṭīkaroti | ateva 
kṛṣṇasya bahudhā sarvakāraṇatvaṃ pratipādayantyā bhagavadgītāyāḥ 
śivaparatvaṃ kūrmapurāṇe pārthaṃ prati pratipāditam-

jñānaṃ tadaiśvaraṃ divyaṃ yathāvadviditaṃ tvayā |
svayameva hṛṣīkeśaḥ prītyovāca sanātanam ||

pṛ0 366) gaccha gaccha svakaṃ sthānaṃ na śokaṃ kartumarhasi |
bhajasva parayā bhaktyā śaraṇyaśaraṇaṃ śivam || iti ||

tasyaiśvaraṃ jñānaṃ varṇayadvyāsavacanaṃ tatraiveśvaragītānte- 
ṅārāyaṇo'pi bhagavāndevakītanayo hariḥ | arjunāya svayaṃ 
sākṣāddattavānidamuttam ||� iti 
tāmīśvaragītārthanibandhanarūpāmupavarṇayadvyāsavacanaṃ spaṣṭīkaroti-

sarvakāraṇamīśānaḥ śivaḥ satyādilakṣaṇaḥ |
na viṣṇurna viriñciśca na cendro nāparaḥ pumān ||
śrutayaśca purāṇāni bhāratādīni sattamāḥ |
śivameva sadā sāmbaṃ hṛdi kṛtvā bruvanti hi ||

ityādi | parāśaropapurāṇaparyālocanayā smṛtipurāṇādiṣu 
devatāntaramadhikṛtya kāraṇatvavādānāṃ sarveṣāmapi śivaviṣayartve 
spaṣṭīkaroti, tasmāddevatāntarakāraṇatvapratipādakavākyānāmeva 
paramaśive paryavasānam | natu śivasya kāraṇatvapratipādakānāmanyatra 
nārāyaṇādau paryavasānamiti śivasyaiva sarvajagatkāraṇatvena 
parabrahmabhāve bhagavadbādarāyaṇasya sūtrakṛtastātparyamiti siddhāntaḥ ||
nanu mānavīyadharmaśāstropakrame �āsīdidaṃ 
tamobhūtamaprajñātamalakṣaṇam | apratarkyamanirdeśyaṃ prasuptamiva sarvataḥ 
|| tataḥ svayambhūrbhagavānavyakto vyañjayannidam | mahābhūtādi vṛttaujāḥ 
prādurāsīttamonudaḥ || so'bhidhyāya śarīrātsvātsisṛkṣurvividhāḥ 
prajāḥ | apa eva sasarjādau tāsuvīryamapāsṛjat || tadaṇḍamabhavaddhaimaṃ 
sahasrāṃśusamaprabham || tasmiñjajñe svayaṃ brahmā sarvalokapitāmahaḥ ||� 
ityādyārabhya, �āpo nārā iti proktā āpo vai narasūnavaḥ | tā 
yadasyāyanaṃ proktaṃ tena nārāyaṇaḥ smṛtaḥ ||� iti vacanena 
pitāmahasyāpi janake sakalajaga- 

pṛ0 367) tkāraṇe paramapuruṣe nārāyaṇanāmaniruktyā nārāyaṇasya 
jagatkāraṇatvapratipādanāttasyaiva jagatkāraṇatvaṃ yuktamiti pūrvapakṣaḥ 
||
siddhāntastu- prādurāsīstamonuda iti vacane tamonuda iti kvippratyayānto'yaṃ 
pañcamyantaḥ śabdaḥ prādurāsīdityukte kasmāditi 
janikartṛpuruṣāntarākā"nkṣāyāṃ tadanurodhena tamaḥ 
preraṇāyādhiṣṭhātuḥ paramaśivāttataḥ śabdodite pralayānantarakāle 
nārāyaṇasya prathamaṃ prādurbhāvoktyā śivasyaiva jagatkāraṇatve 
paryavasānāt | naca �igupadhajñāpīkiraḥ ka� itīgupadhalakṣaṇe kapratyaye 
kṛte tamonuda iti prathamāntapadamakārāntaṃ 
prādurbhavitṛnārāyaṇaviśeṣaṇamiti vācyaṃ, 
paścātprādurbhaviturnārāyaṇasya prādurbhāvātpūrvaṃ siddhasya 
tamaso'dhiṣṭhātṛtvā'yogāt | tasmāttamonudaḥ paramaśivānnārāyaṇaḥ 
prādurāsīditi paramaśivasya nārāyaṇajanakatve manostātparyamavasīyate | 
ateva mānavīyadharmaśāstropasaṃhāradaśāyāṃ vacanāni- �praśāsitāraṃ 
sarveṣāmaṇīyāṃsamaṇorapi | rukmābhaṃ svapnadhīgamyaṃ vidyāttaṃ 
puruṣaṃ param ||� iti paramapuruṣaṃ nirdhārya, �eṣa sarvāṇi bhūtāni 
pañcabhirvyāpya mūrtibhiḥ | janmavṛddhikṣayairnityaṃ saṃsārayati 
cakrava�diti vacanapratipāditena �mūrtayastasya vikhyātāḥ 
pañcabrahmāhvayāḥ parāḥ | sarvalokaśaraṇyasya śivasya paramātmanaḥ ||� 
ityādityapurāṇavacanānusārisadyojātādimūrtipañcakena vā 
mūrtyaṣṭakānta-  rgatapṛthivyādipañcakena vā 
sakalaprāṇijātavyāptali"ngasyopanibandhanāt, śivasyaiva parabhāve 
manostātparyavasānācca | ateva dharmaśāstrakāramūrdhanyo 
yogiyājñavalkyo'pi- �pṛthivyāṃ vāyumāropya lakāreṇa samanvitam | 
dhyāyaṃścaturbhujākāraṃ brahmāṇaṃ parameṣṭhinam || 
dhārayetpañcaghaṭikā dhāraṇātsiddhimāpnuyāt | vāruṇe vāyumāropya 
nakāreṇa samanvitam || śuddhasphaṭikasa"nkāśaṃ pītavāsasamacyutam | 
dhārayetpañcaghaṭikāḥ sarvapāpaiḥ pramucyate || vahnau cānilamāropya 
rephākṣarasamanvitam | tyaktañca varadaṃ rudraṃ taruṇādityasannibham ||� 
ityādinā, �ākāśe vāyumāropya hakāreṇa samanvitam | 

pṛ0 368) bindurūpaṃ mahādevaṃ vyomākāraṃ sadāśivam || 
śuddhasphaṭikasa"nkāśaṃ bālendukṛtaśekharam | pañcavaktradharaṃ saumyaṃ 
daśabāhuṃ trilocanam || sarvāyudhodyotikaraṃ sarvabhūṣaṇabhūṣitam | 
umārdhadehaṃ varadaṃ sarvakāraṇakāraṇam || cintayaṃścittavinyastaṃ 
muhūrtamapi dhārayet | sa eva mukta ityuktaḥ triṣu lokeṣu śikṣitaiḥ ||� iti 
brahmādīnāṃ paramaśivaparyantānāṃ dhāraṇamupavarṇya pratipāditam | 
�etaduktaṃ bhavatyatra gārgi brahmavidāṃ vare | brahmādikāryarūpāṇi sve 
sve saṃhṛtya kāraṇe || yuktacittastadātmānaṃ yojayetparameśvare |� iti 
paramaśivasyaiva sarvakāraṇatvaṃ pratipāditavāniti śivasyaiva 
jagatkāraṇatvaṃ siddhamiti siddhāntaḥ ||

nanu viṣṇupadī ga"ngā śivena dhṛtā | tadāhuḥ-

ādāvādipitāmahasya niyamavyāpārapātre jalaṃ 
paścātpannagaśāyino bhagavataḥ pādodakaṃ pāvanam |
bhūyaḥ śambhujaṭāvibhūṣaṇamaṇirjahnormaharṣeriyaṃ 
kanyā kalmaṣanāśinī bhagavatī bhāgīrathī dṛśyate ||

iti, viṣṇupadī ga"ngā 
kvacidūrdhvaprasāritatrivikramacaraṇāmbujasa"nkṣālanārthaṃ 
satyalokasthitabrahmakamaṇḍaluvisṛtajalarūpā'bhidhīyate | kvacittu 
viṣṇucaraṇanirbhinnordhvāṇḍachidravisṛtabahirjalarūpā varṇyate | 
vāmanapurāṇe'pi-

viṣṇva"nghriṇā prasaratā kaṭāha bhedite'mbarāt |
kuṭilā viṣṇupādāntātpapāta kuṭilā tataḥ ||
loke viṣṇupadītyevaṃ nāmnā khyātirabhūnmune || iti ||

mahābhārate sabhāparvaṇi-

tacchidrātsyanditā tatra pādabhraṣṭā'tha nimnagā |
saṃsāra sāgaraṃ sāśhū pāvanī sāgarā"nganā || iti ||

pṛ0 369) kūrmapurāṇe tu- �athāṇḍabhedādapatacca śītalaṃ mahājalaṃ 
puṇyakṛdoghajuṣṭa�mityupavarṇitam | viṣṇupurāṇe'pi-

ūrdhvottaramṛṣibhyastu dhruvo yatra vyavasthitaḥ |
etadviṣṇupadaṃ divyaṃ tṛtīyaṃ vyomni bhāsvaram ||

ityupakramyoktam- �tataḥ pravahati brahmansarvapāpaharā sarit | ga"ngā 
devā"nganā'"ngānāmanurañjanapiñjarā || viṣṇupādaviniṣkrāntā 
plāvayantīndumaṇḍalam | samantādbrahmaṇaḥ puryāṃ ga"ngā patati vai divaḥ 
| vāmapādāmbujā"nguṣṭhanakhasroto vinirgatā || viṣṇorbibharti yāṃ 
bhaktyā śirasā'harniśaṃ dhruvam | tataḥ saptarṣayo yasyāḥ 
prāṇāyāmaparāyaṇāḥ || tiṣṭhanti vīcimālābhiruhyamānajaṭāntarāḥ | 
vāryaughasantateryasyāḥ plāvitaṃ śaśimaṇḍalam || bhūyo'dhikatarāṃ 
kāntiṃ vahatyetadanukṣapam | merupṛṣṭhe patitvoccairniṣkrāntā 
śaśimaṇḍalāt | jagataḥ pāvanārthāya yā prayāti caturdiśi | sītā 
cālakanandā ca cakṣurbhadrā ca saṃsthitā || ekaiva yā 
caturbhedadigbhedagatilakṣaṇā | bhedaṃ cālakanandākhyaṃ yasyāḥ śarvo'pi 
dakṣiṇam || dadhāra śirasā prītyā varṣāṇāmadhikaṃ śatam | 
śambhorjaṭākalāpācca viniṣkrāntāsthiśarkarāḥ | pāvayitvā divaṃ ninye 
yā pāpānsagarātmajān || iti ||

mārkaṇḍeya purāṇe'pi-

dhruvādhāraṃ jagadyoneḥ padaṃ nārāyaṇasya yat |
tataḥ pravṛttā yā devī ga"ngā tripathagāminī ||
sā praviśya sudhāyoniṃ somamādhāramambhasām |
saṃvartamānārkaraśmisantatiṃ lokapāvanīm ||
papāta merupṛṣṭhe ca sā caturdhā tato yayau |

ityupakramya, sītāyāḥ pūrvasamudraprāptimuktvā, 

pṛ0 370) tathaivālakanandākhyā dakṣiṇādgandhamādanāt |
merupādavanaṃ gatvā nandanaṃ devanandanam ||
mānasañca mahāvegātpāvayitvā sarovaram |
mānasācchailarājāttu ramyādriśikharaṃ gatā ||
tasmācca parvatānsarvāndakṣiṇe yatra moditā |
tānpāvayitvā samprāptā himavantaṃ mahāgirim ||
dadhāra tatra tāṃ śambhurmumoca vṛṣabhadhvajaḥ |
bhagīrathenopavāsaiḥ stutyācārādhito vibhuḥ ||
tatra muktvā ca śarveṇa saptadhā lavaṇodadhim |
praviveśa tridhā prācyāṃ sā tadā tu mahāniti ||
bhagīrathasyānurathaṃ srotasaikena dakṣiṇan ||

ityādyupavarṇitam || skānde kedārakhaṇḍe-

sa"nkalpenaiva vavṛdhe vāmano bhagavānajaḥ |
pādaikena mahī vyāptā viṣṇunā prabhuviṣṇunā ||
sa svargo'pi dvitīyena vyāptastena mahātmanā |
satyalokasthitenaiva ambhasācāvane jane ||
tatpādasamparkajalācca jātā 
pāpāpahā ma"ngalama"ngalā ca |
yayā trilokī ca kṛtā pavitrā 
yayā ca sarve sagarāḥ samṛddhāḥ ||
yayā kapardaḥ paripūritaśca 
śambhostadānīñca bhagīrathena || iti || 

pṛ0 371) mahābhārate- �viṣṇoḥ pādācchiṃśumārāddhruvācca 
somātsūryānmerurūpācca viṣṇoḥ | samāgatā śivamūrdhno himādri� 
mityādyupavarṇitam | tasmādga"ngādhāraṇaṃ śivasyāpakarṣaheturiti 
pañcaṣākṣaraśravaṇaparituṣṭānāṃ kūpamaṇḍūkavatpralapatāṃ 
bāliśānāṃ vādaḥ ||
siddhāntastu- ga"ngādhāraṇantāvadananyasādhyamiti mahābhārate bhagīrathaṃ 
prati ga"ngāvacanenāvagatam- �kariṣyāmi mahābhāga vacaste nātra saṃśayaḥ 
| vegantu mama durdhāryaṃ patantyā gaganāddrutam || na kṣamastriṣu lokeṣu 
kaściddhārayituṃ nṛpa | anyastu vibudhaśreṣṭhānnīlakaṇṭhānmaheśvarāt 
||� ityādinā || rāmāyaṇe'pi bhagīrathaṃ prati brahmavacanenāvagatam- 
�ga"ngāyāḥ patanaṃ rājan pṛthivī na sahiṣyate | tāṃ vai dhārayituṃ 
vīra nānyaṃ paśyāmi śūlinaḥ ||� iti || bhāgavate tu- �ko'pi dhārayituṃ 
vegaṃ patantyā me mahītale | na cedbhūmitalaṃ bhitvā nṛpa yāsye rasātalam 
||� iti pṛṣṭavatīṃ ga"ngāmprati bhagīrathavacanenaivāvagatam- 
�dhārayedbhagavato vegaṃ rudrastvātmā śarīriṇām | yasminnotamidaṃ protaṃ 
viśvaṃ śāṭīva tantuṣu ||� iti ||
idañca ga"ngādhāraṇaṃ na kevalaṃ bhagīrathapitāmahottaraṇārthaṃ, kintu 
ga"ngāvegādbhūdāvaṇaparihāreṇa jagatsaṃrakṣaṇārthamapi | 
sarvopakārakasyāgastyanipītasya samudrasya paripūraṇārthamityabhidhīyate | 
tatra hyāraṇyaparvaṇyagastyanipītasya lokapāvanatayā sarvopakārasya 
samudrasya paripūraṇopāyaṃ cintayatā brahmaṇā bhagīrathaḥ 
svapitāmahottāraṇāya ga"ngāmāneṣyati tayā ca samudrasya paripūraṇaṃ 
bhaviṣyati vigatajvarāśca dehino bhavantyuktamiti prapañcitam | 
evamananyasādhyaṃ ga"ngādhāraṇaṃ jagatsaṃrakṣaṇārthaṃ śivena kṛtaṃ, 
natu svasyāpi ga"ngāpāvanīti taddhāraṇaṃ kṛtam | evaṃ lokopakārārthaṃ 
śivena kṛtaga"ngādhāraṇamapi yadi viṣṇupadyā syāttadā 
�yatpādanissṛtasaritprasarodakena tīrthena mūrdhni vidhṛtena śivaḥ 
śivo'bhūt | viṣṇupādaviniṣkrāntā plāvayantīndumaṇḍalam |� 
ityādivacanānāmavakāśaḥ syāt | idantu dhāraṇaṃ bhagīratha-

pṛ0 372) prasāditāyāścaturmukhalokasthitāyā haimavatyā ga"ngāyā iti 
vivekaḥ | taduktam-

ga"ngā'pi naiva bhavatā gajacarmadhāri-
nmūrdhnā dhṛtā madhuripoścaraṇātkṣarantī |
kintu prasādanaparāya bhagīrathāya 
datvā varaṃ śatadhṛteḥ sadanātkṣarantī || iti ||

idamatrākṛtam- dvividhā ga"ngā, ekā himavataḥ kanyā brahmaloke pravahantī 
kenacidaṃśena brahmalokādbhūlokaṃ bhagīrathenānītā, anyā 
tūrdhvaprasāritrivikramarūpabhagavaccaraṇaprabhavā satyadhaḥ patantī 
kenacidaṃśena vyomni sthitā devānāmupayoginyaṃśāntareṇa merorupari 
brahmapuryāśca tisṛṣu dikṣu pravahantyanilena caturdhā vibhaktā nipatantī 
prācyādisamudrānpraviṣṭā | tathāhi- vāmanapurāṇe-

śvetā"ngī padmapatrākṣī nīlakuñcitamūrdhajā |
śvetamālyāmbaradharā kuṭilā nāmajāparā || iti ||

umāyā jeṣṭhāṃ himavatsutāṃ prastutyoktam-

divākaraiśca rudraiśca vasubhiśca tapasvinī |
kuṭilā brahmalokantu nītā śaśikaraprabhā ||
athocurdevatāḥ sarvāḥ kiṃ nviyaṃ janayiṣyati |
putraṃ tārakahantāraṃ brahmanvyākhyātumarhasi ||
tato'bravītsurapatirneyaṃ śaktā tapasvinī |
śārvaṃ dhārayituṃ tejo varākīmucyatāmiyam ||
tatastu kuṭilā kruddhā brahmāṇaṃ prāha nārada |
yathā yatiṣye bhagavan yathā śārvaṃ duruddharam ||

pṛ0 373) dhārayiṣyāmyahaṃ tejastathaiva śṛṇu sattama |
tapasā'haṃ sutaptena samārādhya janārdanam ||
yathā harasya tadvīryaṃ dhārayiṣye pitāmaha |
tathā deva kariṣyāmi satyaṃ satyaṃ mayoditam ||
tataḥ pitāmahaḥ kruddhaḥ kuṭilāmatidāruṇām |
bhagavānādiśadbrahmā sarveśaḥ sa mahāmune ||
yasmānmadvacane pāpe na sthitaṃ kuṭile tvayā |
tasmānmacchāpanirdagdhā tvamadyaiva bhaviṣyasi ||
ityevaṃ brahmaṇā śaptā himavadduhitā mune |
ambhomayī brahmalokaṃ plāvayāmāsa veginī ||
tāmutthitajalāṃ dṛṣṭvā babandha prapitāprahaḥ |
ṛksāmā'tharvayajuṣāṃ vā"nmayairbandhanairdṛḍham ||
sā baddhā saṃsthitā brahman tathaiva girikanyakā |
ambhomayī plāvayantī brahmaṇo vimalā jaṭāḥ || iti ||

atra ga"ngaiva kuṭileti nāmāntareṇoktā, �ete vai śailarājasya sute 
lokanamaskṛte |
ga"ngā ca saritāṃ śreṣṭhā umādevī ca rāghava ||� iti rāmāyaṇe 
himavatsutāyāmumājeṣṭhāyāṃ kuṭilāpadasthāne ga"ngāpadadarśanāt ||

atha jeṣṭhāṃ surāssarve devatārthe cikīrṣayā |
śailendraṃ varayāmāsurga"ngāṃ tripathagāṃ nadīm |
dadau dharmeṇa himavāṃstanayāṃ lokapāvanīm |
svacchandapathagāṃ ga"ngāṃ trailokyahitakāmyayā ||

pṛ0 374) pratigṛhya tato devāstrailokyahitakārakāḥ |
ga"ngāmādāya vai yātāḥ kṛtārthenāntarātmanā ||

ityudāhṛtakuṭilāvṛttāntasya ga"ngāyāmeva rāmāyaṇe sa"nkṣipya 
pratipādanācca | evaṃ tāvadādyā haimavatī ga"ngā brahmaśāpādasiddhitvaṃ 
prāptā bhagīrathabhaktyanurodhādbhuvaṃ prāptā satī tripathagā jāteti 
sapramāṇamupavarṇitam | anyā tu viṣṇupadī ga"ngā 
kvacidūrdhvaprasāritatrivikramacaraṇāmbujasa"nkṣālanārthaṃ 
satyalokasthitabrahmakamaṇḍalunisṛtajala rūpeti ga"ngādvayasya siddhatvena 
śivaśirasi sthitā ga"ngā bhinneti noktabāli śaśa"nkāvakāśaḥ ||
nanvastvevametattathāpi viṣṇupadīnirgamanasamaye tanmārgasthitā haimavatī 
tayā miśritā'bhūt, ataḥ pāvanīti śivena mṛrdhnā dhṛteti śa"nkāṃ 
haimavatyāḥ śivamūrdhni sambandhādeva pāvanatvapratipādanena nirasanaṃ 
kṛtaṃ rāmāyaṇe viśvāmitravacanaiḥ-

ākāśādapatadrāma śive śivaśirasyuta |
acintayacca sā devī ga"ngā paramadurdharā ||
viśāmyahaṃ hi pātālaṃ srotasā gṛhya śa"nkaram |
tasyāvalepanaṃ jñātvā kruddhaḥ sa bhagavān haraḥ ||
tirobhāvayituṃ buddhiṃ cakre trinayanastadā | 
sā tasminpatitā puṇyā puṇye rudrasya mūrdhani ||
tatra devarṣigandharvavasudhātalavāsinaḥ |
bhavā"ngapatitaṃ toyaṃ pavitramiti paspṛśuḥ || iti ||

atra śive śivaśirasyuta, puṇye rudrasya mūrdhanīti śivapuṇyaśabdābhyāṃ 
śivamauleḥ paramama"ngalatvaṃ paramapavitratvañcoktamiti śivasyaiva 
sakaladevatāpāramyamavagamyata iti siddhāntaḥ ||

pṛ0 375) nanu savitṛmaṇḍalamadhyavartina eva gāyatrīpratipādyatvena 
sarvopāsyatvasya śrutismṛtipurāṇādiṣu pratipāditatvāttatpratipādyo 
nārāyaṇa eva | tathāhi- �atha ya eṣo'ntarāditye hiraṇmayaḥ puruṣo 
dṛśyate hiraṇyaśmaśrurhiraṇyakeśa āpraṇakhātsarva eva suvarṇaḥ | tasyā 
yathā kapyāsaṃ puṇḍarīkaṃ, evamakṣiṇī� 
ityādiśrutyā''dityamaṇḍalāntarvartina evopāsyatvena vidhānāt | tatropāsyo 
viṣṇureva, natu śivaḥ | puṇḍarīkākṣavacanasya rūḍhyā yogena ca 
nārāyaṇaparatvāt | akṣiṇī iti dvivacanasvārasyānnārāyaṇaparatvameva, 
natu śivaparatvaṃ tasya trinetratvaprasiddheḥ | api ca puruṣaśabdasya �puru 
saṃjñe śarīre'smin śayanātpuruṣo hariḥ | śakārasya ṣakāro'yaṃ 
vyatyayena prayujyate || bhagavāniti śabdo'yaṃ tataḥ puruṣa ityapi | 
nirupādhi ca vartate vāsudeve sanātane� iti nārāyaṇaparatvena 
nirṇītopabṛṃhaṇānusāreṇa 
viṣṇorevādityamaṇḍalāntarvartitvenopāsyatvam | ateva 
gāyatrīpratipādyatvamapi tasyaivopapadyate | ateva �dhyeyaḥ sadā 
savitṛmaṇḍalamadhyavartī nārāyaṇaḥ sarasijāsanasanniviṣṭaḥ | 
keyūravānmakarakuṇḍalavānkirīṭī hārī 
hiraṇmayavapurdhṛtaśa"nkhacakraḥ� ityapi sa"ngacchate | 
nacādityamaṇḍalamadhyavartyupāsyamastu, tacca 
maṇḍalābhimānisūryarūpadevatā bhavatu kiṃ viṣṇuparatveneti vācyaṃ, 
ādityaśabdasya maṇḍalābhimānidevatāvācakatvena kośādiṣvasiddhatvāt, 
prathamāntaśabdānāṃ tadvyatiriktārthaparatvena svarasataḥ 
pratīyamānatvānnasūryaparatvam | na cādityaśabdasya 
maṇḍalābhimānivācakasya tadekadeśe maṇḍale �puroḍāśakapālena 
tuṣānupavapatī�tyatrevaikadeśalakṣaṇāma"ngīkṛtya prathamāntaśabdānāṃ 
tadabhimānidevatāparatvama"ngīkriyatāmiti vācyaṃ, mukhyā'rthe sambhavati 
sati lakṣaṇāyā anyāyyatvāt | kiñcāntaryāmibrāhmaṇe �ya āditye 
tiṣṭhānnādityamantaro yamayati | yamādityo na vede� tyādityaśabdasya 
maṇḍalābhimānijīvavācakatva upāsyavastunastadbhinnatvaitasyāḥ śrutereva 
pramāṇatvātkathaṃ sūryaparatvaṃ, tasmātsūrya-

pṛ0 376) maṇḍalamadhyavartisūryopāsyo nārāyaṇa eveti tasyaiva 
gāyatrīpratipādyatvena sarvottamatvamiti pūrvapakṣaḥ ||
siddhāntastu- �asau yastāmro aruṇa uta babhruḥ suma"ngalaḥ | asau yo'vasarpati 
nīlagrīvo vilohitaḥ� iti dvābhyāmṛgbhyāmādityamaṇḍalāntarvartitvena 
nīlagrīvaśabdavācyasya śivasyaiva pratipādanāt | ato �ya eṣo'ntarāditye 
hiraṇmayaḥ puruṣo dṛśyata� iti śruterapyasau yastāmra iti 
śrutipratyabhijñānavaśena śivaparatvameva || kiñca 
nīlagrīvaśabdaśravaṇavannārāyaṇādiśabdānāṃ kośādiprasiddhānāṃ 
tatrāśravaṇātkathaṃ nārāyaṇaparatvena nirṇīyate | na cākṣiṇī iti 
dvivacanānupapattiriti vācyaṃ, nahi dvivacanaṃ dvitvamātrapratipādakaṃ 
tṛtīyamakṣi nāstīti pratipādayituṃ śaknoti | nahi devadattasya dvau putrau 
dhārmikāvityatra tṛtīyaḥ putro nāstīti niścetuṃ śakyate, parantu 
tṛtīyaḥ putro'dhārmika iti niścayaṃ janayitumalaṃ bhavati | tadvadatrāpi 
parameśvarasyākṣidvayaṃ puṇḍarīkasadṛśaṃ, tṛtīyantu 
vahnijvālāmālākulamiti nirṇayo bhavati dvivacanena | tasmācchivaparatve na 
kiñcidapi bādhakam || yaduktaṃ puruṣaśabdasya nārāyaṇaparatvācchivasya 
kathamupāsyatvaṃ sambhavatīti tadatyantāsa"ngatam | tathāhi- �ṛtaṃ satyaṃ 
paraṃ brahma puruṣaṃ kṛṣṇapi"ngalam | puruṣasya vidmaḥ sahasrākṣasya 
mahādevasya dhīmahe�ti śrutibhyāṃ,       tatpuruṣāya vidmahe� iti 
pañcabrahmamantrāntargatamantreṇa, �puruṣo vai rudrassanmahoṃ namo nama� iti 
tvaritarudreṇa, �a"nguṣṭhamātraḥ puruṣo'"nguṣṭhañca samāśritaḥ | 
īśaḥ sarvasya jagataḥ prabhuḥ prīṇāti viśvabhṛt |� iti 
taittarīyamantreṇa, �a"nguṣṭhamātraḥ puruṣaḥ, īśāno bhūtabhavyasya sa 
evādyasya īśvara� iti kaṭhavallīmantreṇa ca puruṣaśabdasya śivaparatvena 
nāmadheye'pyekajīvātusāmānādhikaraṇyanyāyena śivaparatvena 
nirṇayātkathaṃ nārāyaṇaparatvam | naca puruṣāvātmamānavāviti 
kośādātmasāmānyamanuṣyavācakasya kathaṃ śivaparatvaṃ vaktuṃ śakyata iti 
vācyaṃ, evaṃ sati prāṇākāśajyotirvai- 

pṛ0 377) śvānarādiśabdānāṃ nighaṇṭukāvyādiṣu 
tattadarthapratipādakatvena prasiddhānāṃ paraśive 
laukikamaryādayā'prasiddhānāṃ �ākāśastalli"ngāt | 
vaiśvānarassādhāraṇaśabdaviśeṣāt | jyotiścaraṇābhidhānāt | ateva 
prāṇaḥ |� ityādibhagavadbādarāyaṇasūtraiḥ parameśvaraparatvena nirṇayo 
na syāt | atha śabdārthanirṇaye 
kośavadupakramopasaṃhārābhyāsānitarasādhāraṇali"ngādayo'pyarthanirṇāyak
ā iti | ateva �abhyāse sati hi bhūyastvamarthasya bhavati | nālpatvamapi 
prāgevopacaritārthatva� miti 
bhāmatyāṃ ṭīkākārairācāryavācaspatimiśraiḥ pratipāditam | ateva nātra 
śabdārthanirṇāyaka iti śabdārthānabhijñakatipayajanasammohanamātramiti 
puruṣaśabdasya śivaparatvameva || yaduktaṃ purusaṃjñe śarīre'sminniti 
yogamahimnā nārāyaṇaparatvamiti tadapyatimandam | puri śayaṃ puruṣamīkṣata 
iti sāmānyanirukteḥ pūrvoktasāmānādhikaraṇyādibhiḥ śrutyaiva 
śivaparatvena nirṇītatvāt || smṛtinirvacanasya �virodhetvanapekṣaṃ 
syādasatihyanumāna�mityadhikaraṇanyāyena śrutinirvacanāpekṣayā 
durbalatvādanādaraṇīyatvameva || atevānekaśrutibalāt, �dhyeyaḥ sadā 
savitṛmaṇḍalamadhyavartī�ti ślokasthitanārāyaṇaśabdasya nārāyaṇasya 
strī nārāyaṇītyatropādhyāyī       kṣatriyī āryītivadarthanirṇaye 
nārāyaṇaśabdavācyaḥ śiva eva | ateva śauramaṇḍalamadhyasthaṃ sāmbaṃ 
saṃsārabheṣajam | nīlagrīvaṃ virūpākṣa� mityādi purāṇavacanamapi 
śivaparatve sa"ngacchate | tasmātsūryamaṇḍalamadhyavartī paraśiva eveti 
gāyatrīpratipādyatvamapi tasyaiveti śivasyaiva sarvottamatvam ||
nanvādityamaṇḍalāntarvartitvenopāsyatvasya vādena siddhatve'pi kathaṃ 
gāyatrīpratipādyatvaṃ śivasya | kintu nārāyaṇasyaiveti cenna, 
gāyatrīśabdārthāparijñānināmevaṃ śa"nkopapadyate | �yo 
devassavitā'smākaṃ dhiyo dharmādagocarāḥ | prerayettasya 
yadbhargastadvareṇyamupāsmahe� 
ityārṣanirukterādityamaṇḍalāntarvartitvenopāsyatvasya gāyatryarthakatvena 

pṛ0 378) nirṇītatvāt, śivasyaiva gāyatrīpratipādyatve ko vivādaḥ ? 
nanu nārāyaṇasyaiva gāyatrīpratipādyatvam | tathāhi- 
�jyotiścaraṇābhidhānā� dityadhikaraṇe jyotiḥ śabdavācyaṃ paraṃ brahma, 
caraṇābhidhānātpādābhidhānādityuktvā, pādābhidhā 
kutretyākā"nkṣāyāṃ pūrvasmin khaṇḍe �tadetadṛcābhyuktam, tāvānasya 
mahimā, tato jyāyāṃścapuruṣaḥ, pādo'sya sarvā bhūtāni� iti 
tripādābhidhānaṃ pūrvaṃ pratipādya, �chando'bhidhānānneti cenna, tathā 
ceto'rpaṇanigadāttathāhi darśanam� iti sūtre �gāyatrī vā idaṃ sarvaṃ 
bhūtaṃ yadidaṃ kiñca� iti gāyatryā upāsyatvena pratipādyatvāt | 
jyotiśśabdavācasya kathaṃ parameśvaraparatvamityākṣipya, gāyatrīdvārā 
parameśvarasyaivopāsyatvamiti vaktavye 
puruṣasūktamantrapratyabhijñānātpuruṣasūktasya nārāyaṇaparatvāt, 
tatpratyabhijñātasya mantrasya tatparatvāvaśyambhāvānnārāyaṇaparatvaṃ 
gāyatryāḥ | kiñca �yo devassavitā'smāka� miti nirukteḥ sāmānyarūpāyāḥ 
śivaikaparatvābhāvāt, chāgo vā 
mantravarṇāditi ṣaṣṭhopāntyādhikaraṇanyāyena pūrvoktayuktyupodvalitena 
nārāyaṇaparatvameva, na śivaparatvena kiñcilli"ngavacanāni paśyāmaḥ | 
apica bhargaśabdasya �bhṛñ = bharaṇe, �ramu = krīḍāyāṃ, �gamaḷ = gatau, 
iti dhātutrayādbhargaśabdasya niṣpannatvena vāyuparatvena viṣṇurūpatvācca 
| naca dhātutrayācchabdaniṣpattireva na bhavatīti �bhṛji = bharjan, 
itidhātorniṣpannatvena saṃhārakāraṇe rudra eva paryavasyati, natu 
viṣṇvāveveti vācyaṃ, �adibhūbhyāṃ ḍutaji� ti vyākaraṇasūtrasiddha ada = 
bhakṣaṇe, bhū = sattāyāmiti 
dhātudvayaniṣpannādbhutaśabdavadbhargaśabdasya viṣṇuparatvopapatteḥ | 
tasmādgāyatryā viṣṇuparatvānnārāyaṇaḥ parabrahmeti siddhamiti 
ceditthamālocanīyam- puruṣasūktapratyabhijñānāt, �tāvānasya mahime�ti ṛco 
viṣṇuparatvamiti yadavādi tadasa"ngatam, puruṣasūktasya 
śvetāśvataropaniṣadi pratyabhijñāyamānasya śivaparatvena bahudhā 
nirṇītatvena tanmantrapratyabhijñānena viṣṇuparatvābhāvāt | 
tasmādgāyatrī vā idaṃ sarvamiti brāhmaṇe prastutā gāyatrī na 

pṛ0 379) viṣṇuparā, kintu śivaparā | kiñca dhīprerakatvaṃ gāyatryā 
śrūyate | idantu śivasyaivāsādhāraṇaṃ li"ngam | tathāhi- �tadakṣaraṃ 
tatsaviturvareṇyaṃ prajñā ca tasmātprasṛtā purāṇī�ti 
gāyatryarthapratyabhijñāpanapurassaraṃ prajñāprerakatvaṃ śivasyaiva 
pratipādayati | evaṃ mantrāntare'pi �hiraṇyagarbhaṃ janayāmāsa pūrvaṃ sa 
no budhyā śubhayā saṃyunaktu, hiraṇyagarbhaṃ paśyata jāyamānaṃ sa no 
budhyā śubhayā saṃyunaktu, sa no devaḥ śubhayā smṛtyā saṃyunaktu� 
ityādimantraiḥ śivasyaiva dhīprerakatvamabhyāsavaśena siddham || yaccoktaṃ 
bhargaśabdasya dhātutrayaniṣpannatvādviṣṇuparatvamiti 
tadapyatyantavaiyyākaraṇamaryādānabhijñatāmūlam | tathāhi- ekasya śabdasya 
dhātutrayaniṣpannatvaṃ vyākaraṇe kvāpyadṛṣṭacaram, adbhutaśabdotpattistu 
| aditi nipāta upapade bhūdhātorḍutacpratyayavidhānādbhavatīti tasya 
dhātudvayānniṣpattireva nāsti || kiñca gāyatryāḥ śivaparatva 
upabṛṃhaṇavacanāni śivarahasye himavatkhaṇḍe tṛtīyāṃse dvitīyādhyāye-

purā cakāra gāyatrī tapo ghorataraṃ param |
prītastattapasā śambhustadbhaktyāparabhūtayā ||
tataḥ paraṃ sa bhagavān bhargaḥ sargādikāraṇam |
tāmuvācāticaturo ghanagambhīrayā girā ||
tvayā taptaṃ tapo ghoraṃ kalpānāmayutaṃ dhruvam |
tena prīto'smyahaṃ devi varaṃ vṛṇu yathecchayā ||
varadeṣu vareṇyo'haṃ tvadīpsitavarapradaḥ |
kimadeyaṃ mayā'styatra prīto'smi tapasā'dhunā ||
iti tadvacanaṃ śrutvā praṇamya bhuvi daṇḍavat |
gāyatrī mūrtimāsādya sānandāśrupariplutā ||
bhagavan devadeveśa bharga saṃsārabhañjaka |
prasiddhakaruṇāsindho varaṃ dehi madīpsitam ||

pṛ0 380) mantraḥ śivapadābhāve japāyogya iti śrutiḥ |
devasya saviturbuddhiḥ prabodhayati śa"nkaraḥ ||
sa eva bhagavānbhargo dhiyo yo naḥ pracodayāt |
devasya dīpyamānasya saviturjñānamuttamam ||
pracodayati viśvātmā vareṇyaṃ śiva eva saḥ |
anyaḥ ko vā tadvareṇyaṃ saviturvā pracodayāt ||
asmākamitareṣāṃ vā sa bhargaḥ śa"nkarastu saḥ 
asya bhargapadasyaiva māhātmyaṃ śrutiṣu śrutam ||
saṃsārabharjanādbhargasso'yaṃ svargāpavargadaḥ ||

ityādyupabṛṃhaṇavacanaiśca bhargaśabdasya śivaparatvameveti śivasyaiva 
gāyatrīpratipādyatvaṃ siddhameveti siddhāntaḥ ||
atha paramaśivasya praṇavavācyatvaṃ pratipādyate- 
�prajāpatirlokānabhyatapat, teṣāṃ tapyamānānāṃ yā vidyā 
samprāsravattāmabhyatapat | tasyā abhitaptāyā etānyakṣarāṇi 
samprāsravanta, tānyabhyatapat, tebhyo'bhitaptebhya oṃkāraḥ samprāsravat, 
tadyathā śa"nkunā sarvāṇi parṇāni santṛṇṇāni evamo"nkāreṇa sarvā vāk 
santṛṇṇā | oṃkāra evedaṃ sarvam� iti sarvavaidikavācāṃ sāratvena 
sarvavācāṃ layādhāratvena ca pratipādanātsarvavāgabhyarhitatvena 
praṇavasya sarvottaratvāt, tadvācyatvaṃ śivasyeti śiva eva sarvottaraḥ | 
�ātmānamaraṇiṃ kṛtvā praṇavañcottarāraṇim | 
dhyānanirmathanābhyāsāddevaṃ paśyennigūḍhavat ||� iti 
śvetāśvataropaniṣadi 
śivarudramaheśvarādiśabdasāmānādhikaraṇyācchivaparatvena 
lokaprasiddhāyāṃ devaśabdena praṇavavācyatvapratipādanācchivasyaiva 
sarvottaratvam ||
nanu praṇavavācyatvaṃ viṣṇoreva | �viṣṇuṃ 
bhāsvatkirīṭā"ngadavalayagalākalpahārodarā"nghri śroṇībhūṣaṃ 
suvakṣomaṇimakaramahākuṇḍalāmaṇḍitā"nga� miti  

pṛ0 381) praṇavadhyānaślokasya viṣṇuparatvenaiva vidyamānatvāt tatra 
tatropaniṣadi �praṇavo dhanuḥ śaro hmātmā brahma tallakṣyamucyata� 
ityādibrahmātmaśabdasāmānādhikaraṇyāt, �ahamātmā guḍākeśa� iti 
gītāvacanenātmaśabdasya praṇavavācakasya viṣṇāvapi vṛttisambhavāt, ūṃ 
tatsaditi nirdeśo brahmaṇastrividho mata� iti brahmaśabdasāmānādhikaraṇyena 
ūṃ tatsaditi śabdānāṃ nārāyaṇaḥ paraṃ brahmeti parabrahmaśabda 
vācyasyābhideyatvasambhavāt, nārāyaṇasyaiva praṇavaśabdavācyatvam | 
atevābhiyuktavacanamapi sampadyate �cidaṃśaṃ vibhuṃ nirmalaṃ nirvikalpaṃ 
nirīhaṃ nirākāramoṃkāragamyam� iti | tasmātpraṇavavācyatvaṃ viṣṇoreva | 
ateva rāmāyaṇe �tvaṃ yajñastvaṃ vaṣaṭkārastvamoṃkāraḥ prajāpati�riti | 
tasmādviṣṇureva praṇavavācya iti siddhaṃ sarvottaratvamiti cedatrocyate- �yo 
vedādau svaraḥ prokto vedānte ca pratiṣṭhitaḥ | tasya prakṛtilīnasya yaḥ 
parassa maheśvara� iti taittarīyaśrutau �praṇavādyā mune vedāḥ praṇave 
sampratiṣṭhitāḥ |� iti vedādyantayoḥ śravatyano"nkataṃ pūrvaṃ parastācca 
viśīryata� iti manuvacanenāvaśyaṃ paṭhyamānapraṇavavācyatvena 
maheśvaraśabdābhidheyaśivasyaiva pratipādanāt, pūrvodāhṛtaśvetā-  
śvataramantreṇa ca śivasyaiva praṇavapratipādyatvena niścitatvāt, 
sāmānyākāreṇa brahmātmaśabdaistattadupaniṣadi gītāyāñca 
paṭhyamānapraṇavaḥ śivapara eva | naca tasya prakṛtilīnasyeti | 
prakṛtāvākāre līnasya yaḥ paraḥ, idaṃ parastatpara ityādau vācye 
parapadaśravaṇena yaḥ paro vācyaḥ sa maheśvaro mahānīśvara 
ityarthavivaraṇena ākāro viṣṇuvācaka iti smṛtyupodvalitena viṣṇoreva 
praṇavavācyatvaṃ natu śivasyeti vācyaṃ, evaṃ kliṣṭagatyā 
paraśabdasyotkṛṣṭavācakasya kośamaryādayā śivaparasya 
�maheśvarastryambaka eva nāpara� ityabhiyuktakālidāsoktyā ca 
maheśvaraśabdasya śivaparatve sambhavati tvadabhimatasidhyarthaṃ 
vakramārgānusaraṇasyātyantamanyāyyatvāt | evañca tasyāyamarthaḥ- tasya 
praṇavasya prakṛtāvākāre līnasya viṣṇoḥ pañcamyarthe 

pṛ0 382) ṣaṣṭhī, yūpasya svaruṃ karoti yūpātsvarumupādatta iti vat | 
viṣṇoryaḥ para utkṛṣṭaḥ sa eva maheśvara iti śrutireva 
praṇavaśabdavācyatvaṃ viṣṇvāpekṣayā cotkarṣañca vadatīti śivasya 
praṇavaśabdavācyatvena sarvotkṛṣṭatvam | tatrāpyakārokāramakārebhyaḥ 
kāryamūrtivācakebhyaḥ sarvotkṛṣṭasyārdhamātrākasya nādasyaiva gamyaḥ 
śiva iti �ardhamātraścaturtho'vyavahāryaḥ prapañcopaśamaḥ śivo'dvaita 
evo"nkāra� iti pratipādanāt, śiva eva praṇavaśabdavācyaḥ | ateva 
śaivapurāṇa upabṛṃhaṇamapi śrūyate- 

praṇavo vācakastasya śivasya paramātmanaḥ |
akārastu mahānbījaṃ rajaḥ sraṣṭā caturmukhaḥ ||
ukāraḥ prakṛtiryoniḥ sattvaṃ pālayitā hariḥ |
makāraḥ puruṣo bījaṃ tamaḥ saṃhārako haraḥ || 
nādaḥ paraḥ pumānīśo nirguṇo niṣkriyaḥ śivaḥ |
evaṃ trisṛbhiraivaitanmātrābhirakhilaṃ tridhā ||
abhidhāya śivātmānaṃ bodhayatyardhamātrayā |
śivo vā praṇavo hyeṣaḥ praṇavo vā śivaḥ smṛtaḥ ||
vācyavācakayorbhedo nātyantaṃ vidyate kvacit |

iti praṇavaprakṛtyātmakatvena viṣṇorvarṇanāt, caturthārdhamātravācyatvena 
paramaśivasya taduttīrṇatvātsarvottaratvam | ateva śrīmatā puṣpadantena-

trayīṃ tisro vṛttīstribhuvanamatho trīnapi surā-
nakārādyairvarṇaistribhirabhidadhattīrṇavikṛti |
turīyaṃ te dhāma dhvanibhiravarundhānamaṇubhiḥ 
samastaṃ vyastaṃ tvāṃ śaraṇada gṛṇātyomiti padam ||

iti sādhūktam | yaduktamoṃkāragamyamiti tvamoṃkāraḥ prajāpatiriti 

pṛ0 383) viṣṇubhuja"ngarāmāyaṇādiṣu tatsarvaṃ 
praṇavavikṛtibhūtākāravācyaviṣṇuparatvenāsmākamanukūlameveti na 
kaścidvirodhaḥ | yaduktaṃ praṇavadhyānaślokasya viṣṇuparatvamiti 
praṇavavarṇābhimānidevatādhyānaparatvenāpi 
vyāhṛtigāyatryādidhyānavatsa"ngatattvāt | tāvatā śivasyaiva 
praṇavavācyatve tanniyāmakatvamiti �praṇavo hi paraṃ brahma praṇavaḥ 
paramaṃ padam | sākṣātparaśivo yogā� dityādyanekapramāṇaparyālocanayā ca 
praṇavavācyaḥ śivaḥ eva sarvottara iti siddhāntaḥ ||
atha tārakavicāraḥ- nanu kāśyāṃ maṇikarṇikāyāṃ mumūrṣoḥ prāṇinaḥ 
�asya hi jantoḥ prāṇeṣūtkramamāṇeṣu rudrastārakaṃ brahma vyācaṣṭa� iti 
śrutibodhitaṃ muktyasādhāraṇakāraṇaṃ tārakaṃ 
kiṃrūpamityākā"nkṣāyāṃ �mumūrṣormaṇikarṇikyāmardhodakanivāsinaḥ | 
ahaṃ diśāmi te mantraṃ tārakabrahmasaṃjñakam || śrīrāmarāmarāmeti 
hyetattārakamucyate | atastvaṃ jānakīnātha parabrahma suniścita�miti 
padmapurāṇaśivarāghavasaṃvādavacanaparyālocanayā, tathā śhrī rāmasya 
manuṃ kāśyāṃ jajāpa vṛṣabhadhvajaḥ | manvantarasahasrantu 
japahomārcanādibhi�rityādipramāṇairmumukṣujanamuktilakṣmī samadhigamya 
mukhyakṣetrabhūtavārāṇasīvāsavatāṃ 
karṇāla"nkāramaṇikarṇikārdhodakavāsimumukṣajanadakṣiṇakarṇe 
parameśvareṇopadiśyamānasya hi jantoriti śrutipratipādyamānamantreṇaiva 
bhagavān rudrastārakaṃ brahma vyācaṣṭa iti hrasvajābālānumoditaṃ 
tārakaśabdārthasyānirdhāritasya nirdhāraṇārthaṃ 
sākṣātparameśvareṇaiva paramāntara"ngabhūtāṃ pārvatīṃ prati �ahaṃ 
diśābhi te mantraṃ tārakabrahmasaṃjñita�mityārabhya, śhrīrāmarāmarāmeti 
hyetattārakamucyata� iti śrutyarthanirṇāyakaiḥ purāṇavacanai 
rāmamantrasyaiva tārakatvapratipādanāt, śrīrāmasya manuṃ kāśyāmityā-  
dinā śivasyopāsakatvapratipādanācca, viṣṇureva sarvottama iti pūrvapakṣaḥ 
||
siddhāntastu- praṇavasyaiva tārakatvamiti pramāṇasiddhatvena taditaramantrasya 
tārakatvamarthavādamātramiti praṇavasyaiva tārakatvaṃ siddham ||

pṛ0 384) tathāhi- 
atharvaśikhādyupaniṣadvacanaistadanusāribhirabhiyuktavacanaiśca 
tadupabṛṃhaṇabhūtaiḥ śivarahasyādipurāṇavacanaiśca praṇavasya 
vārāṇasyāṃ maraṇasamayopadiśyamānatārakamantrarūpatvaṃ 
tadvyaṣṭibhūtapañcākṣarīmantrasahitasya ca tārakamantrarūpatvañca 
spaṣṭīkṛtam tathāhi-

anilo mṛganābhireṇugandhi-
rharavāmā"ngakucottarīyajanmā |
harate maraṇaśramaṃ janānā-
madhikāśi praṇavopadeśakāle ||
śrīrāmanāmajapasīti ca karṇamūle 
mūḍhā vadanti na hi vedavido vadanti |
tvaṃ tārakaḥ khalu maheśvara vedasiddhaḥ 
kāśyāṃ tvameva satataṃ praṇavopadeṣṭā ||
kāśyāṃ varṇayitā śivaḥ parataraḥ pañcākṣaraṃ tārakaṃ 
taccaivaṃ praṇavānvitaṃ śrutiśiroratnaṃ tadityādarāt |
dūrvāsādisamastamauninikaraiḥ kāśī samārādhitā
seyaṃ śambhusamāśritā śivapurī muktya"nganā saṃśritā ||

ityādiśrutipurāṇābhiyuktavacanaśivarahasyavacanaiḥ praṇavaśabdasya 
samaṣṭirūpasya tārakatvena nirṇayātpraṇava eva tārakaḥ, 
tasya ṣaḍakṣarīrūpatvena ṣaḍākṛtīnāṃ ṅakārastārakākāro makāro 
daṇḍa ucyate | śikāraḥ kuṇḍalākāro vākāraścārdhacandrakaḥ || yakāro 
darpaṇākāraḥ praṇavo jyotirātmakaḥ |� ityādivacanaparyālocanayā 
praṇavasamaṣṭirūpatārakadaṇḍakuṇḍalārdhacandradarpaṇākārāṇāṃ 
nakāramakāraśikāravākārayakārāṇāṃ samaṣṭitvena pratipādanāt, 
samaṣṭivyaṣṭirūpayoḥ 
praṇavapañcākṣaryorabhedātpraṇavavatpañcākṣaryā api tārakatvaṃ siddham 
| naca śrī

pṛ0 385) rāmarāmarāmeti rāmamantrasya triruccaritasya 
tārakatvenābhihitatvātkathaṃ praṇavasya tārakatvamiti vācyaṃ, �ramante 
yogino hyante satyānande cidātmani | iti rāmapadenāsau paraṃ 
brahmābhidhīyata� ityumāsaṃhitāvacanena, ramante 
yogino'sminnityadhikaraṇārthe karaṇādhikaraṇayośceti 
sūtreṇādhikaraṇārthe ghañvidhānācca, mumukṣuyogijanopāsyatvaṃ, 
turyāśramiṣūpadeśasya dṛṣṭatvātpraṇavasyaiva tadvācakatvam | anyathā 
daśarathakausalyayorutpannasya sītāviyogena 
sādhāraṇamanuṣyavadatyantaduḥkhitasyāgastyopadeśamahimnā 
virajādīkṣādvārā prāptapāśupatāstrasya rāmasya tārakaśabdārthatve 
bahuśrutismṛtipurāṇavyākulībhāvaprasa"ngāt | kiñca yadi rāmanāmna eva 
pūrvoktapramāṇabalāttārakatvama"ngīkriyeta tadā rāmasya 
nārāyaṇābhinnatayā tanmantropadeśavaśānmumūrṣūṇāṃ sarveṣāṃ 
maraṇānantaraṃ nārāyaṇasārūpyaṃ syānnatu śivasārūpyam | kiñca 
śhaśako'haṃ maśako'haṃ māta"ngo'haṃ purā manuṣyo'ham | iti 
jalpantyanyonyaṃ kāśīpuravāsinūtnapaśupatayaḥ || vārāṇasī vāsavatāṃ 
janānāṃ sādhāraṇe śa"nkaralācchane'pi | pārthaprahāravraṇamuttamā"nge 
prācīnamīśaṃ prakaṭīkaroti ||� ityādi bahupramāṇavirodhaḥ syāt | 
tasmāttārakamantraḥ praṇava eva tadvācyaḥ paramaśiva eveti śivasyaiva 
sarvottamatvaṃ nirvivādam ||
pāśupatyavaraṇam- nanu śhambhurīśaḥ paśupati� rityabhidhānakośasmṛtyā 
śivāsādhāraṇanāmatvena prasiddhaḥ paśupatiśabdaḥ | sa ca yogarūḍhaḥ 
pa"nkajādipadavat | tato ruḍhyunmeṣavadyāgārthasyāpi sphuraṇāt, paśūnāṃ 
patiḥ paśupatiriti vyutpattyā yogabalātpāśupatyaṃ śivaikaniṣṭhamiti 
vaktavyam | pa"nkajanikartṛtvasya tṛṇādisādhāraṇye'pi 
kamalamātrodbodhavadyogamahimnā pratīyamānaṃ pāśupatyamāgantukaṃ 
sahajasiddhaṃ veti viśaye pramāṇaparyālocanayā''gantukameveti 
tasyāgantukasya pāśupatyasya svasmāduttīrṇādavāpyatayā svasya nikarṣaḥ 
pāśupatyadāturutkarṣaśca sidhyatīti tādṛśapaśupatiśabdaparyāyāḥ 

pṛ0 386) śambhvādiśabdā api sarvottīrṇavastuvācakāḥ | tatra śrutiḥ 
yajuṣṣaṣṭhakāṇḍe dvitīye praśne śo'bravīdvaraṃ vṛṇā ahameva 
paśūnāmadhipatirasāviti tasmādrudraḥ paśunāmadhipati� riti śrutireva 
rudreṇa varovṛta iti bravītīti śivasyāgantukamevānyapreritaṃ 
pāśupatyamiti pūrvapakṣaḥ || 
siddhāntastu- asya vākyasya pravṛtteḥ prāgeva vareṇa vṛtena bhāvyam, 
anyathā so'bravīditi bhūtārthavādānupapatteḥ | ato yatra 
yatrānādipravṛtteḥ pūrvapūrvakalpeṣvidaṃ vākyaṃ paṭhyate, tatastataḥ 
pūrvasiddhena pāśupatyena bhāvyamityasmādeva vākyātpāśupatyamanādi 
sidhyati | evameva hi yāgahomādīnāṃ tayā tayā devatayā 
varavaraṇalabdhatvena pratipāditānāṃ nityatvaṃ samarthanīyam, anyathā 
sarveṣāmapi vaidikakarmaṇāmanityatvaṃ prasajyeteti kalpabhedena 
dharmādharmaviplavaḥ syāt, tasmādyathā 
nityasiddhatattaddevatākarmasambandhapratyāyanadvārā tattatsannidhiśruto 
varavaraṇārthavādaḥ karmapraśaṃsārthaḥ | evamayamapi 
nityasiddhapaśupatibhāvaprakhyāpanadvārā karmapraśaṃsārtho'rthavāda 
ityarthaḥ | itthameva tatra tatra viṣṇorāpatannatyantāpakarṣo'pi 
pariharaṇīyaḥ | anyathā �ta iṣuṃ samaskurvatāṃ somaṃ śalyaṃ viṣṇuṃ te 
jana�miti tripurasaṃhāropakaraṇabhūtāyā iṣormadhyāvayavatāṃ 
devaistadicchayaiva nītatvena śrutasya viṣṇoratyantāpakarṣaḥ 
samāpatannanivāryā syāt | tasmātkarma praśaṃsārthaḥ 
pāśupatyavaraṇārthatvādaḥ | tatrāyaṃ niṣkarṣaḥ- 
pāśupatavratānuṣṭhānādhīnaḥ paśutvaharaṇarūpo mokṣaḥ, 
tadanuṣṭhānañca devamanuṣyādayo vayaṃ paśavaḥ,           
paśūnāñcāsmākaṃ patiḥ śivaḥ iti jñānasāpekṣamḥ, 
pāśupatavratānuṣṭhānābhāvāttattvajñānābhāvādeva lokasya muktireva na 
syāditi vicārya sakalalokānugrāhakaḥ śiva eva varaṇavyājena nijaṃ 
nityasiddhaṃ pāśupatyaṃ sarvalokaprasiddhyarthaṃ spaṣṭīcakāreti 
siddhāntaḥ ||
rudrasya tāmasatvanirākaraṇama- nanu śo'rodīdyo'rodīttadrudratva�miti  

pṛ0 387) taittarīyaśākhāyāmāmnānādrodanasya 
rudrapadapravṛttinimittatvāttasya tamoguṇamūlakatvāttāmasatvaṃ rudrasya, 
pālanarūpakāryasya sattvaguṇāpādhikatvādviṣṇossāttvikatvam | ataḥ 
sattvapravartakasya viṣṇoḥ parabrahmabhāvo yuktaḥ | rudrastu tama upakaraṇaṃ 
kṛtvā sarvaṃ jagatsaṃharati nairghṛṇyāpādakatamoguṇopakaraṇatvaṃ 
doṣatvena prasiddham | ataḥ 
prākṛtajanavattamo'bhibhūtatvāttripuradahanajalandharavadhabrahmapañcamaśirol
avanadakṣādhvaradhvaṃsanādidevatānigraharūpānucitakāryakaraṇaṃ rudre 
dṛśyate | ata evāyaṃ rudro bhīma ugraḥ paśupatiriti vyapadiśyate | tathāca 
smaśānavāsaḥ paretabhūtapatitvaṃ 
bhasmānulepo'sthimālāka"nkārādidhāraṇaṃ viṣapānaṃ sandhyāsu 
bhadrakālyādisaṃrambhajanakaṃ nartanaṃ digambaratvamityādi 
tamo'bhibhavānurūpaṃ śīlamapi paridṛśyata iti rudrasya parabrahmabhāvo na 
yuktaḥ | kintu sattvopādhikapālanādidarśanādviṣṇoreva parabrahmabhāvo 
vaktavya iti pūrvapakṣaḥ ||
atha tāmasatvaṃ saṃhārarudradharmamapi paramaśivadharmamabhyupetya tasya 
doṣatvābhāvaṃ samarthayāmaḥ- kimiha tāvattāmasatvaṃ doṣatvenāpādyate, 
nairghṛṇyāpādakatamoguṇaśālitvaṃ vā, 
prākṛtajanavattamasā'bhibhūtatvaṃ vā ? nādyaḥ, tasyādoṣatvāt | tathāhi 
saṃsāramahāraṇyagatāgatātiśrāntānprāṇinaḥ kañcitkālaṃ 
suṣuptyāpādanena viśrāntiṃ prāpayituṃ sakalaṃ 
jagatsañjihīrṣanmahādevastatsaṃhāropakaraṇatayā tamo gṛhṇāti, yathā 
cirakālavraṇarujārtyā nidrā''hārarahitānatiduḥkhamanubhavato 
manuṣyānvraṇarujāpanayanena sukhayituṃ tātkālikaṃ kiñcidduḥkhakaramapi 
vraṇacchedaṃ kariṣyanvraṇavaidyastadupakaraṇatayā śastraṃ gṛhṇāti, naca 
śastragrahaṇaṃ vraṇacchedanaṃ tasya nairghṛṇyāpādakam, kintvayaṃ 
rakṣaṇīya iti paramadayālutvajñāpakameva | tadetaduktaṃ śivapurāṇe- 
ṅidānajñasya bhiṣajo rugṇe hiṃsāṃ prayuñjataḥ | na kiñcidapi 
nairghṛṇyaṃ ghṛṇī śastraprayojakaḥ ||� ityabhidhānāt || na dvitīyaḥ, 
tamo'bhibhavakāryayorni-

pṛ0 388) 
drāpāravaśyajāgratkālikānucitaviṣayakrauryayorudramūrtāvadarśanāt | naca 
tripuradahanādirastīti vācyaṃ, teṣāmucitatvāt | tathāhi nigraho dvividhaḥ- 
anugrahoddeśyakastadanuddeśyakaśceti | ādyastrividhaḥ- 
anugrāhyānugrahoddeśyakaḥ, ananugrāhyoddeśyakaḥ, ubhayoddeśyakaśceti | 
tatrādyaḥ sadācārānuvartanārthaṃ śiṣyādinigrahaḥ, sa tu guṇa eva | 
dvitīyo bahvitarānugrāhaścenna doṣaḥ | ekasminnidhanaṃ prāpite 
duṣṭacāriṇi bahūnāṃ bhavati kṣemam, tatra puṇyaprado vadha iti vacanāt; 
sa yathā mṛgayā vyāghrādivadhaścoravadhaśca | ubhayānugrāhārtho yathā 
�rājñā vidhṛtadaṇḍāstu kṛtvā pāpāni mānavāḥ | nirmalāḥ 
svargamāyānti santaḥ sukṛtino yathā ||� evaṃ nirdoṣāṇāṃ madhye'nyatamo 
nigrahaḥ śivakṛtaḥ putrādinigrahavadbrahmādinigraho'pyucitaviṣaya eva | 
taduktaṃ śivapurāṇe- �ye punarnigrahāḥ kecit brahmādiṣu ca darśitāḥ | 
te'pi lokahitāyaiva kṛtāḥ śrīkaṇṭhamūrtinā || daṇḍasyāsyādhipatyaṃ 
hi śrīkaṇṭhasya na saṃśayaḥ || śrīkaṇṭhākhyāṃ śivo mūrtiṃ 
krīḍantīmadhitiṣṭhati || sadoṣā eva vidhyādyā nigṛhitā yathocitam | 
tataste'pi vipāpmānaḥ paścādapi gatajvarāḥ || nigraho'pi svarūpeṇa    
viduṣāṃ na jugupsitaḥ | ateva hi daṇḍyeṣu daṇḍo rājñāṃ praśasyate ||� 
ityādi || yaduktamugra ityādivyapadeśa iti tatredaṃ vaktavyam- ugraśabda 
uttaravācyapyasti | �ugro'syugro'haṃ sa jāteṣu bhūyāsa� 
mityugratvaśāsyatvaśravaṇāt | utpūrvādgamerudgacchatyuttaro 
bhavatītyasminnarthe rudrendretyādyauṇādikasūtreṇa rapratyayāntatvena 
nipātita ugraśabdaḥ śivasya sarvottaratvavācī || bhīmaśabdastu 
bhaya"nkaravācyapyasyotkarṣamāvahati | �yadidaṃ kiñca jagatsarvaṃ prāṇa 
ejati nissṛtam | mahadbhayaṃ vajramudyataṃ ya evaṃ viduramṛtāste bhavantī� 
ti mantreṇa sarvajagadbhayahetutvasya sakalaniyantṛparabrahmadharmopapādanāt | 
ato'sya rudrasya sattvapravartakatvādilakṣaṇaṃ sāttvikatvaṃ sattvasyaiva 
pravartaka iti śvetāśvatarapratipāditam-

pṛ0 389) asti rudrasya viprendrā antaḥ sattvaṃ bahistamaḥ |
viṣṇorantastamaḥ sattvaṃ bahirasti rajoguṇaḥ ||
antarbahiśca tatsarvamasti tasya prajāpateḥ |
śauklyaṃ sattvaguṇājjātaṃ rāgo jāto rajoguṇāt ||
kārṣṇyantamo guṇājjātamiti vidyātsamāsataḥ |
rudrasya vigrahaṃ śuklaṃ kṛṣṇaṃ viṣṇośca vigraham |
brahmaṇo vigrahaṃ raktaṃ cintayedbhuktimuktaye ||

ityādi vacanaiḥ,

sa"nkarāssarvadevāḥ syurvṛṣalastu purandaraḥ |
pitāmahastu vaiśyaḥ syāt kṣatriyaḥ paramo hariḥ ||
brāhmaṇo bhagavān rudraḥ sarveṣāmuttamottamaḥ ||

ityādi vacanaiśca ,

rudduḥkhaṃ duḥkhaheturvā taṃ drāvayati naḥ prabhuḥ |
rudra ityucyate sadbhiḥ śivaḥ paramakāraṇam ||
rodayasyakhilāñjīvānantakāle yadṛcchayā |
ataḥ prājñairmunivarai rudra ityabhidhīyate ||

ityādiskāndalai"ngyādipūrvoktaśvetāśvataropaniṣadvākyopabṛṃhaṇavacanais
tadvācakanāmaniruktyā ca śivasyaiva sāttvikatvaṃ viṣṇostāmasatvañca 
�tvaṃ deveṣu brāhmaṇo'haṃ manuṣyeṣvi�ti prapadabrāhmaṇoktyā ca 
śivasyaiva brāhmaṇatvapratipādanādviṣṇoḥ kṣatriyatvapratipādanācca 
śivasyaiva sarvottaratvamiti nirvivādam ||
atha namaskāraśeṣitvam- �yo rudro'gnau yo'psu ya oṣadhīṣu yo rudro 
viśvābhuvanāni viveśa tasmai rudrāya namo'stu | sarvo vai 

pṛ0 390) rudrastasmai rudrāya namo'stvi�tyāditaittirīyaśrutyā, namastasmai 
sureśāya gaṇānāṃ pataye namaḥ | namo'stu sthāṇave nityaṃ namastasmai 
sudhanvane || namo'stu tripuraghnāya bhagaghnāya ca vai namaḥ || ityādi 
mahābhārate droṇaparvāntimādhyāyādivacanaiḥ śivasyaiva namaskāra 
śeṣitvaṃ pradipādyate ||
nanu ṅamo viṣṇave bṛhate karomī�tyasyāmṛci, oṃ ityekākṣaraṃ, nama iti 
dve akṣare, nārāyaṇāyeti pañcākṣarāṇi, oṃ namo 
nārāyaṇāyetyaṣṭākṣarāṇīti mantre ca viṣṇuḥ prakīrtyate | evaṃ 
�ākāśātpatitaṃ toyaṃ yathā gacchati sāgaram | sarvadevanamaskāraḥ 
keśavaṃ pratigacchatī�ti 
purāṇavacanāttattaddevatoddeśyakanamaskārāṇāmapi 
viṣṇvaikagāmitvapratipādanātprāṇādiviśeṣeṇa kaimutikanyāyadyotakena 
viṣṇoreva namaskāraśeṣitvasya sphuṭīkaraṇāttasyaiva sarvottamatvamiti 
pūrvapakṣaḥ ||
siddhāntastu- sarveṣu vedasthiteṣu rudrasūkteṣu namaskārapūrvakameva 
caturthyantaśivaparyāyaśabdānukramapāṭhadarśanāt, viṣṇostu vedatraye'pi 
tadīyamantreṣu kvācitkatayā vidyamānatve'pi tathā prācuryābhāvāt, 
abhyāse sati bhūyastvamarthasya bhavati nālpatvamapi | 
prāgevopacaritārthatvamiti nyāyena śivasyaiva namaskāraśeṣitvam, na 
viṣṇoḥ | naca sarva devanamaskāraḥ keśavaṃ gacchatīti purāṇavacanena 
śivāditattaddevatoddeśyakanamaskārāṇāmapi viṣṇvaikagāmitvapratipādanena 
prāguktayuktiḥ parāhateti vācyam, taittirīye �yasmai namastacchirodharmo 
mūrdhānaṃ brahmottarā hanuryajñādharā viṣṇuhṛdayami�ti 
taittirīyaśākhāvihitasarvadevāvayavakadivyaśiṃśumārāvayavyupāsanāyāmit
arāvayavarūpaṇeṣu devatāntarāṇāṃ prātisvikanāmadheyagrahaṇavat, 
śivasyāpyavayavaviśeṣatvena rūpaṇārthaṃ nāmadheye vihitavye tadagṛhītvā 
paryāyoktāla"nkārarītyā namaskāraśeṣitvaṃ śivāsādhāraṇadharmaṃ 
siddhaṃ kṛtvā �yasmai na mastacchira� iti namaskāraśeṣitvasyetaravyāvṛtta- 

pṛ0 391) tvena śrutyaiva sphuṭataraṃ pratipādanāt | 
etādṛśaśrutiviruddhamākāśātpatitaṃ toyamiti purāṇavacanam, �virodhe 
tvanapekṣaṃ syādasati hyanumāna� mityadhikaraṇanyāyena 
durbalatvātsvārthaparaṃ na bhavatīti sarvaśabdasya sa"nkocaṃ kṛtvā, na 
hiṃsyātsarvabhūtānītyatra yāgīyahiṃsātiriktatvakalpanavat, viśvajiti 
sarvavedasandadyāditi sarvasvadāne vihite 
ātmaputrakalatrakesariśadvitāśvādivyatiriktatvakalpanavacca, 
śivavyaktiriktatvakalpanāyā nyāyyatvāt | naca namo viṣṇave mahate karomīti 
viṣṇornamaśśeṣitvaṃ śrūyata iti vācyam, tanmantropakrame ṅamo brahmaṇe 
namo'stvagnaye nama oṣadhībhya� ityādinā 
brahmāgnipṛthivyoṣadhyādisādhāraṇyena viṣṇorapi 
namaskāryatvadarśanānnāsādhāraṇyena viṣṇorapi namaḥ śeṣitvamuktam | ata 
evoktaṃ caturvedatātparyasa"ngrahe-

dattaṃ namaḥ kimapi śuśruma devatābhya-
stvāmantareṇa namasāmavasānabhūmim |
tāṃste gṛhītumanalaṃ na hi kaścidīṣṭe
coropanītamihadhārayituṃ kirīṭam || iti ||

etenetaradevatāpratipādakamantreṣu śrūyamāṇā namaskārā api 
śivaikagāmina iti siddhāntaḥ ||
nikhiladevāsurairdugdhodadhimanthane prakrānte tatra 
kāmadhenukalpavṛkṣakaustubhakamalācintāmaṇyuccaiḥśravassudhādīdhitisudhai
rāvateṣūtpanneṣu, ahamahamikayā parā"nkāṣṭhā"ngatayā lobhasañjātayā 
teṣu teṣu ramaṇīyeṣu vastuṣu taistairnārāyaṇapurandarādidaivaiḥ 
prākṛtamanuṣyairiva gṛhiteṣu satsu tadanantarotpannaṃ bhuvanabhīkaraṃ 
sakaladevatāgarvanirvāpakaṃ kālakūṭamavalokya nārāyaṇādideveṣu 
viṣajvālāmālā-

pṛ0 392) dagdhā"ngeṣvātmānamapi vismṛttya palāyamāneṣvanyatra 
śaraṇamalabdhvā śivacaraṇāravindameva śaraṇaṃ prapanneṣu satsu 
paramakāruṇikaḥ paramaśivaḥ svātmārāmastānnārāyaṇādīn 
bhajamānāndṛṣṭvā, āgataṃ ghorarūpaṃ kālakūṭaṃ jambūphalavaddhaste 
nidhāya kavalīcakāreti 
bhāratarāmāyaṇaskāndalaiṃgādisakalapurāṇaprasiddhamiti śivasyaiva 
sarvotkarṣaḥ ||
nanu śivasya viṣapānaṃ na māhātmyadyotakaṃ bhavati pratyuta viṣṇoreva 
māhātmyaṃ prakaṭīkaroti || tathāhi- tantrabhāgavate �taṃ dṛṣṭvā 
ghorasa"nkāśaṃ prādurbhūtaṃ mahāviṣam | dhyātvā nārāyaṇaṃ devaṃ 
hṛdaye garuḍadhvajam || acyutānantagovindamantramānuṣṭubhaṃ śubham | oṃ 
namassampuṭīkṛtya japanviṣadharo haraḥ || nāmatrayaprabhāvācca viṣṇoḥ 
sarvagatasya vai | viṣaṃ tadabhavajjīrṇaṃ lokasaṃhārakāraka� 
mityādipramāṇaparyālocanayā 
nārāyaṇāsādhāraṇācyutānantagovindanāmajapaprabhāvācchivo viṣaṃ 
dadhāreti spaṣṭatayā pratipādanānnārāyaṇaśivayorupāsyopāsakatvamanena 
spaṣṭībhavatīti nārāyaṇasyaiva sarvottaratvamiti pūrvapakṣaḥ ||

siddhāntastu-śaivadharmasaṃhitāyām-

purā surāsurāssarve mamanthuḥ kṣīrasāgaram |
manthānaṃ mandaraṃ kṛtvā yoktraṃ kṛtvā ca vāsukim ||
sudhārthamabhavattasmātkālakūṭaṃ mahāviṣam |
taṃ dṛṣṭvā vibudhāḥ sarve tataḥ śakrapurogamāḥ ||
sambhrāntā vivaśādhīnā dudruvuśca mahāsurāḥ |
dagdhāstravastrakavacā dagdhā"ngā dagdhalocanāḥ ||
avadankecidanyonyaṃ prekṣya devāśca dānavāḥ |
dandahyamānāste sarve dāvā iva davāgninā ||

pṛ0 393) hā heti prākṛtaravānavadanvibudhāḥ surāḥ |
vinirgatāste soṣmāṇo viśīrṇā hārabhūṣaṇāḥ ||

ityupakramya, 
kṣīrābdhimathanoditakālakūṭagaralakarālajvālāmālāpluṣṭā"ngāḥ 
purandarapramukhā nikhilā makhāśanā bhītāstrātāramanavekṣamāṇāḥ 
svaprāṇatrāṇārthaṃ brāhmaṇaṃ gatāstataḥ svayaṃ devāṃstrātumasamartho 
brahmā tairdevaissaha viṣṇuṃ trātāraṃ matvā tatsakāśamāgatya, 
viṣāgninā bhītena devānpālayitumaśaktena brahmendrapurogamaiḥ kailāsaṃ 
prati gatena viṣṇunā prārthyamānaḥ kailāsadvāri vidyamāno gaṇanāyako 
nandīśvarastānālokya �gaṇapaḥ prāha sarvajño netrairnīlāmbujaprabhaiḥ | 
devān śatakratumukhān sayakṣoragarākṣasān || kimarthaṃ vai mahābhāgā 
bhūtā udvignacetasaḥ | divyāṣṭaguṇamaiśvaryaṃ bhavatāṃ samprakalpitam || 
tena vyāvartitaiśvaryā yūyaṃ śakrapurogamāḥ | trailokyasyeśvarāścaiva 
sarve vai vigatajvarāḥ || sanārāyaṇakā devāḥ sendrāssavaruṇoragāḥ || 
tatkimarthaṃ bhayodvignāḥ mṛgāssiṃhārditā iva || kiṃ duḥkhaṃ tena 
santāpaḥ kuto vā bhayamāgatam | etatsarvaṃ yathānyāyaṃ 
śīghramākhyātumarhatha� ityādinā papraccha | 
nandīśvarapṛṣṭairbrahmādidevaiḥ śurāsurairmathyamāne payorāśau 
gaṇeśvara | bhuja"ngabhṛ"ngasa"nkāśaṃ nīlajīmūtasannibham || 
prādurbhūtaṃ viṣaṃ ghoraṃ saṃvartāgnisamaprabham | viṣeṇottiṣṭhamānena 
kālānalasamatviṣā || nirdagdhāruṇagaurā"ngo viṣṇuḥ kṛṣṇatvamāgataḥ | 
taṃ dṛṣṭvā raktagaurā"ngaṃ kṛtaṃ kṛṣṇaṃ janārdanam || tataḥ sarve 
vayaṃ bhītāḥ śa"nkaraṃ śaraṇaṃ gatāḥ |� ityādivacanaiḥ samprārthitaḥ 
śailādiḥ sanārāyaṇakairdevaissaha śivasamīpaṃ gatvā devāgamanakāryaṃ 
vijñāpitavān | tato viṣṇupurogamāḥ śivaṃ stutvā praṇamya 
kālakūṭaviṣopadravaṃ niveditavantaḥ | tadā karuṇānidhiḥ paraśivaḥ �atha 
tasya vacaḥ śrutvā devānālokya ceśvaraḥ sasmāra ca viṣaṃ ghoraṃ 
yugāntāgnisamaprabham || smṛtvā viṣaṃ kadāgrastamabhavattatkṣaṇādvibhoḥ 
| tadā reje karatalaṃ sabhṛ"ngamiva vārija� 

pṛ0 394) mityādinā smṛtimātreṇa kālakūṭe karasthe sati �athovāca 
namaskṛtvā bhagavān padmasambhavaḥ | tat pibasveti sarvajñaṃ lokānāṃ 
hitakāmyayā |� iti brahmaṇā samprārthyamānaḥ śa"nkaraḥ �bāḍhamityeva 
tadvākyaṃ pratigṛhya ghṛṇānidhiḥ | papau yathā'mṛtaṃ sarvaṃ 
kālakūṭaṃ mahāviṣam || evaṃ tadgrasitaṃ ghoraṃ nīlanīradasannibham ||� 
iti bhuvanaṃ nirbhayaṃ kartuṃ kālakūṭaṃ papāviti bahupurāṇeṣu 
saphuṭataraṃ pratīyamānatvena, evameva rāmāyaṇabhāratādiṣvitihāseṣvapi 
vidyamānatvena, śiva eva sarvaiḥ sevyaḥ prapattavyaśceti || 
yaccoktamacyutānantagovindeti nāmatrayajapaprabhāvādviṣaṃ jīrṇamabhūditi 
tadatimandam; nārāyaṇadhyānapūrvakaṃ nāmatrayamanusmaran śivo viṣaṃ 
dadhāra, tacca jīrṇatvamapyabhajadityarthe 
udāhṛtaślokatrayetihāsapurāṇādiṣu prasiddheṣu kāpyadṛṣṭacaratvena 
bhāllaveyādiśrutivattaireva kalpitatvāt || kiñca ṅāmāni tava govinda yāni 
santi mahānti ca | tānyeva mama nāmāni nātra kāryā vicāraṇe� ti 
harivaṃśe kṛṣṇakailāsayātrāyāṃ viṣṇuṃ 
pratīśvaravacanenācyutādināmnāmavayavavyutpatyā nityatvaṃ 
sakalaprāṇināṃ karmānukūlatayā vedanaṃ preraṇaṃ śivasyaiva 
pūrvoktasakalaśrutismṛtipurāṇetihāsavacanabalātsambhavati, nānyasyeti 
teṣāṃ trayāṇāṃ nāmnāmarthaparyālocanayā pramāṇabalācca tatraiva 
paryavasānaṃ yuktiyuktamiti ślokatrayasyāpi śivaparatvānna 
kāpyanupapattiriti | tathā cāyamarthaḥ sampadyate acyutaścyutirahitaḥ, 
ananto'ntarahitaḥ, gā vindatīti vyutpattyā 
sakalaprāṇikṛtaśubhāśubhakarmavedanakartā, 
�jāgratsvapnasuṣuptyādiprapañcaṃ yatprakāśate | tadbrahmā'hamiti jñātvā 
sarvabandhaiḥ pramucyate || iti, �triṣu dhāmasu yadbhogyaṃ bhoktā bhogaśca 
yadbhavet | tebhyo vilakṣaṇaḥ sākṣī cinmātro hi sadāśiva� iti 
kaivalyaśrutyā, �ajāta ityeva kaścidbhīruḥ prapadyate | rudra yatte 
dakṣiṇaṃ mukhaṃ tena māṃ pāhi nitya� miti śvetāśvataraśrutyā ca, 
śivasyaiva nityatvasarvasākṣitvaśravaṇāttaditarasya nārāyaṇasya 

pṛ0 395) �brahmaviṣṇurudrendrāste samprasūyante� iti śrutyā bahudhā 
janyatvapratipādanānnāmatrayasya nārāyaṇaparatvamiti na śa"nkāvakāśaḥ, 
kintu śivaparatvameveti siddhāntaḥ ||
nanu bhagavānprācetaso munivaraḥ 
kamalāsanavaralabdhasakalavedārthavedanaśīlaḥ śrīrāmacandracaritātmakaṃ 
rāmāyaṇākhyaṃ mahadādikāvyaṃ nirmame | tasminmahākāvye 
śrīrāmacandraguṇavarṇanadvārā tasyaiva śrīviṣṇoḥ sarvakāraṇatvena 
parabrahmabhāvaṃ vyaktameva pratyapādayat | tathāhi- �ramante yogino'nante 
satyānande cidātmani� iti rāmapadenāsau paraṃ brahmā'bhidhīyate ||� 
ityumāsaṃhitāvacanopapāditaparabrahmabhāvaśālirāmacaritātmake rāmāyaṇe 
śītālakṣmīrbhavānviṣṇurdevaḥ kṛṣṇaḥ prajāpatiḥ | vadhārthaṃ 
rāvaṇasyeha praviṣṭo mānuṣīṃ tanum || akṣayyaṃ madhuhantāraṃ jānāmi 
tvāṃ surottame�ti bālakāṇḍe paraśurāmakṛtastotre pratipādanāt, śa hi 
devairudīrṇasya rāvaṇasya vadhārthibhiḥ | arthiṃto mānuṣe loke jajñe 
viṣṇuḥ sanātana� ityayodhyākāṇḍe prathamasarge'bhidhānāt, �prīyate 
satataṃ rāmaḥ sa hi viṣṇuḥ sanātana� ityupasaṃhāradaśāyāmupapādanācca 
rāmo viṣṇureva sa eva paraṃ brahmeti pūrvapakṣaḥ ||
siddhāntastu- rāmāyaṇasyādikāvyatvena tasyottamakāvyasya vācyārtho 
rāmasya tava brahmabhāvaḥ, vyañjanāvṛttyā pratīyamānārthastu śivasyaiva 
parabrahmabhāvaḥ | samāgatyāgastyāśramapraveśasamaye 
śrīrāmacandravacanaiḥ, tatra tatra kavivacanaiśca spaṣṭīkṛtaḥ || 
tathāhi- �atra devāssagandharvāḥ siddhāśca paramarṣayaḥ | agastyaṃ 
niyatāhāraṃ satataṃ paryupāsate� ityagastyāśramapraveśaṃ 
varṇayitvā'bhihitam- śa tatra brahmaṇaḥ sthānaṃ lakṣmyāḥ sthānaṃ 
tathaiva ca | viṣṇoḥ sthānaṃ tathendrasya sthānaṃ caiva vivasvataḥ || 
somasthānaṃ bhagasthānaṃ tathā kauberameva ca | dhāturvidhātuḥ sthāne ca 
vāyoḥ sthānaṃ tathaiva ce� tyādinā'gastyamupāsīnānāṃ sthānānyuktāni, 
tadāśrame nivasatāṃ devanāmiva tatra 

pṛ0 396) śivasya sthānaṃ noktam | tasmādbrahmaviṣṇvādaya 
evāgastyasyopāsakāḥ, natu śiva iti dyotanena śivasya mahimā vyañjitaḥ | 
tathā ca sakalairdevairupāsyamānasyāgastyasya taponikarairārādhanīyaḥ śiva 
eveti pāriśeṣyātsidhyati | tataścetaradevānāṃ 
śivopāsakopāsakatvasiddhestebhyaḥ śivasyātitarāmutkarṣaḥ pratīyata 
ityarthaḥ | kiñca lavaṇavadhārthaṃ śatrughnaṃ preṣayatā rāmacandreṇa 
tadvadhārthaṃ harimūrtirūpaṃ kiñcidastraṃ datvā tatprabhāvo varṇitaḥ- 
ṅāyaṃ mayā śaraḥ pūrvaṃ rāvaṇasya vadhārthinā | muktaḥ satrughna 
bhūtānāṃ mahāṃstrāso bhavediti� ityupavarṇya evaṃ bhūtaṃ śaraṃ 
prayacchatāpi śrīrāmacandreṇoktaṃ yadā śivena svaśūlādviniṣkṛṣya 
dattaṃ śūlaṃ lavaṇasya haste'sti tadā kenāpyupāyena sa jetuṃ na śakya iti 
haste śūlābhāvasamaye sa nirundhānena śareṇa hantavya ityupadiśya 
rāmeṇoktam- śhrīmato nīlakaṇṭhasya kṛtyaṃ hi duratikrama� mityādinā | 
tato'pi śiva eva paraṃ brahmeti vyañjayāmāseti śivasya sarvotkarṣasiddhiḥ | 
śa tu medhāvinau dṛṣṭvā vedeṣu pariniṣṭhitau | vedopabṛṃhaṇārthāya 
tattāvagrāhayatprabhu�riti rāmāyaṇasya 
vedopabṛṃhaṇārthatvopapādanādrāmāyaṇakāvyasya vyañjanāvṛttyā śive 
pratipādye sati vedapratipādyatvamiti siddhyatīti śiva eva paramakāraṇamiti 
siddhāntaḥ ||
nanu mahābhāratasārabhūtabhagavadgītāyāṃ pārthaṃ prati 
saṃsārasāgarottaraṇopāyopadeśaprastāvanāyām �īśvaraḥ sarvabhūtānāṃ 
hṛddeśe'rjuna tiṣṭhati | bhrāmayansarvabhūtāni yantrārūḍhāni māyayā | 
tameva śaraṇaṃ gaccha sarvabhāvena bhārata | tatprasādātparāṃ śāntiṃ 
sthānaṃ prāpsyasi śāśvata�miti bhagavatā kṛṣṇenopadiṣṭam | tathā 
�tamevacādyaṃ ruṣaṃ prapadye yataḥ pravṛttiḥ prasṛtā purāṇī�ti 
bhagavatā kriyamāṇaṃ prapadanaṃ kiṃ viṣayakamityākā"nkṣāyām �uttamaḥ 
puruṣastvanyaḥ paramātmyetyudāhṛtaḥ | yo lokatrayamāviśya bibhartyavyaya 
īśvaraḥ ||� ityuktvā, upāsyaṃ svānyanna bhavati, kintu svasvarūpameveti 
pratipāditam 

pṛ0 397) �yasmātkṣaramatīto'hamakṣarādapi cottamaḥ | ato'smi loke vede ca 
prathitaḥ puruṣottamaḥ ||� iti kṣarākṣarātītatvena svasyaiva 
tābhyāmuttamatvapratipādanādviṣṇoreva parabrahmabhāvo yukta iti 
pūrvapakṣaḥ ||
siddhāntastu- pūrvodāhṛtaślokeṣvanyatra ca śivāsādhāraṇanāmna 
īśvaraśabdasyāmnānāt | viśvarūpapradarśanādikaṃ sarvamapi 
śivābhedācchivaviṣayayogādvopapādanīyam | 
puruṣottamanāmadheyātprathamaśrutasyeśvaranāmno balavattayā 
prādhānyenānuroddhavyatvāt || kiñca śthito'smigatasandehaḥ kariṣye vacanaṃ 
tave�ti pratijñātavānarjuno yāvajjīvaṃ śivapūjānirato vartata iti 
kṛṣṇenāpi gītāsu śiva eva sakalaparabhāvā"ngaśālitvena mumukṣubhiḥ 
śaraṇīkaraṇīyatvena copadiṣṭa ityavadhīyate || etena tameva śaraṇaṃ 
gacchetyanantaraṃ śarvaguhyatamambhūyaḥ śṛṇu me paramaṃ vaca� ityupakramya, 
sarvadharmānparityajya māmekaṃ śaraṇaṃ vraje�ti yadupadiṣṭam, tadanantaraṃ 
�kariṣye vacanaṃ tave�ti yatpratijñātam, tadviṣṇuviṣayakamiti śa"nkā 
nirastā | tathāsati śivapūjāṃ parityajya viṣṇupūjāyā evārjunena 
kartavyatāpatteḥ yāvajjīvaṃ tena śivapūjaiva kṛtā, na viṣṇupūjā | 
yāvajjīvaśivapūjāniṣṭhatvaśruteḥ | yattu śivasya 
rātrikartavyanityapūjārthaṃ kḷptaḥ sarvopyupahāraḥ kṛṣṇe samarpita iti 
vacanaṃ tadapi kṛṣṇamūrtau śivabhāvo'stīti 
śivārādhanabuddhyaitadabhiprāyam | evaṃ kṛṣṇārjunayoḥ kailāsagamane 
sarvo'pyupahāra śivasamīpe dṛṣṭo'rjunenetyuktam-  �taṃ copahāraṃ sakalaṃ 
neṣyannaitikamātmanaḥ | dadarśa tryambakābhyāse vāsudeve nivedita�miti | 
�ananyāścintayanto māṃ ye janāḥ paryupāsate | teṣāṃ nityābhiyuktānāṃ 
yogakṣemaṃ vahāmyaham | māmeva śaraṇaṃ vraja | antavattu phalaṃ teṣāṃ 
tadbhavatyalpamedhasām� ityādi bhagavadvacanaṃ jānatā'rjunena devatāntaraṃ 
parityajya yāvajjīvaṃ śivapūjanameva kṛtamiti na vivādaḥ | tatā 
gītāpratipādyaḥ śiva eveti bhāratasāratvādgītāyā 
bhāratapratipādyamānaḥ śiva eveti siddhāntaḥ ||

pṛ0 398) nanu �agni ragre prathamo devatānāmagniḥ sarvadevatāḥ, rājānau vā 
etau devānāṃ yadagnīṣomau | agnirmukhaṃ prathamo devatānā�mityādi 
śrutivākyaparyālocanayā'gnerdevatāprāthamyasārvātmyadevatāniyāmakatvamukh
yatvādibrahmali"ngāmnānādagnireva jagatkāraṇaṃ brahmopāsyam, 
sakalavaidikairagniparicaraṇasyaiva tārakatvenā"ngīkārāt | tathā śūrya 
ātmā jagatastasthuṣuśca | taraṇirviśvadarśano jotiṣkṛdasi sūrya 
viśvamābhāsi bheṣajaṃ dṛśe viśvāya sūrya �mityādiśrutiṣu sūryasya 
jagadātmatvaviśvaprakāśakatvādyāmnānātsa evopāsyaḥ prapattavyaśca | ata 
eva �asau vā ādityo deva madhvi�ti sakaladevatājīvanopāyabhūtaṃ madhutvena 
nirūpaṇamudayāstamayāyattaṃ sakalaprāṇidainaṃdinapralayaḥ 
prāṇānādāyodetītyādinā darśitaḥ | sāvitrīmantro'pi 
savitṛprakāśakaḥ, satūpanayanasaṃskāradvārā brāhmaṇyāpādaka iti 
suprasiddham | tataḥ sūrya eva paraṃ brahma || tathā �gaṇānāntvā 
gaṇapatiṃ havāmahe kaviṃ kavīnāmupamaśravastamam | jeṣṭharājaṃ 
brahmaṇāṃ brahmaṇaspata ānaḥ śṛṇvannūtibhissīda sādana�miti 
gaṇapaterjeṣṭharājatvabrahmaṇaspatitvāmnānāttasyaiva pāramyaṃ yuktam | 
skānde gaṇeśapurāṇe ca prathamādhyāye- ṅirguṇo niraha"nkāro    nirvikalpo 
nirākṛtiḥ | nirāmayo nirīho yo gaṇeśo'sau nigadyate || arūpo 
rūpavāṃścaiva nānārūpadharastathā | bhaktigamyasvarūpo'sau 
jñānagamyasvarūpavān || carācarahitārthāya nāmarūpāvatāravān | 
kadācitpralaye jāte plavībhūte jagattraye || yogaśāyī nirākāro guṇātīto 
nirāśrayaḥ | cidānandaghano nityaḥ svaprakāśo jaganmayaḥ || cakre sa 
īkṣāṃ purato vidhāryaśca pratāpavān | matto bhinno na cehāsti 
bibhemyahamataḥ kutaḥ || ekākī tānnu yuktveti bahusyāṃ jagadātmanā || iti 
matvā sasarjāgre rajassattvaṃ tamastathā | guṇaistribhistathābhūto 
brahmaviṣṇuśivābhidaḥ || ityādipurāṇavacanajātena nirguṇanirākāravān 
saccidānandalakṣaṇo gaṇeśaḥ pralayātpūrvavartīti tato brahmādijanaka  

pṛ0 399) iti tasyaiva jagajjanmādikāraṇatvena parabrahmatvaṃ siddham || ṅa 
kimindratvāduttaraḥ, viśvasmādindra uttaraḥ | indro yātā'vasitasya rājā� 
ityādivākyeṣvindrasya sarvottaratvāmnānāttasyaiva parabhāvo yuktaḥ || iti 
pūrvapakṣaḥ ||
siddhāntastu-tattadadhikāriviśeṣasāpekṣo'yaṃ devatāntarapāramyavādaḥ | 
kiñca sarvagasya parameśvarasya sarvaśarīrādhiṣṭhānadvārā 
sarvaśabdavācyatvasyā"ngīkārātparameśvarasya vaibhavāntaravarṇanaṃ 
karituragavarabhūṣaṇādikamiva sacivādīnāṃ sādhāraṇam || 
�yadyadvibhūtimatsatvaṃ śrīmadūrjitameva vā | tattadevāvagaccha tvaṃ mama 
tejoṃ'śasambhavami�ti bhagavadgītārthaparyālocanayā 
parameśvaraviśeṣatvavarṇanāt || sādhāraṇaṃ jagatkāraṇatvantu 
parameśvarasyaiveti śvetāśvatarādimantrasandarbhaparyālocanayā 
paramaśivasyaiva pāramyopapādanāt, tato na 
vaibhavāntaraśālināmagnisūryagaṇapatīndrādīnāmuttīrṇatvam | kintu 
śivasyaiva sarvottaratvāparabhāvo yukta iti siddhāntaḥ ||
tasmādevaṃ 
śrutismṛtipurāṇāgamavacanārthanirṇāyakapūrvottaramīmāṃśānyāyasahakṛ
tābhiḥ pūrvoktayuktibhirjagajjanmādikāraṇatvaṃ śivasyaiveti tasyaiva 
parabhāvo yuktaḥ || naca ṅārāyaṇādbrahmā jāyate, nārāyaṇādrudro 
jāyata� iti nārāyaṇopaniṣadā nārāyaṇādbrahmarudrādīnāmutpattiḥ 
śrūyata iti nārāyaṇasyaiva jagajjanmādikāraṇatvaṃ na śivasyeti vācyam, 
guṇamūrtīnāṃ kāryakoṭipraviṣṭānāṃ 
brahmaviṣṇurudrāṇāṃbhedamādāya parasparasmādutpattiśravaṇe'pi 
sṛṣṭisthitisaṃhāratirodhānānugraharūpapañcakṛtyaniyojitabrahmaviṣṇurudr
eśvarasadāśivamahāli"ngaśabditaparaśivasya na kutrāpi janiḥ śrūyata iti 
tasyaiva nityatvaṃ sarvakāraṇatvañca | tathāhi śaive vāyavīyasaṃhitāyām- 
�trayaste kāraṇātmāno jātāssākṣānmaheśvarāt | carācarasya viśvasya 
sṛṣṭisthityantahetavaḥ || tacchaktyādhiṣṭhitā nityaṃ 
tatkāryakaraṇakṣamāḥ | pitrā niyamitāḥ pūrvaṃ trayo'pi triṣu karmasu ||

pṛ0 400) brahmā sarge haristrāṇe rudrassaṃharaṇe punaḥ | 
trayo'pyanyonyamātsaryādanyonyātiśayārthinaḥ || tapasā toṣayitvā taṃ 
prerakaṃ parameśvaram | labdhāḥ sarvātmatāṃ tasya prasādātparameṣṭhinaḥ 
|| brahmanārāyaṇau pūrvaṃ rudraṃ kalpāntare'sṛjat | kalpāntare 
punarbrahmā rudraviṣṇū jaganmayaḥ || viṣṇuśca bhagavān rudraṃ 
brahmāṇamasṛjatpunaḥ | nārāyaṇaṃ punarbrahmā brahmāṇañca punarbhavaḥ | 
evaṃ kalpeṣu kalpeṣu brahmaviṣṇumaheśvarāḥ | parasparasmājjāyante 
parasparajayaiṣiṇaḥ || tattatkalpāntavṛttāntamadhikṛtya maharṣibhiḥ | 
tāni tāni praṇītāni vidvāṃstatra na muhyati || iti ||

tathaiva śaivopāgame mṛgendrottaraṃ guṇirudravākyam-

ekasaptatibhistaistu jñeyaṃ manvantaraṃ manoḥ |
taiścaturdaśabhiḥ kalpairbrahmaṇastu dinaṃ matam ||
etasminnantare śakrā mṛtā jātāḥ punaḥ punaḥ |
śatatrayaṃ dinaṃ ṣaṣṭistasyaivaṃ varṣa ucyate ||
tatsaṃkhyeyā śataṃ yāvadvarṣāṇāṃ brahmaṇaḥ sthitiḥ |
tasya varṣaśataṃ yāvattāvanmāso harerataḥ ||
tena māsena varṣāṇāṃ śataṃ yāvaddhareḥ sthitiḥ |
mama māso bhavedyāvanmādhavo yāti sa"nkṣayam ||
varṣāṇāṃ me śataṃ yāvaddharerjanmasthitī punaḥ |
dinamekaṃ tadīśasya tadā mama śataṃ bhavet ||
ekasminnantare kāle vayaṃ jātāḥ punaḥ punaḥ |
sadāśivanimeṣācca tadā tasyāpi sa"nkṣayaḥ ||
parasyā yā truṭiścāsau tadāsau layamāpnuyāt |
na bhavo na mṛtistasya śivasya paramātmanaḥ || iti ||

pṛ0 401) tasmājjagajjanmādikāraṇatvānnityatvācca 
nityaphalaprepsubhirmumukṣubhiḥ śiva eka eva dhyātavyaḥ pūjayitavyo 
namaskartavyaḥ prapattavyaśceti sarvamanavadyam ||

iti 
śrīmadanādinirañjanaja"ngamāparāvatāratoṇṭadasiddheśvaraprasādāsādita"
sāmbhavāgamāmbhodhimathanajanitaniruttaraikottaraśatasthalabhedabhinnaṣaṭstha
latattvasudhāsvādānandasandohapradāyakācāryavaryamaritoṇṭadāryaviracite 
yaḍavamurārikoṭekolāhalaikā"ngivīravairisaptā"ngaharaṇapaścimasamudrādhī
śvaraviśuddhavaidikādvaitasiddhāntapratiṣṭhāpanācāryakeladisadāśivarāya
nāyakavaṃśadugdhārṇavapūrṇacandravīrabhadradharaṇīndradharmapatnīmallām
bāhṛdayānandabasavavasudhāsa"nkrandanopadeśe vīraśaivānandacandrikāyāṃ 
vādakāṇḍe śivotkarṣavyavasthāpanaṃ nāmaikonaviṃśatitamaṃ prakaraṇam ||

pṛ0 402) vīraśaivānandacandrikāyāṃ
vādakāṇḍe
viṃśatitamaṃ prakaraṇam ||

śrīguro śīlavadbhṛ"ngivacobhiḥ pratipāditam |
śivotkarṣañcāpakarṣaṃ viṣṇoḥ śrutyāgamoktitaḥ ||
śrutvā bhavanmukhāmbhojanissṛtaṃ vāksudhārasam |
ānandatundilo'bhūvaṃ punaḥ kiṃ bhṛ"ngiṇoditam ||
pūrvapakṣaṃ śīlinā'tha kṛtāṃ siddhāntapaddhatim |
vada me kramaśaḥ svāmin śrotumicchāmi sāmpratam ||
atyarthaṃ bahuśo dṛṣṭaṃ tadevātra prakāśyatām |
tantramūlatvamāśritya parabhāvaḥ śivasya tu ||
ācārā vīraśaivānāṃ li"ngadhāraṇapūrvakāḥ |
sādhitāstatra tantrāṇāṃ prāmāṇyaṃ nopapadyate ||
bhṛ"ngin khaṇḍayase yattvaṃ sādhayāmyahamāśu tat ||

nanu �li"ngadhāraṇapratipādakā''gamavacanānāṃ vedamārgapracyutānāṃ 
tantramārgapraveśana� mityādismṛtipurāṇavacananikurumbabalenāprāmāṇyaṃ 
pratipādya śrutipramāṇabalālli"ngadhāraṇasya vaidikatvaṃ samarthitam || 

pṛ0 403) yadyāgamānāmaprāmāṇyamabhyupagamyeta tadā li"ngadhāraṇādīnāṃ 
vīraśaivācārāṇāṃ sarveṣāṃ 
vaidikairārādhyasampradāyapravṛttairanuṣṭhīyamānatvaṃ na syāt | na 
ceṣṭāpattiḥ, tadanusāriṇāmāgamaprāmāṇyapratipādakānāṃ vacanānāṃ 
jāgarūkatvāt || tathāhi sūtasaṃhitāyām-

aṣṭādaśapurāṇānāṃ kartā satyavatīsutaḥ |
kāmikādiprabhedasya yathā devo maheśvaraḥ ||

siddhāntaśikhāmaṇau-

vedasiddhāntayoraikyamekārthapratipādanāt |
prāmāṇyaṃ sadṛśaṃ jñeyaṃ paṇḍitairetayoḥ sadā ||

kriyāsāre-

athavā śivaniśvāsaśrutibhyaste śivāgamāḥ |
adhikāḥ śivavaktrebhyaḥ sākṣādeva vinirgatāḥ ||
parasparā'viruddhārthāḥ śivoktā nigamāgamāḥ |
alpabuddhibhiranyonyavirodhaḥ parikalpyate ||
nigamānāmāgamānāṃ paramāptopadeśataḥ |
prāmāṇyamaviśeṣeṇa jñātavyaṃ tattvadarśibhiḥ ||

iti vacanairvedā'viruddhavarṇāśramādidharmapratipādakatvena 
sarvāptaparameśvaraikakartṛkatvena cāgamaprāmāṇyasya 
śiṣṭairabhyupagantavyatvādāgamoktā''cārāṇāṃ sarveṣāṃ 
vaidikānuṣṭheyatvaṃ siddham ||
nanu- 

vaidikaṃ vihitaṃ jñānaṃ bhogamokṣapradāyakam |
yadanyatroditaṃ jñānaṃ na tanmokṣasya sādhanam ||
śrautaṃ jñānaṃ mokṣalakṣmīpradamanyanna kiñcana |
śrutaṃ vedāntavijñānaniścitārthā iti śrutau ||

pṛ0 404) śrutyanyatvādāgamānāṃ tajjñānaṃ naiva mokṣadam |
avaidikānāmuddhārastantramārgānusārataḥ |
sarvajñena śivenā'pi śṛṇvantīṃ pārvatīṃ prati ||
strītvāddevyāstvānurūpyātkathitaṃ tadavaidikam || ityādi-

pramāṇairvedāntajanyajñānasyaiva mokṣasādhanatvaṃ pratipādyate || śraute 
jñāne strīṇāmanadhikāraṃ manasi nidhāya gaurīṃ 
pratyāgamānāmevopadeśaḥ kṛtaḥ | ato vedāntajanyajñānasyaiva 
sākṣānmokṣasādhanatvam | āgamādijanyajñānānāṃ 
strīśūdrādyadhikāriṇāṃ paramparayā 
vedāntajanyajñānayogyajanmaprāptyanantaraṃ punarvedāntajanyajñānadvārā 
mokṣajanakatvaṃ vaktavyam || kiñcāgamajanyajñānasya mokṣasādhanatvaṃ na 
sa"ngacchate, āgamānāṃ mohakaśāstratvāt | tathāhi kūrmapurāṇe-

tvañca rudra mahābāho mohaśāstrāṇi kāraya |
atathyāni vitathyāni darśayasva mahābhuja ||
prakāśaṃ kuru cātmānamaprakāśañca māṃ kuru || iti-

purāṇavacanena sattvapradhānaviṣṇūtkarṣapratipādakaṃ śāstraṃ 
mokṣasādhanaṃ kalidoṣakaluṣitāntaḥkaraṇānāṃ mānavānāṃ 
cittaśuddhirahitānāmayogyam, atastadyogyaṃ svotkarṣapratipādakaṃ 
madutkarṣaniṣedhakaṃ śāstraṃ kurvityatra tātparyeṇa 
rudrapraṇītānāmāgamānāṃ mohakaśāstratvāttaduditānāmācārāṇāṃ 
vaidikairananuṣṭheyatā tajjanyajñānasya mokṣasādhanatvābhāvaśca 
pratīyate || 
kiñcāṣṭādaśavidyāsthāneṣvanantarbhāvādāgamānāmaprāmāṇyam | 
tathāhi-

a"ngāni vedāścatvāro mīmāṃsā nyāyavistaraḥ |
purāṇaṃ dharmaśāstrañca vidyā hyetāścaturdaśa ||

pṛ0 405) āyurvedo dhanurvedo gāndharvañcārthaśāstrakam |
upavedā ime proktāścatvārastadanantaram ||
āṣṭadaśānāmetāsāṃ vidyānāṃ bhinnavartmanām |
ādikartā kaviḥ sākṣācchūlapāṇiriti śrutiḥ ||

ityaṣṭādaśavidyāsthānāni | tatra na tāvadṛgvede'ntarbhāvaḥ, 
hotṛgaṇopayogārthapratipādakatvābhāvāt | nāpi yajurvede, 
adhvaryugaṇopayogitvena niyamitatvābhāvāt | nāpi sāmavede, 
udgātṛgaṇāpekṣitārthānabhidhānāt | nāpyatharvaṇavede, 
ābhicārikarmaikapravṛttatvābhāvāt | nāpyupaniṣatsu, 
mantrabrāhmaṇānyatararūpatvena brahmapratipādakatvābhāvādupaniṣadāgama 
iti saṃjñābhedasya viviktatayā darśanācca | upaniṣadāṃ sampadupāsanā 
pratīkopāsanā'ha"ngrahopāsanā nirguṇopāsaneti cāturvidhyam; tatra �vācaṃ 
dhenumupāsīte�ti sampadupāsanāyāṃ vāgādikaṃ vidyamānaṃ kṛtvā tatra 
dhenutādātmyabhāvanānairantaryaṃ sampadupāsanā || �ākāśaṃ 
brahmetyupāsīta, mano brahmetyupāsīte� 
tyādipratīkopāsanāyāmākāśamanaḥprabhṛtīnāṃ svataḥ sattārāhityena 
kṛtānāṃ brahmatādātmyabhāvanānairantaryaṃ pratīkopāsanā || �ya 
eṣo'kṣiṇi puruṣo dṛśyate | eṣa ātmeti hovāca | 
etadamṛtametadabhayametadbrahma enaṃ saṃyadvāma ityācakṣate | eṣa vāmaniḥ 
sa eṣa eva bhāmani� riti vāmanītvabhāmanītvasaṃyadvāmatvādiguṇaviśiṣṭa 
īśvaro'hamasmīti bhāvanā nairantaryam, �umā sahāyaṃ parameśvaraṃ prabhuṃ 
trilocanaṃ nīlakaṇṭhaṃ praśāntam | dhyātvā munirgacchati         
bhūtayonim� 
ityatromāsahitatvaparameśvaratvaprabhutvatrilocanatvanīlakaṇṭhatvādiguṇaviś
iṣṭaṃ sadāśivākhyaṃ brahmāhamasmīti bhāvanānairantaryamaha"ngahopāsanā 
|| na cātra nīlakaṇṭhatvādiguṇaviśiṣṭasya brahmaṇa upāsanīyasya 
bhinnatvena dhyeyatayā pratipādanādahaṃ śabdābhāvāttātparyābhāvācca 
kathamaha"ngrahopāsanārūpatvamiti vācyam, 

pṛ0 406) asyāmevopaniṣadi uttaratra �jāgratsvapnasuṣuptyādi prapañcaṃ 
yatprakāśate | tadbrahmā'hamiti jñātvā sarvabandhaiḥ pramucyate ||� iti 
brahmātmaikyajñānasya mokṣasādhanatvapratipādanāt || etattrayātiriktā 
nirguṇopāsanā | evaṃ vidhopāsanāpratipādanābhāvācca | nāpi tada"ngeṣu; 
tatrāpi na śikṣāyāṃ, 
vedavarṇasvaramātrādyuccāraṇakramapratipādakatvābhāvāt | tatra �vrajaneja 
udāttaścedakāreṇa sahocyate | stutaṃ dhṛtaṃ ghṛtenordhvaṃ havyapūrvo'nta 
āhuta�miti varṇasya, dvādaśāhīnasyetyatrāhargaṇavācitve �ahnaḥ khaḥ 
kratā�viti khapratyayavidhānādantodāttatvam | na hīno'hīna iti nañ 
tatpuruṣe pūrvapadaprakṛtisvaratvābhāvāt, hakāroparisthitasyekārasya 
svaritatvamiti svarasya, ṅātivyaktaṃ na cāvyaktamevaṃ varṇānudīrayet | 
payaḥ pūrṇamivāmatraṃ mṛdudhīro yathāmatī� tyuccāraṇasya, �cāṣastu 
bhāṣate mātrāṃ dvimātrāṃ vāyaso'bravīt | trimātrāntu śikhī rauti 
nakulastvardhamātrakam ||� iti mātrāyāśca śikṣārūpā"ngaviṣayatvāt | 
nāpi kalpasūtreṣu, 
śrautā"ngārhakarmaprayogakramatatprakāravidhāyakatvābhāvāt | nāpi 
vyākaraṇe, sandhisamāsaprakṛtipratyayavibhāgadvārā 
śabdaniṣpattiparatvābhāvāt | nāpi chandasi, 
vaidikalaukikachandovarṇamātrāniyamaparatvābhāvāt | nāpi 
nirukte, ṛgarthāvabodhakaśabdārthavivaraṇaparatvābhāvāt | nāpi jyotiṣe, 
śrutismṛticoditadharmānuṣṭhānakālanirṇāyakatvābhāvāt | ato na 
vedā"ngeṣvantarbhāvaḥ | nopā"ngeṣu caturṣu | tatrāpi na mīmāṃsāyāṃ, 
śrutismṛtyuktadharmavicāratallakṣaṇatatpramāṇatatsvarūpatatsādhanatatprayu
ktitatkramatadadhikārātideśatadūhatadbādhatattantrānuṣṭhānatatprasa"ngānu
ṣṭhānaparatvābhāvāt | nāpyuttaramīmāṃsāyām, 
brahmavicāratallakṣaṇatatpratipādakatatsamanvayatadvirodhanirāsatatsādhanatat
phalaparatvābhāvāt | nāpi nyāyavistare, 
vedārthanirṇayānukūlalaukikanyāyasañcāralakṣaṇapramāṇaghaṭitapadārthav
ivecanānukūlabuddhikauśalasampādakatvā- 

pṛ0 407) bhāvāt | nāpi purāṇeṣu, 
prākṛtanaimittikanityasṛṣṭisaṃhāradevatādyutpattimanvantararājavaṃśānuc
aritādivarṇanatīrthakṣetramāhātmyādivarṇanaparatvābhāvāt | nāpi 
dharmaśāstreṣu, itastato 
viprakīrṇaparaprakaraṇagatasiddhavannirdeśāditirohitavedamūlatvena 
varṇāśramadharmopayogikālācāraśrāddhaprāyaścittadānaśāntipūrtavyavaha
arayogādipratipādanaparatvābhāvāt | ato nopā"ngeṣvantarbhāvaḥ | 
nāpyupavedeṣu tatrāpi nāyurvede, 
śarīrasaṃrakṣaṇānukūlanidānacikitsārūpaskandhatrayātmakatvena 
dṛṣṭaphalasādhanatvābhāvāt | na dhanurvede, 
vairinirāsopayogiśarīravyāyāmalakṣyavedhaśarasandhānā''yudhodyamanipātana
lāghavasādhanapratipādanaparatvābhāvāt | na 
gāndharve, ṣaḍjādisaptasvarā''rohāvarohakramabhedabhinnagrāmatrayamūrchanā
kalpitapradhānarāgamiśrarāgaprayogakāladeśatadanuguṇacañcatpuṭāditālamṛ
da"ngādivādyaprabhedahastadṛṣṭiśiraḥ 
prabhṛtya"ngābhinayakriyārasādipratipādanaparatvābhāvāt | 
nāpyarthaśāstre, 
karādānaprajārakṣaṇasāmādyupāyasvāmyamātyādirājyā"ngasaptakārimitrād
idvādaśarājamaṇḍalaṣaḍguṇaśaktitrayatrivargādivijñānatadanuguṇā''cara
ṇapratipādanaparatvābhāvāt | 
tasmādvedatada"ngopā"ngopavedeṣvanantarbhāvādāgamā na pramāṇam ||      
kiñcānumānamapyasminnarthe sādhakam | āgamā na pramāṇaṃ 
vedā'nuktārthapratipādakatvāt, yatra yatra vedā'nuktārthapratipādakatvaṃ 
tatra tatrāpramāṇatvam, yathā pāñcarātrapāśupatatantre, tatra hi 
taptacakrali"ngaśūlā"nkanādivedaviruddhārthapratipādanādapramāṇatvaṃ 
siddham || na cāyaṃ hetuḥ satpratipakṣaḥ- āgamāḥ pramāṇaṃ 
vedoktadharmapratipādakatvāt, smṛtivaditi vācyam, 
yatkiñcidvedoktārthapratipādakatvaṃ vā yāvadvedoktārthapratipādakatvaṃ vā 
? nādyaḥ, ahiṃsāsatyādivedoktadharmapratipādakabauddhaśāstre vyabhicāraḥ 
| na dvitīyaḥ, yāvadvedoktārthapratipādakatvaṃ smṛtau nāstīti dṛṣṭānte 
hetvasiddhiḥ | tasmādanumānenāpyāgamā na pramāṇamiti cedatrocyate- 
paramāptaparameśvarapraṇītatvena vedānāmāgamā- 

pṛ0 408) nāñcāviśeṣeṇa prāmāṇyaṃ vaktavyam | �aṣṭādaśapurāṇānāṃ 
kartā satyavatīsutaḥ | kāmikādiprabhedānāṃ yathā devo maheśvaraḥ ||� 
itivacanādīśvarakartṛkatvasya siddhatvāt || 
�vedasiddhāntayoraikyamekārthapratipādanāt | prāmāṇyaṃ sadṛśaṃ jñeyaṃ 
paṇḍitairetayoḥ sadā || vedadharmābhidhāyitvātsiddhāntākhyāḥ 
śivāgamāḥ | vedabāhyavirodhitvādvedasammata ucyate ||� tasmādvedāgamayoḥ 
paramāptapraṇītatvasāmyādvedokta 
bhasmarudrākṣapañcākṣarādimantravarṇāśramādidharmapratipādanasāmyādved
abāhyabauddhacārvākādimatapratipādyā''cāravirodhitvasāmyācca dvayoḥ 
samānaṃ prāmāṇyam || vastutastu śrutyapekṣayā'dhikamevā''gamānāṃ 
prāmāṇyaṃ vaktavyam | tathāhi- parameśvarasya niśvāsarūpāṇāṃ 
śrutīnāmetāvatprāmāṇyaṃ 
cedīśānavaktrāttālvoṣṭhapuṭavyāpārapurassaramuditānāmarthapratipādanas
amarthānāmāgamānāṃ prāmāṇyamadhikameva || 
yaduktamavaidikatvādāgamajñānaṃ na mokṣasādhanamiti tanna, avaidikatvasyaiva 
nirvaktumaśakyatvāt || yaccoktamāgamānāmavaidikatve pārvatīṃ prati 
śivopadeśa eva dyotaka iti tadatyantāsa"ngatam | tathāhi- bṛhadāraṇyake 
caturthādhyāye maitreyībrāhmaṇe yājñavalkyena svabhāryāṃ maitreyīṃ  
prati �ātmā vā are draṣṭavyaḥ śrotavyo mantavyo nididhyāsitavyaḥ� iti 
śravaṇamanananididhyāsanādīnāmupadeśātteṣāmavaidikatvaṃ syāt | tathaiva 
gārgyabrāhmaṇe gārgīṃ prati �etasyaivākṣarasya praśāsane gārgī 
sūryācandramasau tiṣṭhata� ityādīnāmarthānāmavaidikatvaṃ syāt | striyaṃ 
pratyupadeśasya tulyatvāt | ataḥ striyaṃ pratyupadeśo'vaidikatvadyotaka iti 
vacanaṃ mūḍhasammohakatvādupekṣaṇīyam || ityāgamaprāmāṇyasamarthanam ||

iti vīraśaivānandacandrikāyāṃ vādakāṇḍe āgamaprāmāṇyasamarthanaṃ 
nāma viṃśatitamaṃ prakaraṇam ||

pṛ0 409) vīraśaivānandacandrikāyāṃ
vādakāṇḍe
ekaviṃśatitamaṃ prakaraṇam ||

deśikendra tvayā proktaṃ tantraprāmāṇyagocaram |
bhṛ"ngiśīlavatorvādamākarṇyāṅandito'bhavam ||
anantaraṃ kimārabdhaṃ bhṛ"ngiṇā śīlinā tataḥ |
kintatrottaritaṃ sarvaṃ tacchrotuṃ me'sti kautukam ||
vadāmi tvaṃ śṛṇu vacastayorvādātmanā sthitam |
basavendra mahīpāla kuśāgravilasanmate ||
śīlin śivāgamān śaivapurāṇavacanāni ca |
avalambya śivotkarṣo bhavatā sādhito'bhavat ||
tatrāgamānāṃ prāmāṇyaṃ sādhitaṃ bhavatā'dhunā | 
tatra śaivapurāṇānāṃ prāmāṇyaṃ nopapadyate ||
tāmasatvamahādoṣagrāsena nihitātmanā |
imaṃ vajraprahāraṃ tvaṃ parihartuṃ yadikṣamaḥ ||
tadā manyāmahe dhanyaṃ mūrdhanyaṃ vāgmināṃ vayam |
jāyate na hi vikrāntyai maśakānāntu hiṃsanam ||

pṛ0 410) bhṛ"nginvikatthase bhūyaḥ kṛtvaiva sukarāḥ kriyāḥ 
jāyante mauninaḥ santaḥ kurvanto duṣkarāḥ kriyāḥ ||
purāṇānāṃ tāmasatvaṃ sādhyatāṃ bhavatā'dhunā ||
nirākaromi taccāpi paśya me buddhikauśalam ||

nanu śaivapurāṇānāṃ tāmasatvāttaduktānāṃ vīraśaivadharmāṇāṃ 
li"ngadhāraṇādīnāṃ kathaṃ prāmāṇyam ? tathāhi- purāṇānāṃ kartā 
caturmukhaḥ keṣucitkalpeṣu sattvenodrikto bhavati, keṣucidrajasā 
keṣucittamasā | sa yadā sattvenodriktastadā vaiṣṇavāni purāṇāni 
praṇinīya, yadā rajasodriktastadā brāhmāṇi, yadā tamasodriktastadā 
śaivāni || evañca tamoguṇāndhabrahmapraṇītāni śaivapurāṇāni 
bhrāntajalpitānīvāpramāṇānyeva | vaiṣṇavapurāṇāni tu 
sattvodriktabrahmapraṇītāni prājñavākyānīva pramāṇāni | yathoktam 
mātsye- śa"nkīrṇāḥ sāttvikāścaiva rājasāścaiva tāmasāḥ | 
yasminkalpetu yatproktaṃ purāṇaṃ brahmaṇā purā || tasya tasya tu 
māhātmyaṃ tena rūpeṇa varṇyate | agneḥ śivasya māhātmyaṃ tāmaseṣu 
prakīrtitam || sa"nkīrṇeṣu sarasvatyāḥ pitṛrṇāñca nigadyate | 
sāttvikeṣvatha kalpeṣu māhātmyamadhikaṃ hareḥ || teṣveva yogasaṃsiddhā 
gamiṣyanti parā"ngati� miti || yadyapyudāhṛtaślokeṣu brahmaṇaḥ 
kalpabhedāttattadguṇodriktatvaṃ na sphuṭaṃ pratīyate; tathāpi 
tattadguṇādhikamūrtimāhātmyasya tattadguṇodriktabrahmapratipādyataucityāt, 
�jāyamānaṃ hi puruṣaṃ yaḥ paśyenmadhusūdanaḥ |      sāttvikaḥ sa tu 
vijñeyaḥ sa vai mokṣārthacintakaḥ || paśyatyenaṃ jāyamānaṃ brahmā 
rudro'thavā punaḥ | rajasā tamasā cāsya mānasaṃ samabhiplutam ||� iti 
mokṣadharmavacanena svakaṭākṣeṇa 
sattvādipravartakaviṣṇumāhātmyapratipādanasya sattvādimūlakatvaucityācca 
brahmaṇastattatpurāṇapraṇayanakāle tattadguṇodrekasiddhiḥ | 
nacodāhṛtavacanajātasya tāmasamātsyapurāṇāntargatatayā 
sutarāmapramāṇatve sati nābhimatārthasiddhiḥ, pramāṇatve 

pṛ0 411) tu vyāghāta iti vācyam, tāmasapurāṇāntargatatvena hi 
mānāntaravirodhe durbalatvādaprāmāṇyaṃ bhavet | natu tadabhāve'pi 
sambhavadautsargikaṃ prāmāṇyaṃ hātavyamiti prāmāṇyasambhavāt; 
brahmaśivādipratipādanābhiniviṣṭasya prabandhasya 
bhagavatprakarṣoktāvāgrahāsambhavenāsya vacanasya tatparatvopapatteśca | na 
cānekapurāṇāprāmāṇyakalpanādekasyaitasyāprāmāṇyakalpanaṃ jyāyaḥ 
bhūyasāṃ balīyastvāditi vācyaṃ, 
brahmaśivādipratipādakapurāṇeṣvetadvacanapratipādyasya 
svakīyarajastamomūlakatvasya kaṇṭharaveṇa pratiṣedhābhāvānna sākṣādasti 
virodhaḥ; kintu teṣu svavācodghāṭitaṃ 
prāmāṇyametadvacanagamyarajastamomūlakatvavirodhīti paramparayā virodhaḥ | 
tatrāpi nānena vacanena prāgasiddhaṃ teṣāmaprāmāṇyaṃ pratipādyate, kintu 
parasparaviruddhārthānāṃ sarveṣāṃ purāṇānāṃ prāmāṇyānupapattau 
kvacidaprāmāṇye paryavasāyayitavye viṣayavyavasthāmātratātparyeṇa 
pravṛttatayā virodhābhāvāt | evaṃ balavatā'nena 
niścitarajastamomūlatākānāṃ teṣāṃ bahūnāmapi 
bahubhrāntavākyānāmekaprājñavacanādivadetadvacanāddurbalatvāt || ki"nca na 
kevalamiyataiva teṣāmaprāmāṇyaṃ pratyakṣaśrutivirodhādibhyo'pi tatsiddheḥ 
| tathāhiḥ- śrutau tāvat, ṅārāyaṇādrudro jāyate, nārāyaṇādbrahmā 
jāyate | tasmai virūpākṣāya brahmaṇaḥ putrāya nama� ityādi 
vākyairnārāyaṇasya sarvajanakatve rudrasya tajjanyatvaṃ 
tajjanyabrahmajanyatvañca śrūyate | nārāyaṇasya tajjanyatvaṃ 
tadupāsakatvañca pratipādyata iti śrutivirodhaḥ | kiñca lai"ngye �yuvāṃ 
prasūtau gātrebhyo mama pūrvaṃ sanātanau | asyaiva dakṣiṇe pārśve brahmā 
lokapitāmahaḥ || vāmapārśve ca me viṣṇurviśvātmā hṛdayodbhavaḥ ||� iti 
śivādbrahmanārāyaṇayorutpattimuktvā pradeśāntare viṣṇuṃ prati vacane 
�tvatkopasambhavo rudrastamasā ca samāvṛtaḥ | tvatprasādājjagaddhantā 
rajasā ca pitāmahaḥ ||� iti nārāyaṇādbrahmarudrayorutpattiśca vyākhyātaḥ 
| tadevaṃ vaktustāmasatvadoṣāt, śrutivirodhāt, 

pṛ0 412) svavyāghātāt, svoktārthasya 
pramāṇatvenābhimatapurāṇāntarānanugṛhītatvāt, lai"ngyasyādau 
�tasmādbhavantaṃ pṛcchāmaḥ sūta paurāṇikottama | purāṇasaṃhitāṃ 
puṇyāṃ li"ngamāhāmyasaṃyutā� miti viśeṣaniṣṭhapraśnopakrameṇa 
pravṛttatayā li"ngamāhātmyavarṇanāgrahasya spaṣṭatvāt, kaurmādiṣu 
naṣṭakośatvaprasiddherativistṛtatayā ca sarveṣāṃ 
prakṣepaśa"nkāsambhavācca, śivapurāṇānāṃ na pramāṇyaṃ sambhavati | 
viṣṇupurāṇānāntu sarvaprakāreṇāpyuktavaiparityātprāmāṇyamasti | 
tathāhi- viṣṇupurāṇasya vaktā parāśaraḥ | sa ca 
vasiṣṭhapulastyavaraprasādalabdhadevatāpāramārthyajñāna iti 
viṣṇupurāṇalai"ngyādiṣu prasiddham | ateva lai"ngye- �parāśarasyāvatāro 
vyāsasya ca śukasya ce�ti bhagavatīva parāśare'pyutpattiriti vaktavye'vatāra 
iti prayuktamityevaṃ vaktṛguṇaḥ | tathā �viṣṇoḥ sakāśādudbhūtaṃ 
jagadetaccarācara� miti vacanena na brahmā neśāna ityādiśrutyāṅuguṇyam | 
tathā sarvatra viṣṇūtkarṣasyaiva pratipādanānna kvāpi svavyāghātaḥ || 
yattu tatra tatra 
kailāsayātrādevakīgarbhotpatyādiparatvaviruddhadharmopavarṇanaṃ 
tatprasaktāpakarṣasparśasya śarvāvarteṣu viṣṇośca jananaṃ līlayaiva tat� 
ityādilīlā-      rūpatvena parihṛtatvānna kvāpi svavyāghātaḥ | tathā 
viṣṇupurāṇoktārthasya tadviruddhalai"ngyādibhirapi śarve viṣṇumayā 
devāḥ sarve viṣṇumayāḥ gaṇāḥ | na hi viṣṇusamā kācidgatiranyā 
vidhīyate || ityeva satataṃ vedā gāyante nātra saṃśayaḥ | tvatkopasambhavo 
rudrastamasā ca samāvṛtaḥ || sarvāvarteṣu viṣṇośca jananaṃ līlayaiva tat 
|� ityādinā pratipāditatvena sarvapurāṇasaṃvāditam || tathā śo'hamicchāmi 
vai dharmaṃ śrotuṃ tvatto yathā jagat | babhūva bhūyaśca yathā mahābhāga 
bhaviṣyatī� ti sāmānyataḥ praśne, �viṣṇoḥ sakāśādudbhūtaṃ 
jagattatraiva saṃsthita�miti viśeṣaniṣṭhottararūpeṇa pravṛttatayā 
kvacidapyasyāgrahābhāvaḥ spaṣṭa iti tattvāvedakatvaṃ sphuṭam | 
tathā ṣaṭsahasryā api śrūyamāṇatayā na naṣṭakośatvaśa"nkāvakāśaḥ | 
ateva nātivistṛtatayā 

pṛ0 413) prakṣepaśa"nkābhāvaśceti vaiṣṇavānyeva purāṇāni pramāṇāni | 
śaivāni tu tadaviruddhe pramāṇāni bhavantyapi tadviruddhe śivotkarṣeṇa 
sarvathaivāpramāṇānīti || 
atrocyate- yadyapi parairitthaṃ śaivavaiṣṇavapurāṇānāṃ 
vailakṣaṇyamuktamiti tadvaiparītyena viṣṇupurāṇānāmaprāmāṇyaṃ 
pratipādanīyam | tathāpi tattvā''vedanapravṛttairasmābhirna tathā 
kartṛmucitam | nahi pareṇa bhrāntamiti svenāpi bhramitavyam | ataḥ 
sarvapurāṇaprāmāṇyavyavasthāpakaḥ siddhāntaḥ prastūyate-yattāvaduktaṃ 
vaktustāmasatvadoṣāditi tadevāsiddham, tathāhi- purāṇānāṃ ko 
vaktetyabhimānaḥ ? caturmukha ityuktameveti cetsatyamuktam, tadeva tu duruktaṃ 
bhavadbhrāntikalpitasāttvikādidurvibhāgakathābhijñena bhavataiva 
pramāṇatayā'bhyupagate ca bhārata eva śāntiparvaṇi rājadharme śiva eva 
sarvapurāṇānāmādivaktetyuktatvāt | tathāhi-

bhavaśca bhagavāndhyātvā ciraṃ śūlavarāyudham |
asṛjatsarvaśāstrāṇi mahādevo maheśvaraḥ ||
vidyāścatasraḥ kūṭasthāstāsāṃ bhedavikalpanāḥ | 
a"ngāni vedāścatvāro mīmāṃsā nyāyavistaraḥ ||
purāṇaṃ dharmaśāstrañca vidyā hyetāścaturdaśa |
āyurvedo dhanurvedo gāndharvaśceti te trayaḥ ||
arthaśāstrañcaturthantu vidyā hyaṣṭādaśaiva tu |
daśa cāṣṭau ca vikhyātā etā dharmasya saṃhitāḥ ||
etāsāmeva vidyānāṃ vyāsamāha maheśvaraḥ |
śatāni trīṇi śāstrāṇāmāha tantrāṇi saptatim ||

pṛ0 414) iti sāmānyata uktvā,

tantraṃ pāśupataṃ nāma pāñcarātrañca viśrutam |
yogaśāstrañca vikhyātaṃ tantraṃ lokāyataṃ tathā ||
daśa cāṣṭau ca vijñeyāḥ purāṇā yajñasaṃhitāḥ |
purā vyāsapraṇītāśca tāvadeva hi saṃhitāḥ ||
dharmaśāstrāṇi tāvanti ekārthānīti nānyathā |
ekārthāni purāṇāni vedāścaikārthasaṃśrayāḥ || iti ||

tathā tatra tatra pāñcarātrādiṣu viṣṇvādikartṛkatvasmaraṇasya 
pravṛttatvaparatvaṃ darśayitum �kalpe kalpe 
mahābhāgairṛṣibhistattvadarśibhiḥ | ṛṣiputraiśca taistairhi viṣṇunā ca 
vikalpitaḥ ||� ityapyuktam | tathāca �tasmai vedānpurāṇāni 
dattavānagrajanmana� iti purāṇavacanopabṛṃhitatayā �yo brahmāṇaṃ 
vidadhāti pūrvaṃ yo vai vedāṃśca prahiṇoti tasmai� 
ityanuktapurāṇasamuccayārthakacakāravatyā śrutyā sargādyakāle 
śivāllabdhānāṃ purāṇānāṃ pravaktā parañcaturmukha iti siddhatvena tasya 
purāṇapraṇetṛtvā'siddheḥ | naca pravaktustamo'bhibhavo doṣāya, tasya 
praṇetṛdoṣavatprabalāprāmāṇyānāpādakatvāt; 
anyathā'smadādipaṭhitavedavākyānāmapyaprāmāṇyāpatteḥ | kiñcāyaṃ 
purāṇānāṃ pravaktā vā'stu praṇetā vā, sarvathā'pi sa yadi purāṇāni 
yugapadanuktvā kvacitkalpe kānicitkvacitkalpe'parāṇi ca praṇayettadā 
ghaṭetāpi kathañcidabhilaṣitalābhapratyāśā | tadevāsiddham, yatpurāṇe 
yatprakaraṇe vidyamānaṃ vacanamudāhṛtya cintayitumiṣyate tatraiva mātsye 
tasminnevapurāṇasvarūpavivecanaprakaraṇe tadupakrama eva-

purāṇaṃ sarvaśāstrāṇāṃ prathamaṃ brahmaṇā smṛtam |
anantarantu vaktrebhyo vedāstasya vinirgatāḥ ||

pṛ0 415) purāṇamekamevāsīttadā kalpāntare nṛpa |
trivargasādhanaṃ puṇyaṃ śatakoṭipravistaram ||
nirdagdheṣu ca lokeṣu vāripūreṇa vai mayā |
a"ngāni caturo vedānpurāṇaṃ nyāyavistaram ||
mīmāṃsāṃ dharmaśāstrañca parigṛhya mayā kṛtam |
matsyarūpeṇa tu punaḥ kalpādāvudakārṇave ||
aśeṣametatkathitamudakāntargatena ca |
śrutvā jagāda ca munīnpratimattaścaturmukhaḥ ||
pravṛttiḥ sarvaśāstrāṇāṃ purāṇasyābhavattataḥ |
kālena grahaṇaṃ dṛṣṭvā purāṇasya tato nṛpa ||
vyāsarūpamahaṃ kṛtvā saṃhārādi yuge yuge |
caturlakṣapramāṇena dvāpare dvāpare sadā ||
tathāṣṭādaśadhā kṛtvā bhūloke'sminprakāśate |
adyāpi devaloke tacchatakoṭipravistaram ||
tadarthaśca caturloke sa"nkṣepeṇa niveśitaḥ |

iti sargādyakalpe yugapadeva brahmamukhādbrahmapādmādivibhāgasya 
śatakoṭigranthasa"nkhyākasya skāndapurāṇasyaikasyaiva nirgamamuktvā, tataḥ 
kalpānte jagatyekārṇave sati naṣṭeṣvadhyetṛpuruṣeṣu 
caturdaśavidyāsthānānyapi dhārayatā bhagavatā matsyarūpeṇa �kalpe kalpe 
mahābhāgairṛṣibhistattvadarśibhiḥ | ṛṣiputraiśca taistairhi viṣṇunā ca 
vikalpitaḥ ||� iti mahābhāratoktarītyā pravacanamātraṃ purāṇānāṃ kṛtam 
| tanmukhācca caturmukhaḥ śrutvā, tathaivākhaṇḍarūpeṇa tatpurāṇaṃ 
munibhya upadideśa | tato bahutithe kāle'tīte dvāparānte prasakte 
manuṣyāṇāmāyurhrāsāttāvadvistārapurāṇaskandādhyayanādhyāpanaśaktikau
ṇṭhyaṃ paryālocya lokānu- 

pṛ0 416) jighṛkṣayā bhagavataiva vyāsarūpeṇāṣṭādaśadhā 
vibhāgaścaturlakṣyā saṃkṣepaśca kṛta iti pratipādanena tatrāpi kalpe 
brahmaṇā vibhajya kathanasya katipayapurāṇakathanasya cāsiddheḥ 
kathamabhimatalābha ityāstāmetat ||
tattatkalpeṣu brahmā tattadguṇodrikta iti yaduktaṃ tatra vā kiṃ pramāṇam ? 
na tāvadudāhṛtaṃ vacanam, tatroktārthabodhakaśabdābhāvāt | na ca 
tatsvarupeṇetyetadeva prāmāṇyaṃ bhavatīti vācyam | yacca yasminkalpe tu 
yatproktaṃ tadguṇādhikatvoktirityādi tadatitucchaṃ 
varṇyavarṇakayoraikarūpyaniyamāsiddheḥ; na hyandhenaivāndho badhireṇaiva 
badhiro varṇayitavya iti niyamaḥ; sāttvikenaiva vyāsena 
tāmasānāmasurādīnāṃ varṇanāt | nanu na sāttvikaḥ tāmasasotkarṣaṃ 
bhrāntyā varṇayati, tāmasastu tathā karotītyaucityamiti cettadapi na, evamapi 
rājasotkarṣavarṇanasyāpi bhramamūlakatayā tatrāpi vaktustāmasatve 
kalpanīye rājasatvakalpanā'yogāt | rajasaḥ pravṛttidharmatvena 
tamovadajñānajanakatvābhāvāt; kathañcidbhāve vyavasthānupapatteḥ, 
rājasatāmasotkarṣavarṇanayorbhramamūlakāviśeṣe rājasotkarṣavarṇanaṃ 
rājasenaiva, tāmasotkarṣavarṇanaṃ tāmasenaiva kartavyamiti vyavasthāyāṃ 
niyāmakābhāvāt || yadapyuktaṃ tattadguṇapravartakamahimavarṇanasya 
tattadguṇamūlakatvamiti tadapi na, prāgvadevāprayojakatvāt | anyathā 
vātaprakopajanakapadārthaguṇapāṭhasyāpi vātamūlakatvāpatteḥ | kiñca 
śa"nkīrṇeṣu sarasvatyāḥ pitṛrṇāñca nigadyata� iti śravaṇādyasmi-  
nkalpe pitṛsarasvatīpratipādakapurāṇaṃ praṇināya tadā'sya sa"nkīrṇatā 
kalpanāpatteḥ | na ceṣṭāpattistādṛśapurāṇābhāvāt | na ca 
tādṛśapurāṇāmekaṃ praṇīya bhāgaśastatra praticikṣapeti vācyaṃ, 
purāṇānāmādikāla eva kḷptasaṃkhyāśravaṇasya 
tattadanukramaṇikādhyāyoktakathānukramasya ca virodhāt || yadapyuktaṃ 
kalpeṣu sātvikādivyapadeśānupapatyā tatpravartakasya 
brahmaṇastattadguṇodrekasiddhiriti tadapi na, hemantādiṣu 
himakālādivyapadeśavatkalpānāṃ tadguṇaprācuryeṇa 
tattatsamākhyopapatterityāstāmidamapi || yaccoktaṃ bahūnāṃ 
purāṇānāmaprāmāṇya- 

pṛ0 417) kalpanādekasya vacanasyāprāmāṇyakalpanaṃ yuktaṃ bhūyasāṃ 
balīyastvāditi tanna, bhūyasāṃ balīyastvaṃ nāsti sākṣādvirodhe tvastīti 
kalpayituṃ śakyatvāt || yadapyuktaṃ tatraiva nānena bahūnāmaprāmāṇyaṃ 
pratipādyate, kintvaviśeṣaprasaktasya tasya viśeṣaparyavasānaṃ kriyata iti 
tadapyasa"ngatam, kimanena virodhaḥ parihṛtaḥ ? bāḍhamiti cedastu, tarhi 
kenāprāmāṇyaṃ śivapurāṇānāmāpatitam ? parasparavirodheneti brūmaḥ; 
naiṣaḥ sarvasādhāraṇa iti sa kathaṃ śivapurāṇānāmaprāmāṇyamāpādayet 
? etadvacanasācivyeneti cet, hantaivamāgato virodhaḥ | parantu kaścidanyo'pi 
heturāsīdityanyadetat | ubhayorhetutve'pi prāptāprāptāvivekena 
parasparavirodhe siddhasyāprāmāṇyasya sthalaviśeṣanirṇayamātre'sya 
vyāpāra iti cenna, 
tannirṇayārthamapyaprāmāṇyavyāpyatamomūlakatvapratipādanamukhena 
pravṛttasyāstyeva vacanasya bahupramāṇavirodhaḥ, sa ca duṣparihara 
evetīdamapyāstām || yaccoktamasyaiva vacanasya tāmasapurāṇāntarvartitayā 
kathaṃ prāmāpyamiti śa"nkāyām, mānāntarāvirodhātsambhavadautsargikaṃ 
prāmāṇyamakṣatamiti tadapyayuktam, prāgudāhṛtabhāratavacane �purāṇaṃ 
dharmaśāstrañca vidyā hyetāścaturdaśe�ti vidyāpada-       prayogāt, �daśa 
cāṣṭau ca vikhyātāḥ purāṇā dharmasaṃhitāḥ� iti 
dharmasaṃhitāpadaprayogācca, pramāṇatvena parigaṇitāsu vidyāsu purāṇaṃ 
sāmānyata upādāya, �etāsāmeva vidyānāṃ vyāsamāha maheśvara� 
ityupakramya tadvidyābhedānukramāvasare �daśa cāṣṭau ca vijñeyāḥ 
purāṇā yajñasaṃhitāḥ | purā vyāsapraṇītāśca tāvadeva hi saṃhitāḥ | 
dharmaśāstrāṇi tāvanti ekārthānīti nānyathā | ekārthāni purāṇāni 
vedāścaikārthasaṃśrayāḥ� ityaṣṭādaśapurāṇānāṃ parigaṇanena teṣu 
ślokamātrasyāpyaprāmāṇyānupapatteḥ | nahi tatra pratyakṣādīni 
pramāṇāni bhavitumarhanti | api ca parasparavirodhādaprāmāṇyamiti bhramo'pi 
na kartavyaḥ, asiddheḥ, tatraiva ekārthāni purāṇānīti paṭhitatvācca | 
mānāntaravirodho durupapāda eva | kā tarhi tasya vacanasya gatiriti cet, 
śṛṇu-

pṛ0 418) śa"nkīrṇāḥ sāttvikāścaiva rājasāścaiva tāmasā� iti 
tattadguṇapracuratayā kalpāṃstathā tathā vyapadiśya, �agneḥ śivasye� 
tyādinā tattadguṇotkarṣavati kāle 
tattadguṇopādhikamūrterādhikyamucitamityabhiprāyeṇa brahmādyutkarṣāṇāṃ 
kalpabhedapravṛttatvamupapādya, yasminkalpa iti śloke kalpa iti 
viṣayasaptamīṃ kṛtvā, yaṃ kalpaṃ viṣakīkṛtyādhikṛtya ca yatpurāṇaṃ 
proktaṃ prathamamuktaṃ brahmaṇā praśasya prāthamyaparatvena kena 
proktamityādāviva proktaśabdasya prathamavacanamātraparatvāt; tatsvarūpeṇa 
tatpurāṇasvarūpeṇa tasya tasya māhātmyaṃ tattatkalpamāhātmyaṃ varṇyate | 
ghanavidyudgarjitādivarṇanasya 
varṣākālavarṇanatvavattattatkalpavṛtyagnyādimāhātmyavarṇanasyaiva 
tattatkalpavarṇātmakatvāditi pratipādanena bhinnabhinnakalpaviṣayāṇāṃ 
purāṇānāṃ nāsti parasparavirodha ityekārthāni purāṇāniti 
bhāratoktarītyā sarvapurāṇaprāmāṇyopapādanatātparyakatvena sāmañjasyāt 
| evaṃ kasyāpyabādhenopapattau katipayapurāṇabādhasya yuktatvāt 
spaṣṭaścāyamarthaḥ kaurmaśaivādiṣu yathoktam-

asa"nkhyātāḥ smṛtāḥ kalpā brahmaviṣṇuśivātmakāḥ |
kathitāśca purāṇeṣu munibhiḥ kālacintakaiḥ ||
sāttvikeṣvatha kalpeṣu māhātmyamadhikaṃ hareḥ |
tāmaseṣu maheśasya rājaseṣu prajāpateḥ ||
kvacidbrahmā kvacidviṣṇuḥ kvacidrudraḥ praśasyate |
nānena teṣāmādhikyaṃ nyūnatā vā kathañcana ||
tattatkalpāntavṛttāntamadhikṛtya maharṣibhiḥ |
tāni tāni praṇītāni vidvāṃstatra na muhyati || iti ||

kiñcāṣṭādaśapurāṇānāṃ dānavidhiṃ vaktumupakramya madhye, 
nanvaṣṭādaśānāṃ prāmāṇyaṃ na sambhavati, parasparavirodhādato 
lokāyatādi-

pṛ0 419) vadapramāṇānāmeṣāṃ dānena kathaṃ svargo bhavatviti śa"nkāyāṃ 
tatparihārārthaṃ pravṛttenānena vacanena yāvanti dātavyatvenābhimatāni 
purāṇāni tāvatāṃ prāmāṇyasamarthanameva kartuṃ nyāyyam, natu tanmadhye 
katipayānām | tathā satyapramāṇānāṃ teṣāmuttaratra dānavidhirvirudhyeta 
| tasmātparihṛtametadyattāvadvaktṛdoṣa iti || yadapyuktaṃ 
pratyakṣaśrutivirodhāditi tadapi tuccham, 
śivādbahmanārāyaṇayorutpattivarṇanaṃ hi 
pratyakṣaśrutiviruddhamityabhimānaḥ, sa eva bhramamūlaḥ | atharvaśirasi 
śarvamidaṃ brahmaviṣṇurudrendrāste samprasūyante sarvāṇi cendriyāṇi 
sahabhūtairna kāraṇaṃ kāraṇānāṃ dhyātvā kāraṇaṃ tu dhyeyaḥ 
sarvaiśvaryasampannaḥ sarveśvaraḥ śambhurākāśamadhye� iti 
brahmaviṣṇurudrāṇāṃ śivādutpatti śravaṇāt | kiñcodāhṛtaśrutivirodhe 
viṣṇupurāṇānāmapi tulye kathamekatra tadudbhāvanam | naca nārāyaṇādudro 
jāyata iti śrutyā kāryatvenāvagate rudre śrutyantareṇa śrūyamāṇamapi 
brahmanārāyaṇakāraṇatvam, �ātmana ākāśaḥ sambhūta� iti śrutyā 
kāryatvenāvagate bhūtākāśe śarvāṇi ha vā imāni bhūtānyākāśādeva 
samutpadyanta� iti śrutyā pratipāditaṃ jagatkāraṇatvamivānvetumanarhaṃ 
sattadanta-ryāmiṇi paramātmani paryavasyatīti na viṣṇupurāṇasya 
śrutivirodha iti vācyam, vaiparītyasyāpi suvacatvāt | atharva śirasi 
kāryatvena śrute viṣṇau śrūyamāṇaṃ jagatkāraṇatvaṃ 
tatrānvayamalabhamānaṃ sattadantaryāmiṇi paramaśive paryavasyatīti || 
vastutastu na kasyāpi purāṇasya śrutivirodhaḥ, 
guṇamūrtīnāmanyonyasmādutpattimabhipretya nārāyaṇādbrahmetyādiśrutayaḥ 
paramaśivādutpattimabhipretya sarvamidamityādiśrutaya iti savistaraṃ 
vyavasthāpitamappayadīkṣitaiḥ śivārkamaṇidīpikādiṣu || yaccoktaṃ 
svavyāghātādaprāmāṇyamiti tadapyetenaiva nirākṛtam, 
nārāyaṇādrudrotpattirguṇirudraviṣayā; trimūrtīnāmutpattistu 
paramaśivaviṣayeti vyavasthābhiprāyakatayā svavyāghātagandhasyāpyabhāvāt 
| yaccoktaṃ svoktārthasya pramāṇatvābhimatapurāṇāntarānanugṛhītatvamiti 
tadapi 

pṛ0 420) tuccham, śivapurāṇapratipādyasya śive 
brahmanārāyaṇayorjanakatvasya tadupāsyatvasya ca paraiḥ kevalamasūyitavyasya 
sarvasampratipanne mahābhārata eva �asṛjaddakṣiṇāda"ngādbrahmāṇaṃ 
lokasṛṣṭaye | vāmapārśvāttathā viṣṇuṃ lokarakṣārthamīśvaraḥ� iti, 
�yasya brahmā ca viṣṇuśca tvañca śaktyā sahāmaraiḥ | arcayadhve sadā 
li"ngaṃ tasmātpūjyataro hi saḥ� ityādinā ca prapañcitatvāt; api ca 
bhavadabhimate pādme śivarāghavasaṃvāde gāruḍe śivarahasyapāde ca 
śivapurāṇoktārthānāṃ savistaratayā pratipādanācca || yaccoktaṃ 
�purāṇasaṃhitāṃ divyāṃ li"ngamāhātmyasaṃyutā� miti 
viśeṣaniṣṭhapraśnopakrameṇa pravṛttatayā li"ngamāhātmye 
āgrahavatvādaprāmāṇyaṃ lai"ngyasyeti tadapi na yuktam, nahi śabdānāṃ 
tātparyādanya āgraho nāmāsti tātparyañca | mūrdhābhiṣiktaṃ 
prāmāṇyanidānamiti kathamaprāmāṇye viruddho heturupanyastaḥ | pratyuta 
yatrāgraho nāsti tatpramāṇāntareṇa bādhyetāpi, yatra tvāgraho nāsti 
tattatsarvathā bādhyate antaro vikalpaṃ vā'nubhavet | naca 
māhātmyaśabdavācyapraśaṃsāyāmāgraho'pi, tadghaṭake 
brahmanārāyaṇajanakatvādau na prāmāṇyamiti vācyam, praśaṃsāmātrasya 
tairapi jñātatayā tadghaṭakāṃśa eva  teṣāṃ jijñāsāyāṃ taduttaratvena 
pravṛttasya purāṇasya tatraiva tātparyavatvena pramāṇatvāt | naca na 
brūmastātparyavatvāditi, li"ngamāhātmyaśuśruṣubhiḥ pṛṣṭe �na 
buddhibhedaṃ janayedi�ti nyāyena tattvamācchādya tadbadhyanusāreṇaiva 
pravṛttatayā praśaṃsāmātre tātparyamiti, na vācyārthe prāmāṇyamiti 
vācyaṃ, tattvavyutpādanārthaṃ pravṛtteṣu purāṇeṣu apratipannatattvena 
pṛṣṭe, anyathā budhyā pṛṣṭe'pi yathāvattvayā pṛṣṭaṃ naitadevaṃ 
mantavyamidantu vastutattvamiti vaktavye, tadvihāyānyathā 
pravṛttatvā"ngīkāre purāṇānāṃ mohaśāstratvaprasa"ngāt, maitreyeṇa 
jagatkāraṇaṃ kimiti sāmānyataḥ pṛṣṭe'pi 
ciraparicayāstatprakṛterabhijñenāta eva viditatadīyaviṣṇubhaktikena 
parāśareṇa na buddhibhedamiti  

pṛ0 421) nyāyāttadbadhyanusāreṇa viṣṇoḥ sakāśādudbhūtaṃ 
jagadityādyuktamiti vaiparītyasyāpi suvacatvācca || kiñca lai"ngye 
tathātve'pi śaive prayāge vidyamānānāmṛṣīṇāṃ sūtaṃ prati praśne 
�tvamadṛṣṭavaśādasmaddarśanaṃ samupāgataḥ | akurvan kimapi śreyo na 
vṛthā gantumarhasi || tasmācchreṣṭhataraṃ puṇyaṃ satkathā jñānasaṃhitam 
| apavargaphalaikāntamanācārabahiṣkṛtam || jagatāṃ 
sṛṣṭisaṃhārasthitihetupradarśakam | vedāntasārasarvasvaṃ purāṇaṃ 
śrāvayādya naḥ ||� iti sāmānyaniṣṭhapraśnopakrameṇa pravṛtte 
prāmāṇyasya tvayāpi vaktavyatvāt | bhāgavate prāmāṇyasya tvayaiva 
vaktavyatvācca | tatra hi sūtaṃ prati ṛṣīṇāṃ praśno'sti- śūta jānāsi 
bhadraṃ te bhagavān sātvatāṃ patiḥ | devakyāṃ vasudevasya jāto yasya 
cikīrṣayā || tannu śuśrūṣamāṇānāmarhasyadyānuvarṇitu�miti 
viśeṣasyaiva viṣayī kṛtatvāt, �āpannaḥ saṃstutiṃ 
ghorā�mityādibhiścaturbhiḥ ślokaisteṣāṃ bhagavatyutkaṭāyā 
bhaktervyaktatvāt, tato'pi pūrvameva prabandhuprārthane'pi �bata bhāgavataṃ 
rasālaya�miti viśeṣaniṣṭhatāyāḥ prakaṭitatvācca, tadupakrameṇa pravṛtte 
prabandhe duṣpariharamaprāṇyam | yadapyuktaṃ kaurmādiṣu naṣṭakośatva-      
prasiddhiriti tadapyasāraṃ yā ṣaṭsahasragranthātmikā brāhmī saṃhitā 
pracarati sā na naṣṭaiva, mātsyavacanāvagatasaptadaśasahasramadhye 
brahmasaṃhitātirikto'yamekādaśasahasragranthātmako bhāgaḥ sa naṣṭa iti 
cedastu ko netyāha ? na hi vayaṃ tatratyāni vacanānyudāharāmaḥ | 
śrūyamāṇā tu yā saṃhitā na tasyāṃ taditaranāśaprayuktaṃ kiñciditi 
śa"nkābījamasti | taditarabhāgasya naṣṭatayā nānayāpi saṃhitayā 
tadvadeva naṣṭayā bhavitavyam | kasyacillopasya kasyacillope niyāmakābhāvāt 
| śrūyamāṇā tu kenacitkalpiteti syādanāśvāsa iti cenna, aprayojakatvāt | 
nahīndrādivyākaraṇanāśanimittastilamātropyanāśvāsaḥ pāṇinīye tava 
mama vā'sti | kiñcaivaṃ sati viṣṇupurāṇe mātsyavacanāvagata-

pṛ0 422) trayoviṃśatisahasramadhye saptadaśasahasrīnāśaprayukto 
vidyamānaṣaṭsahasryāmanāśvāso duṣparihara evā''patet | 
yaccoktamativistṛtatayā prakṣepaśa"nkāspadatvamiti taddhi na vivicya 
praśnamapi kṣamate, tathāhi- kimativistṛtatvaṃ nāma kiṃ svata 
evādhikagranthavatvaṃ kiṃ vā 
kḷptasa"nkhyāpekṣayā'dhikasa"nkhyāvatvenopalabhyamānatvam ? ādye, 
sarvapurāṇasādhāraṇyānneṣṭasiddhiḥ | dvitīye tvasiddhiḥ yo hi 
kḷptagranthasa"nkhyā puṣkalā na labhyata iti naṣṭakośo bhavatu grantha 
ityupālabhate taṃ pratyeva kathamuktalakṣaṇamativistṛtatvamāpādanīyam | 
idamanyadvā kiñcidastvativistṛtatvam, sarvathāpi tatkiṃ vaiṣṇavapurāṇeṣu 
nāsti ? tatkiṃ vyarthaṃ parānbhramayasītyāstāṃ tāvadidam ||
yadapyuktaṃ viṣṇupurāṇaṃ śivapurāṇoktadoṣasaptakarāhityātpramāṇamiti 
tatra pratijñāṃśa ekaḥ sādhuḥ, hetvaṃśastu na parīkṣākṣamaḥ; 
tathāhi- yattāvaduktaṃ vaktṛguṇarūpamādyavailakṣaṇyamupapādayituṃ 
pulastyavasiṣṭhavaralabdhadevatāpāramārthyajñānaśālitayā, 
śivapurāṇeṣvapi svotpattāvavatārapadaprayogasūcitamahimaśālitayā ca, 
śivapurāṇavaktṛtāmasacaturmukhāpekṣayā parāśara utkṛṣṭa iti 
tadvicārayāmaḥ- vaktātra kiṃ prabandhapraṇetā kavirabhimataḥ, uta kavinā 
svagranthe svapratipādyārthavaktṛtvena nibaddhaḥ ? ādye, 
vaiṣṇavapurāṇānāṃ sattvodriktacaturmukhapraṇītatvasya 
bhavataivodghoṣitatvena parāśarotkarṣavarṇanasya prakṛtānupayogāt | 
dvitīye, śivapurāṇavaktustāmasatvadoṣa iti vādasyāsa"ngatiḥ spaṣṭaiva | 
tatra hi matsyakūrmaśivādayo vaktṛtvena nibaddhā iti | tathāca 
parāśarānugrāhakapulastyādyupāsyamatsyakūrmādivaktṛkebhyaḥ 
śivapurāṇebhyastadupāsakopāsakaparāśaravaktṛkatvameva viṣṇupurāṇānāṃ 
mahadvailakṣaṇyamiti vādaḥ kasya na hāsāya bhavet ? yacca tasya 
māhātmyantadutpattāvavatārapadaprayogātsādhitaṃ tadapi tasyaiva santoṣāya 
| kimavatārapadaṃ mahatāmutpattau śaktamityabhimānaḥ, kiṃ vā 
sādhāraṇye'pi tatraiva prayāga iti ? nādyaḥ,      
śaktigrāhakakośavyākaraṇāderabhāvāt |

pṛ0 423) na dvitīyaḥ, asiddheḥ, śarve te'vatariṣyanti brāhmaṇādyāsu 
yoniṣvi�ti gotamaśāpadagdhānāṃ 
pāṣaṇḍānāmutpattāvapyavatārapadaprayogāt | sa tu lākṣaṇikaḥ prayoga 
iti cedvaiparītyasyāpi suvacatvāt || yattu dvitīyaṃ vailakṣaṇyaṃ 
pratyakṣaśrutyanusārāditi tadapi sādhāraṇaṃ sarvapurāṇānāmiti prāgeva 
prapañcitam | yattu tṛtīyaṃ vailakṣaṇyaṃ svavyāghātābhāvāditi 
tadevāsiddham, bhāgavata eva ṅa te 
giritrākhilalokapālaviriñcivaikuṇṭhasurendragamyam | jyotiḥparaṃ yatra 
rajastamaśca sattvaṃ na yadbrahma nirastabheda�miti 
prabandhapratipādyabhagavadutkarṣavirodhino'rthasya nibandhanāt | tattvato 
vyāghātābhāvopyubhayasādhāraṇa iti tatkathāvailakṣaṇyaṃ bhavet ? yacca 
caturthaṃ vailakṣaṇyaṃ purāṇāntarasaṃvādarūpaṃ tadapi 
sādhāraṇamityavocāma | ye ca pañcamaṣaṣṭhavailakṣaṇye 
sāmānyapraśnopakramatvanaṣṭakośatvarūpe te api bhāgāsiddhe atiprasakte 
ceti prāgevoktam | yacca saptamaṃ vailakṣaṇyaṃ nātivistṛtamiti tadapi 
nirvaktumevāśakyamityuktameva | tadalamanena 
maśakamṛgayāsaṃrambheṇetyuparamyate | tadevaṃ siddhameva prāmāṇyaṃ 
sarveṣāṃ purāṇānāmiti ||

iti 
śrīmadanādinirañjanaja"ngamāparāvatāratoṇṭadasiddheśvaraprasādāsādita"
sāmbhavāgamāmbhodhimathanajanitaniruttaraikottaraśatasthalabhedabhinnaṣaṭstha
latattvasudhāsvādānandasandohapradāyakācāryavaryamaritoṇṭadāryaviracite 
yaḍavamurārikoṭekolāhalaikā"ngivīravairisaptā"ngaharaṇapaścimasamudrādhī
śvaraviśuddhavaidikādvaitasiddhāntapratiṣṭhāpanācāryakeladisadāśivarāya
nāyakavaṃśadugdhārṇavapūrṇacandravīrabhadradharaṇīndradharmapatnīmallām
bāhṛdayānandanabasavavasudhāsa"nkrandanopadeśe vīraśaivānandacandrikāyāṃ 
vādakāṇḍe śaivapurāṇānāṃ tāmasatvanirākaraṇaṃ nāmaikaviṃśatitamaṃ 
prakaraṇam ||

pṛ0 424) vīraśaivānandacandrikāyāṃ
vādakāṇḍe
dvāviṃśatitamaṃ prakaraṇam ||

śrīguro ṣaṭsthalajñānasampattisamudañcita |
śaivānāṃ hi purāṇānāṃ tāmasatvaṃ nirākṛtam ||
adhunā śīlinā samyagityuktaṃ vacanaṃ tvayā |
śrutvā santuṣṭacitto'haṃ kimārabdhaṃ punarmudā ||
bhṛ"ngiṇā śīlinā cātha kimuttaritamadya me |
śrotumicchāsti hṛdaye dayayā vada sāmpratam ||
basavendra mahīpāla buddhiste sūkṣmadarśinī |
yadvaktavyaṃ tayorvākyaṃ tadbravīmi śṛṇu kramāt ||
śīlavadvarya bhavatā purāṇānāṃ sayuktikam |
tāmasatvanirāsāya yanmānaṃ kathitaṃ mudā ||
naiva teneṣṭasiddhiste śrīkaṇṭhācāryasammatam |
matamasti mahacchaivaṃ mayā tenaiva sādhyate ||

pṛ0 425) paśyāmastava sāmarthyaṃ garvaṃ mā vaha pūrvavat |
iti bhṛ"ngivacaḥ śrutvā hasan so'pyavadatpunaḥ ||
kurvato'mbhonidheḥ pānaṃ taṭākasaritāṃ kiyat |
tvayoktasya matasyāsya khaṇḍanaṃ kriyate mayā ||

�athāto brahmajijñāsā� athaśabda ānantaryārthakaḥ, atha 
vedādhyayanānantaram, vedādhyayanasya prakṛtopayogitvāt, ato vedādhyayanasya 
vṛttatvādbrahmavicāraḥ kartavyaḥ | dharmavicārasya 
brahmavicāropayogitvādbrahmavicārasya tadanantaramārambhaḥ |
nanu �ṛtaṃ satyaṃ paraṃ brahma | tataḥ paraṃ brahma paraṃ bṛhantam | yathā 
nikāyaṃ sarvabhūteṣu gūḍhaṃ viśvasyaikaṃ pariveṣṭitāram | īśaṃ taṃ 
jñātvā amṛtā bhavanti | sampaśyanbrahmaparamaṃ yāti nānyena hetunā� 
ityādivacanaiḥ prakaraṇopodvalitaiḥ śive parabrahmatvasya spaṣṭatvāt kiṃ 
vicārayitavyamiti cenna, jīvo brahmeti kecidvadanti, kecinnārāyaṇādayo 
brahmeti, tannirākaraṇārthaṃ brahmavicārārambhaḥ ||
nanu �athāto dharmajijñāse�ti sūtreṇa dharmavicāropayogitvasya 
vedādhyayane'bhidānāttenaivānyavicāropayogitvasyāpi 
dattottaratvātpunarathāto brahmajijñāseti kimarthamabhidhīyata iti cenna, 
pṛthagucyate brahmavicāraḥ kartavya iti | 
tatpratijñayaivaitatpratijñākṛtaprāyā tarhi punaḥ pratijñā kimarthā ? 
�athātaḥ śeṣalakṣaṇam, athātaḥ kratvarthapuruṣārthayorjijñāse� 
tivadviṣayāntarārambhārthaṃ pratijñā vācyā | kathamathātaḥ 
śeṣalakṣaṇamitivadviṣayāntarapratijñetyucyata iti vācyaṃ, 
pūrvottaramīmāṃsayorekatvānna bhedaḥ | 
athavaikaśāstratvādviṣayāntarārambha iti yukto vādaḥ ||
�janmādyasya yataḥ� jagajjanmādikāraṇatvaṃ brahmaṇo lakṣaṇam, tacca 
sāmbaśive sambhavati | śomaḥ pavate janitā matīnāṃ janitendrasya janitā 
bṛhaspaterjanitota viṣṇoḥ |� iti śrutyā, �yo 

pṛ0 426) devānāṃ prabhavaścodbhavaśca viśvādhiko rudro maharṣiḥ | 
hiraṇyagarbhaṃ janayāmāsa pūrvaṃ sa no buddhyā śubhayā saṃyunaktu� iti 
śrutidvayena sarvasraṣṭṛviriñcisarvapālakaviṣṇukāraṇatvapratipādanāt 
sarvakāraṇatvaṃ siddhameva | śūkṣmātisūkṣmaṃ salilasya madhye viśvasya 
sraṣṭāramanekarūpam� iti sākṣādviśvasraṣṭṛtvaṃ pratipādyate; 
tasmādapi sāmbaśivasya jagatkāraṇatvaṃ siddhameva | naca �somaḥ pavata� iti 
mantrasya somalatāparatvāt kathaṃ śivaparatvamucyata iti vācyam, 
atharvaśikhāyām �brahmaviṣṇurudrendrāste samprasūyanta� iti spaṣṭaṃ 
śrutyarthaṃpratyabhijñāyā nihnotumaśakyatvena tasyā 
viṣṇvādikāraṇatvanirṇaye sādhakatvātsarvakāraṇatvasiddhiḥ ||
tacca sadāśivākhyaṃ brahma na jīvābhinnam, �pṛthagātmānaṃ preritārañca 
matvā juṣṭastatastenāmṛtatvameti | jñājñau dbāvajāvīśānīśau | 
anantaścātmā viśvarūpo hyakartā | dvā suparṇā sayujā sakhāyā samānaṃ 
vṛkṣaṃ pariṣasvajāte | tayoranyaḥ pippalaṃ 
svādvattyanaśnannanyo'bhicākaśīti | juṣṭaṃ yadā paśyatyanyamīśamasya 
mahimānamiti vītaśokaḥ | ṛtaṃ pibantau sukṛtasya loke guhāṃ praviṣṭau 
parame parārthe | chāyātapau brahmavido vadanti pañcāgnayo ye ca 
tṛṇāciketāḥ | ajohyeko juṣamāṇo'nuśete jahātyenāṃ 
bhuktabhogāmajo'nyaḥ� ityādiśrutibhirjīvaparamātmanoḥ spaṣṭaṃ bhedasya 
pratīyamānatvātkathamabhedaḥ sidhyet | naca tattvamasyādiśrutibhirabhedaḥ 
sidhyatīti vācyam, śarvānanaśirogrīvaḥ sarvabhūtaguhāśayaḥ | 
sarvavyāpī sa bhagavāṃstasmātsarvagataḥ śivaḥ | sarvataḥ pāṇipādaṃ 
tatsarvato'kṣiśiromukham | sarvataḥ śrutimalloke sarvamāvṛtya tiṣṭhati | yo 
devo'gnau yo'psu yo viśvaṃ bhuvanamāviveśa | ya oṣadhīṣu yo vanaspatiṣu 
tasmai devāya namo namaḥ || yo rudro'gnau yo'psu ya oṣadhīṣu yo rudro 
viśvābhuvanāni viveśa tasmai rudrāya namo'stu || viśvataścakṣuruta viśvato 
mukho viśvato bāhuruta viśvataspāt |          saṃbāhubhyāṃ dhamati 
sampatattrairdyāvābhūmī

pṛ0 427) janayan deva ekaḥ� ityādiśrutiparyālocanayā śivasya 
sarvaśarīritvena sphuraṇāttattvamasyādivākyānāṃ 
viśiṣṭādvaitaparatvameva | śivasya sarvāntaryāmitvajñānameva 
mokṣasādhanam || tathā ca śvetāśvatarāṇāṃ śākhāsu śrūyate- �tataḥ 
paraṃ brahma paraṃ bṛhantaṃ yathā nikāyaṃ sarvabhūteṣu gūḍham | 
viśvasyaikaṃ pariveṣṭitāramīśaṃ taṃ jñātvā amṛtā bhavantī�ti tasmāt 
dvaitajñānameva mokṣasādhanamiti ||
atrocyate- yaduktaṃ viśiṣṭādvaitajñānaṃ mokṣasādhanamiti 
tadatyantānupapannam | tathāhi- �jāgratsvapnasuṣuptyādi prapañcaṃ 
yatprakāśate | tadbrahmāhamiti jñātvā sarvabandhaiḥ pramucyate ||� 
ityādikaivalyaśrutyā �amātraścaturtho'vyavahāryaḥ prapañcopaśamaḥ 
śivo'dvaita evo"nkāraḥ | ātmaiva saṃviśatyātmanā''tmānam |� iti 
māṇḍūkyaśrutyā ca, śivādvaitasyaiva pratīyamānatvena tattvamasyādeḥ 
svārtha eva tātparyamavaśyaṃ vācyam | naca tadbrahmāhamiti 
śrutirnādvaitaparā, kintu dvaitasya 
prāmāṇikatve'pyupāsanāyāmabhedopāsanākāryetyabhedopāsanāparā | tathā 
māṇḍūkyaśruterapi na śivādvaite tātparyam, pūrvasminkhaṇḍe ṅāntaḥ 
prajñaṃ na bahiḥ prajñaṃ nobhayataḥ prajñaṃ na prajñaṃ 
nāprajñamadṛśyamavyavahāryamagrāhyamalakṣaṇamekātmapratyayasāraṃ 
prapañcopaśamaṃ śivama dvaitaṃ caturthaṃ manyanta� iti 
pakṣāntaratvenopanyāsāditi vācyam, viśvataijasaprājñavyatiriktasya 
niṣkṛṣṭacaitanyasya śivasyādvaitasambhavo na tu 
viśvataijasaprājñānāmavasthābhimānināmiti tatra pakṣāntaropanyāsaḥ, na 
tu śivādvaite | ata eva kaivalyaśrutiḥ �triṣu dhāmasu yadbhogyaṃ bhoktā 
bhogaśca yadbhavet | tebhyo vilakṣaṇaḥ    sākṣī cinmātro'haṃ sadāśivaḥ 
||� iti jāgradādyabhimānivilakṣaṇasya 
sadāśivasyākhaṇḍacaitanyasyādvaitayogyatvājjīvābhedaṃ pratipādayati | 
tasmānmāṇḍūkyaśrutivaśācchivādvaitamevā"ngīkāryaṃ kaivalyaśrutyā 
pūrvodāhṛtayā ca | na cādvaitābhāve'pi tathopāstiparā sā 
śrutirityuktamiti vācyaṃ, bahvīnāṃ pūrvāparaśrutīnāṃ 
śivādvaitāna"ngīkāre virodhaḥ syāt | 

pṛ0 428) tathāhi- �yatparaṃ brahma sarvātmā viśvasyāyatanaṃ mahat | 
sūkṣmātsūkṣmataraṃ nityaṃ tattvameva tvameva tat || tadbrahmādvayamasmyaham 
| aṇoraṇīyānahameva tadvanmahānahaṃ viśvamidaṃ vicitram | purātano'haṃ 
puruṣo'hamīśo hiraṇmayo'haṃ sukharūpamasmi ||� ityadvaitasyaiva 
tātparyaviṣayatvena pratipādanātkathaṃ 
tattvamasyādivākyānāmaupacārikatvamucyate | kiñca śivābhedaṃ jīvasya 
dṛḍhīkṛtya jīvadharma parameśvarasya parameśvaradharmāṃśca jīvasya 
siddhaṃ vadati śa eva māyāparimauhitātmā śarīramāsthāya karoti 
sarva�mityādivacanaiḥ | naca pūrvaṃ jīvābhidhānātsa eva māyeti tacchabdena 
jīvo'bhidhīyate na parameśvare jīvābhedaṃ siddhaṃ kṛtvā 
jīvadharmavattvamucyata iti vācyam, �ātmānamaraṇiṃ kṛtvā praṇavaṃ 
cottarāraṇim |� iti paramātmanaḥ 
praṇavābhinnatvenopāsanābhidhānamantareṇa jīvagandhasyaiva pūrvamabhāvāt 
| tathaiva jīvasyeśvaradharmāsambandhaṃ siddhaṃ vadati �puratraye krīḍati 
yastu jīvastatastu jātaṃ sakalaṃ vicitram | etasmājjāyate prāṇo 
manassarvendriyāṇi ce�ti | nanu �evaṃ viditvā paramātmarūpaṃ guhāśayaṃ 
niṣkalamadvitīyam |� ityabhidhānādevaṃ vedana eva tātparyametacchruteḥ, 
nādvaita iti cet sa dvitīyasya brahmaṇo-    'dvitīyatvenopāsanamityatra 
pramāṇābhāvena pūrvāparaparyālocanayā'tratyaśruteḥ �brahmaiva vasan 
brahmāpyetī�ti śrutyantareṇābheda eva tātparyasya 
pratyutāvaśyavaktavyatvānna dvaitasiddhiḥ | �tvaṃ strī tvaṃ pumānasi tvaṃ 
kumāra uta vā kumārī | tvaṃ jīrṇo daṇḍena vañcasī�ti pūrvaśrutyā 
śarvendriyaguṇābhāsaṃ sarvendriyavivarjitam | sarvasya prabhumīśānaṃ 
sarvasya śaraṇaṃ suhṛt | navadvāre pure dehī haṃso līlāyate bahiḥ | 
vaśī sarvasya lokasya sthāvarasya carasya ca | apāṇipādo javano grahītā 
paśyatyacakṣuḥ sa śṛṇotyakarṇaḥ� ityuttaraśvetāśvataraśrutyā ca 
spaṣṭaṃ jīve śivādvaitaṃ pratīyata iti tattvamasyādau na kāpyanupapattiḥ 
| yaccoktaṃ �dvā suparṇā sayuje� ti śrutyā dvaitaṃ prāmāṇikaṃ pratīyate 
| tathaiva gītāyāmapi �dvāvimau puruṣau 

pṛ0 429) loke kṣaraścākṣara eva ca | kṣaraḥ sarvāṇi bhūtāni 
kūṭastho'kṣara ucyata� iti tadanupapannam | pai"ngarahasyabrāhmaṇe 
jīvāntaḥkaraṇayorubhayorbhedaparatayā vyākhyātatvena 
tvadabhimatadvaitasyāprāmāṇikatvāt | eva"nkhalu 
pai"ngirahasyabrāhmaṇavyākhyānaṃ svādvattīti sattvaṃ 
anaśnannabhicākaśītityanaśnannanyo'bhipaśyati, jño'jñastāvetau 
sattvakṣetrajñau yena svapnaṃ paśyati | atha yo'yaṃ śārīra upadraṣṭā, 
iti jīvāntaḥkaraṇayoreva bhedasya vyaktīkṛtatvena 
jīvabrahmagandhasyaivābhāvāt | dvāvimau puruṣau loka iti gītāvacanamapi 
vyākhyātaśrutyupabṛṃhaṇarūpatvānna jīveśabhedaparam, 
kintvantaḥkaraṇajīvabhedaparameva | kiñca �kṣetrajñaṃ cāpi māṃ viddhi 
sarvakṣetreṣu bhārate�ti tatraivādvaitasya dṛḍhīkaraṇāt dvāvimāviti 
vākyaṃ pūrvoktatātparyakameva | etena dvaitaśrutayaḥ sarvā api dattottarāḥ 
| yaccokta �mathātaḥ śeṣalakṣaṇam, athātaḥ 
kratvarthapuruṣārthayorjijñāse�tivanna śāstrāntarārambhaḥ kintu 
śāstrasyaivaikasya bahuprakārasya prakārāntarārambha iti tadatimandaṃ, 
viṣayaprayojanakartṛbhedasya śāstrabhedaprayojakatvena sarvatra 
dṛṣṭatayā'trāpi śāstrabhedasyāvaśyā"ngīkāryatvāt | 
pūrvamīmāṃsāyāḥ viṣayaḥ    karma, uttaramīmāṃsāyāḥ viṣayo brahma | 
prayojanañca dvayorbhinnam | ekatra 
sahasrādhikaraṇanyāyasahitadharmajñānadvārā'nuṣṭhānātsvargaḥ 
prayojanam, anyatra śravaṇādidvārā samyagjñānena mokṣaḥ | tathaiva 
kartṛbhedaḥ sarvajanaspaṣṭaḥ | ubhayorevaṃ śāstrabhedaprayojake vidyamāne 
kathamabhedaḥ pratipādyate | naca nyāyavicārātmakatvenaikyaṃ kriyata iti 
vācyam, tarhi 
bodhāyanā''pastambāśhvalāyanādiprayogaśāstrāṇāmapyaikyaṃ syāt, 
prayogakramapratipādakaprakārasyaikyāt | nanu tathaivāstu ko netyāha, 
prayogaśāstratvena teṣāṃ sūtrāṇāmaikyameva | ata eva kalpasūtramiti 
teṣāṃ samākhyāpyekaiva | tathaivā"ngāni vedāścatvāra iti 
caturdaśavidyāsthānābhidhānaśloke a"ngānītyanena ṣaḍa"ngāni gṛhītvā 
tanmadhye'"ngatvena sarvaprayogaśāstramekā"ngatvena paṭhitam | ata eva 
�prayogaśāstramiti 

pṛ0 430) cet� ityadhikaraṇe sarvasūtrāṇāmaikyama"ngīkṛtyaiva 
prāmāṇyāprāmāṇyavicāraḥ kṛtaḥ | tadvadatrāpi 
pūrvottaramīmāṃsayorabheda eveti cenna, pratipādyabhede vinā 
vicārarītyaikyena śāstrābhedasya sarvathā vaktumaśakyatvāt, anyathā 
śikṣāvyākaraṇayorapi bhedo na syāt | tasmādabhidheyabhedaprayojanabhedāveva 
śāstrabhedaprayojakāvityavaśyaṃ vācyam | kartṛbhedaścābhyuccayatayā 
śāstrabhedaprayojako na mukhyatayā | yogavaidyakāmaśabdaśāstrāṇāṃ 
karturbhagavataḥ patañjalerekatve'pi śāstrabhedasyātispaṣṭatvāt | prakṛte 
tu viṣayaprayojanakatṛrṇāṃ trayāṇāṃ bhinnattvādbhedo vaktavya eva | nanu 
śikṣāvyākaraṇayorbhedo'stu śabdaśikṣakatvaprakāraikye'pi 
tayorviṣayaprayojanabhedasya vidyamānatvāt | śikṣāyāḥ vedaśabdatattvaṃ 
viṣayaḥ, vyākaraṇasya laukikavaidikaśabdatattvaṃ viṣaya iti bhedasya 
sattvāt | naca prayojanabhedo nāstīti vācyam, �ekaḥ 
śabdassādhussuṣṭhuprayuktaḥ svarge loke kāmadhugbhavati | mātāpitarau 
cāsya svarge loke mahīyete� iti bhagavadbhāṣyakāravacanena �yastu mīmāṃsate 
vacaḥ | tāvubhau puṇyakarmāṇau sūryamaṇḍalabhedinau ||� iti 
purāṇavacanena vyākaraṇasya śvaramātrāvibhāgajño varṇakramavicakṣaṇaḥ 
| padakrama-     viśeṣajño gacchedācāryasaṃsada�miti vacanena 
vyāsādyācāryasthānaprāpteḥ śikṣāphalasya 
śrūyamāṇatvātphalabhedo'pyasti | tasmāttayorbheda upapanna eva | nanu 
prakṛte phalabhede'pi śrutivākyārthatattvaviṣayasyaikatvātkathaṃ bheda iti 
cenna, yayā matyā vedākṣaratattvaviṣayaikatve'pi 
laukikavarṇatattvavibhājakatvena vyākaraṇasya vaidikavarṇavibhājakatvena 
śikṣāyāśca bhedaṃ vadasi, tayaiva matyā 
pūrvakāṇḍavākyārthottarakāṇḍavākyārthavicārātmakatvena bhedasya 
sukhena vaktuṃ śakyatvātpūrvottaramīmāṃsayornaikaśāstratvam | kiñca 
pūrvakāṇḍavākyārthaḥ karma, uttarakāṇḍavākyārtho brahmeti 
prakāraviśeṣyabhedena viṣayabhedaḥ spaṣṭa eva | 
śikṣāvyākaraṇaviṣayāpekṣayā vyatiriktatayā sthitiḥ pūrvamabhāṇi, 
tasmānna śāstrayoḥ pūrvottaramīmāṃsātmakayorabhedaḥ | 

pṛ0 431) api ca śrutivākyārthavicārattvena pūrvottaramīmāṃsayorekatve'pi 
sañcāraṇīyāsañcāraṇīyanyāyena suturāṃ bhedasya satvātkathamabhedaḥ | 
pratyutottaratantravicārārthaṃ yathā pūrvatantranyāyāḥ sarve'pyapekṣitā 
naivamuttaratantranyāyāḥ pūrvatantre | tasmādetādṛśabhede vidyamāne kaḥ 
paṇḍitaḥ śāstraikyaṃ brūyāt | tasmādaikaśāstryaṃ 
pūrvottaramīmāṃsayoriti nirupapattikameva | avaśiṣṭaṃ sarvamapi 
rāmānujamatanirākaraṇena nirākṛtaprāyamiti nātra piṣṭapeṣaṇanyāyena 
likhitavyamityupekṣya visṛṣṭamasmābhiriti sarvaṃ samañjasam |

iti 
śrīmadanādinirañjanaja"ngamāparāvatāratoṇṭadasiddheśvaraprasādāsādita"
sāmbhavāgamāmbhodhimathanajanitaniruttaraikottaraśatasthalabhedabhinnaṣaṭstha
latattvasudhāsvādānandasandohapradāyakācāryavaryamaritoṇṭadāryaviracite 
yaḍavamurārikoṭekolāhalaikā"ngivīravairisaptā"ngaharaṇapaścimasamudrādhī
śvaraviśuddhavaidikādvaitasiddhāntapratiṣṭhāpanācāryakeladisadāśivarāya
nāyakavaṃśadugdhārṇavapūrṇacandravīrabhadradharaṇīndradharmapatnīmallām
bāhṛdayānandanabasavavasudhāsa"nkrandanopadeśe vīraśaivānandacandrikāyāṃ 
vādakāṇḍe nīlakaṇṭhamatapratipādanatannirākaraṇaṃ nāma 
dvāviṃśatitamaṃ prakaraṇam ||

pṛ0 432) vīraśaivānandacandrikāyāṃ
vādakāṇḍe
trayoviṃśatitamaṃ prakaraṇam ||

svāmin śrītoṇṭadācārya cakravartin gurūttama |
ārabdhaṃ bhṛ"ngiṇā pūrvaṃ nīlakaṇṭhamataṃ tataḥ ||
taddūṣaṇaṃ śīlinoktaṃ nigamāgamavartmanā |
tvadāsyakamalācchṛtvā sānandahṛdayo'bhavam ||
punastābhyāṃ kimārabdhaṃ śrotumicchāsti me hṛdi |
karuṇāvāridhe mahyaṃ nirūpaya mahāmate ||
śrīmadbasavabhūpāla bhūpālakulanāyaka |
bhavato buddhikauśalyaṃ gurorapyatidurlabham ||
tayorvādātmakatvena boddhavyaṃ yattu tānaham |
tatte'dya sampravakṣyāmi śrūyatāṃ sāvadhānataḥ ||
mataṃ śrīśā"nkarādvaitamanekaśrutisammatam |
maharṣigaṇasaṃsevyaṃ prasiddhaṃ paramuktidam ||

pṛ0 433) kiñca śaivaṃ tatpurāṇasmṛtidharmasamanvitam |
kathantu dūṣaṇaṃ kartuṃ samartho'si mahītale ||
mate tasmin mayā''rabdhe tava satyaṃ palāyanam |
tathāpi māstu te bhītirityuktvā'bhayada"nkaram ||
dadāmi śīrṣe te śīlinnityukte bhṛ"ngiṇā tadā |
samastamatasiddhāntagajakaṇṭhīraveṇa ca ||
śīlavacchivabhaktāgragaṇyenoktaṃ taduttaram |
bhṛ"ngin budhyānuguṇyena bhaṇyate kumate tvayā ||
vadādya tava vikrāntiṃ draṣṭumāsthīyate'dhunā |
paśya me bhaṇatiṃ samyagyadi sāmarthyamasti cet ||
tvaduktikhaṇḍanaṃ yāvattāvattvaṃ bhāṣase mudā |
vada tanmatasiddhāntaṃ śṛṇu tatra ca dūṣaṇam ||

�athāto brahmajijñāsā� atha śabda ānantaryārthakaḥ | atha 
sādhanacatuṣṭayasampattyanantaram, ataḥ sādhanasampattervṛttatvāt, 
brahmajijñāsā brahmaviṣayakavicāraḥ kartavyaḥ | sādhanacatuṣṭyañca 
nityānityavastuvivekaḥ, ihāmutraphalabhogavirāgaḥ, śamādisampattiḥ, 
mumukṣā ca | vicāro nāma śravaṇamananātmakakriyāviśeṣaḥ | śravaṇaṃ 
viditapadapadārthasa"ngatikasya gurumukhātsopabṛṃhaṇaśrutiśiro 
vākyārthajñānajananānukūlo vyāpāraḥ | mananaṃ tasyaiva śrutasyārthasya 
sopapattikasūtrabhāṣyavārtikacintitasyārthasyādvaitarūpasya 
yamaniyamāsanaprāṇāyāmapratyāhāradhāraṇādhyānasamādhikramāpāditadhār
āvāhikajñānam | tajjanyākhaṇḍākāravṛttiḥ 
sākṣātkāro'jñānanivṛttirūpasvarūpamuktisādhanam | aihikaphalaṃ 
paśuputramitrakalatragṛhakṣetrārāmadhanakanakavāhanakauśeyādi, 
āmuṣmikamamaratvatattvavittvādi, 

pṛ0 434) tatrobhayatrānabhilāṣo vairāgyam | śamo nāma antarindriyanigrahaḥ 
| damo nāma bahirindriyanigrahaḥ | mumukṣā mokṣecchā | 
etādṛśasādhanacatuṣṭayasampattisturīyāśrama eva bhavatīti 
turīyāśramiṇāmeva mukhyādhikāro brahmavidyāyām, gṛhasthānāṃ tu 
nityanaimittikakarmādhikāritvādbrahmavidyāyāmāpātato'dhikāraḥ | ata eva 
śanyasya śravaṇaṃ kuryā�diti vacanamiti bhagavatpādamatam | kecittu 
�karmaṇaiva hi saṃsiddhimāsthitā janakādayaḥ |� iti 
vacanenāturasaṃnyāsavidhānātsanyāsasya 
prayājādivadadṛṣṭadvārā'"ngatvamiti gṛhasthānāmapi 
brahmavidyāyāmadhikāritvamastītyāhuḥ ||
brahma kiṃlakṣaṇakamityapekṣāyām �janmādyasya yata� iti sūtreṇa brahmaṇo 
lakṣaṇamucyate | jagajjanmādikāraṇatvamitīdaṃ taṭasthalakṣaṇam | 
svarūpalakṣaṇantu saccidānandatvam | nanu taṭastalakṣaṇaṃ 
svarūpalakṣaṇamiti ko'yaṃ bhedaḥ kriyate ? ekarūpeṇa lakṣaṇasyāvaśyaṃ 
vaktavyatvāditicenna, jīvabrahmabhedasya bahusmṛtivirodhāttasya samanvayasūtre 
nirākariṣyamāṇatvena, tathaiva �tadananyatvamārambhaṇaśabdādibhya� iti 
sūtreṇa jagato'nicarvanīyatvasya vakṣyamāṇatvācca, jagato mithyātvena 
tadghaṭitalakṣaṇasyāpi vyāvahārikamātrasya tāttvikatvābhāvādbrahmaṇo 
lakṣitatvāpatyā svarūpalakṣaṇaṃ bhinnatvenābhihitam |
tacca brahma kimpramāṇakabhityākā"nkṣāyām śhāstrayonitvā�diti sūtreṇa 
śāstrapramāṇakatvaṃ brahmaṇaḥ, na tu pratyakṣādipramāṇakatvam | tatrāpi 
brahmaṇo'tīndriyatvenākāśavadapratyakṣatvāt | ata eva 
vyāptipratyakṣābhāvenāvṛttikatvena ca tadvyāpyali"ngābhāvena nirguṇatvena 
ca sāmānyato'numānaṃ pariśeṣyānumānañca na sambhavati | tasmācchrutireva 
pramāṇamiti vaktavyam | tathāca śrutiḥ- ṅāvedavinmanute taṃ bṛhantam | 
tantvaupaniṣadaṃ puruṣaṃ pṛcchāmī�ti ||
nanu kathaṃ brahmaṇaḥ śāstrayonitvam, karmakāṇḍaśrutīnāṃ 
brahmaparatvābhāvāt | naca tantvaupaniṣadaṃ puruṣaṃ pṛcchāmīti 
śrutiparyālocanayā 

pṛ0 435) brahmaṇaḥ 
karmakāṇḍaśrutiviṣayatvābhāve'pyupaniṣatpramāṇakatvena 
śāstrayonitvamiti vācyam, 
sampadupāsanāpratīkopāsanā'ha"ngrahopāsanāśrutīnāmadvaitabrahmapratipāda
katvābhāvena śāstrayonitvaṃ duṣkarameva brahmaṇa iti śa"nkāyām �tattu 
samanvayā�diti sūtreṇādvaitabrahmaṇi vedāntābhidheyatvaṃ nirṇīyate | 
atrāyamāśayaḥ- tattu śāstrayonitvantu, tuśabdaḥ 
pūrvapakṣanivṛttidyotanārthaḥ, samanvayātsamyaganugatatvāt | 
samyaganugatatvaṃ brahmaṇi śrutīnāmupakramopasaṃhāraikavākyatayā 
kvacidananyasādhāraṇali"ngenābhyāsena ca | tattvamasyādiśrutīnām 
�utatamādeśamaprākṣyaḥ, yenāśrutaṃ śrutaṃ bhavati, amataṃ 
matamavijñātaṃ vijñāta�miti praśnānusāreṇa prativacanasya 
vaktumucitatvātpraśnasya brahmavijñānena sarvavijñānātmakasyābhedaṃ 
vinā'nupapadyamānatvādupasaṃhāre tattvamasīti vākye advaitameva 
mukhyavṛttyā'bhidhīyata iti niścīyate | anyathā 
pūrvottarasandarbhayorvaiyadhikaraṇyaṃ syāt || ata eva pūrvatantre 
dvitīyādhyāye �paurṇamāsīvadupāṃśuyājaḥsyāt� ityadhikaraṇe 
�viṣṇurupāṃśuyaṣṭavyo'jāmitvāya, 
prajāpatirupāṃśuyaṣṭavyo'jāmitvāyāgnīṣomāvupāṃśuyaṣṭavyo'jāmitvā
yetyādivākyānāṃ    
tavyapratyayayuktānāmekavākyatvalobhenānuvādakatvama"ngīkṛtyopakramasthopā.
mśuyājamantarā yajatīti vākyasya vartamānāpadeśasyāpi 
vidhāyakatvama"ngīkṛtam | ata eva prathamādhyāye nāmadheyapeṭikāyām 
�pūrvavanto'vidhānārthāstatsāmarthyaṃ samāmnāye� ityadhikaraṇe 
�vaiśvānaraṃ dvādaśakapālaṃ nirvapetputre jāte� ityārabhya śrutānām 
�yadaṣṭākapālo 
bhavatī�tyādivākyānāmupakramasthavaiśvānaravākyaikavākyatārthamarthavāda
tvama"ngīkṛtam | tannyāyenātrāpi 
pūrvottarayorekavākyatāsiddhaye'bhedo'"ngīkriyate | evameva 
�ānandamayo'bhyāsādi�tyuttarādhikaraṇe �brahma pucchaṃ pratiṣṭhe� 
tyadvaitaṃ brahmaiva �asanneva sa bhavati, asadbrahmeti veda cet, asti brahmeti 
cedveda, sa eko brahmaṇa ānandaḥ, adhīhi bhagavo brahmeti, tapasā

pṛ0 436) brahma vijijñāsasva, tapo brahmeti, annaṃ brahmeti vyajānāt, prāṇo 
brahmeti vyajānāt, mano brahmeti vyajānāt, vijñānaṃ brahmeti vyajānāt, 
ānandā brahmeti vyajānāt� iti punaḥ punaścābhyāsātpratipādyate | �yadā 
hyevaiṣa etasminnudaramantaraṃ kurute atha tasya bhayaṃ bhavati� iti 
dvaitavijñānasya brahmābhyāsamadhye'narthahetutvamapi śrūyate | 
evamevākāśastalli"ngādityadhikaraṇe �asya lokasya kā gatiḥ | ākāśa iti 
hovāce�tyatrākāśaśabdasya bhūtākāśaparatve śa eṣa paro 
varīyānudgīthaḥ | sa eṣo'nanta� iti 
śrūyamāṇamanantatādikamanitarasādhāraṇaṃ li"ngam | evameva 
sarvāsāmupaniṣadāmadvaite brahmaṇyaiva samanvaya 
āprathamādhyāyasamāptipratipādyate | 
keṣāñcidupaniṣadvākyānāmadvaitabrahmapratipattaye 
mandānugrahārthamaha"ngrahopāsanāpratipādakatvamāsthīyate | tadyathā 
�eṣo'ntarāditye hiraṇmayaḥ puruṣo dṛśyate hiraṇyaśmaśrurhiraṇyakeśaḥ� 
ityādiṣu | tasmādvedāntānāmadvaite brahmaṇi samanvayaḥ || nanu 
�bhedavyapadeśāccānyaḥ | bhedavyapadeśācca | śārīraścobhaye'pi hi 
bhedenādhīyate | anupapattestu na śārīraḥ | guhāṃ praviṣṭāvātmānau hi 
taddarśanāt |� ityādiṣu spaṣṭameva jīveśvarayoḥ      sūtrakāreṇa 
bhedaḥ pratipādyate | tasmādbhedasyaiva sūtrakāratātparyaviṣayatvamiti cenna 
�tadananyatvamārambhaṇaśabdādibhyaḥ | ata eva copamā sūryakādivat | yathā 
ca takṣobhayathā | māyāmātrantu kārtsnena | anabhivyaktasvarūpatvāt |� 
ityādisūtreṣu spaṣṭamevānanyatvaśabdena, upamā sūryakadṛṣṭāntena 
jīvasyāntaḥkaraṇapratibimbatābhidhānena jīveśvarayoradvaitasya siddhatvena 
bhedo na sūtrakāratātparyaviṣayībhūta evetyadvaitasyaiva siddhiḥ ||
yaducyate bhagavatpādaistadīyairvā"nmukhādvitīyairadvaitavādibhiḥ 
brahmādvitīyam, jagadanyatsarvaṃ mithyā; 
mithyāśabdaścānirvacanīyārthako'smin śāstre vivakṣitaḥ, natvasadarthaḥ | 
anirvacanīyatvañca 

pṛ0 437) kāryasya kāraṇātpṛthak, sadasattvena nirvaktumayogyatvam | 
śuktirajatañca svopādānakāraṇācchuktito 
vivartarūpāttadajñānātpariṇāmitaśca pṛthak sadasatvena nirvaktumaśakyam, 
evaṃ jagadapi svopādānādvivartarūpādbrahmaṇo māyātaśca 
tadajñānasvabhāvātpariṇāmataścānirvācyam || tarhi jagataḥ 
śuktirajatavadupādeyatvaṃ na syādityākṣepe sati 
sattātrayama"ngīkriyate'smābhiḥ- śuktirajatādikaṃ prātibhāsikaṃ jagad 
vyāvahārikaṃ brahma pāramārthikam | tathāca jagataḥ 
śuktirajatavadanirvacanīyatve samāne'pi vyāvahārikatvaṃ nāmādhikamapi 
praviṣṭam, tāvatā na mithyātvahāniḥ | tatra ca ṅeha nānāsti kiñcana | 
athāta ādeśo neti neti, vācārambhaṇaṃ vikāro nāmadheyaṃ mṛttiketyeva 
satya� mityādiśrutiḥ pramāṇamiti bhavatu nāmaitadbrahmādvitīyamiti 
jagadupādānamiti ca; tadaṃśenāsmākaṃ vīramāheśvarāṇāmadvaitavādināṃ 
bhavatāṃ bhagavatpādīyānāñca vivādaḥ | tadanyatsarvaṃ 
nāsmākīnamānasollāsavikāsaṃ janayitumalaṃ bhavati | tathāhi- 
pariṇāmyupādānaṃ vivartopādānamityupādānadvayakalpane kiṃ pramāṇam ? na 
tāvatsūtraṃ, asmadanukūlatayaiva sūtrasya mānatvāt, �ātmakṛteḥ 
pariṇāmāt� iti | śrutāvapi vācārambhaṇaṃ vikāro nāmadheyamiti       
pariṇāmavādānukūlyasyaiva vidyamānatvāt | �kaṭakamukuṭakarṇikādibhedaiḥ 
kanakamabhedamapīṣyate yathaikam | surapaśumanujātikalpanābhi�rityādismṛtyā 
ca svarṇakuṇḍalanyāyasya pratīyamānatvāt | kiñca yuṣmanmate 
upādānadvayakalpanam, asmanmate tu ekopādānakalpanamiti 
lāghavasahakṛtamasmacchrutismṛtivākyajātam | apica 
prātibhāsikasattetyatiriktasattā kimatrā"ngīkriyate ? sattādvayaṃ 
yuṣmākamasmākañca paryāptatvāt | tathāhi- jagadbrahmavyatiriktaṃ nāstyeva, 
brahmaiva paramārthasat | jagattu vyāvahārikamapi paramārthasanna bhavati 
tadyathā mṛdghaṭo mṛdapekṣayā; ghaṭena jalamāhara, ghaṭaḥ sa cchidro 
jātaḥ, ghaṭaṃ paśya, ghaṭo naṣṭa ityādivyavahāre

pṛ0 438) satyapi ghaṭāpekṣayā mṛda eva pāramārthikatvāt | mṛdo 
ghaṭānvaye satyapi ghaṭasya yāvatyāṃ mṛdyanvayo nāsti śarāve'bhāvāt | 
tasmādyuṣmākamasmākañca sattādvayameva paryāptamiti śeṣaṃ yuktikṣamameva 
na bhavati | yaduktaṃ jagadanirvacanīyamiti tatrāpi yuktiṃ na paśyāmaḥ, 
bhedena svarṇāpekṣayā kuṇḍalaṃ karṇikā lalantiketi nirvaktuṃ śakyatvāt 
| naca tathāpi svarṇāpekṣayā kuṇḍalādīnāṃ satvena nirvaktuṃ 
śakyatvamastīti vācyaṃ, satkuṇḍalaṃ sadgraiveyakamiti sattāpratīterapi 
bhedena jāyamānatvāt | naca tathāpi tatra mṛda eva sattā pratīyate na 
tadvyatiriktā tarhi satī mṛditi pratītiḥ syāt, natu kuṇḍalādikaṃ saditi 
tarhi tvamadvaitavādī kathaṃ bhavasi | bhedena svarṇātkuṇḍalamastīti 
jānannapyadvaitaṃ vadasi khalviti cettarhi vadāmo rahasyaṃ sāvadhānaṃ 
śṛṇu, bhedo dvividhaḥ- anyonyābhāvātmaka ekaḥ, aparastu vaibhāgikaḥ | 
tatra jagadbrahmaṇoranyamādhvavatpūrvaṃ bhedaṃ na vadāmaḥ kintu dvitīyaṃ 
vaibhāgikaṃ jagadbrahmaṇocca vaibhāgiko bheda eva vartata iti kṛtvā 
nādvaitahāniḥ | tathāhi kuṇḍalaṃ svarṇādivibhaktatayaiva vartate | yadi 
nāstītyucyate tarhi graiveyake'pi kuṇḍalamiti pratītiḥ syāt, svarṇasya 
kuṇḍala  iva tatrāpi vidyamānatvāt | ataḥ kiṃ vaktavyam, kaścidbhedo'pyasti 
svarṇakuṇḍalayoḥ | sa eva bhedo vyāvahārika iti tvayāpyucyate | nanu tavāpi 
mamopādānadvayādbhedadvayama"ngīkartavyamāsīt, tatra dvitvakalpanāgauravaṃ 
tavāpyanivāryamiti cenna | matkalpanāvat tvatkalpanāyāḥ 
sarvasammatatvābhāvenāsa"ngrāhyatvāt | tathāpi tārkikairapi mṛdo ghaṭaṃ 
pratyupādānatvama"ngīkriyate, na śuktirajate vivartopādānam, 
tathā'nyonyābhāyo'pya"ngīkriyate, tairapi vibhāgo'pya"ngīkriyata 
ityasmanmataṃ sarvaṃ sampratyupapannam | naca tathāpi 
vibhāgasyānyonyābhāvatvaṃ parairnā"ngīkriyata iti bhavatkalpanāyā na 
sarvasammatatvamiti vācyam | vibhāgadharmiṇi paraira"ngīkṛte 
bhedatvamātramasmābhiḥ kalpyate vīraśaivaiḥ, advaitavādibhiryuṣmābhistu 
parāsampratipannaḥ śuktirajatayoḥ 

pṛ0 439) kāyakāraṇabhāvastatra ca rajataṃ prati śukterupādānabhāvaśca 
svīkṛta iti parāsammatakalpanādvayamāsīdbhavatām | 
prātibhāsikatvakalpanañca sarvāsammatameveti matkalpanaiva jyāyasī ||
nanu jaḍasya prapañcasya śivādvaitā"ngīkāre brahmavajjagataścaitanyaṃ 
syāt, jaḍājaḍamiti vibhāgo'pi na syāt, sarvasya 
cetanabrahmapariṇāmatvāditi cenna, icchāśaktivaśena cetanācetanarūpeṇa 
brahmaṇaḥ pariṇāmasambhavāt, tathāca māyā kimarthama"ngīkriyatām || 
yaduktaṃ cetanapariṇāmarūpatve jagataścetanatvaṃ syāditi tadapi 
sūtrakāraireva �dṛśyate tu� ityatra parihṛtameva | itthaṃ khalu 
tatsūtrārthaḥ- gomayādacetanāccetanavṛścikajanma dṛśyate loke | 
ato'cetanasya jagataścetanasṛṣṭirna doṣāvaheti | nātaḥ 
ko'pyasminmate'nupapattyavakāśaḥ ||
nanu pariṇāmavādā"ngīkāre �kṛtsnaprasaktirniravayavatvaśabdakopo vā� 
ityādidoṣaprasa"ngaḥ, loke tathā dṛṣṭatvāt | kṣīraṃ hi dadhyātmanā 
pariṇamatsarvasvātmādināśenaiva tattādātmyamāpannam | ataḥ 
pariṇāmavādo'nupapanna iti cenna, ubhayavyapadeśāttvahikuṇḍalava�diti 
sūtreṇa, �aśmādivacca tadanupapatti�riti sūtreṇa ca, pariṇāmavādasyaiva 
sūtrakāratātparyabhūtatvāt | ata evāhikuṇḍalanyāyaḥ sūtre'bhihitaḥ, 
kṣīradadhinyāyāpekṣayā pūrvapakṣaśca kṛtaḥ ||
athecchāśaktivaśena jaḍājaḍarūpeṇa 
cintāmaṇivatkalpavṛkṣavatkṛtsnaprasaktiṃ vinaiva pariṇāmaḥ sambhavati || 
nanu cintāmaṇidṛṣṭānto bhavatāmicchāśaktivādināṃ na sa"ngacchate 
tatrecchāśaktyabhāvāditi cenna, sarvatrākhaṇḍākāravṛtteḥ 
prākparameśvarecchāyā niyāmakatvena tvayāpya"ngīkṛtatvena devānāṃ 
bhaktānāṃ tadicchāṃ vinā jaḍasya tathāvidhavibhūtikāritvāsambhavāt | 
cetanapreraṇāṃ vinā jaḍamātraspandanasyāsambhāvitatvenāsambhāvitasthale 
sarvatra tadicchayaiva nirvāhasya vaktumucitatvāt | ata eva parameśvarasya 
sarvāntaryāmitvamantaryāmibrāhmaṇe'bhyadhāyi ||

pṛ0 440) nanu parameśvarasyaiva sarvāntaryāmitve tadicchāyāḥ 
sarvakāryaniyākatve ca vidhiniṣedhapratipādakaśāstravaiyyarthaṃ syāditi 
cenna, vṛṣṭivatsarvasasye sarvakārye parameśvarecchā niyāmikā; 
sāmānyatastattadbījānāṃ tattada"nkarotpattāviva 
tattajjīvasukhaduḥkhānubhave tattatkarma ca kāraṇamiti na 
vaiṣamyanairghṛṇyavidhiniṣedhapratipādakaśāstravaiyyarthyādidoṣa iti 
pariṇāmavāde sarvaṃ śobhanatarameva ||

iti 
śrīmadanādinirañjanaja"ngamāparāvatāratoṇṭadasiddheśvaraprasādāsādita"
sāmbhavāgamāmbhodhimathanajanitaniruttaraikottaraśatasthalabhedabhinnaṣaṭstha
latattvasudhāsvādānandasandohapradāyakācāryavaryamaritoṇṭadāryaviracite 
yaḍavamurārikoṭekolāhalaikā"ngivīravairisaptā"ngaharaṇapaścimasamudrādhī
śvaraviśuddhavaidikādvaitasiddhāntapratiṣṭhāpanācāryakeladisadāśivarāya
nāyakavaṃśadugdhārṇavapūrṇacandravīrabhadradharaṇīndradharmapatnīmallām
bāhṛdayānandanabasavavasudhāsa"nkrandanopadeśe vīraśaivānandacandrikāyāṃ 
vādakāṇḍe advaitamatanirūpaṇatannirākaraṇaprakāro nāma 
trayoviṃśatitamaṃ prakaraṇam ||

pṛ0 441) vīraśaivānandacandrikāyāṃ
vādakāṇḍe
caturviṃśatitamaṃ prakaraṇam ||

deśikendra tvayā proktamadhunā bhṛ"ngiṇeritam |
advaitamatasiddhāntaṃ taddūṣaṇamataḥ param ||
śīlinā kathitaṃ sarvaṃ nigamāgamayuktibhiḥ |
samākarṇya prahṛṣṭo'hamabhavaṃ karuṇābharāt ||
tataḥ paraṃ hi sañjātaṃ saṃvādaṃ bhṛ"ngiśīlinoḥ |
śrotumicchāsti maccitte nirūpaya mahāmate ||
śṛṇu bhūpa vadāmyadya bhṛ"ngī śīlinamabrīt |
śīlinmatāni sarvāṇi vikhyātāni mahītale ||
avaidikāni yānīha vaidikānyapi yāni tu |
kathitāni mayā tāni khaṇḍitāni tvayā'dhunā ||
sarvotkṛṣṭaṃ mataṃ kiṃvā jijñāsati mano mama |
kathaya tvaṃ tadācāre varteya vinayānvitaḥ ||

pṛ0 442) iti bhṛ"ngyuktimākarṇya śīlī bhṛ"ngiṇamabravīt |
bhṛ"nginnākarṇayādya tvaṃ vacmi sarvottaraṃ matam ||
vīraśaivamataṃ loke sarvotkṛṣṭatamaṃ kṣitau |
sarveṣāmapi devānāṃ yathā sarvottamaḥ śivaḥ ||

vīraśaivasarvotkṛṣṭatvaṃ pratipādyate- 
avaidikalokāyatārhatasaugatavaidikagautamīyakāṇādakāpilapātañjalajaiminīy
avaiyāsikaviśuddhādvaitamādhvarāmānujīyāditattanmatanirasanapurassaraṃ 
nijali"ngā"ngasāmarasyarūpaviśiṣṭādvaitamataniṣṭha 
ekottaraśataprabhedabhinnaṣaṭsthalajñānasampannastrividhavīraśaivadīkṣāsa
ṃyukto'ṣṭāvaraṇapañcācāraparāyaṇo vīraśaivaḥ sarvottamaḥ ||

tathāhi pārameśvaratantre-

vibhūtiryasya bhāle'sti kaṇṭhe li"ngaṃ madātmakam |
rudrākṣadhāraṇaṃ dehe so'haṃ devi na saṃśayaḥ || iti ||

śā"nkarasaṃhitāyām-

yo hastapīṭhe nijamiṣṭali"ngam-
vinyasya tallīnamanaḥpracāraḥ |
bāhyakriyāsaṃkulanispṛhātmā-
sampūjayatya"nga sa vīraśaivaḥ || iti ||

nanu trividhali"ngāṣṭavidhasamarpaṇaikamānasānāṃ vīraśaivānāṃ 
sarvotkṛṣṭatvaṃ na sambhavati, tadanuguṇānāṃ yuktipramāṇānāmabhāvāt | 
tathāhi- loke tāvadbrahmasṛṣṭau varṇāścatvāro brāhmaṇādayaḥ, 
tadāśramāścatvāraḥ śrutyāgamapurāṇetihāsaprasiddhāḥ | tatra na 
brāhmaṇeṣveṣāmantarbhāvaḥ 
garbhādhānapuṃsavanasīmantonnayanajātakarmanāmakaraṇopaniṣkramaṇānnaprā"
sanacaulopanayanavedaprājāpatyasaumyāgneyavaiśvadevātma-

pṛ0 443) 
kavratacatuṣṭayasamāvartanavivāhapañcamahāyajñaupāsanasthālīpākavaiśvad
evasarpabalīśānabalyaṣṭakamāsaśrāddhākhyasaptapākayajñāgnyādhānāgnih
otradarśapaurṇamāsapaśubandhacāturmāsyāgrāyaṇeṣṭisautrāmaṇyākhyasapta
haviryajñāgniṣṭomātyagniṣṭomokthyaṣoḍaśyatirātrā''ptoryāmavājapeyāhv
ayāḥ saptasaṃsthābhidhānāḥ | brāhmaṇānāṃ śarīrasya 
catvāriṃśatsaṃskārāṇāmaṣṭātmaguṇānāṃ 
dayākṣāntyanasūyāśaucānāyāsama"ngalākārpaṇyāspṛhākhyānāṃ 
yajanayājanādhyayanādhyāpanadānapratigrahoñchaśilādirūpāsādhāraṇajīvi
kāni yamānāñca brāhmaṇadharmatayā śrutismṛtipurāṇetihāseṣu 
pratipādanāt, eteṣāñca vīraśaivairanuṣṭīyamānatvābhāvāt, 
brāhmaṇeṣvivā"ngirobhṛgvatriviśvāmitrakāśyapavaśiṣṭhāgastyāhvayarṣiv
aṃśotpattisūcakānāṃ gotrapravarāṇāmabhāvāt, 
āpastambabodhāyanabharadvājasatyāṣāḍhavaikhānasāgniveśyapraṇītataittiri
iyayajuḥśākhāvalambivipravyavasthāgrāhyaṣaṭsūtrāṇām, ṛkśākhāvalamby
āśvalāyanasūtrasya, kuthumasāmaśākhāvalambidrādhyāyanasūtrasya, 
talavakāraśākhāvalambigrāhyajaiminisūtrasya, yajuḥ 
prathamavājasaneyaśākhāvalambimātragrāhyakātyāyanasūtrādīnāṃ 
mānyatamānāṃ sambandhābhāvācca || na kṣatriyavaiśyayoḥ, 
yajanādhyayanapradānasahitapūrvoktasaṃskāragotrasūtraśākhānāmabhāvāt || 
na śūdreṣvantarbhāvaḥ, 
traivarṇikaśuśrūṣādāsyocchiṣṭabhojanataddravyopajīvanāmantrakaśrāddhap
añcamahāyajñakaraṇavarṇaviśeṣadāsyakṛtasūtakānuṣṭhānādīnāṃ 
śūdradharmāṇāmabhāvāt || na sa"nkīrṇeṣu, 
mūrdhāvasiktāmbaṣṭhapāraśavādisamākhyādīnāmabhāvāt | tasmānna 
varṇeṣvantarbhāvaḥ 
varṇadharmapratipādakaśrutismṛtipurāṇādhyayanādhyāpanakramasya 
vīraśaiveṣvadarśanāt || �janmanā jāyate śūdraḥ karmaṇā jāyate dvijaḥ 
|� ityādivacanaparyālocanayā janmamātraṃ manuṣyamātrasyāsyāviśiṣṭam, 
upanayanādimukhyasaṃskārābhāve brāhmaṇādikulotpannasyāpi 
pātityaśravaṇāt | tata eva vedavidyāśravaṇe'pi nādhikāraḥ, �athāhāsya 
vedamupaśṛṇvatastrapujatubhyāṃ śrotre paripūraṇamudāhāraṇe jihvācchedo 
dhāraṇe śarīrabheda āsanaśayanavākpathiṣu samaprepsu-

pṛ0 444) rdaṇḍya� iti gautamīyadharmasūtre'bhidhānāt | naca 
niṣādasthapatinyāyenopanayanādyabhāve'pi vedavidyāśravaṇādhikāra iti 
vācyam, ṅiṣādasthapatiṃ yājaye�diti vidhiprāpto'yaṃ 
yājamānamantraśravaṇādhikāraḥ prakṛte tādṛśavidherabhāvāt | nāpi 
patnyā evopanayanābhāve'pi vedavākyaśravaṇe'dhikāraḥ, �patnīṃ 
vācayatī�ti vidhivākyavadvācanaviṣayakavidhyanupalambhāt | kiñca 
�jyotiṣṭomena svargakāmo yajete�tyādinā 
viśeṣeṇaśrūyamāṇavidhivākyāvagatakartṛtvasya patnyāḥ siddhatvāt, 
�dharme cārthe ca kāme ca nāticaritavye�ti śrutivākyenāpi kartṛtvasya 
niyamanātpatnyā iva prakṛte śrutismṛtyoranupalambhāt | na copanayanaṃ 
vedādhyayanārthaṃ kalpyatāmiti vācyam, aṣṭame varṣe brāhmaṇamupanayet, 
ekādaśe kṣatriyaṃ dvādaśe vaiśyamiti traivarṇikānāmevopanayanavidhānāt 
| 
adhyayanasyākṣaragrahaṇarūpasyārthajñānadvārakataduktānuṣṭhānaparyavasa
ayitvāt | vīraśaiveṣu vedodīritakarmānuṣṭhānādarśanācca | naca 
li"ngadhāraṇādikaṃ vaidikaṃ karmāstīti vācyam, 
taddhāraṇapratipādakamantrabrāhmaṇayoradarśanāt | anyathā 
traivarṇikānantargatānāmapi vedavidyāyāmadhikāraḥ syāt | 
tasmādvīraśaivamatamavaidikaṃ tanmārgāvalambino vīraśaivā       
apyavaidikāstatasteṣāṃ śraiṣṭhyaṃ nopapadyate | naca �atyāśramibhyaḥ 
paramaṃ pavitraṃ provāca samyagṛṣisa"nghajuṣṭa� mityatyāśramopaniṣadi 
śravaṇādvīraśaivānāmatyāśramitvamiti vācyam, āśrama 
eṣāmastītyāśramiṇaḥ, āśramiṇo'tikrāntā atyāśramiṇa iti 
prākṛtānāmāśramāṇāṃ 
kañcitkālamanuṣṭhāyānantaramatikramasyāpekṣitatvena 
vīraśaivānāmāśramitvābhāvenātyāśramitvasyāpyupapādanāsambhavāt | 
pratyuta 
śrutismṛtipurāṇetihāsasiddhānanuṣṭhānasūtakācaraṇādiviruddhānuṣṭhā
navīraśaivadīkṣānuvartanasyāpi teṣu dṛṣṭatvāt | 
tasmādbrahmakṣatraviśāmuttaramuttaraṃ kanīyāṃsastebhyaḥ śūdrāḥ 
kanīyāṃsastebhyaḥ sa"nkarā iti vyavasthāyāḥ sapramāṇatvena 
vīraśaivānāṃ śraiṣṭhyaṃ svāntara"ngamātra-

pṛ0 445) paritoṣakaraṃ na pramāṇānuruddhamiti pūrvapakṣaḥ ||
atrottaramabhidhīyate- vīraśaivānāṃ notkarṣaḥ, 
yuktipramāṇānāmabhāvāditi | tatra kimutkarṣe yuktināmabhāvaḥ, 
pramāṇānāmabhāvaḥ, kimubhayeṣāmabhāvo vā ? nādyaḥ- pramāṇāsahakṛte 
yuktimātrasya dhanikatvaprabhutvādilaukikotkarṣasādhanatve'pyalaukikotkarṣe 
pramāṇasahakṛtayuktereva tantratvāt || na dvitīyaḥ- pramāṇamātrasya 
pūrvottaramīmāṃsānyāyasahakṛtasyotkarṣasādhanatvāna"ngīkārāt | yathā 
�ādityo yūpo, yajamānaḥ prastaraḥ, agnirvai brāhmaṇaḥ, apaśavo vā anye go 
aśvebhyaḥ� ityādau pramāṇamātreṇa nyāyarahitenārthasiddherabhāvāt | na 
tṛtīyaḥ- yuktisahakṛtānāṃ bahūnāṃ pramāṇānāṃ 
paramāptaparameśvarapraṇītānāṃ sattvāt | tathāhi 
śa"nkarasaṃhitāyāmuparibhāge-

krimikīṭapata"ngebhyaḥ paśavaḥ prajñayā'dhikāḥ |
paśubhyo'pi narāḥ śreṣṭhāsteṣu śreṣṭhā dvijātayaḥ ||
dvijātiṣvadhikā viprā vipreṣu kratubuddhayaḥ |
kratubuddhiṣu kartārastebhyaḥ sanyāsino'dhikāḥ ||
teṣu vijñāninaḥ śreṣṭhāsteṣu śa"nkarapūjakāḥ |
teṣu śreṣṭhā mahābhāga mama li"ngā"ngasa"nginaḥ ||
li"ngā"ngasa"ngiṣvadhikaḥ ṣaṭsthalajñānavān bhavet |
tasmādapyadhiko nāsti triṣu lokeṣu sarvadā ||
sa vandyaḥ sarvadā pūjyaḥ saṃsāravijigīṣubhiḥ |
tasmai deyaṃ tato grāhyaṃ sa ca pūjyo yathāhyaham || iti ||

nanvidamanupapannam, �prajñayā'dhikā� ityārabhya 
jñānatāratamyenotkarṣāpakarṣapratipādanaparāṇi vacanāni 
pūrvapakṣārambhadaśāyāṃ vīraśaivamātroddeśena 
varṇāntargatatvānantargatatvaparyālocanayotkarṣāpakarṣamātrapratipādanāt 
| śā"nkarasaṃhitāvacanānāṃ dvijātaya ityārabhyottaro- 

pṛ0 446) ttarotkarṣapratipādanasya traivarṇikaviṣayatvena yojanayā teṣu 
dharmatāratamyenotkarṣapratipādane'pi vīraśaivadharmamātre prāśastyaṃ 
paryavasyatīti vīraśaivadharmasyāpi traivarṇikaviṣayasyotkarṣāpādane 
pramāṇānāṃ tātparyāvadhāraṇaucityādvīraśaivajātīyānāṃ 
kasminvarṇe'ntarbhāva ityāśa"nkāyāmudāhṛtavacanānāmanupayogāt | anyathā 
na varṇeṣvantarbhāva ityupapāditagranthavirodhāditi cenna, 
traivarṇikānantarbhāve'pi 
traivarṇikābhyadhikāprākṛtabrāhmaṇyapratipādakāgamatadanuguṇaśrutyādīn
āṃ bahūnāṃ satvāt | tathāhi suprabhedāgame-

asti saccitsukhākāramalakṣaṇapadāspadam |
nirvikalpaṃ nirākāraṃ nirastāśeṣadūṣaṇam ||

ityupakramya trimūrtyuttīrṇaṃ paramaśivatattvamabhidhāya, 
śivābhidhaṃ paraṃ brahma jagannirmātumicchayā |
svarūpamādade kiñcitsukhasphūrtivijṛmbhitam ||

ityādinā līlāsamāsāditadharmadharmibhāvamupavarṇya 
dharmasambandhātsisṛkṣāyām �divyamaprākṛtaṃ nityaṃ nīlakaṇṭhaṃ 
trilocanaṃ candrārdhaśekharaṃ śuddhaṃ śuddhasphaṭikasannibham� ityādinā 
guṇamūrtibhirupāsyaṃ svarūpamabhidhāya, tasminnaprākṛtaguṇādhāratvena 
nityama"ngalasvarūpatvena samastalokanirmāṇasamavāyasvarūpiṇīṃ 
tadbhinnaśaktimupapādya tatsāhāyyena �yo devānāṃ prathamaḥ 
purastādviśvādhiko rudro maharṣi� rityādiśrutisamadhigamya 
hiraṇyagarbhotpattimuktvā, �yo brahmāṇaṃ vidadhāti pūrvaṃ yo vedāṃśca 
prahiṇoti tasmai� ityādiśrutipratipannaṃ samastavedavidyopadeśaṃ vidhāya 
tatastasmin hiraṇyagarbhe jagatsisṛkṣāyāṃ māyāvaraṇena sṛṣṭiviṣayakaṃ 
jñānamuktvā triyambakaṃ prati samastajagannirmāṇopāyaṃ prārthitavatā tena 
hiraṇyagarbheṇa tvayaiva sṛṣṭiḥ kāryā tāṃ dṛṣṭvā 
tatsājātyenāhamapi sṛjāmīti prārthitaḥ śambhurityuktvā ||

pṛ0 447) sasarjātmasamaprakhyān sarvajñān sarvaśaktikān |
prabodhaparamānandaparivāhitamānasān ||
pramathān viśvanirmāṇapralayādividhikṣamān |
sṛṣṭvā pramathavargeṣu varṇāśramaparikramān ||
aprākṛtasadācārānupādiśadatha prabhuḥ |
tasmāttadgotrajāssarve śivabhaktyā dhṛtavratāḥ ||

iti sākṣādeva śambhoḥ pramathotpattistebhyo 
vīraśaivānāmutpattipratipādanena traivarṇikebhyaḥ 
prathamamutpannatvātparamutkarṣaḥ pratīyate ||
nanu vīraśaivānāmaprākṛtāṣṭāvaraṇapañcācārasthāpanaikāgrahṛdayaḥ 
śrīmatparameśvarānujñātanandīśvarāparāvatāraḥ śrībasaveśvaraḥ 
prākṛtadharmānubaddhaśraddhabrāhmaṇakulotpannamādāmbāmādhavākhyayoḥ 
putratvamurarīkṛtyāvirbabhūva tatastatrāṣṭavarṣaparyantaṃ mātṛpitṛgṛhe 
coṣitvā paścādvīraśaivadharmānācacāreti 
basaveśvarapurāṇādiprabandheṣu śrutatvena tasya 
prākṛtācāreṣvevābhiniveśo dṛṣṭa iti kathaṃ 
tadīyānāmaprākṛtācāratvamiti cenna, śrīparameśvarāparāvatārasya 
nandīśvarasya devyapekṣayā paramāntara"ngasyādhigatasārvajñyasya 
pramathanāyakasya 
�bhavadbhavanadehalībahulataṇḍudaṇḍāhatitruṭanmukuṭakoṭibhirmaghavadādibh
irbhūyate | bhajema bhavadantikaṃ prakṛtimetya paiśācikīṃ 
kimityamarasampadaḥ pramathanātha nāthāmahe ||� iti 
proktasarvaharividhipramukhagīrvāṇagandharvasiddhavidyādharakinnarakiṃpuruṣan
igrahānugrahakāraṇatvena dedīpyamānasya �bho bho dikpatayaḥ prayāta purataḥ 
khaṃ muñcatāmbhomucaḥ pātālaṃ vraja medinīṃ praviśata kṣoṇītalaṃ 
pannagāḥ brahmannunnaya dūramātmabhavanaṃ nāthasya no nṛtyataḥ śambhoḥ 
sa"nkaṭametadityavatu naḥ protsāraṇaṃ nandinaḥ� ityādinā 
sakalaprapañcamanyathākartṛmanitarasādhāraṇacāturyadhurīṇasya 
nandīśvarasya �mahīsuraḥ kaścana mādhavākhyo mahītale māṃ prati 
putrakā"nkṣī | tapasyati tvadvṛtamasya patnī tanoti ca tvadgatacittavṛttiḥ 
|| putratvamāsādya tayoḥ 

pṛ0 448) pṛthivyāṃ śrīvīramāheśvara tatra dārḍhyam | vidhehi vidvan 
vividhairvihāraiḥ putrasya pāṣaṇḍapathaḥpravṛttān || iti 
basaveśvarapurāṇoktaślokarītyā, �yadā yadā hi dharmasya hāniśśaivasya 
jāyate | tadā tadāvatāro'yaṃ gaṇeśānāṃ mahītala� iti 
śa"nkarasaṃhitāvacanācca, lokānugrahārthaṃ vīraśaivamatoddidhīrṣayā 
pararūpeṇa kṛtalīlāvatārasya basaveśvarasya devatātvenotpattau 
jātiniyamādaraṇe viśeṣyāpekṣābhāvāt | tathaiva tadyathā 
advaitasthāpakabhagavaccha"nkarācāryāṇām śha"nkaraḥ śa"nkaraḥ 
sākṣādvyāso nārāyaṇaḥsmṛta� iti, caturbhissaha śiṣyaistu 
śa"nkaro'vatariṣyatī�ti bhaviṣyatpurāṇoktyā ca śrīparameśvarābhedaṃ 
prāptavatāṃ niṣiddhakeraladeśe utpattiśravaṇasya prasiddhatvāt | evameva 
patañjalirapyādiśeṣo goṇikākhyāyāṃ brāhmaṇyāṃ 
yogapādādividyāpravartanena lokānugrahārthaṃ 
saptavarṣakakumārarūpeṇāñjalau patan patañjalināmnā'vatatāreti 
cidambaramāhātye śrūyate | ata eva vajrasūcyāṃ �ṛṣyaśṛ"ngo mṛgyāṃ 
kauśikaḥ kuśāt gautamaḥ śaśapṛṣṭhe jāmbūko jambukyāṃ vaśiṣṭha 
urvaśyāṃ vālmīkirvalmīkādvyāsaḥ kaivartakanyāyāmagastyaḥ kalaśe 
jātaḥ� iti śrutatvāt viśvāmitraḥ kṣatriyo nārado dāsīputra 
ityādiśravaṇāt, evameva devānāṃ lokānugrahārthāya viṣṇvādīnāṃ 
svāpekṣayā hīnajātāvutpannatve'pi doṣābhāvaśravaṇācca | prakṛte'pi 
niradhikaraṇadīkṣāvatāṃ śrīsāmbaśivena pramathānāṃ tadvaṃśīyānāṃ 
basaveśvarasya ca nikṛṣṭakulotpannatve'pi jātyādidoṣaprasaktirnāsti, 
tasmādbasaveśvarasya parameśvarāvatārasya lokānugrahārthaṃ yatra kutrāpi 
janeḥ sambhavepyaprākṛtabrahmakulotpannānāṃ 
vīraśaivānāmativarṇāśramiṇāṃ naitādṛśaśa"nkākala"nkaleśo'pīti 
sarvamanukūlam ||
brāhmaṇādyutpattistu puruṣasūkte'bhihitā- �brāhmaṇo'sya mukhamāsīt | 
bāhū rājanyaḥ kṛtaḥ | ūrū tadasya yadvaiśyaḥ | padbhyāṃ 
śūdro'jāyate�ti virāṭpuruṣādyathā 
tathotpattiśravaṇāttadupadiṣṭaśrutismṛtītihāsaprasiddhavarṇāśramānuvar
tanatadatikramaṇadvārakātyāśramādi- 

pṛ0 449) dharmāṇāṃ pratipādanātteṣāṃ brāhmaṇānāṃ 
tadudīritadharmānuvartanañca vīraśaivānāmaprākṛtabrāhmaṇatvena 
tatsṛṣṭaparameśvaratālvoṣṭhapuṭavyāpārāditaḥ svataḥ 
pramāṇabhūtakāmikādivātulāntadivyāgamoktadharmānuvartanantu 
svānuṣṭheyadharmopapādakāgamāviruddhāṃśa iti vivekaḥ ||
nanu vedavidyāyāḥ paramābhyarhitatvena taduktāgniṣṭomādikramasya 
dharmasa"nghasya śa trirbhirvedairvidhīyata� 
ityāpastambīyasāmānyasūtre'bhidhānādāgameṣu tadabhāve'pi brāhmaṇaiḥ 
prādhānyenānuṣṭheyastadaviruddhāgamoktālayotsavapratiṣṭhādidharmāśca 
tatheti cenna, teṣāṃ bhinna viṣayatvāt | 
vīraśaivānuṣṭheyapañcācārāṣṭāvaraṇakramasya 
piṇḍādijñānaśūnyāntaikottaraśatasthalakramasya 
yāvaddharmasa"nghasyāgameṣu prādhānyenānuṣṭheyatvavarṇanātteṣāṃ 
vīraśaivadharmāṇāṃ viśakalitatayā tatra tatra śrutiṣu pratipādanāt, 
yatra yeṣāmācārāṇāṃ kramo'bhidhīyate teṣāṃ tadadhyayanādikaṃ 
prādhānyena; taditarapramāṇānuvartanantu svasvācārāvirodheneti siddham ||
yattu garbhādhānādisaṃskārarāhityena 
tadantargataprājāpatyādivedavratarāhityamityādyupavarṇitaṃ tadasat, 
aprākṛtanirmāṇavaicitryapratipādanenāprākṛtasṛṣṭyantargatānāṃ 
tadanapekṣaṇāt | tathāca siddhāntaśikhāmaṇau-

viśuddhāḥ prākṛtāśceti dvividhā mānuṣāḥ smṛtāḥ |
śivasaṃskāriṇaḥ śuddhāḥ prākṛtā itare matāḥ ||
varṇāśramādidharmāṇāṃ vyavasthā hi dvidhā matā |
ekā śivena nirdiṣṭā brahmaṇā kathitā parā ||
śivoktadharmaniṣṭhā tu śivāśramaniṣeviṇām |
śivasaṃskārahīnānāṃ dharmaḥ paitāmahaḥ smṛtaḥ ||

iti prākṛtāprākṛtavibhāgo darśitaḥ ||

pṛ0 450) yadapi gotrasūtrādyabhāvopavarṇanaṃ tadapyāpātaramaṇīyam | 
tathāhi- reṇukadārukaghaṇṭākarṇagajakarṇānāṃ pramathanāyakānāṃ 
sadāśivamukhodbhūtānāṃ gotrapravartakānāṃ caturṇāṃ satvāt | etena na 
vedavidyādhyayane'dhikāra ityādigarbhasrāveṇaiva nirastam | aprākṛtatvenaiva 
brāhmaṇebhyo'pi vaiśiṣṭyapratipādanāt | yadyapyatyāśramitvaṃ neti 
tadapyavicāritaramaṇīyam | harāśramānuvartanasya satvātparipākadaśāyāṃ 
tadatikramasyāpi sambhavāt, �anekajanmasiddhānāṃ śrautasmārtānuvartinām | 
narāṇāṃ kṣīṇapāpānāṃ śive bhaktiḥ prajāyata� ityādinā 
janmāntarīyāśramānuvartanatadatikramayorapi sambhavācca ||
nanu pramathānāṃ nityamuktānāṃ kathaṃ vaṃśapravartakatvamiti cenna, 
agastyavaśiṣṭhādīnāmiva lokānugrahārthaṃ 
vīraśaivasampradāyapravartanārthaṃ ca vaṃśapravartanasambhavāt | naca 
vaṃśapravṛtteḥ strīmūlakatvātpramathānāṃ rāgadveṣādyasambhavena 
nityamuktatvena karmānuṣṭhānāpekṣāyā abhāvācca 
strīparigrahābhāvātkathaṃ vaṃśotpattiriti vācyaṃ, nityamuktānāmapi 
daharavidyāprakaraṇe �atha yadi strīlokakāmo bhavatī�tyādinā 
sarvasvātantryapradarśanārthaṃ dāraparigrahapradarśanātprakṛte 
pramathānāmapi sarvasvātantryapradarśanārthaṃ gotrapravartakānāṃ 
caturṇāṃ vīraśaivasamayapravartakānāṃ reṇukādīnāṃ 
dāraparigrahasambhavāt | naca pramathānāṃ dāraparigrahaḥ kvāpi na śrūyata 
iti śa"nkanīyam | nandikeśvarasya suyaśā nāma patnīti purāṇeṣu 
śravaṇāt | asminnarthe mantrā api vartante | saptavākayajāntarbhūte 
īśānabalau catuścatvāriṃśadbaliprakṣepaprakaraṇe �grahapopaspṛśo 
grahapāya svāhā | grahapyupaspṛśo grahapyai svāhā | dvārāpopaspṛśo 
dvārāpāya svāhā | dvārāpyupaspṛśo dvārāpyai svāhā |� ityatra dvārāpo 
nāma nandīśastasya strī dvārāpī �puṃyogādākhyāyā�miti "nīp | tasyāḥ 
suyaśādevīti nāma purāṇeṣu    prasiddhamitīśānabaliprayogavivaraṇe 
vilekhanāt | tathāca gotrapravartakānāṃ reṇukādyācāryāṇāṃ 
dāraparigraheṇa santatiparamparāyāḥ sambhavādeva 

pṛ0 451) vīraśaivānāṃ te gotrapravartakāḥ | naca gotrapravartakānāṃ 
teṣāṃ madhye keṣāñciddāraparigrahaśravaṇe'pi keṣāñciddāraparigrahe 
pramāṇābhavādgotrapravṛttinirvāhaḥ kathamupapadyata iti vācyaṃ, 
putrapautrādisantatiparamparāyā gotraprāpakatvavat, 
śiṣyapraśiṣyapravāhasyāpi gotrasambandhasampādakatvasambhavāt | ateva 
kṣatriyasya svayaṃ brāhmaṇavaśaṃsambhavatvābhāvena karmaṇyadhikārābhāve 
prāpte sati �purohitasya pravareṇa rājā pravaraṃ pravṛṇīta� 
ityāpastambasūtravacanena śiṣyāṇāṃ kṣatriyāṇāṃ yājakatayā 
gurubhūtabrāhmaṇagotravatvaśravaṇāt | kiñca-

reṇuko revaṇo rudro munirnīlo maheśvaraḥ |
ghaṇṭāsiddhaśca sāra"ngo vṛddho'gastyagururguruḥ ||
triśikho'ṣṭajaṭaḥ pañcavarṇakaḥ siddhaśāsanaḥ |
ityādayo mahābhāgā mahāpūruṣasambhavāḥ ||

ityādinā reṇukācāryaśiṣyaparamparāvarṇanānantaraṃ,

dāruko marulo'māyaścālavāṇḍo mahātapāḥ |
jyotirmatiguruścikko vyāghrakvantho bṛhadvadhaḥ ||
nārakanthaḥ patsyakantho muktakantho mahāmuniḥ |
ekādaśaśikho yogī mallikārjunanāmavān ||

ityādinā dārukagotrasampradāyo'bhihitaḥ ||

ghaṇṭākarṇastathaikaśca rāmo muṇḍī guheśvaraḥ |
sutārastārako muktā nūpuraśca purāṇakaḥ ||

ityādayo ghaṇṭākarṇagotrajā abhihitāḥ ||

gajakarṇo trira"nguṣṭho mañcaṇaḥ sa"ngamo'vyayaḥ |
kalyāṇapaṇḍitaḥ keśī mādhavaḥ śrīpatiḥ prabhuḥ ||
mallikārjuna ityādyā vāmadevamukhodgatāḥ |

pṛ0 452) ityādinā gajakarṇavaṃśo'bhihitaḥ || tasmāt reṇukādīnāṃ 
yathāsambhavamutpādyotpādakabhāvo guruśiṣyabhāvaśca yathāsambhavaṃ 
mūlāgameṣu spaṣṭamabhihitaḥ | etacca kriyākāṇḍe spaṣṭamabhihitam | 
tasmādaprākṛtabrāhmaṇānāṃ vīraśaivānāṃ 
gotrādisadbhāvātsarvottaratvaṃ siddham ||
yattu vīraśaivānāmatyāśramitvaṃ na sambhavati, atyāśramaśabde 
atiśabdasyātikramaṇārthakatayā 
āśramadharmānuṣṭhānānantarabhāvijñānaviśeṣalabhyadharmaviśeṣavatvavar
ṇanaucityāditi tanna śvati pūjāyā� miti vyākaraṇasūtreṇa, �tu hi ca sma 
ha vai pādapūraṇe pūjane svati� ityavyayavarge cātiśabdasya 
śraiṣṭhyārthakatayā śrūyamāṇatvātprakṛte 
atikramaṇārthakatvāsambhave'pi prakarṣārthakatvasambhavāt | tathāca 
atiśayitaḥ āśramaḥ atyāśramaḥ, sa eṣāmastītyatyāśramiṇaḥ | athavā 
āśrama eṣāṃ santītyāśramiṇaḥ atiśayitā āśramiṇaḥ atyāśramiṇaḥ 
ityarthavarṇanayā'tyāśramitvasya vīraśaiveṣu sambhavāt, 
pa"nkajādiśabdavadyogarūḍhyā 
vīraśaivānuṣṭhīyamānadharmaviśeṣe'tyāśramaśabdaḥ pravartate, 
atiśayitatvantvaprākṛtapramathasṛṣṭipūrvakamaheśvaropadiṣṭatvāt | 
tathāca āgamavacanāni-

ativarṇāśramī prokto gurussarvādhikāriṇām |
anyeṣāṃ sa bhavecchreṣṭho yathāhaṃ puruṣottamaḥ ||
ativarṇāśramī sākṣādgurūṇāṃ gururucyate | 
pañcākṣarī parāvidyā śivajyotiravāptaye || 
oṃkāraḥ praṇavaḥ sūkṣmo vidyānāṃ bījamuttamam |
tattvādaśeṣatattvāni praṇavena viśodhayet ||
sitenoddhūlayeddehamagnirityādimantrakaiḥ |
vicintayetsvātmani śambhumīśaṃ 
śivaṃ paraṃ śāntamumāsahāyam |

pṛ0 453) bhasmā"ngamāviṣkṛtasarvadīpti-
matyāśramācāramimaṃ vadanti ||
li"ngaṃ śivo bhavetkṣetrama"ngasaṃyoga āśrayaḥ |
tasmālli"ngā"ngasaṃyuktaḥ so'pi cātyāśramī bhavet ||
etadvedaśironiṣṭhaḥ prāha pāśupataṃ mune |
etacchirovrataṃ prāhuḥ kecidatyāśramaṃ budhāḥ |
kecinmahāvrataṃ prāhuḥ kecicchāmbhavamaiśvaram ||

iti 
vacanenāgnirityādimantrābhimantritabhasmoddhūlanatripuṇḍradhāraṇarudrākṣa
dhāraṇapūrvakapraṇavasamabhivyāhṛtapañcākṣarīmantraratnajapasahitaparaśi
vadhyānānusyūtapūjāviśeṣaviśiṣṭo 
li"ngā"ngasambandho'tyāśramastadvānatyāśramīti | etadvratasyaiva 
pāśupatamiti, śirovratamiti, atyāśrama iti, mahāvratamiti, śāmbhavamiti, 
aiśvaramiti copaniṣatsu pratipādanādvīraśaivānāmevātyāśramitvaṃ, 
teṣāmeva sarvotkṛṣṭatvaṃ siddham || nanvatiśayita āśramo'tyāśramaḥ, 
atiśayitā āśramiṇo'tyāśramiṇa iti samāse'tiśabdārthasya prāśastyasya 
dharme dharmiṇi vā'nvaye sati praśastāśramitvasampādanārthamāśramadharmā 
yāvanto'nuṣṭheyāḥ | te ca vedasiddhāścatvāriṃśatsaṃskārādayaśca | 
teṣāṃ kramaśca śrutismṛtikalpasūtrādyavagamyaḥ | teṣāṃ 
vīraśaiveṣvadarśanādatyāśramitvaṃ sutarāṃ nopapadyata iti cenna, 
�ativarṇāśramācārāḥ sambhavantyūrdhvavaktrataḥ | te vai 
sākṣānmahādevā modante hyāgameṣu ce�ti 
kriyāsāroktāgamavacanaparyālocanayā parameśvarordhvavaktrasambhūtatve 
satyāgamamodanasyātyāśramadharmatvapratipādanāgameṣu ca 
pañcācārāṣṭāvaraṇaṣaṭsthalatattvapratipādanātsākalyena 
tadanuvartanordhvavaktrasambhavayoranyatrabrāhmaṇā-  
dāvadarśanādvīraśaivajātīyamātre teṣāṃ yathāyogaṃ yathāvidhi 
samyaganuṣṭhānadarśanātteṣāmevātyāśramitvaṃ tānevādhikṛtya  

pṛ0 454) mantropaniṣadapi pravṛttā | kiñca �pañcāsyapañcamamukhādyato 
jātāstato'dhikāḥ | pañcamāḥ sarvavarṇebhyo madbhaktā matpriyāḥ sade�ti 
kāmikāgamavacanena pūrvoktavacanasahakṛteneśānamukhādutpannānāmata eva 
pañcamamukhotpattyā pañcamasaṃjñakānāṃ 
sarvavarṇottīrṇānāmaprākṛtabrāhmaṇādidharmaniratatayā 
paridṛśyamānānāṃ vīraśaivānāṃ sarvottamatvaṃ nirvivādam ||
te ca sāmānyaviśeṣanirābhārabhedabhinnāḥ, 
śravaṇakīrtanapādasevanārcanavandanadāsyasakhyātmanivedanākhyanavavidhabhak
tiyuktāḥ kṛcchra cāndrāyaṇādivyatiriktaṃ 
tatsthānīyaśivārthanirmitaśarīrasaṃśoṣaṇaṃ tapaḥ | 
agniṣṭomādivyatiriktaṃ tatsthānāpannaśivārcanānukūlavyāpāraḥ 
kartavyaṃ karma | 
yāgādikarmapratipādakavedabhinnapraṇavapañcākṣarīśrīrudrādiśivaikaviṣa
yakamantrābhyāso japaḥ | anyadevatāsvarūpacintanavyatiriktaṃ 
śivaikaviṣayadhārāvāhikānusandhānaṃ dhyānam | 
itaraśāstrapratipādyārthavivecanavyatiriktaṃ 
kāmikādyāgamamukhyapratipādyaṣaṭsthalatattvabodha eva jñānam | 
etādṛśapañcaprakāraśivabhajanameva pañcamahāyajñāḥ, tanniṣṭhāḥ, 
hṛdayākāśabhāsamānaprāṇali"ngābhidhānacitsūryaviṣayakamānasānusandhā
nameva sandhyāvandanam, tadvantaḥ, 
prāṇali"ngātmakāntarjyotiradhikaraṇamanaḥkaraṇakaśabdādiviṣayākhyahaviḥ
samarpaṇameva homaḥ, tacchālīnaḥ, 
satyakṣamādayāśaucaniyamamārdavatapastyāgabrahmacaryasantuṣṭyārjavākhyaik
ādaśadharmāḥ, tadāsaktāḥ, bhakteṣu kāmaḥ, adharmanirateṣu krodhaḥ, 
śivārcanāyāṃ lobhaḥ, śive moho bhaktetareṣu madaḥ 
śivabhaktamārgavimukheṣu mātsaryamityariṣaḍvargasya viṣayabhedena 
viniyogasampādakāḥ, guruli"ngaja"ngamārthaṃ pacanaṃ pativratāyāḥ         
patyurli"ngadhārakadāsīdāsādisaṃgraho 
li"ngamudrā"nkitagṛhamadhyavāsastada"nkitakṣatradhānyopajīvanaṃ 
śivabhaktebhyaḥ kanakarajatavastrabhūṣaṇādināṃ pradānaṃ 
bhasmasparśanapūrvakapratigrahapariśuddhadravyeṇa guruli"ngaja"ngamārcanaṃ 
dāsatvavīradāsatvabhṛ-

pṛ0 455) 
tyatvavīrabhṛtyatvasamayasthatvakalāvasthitvarūpaṣaḍvidhasajjanatvaṃ gurau 
śivābhinnatvena jñānaṃ sveṣṭali"nge manolayo ja"ngame ānandānubhavaḥ 
ekādaśavidhaprasādaparijñānaṃ bhaktinirvahaṇaṃ ceti ṣaḍvidhaṃ 
vratamācaranto, 
li"ngācārasadācārabhṛtyācāraśivācāragaṇācārasamayācārāśceti ṣaḍv
idhācārāḥ, tadyuktāḥ, 
akrodhasatyavacanakṣamābhavibhaktavibhedanānugrahasatpātradravyārpaṇarūpaṣa
ḍvidhaśīlavantaḥ, akrodhaguruśuśrūṣāśaucāhāralāghavāpramādā iti 
pañcavidhaniyamāḥ, 
guruprasādali"ngaprasādaja"ngamaprasādaprasādiprasādāpyāyanaprasādasamayapr
asādajñānendriyarahitaprasādāntaḥkaraṇarahitaprasādasadbhāvaprasādasammat
aprasādajñānaprasādabhedenaikādaśavidhaprasādāḥ, 
gurupādodakali"ngodakamajjanodakasparśanodakāvadhānodakasatyodakādibhedena 
daśavidhapādodakāni sevamānāḥ, 
paratattvarūpamahāli"ngaikyānusandhānarūpaṃ jñānaṃ bhūtiḥ, tatra 
mahāli"nge manomajjanaṃ 
vijātīyapratyayatiraskārapūrvakasajātīyapratyayapravāhīkaraṇarūpaṃ 
snānaṃ, sattvarajastamoguṇajanitakāryāsaṃsparśastripuṇḍradhāraṇaṃ, 
evamantasnānoddhūlanadhāraṇaniṣṭhāḥ, bāhyāni tu 
kalpopakalpānukalparūpakriyābhedajanyabhūtibhasitabhasmakṣārarakṣānāmadhey
apañcakaviśiṣṭavibhūtisnānoddhūlanadhāraṇāni niyamādācarantaḥ, 
manobuddhyahaṃkāracittaśrotratvakcakṣurjihvāghrāṇavākpāṇipādapāyupastha
rūpāṇāṃ caturdaśākṣāṇāmācārādili"ngamukhānāṃ 
saṃśayaniścayagarvasmaraṇaśabdasparśarūparasagandhavacanādānagamanavisarga
anandasaṃjñakacaturdaśaviṣayāṇāṃ 
tattali"ngaprasādānubhavasampādanārthaṃ talli"ngarūpatayā dhāraṇaṃ 
caturdaśamukharudrākṣadhāraṇamāntaraṃ, bāhyantu 
sūryacandrāgnirūpaparameśvaratrinetrasambhūtāṣṭatriṃśadbhedabhinnarudrāk
ṣāṇāṃ vidhivaddhāraṇaṃ tanvānāḥ, 
namaḥśabdapratipādyā"ngaśivaśabdapratipādyali"ngayorayaśabdapratipādyaikya
anusandhānaṃ pañcākṣarījapa āntaraḥ, bāhyastu 
duṣkaragaṇanākārādikṣakārāntamātṛkāmālāsthānāpannasukaragaṇanarudra
akṣamaṇimālākiraṇapūrvakomānasopāṃśuvācakavidhayā pañcā- 

pṛ0 456) kṣarīmantrajapaḥ, evamubhayamācarantaḥ, traikālikābādhyatvaṃ 
sattvaṃ tadeva guruḥ, prakāśāntaranirapekṣatayā sarvaprakāśakatvaṃ 
cittvaṃ tadeva li"ngam, vaiṣayikānandatāratamyaviśrāntibhūmyakhaṇḍānanda 
eva ja"ngama āntaraḥ, bāhyastu pañcamudrānvito ja"ngamaḥ, 
prāgabhāvāpratiyogitve sati dhvaṃsāpratiyogitvaṃ nityatvaṃ tadevāntaraḥ 
prasādaḥ, bāhyastu guruli"ngacarabhaktaśeṣarūpaḥ 
śuddhasiddhaprasiddhākhyaḥ prasādaḥ, 
sarvamūrtasaṃyogitvarūpaparipūrṇatvamevāntaraṃ pādodakaṃ, bāhyantu 
li"ngodakapādodakaprasādodakabhedena trividhaṃ, 
etādṛśamānasānusandhānasaṃvalitācaraṇīyadharmācaraṇaikatānahṛdayaḥ, 
vedhāmantrakriyārūpadīkṣātrayeṇa 
svātmaguruli"ngaja"ngamānāmaikyayogānusandhānalakṣaṇaṃ yogā"ngamiti, 
tadarpitaprasādasya paramopādeyatvena svīkārasukhapariṇamanalakṣaṇaṃ 
bhogā"ngamiti, guruli"ngaja"ngameṣvavañcanayā 
parityajanīyatanumanodhanatvarūpaṃ tyāgā"ngamityevaṃ 
sthūlasūkṣmakāraṇaśarīrāṇāṃ tyāgā"ngabhogā"ngayogā"ngatāṃ 
sampādya, eṣu guruṇā dattaṃ dṛkkalāgrāhyaṃ 
sakalamadhovṛttakhaṇḍikāvṛttagomukhanālagolakātmakaṣaḍavayavayuktaṃ 
svasambandhapūrvakālikabhāvyanekajanmahetubhūtasaṃcitakarmarūpāniṣṭapariha
aradvārā mahāli"ngaikyarūpeṣṭaprāpakatvādiṣṭaśabditaṃ   li"ngaṃ 
tyāgā"ngaśabdite sthūlaśarīre ṣaḍanyatamasthāne sāvadhānaṃ dhṛtvā 
bāhyaiḥ ṣoḍaśopacāraiḥ sampūjanaṃ bāhyaṃ 
kumbhakaśabditaprāṇavāyunirodhajanitakaśerukādaṇḍāntarasthaikaviṃśatigra
nthibhedanapūrvakakuṇḍalinyūrdhvamukhīkaraṇadvārā 
hṛdayasthitānāhatapadmāṣṭadalavyatiriktacaturdalamadhyasthakarṇikāntasthita
a"nguṣṭhaparimāṇavidrumaprabhaprāṇaśaktiviśiṣṭacitsvarūpameva 
prāṇali"ngaṃ manogrāhyaṃ sakalaniṣkalātmakaṃ 
kṣamātmakābhiṣekasalilajaḍājaḍavivekarūpavastrasatyavacanābhidhābharaṇai
hikāmuṣmikaviṣayabhogāssthairyajñānapūrvakecchānivṛttyākhyavairāgyātmak
apuṣpamālyaviṣayāntaravaimukhyapūrvakamanolayarūpasamādhyātmakagandhāhamit
yabhimānarāhityarūpanirahaṃkārākhyākṣatadṛḍhaviśvāsarūpaśraddhānāma
kadhūpamūlājñānanivartakākhaṇḍākārajñānātmakadīpabhrāntimūlaprapañ
cajñānarā-

pṛ0 457) 
hityarūpanaivedyalaukikaviṣayaśabdavyavahāranivṛttiniyamarūpamaunāhvayaghaṇ
ṭānādagandhādiviṣayārpaṇarūpatāmbūlasaṃsārikastrīputrādiviṣayamahatt
ārāhityapradakṣiṇasarvaprapañcatadātmatāvadhāraṇātmikabuddhinamaskārarū
pairbhāvakalpitaiḥ ṣoḍaśasa"nkhyākairadūṣitairāntarairupacāraiḥ 
pūjanamāntaraṃ prāṇali"ngapūjanaṃ, yogā"nge nirguṇe nirākāre ateva 
niṣkale parātpare tṛptirūpe manolayadvārā svatādātmyenāvasthānaṃ 
nirañjanārcanamevaṃvidhali"ngatrayopāsanātatparāḥ ||
itthaṃ ca pūrvoktali"ngatrayaṃ mūlapraṇavaprakāśaikavigrahaṃ 
paraśivatattvaṃ karaṇāntaranirapekṣatayā bhāsamānatvātsvaprakāśaṃ, 
kāraṇāntaranirapekṣatayā kurvāṇatvātsvatantraṃ, 
adhikaraṇāntaranirapekṣatayā vartamānatvātsarvādhikaraṇaṃ 
saccidānandalakṣaṇaṃ paraśivatattvaṃ pūjyapūjakabhāvalīlāpannaṃ 
sattara"ngotpatteḥ prāglaharīviśiṣṭaḥ samudra iva kṣubdhaṃ sadīṣaccalaṃ 
bhavati | 
tato'nyonyasamarasībhūtasvatantrasvaprakāśaśāntayornyūnādhikabhāvābhyāṃ 
dvaividhyaṃ prāpnoti | tatrādhikabhāvāpannaṃ svatantrasvaprakāśatāyāṃ 
pratisphuraṇagatyā praviṣṭamūlapraṇavarūpaśivacaitanyameva li"ngatattvaṃ 
bhavati | nyūnībhūtasvaprakāśatāyāṃ tathaiva 
praviṣṭaśivacaitanyamevā"ngatattvaṃ bhavati | tatra li"ngatattvaṃ tu tadeva 
saccidānandapratiphalanakalanātmakaṃ bhāvali"ngaṃ 
prāṇali"ngamiṣṭali"ngamiti trividhaṃ bhavati | punaridaṃ li"ngatrayaṃ 
pratyekaṃ dvividhaṃ bhavati | tatra bhāvali"ngaṃ hi mahāli"ngaṃ 
prasādali"ngamiti dvividhaṃ bhavati | prāṇali"ngaṃ tu ja"ngamali"ngaṃ 
śivali"ngamiti dvividham | iṣṭali"ngaṃ ca guruli"ngamācārali"ngamiti 
dvividhaṃ bhavati | evaṃ li"ngasthalaṃ ṣaḍvidhaṃ bhavati | 
svatantrasvaprakāśatāśaktireva kramādeṣu li"ngeṣu 
sūkṣmakāryakāraṇaprapañcopādāna-   
kāraṇībhūtacicchaktyaparaparyāyapraṇavarūpaśāntyatītottarākhyakaleti, 
ānandarūpaparāśaktyaparaparyāyayakāramayaśāntyatītakaleti, 
aunmukhyalakṣaṇādiśaktyaparaparyāyavākārarūpaśāntikaleti, 
sūkṣmakriyālakṣaṇecchāśaktyaparaparyāyaśikārarūpavidyākaleti, 
bahirmukhajñā- 

pṛ0 458) naśaktyaparaparyāyamakāramayapratiṣṭhākaleti, 
sthūlodyamakriyāśaktyaparaparyāyanakārarūpanivṛttikaleti, ṣaḍrūpatāṃ 
bhajati | evaṃ ca mahāli"ngaṃ 
tāvatsarvapadārthānusandhānalakṣaṇahṛdayarūpatvādviśuddhānusandhātṛrū
pagopyamukhamityucyate | prasādādili"ngapañcakantu krameṇa śabdādi 
pratiniyatapadārthānusandhātṛrūpeśānatatpuruṣāghoravāmadevasadyojātākhy
aprakaṭapañcamukhamityucyate | evaṃvidhali"ngatattvasya 
sāgaratara"nganyāyenābhedaparyavasāyibhedapratītilakṣaṇaśuddhānusandhātṛ
rūpatvenānugrahahetutvādupāsyatvasū | evama"ngatattvañca yogā"ngaṃ 
bhogā"ngaṃ tyāgā"ngamiti trividham | idamapi pratyekaṃ dvividham | 
yogā"ngantvaikyaṃ śaraṇamiti dvidhā bhidyate | bhogā"ngantu 
prāṇali"ngiprasādīti | tyāgā"ngantu maheśvarabhaktalakṣaṇamiti | 
evaṃ ṣaḍvidhā"ngaprakāśānāṃ nyūnībhāvamāpannā sā śaktireva 
samarasabhaktirityānandabhaktirityanubhavabhaktirityavadhānabhaktiriti 
naiṣṭikībhaktiriti śraddhābhaktiriti ṣaḍvidhabhaktirūpatāṃ, 
bhāvajñānamanobudhyahaṃkāracittalakṣaṇāntaḥkaraṇaṣaṭkātāṃ, 
śrotrādijñānendriyarūpatāṃ, 
śabdāditadviṣayatṛptilakṣaṇaṣaṭpadārthatāṃ, 
tadvācakaṣaḍakṣarīrūpatāṃ, 
kriyāsādhanībhūtavāgādikarmendriyarūpatāṃ, sūkṣmarūpā-   
kāśādibhūtapañcakasamaṣṭirūpatāṃ, 
sadbhāvasujñānasumanonirahaṃkārasubuddhisucittākhyaṣaḍvidhahastarūpatāṃ, 
ca prāpyā"ngatattvaṃ bhavati | evaṃvidhā"ngatattvasya 
maheśvarīyalīlāśaktiparikalpitasa"nkucitacidādiśaktisvabhāvatve'pi 
sūkṣmarūpamānasavyomādyupādhisaṃvalitatvenordhvasṛṣṭirūpavibhāganibandh
anabhedapradānalakṣaṇaśuddhavidyāpramātṛrūpatvādupāsakatvamucyate | evaṃ 
ca li"ngatattvasya śaraṇatattvama"ngaṃ, śaraṇasya li"ngaṃ prāṇaḥ | 
anayorbījavṛkṣanyāyenānyonyasāmarasyameva || evaṃ śaraṇa eva li"ngaṃ, 
li"ngameva śaraṇa iti | evaṃvidhaśaraṇasya 
svavimarśagurukaṭākṣasamprāptasvātmapratyabhijñānaśālitvāt, etanmana eva 
praṇavarūpamahāli"ngaṃ 
bāhyendriyalakṣaṇaśrotrādyekaikendriyaviṣayaśabdādisakalapadārthāgrahaṇa
sādhanatvenāntarmukhatvāt, nādasunādamahānādarūpadeśikavākyaśāstrasya  

pṛ0 459) 
vivakṣādhyavasāyoktirūpapaśyantyādikrameṇānugrahātmakaprasādahetutvāt, 
śabdagrahaṇasādhanaṃ śrotrameva yakārarūpaprasādali"ngam | caraja"ngamayoḥ 
paryāyatvāttasya tvak sarvā"ngaṃ vyāptāsatī tatra 
śītādisparśajñānasādhanatvādvākāramayaja"ngamali"ngam | mahāprakāśa 
eva netragolakaṃ praviṣṭaṃ 
satsakalarūpapadārthaprakāśanasādhanatvānnetrameva śikāramayaśivali"ngam | 
gurormantramūrtitvāt, ṣaḍakṣarīmantra eva madhurādiṣaḍrasarūpatāṃ 
prāpta iti tādṛśamantroccāraṇarasāsvādanasādhanatvājjihvaiva 
makāramayaguruli"ngam | īḍāpi"ngalākhyanāḍīdvārā 
prāṇavāyusañcārāśrayatvātsatkarmācaraṇahetubhūtadehaśuddhirūparecanād
ikramotpannaprāṇāyāmācaraṇācca ghrāṇameva nakāramayamācārali"ngamiti 
bhaṇyate | evaṃ li"ngalakṣaṇamavagantavyam | atha 
guruli"ngaja"ngamānāmaikyadhiyā bhasmarudrākṣādiśivalāṃchaneṣu 
śivaśaraṇeṣu ca prītilakṣaṇabhaktimāneva bhaktaḥ | śiva eva 
śrīguruli"ngaja"ngamātmaka iti niṣṭhāvāneva maheśvaraḥ | 
guruli"ngaja"ngamapādodakaprasādabhūtirudrākṣamantralakṣaṇāntargatādyapañ
cavidhavartanapañcācāreṣu vismṛtiśūnyatvena sāvadhānabhaktimāneva 
prasādī | vyādhyādau samprāpte'pi pādodakaprasādavyatirekeṇa 
li"ngārpitauṣadhaṃ cāhaṃ na        svīkaromīti 
pādodakaprasādasvīkāraniyamaniṣṭho li"ngameva prāṇaḥ prāṇa eva 
li"ngamityanusandhānavāneva prāṇali"ngo | tādṛśaprāṇali"ngameva patiḥ 
svayameva satīti satīpatibhāvamāpannaḥ satyāḥ satyantaraṃ 
nāstītyanyasatīsa"ngaṃ parityajya svacicchaktisammelanānandabharitaḥ 
sannivṛttimārgamavalambya bhaktijñānavairāgyasampanna eva śaraṇa ityucyate 
|| evaṃvidhasatīpatibhāvanivṛtyā viṣayāntarabhāsanarahitaḥ 
sanvikalpavaimukhyena sarvaṃ śivātmakamiti vimṛśan 
śikhikarpūrayogavadantarmukhamahāli"ngaikalolībhūta evaikya itya"ngasthalaṃ 
vimarśanīyam || evaṃ ṣaḍvidhācārabhedena 
bhinnānāmācārādiṣaḍvidhali"ngānāṃ ca sambandho vimarśanīyaḥ | 
asminnarthe śa"nkarasaṃhitāvacanāni-

pṛ0 460) ācārali"ngaṃ ghrāṇākhyaṃ bhaktasthalasamāśrayam |
nivṛttikalayopetaṃ gandhagrahaṇasādhanam ||
guruli"ngaṃ ca jihvākhyaṃ maheśasthalasaṃśrayam |
vidyākalāsamāyuktaṃ rūpagrahaṇasādhanam ||
tvagākhyaṃ ja"ngamaṃ li"ngaṃ prāṇali"ngisthalāśrayam |
śāntyākhyakalayā yuktaṃ sparśagrahaṇasādhanam ||
prasādali"ngaṃ śrotrākhyaṃ śaraṇasthalasaṃśrayam |
śāntyātītakalopetaṃ śabdagrahaṇasādhanam ||
mānasantu mahāli"ngamaikyasthalasamāśrayam |
śāntyatītottaropetaṃ sarvagrahaṇasādhanam || iti ||

atra mānasādīnāṃ karaṇarūpatve'pi ghrātṛtvādigrahaṇacetanadharmasya 
ghreyādipadārthasvīkārasādhanatvena 
tadekaniṣṭhatvālli"ngarūpatvavyapadeśaḥ | bhaktādilakṣaṇantu skānde 
śaṃkarasaṃhitāyām-

sadācāraḥ śive bhaktirli"nge ja"ngama ekadhīḥ |
lāñchane śaraṇe śaktirbhaktasthalamanuttamam ||
parastriyaṃ parārthaṃ ca varjayedbhāvaśuddhimān |
li"nganiṣṭhāniyuktātmā māheśvaramahāsthalam ||
li"ngārpitapadārthasya sukhaṃ bhuktvā samāhitaḥ |
anarpitavivarjī ca prasādasthalamuttamam ||
vāyau prāṇātmake li"ngaṃ liṃge prāṇaḥ samāhitaḥ |
sukhaduḥkhadvayaṃ nāsti prāṇali"ngisthalaṃ bhavet ||

pṛ0 461) patirli"ngaṃ satī cāhamiti yaktaḥ svayaṃ prabhuḥ |
prāpañcikasukhaṃ nāsti śaraṇasthalamuttamam ||
ṣaḍūrmayo na ṣaḍ bhāvā nāsti cāṣṭavidhārcanam |
nirbhāvo nijali"ngaikyaḥ śikhikarpūrayogavat || iti ||

evaṃ cātrā"ngasthalasya li"ngasthalāntargatatvāt, 
śāntyatītottarākhyakalopetamahāsādākhyamahāli"ngatattvamekaṃ, 
śiṣṭapañcali"ngagatakalāpañcakaṃ 
śivasādākhyāmūrtasādākhyakartṛsādākhyarūpasādākhyapañcakaṃ militvā 
li"ngatattvānyekādaśeti sa"nkṣepaḥ || evaṃ sati niṣkalaghanali"ngatattvasya 
mahāli"ngaṃ mānasākhyāntarmukhaṃ, 
prasādali"ngapañcakaṃbāhyamukhapañcakam | 
sādākhyapañcakantvīśānādyaparaparyāyanāmadheyamiti tātparyam | atha 
punastasya maheśituḥ 
sthūlapañcanirmāṇalīlāyāmācārali"nganiṣkriyāśaktyaparaparyāyā 
nivṛtikalāvaśādahaṃkārādibhūmyantatrayoviṃśatitattvamūlakāraṇībhūtas
attvarajastamoguṇātmakaprakṛtyaparaparyāyamāyātattvamutpannaṃ bhavati | 
tatra sātvikādipraviṣṭacaitanyameva rudraviṣṇubrahmākhyayā vyavahriyate | 
krameṇa vahnisūryasomāścaitadantargatāḥ | 
brahmakṣatriyavaiśyaśūdrākhyāścatvāro bhedāśca | �cāturvarṇyaṃ mayā 
sṛṣṭaṃ guṇakarmavibhāgaśa� iti gītokteḥ | kathaṃ 
guṇatrayādvarṇacatuṣṭayotpattiriti nāśa"nkanīyaṃ, �viśvādhiko rudro 
maharṣiḥ, puruṣo vai rudraḥ sanmaho namo nama� iti śruteḥ | 
sattvaguṇapraviṣṭacaitanyarūpamaharṣirudrāṃśībhūtabrahmotpattiḥ 
sattvaguṇāt | rajoguṇākhyamiśritatvāttadgata- sattvāṃśastu 
vaiṣṇavarājanyotpattiḥ | tadgatatamoṃ'śena brahmāṃśībhūtavaiśyotpattiḥ 
| tamoguṇādindrāṃśībhūtaśūdrotpattiḥ | anye devāḥ sa"nkarāḥ | 
uktañca parāśaropapurāṇe- śa"nkarāḥ sarvadevāḥ syurvṛṣalaśca 
purandaraḥ | pitāmahastu vaiśyaḥ syāt kṣatriyaḥ paramo hariḥ || brāhmaṇo 
bhagavān rudraḥ sarveṣāmuttamottamaḥ | brahmabhūtasya rudrasya brāhmaṇyaṃ 
naiva hetujamiti ||

pṛ0 462) nanu purāṇeṣu sarvatra viṣṇuḥ sāttviko rudrastāmasa iti 
śrūyamāṇatvātkathamuktasiddhiriti cenna, viṣṇurudrayoḥ 
sāttvikatvatāmasatvokteḥ pālanasaṃhāropādhikatvāt | svabhāvatastu 
viṣṇustāmasaḥ, rudraḥ sāttvika eva | taduktaṃ bhāgavate-

sattvaṃ rajastama iti prakṛterguṇāstai-
ryuktaḥ paraḥ puruṣa eka ihāsya dhatte |
sthityādaye hariviriñcihareti saṃjñāḥ 
śreyāṃsi tatra khalu sattvatanornṛṇāṃ syuḥ ||
na te giriñākhilalokapāla-
viriñcivaikuṇṭhasurendragamyam |
jyotiḥ paraṃ yatra rajastamaśca 
sattvaṃ na yadbrahma nirastabhedam || iti ||

atra prathamaśloke yathāsaṃkhyāla"nkāreṇa viṣṇoḥ sātvikatvaṃ rudrasya 
tāmasatvaṃ ca pālanādyupādhikṛtaṃ spaṣṭameva pratīyate | 
kālakūṭaviṣolbaṇaprastāve rudraṃ prati �na te giritre�ti 
brahmaproktavacanakrameṇa vaikuṇṭhasya tamoguṇatvaṃ 
surendrāparaparyāyarudrasya sāttvikatvañca svābhāvikaṃ pratīyate | 
śuklavarṇatvādrudrasya kṛṣṇavarṇatvādviṣṇoriti | asminnarthe 
skandapurāṇe-

śauklyaṃ sattvaguṇājjātaṃ rāgo jāto rajoguṇāt |
kārṣṇyaṃ tamoguṇājjātamiti vindyātsamāsataḥ ||
yasya māyāgataṃ sattvaṃ śarīraṃ syāttamoguṇaḥ |
saṃhārāya trimūrtīnāṃ sa rudraḥ syānna cāparaḥ ||
tathā yasya tamaḥ sākṣāccharīraṃ sāttviko guṇaḥ |
pālanāya trimūrtīnāṃ sa viṣṇuḥ syānna cāparaḥ || iti ||

pṛ0 463) atra brahmādikīṭāntāḥ sakalāstrimalinaḥ | viṣṇuḥ 
pralayākalaḥ kalāśūnyatvātsadā'jñānī, saṃhārāya māyaikamalī | 
ūrdhvakoṭigatatyāgā"ngaprakāśastu karmaikamalavāsanāviśiṣṭatvānmantraḥ 
| bhogā"ngabhāsastu kārmamalavāsanākṣayaunmukhyarūpatvānmantreśvaraḥ | 
yogā"ngapratibhāsastu prāptakārmamalavāsanākṣayarūpatvānmantramaheśvara 
iti bhaṇyate | evamete ṣaḍvidhapramātāraḥ | 
niṣkalaghanali"ngaprakāśastvanutpannamalollāsapūrṇāhaṃsphuraṇa iti 
vivekaḥ || 
atrānyonyābhāvalakṣaṇabhedaprapañcarūpamāyākāryakoṭipraviṣṭama"ngatatt
vaṃ pañcaviṃśatisaṃkhyākamiti bodhyam | atrāntaḥkaraṇatrayaṃ 
jñānendriyapañcakaṃ ca sattvakāryam, karmendriyapañcakaṃ rājasam, 
tanmātrapañcakaṃ bhūtapañcakaṃ ca tāmasamityavagantavyam || atra �bahūnāṃ 
janmanāmante jñānavānmāṃ prapadyata� iti 
bhagavadukteranekajanmārjitaśivapūjādisatkarmamahimnehajanmani 
gurukaṭākṣavaśādevaṃvidhaṣaṭsthalabrahmajñānaṃ kaścideva labdhvā mukto 
bhavatīti siddham ||
athoktalakṣaṇaṣaṭsthalabrahmaviccharaṇasya 
gopyādisadyojātāntaṣaṇmukhamuditajyotirbindvardhacandrakuṇḍaladaṇḍatāraka
akāraṣaḍakṣarāṇyeva ṣaḍbhūtāni bhūtvā'"ngatāmabhajanniti 
tada"nge ṣaṭpraṇavarūpeṣṭali"ngaṃ susthiramāste | tatpīṭhe 
hyācārali"ngaṃ, khaṇḍikāvaraṇe guruli"ngaṃ, vartule śivali"ngaṃ, gomukhe 
ja"ngamali"ngaṃ, yonisthāne prasādali"ngaṃ, golake 
mahāli"ngamityevaṃ ṣaḍvidhānāṃ li"ngānāṃ tattatsthāneṣu 
prakāśamānatvāt, tatra bhaktastāvadācārali"ngasya kriyāśaktiyuktasya 
śraddhābhaktyā sucittahaste gandhapadārthaṃ dhṛtvā nakāramantramanusmaran 
ghrāṇendriyamukhe samarpya tatprasādabhogī bhūtvā pariṇāmo bhavati | 
māheśvaro hi guruli"ngasya jñānaśaktiyuktasya niṣṭhābhaktyā subuddhihaste 
rasapadārthaṃ dhṛtvā makāramantramanusmaran rasanendriyamukhena samarpya 
tatprasādaṃ svīkṛtya pariṇāmī bhavati || prasādī tu 
śivali"ngasyecchāśaktiyuktasya sāvadhānabhaktyā nirahaṃkārahastena 
rūpapadārthaṃ parigṛhya śikāramantramanusmarannetrendriyamukhena  

pṛ0 464) samarpya tatprasādabhogī bhūtvā pariṇāmī bhavati || 
prāṇali"ngītvādiśaktiyuktaja"ngamali"ngasyānubhavabhaktyā sumanohastena 
sparśapadārthaṃ dhṛtvā vākāramanusmaraṃstvagindriyamukhe samarpya 
tatprasādabhogī bhūtvā pariṇāmī bhavati || śaraṇastu 
parāśaktiyuktaprasādali"ngasyānandabhaktyā sujñānahastena śabdapadārthaṃ 
dhṛtvā yakāramantramanusmaran śrotrendriyamukhe samarpya tatprasādaṃ bhuktvā 
pariṇāmī bhavati || aikyastu cicchaktiyuktamahāli"ngasya samarasabhaktyā 
sadbhāvahastena tṛptipadārthaṃ dhṛtvā praṇavamantramanusmaranmanomukhe 
samarpya tatprasādatṛptaḥ sanpariṇāmī bhavati ||
anenaiva krameṇa miśrārpaṇaṃ vidhiṃ varṇayāmaḥ- ācārali"ngāya 
bhojyamannādikaṃ, guruli"ngāya peyaṃ kṣīrādikaṃ, śivali"ngāya 
bhakṣyamapūpavaṭakādikaṃ, ja"ngamali"ngāya coṣyaṃ mudgāḍhakayuṣādikaṃ, 
prasādali"ngāya lehyaṃ rasāyanādikametatsarvaṃ mahāli"ngāya samarpya 
tatprasādopabhogī pariṇāmī bhavati || atha miśrārpaṇam- 
ācārali"ngāntargatācārali"ngāya mūlakandādigandhasamarpaṇam, 
ācārali"ngāntargataguruli"ngāya vṛkṣavalkalādigandhasamarpaṇam, 
ācārali"ngāntargatacarali"ngāya kuḍmalādisugandhasamarpaṇam, 
ācārali"ngāntargataprasādali"ngāya phalādigandhasamarpaṇaṃ kṛtvā 
tatprasādopabhogī san pariṇāmi bhavati | guruli"ngāntargatācārali"ngāya 
madhurarasaṃ, guruli"ngāntargataguruli"ngāya kaṣāyarasaṃ, 
guruli"ngāntargataśivali"ngāya kaṭurasaṃ, 
guruli"ngāntargatacarali"ngāyāmlarasaṃ, guruli"ngāntargataprasādali"ngāya 
tiktarasaṃ, guruli"ngāntargatamahāli"ngāya lavaṇarasaṃ samarpya 
tatprasādasevī bhūtvā sukhī bhavati | śivali"ngāntargatācārali"ngāya 
pītarūpaṃ, śivali"ngāntargataguruli"ngāya śvetarūpaṃ, 
śivali"ngāntargataśivali"ngāya haritarūpaṃ, śivali"ngāntargatacarali"ngāya 
raktarūpaṃ, śivali"ngāntargataprasādali"ngāya nīlarūpaṃ, 
śivali"ngāntargatamahāli"ngāyaitatsarvaṃ samarpya tatprasādaṃ niṣevya 
sukhī bhavati || ja"ngamali"ngāntargatācārali"ngāya kaṭhinasparśaṃ, 
carali"ngāntargataguruli"ngāya  

pṛ0 465) mṛdusparśaṃ, carali"ngāntargataśivali"ngāyoṣṇasparśaṃ, 
carali"ngāntargataja"ngamali"ngāya śītasparśaṃ, 
carali"ngāntargataprasādali"ngāya miśrasparśaṃ, 
carali"ngārgatamahāli"ngāya tatsarvaṃ samarpya tatprasādopabhogī san sukhī 
bhavati || prasādali"ngāntargatācārali"ngāya tālādijanyanādaṃ, 
prasādali"ngāntargataguruli"ngāya tantrījanyanādaṃ, 
prasādali"ngāntargataśivali"ngāya laguḍatāḍanajanyaṃ bheryādinādaṃ, 
prasādali"ngāntargataja"ngamali"ngāya veṇvādijanyanādaṃ, 
prasādali"ngāntargata prasādali"ngāya gītādinādaṃ, 
prasādali"ngāntargatamahāli"ngāyaitatsarvaṃ nādaṃ samarpya 
tatprasādopabhogī sannānandī bhavati || mahāli"ngāntargatācārali"ngāya 
gandhatṛptiṃ, mahāli"ngāntargataśivali"ngāya rūpatṛptiṃ, 
mahāli"ngāntargataja"ngamali"ngāya sparśatṛptiṃ, 
mahāli"ngāntargataprasādali"ngāya śabdatṛptiṃ, 
mahāli"ngāntargatamahāli"ngāya sarvatṛptiṃ samarpya tatprasādopabhogī 
sanpramodamāno bhavati || ācārali"ngāyendriyārthasaṃyogakālam, guruli"ngāya 
viṣayajñānakālam, śivali"ngāya viṣayaniścayarūpajñānakālam, 
ja"ngamali"ngāya viṣayaniścayajanyasantoṣakālam, prasādali"ngāya 
niścitavastuprāptikālam, mahāli"ngāya niścitavastuprāptyanantara-  
sukhānubhavakālaṃ samarpya li"ngabhogopabhogī sanparamānandabharito bhavati || 
evaṃ samarpitavataḥ śaraṇasya jñapterbrahmaṇi 
līnatvāttadvācakaṣaḍakṣaramantramayatvaṃ bhavati || �oṃkāro vadanaṃ devi 
namaḥkārau bhujadvayam | śikāro dehamadhyaṃ syādvāyakārau padadvayam || 
pīṭhapādādijānvantamānābhermadhyamīritam | hṛdayāntaṃ vartulaṃ 
syātkaṇṭhāntaṃ gomukhaṃ tathā || bhrūmadhyāntaṃ li"ngakaṇṭho mastako 
li"ngamastakaḥ ||� iti vacanāttaccharīrasyāpi 
mantrali"ngarūpatvādācaraṇīyaṃ kimapi nāstyeva | sacaivaṃ 
mahāghanali"ngaikyalolībhūtaḥ sannakhaṇḍāmarṣaparibṛṃhitaḥ sannāste | 
tadevaṃvidhaṣaṭsthalajñānavāneva sarvotkṛṣṭaḥ | ayamevārthaḥ 
�kṛmikīṭapata"ngebhya� ityādisūtasaṃhitāvacananikurumbalekhane prāgeva 
spaṣṭamuktaḥ | 

pṛ0 466) tataḥ sa eva muktaḥ, sa eva sarvavandyaḥ, sa eva sarvottaraḥ, sa eva 
darśanasparśanavyavahārādibhiḥ sarvaiḥ prapattavyaśca || asminnarthe 
pramāṇāni kriyākāṇḍopāntyaprakaraṇe draṣṭavyāni buddhiśālibhiriti 
sarvaṃ samañjasam ||

śrīmadguro tava mukhāmbujanissṛtābhi-
rvāgbhiḥ samastamatakhaṇḍanamaṇḍanāni |
vādātmanā viracitāni sayuktikāni 
tāni śrutāni khalu bhṛ"ngisuśīlinośca ||
śrīvīraśaivamahimāḍhyamataprakarṣaṃ 
samyaksamastanigamāgamasārabhūtam |
śrutvā pramodamayadugdhapayodhivīcī-
dolāsikāsukhamanuttaramanvabhūvam ||
khyātā ca loke basavakṣitīndra
jñāne kṣamāyāṃ ca śivārcane'pi |
gambhīratāyāṃ pratipādane'pi 
dhairye pratāpe tava kīrtirāste ||
dugdhābdhirdhavalāṃśukatvamayate kaṭyāñca vakṣasthale 
svarga"ngāśucikañcukatvamalike pāṭīrabindusthitim |
ākāśaścikuraśriyaṃ tamabhitastārāḥ prasūnopamāṃ 
vyāptāyā haridantareṣu basavakṣmāpālakīrtistriyāḥ ||
cañcatkāñcanakuḍmale caraṇayorgulphadvaye hemajāḥ 
ki"nkiṇyaḥ kaṭisīmni kāñcighaṭitā kṣudrā ca ghaṇṭāvalī |

pṛ0 467) kaṇṭhe svarṇamaṇisrajaḥ kanakajau pāṇyorlasatkadunkau
brahmāṇḍāni vibhānti dhīrabasavakṣmāpālakīrtistriyāḥ ||
li"ngaṃ sphāṭikamujvalaṃ hi basavakṣoṇīndra te sadyaśo-
bimbaṃ vāridharo'bhiṣekakalaśastārā prasūnasrajaḥ |
dīpau sūryasudhākarau ca gaganaṃ dhūpaḥ samastaṃ jaga
nnaivedyaṃ viduṣāṃ muhuḥ stutimayī ghaṇṭādhvanirbhāratī ||

iti 
śrīmadanādinirañjanaja"ngamāparāvatāratoṇṭadasiddheśvaraprasādāsādita"
sāmbhavāgamāmbhodhimathanajanitaniruttaraikottaraśatasthalabhedabhinnaṣaṭstha
latattvasudhāsvādānandasandohapradāyakācāryavaryamaritoṇṭadāryaviracite 
yaḍavamurārikoṭekolāhalaikā"ngivīravairisaptā"ngaharaṇapaścimasamudrādhī
śvaraviśuddhavaidikādvaitasiddhāntapratiṣṭhāpanācāryakeladisadāśivarāya
nāyakavaṃśadugdhārṇavapūrṇacandravīrabhadradharaṇīndradharmapatnīmallām
bāhṛdayānandabasavavasudhāsa"nkrandanopadeśe vīraśaivānandacandrikāyāṃ 
vādakāṇḍe vīraśaivamatotkarṣatanniṣṭhaśivabhaktotkarṣanirūpaṇaṃ nāma 
caturviṃśatitamaṃ prakaraṇam ||

|| vādakāṇḍaḥ samāptaḥ ||







###########   END OF FILE  #######