####################################################
MUKTABODHA INDOLOGICAL RESEARCH INSTITUTE
Use of this material (e-texts) is covered by Creative Commons license BY-NC 4.0
Catalog number: M00213
Uniform title: yogasārasaṃgraha
Commentator : vaktraśambhu
Manuscript : IFP T0859 copied from  D 4373 belonging to the GOML, Madras

Description: 
IFP transcript T0859


Notes: 
Data entered by the staff of Muktabodha under the supervision of Mark S.G. Dyczkowski.

Revision 0: April 5, 2010

Internet publisher : Muktabodha Indological Research InstituteWeb Publisher: Muktabodha
Publication year : 2010
Publication city : 
Publication country : United States
####################################################





|| yogasārasaṃgrahaḥ ||

praṇamāmi gaṇeśānaṃ praṇavārtiprabhañjanam |
prasannaṃ bhajatāmiṣṭa pradātāraṃ bhavacchidam ||

sudhāṃśukoṭidyutimaprameyaṃ sudhākarasmare mukhāravindam |
yorājayogāmṛtadāna dakṣaṃ śrīdakṣiṇāmūrti guruṃ namāmi ||

śrīśaṅkaraṃ parāśaktiṃ gaṇeśaṃ ṣaṇmukhaṃharim |
brahmāṇaṃ nandikeśaṃ ca dattātreyaṃ patañjalim ||

navayogīndravṛndāṃśca vyāsaṃ vyāsātmajaṃ bhaje |

ādhārapadmavana lolana rājahaṃsī mantarmahāgaganavāsava cāparekhām |
ānanda vidyutamanaṅgaripoḥ purandhrīmā brahmaviṣṇujananīmabhivādayāmi ||

mūlādhāramukhaprasūnasulabha jvālā samāliṅgitāṃ
bālāditya sahasrakoṭirucimattantūpamāmunmanīm |
tatvātītasadāśivena satataṃ saṃyoga vāñchāparāṃ
tatvānāmupayāya kāntijananīṃ śrīkuṇḍalīṃ bhāvaye ||

āpāra padma śikhihaṃsavimuktanidrā
makṣānta varṇamaṇi bhūṣaṇa divya gājām |
arkānilendu nayanāmakhilaika bījā-
mambāṃ bhaje parasudhā pariṣikta mūrtiḥ ||

sindūra sandoha nibhāṃ śubhāṅgīṃ
śivasyavāmāṅka vihāralolām |
tenaiva saṃlālitamandahāsāṃ
bhajāmi gaurīṃ bhavatāraṇāya ||

aṣṭāṅgādi samasta yogakamala śrīkuṇḍalinyāḥ paraḥ
brahmadvārakavāṭa pāṭana paṭomārgasya yallakṣaṇam |
tatvātīta sadāśivasya nilayasyātma svarūpaṃ ca ya
ttatsarvaṃ prakaṭī karomi ca purā yogeṣu yadvarṇitam ||

yogaśāstrāṇi sarvāṇi samyagālocya saṅgrahāt |
yogasāramahaṃvakṣye sādhakānu jighṛkṣayā ||

gurūpadiṣṭamārgeṇa yogaśāstrānu vartinā |
vairāgyaśīlayuktānāmidaṃ śāstraṃ pragīyate ||

taduktaṃ yogaśāṃkare -

jñānakhaḍgaṃ dṛḍhaṃ kṛtvāvairāgyamaya carma ca |

p. 2)

durlabhe yogasaṃgrāme śūraḥ koṭau virājate ||

gītāyām -

abhyāsena ca kaunteya vairāgyeṇa ca gṛhyate || iti |

yoge naiva vimucyante dehinobhava bandhanāt |
nānyathā muktireteṣāṃ janmakoṭi śatairapi ||

taduktaṃ yogaśāṃkare -

nāsti yogaṃ vināmuktiḥ yā muktiryogadarśitā |
yogayuktaścajānāti samukto bhavasāgarāt || iti |

nirodha eva cittasya yoga ityabhidhīyate |
yogābhyāsa vaśenaiva paramātmā prakāśate ||

taduktaṃ śvetāśvatare -

tāvanmanoniroddhavyaṃ hṛdi yāvat kṣayaṃ gatam |
etajjñānañca dhyānañca śeṣāśca granthavistarāḥ ||

patañjaliśca yogaścitta vṛttinirodha iti |
vidhyantaḥkaraṇaṃ buddhirmanastadvṛttirucyate ||

agamanme mano'nyatretyuktvāktyā tad jñātumarhasi ||

dvividhācittavṛttiḥ syā cchuddhā śuddheti cocyate |
aśuddhā janmahetuḥ syācchuddhā janmavināśinī ||

taduktamamṛtabindūpaniṣadi -

manohidvividhaṃ proktaṃ śuddhañcāśuddhameva ca |
aśuddhaṃ kāmasaṅkalpaṃ śuddhaṃ kāmavivarjitam ||

mana eva manuṣyāṇāṃ kāraṇaṃbandhamokṣayoḥ |
bandhāya viṣayāsaktaṃ muktaṃ nirviṣayaṃ gatam || iti |

dvābhyāmeva nirodhaḥsyā syāt sūryendubhyāṃ yathā tamaḥ |
anyathā citta calanaṃ kadācinnanivāryate ||

taduktaṃ patañjalinā -

ubhayādhīnaścitta vṛttinirodha iti |

vyāsabhāṣye -

abhyāsa vairāgyābhyāṃ tannirodha iti ||

yogasādhanamabhyāso virāgaśca nirīhatā |
dvābhyāmeva bhavedyogo mantrādirnaiva saṃśayam ||

mantro haṭho layorājetyeko yogaścaturvidhaḥ |
yogānāmartha vijñānānmukto bhavati nanyathā ||

pratyāhārastathā dhyānaṃ prāṇāyāmo'yadhāraṇā |
tarkaścaiva samādhiśca ṣaḍaṅgoyoga ucyate ||

ayañca pūrvapakṣaḥ ādau yogāṃ gānyaṣṭau nirupyapaścānmantrādi 
yogānāṃ svarūpannirūpyate | 

sūtasaṃhitāyām -

p. 3)

yamaśca niyamaścaiva tathaivāsanameva ca |
prāṇāyāmastathā vipra pratyāhārastathā param ||

dhāraṇā ca tathā dhyānaṃ samādhiścāṣṭamo mune |
ahiṃsā satyamasteyaṃ brahmacaryaṃ dayārjavam |
kṣamā dhṛtirmitāhāraḥ śaucañcaite yamādaśa ||

vedoktena prakāreṇa vinānyatra tapodhana |
kāyena manasāvācā hiṃsāhiṃsā na cānyathā ||

ātmā sarvagato'cchedyo nādahya iti yā matiḥ |
sā cā hiṃsā parāproktā mune vedānta vedibhiḥ ||

yatra dṛṣṭendriyairdṛṣṭaṃ śrutaṃ vedavidāṃvara |
tasyaivoktirbhavet satyāviprasā nānyathā bhavet ||

sarvaṃ satyaṃ paraṃ brahma nāmānyaditi yā matiḥ |
tatsarvaṃ paramaṃ proktaṃ vedānta jñānabhāvitaiḥ ||

anyadīyedṛṇeratne kāñcane mauktike'pivā |
manasāpi nivṛttiḥ syāttadasteyaṃ vidurbudhāḥ ||

ātmano nāmabhāvena vyavahāra vivarjanam |
etadasteyamityuktamātma vidbhirmahātmabhiḥ ||

kāyena manasā vācā nārīṇāṃ parivarjanam |
ṛtukālaṃ vināsvasyāṃ brahmacaryaṃ taducyate ||

brahmacaryāśrama sthānāṃ yatīnāṃnaiṣṭhikasya ca |
brahmacaryaṃ tathaivoktaṃ tathaivāraṇyavāsinām ||

ṛtāvṛttau svadāreṣu saṃgatiryā vidhānataḥ |
brahmacaryaṃ tathaivoktaṃ gṛhasthāśramavāsinām ||

rājñaścaiva gṛhasthasya brahmacaryaṃ prakīrtitam |
viśovṛttavatāṃ caiva kecidicchanti paṇḍitāḥ ||

śuśrūvaiva tu śūdrasya brahmacaryaṃ prakīrtitam |
brahma bhāvemanaścāraṃ brahmacaryaṃparaṃ tathā || iti ||

svātmavatsarvabhūteṣu kāyenamanasāgirā |
anujñāyādayāsaiva proktā yogāṃgavedibhiḥ |
mitre putre kalatre ca ripausvātmani santatam ||

eka rūpaṃ mune yattadārjavaṃ procyate budhaiḥ |
kāyena manasāvācā śatrubhiḥ pīḍitā ca sā ||

p. 4)

buddhikṣobhanivṛttiryā kṣamā sā munipuṅgava |
vedādeva munermokṣaḥ saṃsārasya na cānyathā ||

iti vijñāna niṣpattiḥ dhṛtiḥ proktā ca vaidikaiḥ |
ahamātmāna cānyo'smītyevaṃ yā prasthirāmatiḥ ||

sā proktā vidhṛtiśśreṣṭhā munibhirvedapāragaiḥ vādibhiḥ |
alpamṛṣṭāśanābhyāntu nāstiyogaḥ kathañcana ||

tasmādyogānuguṇyena bhojanaṃ mitabhojanam |

viśveśvaraḥ -

hitaṃ mitañcayaścānnaṃyaccānnaṃ naiva jīryate ||

dhātuḥ prakupyate tasmāt tadannaṃ parivarjayet |

yogasāramañjaryām -

āhārācchidyate yogī kṛṣṇapakṣe tu candramāḥ |
śuklapakṣe yathā candromitāhāraḥ pravartate ||

gītāyām -

nātyaśnatśca? yogo'sti na caikāntamanaśnataḥ || iti |

sūtasaṃhitāyām -

svadeha malanirmokṣaṃ mṛjjalābhyāṃ mahāmune |
yuktaśaucaṃ bhavedvāhyaṃ mānasaṃ mananaṃ viduḥ ||

ahaṃśuddha iti jñānaṃ śaucaṃ vāñchantipaṇḍitāḥ |
jñāna śaucaṃ parityajya bāhyayoramate naraḥ ||

samūḍhaḥ kāñcanaṃ tyaktvā lohaṃ gṛhṇāti suvrata |
jñānāmbhasaiva śuddhasya kṛtakṛtyasya yoginaḥ ||

kartavyaṃ nāstiloke'sminnasti cenna satattvavit |

atha niyamaḥ - 

yājñavalkyaḥ -

tapassantoṣamāstikyaṃ dānamīśvarapūjanam |
siddhānta śravaṇaṃ caiva hrīmatiśca japā vratam ||

ete ca niyamāḥ proktāḥ yogavidbhirmahātmabhiḥ |
tā nahaṃ kramaśo vakṣye śṛṇu śraddhāpurassaram ||

vedoktena prakāreṇa kṛcchracāndrāyaṇādibhiḥ |
śarīraśoṣaṇaṃ yattat tapa ityucyate budhaiḥ ||

yadṛcchā lābhatonityamalaṃ puṃsāṃ bhavediha |
yā vīstāmṛṣayaḥ prāhussantoṣasya ca lakṣaṇam ||

dharmādharmeṣu viśvāso yastadāstikyamucyate |
nyāyārjita dhanaṃ cānnaṃ śuddhayā vaidike dvije ||
anyadvāyat pradīyante taddānaṃ procyate mayā ||

p. 4)

vaidikāya ca viprāya yaddattaṃ vastu śobhate |
nopakārāyadattaṃ syādbhasmanīva hutaṃhaviḥ ||

ādityamambikāṃ viṣṇuṃ gaṇanāthaṃ maheśvaram |
yathā śaktyarcanaṃ bhaktyā yattadīśvara pūjanam || iti |

sūtasaṃhitāyām -

rāgādyapetaṃ hṛdayaṃ vāgadṛṣṭānṛtādinā | 
hiṃsādirahitaḥ kāyaḥ etacceśvarapūjanam ||

satyaṃ jñānamanantañca parānandaṃ paraṃ dhruvam |
pratyagityavagantavyaṃ vedānta śravaṇaṃ budhaiḥ ||

siddhānta śravaṇaṃ proktaṃ purāṇaśravaṇaṃ budhaiḥ |
vedavaidikamārgeṣu kutsitaṃ karma yadbhavet ||

tasmin bhavati yā lajjā hīśca saiveti kīrtitā |
vaidikeṣu ca sarveṣu śraddhayāmatirbhavet |
guruṇā copadiṣṭo'pi tatra saṃbaṃdha varjitaḥ ||

vedokte naiva mārgeṇa mantrābhyāso japaḥ smṛtaḥ |
kalpasūtre tathā vedaśāstra purāṇake |
itihāse pravṛttiryā sā japaḥ procyate mayā ||

yā veda bāhyāsmṛtayo yāścakāśca kudṛṣṭayaḥ |
sarvāstā niṣphalāḥ proktāstamoniṣṭhā hitāssmṛtāḥ ||

gītāsu -

śreyān svadharmoviguṇaḥ paradhamātsvanuṣṭitāt |
svadharme nidhanaṃ śreyaḥ paradharmo bhayāvahaḥ || iti |

tasmāt sarvaṃ prayatnena vedamantaṃ sadā japet |
jakāro janmanāśaḥ syāt pakārātpāpanāśanam |
janmapāpavināśitvājjapa tyucyate budhaiḥ ||

japaśca trividhaḥ proktaḥ vācikopāṃśu mānasaḥ |
mānaso manasāprokto hyupāṃśurjihvayā smṛtaḥ ||

uccairjapo vācikaḥ syāt iti vedavidāṃvaraḥ |
mānasaṃ tu sahasraṃ syādupāṃśuśśatamucyate ||

vācikastveka ekaḥ syāt japa lakṣaṇamīritam |

viśvāmitraḥ -

yaduccanī ca svaritaiḥ śabdaiḥ spaṣṭaṃ padākṣaraiḥ ||
mantramuccārayedvipro japayajñassavācikaḥ ||

svaravarṇapadairvākyaṃ śuddhamāvartayejjapan |

p. 6)

na kampayecchiro grīvāṃ dantānnaiva prapīḍayet |
nīcaiśśruto bhavedbhārgīṇyaśrutaṃ saphalaṃ bhavet ||

ṛṣiśchando devatāśca dhyāyan mantraṃ ca sarvadā |
yastu mantraṃ japedbhārgīṃ tadeva hi phala pradam ||

prasanna gurūṇāpūrvamupadiṣṭattvanujñayā |
dharmārtha kāmasiddhyarthaṃ yattu tadvata mucyate || iti |

athāsana kramaḥ -

athāsana kramaṃ vakṣye sādhakānāṃ hitāya vai |
yadabhyāsa krameṇaiva sthiratvaṃ sukaraṃ bhavet ||

yogasāramañjaryām -

vīraṃ kūrmañca sudṛḍhaṃ svastikaṃ kukkuṭāsanam |
mayūraṃ vijayaṃ caiva padmaṃ vyāsāsanaṃ tathā ||

dṛḍhāsanaṃ ca vṛṣabhaṃ gārūḍaṃ gajameva ca |
siddhaṃ siṃhāsanaṃ caiva pravakṣyāmi yathā vidhi ||

samādhāya śucau deśe hṛdya vastrottaracchade |
jaṅghāṃ ca dakṣiṇāṃ nyasya samyagvāmo rūmūrdhani ||

samagrīvaśiro vakṣohastau vinyasya copari |
ākuñcya gudamekāgro vīrāsanamidaṃ param ||

anenābhyāsayogena yogārūḍhaḥ prasiddhyati |
na cābhyāsavidhau caitaśśaṣyate śīghrasiddhaye ||

tasyaiva dakṣiṇe jaṃghāṃ nyasedvāmoru mūrdhani |
kūrmāsanaṃ tu vijñeyaṃ sarvendriya vaśaṃkaram ||

dakṣapādaṃ ca vāmorumūle vinyasyatatpadam |
dakṣoru mūlapīṭhārthaṃ kalpayet sudṛḍhāsanam ||

bāhuyugmaṃ samutsṛjya svastikāsanamīritam |
sarvasiddhipradaṃ devi sarvarogavināśanam ||

vāmagulphamadhaḥ kṛtvā kṛtvopari ca dakṣiṇam |
gude nā pīḍyavaijānvoḥ yugalaṃ paripātya ca ||

vāmahastāṃgulī mūleṣvatvāṣṭabhya yathā talam |
dakṣahastāṃgulīmūle parivartya ca tattale ||

ūrumūladvayaṃ pīḍyaghrāṇāghre sthāpayeddṛśau |
kukkuṭāsanametadvai manasaḥ sthairyakāraṇam |
ūrumūla dvayesthāpya pāda yugmaṃ nidhāya ca ||

p. 7)

tayormadhye sthira gudaḥ pṛṣṭamunnamya niścalaḥ |
tathā karataladvandvaṃ samāsīnaḥ parasparam |
ūrvoru parivinyasya nāsikāmavalokayet |

mayūrāsanametadvai sarvavyādhivināśanam |
etasya bāhu yugalaṃ kārayeddaṇḍa yugmavat ||

karadvaya talaṃ bhūmau puṭākāreṇadhārayet |
kiñcidānamrita tanuḥ niścalāsthiramānasaḥ ||

pādau nilokayedramyaṃ samāsīnaḥ samāhitaḥ |
vyāsāsanamidaṃ sadyo vyādhighnaṃ yogasiddhidam ||

vāmapādamathottānaṃ kṛtvādakṣorumaṇḍale |
dakṣapādaṃ ca vāmorau dakṣapādaṃ ca vāmorau tathā bhūtaṃ nidhāpayet |

ūrubhyāmuparisthāpya bāhuṃ tyajya yathā yataḥ |
kara pṛṣṭhaṃ ca dakṣākhyaṃ vyasedvāmatalāntare ||

ṛjugrīva śirobhūtvā nāsikāmavalokayet |
na nimīlannaconmīlan kuryādākuṃcya vai gudam ||

samadeha sthiramatiḥ padmāsanamidaṃ param |
sarvayoga prasiddhyarthamabhyasedbhavabhittaye ||

vāmajaṅghoparisthāpya dakṣajaṃghāṃjitendriyaḥ |
dakṣa jaṃghodaremūle gulphapārśvennidhāpayet ||

hastādimati paryantaṃ padmāsanavadācaret |
vijayāsanametaddhi sarvasiddhikaraṃ param ||

ūrubhyāmuparisthāpya pādayugmaṃ prayatnataḥ |
dakṣiṇaṃ savyadeśe ca savyaṃ dakṣiṇa deśake ||

karadvayaṃ pṛṣṭhadeśe parivartya prayatnataḥ |
pādāṃguṣṭha dvayaṃsamyak karābhyāṃsaṃnigṛhya ca ||

kiñciduttāna hṛdayo nāsikāmavalokayet |
dṛḍhāsanamidaṃ proktaṃ sadyorogavināśanam ||

vāma gulphaka pṛṣṭhe tu dakṣagulphaṃ nidhāpayet |
pātayitvā maheśāni jānu yugmaṃ mahītale ||

ūrvoḥ kūrparamādhāraṃ kṛtāñjali puṭau karau |
kuñcaccibukasaṃyogaṃ nāsikāgraṃvilokayet ||
garuḍāsana metadvai sarvasiddhikaraṃ param |
gudena pīḍyadharaṇīṃ pādābhyāmapi saṃsphuṭam ||

p. 8)

jānvorūrdhvakarau sthāpya sthiradeho bhaveddṛḍham |
etadgajāsanaṃ sarvavighna vicchedakārakam ||

ūrūyuṅmūlapīṭhārthaṃ jaṃghe cā śliṣyapārvati |
pādayuk paścimaṃ nyasya paryaṅkonadṛḍhaṃ tanum ||

gulphena gudamā pīḍya savyaṃ guhyoparikṣipet |
samadehaḥ sthirobhūtvā śuddhāsanamidaṃ param ||

sarvasiddhi pradaṃ devī sarvavyādhivināśanam |
jaṃghābhyāmūru yugmaṃ ca samāśliṣyanipātya ca ||

kūrparau stambhavat kṛtvā pārśvenaikena saṃśrayet |
etat proktaṃ mayā devi vṛṣabhāsana muttamam ||

sarvarogavidhātārthe proktametanmahātmabhiḥ || iti |

ādināthena nirṇīta māsanaṃ vakṣyate'dhunā |
tatkuryādāsanaṃ sthairya mārogyaṃ cāṃgapādavam ||

jānūrvorantare samyak kṛtvā pādatale ubhe |
ṛjukāyaḥ samāsīnaḥ svastikaṃ paricakṣate ||

savye dakṣiṇagulphaṃ tu pṛṣṭha pārśve niveśayet |
dakṣiṇe'pi tathā savya gomukhaṃ gomukhaṃ yathā ||

gudaṃ niṣpīḍya gulphābhyāṃ vyutkrameṇasamāhitaḥ |
kūrmāsanaṃ bhavedetaditi vedavidāṃ matam |
padmāsanaṃ susaṃsthāpya jānūrvorantare karau ||

niveśya bhūmau saṃsthāpya vyomasthaṃ kukkuṭāsanam |
kukkaṭāsana baṃdhasthodorbhyāṃ saṃgṛhya kaṃdharam ||

śete kūrmavaduttānaṃmetaduttāna kūrmakam |
pādāṃguṣṭhau tu pāṇibhyāṃ gṛhītvāśravaṇāvadhi ||

dhanurākarṣakā kṛṣṭandhanurāsanamīritam |
vāmorumūlārpita dakṣapādaṃ jānvorbahirveṣṭita vāmadoṣṇān |
pragṛhya tiṣṭhan parivartitāṃ gomatsyendra nāthoditamāsanaṃ nyaset ||

matsyendra pīṭhaṃ jaṭhara pravṛddhaṃ pacaṇḍaruṅmaṇḍala khaṇḍanāstram |
abhyāsataḥ kuṇḍalinī prabodhaṃ śuddhasvarūpaṃ ca dadāti puṃsām ||

prasārya pādau bhuvi daṇḍarūpau dorbhyāṃ padāgradvitayaṃ gṛhītvā |
jānū parinyasta lalāṭa deśo bhavedidaṃ paścimatāṇamāhuḥ ||

yadi paścimatāṇamāsanāgryaṃ pavanaṃ paścimavāhanaṃ karoti |
udare jaṭharānalo jvalassyāt udare kārśyamarogatā ca puṃsām ||

dharāmavaṣṭabhyakarasthalābhyāṃ tatkūrparasthāpita nābhipārśvam |

p. 9)

uccāsanodaṇḍa vadutthitaḥ khe mayūrametat pravadanti pīṭham ||

uttānaśavavadbhūmau śayānantaṃ śavāsanam |
sarvāsanaśrāntiharaṃ cittaviśrānti sādhanam ||

mukhyaṃ sarvāsaneṣvevaṃ siddhāsiddhāsanaṃ viduḥ |
ūruyuṅmūlapīṭhārthaṃ jaṃghe cākuṃcya pārvati |
pādayuk paścime nyasya paryaṅke sadṛḍhantanum ||

gulphena gudamāpīḍya savya guhyo parikṣipet ||

samadeha sthiro bhūtvā siddhāsanamidaṃ param |
sarvasiddhipradaṃ devi sarvavyādhi vināśanam ||

caturāśītapīṭheṣu siddhamevasamabhyaset |
dvisaptatisahasreṣu suṣumnāmivanāḍiṣu ||

ātmadhyāyomitāhārī yāvaddvādaśavatsaram |
sadā siddhāsanābhyāsā dyoganiṣpattimāpnuyāt ||

śramadairbahubhiḥ pīṭhairalaṃ siddhāsane sati |
prāṇānilaṃ sāvadhānaṃ baddhe kevalākumbhake ||

utpadyate vināyāsāt svayame vonmanī ca sā |
tathaikasminneva baddhe siddhāsane sadā |
granthitrayamanāyāsāt svayamevopabhidyate |

āsanaṃ siddhi sadṛśaṃ na kumbhaḥ kevalo japaḥ |
na khecare samāmudrā na nāda sadṛśo layaḥ ||

gulphau ca vṛṣaṇa syātha svīvinyāḥ pārśvayoḥ kṣipet |
dakṣiṇe savyagulphaṃ tu vāme dakṣiṇa gulphakam ||

hastau ca jānvoḥ saṃsthāpya svāṅgulīssaṃprasārya ca |
vyāptavaktro nirīkṣeta nāsāgraṃ susamāhitaḥ |
siṃhāsanaṃ bhavedetat pūjitaṃ yogibhiḥ sadā ||

gulphau ca vṛṣaṇasyāyasvīvinyāḥ pārśvayoḥ kṣipet |
pārśvapāde ca pāṇibhyāṃ dṛḍhaṃ badhvāsu niścalaḥ ||

bhadrāsanaṃ bhavedetat sarvavyādhivināśanam |
gorakṣāsanamityāhuridaṃ vai siddhayoginaḥ ||

āsanaṃ trividhaṃ proktamekatrā vāsameva ca |
kuśādyāsanamekaṃ ca siddhādyāsanameva ca ||

yāvatsaṃkalpitaḥ kālastāvadekatra saṃvaset |
krośānnaparyaṭe dūrdhvamacalaṃ procyate budhaiḥ ||

p. 10)

śucau deśe pratiṣṭhāpya sthiramātmana āsanam |
nātyucchritaṃ nāti nīcaṃ celāji na kuśottaram ||

tatraikāgraṃ manaḥ kṛtvā yatacittendriyakriyaḥ |
upaviśyāsane yuñjyāt yogamātmaviśuddhaye ||

badhipradeśe marubhūmimaṇḍale sadāmarudghoṣita kīkaṭasthale |
valmīkayukte bahujīvasaṅkule kirātabhūyiṣṭhakurājamaṇḍale ||

yogasāramañjaryām -

nadaṃśamaśakā kīrṇena ca śvāpada sevite |
nadī samudratīrevā na jalāśaya  sannidhau ||

śmaśāne caityavṛkṣe vā na mahājanasannidhau |
arājake deśasandhau valmīkādi samākule || iti |

śucau deśe manoramye niśśaṭhe janavarjite |
śodhite ghaṭite snigdhe nimnonnatavivarjite ||

haṭhayoge -

tatra ramyemaṭhaṃ kuryāt sūkṣmadvārañca nirvraṇam |
prākāra ceṣṭitaṃ śuddhaṃ bahijālā samanvitam ||

sugandha kusumākīrṇe vitānāśopa śobhite |
tatropadhāna śayyādyairāsanādyaiḥ samākulam ||

sudhūpa vāsitaṃ nityaṃ gomayenopalepitam |
samitpuṣpadalopetaṃ kandamūla phalānvitam |
samagra bhasma rudrākṣa kuśodakavibhūṣitam |
śuddhānna vyañjanaiḥ pūrṇaṃ sarvauṣadhi samāśrayam || iti |

haṭhayoge -

śaive - alpadvāramarandhragarta piṭakaṃnātyuccanīcāyataṃ 
samyaggomayasāndraliptamamalaṃ niśśeṣabādhojjhitam |

bāhye maṇṭapavedikūparuciraṃ prākāra saṃveṣṭitaṃ
proktaṃ yogimaṭhasya lakṣaṇamidaṃ siddherhaṭhābhyāsibhiḥ ||

iti śrīdattātreyaviracite yogasaṃgrahe yamaniyamāsana sthāna nirṇayonāma 
prathamo'dhyāyaḥ ||




nāḍī |

nāḍīsthānaṃ ca tadvarṇaṃ prāṇa karma ca vistarāt |
jñātvā yogīśanairnāḍī śuddhiṃ samyak samārabhet ||

tatra śivaḥ |

suṣumnādaśamadvārāhara dārāścamadhyamā |
nāgaścandra svargamukhī maśakāmadhyanāḍikā ||

pampālinī marākārī bālaśakti tapasvinī |
śaṃkhinī nalinī gaurī śikhinī vyāpinī guhā ||

p. 11)

māsopavāsī tripurātriveṇī mandākinī sarvarujāpahatī |
sā kokilābhrājapadā ca siddhā vajrākhyadantāmaraśūnyanāvī ||

anākāra mukhīkanda saṃhārātigmasūcikā |
śaṃkhinīśiva jālaṃdhra viyadgaṅgordhva vāhinī ||

paścimordhva saritkārī mukhā kapilapīlikā |
ākulā siddhamunivandinī tato maṇikulaṃ hariviriñcigocarā |
viṣamasandhirapi vāyusūtrakaṃ tadanughaṭati yadvāsaraśriyam ||

marurindramaṇimokṣasādhanī saṃgamātra tadeha nāyakī |
padminītridaśavallabhā viyadgranthivaṃśamaṇimārga ityapi ||

yogasāramañjaryām -nāradīye ca -

brahmadvāre trayogranthirvāmīka pālinī tathā |
trigandhirmatya sarvā ca maṇḍanī syād mūlikam ||

mṛṇālatantratriliṃgā tathā sarva raso'pi ca ||

ādināthaḥ | 

kandamadhye sthitānāḍī suṣumneti prakīrtitā |
cakre'sminparitonāḍyastiṣṭhantyā pādamastake |

nārāyaṇe -

santataṃ sirābhiścalampatyā kośasannibham |
tasyānte suṣiraṃ sūkṣmaṃ tasmin sarvaṃ pratiṣṭhitam || iti |

muktidevyāgametyuktā sukhadā viśvadhāriṇī |
svataḥ pratiṣṭhitā pūrvā sumanāśuddhanirmalā ||

pṛṣṭhamadhye sthitānāḍī sadā mūrdhnivyavasthitā |
sūkṣmā śrīvaiṣṇavī śubhrā vijayā vyaktasaṃjñikā ||
jihvādārā nilacārācordhvādhvācāti guptakā ||

bhairavaḥ - 

sudhākhyā madhyagācaiva brahmamārgā sarasvatī |
trimūrti nilayā loka dhāmā śrīsarvasaṃbhavā ||
yogigamyā khagākārā maṃgalāmātṛrūpiṇī || iti |

dattātreyaḥ |

dyaussantiścaiva saṅkrāntiḥ kāraṇa viśvadhāriṇī |
prajñāna nilayā nityā sādhyā kedāra saṃjñikā ||

kailāsaścaiva vaikuṇṭhaṃ kālamāsābdameva ca |
viṣṇvādyaneka nāmāni yogaśāstreṣu niścitam || iti |

śivayoge - 

brahmendra sātvikamadātura sṛṣṭivāṇī-
nvāridvilakṣa śaśiśītala candragaṅgā |
syādvāruṇī ca khadirā ca kalaṅkavāmā
saṃhāra eva śivavarya nijābhidhāsyuḥ ||

piṅgalāmbhojinī sūryā yamunāgnirahasmṛtaḥ |
iḍā ca vāma niśvāsā piṃgalādakṣiṇā smṛtaḥ ||

p. 12)

gaṅgā ca yamunā caiva candrasūryau niśādivau |
sūtakaṃ pretakaṃ caiva pakṣadvaya mudāhṛtam ||

dharmādharmau tamo raktāvayaṣdvayamucyate |
sitāsite vāraṇāsi haṃsadvayapadaṃ viduḥ ||

śivaśakti padaṃ caiva suṣumnāpāśvayoḥ sthitaḥ ||

kalākāṣṭhau muhūrtaśca kāraṇaṃ viśvadehinau |
pañcabhūta svarūpete pañcabrahmamaye sphuṭe ||

gandhadvāre kalācāre pravāhau janmahetukau |
atidhūmayamākīrṇau yogivaśyau sanātanau ||

mānasena samāyuktā vindriyāṇāṃ pravartakau |
prāṇāpāna svarūpau tau jagatkarma pravartakau |
varṇadvayātmakau śuddhau nānāvarṇaprabhedakau |
pañcasthalasamāviṣṭau tripañcaprāṇarūpakau ||

sarveṣāṃ prāṇināmeva dehakāla pravartakau |
prāṇavāyurayaṃ nityaṃ kālanirṇayakāraṇāt ||

iḍāyāṃ piṅgalāyāñca śvāsarūpeṇa vartate |
etad dvayaṃ vinā jīvo na tiṣṭhati na saṃśayaḥ ||

suṣumnāgni kalāproktā tisṛbhiḥ sarvadā bhavet |
suṣumnā vāhanaṃ tatra naiva jānanti mānavāḥ |
tayā vidanti sujñānaṃ devāḥ paramayoginaḥ || iti |

praṇavacintāmaṇau -

śarīrādadhikaḥ śvāso nirgamo dvādaśāṃgulaḥ |
praveśe'ṣṭāṃgulomadhye vinaṣṭaścaturaṃgalaḥ ||

śārīre - 

ṣaṣṭyuttaraiśca triśataiḥ śvāsairekā tu nāḍikā |
pañcabhirnāḍikābhiśca rāśirekaḥ prakīrtitaḥ ||

dinaṃ jānāti meṣāntairevaṃ dvādaśa rāśibhiḥ |
cara sthiro bhayātmāno bhaveyuśśvāsa saṃyutaḥ ||

carātmakāstu catvāro vāmabhāge vyavasthitāḥ |
sthirātmakāśca yāmyesyurubhayatro bhayātmakaḥ |
meṣa karkaṭakaścaiva makaraścatulā tathā ||

catvāro rāśayastvete vāmabhāge vyavasthitāḥ |
vṛścikaśca vṛṣaḥ siṃhaḥ kumbhodakṣiṇabhāgataḥ ||

kanyāmīnau dhanuryugmamubhayatra vyavasthitāḥ |
bhūtaṃ bhavyaṃ bhaviṣyaṃ ca śubhāśubhaphalaṃ tathā ||

p. 13)

rāśiṣveteṣu bhūteṣu vijñātavyaṃ grahodayāt |
ekaikasmin bhavantyatra rāśau bhūtāni pañca ca ||

vāyurvahnistathā bhūmirāpaḥ khamiti pañcavai |
sarveṣāmapi rāśīnāṃ vāyavyādyātu nāḍikā ||

dvitīyā nāḍikā jñeyī tṛtīyā pārthivāmatā |
caturthī vāruṇī jñeyā vyomākhyā pañcamī smṛtā ||

nāse pārśve vahedvāyu vāyaṃvyāṃ śeṣurāśiṣu |
āgneyāṃśe caratyūrdhve pārthivestambapārśvataḥ ||

nāsikāyā hyadho vāyurvāraṇāṃśe bhavettadā |
nāsā madhye bhavedvāyurvyomāṃśe vahati sphuṭam ||

gururāṇūśca vāyavye caratognau bhṛguḥ kujaḥ |
bhūmyāṃ budhara vījñeyau jale candraśanaiścarau ||

ākāśe vigrahaṃ vidyādevaṃ sarveṣu rāśiṣu |
pūrvoditāśca sarvatra saumyāḥ pāpāstvanantarāḥ ||

rāhuḥ kujau ravissaurirete dakṣiṇataḥ śubhāḥ |
gururbhṛgurbudhaścandrassavye saumyāḥ śubhāvahāḥ ||

pāpāśca śubhadāssavye saumyāḥ pāpaphalā imeḥ |
praveśe śubhadāḥ savye nirgame cā śubhāvahāḥ ||

evaṃ rāśisyabhūteṣu grahodayavaśādbudhaḥ |
śubhāśubhaṃ sadā jñātvā pṛṣṭaḥ sarvaṃ vadet tataḥ ||

yatra vāyuḥ sthitastatra pṛṣṭaścet sukhameva tat |
yasmin bhāge marunnāsti tatrasthaścedvṛthā bhavet ||

agrastho yadi cetpṛṣṭhastasya dakṣiṇavatphalam |
pṛṣṭha sthitasya tasyāpi savyaṃ tatphalamucyate |
bhojanaṃ maithunaṃ yuddhaṃ phalasaṃgrahaṇe tathā |
kuryādetāni karmāṇi vāyaudakṣiṇataḥ sthite  |
vāme ca vāyuvahnau ca na kuryādgamanaṃ budhaḥ |
gacchedyadi tadā mohādbrahmā pinanivartate ||

pārthive vāruṇāṃśe ca gamanaṃ sukhasādhanam |
vyomāṃśe'pi na gantavyaṃ kadācidapi yatnataḥ ||

yadi savyādi rāśau tu vāyūdaya viparyaye |
cittakṣobho bhavet tena kāryahāniśca jāyate ||

dvitīye caiva rāśau tu yātrā duḥkhaṃ bhaviṣyati |
caturthe bahunāśaṃ syāt pañcame diśivigrahaḥ ||

p. 14)

ṣaṣṭhe ca pratyavāyaṃ syāt saptame rogasaṃbhavaḥ |
aṣṭame maraṇaṃ vidyānnavame buddhināśanam ||

daśame dehasantāpaḥ parasmin mitranāśanam |
divasasyāntarāśau ca sarvato duritaṃ bhavet ||

rāśiṣveteṣu bhūtānāṃ sthāneṣvapi viparyaye |
sarvabhūtabhayaṃ vidyāt rājño ca ruciraṃ bhavet ||

vāyucāra vaśādeva śubhāśubha parīkṣaṇam |
kuryāddine dine vidvānevaṃ sarveṣu rāśiṣu |
ayute ca sahasraṃ ca ṣaṭśatāni tathaiva ca ||

śvāsaṃ prayānti niryānti jantūnāṃ tu dine dine |
dinānāṃ pañcadaśataḥ pakṣaḥ pūrvāparāhvayaḥ |
tābhyāmeko bhavenmāso māsaudvau tu ṛturbhavet ||

ṛtubhiśca tribhirvidyāt ayanaṃ taddvayaṃ samāḥ |
āyurabdaśataṃ proktaṃ tannyūnaṃ śvāsaviplavāt ||

yāvatkālaṃ tu yasyā yustattacchvāsa pramāṇakam |
śvāsa kāla balādeva mṛtyukālaḥ parīkṣatām |
vatsarasyādi kāle tu rāñjāne cottarāyaṇe |
anantaraṃ bahirvāyurdakṣiṇe pañcanāḍikāḥ ||

tataḥ savye tathā pañcaśatāyuścedayaṃ bhavet |
ghaṭikā ṣaḍvasedyasya tasmāśītiritīritam ||

ghaṭikā saptayasyasyurdviṣaṣṭyāyussa vindati |

ghaṭikāṣṭau yadi caret pañcāśattasya nirdiśet |
ghaṭikānāṃ nava caret trayastriṃśatsamāvadhi ||

nāḍikānāṃ daśavahet aṣṭāviṃśatsamāḥ smṛtāḥ |
divasārdhaṃ vahedvāme pañcaviṃśat vatsarāḥ ||

divāyasya caredvāyuḥ dvādaśābdaṃsa jīvati |
ahorātraṃ vahedvāyurdaśābdaṃ tasya jīvitam ||

dinadvayaṃ vahedvāyu raṣṭavarṣāṇi jīvati |
dina trayaṃ vahedvāyuḥ pañcavarṣāṇi jīvati |
caturdinaṃ tu yasya syāt caturabdaṃsa jīvati |
pañcarātraṃ vahedvāyustasyā yurvatsaratrayam ||

daśarātrādvivarṣaṃ syāt pakṣādāyuśca vatsaram |
viṃśaddinaṃ vahedyasya ṣāṇmāsaṃ tasya jīvitam |
pañcaviṃśaddinādāyuḥ trimāsaṃ tasya jīvitam ||

p. 15)

ṣaḍviṃśati dinānmāsadvayamāyuḥ prakīrtitam |
saptaviṃśaddinaṃ vāme māsamekaṃ sajīvati ||

aṣṭāviṃśatiretasmin māsārdhaṃ tasya jīvitam |
eko na viṃśadasmiṃśceddaśāhataṃ tasya jīvitam ||

triṃśaddinaṃ vahedvāme pañcarātraṃ sa jīvati |
dvātriṃśaddinasnā?dekāndinamāyuḥ prakīrtitam ||

trayastriṃśaddinā triṃśad ghaṭikājīvanaṃ bhavet |
ārabhya cāyanaṃ vāyoścarādūrdhvaṃ phalaṃtvidam |
ārabhyāyanakālāntaṃ bhāga eva tu dakṣiṇe ||

yathokta sarva saṃkrāntimārabhya dinapañcakam |
vāyuryasya vahedyāmye trivarṣaṃ tasya jīvitam ||

caitramāsasya saṃkrāntimārabhya dinapañcakam |
vāyuryasya vahedyāmye so'ṣṭādaśa samāvadhi ||

evameva vahedyasya savyabhāge tu mārutaḥ |
nānāvidha bhayaṃ tasya mṛtyoranyatra vidyate ||

yasya kasya ca māsasya śuklapakṣasya cāditaḥ |
parīkṣeta tadā mṛtyuṃ vāyucāravaśād budhaḥ ||

yāmye yadi vahedvāyurekā horātrameva ca |
varṣatrayādbhavenmṛtyuḥ dvidine mṛtyu dvayam ||

tridine vatsarāmṛtyurddaśā he māsato mṛtiḥ |
māsaṃ tvekadine mṛtyurevaṃ saumye vahedyadi ||

rogaśca dhananāśaśca manassaṃptāpa vigrahau |
evaṃ cobhayataścāre yāvattatphalamucyate |
sthire saptamarāśau tu savitā yadi candramāḥ |
janmarāśi sthitastatra sāvitroyoga ucyate |
asmin kāle vahedvāyurekatrārdhadinaṃ yadi ||

caturdaśābda paryāptaṃ tasya mṛtyurbhaviṣyati |
sāvitraṃ yogamārabhya dinamekaṃ vahedyadi |
dvādaśābdaṃ ca paryāptaṃ mṛtyuṃ tasya vinirdiśet |
sa yāti nāśamuddhvānte ahorātre daśābdakam |
evaṃ dinadvayaṃ yasya tasyā yustvaṣṭamābdakam ||

evaṃ dinadvayaṃ yasya ṣaḍvarṣaṃ tasya jīvitam |
evaṃ caturdinaṃ yasya tasyāyuścaturābdikam ||

evaṃ pañcadinaṃ yasya trivarṣaṃ tasya jīvitam |
evaṃ yogaṃ samārabhya vahe daṣṭhadinaṃ tathā ||

p. 16)

ṣaṭtriṃ śadadhikaṃ sārdhaṃ dvivarṣaṃ tasya jīvitam |
yogamevaṃ samārabhya dvādaśāhaṃ bhavedyadi ||

dvisaptatridinanyūna dvivarṣaṃ tasya jīvitam |
yogamevaṃ samārabyya caturdaśadinaṃ bhavet |
caturthīsātmakaṃ sārdhaṃ vatsaraṃ tasya jīvitam ||

evaṃ pañcadināhaṃ cet vatsarānte mṛtirbhavet |
yogamevaṃ samārabhyaṣoḍaśāhaṃ vahedyadi |
tamārabhya vahetsaptadaśāhāṃtveka pārśvataḥ ||

ṣaṭtriṃśaddinahīnābde yamāsyaṃ yātiniścitam |
ekona viśatiścet syāt aṣṭamāsānmṛtirbhavet ||

viṃśaddinaṃ vahedyasya ṣaṇmāsānmaraṇaṃ bhavet |
syādekaviṃśatiryasya dvimāsānmaraṇaṃ bhavet ||

ekonatriṃśadadahnāścet daśāhaṃ tasya jīvitam |
triṃśaddinaṃ vahedyasya pañcāhānmaraṇaṃ bhavet |
ekatriṃśaddinaṃ yasya trirātrānmaraṇaṃ bhavet ||

dvātriṃśaddinamekaṃ tridvyatryahānmṛtyu rudāhṛtaḥ |
trayastriṃśaddinaṃ syāccedekāhānmaraṇaṃ bhavet ||

savye yadi vahedeva mukta kāle hi mārutaḥ |
putramitrakalatrārtha vṛttibaṃdhuvināśanam ||

anyairvāpi naraścihnairbāhyairapi tathaiva ca |
kālākāla parijñānaṃ kartavyaṃ tu vicakṣaṇaiḥ || iti gokṣaḥ ||

kāśīkhaṇḍe - 

sandhyayorūpaviṣṭoyaḥ payeddhūmraṃ svamūrdhajam |
pañcāhnāṃ vai bhavettasya maraṇaṃ vatsara trayāt |
caturdinaṃ yadi bhavet maraṇaṃ vatsaradvayam ||

tridinaṃ ca bhavedyasya maraṇaṃ caika vatsaram |
śrotradvaye'pi hastābhyāṃ pihite vai dhvaniḥśrutaḥ ||

vahnerantaḥ sthitasyāpi nāsti cedvatsarānmṛtiḥ |
gaterubhayayorbhāge yugapannirgameyadi |
brahmasūtra vināśo vā nāśastasyāpi vatsarāt ||

sthaulaṃ cā kasmikaṃ yasya kāryaṃ cā kasmikaṃ bhavet |
atikrodho'ti rogo vā nāśasta sthāpi vatsarāt |
viṇmūtraṃ ca kṣayaṃ caiva yugapatsaṃbhavanti cet ||

tanmāse tattithau varṣe mṛtyustasyopavidyate |
gandharvanagaraṃ paśyet vṛkṣāgre yadi kutracit ||

tasyāpi vatsarā darvāk mṛtyunā paribādhyate ||

yadi vā kasmikaṃ vāpi svadehaṃ kṛṣṇapiṃgalam |

p. 17)

vasedvarṣātparaṃ tasya maraṇaṃ parikīrtitam ||

gṛdhraiśca kāka gomāyukharoṣṭraissairibhaistathā |
śarīraṃ bhakṣitaṃ yasya maraṇaṃ tasya vatsarāt ||

svapne vāpibhavedetairbhakṣitodeha āturaḥ |
anyairvāvatsarānmṛtyu bhaviṣyati na saṃśayaḥ ||

ākāśātpatitaṃ bhānuminduṃ bhānuvivarjitam |
yaḥ paśyenmṛtyurevasyā darvāgabdārdhavatsarāt ||

nakṣatramañjanābhaṃ syācchuṣke yasyoṣṭhatāluke |
tasyāpyabdārdha bhāvisyānmṛtyurasya na saṃśayaḥ ||

aṃguladvayamadhyena yatra dṛśyeta candramāḥ |
tayāṃgulatrayaṃ paśyedyasyopyabdārdhajīvanam ||

vakrībhūtaṃ svamātmānaṃ chidraṃvātha sahasraśaḥ |
teṣu cādṛśyamāneṣu ṣaṇmāsānmaraṇaṃ bhavet ||

kākaṃ gṛdhraṃ vilīnāṅgau raktagandhānulepanaḥ |
tailātyaktāti bhītaścānuṣṇīṣomukta vastrabhāk ||

tasya mṛtyurbhavedarvāk ardhābdānnātra saṃśayaḥ |
paṅke vā pāṃsulevātha yasya khaṇḍa padaṃ bhavet ||

gacchantaṃ gaganaṃ paśyet kṛkalāsaṃtrirūpiṇam |
khadyotaṃ ca na paśyeta maṃgulyā pīḍyamānayoḥ ||

netrayostasya vā mṛtyurardhābdānnātra saṃśayaḥ |
lohadaṇḍadharaṃ kṛṣṇaṃ hrasvaṃ kṛṣṇa paricchadam ||

svapne vā paśyatastasya trimāsānmaraṇaṃ dhruvam |
indriyāṇi na gṛhṇanti svakīya viṣayāṇyadi |
māsāntaṃ maraṇaṃ tasya bhaviṣyati na saṃśayaḥ ||

svalaṃ naṃ cānirodhena pralāpaṃ jvalitaṃ śiraḥ |
rātrāvindradhanurvidyudameghe'pi ca darpaṇe ||

chāyā śirodarśanaṃ ca pāvakaṃ nīlavarṇakam |
mayūravaccayaḥ paśyenmaithunaṃ kākahaṃsayoḥ ||

atiśītoṣṇayo ralpanetersyurmāsa jīvinaḥ |
snātasya hṛtpradeśeṣu chidraṃ bhūmau ravau vidhau ||

svacchāyāyāṃ tu māsārdhaṃ jīvitaṃ pravadantite ||

sūryācchītaṃ himāttāpaṃ tauvākānti vivarjitau |
ambaraṃ pītavarṇaṃ vā pakṣānmṛtyurna saṃśayaḥ |
yasya cākasmikījvālā jvalantī jāyate tale ||

ṛkṣān saptaṛṣīṃścaiva svāgreyastu na paśyati |
uṣṭaṃ yasya śarīrārdhaṃ śītalaṃ maṇḍalaṃ ca dṛk ||

p. 18)

vivarṇovakra vāsovā saptarātrāt praṇaśyati |
akasmācchava gaṃdhaṃ ca svadehe vā vivāsasīm ||

svapne striyaṃ vā svaṃ vāpi dakṣiṇena pradakṣiṇau |
svānnaṃ pareṇa bhuktaṃ vāṃ khevāvṛṣabhavāhanam ||

anyaṃ vā daṇḍinaṃ paśyettrirātrānmaraṇaṃ bhavet ||

prakīrṇakeśāṃ nagnāṃ vā striyaṃ vā pāśadhāriṇam |
paśyed bhojanakāle yaḥ so'pi sadyo mariṣyati ||

bhujyamānaṃ tadātmānaṃ gṛhe(le)ṇa bhujyate |
yasya tasyāpi mṛtyuḥ syāt sadya eva na saṃśayaḥ ||

rāgābhibhūtamartyānāmauṣadhaṃ yasya raktavat |
dṛśyate mṛtyureva syāt sadya eva na saṃśayaḥ ||

iti kāla gatiṃ jñātvā bāhyābhyantara lakṣaṇaiḥ |
kuryu niśreyase yatnaṃ tāvadeva parīkṣya vai ||

evaṃ su buddhimāñjñātvā vañcayet kālamāgatam |
prāṇāyāmavidhāno'sau yogābhyāsena sādhakaḥ ||

|| iti yoga śāstrasaṃgrahe dvitīyo'dhyāyaḥ ||




atha nāḍyaḥ pañcadaśa daśa vāyukramaṃ bruve | 
suṣumnā bhogadāhasti jihvāvṛṣā yaśasvinī ||

viśvodarāpiṅgalailā vāruṇīñca payasvinī |
alaṃbusā kuhuścaivaścātha gāndhārī ca payasvinī |
śaṅkhinītyuditā mukhyā sirāḥ pañcadaśapriye || iti 

yogasāramañjaryām | bhāvopaniṣadi |

alaṃbusā kuhurviśvodarī vāruṇāhastinī hāstijihvā 
yaśovatī gāndhārī pūṣāśaṃkhinī sarasvatī ilā piṅgalā 
suṣumnā ceti caturdaśa nāḍyaḥ iti |
tāracintāmaṇau caiva nāḍyaḥ pañcadaśa smṛtāḥ ||

yājñavalkyena saṃproktā nāḍyaśca caturdaśa |
candrajñānena saṃproktā nāḍyaḥ ṣoḍaśa smṛtāḥ ||

rāśimāna prakāre'pi yājña valkyena coditāḥ |

sarvasāropaniṣadi yogasāramañjaryāṃ ca -

prāṇāpāna samānāśca vyānaścodāna eva ca |
nāga kūrmau ca kṛkaro devadatto dhanañjayaḥ ||

vairaṃbho muktadāyaśca prabhaṃjana samīraṇau |
antaryāmī mahāprāṇāścoktā pañcadaśānilāḥ |

p. 19)

bhāvopaniṣadi - 

pāṇopāna vyānodāna samāna kūrmanāga kṛkaladevadatta dhanañjayā iti ||

praṇavacintāmaṇau - 

dvisaptatisahasrākhyāḥ sirāssanti jagatpriye |
śarīre pavanā yāmāt samyak śuddhā bhavantitāḥ ||

durikopaniṣadi ca - 

dvisaptati sahasrāṇi nāḍyaḥ syurvāyugocarāḥ || iti |

īśvaraḥ - 

dvisaptati sahasrāṇi nāḍibhirdeha ucyate |
saṃvṛtā rajjubhiśśikyamiva dehaṃ samāśritāḥ ||

yogasāramañjaryām -

śibhākandādadhordhvāsyāddvyaṣṭāntāścordhva gāminaḥ |

kāściddīrghāśca hrasvāśca taddhrasvāssarva tastatāḥ |
svādhiṣṭhāne sahasrāṇi nāḍyaḥsu samutthitāḥ ||

maṇipūre dvisahasrāṇi nāḍyaḥ santi saṃvṛtāḥ |
anāhate dvisahasrāṇi nāḍyaḥ samyagudbhavāḥ ||

viśuddhideśe sāhasra nāḍyaḥ saṃvṛtāḥ smṛtāḥ |
daśasāhasramājñābja saṃbhūtā nāḍi santatiḥ ||

śirodeśe samudbhūtā daśasāhasra nāḍyaḥ |
dvyaṣṭāntāścordhvagāminyaḥ sirāḥ kandodbhavā yathā ||

apradhānāḥ samāvṛtya paścādbhāgaṃ samāśritāḥ |
dvisaptati sahasrāśca nāḍīnāṃ madhyame tanoḥ ||

dvicatuṣṣaṣṭi nāḍyastāḥ pradhānāḥ sarvadehinām |
tāsāṃ madhye mukhyatarāḥ sirāḥ pañcadaśa smṛtāḥ ||

īśvaraḥ - 

kāścinnāḍī bahirvyāptā kāciddhṛdaya madhyagā |
yayā tatpuṣṭimāpnoti kedāra iva kulyagā |
mathurā rasajairdhātubhiḥ puṣṭyate kramāt ||

gāndhārī nāmayā jihvā piṅgalā pārśvavartinī |
unmukhī brahmarandhrāntaṃ bahuśākhāsamudgatā ||

churikopaniṣadi - 

iḍā tiṣṭhati vāmena piṅgalā dakṣiṇena tu |
iḍāyāḥ pārśvagānāḍī saṃproktā hasti jihvikā ||

bahuśākhā bahuskandhā mūlāgrāntamadhomukhī ||

sapūṣālaṃbusācobhe pārśvayorūrdhvagā smṛtāḥ |
karāgrāṃgulī paryantaṃ bahuśākhāssamudbhavāḥ ||

yaśasvinī ca dakṣasya pādāṃguṣṭhābhamiṣyati |
bahuśākhā bhavedeṣā mūlādhārādadhomukhī |
śaṃkhinī yā mahānāḍī sā vāme conmukhā smṛtā ||

śākhopaśākhābhedena pādaṃgulyantamiṣyate |
kuhūriti ca yā nāḍī sādhaścordhvāṃ ca susthitā ||

p. 20)

bahuśākhā vibhedena dehaṃ vyāpya vyavasthitā |
sarasvatī samūlotthā jihvāgrāntaṃ vyavasthitā ||

jayā ca vijayā cobhe nābhimūla samudbhave |
bhrūyugmanetra karṇāntaṃ kapolau vyāpyasaṃsthite ||

suṣumnā pārśvayorjātātviḍā caiva tu piṅgalā |
vāmadakṣiṇa nāsāntaḥ śarīre'smin vyavasthite ||

tayormadhye paraṃ sthānaṃ yastaṃ veda sa vedavit ||
dehe'smin dvyaṃgulādhāre samudyanti samīraṇā ||

dvisaptati sahasreṣu vicaranti hi sarvadā ||

yājñavalkyaḥ - 

dehamadhye śikhisthānaṃ tapta jāmbūnada prabham |
trikoṇamanujānī hi caturaśraṃ catuṣpadam ||

maṇḍalāntapataṃgānāṃ sthānaṃ viddhisuśobhane |
pataṃgānāṃ prāṇādi vāyūnāmiti | uttara gītāyām |
dvisaptati sahasrāṇi nāḍyaḥ syurvāyu gocarāḥ || iti |

yogasāramaṃjaryām | nāḍībhyāmatha sabhyeti prāṇato dviṣaḍaṃgule |
ahorātrā vinetṛbhyāmūrdhvādhovṛttirucyate ||

vāmadakṣiṇanāḍībhyāṃ syādugrahanāmakam |
yāśca nāḍyaśśarīre'smin samāvṛtyavyavasthitāḥ ||

tāsu sarvāsu deveśi vicarantismavāyavaḥ |
teṣāṃ mukhyataraḥ prāṇaḥ kandasyādhaḥ pratiṣṭhitaḥ ||

āsya nāsikāyormadhye hṛdaye jānumaṇḍale |
pādāṃguṣṭheṣu ca prāṇaḥ eteṣvapi ca tiṣṭhati ||

jaṃghodare kaṭirdeśeṣvapānasthānamīritam |
ghroṇāśrotrākṣimadhyasyā bhrūkuṭayaṃgulayordvayoḥ ||

udānaḥ saṃdhideśasyaḥ pādayorhasti yorapi |
sarvadehaṃ samānena vyāpya tiṣṭhati sarvadā ||

nāgādi vāyavaḥ pañcatvagasthyādiṣu saṃsthitāḥ |
indranīla pratīkāśaṃ prāṇarūpaṃ prakīrtitam ||

nityamāpūrayatyeṣāṃ prāṇānāmurasisthitāḥ ||

niśvāsocchvāsapūrṇastu prāṇojīvasamāvṛtaḥ |
prayāṇe kurute yasmāt tasmāt prāṇaḥ prakīrtitaḥ ||

āsya nāsikayormadhye bhūmadhyenābhimaṇḍale |
prāṇālayamiti prāhuḥ pādāṃguṣṭhe nakhe'pi ca ||

tundasthaṃ jalamantaṃ ca rasaṃ caiva samīkṛtaṃ |
tunda madhyagataḥ prāṇaḥstanna kuryāt pṛthak pṛthak ||

p. 21)

ādināthaḥ - 

punaragnau jalaṃ sthāpya cānnādī(d)ni jalopari |
svayaṃ tvapānaṃ saṃprāpya tenaiva saha vegavān ||

prayāti jvalanaṃ tatra dehe madhyagataḥ punaḥ |
tattejo jvalate tundassakale deha madhyame ||

jvālābhirjvalanastatra preritaḥ prāṇavāyunā |
jalamatyuṣṇamakarot koṣṭhamadhyagataṃ tathā ||

annaṃ vyaṃjanasaṃyuktaṃ jaloparisamarpitam |
tataḥ sapakvamakarot vahni santaptavāriṇā ||

svedamūtre jalasyātāṃ vīryaṃrūpaṃ rasaṃ bhavet |
annaṃpurīṣaṃ syādevaṃ prāṇaḥ kuryāt pṛthak pṛthak ||

apānnayatyapāno'yamāhārañcamalāyitam |
śuklaṃ mūtraṃ tathotsargaṃ apānastena mārutaḥ ||

indrakopapratīkāśaḥ savaijaladasannibhaḥ |
sa ca meḍhrau ca pāyaucorumakṣaṇa jānuṣu ||

jaṃghodare ca kaṭyāṃ ca nābhimūle ca tiṣṭhati |
vyāno'pi vyāna ityaṃgānudānopiprakopanaḥ ||

mahājāmbūnadaprakhyo vyāpārodānakāraṇam |
saṃcāpikaṇṭhayormadhye kaṭyāṃ gulphadvayorapi ||

ghrāṇe cāpisphicordeśe tiṣṭhatyatra niraṃkuśaḥ |
spandayatyadharaṃ vaktraṃ gotranetra prakopanam ||

udve jayanti karmāṇi hyudāno nāma mārutaḥ |
vidyutpāvaka varṇā syāt udānāsanakārakaḥ |
pādayorhastayoścāpi sa ca sandhiṣu vartate ||

pītaṃ bhakṣitamāghrātaṃ raktapittakaphātmakam |
samānayati gātrāṇi samāno nāma mārutaḥ ||

gokṣīradhavalākāraḥ sarvadehe vyavasthitaḥ |
udgāro nāga ityukto nīla jīmūta sannibhaḥ |
kṛkaraḥ kṣudhitaścaiva japākusumasannibhaḥ |
dhanaṃjayaḥ sthitaḥ poṣe mahārājatavarṇakaḥ || iti |

praṇavacintāmaṇau | prāṇa nāgau dvayorvarṇo rājāvartasamaprabhaḥ |
apānakūrmau sadṛśau indranīla samaprabhau ||

samānakṛkarau vyoma sadṛśau viśvamaṃgalau |
śuddha sphaṭikasaṃkāśau samau vyānadanaṃjayau |
udāna devadattau tu padmakiñjalkasannibhau |

nāgāntaryāmiṇau śuddha vidyudvarṇau samīritau |
etau mukhyau mahāprāṇau tau vairaṃbhaḥ prabhañjanau ||

p. 22)

śyāmalendra maṇiprakhyau vāyvākārāḥ prakīrtitāḥ |
itvā prāṇau samāruhya śarīre vyāpyasañcaret ||

samāna vāyumāruhya vāśraṇī deha dārḍhyakṛt |
antaryāmiṇamāruhya tanumāpnotyalaṃbuṣā ||

piṅgalānāma pavanaṃ pūṣākūrmasamīraṇau |
hasti jihvā devadattau kṛkaraṃ ca samīraṇau ||

yaśasvinī dhanaṃjayau suṣumnātha prabhaṃjanau |
vairaṃbha śaṃkhinī cātha muktivāyuṃ sarasvatī ||

viśvodarā mahāprāṇaṃ samāruhya pravartate |
prāṇādi vāyavaḥ pañcapuruṣāḥ parikīrtitāḥ |
nāgādi vāyavaḥ pañcastrīrūpāḥ parikīrtitāḥ ||

dhanañjathādikāḥ pañcavāyavastu napuṃsakāḥ |
gude tvapāna vāyuśca malamūtravisarjakaḥ ||

nābhau samānavāyuśca kṣutpipāsādi kārakaḥ |
udānaḥ kaṇṭhadeśe tu manograsanakārakaḥ ||

vyānavāyuśca sarvāṃgaṃ balasvarakaraḥ param |
hikkodgārakaronāgaḥ kūrmo mīlanakārakaḥ ||

kutkāraḥ kṛkaro devadatto jṛmbhaṇakārakaḥ |
dhanañjayasthālyakaro vairaṃbhaḥ krodhakārakaḥ ||

karoti muktipavanaḥ pāñcabhautikavigrahaḥ |
antaryāmi śarīrasya prapañca jñānakārakaḥ ||

jñānavairāgyavijñānaṃ mahāprāṇaḥ karotyalam |
dehatyāgakaraśśīghraṃ prabhañjanasamīraṇaḥ |
evaṃ prāṇasvarūpāṇi yājñā yogaṃ samabhyaset ||

iti yogaśāstre prāṇanāḍī nirūpaṇaṃ nāma tṛtīyodhyāyaḥ ||

prāṇāyāmaḥ ||

agastyaḥ - 

prāṇāyāmaviśuddhātmā yadyatkarma karoti hi |
tattatphalatyasandehasstva prayatnena vā kṛtam |
prāṇāyāmaṃ vināyasya japahomārcanādikam ||

na phalatyeva tatsarvaṃ prayatnenāpyanuṣṭhitam |
prāṇāyāmairvināyadyat kṛtaṃ karmanirarthakam ||

ato yatnena kartavyaṃ prāṇāyāmaśśubhārthibhiḥ ||

amṛtabindūpaniṣadi -

yathāparvatayātrānāṃ daṇyate yamanībalān |
tathendriyakṛtān doṣān dahyate prāṇanigrahāt ||

yogasāramaṃjaryām nājīrṇemla rasodgāre na ca viṇmūtra dhāraṇe |

p. 23)

na chardyāṃ netisāre ca nātibhūtasamanvite |
yogye guru prakārye vā na cāpikṣutpipāsitaḥ ||

prāṇāyāmaṃ na kurvīta kuryāccedvyādhi bhāgbhavet ||

gorakṣaḥ - 

yathā toyārthinastoyaṃ yantrānānvādibhiśśanaiḥ |
na piveyustadā vāyuṃ kramādyogījijaśramaḥ ||

dhyānanādabindūpaniṣadi-yathaivotpalanānvena toyamākarṣayennaraḥ |
tathaive ṣatkarṣayedvāyuṃ yogī yogapade sthitaḥ ||

yogasāramañjaryām -

mātrāmātrārdhakaṃcāpi vṛddhiṃ kuryāddine dine |
yadyatsukaratāmeti tattathyaktvopari vrajet ||

vāsiṣṭhe - 

yathāraṇye gajendrastu puruṣairaprayogataḥ |
nāśayeddhāryamāṇastu tathāvāyurabuddhitaḥ |
sa caiva tu yathāhastī prayogāddamyate śanaiḥ ||

nirdoṣaśca bhavetkālād naśyaḥ saumyaśca jāyate |
śanaiśśanaistathāprāṇaḥ prayogād naśyatāṃ gataḥ ||

svecchayā dhāryate dehe na tu doṣaṃ karoti yaḥ |
yathā pracodito hastī parasainyaṃ vināśayet |
rakṣate ca prayoktāraṃ mārūḍhastu balena saḥ ||

tathā śarīre saṃrūḍhaḥ prāṇassamyak pracoditaḥ |
nāśayet sarvapāpāni taccharīraṃ ca rakṣati || iti |

sūta saṃhitāyām- sarvaṃ samyagviditvātha viṣusaṃkrānti pūrvakam |
dakṣiṇāyanamabhyasya grahaṇaṃ cottarāyaṇam |
puraskṛtya tathācchardi vica?dāraṇavivarjitam |
pretakatvaṃ sūtakatvaṃ saṃśrayan śuddhamanvaham ||

jñātvā samabhyasennityaṃ kumbhakaṃ pūrṇakumbhavat |
sandhyāyāmuccaret prājñaḥ sūtakaṃ pretakaṃ vinā |
naivoccaredahorātraṃ sandhyākāleṣu ṣaṭsvapi ||

samuccaret prayatnena kumbhakaṃ pūrṇakaṃ bhavet |
sūtaka pretake bhūte japtvā niṣphalatāṃ vrajet ||

tasmāt sarva prayatnena pūtakeṣu samabhyaset ||

iḍāyāṃ piṅgalasthānaṃ yathā prāṇassamāṃgataḥ |
somagrahaṇamityuktaṃ tadā tatva vidāṃvaraiḥ ||

yadā piṅgalayā prāṇaḥ kuṇḍalī sthānamāgataḥ |
sūryagrahaṇamityuktaṃ tadātatva vidāṃvaraiḥ ||

piṅgalāyāmiḍāyāṃ tu dvayoḥ saṃkramaṇaṃ tu yat |
taduttarāyaṇaṃ proktaṃ piṅgalāyāmiti śrutiḥ ||

iḍāyāṃ piṅgalāyāṃ tu vāyo'saṃkramaṇaṃ tu yat |

p. 24)

dakṣiṇāyanamityuktaṃ munibhirvedapāragaiḥ |
iḍā piṅgalayossaṃdhiṃ yadāprāṇaḥ samāgataḥ ||

saṃvatsaraṃ tadā proktaṃ dehe deha vidāṃvara ||

mūlādhāraṃ yadā prāṇaḥ praviṣṭaḥ paṇḍitottama |
tadādyaṃ viṣumaṃ proktaṃ tāpasaistāpasottamaiḥ ||

prāṇasaṃjñaṃ muniśreṣṭhamūrdhānaṃ praviśedyadā |
tadanyaṃ viṣuvaṃ proktaṃ dhārmikairvastu cintakaiḥ ||

niśvāso cchvasanaṃ sarvaṃ māsānāṃ saṃkramo bhavet || iti |

dattātreyaḥ | kiñcidvirecyaṃ saṃkuñcya punastadvatpunastathā ||

etacchardiriti proktaṃ pūrvamabhyāsa sūribhiḥ |
pretakatvaṃ sūtakatvaṃ vāmadakṣiṇayorviduḥ ||

ṣaṭsandhiḥ | pṛthivyaptejo vāyvākāśādi pañcasandhiḥ |
recakāntaṃ pūrakādaumilitvā ṣaṭ | teṣāṃ svarūpāṇipūrvamuktam |
parāśaraḥ | saṃkuñcya madhya tarjanyāvaṃguṣṭhānāmikādibhiḥ |
samyaṅnāsāgrabadhyavipaścinniyamedasūn |
amṛtabindūṣaniṣadi- nāsikāpuṭamaṃgulyā pidhāyaikena mārutam |

pibenmandaṃ yathaivoktaṃ yogasiddhyarthamātmavān |
kaniṣṭhānāmikāṃguṣṭhairyannāsā puṭabandhanam ||

prāṇāyāmaḥ sa vijñeyastarjanībhyāṃ vinā dṛḍham ||

śivaḥ - 

vyāsaśca | 

pañcāṃgulībhirnāsāgraṃ pīḍanaṃ praṇavairyutam |
mudreyaṃ sarvapāpaghnī vānaprasthagṛhasthayoḥ |
nāsikāpuṭamaṃgulyā pīḍyaikāmapareṇa ca ||

audaraṃ recayedvāyuṃ recakassamudāhṛtaḥ |
vāhyena vāyunā dehaṃ dhṛtivat pūraye cchubhe ||

pūraṇāt pūrakaṃ proktaṃ kumbhakaṃ ca tathā viduḥ ||

mārkaṇḍeyaḥ - 

prāṇānāmupasaṃrodyaḥ prāṇāyāma iti smṛtaḥ ||

patañjaliḥ | 

vyāsapraśvāsayorgativicchedaḥ prāṇāyāmaḥ ||

vyāsaḥ | 

bāhyasya vāyo rācamanaṃ śvāsaḥ |
koṣṭhasya vāyornissaraṇaḥ praśvāsaḥ ||

tayorgativicchedaḥ prāṇāyāma iti |
saṃvartakaḥ | sadhūmaṃ ca vidhūmaṃ ca sagarbhaṃ ca vigarbhakam ||

sa lakṣyañca vilakṣyañca prāṇāyāmastu ṣaḍvidhaḥ |
kevalaśvāsena prāṇāyāmaḥ sadhūmaḥ |
haṃsavarṇadvayena praṇavena vā vidhūmaḥ ||

p. 25)

haṃsasvarūpānusaṃdhānena praṇavasvarūpānusaṃdhānena vāpi garbhaḥ |
mantradevatā dhyānapūrvakaṃ sagarbhaḥ | kevalakumbhake suṣumnāyāṃ 
prāṇasaṃyamanameva salakṣyaḥ | suṣumnājigimiṣāmātrameva vilakṣyaḥ | iti | 

ādityapurāṇe - 

recakaḥ śūnyakaścaiva pūrakaḥ kumbhakastathā |
evaṃ caturvidhaḥ proktaḥ prāṇāyāmo'trasūribhiḥ ||

amṛtanādabindūpaniṣadi - 

utkṣipyavāyumākāśe śūnyaṃ kṛtvā nirātmakaḥ |
śūnyabhāvena yuñjīyād recakasyeti lakṣaṇam |


śrīdakṣiṇāmūrtiḥ | 


nāsikāvāmarandhreṇa pūrvamāpūrayedbudhaḥ |
tatraikādaśakṛtvastu mantraṃ dhyāyedataḥ param ||

tenaiva visṛjet paścād daśavāraṃ vibhostavam ||

navavāraṃ japenmantraṃ mitthameva ca sādhayet || iti |

audaraṃ recayed vāyuṃ caturbhiśca śanaiḥ śanaiḥ |
tadardhamiḍayā mandaṃ mandaṃ saṃpūrayedbudhaḥ ||

punarvirecayedevaṃ punarāpūrayedbudhaḥ || iti |

yogasāramaṃjaryām - 

āpūrya vā mayā nāḍyā muñceddakṣiṇayā bahiḥ |
punardakṣiṇayā pūrya bahuśo vā mayā tyajet |
evaṃ viśuddhanāḍīnāṃ kumbhakānāṃ śataṃśatam ||

kuryādbarhiṣu haṃsena sahajenāntara sthitaḥ || iti |

dattātreyaḥ | 

pūrakāt dviguṇaṃ samyak recakasya vidhīyate ||

recakād dviguṇaṃ kālaṃ kumbhakasya praśasyate || iti | 

pārāśaraḥ-

iḍāṃ ṣoḍaśabhiḥ pūrya catuṣṣaṣṭyā ca pūrayet |
dvātriṃśādrecayet sūryāt praṇavena samabhyaset ||

yogasāramaṃjaryām - 

laghudvādaśamātrastu madhyamo dviguṇaḥ smṛtaḥ |
triguṇaṃ cottamaṃ proktaṃ ṣaṭtriṃśattālamātrakam || iti |

viśvāmitraḥ - 

pūrake trayamuccārya kumbhake na catuṣṭayam |
recake trayamuccārya prāṇāyāmo vidhīyate ||

praṇavacintāmaṇau - 

akāraṃpūrake nyasya cokāraṃ kumbhake nyaset |
makāraṃ recake tadvat nādo dhyānena śasyate || iti |

haṃsaṃhaṃseti saṃpūrya so'haṃ bījena kumbhayet |
recayeddhaṃsamantreṇa prāṇāyāmasya lakṣaṇam ||

yājñavalkyaḥ - 

savyāhṛtīṃ sapraṇavāṃ gāyatrīṃ śirasā saha |
triḥ paṭhedāyataprāṇaḥ prāṇāyāmassa ucyate ||

bhāradvājaḥ - 

saptavyāhṛti pūrvāntāmādyante praṇavāṃ hṛdā |
japed dvādaśa gāyatrīmekoyaṃ prāṇasaṃyamaḥ ||

p. 26)

aśaktasyāyamuditaḥ prāṇāyāmo dvijanmanaḥ ||

bālasya cetareṣāṃ tu praśastaḥ prathamoditaḥ ||

viśvāmitraḥ | 

āsane samyagāsīno vāmenāpūryacodaram |
kumbhakena trirāvṛtya dakṣiṇena tu recayet ||

yājñavalkyaḥ | 

pūraṇo dvādaśoṃkāraḥ kumbhake ṣoḍaśaṃ dhruvam |
recake daśa coṃkāraḥ prāṇāyāmaḥ sa ucyate ||

uttamaṃ navadhā proktaṃ madhyamṛtu saṃkhyayā ||

adhamaṃ trayamityāhuḥ prāṇāyāmevidhīyate |
ādau kumbhakamāśritya recapūrakavarjitaḥ |
vyāhṛtyādi śirontaṃ ca prāṇāyāmastu kumbhakaḥ ||

bharadvājaḥ- 

savyāhṛtiḥ sapraṇavaḥ prāṇāyāmastu ṣoḍaśa |
api bhrūṇahaṇaṃmāsāt punātyaṃharahaḥ kṛtam ||

bṛhaspatiḥ | saṃvartaśca- 

mānasaṃ vācikaṃ pāpaṃ kāyakarmādibhiḥ kṛtam |
tatsarvaṃ naśyate kṣipraṃ prāṇāyāma traye kṛte |
pūrake viṣṇu sāyujyaṃ kumbhake brahmaṇontikam ||

recakena tṛtīyena prāpnuyādaiśvaraṃ padam ||

yogasāramaṃjaryām - 

pūrakaṃ ca bhavedbrahmā kumbhako viṣṇurucyate |
recakastu tathā rudro trāṭakañca nirañjanaḥ ||

hrasvadīrghaplutairyuktaṃ recakapūraka kuṃbhakaiḥ |
āvartayed yathaivoktaṃ prāṇāyāmassa ucyate ||

akārādi trivarṇena haṃsamantreṇa vā yatiḥ |
prāṇāyāmaṃ prakurvīta praṇavena prayatnataḥ ||

bṛhaspatiḥ - 

baddhāsano niyamyāsūna smṛtvā carṣādikaṃ punaḥ |
na nimīlita dṛṅmaunī prāṇāyāmaṃ samabhyaset ||

yogasāramaṃjaryām - 

bindujīvajalākrāntaṃ vartulaṃ candramaṇḍalam |
binduprāṇā nilākrāntaṃ trikoṇaṃ vahnimaṇḍalam |

bindu | praṇavaḥ | jīvaḥ | sakāraḥ | jalaṃ vakāraḥ | taiḥ samākrāntaṃ vartulaṃ 
candramaṇḍalamiḍānāḍīti jñeyam |
bindu praṇavaḥ prāṇaḥ yakāraḥ analaḥ rephaḥ taiḥ krāntaṃ trikoṇaṃ vahni 
maṇḍalaṃ piṅgalā nāḍīti jñeyam |

bindu caitanyasaṃyuktaṃ vartulaṃ sūryamaṇḍalam |
bindunā praṇavena caitanyena hrīṃkāreṇa saṃyuktaṃ vatulaṃ 
sūryamaṇḍalaṃ suṣumnā nāḍīti jñeyā ||

evaṃ nāḍīnāṃ svarūpaṃ jñātvā pūrakādikamārabhet |

p. 27)

ayaṃ bhāvaḥ - 

oṃ saṃ vaṃ iti pūrayet | oṃ saṃ hrīṃ iti kumbhayet | oṃ yaṃ ramiti recayediti |

āpūrya vāmanāḍyāmuñceddakṣiṇyā bahiḥ |
punardakṣiṇayāpūrya bahuśo vāmayā tyajet ||

evaṃ viśuddhanāḍīnāṃ kumbhakānāṃ śatam śatam ||

kuryādbarhiṣṭhahaṃsena sahajenāntara sthitaḥ |
sa paśyati jagatkīrṇaṃ tejasāṃ paramāṇubhiḥ ||

praṇava cintāmaṇau - 

savyāpasavyamārgābhyāmabhyaset pavanaṃ kramāt ||
pratyahaṃ niyamenaiva samyakkāla catuṣṭayam ||

tricaturvatsaraṃ cātha tricaturmāsameva vā ||

ṣaḍvarṣaṃ vātha ṣaṇmāsamabhyasedyadi yogirāṭ |
nāḍī śuddhimavāpnoti pṛthak cihvopalakṣitam || iti |

yogasāramaṃjaryām - 

laghutvamārogyamalolupatvaṃ 
taṃnu prasannatvamudagrakāntim |
hṛdvahni vṛddhiñca kṛśatyamārye 
nādasphuṭatvaṃ ca tanotyavaśyam ||

haṭhayoge - 

pūrakānte tu kartavyo bandho jālandharābhidhaḥ |
kumbhakānte recakādau kartavyastūḍḍiyāṇakaḥ ||

sūryabhedī manujhjhāyī tathā cītkāra śītalī |
bhastrikā bhramarī mūrchā kumbhakaṃ cāṣṭabhedataḥ ||

kumbhake na suṣumnāntargata sūryamaṇḍala bhedāt sūryabhedinī |
kumbhakenādhastāt praṇavarūpaṃ manuṃ janayatīti manujjananī ||

apāne sannirudhyāsūn kaṇṭhe bandhaṃ samācaret |
yena tārān prasūyante jananī tena kumbhakam ||

varṇān vamati tāro'yaṃ cītkārī tena kumbhakaḥ |
yena candrāt sudhāvṛṣṭiḥ srāvyate sarvanādiṣu ||

śītalī nāma tenaiva duḥkhadharmavināśinī |
bhastrikāpavano yadvat dhātūnāṃ maladāhakaḥ |
tadvatpāpavidāhitvāt bhastriketi pracakṣate ||

bhastrikāvat prāṇadhārakatvāt bhastriketi vā |
bhramaṇādi bhrāmarī proktaṃ tattatsthānānusārataḥ ||

kumbhako nāma munibhiḥ sarvasiddhiphalapradaḥ |
yena mūrchā bhaved vāyostena mūrcheti gīyate ||

kumbhakaṃ nāma yogīndraiḥ pūrvamabhyastasūribhiḥ |
recakaṃ pūrakaṃ muktvā yasminvā vāyudhāraṇam ||

p. 28)

prāṇāyāmo'yamityuktvā sa vai kevalakumbhakaḥ |
virecyā pūryayaḥ kuryāt sa vai saṃhita kumbhakaḥ ||

kevalaṃ saṃhitaṃ vātha kumbhakaṃ samyagabhyaset |
kaṇṭhena pūrayedvāyuṃ recayet kaṇṭhanālataḥ ||

bhujaṃgī karaṇaṃ caitat kumbhako navadhā smṛtaḥ |
antaḥsthitasya vāyoryat bahirnissaraṇaṃ tadā ||

tatraiva saṃnirodhastu bāhyakumbhaka īritaḥ |
bāhyavāyuryadākukṣau praviṣṭaḥ saṃnirudhyate ||

tadanantaramiti proktaṃ kumbhakaṃ yogavittamaiḥ |
yadā praśvāsamuktena gatirnāsānta maṇḍale |
layaṃ vāyostadā tajjñaiḥ proktastadbāhya kumbhakaḥ ||

pataṃjaliḥ - 

vyāsabhāṣye ca śvāsa pūrvogatyabhāvaḥ sa bāhya prāṇāyāmaḥ |
yatra praśvāsapūrvako gatyabhāvaḥ sa ābhyantaraḥ |
tṛtīyasstamba vṛttiḥ | nāsā puṭayormadhyasthalasya nāmastaṃbamiti |
staṃtre sthitaṃ stamba vṛttiḥ | yatro mayāṃ bhāvaḥ sakṛt prayatnenodbhavati |

praśvāsaṃ ca vinā śvāsaṃ nāsāgraṃ līyate nilaḥ |
tadājñeya stamba vṛttiḥ kumbhakastu tṛtīyakaḥ ||

tṛtīyakumbhake yathātapta śilānyasta jalaṃ sarvataḥ saṃkoca māpadyate | tadā 
dvayoryugapat gatyabhāva iti ||

prāṇasaṃyamanaṃ proktaṃ trividhaṃ kāla bhedataḥ |
uttamaṃ madhyamaṃ caiva tvadhamaṃ yoga vittamaiḥ ||

ṣaṭśataṃ ca trisāhasraṃ mātrāṇāṃ kumbhakaṃ guruḥ |
tadardhaṃ madhyamaṃ proktaṃ tadardha madhamaṃ smṛtam ||

pakṣa māsābda bhedena teṣāṃ nāmāni yogibhiḥ |
dīrghasūkṣmāti sūkṣmeti procyante siddhalakṣaṇe ||

yogavācaspatye - 

sakhalvayaṃ pratyayābhyastā varṣamāsapakṣādi krameṇa 
deśakāla saṃkhyādi svajānumaṇḍalaḥ pāṇināparimṛśyā sphuṭakā 
vicchinnakāla mātrābhiḥ trisahasra ṣaṭcchata 

mātrāparimitaḥ prathama udghāto mandaḥ |
evaṃ dviguṇī kṛto dvitīyo madhyamaḥ ||

evaṃ triguṇī kṛtastṛtīyastīvra iti ||

kṛtvārecaka pūrakaṃ dṛḍhataraṃ badhvā samīraṃ bhṛśaṃ brahmadvāramukhe 
nirudhyaniyato bāhyābhyantarasmārakaḥ |

p. 29)

prāṇāyāmaparāyaṇaḥ pratidinaṃ kālatraye'pyabhyasecchuddhaṃ kumbhaka 
māryase vitamidaṃ yogīndraguptaṃ dhanam ||

samīramārgeṇa nirudhya nāḍikāmūle nirudhyāgnisukhāsukhasthitiḥ |
tatottamāṃge hṛdayā pitekṣaṇaḥ sa kumbhako nāma sa nādabodhakaḥ ||

tyajed yathā piṅgalayā śanaiḥ śanaiḥ gṛhītavāyuryatirapramattadhīḥ |
atyantasūkṣmavraṇamṛdghaṭāmbuvat sa recako nāma pṛthak samabhyaset ||

dattātreyaḥ - 

hṛdaye ca śiraḥ sthāne bhrūmadhye nābhimaṇḍale |
mṛtyuḥ prāṇagato yatra tannirodha parobhava ||

ādināthaḥ - 

yāvanmarañtatra manaḥpravṛttiḥ yāvanmanaścāpi marutpravṛttiḥ |
tatraika nāśādaparasthanārā eka pravṛtteraparapravṛttiḥ ||

adhvastayoścendriya vargavṛttirviśvastayormārgapadasya siddhiḥ |
tatrāpyasādhyaḥ pavanasya nāśaḥ ṣaḍaṅga yogādi niṣevaṇena ||

manovināśastu guroḥ prasādānnimeṣamātreṇa susādhya eva |
tasmānmano nāśayatāmmanaskādyannaśyato nāśyati vāyuragre ||

atra śrutiḥ - 

yathāśakuniḥ sūtreṇa prabaddho diśaṃ diśaṃ patitvānyatrāyatanamalabdhvā 
bandhanamevopāśrayate | prāṇa bandhanaṃ hi somyamanaḥ iti mana eva jīvaḥ |

yogavāsiṣṭhe - 

mano hi jīvanājjīva iti |

jñānasāre - 

nāsāgraṃ jīvanābhiśca hṛdayaṃ ca tṛtīyakam |
sthānānyetāni jīvasya kalpitāni śivena tu ||

atra śrutiḥ - 

tetrasthaṃ jāgaraṃ vidyāt kaṇṭhe svapnaṃ samādiśet |
suṣuptaṃ hṛdayasthaṃ tu turyaṃ mūrdhanisaṃsthitam || iti |

jñātvaivaṃ vāyujīvau dvau sannirudhya mano hṛdi |
prāṇasaṃyamanaṃ kuryāt mṛtyumātaṃgakesarī ||

nādasvarūpaṃ laya yoge likhyate ||

iti yogaśāstrasaṃgrahe prāṇāyāmasvarūpaṃ nāma caturtho'dhyāyaḥ ||

atha pratyāhāraḥ || śivayoge-

cittasyāntarmukhenapratihata bahucaitanya kallola jalasyotpannasyāsya nānā 
vipulamitivikārasya saṃvṛttireva | tattannānāvikārāgrasanamiti | tathā kathyate 
yogavidbhiḥ ||

pratyāhāraḥ sa evā vicalita sumanāḥstaṃsadāhaṃ bhajāmi || 

sūtasaṃhitāyām- athātat pravakṣyāmi pratyāhāraṃ mahāmune ||

p. 30)

indriyāṇaṃ vicaratāṃ hṛdayeṣu svabhāvataḥ ||

balādāharaṇaṃ teṣāṃ pratyāhāraḥ sa ucyate | 
yadyatpaśyati tatsarvaṃ brahma paśyet samāhitaḥ ||

pratyāhāro bhavedeṣa brahmavidbhiḥ puroditaḥ |
yadyacchuddhamaśuddhaṃ vā karotyāmaraṇāntikam ||

tatsarvaṃ brahmaṇe kuryāt pratyāhāro'yamucyate ||

athavā nityakarmāṇi brahmārādhanabuddhitaḥ |
kāmyāni ca tathā kuryāt pratyāhāraḥ sa ucyate ||

athavā vāyumākṛṣya sthāne sthāne nirodhayet |
dantamūle tathā karṇe kaṇṭhādurasimārutaḥ |
uro deśātsamākṛṣya nābhikande nirodhayet ||

nābhikandātsamākṛṣya kuṇḍalyāṃ tu nirodhayet |
kuṇḍalī deśato vidvān mūlādhāre nirodhayet ||

tathāpāne kaṭidvandve tathorudvaya madhyake |
tasmājjānu dvaye jaṃghe pādāṃguṣṭhe nirodhayet ||

pratyāhāro'yamuktaḥ syāt pratyāhāraparaiḥ sadā |
evamabhyāsa yuktasya puruṣasya mahātmanaḥ ||

sarvapāpāni naśyanti bhavarogaṃ ca suvrata |
athavā tava vakṣyāmi pratyāhārāntaraṃ mune ||

nāḍībhyāṃ vāyumākṛṣya niścala svastikāsanaḥ |
pūrayedanilaṃ vidvānāpādatalamastakam ||

paścāt pādadvaye tadvanmūlādhāre tathaiva ca |
nābhikande ca hṛnmadhye kaṇṭhe mūle ca tāluke ||

bhrūvormadhye lalāṭe ca tathā mūrdhani dhārayet |
akārokāramāścaiva śaiva pañcākṣaraṃ smaran ||

aiṃ prajapet staṃbhitaḥ prāṇaḥ pratyāhārasta eva hi |
athavā muniśārdūla pratyāhāraṃ vadāmite |
dehādātma matiṃ vidvān samākṛṣyasamāhitaḥ ||

ātmānātmanirdvaṃnde nirvikalpe nirodhayet |
pratyāhāraḥ samākhyātaḥ sākṣādvedānta vedibhiḥ ||

brahmarandhrādānakhāgraṃ vāyunirodhasya marmajñānapūrvakatvāt 
matsthānānyucyatne |

śrīdattaḥ - śārīre ca -

dvirdvādaśāṃgulaṃ viddhi madhyamaṃ jānupādayoḥ |

p. 31)

jānvādi nābhiparyantaṃ tadvadeva vinirdiśet |
nābhyādi hṛdayāntaṃ tu viddhidvirdvādaśāṃgulam |
hṛdayādbrahmarandhrāntaṃ tadvaddvirdvādaśāṃgulam ||

jñātvaivaṃdhārayet prāṇamekaikāṃgulamānataḥ |
navadvārāṇi kaṇṭhāntaṃ hṛnmadhyaṃ nābhimadhyamam ||

karayormūlamadhyāgraṃ brahmarandhrabilaṃ tataḥ ||

jānudvayaṃ ca jānvagramūrumūladvayaṃ kramāt |
uktāścaite girisute pañcaviṃśati sandhayaḥ ||

yogasāramaṃjaryām - 

karadvandvaṃ bhujadvandvaṃ pādadvandvamataḥ param |
ūrudvandvaṃ ca phālaṃcāthāṃguṣṭhau jānuyugmakam ||

sīvinīkaṇṭha kūrpañca kaṇṭhamūlā ca vyañjanau |
lambikāgraṃ tatoghrāṇaṃ bhrūmadhyaṃ cūlimeva ca ||

lalāṭāgraṃ suṣumnāgraṃ dvādaśāntamataḥ param |
dvādaśāntāntamukteṣu cāṣṭāviṃśati marmasu ||

dine dine ṣaṇṇavatissthāneṣu vidhivatpumān |
prāṇamāropya ghaṭikāṃ prāpayan punarāharan |
ṣaṇmāsamabhyasedevaṃ pañcaviṃśatisandhiṣu ||

prāṇaṃ muhūrtamekaikamāropya punarāharan |
ṛtu trayaṃ samabhyasya tato'ṣṭāṃgeṣu yogavit ||

ṣaṇmāsamabhyasedyatnāt pañcabhūta sthaleṣvapi |
pṛthak pṛthak pañcaghaṭīḥ prāṇamāropya cāharan |
ṣaṇmāsamabhyased yatnāt dvādaśānta sthaleṣvapi ||

dviṣaṭsthaleṣvapi tathā tato'ntardvyaṣṭanāḍiṣu 

prāṇaṃ muhūrtamekaikaṃ māharan punarāharan |
tatratya devatādhyāna purassaramananyadhīḥ ||

evaṃ ṣaṭdhāraṇādyogī pratyāhāreti vatsaram |
samabhyaset prayatnena kumbhakena śanaiśśanaiḥ ||

yogasiddhimavāpyātha sarvatatvātmako bhavet |
kiñcāṇutvaṃ mahatvaṃ ca dūraśravaṇameva ca |
kāmarūpaṃ mano vegaṃ parakāya praveśanam ||

svacchandamaraṇaṃ devaiḥ saha krīḍanadarśanam |
iṣṭa saṃkalpa siddhiṃ ca sadā pratihatāgatiḥ ||

trikālajñatvamandvandvaṃ paracintādyabhijñatā |
arkānilā nalāṃbūnāṃ padastambhanameva ca ||

p. 32)

etāni lakṣaṇānyevaṃ labdhuṃ śakyaṃ varānane || iti |

praṇavacintāmaṇau - 

marmasthānānisarvāṇi śarīre yogamokṣayoḥ ||

vacmyahaṃ tāni sarvāṇi yathā vijñāyate tathā |
pādāṃguṣṭhau ca gulphau ca madhye corudvayasya ca ||

pāyuśca girije paścāt madhye dehasya meḍhrakam |
nābhiśca hṛdayaṃ caiva kaṇṭhakūpamanuttamam ||

tālumūlaṃ ca nāsāyāṃ mūlamakṣṇośca maṇḍale |
bhruvormadhyaṃ lalāṭaṃ ca mūrdhā sarvasurārcite ||

marma sthānāni sarvāṇi mānaṃ teṣāṃ pṛthak śṛṇu |
pādamānañca gulphaṃ ca sārdhāṃgula catuṣṭayam ||

pādāṃgulaṃ ca vijñeyaṃ madhyamaṃ gulpha jaṃghayoḥ |
jaṃghā madhyaṃ citermūlaṃ yattadekādaśāṃgulam ||

citermūlādadha śive jānunyādaṃguladvayam |
cittāgrādūrumūlāntāt sārdhāṃgula catuṣṭayam |
jānvordaśāṃgulaṃ proktamūrumūlaṃ jagatpriye ||

ūru madhyādyogamātrāt pāyumūlaṃ navāṃgulam |
dehe madhyaṃ tathā proktaṃ pāyormūlaṃ syādaṃgula dvayam ||

caturdaśāṃgulaṃ nābherbhrūmadhyaṃ paṅkajānane |
ṣaḍaṃgulaṃ tu hṛnmadhyāt kaṇṭhakūpa mataḥ param ||

kaṇṭhakūpācca jihvāyāṃ mūlaṃsthāccaturaṃgulam |
netrasthānāntatanmūlāt sārdhāṃgula catuṣṭayam ||

tasmādardhāṃgulaṃ viddhibhruvorantaramātmanaḥ |
lalāṭākhyaṃ bhruvormadhyādūrdhvaṃ syādaṅgulatrayam ||

lalāṭādvyomarandhraṃ syādaṅgulatrayamātmanaḥ |
sthāneṣvetreṣumanasā vāyumāropyadhārayet ||

evamagrebhyasennityaṃ pañcaviṃśatisaṃdhiṣu |
marmasthāneṣvapi sudhīḥ pratyahaṃ yogasiddhaye ||

sthānāt sthānaṃ samākṛṣya prāṇāyāmaṃprakurvataḥ |
sarve rāgāḥ praṇaśyanti tasya yogaḥ prasiddhyati ||

praṇavacintāmaṇau - 

pratyāhāraviśeṣo'sti sthāneṣveteṣu pārvati |
pratyāhāraṃ pravakṣyāmi sṛṣṭikrama vidhānataḥ |
sthānāt sthānaṃ samākṛṣya sthānavitpavanaṃ sudhīḥ ||

pratilomānulomābhyāṃ yastvevaṃ dhārayed dvidhā ||

sarvavyādhi vinirmukto jīvedā candra tārakam |

yogasāramaṃjaryām - 

saṃpūrṇakumbhanit vāyumaṃguṣṭhāmūrdhni madhyataḥ ||

p. 33)

dhārayet pavanaṃ buddhyā prāṇāyāmaṃ pracodayet ||

vyomaraṃdhrātsamākṛṣya lalāṭe dhārayet punaḥ |
lalāṭādvāyumākṛṣya bhruvormadhye nirodhayet ||

bhruvormūlātsamākṛṣya netramadhye nirodhayet |
netrāt prāṇaṃ samākṛṣya nālāmūlaṃ nirodhayet ||

nāsāmūlātsamākṛṣya jihvāmūle nirodhayet |
jihvāmūlātsamākṛṣya kaṇṭhakūpe nirodhayet ||

kaṇṭhakūpāttu hṛnmadhye hṛnmadhyānnābhimadhyame |
nābhimadhyāt punarmeḍhre meḍhrādādhāramaṇḍale |
dehamadhyād gude gauri gudādvāśephamūlake ||

ūrumūlāttayormadhye tasmājjānvornirodhayet |
jānumūlāttu cityostu tanmūle tu nirodhayet ||

citimūlātpunastasmāt jaṃghāyormadhyame tathā |
jaṃghāmūlātsamākṛṣyapādagulphe nirodhayet ||

gulphābhyāṃ samyagākṛṣya cāṃguṣṭhāgre nirodhayet |
iti sthānāt samākṛṣya yogavitpavanaṃ sudhīḥ |
pratilomānu lomena yastvevaṃ dhārayeddhiyā ||

sarvavyādhivinirmukto jīvedā candratārakam |
nāḍībhyāṃ vāyumākṛṣya kuṇḍalyā pāśvayoḥ sudhīḥ ||

dhārayedyugapatso'yaṃ girije yogasiddhibhāk |
pūrvavadvāyumāropya hṛnmadhye vyomnidhārayet ||

so'cirādyogamāpnoti paramātmā padaṃ vrajet |
nāsābhyāṃ vāyumākṛṣya pūrayet svodaraṃciram ||

bhruvormadhye dṛśoḥ paścāt samāropyasamāhitaḥ |
dhārayet kṣaṇa mātraṃ vā sa yāti paramāṃ gatim ||

pṛthak pṛthak pañca ghaṭīḥ pañcabhūteṣu dhārayet |
tattadbhūta jayastasya bhaviṣyati na saṃśayaḥ |
tattanmātrāṇi tadvacca dhārayet siddhi kāraṇam ||
brahmapañcakamevaṃ hi dhārayed yoga vittamaḥ ||

śarīraṃ tāvadevaṃ tu pañcabhūtātmakaṃ svataḥ |
tadevantu sadoktaṃ te vātapittakaphātmakam ||

vātātmakānāṃ sarveṣāṃ yogeṣvāsakta cetasām |
prāṇasaṃyamanenaiva śarīraṃ śuṣyati dhruvam ||

pitātmakatve tvacirāt na śuṣyati kalevaram |
kaphātmakānāṃ kāyastu saṃpūrṇamacirādbhavet |

p. 34)

tatpṛthvī maṇḍale kṣīṇe palitaṃ yāti dehinām |
toye kṣīṇe tṛṇānīva cikurāḥ pāṇḍarāḥ kramāt ||

tejaḥ kṣayekṣudhākāntirnaśyato mārutastathā |
vāyukṣaye bhavennityaṃ ākāśenaiva jīvati ||

itthaṃ tattatkṣaye mṛtyurjīvanaṃ bhūtadhāraṇam |
pañcavarṣa śate lakṣe nānyathā maraṇaṃ bhavet || iti |

amṛtanādabindūpaniṣadi -

manaḥ saṅkalpakaṃ dhyātvā saṃkṣipyātmani buddhimān |
dhārayitvā tathātmānaṃ dhāraṇā parikīrtitā ||

sūtasaṃhitāyām - 

atha tatpravakṣyāmi dhāraṇāpañcasuvrata |
dehamadhyagate vyomni bāhyākāśaṃ tu dhārayet ||

prāṇe bāhyānilaṃ tadvat jvalane cāgnimaudare |
toyaṃ toyāṃśake bhūmiṃ bhūmi bhāge mahāmune ||

hayarāvalakārākhyaṃ mantramuccārayan mune |

ayaṃ bhāvaḥ - 

ātmana ākāśaḥ saṃbhūtaḥ | ākāśādvāyuḥ | vāyoragniḥ agnerāpaḥ | 
adbhyaḥ pṛthivī | iti | krameṇa brahmaraṃdhrādibhrūmadhyaparyantaṃ 
bhrūmadhyādi hṛdayaparyantaṃ hṛdayādi nābhiparyantaṃ nābhyādi 
jānuparyantaṃ jānvādi pādaparyantaṃ tattadvījāni nyaset | 

dhāraṇaiṣā mayā proktā sarvapāpa viśodhinī ||
jānvantaḥ pṛthivī bhāgāt dapāṃ pāyvantamucyate ||

pāyuto hṛdayāntaṃ ca vahṇimaṇḍalamucyate |
hṛdayādi bhruvorantaṃ vāyumaṇḍalamucyate ||

ākāśāṃśastathā prājñamūrdhāntaṃ parikīrtitam |
brahmāṇaṃ pṛthivībhāge viṣṇuṃ toyāṃśake tathā ||

agnyaṃśe tadvadīśānamīśvarañcānilāṃśake |
ākāśāṃśe mahāprājñaṃ dhārayet tu sadāśivam ||

athavā tava vakṣyāmi dhāraṇaṃ munipuṃgava ||

manasīnduṃ diśi śrotre buddhau viṣṇvaṃbare haram |
ahaṃkāre caturvaktraṃ hastayordevanāyakam |
vācāgnī mṛtyumutsarve tathopasye prajāpatim ||

tvaci vāyuṃ tathānetre sūrya mūrtiṃ tathaiva ca |
jihvāyāṃ varuṇaṃ ghrāṇe bhūmi devīṃ tathaiva ca ||

puruṣe sarvaśāstrānta bodhānandamayaṃ śivam |
dhārayedbuddhimānnityaṃ sarvapāpaviśuddhaye ||

yathaiṣā dhāraṇā proktā sarvaśāstravedibhiḥ |
brahmādikāryarūpāṇi sve sve saṃhṛtyakāraṇe ||

p. 35)

sarvakāraṇamavyaktaṃmanirūpyamacetanam |
sākṣādātmani saṃpūrṇe dhārayet praṇavaṃ naraḥ ||

dhāraṇaiṣā parā proktā dhārmikairvedapāragaiḥ |
indriyāṇi samāhṛtya manasātmanidhārayet ||

kiñcitkālaṃ mahāprājña dhāraṇaiṣā ca pūjitā |
vedādeva dhṛtā devā vedādeva sadānarāḥ |
vedādeva sadālokā vedādeva maheśvaraḥ ||

iti cittaṃ vyavasthāya dhāraṇā sāpi kīrtitā |
brahmaivāhaṃ na gandharvo devo yakṣo naro'thavā ||

na dehendriya buddhyādi na māyā nānya devatāḥ |
iti buddhyā vyavasthāya dhāraṇā ceti kīrtitā ||

iti sarvaṃ samākhyātaṃ sarvaśāstraviśārada ||

|| iti yogasaṃgrahe pratyāhāradhāraṇānirūpaṇaṃ nāma pañcamo'dhyāyaḥ ||

dhyānam || yogasāramañjaryām-

athātaḥ saṃpravakṣyāmi dhyānayogamanuttamam |
akṛtābhyāsaśīlānāṃ yogināṃ śīlamicchatām ||

akalaṅkojjvalacchīta kiraṇābhodarasthitam |
śarīraṃ cintayenmāsāt valīpalitanāśanam ||

hṛdambuje samāsīnaṃ bālasūryasamaprabham |
devyāśliṣṭatanuṃ devaṃ suvarṇasamavarṇayā ||

bhasmoddhūlita sarvāṅgaṃ dadhānaṃ mṛgacarma ca |
padmāsane sthitaṃ śāntaṃ triṇetraṃ candraśekharam ||

svaphālasthala bālendusrutadivyasudhāplutam |
varābhayamahāṭaṅka mṛgamudrādharaṃśivam ||

akṣasrakpustakadharaṃ prasannaṃ parameśvaram |
jaṭāmaṇḍalasaṃbaddha mahāphaṇiphaṇānvitam ||

yavayauvanasampannaṃ grasta kāla bhayādikam |
sumukhaṃ cāru sarvāṅgaṃ guptavijñānagocaram ||

paśupāśaughadalanaṃ tārakaṃ bhava vāridheḥ |
sarvajñatvādi sāmarthyadāyakaṃ sarvasiddhidam ||

evaṃ dhyāyenmahādevaṃ sarvavighnopaśāntaye |
athavaivaṃ śivaṃdhyāye dviśuddhe hṛdayāmbuje ||

śuddhasphaṭikasaṃkāśe śaraccandrāyutaprabham |
akṣamālādharaṃ śāntaṃ prasannaṃ varadaṃ śubham ||

sarvamṛtyupraśamanaṃ valīpalitanāśanam |
divyāmṛtamahāvarṣairvarṣayantaṃ samantataḥ ||

p. 36)

tatsudhā varṣapātena sahasā śītalātmanā |
duḥkhagharda gadairmuktaṃ bhāvayedātmananum ||

anenadhyānayogenamucyate dehabaṃdhanāt |
hṛtpadmakarṇikāmadhye sudhā dīpaśikhākṛti ||

samudbhutaṃ mahajjyotirvatiryādamṛtāṃśubhiḥ |
trilokamakhilaṃ yogī vyāpyamānaṃ vicintayet ||

anena dhyānayogena yogī syādīśvaraḥ svayam |
svadehaṃ bhāvayed yogī koṭi sūryasamaprabham |
samyagātmāvibhedena so'cirādyogamāpnuyāt ||

ātmānaṃ cintayedyogī samyagīśvaravigraham |
tadbhāvanāvaśācchuddhāṃ siddhiṃ śrīśāmbhavīṃ labhet ||

śivo'hamaprameyo'yamahamacintyo'hamahaṃ mahat |
evaṃ dhyānavidhaudhyāyedātmānaṃ sarvarūpiṇam ||

praṇavacintāmaṇau - 

ānandaśītakiraṇodayapūrṇitāśaścitsāraphena parirañjita divyatoyaḥ | 
nānāvidhapramathadaivatamatsyajuṣṭa śrīmatsudhābdhirahamasmi 
vidhūtapātmā ||

śrīmadguroḥ padasaroruhareṇuvajrasaṃbhinnapāpabhayabhūbhṛtidehagehe |
koṭīndubhāskaranibhaṃ paramāṇukalpaṃ āvismarāmi paramaṃ 
mahadātmarūpam ||

vidyutsahasraruciraṃ trasareṇu kalpa-
mānandasāndra parimodita bhāvagamyam |
pīyūṣavārinidhisādhanamaprameya
māvismarāmi hṛdaye sumatprabodham ||

ṣaṭpadmakoṭīrakavāṭa vipāṭanena 
yā jyotirūrdhvamupayāti taṭillateva |
pīyūṣarūpaghanasrārasahasravṛṣṭi
meghaṃbhajāmi hṛdaye paramātmadīpam ||

saṃvitsvabhāva paribṛṃhita vīcijāla
svānanda śīkarasamuccaya siktadeham |
sadbhāvagamya vimalottamacittavṛtti 
sevāsamutsuka kalāmṛtasindhurasmi ||

bhūrvyomavāyuśikhinī ravibhedabhinna
mekaṃyato'sya jagato vibhavāyatatvam |
tatsarvakāraṇamanantamacintyamādyaṃ 
jyotirmanovacanadūragamasmisaṃvit ||

p. 37)

yadbrahmakandamakhilāgamapatranālaṃ-
mānanda piṅgala sudhājala divyasāram |
sidhyaṣṭaka prakaṭapatra virājamānaṃ 
tadyogi bhāvakamala bhramaro'hamasmi ||

anenadhyānayogena jīvanmuktimavāpnuyāt |
dhyānena labhate yogaṃ dhyānāt siddhiṃ ca durlabhām |
dhyānena tu tarenmṛtyuṃ mamavākyaṃ mṛṣā na tu || iti 

sūtasaṃhitāyām - 

athātaḥ saṃpravakṣyāmi dhyānayogamanuttamam |
ākāśe nirmalaṃ śuklaṃ bhāsamānaṃ suśītalam ||

somamaṇḍalamāpūrṇamacaraṃ dṛṣṭigocaram |
dhyātvā madhye mahādevaṃ paramānandavigraham ||

umādehārdhavaradamutpatti sthitivarjitam |
śuddhasphaṭikasaṅkāśaṃ candrarekhāvataṃsakam |
trilocanaṃ caturbāhuṃ nīlagrīvaṃparāt param |
dhyāyennityaṃsadāso'hamiti brahmavidāṃvara ||

athavākāśamadhyasthe bhrājamāne suśobhane |
ādityamaṇḍale pūrṇe lakṣayojanavistṛte ||

sarvaloka vidhātāramīśvaraṃ hemarūpiṇam |
hiraṇyaśmaśrukeśaṃ ca hiraṇmaya nakhaṃ tathā ||

japākusumavaktraṃ ca nīlagrīvaṃvilohitam |
āgopāla prasiddhyantamambikārdhaśarīriṇam ||

so'hamityaniśaṃdhyāyet saṃdhyākāleṣu vā naraḥ |
athavāhaṃ hariḥ sākṣāt sarvajñaḥ puruṣottamaḥ ||

sahasra śīrṣā puruṣaḥ sahasrākṣaḥ sahasrapāt |
viśvaṃ nārāyaṇaṃ devamakṣaraṃ paramaṃpadam |
athavāsaccidānandamanantaṃ brahmasuvrata ||

ahamasmītyabhiprāyo bhāvayeda vimuktaye |
ya idaṃ hṛdideveśamapidhyāyenmanāgapi ||

brahmaṇaḥ sākṣirūpatvānnedaṃ yaditi hi śrutiḥ || iti |

sāragītāsu | 

hṛdayakamalamadhye dīpamadvaitasāraṃ 
praṇavamayamatarkyaṃ yogibhiryogamṛgyam |
hariguruśivayogaṃ sarvabhūtasthamekaṃ 
sakṛdapi mansā māṃ dhyāyateyaḥ sa muktaḥ || iti |

yogasāramaṃjaryām - 

śuddhendu bimbaṃ hṛnmadhye sravantamamṛtaṃ smaret |
amṛtena svakaṃ dehamāpādatalamastakam ||

plāvyamānaṃ smaredaṅgaṃ tarpayetsudhayātayā ||

ṛtu trayeṇa dārḍhyañca saukumāryaṃ gadakṣayam |

p. 38)

valīpalitanāśaṃ ca bhaviṣyati surārcite ||

kaṃjāsanādayo(dho)deśe kharandhrādūrdhvameva ca |
pūrvoktamaṇḍaleśīta sudhāvṛṣṭisamanvite ||

mūlabījād dalācchītasudhāvṛṣṭivinirgamaiḥ |
sudhāsāgarasallīna na bahirantarvibhāvayet ||

antaraṅgamaśeṣaṃ tu brahmarandhrendu nirgataiḥ |
parāmṛtairbrahmarandhra nāḍīvilaniveśakaiḥ ||

tarpayedātmano jīvaṃ devatāśca śivedhiyā |
antaraṅgamaśeṣaṃ tu tatsudhā vṛṣṭi pūritam |

paribhāṣyasvaromākhya mārgakoṭivinirgatam |
sudhāvṛṣṭibhirabhyaktaṃ bāhyamābhyantaraṃ smaret ||

tatra madhye samullīnamātmadehaṃ tadātmakam |
tarpayedātmasudhayā brahmāṇḍamakhilaṃ śive ||

tatsudhā tṛpti santṛptaṃ paramānandadhīmayam |
brahmāṇḍamakhilaṃ cedamātmadehaṃ vicintayet ||

veṣṭayet sudhayā svasya sirayāsnigdhaśītayā |
anena devi yogena ṣaṇmāsādajarāmaraḥ |
lohitannavamaṃ varṇaṃ sa bindumamṛtātmakam ||

netrayoḥ parisañcintya tatsudhāvṛṣṭi raśmibhiḥ |
brahmāṇḍamakhilaṃ dhyāyedātmadehaṃ samarpitam ||

trivarṣadhyānayogena nirvikalpena cetasā |
sapta saptānta lokaśca saptajanma ca dṛśyate ||

rohitaṃ rephaḥ | navama varṇaḥ sakāraḥ hrīṃ sūryamaṇḍalāya namaḥ iti 
dakṣanetro saṃsomamaṇḍalaya namaḥ iti vāma netro iti ca |

payaḥ payamayāṃ bhodhau nīlamātmakalevaram |
nityaṃ cintayato varṣāt valīpālītanāśanam |
brahmaraṃdhrāmṛtadhārāt sravatparasudhārasaiḥ ||

plutadehastu ṣāṇmāsāt valī palitanāśakṛt |
svadehaṃ candrasaṅkāśamakulaṃkasudhāmayam ||

dhyāyan varṣārdhato yogī valīpalitāhā bhavet |
tapta candramasobiṃbā na kalaṃkāmṛtāplutān ||

mūlādibrahmaraṃdhrāntaṃ saptapadmeṣu bhāvayet |
vedaṣaḍdaśasūryendukalāpakṣādi saṃkhyayā ||

patrairakṣarasaṃlīnairamṛtaplāvitaṃ smaret |
aikyaṃ sañcintayedeṣāṃ maṇḍalānāmanukramāt ||

avicchinnādādhārādbrahmāṇḍā vadhipārvati |

p. 39)

prajvalatkoṭi candrābhamātmadehaṃ tadātmakam |
cintayedamṛtāsiktaṃ yogīyoga prasiddhaye ||

valīpalitanāśañca ṣaṇmāsāllabhate priye |
vāñchā lābhahatādhātrī duḥkhānmucyeta vaiviṣāt |
abdāt sarvajñatā prāptistryabdādīśvarasannibham ||

khecaratvaṃ bhaveddiṣya maṇimādibhirarcitam || iti |

śivagaurīsaṃvāde || 

kamukadvayamadhyasthaṃmaihiraṃ maṇḍalaṃ priye ||
dhyāyenmāsāvadhinaro rogarāśikṣayo bhavet ||

ṣaṇmāsādindrasāyumyatvamabdādviṣṇusamo bhavet ||

ṣaḍabdādrutvasāmyaṃ syāddvādaśābdamatiprabhaḥ |
dhyāyate niyatātmā cet satyaṃ kuryāt tu bhāvanā ||

raktāṇḍamadhyagaṃ devi raktāmṛtapariplutam |
dhyāyanvarṣārdhamātreṇa jāyate hyajarāmaraḥ ||

mūlādhāraṃ smared devijvalantaṃ ravimaṇḍalam |
tatprabhāpaṭala vyāpta śarīraṃ paricintayet ||

tathaiva brahmaraṃdhreya hṛdabje ca pṛthak pṛthak |
mūlabiṃbaṃ ca hṛdibiṃbaṃ ca hṛdi biṃbaṃ brahmaraṃdhrāgataṃ tathā |
anyonya prabhayāśliṣṭaṃ svaśarīraṃ dhruvaṃ smaret |
tanmayaṃ cintayed dehaṃ vyomāntaṃ tu dine dine ||

ṣaṇmāsādaṇimādīnāmādhipatyamavāpnuyāt |
sarvajñatvaṃ ca labhate trivarṣāt sūryasannibhaḥ ||

tadbimbāntaṃ smarejjīvaṃ jvaladdīpaśikhākṛtim |
māsādvalīpaliñcaiva mṛtyuṃ vyādhi bhayaṃharet ||

varṣāt sarvajñatāṃ prāpya vasedvyomāṃkaṇordhvake |
cintayedātmano jīvaṃ jyotirliṅgapadā sthitam ||

tenāṇḍaṃ pūritaṃ sarvaṃ mamṛtāpūritaṃ smaret |
tatra madhyagato yogī gaṃdhākhyaguṇapūritam ||

sarvādhāramaśeṣaṃ tu dharātatvaṃ na vismaret |
vāṇyārasa guṇādhāraṃ jalātatvamaśeṣakam ||

tathārūpa guṇādhāraṃ tejastatvamaśeṣakam |
netratrayeṣu deveśi cintayed yogavittamaḥ ||

vāyutatvamaśeṣaṃ tu śvāsamātre smarecchive |
śabdākhyaguṇasaṃjuṣṭaṃ vyomatatvamaśeṣakam ||

śrutisthāne smared devi rasaiḥ saṃhṛtyabāhyakān |
jvālāṇḍamadhyasaṃlīnaṃ dehaṃ viśvamayaṃ smaret ||

svadeha madhyasaṃlīnaṃ brahmāṇḍamidamavyayam |
lavādipralayāntaṃ ca graset kālasya līlayā ||

p. 40)

lavādi pṛthivyādi | ekībhāvena sudṛḍhaṃ badhvāpadmāsanaṃ smaret |
cintayet kāla kaluṣairmuktiṃ dehaṃ nirāmayam ||

yadā tadaṇḍamīśāni smaret suṣiravarjitam |
tadākālabhayaṃ tyaktvā śivavat svecchayā vaset ||

anena devi yogena vañcayet kālamāgatam |
pṛthivyādīni tatvāni svīkṛtyāste nirāmayam ||

dhyānasyāsya samānena phalaṃ tu śṛṇu pārvati |
sphoṭaye cchailavṛkṣādīn śoṣayejjalādhīśvarān ||

karoti ghorakālāgni jvālānalanivāraṇam |
śabdatatvaṃ jayedyogī jarāmaraṇavarjitam ||

trikālājñaḥ svayaṃ kartā sarvavyāpitvamāpnuyāt || iti |

gorakṣaṃḥ || 

netre nimīlīte nityaṃ kiñcidunmīlite tathā |
yomanaścakṣuṣāṃ brahma paśyatīti sa yogirāṭ ||

śaśī bhāskarayormadhye tārayoḥ sthita tejasā |
bindudvayaṃntu saṃyojya brahmatārakamabhyaset ||

bāhyānta madhyalakṣyeṣu brahmadarśanatatparaḥ |
dṛṣṭādṛṣṭasvarūpāṇi nanutāni vilokayā ||

mūlakandāddaṇḍalagnādbrahmanāḍī śaśiprabhā |
tasyā madhye taṭitkoṭi nibhāṃtāmūrdhva gāminīm ||

manasālakṣayenmūrtiṃ sadṛśaṃ bisatantunā |
ā brahmarandhraparyantaṃ gatāṃ siddhipradāṃ smaret ||

lalāṭordhve tathā lakṣye yogī kollāṭamaṇḍale |
visphurattārakākāraṃ manasā lakṣayet sadā |
athavā karṇayordvāre tarjanībhyāṃ nirodhayet |
śrīmaddehāntare nādaṃ ghūṃghūṃkāraṃ śṛṇoti ca ||

cakṣurmadhye tathā nīlasyāti rūpaṃ vilakṣayet |
antarlakṣyāmitijñeyaṃ bahirlakṣya mataḥ śṛṇu ||

nāsāgradeśācca catuṣka ṣaṣṭha tathā daśadvādaśasaṃkhyayāṃguliḥ |
bahiḥsmarennīlasudhūmrarakta taraṅga pītābhasutatvapañcakam ||

kathaṃ vā saṃmukhākāśaṃ sthiradṛṣṭyā vilakṣayet |
jyotirmayūkhā dṛṣyante yogibhidhīramānasaiḥ ||

dṛṣṭyagre vāpyapāṃge vā taptakāñcanasannibham |
bhūmiṃ saṃlakṣayed dṛṣṭiḥ sthirābhavati yoginaḥ ||

athavāśarasaścordhvadvādaśāṃgulasaṃmite |
jyotiḥpuñchanibhākāraṃ lakṣayenmuktidaṃ bhavet ||

yatrayatrāthavā yogī tatra tatra vilakṣayet |
ākāśamevayastasya cittaṃ bhavati tādṛśam ||

ityanekavidhākāraṃ bahirlabhyamudīritam |

p. 41)

śṛṇuṣva madhya lakṣyañca kathitaṃ pūrva sūribhiḥ ||

śvetādi varṇānatha caṇḍacandrasaudāminī vahniśikhenabimbān |
jvalannabho vā sthalahīnamekaṃ vilakṣayet tat khalu madhyalakṣyam ||

nirākāraṃ paśyet guṇarahitamākāśamathavā 
tanorūpaṃgāḍasphuraduruparākāśamathavā |
mahākālaṃ kālānilanibhamavātyanta rucimat 
paraṃ tatvākārāṃ raviśaśinibhaṃ madhyakhamiti ||

vyomapañcakametaddhi tadbāhyābhyantara sthitiḥ | 
yaḥ paśyati naro lakṣye sa vyoma sadṛśo bhavet || iti |

yogasāramaṃjaryām - 

itthaṃ saṃhṛta sarvacittaviṣayasyā śeṣaviśvātmanaḥ 
saṃvidbhāvasudhaikakāraṇa mahāyoge ciraṃ tiṣṭhataḥ ||

merau svarṇa vadarṇave culukavat khadyotavadbhāskare 
brahmāṇḍe ca pipīlikāṇḍavadaho niṣkātukā yoginaḥ ||

vāsiṣṭhe - 

so'haṃ cinmātramevehiti cintanaṃ dhyānamucyate |
dhyānasyā vismṛtiḥ samyak samādhirabhidhīyate ||

iti yogasārasaṃgrahe dhyānalakṣyasvarūpaṃ nāmaṣaṣṭhodhyāyaḥ ||




uttaragītāyām | 

pramāśūnyaṃ manaḥśūnyaṃ buddhiśūnyaṃ nirāmayam | 
sarvaśūnyaṃ nirākāraṃ samādhistasya lakṣaṇam ||

ākāśe mānasaṃ kṛtvā manaḥkṛtvā nirāspadam |
niṣkalaṃ taṃ vijānīyāt samādhisthasya lakṣaṇam ||

dṛgdṛśyaviveke - 

upakṣya nāmarūpe dve saccidānanda lakṣaṇaḥ |
samādhiṃ sarvadā kuryāt hṛdaye vāthavā bahiḥ ||

savikalpo nirvikalpaḥ samādhirdvividho hṛdi |
dṛśya śabdānu viddhena savikalpaḥ punadvidhā ||

kāmādyāścittajādṛśyāstatsākṣitvena cetanam |
dhyāyed dṛśyānu viddho'yaṃ samādhiḥ savikalpakaḥ ||

asaṃgaḥ saccidānandaḥ svaprabho dvaitavarjitaḥ |
astīti śabdaviddho'yaṃ samādhiḥ savikalpakaḥ ||

svānubhūti rasāveśāt dṛśyaśabdā na pekṣataḥ |
nirvikalpassamādhiḥ syāt nivāta sthita dīpavat ||

rātriṃdivā bāhyadeśe yasmin kasmiṃśca vastuni |
samādhirādyastanmātrānnāmarūpaṃ pṛthak pṛthak ||

akhaṇḍaika rasaṃ vastu saccidānandamavyayam |
ityavacchinna cinteyaṃ samādhirmadhyamo bhavet ||

stambhībhāvarasāścoktāstṛtīyaḥ pūrvavanmataḥ |
etaiḥ samādhibhiṣṣaḍbhirnayetkāle nirantaram ||

p. 42)

śivayoge - 

yadāsaṃkṣīyate prāṇo mānasaṃ ca pralīyate |
yadā samarasatvantat samādhirabhidhīyate ||

patañjaliḥ - 

manaso vṛttiśūnyaṃ ca brahmākāratayāsthitiḥ |
asaṃprajñātanāmāsau samādhirabhidhīyate ||

haṭhayoge - 

yassamatvaṃ dvayoraikyaṃ jīvātmaparamātmanoḥ |
samastanaṣṭasaṅkalpaḥ samādhiragidhīyate ||

bhagavadgītāyām - 

yathā dīponivātasyo neṅgate sopamā smṛtā |
yogino yata cittasya yuñjate yogamātmanaḥ ||

vāsiṣṭhe - 

tatvāvabodha evaika sarvāśā tṛṇapāvakaḥ |
proktaḥ samādhiśabdena na tu tūṣṇīmavasthitiḥ ||

imaṃ guṇasamāhāramanātmatvena paśyati |
antaśśītalatā yāsau samādhiriti kathyate ||

yastvātmaratirekāntaḥ kurvan sarvendriya kriyā |
na paroharṣaśokābhyāṃ sa samāhita ucyate |
samāhitā nityatṛptā yathā bhūtārthadarśinī ||

sā yo samādhi śabdena parāprajñocyate budhaiḥ |
akṣubdhā nirahaṃkārā dvandveṣpananu pālanī |
sāyo samādhiśabdena parā sthitaratāsthitiḥ ||

niścitābhimatābhīṣṭa heyo pādeyavarjitā |
sā yo samādhiśabdena paripūrṇastaducyate ||

sūtasaṃhitāyām - 

athātaḥ saṃpravakṣyāmi samādhiṃ gaṇanāśanam |
samādhiḥ saṃvidutpattiḥ paraṃ jīvaikatāṃ prati |
nāhaṃ deho na ca prāṇo nendriyāṇi tathaiva ca ||

na mano'haṃ na buddhiśca naivacittamahaṃkṛtiḥ |
nāhaṃ na pṛthvī na salilaṃ na ca vahnistathā nilaḥ ||

na cākāśo na śabdaśca na ca sparśastayā rasaḥ |
na ca gandho na rūpaṃ ca na māyāhaṃ na saṃsmṛtiḥ ||

sadā sākṣāt svarūpatvāt śiva evāsmi kevalaḥ |
iti dhīryā muniśreṣṭha sā samādhirihocyate ||

na haṃ brahmā na saṃsārī na matto'nyat kadācana |
iti vidyāt svamātmānaṃ sā samādhiḥ prakīrtitā ||

athavā yogināṃ śreṣṭha praṇavātmānamīśvaram |
varṇatrayātmikaṃ vidyādakārādi trayeṇa tu ||

ucyate praṇavacintāmaṇau -

hakāraśśaṃbhurityuktassakāśaśśaktirucyate |
śaktirūpo sthitaścandro vāmanāḍī pravāhakaḥ ||

p. 43)

śambhurūpī dinakaro dakṣanāḍīpravāhakaḥ ||

brahmasvarūpamubhayormadhyamaṃtārakaṃbalaḥ ||

tāpanīye - 

akāraḥ puruṣastatramakāraḥ prakṛtirucyate |
tathāpraṇava oṅkāraḥ bījātmāpuruṣassmṛtaḥ ||

makāraḥ śaktirūpatvāt prakṛtiścāryarūpiṇī |
puṃstrīprakṛtirūpeṇa tasmād rū(ddhu?)madhyagā sadā || iti |

dvyakṣareṇa samudbhūtaṃ tāramekākṣaraṃ sphuṭam |
tataḥ pañcākṣaraṃ jātaṃ pañcāśadvarṇasaṃhitam ||

kalāsaṃhitāyām - 

ādyasvaraḥ pañcamaśca pavargāntaṃ tataḥ param |
bindunādau ca pañcāṇuḥ prokto vai praṇavasaṃjñakaḥ || iti |

śāradātilake - 

nādajāṣṣoḍaśakalā avarṇāddaśa ca smṛtā |
uvarṇāddaśasaṃbhūtāmavarṇāddaśa cāpare ||

tayorapi parejātāḥ kalāvarṇa krameṇa tu |
ādau sūkṣmasṛṣṭi svarūpeṇa praṇavamāvirbhavati tadrūpeṇa braṃhyate ||

praṇavacintāmaṇau - 

mātrā ṣoḍaśabhiḥ kliṣṭamavatātaiḥstathaiva ca |
niṣpannaṃ brahmatatsarvamabhyasedyogavittamaḥ |
ekona dvyaṣṭamātrātvaṃ dvyaṣṭamātrātvamapyume ||

candrasyaivopapannatvāt dvyaṣṭamātrātvamuttamam |
akāraśca tayokāro makārastadanantaram ||

ardhammātrāstato nādastato bindustataḥ kalāḥ |
śaktiśśāntiśca samatā conmanā ca manonmanī ||

vaikharī madhyamā cātha paśyantī ca parā tataḥ |
mātrāstu ṣoḍaśa proktāstābhiryuktastu tārakaḥ ||

dvyaṣṭa mātrātmakaḥ śuddhaḥ praṇavaḥ parikīrtitaḥ |
akārastu caturviṃśat tatvātmakamudāhṛtam ||

ukārañcāṣi ṣaḍviṃśattatvātmakamitisphuṭam |
aṣṭātriṃśattatvayukto makāraḥ parikīrtitaḥ |
ṣaḍaśītyātmikātvardhamātrātatvāgamoditāḥ ||

saptatatvātmako nādo bindu dvātriṃśadātmakaḥ |
kalāṣṭādaśatatvoktāḥ śaktiṣṣaḍviṃśadātmikā ||

triṃśattatvātmikāśāntissarvotkṛṣṭājayāvahā |
pañcaviṃśati tatvātmiketyuktā samānā tataḥ ||

unmanā ca catuṣṣaṣṭitatvavaktā jagatsthitā |
manonmanī caturviṃśattatvavikhyāta gocarā |
pañcāśattatvavistārā vaikharī viśvamohinī ||

p. 44)

aṣṭāviṃśatitatvātmā madhyamā sarvadhāmatā |
paśyantī caturaṣṭaikaṃ tatvākārāsamīritā ||

parātvānandatatvasthā soktā copaniṣatkramāt |
viśeṣāṇāpi viditāsāśeṣopaniṣatkramāt ||
evaṃ ṣoḍaśasaṃkhyābhistasmāttatvādinirṇayaḥ ||

ekonadvyaṣṭamātrātmakoṃkārastārakorṇavaḥ |
dvyaṣṭamātrātmakaśśaṃbhuroṃkārastārako dhravaḥ ||

varṇavaḥ praṇavastārastārako yogapodhruvaḥ |
tārtīyoṃkāra ityete praṇavāḥ parikīrtitāḥ ||

dvyaṣṭāvaraṇasaṃkrāntaṃ tārakaṃ dhruvamavyayam |
yojānāti sa evāhaṃ varṇatatvāgamātmakam ||

oṃkāraḥ praṇavastārastārtīyastārako dhruvaḥ |
rudreśānokṣarassarvavyāpyanto'thavaidyutaḥ ||

śuklaḥ sūkṣmaḥ paraṃbrahma bhagavāniti śaṅkarī |
dvyaṣṭāvatārāḥ saṃproktā praṇavopaniṣatkramāt ||

śaivataṃtre - 

ṣoḍaśakalābhedaḥ - 

akāraścokāraśca makārastadanantaram |

praṇavastvardhamātrā ca nādabindukalāstathā | 
śaktiśśāntiśca samanāconmatā vaikharī tataḥ |
madhyamā cātha paśyantī parā ceti svabhāvataḥ ||

ṣoḍaśī dvyaṣṭamātrābhirmilitā yogino viduḥ || iti |

praṇavacintāmaṇau - 

akārastvaṃ padaṃ vidyāt ukārastatpadaṃ viduḥ |
asītyekaṃ makārasya ityeṣa praṇavo bhavet |
tvaṃ padaṃ tu mahāvākyaṃ praṇavastatpadaṃ priye ||

ardhamātrādyasītyaikyātparaṃ praṇavamīritam |
tadvatso'haṃ pade nāsījjīvātmaparamātmanoḥ ||

praṇavenaikyamāsādya svarūpaṃ yatirāpnuyāt |
bindustvaṃ padaṃ proktamardhamātrāt tu tatpadam ||

asītyaikya pado nādastasmānnādaparo bhavet |
kaṇṭhādakāraḥ sphurati laghupadānnābhirandhrādukāro 
madhyasthā nānmakāro viśati karaṇataḥ kaṇṭhato bhavet |
nādo madhyācca śaktiśśirasi ca padantaśśāntimādvādaśāntā 
moṃkāradhyānarūpī ravikhatujagannāyako viśvamūrtiḥ ||

narasiṃhatāpanīyayoḥ -

vedādi mūlaṃ sakalaṃ svarāṇāṃ trayodaśasthaṃ śaśibindurūpam |

p. 45)

vedānvitaṃ suptabhujaṅgarūpaṃ triratnamūlaṃ praṇavaṃ namāmi ||

yogasāramañjaryām - 

mūlādhāre smarettāramacañcalataṭitprabham |
citprabhāṃ kuritāṃ devīṃ śaktimādyo manonmanīm ||

bālārkakoṭirucirāṃ mantra caitanyarūpiṇīm |
prajvaladvyakticaitanyādudbhūtāṃ varṇapaddhatim ||

smareddevīṃ dīpyamānāṃ tārākārāṃ suvarcasam |
tajjīvāṃkuritāṃ devīṃ hutāśakaṇikākṛtim ||

uccarecca tato mantraṃ śabdarūpaṃ hṛdi priye ||

jīva caitanyayuktasya mantrasya jyotirūpiṇaḥ |
brahmaśīrṣasamudbhūtaṃ jīvaśaktidhruvādikam ||

pūrvavatpracayāddevi jīvacaitanyamāharet |
āditatvātmakaṃ devaṃ śakticaitanyabhāsakam ||

varṇamālākṛtāśeṣaṃ mantrarājaṃ mahāprabham ||

atilomārṇamu........ mahoraskaṃ mahākṣamam |
ūrdhvatāraśirastrāṇaṃ tadbindukṛtaśekharam ||

anantaśaktisampannaṃ mahājvālaṃ mahākṣamam |
śivaśaktimaśeṣaṃ tu kabalīkṛtya tatkṣaṇāt ||

susthiraṃ cātmano dehe prajvalantaṃ tato'dhikam |
svadeha madhyasaṃlīnaṃ śvāsamokṣāvadhi smaret || iti |

parameśvarasya prabhayākuṇḍalyā mukhāt parāt pareṇa yathā 
jalagatamaṇḍukasya mukhāt budbudānyutpadyante tathodbhūta 
pañcāśadvarṇān | vaikharīrūpeṇa praṇavādyuccārya śivaśaktyātmakatayā 
mūlādhāre kuṇḍalī svarūpaṃ yathā ānandakāramanalaṃ viduḥ | 
jātaprāṇāgnisaṃyogāttena nādo'bhidhīyate || 

praṇavacintāmaṇau - 

āhato'nāhataśceti dvidānādenabhiyate |
nirguṇo nāhato nādastvāhatassaguṇaḥ smṛtaḥ ||

rājato nirguṇo nādaḥ sarvajīvahṛdaṃbuje |
rājate preritotyarthaṃ mokṣamātraikasādhanam ||

brahmanādaḥ parohṛdya paramānandasāgaraḥ |
dvitīyaḥ saguṇonādavācikopāṃśumānasaḥ ||

sarvārthamukhyahetuḥ san sarvalokaikarañjakaḥ |
gānasaṅgīta bharataśāstreṣu pratipāditaḥ ||

bahurūpeṇa sarvatra preritaḥ san virājate |
nādamātrastu sarvatra vācikopāṃśumānasaḥ ||

p. 46)

brahmanādo mānasiko vāciko gānamucyate |
vitānātānasaṃvīta vivṛtodīrṇakumbhakaḥ ||

plutānandā plutānandā navanādāḥ prakīrtitāḥ |
nṛsiṃhasyābhi mukhyārthaṃ prahlādena pradarśitāḥ |
udātte nānudāttena svaritapracayena ca |
gītvāthasādhakāstattatphalamapyāpnuvantite || iti nāradaḥ |

pāṣāṇadrāvaṇaṃ medhā karṣaṇañca pravarṣaṇam |
śilāyāṃ devatā veśaṃ kṣīraprasravaṇaṃ gavām ||

bhūruhāṇāmakāle'pi puṣpodvegakaraṃ param |
mohakaṃ sarvalokānāṃ paśvādi mṛgapakṣiṇām ||

sādhakānāṃ kṣaṇādeva taddhyānātsaṃbhantyamī || iti |

jñātvaivaṃ sādhakaśśānto guruśikṣāpurassaram |
abhyasennādasiddhyarthaṃ vivikte śāntamānasaḥ ||

randhre sakṛnmārutapūrṇaveṇurmanoharaṃ janmajarāti nāśanam |
nadatyajasraṃ hṛdi sarvadehinā tadbrahmanādaṃ pravadanti yoginaḥ ||

taduktaṃ dhyāna nāda bindūpaniṣadi -

anāhataṃ tu yacchabdaṃ tasya śabdasya yatparam |
tatparaṃ vindate vastu sa yogī chinnasaṃśayaḥ || iti | 

asādhyadurjayo pāya ṣaḍantarvartino ripūn |
vijitya jñanavairāgya saṃpattyāśraddhayānvitaḥ ||

ekānta durgamākramya paramānandabandhuraḥ |
svāstikāsanamārūḍho dhātrī śuddhipurassaram ||

gurvādi vandanaṃ kṛtvā prāṇāyāma parāyaṇaḥ |
hrasvadīrghaplutaiḥ samyag recapūraka kumbhakaiḥ ||

tridhaikavāramutsṛjya tattrivāraṃ punaḥ punaḥ |
tridhaikavāramuccārya ṣaṭprāṇāyāmapūrvakam ||

cintayet praṇavākāraṃ svaśarīraṃ samāhitaḥ |
jyotirmayaṃ vibhāvyātha tattvavittāravitpunaḥ ||

prāṇāyāmatrayaṃ kṛtvā pṛthagātmani cintayet ||

śrīkṛṣṇaḥ - 

adhomukhantu hṛtpadmamuddhṛtya praṇavena tu |
gatvā tu padmakośāntaṃ vikasedvyāhṛtiḥ punaḥ || iti |

tasya madhya gatovahnirvahnimadhya gato raviḥ |
ravimadhyagataścandraścandramadhyagatā prabhā ||

dhyānanādabindūpaniṣadi - 

tatrāgniravicandrāṇāmuparyupari cintayet || iti |

p. 47)

prabhāmadhyagato bindurnādastanmadhyagasvaraḥ ||

dhyānanāde - 

bījākṣaraparaṃ bindurnādaṃ tasya paraḥ smṛtaḥ || iti |

praṇavacintāmaṇau - 

praṇavāvṛtikāleṣu niruddhoddhūta vāyunā ||

anyatragamanābhāvāt tāḍite cāpya nāhate |
bindurbhidyati nādena sa nādaḥkhenabhidyati ||

uttaragītāyām - 

anāhatasya śabdasya tasya śabdasya ca dhvaniḥ |
dhvanirantargataṃ jyotirjyotirantargataṃ manaḥ ||

tanmano vilayaṃ yāti tadviṣṇoḥ paramaṃ padam |
oṃkāradhvani nādena vāyusaṃharaṇāntikam ||

nirālaṃbaṃ samuddhṛtya tatra nādolayaṃ gataḥ || iti |

amanaskaṃ yathādhyāyennābhi hṛnmūrdhni madhyame |
tanmadhye brahma ityāryairmanyante yogavittamaiḥ ||

bahudhā bahurūpeṇa sarvāntarlīna rūpavat |
nyūnaṃ nādaṃ paraṃbrahma viddhitvamasurārdini ||

akārāntargataṃ viddhi ukāraṃ tasya madhyagam |
makāraṃ līnamityuktaṃ mūrtitrayasamanvitam |
tanmadhye bindurityuktaṃ dhvanistanmadhyasaṃbhavaḥ ||

dhvanerantargataṃ tejastejasontargataṃ raviḥ |
ravimadhyagataḥ sthāṇuḥ sthāṇormadhya gataṃmanaḥ ||

tanmano vilayaṃ yāti tannāda brahma ityate |
dhvaninā veṣṭitaṃ sarvaṃ jagadetaccarācaram ||

praṇavacintāmaṇau - 

sthāvareṣvapi sarveṣu jaṅgameṣvapyaharniśam |
pipīlikādi brahmānta jantujāleṣvapi priye ||

antarbahiḥ samāvṛtya nādastiṣṭhati kevalam || iti |

asādhyaḥ sādhakānāṃ tu karasya ivamātyayam |
nissandehāssamyagānanda siddhairdvyaṣṭā vasthāssanti tattadviśeṣaiḥ | ekaikena 
vyastarūpāssamastāssvasthāvasthāssiddhimutpādayanti ||

plutāplutena praṇavaṃ samabhyaset tadvattadagreṇatadardhamātrakam |
raṅgapluteneva hi nādamagratasstadaṅgamātreṇasasiddhimāpnuyāt ||

nādākrāntārdhamātrapraṇavavamabhīmukhī kṛtya nityaṃ niśānte 
svādhārādvyaṣṭa padmeṣvanupamapavanābhyāsayuktyāvakḷptaḥ |
dhyātavyassādhakendraiḥ svahṛdayadaharākāśavidyotamāna svāntāṃbhojāta 
mitro vinihata dhṛtikṛtsāvadhānaḥ paritrāṭ || iti |

p. 48)

ājñādi ṣoḍaśānteṣu sthaleṣvapi pṛthak pṛthak |
akārādi kṣakārāntān vyaktāvyaktānu kāriṇaḥ ||

svārān jñātvā naraḥ samyak nirudhyānilamanvaham |
taduktavyavadhānena mandramadhyama tārakaiḥ |
udāttairanudāttaiśca svarita pracayairapi ||

hṛdi dīpaplutairyuktaistattaduktakramairyatiḥ |
svaramekaikamādyantaṃ dvyaṣṭāvasthāvaśeṣitam ||

kṛtvā pañcaplutodāttāraṃ maplutaparisphutam |
nādāmṛtamanuprāpya vismṛtyaivākhilaṃ jagat ||

prāpnoti mokṣamavyājaṃ punarjanmāpahārakam |
ekaikamādyantamananya buddhyā caturguṇī kṛtyadaśa svaresa || 
hrasvādipūrvoktaparāntamevamārvartayennādasamādhi yogī ||

tyaktvā recakapūrakaṃ gurupadāṃbhojasthale pūrṇayuk 
dṛṣṭiḥ kevalakumbhakāntaranadat śṛ(bhṛ)ṅga plutāplāvitaḥ |
vismṛtyākhilamātmavid gagatavanniśceṣṭito nirmamaḥ 
svāntānandasudhāntaraṃ galaharī krīḍāparo nādavit || iti |

nādasaṃgrahe - 

śuddhaplutaṃ pañcavidhaṃ viditvā raṅgaplutaṃ pañcavidhaṃ vibhajya |
caturguṇī kṛtya daśasvarebhya samabhyasedukta daśaplutāni ||

vivṛtena praṇavasya kramādraṃgaplute na dīrgheṇa |
vyañjanekārdhamātrādi saṃjñāṃ jñātvā samabhyaset || iti |

vedalakṣaṇe ca - 

ekamātro bhaved hrasvo dvimātro dīrgha ucyate |
trimātrastu pluto jñeyo vyañjanaṃ tvardhamātrakam ||

hrasvārdhaṃ vyaṃjanaṃ proktaṃ tadardhamanunāsikaḥ |
nādamūlaṃ tadevasyādardhamātreti gīyate || iti śivaḥ |

caturmātrātmakaḥ tāraplutaḥ plutasamāhṛtaḥ |
pañcamātrātmako raṃgapluta ityabhidhīyate ||

vyañjanaṃ cārdhamātrādi caivaṃ jñātvāsamabhyaset |

sānunāsikayā dīrgha plutaraṃgaplutaṃ viduḥ || 

hrasvaplutadīrghapluta raṅgaplutaśca vijñeyaḥ |
vyañjanapluta ityevaṃ raṅgaplutastu pañcārdhe ||

yogasāramaṃjaryām - 

akāraścaika mātraḥsyādākārastu dvitīyakaḥ |
ādināthena samproktaṃ tālamātrasya lakṣaṇam ||

cāṣastu śabde mātraṃ dvimātraṃ vāyaso'bravīt |

p. 49)

śikhīrautitrimātraṃ hi caitanmātrasya lakṣaṇam ||

praṇavacintāmaṇau - vedalakṣaṇe ca -

vilambatvaritaṃ tyaktvā madhyamassatu niścalaḥ |
veṣṭayitvā tridhājānu maṇḍalaṃ choṭakāṃ smṛtam ||

kuryādeṣā bhavenmātrā kaniṣṭhā kālamānataḥ |
madhyamā dviguṇāsaiva triguṇāduttamottamā ||

bhaveddvādaśamātrābhiḥ kaniṣṭhābhiḥ kaniṣṭhikā |
madhyamā madhya udgīta uttamābhirathottamaḥ ||

ekamātro bhaved hrasvo dvimātro dīrgha ucyate |
trimātrastu pluto jñeyaḥ caturmātraḥ plutaplutaḥ ||

raṅgaplutaḥ pañcamātra ṣaṇmātrastu śikhiplutaḥ |
samāplutassaptamātraḥ gāndharvo'ṣṭaplutaḥ smṛtaḥ ||

plutaḥ pañcavidhaḥ proktaḥ kecinnāda vidoviduḥ ||

akāraśca ukāraśca makāraśca praṇavaḥstathā |
udāttairanudāttaiśca svaritapracayena ca ||

trirāvṛttena viditaḥ svarabhedānu bhedataḥ |
hrasvadīrghaplutairekaḥ praṇavo navadhābhavet ||

kecidvadanti cānyena caturviṃśatidhā punaḥ |
plute naivatrimātreṇa tacchiketi prakīrtitā ||

hrasvadīrghaplutairekaḥ praṇavaḥ paryupāsyate |
sodāttādi tribhedena praṇavo navadhā bhavet ||

hrasvadīrghaplutairvyaktaḥ praṇavaplutabhedataḥ ||

udātte nānudāttena svaritena tathā punaḥ |
dvābhyāmaikyaṃ tridhoccārya jñātavyaṃ navadhā punaḥ ||

navaitaddvividhāsānu nāsikena vipaścitaḥ |
jñātavyamevaniranu nāsikena svaraḥ sphuṭaḥ ||

uktāḥ syuranyādvinavabhedaśca praṇavaśca vai |
vināplutena praṇavaṃ noccaret kvacidapyume ||

iti praṇavacintāmaṇau ||

navaplutavibhedena saṃśodhyapraṇavaṃ punaḥ |
plutanaṃ vā bhyasedyatnānmokṣamārgapravartakaḥ ||

akārādiparāntānāmuktāḥ syuṣṣoḍaśa svarāḥ |
plutaṣṣoḍaśikā viddhiṃ praṇavaṃ tatprabodhakam ||

p. 50)

ardhamātrāplutaśikhānādo raṃgaplutaṃ viduḥ ||

nādaṃkura plutaśikhājaladāntarastha vidyullateva hṛdayāntara karṇikādau |
āmāti dīpakālikopama dīpitārdhamātrā dhruvopaniṣadi pratipāditeyam ||

plutaḥplutānuvartisyādardhamātrā svatastathā |
samabhyasedardhamātrāṃśvarūpāmabhavo bhavet ||

nādoraṃgaplutenaiva labhyate netareṇa tu |
dhruvaplutāplutenaiva sidhyatyenanānyathā ||

samyak plutaśikhājñeyārdhamātreti kīrtite |
ardhamātrasvarūpaṃ tu jñātuṃ vaktuṃ pradarśitum ||

na śaktā sarvadā devi haribrahmādi yoginaḥ |
kālasyā gamanirgamāt parimitaḥ kālo bhavedatra sā 
mātrāśvāsamayī daśākṣaramitoccāreṇaraṅgaplutaḥ | 
mātrādvādaśasammito yadimarut devaṃ sthitassyāttadā 
prāṇāyāmapadaṃpumān nadhigataḥ padmāsane saṃsthitaḥ ||

mātrāsvarūpamevādo jñātvaivaṃ praṇavena ca |
daśapluta kramajñaśca nādāvirbhāvamāpnuyāt ||

daśaplutānāṃ sarveṣāṃ nāmamekaṃ vinirdiśet |
tārakāntyaplutāntyasthaṃ nādaṃ tasyopari sthitam ||

nādabrahma iti jñeyaṃ gīrvāṇaṃ paramaṃ padam |
antaśśāradacandrikā vilasitāgaṃbhīranādāṃkitā 
vyaktāvyaktatarasvabhāvavibhavā yogaika ramyā parā |
svāntasvānubhavaika vedyamahimāsadbrahmanādāhvayā 
brahmānandamayī rahasya jananī saivārdhamātrā hvayā ||

evamabhyāsa śīloyaḥ prāṇāyāma paro hi saḥ |
nādaṃ siddhimavāpnoti nocedvyarthābdhi vṛṣṭivat ||

pūrvoktaplutamadhye tu pañcaite supratiṣṭhitāḥ |
padāntastha pluto varṇo nāsikyoraṃgasaṃjñakaḥ ||

padānte ṣvapi sarvatrasaraṃga plutasaṃjñikaḥ |
suślokāñca sumaṃgalāṃ ca tathā- sūktaiḥ spaṣṭatayā prapañcitamidaṃ 
śuddhaplutaṃ sarvadā | bidvādityākṣaradīrghamātramahito jñeyaḥ plutaḥ 
prāyaśaḥ ||

pluta svarūpajñānena nādasiddhirbhaviṣyati |
nādānubhavavidyogī prapañca vyaktalakṣaṇaḥ ||

p. 51)

evamabhyāsaśīlasya siddhilakṣaṇamucyate |

yogasāramañjaryām - 

pūrvaṃ pūrvaṃ prakurvīta yāvaduttarasaṃbhavam |
sambhavantyuttare siddhiḥ prāṇāyāmeṣu sukhī bhavet ||

prathamaściñciṇī nādo dvitīyaḥ kiṅkiṇī svaḥ |
tṛtīyo veṇunādākhyo ghaṇṭānādaścaturthakaḥ ||

pañcamastālanādākhyo bhṛṅganādastu ṣaṣṭhakaḥ |
saptamo dundubhernādo bherī nādo'pyathāṣṭakaḥ ||

navamo meghanādaśca daśamaḥ sāgarasvanaḥ ||

chirikopaniṣadi - 

chinniti prathamaḥ cinicinīti dvitīyaḥ |
ghaṇṭānādastṛtīyaḥ | caturthaḥ śaṅkhanādaḥ ||
pañcamastantrinādaḥ | ṣaṣṭhastālanādaḥ ||
saptamo veṇunādaḥ | aṣṭamo bherī nādaḥ ||
navamo mṛdaṅganādaḥ | daśamo meghanādaḥ ||

navamaṃ parityajya daśamamevābhyaset || iti |
svedastu prathamaḥ proktaḥ dvitīyaḥ kampa ucyate |
tṛtīyo'dbhuta kampaśca caturthaḥ piṅgalopamaḥ ||

śarīrasyordhvagāmitvaṃ pañcamaṃ parikīrtitam |
ṣaṣṭhañca dūraśravaṇaṃ saptamaṃ dūradarśanam |
divyāhoro'ṣṭamaṃ devi navamaṃ khecarī gatiḥ ||

jīvanmokṣaṃ ca daśamaṃ trikālajñānameva ca |
cihnānyetāni dṛśyante nirvighnassatu yoginaḥ ||

āsanaṃ siddha sadṛśaṃ na kumbhaḥ kevalopamaḥ |
na khecarī samāmudrā na nāda sadṛśo layaḥ ||

nādakośārdha mātra syāt tatkośaḥ praṇavaḥ smṛtaḥ |
sahasravāyavastasya kośabhūtastapodhane ||

na vedairnaiva vedāntairnaivopaniṣadādibhiḥ |
ardhamātrāparijñānānmuktireva na saṃśayaḥ ||

kīrtanairvedapaṭhanairmantrairyajñairvratairjapaiḥ |
ardhamātrāparijñānaṃ vināmuktiṃ na vindati ||

ardhamātrāparijñānādyateranyatra kiṃ phalam |
ardhamātrāparijñānādnedānta śravaṇena kim ||

ardhamātrāsvarūpaṃ tu yogamārgeṇa yoginaḥ |
jānanti nānye girije kiṃ vaktavyaṃ punaḥ punaḥ || iti |
layayogaścittalayaḥ saṃketastu prajāpate |
ādināthena saṃketaḥ sādhakāḥ parikīrtitāḥ || 

p. 52)

prajñāsyāt hṛdaye cātha tṛtīyā ca tathorasi |
kaṇṭhe mukhe nāsikāgre netre bhrūmadhyamūrdhani ||

śrīdattaḥ | 

layolaya iti prāhurīdṛśaṃ lakṣaṇaṃ sphuṭam |
tatra sarvasamādhāne layo viṣaya vismṛtiḥ ||

patañjaliḥ - 

nābhicakre hṛdaye mūrdhani jyotiṣi nāsikāgre jihvāgre tālu nītyevamādi padeṣu 
| bāhye vā viṣayevṛttimātreṇa bandha iti | pūrvayogibhiḥ mūlādhārādiṣu 
prāṇalaye cokte'pi prājñānābhyāmiti uktavākyasyaivamabhiprāyaḥ | 
ādināthe nādiparameśvareṇā nābhessvādhiṣṭhānatvenoktatvāt | 
prājñānābhyāmiti | prathamanirdiṣṭam | taduktaṃ yogasāramañjaryām 
nābhicakraṃ maheśāni svādhiṣṭhānamitīritam | iti saundaryalaharyām | tava 
svādhiṣṭhāne hutavahamiti | tavaśyāmaṃ meghaṃ kamapi maṇipūramiti | 
uttaratra vakṣyamāṇa prakāreṇa nābhicakraṃ vicintya tanmadhye sthita 
devasyapañcopacārapūjānantaraṃ taddevantejorūpamiti vicintya tattejo'hamiti 
vibhāvya tattejorūpa pariṇāma cittaṃ yāvat tāvat nityamabhyaset | tattejaḥ 
svātmani abhedena yadā sphurati tadālayayogamiti saṃjñā bhavati | evamādi 
nābhyādi sthāneṣū hanīyam | lakṣyarūpaṃ svayaṃ bhūtvā hyananyaviṣayaṃ 
smṛtiḥ | laya yogassa ityuktaḥ pūrvamabhyasya sūribhiḥ ||

vāsiṣṭhe - 

yā śaktirūditā śīghraṃ yāti tanmayatāmajaḥ |
ya evartu sthiti yāti tanmayo bhavatidrumaḥ ||

bhāvitāśaktirātmānamātmatāṃ nayati kṣaṇāt || iti |
layayogasya vijñāturucyate patañjali bhagavadbhiḥ |
nābhicakre saṃyamaṃ kṛtvā kāyavyūhaṃ jānīyāt ||

asyārthaḥ - 

nābhicakre saṃyamaḥ cittalayaṃ kāya vyūhaṃ jānīyāt || 

asyārthaḥ - 

nābhicakre saṃyamaḥ cittalayaṃ kāya vyūhaṃ jānīyāt | 
vātapittaśleṣmeṣusthitasaptadhātūnāṃ vyūhaḥ | teṣāṃ svarūpaṃ jānāti | 
evamabhyāsaśīlasya vātādi janyadoṣāḥ naśyanti | yugapadanekaśarīrotpādaka 
sāmarthyaṃ kāya vyūhaḥ | samānajayājvalanaṃ nābhicakre samāne cittalayāt 
agniprakāśaḥ | hṛdaye cittasaṃvit asmāt jñānadarśanaṃ bhavati | urasi 
cittalayāddhairyaṃ bhavati | kaṇṭhakūpe cittalayāt kṣutpipāsā nivṛttiḥ | 
udānalayājjala 

p. 53)

kaṇṭakādiṣvananuṣaṅgaḥ | udāne cittalayāt jalakaṇṭhaka bādhā nivṛttirbhavati | 
śarīrādvahirgamanāgamana pravṛttiśca bhavati | kūrmanāḍyāt sthairyam 
kaṇṭhakūpādayaḥ kūrmākāranāḍīstasyāścittalayāt sthirapadaṃ labhate | 

dattaḥ- prāṇajayātsarvaprāṇināṃ prāksvarūpalābhaḥ | 
mukhe cittalayāt vāksiddhirbhavati |

śrīdakṣiṇāmūrtiḥ - 

jihvāgre sarasvatyāścittalayāt sarvavidyāviśārado bhavati | nāsāgre cittalayāt 
haṃsasiddhiḥ |

dattaḥ | 

netre cittalayāt sarvarūpadarśanam | 
(sūrye candre ākāśe pavane agnau jale pṛthivyāṃ 
śabdasparśarūparasagaṃdhādiṣu vainateyasiṃhe cittalayāt tattadrūpayogo 
bhavati |) bhrūmadhye cittalayāt sāyujyam ||

patañjaliḥ | mūrdhni jyotiṣi siddhidarśanaṃ sūrye candre ākāśe pavane agnau 
jale pṛthivyāṃ śabdasparśarūparasagandhādiṣu vainateye siṃhe cittalayāt 
tattadrūpayogo bhavati || 

dattaḥ | 

yasmillīnaṃ yasya cittaṃ tattadrūpaṃ bhaved dhruvam |
so'haṃ bhāva vaśānnūnaṃ yathā bhramarakīṭavat ||

taduktaṃ gītāyām - 

yaṃ yaṃ vāpi smaran bhāvaṃ tyajatyante kalevaram | 
taṃ tamevaiti kaunteya sadā tadbhāvabhāvitaḥ || iti |

svadehabhāvaṃ tyaktvā lakṣyarūpasiddhikālameva kālaḥ | 

khecarī melanaṃ caiva layayogaśca yoginaḥ | 
haṭhayogaṃ vināsiddhirjāyate na kadācana || iti | 

|| iti yogasārasaṃgrahe nādasvarūpasya layayogasya ca nirūpaṇaṃ nāma 
navamo'dhyāyaḥ ||




adhyāyaḥ || 

naraprayatnena saritpravāhaḥ nibandhane naiva taṭākagoyathā | 
marutpravāhaśca tathaiva dehe nirūḍhamāno haṭhayoga ucyate ||

taduktaṃ śivayoge - 

bhavedaṣṭāṃga yogena mudrākaraṇa baṃdhanaiḥ |
tathā kevalakuṃbhīva haṭhayoga vaśānilaḥ || iti |

mano vāyu bhare dehe sthite niścalatastathā |
candrasūryau samauyātau haṭhayogasya lakṣaṇam ||

saṃsāratāpataptānāṃ samāśrayahaṭhohaṭhaḥ |
aśeṣa yogajagatāmādhārakamaṭhohaṭhaḥ ||

sāravidyāparaṃ gopyaṃ yogināṃ siddhimicchatām |

p. 54)

bhavedvīryavatī guptā nirvīryā tu prakāśitā ||

surājye dhārmike deśe subhikṣe nirūpadrave |
ekānte maṭhikāmadhye sthātavyaṃ haṭhayoginaḥ (bhiḥ) || 

adhyāhāra prayāsaśca prajalayo niyamagrahaḥ |
janasaṃghaṃ ca laulyañca ṣaḍbhiryogo vinaśyati ||

utsāhānniścayāddhairyāttatvajñānārthadarśanāt |
janasaṃghaparityāgāt ṣaḍbhiryogaḥ prasidhyati ||

sadādi nāthāya namo'stu tubhyaṃ yenopadiṣṭā haṭhayogavidyā |
virājate pronnatarājayogamāroḍhumicchoradhirohiṇīva ||

dhautirvastirnatiścaiva trāṭakaṃ laulikaṃ tathā | 
kapāladhāti caitāni ṣaṭkarmādi pracakṣate ||

karmaṣaṭkamidaṃ proktaṃ ghaṭaśodhanakāraṇam |
vicitraguṇasaṃdhāyī pūjyate yogapuṃgavaiḥ ||

caturaṃgulavistāraṃ siktaṃ vastraṃ śanaiḥ śanaiḥ graset ||

tataḥ pratyāhareccaitaduditaṃ dhautikarma tat |
kāsaśvāsaplīha kuṣṭhakapharogāśca viṃśatiḥ ||

dhautikarmaprabhāveṇa dhāvantyeva na saṃśayaḥ ||

udara gatapadārthamudvamantī pavanamapānamudīrya kaṇṭhanālam |
kramaparicita vāyuveśyavargo gajakariṇīti nigadyate haṭhajñaiḥ ||

nābhidaghnaṃ jale pāyu nyasta tālotkaṭāsanaḥ |
ādhārākuñjanaṃ kuryāt prakṣālaṃ vasti karmatat ||

gulmaplīhodare vāpi vātapittakaphodbhavāḥ |
vastikarmaprabhāveṇa vāryante sakalāmayāḥ ||

yātvīndriyāntaḥ karaṇaprasādaṃ dadyāccakāntiṃ dahanapradīptim |
aśeṣadoṣāpacayaṃ nihanyādabhyāsamānaṃ jalavastikarma ||

sūtraṃ vitastisusnigdhaṃ nāsānālaiḥ praveśayet |
mukhānnirgama etaiṣāṃ tatisiddhirnigadyate ||

kapālaśodhinī saiva divyasiddhiprasādhinī |
kaṇṭhordhvajāṭharogaghnī jāyate sukarī natiḥ ||

nirīkṣya niścala dṛśā sūkṣmalakṣyaṃ samāhitaḥ |
aśrusaṃpātaparyantamācāryaistakassmṛtaḥ ||

ghoṭakaṃ netrarogāṇāmindriyāṇāṃ kavāṭakam |
yatnāttu ghoṭakaṃ gopya yathā hātakavattathā ||

amandāvarta vegena tundaṃ savyājasavyataḥ |
natāṃso bhrāmayet teṣāṃ lauli gauḍhaiḥ praśasyate ||

mandāgni sandīpana pācanādi saṃdāyi sānandakarī sadaiva |

p. 55)

aśeṣadoṣāmaya śoṣaṇī ca haṭhakriyāmauliriyaṃ hilauli ||

bhastrīva lohakārasya recapūrau ca saṃbhramau |
kapālabhātirvikhyātā kaphadoṣaviśoṣaṇī ||

ṣaṭkarmabhirgatasthaulaya kaphadoṣamalādikaḥ |
prāṇāyāmaṃ tataḥ kuryāt anāyāsena sidhyati ||

haṭhayoge pratipādita sūryabheditākumbhakānāṃ svarūpaṃ pūrvameva 
prāṇāyāma prakaraṇe pratipāditam | mahāmudrāmahābandho mahāvegaśca 
khecarī |

oḍyāṇa pīṭhabandhaśca tato jālaṃdharābhidhā ||

karaṇī viparītādi vajrolī śakti cāpalam |
ante sā khecarī mudrā daśamudrāḥ prakīrtitāḥ ||

ādi nāthoditāmudrāḥ aṣṭaiśvaryapradāyakāḥ |
durlabhā sarvasiddhānāṃ durlabhā tridaśairapi ||

ekaikā tāsu mukhyā syāt mahāsiddhipradāyinī |
mahāmudrāṃpravacchyāmi vasiṣṭhenoktamādarāt ||

pādamūlena vāmena yoniṃ saṃpīḍyadakṣiṇam |

pādaṃ prasāritaṃ kṛtvā karābhyāṃ dhārayenmukhe |
kaṇṭhe baṃdhaṃ samāropyapūrayedvāyumūrdhvataḥ ||

yathādaṇḍāhataḥ sarpo daṇḍākāraḥ prajāyate |
ṛjvībhūtā tadāśaktiḥ kuṇḍalī sahasā bhavet |
tathāṣṭau maṇi raṇāvasthā jāyante dvipuṭā sthitāḥ ||

na hi pathyamapathyaṃ vā rasāḥ sarve'pi nīrasāḥ |
api bhuktaṃ viṣaṃghoraṃ pīyūṣamivajīryate ||

kṣayakuṣṭhagudāvarta gulmaplīha purogamāḥ |
tasya doṣāṃ śamaṃ (kṣayaṃ) yānti mahāmudrāṃ tu yo'bhyaset ||

kathiteyaṃ mahāmudrā jarāmṛtyuvināśinī ||
gopanīyaṃ prayatnena na deyaṃ yasya kasyacit ||

pārṣṇī pādasya vāmasya yoni sthāne niyojayet |
vāmorūparisaṃsthāpya dakṣiṇaṃ caraṇaṃ tathā || 

pūrayenmukhato vāyuṃ hṛdaye cibukaṃ dṛḍham |
nibhṛtya yonimākuñcya manomadhye niyojayet ||

recayecca śanairevaṃ mahābandho'yamucyate |
amuṃyoni mahābandhaṃ sarvasiddhi pradāyakam ||

savyāṅge ca samabhyasya dakṣiṇe ca samabhyaset |
ayaṃ ca sarvanāḍīnāmūrdhvaṃgati vibodhakaḥ ||

triveṇī saṃgamadvārā kedāraṃ prāpayenmanaḥ |
rūpalāvaṇyasampannā yathāstrī puruṣaṃ vinā ||

p. 56)

mahāmudro mahābandho mahāvedhaṃ vinā tathā |
mahāvedhaṃ pravakṣyāmi yathā tau sidhyatastataḥ ||

mahābandhasthito yogī dhṛtvāpūrakamevadhīḥ |
vāyunāgatimāhṛtya nibhṛtaṃ kaṇṭha mudrayā ||

samahasta yugo bhūmau sphijāsantā'yecchanaiḥ |
ghaṭi dvayaṃ samākramya vāyuḥ sphurati satvaraḥ ||

somasūryāgni saṃbandho jāyate cāmṛtaṃ ca vai ||

mṛtāvasthā samutpattau tato vāyuṃ virecayet |
mahadvedho'yamabhyasto mahāsiddhi pradāyakaḥ ||

valīpalitavegaghnaḥ sevyate sādhakottamaiḥ |
mahāmudrā trayaṃ guhyaṃ jarāmṛtyu nivāraṇam ||

vahni vṛddhikaraṃ caiva hyaṇimādi guṇapradam |
aṣṭadhādīryacaitadyāṃ yāmaṃ yāmaṃ dine dine ||
puṇya cañcāra sandāyī pāpaugha biduraṃ sadā ||

sāmyakchikṣāvatāmeva prathamaṃ svalpasādhane |
vahnistrīpathasevānāmādauvarjanamācaret ||

cchedana dohana cālaiḥ kaṇṭhakāla krameṇa vardhayet tāvat |
bhrūmadhyaṃ spṛśati tadā nityābhyāsena khecarī siddhiḥ ||

kapāla kuhare siddhijihvā praviṣṭā viparītagā |
bhruvorantargatā dṛṣṭirmudrā bhavati khecarī ||

kalāṃ parāṅmukhī kṛtvā tripathe pariyojayet |
sā bhavetkhecarīmudrā vyomacakraṃ taducyate ||

rasanāmūrdhvagāṃ kṛtvā kṣaṇaṃ vā yadi tiṣṭhati |
kṣaṇena mucyate yogī vyādhi mṛtyu jarādibhiḥ ||

na roga maraṇaṃ tasya na nidrā na kṣudhā tṛṣā |
badhyate na sa kālena lipyate na sa karmaṇā ||

bādhyate na sa kenāpi yasya mudrāsti khecarī |
cittaṃ carati vai yasmāt jihvā carati khe gatā ||

tenairvā khecarī nāma munisiddhairnamaskṛtā |
khecaryā mudritaṃ yena vivaraṃlambakordhvataḥ ||

tasya nakṣarate binduḥ kāminyā śleṣitasya ca |
calito'pi yathābinduḥ saṃprāpto yonimaṇḍalam ||

vajratyūrdhvaṃ yathāśakti nibaddho yonimudrayā ||
ūrdhvajihvā sthiro bhūtvā somapānaṃ karoti yaḥ |
māsārdhena na sandeho mṛtyuṃ jayati yogavit ||

p. 57)

nityaṃ somakalāpūrṇaṃ dehī dehaṃ na muñcati |
gomāṃsaṃ bhakṣayennityaṃ pibedamaravāruṇīm ||

kulīnaṃ tamahaṃ manye itare kulaghātakāḥ |
gośabdenoditā jihvā tatpraveśo hi tāluke ||
gomāṃsabhakṣaṇaṃ tattu mahāpātaka nāśanam |
jihvā praveśasaṃbhūtā vahninottāpitākhalu ||

candrāti sravati yaḥ sārassasvedomaravāruṇī |
bandho yena suṣumnāyāṃ prāṇastuḍḍhīyate yataḥ ||

tasyā duḍyāṇanāmāyaṃ yogibhiḥ samudāhṛtaḥ |
uḍyāṇaṃ kurute yasmāt aviśrānto mahākhagaḥ ||

uḍyāṇaṃ ca tadeva syāt tatra bandho nigadyate |
udare paścimaṃ tāṇaṃ nābherūrdhvaṃ ca kārayet ||

uḍḍiyāṇamidaṃ bandho mṛtyumātaṅga kesarī |
uḍḍiyāntu sahajā guruṇā kathitaṃ sadā ||

abhyaseduḍḍiyāṇaṃ tu vṛddho'pi taruṇo bhavet |
nābherūrdhvamadhaścāpi tāṇaṃ kuryāt prayatnataḥ |
ṣaṇmāsamabhyasennityaṃ jayatyeva na saṃśayaḥ ||

sati padmāsane padmau karābhyāṃ dhārayed dṛḍham |
gulpha deśe samīpe'tha gudaṃ tatra prapīḍayet ||

paścime tāṇamudare kāyayed hṛdaye gale |
śanaiśśanaistadā prāṇastundassaṃdhinna gacchati ||

sarveṣāmeva bandhānāṃ umesā uḍḍiyāṇa nāmakaḥ |
uḍḍīyāṇakṛte bandhe muktiḥ svābhāvikī bhavet ||

pārṣṇibhāgena saṃpīḍya yonimākuñcayed gudam |

apānamūrdhvamākṛṣyamūlabandho'yamucyate |
adho gatirapānaṃ vaihyūrdhvagaṃ kurute balāt ||

ākuñcanena taṃ prāhurmūlabandhaṃ ca yoginaḥ |
gudaṃ pārṣṇyā tu saṃpīḍya vāyumākuṃcayed balāt ||

vāraṃ vāraṃ yathā cordhvaṃ samāyāti samīraṇaḥ |
prāṇāpānau nādabindūmūlabaṃdho na caikataḥ ||

gatvā yogasya saṃsiddhiṃ gacchato nātrasaṃśayaḥ |
āpana prāṇayoraikyāt kṣayānmūtra purīṣayoḥ ||

yuvā bhavati vṛddho'pi satataṃ mūlabaṃdhanāt |
apāne cordhvage jāte prayāte vahnimaṇḍale ||

p. 58)

tadānala śikhāśīghraṃ vardhate vāyunā saha ||

tato yāvadvahnapānau prāṇamūrdhvasvarūpakam ||

tenātyantaṃ pradīptasya jvalano dehinastathā |
tena kuṇḍalinīsuptā santaptā saṃprabudhyate |
daṇḍāhata bhujaṃgīṣa niśvasya ṛjutāṃ vrajet ||

bilapraviṣṭeva tato brahma nāḍyantaraṃ vrajet ||
tasmānnityaṃ mūlabandhaḥ kartavyo yogibhiḥ sadā ||

pātāle yadviyati suṣiraṃ merumūle tadasmin 
tattaccaitat pravadati sudhīḥ saṃmukhaṃ nimnagānām |
candrādhārā sravati vapuṣastena mṛtyurnarāṇāṃ 
saṃbadhnīyāt sukaraṇamṛdā nānyathā kāya siddhiḥ ||

kaṇṭhamākuñcya hṛdaye sthāpayed dṛḍhamicchayā |
bandho jālaṃdharākhyo'yamamṛtāpyāya kārakaḥ ||

badhnāti hi siro jālamadhogāmī nabhojalam |
tato jālaṃdharo bandhaḥ kaṇṭhaduḥkhaughanāśanaḥ ||

jālandhare kṛte bandhe kaṇṭhasaṃkocalakṣaṇe |
na pīyūṣaḥ patatyagnau na ca vāyuḥ pravāti hi ||

kaṇṭhasaṃkocane naiva dvināḍyo stambhayed dṛḍham |
ayaṃ bandho mayā proktaḥ ṣoḍaśādhāra bandhanam ||

bandhatrayamidaṃ śreṣṭhaṃ mahāsiddha niṣevitam |
sarveṣāṃ haṭha tantrāṇāṃ sādhanaṃ yogino viduḥ ||

adhasyāt kuñcane nāśukaṇṭhasaṃkocane kṛte |
madhye paścimatāṇena syātprāṇo brahmanāḍigaḥ ||

mūla sthānaṃ samākuñcya coḍḍiyāṇaṃ tu kārayet |
iḍāṃ ca piṅgalāṃ badhvā vāhayet paścimaṃ padam ||

anenaiva vidhānena prayāti pavano layam | 
tato na jāyate mṛtyurjarā rogādikaṃ tathā ||

ūrdhvanābheradhastālurūrdhvaṃ bhānuradhaśśaśī |
kariṇī viparītākhyā guruvākyena labhyate ||

kariṇī viparītākhyā sarvavyādhivināśinī |
nityamabhyāsayuktasya jaṭharāgni vivardhinī |
āhāro bahulastasya saṃpādyaḥ sādhakasya tu ||

alpāhāro yadi bhavedagnirdehaṃ dahet kramāt |
adhaḥ śirāścordhvapādaḥ kṣaṇaṃ syāt prathame dine ||

p. 59)

valiścapalitaścaiva ṣaṇmāsārdhvena dṛśyate ||

yāmamātraṃ tu yo nityamabhyaset sa tu kālajit |
svecchayā vartamāno'pi yogoktairniyamairvinā ||

vajroliṃ yo vijānāti sa yogī siddhi bhājanam |
pucchaṃ pragṛhya bhujagīṃ suptāmudbodhayet sudhīḥ ||

nidrāṃ vihāya sā ṛjvī ūrdhvamuttiṣṭhate haṭhāt |
vitasti pramitaṃ dīrghaṃ vistāraṃ caturaṃgulam ||

mṛdulaṃ dhavalaṃ divyaṃ proktaṃ veṣṭanāmbaralakṣaṇam |
bhānorākuñcanaṃ kuryāt kuṇḍalīṃ cālayet tataḥ ||

mṛtyu vaktragatasyāpi tasya mṛtyubhayaṃ kutaḥ |

nāsādakṣiṇamārgavāhi pavanāt prāṇo'tidīrghākṛtiḥ 
candrāmbhaḥ paripūritā mṛta tanuḥ prādghaṇṭikāyāṃ sadā |
vidyātkānti viśālavahni vaśagān bhrūraṃdhranāḍīgaṇān 
taṃkāyaṃ kurute suvarṇaruciraṃ pūrṇadrumaskandhavat ||

kuṇḍalīṃ cālayitvātha kuryād bhasrāṃ viśeṣataḥ |
evamabhyāsato nityaṃ yaminaḥ śakyate yamaḥ ||

tadābhyaset sūryabhedamujjīyāṃ śītalīṃ tathā |
evamabhyāsa yuktasya divyakāyaṃ bhaveddhruvam ||

muhūrtadvayaparyantaṃ nirbhayāccālanādasau |
ūrdhvamākuṃcate kiṃcit suṣumnāṃ kuṇḍalīṃ gatām ||

tena kuṇḍalinī śaktiḥ suṣumnāyāḥ samuddhṛtāḥ |
jaṭhāti tasmāt prāṇo'yaṃ suṣumnā vrajati svataḥ ||

tasmāt saṃcālayennityaṃ śaṃbhugarbhāmaruṃdhatīm |
yasyāḥ sañcālanenāśu yogīrogaiḥ pramucyate ||

yena saṃcālitāśaktiḥ sa yogī siddhacālanam |
kimatra bahunoktena kālaṃ jayati līlayā |
vajrolyādi trayaṃ pūrvaṃ nindantaṃ tatvavādibhiḥ ||

kāpālikamatatvena yogasāreṇa lekhitam |
iti mudrā daśaproktā cādināthena śambhunā |
karaṇe sarvasiddhiḥ syānnaccaikāpi kṣayo bhavet || iti |

|| iti yogasārasaṃgrahe haṭhayoga svarūpanirūpaṇaṃ nāma daśamodhyāyaḥ ||



rājayogaṃ vinā pṛthvī rājayogaṃ vināniśi |
rājayogaṃ vinā mudrā vicitrāpi na rājate ||

p. 60)

na bhedaḥ śivayogasya rājayogasya tatvataḥ |
bahirmudrāṃkitaṃ pūrvaṃ bahiryogaṃ ca tanmatam ||

antarmukhākhyamaparamantaryogaḥ sa eva hi |
rājayogaḥ sa kathitassa eva munipuṅgava || iti ||

nandikeśvaratārāvalayām- bahirmudrāparijñānādyogastāraka ucyate ||

antarmudrāparijñānādamanaska itīritaḥ ||

bahirmudrāpurā proktā cādināthena śambhunā |
antarmudrāṃ pravakṣyāmi yogaśāṃkaravartinīm ||

rājayogaḥ samādhiśconmanī ca manonmanī |
śivayogo layastatvaṃ śūnyāśūnyaṃ nirañjanam |
amanaskaṃ yathā caitannirālambaṃ nirañjanam |
jīvanmuktiśca sahajamityadirhyeka vācakam ||

rājānandīpyamānantaṃ parabrahmāṇamavyayam |
dehinaṃ prāpayedyastu rājayogassa ucyate ||

yadā saṃkṣīyate prāṇaḥ mānasañca pralīyate |
yadā samarasatvaṃ tat samādhirabhidhīyate ||

dṛg dṛśya viveke - 

manaso vṛtti śūnyasya brahmākāratayāsthitiḥ |
asaṃprajñātanāmāsau samādhirabhidhīyate || iti |

vyāsabhāṣye - 

virāmapratyayābhyāsa pūrvakasaṃskāraśeṣo'nyassarvavṛtti pratyastamaye 
nirodha cittasya samādhirasaṃ prajñātaḥ ||

uttaragītāyām - 

pramāśūnyaṃ manaḥ śūnyaṃ buddhiśūnyamanāmayam |
sarvaśūnyaṃ nirākāraṃ samādhisthasya lakṣaṇam ||

dattaḥ - 

netra trayonmeṣanimeṣa śūnyairvāyuryamāvarjitarecakapūraiḥ |
manaśca saṅkalpavikalpaśūnyairmanonmanīmagnadhiyo bhavanti ||

unmanyavasthādhigamāya vidvannupāyamekaṃ tava nirdiśāmaḥ |
paśyannudāsīnadṛśāprapañca saṅkalpamunmūlaya sāvadhānaḥ ||

nandikeśvaratārāvalyām - 

antarlakṣyaṃbahirdṛṣṭirnimeṣonmeṣavarjitaḥ |
eṣāsāśāṃbhavīmudrā sarvatantreṣu gopitā ||

śivayoge - 

lakṣyalīnamanasā nilena yo vartate calita tārako bhavet |
khecarīgamaya śaivaśāṃbhavī mudrayā satatayājagadguruḥ ||

ādināthaḥ - 

vicchinnasarvasaṅkalpo niśśeṣāśeṣavarjitaḥ |
svāvagamyo layaḥ ko'pi jāyate vāgacoraḥ ||

yogaśāṃkare - 

antarlakṣyavilīnacittapavano yogī sadā vartate dṛṣṭayā niścalatārayā bahirayaḥ 
paśyanna paśyannapi |
mudreyaṃ khalu śāṃbhavī bhavati sā yuṣmat prasādādguro 
śūnyāśūnyavivarjitaṃ smarati yattatvaṃ padaṃ śāmbhavam ||

p. 61)

gorakṣaḥ - 

suṣirojñānajanakaḥ pañcasrotassamanvitaḥ |
tiṣṭheta khecarī mudrā tasmācchūnye nirañjane ||

somasūryadvayormadhye nirālambantale punaḥ |
saṃsthitā vyomacakre yā sā mudrā nāma khecarī ||

praṇavacintāmaṇau - 

sā mayā viditā yā māyā sākṣācchivavallabhā |
pūrayenmārutaṃ divyaṃ suṣumnā paścime mukhe ||

purastāccaivapūryeta niścitaṃ khecarī bhavet |
nirālambe manaśśūnye vyomacakre vyavasthite ||

nirālambaṃ manaḥ kṛtvā na kiñcidapi cintayet |
karpūramanale yadvat saindhavaṃ salile yathā |
sadā saṃdīyamānañca manastatvaṃ vilīyate ||

layolaya iti prāhurīdṛśaṃ viddhi lakṣaṇam |
apunarvāsanotthānaṃ layamityucyate budhaiḥ ||

parameśvareṇa kuṇḍalyā saharājayogaṃ kuṇḍalinī prakaraṇe ucyate ||

|| iti yogasārasaṃgrahe rājayogasvarūpanirūpaṇaṃ nāma ekādaśodhyāyaḥ ||




evamabhyāsa śīlasya vighnāḥ prādurbhavanti hi |
vātapittādi rogaiśca bhūtādyairvividhāni ca ||

taduktaṃ yogaśāṃkare - 

prathamābhyāsa kāle tu vighnāsyurvividhā mune |
ālasyaṃ prathamo vighnaḥ dussaṅgaśca dvitīyakaḥ |
mantrāṇāṃ sādhanaṃ jñeyaṃ tṛtīyo vighnasaṃbhavaḥ ||

caturtho dhātuvādaḥ syāt pañcamaṃ kāvyakalpanā |
upasargāḥ pravartante dṛṣṭasyātmani yoginaḥ ||

kāmyakriyāstathā kāmān mānuṣānabhivāñchati |
striyodānaphalaṃ māyāṃ vidyārūpaṃ dhanaṃ divaḥ ||

devatvamamareśatvaṃ rasāyanavadhaḥ kriyāḥ |
marutprapatanaṃ yajño jalāgnyo rupasecanam ||

śrāddhānnādī nidānāni phalāni niyamāstathā ||

tatopavāsa pūrvañca devatābhyarthanāni ca |
tebhyastebhyassvakarmabhyaḥ upatṛṣṇābhi vāñchitam |
cittamitthaṃ pravṛttaṃ tu yatnādyogī nivartayet |
brahmasaṅgimanaḥ kurvan upasargādvimucyate || iti |

mārkaṇḍeye - 

upasargairjitairebhirupasargāstataḥ punaḥ |
yoginaḥ saṃpravartante satvarājasatāmasāḥ ||

p. 62)

pratibhāśravaṇo daivo bhramāvartau tathāparau |
pañcaite yogino yogavighnāya kaṭukodayaḥ ||

devārthavākyaśāstrārtha vidyāśilpādyaśeṣataḥ |
pratibhāti yadanyacca pratipaḥ sa tu yoginaḥ |
śabdārthā nakhilān vetti śabdaṃ gṛhṇāti yaccavai ||

yo janmānāṃ sahasrebhyaḥ śravaṇasyābhi dhīyate |
māsāntādvīkṣate cākṣṇā devayoni gaṇādayaḥ ||

upasargaṃ tamapyāhurdevamunmattavadbudhaḥ |
bhrāmyate yannirālaṃbaṃ mano doṣeṇa yoginaḥ ||

samastādhāravibhraṃśo bhramarasaparikīrtitaḥ |
āvartayuvato yasya jñānāvarto yadākulaḥ ||

cittanāśakṛtāvatta upasargassa ucyate |
tato'bhyāsa parityāgaṃ prathamaṃ vighna ucyate |
tato'bhyāsa parityāgaṃ prathamaṃ vighna ucyate ||

dvitīyaṃ saṃśayākhyaṃ ca tṛtīyaṃ ca pramattatā |
ālasyaṃ ca caturthaṃ syāt nidrākopaṃ ca pañcamam ||

ṣaṣṭhaṃ ca viratirbhrānti darśanaṃ saptamaṃ smṛtam |
viśeṣaṃ cāṣṭamaṃ caiva hyanākhyaṃ navamaṃ smṛtam ||

alabdhabhūmirdaśamaṃ gorakṣeṇa prakīrtitam |
sarvatrānupapattau ca deśakāla vivarjite ||

asatāṃ darśane yogaṃ tasmāt tu parivarjayet || iti ||

dattaḥ | 

na veṣṭadhāriṇaṃ kiñcit kāraṇaṃ na ca tatkathā |
kriyaiva kāraṇaṃ siddhiḥ satvametattu sāṃkṛte ||

śiśnodarārtha yogasya katheyaṃ veṣṭadhāriṇaḥ |
anuṣṭhānavihīnāstu pañcayanti janāniha ||

uccāvacairvipralobhairvindanti kuśalānvitaiḥ |
yogino vayamityevaṃ mūḍhāḥ kāmaparāyaṇāḥ |
śanaiḥ śanaistān yo jñātvā yogābhyāsavivarjitān ||

kṛtvārthavañcanairevaṃ vañcayedveṣadhāriṇaḥ |
yataste vighnabhūtāstu yogābhyāsasya sarvadā ||

varjayettān prayatnena cedṛśī siddhijāprayān ||

yogasāramañjaryām - 

bhaṭabhedāśca catvāro nadabhedāstathaiva ca |
aṃgaśoṣaḥ kṣudhālasyaṃ kaṇḍūrdeha vivarṇatā |
bhaṭasya pratyayāstvete teṣāṃ śṛṇu ca bheṣajam ||

p. 63)

mano nirviṣayaṃ kṛtvā trimāsamamarīrasam |
dehamudvarttayet tasya dehavṛddhiḥ prajāyate ||

trirudvartanaṃ kuryāt divārātraṃ tathaiva ca |
rasanāmūrdhvamāyojya vajrakandaparonmukhīm ||

tatsudhāṃnnihatassatyaṃ kṣudhālasyaṃ ca naśyati ||

tatsudhāmamarīṃ devi gṛhītvā cāṃgamardanāt |
taccharīravivarṇatvaṃ kaṇḍūtvaṃ ca vinaśyati ||

naṭa bhedāśca catvāro bahudhā saṃsthitāḥ priye |
netra rogāṅga rogañca dāho bhrāntistathaiva ca ||

bhedamekaṃ mayā proktaṃ dvitīyamadhunā śṛṇu |
tadantarukcālpa satvaṃ dehalāghavanāśanam |
tṛtīya bhedañca tathā śṛṇu devi mahājvaraḥ ||

śirorukcoṣṇabhedaśca jihvābhrāntistathaiva ca |
vamanaṃ kāsadoṣañca netrāndhatvaṃ tathaiva ca ||

durjayā ca tathā nidrā teṣāṃ śṛṇu ca bheṣajam |
svamūlocchvāsasampannāmūrdhvaṃ kuṇḍalināṃ nyaset |
niścalāmūrdhvagāṃ jihvāṃ kṛtvā kumbhakamāśrayet ||

śaktikṣobhānmahādevi jvalanādi prabhedataḥ |
yadāśṛṇoti tannādaṃ tadāmuktassa ucyate || iti 

cintaye mṛtāsaktaṃ svadehaṃ parameśvari |
anena devi yogena sarvarogaiḥ pramucyate ||

anenaiva vidhānena dvimāsāntaṃ yadā caret |
tadā śṛṇoti karṇāntaṃ mahāgajaravadhvaniḥ ||

pūrvavaccintayeddehaṃ dvitīyairmucyate gadaiḥ |
trimāsānte siṃhanādaṃ śṛṇoti parameśvarī ||

tṛtīyadoṣabhedāśca mucyate nātra saṃśayaḥ |
meghanādamaghorākhyaṃ caturthe māsi paryaye ||

śrutvā pūrvavadabhyasya turyadoṣaiḥ pramucyate |
evaṃ sthiramatirdhyānamabhyasecca dvikālakam ||

sādhayet tryabdatassiddhirjāyate nātra saṃśayaḥ || iti |

dattaḥ |

snigdhāṃ yavāgūmatyuṣṇāṃ pītvā tatraiva dhārayet ||

vighāte vacaso vācāṃ bādhirye śravaṇendriye |
tathaivāṃ puphalaṃ dhyāyet tṛṣārto rasanendriye ||

yasmin yasmin ṛjodeśe tasmiṃstu kṛṣahāriṇī ||

dhārayeddhāraṇāmuṣṇośītāṃśīte vidāhinī |
kīlaṃ śirasi saṃsthāpya kāṣṭhaṃ kāṣṭhena dhārayet ||

p. 64)

vāyuḥ kāṣṭham | kīlaṃ kalā | śanaiḥ śanaiḥ prāṇai dhāraṇenaiva śāntiḥ | 

lupta smṛta smṛtiḥ sadyo yoginastena jāyate |
dyāvāpṛthivyo vāyvāgni vyāpināvasudhādharā ||
amānuṣā satvajātā bādhāstveti ca kīrtitāḥ ||

amānuṣāṃ satvamantaḥ yoginaṃ praviśedyadā |
vāyvagnidhāraṇāccainaṃ dehasaṃsthā vinirdahet ||

evaṃ sarvātmanā kāryārakṣāyoganṛpovidaḥ |
dharmārthakāmamokṣāṇāṃ śarīraṃ sādhanaṃ yataḥ ||

pravṛtti lakṣaṇākhyātā yogino vismayāt tadā |
vijñānalayamāpnoti tasmādgopya pravartayaḥ ||

iti mārkaṇḍeya purāṇe gorakṣaḥ ||

prasvedo jāyate pūrvaṃ mardanaṃ tena kārayet |
tato'pi dhāraṇādvāyoḥ krameṇaiva śanaiḥ śanaiḥ ||

kampo bhavati dehasya cāsanasthasya yoginaḥ |
tatodhikatarābhyāsāt dardurī jāyate bhṛśam || dhruvam ||

yathā ca darduro gacchedutplutyotplutyabhūtale |
padmāsanasthito yogī tathā gacchati bhūtale ||

tato'dhikatarābhyāsāt bhūmityāgaśca jāyate |
padmāsanastha evāsau bhūmimaspṛśya vartate ||

nirāhāro vicitraṃ hi tathā sāmarthyamudbhavet |
alpaṃ bāhubalaṃ bhuktvā yogīnavyathate tathā ||

alpamūtrapurīṣaḥ syādalpanidrā ca jāyate |
kīṭo vā mūṣikā lūtā svedadurgandhatā nane ||

etāni sarvadā tasya na jāyante tataḥ punaḥ ||

tato'dhikatarābhyāsāt balamutpadyate bhṛśam |
yena bhūcara siddhasya bhūcarāṇāṃ gajakṣamaḥ |

vyāghro lulāyo'pyaśvovā gavayo gaja eva vā ||

siṃho vāyoginā tena mriyate hastatāḍitā |
kandarpasya yathārūpaṃ tathā tasyāpi yoginaḥ |
tasmin kāle mahāvighno yoginaḥ syāt prasādataḥ |
tadrūpavivaśānāryaḥ kāṃkṣante'syasamāgamam ||

yadisaṅgaṃ karotyevaṃ bindustasya vinaśyati |
āyuḥ kṣayo binduhānirasāmarthyaṃ ca jāyate ||

tasmāt strīṇāṃ saṅgavarjaṃ kuryādabhyāsamādarāt |
yoginoṃgeṣugaṃdhaḥ syāt satataṃ bindudhāraṇāt ||
tasmāt sarvaprayatnena bindū rakṣyo hi yoginām ||

p. 65)

praṇavacintāmaṇau - 

tathā ca vyādhibhistyaktastathā prāṇejite tathā |
svecchayā vartate deha āsanoduccalisyati ||

yāvadāsanamutsṛjya deho vyoma na cāśrayet |
yāvadrogāśca vighnāśca saṃbhaviṣyantyanekathā ||

nāgāḥ surendrakanyāśca yakṣiṇyo siddhakanyakāḥ |
prārthayiṣyanti te devihṛcchrayeṇa bhṛśāturāḥ ||

śṛṇoti divyavārtāṃ ca divyadarśanameva ca |
rasāyanādyauṣadhaṃ ca svayameva pravartate ||

nṛpāśca pṛthivī dānaiḥ bahumānaiśca puṣkalāḥ |
yoginaḥ saṃpravartante vighnārthamitare'pi ca ||

yasyājñā vartate devi devatiryaṅnarādiṣu | 
evaṃ prāptān mahābhogān devāsuramahībhujaḥ ||

tṛṇavattāṃstyajanyogī sa parāṃ siddhimāpnuyāt || iti |

dhāraṇāyāṃ ca siddhāyāṃ yogino yata tejasaḥ |
vighnārthamabhivartante guhyakā balikāmukāḥ ||

yogasāramañjaryām - 

anyathā vartamānasya vighnaṃ kurvanti dāruṇāḥ |
rogairbahuvidhairdevi śramajairnidrayā tathā ||

pratibandhaiśca vividhairaviśvāsaiśca jṛṃbhaṇaiḥ |
tasmāt teṣāṃ baliṃ dadyāt yathāvanniyattātmavān ||

ekakālaṃ dvikālaṃ vā trikālaṃ vā baliṃ kṣipet |
ardharātre viśeṣeṇa tadyathā śṛṇupārvati ||

ekānte vijane deśe kṛtvā maṇdalamuttamam |
aiṃ vyāpakamaṇḍalāya aiṃ | iti sakṛddadyāt ||

caturaśraṃ maheśāni maṇḍalaṃ kusumākṣataiḥ |
tatra maṇḍalamādhāya sādhāraṃ patramuttamam ||

ardhānnaṃ pūrṇasalilaṃ sapuṣpaṃ sākṣataṃ guhe |
baliṃ dadyācca mantreṇa tarjanyāsaṃpratarpayet ||

sarvabhūtebhya ityante huṃkāraṃ samyaguccaret |
svāhānto'yaṃ mahāmantrastārapañcakasaṃpuṭaḥ ||

sarvavighnavidhātārthamīritaḥ prathamaṃ priye |
pūrvasyāṃ diśibhūtāṃśca bhūtanāthaṃ ca tarpayet ||

dakṣiṇe sakalān yakṣān yakṣa kanyāśca tarpayet |
paścime rākṣasān bāle tathā rākṣasa yoṣitaḥ ||

uttare kṣetrapālaṃ ca tatkanyāśca pratarpayet |
ūrdhvāyāṃ diśi devāṃśca devakanyāśca tarpayet ||

p. 66)

madhye carācaragurumīśvaraṃ bhuvanaiḥ saha |
tatra tyānyoginī kṣetranāthān guṇakānapi ||

tarpayet pañcabhūtādyairbhāvayet pariveṣṭitam |
tatparāmṛtasantṛptaṃ bhāvayet sa carācaram ||

anena balinātṛptā yoginaḥ siddhimuttamām |
diśanti bhūtanāthāste cānyathā vighnayanti ca ||

tasmāt sarvaprayatnena baliṃ dadyādvicakṣaṇaḥ |
tato yatnaṃ prakurvīta mantrayogasya yogavit || iti |

prāṇāyāmena yogaśānti prakāra ucyate ||

praṇavacintāmaṇau - 

jihvayā vāyumākṛṣya yaḥ pibet satataṃ naraḥ |
śramadāha vinirmukto bhavennīroga bhāk kramāt ||

jihvayā vāyumākṛṣya jihvāmūle nirodhayet |
pibedamṛtamavyagraṃ sakalaṃ bhadramaśnute ||

iḍayā vāyumākṛṣya bhruvormadhye nirodhayet |
yaḥ pibedamṛtaṃ śuddhaṃ vyādhibhirmucyate naraḥ ||

nāḍibhyāṃ vāyumākṛṣya netradvandve nirodhayet |
netrarogā vinaśyanti tathāśrotre nirodhayet ||

śrotrarogāvinaśyanti prāṇāyāma balena tu |
tathā vāyuṃ samākṛṣya dhāraye cchirasisphuṭam ||

śiro rogā vinaśyanti satyamuktaṃ bṛhaspate || iti 

sūtasaṃhitāyām - kulārṇave ca - 

brāhme muhūrte athavā saṃdhyākaleṣu vā pumān |

jihvayā vāyumākṛṣya yaḥ pibenmantrapūrvakam |
trimāsāt tasya kalyāṇi vāksiddhirjāyate tataḥ ||

kākacañcupuṭevātha pikacañcu puṭena vā |
yaḥ pibet pavanaṃ yogī sarvarogaiḥ pramucyate ||

ṣaṇmāsābhyāsayogena sarvarogaiḥ pramucyate |
ātmanyātmānamilayā kuṇḍalyā yastu dhārayet |
kṣayarogādayaścāpi naśyanti tridaśārcite ||

nāsābhyāṃ vāyumāropya nābhau tundasya pārśvayoḥ |
yo vahe deka ghaṭikāṃ vyādhibhiḥ so'pi mucyate ||

māsamekaṃ trisandhyāsu jihvayāropyamārutam |
yaḥ pibet tridaśāhāraṃ dhārayettunda madhyame ||

gulma plīhodarasliṣṭa tridoṣajanitānyapi |
tundamadhyagatārogāḥ sarve naśyanti yoginaḥ ||

p. 67)

jvarāḥ sarve vinaśyanti śleṣmāṇi vividhānyapi |
śivai kiṃ bahunoktena valīpalitanāśanam ||

evaṃ vā vijayopāyaṃ prāṇasya tu varānane || iti 

rogaśanti mantramupāsanākramaścocyate-

yogasāramañjaryām - 

āgneyyāṃ dhāraṇādyoge romevāruṇadhāraṇā |
mūrchāyāmabhighāte vā bhūte pretādyupadrave |
prajaped vaidyanāthārṇaṃ viṣadoṣe ca dāruṇe ||

sarvaroga prapīḍāsu sadyo yogī sukhī bhavet |
pinākī pīṭhagomedastathāpāvakamārutau ||

sārpī sa bindumadbījaṃ muccaredroga nāśanam |
jāyante vaidyaśabdaṃ ca meṣo daṇḍī ca daṇḍinau ||

vyomasūryāgni jāyante tārayogānmahāmanuḥ |
ṣaḍdīrghasvarayuktena bījanyāsaṃ sa mucyate ||

pradṛśyāmṛtamudrāṃ ca mantreṇa vyāpayet tanum |
kundendu sphaṭikā malaṃ triṇayanaṃ divyāmṛtācchaṃ ghaṭaṃ 
bibhraddakṣakare tathetara kare sarvauṣadhīnāṃ rasaiḥ |
pūrṇaṃ pātravaraṃ dadhatsva śirasi śrīvaidyanāthaṃ prabhuṃ 
dhyāyan vyādhigaṇaiḥ kṣaṇena manujo muktaściraṃ jīvati ||

evaṃ dhyātvā japenmantraṃ saptasāhasramādarāt |
mucyate sarvarogaiśca tathā bhūtādyupadravaiḥ ||

mantra - 

laṃ vaṃ raṃ yaṃ ūṃ svāhā - vaidyanāthāya naṃ haṃ ghrīṃ svāhā oṃ || iti 
|

athavānya prakāreṇa devaṃ dhanvantariṃ smaret |
prajapet tanmanuṃ sarva vyādhi pīḍā vināśanam ||

śuṇḍikāṣāyaṃ pītvā susnigdhaṃ taddhāraṇā balāt |
pūrvoktamantra smaraṇāt mucyate vyādhibhiśśanaiḥ ||

sarvopasargaśāntyarthaṃ vedamṛtyuñjayaṃ japet |
pañcasvarāsanagato devi(vī)śivarāsanaḥ ||

bindumatkādi sahito bhṛgustārādirīritaḥ |
mantro mṛtyuṃjayo devi mahāmṛtyu vināśanaḥ ||

tryakṣarāssarvamantrāṇāṃ sumahāvīrahānalaḥ |
mantrānte sādhya nāmoktvā pratilomena coccaret ||

puṭitaḥ pañcatāreṇa samyag buddhiḥ karasthitā |
daṇḍinā bhṛguṇā kuryāt ṣaḍaṃgaṃ vidhipūrvakam ||

daśa śata dala padmaṃ koṭicandrāvadātaṃ 
karadhṛta varamudrā pāśavedākṣasūtram |

p. 68)

dhṛtaśaśadharakhaṇḍodgīrṇa pīyūṣavarṣa
plutamiti paribhāṣya prośśyate rogajālaiḥ ||

hṛdaya kamalamadhye candrikāpūramuktā 
rajata kumudabhāsā sūkṣmamīśānamādyam |
smarati yadi sa rogairvighna jālopasargaiḥ 
prajanita kubhayādyairmucyate devi yogī ||

gagana jaladabhāsā śūlakhaṭvāṅga ghaṇṭā 
kuliśavarakapālā bhītihastāravindam |
sakaladurita bhūtapreta kūśmāṇḍa varga 
grasana niratamīśaṃdhyāyataḥ syādabhītiḥ ||

prajapedaṣṭasāhasraṃ dhyātvaivaṃ parameśvaram |
sarvopasargavighnādyai mucyate vyādhibhiḥ saha || iti |

mantrastu mṛtyuñjaya tryakṣarī |
japeddvādaśa lakṣantu ya idaṃ mantramādarāt |
valīpalita nirmukto hyajarā maratāṃ vrajet ||

pūrvoktāsanamabhyasya samāsīno jitendriyaḥ | 
dhyāyet parataraṃ tatvaṃ niścale nāntarātmanā ||

sarvavighna nivṛttyarthaṃ pūrvaṃ dhyāyen mahāvapuḥ |
pātāla tala pādaṃ ca bhukaṭi vyoma dehakam |
svargādilokaśīrṣaṃ ca digbāhuṃ devatāmayam ||

āditya candranayanaṃ kṣetrasragvibhūṣaṇam |
samudravasanaṃ vyāptaṃ brahmāṇḍapadamadbhutam ||

brahmādi tṛṇaparyantaṃ jagadetaccarācaram |
svaromakūpakaṃ dhyāyet svadehañca jagammayam |
evaṃ dhyāyenmahārūpaṃ devicitta sthirāptaye ||

iti pradhyāyatassamyak yoginaścittavṛttayaḥ |
śanairniścalatāmeti divyajñāna vicintanāt ||

evaṃ cittaṃ sthirīkṛtya taccadhyānamupakramet |
dhyāyet svahṛdaye padmaṃ śivaśaktyātmakaṃ param ||

tārakaṃ śaktinālaṃ prāsāda manukarṇikam |
agnimaṇḍala patrāḍhyaṃ sūryamaṇḍalakesaram ||

somamaṇḍala kiṃjalkaṃ parāprāsādakarṇikam |
śivaśaktisamāyuktaṃ cintayecciramātmavit ||

tanmadhye parameśānaṃ dhyāyedātmaviśuddhaye |
nīlajīmūtasaṃkāśaṃ jaṭābaddhamahoragam ||

bālenduśekharaṃ bhīmaṃ huṃkāravyāptadiṅmukham |

p. 69)

khaḍgaśūlābhayadharaṃ nāgapāśadharaṃ vibhum |
kapālaghaṇṭāsi mahitaṃ bibhrāṇaṃ varadaṃ tathā ||

raktāmbaradharaṃ raktamālyaṃ gandhavibhūṣitam ||

nāgāṣṭakamahāhāraṃ garjantaṃ bhayanāśanam |
vyāghracarmaparīdhānaṃ siṃhacarmottaracchadam ||

nūpuracchannahārādi bhūṣaṇaiḥ paribhūṣitam |
somasūryāgni nayanaṃ daṃṣṭrā niṣṭayūtapāvakam ||

grasantamakhilaṃ doṣavighnakoṭi vibhedakam |
sarvaśatrukṣayakaraṃ mahāmṛtyuvināśanam ||

valīpalita daurbhāgya jarārogavināśanam |
sarvasiddhikaraṃ devaṃ bhairavaṃ bhaktarakṣakam ||

mādhvīrasasamāpūrṇa nayanatrayamaṇḍanam |
paramāhlāda cetaskaṃ sarvaloka guruṃ haram ||

dhyāyedekāgrayā buddhyā sarvavighnopaśāntaye |
tadvāmaraṃ sthalagatāṃ caṇḍikāṃ duḥkhanāśinīm ||

kālābhrāñjanasaṃkāśāṃ barbarordhvaśiroruhām |
muṇḍasraṅmaṇḍitāṃ kṛṣṇāṃ sarpakuṇḍalamaṇḍitām ||

raktagaṃdhaprasūnādyairbhūṣitāṃ bhūṣaṇairapi |
ṣaḍvaktrāṃ dvādaśabhujāṃ prativaktraradacchadām ||

vajrāṃkuśavarāṃcakrakhaḍgakheṭakatriśūlinīm |
kārtikoddaṇḍamusala varadābhayadhāriṇīm ||

bhadrāṃ triṇetrāṃ bhaktārtibhañjanīṃ candraśekharām |
bhaktatāpatrayaharāṃ kālagrasanarūpiṇīm ||

mādhvī pūrṇakapālāḍhyāṃ navayauvanagocarām |
yoginīgaṇasaṃjuṣṭāṃ bhairavīṃ bhayahāriṇīm ||

sarvepsita phalaprāpti kāraṇāṃ kāraṇatrayīm |
evaṃ dhyāyecciraṃ devīṃ yogīyoga phalāptaye ||

sarvopadravaśāntyarthaṃ sarvābhīṣṭaphalāptaye |
anena dhyāna yogena kālamṛtyu bhayādapi ||

mucyate parameśāni na mayoktaṃ mṛṣā bhavet |
asītye tan mahādhyānaṃ tyaktopadravasaṃśayaḥ ||

punardhyāyenmahādevaṃ sarvopadravaśāntaye |
hṛdambuje mahādevaṃ bālasūryasamaprabham ||

devyāśliṣṭa tanuṃ devaṃ suvarṇa samavarṇayā |
bhasmoddhūlita sarvāṃgaṃ dadhānaṃ vyāghra carma ca ||

p. 70)

padmāsanasthitaṃ śāntaṃ triṇetraṃ candraśekharam |
svaphālasthalabālendu syūta divya sudhāplutam ||

varāvabhayamahāṭaṃka mṛgamudrādharaṃ śivam |
akṣasrak pustakadharaṃ prasannaṃ parameśvaram ||

jaṭāmaṇḍalasaṃbaṃdha mahāmaṇiphalānvitam |
navayauvanasampannaṃ grastalokabhayādikam ||

sumukhaṃ cārusarvāṃgaṃ guptavijñānagocaram |
paśupāśugha dalanaṃ tārakaṃ bhavavāridheḥ ||

sarvajñaguṇasāmarthya dāyakaṃ sarvasiddhidam |
evaṃ dhyāyen mahādevaṃ sarvavighnopaśāntaye ||

sarvajñatvapralabdhyai ca sarva siddhyaika hetave |
athavānya prakāreṇa dhyāyedduḥkhopaśāntaye ||

śuddhasphaṭikasaṃkāśaṃ śaraccandrāyutaprabham |
akṣamālādharaṃ śāntaṃ prasannavadanaṃ śubham ||

triśikhābhayasaṃyuktaṃ rajatādi samaprabham |
sarvamṛtyūpaśamanaṃ valīpalitanāśanam ||

divyāmṛtamahāvarṣairvarṣayantaṃ samantataḥ |
tatsudhāvarṣapātena sahasā śītalātmanā ||

duḥkhadharmavinirmuktaṃ bhāvayedātmanastanum |
anena dhyāna yogena mucyate duḥkhabandhanāt ||

vyādhibhiścopasargaiśca tathā guhyakabhūpateḥ |
yadā samutthitaṃ vighnaṃ yogī paśyati pārvati ||

tadābhūta bali dadyāt pūrvoktavidhinā sudhīḥ |
pūrvoktairjapahomaiśca vakṣyamāṇaiśca bheṣajaiḥ ||

dānairhomaistathā dhyānaiśśamayed vighnamutthitam ||

|| iti yogasārasaṃgrahe vighnaśāntirnāmadvādaśodhyāyaḥ ||



ādhāraṣṣaṇṇavatyuktā sarvadeheṣu yogibhiḥ |
teṣu saṃgṛhya vakṣyāmi ṣaḍādhārān yathākramam ||

ādhāraṃ maṇipūrañca svādhiṣṭhānamanāvṛtam |
viśuddhirājñāṣaṭcakre mādhāraṇītikīrtitam ||

rudrarahasye- 

sarvādhārā mahī yasmāt mūlādhāratayā sthitā |
yadabhāvena dehasya pātaḥ syādudgama sthiteḥ ||

yājñavalkye - 

gudāttudvyaṃgulādūrdhvaṃ meḍhrāttudvyaṃgulādadhaḥ |
mūlādhāraṃ tayormadhyaṃ manuṣyāṇāmitīritam ||

p. 71)

catuṣpadāṃ tu hṛnmadhyaṃ tiraścāṃ tundamadhyamam |

yogasāramañjaryām - 

yalliṅgādhāramadhyasthaṃ madhye śaktyaṃ kurānvitam |
yavamātra pramāṇaṃ tu trikoṇākāramuttamam ||
niṣkalaṃ tatpadaṃ tejaḥ parasmāt parasaṃjñikam ||

praṇavacintāmaṇau - 

dehamadhye śikhisthāne taptajāmbūnadaprabham |
trikoṇadvipadānāñca caturaśraṃ catuṣpadām ||

vṛttavihaṅgamānāñca ṣaḍaśraṃ sarpa janmanām |
aṣṭāśraṃ svedajānāṃ tu tasmin dīpavadujjvalam ||

jñānavidyāyām - 

trikoṇarūpiṇīṃ śaktirbindurūpaśśivaḥ smṛtaḥ |
avinābhāvasaṃbandhastasmādbindu trikoṇayoḥ ||

yogārṇavaṃ ca - 

mahīpadmasya madhye tu smaret pāvakamaṇḍalam |
rajoguṇasamāyuktaṃ tanmadhye parameṣṭhinam ||

iti bimbamahāliṅga śivaśakti niketanam |
śivasya jīvarūpasya sthānaṃ taddhiprakāśakam ||

yatra kuṇḍalinī nāmnā parāśaktiḥ pratiṣṭhitā |
tasmād utpadyate vāyustasmādagniḥ prajāyate ||

tasmād utpadyate binduryasmānnādaḥ pravartate |
yasmād utpadyate sūryastasmādutpadyate manaḥ ||

tadetatkāmarūpākhyaṃ pīṭhaṃ kāmaphalapradam || iti |

mūlādhāraṃ tridhāvṛttaṃ brahmacakraṃ mahīruham |
kandādadhaḥ sthitāśaktirbālasūryasamaprabhā ||

caturdalaṃ caturvarṇaṃ taptajāmbūnadaprabham ||

catuṣpadaṃ parānandañcaturāmnāya bhūṣitam |
ṣaṭpañcāśatkalākīrṇaṃ gandhamātrāsamāvṛtam ||

mahīcakrasya vistāramuktamevaṃ purātanaiḥ |
maṇibhiḥ pūritatvena maṇipūrakamiti smṛtam ||

maṇibhiḥ pūritaḥ sindhustenaiva maṇipūrakaḥ |
vāruṇaṃ maṇḍalaṃ satvaviṣṇvadhiṣṭhānadaivatam ||

śvetadhvajasamāyuktaṃ bījapūrasudhāplutam |
ityāgameṣvadbhutaśuddhiprakaraṇeṣūktam || iti |

dattaḥ |  

aptatvaṃ viṣṇumāyā vimalaguṇamayaṃ ṣaḍraraṃ ṣaḍdalābjaṃ 
svacchacchāyā ṣaḍarṇaṃ śivadhanasahitaṃ śaktibhiḥ sevyamānam |
bījasthaṃ bījapūraṃ ratipati nilayaṃ candrakhaṇḍasvarūpaṃ sthānaṃ 
jīvāgamānāṃ dinamaṇi maṇibhiḥ pūritaṃ cakrametat ||

p. 72)

dvisamadhikapañcaśatkalākīrṇamiti laharyām || yogadīpikāyām kuṇḍalīṃ 
granthiṃ kṛtvā svamadhiṣṭhāya sthita tvāt svādhiṣṭhānamiti | 

taduktaṃ yogayātkalkye - 

kandasthānaṃ manuṣyāṇāṃ dehamadhye navāṅgule | 
caturaṅgulamutsedhamāyāmaṃ cāpi tatsamam ||

aṇḍākṛtisamākāramagnimaṇḍalamaṇḍitam |
dvādaśārayutaṃ cakraṃ tena dehapratiṣṭhitam ||

cakre'smin bhramate jīvaḥ puṇyapāpapracoditaḥ |
tantupañjaramadhyastho yathā bhramati lūtikā ||

jīvasya mūlacakre'smin adhaḥprāṇāścarantyasau | 
prāṇārūḍho bhavejjīvaḥ sarvabhūteṣu sarvadā || iti 

gorakṣaḥ | bhārate ca - 

samāna vyānayormadhye prāṇāpānau viceratuḥ |
tasmin supte pralīyeta samāno vyāna eva ca ||

apānaprāṇayormadhye udāno vyāpya tiṣṭhati |
tasmācchayānaṃ puruṣaṃ prāṇāpānau na muñcataḥ || iti |

tasmāt svapantaṃ puruṣaṃ prāṇā na jahantīti śruteḥ |

saundaryalaharyām - 

mahīmūlādhāre kamapi maṇipūre hutavahaṃ 
sthitaṃ svādhiṣṭhāne hṛdimarutamākāśamupari || iti |

mūlādhāra svādhiṣṭhānakramaṃ gradragranthyādi viṣayam ||

rāśicakraprakaraṇe nābhicakraṃ dvādaśāramiti yājñavalkye |

saṃhāracakre bhedena cakrayugmasya madhyame |
sarveṣāṃ prāṇināṃ dehe rudramūrtiḥ svayaṃ sthitaḥ ||

taduktaṃ yogaśāṃkare - 

brahmāṇḍavyāpinīṃ pṛthvīṃ toyamadhye vinikṣipan |
agnau rasaṃ ca nikṣipya vāyumadhye jalaṃkṣipet ||

ākāśe vāyumākṛṣya punarutsṛjyate śiva || iti |

mūlādhārasvādhiṣṭhānaṃ rudragranthiritīritam |
maṇipūrānāhatākhyaṃ viṣṇugranthiriti sphuṭam ||

viśuddhyājñā brahmasaṃjñaṃ granthitrayamudāhṛtam || iti |

svādhiṣṭhānaṃ daśārādhyaṃ daśaśaktisamanvitam |
agnimaṇḍalamāraktaṃ rudrādhiṣṭhānadaivatam ||

trikoṇa svastikairyuktaṃ raṃbījaṃ triguṇānvitam |
dviṣaṣṭikaraṇairyuktaṃ svādhiṣṭhānasya maṇḍalam ||

etad vilomaṃ yaḥ kuryāt sa yogī na vinaśyati |
sṛṣṭi sthityanta kartāsau bhavatyeva na saṃśayaḥ ||

p. 73)

āhataṃ na bhavatīti anāhatam |
āhata sthūlamakhilaṃ nāhataṃ yena hetunā |
tannāhatamiti proktaṃ hṛdayaṃ munibhiḥ purā ||

śivaḥ - 

kandāduparibhogāgraṃ sarveṣāṃ dehamadhyame |
vidyānnālaṃ svayaṃ bhūtvā hṛtpadmasya vyavasthitām ||

taduktaṃ yogayājñavalkyena -

kandordhve kuṇḍalī sthānaṃ nābhestiryagadhordhvagaḥ || iti |

nīlatoyadamadhyasthā vidyullekheva bhāsvarā |
nīvāraśūkattanvī pītā bhāsvatyanūpamā ||

tasyāśśikhāyā vahnimadhye paramātmā vyavasthitaḥ ||

yogasāramañjaryām - 

tārakandaṃ śaktinālaṃ hṛtpadmasya vyavasthitam |
agnimaṇḍalapatrāḍhyaṃ sūryamaṇḍalakesaram ||

somamaṇḍala kiñjalakaṃ parāprāsādakarṇikam ||

ādināthaḥ - 

brahmakandasamudbhūtaṃ jñānanālaṃ sudhīśobhanam |
eśvaryāṣṭadalopetaṃ paraṃ vairāgyakarṇikam ||

aṣṭabhūtyanujākāraṃ ghṛṇicandrānalairyutam |
pīṭhaṃ kṛtvā padābjasya mūrtitrayasusevitam || iti |

adhobhāge catuṣpatramaṣṭapatraṃ tathopari |
aṣṭāraṃ dhyānayogasya bhānuvatrantumātṛke ||

ṣaṭkoṇavāyumādhūmraṃ sparśamātraṃ samanvitam ||

catuḥpañcāśat kiraṇaiḥ maṇḍitaṃ ceśvarālayam |
viśeṣeṇaiva śuddhatvāt sarvabhūteṣu sarvadā ||

viśuddhaṃ tena vikhyātaṃ śuddhavijñānagocaram |
viśuddhaṃ ṣoḍaśārābjaṃ ṣoḍaśasvaramaṇḍitam |
lambikāmūlamāśritya ghaṇṭikāyāṃ vyavasthitam ||

ākāramaṇḍalaṃ tatra sadāśivaniketanam |
pūrṇaṃ kalābhirdvyaṣṭābhirdvyaṣṭābhiśśaktibhistathā ||

nīlajīmūtasaṃkāśamudānena niṣevitam |
vaikharī nāma vāgdevī tato jātā ca vistṛtā ||

anugrahamidaṃ cakraṃ digdevaissevitaṃ sadā |
taijasasvapnavāstatra brahmopaniṣadīritam ||

yajjñānāt jāyate sarvaṃ tajjñānasthānahetutaḥ |
ājñācakramitiproktaṃ bhrūmadhye sarvadehinām ||

kaṇṭhe kiñcidvijānanti hṛdaye tu nikiñcana |

p. 74)

bhrūmadhyājjñāyate sarvaṃ tasmādājñeti gīyate |
taduktamāśvalāyanopaniṣadi ca |
netrasyaṃ jāgaritaṃ vidyāt kaṇṭhe svapnaṃ samādiśet || iti |
ājñācakraṃ bhruvormadhye dvidalaṃ dvyakṣarānvitam ||

śaktidvayasamāyuktaṃ brahmagranthi samanvitam |
kolāṭamaṇḍalaṃ tatra candrakoṭisamaprabham ||

rājasādi guṇāviṣṭaṃ nānāvarṇaprakāśakam |
sa viśvanāmnā viśveśastatra jāgarti dehiṣu ||

taduktaṃ jābālopaniṣadi - 

bhruvorghrāṇasya ca yaḥ sandhissa eva dyaurlokasya saṃdhirbhavatyeta dvai 
saṃdhiṃ saṃdhyāṃ brahmavida upāsata iti |

so'vimukte pratiṣṭhita iti || yogasāramañjaryām -

lalāṭe parameśāni divyā vārāṇasī purī |
ācāryaiḥ | tavājñācakraisthantapanaśaśikoṭi dyutidharamiti ||

ākāśādīni bhūtāni ādhārādyaṅga bhedataḥ |
śabdādi guṇabhedāśca pariṇāmaṃ prapedire ||

taduktaṃ vāsiṣṭhe - 

sarvatra pañcabhūtāni ṣaṣṭhaṃ kiñcinna vidyate || iti |
evaṃ jñātvā ṣaḍādhāra dvārāṇyuddyāṭayettataḥ ||

sahasrāraṃ svarūpaṃ kuṇḍalinī prakaraṇe ucyate ||

|| iti yogasārasaṃgrahe ṣaḍādhāranirūpaṇaṃ nāma trayodaśodhyāyaḥ ||




kuṇḍalinīsvarūpamāha -

piṇḍāṇḍāntara cakramadhya suṣirākrāntābja tantūpamā 
vidyudvyaktalateva bhāti tanubhṛt garbhāntarālaiḥ sadā |
mūlādhāragatā trimūrti jananī sarvāpara brahmaṇaḥ 
śaktiḥ kuṇḍalinī triloka jananī vāntāmṛtāsvādinī ||

kuṇḍalī suphaṇī nāgī cakrīṣaptī sarasvatī |
lalanārasanākṣetrā lalāṭā śakticālinī ||

rājībhujaṃgī śeṣā ca kujāhvā sarpiṇī phaṇī |
ādhāraśaktiḥ kuṭilā karalāprāṇa vāhinī ||

aṣṭavakrā ṣaḍādhārā vyāpinī kalanādharā ||

cidrūpā kuñcikā bālā durvijñeyā surāsuraiḥ |
dikkālādyanavacchinnā sarvavedārthagā śubhā ||

parāparāvibhāgena paraśaktiriyaṃ smṛtā |
yogināṃ hṛdayāṃ bhoje nṛtyantī nṛttalālasā ||

ādhārasarvabhūtānāṃ sphurantī vidyudākṛtiḥ |
śaṃkhāvartakramāddevi sarvamantramayī śubhā ||

p. 75)

sarvatatvamayī sākṣāt sūkṣmāt sūkṣmamayī vibhuḥ |
triyāmā jananī devī śabdabrahmasvarūpiṇī ||

caturviṃśat sadarṇātmā pañcāśadvarṇarūpiṇī |
guṇitāsarvagātreṣu kuṇḍalī paradevatā ||

viśvānanā prabuddhātmā sūtre maṇimimaṃ jaṃgam |
ekadhā guṇitāśaktissarvaviśvapravartakā ||

sarvamantraprasūstacchrīḥ sarvatantrasvarūpiṇī |
icchājñānakriyātmāsya tejorūpā guṇātmikā ||

pañcāśadvāraguṇitā pañcāśadvarṇamālikā |
agnīṣomātmikā śuddhā somasūryāgni rūpiṇī ||

iti | kuṇḍalī nāmāni | 

atha tatsaṃpravakṣyāmi kuṇḍalyutthāpana kramam |
durlabhaṃ sarvaduṣṭānāṃ sādhyānaṃ sa japakramam ||

vāmakeśvara mahātantre - 

bhujaṃgākārarūpeṇa mūlādhāraṃ samāśritā |
śaktiḥ kuṇḍalinī proktā visatantu nibhāśubhā ||

mūlakandaṃ phaṇāgreṇa daṣṭvā kamalavandavat |
mukhena pucchaṃ saṃgṛhya brahmaraṃdhrasamanvitā ||

yogayājñavalkye - 

dvādaśārayutaṃ cakraṃ nābhideśe pratiṣṭhitam |
tasyordhve kuṇḍalī sthānaṃ nābhestiryagadhordhvagam ||

aṣṭaprakṛtirūpāsā tvaṣṭadhā kuṇḍalī kṛtā |
yathāvadvāyusaṃcāraṃ jvalanādīni nityaśaḥ ||

paritaḥ kandapārśveṣu nirudhyenaṃ sadā sthitā |
mukhenaiva samāveṣṭya brahmarandhramukhaṃ tathā ||

yogakāle tvapānena prabodhaṃ yā jalāgninā |
svanantī hṛdayākāśe nāgarūpā mahojjvalā ||

vāyurvāyusakhe naiva tato yāti suṣumnayā ||

praṇavacintāmaṇau - 

tatrānalaṃ vāyusakhena sārdhaṃ dhiyā samāropya nirodhayet tataḥ |
dhyāyan sadā cakraṇamaprabuddhaṃ nābhau sadā kuṇḍalinaṃ niviṣṭam ||

nālaṃ samāveṣṭyamukhena madhyāmanyāṃśca bhogena sirāstathaiva |
svapucchamāsyena nigṛhya samyak padaṃ ca saṃyamyamarudgaṇānām ||

prabuddha nāgendravaducchvasantī sadāprabuddhā prabhayā jvalantī |
nābhau sadā tiṣṭhati kuṇḍalī sā tiryaṅmanuṣyeṣu tathetareṣu ||

utpatti nāśa sthiti hetu bhūtamādhārapadmāsana randhrapūrṇam |
yogeṣṭasiddhipradamādimūlaṃ jānīhitaṃ kuṇḍalinaṃ niviṣṭam ||

vāyunā vivṛtavahni śikhābhiḥ kandamadhyagatanāḍiṣu saṃsthāt |
kuṇḍalīṃ dahati yatsvabhirūpaṃ saṃsmarannaparavastu na eva ||

p. 76)

santapta vāyunā tatra vahninā ca pratāpitā |
prasārya phaṇabhṛdbhogī prabodhaṃ yāti satvarā ||

bodhaṃgate cakriṇi nābhimadhye prāṇān susaṃbhūya kalebare'smin |
caranti sarve saha vahni naiva yathā paṭetantu gatistathaiva ||

jitvaivaṃ cakriṇī sthānaṃ tathādhyānaparāyaṇaḥ |
tato nayedapānantu nābherūrdhvamanusmaran ||

yogasāramañjaryām - 

vāyuyadāvāyusakhena sārdhaṃ nābhiṃ tvatikramyagataḥ śarīram |
rogāśca naśyanti balābhivṛddhiḥ kāntistadānīṃ bhavanti prabuddhā ||

brahmarandhramukhaṃ mantravāyavaḥ pāvakena sahayānti samūhyāḥ |
kena citviha vadāmi tavāhaṃ vīkṣitaṃ hṛdi ca dīpaśivāvat ||

nirodhitaḥ syāddhṛdi tena vāyunāmadhye tadā vāyusakhena sārdham |
sahasrapadmasya mukhaṃ praviśya kuryātpunastvūrdhvamukhaṃ dvijendre ||

prabuddha hṛdayāmbhoje gauryasmin brahmaṇaḥ pure |
bālāt śreṇivadvyomni virarājasamīraṇaḥ ||

āhurmadhye suṣumnāyāḥ saṃsthito hutabhuktadā |
sa jalāmbudamālāsu vidyullekhe varājate ||

nirudhyanāḍī dvitayaṃ somasūryātmakaṃ priye |
saṃprāpyakumbhakāvasthāṃ sthiracetā dṛḍhāsanaḥ ||

saṃrudhya ca manaḥ svānte mūlādhāradharādhare |
hṛtkoṇapuramadhyastha vāhisūryendumaṇḍale ||

suṣuptabhujagākāraṃ sarvamantramayīṃ parām |
ilāpiṅgalayo granthi bhedatrayavibhedinīm ||

ṣaḍambujadarīmārga kavāṭodghāṭanakṣamām |
śanairunnīyatāṃ mūlādājñāyāṃ sanniveśayet |
tato rasanayā bhitvā śiva dvārārgalaṃ mahat ||

brahmaraṃdhre dṛgādhāya sthiraṃ kṛtvā mano hṛdi |
tatrāpi maṇḍalaṃ devī śṛṃgāṭaṃ sumahojjvalam ||

trikoṇaṃ tu vijānīyāt vahnisūryendugarbhakam |
tatrendu maṇḍale devī paramātmā sadāśivaḥ ||

yāvannaśaktyā saṃyogaṃ prāpnoti parameśvaraḥ |
tāvad bhramayate viśvaṃ yantrārūḍhaṃ tu māyayā ||

śivaḥ - 

mūlādhārāt samudyantī śaktiḥ kuṇḍalinī parā |
svamantroccāraṇā deva samyagūrdhvamukhī tadā ||

ṣaḍḍhuṃkāra svarodbhinna ṣaḍaṃbhujakavāṭikā |

p. 77)

bhitvā brahmārgalaṃ divyaṃ svapate sthānameyuṣī |
vahnyarkamaṇḍalaṃ bhitvā dravanti candramaṇḍalam ||

tadudbhavāmṛtā svādā paramānandanandinī ||

kulayoṣit kulaṃtyaktvā paraṃpuruṣameyuṣī |
nirlakṣyaṃ nirguṇaṃ caiva kularūpavivarjitam ||

tatra svacchandarūpā tu parirabhya svakaṃpatim |
viśrāmya ca ciraṃ kālaṃ tadbhogāhlāda nanditā ||

paramāvṛṣṭibhirnityaṃ siñcantī yoginastanum |
yathā gatenamārgeṇa punareti svakaṃ patim ||

anena devi yogena māsādyogīśvaro bhavet |
ṣaṇmāsādaṇimādīnāṃ siddhīnāmadhipo bhavet ||

vatsarāt pibate nityaṃ samudramapi līlayā |
arkānila nalādīnāṃ jalānāṃ stambhanaṃ kramāt ||

karoti līlayā yogī rudraśakti prabhāvataḥ |
tryabdātsarvajñako bhūtvā valīpalitavarjitaḥ ||

mahābalo vajrakāyo jīvedā candratārakam |
śaktimantramahāyogaḥ kathitastavasuvrate ||

vāñchākalpadrumāḥ satyaṃ satyaṃ yatkhecarī pade ||

śrīśivaḥ - 

sthiramāsanamāsīnaḥ sakalīkṛtavigrahaḥ |
jitaśvāso jitamatāḥ jitakarmā jitendriyaḥ ||

niyojyaghaṭikā yantre rasanāṃ niścalātmikām |
adhastāccintayeccakramākrāntādhāramaṇḍalam ||

tatra madhye samuddīptāṃ mūlaśaktiṃ vibhāvayet |
prāṇānnirudhyordhvamukhīnnayed bhitvāṣaḍaṃbujam ||

ekībhūtā hi nādākhya cakrabhedakṣameṇa ca |
taṭidvalayasaṃkāśāṃ sphuratkiraṇarūpiṇīm ||

cidrūpāṃ ca nirālambe śūnya tejo maye pare |
brahmadvārasya garbhānte visargākhye vilīyate ||

tato rasanayodbhidya praviśed brahmaṇaḥ padam |
tasmin kulāmṛtaṃ divyaṃ pītvābhūyo viśetkulam ||

tena prāśitamātreṇa parāṃ siddhimavāpnuyāt || iti |

athātaḥ saṃpravakṣyāmi mudrāṃkhecarisaṃjñikām || 

yathā vijñātayā martyo lokesminna jarāmaraḥ |
mṛtyuvyādhijarāgrastaṃ dṛṣṭvā lokamimaṃ priye ||

buddhiṃ dṛḍhataraṃ kṛtvā khecarīṃ tu samabhyaset ||

p. 78)

prakaṭena mayāproktaṃmidānīṃ khecarīṃ śṛṇu ||

yatrāste ca gururdeva divyayogaprasādakaḥ |
tatra gatvā ca tenoktāṃ vidyāṃ saṃgṛhya khecarīm |
na tayā rahito yogī khecarī siddhi bhāgbhavet ||

khecarya khecarīṃ yuñjan khecarī bīja pūrvayā |
khacarādhipatirbhūtvā khecarīṣu sadā caret |
khecarāvasatho vahniragnimaṇḍalabhūṣitam ||

vyākhyātaṃ khecarī bījaṃ tena yogaḥ prasidhyati |
mastakākhyaṃ mahācaṇḍa śikhī vahnikhavajrabhṛt ||

pūrvabījayutāvidyā vyākhyātā hyatidurlabhā |
ṣaḍaṃgavidyāṃ vakṣyāmi tathāṣaṭsvarabhinnayā ||

kuryāddevī yathā nyāyaṃ sarvavidyāpti hetave |
someśā navamaṃ varṇaṃ pratilomena coccaret ||

tasyātriṃśakamākhyātamakṣaraṃ ca sa rūpakam |
tasmādapyaṣṭakaṃ varṇaṃ vilomenāvalaṃ priye ||

tatastatpañcamaṃ devi tadādiravipañcamam |
indorhrīṃ bindusaṃbhinnaṃ kūṭo'yaṃ parikīrtitaḥ ||

gurūpadeśalabhyaṃ ca sarvarogaprasiddhidam |
etasya devajā māyā virūpakaraṇāśrayā ||

svapne'pi na bhavet tasya nityaṃ dvādaśa japyakaḥ |
yaḍmarupañcalakṣāṇi japedapi suyantritaḥ ||

tasya śrīkhecarī siddhiḥ svayameva pravartate || iti |

ādināthaḥ - 

evaṃ yasya prabuddhā sā tasya siddhirbhaveddhruvam |
sarvaśāstārtha vettṛtvaṃ saubhāgyaṃ paramantataḥ ||

kāvyaṃ ca sarvabhāṣābhissālaṅkārapadojjvalam |
karoti līlayā yogī rudraśakti prabodhanāt ||

anenaiva prakāreṇa sarvamantrāḥ sphuranti hi |
rudragranthiṃ tato bhitvā maṇipūre samānayet |
maṇipūre yadā viṣṭā śānti śrīpuṣṭi tuṣṭayaḥ ||

ākarṣaṇaṃ parakṣobhaṃ bhavantyetā hi siddhayaḥ |
maṇīpūrāt samānāyya svādhiṣṭhāne praveśayet ||

yogaṃgate svātmani nābhimadhye prāṇān suṃsaṃbhūya kalevare'smin |
sa caranti sarve saha vahninaiva yathā paṭe tantu gatistathaiva ||

yogagranthiṃ ca bhitvātha maṇḍalaṃ ca bhinatyatha |
yogasāramañjaryām - 

anāhataṃ tu saṃlīno yogagranthivibhedanāt ||

p. 79)

girīṇāṃ pātanaṃ caiva devi kuryānmṛtyośca vañchanam ||

praṇavacintāmaṇau - 

yadā viśuddhamānītaṃ sāmṛtaprāśanaṃ tadā |
yoginaḥ saṃpravartante hyaṇimādyaṣṭasiddhayaḥ ||

tadūrdhve lambikāṃ bhitvānāsāgraṃ tu samānayet |
nāsāgre śvāsasaṃbhinna bhrūmadhye sanniveśayet ||

ājñāsthānagato yogī sarvaṃ jānāti sarvadā ||

yogasāramaṃjaryām - 

śvāsenasahitaṃ jīvaṃ tejorūpaṃ lalāṭake |
gatvālakṣyaṃ lalāṭasthaṃ praviśet sūryasannibham ||

kuñcikāgraṃ tataḥ sūkṣmaṃ cidrūpāṇi ca susthiram |
udghāṭayet tato dvāraṃ śivadvārārgalaṃ mahat ||

binduṃ dvirargalaṃ bhitvā durbhedyaṃ tridaśairapi |
brahmāṇḍodaramityuktaṃ yoginīsiddhisevitam ||

tadetaṃgulotsedhaṃ kapāle saṃvyavasthitam |
śakticakrapraveśena sarvasiddhirbhaveddhruvam ||

ādināthaḥ - 

apānavṛttimākṛṣya prāṇo gacchatimadhyame |
rājate gaganāṃ bhoje rājayogastu tena vai ||

etat sādhanamārgasya lakṣaṇaṃ vakṣyate'dhunā |
prākārāṇi śarīrasya ṣaḍuttānatvagādibhiḥ ||

ṣaḍabjaiṣṣaṭka vāṭaistadrakṣitaṃ pañcavāyubhiḥ |
tanmadhye suṣiraṃ sūkṣmaṃ tatra liṅgaṃ śivālayam ||

tasyaśaktiḥ sthitābāhye prākāradvāramaṇṭape |
taṭidvalayasaṃkāśāṃ suptāṃpativilolupām ||

prākārapālakenaiva kavāṭānāṃ prabhedanam |
kṛtvātāṃ prāpayecchambhuṃ tatkṣaṇādbrahmavartmanā ||

pūrayenmārutaṃ divyaṃ suṣumnā paścime mukhe |
śanaiḥ saṃbodhaye cchaktiṃ kuṇḍalī manunaivatām ||

pavanenasamākṛṣya yojayet patinā saha || iti |

śaktidhyānaṃ vināyogī śaktihīnaḥ prajāyate ||
śaktidhyānaprayogeṇa śaktiyukto bhaved dhruvam ||

atha mantroddhāraḥ - 

kuṇḍalīśa pladaṃ devi kuṇḍalīśasamanvitam |
kuṇḍalī kuṇḍalā bindu nādamadhyastha lāṃchitām ||

etacchakti mayaṃ bījaṃ rahasyaṃ suprakāśitam |
pañcalakṣaṃ japedāśusiddhirbhavati yoginaḥ ||

oṃ kuṇḍalīṃ kuṇḍalīśa kuṇḍalī kuṇḍalā oṃ || iti ||

binduḥ praṇavaḥ | nādaṃ dīrghasvaraḥ | taduktaṃ nādabindupaniṣadi 

p. 80)

bījākṣaraṃ paraṃ bindu nādaṃ tasyoparisthitam || iti |

nārasiṃhatāpanīye -

vedādi mūlaṃ sakalaṃ svarāṇāṃ trayodaśasthaṃ śaśibindurūpam |
vedānvitaṃ suptabhujaṃgarūpaṃ yo vetti vidvān sa vimuktimeti || iti |

yoginīhṛdaye ca - 

yā mūlāddūragāśaktiḥ svādhāre bindurūpiṇī |
tasyāmutpadyate nādaḥ sūkṣmarūpo divākaraḥ ||

sthūlasūkṣmabhedena bindunāthāstrī vidhaḥ | 

taduktaṃ śivayoge - 

sthūlasūkṣmaparaśceti trividho binduradrije |
sthūlaśśukrātmako binduḥ sūkṣmaḥ pañcāgni rūpakaḥ ||

somātmakaḥ paraḥ proktaḥ sa tu nityassadā śivaḥ ||

taduktaṃ śūlinīkalpe - 

śukraṃ pravṛttamiti | sūkṣmapañcāgni rūpakaḥ | pañcamātraḥ praṇavaḥ | 
somātmakaḥ paraḥ | ṣoḍaśamātrāyuktaḥ praṇavaḥ || 

anayārahito yogī na kvacitphalamāpnuyāt |
bījena hi vināvṛkṣaḥ kathaṃ saṃjāyate bhuvi ||

tadevākṣaramadhyasthaṃ prarohati kathaṃ punaḥ |
sarvayogadrumasyāyaṃ bīja bhūto mahāmanuḥ ||

taduktaṃ kaṭhavalkyopaniṣadi -

sarve devāyatpadamāmananti tapāṃsi sarvāṇi ca yadvadanti |
yadicchanto brahmacaryaṃ caranti tatte padaṃ saṃgraheṇa bravīmyomi tyetat ||

ataḥ | sthūlasūkṣmabhedena binduśabdaḥ praṇavasyaiva ||

gorakṣaḥ | dhūmomarīciḥ khadyotaḥ dīpa jvālendu bhāsvaraḥ |
amīkalā mahābindo binduviśvavibhāsakaḥ || iti |

ādināthaḥ - 

evaṃ yasya prabuddhā sā tasyasiddhiḥ karasthitā |
sarvaśāstrārtha vettṛtvaṃ saubhāgyaṃ paramantataḥ ||

kāvyaṃ ca sarvabhāṣābhiḥ sālaṃkāra padojjvalam |
karoti līlayā yogī rudraśakti prabodhanāt ||

anenaiva prakāreṇa sarvamātrān sphuranti hi |
rudragranthiṃ tato bhitvā viṣṇugranthiṃbhinatyataḥ ||

brahmagranthiṃ tato bhitvā kamalānibhinatti ṣaṭ |
sahasrakamaleśaktiśśivena parimodate ||

maṇipūre yadā viṣṭhā śāntiśśrī tuṣṭi puṣṭayaḥ |
ākarṣaṇaṃ parakṣobho bhavantyeva hi siddhayaḥ ||

maṇipūrātsamānīya svādhiṣṭhāne praveśayet |
svādhiṣṭhānāt samānīya cānāhata padaṃ nayet ||

yogasāramañjaryām - 

anāhate tu saṃlīne yogagranthivibhedanāt |

p. 81)

girīṇāṃ pātanaṃ devi kuryānmṛtyośca vañchanam ||

yadā viśuddhamānītaḥ sā mṛtaprāśanaṃ tadā |
yoginaḥ saṃpravartante hyaṇimādyaṣṭasiddhayaḥ ||

tadūrdhvaṃ lāmbhikāṃ bhitvā nāsāgraṃ tu samānayet |
nāsāgre śvāsasaṃbhinnaṃ bhrūmadhye saṃniveśayet ||

ājñāsthānagato yogī sarvaṃ jānāti sarvadā |

yogasāramaṃjaryām - 

śvāsena sahitaṃ jīvaṃ tejorūpaṃ lalāṭike ||

gatvālakṣyaṃ lalāṭasthaṃ praviśet sūryasannibham |
kuñcikāgraṃ tataḥ sūkṣmaṃ cidrūpāṇi ca susthiram ||

udghāṭayet tato yogī dvāraṃ śivadvārārgalaṃ mahat |
bindu dvirargalaṃ bhitvā durbhedyaṃ tridaśairapi ||

brahmāṇḍodaramityuktaṃ yoginī siddhi sevitam |
tadetadaṃgulotsedhaṃ kapāle sa vyavasthitam ||

śakticakra praveśena sarvasiddhirbhaveddhruvam ||

ādināthaḥ - 

apānavṛttimākṛṣya prāṇo gacchati madhyame |
rājate gaganāmbhoje rājayogastu tena vai |
etat sādhanamārgasya lakṣaṇaṃ vakṣyate'dhunā ||

prākārāṇi śarīrasya ṣaḍuktāni tvagādibhiḥ |
tanmadhye suṣiraṃ sūkṣmaṃ tatraliṅgaṃ śivālayam ||

tasya śakti sthitā bāhye prākāradvāramaṇṭape |
taṭidvalayasaṃkāśāṃ suptāṃpati vilolupām ||

prākārapālake naiva kavāṭānāṃ prabhedanam |
huṃkāraṃ ca ṣaḍiti pūrvamevoktam |
kṛtvātāṃ prāpayecchambhuṃ tatkṣaṇādbrahmavartmanā ||

pūrayenmārutaṃ divyaṃ suṣumnā paścime mukhe |
śanaiḥ saṃbodhayecchaktiṃ kuṇḍalī manunaivatām ||

pavanena samākṛṣya yojayet patinā saha || iti |

śaktidhyānaṃ vināśaktyā hīno yogī prajāyate |
śakti dhyānaprayogeṇa śaktiyukto bhaveddhruvam || iti |

yadā tu yogino buddhistyaktuṃ dehamimaṃ bhavet |
tadā sthirāsano bhūtvā mūlācchaktiṃ samujjvalām |
koṭi sūryapratīkāśāṃ bhāvayecciramātmavit ||

āpādamasta(masta)paryantaṃ prasṛtaṃ jīvamātmanaḥ |
saṃhṛtya kramayogena mūlādhārātpadaṃ nayet ||

p. 82)

tatra kuṇḍalinī śaktiṃ saṃvartānilasannibhām |
jihvānalaṃ cendriyāṇi grasantīṃ cintayeddhiyā ||

saṃprāpya kumbhakāvasthāṃ taṭidvalayabhāsurām |
mūlādunnīya deveśi svādhiṣṭhāna padaṃ nayet |
tatrasthaṃ jīvamakhilaṃ grasantaṃ cintayeccatām ||

taṭitkoṭipratīkāśāṃ tasmādunnīyasatvaram |
maṇipūrapadaṃ prāpya tatra pūrvavadācaret ||

samunnīyapunaḥ sthānāt anāhatapadaṃ nayet |
tatrasthitvā kṣaṇaṃ devi pūrvavad grathitaṃ smaret ||

tatrāpi cintayed devi pūrvavad yogamātmavit |
tasmādunnīyabhrūmadhyaṃ nītvā jīvaṃ grasan smaret ||

parāmṛta mahāmbhodhau viśrāmaṃ samyagācaret |
tatrasthaṃ paramaṃ devaṃ śivaṃ paramakāraṇam |
śaktyā sahasamāyojya tayoraikyaṃ vibhāvayet ||

yadi vañci tu mudyuktaḥ kālaṃkālavibhāgavit |
yāvadvajati taṃ kālaṃ tāvat tatra sukhaṃ vaset ||

brahmadvārārgalasyādho dehe kālaprayojanam |
yadā devyātmakaḥ kālamati krāntaḥ praviśyati ||

tadā brahmārgalaṃ bhitvā śaktiṃ mūlapadaṃ nayet |
śakti dehān prasūyanti svajīvaṃ cendriyaiḥ saha ||

tattatkarmāṇi saṃyojya svasthā dehe sukhaṃ bhavet |
anena devi yogena vañcayet kālamāgatam |
yadā mānuṣyakaṃ dehaṃ tyaktumicchā pravartate ||

tataḥ paramasantuṣṭaḥ brahmasthānagataṃ śivam |
śaktyā saṃyojyanirbhidya vyomabrahmaśilaṃ vrajet ||

vyomatatvaṃ mahāvyomni vāyutatvamathānile |
tejastatvaṃ tathā tejasyaptatvaṃ jalamaṇḍale ||

dharā tatvaṃ dharābhāge nirālaṃbe manaḥ pare |
vyomādi guṇatatveṣu svendriyāṇi nivedayet ||

evaṃ sāṃsārikaṃ tyaktvā paratatvā valaṃ kāḥ |
adṛṣṭaḥ paratatvādyairbhitvā sūryasyamaṇḍalam ||

paratatve pareśāni śive līnaḥ śivāyate |
na kalpakoṭi sāhasraiḥ punarāvartanaṃ bhavet ||

anugrahāyalokānāṃ yadi dehaṃ na santyajet |
pralayānte tanuṃ tyaktvā svātmanye vāti vartate ||

p. 83)

ityeṣā khecarīmudrā khecarādhipatirbhavet |
janmamṛtyujarārogavalīpalitanāśinī ||

anayā sadṛśī vidyā kvacicchāstrāntare na hi ||

khecarī melanaṃ devi suguptaṃ na prakāśayet || iti |

yogasāramañjaryām - 

cubukaṃ yojayejjihvāṃ ṣoḍaśasvaramaṇḍale |
bhrūmadhye cakṣuṣī nyasya jihvāmūrdhvaṃ prasārayet ||

saṃprāpya kumbhakāvasthāmiḍāpiṅgalarodhanāt |
mūlaśaktiṃ samābodhyabhitvāṣaṭsarasī rūhān ||

taṭitsahasrasaṅkāśāṃ brahmāṇḍodara madhyagām |
dhamani śivāmṛtāmbhodhau sanniveśya ciraṃ vaset ||

yathābrahmamaye dhātri yogī vasati līlayā |
tathā tajjīvavad dehaṃ bhāti sphurati tatpadam ||

anena devi yogena dinasaptakamācaret |
yathā tathā sa bhavati jarāmaraṇavarjitaḥ ||

māsamātraprayogeṇa jīvedācandratārakam |
yadā brahmapuraṃ bhitvā yogī vrajati līlayā ||

tadā śivatvamāpnoti tyaktvā dehamimaṃ priye |
na punaḥ pīyate mātuḥ stanaṃ yadbhava hetukam ||

idaṃ guhyatamaṃ śāstraṃ sarveṣāṃ na prakāśayet |
aparīkṣitavṛttasya sa śīghraṃ naśyati priye ||

ḍambhāhaṃ kārahīnāya dhārmikāya dṛḍhāya ca |
samak śuśrūṣaśīlāya dātavyaṃ mantrapuṣpakam ||

avijñāya ca yaḥ kuryāt guruvākyāmṛtaṃ vinā | 
bhakṣyate so'thirāddevi yoginībhirnasaṃśayaḥ ||

ya idaṃ paramaṃ śāstraṃ granthataścāryataśca hā |
guruvaktrāt tu labhyeta sa parāṃ siddhimāpnuyāt ||

ya idaṃ paramaṃ guhyaṃ khecarī melanaṃ vadet |
sa eva hi gururdevi nānyo'sti parameśvari ||

bahudhā kliśyamānāya bhaktāyānanya cetase |
ekānte vijane sthāne pravaktavyaṃ vipaścitā ||

vyākhyānakāle kartavyaḥ pūjāvidhiraśāmyataḥ |
bhakṣyabhojyādibhiryuktaṃ kastūrī candanādibhiḥ |
pūjayecchāstravidhinā vidyāpustakamādarāt ||

athavā yadyaśaktastu mānaseta ghanāmṛtaiḥ |
santarpyapūjyavidhinā vyākhyānaṃ guptamācaret |
yasya haste sthitaṃ divyaṃ vidyāpustakamīśvari ||

p. 84)

tasya mūrtigataṃ devi sakalajñānasāgaram |
yathārthagranthataścedamarthataśca vidiṣyati ||

aśeṣeṇa jagaddhātri sa eva parameśvaraḥ |
sarvajñena śivenoktamidaṃ janmārbudairapi ||

dulabhaṃ śāstrasāraṃ tu vidyājjñānaprakāśakam |
dvāveva puruṣau loke siddhaḥ sādhaka eva ca |
abhyāse naiva satataṃ yasyamutparivartate ||

acirānmanasassiddhiṃ sa yogīsādhakaḥ smṛtaḥ |
samyagabhyasya vijñāya yaḥ samaṃ melanaṃ caret ||

sarvasādhāraṇatvena vikalpa kuṭilojjhitaḥ |
kartābhartā ca saṃhartā nityatṛpto nirāmayaḥ ||

paśyatyātmāvibhedena jagadetaccarācaram |
sa yogī sarvavicchrīmān siddha ityucyate budhaiḥ |
sahasrāre mahāpadme sthitvā yogī virājate ||

tasmāt sarvaprayatnena khecarī melanaṃ caret || iti | ayaṃ bhāvaḥ -

dvādaśāntādi mūlādhārāntaṃ vibhāvya parāśaktiḥ svayaṃ 
kuṇḍalinyādi rūpaṃ bhūtvā sarvādhāreṣu sarvavarṇeṣu sūtrarūpeṇa sthitā | 

taduktaṃ śāradātilake - 

śaṃkhāvartakramāddevī sarvamāvṛtya tiṣṭhati || iti | 

dakṣiṇāmūrti kalpe - 

sūtremaṇimayaṃ jagat || iti |

sūtrarūpeṇa maṇirūpeṇa sthitā bhavati | iti | ananta vratasūtragraṃthi rūpeṇa 
sūtrarūpeṇa yathā tathā kamalāni kalāśca nirmitavatī | 

taduktaṃ yogayājñavalkye -

aṣṭaprakṛtirūpā sā hyaṣṭadhā kuṇḍalākṛtiḥ || iti | 

bhagavadgītāsu - 

bhūmirāpo nalo vāyuḥ khaṃ manobuddhireva ca |
ahaṃkāra itīyaṃ me bhinnā prakṛtiraṣṭadhā || iti |

ata evādhārādyaṣṭa padmeṣu aṣṭavakreṇa sthitā | pṛthivyādayaḥ pañcamano 
buddhirahaṃkārā aṣṭaprakṛtayaḥ | bhinnarūpatvāt aṣṭadhākuṭilīkṛtā | 
dvādaśānte gurupādukā yugmasya pīṭharūpe sthita padmasya nālarūpeṇa 
karṇikārūpeṇa sthitavatī | etadarthaṃ gurupādukā smaraṇā vasare ucyate | 
sahasrāre sūkṣmasṛṣṭyarthaṃ jagatpāvanārthaṃ buddhirūpeṇapatyāsaha 
sthitā | taduktaṃ -

sahasrāre padme saha rahasi patyā viharase || iti |

ājñācakreṇa prajñāyuktamanorūpeṇa śaṃbhunā saha sthitā |

taduktaṃ - 

tavājñā cakrasthaṃ tapana śaśikoṭidyutidharam || iti |

p. 85)

viśuddhe ājñākāśarūpeṇa amṛtakuṇḍalirūpeṇa sthitā | 

taduktaṃ - 

śaśikiraṇasārūpya saraṇīti | anāhate vāyurūpeṇa hṛdayakamalasya 
nālarūpeṇa sthitā | sarvakāraṇarūpeṇa svādhiṣṭhāne sthitā | 
svādhiṣṭhānedugdhāmṛtavarṣeṇa jagatplāvanārthaṃ maṇipūre sthitā | 

(taduktaṃ yājñavalkye - 

dvādaśārayutaṃ cakraṃ tena dehaḥ pratiṣṭhitaḥ | 
cakre'smin bhramate jīvaḥ puṇyaḥ pāpaḥ pracoditaḥ || 

sā śakti puṇyapāpa rūpatvāt) sthūlasṛṣṭyarthaṃ patyāsaha krīḍayitvā 
mūlādhāre sthitā | 

taduktaṃ yājñavalkye - 

dvādaśārayutaṃ cakraṃ tena dehaḥ pratiṣṭhitaḥ | 
cakre'smin bhramate jīvaḥ puṇyapāpapracoditaḥ || 

sā śaktiḥ puṇyapāparūpatvāt sarvakāraṇam | amṛtavarṣeṇa svādhiṣṭhāne 
dagdha jagatplāvanārthaṃ maṇipūre megharūpeṇa sthitā | maṇipūrāddhṛdaye 
uḍḍīyavarṣantī | taduktaṃ tava śyāmaṃ meghaṃ kamapi 
maṇipūrekaśaraṇamiti | sthūlasṛṣṭyarthaṃ patyāsahakrīḍayitvā mūlādhāre 
sthitā | 
taduktaṃ tavādhāre mūle saha samaya ceti || evaṃ pravṛttiḥ kuṇḍalinyāḥ iti | 

|| iti yogasārasaṃgrahe kuṇḍalinī svarūpakriyānirūpaṇaṃ nāma 
caturdaśodhyāyaḥ ||




brahmacakre suṣumnāgre śrīcakre candramaṇḍale |
mahāpadmavane yattad yogapīṭhaṃ prakīrtitam ||

taduktaṃ yogasāramañjaryām - 

padmedaśaśatārāḍhye brahmacakre śivātmake |
śrīcakraṃ rājaṃ bālārkakoṭi dīptaṃ vibhāvayet || iti |

śivaḥ - 

mahāpadmavanaṃ yattat yogapīṭhaṃ prakīrtitam |
kadambagolakākāraṃ cakraṃ taṃ bindurūpiṇam ||

brahmarūpantu tatraiva suṣumnā dhāramaṇḍale || iti |

bīje yathāṃkurod bhedaḥ tathā tārārṇamaṇḍalam ||

kadambagolarūpeṇa sahasrāre vyavasthitaḥ ||

paritaśca suṣumnāyā adhaścordhvaṃ ca sarvaśaḥ |
yadyat sthitaṃ ca tat sarvaṃ saṃkṣepeṇa prakāśyate ||

sahasrādvitastyantaṃ dvādaśāntamitīritam |
tadeva śrīgurusthānaṃ ṣoḍaśāntamitīritam ||

nṛsiṃha tāpanīye - 

oṃkāraṃ sarveśvaraṃ dvādaśānte ṣoḍaśānte iti |

tantradhāre ca - 

tataḥ paramamātrāstu tatvātītaḥ paraḥ śivaḥ |
niṣkalo nirmalo nityaḥ śaradvāri samaprabhaḥ ||

p. 86)

gamyonaika krameṇaiva svānubhūtyaimahātmabhiḥ |

ūrdhvāmnāye - 

brahmaraṃdhrasarasī ruhodare nityalagnamavadātamadbhutam |
kuṇḍalī kanakakāṇḍaśobhitaṃ dvādaśānta sarasīruhaṃ bhaje ||

tasya kandalitakarṇikā puṭe kḷptarekhamakathādi saṃkhyayā |
koṇalakṣitahalarkṣamaṇḍalaṃ bhāvalakṣyamanalālayaṃ bhaje ||

tatpuṭe ghanataṭitkaṭādimatspardhamānapāṇe pāṭalaprabham |
bhāvayāmi hṛdi cinmayaṃ sadābindunādamaṇipīṭhamaṇḍalam ||

ūrdhvamadhyahutabhukśikhāspadaṃ cidvilāsaparabrahmaṇāspadam |
viśvakhasmaramahāyaśotkaṭaṃ bhāvayāmi yugamādi haṃsayoḥ ||

dvandvamindumakarandaśītalaṃ mānasaṃ smarati maṅgalāspadam |
pādukāparaśivātmano guroḥ pāpanāśini paṭīyasī mama ||

mūrdhniśītakaranissaratsudhā siktamūrtiraniśaṃ virājate || iti |

yogasāramañjaryām - 

gudāttadvyaṣṭabhāgeṣu vīṇādaṇḍākhya dehabhṛt |
dīrghāsthi mūrdhniparyantaṃ brahmanāḍīti kathyate ||

tasthānte suṣiraṃ sūkṣmaṃ brahmanāḍī sūrayā |
iḍāpiṃgalayormadhye suṣumnāsūryamaṇḍale ||

sarvaṃ pratiṣṭhitaṃ tasmin sarvaṃ viśvato mukham |
tadgatāssūryasomogni devatāḥ parameśvaraḥ ||

bhūtālokādiśaḥ kṣetrasamudrāḥ parvatāstathā |
dvayośca nimnagā veda śāstravidyā kalākṣarāḥ ||

svarāmantrapurāṇāśca guṇāñcaitasya sarvaśaḥ |
nijaṃ jīvātmanā teṣāṃ kṣetrajñaḥ prāṇavāhanaḥ ||

suṣumnāntargataṃ viśvaṃ tasmin sarvaṃ pratiṣṭhitam || iti |

cintātimira bhāskare - 

śarīrāntargatomerumāśrityamaṇidaṇḍavat |
suṣumnā vartate dehe bisaṃ nibhā śubhā ||

ābrahmastambaparyantaṃ tanmadhye vartate citi |
tāvādyantaprabhāsyantaścittamityabhidhīyate ||

tacchidraghaṭamadhyasthaṃ dīpajvāleva dīpyasi |
evaṃ jīvasvarūpāntaṃ vyāptamuktaṃ hi putrake || iti |

yājñavalkye - 

mūlādhārāgrakoṇasya suṣumnādvādaśāntagā |

mūlordhvacchinnavaṃśābhābrahmanāḍīti kathyate |
tasyāstu suṣiraṃ sūkṣmaṃ tasmin sarvaṃ pratiṣṭhitam ||

mastakānte catuḥsthānāt ūrdhvaṃvāṅmānaso'dhikam |
dvādaśāntamitikhyātaṃ paramātmā vyavasthitam ||

p. 87)

tasmādadhaḥ sthitā śaktiḥ unmanī caturaṃgule |
samanānāmayā śaktiḥ sā śaktistatra su sthitā ||

triyaṃgulādadho lakṣabhānu kāntiprakāśinī |
śirogrehyaṃ gulīsthāne śaktiḥ saiva ca suprabhā || iti |

tantrasāre -

tacchivāttaparāśaktiḥ sahasrāṃśena jāyate |
śāntyādi bahunoktena sā śaktirvyapadiśyate ||

taduktaṃ mṛgendre - 

sā ca kuṇḍalinī śaṃbhoḥ śaktiḥ śuddhā iḍātmikā ||

na tadātme sthitā saiva vartamānā parigrahe |
upādānatvate dehe toḥ kulāle mṛttikā yathā iti ||

sahasrāre dvyaṃgulāgre maṇibhādaṇḍavatsthitā |
pārśvadvayorbinduyuktā śaktīstiṣṭhati sarvadā ||

daṇḍādadhastryaṃgulāgre bindumadhyerdha candrabhā |
nirodhinīti vikhyātā śaktistiṣṭhati sarvadā || iti | 

antasāre - 

aṃgulatritayenanto lalāṭe pādamātrakam |
divyaliṅgassamākāro hyardhacandrasamaprabhaḥ ||

taduktaṃ yogasāramañjaryām - 

lalāṭe parameśāni divyāvārāṇasī purī |
avarṇamantrenantākhyo virajā ca sarasvatī |
bhrūmadhye dvyaṃgulāvṛtte dīpākārasamaprabhā ||

sitāsitāsaritsaṃgaḥ sthitassomeśvaraḥ śivaḥ |

tathā ca śrutiḥ - 

yatra gaṃgā ca yamunā yatra prācī sarasvatī |
yatra someśvaro devastatrātmā hyamṛtā kṛtiḥ ||

tatoṃgulikākośe dvimātrerka śaśiprabhā |
māyā tatvaviṣorudraḥ kaṇṭhadeśe vyavasthitaḥ ||

dakṣiṇāmūrtikalpe - 

nābherūrdhve vitastyante hṛdayaṃ caturaṃgulam |
tadante saṃsthitā medhāsvarūpāgnisamaprabhā ||

nābhimaṇḍalamadhye tu icchāvidyā pratiṣṭhitā || iti |

tadadho maṇipūrāgre ratyāratipatiḥ sthitaḥ |
mūlādhāre sthitā śaktiḥ kuṇḍalī paradevatā ||

yogasāramaṃjaryām - 

atha brahmārgaladvāraṃ durvijñeyaṃ maheśvari |
kalañcatuṣ.kaṃ tatrasthaṃ caturvargātmakaṃ param ||

pūrvabhāge'mṛtānāma guptaṃ dakṣiṇagocarā |
śivāpaścimadigbāge parāpara śivottare ||

tadvāraṃ rasanāgreṇa bhitvāpūrvakalāmṛtam |
yadāpibati vai yogī māsādardheśvaro bhavet ||

p. 88)

yathā guptāmṛtaṃ dakṣe yogī rasanayā lihet |
māsā deva na saṃdehaḥ sākṣādevārdheśvaro bhavet ||

tatpaścime kalāpānāt tadvatkāmeśvaro bhavet |
uttarastha kalāpānāt parameṣṭhitvamāpnuyāt |
tadūrdhve maṇḍale līnaṃ brahmaraṃdhre parāmṛtam ||

tatsudhāpānamātreṇa jīvānmuktaḥ śivo bhavet |
tatra cūlitalaṃ proktaṃ kedāraṃ prāhurośvarī ||

tatra somakalāścāṣṭau vikhyātā vīravandite |
amṛtāmānadāpūṣā tuṣṭiḥ puṣṭī ratirdhṛtiḥ ||

śaśinyādi kalāpānāt khecaratvaṃ prajāyate |
bhrūmadhyannamayet proktaṃ tatproktaṃ somamaṇḍalam |
candrikādi kalāproktaṃ parāmṛtaniketanam |
jihvayā yasya tatpānaṃ tasya vajrasamaṃ vapuḥ ||

tadūrdhvaṃ vajrakandākhyaṃ śilākhecarimadhyagam |
lalāṭaṃ taṃ vijānīyāt tatra devikalāśrayam |
tatprādikalāpānāt astraśastrairna bhidyate |
ācintyaḥ sarvavijñānaiḥ virūpā viṣayānvitaiḥ ||

bhairavā bhogavet satyaṃ vajrakandaprabhāvataḥ |
nāsikādho dharoṣṭhordhve rājadantamahāpathe ||

tatrapūrṇāmṛtākāmadāyinī ca kalā dvayam |
saṃprāpya kuṃbhakāvasthāṃ rasanāgreṇa saṃspṛśet ||

dvimāsaṃ tatsudhāpānāt sarvarogo vinaśyati |
gudaliṃgāntarasthānaṃmādhāraparikalpitam ||

tatrapañcakalāḥ proktāḥ prāguptaparamāmṛtaḥ |
sudhā sudhāmayī prājñā kālaghnī jñānadāyinī |
kalāḥ pañcasudhādhārāḥ kīrtitāḥ sarvasiddhidāḥ ||

tatrasthā paramāśaktirmāyākuṇḍalinī śive |
tatrākuṃcanayogena kumbhakena surārcite ||

mūlaśaktyā samāsvādya tatragaṃśītalā mṛtam |
suṣumnāyā samunnīya svādhiṣṭhānādi paṃkajāt |
tatsudhāvṛṣṭisaṃsiktaṃ smared brahmāṇḍakāvadhi ||

tatrasthamamṛtaṃ gṛhyaśaktiḥ śrīkuṇḍalī parā |
suṣumnāmārgamāsādya brahmadhāmāntameyuṣī ||

pañcamāsaprayogeṇa pañcabhūtajayaṃ bhavet |
śivasāmyo bhavet satyaṃ trikālābhyāsayogataḥ ||

p. 89)

nābhisthānaṃ hi mayā devī svādhiṣṭhānaṃ taducyate | 
tatra divyāmṛtamayaṃ kalātrayamudīritam ||

suṣumnā paramāhlādā vidyāceti prakīrtitā |
pūrvavatkumbhakāvasthāṃ prāpyaśaktiṃ prabodhya ca ||

tatsudhāpānamātreṇa pūrvoktaphalamaśnute | 
gudameḍhrāntaraṃ yadvai veṇudaṇḍaṃ taducyate ||

kalācatuṣkaṃ tatroktaṃ parāmṛtarasāyanam |
suśītā ca mahāvṛṣṭiḥ palitaghnī valīkṣayā ||

tatraśaktiṃ samudbodhyapūrvavatplāvayet tanum |
caturmāsaprayogeṇa pūrvokta phalamaśnute || iti |

yogaśāṃkare - 

ataḥ paraṃ pravakṣyāmi parāmṛtamahāpatham |
vajrakande lalāṭe tu prajvalaccandrasannibham ||

yaṃ garbhañcaturaśraṃ ca tatra devaḥ paraśśivaḥ |
devatāstamupāsante yoginyaśśaktisaṃyutam ||

cūlītale mahādevi lakṣasūryasamaprabham |
trikoṇamaṇḍale madhyadevaṃ liṅgātmakaṃ śivam |
raṃ garbhamadhyagaṃ devi svaśaktyāliṅgitaṃ param || 
 
devatāgaṇasaṃjuṣṭaṃ bhāvaye parameśvarīm |
dakṣajaṅghe mahābhāge ṣaḍbindurvalayānvitam ||

yaṃ garbhaṃ dhūmravarṇañca tatradevaṃ maheśvaram |
liṅgākāraṃ smared devi śaktiyuktaṃ gaṇāvṛtam ||

vāmaśaṃkhendra candrābhaṃ sa padmaṃ maṇḍalaṃ śive |
yaṃ garbhaṃ ṭhaṃ padaṃ madhye tatraliṅgaṃ sudhāmayam ||

gokṣīradhavalākāraṃ śaraccandrāyutaprabham |
svaśaktyāliṅgitaṃ sarve devatāgaṇa sevitam ||

evaṃ devī caturdikṣu sthānānyuktāni vai mayā |
teṣāṃ madhye mahāvṛtaṃ haṃ garbhaṃ tatra pārvati |
khagośvaraḥ paraśśabdaḥ svaśaktyā liṅgitasthitaḥ ||

liṅgākāro gaṇayutaḥ sūryakoṭisamaprabhaḥ |
pṛthivya(dhi)patirbālaḥ paścime sūryanāyakaḥ ||

dakṣaśaṃkhe nilavati vāme jalapatiśśivaḥ |
madhye vyomādhi patiśśambhuḥ sthānāḥ pañcamathoditāḥ ||

yogasāramañjaryām - 

vyomādhipasya devasya śirordhve caturaṃgulam |
jyotirmaṇḍalamadhyasthaṃ koṭicandrasamaprabham ||

divyāmṛtamayaṃ bhāṇḍaṃ mūlabaṃdhakavāṭakam |
ūrdhvaruddhamahāśailamabhedyamamṛtāspadam ||

śītalāvṛtamadhye tu vilīnaṃ liṅgamīśvaram |
trayareṇupratīkāśaṃ koṭicandrasamaprabham ||

heyopādeyarahitaṃmajñānatimirāpaham |

p. 90)

atītyapañcasthānāni paratatvopalabdhaye |
parāmṛtaghaṭādhārakavāṭaṃ kumbhakānvitam ||

manasā sahavāgīśīmūrdhvavaktrāṃ prasārayet |
sa yadyat prāṇasañcāro yogīrasanayā galam ||

līlayodghāṭayet satyaṃ samprāpya sahasāmṛtam |
śītalekṣurasāsvādu tatra kṣīrāmṛtaṃ hi mam ||

yogapānaṃ pibenmadhyaṃ durlabhaṃ vibudhairapi |
tatsudhāvṛṣṭi santṛpto parāvasthāmupetya ca ||

unmanyā tatra saṃyogaṃktabhyaṃ brahmāṇḍakāntare |
nādabindumayaṃ māṃsaṃ yogīyogena bṛṃhayet ||

etadrahasyaṃ deveśi durlabhaṃ parameśvari |
jihvāgre koṭicandrābhāṃ vāgīśīṃ paribhāvayet ||

parāmṛtakalātṛptaḥ kavitvaṃ labhate kṣaṇāt |
jihvāgre saṃsthitāṃ lakṣmīṃ parāmṛtavimoditām ||

dhyāyan yogī maheśāni yogasāmrājyamāpnuyāt |
sahajāḥ pañcavikhyātāḥ piṇḍe'smin paramātmake ||

yadā saṃjāyate dehaṃ mātṛhe pitṛkṣayāt |
tatrasārdhaṃ bhavantisma dehavṛddhimupeyuṣī ||

ādyākuṇḍalinī śaktiḥ prathamā sahajā sthitā |
dvitīyā ca suṣumnākhyā jihvā caiva tṛtīyakā ||

tālusthānaṃ caturthañca brahmasthānaṃ ca pañcamam |
unmanyā sahajā māyā dvitīyāṃ sahajāṃ viśet ||

tṛtīyāṃ sahajāmūrdhvaṃ caturthīṃ sahajāṃ viśet |
caturthīṃ sahajāṃ bhitvā sahajāṃ pañcamīṃ viśet ||

evaṃ bhedo mayā prokto durvijñeyaṃ kuleśvari |
mūlāt kuṇḍalinī śaktiḥ suṣumnāmārgamāgatā ||

kulaikatantu pratimā koṭisūryasamaprabhā |
praviśed ghaṇṭikāmārgaṃ śivadvārārgalaṃ viśet ||

evaṃ bhedo mayā prokto durvijñeyo maheśvari |
praviśet koṭi sūryābhaṃ dhāmasvāyaṃbhuvaṃ priye ||

tatrāmṛta mahāmbhodhau śītakallolamālinī |
pītvāviśrāmya ca sudhāṃ paramānandapūrṇayā |
buddhyā tatsudhayā tṛptamātmadehaṃ prabhāvayet ||

anena devi yogena jāyate divyadarśanam |
khecaritvaṃ bhavet sadyaḥ sarvaduḥkhakṣayo bhavet ||

vañcanaṃ kālamṛtyūnāṃ trailokyaikamaṇistathā |
aṇimādi guṇopetaḥ sa siddho jāyate dhruvam ||

p. 91)

yogīndratvamavāpnoti matikhyā hatā bhavet |
na ca nāgasahasrāṇā balena sahitaḥ svayam ||

jāyate śivavadyogī satyaṃ satyaṃ mayoditaḥ ||

śivaḥ - 

mūlādhārāt samudbhūtā ṣaṭ kavāṭa vibhedinī |
bhitvābrahmārgalaṃ divyaṃ svapate sthānameyūṣī ||

vahnyarkamaṇḍalaṃ bhitvā dravantī candramaṇḍalam |
tadudbhavāmṛtāsvādā paramānandananditā |
kulayoṣitkulaṃ tyaktvā paraṃ puruṣameyuṣī ||

nirlakṣyaṃ nirguṇaṃ caiva kularūpavivarjitam |
tatra svacchandarūpā tu parirabhyasvakaṃ patim ||

viśrāmya ca ciraṃ kālaṃ tadbhogā hlāda nanditā |
paramā vṛṣṭibhirnityaṃ siñcantī yoginastanum ||

yathā gatena mārgeṇa punareti svakaṃ padam ||

|| iti yogasārasaṃgrahe suṣumnā kalānāṃ svarūpanirūpaṇaṃ 
nāmapañcadaśodhyāyaḥ ||




atha śarīre jīvasthānāni jīvātmasvarūpaṃ cocyate -

śivayoge - 

ādhāre hṛdaye caiva śiraḥ sthāne vyavasthitaḥ |
dehasaṅgassa ityuktaśśivena paramātmanā ||

brahmopaniṣadi - 

netrasthaṃ jāgaritaṃ vidyāt kaṇṭhe svapnaṃ samādiśet |
suṣuptaṃ hṛdayasthaṃ tu turyaṃ syānmūrdhnisaṃsthitam || iti |

dattaḥ - 

vāyustejastathākāśo trividho jīvasaṃjñakaḥ |
sa jīvaḥ prāṇa ityuktaḥ vālāgraśatakalpitaḥ || iti |

yājñavalkye - 

nyagrodhabījaṃ śatadhā vibhajya 
tadekabhāgasya śatāṃśatulyam |
tasyāṃśabhāgaṃ munayo vadanti 
tathaiva jīvākhyamitiprasiddham ||

muṇḍakopaniṣadi - 

eṣo'ṇurātmā cetasā veditavyo 
yasmin prāṇaḥ pañcadhāsaṃviveśa | 
prāṇaiścittaṃ sarvametaṃ prajānāṃ 
yasmin viśuddho bhavatyeṣa ātmā ||

manastejo rūpastannirodhāt svarūpalābhāḥ uktasthāne niyamyāsūn tatra 
saṃyojayen manaḥ ||

muhūrtamabhyasennityaṃ mṛtyumātaṅga kesarī | 
prāṇasannirodhāt svarūpa jñānaṃ sidhyati ||

brahmopaniṣadi - 

ato nirviṣayasyāsyamanaso muktiriṣyata iti ||

uttaragītāsu - yathā jalaṃjalekṣiptaṃ kṣīre kṣīraṃ ghṛte ghṛtam |

p. 92)

aviśeṣaṃ bhavet tadvat jīvātmaparamātmanoḥ ||

tathā ca śrutiḥ - ghaṭasaṃvṛtamākāśannīyamane ghaṭo yathā |
ghaṭīnīyetanākāśaṃ tadvajjīvo na bhoṣamaḥ |

kaṭhavalyām - nāyamātmā pravacanena labhyo na meghayā na bahunā śrutena |
yamevaiṣa vṛṇute tena labhyastathaivātmā vṛṇute tanūṁsvām ||

tāpanīye - 

omityekākṣaramidaṃ sarvaṃ tasyopavyākhyānaṃ bhūtam |
bhūtaṃ bhavyaṃ bhaviṣyaditi | sarvamoṃkāramevayaccānyatra kālotītam | 
tadapyoṃkāra eva | sarvaṃ hyetadbrahma | athamātmā brahmāso'yamātmā 
catuṣṇāt jāgarita sthāno bahiḥ prajñaḥ saptāṅga ekonaviṃśati mukhaḥ sthūla 
bhugvaiśvānaraḥ prathamaḥ pādaḥ | svapnasthāno'ntaḥ prajñaḥ saptāṅga 
ekonaviṃśatimukhaḥ caturātmā prājña īśvaraḥ tṛtīyaḥ pādaḥ | eṣa 
sarveśvaraḥ eṣa sarvajñaḥ eṣo'ntaryāmyeṣayoniḥ sarvasya prabhavāpyayo hi 
bhūtānāṃ bahiḥ prajñam nā prajñam na prajñānaghamadṛṣṭam | 
avyavahāryamagrāhyamalakṣaṇam | acintyamavyapadeśyamekātmapratyayasāraṃ 
prapañcopaśamaṃ śivamadvaitaṃ caturthaṃ manyante sa ātmā sa vijñeyaḥ | ya 
ātmā śuddhacaitanyasvarūpaḥ śāśvato vibhuḥ nirvikāraḥ svayaṃ jyotiḥ 
svabhāvorkaḥ prakāśayet |

vāsiṣṭhaḥ - 

ya ātmā cinmayaḥ svacchaḥ pravṛttyupacayo'cyutaḥ | 
heyagrāhyojjhito deśakālajātyādyasaṃgatiḥ ||

asyāṃ turyāvasthāyāṃ sthitiṃ prāpyavināśinī |
ānandaikātmalīnatvā mahānandapadaṃ gataḥ |
ādyantarahitaḥ satyaṃ cidrūpo nirvikalpakaḥ |
ātmāsaṃpūritākāśo jīvaḥ syādyaḥ parātparaḥ ||

ātmānamitaraṃ cāpi dṛṣṭyā nityāvibhinnayā |
sarvaṃ ca jyotireveti yaḥ paśyati sa paśyati ||

avadhūtagītāsu - 

evaṃ jñātvātvimaṃ mārgaṃ yogināṃ(nte)vakalpitam |
vikalpavarjitātveṣā svayaṃ siddhiḥ prajāyate ||

nāḍīprakāro'pi na yatra kiñcit namīśamātmānamupe hi śāśvatam |
na saṃyamī vā yadi vā na saṃyamī niṣkarmako vā yadi vā sa karmakaḥ ||

ātmaprabodhāt sa vimucyate dhruvaṃ tamīśamātmānamupaiti śāśvatam |
mano na buddhirna śarīramindriyaṃ tanmātra bhūtādi na bhūtapañcakam |

p. 93)

ahaṃ kṛtiścāpi na yet svarūpakaṃ tameka mātmānamupaiti śāśvatam ||

tīrthe vāpyatha gehe vā yatra kutra mṛto'pi vā |
yogī na paśyate garbhaṃ parabrahmaṇi līyate ||

tīrthe vā śvapaca gṛhe naṣṭasmṛti parityajan deham | 
jñānasamakāla muktaḥ kaivalyaṃ yāti hataśokaḥ ||

kulīpavitraṃ jananī kṛtārthā viśvaṃbharā puṣyavatī ca pṛthvī |
apārasaccitsukhasāgare'smin līnaṃ parebrahmaṇi yasya cetaḥ ||

yogaśāstrasya sarveṣāṃ śraddhābhakti purassaram |
śatakṛcchra phalaṃ nityaṃ bhavati śravaṇena tu ||

dine dine yogaśāstraṃ yaḥ paṭhed bhakti saṃyutaḥ |
tatra śrīḥ vipulā sadyaḥ ante muktirna saṃśayaḥ ||

|| iti śrīmadyogasārasaṃgrahe ātmasvarūpanirūpaṇaṃ nāmaṣoḍaśodhyāyaḥ ||

yamādi ṣoḍaśaparaiḥ kṛtyairātmasthiti kramaḥ |
saṃproktaḥ ṣoḍaśādhyāyaiḥ bahusammatibhirdṛḍham ||

iti 

|| yogasārasaṃgrahaḥ sampūrṇaḥ ||


###########   END OF FILE  #######