####################################################
MUKTABODHA INDOLOGICAL RESEARCH INSTITUTE
Use of this material (e-texts) is covered by Creative Commons license BY-NC 4.0
Catalog number: M00058
Uniform title: śivāgamādimāhātmya
Main title: śivāgamādimāhātmyasaṅgrama
Author : jñānaprakāśa - śālivāṭipuranivāsi
Manuscript : IFP transcript 1059 copied from a ms belonging to g. swaminatha gurukkal, tiruvadudurai. MS l no. 154 a

Description: 



Notes: 
Data entered by the staff of Muktabodha under the supervision of Mark S. G. Dyczkowski.

Revision 0 February 13, 2009

Internet publisher : Muktabodha Indological Research Institute
Publication year : 
Publication city : 
Publication country : India
####################################################





|| śivāgamādimāhātmyam ||

namo ----------------------- bindave śāśvatāya ca |
gurave ca gaṇeśā ------------------------------------- ||

kecinnirīśvaravādināṃ matamavalambya smṛtīnāmakṛtakatvena 
prāmāṇyaṃ śivāgamānāṃ kṛtakatvena prāmāṇyaṃ nāsti yadyastyapi 
kathañci * * * * śrutipathagalitānāṃ mānuṣāṇāmiti durbuddhayo * * * * 
* |

* * * * * * bhūtvā pañcabhistairmukhairapi |
vedādigranthajālaṃ yat tatsarvamavadat prabhuḥ ||

adṛṣṭavigrahācchānnāt śivātparamakāraṇāt |

nādarūpaṃ viniṣkrāntaṃ * * * sarvamiti sthitamiti 
pauṣkaraśivāgamaśruteśca |

punaraṅgāni * * * mīmāṃsā nyāyavistaraḥ |
purāṇaṃ dharmaśāstraṃ ca vidyāhyetāścaturdaśa ||
āyurvedo dhanurvedo gāndharvaṃ cetyanukramāt 
astraśāstraṃ paraṃ tasmāt vidyā hyaṣṭādaśa smṛtāḥ |
aṣṭādaśānāṃ vidyānāmetāsāṃ bhinnavartmanām ||

p. 2) ādikartā kaviḥ sākṣācchūlapāṇiriti śrutiḥ |
aṣṭādaśa purāṇāni kathitāni samāsataḥ ||
teṣāṃ sargāntareṣveva dvāpare darśako muniḥ |
vyāso yathā mahādevaḥ kāmikādiprakāśakaḥ ||
aṣṭādaśapurāṇānāṃ kartā satyavatīsutaḥ |
kāmikādiprabhedasya yathā devo maheśvaraḥ ||

	iti vāyavyasaṃhitā dharmasaṃhitā sūtasaṃhitā śrutibhiśca 
yathā kāmikādīnāṃ śivenaiva praṇayanāt | prāmāṇye yathāpi 
nārāyaṇāvatāreṇa vyāsena praṇayanāt prāmāṇye'pi asāvavaśiṣṭa iti 
sūtasaṃhitā prativacanācca | vedānāṃ śivāgamānāṃ ca 
paramāptaparaśivakṛtakatvenaiva prāmāṇyam | nākṛtakatvena | 
kālidāsādivākyavadvarṇapadavākyaracanāvatvāt | satkāryatayā vedāḥ 
nityā iti cecchivāgamāśca | nāsato vidyate bhāvo nābhāvo vidyate sata iti 
vacanāt | tathevyabhivyaktikartṛtvaṃ śivasya siddhamityakṛtakatvaṃ vā'stu 
|
taduktaṃ sūtasaṃhitāyāṃ -

vedo'nādiḥ śivastasya vyañjakaḥ paramārthataḥ |
abhivyaktimapekṣyaiva praṇatetyucyate budhairiti ||

p. 3) tathā sahasranāmavyākhyāyāṃ kṛtāgamāyetyatra kṛtāḥ praṇītā 
āgamāḥ kāraṇakāmikādyāstantraviśeṣā yena saḥ kṛtāgamastathā 
coktaḥ -

	kāmikādyā vātulāntāḥ śivenoktāḥ śivāgamā 
ityalaṅkāradīkṣitena vyākhyātam | tataḥ śivakṛtakatvenaivobhayoḥ 
prāmāṇyam | taduktaṃ caturvedārthatātparyasaṃgrahe -

vedāḥ pramāṇamiti saṃgiramāṇa eva
divyaṃ tavāgamamavaiti janaḥ prāṇam (pramāṇam) |
tvaddhyānavākyaviṣayaupayime(kaiḥ) padārthai * * * *
kalitavigrahamā ca mūlāt ||

kalpāḥ pramāṇamṛṣibhiryadi naḥ praṇītāḥ 
kiṃ naḥ pramāṇamṛṣiṇāṃ mahatāṃ maharṣe 
śakyaṃ na vaktuṃ parigrahadūṣitāni
tantrāntarāṇi bhavatā śivakartṛmantīti ||

vāyavyasaṃhitāyāṃ ca-

ajātāśeṣadoṣeṇa sarvajñena śivena * |
* * ṇītamamalaṃ vākyaṃ tat pramāṇaṃ na saṃśayaḥ ||

tasmādīśvaravākyāni śraddheyāni vipaścitā | 
yathārthaṃ puṇyapāpeṣu tadaśraddho vrajatyadha iti ||

p. 4) tataḥ parasparaṃ vedānāmiva parasparopabṛṃhaṇatvamantarā 
svatantratvenaivobhayeṣāṃ prāmāṇyaṃ | taduktaṃ mataṅge -

pramāṇamekaṃ tadvākyaṃ tathyamīśvarabhāṣitam | iti |

pauṣkare'pi -

	pramāṇamekaṃ tadvākyaṃ tathyaṃ śreyonidhiḥ sadeti | tathā 
vyākhyātaṃ sūtasaṃhitāyāṃ vidyāraṇyasvāmibhirapi 
śivapūjāprakrame -

vaidikī tāntrikī ce * dvijendrāstāntrikī tu sā |
tāntrikasyaiva nānyasya vaidikī vaidikasya hīti ||

atra vedatanmūlasmṛtipurāṇādipratipāditaprakārā vaidikī | 
tadanapekṣaśivaproktakāmikādyāgamapratipāditaprakārā tāntrikī | tatra 
tāntrakyā adhikāriviśeṣamāha | tāntrikasyaiveti | 
tatroditakuṇḍamaṇḍalādipurassaradīkṣādisaṃskṛtasyaivetyartha iti | tathā 
hi |

	na hi parasparaṃ vedānāmiva svatantraprayuktaśivāgamānāṃ 
vedabāhyatvam | vedasāramidaṃ tantramiti vedotkṛṣṭavedaviśeṣatva * * 
samuktatvāt | taduktaṃ śaivapurāṇasaṃbhavavāyavyasaṃhitāyāṃ -

bhagavañcchrotumicchāmaḥ śivena paribhāṣitam |
p. 5) vedasāraṃ śivajñānaṃ saṃśrutāṃ (saṃśrutānāṃ) vimuktaya iti 
| makuṭe ca -

vedasāramidaṃ tantraṃ tasmādvaidika ācaret |
vedāntārthamayaṃ jñānaṃ siddhāntaṃ paramaṃ śubham ||
ūrdhvasrotodbhavaṃ śreṣṭhamaṣṭāviṃśatitantrakam |
vedasārārthadaṃ jñeyamanyattvanyārthasādhanamiti ||

suprabhede -

śaivaṃ pāśupataṃ somaṃ lākulaṃ ca caturvidham |
teṣu śaivaṃ paraṃ saumyaṃ raudraṃ pāśupatādikam ||
kāmikādyaṣṭaviṃśacca tantraṃ śaivamiti smṛtam |
tadeva saumyamākhyātaṃ siddhāntaṃ hi tadeva tu ||
tadanyadraudramākhyātaṃ tantraṃ pāśupatādikamiti |

kāmike ca -

siddhāntaṃ vedasāratvādanyadvedavahiṣkṛtam |
siddhānte vihitācāro vaidikācāra ucyate ||
karttavyaṃ cedanuṣṭheyaṃ śaivakarmāvirodhi yat |
viruddhaṃ cet parityājyaṃ na tu śaivaṃ parityajet ||
saṃgrāhyaṃ vaidikaṃ sarvaṃ śaivavākyāvirodhi yat |
śaivaṃ vaidikamevoktaṃ vaidikaṃ śaivameva ca ||

p. 6) vaidikāntarbahirbhūtaṃ śaivaṃ śaivāttadapyadhaḥ |
tathāpi vaidikācchreṣṭhaṃ śaivaṃ tasmāt paraṃ nahi ||
siddhāntaṃ kāmikādi syāt nāsmātparamanuttamam |
śaivaṃ tu mūlabhūtaṃ syāt caturvedāstadudbhavāḥ ||
tathāpi vaidikaṃ vedasāramityādivākyataḥ |
śaivaṃ proktaṃ ca sarvatra tadarthaikyānmunīśvarā iti ||

nanu vedasāraṃ śrautamasvatantraṃ tantramanyat | 
punaravedasāramaśrautaṃ kāmikādikaṃ svatantraṃ tantramanyat |

taduktaṃ vāyavyasaṃhitāyāṃ -

śaivāgamo'pi dvividhaḥ śrautāśrautaśca saṃsmṛtaḥ |
śrutisāramayaśrauta svatantra itaro mataḥ ||
svatantro daśadhā pūrvaṃ tathāṣṭādaśadhā punaḥ |
kāmikādisamākhyābhiḥ siddhaḥ siddhāntasaṃjñitaḥ ||
śrutisāramayo'nyastu śatakoṭipravistaraḥ |
paraṃ pāśupataṃ yatra vrataṃ jñānaṃ ca kathyata iti ||

tadevaṃ sthite kathaṃ kāmikādikaṃ vedasāramiti makuṭādiṣūktam | 
satyam | śrautatvāpādakaṃ vedasāratvaṃ dviprakāram | tatra prathamaṃ 
śaivapāśupatapratītatantravaidikapāśupataprameyapravistārakaśatakoṭipra
vistare kasmiṃścidadya 
p. 7)  yāvadaṣṭasiddhā svatantraṃ tatra dṛṣṭaṃ vedasāratvaṃ 
vedānusāritvam |
dvitīyasiddhāntaprameyapravistārakapadārthādipravistare svatantratantre 
kāmikādike dṛṣṭam | vedasāratvaṃ tu na hi 
dadhyādernavanītādivadvedādutpannatvaṃ vedānusāritvaṃ 
vedavyāpyatvaṃ vā | anyacca kiñciduktamapi | vedānusāritvaṃ 
vedārthasvīkāratvamityarthaḥ | tattvena vedavyāpakatvāt | taduktaṃ 
vāyavyasaṃhitāyāṃ -

yaduktamanyathāstreṣu vidyate tacchivāgame |
na dṛṣṭaṃ yacchivajñāne tadanyatra na vidyata iti ||

kāmike ca -

siddhāntāt paramaṃ jñānaṃ neti śāstrasya niścayaḥ |
anyathāstreṣu --------------------------------------------- ||

aṣṭāviṃśatitantrāṇi siddhāntamiti kīrttitamiti |

cintyaviśve ca -

śaivaṃ pāśupataṃ jñeyaṃ sarvatattvaikanāyakam |
sarvamantramayaṃ jñeyaṃ sarvadevamayaṃ bhavet ||
janmāntaratapobhiśca sanmārgajñānasaṃbhavamiti |

aruṇācalamāhātmye ca -

nāsti śoṇādritaḥ kṣetraṃ nāstipañcākṣarānmanuḥ |
nāsti māheśvarāddharmo nāsti śāstraṃ śivāgamāditi ||
p. 8) kiṃ tu pramāṇavirodhasya svataḥ prameyavirodhamūlatvāt | 
parasparaṃ vedānāmiva kathañcit 
kvacitkiñcidekātmavādādiprameyapradeśapratipādanaprakāravirodha-
mātraparityāgena vedavihitavidhiniṣedhakatvavaidhuryeṇa 
bahuśo'rthaikyādavirodhavedācāravedārthasvīkāreṇa 
śaivavedaviśāradāniti suprabhedakṛte svātantryeṇa 
vedādhigatānadhigatārthagantṛtvalakṣaṇavedajanakavedaviśeṣaśivāgama
nāmaśivavedatvameva vedasāratvamiti paryavasitārthaḥ 
manuṣyajanakamanuṣyatvaviśeṣabrāhmaṇatvavat |
taduktaṃ mokṣakārikāsu -

pāśadṛṣṭivirodhāya pravṛttamapi mānatām |
na jahāti yataścedyāṃ pāśāstasyeha sarvataḥ ||
na ca svagocare tāsāṃ bādhate tatpramāṇatām |
tāsu varṇāśramācārā na hyanujñānavacca tat ||
na cānyena pramāṇena saṃruddhastasya gocara iti |
viśorapi ca karttavyaṃ patyuṃ preraṇapūrvakamiti ca |

mohaśūrottare ca -

purāṇaṃ sādhyate vedairāgamaiśca taduktayaḥ |
sāmānyaṃ ca viśeṣaṃ ca śaivaṃ vaiśiṣṭikaṃ vaca iti ||

p. 9) vṛddhācalamāhātmye ca -

etāstu mūrttīḥ parameśvarasya
vṛddhācaleśālayamaṇḍapeṣu |
sthāneṣu saṃsthāpya cakāra pūjāṃ 
śivāgamaproktaviśeṣamārgairiti ||

punaratrāyaṃ vivekaḥ | bahudhā vedaviruddhārthapratipādakatvameva 
vedabāhyatvaṃ na sarvadhā | tathātve 
śivaśāstretaracārvākādisarvaśāstrāṇāmapi 
yathākathañcidviruddhārthapratipādakatvamastīti na sarvadhā * * 
bāhyānīti yathānurūpaṃ pramāṇāni saphalānyeva | taduktaṃ 
śivāgame gurukṛtau ca -

cārvā * * bhūtasaṃsiddhā(ḥ) smārtāstanmātrasaṃhatau |
vaiśeṣikāstvahaṅkāre mānasāścendriyā api ||

buddhitattve sthitā bauddhāstatattve nyāyavā * * ||

ārhatāstu guṇe tattve prakṛtau pāñcarātrakāḥ |
vedāntajñāśca sāṃkhyāśca yoginaḥ puruṣe sthitāḥ ||
śaiva paurāṇikā rāge somā vidyāpade sthitāḥ |
kāpālāstu kalāniṣṭhāḥ kāle kāleśvarā(ḥ) sthitāḥ ||
* * * śāḥ kalāntasthāḥ pṛthak tasmānna coditāḥ |
pāśupatāstu māyāyāṃ vidyāyāṃ tu mahāvratāḥ ||
p. 10) pravāheśvarakāstvīśe prayojyakartṛkā api |
ye sadāśivatattvasthāḥ śivasaṃbandhavādinaḥ |
śaktau śāktāḥ śive śaivāḥ sāmā * * smṛtā budhaiḥ |
siddhāntī śivasāyujya siddhimanu * ri sthita iti |
tadidameva śivasāyujyamapīdṛguktam -

nāmnaśchedo'pavargo na ca paśuśivayoraikyamatrāpavargo 
nāvidyāgrāsahānirna ca guṇavilayo nāpi pāṣāṇamuktiḥ | 
yadbodhānandarūpaṃ trimalavigamane vyaktamātmasvarūpaṃ tat 
sāyujyena vācyaṃ śivasadṛśavibhuḥ śaivatantre'pavargaḥ || iti ||

tataḥ sākṣānmaharṣitvena śrutisiddhaśivakṛtakatvenaiva śivaśāstrasya 
sāmānyārṣasūtraśāstrāderutkṛṣṭatvaṃ cānuktvā siddham | tasmāt 
sūtasaṃhitādike -

adhaḥ srotodbhavāddharmādūrdhvasrotodbhavaḥ paraḥ |
ūrdhvasrotodbhavāddharmāt smārtadharmo mahattaraḥ ||
smārtebhyaḥ srautadharmāśca variṣṭhā munisattamā iti |

kvacidarthamanyathoktamapi taduktiramalaśivamahāvākyena bādhyate | 
śivāgamasya vedādutkṛṣṭatvamīśānamukhādutpattiśruteḥ |

p. 11) taduktaṃ śrīmaddhālāsyamāhātmye -

śivajñānāni divyāni kārikādīni bhūsurāḥ |
śrīmaddhālāsyanāthasya saṃbhavantyūrdhvavaktrataḥ ||

punaḥ sa devadevasya puruṣākhyena vaktrataḥ |
ekaviṃśatibhedena yuktaṃ ṛgvedamabravīt ||

yajurvedaṃ caikaśataṃ ------------------------------ |
sahasrabhedasahitaṃ sāmavedaṃ tu vāmataḥ ||

atharvaṃ navadhā bhaktaṃ sadyojātena cābravīditi |

śrīkāmike ca -

īśānavaktrādūrdhvastha * * * * kādikam |
ṛgyajussāmātharvāśca puruṣādya * * * * ||
* * * mantratantrākhyaṃ sadāśivamukhodgatam |
siddhāntaṃ gāruḍaṃ vāmaṃ bhūtatantraṃ ca bhairavam ||

ūrdhvapūrvakuberāpyayāmyavaktrādyathākramamiti |

tasmādāptaparamātmobhayāptapraṇītānāṃ 
cārvākādiśaivasiddhāntānāṃ sarveṣāṃ śāstrāṇāṃ 
pratyakṣādipramāṇānāmiva 
yathānurūpamadhigatānadhigatārthagantṛtvena 
bādhyabādhakasāmānyaviśeṣavyāpyavyāpakataṭasthalakṣaṇasvarūpa-
sādhyasādhakasāvadhiniravadhi prāmāṇyaṃ siddham | na hi 
svasthamatamekaikaṃ pramāṇam | tathā svīkāre -

p. 12) sugato yadi sarvajñaḥ kapilo neti kā pramā |
athobhāvapi sarvajñau matibhedastayoḥ kathamiti nirvaktumaśakyatvāt | 
sarvāṇi śāstrāṇi apramāṇāni syurityaniṣṭaṃ jagadāndhyamāpatet | 
tataḥ sarvāṇi śāstrāṇi svasvāvadhipramāṇānyeva | tathā sādhitaṃ 
śrīrāmakaṇṭhaśivācāryeṇa rauravavṛttiviveke |

taduktaṃ ca pauṣkare -

anyo'pi mārgo vedādiḥ paśupāśārthadarśakaḥ |
svoktatattvāvadhivyāptirbrahmaviṣṇvādikartṛkaḥ || iti ||

paratvānmokṣamārgasya sthitasvargādibhogadaḥ |
na cārṣaṃ pauruṣairvākyai ṛṣibhirdaivikaṃ tathā ||

na devairbrahmaṇo vākyaṃ vaiṣṇavaṃ padmajanmanā |
tathā raudraṃ na hariṇā na rudreṇa śivātmakam ||

bādhyamūrdhvordhvavaiśiṣyādadho'dho bādhyamūrdhvataḥ |
śivāgamāvirodhena śāstraṃ sarvaṃ vyavasthitam ||

nānyaśāstrāvirodhena tatsaṃvādatayāthavā |
śivaśāstraṃ vyavasthāpyaṃ tadvyavasthāpakaṃ yataḥ ||

p. 13) yasya yasya hi śāstrasya yāvatī vyāptiriṣyate |
tāvatyeva bhavedviprāḥ prāmāṇyaṃ tasya tasya ceti ||

sūtagītāyāmapi sūcitam -

tantroktena prakāreṇa devatā yā pratiṣṭhitā |
sā suvandyā susevyā ca vandanīyā ca vaidikaiḥ ||

rājā tu vaidikān sarvān tāntrikānakhilānapi |
asaṅkīrṇatayā nityaṃ sthāpayenmatimattamaḥ ||

annapānādibhirvastraiḥ sarvān rājābhirakṣayediti |
nanu pūrvaṃ vedādikaṃ sarvaṃ śāstraṃ śivakartṛkamityuktam | 
idānīmanyo'pi mārgo vedādibrahmaviṣṇvādikartṛka iti |
brahmaviṣṇvādikartṛkamityuktam | mahān virodhaḥ | satyam | vedādikaṃ 
sarvaṃ śāstraṃ śivaśāstraṃ ca mahāmāyāyāṃ nādātmanā 
prathamaṃ śivavaktrataḥ varṇapadavākyaracanātmanā punaḥ 
sādhikaraṇaniradhikaraṇaśivakṛtamiti na ko'pi virodhaḥ |

taduktaṃ śrīmatkāmike -

laukikaṃ vaidikaṃ caiva tathādhyātmakameva ca |
atimārgaṃ ca mantrākhyaṃ tantramekamanekadhā ||

p. 14) siddhāntaṃ mantratantraṃ syādatimārgaṃ tato varam |
adhyātmāya tato nīcaṃ tasmādvaidikameva ca ||

vaidikāllaukikaṃ hīnaṃ brahmādyāḥ pañca devatāḥ |
sadyo vāmamahāghorapuruṣeśānamūrtayaḥ ||

pratyekaṃ pañcavaktrāḥ syustairuktaṃ laukikādikam |
sadyamantrādviniṣkrānto brahmā nāmākhilārthadṛk ||

tena vai laukikaṃ śāstraṃ martyaloke'vatāri * * |
śabdaśāstramalaṅkāraṃ niruktaṃ chanda eva ca ||

kau * * bhārataṃ jyotiśśāstraṃ vātsyāyanādikam |
āyuśśāstraṃ dhanuśśāstraṃ vṛkṣāyurveda eva ca ||

lokāyataṃ tathā sāṃkhyamarhato matameva ca |
mīmāṃsā daṇḍanītiśca vārtādyaṃ laukikaṃ * * ||

dhāmamantrādhipo viṣṇuḥ kāraṇeśo dvitīyakaḥ ||

tena vaidikamuddiṣṭamaṣṭādaśapurāṇakam ||

dharmaśāstraṃ ca vedāntaṃ pāñcarātraṃ ca bauddhakam |
rudro ghorādviniṣkrāntastvadhyātmaṃ ca praṇītavān ||

nyāyavaiśeṣikaṃ sāṃkhyaṃ * * * * * raṃ ca praṇītavān |
īśvaraḥ puruṣājjātastvanimārgaṃ praṇītavān || 

p. 15) pañcārdhaṃ lākulaṃ cānyattathā pāśupataṃ matam |
sadāśivo'pi bhagavān mantratantramapālayat ||

uktāni pratiṣiddhāni punaḥ sambhāṣitāni ca |
sāpekṣanirapekṣāṇi śivavākyānyanekadhā ||

ūrdhvasrotodbhavaṃ sarvamanantādīnabodhayat |
tenoktaṃ parameśena śrīkaṇṭhāya mahātmane ||

ādāvabhūddvidhā jñānamadhikāravibhedataḥ |
parāpareṇa bhedena patipāśātmadarśakam ||

śivaprakāśakaṃ jñānaṃ śivajñānaṃ paraṃ smṛtam |
vedādyaparavijñānaṃ paśupāśārthadarśakam ||

yathāvidhikṣaṇaṃ cakṣuḥ kṣapāyāṃ nṛbilālayoḥ |
tathā vilakṣaṇaṃ jñānaṃ evametat parāparam ||

jyotirjñānarataṃ vedapurāṇāhitacetasā |
tatsiddhapuruṣārtheṣu kṛtayatnaṃ parityajet ||

kāmikādiśivajñānaṃ vedārthajñānameva ca |
samaṃ yo manyate mohāttaṃ prayatnena varjayediti ||

punastatraiva -

gāruḍaṃ bhūtatantraṃ ca bhairavaṃ vāmamantrakam |
kāpālaṃ pāñcarātraṃ ca lākulaṃ kulaśāstrakam ||

p. 16) itihāsaṃ ṣaḍaṅgaṃ ca ṛgyajussāmasaṃjñakam |
atharvaṇaṃ tathā bauddhamarhato matameva ca ||

ūrdhvasrotodbhavācchāstrādapaśāntamukhakramāt |
kāmikādiśivajñānaṃ mūrdhā bhagavataḥ sadā ||

itarāṇi maheśasya hṛtkaṇṭhādyaṅgakāni vai |
pūrvapakṣatayā tāni kathitānīha śambhunā ||

heyopādeyavastūnāṃ nirṇaye paramārthataḥ |
tatsarvamadharīkṛtya śivasiddhānta īrita iti ||

	tathā mahābhārate ca vedādeḥ sādhikaraṇaśivakṛtakatvamuktam |
yugānte'ntarhitān vedān itihāsān maharṣayaḥ ||

lebhire tapasā pūrvamanujñātāḥ svayambhuveti |

vāyavyasaṃhitāyāṃ ca-

āmnāyasiddhamakhilaṃ dharmāśramiṇāmiha |
brahmaṇā kalpitaṃ pūrvaṃ mamaivājñāpurassarau ||

sa tu paitāmaho dharmo bahuvittakriyānvitaḥ |
nātyantaphalabhūyiṣṭhakleśāyāsasamanvitaḥ ||

tena dharmeṇa mahatā śraddhāṃ prāpya sudurlabhām |
varṇino ye prapadyante māmananyasamāśrayāḥ ||

p. 17) teṣāṃ sukhena mārgeṇa dharmakāmārthamuktaye |
varṇāśramasamācāro mayā bhūtaḥ prakalpitaḥ ||

tasmin bhaktimatāmeva madīyānāṃ tu varṇinām |
adhikāro na cānyeṣāmityājñā naiṣṭhikī mameti ||

ataḥ śrutipathagalitānāṃ mānuṣāṇāṃ tu tantramityuktaṃ tantraṃ na 
śivāgamaḥ | tathā kṛte śivādadhītaśivatantrāṇāṃ sanakādīnāṃ 
śvetopamanyukṛṣṇārjunamārkaṇḍeyaprabhṛtīnāṃ ca 
śrutipathagalitārthaśrutyanadhikāritvaprasaṅgāt | teṣāṃ 
cādhītaśivāgamatvamuktaṃ skānde sambhavakāṇḍe -

etasminnantare devaḥ kailāse rajatācale |
sanakādimunīndrebhyastripadārthārthasammitam ||

rahasyamāgamāmnākhyaṃ siddhāntaṃ kathayaṃsthita iti |

upadeśakāṇḍe ca -

purā brahmātmajāḥ puṇyāḥ sanakaśca sanātanaḥ |
sanandanaśca bhagavān sanatpūrvakumārakaḥ ||

catvāro ṛṣayaḥ śambhoḥ pūjāṃ puṇyāṃ vidhāya ca |
prasannena tato vedācchivenādhyāpitāḥ khalu ||

āgamāṃśca purāṇāni setihāsāni suvratāḥ |
śivārcanaparā nityaṃ śivayogena pāvanaḥ(nāḥ) ||

	śivajñānāgninā dagdhamahāpātakasañcayā iti |

śivapurāṇe kāñcīpuramāhātmye ca -

sanatkumāraḥ papraccha sāñjaliḥ kamalāsanam |
bhagavan sakalā vedāḥ sāṅgopāṅgāḥ sasaṃhitāḥ ||

śivāgamāstathā sarve vyayitā bhavato mukhāditi |

skānde svetāraṇyamāhātmye (śtāraṇya-), puṇḍarīkapuramāhātmye -

vyāghrapādasuto yatra purā snātvā mahāmuniḥ |
śivāgamasya vai pāraṃ gato'prāpyaṃ surairapi ||

yasya śiṣyo'bhavat kṛṣṇastattīrthaṃ navamaṃ smṛtamiti |

upadeśakāṇḍe ca-

punaśca vasudevasya daivakyāṃ kṛṣṇarūpadhṛk |
jajñe viṣṇurameyātmā bhṛgumāpa niyantritaḥ ||

tatrābhyarcya mahādevaṃ kṛtvā śatrujayaṃ punaḥ |
upamanyu samāsādya vidhinā tena dīkṣitaḥ ||

śaivamukhyastato tīrthaṃ (-tatastīrthaṃ) bhaktyārādhya ca śaṅkaram |
bhūbhāramapanīyātha viṣṇulokaṃ jagāma sa iti ||

tatraiva bāṇāsuraṃ prati śivavacanaṃ -

tamāha pūrvavannaiṣa jetuṃ śakyastvayāsura |
idānīṃ mama bhaktāgnyādupamanyormahātmanaḥ ||

p. 19) śivadīkṣāsya

śivāgamānāṃ pānaṃ ca śaivācāryatvameva ca |
labdhvā ca paramaṃ yogaṃ śivasārūpatāṃ (-rūpyatāṃ) gatam ||

yasya nāmnā vanamidaṃ kathitaṃ savanatraye |
avanāyāsya bhaktasya śvetanāma nṛpasya tviti ||

nirvṛttaṃ śivāgamaviśāradāt -

bhasmadhārī ca satataṃ vīryavān bhaktisaṃyuta iti |

tatraiva -

so'pi saṃprāpya nityatvaṃ mārkaṇḍeyo mahāmuniḥ |
svagṛhaṃ prāpya parayā prītyā pitroḥ samāvasat ||

ananyasadṛśo loke śivaśāstraviśāradaḥ |
śivāgamārthavijñānasaṃpanno'dyāpi vartata iti ||

kiṃ tu śrutipathagalitānāṃ mānuṣāṇāṃ tu tantramityatra tantraṃ 
nādarūpaṃ viniṣkrāntaṃ śāstraṃ sarvamiti śruternādātmā 
śivakṛtavarṇapadavākyaracanātmanā 
śambhupadopalakṣitaśrīrīśvarapreritamāyā rudrakṛtaṃ 
vāmāditantramiti matimadūhyam | taduktaṃ kāmike -

vāmaṃ pāśupataṃ caiva lākulaṃ caiva bhairavam |
na sevyametat kathitaṃ vedabāhyaṃ tathetaramiti ||

p. 20) sūtasaṃhitāvṛttau ca vidyāraṇyasvāmibhiḥ śivāgamodāharaṇaṃ 
svīkṛtya likhitvā guruṇā copadiṣṭo'pi tantrasaṃbandhavarjita ityatra | 
tantrasaṃbandha iti | kāpālaṃ lākulaṃ 
vāmamityādivedaviruddhāgamasaṃsargarahita iti vyākhyātam |

tathā hālāsyamāhātmye vikramapāṇḍyacarite pāṇḍyasya 
vedabāhyaśāstrāṇi parityajya śivaśāstrasya śravaṇaṃ śrutam |

prasṛtā vaidikā dharmāḥ sarvataḥ kṣitimaṇḍale |
vedabāhyamanā ye ca te gacchanti sudūrataḥ ||

sadā śaivāni śāstrāṇi purāṇāni śubhāni ca |
śṛṇoti vidvadvaktrebhyaḥ sāvadhānaśca sādaramiti ||

tathā śivāgamasya pūjyatvamuktaṃ vāyavyasaṃhitāyāṃ -

mannāmaniratā vāṇī vāṅmatāṃ (vāgmināṃ) mama netarā |
liṅgairmacchāsanoddiṣṭaistripuṇḍrādibhiraṅkitaḥ ||

mamopacāranirataḥ kāyaḥ kāyo na cetaraḥ |
madijyākarma vijñeyaṃ bāhyaṃ yādinocyate ||

madarthe dehasaṃśoṣastapaḥ kṛcchrādino mataḥ |
japaṃ pañcākṣarābhyāsaḥ praṇavābhyāsa eva ca ||

p. 21) rudrādhyāyādikābhyāso na vedādhyayanādikam |
dhyānaṃ madrūpacintārthaṃ nānyadarthaṃ * * * yaḥ ||

mamāgamārthavijñānaṃ jñānaṃ nānyārthavedanamiti |

tathā yathākathañcitsāmānyaviśeṣatvavilakṣaṇatve'pi ubhābhyāṃ 
vedāntasiddhāntamārgābhyāmasaṃśayaṃ mokṣaprāptirasti | taduktaṃ 
skānde cidambaramāhātmye -

vedāntaniṣṭhitā ye tu jñānino vītakalmaṣāḥ |
madāgamaparā ye ca jñānapādairvyavasthitāḥ ||

ubhaye'pi ca vindanti sāyujyamatidurlabham |
ubhayeṣu ca mārgeṣu karma brahmapareṣu ca ||

vedāgamaprasiddheṣu ye na tiṣṭhanti pāpinaḥ |
caturvidhaiśca te daṇḍyā daṇḍaiḥ śāstrapracoditairiti ||

ubhaye'pi ca vindanti sāyujyamatidurlabhamiti śruterayaṃ vivekaḥ | 
siddhāntānusāriṇo vedāntino'pi vedāntajñatve'pi 
prakṛtyūrdhvaśivāgamamātrasiddharāgādiśivatattvāntapadārtha-
jñānārthaṃ mokṣārthaṃ ca śivadīkṣāvantaḥ santaḥ sadyaḥ 
satyaśivasāyujyaṃ vindanti | śivadīkṣārāhitye vedāntajñatve'pi na 
sākṣādvindantīti | taduktaṃ sūtasaṃhitāyāṃ -

p. 22) sthāpayitvā guruḥ śiṣyaṃ maṇṭapasya tu madhyame |
granthicchedaṃ punaḥ kuryāt (kuryād) guruktenaiva vartmanā ||

kṛte kāruṇikenaivamācāryeṇa dvijottamāḥ |
mahādevo mahānando mahākāruṇikottamaḥ ||

svātmabhūtāṃ parāṃ śaktiṃ prerayatyeva suvratām |
prasannā sā mahādevī mahākāruṇikottamā ||

śiṣyasyātmani cidrūpe svayaṃ patati nirmalā |
mahādevasya bhaktaścet śiṣyaḥ sadgurubhaktimān ||

tasya śiṣyasya viprendrāḥ karmasāmye matidvijāḥ |
śāmbhavī śaktiratyarthaṃ tasmin patati ciddhane ||

tasya prasādayuktasya vidyā vedāntavākyajā |
dahatyavidyāmakhilāmantassūryodayo yathā ||

śaktipātavihīno'pi satyavāk gurubhaktimān |
ācāryācchrutavedāntaḥ kramānmucyeta bandhanāt ||

śaktipātaprakārasya rahasyāṃśaśca kaścana |
mayā nokto rahasyatvāt rājñā bhaṅgabhayādapīti ||

atrāpyayaṃ vivekaḥ | śaktirdīkṣākarmasaṃpādayitrī satī tataḥ pūrvaṃ 
sāmānyarūpiṇī patati, paścāddīkṣākarmaṇi 

p. 23) karmaṇi sākṣāddīkṣātmikā satī viśeṣarūpiṇī patati | tathā patatī 
śaktiḥ |

tasmādvaidikamārgeṇa malanāśo na vidyate |
śaivāgamoktamārgeṇa dīkṣayā mokṣa eva hīti ||

devyāmatavacanāt malamauḍhyātmikāmavidyāṃ kramato dahati | 
dīkṣānantaraṃ vedāntavākyajā vidyā 
pṛthivyādiprakṛtyantatattvaviṣayātmanātmanyātmajñānādirūpaṃ 
prakṛtijāmavidyāṃ kramato dahati | paścāt siddhāntavākyajā vidyā 
rāgatattvādiśivatattvāntatattvaviṣayāṃ tathābhūtāṃ 
māyājāmavidyāṃ kramato dahatīti tāvatkālaṃ prakṛterūrdhvaṃ 
puruṣatattvabhuvanaṃ prāpya mahābhogaṃ bhuñjatīti tātparyam | 
taduktaṃ sarvajñānottarādike -

tāmasaṃ jinabhaktānāṃ pauruṣaṃ brahmavādinām |
nāsato vidyate bhāvo nābhāvo vidyate sataḥ ||

tasmādekātmavādo'yaṃ kalpito mūḍhacetanaiḥ |
ityadvaitagrahāviṣṭāḥ pralapanti dayālubhiḥ ||

gurubhiḥ pratibodhyante siddhāntāgamadāyibhiḥ |
advaitabalamāśritya ye viśṛṅkhalavṛttayaḥ ||

p. 24) teṣāmadvaitaniṣṭhāṃ puṃstattve vilayo bhavet |

vedāntajñāśca sāṃkhyāśca yoginaḥ puruṣe sthitā iti | 
kvacitkathañcidvedopabṛṃhaṇatvena śivāgamānāṃ saumyatvamuktaṃ 
tanna pāramārthikam | kintu saumyatvaṃ svābhāvikam |

taduktaṃ kāmike -

tathā pāśupataṃ somasiddhāntākhyaṃ ca lākulam |
gāruḍaṃ bhairavaṃ vāmaṃ bhūtatantraṃ ca yāmalam ||

kāpālaṃ pāñcarātraṃ ca bauddhamapyārhataṃ tathā |
bṛhaspatimataṃ sāṃkhyaṃ yogaṃ vaighānasastathā ||

vedāntākhyaṃ ca mīmāṃsā purāṇaṃ dharmaśāstrakam |
vastuśāstraṃ tathā sūtraṃ ṣaḍaṅgamitihāsakam ||

tathā vedāśca catvāro yattatra paricoditam |
sarvaṃ raudraṃ samādiṣṭaṃ sidhāntaṃ saumyamiṣyate ||

raudraiśca sthāpitaṃ yacca viṣṇvādipratimādikam |
tatsarvaṃ śaivamāpādya śaivaḥ samarcayet ||

liṅgādyamādiśaivena sthāpitaṃ pūjitaṃ tu vā |
tadrūpaṃ pūjitaṃ taiścedrāṣṭraṃ rājānameva hi ||

p. 25) tadgrāmaṃ grāmasaṃsthāṃśca sarvā hanti na saṃśayaḥ |
yajanaṃ trividhaṃ proktaṃ uttamaṃ madhyamādhamam ||

kevalaṃ śivamantraistu yajanaṃ cottamaṃ bhavet |
vaidikaiḥ śivamantraiśca yajanaṃ madhyamaṃ bhavet ||

kevalaṃ vaidikairmantrairyajanaṃ cādhamaṃ bhavet |
kevalaṃ śaivikairmantrairyajedātmārthamuttamam ||

śaivamantrasamo mantro nāstīti bhuvanatraya iti |

skānde yuddhakāṇḍe kumāraviśvarūpapradarśanādhyāye -

śabdajālamaśeṣaṃ tat karṇadeśe samāśritam |
āsyamadhye sthitā vedā devadevasya bhūsurāḥ ||

akṣarāṇi ca danteṣu jihvāyāṃ tu śivāgamāḥ |
saptakoṭimahāmantrā oṣṭhamadhye vyavasthitā iti ||

cidambaramāhātmye -

iti devān samāhūya dhvajaṃ vṛṣabhalāñchitam |
puraṃ pradakṣiṇīkṛtya sabheśasya tu sannidhau ||

dṛḍhamāropayāmāsurāgamoktena vartmaneti |

śivapurāṇe * * * nāthamāhātmye -

śivārcanaṃ tapo mukhyaṃ vedāgamanirūpitam |
tapassiddhipradasthānaṃ puṇḍarīkapuraṃ mahaditi ||

p. 26) śivapurāṇe ekāmranāthamāhātmye indrasya śivapūjāprakaraṇe -

bra * * śśivatantroktairvratahomajapādibhiḥ |
pratyahaṃ prīṇayāmāsa kāmākṣīramaṇaṃ śivamiti ||

śivapurāṇe viriñcimāhātmye -

śivanāyaka ityāsīcchivabhūsuranāyakaḥ |
kāmikādyāgamārthajñaḥ sākṣādiva maheśvara iti ||

śivapurāṇe kālahastimāhātmye -

suvarṇamukharīsnāto jāpāgamikānmanūn |
prāyaścittavidhānena prasannātmā sa bhūsuraḥ ||

yathātantraṃ prayujyeśaṃ yavau bhūyastapovanamiti |

śaivapurāṇe puṇḍarīkamāhātmye -

śivaśāstraṃ likhitvā yo dadāti śivayogine |
raudra bhaktisaṃyuktaḥ śivasāyujyamāpnuyāditi ||

hālāsyapuramāhātmye -

mahāliṅgasya pūjārthaṃ śivasṛṣṭidvijottamān |
gaṅgātīrasthaniratān samāhūya mahīpatiḥ ||

sidhāntaiḥ kāmikādyaistu mahāliṅaṃ nirantaram |
pūjayantviti saṃprārthya vṛttiṃ tebhyaḥ pradāya ceti ||

p. 27) punastatraiva -

gaṅgātīrthasya salilairhemakumbhasusaṃbhṛtaiḥ |
śivāgamoktairvidhibhirabhiṣiñcat sahotsavamiti ||

vedāraṇyamāhātmye kuleśvaravaibhave -

āgamoktena mārgeṇa pūjayāmāsurādarāt |
sudhārūpaṃ maheśānaṃ śaṅkaraṃ śaśibhūṣaṇamiti ||

śivapurāṇe rāmeśvaramāhātmye -

mantrairāgamikaistaistairmahitaṃ rāmapūjitam |
rāmeśvareti liṅgaṃ tu tadāprabhṛti papratha iti ||

āgamādipadanirvacanaṃ coktamaṃśumadādike |

āgataṃ śivavaktrāttu gataṃ ca girijāmukhe |
mataṃ ca ṛṣibhiḥ sarvairyasya āgama īritaḥ ||

tattvamāgamyate yena āgamo veti ca smṛtaḥ |
tato'tivipulānarthāṃ stattvamantrasamāśritān ||

trāṇaṃ ca kurute puṃsāṃ tena tantramiti smṛtamiti |


iti śivāgamamāhātmyaṃ samāptam ||




dīkṣāmāhātmyam

	taditthaṃ bhūtaṃ śivaśāstraṃ proktaprakāraṃ dīkṣitaireva 
śrotavyaṃ paṭhitavyaṃ ca | dīkṣāvihīne tu jñānādikaṃ sarvaṃ 
vyarthaṃ syāt | 
p. 28) jñānāderasvātantryāddīkṣāṅgatvenaiva jñānādikaṃ 
mokṣasādhanaṃ nānyathā taduktam (tasya tena tadaṅgatvaṃ)

tasya tena tadaṅgatvaṃ dīkṣā sātoṅginī bhavet |
śivadīkṣāṃ tu muktvaikāṃ sapatrāvyāhatāṃ parām ||

jñānato yogataścāpi caryātaśca na mucyate |
jñānādīnāṃ tu sāmarthyaṃ tatrāpi svarna vidyate ||

bālabālīśavṛddhastrī bhogināṃ sarujāṃ tathā |
jñānādinā na mokṣo'sti tasmāddīkṣaiva mocinīti ||

kevalaṃ jñānādeva mokṣa ityatrāpi jñānaśabdasya dīkṣādirevārthaḥ |

taduktaṃ suprabhede -

athātaḥ saṃpravakṣyāmi jñānapādaṃ samāsataḥ |
tasyādau śivasṛṣṭiśca śṛṇuṣvaikāgramānasaḥ ||

jñānaṃ pravarttate vatsa klāntinirṇāśanāya ca |
adhvaśreṇivināśāya śivavyaktikarāya ca ||

andhakāravadajñānaṃ jñānaṃ dīpavaducyate |
jñeyaṃ bhāskaravatproktaṃ paścād jñānaṃ vinaśyati ||

pāśajālāni vicchedya dīkṣādirjñānamucyate |
paśupāśapatitvaṃ ca jñānenāśrayate budhaḥ ||

p. 29) jñānenaiva tu kaivalyaprāptistatra na saṃśaya iti |

dīkṣā ca dīkṣākarmaṇyabhivyaktānā |

vinejyānalakarmādimanovyāpāramātrataḥ |
dīkṣājñānavatī proktā samyaktattvāvabodhikā ||

ijyānalavatī yā tu kriyākauśalyasaṃbhavā |
kriyāvatyatha sānekā nirbījātha sabījikā ||

kālottare -

dīkṣā kriyāvatī proktā brāhmaṇādicatuṣṭaye |
punarhautrī tridhā proktā --------------------------- ||

vāmane -

śāmbhavī caiva śāktī ca māntrī ceti śivāgame |
dīkṣopadiśyate tredhā śivena paramātmanā ||

nāsāgrācchulikā yāvat tattvajñānadṛśā guruḥ |
gurorālokamātreṇa sparśāt sambhāṣaṇādapi ||

sadyaḥ saṃjāyate cātra pāśopakṣeyakāriṇī |
sā dīkṣā śāmbhavī proktā sā punarbhidyate dvidhā ||

tīvrā tīvratarā ceti pāśopakṣayabhedataḥ |
yathā syānnirvṛttiḥ sadyaḥ saiva tīvratarā matā ||

p. 30) tīvrā tu jīvato'tyantaṃ puṇyapāpaviśodhikā |
śāktī jñānavatī dīkṣā śiṣyadehaṃ praviśya ca ||

guruṇā yogamārgeṇa kriyate jñānacakṣuṣā |
māntrī kriyāvatī dīkṣā kuṇḍamaṇḍapapūrvikā ||

mandamandataroddeśāt karttavyā guruṇā bahiḥ |
jñānena kriyayā vātha guruḥ śiṣyaṃ viśodhayet ||

yo'nyathā kurute mohāt sa vinaśyati durmatiriti |
ekā jñānavatī proktā dvitīyā tu kriyāvatīti ca ||

śrīmaccintyaviśvasādākhye proddhṛtyoktvā punaḥ -

evaṃ māntrī kriyā dīkṣā saṃpanno guṇasattamaḥ |
sa eva yogadīkṣāyāmadhikārī ca nānyathā ||

pūrvadīkṣāsamāyuktaśiṣyāṇāmuttamaṃ tathā |
praṇavaṃ śaktisaṃbhūtaṃ śāmbhavaṃ trividhaṃ bhavet ||

śāktī śāmbhavadīkṣā ca kriyate tattvayā mayā |
anyairāṇavadīkṣā tu mandatīvrādibhedataḥ iti ca proktam |

anyairapi yogabalavadgurubhiḥ kriyādīkṣāmantarāpi atipakve'tidaridre vā 
mantrādivaikalyakṛtakriyādīkṣe vā 
śāktiśāmbhavyorekatarāsvāntaritānyā ca kāryeti guravaḥ |


p. 31) yathākathañcitkṛtābhyāsayogibhirapi gurubhirmantrakriyābhāvanā 
sāṅgopāṅgasākalyavatyā kriyādīkṣayā dīkṣitasya kṛtasya 
karaṇāsaṃbhavāditi nyāyāttadetatkriyā dīkṣāṅgatayā sadyaḥ 
samuccaritaprāsādamantrasamuddhṛtikṛtaśivayojanaṣāṅguṇyodaya-
śivatvābhivyaktisaṃpādikā tanmantramantrātmikā satī saha saṃkṣiptā 
śāktī śāmbhavī ca sahakāryetyapyartho'ntaḥ sphurati | 
tadettattrividhadīkṣāvihīnaḥ paśuḥ | taduktaṃ -

caturvedadharo vipraḥ śivadīkṣāvivarjitaḥ |
duṣṭacāṇḍālabhāṇḍeṣu yathā bhāgīrathījalam ||

koṭiviprasamaḥ śūdraḥ śivadīkṣāsamanvitaḥ |
sudurlabhaṃ śivajñānaṃ tadabhyāsaśca sudurlabhaḥ ||

sudurlabhamidaṃ jñātvā śive bhaktiṃ samācarediti ||

iti śivadīkṣāmāhātmyaṃ samāptam ||




śivabhaktamāhātmyam

tataḥ śivaśāstraṃ śivadīkṣayā dīkṣitaiścaturvarṇaireva paṭhitavyam | 
taduktaṃ suprabhede -

sādhu sādhu mahāprājña yattvayā paricoditam |
p. 32) śuddhaśaivamidaṃ tantraṃ na deyaṃ na prakāśyakam ||

dīkṣitasyaiva dhīrasya śivabhaktiparasya ca |
śrāvaṇīyaṃ na cānyatra kathanaṃ hi praśasyate ||

caturṇāṃ śuddhaśaivānāṃ dīkṣayā prāpayecchivam |
laukikācāramārgeṇa sarveṣāṃ vartanaṃ śṛṇu ||

adhyayanaṃ cādhyāpanaṃ yajanaṃ yājanaṃ tathā |
śivamuddiśya yaddravyaṃ dattaṃ taddānameva ca ||

pratigrahaṃ tato vātha tasya ṣaṭkarma ucyate |
śivasadbhāvayuktasya śuddhaśaivasya dhīmata || iti ||

makuṭe -

nirvāṇadīkṣitānāṃ tu dātavyaṃ śivayoginām |
anyeṣāṃ tu na dātavyamidaṃ tantramanuttamamiti ||

kāñcīpuramāhātmye ca -

brāhmaṇaṃ vedavidvāṃsaṃ śivabhaktaṃ jitendriyam |
bhūtirudrākṣasaṃpannaṃ śivapūjāparāyaṇam ||

āgamārthaparijñānanirataṃ śivadharmiṇam |
kṣattryaṃ vaiśyamapi vā śūdraṃ vā pratilomajam ||

anulomodbhavaṃ vāpi sākṣādāmreśasaṃśrayam |
bhaktyā vittānusāreṇa gṛhakṣetradhanādibhiḥ ||

p. 33) vāsayedadhikā * * śe caraṇāmbhojabhaktitaḥ |
pratiṣṭhayā tu devānāṃ yatphalaṃ tadudīritam ||

tatphalaṃ sakalaṃ labdhvā mucyate bhavasāgarāditi |

śaivapurāṇe -

idaṃ hi śivabhaktāya śivaśāstrāvalokine |
śivadīkṣāviśuddhāya prakāśyaṃ munipuṅgavā iti |

tathā kiraṇavṛttau bhagavatā rāmakaṇṭhācāryeṇa | 
ata evāsya nirvāṇadīkṣā saṃpanneti pratīyate |

nādīkṣitānāṃ śravaṇādhikāra iti vakṣyatītyupakramya yadavāpya 
narāḥ sarva ityatra sarva iti brāhmaṇāḥ kṣattryā vaiśyāḥ śūdrā 
mlecchādayo'pi hīti śrutyadhikāriṇa eva garutmato'dhikāraprakramataḥ 
sarvapadasyāniyatārthatvāditi vyākhyātam | na tu dīkṣāvihīnaiḥ 
paṭhitavyam |

taduktaṃ kāmike -


dīkṣāvihīnā viprādyāstrivarṇāḥ śudrajātayaḥ |
paṭhanti śivaśāstraṃ cedrājarāṣṭraṃ vinaśyati ||

cintyaviśve -

viprādyadīkṣitenaiva śivajñānaṃ na lekhayet |
adīkṣitasakāśe tu nādhyetavyaṃ viśeṣata iti ||

p. 34) vīratantre -

nādīkṣitaistu śrotavyaṃ na deyaṃ na prakāśyakam |
śiṣyāṇāṃ caiva dātavyaṃ samāsāt kathayāmi ta iti ||

anyatra ca -

paśunā lekhayennaiva śivajñānaṃ prayatnataḥ |
na samīpe paśūnāṃ ca kuryādadhyayanaṃ budha iti ||

caturvarṇeṣvapi dīkṣitā eva śreṣṭhāḥ | taduktaṃ śaivapurāṇe -

gataṃ śūdrasya śūdratvaṃ dvijatvaṃ brāhmaṇasya ca |
śivasaṃskārasaṃbandhājjātibhedo na vidyate ||

śivadīkṣābhijātasya pūrvajātiṃ na cintayet |
saṃpratiṣṭhitaliṅge tu na yathāpūrvabhāvaneti ||

śivadharme -

sthāvaraṃ jaṅgamaṃ caiva dvividhaṃ liṅgamiṣyate |
sthāvaraṃ sthāpitaṃ liṅgaṃ jaṅgamaṃ dīkṣitaṃ viduḥ ||

jaṅgamasyāvamānena sthāvaraṃ niṣphalaṃ bhavet |
tasmālliṅgadvayaṃ prājño nāvamanyena sarvadeti ||

śrīmatmataṅge -

śivavacchiva * * * * * * śivakāṅkṣibhiḥ |
saṃskṛtāśca śivairmantrairguruṇā mantramūrttinā ||

p. 35) vāgīśīgarbhasaṃbhūtāssarve prāptavarā narāḥ |
yathoktaśivasaṃskārapavitrīkṛtamūrtayaḥ ||

sarve samānadharmāṇastathāpyeṣa vidhīyata iti ||

kāmike -

indhanaṃ vahnisaṃyogādvṛkṣanāma na vidyate |
gataṃ śūdrasya śūdratvaṃ dvijatvaṃ brāhmaṇasya tu ||

śivasaṃskārasaṃbandhājjātibhedo na vidyata iti |

anyatra ca -

kāñcanaṃ rājataṃ tāmraṃ lohaṃ ceti catuṣṭayam |
tatprayāti suvarṇatvaṃ rasabhedaprabhāvataḥ ||

rasasiddhaṃ yathā tāmraṃ na bhūyastāmratāṃ vrajet |
jñānasiddhastathā dehī na bhūyaḥ śūdratāṃ vrajet ||

yathā śuktigataṃ toyaṃ mauktikaṃ jāyate dhruvam |
na punastoyatāṃ yāti mauktikatvaṃ na muñcatīti ||

jñānalakṣaṇasamuccaye -

vāgīśī jananī yasya vyomavyāpī pitā śivaḥ |
mantraiḥ śivādhvare jātaḥ sa śudraḥ syāt kathaṃ tviti ||

mṛdbhāvanā ghaṭādīnāṃ saṃskārānna kadā yathā |
tathaiva pāśahānācca na prākṛtyastu jātayaḥ ||

p. 36) narāṇāṃ śivasaṃskārāt śivatvaṃ na bhavedyadi |
na bhaveyustadā nūnaṃ dvijadevādideśikāḥ ||

mantrasaṃskāradīkṣābhiḥ saṃskṛtaṃ guruṇā sadā |
carācaraṃ prapadyeta śivatvaṃ tatkṣaṇād dhruvamiti ||

cintyaviśve -

śivaliṅge śilābuddhiṃ kurvāṇa iva pātakī |
śreṣṭhatvaṃ vidyate tasya dīkṣayā tu viśeṣataḥ ||

yasya cittaṃ bhavellīnaṃ tasya jātyādi na smaret ||

yasya cittaṃ bhavellīnaṃ tasya jātyādi na smaret |
śūdrajātiṃ samuddhṛtya svāhāntenaiva mūlataḥ ||

skandakālottare -

jātyuddharaṇahomaṃ tu ekaikaṃ tu śataṃ śatam |
dahedvai śūdrajātiṃ tu analena tu ṣaṇmukha ||

sacchūdratvaṃ yojayitvā kriyāṃ vai ṣoḍaśaṃ kuru |
sākṣādvipratvamāpanne paścāddīkṣāṃ kuruṣvatha ||

traivarṇikānāmevaṃ tu kārayedvidhinā budha iti ||

kāmike -

namo vauṣaṭ ca śūdrasya praṇavādivivarjitam |
nirvāṇadīkṣito yastu praṇavena tu yojayediti ||

p. 37) makuṭe ca -

nirvāṇadīkṣitendre praṇavaṃ tu niyojayediti |

suprabhede -

yatīnāṃ śuddhaśaivānāṃ martyamāheśvarātmanām |
viśeṣabhojanaṃ dānaṃ kuryāttatraiva śaktita iti ||

adīkṣitā yadyapi śivabhaktā muktabhaktītare'pyaśreṣṭhā bhavanti | 
śivabhaktalakṣaṇamuktamupadeśakāṇḍe -

śivabhaktā mahātmānaḥ santi deveṣu kecana |
daityeṣu yātudhāneṣu yakṣagandharvabhogiṣu ||

munīśvareṣu martyeṣu brāhmaṇeṣu nṛpeṣvapi |
ūrujeṣvapi śūdreṣu saṃkareṣvapi sarvaśaḥ ||

varṇāśramavyavasthāśca naiṣāṃ santi munīśvarāḥ |
kevalaṃ śivarūpāste sarve māheśvarāḥ smṛtāḥ ||

ativarṇāśramāḥ proktāḥ sarvavedeṣu sattamā iti |

vāyavyasaṃhitāyāṃ -

evamaṣṭavidhaṃ liṅgaṃ yasmin mlecche'pi vartate |
sa viprendre muniḥ śrīmān sa yatiḥ sa ca paṇḍitaḥ ||

na me priyaścaturvedī madbhaktaḥ śvapaco'piyaḥ |
tasmai deyaṃ tato grāhyaṃ sa ca pūjyo yathā hyahamiti ||

p. 38) vāsiṣṭhalaiṅge -

śiveti vācaṃ yo nityaṃ caṇḍālo'pi vadenmudā |
saha tena vadedvācaṃ saha tena vaset sadeti ||

vṛddhācalamāhātmye ca -

cihnairyuto vipravaraśca vidvān
	yadi śvapāko'pi sa eva bhaktaḥ |
nānyaścaturvedadharo'pi pūjyo
	deyaṃ ca tasmai saśivasvarūpaḥ ||

upadeśakāṇḍe -

pāpiṣṭhasyāpi vai muktirbhasmarudrākṣadhāriṇaḥ |
iti sarvatra vedeṣu purāṇeṣvāgameṣvapi ||

vahudhā gaṇyate loke sarvairapi mahātmabhiriti |

bhaktilakṣaṇaṃ coktaṃ sūtasaṃhitāyāṃ -

śivajñānaikaniṣṭhānāṃ śivajñānasya suvrata |
dūṣakasya śiracchedaḥ śivabhaktiḥ pratīyate ||

lekhanaṃ śivavidyāyāḥ pradānaṃ pustakasya ca |
śivabhaktiriti proktā śivaśāstraviśāradairiti ||

kiraṇe -

bhojyamannaṃ trayāṇāṃ tu śūdrānnaṃ na kadācana |
p. 39) śaucācārasamāyuktāḥ śūdrā ye madyapāḥ śubhāḥ ||

rudrārcanaparā bhaktā bhojyante bhogyajānapīti |

iti śivabhaktamāhātmyam samāptam ||




ādiśaivādimāhātmyam

kāmike -

ṛṣīṇāmapi sarveṣāṃ vakṣye gotravinirṇayam |
dvividhaṃ gotramatroktaṃ dīkṣotthaṃ jātijaṃ tathā ||

kauśikaḥ kāśyapaścaiva bharadvājottha gautamaḥ |
agastyo'trirvasiṣṭhastu jamadagniśca bhārgavaḥ ||

aṅgirāśca manuścādyo dvividhāśca prakīrtitāḥ |
śivasṛṣṭisamopetā munayastadvivarjitāḥ ||

śivasṛṣṭyanvitāścaite pañcavaktreṣu dīkṣitāḥ |
śivena tatkulotthāḥ syuḥ śaivāḥ sāntānikā dvijāḥ ||

ādiśaivāstu te jñeyāḥ sarvānugrāhakāḥ smṛtāḥ |

p. 40) suprabhede -

dīkṣitānāṃ dvijātīnāmātmārthamanulominām |
parārthamādiśaivānāmātmārthasahitaṃ bhavet ||

kāmike -

vṛttyarthaṃ ye śivaṃ viprāḥ sāmānyāstvarcayanti cet |
ṣāṇmāsāt patanaṃ yānti yasmāttān parivarjayet ||

śivadīkṣāviśuddhasya śivaviprasya dhīmataḥ |
śivājñāvaśatastasya parārthe jñānadoṣadā ||

śilpe -

śivārcanaṃ śaivaśivadvijānāṃ 
	vaighānasaṃ pūjanameva viṣṇoḥ |
tathārcayedanyamahīsuraśce -
	ccaṇḍālakaṃ devalakaṃ vadanti ||

anyatra -

adīkṣitastu viprāṇāṃ ṣāṇmāsaṃ pūjayedyadi |
ṣāṇmāsātpatanaṃ yānti sa vai devalakaḥ smṛtaḥ ||

vīratantre -

(vṛ)bhūtyarthaṃ sarvadā kālamādiśaivaḥ śivaṃ yajet |
tacca svadharmānuṣṭhānaṃ na doṣāya prakalpate ||

p. 41) adīkṣitaścaturvedī śivaliṅgaṃ tu na spṛśet |
dīkṣitaścāpi yo vipro vratyarthaṃ tu na pūjayet ||

ātmārthapūjanaṃ kuryāt parārthaṃ naiva pūjayet |

vīratantre -

adīkṣitaścaturvedī śivapūjāṃ na kārayet |
vṛttyai ca ye pūjayanti dīkṣāvidhivivarjitāḥ ||

ṣāṇmāsātpatanaṃ yānti te vai devalakāḥ smṛtāḥ |
trīṇi varṣāṇi vṛttyarthaṃ sthiraliṅgeṣu dīkṣitaḥ ||

pūjayedyadi viprastu sa vai devalakaḥ smṛtaḥ |

śaivaratnākare -

adīkṣitaśca yo vipraścaturvedaparo'pi vā |
saṃsparśedyadi vā liṅgaṃ śvāno vā spṛśite yadi ||

adīkṣitaśca yo vipraḥ kuryālliṅgasya pūjanam |
araṇye nirjale deśe bhavati brahmarākṣasaḥ ||

caturvedeṣvahaṅkārī śivaliṅgaṃ tu pūjayet |
rājarāṣṭrā vinaśyanti tasya grāmo vinaśyati ||

yo'rcayet mantrapūrvaṃ tu sarve devalakaḥ smṛtaḥ |


p. 42) yogaje -

adīkṣitaścaturvedī parārthapūjāṃ na kārayet |

santāne -

adīkṣito'pi yo vipraḥ ṣāṇmāsaṃ tu śivaṃ spṛśet |
so'pi devalakaḥ prokto sa nārho devapūjane ||

dīkṣitaścāpi yo vipro vṛttyarthaṃ vatsaratrayam |
pūjayedyadi deveśaṃ so'pi devalako bhavet ||

makuṭe -

viprakṣatriyaviṭśūdrā dīkṣitāśca praveśakāḥ |
ātmārthayajanaṃ kuryurna kuryustu parārthakam ||

aṃśumati -

viprakṣatriyavaiśyāśca śūdrāścaiva tu dīkṣitāḥ |
ātmārthayajanaṃ kuryurna kuryustu parārthakam ||

cāturvarṇodbhava * ṇāmarcanaṃ tu viśeṣataḥ |

kāmike -

śivāya śivaviprebhyo dadyādgāṃ dakṣiṇānvitām |
daśaniṣkaṃ tadardhaṃ vā tadardhaṃ niṣkameva vā ||

tatraiva 

parārthayajanaṃ kāryaṃ śivavipreṇa nityaśaḥ |
dhārmikaḥ kathyate nityamādiśaivo dvijottamaḥ ||

p. 43) anyeṣāṃ svārthamevaṃ syāt kuryuścetkartṛnāśanam |
śivasṛṣṭiṃ vinā ye tu jāyante brahmaṇo mukhāt ||

te sāmānyā ne teṣāṃ tu parārtheṣvādhikāritā |
yadi mohena kurvīran rājño rāṣṭrasya nāśanam ||

tatraiva -

tasmātparārthamātmārthaṃ * * panaṃ * * panaṃ tathā |
śivavipreṇa kartavyamanyeṣāṃ svārthameva hi ||

parārthamapi kuryāccellobhena nṛpatestadā |
tadrāṣṭrasya vināśaḥ syādacireṇa na saṃśayaḥ ||

tatraiva -

viparītakriyāṃ dṛṣṭvāpyaudāsīnyāt karoti yaḥ |
sa rājā kṣayamāpnoti nātra kāryā vicāraṇā ||

tasmādācāryavaryeṇa pañcagocaravartinā |
śaivāgamaparijñānapārageṇa kriyāvatā ||

kriyā nirvartyamānā syāt svasvarāṣṭrābhivṛddhaye |

tatraiva -

śāntikaṃ pauṣṭikaṃ karma kāryaṃ rājñāṃ viśeṣataḥ |
anyeṣāmapi sarveṣāmābhicārādikaṃ tu vā ||

p. 44) vidheyaṃ dharmānuṣṭhena sāntānikapareṇa tu |
tenaivānuṣṭhitaṃ karma kāmadaṃ sarvadā nṛṇām ||

tatraiva -

ādiśaivena karttavyā na cānyaiśca viśeṣataḥ |
anyaścaiva kṛtā cettu niṣphalā sā bhavettathā ||

tatraiva -

ādiśaivasya karttavyamātmārthaṃ ca parārthakam |
sthāpanaṃ yajanaṃ caiva ādiśaivārhakaṃ bhavet ||

anyena yat kṛtaṃ karma ābhicāramiti smṛtam |

tatraiva -

ādiśaivena karttavyaṃ pratiṣṭhādyarcanāntakam |
anyathā kārayedyastu niṣphalaṃ tadavāpnuyāt ||

suprabhede -

caryāpāde tu yannoktaṃ sāmānyaśvetavaccaret |
tacca bodhāyane sūtre dṛṣṭvā karma samācaret ||

tasmādbodhāyanenoktaṃ teṣāṃ sūtramudīritam |
ādiśaivā ime proktāḥ saṃkṣepānna tu vistarāt ||

yogaje -

ādiśaiva iti proktaḥ sa śivabrāhmaṇo guruḥ |
p. 45) deśikaḥ sādhakaścaiva tasya paryāyavācakāḥ |

ādāveva tu śaivatvādādiśaiva iti smṛtaḥ |
śivena dīkṣitatvācca śivabrāhmaṇa ucyate ||

sarveṣāṃ tu gurutvācca gururityabhidhīyate |
deśa ādiśyate yena sa deśika iti smṛtaḥ ||

liṅgasthāpanayogyatvāt sthāpako nāma kīrttitaḥ ||

tatraiva -

ādiśaiva iti proktaḥ sa śivabrāhmaṇo guruḥ |
ādiśaivena dīkṣyāḥ syurmahāśaivā na śaivakāḥ ||

mahāśaivaṃ tu viprāṇāṃ nṛpāṇāmanuśaivakam |
vaiśyānāṃ bhogaśaivaṃ cāntaraśaivaṃ tu śūdrakam ||

ādiśaivādiśaivānāmādiśaivo gururbhavet |

kāmike -

ādiśaivakule jātaḥ śreṣṭhaḥ syāt sthāpanādiṣu |
viprādayaścaturvarṇā api yo * * * karmaṇi ||

dīkṣāyāṃ sarvamartyānāṃ pratiṣṭhā paramathotsave |
snapane prokṣaṇe'nyatra prāyaścitte'bhiṣecane ||

vyākhyānādau ca yuktaḥ syāt svārthe vātha parārthake |
sarvadevārcane caiva ādiśaivo gururmataḥ ||

p. 46) makuṭe ca -

catuvarṇyasya (cā-) dīkṣāyāṃ viśeṣabrāhmaṇo guruḥ |
viprakṣatriyaviṭśūdrādīkṣitāśca praveśakāḥ ||

ātmārthayajanaṃ kuryurna kuryustu parārthakam |
ūrdhvaśaivena karttavyamātmārthaṃ ca parārthakam ||

ūrdhvaśaiva iti proktaḥ sa śivabrāhmaṇo guruḥ |

kāraṇe -

pañcaśaivāḥ samākhyātāḥ siddhānte tu prajāpate |
prathamo'nādiśaivaḥ syāt sa śaivastu sadāśivaḥ ||

ādiśaivo dvitīyastu śivaśvetaḥ sa ucyate |
ādau sadāśivenaiva dīkṣitastvādiśaivakaḥ ||

kauśikaḥ kāśyapaścaiva bharadvājo'tha gautamaḥ |
agastyaścaiva pañcaite pañcavaktreṣu dīkṣitāḥ ||

kauśikaḥ śivamūrtyā tu dīkṣitaḥ śivagocaraḥ |
kāśyapastvīśvareṇaiva śivāgocarasaṃsthitaḥ ||

īśānena bharadvājo dīkṣito jyotigocaraḥ |
gautamo brahmamūrtyā tu sāvitrī gocaraḥ smṛtaḥ ||

agastyaścordhvavaktreṇa dīkṣito vyomagocaraḥ |
ṛṣīṇāṃ caiva pañcānāṃ gocaratvaṃ prakīrttitam ||

p. 47) ādiśaivā ime proktā gocaraṃ kulamucyate |
kuleṣveteṣu sañjātā sthāpanādikriyārhakāḥ ||

sadā pravartakāstvete ādiśaivā iti smṛtāḥ |
tṛtīyastu mahāśaivaḥ sa śaivo vipra ucyate ||

caturthamanuśaivaṃ ca nṛpavaiśyau tu tau smṛtau |
pañcamo'ntaraśaivastu sa śūdraśceti kathyate ||

śivastvanāśritaḥ prokta ādiśaivastamāśritaḥ |
ādiśaivāśritāḥ proktā mahāśaivānuśaivakāḥ ||

svāyambhuve -

siddhānteṣu samākhyātā pañcaśaivāścaturmukha |
anādiśaivaḥ prathamo hyādiśaivo dvitīyakaḥ ||

tṛtīyastu mahāśaivaścaturthaścānuśaivakaḥ |
kṛṣṇastvāntaraśaivaḥ syāt procyate te'dhunā kramāt ||

sa śivo nāśritaḥ proktaścādiśaivastamāśritaḥ |
anādyādyādiśaivāśca dīkṣitāstvādiśaivakāḥ ||

mahāśaivādayastvanye te viprādyāḥ praveśakāḥ |
prāptā praviśya yasmāttu śivatāṃ caturānana ||

tasmāt praveśaketyuktāścāmralepanatavāmravat |
praveśaketi nāmāpi sāmānyaṃ teṣu padmaja ||

p. 48) suprabhede -

martyānāṃ malanāśāya teṣāṃ muktyarthameva ca |
parārthapūjanārthāya pareṣāṃ śodhanāya ca ||

sthāpanaprokṣaṇaṃ dīkṣāvidhānakaraṇāya ca |
ye śivānnirmitāstena śivena paramātmanā ||

te śaivā brahmavaktrācca matyalokaṃ gatā(ḥ) kramāt |
kāśyapādikanāmaiśca ṛṣirūpaiśca kīrttitāḥ ||

ādau śivatvamastīti ādiśaivā udīritāḥ |
śivena dīkṣitāḥ śvetāste śivabrāhmaṇāḥ smṛtāḥ ||

savyomāḥ paramācāryāḥ viprottamaśivottamāḥ |
dvijottamottamāścaiva śivaḥ śvetāḥ śivātmajāḥ ||

teṣāṃ paryāyanāmāni saṃkṣepāt kathitāni te |

tatraiva -

anuśaivāṃstu vakṣye'haṃ dīkṣitāḥ brāhmaṇāstvime |
anuśaivāḥ krameṇoktā antarāśca tataḥ śṛṇu ||

kṣatriyādyāstrayo varṇāḥ śaivāste'ntarasaṃjñakāḥ |
ādiśaivānuśaivairvā dīkṣā saṃpadyate kramāt ||

evamantaraśaivānāṃ lakṣaṇaṃ ca samāsataḥ |
teṣāmantaraśaivānāmanuśaivo gururbhavet ||

p. 49) teṣāṃ caivānuśaivānāmādiśaivo gururbhavet |
sarveṣāṃ gururityuktaḥ śivaḥ śvetaḥ śivātmakaḥ ||

pūrvaṃ brahmamukheṣveva śveta * * samudbhavaḥ |
tataḥ śvetāḥ samutpannāḥ sāmānyaśvetakāḥ smṛtāḥ ||

śivasṛṣṭyā samudbhūtā brahmavaktracatuṣṭayāt |
ye bhūmau brāhmaṇā jātāste śivabrāhmaṇāḥ smṛtāḥ ||

śivasṛṣṭyā vinā yasmājjāyante kevalaṃ mukhāt |
sāmānyabrāhmaṇāṃstāṃstu dīkṣayā prāpayecchivam ||

tatraiva -

tatastu dīkṣitān śiṣyān brāhmaṇādikrameṇa tu |
ācāryalakṣaṇopetaḥ śivasiddhāntavat sudhīḥ ||

ādiśaivaḥ susaṃsṛṣṭaḥ sarveṣāṃ ca guruttamaḥ |

vīrāgame -

viprakṣattriyaviṭśūdrā dīkṣitāścāpi deśikaiḥ |
ātmārthayajanaṃ kuryānna kartavyaṃ parārthakam ||

kāraṇe -

mahāśaivānuśaivāśca tathaivāntaraśaivakāḥ |
ātmārthayajanaṃ kuryurna kuryurna kuryustu parārthakam ||

p. 50 suprabhede -

dīkṣitānāṃ dvijādīnāmātmārthamanulominām |
parārthamādiśaivānāmātmārthaṃ ca samarcanam ||

tatraiva -

athātaḥ saṃpravakṣyāmi ācāryasya tu lakṣaṇam |
phalapākavidhiṃ jñātvā śivabhaktirbhavedyadā ||

* * pravartate puṃsā liṅgasaṃsthāpane ratiḥ |
ācāryaṃ pūrvamanvicchenmūrttipāṃstadanantaram ||

ādiśaivakulodbhūtaḥ pañcagocarasaṃsthitaḥ |
sarvaśāstrārthatattvajñaḥ śivajñānaviśāradaḥ ||

īdṛgbhūtastu yo vidvān sthāpanādī na kārayet |
sa eva sthāpako vatsa netaraḥ sarvadhā vibhoḥ ||

anuśaivādibhirnaiva sthāpanādī na kārayet |
karmiṇāmādiśaivasya karttavyaṃ sthāpanādikam ||

anyathā tu kṛte rājñastvabhicārakameva tat |
na tadgṛhṇīta deveśo na phalaṃ jāyate yataḥ ||

tatraiva -

ādiśaivāṅgakairyuktān vidhijñān mantrasaṃyutān |
śivavratadharān mukhyān śaivavedaviśāratām ||

p. 51) śatamaṣṭottaraṃ vāpi ādiśaivān pragṛhya ca |
sthāpanādikriyāḥ sarvāstvādiśaivena kārayet ||

dīkṣāmājñāṃ ca sarveṣāṃ kārayedvidhicoditaḥ |

kāmike -

gururmūrtidharaiḥ sārdhaṃ homakarmasamārabhet ||

pūrvoktabhūṣaṇopetastvādiśaivakulodbhavaḥ |

tatraiva gaurīkalyāṇapaṭale -

śivadvijakulodbhūtaḥ samadhītaśivāgamaḥ |
soṣṇīṣaścottarīyaśca dhṛtaḥ sarvāṅgalakṣaṇaḥ ||

dhyātvoddhṛtyodakaṃ dadyāt karābhyāṃ karakeṇa ca |

tatraiva śatābhiṣekapaṭale -

brāhmaṇaṃ kṣatriyaṃ vaiśyaṃ śūdraṃ caiva mayāpi vā |
anulomasamudbhūtaṃ viśeṣāt bhūpatiṃ dvijāḥ ||

rājastriyaṃ vā sāmantamamātyaṃ vā purohitam |
tattajjātisamudbhūtāṃ striyaṃ vā śivaviprajaḥ ||

pañcāṅgabhūṣaṇopetastvabhiṣekaṃ samācaret |

tatraiva -

snātvā samāpya sandhyādyāḥ kṛtanityo guruttamaḥ |
pañcagocarasaṃjātaḥ soṣṇīṣaḥ sottarīyakaḥ ||

p. 52) pañcāṅgabhūṣaṇopeto da * ṇo hṛṣṭamānasaḥ |

tatraiva naimittikapūjāpaṭale -

upayuktaṃ mahaddravyaṃ yāge svarṇāmbarādikam |
ācāryāyaiva dātavyaṃ * * gocaravartine |

svāyambhuve -

yogapūjāvidhānajñaḥ śivadvijakulodbhavaḥ |
pūjāṃ kṛtva tu vidhivannaṭeśasya viśeṣataḥ ||

suprabhede -

ācārya ādiśaivastu sakalīkṛtavigrahaḥ |
puṇyāhaṃ vācayitvā tu prokṣayet pañcagavyakaiḥ ||

karṣayecchivamantreṇa prāgudakpraṇavānmahīm |

kāmike -

yasya rājñaḥ śivajñānavyākhyānaṃ vartate dvijāḥ |
tadrāṣṭraṃ vardhate nityaṃ sa narādhipa ūrjitaḥ ||

rājarājagurutve ca senāpatye'nyakarmaṇi |
purohitatve sarvasya rājakāryasya darśane ||

śuddhaśaivo bhavedyogyaḥ sa cet śāntānikeśvaraḥ |

p. 53) tatraiva -

sṛṣṭyanantarakāle ye dīkṣitāḥ kauśikādayaḥ |
śivena tatkulotthāḥ syuḥ śaivāḥ santānikā dvijāḥ ||

sāntānikāśca vijñeyāḥ sarvānugrāhakā matāḥ |
cīrṇā caryāvrate vā tadviyuktāstu vā matāḥ ||

śivadvijakulotthā ye te vai māheśvarā janāḥ |

vīratantre -

śivadvijāstu viprendrā ādiśaivā iti smṛtāḥ |
kaśyapaḥ kāśyapaścaiva bhāradvājo'trireva ca ||

gautamaścaiva pañcaite pañcavaktreṣu dīkṣitāḥ |
teṣāmṛṣīṇāṃ viprendra jātānāṃ ca punaḥ punaḥ ||

śivadvijānāṃ dīkṣādau ----------------------------- |
madarcanārthaṃ teṣāṃ ca dīkṣā śuddhyarthamiṣyate ||

kāmike -

utsavādyaṅgakḷptaṃ ca devatāvāhanādikam |
tatkāle mūlaliṅgādipūjanaṃ nityahomakam ||

anekanaranirvartyaṃ kathamekaḥ karotyaho |
* * * mahāprājñāḥ samādhiṃ kathayāmyaham ||

p. 54) nityanaimittike kāmye yatkarmaikālayasthitam |
ekācaryeṇa kartavyameti sādhūditaṃ mayā ||

deśikasyāsya putro vā pautro vā tasya bāndhavaḥ |
taddīkṣitāstadādeśabhayā vibhrā * * nnarāḥ ||

ādiśaivakule jātāḥ brāhmaṇaḥ kṣatriyā viśaḥ |
śūdrā ye vānulomāste gandharvā nartakādayaḥ ||

rūdrakanyāśca maddāsyastadājñāpālakā yadi |
tairapyanuṣṭhitaṃ karma deśikānuṣṭhitaṃ bhavet ||

sūkṣme -

ādiśaivena kartavyaṃ pratiṣṭhāsthāpanādikam |
anuśaivādayaḥ sarve ātmārthaviṣaye kramāt ||

samayīputrakaścaiva sādhako mūrttidhārakaḥ |
gurorājñāvaśāt kuryāddeśāntaragato yadi ||

yogaje -

bhavet karmāntare vighna ācārye'pyaguṇe yadi |
tasya putreṇa śiṣyeṇa kartavyaṃ tadanujñayā ||

kāraṇe -

guruṇākaraṇasyaiva virodhe sati tatra tu |
sā kriyā tasya śiṣyeṇa kartavyā tena śāstrataḥ ||

p. 55) kāmike -

śivāśritasya tatproktaṃ brāhmaṇasya śivāgame |
kṣatriyāditrayāṇāṃ ca nārcanaṃ tu parārthakam ||

kāmike -

tasmātparārthamātmārthamātmārthasnapanaṃ tathā |
śivavipreṇa kartavyamanyeṣāṃ svārthameva hi ||

parārthamapi kuryāccellopena nṛpatestadā |
tadrāṣṭrasya vināśaḥ syādacireṇa na saṃśayaḥ ||

vīratantre -

ādiśaivakule jātaḥ sa vai deśika ucyate |
ādiśaivena kartavyaṃ pratiṣṭhādyarcanāntakam ||

anyathā kārayedyastu abhicārāya caiva hi |


tatraiva -

teṣāmṛṣīṇāṃ vaṃśeṣu jātā ye tu śivadvijāḥ |
punardīkṣāṃ na kurvanti kartavyāṃ * * ttu niṣphalā ||

kāraṇe -

utsavaṃ kārayetpaścādyāvatsaptadināvadhi |
ekāhamutsavaṃ vāpi kārayeddeśikottamaḥ ||

p. 56) ārambhādantamevaṃ tu ekadeśikatā bhavet |
ācāryasya abhāve tu mūrtipena tu kārayet ||

yāgopakaraṇaṃ sarvaṃ deśikāya pradāpayet |

anyatra -

ādiśaivānvayodbhūtaḥ śivadīkṣābhiṣiktakaḥ |
pañcagocarasambhūtaḥ śaivānuṣṭhānatatparaḥ ||

īdṛśaṃ gurumāsādya praṇayet sthāpanādikam |
mūrtipāstādṛśāḥ proktāścānayeddhomakarmaṇi ||

kāmike -

siddhāntaśāstrataścaiva śivaviprairyathākramam |
śāstrāntaraiśca yatsthāpya liṅgaṃ tadubhayātmakam ||

pūjanīyaṃ nṛpagrāmayajamānābhivṛddhaye |
śaivaḥ sarvādhikārī syāt svakīye ca paratra ca ||

śaivāḥ sarveṣu * * nti ye gṛhasthā dvijottamāḥ |
yāmale māntratantre ca kāpāle pāñcarātrake ||

bauddhe vā cārhate caiva lāguḍe vaidike'pi ca |
anyeṣvapi ca mārgeṣu tattacchāstroktamārgataḥ ||

śaivāḥ kurvanti dīkṣādyaṃ talliṅgasthāpanādikam |

tadevaṃ sāntānikaśivadvijāḥ sarvavarṇapūjyānāṃ brāhmaṇānāṃ 
p. 57) ca parārthapūjāniṣedhavacanāni pradarśitāni |
tathāpi kvacitsuprabhedājitāgamādike 
kathañcidbhaktiprakarṣākṛṣṭavidhe śivadīkṣitānāṃ mahāśaivānāṃ 
parārthapūjā pratipāditā |

yathā suprabhede -

dīkṣayā prāpitā yasmādanuśaivāstu kīrttitā 

ityupakramya 

svārthaṃ vā tu parārthaṃ vā pūjayettu viśeṣataḥ |

ajite -

śivāśritasya tatproktaṃ brāhmaṇasya śivāgame |
kṣatriyāditrayāṇāṃ ca nārcanaṃ tu parārthakam ||

hālāsyamāhātmye -

dīkṣāvihīnā viprāśca mahāliṅgasya tasya tu |
arcanāyāmanarhāśca kṣatriyāścāpi dīkṣitāḥ ||

te sarve kārayāmāsuranyairanyaistu bhūsuraiḥ |

anyatra -

tanmadhye vai punardīkṣāṃ śaivamāsādya pūjakāḥ |
kartumātmaparārthaṃ te pūjāmarhanti vai dvijā iti || 

p. 58) tato'yamatra vivekaḥ |

	vaidikī śaivī ceti pūjā dvedhā | tatra śaivī parārthapūjā 
vaidikeṣūktā yadyapi proktaprakāreṇa 
paripākadīkṣāmumukṣuviṣayāpyarcanāṅgaśivadīkṣitānāmeva 
maharṣimahāśaivānāṃ kevalaṃ vaidikī parārthapūjā ca | kevalaṃ 
vaidikānāṃ bodhāyanasūtroktaprakāreṇa kartavyā yadyapi 
śivāgamoktaśivadīkṣāvidhuratvenādīkṣitānāṃ 
vaidikapāśupatādiṣūktaprakāreṇa kathañcicchivadīkṣitānāmeva | 
sarvadhā nādīkṣitānāṃ 
karṣaṇādipratiṣṭhāntotsavādiprāyaścittāntakarmaṇāṃ 
śivāgamasāpekṣatvenādīkṣitānāṃ śivāgame'nadhikārāt | 
tatsāpekṣatvaṃ ca vedopabṛṃhaṇe sūtasaṃhitādipurāṇe proktam |

āgamenaiva śāstreṇa proktalakṣaṇalakṣitam |
ādāvaśraddhayā viprāḥ śivaliṅgaṃ samāhitāḥ ||

brahmottarakhaṇḍe -

āgamoktena vidhinā pīṭhamāmantrayet sudhīḥ |

smṛtau ca -

kecidvedavidaścāpi tāntrikeṇādhvanā surān |
abhyarcya siddhimāyānti kāṅkṣantaśca tataḥ phalam ||

p. 59) tathaiva vaidikaparārthamīmāṃsāyāṃ 
śrīmadāpaduddhāraṇadīkṣitairapi śivāgamaśivadīkṣāsāpekṣatvaṃ 
sūcitam | pradhānaprakṛṣṭakarmādhikāribhiḥ sākalyena pravṛtte 
satyapradhānena tathābhūtaṃ karma na kāryastathā kṛtaṃ 
karmaproktasarvadoṣakṛttathā mīmāṃsānyāyācca pūjāsu 
śivatāntrikīpūjā mukhyā | tatra mukhyādhikāriṇāṃ 
śivabrāhmaṇānāmabhāve vaidikena vaidikīṃ śivapūjāṃ 
kathañcidrājā kārayet | vaidikaparārthapūjāprakāraśca paurāṇikaḥ 
prollikhyate |

kalidoṣeṇa martyānāṃ mahāmoho bhaviṣyati |
vedamārgaratiḥ śuddhā na bhaviṣyati sarvadhā ||

vedabāhyeṣu mārgeṣu śraddhāṃ kurvanti santatam |
alpāyuṣo bhaviṣyanti daridrāśca viśeṣataḥ |||

ādhivyādhyastraśastrādyairvyāghracorādibhistathā |
tyaktavarṇāśramācārā naṣṭopāyaviśeṣataḥ ||

bhūyo bhūyo bhaviṣyanti vivaśāt sarvayoniṣu |
māmuktalakṣaṇaṃ sāmbaṃ rājarāṣṭravivardhaye ||

pratiṣṭhāpya nadītīre praṇavenaiva kevalam |
gandhapuṣpādibhirdivyaiḥ sārvabhaumo bhaveddhruvam ||

p. 60) vicitramālayaṃ kuryāt prākārairgopurairyutam |
nṛttagītādikaṃ dadyāt trisandhyaṃ śuddhamodanam ||

ṣaṇmukhaṃ vāyukoṇe ca naiṛte ca vināyakam |
sthāpayitvārcayennityaṃ rājarāṣṭrābhivṛddhaye ||

dvijairārādhanaṃ kāryaṃ rājarāṣṭrābhivṛddhaye |
rājā vijayamāpnoti tatraiva mama pūjanāt ||

āyurārogyasampanno bhavenmukto bhaviṣyati |
śatravaśca vinaśyanti devi rājño na saṃśayaḥ ||

dhanadhānyasamṛddhaṃ syāt rāṣṭraṃ sarvatra sarvadā |
kāle kāle'bhivṛddhiḥ syāt sarvatra mama pūjayā ||

varṇāśramasamācāraniratāḥ sarvamānavāḥ |
bhaviṣyanti na sandehastatra māmarcayettataḥ || iti |

tadevaṃ śivabrāhmaṇavyatiriktabrāhmaṇānāmapi 
kathañcitparārthapūjā bhāṣitāpi gauṇavṛttyeti mantavyā |

iti śaivācāryamāhātmyaṃ samāptam ||




atha caturvarṇaśaivācāryavidhirucyate | taduktaṃ śaivapurāṇe -

śivaśāstrasamāyuktāḥ paśuśāstraparāṅmukhāḥ | 
brāhmaṇādicaturvarṇā ācāryāstu prakīrtitāḥ ||

p. 61) kāmike -

svārthe'ṣṭau calaliṅgasya pratiṣṭhāyāṃ trayastvime |
śūdro'pi śūdradīkṣāyāṃ svārthe ca calasaṃjñaka iti ||

suprabhede -

brāhmaṇāḥ kṣatriyā vaiśyāḥ śūdrāḥ śudrakulodbhavāḥ |
ācāryāste tu vijñeyā nānyeṣāṃ tu kadācaneti ||

tatraiva jātinirṇaye -

brāhmaṇāḥ kṣatriyā vaiśyāḥ śūdrāścaiva prakīrttitāḥ |
eteṣāṃ cāturvarṇānāmācāryatvaṃ niyojayediti ||

sarvajñānottare -

brāhmaṇāḥ kṣatriyā vaiśyāḥ śūdrāḥ śuddhāstu sādhakāḥ |
svavarṇādānupūrvyeṇa ācāryāśca ṣaḍānaneti ||

cintyaviśve -

viprādiṣu caturṣvavamanulomādiṣaṭsu ca |
eteṣāṃ daśajātīnāmācāryatvaṃ vidhīyata iti ||

sarvavarṇānato vipraḥ kṣatriyastritayaṃ guruḥ |
vaiśyaśūdrau dvayaṃ caikaṃ dīkṣayed dṛkkriyārthavit ||

brāhmaṇaḥ sarvajātīnāṃ sadānugrāhakaḥ smṛtaḥ |
svajātipūrvamācāryāstrayaḥ śeṣā nṛpādaya iti || 

p. 62) tathā ṣaṭsahasrikāyāṃ -

caturṇāmapi varṇānāmācāryatvamihoditam |
brāhmaṇādicatuṣkasya dvijo'nugrāhakṛnmataḥ ||

trayāṇāṃ kṣatriyo dvābhyāṃ vaiśyaḥ śūdrastvayonije |
evaṃ cānugrahaḥ kāryaścaturbhirapi deśikairiti ||

kiraṇe garuḍaḥ -

madhye varṇacatuṣkasya gurutvaṃ kasyacidvada |

īśvaraḥ -

caturṇāmapi varṇānāmācāryatvamihoditam |
brāhmaṇādicatuṣkasya dvijo'nugrāhakṛnmataḥ ||

trayāṇāṃ kṣatriyo dvābhyāṃ vaiśyaḥ śūdrastvayonija | iti |

punaḥ kāmike ca -

nityāditritayaṃ kāryaṃ caturbhirata(vi) cārataḥ |
vaiśvadevaṃ tathā sandhyāṃ śūdrastyaktvātmamayīmiti ||

kālottare -

abhiṣikto'yamevaṃ hi brāhmaṇaḥ kṣatriyo'thavā |
vaśyo vāpyatha śūdro vā pratiṣṭhādyadhikāriṇaḥ ||

nanu caturthaviṣayagurutvapratipādakapradarśavacanānāṃ 
p 63) naiṣṭhikaśūdraviṣayatvamastu | na tu gṛhasthaviṣayatvam | 

taduktaṃ kāmike -

śūdro'pi śūdradīkṣāyāṃ svārthe ca calasaṃjñake |
bāṇaliṅge kṣaṇe vāpi sthāpako yadi naiṣṭhikaḥ ||

śūdrasyāpi gṛhasthasya nitye'ṣṭāveva yogyatā |
abhiṣeke'pyayogyo'yaṃ kiṃ punaḥ sthāpanādiṣviti ||

satyaṃ śroturabhipretādhīnamidaṃ vacanaṃ kvācitkam |

anyathāpi bhūyāsāmiti nyāyādapārthakameva | tathā ca vākyavidaḥ - 
vipratiṣiddhadharmasamavāye bhūyasāṃ syāt |

sadharmatvaṃ laukike -

tyajedekaṃ kulasyārthe grāmasyārthe kulaṃ tyajet |

grāmaṃ janapadasyārthe ātmārthe pṛthivīṃ tyajedityādi 
purāṇavipratipattiparihāre tatra bhavatā skāndarātenāpyukto'yaṃ 
nyāyaḥ ārṣeṇa vā vipratiṣiddhaṃ māryaṃ saṃyuktena netavyaṃ 
yujyamānaṃ netavyamalpaṃ bahunā tathaiva satāṃ pravṛttyā pathikena 
cānyaditi | śūdragṛhasthānāṃ gurutvaṃ siddhameva | naiṣṭhikastvadhamo 
jñeya ityādinaiṣṭhikasyādhamatvavacanamapyuktanyāyena pariharaṇīyaḥ | 
taduktaṃ parākhye -

p. 64) gṛhasthaḥ sarvavarṇeṣu śreṣṭho gururudāhṛtaḥ |
naiṣṭhikastvadhamo jñeyo bhautikastu viśeṣata iti ||

kālottare -

caturṇāmapi varṇānāṃ liṅgināṃ gṛhiṇāmapi |
ācāryatvaṃ śivenāsmin siddhānte pratipāditamiti ||

uttarakāmike -

cāturvarṇyagṛhasthānāmācāryatvaṃ viśeṣataḥ |
athavā brahmacārīṇāmācāryatvaṃ viśeṣata iti ||

ṣaṭsahasrikāyāṃ -

śṛṇu ṣaṇmukha tattvena bhogamokṣau yathāsthitau |
brahmacārī gṛhasthaśca dvividho deśikottamaḥ ||

dīkṣāpratiṣṭhayoretau ubhāvapyadhikāriṇau |
kiṃ tu mokṣaikayuktānāṃ vibhūtivimukhātmanām ||

brahmacārī gururjñeyo gṛhasthaścobhayātmanām |
gṛhasthāditareṣāṃ tu nāsti bhogādhikāritā ||

ta * * graṇī guruḥ kāryo bhogamokṣobhayārthibhiriti |

tathā santāne -

gṛhasthaścottamo vidyāt brahmacāryadhamo bhavediti |

p. 65) suprabhede -

gṛhasthaścottamo jñeyo bhautikabrahmacāryapīti |

vīratantre -

* * ttamaṃ vidyādathavā brahmacāriṇaḥ |
sāntānikagṛhī śreṣṭho gṛhasthastadabhāvataḥ ||

bhautiko brahmacārī vā deśiko gṛhamedhinām |
naiṣṭhiko naiṣṭhi * * syāt bhuktau muktau kramānmata iti |

kiraṇe -

sāntāniko guruḥ prokto gṛhastho deśikottamaḥ |
gṛhasthaṃ cottamaṃ vidyāt athavā brahmacāriṇam ||

gṛhastho deśikaḥ śreṣṭho bhogamokṣaprasiddhaya iti |

kāmike -

sṛṣṭyanantarakāle ye dīkṣitāḥ kauśikādayaḥ |
śivena tatkulotthāḥ syuḥ śaivāḥ sāntānikā dvijāḥ ||

sāntānikaguruḥ śreṣṭho gṛhasthastadabhāvataḥ |
bhautiko brahmacārī vā deśiko gṛhamedhinām ||

naiṣṭhiko naiṣṭhikeṣu syāt bhuktimuktikramānmataḥ |
bhuktimuktiprasiddhyarthaṃ gṛhastho gururiṣyate ||

p. 66) tatraiva -

mahāpurasya saumyāyāmabhiṣiñceddvijānatha |
pūrvāyāṃ kṣatriyān brahman vaiśyān diśi yamasya tu ||

śudrāṃstu paścimāśāyāṃ sarvān vā * * * t sthitāniti |
sarvalakṣaṇahīno'pi jñānavān gururiṣyate ||

varṇāvarṇavicāro yaḥ sa naraḥ pātakī bhavediti ||


iti cāturvarṇaśaivācāryamāhātmyaṃ samāptam ||




cāturvarṇasanyāsavidhiḥ

cintyaviśve -

yatayastrividhā jñeyāstapasvī viduṣastathā |
vidvāniti tridhā proktāsteṣāṃ lakṣaṇamucyate ||

taponiṣṭhastapasvīti tasya vṛttistu suvrata |
nādhyetavyaṃ na saṃkalpo na śrotavyaṃ kadācana ||

śiṣyāṇāṃ saṃgrahaṃ caiva naiva vidyāprakāśakaḥ |
na vadet saṃskṛtāṃ bhāṣāṃ na daṇḍī na kamaṇḍaluḥ ||

liṅgamakṣakamabhyarcya bhaktimātreṇa saṃyutaḥ |
ekākī vṛkṣamūle vā vane vā janavarjite ||

p. 67) janādbhītisamāyukto vasedbāhūpadhānakaḥ |
vasanaṃ yena kenāpi tathaivāśanapānakam ||

pāṇipātrodaropāno yācitānnena jīvanam |
ityuktastu tapasvī syāt sādhako yāti nāmavān ||

viduṣośca yatervāpi vartanaṃ nandikeśvara |
adhyāpanaṃ cādhyayanaṃ śravaṇaṃ cintanaṃ tathā ||

etaccatuṣṭayaṃ tasya viduṣośca viśeṣataḥ |
vidvadyaterviśeṣo'sti vyākhyānaṃ cintanaṃ bhavet ||

sadācāryābhiṣekeṇa yukto vidvatsamākhyakaḥ |
yatīnāṃ trividhaṃ proktaṃ śaivānāṃ caturāśrame ||

āśramāṇāṃ ca bhedo'sti niṣṭhābhedo na vidyate |
* kadvayaṃ phalaṃ bhuṅkte mokṣaḥ sādhāraṇastayoḥ ||

sūtasaṃhitāyāṃ kiraṇādike ca bhaṅgyantareṇa nāmāni vṛttāni 
khananadahanavyavasthādīni ca draṣṭavyāni suprabhede -

brāhmaṇādicaturvarṇāḥ kāśyapādisamudbhavāḥ |
parameśaprasādena adhikāre niyojitāḥ ||

gocaraṃ gotrasūtraṃ ca saṃkṣepeṇa vadāmyaham |
gocaraṃ śivacihnaṃ hi gotraṃ svamunivargakam ||

p. 68) sūtramācāramevaṃ hi śaivānāmucyate kramāt |
śivaḥ śikhā tathā jyotiḥ sāvitrīceti gocarāḥ ||

etaccaturthanāmāni śaivānāṃ śivaśāsane |
gocarami * * taccihnaṃ ca caturvidham ||

kāśyapaḥ kauśikaścaiva bhāradvājo'tha gautamaḥ |
ete caturvidhā jñeyāḥ saṃproktā munayastviha ||

vrataṃ hi dvividhaṃ proktaṃ sāmānyaṃ ca viśeṣataḥ |
brahmacārī gṛhasthaśca vānaprastho'tha bhikṣukaḥ ||

caturāśrama evaṃ hi sāmānyavidhicoditam |
caturṇāṃ gocarāṇāṃ tu samanetacchivāgamiti ||

kālottare ca -

śivaḥ śikhā tathā jyotiḥ sāvitrīti catuṣṭayam |
śaivaṃ kulaṃ śivājjātaṃ śakterjātaṃ śikhāku * * ||

bindorjyotiṣkulaṃ jātaṃ nādāt sāvitrameva ca |
dīkṣākāle yadā mantro līyate ca śivādiṣu ||

tattaddvāravaśājjātaṃ kramāt kulacatuṣṭayam |
kramādetaṃ tu vijñeyaṃ brāhmaṇādicatuṣṭaye ||

	śuddhajātyudaye naśyet prākṛtaṃ yat kulaṃ sthitam | kṛtayuge 
brāhmaṇasanyāsī śreṣṭhaḥ | tretāyuge kṣatriyasanyāsī ca śreṣṭhaḥ |
p. 69) dvāparayuge vaiśyasanyāsī śreṣṭhaḥ | kaliyuge śūdrasanyāsī 
śreṣṭhaḥ ityādikaṃ brahmāṇḍapurāṇādike vidyamānaṃ draṣṭavyam |

sarvajñānottare -

dvāvevāśramiṇau śau * va gṛhasthabrahmacāriṇau |
lokānugrahakartārau parivrāṭ tāpasau na hi ||

kālottare -

vānaprasthayatīnāṃ tu gurutvaṃ neṣyate sadā |

suprabhede -

bhāvadravyāgnisantyāgādyete sanyāsino yadā |

dīkṣāsthāpanayostasmādetenaivādhikāriṇa ityādiniṣedhavacanāt 
kathaṃ kathayanti sanyāsināṃ gurutvamiti cet | satyam | āṇavī nāma kriyā 
dīkṣāṃ vinā śāktī śāmbhavīti dīkṣā dvividhā | tasyāṃ 
jñānavatīdīkṣāyāṃ kathañcit kvācitkaṃ gurutvamastyeva | taduktaṃ 
sanyāsadīpikāyāṃ -

parahaṃsayatīnāṃ ca tapaḥ sanyāsināṃ ca yau |
anayorāgnikāryeṣu yogyatvaṃ na vidhīyate |

homaṃ vinā tayorevamabhiṣekaṃ vidhīyate |

iti śaivasanyāsavidhiḥ samāptaḥ ||




p. 70) śivapūjādhikāravidhiḥ ||

raurave -

śvetavarṇaṃ bhavedvire kṣatriye raktavarṇakam |
pītavarṇaṃ bhavedvaiśye kṛṣṇavarṇaṃ turīyake ||

jñānasāre -

śvetaṃ raktaṃ tathā pītaṃ kṛṣṇavarṇaṃ caturvidham |
bhūsurādicaturṇāṃ tu varṇānāṃ liṅgakaṃ kramāt ||

athavā kṛṣṇavarṇaṃ tat sarvajātyarhakaṃ bhavet |

kālottare -

abhāvāt kṛṣṇavarṇaṃ tu sarvajātiṣu siddhidam |

tatraiva -

sarvārthasiddhidaṃ kṛṣṇaṃ caturvarṇahitāvaham |
sarveṣāmathavā śvetabāṇaliṅgaṃ vimuktidam ||

sūkṣme -

brāhmaṇasya tu vasvaśraṃ kṣatriyasya ṣaḍaśrakam |
vaiśyasya caturaśraṃ syāt śūdrasyaiva tu vṛttakam ||

sarvajātiṣu karttavyaṃ pīṭhaṃ vṛttaṃ vicakṣaṇaḥ |

p. 71) vidyāsārasaṃhitāyāṃ -

ra - liṅgaṃ brāhmaṇānāṃ sarvābhīṣṭapradaṃ bhavet |
ratnaliṅgaṃ kṣatriyāṇāṃ mahārājyapradaṃ bhavet ||

svarṇaliṅgaṃ tu vaiśyānāṃ mahādhanapatipradam |
śilāliṅgaṃ tu śūdrāṇāṃ mahadaiśvaryadaṃ viduḥ ||

sphaṭikaṃ bāṇaliṅgaṃ ca sarveṣāṃ sarvakāmadam |
strīṇāṃ tu pārthivaṃ liṅgaṃ sabhartṝṇāṃ viśeṣataḥ ||

vidhavānāṃ nivṛttānāṃ rasaliṅgādyanukramam |
bālye vā yauvane vātha vārdhake vātha suvratāḥ ||

śuddhasphaṭikaliṅgaṃ tu strīṇāṃ vai sadyabhogadam |

aṃśumati -

viprakṣatriyavaiśyāśca śūdrāścaiva tu dīkṣitāḥ ||

ātmārthamarcanaṃ kuryurna kuryustu parārthakam |

cāturvarṇodbhavastrīṇāmarcanaṃ ca viśeṣata iti śivapūjādhikāravidhiḥ 
samāptaḥ ||




śivādinindādoṣapratipādakaṃ vacanaṃ suprabhede jñānapāde -

devadravyāpahāraśca śivaśāstravidūṣakaḥ |
p. 72) pitṛghātaśca brahmaghnā evamādyastvanekaśaḥ |
yātanāsthānamāśritya patanti narakārṇave ||

upadeśakāṇḍe -

etāḥ ṣaḍapi śambhvādīn śivasthānānyapi dvijāḥ |
vedān vibhūtirudrākṣamāgamānapi śaṅkarān ||

tathā śivapurāṇāni śivaśambarakān parān |
vinindayati mūḍhātmā śivadrohī sa īritaḥ ||

vinindakasya nikaṭe vartanaṃ śravaṇaṃ tathā |
vīkṣaṇaṃ sparśanaṃ tasya tena sambhāṣaṇaṃ tathā ||

tadvākyaśravaṇaṃ tadvat śivadrohaḥ sa īritaḥ |

brahmāṇḍādisakalapurāṇasāre virūpākṣamāhātmye pūrvabhāge -

śivaśāstraṃ śivācāraṃ śivamantraṃ śivoñcayam |
śivalokaṃ śivajñānaṃ śivadhyānaṃ śivārcanam ||

śivaśaktiṃ śivastotraṃ śivakṣetraṃ śivāgamam |
laghu kurvanti ye pāpāstānnibīḍatāniśam ||

śaivaṃ pāśupataṃ kālāmupaṃ kāpāladhāriṇam |
yadi hanyājjagatpūrvaṃ hataṃ tena durātmanā ||

p. 73) skānde kāśīkhaṇḍe viṣṇuṃ prati śivavacanam -

mamāśramaratāṃścānye ye nindanti narādhamāḥ |
brāhmaṇādicaturvarṇān śivāstrakavacānvitān ||

pāṣaṇḍāste suraśreṣṭha bhaviṣyanti na saṃśayaḥ |
teṣāṃ taptaṃ hutaṃ japtaṃ snānaṃ dhyānādipūjanam ||

bhasmanīva hutaṃ havyaṃ sarvaṃ bhavati niṣphalam |
mamāśramaratā dveṣṭi yaḥ samādveṣṭi mādhavam ||

mamāśramaratāṃstauti yaḥ sa māṃ stauti nirmalam |
* cānyathā kariṣyanti tvaṃ māyāmūḍha * * ||

* * * * * * * * brahmendrārkādidevatāḥ |
samarthāḥ syuḥ paritrāṇe pātukānnarakārṇave ||

svacchande -

brāhmaṇā kṣatriyā vaiśyāḥ śūdrāścānye'thavā priye |
sarve te samadharmāṇaḥ śivadhāmaniyojitāḥ ||

sarve jaṭādharāḥ proktā bhasmoddhūlitavigrahāḥ |
ekapaṅktibhujaḥ sarve * * vatu varānane ||

mantrametat samāhṛtya prāgjātiṃ na hyudīrayet |
putrakāṇāṃ sādhakānāṃ tathā samayināmapi ||

p. 74) prāgjātyudīraṇāddevi prāyaścittītarobhavat |
dinatrayaṃ tu rudrasya pañcāhaṃ keśavasya tu ||

pitāmahasya pakṣaikaṃ narake pacyate tu saḥ |
brāhmaṇāḥ kṣatriyā vaiśyāḥ śūdrāśca parameśvarī ||

āśramatve yuktāśca te sarve śivā sthitāḥ |
anyathā prāksvarūpeṇa ye paśyanti narādhamāḥ ||

narake te prapacyante sādākhyaṃ vatsaratrayam |

kāśīkhaṇḍe -

śivanindārato mūḍhaḥ śivaśāstravinindakaḥ |
tasya no niṣkṛtiṃ dṛṣṭvā kvacit śāstre'pi kenacit ||

sūtasaṃhitāyāṃ ca -

asti cedbrahmavijñānaṃ striyo vā puruṣasya vā |
varṇāśramasamācārāstasya nāstyeva sarvadā ||

na vijñāyātmavijñānaṃ savarṇāśramamāstikāḥ |
jahāti yaḥ sa mūḍhātmā ----------------- sa | iti |

manusmṛtau -

tripuṇḍraṃ bhasmanā dhāryaṃ nityameva dvijādibhiḥ |

--------------------------------------------------- yāti saḥ |
--------------------------------- dattaṃ yathā phalamiti ||

p. 76) vṛddhācalamāhātmye ca -

snāne vā japahoma * * * tithau devārcanā tayordīkṣā śrāddhakayoḥ 
kṛtau sa bhavito rudrākṣamālādharaḥ |
āyuḥ karma ca vaidikaṃ ca sakalasyodakṣayan tatphalaṃ no 
cedvyarthamidaṃ bhavatyayamaho pāpo'navadyo bhavediti ||

aṃśumati -

tripuṇḍreṇa vinā śrāddhaṃ tripuṇḍreṇa vināhutiḥ |
tripuṇḍreṇa vinā dānaṃ rākṣasaṃ tatprakīrtitamiti ||

ataḥ śivāgamaproktaviśeṣācāratatparāḥ |
narāḥ śreyāṃsi bhūyāṃsi vindantīti niścitam ||

iti śālivāṭipuranivāsi- 
jñānaprakāśaguruviracitaśivāgamādimāhātmyasaṅgrahaḥ samāptaḥ || 
śrīmaddevaśikhāmaṇigurubhyo namaḥ | śrīmatṣaṇmukhagurave namaḥ ||


###########   END OF FILE  #######