####################################################
MUKTABODHA INDOLOGICAL RESEARCH INSTITUTE
Use of this material (e-texts) is covered by Creative Commons license BY-NC 4.0
Catalog number: M00211
Uniform title: śivadharmottara
Manuscript : IFP/EFEO 72 from page 25 copied from Adyar Library Madras.  ms. no.: 75425

Description: 
IFP transcript no. 72 from page 25 itself a copy of Adyar Library, Madras  ms. no.: 75425


Notes: 
Data entered by the staff of Muktabodha under the supervision of Mark S.G. Dyczkowski.


Revision 0: April 5, 2010

Internet publisher : Muktabodha Indological Research InstituteWeb publisher Muktabodha
Publication year : 2010
Publication city : 
Publication country : United States
####################################################





śivadharmottaraḥ



p. 25(1)

śrīḥ

oṃ gaṇeśāya namaḥ | śivāyanamaḥ ||

gajānanakaṭadvandvaviniṣyandimadāmbunam |
pratyūhapaṅkanivahaṃ prakṣālayatu santatam || 1-1 ||

śivamādau śivammadhye śivamante ca sarvadā |
sarveṣāṃ śivabhaktānāmanugānāṃ bhavecchivam || 1-2 ||

merupṛṣṭhe samāsīnaṃ ṛṣisaṅghaissamāvṛtam |
lokānugrahakaṃ śāntaṃ sarvajñaṃ nandikeśvaram || 1-3 ||

teṣāmmadhye samutthāya muniḥ brahmasutottamaḥ |
sanatkumārassutapāḥ pṛcchatisma yathāvidhi || 1-4 ||

bhagavansarvadharmajña śivadharmaparāyaṇa |
śrotukāmāḥ parandharmamime sarve samāgatāḥ || 1-5 ||

agniṣṭhomādayoyajñāḥ bahuvittakriyānvitāḥ |
aśaktāste yataḥ kartumalpavittairdvijādibhiḥ || 1-6 ||

sukhopāyamato brūhi sarvakāmārthasādhakam |
hitāya sarvamartyānāṃ śivadharmaṃ sanātanam || 1-7 ||

yena siddhāssurā daityā gandharvoragarākṣasāḥ |
ṛṣayaḥ kinnarā yakṣāḥ tathā kiṃpuruṣādayaḥ || 1-8 ||

p. 2 (28) 

gaṇāśca vividhāścānye śivadharmaparāyaṇāḥ |
saṃpūjyāssasurāssarve tadbhaktyā śivadhārmikāḥ || 1-9 ||

śrīnandikeśvara uvāca

śrūyatāmabhidhāsyāmi sukhopāyammahatphalam |
paramaṃ sarvadharmāṇāṃ śivadharmaṃ śivātmakam || 1-10 ||

śivena kathitaṃ pūrvaṃ pārvatyāṣṣaṇmukhasya ca |
gaṇānāndevamukhyānāmasmākañca viśeṣataḥ || 1-11 ||

ajñānārṇavamagnānāṃ sarveṣāṃ prāṇināmayam |
śivadharmoḍupaḥ śrīmānuttārārthamudāhṛtaḥ || 1-12 ||

yairayaṃ śāntacetaskaiḥ śivabhaktaiśśivārthibhiḥ |
saṃsevyate parodharmaḥ te rudrā nātra saṃśayaḥ || 1-13 ||

grāme vā yadi vāraṇye jalevāpi sthale'pi vā |
yatraiva dṛśyate liṅgaṃ sarvatīrthāni tatra vai || 1-14 ||

ekakālaṃ dvikālaṃ vā trikālaṃ nityameva vā |
ye smaranti virūpākṣaṃ vijñeyāste gaṇeśvarāḥ || 1-15 ||

saṅkīrtayanti ye rudraṃ sakṛdapyāśu te narāḥ |
sarvapāpaiḥ pramucyante saptajanmakṛtairapi || 1-16 ||

yercayanti sadārudraṃ na te prākṛtamānuṣāḥ |
rudralokādihaṃ prāptāḥ te rudrāḥ nātra saṃśayaḥ || 1-17 ||

jāte nātmadruhā yena na nā * * to bhagavān * * * |

p. 3 (29)

suciraṃ sañcaratyasmin saṃsāre duḥkhasāgare || 1-18 ||

tasya cimmahacchidraṃ sammohasyāndhyamūkatā |
yat kṣaṇaṃ vā muhūrtaṃ vā śarvameko na cintayet || 1-19 ||

durlabhaṃ prāpyamānuṣyaṃ yarcayanti sadāśivam |
teṣāṃ hi saphalaṃ janma kṛtārthāste narottamāḥ || 1-20 ||

bhavabhaktiparāye tu bhavapraṇatacetasaḥ |
bhavasaṃsmaraṇo yuktāḥ tena duḥkhasya bhājanam || 1-21 ||

bhavanāni manojñāni vibhramā bharaṇāḥ striyaḥ |
dhanañcādṛṣṭaparyantaṃ śivapūjā vidheḥ phalam || 1-22 ||

ye vāñchanti mahābhogān rājyaṃ vā tridaśālayam |
yercayanti sadā kālaṃ harasya caraṇāṃbujam || 1-23 ||

saubhāgyaṃ kāntimadrūpaṃ satyaṃ tyāgaḥ prabhāvatā(pravaktṛtā) |
śauryañca jagatikhyātiḥ śivamarcayatāṃ phalam || 1-24 ||

dhyāyanti ye śivaṃ nityamantaryāmiṇamantataḥ |
saṃbhavanti sadā teṣāmāyurārogyasaṃpadaḥ || 1-25 ||

japatāṃ dhyāyatānnityaṃ śivamarcayatāṃ sadā |
namatāṃ ca caturvargaphalaṃ muktiścaturvidhā || 1-26 ||

nārudrassaṃsmaredrudraṃ nārudro rudramarcayet |
nārudraḥ kīrtayedrudraṃ nārudrorudramāpnuyāt || 1-27 ||

saṃparkāt kautukāllābhāt bhayādvāpi ca saṃsmaret |

p. 4 (28) 

kīrtayedarcayedvāpi sopyavaśyaṃ gaṇo bhavet || 1-28 ||

śivadharmasya sāroyaṃ śivabhaktiśca niścalā |
sācāṣṭāṅgī śivenoktā kāryā nityaṃ prayatnataḥ || 1-29 ||

śrībhagavānuvāca 

madbhaktajanavātsalyaṃ pūjāyāñcānumodanam |
svayamabhyarcanaṃ bhaktyā mamārthe cāṅgaceṣṭanam || 1-30 ||

matkathāśravaṇe bhaktisvaranetrāṅgavikriyā |
mamānusmaraṇaṃ nityaṃ kīrtanenopajīvati || 1-31 ||

bhaktiraṣṭavidhāhyeṣā yasmin mlecche'pi vartate |
saṃ viprendro muniśśrīmān sayatissa ca paṇḍitaḥ || 1-32 ||

yercayanti sadā bhaktyā hīnāśca vibhavairapi |
patrapuṣpaphalaistoyaiḥ mattulyāyānti matpadam || 1-33 ||

pūjopakaraṇaṃ vāpi pūjāyā dravyameva vā |
mama baktopakāraṃ ca manovākkāyakarmabhiḥ || 1-34 ||

tasya vittagrahakṣetrapradānamapi pūjanam |
matpūjāyāssamaṃ puṇyaṃ satyameva vadāmyaham || 1-35 ||

na me priyaścaturvedī madbhaktaśśvapacopi vā |
tasmai deyaṃ tato grāhyaṃ sa saṃpūjyo yathāhyaham || 1-36 ||

patraṃ puṣpaṃ phalantoyaṃ yo me bhaktyā prayacchati |
tadahaṃ prītibhāvena hyaśnāmi prayatātmanaḥ || 1-37 ||

p. 5(31)

yo māṃ paśyati sarvatra sarvaṃ ca mayi paśyati |
tasyāhaṃ na praṇaśyāmi sa ca me na praṇaśyati || 1-38 ||

arcayenna sadātmasthaṃ yo māṃsamayamāsthitaḥ |
naiti durgeṣu mārgeṣu mārgamāṇopi paśyati || 1-39 ||

yo māṃ sarvagataṃ paśyet sarvaṃ ca mayi saṃsthitam |
tasyāhannityamātmasthaḥ sa ca nityammayi sthitaḥ || 1-40 ||

śrīnandikeśvaraḥ

sudurlabhā śive bhaktiḥ durlabhañca śivārcanam |
sudurlabhaṃ śivajñānaṃ śivahomañca durlabham || 1-41 ||

sudurlabhaṃ śivajñānaṃ tadabhyāsopi durlabhaḥ |
sudurlabhataraṃ jñeyaṃ japadhyānaṃ śivātmakam || 1-42 ||

sudurlabhā tayoḥ prāptiḥ tadabhyāsopi durlabhaḥ |
sudurlabhaṃ śivaṃ jñātvā śive bhaktiṃ samāśrayet || 1-43 ||

lābhasteṣāṃ manuṣyāṇāṃ ye śivaṃ śaraṇaṃ gatāḥ |
teṣāndivā ca rātrau ca nityaṃ śivagatā smṛtiḥ || 1-44 ||

namaskārādisaṃyuktaṃ śivāyetyakṣaratrayam |
jihvāgre vartate yasya saphalaṃ tasya jīvitam || 1-45 ||

ityeṣa vassamāsena śivadharmokhilaḥ kramāt |
nirdiṣṭaḥ prathamādhyāye śeṣosyaiva pravistaraḥ || 1-46 ||

ya imaṃ paṭhate nityaṃ śṛṇuyādvāpi bhaktitaḥ |

p. 6 (32)

sa muktassarvapāpebhyaḥ śivaloke mahīyate || 1-47 ||

ḍākinyo vividhākārā rākṣasāḥ pretanāyakāḥ |
tasya pīṭhānna kurvanti tathā cānyepi hiṃsakāḥ || 1-48 ||

śatravo nāśamāyānti saṃgrāme jayamāpnuyāt |
sarvarogairnabādhyeta āpado na spṛśanti tam || 1-49 ||

dhanamāyuryaśo vidyāṃ prabhāvamatulaṃ bhavet |
śuṃbhenopacayaṃ yānti nityaṃ pūrṇamanorathaḥ || 1-50 ||

iti śrīśivadharmottare śrīnandikeśvaraprokte śivabhaktalakṣaṇaṃ nāma 
prathamodhyāyaḥ ||




p. 7 (33)

śrīḥ

atha dvitīyodhyāyaḥ 

sanatkumāraḥ uvāca 

liṅgārcanavidhiṃ puṇyaṃ śrotumiccāmi tattvataḥ |
tvatprasādādviśeṣaṇa bhagavannandikeśvara || 2-1 ||

yatpuṇyaṃ sthāpite liṅge kṛte yacca śivālaye |
sammārjane ca yatpuṇyaṃ yatpuṇyamanulepane || 2-2 ||

nīrājanoṣadhībīja snānamaṅgalavādane |
yatpuṇyamarghyadānena toyasnānena yadbhavet || 2-3 ||

* * snānena yatpuṇyaṃ puṇyamikṣurasena ca |
udvartanantarasnāne kuśapuṣpodakena ca || 2-4 ||

pañcagavyapayasnāne dadhisnānena yatphalam |
ghṛtābhyaṃgena yatpuṇyaṃ ghṛtasnānena yadbhavet || 2-5 ||

suvarṇaratnatoyaiśca svacchato yena yatphalam |
vilepanaiśca gandhādyaiḥ viliptena ca yadbhavet || 2-6 ||

bilvabṛndapradānena dīpadarpaṇadarśane |
muktapuṣpārcane caiva mālābhirliṅgapūraṇe || 2-7 ||

puṣpamaṇṭapikāyāñca puṣpamālāvalaṃbane |
pūjābhaktiviśeṣaiśca vedyāmālepakalpane || 2-8 ||

puṣpajātiviśeṣeṣu dhūpeṣvapi ca yatphalam |

p. 8(34)

vastrālaṃkāradānena dīpikārpaṇadarśane || 2-9 ||

bhakṣyabhojyānnapānādiphalakandanivedane |
pradakṣiṇanamaskāra praṇāmastātrakīrtanaiḥ || 2-10 ||

chatradhvajapatākānāṃ ghaṇṭāvāditraśaṃkhayoḥ |
vitānavastrapūjāyāṃ balihomakriyāsu ca || 2-11 ||

gajāśvabhṛtyanāgānāṃ bhūmidānena yatphalam |
grāmakheṭapurāṇāṃ ca daśadānena yatphalam || 2-12 ||

strīṇāṃ saṅgītadānena nāṭye naiva viśeṣataḥ |
svayammālyopahāreṇa puṃsāṃ puṇyantu yadbhavet || 2-13 ||

tatpuṇyasyāpahāreṇa puṇyāpuṇyaṃ ca yadbhavet |
yatīnāmannapānādimaṭhopakaraṇāni ca || 2-14 ||

datvā kiṃ labhate puṇyaṃ kṛtvā vā tatpratiśrayam |
tatsaṃskāre tathā teṣāṃ pratyutthādābhivādanaiḥ || 2-15 ||

yadyadanyadbhavet sūkṣmajñānānna pracoditam |
tatsarvaṃ kathayāsmākaṃ bhaktānāmanukaṃpayā || 2-16 ||

iti śivadharmottare praśnabhedo nāma dvitīyodhyāyaḥ ||




p. 9 (35) 

śrīḥ

atha tṛtīyodhyāyaḥ 

nandikeśvara uvāca 

tvamatīva śive bhaktaḥ padmayonisutottama |
tena te nikhilaṃ vakṣye śruṇuṣvekāgramānasaḥ || 3-1 ||

pūrvamekārṇave ghore naṣṭe sthāvarajaṅgame |
vivādastu mahānāsīt brahmaviṣṇvoḥ parasparam || 3-2 ||

ahaṃ kartāsmyahaṃ kartā na mattonyo jagatprabhuḥ |
evamāha hariṃ brahmā brahmāṇaṃ ca haristathā || 3-3 ||

tayordarpāpahārāya prabodhāya ca devayoḥ |
madhye samudbhavalliṅgamaiśvarantaijasaḥ param || 3-4 ||

jvālāmālāvṛtandivyamaprameyamanūpamam |
yojanāyutavistīrṇaṃ sthitantadvimalāṃbhasi || 3-5 ||

jvālābhirmohitau tasya liṅgasya surasattamau |
tadā vismayamāpannau paśyantāvamarādhipau || 3-6 ||

gatāvūrdhvamadhastasya saṃpradhārya parasparam |
adhodṛṣṭiṃ gato viṣṇururdhvañcaiva pitāmahaḥ || 3-7 ||

kṛtāñjalipuṭau bhūtvā liṅgantuṣṭuvatustadā |
liṅgamadhye paraṃ liṅgaṃ sthitaṃ prādeśasammitam || 3-8 ||

samādhisthau tu saṃpannau dṛṣṭavantau śivātmakam |

p. 10(36) 

naiva tatkāñcanaṃ raupyaṃ tāmraṃ sphāṭikamauktikam || 3-9 ||

lakṣyamātraṃ sthitaṃ śāntaṃ kevalantacchivātmakam |
tayostuṣṭo mahādevaḥ pradāyavaramuttamam || 3-10 ||

kāraṇatvamanujñāya tatraivāntaradhīyata |
brahmādyāstu tadārabhya pratiṣṭhāpya surāsurāḥ || 3-11 ||

talliṅgānukṛtiṃ liṅgamīḍire munayastathā |
paraṃ gūḍhaśarīraṃ ca liṅgaṃ kṣetramanādimat || 3-12 ||

yadādyamaiśvarantejastalliṅgaṃ pañcasaṃjñitam |
sakalaṃ niṣkalantacca vyaktāvyaktaṃ sanātanam || 3-13 ||

līyante sarvabhūtāni gacchanti paramaṃ padam |
tasmālliṅgamiti proktaṃ jagatāmādikāraṇam || 3-14 ||

kalpānte tasya liṅgasya līyante sarvadevatāḥ |
dakṣiṇe līyate brahmā vāme tasya janārdanaḥ || 3-15 ||

hṛdaye caiva gāyatrī sarvadevottamottamā |
līyante mūrdhni vai vedāḥ saṣaḍaṅgapadakramāḥ || 3-16 ||

jaṭhare līyate tasya jagatsthāvarajaṅgamam |
punarutpadyate tasmāt brahmādyaṃ sacarācaram || 3-17 ||

ākāśaṃ liṅgamityāhuḥ pṛthivī tasya pīṭhikā |
ālayaṃ sarvabhūtānāṃ layanālliṅgamucyate || 3-18 ||

tasmālliṅgaṃ pratiṣṭhāpya sarvadeva bhavodbhavam |

p. 11 (37) sthāpitaṃ tena sarvaṃ syāt pūjitaṃ ca na saṃśayaḥ || 3-19 ||

kṛtāñjalipuṭo viṣṇuḥ brahmācāpi viśeṣataḥ | 
pūrvaṃ liṅgaṃ samabhyarcya tadā kāryāṇi cakratuḥ || 3-20 ||

brahmā brahmākṣaraiḥ divyaiḥ liṅgaṃ pūjayate sadā |
* * puṣpādibhirnityaṃ * * pūjayate * * || 3-21 ||

brahmā pūjayate nityaṃ liṅgaṃ śaivamayaṃ śubham |
tasya saṃpūjanādeva prāptaṃ brahmatvamuttamam || 3-22 ||

śakropi devarā * * * * * * * * * * |
bhaktyā pūjayate nityaṃ tena śakratvamāptavān || 3-23 ||

liṅgaṃ hemamayaṃ kāntaṃ dhanadorccayate sadā |
tenāsau dhanado devo dhanadatvamavāptavān || 3-24 ||

vāyuḥ pareṇa bhāvena paittalajaṃ śubham |
trikālābhyarcane naiva vāyurvāyutvamāptavān || 3-25 ||

indranīlamayaṃ liṅgaṃ viṣṇuḥ pūjayate sadā |
viṣṇuṃ prāptavāṃstena sodbhutaikaṃ sanātanam || 3-26 ||

vasavaḥ kāṃsyakaṃ liṅgaṃ pūjayanti vidhānataḥ |
prāptāstena mahātmāno vasutvaṃ ca mahodayam || 3-27 ||

aśvinau pārthivaṃ liṅgaṃ pūjayantau vidhānataḥ |
tena tāvaśvinau devau divyadehaṃ gatāvubhau || 3-28 ||

sphāṭikaṃ nirmalaṃ liṅgaṃ varuṇorcayate sadā |

p. 12 (38)

tena tadvāruṇatvaṃ hi prāptamṛddhibalānvitam || 3-29 ||

liṅgamannamayaṃ puṇyamagniryajati bhāvitaḥ |
agnitvaṃ prāptavāṃstena tejorūpasamanvitam || 3-30 ||

śaivantāmramayaṃ liṅgaṃ bhaktyā devo divākaraḥ |
trikālaṃ yajate tena prāptaṃ sūryatvamuttamam || 3-31 ||

muktāphalamayaṃ liṅgaṃ somaḥ pūjayate sadā |
tena somopasaṃprāpa somatvaṃ satatojvalam || 3-32 ||

pravālakamayaṃ liṅgaṃ yajante pannagottamāḥ |
tena nāgeṣu bhogāḍhyaṃ prāptāste paramaṃ padam || 3-38 ||

pūjyagandhena gandharvā gandharvatvamavāpire |
phalena gomaye naiva dāruṇā kusumena ca || 3-34 ||

āśayā ca rasenaiva bahavobhīṣṭamāpnuyuḥ |
kārṣṇāyasamayaṃ liṅgaṃ pūjayantyasurottamāḥ || 3-35 ||

rākṣasāste mahātmānaḥ tena temitavikramāḥ |
trapusīsamayaṃ liṅgaṃ piśācāḥ pūjayanti ye || 3-36 ||

te mahardhibalādhārāḥ prāpnuvanti paraṃ padam |
bahulohamayaṃ liṅgaṃ yajante mātarassadā || 3-37 ||

mātṛtvaṃ prāpya tāssarvāḥ prayānti paramaṃ padam |
evandevāssagandharvāssayakṣoragarākṣasāḥ || 3-38 ||

pūjayanti sadākālamīśānaṃ suranāyakam |

p. 13 (39)

sarvaṃ liṅgamayaṃ lokaṃ sarvaṃ liṅge pratiṣṭhitam || 3-39 ||

tasmāt saṃpūjayelliṅgaṃ yadīcchetsiddhimātmanaḥ |
liṅge devo mahādevassākṣādeva vyavasthitaḥ || 3-40 ||

anugrahāya lokānāṃ tasmālliṅgaṃ prapūjayet |
yo na pūjayate mohāt liṅgaṃ tribhuvaneśituḥ || 3-41 ||

vyarthantajjanma vijñeyaṃ tasya vaṃśaṃ nirarthakam |
na ca svargasya mokṣasya na sa rājyasya bhājanam || 3-42 ||

yastu pūjayate liṅgaṃ nityaṃ tribhuvaneśvaram |
sa svargamokṣarājyasya kṣipraṃ bhavati bhājanam || 3-43 ||

tasmādekamanābhūtvā yāvajjīvaṃ pratijñayā |
arcayeta mahādevaṃ āpannopi sadābudhaḥ || 3-44 ||

uddhṛtyāsaptamaṃ vaṃśaṃ śivena saha līyate |
varaṃ prāṇaparityāgaḥ chedanaṃ śirasopi vā || 3-45 ||

na tvanabhyarcya bhuñjīyāt bhagavantaṃ trilocanam |
evaṃ nirvahate yastu yāvajjīvaṃ pratijñayā || 3-46 ||

mānuṣyacarmaṇābaddhaḥ sa rudro nātra saṃśayaḥ |
nāsti liṅgārcanātpuṇyaṃ puṇyamapyadhikaṃ kvacit || 3-47 ||

iti vijñāyayatnena pūjanīyassadāśivaḥ |
saṃsārasāgarantartuṃ nāstyupāyonyathā nṛṇām || 3-48 ||

jananāmbudhimagnānāṃ plavoyaṃ liṅgapūjanam |

p. 14 (40)

yo liṅgandveṣṭipāpena sarvadevanamaskṛtam || 3-49 ||

naro narakagāmī syāt tasya saṃbhāṣaṇādapi |
maheśvarakṛtaṃ sarvaṃ trailokyaṃ sacarācaram || 3-50 ||

te kṛtaghnā bhavantīha yena bhaktā maheśvare |
jagatāmantarātmānaṃ yo na pūjayate dhiyā || 3-51 ||

ātmadrohī sa vijñeyaḥ pitṛdrohī ca sa smṛtaḥ |
yasmāt sarveṣu bhūteṣu gatirdevo maheśvaraḥ || 3-52 ||

tasmāt sarvaprayatnena śivameva samāśrayet |
sāgarāṇāṃ kṣayopyasti kṣīyate himavānapi || 3-53 ||

rudralokakṣayo nāsti śaṃkaraṃ ye samāśritāḥ |
eṣṭavyā bahavaḥ putrāḥ śivamantrānusāriṇaḥ || 3-54 ||

samuddharanti te gotraṃ rajjuḥ kūpāt ghaṭaṃ yathā |
samuddhṛtya tathāhyante kulānāmekaviṃśatim || 3-55 ||

śivatvaṃ yānti vai kṣipraṃ dharmādharmavivarjitāḥ |
liṅgadvayaṃ samākhyātaṃ carañcācarameva ca || 3-56 ||

caraṃ pratītivikhyātaṃ acaraṃ pārthivādiṣu |
care sadā vasatyeva prītiyukto maheśvaraḥ || 3-57 ||

acare mantrasaṃskārāt dvayaṃ satyaṃ sadāśivaḥ |
sthāvaraṃ jaṅgamaṃ * * dvividha * * * cyate || 3-58 ||

jaṅgamasyāvamānena sthāvaraṃ niṣphalaṃ bhavet |

p. 15 (41)

tasmālliṅgadvayaṃ prājño nāvamanyetapaṇḍitaḥ || 3-59 ||

liṅgamitthaṃ pratiṣṭhāpya sarvayatnaividhānataḥ |
yatpuṇyaṃ  * * * * * * * * * * * * śṛṇu || 3-60 ||

sarvayajñatapodāna tīrthasevāsu yatphalam |
tatphalaṃ koṭiguṇitaṃ sthāpya liṅgaṃ labhennaraḥ || 3-61 ||

yo liṅgaṃ sthāpayedekaṃ vidhipūrvaṃ sadakṣiṇam |
sarvāgamoditaṃ liṅgaṃ puṇyaṃ koṭiguṇaṃ bhavet || 3-62 ||

mātṛtaḥ pitṛtaścaiva yataścodvahati striyaḥ |
kulatrayaṃ samuddhṛtya rudraloke mahīyate || 3-63 ||

bhuktvā tu vipulān bhogān pralaye samupasthite |
jñānayogaṃ samāsthāya tatraiva sa vimucyate || 3-64 ||

atha cedrājyamākāṃkṣet jāyate sa bhavāntare |
saptadvīpasamudrāyāḥ kṣiteradhipatirbhavet || 3-65 ||

yaḥ kṛtvā pārthivaṃ liṅgaṃ arcayeta sa vaidikam |
ihaiva dhanavān śrīmān sonte rudraśca jāyate || 3-66 ||

trisandhyāsvarcayelliṅgaṃ kṛtvā bimbena pārthivam |
śataikādaśikāṃ yāvat tasya puṇyaphalaṃ śṛṇu || 3-67 ||

anenaiva tu dehena rudrassantiṣṭhate kṣitau |
pāpahā sarvamartyānāṃ darśanātsparśanādapi || 3-68 ||

uddhṛtya divi saṃsthāpya kulānāmekaviṃśatim |

p. 16 (42)

sahāyaissahito nityaṃ modate divi rudravat || 3-69 ||

śālipiṣṭamayaṃ liṅgaṃ sagandharvopaśobhitam |
kusumaissasugandhaiśca phalaiśca vividhairapi || 3-70 ||

bhakṣyabhojyairanekaiśca ghṛtāpūpaiśca saṃyutam |
tasya dakṣiṇapārśve tu nyasedāgaravaṃ budhaḥ || 3-71 ||

dadyātpaścimabhāge tu śobhanāntu manaśśilām |
uttare candanandadyāt haritālantu pūjitam || 3-72 ||

evaṃ vittānusāreṇa kṛtvā vibhavavistaram |
kṛṣṇapakṣe caturdaśyāṃ śivāya vinivedayat || 3-73 ||

yaḥ kaścit sakṛdapyevaṃ liṅgaṃ kuryādvicakṣaṇaḥ |
yatphalaṃ labhate sopi tamme nigadataḥ śṛṇu || 3-74 ||

śravaṇātpāpanirmuktaḥ sarvaduḥkhavivarjitaḥ |
niṣkalaḥ sarvago bhūtvā praviśecchivamavyayam || 3-75 ||

apyāmalakamātraṃ vā liṅgaṃ kṛtvābhipūjya ca |
yanmayantanmayañcaiva śivaloke mahīyate || 3-76 ||

puṇyakṣayātkṣitiṃ prāpya rājā bhavati dhārmikaḥ |
vedavedāṅgatatvajño brāhmaṇo vāpi jāyate || 3-77 ||

mṛdbhasmagośakṛtpiṇḍaṃ tathā vālukayāpi vā |
kṛtvā liṅgaṃ sakṛtpūjya vasetkalpāyutaṃ divi || 3-78 ||

kuśāgraistarukuḍye vāpyaṃgulyā vāpi yo likhet |

p. 17(43) 

krīḍāyāṃ vāyutaṃ kalpaṃ bhavat sopi gaṇeśvaraḥ || 3-79 ||

ātmanopi hitañcaiva tadanyatra ca niścayam |
sarvatra bāndhavaissārdhaṃ punātyāsaptamaṃ kulam || 3-80 ||

pāṃsunā krīḍamānaśca liṅgaṃ kuryāttu yo naraḥ |
pretyānte labhate rājyaṃ susaṃpannamakaṇṭakam || 3-81 ||

hīnavaśyeṣu ye jātāḥ pāpiṣṭhā ye ca mānavāḥ |
bhava bhāvaprapannāśca mucyante nātra saṃśayaḥ || 3-82 ||

aliṅgī liṅgarūpeṇa yo liṅgamupajīvati |
sa pacyate mahāghore narake kālamakṣayam || 3-83 ||

sūkṣmeṇāpi prayogenāprameyaphalaṃ labhet |
śivamarcayato yasmāt tasmānnityaṃ samarcayet || 3-84 ||

anādi devadeveśa viśveśvara maheśvara |
sarvajña jñānavijñāna pradānaika namostu te || 3-85 ||

anantakāntisaṃpanna anantāsanasaṃsthita |
anantaśaktisaṃbhoga parameśa namostu te || 3-86 ||

parāvara parātīta utpattisthitikāraṇa |
sarvārthasādhanopāya viśveśvara namostu te || 3-87 ||

bahurūpa mahārūpa sarvarūpottamottama |
paśupāśārṇavātīta varapradanamostu te || 3-88 ||

svabhāvanirmalābhoga sarvavyāpin sadāśiva |

p. 18(44)

yogayogi mahāyogi yogeśvara namostu te || 3-89 ||

nirañjana nirādhāra sarvādhāranirūpaplava |
prasanna parameśāna yogeśvara namostu te || 3-90 ||

jihvācāpalabhāvena veditosi hi yanmayā |
tatkṣantavyamanaupamyaṃ kastvāṃ stauti guṇārṇavam || 3-91 ||

liṅgotpattistavaṃ puṇyaṃ yaśśṛṇoti narassadā |
notpadyate ca saṃsāre sthānamāpnoti śāśvatam || 3-92 ||

tasmāt sarvaprayatnena śṛṇuyā * * * * * |
* * * * * * * * prāpnoti paramaṃ padam || 3-93 ||

iti śrīśivadharmottare liṅgotpattirnāma tṛtīyodhyāyaḥ ||




p. 19 (45)

śrīḥ 

atha caturthodhyāyaḥ

śrīnandikeśvara * * * 

śivabhaktā mahotsāhāḥ śivārcanaparāyaṇāḥ |
saṃyatāḥ sarvasaṃpannāḥ sarvārthān sādhayanti te || 4-1 ||

sarvadvandvasahādhīrā nityamudyuktacetasaḥ |
paropakāraniratāḥ guruśuśrūṣaṇe ratāḥ || 4-2 ||

ṛjavo mṛdavaḥsvacchā anukūlāḥ priyaṃvadāḥ |
amānino buddhimantaḥ tyaktaspardhāgataspṛhā || 4-3 ||

śāntāḥ smitamukhā bhadrā nityaṃ svāgatavādinaḥ |
alpavācaḥ suvaktāro gurubhaktiviśāradāḥ || 4-4 ||

śaucācārasamāyuktāḥ dayādākṣiṇyagocarāḥ |
ḍaṃbhamātsaryanirmuktāḥ yathātathyābhibhāṣiṇaḥ || 4-5 ||

saṃvibhogaparā prājñāpyaśaṭhāścāpyakutsitāḥ |
viṣayeṣvapi nirlepāḥ padmapatramivāṃbhasā || 4-6 ||

nadī nānāpi malināḥ na caroṣavaśānugāḥ |
bhavanti bhāvitātmānaḥ susnigdhāḥ sādhusevinaḥ || 4-7 ||

na pādapāṇivākcakṣu śrotraśiśnavaśaṃgatāḥ |
cāpalyāni na kurvanti sarvavyāsaṅgavarjitāḥ || 4-8 ||

rudrātmāno rudraparā rudrāṃśā rudrabhāvitāḥ |

p. 20 (46)

evaṃ vidhasamācārā bhavanti bhuvi mānavāḥ || 4-9 ||

ekāntabhaktimāsthāya guṇeṣveteṣu vartinaḥ |
pūjanīyassavo nityaṃ parāvaravibhūtaye || 4-10 ||

kiñcidvedamayaṃ pātraṃ kiñcitpātraṃ tapomayam |
āgamiṣyati yatpātraṃ tatpātraṃ tārayiṣyati || 4-11 ||

vedaśśivaḥ śivo vedaḥ vedādhyāyī sadāśivaḥ |
tasmādvedavide deyaṃ śivabhaktairyathābalam || 4-12 ||

śrīnandikeśvaraḥ

sarveṣāmapi pātrāṇāṃ atipātraṃ maheśvarāḥ |
patanāt trāyate yasmāt atīva narakārṇavāt || 4-13 ||

tasya pātrasya māhātmyāt dānañcāpi tadakṣayam |
tasmāttasmai sadā deyamaprameyaphalārthibhiḥ || 4-14 ||

śive dattaṃ hutaṃ japtaṃ pūjābalinivedanam |
ekāntānantaphaladaṃ tadbhavennātra saṃśayaḥ || 4-15 ||

bhaktyā vittānurodhena kuryātprāsādasaṃcayam |
alpaṃ mahati vā tulyaṃ phalamāḍhyadaridrayoḥ || 4-16 ||

vittaśāṭhyena yaḥ kuryāt dharmamāḍhyopi mānavaḥ |
na sa tatphalamāpnoti pralobhākrāntamānasaḥ || 4-17 ||

bhāgadvayaṃ ca dharmārthamanityaṃ jīvitaṃ yataḥ |
bhaktyā pracoditaḥ kuryādalpavittopi mānavaḥ || 4-18 ||

p. 21 (47)

mahāvibhavasāropi na kuryādbhaktivarjitaḥ |
sarvasvamapi yo dadyāt śive bhaktivivarjitaḥ || 4-19 ||

na tena dharmabhāk tasmāt bhaktirevātrakāraṇam |
na tattapobhiratyugraiḥ na ca sarvairmahāmakhaiḥ || 4-20 ||

gacche cchivapuraṃ divyaṃ tyaktvā bhaktiṃ śivātmikām |
mṛdā dārviṣṭakāśailaiḥ yaḥ kuryādvai śivālayam || 4-21 ||

trisaptakulasaṃyuktaḥ śivaloke mahīyate |
mṛṇmayātkoṭiguṇitaṃ puṇyaṃ syāt dārubhiḥ kṛtam || 4-22 ||

koṭikoṭyekamadhikaṃ dārukādiṣṭakāmayam |
dviguṇañceṣṭakādibhyaḥ śailepi syācchivālaye || 4-23 ||

mṛcchailayoḥ samaṃ jñeyaṃ puṇyamāḍhyadaridrayoḥ |
yatra yatra kṛtaṃ bhaktyā puṇyaṃ śaileṣṭakāmayam || 4-24 ||

purāṇarahitaṃ tasmāt yaḥ kuryāt tu śivālayam |
vidhūyapāpasaṃghātaṃ sopi gacchecchivālayam || 4-25 ||

krīḍamānopi yaḥ kuryāt bālabhāve śivālayam |
rudraloko bhavet tasya vimānaṃ sārvagāmikam || 4-26 ||

puṣpamālāparikṣiptaṃ divyagandharvanāditam |
ḍolāvikṣepasaṃyuktaṃ ghaṇṭācāmarabhūṣitam || 4-27 ||

muktādāmavitānena śobhitaṃ sūryasaprabham |
apsarogaṇasaṅkīrṇaṃ sarvakāmasukhapradam || 4-28 ||

p. 22 (48) 

tatroṣitvā mahābhogaiḥ koṭikoṭyayutaṃ sukhī |
kramādāgatya lokesmin rājābhavati dhārmikaḥ || 4-29 ||

paśyan pariharan jantūn mārjanyā mṛdusūkṣmayā |
śanaiḥ sammārjanaṃ kuryāt cāndrāyaṇaphalaṃ labhet || 4-30 ||

nāhāravaśajīrṇāyā navadhyā kṣīṇavatsayoḥ |
rogārtānaiva sūte yā goṣṭhe gomayamāharet || 4-31 ||

khaṃ saṃsthaṃ gomayaṃ grāhyaṃ sthāne vā patitaṃ śubhe |
uparyadhaśca santyajya pratyagraṃ jantuvarjitam || 4-32 ||

vastrapūtena toyena yaḥ kuryādupalepanam |
paśyan pariharan jantūn cāndrāyaṇaphalaṃ labhet || 4-33 ||

* * * tsarvakāryāṇi vastrapūtena vāriṇā |
sa muniḥ sa mahāsādhuḥ sa yogī sa śivaṃ vrajet || 4-34 ||

kṣaranti sarvadānāni yajñahomabalikriyāḥ |
na tu kṣarairmahādānaṃ abhayaṃ sarvadehinām || 4-35 ||

nairantaryeṇa yaḥ kuryāt pakṣaṃ saṃmārjanāñjanam |
yugakoṭiśataṃ divyaṃ rudraloke mahīyate || 4-36 ||

tasyānte ca caturvedī svarūpaḥ priyadarśanaḥ |
āḍhyassarvaguṇopetaḥ rājā bhavati dhārmikaḥ || 4-37 ||

saṃparkeṇāpi yaḥ kuryāt naraḥ karma śivālaye |
sopi dehatrayāt jñānaṃ prāpya śāntimavāpnuyāt || 4-38 ||

p. 23 (49)

rudradehaṃ nirākurvan kiñcit jñānamavāpnuyāt |
kaścideva tu medinyāṃ labdhvā jñānaṃ vimucyate || 4-39 ||

tāvadbhramanti saṃsāre duḥkhaśokapariplutāḥ |
na bhavanti śive bhaktā yāvat sarvepi dehinaḥ || 4-40 ||

samāsaktaṃ yathācittu jantorviṣayagocare |
yadi nāma śivepyevaṃ ko na mucyeta bandhanāt || 4-40 ||

yaḥ kuryāt kuṭṭimāṃ bhūmiṃ darpaṇodarasannibhām |
nānāvastravicitrāñca vicitrakusumojvalām || 4-42 ||

kvacitkalaśavinyastāṃ paṃkajādyupaśobhitām |
maronamāṃ ca saṃ samāṃ śivāyatanasaṃśrayām || 4-43 ||

yāvaddaṇḍā bhavedbhūmiḥ mīyamānā samantataḥ |
tāvadyugasahasrāṇi śivaloke mahīyate || 4-44 ||

sudhāvaliptaṃ yaḥ kuryāt sarvayatnaiśśivālayam |
tāvatpuṇyaṃ labhet sopi yāvadā yatane kṛte || 4-45 ||

pratyabdaṃ yaśca kurvīta śaṃbhorāyatanaṃ budhaḥ |
dhavalaḥ kṣīrasudhayā yathāśobhañca varṇakaiḥ || 4-46 ||

yāvantyabdāni kurute dhavalantacchivālayam |
tāvadyaṅgasahasrāṇi rudraloke mahīyate || 4-47 ||

kārayeccitraśāstrajñaiḥ yatnāt citraṃ śivālaye |
rudrāvatārakrīḍādyaiḥ prayogairāgamoditaiḥ || 4-48 ||

p. 24(50) yāvanti rudrarūpāṇi surūpāṇyatra lekhayet |
tāvadyugasahasrāṇi rudraloke mahīyate || 4-49 ||

khaṇḍasphuṭitasaṃskāraṃ yaḥ kurvīta śivālaye |
ārāmāvasitaṃ cāpi labhate laukikaṃ phalam || 4-50 ||

nāsti rudrasamo devaḥ nāsti rudrasamo guruḥ |
nāsti rudrasamaṃ jñānaṃ nāsti rudrasamaṃ tapaḥ || 4-51 ||

nirddhūtāmaladehāya svabhāvāmalamūrtaye |
sitabhasmāṃgarāgāya deveśāya namostu te || 4-52 ||

nīlakaṇṭhāya śarvāya jayāya sitamūrtaye |
bahurūpāya kāntāya śāśvatāya namostu te || 4-53 ||

parāya parameśāya sarvajñāya namostu te |
atītaguṇasaṃghāya viśveśāya namostu te || 4-54 ||

mahābhogīndrahārāya piṅgalocanacārave |
vicitracaritāḍhyāya anantāya namostu te || 4-55 ||

sarvapraṇatadehāya svayamapraṇatātmane |
pūjyānāmapi pūjyāyāpyanāthāya namostu te || 4-56 ||

brahmendraviṣṇuvandyāya utpattisthiti hetave |
bhuktimuktipradānāya saṃyatāya namostu te || 4-57 ||

vāmāya vāmarūpāya vāmācārāvibhāvine |
vāmakāntārdhadehāyāpyanantāya namostu te || 4-58 ||

p. 25 (51)

ya idaṃ kīrtayetpuṇyaṃ prasādādhyāyamuttamam |
sarvapāpavinirmuktaḥ śivasāyujyamāpnuyāt || 4-59 ||

iti śrīśaivaśāstre śivadharmottare śivāyatanakathanannāma 
caturthodhyāyaḥ ||




p. 26(52)

śrīḥ

atha pañcamodhyāyaḥ

śrīnandikeśvaraḥ 

liṅgamūrteḥ maheśasya śivasya parameṣṭhinaḥ |
snānakāle prakurvīta jayaśabdādimaṅgalam || 5-1 ||

triśūlavajraśaṃkhābja śrīvatsasvastikādibhiḥ |
hemaraupyādipātreṣu kalpitaiḥ gomayādibhiḥ || 5-2 ||

nānāvarṇaikasaṃyuktaiḥ akṣataistilataṇḍulaiḥ |
siddhārthadadhisammiśraiḥ yathā śobhañcapūritaiḥ || 5-3 ||

darjaiḥ piṣṭapradīpādyaiḥ cūtāśvatthādipallavaiḥ |
oṣadhībhiśca medhyābhiḥ sarvabījairyavāṃkuraiḥ || 5-4 ||

aṣṭamyādiṣu sarveṣu divaseṣutsaveṣu ca |
sarvakāleṣu puṇyeṣu puṇye poṣasya parvaṇi || 5-5 ||

śaṃkhabheryādibhirghoṣaiḥ mahadbhirgeyasaṃyutaiḥ |
kuryānnīrājanaṃ liṅge śivamuddiśya maṅgalam || 5-6 ||

yāvatparvāṇi vidhivat kuryānnīrājanaṃ śive |
tāvadyugasahasrāṇi rudraloke mahīyate || 5-7 ||

snānakāle trisandhyāsu yaḥ kuryādgeyavādanam |
nāṭyaṃ vā mukhavādyaṃ vā tasya puṇyaphalaṃ śṛṇu || 5-8 ||

yāvantyabdāni kurute geyanṛttādivādanam |

p. 27(53) 

tāvadyugasahasrāṇi rudraloke mahīyate || 5-9 ||

kapilāpañcagavyena kuśavāriyutena ca |
snāpayenmantrapūtena brahmasnānaṃ hi tat smṛtam || 5-10 ||

ekāhamapi yo liṅge brahmasnānaṃ samācaret |
vidhūya * * pāpāni śivaloke mahīyate || 5-11 ||

kapilāpañcagavyena dadhikṣīra ghṛtena ca |
snānaṃ śataguṇaṃ jñeyamitarasmānnasaṃśayaḥ || 5-12 ||

devāgnikāryamuddiśya dehaśudhyai ca śāśvatīm |
kapilāmaharettasmāt munidevādivanditām || 5-13 ||

kāpilaṃ yaḥ pibet śūdro devakāryocitaṃ payaḥ |
sa pacyate mahāghore suciraṃ narakārṇave || 5-14 ||

varṣakoṭisahasraistu yatpāpaṃ samupārjitam |
ghṛtābhyaṃgena liṅgasya dahetsarvaṃ na saṃśayaḥ || 5-15 ||

kalpakoṭisahasraistu yatpāpaṃ samupārjitam |
ghṛtasnānena tatsarvaṃ dahatyagnirivendhanam || 5-16 ||

kṛṣṇāṣṭamyāṃ ghṛtasnānaṃ kṛtvā liṅge sakṛnnaraḥ |
kulaikaviṃśamuddhṛtya śivaloke mahīyate || 5-17 ||

ayutaṃ yogavāndadyāt dogdhrīṇāṃ vedapārage |
vastrahemādi yuktāṃgāṃ ghṛtasnānena tatphalam || 5-18 ||

sakṛdāḍhakadugdhena yo liṅgaṃ snāpayennaraḥ |

p. 28(54) 

rājatena vimānena somaloke mahīyate || 5-19 ||

snāpya dadhnā sakṛlliṅgaṃ sadbhaktyā tu yathā naraḥ |
sarvapāpavinirmuktaḥ viṣṇulokaṃ sa gacchati || 5-20 ||

madhunā snāpayelliṅgaṃ sakṛdbhaktyā tu yo naraḥ |
sarvapāpavinirmukto vahniloke mahīyate || 5-21 ||

snāpayettilatailena hastayantrodbhavena ca |
śvetapiṣṭānuliptena vāyuloke mahīyate || 5-22 ||

snānamikṣurasenāpi yo liṅge sakṛdācaret |
labhedvaidyādharaṃ lokaṃ sarvakāmasamanvitam || 5-23 ||

phalodakena yo liṅgaṃ tadbhaktyā snāpayennaraḥ |
utsṛjyapāpakalilaṃ pitṛloke mahīyate || 5-24 ||

sitena bhasmanā snāpya sakṛlliṅgaṃ pramodate |
candrāṃśu nirmalaśśrīmānnivavatsomamaṇḍale || 5-25 ||

vastrapūtena toyena yo liṅgaṃ snāpayetsakṛt |
sarvakāmasutṛptātmā vāruṇaṃ lokamāpnuyāt || 5-26 ||

kuśatoyena yo liṅgaṃ bhaktitaḥ snāpayetsakṛt |
kāñcanena vimānena brahmaloke mahīyate || 5-27 ||

gandhacandanatoyena snāpayetsakṛdīśvaram |
gandharvalokamāpnoti gandharvaiśca sa pūjyate || 5-28 ||

puṣpodakena sāvitraṃ kauberaṃ hemavāriṇā |

p. 29(55) 

ratnodakena māhendraṃ lokaṃ saṃprāpya modate || 5-29 ||

pāṭalotpalapadmāni karavīrāṇi sarvadā |
snānatoyeṣu yojyāni snigdhāni surabhīṇi ca || 5-30 ||

evamekatamaṃ snānaṃ yaḥ kuryādbhaktitaḥ śive |
vidhūtapāpakalilaḥ śivaloke mahīyate || 5-31 ||

mantrāṣṭaśatajaptena yo liṅgaṃ snāpayetsakṛt |
karpūrāgarutoyena yo liṅgaṃ snāpayetsakṛt || 5-32 ||

sarvapāpavinirmuktaḥ śivaloke mahīyate |
mantrāṣṭaśatajaptena vimalenāmbhasā śivam || 5-33 ||

snāpayitvā sakṛdbhaktyā śivaloke mahīyate |
snāpya liṅgaṃ sakṛdbhaktyā kṛṣṇāṣṭamyāmupoṣitaḥ || 5-34 ||

kulaikaviṃśamuddhṛtya śivaloke mahīyate |
pitṝnuddiśya yo liṅgaṃ snāpayecchīvavāriṇā || 5-35 ||

tṛptāḥ svargaṃ prayāsyanti pitaro narakādapi |
liṅgaṃ śītāṃbunāsnāpya dhāroṣṇapayasā tathā || 5-36 ||

snāpayitvā ghṛtasnānaṃ kṛtameva viśiṣyate |
etatsnānatrayaṃ kṛtvā pūjayitvā tu bhaktitaḥ || 5-37 ||

aśvamedhasahasrasya phalaṃ prāpnoti mānavaḥ |
mṛtkuṃbhāttāmrakuṃbhena snānaṃ śataguṇottaram || 5-38 ||

raupyāllakṣottaraṃ puṇyaṃ haimātkoṭyadhikaṃ phalam |

p. 30(56)

liṅgasya darśanaṃ puṇyaṃ darśanāt sparśanaṃ śubham || 5-39 ||

sparśanādarcanaṃ śreṣṭhaṃ ghṛtasnānamataḥ param |
ihāmutra kṛtaṃ pāpaṃ ghṛtasnānena dehinām || 5-40 ||

kṣipate śaṃkaro yasmāt tasmātsnānaṃ samācaret |
daśāparādhaṃ toyena kṣīreṇa tu śataṃ tathā || 5-41 ||

sahasraṃ kvimate dadhnā ghṛtenāpyayutantathā |
madhunā nāśayellakṣamikṣuṇā daśalakṣakam || 5-42 ||

nālikerodalaiḥ koṭiṃ gandhatoyairanantakam |
śivaṃ nairantaryeṇa yo māsaṃ ghṛtasnānaṃ samācaret || 5-43 ||

ekaviṃśakulopetaḥ krīḍate divi rudravat |
snānaṃ śataphalaṃ jñeyamabhyaṃgaṃ pañcaviṃśatiḥ || 5-44 ||

phalānāntu sahasrantu mahāsnānaṃ prakīrtitam |
tailābhyaṅgyaghṛtasnāne liṅgaṃ yatnādvirūpa * * || 5-45 ||

yavagodhūmajaiḥ piṣṭaiḥ tasya puṇyaphalaṃ śṛṇu |
cāmarāsaktahastāgra divyastrīparivāritaḥ || 5-46 ||

mahābhogavimānasthaṃ ciraṃ śivapuraṃ vrajet |
ityarcanāprakāreṇa anantaṃ puṇya * * * || 5-47 ||

sanatkumāraḥ

puṣpaiḥ katividhaiḥ pūjā kartavyā kathayasva me |

p. 31(57)

nandikeśvaraḥ 

puṣpairāraṇḍasaṃbhūtaiḥ patrairvā girisaṃbhavaiḥ || 5-48 ||

aparyuṣitaniśchidraiḥ prokṣitaiḥ jantuvarjitaiḥ |
ātmārāmodbhavairvāpi puṣpaissaṃpūjayecchivam || 5-49 ||

puṣpajātiviśeṣeṣu bhavetpuṇyaṃ natodhikam |
tataḥ śīlaguṇopetaḥ pātre vedasya pārage || 5-50 ||

daśadatvā suvarṇāni tatphalaṃ pūjite śive |
evamarkaprasūnaṃ vā yaśśivāya nivedayet || 5-51 ||

daśadatvā suvarṇāni yatphalaṃ tadavāpnuyāt |
evaṃ puṣpaviśeṣeṇa phalantasya tatodhikam || 5-52 ||

jñeyaṃ puṣpāntaraṃ yena yathā syāttannivodhata |
arkapuṣpasahasrebhyaḥ karavīraṃ viśiṣyate || 5-53 ||

karavīrasahasrebhyo jātipuṣpaṃ viśiṣyate |
jātipuṣpasahasrebhyaḥ padmamekaṃ viśiṣyate || 5-54 ||

padmapuṣpasahasrebhyaḥ bakapuṣpaṃ viśiṣyate |
bakapuṣpasahasrebhya ekaṃ dhurdhūrakaṃ varam || 5-55 ||

dhurdhūrakasahasrebhyaḥ bṛhatpuṣpaṃ viśiṣyate |
bṛhatpuṣpasahasrebhyaḥ droṇapuṣpaṃ viśiṣyate || 5-56 ||

droṇapuṣpasahasrebhyaḥ apāmārgaṃ viśiṣyate |
apāmārgasahasrebhyaḥ kuśapuṣpaṃ viśiṣyate || 5-57 ||

p. 32 (58)

kuśapuṣpasahasrebhyaḥ śamīpuṣpaṃ viśiṣyate |
śamīpuṣpasahasrebhyaḥ śrīmannīlotpalaṃ varam || 5-58 ||

sarveṣāmeva jātīnāṃ pravarannīlamutpalam |
nīlotpalasahasrebhyaḥ bilvapatraṃ viśiṣyate || 5-59 ||

śivapriyataraṃ patraṃ bilvapatrānna vidyate |
* padārūpapatrāṇi triṇetrātipriyāṇi ca || 5-60 ||

praṇavavarṇasvarūpāṇi trikālajñānadāni ca |
trilokajayakārīṇi trividhāghaharāṇi ca || 5-61 ||

amṛtena śriyā caiva sahotpannāni sāgare |
dalatrayeṇārcayitvā śriyaṃ muktiñca vindati || 5-62 ||

patrapuṣpasahasrebhyo bhaktirekāviśiṣyate |
śivāya vidhivadbhaktyā tasya puṇyaphalaṃ śṛṇu || 5-63 ||

kalpakoṭisahasrāṇi kalpakoṭiśatāni ca |
vasecchivapure śrīmān śivatulyaparākramaḥ || 5-64 ||

śeṣāṇāṃ puṣpajātīnāṃ tatphalaṃ parikīrtitam |
tatphalasyānusāreṇa śivaloke mahīyate || 5-65 ||

śamyāścaiva bṛhatyāśca kusumantulyamucyate |
sarvapuṣpasamā dūrvā droṇabilvaissahārca yet || 5-66 ||

karavīrasamājñeyā jātī kuṭajapāṭalāḥ |
śvetamandārakusumaṃ sitapadmasamaṃ bhavet || 5-67 ||

p. 38 (59)

nāgacaṃpakapunnāga ghurghurakasamā smṛtāḥ |
ketakī cātimuktāśca kundayūthimadantikā || 5-68 ||

śirīṣasajjabandhūka kusumāni vivarjayet |
vāgucīkusumaṃ patraṃ karañjendratarūdbhavam || 5-69 ||

vaibhītakāni patrāṇi tatpuṣpāṇi vivarjjayet |
nirgandhānyugragandhāni yāni kāni vivarjayet || 5-70 ||

gandhavanti pavitrāṇi kusumāni na varjayet |
gandhahīnamapi grāhyaṃ pavitraṃ yatkuśādivat || 5-71 ||

nirgandhakusume prītiḥ nirguṇasya śivasya tu |
sātvikantaddhikusumaṃ pavitraṃ caiva tāmasam || 5-72 ||

kānanāni kadambāni rātrau deyāni śaṅkare |
divāśeṣāṇi puṣpāṇi divārātrau ca mallikā || 5-73 ||

praharantiṣṭhate jātiḥ karavīramaharniśam |
karavīre sthitaśśaṃbhuḥ trirātraṃ karavīrakam || 5-74 ||

bilvaṃ trimāsaṃ māsārdhaṃ daśatridinameva vā |
atipriyatvācchivayoramṛtadrumasaṃbhavāt || 5-75 ||

aparyuṣitadoṣatvāt śive yojyaṃ mumukṣubhiḥ |
keśakīṭāpaviddhāni jīrṇaparyuṣitāni ca || 5-76 ||

svayañca patitaiḥ cūrṇaiḥ kaṣāyaiḥ gandhayojitaiḥ |
sukhoṣṇenāmbunāvāhya snāpayettadanantaram || 5-77 ||

p. 34 (60)

varṣayedbilvapatraiśca tadvatpīṭhaṃ viśodhayet |
daśadhenusahasrāṇi yaddatvā labhate phalam || 5-78 ||

tatphalaṃ labhate martyo liṅgasyodvartane kṛte |
arghyaṃ puṣpaṃ jalopetaṃ yaśśivāya nivedayet || 5-79 ||

sa pūjyassarvalokeṣu śivavanmodate ciram |
gandhodakena sammiśramudakārghyāddaśottaram || 5-80 ||

pañcagavyasamāyuktamarghyandaśaguṇaṃ bhavet |
arghyamaṣṭāṅgamāpūrya liṅgamūrdhni nivedayet || 5-81 ||

daśavarṣasahasrāṇi rudraloke mahīyate |
āpaḥ kṣīraṃ kuśāgrāṇi dadhnājyena ca taṇḍulaiḥ || 5-82 ||

tilaissiddhārthakaiścaivamarghyā aṣṭau prakīrtitāḥ |
dāraveṇārghyapātreṇa yaddatvā labhate phalam || 5-83 ||

* * * * taguṇañcaiva mṛtpātreṇa prakīrtitam |
tāmrapātrārghyadānena puṇyaṃ śataguṇottaram || 5-84 ||

palāśapadmapatrābhyāṃ tāmrapātrasamaṃ bhavet |
raupya * * jñeyaṃ arghyaṃ lakṣottaraṃ bhavet || 5-85 ||

suvarṇapātravinyastamarghyaṃ koṭiguṇottaram |
evaṃ snānārghyanaivedyabalidhūpādibhiḥ kramāt || 5-86 ||

pātrāntaraviśeṣeṇa tatphalannottarottaram |
raupyapātrapradānena yatphalaṃ vedapārage || 5-87 ||

p. 35(61)

tasmācchataguṇaṃ puṇyaṃ śive mṛtpātradānataḥ |
hemapātrantu yaddatvā puṇyaṃ syādvedapārage || 5-88 ||

tāmrapātrapradānena tasmācchataguṇaṃ śive |
phalakoṭiṃ suvarṇasya yo dadyādvedapārage || 5-89 ||

śivasyaraupyapātreṇa tasya puṇyantatodhikam |
hemapātrantu yo bhaktyā śivāya vinivedayet || 5-90 ||

na tasya śakyate vaktuṃ puṇyānāmantamākhilam |
tulyameva phalaṃ proktaṃ śivecāḍhyadaridrayoḥ || 5-91 ||

tayorapyadhikantasya yaśśive bhāvanādhikaḥ |
vibhave sati yo mohāt na kuryādvidhivistaram || 5-92 ||

naiva tatphalamāpnoti pralobhākrāntamānasaḥ |
tasmātpatraiḥ phalaistoyaiḥ evamādyaiśca yatkṛtam || 5-93 ||

tadanantaphalaṃ jñeyaṃ bhaktirevātrakāraṇam |
liṅgasyālepanaṃ kuryāt divyagandhaissugandhibhiḥ || 5-94 ||

varṣakoṭiśataṃ divyaṃ rudraloke mahīyate |
gandhānulepanātpuṇyaṃ dviguṇaṃ candanasya tu || 5-95 ||

candanādagarorjñeyaṃ puṇyamaṣṭaguṇādhikam |
kṛṣṇāgarorviśeṣeṇa dviguṇaṃ phalamiṣyate || 5-96 ||

tasmācchataguṇaṃ puṇyaṃ kuṅkumasya vidhīyate |
candanāgarukarpūraiḥ ślakṣnapiṣṭaissakuṃkumaiḥ || 5-97 ||

p. 36(62)

liṅgaṃ paryāptamālipya kalpakoṭiṃ vaseddivi |
saṃvījya tālavṛntena liṅgaṃ gandhaiḥ pralepitam || 5-98 ||

varṣakoṭisahasrāṇi vāyulokemahīyate |
bhaktyā nivedyarudrāya tālavṛntaṃ suśobhanam || 5-99 ||

daśavarṣasahasrāṇi rudraloke mahīyate |
māyūravyajanandatvā śivāyātīva śobhanam || 5-100 ||

varṣakoṭiśataṃ puṇyaṃ rudraloke mahīyate |
śivāyacāmaraṃ dadyāt vṛṇidaṇḍavibhūṣitam || 5-101 ||

hemaraupyādidaṇḍaṃ vā tasya puṇyaphalaṃ śṛṇu |
pūjāsuśaṃbhoḥ puṣpāṇi tyajedupahitāni ca || 5-102 ||

mukulairnārcayeddevaṃ apakvānnaṃ na nivedayet |
phalaṃ kauśikaviddhaṃ ca yatnātpakvamapi tyajet || 5-103 ||

alābhena tu puṣpāṇāṃ patrāṇyapi nivedayet |
patrāṇāmapyabhāvena dūrvādroṇatilākṣatān || 5-104 ||

dūrvādroṇatilābhāve phalānyapi nivedayet |
phalānāmapyabhāvena tṛṇagulmauṣadhīrapi || 5-105 ||

oṣadhīnāmabhāvena bhaktyā bhavati pūjitaḥ |
pratyekammuktapuṣpeṣu daśasauvarṇakaṃ phalam || 5-106 ||

sragvidhāneṣu teṣveva dviguṇaṃ phalamiṣyate |
yassugandhairmuktapuṣpaiḥ samyagliṅgaṃ prapūjayet || 5-107 ||

p. 37(63)

mālābhirvā sugandhābhiḥ sonantaphalamāpnuyāt |
bilvapatrairakhaṇḍaiśca sakṛlliṅgaṃ prapūjayet || 5-108 ||

sarvapāpavinirmuktaḥ śivaloke mahīyate |
ghurghurakaiśca yo liṅgaṃ sakṛtpūjayate naraḥ || 5-109 ||

sagolakṣaphalaṃ prāpya śivaloke mahīyate |
bṛhatīkusumairbhaktyā yo liṅgaṃ sakṛdarcayet || 5-110 ||

gavāmayutadānasya phalaṃ prāpya śivaṃ vrajet |
mallikotpalapadmāni jātīpunnāmacaṃpakaiḥ || 5-111 ||

aśokaśvetamandārakarṇikārabakāni ca |
karavīrārkamandāraśamītagarakesaram || 5-112 ||

kuśāpāmārgakusumaiḥ kadambadroṇajairapi |
saugandhikāsanāgastyasinduśephālikārjunaiḥ || 5-113 ||

tulasīkuravāṃ kolanāgavañculasaṃbhavaiḥ |
nandyāvartāśca śamyākatilakastena mālikā || 5-114 ||

anyaissugandhibhiḥ patraiḥ grāmāraṇyasamudbhavaiḥ |
puṣpairapi yathālābhaṃ yonaraḥ pūjayecchivam || 5-115 ||

sa ca yatphalamāpnoti tadekāgramanāḥ śṛṇu |
sūryakoṭipratīkāśaiḥ vimānaissārvagāmikaiḥ || 5-116 ||

puṣpamālāparikṣiptaiḥ gītavāditranāditaiḥ |
tantrīmadhuravādyaiśca svacchandagamanālasaiḥ || 5-117 ||

p. 38(64) 

rudrakanyāsamākīrṇaiḥ devadānavadurlabhaiḥ |
dhodhūyamānaiścamaraiḥ stūyamānaissurāsuraiḥ || 5-118 ||

gacchecchivapurandivyaṃ yatra vā ruciraṃ bhavet |
yaistairvāpīha kusumaiḥ jalasthalaruhaiśśivam || 5-119 ||

saṃpūjya prokṣitairbhaktyā śivaloke mahīyate |
śivasyopari yaḥ kuryāt sughanaṃ puṣpamaṇṭapam || 5-120 ||

śobhitaṃ puṣpasragdāmaiḥ āpīṭhāntapralambitaiḥ |
anyāścaryairmahāyānaiḥ divyapuṣpopaśobhitaiḥ || 5-121 ||

sarvopakaraṇaḥ śrīmān gacchecchivapuraṃ sukhī |
anekākāravinyasta sugandhakusumairgṛham || 5-122 ||

yaḥ kuryātparvakāleṣu vicitrakusumojjvalam |
sapuṣpaikavimānādi sahasraiḥ parivāritaiḥ || 5-123 ||

divyastrī sukhasaṃbhogaiḥ krīḍāratisamanvitaiḥ |
akṣayammodate kālamitarākṛtaśāsanaḥ || 5-124 ||

śivādisarvalokeṣu yatheṣṭhaṃ tatra yāti saḥ |
pūjādibhaktivinyāsaracanādi viśeṣataḥ || 5-125 ||

phalamevaṃ samāsena jñeyaṃ vittānusārataḥ |
mālābhirveṣṭayedvediṃ liṅgaṃ saṃpūjayettataḥ || 5-126 ||

śivo devyā saputrastu tadabhyāsena modate |
liṅgavedī bhaveddevī liṅgaṃ sākṣānmaheśvaraḥ || 5-127 ||

p. 39(65)

bhavet saṃpūjanāt tābhyāṃ devī devaśca pūjitau |
svayamutpādya puṣpāṇi yaśśivaṃ samyagarcayet || 5-128 ||

tāni sākṣātpragṛhṇāti tadbhaktyā satataṃ śivaṃ |
yaḥ kuryācca śivārāmamāmrabilvādiśobhitam || 5-129 ||

jātīvijayarājārkakaravīrābjakubjakaiḥ |
punnāganāgavakulaiḥ aśokotpalacaṃpakaiḥ || 5-130 ||

kadalī hemayūthādyaiḥ tasya puṇyaphalaṃ śṛṇu |
yāvat tat patrakusumaṃ bījāṅkuraphalāni ca || 5-131 ||

tāvadvarṣasahasrāṇi rudraloke mahīyate |
lākṣāpāṇyaṅganirmuktāṃ dhūpāṃ dadyātsakṛcchive || 5-132 ||

caturvedī bhavejjanma prāpnoti satataṃ sukhī |
kṛṣṇāgarusakarpūraṃ dhūpaṃ dadyānmaheśvare || 5-133 ||

nairantaryeṇa māsārdhaṃ tasya puṇyaphalaṃ śṛṇu |
kalpakoṭisahasrāṇi kalpakoṭiśatāni ca || 5-134 ||

bhuktvā śivapure bhogān tasyānte tu mahīpatiḥ |
gulguluṃ ghṛtasaṃyuktaṃ sākṣādgṛhṇāti śaṅkaraḥ || 5-135 ||

māṣārdhadānamātreṇa śivaloke mahīyate |
śivātkṛṣṇacaturdaśyāṃ yassājyaṃ gulguluṃ dahet || 5-136 ||

aparādhasahasrāṇi kṣamate tasya śaṅkaraḥ |
devadārunnameruñca sarjanīryāsakundurum || 5-137 ||

p. 40(66)

śrīphalañcājyasammiśraṃ dagdhvāpnoti parāṃ śriyam |
ebhissugandhakairdhūpaṃ ṣaṭsahasraguṇottaram || 5-138 ||

agaruṃ daśasāhasraṃ dviguṇañcāsitāgarum |
gulguluṃ daśasāhasraṃ saghṛtaṃ dviguṇaṃ bhavet || 5-139 ||

priyañca gulguluṃ nityaṃ ājyayuktaṃ viśeṣataḥ |
dvisahasraphalānāntu māhiṣākṣasya gulguloḥ || 5-140 ||

dagdhvābdamājyamiśrasya śivatulyaḥ prajāyate |
agaruṃ ghṛtasaṃyuktaṃ dagdhvā bilvamathāpi vā || 5-141 ||

agniṣṭomasya yajñasya phalaṃ prāpnoti mānavaḥ |
śodhayetpāpasaṃyuktān puruṣānnātra saṃśayaḥ || 5-142 ||

kṛṣṇāgarudbhavo dhūpaḥ tuṣāgnirivakāñcanam |
yontaśśivapuraṃ bhaktissusugandhaiḥ pralepayet || 5-143 ||

kavāṭadvārakuḍyāntaṃ tiryagūrdhvaṃ savedikam |
vāsayetpuṣpamālābhiḥ dhūpaiścāpi viśeṣataḥ || 5-144 ||

yaḥ kuryātsakṛdapyevaṃ puṇyaṃ tadavadhāraya |
sarvakāmasusaṃpūrṇā mahāyānaissahasraśaḥ || 5-145 ||

āpūrayan diśassarvā āmodaiśca sugandhibhiḥ |
kalpakoṭiśataṃ divyaṃ śivaloke mahīyate || 5-146 ||

tasyānte dharmaśeṣeṇa trailokyādhipatirbhavet |
ṛtāmṛtau tu yaḥ kuryāt divyagandhaiśśivālayam || 5-147 ||

p. 41(67) 

sa samastakulopetaḥ śivaloke mahīyate |
kṛṣṇaṃ pītaṃ ca śuklaṃ ca paṭṭasūtrādinirmitam || 5-148 ||

yajñopavītaṃ rudrāya datvā vedāntago bhavet |
vāsāṃsisuvicitrāṇi sāravanti mṛdūni ca || 5-149 ||

sūcitāni śivedadyāt vikośāni navāni ca |
yāvattu vastratantūnāṃ parimāṇaṃ vidhīyate || 5-150 ||

tāvadvarṣasahasrāṇi rudraloke mahīyate |
truṭimātraṃ tu yo dadyāt hemaliṅga * * * || 5-151 ||

indrasyādhyāsanaṃ tāvat yāva * * * śa |
evaṃ vittānusāreṇa phalaṃ jñeyaṃ samāsataḥ || 5-152 ||

sarveṣāṃ hemapātrāṇāṃ makuṭānāṃ ca sarvaśaḥ |
yorkapatrapuṭaṃ puṇyaṃ madhuparkeṇamantritam || 5-153 ||

nivedayīta śarvāya sośvamedhaphalaṃ labhet |
śālikantaṇḍulaprasthaṃ kuryādannaṃ susaṃskṛtam || 5-154 ||

śivāya tacchiraṃ dadyāt caturdaśyāṃ viśeṣataḥ |
hāridraṃ kṛsaraṃ śakyaṃ pāyasaṃ yāvakaṃ tathā || 5-155 ||

gulakhaṇḍaiśca sammiśraṃ naivedyaṃ cetsukalpitam |
yāvantaṇḍulāstasmin naivedye parisaṃkhyayā || 5-156 ||

tāvadyugasahasrāṇi rudraloke mahīyate |
gulakhaṇḍakṛtānāṃ ca bhakṣyāṇāṃ vinivedane || 5-157 ||

p. 42(68) 

ghṛtena pācitānāṃ syādanācchataguṇaṃ phalam |
majūnāṃ pātakānāṃ ca bhakṣyāda * * phalaṃ smṛtam || 5-158 ||

tadardhaṃ salilasyāpi vāsitasya nivedane |
mātulaṃgaphalādyāni supakvāni nivedayet || 5-159 ||

śivāya tatphalaṃ tasya yadbhakṣyāṇānnivedane |
pañcasaugandhikopetaṃ yastāṃbūlannivedayet || 5-160 ||

śivāya gurave caiva tasya puṇyaphalaṃ śṛṇu |
sugandhadehastejasvī sarvāvayavasundaraḥ || 5-161 ||

varṣakoṭiśataṃ divyaṃ śivalokemahīyate |
ghṛtadīpapradānena śivāya śatayojanam || 5-162 ||

laṃghayitvā tamo yānti vimānaissūryasaprabhaiḥ |
yaḥ kuryātkṛttikāmāse śobhanāndīpamālikām || 5-163 ||

ghṛtena vai caturdaśyāṃ pauṇamāsyāmathāpi vā |
sūryāyutapratīkāśastejasā bhāsayandiśaḥ || 5-164 ||

tejorāśivimānasthaḥ kulamuddhṛtya sarvaśaḥ |
yāvatpradīpasaṃkhyānaṃ ghṛtenāpūrya bodhitam || 5-165 ||

tāvadyugasahasrāṇi rudraloke mahīyate |
dīpaṃ vākṣaṃ samuddhṛtya lohamuccaṃ śivālaye || 5-166 ||

pūrvasmāddviguṇaṃ puṇyaṃ labhate nātra saṃśayaḥ |
śirasā dhārayeddīpaṃ divārātraṃ śivāgrataḥ || 5-167 ||

p. 43(69)

lalāṭe vātha hastābhyāmudyuktaśca tathorasi |
sūryāyutapratīkāśaiḥ vimānaiḥ sārvagāmikaiḥ || 5-168 ||

kalpāyutaśataṃ divyaṃ rudraloke mahīyate |
śivasya purato dadyāt svacchannirmitadarpaṇam || 5-169 ||

paryantaśobhitaṃ kṛtvā śvetamālyaissa candanaiḥ |
candrāṃśunirmalaḥ śrīmān subhagaḥ kāmarūpadhṛk || 5-170 ||

kalpāyutasahasrāṇi rudraloke mahīyate |
kṛtvā pradakṣiṇaṃ bhaktyā śivasyobhayadhā naraḥ || 5-171 ||

aśvamedhasahasrasya sukhena labhate phalam |
namaskārasmṛtiryajñaḥ sarvayajñottamaḥ śubhaḥ || 5-172 ||

namaskṛtvā mahādevaṃ aśvamedhaphalaṃ labhet |
praṇamya daṇḍavadbhūmau namaskāreṇa yorcayet || 5-173 ||

sa ca yāṃ gatimāpnoti na tāṃ yajñaśatairapi |
sarvayajñopavāseṣu sarvatīrtheṣu yatphalam || 5-174 ||

stutijapyopahāreṇa śive tatphalamāpnuyāt |
śvetammahadhvajandadyāt kṛtvā vā pañcaraṅgikam || 5-175 ||

kiṅkiṇīkhakopetaṃ māyūrachatraśobhitam |
sarvagena vimānena sarvadevopari sthitaḥ || 5-176 ||

manvantarasahasraikaṃ modate divi rudravat |

p. 44(70) 

dhvajaṃ chatraṃ vimānāni digvidikṣu prakalpate || 5-177 ||

mahādhvajāṣṭakañcāpi digvidikṣuprakalpate |
savimānasahasreṇa divyadhvajasuśobhinā || 5-178 ||

kalpāyutaśataṃ divyaṃ modate divi rudravat |
śraccandrāṃśuvimalaṃ muktājālopaśobhitam || 5-179 ||

maṇidaṇḍamayañchatraṃ dadyādvā kāñcanāñcitam |
chatreṇa suvicitreṇa dhāryamāṇena śobhinā || 5-180 ||

vimānaśatasaṃbhogaiḥ ciraṃ śivapuraṃ vrajet |
yadicedrājyamākāṃkṣet sadehīkālaparyayāt || 5-181 ||

bhuṅkte samudraparyantāṃ ekachatrāṃ vasundharām |
ayaśśṛṃkhalayā yuktāṃ mahāghaṇṭāṃ mahāsvanām || 5-182 ||

kāṃsalohamayīṃ vāpi badhnīyādvai śivālaye |
ghaṇṭākarṇagaṇaḥ śrīmān śivasyātīva vallabhaḥ || 5-183 ||

śivatulyavalopetaḥ śivaloke mahīyate |
bherīmṛdaṅgamukhantimilāpaṭahādikam || 5-184 ||

vaṃśakāṃsyādivāditraṃ yaśśivāya nivedayet |
sa vimānairmihābhogaiḥ vaṃśavīṇākṛtasvanaiḥ || 5-185 ||

yugāyutaśataṃ divyaṃ śivaloke mahīyate |
strīsaṅgītadānena nāṭyenaiva viśeṣataḥ || 5-186 ||

yatheṣṭamaiśvare loke modate kālamakṣayam |

p. 45(71)

mahāmahāsvanandatvā śaṅkhayugmaṃ śivālaye || 5-187 ||

yugakoṭi * * divyaṃ rudraloke mahīyate |
vitānaṃ pītapadmābhamapyāmalakabhūṣitam || 5-188 ||

vicitramekavarṇaṃ vā navavastropaśobhitam |
kiṅkiṇīkhakopetaṃ kañcukaiścopaśobhitam || 5-189 ||

śivasyopari yo dadyāt puratovāpi kalpayet |
rudravatsarvalokeṣu yugakoṭiṃ sa modate || 5-190 ||

śivasyopari yo dadyāt sarvaratnopaśobhitam |
maṇṭapaṃ mauktikaṃ śrīmān tasya puṇyaphalaṃ śṛṇu || 5-191 ||

koṭikoṭivimānaiśca sarvakāmasamanvitaiḥ |
ābhūtasaṃplavaṃ yāvadāste śivapuraṃ sukhī || 5-192 ||

śarvasyāyatanaṃ kuryāt vastraṃ pūjāsuśobhitam |
dukūlapaṭṭadevāṃkaiḥ vastrairvā varṇakānvitaiḥ || 5-193 ||

vastrādipaṭṭatantūnāṃ parisaṃkhyā tu yāvatī |
tāvadvarṣasahasrāṇi rudraloke mahīyate || 5-194 ||

śivāhutyā jagatsarvaṃ sṛṣṭidvāreṇa dhāryate |
yatsaṃdhāya jagatpuṇyaṃ agnikāryeṇa tadbhavet || 5-195 ||

yaḥ kuryādiṣṭakāgāraṃ rudrāgneratiśobhinam |
sakṛttatrāgnikāryeṇa rudrasāyujyamāpnuyāt || 5-196 ||

śivāgnikāryaṃ yaḥ kṛtvā triyāyuṣamihātmanaḥ |

p. 46(72)

mucyate daśabhiḥ pāpaiḥ śivena sitabhasmanā || 5-197 ||

kṛtvā śivālayaprānte daśamaṇḍalakāni tu |
sarvāśrakāmasaṃyuktaḥ teṣu nityaṃ baliṃ haret || 5-198 ||

puṣpadhūpasamopetāṃ tāmrapātre prakalpayet |
rudramātṛgaṇādānīṃ dikpatīnāṃ ca sarvaśaḥ || 5-199 ||

yaḥ kuryātsakṛdapyevaṃ daśadikṣu balikriyām |
daśavarṣasahasrāṇi rudraloke mahīyate || 5-200 ||

raudraṃ sandhyābaliṃ kṛtvā nityaṃ parvasu vā niśam |
kalpāyutaśataṃ sāgraṃ śivaloke mahīyate || 5-201 ||

dadhibhaktamayaṃ liṅgaṃ hemapātrādisaṃsthitam |
puṣpadūrvācitaṃ bhadraṃ vidhānopariśobhitam || 5-202 ||

śirasā dhārya tatpātraṃ śanairgacchetpradakṣiṇam |
śivāyatanaparyantaṃ śaṃkhabheryādibhisvanaiḥ || 5-203 ||

darpaṇedhvajamālābhiḥ geyanṛttādiśobhitam |
chatracāmaradhūpādyaiḥ yaṣṭidīpādibhistathā || 5-204 ||

taccheṣandadhibhaktena liṅgasya purataḥ sthitaḥ |
puṣpākṣatavimiśreṇa sarvadikṣu baliṃ haret || 5-205 ||

etena mātaro raudrāḥ śivomāṣaṇmukhādayaḥ |
śāntiṃ kurvantu me prītāḥ raudreṇa balinā sadā || 5-206 ||

śivamālyāpanayanaṃ pūjānte tu pramārjanam |

p. 47(73)

ekaikameva tulyaṃ syāt cāndrāyaṇaphalaṃ labhet || 5-207 ||

śivamaṇḍalakaṃ kṛtvā hastamātraṃ śivāgrataḥ |
avakīryākṣataiḥ puṣpaiḥ patrairvāpyatha kevalaiḥ || 5-208 ||

surūpassubhagaśśrīmān tejasvī devavatsukhī |
caturvedī bhavejjanma sakṛtvā labhate naraḥ || 5-209 ||

evaṃ svastikapadmādyaiḥ bhūmiśobhāṃ śivālaye |
kṛtvāvarṇakapiṣṭādyaiḥ labhecchataguṇaṃ phalam || 5-210 ||

śive yajñopakaraṇaṃ datvālpaṃ bahuvā yadi |
sa ca vittānusāreṇa śivaloke mahīyate || 5-211 ||

śivamuddiśya yaddatvā sarvakāraṇakāraṇam |
tadanantaphalandātuḥ bhavatīti kimadbhutam || 5-212 ||

yadyadiṣṭaṃ viśiṣṭaṃ ca nyāyena samupārjitam |
śivāya tannivedyaṃ syāt bhaktyānantaphalārthibhiḥ || 5-213 ||

karmaśāṭhyena yaḥ kuryāt kālenāpi śivālaye |
sopi śāṭhyāddivaṃ yāti karmaṇā pāpavarjitaḥ || 5-214 ||

kūpārāmānnapānādi śivāyatanakarmasu |
upayuktāni bhūtāni khananotpāṭanādiṣu || 5-215 ||

akāmatopi sarvāṇi sthāvarāṇi carāṇi ca |
divaṃ prayāntyasandehāt prabhāvāt parameṣṭhinaḥ || 5-216 ||

liṅgāddhastaśataṃ sāgraṃ śivakṣetraṃ samantatam |

p. 48(74) 

dehināṃ tatraṃ pāścātyaṃ śivasāyujyakāraṇam || 5-217 ||

manujaissthāpitaiḥ liṅgaiḥ kṣetramānamidaṃ smṛtam |
svayaṃ bhūte sahasraṃ syādārṣe caiva tadardhakam || 5-218 ||

pāpācāropi nāmāsmin yasmācchivapuraṃ vrajet |
tasmādāvasathaṃ kuryāt śivakṣetrasamīpataḥ || 5-219 ||

śivaliṅgasamīpasthaṃ yattoyaṃ purataśśuciḥ |
śivagaṅgeti vijñeyā tatra snātvā śivaṃ vrajet || 5-220 ||

yaḥ kuryāddīrghikāṃ vāpiṃ kṛtvā cāpi śivālaye |
trisaptakulasaṃyuktaḥ śivaloke mahīyate || 5-221 ||

sarvamanyatparityajya śivaikāhitamānasaḥ |
śivapūjāvidhiṃ kuryāt yadīcchetsiddhimātmanaḥ || 5-222 ||

tvaritaṃ jīvitaṃ yāti tvaritaṃ yāti yauvanam |
tvaritaṃ vyādhirapyeti tasmātpūjyaḥ sadāśivaḥ || 5-223 ||

yāvanna yāti maraṇaṃ yāvannākramate jarā |
yāvannendriyavaikalyaṃ tāvatpūjayaśaṅkaram || 5-224 ||

na śivārcanatulyosti dharmonyo bhuvanatraye |
iti vijñāya yatnena pūjaye yussadāśivam || 5-225 ||

yo bhaktyā devadeveśaṃ śivaṃ śāntamajaṃ prabhum |
iha loke sukhaṃ prāpya te yānti paramaṃ padam || 5-226 ||

saṃpūjya paśubhartāraṃ viśuddhenāntarātmanā |

p. 49(75)

kṛtāñjalipuṭo bhūtvā bhaktyā stotramudīrayen || 5-227 ||

* * śivakaraṃ śāntaṃ śivātmānaṃ śivottamam |
śivamārgapraṇetāraṃ praṇamāmi sadāśivam || 5-228 ||

śāśvataṃ śobhanaṃ śuddhaṃ śāsakaṃ doṣaśodhakam |
viśva * * viśveśvaraṃ devaṃ śaṅkaraṃ praṇamāmyaham || 5-229 ||

sarvapāpaharaṃ nāthaṃ sarvarogaharaṃ śubham |
īśānaṃ varadaṃ devamīśānaṃ mantranāyakam || 5-230 ||

iti pūjāvidhiṃ puṇyaṃ yaśśṛṇoti sakṛnnaraḥ |
samuktaḥ sarvapāpebhyo rudraloke mahīyate || 5-231 ||

iti śrīśaivaśāstre śivadharmottare nandikeśvaraprokte 
śivārcanādravyapuṇyākhyānaṃ nāma pañcamodhyāyaḥ ||




p. 50(76)

śrīḥ

atha ṣaṣṭhādhyāyaḥ

śrīnandikeśvara uvāca

ataḥ paramidaṃ guhyaṃ rudrodgītaṃ mahodayam |
mahāvignapraśamanaṃ mahāśāntikaraṃ śubham || 6-1 ||

akālamṛtyuśamanaṃ sarvavyādhinivāraṇam |
paracakrapraśamanaṃ sadā vijayavardhanam || 6-2 ||

staṃbhanaṃ ripusainyasyāpyaprasādakaraṃ sadā |
sarvadevagrahānīkasamabhīṣṭhāvabhāsakam || 6-3 ||

sarvaśāntyadhikārākhyaṃ dharmaṃ vakṣyāmi tatvataḥ |
śaśāṅkārdhadharastryakṣaḥ nāgayajñopavītavān || 6-4 ||

caturmukhaścaturbāhuḥ sitabhasmāvakuṇḍitaḥ |
varo vareṇyo varado devadevo maheśvaraḥ || 6-5 ||

trailokyanamitaḥ śrīmān śāntimāśu karotu me |
sarvāvayavamukhyena gātreṇa tanumadhyamā || 6-6 ||

pītaśyāmātisaumyena śivarūpeṇa śobhitā |
lalāṭatilakopetā candrarekhārdhadhāriṇī || 6-7 ||

divyāmbaradharā devī sarvābharaṇabhūṣitā |
varastrīsarvanārīṇāṃ śobhāguṇamahāspadā || 6-8 ||

p. 51(77)

bhāvanāmātrasantuṣṭā umā devī varapradā |
sākṣādāgatya rūpeṇa śāntenāmitatejasā || 6-9 ||

śāntiṃ karotu me prītā bhaktānāṃ bhaktavatsalā |
padmarāgadyutissaumyaḥ raktamālyānulepanaḥ || 6-10 ||

abālo bālarūpeṇa ṣaḍvaktaśśikhivāhanaḥ |
pūrṇenduvadanassaumyaḥ triśivāśaktisaṃyutaḥ || 6-11 ||

kṛttikomāgnirudrāṅgasamudbhūtassurārcitaḥ |
kārtikeyo mahātejā varadānaikatatparaḥ || 6-12 ||

śāntiṃ karotu me nityaṃ balaṃ saukhyaṃ ca me sadā |
śvetavastraparīdhānaḥ tryakṣaḥ kanakasaprabhaḥ || 6-13 ||

śūlapāṇirmahāprājñaḥ nandīśaḥ śivabhāvitaḥ |
śāntiṃ karotu me śāntaḥ dharme ca matimuttamām || 6-14 ||

mahodaro mahākāyaḥ snigdhāñjanasamadyutiḥ |
ekadaṃṣṭrotkaṭo devo gajavaktro mahābalaḥ || 6-15 ||

nāgayajñopavītena nāgābharaṇabhūṣitaḥ |
sarvāthasaṃpadādhāraḥ gaṇādhyakṣo varapradaḥ || 6-16 ||

rudrasya tanayo devaḥ nāyakothavināyakaḥ |
karotu me mahāśāntiṃ mahāsiddhiṃ ca sarvadā || 6-17 ||

mandranīlanibhaḥ tryakṣaḥ dīptaśūlāyudhodyataḥ |
raktāmbaradharaśśrīmān kṛṣṇāṅgoragabhūṣaṇaḥ || 6-18 ||

p. 52(78)

pāpāpanodamatulaṃ alakṣmīmalanāśanam |
karotu me mahāśāntiṃ mahākālo mahābalaḥ || 6-19 ||

śaṅkhakundenduvarṇābhaḥ kaṇṭhemaratakaprabhaḥ |
akṣamālādharograśca svayaṃ viṣṇurivasthitaḥ || 6-20 ||

caturmukhaścaturbāhuḥ triṇetraḥ satatojvalaḥ |
kṣityāḥ patirvṛṣo dharmaḥ sarvadharmottamottamaḥ || 6-21 ||

īśaṃ vahati pṛṣṭhena tasmāddharmo jagatpatiḥ |
vṛṣo vṛṣadharaḥ śrīmān karotu mama śāntikam || 6-22 ||

sarvajñassarvasadṛśaḥ sarvagaḥ śīrṣajaḥ prabhuḥ |
śamanaśśatrusainyānāṃ śāstāśāntiṃ karotu me || 6-23 ||

pītavastraparīdhānā kanyārūpā hyalaṃkṛtā |
gaṇamātāmbikātryakṣā puṇyā gaurī maheśvarī || 6-24 ||

sarvasiddhikarā devī prasādaparamāparā |
śāntiṃ karotu me mātā siddhimāśu prayacchatu || 6-25 ||

nirmāṃsena śarīreṇa snāravasthisunibandhanaḥ |
atisūkṣmotyatikrāntaḥ tryakṣo bhṛṅgiriṭirmahān || 6-26 ||

rudrātmajo mahāvīro rudraikagatamānasaḥ |
sopi śāntātmabhāvena śāntimāśu prayacchatu || 6-27 ||

pracaṇḍagaṇasainyena mahāṭaṅkākṣadhārakaḥ |
akṣamālādhṛtakaraḥ tryakṣaścaṇḍeśvaraḥ prabhuḥ || 6-28 ||

p. 53(79)

caṇḍapāpāpaharaṇaḥ brahmahatyādiśodhakaḥ |
karotu me mahāyogī kalyāṇaṃ paramaṃ śubham || 6-29 ||

padmāsanaḥ padmanibhaḥ caturvadanapaṅkajaḥ |
kamaṇḍaludharaḥ śrīmān siddhagandharvapūjitaḥ || 6-30 ||

śivadhyānekanirataḥ śivasadbhāvakovidaḥ |
brahmaśabdena divyena brahmāśāntiṃ karotu me || 6-31 ||

tārkṣyāsanaścaturbāhuḥ śaṅkhacakragadādharaḥ |
śyāmaḥ pītāmbaradharaḥ vanamālāvibhūṣitaḥ || 6-32 ||

yajñadevottamo devo mādhavo madhusūdanaḥ |
śivaprasādasaṃpannaḥ śivadhyānaparāyaṇaḥ || 6-38 ||

śivārcanaparaḥ śrīmān viṣṇuḥ śāntiṃ karotu me |
padmarāganibhā devī caturvadanapaṅkajā || 6-34 ||

akṣamālāñcitakarā kamaṇḍaludharā śubhā |
brahmāṇī saumyavadanā śivapūjāparāyaṇā || 6-35 ||

śāntiṃ karotu me prītā brahmaśabdena sarvadā |
himaśailanibhā devī mahāvṛṣabhavāhinī || 6-36 ||

triśūlahastā varadā nāgābharaṇabhūṣitā |
rudrabhaktā mahāvīryā rudrārcanaratā sadā || 6-37 ||

caturbhujā caturvaktrā triṇetrā pāpahāriṇī |
ārtiṃ haratu me prītā māheśī nityamujvalā || 6-38 ||

p. 54(80)

mayūravāhanā devī sindūrāruṇavigrahā |
śaktihastā mahāvīryā sarvālaṅkārabhūṣitā || 6-39 ||

rudrabhaktā mahādevī rudrārcanaratā sadā |
kaumārī varadā devī śāntimāśukarotu me || 6-40 ||

śaṅkhacakragadāhastā śyāmāpītāmbarapriyā |
caturbhujā tārkṣyagatā vaiṣṇavī surapūjitā || 6-41 ||

śivārcanaratā nityaṃ rudraikagatamānasā |
śāntiṃ karotu me nityaṃ sarvāsuravimardinī || 6-42 ||

vārāhaghoṇavikaṭā varāhavaravāhinī |
śyāmābhā sarvavaradā śaṅkhacakragadāyudhā || 6-43 ||

tarjayantī sadā vighnaṃ arcayantī sadāśivam |
vārāhī varadā devī kṣamārogyandadātu me || 6-144 ||

airāvatasamārūḍhā vakrahastā mahābalā |
netrāṇāntu sahasreṇa bhūṣitā kāñcanaprabhā || 6-45 ||

siddhagandharvanamitā sarvālaṅkāra bhūṣitā |
aindrī devī sadākālaṃ śāntimāśu karotu me || 6-46 ||

ūrdhvakeśotkaṭāśyāmā nirmāṃsā snāyubandhanā |
karālavadanāghorā khaḍgakheṭakadhāriṇī || 6-47 ||

kapālamālinī devī krūrā khaṭvāṅgadhāriṇī |
āraktapiṅganayanā gajacarmāvakuṇṭhitā || 6-48 ||

p. 56(81)

nānānāgaparītāṅgī pretasthānanivāsinī |
śivarūpeṇa * * * * ghorā ca bhayaṃkarī || 6-49 ||

cāmuṇḍā caṇḍarūpeṇa citrayantrāsanena tu |
bhūtapretapiśācebhyaḥ mama rakṣāṃ karotviha || 6-50 ||

āyuḥ śriyaṃ balaṃ saukhyaṃ yaśo vṛddhiśriyāvaham |
ākāśamātaro divyāḥ tathānyā lokamātaraḥ || 6-51 ||

bhūtānāmmātaraḥ sarvāḥ tathānyā devamātaraḥ |
sarvamātṛmahādevyaḥ svāyudhāsaktapāṇayaḥ || 6-52 ||

jagadvyāpyāvatiṣṭhantyaḥ balikāmā mahodarāḥ |
rudrabhaktā mahāvīryā raudrā rudrārcaneratāḥ || 6-53 ||

śāntiṃ kurvantu me nityaṃ mātaraḥ surapūjitāḥ |
ye rudrā raudrakarmāṇaḥ raudrasthānanivāsinaḥ || 6-55 ||

mātaro rudrarūpāśca gaṇānāmadhipāśca ye |
vighnabhūtāstathācānye daśadikṣu samāśritāḥ || 6-55 ||

sarvesu prītamanasaḥ pratigṛhṇantvimaṃ balim |
siddhiṃ kurvantu me kṣipraṃ bhayebhyaḥ pāntu māṃ sadā || 6-56 ||

aindryāṃ diśigaṇā ye tu vajrahastā mahābalāḥ |
suśvetākṣāḥ śvetanibhāḥ tathā vai śvetalohitāḥ || 6-57 ||

divyantarikṣā bhaumāśca pātālatalavāsinaḥ |
rudrārcanaratā hṛṣṭāḥ śāntiṃ kurvantu me sadā || 6-58 ||

p. 56(82) 

āgneyyāṃ ca gaṇāssarve sruvahastā niṣaṅgiṇaḥ |
suraktākṣā raktanibhāḥ tathā vai raktalocanāḥ || 6-59 ||

divyantarikṣabhaumāśca pātālatalavāsinaḥ |
parameśārcanaratāḥ kurvantvārogyamuttamam || 6-60 ||

vāyavyāntu gaṇā ye tu satataṃ dhvajapāṇayaḥ |
supadmākṣāḥ padmanibhāḥ tathā vai padmalohitāḥ || 6-61 ||

divyantarikṣabhaumāśca pātālatalavāsinaḥ |
parameśārcanaratāḥ śāntiṃ kurvantu me sadā || 6-62 ||

kauberyā ye gaṇāssarve satataṃ nidhipāṇayaḥ |
supītākṣāḥ pītanibhāḥ tathā vai pītalohitāḥ || 6-63 ||

divyantarikṣa bhaumāśca pātālatalavāsinaḥ |
parameśārcanaratāḥ śāntiṃ kurvantu me sadā || 6-64 ||

aiśānyāṃ tu gaṇā ye tu praśāntāḥ śūlapāṇayaḥ |
susūkṣmākṣāḥ sūkṣmanibhāḥ tathā vai sūkṣmalohitāḥ || 6-65 ||

divyantarikṣabhaumāśca pātālatalavāsinaḥ |
śivapūjāsamudyuktāḥ kṣemaṃ kurvantu me sadā || 6-66 ||

adhobhāgagaṇā ye tu satataṃ cakrapāṇayaḥ |
sudhūmrākṣā dhūmranibhāḥ tathā vai dhūmralohitāḥ || 6-67 ||

divyantarikṣabhaumāśca pātālatalavāsinaḥ |
śivapūjāsamudyuktāḥ śāntiṃ kurvantu me sadā || 6-68 ||

p. 57(83)

ūrdhvabhāgagaṇā ye tu satataṃ padmapāṇayaḥ |
susū * * * ṣāḥ sūkṣma * ḥ tathā vai sūkṣmalohitāḥ || 6-69 ||

divyantarikṣa bhaumāśca pātālatalavāsinaḥ |
śivapūjāsamāsaktāḥ śāntiṃ kurvantu me sadā || 6-70 ||

ete gaṇā mahātmānaḥ mahābala * * ḥ |
śivaṃ saṃpūjya yatnena balimeṣāṃ vinikṣipet || 6-71 ||

tatassuprītamanasaḥ śāntiṃ kurvantu me sadā |
nāmnāmarāvatīpuryāḥ pūrvabhāge vyavasthitā || 6-72 ||

vidyādharagaṇākīrṇa siddhagandharvasevitā |
ratnaprākārakhacitā mahāratnopaśobhitā || 6-73 ||

tatra devapatiḥ śrīmān vajrahasto mahābalaḥ |
netrāṇāntu sahasreṇa śobhanena virājate || 6-74 ||

airāvatagajārūḍhā hemavarṇo mahādyutiḥ |
devendraḥ satataṃ hṛṣṭaḥ parameśārcane rataḥ || 6-75 ||

śivadhyānaikaparyāptaḥ śivabhaktisamanvitaḥ |
śivabhaktaistathānyaiśca devairapi sahānugaiḥ || 6-76 ||

śivapraṇāmaparamaḥ karotu mama śāntikam |
āgneye tu vibhāge tu purī tejovatī śubhā || 6-77 ||

nānādeva samākīrṇā ratnajvālāsamākulā |
tatrajvālāparītāṃgo dīpāṅgārasamadyutiḥ || 6-78 ||

p. 58(84)

bhūtikṛddehināndevo jvalanaḥ pāpanāśanaḥ |
śivapūjājapodyuktaḥ śivasmaraṇapāvitaḥ || 6-79 ||

śāntiṃ karotu me devaḥ tathā pāpaparikṣayam |
vaivasvatapurī nāma dakṣiṇena vyavasthitā || 6-80 ||

lohaprākārasaṃyuktā prāsādairupaśobhitā |
tasya tasyāṃ madhye sthitaḥ sarvakāmado harmyagastathā || 6-81 ||

surāsuraśatānīka pitṛyakṣoragālayā |
tatrendranīlasaṅkāśaḥ raktāntāyatalocanaḥ || 6-82 ||

mahāmahiṣamārūḍhaḥ kṛṣṇasragvastrabhūṣaṇaḥ |
śrīmānyamomahātejāḥ śivadharmaparāyaṇaḥ || 6-83 ||

śivapūjāsamudyuktaḥ kṣemārogyaṃ dadātu me |
nair-ṛte tu śiśobhāge purīkṛṣṇāvatī śubhā || 6-84 ||

mahārakṣogaṇākīrṇā piśācapretasaṃkulā |
tatra jīmūtasaṃkāśaḥ kṛṣṇasragvastrabhūṣaṇaḥ || 6-85 ||

khaḍgapāṇirmahātejāḥ karālavadanojvalaḥ |
rakṣorāṭ nair-ṛtirnityaṃ śivārcanarataḥ sadā || 6-86 ||

karotu me mahāśāntiṃ śivabhaktisamutsukaḥ |
paścime tu diśo bhāge purīśuddhavatī śubhā || 6-87 ||

nānāratnasamākīrṇā nānākinnarasaṃkulā |
tatra mauktikasaṃkāśaḥ paripiṅgalalocanaḥ || 6-88 ||

p. 59(85)

śuklavastraparīdhānaḥ pāśahasto mahābalaḥ |
varuṇaḥ || 6-* * * * parayā bhaktyā śivaikāhitamānasaḥ || 6-89 ||

rogaśokārtisantāpabhayaṃ nirnāśayantu me |
vāyavye tu diśo bhāge purī gandhavatī śubhā || 6-90 ||

ṛṣisiddhagaṇākīrṇā hemaprākāratoraṇā |
tatra tāmreṇa lohena kṛṣṇapiṅgalalohitaḥ || 6-91 ||

nabho vyāptāntarālīnaḥ dhvajayaṣṭyāyudho yataḥ |
pavanaḥ paramo devaḥ parameśvarabhāvitaḥ || 6-92 ||

kṣemārogyaṃ balaṃ śāntiṃ karotu satataṃ mama |
mahodadhipurī nāma uttare ca mahojvalā || 6-93 ||

anekayakṣasaṅkīrṇā nānāratnopaśobhitā |
hemaprākārasaṃyuktā ratnaprākārasaṃyutā || 6-94 ||

tatra devo gadāhastaḥ citrasragvastrabhūṣaṇaḥ |
hrasvabāhurmahātejāḥ paripiṅgalalocanaḥ || 6-95 ||

kubero varadaḥ śrīmān harapādārcane rataḥ |
śāntiṃ karotu me prītaḥ śāntaḥ śāntena cetasā || 6-96 ||

yaśovatī purī ramyā aiśānyāṃ diśi saṃsthitā |
nānāgaṇasamākīrṇā nānāratnasurālayā || 6-97 ||

tejaḥ prākāraparyantā niraupamyā sadaujvalā |
tatra mauktikasaṅkāśaḥ śaśāṅkakṛtaśekharaḥ || 6-98 ||

p. 60(86)

triṇetraśśāntarūpāṅgopyakṣamālādharo haraḥ |
īśānaḥ paramo devaḥ sarvadevottamottamaḥ || 6-99 ||

sopi sarvātmabhāvena śāntimāśu karotu me |
bhūloke ca bhuvarloke svargaloke vasanti ye || 6-100 ||

devā divyaprabhāyuktāḥ śāntiṃ kurvantu me sadā |
maharloke jano loke tapoloke ca ye sthitāḥ || 6-101 ||

tepi pramudyatā devāḥ śāntiṃ kurvantu me sadā |
janaloke ca ye devāḥ dhautacāmīkara prabhāḥ || 6-102 ||

īśānaṃ praṇatā nityaṃ śāntiṃ kurvantu me sadā |
maharloke ca ye devā vimānojvalasaṃsthitāḥ || 6-103 ||

bhava praṇāmaparamāḥ nāśayantu bhayaṃ sadā |
svarlokasthāśca ye devā dīptimantomahājvalāḥ || 6-104 ||

śaṅkaraṃ praṇatā nityaṃ kurvantu vijayaṃ mama |
bhūloke caiva ye devā bhāsayanto diśo daśa || 6-105 ||

śivaikāhitacetaskāḥ pāpaṃ praśamayantu me |
girikandaradurgeṣu vaneṣu nivasanti ye || 6-106 ||

rudrārcanaratā nityaṃ śāntiṃ kurvantu me sadā |
śaraccandrāṃśugaureṇa dehenāmalatejasā || 6-107 ||

sarasvatī śive bhaktā śāntimāśukarotu me |
cārucāmīkaracchāyā sarojakarapallavā || 6-108 ||

p. 61(87)

śrīdevī ca śive bhaktā śrīmadbhūtindadātu me |
cārutāmukhacandreṇa vicitrakanakojvalā || 6-109 ||

jayādevī śive bhaktā sarvānkāmāndadātu me |
hāreṇa suvicitreṇa bhāsvatkanakamekhalā || 6-110 ||

parājitā śive bhaktā karotu vijayaṃ mama |
sindūrāruṇaraktāṅgaḥ karṇāntāyatalocanaḥ || 6-111 ||

kiraṇāvalisaṃyuktaḥ saptasaptikavāhanaḥ |
gabhastimālī bhagavān harapādārcane rataḥ || 6-112 ||

karotu me mahāśāntiṃ grahapīḍāṃ vyapohatu |
padmarāganibhenāpi dehānāpiṅgalocanaḥ || 6-113 ||

aṅgārakaśśive bhakto rudrārcana parāyaṇaḥ |
rudrasadbhāvasaṃpanno rudradhyānaikamānasaḥ || 6-114 ||

grahapīḍābhayaṃ sarvaṃ vināśayatu me sadā |
kuṅkumachavinā śrīmaddehena parimaṇḍitaḥ || 6-115 ||

śivabhakto budhaḥ śrīmān grahapīḍāṃ vyapohatu |
taptacāmīkarachāyaḥ sarvajñānakṛtālayaḥ || 6-116 ||

bṛhaspatissadākālamīśānārcanatatparaḥ |
sopi śāntātmabhāvena parameṇa samādhinā || 6-117 ||

grahapīḍāṃ vinirjitya karotu vijayaṃ mama |
himakundenduvarṇābhaḥ suradaityendrapūjitaḥ || 6-118 ||

p. 62(88)

śukraśśivārcanarataḥ grahapīḍāṃ vyapohatu |
nīlajīmūtasaṅkāśaḥ suraktanayanadyutiḥ || 6-119 ||

śanaiścaraśśive bhaktaḥ grahapīḍāṃ vyapohatu |
nīlamedhāṃjanachāyaḥ saihmikeyo mahābalaḥ || 6-120 ||

śivapūjāparo rāhuḥ grahapīḍāṃ vyapohatu |
dhūmradehayutaḥ krūraḥ sarvotpātasamanvitaḥ || 6-121 ||

śivārcanarataḥ ketuḥ grahapīḍāṃ vyapohatu |
ete grahā mahātmānaḥ śivārcanaratāssadā || 6-122 ||

śāntiṃ kurvantu me nityaṃ sadākālaṃ hitaiṣiṇaḥ |
mukhe yasyāḥ sthito mṛtyuḥ vṛṣṭirnāma mahābalā || 6-123 ||

sumukhā vighnakartrī ca puṣṭyai ca vijayaṃkarī |
rudrapraṇāmaparamā śāntimāśu karotu me || 6-124 ||

tṛtīyā saptamī caiva daśamī ca caturdaśī |
caturthītvaṣṭamī caiva ekādaśyā tu pūrṇimā || 6-125 ||

etāvighnakarā bhadrāḥ śuklakṛṣṇasamudbhavāḥ |
nāśayantu bhayaṃ nityaṃ kurvantu vijayaṃ mama || 6-126 ||

amāvāsyā mahāpuṇyā pitṛdevasamanvitā |
śāntā hyeṣā tu paramā śivasya ca mahāpriyā || 6-127 ||

śivatejassamāyuktā karotu mama śāntikam |
pratipadvahnisaṃyuktā dvitīyā cādhidaivatā || 6-128 ||

p. 63(89)

tṛtīyā ca mahāpuṇyā dhanadena samanvitā |
caturthī ca mahāpuṇyā gajavaktrādhidevatā || 6-129 ||

pañcamī śrīyutā nityaṃ ṣaṣṭhīskandādhidevatā |
saptamī ravisaṃyuktā hyaṣṭamī rudradaivatā || 6-130 ||

navamī tithiratyugrā durgādevyadhidaivatā |
daśamī yamasaṃyuktā caindreṇaikādaśīyutā || 6-131 ||

dvādaśīviṣṇusaṃyuktā madanena trayodaśī |
caturdaśī maheśena paurṇamāsī himāṃśunā || 6-132 ||

etāstu tithayaḥ sarvā īśānārcanatatparāḥ |
śāntiṃ kurvantu me nityaṃ sadākālaṃ hiteratāḥ || 6-133 ||

viṣkaṃbhaḥ prītirāyuṣmān saubhāgyaśśobhanastathā |
atigaṇḍassukarmā ca dhṛtiśśūlastathaiva ca || 6-134 ||

gaṇḍo vṛddhirdhruvaścaiva vyāghāto harṣaṇastathā |
vajrassiddhirvyatīpāto varīyān parighaśśivaḥ || 6-135 ||

siddhaṃ sādhyaṃ śubhaṃ śubhraṃ brāhmo māhendravaidhṛtiḥ |
candrasya bhānorutpannā hyete yogā mahābalāḥ || 6-136 ||

śivabhaktiratāssarve śivabhaktividhāyinaḥ |
ete śivārcanaratāḥ kurvantu mama śāntikam || 6-137 ||

kṛttikā paramā devī rohiṇī rucirānanā |
śrīmanmṛgaśiro bhadrā ārdrā ca paramojjvalā || 6-138 ||

p. 64(90)

punarvasustathāpuṣyaḥ āśleṣā ca mahābalā |
nakṣatramātaro hyetāḥ prabhāmālāvabhāsakāḥ || 6-139 ||

mahādevārcanaratāḥ mahādevānubhāvitāḥ |
pūrvabhāge sthitā hyetāḥ śāntiṃ kurvantu me sadā || 6-140 ||

makhā sarvaguṇo petā pūrvā caiva tu phālgunī |
uttarā phālgunī śreṣṭhā hastā citrā tathottamā || 6-141 ||

svātī viśākhā varadā dakṣiṇasthānasaṃsthitāḥ |
arcayantī sadā kālaṃ deva * * param || 6-142 ||

mamāpi śāntikaṃ hyetāḥ kurvantu śivacoditāḥ |
anūrādhā tathājyeṣṭhā mūlā ṛddhibalānvitā || 6-143 ||

pūrvāṣāḍhā mahāvīryā āṣāḍhā cottarā śubhā |
abhijinnāmanakṣatraṃ śravaṇaṃ paramojvalā || 6-144 ||

etāḥ paścimato dīptāḥ rājantyaḥ cārumūrtayaḥ |
īśānaṃ pūjayantyetāḥ sārvakālaṃ subhāvitāḥ || 6-145 ||

śāntiṃ kurvantu me prītāḥ vibhūtiñca samāhitāḥ |
śraviṣṭhayāṃ śatabhiṣak pūrvabhādrapadā tathā || 6-146 ||

revatyuttarabhādrā ca aśvinī ca maharddhikā |
bharaṇī ca mahāvīryā nityamuttarasaṃsthitāḥ || 6-147 ||

śivārcanaratāḥ nityaṃ śivadhyānaikamānasāḥ |
śāntiṃ kurvantu me nityaṃ balaṃ saubhāgyameva ca || 6-148 ||

p. 65(91)

kanyā ca paramā devī makaraśca mahardhikaḥ |
ṛṣabhaśca mahāvīryaḥ śivabhāvasubhāvitaḥ || 6-149 ||

ete dakṣiṇabhāge tu pūjayanti sadāśivam |
bhaktyā ca parayā nityaṃ śāntiṃ kurvantu me sadā || 6-150 ||

mithunaśca tulākuṃbhaḥ paścimena vyavasthitaḥ |
śivapūjārcanaratāḥ śāntiṃ kurvantu me sadā || 6-151 ||

karkaṭo vṛściko mīnaḥ ete cottarasaṃsthitāḥ |
yajantyete sadākālaṃ rudraṃ bhuvananāyakam || 6-152 ||

śāntiṃ kurvantu me nityaṃ rudradhyānaparāyaṇāḥ |
ṛṣayaḥ saptavikhyātāḥ dhruvāntāḥ paramojvalāḥ || 6-153 ||

śivaprasādasaṃpannāḥ śāntiṃ kurvantu me sadā |
kāśyapo gālavo gārgyo viśvāmitro mahāmuniḥ || 6-154 ||

manurdakṣo vasiṣṭhaśca mārkaṇḍaḥ pulahaḥ kratuḥ |
nārado bhṛgurātreyo bhāradvājoṅgirā muniḥ || 6-155 ||

śālmaliḥ kauśikaḥ kaṇ.vaḥ śākalyothapunarvasuḥ |
śālaṃkāyana ityete munayotha mahātapāḥ || 6-156 ||

śivadhyānārcanodyuktāḥ śāntiṃ kurvantu me sadā |
ṛṣipatnyo mahāpuṇyāḥ ṛṣikanyākumārakāḥ || 6-157 ||

śivārcanaratā nityaṃ śāntiṃ kurvantu me sadā |
siddhāśca siddhatapaso gandharvāpsaraso gaṇāḥ || 6-158 ||

p. 66(92)

vidyā * * * * tmānaḥ garuḍāśca maharṣikāḥ |
maheśvaraparāhyete maheśvarapadārcakāḥ || 6-159 ||

siddhimāśu prayacchantu śivadharmaparāyaṇāḥ |
namuciddaityarājendraḥ śaṅkukarṇomahābalaḥ || 6-160 ||

jaṃbhonikuṃbhaśśakaṭaḥ śivabhaktiparāyaṇāḥ |
ete daityā mahātmānaḥ śivasadbhāvabhāvitāḥ || 6-161 ||

puṣṭiṃ balaṃ tathā vīryaṃ prayacchantu sukhodayam |
mahānāgothavikhyāto daityaḥ paramavīryavān || 6-162 ||

hāṭakeśvaradevasya nityaṃ pūjāparāyaṇāḥ |
balaṃ vīryaṃ ca me kṣipraṃ prayacchatu mahardhikāḥ || 6-163 ||

mahājaṃbho hayagrīvaḥ prahlādo daityapuṃgavaḥ |
tārakākṣamukhā daityāḥ kālanemirmahātmavān || 6-164 ||

vairocano hiraṇyākṣaḥ suparvā ca sulomakaḥ |
mucukundassukundaśca daityo rocanakastathā || 6-165 ||

bhāvena parameṇāśu yajante sarvadā śivam |
sadāśivātmabhāvena puṣṭiṃ kurvantu me sadā || 6-166 ||

daityapatnyo mahābhāgāḥ daityānāṃ kanyakāḥ śubhāḥ |
kumārakāśca daityānāṃ śāntiṃ kurvantu me sadā || 6-167 ||

āraktena śarīreṇa raktāntāyatalocanaḥ |
mahābhogakṛtāṭopaḥ śaṅkhābjakṛtalāñchanaḥ || 6-168 ||

p. 67(93)

ananto nāgarājendraḥ śivapādārcane rataḥ |
mahāpāpaviṣaṃ hatvā śāntimāśukarotu me || 6-169 ||

suśvetena tu dehena suśvetopalaśekharaḥ |
cārubhogakṛtāṭopaḥ haracāruvibhūṣitaḥ || 6-170 ||

vāsukirnāgarājendraḥ śivapādārcane rataḥ |
mahāpāpaviṣaṃ hatvā kṣemārogyaṃ dadātu me || 6-171 ||

atipītena dehena prakṣuradbhogasaṃpadā |
tejasācātidīptena kṛtasvastikalāñchanaḥ || 6-172 ||

nāgendrastakṣakaḥ śrīmān nāgakoṭyāsamadyutiḥ |
karotu me mahāśāntiṃ sarvadoṣavināśanam || 6-173 ||

atikṛṣṇena varṇena kṣīradvikaṭamastakaḥ |
kaṇṭherekhātrayopetaḥ ghoradaṃṣṭrāyudhodyataḥ || 6-174 ||

kārkoṭako mahātejā viṣadarpasamanvitaḥ |
viṣāṇyugrāṇi sahasā hatvā śāntiṃ karotu me || 6-175 ||

padmavarṇena dehena cārupadmāyatekṣaṇaḥ |
padmabindukṣatābhāso grīvāyāṃ śubhalakṣaṇaḥ || 6-176 ||

khyātaḥ padmo mahābhogo harapādārcane rataḥ |
karotu * * * mahāśāntiṃ mahāpāpavi * * * yam || 6-177 ||

puṇḍarīka nāpi dehenāmitatejasā |
śaṅkhaśūlābjaruciro bhūṣito mūrdhni sarvadā || 6-178 ||

p. 68(94)

mahāpadmo mahābhogo nityaṃ paśupataurataḥ |
vinihatya viṣaṃ ghoraṃ śāntimāśukarotu me || 6-179 ||

śyāmena dehābharaṇaiḥ śrīmān kamalalocanaḥ |
viṣadarpabalonmattaḥ grīvāyāmekarekhayā || 6-180 ||

śaṃkhavālakṣiyā dīptaḥ śivapādābjapūjakaḥ |
mahāghoraṃ viṣaṃ hatvā karotu mama śāntikam || 6-181 ||

atigaureṇa dehena candrārdhakṛtaśekharaḥ |
dīptabhogakṛtārvāpaśśaṃbhulakṣaṇalakṣitaḥ || 6-182 ||

guliko nāma nāgendro nityaṃ haraparāyaṇaḥ |
apahṛtyaviṣaṃ ghoraṃ karotu mama śāntikam || 6-183 ||

antarikṣe ca ye nāgā ye nāgāḥ svargasaṃsthitāḥ |
girikandaradurgeṣu ye nāgā bhūmisaṃsthitāḥ || 6-184 ||

pātāle ye sthitā nāgāḥ sarvepyatra samāhitāḥ |
rudrapādārcane saktāḥ śāntiṃ kurvantu me sadā || 6-185 ||

nāginyo nāgakanyāśca tathā nāgakumārakāḥ |
śivabhaktāssumanasaḥ śāntiṃ kurvantu me sadā || 6-186 ||

ya idaṃ nāga saṃsthānaṃ kīrtayedvā śṛṇoti vā |
na tasya sarpā hiṃsanti viṣaṃ nākramate ca tam || 6-187 ||

cintitaṃ labhate nityaṃ tathāpāpaparikṣayam |
siddhimāśuprayacchanti sarvavighnavivarjitām || 6-188 ||

p. 69(95)

gaṅgā puṇyā mahādevī yamunā narmadā nadī |
gomatī cāpi kāverī varuṇā devikā tathā || 6-189 ||

sarvabhūtapatiṃ devaṃ parameśammaheśvaram |
pūjayantyo mahānadyaḥ śivasadbhāvabhāvitāḥ || 6-190 ||

śāntiṃ kurvantu me nityaṃ tathā pāpaparikṣayam |
siddhimāśu prayacchantu sarvapāpavināśanam || 6-191 ||

candrabhāgā mahāpuṇyā nadī godāvarī śubhā |
sarayū gaṇḍakī śreṣṭhā kauśikī ca sarasvatī || 6-192 ||

etā nadyo mahāpuṇyāḥ śivapādārcane ratāḥ |
śāntiṃ kurvantu me nityaṃ śivadhyānaikamānasāḥ || 6-193 ||

nairañjanā nāma nadī śoṇaścāpi mahānadaḥ |
mandākinī ca paramā tathā nnihitā śubhā || 6-194 ||

etāścānyāśca yā nadyaḥ bhuvi divyantarikṣagāḥ |
rudrārcanaparā nadyaḥ śāntiṃ kurvantu me sadā || 6-195 ||

guhyāni yāni tīrthāni āsamudrātsarāṃsi ca |
kurvantu śāntikaṃ tāni śrīkaṇṭhādhiṣṭhitāni tu || 6-196 ||

mahāvaiśravaṇo devo yakṣarājo mahardhikaḥ |
yakṣakoṭiparīvāro yakṣāsaṃkhyeyasaṃyutaḥ || 6-197 ||

mahāvibhavasaṃpanno harapādārcane rataḥ |
śivadhyānaikaparamo harapādaratottamaḥ || 6-198 ||

p. 70(96)

śāntiṃ karotu me prītaḥ padmapatrāyatekṣaṇaḥ |
māṇibhadro mahāyakṣo maṇiratnavibhūṣitaḥ || 6-199 ||

manohareṇa hāreṇa kaṇṭhalagnena rājate |
yakṣiṇī yakṣakanyābhiḥ parivāritavigrahā || 6-200 ||

śivapūjārcanodyuktā karotu mama śāntikam |
pāñciko nāma yakṣendraḥ karṇikākaṭakojvalaḥ || 6-201 ||

makuṭena vicitreṇa keyūrābhyāṃ virājate |
yakṣāsaṃkhyeyayuktaśca yakṣakoṭisamanvitaḥ || 6-202 ||

harārcanaparonityaṃ karotu mama śāntikam |
śrīmānvibhaṇḍako yakṣo nānāratnavibhūṣitaḥ || 6-203 ||

cāruṇākuṇḍale naiva karṇo nityaṃ virājate |
yakṣeśvaraḥ yakṣapatiḥ yakṣasenāpatirbudhaḥ || 6-204 ||

harapādārcanarataḥ karotu mama śāntikam |
dhṛtarāṣṭro mahātejāḥ yakṣo yakṣādhipaḥ prabhuḥ || 6-205 ||

divyapaṭṭāṃśukacchanno maṇikāñcanabhūṣitaḥ |
śivabhaktaḥ śivadhyāyī śivapūjāparāyaṇaḥ || 6-206 ||

śivaprasādasaṃpannaḥ karotu mama śāntikam |
pūrṇabhadro mahāyakṣaḥ sarvālaṃkārabhūṣitaḥ || 6-207 ||

ratnadīptena paṭṭena haimenaiva virājate |
yakṣakoṭisahasreṇa parivāritavigrahaḥ || 6-208 ||

p. 71(97)

rudrapraṇāmaparamo rudrabhaktiratassadā |
rudrārcanasamudyuktaḥ karotu mama śāntikam || 6-209 ||

virūpākṣaśca yakṣendraḥ śvetavāsā mahādyutiḥ |
cārukāñcanamālābhiḥ kiṅkiṇīravakānvitaḥ || 6-210 ||

vibhūṣitassadākālaṃ varadānaikatatparaḥ |
rudrapūjāparonityaṃ karotu mama śāntikam || 6-211 ||

antarikṣe ca ye yakṣā ye yakṣāssvargasaṃsthitāḥ |
girikandaradurgeṣu ye yakṣā bhūtavāsinaḥ || 6-212 ||

pātālavāsino yakṣā nānārūpodyatāyudhāḥ |
śivabhaktāssumanasaḥ śivapūjāsamutsukāḥ || 6-213 ||

śāntiṃ kurvantu me hṛṣṭāḥ śāntāḥ śāntiparāyaṇāḥ |
yakṣiṇyo vividhākārāḥ tathā yakṣakumārakāḥ || 6-214 ||

yakṣakanyā mahābhogāḥ śivadhyāna * * * * ḥ |
śāntiṃ svastyayanaṃ kṣemaṃ balaṃ kalyāṇamuttamam || 6-215 ||

siddhimāśuprayacchantu nityameva samāhitāḥ |
parvatāḥ sarvataḥ sarve parvatāśca mahardhikāḥ || 6-216 ||

śive bhaktāssumanasaḥ kṣemaṃ kurvantu me sadā |
sāgarāḥ sarvataḥ sarve ye cānye sāgarā bhuvi || 6-217 ||

rudra pūjāratā nityaṃ kurvantu mama śāntikam |
rākṣasāḥ sarvataḥ sarve rākṣasā ghorarūpiṇaḥ || 6-218 ||

p. 72(98)

rākṣasā ye mahāvīryāḥ rākṣasāśca mahābalāḥ |
jalasthā rākṣasā ye  tu yentarikṣe tu rākṣasāḥ || 6-219 ||

pātālarākṣasā ye tu nityaṃ rudrārcane ratāḥ |
śāntiṃ kurvantu me nityaṃ santataṃ śivabhāvitāḥ || 6-220 ||

bhairavaṃ yasya rūpantu pretabhasmāvakuṇṭhitam |
tejasā tasya devasya śāntiṃ kurvantu me sadā || 6-221 ||

nityamujvalaveṣeṇa yoginyotha mahāvalāḥ |
anekarūpadhāriṇyo ḍākinyaśca mahardhikāḥ || 6-222 ||

rudrapraṇāmaparamā rudrapūjāratāssadā |
rudraikāhitacetaskāḥ śāntiṃ kurvantu me sadā || 6-223 ||

antarikṣagatāyāśca ḍākinyaḥ svargasaṃsthitāḥ |
pātāle bhūtale yāśca giridurgeṣu yāḥ sthitāḥ || 6-224 ||

tritayaṃ locanaṃ yasya triśūlaṃ yasya bhāsuram |
tejasā tasya devasya śāntiṃ kurvantu me sadā || 6-225 ||

sarve bhūtā mahārūpāḥ sarve bhūtā mahojvalāḥ |
sarve bhūtāḥ sthitā yetra bhūtā yenye paratra ca || 6-226 ||

antarikṣe ca ye bhūtā ye bhūtā divi saṃsthitāḥ |
pātāle bhūtale ye tu bhūtā bhūtividhāyinaḥ || 6-227 ||

khaṭvāṅgaṃ yasya vimalaṃ triśūlaṃ karapallave |
tejasā tasya devasya śāntiṃ kurvantu me sadā || 6-228 ||

p. 73(99)

pretāḥ pretagaṇāssarve ye pretāssarvato mukhāḥ |
atidīptāśca ye pretāḥ ye pretārudhirāśanāḥ || 6-229 ||

antarikṣe ca ye pretā ye pretāssvargasaṃsthitāḥ |
pātāle bhūtale pretā ye ye pretāḥ kāmarūpiṇaḥ || 6-230 ||

nānārūpadharāssarve piśācāguṇavattarāḥ |
antarikṣe piśācā ye svarge ye ca piśācakāḥ || 6-231 ||

bhūtale ye piśācāśca bahurūpā manojavāḥ |
candrārdhammastaske yasya bhasma yasya vibhūṣaṇam || 6-232 ||

tejasā tasya devasya śāntiṃ kurvantu me sadā |
apasmāragrahāssarve sarve cāpi jvaragrahāḥ || 6-233 ||

garbhabālagrahā ye tu nānārogagrahāstu ye |
antarikṣe grahāye tu svarge ye tu grahottamāḥ || 6-234 ||

pātāle bhūtale ye ca ye grahāḥ sarvatodiśi |
kaṇṭhaṃ yasya mahānīlaṃ bhūṣaṇaṃ yasya pannagāḥ || 6-235 ||

tejasā tasya devasya śāntiṃ kurvantu me sadā |
iti devādayassarve śivājñānu vidhāyinaḥ || 6-236 ||

kurvantu śāntiṃ jagataḥ śivabhakteṣu sarvadā |
ityuktvā devadevasya sannidhau ca kṛtāñjaliḥ || 6-237 ||

śivadhyānaparo bhūtvā bhaktyā stotramudīrayan |
jayātmayogasaṃsthāya jaya saṃsiddhacetase || 6-238 ||

p. 74(100)

jayadānaikaśūrāya jayeśāna namostu te |
jayottamāya devāya jaya kalyāṇakīrtaye || 6-239 ||

jaya prakaṭadehāya jitajapyāya te namaḥ |
jaya lakṣmī vidhānāya jaya kāntividhāyine || 6-240 ||

jaya vākyaviśuddhāya ajitāya namo namaḥ |
yaja triśūlahastāya jaya khaṭvāṃga dhāriṇe || 6-241 ||

jaya nirjitalokāya jaya rūpāya te namaḥ |
jaya kāntārdhadehāya jaya candrārdhadhāriṇe || 6-242 ||

jaya deva tridevāya jaya rudrāya te namaḥ |
jaya tribhuvaneśāya jaya vikhyātakīrtaye || 6-243 ||

jayādhārāya śarvāya jaya kartre namostu te |
jaya nirmaladehāya jaya sarvārthakāriṇe || 6-244 ||

jaya manmathanāśāya īśānāya namostu te |
ityevaṃ śāntikādhyāyaṃ yaḥ paṭhecchṛṇuyāttathā || 6-245 ||

vidhūya sarvapāpāni śivaloke mahīyate |
kanyārthī labhate kanyāṃ jayakāmo jayaṃ labhet || 6-246 ||

arthakāmolabhedarthaṃ putrakāmo labhetsutān |
vidyārthī labhate vidyāṃ yogārthī yogamāpnuyāt || 6-247 ||

yānyān prārthayate kāmān mānavaḥ śravaṇādiha |
tatsarvaṃ śīghramāpnoti devānāñca priyo bhavet || 6-248 ||

p. 75(101)

śrutvādhyāyamimaṃ puṇyaṃ saṃgrāmaṃ praviśennaraḥ |
sanirjityākhilān śatrūn kalyāṇaiḥ pratipūryate || 6-249 ||

akṣayaṃ modate kālaṃ itarastutaśāsanaḥ |
vyādhibhirnabhibhūyeta putrapautraiḥ pratiṣṭhitaḥ || 6-250 ||

śrutvādhyāyamidaṃ puṇyaṃ yamuddiśya paṭhennaraḥ |
tasya rogā na bādhante vātapittādisaṃbhavāḥ || 6-251 ||

nākāle maraṇantasya na sarpaiścāpi daṃśyate |
na viṣaṃ kramate dehe na jaḍāndhatvamūkatā || 6-252 ||

nopasargabhayantasya nacotpātabhayaṃ bhavet |
nābhicārakṛtairdoṣaiḥ lipyate sa kadācana || 6-253 ||

yatpuṇyaṃ sarvatīrthānāṃ gaṃgādīnāṃ viśeṣataḥ |
tatpuṇyaṃ koṭiguṇitam prāpnoti śravaṇādiha || 6-254 ||

daśānāṃ rājasūyānāṃ agniṣṭomaśatasya ca |
śravaṇātphalamāpnoti koṭikoṭiguṇottaram || 6-255 ||

avadhyassarvadevānāṃ anyeṣāṃ ca viśeṣataḥ |
jīvedvarṣaśataṃ sāgraṃ sarvavyādhivivarjitaḥ || 6-256 ||

goghnaścaiva kṛtaghnaśca brahmahā gurutalpagaḥ |
śaraṇāgataghātī ca mitra visraṃbhaghātakaḥ || 6-257 ||

duṣṭapāpasamāro mātṛhā pitṛhā tathā |

p. 76(102)

śravaṇādasya bhāvena mucyate sarvapātakaiḥ || 6-258 ||

śāntyadhyāyamimaṃ puṇyaṃ na dadyādyasya kasya cit |
śivabhakte samādeyaḥ śivena kathitaḥ purā || 6-259 ||

nityaṃ khacitaśaktiśca śaktivyāghātavarjitaḥ |
sarvakāmasamṛddhaḥ syāt yaḥ paṭheta dine dine || 6-260 ||


iti śivadharmaśāstre śivadharmottare nandikeśvaraprokte 
śāntipāṭhakathanannāma ṣaṣṭho'dhyāyaḥ ||




p. 77(103) 

śrīḥ

atha saptamodhyāyaḥ 

śivāya namaḥ 

nandikeśvara uvāca

ye smaranti sadākālamīśānaṃ pūjayanti vā |
rudralokātparibhraṣṭāste rudrā nātra saṃśayaḥ || 7-1 ||

agnihotrāśca vedāśca yajñāśca bahudakṣiṇāḥ |
śivaliṅgārcanasyaite koṭyaṃśenāpi no samāḥ || 7-2 ||

sadā yajati yajñena sadā dānaṃ prayacchati |
sadā ca vāyubhakṣaḥ syāt sadā yo bhyarcyecchivam || 7-3 ||

yaśśivaṃ pūjayennityaṃ praṇamedvāpi bhaktitaḥ |
tasya yogaṃ ca mokṣaṃ ca śivaḥ prītaḥ prayacchati || 7-4 ||

yaḥ kuryādarcanaṃ māsamekāhāro jitendriyaḥ |
sa ca yat phalamāpnoti na tat sarvaiḥ mahāmakhaiḥ || 7-5 ||

paurṇamāsyāmamavāsyāṃ caturdaśyaṣṭhamīṣu ca |
snāpayitvā sadā liṅgaṃ sarvayajñaphalaṃ labhet || 7-6 ||

kṛṣṇapakṣe trayodaśyāṃ upoṣya parameśvare |
prātarmadhyāhnayoḥ pūjāṃ caturdaśyāṃ samācaret || 7-7 ||

pañcagavyaṃ sakṛt pītvā havirbhuñjīta vāgyataḥ |

p. 78(104) 

daśānāmaśvamedhānāṃ phalaṃ prāpnoti mānavaḥ || 7-8 ||

kṛṣṇāṣṭamyāmupoṣyānyaḥ pūjayitvā tu śaṃkaram |
prāpnoti paramaṃ sthānaṃ devadevaṃ maheśvaram || 7-9 ||

brahmacārī śucirbhūtvā sandhyāyāṃ pūjayecchivam |
kulasaptakamuddhṛtya śivaloke mahīyate || 7-10 ||

mahāsnānādividhinā śivaṃ parvasu pūjayet |
yāvat syāt sarvakālaṃ ca pūjā yā śaṃkarasya tu || 7-11 ||

tāvatkālārcanaṃ puṇyaṃ yattatparvārcanādbhavet |
tasmāt sarvaprayatnena yathā vibhavavistaram || 7-12 ||

pūjanīyaḥ śivo nityaṃ puṇyalokajigīṣayā |
nairantaryeṇa ṣaṇmāsaṃ vidhinā pūjayecchivam || 7-13 ||

puṇyaṃ tadeva saṃkalpaṃ labhate viṣuvārcanāt |
etadeva tu vijñeyaṃ grahaṇe cottarāyaṇe || 7-14 ||

saṃkrāntau ca dinacchidre ṣaḍaśītimukheṣu ca |
māsaiścaturbhiryatpuṇyaṃ vidhinā pūjya śaṃkaram || 7-15 ||

tatkārtikyāṃ bhavetpuṇyaṃ paurṇamāsyāṃ śivārcanāt |
puṇyamevañca phālgunyāṃ āṣāḍhyāmeva meva ca || 7-16 ||

caturmāsārcanaṃ hyetat mahāpuṇyaphalaṃ bhavet |
māghamāse samudyuktaḥ trisandhyaṃ yorcayecchivam || 7-17 ||

labhet ṣāṇmāsikaṃ puṇyaṃ māse naiva na saṃśayaḥ |

p. 79(105)

yathā māghe tathāṣāḍhe māse caiva tu kārtike || 7-18 ||

triṣu puṇyaṃ samaṃ jñeyaṃ māseṣveteṣu yatkṛtam |
caturmāsārcanaṃ puṇyaṃ puṣyamāsārcanāllabhet || 7-19 ||

caitraphālgunayoḥ puṇyaṃ dvimāsajanitaṃ phalam |
caturdaśyāmamāvāsyāṃ paurṇamāsyāntu pākṣikam || 7-20 ||

puṇyamaṣṭaguṇaṃ jñeyaṃ aṣṭamyāṃ yorcayecchivam |
yo dadātigavāṃ lakṣaṃ dogdhrīṇāṃ vedapārage || 7-21 ||

ekāhamarcayelliṅgaṃ tasya puṇyaṃ tatodhikam |
māse māse tu yośnīyāt yāvajjīvaṃ dvijottamaḥ || 7-22 ||

yaścārcayet sakṛlliṅgaṃ samantatra na saṃśayaḥ |
anena kramayogena puṇyavṛddhirdine dine || 7-23 ||

* * * * * * syāpi yāvat kālaṃ samarcayet |

yaḥ punassaṃgamutsṛjyaṃ śivaśabdaṃ prapūjayet || 7-24 ||

nairantaryācchataguṇaṃ puṇyaṃ tasya pravardhate |
pañcāśadguṇitaṃ puṇyaṃ * * * * * * cchivam || 7-25 ||

ṛtāvṛtau tadardhaṃ syāt māsenāpi tadardhakam |
māsārdhamapi yo liṅge nairantaryeṇa pūjayet || 7-26 ||

narottamassavijñeyo nairantaryaṃ hi duṣkaram |
prātarutthāya yo liṅgaṃ bhaktyā pūjayate sakṛt || 7-27 ||

saṃpūrṇāṃ pṛthivīṃ datvā yat phalaṃ tadavāpnuyāt |

p. 80(106)

madhyaṃ dinakare prāpte nairantaryeṇa pūjayet || 7-28 ||

kapilānāṃ śataṃ datvā puṇyaṃ yattadavāpnuyāt |
vāruṇīmāśrite sūrye yaśśivaṃ samyagarcayet || 7-29 ||

gavāṃ śatasahasrasya dattasya phalamāpnuyāt |
śivaliṅgaṃ mahāpuṇyaṃ sarvadevanamaskṛtam || 7-30 ||

yasspṛśedapi pāṇibhyāṃ na sa pāpaiḥ pralipyate |
na te bhuyaḥ prayāsyanti yoniṃ saṃsārasāgaram || 7-31 ||

kramānmokṣaṃ gamiṣyanti ye narā liṅgamātrataḥ |
merumandaramātropi rāśiḥ pāpasya karmaṇaḥ || 7-32 ||

īśvaraṃ vaiyamāsādya naśyante duṣṭarogavat |
liṅgārcanarato nityaṃ mahāpātakasaṃbhavaiḥ || 7-33 ||

doṣaiḥ kṛtairnalipyeta padmapatramivāṃbhasā |
chitvā bhitvā ca bhūtāni hatvā sarvamidañjagat || 7-34 ||

yajedekaṃ virūpākṣaṃ na sa pāpaiḥ pralipyate |
sarvāvasthāṃ gato vāpi yukto vā sarvapātakaiḥ || 7-35 ||

śivamiṣṭvā narassopi prayāti paramāṃ gatim |
saritsamudratīreṣu vaneṣupavaneṣu ca || 7-36 ||

giriśṛṃgeṣu kūpeṣu gahanopavaneṣu ca |
puṣkariṇyāṃ taṭākeṣu tīrthāyatanasaṃśraye || 7-37 ||

yatra vā ramate buddhiḥ tatraiva śivamarcayet |

p. 81(107)

sarvadānena yatpuṇyaṃ tallabhennātra saṃśayaḥ || 7-38 ||

yaḥ punassnānasaṃkalpamutsṛjyaśivamarcayet |
sośvamedhaphalaṃ sarvaṃ labhate nātra saṃśayaḥ || 7-39 ||

ayaṃ vinaiva mantreṇa puṇyarāśiḥ prakīrtitaḥ |
syādayaṃ mantrasaṃyuktaḥ puṇyaṃ śataguṇādhikam || 7-40 ||

tasmānmantreṇa sarvāsu snānaṃ gandhaphalādikam |
gajāśvarathavastraṃ ca haimādyādi nivedayet || 7-41 ||

ādau namaśśivāyeti mantraḥ sarvārthasādhakaḥ |
sarvamantrādhikaścāya moṅkārādyaṣṣaḍakṣaraḥ || 7-42 ||

śivenāntarbahirvyāptaṃ sarvametaccarācaram |
jagadomiti yaccakre tasmādomiti saṃjñitaḥ || 7-43 ||

ayamarthaśca tisṛbhirmātrābhiḥ parigīyate |
brahmā hariśca rudraśca mātrāstrisraḥ prakīrtitāḥ || 7-44 ||

tribhiretairjagadvyāptaṃ kāraṇairātmakarmabhiḥ |
tisro mātrā śivasyaitāḥ sarvalokaprapūjitāḥ || 7-45 ||

etā eva trayo vedāḥ trayolokāstrayognayaḥ |
trayo guṇāstrivargāśca yaccānyajjagadi sthitam || 7-46 ||

ardhamātrāparorudraḥ śivaḥ paramakāraṇaḥ |
tasmādetatsamutpannaṃ jagataḥ kāraṇatrayam || 7-47 ||

sarvayajñaphalaśśuddho namaskāro maheśvaraḥ |

p. 82(108)

namaskārātmayajñena tasmāt saṃpūjayecchivam || 7-48 ||

ajñānaṃ śivatattvaṃ syāt sarvaduḥkhālayaṃ yataḥ |
svabāvāttadapāṃsuṃ hi yasmādrudraḥ paraśśivaḥ || 7-49 ||

namaśśivāya śāntāya kāraṇatraya hetave |
nivedayāmi cātmānaṃ tvaṃ gatiḥ parameśvara || 7-50 ||

japtvonnamaśśivāyeti mucyate sarvapātakāt |
yasmāt tasmāt sadā mantramoṅkārādyamanusmaret || 7-51 ||

sarvadā sarvakāryeṣu kṣutaniṣṭhīvanādiṣu |
yaśconnamaśśivāyeti giramuktvā śivaṃ vrajet || 7-52 ||

yaḥ svayaṃ pratibuddhastu prāṇotkrānte ca saṃsmaret |
ya oṃ namaśśivāyeti sa gacchet paramāṃ gatim || 7-53 ||

śāṭhyenāpi namaskāraḥ prayuktaḥ śūlapāṇaye |
saṃsārasthūlabandhānāmudveṣṭanakaro bhavet || 7-54 ||

apavitraḥ pavitro vā sarvāvasthāṃ gatopi vā |
sakṛtsmarati yo rudraṃ sarvapāpaiḥ pramucyate || 7-55 ||

smaraṇādeva rudrasya pāpasaṃghātapañjaram |
śatadhā bhedamāyāti girirvajrahato yathā || 7-56 ||

sarveṣāṃ śivabhaktānāṃ aśeṣārthaprasiddhaye |
mantro maheśvaraḥ sākṣāt aśeṣārthaprasādhanam || 7-57 ||

yadbījaṃ sarvavidyānāṃ ādyaṃ brahma parātparam |

p. 83(109)

sarvārthasādhanaṃ mantraṃ śivasūtraṃ ṣaḍakṣaram || 7-58 ||

bhāṣitasyaiva sūtrasya śivajñānāni śaṃbhunā |
tasmāt parāvarāṇīha pyaktāktagaditāni tu || 7-59 ||

tasmādanena mantreṇa prakurvīta śivārcanam |
sandhyāyāntu japedenaṃ sarvapāpaviśuddhaye || 7-60 ||

grahācchataguṇaṃ tasmāt sandhyāyāntu jalāśaye |
śivāgrāddakṣiṇāmūrteḥ tatpuṇyamayutādhikam || 7-61 ||

tasmācchivālaye japyaṃ * * * * * * * * |
mantreṇa * * satataṃ sarvakāmaprasiddhaye || 7-162 ||

jitendriyaḥ śāntamanāḥ śivamantreṇa yorcayet |
na tasya śakyate vaktuṃ puṇyaṃ varṣaśatairapi || 7-163 ||

etāvacchakyate vaktuṃ yasmindeśe vasatyayam |
sopi deśo bhavetpūtaḥ kiṃ punastasya bāndhavāḥ || 7-64 ||

yasminnivāse cāśnāti ye cāsya paricārakāḥ |
te pīha tatsamā jñeyāḥ tairvinā na śivārcanam || 7-65 ||

na tatra deśe durbhikṣaṃ na ca mārī pravartate |
nākāle mriyate rājā pūjyate yatra śaṃkaraḥ || 7-166 ||

dīkṣitaḥ sūtramantrajñaḥ yorcayeta sadāśivam |
sa ca yatphalamāpnoti tadekāgramanāśśṛṇu || 7-67 ||

sarvavedeṣu yatpuṇyaṃ sarvayajñeṣu yatphalam |

p. 84(110)

tatphalaṃ koṭiguṇitaṃ labhate nātra saṃśayaḥ || 7-68 ||

yaśśivaṃ pūjayennityaṃ antyajopi jitendriyaḥ |
bhavabhāvasamāyuktaḥ sopi gacchetparāṃ gatim || 7-69 ||

nopanītasahasrebhyo brahmacārī viśiṣyate |
brahmacāri sahasrebhyo vedādhyāyī viśiṣyate || 7-70 ||

vedādhyāyi sahasrebhyo hyagnihotrī viśiṣyate |
agnihotrisahasrebhyo yajñayājī viśiṣyate || 7-71 ||

yajñayājisahasrebhyo satrayājī viśiṣyate |
satrayājisahasrebhyassarvavidyāntapāragāḥ || 7-72 ||

sarvavidyāntavitkoṭyāḥ śivabhakto viśiṣyate |
yasmādeva śivaṃ tasmāt arcayecchāntamānasaḥ || 7-73 ||

śivabhakto jitakrodhaḥ śivajñānaparāyaṇaḥ |
maitrīkāruṇikojasraṃ prāpnoti satataṃ śivam || 7-74 ||

kṣaṇārdhenāpi yatpuṇyaṃ kuryānmaitrīsubhāvitaḥ |
na tadvarṣaśatenāpi tapo yajñaśatairbhavet || 7-75 ||

sarvaprāṇiṣu kāruṇyaṃ dīnānātheṣu bhāvayet |
sukhaṃ prāṇiṣu maitrī syāt muditāpuṇyaśāliṣu || 7-76 ||

apuṇyavatsucopekṣā sarveṣāñca decchivaḥ |
ityevaṃ pañcadhācittaṃ bhāvayitvārcayecchivam || 7-77 ||

iṣṭvā tu parayā bhaktyā bhagavantaṃ maheśvaram |

p. 85(111)

kṛtāñjalipuṭo bhūtvā stotrametajjapennaraḥ || 7-78 ||

stutāya stutirūpāṇi stūyamānāya sarvadā |
stutihetunidhānāya namastriṇayanāya te || 7-79 ||

devāya devadevāya sarvadevaikahetave |
dīpyānāmapi dīpyāya namo dīpyatamāya te || 7-80 ||

namaste jñānarūpāya sarvajñānaikahetave |
jñānavijñānaśuddhāya nityaṃ jñānaratāya te || 7-81 ||

sūkṣmāya sūkṣmasūkṣmāya sūkṣmajñānaikahetave |
sūkṣmāṇāmapi sūkṣmāya namassūkṣmatamāya te || 7-82 ||

divyāya divyarūpāya divyarūpaikahetave |
pūjyānāmapi pūjyāya namaḥ pūjyatamāya te || 7-83 ||

nityāya nityanityāya nityānityaikahetave |
nityānāmapi nityāya namo nityatamāya te || 7-84 ||

dīptāya dīptadīptāya sarvadīptyaikahetave |
dīptānāmapi dīptāya namo dīptitamāya te || 7-85 ||

śuddhāya śuddharūpāya sarvasudhyaikahetave |
śuddhānamapi śuddhāya namaśśuddhatamāya te || 7-86 ||

sārāya sārarūpāya sarvasāraikahetave |
sārāṇāmapi sārāya namassāratamāya te || 7-87 ||

śaktāya śaktirūpāya sarvaśaktyaikahetave |

p. 86(112)

śaktānāmapi śaktāya namaśśaktatamāya te || 7-88 ||

kālāya kālarūpāya sarvakālaikahetave |
kālānāmapi kālāya namaḥ kālatamāya te || 7-89 ||

sarvamantraśarīrāya sarvamantraikahetave |
mantrāṇāmapi mantrāya namo mantratamāya te || 7-90 ||

vyomapramāṇarūpāya īśānāya namo namaḥ |
vyomapramāṇadharmāya dharmeśāya namo namaḥ || 7-91 ||

vyomapramāṇabhogāya bhogeśāya namo namaḥ |
vyomapramāṇamokṣāya mokṣeśāya namo namaḥ || 7-92 ||

ekadehadvidehāya bahudehāya te namaḥ |
dehāsaṃkhyeya yuktāya tryambakāya namo namaḥ || 7-93 ||

ekavaktradvivaktrāya bahuvaktrāya te namaḥ |
vaktrāsaṃkhyeyayuktāya parameśāya te namaḥ || 7-94 ||

ekajihvadvijihvāya bahujihvāya te namaḥ ||
jihvāsaṃkhyeyayuktāya triṇetrāya namo namaḥ || 7-95 ||

ekakarṇadvikarṇāya bahukarṇāya te namaḥ |
karṇāsaṃkhyeya yuktāya nīlakaṇṭhāya te namaḥ || 7-96 ||

ekanāsādvināsāya bahunāsāya te namaḥ |
nānāsaṃkhyeya yuktāya nityaṃ śarvāya te namaḥ || 7-97 ||

ekahastadvihastāya bahuhastāya te namaḥ |

p. 87(113)

hastāsaṃkhyeyayuktāya śaṅkarāya namo namaḥ || 7-98 ||

ekavastradvivastrāya bahuvastrāya te namaḥ |
vastrāsaṃkhyeyayuktāya nityaṃ rudrāya te namaḥ || 7-99 ||

ekanetradvinetrāya bahunetrāya te namaḥ |
netrāsaṃkhyeya yuktāya śaṅkarāya namo namaḥ || 7-100 ||

namostu te mahādeva namastestu mahe * * |
yogin namaste * * jvala * * * * * * * || 7-101 ||

namostu te maheśāya namastestu mahottama |
namastestu mahārūpa namastestu sadāśiva || 7-102 ||

namastestu sadāśuddha namaste * * * * * |
namastestu mahādeva * * sadāśiva * * || 7-103 ||

namaste bhagavan śānta namaste bhagavan dhruva |
namaste bhagavandīpta namaste bhagavan hara || 7-104 ||

ajitāya namastubhyaṃ bhasmāṃgāya namostu te |
sarvajñāya namastubhyaṃ anāthāya namostu te || 7-105 ||

avyaktāya namastubhyaṃ praśāntāya namostu te |
supūjyāya namastubhyaṃ varadāya namostu te || 7-106 ||

anantāya namastubhyaṃ sarvagāya namostu te |
iti stavena divyena yaḥ stauti ca maheśvaram || 7-107 ||

sa vidhūyāśu pāpāni rudraloke mahīyate |

p. 88(114) 

bhogārthī labhate bhogān rājyārthī rājyamāpnuyāt || 7-108 ||

mucyate vyādhimān vyādheḥ duḥkhī duḥkhātpramucyate |
bandhanānmucyate baddhaḥ yaśorthī suyaśo bhavet || 7-109 ||

bhaktiḥ paraśive nityamavāpya sukhamedhate |
yānyān cintayate kāmān tāṃ stān prāpnoti mānavaḥ || 7-110 ||

śivasya padamāpnoti nityaṃ paṭhati yo naraḥ |

iti śivadharmaśāstre śrīnandikeśvaraprokte dānadharmavidhirnāma 
saptamodhyāyaḥ ||




p. 89(115)

śrīḥ

atha aṣṭamodhyāyaḥ 

nandikeśvara uvāca

pṛthivyāṃ yāni tīrthīni puṇyānyāyatanāni ca |
līyante tāni liṅge tu tasmālliṅgaṃ prapūjayet || 8-1 ||

sasnātassarvatīrtheṣu sarvayajñeṣu dīkṣitaḥ |
yaḥ pūjayenmahādevaṃ sa gacchetparamaṃ padam || 8-2 ||

śatena sthāpitaṃ liṅgaṃ sahasreṇa na cālayet |
susthitaṃ dusthitaṃ vāpi śivaliṅgaṃ na cālayet || 8-3 ||

ghṛtābhiṣekaṃ yaḥ kuryāt ahorātraṃ śivasya tu |
sūkṣmadhāreṇa kuṃbhena puṇyamāse samudyataḥ || 8-4 ||

gītanṛttopahāreṇa śaṃkhavāditranisvanaiḥ |
kurvanjāgaraṇantatra pradīpādyupaśobhayā || 8-5 ||

samastapāpanirmuktaḥ samastakulasaṃyutaḥ |
samastakāmasaṃpūrṇaḥ samastaguṇasaṃyuktaḥ || 8-6 ||

jvaladbhissamahāyānaiḥ asaṃkhyeyairanūpamaiḥ |
yuktaḥ śivapure nityaṃ modate śivavatsukhī || 8-7 ||

grahaṇe viṣuve caiva puṇyeṣu divaseṣu ca |
ghṛtābhiṣekaṃ yaḥ kuryāt mahāpuṇyamavāpnuyāt || 8-8 ||

p. 90(116)

ghṛtābhiṣekaṃ yaḥ paśyet āsamāptamupoṣitaḥ |
vidhūya sarvapāpāni śivalokaṃ sa gacchati || 8-9 ||

ekaḥ pūjayate bhaktyā tvanyo bhaktyā prapaśyati |
samamevaphalantābhyāṃ bhaktirevātrakāraṇam || 8-10 ||

yaḥ kuryātparvakāleṣu mahāpūjāpravartanam |
śivasya rathayātrāṃ vā nagarāntaḥ parikramāt || 8-11 ||

mahācitradhvajaiḥ citraiḥ kiṅkiṇīkhakānvitaiḥ |
vitānadhvajamālābhiḥ ghaṇṭācāmaradarpaṇaiḥ || 8-12 ||

śaṃkhabheryādinirghoṣaiḥ gītavādyādisaṃkulaiḥ |
lekhyā dārumayairyantraiḥ mātṛyakṣagaṇādibhiḥ || 8-3 ||

udagāgneya yantraiśca bahvāścaryairanekaśaḥ |
striḍolacakrayantraiśca rathamandiraśobhitām || 8-14 ||

udyānapānakhānādyaiḥ mahāsatrasabhāyutām |
mahājanasamākīrṇāṃ yathāvibhavakalpitām || 8-15 ||

sarvadānasya puṇyāni sarvayajñaphalāni ca |
atyugratapasāṃ puṇyaṃ sarvatīrthaphalāni ca || 8-16 ||

labdhvānakharaḥ śrīmān vidhiyātrāpravartanāt |
śivaloke mahābhogaiḥ śivavanmodate sadā || 8-17 ||

tasyānte devarājatvaṃ suciraṃ kālamāpnuyāt |
jambūdvīpādhipaḥ śrīmān tasyānte ca bhavetpunaḥ || 8-18 ||

p. 91(117)

āliṅgavediparyantaṃ yo dadyāt ghṛtakaṃbalam |
ghatadhārāphalantasya māghe pūrṇe ca parvaṇi || 8-19 ||

jāgaran gītanṛttādyaiḥ sakṛtkṛtvā tu parvaṇi |
manvantaraṃ śataṃ sāgraṃ rudraloke mahīyate || 8-20 ||

chatrābhirāmanāṭyādyaṃ śivasyāyatanāgrataḥ |
samyak saṃprokṣaṇaṃ kṛtvā rudraloke mahīyate || 8-21 ||

surūpaḥ subhagaśśrīmān paribhraṣṭotra jāyate |
rūpaṃ piṣṭamayaṃ kṛtvā triṇetraṃ ratnabhūṣitam || 8-22 ||

danteṣu mauktikaṃ tasya pravālamadharoṣṭhayoḥ |
dadyādvajrañca netrebhyo vaiḍūryaṃ cāpi mastake || 8-23 ||

hemaraupyam ca hastābhyāṃ tāmraṃ pāde prakalpayet |
aṇḍajairvāpi kārpāsa sūtrairapyupaveṣṭayet || 8-24 ||

sugandhaidūpagandhaiśca puṣpaiścāpi vibhūṣayet |
vividhairbhakṣya bhojyaiśca baliṃ tatropakalpayet || 8-25 ||

bhojayecchivabhaktāṃśca viprān bhaktyā samarcayet |
prīyatāṃ me śivo nityaṃ ityuktvotthāpayeddvijān || 8-26 ||

taireva sārdhaṃ viprendraiḥ ānayettaṃ śivālayam |
nītvā samarpayedvedyāṃ śivaliṅgasamīpataḥ || 8-27 ||

sarvayajñaphalaṃ prāpya sarvadānaphalāni ca |
surūporūpyadānena śivaloke mahīyate || 8-28 ||

p. 92(118)

bhājanaṃ ghṛtasaṃpūrṇaṃ madhunā pariśobhitam |
dadyātkṛṣṇatilānāntu prasthamekantu māgadham || 8-29 ||

dviguṇantaṇḍulānāntu pṛthak prasthaṃ prakalpayet |
aṇḍajaiḥ pauṇṭrajairvastraiḥ vicitraiḥ pariveṣṭitam || 8-30 ||

liṅgaṃ saṃveṣṭyavastrābhyāṃ balimetannivedayet |
arcayitvā vidhānena paurṇamāsyāṃ viśeṣataḥ || 8-31 ||

yugakoṭisahasrāṇi śivaloke mahīyate |
puṇyakṣayādihāgatya samṛddhe jāyate kule || 8-32 ||

medhāvī subhagaḥ śrīmān vedavedāṃgapāragaḥ |
tāmrapātraṃ payaḥ pūrṇaṃ kṛtvā tatsthaṃ ca kāñcanam || 8-33 ||

pracchādyopari padme * * * * * * * * hat |
śivabhaktadvijaṃ sa * * pūjayitvā vidhānataḥ || 8-34 ||

prācyāṃ samudbhave some pratīcyāṃ tu khau gate |
paurṇamāsyāṃ savaiśākhyāṃ gṛhyapātraṃ śivāgrataḥ || 8-35 ||

prīyatāmme mahādevaḥ somamūrtiḥ jagatpatiḥ |
tasmai viprāya tatpātraṃ arpayedbhaktitaḥ śanaiḥ || 8-36 ||

etatsaumavratannāma kṛtvā rudrāntikaṃ vrajet |
rudralokātparibhraṣṭo bhavejjātismaro naraḥ || 8-37 ||

sa pūrvābhyāsake naiva punaḥ śivapadaṃ vrajet |
paurṇamāsyāṃ tvathāṣāḍhyāṃ śivaṃ saṃpūjyayatnataḥ || 8-38 ||

p. 93(119)

upavītaṃ śive dadyāt śivabhaktāṃśca bhojayet |
punareva tu kārtikyāṃ pūjya śaṃbhuṃ kṣamāpayet || 8-139 ||

yatīnāṃ dakṣiṇāṃ dadyāt sūtravastrādipūrvakām |
yaḥ kuryātsakṛdapyevaṃ cāturmāsya pavitrakam || 8-40 ||

kalpakoṭiśataṃ divyaṃ rudraloke mahīyate |
puṇyakṣayātparibhraṣṭaḥ caturvedī ca jāyate || 8-41 ||

icchayā tu bhavedrājā guṇarūpasamanvitaḥ |
bhūmidānasya yatpuṇyaṃ kanyādānasya yatphalam || 8-42 ||

mukhavādyena yatpuṇyamubhayaṃ labhate naraḥ |
tadeva puṇyaṃ gītasya nṛttasya ca viśeṣataḥ || 8-43 ||

tadeva jayaśabdasya tadevantālakadhvaneḥ |
yo gāṃ payasvinīṃ dadyāt taruṇīṃ vṛṣasaṃyutām || 8-44 ||

śivāya tena dattaṃ dattaṃ syāt jagatsarvaṃ carācaram |
vṛṣasya paripūrṇāṅgamudārañca śaśiprabham || 8-45 ||

gopatiṃ dhūrvahañcāpi yatheṣṭañca nivedayet |
yāvanti deharomāṇi tatprasūtikuleṣu ca || 8-46 ||

tāvadyugasahasrāṇi śivaloke mahīyate |
śivāgnikāryamuddiśya surūpāṃ supayasvinīm || 8-47 ||

kulīnāṃ kapilāṃ datvā dattaṃ bhavati cākṣayam |
bhayakāntāradurgebhyaḥ kapilā trāti mātṛvat || 8-48 ||

p. 94(120)

yajane kapilāntasmāt śivāya vinivedayet |
śivasnānādikāryārthamutpannaṃ kapilāghṛtam || 8-49 ||

tasmāttatraiva sā yojyā kapilā śubhamichatā |
kāpilaṃ yaḥ pibecchūdraḥ śivasaṃskāravarjitaḥ || 8-50 ||

sa prayāti mahāghoraṃ narakaṃ yātanākulam |
hutaśeṣaṃ pibedvipraḥ svargīsyādanyathā paśuḥ || 8-51 ||

gāmālabhya namaskṛtvā yaḥ kuryāddviḥpradakṣiṇam |
pradakṣiṇī kṛtā tena saptadvīpā vasundharā || 8-52 ||

gavāṃ huṅkāraśabdena darśanasparśanena ca |
pāpaṃ praṇaśyate yasmāt tasmāt paśyet sṛśet sadā || 8-53 ||

kutasteṣāṃ hi pāpāni yeṣāṃ grahamalaṃkṛtam |
satataṃ bālavatsābhiḥ gobhiḥ śrībhirivasvayam || 8-54 ||

yāni tīrthāni medinyāmāsamudrāt sarāṃsi ca |
gavāṃ śṛṅgodake snātvā kalānnārhanti ṣoḍaśīm || 8-55 ||

na laṅghayedgavāmasthi mṛtagandhannavarjayet |
yāvat pibati tadgandhantāvatpuṇyaissapūryate || 8-56 ||

gavāṃ kaṇḍūyanāddhūpāt gopradānaphalaṃ labhet  
tulyaṃ gośatadānena bhayarogādipālanāt || 8-57 ||

tṛṇodakādisaṃyuktaṃ yaḥ pradadyādgavāntikam |
sośvamedhaśataṃ puṇyaṃ labhate nātra saṃśayaḥ || 8-58 ||

p. 95(121)

bahunātra kimuktena gāvaḥ pālyāḥ prayatnataḥ |
gāvo devāssadā rakṣyāḥ poṣyāḥ pālyāśca sarvadā || 8-59 ||

ye tāḍayanti gāṃ pāpāḥ sarvalokasya mātaram |
ākrośayanti ye yasmāt ākruṣṭaistāḍitañjagat || 8-60 ||

tāḍayedyadi gāṃ mohāt yāvatkrośennarādhamaḥ |
narakāgnau sa pacyeta gavāṃniśvāsapīḍitaḥ || 8-61 ||

sa palāśena daṇḍena tāḍayan stānnivartayet |
gacchagaccheti tāṃ brūyāt mātarmāteti vārayet || 8-62 ||

halotsargantu yaḥ kuryāt pakṣayorubhayorapi |
dvādaśyāṃ paurṇamāsyāṃ vā caturdaśyaṣṭamīṣu vā || 8-63 ||

tasya bhāvapriyo viṣṇuḥ śivomāsarvadevatāḥ |
śāntiṃ puṣṇantu me prītāḥ svargamāyurbalaṃ śriyam || 8-64 ||

evaṃ gaurvartate goṣu tāḍanākrośavarjitaḥ |
mahatīṃ śriyamāpnoti rudralokaṃ sa gacchati || 8-68 ||

go brāhmaṇārthamudyuktaḥ prāṇairyadiviyujyate |
prāpnoti paramaṃ sthānaṃ yatra devo maheśvaraḥ || 8-66 ||

brāhmaṇānāṃ gavāṃ caiva kulamekaṃ dvidhā kṛtam |
ekatra mantrāstiṣṭhanti havirekatra tiṣṭhati || 8-67 ||

goṣu yajñāḥ pravartante goṣu devāḥ pratiṣṭhitāḥ |
gobhirvedāssamākīrṇāḥ saṣaḍaṅgapadakramāḥ || 8-68 ||

p. 76(122)

śṛṅgamūle gavāṃ nityaṃ brahmāviṣṇuśca saṃsthitau |
śṛṅgāgre sarvatīrthāni sthāvarāṇi carāṇi ca || 8-69 ||

śiro madhye mahādevaḥ sarvadevoparisthitaḥ |
lalāṭāgre sthitā devī nāsāvaṃśe ca ṣaṇmukhaḥ || 8-70 ||

kaṃbalāśvatarau nāgau nāsāpuṭasamāsthitau |
karṇayoraśvinau devau cakṣuṣoḥ śaśibhāskarau || 8-71 ||

danteṣu vasavaḥ sarve jihvāyāṃ varuṇaḥ sthitaḥ |
sarasvatī ca huṃkāre yamayakṣau ca gaṇḍayoḥ || 8-72 ||

sandhyādvaye tathoṣṭhābhyāṃ grīvāmindraḥ samāśritaḥ |
ṛkṣāṇi kakudidyauśca siddhāścorasi saṃsthitāḥ || 8-73 ||

catuṣpātsakalodharmaḥ svayaṃ jaṃghādhisaṃsthitaḥ |
khuramadhye tu gandharvāḥ khurāgreṣu ca pannagāḥ || 8-74 ||

khurāṇāṃ paścimāgreṣu śritāstvapsarasāṃ gaṇāḥ |
rudraikādaśakaḥ pṛṣṭhe vāyavaḥ sarvasandhiṣu || 8-75 ||

śroṇī saṃsthāśca pitaraḥ sthitā yonau tu mātaraḥ |
śrīrapāne gavāṃ nityaṃ nāgā lāṃgūlamāśritāḥ || 8-76 ||

ādityaraśmayo vāle piṇḍībhūtā vyavasthitāḥ |
udare pṛthivī sarvā saśailavanakānanāa || 8-77 ||

sākṣādgaṅgā ca gomūtre gomaye yamunā sthitā |
aṣṭāviṃśati devānāṃ koṭyo romasusaṃsthitāḥ || 8-78 ||

p. 97(123)

ṛṣayaśca tathā sarve romakūpeṣu saṃsthitāḥ |
catvārassāgarāḥ pūrṇā ūdhasyeva payodharāḥ || 8-79 ||

jaṭare gārhapatyogniḥ hṛdaye dakṣiṇānalaḥ |
mukhe hyāhavanīyastu sthitā tena garīyasā || 8-80 ||

sandhiṣu kratavassarve hayamedhādayaḥ sthitāḥ |
etaddhi kathitaṃ sarvaṃ yathā goṣu pratiṣṭhitam || 8-81 ||

goṣu dattaṃ hutaṃ bhuktaṃ goṣu sarvaṃ carācaram |
tasmānna hiṃsyādgāvo vai pālanīyāstu sarvadā || 8-82 ||

gāvastutyāśca vandyāśca gāvo māṃ pāntu nityaśaḥ |
brāhmaṇā brahmaśabdena stūyate praṇavena yaḥ || 8-83 ||

sa śivaḥ śāśvato devo goṣu mārīrvyapohatu |
ihāmutra ca sāṃbārdho vighneśagaṇapūjitaḥ || 8-84 ||

sa śivaḥ śāśvato devo goṣu mārīrvyapohatu |
lambodareṇa devena gajavaktreṇa yaḥ stutaḥ || 8-85 ||

sa śivaḥ śāśvato devo goṣu mārīrvyapohatu |
śrīmatā rucināgeṇa ghaṇṭākarṇagaṇena yaḥ || 8-86 ||

nityaṃ praṇamyate bhaktyā hṛṣṭenātyaktacetasam |
saśivaḥ śāśvato devo goṣu mārīrvyapohatu || 8-87 ||

nityaṃ rudrabalopeto rudraśaktisamanvitaḥ |
ghaṇṭākarṇagaṇo devaḥ śivājñānuvidhāyakaḥ || 8-88 ||

p. 98(124)

śivastejobhibhāvena goṣu mārīrvyapohatu |
śivāya devadevāya mahādevāya bhāvine || 8-89 ||

rudrāya sthāṇave nityamarogāya namo namaḥ |
parameśāya siddhāya mantrasiddhipradāyine || 8-90 ||

tryaṃbakāya maheśāya tvatiśāntāya te namaḥ |
abhimantrya sadā toyametairmantrairyathākramam || 8-91 ||

prokṣayet gavāndeha mataśśāntirbhaviṣyati |
ya imaṃ paṭhate goṣu rogārtāsu viśeṣataḥ || 8-92 ||

go sāvitriṃ sadākālaṃ gavāṃ śāntirbhaviṣyati |
prātarutthāya satataṃ gosāvitrīmimāṃ paṭhet || 8-93 ||

gavāñcot vakāleṣu prasthāne vā samāgame |
āyuṣmān balavān śrīmān gomānarthapatirbhavet || 8-94 ||

dehānte ca paraṃ sthānaṃ sagacchennātra saṃśayaḥ |
sarvapāpaviśudhyarthaṃ gosāvitrīmimāṃ paṭhet || 8-95 ||

sa * * toyeṣu bṛhattriṇeṣu
sapuṃgavannityamarogavatsāḥ |
carantu gāvaḥ sukhitā vaneṣu
kṣīraṃ prayacchantu sukhaṃ svapantu || 8-96 ||

yolaṅkṛtya śivāyāśvamuttamaṃ vinivedayet |
sośvamedhasya yajñasya phalamaṣṭaguṇaṃ labhet || 8-97 ||

p. 99(125)

suvinītāṃ striyaṃ dāsīṃ bhṛtyaṃ vā vinivedayet |
naramedhasya yajñasya phalamaṣṭaguṇaṃ bhavet || 8-98 ||

nivedayīta yo nāgaṃ bhaktyā bhadramalaṃkṛtam |
śivāya parvadivase tasya puṇyaphalaṃ śṛṇu || 8-99 ||

mattairairāvataprakhyairgajairyuktaissuśobhanaiḥ |
prakrīḍati mahāyānaiḥ śatasaṃkhyairanekaśaḥ || 8-100 ||

kalpakoṭisahasrāṇi kalpakoṭyayutāni ca |
rudralokagataścānte bhavedindrassurādhipaḥ || 8-101 ||

caturyugasahasrānte bhūmiṃ prāpya narādhipaḥ |
bhavedindrasamaḥ śrīmān rūpavīryaśriyānvitaḥ || 8-102 ||

śivāya yaḥ phalopetāṃ sarvasasya prarohiṇīm |
mahīmmahīpatirdadyāt tasya puṇyaphalaṃ śṛṇu || 8-103 ||

yāvaddaṇḍā bhavedbhūmiḥ mīyamānā samantataḥ |
tāvatkalpasya saṃkhyānaṃ rudraloke mahīyate || 8-104 ||

evaṃ sarvatra vijñeyaṃ phalaṃ daṇḍapramāṇataḥ |
grāmakheṭapurakṣetre viṣayādinivedane || 8-105 ||

sarvasasyajalopetāṃ sarvabādhāvivarjitām |
grāmaṃ śivāya yo dadyāt tasya puṇyaphalaṃ śṛṇu || 8-106 ||

sarvayajñeṣu yatpuṇyaṃ sarvatīrtheṣu yatphalam |
sarvadāneṣu yatpuṇyaṃ grāmadāneṣu tatphalam || 8-107 ||

p. 100(126)

sūryakoṭipratīkāśaiḥ divyastrīkoṭisaṃyutaiḥ |
saṃyuktaḥ koṭiśo nekaissarvakāmasamanvitaḥ || 8-108 ||

vimānairgrāmadānena trisaptakulasaṃyutaḥ |
yatheṣṭamaiśvare loke krīḍate kālamakṣayam || 8-109 ||

yatpuṇyannagarasyaiva grāmadānācchatādhikam |
daśadānenacānantyaṃ naśakyaṃ parikīrtitum || 8-110 ||

ratnānnapānagośvādyaṃ sārvabhaume prajāyate |
tasmādbhūmipradānena naro bhavati sarvadā || 8-111 ||

yonyadattāṃ svadattāṃ vā haredbhūminnarādhamaḥ |
prapacyate'kṣayaṃ kālaṃ narakeṣu krameṇa saḥ || 8-112 ||

sarvaṃ vā bhūmiharaṇe hṛtameva na saṃśayaḥ |
bhūmihartā vasettatra narake kālamakṣayam || 8-113 ||

devasvannirharantīha narā narakanirbhayāḥ |
brahmasvahāriṇo mohāt pacyante narakāgniṣu || 8-114 ||

devabrahmasvapuṣṭāni vāhanāni mahīpatiḥ |
yuddhakāle viśīryante saikatāssetavo yathā || 8-115 ||

yāvaddātā vasetsvarge tāvatkālasya saṃkhyayā |
tasmācchataguṇaṃ proktaṃ taddhartā narake vaset || 8-116 ||

viṃśatyaṣṭau hi koṭyā hi narakāṇāṃ sudāruṇāḥ |
krameṇa teṣu pacyante devabrahmasvahāriṇaḥ || 8-117 ||

p. 101(127)

kalpānte te samuttīrṇā vṛkṣakīṭādi yoniṣu |
bhramanti suciraṃ kālaṃ kṣutpipāsādipīḍitāḥ || 8-118 ||

evaṃ bhramanti suciramīśvarājñāpracoditāḥ |
kenacicchivabhaktena śivārcāyatanādiṣu || 8-119 ||

tato nirddhūtapāpmānaḥ te narāḥ śivatejasā |
divyaṃ prayānti santyajya śarīraṃ yātanākṛtam || 8-120 ||

iti śrīśivadharmottare śaivaśāstre nandikeśvaraprokte 
śivadharmapradānannāma aṣṭamodhyāyaḥ ||




p. 102(128)

śrīḥ

atha navamodhyāyaḥ

nandikeśvaraḥ

ataḥ paramidaṃ guhyaṃ vakṣyāmi munisattama |
puṇyātiśayasaṃyuktaṃ sarvadevairanuṣṭhitam || 9-1 ||

brahmaṇā viṣṇunā devyā skandendreṇa yamena ca |
varuṇādityasomāgnimaruddahananāradaiḥ || 9-2 ||

dharmaśrīśukranakṣatra vilohitaśanaiścaraiḥ |
viśvāmitravasiṣṭhātri bṛhaspatibudhādibhiḥ || 9-113 ||

śvetāgastyadadhīcādyaiḥ sarvaiśca munisattamaiḥ |
bhṛṃgimātṛmahākālacaṇḍeśvaragaṇādhipaiḥ || 9-4 ||

vṛṣavāsukikārkoṭagulikānantatakṣakaiḥ |
śaṃkhapadmamahāpadmairanyaiścāpi mahoragaiḥ || 9-5 ||

siddhairyakṣaiḥ kiṃpuruṣaiḥ bahubhiśca mahātmabhiḥ |
apsarodaityagandharvai rakṣobhūtagaṇairapi || 9-6 ||

viśvedevaistathā sarvaistaistaissukṛtibhirvaraiḥ |
śivāgatiryathāprāptā sarvagatyātiśāyinī || 9-7 ||

mayāceśaprasādena tathāvidhamimaṃ śṛṇu |
sitacandanatoyena snāpyaliṅgaṃ vilipya ca || 9-8 ||

p. 103(129)

śatairvikasitaiḥ padmaiḥ saṃpūjya praṇipatya ca |
paṅkaje vimale saumye nicchidre puṣpite site || 9-9 ||

madhye kesarajālasya sthāpya liṅgaṃ kanīyakam |
aṅguṣṭhamātraṃ vidhivat sarvagandhamayaṃ śubham || 9-10 ||

saṃsthāpya dakṣiṇāmūrtau bilvapatraissamarcayet |
agarundakṣiṇe pārśve paścime tu manaśśilāḥ || 9-11 ||

uttare candanaṃ dadyāt haritālantu pūrvataḥ |
susugandhaiśca kusumaiḥ vicitraiścāpi pūjayet || 9-12 ||

dhūpaṃ kṛṣṇāgaruṃ dadyāt saghṛtaṃ cāpi gulgulu |
vāsāṃsyacchāni sūkṣmāṇi vikeśāni nivedayet || 9-13 ||

śivāya śivamantreṇa dakṣiṇāmūrtimāśritaḥ |
anena vidhinā devāḥ sarve devatvamāgatāḥ || 9-14 ||

devī devatvamāpannā guhaḥskandatvamāgataḥ |
brahmā brahmatvamāpanno harirviṣṇutvamāgataḥ || 9-15 ||

indraśca devarājatvaṃ gaṇāśca gaṇatāṃ gatāḥ |
evaṃ yorcayate liṅgaṃ sarvagandhamayaṃ sakṛt || 9-16 ||

sarvapāpavinirmuktaḥ śivamevādhigacchati |
etadvratottamaṃ guhyaṃ śivaliṅgaṃ mahāvratam || 9-17 ||

bhaktasya te mayākhyātaṃ na deyaṃ yasya kasyacit |
ciraṃ paryuṣitaṃ mālyaṃ śivasyāpanayīta yaḥ || 9-18 ||

p. 104(130)

gosahasraphalantasya bhavatīti na saṃśayaḥ |

iti śvadharmottare śivadharmaśāstre śivaliṅgamahāvratannāma 
navamodhyāyaḥ ||




p. 105(131)

śrīḥ

atha daśamodhyāyaḥ

nandikeśvaraḥ 

caturdaśyāmathāṣṭamyāṃ pakṣayośśuklakṛṣṇayoḥ |
abdamekanna bhuñjīta śivārcanarataḥ śuciḥ || 10-1 ||

yatpuṇyamakṣayaṃ proktaṃ satataṃ satrayājinām |
satyavādiṣu yatpuṇyaṃ yatpuṇyaṃ tīrthagāminām || 10-2 ||

agnihotreṣu yatpuṇyaṃ yatpuṇyaṃ yajñayājinām |
tatpuṇyaṃ sakalantasya śivalokaṃ sa gacchati || 10-3 ||

pṛthivībhājanaṃ kṛtvā bhuktvā parṇasuyatnataḥ |
ahorātreṇa caikena trirātraphalamaśnute || 10-4 ||

dvayoḥ parvasya pañcamyoḥ dvayoḥ pratipadornaraḥ |
sopavāsaḥ sugandhāṃgaḥ śayīta priyayā saha || 10-5 ||

śete niścalacittastu ratiprītivivarjitaḥ |
śivānusmṛtacittasya tasya puṇyaphalaṃ śṛṇu || 10-6 ||

divyaṃ varṣasahasrāṇi divyaṃ varṣaśatāni ca |
tapastaptaṃ mahattena bhavedatra na saṃśayaḥ || 10-7 ||

śivabhaktisupūtātmā yadyapi syāt sa pāpakṛt |
śivaloke vasennityaṃ śivavatsaṃsmṛto guṇaiḥ || 10-8 ||

p. 106(132)

kṛṣṇāṣṭamyāṃ tu naktena yāvatkṛṣṇacaturdaśī |
iha bhogānavāpnoti paratra ca śivāṃ gatim || 10-9 ||

yobdamekaṃ prakurvīta naktaṃ parvasu parvasu |
brahmacārī jitakrodhaḥ śivasyārcanatatparaḥ || 10-10 ||

saṃvatsarānte viprendrān śivabhaktān samādhinā |
bhojayitvā tato brūyāt prīyatāṃ bhagavān śivaḥ || 10-11 ||

evaṃ vidhisamāyuktaḥ śivalokaṃ sa gacchati | 
na ca mānuṣyakaṃ lokamaddhruvaṃ prāpnuyācca saḥ || 10-12 ||

upavāsātparaṃ bhaikṣaḥ bhaikṣātparamayācitam |
ayācitātparaṃ naktaṃ tasmānnaktānna vidyate || 10-13 ||

devairbhuktantu pūrvāhṇe madhyāhne ṛṣibhistathā |
aparāhṇe ca yatibhiḥ sandhyāyāṃ guhyakādibhiḥ || 10-14 ||

sarvāṃ velāmatikramya naktabhojanamuttamam |
vāmācāro mahādevo naktenoddharate narān || 10-15 ||

haviṣyabhojanaṃ sthānaṃ satyamāhāralāghavam |
agnikāryamupasthānaṃ naktabhojanamācaret || 10-16 ||

kṛṣṇāṣṭamyāṃ prayatnena kṛtvānantaṃ vidhānataḥ |
mārgaśīrṣe śubhe māse śaṅkarantu samarcayet || 10-17 ||

pītvā tu śaktyā gomūtramanāhāro niśiṃ yajet |
atirātrasya yajñasya phalamaṣṭaguṇaṃ bhavet || 10-18 ||

p. 107(133)

evaṃ puṣyepi saṃpūjya śaṃbhunāmānamīśvaram |
kṛṣṇāṣṭamyāṃ ghṛtaṃ prāśya vājapeyāṣṭakaṃ labhet || 10-19 ||

māghe māheśvarannāma kṛṣṇāṣṭamyāṃ prapūjayet |
niśipītvā ca gokṣīraṃ gomedhāṣṭakamāpnuyāt || 10-20 ||

phālgune ca mahādevaṃ saṃpūjya prāśayettilān |
rājasūyasya yajñasya phalamaṣṭaguṇaṃ labhet || 10-21 ||

varṣalakṣaṃ mahābhogaiḥ śivaloke mahīyate |
caitre tu sthāṇunāmānaṃ kṛṣṇāṣṭamyāṃ prapūjayet || 10-22 ||

yāvatsukharjitān prāśya sośvamedhaphalaṃ labhet |
vaiśākhe śivanāmānaṃ pivedrātrau kuśodakam || 10-23 ||

naramedhasya yajñasya phalamaṣṭaguṇaṃ labhet |
jyeṣṭhe paśupatiṃ pūjya gavāṃ śṛṅgodakaṃ pibet || 10-24 ||

gavāṃ koṭipradānasya yatphalaṃ tadavāpnuyāt |
āṣāḍhe cogranāmānamiṣṭvā prāśya ca gomayam || 10-25 ||

sautrāmaṇestu yajñasya phalamaṣṭaguṇaṃ labhet |
śrāvaṇe śarvanāmānaṃ piṇyākaṃ bhakṣayennini || 10-26 ||

varṣakoṭiśataṃ sāgraṃ rudraloke mahīyate |
māse bhādrapadeṣṭamyāṃ tryaṃbakannāmakaṃ yajet || 10-27 ||

prāśanādbilvapatrāṇāmanantaphalamāpnuyāt |
āśvijeśvaranāmānaṃ pītvā vai taṇḍulodakam || 10-28 ||

p. 108(134)

pauṇḍarīkasya yajñasya phalamaṣṭaguṇaṃ bhavet |
kārtike rudranāmānaṃ saṃpūjya prāśayeddadhi || 10-29 ||

agniṣṭomasya yajñasya phalamaṣṭaguṇaṃ labhet |
varṣānte bhojayedviprān śivabhaktiparāyaṇān || 10-30 ||

pāyasaṃ madhunāyuktaṃ ghṛtena ca pariplutam |
śaktyā hiraṇyavāsāṃsi bhaktyā tebhyo nivedayet || 10-31 ||

nivedayīta rudrāya gāñca kṛṣṇāṃ payasvinīm |
varṣamekañcare devaṃ nairantaryeṇa yo naraḥ || 10-32 ||

kṛṣṇāṣṭamīvrataṃ bhaktyā tasya puṇyaphalaṃ śṛṇu |
sarvapāpavinirmuktaḥ sarvaiśvaryasamanvitaḥ || 10-33 ||

vasecchivapure nityaṃ nehāyāti kadācana |
puṇyotsaveṣu sarveṣu viṣvau ca grahaṇādiṣu || 10-34 ||

dānopavāsahomādyaṃ akṣayaṃ jāyate kṛtam |
pratimāsaṃ pravakṣyāmi idaṃ vratamanuttamam || 10-35 ||

dharmārthakāmamokṣārthaṃ naranāryādidehinām |
puṣyamāseṣu saṃprāpte yaḥ kuryānnakta bhojanam || 10-36 ||

satyavādī jitakrodhaḥ śāligodhūmagorasaiḥ |
pakṣayoraṣṭamīṃ yatnāt upavāsena vartayet || 10-37 ||

trisandhyamarcayedīśaṃ agnikāryañca śaktitaḥ |
bhūmiśayyāṃ ca māsānte pūrṇemāsyakṣatādibhiḥ || 10-38 ||

p. 109(135)

kṛtvā snānaṃ mahāpūjāṃ śive yatnātprapūrayet |
naivedyamāḍhakaprasthaṃ kṣīrasaktaṃ nivedayet || 10-39 ||

bhojayīta dvijānaṣṭau śivabhaktān sudakṣiṇān |
śivāya yo gomithunaṃ kapilāṃ ca nivedayet || 10-40 ||

alaṅkṛtvā svarūpañca tasya puṇyaphalaṃ śṛṇu |
sūryakoṭipratīkāśaiḥ vimānaissārvavāmikaiḥ || 10-41 ||

rudrakanyāsamākīrṇaiḥ mahāvṛṣabhasaṃyutaiḥ |
saṅgītanṛttavādyādyaiḥ apsarogaṇaśobhitaiḥ || 10-42 ||

cāmarairdhūyamānaiśca stūyamānaissurāsuraiḥ |
triṇetraḥ śūlapāṇiśca śivaiśvarya samanvitaḥ || 10-43 ||

gacchecchivapurantatra yatrāste śaṅkarassvayam |
yāvattadromasaṃkhyānaṃ tatprasūtikuleṣu ca || 10-44 ||

tāvadvarṣasahasrāṇi śivaloke mahīyate |
trissaptakulajaissārdhaṃ bhuktvā bhogānyathepsitān || 10-45 ||

jñānayogaṃ samāsādya tatraiva bhuvimucyate |
yogādduḥkhāntamāpnoti jñānādyogaḥ pravartate || 10-46 ||

śivadharmādbhavejjñānaṃ śivadharmaḥ śivārcanāt |
ityeṣavassamākhyātaḥ saṃsārārṇavavartinām || 10-47 ||

śivamokṣakramopāyaḥ śivāśrayaniṣeviṇām |
māghamāse tu saṃprāpte yaḥ kuryānnaktabhojanam || 10-48 ||

p. 110(136)

kṛsaraṃ ghṛtasaṃyuktaṃ bhuñjānassaṃyatendriyaḥ |
sopavāsaḥ caturdaśyāṃ bhavedubhayapakṣayoḥ || 10-49 ||

śivāya paurṇamāsyāṃ yaḥ pradadyāddhṛtakaṃbalam |
kṛṣṇaṃ gomithunaṃ cātra surūpaṃ ca nivedayet || 10-150 ||

śeṣaṃ kṛtvā yathānyāyaṃ pūrvoktamakhilaṃ labhet |
indranīlapratīkāśaiḥ vimānaiḥ śikhisaṃvṛtaiḥ || 10-51 ||

gatvā śivapuraṃ ramyaṃ bhuktvā bhogānyathepsitān |
saṃprāpte phālgune māse yaḥ kuryānnaktabhojanam || 10-52 ||

śyāmākākṣīranīvāraiḥ vītakrodhojitendriyaḥ |
caturdaśyāmathāṣṭamyāmupavāsarato bhavet || 10-53 ||

paurṇamāsyāṃ mahāsnānaṃ pañcagavyaghatādi * |
* * kāmrādimṛdbhiśca gomūtrairgāmayādibhiḥ || 10-54 ||

tvagbhiśca kṣīravṛkṣāṇāṃ dhātrīgandhādibhistathā |
dadyādgomithunaṃ bhaktyā tāmrābhaṃ parameṣṭhine || 10-55 ||

śeṣamanyadyathoddiṣṭaṃ kṛtvā prāpnoti tatphalam |
padmarāgapratīkāśaiḥ vimānairgajasaṃyutaiḥ || 10-56 ||

gatvā śivapuraṃ divyaṃ pūrvoktaṃ labhate phalam |
caitramāse tu saṃprāpte yaḥ kuryānnaktabhojanam || 10-57 ||

śālyannaṃ payasāyuktaṃ bhuñjānaḥ saṃyatendriyaḥ |
dadyādgomithunaṃ cātra pāṭalaṃ samalaṃkṛtam || 10-58 ||

p. 111(137)

śivāyāti svarūpaṃ ca śeṣaṃ pūrvavadācaret |
padmarāganibhairyānaiḥ divyāśvarathasaṃyutaiḥ || 10-59 ||

gacchecchivapuraṃ ramyaṃ duṣprāpamakṛtātmabhiḥ |
vaiśākhamāse saṃprāpte yaḥ kuryānnaktabhojanam || 10-60 ||

piṣṭakaṃ payasāyuktaṃ bhuñjānassaṃyatendriyaḥ |
goṣṭhaśāyī śivadhyāyī niśāyāmekavastradhṛk || 10-61 ||

niyamaṃ ca yathoddiṣṭaṃ sāmānyaṃ sarvamācaret |
vaiśākhe paurṇamāsyāṃ ca kuryātsnānaṃ ghṛtādibhiḥ || 10-62 ||

śivāyālaṃkṛtaṃ śvetaṃ dadyādgomithunaṃ śivam |
haṃsakundanduvarṇābhairmahāyānairalaṃkṛtam || 10-63 ||

suśvetavṛṣasaṃyuktaiḥ prayātīśvaramandiram |
sarvātiśānirūpābhiḥ strībhissaṃparivāritaḥ || 10-64 ||

nīlotpalasugandhābhiḥ krīḍate kālamakṣayam |
jyeṣṭhamāse tu saṃprāpte yaḥ kuryānnaktabhojanam || 10-65 ||

śālyannamaṃbhasā dhauta mājyakṣīreṇasaṃyutam |
vīrāsanīniśārdhaṃ syāt divāgāmanugacchati || 10-66 ||

hitakārī gavāṃ nityamahaṃkāravivarjitaḥ |
paurṇamāsyāṃ ca pūrvedyuḥ kuryātsnānādikaṃ vidhim || 10-67 ||

deyaṃ gomithunaṃ cātra dhūmavarṇamalaṃkṛtam |
nīlotpaladalaprakhyairasaṃkhyānairanaupamaiḥ || 10-68 ||

p. 112(138)

mahāsihmanibaddhaiśca krīḍate kālamakṣayam |
āṣāḍhamāse saṃprāpte yaḥ kuryānnaktabhojanam || 10-69 ||

bhūrikhaṇḍāsya saṃmiśraṃ saktumadyā sagorasam |
dadyādgomithunaṃ gauraṃ śivāyālaṃkṛtaṃ śubham || 10-70 ||

sāmānyaṃ ca vidhiṃ kuryāt sarvañca prākpracoditam |
śuddhasphaṭikasaṃkāśaiḥ yānaissārasavāhanaiḥ || 10-71 ||

aṇimādiguṇairyuktaḥ śivavadvicaretsvayam |
saṃprāpte śrāvaṇe māse yaḥ kuryānnaktabhojanam || 10-72 ||

kṣīrasāṣṭikayuktena sarvabhūtahite rataḥ |
śvetāgrapādapāṇṭraṃ ca dadyādgomithunaṃ śive || 10-73 ||

sāmānyamakhilaṃ kuryāt vidhinā yat prakīrtitam |
savicitrairmahāyānaiḥ vicitrāśvaniyojitaiḥ || 10-74 ||

gatvā śivapuraṃ divyaṃ pūrvoktaṃ labhate phalam |
prāpte bhādrapade māse yaḥ kuryānnakta bhojanam || 10-75 ||

hutaśeṣantu bhuñjāno vṛkṣamūlākṣito divā |
rātrau cāyatane vāsī sarvabhūtānukaṃpakaḥ || 10-76 ||

nīlaskandhaṃ vṛṣaṃ gāṃ ca rudrāya vinivedayet |
niśākarakaraprakhyaiḥ vajravaiḍūryaśobhanaiḥ || 10-77 ||

cakravākasamāyuktaiḥ vimānaissārvagāmikaiḥ |
gatvā śivapuraṃ ramyamamarāsuravanditam || 10-78 ||

p. 113(139)

krīḍate vividhairbhogairyāvadābhūtasaṃplavam |
śrīmadāśvayuje māsi yaḥ kuryānnaktabhojanam || 10-79 ||

ghṛtāśanaṃ prayuṃjīta prasannātmājitendriyaḥ |
vṛṣabhaṃ nīlavarṇābhaṃ urodeśe samunnatam || 10-80 ||

vimucya dadyādrudrāya gāmekāṃ samalaṅkṛtām |
vidhiśeṣaṃ ca pūrvoktamaśeṣaṃ samupācaret || 10-81 ||

prāṇānte ca paraṃ sthānaṃ prayāti śivavadvaśī |
svacchamauktikasaṃkāśairindranīlopaśobhitaiḥ || 10-82 ||

jīvañjīvakasaṃyuktaiḥ vimānaissārvagāmikaiḥ |
prakrīḍate mahābhogaiḥ yāvadābhūtasaṃplavam || 10-83 ||

suśubhe kārtike māse yaḥ kuryānnaktabhojanam |
kṣīrodanantu bhuñjīta satyavādī jitendriyaḥ || 10-84 ||

dadyādgomithunaṃ cātra kāpilaṃ jvalanaprabham |
pūrvoktavidhinā kṛtvā śivatulyaguṇo bhavet || 10-85 ||

kalpānalaśikhā prakhyaiḥ mahāyānairanūpamaiḥ |
mahāsiṃhakṛtāṭopaiḥ śivavacceṣṭite sukhī || 10-86 ||

mārgaśīrṣe śubhe māse yaḥ kuryānnaktabhojanam |
yavānnaṃ payasāyuktaṃ bhuṃjānassaṃyatendriyaḥ || 10-87 ||

dadyādgomithunaṃ divyaṃ pāṇḍaraṃ samalaṃkṛtam |
śeṣaṃ śivāya pūrvokta * * vidhinā samupākramet || 10-88 ||

p. 114(140)

sitapadmanibhairyānaiḥ śvetāśvarathasaṃyutaiḥ |
gatvā śivapuraṃ divyaṃ śivatulyabalo bhavet || 10-89 ||

ahiṃsā satyamasteyaṃ brahmacaryaṃ kṣamā dayā |
trisnānārcāgnihavanaṃ bhūśaryā naktabhojanam || 10-90 ||

pakṣayorupavāsena caturdaśyaṣṭamīṣu ca |
ityevavamādiniyamairācareta śivavratam || 10-91 ||

śivabhaktā tu yā nārī dhruvaṃ sā puruṣo bhavet |
strītvamatyuttamaṃ sā tatkāṃkṣate śṛṇu tadvratam || 10-92 ||

umāmaheśvarannāma sadāprītivivardhanam |
atiyogakaraṃ śāntaṃ dharmakāmārthasādhanam || 10-93 ||

pauṇamāsyāmamāyāṃ ca caturdaśyaṣṭamīṣu ca |
naktamabdaṃ prakurvīta haviṣyaṃ brahmacāriṇī || 10-94 ||

umāmaheśvarannāma hemnā kṛtvā suśobhanām |
pratimāṃ cāpi varṣānte snāpayitvā ghṛtādibhiḥ || 10-95 ||

gandhapuṣpairalaṃkṛtya vastrapuṣpaiśca śobhanaiḥ |
bhakṣyabhojyairaśeṣaiśca vitānadhvajacāmaraiḥ || 10-96 ||

bhojayecchivabhaktāṃśca dīnānāthāṃśca tarpayet |
śaktyā tu dakṣiṇāṃ dadyāt gurave jñānadāyine || 10-97 ||

hemakāṃsyādipātraṃ vā sitabhasmāvakuṇḍitam |
kṛtvā cāyatane madhye pratimāmupakalpayet || 10-98 ||

p. 115(141)

śirasādhārya tatpātraṃ vitāna chatraśobhitam |
dhvajaśaṃkhādivibhavaiḥ śivasyāyatanaṃ nayet || 10-99 ||

liṅgamūrteḥ maheśasya vratasyānte nivedayet |
tadvedyāṃ sthāpayetpātramupaśobhāsamanvitam || 10-100 ||

śivaṃ pradakṣiṇī kṛtya praṇipatyakṣamāpayet |
samāpya tadvrataṃ puṇyaṃ śṛṇuyācca phalaṃ labhet || 10-101 ||

dvādaśādityasaṃkāśaiḥ mahāyānairanūpamaiḥ |
yatheṣṭamaiśvare loke rudraissārdhaṃ pramodate || 10-102 ||

kalpakoṭisahasrāṇi kalpakoṭiśatāni ca |
tadante samahābhogaiḥ viṣṇuloke mahīyate || 10-103 ||

tataḥ karmāvaśeṣeṇa sarvakāmasamanvitam |
brahmalokaṃ samāsādya paraṃ sukhamavāpnuyāt || 10-104 ||

brahmalokātparibhraṣṭā śrīmatī paripūjitā |
prājāpatyaṃ samāsādya lokālokanamaskṛtaḥ || 10-105 ||

bhogāṃstu suciraṃ bhuktvā somaloke vasetsukhī |
somādaindraṃ paraṃ lokamāsādyendrapatirbhavet || 10-106 ||

indralokācca gāndharvaṃ lokaṃ prāpya ca modate |
gandharvapatimāpnoti bhogānbhuktvā yathepsitān || 10-107 ||

mahāratnaprabhādīptairūpaśobhitamadbhutaiḥ |
yakṣilokamidaṃ prāpya yathākāmaṃ pramodate || 10-108 ||

p. 116(142)

yakṣalokātparibhraṣṭā krīḍatelamarundhatī |
sthānāni lokapālānāṃ kramādāgatya modate || 10-109 ||

lokālokasya paryante sarvasmin kṣitimaṇḍale |
yatrakvacitsukhaṃ divyaṃ tadaśeṣamavāpnuyāt || 10-110 ||

yauvanaṃ rūpasaṃpannaṃ aśeṣapṛthivīpatim |
dharmārthakāmamokṣajñamimamāsādya modate || 10-111 ||

tatassā dharmaśeṣeṇa bhavatīśvarabhāvitā |
svakarmabhāvanāyogāt punaḥ prārabhate śubham || 10-112 ||

śubhaṃ vā punarapyevaṃ yoniṃ yāni sahasraśaḥ |
yāvannāpnoti nirvedaṃ tāvadbhramati karmaṇā || 10-113 ||

tannirvedācca vairāgyaṃ vairāgyāt jñānasaṃbhavaḥ |
jñānātpravartate yogo yogādduḥkhāntamāpnuyāt || 10-114 ||

aṣṭamyāṃ ca caturdaśyāṃ niyataṃ brahmacāriṇī |
varṣamekanna bhuñjīta mahābhogajigīṣayā || 10-115 ||

varṣānte pratimāṃ kṛtvā pūrvavadvidhimācaret |
snānādyantadvrataṃ prāpya pūrvoktāṃśca guṇān labhet || 10-116 ||

jāmbūnadamayairyānaiḥ caturdvārairalaṃkṛtaiḥ |
gatvā śivapuraṃ divyaṃ aśeṣaṃ bhogamāpnuyāt || 10-117 ||

umādevī priyārthantu tuṣṭāva paramārthataḥ |
nārī caivopavāsena cābdaṃ kṛtvā caturdaśīm || 10-118 ||

p. 117(143)

varṣānte pratimāṃ kṛtvā śālipiṣṭamayīṃ śubhām |
pītaistu lepanairmālyaiḥ pītavastraiśca pūjayet || 10-119 ||

pūrvoktamakhilaṃ kṛtvā śivāya vinivedayet |
saptabhaumairmahāyānaiḥ taptacāmīkaraprabhaiḥ || 10-120 ||

yugakoṭisahasrāgraṃ rudraloke mahīyate |
śivādisarvalokeṣu bhuktvā bhogānyathepsitān || 10-121 ||

kramādāgatya lokesmin yatheṣṭaṃ patimāpnuyāt |
amāvāsyāṃ nirāhārā bhavedevaṃ suyantritā || 10-122 ||

śūlaṃ piṣṭamayaṃ kṛtvā varṣānte tu nivedayet |
śivāya rājataṃ padmaṃ suvarṇakṛtakarṇikam || 10-123 ||

tadbhaktyā vinyasenmūrdhni śeṣaṃ pūrvavadācaret |
kāmatopi kṛtaṃ pāpaṃ bhrūṇahatyādikaṃ ca yat || 10-124 ||

tatsarvaṃ śūladānena bhinyānnārī na saṃśayaḥ |
mahāpadmavimānena naranārīsamanvitā || 10-125 ||

yugakoṭiśataṃ sāgraṃ rudraloke mahīyate |
īśalokādilokeṣu bhuktvā bhogānanekadhā || 10-126 ||

iha loke kramātprāpya yatheṣṭaṃ patimāpnuyāt |
paurṇimāyāmamāvāsyāṃ abdamekaṃ suyantritā || 10-127 ||

varṣānte sarvagandhāḍhyāṃ pratimāṃ vinivedayet |
suvicitrairmahāyānaiḥ divyagandharvabhūṣitaiḥ || 10-128 ||

p. 118(144) 

yugakoṭiśataṃ sāgraṃ śivaloke mahīyate |
yatheṣṭamaiśvare loke bhuktvā bhogānviśeṣataḥ || 10-129 ||

kramādāgatya lokesmin rājānaṃ patimāpnuyāt |
yā kārtike śubhe māse eka bhuktena vartate || 10-130 ||

kṣamāhiṃsādiniyamaiḥ saṃyuktā brahmacāriṇī |
gulājyamiśraṃ piṇyākaṃ māsānte tu nivedayet || 10-131 ||

aṣṭamyāṃ ca caturdaśyāṃ upavāsarato bhavet |
indranīlapratīkāśaiḥ vimānaissārvagāmikaiḥ || 10-132 ||

varṣakoṭiśataṃ sāgraṃ rudraloke mahīyate |
īśalokādilokeṣu bhuktvā bhogānanekadhā || 10-133 ||

yathāvadbhogamāsādya lokeṣu ca viśeṣataḥ |
kramādāgatya lokesmin yatheṣṭaṃ patimāpnuyāt || 10-134 ||

ityevaṃ sarvamāseṣu vidhistulyaḥ prakīrtitaḥ |
ekabhuktopavāsasya phalañca sadṛśaṃ viduḥ || 10-135 ||

kṣamāsatyaṃ dayādānaṃ śaucamindriyanigrahaḥ |
śivapūjāgnihomaṃ ca santoṣo'steyabhāvanaḥ || 10-136 ||

sarvavrateṣu yaddharmaḥ sāmānyo daśadhā smṛtaḥ |
viśeṣamapi vakṣyāmi pratimāsavrataṃ prati || 10-137 ||

mārgaśīrṣe śubhemāse vṛṣaṃ piṣṭasunirmitam |
gandhamālyairalaṃkṛtya śivālavinivedayet || 10-138 ||

p. 119(145)

vṛṣayuktairmahāyānairapsarogaṇasaṃyutaiḥ |
varṣāyutaśataṃ sāgraṃ śivaloke mahīyate || 10-139 ||

sarvadevanikāyeṣu saṃprāpya sukhamuttamam |
kramādāgatya lokesmin yatheṣṭaṃ patimāpnuyāt || 10-140 ||

puṣyamāse śubhe prāpte śūlaṃ kṛtvā pinākinaḥ |
gandhamālyairalaṃkṛtya śivāya vinivedayet || 10-141 ||

mahāpuṣpakayānena divyagandhaprabhāvatā |
varṣāyutaśataṃ divyaṃ rudraloke mahīyate || 10-142 ||

bhuktvā tu vipulān bhogān aśeṣapurasaṃbhavān |
saṃprāpyaiva kramāllokān yatheṣṭaṃ patimāpnuyāt || 10-143 ||

rathamaśvayutaṃ māghe dīpamālā praśobhite |
paiṣṭaliṅgaṃ samāyuktaṃ kṛtvā yatanamānayet || 10-144 ||

mahārathopamairyānaiḥ śvetavājīvirājitaiḥ |
varṣakoṭiśataṃ sāgraṃ śivaloke mahīyate || 10-145 ||

anubhūyātulān bhogān aśeṣapurasaṃbhavān |
kramādāgatya lokesmin rājānaṃ patimāpnuyāt || 10-146 ||

phālgune pratimāṃ paiṣṭīṃ kṛtvā rūpasamanvitām |
gandhamālyairalaṃkṛtya sthāpayecchivasannidhau || 10-147 ||

yānairapratimairdivyaiḥ gītavāditrasaṃkulaiḥ |
varṣāyutaśataṃ sāgraṃ śivaloke mahīyate || 10-148 ||

p. 120(146)

sarvāmaranikāyeṣu saṃprāpya sukhamuttamam |
kramāadāgatya loke'smin yatheṣṭaṃ patimāpnuyāt || 10-149 ||

caitre bhavaṃ kumāraṃ ca kṛtvā paiṣṭamalaṃkṛtam |
sthāpya pātre yathā proktaṃ ānayecchivamandiram || 10-150 ||

śadīndrapratīkāśaiḥ vimānaissārvagāmikaiḥ |
varṣakoṭyayutandivyaṃ śivaloke mahīyate || 10-151 ||

karmakṣayādihāgatya putrapautrapratiṣṭhitam |
abhīṣṭaṃ patimāsādya labhedbhogānsudurlabhān || 10-152 ||

taṇḍulāḍhakapiṣṭena kṛtvā kailāsaparvatam |
īśvaromāsamāyuktaṃ sarvadhātuvibhūṣitam || 10-153 ||

kandarairnicitaiḥ citraiḥ lavaṇaprasthasaṃyutaiḥ |
sarvaratnasamāyuktaṃ sthāpayedīśvarālaye || 10-154 ||

kailāsavratamityuktaṃ vaiśākhyāṃ yassamācaret |
kailāsakopamairyānaiḥ śivaloke mahīyate || 10-155 ||

śivādisarvalokeṣu bhuktvā bhogānaśeṣataḥ |
kramādāgatya lokesmin rājendraṃ patimāpnuyāt || 10-156 ||

liṅgaṃ piṣṭamayaṃ kṛtvā jyeṣṭhe māse savedikam |
bhaktyā saṃpūjya gandhādyaiḥ vastrayugmena veṣṭayet || 10-157 ||

upaśobhāviśeṣaiśca tatra jāgaramācaret |
prabhāte dhvajaśaṃkhādyaiḥ śivāya vinivedayet || 10-158 ||

p. 121(147)

śuddhasphaṭikasaṃkāśaiḥ vimānaissārvagāmikaiḥ |
varṣakoṭiyugaṃ sāgraṃ śivaloke mahīyate || 10-159 ||

bhuktvā bhāgānyathā kāmamaśeṣapurasaṃbhavān |
krīḍāviratabhāvaiśca modate śaṅkarālaye || 10-160 ||

kramādāgatya lokesmin rājānaṃ patimāpnuyāt |
grahaṃ piṣṭamayaṃ kṛtvā āṣāḍhe saptabhaumikam || 10-161 ||

sarvabījarasaiścāpi saṃpūrṇaṃ śubhalakṣaṇam |
grahopakaraṇairyuktaṃ musalolukhalādibhiḥ || 10-162 ||

sarvaratnādigośvādyaiḥ dāsīśayyādyalaṃkṛtam |
etaiḥ piṣṭamayaissarvaiḥ pradīpādyupaśobhitaiḥ || 10-163 ||

sarvabhaktasamākīrṇaṃ gandhamālyairalaṃkṛtam |
śvetaraktāsitaiḥ pītaiḥ dhvajairvastraissuśobhitam || 10-164 ||

caturvidhaiśca caraṇaiḥ saṃyuktaṃ darpaṇena tu |
āṣāḍhe paurṇamāsyāntu śivaṃ sthāpya śivāgrataḥ || 10-165 ||

sarvopakaraṇopetaṃ praṇipatya nivedayet |
śatabhaumairmahāyānaiḥ vimānaissārvagāmikaiḥ || 10-166 ||

varṣakoṭiśataṃ sāgraṃ śivaloke mahīyate |
bhuktvā tu vipulān bhogān sarvalokeṣvanukramāt || 10-167 ||

prāptā tu sarvabhogāḍhyaṃ saptabhaumaṃ grahaṃ labhet |
sarvadhātu samākīrṇaṃ vicitradhvajaśobhitam || 10-168 ||

p. 122(148)

nivedayīta śarvāya śrāvaṇe tilaparvatam |
ru(tva)cendranīlasaṃkāśaiḥ yānairapratimaiśśubhaiḥ || 10-169 ||

varṣakoṭiśataṃ sāgraṃ śivaloke mahīyate |
vividhānbhuvanānbhogānavāpya vividhāndivi || 10-170 ||

kramāllokamimaṃ prāpya rājānaṃ patimāpnuyāt |
kṛtvā bhādrapade māse śobhanaṃ śāliparvatam || 10-171 ||

vitānadhvajavastrādyaiḥ dhātubhiśca nivedayet |
divākarakaraprakhyaiḥ mahāyānaiḥ suśobhanaiḥ || 10-172 ||

varṣakoṭisahasrāṇi rudraloke mahīyate |
saṃprāpyavipulān bhogān aśeṣapurasaṃbhavān || 10-173 ||

kramādāgatya lokesmin rājānaṃ patimāpnuyāt |
kṛtvācāśvayuje māsi vipulaṃ dhānyaparvatam || 10-174 ||

suvarṇavastrasaṃyuktaṃ śivāya vinivedayet |
suvicitrairmahāyānaiḥ varabhogasamanvitaiḥ || 10-175 ||

varṣakoṭisahasrāṇi rudraloke mahīyate |
rudralokādilokeṣu bhuktvā bhogānyathepsitān || 10-176 ||

saṃprāptesmin kramālloke rājānaṃ patimāpnuyāt |
sarvadhānyasamāyuktaṃ sarvabījarasādibhiḥ || 10-177 ||

sarvadhātu samāyuktaṃ sarvaratnopaśobhitam |
śṛṅgaiścaturbhissaṃyuktaṃ vitānadhvajaśobhitam || 10-178 ||

p. 123(179)

gandhairmālyaistathā dhūpaiḥ pradīpaiścāpi śobhitam |
vicitranṛttagītaiśca śaṃkhavīṇādibhistathā || 10-179 ||

brahmaghoṣaistathā puṇyaiḥ maṅgalaiśca viśeṣataḥ |
mahādhvajāṣṭasaṃyuktaṃ vicitrakusumojvalam || 10-180 ||

nāgendraṃ merunāmānaṃ trailokyādhāramuttamam |
tasya mūrdhni śivaṃ kuryāt sarvadevasamāvṛtam || 10-181 ||

daityagandharvabhūtaiśca siddhayakṣagaṇaistathā |
vidyādharāpsaronāgaiḥ ṛṣibhiśca viśeṣataḥ || 10-182 ||

śālipiṣṭamayaṃ sarvaṃ rūpaṃ kṛtvā vicakṣaṇaḥ |
devasya dakṣiṇe haste śūlaṃ tridaśapūjitam || 10-183 ||

evaṃ sarveṣu deveṣu kuryādastraṃ yathākramam |
śivasya mahatīṃ pūjāṃ kṛtvācārasamanvitām || 10-184 ||

pūjayet sarvadevāṃśca daśadikṣu baliṃ haret |
vratino bhojayet paścāt śivabhaktānsadakṣiṇān || 10-185 ||

sarvāraṃbhasamāyuktaṃ mahāvibhavakalpitam |
nivedayītarudrāya kārtikyānnagamuttamam || 10-186 ||

yaḥ kuryātsakṛdapyevaṃ tasya puṇyaphalaṃ śṛṇu |
sarvāgameṣu yatpuṇyaṃ kathitaṃ munibhiḥ purā || 10-187 ||

tatpuṇyaṃ koṭiguṇitaṃ prāpnuyānnātra saṃśayaḥ |
mahāratnaprabhairyānaiḥ sarvaratnasamavitaiḥ || 10-188 ||

p. 124(150)

gītanṛttādivādyaiścāpyapsarobhiśca śobhitaiḥ |
sūryakoṭisamaprakhyaiḥ vimānairmerusannibhaiḥ || 10-189 ||

naranārīsamākīrṇaiḥ divyagandhavahaiśśubhaiḥ |
devadānavagandharvaiḥ stūyamāno gaṇādibhiḥ || 10-190 ||

svacchandassarvago bhūtvā prayāti varamandiram |
kalpakoṭiśataṃ divyaṃ modate sa mahātapāḥ || 10-191 ||

evaṃ sarveṣu lokeṣu bhogān bhuktvā yathepsitān |
puṇyakṣayādihāgatya rājānaṃ patimāpnuyāt || 10-192 ||

surūpā subhagā nityaṃ bhavatīśvarabhāvitā |
yaṃ yaṃ kāmaṃ samuddiśya naranārī napuṃsakāḥ || 10-193 ||

pūjayanti śivaṃ bhaktyā tantamevamavāpnuyāt |
mṛṇmayaṃ dārujaṃ śailamaiṣṭakaṃ vā sukalpitam || 10-194 ||

kṛtvā maṭhaṃ gṛhaṃ vāpi yathāvibhavasaṃbhavam |
sarvopakaraṇo petaṃ sarvadhānyaprapūritam || 10-195 ||

śivāya tadgṛhaṃ datvā sarvānkāmānavāpnuyāt |
bhuktvaikabhuktaṃ hemante māghamāse samanvitaḥ || 10-196 ||

māsānte ca rathaṃ kuryāt citravastropaśobhitam |
śvetaiścaturbhissaṃyuktaṃ vṛṣabhaissamalaṃkṛtam || 10-197 ||

śobhitaṃ dhvajapuṣpādyai chatracāmaradarpaṇaiḥ |
taṇḍulāthakapiṣṭena liṅgaṃ kṛtvā savedikam || 10-198 ||

p. 125(151)

vinyasya rathamadhye tu pūjayetkṛtalakṣaṇam |
tadrātrau rājamārgeṇa śaṅkhabheryādibhissvanaiḥ || 10-199 ||

bhrāmayitvāśanaiḥ paścāt śivāyatanamānayet |
tatrajāgarapūjābhiḥ pradīpādyupaśobhitaḥ || 10-200 ||

prekṣaṇīya pradānaiśca kṣapayīta śanairniśām |
prabhāte snapanaṃ kṛtvā tadbhaktāṃścaiva pūjayet(bhojayet) || 10-201 ||

kṛpaṇānāthadīnānāṃ yathāśaktyā tu dakṣiṇām |
rathaśobhāsamāyuktaṃ śivāya vinivedayet || 10-202 ||

bhuktvā ca bāndhavaissārdhaṃ praṇamyeśagṛhaṃ yajet |
pravaraṃ sarvadānānāmasmindharme samāpite || 10-203 ||

vrataṃ śivarathaṃ nāma sarvakāmārthasādhakam |
sarvavrateṣu yatpuṇyaṃ sarvayajñeṣu yatphalam || 10-204 ||

sarvaṃ śivarathe naiva tatpuṇyaṃ sakalaṃ labhet |
sūryāyutapratīkāśaiḥ vimānaissārvagāmikaiḥ || 10-205 ||

trisaptakulajaissārdhaṃ śivaloke mahīyate |
bhuktvā tu vipulān bhogān sarvalokeṣvanukramāt || 10-206 ||

kalpakoṭyayutaṃ sāgraṃ tasyānte samahīpatiḥ |
pañcatūlīsamāyuktāṃ mṛdvīṃ khaṭvāmalaṃ kṛtām || 10-207 ||

sarvopakaraṇopetāṃ śivaśayyāṃ prakalpayet |
śivaṃ vedīsamāyuktaṃ paiṣṭamasyānnidhāpayet || 10-208 ||

p. 126(152)

śivajñānārthatatvajñaṃ ācāryaṃ vinayānvitam |
saṃpūjyagandhapuṣpādyaiḥ vastrālaṅkāramācaret || 10-209 ||

bhakṣyabhojyairaśeṣaiśca tataśśayyānnivedayet |
tattūlamūlatantūnāṃ parisaṃkhyā tu yāvatī || 10-210 ||

tāvadvarṣasahasrāṇi rudraloke mahīyate |
śivādisarvalokeṣu bhuktvā bhogānaśeṣataḥ || 10-211 ||

kramādāgatya lokesmin sihmāsanapatirbhavet |
daśagāvassavṛṣabhā vṛṣabhaikādaśa smṛtāḥ || 10-212 ||

śivāya vinivedyaiva viśuddhenāntarātmanā |
rudraikādaśatulyātmā balabhogādibhirguṇaiḥ || 10-213 ||

śivādisarvalokeṣu yatheṣṭaṃ modate vaśī |
kalpakoṭisahasrāṇi kalpakoṭiśatāni ca || 10-214 ||

bhuktvā tu vipulān bhogānaśeṣakulajaissaha |
tadante jñānamāsādya prasādātparameṣṭinaḥ || 10-215 ||

vimucyamohakalilaṃ svātmanyevāvatiṣṭhate |
savṛṣaṃ gośataṃ dadyāt śivāyātīva śobhanam || 10-216 ||

trissaptakulajaissārdhaṃ śṛṇuyātphalamāpnuyāt |
sūryakoṭipratīkāśaiḥ vimānaissārvagāmikaiḥ || 10-217 ||

anekakāmasaṃkhyānairamarāsuravanditaiḥ |
śatarudrabalopeto vīrabhadra ivāparaḥ || 10-218 ||

p. 127(153)

gatvā śivapurandivyamaśeṣādhipatirbhavet |
bhuktvā tu vipulān bhogān pralaye sarvadehinām || 10-219 ||

mohakañcukamutsṛjya jñānaṃ kaivalyamāpnuyāt |
sarvayajñaparaśśuddhaḥ svātmanyeva vyavasthitaḥ || 10-220 ||

paripūrṇaśca śivavadaśeṣapatiravyayaḥ |
gāñcobhayamukhīndadyāt śivāyātīva śobhanaiḥ || 10-221 ||

saptadvīpāṃ kṣitiṃ datvā yatphalaṃ tadavāpnuyāt |
pādadvandvaṃ śirordhaṃ ca yadāvatsanirgatam || 10-222 ||

tadāgauḥ pṛthivījñeyā yāvadgarbhannamuñcati |

iti śivadharmaśāstre vratopavāsagodānapraśaṃsānāma 
daśamodhyāyaḥ ||




p. 128(154)

śrīḥ

atha ekādaśādhyāyaḥ

śrīnandikeśvara uvāca

sarveṣāmeva varṇānāṃ śivāśramaniṣeviṇām |
śivadharmaśśivenokto dharmakāmārthamuktaye || 11-1 ||

brāhmaṇaḥ kṣatriyo vaiśyaḥ strīśūdro vā śivāśramī |
vānaprastho gṛhastho vā yaścānyo vā śivāśramī || 11-2 ||

svāśramāduttare kuryāt puṣpārāmaṃ suśobhanam |
agnyaṅgārakasaṃyuktamaiśānyāmīśvarālayam || 11-3 ||

prādeśasaṃbhave kuryāt yatra syāt saṃbhavo bhuvi |
śivāddakṣiṇataḥ kuryāt tadbhaktānāṃ tathābalam || 11-4 ||

trisandhyamarcayedīśamagnikāryañca nityaśaḥ |
dvisandhyamekakālaṃ vā pūjayedbhaktitaḥ śivam || 11-5 ||

asaṃpūjya śivaṃ mohāt na bhuñjīta kadācana |
eṣa dharmaḥ paro jñeyaḥ śeṣo dharmaḥ prakīrtitaḥ || 11-6 ||

kāryātipātasaṃrodhādrājopadravakādiṣu |
manasā pūjayedbhaktyā vācikaṃ vā japādibhiḥ || 11-7 ||

śivāśramāśritaiḥ pūjā kartavyā yatibhistathā |
manasā pūjayedyogī puṣpairāraṇya saṃbhavaiḥ || 11-8 ||

p. 129(155)

śivārthe puṣpahiṃsāyāṃ na bhavetsa tu hiṃsakaḥ |
yadyalpamapi cātmārthe hiṃsate hiṃsakastadā || 11-9 ||

śivārcanaparonityaṃ tadbhaktānāṃ ca bhojanam |
parvamaithunavarjī syāt śrīmān śivagrahāśramī || 11-10 ||

devāgnyatithibhaikṣārthaṃ pacennaivātmakāraṇāt |
ātmārthe yaḥ pacenmohāt narakārthaṃ sa jīvati || 11-11 ||

devārthaṃ pacanaṃ yeṣāṃ santānārthantu maithunam |
svargārthaṃ jīvitaṃ teṣāṃ narakarthaṃ viparyaye || 11-12 ||

vittatṛtīyabhāgena prakurvīta śivārcanam |
kurvīta vā tadardhena yato nityaṃ hi jīvitam || 11-13 ||

nyāyenopārjitaṃ vittaṃ anyāyaṃ parivarjayet |
anyāyopārjitaiḥ vittaiḥ narakārthaṃ sa jīvati || 11-14 ||

yaśśivaṃ brahmacārī syāt saśivārcāgnitatparaḥ |
bhavejjitendriyaḥ śānto naiṣṭhiko vratikopi vā || 11-15 ||

sarvasaṃgavinirmuktaḥ kandamūlaphalāśanaḥ |
śivo vai manasā jñeyaḥ śivārcāgniparo bhavet || 11-16 ||

nivṛttassarvasaṅgebhyaḥ śivadhyānaparāyaṇaḥ |
jñeyaśśivo pratīkoyaṃ bhasmaniṣṭho jitendriyaḥ || 11-17 ||

rudrākṣaiḥ kaṅkaṇaṃ haste galecaiva hi mastake |
liṅgaṃ śivāśramasthānāṃ bhasmanāṃ ca tripuṇṭrakam || 11-18 ||

p. 130(156)

haste ca mūrdhnyurasivā rudrākṣandhārayeta yaḥ |
sogamyaḥ sarvabhūtānāṃ rudralokaṃ sa gacchati || 11-19 ||

rudrabhaktaiśśivasyaiṣa dhāryo rudrasamassadā |
puṣpārāmaikakarmātmā puṣpavāṭī kriyānvitaḥ || 11-20 ||

trisnānapūjāsaṃyuktaḥ kaupīnācchādanassadā |
yogināṃ bhaktiyogena yogasthānamavāpnuyāt || 11-21 ||

śivadhyānaparāśśāntāḥ śivadharmaparāyaṇāḥ |
sarva evāśramā jñeyāḥ śivabhaktāśśivāśrayāḥ || 11-22 ||

mahāvratāṣṭakaṃ dhāryamīśenoktaṃ śivārthibhiḥ |
sarvavratānāṃ paramamasmindharmaḥ samāpyate || 11-23 ||

śive bhaktissadā kṣāntirahiṃsā sarvadā dayā |
santoṣassatyamasteyaṃ brahmacaryaṃ tathāṣṭakam || 11-124 ||

yathāsaṃbhavapūjābhiḥ karmaṇā manasā girā |
śive bhaktissadā kāryā tadvacca śivayogiṣu || 11-25 ||

svadehānnirviśeṣeṇa śivabhaktāṃśca pālayet |
bhayadāridryarogebhyaḥ teṣāṃ kuryātpriyāṇi ca || 11-26 ||

śivasya paripūrṇasya kinnāma kriyate janaiḥ |
yatkṛtaṃ śivabhaktānāṃ tatkṛtaṃ syācchive sadā || 11-27 ||

sudūramapi gantavyaṃ yatra māheśvaro janaḥ |
prayatnenāpi draṣṭavyaḥ tatra sannihito haraḥ || 11-28 ||

p. 131(157)

maheśvarasya bhaktasya śivārcanaratasya ca |
arcāṃ kṛtvā yathānyāyamaśvamedhaphalaṃ labhet || 11-29 ||

nityaṃ śivakathāsakto nityaṃ śivaparāyaṇaḥ |
arcayitvā yathānyāyaṃ gāṇāpatyaṃ labhennaraḥ || 11-30 ||

śivāśramagataṃ bhaktyā śivabhaktaṃ prapūjayet |
svāgatāsanapādyārghyamadhuparkādibhojanaiḥ || 11-31 ||

yassvāgate namaskāraṃ kuryādapyabhivādanam |
daśavarṣasahasrāṇi agniloke mahīyate || 11-32 ||

prāptāya śivabhaktāya yo dadyātsvayamāsanam |
viṃśadvarṣasahasrāṇi purandarapure vaset || 11-33 ||

śivabhaktāya viprāya pādau prakṣālya yatnataḥ |
ghṛtenāpyañjayedbhaktyā viṣṇuloke mahīyate || 11-34 ||

pratiśrayapradānena haimaṃ svarge gṛhaṃ bhavet |
jalaṃ suśītalaṃ datvā sarvakāmamavāpnuyāt || 11-35 ||

labheddīpapradānena jñānacakṣuratīndriyam |
mṛduśayyāpradānena siṃhāsanapatirbhavet || 11-36 ||

kṛtvāṃbhasā tathā snānaṃ saubhāgyaṃ kāntivardhanam |
snānaṃ vidhisamāyuktaṃ vāruṇaṃ lokamāpnuyāt || 11-37 ||

svedabinduparītāṅgamadhvaśramavirājitam |
saṃvījyatālavṛntena vāyulokamavāpnuyāt || 11-38 ||

p. 132(158)

kṣutpipāsāturaṃ śāntaṃ ārtammalinarogiṇam |
pālayitvā yathāśaktyā sarvapāpaiḥ pramucyate || 11-39 ||

rogārtasya śivaṃ kṛtvā bheṣajādyaiḥ prayatnataḥ |
yugakoṭiśataṃ sāgraṃ śivaloke mahīyate || 11-40 ||

śivabhaktaṃ viśeṣeṇa rogārtaṃ yastu pālayet |
bhaiṣajyairvṛttidānena śivalokaṃ vrajeddhruvam || 11-41 ||

sarvayatnena mahatā yantu kuryādarogiṇam |
śivalokakuḍumbī syāt tasya puṇyamanantakam || 11-42 ||

kālātpunarihāyātaḥ samastajñānapāragaḥ |
dhvaṃsanaṃ sarvaduḥkhānāṃ rudratvaṃ samavāpnuyāt || 11-43 ||

sitena bhasmanā kuryāt trisandhyaṃ yastripuṇṭrakam |
sarvapāpavinirmuktaḥ śivaloke mahīyate || 11-44 ||

rudrāgneryatparaṃ vīryaṃ tadbhasmaparikīrtitam |
dhvaṃsanātsarvaduḥkhānāṃ sarvapāpaviśodhanam || 11-45 ||

yogī sarvāṅgikasnānaṃ āpādatalamastakam |
trisandhyamācarennityamāśuyogamavāpnuyāt || 11-46 ||

yasnānamācarennityamāgneyaṃ saṃyatendriyaḥ |
kulaikaviṃśamuttārya sagacchetparamaṃ padam || 11-47 ||

svataśśuddhakulāgāvaḥ saṃbhūtantā sugomayam |
śivāgninā punaḥ paktaṃ pavitraṃ bhasma tat smṛtam || 11-48 ||

p. 133(159)

bhasmasnānaṃ jalasnānādasaṃkhyeya guṇādhikam |
tasmādvāruṇamutsṛjya snānamāgneyamācaret || 11-49 ||

sarvatīrtheṣu yatpuṇyaṃ sarvayajñeṣu yatphalam |
tatphalaṃ labhate sarvaṃ bhasmasnānānna saṃśayaḥ || 11-50 ||

mahāpātakasaṃyuktaḥ saṃyuktassarvapātakaiḥ |
bhasmasnānantu sevetamucyate sarvapātakaiḥ || 11-51 ||

bhasmasnānātparaṃ snānaṃ pavitraṃ naiva vidyate |
uktaṃ tatsarvadevebhyaḥ snāto yena śivaḥ svayam || 11-52 ||

brahmādyāśca tadārabhya munayaśca śivārthinaḥ |
sarvaparvasu yatnena bhasmasnānaṃ pracakrire || 11-53 ||

tasmādevaṃ śivasnānamāgneyaṃ yassamācaret |
anenaiva śarīreṇa sarudronātra saṃśayaḥ || 11-54 ||

duśśīlaśśīlayukto vā yovā kovāpyalakṣaṇaḥ |
bhūtirīśasya saṃyogāt saṃpūjyā rājaputravat || 11-55 ||

guṇavatpātrapūjāyānnasyācchāsanapūjakaḥ |
śāsanaṃ pūjayettasmāt avicāraṃ śivājñayā || 11-56 ||

rudrāgneryat paraṃ vīryaṃ tadbhasmaparikīrtitam |
dāhakassarvaduḥkhānāṃ tasmādbhasmeti cocyate || 11-57 ||

śivāgnau pūjanātsākṣāt śivo bhavati pūjitaḥ |
avikalpamatistasmāt pūjayecchivaśāsanam || 11-58 ||

p. 134(160)

chadmanāpi hi yo dhatte gatiṃ śāsanamaiśvaram |
sopi yāṃ gatimāpnoti na tāṃ yajñaśatairapi || 11-59 ||

ācamāntena vidhinā nirdoṣaṃ śivabhasmanā |
gandhalepaviśudhyarthaṃ nityamadbhirupaspṛśet || 11-60 ||

gandhalepavihīnopi bhāvāśuddho na śuddhyati |
udakuṃbhasahasraistu mṛdāṃ bhāraśatairapi || 11-61 ||

apivarṣasahasreṇa bhāvāśuddho na śuddhyati |
bhāvapūtaṃ carecchaucaṃ vastrapūtaṃ jalaṃ pibet || 11-62 ||

dṛṣṭipūtaṃ nyasetpādaṃ satyapūtaṃ vaco vadet |
jaṭākalāpi yo nasyāt pakṣānte vapanaṃ caret || 11-63 ||

yadeva puṇyandīkṣāyāṃ tatpuṇyaṃ vapane kṛte |
jaṭīmuṇḍī śikhī vāpi bhikṣāśī vigataspṛhaḥ || 11-64 ||

maunī bhūtānukaṃpī ca yatiḥ śāntamanāścaret |
sādhukārī caredbhakṣamekānnaṃ parivarjayet || 11-65 ||

upavāsātparaṃ bhaikṣaṃ ekānnaṃ gṛhiṇo malam |
yassarvasaṃganirmuktaḥ śuddhaśśivaparāyaṇaḥ || 11-66 ||

sopīha vapanaṃ kṛtvā yogīndrānucaro bhavet |
vasedāyatane nityaṃ sagaṇaḥ śivadhārmikaḥ || 11-67 ||

śaraṇāgatamudvignamākrāntaṃ riputaskaraiḥ |
mābhaiṣīriti cāśvāsya śivaloke mahīyate || 11-68 ||

p. 135(161)

dāridryārṇavanirmagnaṃ mahābhūtamacetanam |
samuddhṛtya yathā śaktyā sarvakāmamavāpnuyāt || 11-69 ||

patite śāstrasaṃkīrṇe śavacaṇḍālapakṣiṇām |
kāruṇyātsarvabhūtebhyo deyamannaṃ svaśaktitaḥ || 11-170 ||

atyalpamapi kāruṇyāt dattaṃ bhavati cākṣayam |
tasmādvai sarvabhūteṣu kāruṇyāddānamuttamam || 11-71 ||

abhāve tṛṇabhūmyaṃbhaḥ patrammūlaṃ phalāni ca |
datvāgatāya kāruṇyāt svargaṃ yānti priyeṇa vā || 11-72 ||

īdṛśaṃ svargasopānaṃ yathāloke priyaṃvadāḥ |
ihāmutrasukhaṃ teṣāṃ vācyeṣāṃ madhurā svarā || 11-73 ||

amṛtasyandinīṃ vācaṃ candanasparśaśītalām |
dharmāvirodhinīmuktvā sukhamakṣayamāpnuyāt || 11-74 ||

alandānena viprendrā yājanādhyayanena vā |
idaṃ svargasya sopānaṃ amalaṃ yatpriyaṃ vacaḥ || 11-75 ||

pratyutthānābhigamanaṃ anuvṛjyapriyaṃ vacaḥ |
pūrvābhibhāṣitā vṛṣṭiḥ pratyekaṃ svargahetavaḥ || 11-76 ||

saṃpṛcchedāgataṃ bhaktyā cāpyāyanamapastathā |
gamanepyevavaktavyaṃ panthānassantu te śivāḥ || 11-77 ||

śivaṃ bhavatu te nityaṃ aśeṣārthaprasiddhaye |
āśīrvādamidaṃ vācassarvakāryeṣu sarvadā || 11-78 ||

p. 136(162)

namaskārābhivādeṣu svastimaṅgalavācakaiḥ |
śivaṃ bhavatu sarvatra prabrūyātsarvakarmasu || 11-79 ||

evamādiśivācāramanuṣṭhāya śivāśramī |
aśeṣapāpanirmuktaḥ śivaloke mahīyate || 11-80 ||

śivabhakteṣu yā bhaktiḥ tadbhaktaiḥ kriyate naraiḥ |
śive bhaktirbhavati sā bhakti bhaktairanuṣṭhitā || 11-81 ||

ākruṣṭastāḍito vāpi yo nākrośennatāḍayet |
vācā na karmāṣa svasthaṃ kṣāntireva vidhīyate || 11-82 ||

sa śūrassātviko vidvān sa tapasvī jitendriyaḥ |
ye nāśukṣāntiśastreṇa śatrukrodho vinirjitaḥ || 11-83 ||

kṣamādānaṃ kṣamāsatyaṃ kṣamā'hiṃsā kṣamāśrutam |
kṣamā svargaśca mokṣaśca kṣamayaiva jagaddhṛtam || 11-84 ||

sarveṣāmeva tīrthānāṃ tīrthaṃ jñānasya pāragaḥ |
jñānatīrthātparantīrthaṃ ye snātā jñānavāriṇā || 11-85 ||

jñānaṃ yogantapo japyaṃ yajñadānādisatkriyāḥ |
krodhinastu vṛthā yasmāttasmātkrodhaṃ vivarjayet || 11-86 ||

marmāsthi prāṇahṛdayaṃ nirdahedapriyaṃ vacaḥ |
navācyamapriyantasmāt śivabhakte viśeṣataḥ || 11-87 ||

nirmalaiḥ kṣāntisalilaiḥ samāpya dhanaśītalaiḥ |
iha saukhyamavāpnoti paratra ca śivāṃ gatim || 11-88 ||

p. 137(163)

ātmavatsarvabhūtānāṃ yo hitāya śivāya ca |
sarvadhāvartate nityamahiṃseyamudāhṛtā || 11-89 ||

sarvaśāstreṇa vedaiśca yajñaiścaiṣāntu yatphalam |
ye na hiṃsanti bhūtāni teṣāṃ puṇyaṃ tatodhikam || 11-90 ||

trailokyamapi yo dadyādakhilaṃ ratnapūritam |
carettapāṃsi sarvāṇi na ca tulyamahiṃsayā || 11-91 ||

ahiṃseyaṃ parodharmaḥ śaktānāṃ parikīrtitaḥ |
aśaktānāmayandharmo dānayajñādipūrvikaḥ || 11-92 ||

nātaḥ paraṃ prapaśyāmaḥ kvacidapyāgameva yam |
puṃsāmabhayadānantu dānamadbhutamuttamam || 11-93 ||

sarvabhūtābhayandatvā yaścarecchāntamānasaḥ |
ihaiva sarvabhūtebhyo na bhayantasya vidyate || 11-94 ||

yo na hiṃsati bhūtāni sthāvarāṇi carāṇi ca |
sa bhuṅkte duḥkharahitaḥ parāṃ śāntimanuttamām || 11-95 ||

pāpā ramanti pāpeṣu hyapi krūrā narādhamāḥ |
ābhūtasaṃplavaṃ yāvat pacyante narakāgniṣu || 11-96 ||

svadeśe yo nṛpaḥ kuryāt prāṇighātanivāraṇam |
sanṛpassahadeśena nandate vibhavaiściram || 11-97 ||

dehānte ca mahābhogaissamastakulasaṃyutaḥ |
kalpakoṭisahasrāṇi śivaloke mahīyate || 11-98 ||

p. 138(164)

yastu svārthaṃ parārthaṃ vā samastendriyasaṃyataḥ |
nākārye yaḥ pravarteta tamāhuśśāntilakṣaṇam || 11-99 ||

yaḥ praśāntendriya grāmaḥ sadācandrāṃśunirmalaḥ |
saprāpnoti paraṃ sthānaṃ śaivaṃ śāntena cetasā || 11-100 ||

yathālabdhopapannena vṛttinyāyāgatena ca |
utpannārthena yastuṣṭaḥ santoṣaḥ sa prakīrtitaḥ || 11-101 ||

atītānāgatārtheṣu vartamāneṣu jīvati |
nānusmaratyatītāni santoṣo yamudāhṛtaḥ || 11-102 ||

tena sarvamavairiṣṭaṃ tenāvāptaṃ tapaḥ kṛtam |
tena tṛṣṇāpadaṃtyaktvā santoṣassamyagāśritaḥ || 11-103 ||

santoṣaiśvaryayuktānāṃ yatsukhaṃ śāntacetasām |
devāsuramanuṣyāṇāṃ kṛtassvargepi tatsukham || 11-104 ||

svānubhūtaṃ svadṛṣṭaṃ ca yo dṛṣṭārthannigūhati |
yathābhūtārthakathanamityetatsatyalakṣaṇam || 11-105 ||

satyaṃ punassatyametat satyāsatyaṃ ca lakṣaṇam |
parapīḍāvinirmuktaṃ yāvat syād vacanaṃ śivam || 11-106 ||

aśvamedhācca tatsatyaṃ adhikaṃ bahubhirguṇaiḥ |
satye pratiṣṭhitaṃ jñānaṃ dharmassatye pratiṣṭhitaḥ || 11-107 ||

satye pratiṣṭhitaṃ śaucaṃ mokṣassatye pratiṣṭhitaḥ |
svāminā rakṣyamāṇāmutsṛṣṭānāṃ ca saṃbhrame || 11-108 ||

p. 139(165)

parasvānāmapādānametadasteyalakṣaṇam |
alābheṣu parasveṣu yo manāgapi vartate || 11-109 ||

karmaṇā manasā vāca sa tṛptaśśivatāṃ vrajet |
maithunasyāsamācāraṃ tatracittamajalpanam || 11-110 ||

lakṣaṇaṃ brahmacaryasya samastendriyanigrahaḥ |
brahmacarye sthitaṃ śaucaṃ brahmacarye sthitaṃ tapaḥ || 11-111 ||

brahmacarya sthitaṃ jñānaṃ brahmacarye sthitā kṣamā |
ye sthitā brahmacaryeṇa te nityaṃ saṃsthitāśśive || 11-112 ||

ekarātroṣitasyāpi yā gatirbrahmacāriṇaḥ |
grahibhistāṃ gatiṃ prāptuṃ śakyā yajñaśatairna hi || 11-113 ||

sa sarvasaṃgamutsṛjya cetasāste nirākulaḥ |
aho yativaraḥ śrīmān nāpayāti smṛtimmṛtau || 11-144 ||

parvantyaktvā yujedyoṣāṃ yonyadāravivarjitaḥ |
brahmacārī samassopi vijñeyastu śivāgame || 11-115 ||

śivāgnyatithigurvarthaṃ kuryāt karmāṇi sarvataḥ |
ahiṃsakassavijñeyaḥ rudratvaṃ gacchati kṣitau || 11-116 ||

śivāgnigurukāryeṣu samudyuktassadānaraḥ |
tasya kāryāṇi sidhyanti manasā cintitānyapi || 11-117 ||

eṣadhamadrumaśśrīmānaṣṭaśākhā śivodbhavaḥ |
na śakyo vistarādvaktumupaśākhā prabhedataḥ || 11-118 ||

p. 140(166)

ye paṭhanti śive bhaktyā svacāryadhyānamuttamam |
trisaptakulajaissārdhaṃ śivaloke mahīyate || 11-119 ||


iti śivadharmaśāstre nandikeśvaraprokte śivāśramācāralakṣaṇaṃ 
nāma ekādaśodhyāyaḥ ||




p. 141(167)

śrīḥ

atha dvādaśodhyāyaḥ

nandikeśvara uvāca

atha saṃkṣepato vakṣye śivabhūtānukaṃpayā |
ādyaśākhopaśākhārthaṃ śivabhaktisamudbhavam || 12-1 ||

kvacidgacchanyadā paśyaṃ cchivaliṅgamapūjitam |
tadā tatpūjyayo gacchet sarudro nātra saṃśayaḥ || 12-2 ||

snānanaivedyavastrādyaṃ nādadīta priyāṇi ca |
tyaktantacchivamuddiśya tadā dānena niṣphalam (tatphalam) || 12-3 ||

dṛṣṭvāyatanamutkramya namaskṛtya śivaṃ vrajet |
catuṣpathaṃ nadīṃ śailaṃ śivayoginameva ca || 12-4 ||

avatīrya namaskṛtvā dṛṣṭvā liṅgaṃ dṛḍhavrataḥ |
hastiyānāsanāśvebhyaḥ śivayogitapasvinam || 12-5 ||

tatrasthopi namaskṛtvā śivaloke mahīyate |
mṛgāśvoṣṭravayomāṃsaṃ laśunaṃ grañjanaṃ tathā || 12-6 ||

katakādyāttavīryaṃ ca nityameva vivarjayet |
sarvadānogratapasāmaśvamedhaśasya ca || 12-7 ||

phalaṃ prāpnotyayatnena madyamāṃsavivarjanāt |
sarvadoṣāśrayaṃ madyaṃ atidūrādvivarjayet || 12-8 ||

p. 142(168)

kva madyaṃ kva śive bhaktiḥ kva māṃsaṃ kvaśivārcanam |
sarvatīrtheṣu yatpuṇyaṃ sarvayajñeṣu yatphalam || 12-9 ||

tatphalaṃ labhate sarvaṃ yo madyaṃ parivarjayet |
garbhādisarvasaṃskāre śmaśānāntennabhojane || 12-10 ||

rajasvalādisaṃspṛṣṭaṃ śivabhaktovivarjayet |
na go brāhmaṇabhasmāgni liṅgacchāyānna laṃghayet || 12-11 ||

na laṃghayeta nirmālyaṃ apsubhūmau niveśayet |
dhārayecchivanirmālyaṃ bhaktyālobhānnadhārayet || 12-12 ||

bhakṣaṇānnarakaṃ gacchet tadvilaṃghī ca mūḍhadhīḥ |
na tatra snānapūjādyaṃ pratigṛhṇāti śaṅkaraḥ || 12-13 ||

* * naivedyanirmālyaṃ mardayan pūjayecchivam |
bhūpradeśaṃ yathā kañcit svadehamalabhūṣitam || 12-14 ||

asaṃspṛśyo bhavetsopi yathāsvāṅgamalaspṛśī |
tasmānna saṃspṛśelliṅgaṃ naro nirmālyadūṣitaḥ || 12-15 ||

* * * vedyanirmālyaṃ saṃkīrṇaiḥ kalaśādibhiḥ |
snānantu kriyate bhaktyā na tadgṛhṇāti śaṅakaraḥ || 12-16 ||

mūrtayoyāśśivasyāṣṭau tāsu nindāṃ vivarjayet |
gurośca śivabhaktānāṃ nṛpasādhutapasvinām || 12-17 ||

aṣṭamyādiṣu pañcamyāṃ pakṣayorubhayorapi |
śmaśrukarmāñjanābhyaṅga maithunādivivarjayet || 12-18 ||

p. 143(169)

kuryādviśeṣataḥ pūjāṃ naktaṃ cātra samācaret |
śaucañca mṛjjalaiḥ kuryādgandhalepāpanodakam || 12-19 ||

yo śnīyādannamasnātaḥ pāpamadyāt sakevalam |
tasmātsnātvā prabhuñjīta bhasmanā salilena vā || 12-20 ||

prātaḥ snātvāṃbhasā gacchet bhasmasnānācchivaṃ padam |
pāpakañcukamutsṛjya tilasaptakamuddharet || 12-21 ||

kuryātpraticaturmāsaṃ mahāpūjāpravartanam |
bhojanaṃ ca pradātavyaṃ śaktyādānaṃ ca kalpayet || 12-22 ||

trisaptakulasaṃyuktaḥ samastaiḥ parivāritaḥ |
vasecchivapure nityaṃ cāturmāsya pravartanāt || 12-23 ||

evaṃ sarvotsave śrāddhe puṇyeṣu divaseṣu ca |
śivaṃ saṃpūjya naivedyaiḥ bhojayecchivayoginaḥ || 12-24 ||

pitarassarvadevāśca śivamāśritya saṃsthitāḥ |
prīte śive tu te sarve suprītāsyurna saṃśayaḥ || 12-25 ||

jñānavairāgyasaṃpannaṃ bhasmaniṣṭhaṃ jitendriyam |
bhojayecchāntamanasaṃ śrāddheṣu śivayoginam || 12-26 ||

yadīśvarāditatvānāṃ parijñānavivekataḥ |
bhavetsādharmyavaidharmyaṃ etajjñānasya lakṣaṇam || 12-27 ||

nāniṣṭhaṃ ceṣṭasaṃprāptiḥ naceṣṭañcābhi nandati |
pratitāpaviṣādena vairāgyamativartate || 12-28 ||

p. 144(170)

bhasmaniṣṭhāpratiṣṭhasya divasenāpi yatphalam |
na tacchakyaṃ grahasthena prāptuṃ kratuśatairapi || 12-29 ||

vaśyendriyaḥ prasannātmā na ca dvaṣṭi na kāṃkṣati |
śabdādiviṣayān bhogān savijñeyo jitendriyaḥ || 12-30 ||

jñānavairāgyasaṃpannaḥ śivaṃ śāntena cetasā |
yuktaṣṣaḍaṅgayogena śivayogī prakīrtitaḥ || 12-31 ||

śivadharmādbhavejjñānaṃ jñānādvairāgyasaṃbhavaḥ |
jñanavairāgyayuktasya śivayogaḥ pravartate || 12-32 ||

śivayogācca sarvajñaḥ paripūrṇastu nityaśaḥ |
svātmanyavasthitaśśuddhaḥ śivavatsarvago bhavet ||33 ||

sarveṣāmeva bhūtānāmuttamaḥ puruṣassmṛtaḥ |
puruṣebhyo dvijaḥ śreṣṭho dvijebhyo gandhapāragaḥ || 12-34 ||

gandhajñādvedavidvāsaḥ tebhyastatvārthacintakaḥ |
nānātatvapadārthajñāt pratiboddhāviśiśyate || 12-35 ||

nānātatvajñayogibhyaḥ viśiṣṭāyoginassmṛtaḥ |
yogibhyaḥ śatakoṭibhyaḥ paramaśśivayo * * || 12-36 ||

yogajñā yogasiddhāśca pitaro yogasaṃbhavāḥ |
bhuktaiḥ prīṇanti te tasmāt viśeṣācchivayoginaḥ || 12-37 ||

sarvayajñatapodānaiḥ kṛtaiḥ puṇyaistu yatphalam |
tatphalaṃ labhate sarvaṃ saṃpūjya śivayoginam || 12-38 ||

p. 145(171)

paśvagnirudraḥ kālātmā dakṣiṇāhavanistathā |
ṛgyajussāmasaṃyogaiḥ vedayajñaḥ prakīrtitaḥ || 12-39 ||

brahmacaryaṃ japo maunaṃ kṣāntirāhāralāghavam |
ityevaṃ tapaso rūpaṃ saṃghoraṃ pañcalakṣaṇam || 12-40 ||

yadiṣṭañca viśiṣṭañca nyāyaprāptaṃ tu yadbhavet |
tattadguṇavate dānamityetaddānalakṣaṇam || 12-41 ||

nivartanasahasrāḍhyāṃ sarvasasya prarohiṇīm |
dadyādbhūmiṃ jalopetāṃ bhūmidānantaducyate || 12-42 ||

ekacchatrāṃ mahīṃ kṛtvā dvijebhyaḥ pratipādayet |
saṃpūrṇāṃ yo nṛpaḥ kaścit mahīdānantaducyate || 12-43 ||

kanyāmalaṃkṛtāndadyādyajvane guṇasaṃyutām |
dvijāya vedayuktāya kanyādānantaducyate || 12-44 ||

śivabhaktāya viprāya datvā kanyāṃ svalaṃkṛtām |
sarvadoṣavinirmuktāṃ taruṇīṃ supayasvinīm || 12-45 ||

yo gāmalaṃkṛtāṃ dadyāt tadgodānamudāhṛtam |
madhyamottamavastrāṇi yo dadyāttu navāni ca || 12-46 ||

etatsamāsato jñeyaṃ vastradānasya lakṣaṇam |
brahmacārī samādhisthaḥ kṣāntaśśīlaparāyaṇaḥ || 12-47 ||

ahorātraṃ na bhuñjīta upavāsasya lakṣaṇam |
catvāriṃśatsamāyuktaṃ piṇḍānāṃ hi śatadvayam || 12-48 ||

p. 146(172)

niyamya yadyathākāmamiti cāndrāyaṇaṃ smṛtam |
ṛṣibhissarvaśāstrajñaiḥ taponiṣṭhairjitendriyaiḥ || 12-49 ||

daivaiśca sevitantīrthaṃ kṣitau tīrthaṃ taducyate |
rudrāvatārasthānāni puṇyakṣetrāṇi nirdiśet || 12-50 ||

mṛtānānteṣu rudratvaṃ śivakṣetreṣu dehinām |
ārāmāvasathaṃ kūpamudyānandevatarpaṇam || 12-51 ||

tīrtheṣvetāni yaḥ kuryāt sokṣayaṃ labhate phalam |
kṣamāspṛhādayā satyaṃ dānaṃ śīlantathāśrutam || 12-52 ||

etadaṣṭāṅgamuddiṣṭaṃ paramaṃ pātralakṣaṇam |
yajñopavāsadānāni tapastīrthaphalāni ca || 12-53 ||

saṃpūjya vibhavairbhaktyā labhate śivayoginam |
śivabhaktaḥ kṣamā satyaṃ aśeṣendriyasaṃyamaḥ || 12-54 ||

sarvabhūteṣu maitrī ca śivadharmasya lakṣaṇam |
śivayogī śivajñānī śivadharmarataśca yaḥ || 12-55 ||

ityetatrividhaṃ jñeyaṃ śivapātrasya lakṣaṇam |
śivamuddiśya yaddattaṃ anavekṣya guṇāśrayam || 12-56 ||

vittamīśvarabhaktebhyaḥ śivadānasya lakṣaṇam |
śivabhaktadvijaśreṣṭhaṃ yaḥ śrāddhādiṣu bhojayet || 12-57 ||

kulasaptakamuddhṛtya śivaloke mahīyate |
bahunātrakimuktena śivabhaktantu bhojayet || 12-58 ||

p. 147(173)

śivabhakto yadā bhuṅkte sākṣādbhuṅkte sadāśivaḥ |
dvijānāṃ vedaviduṣāṃ koṭiṃ saṃpūjya yatphalam || 12-59 ||

munaye vītarāgāya bhikṣādānena tatphalam |
tasmācchrāddhe viśeṣeṇa puṇyeṣu divaseṣu ca || 12-60 ||

śivamuddiśya viprendraṃ śivabhaktantu bhojayet |
asaṃyatassaṃyato vā sarvāvasthāṃ gatopi vā || 12-61 ||

yo vā ko vā śive bhaktaḥ śivavatpātramuttamam |
saṃparkādarthalobhād vā yopi rudraṃ prapūjayet || 12-62 ||

sopi yāṃ gatimāpnoti na tadyajñaśatairapi |
tasmānmānyaśca pūjyaśca rakṣaṇīyaśca sarvadā || 12-63 ||

nāmamātrprapannastu kṣaṇārdhamapi yaśśive |
samunissamahāsādhuḥ sa yogī śivatāṃ vrajet || 12-64 ||

grahe śrāddhasya yatpuṇyaṃ araṇye tacchatādhikam |
tannadīṣvayutaṃ jñeyamanantaṃ syācchivālaye || 12-65 ||

śivāśrameṣu yatpuṇyaṃ tatpuṇyamayutādhikam |
nivedayīta ye bhaktyā tvāsanaṃ mṛduvetrajam || 12-66 ||

nāgadantamayaṃ vāpi sihmāsanapatirbhavet |
kaupīnācchādanaṃ vāso nivedya śivayogine || 12-67 ||

yugakoṭisahasrāṇi śivaloke mahīyate |
aurṇaṃ prāvaraṇaṃ datvā vistīrṇaṃ śivayogine || 12-68 ||

p. 148(174)

romṇi romṇi suvarṇasya dattasya phalamāpnuyāt |
mṛgadvīpyādikaṃ carma tilapiṣṭena marditam || 12-69 ||

mṛduraktakaṣāyeṇa nivedya śivayogine |
yāvattadromasaṃkhyānaṃ mṛgadvīpyādicarmaṇām || 12-70 ||

tāvatkoṭyabdalakṣāṇi rudraloke mahīyate |
jalasthalapavitrāṇi yaḥ kuryācchivayogine || 12-71 ||

trāṇācca sarvajantūnāmabdalakṣaṃ vaseddivi |
triviṣkaṃbhasamāyuktaṃ yaḥ pradadyātkamaṇḍalum || 12-72 ||

mahatsarāṃsi yaddatvā puṇyantatsakalaṃ labhet |
mṛttikāmatisuślakṣṇāṃ prāṇidoṣavivarjitām || 12-73 ||

nivedyaśivayogibhyaḥ kṣitidānaphalaṃ labhet |
mṛdbhasmādhārapātrāṇi vaṃśālābukṛtāni ca || 12-74 ||

nivedya śivayogibhyaḥ sarvatīrthaphalaṃ labhet |
dantadhāvanamuṣṭiñca nivedya śivayogine || 12-75 ||

divyastrībhogasaṃyuktaṃ divyaṃ ramyaṃ puraṃ labhet |
yogapaṭṭapavitrāṇi nivedya śivayogine || 12-76 ||

vastrayugmasahasrasya dattasya phalamāpnuyāt |
mṛṇmayālānu pātrādyaṃ savṛntaṃ bhaikṣabhājanam || 12-77 ||

nivedya śivayogibhyaḥ sadā satraphalaṃ labhet |
śivabhaktāya yo dadyāt upānatkāṣṭhapāduke || 12-78 ||

p. 149(175)

savarāśvasahasrasya dattasya phalamāpnuyāt |
kalmāṣadaṇḍaṃ yo dadyāt anyaṃ vā śivayogine || 12-79 ||

balāvaṣṭaṃbhayuktātmā sasyāddaṇḍāgranāyakaḥ |
tālavṛntātapatraṃ vā yo dadyācchivayogine || 12-80 ||

ekacchatrāṃ sa bhuñjīta pṛthivīṃ ca narādhipaḥ |
pātrāntareṣu śeṣeṣu viśeṣācchivayoginām || 12-81 ||

bhavetkṣitipatiḥ śrīmān kulādhāraḥ kulānvitaḥ |
śivajñānābhiyuktāya yo dadyātpustakaṃ mahat || 12-82 ||

yugakoṭiśatandivyaṃ śivaloke mahīyate |
bhavedihāgataḥ śrīmānāḍhyo vedasya pāragaḥ || 12-83 ||

sarvajñānārthavaktā ca bṛhaspatisamo dhiyā |
śivayogī śivajñānī śivadharmarataśca yaḥ || 12-84 ||

śivaṃ saṃpūjyatulyātmā sarvatulyaguṇaḥ smṛtaḥ |
yaḥ kuryātkārayedvāpi bhavanaṃ śivayogine || 12-85 ||

varṣalakṣammahābhogaiḥ śivaloke mahīyate |
rudro rudrākṣadānena bhavatīti kimadbhutam || 12-86 ||

tanmālayā sadā haste rudrassaṃkramyate kṣitau |
rudrākṣāṇi svayaṃ rudrāḥ ye ca rudrākṣadhārakāḥ || 12-87 ||

rudrākṣandhārayettasmādiharudraḥ parasya ca |
rudrākṣamālāṃ yo dhatte kaṇṭhe karatale sadā || 12-88 ||

p. 150(176)

śatārdhārdhapramāṇena sarudro nātra saṃśayaḥ |
paśavopi hi rudrākṣaiḥ saṃpṛktā yānti rudratām || 12-89 ||

kiṃ punaścālayantīha naro rudrākṣamālikām |
ya evaṃ cālayanmālāṃ yajjapyaṃ syānnasaṃśayaḥ || 12-90 ||

japaśca rudramantrāṇāṃ koṭikoṭiguṇottaram |
mūrdhni hastopavīte vā kṛtvā rudrākṣamālikām || 12-91 ||

yaśca bhuñjīta bhasmāṃgī rudrairbhuktanna saṃśayaḥ |
rudrākṣadhāraṇantasmānnityameva praśasyate || 12-92 ||

parārthānugrahārthaṃ hi brāhmaṇasya viśeṣataḥ |
yāvanmātropakaraṇandatvālpamapi śaktitaḥ || 12-93 ||

varṣalakṣammahābhogaiḥ śivaloke mahīyate |
kuryādāvasathaṃ yonyaṃ suguptaṃ śivayoginām || 12-94 ||

śivālaye kṛte yāvat tāvatpuṇyaphalaṃ labhet |
yathā śivastathā yogī yathāyogī tathāśivaḥ || 12-95 ||

tena yogīndrapādeṣu dānamalpaṃ ca lakṣadam |
yadyadasyopayujyeta taddeyantasya yatnataḥ || 12-96 ||

upayogapradānābhyāṃ śreyasteno bhayorapi |
vyākhyāne śivadharmasya kṛtvā maṇṭapamuttamam || 12-97 ||

śobhitaṃ vastrapuṣpādyaiḥ nyasettatrāsanaṃ guroḥ |
śobhitaṃ vastrapuṣpādyaiḥ śivadharmāsanaṃ śubham || 12-98 ||

p. 151(177)

purastasya gurosthāpya pūjayedubhayantataḥ |
śivadharmapravaktāramācāryaṃ vācakantathā || 12-99 ||

pūjayecchivadharmaṃ ca tulyametat trayaṃ yataḥ |
ya eva nyāyato vakti śivadharmaṃ śiveti ca || 12-100 ||

āyaurvidyāyaśassaukhyaṃ sa labdhvānte śivaṃ vrajet |
ityeṣa vassamākhyātaḥ śivadharmassanātanaḥ || 12-101 ||

sarveṣāṃ śivabhaktānāṃ ayaṃ vācyo vijānatā |
śivāśrameṣu yo bhaktaḥ śivadharmaṃ prakīrtayet || 12-102 ||

śṛṇuyādvā bhavettābhyāmatroktamakhilaṃ phalam |
śrutvaivamakhilandharmamākhyātaṃ brahmasūnunā || 12-103 ||

candrātreya sagotrāya śivabhaktāya sākhat * |
uktaṃ ca dvādaśādhyāyaṃ dharmaśāstraṃ śivātmakam || 12-104 ||

yāvadasyopadeśena śivadharmaṃ samācaret |
tāvattasyāpi tatpuṇyaṃ upadeśānna saṃśayaḥ || 12-105 ||

upadeśaṃ vinā yasmāt dharmo jñātunna śakyate |
na ca kartumavijñāya tasmāttulyaṃ phalaṃ tayoḥ || 12-106 ||

upadeṣṭānumantā ca kartā kārayitā ca yaḥ |
kṛtānupālakaścaiva pañcatulyaphalāḥ smṛtāḥ || 12-107 ||

karturapyadhikaṃ puṇyaṃ tatkṛtaṃ yonupālayet |
yasmādāyatanaṃ kṣipraṃ nāśaṃ gacchatyapālanāt || 12-108 ||

p. 152(178)

bhūmiratnāśvanāgānāṃ gohiraṇyādivāsasām |
bhavetpūrvopadiṣṭānāṃ dānācchreyonupālanam || 12-109 ||

dāturapyadhikaṃ puṇyaṃ dattaṃ yaścānupālayet |
apālitantu tadyasmāt śīghrameva praṇaśyati || 12-110 ||

tasmādupadiśeddharmaṃ svayaṃ cāpi samācaret |
kārayedanumanyeta kṛtamanyaiśca pālayet || 12-111 ||

iti pañcaprakāroyaṃ śivadharmaḥ prakīrtitaḥ |
rudrapādaṃ rudrakoṭimavimuktaṃ mahālayam || 12-112 ||

gokarṇaṃ bhadrakarṇaṃ ca suvarṇākṣothadīptimān |
sthāṇvīśvarañca vikhyātaṃ triṣulokeṣu viśrutam || 12-113 ||

sthānāṣṭakamidaṃ jñeyaṃ rudrakṣetraṃ mahodayam |
vastrāpadādi sthāṇvantaṃ rudrasāyujyakāraṇam || 12-114 ||

jalagaṇḍopiraṇḍaśca mākoṭo maṇḍaleśvaraḥ |
kālañjaraḥ śaṅkukarṇaṃ sthalaṃ sthūleśvaraṃ param || 12-115 ||

pavitrāṣṭakamityetaṃ mahāpuṇyavivardhanam |
mṛtāḥ prayānti tatraiva śivasya paramaṃ padam || 12-116 ||

gayā caiva kurukṣetraṃ nakhalaṃ kanakantathā |
vimaleśvarāṭṭahāsaṃ mahendraṃ bhīmamaṣṭakam || 12-117 ||

etadguhyāṣṭakaṃ nāma sarvapāpaviśodhanam |
mṛtastu puruṣaḥ śrīmān prāpnoti śivamandiram || 12-118 ||

p. 153(179)

śrīparvataṃ hariścandraṃ jalpamābhrādikeśvaram |
madhyamañca mahākālaṃ kedāraṃ bhairavantathā || 12-119 ||

etadguhyātiguhyaṃ ca aṣṭākaṃ parikīrtitam |
te santuṣṭān pitṝn sarvān śivaṃ yānti paraṃ padam || 12-120 ||

amareśaṃ prabhāsaṃ ca naimiśaṃ puṣkaraṃ tathā |
āṣāḍhaḍiṇḍimuṇḍañca bhārabhūmiṃ bhavāntikam || 12-121 ||

lagulīśañca vikhyātaṃ tathā pratyātmako mahān |
pratyaṣṭakamidaṃ kṣetraṃ rudrasyāpi ca kāmadam || 12-122 ||

tatra yānti mṛtāssarve rudrasya paramaṃ padam |
puṇyāṣṭakamidaṃ jñeyaṃ śivasāyujyakāraṇam || 12-123 ||

tīrtheṣveteṣu yaḥ kuryāt śrāddhaṃ yajñaṃ tapo japam |
snānaṃ dānaṃ vrataṃ karma sokṣayaṃ phalamāpnuyāt || 12-124 ||

kṣamāspṛhā dayā satyaṃ dānaṃ śīlaṃ tapaḥ śrutam |
etadaṣṭāṅgamuddiṣṭaṃ paraṃ pātrasya lakṣaṇam || 12-125 ||

dharmārthakāmamokṣārthaṃ sarvabhūtānukaṃpayā |
kartā kārayitāmantā prerakaścānumodakaḥ || 12-126 ||

iti pañcaprakāroyaṃ śivadharmasya kīrtitaḥ |
kapālamālindeveśa mahākāla namostu te || 12-127 ||

candrārdhamūrdhnan gaurīśa carmapāśāsi pāṇika |
gajacarmadharasvāmin caṇḍanātha namostu te || 12-128 ||

p. 154(180)

triśūlapāṇe deveśa triṇetra tridaśeśvara |
trimūrte ca mahādeva tripurānta namostu te || 12-129 ||

sarveśvarassarvagatassarvavitsarvato mukha |
sarvatrāvasthitovatvaṃ sarvaṃ vyāpinnamostu te || 12-130 ||

sthūlasūkṣmavibhāgena vyāptaṃ yena carācaram |
anantānādisuvyaktavyaktāvyakta namostu te || 12-131 ||

anantaṃ śāśvataṃ viśvaṃ śivaṃ nityamumāpate |
śrīkaṇṭhaṃ sarpakaṇṭhañca nīlakaṇṭhaṃ namāmyaham || 12-132 ||

viprāmayavapuryasya vidyātītañca tatsthitam |
sakalanniṣkalañcaiva kālahīnannamāmyaham || 12-133 ||

yogādhipo yogamayo yogātmāyogasaṃbhavaḥ |
mahāyogaparositvaṃ yogeśvara namo namaḥ || 12-134 ||

sarvatejomayaṃ tejaḥ tejasāmapi deśikaḥ |
tejobhūtaśca tejasvin tejotīta namostu te || 12-135 ||

omityekākṣareṇāsi vyākhyāto bhuvanatraye |
tasyāpyarthaparo nityaṃ sadāśiva namostu te || 12-136 ||

ardhamātraṃ parārdhantu tasyāpyardhaṃ parātparam |
paraṃ paraparaśśāntaśśāntātīta namostu te || 12-137 ||

akārokārayorūrdhvaṃ makāro bindureva yaḥ |
nirvāṇa paramātīta tatvātīta namostu te || 12-138 ||

p. 155(181)

balārkaśatabhā yasya śatadhā kalmitasya ca |
anaupamyavimānaśca śiva śānta namostu te || 12-139 ||

anantānādimavyaktaṃ dehasthaṃ dehavarjitam |
hṛdisthaṃ sarvabhūtānāṃ vyomavyāpinnamāmyaham || 12-140 ||

agrāhyamindriyairvāpi sarvavastuvivarjitam |
svatejogūḍhamātmānaṃ mahāmāyāparaṃ param || 12-141 ||

mahājñānaparātītaṃ jñānagamyannamāmyaham |
ekākṣaraṃ caturbhedaṃ caturmātrairalaṃkṛtam || 12-142 ||

catuṣkalaṃ kalātītaṃ bījātītannamāmyaham |
īśānaṃ iśvaro brahman sadāśiva namostu te || 12-143 ||

dharmārthakāmamokṣārthaṃ sarvabhūtānukaṃpayā |
nandināsanakādibhyaḥ śivadharmassamīritaḥ || 12-144 ||

vaktā śrotānumantāsya śivaloke mahīyate |
sarve ca sukhīnassantu sarvesantunirāmayāḥ || 12-145 ||

sarve bhadrāṇi paśyantu dḥkhānyatitarantu ca |
muktiṃ bhajantu dehānte sarve yāntu śivaṃ janāḥ || 12-146 ||

iti śaivaśāstre śivadharmottare nandikeśvaraprokte dvādaśodhyāyaḥ ||

śubhamastu | om || śivadharmottarassamāptaḥ | dakṣiṇāmūrtaye namaḥ || 
om ||




###########   END OF FILE  #######