####################################################
MUKTABODHA INDOLOGICAL RESEARCH INSTITUTE
Use of this material (e-texts) is covered by Creative Commons license BY-NC 4.0
Catalog number: M00349
Uniform title: śivasūtravimarśinī text version
Secondary title: śivasūtra
Commentator : kṣemarāja
Author : vasugupta author śivasūtra
Editor : Chatterji J C

Description: 
E-text transcribed from volume 1 of the Kashmir Series of Texts and Studies.


Notes: 
Transcribed by the staff of Muktabodha under the supervision of Mark S.G. Dyczkowski.      

Revision 0: jUNE 26, 2016

Publisher : Research Department, Jammu and Kashmir State
Publication year : 1911
Publication city : Srinagar
Publication country : India
####################################################



oṃ namaḥ saccidānandātmane

atha śivasūtravimarśinī |

prathama unmeṣaḥ |

rudrakṣetrajñavargaḥ [rudreti pramātṛprameyamayasya jagataḥ 
sṛṣṭisthitisaṃhārakāriṇo rudrāḥ patirūpāḥ | kṣetrajñāḥ paśavo brahmādayaḥ 
|] samudayati yato yatra viśrāntimṛcched
yattattvaṃ yasya viśvaṃ sphuritamayamiyadyanmayaṃ viśvametat |
svācchandyānandavṛndocchaladamṛtamayānuttaraspandatattvaṃ

[svācchandyena svātantryeṇa yat ānandavṛndaṃ sarvaśaktikāraṇabhūtā 
akārādi-kṣakārāntā raśmikalāḥ śaktimātrasamūhaḥ ucchalat atiśayena 
nirgacchat yasmāt iti bahuvrīhiṇā vimarśarūpaṃ viśeṣaṇam uktvā 
prakāśarūpaviśeṣaṇam āha amṛteti | etādṛśānandasvabhāvaśca asau 
anuttaraḥ anirvacanīyaśca asau spandaḥ kāraṇakāraṇam ādyaḥ kiñciccalattātmā 
tattvaṃ svarūpaṃ yasya tat caitanyaṃ jayati |] [spandakārikārtham 
avalambya etat nirūpitam iti vyajyate |]

caitanyaṃ śāṅkaraṃ tajjayati yadakhilaṃ dvaitabhāsādvayātma

[vastuta iti śeṣaḥ |] ||

āsamañjasyamālocya vṛttīnāmiha [śivasūtravṛttiriti granthāntaramasti |
] tattvataḥ |
śivasūtraṃ vyākaromi gurvāmnāyavigānataḥ 

[gurorvacanasya viśeṣaṇa gānaṃ vigānaṃ tasmāt | athavā viruddhatvena 
gānaṃ jñānaṃ vigānaṃ | nindā vā vigānaṃ vacanīyatvam iti kośāt | tasmādeva 
āsamañjasyam iti saṃbandhaḥ | ata eva aham etat vyākaromi | vacana iti vaktavye 
āmnāyagrahaṇaṃ prāmāṇyārtham |] ||

p. 2) 

iha kaścit 

[kaściditi maheśvarānugrahaviśeṣaprāptamahaddaśākaḥ ata eva apūrvaḥ |
] 

śaktipātavaśonmiṣanmāheśvarabhaktyatiśayāt 
anaṅgīkṛtādharadarśanastha-nāga[nāgabodhī bauddhācāryaḥ |
]-bodhyādi-siddhādeśanaḥ śivārādhanaparaḥ pārameśvara##-
]satsaṃpradāya-pavitritahṛdayaḥ śrīmahādevagirau mahāmāheśvaraḥ 
[īśasya aikyena vimarśanāt mahān] śrīmān vasuguptanāmā gururabhavat 
|

kadācicca asau dvaitadarśanādhivāsitaprāye jīvaloke rahasyasaṃpradāyo 

[saṃpradāyo hi paramparopadeśaḥ so'pi karṇātkarṇanyāyena ata eva mā 
vicchedi |] 

mā vicchedi ityāśayataḥ anujighṛkṣāpareṇa paramaśivena svapne anugṛhya 
unmiṣitapratibhaḥ 

[svapne unmiṣitapratibhaḥ kṛta ityasya agnimeṇa iti-śabdena anvayaḥ |
] 

kṛtaḥ yathā atra mahībhṛti mahati śilātale rahasyam asti tat adhigamya 
anugrahayogyeṣu prakāśaya iti |

p. 3) 

prabuddhaśca asau anviṣyan tāṃ mahatīṃ śilāṃ karasparśanamātraparivartanataḥ 
saṃvādīkṛtasvapnāṃ [pramāṇīkṛtasvapnām |] pratyakṣīkṛtya 
imāni śivopaniṣatsaṃgraharūpāṇi [śivarahasyāgamaśāstrasaṃgraharūpāṇi 
|] śivasūtrāṇi tataḥ samāsasāda [tathā ca vārtikam

śrīmanmahādevagirau vasuguptaguroḥ purā |
siddhādeśātprādurāsañśivasūtrāṇi tasya hi ||

iti |] | etāni ca samyak adhigamya bhaṭṭaśrīkallaṭādyeṣu sacchiṣyeṣu 
prakāśitavān spandakārikābhiśca saṃgṛhītavān | tatpāramparya[tasmāt 
vasuguptāt guruparamparayā yathāyathaṃ prāptāni |]-prāptāni 
spandasūtrāṇi asmābhiḥ spandanirṇaye samyak nirṇītāni | śivasūtrāṇi tu 
nirṇīyante ||

tatra prathamaṃ nareśvarabhedavādi[narā ātmānaḥ pṛthak īśvaraśca 
pṛthak iti vādināṃ prātipakṣyeṇa vaiparītyena |]-prātipakṣyeṇa 
caitanyaparamārthataḥ śiva eva viśvasya ātmā iti ādiśati-

p. 4) 

caitanyamātmā [atra vārtikam

caitanyamātmano rūpaṃ siddhaṃ jñānakriyātmakam |
tasyānāvṛtarūpatvācchivatvaṃ kena vāryate || iti] || 1 ||

iha acetitasya [acetitasya aprakāśitasya | prakāśāt bāhyaṃ yat tat avastu |] 
kasyāpi sattvābhāvāt citikriyā sarvasāmānyarūpā [sarvatra asti ityarthaḥ |
] iti cetayate iti cetanaḥ sarvajñānakriyāsvatantraḥ tasya bhāvaḥ caitanyaṃ 
[caitanyaṃ citiḥ cetana ātmā iti rāhoḥ śira itivat kālpanikam vastutaḥ ekameva 
sarvam | citikriyā prakāśābhimarśaḥ tasya bhāvaḥ svātantryam |] 
sarvajñānakriyāsaṃbandhamayaṃ [citikriyāsaṃbandhamayam | saṃbandhasya 
saṃbandhiviśrāntasya pratīteḥ citikriyāsaṃbandhamayaṃ caitanyamiti vyañā 
niṣkṛṣṭam |] paripūrṇaṃ svātantryam ucyate | tacca paramaśivasyaiva 
bhagavataḥ asti anāśritāntānāṃ [sakalādīnāṃ śivatattvāntānāṃ nāsti tat | 
śivatattvamapi vastutaḥ tato nyūnaṃ sṛjyamānam anāśritasaṃjñam 
acchedyākledyāśoṣyādidharmakam |] tatparatantravṛttitvāt | sa ca yadyapi 
nityatva-vyāpakatvāmūrtatvādyanantadharmātmā tathāpi nityatvādīnām 
anyatrāpi [ākāśaparamāṇvādau |]

p. 5) 

saṃbhāvyatvāt anyāsaṃbhavinaḥ svātantryasyaiva uddhurīkārapradarśanamidam | 
itthaṃ dharmāntarapratikṣepataśca caitanyamiti bhāvapratyayena darśitam 
[itthamiti svātantryasya uddhurīkārapradarśanataḥ | tathā ca 
ācāryābhinavaguptapādāḥ

caitanyamiti bhāvāntaḥ śabdaḥ svātantryamātrakam |
anākṣiptaviśeṣaṃ sad āha sūtre purātane || iti |

mātraśabdasya arthamāha anākṣipteti | bhāvapratyayānto hi śabdaḥ 
sahacāridharmāntaranivṛttimeva brūte | yadāhuḥ

dharmāntarapratikṣepāpratikṣepau tayordvayoḥ ||
saṃketabhedasya padaṃ jñātṛvāñchānurodhataḥ |
bhedo'yameva sarvatra dravyabhāvābhidhāyinoḥ ||

iti |

citiḥ pratyavamarśātmā .............|

iti śrīpratyabhijñāyām | cetayate ityatra yā citiḥ citikriyā tasyāḥ pratyavamarśaḥ 
svātmacamatkāralakṣaṇaḥ ātmā svabhāvaḥ | tathā hi ghaṭena svātmani na 
camatkriyate svātmā na parāmṛśyate na svātmani tena prakāśyate na 
aparicchinnatayā bhāsyate tato na cetyate ityucyate | caitreṇa tu svātmani ahamiti 
saṃrambhodyogollāsa-vibhūtiyogāt camatkriyate svātmā parāmṛśyate 
svātmanyeva prakāśyate idam iti yaḥ paricchedaḥ 
etāvadrūpatayātadvilakṣaṇībhāvena nīla-pīta-sukha-duḥkha##-
ityucyate|] | tadetat [etat caitanyaṃ svātantryameva ātmā |] ātmāḥ na 
punaranyaḥ ko'pi bhedavādyabhyupagato

p. 6) 

bhinnabhinnasvabhāvaḥ | tasya [tasya bhinnabhinnasvabhāvasya |] acaitanye 
jaḍatayā anātmatvāt | cidātmatve bhedānupapatteḥ cito deśakālākāraiḥ 
cidvyatirekāt acetyamānatvena [aprakāśyamānatvena |] asadbhiḥ 
cetyamānatvena tu cidātmabhiḥ [cidavyatirekāttu na bhinnabhinnasvabhāvaiḥ |
] bhedasya [karmaṇi ṣaṣṭhī | bhedasya ādhātum ityatra bhedaṃ kartum 
ityarthaḥ |] ādhātum aśakyatvāt cinmātratve tu ātmanāṃ svabhāvabhedasya 
aghaṭanāt vakṣyamāṇanītyā [malasthiterdṛśyatvāt bhedaśaṅkāyāṃ 
prāptāyāṃ tasya avyatiriktatvena vakṣyamāṇatvāt na bhedāvasthitiḥ ityarthaḥ |
] avyatiriktamalasaṃbandhayogenāpi bhedasya anupapatteḥ prāk [mukteḥ 
prāk |] malasya sattve'pi muktidaśāyāṃ tadupaśamanāt nānātmavādasya 
vaktum aśakatvāt malasaṃskārasaṃbhave [malaśāntāvapi |] vā 
anādiśivāt kathaṃcit apakarṣe [nyūnatāyāṃ vā | muktidaśāyāṃ 
malasaṃskārasaṃbhavo vā īdṛśī nyūnatā yā bhavituṃ nārhati | tadaṅgīkāre 
muktireva na syāt kintu saṃsāra eva ityarthaḥ |] vā muktaśivāḥ saṃsāriṇa eva 
syuriti | yathoktam

caitanyameka evātmā ......................

p. 7) 

iti nānātmavādasya anupapattiḥ sūcitā [ātmanāṃ bhedo nāsti iti kathitam |
] |

atha ca ātmā [laukikāḥ śarīraṃ cārvākāśca vaidikāḥ prāṇam yogācārā 
bauddhāśca buddhim mādhyamikāḥ śūnyam ātmānam abhyupagacchanti | teṣāṃ 
matanirākaraṇāya atheti praśnapūrvakam upadiśati |] ka iti jijñāsūn 
upadeśyān prati bodhayituṃ na śarīra-prāṇa-buddhi-śūnyāni 
laukika-cārvāka-vaidika-yogācāra-mādhyamikādyabhyupagatāni 
ātmā api tu yathoktaṃ caitanyameva [ātmā iti śeṣaḥ |] | tasyaiva śarīrādi 
[śarīrādayaśca prakāśamānatvenaiva gṛhītāḥ |] 
kalpitapramātṛpade'pi akalpitāhaṃvimarśamaya-satyapramātṛtvena 
sphuraṇāt | taduktaṃ śrīmṛtyujidbhaṭṭārake

paramātmasvarūpaṃ tu sarvopādhivivarjitam |
caitanyamātmano [dehādimataḥ | yogavāsiṣṭhe'pi

yadyajjñeyamidaṃ tattvaṃ saṃtyajya yuktibhiḥ |
prapyāvaśiṣṭaṃ cinmātraṃ so'sm so'smīti bhāvaya ||

aṣṭāvakroktau ca

prakāśo me nijaṃ rūpaṃ nātirikto'smyahaṃ taḥ |
yadā prakāśate viśvaṃ tadāhaṃ bhāsa eva hi ||] rūpaṃ sarvaśāstreṣu 
paṭhyate ||

iti | śrīvijñānabhairave'pi

p. 8) 

ciddharmā [ciddharmā ātmā | viśeṣaḥ bhedaḥ |] sarvadeheṣu viśeṣo 
nāsti kutracit |
ataśca tanmayaṃ sarvaṃ bhāvayan bhavajijjanaḥ ||

iti | etadeva

yataḥ karaṇavargo'yaṃ ......................... |

iti kārikādvayena saṃgṛhya upadeśyān prati sābhijñānaṃ [iyameva cit 
sarvadeheṣu sphuratīti sābhijñānam |] guruṇā upadiṣṭaṃ śrīspande |

kiṃca yadetat caitanyam uktaṃ sa eva ātmā svabhāvaḥ viśeṣācodanāt [asyaiva 
ātmā iti viśeṣo na coditaḥ (asyaiva ātmā iti viśeṣācodanāt viśvasya iti 
kathyate) |] bhāvābhāvarūpasya viśvasya jagataḥ | nahi acetyamānaḥ 
[acetyamāna iti svabhāva ityanena saṃbadhyate | acetyamānaḥ 
aprakāśyamānaḥ | avimṛṣṭaṃ hi yat tat āstu iti ]] ko'pi kasyāpi 
kadācidapi svabhāvo bhavati | cetyamānastu svaprakāśacidekībhūtatvāt 
caitanyātmaiva [caitanyasvabhāva eva svabhāvaḥ |] | taduktaṃ 
śrīmaducchuṣmabhairave 

yāvanna vedakā ete tāvadvedyāḥ kathaṃ priye |
vedakaṃ vedyamekaṃ tu tattvaṃ nāstyaśucistataḥ [tataḥ tasmādeva hetoḥ |
] ||

iti | etadeva 

p. 9) 

yasmātsarvamayo jīvaḥ .................. |

iti kārikādvayena saṃgṛhītam |

yataḥ caitanyaṃ viśvasya svabhāvaḥ tata eva tatsādhanāya pramāṇādi varākam 
anupayuktam [anupayuktamiti

prakāśo nāma yaścāyaṃ sarvatraiva prakāśate |
anapahnavanīyatvātkiṃ tasminmānakalpanaiḥ ||

ityabhinavaguptapādaistantrāloke pramāṇānupapatterāmnātatvāt |] tasyāpi 
[pramāṇavarākasyāpi

pramāṇānyapi vastūnāṃ jīvitaṃ yāni tanvate |
teṣāmapi paro jīvaḥ sa eva parameśvaraḥ ||

ityabhinavaguptapādaiścaitanyādhīnaiva siddhirnirdiṣṭāsti |] 
svaprakāśacaitanyādhīnasiddhikatvāt caitanyasya ca proktayuktyā kenāpi āvarītum 
aśakyatvāt sadā prakāśamānatvāt | yaduktaṃ śrītrikahṛdaye

svapadā svaśiraśchāyāṃ yadvallaṅghitumīhate |
pādoddeśe śiro na syāttatheyaṃ baindavī kalā ||

iti | yo laṅghitum īhate tasya yathā pādoddeśe śiro na syāt tathā iyamiti atra 
saṃbandhaḥ | anenaiva āśayena spande

p. 10) 

yatra sthitam ....................... |

ityādi upakramya 

................. tadasti paramārthataḥ ||

ityantena mahatā granthena śaṅkarātmaka-spanda-tattvarūpaṃ caitanyaṃ 
sarvadā svaprakāśaṃ paramārthasat asti iti pramāṇīkṛtam || 1 ||

yadi jīvajaḍātmano viśvasya paramaśivarūpaṃ caitanyameva svabhāvaḥ tat katham 
ayaṃ bandha ityāśaṅkāśāntaye saṃhitayā itarathā [paraḥ saṃnikarṣaḥ 
saṃhitā iti śliṣṭasaṃdhikāreṇa caitanyamātmājñānaṃ bandhaḥ 
ityakārapraśleṣapāṭhena ekaṃ sūtram | itaratheti pṛthak sūtradvayena 
akārāpraśleṣāt saṃhtāyā abhāvāt ityārohāvarohakrameṇa atra jñānam ātmani 
anātmābhimānalakṣaṇam anātmani ātmābhimānalakṣaṇaṃ ca malam 
viyuktasaṃyuktapāṭhatayā darśitam | tathā ca ācāryābhinavaguptapādāḥ

caitanyamātmā jñānaṃ ca bandha ityatra sūtrayoḥ |
saṃśleṣetaraygoābhyāmayamarthaḥ pradarśitaḥ ||

caitanyamiti bhāvāntaḥ śabdaḥ svātantryamātrakam |
anākṣiptaviśeṣaṃ sad āha sūtre purātane ||

dvitīyena tu sūtreṇa kriyāṃ vā karaṇaṃ ca vā |
bruvatā tasya cinmātrarūpasya dvaitamucyate ||

dvaitaprathā tadajñānaṃ tucchatvādbandha ucyate |
tata eva samucchedyamityāvṛttyā nirūpitam ||

iti |] ca akārapraśleṣāpraśleṣapāṭhataḥ sūtram āha -

p. 11) 

jñānaṃ bandhaḥ || 2 ||

iha uktayuktyā citprakāśavyatiriktaṃ na kiñcid upapadyata iti [iyamuktiḥ 
siddhāntivādānusāreṇa bhedavādinaḥ |] malasyāpi kā sattā kīdṛg vā 
tannirodhakatvaṃ [malāvārakatvaṃ malācchādakatvaṃ citsvarūpasya |] 
syāditi bhedavādoktaprakriyāparihāreṇa 
[bhedavādenoktasiddhāntānusārameva yā uktā codyaprakriyā tatparihāreṇa 
siddhāntī vakti |] 

malamajñānamicchanti [malamiti ajñānaṃ timiraṃ 
pārameśvarasvātantryamātrasamullasitasvarūpagopanāsatattvam 
ātmānātmanoranyathābhimānasvabhāvamapūrṇaṃ jñānaṃ tadāṇavaṃ malam 
saṃsāreti saṃsārasya bhinnavedyaprathātraiva māyākhyaṃ ....... ityādyukta 
svarūpasya māyīyasya malasya saṃsārakāraṇaṃ karma saṃsārāṅkura ucyate iti 
nītyā aṅkuraḥ kāraṇaṃ kārmamalaṃ tasya kāraṇam | māyīyasya kārmamalaṃ 
tasya cāṇavaṃ kāraṇamiti bhāvaḥ | ajñānasya pauruṣabauddhātmakatvena 
dvaividhye'pi iha pauruṣameva vivakṣitaṃ nānyaditi saṃsārāṅkurakāraṇamiti 
viśeṣaṇena sūcitam | tathā cācāryābhinavaguptapādāḥ

viśeṣaṇena buddhisthe saṃsārottarakālike |
saṃbhāvanāṃ nirasyaitadabhāve mokṣamabravīt || iti |] 
saṃsārāṅkurakāraṇam ||

iti |

ajñānādbadhyate lokastataḥ sṛṣṭiśca saṃhṛtiḥ ||

iti śrīmālinīvijaya-śrīsarvācāroktasthityā

p. 12) 

yaḥ parameśvareṇa svasvātantryaśaktyābhāsitasvarūpagopanārūpayā 
mahāmāyāśaktyā [mahāmāyāśaktyeti māyopari mahāmāyā 
ityāmnāyanītyā māyā śivatattvamekaṃ parityajya sarvatra kṛtavyāptiḥ anyathā 
māyopari vartamānatvātkathamavasthābhedaḥ syāditi bhaṭṭotpalamatam |] 
svātmanyākāśa[svātmana ākāśasāmyaṃ svacchatvāt 
māyāmeghāvṛtyasaṃkocāt |]kalpe'nāśritāt[śivatattvāt |
]prabhṛti māyāpramātrantaṃ saṃkoco'vabhāsitaḥ sa eva 
śivābhedākhyātyātmakā[śivābhedasya akhyātiraprathanaṃ 
svātantryahānirūpam |]##-
bandhaḥ | yathā ca vyatiriktasya malasyānupapannatvaṃ tathā asmābhiḥ 
śrīsvacchandoddyote pañcamapaṭalānte dīkṣāvicāre vitatya darśitam | eṣa ca 
sūtrārthaḥ 

nijāśuddyāsamarthasya ....................... |

iti kārikābhāgena saṃgṛhītaḥ | evamātmani [evamiti uktaprakāreṇa ātmani 
paramātmani |] anātmatābhimānarūpākhyāti[svātantryahānirbodhasya...... 
ityanena svarūpagopanā vijñānākaleṣu pratyabhijñāyāmuktā |]##-

p. 13) 

jñānaṃ na kevalaṃ bandho yāvad anātmani śarīrādau ātmatābhimānātmakam 
ajñānamūlaṃ [svātantryābhimāne ca svātantryasyāpyabodhatā ityevaṃ 
rūpam |] jñānamapi bandha eva | etacca 

parāmṛtarasāpāya........................ |

iti kārikayā saṃgṛhītam |

evaṃ caitanyaśabdenoktaṃ yatkiñcit svātantryātmakaṃ rūpaṃ tatra cidātmanyapi 
svātantryāprathātmavijñānākalavad apūrṇammanyatāmātrātmanā rūpeṇa 
svātantrye'pi dehādau [dehādau yatsvātantryaṃ tatra |] abodharūpeṇa 
anātmanyātmatābhimānātmanā rūpeṇa dviprakāramāṇavamalam anena sūtreṇa 
sūtritam | taduktaṃ śrīpratyabhijñāyām |

svātantryahānirbodhasya svātantryasyāpyabodhatā |
dvidhāṇavaṃ malamidaṃ svasvarūpāpahānitaḥ ||

iti || 2 ||

kim īdṛgāṇavamalātmaiva bandhaḥ ? na ityāha -

yonivargaḥ [yonivargaḥ māyāmalam kalā kārmamalam |] kalāśarīram || 
3 ||

p. 14) 

bandha ityanuvartate yo'yaṃ yonerviśvakāraṇasya māyāyāḥ saṃbandhī vargaḥ 
sākṣāt pāramparyeṇa ca taddhetuko dehabhuvanādyārambhī 
kiñcitkartṛtādyātmakakalādikṣityantastattvasamūhaḥ tadrūpaṃ [sa eva 
māyāmūla iti malabandhaḥ |] māyīyam tathā kalayati [kalayati 
svarūpamāveśayati |] svasvarūpāveśena tattad vastu paricchinattīti kalā 
[vastuni vā tatra tatra pramātari svakalanameva kalā |] vyāpāraḥ śarīraṃ 
svarūpaṃ yasya tat kalāśarīraṃ kārmaṃ malamapi bandha ityarthaḥ | etadapi

nijāśuddhyāsamarthasya kartavyeṣvabhilāṣiṇaḥ |

ityanenaiva saṃgṛhītam | yathā caitat tathā asmadīyāt 
spandanirṇayādavaboddhavyam | eṣāṃ ca kalādīnāṃ [tattvānām ādinā 
vidyākālarāganiyatyādīni gṛhyante |] kiñcitkartṛtvādilakṣaṇaṃ 
svarūpamāṇavamalābhittilagnaṃ [vastutaḥ 
āṇavamevetarayormalayormūlabhūtamityarthaḥ |] puṃsāmāvarakatayā 
malatvena [kalādīni tattvāni ca malānyevetyāśayaḥ |] siddhameva | 
yaduktaṃ śrīmatsvacchande

p. 15) 

malapradhvastacaitanyaṃ [svātantryahānirbodhasya 
ityādyuktalakṣaṇenāṇavamalenaiva prathamaṃ caitanyasaṃkocaḥ saṃjāyate |] 
kalāvidyāsamāśritam |
rāgeṇa rañjitātmānaṃ kālena kalitaṃ [kalitaṃ paricchinnam | yamitaṃ 
niyamitam | puṃbhāvena puruṣatattvena | guṇeti guṇatrayavibhāgena | buddhikarmeti 
buddhīndriyaiḥ karmendriyaiśca | tanmātraiḥ śabdādibhiḥ | sthūlabhūtakaiḥ 
kṣityantaiḥ |] tathā ||

niyatyā yamitaṃ bhūyaḥ puṃbhāvenopabṛṃhitam |
pradhānāśayasaṃpannaṃ guṇatrayasamanvitam ||

buddhitattvasamāsīnamahaṅkārasamāvṛtam |
manasā buddhikarmākṣaistanmātraiḥ sthūlabhūtakaiḥ ||

iti | kārma[iyatparyantamāṇavamāyīyamaladvayameva proktaṃ 
bhavatītyāśayenāha kārmeti yataḥ gopitasvamahimno'sya 
saṃmohādvismṛtātmanaḥ |

yaḥ saṃkocaḥ sa evāsya āṇavo mala ucyate ||
tataḥ ṣaṭkañcukavyāptivilopitanijasthiteḥ |
bhūtadehe sthitiryāsau māyīyo mala ucyate ||

yadantaḥkaraṇādhīnārabdhikarmendriyādibhiḥ |
bahirvyāpriyate kārmaṃ malametasya tanmatam ||

ityadhyātmanaye |]malasyāpyāvarakatvaṃ [jyotiṣṭomayājyahaṃ 
svargagantā aśubhakārī narakagantā iti dvirūpaṃ kārmamāvarakameva |] 
śrīmālinīvijaye pradarśitam

dharmādharmātmakaṃ karma sukhaduḥkhādilakṣaṇam |

iti | tadetat māyīyaṃ kārmaṃ ca malam 

p. 16) 

bhinnavedyaprathātraiva [atra āṇave |] māyākhyaṃ janmabhogadam |
kartaryabodhe kārmaṃ ca .............................. ||

iti śrīpratyabhijñāyām āṇavamalabhittikaṃ saṃkucitaviśiṣṭajñānatayaivoktam 
[sarve malā hi saṃkucitaviśiṣṭajñānarūpā eva |] || 3 ||

atha kathamasyājñānātmakajñāna-yonivarga-kalāśarīrarūpasya 
trividhasya malasya bandhakatvamityāha -

jñānādhiṣṭhānaṃ mātṛkā || 4 ||

yadetat trividhamalasvarūpam apūrṇammanyatābhinnavedyaprathā##-
[akārādikṣakārāntarūpā |] ajñātā mātā mātṛkā [ajñātā mātā 
mātṛkā ajñāte kaḥ pratyayaḥ | iyameva bandhayitrī jñātā cet siddhyupapādikā |
] viśvajananī tattatsaṃkucitavedyābhāsātmano jñānasya apūrṇo'smi 
[apūrṇo'smi ityādinā āṇavamāyīyakārmamalānyudāhriyante |] kṣāmaḥ 
sthūlo vāsmi agniṣṭomayājyasmi 
ityāditattadavikalpakasavikalpakāvabhāsaparāmarśamayasya 
[sthūlasūkṣmaśabdaparāmarśamayasya jñānasya |] tatta-

p. 17) 

dvācakaśabdānuvedhadvāreṇa [na so'sti pratyayo loke yaḥ 
śabdānugamādṛte | iti-sthityā śabdasaṃbhinnameva jñānam |] 
śoka-smaya-harṣa-rāgādirūpatāmādadhānā

karandhracitimadhyastha [ke vyomni cidgagane yā citiḥ tanmadhyasthāḥ 
cicchaktirūpā eva | vastutaḥ brahmapāśa eva durgranthirabhedyatvāt | brāhmyādyā 
ghoratarāḥ |] brahmapāśāvalambikāḥ |
pīṭheśvaryo mahāghorā mohayanti muhurmuhuḥ ||

iti śrītimirodghāṭaproktanītyā varga[vargāḥ aṣṭau kalā nivṛttyādayaḥ | 
ādinā ṣaḍadhvānaḥ |]##-
śrīsarvavīrādyāgamaprasiddhalipikramasaṃniveśotthāpikā ambā-jyeṣṭhā##-
mātṛkāśaktirityarthaḥ |] śaktiradhiṣṭhātrī tadadhiṣṭhānādeva hi 
antara'bhedānusaṃdhivandhyatvāt [antaḥ pūrṇāhantāyāṃ 
yo'bhedānusaṃdhiścidabhedaparāmarśastacchūnyatvāt |] kṣaṇamapi 
alabdhaviśrāntīni bahirmukhānyeva jñānāni iti yuktaiva eṣāṃ [jñānānām |
] bandhakatvoktiḥ | etacca 

p. 18) 

śabdarāśisamutthasya ..................... |

iti kārikayā 

svarūpāvaraṇe cāsya śaktayaḥ satatotthitāḥ |

iti ca kārikayā saṃgṛhītam || 4 ||

atha etadbandhapraśamopāyamupeyaviśrāntisatattvamādiśati [satattvaṃ 
saparamārtham |] -

udyamo bhairavaḥ || 5 ||

yo'yaṃ prasaradrūpāyā [viśvamayaḥ prasaraḥ viśvottīrṇaśca saṃvidaḥ 
ityanena anuttararūpasya yo'yaṃ vimarśa ānandarūpaḥ sa unmeṣaḥ svarūpavikāsa 
ityevaṃ-rūpo vimarśaḥ |] vimarśamayyāḥ saṃvido jhagiti 
ucchalanātmakaparapratibhonmajjanarūpa [śaktipātavaśādākasmikī 
sphurattātmakasvarūpaprathā navanavā |] udyamaḥ sa eva 
sarvaśaktisāmarasyena [samarasatāpādanena kroḍīkāreṇaikātmyena 
mayūrāṇḍarasavat |] aśeṣaviśvabharitatvāt 
sakalakalpanākulālaṃkavalanamayatvācca [saṃskāraśeṣasyāpi |] bhairavo 
[ghṛtamāyuritivat udyamasya bhairavasvarūpāvabhāsahetutvāt udyama eva 
bhairava iti | bhairava iti bharaṇavaṇavamanarūpaḥ bhīruṇāmabhayamiti vyutpattyā 
saṃsāriṇāmabhayadaḥ | bhīrbhayaṃ saṃsāratrāsaḥ tayā janito rava ākrandaḥ 
bhīravaḥ tato jātaḥ tadākrandavatāṃ sphuritaḥ asyaiva bhīravasya 
saṃsārabhayavimarśanasya ayaṃ śaktipātavaśena utthāpakaḥ | bhāni nakṣatrāṇi 
īrayatīti bhīraḥ kālaḥ taṃ vāyantīti bhīravāḥ kālagrāsasamādhirasikā 
yoginasteṣāmayamityāntaraḥ svabhāvaḥ | bhiye paśujanatrāsāya ravaḥ 
śabdarāśisamutthākārādikalāvimarśo yāsāṃ khecaryādisaṃviddevīnāṃ tā 
bhīravaḥ tāsāmayaṃ svāmī bhairavaḥ | tathā bhairavo bhīṣaṇaḥ 
saṃsāravṛttavighaṭanapara evamāgameṣu niruktatvāt śrībṛhaspatipādaiḥ 
śivatanāvanvarthavyākhyātasvarūpatvācca |] 
bhairavātmakasvasvarūpābhivyaktihe-

p. 19) 

tutvāt bhaktibhājām antarmukhaitattattvāvadhānadhanānāṃ jāyate ityupadiṣṭaṃ 
bhavati | uktaṃ ca śrīmālinīvijaye

akiṃciccintakasyaiva [yadāhurācāryābhinavaguptapādāḥ

akiñciccintakasyeti vikalpānupayogitā |
tathā ca jhaṭiti jñeyasamāpattirnirūpyate ||

sa kathaṃ bhavatītyāha guruṇātigarīyasā |
jñeyābhimukhabodhena drākprarūḍhatvaśālinā ||

tṛtīyārthe tasi vyākhyā vā vaiyadhikaraṇyataḥ |
āveśaścāsvatantrasya svatadrūpanimajjanāt ||

paratadrūpatā śambhorādyā śakyavibhāginaḥ |
tenāyamatra vākyārtho vijñeyaṃ pronmiṣatsvayam ||

na vinā niścayena drāṅ mātṛdarpaṇabimbitam |
mātāramadharīkurvan svāṃ vibhūtiṃ pradarśayan |
āste hṛdayanairmalyātiśaye tāratamyataḥ || iti |] guruṇā pratibodhataḥ |
jāyate yaḥ samāveśaḥ śāmbhavo'sāvudīritaḥ ||

iti | atra hi guruṇā pratibodhataḥ ityatra 

p. 20) 

gurutaḥ svasmāt pratibodhataḥ ityasyārtho gurubhirādiṣṭaḥ | śrīsvacchande'pi 
uktam 

ātmano bhairavaṃ rūpaṃ bhāvayedyastu [bhramarakīṭanyāyena tanmaya eva 
pariśiṣyate iti |] pūruṣaḥ |
tasya mantrāḥ prasiddhyanti nityayuktasya sundari ||

iti | bhāvanaṃ hi atra antarmukhodyantṛtāpadavimarśanameva 
[udyanturbhāvaḥ udyantṛtā tasya padamudyamakartṛtvam |] | etacca

ekacintāprasaktasya yataḥ syādaparodayaḥ |
unmeṣaḥ sa tu vijñeyaḥ svayaṃ tamupalakṣayet ||

ityanena saṃgṛhītam || 5 ||

evaṃ jhagiti parapratibhonmeṣāvaṣṭambhopāyikāṃ bhairavasamāpattim 
ajñānabandhapraśamaikahetuṃ pradarśya etatparāmarśaprakarṣād 
[parapratibhābhyāsadārḍhyāt |] vyutthānamapi praśāntabhedāvabhāsaṃ 
bhavatītyāha -

śakticakrasaṃdhāne viśvasaṃhāraḥ || 6 ||

yo'yaṃ parapratibhonmajjanātmodyantṛtāsvabhāvo bhairava uktaḥ asyaiva 
antarlakṣyabahirdṛṣṭyātmatayā niḥśeṣaśakticakrakramākramākrāmiṇī 
[kramaḥ sṛṣṭisthitisaṃhārāṇāmābhāsavicchedanasvabhāvaḥ akramaḥ 
yugapatteṣāmavabhāsaḥ tau kramākramāvākrāmatīti kramākramākrāmiṇī | 
yaduktaṃ jñānagarbhe

kramatrayasamāśrayavyatikareṇa yā saṃtataṃ
kramatritayalaṅghanaṃ vidadhatī vibhātyuccakaiḥ |
kramaikavapurakramaprakrṭireva yā śobhate 
karomi hṛdi tāmahaṃ bhagavatīṃ parāṃ saṃvidam ||

iti sṛṣṭyādikramatrayarūpatāmavabhāsayantyapi tadativartanena parisphurantī 
kramākramavapuḥ paraiva anākhyā pārameśvarī saṃvitparāmṛṣṭā 
bhavatyatretyarthaḥ |] atikrā-

p. 21) 

ntakramākramātiriktāriktatadubhayātmatayāpi [ubhayātmatā 
kṛśapūrṇarūpatā |] abhidhīyamānāpi anetadrūpā anuttarā parā 
svātantryaśaktiḥ kāpyasti | yayā svabhittau mahyullāsāt prabhṛti 
parapramātṛviśrāntyantaṃ śrīmatsṛṣṭyādiśakticakrasphāraṇātmā 
[sṛṣṭyādiśakticakrasya parāśaktirūpatvamevāstītyarthaḥ |] 
krīḍeyamādarśitā | tasyaitadābhāsitasya śakticakrasya rahasyāmnāyāmnātanītyā 
yatsaṃdhānaṃ yathocitakramavimarśanaṃ [prakāśavimarśāntargata eva 
kramo yatra |] tasmin satiḥ kālāgnyādeścaramakalāntasya viśvasya saṃhāro 
dehātmatayā bāhyatayā ca avasthitasyāpi sataḥ parasaṃvidagnisādbhāvo 
bhavatītyarthaḥ | uktaṃ ca śrībhargaśikhāyām 

mṛtyuṃ ca kālaṃ ca kalākalāpaṃ
vikārajālaṃ pratipattisātmyam |

p. 22) 

aikātmyanānātmyavikalpajātaṃ [bhinnānāmātmanāmaikātmyam |]
tadā sa sarvaṃ kavalīkaroti ||

iti | śrīmadvīrāvalāvapi

yatra sarve [sarve tattvasaṃcayāḥ saṃskāraśeṣatayāpi līyante iti | citiṃ 
mahāśmaśānam |] layaṃ yānti dahyante tattvasaṃcayāḥ |
tāṃ citiṃ paśya kāyasthāṃ kālānalasamatviṣam ||

iti | śrīmanmālinīvijaye'pi

uccārarahitaṃ vastu [vastu parāvāgrūpam ata evānuccāram uccārāspadaṃ hi 
vaikharī | vicintayanniti śakticakravedyaprakāśasamanantarameva jhagiti vimṛśan 
tādṛgvedyavimarśanameva śākta upāya ityarthaḥ |] cetasaiva vicintayan |
yaṃ samāveśamāpnoti śāktaḥ so'trābhidhīyate ||

ityuktyā etadeva bhaṅgyā nirūpitam |

etacca sadgurucaraṇopāsanayā [yathoktaṃ kenāpi

jñeyatvamapyupagatā hṛdaye na roḍhuṃ
śaktāḥ pramūḍhamanasāmupadeśavācaḥ |
ārdratvamādadhatiṃ kiṃ nalinīdalānāṃ
śliṣṭā nirantaratayāpi nabho'mbudhārāḥ ||

ityato'yamupāyaḥ sadgurūpāsayaivābhivyaktimāyātītyalamāyāsadāyinā vistareṇa 
|] abhivyaktimāyātīti nādhikamunmīlitam [śakticakrānusaṃdhānaṃ 
nādhikyena prakāśitamiti bhāvaḥ |] |

p. 23) 

etadeva

yasyonmeṣanimeṣābhyāṃ ................... |

iti 

yadā tvekatra saṃrūḍhaḥ .................... |

iti ca prathamacaramaślokābhyāṃ saṃgṛhītam || 6 ||

evamupasaṃhṛtaviśvasya na samādhivyutthānabhedaḥ ko'pi ityāha -

jāgratsvapnasuṣuptabhede turyābhogasaṃbhavaḥ || 7 ||

samanantaranirūpayiṣyamāṇānāṃ jāgratsvapnasuṣuptānāṃ bhede nānārūpe 
pṛthaktvāvabhāse udyamo bhairavaḥ (1-5) iti lakṣitasya 
[lakṣaṇaparyālocitasya |] sphurattātmanaḥ sarvadaśānusyūtasya turyasya 
ya ābhogaścamatkāraḥ tasya saṃbhavo nityameva turyacamatkāramayatvaṃ 
proktamahāyogayuktasya bhavatītyarthaḥ | kecit saṃbhava ityatra 
[turyābhogasaṃviditi |] saṃviditi spaṣṭārthaṃ paṭhanti | etacca 

yathenduḥ [avīcau vāso'stu śivapade vā na tasya prakāśānandavicchedaḥ 
turyābhogamayatvāt yathendostucchātucchajagadāhlādanaṃ sarvatra 
samatayāhlādanāt jagadāhlādanaṃ ca bāhyacandravat 
svarūpasphūrtivibhavātmakaṃ sphuṭamevetīyān artho'tra vivakṣitaḥ |] 
puṣpasaṃkāśaḥ samantādavabhāsate |
āhlādanasamūhena jagadāhlādayetkṣaṇāt ||

p. 24) 

tadvaddevi mahāyogī yadā paryaṭate mahīm |
jñānendukiraṇaiḥ sarvairjagaccitraṃ samastakam ||

āhlādayetsamantāttadavīcyādiśivāntakam |

ityādinā śrīcandrajñāne jāgarādau turyābhogamayatvaṃ mahāyogino darśitam | 
spande tu

jāgarādivibhede'pi ........................ |

iti kārikayā saṃgṛhītam || 7 ||

etajjāgradāditrayaṃ sūtratrayeṇa lakṣayati -

jñānaṃ jāgrat || 8 ||

svapno vikalpāḥ || 9 ||

aviveko māyāsauṣuptam || 10 ||

sarvasādhāraṇārthaviṣayaṃ 

[ekasyaiva ghaṭasya nirvikalpasavikalpakatayā pramitiviṣayībhavanaṃ 
jāgratsvapnau tatraiva svarūpānabhijñānaṃ sauṣuptam | anyatra tu 
akṣairyo'rthagrahaḥ puṃsāṃ tajjāgraditi kathyate |
yattairvinārthasmaraṇaṃ manasā svapnasaṃjñitam |
yatrārthasmaraṇe na stastatsauṣuptamudāhṛtam ||
iti |] 

bāhyendriyajaṃ jñānaṃ lokasya jāgrat jāgarāvasthā | ye tu manomā-

p. 25) 

trajanyā asādhāraṇārthaviṣayā vikalpāḥ sa eva svapnaḥ svapnāvasthā tasya 
evaṃ-vidhavikalpapradhānatvāt | yastu aviveko vivecanābhāvo'khyātiḥ etadeva 
māyārūpaṃ mohamayaṃ sauṣuptam | sauṣuptaṃ lakṣayatā prasaṅgāt 
ucchedyāyā māyāyā api svarūpamuktam [māyāsvarūpaṃ tu sarvatra 
mukhyatayā mohamayatvena nirūpitam |] |

itthamapi ca īdṛśenāpyanena lakṣaṇena tisṛṣvapi jāgarādidaśāsu 
trairūpyamastīti darśitam | tathā cātra yadyat svapnadaśocitaṃ 
prathamamavikalpakaṃ jñānaṃ sā jāgarā | ye tu tatra vikalpāḥ sa svapnaḥ | 
tattvāvivecanaṃ sauṣuptam | sauṣupte yadyapi vikalpā na saṃcetyante tathāpi 
tatpravivikṣāyāṃ [tatra sauṣupte praveṣṭumicchāyām |] 
tathocitajāgrajjñānamiva tadanantaraṃ saṃskārakalpavikalparūpastaducitaḥ 
svapno'pyastyeva |

kiṃ ca yogyabhiprāyeṇa prathamaṃ tattaddhāraṇārūpaṃ [dhāraṇā 
jñānapravāharūpāḥ ahaṃ vāyurahaṃ śūnya ityādipratyayarūpaḥ pravāhaḥ |
] jñānaṃ jāgrat tataḥ tatpratyayapravāharūpā vikalpāḥ

p. 26) 

svapnaḥ grāhyagrāhakabhedāsaṃcetanarūpaśca samādhiḥ sauṣuptam ityapyanayā 
vacoyuktyā darśitam | ata eva śrīpūrvaśāstre jāgarādīnāṃ 
parasparānuvedhakṛto [jāgrati trairūpyaṃ svapne trairūpyaṃ sauṣupte 
trairūpyamityanuvedhanam | yathā jāgare'pi jāgratsvapnasuṣuptāni evaṃ svapne'pi 
jāgratsvapnasuṣuptāni suṣupte ca jāgratsvapnasuṣuptāni kiṃtu 
suṣuptarūpamanatikrāntāni tādṛśānītyarthaḥ |] yogyabhiprāyeṇāpi

.................'buddhaṃ buddhameva ca |
prabuddhaṃ suprabuddhaṃ ca .......... ||

ityādinā [abuddhamityādinā jāgratsvapnasuṣuptaturyāṇi kathyante |] bhedo 
nirūpitaḥ || 8 || 9 || 10 ||

evaṃ lokayogyanusāreṇa vyākhyāte jāgarāditraye 
śakticakrasaṃdhānādviśvasaṃhāreṇa yasya 
turyābhogamayatvamabhedavyāptyātmakaṃ sphurati sa taddhārādhiroheṇa 
turyātītaṃ pūrvoktaṃ caitanyamāviśan -

tritayabhoktā vīreśaḥ || 11 ||

etajjāgarāditrayaṃ śakticakrānusaṃdhānayuktyā turyānandācchuritaṃ yaḥ 
tatparāmarśānupraveśaprakarṣādvigalitabhedasaṃskāramānandarasapravāhamaya
meva paśyati sa tritayasyāsya bhoktā camatkartā | 

p. 27) 

tata eva

triṣu [triṣu dhāmasu jāgarādiṣu grāhyagrāhkayugalaṃ parāmṛśati yaḥ sa 
bhoganirato'pi karmabhirna lipyate jalasthapadmapatravadityarthaḥ |] dhāmasu 
yadbhogyaṃ bhoktā yaśca prakīrtitaḥ |
vedaitadubhayaṃ yastu sa bhuñjāno na lipyate ||

iti nītyā niḥsapatnasvātmasāmrājyo'yaṃ paramānandaparipūrṇo 
bhavabhedagrasanapravaṇānāṃ vīrāṇāmindriyāṇāmīśvaraḥ svāmī 
śrīmanthānabhairavasattānupraviṣṭo [mathnāti tattadvedyaṃ svātmāntarlīnaṃ 
kṛtvā piṇḍīkṛtya utthāpayatīti manthānābhidhānaḥ svacchandabhairavaṃ 
ityarthaḥ |] mahāmnāyeṣūcyate | yastu evaṃ-vidho na bhavati sa 
jāgarādyavasthābhirbhujyamāno laukikaḥ paśureva | yogyapi imāṃ 
dhārāmanadhirūḍho na vīreśvaraḥ api tu mūḍha evetyuktaṃ [yadāhuḥ

vinā svabhāvānubhavena puṃsaḥ
kaivalyamutkrāntibalādyadi syāt |
atrāpi pakṣe nanu mokṣabhāksa
udbandhanaṃ yatkurute pramūḍhaḥ ||

tathā

videhā api badhyante pralaye guṇavāsitāḥ |
śarīriṇo'pi mucyante viśuddhajñānasaṃśrayāt ||

jñānagarbhe'pi

mayi sthitamidaṃ jagat sakalameva sarvatra vā
sthito'hamiti dhāraṇādvitayabhāvanāveśataḥ |
jagattritayanāthatānaticireṇa saṃprāpyate
nṛbhistava saparyayā dalitakilviṣopaplavaiḥ || iti] bhavati |

p. 28) 

etacca

yogī svacchandayogena svacchandagaticāriṇā 
[paratattvavṛttyavasthityātmanā svātmapratiṣṭhayā svacchandagatyā 
caratyavaśyaṃ yo'yaṃ paratattvaikyapratītimayatvāt svacchandaśabdavācyo 
mahāyogaḥ tena śrīsvacchandabhairavasya pade dhāmni yukto'bhiniviṣṭaḥ syāt sa 
tatsāmyameti |] |
sa svacchandapade yuktaḥ svacchandasamatāṃ vrajet ||

ityādinā śrīsvacchandādiśāstreṣu vitatya darśitam | spande'pi

tasyopalabdhiḥ [tasya tattvasya upalabdhiḥ jñānam satataṃ sarvāvasthāsu 
yaduktaṃ jñānagarbhe

bahiṣkaraṇabuddhyahaṃkṛtimanaḥsuṣumnāśrayāc-
caturdaśasu caṇḍike pathiṣu yena yena vrajet |
kalā śivaniketanaṃ janani tatra sā tādṛśī
daśodayati durlabhā jagati yā surairapyaho ||

iti | śivaniketanaṃ śivasya vedyasya niketanamāśrayaḥ |] satataṃ 
tripadāvyabhicāriṇī [triṣu padeṣu jāgarādiṣu bhoktṛrūpeṇa na vyabhicaratīti 
turye tu nirbhrāntaiva | uktaṃ ca 

kāpyavasthā na te sāsti yasyāṃ saṃvinna vartate |
tena ciddhanameva tvāṃ yoginaḥ paryupāsate || iti |] |

iti kārikayā saṃgṛhītametat || 11 ||

p. 29) 

kimasya mahāyoginaḥ kāścit tattvādhirohapratyāsannā [adhirohaṇasya 
bhūmikāḥ sthānāni yābhiḥ ṣaṭtriṃśattattvopariṣṭhaṃ sthānaṃ lakṣyate iti 
vākyārthaḥ |] bhūmikāḥ santi ? yāhbistattvordhvavartinī bhūmirlakṣyate | 
santi ityāha -

vismayo yogabhūmikāḥ || 12 ||

yathā sātiśayavastudarśane kasyacit vismayo bhavati tathā asya mahāyogino nityaṃ 
tattadvedyāvabhāsāmarśābhogeṣu [etadrūpacarvaṇeṣu 
sāmānyāhantāviśramaṇeṣu |] 
niḥsāmānyātiśayanavanavacamatkāraciddhanasvātmāveśavaśāt 
smerasmerastimitavikasitasamastakaraṇacakrasya [smerasmereti 
sāścaryaniḥspandam |] yo vismayo'navacchinnānande svātmani 
aparitṛptatvena muhurmuhurāścaryāyamāṇatā tā eva yogasya paratattvaikyasya 
saṃbandhinyo bhūmikāḥ tadadhyārohaviśrāntisūcikāḥ parimitā bhūmayo na tu 
kandabindvādyanubhavavṛttayaḥ [kandaḥ mūlādhāraḥ 
bindurbhrūmadhyasthānam |] | taduktaṃ śrīkulayuktau 

p. 30)

ātmā caivatmanā jñāto yadā bhavati sādhakaiḥ |
tadā vismayamātmā vai ātmanyeva prapaśyati ||

iti | etacca 

tamadhiṣṭhātṛbhāvena svabhāvamavalokayan |
smayamāna ivāste yastasyeyaṃ kusṛtiḥ kutaḥ ||

iti kārikayā saṃgṛhītam || 12 ||

īdṛgyogabhūmikāsamāpannasyāsya yoginaḥ [īdṛśīṃ bhūmikāṃ 
prāptasya yoginaḥ ]]-

icchā śaktirumā kumārī || 13 ||

yoginaḥ parabhairavatāṃ samāpannasya yā icchā sā śaktirumā paraiva 
pārameśvarī svātantryarūpā sā ca kumārī viśvasargasaṃhārakrīḍāparā kumāra 
krīḍāyām iti pāṭhāt |

atha ca kuṃ bhedotthāpikāṃ māyābhūmiṃ mārayati anudbhinnaprasarāṃ karoti 
tacchīlā | kumārī ca parānupabhogyā bhoktrikātmyena [bhartāraṃ kadā 
prāpsye ityabhiprāyeṇa |] sphurantī |

athavā yathā umā [giritanayā pārvatī |] kumārī parihṛtasarvāsaṅgā 
maheśvaraikātmyasādhanārādhanāya nityodyuktā

p. 31) 

tathaiva asyecchā ityasmadgurubhiritthameva pāṭho dṛṣṭo vyākhyātaśca |

anyaistu śaktitamā [icchā śaktitamā kumārī iti |] iti paṭhitvā 
jñānakriyāpekṣo'syāḥ [icchāśakteḥ |] prakarṣo vyākhyātaḥ |

evaṃ na laukikavat asya yoginaḥ sthūlecchā api tu parā śaktirūpaiva 
sarvatrāpratihatā | taduktaṃ śrīmatsvacchande 

sā [yogātparatattvaikyādutthitā yā māyā svarūpagopanā tayā praticchannā 
sthagitaparasvarūpā sarvadevīnāṃ saṃbandhināmarūpaprapañcena sthitetyarthaḥ | 
kiṃ caiṣā brahmāṇḍamavatīrṇā satī bhagavacchaktiḥ 
pareṣāmanupabhogyatvātkumārītvamāśritya sthitā tādṛśī cāsau 
lokānbhāvayati abhīṣṭaphalena saphalānsaṃpādayati iti |] devī sarvadevīnāṃ 
nāmarūpaiśca tiṣṭhati |
yogamāyāpraticchannā kumārī lokabhāvinī ||

iti | śrīmṛtyuñjayabhaṭṭārake'pi

sā mamecchā parā śaktiraviyuktā [yadevaṃ bhūtaṃ vīryaṃ pūrvoktaṃ sā 
mama saṃbandhinī parā śaktiricchā icchārūpatāṃ prāptā kīdṛśī svabhāvajā 
sahajā śaktiyuktā garbhīkṛtāśeṣaviśvaśaktyabhedavimarśeti yāvat 
svabhāvajeti sphuṭayati vahneriti śaktiyukteti ca vyanakti sarvasyetyanena 
kāraṇātmikā nirmātrī svā ātmīyā cidānandasvarūpasaṃbandhinī śaktiḥ na tu 
vyatiriktā iti kṣemarājapādāḥ śaktiyuktā svā śaktiḥ iti pāṭhāntarāṇyanūdya 
vyācakṣate |] svabhāvajā |

p. 32) 

vahnerūṣmeva vijñeyā raśmirūpā raveriva ||

sarvasya jagato vāpi sā śaktiḥ kāraṇātmikā |

iti | tadetat

nahīcchānodanasyāyaṃ prerakatvena vartate |
api tvātmabalasparśātpuruṣastatsamo bhavet ||

iti kārikayā bhaṅgyā pratipāditam || 13 ||

īdṛśasya mahecchasya [mahecchasya yoginaḥ |] -

dṛśyaṃ śarīram [śarīraṃ svāṅgakalpamityarthaḥ |] || 14 ||

yadyad dṛśyaṃ bāhyamābhyantaraṃ vā tattat sarvam ahamidam iti##-
svāṅgakalpaṃ viśvaṃ svaśaktipracayo'sya viśvam (3-30) iti 
vakṣyamāṇanītyā svasvabhāvāvyatiriktameva parāmṛśataḥ |] sphurati na 
bhedena |

śarīraṃ ca dehadhīprāṇaśūnyarūpaṃ nīlādivad dṛśyaṃ na tu 
paśuvaddraṣṭṛtayā [śarīre ahaṃ-bhāvaḥ draṣṭṛtā |] bhāti | 
evaṃ dehe bāhye ca sarvatrāsya mayūrāṇḍarasavadavibhaktaiva pratipattirbhavati 
[pratipattirjñānam |] | yathoktaṃ śrīvijñānabhairave

p. 33) 

jalasyevormayo vahnerjvālābhaṅgyaḥ [samudrakalpasya cidātmana īśvarasya 
viśvaṃ taraṅgakalpam abhinnaṃ bhinnamivābhāsamānaṃ 
tatraivodayavyayāvāpnoti iti dhyāyediti śeṣaḥ |] prabhā raveḥ |
mamaiva bhairavasyaitā viśvabhaṅgyo vinirgatāḥ ||

iti | etacca

bhaktaiva bhogyabhāvena sadā sarvatra saṃsthitaḥ [bhogyaṃ hi nāma 
prameyamucyate na ca prameyaṃ tadupasarjanavṛttitvāt pramāṇadatiricyate | tacca 
evaṃ-vidhaṃ bhogyaṃ bhokturatiriktaṃ na bhavet vastutaḥ sarvavastūnāṃ 
pramātaryeva viśrānteḥ ataśca bhoktaiva tadubhayātmanā rūpeṇa prasphurati iti 
bhāvaḥ |] |

ityanena saṃgṛhītam || 14 ||

yaccedaṃ sarvasya dṛśyasya śarīratayā śūnyāntasya ca dṛśyatayā ekarūpaṃ 
prakāśanamuktaṃ naitat durghaṭam api tu-

hṛdaye cittasaṃghaṭṭāddṛśyasvāpadarśanam || 15 ||

viśvapratiṣṭhāsthānatvāt citprakāśo hṛdayaṃ tatra cittasaṃghaṭṭāt 
[samantāt ghaṭanāt calataḥ cittasyaikāgrabhāvanādityanvayaḥ | citireva 
saṃkocavatī cittaśabdenocyate tasya citprakāśe samantādviṣayajātaṃ parihṛtya 
samavadhānatā iti vākyārthaḥ |] calataścalataḥ tadekāgrabhāvanāt 
dṛśyasya nīladehaprāṇabuddhyātmanaḥ svāpasya

p. 34) 

ca etadabhāvarūpasya [nīlādyabhāvarūpasya |] śūnyasya darśanaṃ 
tyaktagrāhyagrāhakavibhedena yathāvastu svāṅgakalpatayā prakāśanaṃ bhavati | 
citprakāśatāmabhiniviśamānaṃ hi cittaṃ tadācchuritameva viśvaṃ paśyati | 
taduktaṃ śrīvijñānabhairave 

hṛdyākāśe [cittattve vedye dhṛtadhīndriyaḥ 
pramāṇaprameyayormadhyagaḥ saubhāgyaṃ svātantryamupaitītyarthaḥ | atha vā 
ūrdhvādharapadmasaṃpuṭamadhyaṃ gato bhāvanayānupraviṣṭaḥ ata eva 
hṛdayākāśe nilīnamakṣaṃ manaḥ taddvāreṇa ca anyendriyacakraṃ yasya saḥ |
] nilīnākṣaḥ padmasaṃpuṭamadhyagaḥ |
ananyacetāḥ subhage paraṃ saubhāgyamāpnuyāt ||

iti | paraṃ hi atra saubhāgyaṃ viśveśvaratāpattiḥ | tattvavṛttisamāpannaṃ 
mahāyoginamuddiśya śrīmatsvacchande'pi

sa ca [sa ceti sa eva prāptaparasāmarasya eva sthāvaramacetanaṃ jaṅgamaṃ 
sacetanaṃ ca iti saṃkṣepeṇa dvidhā sthitaṃ ṣaḍvidhamadhvānaṃ vyāpya ṣoḍhā hi 
vācyavācakarūpo'dhvā tadantarvartiṣu sarveṣu devayonyādiṣu caturdaśasu bhūteṣu 
bhāveṣu dharmādiṣu ghaṭādiṣu ca tattveṣu pṛthivyādiṣu bhogasādhaneṣu ca 
karaṇeṣu sāmarasyena sthitaḥ sarvāsvavasthāsu aviluptaparabhairavasamāpattiḥ | 
eṣaiva ca nirvyutthānasamādhyātmā mahārahasyabhūriti |] sarveṣu bhūteṣu 
bhāvatattvendriyeṣu ca |
sthāvaraṃ jaṅgamaṃ caiva cetanācetanaṃ sthitam ||

adhvānaṃ vyāpya sarvaṃ tu sāmarasyena saṃsthitaḥ |

p. 35) 

iti [atra dṛṣṭapratyayo yathā

janaḥ svadehakaṇḍūtiṃ vijānāti yathā tathā |
parabrahmasvarūpī ca vetti viśvaviceṣṭitam || iti |] | spande tu

tathā svātmanyadhiṣṭhānātsarvatraivaṃ bhaviṣyati ||

ityanenaiva etatsaṃgṛhītam || 15 ||

atraiva upāyāntaramāha -

śuddhatattvasaṃdhānādvā'paśuśaktiḥ || 16 ||

śuddhaṃ [śuddhamiti māyopari mahāmāyā iti rahasyāmnāyadṛśā 
sarvatra māyāśaktiḥ kṛtavyāptiḥ ityataḥ śuddhaṃ tattvaṃ 
paramaśivākhyameva | tatra tattvanirdeśa upadeśyajanāpekṣayā |] tattvaṃ 
paramaśivākhyaṃ tatra yadā viśvamanusaṃdhatte [śivamayamevaitadviśvam 
iti vimṛśati |] tanmayameva etat iti tadā avidyamānā paśvākhyā 
bandhaśaktiryasya tādṛgayaṃ sadāśivavat viśvasya jagataḥ patirbhavati | 
taduktaṃ śrīmallakṣmīkaulārṇave

dīkṣāsiddhau tu ye proktāḥ pratyayāḥ stobhapūrvakāḥ [pratyayāḥ 
deśādivyavahitaviprakṛṣṭavastujñānāni stobhaḥ cittattvāvaraṇam | 
saṃdhānasya śuddhatattvavimarśasya ṣoḍaśāṃśamapi aiśvaryaprakaṭanaṃ 
nārhati yatastasya bhūmikāvighnasamākrāntatvam |] |
saṃdhānasyaiva te devi kalāṃ nārhanti ṣoḍaśīm ||

p. 36) 

iti | śrīvijñānabhairave tu

sarvaṃ [āpādātkeśāntaṃ sarvaṃ dehaṃ pratyaṃśaṃ cidekarūpam yugapat 
akrameṇa jagadvā sphuracciccamatkāravyāptyā antarbahiḥ prakāśamānaṃ na 
pṛthak prakāśāt anyathā cetyamānatvānupapatteḥ iti nyāyāt prakāśaḥ 
prakāśate iti bhāvayet |] dehaṃ cinmayaṃ hi jagadvā paribhāvayet |
yugapannirvikalpena manasā paramodbhavaḥ ||

iti | tadetat

iti vā yasya saṃvittiḥ krīḍātvenākhilaṃ jagat |
sa paśyansatataṃ yukto jīvanmukto na saṃśayaḥ ||

iti kārikayā saṃgṛhītam || 16 ||

īdṛgjñānarūpasya asya yoginaḥ -

vitarka ātmajñānam || 17 ||

viśvātmā śiva evāsmi iti yo vitarko vicāraḥ etadeva asya ātmajñānam | taduktaṃ 
śrīvijñānabhairave

sarvajñaḥ sarvakartā ca vyāpakaḥ parameśvaraḥ |
sa evāhaṃ śaivadharmā iti dārḍhyācchivo bhavet [śivasyāyaṃ śaivo 
dharmaḥ svacchasvātantryādiḥ sa evāhamahameva sa ityasaṃdigdhatvena 
bhāvanācchivatā iyaṃ śāktī bhūḥ |] ||

iti | spande'pi

.................. ayamevātmano grahaḥ |

p. 37) 

ityanena etaduktam | tatra hi ātmano grahaṇaṃ graho jñānam etadeva 
yadviśvātmakaśivābhinnatvam eṣo'pi artho vivakṣitaḥ || 17 ||

kiṃ ca asya -

lokānandaḥ samādhisukham || 18 ||

lokyate iti loko vastugrāmaḥ lokayati iti ca loko grāhakavargaḥ tasminsphurati 
[grāhyagrāhakavarge sāmānyalokaparikalpite sphuratyapi yoginaḥ ahamidam iti 
vikalpābhāvāt ya ānadaḥ tadeva samādhisukham |

avikārobhayapārśve cāṣapicchasadṛśe'rthe |
antarmukho yogī bahirmukha iti kalanā kutaḥ ||

ahantedantātmabhāgayorvikārarahite svātmarūpe arthe ityarthaḥ |] sati 

grāhyagrāhakasaṃvittiḥ sāmānyā sarvadehinām |
yogināṃ tu viśeṣo'yaṃ saṃbandhe [sarvadehināṃ sakalapramātṛṇāṃ 
vedyavedakasaṃvedanaṃ nirviśeṣam | yogināṃ tu tatra 
ādyantamadhyadaśāvagāhipramātṛsvarūpāvismaraṇarūpā samādhānateti |
] sāvadhānatā ||

iti śrīvijñānabhaṭṭārakanirūpitanītyā 
pramātṛpadaviśrāntyavadhānāntaścamatkāramayo ya ānanda etadeva asya 
samādhisukham | taduktaṃ tatraiva

sarvaṃ [svānandabharitaṃ tyaktaviṣayātmānandaṃ svāmṛtena svānandena 
bharitaṃ svakīyacidānandapūrṇaṃ sarvaṃ cintayet | atra āśyānacidrasarūpasya 
jagato'pi bhāsanamanyadhāraṇāto viśeṣādhāyakamiti |] jagatsvadehaṃ vā 
svānandabharitaṃ smaret |
yugaptsvāmṛtenaiva parānandamayo bhavet ||

p. 38) 

iti | etacca

iyamevāmṛtaprāptiḥ ................... |

ityanena saṃgṛhītam |

atha ca yat asya svātmārāmasya samādhisukhaṃ tadeva [yogisaṃbandhi 
svānandamayaṃ samādhisukhaṃ svānubhavagocaram |] tattādṛśam 
avalokayatāṃ lokānām ānandasaṃkramaṇayuktyā svānandābhivyaktiparyavasāyi 
[tallokān paryavasāyayati paryavasyataḥ prayojayati | teṣāṃ 
svānandābhivyaktau viśrāntipradamityarthaḥ |] bhavati | etadapi 
śrīcandrajñānagranthena prāguktena (23 pṛ0 sū0 7) susaṃvādam || 18 ||

atha īdṛśasya asya yogino vibhūtiyogaṃ [aṇimādyaiśvaryeṇa 
yatheṣṭanirmāṇavaicitryasaṃpādanasāmarthyam |] darśayati -

śaktisaṃdhāne śarīrotpattiḥ || 19 ||

icchā śaktirumā kumārī (1-13) iti sūtreṇa yā asya śaktiruktā 
tāmeva yadā anusaṃdhatte dārḍhyena [rudraśaktiparyāya##-
] tanmayībhavati tadā tadvaśena

p. 39) 

asya yathābhimataṃ śarīramutpadyate | taduktaṃ śrīmṛtyuñjayabhaṭṭārake

tataḥ pravartate śaktirlakṣyahīnā [lakṣyahīnā vedyarahitā parasphurattātmā 
niṣkrānta āmayo mahāmāyā yasyāḥ tādṛśī mahāmāyādyullāsikā 
parāśaktiḥ | tata eva dvādaśāntadhāmnaḥ pravartate samunmiṣati icchā##-
icchā sā tu vinirdiṣṭā jñānarūpā kriyātmikā ||

ityupakramya

sā yoniḥ sarvadevānāṃ śaktīnāṃ cāpyanekadhā |
agnīṣomātmikā yonistasyāṃ sarvaṃ [prāptaparatattvābhedasya yogino yā 
unmiṣantī parāśaktiruktā sā yataḥ 
sarvadevānāmanāśritasadāśiveśvarānantarudrādīnāṃ śaktīnāṃ 
vāmājyeṣṭhādīnāṃ brāhmyādīnāṃ ca agnīṣomātmikā yoniḥ tata eva 
somapradhānā yatastasyāḥ sarvaṃ pravartate ata eva agnīṣomātmaprakṛti viśvam 
agnīṣomamayamiva | tathā ca agnirapi āhlādayati himamapi ca dahatīti tattvavida 
āhuḥ iti sṛṣṭisthitisaṃhartṛtvaṃ śakteḥ pradarśitam |] pravartate ||

iti | śaktisaṃdhānamāhātmyaṃ lakṣmīkaulārṇave

na [yadi mantrādināpi yathābhimataśarīrotpattirdṛśyate tathāpi na 
svābhāvikī vyabhicārāt kṛtrimatvāt | ataḥ saṃdhānameva śarīrāntarotpattau 
kāraṇamityarthaḥ |] saṃdhānaṃ vinā dīkṣā na siddhīnāṃ ca sādhanam |
na mantro mantrayuktiśca na yogākarṣaṇaṃ tathā ||

ityādinā pratipāditam | etacca

p. 40) 

yathecchābhyarthito dhātā jāgrato'rthānhṛdi sthitān |

somasūryodayaṃ kṛtvā saṃpādayati dehinaḥ [dehābhimānavataḥ |] ||

ityanena saṃgṛhītam | dehinaḥ atyaktadehavāsanasya yogino hṛdi sthitān arthān 
tattadapūrvanirmāṇādirūpān dhātā maheśvaraḥ prakāśānandātmatayā 
somasūryarūpavāhonmīlanena [prāṇāpānavikāsanena |] 
somasūryasāmarasyātmanaśca śakterudayaṃ [samānaśakteḥ 
prāṇanarūpiṇyā dehavyāpinyāḥ |] kṛtvā bahirmukhavāhitvena tāmāsādya 
saṃpādayati iti hi asyārthaḥ 

tathā svapne'pyabhīṣṭārthān...................... |

ityetacchlokapratipāditasvapnasvātantryaṃ prati dṛṣṭānte yojitaḥ iti 
spandanirṇaye mayaiva darśitam || 19 ||

anyā api asya yathābhilaṣitāḥ siddhaya etanmāhātmyenaiva ghaṭante ityāha -

bhūtasaṃdhānabhūtapṛthaktvaviśvasaṃghaṭṭāḥ || 20 ||

bhūtāni śarīraprāṇabhāvādyātmakāni teṣāṃ 

p. 41) 

kvacit āpyāyanādau saṃdhānaṃ paripoṣaṇaṃ vyādhyādyupaśamādau 
pṛthaktvaṃ śarīrāderviśleṣaṇaṃ [bhūtānāṃvyādhyādeḥ sakāśāt |] 
deśakālādiviprakṛṣṭasya [nitya-vibhu-svatantra##-
tadāveśasadbhāvāt na tadvyavahitaṃ kiṃcit iti bhāvaḥ |] ca viśvasya 
saṃghaṭṭo jñānaviṣayīkāryatvādikaḥ asya pūrvoktaśaktisaṃdhāne sati jāyate | 
etacca sarvāgameṣu sādhanādhikāreṣu asti | tadeva spande

durbalo'pi [durbalaḥ kṣīṇadhātuḥ tat spandatattvam bubhukṣānivṛttirapi 
siddhiṣu gaṇiteti bhāvaḥ |] tadākramya yataḥ kārye pravartate |
ācchādayedbubhukṣāṃ ca tathā yo'tibubhukṣitaḥ ||

iti |

glānirviluṇṭhikā dehe tasyāścājñānataḥ sṛtiḥ |
tadunmeṣaviluptaṃ [tat ajñānam sā glāniḥ tasyā hi heturajñānam | ataśca 
yogināṃ valīpalitādyabhāvaḥ śarīradārḍhyaṃ cāsti | glānirvilumpikā dehe iti 
mūlapāṭhaḥ |] cetkutaḥ sā syādahetukā ||

iti |

yathā hyartho'sphuṭo dṛṣṭaḥ sāvadhāne'pi cetasi |
bhūyaḥ sphuṭataro bhāti svabalodyogabhāvitaḥ [svabalodyogaḥ 
saṃvidbalaprayatnaḥ |] ||

p. 42) 

tathā [tatheti tena saṃvidbalaprayatnena yadvastu prātisvikarūpeṇa 
deśakālaviśiṣṭena saṃsthitaṃ tadvastu saṃvidbalamāśritavato janasya āśu 
pratibhātīti | ato'tra deśakālavyavahitavastuno jñānaviṣayībhavanaṃ no 
durghaṭamiti bhāvaḥ |] yatparamārthena yena yatra yathā sthitam |
tattathā balamākramya na cirātsaṃpravartate ||

ityādinā vibhūtispande sopapattikaṃ darśitam || 20 ||

yadā tu mitasiddhiranabhilaṣyan viśvātmaprathāmicchati tadā asya -

śuddhavidyodayāccakreśatvasiddhiḥ || 21 ||

vaiśvātmyaprathāvāñchayā yadā śaktiṃ saṃdhatte tadā ahameva sarvam iti 
śuddhavidyāyā udayāt viśvātmakasvaśakticakreśatvarūpaṃ māheśvaryamasya 
siddhyati | taduktaṃ svacchande 

tasmātsā [māyāntāvadhikātmatattvordhvastha##-
parā vidyā yasmādanyā [anyetyaparā īdṛśī ityarthāt 
etayaivāśeṣaviśvakroḍīkārāt |] na vidyate |
vindate hyatra yugaptsārvajñyādiguṇānparān [parāniti abhedarūpān 
sārvajñyādīn yato yugapt atra unmanāyāṃ yogivaro labhate tata iyaṃ parā vidyā 
vidḷ lābhe iti dhātvarthānugamāt | yadāhuḥ

sarvajñatā tṛptiranādibodhaḥ
svatantratā nityamaluptaśaktiḥ |
anantaśaktiśca vibhorvidhijñāḥ
ṣaḍāhuraṅgāni maheśvarasya || iti |] ||

p. 43)

vedanānādidharmasya [anādidharmaḥ svātantryaśaktyātmā svabhāvaḥ tasya 
vedanā vicāraṇā ātmanaśca yatparamātmatvaṃ śivarūpatvamasti tasya bodhanā 
avagamahetuḥ ata eva aparamātmatve atadviṣaye iyaṃ varjanā saṃpadyate tasmāt 
vida vicāraṇe vida jñāne iti dhātvarthānugamāt iyaṃ vidyocyate iti 
kṣemarājapādāḥ |] paramātmatvabodhanā |
varjanāparamātmatve tasmādvidyeti socyate ||

tatrastho [tatreti unmanākhyāyāṃ vidyāyāṃ vyañjayet ātmīyamevonmīlayet 
pratyabhijānīyāt tejaḥ cijjyotiḥ param asaṃkucitaṃ paramakāraṇaṃ 
paramaśivarūpam ataśca śivatāṃ vrajet tadaikātmyamiyāt iti 
śrīkṣemarājapādāḥ |] vyañjayettejaḥ paraṃ paramakāraṇam |
parasmiṃstejasi vyakte tatrasthaḥ śivatāṃ vrajet ||

iti | tadetat

didṛkṣayeva sarvārthānyadā vyāpyāvatiṣṭhate |
tadā kiṃ bahunoktena svayamevāvabhotsyate ||

ityanenaiva saṃgṛhītam || 21 ||

yadā tu svātmārāmatāmeva [svātmani ā samantāt ramate iti svātmārāmaḥ |
] icchati tadā asya -

p. 44) 

mahāhradānusaṃdhānānmantravīryānubhavaḥ || 22 ||

parā bhaṭṭārikā saṃvit icchāśaktipramukhaṃ sthūlameyaparyantaṃ viśvaṃ 
vamantī khecarīcakrādyaśeṣavāhapravartakatva-svacchatvānāvṛtatva##-
[khecarīgocaryādyaśeṣapravāhapravartakatvāt viśvapratibimbasahatvena 
svacchatvāt pratibimbasahatvepi viśvānāvṛtatvāt durlakṣatayā gabhīratvāt 
saṃvido mahāhradasādharmyamuddiśyate |] tasyānusaṃdhānāt 
antarmukhatayā anārataṃ tattādātmyavimarśanāt vakṣyamāṇasya 
śabdarāśisphārātmakaparāhantāvimarśamayasya [śabdānāṃ 
padavākyādyātmanā vibhaktānāṃ sthūlānāmavibhāgasvabhāvaḥ kāraṇātmā yo 
rāśiḥ tasya sphāraḥ nāma sphuraṇakartṛtā tattadāmarśātmanā svabhittau 
viśvarūpatāvabibhāsayiṣā iti |] mantravīryasyānubhavaḥ [mantrāṇāṃ 
vīryabhūtasya mahāmantrasya pūrṇāhantāyāḥ |] svātmarūpatayā sphuraṇaṃ 
bhavati | ata eva śrīmālinīvijaye

yā sā śaktirjagaddhātuḥ ..................... |

ityupakramya icchādipramukhapañcāśadbhedarūpatayā 
[ādikṣāntapañcāśadvarṇarūpeṇa |]

p. 45) 

mātṛkā-mālinīrūpatām [parapramātraviyuktatvāt tadanatiriktā 
akṣubdhaiva parāśaktiḥ paśubhiḥ sarvamantravidyānāṃ yonitvena ajñātā 
mātṛkā ityuktā | kṣubdhā tu bījayoniṣu parasparasaṃghaṭṭātmalolībhāvāt 
nādi-phāntarūpā mālinī iti-saṃjñā malate viśvamantardarpaṇavat dhatte 
iti viśvasvarūpiṇī ityarthaḥ |] aśeṣaviśvamayīṃ śakteḥ pradarśya tata eva 
mantroddhāro darśitaḥ iti paraiva śaktirmahāhradaḥ tataḥ tadanusaṃdhānāt 
[anusaṃdhānaṃ vimarśanam |] mātṛkā##-

tadākramya balaṃ mantrāḥ .................... |

ityādyuktyā bhaṅgyā pratipāditam |

tadevaṃ caitanyamātmā (1-1) ityupakramya 
tatsvātantryāvabhāsitatadakhyātimayaṃ [caitanyākhyātimayam 
āṇavamalasvarūpamityarthaḥ |] sarvameva bandhaṃ 
yathoktodyamātmakabhairavasamāpattiḥ praśamayantī viśvaṃ 
svānandāmṛtamayaṃ karoti sarvāśca siddhiḥ mantravīryānupraveśāntā dadāti | 
iti śāmbhavopāyaprathanātmā [śambhau prakāśarūpe bhavaḥ śāmbhavaḥ 
tata āgata iti vā |] ayaṃ prathama unmeṣa uktaḥ | atra tu madhye 
śaktisvarūpamuktaṃ tat śāmbhavarūpasya

p. 46) 

śaktimattāpradarśanābhiprāyeṇa [śaktimattā svātantryasāratā |] iti 
śiva || 22 ||

iti śrīmanmahāmāheśvarācāryābhinavaguptapādapadmopajīvi##-
nāma prathama unmeṣaḥ || 1 ||


śivasūtravimarśinī |

atha

dvitīya unmeṣaḥ |

idānīṃ śāktopāyaḥ pradarśyate | tatra śaktiḥ [parā saṃvicchaktiḥ 
pūrṇāhantā yā viśvasphuraṇakartṛtārūpā |] mantravīryasphārarūpā iti 
prathamonmeṣāntasūtritatatsvarūpavivecanapuraḥsaramunmeṣāntaramārabha##-

cittaṃ mantraḥ || 1 ||

cetyate vimṛśyate anena paraṃ tattvam iti cittaṃ pūrṇasphurattāsattvaprāsāda##-
tṝ pālane ityetābhyāṃ niruktatayā nirvacanīyatvena nirṇītatayā ucyate |] 
guptam antar abhedena vimṛśyate parameśvararūpam anena iti kṛtvā mantraḥ | 
ata eva ca parasphurattātmakamananadharmātmatā 
bhedamayasaṃsārapraśamanātmaka-trāṇadharmatā ca asya nirucyate |

atha ca mantradevatāvimarśaparatvena prāptatatsā-

p. 48) 

marasyam [mantrādhidevatābhiḥ saha prāptaikyam |] ārādhakacittameva 
mantraḥ na tu vicitravarṇasaṃghaṭṭanāmātrakam | yaduktaṃ 
śrīmatsarvajñānottare

uccāryamāṇā ye mantrā na mantrāṃścāpi tānviduḥ |
mohitā devagandharvā mithyājñānena garvitāḥ ||

iti | śrītantrasadbhāve'pi

mantrāṇāṃ jīvabhūtā tu yā smṛtā śaktiravyayā 
[pūrṇāhaṃvimarśanātmikā saṃvicchaktiḥ |] |
tayā hīnā varārohe niṣphalāḥ śaradabhravat ||

iti | śrīśrīkaṇṭhīyasaṃhitāyāṃ tu 

pṛthaṅmantraḥ pṛthaṅmantrī na siddhyati kadācana |
jñānamūlamidaṃ sarvamanyathā naiva siddhyati 
[vācyavācakayorabhedopacārāt mantro mantradevatā | evaṃ 
mantrimantradevatāsu ārādhyārādhakabhāvena pṛthagdhīḥ siddhiṃ naiti | 
mananatrāṇadharmakatvāt tu mantrāḥ jñānaśaktau sthitāḥ 
prāptajñānaśaktyātmamahāvīryāḥ sarvasiddhidāḥ 
pratiniyatakāryasaṃpādanasamarthā bhavanti ityarthaḥ |] ||

ityuktam | etacca spande

sahārādhakacittena tenaite śivadharmiṇaḥ [śivasya parameśvarasya 
ananyasādharaṇaḥ sarvajñatvādirguṇo dharmo vidyate yeṣāṃ te mantrāḥ 
mananatrāṇarūpāḥ śivādabhinnasvarūpā ityarthaḥ |] ||

iti bhaṅgyā pratipāditam || 1 ||

asya ca -

prayatnaḥ sādhakaḥ || 2 ||

p. 49) 

yathoktarūpasya mantrasya anusaṃdhitsāprathamonmeṣāvaṣṭambhaprayatanātmā 
[anusaṃdhātumicchā anusaṃdhitsā tasyāḥ prathamaṃ parapratibhonmajjane yo 
nirodhaḥ tatra prayatanasvabhāvaḥ |] akrṭako yaḥ prayatnaḥ sa eva sādhako 
mantrayiturmantradevatātādātmyapradaḥ | taduktaṃ śrītantrasadbhāve 

āmiṣaṃ tu yathā svasthaḥ saṃpaśyañśakuniḥ priye |
kṣipramākarṣayedyadvadvegena sahajena tu ||

tadvadeva hi yogīndro mano binduṃ vikarṣayet [vikarṣayet iti dvikarmakaṃ 
kriyāpadam | binduḥ avibhaktaprakāśarūpaḥ | yaduktam 

uditāyāṃ kriyāśaktau somasūryāgnidhāmani |
avibhāgaḥ prakāśo yaḥ sa binduḥ paramo hi naḥ || iti |] |
yathā śaro dhanuḥsaṃstho yatnenātāḍya dhāvati ||

tathā bindurvarārohe uccāreṇaiva dhāvati ||

iti | anyatrāpi

tadgraho [tajjñānameva mantrasadbhāvaḥ mantravīryamityarthaḥ |] 
mantrasadbhāvaḥ ..................... |

iti | atra hi tadvat iti akṛtakanijodyogabalena yogīndro manaḥ karma binduṃ 
vikarṣayet paraprakāśātmatāṃ prāpayet iti | tathā binduḥ 

p. 50) 

paraprakāśaḥ akṛtakodyantṛtātmanā uccāreṇa [uccāreṇa vimarśarūpeṇa 
na tu sthāna-karaṇa prayatnarūpabījākṣaroccāreṇa 
tasyāṇavopāyaparyavasāyitvāt parapramātṛviśrāntyarthaṃ 
sahajodmamanakartṛtātmanā vimarśena sphurati iti |] dhāvati prasarati 
ityarthaḥ | etacca spande

ayamevodayastasya dhyeyasya dhyāyicetasi |
tadātmatāsamāpattiricchataḥ sādhakasya yā [tadātmatāsamāpattiḥ 
mantradevatātmatāyāḥ samāpattiḥ | idamatra tātparyam | nyāsādihetoḥ 
mantraruddhānyadevatākārāyāṃ mantroccāraṇavasthāyāṃ sādhakacetasaḥ 
svayamaprayatnena saṃpadyamānaṃ yadabhinnarūpatvaṃ sa eva 
parāmarśakṣamasaṃvido dhyātuḥ ārādhyadevatāyāḥ pratyakṣadarśanarūpo 
mukhya udayaḥ na tu vyatirekavibhāvyamānākāratā iti anayaiva saṃvidā 
śivarūpatāpatteḥ śivo bhūtvā śivaṃ yajet ityasya vidheḥ caritārthatvam |] ||

ityanenoktam || 2 ||

īdṛśasādhakasādhyasya mantrasya pūrvopakṣiptaṃ vīryaṃ lakṣayati -

vidyāśarīrasattā mantrarahasyam || 3 ||

vidyā parādvayaprathā śarīraṃ svarūpaṃ yasya sa vidyāśarīro bhagavān 
śabdarāśiḥ tasya yā sattā aśeṣaviśvābhedamayapūrṇāhaṃvimarśanātmā 
sphurattā sā mantrāṇāṃ rahasyam [vīryamityarthaḥ |] upaniṣat | 

p. 51) 

yaduktaṃ śrītantrasadbhāve

sarve varṇātmakā mantrāste ca śaktyātmakāḥ priye |
śaktistu mātṛkā jñeyā sā ca jñeyā śivātmikā ||

iti | tatraiva [śrītantrasadbhāve |] ca ayamarthaḥ atirahasyo'pi vitatya 
sphuṭīkṛtaḥ [vakṣyamāṇāgamena |] | tathā ca 

na jānanti guruṃ devaṃ śāstroktānsamayāṃstathā |
dambhakauṭilyaniratā laulyārthāḥ [lolā rasanā tasyā idaṃ rasāsvādanaṃ 
laulyaṃ tadeva artho yeṣāṃ te rasāsvādāsaktāḥ | upalakṣaṇametat 
śabdādiviṣayacamatkāraniratā ityarthaḥ |] kriyayojjhitāḥ ||

asmāttu kāraṇāddevi mayā vīryaṃ pragopitam |
tena guptena te guptāḥ śeṣā varṇāstu kevalāḥ ||

iti-pīṭhākābandhaṃ [pīṭhikābandho mūlabandhaḥ śāstrādau 
saṃkṣepeṇa saṃbandhādikathanarūpaḥ |] kṛtvā

yā sā tu mātṛkā devi paratejaḥsamanvitā [paratejaḥ parāhantā |] |
tayā vyāptamidaṃ viśvaṃ sabrahmabhuvanāntakam [anāśritaśivādārabhya 
sthūlameyaparyantam |] ||

tatrasthaṃ [tatrasthamiti mātṛkāsthaṃ paraṃ tejaḥ | avarṇastha iti 
anuttarasthitaḥ |] ca yadā devi vyāpitaṃ ca surārcite |
avarṇastho yathā varṇaḥ sthitaḥ sarvagataḥ priye ||

tathāhaṃ kathayiṣyāmi nirṇayārthaṃ sphuṭaṃ tava |

p. 52) 

ityupakramya

yā sā śaktiḥ parā sūkṣmā nirācāreti kīrtitā |
hṛdbinduṃ veṣṭayitvāntaḥ suṣuptabhujagākṛtiḥ [anuttaraśaktiḥ 
svasvātantryāt grāhyagrāhyakātmabhāvajātasya iyattāparicchedanena 
svarūpagopanātmasaṃkocāvalambanāt svātmānaṃ sarvodyatatayā avasthiteḥ 
prakaṭaṃ kurvāṇāpi bindusvarūpiṇī | vettīti vinduḥ vidikriyāyāṃ svatantraḥ 
pramātā tasya rūpamavibhāgaḥ prakāśaḥ tatsvabhāvaiva ata eva parā saṃvidrūpā 
sūkṣmā prāṇanārūpā niyatātmadhyānapūjādikāt ācārāt niṣkrāntā nirācārā 
hṛdbinduṃ hṛtpadmamaṇḍalāntaḥsthaṃ saṃkucitātmatāprādhānyāt 
bahīrūpatayā bhedabhūmāveva prāptaprarohaṃ narātmakaṃ bindum 
antarveṣṭayitvā svātmāntarlīnaṃ vidhāya suṣuptabhujagākṛtiḥ 
bahirbhāvaunmukhyavirahitatvāt svātmamātraviśrāntā ityarthaḥ | idamatra 
tātparyam | vinduḥ paraprakāśātmā svātantryāt viśvamavavibhāsayiṣuḥ 
dvādaśānta-bhrūmadhya-hṛdayalakṣaṇeṣu sthāneṣu viśrāntibhedāt 
naraśakti śivatmako bodhyaḥ icchādyātmaka-śiva-vidyā##-

atra prakāśamātraṃ yatsthite dhāmatraye sati |
uktaṃ vindutayā śāstre śivavindurasau mataḥ || iti |] |
tatra suptā mahābhāge na kiñcinmanyate ume ||

candrāgniravinakṣatrairbhuvanāni caturdaśa [pramā-pramāṇa##-
svātmasātkṛtya viṣeṇa mohitā iva saṃbhavantī svātmānamapi ajānatī bhavati 
ityarthaḥ |] |
kṣiptvodare tu yā devī viṣamūḍheva sā gatā ||

p. 53) 

prabuddhā sā ninādena [vindureva tattatparāmarśatāmullilāsayiṣuḥ 
nādātmakaśabdarūpatayā sphurita śabdayati svābhedena viśvaṃ parāmṛśati iti 
śabdaḥ parāvāgrūpo vimarśaḥ sa eva nadati sarveṣāmeva jīvakalātvena sphurati iti 
nādātmā | yaduktam 

yo'sau nādātmakaḥ śabdaḥ sarvaprāṇiṣvavasthitaḥ | iti |] pareṇa 
jñānarūpiṇā |
mathitā codarasthena bindunā varavarṇini ||

tāvadvai bhramavegena mathanaṃ śaktivigrahe |
bhedāttu prathamotpannā vindavaste'tivarcasaḥ ||

utthitā [paraiva sūkṣmā amākalārūpā kuṇḍalinī śaktiḥ śivena saha 
parasparasāmarasyarūpamathyamanthakabhāvātmakaṃ saṃghaṭṭamāsādya utthitā 
satī icchā jñāna-kriyārūpatāmāśritya raudrītvamunmudrayantī 
śṛṅgāṭakākāratāmambikātvamavalambamānā 
ukārātmakaśaśāṅkaśakalākāratāṃ jyeṣṭhātvamadhitiṣṭhantī ca 
śivavindūditakālāgnirūparephātmakavinduviśrāntaspaṣṭarekhākāratāmā##-
ekaivetthamityantasya ślokapañcakasya tātparyārtho nirūpitaḥ |] tu yadā tena 
kalā sūkṣmā tu kuṇḍalī |
catuṣkalamayo vinduḥ śakterudaragaḥ prabhuḥ ||

mathyamanthanayogena ṛjutvaṃ jāyate priye |
jyeṣṭhāśaktiḥ smṛtā sā tu vindudvayasumadhyagā ||

vindunā kṣobhamāyātā rekhaivāmṛtakuṇḍalī |
rekhiṇī nāma sā jñeyā ubhau vindū yadantagau ||

tripathā sā samākhyātā raudrī nāmnā tu gīyate |
rodhinī sā samuddiṣṭā mokṣamārganirodhanāt ||

p. 54) 

śaśāṅkaśakalākārā ambikā cārdhacandrikā |
ekaivetthaṃ parā śaktistridhā [anuttarecchonmeṣarūpā |] sā tu prajāyate ||

ābhyo yuktaviyuktābhyaḥ saṃjāto navavargakaḥ |
navadhā ca smṛtā sā tu navavargopalakṣitā ||

pañcamantragatā devi sadya[sadyojāta-vāmadeva-īśāna##-
tena pañcavidhā proktā jñātavyā suranāyike ||

svaradvādaśagā devi dvādaśasthā udāhṛtā |
akārādikṣakārāntā sthitā pañcāśatā bhidā ||

hṛtsthā [parāvāgrūpasya ahamātmanaḥ parāmarśasya hi ananyāpekṣaṃ 
paratvamiti parāvāgrūpaiva parameśvarī svasvātantryāt bahīrūpatāmullilāsayiṣuḥ 
vācyavācakakramānudayāt vibhāgasya asphuṭatvāt cijjyotiṣa eva prādhānyāt 
draṣṭṛrūpatayā paśyantīśabdavyapadeśyā | tadanu vācyavācakakramasya 
āsūtritavibhāgatve'pi sphuṭāsphuṭarūpatvena buddhimātraniṣṭhatayā 
darśanaprādhānyāt draṣṭṛdṛśyayorantarālavartitvena madhyamāpadavācyā | 
tato'pi sthānakaraṇaprayatnabalāt tattadvarṇakramopagrahāt vibhāgasya sphuṭatvāt 
dṛśyasyaiva prādhānyāt vikhare śarīre bhavatvāt vaikharīśabdavyapadeśyā | iti 
viśvarūpatāvabhāsane para sūkṣma-sthūlarūpatayā traividhyam iti 
hṛtsthetyādiślokadvayasyāyaṃ tātparyārtho nirūpitaḥ |] ekāṇavā proktā 
kaṇṭhe proktā dvitīyakā |
trirāṇavā tu jñātavyā jihvāmūle sadā sthitā ||

jihvāgre varṇaniṣpattirbhavatyatra na saṃśayaḥ |
evaṃ śabdasya niṣpattiḥ śabdavyāptaṃ carācaram ||

ityādinā granthena parabhairavīyaparāvākśaktyātmakamātṛkā ata eva 
jyeṣṭhā-raudrī-ambā-

p. 55) 

khyaśaktiprasarasaṃbhedavaicitryeṇa sarvavarṇodayasya uktatvāt 
varṇasaṃghaṭṭanāśarīrāṇāṃ mantrāṇāṃ saiva bhagavatī vyākhyātarūpā 
vidyāśarīrasattā rahasyam - iti pradarśitam | pratyāgamaṃ ca 
mātṛkāmālinīprastārapūrvakaṃ mantroddhārakathanasya ayameva āśayaḥ | 
rahasyāgamasārasaṃgraharūpatvāt śivasūtrāṇām āgamasaṃvāde bharaḥ 
asmābhiḥ kṛta iti nāsmabhyam asūyitavyam | evamapi saṃvādite āgame yadi 
rahasyārtho na buddhyate tasmāt sadgurusaparyā kāryā | eṣa ca sūtrārthaḥ 

tadākramya [taditi nirāvaraṇacidrūpabalamadhiṣṭhāya mantrāḥ anugrahādau 
adhikāre dehināṃ karaṇāni iva svādhikāre pravartante | nivṛttādhikārāṇāṃ tu 
teṣām ārādhakacittena saha svasvabhāvavyomni saṃlīnatayā 
māyākāluṣyarāhityāt śivadharmitāsamāpattiḥ |] balaṃ mantrāḥ ................ |

ityanena kārikādvayena spande darśitaḥ || 3 ||

yeṣāṃ tu evaṃ-vidhametanmantravīryaṃ 
proktamahāhradānusaṃdhānaupayikamapi parameśvarecchāta eva na 
hṛdayaṅgamībhavati api tu ānuṣaṅgikamātravindunādādikalājanitāsu 
mitasiddhiṣu cittaṃ rohati teṣām -

p. 56) 

garbhe cittavikāso'viśiṣṭavidyāsvapnaḥ || 4 ||

garbhaḥ akhyātirmahāmāyā tatra tadātmake mitamantrasiddhiprapañce yaścittasya 
vikāsaḥ tāvanmātre prapañce saṃtoṣaḥ asāveva aviśiṣṭā 
sarvajanasādhāraṇarūpā vidyā kiñcijjñatvarūpā aśuddhavidyā saiva svapno 
bhedaniṣṭho vicitro vikalpātmā bhramaḥ | taduktaṃ pātañjale

te [te prātibhādayaḥ samāhitacittasya utpadyamānā upasargāḥ 
taddarśanapratyanīkatvāt vyutthitacittasya utpadyamānāḥ siddhaya ityanumīyate | 
tatra yogajadharmānugṛhītebhyo manaḥ-śrotra-tvak-cakṣuḥ##-
sūkṣmavyavahitaviprakṛṣṭātītānāgatajñānam śrāvaṇāt divyaśabdajñānam 
vedanāt divyasparśādhigamaḥ ādarśāt divyarūpadarśanam āsvādāt 
divyarasasaṃvit vārtāt divyagandhajñānam | idamatra sūtrabhāṣyayoḥ prayojanam | 
vyutthitacitto hi tāḥ siddhīrabhimanyate janmadurgata iva dravyakaṇikāmapi 
draviṇasaṃbhāram yoginā tu samāhitacittena upanatābhyo'pi tābhyo viraktavyam | 
abhisaṃhita tāpatrayautpattikopaśamarūpaparamapuruṣārthaḥ sa khalu ayaṃ 
tatpratyanīkāsu siddhiṣu virajyeta iti |] samādhāvupasargā vyutthāne siddhayaḥ 
|| (3-37)

iti | tadetat 

p. 57) 

ato vindurato [vinduḥ bhrūmadhyādau pradeśe 
dhyānābhyāsaprakarṣapravardhamānottarottaraprasādaḥ tejoviśeṣaḥ yo 
vindubhedābhyāsāt dharātattvadhyāyināmabhivyajyate | tathā nādo 
vegavannadyoghanirghoṣaghanopakramaḥ 
kramasūkṣmībhāvābhivyajyamānamadhumatta-madhukaradhvanitānukārī 
svoccarito dhvaniviśeṣaḥ yaṃ vyomatattvābhyāsinaḥ śṛṇvanti | tathā rūpaṃ 
saṃtamasādyāvaraṇe'pi sati tattaddṛśyavastvākāradarśanaṃ yat tejastattve 
nyakṣanikṣaptamatibhiḥ nirīkṣyate | tathā raso rasavadbhogyavastuvirahe'pi 
amṛtāsvādo mukhe yo lolāgralambikādidhāraṇānirataiḥ 
aptattvadhyāyibhirupalabhyate | pavanatattvadhyāyināṃ sparśasukhaviśeṣo'pi 
asmādeva pravartate iti draṣṭavyam | unmeṣābhyāsayoginā nātra saṃtoṣiṇā 
bhāvyam niruttarapadārohapratyūhabhūtatvāt |] nādo rūpamasmādato rasaḥ |
pravartante'cireṇaiva kṣobhakatvena dehinaḥ ||

ityanena darśitam || 4 ||

yadā tu āgatāmapi mitasiddhiṃ khilīkṛtya parāmeva sthitimavaṣṭabhnāti yogī 
tataḥ -

vidyāsamutthāne svābhāvike khecarī
śivāvasthā || 5 ||

prāṅnirdiṣṭasatattvāyā vidyāyāḥ svābhāvike samutthāne 
parameśecchāmātraghaṭite mitasiddhinyagbhāvini sahaje samunmajjane khe 
bodhagagane carati iti khecarī mudrā abhivyajyate | kīdṛśī

p. 58) 

khecarī śivasya cinnāthasya avasthātuḥ saṃbandhinī avasthā 
svānandocchalattārūpā | na tu 

baddhvā padmāsanaṃ yogī nābhāvakṣeśvaraṃ nyaset |
daṇḍākāraṃ tu tāvattannayedyāvatkakhatrayam [ke śirasi khatrayaṃ śakti##-
brahmarandhraṃ saṃsthitam | tatra tat manaḥ avaṣṭabhya khatrayeṇa 
ūrdhvagamanāya prerayediti |] ||

nigṛhya tatra tattūrṇaṃ prerayet khatrayeṇa tu |
etāṃ baddhvā mahāyogī khe gatiṃ pratipadyate ||

ityevaṃ saṃsthānaviśeṣānusaraṇarūpāḥ api tu 

............................... parām |
gatimetyarthabhāvena kulamārgeṇa [kulamārgeṇa akṣakuladvāreṇetyarthaḥ |
] nityaśaḥ ||

carate sarvajantūnāṃ khecarī nāma sā smṛtā |

iti-śrītantrasadbhāvanirūpitaparasaṃvittisvarūpā | evamiha 
bhedātmakamāyīyasamastakṣobhapraśāntyā cidātmakasvarūponmajjanaikarūpaṃ 
mantravīryaṃ mudrāvīryaṃ ca ādiṣṭam | taduktaṃ kulacūḍāmaṇau 

ekaṃ sṛṣṭimayaṃ [sṛṣṭimayaṃ bījamiti mantravīryarūpam ahamiti bījam | 
mudrā parabhairavīyātmā |] bījamekā mudrā ca khecarī |
dvāvetau yasya jāyete so'tiśāntapade sthitaḥ ||

p. 59) 

iti | spande tu mantravīryasvarūpanirūpaṇenaiva mudrāvīryaṃ saṃgṛhītam |

yadā kṣobhaḥ pralīyeta tadā syātparamaṃ padam |

ityardhena anyapareṇāpi cūḍāmaṇyuktaṃ khecarīsvarūpaṃ bhaṅgyā sūcitam || 5 ||

tadatra mudrāmantravīryāsādane'pi -

gururupāyaḥ || 6 ||

gṛṇāti upadiśati tāttvikamarthamiti guruḥ so'tra vyāptipradarśakatvena 
[vyāptiratra mudrāvīrya-mantravīryasvarūpā |] upāyaḥ | taduktaṃ 
śrīmālinīvijaye

sa gururmatsamaḥ prokto mantravīryaprakāśakaḥ |

iti | spande tu evamādiprasiddhatvāt [gurvādiprasiddherityarthaḥ | tathā 
anyatrāpi

yo guruḥ sa śivaḥ prokto yaḥ śivaḥ sa guruḥ smṛtaḥ |
ubhayorantaraṃ nāsti gurorapi śivasya ca || iti |] na saṃgṛhītam |

agādhasaṃśayāmbhodhisamuttaraṇatāriṇīm |
vande vicitrārthapadāṃ citrāṃ tāṃ gurubhāratīm ||

iti-pāryantikoktyā ca etadapi saṃgṛhītameva |

p. 60) 

gururvā pārameśvarī anugrāhikā śaktiḥ | yathoktaṃ śrīmālinīvijaye 

śakticakraṃ tadevoktaṃ guruvaktraṃ taducyate |

iti | śrīmantriśirobhairave'pi

gurorgurutarā śaktirguruvaktragatā bhavet |

iti | saiva avakāśaṃ dadatī upāyaḥ || 6 ||

tasmādguroḥ prasannāt -

mātṛkācakrasaṃbodhaḥ || 7 ||

śiṣyasya bhavatīti śeṣaḥ | śrīparātriṃśakādinirdiṣṭanītyā 
ahaṃvimarśaprathamakalā [iha khalu anākhyaparāmarśātmā anuttaraḥ 
śivaśaktyādipratiniyatavyapadeśāsahiṣṇuḥ paraprakāśa eva paraṃ tattvaṃ sa eva 
ca svātantryāt viśvamavabibhāsayiṣuḥ svātmani śivaśaktirūpatāmavabhāsayati 
tasya śivalakṣaṇasya tattvasya avyabhicaritasvabhāvā pūrṇāhantātmā anuttarā 
kulasvarūpā śaktirastīti | evaṃ ca akāralakṣaṇaṃ kulaṃ śarīramasya - iti 
ādyavarṇo'bhihitaḥ |] anuttarākulasvarūpā prasarantī ānandasvarūpā 
[ākārarūpā |] satī iccheśanabhūmikābhāsanapuraḥsaraṃ [irūpām 
īrūpāṃ ca | icchāntaṃ tāvat ahaṃ-vimarśa eva prathamakalārūpa ityarthaḥ |
] jñānātmikāmunmeṣadaśāṃ jñeyābhāsāsūtraṇādhikyena ca ūnatāṃ 
[unmeṣadaśām ukārarūpām ūnatām ūkārarūpām |] 

p. 61) 

pradarśya icchāmeva dvirūpāṃ [yathā vidyotanaṃ tasyā eva manāk 
ādhikyam tathā saiva icchā ṛkāratāmāpanna vidyudiva tasyā eva vidyotanaṃ 
manāgādhikyaṃ ca ṛ iti ra-śrutiśca vahnibījaṃ tejorūpam | evaṃ 
vidyutkalpā eva icchā ḷ iti tasyā vidyotanakalpaṃ ḷ iti manāgadhikaṃ la##-
icchāyā rañjitatvāt ṣaṇḍhasvarāṇāṃ caturṇāṃ tejomātrarūpe ra-śrutau 
sthairyarūpe la-śrutau vā sāmarthyaṃ dvitaya eva nānyatra iti |] 
vidyudvidyotanakalpatejomātrarūpeṇa sthairyātmanā ca eṣaṇīyena rañjitatvāt ra##-
amṛtarūpeṇa meyābhāsārūṣaṇamātrataśca bījāntaraprasavāsamarthatayā 
ṣaṇḍhākhyabījacatuṣṭayātmanā rūpeṇa prapañcya 
proktānuttarānandecchāsaṃghaṭṭena trikoṇabījam [trikoṇabījam ekāraḥ sa 
eva yonibījamiti |] anuttarānandonmeṣayojanayā ca 
kriyāśaktyupagamarūpamokāraṃ [nirmāṇaśaktyaṅgīkārarūpam |] 
proktaitadbījadvayasaṃghaṭṭena [e-o ityetadbījadvayam |] ṣaṭkoṇaṃ 
śūlabījaṃ [triśūlabījam ai-au ityevamātmakamityarthaḥ |] ca 
icchājñānaśaktivyāptapūrṇakriyāśaktipradhānatvāt 
śaktitrayasaṃghaṭṭanamayaṃ pradarśya iyatparyantaviśvaikavedanarūpaṃ 
vindumunmīlya

p. 62) 

yugapadantarbahirvisarjanamayavindudvayātmānaṃ visargabhūmimuddarśitavatī ata 
eva antarvimarśanena anuttare eva etadviśvaṃ viśrāntaṃ darśayati 
bahirvimarśena tu kādi-māntaṃ pañcakapañcakaṃ a-i-u-ṛ##-
varṇasaṃniveśollāsikā ityarthaḥ |] puruṣāntaṃ samastaṃ prapañcayati | 
ekaikasyāśca śakteḥ pañcaśaktitvamasti ityekaikataḥ pañcakodayaḥ | ābhya eva 
śaktibhyaḥ [uktacidādibhyaḥ sarvavarṇamūlabhūtābhyaḥ ityarthaḥ |] 
śikṣoktasaṃjñānusāreṇa [vyākaraṇādi-śikṣoktakrameṇa 
pramātṛbhūmau niyati-kalā-vidyā-rāga-ityādibhiḥ 
antaravatiṣṭhamānatvāt antaḥsthasaṃjñāmupalabhamānān ya-ra-la##-
antaḥpuṃbhūmau niyatyādikañcukatvena avasthānāt 
antasthākhyānpramātṛbhūmidhāraṇena viśvadhāraṇāt dhāraṇāśabdena 
āmnāyeṣu uktān tadupari bhedavigalanena abhedāpattyā unmiṣitatvāt 
ūṣmābhidhānān caturo varṇānābhāsitavatī | atra [atreti ūṣmākṣareṣu śa##-
paripūrṇamamṛtavarṇaṃ [meyarūpaṃ bhogyam |] 

p. 63) 

pradarśya tadante prāṇabījapradarśanaṃ kṛtam tat 
anuttaraśaktyāpyāyitānāhatamayam [ha-kalātmakam |] 
iyadvācyavācakarūpaṃ [vācakaṃ mantra-varṇa-padādhvarūpaṃ 
vācyaṃ kalā-tattva-bhuvanādhvarūpam |] ṣaḍadhvasphāramayaṃ 
viśvam iti pratyabhijñāpayitum | ata eva pratyāhārayuktyā 
anuttarānāhatābhyāmeva śivaśaktibhyāṃ garbhīkṛtam etadātmakameva 
viśvam iti mahāmantravīryātmano'haṃvimarśasya tattvam | 
yathoktamasmatparameṣṭhiśrīmadutpaladevapādaiḥ

prakāśasyātmaviśrāntirahaṃbhāvo hi kīrtitaḥ |
uktā saiva ca viśrāntiḥ sarvāpekṣānirodhataḥ ||

svātantryamatha kartṛtvaṃ mukhyamīśvaratāpi ca |

iti | tadiyatparyantaṃ yanmātṛkāyāstattvaṃ tadeva kakāra [anuttarātmakaḥ 
kakāraḥ visargātmakaḥ sakāraḥ tatsaṃghaṭṭātmā kṣa-iti kūṭavarṇaḥ |] 
sakārapratyāhāreṇa anuttaravisargasaṃghaṭṭasāreṇa kūṭabījena pradarśitamante 
ityalaṃ rahasyaprakaṭanena | evaṃ-vidhāyāḥ

........................ na vidyā mātṛkāparā |

ityāmnāyasūcitaprabhāvāyā mātṛkāyāḥ saṃbandhinaścakrasya

p. 64) 

proktānuttarānandecchādiśaktisamūhasya 
cidānandaghanasvasvarūpasamāveśamayaḥ samyak bodho bhavati | etacceha 
diṅmātreṇoṭṭaṅkitam [uṭṭaṅkitaṃ sūcitam | tathā ca ayamatra sphuṭo 
varṇanirṇayaḥ | a-iti anuttaraprathamakalā akulasvarūpā pūrṇāhantā | ā##-
| ī-iti saiva īśitrī satī svātmaviśrānteva ata eva ikāra-dvitayasaṃdhirūpatā 
| u iti icchāyāṃ bahiraunmukhye sati viśvonmeṣarūpā jñānaśaktiḥ | ū iti tasyāṃ 
darpaṇanagaravat abhinnāyāṃ satyāṃ jñeyasyādhikyāt saṃvittattvasya 
ūnatāvabhāsitvam | ṛ-ṛ-iti icchāyāḥ khalu dviprakārāyāḥ 
śūnyabhuvamadhiśayānāyā jñānaśaktisācivyena tejaḥsparśitvāt ra##-
atyantaṃ śūnyabhuvi prasarantyāḥ kiṃcit jñānaśaktirāhityena 
kāṣṭhapāṣāṇarūpatāmiva ādadānāyā la-śrutyā sthairyātmakatvena 
vidyudvidyotanakalpamavabhāsanam ata eva svātmamātraviśrāntitvena 
eṣāmamṛtātmakatvam bahiraunmukhyābhāvāt bījāntaraprasavāsamarthatvena 
napuṃsakatāvyapadeśaḥ | e-iti anuttarānandayoricchāyāṃ prasaratoḥ 
anuttaraprādhānyāt trikoṇabījam icchājñānakriyāṇāṃ sāmyāt | ai-iti 
tayoreva icchāyāmīśitryāṃ ca atyantaprasaraṇāt dīrghībhavanaṃ mātrādhikyāt | 
o-iti anuttarānandayoḥ bahirullasitumicchayā jñānaśaktau 
viśvonmeṣāvasthāyāṃ prasaraṇarūpam | au-iti asyaiva atyantaṃ dairghyāt 
icchājñānakriyāṇāṃ sphuṭatayā triśūlabījatvam | aṃ-iti 
evamiyatparyantasya viśvasya vedanātmakatvena vindutayā prathamaṃ 
śaktimatparāmarśaḥ | aḥ-iti pūrvoktasya anuttarasyaiva 
ānandaśaktyavibhaktasya visargarūpatayā śaktiprādhānyaparāmarśaḥ | 
parameśvarasya śaktayaḥ pañca | tāsāmekaikasyāḥ api śakteḥ pañcakayogaḥ | 
tena anuttarāt prasṛtasya kavargasya icchāyāḥ svarūpasthāyā jātasya cavargasya 
alubdhalubdhātmadviprakārāyā icchāyā udbhūtasya ṭavargasya tavargasya ca 
unmeṣāt utpannasya pavargasya pañcakatvam | tatra avargasya adhiṣṭhātrī brāhmī | 
kavargasya māheśvarī pṛthvī-jala-tejo-vāyu-ākāśāni iti 
bhūtapañcakasvabhāvatā ca | cavargasya vārāhī adhiṣṭhātrī kaumārī 
upasthapāyu-pāda-pāṇi-vācaḥ iti karmendriyapañcakatā ca | 
tavargasya adhiṣṭhātrī cāmuṇḍā ghrāṇa-jihvā-cakṣuḥ-tvak##-
mano-buddhi-ahaṃkāra-prakṛti-puruṣatattvāni iti pañcakatvaṃ 
ca | antasthānāṃ niyati-rāga-kalā-vidyātattvacatuṣkatvam 
māyākālayoratraiva antarbhāvaḥ | śa-ṣa-sakārāṇāmīśvara##-
tadevamanuttara-hakārayoḥ pratyāhāre nikhilaṃ vācyavācakamayaṃ 
ṣaḍadhvarūpaṃ viśvam anuttara eva viśrāmyati iti- darśayitum 
anuttarātmakasya kakārasya sakārasya ca śaktimayasya saṃghaṭṭātmatayā 
kūṭabījasya ante pradarśanaṃ kṛtamiti varṇanirṇayaḥ |] | vitataṃ tu 
asmatprabhupādaiḥ śrīparātriṃ-

p. 65) 

śakāvivaraṇa-tantrālokādau prakāśitam | uktaṃ ca śrīsiddhāmṛte

sātra [sā pārameśvarī saṃvinmātrarūpā visargaśaktireva 
garbhīkṛtanikhilaviśvatvāt kuṇḍalinīśabdavyapadeśyā anackakalārūpā 
vācyavācakātmani atra viśvatra avidyādeḥ tatkāraṇatve dūrāpāstatvāt bījabhūtā 
tattve'pi saṃvinniṣṭhatvāt sarvavyavasthitīnāṃ jīvabhūtā nahi saṃvidamantareṇa 
kiṃcidapi sphurediti bhāvaḥ | tadevaṃ-vidhāyāśca tasyāḥ sakāśāt 
anuttarecchājñānākhyaṃ parāmarśatrayaṃ jātam tataśca parāmarśatrayāt 
uktanītyā nikhilaparāmarśāntarodayaḥ |] kuṇḍalinī bījajīvabhūtā cidātmikā |
tajjaṃ dhruvecchonmeṣākhyaṃ trikaṃ varṇāstataḥ punaḥ ||

p. 66) 

ā ityavarṇādityādi [ekaḥ iti śabdaḥ svarūpaparāmarśakaḥ aparaḥ prakāre 
tena anuttarāt ānando yathā jātaḥ evamicchātaḥ īśitrī unmeṣādūnatā yāvat 
kakārādiḥ sakarānto yasyāḥ evaṃ-vidhā hakārātmikā vaisargikī kalā jātā 
nikhilameva varṇajātamuditamityarthaḥ | makārānteti vaktavye kakārādi##-
janmāpi dyotayitumuktam | a-ku-ha-visarjanīyānāṃ kaṇṭhaḥ 
ityādinītyā kavargahakāravisarjanīyānāmakārādeva utpattiḥ | vaisargikī kalā iti 
sāmānyokteḥ parāparo hi visarjanīyātmā visargaḥ kaṭākṣitaḥ | etacca sarvaṃ 
visargādutpannaṃ visarga eva tattadāmarśātmanā sphurita ityarthaḥ | sa eva hi 
parapramātrekarūpa'śeṣaviśvakroḍīkāreṇa anuttarahakārātmanā prasphuran 
antarbahīrūpatayā nara-śakti-śivātmatāmābhāsayet ata āha pañcadhā 
sa ca iti | co hetau yataḥ sa visarga eva binduḥ vidikriyāyāṃ svatantraḥ pramātā 
bahīrūpatayā hṛdaye nararūpatayā bahīrūpatve'pi antārūpatāyāmeva viśrānteḥ 
nāde śaktitayā antārūpatayā parame pade dvādaśānte śivatayā prasphuran 
pañcaprakāraḥ | ata eva śarīre'pi hṛdayāt mūrdhāntaṃ hṛtkaṇṭha##-
pañcadhātve'pi asya vastutaḥ trairūpye eva paryavasānamiti na 
pūrvāparavyāhatatvaṃ kiṃcidāśaṅknīyam | nanu eka eva asau kathaṃ hṛdādau 
vartate ? ityata āha vyāpako hi saḥ iti | ā ityavarṇeti padyadvayasyārtho 
nirdiṣṭaḥ |] yāvadvaisargikī kalā |
kakārādisakārāntādvisargātpañcadhā sa ca ||

bahiścāntaśca hṛdaye nāde'tha parame pade |
vindurātmani mūrdhānte hṛdayādvyāpako hi saḥ ||

ādimāntyavihīnāstu [na kevalaṃ mātṛkāyā eva paramantravīryātmatvena 
ajñātāyā naiṣphalyaṃ yāvat mananatrāṇadharmāṇāṃ mantrāṇāmapi ityāha 
ādimeti tuśabdaḥ cārthe | ādimaḥ anuttaraḥ antyo hakāraḥ tena mantrāḥ 
ahaṃparāmarśarūpādimāntyavihīnāḥ tadrūpatvena aparijñāyamānāḥ 
śaradabhravat syuḥ akiṃcitkarā eva ityarthaḥ | anyathā punaḥ ahaṃ##-
tattatsvakāryakāriṇo bhaveyuḥ iti tātparyārthaḥ |] mantrāḥ syuḥ 
śaradabhravat |

p. 67) 

gururlakṣaṇametāvadādimāntyaṃ [etatparijñānameva gurormukhyaṃ 
lakṣaṇamityāha guroriti | evaṃ-jñānitvādiyogāt dyotanasvabhāvo 
viśvanirbharaḥ ahamiva sarveṣāṃ pūjyaḥ iti bhagavaduktiḥ |] ca vedayet ||

pūjyaḥ so'hamiva jñānī bhairavo devatātmakaḥ |
ślokagāthādi [evaṃ-vidho guruḥ na kevalaṃ svabhāvata eva 
parisphuratparaśaktivīryātmano mantrāneva vetti yāvat kiṃcana laukikamapi 
ślokādi ityāha śloketi | sa khalu guruḥ tasmāt niratiśayajñānayogāt sarvaṃ 
yatkiṃcana bāhyaṃ ślokādi tathā ahaṃ-parāmarśatvena parāmṛśan 
mantratvenaiva sarvavettṛtvātmakamanana-saṃsāryanugrahātmaka##-
ahaṃparāmarśarūpameva ityarthaḥ | nahi 
prakāśātmaparapramātṛrūpatāmantareṇa kiṃcidapi sphurediti bhāvaḥ |] 
yatkiñcidādimāntyayutaṃ yataḥ ||

tasmādvidaṃstathā sarvaṃ mantratvenaiva paśyati |

iti | etacca spande

seyaṃ [mātṛkātattvaparijñānavatāmeva yoginām iyaṃ śaktiḥ 
bhuktimuktilakṣaṇāṃ siddhiṃ yacchet anyathā tattadvācakānuvedhadvāreṇa 
harṣaśokādirūpatāmādadhānā bandhakāriṇī eva paśūnām iti 
bhuktimuktilakṣaṇaphalāyogāt niṣphalaiva bhavediti piṇḍārthaḥ |] kriyātmikā 
śaktiḥ śivasya paśuvartinī |
bandhayitrī svamārgasthā jñātā siddhyupapādikā ||

ityanenaiva bhaṅgyā sūcitam || 7 ||

p. 68) 

īdṛśasya asya mātṛkācakrasaṃbodhavataḥ -

śarīraṃ haviḥ || 8 ||

sarvairyatpramātṛtvena abhiṣikaṃ sthūlasūkṣmādisvarūpaṃ śarīraṃ tat 
mahāyoginaḥ parasmin cidagnau hūyamānaṃ haviḥ 
śarīrapramātṛtāpraśamanena sadaiva cinmātṛtābhiniviṣṭatvāt | yaduktaṃ 
śrīvijñānabhairave

mahāśūnyālaye vahnau bhūtākṣaviṣayādikam |
hūyate manasā sākaṃ sa homaḥ srukca cetanā [mahāśūnyasya 
śūnyātiśūnyapadasya ā samantāt layo yatra paratattvātmani vahnau tatra 
bhūtendriya-viṣaya-bhuvana-tattvādirūpaṃ jagat 
tadvibhāgakalpanāhetunā manasā saha cetanā viśvānusaṃdhātrī śaktireva sruk 
tayā hūyate yat sa homaḥ agnau havirdānamityarthaḥ | cittiḥ sruk cittamājyam ityādi 
śruteḥ |] ||

iti | śrītimirodghāṭe'pi

yaḥ priyo yaḥ suhṛdbandhuryo dātā yo'tivallabhaḥ |
tadaṅgabhakṣaṇāddevi [svātmārthānukūlyasya āśrayabhūteṣu priya##-
bhakṣaṇāt tadahantādipraśamanāt yogī pratyayasṛṣṭiṃ bhuṅkte ityarthaḥ |
] hyutpatedgaganāṅganā ||

iti | atra hi dehapramātṛtāpraśamanameva piṇḍārthaḥ | śrīmadbhagavadgītāsvapi

p. 69) 

sarvāṇīndriyakarmāṇi prāṇakarmāṇi cāpare |
ātmasaṃyamayogāgnau juhvati jñānadīpite [sarvān indriyavyāpārān 
mānasān mukhanāsikānirgamanādīn vāyavīyān vyāpārān ca ātmano manasaḥ 
saṃyamahetau yoganāmni aikāgrya vahnau samyak jñānaparidīpite niveśayanti 
gṛhyamāṇaṃ viṣayaṃ saṃkalpyamānaṃ yā tadekāgratayaiva 
parityaktānyavyāpāratayā buddhyā gṛhṇanti iti tātparyam |] ||

iti | spande tu

yadā kṣobhaḥ pralīyeta tadā syātparamaṃ padam |

ityanenaiva saṃgṛhītam | kṣobho dehādyahaṃpratyayarūpaḥ iti hi tadvṛttau 
bhaṭṭaśrīkallaṭaḥ || 8 ||

asya ca -

jñānamannam || 9 ||

yatpūrvaṃ jñānaṃ bandhaḥ (1-2) ityuktaṃ tat adyamānatvāt 
grasyamānatvāt yogināmannam | yatsaṃvāditaṃ prāk 

mṛtyuṃ ca kālaṃ ca kalākalāpaṃ
vikārajātaṃ pratipattisātmyam |
aikātmya-nānātmyavitarkajātaṃ
tadā sa sarvaṃ kavalīkaroti ||

iti |

atha [uktārthaviṣaye arthāntaramādiśati |] ca yatsvarūpavimarśātmakaṃ 
jñānaṃ tat

p. 70) 

asya annaṃ pūrṇaparitṛptikāritayā svātmaviśrāntihetuḥ | taduktaṃ 
śrīvijñānabhairave

atraikatamayuktisthe [dvādaśottaraśatabhūmikāsu ekatamasyāṃ 
bhūmikāyāṃ samāhitamanaso yogino yā viśvabharitātma-bhairavāvasthā sā 
tṛptirityarthaḥ |] yotpadyeta dināddinam |
bharitākāritā sātra tṛptiratyantapūrṇatā ||

iti | yuktirhi [śāmbhava-śāktāṇavākhyopāyatrayasya bhinnatayā 
nirdiṣṭatvāt iyatsaṃkhyāka-bhūmikāpratyayātmikā |] tatra 
dvādaśottaraśatabhūmikājñānarūpaiva | etacca spande

prabuddhaḥ [asaṃkucitasvātantryaśaktirityarthaḥ |] sarvadā 
tiṣṭhet ...................... |

ityanayā kārikayā saṃgṛhītam || 9 ||

yadā tu evaṃ satatāvahito na bhavati tadā jñānavato'pi asya avadhānāvalepāt -

vidyāsaṃhāre tadutthasvapna-
darśanam || 10 ||

proktajñānasphārarūpāyāḥ śuddhavidyāyāḥ saṃhāre nimajjane tadutthasya 
kramātkramanyakkṛtavidyāsaṃskārasya svapnasya bhedamayasya 
vikalpaprapañcarūpasya darśanaṃ sphuṭam unmajjanaṃ bhavati | taduktaṃ 
śrīmālinīvijaye

p. 71) 

na caitadaprasannena śaṅkareṇopadiśyate |
kathañcidupadiṣṭe'pi vāsanā naiva jāyate ||

ityupakramya

vāsanāmātralābhe'pi yo'pramatto na jāyate |
tamanityeṣu bhogeṣu yojayanti vināyakāḥ [vināyakāḥ tattaddivyagaṇa##-
ṛtambharāprajñāvato brāhmaṇasya sattvaśuddhimanupaśyantaḥ 
sthānairupanimantrayante | bho ihāsyatāṃ kamanīyo'yaṃ bhogaḥ kamanīyeyaṃ 
kantā rasāyanamidaṃ jarāmṛtyū bādhate vaihāyasamidaṃ yānaṃ amī 
kalpadrumāḥ puṇyā mandākinī siddhā maharṣayaḥ uttamā anukūlā apsarasaḥ 
divye śrotracakṣuṣī vajropamaḥ kāyaḥ svaguṇaiḥ sarvamidamupārjitamāyuṣmatā 
pratipadyatāmidamakṣayyamajaramamarasthānaṃ devānāṃ priyam iti 
pātañjaladarśanoktaprakāreṇa savinayādarapūrvaṃ 
divyavastuguṇānukīrtanatatpradarśanena yoginamanityabhogeṣu pralobhayante | 
tasmāt parasiddhiprāptau pratyūhabhūtatvāt bhogebhyo virajyeteti bhāvaḥ |] ||

iti | tadetat

anyathā tu svatantrā syātsṛṣṭistaddharmakatvataḥ |
satataṃ laukikasyeva jāgratsvapnapadadvaye [ekasya svatantraparameśituḥ 
mamaiva idaṃ viśvam - iti viśvabharitasaṃvitsvarūpasamādhānaparityāgena 
yoginaḥ padadvaye prasaraddṛkkriyātmakatayā vicitrabhramadānasamarthaṃ 
nānābhāvavaicitryanirmāṇaṃ paśoriva durnivāraprasaramasti 
nīlasukhādisṛṣṭyaiva ayaṃ svāyattīkriyate ityarthaḥ | samāhitacetasastu tatra 
jñānajñeyātmabhāvena sphurantī pārameśvarī śaktiḥ 
cinmayasvarūpāvaraṇapratibandhāya na pragalbhate iti bhāvaḥ |] ||

ityanena spande saṃgṛhītam | ataśca nityaṃ śuddhavidyāvimarśanapareṇaiva 
yoginā bhāvyam ityupadiṣṭaṃ bhavati | yathoktam 

p. 72) 

tasmānna teṣu saṃsaktiṃ kurvītottamavāñchayā |

iti-śrīpūrve | śrīspande'pi

ataḥ satatamudyuktaḥ spandatattvaviviktaye |
jāgradeva nijaṃ bhāvamacireṇādhigacchati [śāktatattvasya 
svarūpāvirbhāvāya satatamudyuñjāno jāgarāvasthāyāmeva 
nirāvaraṇacidrasaghanabhairavaparamārthasattāṃ saṃvedayate iti |] ||

iti | evaṃ cittaṃ mantraḥ (2-1) ityataḥ prabhṛti mantravīrya##-

uccārarahitaṃ vastu cetasaiva vicintayan [dṛḍhaikāgryeṇa 
vimarśanaviṣayīkurvan |] |
yaṃ samāveśamāpnoti śāktaḥ so'trābhidhīyate ||

ityāmnātaṃ śāktopāyaṃ vivicya avadhānāvaliptaṃ prati vidyāsaṃhāre 
tadutthasvapnadarśanam (2-10) iti sūtreṇa etadanuṣaṅgeṇa 
[bhedamayaprapañcadarśanasya nimajjane ka upāya iti prasaṃgena |] 
āṇavopāyapratipādanasya avakāśo dattaḥ | iti śivam || 10 ||

āditaḥ sūtrasaṃkhyā || 32 ||

iti śrīmanmāheśvarācāryābhinavaguptapādapadmopajīvi##-
nāma dvitīya unmeṣaḥ || 2 ||


śivasūtravimarśinī |

atha tṛtīyonmeṣārambhaḥ |

idānīmāṇavopāyaṃ [āṇavopāyo nāma pāśavyāpāraḥ | yadā tu aṃsau 
vikalpaḥ svasaṃskārārthamupāyāntaramapekṣate tadā buddhiprāṇādikān 
parimitarūpān upāyatvena gṛhṇan aṇutvaṃ prāpta āṇavaṃ 
jñānamāvirbhāvayati | tat hi cittaviśrāntyātmakam | yaduktam 

pūrvaṃ visṛjya sakalaṃ kartavyaṃ śūnyatānale |
cittaviśrāntisaṃjño'yamāṇavaḥ parikīrtitaḥ ||] pratipipādayiṣuḥ aṇoḥ 
tāvatsvarūpaṃ darśayati -

ātmā cittam || 1 ||

yadetat viṣayavāsanācchuritatvāt nityaṃ 
tadadhyavasāyādivyāpārabuddhyahaṅkṛnmanorūpaṃ [taditi teṣāṃ 
viṣayāṇāṃ niścayābhimānavikalpāḥ |] cittaṃ tadeva atati [ata 
sātatyagamane iti pāṭhāt |] cidātmakasvasvarūpākhyātyā 
sattvādivṛttyavalambanena [prakāśacāñcalyāvaraṇādīnāṃ 
sattvādiguṇakāryāṇāṃ vṛttyāśrayeṇa prakāśo buddhivyāpāraḥ cāñcalyaṃ 
manasaḥ āvaraṇamahaṃkṛteḥ |] yonīḥ saṃcarati iti 

p. 74) 

ātmā aṇurityarthaḥ | na tu cidekarūpasya asya atanamasti [nahi vastuto 
nityavibhubuddhasvarūpasya ātmanaḥ kvacit deśādyantare gatirityarthaḥ |] | ata 
eva caitanyamātmā (1-1) iti##-
idānīṃ tu etadīyasaṃkocāvabhāsapradhānāṇavadaśaucityena iti na 
pūrvāparavaiṣamyam || 1 ||

asya cittasvarūpasya aṇvātmanaḥ -

jñānaṃ bandhaḥ || 2 ||

sukhaduḥkhamohamayādhyavasāyādivṛttirūpaṃ [adhyavasāyo niścayaḥ 
ādinā vikalpanābhimānādi gṛhyate |] taducitabhedāvabhāsanātmakaṃ yat 
jñānaṃ tat bandhaḥ | tatpāśitatvādeva hi ayaṃ saṃsarati | taduktaṃ 
śrītantrasadbhāve 

sattvastho rājasasthaśca tamastho guṇavedakaḥ |
evaṃ paryaṭate dehī sthānātsthānāntaraṃ vrajan ||

iti | etadeva 

tanmātrodayarūpeṇa [tanmātrāṇi sthūlabhūtakāraṇabhāvena 
īśvarecchayaiva avabhāsitāḥ sūkṣmā śabdādayaḥ teṣāmudayaḥ 
sthūlaśarīrabhāvapariṇatākāśādyātmanā abhivyaktiḥ tathā ca yadyat nāḍyādi 
suṣiraṃ tadākāśaṃ śabdatanmātrodayaḥ | yadyat sakriyaṃ prāṇādi sa vāyuḥ 
sparśatanmātrodayaḥ | yadyat uṣṇabhāsvarādirūpamagnyādi tattejoṃ 
rūpatanmātrodayaḥ | yadyat dravarūpaṃ rudhirādi tā āpaḥ rasatanmātrodayaḥ | 
yadyat kaṭhinaṃ māṃsāsthisnāyvādi sā pṛthivī gandhatanmātrodayaḥ iti 
tanmātrodayo rūpamākāro yasya tena mano'haṃbuddhivartinā anubhūyamānasya 
ātmalābho'nubhavaśca antaḥkaraṇaniviṣṭaḥ iti manasi rajoguṇodaye ahaṃkāre 
tamoguṇodaye buddhau ca sattvaguṇodayarūpāyāṃ vṛttirvartanaṃ yasya 
tādṛśena puryāṃ sūkṣmaśarīre tanmātrapañcakaṃ guṇatrayamiti 
sthūlaśarīrakāraṇabhūtamaṣṭakaṃ yat saṃniviṣṭaṃ tanmukhyaṃ puryaṣṭakaṃ 
tatkāryatvāt sthūlamapi śarīraṃ tena saṃruddhaḥ tāvanmātrameva 
ātmatvenābhinayamāno vismṛtasarvātmakatvādisvasāmarthyavaśāt baddhaḥ ata 
eva paravaśaḥ sarvaśaktisvabhāvavyatirikta##-
māyābhāsitānādinijakarmpacita-vāsanānuguṇa##-
puryaṣṭakodbhūtaṃ dehabandhe bhoganirvṛtteḥ hetutaḥ pratyayodbhavaṃ 
niyatasvaviṣayajñānotpādarūpaṃ yataḥ ayaṃ paśurbhuṅkte anubhavati 
svaviṣayamātrabhoktṛtābhimānapratyayotpādasya bhogasadbhāvāt ataḥ tasya 
sthūlasūkṣmātmapuryaṣṭakasya vidyamānatvāt aprabodhe sati anucchedāt saṃsaret 
anavarataṃ nānāśarīrabhogavāsanā-karmacakrabhramamanubhavet ā 
prabodhapratyudayāt |] mano'haṃbuddhivartinā |

p. 75) 

puryaṣṭakena saṃruddhastadutthaṃ pratyayodbhavam ||

bhuṅkte paravaśo bhogaṃ tadbhāvātsaṃsaret........ |

ityanenānūditam |

............................................ ataḥ |
saṃsṛtipralayasyāsya [aho hetoḥ asya paśoḥ saṃsṛtikṣayasya kāraṇamiti 
vaiyadhikaraṇyena ṣaṣṭhyau vyākhyeye |] kāraṇaṃ saṃpracakṣmahe ||

ityetatpratibidhānāya [etaditi bhoktṛtvābhimānātmasaṃsṛtikāraṇasya 
nirākaraṇāya |] spandaśāstre || 2 ||

p. 76) 

nanu ca 

jñānaṃ prakāśakaṃ loke ātmā caiva prakāśakaḥ |
anayorapṛthagbhāvājjñāne jñānī prakāśate [jñāna iti 
nīlādyupalambhādhyavasāyādipade jñānī prakāśātmā ātmaiva prasphurati 
anayoḥ jñānijñānayorekasvabhāvāt | yaduktam 

prakāśamānaṃ na pṛthak prakāśāt
sa ca prakāśo na pṛthagvimarśāt |

nānyo vimarśo'hamiti-svarūpād
ahaṃsvarūpo'smi cidekarūpaḥ || iti |

punaśca | prakāśamāne paramārthabhānau
naśyatyavidyātimire samaste |
tadā budhā nirmaladṛṣṭayo'pi
kiṃcinna paśyanti bhavaprapañcam || iti |

jñānaṃ na bhavato bhinnaṃ jñeyaṃ jñānātpṭhaṅ nahi |
ato na tvitaratkiṃcittasmādbhedo na vāstavaḥ || iti ca |] ||

iti-śrīvijñānabhairavoktadṛṣṭyā jñānamapi prakāśamayameva iti##-
pratyabhijñāyeta yadā tu tanmāyāśaktito naivaṃ vimarśastadā -

kalādīnāṃ tattvānāmaviveko
māyā || 3 ||

kiñcitkartṛtādirūpakalādikṣityantānāṃ tattvānāṃ kañcuka-puryaṣṭaka##-

p. 77) 

tānāṃ yo'yamavivekaḥ [paramārthasvarūpasya apathanasvabhāvaḥ |] 
pṛthaktvābhimatānāmeva apṛthagātmatvena pratipattiḥ sā māyā 
tattvākhyātimayaḥ prapañcaḥ | taduktaṃ śrītantrasadbhāve 

kalodvalitacaitanyo [kalayā kiṃcitkartṛtvalakṣaṇena kalātattvena 
udvalitamapūrṇatāṃ prāptaṃ caitanyaṃ sarvakartṛtvalakṣaṇaṃ yasya saḥ | 
vidyayā alpajñatātmakena vidyātattvena darśitāḥ kamanīyatayā 
prameyabhūmikāṃ nītā gocarā indriyārthāḥ | rāgeṇa rāgatattvena rañjito 
viṣayeṣu sābhilāṣīkṛta ātmā yasya | tasya paśoḥ darātmako 
mitāhantātmamāyīyamalasvarūpo bandhaḥ | tadāśrayeti māyīyabandhāśrayaḥ 
śubhāśubhakarmavāsanāsvabhāvaḥ | tatraiva ubhayarūpe male asau badhyate 
ityarthaḥ |] vidyādarśitagocaraḥ |
rāgeṇa rañjitātmāsau buddhyādikaraṇairyutaḥ ||

evaṃ māyātmako bandhaḥ proktastasyo(sya da-)darātmakaḥ |
tadāśrayaguṇo dharmo'dharmaścaiva samāsataḥ ||

tatrāsau saṃsthitaḥ pāśyaḥ pāśitastaistu tiṣṭhati |

iti | spande tu

aprabuddhadhiyastvete [aprabuddhā parameśvaraparānugrahavirahāt 
avigalitagāḍhājñānanidrā dhīḥ yeṣāṃ tān guṇādispandaniḥṣyandāḥ svasmin 
paramātmani sāmānyaspandamātrakarmake sthitiḥ nirvikalpapratipattiprabhavā 
suthirā pratiṣṭhā tasyāḥ sthagane sadya eva ācchādane gṛhītodyogāḥ 
pratipakṣabhūtasya prabodhasya abhāvāt labdaprasaratvat evamupacaritāḥ dāruṇe 
durlaṅghye janmādiprabandhamārge pātayanti ityuttareṇānvayaḥ | ayamāśayaḥ 
yathā kāṃścit rājādīn pramāditvādyavasthāsattvāt sadapi 
sainyādisvasāmarthyaṃ sattvena apratipadyamānān antaraprekṣiṇo vipakṣāḥ 
svapadavyaparopaṇabaddhābhiyogā mahati vyasane pātayanti ā 
svasāmarthyasadbhāvapratipatteḥ | evamaprabuddhasya sarvakartṛtvādilakṣaṃ 
nijaṃ mahimānaṃ sāmānyaspandarūpaṃ vidyamānamapi apratibuddhyamānasya 
sarvakāryaparatantraṃ dehādisargameva ātmatvena avagacchataḥ ete labdhaprasarāḥ 
sukhito'hamityādayo guṇapradhānāḥ pratyayapravāhāḥ satye svātmani sthitiḥ 
vyavadhāya saṃsārameva āsādayanti ā prabodhaprāpteḥ iti prabuddhā eva 
asyopadeśasya viṣayā na aprabuddhāḥ ||] svasthitisthaganodyatāḥ |

ityanena etat bhaṅgyā uktam || 3 ||

p. 78) 

ataśca etatpraśamāya [etaditi māyābandhanivṛttyai |] -

śarīre saṃhāraḥ kalānām || 4 ||

mahābhūtātmakaṃ puryaṣṭakarūpaṃ samanāntaṃ yat sthūlaṃ sūkṣmaṃ paraṃ 
śarīraṃ tatra yāḥ pṛthivyādiśivāntatattvarūpāḥ kalā bhāgāḥ tāsāṃ 
saṃhāraḥ svakāraṇe layabhāvanayā [yathā upaniṣadi tasmādvā 
etasmādātmana ākāśaḥ saṃbhūta ākāśādvāyurvāyoragniragnerāpa adbhyaḥ 
pṛthivī pṛthivyāḥ puruṣaḥ puruṣa evedaṃ sarvam iti yathākramaṃ 
yathāsvakāraṇamutpadyante | evaṃ vyutkramaṃ tattvānāṃ 
pṛthivyādiśivāntānāṃ svakāraṇe layo bhāvyate ārohaṇakrameṇa |] 
dāhādicintanayuktyā [nijāpasavyāpādāṅguṣṭhāt bhāvanayā utthāpitena 
kālāgnirudreṇa racitavapuḥploṣaṇādiyuktiḥ |] vā dhyātavyaḥ iti śeṣaḥ | 
yaduktaṃ śrīvijñānabhairave 

p. 79) 

bhuvanādhvādirūpeṇa [bheda-bhedābheda-abhedasthityā vā 
bhuvana-tattva-kalādhvasthityā anta iti bhāvanāvasāne 
nirvikalpapadaviśrāntiḥ | dhyānākhyo'yamāṇavopāyaḥ |] 
cintayetkamaśo'khilam |
sthūlasūkṣmaparasthityā yāvadante manolayaḥ ||

iti | tathā 

kālāgninā kālapadādutthitena [dakṣapādāṅguṣṭhāt puramiti śarīram 
ābhāsaḥ parimitaprameyādijñānam |] svakaṃ puram |
pluṣṭaṃ vicintayedante śāntābhāsaḥ prajāyate ||

iti | evamādi ca sarvāgameṣvasti | ata eva 

uccārakaraṇadhyānavarṇasthānaprakalpanaiḥ [uccāraḥ 
sthūlasūkṣmobhayarūpeṇa prāṇavyāpāraḥ karaṇaṃ dehasaṃniveśaviśeṣātmā 
mudrādivyāpāraḥ dhyānaṃ buddhivyāpāraḥ yadetat sarvatattvāntarbhūtaṃ 
svaprakāśaṃ paratattvaṃ tasyaiva nijahṛdayabodhe vibhāvanam varṇaḥ 
sūkṣmaprāṇoccāre sphuran avyaktānukṛtiprāyo dhvaniḥ 
sṛṣṭisaṃhārabījātmā sthānaṃ trikoṇakandahṛdādi etadabhyāsāt 
parasaṃvittilābho bhavati |] |
yo bhavetsa samāveśaḥ samyagāṇava ucyate ||

iti-śrīpūrvaśāstre dhyānādi eva āṇavatvena uktam | etacca sthūlatvāt 
śāktopāyaprakāśātmani spandaśāstre na saṃgṛhītam | yattu atra 
paryavasānabhaṅgyā [vikalpasaṃskāreṇa sphuṭatamavikalponmukhaprekṣiṇi 
cittasaṃbodhalakṣaṇe śāktopāye cittaviśrāntilakṣaṇasya āṇavopāyasya 
paryavasānam ityarthaḥ |] śāktādi asti tat asmābhiḥ

p. 80) 

atrāpi spandagranthāt saṃvāditaṃ saṃvādayiṣyate ca kiṃcit || 4 ||

evaṃ dhyānākhyamāṇavamupāyaṃ pradarśya tadekayogakṣemān [aprāptasya 
prāptirnāma yogaḥ prāptasya parirakṣaṇaṃ nāma kṣemaḥ |] prāṇāyāma##-

nāḍīsaṃhāra-bhūtajaya-bhūtakaivalya-
bhūtapṛthaktvāni || 5 ||

yoginā bhāvanīyāni iti śeṣaḥ | nāḍīnāṃ prāṇāpānādivāhinīnāṃ suṣīṇāṃ 
saṃhāraḥ prāṇāpānayuktyā [pūrakādipariśīlanena 
bāhyāntaraprasaradrūpatāparivarjaṃ saṃmelanam |] ekatra udānavahnyātmani 
madhyanāḍyāṃ vilīnatāpādānam [cirakālaṃ kumbhakābhyasanena 
sarvanāḍīṣu visaraṇaḥ prāṇavāyurudāne vilīyate tadvāhitvāt tāsāṃ 
nāḍisaṃhāra ityupacaryate ityarthaḥ |] | yaduktaṃ śrīmatsvacchande

apasavyena [savyena dakṣanāśāpathena recakaṃ kuryāt apasavyena vāmena 
pūryet vāyupūraṇaṃ kuryāt evamanavarataṃ kriyamāṇametat nāḍīnāṃ 
mokṣamārgapathasya vā madhyadhāmnaḥ śodhanaṃ mārutapraśamanaṃ bhavati |
] recyeta savyenaiva tu pūrayet |
nāḍīnāṃ śodhanaṃ hyetanmokṣamārgapathasya ca ||

p. 81) 

recanātpūraṇādrodhātprāṇāyāmāstridhā [prāṇāyāma iti prāṇasya 
yathāsthitavāhavijayena svāyattatānayanam | ete trayaḥ prāṇāyāmāḥ 
sarvasādhāraṇyena nāsikāpathe krameṇa nirvartyamānāḥ sādhāraṇā 
bāhyāścetyarthaḥ |] smṛtāḥ |
sāmānyā bahirete tu punaścābhyantare trayaḥ ||

ābhyantareṇa [madhyapathena atra rocanaṃ dvādaśānte pūraṇaṃ hṛdi 
niṣkampaṃ kumbhakamiti nirāyāsaṃ praśāntakumbhakamityarthaḥ kāryā iti 
nirvartanīyā bhavanti |] recyeta pūryetābhyantareṇa tu |
niḥspandaṃ kumbhakaṃ kṛtvā kāryāścābhyantarāstrayaḥ ||

iti | bhūtānāṃ pṛthivyādīnāṃ jayo dhāraṇābhirvaśīkāraḥ | yathoktaṃ tatraiva

vāyavī [pādadeśe tiryaggateḥ nābhau jāṭharāgneḥ kaṇṭhe sthitipade 
dharaṇyāḥ ghaṇṭikāyāṃ rasasya brahmarandhre ca vyomnaḥ sadbhāvāt tathaiva ca 
dhāraṇā uktāḥ | atra ca varṇamaṇḍalalāñchanākṣarātmakatvaṃ 
dhāraṇādhyeyam prathamaṃ kaṇṭhe pārthivīṃ dhāraṇāṃ baddhvā hṛdayāt 
udghātapañcakena pañcaguṇaṃ pārthivaṃ tattvaṃ bhindyāt | tato'nenaiva krameṇa 
hṛdayādeva caturbhirudghātaiḥ caturguṇamasattvaṃ tato hṛdayādeva 
nābhikṣetre tribhiḥ triguṇamagnim anantaraṃ hṛdayādeva dvābhyāṃ 
pādāṅguṣṭhagataṃ vāyuṃ tato'pi aṅguṣṭhāt saṃkocayuktyā 
prāṇaśaktimūrdhvamudbodhya hṛdayādeva ekodghātayuktyā śaravat 
brahmarandhrasthamekaguṇaṃ vyomagranthiṃ bhittvā dvādaśānte sarvāḥ siddhayo 
bhavanti |] dhāraṇāṅguṣṭhe āgneyī nābhimadhyataḥ |
māheyī kaṇṭhadeśe tu vāruṇī ghaṇṭikāśritā ||

ākāśadhāraṇā mūrdhni sarvasiddhikarī smṛtā |

iti | bhūtebhyaḥ kaivalyaṃ cittasya tataḥ pratyāharaṇam | yaduktaṃ tatraiva

p. 82) 

nābhyāṃ [niṣkampakumbhakānantaraṃ śanaiḥ śanaiḥ hṛdayādadhaḥ 
saṃcārayuktyā prāṇaṃ nābhyāmeva niyamyetyarthāt tathā indriyagocarāt 
tatpratyāhārayuktyā nābhyāmeva mano niyamya manoniyamapūrvakaṃ prāṇaṃ 
nābhau niyacchato yoginaḥ supraśāntaḥ prāṇāyāmo bhavati tadanu 
niruddhavāyuprakopaharaṇāya nābhito vāmanāsāpuṭena mandaṃ mandaṃ 
virecayet iti bhāvaḥ |] hṛdayasaṃcārānmanaścendriyagocarāt |
prāṇāyāmaścaturthastu supraśānta iti smṛtaḥ ||

iti | hṛdayānnābhau prāṇasya viṣayebhyo manasaśca tatraiva 
saṃcāraṇādityarthaḥ | bhūtebhyaḥ pṛthaktvaṃ 
tadanuparaktasvacchasvacchandacidātmatā | yaduktaṃ tatraiva

bhittvā [hṛtkaṇṭhādīni sarvāṇi udgataṃ mano yasmāt unmanā tatparyantāni 
sthānāni pūrvoktalakṣaṇaiḥ pañcapraṇavādhikāroktaiḥ bhittvā atha etatsarvaṃ 
tyaktvā svacchandatāmeti gāḍhagāḍhonmanāpadaviśrāntiprakarṣāt 
turyātītadaśālābhāt cidānandaghanaparabhairavasamāveśamanubhavati yogīndra 
ityarthaḥ |] krameṇa sarvāṇi unmanāntāni yāni ca |
pūrvoktalakṣaṇairdevi tyaktvā svacchandatāṃ vrajet ||

iti | bhūtasaṃdhānabhūtapṛthaktvaviśvasaṃghaṭṭāḥ (1-20) iti yat 
pūrvamuktam tat śāmbhavopāyasamāviṣṭasya ayatnato bhavati | idaṃ tu 
āṇavopāyaprayatnasādhyamiti viśeṣaḥ || 5 ||

evaṃ dehaśuddhi [svakāraṇe layabhāvanayā kālāgninā 
dagdhadehādibhāvanayā vā dehaśodhanamabhihitamasti |] bhūtaśuddhi##-

p. 83) 

ra-dhāraṇā-dhyāna-samādhibhiryā tattattattvarūpā siddhirbhavati sā 
mohāvaraṇāt na tu tattvajñānādityāha -

mohāvaraṇātsiddhiḥ || 6 ||

mohayati iti moha māyā tatkṛtādāvaraṇāt proktadhāraṇādikramasamāsāditā 
[ādipadena dhyānasamādhī grāhyau |] tattattattvabhogarūpā siddhirbhavati | 
na tu paratattvaprakāśaḥ | yaduktaṃ śrīmallakṣmīkaulārṇave 

svayambhūrbhagavāndevo 
[ananyonmukhaprekṣitvātmasvātantryaśaktisamaveto bhagavān 
viśvodayavilayādikrīḍanaśīlo dyotanādisatattvaśca devaḥ cidghanaḥ parameśvara 
eva svayaṃ svecchayaiva na tu prayojanāntarāpekṣayā 
tattadrudrakṣetrajñādyanantapramātṛrūpavaicitryeṇa bhavanaśīlaḥ sphuran 
māyāpramātṛtāṃ samullāsya vismṛtasvatantracidghanasvabhāvo 
vicitrapaśu-pakṣi-nṛ-sarisṛpādijanmanāṃ saṃskāreṇa vāsanayā 
varjitaḥ svāyattīkṛtya asvatantratāṃ prāpitaḥ ata eva mohito 
bhinnavedyaprathātmamāyīyapāśena malinitaḥ sarvajantūnāṃ 
śivaprakāśamantareṇa sattāsphurattānupapatteḥ pratyakṣaṃ 
citprakāśasvabhāvaṃ svātmānaṃ na paśyati na ca parāmṛśati iti vākyārthaḥ |
] janmasaṃskāravarjitaḥ |
nirvikalpaṃ paraṃ dhāma anādinidhanaṃ śivam ||

pratyakṣaṃ sarvajantūnāṃ na ca paśyati mohitaḥ |

iti | vigalitamohasya tu 

p. 84) 

madhyamaṃ [udānarūpaṃ jñānaśaktirūpam udānasya 
prāṇīyabhāvanimajjanena cidvyāptyunmajjanāt jñānaśaktirūpatvam | na ca 
bhramitavyaṃ buddhyabhāve kathaṃ jñānaṃ ? iti tasya sadoditatvāt | yadāhuḥ 
akhyātyullasiteṣu bhinneṣu bhāveṣu buddhirucyate abhede cinmaye bodha iti | 
śrīsomānandapādā api

buddhiṃ vinā kathaṃ bodhaḥ sā buddhiḥ prakṛteḥ prajā |
na ca tasya tayā yoga iti cedaparasthitau ||

sā buddhiryatpunaḥ sūkṣmaṃ sarvadikkaṃ vyavasthitam |
jñānaṃ bodhamayaṃ tasya śivasya sahajaṃ sadā ||

iti | tāṃ jñānaśaktim unmiṣatsphurattārūpāṃ saṃvidamālambya tatsthameva 
āsanaṃ yogī labhate nijajñānaśaktyāsīnaḥ cinmaheśarūpo bhavati |] 
prāṇamāśritya prāṇāpānapathāntaram |
ālambya jñānaśaktiṃ ca tatsthaṃ caivāsanaṃ labhet ||

prāṇādisthūlabhāvaṃ [prāṇāpānasamāneṣu yaḥ sthūlo 
recakapūrakādisvabhāvaḥ taṃ tyaktvā atheti 
etatsthūlaprāṇāyāmānantarabhāvinaṃ sūkṣmam āntaraṃ madhyapathena 
recanācamanādirūpaṃ ca tamujjhitvā yasmāt sūkṣmamapi atītaṃ paramam 
aprāṇādyacitsphurattātma spandanaṃ labhyate tasmāt tadeva paraṃ spandanaṃ yat 
sa eva sthūlasūkṣmabhedabhājāṃ prāṇānām āyāmaḥ 
praśamitaprādhānyāvabhāsātmā niyamaḥ nirdiṣṭa utkṛṣṭatayā nirūpitaḥ | 
yasmāditi yaṃ prāṇāyāmamāsādya na punaḥ cyavate citpramātṛmayatāṃ na 
kadācit jahātīti |] tu tyaktvā sūkṣmamathāntaram |
sūkṣmātītaṃ tu paramaṃ spandanaṃ labhyate yataḥ ||

prāṇāyāmaḥ sa nirdiṣṭo yasmānna cyavate punaḥ |
śabdādiguṇavṛttiryā [śabdasparśādīnāṃ guṇānāṃ sattvādirūpāṇāṃ 
yā kācit vṛttirdaśā cetasā saṃvidā anubhūyate tāmanādareṇa apahastya 
svacetasā avikalpasaṃvitparāmarśanenaiva paraciddhāmapraveśaḥ hi iti yasmāt 
bhūmeḥ prasṛtasya cittasya tatpratīpaprāpaṇātmā pratyāhāraḥ ataśca 
bhavapāśānāṃ nikṛntakaḥ ityarthaḥ |] cetasā hyanubhūyate ||

p. 85) 

tyaktvā tāṃ paramaṃ dhāma praviśettatsvacetasā |
pratyāhāra iti prokto bhavapāśanikṛntanaḥ ||

dhīguṇānsamatikramya [buddheḥ satvādiguṇān samāveśena praśamayya 
nirdhyeyaṃ dhyeyebhyo niyatyākṛtyādirūpebhyo niṣkrāntaṃ niṣkrāntāni ca tāni 
yasmāt taṃ vibhuṃ vyāpakamavyayaṃ nityaṃ svasaṃvedyaṃ svaprakāśaṃ 
dhyeyaṃ dhyānārham | atha ca adhyeyam adhyetavyaṃ vimraṣṭavyam smartavyaṃ ca 
arthāt cidānandaghanaṃ parameśvaraṃ dhyātvā vimṛśya tattvajñāḥ 
tadvimarśāmaiva dhyānam avicchinnena pāramparyeṇa jānanti ca evārthe |] 
nirdhyeyaṃ paramaṃ vibhum |
dhyātvā dhyeyaṃ svasaṃvedyaṃ dhyānaṃ tacca vidurbudhāḥ ||

dhāraṇā [yena yoginā sarvadā paramātmatvaṃ caitanyaṃ samāveśena 
avalambyate tasya yā dhāraṇā caitanyavimarśanātmā vṛttiḥ sā 
bhavabandhavināśe hetuḥ dhāraṇā anyadhāraṇāvailakṣyeṇa vinirdiṣṭā | atha ca 
yathā cidghanānandaparamātmaprakāśopacayo bhūyiṣṭho bhavati sā dhāraṇā na 
tu bhūtānāmadhikaraṇeṣu tattattryasracaturasrādisvarūpānubhavanam |] 
paramātmatvaṃ dhāryate yena sarvadā |
dhāraṇā sā vinirdiṣṭā bhavapāśanivāriṇī ||

svaparastheṣu bhūteṣu jagatyasminsamānadhīḥ |
śivo'hamadvitīyo'haṃ samādhiḥ sa paraḥ smṛtaḥ [grāhya##-
ityahantedantāsāmānādhikaraṇyātmaka-śuddhavidyotthādhyavasāyarūpaḥ 
samādhiḥ |] ||

iti śrīmanmṛtyujidbhaṭṭārakanirūpitanītyā dhāraṇādibhirapi 
paratattvasamāveśa eva bhavati na tu mitasiddhiḥ || 6 ||

p. 86) 

tadāha -

mohajayādanantābhogātsahaja-
vidyājayaḥ || 7 ||

mohasya akhyātyātmakasamanāntapāśātmano māyāyā jayād abhibhavāt | 
kīdṛśāt ? anantaḥ saṃskārapraśamaparyantaḥ ābhogo vistāro yasya 
tādṛśāt 

vedanānādidharmasya........................... |
ityādinā nirūpitarūpāyāḥ sahajavidyāyā jayo lābho bhavati | āṇavopāyasyāpi 
śāktopāyaparyavasānādityuktatvāt [dhyānaupayikasya āṇavasamādhānasya 
śuddhavikalpopāye śākte pariviśramaṇāt ityarthaḥ |] | tathā ca 
śrīsvacchande

samanāntaṃ [ekādaśavidho māntro dhvaniḥ yathā akāraḥ ukāro makāro 
binduḥ ardhacandro nirodhī nādo nādāntaḥ śaktiḥ vyāpinī samanā iti etadavadheḥ 
sakāraṇaṣaṭkasya bhedaprathātmatayā pāśajālakalpasya heyatā ata ūrdhvam 
abhedavimarśātmatayā upādeyatā | varāroha iti vara utkṛṣṭa ārohaḥ 
śaktidvādaśānte viśramaṇaṃ yasyāḥ tatsaṃbuddhiḥ |] varārohe 
pāśajālamanantakam |

ityupakramya

p. 87) 

pāśāvalokanaṃ [pāśānāṃ samanāntānām avalokanam ātmatvena 
abhimananam svarūpaṃ pāśottīrṇacinmātratvaṃ yat etāvatparyantā ātmavyāpitḥ |
] tyaktvā svarūpālokanaṃ hi yat |
ātmavyāptirbhavatyeṣā śivavyāptistato'nyathā ||

sārvajñādiguṇā [ye sarvajñatva-sarvakartṛtvādirūpā guṇā dharmāḥ 
paramopādeyatvena arthyamānatvāt arthāḥ tān vyāpakān aśeṣamantarabhedena 
kroḍīkurvato yadā svān bhāvayet tadā tadbhāvanāpariniṣpattiḥ ātmanaḥ 
śivavyāptiḥ sā ca bhāvakasya caitanye heturūpiṇī prayojikā tatprasādādeva 
śuddhātmanaḥ tadbhāvanāprarūḍheḥ |] ye'rthā vyāpakānbhāvayedyadā |
śivavyāptirbhavatyeṣā caitanye heturūpiṇī ||

iti-granthena ātmavyāptyantasya mohasya jayāt unmanāśivavyāptyātmanaḥ 
sahajavidyāyāḥ prāptiruktā | yaduktaṃ tatraiva 

ātmatattvaṃ tatastyaktvā vidyātattve niyojayet |
unmanā sā tu vijñeyā manaḥ saṃkalpa ucyate ||

saṃkalpātkramato jñānamunmanaṃ yugapatsthitam [yojayet 
ātmānamityadhyāhāraḥ sā vidyā saṃkalpa icchā sā ca 
īśitavyaviśvakramāsūtraṇātmatvāt kramato jñānam ityuktam | unmanam 
utkrāntam utkarṣaṃ ca manaḥ prāptaṃ yatra tat unmanam yugapat iti viśvasya 
āsūtraṇāvabhāsananirmāṇādyanantaśākhāśatabhinnasyāpi atra 
nityoditānandaghanasvātantryaśaktyābhāsātmatvena avasthānāt ata īdṛk 
unmanaṃ jñānameva unmanāśaktiḥ |] |
tasmātsā ca parā vidyā yasmādanyā na vidyate ||

p. 88) 

vedanānādidharmasya paramātmatvabodhanā |
varjanāparamātmatve tasmādvidyeti cocyate ||

tatrastho [tatrastho vidyāstho'saṃkucitaparamaśivarūpaṃ pratyabhijānīyāt |
] vyañjayettejaḥ paraṃ paramakāraṇam |

iti || 7 ||

evamayamāsāditasahajavidyaḥ -

jāgraddvitīyakaraḥ || 8 ||

labdhvāpi śuddhavidyāṃ tadaikadhyavyāptau [tasyāṃ vidyāyām 
ekadhābhāva aikadhyaṃ tadaikāgryam |] jāgarūkaḥ 
pūrṇavimarśātmakasvāhantāpekṣayā yat dvitīyamidantāvamṛśyaṃ 
[svānubhūtiprakāśāpekṣayā dvitīyaṃ śaktirūpam |] 
vedyāvabhāsātmakaṃ jagat tat karo raśmiryasya tathāvidho bhavati | viśvamasya 
svadīdhitikalpaṃ sphurati ityarthaḥ | yathoktaṃ śrīvijñānabhairave

yatra [yatra yatra nīlasukhādau akṣamārgeṇa cakṣurādisuṣiramārgeṇa vibhoḥ 
parabhairavasya ātmanaḥ caitanyaṃ citprakāśo vyajyate sphurati tasya nīlādeḥ 
tanmātradharmitvāt caitanyavyatireke cetyatvābhāvāpatteḥ 
darpaṇamātrātmakavicitrapratibimbavat caitanyamātrasvabhāvatvaṃ vimṛśya 
viśvabhittibhūtāyāṃ citāveva yo līyate tasya parabhairavataiva yathā ghanībhūtaḥ 
prakāśa eva sūryamaṇḍalaṃ jātaṃ tathā cideva hi āśyānībhūtā jagadātmanā 
bhāti ityāmnāyaḥ |] yatrākṣamārgeṇa caitanyaṃ vyajyate vibhoḥ |
tasya tanmātradharmitvāccillayādbharitātmatā ||

p. 89) 

iti | śrīsarvamaṅgalāyāmapi

śaktiśca śaktimāṃścaiva padārthadvayamucyate |
śaktayo'sya jagatkṛtsnaṃ śaktimāṃstu maheśvaraḥ ||

iti || 8 ||

īdṛśaścāyaṃ sarvadā svasvarūpavimarśāviṣṭaḥ -

nartaka ātmā || 9 ||

nṛtyati antarvigūhitasvasvarūpāvaṣṭambhamūlaṃ 
tattajjāgarādinānābhūmikāprapañcaṃ [ādinā svapnasuṣupte grāhye | 
icchādiśaktivijṛmbhaṇapūrvaṃ nirupādānahetunicayaṃ nānābhūmīḥ 
cidbhittāveva unmīlayatītyarthaḥ |] svaparispandalīlayaiva svabhittau prakaṭayati 
iti nartaka ātmā | taduktaṃ śrīnaiśvāsadevīmaheśvaranartakākhye saptamapaṭale 
devīkṛtastave

tvamekāṃśenāntarātmā [ātmaiva puryaṣṭakasaṃbandhāt vāsanārūpaiḥ 
śubhāśubhaiḥ nibaddhaḥ san yoneryonyantaraṃ paryaṭan ātma bāhyātmanorantaḥ 
vyavaśitatvāt antarātmā jñeyaḥ kośarakṣiteti 
svasvarūpaparamātmatvarakṣitetyarthaḥ |] nartakaḥ kośarakṣitā ||

iti | bhaṭṭaśrīnārāyaṇenāpi

visṛṣṭāśeṣasadbījagarbhaṃ [visṛṣṭamaśeṣaṃ satāṃ bhāvānāṃ bījaṃ 
māyāprakṛtyādi garbhe yasya tat nāṭakapakṣe bījādisaṃjñā 
tacchāstraprasiddhā saṃhartuṃ praśamayituṃ mukhasaṃdhinā prastotuṃ 
nirvahaṇasaṃdhinā nirvāhayituṃ ca bhavantamṛte anyaḥ kaviḥ kavayitā kaḥ 
prajāpatiśca kṣamaḥ na ko'pi ityarthaḥ |] trailokyanāṭakam |
prastāvya hara saṃhartuṃ tvattaḥ ko'nyaḥ kaviḥ kṣamaḥ ||

p. 90) 

iti | sarvāgamopaniṣadi śrīpratyabhijñāyām 

saṃsāranāṭyapravartayitā supte jagati jāgarūka
eka eva parameśvaraḥ ||

iti || 9 ||

evaṃ-vidhasya asya jagannāṭyanartakasya bhūmikāgrahaṇa##-

raṅgo'ntarātmā || 10 ||

rajyate'smin jagannāṭyakrīḍāpradarśanāśayenātmanā iti raṅgaḥ 
tattadbhūmikāgrahaṇasthānam antarātmā saṃkocāvabhāsasatattvaḥ 
śūnyapradhānaḥ prāṇapradhāno vā puryaṣṭakarūpo dehāpekṣayā antaro 
[prāṇapuryaṣṭakaniyantrito jīvaḥ jīvabhāvasya puryaṣṭakaprāṇa eva 
mukhyatvāt |] jīvaḥ | tatra hi ayaṃ kṛtapadaḥ svakaraṇaparispandakrameṇa 
[sahajasvātantryaśaktivisphuraṇātmā āntarendriyaspandaḥ |] 
jagannāṭyamābhāsayati | uktaṃ ca śrīsvacchande 

p. 91) 

puryaṣṭakasamāveśādvicaransarvayoniṣu [ya eṣa kañcukamātraśarīraḥ 
prakṛtilīna ātmā ayameva āntarasūkṣmaśarīrārambhaka##-
saṃbandhāt vāsanāvalito yonyantaragāmī ityarthaḥ |] |
antarātmā sa vijñeyaḥ .......................... ||

iti || 10 ||

itthaṃ antarātmaraṅge nṛtyato'sya-

prekṣakāṇīndriyāṇi || 11 ||

yoginaścakṣurādīni indriyāṇi hi saṃsāranāṭyaprakaṭanapramodanirbharaṃ 
svasvarūpam antarmukhatayā sākṣātkurvanti tatprayogaprarūḍhyā vigalitavibhāgaṃ 
camatkārarasasaṃpūrṇatāmāpādayanti 
[ahantārasacamatkārapariśīlanadārḍhyāt ahamidaṃ camatkaromi iti 
vibhāgaparivarjaṃ svātmānaṃ śivo'hamasmi iti parāmṛśan camatkurute 
ityarthaḥ |] | yacchrutiḥ

kaściddhīraḥ pratyagātmānamaikṣad āvṛttacakṣuramṛtatvamaśnan ||
(kaṭhopaniṣadi a0 2| va0 4 | maṃ0 1) |

iti || 11 ||

asya ca -

dhīvaśātsattvasiddhiḥ || 12 ||

dhīḥ tāttvikasvarūpavimarśanaviśāradā (viśadā)

p. 92) 

dhiṣaṇā tadvaśāt sattvasya sphurattātmanaḥ sūkṣmasya āntaraparispandasya 
siddhirabhivyaktirbhavati | nāṭye ca sāttvikābhinayasiddhirbuddhikauśalādeva 
[sāttvikarūpasya abhinayasya siddhirityanvayaḥ | sāttvikaḥ stambhasveda##-
rāmayudhiṣṭhirādīnāmavasthānukaraṇam | sāttviketyupalakṣaṇaṃ vācika##-

evaṃ sphurattātmakasattvāsādanādeva [svātantryaśaktivisphuraṇātmanaḥ 
sattvasya prāpterityarthaḥ |] asya yoginaḥ -

siddhaḥ svatantrabhāvaḥ || 13 ||

siddhaḥ saṃpannaḥ svatantrabhāvaḥ sahajajñatva-kartṛtvātmakam 
aśeṣaviśvavaśīkāri svātantryam | yaduktaṃ śrīśrīnāthapādaiḥ 

śrayetsvātantryaśaktiṃ [puruṣe ṣoḍaśakale tāmāhuramṛtāṃ kalām |

ityuktasvarūpā svātantryaśaktiḥ kalayati parāmṛśati kṣipati visṛjati saṃharati 
ca gaṇayati jānīte ca iti-kālī viśvasya antarbahīrūpatayā pālana##-

iti | śrīsvacchande'pi

p. 93) 

sarvatattvāni [sarvavedyollāsasya śivābhinnasvātmaikyena parāmarśanāt 
jalāgnyādīni tattvāni bhūtāni hiṃsrādijantavaḥ varṇāḥ śabdarāśiśarīrasthāḥ 
nityaṃ vaśe tiṣṭhanti |] bhūtāni mantravarṇāśca ye smṛtāḥ |
nityaṃ tasya vaśāste vai śivabhāvanayā sadā ||

iti || 13 ||

eṣa svatantrabhāvo'sya -

yathā tatra tathānyatra || 14 ||

yatra dehe yoginaḥ svābhivyaktirjātā tatra yathā tathā anyatra sarvatra sadāvahitasya 
sā bhavati [avahitasya yoginaḥ śarīrāntarasaṃkrānti samutkrāntyādiṣu api 
svātantryāvirbhāvāt ityarthaḥ |] | yathoktaṃ śrīsvacchande 

svacchandaścaiva svacchandaḥ svacchando vicaretsadā [yogaprakarṣāt tu 
nityam ādimadhyāntakoṭiṣu ayaṃ śrīsvacchandabhairava eva sphuran sthita iti yāvat 
|] |

iti | śrīspande'pi

labhate tatprayatnena [ayamāśayaḥ prākṛtaṃ jaḍamapi etat 
bāhyābhyantaramindriyacakraṃ pravṛttyādicetanavyāpārasamarthaṃ 
yatsaṃsparśabalāt bhavati tat tattvamātmatvena sphuṭīkṛtaṃ sat 
indriyacaitanyāpādanasvātantryavat sarvaviṣayasvātantryalābhāya kalpate eva ataḥ 
parīkṣyaṃ yena abhyāsadaśāyāmeva abhivyajyamāne svātantrye 
paraśarīrāveśādikrīḍā upapadyate |] parīkṣyaṃ tattvamādarāt |
yataḥ svatantratā tasya sarvatreyamakṛtrimā ||

iti || 14 ||

p. 94) 

na caivamapi udāsīnena anena bhāvyam api tu -

bījāvadhānam || 15 ||

kartavyamiti śeṣaḥ | bījaṃ viśvakāraṇaṃ sphurattātmā parā śaktiḥ | yaduktaṃ 
śrīmṛtyujidbhaṭṭārake

sā yoniḥ sarvadevānāṃ śaktīnāṃ cāpyanekadhā |
agnīṣomātmikā yonistataḥ [saṃharasṛṣṭi-pramāṇaprameya##-

ityādi | tatra paraśaktyātmani bīje avadhānaṃ bhūyo bhūyaścittaniveśanaṃ 
kāryam || 15 ||

evaṃ hi sati asau yogī -

āsanasthaḥ sukhaṃ hrade nima-
jjati || 16 ||

āsyate nityamaikātmyena sthīyate asmin iti āsanaṃ paraṃ śāktaṃ balam yastatra 
tiṣṭhati parihṛtaparāparadhyānadhāraṇādisarvakriyāprayāso [śākta##-

p. 95) 

nityamantarmukhatayā tadeva parāmṛśati yaḥ sa sukhamanāyāsatayā hrade 
viśvapravāhaprasarahetau svacchocchalattādiyogini 
[viśvapratibimbopagrahaṇe śaktatvaṃ svacchatā 
deśakālākārāstūpādānasāmagrīnirapekṣaṃ tattadvasturūpeṇa 
avabhāsanakāritvamucchalattā |] parāmṛtasamudre nimajjati 
dehādisaṃkocasaṃskārabroḍanena tanmayībhavati | yaduktaṃ 
śrīmṛtyujidbhaṭṭārake eva 

nordhve [ūrdhve dvādaśānte adhaḥ kandādau madhyato madhye hṛdayādau 
agrataḥ pṛṣṭhataḥ pārśvayoḥ tatpuruṣa-sadyojātādirūpam |] dhyānaṃ 
prayuñjīta nādhastānna ca madhyataḥ |
nāgrataḥ pṛṣṭhataḥ kiñcinna pārśve nobhayorapi ||

nāntaḥ śarīrasaṃsthaṃ [nāntaḥ śarīreti

ā mūlātkiraṇābhāsāṃ sūkṣmātsūkṣmatarātmikām |
cintayettāṃ dviṣaṭkānte śāmyantīṃ bhairavodayaḥ ||

iti-vat | na bāhya iti 

vastvantare vedyamāne sarvavedyeṣu śūnyatā |
tāmeva manasā dhyāyanvidite'pi praśāmyati ||

iti-vat | nākāśa iti

tejasā sūryadīpāderākāśe śabalīkṛte |
dṛṣṭiṃ niveśya tatraiva svātmarūpaṃ prakāśate ||

iti-vat | nādha iti 

kūpādike mahāgarte sthitvopari nirīkṣaṇāt |
avikalpamateḥ samyaksadyaścittalayaḥ sphuṭam ||

iti-vat |] tu na bāhye bhāvayetkvacit |
nākāśe bandhayellakṣyaṃ nādho dṛṣṭiṃ niveśayet ||

p. 96) 

na cakṣurmīlanaṃ [na cakṣurmīlanamiti

evameva nimīlyādau netre kṛṣṇābhamagrataḥ |
prasārya bhairavaṃ rūpaṃ bhāvayaṃstanmayo bhavet ||

iti-vat | dṛṣṭibandhanam iti 

nirvṛkṣagiribhittyādau deśe dṛṣṭiṃ vinikṣipet |
nilīne mānase bhāve vṛttikṣīṇaḥ prajāyate ||

iti-vat | avalambyate ityavalambo dhyeya ākāraḥ tamiti

bhāve tyakte niruddhā cinnaiva bhāvāntaraṃ vrajet |
tadā tanmadhyabhāvena vikasatyatibhāvanā ||

iti-vat | nirālambamiti 

ubhayorbhāvayorjñāne jñātvā madhyaṃ samāśrayet |
yugapacca dvayaṃ tyaktvā madhye tattvaṃ prakāśate ||

iti-vat | saha ālambena vartate iti sālambaṃ sākārajñānam

icchāyāmatha vā jñāne jāte cittaṃ niveśayet |
tatra buddhyānanyacetāstataḥ syādātmadarśanam ||

iti-vat |] kiñcinna kiṃciddṛṣṭibandhanam |
avalambaṃ nirālambaṃ sālambaṃ naiva bhāvayet ||

nendriyāṇi [nendriyāṇīti tattaddhāraṇāpaṭaloktanītyā sarvaṃ tyaktvā 
samādhistha akiṃciccintakatvena svasvarūpavimarśapravaṇaḥ tanmayaḥ 
ānandapadasaṃlīnaḥ samarasajñānamayaḥ |] na bhūtāni 
śabdasparśarasādayaḥ |
evaṃ tyaktvā samādhisthaḥ kevalaṃ tanmayībhavet ||

p. 97) 


sāvasthā [yā ca evaṃ-bhūtā daśā sā śaivī muktāvasthā 
vedyollāsānāmātyantikānavabhāsanapadam vinivartate iti sāṃsārikīṃ sthitimujjhati 
ityarthaḥ |] paramā proktā śivasya paramātmanaḥ |
nirābhāsaṃ padaṃ tattu tatprāpya vinivartate ||

iti || 16 ||

tadevaṃ 
nāḍīsaṃhārādyāṇavopāyakramāsāditamohajayonmajjacchuddhavidyātmaka##-
yogī-

svamātrānirmāṇamāpādayati || 17 ||

svasya caitanyasya saṃbandhinī mātrā cidrasāśyānatātmā aṃśaḥ tadrūpaṃ 
yatheṣṭavedyavedakāvabhāsātmakaṃ nirmāṇamāpādayati nirmitatvena darśayati | 
yaduktaṃ śrīsvacchande 

tadeva [mahāprakāśātmanaḥ śrīsvatantranāthasya svacchandabhairavasyaiva 
svasvātantryeṇa sthūlābhāsatayā sphuraṇāt sa eva vicitravedyasphūrtyā upādhiyate 
vyāpakaḥ prakāśo hi vyāpyātmanā sphurati na tu vyāpyaṃ nāma tasmādbhinnam 
ataḥ sa upādhiḥ cittattvāt nātiricyate iti bhāvaḥ |] bhavati sthūlaṃ 
sthūlopādhivaśātpriye |
sthūlasūkṣmavibhedena tadekaṃ saṃvyavasthitam ||

iti | pratyabhijñāyāmapi

p. 98) 

ātmānamata [etādṛśaśuddhasvātantryavaśāt naiṣa tadā pṛthageva 
labdhapratiṣṭhaṃ vastu avaiti api tu ajñeyamātmānam aniyantritaprabhāvatayā 
jñeyīkaroti bhinnajñeyasāpekṣatve jñānakartṛtā mlāyet jñātṛtvaṃ hīyeta iti 
tātparyam |] evāyaṃ jñeyīkuryātpṛthaksthiti |
jñeyaṃ na tu .......................................... ||

iti | āgame'pi

jalaṃ [yathā jalahimayoḥ rasa-tadāśyānatābhāvaḥ evaṃ śiva 
tacchaktyātmajagatoḥ cidrasa-tadāśyānatāsaṃvedanāt 
paraśāktasphārapūtahṛdayānāṃ paścimaṃ janmāntaraṃ nāsti vartamāne 
jīvanmktatayā sthitasyāpi dehasya ārabdha karmabhogakṣaye nivartiṣyamāṇatvāt |
] himaṃ ca yo veda guruvaktrāgamātpriye |
nāstyeva tasya kartavyaṃ tasyāpaścimajanmatā ||

iti anenaiva āśayena uktam | etadeva 

iti vā yasya saṃvittiḥ krīḍātvenākhilaṃ jagat |
sa paśyansatataṃ yukto jīvanmukto na saṃśayaḥ ||

iti-anena spande pratipāditam || 17 ||

na caivaṃ svaśaktinirmitabhūtabhāvaśarīravato'sya [dvividhaṃ śarīraṃ 
bhūtātmakaṃ bhāvātmakaṃ ca | tatra 
māyāśaktivaibhavavismāritatāttvikasvabhāvatayā vastusaṃvedanāvasare 
svarūpāparāmarśamukulitasāmarthyo'yaṃ jīvaḥ avacchinnāhaṃkārāspadatayā 
śiraḥpāṇyādimaccharīratvena yat parāmṛśati tat asya sṛṣṭyādimayatvāt 
bhūtātmakam | yattu vyatiriktaṃ śabdādiviṣayatvena parāmṛśati tat 
bhāvātmakam | paramārthe tu vicāryamāṇe dvayameva bhinnaṃ svasmāt asya 
śarīraṃ saṃvedyamānatvāviśeṣāt |] janmādibandhaḥ kaścidityāha -

p. 99) 

vidyā'vināśe janmavināśaḥ || 18 ||

proktāyāḥ sahajavidyāyā avināśe satatonmagnatayā sphuraṇe janmanaḥ 
ajñānasahakārikarmahetukasya [ajñānapadena apūrṇammanyatā##-
sahakāri upodbalakam ityarthaḥ |] duḥkhamayasya dehendriyādisamudāyasya 
nāśo vidhvaṃsaḥ saṃpanna eva | yaduktaṃ śrīkaṇṭhyām 

saprapañcaṃ parityajya heyopādeyalakṣaṇam |
tṛṇādikaṃ tathā parṇaṃ pāṣāṇaṃ sacarācaram ||

śivādyavaniparyantaṃ bhāvābhāvopabṛṃhitam |
sarvaṃ śivamayaṃ [prameyavikāsaunmukhyaparivarjanameva 
viśvamayānuttaraśivamayīkaraṇam prāk sṛṣṭeḥ viśvasya 
cidrasasvabhāvaikātmyena avasthānāt ityarthaḥ |] dhyātvā bhūyo janma na 
prāpnuyāt ||

iti | śrīsvacchande

svanirvāṇaṃ [svanirvāṇaṃ mokṣamārgaḥ parādvayamayatvāt ata eva paraṃ 
śuddhaṃ śuddhāśuddhasadāśivādipadāt api prakṛṣṭam gurūṇāṃ 
paramparaiva pāramparaṃ parabhairava-tacchakti-sadāśiva-īśāna##-
vimuktaḥ syāt dehānte gatvā tadaikātmyameti |] paraṃ śuddhaṃ 
gurupāramparāgatam |
tadviditvā vimucyeta gatvā bhūyo na jāyate ||

iti | śrīmṛtyujityapi

p. 100) 

tattvatrayavinirmuktaṃ [tattvatrayaṃ nara-śakti-śivākhyam 
śāśvatamavivartaṃ vivartavāda iva na asatyavibhaktānyarūpopagrāhi 
acalamapariṇāmi dhruvaṃ nityam divyena yogamārgeṇa 
vikalpahānonmiṣadavikalpavimarśāvaṣṭambhopāyena sākṣātkṛtya punarjanma 
naiti |] śāśvataṃ tvacalaṃ dhruvam |
divyena yogamārgeṇa dṛṣṭvā bhūyo na jāyate ||

iti || 18 ||

yadā tu śuddhavidyāsvarūpam asya nimajjati tadā -

kavargādiṣu māheśvaryādyāḥ paśu-
mātaraḥ || 19 ||

adhiṣṭhatryo [paratattvadhāmādhirūḍhāvapi pramādyataḥ paśūn 
parāparamayaśabdapratyayotpādanena aviśrāntaṃ parasvarūpāvṛtau 
ādhipatyabhājo mātṛkā mohayanti iti tātparyam |] bhavanti iti śeṣaḥ |

yā sā [śaktirvimarśātmikā samavāyinī parapramātraviyuktatvāt 
tadātmabhūtā tasyāḥ ādyocchalattātmakatvena bahirullilasiṣāsvabhāvavaśāt 
icchātvaprāptiḥ |] śaktirjagaddhātuḥ kathitā samavāyinī |
icchātvaṃ tasya sā devi sisṛkṣoḥ pratipadyate |
saikāpi satyanekatvaṃ yathā gacchati tacchṛṇu ||

evametaditi jñeyaṃ nānyatheti suniścitam |
jñāpayantī jagatyatra jñānaśaktirnigadyate [idametat##-
kalpitamāyīyaśūnyādipramātrapekṣayā bhedena jñāpanāt jñānaśaktirucyate |
] ||

p. 101) 

evaṃ bhūtamidaṃ vastu bhavatviti yadā punaḥ |
jātā tadaiva tattadvatkurvatyatra kriyocyate 
[nigūhitasvasvarūpāvaṣṭambhamūlaṃ tattadvaicitryabhūmikāprapañcaṃ 
vitanvataḥ parameśvarasya asau pārameśvarī svātantryaśaktiḥ tattatpramātṛ##-
] ||

evaṃ saiṣā dvirūpāpi punarbhedairanantatām |
arthopādhivaśātprāptā cintāmaṇiriveśvarī ||

tatra tāvatsamāpannamātṛbhāvā [vācya-vācakātmajagajjananāt mātā |
] vibhidyate |
dvidhā ca navadhā [kūṭabījasyāpi vargāntarātmatayā abhyupagamāt 
navadhātvam |] caiva pañcāśaddhā ca mālinī ||

bījayonyātmakādbhedād dvidhā bījaṃ svarā matāḥ |
kādibhiśca smṛtā yonirnavadhā vargabhedataḥ ||

bījamatra śivaḥ śaktiryonirityabhidhīyate |
vargāṣṭakavibhedena māheśvaryādi cāṣṭakam ||

prativarṇavibhedena śatārdhakiraṇojjvalā [śatārdheti 
pañcāśacchaktibhāsvarā rudrāṇāṃ pañcāśato vācyātmanām vācakatvena 
pariniṣṭhitā |] |
rudrāṇāṃ vācakatvena tatsaṃkhyānāṃ niveśitā ||

iti-śrīmālinīvijayanirūpitanītyā pārameśvarī parāvāk prasarantī icchā##-
śiva-śakti-māheśvaryādivācaka-ādi-kṣāntarūpāṃ 
mātṛkātmatāṃ śritvā sarvapramātṛṣu avikalpa-

p. 102) 

ka-savikalpaka-tattatsaṃvedanadaśāsu antaḥ parāmarśātmanā 
sthūlasūkṣmaśabdānuvedhanaṃ vidadhānā varga##-
asaṃkucitasvatantraciddhanasvasvarūpamāvṛṇvānā 
saṃkucitaparatantradehādimayatvamāpādayati | taduktaṃ śrītimirodghāṭepi

karandhracitimadhyasthā [brahmākhyasuṣirasthe cidgagane saṃvidantaḥsthā 
māheśvaryādyā bhedamayajñānāvabhāsanaprāvaṇyāt ghorataryabhidhāḥ 
paśumātaro durucchedabrahmagranthyāśrayāḥ paśujanam adhaḥ 
pātayantītyarthaḥ | yaduktam

viṣayeṣveva saṃlīnānadho'dhaḥ pātayantyaṇūn |
rudrāṇūnyāḥ samāliṅgya ghorataryo'parāḥ smṛtāḥ ||

iti |

ghoreti pāśajālākhyaṃ pāpayuktaṃ bhayānakam |

iti ca |] brahmapāśāvalambikāḥ |
pīṭheśvaryo mahāghorā mohayantyo muhurmuhuḥ ||

iti pūrvamapi saṃvāditam | jñānādhiṣṭhānaṃ mātṛkā (1-4-) 
iti sāmānyena uktam idaṃ tu prāptatattvo'pi pramādyan māheśyādibhiḥ 
paśujanādhiṣṭhātṛbhūtābhirapi śabdānuvedhadvāreṇa mohyate ityāśayena iti 
viśeṣaḥ || 19 ||

p. 103) 

yata evam ataḥ śuddhavidyāsvarūpamuktayuktibhirāsāditamapi yathā na naśyati 
tathā sarvadaśāsu yoginā sāvadhānena bhavitavyam ityāha -

triṣu caturthaṃ tailavadāsecyam || 20 ||

triṣu jāgarādiṣu padeṣu caturthaṃ śuddhavidyāprakāśarūpaṃ 
turyānandarasātmakaṃ dhāma tailavaditi yathā tailaṃ krameṇa adhikamadhikaṃ 
prasarad āśrayaṃ vyāpnoti tathā āsecyam | triṣvapi padeṣu 
unmeṣopaśāntyātmakādyantakoṭyoḥ parisphuratā turyarasena madhyadaśāmapi 
avaṣṭambhayuktyā vyāpnuyāt yena tamayībhāvamāpnuyāt 
[viśvasṛṣṭyāvirbhavanātmakasya unmeṣasya jāgarādidaśānām 
ādyantakoṭiṣu praśamāt pariśiṣṭasya vyāpinaḥ turyaprakāśasyaiva rasaḥ 
āsvādyate ataḥ sṛṣṭirūponmeṣo'pi tadavadhānadṛḍhābhyāsāt 
turyarasamayīkāryaḥ ityarthaḥ |] | jāgratsvapnasuṣupteṣu turyābhogasaṃbhavaḥ 
(1-7) ityanena udyama-śakticakrānusaṃdhyavaṣṭambhabhājaḥ 
svarasaprasarajjāgarādipadeṣu sattāmātraṃ turyasyoktam | tritayabhoktā vīreśaḥ 
(1-11) iti 

p. 104) 

śāmbhavopāyānuguṇahaṭhapākayuktyā [haṭhapākakramaḥ haṭhena 
kramātikramarūpeṇa sakṛdupadeśādyātmanā balātkāreṇa yaḥ pākaḥ 
cidagnisātkāraḥ tasya krameṇa sṛṣṭyādyupādhīnāṃ vigalanam iyaṃ yuktiḥ 
tīvrataraśaktipātādhikāreṇa śāṃbhavopāyaviśeṣānuguṇā ityarthaḥ |] 
jāgarādisaṃhāro darśitaḥ | anena tu sūtreṇa āṇavocitāvaṣṭambhayuktyā 
dalakalpaṃ [dalaḥ khaḍgakośaḥ sa yathā khaḍgādvibhinnaḥ tadvat 
pṛthagavabhāsamānamityarthaḥ |] jāgarāditrayaṃ turyarasāsiktaṃ kāryam 
ityuktam iti viśeṣaḥ ||

atropāyamāha- [atreti jāgarādidaśāsu tailavat āsecane |]

magnaḥ svacittena praviśet || 21 ||

prāṇādisthūlabhāvaṃ [sthūlo recakapūrakādisvabhāvaḥ tadanantarabhāvi 
sūkṣmam āntaraṃ madhyapathena recanācamanādirūpam tadatītam 
prāṇavyatiriktapūrvatanacitsphurattātma spandanam |] tu tyaktvā 
sūkṣmamathāntaram |
sūkṣmātītaṃ tu paramaṃ spandanaṃ labhyate yataḥ ||

ityupakramya

....................... praviśettatsvacetasā ||

iti-śrīmṛtyujidbhaṭṭārakanirūpitanītyā prāṇāyāma-dhyāna##-

p. 105) 

svacittena [cetyasaṃkocaunmukhyahānapūrvamasaṃkucitacitirūpeṇa ityarthaḥ | 

tatsaṃvedanarūpaṇa tādātmyapratipattitaḥ |

iti-spandadṛśā ādau śiṣyātmānaṃ svātmani samarasīkṛtya 
samanāntamatikramya śuddhātmani sthitiṃ baddhvā bodharūpeṇa 
avikalpasaṃvitsaprśenaiva unmanāśaktyanupraveśapramukhaṃ śive yojayet |] 
avikalpakarūpeṇa antarmukhāntaravimarśacamatkārātmanā saṃvedana praviśet 
samāviśet | kīdṛk san ? magnaḥ śarīraprāṇādipramātṛtāṃ tatraiva 
ciccamatkārarase majjanena praśamayan | taduktaṃ śrīsvacchande 

vyāpāraṃ mānasaṃ tyaktvā bodharūpeṇa yojayet |
tadā śivatvamabhyeti paśurmukto bhavārṇavāt ||

iti | śrīvijñānabhaṭṭārake'pi

mānasaṃ cetanā śaktirātmā ceti catuṣṭayam |
yadā priye parikṣīṇaṃ tadā tadbhairavaṃ vapuḥ [mānasaṃ saṃkalpātmakam 
cetanā buddhiḥ śaktiḥ prāṇākhyā ātmā etadupahitaḥ parimitapramātā 
etaccatuṣṭayaṃ yadā parikṣīṇaṃ ciccamatkāratāmāpannaṃ tadā tat pūrvoktaṃ 
bhairavaṃ vapurbhavati |] ||

iti | etadea jñānagarbhe stotre

vihāya sakalāḥ kriyā janani mānasīḥ sarvato
vimuktakaraṇakriyānusṛtipāratantryojjvalam |

p. 106) 

sthitaistvadanubhāvataḥ sapadi vedyate sā parā
daśā nṛbhiratandritāsamasukhāmṛtasyandinī [mānasīḥ 
vikalpasmṛtyādirūpāḥ karaṇaṃ 
divyakaraṇākhyamūrdhvarecakādimudrābandhanam itthaṃ 
śāṃbhavopāyasamāviṣṭairyogibhiḥ anuttarānandadaśā anubhūyate |] ||

ityanena mahāgurubhirnibaddham || 21 ||

itthaṃ ca paramapadapraviṣṭasya asya vastusvābhāvyāt [visargadhāmnaḥ 
cidarkabimbasya bahiḥ 
vicitraviśvapadārthollilasiṣātmamarīcinicayaprasāraṇaunmukhyaṃ svabhāvaḥ 
pratyavamraṣṭṛsvarūpatvāt |] yadā punaḥ prasaraṇaṃ bhavati tadā -

prāṇasamācāre samadarśanam || 22 ||

parasphurattātmakaśāktaparimalasaṃskṛtasya prāṇasya samyak iti 
viakasitasamagragranthyātmakāntarāvaṣṭambhabalāt [yatra viśve 
pāśātmagranthayaḥ svātmasātkriyante tādṛśasya āntarasvarūpasya 
ālambanabalāt |] ā īṣat bahirmandamandaṃ cāre prasaraṇe samaṃ 
cidānandaghanātmatayā ekarūpaṃ darśanaṃ saṃvedanam [yeyaṃ 
jīvanasvabhāvā cidrūpasya sthitiḥ saiva sāmānyaspandarūpā acetanaprāṇādeḥ 
cetanāyamānatāsaṃpādayitrī ahamiti-vikalpaparāmarśamayī 
prāṇādiviśiṣṭarūpeṇa pāñcavidhyaṃ bhajate tasmāt 
prāṇādiprasaraṇamupajīvya vartamānā jāgarādituryātītā daśā anyathā 
turyatadatītayoḥ vyutthānānupapatteḥ prāṇavṛttisadbhāvādeva vyutthīyate 
yogibhiḥ ato heyāsu prāthamikīṣu tisṛṣu avasthāsu cidātmatayā saṃvedyate 
vedyam iti tātparyam |] arthāt sarvadaśāsu asya bhavati ityarthaḥ | uktaṃ ca 
śrīmadānandabhairave

p. 107) 

utsṛjya laukikācāramadvaitaṃ muktidaṃ śrayet |
sa samaṃ sarvadevānāṃ [devānām anāśrita-sadāśiva-īśvara##-
dravyāṇāṃ kṣīramadyādīnāṃ cidātmaikyatāparāmarśī ityarthaḥ |] tathā 
varṇāśramādike ||

dravyāṇāṃ samatādarśī sa muktaḥ sarvabandhanaiḥ |

iti | ata eva śrīpratyabhijñāyām

buddhiprāṇaprasare'pi bāhyadeśādyupādānānāhitasaṃkocānāṃ 
[anāhitasaṃkocānāmiti akṛtacitsvarūpāvṛtīnām |] 
viśvātmasvarūpalābha eva ||

ityuktam || 22 ||

yadā tu antarmukhaturyāvadhānāvaṣṭambhaprakarṣalabhyaṃ turyātītapadam 
evamayaṃ na samāviśati api tu pūrvāparakoṭisaṃvedyaturyacamatkāramātre eva 
saṃtuṣyannāste tadā asya -

madhye'varaprasavaḥ || 23 ||

pūrvāparakoṭyosturyarasamāsvādayato madhye madhyadaśāyām 
[avaraprasavao bhedaprathanātmā madhyadaśāyāmeva bhavati na sarvatra |
] avaraḥ aśreṣṭhaḥ prasavo vyutthā-

p. 108) 

nātmā kutsitaḥ sargo jāyate | na tu vidyāsaṃhāre tadutthasvapnadarśanam 
(2-10) ityuktasūtrārthanītyā sadā vyāmuhyati ityarthaḥ | uktaṃ 
śrīmālinīvijaye

vāsanāmātralābhe'pi yo'pramatto 
[cidānandaghanasvasvarūpāmṛtarasāsvādane samādhānasaṃskārasya 
prāptau pramādyato māheśvaryādibhiḥ vighnadbhiḥ siddhaiśca 
anityadivyabhogeṣu vilobhanāt turyātītapadasamāveśāya teṣ ratiḥ na vidheyā 
ityarthaḥ |] na jāyate |
tamanityeṣu bhogeṣu yojayanti vināyakāḥ ||

tasmānna teṣu saṃsaktiṃ kurvītottamavāñchayā |

iti prāgapi (71 pṛ0) saṃvāditam || 23 ||

evameva prasave'pi pravṛtte yadi turyarasāvaṣṭambhena madhyapadaṃ siñcati 
punarapi tadā -

mātrāsvapratyayasaṃdhāne naṣṭasya
punarutthānam || 24 ||

mātrāsu [mīyante iti mātrāḥ rūpādayo viṣayāḥ pañcasveva viṣayeṣu 
viśvapadārthānāṃ parisamāpteḥ |] padārtheṣu svapratyayasaṃdhānam |

cakṣuṣā yacca saṃdhānaṃ [saṃdhānaṃ rūpajñānam vācā 
paśyantyādirūpiṇyā yāni sukhādīni |] vācā vā yaśca gocaraḥ |
manaścintayate yāni buddhiścaivādhyavasyati ||

p. 109) 

ahaṅkṛtāni yānyeva yacca vedyatayā sthitam [kalpitapramātrapekṣayā 
bhinnāvabhāsaprāṇitam idantāspadam avalambayatā grāhyabhāvena sthitam sa iti 
citprakāśaḥ paramaśivo bhāvābhāvamaye viśvasmin jagati citprakāśaikātmyena 
prakāśamāne anveṣṭavya pratyabhijñeyaḥ | yathā ayaṃ sa cidātmā prakāśo 
maheśvaraḥ yatprakāśābhedena viśvamidaṃ prakāśate prakāśabāhyasya 
kasyāpi prakāśanānupapatteḥ yastu ayaṃ viśvaprakāśātmā svaprakāśaḥ 
prakāśaḥ prakāśate sa evāhamiti tātparyam |] |
yaśca nāsti sa tatraiva tvanveṣṭavyaḥ prayatnataḥ || 

iti-śrīsvacchandanirūpitanītyā viśvamidam aham iti cidghanātmarūpatāṃ 
sarvatra anusaṃdadhataḥ [paunaḥ-punyena āveśasadbhāvāt avahitatvena 
vimṛśataḥ |] pūrvoktāvaraprasavāt naṣṭasya 
apahāritaturyaikaghanacamatkāramayasvabhāvasya punarutthānam unmajjanaṃ 
tadaikyasaṃpatsaṃpūrṇatvaṃ yogino bhavati ityarthaḥ | taduktaṃ śrīsvacchande 

prasahya cañcalītyeva [kuṭilaṃ calati bhogābhilāṣeṇa vyutthānameva dhāvati 
na abhīṣṭaṃ padamavaṣṭabhnāti yasmāt |] yogināmapi yanmanaḥ |

ityupakramya 

yasya [tata iti adhyāhāryam pūrvapadyasāpekṣatvāt jñeyaṃ paratattvaṃ bhāva 
āśayaḥ cintyaturyātītapadamayaḥ sthiro niścalaḥ pūrṇo nirākāṅkṣaḥ 
samantataḥ sarvaṃsarvikayā tuḥ apyarthe |] jñeyamayo bhāvaḥ sthiraḥ 
pūrṇaḥ samantataḥ |
mano na calitaṃ tasya sarvāvasthāgatasya tu ||

p. 110) 

yatra yatra mano [īdṛśasya mahāyogino mana eva 
paratattvikyabhāvanāvāsitaṃ kartṛ turyātītapadaṃ jñeyaṃ sarvatra cintayatyeva | 
taduktaṃ mahāgurubhiḥ

śivabhāvanayauṣadhyā baddhe manasi saṃsṛteḥ |
kāṣṭhakuḍyādiṣi kṣipte rasavacchivahematā || iti |] yāti jñeyaṃ tatraiva 
cintayet |
calitvā yāsyate kutra sarvaṃ śivamayaṃ yataḥ |

iti |

viṣayeṣu ca sarveṣu indriyārtheṣu [indriyāṇi ca arthaśca aindriyikaṃ 
prayojanaṃ ca viṣayopabhogaḥ teṣu sthito yogivaro yo nirūpyeta vicāryeta yatra 
kutrāpi nāsya aśivamasti sarvasya asya prakāśamānatayā 
prakāśaghanaśivaikātmyāt |] ca sthitam |
yatra yatra nirūpyeta nāśivaṃ vidyate kvacit ||

iti ca || 24 ||

itthamāsāditaprakarṣo yogī-

śivatulyo jāyate || 25 ||

turyapariśīlanaprakarṣāt [punaḥ punaḥ turyapadaparāmarśanadārḍhyāt 
madhyadhāmni procchaladahantācamatkṛtiprarūḍheḥ |] prāptaturyātītapadaḥ 
paripūrṇasvacchasvacchandacidānandaghanena śivena bhagavatā tuloyo dehakalayā 
avigalanāt tatsamo jāyate [mukhenduriti-vat īṣat nyūnatayā sāmyam |] 
| tadvigalanena sākṣācchiva eva asau ityarthaḥ | tathā ca śrīkālikākrame 

p. 111) 

tasmānnityamasaṃdigdhaṃ buddhvā yogaṃ gurormukhāt |
avikalpena [vikalpahānyā unmiṣadavikalpavimarśāvaṣṭambhena 
śivamayabhāvena turyātītākhyaṃ padaṃ bhāvayet śivamayabhāvanāyā 
bhairavasvarūpasāmyaprāptyavadhitvāt |] bhāvena bhāvayettanmayatvataḥ ||

yāvattatsamatāṃ yāti bhagavānbhairavo'bravīt |

iti || 25 ||

evamapi ca yenedaṃ taddhi bhogataḥ ityādyuktarītyā 
upanatabhogātivāhanamātraprayojanāt dehasthitiḥ asya na atikramaṇīyā ityāha 
[āgāmisaṃcitayoḥ karmaṇoḥ jñānāgninā bhasmasādbhāve'pi prārabdhasya 
bhogamantareṇa nāśayitumaśakyatvāt jīvanmuktasya ā 
prārabdhabhogaparisamāpteḥ dehasthitiḥ cakrabhramiriva ā vegāvasānāt na 
ativartanīyāḥ dehapāteḥ apunarāvartanāt |] -

śarīravṛttirvratam || 26 ||

proktadṛśā śivatulyasya yoginaṇ śivāhaṃbhāvena vartamānasya śarīre 
vṛttirvartanaṃ yat tadeva vratam 
svasvarūpavimarśātmakanityoditaparapūjātatparasya niyamena anuṣṭheyam asya | 
tathā ca śrīsvacchande 

p. 112) 

supradīpte [deha-mantra-prāṇa-ātma-śivapadānām aucityāt 
kāṣṭha-araṇi-vahni-tacchikhā-ambarāṇi dṛṣṭāntaḥ tena 
araṇimanthanayuktyā supradīpte prajvālite vahnau sati yathā śikhā jvālā dāhyaṃ 
dagdhvā ambare dṛśyate tatra layāt tadātmabhāvaṃ prāptā avalokyate 
tadvaddivyakraṇamantrāraṇisamuttejanena dehe yaḥ prāṇaḥ tasmin supradīpte 
madhyordhvavāhyudānāgnitāmāyāti dehe sthito ya ātmā 
proktaśuddhavijñānakevalarūpo vahniśikhātulyaḥ samanāntaṃ samastaṃ 
dehadāru dagdhvā tasmin turyātīte pade līyate nirupādhi##-
cāmbare |
dehaprāṇasthito'pyātmā tadvalliyeta tatpade ||

ityuktyā dehaprāṇādyavasthitasyaiva śivasamāviṣṭatvamuktam | na punastasya 
dehasthitivyatiriktaṃ vratamupayuktam | yaduktaṃ śrītrikasāre

dehotthitābhirmudrābhiryaḥ sadā mudrito budhaḥ |
sa tu mudrādharaḥ [antarlakṣyabahirdṛṣṭiḥ ityādyuktanītyā 
śāṃbhavīyamudrāmudraṇāt mudrādharaḥ na tu kāya##-

iti | śrīkulapañcāśikāyāmapi

avyaktaliṅginaṃ dṛṣṭvā saṃbhāṣante marīcayaḥ 
[nigūḍhabhairavīyamudrācihnitasya sarvāḥ śaktayaḥ upasṛtā āvirbhavanti | 
vyaktasthūlamudrādhṛto'nupasaraṇāt |] |
liṅginaṃ nopasarpanti atiguptatarā yataḥ ||

iti || 26 ||

p. 113) 

evaṃ-vidhasya asya -

kathā japaḥ || 27 ||

ahameva paro haṃsaḥ śivaḥ paramakāraṇam |

iti-śrīsvacchandanirūpitanītyā nityameva parāhaṃbhāvanāmayatvāt |

tasya devātidevasya parabodhasvarūpiṇaḥ |
vimarśaḥ paramā śaktiḥ sarvajñāḥ jñānaśālinī ||

iti-śrīkālikākramanirūpitanītyā 
mahāmntrātmakākṛtakāhaṃvimarśārūḍhasya yadyadālāpādi tattadasya 
svātmadevatāvimarśānavaratāvartanātmā japo jāyate 
[anuttarajñānaśālitvāt yogino yatkiṃcana ālāpādi laukikavyavahṛtyanusāri 
tadasya japaḥ ahaṃparāmarśasāra-svātmadevatābhāvanātātparyāt nahi 
prakāśātmaparapramātṛrūpatāṃ vinā kiṃcidapi prasphuredityarthaḥ |] | 
yaduktaṃ śrīvijñānabhairave 

bhūyo bhūyaḥ pare bhāve bhāvanā bhāvyate hi yā |
japaḥ so'tra svayaṃ nādo mantrātmā japya īdṛśaḥ [viśvapūraṇāt pare 
bhāve svasvabhāve yā bhāvanā vimarśanā 

ahameva paro haṃsaḥ śivaḥ paramakāraṇam |
ityādirūpā bhāvyate saṃpādyate sa japaḥ nādo'kṛtakāhaṃvimarśātmā japyo 
japanīyo svātmadevaḥ | yaduktam 

nāsyoccārayitā kaścitpratihantā na vidyate |
svayamuccarate devi prāṇināmurasi sthitaḥ || iti |] ||

iti | tathā 

p. 114) 

sakāreṇa bahiryāti hakāreṇa viśetpunaḥ |
haṃsa-haṃsetyamuṃ mantraṃ jīvo japati nityaśaḥ ||

ṣaṭśatāni divārātrau sahasrāṇyekaviṃśatiḥ |
japo devyā vinirdiṣṭaḥ sulabho durlabho jaḍaiḥ ||

iti || 27 ||

īdṛgjapavratavato'sya caryāmāha [caryā svarūpasākṣātkāropāyasthitiḥ 
kartavyaṃ vā |] -

dānamātmajñānam || 28 ||

proktacaitanyarūpasya ātmano yat jñānaṃ sākṣātkāraḥ tat asya dānam dīyate 
paripūrṇaṃ svarūpam dīyate khaṇḍyate viśvabhedaḥ [viśvarūpo 
dharaṇyādiśivāntaṃ ṣaṭtriṃśattattvalakṣaṇo bhedaḥ |] dāyate śodhyate 
māyāsvarūpam dīyate rakṣyate labdhaḥ śivātmā svabhāvaśca anena iti kṛtvā 
[ḍudāñ dāne do avakhaṇḍane dīṅ rakṣaṇe daip śodhane ete atra ghātavaḥ |
] |

atha ca dīyate iti dānam ātmajñānameva anena antevāsibhyo dīyate | taduktam 

p. 115) 

darśanātsparśanādvāpi vitatādbhavasāgarāt |
tārayiṣyanti yogīndrāḥ [yogīndrāṇāṃ yoginīsiddhādīnāṃ darśana##-
tīvraśaktipātavatsu anugrāhyeṣu upakartavyatvam ityarthaḥ | kulānāṃ 
dehākṣabhuvanādīnāmācaraṇam ācāraḥ sṛṣṭisaṃhārākhyaḥ tatra avahitāḥ |
] kulācārapratiṣṭhitāḥ ||

iti || 28 ||

yathoktanītyā śivatulyatayā nityamevaṃ vratajapacaryāniṣṭhatvāt 
nijaśakticakrārūḍhaḥ [svaśaktivikāsamayaṃ viśvamadhyāsīnaḥ |] sa 
eva tattvata upadeśyānāṃ pratibodhaka [svasvarūpapratyabhijñāpakaḥ |] 
ityāha -

yo'vipastho jñāhetuśca || 29 ||

avīn paśūn pāti iti avipaṃ kavargādiṣu māheśvaryādyāḥ paśumātaraḥ 
(3-19) ityabhihitadṛśā māheśvaryādiśakticakraṃ tatra tiṣṭhati 
viditasvamāhātmyatvāt [sarvo'yaṃ madvibhava iti 
pratyabhijñātasātmaiśvaryatvāt |] prabhutvena yaḥ pratapati sa jñāhetuḥ 
jānāti iti jñā jñānaśaktiḥ tasyā hetuḥ upadeśsyān jñānaśaktyā 
pratibodhayituṃ [svātmānaṃ pratyabhijñāpayitumityarthaḥ |] 

p. 116) 

kṣamaḥ | anyastu śakticakraparatantrīkṛtatvāt svātmani aprabhaviṣṇuḥ 
[māheśvaryādiśaktibhiḥ pāratantryādhānāt paśubhāvamāpitaḥ |] 
kathamanyān prabodhayet | yacchabdāpekṣayā sūtre'tra tacchabdo'dhyāhāryaḥ | ca 
śabdo hyarthe | yo'yamavipasthaḥ sa yasmāt 
jñānaprabodhanahetustasmādyuktamuktam dānamātmajñānam (3##-

anye tu akṣarasārūpyāt [aśnoterauṇādikasaran-pratyaye aśnute 
pratiśabdamiṣṭārthaprakāśitayā vedāṅgāni vyāpnotītyakṣaram tatsārūpyāt 
pratiśabdamakṣarasamarūpasaṃgataśabdairnirvacanaṃ vidheyamityarthaḥ |] 
prabrūyāt iti niruktasthityā yo iti yogīndra vi iti vijñānam pa iti padam stha iti 
padasthaḥ ityasya antyamakṣaram | jña iti jñātā he iti heyaḥ tu iti tucchatā 
visarjanīyena visargaśaktiḥ [ūrdhvādhaḥsṛṣṭirūpā |] cakāreṇa 
anuktasamuccayārthena kartā parāmṛśyate ityāśritya yo yogīndro 
vimarśaśaktyā svarūpātmavijñānapadasthaḥ sa jñātā kartā ca avagantavyaḥ 
tadā ca asya heyatāṃ tucchatāṃ niḥsāratāṃ na tu upādeyatāmā-

p. 117) 

sādayati iti vyācakṣate | etacca na naḥ pratibhāti padārthasaṅgaternāticārutvāt 
pratisūtraṃ ca īdṛśavyākhyākramasya sahasraśo darśayituṃ śakyatvāt || 29 ||

asya ca -

svaśaktipracayo'sya viśvam || 30 ||

yato'yaṃ śivatulya uktastato yathā 

śaktayo'sya jagatkṛtsnam .................... |

ityādyāmnāyadṛṣṭyā śivasya viśvaṃ svaśaktimayaṃ tathā asyāpi svasyāḥ 
saṃvidātmanaḥ śakteḥ pracayaḥ kriyāśaktisphuraṇarūpo 
[viśvanirmāṇasāmarthyaṃ kriyāśaktirityarthaḥ |] vikāso viśvam | 
yaduktaṃ śrīmṛtyujiti

yato jñānamayo [devaḥ parameśvaro jñānamayaḥ cinmātraparamārthaḥ 
tacca jñānaṃ bahudhā svātantryāt saṃkocamābhāsya nānātvamāśritya sthitam 
ataśca saṃkocābhāsabhājo ye nigūhitasvarūpatayā niyantritā ābhāsitā devena tata 
eva baddhāḥ teṣāṃ nānādarśanopāsābhiḥ svasvarūpaprathāhetutayā yato devaḥ 
trāṇaṃ tasmāt niruktadṛśā netramucyate na tu cakṣurgolakatayā |] devo 
jñānaṃ ca bahudhā sthitam |
niyantritānāṃ baddhānāṃ trāṇaṃ tannetramucyate ||

kālikākrame'pi

p. 118) 

tattadrūpatayā [nīlasukhādirūpatayā bahirantaḥprakāśamānānāṃ 
bhāvānāṃ prakāśasāratvāt tadanvayavyatirekānuvidhāyitvena pṛthak sattā 
nāsti ityarthaḥ |] jñānaṃ bahirantaḥ prakāśate |
jñānādṛte nārthasattā jñānarūpaṃ tato jagat ||

na hi jñānādṛte bhāvāḥ kenacidviṣayīkṛtāḥ |
jñānaṃ tadātmatāṃ yātametasmādavasīyate [yo yamanupajīvya nopalabhyate 
sa tasmāt avyatirekī yathā mṛdaṃ vinā ghaṭaḥ tasmāt jñānasyaiva 
jñeyabhāvātmatayā pariniṣṭhaniścaya ityarthaḥ |] ||

astināstivibhāgena niṣedhavidhiyogataḥ |
jñānātmatā jñeyaniṣṭhā bhāvānāṃ bhāvanābalāt ||

yugapadvedanājjñānajñeyayorekarūpatā [bhāvābhāvarūpāṇāṃ 
nīlasukhādibhāvānāṃ bhāvanābalāt svātmasākṣātkārabalāt ubhayoḥ 
jñānajñeyayoḥ ekatamasāṃnidhyavirahe sattāyā asaṃbhavāt 
aikarūpyābhyupagamaḥ |] |

iti || 30 ||

na kevalaṃ sṛṣṭidaśāyāṃ nijaśaktivikāso'sya viśvaṃ yat tatpṛṣṭhapātinau 
-

sthitilayau || 31 ||

svaśaktipracayaḥ ityanuvartate | kriyāśaktyābhāsitasya viśvasya 
tattatpramātrapekṣaṃ kaṃcitkālaṃ bahirmukhatvāvabhāsanarūpā yā sthitiḥ 
cinma-

p. 119)

yapramātṛviśrāntyātmā ca yo layaḥ tāvetau etasya svaśaktipracaya eva 
tattadvedyaṃ hi ābhāsamānaṃ vilīyamānaṃ ca nijasaṃvicchaktyātmakameva 
anyathā asya saṃvedanānupapatteḥ [kalpitaśūnyamāyīyādipramātuḥ 
apekṣayā viśvasya bāhyatāvabhāsamayī sthitiḥ kalpitapramātṛbhāvanimajjane 
tadapekṣiviśvabāhyatānavabhāsanāt cinmayasvarūpaviśrāntiḥ vilayaḥ ubhayasya 
asya svasaṃvicchaktimayatvāt tadanabhyupagame dvayorapi anayoḥ 
upalabdhyanupapatteḥ iti tātparyam |] | ata eva śrīkālikākrame 

astināstivibhāgena .......................... |

ityādi sthitilayaparatvenoktam | tathā

sarvaṃ śuddhaṃ nirālambaṃ [ālambāt vedyāt niṣkrāntaṃ 
kroḍīkṛtāśeṣavedyam svapratyayātmakaṃ svāhantātmakam |] jñānaṃ 
svapratyayātmakam |
yaḥ paśyati sa muktātmā jīvanneva na saṃśayaḥ ||

iti || 31 ||

nanvevaṃ sṛṣṭisthitilayāvasthāsu anyonyabhedāvabhāsamayīṣu asya 
svarūpānyathātvamāyātam ! [vedyaparāmarśanaunmukhye 
tadatiriktasvātmavimarśananirāso'nyathātvam |] ityāśaṅkāśāntyarthamāha 
-

p. 120) 

tatpravṛttāvapyanirāsaḥ saṃve-
ttṛbhāvāt || 32 ||

teṣāṃ sṛṣṭyādīnāṃ pravṛttāvapi unmajjane'pi nāsya yoginaḥ 
saṃvettṛbhāvāt turyacamatkārātmakavimarśamayāt upalabdhṛtvāt 
nirāsaścalanam tannirāse kasyacidapyaprakāśanāt | yaduktaṃ tatraiva 

nāśe'vidyāprapañcasya [māyodbhāsitadehākṣatattvabhuvanādivilaye'pi 
sadoditasphuraṇadharmiṇaḥ saṃvitsvabhāvasya udayāstamayābhāvāt avināśitā 
vyavahāradaśāyāmapi dhvaṃsotpattyoḥ prakāśamānatayā tadabhinnayoḥ 
prakāśāntarviśrāntyā upacaryamāṇatvam ityarthaḥ |] svabhāvo na vinaśyati 
|
utpattidhvaṃsavirahāttasmānnāśo na vāstavaḥ ||

yato'vidyā samutpattidhvaṃsābhyāmupacaryate |
yatsvabhāvena naṣṭaṃ na tannaṣṭaṃ kathamucyate ||

iti | etadeva spande 

avasthāyugalaṃ [grāhyagrāhakabhāvabhinnayoḥ bhogyabhoktṛtayoḥ madhye 
bhogyātmamāyāprapañco bhedaniṣṭho vilīyate udayate ca bhoktuḥ punaḥ 
cinmayasya akālakalitatayā na kathaṃcit vilayodayaśaṅkā |] cātra 
kāryakartṛtvaśabditam |
kāryatā kṣayiṇī tatra kartṛtvaṃ punarakṣayam ||

tathā |

p. 121) 

kāryonmukhaḥ prayatno yaḥ kevalaṃ so'tra lupyate |
tasmiṁlupte vilupto'smītyabudhaḥ pratipadyate [yathā kaścit devadatto 
gṛhādyavasthitaḥ kenāpi āhūto bhoḥ devadatta ? iti sa 
ātmānamapahnotukāmaḥ pratyāha nāhamasmi iti | evamukte pratyuta 
sthito'hamasmīti pratipāditaṃ bhavati na tu asaṃnidhānam ityevaṃ 
prakāro'prabuddhaviṣaye tasmāt abhāvasamādhyavasthāsu kāryābhāvāt 
karaṇavyāpāraviratimātreṇa ātmābhāvapratyayo bhrāntireva ityāśayaḥ |] ||

na tu yo'ntarmukho bhāvaḥ sarvajñatvaguṇāspadam |
tasya lopaḥ kadācitsyādanyasyānupalambhanāt 
[antarmukhasvarūpavināśitāyāṃ viśvamanīlamūkaprāyaṃ syādityarthaḥ |
] ||

ityanenoktam || 32 ||

asya yoginaḥ -

sukhaduḥkhayorbahirmananam || 33 ||

vedyasparśajātayoḥ sukhaduḥkhayorbahiriva nīlādivat idantābhāsatayā mananaṃ 
saṃvedanaṃ na tu laukikavat ahantāsparśanena asya hi svaśaktipracayo'sya viśvam 
(3-30) ityuktasūtrārthanītyā sarvam ahantācchāditatvena sphurati na tu 
niyataṃ sukhaduḥkhādyeva ityevaṃparametat | yogī hi 
praśāntapuryaṣṭakapramātṛbhāvaḥ kathaṃ 

p. 122) 

sukhaduḥkhābhyāṃ spṛśyate | tathā ca śrīpratyabhijñāsūtravimarśinyām |

grāhakabhūmikottīrṇānāṃ vāstavapramātṛdaśāprapannānāṃ 
tattatsvahetūpasthāpitasukhaduḥkhasākṣātkāre'pi 
[vicitrasrakcandanavanitādayaḥ sukhahetuḥ dveṣyopagamo duḥkhahetuḥ |] 
na teṣāṃ sukhaduḥkhādi notpadyata eva vā sukhādi hetuvaikalyāt 
[sukhādihetūnāṃ citprakāśāntarbruḍitatayā camatkaraṇāt tadabhāvaḥ |] 
sahajānandāvirbhāvastu tadā syāt ||

ityuktam | ata eva 

na duḥkhaṃ na sukhaṃ yatra na grāhyaṃ grāhako na ca |
na cāsti mūḍhabhāvo'pi tadasti paramārthataḥ 
[sukhaduḥkhādyāśrayāvasthādvayena vinaśyatsvabhāvena aspṛṣṭasya 
saṃvittattvasya tadanākalitatvāt sauṣuptapadasyāpi saṃvedyatvāt saṃvedakasattā 
tatra abhyupagamyate anyathā tadauttarakālikasmṛtyanupapatteḥ |] ||

iti spande nirūpitam || 33 ||

yataśca uttirṇapuryaṣṭakapramātṛbhāvasya yogino nāntaḥ 
sukhaduḥkhasaṃsparśaḥ ata evāsau -

tadvimuktastu kevalī || 34 ||

tābhyāṃ sukhaduḥkhābhyāṃ viśeṣeṇa muktaḥ saṃskāramātreṇāpi antar 
asaṃspṛṣṭaḥ kevalī

p. 123) 

kevalaṃ cinmātrapramātṛtārūpaṃ yasya | taduktaṃ śrīkālikākrame 

sukhaduḥkhādivijñānavikalpānalpakalpitam |
bhittvā dvaitamahāmohaṃ yogī yogaphalaṃ labhet ||

iti | tu-śabdo vakṣyamāṇāpekṣayā viśeṣadyotakaḥ evamuttarasūtragato'pi 
etatsūtrāpekṣayā || 34 ||

yadāha -

mohapratisaṃhatastu karmātmā || 35 ||

mohena ajñānena pratisaṃhataḥ tadekaghanaḥ tata eva sukhaduḥkhāśrayo yaḥ sa 
punaḥ karmātmā nityaṃ śubhāśubhakalaṅkitaḥ | taduktaṃ tatraiva

yadavidyāvṛtatayā vikalpavidhiyogataḥ |
śivādīnnaiva jhaṭiti samudbhāvayate'khilān ||

tataḥ śubhāśubhā bhāvā lakṣyante tadvaśatvataḥ |
aśubhebhyaśca bhāvebhyaḥ paraṃ duḥkhaṃ prajāyate [ajñajanasya 
ghaṭapaṭādivividhavikalpajālakalpanāmāsthitasya śivāditattvānām 
anuttaracidghanasvabhāvatayā aparāmarśanāt māyīyamalamalinatāṃ prāpya 
śubhāśubhakārmamalasamutthaduḥkhānubhavaḥ | tajjñasya tu viśvasya 
bhāvapaṭale svātmavilasitamidam iti praviviñcānasya sahajasukhāvirbhāva 
ityarthaḥ |] ||

iti || 35 ||

p. 124) 

evamīdṛśasyāpi karmātmano yadā 
anargalamāheśaśaktipātavaśonmiṣitasahajasvātantryayogo bhavati tadā asya -

bhedatiraskāre sargāntarakarma-
tvam || 36 ||

śarīraprāṇādyahantābhimānātmanaḥ sakalapralayākalādipramātrucitasya 
[māyāpade śūnyapramātṛrūpāḥ pralayākalāḥ teṣāṃ pralīnakalpaṃ 
viśvaṃ prameyam svaucityāt sakalā brahmādikīṭāntāḥ kṣetrajñā 
bhinnabhinnaprāyaṃ viśvaṃ paśyantaḥ teṣāṃ tathābhūtameva sarvato bhinnaṃ 
parimitaṃ prameyam | itthaṃ pramātṝṇāṃ yathā-svasvabhāvaṃ bhedābhāsa 
ityarthaḥ |] bhedasya tiraskāre sthitasyāpi cidghanasvabhāvonmajjanād 
apahastane sati krameṇa mantra-mantreśvara##-
yathābhilaṣitanirmeyanirmātṛtvaṃ bhavati | tathā ca śrīsvacchande

triguṇena [traiguṇyamanekaguṇatopalakṣaṇam | 
mahāmantrātmakaparipūrṇāhaṃbhāvena svasvabhāvaparāmarśane avahitatvāt 
svacchandasādṛśyam |] tu japtena svacchandasadṛśo bhavet |

iti svacchandasādṛśyena bhedatiraskāramasya uktvā 

p. 125) 

brahmaviṣṇvindradevānāṃ siddhadaityorageśinām [uragānāmīśate tacchīlā 
iti urageśinaḥ śeṣādayaḥ śāpānugrahādikṛttvāt siddhādīn prati asya 
bhayadātṛbhayahartṛtvam |] ||

bhayadātā ca hartā ca śāpānugrahakṛdbhavet |
darpaṃ harati kālasya pātayedbhūdharānapi ||

ityuktam || 36 ||

na ca etadasya asaṃbhāvyam yataḥ-

karaṇaśaktiḥ svato'nubhavāt || 37 ||

svataḥ svasmādevānubhavāt saṃkalpasvapnādau karaṇaśaktiḥ 
[viśvavaicitryanirmāṇaśaktiḥ |] tattadasādhāraṇārthanirmātṛtvam 
ātmanaḥ siddhameva | anenaiva āśayena śrīpratyabhijñāyām

ata eva yathābhīṣṭasamullekhāvabhāsanāt [yathābhimatavastūnāṃ 
bahirasattvāt ananubhūtānāmapi samyagullekhanāt prakāśanācca hetoḥ yasya 
kasyacit brahmādikīṭāntasya prāṇinaḥ ullekhanātmikā kriyāśaktiḥ 
avabhāsanātmikā jñānaśaktiśca svābhāvikī iti siddhati tasmāt 
kalpitapramātṛbhūmikāyāmapi 
vyatirikteśvaropakḷptaprācyasṛṣṭimanupajīvyaiva 
yathābhimatollekhanādivyāpārasaṃbhāvanābhāvāt 
jñānakriyālakṣaṇasyaiśvaryasyaiva sphuṭaṃ pratyabhijñeyatāvaśyaṃbhāvaḥ |
] |
jñānakriye sphuṭe eva siddhe sarvasya jīvataḥ ||

ityuktam | tathāsaṃbhavāt yadi caitat gāḍhā-

p. 126) 

bhiniveśena vimṛśati tadā sarvasādhāraṇā [vimarśātiśayavaśāt 
sarvajanaiḥ tannirmitiḥ draṣṭuṃ śakyate 
prasiddhaviśvāmitrādimuniracitanūtanasvargasṛṣṭigāthāvat ityarthaḥ |] 
abhīṣṭārthanirmātṛtāpi bhavati | taduktaṃ tattvagarbhe 

yadā [yadā te yoginaḥ susphuṭaṃ svakīyajñākriyāśaktiśālinaḥ tadā teṣāṃ 
abhīṣṭapadārthanirmite dārḍhyadīnatā asthairyaṃ dṛḍhataraṃ yathā tathā 
adūramacirāya dāritā khaṇḍitā bhavati tatsaṃkalpasya ca kalpataruvat 
cintitāśudāyitvāt ityarthaḥ |] tu te'pi suvyaktasvasāmarthyaguṇojjvalāḥ |
bhaveddṛḍhatarādūradāritā dārḍhyadīnatā |
tadā ca teṣāṃ saṃkalpaḥ kalpapādapatāṃ vrajet ||

iti || 37 ||

yataśca karaṇaśaktiśabdoktyā turyātmā svātantryaśaktireva bodharūpasya 
pramātuḥ sāram [anyathā svātantryasāratāvirahe nirvimarśasya 
saṃvitprakāśasya tattadbhāvajātapratiphalitatāyāmapi sphaṭikādivat jāḍyāpatteḥ 
viśvavyavahāravipralopaḥ syādityarthaḥ |] ato 
māyāśaktyapahastitatatsvarūpottejanāya -

tripadādyanuprāṇanam || 38 ||

trayāṇāṃ bhāvaunmukhyatadabhiṣvaṅgatadantarmukhībhāvanāmayānāṃ 
sṛṣṭisthitilayaśabdoktānāṃ pa-

p. 127) 

dānāmavasthānāṃ yad ādi pradhānaṃ tricamatkṛtitvena ānandaghanaṃ 
turyākhyaṃ padaṃ māyāśaktyācchāditamapi tattadviṣayopabhogādyavasareṣu 
vidyudvadābhāsamānaṃ tena tattadavasareṣu kṣaṇamātroditenāpi anuprāṇanam 
antarmukhatadvimarśāvasthititāratamyena anugatatayā prāṇanam ātmanastenaiva 
jīvitenāpi jīvitasya uttejanaṃ kuryāt [vanitādiviṣayopabhogeṣu 
vigalitavedyāntarasaṃvedanaṃ turyapadamudyadapi paśujanaiḥ 
pratyakṣastrayādiviṣayavyavahitaṃ saṃvedyate nirāvaraṇaṃ tu tadavahitaiḥ etena 
jīvitātmaturyapadena jīvatsvarūpasya ātmanaḥ tasmin eva avahitīkaraṇamuttejanam 
ityarthaḥ |] | taduktaṃ śrīvijñānabhairave 

antaḥ svānubhavānandā [antaḥ pūrṇāhantāyāṃ svānubhavaḥ svaprakāśa 
ānanda eva rūpaṃ yasyāḥ sā akiṃciccintanamayī avasthātuḥ bhairavarūpasya 
ātmano mama avyatiriktā śaktiravasthā bharito'śeṣaviśvābhedacamatkāramaya 
ākāraḥ svarūpaṃ yasyāḥ sā tādṛśī tadeva ca tattvataḥ paramārthato vimalaṃ 
svabhittyābhāsitajagadanācchāditaṃ viśvapūramaśeṣāvabhāsakaṃ vapuḥ 
svarūpaṃ jñeyam na tu bhūtamayam |] vikalponmuktagocarā |
yāvasthā bharitākārā bhairavī bhairavātmanaḥ ||

tadvapustattvato jñeyaṃ vimalaṃ viśvapūraṇam |

ityādyupakramya

p. 128) 

śaktisaṃgamasaṃkṣubdhaśaktyāveśāvasānikam [vyaktastrīsaṃgamaṃ vinā 
tatsaṃgamopajanitānandavṛttismaraṇenaiva ya ānandodgamaḥ sa svīyo 
brahmānando'vaseyaḥ | yaduktam 

jāyayā saṃpariṣvakto na bāhyaṃ veda nāntaram |
nidarśanaṃ śrutiḥ prāha mūrkhastaṃ manyate vidhim ||

na sṛṣṭirjāyate liṅgānna bhagānnāpiretasaḥ |
ānandocchalitā śaktiḥ sṛjatyātmānamātmanā ||

ityādyuktyā strīsaṃgānandāvirbhūtāyām ānandaśaktau samāveśasya ante 
stryādisaṃparkādyabhāvena svātmamātraniṣṭhaṃ brahmasaṃbandhyeva 
bhāvanīyam yadvā viśvasphuraṇaśaktisaṃgamasaṃkṣubdhāyāṃ cicchaktau ya 
āveśaḥ tasya avasāne bhavaṃ sukhaṃ svarūpasyaiva |] |
yatsukhaṃ brahmatattvasya tatsukhaṃ svākyamucyate ||

lehanāmanthanākoṭaiḥ [lehanamadharāsavāsvādanam āmanthanaṃ 
pradhānāṅgaviloḍanam āliṅganaṃ vā ākoṭanamāghāta nakhakṣatādi vā 
ityādyuddīpanādivibhāvairuddīpitasya ānandasya atiśayasmaraṇāt 
ullasadānandamayaḥ svātmaiva vibhāvyaḥ |] strīsukhasya bharātsmṛteḥ |
śaktyabhāve'pi deveśi bhavedānandasaṃplavaḥ ||

ānande mahati prāpte dṛṣṭe vā bāndhave cirāt |
ānandamudgataṃ dhyātvā tanmayastallayībhavet ||

jagdhipānakṛtollāsarasānandavijṛmbhaṇāt |
bhāvayedbhairavaṃ bhāvaṃ mahānandamayo 
[miṣṭānnabhojanakṣīrapānādirasāsvādanāt vijṛmbhitānandotkarṣasya 
ānandabharitāvasthāṃ vibhāvayato'nanyavṛttitayā anuttarasukhāvāptiḥ |] 
bhavet ||

p. 129) 

gītādiviṣayāsvādāsamasaukhyaikatātmanaḥ [gītamādi yeṣāṃ 
vaṃśavīṇākalaravādīnāṃ viṣayāṇāṃ camatkaraṇena upajanitānupamasukhe 
samāhitacittasya śāktasparśāveśena brahmasukhāvāptiḥ |] |
yoginastanmayatvena manorūḍhestadātmatā ||

ityādinā upāyapradarśanena prapañcitam | etacca 

atikruddhaḥ [atikrodhādinā prakāratrayeṇa 
duḥkhasukhamohātmaviṣayagrahaṇarūpāntaḥkaraṇavyāpāramayena tathā 
dhāvacchabdopalakṣitena karmendriyavyāpāreṇa ca jāgradavasthāviṣayāṇi anyāni 
evaṃ vidhāni prakārāntarāṇi saṃgrāhyāṇi | itthaṃ vicitrāvasthāsu 
nirālambanacittavṛttiḥ yāṃ bhūmikāmadhitiṣṭhet tatra pade 
svabhāvamātrādhārasya 
pratyastamitasamastaviśeṣaśakticakraparamātmadharmasya pratiṣṭhitaspandasya 
upalabdhirityarthaḥ |] prahṛṣṭo vā kiṃ karomīti vā mṛśan |
dhāvanvā yatpadaṃ gacchettatra spandaḥ pratiṣṭhitaḥ ||

ityādinā

..................... prabuddhaḥ syādanāvṛtaḥ ||

ityantena pradarśitam | etat spandanirṇaye nirākāṅkṣaṃ [asaṃdehanirṇayāt 
prabuddhaviṣayajijñāsāyā asaṃbhavāt ityarthaḥ |] mayaiva nirṇītam | triṣu 
caturtham........... (3-20) iti sūtreṇa jāgarādau turyānuprāṇanamuktam | 
anena sarvadaśānugatādimadhyānteṣu sṛṣṭisthitisaṃhāranirūpitayā bhaṅgyā 
nirūpiteṣu iti viśeṣaḥ [paurvāparyeṇa proktayoranayoḥ sūtrayoḥ 
arthaikyatāsvīkaraṇepi sāmānyaviśiṣṭārtharūparacanāsadbhāvāt 
paunaruktyavirodhaparihāraḥ |] || 38 ||

p. 130) 

etacca tripadādyanuprāṇanamantarmukhatvāvaṣṭambhatvadaśāyāmevāsādya na 
saṃtuṣyet api tu -

cittasthitivaccharīrakaraṇa-
bāhyeṣu || 39 ||

tripadādyanuprāṇanam ityeva | yathā antarmukharūpāyāṃ cittasthitau 
turyeṇānuprāṇanaṃ kuryāt tathā śarīrakaraṇabāhyābhāsātmikāyāṃ 
bahirmukhatāyāmpi āntaravimarśāvaṣṭambhabalāt kramātkramaṃ 
tāratamyabhājā tena anuprāṇanaṃ kuryāt 
[kādācitkasvarūpaviśrāntyātmikāyāṃ daśāyāṃ vidyutprakāśamiva 
kṣaṇamātrasthāyinaṃ turyacamatkāramāsādya ānandabharitatayā yathā saṃtoṣa 
evaṃ bahiraunmukhye'pi saṃtatamānandamayaparamārthāmṛtarasaparyavasekāt 
tadvimarśānandavikasitatvam iti tātparyam |] | yaduktaṃ śrīvijñānabhairave

sarvaṃ jagatsvadehaṃ vā svānandabharitaṃ smaret |
yugaptsvāmṛtenaiva parānandamayo bhavet [sarvatra bahirabhimate vastujāte 
cidānandaghanarasakaṇikācchuritatayā paripūrṇāṃ śivatāṃ vibhāvayato janasya 
anuttarānandamayasvarūpasamāveśa ityarthaḥ |] ||

iti | evaṃ hi ānandātmā svātantryaśaktiḥ sarvadaśāsu sphuṭībhūtā satī 
yatheṣṭanirmāṇakāriṇī bhavati || 39 ||

p. 131) 

yadā tu ayameva āntarīṃ turyadaśām [anuttarānandamayīmavasthāmityarthaḥ |
] ātmatvena na vimṛśati tadā dehādipramātṛtābhāvād 
apūrṇaṃmanyatātmakāṇavamalarūpāt -

abhilāṣādbahirgatiḥ saṃvā-
hyasya || 40 ||

śakticakrādhiṣṭhitaiḥ kañcukāntaḥkaraṇabahiṣkaraṇatanmātrabhūtaiḥ 
[kañcukaiḥ māyāsahitaiḥ kalāvidyādibhiḥ |] saha saṃvāhyate 
yoneryonyantaraṃ nīyate iti saṃvāhyaḥ karmātmarūpaḥ paśuḥ tasya

..................... abhilāṣo [abhilāṣaḥ apūrṇammanyatātmā laulikārūpaḥ na tu 
kiṃcit me syāt iti īdṛk rāgatattvasya evamātmakatvāt | atra tu etasmin āṇave male 
bhittibhūte anyat maladvayamādheyamasti ityarthaḥ |] malo'tra tu |

iti śrīsvacchandoktanītyā apūrṇaṃmanyatātmakāvidyākhyāṇavamalarūpāda 
abhilāṣāddhetorbahirgatiḥ viṣayonmukhatvameva bhavati na tu 
antarmukharūpāvahitatvaṃ jātucit | yaduktaṃ kālikākrame 

p. 132) 

yadavidyāvṛtatayā vikalpavidhiyogataḥ |
śivādīnnaiva jhaṭiti samudbhāvayatekhilān ||

tataḥ śubhāśubhā bhāvā lakṣyante tadvaśatvataḥ |
aśubhebhyaśca bhāvebhyaḥ paraṃ duḥkhaṃ prajāyate [avidyāvṛtasya 
paśoḥ saṃtataprasaratsvārasikavikalpakṣubdhatayā cittattvamaparāmṛśataḥ 
puṇyāpuṇyakalaṅkaspṛṣṭatvāt tattannikṛṣṭaduṣphalapariṇāmaḥ |] ||

atathyāṃ kalpanāṃ kṛtvā pacyante narakādiṣu |
svotthairdoṣaiśca dahyante veṇavo vahninā yathā ||

māyāmayaiḥ sadā bhāvairavidyāṃ paribhuñjate |
māyāmayīṃ tanuṃ yānti te janāḥ kleśabhājanam 
[mithyākalpanopakḷptipūrvaṃ svasaṃghaṭṭajāgnidagdhaveṇuvat 
svotpannakāmādidoṣaiḥ nirayavyathānubhavanānantaram 
asatyakalpabhogyasaṃbhogāya bhogāyatanaparigrahaḥ punarapyevam itthaṃ kleśāt 
kleśāntaragatiraviratā bhavati ā anuttaraśivajñānāvāpteḥ ityāśayaḥ |] ||

iti || 40 ||

yadā tu pārameśaśaktipātavaśonmiṣitaṃ svaṃ svabhāvameva vimṛśati tadā 
abhilāṣābhāvād na asya bahirgatiḥ api tu ātmārāmataiva 
[apūrṇamanyatātmaka āṇavamalarūpābhilāṣākalitāśayasya bahirantaraṃ 
svaṃ cidānandaghanasvarūpaṃ paśyataḥ 
citpramātṛtvasphuraṇacamatkṛtikaraṇaṃ svātmāramaṇam |] nityamityāha 
-

p. 133) 

tadārūḍhapramitestatkṣyājjiva-
saṃkṣayaḥ || 41 ||

taditi pūrvanirdiṣṭasaṃventrātmani turyapade ārūḍhā tadvimarśanaparā pramitiḥ 
saṃvit yasya yoginastasya | taditi abhilāṣakṣayāt jīvasya saṃvāhyātmanaḥ 
puryaṣṭakapramātṛbhāvasya kṣayaḥ praśamaḥ citpramātṛtayaiva sphurati 
ityarthaḥ | yaduktaṃ tatraiva 

yathā svapnānubhūtārthānprabuddho [yathā svāpāvasthāyāṃ hṛdi 
atyantālpapradeśe anubhūyamānānyapi vicitropavananadīparvatapurādīni 
vastuto'santi tadātvaprakāśanāni prabuddho janaḥ cidātmanaḥ 
svātantryavilasitamabhimanyate evaṃ jāgarāyāṃ svātantryavijṛmbhitaṃ 
cidanatiriktatayā anavabhāsanāt cidabhinnaṃ śivamayameva viśvaṃ 
bhāvanāpariniṣpattyā paryālocayato yoginaḥ saṃsāradṛṣṭivilopaḥ | saṃvit kila 
viśvavaicitryāvabhāsanecchayā grāhakatāmāśritya grāhyarūpeṇa sphurati iti 
saṃvitsphuraṇasyaiva viparītabhāvanayā saṃsāradṛṣṭiḥ avaiparītyena 
bhāvanātiśayāt tadvinaṣṭau punaḥ svātmaiśvaryacamatkāra ityarthaḥ |] naiva 
paśyati |
tathā bhāvanayā yogī saṃsāraṃ naiva paśyati ||

iti | tathā 

nirasya sadasadvṛttiḥ saṃśritya padamāntaram |
vihāya kalpanājālamadvaitena parāparam ||

p. 134) 

yaḥ svātmanirato nityaṃ kālagrāsaikatatparaḥ |
kaivalyapadabhāgyogī sa nirvāṇapadaṃ labhet 
[nīlasukhādyātmasadasadvṛttinām avikalpaparāmarśena 
parāparakalanānāṃ ca prasaranirasanapuraḥsaraṃ pūrṇāhantāpadamavaṣṭabhya 
svātmanibhālanaprakarṣāt kalanātmano jīvāmi iti kalāmārabhya 
kṣityantamāsthitasya sthūlasya kālasya naibiḍyena grasanapravaṇatvāt 
nirvāṇapadalabdhiḥ ityarthaḥ |] ||

iti | kaivalyapadabhāgiti indriyatanmātrābhirasaṃvāhyaḥ || 41 ||

natvevaṃ jīvasaṃkṣaye sati asya dehapātaḥ prāptaḥ na ca asau suprabuddhasyāpi 
dehinaḥ sadya eva dṛśyate tatkathamayaṃ tadārūḍhapramitiḥ [dehasadbhāve 
turyapadārūḍhivirodhādityarthaḥ |] ? ityāśaṅkyāha -

bhūtakañcukī tadā vimukto bhūyaḥ
patisamaḥ paraḥ || 42 ||

tadeti abhilāṣakṣayāt jīvasaṃkṣaye puryaṣṭakapramātṛtābhimānavigalane sati 
ayaṃ bhūtakañcukī śarīrārambhīṇi bhūtāni kañcukamiva vyatiriktaṃ 
prāvaraṇamiva na tu ahantāpadaspa-

p. 135) 

rśīni [kalpitapuryaṣṭakādiśarīre paśujanavat 
parimitāhaṃbhāvavigalanādityarthaḥ |] yasya tathābhūtaḥ san vimukto 
nirvāṇabhāk yato bhūyo bāhulyena patisamaḥ 
cidghanapārameśvarasvarūpāviṣṭaḥ tata eva paraḥ pūrṇaḥ śarīravṛttirvratam 
(3-26) ityuktasūtrārthanītyā dalakalpe [dalaḥ jīrṇanirmokaḥ | 
idaṃ tātparyam yathā muktāyāṃ tvaci sarpasya ahantābhimānāgrahaṇam evaṃ 
śivajñānābhyasanena pṛthaktayā parāmṛṣṭe dehādau 
pramātṛtābhimānābhāvaḥ | yadvā dalaḥ khaḍgapidhānam yathā 
khaḍgādvyatiriktaḥ tathā vyatirikte dehe tatpramātṛbhāvena nāyaṃ spṛśyate |
] dehādau sthito'pi na tatpramātṛtāsaṃskāreṇāpi spṛṣṭaḥ | taduktaṃ 
śrīkularatnamālāyāṃ

yadā guruvaraḥ samyak kathayettanna saṃśayaḥ |
muktastenaiva kālena yantrastiṣṭhati kevalam ||

kiṃ punaścaikatānastu [ekatāno'nanyavṛttirityarthaḥ |] pare brahmaṇi 
yaḥ sudhīḥ |
kṣaṇamātrasthito yogī sa mukto mocayetprajāḥ ||

iti | śrīmṛtyujityapi

nimeṣonmeṣamātraṃ tu tattvaṃ yadyupalabhyate |
tadaiva kila mukto'sau na punarjanma cāpnuyāt ||

iti | kulasāre'pi

p. 136) 

aho tattvasya māhātmyaṃ jñātamātrasya sundari |
śrotrāntaraṃ tu saṃprāpte tatkṣaṇādeva mucyate ||

iti || 42 ||

nanu bhūtakañcukitvamapi asya kasmāt tadaiva na nivartate ! ityāha -

naisargikaḥ prāṇasaṃbandhaḥ || 43 ||

nisargāt svātantryātmanaḥ svabhāvāt āyāto naisargikaḥ prāṇasaṃbandhaḥ saṃvit 
kila bhagavatī viśvavaicitryam avabibhāsayiṣuḥ saṃkocāvabhāsapūrvakaṃ 
saṃkucadaśeṣaviśvasphurattātmakaprāṇanārūpagrāhakabhūmikāṃ śritvā 
grāhyarūpajagadābhāsātmanā sphuratīti naisargikaḥ svātantryāt 
prathamamudbhāsito'syāḥ prāṇasaṃbandhaḥ [naisargikaprāṇasaṃbandhāt 
tadavasthityavadhiḥ kañcukāvasthitiḥ tayoḥ sāhacaryaṃ 
mitapramātṛniṣpāditakārmapāśādhīnam | ataśca 
prāktanasaṃcitamiśrakarmotpannaṃ bhogāyatanaṃ 
prārabdhopanatabhogyabhogādeva kṣīyate nānyathā tasmāt tattvavido vapuṣaḥ 
cakrabhramivat avasthānamārabdhabhogātivāhanaprayojanam ityarthaḥ |] | tathā 
ca śrīvājasaneyāyām

yā sā śaktiḥ parā sūkṣmā vyāpinī nirmalā śivā |
śakticakrasya jananī parānandāmṛtātmikā ||

p. 137) 

mahāghoreśvarī caṇḍā sṛṣṭisaṃhārakārikā |
trivahaṃ trividhaṃ tristhaṃ balātkālaṃ prakarṣati [prāṇapariṇatā jīvanarūpā 
parā śaktiḥ ghorātighorādiśakticakrajananāt tadīśitrī svarūpagopanonmukhatvāt 
caṇḍarūpā tasyā eva truṭyādiśaktikālaparimitiparyantaṃ kālakarṣaṇāt 
tatsṛṣṭisaṃhartṛtvam | trivahamiti triṣu iḍāpiṅgalāsuṣumnāmārgeṣu vahati iti 
trividhaṃ somasūryāgnirūpam tristham atītādiṣu sthitam |] ||

iti saṃvida eva bhagavatyāḥ prāṇakrameṇa 
nāḍitrayavāhisomasūryavahnyātmāvasthitātītānāgatavartamānarūpabāhyakālollā
sanavilāpanakāritvamuktam [ullāsanaṃ bahiḥsṛṣṭiḥ vilāpanam antaḥ 
saṃharaṇam |] | taduktaṃ svacchande'pi

prāṇaḥ [hakārastu smṛtaḥ prāṇa iti 
yo'śeṣavācyavācakāvibhāgavimarśamayo halākṛtiḥ prāṇa uktaḥ sa eva 
svātantryāvabhāsitasaṃkocapuraḥsaramavarohaṇakrameṇa prakṛtaṃ rūpaṃ yasya 
prāṇanarūpasāmānyaprāṇasya sa visargāpūraṇaṃ prati sarvaireva suṣirabhāgaiḥ 
bahiḥ tattadbhāvāvabhāsasṛṣṭirūpavisargārthaṃ tadavabhāsapuraḥsaraṃ 
praveśayuktyā tadāharaṇena antaḥ āpūraṇārthaṃ prakarṣeṇa ananāt dhvananāt 
arthajighṛkṣāgrahaṇaviśrāntidaśocitāt vimarśāt prāṇa ityarthaḥ | etadeva 
sphuṭayati nityamiti | sarvadehagato'pi ayaṃ prāṇināmurasi 
sphuṭamupalabhyamānatvena avasthito nityamāpūrayan arthāt prāṇino'rthān ca 
praveśanirgamābhyāṃ vimarśamayaṃ jīvanaṃ kurute ityuttareṇa saṃbandhaḥ |
] prāṇamayaḥ prāṇo visargāpūraṇaṃ prati |
nityamāpūrayatyeṣa prāṇināmurasi sthitaḥ ||

iti | prāṇasya

p. 138) 

hakārastu [yo'yaṃ hal ākṛtiḥ yasya sa anacko'nāhatadhvanyātmā 

svayamuccarate devi prāṇināmurasi sthitaḥ |

iti nītyā svapravṛttaḥ

nādākhyaṃ yatparaṃ bījam .................

iti tantrāntaroktasthityā sarvasya svataḥ sphuran sa eṣa prāṇaḥ prāṇanāparaparyāyo 
jīvaḥ smṛto gurupāraṃparyeṇa avicchedena adhītaḥ |

atha ca dhūlibhedānusāreṇa halākṛtiḥ aśeṣaṃ viśvaṃ garbhīkṛtya 
kuṇḍalinyākāraḥ prasuptabhujagarūpaḥ svapravṛttaḥ svayameva 
nādāmarśarūpatāṃ nimajjya prāṇātmakaṃ rūpamāviśya sthitaḥ yataḥ 
pārameśī bodhākhyā śaktiḥ viśvaṃ garbhīkṛtya parā kuṇḍalikā satī 
vimarśarūpatayā nādātmavarṇakuṇḍalikātmatayā bhāti ityāmnāyaḥ | evaṃ ca 
vyākhyātarūpaḥ prāṇa eva haṃsaḥ ūrdhvamadhaśca svarasena vahan 
hānasamādānadharmakahakārasakāravimarśarūpatayā sphuraṇāt |] smṛtaḥ 
prāṇaḥ supravṛtto halākṛtiḥ |

ityuktanītyā śrīsvacchandabhaṭṭārakarūpaprāṇamayatvāt visargāpūratayā 
sṛṣṭisaṃhārakāritvamabhihitam iti yuktamuktam naisargikaḥ prāṇasaṃbandhaḥ 
iti | ata eva śrībhaṭṭakallaṭena prāṇākhyanimittadārḍhyam 

prāk saṃvit prāṇe pariṇatā |

iti tattvārthacintāmaṇāvuktam || 43 ||

ataśca sthite'pi naisargike prāṇasaṃbandhe yastadārūḍha [tadārūḍha iti 
prāṇanārūpagrāhakabhūmikāmāśrita ityarthaḥ |] āntarīṃ kalāṃ 
vimṛśannāste sa lokottara eva ityāha -

p. 139) 

nāsikāntarmadhyasaṃyamāt kimatra
savyāpasavyasauṣumneṣu || 44 ||

sarvanāḍīcakrapradhānarūpeṣu savyāpasavyasauṣumneṣu 
dakṣiṇavāmamadhyanāḍīpadeṣu yā nāsikā nasate kauṭilyena vahati iti kṛtvā 
kuṭilavāhinī prāṇaśaktiḥ tasyāḥ antariti āntarī saṃvit tasyāḥ api madhyaṃ 
sarvāntaratamatayā pradhānam |

tasya devātidevasya parabodhasvarūpiṇaḥ |
vimarśaḥ paramā śaktiḥ sarvajñā jñānaśālinī ||

iti śrīkālikākramoktanītyā yat vimarśamayaṃ rūpaṃ tatsaṃyamāt 
antarnibhālanaprakarṣāt [bhūyobhūyaḥ antarmukhasvarūpe dārḍhyena 
avahitatvāt cittadhāraṇaṃ nibhālanam bhala dhāraṇe iti dhātvarthāt |] kimatra 
ucyate ayaṃ hi sarvadaśāsu dedīpyamāno nirvyutthānaḥ paraḥ samādhiḥ | 
taduktaṃ śrīvijñānabhairave

grāhyagrāhakasaṃvittiḥ sāmānyā sarvadehinām |
yogināṃ tu viśeṣo'yaṃ saṃbandhe sāvadhānatā 
[prāṇāpānagatyātmagrāhyagrāhakavijñānaṃ sarvapramātṛsādhāraṇam 
yogināṃ tu tatsaṃcāre parapramātrāveśāvahitatvam |] ||

iti || 44 ||

p. 140) 

evamīdṛśasya yogaphalaṃ darśayan prakaraṇamupasaṃharati -

bhūyaḥ [bhūyaḥśabdasya bāhulyapunastvarūpadvaiyarthyam |] 
syātpratimīlanam || 45 ||

caitanyātmanaḥ svarūpāt uditasya asya viśvasya bhūyaḥ punaḥ 
vigalitabhedasaṃskārātmanā bāhulyena ca pratimīlanam caitanyābhimukhyena 
nimīlanaṃ punarapi caitanyātmasvasvarūponmīlanarūpaṃ parayogābhiniviṣṭasya 
yogino bhavati | taduktaṃ śrīsvacchande

unmanāparato [samanāśakteḥ parato ya ātmana unmanāśaktiyogaḥ sa 
tādātmyarūpaḥ tatra aunmanase paramaśivadhāmni nirvikalpavimarśo'pi nāsti 
vedyatvābhāvāt | vedyatāyā samanāvadheḥ pāśajālamayatayā savikalparūpatvāt |
] devi tatrātmānaṃ niyojayet |
tasminyuktastato hyātmā tanmayaśca prajāyate ||

iti | tathā ca 

udbodhito yathā vahnirnirmalo'tīva bhāsvaraḥ |
na bhūyaḥ praviśetkāṣṭhe tathātmādhvana [ṣaḍadhvātmanaḥ 
pāśajālādityarthaḥ |] uddhṛtaḥ ||

malakarmakalādyaistu nirmalo vigataklamaḥ |
tatrastho'pi na bādhyeta yato'tīva sunirmalaḥ ||

p. 141) 

iti | bhūyaḥ syādityabhidadhato'yamāśayaḥ yat śivatvamasya yogino na apūrvam 
api tu svabhāva eva kevalaṃ māyāśaktyutthāpitasvavikalpadaurātmyāt 
bhāsamānamapi tat nāyaṃ pratyavamraṣṭuṃ kṣamaḥ ityasya 
uktopāyapradarśanakrameṇa tadeva abhivyajyate iti śivam || 45 ||

seyamāgamasaṃvādaspandasaṃgaisundarā |
vṛttiḥ śaivarahasyārthe śivasūtreṣu darśitā || 1 ||

śivarahasyanidarśanasaṃsravan -

navanavāmṛtasārarasolbaṇām |
sukṛtino rasayantu bhavacchide
sphuṭamimāṃ śivasūtravimarśinīm || 2 ||

iyamarocakināṃ rucivardhinī
pariṇatiṃ tanute paramāṃ mateḥ |
rasanamātrata eva sudhaughavat-
mṛtijarājananādibhayāpahṛt || 3 ||

dehaprāṇasukhādibhiḥ parimitāhantāspadaiḥ saṃvṛta-
ścaitanyaṃ cinute nijaṃ na sumahanmāheśvaraṃ svaṃ janaḥ |
madhye bodhasudhābdhi viśvamabhitastatphenapiṇḍopamaṃ
yaḥ paśyedupadeśatastu kathitaḥ sākṣātsa ekaḥ śivaḥ || 4 ||

p. 142) 

tarata tarasā saṃsārābdhiṃ vidhatta pare pade
padamavicalaṃ nityālokapramodasunirbhare |
vimṛśata śivaproktaṃ sūtraṃ rahasyasamujjvalaṃ
prasabhavilasatsadyuktyāntaḥ samutplavadāyi tat || 5 ||

iti śrīmanmahāmāheśvarācāryavaryābhinavaguptapādapadmopajīvi##-
nāma tṛtīya unmeṣaḥ || 3 ||

samāptā ceyaṃ śivasūtravimarśinī ||

kṛtiḥ śrīkṣemarājasya kṣemāyāstu vimarśinām |
śivasvātmaikyabodhārthā śivasūtravimarśinī ||




###########   END OF FILE  #######